T/r

Chora-tadbirlar nomi

Normativ-huquqiy hujjat va amalga oshirish mexanizmi

Ijro muddati

Masʼul ijrochilar

I. Qurilish sohasini tartibga soluvchi normativ-huquqiy hujjatlar

1.

Qurilishi tugallangan obyektlarni foydalanishga qabul qilishda yagona huquqni qoʻllash amaliyotini joriy etish hamda mamlakatda qurilish sohasiga oid biznes muhiti yanada yaxshilanishini taʼminlash.

Oʻzbekiston Respublikasi Prezidenti Farmoni loyihasi. Loyihada:

Oʻzbekiston Respublikasi Prezidentining 2018-yil 14-noyabrdagi PF-5577-son “Qurilish sohasini davlat tomonidan tartibga solishni takomillashtirish qoʻshimcha chora-tadbirlari toʻgʻrisida”gi Farmonida belgilangan shtatida tegishli sertifikatga ega muhandis mavjud boʻlmagan yuridik shaxslarning loyihalash faoliyatini amalga oshirishiga ruxsat berish amaliyotini bekor qilish;

Oʻzbekiston muhandislar-konsultantlar uyushmasi tomonidan qurilish sohasidagi mutaxassislarni sertifikatlash tartibini belgilash;

Oʻzbekiston Respublikasi Prezidentining 2020-yil 13-martdagi PF-5963-son “Oʻzbekiston Respublikasining qurilish sohasida islohotlarni chuqurlashtirishga doir qoʻshimcha chora-tadbirlar toʻgʻrisida”gi Farmonining 1-bandi “b” va “v” kichik bandlaridan, Vazirlar Mahkamasining 2020-yil 9-noyabrdagi 699-son qarori bilan tasdiqlangan nizomning Loyiha-qidiruv tashkilotlari reytingini hisoblash mezonlari hamda Qurilish-pudrat tashkilotlari reytingini aniqlash mezonlaridan “boshqa mezonlar” jumlasini chiqarib tashlash nazarda tutiladi.

2021-yil 1-dekabr

Qurilish vazirligi, manfaatdor vazirlik va idoralar

2.

Loyihaoldi, loyiha, tender hujjatlari va kontraktlarni ekspertizadan oʻtkazishda qonuniylik, ochiqlik va shaffoflikni taʼminlash.

“Oʻzbekiston Respublikasi Prezidentining 2018-yil 20-fevraldagi PQ-3550-son “Loyihaoldi, loyiha, tender hujjatlari va kontraktlarni ekspertizadan oʻtkazish tartibini takomillashtirish chora-tadbirlari toʻgʻrisida”gi qaroriga oʻzgartirish va qoʻshimchalar kiritish” toʻgʻrisidagi Oʻzbekiston Respublikasi Prezidentining qarori loyihasi. Loyihada:

qarorning davlat tilidagi va rus tilidagi matnini bir-biriga muvofiqlashtirish;

loyihalarning texnik-iqtisodiy asoslanishini yoki texnik-iqtisodiy hisob-kitobini kompleks ekspertizadan oʻtkazish uchun haq undirish tartibini belgilash;

ekspertiza uchun kiritilayotgan hujjatlarning tuzilishi va mazmuniga qoʻyiladigan aniq talablarni belgilab, Nizomning 11-bandi toʻqqizinchi xatboshisidan “va boshqa qonun hujjatlari” soʻzlarini chiqarib tashlash;

Loyihaoldi, loyiha, tender hujjatlari va kontraktlarni ekspertizadan oʻtkazish tartiblarini “Davlat xaridlari toʻgʻrisida”gi Qonunga muvofiqlashtirish;

tashabbuskor (buyurtmachi) investitsiyaviy va infratuzilmaviy loyihalarning loyihaoldi va loyiha hujjatlarini takroriy ekspertizadan oʻtkazish uchun Loyihalar va import kontraktlarini kompleks ekspertiza qilish markazi DUKga kiritilganda ilova qilishi talab etiladigan hujjatlar roʻyxatini belgilash;

davlat xaridi uchun tender hujjatlari va texnik topshiriqni ekspertizadan oʻtkazish boʻyicha ijobiy xulosa berishni hamda kontraktlarni ekspertizadan oʻtkazish rad etilganda shikoyat qilish tartibi va mexanizmini belgilash. Bunda Nizomda foydalanilgan noaniq havolalarni (“qonunchilikda belgilangan tartibda”, “belgilangan tartibda” soʻzlari) chiqarib tashlash nazarda tutiladi.

2022-yil 1-fevral

Iqtisodiy taraqqiyot va kambagʻallikni qisqartirish vazirligi, Qurilish vazirligi, manfaatdor vazirlik va idoralar

3.

Qishloq xoʻjaligiga moʻljallanmagan boʻsh turgan yer uchastkalarini berish hamda arxitektura-qurilish ishlarini amalga oshirishda, shuningdek qurilish-montaj ishlari sifatini tubdan yaxshilash va qurilishni nazorat qilishda qonuniylik, ochiqlik va shaffoflikni taʼminlash.

Oʻzbekiston Respublikasi Prezidenti qarori loyihasi. Loyihada:

yer uchastkasi elektron onlayn-auksionda ikki oy mobaynida sotilmagan taqdirda, yer uchastkasini birlashtirish yoki alohida qismlarga ajratish haqida ariza berishi mumkin boʻlgan manfaatdor shaxslar doirasini Oʻzbekiston Respublikasi Prezidentining 2019-yil 26-avgustdagi PQ-4427-son “Qishloq xoʻjaligiga moʻljallanmagan boʻsh turgan yer uchastkalarini berish hamda arxitektura-qurilish ishlarini amalga oshirish tartib-taomillarini yanada takomillashtirish chora-tadbirlari toʻgʻrisida”gi qarorida aniq belgilash;

Vazirlar Mahkamasining 2018-yil 31-iyuldagi 603-son “Oʻzbekiston Respublikasi Qurilish vazirligi, uning tarkibiy boʻlinmalari, shuningdek, Respublika va hududiy arxitektura-shaharsozlik kengashlari toʻgʻrisidagi nizomlarni tasdiqlash haqida”gi qarorida belgilangan Qoraqalpogʻiston Respublikasi Qurilish vazirligi, viloyatlar va Toshkent shahar qurilish bosh boshqarmalari hamda tuman (shahar) qurilish boʻlimlarining shaharsozlik toʻgʻrisidagi qonun hujjatlarining buzilishiga oid huquqbuzarliklar toʻgʻrisida bayonnomalarni tuzish vakolatini bekor qilish;

Vazirlar Mahkamasining 2020-yil 28-maydagi 343-son “Oʻzbekiston Respublikasi Qurilish vazirligi huzuridagi Qurilish sohasida nazorat inspeksiyasi faoliyatiga oid normativ-huquqiy hujjatlarni tasdiqlash toʻgʻrisida”gi qarorida:

Qurilish sohasida nazorat inspeksiyasi hamda qurilish sohasida hududiy nazorat inspeksiyalarining har chorakda jamoatchilik oldida hisobot berib borishini belgilash;

qaror bilan tasdiqlangan Oʻzbekiston Respublikasi Qurilish vazirligi huzuridagi Qurilish sohasida nazorat inspeksiyasi toʻgʻrisidagi nizomning 32-bandi “v” kichik bandi toʻrtinchi xatboshisida “oʻn oylik bazaviy hisoblash miqdori”, “va boshqalar uchun” soʻzlariga aniqlik kiritib, moddiy yordam puli berish holatlari va miqdorini aniq belgilash;

barcha qurilish obyektlarida, shu jumladan yakka tartibdagi uy-joy qurish obyektlarida nazorat funksiyalari vakolatli organni xabardor qilgan holda amalga oshirilishi lozimligini belgilash;

Qurilish sohasida nazorat inspeksiyasi hamda qurilish sohasida hududiy nazorat inspeksiyalari tomonidan foydalanishga qabul qilingan uy-joylar, shu jumladan koʻp kvartirali uy-joylar tasnifi boʻyicha (uy-joylar va kvartiralar soni, kvartiralarning maydoni, ular qurilayotgan joy va boshqalar) elektron maʼlumotlar bazasini yuritilishi va doimiy yangilab borilishini belgilash;

Vazirlar Mahkamasining 2020-yil 20-avgustdagi 496-son “Obyektlarda davlat qurilish nazoratini amalga oshirish boʻyicha maʼmuriy reglament hamda obyektlarning xavf-xatarlar toifalari tasnifini tasdiqlash toʻgʻrisida”gi qarorida:

davlat qurilish nazoratini amalga oshirish jarayonida oshkoralik va shaffoflikni taʼminlash tartibini belgilash;

barcha qurilish obyektlarida, shu jumladan yakka tartibdagi uy-joy qurish obyektlarida davlat qurilish nazorati vakolatli organni xabardor qilgan holda amalga oshirilishi lozimligini belgilash;

davlat qurilish nazoratini amalga oshiruvchi hududiy inspeksiya inspektorining qurilish nazoratini amalga oshirish jarayonidagi majburiyatlarini hamda ularning harakatlari ustidan shikoyat qilish tartibini belgilash nazarda tutiladi.

2022-yil 1-yanvar

Qurilish vazirligi, Kadastr agentligi, manfaatdor vazirlik va idoralar

4.

Obyektlarni “fast-track” usuli (bir vaqtning oʻzida loyihalashtirish, xarid qilish va qurilish ishlari) bilan “tayyor holda topshirish” shartlari asosida qurishga ruxsat berishda qonuniylik, ochiqlik va shaffoflikni taʼminlash.

Vazirlar Mahkamasining qarori loyihasi. Loyihada:

Oʻzbekiston Respublikasi Prezidentining 2018-yil 22-maydagi PF-5445-son “Kapital qurilishda loyiha va qurilish ishlarini amalga oshirish tartibini optimallashtirish boʻyicha qoʻshimcha chora-tadbirlar toʻgʻrisida”gi, 2018-yil 14-noyabrdagi PF-5577-son “Qurilish sohasini davlat tomonidan tartibga solishni takomillashtirish qoʻshimcha chora-tadbirlari toʻgʻrisida”gi hamda 2020-yil 13-martdagi PF-5963-son “Oʻzbekiston Respublikasining qurilish sohasida islohotlarni chuqurlashtirishga doir qoʻshimcha chora-tadbirlar toʻgʻrisida”gi farmonlari asosida “fast-track” usuli (bir vaqtning oʻzida loyihalashtirish, xarid qilish va qurilish ishlari) bilan “tayyor holda topshirish” shartlari (Engineering Procurement Construction) asosida obyektlarni qurishga ruxsat berish tartibini ishlab chiqish nazarda tutiladi.

2021-yil 1-dekabr

Qurilish vazirligi, manfaatdor vazirlik va idoralar

5.

Qurilish sohasidagi faoliyatni litsenziyalash hamda akkreditatsiya qilishda qonuniylik, ochiqlik va shaffoflikni taʼminlash.

Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida”gi qarori loyihasi. Loyihada:

Vazirlar Mahkamasining 2003-yil 24-sentabrdagi 410-son “Qurilish sohasidagi faoliyatni litsenziyalash toʻgʻrisidagi nizomlarni tasdiqlash haqida”gi qarorida:

qurilish sohasida litsenziyalar berish va ularni bekor qilish, ularning amal qilishini toʻxtatish toʻgʻrisidagi qarorlar Qurilish vazirligi tomonidan qabul qilinishini belgilash;

balandliklarda sanoat alpinizmi usullarida taʼmirlash, qurilish-montaj ishlarini bajarish, koʻpriklar va tonnellarni, mudofaa obyektlarini, xavfi yuqori boʻlgan obyektlarni hamda potensial xavfli ishlab chiqarishlarni loyihalashtirish, qurish, ulardan foydalanish va ularni taʼmirlash faoliyatini amalga oshirish huquqini beradigan litsenziyalarning amal qilish muddati cheklanmagan holda berilishini belgilash;

balandliklarda sanoat alpinizmi usullarida taʼmirlash, qurilish-montaj ishlarini bajarish, koʻpriklar va tonnellarni, mudofaa obyektlarini, xavfi yuqori boʻlgan obyektlarni hamda potensial xavfli ishlab chiqarishlarni loyihalashtirish, qurish, ulardan foydalanish va ularni taʼmirlash faoliyatini amalga oshirish huquqini beradigan litsenziyani olish yoki amal qilish muddatini uzaytirish uchun ariza va unga ilova qilinadigan hujjatlarni topshirish “Litsenziya” axborot tizimi orqali amalga oshirilishini belgilash;

litsenziya berish toʻgʻrisida qaror qilinganda, litsenziya talabgori davlat bojini toʻlashi lozim boʻlgan muddatni hamda litsenziya berishni rad etish toʻgʻrisida qaror qabul qilinganda, litsenziya talabgori rad etishning sabablarni bartaraf etib hujjatlarni takroran koʻrib chiqish uchun taqdim etishi mumkin boʻlgan muddatni aniq belgilash;

litsenziat davriy nashrlarda yoʻqolgan litsenziyaning haqiqiy emasligi toʻgʻrisida xabar berishi bilan bogʻliq tartibni bekor qilish;

balandliklarda sanoat alpinizmi usullarida taʼmirlash, qurilish-montaj ishlarini bajarish, koʻpriklar va tonnellarni, mudofaa obyektlarini, xavfi yuqori boʻlgan obyektlarni hamda potensial xavfli ishlab chiqarishlarni loyihalashtirish, qurish, ulardan foydalanish va ularni taʼmirlash faoliyatini amalga oshirish huquqini beradigan litsenziya litsenziati tomonidan litsenziya talablari va shartlariga rioya etilishini rejali tekshirish tartibini bekor qilish;

Vazirlar Mahkamasining 2019-yil 7-maydagi 381-son “Qurilish sohasidagi ayrim faoliyat turlarini litsenziyalash va akkreditatsiya qilish toʻgʻrisida”gi qarorida:

arxitektura-shaharsozlik hujjatlarini ishlab chiqish faoliyatini litsenziyalash hamda Qurilish loyihalarini ekspertizadan oʻtkazuvchi yuridik shaxslarni akkreditatsiya qilish uchun undiriladigan davlat boji va yigʻimning 11,25 foizini Axborot texnologiyalari va kommunikatsiyalarini rivojlantirish vazirligining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisob raqamiga oʻtkazish tartibini belgilash;

arxitektura-shaharsozlik hujjatlarini ishlab chiqish faoliyatini amalga oshirish huquqini beruvchi litsenziyani uning haqqoniyligini onlayn tekshirish imkonini beradigan QR-kod (matrik shtrixli kod) qoʻygan holda rasmiylashtirishni belgilash;

arxitektura-shaharsozlik hujjatlarini ishlab chiqish faoliyatini amalga oshirish huquqini beruvchi litsenziya litsenziati tomonidan litsenziya talablari va shartlariga rioya etilishini rejali tekshirish tartibini bekor qilish;

akkreditatsiya qilish talablari va shartlariga rioya etilishi ustidan nazoratni amalga oshirishda akkreditatsiyalovchi organning tadbirkorlik subyektlari oldidagi majburiyatlarini belgilash nazarda tutiladi.

2021-yil 1-dekabr

Qurilish vazirligi, manfaatdor vazirlik va idoralar

6.

Markazlashtirilgan investitsiyalar hisobiga moliyalashtiriladigan investitsiya loyihalarini loyihalashtirish hamda ekspertizadan oʻtkazishda qonuniylik, ochiqlik va shaffoflikni taʼminlash.

Vazirlar Mahkamasining 2016-yil 22-yanvardagi 15-son “Markazlashtirilgan investitsiyalar hisobiga moliyalashtiriladigan investitsiya loyihalarini loyihalashtirish ishlarini va ekspertizadan oʻtkazishni takomillashtirishga doir qoʻshimcha chora-tadbirlar toʻgʻrisida”gi qaroriga oʻzgartirish va qoʻshimchalar kiritish boʻyicha Hukumat qarori loyihasi. Loyihada:

Vazirlar Mahkamasining “Markazlashtirilgan investitsiyalar hisobiga moliyalashtiriladigan investitsiya loyihalarini loyihalashtirish ishlarini va ekspertizadan oʻtkazishni takomillashtirishga doir qoʻshimcha chora-tadbirlar toʻgʻrisida”gi qaroriga 1 — 4 va 6-ilovalar davlat tilidagi matnda berilishini taʼminlash;

davlat ekspertizasini oʻtkazish jarayonida shaharsozlik hujjatlarida aniqlangan kamchiliklar xulosa chiqarishga imkon bermagan taqdirda, buyurtmachi davlat ekspertizasi organining bu haqidagi xabarnomasini olgan kundan boshlab 30 kun muddat ichida aniqlangan kamchiliklarni bartaraf etishi mumkinligini belgilash;

hududiy davlat ekspertizasi boshqarmalari tomonidan III murakkablik toifasidagi obyektlarning, shuningdek respublikaning boshqa hududlarida joylashgan obyektlarning davlat ekspertizasi oʻtkazilishi mumkin boʻlgan holatlarni belgilash;

shartnomaga muvofiq ishlab chiqarish obyektlari va ijtimoiy obyektlar muddatidan oldin foydalanishga topshirilgan taqdirda pudratchiga oʻtkaziladigan bonusning aniq miqdorini belgilash nazarda tutiladi.

2021-yil 1-dekabr

Qurilish vazirligi, manfaatdor vazirlik va idoralar

7.

Arxitektura va qurilish sohasida davlat xizmatlari koʻrsatish jarayonida qonuniylik, ochiqlik va shaffoflikni taʼminlash.

Vazirlar Mahkamasining 2018-yil 18-maydagi 370-son “Arxitektura va qurilish sohasida davlat xizmatlari koʻrsatishning ayrim maʼmuriy reglamentlarini tasdiqlash toʻgʻrisida”gi qaroriga oʻzgartirish va qoʻshimchalar kiritish boʻyicha Hukumat qarori loyihasi. Loyihada:

Arxitektura va qurilish sohasida davlat xizmatlari koʻrsatish jarayonida jismoniy va yuridik shaxslardan undiriladigan davlat boji va yigʻimning 11,25 foizini Axborot texnologiyalari va kommunikatsiyalarini rivojlantirish vazirligining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisob raqamiga oʻtkazish tartibini belgilash;

shaharsozlik toʻgʻrisidagi qonun hujjatlariga, shaharsozlik faoliyati sohasida texnik tartibga solish normativ hujjatlariga amal qilinishi, qurilish-montaj ishlari sifati va toʻliq bajarilishi yuzasidan inspeksiya tomonidan nazorat funksiyalarining amalga oshirilishi uchun xabarnoma yuboruvchi tomonidan hududiy inspeksiyalarga ajratmalar miqdorini qurilish-montaj ishlari qiymatining 0,2 foizigateng yagona miqdorda belgilash;

qaysi toifadagi yer uchastkalarida joylashgan qurilmalarni turar joy xonalari sifatida qayta ixtisoslashtirish uchun ruxsatnoma olish mumkinligini aniq belgilash;

arxitektura-rejalashtirish topshirigʻini qogʻoz shaklda chiqarib, muhr bosish amaliyotini bekor qilish va haqqoniyligini onlayn tekshirish imkonini beradigan QR-kod (matrik shtrixli kod) qoʻyilgan holda rasmiylashtirish;

loyiha tashkilotlari qurilish hajmi 500 kvadrat metrdan ortiq boʻlmagan obyektlarni bevosita tuman (shahar) qurilish boʻlimlari bilan kelishishini belgilash;

qurilish-montaj ishlarini boshlash uchun tadbirkorlik subyektlari tomonidan xabarnoma yuborish tartibini bekor qilish;

qurilish hajmi 500 kvadrat metrdan ortiq boʻlmagan davlat xaridlari subyektlarining mablagʻlari hisobiga moliyalashtiriladigan obyektlarni foydalanishga qabul qilishda Qurilish sohasida nazorat inspeksiyasi va qurilish sohasida hududiy nazorat inspeksiyalarining ruxsati talab etilmasligini belgilash nazarda tutiladi;

pudrat tashkilotlari tomonidan quriladigan (qurilgan) koʻp kvartirali uy-joylardagi xar bir kvartiraning tasnifi boʻyicha maʼlumotlarni taqdim etish shaklini belgilash.

2021-yil 1-dekabr

Qurilish vazirligi, manfaatdor vazirlik va idoralar

8.

Uzoq masofada joylashgan va muhim ahamiyatga ega boʻlgan obyektlarda qurilish-montaj ishlarini amalga oshirishning vaxta usulini qoʻllashda qonuniylik, ochiqlik va shaffoflikni taʼminlash.

Vazirlar Mahkamasining 2020-yil 9-oktabrdagi 636-son “Uzoq masofada joylashgan va muhim ahamiyatga ega boʻlgan obyektlarda qurilish-montaj ishlarini amalga oshirishning vaxta usuli toʻgʻrisidagi nizomni tasdiqlash haqida”gi qaroriga oʻzgartirish va qoʻshimchalar kiritish boʻyicha Hukumat qarori loyihasi. Loyihada:

ishlarni vaxta usulida tashkil etishda xodimlarning mehnatiga haq toʻlash tartibini soddalashtirish;

vaxta usulida ishlarni bajarayotgan xodimlarning ish haqiga nisbatan koeffitsiyentlar qoʻllanilishi tartibini aniq belgilash;

vaxta usulida ishlarni bajarayotgan xodimlarni har qanday holatda ham ish vaqtidan koʻproq vaqt ishlashga jalb etishga yoʻl qoʻyilmasligini belgilash nazarda tutiladi.

2021-yil 1-dekabr

Qurilish vazirligi, Bandlik va mehnat munosabatlari vazirligi, manfaatdor vazirlik va idoralar

9.

Qishloq joylarda koʻp kvartirali uy-joylar quradigan tadbirkorlik subyektlarini aniqlash boʻyicha tanlovlar oʻtkazishda qonuniylik, ochiqlik va shaffoflikni taʼminlash.

Vazirlar Mahkamasining 2020-yil 4-iyundagi 355-son “Qishloq joylarda koʻp kvartirali uy-joylarni qurishda tadbirkorlik subyektlarini keng jalb etish chora-tadbirlari toʻgʻrisida”gi qaroriga oʻzgartirish va qoʻshimchalar kiritish boʻyicha Hukumat qarori loyihasi. Loyihada:

tanlov komissiyasining tanlov hujjatlarini va talabgorlarga qoʻyiladigan tanlov takliflarini baholash mezonlarini tasdiqlash, takliflarni texnik va moliyaviy baholash mezonlariga qoʻyiladigan shartlar va talablarni belgilash vakolatlarini bekor qilish;

tanlovlar oʻtkazish toʻgʻrisidagi eʼlonni maxsus axborot portaliga joylashtirish;

talabgorlarning ofertalarini koʻrib chiqish, baholash va taqqoslash natijalari toʻgʻrisidagi axborotni majburiy ravishda eʼlon qilish;

koʻp kvartirali uy-joy qurilishi rejalashtirilgan makromassivlarni tayyor holga keltirish boʻyicha birlamchi ruxsat beruvchi hujjatlarni berishning aniq muddatini belgilash;

tanlov gʻolibi shartnoma tuzishni rad etgan yoki shartnoma belgilangan muddatda uning bajarilish kafolati taqdim etilmagan taqdirda, ikkinchi oʻrinni olgan oferentni gʻolib deb eʼtirof etish tartibini belgilash nazarda tutiladi.

2021-yil 1-dekabr

Qurilish vazirligi, manfaatdor vazirlik va idoralar

10.

Qurilish sohasiga oid oʻz ahamiyatini yoʻqotgan qonunchilik hujjatlarini oʻz kuchini yoʻqotgan deb topish.

Normativ-huquqiy hujjat loyihasi. Loyihada:

Vazirlar Mahkamasining 2009-yil 12-fevraldagi 41-son “Aholi punktlarini kompleks qurishda shaharsozlik normalari va qoidalari qatʼiy bajarilishini nazorat qilishni kuchaytirishga doir qoʻshimcha chora-tadbirlar toʻgʻrisida”gi qarorini;

Davlat arxitektura va qurilish qoʻmitasining 2007-yil 27-noyabrdagi 9-son “Oʻzbekiston Respublikasi Davlat arxitektura va qurilish qoʻmitasi tomonidan qurilish inshootlari uchun qurilish, rekonstruksiya, texnik qayta qurollantirish, loyiha tayyorlash, materiallar, konstruksiyalar va jihozlarni xarid qilish boʻyicha hujjatlarini ekspertizadan oʻtkazish tartibi haqidagi nizomni tasdiqlash toʻgʻrisida”gi qarorini (roʻyxat raqami 1757, 2008-yil 9-yanvar);

Davlat arxitektura va qurilish qoʻmitasining 2009-yil 23-apreldagi 1-son “Markazlashtirilgan manbalar hisobidan moliyalashtiriladigan obyektlar boʻyicha qurilish muddatlari va shartnoma majburiyatlariga rioya etilishi ustidan monitoring yuritish tartibi toʻgʻrisidagi nizomni tasdiqlash haqida”gi qarorini (roʻyxat raqami 1959, 2009-yil 22-may) oʻz kuchini yoʻqotgan deb topish nazarda tutiladi.

2021-yil 1-dekabr

Qurilish vazirligi, manfaatdor vazirlik va idoralar

II. Sogʻliqni saqlash sohasini tartibga soluvchi normativ-huquqiy hujjatlar

11.

Chet el fuqarolari va fuqaroligi boʻlmagan shaxslarga tibbiy yordam koʻrsatishda hamda sud-tibbiyot ekspertizalarini oʻtkazishda qonuniylik, ochiqlik va shaffoflikni taʼminlash.

Normativ-huquqiy hujjat loyihasi. Loyihada:

xorijiy mamlakatlar fuqarolari va fuqaroligi boʻlmagan shaxslarga tibbiy yordam koʻrsatish tartibini Vazirlar Mahkamasining qarori asosida belgilash;

Oʻzbekiston Respublikasi Sogʻliqni saqlash vazirligining sud-tibbiy ekspertiza muassasalarida sud-tibbiyot ekspertizalarini oʻtkazish tartibi toʻgʻrisidagi yoʻriqnomada (roʻyxat raqami 2259, 2011-yil 28-avgust) sud-tibbiy ekspertiza muassasasining xizmat koʻrsatish mintaqasidan tashqarida joylashgan organlar (shaxslar) tomonidan tayinlangan sud-tibbiyot ekspertizasi, istisno tariqasida shu hududdagi tibbiyot birlashmasi tomonidan oʻtkazilishini belgilash nazarda tutiladi.

2022-yil 1-fevral

Sogʻliqni saqlash vazirligi, manfaatdor vazirlik va idoralar

12.

Sogʻliqni saqlash vazirligi tizimining turgʻun davolash-profilaktika muassasalarida ovqatlanishni tashkil etishda hamda viloyat bolalar koʻp tarmoqli tibbiyot markazlari tomonidan tibbiy xizmat koʻrsatishda qonuniylik, ochiqlik va shaffoflikni taʼminlash.

Normativ-huquqiy hujjat loyihasi. Loyihada:

Sogʻliqni saqlash vazirligi tizimidagi turgʻun davolash-profilaktika muassasalarida ovqatlanishni autsorsing asosida yoki muassasaning oʻzi tomonidan tashkil etish mumkin boʻlgan aniq holatlar va mezonlarni belgilash;

Vazirlar Mahkamasining 2008-yil 18-martdagi 48-son “Hududiy sogʻliqni saqlash muassasalarining tashkiliy tuzilmasini va faoliyatini takomillashtirish chora-tadbirlari toʻgʻrisida”gi qarorida:

viloyat bolalar koʻp tarmoqli tibbiyot markazlari tomonidan bepul tibbiy yordam koʻrsatiladigan bolalarning yoshini aniq belgilash;

viloyat koʻp tarmoqli tibbiyot markazlarida koʻrsatiladigan tibbiy xizmat ustidan hududiy sogʻliqni saqlash boshqarmalariga shikoyat qilish tartibini belgilash nazarda tutiladi.

2021-yil 1-dekabr

Sogʻliqni saqlash vazirligi, manfaatdor vazirlik va idoralar

13.

Tibbiy-ijtimoiy muassasalar tomonidan tibbiy ijtimoiy xizmatlar koʻrsatishda qonuniylik, ochiqlik va shaffoflikni taʼminlash.

Normativ-huquqiy hujjat loyihasi. Loyihada:

“Saxovat” internat uylarida pulli xizmat koʻrsatish tartibi va mezonlarini aniq belgilash;

urush va mehnat faxriylari uchun respublika pansionatida pulli xizmat koʻrsatish tartibi va mezonlarini aniq belgilash;

keksalar va nogironligi boʻlgan shaxslar, urush va mehnat faxriylari uchun sanatoriylarda pulli xizmat koʻrsatish tartibi va mezonlarini aniq belgilash;

“Saxovat”, “Muruvvat” internat uylari hamda Urush va mehnat faxriylari uchun respublika pansionatidagi vasiylikka olinganlarni ovqat, kiyim-bosh, poyabzal, ashyoviy taʼminotning boshqa buyumlari va yumshoq anjomlar bilan taʼminlash normalari, tartibi va mezonlari aniq belgilash nazarda tutiladi.

2022-yil 1-fevral

Tibbiy-ijtimoiy xizmatlar agentligi, manfaatdor vazirlik va idoralar

14.

Korrupsiyaga oid huquqbuzarliklarni sodir etish imkoniyatini yaratadigan sogʻliqni saqlash sohasiga oid qonunchilik hujjatlarini qayta koʻrib chiqish, oʻz ahamiyatini yoʻqotgan deb topish.

Normativ-huquqiy hujjat loyihasi. Loyihada:

Vazirlar Mahkamasining 2017-yil 12-maydagi 284-son “Farmatsevtika faoliyatini litsenziyalash tartibini yanada takomillashtirish chora-tadbirlari toʻgʻrisida”gi qarorini Oʻzbekiston Respublikasi Prezidentining 2020-yil 24-avgustdagi PF-6044-son Farmoni asosida qayta koʻrib chiqish;

Vazirlar Mahkamasining 2018-yil 23-martdagi 213-son “Dori vositalari, tibbiy buyumlar va tibbiy texnikani davlat roʻyxatidan oʻtkazish hamda roʻyxatdan oʻtkazilganlik guvohnomasi berish tartibi toʻgʻrisidagi nizomni tasdiqlash haqida”gi qarorini qayta koʻrib chiqish hamda yangi tartibini ishlab chiqish;

Pullik tibbiy xizmat koʻrsatishga bosqichma-bosqich oʻtayotgan davolash-profilaktika muassasalarini moliyalash tartibini (roʻyxat raqami 679, 1999-yil 22-mart) qayta koʻrib chiqish va oʻz kuchini yoʻqotgan deb topish;

oʻrta va kichik tibbiyot xodimlarini ishga qabul qilish hamda ishdan boʻshatishning ochiq va shaffof tizimini yaratish.

2022-yil 1-fevral

Sogʻliqni saqlash vazirligi, manfaatdor vazirlik va idoralar

III. Oliy taʼlim sohasini tartibga soluvchi normativ-huquqiy hujjatlar

15.

Oliy taʼlim muassasalariga hamda Ichki ishlar vazirligi Akademiyasiga oʻqishga qabul qilish, talabalar oʻqishini koʻchirish, qayta tiklash va oʻqishdan chetlashtirishda qonuniylik, ochiqlik va shaffoflikni taʼminlash.

Normativ-huquqiy hujjat loyihasi. Loyihada:

Oʻzbekiston Respublikasi Prezidentining 2019-yil 14-maydagi PQ-4319-son “Oliy taʼlim muassasalariga test sinovlari orqali qabul qilish tizimini takomillashtirish boʻyicha qoʻshimcha chora-tadbirlar toʻgʻrisida”gi qarorida:

Oʻzbekiston Respublikasi taʼlim muassasalariga oʻqishga qabul qilish boʻyicha Davlat komissiyasi tomonidan taʼlim muassasalarining, Toshkent davlat yuridik universiteti tomonidan universitetning bakalavriat taʼlim yoʻnalishlariga mos test sinovi topshiriladigan fanlar majmuasini har yili 15-sentabrga qadar tasdiqlanishi tartibini belgilash;

Vazirlar Mahkamasining 2017-yil 20-iyundagi 393-son “Oliy taʼlim muassasalariga oʻqishga qabul qilish, talabalar oʻqishini koʻchirish, qayta tiklash va oʻqishdan chetlashtirish tartibi toʻgʻrisidagi nizomlarni tasdiqlash haqida”gi qarorida:

ijodiy imtihon olinishi zarur boʻlgan yoʻnalishlardan tashqari, barcha oliy taʼlim muassasalarining magistraturasiga kirish faqat Davlat test markazi tomonidan oʻtkaziladigan test sinovlari asosida amalga oshirilishini belgilash;

davlat grantlari boʻyicha taʼlim olgan yetimlar, I va II guruh nogironligi boʻlgan shaxslar, shuningdek, muddatli harbiy xizmatni oʻtagan (zaxiraga boʻshagan kunlaridan boshlab uch yil mobaynida), akademik taʼtildan belgilangan muddatda qaytgan shaxslar, Hukumat qarorlari va topshiriqlari hamda tizimida oliy taʼlim muassasalari boʻlgan vazirlik va idoralar tomonidan davlat buyurtmasi bilan xorijga oʻqishga yuborilgan va belgilangan muddatda qaytgan talabalar oʻqishga (muayyan kursga) davlat grantlari oʻrinlariga qayta tiklanishi shartligini belgilash;

talabalarning oʻqishini koʻchirish va qayta tiklash haqidagi arizasiga rad javobi beriladigan holatlarni qatʼiy belgilash;

Toshkent davlat yuridik universitetining bir oʻquv yiligacha boʻlgan muddatni xorijiy oliy taʼlim muassasasining yurisprudensiya yoʻnalishida oʻqigan talabasiga oʻqishni tegishli oʻquv semestridan davom ettirish huquqi beriladigan holatlarni qatʼiy belgilash;

sirtqi (maxsus sirtqi) taʼlimdan kunduzgi taʼlimga hamda sirtqi (maxsus sirtqi) taʼlimning bir taʼlim sohasidan ikkinchisiga koʻchirishga ruxsat berish;

oʻqitishning sirtqi shakliga kirish imtihonlari dasturlari, baholash mezonlari va kirish imtihonlari boʻyicha ularga muvofiq keluvchi fanlar majmuasi hamda imtihonlarga ajratiladigan vaqt Davlat qabul komissiyasi tomonidan tasdiqlanishi amaliyotini belgilash;

oliy taʼlim muassasalarining magistraturasiga kirishda abituriyentlardan 086-U-shakldagi tibbiy maʼlumotnoma hamda fotosuratni talab qilish tartibini bekor qilish;

Vazirlar Mahkamasining 2017-yil 1-dekabrdagi 958-son “Oʻzbekiston Respublikasi Ichki ishlar vazirligi Akademiyasining kunduzgi va sirtqi taʼlim shakllariga nomzodlarni tanlash va oʻqishga qabul qilish tartibi toʻgʻrisidagi nizomlarni tasdiqlash haqida”gi qarorida:

Ichki ishlar vazirligi Akademiyasiga oʻqishga qabul qilishda nomzodlardan yashash joyidan tavsifnoma hamda oila aʼzolari koʻrsatilgan maʼlumotnomani talab qilish tartibini bekor qilish;

Ichki ishlar vazirligi Akademiyasining kunduzgi taʼlim shakliga nomzodlarni qabul qilishga toʻsqinlik qiluvchi omillarni aniq belgilash;

Ichki ishlar vazirligi Akademiyasining kunduzgi taʼlim shakliga oʻqishga qabul qilishning dastlabki tanlov bosqichi natijalaridan norozi boʻlgan nomzodlarning shikoyat qilishi tartibini belgilash;

Oʻzbekiston Respublikasi oliy taʼlim muassasalariga “Chaqiriqqacha harbiy taʼlim” yoʻnalishi boʻyicha qabul qilishda kasbiy (ijodiy) imtihon oʻtkazish tartibi toʻgʻrisidagi nizomda (roʻyxat raqami 2995, 2018-yil 5-aprel):

imtihon natijalaridan norozi boʻlgan abituriyentlar oliy taʼlim muassasasi rektorining buyrugʻi bilan tuziladigan apellyatsiya komissiyasiga imtihon natijalari eʼlon qilingan paytdan boshlab 72 soat ichida apellyatsiya berishi mumkinligini belgilash;

apellyatsiya komissiyasi va apellyatsiya berish tartibiga oid alohida reglament ishlab chiqish, oliy taʼlim muassasalariga va Ichki ishlar vazirligi Akademiyasiga oʻqishga qabul qilish, talabalar oʻqishini koʻchirish, qayta tiklash va oʻqishdan chetlashtirish tartibini korrupsiyaga imkon beruvchi normalarni bartaraf qilish maqsadida qayta koʻrib chiqish hamda texnikumlarni muvaffaqiyatli tamomlagan bitiruvchilarni yakka tartibdagi suhbat asosida kirish imtihonlarisiz oʻqishga qabul qilish tartibini ishlab chiqish nazarda tutiladi.

2022-yil 1-yanvar

Oliy va oʻrta maxsus taʼlim vazirligi, Ichki ishlar vazirligi, manfaatdor vazirlik va idoralar

16.

Oliy taʼlim muassasalariga imtiyoz asosida oʻqishga qabul qilishda, imtiyoz beruvchi hujjatlarning taqdim etilishida hamda oliy taʼlim muassasalari talabalarini “Innovatsion gʻoyalar yetakchisi” koʻkrak nishoniga tavsiya qilishda qonuniylik, ochiqlik va shaffoflikni taʼminlash.

Normativ-huquqiy hujjat loyihasi. Loyihada:

Oʻzbekiston Respublikasi Prezidentining 2020-yil 7-maydagi PQ-4708-son “Matematika sohasidagi taʼlim sifatini oshirish va ilmiy-tadqiqotlarni rivojlantirish chora-tadbirlari toʻgʻrisida”gi qarorida:

abituriyent oliy taʼlim muassasasiga oʻqishga kirishda matematika fanidan test sinovi topshirishdan ozod etilishi va maksimal ball berilishi uchun matematikani bilish darajasini baholash sertifikatining talab etiladigan darajasini aniq belgilash;

Vazirlar Mahkamasining 2017-yil 14-noyabrdagi 914-son “Oʻzbekiston Yoshlar ittifoqining faol aʼzolariga oliy taʼlim muassasalariga kirishda imtiyozlar berish toʻgʻrisida”gi qarorida:

Oʻzbekiston yoshlar ittifoqining faol aʼzolarini oliy taʼlim muassasalariga imtiyozli qabul qilish uchun tavsiyanomalarni berish jarayonida nomzodlarni baholash tartibini belgilash;

Oʻzbekiston Respublikasi Vazirlar Mahkamasining 2018-yil 2-oktabrdagi 786-son “Innovatsion gʻoyalar yetakchisi” koʻkrak nishonini taʼsis etish chora-tadbirlari toʻgʻrisida”gi qarorida:

“Innovatsion gʻoyalar yetakchisi” koʻkrak nishoni bilan taqdirlashga tavsiya etilgan oliy taʼlim muassasalari talabalaridan talab etiladigan hujjatlar roʻyxatini qatʼiy belgilash;

Vazirlar Mahkamasining 2019-yil 13-maydagi 395-son “Oliy taʼlim muassasalariga oʻqishga qabul qilishda milliy hamda xalqaro baholash tizimlari sertifikatlarini tatbiq qilish chora-tadbirlari toʻgʻrisida”gi qarorida:

Toshkent davlat yuridik universitetining magistratura mutaxassisliklariga hujjat topshirgan abituriyentlar chet tili fanidan imtihonlarsiz belgilangan maksimal ball olishi uchun milliy yoki xalqaro sertifikatlarning talab etiladigan darajalarini aniq belgilash nazarda tutiladi.

2022-yil 1-yanvar

Oliy va oʻrta maxsus taʼlim vazirligi, Innovatsion rivojlanish vazirligi, Mahalla va oilani qoʻllab quvvatlash vazirligi, Adliya vazirligi, Davlat test markazi, Yoshlar ittifoqi, manfaatdor vazirlik va idoralar

17.

Oliy taʼlim muassasalarida talabalarga toʻlanadigan stipendiyalar miqdorlarini belgilash, tayinlash va toʻlashda hamda Oʻzbekiston yoshlar ittifoqining faol aʼzosi boʻlgan talabalarni moddiy qoʻllab-quvvatlashda qonuniylik, ochiqlik va shaffoflikni taʼminlash.

Normativ-huquqiy hujjat loyihasi. Loyihada:

Oʻzbekiston Respublikasi Prezidentining 2018-yil 21-iyundagi PQ-3795-son “Jahon iqtisodiyoti va diplomatiya universiteti faoliyatini tubdan takomillashtirish chora-tadbirlari toʻgʻrisida”gi qarorida:

Jahon iqtisodiyoti va diplomatiya universitetida shartnoma asosida taʼlim olishning toʻlov qiymati tegishli yoʻnalish va mutaxassislik boʻyicha respublika taʼlim muassasalari uchun belgilanganidan 1,5 baravar oshishi mumkin emasligini belgilanishi;

Vazirlar Mahkamasining 2020-yil 31-yanvardagi 59-son “Oliy taʼlim muassasalari talabalariga toʻlanadigan stipendiyalar miqdorlarini belgilash hamda stipendiyalar tayinlash va toʻlash tartibini takomillashtirish chora-tadbirlari toʻgʻrisida”gi qarorida:

talabalarni alohida qobiliyat va iqtidor egasi deb topishning aniq mezonlarini belgilash;

Oʻzbekiston yoshlar ittifoqi tomonidan oliy taʼlim muassasalarida toʻlov-kontrakt asosida tahsil olayotgan, Oʻzbekiston yoshlar ittifoqining faol aʼzosi boʻlgan talabalarni moddiy qoʻllab-quvvatlash tartibi toʻgʻrisidagi nizomda (roʻyxat raqami 2961, 2018-yil 10-yanvar):

talabani moddiy qoʻllab-quvvatlashga tavsiya etish hamda rad etishning aniq mezonlarini belgilash;

Oʻzbekiston yoshlar ittifoqining oliy taʼlim muassasasidagi Yoshlar Kengashining majlislarida jamoatchilik vakillarining majburiy ishtirokini taʼminlash;

Oʻzbekiston yoshlar ittifoqining oliy taʼlim muassasasidagi Yoshlar Kengashining talabani moddiy qoʻllab-quvvatlashni rad etish toʻgʻrisidagi qarori ustidan shikoyat qilish tartibini belgilash;

Shuningdek, oliy taʼlim muassasalarining toʻlov kontrakti qiymatini belgilashda, talabalarga toʻlanadigan stipendiyalar miqdorini belgilashda hamda oliy taʼlim muassasalarining mablagʻlari sarflanishida korrupsiya holatlarining kelib chiqishiga imkoniyat yaratadigan normalarni bartaraf etish nazarda tutiladi.

2021-yil 1-dekabr

Oliy va oʻrta maxsus taʼlim vazirligi, Tashqi ishlar vazirligi, Adliya vazirligi, Yoshlar ishlari agentligi, manfaatdor vazirlik va idoralar

18.

Oliy taʼlim muassasalarining magistraturasida taʼlim berish jarayonida qonuniylik, ochiqlik va shaffoflikni taʼminlash.

“Oliy taʼlim tizimida magistratura faoliyatini yanada takomillashtirish chora-tadbirlari toʻgʻrisida”gi Hukumat qarori loyihasi. Loyihada:

davlat va xoʻjalik boshqaruvi organlarining kamida 5 yil ish stajiga ega boʻlgan xodimlari magistrlik darajasiga ega boʻlmasdan ham asosiy ish joyidan ajralmagan holda ilmiy, ijodiy faoliyat bilan shugʻullanishi mumkinligini belgilash;

barcha oliy taʼlim muassasalarining magistraturasida ishdan ajralmagan holda onlayn oʻqish imkoniyatini yaratish;

davlat boshqaruvi organlarining quyi boʻgʻinida ishlayotgan xodimlarini, ushbu tashkilotda kamida 3 yil ishlab berish sharti bilan oliy taʼlim muassasalarining magistraturasida davlat grantlari asosida maqsadli tayyorlash tartibini belgilash nazarda tutiladi.

2021-yil 1-dekabr

Oliy va oʻrta maxsus taʼlim vazirligi, manfaatdor vazirlik va idoralar

19.

Oliy taʼlim muassasasi talabalarining bilimini nazorat qilish va baholashda hamda bitiruvchilarni yakuniy davlat attestatsiyasidan oʻtkazishda qonuniylik, ochiqlik va shaffoflikni taʼminlash.

Normativ-huquqiy hujjat loyihasi. Loyihada:

Oʻzbekiston Respublikasi oliy taʼlim muassasalari bitiruvchilarining yakuniy davlat attestatsiyasi toʻgʻrisidagi nizomda (roʻyxat raqami 1963, 2009-yil 5-iyun):

yakuniy davlat attestatsiyasi sinovidan oʻta olmagan shaxs oʻqish muddati tugagandan soʻng, arizasiga muvofiq yakuniy davlat attestatsiyasi sinovini keyingi 3 yil davomida qayta topshirishini;

yakuniy davlat attestatsiyasi sinovidan keyingi 3 yil davomida qayta oʻta olmagan talabaga akademik maʼlumotnoma berilishi va u oʻrnatilgan tartibda, toʻlov-kontrakt asosida tegishli bitiruv kursiga oʻqish uchun qayta tiklanishini;

yakuniy davlat attestatsiyasi sinovlarining tasdiqlangan dasturlari hamda baholash mezonlari yakuniy davlat attestatsiyasi boshlanishidan kamida 3 oy oldin talabalar eʼtiboriga yetkazilishini;

yakuniy davlat attestatsiyasi jarayonida qoʻyilgan bahodan norozi boʻlgan bitiruvchilarning murojaatlarini koʻrib chiquvchi apellyatsiya komissiyasining tarkibini qatʼiy belgilash;

Oliy taʼlim muassasalarida talabalar bilimini nazorat qilish va baholashning reyting tizimi toʻgʻrisidagi nizomda (roʻyxat raqami 1981, 2009-yil 10-iyul):

talabalar toʻgʻrisidagi maʼlumotlar ularning nazorat ishlariga oliy taʼlim muassasasi tomonidan majburiy tartibda identifikatsiya kodi berish orqali shifrlanishini;

joriy va oraliq nazorat turlari boʻyicha 55 va undan yuqori ballni toʻplagan talaba fanni oʻzlashtirgan deb hisoblanishi va ushbu fan boʻyicha yakuniy nazoratga kirish yoki kirmaslik masalasini talabaning oʻzi hal qilishini;

talaba nazorat natijalaridan norozi boʻlsa, fan boʻyicha nazorat turi natijalari eʼlon qilingan vaqtdan boshlab 72 soat ichida fakultet dekani yoki fakultet tuzilmasi boʻlmagan oliy taʼlim muassasalarida oʻquv boʻlimi (oʻquv-uslubiy boshqarma) boshligʻiga ariza bilan mu?ojaat etishini;

apellyatsiya komissiyasi tarkibiga tegishli nazorat turi boʻyicha baholashni amalga oshirgan shaxslarning kiritilishiga yoʻl qoʻyilmasligini;

talabaga imtiyozli diplom berilishida uning har bir semestr yakunidagi fanlarning kamida 3/4 qismi boʻyicha 86 ball va undan yuqori (5 baholik tizimda 5 baho (aʼlo) 1/4 qismi boʻyicha 71 ball va undan yuqori (5 baholik tizimda 4 baho (yaxshi) ball, shuningdek, yakuniy davlat attestatsiyasi sinovlari boʻyicha 86 ball va undan yuqori (5 baholik tizimda 5 baho (aʼlo) oʻzlashtirish koʻrsatkichiga ega boʻlishini belgilash;

Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomda (roʻyxat raqami 2780, 2016-yil 22-aprel):

Toshkent davlat yuridik universitetining oraliq yoki yakuniy nazorat boʻyicha qoʻyilgan balldan norozi boʻlgan talabalari baho eʼlon qilingandan boshlab b72 soat davomida elektron taʼlim platformasi orqali apellyatsiya shikoyati berishi mumkinligini belgilash;

Oliy taʼlim muassasalarida talabalar bilimini nazorat qilish va baholash tizimi toʻgʻrisidagi nizomda (roʻyxat raqami 3069, 2018-yil 26-sentabr):

oliy taʼlim muassasasida nazorat turlarini oʻtkazish tartibi buzilganligi aniqlangan har qanday hollarda, oʻtkazilgan nazorat turlarining natijalari bekor qilinishi hamda tegishli nazorat turi qaytadan oʻtkazilishini belgilash nazarda tutiladi.

2022-yil 1-yanvar

Oliy va oʻrta maxsus taʼlim vazirligi, Adliya vazirligi, manfaatdor vazirlik va idoralar

20.

Ziddiyatli huquqni qoʻllash amaliyotiga barham berish maqsadida oʻz ahamiyatini yoʻqotgan normativ-huquqiy hujjatlarni qayta koʻrib chiqish.

Normativ-huquqiy hujjat loyihasi. Loyihada:

Vazirlar Mahkamasining 2000-yil 16-avgustdagi 325-son “Oliy taʼlim muassasalari rektorlarini davlat attestatsiyasidan oʻtkazish toʻgʻrisida”gi qarorini oʻz kuchini yoʻqotgan deb topish;

Oliy taʼlim toʻgʻrisidagi nizomni (roʻyxat raqami 1222, 2003-yil 22-fevral) qayta koʻrib chiqish va Vazirlar Mahkamasining qarori shaklida qabul qilish;

Oʻzbekiston Respublikasi oliy oʻquv yurtlarida taʼlim olish uchun yoʻnaltiriladigan mablagʻlarga jismoniy shaxslardan olinadigan daromad soligʻi boʻyicha imtiyozni qoʻllash tartibi toʻgʻrisidagi nizomni (roʻyxat raqami 2107, 2010-yil 27-may) qayta koʻrib chiqish;

Oʻzbekiston Respublikasi Ichki ishlar vazirligi Yongʻin xavfsizligi institutiga oʻqishga qabul qilish tartibi toʻgʻrisidagi nizomni (roʻyxat raqami 2654, 2015-yil 9-fevral) qayta koʻrib chiqish va Vazirlar Mahkamasining qarori shaklida qabul qilish nazarda tutiladi.

2022-yil 1-fevral

Oliy va oʻrta maxsus taʼlim vazirligi, Favqulodda vaziyatlar vazirligi, manfaatdor vazirlik va idoralar

IV. Davlat xaridlari sohasini tartibga soluvchi normativ-huquqiy hujjatlar

21.

Davlat xaridlari hamda kapital qurilishda tanlov savdolarini oʻtkazish jarayonlarida shaffoflikni taʼminlashga qaratilgan normativ-huquqiy hujjatlar qabul qilinganligi munosabati bilan oʻz ahamiyatini yoʻqotgan qonunchilik hujjatlarini oʻz kuchini yoʻqotgan deb topish, shuningdek kapital qurilishda qonuniylikni taʼminlash.

Oʻzbekiston Respublikasi Prezidentining farmoni loyihasi. Loyihada:

Oʻzbekiston Respublikasi Prezidentining 2003-yil 6-maydagi PF-3240-son “Kapital qurilishda iqtisodiy islohotlarni yanada chuqurlashtirishning asosiy yoʻnalishlari toʻgʻrisida”gi Farmonini oʻz kuchini yoʻqotgan deb topish;

Oʻzbekiston Respublikasi Prezidentining 2018-yil 27-sentabrdagi PQ-3953-son “Oʻzbekiston Respublikasining “Davlat xaridlari toʻgʻrisida”gi Qonunini amalga oshirish chora-tadbirlari toʻgʻrisida”gi qarori bilan tasdiqlangan roʻyxatni toʻliq qayta koʻrib chiqib yangilash;

Vazirlar Mahkamasining 2020-yil 2-fevraldagi 91-son “Oʻzbekiston Respublikasida ijtimoiy va ishlab chiqarish infratuzilma obyektlarini qurish, rekonstruksiya qilish va kapital taʼmirlash boʻyicha tanlov (tender) oʻtkazishni jadallashtirish chora-tadbirlari toʻgʻrisida”gi qarorini oʻz kuchini yoʻqotgan deb topish;

Vazirlar Mahkamasining 2003-yil 3-iyuldagi 302-son “Kapital qurilishda tanlov savdolari tizimini takomillashtirish chora-tadbirlari toʻgʻrisida”gi qarorini oʻz kuchini yoʻqotgan deb topish;

Vazirlar Mahkamasining 2000-yil 5-avgustdagi 305-son “Kapital qurilishda iqtisodiy islohotlarni chuqurlashtirishga doir qoʻshimcha chora-tadbirlar toʻgʻrisida”gi qarorini Oʻzbekiston Respublikasining “Davlat xaridlari toʻgʻrisida”gi Qonuniga muvofiqlashtirish;

Vazirlar Mahkamasining 2018-yil 9-fevraldagi 103-son “Ariza beruvchi-uy quruvchining 2017 — 2021-yillarda qishloq joylarda yangilangan namunaviy loyihalar boʻyicha arzon uy-joylar qurish dasturida ishtirok etishi tartibi toʻgʻrisidagi nizomni tasdiqlash haqida”gi qarori “Davlat xaridlari toʻgʻrisida”gi Qonunga asosan qayta koʻrib chiqish;

Davlat xaridlari sohasiga oid Xarid qilish tartib-taomillarini tashkil etish va oʻtkazish tartibi toʻgʻrisidagi nizomni (roʻyxat raqami 3016, 2018-yil 26-may) bekor qilish hamda xarid qilish tartib taomillarini tartibga soluvchi yagona reglamentni Hukumatning qarori asosida tasdiqlash nazarda tutiladi.

2022-yil 1-yanvar

Moliya vazirligi, Qurilish vazirligi, manfaatdor vazirlik va idoralar

22.

Davlat xaridlarini amalga oshirishning alohida tartibi (istisno holatlar) belgilangan normalarni bekor qilish.

Oʻzbekiston Respublikasi Prezidentining qarori loyihasi. Loyihada:

Oʻzbekiston Respublikasi Prezidentining 2020-yil 11-avgustdagi PQ-4804-son “Kambagʻal va ishsiz fuqarolarni tadbirkorlikka jalb qilish, ularning mehnat faolligini oshirish va kasb-hunarga oʻqitishga qaratilgan hamda aholi bandligini taʼminlashga oid qoʻshimcha chora-tadbirlar toʻgʻrisida”gi qaroridagi hududiy mehnat organlari tomonidan roʻyxatga olingan ishsiz va band boʻlmagan aholini Bandlikka koʻmaklashish davlat jamgʻarmasi mablagʻlari hisobidan tadbirkorlik koʻnikmalari va xorijiy tillarga oʻqitish, kasb-hunarga tayyorlash, qayta tayyorlash va malakasini oshirishni toʻgʻridan-toʻgʻri shartnomalar tuzish asosida amalga oshirish tartibini bekor qilish;

Oʻzbekiston Respublikasi Prezidentining 2020-yil 26-maydagi PQ-4731-son ““Olmaliq KMK” AJ konlari negizida rangli va qimmatbaho metallar ishlab chiqarishni kengaytirishga doir qoʻshimcha chora-tadbirlar toʻgʻrisida”gi qaroridagi “Olmaliq KMK” AJ konsentratlar va metallurgiya xom ashyosini toʻgʻridan-toʻgʻri shartnomalar (kontraktlar) boʻyicha olib kirishini bekor qilish;

Oʻzbekiston Respublikasi Prezidentining 2020-yil 18-martdagi PQ-4643-son “Agrar va oziq-ovqat sohalarini boshqarish tizimini yanada takomillashtirish chora-tadbirlari toʻgʻrisida”gi qaroridagi aerofotosurat olishga moʻljallangan resurstejamkor samolyotni hamda uni jihozlovchi lazerli multispektral kamerani, istisno tariqasida, tender savdolarisiz, ishlab chiqaruvchilar bilan toʻgʻridan-toʻgʻri shartnoma tuzish orqali xarid qilish tartibini bekor qilish;

Oʻzbekiston Respublikasi Prezidentining 2019-yil 27-iyundagi PQ-4366-son “Ommaviy axborot vositalari mustaqilligini taʼminlash hamda davlat organlari va tashkilotlari axborot xizmatlari faoliyatini rivojlantirish boʻyicha qoʻshimcha chora-tadbirlar toʻgʻrisida”gi qaroridagi Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining tadbirlar (anjumanlar, brifinglar, “davra suhbatlari”, taqdimotlar va boshqalar)ni tashkil etish bilan bogʻliq Agentlikka yuklatilgan vazifalarning lozim darajada bajarilishini taʼminlash maqsadida ishlar (xizmatlar)ni yetkazib beruvchilar bilan toʻgʻridan-toʻgʻri shartnomalar tuzish huquqini bekor qilish;

Shuningdek, toʻgʻridan-toʻgʻri shartnomalar tuzish orqali xarid qilish tartibi belgilangan barcha normalarni bekor qilish hamda ushbu xaridlarni “Davlat xaridlari toʻgʻrisida”gi Qonun talablari asosida amalga oshirishini belgilash nazarda tutiladi.

2022-yil 1-fevral

Moliya vazirligi, manfaatdor vazirlik va idoralar

23.

Qishloq joylarda yangilangan namunaviy loyihalar boʻyicha arzon uy-joylar qurish uchun pudrat tashkilotlarini hamda qurilish materiallari va asbob-uskunalarni yetkazib beruvchilarni aniqlash yuzasidan tanlov savdolari oʻtkazishda qonuniylik, ochiqlik va shaffoflikni taʼminlash.

Vazirlar Mahkamasining 2017-yil 26-apreldagi 243-son “Qishloq joylarda yangilangan namunaviy loyihalar boʻyicha arzon uy-joylar qurish uchun pudrat tashkilotlarini hamda qurilish materiallari va asbob-uskunalarni yetkazib beruvchilarni aniqlash yuzasidan tanlov savdolari oʻtkazish tartibi toʻgʻrisidagi nizomni tasdiqlash haqida”gi qaroriga oʻzgartirish va qoʻshimchalar kiritish boʻyicha Hukumat qarori loyihasi. Loyihada:

tanlov savdolari boʻyicha hududiy tanlov komissiyasining tanlov hujjatlarini va talabgorlarga qoʻyiladigan tanlov takliflarini baholash mezonlarini belgilash, tanlov hujjatlariga, takliflarni texnik va moliyaviy baholash mezonlariga qoʻyiladigan shartlar va talablarni belgilash vakolatlarini bekor qilish;

ofertani taqdim etish muddatini uzaytirishning aniq chegarasini, talabgorlarning asosiy va aylanma mablagʻlarning miqdoriga qoʻyiladigan talabning, tanlov hujjatlarini sotib olish uchun toʻlovning aniq miqdorini belgilash;

tanlov savdolari oʻtkazish toʻgʻrisidagi eʼlonni maxsus axborot portaliga joylashtirish;

tanlov komissiyalari majlislarida jamoatchilik vakillarining majburiy ishtirokini taʼminlash;

ofertalarni berish muddati tamom boʻlgan vaqtdan boshlab 5 ish kuni ichida ofertalarni ochish tartibini joriy etish;

tanlov savdolarining gʻolibini hududiy tanlov komissiyasining ochiq majlisida aniqlash amaliyotini joriy etish;

talabgorlarning ofertalarini koʻrib chiqish, baholash va taqqoslash natijalari toʻgʻrisidagi axborotni majburiy ravishda eʼlon qilish;

tanlovga qatnashish uchun ikkitadan kam oferta tushganda tanlovni oʻtkazilmagan deb topish, tanlov savdolari gʻolibi shartnoma tuzishni rad etgan yoki kontrakt belgilangan muddatda ijro etilishi kafolati taqdim etilmagan taqdirda ikkinchi oʻrinni olgan oferentni gʻolib deb eʼtirof etish tartibini belgilash nazarda tutiladi.

2022-yil 1-fevral

Qurilish vazirligi, Moliya vazirligi, manfaatdor vazirlik va idoralar

24.

Qurilish sohasida davlat xaridlarini tashkil etish hamda oʻtkazishda qonuniylik, ochiqlik va shaffoflikni taʼminlash.

Vazirlar Mahkamasining qarori loyihasi. Loyihada:

Vazirlar Mahkamasining 2020-yil 5-fevraldagi 55-son “Qurilish sohasida elektron davlat xaridlarini tashkil etish va oʻtkazish tartibini takomillashtirish chora-tadbirlari toʻgʻrisida”gi qarorida:

tanlov ishtirokchilaridan takliflarni qabul qilish muddati portalda eʼlon qilingan kundan boshlab besh ish kundan kam boʻlmasligini belgilash;

tender ishtirokchilaridan takliflarni qabul qilish muddati portalda eʼlon qilingan kundan boshlab oʻn ikki ish kunidan kam va oʻttiz ish kundan koʻp boʻlmasligini belgilash;

tanlovda yagona oferent ishtirok etganda yoki birorta ham oferent ishtirok etmaganda, xarid komissiyasi tanlovga kirish uchun oferentlarga nisbatan qoʻyilgan elektron reyting bahoni bir daraja pasaytirish huquqiga egaligini belgilash;

tanlov gʻolibi deb topilgan loyiha-qidiruv va qurilish-pudrat tashkilotlari qurilish ishlarining kamida 30 foizini oʻz kuchi bilan bajarishi zarurligiga oid normani kiritish;

2022-yil 1-yanvardan amal qiladigan, qurilish sohasida davlat xaridlarini amalga oshirishning ochiq va shaffof tartibini belgilovchi nizomni tasdiqlash nazarda tutiladi.

2022-yil 1-yanvar

Moliya vazirligi, Qurilish vazirligi, manfaatdor vazirlik va idoralar

25.

Koʻp kvartirali uylarni qurish va rekonstruksiya qilishni moliyalashtirishda, shuningdek yosh oilalarga, eskirgan uy-joylarda yashayotganlarga va uy-joy sharoitlarini yaxshilashga muhtoj boʻlgan fuqarolarning boshqa toifalariga sotishda qonuniylik, ochiqlik va shaffoflikni taʼminlash.

Vazirlar Mahkamasining 2017-yil 16-yanvardagi 14-son “Koʻp kvartirali uylarni qurish va rekonstruksiya qilishni moliyalashtirish, shuningdek yosh oilalarga, eskirgan uy-joylarda yashayotganlarga va uy-joy sharoitlarini yaxshilashga muhtoj boʻlgan fuqarolarning boshqa toifalariga sotish tartibi toʻgʻrisidagi nizomni tasdiqlash haqida”gi qaroriga oʻzgartirish va qoʻshimchalar kiritish boʻyicha Hukumat qarori loyihasi. Loyihada:

kreditni olish uchun buyurtmachi tomonidan bankning xizmat koʻrsatuvchi filialiga qurilish-montaj ishlarini amalga oshirishga ruxsatnomaning nusxasini taqdim etish talab etilmasligini belgilash;

yosh oilalar, eskirgan uy-joylarda yashayotganlar va fuqarolarning boshqa toifalari koʻp kvartirali uylardan kvartira sotib olish uchun arizalarni davlat xizmatlari markazlari va Yagona interaktiv davlat xizmatlari portali orqali taqdim etish tartibini belgilash;

koʻp kvartirali uylardagi kvartiralarni yashash sharoitlarini yaxshilashga muhtoj boʻlgan jismoniy shaxslarga biriktirish masalalarini koʻrib chiqish boʻyicha komissiyaning majlislarida ommaviy axborot vositalari va jamoatchilik vakillarining majburiy ishtirokini taʼminlash hamda komissiyaning qarorlari ustidan shikoyat qilish tartibini belgilash.

2022-yil 1-fevral

Moliya vazirligi, Qurilish vazirligi

T/r

Korrupsiyaga qarshi ekspertizadan oʻtkaziladigan amaldagi normativ-huquqiy hujjatlarning klassifikatori

Ijro muddati

Ijro uchun masʼullar

1.

Ijtimoiy taʼminot va ijtimoiy sugʻurta toʻgʻrisidagi qonunchilik, ijtimoiy himoya

Koʻrib chiqiladigan sohalar — ijtimoiy taʼminot va ijtimoiy sugʻurtani boshqarish, ijtimoiy taʼminot va ijtimoiy sugʻurtani moliyalashtirish, mehnat staji, nogironlikni, vaqtinchalik mehnatga qobiliyatsizlikni belgilash, pensiyalar, nafaqalar, kompensatsiya toʻlovlari, ijtimoiy xizmat koʻrsatish, imtiyozlar, nogironligi boʻlgan shaxslar va fuqarolarning boshqa toifalarining ijtimoiy himoyasi, ijtimoiy taʼminot va ijtimoiy sugʻurta sohasida nizolarni hal qilish tartibi, ijtimoiy taʼminot va ijtimoiy sugʻurta toʻgʻrisidagi qonun hujjatlarini buzganlik uchun javobgarlik, homiylik.

2022-yil

Bandlik va mehnat munosabatlari vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi, Sogʻliqni saqlash vazirligi

2.

Moliya va kredit toʻgʻrisidagi qonunchilik, bank faoliyati

Koʻrib chiqiladigan sohalar — moliyaviy tizimning umumiy qoidalari, moliya va iqtisod sohasidagi boshqaruv, pul tizimi va pul muomalasi, inflyatsiya, budjet tizimining umumiy qoidalari, respublika budjeti, Qoraqalpogʻiston Respublikasi budjeti, mahalliy budjet, budjet tizimining boshqa masalalari, gʻaznachilik, soliq qonunchiligi, soliq maslahati, soliqqa oid ish yurituv, soliq toʻlovchilarning hisobi, soliq hisoboti, davlat soliq xizmati idoralari aktlari va ularning mansabdor shaxslari harakatlari va harakatsizligi ustidan shikoyat qilish, soliq toʻgʻrisidagi qonun hujjatlariga rioya etilishini nazorat qilish, soliq sohasidagi huquqbuzarliklar uchun javobgarlik, davlat boji, bank tizimi, banklar va kredit tashkilotlarni tashkil etish, qayta tashkil etish va tugatish, bank va kredit faoliyatini litsenziyalash, bank faoliyatida ruxsat berish tartib-taomillari, bank faoliyati, kreditlash, boshqa kredit muassasalari, qimmatli qogʻozlar, qimmatli qogʻozlar bozori, qimmatli qogʻozlar emissiyasi, zayomlar, lotereyalar, valyutani tartibga solish va valyutani nazorat qilish, investitsiyalar va xorijdan mablagʻ jalb qilish, buxgalteriya hisobi, moliyaviy hisobot, jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish.

Moliya vazirligi, Iqtisodiy taraqqiyot va kambagʻallikni qisqartirish vazirligi, Davlat soliq qoʻmitasi, Investitsiyalar va tashqi savdo vazirligi, Markaziy bank, Iqtisodiy jinoyatlarga qarshi kurashish departamenti

3.

Tadbirkorlik va xoʻjalik faoliyati

Koʻrib chiqiladigan sohalar — tadbirkorlik toʻgʻrisidagi qonunchilik, raqobat toʻgʻrisida qonunchilik, tabiiy monopoliyalar, bankrotlik va sanatsiya, auditorlik faoliyati, baholash faoliyati, standartlashtirish, metrologiya, sertifikatlash, asillik darajasi ishlari, qimmatbaho metallar va toshlar, reklama toʻgʻrisidagi qonunchilik, sanoat, geodeziya va kartografiya, qurilish, shaharsozlik va arxitektura, qishloq xoʻjaligi, transport, aloqa, savdo, umumiy ovqatlanish, aholiga maishiy xizmat koʻrsatish, energetika, suv xoʻjaligi.

Tadbirkorlarning huquqlarini himoya qilish boʻyicha vakil, Transport vazirligi, Qurilish vazirligi, Qishloq xoʻjaligi vazirligi, Suv xoʻjaligi vazirligi, Axborot texnologiyalari kommunikatsiyalarini rivojlantirish vazirligi, Energetika vazirligi, Monopoliyaga qarshi kurashish qoʻmitasi, Davlat soliq qoʻmitasi, Savdo-sanoat palatasi, Davlat geologiya va mineral resurslar qoʻmitasi, Sanoat xavfsizligi davlat qoʻmitasi, Veterinariya va chorvachilikni rivojlantirish davlat qoʻmitasi

4.

Tashqi iqtisodiy faoliyat, bojxona ishi

Koʻrib chiqiladigan sohalar — tashqi iqtisodiy faoliyat sohasidagi umumiy qoidalar, bojxona-tarif jihatdan tartibga solish, tarifsiz tartibga solish, milliy iqtisodni himoya qilish borasida davlatning chora-tadbirlari, tovarlar va transport vositalari bojxona chegarasidan olib oʻtilganda undiriladigan soliqlar va yigʻimlar, bojxona ishi, jismoniy shaxslar tomonidan bojxona chegarasi orqali valyuta, tovarlar va transport vositalarini olib oʻtish, bojxona rasmiylashtiruvi, alohida turdagi tovarlar, valyuta va transport vositalarini olib kirish va olib chiqish, bojxona nazorati, bojxona tartibini buzganlik uchun javobgarlik.

Investitsiyalar va tashqi savdo vazirligi, Davlat bojxona qoʻmitasi, Iqtisodiy taraqqiyot va kambagʻallikni qisqartirish vazirligi, Moliya vazirligi, Transport vazirligi

5.

Mehnat va aholining bandligi toʻgʻrisidagi qonunchilik

Koʻrib chiqiladigan sohalar — ishga joylashtirish va aholi bandligi, mehnat, mehnatga haq toʻlash, kafolatlar va kompensatsiyalar, mehnat intizomi, mehnat shartnomasi taraflarining moddiy javobgarligi, mehnatni muhofaza qilish, kasbiy tayyorgarlik, malaka oshirish va qayta tayyorlash, ijtimoiy muhofazaga muhtoj xodimlar mehnatini tartibga solishning qoʻshimcha kafolatlari va xususiyatlari, ayrim toifadagi xodimlarning mehnatini (xizmatini) tartibga solishning xususiyatlari, mehnat nizolari, mehnatga oid qonun hujjatlariga rioya etilishi yuzasidan nazorat, mehnatga oid qonun hujjatlarini buzilganlik uchun javobgarlik.

2023-yil

Bandlik va mehnat munosabatlari vazirligi, Bosh prokuratura, Davlat xizmatini rivojlantirish agentligi

6.

Xavfsizlik va huquq tartibot muhofazasi

Koʻrib chiqiladigan sohalar — davlat, jamiyat va shaxs xavfsizligini taʼminlash sohasidagi umumiy qoidalar, xavfsizlikni taʼminlash kuchlari, davlat xavfsizligi, jamiyat xavfsizligi, shaxs xavfsizligi, xavfsizlikni taʼminlash vositalari, fuqarolar va jamoat birlashmalarining xavfsizlikni taʼminlashdagi ishtiroki, fuqaro muhofazasi, davlat xavfsizlikni taʼminlash organlarining oʻzaro va chet davlatlar huquqni muhofaza qiluvchi organlari bilan boʻlgan munosabatlari, maʼmuriy javobgarlik, maʼmuriy adliya, jinoyat qonunchiligi, jinoyat-protsessual qonunchiligi, jinoyat-ijroiya qonunchiligi.

Bosh prokuratura, Davlat xavfsizlik xizmati, Ichki ishlar vazirligi, Favqulodda vaziyatlar vazirligi, Milliy gvardiya, Oliy sud, Adliya vazirligi

7.

Odil sudlov

Koʻrib chiqiladigan sohalar — sudyalarning saylanish va tayinlanish tartibi, vakolatlarni tugatish, sudyalarning moddiy va ijtimoiy taʼminoti, Sudyalar oliy kengashi, sudyalar malaka hayʼatlari, sudlarning moliyalashtirilishi va moddiy-texnika taʼminoti, sudyalar va protsess ishtirokchilarining xavfsizligini taʼminlash, sudyalarning malaka darajasi, xalq maslahatchilari, sud amaliyoti va statistikasi, sud tizimi xodimlarining mansab darajalari, hakamlik sudlari, sud-ekspertiza muassasalari, sud-tibbiy ekspertizasi, fuqarolik protsessual qonunchiligi, sud hujjatlari va boshqa organlar hujjatlarini ijro etish, iqtisodiy protsessual qonunchilik.

Oliy sud, Konstitutsiyaviy sud, Bosh prokuratura, Moliya vazirligi

8.

Prokuratura, advokatura, notariat, yuridik xizmat, adliya organlari, FHDY organlari

Koʻrib chiqiladigan sohalar — prokuraturaning tizimi va tashkiliy tuzilmasi, prokuror nazorati, jinoyatchilikka qarshi kurashishda faoliyatni muvofiqlashtirish, advokatura faoliyatining tashkiliy asoslari, advokatlarning huquq va majburiyatlari, advokatlik faoliyati (litsenziyalash, tashkiliy-huquqiy shakllari), notarial faoliyatning tashkiliy asoslari, notarial faoliyatni litsenziyalash, yuridik xizmat, adliya organlari, FHDY organlari.

Bosh prokuratura, Adliya vazirligi

9.

Fuqarolik qonunchiligi

Koʻrib chiqiladigan sohalar — fuqarolar (jismoniy shaxslar), yuridik shaxslar, fuqarolik qonunchiligi obyektlari, bitimlar, vakillik, ishonchnoma, muddatlar, daʼvo muddati,mulk huquqi va boshqa ashyoviy huquqlar, mulk huquqi va boshqa ashyoviy huquqlarni himoya qilish, majburiyat huquqi, majburiyatlarning alohida turlari, zarar yetkazilganligi oqibatidagi majburiyatlar, asossiz boyib ketish natijasidagi majburiyatlar, intellektual mulk, fuqarolik muomalasi ishtirokchilarining, tovarlar, ishlar va xizmatlarning xususiy alomatlarini aks ettiruvchi vositalar, meros huquqi, xalqaro xususiy huquq.

2024-yil

Adliya vazirligi, Bosh prokuratura, Oliy sud

10.

Oila qonunchiligi

Koʻrib chiqiladigan sohalar — nikoh, bolalarning kelib chiqishini belgilash, ota-onalar va bolalarning hamda boshqa shaxslarning huquq va majburiyatlari, aliment majburiyatlari, ota-onalar qarovisiz qolgan bolalarni tarbiyalash shakllari, fuqarolik holati dalolatnomalarini qayd qilish, familiya, ism va ota ismini oʻzgartirish, chet ellik fuqarolar va fuqaroligi boʻlmagan shaxslar ishtirokidagi oilaviy munosabatlarni tartibga solish.

Mahalla va oilani qoʻllab quvvatlash vazirligi, Oliy sud, Adliya vazirligi

11.

Axborot va axborotlashtirish

Koʻrib chiqiladigan sohalar — axborot va axborotlashtirish sohasining umumiy qoidalari, axborot va axborotlashtirish sohasida boshqaruv, elektron hukumat, axborot resurslari, axborot resurslaridan foydalanish, axborotlashtirish, axborot tizimlari, texnologiyalari va ularni taʼminlash vositalari, ish yuritish (shtamplar, blankalar), axborot xavfsizligi, axborotni va axborot jarayonlari hamda axborotlashtirish sohasi subyektlari huquqlarini himoya qilish, reklama, kadastr maʼlumoti.

Axborot texnologiyalari kommunikatsiyalarini rivojlantirish vazirligi, Axborot va ommaviy kommunikatsiyalar agentligi, Raqobatni rivojlantirish va isteʼmolchilar huquqlarini himoya qilish qoʻmitasi, Kadastr agentligi

12.

Taʼlim, fan, madaniyat

Koʻrib chiqiladigan sohalar — taʼlim tizimini boshqarish, taʼlim tashkilotlarini attestatsiyadan va davlat akkreditatsiyasidan oʻtkazish, maktabgacha taʼlim va tarbiya, umumiy oʻrta va oʻrta maxsus taʼlim, professional taʼlim, oliy taʼlim, ilm-fan va fan-texnika faoliyati sohasini boshqarish, ilmiy muassasalarni va ilmiy faoliyatni moliyalashtirish, madaniyat sohasida boshqaruv, madaniyat sohasida faoliyatni amalga oshirishni litsenziyalash, madaniy meros obyektlaridan foydalanish va ularni muhofaza qilish.

Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Madaniyat vazirligi, Axborot va ommaviy kommunikatsiyalar agentligi, Taʼlim sifatini nazorat qilish davlat inspeksiyasi, Davlat test markazi, Fanlar akademiyasi

13.

Davlat boshqaruvi asoslari

Koʻrib chiqiladigan sohalar — respublika davlat boshqaruvi organlari va xoʻjalik boshqaruvi organlari, davlat xizmati, maʼmuriy tartib-taomillar, iqtisodiyot, ijtimoiy-madaniy qurilish sohasidagi davlat boshqaruvining umumiy masalalari.

2025-yil

Adliya vazirligi, Davlat xizmatini rivojlantirish agentligi

14.

Uy-joy qonunchiligi, kommunal xoʻjalik

Koʻrib chiqiladigan sohalar — uy-joy fondi, fuqarolarni uy-joy bilan taʼminlash, uy-joy fondidan foydalanish, kommunal xoʻjalik, uy-joy qurilishi, saqlab turilishi va taʼmirlanish xarajatlarini toʻlash (kreditlar, kompensatsiyalar, subsidiyalar, imtiyozlar), uy-joy nizolarini hal qilish, uy-joyga oid qonunchilikni buzganlik uchun javobgarlik, noturar joylar, maʼmuriy binolar, rieltorlik faoliyati, dacha xoʻjaligi, mehmonxona xoʻjaligi.

Uy-joy kommunal xizmat koʻrsatish vazirligi, Turizm va sport vazirligi, Bosh prokuratura

15.

Atrof tabiiy muhit va tabiiy resurslar

Koʻrib chiqiladigan sohalar — atrof tabiiy muhitni muhofaza qilish boʻyicha umumiy masalalar, atrof tabiiy muhitni muhofaza qilish va ekologik xavfsizlikni taʼminlash, yerdan foydalanish va muhofaza qilish, yer osti boyliklaridan foydalanish va muhofaza qilish, suvdan foydalanish va muhofaza qilish, oʻrmonlar va oʻrmon fondiga kirmaydigan oʻsimlik dunyosidan foydalanish va muhofaza qilish, hayvonot dunyosini muhofaza qilish va foydalanish, atmosfera havosini muhofaza qilishga oid qonunchilik, gidrometeorologiya, seysmologiya.

Ekologiya va atrof muhitni muhofaza qilish davlat qoʻmitasi, Suv xoʻjaligi vazirligi, Oʻrmon xoʻjaligi davlat qoʻmitasi, Gidrometeorologiya xizmati markazi, Kadastr agentligi

16.

Sogʻliqni saqlash, jismoniy tarbiya, sport va turizm

Koʻrib chiqiladigan sohalar — sogʻliqni saqlash sohasida boshqaruv, tibbiyot muassasalari va xodimlari, tibbiyot va farmatsevtika faoliyatiga ruxsat berish, litsenziyalash, tez tibbiy yordam, pullik tibbiy xizmat koʻrsatish, sanitariya-epidemiologik nazorat, jismoniy tarbiya va sport sohasida boshqaruv, aholining jismoniy madaniyati, sport, turizm, turizm sohasidagi faoliyatni litsenziyalash, turistik xizmatlarni sertifikatlash.

Sogʻliqni saqlash vazirligi, Turizm va sport vazirligi

17.

Konstitutsiyaviy tuzum

Koʻrib chiqiladigan sohalar — Konstitutsiya, suverenitet, davlat ramzlari, poytaxt, davlat tili, hudud, aholi, inson va fuqaroning huquqlari, erkinliklari va burchlari, referendum, saylov, saylov tizimi, Oʻzbekiston Respublikasi Vazirlar Mahkamasi, Qoraqalpogʻiston Respublikasining qonunchiligi va ijro organlari, sud hokimiyati, davlat organlarining huquq ijodkorligi faoliyati, mahalliy davlat hokimiyati organlari, fuqarolarning oʻzini oʻzi boshqarish organlari, nodavlat notijorat tashkilotlari, yigʻilishlar, mitinglar, namoyishlar, yurishlar va boshqa ommaviy tadbirlarni oʻtkazish tartibi, davlat mukofotlari, yuqori darajalar va farqlovchi belgilar, faxriy unvonlar, esdalik nishonlar, faxriy yorliqlar, davlat mukofotlari, pul mukofotlari va boshqa toʻlovlar, bayramlar, xotira kunlari, yubileylar, buyuk shaxslar xotirasi, tarixiy voqealarni abadiylashtirish, nom berish, toponimik obyektlarni nomlash va nomini oʻzgartirish.

2026-yil

Korrupsiyaga qarshi kurashish agentligi, Markaziy saylov komissiyasi, Oliy sud, Milliy gvardiya, Ichki ishlar vazirligi, Adliya vazirligi, Madaniyat vazirligi, Mahalla va oilani qoʻllab-quvvatlash vazirligi

18.

Mudofaa

Koʻrib chiqiladigan sohalar — mudofaaning umumiy masalalari, mudofaani boshqarish, Qurolli Kuchlar, mudofaa sohasidagi vazifalarni bajarishga jalb qilinadigan boshqa qoʻshinlar, harbiy tuzilmalar, urush holati, harbiy holat, harbiy kadrlarni tayyorlash va qayta tayyorlash, Qurolli Kuchlarning fuqaro xodimlari, qurol va harbiy texnika, qoʻshinlarni taʼminlash, qarorgohlar qurish va qoʻshinlarni joylashtirish, harbiy majburiyat, harbiy xizmat, muqobil xizmat, fuqaro muhofazasi, obyektlarni himoya qilish, fuqarolarni himoya qilish, harbiy ilm, shaxsiy tarkibni tarbiyalash, harbiy xizmatchilar maqomi, harbiy xizmatchilar, harbiy xizmatdan boʻshatilgan fuqarolar va ularning oila aʼzolarini ijtimoiy himoya qilish.

Mudofaa vazirligi

19.

Xalqaro munosabatlar, xalqaro huquq

Koʻrib chiqiladigan sohalar — davlatlararo aloqalarning umumiy masalalari, tashqi aloqalarni tashkil etish, ijtimoiy-madaniy masalalar boʻyicha hamkorlik, hudud, aholi, xalqaro shartnomalar huquqi, diplomatik va konsullik huquqi, xalqaro tashkilotlar va ittifoqlar, xalqaro iqtisodiy hamkorlik, xalqaro xavfsizlik huquqi, jinoyatchilikka va terrorizmga qarshi xalqaro kurash, fuqarolik va iqtisodiy ishlar boʻyicha huquqiy yordam.

Tashqi ishlar vazirligi, Adliya vazirligi, Bandlik va mehnat munosabatlari vazirligi, Sogʻliqni saqlash vazirligi, Madaniyat vazirligi, Turizm va sport vazirligi, Ichki ishlar vazirligi, Favqulodda vaziyatlar vazirligi, Mudofaa vazirligi, Bosh prokuratura