NAMUNA

“TASDIQLANDI”
‎Buyurtmachi nomi:
‎______________________
‎F.I.O.

_______________________________________________________________________________________________________

(obyekt nomi)

TANLOV HUJJATI

TANLOV HUJJATINI IShLAB ChIQDI

___________________________

(tashkilot nomi)

2020-yil

MUNDARIJA

NAShRDA ChOP ETILADIGAN EʼLON MATNI
‎(Tanlov ishtirokchilariga taqdim etilmaydi)

‎‎TANLOV HUJJATLARI

‎‎UMUMIY QISM

‎‎TANLOVDA IShTIROK ETISh UChUN TAKLIFNOMA
‎TANLOV IShTIROKChILARI UChUN YOʻRIQNOMA
‎TANLOV TAKLIFLARINI TEXNIK BAHOLASh MEZONLARI
‎TANLOV KOMISSIYASI TARKIBI
‎PUDRAT TAShKILOTLARINI ANIQLASh
‎SXEMASI
‎
‎TEXNIK QISM

‎‎BAJARILADIGAN ISh HAJMLARI ROʻYXATI
‎
‎TIJORAT QISM
‎BUYuRTMAChINING BOShLANGʻICh NARXI
‎QURILIShNI YAKUNLASh MUDDATI
‎MOLIYALAShTIRISh MANBASI
‎MOLIYALAShTIRISh ShARTLARI
‎ShARTNOMA VALYUTASI
‎ShARTNOMA LOYIHASI

NAMUNA

BARChA QURILISh TAShKILOTLARI DIQQATIGA !!!

_______________________________________________________________________________________________________

(Buyurtmachi tashkilot nomi)

TANLOV ELON QILADI

_______________________________________________________________________________________________________

• Tanlov ishtirokchilari quyidagi talablarga loyiq boʻlishlari lozim: ish (xizmat)larni bajarish uchun zarur boʻlgan mehnat resurslari va mutaxassislarning mavjudligi, mutaxassislarning yetarli kasbiy va texnikaviy malakaga, moliyaviy imkoniyatlarga, shartnoma tuzish yuzasidan fuqarolik-muomala layoqati vakolatlariga ega va tajribali boʻlishlari shart.
‎• Mahalliy va xorijiy qurilish tashkilotlari tanlovda qatnashganda, tanlov takliflarini baholashda mahalliy tanlov ishtirokchilarga quyidagi narx koʻrsatkichlari hisobga olinadi:
‎• Takliflarni baholashda ishtirokchilarning tanlov takliflari qonun hujjatlariga muvofiq qoʻshilgan qiymat soligʻidan ozod qilingan import qiluvchilarning tovar (ish, xizmat)lari qoʻshilgan qiymat soligʻi summasi qoʻshimcha ravishda hisobga olinadi.
‎• Tanlov ishtirokchilari tanlovda qatnashish toʻgʻrisidagi takliflari va tanlov hujjatlari boʻyicha soʻrovnomalar bilan tanlov tashkilotchisi ______________________ ga quyidagi manzil boʻyicha murojaat etishlari mumkin:
‎• _______________ shahar ____________ koʻcha, _____-uy, tel. (998 ___)__________.
‎• Tasdiqlangan tanlov hujjatlari buyurtmachi tomonidan joylashtiriladigan davlat xaridlari boʻyicha maxsus axborot portalidan yuklab olishlari mumkin.
‎• Takliflar tanlov tashkilotchisi tomonidan yuqoridagi manzilda tanlov eʼlonida chop etilgan kuni va vaqtiga qadar qabul qilinadi.

Eʼlon _______________________________________ da berilgan.

Buyurtmachi tashkilot rahbari:

____________________________________

TANLOVDA IShTIROK ETISh UChUN TAKLIFNOMA

________________________________________________________________ nomidan tanlovda ishtirok etishga tanlov ishtirokchilarini taklif etamiz va quyidagi obyekt boʻyicha tanlov taklifini taqdim etilishini soʻraymiz.
‎Obyekt nomi: _______________________________________________________________________________________
‎Obyektning boshlangʻich narxi (QQS bilan) — _______________ soʻm.
‎Ishlarni tugallash muddati — ______ kun.

Buyurtmachi: ______________________________________________________________
‎manzil:__________________________________________________________________

Loyihani moliyalashtirish manbasi: ______________________________________________________________________.
‎Taklif etilgan shartlar boʻyicha tanlovda murojaat bilan mahalliy va xorijiy qurilish tashkilotlari ishtirok etishlari mumkin.
‎Tanlovda ishtirok etishi uchun ishtirokchilarga quyidagi talablar qoʻyiladi:
‎fuqarolik-muomala layoqati va shartnoma tuzish vakolati;
‎doimiy xodimlari, jumladan muhandis-texnik xodimlariga ega boʻlishi;
‎ishlab turgan asosiy vositalari, shu jumladan ishlab chiqarish bazasi, mashina va mexanizmlar, kichik mexanizatsiya vositalariga ega boʻlishi;
‎oʻz aylanma mablagʻlari bilan taʼminlanganligi (koʻrsatkich 0,2 koeffitsiyentdan kam boʻlmagan);
‎toʻlovga qodirligi (koʻrsatkich 1,25 koeffitsiyentdan kam boʻlmagan);
‎tanlov obyektiga oʻxshash obyektlarda ishlaganlik tajribasi mavjudligi;
‎bajarilgan ishlar, shu jumladan oʻz kuchi bilan oldin bajarilgan ishlar hajmi haqidagi maʼlumotlarni taqdim etish;
‎‎ustav fondi miqdori toʻgʻrisidagi maʼlumotlar.
‎Agar tanlov predmeti boʻlgan ish (xizmat)larni bajarish bilan bogʻliq faoliyat qonun hujjatlariga muvofiq litsenziyalanishi zarur boʻlsa, tanlovda ishtirok etish uchun belgilangan tartibga asosan tegishli litsenziyaga ega boʻlgan tanlov ishtirokchilarga ruxsat etiladi.
‎Quyidagi tanlov ishtirokchilariga tanlov jarayonlarida ishtirok etishga ruxsat berilmaydi:
‎qayta tashkil etilish (boʻlinish, qoʻshilish), tugatish yoki bankrotlik arafasida turganlar;
‎mol-mulki musodaraga olinganlar hamda muassislik kelishuv, moliyaviy ishtirok, xolding va boshqa shaklda ifodalangan bevosita tashkiliy-huquqiy yoki bir-biriga moliyaviy qaramligi mavjud tashkilotlar.
‎Tanlov taklifini tayyorlash va taqdim etish uchun kerakli barcha hujjatlar tanlov ishtirokchilari uchun yoʻriqnomada aks ettirilgan.
‎Tanlov ishtirokchilari tanishib chiqish va tanlov taklifini tuzish maqsadida tanlov predmetining loyiha hujjatlari, xususan, loyihaning grafik qismi (chizmalari)ni taqdim etilishi haqida tanlov tashkilotchisiga murojaat qilishga haqlidir.
‎Buyurtmachi yoki tanlov tashkilotchisi obyektning loyiha hujjatlarini, shuningdek uning grafik qismini (chizmalarning nusxasi yoki elektron varianti)ni tanlov ishtirokchilariga ularning birinchi talabidanoq taqdim etishga majbur.
‎Tanlov ishtirokchilari takliflari tashkilotchi tomonidan yuqoridagi manzilda ish kunlari soat 9-00 dan 18-00 gacha qabul qilinadi.
‎Tanlov tashkilotchisiga takliflarni taqdim etishning oxirgi muddati — takliflarni ochish kuni va vaqtigacha quyidagi manzilda:_____________________________________________________________________________________
‎______________________________________________________________________________________________________.
‎Takliflarni topshirish tanlov ishtirokchisining tanlov hujjatlariga qoʻyilgan talablarni oʻrgangani va unda koʻrsatilgan ishlarni bajarish, ishlarning fizik hajmlari, material va konstruksiyalar hajmlari hamda boshqa shartlarga nisbatan loyihani tugallashga taʼsir etishi mumkin boʻlgan savollar yoʻqligiga dalolat hisoblanadi.
‎Takliflarni ochish tanlov eʼlon qilingan sanadan boshlab 10 (oʻn) kundan keyin 20___ yil “_____” _____________ kuni soat “_____” da boʻlib oʻtadi.

Buyurtmachi tashkilot rahbari

____________________________________

Izoh: Dastlabki manzilli roʻyxat tasdiqlanib taqdim etilgandan soʻng, tanlov oʻtkazilishi toʻgʻrisidagi eʼlon davlat xaridlari boʻyicha maxsus axborot portaliga joylashtiriladi.

TANLOV IShTIROKChILARIGA YOʻRIQNOMA

I. IShLARNING QISQAChA TAʼRIFI

1.1. Buyurtmachi — tanlov axborot jadvalida (keyingi oʻrinlarda TAJ deb ataladi) koʻrsatilgan obyekt boʻyicha ishlarni olib borishni moʻljallab, tanlov tashkilotchisi nomidan ish yuritib, TAJda koʻrsatilgan obyekt boʻyicha tanlov eʼlon qiladi.
‎1.2. Tanlovning turi — ochiq tanlov, agar TAJda boshqacha aytib oʻtilmagan boʻlsa.
‎1.3. Ishlar tanlov hujjatlarining tijorat qismida joylashgan namunaviy pudrat shartnomasi talablariga binoan bajarilishi lozim.
‎1.4. Qurilish ishlari, Oʻzbekiston Respublikasi hududida amal qiluvchi shaharsozlik normalari va qoidalariga toʻla mos kelishini taʼminlash maqsadida, talab qilinadigan barcha ishchi kuchlari, qurilish materiallari, yonilgʻi, jihozlar, umumiy va alohida xarakterdagi ish turlari, barcha zarur boʻlgan yoʻldosh va yordamchi ish va materiallar, tanlov ishtirokchilari faoliyatini muvofiqlashtirishni nazarda tutadi.

II. TANLOV HUJJATLARINING MUNDARIJASI

2.1. Ushbu tanlov hujjatlari “Davlat xaridlari toʻgʻrisida”gi Oʻzbekiston Respublikasining Qonuni va Oʻzbekiston Respublikasi Vazirlar Mahkamasining “Kapital qurilishda tanlov savdolari tizimini takomillashtirish chora-tadbirlari toʻgʻrisida” 2003-yil 3-iyuldagi 302-son qarorining talablariga binoan ishlab chiqilgan va umumiy, texnik va tijorat qismlaridan iborat.
‎2.2. Umumiy qism tanlov ishtirokchilariga taklif, shartnomaning umumiy talablari va mazkur yoʻriqnomani, shakl va ilovalar qoʻshilgan holda, oʻz ichiga oladi.
‎2.2.1. Shakllar roʻyxati:
‎1-shakl. Tanlov buyurtmasini taʼminlash kafolati.
‎2-shakl. Tanlov ishtirokchisi haqida umumiy maʼlumotlar.
‎3-shakl. Tanlov ishtirokchisining moliyaviy koʻrsatkichlari.
‎4-shakl. Tanlov ishtirokchisining ish haqi jamgʻarmasi va hodimlar oʻrtacha soni boʻyicha koʻrsatkichlari.
‎5-shakl. Bank kafilligi.
‎6-shakl. Tanlovdagi obyektga oʻxshash obyektlarda oxirgi uch yillik ish tajribasi.
‎7-shakl. Tanlov ishtirokchisining ishlarni bajarishda foydalanadigan mashina va mexanizmlari roʻyxati.
‎8-shakl. Tanlov ishtirokchisining joriy davrdagi boshqa (pudrat shartnomalari) obyektlari.
‎9-shakl. Qurilish maydonchasini koʻzdan kechirganligi toʻgʻrisida maʼlumotnoma.
‎2.2.2. Ilovalar roʻyxati:
‎1-ilova. Loyihani bajarish buyurtmanomasi.
‎2-ilova. Obyektning qurilish ishlarini bajarish grafigi.
‎3-ilova. Obyekt qurilishini moliyalashtirish grafigi.
‎4-ilova. Obyektning jamlanma jadvali, obyektda bajariladigan ish hajmlari roʻyxati, obyekt qurilishining shartnomaviy narxini belgilashda ishlatilgan asosiy narx shakllantiruvchi komponentlarning narxlari.
‎2.3. Texnik qism:
‎buyurtmachi tomonidan tasdiqlangan qiymati kiritilmagan fizik ish hajmlari roʻyxati;
‎(4-ilova asosida)
‎jihozlar, material va konstruksiyalar buyurtmasining toʻliq roʻyxatidan iborat.
‎Izoh: Loyihaning xususiyatiga qarab texnikaviy qism tarkibiga TAJga binoan boshqa hujjatlar ham kiritilishi mumkin.
‎2.4. Tijorat qismi:
‎qurilishning boshlangʻich narxi;
‎qurilishning muddati;
‎moliyalashtirish manbasi, shartlari hamda shartnoma loyihasidan iborat.

III. IShTIROKChILARINING TANLOVDA IShTIROK ETISh ShARTLARI

3.1. Mazkur loyiha boʻyicha tanlovda taklif etilgan shartlar boʻyicha ishtirok etish maqsadida murojaat etgan mahalliy va xorijiy qurilish tashkilotlari tanlov ishtirokchisi boʻlishi mumkin.
‎3.2. Tanlov ishtirokchisi tanlovda ishtirok etish uchun tanlov tashkilotchisiga murojaat etishi, mazkur yoʻriqnomaning VII bobi talablariga binoan tanlov taklifini taqdim etishi lozim.
‎3.3. Tanlov ishtirokchisi oʻzining tanlov takliflarini tayyorlash va taqdim etish bilan bogʻliq barcha xarajatlarni oʻz zimmasiga olishi kerak. Bunda buyurtmachi, tanlov tashkilotchisi va tanlov komissiyasi tanlov natijalaridan qatʼiy nazar mazkur xarajatlar uchun javobgar boʻlmaydi.
‎3.4. Tanlov ishtirokchilar tomonidan taqdim etiladigan hujjatlar (takliflar) tanlov hujjatlarida koʻrsatilgan talablarga javob berishi kerak.

IV. TANLOV HUJJATLARIGA OʻZGARTIRISh KIRITISh

4.1. Buyurtmachi tanlovda ishtirok etish uchun takliflar berish muddati tugaydigan sanadan kamida uch kun oldin tanlov hujjatlariga oʻzgartirishlar kiritish toʻgʻrisida qaror qabul qilishga haqli. Ish hajmlarni (xizmatlarni) oʻzgartirishga yoʻl qoʻyilmaydi. Bunda ushbu tanlovda takliflar berish tugaydigan muddat tanlov hujjatlariga oʻzgartirishlar kiritilgan sanadan eʼtiboran kamida oʻn kunga uzaytirilishi kerak.
‎Shu bilan bir vaqtda, tanlov tashkilotchisi kiritilgan oʻzgartirishlar haqida tanlovda ishtirok etish istagini bildirgan tanlov ishtirokchilariga bildirishnomalar yuboradi.
‎4.2. TAJda koʻrsatilgan muddat doirasida tanlov ishtirokchisi yozma ravishda tanlov tashkilotchisiga tanlov hujjatlari boʻyicha tushuntirish va aniqlik kiritish maqsadida murojaat qilishga haqli.
‎4.3. Tanlov tashkilotchisi tanlov ishtirokchisining soʻrovi boʻyicha tanlov hujjatlariga oid maʼlumot va materiallarga tushuncha berish bilan bogʻliq soʻrovlar mohiyati boʻyicha takliflarni topshirishning TAJda koʻrsatilgan muddatdan kechikmasdan yozma ravishda javob berishga, soʻrov manbasini koʻrsatmagan holda tanlovda ishtirok etish istagini bildirgan tanlov ishtirokchilariga javoblarni joʻnatishga majbur.
‎4.4. Tanlov hujjatlariga oʻzgartirishlar va qoʻshimchalar kiritish ular buyurtmachi, tanlov tashkilotchisining shaxsiy tashabbusi bilan yoki tanlov ishtirokchisining soʻroviga javoban amalga oshirilganligidan qatʼiy nazar “Tanlov ishtirokchilariga xabarnoma” koʻrinishda rasmiylashtiriladi va tanlov hujjatlariga qoʻshimcha boʻlib qoladi. Shu koʻrinishda rasmiylashtirilmagan oʻzgartirishlar va koʻshimchalar kuchga ega boʻlmaydi. Buyurtmachi yoki tanlov tashkilotchisi tanlov ishtirokchilari noqonuniy kiritgan oʻzgartirish va qoʻshimcha uchun javobgar boʻlmaydilar.
‎4.5. Tanlov ishtirokchilari xabarnomani olgach uning ilova qilingan nusxasiga imzo chekib, darhol uni tashkilotchiga qaytarishlari kerak.
‎4.6. Tanlov ishtirokchilari uchun xabarnoma tuzishdan oldin ogʻzaki shaklda qilingan yoʻriqnomalar eʼtiroz uchun asos boʻla olmaydi.
‎4.7. Tanlov ishtirokchilariga oʻz takliflariga oʻzgartirishlar kiritish uchun zarur vaqt taqdim etish maqsadida tashkilotchi tanlov komissiyasi bilan kelishilgan holda mazkur yoʻriqnomaning XIII bobiga muvofiq takliflar taqdim etish muddatini uzaytirishi mumkin. Bunda tanlov ishtirokchilariga joʻnatiladigan xabarnomada takliflar taqdim etish muddatini yangi oxirgi sanasi belgilanadi.

V. HUJJATLARNI OʻRGANISh

5.1. Tanlov ishtirokchilari tanlov va loyiha hujjatlarini oʻrganib chiqishlari kerak, tanlov ishtirokchilari tanishib chiqish maqsadida tanlov predmetining loyiha hujjatlari, xususan, loyihaning grafik qismi (chizmalari)ni buyurtmachi yoki tanlov tashkilotchisi tomonidan taqdim etilishi haqida murojaat kilishga haqlidirlar.
‎Shuningdek, buyurtmachi yoki tanlov tashkilotchisi loyiha hujjatlarini (chizmalarning asli nusxasi yoki elektron varianti)ni tanlov ishtirokchilariga ularning birinchi talabidanoq taqdim etishga majbur.
‎5.2. Tanlov ishtirokchilari ishlar olib boriladigan yer uchastkasini, mavjud bino va inshootlarni borib koʻrishlari, joyning oʻzida loyiha-smeta hujjatlarini oʻrganish natijasida, talab etilgan ishlarni olib borish uchun hal etilishi lozim boʻlgan muammolarning mazmun va mohiyati bilan tanishishlari, shuningdek ish muddati va uning qiymatiga taʼsir etishi mumkin boʻlgan boshqa masalalarni oʻrganishlari zarur.
‎5.3. Takliflarni topshirish tanlov ishtirokchisining yuqoridagilarni oʻrgangani va unda bajariladigan ish hajmlariga, material va konstruksiyalar hajmiga, boshqa shartlarga nisbatan, loyihani tugallashga taʼsir etishi mumkin boʻlgan savol yoʻqligiga dalolat hisoblanadi.

VI. TANLOV TAKLIFINI TAYYORLASh

6.1. Tanlov ishtirokchilari tomonidan tayyorlangan taklif, tanlovga oid barcha xabarnomalar va hujjatlar, tanlov ishtirokchilari bilan buyurtmachi va tashkilotchi oʻrtasidagi maʼlumot almashuvlar TAJda koʻrsatilgan tilda olib borilishi lozim.
‎6.2. Tanlov ishtirokchisi tomonidan tayyorlangan tanlov taklifida, unga oid barcha xabarnomalar va hujjatlarda metr sistemasi oʻlchovidan foydalaniladi.
‎6.3. Tanlov ishtirokchisi tanlov taklifini mazkur tanlov hujjatlari asosida tayyorlaydi. TAJda va tanlo� hujjatlarining boshqa qismlarida koʻrsatilgan maʼlumotlarda tafovut boʻlganida, tanlov ishtirokchisi tanlov taklifini tayyorlashda TAJ maʼlumotlarini hisobga olishi lozim.
‎6.4. Tanlov ishtirokchisi oʻz tanlov taklifining tarkibida faqat toʻgʻri maʼlumotlarni taqdim etishi shart va maʼlumotlarning toʻgʻriligiga javobgardir.

VII. TANLOV TAKLIFI TARKIBIDAGI HUJJATLAR

7.1. Tanlov takliflari, 7.7-bandda koʻrsatilgan hollardan tashqari, ikkita — birinchi va ikkinchi yigʻma jilddan iborat. Birinchi yigʻma jildga kiruvchi hujjatlarda tanlov taklifi qiymatiga oid hech qanday axborotlar boʻlmasligi kerak. Taklifni tashkil etuvchi barcha narxlar, tariflar va yakuniy summalar faqat ikkinchi yigʻma jild hujjatlarida boʻlishi kerak.

7.2.1. TAJda koʻrsatilgan summaga bank kafolatini (1-shakl) yoki ushbu summani buyurtmachining maxsus hisob raqamiga oʻtkazish topshiriqnomasining nusxasini taqdim qilish yoʻli bilan tanlovda ishtirok etish buyurtmanomasini taʼminlash amalga oshiriladi. Tanlov buyurtmasini taʼminlash kafolati obyekt boshlangʻich narxining 0,5 foizidan oshmasligi zarur. Tanlov buyurtmasini taʼminlash kafolatining amal qilish muddati TAJda koʻrsatilgan.
‎7.2.2. Tanlov ishtirokchisi haqida umumiy maʼlumotlar (2-shakl). Shaklni toʻldirishda mutaxassislar roʻyxati va ishchilar soni tanlov ishtirokchisi tomonidan mustaqil koʻrsatiladi. Koʻrsatilgan xodimlarning haqiqatda mavjudligi, ularni ish staji va malakasini tasdiqlovchi hujjatlar nusxasini taqdim etishga majbur.
‎7.2.3. Tanlov ishtirokchisiining oxirgi uch yildagi moliyaviy ahvoli (3-shakl). Shaklga Tanlov ishtirokchisi auditor kompaniyasining xulosasi yoki moliyaviy natijalar haqidagi hisobotlar (balans hisobotlar)ning nusxalarini ilova qilishga majbur. Agar TAJda boshqacha koʻrsatilmagan boʻlsa, 4-shakldagi maʼlumotlar ming soʻmda keltiriladi.
‎Obyektning buyurtmachi belgilangan boshlangʻich narxining 20 %gacha miqdoridagi aylanma mablagʻlar mavjudligi (xizmat qiluvchi bank tomonidan tasdiqlangan aylanma mablagʻlari mavjudligi toʻgʻrisidagi maʼlumotnoma asosida baholanadi.)
‎7.2.4. Tender ishtirokchisining ish haqi jamgʻarmasi va hodimlar oʻrtacha soni boʻyicha koʻrsatkichlari (4-shakl). Shakl tashkilotning oxirgi hisobot davri asosida moliyaviy koʻrsatgichlari toʻldirilib tegishli soliq organlari tomonidan tasdiqlanadi.
‎7.2.5. Tanlov predmetiga oʻxshash obyektlarda oxirgi 3 yillik ish tajribasi (5-shakl). Ushbu jadvalda tanlov ishtirokchisi tanlov predmetiga oʻxshash ishlarning asosiy turlarini koʻrsatib oʻtishi (kengaytirilgan holda ham mumkin) va ushbu ishlarning bajarilgan summasini koʻrsatishi kerak. Shaklda koʻrsatilgan maʼlumotlarni tasdigʻi sifatida davlat qabul komissiyalarining dalolatnomalari (agar tanlov ishtirokchisi yordamchi pudratchi sifatida boʻlgan boʻlsa hisob-faktura maʼlumotnomalari) ilova qilinadi.
‎7.2.6. Tanlov ishtirokchisi ishlarni bajarishda foydalanadigan mashina va mexanizmlari roʻyxati (6-shakl). Agar TAJda boshqa holat koʻrsatilmagan boʻlsa, ijara va lizing asosidagi mashina va mexanizmlardan foydalanishga ruxsat etiladi. Bunda tanlov ishtirokchisi loyihani bajarish davrida haqiqiy boʻlgan lizing yoki ijara sharnomasining nusxasini ilova qilishi kerak.
‎7.2.7. Talabgorning tanlov oʻtkazilayotgan davrdagi joriy pudrat shartnomalari (obyektlari) �oʻyicha maʼlumot. ‎(7-shakl).
‎7.2.8. Qurilish maydonini koʻzdan kechirganlik toʻgʻrisida maʼlumotnoma (8-shakl).
‎7.2.9. Tanlov ishtirokchisiiga berilgan, hujjatlarga imzo chekish va tanlovda qatnashish huquqini beruvchi ishonchnoma (9-shakl). Tanlov ishtirokchisining birinchi shaxsi (rahbari) hozir boʻlganda ushbu shakl toʻldirilmaydi.
‎7.2.10. Ishtirokchining davlat roʻyxatidan oʻtganligi toʻgʻrisidagi hujjatlarining nusxalari.
‎7.2.11. Litsenziyalar yoki ruxsatnomalar nusxasi, subpudratchining litsenziyasi va boshqa hujjatlari (ayrim hollarda), ruxsatnomalari nusxalari bilan birga, agar TAJda boshqa holat koʻrsatilmagan boʻlsa. Litsenziyalar va ruxsatnomalar nomi ham TAJda koʻrsatilgan.
‎7.2.12. Yuqorida soʻralgan shakllar va hujjatlarga tanlov ishtirok�isi TAJda koʻrsatilgan tasdiqlovchi hujjatlarni ilova qilishi kerak.
‎7.3. 2-yigʻma jild tarkibidagi hujjatlar:
‎7.3.1. Loyihani bajarishga buyurtma (1-ilova).
‎7.3.2. Obyektning qurilish ishlarini bajarish grafigi (2-ilova).
‎7.3.3. Obyekt qurilishini moliyalashtirish grafigi (3-ilova).
‎7.3.4. Obyekt qurilishining shartnomaviy narxini belgilashda qoʻllanilgan:
‎— jamlanma jadval;
‎— obyektda bajariladigan ish hajmlari jadvali;
‎— byektda ishlatiladigan qurilish materiallari (materiallar tasnifi va miqdori bilan) roʻyxatlari jadvali (4-ilova).
‎Bajariladigan ishlar hajmi jadvalini tanlov ishtirokchisi oʻz taklifida har bir ish turi boʻyicha bir birlik ish hajmlari narxini resurslarni aks ettirmasdan taqdim qiladi.
‎Qurilish materiallari boʻyicha jadvalni toʻldirish yuzasidan 8.2 bandga qarang.
‎7.4. Buyurtmachi tanlovda qatnashish buyurtmasi taʼminotini quyidagi holatlarda qaytaradi:
‎7.4.1. Tanlov gʻolibiga — shartnoma (kontrakt) imzolangandan keyin;
‎7.4.2. Boshqa ishtirokchilarga — tanlov gʻolibi bilan shartnoma (kontrakt) tuzilgandan soʻng, ammo ofertaning amal qilish muddatidan kechikmay;
‎7.4.3. Taklifni taqdim etishning oxirgi kuni va vaqti tugagunga qadar takliflarini qaytarib olgan ishtirokchilarga.
‎7.5. Buyurtma taʼminotini qaytarish, bank amaliyotlarining xarajatlaridan tashqari, qaytarish asosi vujudga kelgan vaqtdan eʼtiboran 10 (oʻn) kun muddat mobaynida amalga oshiriladi.
‎7.6. Tanlovda ishtirok etishga buyurtma taʼminoti quyidagi holatlarda qaytarilmaydi:
‎7.6.1. Taklifni taqdim etishning oxirgi kuni va vaqti tugagandan keyin, unga oʻzgartirish kiritgan, tender taklifining amal qilish muddati va 7.4.2 bandda koʻrsatilgan muddatdan oldin qaytarib olgan oferentga;
‎7.6.2. Tanlov gʻolibi uning taklifi amal qilish davrida oʻz taklifini qaytarib olganda yoki tanlov hujjatlarida belgilangan talablarda shartnoma tuzishdan bosh tortganda.
‎7.7. Dastlabki malaka tanlovi orqali tanlov oʻtkazilganda birinchi yigʻma jild hujjatlari malakaviy hujjatlar deb, ikkinchi yigʻma jild hujjatlari esa tanlov taklifi deb hisoblanadi.

VIII. TANLOV TAKLIFI NARXI

8.1. Ishlarning qiymati 4-ilovada koʻrsatilgan obyektda bajariladigan ish hajmlari roʻyxatiga binoan taqdim etilishi kerak. Obyektda bajariladigan ish hajmlari roʻyxatida har qaysi oʻrin boʻyicha boʻsh joylar tanlov ishtirokchisi taklif etayotgan baho koʻrsatilgan holda aniq toʻldirilgan boʻlishi lozim. Tanlov ishtirokchisi taklifining umumiy narxini aniqlashda oraliq summalar jamlanadi. Tanlov ishtirokchilar pudrat ishlari tanlovda ishtirok etayotganda obyektning taklif etilayotgan qiymatini, qurilish-montaj ishlarining shartnomaviy baholardagi toʻgʻridan toʻgʻri qiymati sifatida boshqa xarajatlar va qoʻshimcha qiymat soligʻi (QQS)ni hisobga olgan holda belgilashlari kerak. Qurilish-montaj ishlarining toʻgʻridan toʻgʻri qiymatiga doimiy koeffitsent sifatida qoʻllaniladigan boshqa xarajatlar qiymatini tanlov ishtirokchisi mustaqil ravishda belgilaydi va ishlar qiymatiga kiritadi. Bunda, tanlov ishtirokchisi tashkilotlar taklif etayotgan narxni hisoblashda 1 va 4-ilovalar talablariga amal qilishi shart.
‎8.2. Tanlov ishtirokchisi obyekt qurilishi (rekonstruksiya qilish, kapital taʼmirlash)ning shartnomaviy narxini belgilashda qoʻllanilgan qurilish materiallarining narxlar va komponentlar jadvalini toʻldiradi. Bunda qurilish materiallari turini tanlov hujjatlarida F-5 shaklidagi (lokal resurs qaydnomasi) roʻyxatdan oladi va pudratchi tomonidan mustaqil tanlov predmetining texnik jihatlaridan kelib chiqib toʻldiradi.
‎Har bir aniq obyekt asosiy qurilish materiallari nomenklaturasi (rasmiy roʻyxati) obyekt qiymatining 100 % ini (loyihada koʻzda tutilgan) tashkil etuvchi qurilish materiallarini hisobga olgan holda toʻldiriladi.
‎8.3. Tanlov ishtirokchisi obyektda bajariladigan ish hajmlarining baholangan roʻyxatini va asosiy narx shakllantiruvchi komponentlarning narxlar jadvalini bosma koʻrinishda, xat dogʻlarisiz va tuzatishlarsiz taqdim etishi kerak.
‎8.4. Soʻz bilan yozilgan narx va raqam bilan koʻrsatilgan narx orasida tafovut boʻlsa, soʻz bilan koʻrsatilgan narx qabul qilinadi.
‎8.5. Hajm birligining qiymati va ishning umumiy hajmi summasi orasida tafovut boʻlsa hajm birligiga belgilangan narx qabul qilinadi.
‎8.6. Tanlovda �elgilangan qurilishning narxi va muddati oʻzgartirilmaydi, qonunchilik bilan belgilangan holatlar (buyurtmachi tomonidan ishlar hajmini oʻzgartirilishi, yengilmas kuch taʼsiri, qurilishning bir yildan ortiq davomiyligi) bundan mustasno.
‎8.7. Shartnoma narxini ikkinchi va keyingi yillarga muvofiqlashtirish asosiy narx shakllantiruvchi komponentlarning narxlari oʻzgarganda qonunchilikda belgilangan tartibda olib boriladi.

IX. TANLOV TAKLIFINING AMAL QILISh DAVRI

9.1. Tanlov taklifining amal qilish davri tanlov takliflari ochilgan kundan boshlab 30 kundan kam boʻlmasligi kerak, agarda TAJda boshqa holat koʻrsatilmagan boʻlsa.
‎9.2. Alohida hollarda taklifning birlamchi amal qilish davri tugash vaqtigacha tanlov tashkilotchisi tanlov ishtirokchilari bilan taklifning amal qilish muddatini uzaytirish haqida kelishishi mumkin, kelishuv yozma shaklda rasmiylashtirilgan holda.

X. TAKLIFLARNI BERISh ShAKLI

10.1. Tanlov ishtirokchisi taklifni tashkil etuvchi barcha hujjatlarning aslini va bitta nusxasini ularga “asli” va “nusxa” deb aniq belgi qoʻyib, taqdim etishi kerak. Ular orasida farqi boʻlgan taqdirda “asli”ga ustunlik beriladi.
‎10.2. Taklifning asli va nusxasi bosma yozuvda boʻlishi kerak. 2,3,4,5,6,7,8-shakllarning va 1,2,3,4-ilovalarning har bir beti tanlov ishtirokchisi rahbari yoki vakolat berilgan shaxs tomonidan imzo chekilgan va tanlov ishtirokchisining muhri bilan tasdiqlangan boʻlishi kerak. 8-shakl tanlov ishtirokchisining rahbari tomonidan imzolangan va uning muhri bilan tasdiqlangan boʻlishi kerak.
‎10.3. “Tanlov ishtirokchilariga xabarnoma”ga muvofiq zarur yozuvlar yoki tuzatishlar kiritilgan taklifning barcha betlari tanlov taklifi ostiga oʻz imzosini qoʻygan shaxs tomonidan tasdiqlanishi kerak.
‎10.4. Taklifda oʻzgartirishlar, satrlar orasiga kir�tmalar va oʻchirishlar boʻlmasligi kerak. Tanlov tashkilotchisi xabarnomasiga muvofiq kiritilgan yoki tanlov ishtirokchisi yoʻl qoʻygan xatolarni tuzatish uchun zarur boʻlgan oʻzgartirishlar bundan mustasno. Mazkur tuzatishlar taklif ostiga oʻz imzosini chekkan shaxs tomonidan imzolanib, tasdiqlangan boʻlishi kerak.
‎10.5. Tanlov komissiyasi har qanday oʻzgartirishlar, chetga chiqishlar yoki muqobil takliflarni qabul qilish yoki rad etish huquqini oʻzida saqlab qoladi. Tanlov hujjatlari talablarini oshiruvchi oʻzgartirishlar, chetga chiqishlar, muqobil takliflar va boshqa omillar tanlov takliflarini baholashda eʼtiborga olinmaydi.

XI. TAKLIFNI KONVERTGA JOYLAShTIRISh VA BELGI QOʻYISh

11.1. Tanlov ishtirokchisini imzo va muhr bilan tasdiqlangan taklifi, ikkita bir-biriga solingan konvertlarga muhrlangan va mazkur yoʻriqnomaning 11.2, 11.3, 11.4-bandlariga muvofiq belgi qoʻyilgan holda savdo tashkilotchisiga taqdim etiladi (11.8-bandda koʻrsatilgan holatlardan tashqari).
‎11.2. Tashqi konvertda 1-yigʻma jildga tegishli hujjatlar va ichki konvert joylashadi. Ichki konvertda esa 2-yigʻma jildga tegishli hujjatlar joylashadi.
‎11.3. Tashqi konvert quyidagicha belgilanadi:
‎— taklifni qabul qilish manzili koʻrsatiladi;
‎— tanlov ishtirokchisi nomi;
‎— tanlov predmetining nomi;
‎— taklifni topshirish sanasi.
‎11.4. Ichki konvert quyidagicha belgilanadi:
‎— tanlov ishtirokchisi nomi;
‎— tanlov predmetining nomi;
‎— “moliyaviy taklif” yozuvi.
‎11.5. Tanlov taklifini oʻzgartirish yoki uni hisobdan chiqarish haqidagi xabarnoma konvertda muhrlangan, tanlov ishtirokchisining imzosi va muhri bilan tasdiqlangan holda savdo tashkilotchisiga taqdim etiladi.
‎11.6. Oʻzgartirishlar kiritilgan konvertlar 11.3 va 11.4-bandlarga muvofiq “Oʻzgartirishlar” yozuvi bilan belgilanadi.
‎11.7. Taklifni hisobdan chiqarish haqidagi xabarnoma konvertida quyidagilar koʻrsatiladi:
‎— tanlov ishtirokchisi nomi;
‎— tanlov predmetining nomi;
‎— “tanlov taklifini hisobdan chiqarish haqida xabarnoma” yozuvi.
‎— tanlo� taklifini hisobdan chiqarish haqidagi xabarnomani berish sanasi.
‎11.8. Dastlabki malaka tanlovi orkali tanlov oʻtkazilganda birinchi va ikkinchi yigʻma jild hujjatlari alohida topshiriladi.

XII. TANLOV TAKLIFINI BERISh

12.1. Takliflar tanlov tashkilotchisiga TAJda koʻrsatilgan tartibda, oʻz muddatida va manzil boʻyicha taqdim etilishi kerak.
‎12.2. Dastlabki malaka tanlovi orkali tanlov oʻtkazilganda (mazkur yoʻriqnomaning 1.2-bandiga va TAJga qarang) dastlabki malakani oʻtkazish sanasi tayinlanadi (TAJga qarang).
‎12.3. Buyurtmachi tanlov komissiyasi bilan kelishgan holda taklif berish muddatini uzaytirishi mumkin. Bu hakda tanlov tashkilotchisi tanlov ishtirokchilariga xabarnomalar orqali bildiradi.
‎12.4. Taklif tanlov tashkilotchisiga taqdim etilgandan soʻng, u taklif qabul qilinganligini alohida qayd etish kitobida roʻyxatga oladi.
‎12.5. Buyurtmachi tomonidan loyiha hujjatlari tanlov ishtirokchisiga mazkur yoʻriqnomaning 5.3-bandi talablariga asosan taqdim etilmagan yoki rad qilingan hollarda tanlov ishtirokchisi tanlov taklifini topshirish muddatini uzaytirish haqida tanlov tashkilotchisiga murojaat qilishi mumkin.
‎12.6. Yuqoridagi bandda qayd etilgan holat roʻy bergan hollarda tanlov tashkilotchisi, buyurtmachi bilan kelishgan holda, tanlov ishtirokchisi buyurtmachidan loyiha hujjatlarini olganligi haqidagi dalolatnomani qabul qilgan kundan boshlab, eng kamida 3 kun muddatga tanlov taklifini topshirish muddatini uzaytirishi mumkin.

XIII. TANLOV TAKLIFINI OʻZGARTIRISh YOKI HISOBDAN ChIQARISh

13.1. Taklif berilganidan keyin tanlov ishtirokchisi tanlov taklifiga oʻzgartirishlar kiritishi yoki uni hisobdan chiqarishi mumkin, shu shart bilanki, ushbu oʻzgartirishlar yoki taklifni hisobdan chiqarish xabari takliflarni berish muddati ichida yozma ravishda tanlov tashkilotchisiga taqdim etilgan boʻlsa.
‎13.2. Tanlov ishtirokchisi kiritayotgan oʻzgartirishlar yoki taklifni hisobdan chiqarish haqidagi xabarnoma mazkur yoʻriqnomaning 11.5, 11.6, va 11.7-bandlariga binoan tayyorlangan, muhrlangan va belgi qoʻyilgan boʻlishi hamda 12.1-bandda koʻrsatilgan tanlov takliflarini berish muddati tugamasdan oldin yetkazib berilishi kerak.
‎13.3. Takliflar berish muddati tugagandan keyin takliflarga oʻzgartirishlar kiritishga yoʻl qoʻyilmaydi.

XIV. TANLOV TAKLIFLARINI OChISh VA BAHOLASh

14.1. Tanlov buyurtmachining manzilida oʻtkaziladi, agarda TAJda boshqa holat koʻrsatilmagan boʻlsa.
‎14.2. Takliflar (1 va 2-yigʻma jildlar) solingan konvertlarni ochish qatnashish istagini bildirgan tanlov ishtirokchisilar yoki ularning vakolatli vakillari hozirligida TAJda koʻrsatilgan manzilda, eʼlon/taklifnoma yoki xabarnomada koʻrsatilgan kun va soatda oʻtkaziladi.
‎14.3. Tanlov ishtirokchilarni hozir boʻlgan vakolatli vakillari oʻzlarining ishtiroki haqida guvohlik belgisi sifatida reyestrga oʻz imzolarini qoʻyishlari kerak.
‎14.4. Tanlov komissiyasi takliflarini hisobdan chiqarish haqida xabarnoma yoʻllagan tanlov ishtirokchilarini eʼlon qiladi (agar boʻlsa).
‎14.5. Taklifni hisobdan chiqarish haqidagi xabarnomalar berilgan takliflar ochilmaydi. Tanlov hujjatlarida belgilangan muddatdan keyin tushgan takliflar koʻrib chiqilmaydi. Takliflarni taqdim etish sanasi tanlov tashkilotchisining takliflarni olinganligi haqidagi pochta xabarnomasidagi belgi boʻyicha yoki tanlov tashkilotchisining takliflarni ishtirokchilarga berilgan sanasi haqidagi xabarnoma sanasi boʻyicha (takliflarni qoʻlda yetkazib bergan hollarda) aniqlanadi.
‎14.6. Yigʻma jildlar tarkibini oʻrganish va baholash, shuningdek tanlov gʻolibini aniqlash yopiq yigʻilishlarda amalga oshiriladi. Tanlov takliflarini oʻrganish va baholashga oid axborot oshkor qilinmaydi, qonunchilikda nazarda tutilgan hollar bundan mustasno.
‎14.7. Taqdim etilgan takliflarning ochilgunga qadar butligi uchun javobgarlik tanlov tashkilotchisi zimmasida boʻladi.
‎14.8. Agar TAJda boshqa holat koʻrsatilmagan boʻlsa, takliflarni baholash davri tanlov takliflari ochilgan kundan eʼtiboran uzogʻi bilan 3 kunni tashkil etadi.
‎14.9. Tanlov komissiyasi tashqi konvertni (1-yigʻma jild hujjatlarini) ochadi, takliflarni toʻgʻri toʻldirilganligi, imzolanganligi va umumiy holati yuzasidan oʻrganadi, tanlov ishtirokchilar malakasini baholashni amalga oshiradi.
‎14.10. Malaka baholanganidan soʻng malakadan oʻtgan va 2 yigʻma jildni ochilishiga ruxsat olgan tanlov ishtirokchilari eʼlon qilinadi. Tanlov komissiyasi 1-yigʻma jildlar tarkibini oʻrganish va baholash natijalari eʼlon qilinmasdan oldin tanlov ishtirokchilarning 2-yigʻma jildlarini ochishga xaqqi yoʻq.
‎14.11. Tanlov komissiyasi ichki konvertni (2-yigʻma jild hujjatlarini) ochadi, ularni oʻrganadi, baholashni oʻtkazadi, gʻolibni aniqlaydi yoki boshqa qarorlarni qabul qiladi.
‎14.12. Tanlov komissiyasining barcha qarorlari koʻpchilik ovoz bilan qabul qilinadi, ovozlar teng boʻlganda komissiya raisining ovozi hal etuvchi hisoblanadi.
‎14.13. Malakani baholash va yakuniy baholash tanlov komissiyasi tasdiqlagan va ushbu yoʻriqnomaning ilovalarida koʻrsatilgan baholash mezonlariga binoan amalga oshiriladi.
‎14.14. Tanlov komissiyasi tomonidan tanlov ishtirokchilar taqdim etgan maʼlumotlar notoʻgʻriligi aniqlangan holda, tanlov komissiyasi ushbu tanlov taklifini rad qilishga haqli.
‎14.15. Tanlov komissiyasi tanlov hujjatlari talablaridan taklifdagi ahamiyatsiz farqlarni eʼtiborga olmaslikka haqli, agarda ular boshqa qatnashchilar reytingiga taʼsir qilmasa.
‎14.16. Markazlashtirilgan manbalar hisobidan moliyalashtiriladigan obyektlarni baholash Oʻzbekiston Respublikasi “Davlat xaridlari toʻgʻrisida”gi Qonuniga binoan va TAJda koʻrsatilgan holda amalga oshiriladi.
‎14.17. Tanlov komissiyasining har bir yigʻilishida bayonnoma yuritiladi.
‎14.18. Tanlovga kiritilmagan yoki rad qilingan (diskvalifikatsiya qilingan) takliflar bayonnomalarda qayd etilib, ularni rad qilish yoki diskvalifikatsiya qilish sabablari koʻrsatiladi.
‎14.19. Tanlov komissiyasi tanlov takliflarini batafsil oʻrganish va baholash uchun baholash guruhlarini tuzishi mumkin. Baholash guruhlarining tarkibiga tanlov komissiyasi aʼzolari bilan birgalikda jalb qil�ngan ekspert va konsultantlar (tanlov komissiyasining qarori boʻyicha) kiritilishi mumkin. Baholash guruhlarining aʼzolari tanlov komissiyasi aʼzolari kabi tanlovni tashkillashtirish va oʻtkazishga doir qonunchilikka va mazkur tanlov hujjatlari talablariga rioya etish masʼuliyatini oʻz zimmalariga oladilar.

XV. TAKLIFLARNI TUShUNTIRISh

15.1. Tanlov komissiyasi takliflarni baholash va taqqoslash uchun taklifni tanlov komissiyasi majlisida koʻrib chiqish vaqtida tanlov ishtirokchilaridan takliflar mazmuniga tushunchalar berishni soʻrashi mumkin. Bunda taklifning mazmunini, shu jumladan narxi yoki bajarish muddatini oʻzgartiruvchi tushuntirishlar berilishiga yoʻl qoʻyilmaydi.

XVI. TANLOV IShTIROKChILARINING MALAKASINI BAHOLASh (TEXNIK BAHOLASh)

16.1. Tanlov ishtirokchisini talab qilinadigan malakaga mos kelishini hal etish uchun toʻldirilgan shakllar va ularga ilova qilingan, uning taklifida taqdim etilgan tasdiqlovchi hujjatlar oʻrganiladi.
‎16.2. Tanlov ishtirokchilari takliflarini baholash ularni texnik jihatdan amalga oshirish yuzasidan TAJda koʻrsatilgan tanlov takliflarini baholash mezonlariga binoan baholanadi. Oʻrganish natijalari boʻyicha baholash guruhi aʼzolari tanlov takliflarining baholash varaqlarini toʻldirishadi (texnik baholash varagʻi TAJda alohida ilovalarda namunaviy jadvalda taqdim etiladi).
‎16.3. Agar TAJda boshqa holat koʻrsatilmagan boʻlsa, baholash varagʻi quyidagi shaklda toʻldiriladi:

TANLOV TAKLIFLARINI BAHOLASh VARAGʻI
‎(TEXNIK BAHOLASh)

T/r

Parametrlar nomi

Shakl

Maksimal
‎ball

Tanlov ishtirokchilari

1‎

2

3

4

5‎

6‎

7

1.

Tanlov buyurtmasini taʼminlash kafolati

1-shakl

Izohga qarang

‎

‎

2‎.

Tanlov ishtirokchisi haqida umumiy maʼlumotlar

2-shakl‎‎

19

3‎.

Oxirgi uch yildagi moliyaviy ahvoli haqidagi hujjatlar, auditor kompaniyasining xulosasi yoki moliyaviy natijalar haqidagi hisobotlar (balans hisobotlar)ning nusxasi bilan)
‎Tanlov ishtirokchisining saloxiyati (jumladan, toʻlovga qodirligi va aylanma mablagʻlar bilan taʼminlanganligi) toʻgʻrisida maʼlumot

3-shakl

34

4‎.

Obyektning buyurtmachi belgilangan boshlangʻich narxining 20 % gacha miqdoridagi aylanma mablagʻlar mavjudligi

Bank maʼlumotnomasi

‎

‎

‎

5.‎

Tender ishtirokchisining ish haqi jamgʻarmasi va hodimlar oʻrtacha soni boʻyicha koʻrsatkichlar

‎‎4-shakl

6‎.

Tanlovdagi obyektga oʻxshash obyektlarda oxirgi 3 yillik ish tajribasi

5-shakl

25

7‎.

Ishlarni bajarishda foydalaniladigan tanlov ishtirokchisining mashina va mexanizmlari roʻyxati

6-shakl

15

‎

‎

‎

8.‎

Tanlov ishtirokchisi tanlov vaqtida ishtirok etayotgan va mazkur tanlovning predmeti boʻlmish obyektni qurish (rekonstruksiyalash, taʼmirlash) davrida ishtirok etadigan shartnomalar (obyektlar) haqida maʼlumot

7-shakl

Izohga qarang

‎

‎

‎

9‎.

Qurilish maydonini koʻrganlik toʻgʻrisidagi maʼlumotnoma

8-shakl

7

Jami ballar

100

Izohlar:
‎Tanlov ishtirokchisi baholash yakunlariga koʻra 60 balldan kam ball toʻplasa (kelgusida — oʻtish ballari), tanlov komissiyasi aʼzolarining ovozi qarshi hisoblanib, texnik jihatdan malakasi yetarli emas deb hisoblanadi, agar TAJda boshqacha tartib belgilanmagan boʻlsa.
‎Taklif quyidagi hollarda koʻrib chiqilmaydi va hujjatlarning 2-yigʻma jildi ochilmasdan tanlov ishtirokchisiga qaytariladi:

— agar taklif tanlov komissiyasining ovoz berish natijalariga koʻra texnik malakasi yetarli emas deb topilsa;
‎— 1, 3, 4, 5 va 8 shakllar mavjud boʻlmasa yoki belgilangan tartibda rasmiylashtirilmagan boʻlsa.
‎Agar shartnomani tuzish moʻljallanayotgan sana vaqtiga baholash mezonlariga binoan loyihani amalga oshirish uchun kerakli barcha mashina va mexanizmlar boshqa obyektlarda ishga jalb qilinadigan hollarda 7-shakl bahosi 0 ga tenglashtiriladi. Boshqa hollarda baholash interpolatsiya yoʻli bilan amalga oshiriladi.
‎2, 3, 6 va 7-shakllar mavjud boʻlmasa yoki belgilangan tartibda rasmiylashtirilmagan boʻlsa, ularni bahosi 0 ga tenglashtiriladi.
‎Tanlov ishtirokchisi tashkilotning rahbari boʻlmagan yoki 9-shaklda keltirilgan shakl boʻyicha ishonchnomaga ega boʻlmagan tanlov ishtirokchisi vakili tanlovda hozir boʻlishga va tanlov taklifini (ofertani) imzolashga haqli emas.
‎9-shakl mavjud boʻlmasa tanlov taklifi va kelgusida buyurtmachi va tanlov gʻolibi oʻrtasidagi pudrat shartnomasini faqat tanlov ishtirokchisi tashkilotning rahbari imzolash huquqiga ega.

Baholash guruhi aʼzolari:

________

_________________________________________

____________

(imzosi)

(F.I.O.)

(sanasi)

16.4. Tanlov komissiyasi tanlov ishtirokchisidan uni malaka talablariga javob berishini tasdiqlovchi dalillarni rasmiy shaklda taqdim etishni talab qilishga haqli.
‎16.5. Zarur boʻlganda tanlov komissiyasi 1-yigʻma jild hujjatlarida keltirilgan maʼlumotlarni batafsil oʻrganish va toʻgʻriligini tekshirish uchun komissiya tarkibi va jalb etilgan mutaxassislardan iborat baholash guruhini tuzishga va keyinchalik komissiyaga tegishli xulosani kiritishga haqli.
‎16.6. Baholash guruhi tuzilgan holatda tanlov komissiyasi aʼzosi baholash guruhining tavsiyalari asosida qaror qabul qilishga yoki tanlov takliflari baholash varagʻini mustaqil toʻldirishga haqli.
‎16.7. Tanlov komissiyasi tanlov ishtirokchisining intellektual mulkiga va tijorat siriga tajovuz qilishga xaqqi yoʻq.

XVII. MOLIYAVIY TAKLIFLARNI KOʻRIB ChIQISh, YAKUNIY BAHOLASh, TANLOV GʻOLIBINI ANIQLASh

17.1. Moliyaviy takliflarni ochish va baholash tanlov komissiyasi tomonidan tanlov takliflarining birinchi yigʻma jildlarini tasdiqlash va ularni koʻrib chiqish natijalari eʼlon qilinganidan soʻng amalga oshiriladi.
‎17.2. Ikkinchi yigʻma jildlarni ochilishiga malaka tanlovidan muvaffaqiyatli oʻtgan tanlov ishtirokchilariga ruxsat etiladi.
‎17.3. Ikkinchi yigʻma jildlarni ochilishi mazkur tanlov ishtirokchilari yoʻriqnomasining XIV bobi talablariga asosan amalga oshiriladi.
‎17.4. Tanlov komissiyasi takliflarni butligini tekshiradi, 2-yigʻma jild hujjatlarini toʻgʻri toʻldirilganligi, imzolangani va umumiy holati yuzasidan oʻrganadi.
‎‎17.5. Agar tanlov komissiyasi tomonidan 2-yigʻma jilddagi taklif hujjatlarining birortasini tanlov hujjatlari talablariga javob bermasligi aniqlangan taqdirda tanlov ishtirokchisining taklifi rad etilib, uning mazmuni eʼlon qilinmasdan tanlovdan chetlatiladi.
‎17.6. Tanlov komissiyasi takliflari 17.5-bandning talablariga zid boʻlmagan tanlov ishtirokchilarining 1-ilovada koʻrsatib oʻt�lgan narxi va ishlarni yakunlash muddatlarini oʻqib eshittiradi.
‎17.7. Soʻngra takliflar arifmetik tekshiruvdan oʻtkazilib, taklif tarkibida keltirilgan obyektda bajariladigan ish hajmlari bilan tanlov hujjatlari tarkibida keltirilgan ish hajmlarini solishtirish amalga oshiriladi va tanlov takliflariga moliyaviy baho beriladi.
‎17.8. Arifmetik xatolar mazkur tanlov ishtirokchilari yoʻriqnomasining 8.4 va 8.5-bandlariga binoan tuzatiladi.
‎17.9. Zarur boʻlganda, tanlov komissiyasi 2-yigʻma jild hujjatlarida keltirilgan maʼlumotlarni, xususan hisob-kitoblarning iqtisodiy asoslanganligi, ish hajmlari tanlov hujjatlariga javob berishi va boshqa hollarni batafsil oʻrganish uchun komissiya aʼzolari va jalb etilgan mutaxassislardan iborat baholash guruhi tuzish huquqiga ega.
‎17.10. Agar TAJda boshqacha koʻrsatilmagan boʻlsa, barcha moliyaviy takliflar Oʻzbekiston Respublikasi milliy valyutasida baholanadi (oʻtkaziladi).
‎17.11. Agar TAJda boshqacha koʻrsatilmagan boʻlsa, tanlov ishtirokchilarining takliflari quyida koʻrsatilgan tanlov takliflarining moliyaviy baholash mezonlariga binoan baholanadi:

TANLOV TAKLIFLARI MOLIYAVIY QISMINI BAHOLASh MEZONLARI

T/r

Ilovalarni baholash parametrlarining nomi

Ballar miqdori

Tanlov ishtirokchisilar

I. Taklif etilayotgan narx. 1-ilova (35 ball)

1‎.

Buyurtmachining boshlangʻich narxi — 10 ball, taklif etilgan eng past narxi — 35 ball.
‎Takliflar boʻyicha boshlangʻich va eng past narxlar oʻrtasidagi ballar formula yordamida interpolatsiya bilan aniqlanadi* (izohga qarang). Tanlov ishtirokchilarining buyurtmachi boshlangʻich narxidan yuqori takliflari rad etiladi.

10 — 35

II. Qurilishni yakunlashni taklif etilayotgan muddati. 1-ilova (5 ball)

1‎.

Ijro muddati tanlov hujjatlarida belgilanganga mos yoki kam.

5

‎

‎

‎

2‎.

Tanlov hujjatlarida belgilangan ijro muddatidan ortgan har 10 kun uchun 1 ball olib tashlanadi, lekin 5 balldan ortiq emas.

1 — 5

III. Birinchi yigʻma jildni baholashdagi ballar miqdori.
‎Tanlov takliflarining baholash varagʻi (texnik baholash). (60 ball)

1.

Tanlov takliflarini texnik baholash yakuniga koʻra eng koʻp ball toʻplagan tanlov ishtirokchisiga — 60 ball;
‎2-yigʻma jildlarni ochilishigacha kiritilgan va tanlov takliflarini texnik baholash yakuniga koʻra oʻtish bali bilan teng toʻplagan tanlov ishtirokchisiga — 45 ball;
‎qolgan takliflar boʻyicha ballar interpolatsiya bilan aniqlanadi.

45 — 60

Izohlar:
‎a) tanlov ishtirokchisi taklifi quyidagi xollarda rad etiladi (diskvalifikatsiya qilinadi):
‎— 1, 2, 3, 4 son ilovalardan birontasi, shuningdek 4-ilovadagi jamlanma jadval mavjud boʻlmasa yoki belgilangan tartibda rasmiylashtirilmagan boʻlsa, taklif rad etiladi va hujjatlarning 2-yigʻma jildi mazmuni eʼlon qilinmasdan qaytariladi;
‎— taklifda koʻrsatilgan ishlar hajmi tanlov hujjatlarida koʻrsatilgan ishlar hajmiga toʻgʻri kelmasa;
‎b) malakali deb topilgan va preferensiyalarni qoʻshgan holda eng koʻp ball toʻplagan tanlov ishtirokchisining taklifi gʻolib deb hisoblanadi;
‎v) ballar tengligida taklif etilgan eng kam narxli taklif tanlanadi.
‎* Takliflar boʻyicha boshlangʻich va eng past narxlar oʻrtasidagi ballarni aniqlash interpolatsiya formulasi:
‎A= 10+((SSZ-SP)*25)/(SSZ-NPS)), bu erda
‎A — moliyaviy taklif uchun ballar miqdori;
‎10 — tanlov ishtirokchisi narxi uchun berilgan, buyurtmachining boshlangʻich narxiga teng boʻlgan, ballar miqdori;
‎SSZ — (BBN) buyurtmachining boshlangʻich narxi;
‎SP — (TN) tanlov ishtirokchisi narxi;
‎25 — moliyaviy taklif uchun berilgan eng koʻp va eng kam (35 — 10) ballar miqdorining farqi;
‎NPS — (ETN) eng kam taklif etilgan na�x.
‎** Birinchi yigʻma jild takliflarining yakuniy baholari boʻyicha ballarni aniqlash interpolatsiya formulasi:
‎B= 45+((KB1�-PB)*15)/(NBKB1P-PB)), bu erda
‎B — birinchi yigʻma jild yakuniy bahosi boʻyicha ballar miqdori;
‎45 — oʻtish balliga tenglashtirilgan birinchi yigʻma jild ballari;
‎KB1P — (1PBM) tanlov ishtirokchisining birinchi yigʻma jild boʻyicha toʻplagan ballar miqdori;
‎PB — (OʻB) birinchi yigʻma jild boʻyicha oʻtish bali;
‎15 — eng koʻp va eng kam (60 — 45) ballar yakuni bahosi boʻyicha farqi;
‎NBKB1P — (1PYuBM) tanlov ishtirokchisining birinchi yigʻma jild boʻyicha toʻplagan yuqori ballar miqdori.

17.12. Agar TAJda boshqa maʼlumotlar keltirilmagan boʻlsa, oʻrganish natijalariga koʻra, baholash guruhi aʼzolari tanlov takliflarining quyidagi baholash yakuniy jadvalini toʻldirishadi:

TANLOV TAKLIFLARINI BAHOLAShNING YAKUNIY JADVALI

T/r

‏Parametr nomi

‏Ilovalar

Maksimal ballar

Tanlov ishtirokchisilar

1‎.

Taklif etilayotgan narx (narx preferensiyalarini hisobga olgan holda)

1-ilova

35

2‎.

Qurilishni yakunlashni taklif etilayotgan muddati

1-ilova

5

3‎.

1-yigʻma jildni baholash boʻyicha ballar miqdori

Tanlov takliflarini baholash varagʻi (texnik baholash)

60

Jami ballar

100

________

____________________________________________

_____________

(imzosi)

(F.I.O.)

(sanasi)

1-ILOVA

(buyurtmachining nomi)

LOYIHANI BAJARISh BUYuRTMANOMASI

_______________________________________________________________________________________________________

(obyekt nomi)

1. Biz, quyida imzo chekuvchilar, yuqorida aytilgan ishlarni bajarish maydonchasini koʻzdan kechirib, umumiy, texnik va tijorat qismlaridan iborat tanlov hujjatlarini oʻrganib, yuqorida koʻrsatilgan hujjatlarga muvofiq

__________________________________________________________________________________________

(raqamda va yozuv bilan summa, qoʻshilgan qiymat soligʻi bilan)

soʻmga aytilgan barcha ishlarni (qurilish ishlarining kamida 50 %ini oʻz kuchimiz bilan) bajarish va yakunlashni hamda ulardagi topilgan defektlarni belgilangan muddatda tuzatishni taklif etamiz.
‎2. Bizning taklifimiz qabul qilingan holda, buyurtmachidan ishga kirishish haqidagi yozma xabarnomani olgan kundan boshlab 10 (oʻn) kun ichida ishlarni bajarishga kirishish va ishlarni bajarishni boshlanishidan eʼtiboran ___________________________ kun mobaynida ularni yakunlash majburiyatini olamiz.
‎3. Bizning taklifimiz tanlov takliflari ochilgan kundan boshlab ____________________________________

(raqam va yozuv bilan)

4. Shartnoma tuzilgunga qadar mazkur tanlov taklifi uning qabul qilinganligi haqidagi yozma xabarnoma bilan birga oramizdagi yuridik majburiyat hisoblanadi.
‎5. Taklif qabul qilinganligi toʻgʻrisidagi Biz olgan xabarnoma, Bizni Siz bilan rasmiy shartnoma tuzishga majburiyat yuklashini va Biz uning ijrosini taʼminlashimizni tasdiqlaymiz.
‎6. Buyurtmachi va tanlov komissiyasi taqdim etilgan takliflardan eng past narx taklifini qabul qilishga majbur emasligiga rozilik bildiramiz.
‎7. Tanlov Tanlov ishtirokchisilariga joʻnatilgan ______ son xabarnomalar Biz tomondan hisobga olingan.
‎8. Qurilish jarayonida jalb qilingan ishchi xodimlarni belgilangan tartibda rasmiylashtirib, ijtimoiy ximoyasi va texnik xavfsizligini taʼminlaymiz.
‎9. Buyurtmachi bilan oʻzaro hisob-kitoblarni tanlov komissiyasining majlislari bayonnomalari bilan tasdiqlangan va kelgusida oʻzgartirilmaydigan shartnomaviy narxda amalga oshirish majburiyatini olamiz.
‎10. Shartnoma majburiyatlarini bajarilishi haqidagi monitoring maʼlumotlarini Qurilish vazirligining viloyat tanlov savdolarini oʻtkazish konsalting markaziga, belgilangan shaklda, har oyning 2 sanasiga qadar, qurilishni olib borishni butun davri davomida taqdim etib borish kafolatini beramiz.

2-ILOVA

OBYEKTNING QURILISh IShLARINI BAJARISh GRAFIGI
‎ __________________________________________________________________
‎(obyekt nomi)

T/r‎

Ishlar nomlanishi

Ishlarni boshlash sanasi

Ishlarni tugatish sanasi

1.‎

2.‎

3.‎

4.‎

‎

Izoh: Jadvalda ishlarni umumiy dasturi (obyektning xususiyatlari hisobga olingan holda) va ularni bajarish muddatlari koʻrsatiladi. Qurilishning umumiy jadvali pudratchining ishlarni va maʼlum uchastkalarni belgilangan muddatda yakunlash va qurilayotgan obyektda xavfsiz va uzluksiz ishlar olib borish majburiyatiga taʼsir koʻrsatmasligi kerak.