Т/р

Чора-тадбирлар номи

Норматив-ҳуқуқий ҳужжат ва амалга ошириш механизми

Ижро муддати

Масъул ижрочилар

I. Қурилиш соҳасини тартибга солувчи норматив-ҳуқуқий ҳужжатлар

1.

Қурилиши тугалланган объектларни фойдаланишга қабул қилишда ягона ҳуқуқни қўллаш амалиётини жорий этиш ҳамда мамлакатда қурилиш соҳасига оид бизнес муҳити янада яхшиланишини таъминлаш.

Ўзбекистон Республикаси Президенти Фармони лойиҳаси. Лойиҳада:

Ўзбекистон Республикаси Президентининг 2018 йил 14 ноябрдаги ПФ-5577-сон «Қурилиш соҳасини давлат томонидан тартибга солишни такомиллаштириш қўшимча чора-тадбирлари тўғрисида»ги Фармонида белгиланган штатида тегишли сертификатга эга муҳандис мавжуд бўлмаган юридик шахсларнинг лойиҳалаш фаолиятини амалга оширишига рухсат бериш амалиётини бекор қилиш;

Ўзбекистон муҳандислар-консультантлар уюшмаси томонидан қурилиш соҳасидаги мутахассисларни сертификатлаш тартибини белгилаш;

Ўзбекистон Республикаси Президентининг 2020 йил 13 мартдаги ПФ-5963-сон «Ўзбекистон Республикасининг қурилиш соҳасида ислоҳотларни чуқурлаштиришга доир қўшимча чора-тадбирлар тўғрисида»ги Фармонининг 1-банди «б» ва «в» кичик бандларидан, Вазирлар Маҳкамасининг 2020 йил 9 ноябрдаги 699-сон қарори билан тасдиқланган низомнинг Лойиҳа-қидирув ташкилотлари рейтингини ҳисоблаш мезонлари ҳамда Қурилиш-пудрат ташкилотлари рейтингини аниқлаш мезонларидан «бошқа мезонлар» жумласини чиқариб ташлаш назарда тутилади.

2021 йил 1 декабрь

Қурилиш вазирлиги, манфаатдор вазирлик ва идоралар

2.

Лойиҳаолди, лойиҳа, тендер ҳужжатлари ва контрактларни экспертизадан ўтказишда қонунийлик, очиқлик ва шаффофликни таъминлаш.

«Ўзбекистон Республикаси Президентининг 2018 йил 20 февралдаги ПҚ-3550-сон «Лойиҳаолди, лойиҳа, тендер ҳужжатлари ва контрактларни экспертизадан ўтказиш тартибини такомиллаштириш чора-тадбирлари тўғрисида»ги қарорига ўзгартириш ва қўшимчалар киритиш» тўғрисидаги Ўзбекистон Республикаси Президентининг қарори лойиҳаси. Лойиҳада:

қарорнинг давлат тилидаги ва рус тилидаги матнини бир-бирига мувофиқлаштириш;

лойиҳаларнинг техник-иқтисодий асосланишини ёки техник-иқтисодий ҳисоб-китобини комплекс экспертизадан ўтказиш учун ҳақ ундириш тартибини белгилаш;

экспертиза учун киритилаётган ҳужжатларнинг тузилиши ва мазмунига қўйиладиган аниқ талабларни белгилаб, Низомнинг 11-банди тўққизинчи хатбошисидан «ва бошқа қонун ҳужжатлари» сўзларини чиқариб ташлаш;

Лойиҳаолди, лойиҳа, тендер ҳужжатлари ва контрактларни экспертизадан ўтказиш тартибларини «Давлат харидлари тўғрисида»ги Қонунга мувофиқлаштириш;

ташаббускор (буюртмачи) инвестициявий ва инфратузилмавий лойиҳаларнинг лойиҳаолди ва лойиҳа ҳужжатларини такрорий экспертизадан ўтказиш учун Лойиҳалар ва импорт контрактларини комплекс экспертиза қилиш маркази ДУКга киритилганда илова қилиши талаб этиладиган ҳужжатлар рўйхатини белгилаш;

давлат хариди учун тендер ҳужжатлари ва техник топшириқни экспертизадан ўтказиш бўйича ижобий хулоса беришни ҳамда контрактларни экспертизадан ўтказиш рад этилганда шикоят қилиш тартиби ва механизмини белгилаш. Бунда Низомда фойдаланилган ноаниқ ҳаволаларни («қонунчиликда белгиланган тартибда», «белгиланган тартибда» сўзлари) чиқариб ташлаш назарда тутилади.

2022 йил 1 февраль

Иқтисодий тараққиёт ва камбағалликни қисқартириш вазирлиги, Қурилиш вазирлиги, манфаатдор вазирлик ва идоралар

3.

Қишлоқ хўжалигига мўлжалланмаган бўш турган ер участкаларини бериш ҳамда архитектура-қурилиш ишларини амалга оширишда, шунингдек қурилиш-монтаж ишлари сифатини тубдан яхшилаш ва қурилишни назорат қилишда қонунийлик, очиқлик ва шаффофликни таъминлаш.

Ўзбекистон Республикаси Президенти қарори лойиҳаси. Лойиҳада:

ер участкаси электрон онлайн-аукционда икки ой мобайнида сотилмаган тақдирда, ер участкасини бирлаштириш ёки алоҳида қисмларга ажратиш ҳақида ариза бериши мумкин бўлган манфаатдор шахслар доирасини Ўзбекистон Республикаси Президентининг 2019 йил 26 августдаги ПҚ-4427-сон «Қишлоқ хўжалигига мўлжалланмаган бўш турган ер участкаларини бериш ҳамда архитектура-қурилиш ишларини амалга ошириш тартиб-таомилларини янада такомиллаштириш чора-тадбирлари тўғрисида»ги қарорида аниқ белгилаш;

Вазирлар Маҳкамасининг 2018 йил 31 июлдаги 603-сон «Ўзбекистон Республикаси Қурилиш вазирлиги, унинг таркибий бўлинмалари, шунингдек, Республика ва ҳудудий архитектура-шаҳарсозлик кенгашлари тўғрисидаги низомларни тасдиқлаш ҳақида»ги қарорида белгиланган Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари ҳамда туман (шаҳар) қурилиш бўлимларининг шаҳарсозлик тўғрисидаги қонун ҳужжатларининг бузилишига оид ҳуқуқбузарликлар тўғрисида баённомаларни тузиш ваколатини бекор қилиш;

Вазирлар Маҳкамасининг 2020 йил 28 майдаги 343-сон «Ўзбекистон Республикаси Қурилиш вазирлиги ҳузуридаги Қурилиш соҳасида назорат инспекцияси фаолиятига оид норматив-ҳуқуқий ҳужжатларни тасдиқлаш тўғрисида»ги қарорида:

Қурилиш соҳасида назорат инспекцияси ҳамда қурилиш соҳасида ҳудудий назорат инспекцияларининг ҳар чоракда жамоатчилик олдида ҳисобот бериб боришини белгилаш;

қарор билан тасдиқланган Ўзбекистон Республикаси Қурилиш вазирлиги ҳузуридаги Қурилиш соҳасида назорат инспекцияси тўғрисидаги низомнинг 32-банди «в» кичик банди тўртинчи хатбошисида «ўн ойлик базавий ҳисоблаш миқдори», «ва бошқалар учун» сўзларига аниқлик киритиб, моддий ёрдам пули бериш ҳолатлари ва миқдорини аниқ белгилаш;

барча қурилиш объектларида, шу жумладан якка тартибдаги уй-жой қуриш объектларида назорат функциялари ваколатли органни хабардор қилган ҳолда амалга оширилиши лозимлигини белгилаш;

Қурилиш соҳасида назорат инспекцияси ҳамда қурилиш соҳасида ҳудудий назорат инспекциялари томонидан фойдаланишга қабул қилинган уй-жойлар, шу жумладан кўп квартирали уй-жойлар таснифи бўйича (уй-жойлар ва квартиралар сони, квартираларнинг майдони, улар қурилаётган жой ва бошқалар) электрон маълумотлар базасини юритилиши ва доимий янгилаб борилишини белгилаш;

Вазирлар Маҳкамасининг 2020 йил 20 августдаги 496-сон «Объектларда давлат қурилиш назоратини амалга ошириш бўйича маъмурий регламент ҳамда объектларнинг хавф-хатарлар тоифалари таснифини тасдиқлаш тўғрисида»ги қарорида:

давлат қурилиш назоратини амалга ошириш жараёнида ошкоралик ва шаффофликни таъминлаш тартибини белгилаш;

барча қурилиш объектларида, шу жумладан якка тартибдаги уй-жой қуриш объектларида давлат қурилиш назорати ваколатли органни хабардор қилган ҳолда амалга оширилиши лозимлигини белгилаш;

давлат қурилиш назоратини амалга оширувчи ҳудудий инспекция инспекторининг қурилиш назоратини амалга ошириш жараёнидаги мажбуриятларини ҳамда уларнинг ҳаракатлари устидан шикоят қилиш тартибини белгилаш назарда тутилади.

2022 йил 1 январь

Қурилиш вазирлиги, Кадастр агентлиги, манфаатдор вазирлик ва идоралар

4.

Объектларни «fast-track» усули (бир вақтнинг ўзида лойиҳалаштириш, харид қилиш ва қурилиш ишлари) билан «тайёр ҳолда топшириш» шартлари асосида қуришга рухсат беришда қонунийлик, очиқлик ва шаффофликни таъминлаш.

Вазирлар Маҳкамасининг қарори лойиҳаси. Лойиҳада:

Ўзбекистон Республикаси Президентининг 2018 йил 22 майдаги ПФ-5445-сон «Капитал қурилишда лойиҳа ва қурилиш ишларини амалга ошириш тартибини оптималлаштириш бўйича қўшимча чора-тадбирлар тўғрисида»ги, 2018 йил 14 ноябрдаги ПФ-5577-сон «Қурилиш соҳасини давлат томонидан тартибга солишни такомиллаштириш қўшимча чора-тадбирлари тўғрисида»ги ҳамда 2020 йил 13 мартдаги ПФ-5963-сон «Ўзбекистон Республикасининг қурилиш соҳасида ислоҳотларни чуқурлаштиришга доир қўшимча чора-тадбирлар тўғрисида»ги фармонлари асосида «fast-track» усули (бир вақтнинг ўзида лойиҳалаштириш, харид қилиш ва қурилиш ишлари) билан «тайёр ҳолда топшириш» шартлари (Engineering Procurement Construction) асосида объектларни қуришга рухсат бериш тартибини ишлаб чиқиш назарда тутилади.

2021 йил 1 декабрь

Қурилиш вазирлиги, манфаатдор вазирлик ва идоралар

5.

Қурилиш соҳасидаги фаолиятни лицензиялаш ҳамда аккредитация қилишда қонунийлик, очиқлик ва шаффофликни таъминлаш.

Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида»ги қарори лойиҳаси. Лойиҳада:

Вазирлар Маҳкамасининг 2003 йил 24 сентябрдаги 410-сон «Қурилиш соҳасидаги фаолиятни лицензиялаш тўғрисидаги низомларни тасдиқлаш ҳақида»ги қарорида:

қурилиш соҳасида лицензиялар бериш ва уларни бекор қилиш, уларнинг амал қилишини тўхтатиш тўғрисидаги қарорлар Қурилиш вазирлиги томонидан қабул қилинишини белгилаш;

баландликларда саноат альпинизми усулларида таъмирлаш, қурилиш-монтаж ишларини бажариш, кўприклар ва тоннелларни, мудофаа объектларини, хавфи юқори бўлган объектларни ҳамда потенциал хавфли ишлаб чиқаришларни лойиҳалаштириш, қуриш, улардан фойдаланиш ва уларни таъмирлаш фаолиятини амалга ошириш ҳуқуқини берадиган лицензияларнинг амал қилиш муддати чекланмаган ҳолда берилишини белгилаш;

баландликларда саноат альпинизми усулларида таъмирлаш, қурилиш-монтаж ишларини бажариш, кўприклар ва тоннелларни, мудофаа объектларини, хавфи юқори бўлган объектларни ҳамда потенциал хавфли ишлаб чиқаришларни лойиҳалаштириш, қуриш, улардан фойдаланиш ва уларни таъмирлаш фаолиятини амалга ошириш ҳуқуқини берадиган лицензияни олиш ёки амал қилиш муддатини узайтириш учун ариза ва унга илова қилинадиган ҳужжатларни топшириш «Лицензия» ахборот тизими орқали амалга оширилишини белгилаш;

лицензия бериш тўғрисида қарор қилинганда, лицензия талабгори давлат божини тўлаши лозим бўлган муддатни ҳамда лицензия беришни рад этиш тўғрисида қарор қабул қилинганда, лицензия талабгори рад этишнинг сабабларни бартараф этиб ҳужжатларни такроран кўриб чиқиш учун тақдим этиши мумкин бўлган муддатни аниқ белгилаш;

лицензиат даврий нашрларда йўқолган лицензиянинг ҳақиқий эмаслиги тўғрисида хабар бериши билан боғлиқ тартибни бекор қилиш;

баландликларда саноат альпинизми усулларида таъмирлаш, қурилиш-монтаж ишларини бажариш, кўприклар ва тоннелларни, мудофаа объектларини, хавфи юқори бўлган объектларни ҳамда потенциал хавфли ишлаб чиқаришларни лойиҳалаштириш, қуриш, улардан фойдаланиш ва уларни таъмирлаш фаолиятини амалга ошириш ҳуқуқини берадиган лицензия лицензиати томонидан лицензия талаблари ва шартларига риоя этилишини режали текшириш тартибини бекор қилиш;

Вазирлар Маҳкамасининг 2019 йил 7 майдаги 381-сон «Қурилиш соҳасидаги айрим фаолият турларини лицензиялаш ва аккредитация қилиш тўғрисида»ги қарорида:

архитектура-шаҳарсозлик ҳужжатларини ишлаб чиқиш фаолиятини лицензиялаш ҳамда Қурилиш лойиҳаларини экспертизадан ўтказувчи юридик шахсларни аккредитация қилиш учун ундириладиган давлат божи ва йиғимнинг 11,25 фоизини Ахборот технологиялари ва коммуникацияларини ривожлантириш вазирлигининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисоб рақамига ўтказиш тартибини белгилаш;

архитектура-шаҳарсозлик ҳужжатларини ишлаб чиқиш фаолиятини амалга ошириш ҳуқуқини берувчи лицензияни унинг ҳаққонийлигини онлайн текшириш имконини берадиган QR-код (матрик штрихли код) қўйган ҳолда расмийлаштиришни белгилаш;

архитектура-шаҳарсозлик ҳужжатларини ишлаб чиқиш фаолиятини амалга ошириш ҳуқуқини берувчи лицензия лицензиати томонидан лицензия талаблари ва шартларига риоя этилишини режали текшириш тартибини бекор қилиш;

аккредитация қилиш талаблари ва шартларига риоя этилиши устидан назоратни амалга оширишда аккредитацияловчи органнинг тадбиркорлик субъектлари олдидаги мажбуриятларини белгилаш назарда тутилади.

2021 йил 1 декабрь

Қурилиш вазирлиги, манфаатдор вазирлик ва идоралар

6.

Марказлаштирилган инвестициялар ҳисобига молиялаштириладиган инвестиция лойиҳаларини лойиҳалаштириш ҳамда экспертизадан ўтказишда қонунийлик, очиқлик ва шаффофликни таъминлаш.

Вазирлар Маҳкамасининг 2016 йил 22 январдаги 15-сон «Марказлаштирилган инвестициялар ҳисобига молиялаштириладиган инвестиция лойиҳаларини лойиҳалаштириш ишларини ва экспертизадан ўтказишни такомиллаштиришга доир қўшимча чора-тадбирлар тўғрисида»ги қарорига ўзгартириш ва қўшимчалар киритиш бўйича Ҳукумат қарори лойиҳаси. Лойиҳада:

Вазирлар Маҳкамасининг «Марказлаштирилган инвестициялар ҳисобига молиялаштириладиган инвестиция лойиҳаларини лойиҳалаштириш ишларини ва экспертизадан ўтказишни такомиллаштиришга доир қўшимча чора-тадбирлар тўғрисида»ги қарорига 1 — 4 ва 6-иловалар давлат тилидаги матнда берилишини таъминлаш;

давлат экспертизасини ўтказиш жараёнида шаҳарсозлик ҳужжатларида аниқланган камчиликлар хулоса чиқаришга имкон бермаган тақдирда, буюртмачи давлат экспертизаси органининг бу ҳақидаги хабарномасини олган кундан бошлаб 30 кун муддат ичида аниқланган камчиликларни бартараф этиши мумкинлигини белгилаш;

ҳудудий давлат экспертизаси бошқармалари томонидан III мураккаблик тоифасидаги объектларнинг, шунингдек республиканинг бошқа ҳудудларида жойлашган объектларнинг давлат экспертизаси ўтказилиши мумкин бўлган ҳолатларни белгилаш;

шартномага мувофиқ ишлаб чиқариш объектлари ва ижтимоий объектлар муддатидан олдин фойдаланишга топширилган тақдирда пудратчига ўтказиладиган бонуснинг аниқ миқдорини белгилаш назарда тутилади.

2021 йил 1 декабрь

Қурилиш вазирлиги, манфаатдор вазирлик ва идоралар

7.

Архитектура ва қурилиш соҳасида давлат хизматлари кўрсатиш жараёнида қонунийлик, очиқлик ва шаффофликни таъминлаш.

Вазирлар Маҳкамасининг 2018 йил 18 майдаги 370-сон «Архитектура ва қурилиш соҳасида давлат хизматлари кўрсатишнинг айрим маъмурий регламентларини тасдиқлаш тўғрисида»ги қарорига ўзгартириш ва қўшимчалар киритиш бўйича Ҳукумат қарори лойиҳаси. Лойиҳада:

Архитектура ва қурилиш соҳасида давлат хизматлари кўрсатиш жараёнида жисмоний ва юридик шахслардан ундириладиган давлат божи ва йиғимнинг 11,25 фоизини Ахборот технологиялари ва коммуникацияларини ривожлантириш вазирлигининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисоб рақамига ўтказиш тартибини белгилаш;

шаҳарсозлик тўғрисидаги қонун ҳужжатларига, шаҳарсозлик фаолияти соҳасида техник тартибга солиш норматив ҳужжатларига амал қилиниши, қурилиш-монтаж ишлари сифати ва тўлиқ бажарилиши юзасидан инспекция томонидан назорат функцияларининг амалга оширилиши учун хабарнома юборувчи томонидан ҳудудий инспекцияларга ажратмалар миқдорини қурилиш-монтаж ишлари қийматининг 0,2 фоизигатенг ягона миқдорда белгилаш;

қайси тоифадаги ер участкаларида жойлашган қурилмаларни турар жой хоналари сифатида қайта ихтисослаштириш учун рухсатнома олиш мумкинлигини аниқ белгилаш;

архитектура-режалаштириш топшириғини қоғоз шаклда чиқариб, муҳр босиш амалиётини бекор қилиш ва ҳаққонийлигини онлайн текшириш имконини берадиган QR-код (матрик штрихли код) қўйилган ҳолда расмийлаштириш;

лойиҳа ташкилотлари қурилиш ҳажми 500 квадрат метрдан ортиқ бўлмаган объектларни бевосита туман (шаҳар) қурилиш бўлимлари билан келишишини белгилаш;

қурилиш-монтаж ишларини бошлаш учун тадбиркорлик субъектлари томонидан хабарнома юбориш тартибини бекор қилиш;

қурилиш ҳажми 500 квадрат метрдан ортиқ бўлмаган давлат харидлари субъектларининг маблағлари ҳисобига молиялаштириладиган объектларни фойдаланишга қабул қилишда Қурилиш соҳасида назорат инспекцияси ва қурилиш соҳасида ҳудудий назорат инспекцияларининг рухсати талаб этилмаслигини белгилаш назарда тутилади;

пудрат ташкилотлари томонидан қуриладиган (қурилган) кўп квартирали уй-жойлардаги хар бир квартиранинг таснифи бўйича маълумотларни тақдим этиш шаклини белгилаш.

2021 йил 1 декабрь

Қурилиш вазирлиги, манфаатдор вазирлик ва идоралар

8.

Узоқ масофада жойлашган ва муҳим аҳамиятга эга бўлган объектларда қурилиш-монтаж ишларини амалга оширишнинг вахта усулини қўллашда қонунийлик, очиқлик ва шаффофликни таъминлаш.

Вазирлар Маҳкамасининг 2020 йил 9 октябрдаги 636-сон «Узоқ масофада жойлашган ва муҳим аҳамиятга эга бўлган объектларда қурилиш-монтаж ишларини амалга оширишнинг вахта усули тўғрисидаги низомни тасдиқлаш ҳақида»ги қарорига ўзгартириш ва қўшимчалар киритиш бўйича Ҳукумат қарори лойиҳаси. Лойиҳада:

ишларни вахта усулида ташкил этишда ходимларнинг меҳнатига ҳақ тўлаш тартибини соддалаштириш;

вахта усулида ишларни бажараётган ходимларнинг иш ҳақига нисбатан коэффициентлар қўлланилиши тартибини аниқ белгилаш;

вахта усулида ишларни бажараётган ходимларни ҳар қандай ҳолатда ҳам иш вақтидан кўпроқ вақт ишлашга жалб этишга йўл қўйилмаслигини белгилаш назарда тутилади.

2021 йил 1 декабрь

Қурилиш вазирлиги, Бандлик ва меҳнат муносабатлари вазирлиги, манфаатдор вазирлик ва идоралар

9.

Қишлоқ жойларда кўп квартирали уй-жойлар қурадиган тадбиркорлик субъектларини аниқлаш бўйича танловлар ўтказишда қонунийлик, очиқлик ва шаффофликни таъминлаш.

Вазирлар Маҳкамасининг 2020 йил 4 июндаги 355-сон «Қишлоқ жойларда кўп квартирали уй-жойларни қуришда тадбиркорлик субъектларини кенг жалб этиш чора-тадбирлари тўғрисида»ги қарорига ўзгартириш ва қўшимчалар киритиш бўйича Ҳукумат қарори лойиҳаси. Лойиҳада:

танлов комиссиясининг танлов ҳужжатларини ва талабгорларга қўйиладиган танлов таклифларини баҳолаш мезонларини тасдиқлаш, таклифларни техник ва молиявий баҳолаш мезонларига қўйиладиган шартлар ва талабларни белгилаш ваколатларини бекор қилиш;

танловлар ўтказиш тўғрисидаги эълонни махсус ахборот порталига жойлаштириш;

талабгорларнинг оферталарини кўриб чиқиш, баҳолаш ва таққослаш натижалари тўғрисидаги ахборотни мажбурий равишда эълон қилиш;

кўп квартирали уй-жой қурилиши режалаштирилган макромассивларни тайёр ҳолга келтириш бўйича бирламчи рухсат берувчи ҳужжатларни беришнинг аниқ муддатини белгилаш;

танлов ғолиби шартнома тузишни рад этган ёки шартнома белгиланган муддатда унинг бажарилиш кафолати тақдим этилмаган тақдирда, иккинчи ўринни олган оферентни ғолиб деб эътироф этиш тартибини белгилаш назарда тутилади.

2021 йил 1 декабрь

Қурилиш вазирлиги, манфаатдор вазирлик ва идоралар

10.

Қурилиш соҳасига оид ўз аҳамиятини йўқотган қонунчилик ҳужжатларини ўз кучини йўқотган деб топиш.

Норматив-ҳуқуқий ҳужжат лойиҳаси. Лойиҳада:

Вазирлар Маҳкамасининг 2009 йил 12 февралдаги 41-сон «Аҳоли пунктларини комплекс қуришда шаҳарсозлик нормалари ва қоидалари қатъий бажарилишини назорат қилишни кучайтиришга доир қўшимча чора-тадбирлар тўғрисида»ги қарорини;

Давлат архитектура ва қурилиш қўмитасининг 2007 йил 27 ноябрдаги 9-сон «Ўзбекистон Республикаси Давлат архитектура ва қурилиш қўмитаси томонидан қурилиш иншоотлари учун қурилиш, реконструкция, техник қайта қуроллантириш, лойиҳа тайёрлаш, материаллар, конструкциялар ва жиҳозларни харид қилиш бўйича ҳужжатларини экспертизадан ўтказиш тартиби ҳақидаги низомни тасдиқлаш тўғрисида»ги қарорини (рўйхат рақами 1757, 2008 йил 9 январь);

Давлат архитектура ва қурилиш қўмитасининг 2009 йил 23 апрелдаги 1-сон «Марказлаштирилган манбалар ҳисобидан молиялаштириладиган объектлар бўйича қурилиш муддатлари ва шартнома мажбуриятларига риоя этилиши устидан мониторинг юритиш тартиби тўғрисидаги низомни тасдиқлаш ҳақида»ги қарорини (рўйхат рақами 1959, 2009 йил 22 май) ўз кучини йўқотган деб топиш назарда тутилади.

2021 йил 1 декабрь

Қурилиш вазирлиги, манфаатдор вазирлик ва идоралар

II. Соғлиқни сақлаш соҳасини тартибга солувчи норматив-ҳуқуқий ҳужжатлар

11.

Чет эл фуқаролари ва фуқаролиги бўлмаган шахсларга тиббий ёрдам кўрсатишда ҳамда суд-тиббиёт экспертизаларини ўтказишда қонунийлик, очиқлик ва шаффофликни таъминлаш.

Норматив-ҳуқуқий ҳужжат лойиҳаси. Лойиҳада:

хорижий мамлакатлар фуқаролари ва фуқаролиги бўлмаган шахсларга тиббий ёрдам кўрсатиш тартибини Вазирлар Маҳкамасининг қарори асосида белгилаш;

Ўзбекистон Республикаси Соғлиқни сақлаш вазирлигининг суд-тиббий экспертиза муассасаларида суд-тиббиёт экспертизаларини ўтказиш тартиби тўғрисидаги йўриқномада (рўйхат рақами 2259, 2011 йил 28 август) суд-тиббий экспертиза муассасасининг хизмат кўрсатиш минтақасидан ташқарида жойлашган органлар (шахслар) томонидан тайинланган суд-тиббиёт экспертизаси, истисно тариқасида шу ҳудуддаги тиббиёт бирлашмаси томонидан ўтказилишини белгилаш назарда тутилади.

2022 йил 1 февраль

Соғлиқни сақлаш вазирлиги, манфаатдор вазирлик ва идоралар

12.

Соғлиқни сақлаш вазирлиги тизимининг турғун даволаш-профилактика муассасаларида овқатланишни ташкил этишда ҳамда вилоят болалар кўп тармоқли тиббиёт марказлари томонидан тиббий хизмат кўрсатишда қонунийлик, очиқлик ва шаффофликни таъминлаш.

Норматив-ҳуқуқий ҳужжат лойиҳаси. Лойиҳада:

Соғлиқни сақлаш вазирлиги тизимидаги турғун даволаш-профилактика муассасаларида овқатланишни аутсорсинг асосида ёки муассасанинг ўзи томонидан ташкил этиш мумкин бўлган аниқ ҳолатлар ва мезонларни белгилаш;

Вазирлар Маҳкамасининг 2008 йил 18 мартдаги 48-сон «Ҳудудий соғлиқни сақлаш муассасаларининг ташкилий тузилмасини ва фаолиятини такомиллаштириш чора-тадбирлари тўғрисида»ги қарорида:

вилоят болалар кўп тармоқли тиббиёт марказлари томонидан бепул тиббий ёрдам кўрсатиладиган болаларнинг ёшини аниқ белгилаш;

вилоят кўп тармоқли тиббиёт марказларида кўрсатиладиган тиббий хизмат устидан ҳудудий соғлиқни сақлаш бошқармаларига шикоят қилиш тартибини белгилаш назарда тутилади.

2021 йил 1 декабрь

Соғлиқни сақлаш вазирлиги, манфаатдор вазирлик ва идоралар

13.

Тиббий-ижтимоий муассасалар томонидан тиббий ижтимоий хизматлар кўрсатишда қонунийлик, очиқлик ва шаффофликни таъминлаш.

Норматив-ҳуқуқий ҳужжат лойиҳаси. Лойиҳада:

«Саховат» интернат уйларида пулли хизмат кўрсатиш тартиби ва мезонларини аниқ белгилаш;

уруш ва меҳнат фахрийлари учун республика пансионатида пулли хизмат кўрсатиш тартиби ва мезонларини аниқ белгилаш;

кексалар ва ногиронлиги бўлган шахслар, уруш ва меҳнат фахрийлари учун санаторийларда пулли хизмат кўрсатиш тартиби ва мезонларини аниқ белгилаш;

«Саховат», «Мурувват» интернат уйлари ҳамда Уруш ва меҳнат фахрийлари учун республика пансионатидаги васийликка олинганларни овқат, кийим-бош, пойабзал, ашёвий таъминотнинг бошқа буюмлари ва юмшоқ анжомлар билан таъминлаш нормалари, тартиби ва мезонлари аниқ белгилаш назарда тутилади.

2022 йил 1 февраль

Тиббий-ижтимоий хизматлар агентлиги, манфаатдор вазирлик ва идоралар

14.

Коррупцияга оид ҳуқуқбузарликларни содир этиш имкониятини яратадиган соғлиқни сақлаш соҳасига оид қонунчилик ҳужжатларини қайта кўриб чиқиш, ўз аҳамиятини йўқотган деб топиш.

Норматив-ҳуқуқий ҳужжат лойиҳаси. Лойиҳада:

Вазирлар Маҳкамасининг 2017 йил 12 майдаги 284-сон «Фармацевтика фаолиятини лицензиялаш тартибини янада такомиллаштириш чора-тадбирлари тўғрисида»ги қарорини Ўзбекистон Республикаси Президентининг 2020 йил 24 августдаги ПФ-6044-сон Фармони асосида қайта кўриб чиқиш;

Вазирлар Маҳкамасининг 2018 йил 23 мартдаги 213-сон «Дори воситалари, тиббий буюмлар ва тиббий техникани давлат рўйхатидан ўтказиш ҳамда рўйхатдан ўтказилганлик гувоҳномаси бериш тартиби тўғрисидаги низомни тасдиқлаш ҳақида»ги қарорини қайта кўриб чиқиш ҳамда янги тартибини ишлаб чиқиш;

Пуллик тиббий хизмат кўрсатишга босқичма-босқич ўтаётган даволаш-профилактика муассасаларини молиялаш тартибини (рўйхат рақами 679, 1999 йил 22 март) қайта кўриб чиқиш ва ўз кучини йўқотган деб топиш;

ўрта ва кичик тиббиёт ходимларини ишга қабул қилиш ҳамда ишдан бўшатишнинг очиқ ва шаффоф тизимини яратиш.

2022 йил 1 февраль

Соғлиқни сақлаш вазирлиги, манфаатдор вазирлик ва идоралар

III. Олий таълим соҳасини тартибга солувчи норматив-ҳуқуқий ҳужжатлар

15.

Олий таълим муассасаларига ҳамда Ички ишлар вазирлиги Академиясига ўқишга қабул қилиш, талабалар ўқишини кўчириш, қайта тиклаш ва ўқишдан четлаштиришда қонунийлик, очиқлик ва шаффофликни таъминлаш.

Норматив-ҳуқуқий ҳужжат лойиҳаси. Лойиҳада:

Ўзбекистон Республикаси Президентининг 2019 йил 14 майдаги ПҚ-4319-сон «Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида»ги қарорида:

Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан таълим муассасаларининг, Тошкент давлат юридик университети томонидан университетнинг бакалавриат таълим йўналишларига мос тест синови топшириладиган фанлар мажмуасини ҳар йили 15 сентябрга қадар тасдиқланиши тартибини белгилаш;

Вазирлар Маҳкамасининг 2017 йил 20 июндаги 393-сон «Олий таълим муассасаларига ўқишга қабул қилиш, талабалар ўқишини кўчириш, қайта тиклаш ва ўқишдан четлаштириш тартиби тўғрисидаги низомларни тасдиқлаш ҳақида»ги қарорида:

ижодий имтиҳон олиниши зарур бўлган йўналишлардан ташқари, барча олий таълим муассасаларининг магистратурасига кириш фақат Давлат тест маркази томонидан ўтказиладиган тест синовлари асосида амалга оширилишини белгилаш;

давлат грантлари бўйича таълим олган етимлар, I ва II гуруҳ ногиронлиги бўлган шахслар, шунингдек, муддатли ҳарбий хизматни ўтаган (захирага бўшаган кунларидан бошлаб уч йил мобайнида), академик таътилдан белгиланган муддатда қайтган шахслар, Ҳукумат қарорлари ва топшириқлари ҳамда тизимида олий таълим муассасалари бўлган вазирлик ва идоралар томонидан давлат буюртмаси билан хорижга ўқишга юборилган ва белгиланган муддатда қайтган талабалар ўқишга (муайян курсга) давлат грантлари ўринларига қайта тикланиши шартлигини белгилаш;

талабаларнинг ўқишини кўчириш ва қайта тиклаш ҳақидаги аризасига рад жавоби бериладиган ҳолатларни қатъий белгилаш;

Тошкент давлат юридик университетининг бир ўқув йилигача бўлган муддатни хорижий олий таълим муассасасининг юриспруденция йўналишида ўқиган талабасига ўқишни тегишли ўқув семестридан давом эттириш ҳуқуқи бериладиган ҳолатларни қатъий белгилаш;

сиртқи (махсус сиртқи) таълимдан кундузги таълимга ҳамда сиртқи (махсус сиртқи) таълимнинг бир таълим соҳасидан иккинчисига кўчиришга рухсат бериш;

ўқитишнинг сиртқи шаклига кириш имтиҳонлари дастурлари, баҳолаш мезонлари ва кириш имтиҳонлари бўйича уларга мувофиқ келувчи фанлар мажмуаси ҳамда имтиҳонларга ажратиладиган вақт Давлат қабул комиссияси томонидан тасдиқланиши амалиётини белгилаш;

олий таълим муассасаларининг магистратурасига киришда абитуриентлардан 086-У-шаклдаги тиббий маълумотнома ҳамда фотосуратни талаб қилиш тартибини бекор қилиш;

Вазирлар Маҳкамасининг 2017 йил 1 декабрдаги 958-сон «Ўзбекистон Республикаси Ички ишлар вазирлиги Академиясининг кундузги ва сиртқи таълим шаклларига номзодларни танлаш ва ўқишга қабул қилиш тартиби тўғрисидаги низомларни тасдиқлаш ҳақида»ги қарорида:

Ички ишлар вазирлиги Академиясига ўқишга қабул қилишда номзодлардан яшаш жойидан тавсифнома ҳамда оила аъзолари кўрсатилган маълумотномани талаб қилиш тартибини бекор қилиш;

Ички ишлар вазирлиги Академиясининг кундузги таълим шаклига номзодларни қабул қилишга тўсқинлик қилувчи омилларни аниқ белгилаш;

Ички ишлар вазирлиги Академиясининг кундузги таълим шаклига ўқишга қабул қилишнинг дастлабки танлов босқичи натижаларидан норози бўлган номзодларнинг шикоят қилиши тартибини белгилаш;

Ўзбекистон Республикаси олий таълим муассасаларига «Чақириққача ҳарбий таълим» йўналиши бўйича қабул қилишда касбий (ижодий) имтиҳон ўтказиш тартиби тўғрисидаги низомда (рўйхат рақами 2995, 2018 йил 5 апрель):

имтиҳон натижаларидан норози бўлган абитуриентлар олий таълим муассасаси ректорининг буйруғи билан тузиладиган апелляция комиссиясига имтиҳон натижалари эълон қилинган пайтдан бошлаб 72 соат ичида апелляция бериши мумкинлигини белгилаш;

апелляция комиссияси ва апелляция бериш тартибига оид алоҳида регламент ишлаб чиқиш, олий таълим муассасаларига ва Ички ишлар вазирлиги Академиясига ўқишга қабул қилиш, талабалар ўқишини кўчириш, қайта тиклаш ва ўқишдан четлаштириш тартибини коррупцияга имкон берувчи нормаларни бартараф қилиш мақсадида қайта кўриб чиқиш ҳамда техникумларни муваффақиятли тамомлаган битирувчиларни якка тартибдаги суҳбат асосида кириш имтиҳонларисиз ўқишга қабул қилиш тартибини ишлаб чиқиш назарда тутилади.

2022 йил 1 январь

Олий ва ўрта махсус таълим вазирлиги, Ички ишлар вазирлиги, манфаатдор вазирлик ва идоралар

16.

Олий таълим муассасаларига имтиёз асосида ўқишга қабул қилишда, имтиёз берувчи ҳужжатларнинг тақдим этилишида ҳамда олий таълим муассасалари талабаларини «Инновацион ғоялар етакчиси» кўкрак нишонига тавсия қилишда қонунийлик, очиқлик ва шаффофликни таъминлаш.

Норматив-ҳуқуқий ҳужжат лойиҳаси. Лойиҳада:

Ўзбекистон Республикаси Президентининг 2020 йил 7 майдаги ПҚ-4708-сон «Математика соҳасидаги таълим сифатини ошириш ва илмий-тадқиқотларни ривожлантириш чора-тадбирлари тўғрисида»ги қарорида:

абитуриент олий таълим муассасасига ўқишга киришда математика фанидан тест синови топширишдан озод этилиши ва максимал балл берилиши учун математикани билиш даражасини баҳолаш сертификатининг талаб этиладиган даражасини аниқ белгилаш;

Вазирлар Маҳкамасининг 2017 йил 14 ноябрдаги 914-сон «Ўзбекистон Ёшлар иттифоқининг фаол аъзоларига олий таълим муассасаларига киришда имтиёзлар бериш тўғрисида»ги қарорида:

Ўзбекистон ёшлар иттифоқининг фаол аъзоларини олий таълим муассасаларига имтиёзли қабул қилиш учун тавсияномаларни бериш жараёнида номзодларни баҳолаш тартибини белгилаш;

Ўзбекистон Республикаси Вазирлар Маҳкамасининг 2018 йил 2 октябрдаги 786-сон «Инновацион ғоялар етакчиси» кўкрак нишонини таъсис этиш чора-тадбирлари тўғрисида»ги қарорида:

«Инновацион ғоялар етакчиси» кўкрак нишони билан тақдирлашга тавсия этилган олий таълим муассасалари талабаларидан талаб этиладиган ҳужжатлар рўйхатини қатъий белгилаш;

Вазирлар Маҳкамасининг 2019 йил 13 майдаги 395-сон «Олий таълим муассасаларига ўқишга қабул қилишда миллий ҳамда халқаро баҳолаш тизимлари сертификатларини татбиқ қилиш чора-тадбирлари тўғрисида»ги қарорида:

Тошкент давлат юридик университетининг магистратура мутахассисликларига ҳужжат топширган абитуриентлар чет тили фанидан имтиҳонларсиз белгиланган максимал балл олиши учун миллий ёки халқаро сертификатларнинг талаб этиладиган даражаларини аниқ белгилаш назарда тутилади.

2022 йил 1 январь

Олий ва ўрта махсус таълим вазирлиги, Инновацион ривожланиш вазирлиги, Маҳалла ва оилани қўллаб қувватлаш вазирлиги, Адлия вазирлиги, Давлат тест маркази, Ёшлар иттифоқи, манфаатдор вазирлик ва идоралар

17.

Олий таълим муассасаларида талабаларга тўланадиган стипендиялар миқдорларини белгилаш, тайинлаш ва тўлашда ҳамда Ўзбекистон ёшлар иттифоқининг фаол аъзоси бўлган талабаларни моддий қўллаб-қувватлашда қонунийлик, очиқлик ва шаффофликни таъминлаш.

Норматив-ҳуқуқий ҳужжат лойиҳаси. Лойиҳада:

Ўзбекистон Республикаси Президентининг 2018 йил 21 июндаги ПҚ-3795-сон «Жаҳон иқтисодиёти ва дипломатия университети фаолиятини тубдан такомиллаштириш чора-тадбирлари тўғрисида»ги қарорида:

Жаҳон иқтисодиёти ва дипломатия университетида шартнома асосида таълим олишнинг тўлов қиймати тегишли йўналиш ва мутахассислик бўйича республика таълим муассасалари учун белгиланганидан 1,5 баравар ошиши мумкин эмаслигини белгиланиши;

Вазирлар Маҳкамасининг 2020 йил 31 январдаги 59-сон «Олий таълим муассасалари талабаларига тўланадиган стипендиялар миқдорларини белгилаш ҳамда стипендиялар тайинлаш ва тўлаш тартибини такомиллаштириш чора-тадбирлари тўғрисида»ги қарорида:

талабаларни алоҳида қобилият ва иқтидор эгаси деб топишнинг аниқ мезонларини белгилаш;

Ўзбекистон ёшлар иттифоқи томонидан олий таълим муассасаларида тўлов-контракт асосида таҳсил олаётган, Ўзбекистон ёшлар иттифоқининг фаол аъзоси бўлган талабаларни моддий қўллаб-қувватлаш тартиби тўғрисидаги низомда (рўйхат рақами 2961, 2018 йил 10 январь):

талабани моддий қўллаб-қувватлашга тавсия этиш ҳамда рад этишнинг аниқ мезонларини белгилаш;

Ўзбекистон ёшлар иттифоқининг олий таълим муассасасидаги Ёшлар Кенгашининг мажлисларида жамоатчилик вакилларининг мажбурий иштирокини таъминлаш;

Ўзбекистон ёшлар иттифоқининг олий таълим муассасасидаги Ёшлар Кенгашининг талабани моддий қўллаб-қувватлашни рад этиш тўғрисидаги қарори устидан шикоят қилиш тартибини белгилаш;

Шунингдек, олий таълим муассасаларининг тўлов контракти қийматини белгилашда, талабаларга тўланадиган стипендиялар миқдорини белгилашда ҳамда олий таълим муассасаларининг маблағлари сарфланишида коррупция ҳолатларининг келиб чиқишига имконият яратадиган нормаларни бартараф этиш назарда тутилади.

2021 йил 1 декабрь

Олий ва ўрта махсус таълим вазирлиги, Ташқи ишлар вазирлиги, Адлия вазирлиги, Ёшлар ишлари агентлиги, манфаатдор вазирлик ва идоралар

18.

Олий таълим муассасаларининг магистратурасида таълим бериш жараёнида қонунийлик, очиқлик ва шаффофликни таъминлаш.

«Олий таълим тизимида магистратура фаолиятини янада такомиллаштириш чора-тадбирлари тўғрисида»ги Ҳукумат қарори лойиҳаси. Лойиҳада:

давлат ва хўжалик бошқаруви органларининг камида 5 йил иш стажига эга бўлган ходимлари магистрлик даражасига эга бўлмасдан ҳам асосий иш жойидан ажралмаган ҳолда илмий, ижодий фаолият билан шуғулланиши мумкинлигини белгилаш;

барча олий таълим муассасаларининг магистратурасида ишдан ажралмаган ҳолда онлайн ўқиш имкониятини яратиш;

давлат бошқаруви органларининг қуйи бўғинида ишлаётган ходимларини, ушбу ташкилотда камида 3 йил ишлаб бериш шарти билан олий таълим муассасаларининг магистратурасида давлат грантлари асосида мақсадли тайёрлаш тартибини белгилаш назарда тутилади.

2021 йил 1 декабрь

Олий ва ўрта махсус таълим вазирлиги, манфаатдор вазирлик ва идоралар

19.

Олий таълим муассасаси талабаларининг билимини назорат қилиш ва баҳолашда ҳамда битирувчиларни якуний давлат аттестациясидан ўтказишда қонунийлик, очиқлик ва шаффофликни таъминлаш.

Норматив-ҳуқуқий ҳужжат лойиҳаси. Лойиҳада:

Ўзбекистон Республикаси олий таълим муассасалари битирувчиларининг якуний давлат аттестацияси тўғрисидаги низомда (рўйхат рақами 1963, 2009 йил 5 июнь):

якуний давлат аттестацияси синовидан ўта олмаган шахс ўқиш муддати тугагандан сўнг, аризасига мувофиқ якуний давлат аттестацияси синовини кейинги 3 йил давомида қайта топширишини;

якуний давлат аттестацияси синовидан кейинги 3 йил давомида қайта ўта олмаган талабага академик маълумотнома берилиши ва у ўрнатилган тартибда, тўлов-контракт асосида тегишли битирув курсига ўқиш учун қайта тикланишини;

якуний давлат аттестацияси синовларининг тасдиқланган дастурлари ҳамда баҳолаш мезонлари якуний давлат аттестацияси бошланишидан камида 3 ой олдин талабалар эътиборига етказилишини;

якуний давлат аттестацияси жараёнида қўйилган баҳодан норози бўлган битирувчиларнинг мурожаатларини кўриб чиқувчи апелляция комиссиясининг таркибини қатъий белгилаш;

Олий таълим муассасаларида талабалар билимини назорат қилиш ва баҳолашнинг рейтинг тизими тўғрисидаги низомда (рўйхат рақами 1981, 2009 йил 10 июль):

талабалар тўғрисидаги маълумотлар уларнинг назорат ишларига олий таълим муассасаси томонидан мажбурий тартибда идентификация коди бериш орқали шифрланишини;

жорий ва оралиқ назорат турлари бўйича 55 ва ундан юқори баллни тўплаган талаба фанни ўзлаштирган деб ҳисобланиши ва ушбу фан бўйича якуний назоратга кириш ёки кирмаслик масаласини талабанинг ўзи ҳал қилишини;

талаба назорат натижаларидан норози бўлса, фан бўйича назорат тури натижалари эълон қилинган вақтдан бошлаб 72 соат ичида факультет декани ёки факультет тузилмаси бўлмаган олий таълим муассасаларида ўқув бўлими (ўқув-услубий бошқарма) бошлиғига ариза билан му?ожаат этишини;

апелляция комиссияси таркибига тегишли назорат тури бўйича баҳолашни амалга оширган шахсларнинг киритилишига йўл қўйилмаслигини;

талабага имтиёзли диплом берилишида унинг ҳар бир семестр якунидаги фанларнинг камида 3/4 қисми бўйича 86 балл ва ундан юқори (5 баҳолик тизимда 5 баҳо (аъло) 1/4 қисми бўйича 71 балл ва ундан юқори (5 баҳолик тизимда 4 баҳо (яхши) балл, шунингдек, якуний давлат аттестацияси синовлари бўйича 86 балл ва ундан юқори (5 баҳолик тизимда 5 баҳо (аъло) ўзлаштириш кўрсаткичига эга бўлишини белгилаш;

Тошкент давлат юридик университетида ўқитишнинг модуль тизими шароитларида талабалар билимини назорат қилиш тартиби ва баҳолаш мезонлари тўғрисидаги низомда (рўйхат рақами 2780, 2016 йил 22 апрель):

Тошкент давлат юридик университетининг оралиқ ёки якуний назорат бўйича қўйилган баллдан норози бўлган талабалари баҳо эълон қилингандан бошлаб б72 соат давомида электрон таълим платформаси орқали апелляция шикояти бериши мумкинлигини белгилаш;

Олий таълим муассасаларида талабалар билимини назорат қилиш ва баҳолаш тизими тўғрисидаги низомда (рўйхат рақами 3069, 2018 йил 26 сентябрь):

олий таълим муассасасида назорат турларини ўтказиш тартиби бузилганлиги аниқланган ҳар қандай ҳолларда, ўтказилган назорат турларининг натижалари бекор қилиниши ҳамда тегишли назорат тури қайтадан ўтказилишини белгилаш назарда тутилади.

2022 йил 1 январь

Олий ва ўрта махсус таълим вазирлиги, Адлия вазирлиги, манфаатдор вазирлик ва идоралар

20.

Зиддиятли ҳуқуқни қўллаш амалиётига барҳам бериш мақсадида ўз аҳамиятини йўқотган норматив-ҳуқуқий ҳужжатларни қайта кўриб чиқиш.

Норматив-ҳуқуқий ҳужжат лойиҳаси. Лойиҳада:

Вазирлар Маҳкамасининг 2000 йил 16 августдаги 325-сон «Олий таълим муассасалари ректорларини давлат аттестациясидан ўтказиш тўғрисида»ги қарорини ўз кучини йўқотган деб топиш;

Олий таълим тўғрисидаги низомни (рўйхат рақами 1222, 2003 йил 22 февраль) қайта кўриб чиқиш ва Вазирлар Маҳкамасининг қарори шаклида қабул қилиш;

Ўзбекистон Республикаси олий ўқув юртларида таълим олиш учун йўналтириладиган маблағларга жисмоний шахслардан олинадиган даромад солиғи бўйича имтиёзни қўллаш тартиби тўғрисидаги низомни (рўйхат рақами 2107, 2010 йил 27 май) қайта кўриб чиқиш;

Ўзбекистон Республикаси Ички ишлар вазирлиги Ёнғин хавфсизлиги институтига ўқишга қабул қилиш тартиби тўғрисидаги низомни (рўйхат рақами 2654, 2015 йил 9 февраль) қайта кўриб чиқиш ва Вазирлар Маҳкамасининг қарори шаклида қабул қилиш назарда тутилади.

2022 йил 1 февраль

Олий ва ўрта махсус таълим вазирлиги, Фавқулодда вазиятлар вазирлиги, манфаатдор вазирлик ва идоралар

IV. Давлат харидлари соҳасини тартибга солувчи норматив-ҳуқуқий ҳужжатлар

21.

Давлат харидлари ҳамда капитал қурилишда танлов савдоларини ўтказиш жараёнларида шаффофликни таъминлашга қаратилган норматив-ҳуқуқий ҳужжатлар қабул қилинганлиги муносабати билан ўз аҳамиятини йўқотган қонунчилик ҳужжатларини ўз кучини йўқотган деб топиш, шунингдек капитал қурилишда қонунийликни таъминлаш.

Ўзбекистон Республикаси Президентининг фармони лойиҳаси. Лойиҳада:

Ўзбекистон Республикаси Президентининг 2003 йил 6 майдаги ПФ-3240-сон «Капитал қурилишда иқтисодий ислоҳотларни янада чуқурлаштиришнинг асосий йўналишлари тўғрисида»ги Фармонини ўз кучини йўқотган деб топиш;

Ўзбекистон Республикаси Президентининг 2018 йил 27 сентябрдаги ПҚ-3953-сон «Ўзбекистон Республикасининг «Давлат харидлари тўғрисида»ги Қонунини амалга ошириш чора-тадбирлари тўғрисида»ги қарори билан тасдиқланган рўйхатни тўлиқ қайта кўриб чиқиб янгилаш;

Вазирлар Маҳкамасининг 2020 йил 2 февралдаги 91-сон «Ўзбекистон Республикасида ижтимоий ва ишлаб чиқариш инфратузилма объектларини қуриш, реконструкция қилиш ва капитал таъмирлаш бўйича танлов (тендер) ўтказишни жадаллаштириш чора-тадбирлари тўғрисида»ги қарорини ўз кучини йўқотган деб топиш;

Вазирлар Маҳкамасининг 2003 йил 3 июлдаги 302-сон «Капитал қурилишда танлов савдолари тизимини такомиллаштириш чора-тадбирлари тўғрисида»ги қарорини ўз кучини йўқотган деб топиш;

Вазирлар Маҳкамасининг 2000 йил 5 августдаги 305-сон «Капитал қурилишда иқтисодий ислоҳотларни чуқурлаштиришга доир қўшимча чора-тадбирлар тўғрисида»ги қарорини Ўзбекистон Республикасининг «Давлат харидлари тўғрисида»ги Қонунига мувофиқлаштириш;

Вазирлар Маҳкамасининг 2018 йил 9 февралдаги 103-сон «Ариза берувчи-уй қурувчининг 2017 — 2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастурида иштирок этиши тартиби тўғрисидаги низомни тасдиқлаш ҳақида»ги қарори «Давлат харидлари тўғрисида»ги Қонунга асосан қайта кўриб чиқиш;

Давлат харидлари соҳасига оид Харид қилиш тартиб-таомилларини ташкил этиш ва ўтказиш тартиби тўғрисидаги низомни (рўйхат рақами 3016, 2018 йил 26 май) бекор қилиш ҳамда харид қилиш тартиб таомилларини тартибга солувчи ягона регламентни Ҳукуматнинг қарори асосида тасдиқлаш назарда тутилади.

2022 йил 1 январь

Молия вазирлиги, Қурилиш вазирлиги, манфаатдор вазирлик ва идоралар

22.

Давлат харидларини амалга оширишнинг алоҳида тартиби (истисно ҳолатлар) белгиланган нормаларни бекор қилиш.

Ўзбекистон Республикаси Президентининг қарори лойиҳаси. Лойиҳада:

Ўзбекистон Республикаси Президентининг 2020 йил 11 августдаги ПҚ-4804-сон «Камбағал ва ишсиз фуқароларни тадбиркорликка жалб қилиш, уларнинг меҳнат фаоллигини ошириш ва касб-ҳунарга ўқитишга қаратилган ҳамда аҳоли бандлигини таъминлашга оид қўшимча чора-тадбирлар тўғрисида»ги қароридаги ҳудудий меҳнат органлари томонидан рўйхатга олинган ишсиз ва банд бўлмаган аҳолини Бандликка кўмаклашиш давлат жамғармаси маблағлари ҳисобидан тадбиркорлик кўникмалари ва хорижий тилларга ўқитиш, касб-ҳунарга тайёрлаш, қайта тайёрлаш ва малакасини оширишни тўғридан-тўғри шартномалар тузиш асосида амалга ошириш тартибини бекор қилиш;

Ўзбекистон Республикаси Президентининг 2020 йил 26 майдаги ПҚ-4731-сон ««Олмалиқ КМК» АЖ конлари негизида рангли ва қимматбаҳо металлар ишлаб чиқаришни кенгайтиришга доир қўшимча чора-тадбирлар тўғрисида»ги қароридаги «Олмалиқ КМК» АЖ концентратлар ва металлургия хом ашёсини тўғридан-тўғри шартномалар (контрактлар) бўйича олиб киришини бекор қилиш;

Ўзбекистон Республикаси Президентининг 2020 йил 18 мартдаги ПҚ-4643-сон «Аграр ва озиқ-овқат соҳаларини бошқариш тизимини янада такомиллаштириш чора-тадбирлари тўғрисида»ги қароридаги аэрофотосурат олишга мўлжалланган ресурстежамкор самолётни ҳамда уни жиҳозловчи лазерли мультиспектрал камерани, истисно тариқасида, тендер савдоларисиз, ишлаб чиқарувчилар билан тўғридан-тўғри шартнома тузиш орқали харид қилиш тартибини бекор қилиш;

Ўзбекистон Республикаси Президентининг 2019 йил 27 июндаги ПҚ-4366-сон «Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида»ги қароридаги Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг тадбирлар (анжуманлар, брифинглар, «давра суҳбатлари», тақдимотлар ва бошқалар)ни ташкил этиш билан боғлиқ Агентликка юклатилган вазифаларнинг лозим даражада бажарилишини таъминлаш мақсадида ишлар (хизматлар)ни етказиб берувчилар билан тўғридан-тўғри шартномалар тузиш ҳуқуқини бекор қилиш;

Шунингдек, тўғридан-тўғри шартномалар тузиш орқали харид қилиш тартиби белгиланган барча нормаларни бекор қилиш ҳамда ушбу харидларни «Давлат харидлари тўғрисида»ги Қонун талаблари асосида амалга оширишини белгилаш назарда тутилади.

2022 йил 1 февраль

Молия вазирлиги, манфаатдор вазирлик ва идоралар

23.

Қишлоқ жойларда янгиланган намунавий лойиҳалар бўйича арзон уй-жойлар қуриш учун пудрат ташкилотларини ҳамда қурилиш материаллари ва асбоб-ускуналарни етказиб берувчиларни аниқлаш юзасидан танлов савдолари ўтказишда қонунийлик, очиқлик ва шаффофликни таъминлаш.

Вазирлар Маҳкамасининг 2017 йил 26 апрелдаги 243-сон «Қишлоқ жойларда янгиланган намунавий лойиҳалар бўйича арзон уй-жойлар қуриш учун пудрат ташкилотларини ҳамда қурилиш материаллари ва асбоб-ускуналарни етказиб берувчиларни аниқлаш юзасидан танлов савдолари ўтказиш тартиби тўғрисидаги низомни тасдиқлаш ҳақида»ги қарорига ўзгартириш ва қўшимчалар киритиш бўйича Ҳукумат қарори лойиҳаси. Лойиҳада:

танлов савдолари бўйича ҳудудий танлов комиссиясининг танлов ҳужжатларини ва талабгорларга қўйиладиган танлов таклифларини баҳолаш мезонларини белгилаш, танлов ҳужжатларига, таклифларни техник ва молиявий баҳолаш мезонларига қўйиладиган шартлар ва талабларни белгилаш ваколатларини бекор қилиш;

офертани тақдим этиш муддатини узайтиришнинг аниқ чегарасини, талабгорларнинг асосий ва айланма маблағларнинг миқдорига қўйиладиган талабнинг, танлов ҳужжатларини сотиб олиш учун тўловнинг аниқ миқдорини белгилаш;

танлов савдолари ўтказиш тўғрисидаги эълонни махсус ахборот порталига жойлаштириш;

танлов комиссиялари мажлисларида жамоатчилик вакилларининг мажбурий иштирокини таъминлаш;

оферталарни бериш муддати тамом бўлган вақтдан бошлаб 5 иш куни ичида оферталарни очиш тартибини жорий этиш;

танлов савдоларининг ғолибини ҳудудий танлов комиссиясининг очиқ мажлисида аниқлаш амалиётини жорий этиш;

талабгорларнинг оферталарини кўриб чиқиш, баҳолаш ва таққослаш натижалари тўғрисидаги ахборотни мажбурий равишда эълон қилиш;

танловга қатнашиш учун иккитадан кам оферта тушганда танловни ўтказилмаган деб топиш, танлов савдолари ғолиби шартнома тузишни рад этган ёки контракт белгиланган муддатда ижро этилиши кафолати тақдим этилмаган тақдирда иккинчи ўринни олган оферентни ғолиб деб эътироф этиш тартибини белгилаш назарда тутилади.

2022 йил 1 февраль

Қурилиш вазирлиги, Молия вазирлиги, манфаатдор вазирлик ва идоралар

24.

Қурилиш соҳасида давлат харидларини ташкил этиш ҳамда ўтказишда қонунийлик, очиқлик ва шаффофликни таъминлаш.

Вазирлар Маҳкамасининг қарори лойиҳаси. Лойиҳада:

Вазирлар Маҳкамасининг 2020 йил 5 февралдаги 55-сон «Қурилиш соҳасида электрон давлат харидларини ташкил этиш ва ўтказиш тартибини такомиллаштириш чора-тадбирлари тўғрисида»ги қарорида:

танлов иштирокчиларидан таклифларни қабул қилиш муддати порталда эълон қилинган кундан бошлаб беш иш кундан кам бўлмаслигини белгилаш;

тендер иштирокчиларидан таклифларни қабул қилиш муддати порталда эълон қилинган кундан бошлаб ўн икки иш кунидан кам ва ўттиз иш кундан кўп бўлмаслигини белгилаш;

танловда ягона оферент иштирок этганда ёки бирорта ҳам оферент иштирок этмаганда, харид комиссияси танловга кириш учун оферентларга нисбатан қўйилган электрон рейтинг баҳони бир даража пасайтириш ҳуқуқига эгалигини белгилаш;

танлов ғолиби деб топилган лойиҳа-қидирув ва қурилиш-пудрат ташкилотлари қурилиш ишларининг камида 30 фоизини ўз кучи билан бажариши зарурлигига оид нормани киритиш;

2022 йил 1 январдан амал қиладиган, қурилиш соҳасида давлат харидларини амалга оширишнинг очиқ ва шаффоф тартибини белгиловчи низомни тасдиқлаш назарда тутилади.

2022 йил 1 январь

Молия вазирлиги, Қурилиш вазирлиги, манфаатдор вазирлик ва идоралар

25.

Кўп квартирали уйларни қуриш ва реконструкция қилишни молиялаштиришда, шунингдек ёш оилаларга, эскирган уй-жойларда яшаётганларга ва уй-жой шароитларини яхшилашга муҳтож бўлган фуқароларнинг бошқа тоифаларига сотишда қонунийлик, очиқлик ва шаффофликни таъминлаш.

Вазирлар Маҳкамасининг 2017 йил 16 январдаги 14-сон «Кўп квартирали уйларни қуриш ва реконструкция қилишни молиялаштириш, шунингдек ёш оилаларга, эскирган уй-жойларда яшаётганларга ва уй-жой шароитларини яхшилашга муҳтож бўлган фуқароларнинг бошқа тоифаларига сотиш тартиби тўғрисидаги низомни тасдиқлаш ҳақида»ги қарорига ўзгартириш ва қўшимчалар киритиш бўйича Ҳукумат қарори лойиҳаси. Лойиҳада:

кредитни олиш учун буюртмачи томонидан банкнинг хизмат кўрсатувчи филиалига қурилиш-монтаж ишларини амалга оширишга рухсатноманинг нусхасини тақдим этиш талаб этилмаслигини белгилаш;

ёш оилалар, эскирган уй-жойларда яшаётганлар ва фуқароларнинг бошқа тоифалари кўп квартирали уйлардан квартира сотиб олиш учун аризаларни давлат хизматлари марказлари ва Ягона интерактив давлат хизматлари портали орқали тақдим этиш тартибини белгилаш;

кўп квартирали уйлардаги квартираларни яшаш шароитларини яхшилашга муҳтож бўлган жисмоний шахсларга бириктириш масалаларини кўриб чиқиш бўйича комиссиянинг мажлисларида оммавий ахборот воситалари ва жамоатчилик вакилларининг мажбурий иштирокини таъминлаш ҳамда комиссиянинг қарорлари устидан шикоят қилиш тартибини белгилаш.

2022 йил 1 февраль

Молия вазирлиги, Қурилиш вазирлиги

Т/р

Коррупцияга қарши экспертизадан ўтказиладиган амалдаги норматив-ҳуқуқий ҳужжатларнинг классификатори

Ижро муддати

Ижро учун масъуллар

1.

Ижтимоий таъминот ва ижтимоий суғурта тўғрисидаги қонунчилик, ижтимоий ҳимоя

Кўриб чиқиладиган соҳалар — ижтимоий таъминот ва ижтимоий суғуртани бошқариш, ижтимоий таъминот ва ижтимоий суғуртани молиялаштириш, меҳнат стажи, ногиронликни, вақтинчалик меҳнатга қобилиятсизликни белгилаш, пенсиялар, нафақалар, компенсация тўловлари, ижтимоий хизмат кўрсатиш, имтиёзлар, ногиронлиги бўлган шахслар ва фуқароларнинг бошқа тоифаларининг ижтимоий ҳимояси, ижтимоий таъминот ва ижтимоий суғурта соҳасида низоларни ҳал қилиш тартиби, ижтимоий таъминот ва ижтимоий суғурта тўғрисидаги қонун ҳужжатларини бузганлик учун жавобгарлик, ҳомийлик.

2022 йил

Бандлик ва меҳнат муносабатлари вазирлиги, Молия вазирлиги, Иқтисодий тараққиёт ва камбағалликни қисқартириш вазирлиги, Соғлиқни сақлаш вазирлиги

2.

Молия ва кредит тўғрисидаги қонунчилик, банк фаолияти

Кўриб чиқиладиган соҳалар — молиявий тизимнинг умумий қоидалари, молия ва иқтисод соҳасидаги бошқарув, пул тизими ва пул муомаласи, инфляция, бюджет тизимининг умумий қоидалари, республика бюджети, Қорақалпоғистон Республикаси бюджети, маҳаллий бюджет, бюджет тизимининг бошқа масалалари, ғазначилик, солиқ қонунчилиги, солиқ маслаҳати, солиққа оид иш юритув, солиқ тўловчиларнинг ҳисоби, солиқ ҳисоботи, давлат солиқ хизмати идоралари актлари ва уларнинг мансабдор шахслари ҳаракатлари ва ҳаракатсизлиги устидан шикоят қилиш, солиқ тўғрисидаги қонун ҳужжатларига риоя этилишини назорат қилиш, солиқ соҳасидаги ҳуқуқбузарликлар учун жавобгарлик, давлат божи, банк тизими, банклар ва кредит ташкилотларни ташкил этиш, қайта ташкил этиш ва тугатиш, банк ва кредит фаолиятини лицензиялаш, банк фаолиятида рухсат бериш тартиб-таомиллари, банк фаолияти, кредитлаш, бошқа кредит муассасалари, қимматли қоғозлар, қимматли қоғозлар бозори, қимматли қоғозлар эмиссияси, заёмлар, лотереялар, валютани тартибга солиш ва валютани назорат қилиш, инвестициялар ва хориждан маблағ жалб қилиш, бухгалтерия ҳисоби, молиявий ҳисобот, жиноий фаолиятдан олинган даромадларни легаллаштиришга ва терроризмни молиялаштиришга қарши курашиш.

Молия вазирлиги, Иқтисодий тараққиёт ва камбағалликни қисқартириш вазирлиги, Давлат солиқ қўмитаси, Инвестициялар ва ташқи савдо вазирлиги, Марказий банк, Иқтисодий жиноятларга қарши курашиш департаменти

3.

Тадбиркорлик ва хўжалик фаолияти

Кўриб чиқиладиган соҳалар — тадбиркорлик тўғрисидаги қонунчилик, рақобат тўғрисида қонунчилик, табиий монополиялар, банкротлик ва санация, аудиторлик фаолияти, баҳолаш фаолияти, стандартлаштириш, метрология, сертификатлаш, асиллик даражаси ишлари, қимматбаҳо металлар ва тошлар, реклама тўғрисидаги қонунчилик, саноат, геодезия ва картография, қурилиш, шаҳарсозлик ва архитектура, қишлоқ хўжалиги, транспорт, алоқа, савдо, умумий овқатланиш, аҳолига маиший хизмат кўрсатиш, энергетика, сув хўжалиги.

Тадбиркорларнинг ҳуқуқларини ҳимоя қилиш бўйича вакил, Транспорт вазирлиги, Қурилиш вазирлиги, Қишлоқ хўжалиги вазирлиги, Сув хўжалиги вазирлиги, Ахборот технологиялари коммуникацияларини ривожлантириш вазирлиги, Энергетика вазирлиги, Монополияга қарши курашиш қўмитаси, Давлат солиқ қўмитаси, Савдо-саноат палатаси, Давлат геология ва минерал ресурслар қўмитаси, Саноат хавфсизлиги давлат қўмитаси, Ветеринария ва чорвачиликни ривожлантириш давлат қўмитаси

4.

Ташқи иқтисодий фаолият, божхона иши

Кўриб чиқиладиган соҳалар — ташқи иқтисодий фаолият соҳасидаги умумий қоидалар, божхона-тариф жиҳатдан тартибга солиш, тарифсиз тартибга солиш, миллий иқтисодни ҳимоя қилиш борасида давлатнинг чора-тадбирлари, товарлар ва транспорт воситалари божхона чегарасидан олиб ўтилганда ундириладиган солиқлар ва йиғимлар, божхона иши, жисмоний шахслар томонидан божхона чегараси орқали валюта, товарлар ва транспорт воситаларини олиб ўтиш, божхона расмийлаштируви, алоҳида турдаги товарлар, валюта ва транспорт воситаларини олиб кириш ва олиб чиқиш, божхона назорати, божхона тартибини бузганлик учун жавобгарлик.

Инвестициялар ва ташқи савдо вазирлиги, Давлат божхона қўмитаси, Иқтисодий тараққиёт ва камбағалликни қисқартириш вазирлиги, Молия вазирлиги, Транспорт вазирлиги

5.

Меҳнат ва аҳолининг бандлиги тўғрисидаги қонунчилик

Кўриб чиқиладиган соҳалар — ишга жойлаштириш ва аҳоли бандлиги, меҳнат, меҳнатга ҳақ тўлаш, кафолатлар ва компенсациялар, меҳнат интизоми, меҳнат шартномаси тарафларининг моддий жавобгарлиги, меҳнатни муҳофаза қилиш, касбий тайёргарлик, малака ошириш ва қайта тайёрлаш, ижтимоий муҳофазага муҳтож ходимлар меҳнатини тартибга солишнинг қўшимча кафолатлари ва хусусиятлари, айрим тоифадаги ходимларнинг меҳнатини (хизматини) тартибга солишнинг хусусиятлари, меҳнат низолари, меҳнатга оид қонун ҳужжатларига риоя этилиши юзасидан назорат, меҳнатга оид қонун ҳужжатларини бузилганлик учун жавобгарлик.

2023 йил

Бандлик ва меҳнат муносабатлари вазирлиги, Бош прокуратура, Давлат хизматини ривожлантириш агентлиги

6.

Хавфсизлик ва ҳуқуқ тартибот муҳофазаси

Кўриб чиқиладиган соҳалар — давлат, жамият ва шахс хавфсизлигини таъминлаш соҳасидаги умумий қоидалар, хавфсизликни таъминлаш кучлари, давлат хавфсизлиги, жамият хавфсизлиги, шахс хавфсизлиги, хавфсизликни таъминлаш воситалари, фуқаролар ва жамоат бирлашмаларининг хавфсизликни таъминлашдаги иштироки, фуқаро муҳофазаси, давлат хавфсизликни таъминлаш органларининг ўзаро ва чет давлатлар ҳуқуқни муҳофаза қилувчи органлари билан бўлган муносабатлари, маъмурий жавобгарлик, маъмурий адлия, жиноят қонунчилиги, жиноят-процессуал қонунчилиги, жиноят-ижроия қонунчилиги.

Бош прокуратура, Давлат хавфсизлик хизмати, Ички ишлар вазирлиги, Фавқулодда вазиятлар вазирлиги, Миллий гвардия, Олий суд, Адлия вазирлиги

7.

Одил судлов

Кўриб чиқиладиган соҳалар — судьяларнинг сайланиш ва тайинланиш тартиби, ваколатларни тугатиш, судьяларнинг моддий ва ижтимоий таъминоти, Судьялар олий кенгаши, судьялар малака ҳайъатлари, судларнинг молиялаштирилиши ва моддий-техника таъминоти, судьялар ва процесс иштирокчиларининг хавфсизлигини таъминлаш, судьяларнинг малака даражаси, халқ маслаҳатчилари, суд амалиёти ва статистикаси, суд тизими ходимларининг мансаб даражалари, ҳакамлик судлари, суд-экспертиза муассасалари, суд-тиббий экспертизаси, фуқаролик процессуал қонунчилиги, суд ҳужжатлари ва бошқа органлар ҳужжатларини ижро этиш, иқтисодий процессуал қонунчилик.

Олий суд, Конституциявий суд, Бош прокуратура, Молия вазирлиги

8.

Прокуратура, адвокатура, нотариат, юридик хизмат, адлия органлари, ФҲДЁ органлари

Кўриб чиқиладиган соҳалар — прокуратуранинг тизими ва ташкилий тузилмаси, прокурор назорати, жиноятчиликка қарши курашишда фаолиятни мувофиқлаштириш, адвокатура фаолиятининг ташкилий асослари, адвокатларнинг ҳуқуқ ва мажбуриятлари, адвокатлик фаолияти (лицензиялаш, ташкилий-ҳуқуқий шакллари), нотариал фаолиятнинг ташкилий асослари, нотариал фаолиятни лицензиялаш, юридик хизмат, адлия органлари, ФҲДЁ органлари.

Бош прокуратура, Адлия вазирлиги

9.

Фуқаролик қонунчилиги

Кўриб чиқиладиган соҳалар — фуқаролар (жисмоний шахслар), юридик шахслар, фуқаролик қонунчилиги объектлари, битимлар, вакиллик, ишончнома, муддатлар, даъво муддати,мулк ҳуқуқи ва бошқа ашёвий ҳуқуқлар, мулк ҳуқуқи ва бошқа ашёвий ҳуқуқларни ҳимоя қилиш, мажбурият ҳуқуқи, мажбуриятларнинг алоҳида турлари, зарар етказилганлиги оқибатидаги мажбуриятлар, асоссиз бойиб кетиш натижасидаги мажбуриятлар, интеллектуал мулк, фуқаролик муомаласи иштирокчиларининг, товарлар, ишлар ва хизматларнинг хусусий аломатларини акс эттирувчи воситалар, мерос ҳуқуқи, халқаро хусусий ҳуқуқ.

2024 йил

Адлия вазирлиги, Бош прокуратура, Олий суд

10.

Оила қонунчилиги

Кўриб чиқиладиган соҳалар — никоҳ, болаларнинг келиб чиқишини белгилаш, ота-оналар ва болаларнинг ҳамда бошқа шахсларнинг ҳуқуқ ва мажбуриятлари, алимент мажбуриятлари, ота-оналар қаровисиз қолган болаларни тарбиялаш шакллари, фуқаролик ҳолати далолатномаларини қайд қилиш, фамилия, исм ва ота исмини ўзгартириш, чет эллик фуқаролар ва фуқаролиги бўлмаган шахслар иштирокидаги оилавий муносабатларни тартибга солиш.

Маҳалла ва оилани қўллаб қувватлаш вазирлиги, Олий суд, Адлия вазирлиги

11.

Ахборот ва ахборотлаштириш

Кўриб чиқиладиган соҳалар — ахборот ва ахборотлаштириш соҳасининг умумий қоидалари, ахборот ва ахборотлаштириш соҳасида бошқарув, электрон ҳукумат, ахборот ресурслари, ахборот ресурсларидан фойдаланиш, ахборотлаштириш, ахборот тизимлари, технологиялари ва уларни таъминлаш воситалари, иш юритиш (штамплар, бланкалар), ахборот хавфсизлиги, ахборотни ва ахборот жараёнлари ҳамда ахборотлаштириш соҳаси субъектлари ҳуқуқларини ҳимоя қилиш, реклама, кадастр маълумоти.

Ахборот технологиялари коммуникацияларини ривожлантириш вазирлиги, Ахборот ва оммавий коммуникациялар агентлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Кадастр агентлиги

12.

Таълим, фан, маданият

Кўриб чиқиладиган соҳалар — таълим тизимини бошқариш, таълим ташкилотларини аттестациядан ва давлат аккредитациясидан ўтказиш, мактабгача таълим ва тарбия, умумий ўрта ва ўрта махсус таълим, профессионал таълим, олий таълим, илм-фан ва фан-техника фаолияти соҳасини бошқариш, илмий муассасаларни ва илмий фаолиятни молиялаштириш, маданият соҳасида бошқарув, маданият соҳасида фаолиятни амалга оширишни лицензиялаш, маданий мерос объектларидан фойдаланиш ва уларни муҳофаза қилиш.

Мактабгача таълим вазирлиги, Халқ таълими вазирлиги, Олий ва ўрта махсус таълим вазирлиги, Маданият вазирлиги, Ахборот ва оммавий коммуникациялар агентлиги, Таълим сифатини назорат қилиш давлат инспекцияси, Давлат тест маркази, Фанлар академияси

13.

Давлат бошқаруви асослари

Кўриб чиқиладиган соҳалар — республика давлат бошқаруви органлари ва хўжалик бошқаруви органлари, давлат хизмати, маъмурий тартиб-таомиллар, иқтисодиёт, ижтимоий-маданий қурилиш соҳасидаги давлат бошқарувининг умумий масалалари.

2025 йил

Адлия вазирлиги, Давлат хизматини ривожлантириш агентлиги

14.

Уй-жой қонунчилиги, коммунал хўжалик

Кўриб чиқиладиган соҳалар — уй-жой фонди, фуқароларни уй-жой билан таъминлаш, уй-жой фондидан фойдаланиш, коммунал хўжалик, уй-жой қурилиши, сақлаб турилиши ва таъмирланиш харажатларини тўлаш (кредитлар, компенсациялар, субсидиялар, имтиёзлар), уй-жой низоларини ҳал қилиш, уй-жойга оид қонунчиликни бузганлик учун жавобгарлик, нотурар жойлар, маъмурий бинолар, риэлторлик фаолияти, дача хўжалиги, меҳмонхона хўжалиги.

Уй-жой коммунал хизмат кўрсатиш вазирлиги, Туризм ва спорт вазирлиги, Бош прокуратура

15.

Атроф табиий муҳит ва табиий ресурслар

Кўриб чиқиладиган соҳалар — атроф табиий муҳитни муҳофаза қилиш бўйича умумий масалалар, атроф табиий муҳитни муҳофаза қилиш ва экологик хавфсизликни таъминлаш, ердан фойдаланиш ва муҳофаза қилиш, ер ости бойликларидан фойдаланиш ва муҳофаза қилиш, сувдан фойдаланиш ва муҳофаза қилиш, ўрмонлар ва ўрмон фондига кирмайдиган ўсимлик дунёсидан фойдаланиш ва муҳофаза қилиш, ҳайвонот дунёсини муҳофаза қилиш ва фойдаланиш, атмосфера ҳавосини муҳофаза қилишга оид қонунчилик, гидрометеорология, сейсмология.

Экология ва атроф муҳитни муҳофаза қилиш давлат қўмитаси, Сув хўжалиги вазирлиги, Ўрмон хўжалиги давлат қўмитаси, Гидрометеорология хизмати маркази, Кадастр агентлиги

16.

Соғлиқни сақлаш, жисмоний тарбия, спорт ва туризм

Кўриб чиқиладиган соҳалар — соғлиқни сақлаш соҳасида бошқарув, тиббиёт муассасалари ва ходимлари, тиббиёт ва фармацевтика фаолиятига рухсат бериш, лицензиялаш, тез тиббий ёрдам, пуллик тиббий хизмат кўрсатиш, санитария-эпидемиологик назорат, жисмоний тарбия ва спорт соҳасида бошқарув, аҳолининг жисмоний маданияти, спорт, туризм, туризм соҳасидаги фаолиятни лицензиялаш, туристик хизматларни сертификатлаш.

Соғлиқни сақлаш вазирлиги, Туризм ва спорт вазирлиги

17.

Конституциявий тузум

Кўриб чиқиладиган соҳалар — Конституция, суверенитет, давлат рамзлари, пойтахт, давлат тили, ҳудуд, аҳоли, инсон ва фуқаронинг ҳуқуқлари, эркинликлари ва бурчлари, референдум, сайлов, сайлов тизими, Ўзбекистон Республикаси Вазирлар Маҳкамаси, Қорақалпоғистон Республикасининг қонунчилиги ва ижро органлари, суд ҳокимияти, давлат органларининг ҳуқуқ ижодкорлиги фаолияти, маҳаллий давлат ҳокимияти органлари, фуқароларнинг ўзини ўзи бошқариш органлари, нодавлат нотижорат ташкилотлари, йиғилишлар, митинглар, намойишлар, юришлар ва бошқа оммавий тадбирларни ўтказиш тартиби, давлат мукофотлари, юқори даражалар ва фарқловчи белгилар, фахрий унвонлар, эсдалик нишонлар, фахрий ёрлиқлар, давлат мукофотлари, пул мукофотлари ва бошқа тўловлар, байрамлар, хотира кунлари, юбилейлар, буюк шахслар хотираси, тарихий воқеаларни абадийлаштириш, ном бериш, топонимик объектларни номлаш ва номини ўзгартириш.

2026 йил

Коррупцияга қарши курашиш агентлиги, Марказий сайлов комиссияси, Олий суд, Миллий гвардия, Ички ишлар вазирлиги, Адлия вазирлиги, Маданият вазирлиги, Маҳалла ва оилани қўллаб-қувватлаш вазирлиги

18.

Мудофаа

Кўриб чиқиладиган соҳалар — мудофаанинг умумий масалалари, мудофаани бошқариш, Қуролли Кучлар, мудофаа соҳасидаги вазифаларни бажаришга жалб қилинадиган бошқа қўшинлар, ҳарбий тузилмалар, уруш ҳолати, ҳарбий ҳолат, ҳарбий кадрларни тайёрлаш ва қайта тайёрлаш, Қуролли Кучларнинг фуқаро ходимлари, қурол ва ҳарбий техника, қўшинларни таъминлаш, қароргоҳлар қуриш ва қўшинларни жойлаштириш, ҳарбий мажбурият, ҳарбий хизмат, муқобил хизмат, фуқаро муҳофазаси, объектларни ҳимоя қилиш, фуқароларни ҳимоя қилиш, ҳарбий илм, шахсий таркибни тарбиялаш, ҳарбий хизматчилар мақоми, ҳарбий хизматчилар, ҳарбий хизматдан бўшатилган фуқаролар ва уларнинг оила аъзоларини ижтимоий ҳимоя қилиш.

Мудофаа вазирлиги

19.

Халқаро муносабатлар, халқаро ҳуқуқ

Кўриб чиқиладиган соҳалар — давлатлараро алоқаларнинг умумий масалалари, ташқи алоқаларни ташкил этиш, ижтимоий-маданий масалалар бўйича ҳамкорлик, ҳудуд, аҳоли, халқаро шартномалар ҳуқуқи, дипломатик ва консуллик ҳуқуқи, халқаро ташкилотлар ва иттифоқлар, халқаро иқтисодий ҳамкорлик, халқаро хавфсизлик ҳуқуқи, жиноятчиликка ва терроризмга қарши халқаро кураш, фуқаролик ва иқтисодий ишлар бўйича ҳуқуқий ёрдам.

Ташқи ишлар вазирлиги, Адлия вазирлиги, Бандлик ва меҳнат муносабатлари вазирлиги, Соғлиқни сақлаш вазирлиги, Маданият вазирлиги, Туризм ва спорт вазирлиги, Ички ишлар вазирлиги, Фавқулодда вазиятлар вазирлиги, Мудофаа вазирлиги, Бош прокуратура