toggle_night_mode
Oʻzbekiston Respublikasi Prezidentining
Farmoni
Ijtimoiy munosabatlarni huquqiy tartibga solishning barqarorligini taʼminlash, sifati va samaradorligini oshirish chora-tadbirlari toʻgʻrisida
“Oʻzbekiston — 2030” strategiyasi ijrosini samarali taʼminlash, norma ijodkorligi jarayonida “aqlli tartibga solish” usullaridan keng foydalanish hamda ijtimoiy munosabatlarni huquqiy tartibga solish barqarorligini taʼminlash, shuningdek, normativ-huquqiy hujjatlar loyihalarining tartibga solish taʼsirini baholash hamda qonunchilik hujjatlari natijadorligini monitoring qilishning tashkiliy-huquqiy mexanizmlarini rivojlantirish maqsadida:
1. Adliya vazirligi tomonidan manfaatdor vazirlik va idoralar bilan birgalikda 1860 ta qonunchilik hujjatlari ekspertizadan oʻtkazilganligi va shundan 243 ta hujjatda 350 ta oʻz ahamiyatini yoʻqotgan, amalga oshirish mexanizmlari bilan taʼminlanmagan normalar va huquqiy boʻshliqlar aniqlanganligi hamda ularni bartaraf etish boʻyicha tegishli takliflar ishlab chiqilganligi maʼlumot uchun qabul qilinsin.
Quyidagilar:
Oʻzbekiston Respublikasi Prezidentining ayrim hujjatlariga moliya, kredit, bank, tadbirkorlik faoliyati, ijtimoiy himoya, tashqi iqtisodiy aloqalar hamda bojxona ishi sohalarida qonunchilikni takomillashtirishga yoʻnaltirilgan oʻzgartirish va qoʻshimchalar 1-ilovaga muvofiq;
Qonunchilik hujjatlaridagi oʻz ahamiyatini yoʻqotgan, amalga oshirish mexanizmlari bilan taʼminlanmagan normalar va huquqiy boʻshliqlarni bartaraf etish boʻyicha “yoʻl xaritasi” 2-ilovaga muvofiq tasdiqlansin.
Oʻzbekiston Respublikasi Prezidentining va Oʻzbekiston Respublikasi Hukumatining oʻz ahamiyatini yoʻqotgan ayrim hujjatlari 3-ilovaga muvofiq oʻz kuchini yoʻqotgan deb hisoblansin.
Vazirlar Mahkamasi bir oy muddatda qonunchilik hujjatlaridagi oʻz ahamiyatini yoʻqotgan va amalga oshirish mexanizmlari bilan taʼminlanmagan normalar, huquqiy boʻshliqlar hamda korrupsiyaviy omillarni bartaraf etish boʻyicha “yoʻl xaritasi”ni tasdiqlasin.
2. 2024-yil 1-oktabrdan boshlab, normativ-huquqiy hujjatlar loyihalarini tartibga solish taʼsirini baholashning (keyingi oʻrinlarda — baholash) soddalashtirilgan va kengaytirilgan tartibi joriy qilinsin. Bunda:
a) soddalashtirilgan tartibda loyiha ishlab chiqilishidan oldin quyidagi tartibga solish vositalari baholanadi va baholash natijalari yuzasidan Adliya vazirligining dastlabki xulosasi olinadi:
jismoniy va yuridik shaxslarga majburiyat, talab, taqiq, javobgarlik yoki boshqa cheklovlarni belgilash (keyingi oʻrinlarda — talablar), ularni oʻzgartirish yoxud talablarga rioya qilishni yoki ularni bajarishni taʼminlash bilan bogʻliq taʼsir choralarini qoʻllash;
tadbirkorlik subyektlariga taqdim etilayotgan imtiyoz, preferensiya va davlat tomonidan qoʻllab-quvvatlashning boshqa turlarini joriy qilish, ularning taʼsir doirasini kengaytirish yoki qisqartirish;
b) kengaytirilgan tartibda quyidagi normativ-huquqiy hujjatlar loyihalari baholanadi:
soddalashtirilgan baholash natijalari boʻyicha iqtisodiy, ijtimoiy va atrof-muhitga taʼsiri darajasi yuqori deb topilgan loyihalar;
Oliy Majlis palatalari, Oʻzbekiston Respublikasi Prezidenti Administratsiyasi va Vazirlar Mahkamasi topshiriqlari hamda baholash sohasidagi vakolatli organlar, jamoatchilik va boshqa manfaatdor tomonlarning taklifiga koʻra kengaytirilgan baholashdan oʻtkazilishi lozim deb topilgan loyihalar.
Adliya vazirligi ikki oy muddatda normativ-huquqiy hujjatlar loyihalarini tartibga solish taʼsirini soddalashtirilgan va kengaytirilgan baholashdan oʻtkazish uslubiyotini tasdiqlasin.
3. Amaldagi qonunchilik hujjatlarini qoʻllash samaradorligini tahlil qilish, baholash faoliyatini kompleks tashkil etish va bu borada joriy etilgan institutlarning oʻzaro bogʻliqligi hamda taʼsirchanligini oshirish maqsadida 2025-yildan boshlab quyidagilarni nazarda tutuvchi tartib joriy etilsin:
a) ijtimoiy munosabatlarni tartibga soluvchi, huquqiy normalarni belgilovchi normativ-huquqiy hujjat kuchga kirgandan soʻng:
normativ-huquqiy hujjatni qabul qilish maqsadlariga erishilishini tahlil qilish, uning ijrosini taʼminlash hamda baholash uchun statistik maʼlumotlarni yigʻish maqsadida har yili masʼul davlat organi tomonidan monitoring olib boriladi;
normativ-huquqiy hujjatni qabul qilish maqsadlariga erishilganligi va samaradorligini aniqlash maqsadida qonunosti hujjatlari har uch yilda masʼul davlat organi tomonidan baholashdan oʻtkaziladi;
qabul qilingan normativ-huquqiy hujjatda uning monitoringi va baholashdan oʻtkazilishiga masʼul boʻlgan davlat organi koʻrsatiladi;
qabul qilingan normativ-huquqiy hujjat monitoringi va baholash natijalari majburiy ravishda Adliya vazirligiga taqdim etiladi hamda masʼul davlat organining rasmiy veb-saytida eʼlon qilib boriladi;
b) qonunchilik hujjatlarining huquqiy monitoringi tartibga solish taʼsirini baholash doirasida oʻtkaziladi;
v) qonunchilik hujjatlarining tartibga solish taʼsirini baholash hamda korrupsiyaga qarshi ekspertizadan oʻtkazish boʻyicha kompleks reja (keyingi oʻrinlarda — kompleks reja) har yili Adliya vazirligi tomonidan ishlab chiqiladi va Vazirlar Mahkamasi tomonidan tasdiqlanadi;
g) kompleks reja ijrosi boʻyicha Adliya vazirligi hisoboti Vazirlar Mahkamasi va Prezident Administratsiyasiga taqdim etib boriladi.
4. Normativ-huquqiy hujjatlar loyihalarining ekspertlar bilan keng muhokama qilgan holda ishlab chiqilishini taʼminlash maqsadida:
a) normativ-huquqiy hujjatlar loyihalarini ishlab chiqishda, shu jumladan, baholashda, maʼlumot yigʻish (soʻrov, fokus guruh muhokamalari va boshqa) jarayonlariga ilmiy tashkilotlar hamda nodavlat notijorat tashkilotlari keng jalb qilinadi;
b) 2024-yil 1-oktabrdan boshlab:
davlat organlari tomonidan qonun loyihalari boʻyicha ushbu sohadagi davlat ekspertlik ilmiy-tadqiqot muassasalari xulosalari majburiy ravishda olinadi, qonunchilik hujjatlarini oʻzaro muvofiqlashtirishga qaratilgan oʻzgartirish va qoʻshimchalar kiritish hamda oʻz kuchini yoʻqotgan deb topishni nazarda tutuvchi loyihalar bundan mustasno;
davlat ekspertlik ilmiy-tadqiqot muassasalari xulosalari va muhokama natijalari boʻyicha materiallar loyihani Adliya vazirligi hamda hujjatni qabul qiluvchi organlarga kiritishda majburiy tartibda ilova qilinadi.
5. Adliya vazirligi Qonunchilik va huquqiy siyosat instituti bilan birgalikda ikki oy muddatda normativ-huquqiy hujjatlar loyihalarini ilmiy ekspertizadan oʻtkazish tartibini Vazirlar Mahkamasiga kiritsin.
6. Normativ-huquqiy hujjatlar va ularning loyihalarini baholash va korrupsiyaga qarshi ekspertizadan oʻtkazishda respublika va mahalliy ijro etuvchi hokimiyat organlarining faoliyatini muvofiqlashtirish maqsadida Vazirlar Mahkamasi ijro etuvchi tuzilmasida Bosh vazir kotibiyati tarkibida 3 ta shtat birligidan iborat Tartibga solish taʼsirini baholash va korrupsiyaga qarshi ekspertiza boʻlimi (keyingi oʻrinlarda — Boʻlim) tashkil etilsin.
Bunda Boʻlimning shtat birliklari Adliya vazirligi tizimidan 2 ta shtat birligini hamda Raqobatni rivojlantirish va isteʼmolchilar huquqlarini himoya qilish qoʻmitasi tizimidan 1 ta shtat birligini maqbullashtirish hisobiga shakllantiriladi.
Quyidagilar Boʻlimning asosiy vazifalari etib belgilansin:
normativ-huquqiy hujjatlar va ularning loyihalarini baholash va korrupsiyaga qarshi ekspertizadan oʻtkazish sohasida respublika va mahalliy ijro etuvchi hokimiyat organlari faoliyatini muvofiqlashtirish;
normativ-huquqiy hujjatlar loyihalarining hamda qabul qilingan normativ-huquqiy hujjatlarning baholashdan oʻtkazilishini va korrupsiyaga qarshi ekspertizasini amalga oshirish;
manfaatdor davlat organlari va tashkilotlari bilan birgalikda qabul qilingan normativ-huquqiy hujjatlar ijro etilishi holatining tanqidiy tahlilini amalga oshirish, natijasi boʻyicha normativ-huquqiy hujjatlarni takomillashtirish boʻyicha takliflar ishlab chiqish;
respublika va mahalliy ijro etuvchi hokimiyat organlari tomonidan normativ-huquqiy hujjatlar loyihalarini tayyorlash va baholashdan oʻtkazishning barcha bosqichlarida jamoatchilik muhokamasi oʻtkazilishi yuzasidan monitoringni amalga oshirish;
qonunchilik hujjatlarida korrupsiyaga sharoit yaratuvchi normalarni aniqlash va bartaraf etish tizimining sifati hamda samaradorligini oshirish boʻyicha takliflar ishlab chiqish.
7. Adliya vazirligi huzuridagi Qonunchilikni tahlil qilish va tartibga solish taʼsirini baholash instituti (keyingi oʻrinlarda — Institut)ning asosiy vazifalari etib quyidagilar belgilansin:
ijtimoiy munosabatlarni tartibga solish barqarorligini taʼminlash sohasida ilmiy tadqiqotlar oʻtkazish, tartibga solish taʼsirini baholash siyosatini samarali amalga oshirish yoʻnalishlarini ishlab chiqish;
qonunchilik hujjatlarini baholashdan oʻtkazish orqali ijtimoiy munosabatlarni samarali va barqaror tartibga solish hamda tartibga solish yukini kamaytirishga qaratilgan takliflarni ishlab chiqish;
qonunchilik hujjatlari va ularning loyihalarini baholash, ilmiy, huquqiy, korrupsiyaga qarshi va boshqa turdagi ekspertizadan oʻtkazish boʻyicha uslubiy qoʻllanmalar ishlab chiqish, mazkur yoʻnalishlarda oʻquv kurslarini tashkil etish;
qonunchilikdagi muammolarni tahlil qilish, huquqiy normalarning oʻzaro bogʻlanishi, kompleksligi va uygʻunligi monitoringini oʻtkazish, qonunchilik hujjatlarini tizimlashtirish yoʻnalishlarini belgilash;
yetakchi xorijiy ilmiy-tadqiqot tashkilotlari bilan hamkorlikni jadallashtirish, xalqaro moliya institutlari va xorijiy donorlarning texnik koʻmak va grantlarini jalb qilish;
qonunchilik hujjatlari loyihalarini ishlab chiqish, ularni baholash, ilmiy, huquqiy va korrupsiyaga qarshi ekspertizadan oʻtkazish boʻyicha shartnoma asosida xizmatlar koʻrsatish.
Belgilab qoʻyilsinki, Institut xodimlari mehnatga haq toʻlash va moddiy ragʻbatlantirish shart-sharoitlari boʻyicha Adliya vazirligi markaziy apparati xodimlariga tenglashtiriladi.
Adliya vazirligi ikki oy muddatda Institut faoliyatini samarali tashkil etishni nazarda tutuvchi Hukumat qarori loyihasini Vazirlar Mahkamasiga kiritsin.
8. Vazirlik va idoralar markaziy apparatlarida tuzilgan strategik rejalashtirish va metodologiya boʻyicha tarkibiy boʻlinmalar zimmasiga quyidagi qoʻshimcha vazifalar yuklansin:
tashkilotning norma ijodkorligi faoliyatiga “aqlli tartibga solish” vositalarini keng joriy etish;
tashkilot tomonidan ishlab chiqilishi rejalashtirilayotgan qonunchilik hujjatlari loyihalari boʻyicha maʼlumotlarni shakllantirish va ularni Rejalashtirish dasturiga kiritish;
normativ-huquqiy hujjatlar va ularning loyihalari baholashdan oʻtkazilishini taʼminlash, shuningdek, tashkilotning norma ijodkorligi faoliyatiga, shu jumladan, baholash yuzasidan uslubiy yordam koʻrsatish;
qonunchilik hujjatlari ijrosi monitoringini oʻtkazish, shu jumladan, huquqni qoʻllash amaliyotini oʻrganish, tahlil qilish, uning barqarorligini taʼminlash boʻyicha takliflarni ishlab chiqish.
9. Strategik rejalashtirish va metodologiya boʻyicha tarkibiy boʻlinmalar, qoida tariqasida, tegishli soha mutaxassislari, iqtisodchi, huquqshunos mutaxassisligiga ega xodimlar bilan jamlanadi hamda ularning har ikki yilda kamida bir marta majburiy ravishda malakasini oshirish tartibi joriy etiladi.
Strategik rejalashtirish va metodologiya boʻyicha tarkibiy boʻlinmalar xodimlari malakasini oshirishni tashkil etish Adliya vazirligi tomonidan amalga oshiriladi.
10. Belgilansinki, quyidagi xarajatlar respublika va mahalliy ijro etuvchi hokimiyat organlarining budjetdan tashqari mablagʻlari hamda qonunchilikda taqiqlanmagan boshqa manbalar hisobidan amalga oshiriladi:
normativ-huquqiy hujjatlar loyihalarini baholashdan oʻtkazish jarayoniga ilmiy tashkilotlar, maslahat xizmatini koʻrsatadigan tashkilotlar va soha ekspertlarini jalb qilish bilan bogʻliq xarajatlar;
respublika va mahalliy ijro etuvchi hokimiyat organlarining baholash uchun masʼul xodimlarining malakasini oshirib borish bilan bogʻliq xarajatlar.
11. Davlat organlarining qonunchilik hujjatlari loyihalarini baholashdan oʻtkazish faoliyati samaradorligini tahlil qilish, baholash, xodimlarni ragʻbatlantirish va kamchiliklarni bartaraf etishga qaratilgan qonunchilik hujjatlari loyihalarini tartibga solish taʼsirini baholash reytingi (keyingi oʻrinlarda — Reyting) joriy etilsin.
Reyting ushbu Farmonga 4-ilovada keltirilgan baholash mezonlari asosida Adliya vazirligi tomonidan tasdiqlanadigan Davlat organlari va tashkilotlarining qonunchilik hujjatlari loyihalarini baholash reytingini aniqlash uslubiyotiga muvofiq yuritiladi.
12. Shunday tartib oʻrnatilsinki, unga muvofiq:
Adliya vazirligi tomonidan har yili yil yakunlari boʻyicha Reyting aniqlanadi va ommaviy axborot vositalarida eʼlon qilinadi;
Reytingda dastlabki uch oʻrinni egallagan davlat organlarining baholashga masʼul xodimlari tegishli davlat organining budjetdan tashqari mablagʻlari hisobidan oylik mehnat haqi fondining uch baravaridan kam boʻlmagan miqdorda bir martalik moddiy ragʻbatlantiriladi;
Reytingi past davlat organlarining faoliyatini yaxshilash boʻyicha chora-tadbirlar belgilanadi.
13. Adliya vazirligi (A. Tashkulov):
masʼul vazirlik va idoralarga mazkur Farmon talablarining amalga oshirilishi yuzasidan amaliy va uslubiy yordam koʻrsatib borsin;
2024-yil 1-noyabrga qadar Normativ-huquqiy hujjatlar loyihalarini ishlab chiqish va kelishishning yagona elektron tizimini ushbu Farmon talablari asosida takomillashtirilishini taʼminlasin;
bir oy muddatda manfaatdor vazirlik va idoralar bilan birgalikda ushbu Farmonga 2-ilovaga muvofiq oʻz kuchini yoʻqotgan hujjatlar asosida qabul qilingan idoraviy normativ-huquqiy hujjatlarni xatlovdan oʻtkazib, ularni oʻz kuchini yoʻqotgan deb topish choralarini koʻrsin;
uch oy muddatda qonunchilikka ushbu Farmondan kelib chiqadigan oʻzgartirish va qoʻshimchalar toʻgʻrisida taklif kiritsin;
ushbu Farmonning tartibga solish taʼsirini baholash va ijrosi monitoringi uchun masʼul etib belgilansin.
14. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 16-avgust,
PF-111-son
Oʻzbekiston Respublikasi Prezidentining 2024-yil 16-avgustdagi PF-111-son Farmoniga
1-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2006-yil 5-yanvardagi “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar oʻrtasida kooperatsiyani kengaytirishni ragʻbatlantirish chora-tadbirlari toʻgʻrisida”gi PF-3706-son Farmoni 2-bandining uchinchi xatboshisidagi “mehnat daftarchasi beriladi” soʻzlari “elektron mehnat daftarchasi shakllantiriladi” soʻzlari bilan almashtirilsin.
2. Oʻzbekiston Respublikasi Prezidentining 2006-yil 9-yanvardagi “Meva-sabzavotchilik va uzumchilik sohasida iqtisodiy islohotlarni chuqurlashtirish chora-tadbirlari toʻgʻrisida”gi PF-3709-son Farmoni 4-bandi “v” kichik bandidan “, ularda tomonlarning huquq va majburiyatlari, jumladan yetkazib beriladigan mahsulotning kamida 30 foiziga avans berilishini va keyin uning xarid qilinishini taʼminlash aniq belgilab qoʻyiladi” soʻzlari chiqarib tashlansin.
3. Oʻzbekiston Respublikasi Prezidentining 2020-yil 19-maydagi “Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari toʻgʻrisida”gi PF-5997-son Farmonining 11-bandi beshinchi xatboshisi “Markaz” soʻzidan keyin “hamda Adliya vazirligi huzuridagi Qonunchilikni tahlil qilish va tartibga solish taʼsirini baholash instituti” soʻzlari bilan toʻldirilsin.
4. Oʻzbekiston Respublikasi Prezidentining 2020-yil 22-iyundagi PF-6012-son Farmoni bilan tasdiqlangan Inson huquqlari boʻyicha Oʻzbekiston Respublikasining Milliy strategiyasini amalga oshirish boʻyicha “yoʻl xaritasi”ning 30-pozitsiyasi “Masʼul ijrochilar” ustuni quyidagi tahrirda bayon etilsin:
“Qonunchilik va huquqiy siyosat instituti, Adliya vazirligi, Oliy sud, Bosh prokuratura, Iqtisodiyot va moliya vazirligi, Toshkent davlat yuridik universiteti, Sudyalar oliy maktabi, Inson huquqlari boʻyicha milliy markaz”.
5. Oʻzbekiston Respublikasi Prezidentining 2021-yil 11-martdagi “Bozor tamoyillariga asoslangan ipoteka kreditlarini ajratish orqali aholini uy-joy bilan taʼminlashga oid qoʻshimcha chora-tadbirlar toʻgʻrisida”gi PF-6186-son Farmoni 7-bandining uchinchi xatboshisi quyidagi tahrirda bayon etilsin:
“subsidiya olish uchun murojaat qilgan ariza beruvchining xohishiga koʻra uning daromadlariga u bilan birga yashamayotgan yaqin qarindoshlarining daromadlari ham kiritilishi mumkin”.
6. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga 1-ilovada:
a) “17. Adliya vazirligi” boʻlimi “Adliya vazirligi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “3 842” va “2 087” raqamlari tegishlicha “3 840” va “2 085” raqamlari bilan almashtirilsin;
b) “19. Raqobatni rivojlantirish va isteʼmolchilar huquqlarini himoya qilish qoʻmitasi” boʻlimi “Raqobatni rivojlantirish va isteʼmolchilar huquqlarini himoya qilish qoʻmitasi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “342” va “334” raqamlari tegishlicha “341” va “333” raqamlari bilan almashtirilsin.
7. Oʻzbekiston Respublikasi Prezidentining 2023-yil 16-iyundagi “Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida”gi PF-97-son Farmonining 1-bandidan “Axborot-tahlil va yuridik taʼminlash departamenti” soʻzlari chiqarib tashlansin.
8. Oʻzbekiston Respublikasi Prezidentining 2023-yil 11-avgustdagi “Oʻzbekiston Respublikasi Vazirlar Mahkamasi faoliyatining samaradorligini yanada oshirish chora-tadbirlari toʻgʻrisida”gi PF-133-son Farmoniga 1-ilovada:
“Hududlarda amalga oshirilayotgan islohotlar natijadorligini tahlil qilish hamda tahliliy materiallarni tayyorlash departamenti” blokida “14” raqami “17” raqami bilan almashtirilsin;
izohdagi “217” raqami “220” raqami bilan almashtirilsin.
9. Oʻzbekiston Respublikasi Prezidentining 2008-yil 8-oktabrdagi “Agrobank” aksiyadorlik tijorat bankining investitsiyaviy faolligini yanada oshirish chora-tadbirlari toʻgʻrisida”gi PQ-975-son qarorining 1-bandida:
beshinchi xatboshi chiqarib tashlansin;
oltinchi va yettinchi xatboshilar tegishincha beshinchi va oltinchi xatboshilar deb hisoblansin.
10. Oʻzbekiston Respublikasi Prezidentining 2008-yil 13-noyabrdagi “Asaka” davlat-aksiyadorlik tijorat bankining investitsiyaviy faolligini yanada oshirish chora-tadbirlari toʻgʻrisida”gi PQ-998-son qarorining 1-bandida:
oltinchi xatboshi chiqarib tashlansin;
yettinchi — toʻqqizinchi xatboshilar tegishincha oltinchi — sakkizinchi xatboshilar deb hisoblansin.
11. Oʻzbekiston Respublikasi Prezidentining 2009-yil 30-martdagi “Agrobank” aksiyadorlik tijorat bankini tashkil etish toʻgʻrisida”gi PQ-1084-son qarorining 2-bandi toʻrtinchi xatboshisi quyidagi tahrirda bayon etilsin:
“yerlarning meliorativ holatini yaxshilashga, agrosanoat kompleksi tarmoqlarida ishlab chiqarishni modernizatsiyalash, texnik va texnologik yangilashga, zamonaviy chet el texnologiyalari va uskunalarini jalb etishga yoʻnaltirilgan faol investitsiya siyosatini amalga oshirish”.
12. Oʻzbekiston Respublikasi Prezidentining 2018-yil 29-martdagi “2018 — 2022-yillarda Qoraqalpogʻiston Respublikasi, viloyatlar va Toshkent shahrida avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni qurish, rekonstruksiya qilish va mukammal taʼmirlash dasturini tasdiqlash toʻgʻrisida”gi PQ-3632-son qarori 4-bandining ikkinchi va uchinchi xatboshilari quyidagi tahrirda bayon etilsin:
“umumfoydalanadigan avtomobil yoʻllarida joylashgan inshootlar uchun — Oʻzbekiston Respublikasi Iqtisodiyot va moliya vazirligi huzuridagi Avtomobil yoʻllarini rivojlantirish maqsadli jamgʻarmasi mablagʻlari;
xoʻjalik avtomobil yoʻllari, shahar va boshqa aholi punktlari koʻchalarida joylashgan inshootlar uchun, shu jumladan turar-joylar va noturar joy imoratlarini buzish, shuningdek, yer ustida piyodalar oʻtadigan yoʻlkalar qurish, transport inshootiga tutash hududni obodonlashtirish va koʻkalamzorlashtirish, jala suvlarini chiqarib tashlash va sugʻorish vodoprovodlarini qurish qismidagi xarajatlarni qoplash uchun — Qoraqalpogʻiston Respublikasi budjeti, viloyatlar va Toshkent shahri mahalliy budjetlari hamda Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahri hokimliklari iqtisodiyot va moliya bosh boshqarmalari huzuridagi avtomobil yoʻllarini rivojlantirish hududiy maqsadli jamgʻarmalarining mablagʻlari belgilab qoʻyilsin”.
13. Oʻzbekiston Respublikasi Prezidentining 2019-yil 21-iyundagi “Kichik sanoat zonalari faoliyatini muvofiqlashtirish va boshqarishni yanada takomillashtirish chora-tadbirlari toʻgʻrisida”gi PQ-4363-son qarori 3-bandining “g” kichik bandi quyidagi tahrirda bayon etilsin:
“g) kichik sanoat zonasi ishtirokchisi tomonidan investitsiya loyihasini amalga oshirish yengib boʻlmaydigan kuch sababli belgilangan muddatlarda yakunlanmagan boʻlsa yoxud xuddi shu sabablarga koʻra oxirgi 6 oy mobaynida ishlab chiqarish faoliyati amalga oshirilmagan boʻlsa, Qoraqalpogʻiston Respublikasi, viloyatlar va Toshkent shahridagi davlat muassasasi shaklidagi kichik va yoshlar sanoat zonalarini boshqarish boʻyicha yagona direksiyalar (keyingi oʻrinlarda — direksiyalar) unga loyiha amalga oshirilishini tezlashtirish boʻyicha “yoʻl xaritasi”ni tasdiqlagan holda qoʻshimcha muddat taqdim etadi. “Yoʻl xaritasi”da belgilangan muddatlarda investitsiya loyihasi yakunlanmasa yoki ishlab chiqarish faoliyati boshlanmasa, direksiyalar shartnomani bekor qiladi”.
14. Oʻzbekiston Respublikasi Prezidentining 2021-yil 15-martdagi “Tartibga solish taʼsirini baholash tizimini yanada takomillashtirish chora-tadbirlari toʻgʻrisida”gi PQ-5025-son qaroriga ilovaning matni quyidagi tahrirda bayon etilsin:
“Normativ-huquqiy hujjatlar loyihalarini va qabul qilingan normativ-huquqiy hujjatlarni tartibga solish taʼsirini baholashdan oʻtkazish tartibi toʻgʻrisida
NIZOM
1-bob. Umumiy qoidalar
1. Ushbu Nizom normativ-huquqiy hujjatlar loyihalari va qabul qilingan normativ-huquqiy hujjatlarning tartibga solish taʼsirini baholash tartibini belgilaydi.
2. Ushbu Nizomda quyidagi asosiy tushunchalardan foydalaniladi:
ishlab chiquvchi — normativ-huquqiy hujjat loyihasini ishlab chiquvchi yoki qabul qilingan normativ-huquqiy hujjatning tartibga solish taʼsirini baholashni oʻtkazuvchi davlat organi va tashkiloti;
tartibga solish taʼsirini baholash (keyingi oʻrinlarda — TSTB) — loyihaning qabul qilinishi natijasida yuzaga kelishi mumkin boʻlgan ehtimoliy oqibatlarni aniqlash va baholash, shuningdek, normativ-huquqiy hujjatning tartibga solish maqsadlariga erishilganligini, samaradorligini hamda tartibga solish usulini qoʻllashda yuzaga kelgan oqibatlarni aniqlashga qaratilgan chora-tadbirlar majmui;
tartibga solish vositasi — jismoniy va yuridik shaxslar tomonidan bajarilishi (rioya etilishi) majburiy boʻlgan talablar yoki boshqa cheklovlar yoxud ularga taʼsir koʻrsatadigan boshqa choralar;
manfaatdor tomonlar — oʻrganilayotgan muammo yoki taklif etilayotgan tartibga solish doirasiga tushadigan jismoniy va yuridik shaxslar, davlat organlari va tashkilotlari, mahalliy davlat hokimiyati organlari;
foyda — normativ-huquqiy hujjat loyihasi yoki qabul qilingan normativ-huquqiy hujjatda nazarda tutilgan talablarning bajarilishi munosabati bilan manfaatdor tomonlar olishi mumkin boʻlgan (kelgan) har qanday shakldagi foyda yoki daromad;
xarajatlar — normativ-huquqiy hujjat loyihasi yoki qabul qilingan normativ-huquqiy hujjatda nazarda tutilgan talablarning bajarilishi munosabati bilan manfaatdor tomonlarda yuzaga kelishi mumkin boʻlgan (yuzaga kelgan) bevosita va bilvosita xarajatlar;
taʼsir — normativ-huquqiy hujjatlar loyihasida hamda qabul qilingan normativ-huquqiy hujjatlarda belgilangan majburiyatlar, talablar, taqiq va boshqa cheklovlarga rioya qilishda manfaatdor tomonlarda yuzaga kelishi mumkin boʻlgan bevosita yoki bilvosita foyda va xarajatlar;
TSTB hisoboti — normativ-huquqiy hujjat loyihasi yoki qabul qilingan normativ-huquqiy hujjat yuzasidan oʻtkazilgan TSTB yakunlari boʻyicha ishlab chiquvchi tomonidan tayyorlanadigan hujjat;
soddalashtirilgan TSTB hisoboti — normativ-huquqiy hujjat loyihasi ishlab chiqilishidan oldin oʻtkazilgan TSTB yakunlari boʻyicha ishlab chiquvchi tomonidan tayyorlanadigan hujjat;
kengaytirilgan TSTB hisoboti — normativ-huquqiy hujjat loyihasini ishlab chiqish bilan bir vaqtda kengaytirilgan tartibda oʻtkazilgan TSTB yakunlari boʻyicha ishlab chiquvchi tomonidan tayyorlanadigan hujjat;
TSTB natijalari boʻyicha xulosa — TSTB hisobotini koʻrib chiqish, shuningdek, normativ-huquqiy hujjat loyihasi yoki qabul qilingan normativ-huquqiy hujjatning tegishli sohaga taʼsirini baholash yakunlari boʻyicha xulosa beruvchi organlar tomonidan tayyorlanadigan hujjat.
3. TSTB muayyan sohada vujudga kelgan muammo, kelib chiqqan ijobiy va salbiy oqibatlar hamda muammoni hal qilishga qaratilgan yechimlar va ularning afzallik va kamchiliklarini, sohaga davlat aralashuvining zaruratini aniqlash, shuningdek, qabul qilingan normativ-huquqiy hujjatlar boʻyicha ularning tartibga solish maqsadlariga erishilganligi va samaradorligini aniqlash maqsadida oʻtkaziladi.
4. Tadbirkorlik faoliyatiga, fuqarolarning huquqlari, erkinliklari va qonuniy manfaatlariga hamda atrof-muhitga taʼsir koʻrsatuvchi normativ-huquqiy hujjat loyihasi va qabul qilingan normativ-huquqiy hujjat majburiy tarzda TSTBdan oʻtkaziladi.
5. Normativ-huquqiy hujjatlar loyihalarini TSTBdan oʻtkazish ikki bosqichda loyiha ishlab chiqilishidan oldin soddalashtirilgan tartibda hamda loyihani ishlab chiqish bilan bir vaqtda kengaytirilgan tartibda amalga oshiriladi.
6. Normativ-huquqiy hujjat loyihasi bilan quyidagi tartibga solish vositalari joriy etilishi nazarda tutilgan hollarda soddalashtirilgan tartibda TSTB oʻtkaziladi:
jismoniy va yuridik shaxslarga majburiyat, talab, taqiq, javobgarlik yoki boshqa cheklovlarni belgilash yoki ularni oʻzgartirish;
jismoniy va yuridik shaxslarga majburiyat, talab, taqiq, javobgarlik yoki boshqa cheklovlarga rioya qilish yoki ularni bajarishni taʼminlash bilan bogʻliq taʼsir choralarini qoʻllash;
tadbirkorlik subyektlariga taqdim etilayotgan imtiyoz, preferensiya va davlat tomonidan qoʻllab-quvvatlashning boshqa turlarini joriy qilish, ularning taʼsir doirasini kengaytirish yoki qisqartirish yoxud ularni bekor qilish.
7. Soddalashtirilgan TSTB natijasida iqtisodiy, ijtimoiy va atrof-muhitga taʼsir darajasi yuqori deb topilgan normativ-huquqiy hujjat loyihasi kengaytirilgan tartibda TSTBdan oʻtkaziladi.
Normativ-huquqiy hujjatlar loyihalari Oʻzbekiston Respublikasi Oliy Majlisi palatalari, Oʻzbekiston Respublikasi Prezidenti Administratsiyasi hamda Vazirlar Mahkamasining topshiriqlari, shuningdek TSTB sohasidagi vakolatli organlar, jamoatchilik va boshqa manfaatdor tomonlarning takliflariga koʻra ham kengaytirilgan TSTBdan oʻtkazilishi mumkin.
8. Quyidagi hollarda normativ-huquqiy hujjat loyihasini TSTBdan, shu jumladan, jamoatchilik muhokamasidan oʻtkazish majburiy hisoblanmaydi:
normativ-huquqiy hujjat loyihasi favqulodda vaziyatlarning oldini olish yoki ularning oqibatlarini bartaraf etish, yuqumli va parazitar kasalliklar tarqalishining oldini olish boʻyicha cheklovchi tadbirlar (karantin)ni belgilashga qaratilgan boʻlsa;
Oʻzbekiston Respublikasining xalqaro shartnomalaridan kelib chiquvchi majburiyatlarni bajarishni nazarda tutsa;
normativ-huquqiy hujjat loyihasi yoki qabul qilingan normativ-huquqiy hujjatda amaldagi normativ-huquqiy hujjatlarni yangi qabul qilingan qonunchilik hujjatlarining talablariga muvofiqlashtirishga qaratilgan oʻzgartirish va qoʻshimchalar nazarda tutilsa;
normativ-huquqiy hujjat loyihasi yoki qabul qilingan normativ-huquqiy hujjat ushbu Nizomning 4-bandida koʻrsatilgan mezonlarga javob bermasa.
Ushbu bandda koʻrsatilgan hollarda ishlab chiquvchi loyihaning tushuntirish xatida TSTBdan oʻtkazish rad etilganligini asoslashi lozim.
Normativ-huquqiy hujjat loyihasi yoki qabul qilingan normativ-huquqiy hujjat davlat sirlarini yoki qonun bilan qoʻriqlanadigan boshqa sirni oʻz ichiga olsa, ular jamoatchilik muhokamasiga joylashtirilmasdan TSTBdan oʻtkazilishi mumkin.
9. Quyidagilar TSTBdan oʻtkazish uchun axborot manbalari hisoblanadi:
rasmiy statistik maʼlumotlar;
davlat organlari va tashkilotlarining maʼlumotlari;
ilmiy-tahliliy materiallar va nashrlar, ilmiy-amaliy seminarlar, konferensiyalar hamda yigʻilishlar materiallari;
vakolatli tashkilotlar va ishlab chiquvchi tomonidan oʻtkazilgan ijtimoiy soʻrovlarning natijalari;
ommaviy axborot vositalarida, shu jumladan Internet jahon axborot tarmogʻidagi rasmiy veb-saytlarda eʼlon qilingan nashrlar;
TSTBdan oʻtkazish doirasida davlat organi va tashkiloti tomonidan, shu jumladan, bevosita joyiga chiqqan holda oʻtkazilgan oʻrganishlar jarayonida olingan (aniqlangan) maʼlumotlar;
qonunchilik hujjatlarida taqiqlanmagan boshqa manbalar.
10. Normativ-huquqiy hujjat loyihasi yoki qabul qilingan normativ-huquqiy hujjatni TSTBdan oʻtkazish ushbu Nizomga muvofiq tasdiqlanadigan uslubiyot asosida amalga oshiriladi.
TSTB natijalari yuzasidan Adliya vazirligi tomonidan tasdiqlanadigan shaklga muvofiq TSTB hisoboti tayyorlanadi hamda ishlab chiquvchining birinchi rahbari (istisno hollarda — ularning birinchi oʻrinbosarlari) imzosi bilan rasmiylashtiriladi.
11. Davlat organlari va tashkilotlarida normativ-huquqiy hujjatlar loyihalari va qabul qilingan normativ-huquqiy hujjatlarni TSTBdan oʻtkazish uchun soha mutaxassislaridan iborat ishchi guruh tashkil qilinadi.
Davlat organlari va tashkilotlarida normativ-huquqiy hujjat yoki uning loyihasini TSTBdan oʻtkazish ishlarini tashkil etish hamda TSTB boʻyicha ishchi guruh faoliyatini muvofiqlashtirish davlat organi va tashkilotlarining strategik rejalashtirish va metodologiya boʻlinmasi zimmasiga, bunday boʻlinma mavjud boʻlmagan hollarda qonunchilik hujjatlari loyihalarini ishlab chiqish yoki metodik taʼminlash vazifasi yuklatilgan tarkibiy boʻlinmalar zimmasiga yuklatiladi.
2-bob. Normativ-huquqiy hujjatlar loyihalarini ishlab chiqish va TSTBdan oʻtkazish tartibi
1-§. Loyihani soddalashtirilgan tartibda TSTBdan oʻtkazish
12. Ushbu Nizomning 6-bandida nazarda tutilgan tartibga solish vositalarini joriy etishni nazarda tutuvchi loyihalar ishlab chiqilishidan oldin soddalashtirilgan tartibda TSTBdan oʻtkaziladi.
13. Ishlab chiquvchi soddalashtirilgan TSTB natijalari yuzasidan hisobot tayyorlaydi.
14. Soddalashtirilgan TSTB hisobotida quyidagi maʼlumotlar aks ettiriladi:
muammo tavsifi, shu jumladan muammo taʼsir koʻrsatayotgan obyektlar va subyektlar tahlili;
davlat aralashuvining zarurati, maqsadi va muammoni hal qilish yoki uning salbiy taʼsirini kamaytirish bilan bogʻliq xatarlar;
muammoni hal qilishning muqobil usullari;
muqobil usullarning ijobiy va salbiy taʼsirlari hamda muammoni hal etishdagi ehtimoliy ulushi;
maqbul usulning boshqa usullarga nisbatan afzalligi;
maqbul usul orqali joriy etilishi kutilayotgan tartibga solish vositalari.
2-§. Loyihani kengaytirilgan tartibda TSTBdan oʻtkazish
15. Ushbu Nizomning 7-bandida nazarda tutilgan hollarda loyiha yuzasidan kengaytirilgan tartibda TSTB oʻtkaziladi.
16. Kengaytirilgan TSTB hisobotida quyidagi maʼlumotlar aks ettiriladi:
tartibga solinishi kerak boʻlgan muammo tahlili va davlat aralashuvining zarurati (sabablari);
tartibga solish orqali erishilishi lozim boʻlgan maqsadlar;
muammoni hal qilishda muqobil usullar, ularning afzalliklari hamda kamchiliklari;
tartibga solish taʼsir koʻrsatadigan subyektlar toʻgʻrisida maʼlumotlar;
har bir muqobil usulning miqdoriy va sifat tahlili, shu jumladan foyda va xarajat tahlili, tegishli sohalarga (raqobat, ijtimoiy soha, atrof-muhit) taʼsirlari va qoʻllashda yuzaga kelishi mumkin boʻlgan salbiy oqibatlari xavfi va qiyosiy tahlil yordamida tanlangan maqbul usulni joriy etishning maqsadga muvofiqligi;
tartibga solish maqsadlariga erishish uchun zarur chora-tadbirlar va kutilayotgan natijalar;
loyihaning yoki unda belgilangan tartibga solish vositalarining amal qilishi taklif qilingan davrni asoslash (amal qilish muddati mavjud boʻlganda).
3-§. Loyiha va TSTB hisobotini manfaatdor vazirlik va idoralar bilan kelishish, ekspertlar va jamoatchilik muhokamasidan oʻtkazish
17. TSTB jarayonida muammolarni tahlil qilish, maʼlumotlar va dalillarni yigʻish, muqobil usullarni aniqlash va tartibga solish vositalari joriy etilishi maqsadga muvofiqligi va zaruratini baholash maqsadida manfaatdor tomonlar bilan maslahatlashuvlar oʻtkazilishi, shuningdek, muammoni hal qilishning muqobil usullari soha mutaxassislari (ekspertlari) bilan muhokama qilinishi (keyingi oʻrinlarda — ekspertlar muhokamasi) zarur.
Tadbirkorlik subyektlari zimmasiga yangi majburiyat, talab, taqiq, javobgarlik yoki boshqa cheklovlar yuklatilishini nazarda tutuvchi loyihalar va TSTB hisoboti bevosita tadbirkorlik subyektlari hamda ularning birlashmalari ishtirokida muhokama qilinadi.
Loyihalarni ishlab chiqishda, shu jumladan, TSTBdan oʻtkazishda, maʼlumot yigʻish (soʻrov, fokus guruh muhokamalari va boshqa) jarayonlariga ilmiy tashkilotlar hamda nodavlat notijorat tashkilotlar (keyingi oʻrinlarda — ilmiy tashkilotlar), shuningdek, maslahat (konsalting) xizmatini koʻrsatadigan tashkilotlar va soha mutaxassislari (ekspertlari) shartnoma asosida keng jalb qilinishi mumkin.
18. Ekspertlar muhokamasi natijalari asosida loyiha va TSTB hisoboti qayta ishlanadi, tegishli materiallar Adliya vazirligiga hamda qaror qabul qiluvchi organlarga loyiha va TSTB hisobotini kiritishda majburiy tartibda ilova qilinadi.
19. Loyiha va TSTB hisobotini manfaatdor vazirliklar va idoralar bilan kelishish Normativ-huquqiy hujjatlar loyihalarini ishlab chiqish va kelishishning yagona elektron tizimi orqali amalga oshiriladi.
20. Loyihalarni manfaatdor vazirliklar va idoralar bilan kelishish qonunchilik hujjatlarida belgilangan tartib va muddatlarda amalga oshiriladi.
21. Ekspertlar muhokamasi hamda manfaatdor vazirliklar va idoralar bilan kelishish yakunlari asosida qayta ishlangan loyiha va TSTB hisoboti ishlab chiquvchi tomonidan Normativ-huquqiy hujjatlar loyihalari muhokamasi portaliga (keyingi oʻrinlarda — Portal) joylashtirilishi orqali oʻzi belgilagan, lekin 15 kundan kam boʻlmagan muddatda jamoatchilik muhokamasidan oʻtkaziladi.
22. Loyiha va TSTB hisoboti boʻyicha asoslangan takliflar jamoatchilik muhokamasi ishtirokchilari tomonidan Portalning texnik imkoniyatlaridan foydalangan holda ixtiyoriy shaklda taqdim etiladi.
23. Jamoatchilik muhokamasi ishtirokchilari hamda boshqa tashkilotlar va fuqarolar tomonidan loyihaning tartibga solish taʼsirini muqobil baholash amalga oshirilishi va baholash natijalari boʻyicha tayyorlangan xulosalar loyihani ishlab chiquvchi davlat organiga taqdim etilishi mumkin. Jamoatchilik muhokamasi ishtirokchilari tomonidan oʻtkazilgan loyihaning tartibga solish taʼsirini muqobil baholash natijalari boʻyicha tayyorlangan xulosalar tegishli davlat organlari tomonidan majburiy tartibda koʻrib chiqiladi.
24. Ishlab chiquvchi jamoatchilik muhokamasi ishtirokchilari hamda manfaatdor tomonlar tomonidan taqdim etilgan takliflarni umumlashtiradi va ularni qabul qilish yoki rad etish toʻgʻrisida Adliya vazirligi tomonidan tasdiqlanadigan shaklga muvofiq asoslangan maʼlumotni hamda mazkur takliflar asosida qayta ishlangan loyiha va TSTB hisobotini loyiha muhokamasi muddati yakunlangandan soʻng 5 kundan kam boʻlmagan muddatga Portalga joylashtiradi.
Jamoatchilik muhokamasi ishtirokchilarining takliflarini koʻrib chiqish yakunlari boʻyicha maʼlumotnoma TSTB oʻtkazishning barcha jarayonlarida TSTB hisobotiga ilova qilinadi.
25. Jamoatchilik muhokamasi asosida loyihani qayta ishlashda loyiha matni jamoatchilik muhokamasiga kiritilganidan tubdan farq qilsa, xususan, uning konseptual qoidalari oʻzgartirilgan taqdirda, loyiha va TSTB hisoboti jamoatchilik muhokamasiga takroran joylashtiriladi.
26. Ishlab chiquvchi oʻz tashabbusi bilan yoki Adliya vazirligi talabiga muvofiq jamoatchilik muhokamasi davomida ommaviy axborot vositalari va ijtimoiy tarmoqlarda keng muhokamalarga sabab boʻlgan yoki aholining asosli eʼtirozlarini keltirib chiqargan loyiha va TSTB hisoboti yuzasidan ommaviy axborot vositalari vakillari, jurnalistlar, fuqarolar va tadbirkorlik subyektlari uchun ushbu loyihaning maqsadi, mazmun-mohiyati va ahamiyatini tushuntirish boʻyicha matbuot anjumanlari va brifinglarni oʻtkazadi.
4-§. Loyiha va TSTB hisobotini xulosa beruvchi organlar bilan kelishish
27. Loyiha va kengaytirilgan TSTB hisoboti, shuningdek, TSTB yuzasidan xulosa berish uchun zarur boʻlgan boshqa maʼlumotlar loyihaning tegishli sohaga taʼsirini oʻrganish uchun xulosa beruvchi organlarga Normativ-huquqiy hujjatlar loyihalarini ishlab chiqish va kelishishning yagona elektron tizimi orqali idoralararo kelishuv bilan bir vaqtda taqdim etiladi.
28. Normativ-huquqiy hujjat loyihasi va kengaytirilgan TSTB hisoboti:
Oʻzbekiston Respublikasi Iqtisodiyot va moliya vazirligi tomonidan tadbirkorlik faoliyatiga taʼsiri jihatidan;
Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi tomonidan raqobatga taʼsiri jihatidan;
Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi tomonidan atrof-muhitga taʼsiri jihatidan oʻrganiladi.
Normativ-huquqiy hujjat loyihasining fuqarolarning huquqlari, erkinliklari va qonuniy manfaatlariga taʼsirini oʻrganish tegishli sohada davlat siyosatini yuritishga masʼul boʻlgan davlat organlari va tashkilotlari tomonidan kelishish jarayonida amalga oshiriladi.
Xulosa beruvchi organlar zaruratga koʻra, loyiha va kengaytirilgan TSTB hisobotini oʻzaro muhokama qilish orqali birgalikda kelishilgan xulosa tayyorlashlari mumkin.
29. Xulosa beruvchi organlar kengaytirilgan TSTB hisobotini oʻrganish jarayonida ishlab chiquvchidan qoʻshimcha maʼlumotlarni soʻrab olish huquqiga ega.
30. Kengaytirilgan TSTB natijalari boʻyicha xulosa beruvchi organlar tomonidan 10 ish kuni mobaynida loyihaning maqsadga muvofiqligi, qayta koʻrib chiqish lozimligi yoki maqsadga muvofiq emasligi toʻgʻrisida xulosa rasmiylashtiriladi va xulosa beruvchi organlarning birinchi rahbari (istisno hollarda — ularning birinchi oʻrinbosarlari) tomonidan imzolangan holda ishlab chiquvchiga taqdim etiladi.
5-§. Soddalashtirilgan TSTB hisobotini dastlabki xulosa olish uchun Adliya vazirligiga kiritish
31. Ishlab chiquvchi soddalashtirilgan TSTB hisobotini ushbu Nizomda belgilangan maʼlumotlar bilan birgalikda, oʻtkazilgan TSTBning sifati hamda loyiha boʻyicha kengaytirilgan TSTB oʻtkazish zaruratini aniqlash yuzasidan dastlabki xulosa olish uchun Adliya vazirligiga kiritadi.
32. Adliya vazirligi ishlab chiquvchi tomonidan TSTB oʻtkazish jarayonlarida ushbu Nizom talablariga rioya etilganligini, davlat aralashuvining zarurati, muammoni tanlangan tartibga solish usuli bilan hal etish asosliligini hamda loyihani kengaytirilgan TSTBdan oʻtkazish zarurati mavjudligini oʻrganadi.
33. Adliya vazirligi soddalashtirilgan TSTB hisobotini oʻrganish jarayonida ishlab chiquvchidan qoʻshimcha maʼlumotlarni soʻrab olish huquqiga ega.
34. Adliya vazirligi tomonidan 10 ish kuni mobaynida soddalashtirilgan TSTB hisoboti koʻrib chiqiladi hamda baholash natijalari yuzasidan quyidagi xulosalardan biri taqdim etiladi:
loyiha soddalashtirilgan TSTB hisoboti asosida ishlab chiqilishi mumkinligi;
loyiha iqtisodiy, ijtimoiy sohaga yoki atrof-muhitga taʼsiri darajasi yuqori deb topilganligi bois kengaytirilgan tartibda TSTBdan oʻtkazilgan holda ishlab chiqilishi zarurligi haqida.
Adliya vazirligi ishlab chiquvchi tomonidan TSTB jarayonlari ushbu Nizom talablariga rioya etilmagan holda oʻtkazilganligini aniqlagan taqdirda, TSTBdan oʻtkazish jarayonlarida yoʻl qoʻyilgan kamchiliklarni bartaraf etish, shuningdek, qoʻshimcha oʻrganishlarni amalga oshirish uchun aniq muddatni belgilagan holda soddalashtirilgan TSTB hisobotini ishlab chiquvchiga qaytaradi.
6-§. Loyiha va TSTB hisobotini Adliya vazirligiga kiritish
35. Soddalashtirilgan TSTBdan, idoralararo kelishuvdan, ekspertlar va jamoatchilik muhokamasidan oʻtkazilgandan soʻng qayta ishlangan loyiha va TSTB hisoboti, shuningdek, kengaytirilgan TSTBdan oʻtkazilgan loyihalar yuzasidan xulosa beruvchi organlarning TSTB natijalari boʻyicha xulosasi va ushbu Nizomda koʻrsatilgan boshqa zarur materiallar, ularni belgilangan tartibda huquqiy ekspertizadan oʻtkazish hamda amalga oshirilgan TSTB sifatini oʻrganish uchun ishlab chiquvchi tomonidan Adliya vazirligiga kiritiladi.
36. Loyiha va kengaytirilgan TSTB hisoboti xulosa beruvchi organlarning TSTB natijalari boʻyicha xulosalari mavjud boʻlgandagina Adliya vazirligiga kiritiladi.
37. Adliya vazirligi ishlab chiquvchi tomonidan loyihani TSTBdan oʻtkazish jarayonlarida ushbu Nizom talablariga rioya etilganligini, loyihada manfaatdor tomonlar uchun asossiz xarajatlar, ortiqcha majburiyatlar, taqiq, javobgarlik choralari va cheklovlar mavjud yoki mavjud emasligi, muammo taklif etilayotgan tartibga solish usuli bilan hal etilishining asosliligini oʻrganadi.
38. Adliya vazirligi ishlab chiquvchi tomonidan TSTB jarayonlari ushbu Nizom talablariga rioya etilmagan holda oʻtkazilganligini aniqlagan taqdirda, TSTBdan oʻtkazish jarayonlarida yoʻl qoʻyilgan kamchiliklarni bartaraf etish, shuningdek, qoʻshimcha oʻrganishlarni amalga oshirish uchun aniq muddatni belgilagan holda loyiha, TSTB hisoboti va TSTB natijalari boʻyicha xulosalarni ishlab chiquvchiga qaytaradi.
39. Ishlab chiquvchi tomonidan TSTB oʻtkazish jarayonlari ushbu Nizom talablariga toʻliq rioya etilgan holda oʻtkazilgan taqdirda, Adliya vazirligi tomonidan loyihada manfaatdor tomonlar uchun asossiz xarajatlar, ortiqcha majburiyatlar, taqiq va cheklovlar mavjud yoki mavjud emasligi, muammo taklif etilayotgan tartibga solish usuli bilan hal etilishining asosli yoki asosli emasligini nazarda tutuvchi loyihani qabul qilishning maqsadga muvofiqligi yoki muvofiq emasligi toʻgʻrisida xulosa beriladi.
40. Ishlab chiquvchi tomonidan loyihani Oʻzbekiston Respublikasi Oliy Majlisi palatalariga, Oʻzbekiston Respublikasi Prezidenti Administratsiyasiga va Vazirlar Mahkamasiga kiritishda unga TSTB hisoboti, ekspertlar va jamoatchilik muhokamasi natijasi boʻyicha maʼlumot, xulosa beruvchi organlar va Adliya vazirligining xulosalari ilova qilinadi.
3-bob. Normativ-huquqiy hujjatlar ijrosini monitoringdan oʻtkazish
41. TSTB doirasiga tushadigan normativ-huquqiy hujjatlar, shu jumladan, kengaytirilgan tartibda TSTBdan oʻtkazilgan normativ-huquqiy hujjatlarning ijrosi majburiy ravishda ular kuchga kirgandan soʻng har yili monitoringdan oʻtkaziladi.
Bunda:
normativ-huquqiy hujjatlar loyihalarini ishlab chiqishda ishlab chiquvchi tomonidan belgilangan shakldagi normativ-huquqiy hujjatlar ijrosini monitoringdan oʻtkazish rejasi (keyingi oʻrinlarda — monitoring rejasi) tayyorlanadi va loyiha qabul qilinguniga qadar boʻlgan barcha bosqichlarda unga ilova qilinadi;
monitoring rejasi normativ-huquqiy hujjatlar loyihalarini TSTBdan oʻtkazish jarayonida vakolatli organlar tomonidan koʻrib chiqiladi;
normativ-huquqiy hujjatning monitoringi monitoring rejasiga muvofiq amalga oshiriladi.
42. Quyidagilar monitoringning asosiy vazifalari hisoblanadi:
normativ-huquqiy hujjatni qabul qilish maqsadlariga erishilishini tahlil qilish, uning ijrosi va natijalarini muntazam hamda tizimli ravishda kuzatib borish;
TSTBdan oʻtkazish uchun statistik maʼlumotlarni toʻplash;
huquqni qoʻllash amaliyotining normativ-huquqiy hujjatlarni qabul qilish maqsadlariga muvofiqligini oʻrganish;
normativ-huquqiy hujjatlar ijrosiga toʻsqinlik qiluvchi holatlarni aniqlash;
normativ-huquqiy hujjat ijrosi boʻyicha huquqni qoʻllash amaliyotini oʻrganish.
43. Monitoring normativ-huquqiy hujjatda uning monitoringi oʻtkazilishiga bevosita masʼul etib belgilangan davlat organi tomonidan, masʼul organ belgilanmagan hollarda tegishli sohada davlat siyosatini amalga oshiruvchi vazirlik va idoralar tomonidan amalga oshiriladi.
Monitoring rejasining shakli va monitoring oʻtkazish uslubiyoti Adliya vazirligi tomonidan tasdiqlanadi.
44. Monitoring Normativ-huquqiy hujjatlar loyihalarini ishlab chiqish va kelishishning yagona elektron tizimi orqali amalga oshiriladi.
Davlat organlari har yili 1-fevralga qadar oʻtkazilgan monitoring natijalari toʻgʻrisidagi maʼlumotlarni majburiy ravishda oʻzlarining rasmiy veb-saytida eʼlon qiladi hamda Adliya vazirligiga taqdim etadi.
4-bob. Normativ-huquqiy hujjatlarni TSTBdan oʻtkazish tartibi
1-§. Normativ-huquqiy hujjatlarni TSTBdan oʻtkazish rejasini ishlab chiqish va tasdiqlash
45. Quyidagi normativ-huquqiy hujjatlar TSTBdan oʻtkaziladi:
loyihasi ishlab chiqilishida TSTBdan oʻtkazilgan normativ-huquqiy hujjatlar;
ushbu Nizomning 4-bandida koʻrsatilgan holatlarni nazarda tutuvchi normativ-huquqiy hujjatlar.
Normativ-huquqiy hujjatning samaradorligi, maqsadi va kutilgan natijalarga erishilganligini aniqlash maqsadida:
qonun kuchga kirgan kundan boshlab besh yil oʻtib, keyinchalik har besh yilda masʼul davlat organi va Oʻzbekiston Respublikasi Oliy Majlisi palatalarining qoʻmitalari tomonidan;
qonunosti hujjatlari kuchga kirgan kundan boshlab uch yil oʻtib, keyinchalik har uch yilda masʼul davlat organi tomonidan TSTBdan oʻtkaziladi.
46. Normativ-huquqiy hujjatlarni TSTBdan oʻtkazish ishlab chiquvchi yoki davlat organlari va tashkilotlari tomonidan oʻz vakolatlari doirasida Vazirlar Mahkamasining qarori bilan tasdiqlanadigan normativ-huquqiy hujjatlarni TSTBdan oʻtkazish rejasiga (keyingi oʻrinlarda — TSTBdan oʻtkazish rejasi) muvofiq amalga oshiriladi.
47. Davlat organlari va tashkilotlari har yili 1-fevralga qadar Adliya vazirligi tomonidan tasdiqlanadigan shaklga muvofiq TSTBdan oʻtkazish rejasi loyihasiga takliflarni shakllantiradi va birinchi rahbari (istisno hollarda — ularning birinchi oʻrinbosarlari) imzosi bilan Adliya vazirligiga taqdim etadi.
48. Adliya vazirligi har yili 10-fevralga qadar davlat organlari va tashkilotlari takliflari asosida TSTBdan oʻtkazish rejasi loyihasini ishlab chiqadi hamda jamoatchilik muhokamasini oʻtkazish uchun 15 kundan kam boʻlmagan muddatda Portalga joylashtiradi.
49. Adliya vazirligi jamoatchilik muhokamasi ishtirokchilari tomonidan taqdim etilgan takliflarni umumlashtiradi va ularni qabul qilish yoki rad etish toʻgʻrisida asoslangan maʼlumotni hamda mazkur takliflar asosida qayta ishlangan TSTBdan oʻtkazish rejasini har yili 1-martga qadar tasdiqlash uchun Vazirlar Mahkamasiga kiritadi.
50. TSTBdan oʻtkazish rejasi har yili 20-martga qadar Vazirlar Mahkamasi tomonidan qaror shaklida tasdiqlanadi.
Adliya vazirligi Vazirlar Mahkamasi qarori bilan tasdiqlangan TSTBdan oʻtkazish rejasini Portalga joylashtirish va ommaviy axborot vositalarida eʼlon qilish orqali keng jamoatchilikka yetkazilishini taʼminlaydi.
51. Davlat boshqaruvi organlari va boshqa tashkilotlar tomonidan normativ-huquqiy hujjatlar ijrosi monitoringi doirasida aniqlangan maʼlumotlar normativ-huquqiy hujjatlarni TSTBdan oʻtkazishda inobatga olinadi.
2-§. Normativ-huquqiy hujjatlarni TSTBdan va jamoatchilik muhokamasidan oʻtkazish
52. Ishlab chiquvchi TSTBdan oʻtkazish rejasiga muvofiq normativ-huquqiy hujjatlarni TSTBdan oʻtkazadi va natijasi boʻyicha Adliya vazirligi tomonidan tasdiqlanadigan shaklga muvofiq TSTB hisobotlarini tayyorlaydi hamda ishlab chiquvchining birinchi rahbari (istisno hollarda — ularning birinchi oʻrinbosarlari) imzosi bilan rasmiylashtiradi.
53. TSTB jarayonida maʼlumotlar va dalillarni yigʻish, tartibga solish vositasining samaradorligi, shu jumladan uning natijadorligi, maqsadlariga erishilganligi hamda uning qoʻllanilishi natijasida yuzaga kelgan ijobiy va salbiy oqibatlarni aniqlash maqsadida manfaatdor tomonlar bilan maslahatlashuvlar oʻtkazilishi, shuningdek, soha mutaxassislari (ekspertlari) bilan muhokamalar amalga oshirilishi zarur.
54. TSTB hisobotida quyidagi maʼlumotlar aks ettirilishi shart:
normativ-huquqiy hujjatning turi, nomi va rekvizitlari;
normativ-huquqiy hujjatning loyihasi ishlab chiqilganda tayyorlangan TSTB hisoboti va TSTB natijalari boʻyicha xulosalar (mavjud boʻlsa);
normativ-huquqiy hujjat manfaatlariga taʼsir koʻrsatgan subyektlar toʻgʻrisida maʼlumotlar;
tartibga solishning maqsadlariga erishilganligi va samaradorligi toʻgʻrisida maʼlumotlar;
normativ-huquqiy hujjatdagi tartibga solish usulini qoʻllashda yuzaga kelgan ijobiy va salbiy oqibatlar tahlili;
manfaatdor tomonlar uchun normativ-huquqiy hujjatning amal qilishi munosabati bilan keltirilgan foyda va (yoki) yuzaga kelgan xarajatlarning tahlili va taqqoslash natijalari;
ijtimoiy munosabatlarni huquqiy tartibga solishning toʻliqligi, normativ-huquqiy hujjatlar oʻrtasida qarama-qarshiliklar mavjudligi, ulardagi bir-birini takrorlovchi va kollizion normalar, normativ-huquqiy hujjatlarni qoʻllashning yagona amaliyoti mavjudligi (yoʻqligi)ga oid maʼlumotlar;
murojaatlar soni va mazmuni (takliflar, arizalar, shikoyatlar), normativ-huquqiy hujjatning amal qilish sohasidagi qayd etilgan huquqbuzarliklarning soni va xarakteri, shuningdek, aybdor shaxslarni javobgarlikka tortish holatlariga oid maʼlumotlar;
normativ-huquqiy hujjatdagi tartibga solish usullarining amal qilishi maqsadga muvofiqligi yoki ularni bekor qilish zarurligi toʻgʻrisida xulosa;
boshqa maʼlumotlar.
55. TSTB hisobotida normativ-huquqiy hujjatning amal qilishi munosabati bilan kelib chiqqan oqibatning ijobiy, salbiy taʼsiri yoki taʼsir mavjud emasligining aniq tavsifi aks ettiriladi.
56. TSTB hisoboti ishlab chiquvchi tomonidan Portalga joylashtirilishi orqali 10 kun muddatda majburiy tartibda jamoatchilik muhokamasidan oʻtkaziladi.
57. Jamoatchilik muhokamasi ishtirokchilari tomonidan normativ-huquqiy hujjatning tartibga solish taʼsirini muqobil baholash amalga oshirilishi mumkin. Jamoatchilik muhokamasi ishtirokchilari tomonidan oʻtkazilgan normativ-huquqiy hujjatning tartibga solish taʼsirini muqobil baholash natijalari boʻyicha tayyorlangan xulosalar tegishli davlat organlari tomonidan majburiy tartibda koʻrib chiqiladi.
58. Ishlab chiquvchi jamoatchilik muhokamasi ishtirokchilari va manfaatdor tomonlar tomonidan taqdim etilgan takliflarni umumlashtiradi va ularni qabul qilish yoki rad etish toʻgʻrisida asoslangan maʼlumotni hamda mazkur takliflar asosida qayta ishlangan TSTB hisobotini jamoatchilik muhokamasi muddati yakunlangandan soʻng 5 kundan koʻp boʻlmagan muddatda Portalga joylashtiradi.
Jamoatchilik muhokamasi ishtirokchilarining takliflarini koʻrib chiqish yakunlari boʻyicha maʼlumotnoma TSTB oʻtkazish barcha jarayonlarida TSTB hisobotiga ilova qilinadi.
3-§. TSTB hisobotini xulosa beruvchi organlar bilan kelishish
59. Jamoatchilik muhokamasi yakunlari boʻyicha qayta ishlangan TSTB hisoboti tegishli sohaga taʼsirini oʻrganish uchun xulosa beruvchi organlarga taqdim etiladi.
60. TSTB hisoboti:
Oʻzbekiston Respublikasi Iqtisodiyot va moliya vazirligi tomonidan tadbirkorlik faoliyatiga taʼsiri jihatidan;
Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi tomonidan raqobat muhitiga taʼsiri jihatidan;
Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi tomonidan atrof-muhitga taʼsiri jihatidan;
tegishli sohada davlat siyosatini yuritishga masʼul boʻlgan davlat organlari va tashkilotlari tomonidan fuqarolarning huquqlari, erkinliklari va qonuniy manfaatlariga taʼsiri jihatidan oʻrganiladi.
Xulosa beruvchi organlar zaruratga koʻra, TSTB hisobotini oʻzaro muhokama qilish orqali birgalikda kelishilgan xulosa tayyorlashlari mumkin.
61. Xulosa beruvchi organlar TSTB hisobotini oʻrganish jarayonida ishlab chiquvchidan qoʻshimcha maʼlumotlarni soʻrab olish huquqiga ega.
62. TSTB natijalari boʻyicha xulosa beruvchi organlar tomonidan 10 ish kuni mobaynida TSTB natijalari toʻgʻrisida xulosalar rasmiylashtiriladi va xulosa beruvchi organlarning birinchi rahbari (istisno hollarda — ularning birinchi oʻrinbosarlari) tomonidan imzolangan holda ishlab chiquvchiga taqdim etiladi.
4-§. TSTB hisobotini Adliya vazirligiga kiritish
63. Jamoatchilik muhokamasi oʻtkazilgandan va TSTB natijalari boʻyicha xulosalar olingandan soʻng qayta ishlangan TSTB hisoboti TSTB sifatini oʻrganish uchun Adliya vazirligiga kiritiladi.
64. Adliya vazirligi ishlab chiquvchi tomonidan ushbu Nizom talablariga rioya etilganligini, tartibga solish maqsadlariga erishilganligini, normativ-huquqiy hujjatdagi tartibga solish usulini qoʻllashda yuzaga kelgan ijobiy va salbiy oqibatlarni, manfaatdor tomonlar uchun asossiz xarajatlar, ortiqcha majburiyatlar, taqiq va cheklovlar yuzaga kelganligi (kelmaganligi)ni oʻrganadi.
65. Adliya vazirligi ishlab chiquvchi tomonidan TSTB jarayonlari ushbu Nizom talablariga rioya etilmagan holda oʻtkazilganligini aniqlagan taqdirda, TSTBdan oʻtkazish jarayonlarida yoʻl qoʻyilgan kamchiliklarni bartaraf etish, shuningdek, qoʻshimcha oʻrganishlarni amalga oshirish uchun aniq muddatni belgilagan holda TSTB hisoboti va xulosalarni ishlab chiquvchiga qaytaradi.
66. Ishlab chiquvchi tomonidan TSTB hisoboti ushbu Nizom talablariga toʻliq rioya etilgan holda tayyorlangan taqdirda, Adliya vazirligi 10 ish kuni mobaynida tartibga solish maqsadlariga erishilganligi, normativ-huquqiy hujjatdagi tartibga solish usulini qoʻllashda yuzaga kelgan ijobiy va salbiy oqibatlar, manfaatdor tomonlar uchun asossiz xarajatlar, ortiqcha majburiyatlar, taqiq va cheklovlar yuzaga kelganligi (kelmaganligi) toʻgʻrisida xulosa tayyorlaydi va ishlab chiquvchiga taqdim etadi.
5-§. TSTB natijalari boʻyicha yakuniy maʼlumotni Vazirlar Mahkamasiga kiritish
67. Adliya vazirligi TSTBdan oʻtkazish rejasiga muvofiq, qoida tariqasida, har chorakda normativ-huquqiy hujjatlarning TSTBdan oʻtkazilishi holatini tahlil qiladi va uning natijalari boʻyicha TSTBdan oʻtkazish rejasining bajarilishi holati, TSTB hisobotlarining umumlashmasi hamda qonunchilikni takomillashtirishga qaratilgan takliflarni (mavjud boʻlsa) nazarda tutuvchi axborot-tahliliy maʼlumotni Vazirlar Mahkamasiga kiritadi.
68. Vazirlar Mahkamasi axborot-tahliliy maʼlumotni koʻrib chiqish yakunlari boʻyicha normativ-huquqiy hujjatlarni TSTBdan oʻtkazish natijalarini amalga oshirishga qaratilgan “yoʻl xaritasi”ni tasdiqlaydi yoki tegishli normativ-huquqiy hujjatlar loyihalarini ishlab chiqish va belgilangan tartibda Hukumatga kiritish yuzasidan vakolatli davlat organlari va tashkilotlariga topshiriq beradi.
5-bob. TSTB va monitoring oʻtkazilishini nazorat qilish
69. TSTB ushbu Nizom talablariga rioya etilgan holda oʻtkazilishi Adliya vazirligi tomonidan nazorat qilinadi.
70. Adliya vazirligi tartibga solish taʼsirini baholash, shu jumladan, monitoring sohasidagi faoliyatni muvofiqlashtirish boʻyicha maxsus vakolatli organ sifatida quyidagi vazifalarni amalga oshiradi:
davlat boshqaruvi organlari, mahalliy ijro etuvchi hokimiyat organlari va boshqa tashkilotlarning tartibga solish taʼsirini baholash va monitoring sohasidagi faoliyatini muvofiqlashtiradi va ularga uslubiy yordam koʻrsatadi;
davlat organlari va tashkilotlarining normativ-huquqiy hujjatlar monitoringini olib borish boʻyicha faoliyatini tahlil qilib boradi;
davlat organlari va tashkilotlari tomonidan normativ-huquqiy hujjatlarni TSTB oʻtkazish va monitoring olib borishda ishtirok etadi, shuningdek, davriyligidan qatʼi nazar normativ-huquqiy hujjatlarni TSTB va monitoringdan oʻtkazish tashabbusi bilan chiqadi;
davlat organlari va tashkilotlarining tartibga solish taʼsirini baholash hamda normativ-huquqiy hujjatlar loyihalarini jamoatchilik muhokamasidan oʻtkazish boʻyicha faoliyati monitoringini olib boradi;
jamoatchilik muhokamasi jarayonida normativ-huquqiy hujjatlar loyihalari va qabul qilingan normativ-huquqiy hujjatlar boʻyicha kelib tushgan, asosli deb topilgan takliflarga javob qaytarilmagan hollarda (koʻrmasdan qoldirilgan) mazkur kamchiliklarni bartaraf etish toʻgʻrisida davlat organlari va tashkilotlariga bajarilishi majburiy boʻlgan taqdimnomalar kiritadi;
davlat organlari va tashkilotlari tomonidan normativ-huquqiy hujjatlar monitoringini olib borish yakunlari boʻyicha oʻz vaqtida taqdim etilmagan, notoʻgʻri, ishonchsiz yoki toʻliq boʻlmagan axborot taqdim etilgan taqdirda, ularga monitoringni oʻtkazishdagi qoidabuzarliklarni bartaraf etish toʻgʻrisida bajarilishi majburiy boʻlgan taqdimnomalar kiritadi;
davlat organlari va tashkilotlarining tartibga solish taʼsirini baholash uchun masʼul xodimlari roʻyxatini shakllantiradi, ularning malaka va koʻnikmalarini oshirib borish, shu jumladan ular uchun oʻquv tadbirlarini xorijda tashkil etish yuzasidan takliflar kiritib boradi.
71. Adliya vazirligi har yili mamlakatda TSTB tizimining holati toʻgʻrisida axborot tayyorlab, uni ommaviy axborot vositalarida eʼlon qiladi hamda Oʻzbekiston Respublikasi Prezidenti Administratsiyasi va Vazirlar Mahkamasiga kiritadi.
6-bob. Yakunlovchi qoidalar
72. TSTBdan oʻtkazish jarayonlariga ilmiy-taʼlim muassasalari mutaxassislari, nodavlat notijorat tashkilotlar va fuqarolik jamiyatining boshqa institutlari vakillari, chet ellik mutaxassislar, shuningdek, amaliyotchi-mutaxassislar jalb etilishi mumkin.
Ushbu bandda nazarda tutilgan chora-tadbirlarni moliyalashtirish qonunchilik hujjatlarida taqiqlanmagan mablagʻlar hisobidan amalga oshiriladi.
73. TSTBdan oʻtkazayotgan davlat organlari va tashkilotlarining rahbarlari va TSTBga masʼul xodimlari amalga oshirilgan hisob-kitoblar hamda taqdim etilgan maʼlumot, hisobot va xulosalarning asoslanganligi va sifati uchun javobgar hisoblanadi.
74. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar”.
15. Oʻzbekiston Respublikasi Prezidentining 2021-yil 27-martdagi “Oilaviy tadbirkorlikni rivojlantirish dasturlari doirasida amalga oshiriladigan qoʻshimcha chora-tadbirlar toʻgʻrisida”gi PQ-5041-son qarori 3-bandining beshinchi xatboshisi quyidagi tahrirda bayon etilsin:
“fuqarolarga oʻzini oʻzi band qiladigan shaxslar uchun faoliyat (ishlar, xizmatlar) turlari roʻyxatiga kiritilgan faoliyatni amalga oshirish (zarur xomashyo, ehtiyot qism hamda qurilish mollarini sotib olish) maqsadida 5 mln soʻmgacha miqdorida kredit mablagʻlari naqd pul koʻrinishida beriladi”.
Oʻzbekiston Respublikasi Prezidentining 2024-yil 16-avgustdagi PF-111-son Farmoniga
2-ILOVA
Qonunchilik hujjatlaridagi oʻz ahamiyatini yoʻqotgan, amalga oshirish mexanizmlari bilan taʼminlanmagan normalar va huquqiy boʻshliqlarni bartaraf etish boʻyicha
“YOʻL XARITASI”
Oldingi tahrirga qarang.

T/r

Normativ-huquqiy hujjatlar

Aniqlangan muammolar

Normativ-huquqiy hujjatni takomillashtirish yoʻnalishlari

Ijro muddati

Masʼul ijrochilar

1.

“Isteʼmolchilarning huquqlarini himoya qilish toʻgʻrisida”gi Qonun

Isteʼmolchilarning huquqlari va manfaatlarini himoya qilish hamda ularga yetkazilgan zararning kafolatli qoplanishini taʼminlash mexanizmlari toʻliq shakllanmagan.

Jumladan, Qonunda nuqsonlari aniqlangan tovarni almashtirib berish uchun uning sifatini qoʻshimcha ravishda tekshirish asoslari va tartib-taomillari koʻrsatilmagan.

Bu, oʻz navbatida, tovarni sotuvchi tomonidan almashtirish muddati asossiz ravishda choʻzilishiga hamda isteʼmolchilarning huquqlarini himoya qilishda nizoli holatlarning kelib chiqishiga sabab boʻlishi mumkin.

Qonunning 14-moddasi birinchi qismida sotuvchi (ishlab chiqaruvchi) tomonidan aynan qanday holatlarda tovar sifatini qoʻshimcha ravishda tekshirish asoslari va tartib-taomillarini aniq belgilash.

2024-yil oktabr

Raqobatni rivojlantirish

va isteʼmolchilar huquqlarini himoya qilish qoʻmitasi,

manfaatdor vazirlik va idoralar

2.

“Qishloq xoʻjaligi korxonalarini sanatsiya qilish toʻgʻrisida”gi Qonun

1. Qishloq xoʻjaligi korxonasini sanatsiya qilish uchun vakolatli organ tomonidan tanlov eʼlon qilish nazarda tutilgan boʻlsa-da, tanlov oʻtkazishning mexanizmlari (tanlov maqsadi va shartlari, uni oʻtkazish tartib-taomili va b.) aniq keltirilmagan.

2. Qishloq xoʻjaligi korxonasini sanatsiya qilish rejasini vakolatli organ tomonidan ekspertizadan oʻtkazish tartibi, muddati hamda mexanizmlari aniq belgilanmagan.

3. Qonunda vakolatli organga qishloq xoʻjaligi korxonasiga nisbatan tashqi boshqaruvni sanatsiya qilish muddatini joriy etish huquqi berilgan. Biroq, “Toʻlovga qobiliyatsizlik toʻgʻrisida”gi Qonunga muvofiq tashqi boshqaruv tartib-taomili yuridik shaxs maqomiga ega boʻlgan qishloq xoʻjaligi korxonasiga nisbatan joriy etilmasligi belgilangan.

1. Qonunning 15-moddasida sanatsiya qilish uchun tanlov oʻtkazish maqsadi, shartlari, uni oʻtkazish tartib-taomillari va boshqa mexanizmlarini aniq belgilash.

2. Qonunning 18-moddasida qishloq xoʻjaligi korxonasini sanatsiya qilish rejasini ekspertizadan oʻtkazish tartibi, muddati va mexanizmini aniq belgilash.

3. Qonunning 19-moddasini “Toʻlovga qobiliyatsizlik toʻgʻrisida”gi Qonunning 178-moddasiga muvofiqlashtirish.

2024-yil oktabr

Qishloq xoʻjaligi vazirligi,

manfaatdor vazirlik va idoralar

3.

“Temir yoʻl transporti toʻgʻrisida”gi Qonun

1. Qonunda temir yoʻl transporti tushunchasiga aniqlik kiritish va qonun matnini alohida terminlar bilan toʻldirish talab etiladi.

Jumladan, Qonunda faqat umumiy foydalanishdagi temir yoʻl transporti inobatga olingan boʻlib, umumiy foydalanishda boʻlmagan temir yoʻl transporti (iqtisodiyot turli tarmoqlaridagi sanoat korxonalari, oʻz faoliyatida temir yoʻl transportidan foydalanadigan turli mulkchilik shaklidagi yuridik shaxslar) faoliyati qamrab olinmagan.

2. Qonunda temir yoʻl transporti korxonalariga xoʻjalik yuritish huquqi asosida tegishli boʻlgan koʻchmas mol-mulkni sotish davlat temir yoʻl transportini boshqarish organi tomonidan qonunchilikda belgilangan tartibda amalga oshirilishi belgilangan. Biroq mazkur vakolatlar “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonunga koʻra (mulkning balans qiymati yoki sof aktivlari miqdoriga nisbatidan kelib chiqib) jamiyatning kuzatuv kengashining aʼzolari yoki aksiyadorlarning umumiy yigʻilishi tomonidan amalga oshirilishi belgilangan.

3. Qonunda umumiy foydalanishdagi temir yoʻllarga chiquvchi yangi temir yoʻl tarmoqlarini barpo etuvchi, shuningdek, harakatdagi sostavni loyihalashtiruvchi va ishlab chiqaruvchi yuridik va jismoniy shaxslar tomonidan mazkur tarmoqlar va harakatdagi sostavni davlat temir yoʻl transportini boshqarish organi bilan kelishilgan holda loyihalashtirish va qurish belgilangan. Lekin Qonunda mazkur tarmoqlar va harakatdagi sostavni davlat temir yoʻl transportini boshqarish organi qanday tartib va muddatlarda kelishishi belgilanmagan.

1. Qonunning 1-moddasida temir yoʻl transporti tushunchasiga umumiy foydalanishda boʻlmagan temir yoʻl transporti boʻyicha alohida taʼrif berish.

2. Qonunning 5-moddasini (koʻchmas mol-mulkni sotish, mol-mulkni ijaraga berish, ayirboshlash) “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonunning 84-moddasiga muvofiqlashtirish.

3. Qonunning 15-moddasida yangi temir yoʻl tarmoqlari va harakatdagi sostavni davlat temir yoʻl transportini boshqarish organi bilan kelishish tartibi va muddatlarini aniq belgilash.

2024-yil oktabr

Transport vazirligi,

manfaatdor vazirlik va idoralar

4.

“Avtomobil transporti toʻgʻrisida”gi Qonun

Qonunda davlat hokimiyati va boshqaruv organlari tashuvchilarning xoʻjalik faoliyatiga aralashishi, shuningdek, ularning ekspluatatsiya xizmati xodimlarini boshqa ishlarga jalb etishi mumkin boʻlgan holatlar aniq belgilanmagan.

Tashuvchilarning xoʻjalik faoliyatiga aralashish, shuningdek, ularning ekspluatatsiya xizmati xodimlari boshqa ishlarga jalb etilishi mumkin boʻlgan holatlar belgilangan normativ-huquqiy hujjatga aniq havola keltirilmagan.

Bu esa, davlat hokimiyati va boshqaruv organlarining mansabdor shaxslari tashuvchilarning xoʻjalik faoliyatiga asossiz aralashishiga sharoit yaratadi.

Qonunning 9-moddasida avtomobil transporti tashuvchilarining xoʻjalik faoliyatiga aralashish hamda ularning ekspluatatsiya xizmati xodimlarini boshqa ishlarga jalb etish mumkin boʻlgan holatlarni aniq belgilash yoki ushbu holatlar nazarda tutilgan qonunchilik hujjatlariga havola keltirish.

2024-yil oktabr

Transport vazirligi,

manfaatdor vazirlik va idoralar

5.

“Maxsus yuklar va harbiy tarkiblarning tranziti toʻgʻrisida”gi Qonun

Qonunda tranzit ruxsatnomasini berish yoki uni berishni rad etish toʻgʻrisidagi qaror ariza olingan kundan eʼtiboran oʻttiz kundan oshmaydigan muddatda qabul qilinishi, zarur hollarda mazkur muddat uzaytirilishi mumkinligi belgilangan.

Biroq, Vazirlar Mahkamasining 2002-yil 21-fevraldagi 62-son qarori bilan mazkur muddat yigirma kundan oshmasligi zarurligi belgilangan.

Bundan tashqari, Qonunda ushbu muddatni uzaytirishga asos boʻluvchi holatlar hamda uzaytirilishi mumkin boʻlgan muddat chegarasi aniq belgilanmagan.

Qonunda tranzit ruxsatnomasini berish yoki uni berishni rad etish toʻgʻrisidagi qaror ariza olingan kundan eʼtiboran yigirma kundan oshmaydigan muddatda qabul qilinishini, mazkur muddatni uzaytirishga asos boʻluvchi holatlarni hamda uzaytirish mumkin boʻlgan muddat chegarasini aniq belgilash.

2024-yil noyabr

Transport vazirligi, Mudofaa vazirligi, manfaatdor vazirlik va idoralar

6.

“Avtomobil yoʻllari toʻgʻrisida”gi Qonun

Oʻzbekiston Respublikasi Prezidentining 2019-yil 9-dekabrdagi PF-5890-son “Oʻzbekiston Respublikasi yoʻl xoʻjaligi tizimini chuqur isloh qilish chora-tadbirlari toʻgʻrisida”gi Farmoniga asosan umumiy foydalanishdagi avtomobil yoʻllarini moliyalashtirishning yangi tartibi joriy etilgan boʻlsa-da, Qonunda umumiy foydalanishdagi avtomobil yoʻllarini moliyalashtirish Vazirlar Mahkamasi huzuridagi Respublika yoʻl jamgʻarmasi mablagʻlari va qonunchilikda taqiqlanmagan boshqa mablagʻlar hisobidan amalga oshirilishi belgilangan.

Oʻzbekiston Respublikasi Prezidentining 2019-yil 9-dekabrdagi PF-5890-son “Oʻzbekiston Respublikasi yoʻl xoʻjaligi tizimini chuqur isloh qilish chora-tadbirlari toʻgʻrisida”gi Farmonidan kelib chiqib, Qonunda umumiy foydalanishdagi avtomobil yoʻllarini moliyalashtirishning yangi tartibini belgilash.

2024-yil noyabr

Transport vazirligi huzuridagi Avtomobil yoʻllari qoʻmitasi,

manfaatdor vazirlik va idoralar

8.

“Maxsus iqtisodiy zonalar toʻgʻrisida”gi Qonun

Oʻzbekiston Respublikasi Prezidentining 2020-yil 27-oktabrdagi PF-6096-son Farmoniga muvofiq davlat aktivlarini “nol” xarid qiymatida va investitsiya hamda ijtimoiy majburiyatlar asosida ommaviy savdolarga chiqarish amaliyoti bekor qilingan boʻlsa-da, Qonunda Maxsus iqtisodiy zona maʼmuriy kengashiga maxsus iqtisodiy zona hududida joylashgan davlat mulki obyektlarini investitsiya majburiyatlari qabul qilingan holda, shu jumladan, “nol” xarid qiymati boʻyicha realizatsiya qilish huquqi berilgan.

Qonunni Oʻzbekiston Respublikasi Prezidentining 2020-yil 27-oktabrdagi PF-6096-son Farmoni talablariga muvofiqlashtirish.

2024-yil noyabr

Investitsiyalar, sanoat va savdo vazirligi,

manfaatdor vazirlik va idoralar

9.

“Nogironligi boʻlgan shaxslarning huquqlari toʻgʻrisida”gi Qonun

Qonunda nogironligi boʻlgan shaxslarga sport bilan shugʻullanishi uchun davlat mulki boʻlgan sport obyektlari va inshootlarining sport zallari hamda xonalari bepul asosda taqdim etilishini istisno etuvchi holatlar aniq koʻrsatilmagan.

Bu, oʻz navbatida, nogironligi boʻlgan shaxslarning Qonunda belgilangan huquqlari asossiz cheklanishi holatlarini yuzaga keltirishi mumkin.

Qonunning 27-moddasida barcha davlat mulki boʻlgan sport obyektlari nogironligi boʻlgan shaxslarga sport bilan shugʻullanish uchun istisnolarsiz bepul asosda taqdim etilishini qatʼiy belgilash yoki ushbu qoidadan mustasno holatlarni aniq koʻrsatish va (yoki) aniq hujjatga havola keltirish.

2024-yil noyabr

Ijtimoiy himoya milliy agentligi,

Sport vazirligi, manfaatdor vazirlik va idoralar

Oʻzbekiston Respublikasi Prezidentining Farmonlari va qarorlari

10.

Oʻzbekiston Respublikasi Prezidentining 1997-yil 11-martdagi “Qishloq xoʻjaligida hisob-kitoblar tizimini takomillashtirishga oid tub chora-tadbirlar toʻgʻrisida”gi PF-1734-son Farmoni

Oʻzbekiston Respublikasi Prezidentining 2020-yil 6-martdagi PQ-4633-son qaroriga asosan 2020-yil hosilidan boshlab paxta xom ashyosini yetishtirishda davlat buyurtmasi, 2020-yil 6-martdagi PQ-4634-son qarori bilan 2021-yil hosilidan boshlab boshoqli donga nisbatan davlat xaridi toʻliq bekor qilingan boʻlsa-da, Farmonda qishloq xoʻjaligidagi tovar ishlab chiqaruvchilar bilan ularga xizmat koʻrsatuvchi tarmoqlar oʻrtasidagi barcha iqtisodiy munosabatlar tayyorlovchi tomonidan qishloq xoʻjalik mahsulotini xarid qilishga kontraktatsiya shartnomasi, shu jumladan fyuchers asosidagi shartnoma hamda davlat ehtiyojlari uchun qishloq xoʻjalik mahsulotlari xarid qilishga shartnoma asosida amalga oshirilishi belgilangan.

Farmonni Oʻzbekiston Respublikasi Prezidentining 2020-yil 6-martdagi PQ-4633-son va PQ-4634-son qarorlari talablariga muvofiqlashtirish.

2024-yil oktabr

Qishloq xoʻjaligi vazirligi,

manfaatdor vazirlik va idoralar

11.

Oʻzbekiston Respublikasi Prezidentining 2006-yil 9-yanvardagi “Meva-sabzavotchilik va uzumchilik sohasida iqtisodiy islohotlarni chuqurlashtirish chora-tadbirlari toʻgʻrisida”gi PF-3709-son Farmoni

Oʻzbekiston Respublikasi Prezidentining “Qishloq xoʻjaligiga moʻljallangan yer uchastkalarini ijaraga berish tartibini takomillashtirish boʻyicha qoʻshimcha chora-tadbirlar toʻgʻrisida”gi 2024-yil 18-yanvardagi PF-15-son Farmoniga muvofiq qishloq xoʻjaligiga moʻljallangan yer uchastkalarini ijaraga berish elektron onlayn auksion savdolari orqali amalga oshirilishi, “Fermer xoʻjaligi toʻgʻrisida”gi Qonunda fermer xoʻjaligi oʻziga berilgan yer uchastkalarini yuridik va jismoniy shaxslarga ikkilamchi ijaraga berishga haqli ekanligi belgilangan boʻlsa-da, Farmonda bogʻ va uzumzorlar joylashgan yer maydonlari kimoshdi savdosi gʻoliblariga hadya qilish, sotish, garovga berish, ayirboshlash va subarendaga topshirish huquqini bermagan holda uzoq muddatli ijaraga topshirilishi nazarda tutilgan.

Farmonda belgilangan normalarni qayta koʻrib chiqish zarurati mavjud.

Farmonni “Fermer xoʻjaligi toʻgʻrisida”gi Qonun hamda Oʻzbekiston Respublikasi Prezidentining 2024-yil 18-yanvardagi PF-15-son Farmoni talablariga muvofiqlashtirish.

2024-yil oktabr

Qishloq xoʻjaligi vazirligi,

manfaatdor vazirlik va idoralar

12.

Oʻzbekiston Respublikasi Prezidentining 2006-yil 5-maydagi “Mikrokreditbank” aksiyadorlik tijorat bankini tashkil etish toʻgʻrisida”gi PF-3750-son Farmoni

“Davlat boji toʻgʻrisida”gi Qonunda garov shartnomalarini tasdiqlaganlik hamda ularga oʻzgartirish va qoʻshimchalar kiritganlik uchun davlat boji stavkasi miqdori belgilangan boʻlsa-da, Farmonda mikromoliyalashtirish shartnomalari, shuningdek garov, kafolat shartnomalari hamda mikromoliyalashtirish bilan bogʻliq boshqa shartnomalarni notarial tasdiqlash uchun shartnoma summasining 0,1 foizi miqdorida toʻlov undirilishi nazarda tutilgan.

Farmonda belgilangan mikromoliyalashtirish shartnomalari, garov, kafolat shartnomalari hamda mikromoliyalashtirish bilan bogʻliq boshqa shartnomalarni notarial tasdiqlash uchun yigʻim undirish nazarda tutilgan normani “Davlat boji toʻgʻrisida”gi Qonunga muvofiqlashtirish.

2024-yil noyabr

Markaziy bank, manfaatdor vazirlik va idoralar

13.

Oʻzbekiston Respublikasi Prezidentining 2011-yil 18-apreldagi “Fermer xoʻjaliklarini qayta tashkil etish va ularning yer maydonlarini optimallashtirishda qonunchilikka rioya etish chora-tadbirlari toʻgʻrisida”gi PF-4301-son Farmoni

Farmonda fermer xoʻjaliklari kontraktatsiya shartnomasida nazarda tutilmagan qishloq xoʻjalik ekinlarini ekishi, davlat ehtiyojlari uchun qishloq xoʻjalik mahsulotlari xarid qilish boʻyicha tuzilgan kontraktatsiya shartnomalarining shartlarini muntazam (uch yil mobaynida) bajarmaslik ularning yer maydonlarini optimallashtirishga doir daʼvo arizalarini qoʻzgʻatish va ularni sudga oshirish uchun asos boʻlishi belgilangan.

Biroq, Oʻzbekiston Respublikasi Prezidentining 2020-yil 6-martdagi PQ-4633-son qaroriga asosan 2020-yil hosilidan boshlab paxta xom ashyosini yetishtirishda davlat buyurtmasi, 2020-yil 6-martdagi PQ-4634-son qarori bilan 2021-yil hosilidan boshlab boshoqli donga nisbatan davlat xaridi toʻliq bekor qilingan.

Farmonni Oʻzbekiston Respublikasi Prezidentining 2020-yil 6-martdagi PQ-4633-son va PQ-4634-son qarorlari talablariga muvofiqlashtirish.

2024-yil noyabr

Qishloq xoʻjaligi vazirligi,

manfaatdor vazirlik va idoralar

14.

Oʻzbekiston Respublikasi Prezidentining 2018-yil 7-iyundagi “Har bir oila-tadbirkor” dasturini amalga oshirish toʻgʻrisida” PQ-3777-son qarori

Qarorda tadbirkorlik bilan shugʻullanish istagida boʻlgan aholiga imtiyozli kreditlar ajratish har bir mahallaga biriktirilgan hokim yordamchisining tavsiyalari asosida amalga oshirilishi belgilangan.

Biroq, hokim yordamchisi tomonidan tadbirkorlik bilan shugʻullanish istagida boʻlgan aholiga imtiyozli kreditlar ajratish maqsadga muvofiqligi toʻgʻrisidagi tavsiyanomani berish tartibi, mezonlari hamda tavsiyanoma berishni rad etish asoslari belgilanmagan.

Qarorda hokim yordamchisi tomonidan tadbirkorlik bilan shugʻullanish istagida boʻlgan aholiga imtiyozli kreditlar ajratish maqsadga muvofiqligi toʻgʻrisidagi tavsiyanomani berish tartibi, mezonlari hamda tavsiyanoma berishni rad etish asoslarini belgilash yoki mazkur tartiblar belgilangan normativ-huquqiy hujjatga havola keltirish.

2024-yil dekabr

Iqtisodiyot va moliya vazirligi,

manfaatdor vazirlik va idoralar

15.

Oʻzbekiston Respublikasi Prezidentining 2020-yil 11-avgustdagi “Kambagʻal va ishsiz fuqarolarni tadbirkorlikka jalb qilish, ularning mehnat faolligini oshirish va kasb-hunarga oʻqitishga qaratilgan hamda aholi bandligini taʼminlashga oid qoʻshimcha chora-tadbirlar toʻgʻrisida” PQ-4804-son qarori

Qarorda nodavlat kasb-hunarga oʻqitish muassasalarini tashkil etayotgan xususiy investorlarga Kambagʻallikni qisqartirish va bandlik vazirligining “Ishga marhamat” monomarkazlari va kasb-hunarga oʻqitish markazlarining, kasb-hunarga oʻqitish muassasalarining binolari yoki ularning bir qismi hamda mahalliy hokimiyat va fuqarolarning oʻzini oʻzi boshqarish organlari tavsiyasiga koʻra boshqa boʻsh turgan binolar yoki ularning bir qismini ijaraga berish muddati va ijaraga berilganda qoʻllaniladigan imtiyozlar aniq belgilanmagan.

Qarorda nodavlat kasb-hunarga oʻqitish muassasalarini tashkil etayotgan xususiy investorlarga Kambagʻallikni qisqartirish va bandlik vazirligiga tegishli binolarni, mahalliy hokimiyat va fuqarolarning oʻzini oʻzi boshqarish organlari tavsiyasiga koʻra boshqa boʻsh turgan binolar yoki ularning bir qismini ijaraga berish muddatlarini hamda ijaraga berilganda qoʻllaniladigan imtiyozlarni aniq belgilash.

2024-yil dekabr

Kambagʻallikni qisqartirish va bandlik vazirligi, manfaatdor vazirlik va idoralar

(2-ilova Oʻzbekiston Respublikasi Prezidentining 2024-yil 14-noyabrdagi PF-185-sonli Farmoni tahririda — Qonunchilik maʼlumotlari milliy bazasi, 21.11.2024-y., 06/24/185/0944-son)
Oʻzbekiston Respublikasi Prezidentining 2024-yil 16-avgustdagi PF-111-son Farmoniga
3-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim hujjatlari
ROʻYXATI
1. Oʻzbekiston Respublikasi Prezidentining 1995-yil 5-yanvardagi “Xususiy tadbirkorlikda tashabbus koʻrsatish va uni ragʻbatlantirish toʻgʻrisida”gi PF-1030-son Farmoni.
2. Oʻzbekiston Respublikasi Prezidentining 1997-yil 11-martdagi “Qishloq xoʻjaligida hisob-kitoblar tizimini takomillashtirishga oid tub chora-tadbirlar toʻgʻrisida”gi PF-1734-son Farmonining 4-bandi.
3. Oʻzbekiston Respublikasi Prezidentining 1998-yil 19-noyabrdagi “Xoʻjalik yurituvchi subyektlarni tekshirishni tashkil qilishni tartibga solish toʻgʻrisida”gi PF-2114-son Farmoni.
4. Oʻzbekiston Respublikasi Prezidentining 2001-yil 14-maydagi “Oʻzbekiston Respublikasi Prezidentining baʼzi Farmonlarini oʻz kuchini yoʻqotgan deb hisoblash toʻgʻrisida”gi PF-2841-son Farmoni.
5. Oʻzbekiston Respublikasi Prezidentining 2001-yil 19-iyundagi “Oʻzbekiston Respublikasi Prezidentining baʼzi Farmonlariga oʻzgartish va qoʻshimchalar kiritish toʻgʻrisida”gi PF-2886-son Farmoni.
6. Oʻzbekiston Respublikasi Prezidentining 2003-yil 24-yanvardagi “Oʻzbekiston iqtisodiyotida xususiy sektorning ulushi va ahamiyatini tubdan oshirish chora-tadbirlari toʻgʻrisida”gi PF-3202-son Farmonining 4-bandi.
7. Oʻzbekiston Respublikasi Prezidentining 2004-yil 21-iyuldagi “Oʻzbekiston Respublikasi Prezidentining “Xususiy tadbirkorlikda tashabbus koʻrsatish va uni ragʻbatlantirish toʻgʻrisida”gi 1995-yil 5-yanvardagi PF-1030-son Farmonini ayrim qoidalarini oʻz kuchini yoʻqotgan deb hisoblash toʻgʻrisida”gi PF-3466-son Farmoni.
8. Oʻzbekiston Respublikasi Prezidentining 2006-yil 5-maydagi “Mikrokreditbank” aksiyadorlik tijorat bankini tashkil etish toʻgʻrisida”gi PF-3750-son Farmonning 4-bandi.
9. Oʻzbekiston Respublikasi Prezidentining 2008-yil 24-oktabrdagi “Oʻzbekiston Respublikasi Prezidentining baʼzi hujjatlariga oʻzgartish va qoʻshimchalar kiritish, shuningdek ayrimlarini oʻz kuchini yoʻqotgan deb hisoblash toʻgʻrisida”gi PF-4045-son Farmonining 2-bandi ikkinchi xatboshisi.
10. Oʻzbekiston Respublikasi Prezidentining 2011-yil 4-apreldagi “Tadbirkorlik subyektlarini tekshirishlarni yanada qisqartirish va ular faoliyatini nazorat qilishni tashkil etish tizimini takomillashtirish borasidagi qoʻshimcha chora-tadbirlar toʻgʻrisida”gi PF-4296-son Farmoni.
11. Oʻzbekiston Respublikasi Prezidentining 2013-yil 28-avgustdagi “Oʻzbekiston Respublikasi Prezidentining ayrim hujjatlariga qoʻshimcha va oʻzgartishlar kiritish, shuningdek ayrimlarini oʻz kuchini yoʻqotgan deb hisoblash toʻgʻrisida”gi PF-4561-son Farmoniga 1-ilovaning 1 va 26-bandlari hamda 2-ilovaning 9-bandi.
12. Oʻzbekiston Respublikasi Prezidentining 2013-yil 30-oktabrdagi “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish toʻgʻrisida”gi PF-4578-son Farmoniga ilovaning 6-bandi.
13. Oʻzbekiston Respublikasi Prezidentining 2014-yil 7-apreldagi “Oʻzbekiston Respublikasida investitsiya iqlimi va ishbilarmonlik muhitini yanada takomillashtirishga doir qoʻshimcha chora-tadbirlar toʻgʻrisida”gi PF-4609-son Farmoniga 3-ilovaning 4-bandi.
14. Oʻzbekiston Respublikasi Prezidentining 2016-yil 31-dekabrdagi “Oʻzbekiston Respublikasi Prezidentining baʼzi hujjatlariga oʻzgartish va qoʻshimchalar kiritish, shuningdek ayrimlarini oʻz kuchini yoʻqotgan deb hisoblash toʻgʻrisida”gi PF-4910-son Farmoniga 1-ilovaning 7-bandi.
15. Oʻzbekiston Respublikasi Prezidentining 2017-yil 27-iyundagi “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi PF-5097-son Farmoniga 1-ilovaning 8-bandi.
16. Oʻzbekiston Respublikasi Prezidentining 2017-yil 11-sentabrdagi “Oʻzbekiston Respublikasi Prezidentining ayrim hujjatlariga oʻzgartishlar kiritish, baʼzilarini esa oʻz kuchini yoʻqotgan, deb hisoblash toʻgʻrisida”gi PF-5187-son Farmoniga 1-ilovaning 1 va 4-bandlari.
17. Oʻzbekiston Respublikasi Prezidentining 2017-yil 18-dekabrdagi “Oʻzbekiston Respublikasi Prezidentining ayrim hujjatlariga oʻzgartishlar va qoʻshimcha kiritish toʻgʻrisida”gi PF-5287-son Farmoniga 1-ilovaning 3-bandi hamda 2-ilovaning 3-bandi.
18. Oʻzbekiston Respublikasi Prezidentining 2018-yil 5-iyundagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5456-son Farmoniga 1-ilovaning 8-bandi.
19. Oʻzbekiston Respublikasi Prezidentining 2018-yil 27-iyuldagi “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida”gi PF-5490-son Farmoniga 4-ilovaning 3 va 8-bandlari.
20. Oʻzbekiston Respublikasi Prezidentining 2019-yil 22-fevraldagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5668-son Farmoniga 2-ilovaning 2 va 3-bandlari.
21. Oʻzbekiston Respublikasi Prezidentining 2019-yil 8-noyabrdagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5870-son Farmoniga 1-ilovaning 8-bandi.
22. Oʻzbekiston Respublikasi Prezidentining 2019-yil 10-dekabrdagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5892-son Farmoniga 1-ilovaning 2-bandi.
23. Oʻzbekiston Respublikasi Prezidentining 2019-yil 12-dekabrdagi “Oʻzbekiston Respublikasi Prezidenti va Hukumatining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5893-son Farmoniga 2-ilovaning 4-bandi.
24. Oʻzbekiston Respublikasi Prezidentining 2020-yil 27-sentabrdagi “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida”gi PF-6075-son Farmoniga 1-ilovaning 139-bandi.
25. Oʻzbekiston Respublikasi Prezidentining 2022-yil 17-martdagi PF-89-son “Fuqarolarning huquq va erkinliklarini taʼminlash hamda huquqiy xizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida”gi Farmoniga 2-ilovaning 27-bandi.
26. Oʻzbekiston Respublikasi Prezidentining 2023-yil 30-yanvardagi “Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida”gi PF-15-son Farmoniga ilovaning 11-bandi.
27. Oʻzbekiston Respublikasi Prezidentining 2005-yil 14-martdagi “2005-2006-yillarda korxonalarni davlat tasarrufidan chiqarish va xususiylashtirish dasturi toʻgʻrisida”gi PQ-29-son qaroriga 4-ilovaning 1-bandi.
28. Oʻzbekiston Respublikasi Prezidentining 2005-yil 28-iyundagi “Jamgʻarib boriladigan pensiya tizimini takomillashtirish va texnika bilan jihozlash borasidagi qoʻshimcha chora-tadbirlar toʻgʻrisida”gi PQ-110-son qarori.
29. Oʻzbekiston Respublikasi Prezidentining 2005-yil 27-dekabrdagi “Oʻzbekiston Respublikasining 2006-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida”gi PQ-244-son qaroriga 30-ilovaning 5-bandi.
30. Oʻzbekiston Respublikasi Prezidentining 2006-yil 28-fevraldagi “Toshkent shahri va Toshkent viloyatida yoʻlovchilar tashish xavfsizligini taʼminlashga oid qoʻshimcha chora-tadbirlar toʻgʻrisida”gi PQ-294-son qarori.
31. Oʻzbekiston Respublikasi Prezidentining 2006-yil 21-iyuldagi “Baʼzi Respublika komissiyalari va kengashlari tarkiblari hamda ularning faoliyatini tashkil etish masalalari toʻgʻrisida”gi PQ-423-son qaroriga 5-ilovaning 6-bandi.
32. Oʻzbekiston Respublikasi Prezidentining 2006-yil 31-avgustdagi “Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy taʼminlash departamenti faoliyatini yanada takomillashtirish chora-tadbirlari toʻgʻrisida”gi PQ-458-son qarorining 9-bandi uchinchi xatboshisi.
33. Oʻzbekiston Respublikasi Prezidentining 2007-yil 12-dekabrdagi “Oʻzbekiston Respublikasining 2008-yilgi asosiy makroiqtisodiy koʻrsatkichlari va davlat budjeti parametrlari toʻgʻrisida”gi PQ-744-son qaroriga 30-ilovaning 2-bandi.
34. Oʻzbekiston Respublikasi Prezidentining 2009-yil 28-yanvardagi “Mahalliy nooziq-ovqat isteʼmol tovarlari ishlab chiqarish kengaytirilishini ragʻbatlantirish borasidagi qoʻshimcha chora-tadbirlar toʻgʻrisida”gi PQ-1050-son qarori.
35. Oʻzbekiston Respublikasi Prezidentining 2010-yil 2-martdagi “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining faoliyatini tashkil etish toʻgʻrisida”gi PQ-1293-son qarori.
36. Oʻzbekiston Respublikasi Prezidentining 2011-yil 30-dekabrdagi “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-1675-son qaroriga 27-ilovaning 5-bandi, 32-ilovaning 7-bandi hamda 33-ilovaning 9-bandi.
37. Oʻzbekiston Respublikasi Prezidentining 2012-yil 25-dekabrdagi “Oʻzbekiston Respublikasining 2013-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-1887-son qaroriga 35-ilovaning 5-bandi.
38. Oʻzbekiston Respublikasi Prezidentining 2013-yil 23-maydagi “Qishloq xoʻjaligi texnika va texnologiyalari sinash tizimini yanada takomillashtirish chora-tadbirlari toʻgʻrisida”gi PQ-1972-son qaroriga 3-ilovaning 1-bandi.
39. Oʻzbekiston Respublikasi Prezidentining 2013-yil 25-dekabrdagi “Oʻzbekiston Respublikasining 2014-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2099-son qaroriga 34-ilovaning 1-bandi uchinchi xatboshisi hamda 36-ilovaning 10-bandi.
40. Oʻzbekiston Respublikasi Prezidentining 2014-yil 4-dekabrdagi “Oʻzbekiston Respublikasining 2015-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2270-son qaroriga 36-ilovaning 16-bandi.
41. Oʻzbekiston Respublikasi Prezidentining 2015-yil 22-dekabrdagi “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2455-son qaroriga 36-ilovaning 4-bandi.
42. Oʻzbekiston Respublikasi Prezidentining 2016-yil 19-sentabrdagi “Meva-sabzavot, uzum va poliz mahsulotlarini eksport qilishni ragʻbatlantirishga doir qoʻshimcha chora-tadbirlar toʻgʻrisida”gi PQ-2603-son qarori.
43. Oʻzbekiston Respublikasi Prezidentining 2016-yil 21-dekabrdagi “2017 — 2019-yillarda toʻqimachilik va tikuv-trikotaj sanoatini yanada rivojlantirish chora-tadbirlari dasturi toʻgʻrisida”gi PQ-2687-son qaroriga 8-ilovaning 3-bandi.
44. Oʻzbekiston Respublikasi Prezidentining 2016-yil 23-dekabrdagi “Oʻzbekiston Respublikasining 2017-yilgi Investitsiya dasturi toʻgʻrisida”gi PQ-2697-son qarori.
45. Oʻzbekiston Respublikasi Prezidentining 2017-yil 18-martdagi “Moliya organlari faoliyatini yanada takomillashtirish chora-tadbirlari toʻgʻrisida”gi PQ-2847-son qaroriga 8-ilovaning 10, 14 va 16-bandlari.
46. Oʻzbekiston Respublikasi Prezidentining 2017-yil 7-apreldagi “2017-yilda ijtimoiy obyektlarni qurish, rekonstruksiya qilish va kapital taʼmirlashni tashkil etish boʻyicha qoʻshimcha chora-tadbirlar toʻgʻrisida”gi PQ-2873-son qarorining 11-bandi ikkinchi xatboshisi.
47. Oʻzbekiston Respublikasi Prezidentining 2017-yil 23-avgustdagi “Sudlar va adliya organlari faoliyatini moddiy-texnik va moliyaviy taʼminlash tartibini takomillashtirish toʻgʻrisida”gi PQ-3240-son qaroriga 2-ilovaning 6 va 19-bandlari.
48. Oʻzbekiston Respublikasi Prezidentining 2018-yil 21-iyundagi “Xalqaro moliya institutlari va donor mamlakatlar ishtirokidagi investitsiya loyihalarini boshqarish mexanizmini takomillashtirish chora-tadbirlari toʻgʻrisida”gi PQ-3796-son qarori.
49. Oʻzbekiston Respublikasi Prezidentining 2018-yil 18-sentabrdagi “Oʻzbekximmash zavodi” AJ negizida yangi quyuv sexi qurish bilan quyuv ishlab chiqarishini modernizatsiyalash” investitsiya loyihasini amalga oshirish chora-tadbirlari toʻgʻrisida”gi PQ-3944-son qarori.
50. Oʻzbekiston Respublikasi Prezidentining 2019-yil 2-noyabrdagi “Huquqiy monitoringning zamonaviy mexanizmlari asosida qonun hujjatlari ijrosining samaradorligini oshirish chora-tadbirlari toʻgʻrisida”gi PQ-4505-son qarori.
51. Oʻzbekiston Respublikasi Prezidentining 2020-yil 15-apreldagi “Koronavirus pandemiyasi davrida Oʻzbekiston Respublikasi Davlat budjeti barqarorligini taʼminlash va birinchi navbatdagi tadbirlarni oʻz vaqtida moliyalashtirish chora-tadbirlari toʻgʻrisida”gi PQ-4679-son qarori.
52. Oʻzbekiston Respublikasi Prezidentining 2020-yil 26-avgustdagi “Aholini ijtimoiy qoʻllab-quvvatlashga qaratilgan qoʻshimcha chora-tadbirlar toʻgʻrisida”gi PQ-4815-son qarori.
53. Vazirlar Mahkamasining 1993-yil 15-martdagi “Respublika chorvachiligida iqtisodiy islohotni chuqurlashtirish chora-tadbirlari toʻgʻrisida”gi 137-son qarori.
54. Vazirlar Mahkamasining 1993-yil 17-iyundagi “Oʻzbekiston farmatsevtika sanoati (“Oʻzfarmsanoat”) davlat-aksionerlik konsernini tashkil qilish va uning faoliyati masalalari toʻgʻrisida”gi 290-son qarori.
55. Vazirlar Mahkamasining 1994-yil 29-apreldagi “Respublika koʻchmas mulk birjasining samarali faoliyat koʻrsatishini taʼminlash chora-tadbirlari toʻgʻrisida”gi 228-son qarori.
56. Vazirlar Mahkamasining 1995-yil 8-apreldagi “Qimmatbaho metallar, qimmatbaho toshlar va valyuta boyliklari saqlanishi taʼminlanmaganligi va ulardan toʻgʻri foydalanilmaganligi uchun yuridik va jismoniy shaxslarning javobgarligini kuchaytirish toʻgʻrisida”gi 124-son qarori.
57. Vazirlar Mahkamasining 1995-yil 19-apreldagi “Supermarketlar shoxobchalarini tashkil etish va kengaytirish chora-tadbirlari toʻgʻrisida”gi 135-son qarori.
58. Vazirlar Mahkamasining 1995-yil 25-maydagi “Dorivor vositalar, tibbiy buyumlar va davolash-profilaktika oziq-ovqatlari sifati ustidan davlat nazoratini tashkil etish toʻgʻrisida”gi 181-son qarori.
59. Vazirlar Mahkamasining 1995-yil 12-oktabrdagi “Aholiga maishiy xizmat koʻrsatish korxonalari faoliyatini barqarorlashtirish chora-tadbirlari toʻgʻrisida”gi 399-son qarorining 3, 4, 5, 7, 9 va 10-bandlari hamda 3-4-ilovalari.
60. Vazirlar Mahkamasining 1996-yil 10-dekabrdagi “Bolali oilalarni ijtimoiy qoʻllab-quvvatlashni kuchaytirish chora-tadbirlari toʻgʻrisida”gi 437-son qarori.
61. Vazirlar Mahkamasining 1998-yil 3-fevraldagi “Oʻzbekiston Respublikasi Hukumatining qarorlarini oʻz kuchini toʻliq va qisman yoʻqotgan deb hisoblash hamda ayrim qarorlariga oʻzgartirishlar va qoʻshimchalar kiritish toʻgʻrisida”gi 55-son qaroriga 1-ilovaning 9-bandi.
62. Vazirlar Mahkamasining 1998-yil 27-maydagi “Kichik tadbirkorlikni rivojlantirishni ragʻbatlantirish mexanizmini takomillashtirish toʻgʻrisida”gi 232-son qarorining 1, 4, 5, 8, 9 va 10-bandlari hamda 1-ilovasi.
63. Vazirlar Mahkamasining 1998-yil 30-iyundagi “Davlat tasarrufidan chiqarish va xususiylashtirish jarayonida tashkil etilgan aksiyadorlik jamiyatlari ustav jamgʻarmasidagi davlat ulushi toʻgʻrisida”gi 272-son qaroriga 2-ilovaning 13-bandi.
64. Vazirlar Mahkamasining 1998-yil 4-sentabrdagi “Bozorlarda sifatsiz oziq-ovqat tovarlari sotilishini bartaraf etish chora-tadbirlari toʻgʻrisida”gi 378-son qarori.
65. Vazirlar Mahkamasining 1999-yil 9-apreldagi “Xorijiy investitsiyalar ishtirokida ustuvor investitsiya loyihalarini amalga oshirish chora-tadbirlari toʻgʻrisida”gi 165-son qarori.
66. Vazirlar Mahkamasining 2000-yil 4-martdagi “Fermerlarni, xususiy tadbirkorlarni hamda kichik biznes boshqa subyektlarini qoʻllab-quvvatlash chora-tadbirlari toʻgʻrisida”gi 75-son qarori.
67. Vazirlar Mahkamasining 2001-yil 22-iyundagi “Valyuta bozorini yanada erkinlashtirish chora-tadbirlari toʻgʻrisida”gi 263-son qarori.
68. Vazirlar Mahkamasining 2001-yil 27-iyundagi “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida”gi 276-son qaroriga ilovaning 15-bandi.
69. Vazirlar Mahkamasining 2001-yil 10-sentabrdagi “Kichik korxonalar, dehqon va fermer xoʻjaliklarini mablagʻ bilan taʼminlash, moddiy-texnik taʼminlash, ularga bojxona imtiyozlari berish, bank xizmatlari va boshqa xizmatlar koʻrsatish boʻyicha qoʻshimcha chora-tadbirlar toʻgʻrisida”gi 366-son qarori.
70. Vazirlar Mahkamasining 2002-yil 5-yanvardagi “Qishloq xoʻjaligi korxonalarini fermer xoʻjaliklariga aylantirish chora-tadbirlari toʻgʻrisida”gi 8-son qarori.
71. Vazirlar Mahkamasining 2002-yil 26-martdagi “Davlat tasarrufidan chiqarish va xususiylashtirish dasturlari amalga oshirilishini, xorijiy investitsiyalarni jalb etish faollashtirilishini taʼminlashga doir qoʻshimcha chora-tadbirlar toʻgʻrisida”gi 97-son qarori.
72. Vazirlar Mahkamasining 2002-yil 4-dekabrdagi “Banklarning kreditlari boʻyicha qarzdorlik oʻz vaqtida qaytarilmagan taqdirda undiruvni qarzdorlarning likvidli mol-mulkiga qaratish tartibini tasdiqlash toʻgʻrisida”gi 422-son qarori.
73. Vazirlar Mahkamasining 2002-yil 4-dekabrdagi “Don tayyorlash va non mahsulotlari ishlab chiqarish tizimida xarajatlarni qisqartirish chora-tadbirlari toʻgʻrisida”gi 424-son qarori.
74. Vazirlar Mahkamasining 2003-yil 4-fevraldagi “Pul-kredit koʻrsatkichlarini tartibga solish mexanizmini takomillashtirish chora-tadbirlari toʻgʻrisida”gi 63-son qarori.
75. Vazirlar Mahkamasining 2003-yil 16-iyuldagi “Lotereyalar tashkil etish faoliyatini litsenziyalash toʻgʻrisidagi nizomni tasdiqlash haqida”gi 314-son qarori.
76. Vazirlar Mahkamasining 2003-yil 5-avgustdagi “Elektr va issiqlik energiyasi uchun hisob-kitob qilish intizomini kuchaytirish chora-tadbirlari toʻgʻrisida”gi 341-son qarori.
77. Vazirlar Mahkamasining 2003-yil 21-avgustdagi “Transport sohasidagi faoliyatning ayrim turlarini litsenziyalash toʻgʻrisidagi nizomlarni tasdiqlash haqida”gi 360-son qarori.
78. Vazirlar Mahkamasining 2003-yil 1-oktabrdagi “Valyuta operatsiyalarini yanada erkinlashtirish chora-tadbirlari toʻgʻrisida”gi 420-son qaroriga ilovaning 6-bandi.
79. Vazirlar Mahkamasining 2003-yil 2-oktabrdagi “Respublika gaz taʼminotini boshqarish tizimini takomillashtirish chora-tadbirlari toʻgʻrisida”gi 421-son qarori.
80. Vazirlar Mahkamasining 2003-yil 23-oktabrdagi “Kapital qurilishda ijara va lizing xizmatlari tizimini joriy etish toʻgʻrisida”gi 462-son qarori.
81. Vazirlar Mahkamasining 2003-yil 24-oktabrdagi “Kapital qurilishda narxlarni shakllantirishning smeta-normativ bazasini takomillashtirish va yangilash chora-tadbirlari toʻgʻrisida”gi 463-son qarori.
82. Vazirlar Mahkamasining 2004-yil 8-yanvardagi “Oʻzbekiston-Turkiya “Bursel-Toshkent tekstil” qoʻshma korxonasi faoliyatini tashkil etish toʻgʻrisida”gi 8-son qarori.
83. Vazirlar Mahkamasining 2004-yil 15-yanvardagi “Spirt va alkogolli mahsulotlar ishlab chiqarish va sotish ustidan davlat nazoratini kuchaytirishga doir qoʻshimcha chora-tadbirlar toʻgʻrisida”gi 24-son qarori.
84. Vazirlar Mahkamasining 2004-yil 17-yanvardagi “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida”gi 28-son qaroriga ilovaning 13 va 25-bandlari.
85. Vazirlar Mahkamasining 2004-yil 12-martdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida”gi 121-son qaroriga ilovaning 6-bandi.
86. Vazirlar Mahkamasining 2004-yil 10-iyuldagi “Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi faoliyatini tashkil etish toʻgʻrisida”gi 323-son qarori.
87. Vazirlar Mahkamasining 2004-yil 6-avgustdagi “Oʻzdonmahsulot” davlat-aksiyadorlik korporatsiyasini “Oʻzdonmahsulot” aksiyadorlik kompaniyasiga aylantirish toʻgʻrisida”gi 376-son qaroriga 5-ilovaning 3-bandi.
88. Vazirlar Mahkamasining 2004-yil 16-avgustdagi “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida”gi 397-son qaroriga ilovaning 2-bandi.
89. Vazirlar Mahkamasining 2004-yil 23-avgustdagi “Avtomobil sanoatini boshqarish tuzilmasini takomillashtirish chora-tadbirlari toʻgʻrisida”gi 405-son qarori.
90. Vazirlar Mahkamasining 2004-yil 1-noyabrdagi “Elektr energiyasi sotilishi hamda undan foydalanilishini hisobga olish va nazorat qilish tizimini mustahkamlash yuzasidan qoʻshimcha chora-tadbirlar toʻgʻrisida”gi 512-son qarori.
91. Vazirlar Mahkamasining 2004-yil 24-dekabrdagi “2005 — 2007-yillarda fermer xoʻjaliklarini jadal rivojlantirish chora-tadbirlari toʻgʻrisida”gi 607-son qaroriga 5-ilovaning 1-bandi.
92. Vazirlar Mahkamasining 2005-yil 22-yanvardagi “Oʻzbekiston Respublikasi hukumatining ayrim qarorlariga oʻzgartirishlar kiritish toʻgʻrisida”gi 28-son qaroriga ilovaning 6-bandi.
93. Vazirlar Mahkamasining 2005-yil 2-martdagi “Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash va baʼzilariga oʻzgartirishlar kiritish toʻgʻrisida”gi 79-son qaroriga ilovaning 1-bandi.
94. Vazirlar Mahkamasining 2006-yil 6-maydagi “Mikrokreditbank” aksiyadorlik-tijorat banki faoliyatini tashkil etish va uning moddiy-texnika bazasini mustahkamlash chora-tadbirlari toʻgʻrisida”gi 78-son qarori.
95. Vazirlar Mahkamasining 2006-yil 9-oktabrdagi “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Oʻzbekiston “Oʻzkommunxizmat” agentligi faoliyatini takomillashtirish va kommunal xoʻjalik korxonalarini moliyaviy sogʻlomlashtirish chora-tadbirlari toʻgʻrisida” 2006-yil 17-avgustdagi PQ-445-son qarori)”gi 213-son qaroriga ilovaning 7 va 11-bandlari.
96. Vazirlar Mahkamasining 2006-yil 10-noyabrdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (“Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” Oʻzbekiston Respublikasining 2006-yil 10-oktabrdagi OʻRQ-59-son Qonuni)”gi 235-son qaroriga 1-ilovaning 44-bandi.
97. Vazirlar Mahkamasining 2007-yil 8-maydagi “Oʻzbekiston Respublikasi Prezidentining “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida” 2007-yil 6-apreldagi PQ-616-son qarorini amalga oshirish chora-tadbirlari haqida”gi 95-son qaroriga 2-ilovaning 5-bandi.
98. Vazirlar Mahkamasining 2008-yil 17-dekabrdagi “Vazirlar Mahkamasining “Mikrokreditbank” aksiyadorlik-tijorat banki faoliyatini tashkil etish va uning moddiy-texnika bazasini mustahkamlash chora-tadbirlari toʻgʻrisida” 2006-yil 6-maydagi 78-son qaroriga oʻzgartirish va qoʻshimchalar kiritish haqida (Oʻzbekiston Respublikasi Prezidentining “Mikrokreditbank” aksiyadorlik-tijorat bankining tadbirkorlik subyektlarini qoʻllab-quvvatlash borasidagi faoliyatini yanada kengaytirish chora-tadbirlari toʻgʻrisida” 2008-yil 10-noyabrdagi PF-4051-son Farmoni)”gi 273-son qarori.
99. Vazirlar Mahkamasining 2008-yil 31-dekabrdagi “Eksport qiluvchi korxonalarni moliyaviy va kredit yoʻli bilan qoʻllab-quvvatlashga doir qoʻshimcha chora-tadbirlar toʻgʻrisida”gi 290-son qarori.
100. Vazirlar Mahkamasining 2009-yil 20-maydagi “Oʻzbekiston Respublikasi hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi 142-son qaroriga 1-ilovaning 11-bandi.
101. Vazirlar Mahkamasining 2009-yil 23-dekabrdagi “Alkogolli mahsulotlar uchun eng kam ulgurji-sotish va chakana narxlarni joriy etish toʻgʻrisida”gi 327-son qarori.
102. Vazirlar Mahkamasining 2010-yil 7-apreldagi “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Vazirlar Mahkamasining “Elektr va issiqlik energiyasidan foydalanish qoidalarini tasdiqlash toʻgʻrisida” 2009-yil 22-avgustdagi 245-son qarori)”gi 66-son qaroriga ilovaning 1-bandi.
103. Vazirlar Mahkamasining 2010-yil 5-iyundagi “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida”gi 108-son qaroriga ilovaning 4-bandi.
104. Vazirlar Mahkamasining 2010-yil 16-avgustdagi “Respublikaning oliy taʼlim muassasalarini moliyalashtirish tartibini yanada takomillashtirish chora-tadbirlari toʻgʻrisida”gi 178-son qarori.
105. Vazirlar Mahkamasining 2010-yil 3-dekabrdagi “Avtomototransport vositalari uchun roʻyxatdan oʻtkazish davlat raqami belgilarining yangi namunalarini bosqichma-bosqich joriy etish muddatlarini uzaytirish toʻgʻrisida”gi 284-son qarori.
106. Vazirlar Mahkamasining 2011-yil 18-fevraldagi “Oʻzbekiston Respublikasi hukumatining ayrim qarorlariga oʻzgartirish va qoʻshimchalar kiritish toʻgʻrisida (“Qishloq va suv xoʻjaligida iqtisodiy islohotlar chuqurlashtirilganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2009-yil 25-dekabrdagi OʻRQ-240-son qonuni)”gi 40-son qaroriga ilovaning 2-bandi.
107. Vazirlar Mahkamasining 2012-yil 1-fevraldagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasining “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2011-yil 7-sentabrdagi OʻRQ-292-son qonuni)”gi 26-son qaroriga ilovaning 9-bandi.
108. Vazirlar Mahkamasining 2012-yil 16-martdagi “Chet elda koʻrgazma-yarmarka faoliyatini yanada rivojlantirish chora-tadbirlari toʻgʻrisida”gi 73-son qarori.
109. Vazirlar Mahkamasining 2012-yil 29-maydagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi 148-son qaroriga ilovaning 1-bandi.
110. Vazirlar Mahkamasining 2012-yil 28-avgustdagi “Bozorlar va savdo komplekslari faoliyatini tartibga solishga doir qoʻshimcha chora-tadbirlar toʻgʻrisida”gi 253-son qaroriga 3-ilovaning 1-bandi.
111. Vazirlar Mahkamasining 2012-yil 1-noyabrdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Statistik, soliq va moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida” 2012-yil 16-iyuldagi PF-4453-son Farmoni)”gi 313-son qaroriga 1-ilovaning 38-bandi va 2-ilovaning 13-bandi.
112. Vazirlar Mahkamasining 2012-yil 29-dekabrdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari toʻgʻrisida” 2012-yil 22-oktabrdagi PF-4478-son Farmoni)”gi 369-son qaroriga 1-ilovaning 4-bandi.
113. Vazirlar Mahkamasining 2013-yil 7-martdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi 69-son qarori.
114. Vazirlar Mahkamasining 2013-yil 31-dekabrdagi “Chetdan olib kirishda bojxona toʻlovlaridan (bojxonada rasmiylashtirish yigʻimlaridan tashqari) ozod qilinadigan yangi tibbiy texnika, tibbiy texnikaga butlovchi buyumlar, ehtiyot qismlar va sarflash materiallari roʻyxatini tasdiqlash toʻgʻrisida”gi 356-son qarori.
115. Vazirlar Mahkamasining 2014-yil 27-martdagi “Tijorat banklarining investitsiya faoliyatini ragʻbatlantirishga va banklar tomonidan korxonalarni yangi investorlarga sotishni jadallashtirishga doir qoʻshimcha chora-tadbirlar toʻgʻrisida”gi 71-son qarori.
116. Vazirlar Mahkamasining 2014-yil 6-oktabrdagi “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida”gi 279-son qaroriga 8-ilovaning 2-bandi.
117. Vazirlar Mahkamasining 2014-yil 4-dekabrdagi “Oʻzbekiston Respublikasi Sanoat xavfsizligi davlat qoʻmitasining harbiylashtirilgan kon-qutqaruv qismi toʻgʻrisida”gi va “Oʻzbekneftgaz” milliy xolding kompaniyasining ochiq neft va gaz favvoralarining oldini olish hamda ularni bartaraf etish boʻyicha Oʻzbekiston harbiylashtirilgan qismi toʻgʻrisida”gi nizomlarni tasdiqlash haqida”gi 332-son qaroriga 3-ilovaning 3-bandi.
118. Vazirlar Mahkamasining 2016-yil 27-fevraldagi “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Tashqi iqtisodiy aloqalar, investitsiyalar va savdo vazirligining tuzilmasini maqbullashtirish va uning faoliyati samaradorligini yanada oshirish chora-tadbirlari toʻgʻrisida” 2015-yil 31-dekabrdagi PQ-2463-son qarori)”gi 57-son qaroriga ilovaning 10-bandi.
119. Vazirlar Mahkamasining 2016-yil 12-apreldagi “Oʻzbekiston Respublikasiga olib kirilayotganda bojxona toʻlovlaridan ozod qilinadigan naslli mahsulotlar, texnologik va yordamchi asbob-uskunalar, kombikorm va qoʻshimcha yem ishlab chiqarish uchun komponentlar, shuningdek payvandtag, koʻchatlar va tomchilatib sugʻorish tizimi uchun asbob-uskunalar roʻyxatini tasdiqlash toʻgʻrisida”gi 110-son qarori.
120. Vazirlar Mahkamasining 2016-yil 26-apreldagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Oʻzbekiston Respublikasining Budjet kodeksini tasdiqlash toʻgʻrisida” 2013-yil 26-dekabrdagi OʻRQ-360-son hamda “Soliq va budjet siyosatining 2016-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining Soliq kodeksiga oʻzgartish va qoʻshimchalar kiritish toʻgʻrisida” 2015-yil 31-dekabrdagi OʻRQ-398-son qonunlari)”gi 122-son qaroriga 1-ilovaning 56-bandi.
121. Vazirlar Mahkamasining 2016-yil 15-iyundagi “Yangi meva-sabzavot mahsulotlari, kartoshka, poliz mahsulotlari va uzum xarid qilish yuzasidan davlat buyurtmasi toʻgʻrisidagi nizomni tasdiqlash haqida”gi 206-son qarori.
122. Vazirlar Mahkamasining 2016-yil 20-iyundagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Oʻzbekiston Respublikasining Bojxona kodeksini tasdiqlash toʻgʻrisida” 2016-yil 20-yanvardagi OʻRQ-400-son hamda “Oʻzbekiston Respublikasining Bojxona kodeksi qabul qilinishi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish, shuningdek baʼzilarini oʻz kuchini yoʻqotgan deb topish toʻgʻrisida” 2016-yil 20-yanvardagi OʻRQ-401-son qonunlari)”gi 211-son qaroriga 1-ilovaning 7 va 8-bandlari.
123. Vazirlar Mahkamasining 2016-yil 15-sentabrdagi “Surxondaryo viloyatida boʻsh turgan davlat mulki obyektlaridan kelgusida yanada samarali foydalanish, ularga salohiyatli investorlarni jalb etish chora-tadbirlari toʻgʻrisida”gi 300-son qarori.
124. Vazirlar Mahkamasining 2017-yil 13-martdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Aholining hojatmand qatlamlarini ijtimoiy qoʻllab-quvvatlash hamda tibbiy-ijtimoiy yordam koʻrsatish tizimini yanada takomillashtirish chora-tadbirlari toʻgʻrisida” 2016-yil 22-fevraldagi PF-4782-son Farmoni hamda Oʻzbekiston Respublikasi Prezidentining “Oʻzbekiston Respublikasi Mehnat vazirligi faoliyatini tashkil etishni takomillashtirish chora-tadbirlari toʻgʻrisida” 2016-yil 24-fevraldagi PQ-2498-son qarori)”gi 130-son qaroriga 1-ilovaning 4-bandi.
125. Vazirlar Mahkamasining 2017-yil 5-apreldagi “2017-2018-yillarda Surxondaryo viloyatida sanoat, qishloq xoʻjaligi va xizmat koʻrsatish loyihalarining koʻrsatkichlarini tasdiqlash toʻgʻrisida”gi 182-son qarorining 11-bandi.
126. Vazirlar Mahkamasining 2017-yil 6-apreldagi “Dori vositalari va farmatsevtika faoliyati toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2016-yil 4-yanvardagi OʻRQ-399-son Oʻzbekiston Respublikasi Qonunini amalga oshirish chora-tadbirlari toʻgʻrisida”gi 185-son qaroriga 4-ilovaning 11-bandi.
127. Vazirlar Mahkamasining 2017-yil 13-apreldagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasining turizm sohasini jadal rivojlantirishni taʼminlash chora-tadbirlari toʻgʻrisida” 2016-yil 2-dekabrdagi PF-4861-son Farmoni va Oʻzbekiston Respublikasi Prezidentining “Oʻzbekiston Respublikasi Turizmni rivojlantirish davlat qoʻmitasi faoliyatini tashkil etish toʻgʻrisida” 2016-yil 2-dekabrdagi PQ-2666-son qarori)”gi 207-son qaroriga 1-ilovaning 5-bandi.
128. Vazirlar Mahkamasining 2017-yil 28-iyundagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzagrotexsanoatxolding” aksiyadorlik jamiyatini tashkil etish toʻgʻrisida” 2016-yil 17-noyabrdagi PF-4857-son Farmoni, Oʻzbekiston Respublikasi Prezidentining “Oʻzagrotexsanoatxolding” aksiyadorlik jamiyati faoliyatini tashkil etish chora-tadbirlari toʻgʻrisida” 2016-yil 16-noyabrdagi PQ-2658-son qarori)”gi 442-son qaroriga ilovaning 3-bandi.
129. Vazirlar Mahkamasining 2017-yil 17-iyuldagi “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida”gi 504-son qaroriga ilovaning 1-bandi.
130. Vazirlar Mahkamasining 2017-yil 16-avgustdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasini tashkil etish toʻgʻrisida” 2017-yil 18-apreldagi PF-5016-son Farmoni)”gi 638-son qaroriga 1-ilovaning 43-bandi.
131. Vazirlar Mahkamasining 2017-yil 22-avgustdagi “Kichik tadbirkorlik subyektlariga mikromoliyaviy yordam koʻrsatish, yangi ish oʻrinlari tashkil etish va kam taʼminlangan oilalarga mikromoliyaviy xizmatlar koʻrsatishni nazarda tutadigan loyihalarni moliyalashtirishga doir qoʻshimcha chora-tadbirlar toʻgʻrisida”gi 655-son qarorining 8-bandi va qarorga 3-ilova.
132. Vazirlar Mahkamasining 2017-yil 8-sentabrdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari toʻgʻrisida” 2017-yil 24-maydagi PF-5052-son Farmoni, Oʻzbekiston Respublikasi Prezidentining “Oʻzbekiston Respublikasi Bandlik va mehnat munosabatlari vazirligi faoliyatini tashkil etish chora-tadbirlari toʻgʻrisida” 2017-yil 24-maydagi PQ-3001-son qarori)”gi 703-son qaroriga ilovaning 9-bandi.
133. Vazirlar Mahkamasining 2017-yil 26-dekabrdagi “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Fermer, dehqon xoʻjaliklari va tomorqa yer egalarining huquqlari va qonuniy manfaatlarini himoya qilish, qishloq xoʻjaligi ekin maydonlaridan samarali foydalanish tizimini tubdan takomillashtirish chora-tadbirlari toʻgʻrisida” 2017-yil 9-oktabrdagi PF-5199-son Farmoni)”gi 1021-son qaroriga ilovaning 4 va 5-bandlari.
134. Vazirlar Mahkamasining 2018-yil 8-yanvardagi “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida” 2017-yil 2-sentabrdagi PF-5177-son Farmoni hamda Oʻzbekiston Respublikasi Prezidentining “Respublika bank tizimini yanada rivojlantirish va barqarorligini oshirish chora-tadbirlari toʻgʻrisida” 2017-yil 12-sentabrdagi PQ-3270-son qarori)”gi 16-son qaroriga 1-ilovaning 5-bandi.
135. Vazirlar Mahkamasining 2018-yil 19-yanvardagi “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish, shuningdek, ayrim qonun hujjatlarini oʻz kuchini yoʻqotgan deb topish toʻgʻrisida” 2017-yil 14-sentabrdagi OʻRQ-446-son Oʻzbekiston Respublikasining Qonuni)”gi 34-son qaroriga 1-ilovaning 7 va 13-bandlari.
136. Vazirlar Mahkamasining 2018-yil 26-yanvardagi “Vazirlar Mahkamasining “Oʻzbekiston Respublikasiga olib kirilayotganda bojxona bojlaridan ozod qilinadigan naslli mahsulotlar, texnologik va yordamchi asbob-uskunalar, kombikorm va qoʻshimcha yem ishlab chiqarish uchun komponentlar, shuningdek payvandtag, koʻchatlar va tomchilatib sugʻorish tizimi uchun asbob-uskunalar roʻyxatini tasdiqlash toʻgʻrisida” 2016-yil 12-apreldagi 110-son qaroriga oʻzgartirishlar kiritish haqida”gi 60-son qarori.
137. Vazirlar Mahkamasining 2018-yil 30-yanvardagi “Jismoniy shaxslar tomonidan Oʻzbekiston Respublikasi naqd valyutasi va naqd chet el valyutasini Oʻzbekiston Respublikasining bojxona chegarasi orqali olib kirish va olib chiqib ketish qoidalarini tasdiqlash haqida”gi 66-son qaroriga 2-ilovaning 3-bandi.
138. Vazirlar Mahkamasining 2018-yil 9-fevraldagi “Oʻzbekiston Respublikasi Tashqi iqtisodiy faoliyat milliy banki korxonalari va mulkini sotishni jadallashtirish chora-tadbirlari toʻgʻrisida”gi 104-son qarorining 4-bandi.
139. Vazirlar Mahkamasining 2018-yil 26-apreldagi “Vazirlar Mahkamasining “Bolali oilalarni ijtimoiy qoʻllab-quvvatlashni kuchaytirish chora-tadbirlari toʻgʻrisida” 1996-yil 10-dekabrdagi 437-son qarorining 2-bandiga oʻzgartirish kiritish haqida”gi 306-son qarori.
140. Vazirlar Mahkamasining 2018-yil 3-maydagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni taʼminlashda ularning masʼuliyatini kuchaytirish chora-tadbirlari toʻgʻrisida” 2017-yil 10-apreldagi PF-5005-son Farmoni)”gi 321-son qaroriga 1-ilovaning 5-bandi.
141. Vazirlar Mahkamasining 2018-yil 22-maydagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2017-yil 29-dekabrdagi PQ-3454-son qarori)”gi 384-son qaroriga 1-ilovaning 5-bandi.
142. Vazirlar Mahkamasining 2018-yil 12-iyundagi “Neft-gaz tarmogʻida litsenziyalash tartibotlarini qisqartirish va soddalashtirish, shuningdek, biznesni yuritishni yaxshilash chora-tadbirlari toʻgʻrisida”gi 444-son qaroriga 7-ilovaning 4-bandi.
143. Vazirlar Mahkamasining 2018-yil 3-iyuldagi “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Markaziy bankining faoliyatini tubdan takomillashtirish chora-tadbirlari toʻgʻrisida” 2018-yil 9-yanvardagi PF-5296-son Farmoni)”gi 499-son qaroriga 1-ilovaning 5-bandi.
144. Vazirlar Mahkamasining 2018-yil 16-iyuldagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida” 2018-yil 11-apreldagi PF-5409-son Farmoni hamda “Vinochilik sohasini va alkogolli mahsulotlarni realizatsiya qilishni tubdan takomillashtirish chora-tadbirlari toʻgʻrisida” 2018-yil 28-fevraldagi PQ-3573-son qarori)”gi 539-son qaroriga ilovaning 20-bandi.
145. Vazirlar Mahkamasining 2018-yil 29-oktabrdagi “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida (“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2017-yil 18-apreldagi OʻRQ-429-son Qonuni va Oʻzbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida” 2018-yil 11-apreldagi PF-5409-son Farmoni)”gi 884-son qaroriga ilovaning 7-bandi.
146. Vazirlar Mahkamasining 2018-yil 7-dekabrdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida” 2018-yil 17-apreldagi PF-5418-son Farmoni, Oʻzbekiston Respublikasi Prezidentining “Oʻzbekiston Respublikasi Qishloq xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3671-son qarori, “Oʻzbekiston Respublikasi Suv xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3672-son qarori)”gi 995-son qaroriga 1-ilovaning 20, 25, 43 va 107-bandlari.
147. Vazirlar Mahkamasining 2018-yil 15-dekabrdagi “Oʻzbekiston Respublikasi Hukumatining baʼzi qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida” 2018-yil 11-apreldagi PF-5409-son Farmoni)”gi 1023-son qaroriga ilovaning 1-bandi.
148. Vazirlar Mahkamasining 2018-yil 27-dekabrdagi “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Toshkent shahrida boshqaruvning alohida tartibini joriy etish boʻyicha huquqiy eksperiment toʻgʻrisida” 2018-yil 17-avgustdagi PF-5515-son Farmoni)”gi 1053-son qaroriga ilovaning 6-bandi.
149. Vazirlar Mahkamasining 2019-yil 23-fevraldagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari toʻgʻrisida” 2018-yil 28-avgustdagi PF-5527-son Farmoni)”gi 161-son qaroriga 2-ilovaning 21-bandi.
150. Vazirlar Mahkamasining 2019-yil 6-martdagi “Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar (Oʻzbekiston Respublikasi Prezidentining “Sanoat, radiatsiya va yadro xavfsizligi sohasida davlat boshqaruvi va nazorati tizimini tubdan takomillashtirish chora-tadbirlari toʻgʻrisida” 2018-yil 12-dekabrdagi PF-5594-son Farmoni va Oʻzbekiston Respublikasi Prezidentining “Oʻzbekiston Respublikasi Sanoat xavfsizligi davlat qoʻmitasi faoliyatini tashkil etish toʻgʻrisida” 2018-yil 12-dekabrdagi PQ-4058-son qarori)”gi 195-son qaroriga ilovaning 10-bandi.
151. Vazirlar Mahkamasining 2019-yil 11-apreldagi “Yogʻoch qirindili plitalar va ularning muqobil turlarini ishlab chiqarishni yanada rivojlantirish boʻyicha qoʻshimcha chora-tadbirlar toʻgʻrisida”gi 297-son qarorining 8-bandi.
152. Vazirlar Mahkamasining 2019-yil 7-maydagi “Qurilish sohasida ayrim faoliyat turlarini litsenziyalash va akkreditatsiya qilish toʻgʻrisida”gi 381-son qarorining 4-bandi va qarorga 3-ilova.
153. Vazirlar Mahkamasining 2019-yil 3-iyundagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Axborot sohasi va ommaviy kommunikatsiyalarni yanada rivojlantirishga oid qoʻshimcha chora-tadbirlar toʻgʻrisida” 2019-yil 2-fevraldagi PF-5653-son Farmoni va Oʻzbekiston Respublikasi Prezidentining “Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi faoliyatini tashkil etish toʻgʻrisida” 2019-yil 2-fevraldagi PQ-4151-son qarori)”gi 457-son qaroriga 1-ilovaning 7-bandi.
154. Vazirlar Mahkamasining 2019-yil 14-iyundagi “Qurilish sohasida davlat boshqaruvi tizimining tubdan takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, baʼzilarini oʻz kuchini yoʻqotgan deb hisoblash toʻgʻrisida”gi 498-son qaroriga 1-ilovaning 6-bandi.
155. Vazirlar Mahkamasining 2019-yil 24-iyundagi “Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi faoliyatini va Oʻzbekiston Respublikasi Energetika vazirligi huzuridagi Elektr energetikada nazorat inspeksiyasi faoliyatini tashkil etish chora-tadbirlari toʻgʻrisida”gi 520-son qaroriga 8-ilovaning 1-bandi.
156. Vazirlar Mahkamasining 2019-yil 2-iyuldagi “Xorijiy investorlar bilan ishlashni yanada takomillashtirish chora-tadbirlari toʻgʻrisida”gi 547-son qarori.
157. Vazirlar Mahkamasining 2019-yil 10-avgustdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida” 2019-yil 5-fevraldagi PQ-4160-son qarori)”gi 661-son qaroriga ilovaning 6-bandi.
158. Vazirlar Mahkamasining 2019-yil 13-avgustdagi “2019-2021-yillarda “Namangan” erkin iqtisodiy zonasi hududida muhandislik-kommunikatsiya hamda ishlab chiqarish infratuzilmasini jadal rivojlantirish chora-tadbirlari toʻgʻrisida”gi 670-son qarori.
159. Vazirlar Mahkamasining 2019-yil 23-avgustdagi “Isteʼmol va texnik etil spirti, alkogol mahsulotlari ishlab chiqarish faoliyatini litsenziyalash tartibi toʻgʻrisidagi nizomni tasdiqlash haqida”gi 707-son qarori.
160. Vazirlar Mahkamasining “Elektr energiyasini xarid qilish va yetkazib berishda hisob-kitoblar tartibini soddalashtirish toʻgʻrisida” 2019-yil 4-sentabrdagi 728-son qarorining 3-bandi va qarorga ilova.
161. Vazirlar Mahkamasining 2019-yil 25-sentabrdagi “Binokor-M” va “Shoxjahon-qurilish” masʼuliyati cheklangan jamiyatlari tomonidan olib kelinadigan ogʻir yuk tashishga moʻljallangan transport vositalari va Tirkamalar roʻyxatini tasdiqlash toʻgʻrisida”gi 808-son qarori.
162. Vazirlar Mahkamasining 2019-yil 30-sentabrdagi “Donni qayta ishlash korxonalari va qolipli non ishlab chiqaruvchilarni yanada qoʻllab-quvvatlash chora-tadbirlari toʻgʻrisida”gi 829-son qaroriga 1-ilovaning 2-bandi.
163. Vazirlar Mahkamasining 2019-yil 19-dekabrdagi “Oʻzbekiston Respublikasi Hukumatining ayrim qarorlariga oʻzgartish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Monopoliyaga qarshi kurashish qoʻmitasi faoliyatini tashkil etish toʻgʻrisida” 2019-yil 24-yanvardagi PQ-4126-son qarori)”gi 1014-son qaroriga ilovaning 11, 24 va 25-bandlari.
164. Vazirlar Mahkamasining 2019-yil 28-dekabrdagi “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida” 2019-yil 21-maydagi PF-5723-son Farmoni)”gi 1046-son qaroriga ilovaning 28 va 88-bandlari.
165. Vazirlar Mahkamasining 2020-yil 16-yanvardagi “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Tijorat banklarining moliyaviy barqarorligini taʼminlash, faoliyati samaradorligini oshirish va kredit siyosatini takomillashtirish chora-tadbirlari toʻgʻrisida” 2018-yil 21-dekabrdagi PQ-4071-son qarori)”gi 30-son qaroriga 1-ilovaning 5-bandi.
166. Vazirlar Mahkamasining 2020-yil 20-fevraldagi “Toshkent viloyatining Boʻstonliq tumanida tajriba tariqasida soliq solish obyektlarini hisobga olish va soliq maʼmuriyatchiligining alohida tartibini joriy etish toʻgʻrisida”gi 107-son qarori.
167. Vazirlar Mahkamasining 2020-yil 14-apreldagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida” 2019-yil 14-yanvardagi PF-5630-son va “2017-2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi toʻgʻrisida” 2019-yil 17-yanvardagi PF-5635-son Farmonlari)”gi 217-son qaroriga 1-ilovaning 14 va 20-bandlari hamda 2-ilovaning 17-bandi.
168. Vazirlar Mahkamasining 2020-yil 16-iyundagi “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (“Davlat boji toʻgʻrisida”gi Oʻzbekiston Respublikasi Qonuni)”gi 384-son qaroriga 1-ilovaning 9-bandi hamda 2-ilovaning 14 va 16-bandlari.
169. Vazirlar Mahkamasining 2020-yil 10-avgustdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Valyutani tartibga solish toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2019-yil 22-oktabrdagi OʻRQ-573-son va “Banklar va bank faoliyati toʻgʻrisida” Oʻzbekiston Respublikasi Qonuniga oʻzgartish va qoʻshimchalar kiritish haqida” 2019-yil 5-noyabrdagi OʻRQ-580-son qonunlari)”gi 472-son qaroriga 2-ilovaning 4-bandi.
170. Vazirlar Mahkamasining 2020-yil 30-noyabrdagi “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi faoliyatiga oid normativ-huquqiy hujjatlarni tasdiqlash toʻgʻrisida”gi 753-son qaroriga 4-ilovaning 5-bandi.
171. Vazirlar Mahkamasining 2020-yil 14-dekabrdagi “Iqtisodiyotni rivojlantirish va kambagʻallikni qisqartirishga oid davlat siyosati tubdan takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi 777-son qaroriga 2-ilovaning 6-bandi.
172. Vazirlar Mahkamasining 2021-yil 22-fevraldagi “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi 87-son qaroriga ilovaning 430, 940, 1118, 1272 va 1880-bandlari.
173. Vazirlar Mahkamasining 2021-yil 10-iyundagi “Sholi ekish uchun sotib olingan zamonaviy urugʻ seyalkalari va koʻchatlab ekish uskunalari qiymatining bir qismini qoplab berish tartibi toʻgʻrisidagi vaqtinchalik nizomni tasdiqlash haqida”gi 362-son qarori.
174. Vazirlar Mahkamasining 2021-yil 25-iyundagi “Investitsiya va tashqi savdo sohasida boshqaruv tizimi tubdan takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi 393-son qaroriga 1-ilovaning 17-bandi.
175. Vazirlar Mahkamasining 2021-yil 29-iyundagi “Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida”gi Oʻzbekiston Respublikasi Qonunini amalga oshirishga doir qoʻshimcha chora-tadbirlar haqida”gi 402-son qaroriga 4-ilovaning 4 va 6-bandlari.
176. Vazirlar Mahkamasining 2021-yil 7-oktabrdagi “Aholini asosiy turdagi oziq-ovqat mahsulotlari bilan kafolatli taʼminlash va ichki bozorda narxlar barqarorligini saqlashga doir qoʻshimcha chora-tadbirlar toʻgʻrisida”gi 627-son qarori.
177. Vazirlar Mahkamasining 2021-yil 21-dekabrdagi “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Respublika oziq-ovqat sanoatini jadal rivojlantirish hamda aholini sifatli oziq-ovqat mahsulotlari bilan toʻlaqonli taʼminlashga doir chora-tadbirlar toʻgʻrisida” 2020-yil 9-sentabrdagi PQ-4821-son qarori)”gi 766-son qaroriga 1-ilovaning 2-bandi.
178. Vazirlar Mahkamasining 2022-yil 21-fevraldagi “Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomni tasdiqlash haqida”gi 80-son qaroriga 4-ilovaning 6-bandi.
179. Vazirlar Mahkamasining 2022-yil 25-fevraldagi “Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizomni tasdiqlash haqida”gi 88-son qaroriga 4-ilovaning 98-bandi.
180. Vazirlar Mahkamasining 2022-yil 4-apreldagi “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)”gi 153-son qaroriga ilovaning 78, 88, 101, 103, 114, 205, 223, 387 va 653-bandlari.
181. Vazirlar Mahkamasining 2022-yil 19-apreldagi “Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi faoliyatini tashkil etish chora-tadbirlari toʻgʻrisida”gi 195-son qaroriga 7-ilovaning 1-bandi.
182. Vazirlar Mahkamasining 2022-yil 5-avgustdagi “Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi faoliyatini tashkil etish chora-tadbirlari toʻgʻrisida”gi 431-son qaroriga 3-ilovaning 12, 21 va 71-bandlari.
183. Vazirlar Mahkamasining 2022-yil 24-oktabrdagi “Oʻzbekiston Respublikasining “Nobank kredit tashkilotlari va mikromoliyalashtirish faoliyati toʻgʻrisida”gi Qonuni qabul qilinganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi 615-son qaroriga 2-ilovaning 1-bandi.
Oʻzbekiston Respublikasi Prezidentining 2024-yil 16-avgustdagi PF-111-son Farmoniga
4-ILOVA
Davlat organlari va tashkilotlarining qonunchilik hujjatlari loyihalarini tartibga solish taʼsirini baholashdan oʻtkazish faoliyatini baholash
MEZONLARI

T/r

Baholash mezonlari

Ball

1.

Normativ-huquqiy hujjatlar loyihasining reglament talablariga muvofiqligi

20

Normativ-huquqiy hujjatlar loyihalarining soddalashtirilgan tartibda baholashdan oʻtkazilganligi

Normativ-huquqiy hujjatlar loyihalarini tartibga solish taʼsirini baholashdan oʻtkazish talablariga rioya qilinganligi

2.

Normativ-huquqiy hujjatlar loyihalari bilan belgilanayotgan tartibga solish vositalarining samaradorligi

50

Amaldagi holat va muammolar toʻgʻri aniqlanganligi hamda yetarli darajada oʻrganilganligi

Tartibga solish vositalarining belgilangan maqsadlarga mutanosibligi

Muqobil usullar koʻrib chiqilganligi hamda har bir usul boʻyicha foyda va xarajat tahlili oʻtkazilganligi, ijro etish xatarlari oʻrganilganligi hamda natijada eng samarali muqobil usul tanlanganligi

3.

Normativ-huquqiy hujjatlar loyihalari dalillarga asoslanganligi

30

Tartibga solish taʼsirini baholash boʻyicha hisobotning statistik maʼlumotlar bilan batafsil asoslantirilganligi

Manfaatdor tomonlar bilan muhokamalar oʻtkazilganligi va joylarga chiqqan holda oʻrganishlar amalga oshirilganligi
Izoh. Davlat organlari va tashkilotlarining qonunchilik hujjatlari loyihalarini tartibga solish taʼsirini baholash reytingini aniqlash uslubiyotida asosiy baholash mezonlarining qoʻshimcha subindikatorlari va baholash tartibi belgilanishi mumkin.
(Qonunchilik maʼlumotlari milliy bazasi, 16.08.2024-y., 06/24/111/0623-son; 21.11.2024-y., 06/24/185/0944-son)