toggle_night_mode
Hujjat kuchini yo‘qotgan 16.08.2024
O‘zbekiston Respublikasi Vazirlar Mahkamasining
qarori
“Binokor-M” va “Shoxjaxon-qurilish” mas’uliyati cheklangan jamiyatlari tomonidan olib kelinadigan og‘ir yuk tashishga mo‘ljallangan transport vositalari va tirkamalar ro‘yxatini tasdiqlash to‘g‘risida
 LexUZ sharhi
Mazkur qaror O‘zbekistan Respublikasi Prezidentining 2024-yil 16-avgustdagi PF-111-sonli “Ijtimoiy munosabatlarni huquqiy tartibga solishning barqarorligini ta’minlash, sifati va samaradorligini oshirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Jizzax viloyatining tumanlari markazlarida “Obod qishloq” va “Obod mahalla” dasturi doirasida olib borilayotgan qurilish ishlarini yanada jadallashtirish maqsadida Vazirlar Mahkamasi qaror qiladi:
1. Quyidagilar:
“Binokor-M” mas’uliyati cheklangan jamiyati tomonidan “Shaanxi heavy duty automobile import and export Co., Ltd” (Xitoy) kompaniyasi bilan;
“Shoxjaxon-qurilish” mas’uliyati cheklangan jamiyati tomonidan “Shaanxi heavy duty automobile import and export Co., Ltd” (Xitoy) va “Asia motors Co., Ltd” (Xitoy) kompaniyalari bilan umumiy qiymati 3 078,0 ming AQSh dollari miqdorida og‘ir yuk tashishga mo‘ljallangan transport vositalari va tirkamalarni (keyingi o‘rinlarda transport vositalari deb ataladi) xarid qilish bo‘yicha shartnomalar tuzilganligi;
mazkur transport vositalaridan Jizzax viloyatining tumanlari markazlarida “Obod qishloq” va “Obod mahalla” dasturi doirasida olib borilayotgan qurilish ishlarida qurilish mahsulotlarini transport xizmatlarini bepul ko‘rsatish sharti bilan yetkazib berish uchun foydalanilishi ma’lumot uchun qabul qilinsin.
2. “Binokor-M” va “Shoxjaxon-qurilish” mas’uliyati cheklangan jamiyatlari tomonidan 2020-yil 1-yanvarga qadar olib kelinadigan, ilovaga muvofiq tasdiqlangan transport vositalari, istisno tariqasida, “bojxona ombori” bojxona rejimida saqlash muddatidan qat’i nazar, bojxona to‘lovlaridan (bojxona rasmiylashtiruvi yig‘imlari bundan mustasno) ozod qilinsin.
3. Jizzax viloyati hokimligi ushbu qarorga muvofiq “Binokor-M” va “Shoxjaxon-qurilish” mas’uliyati cheklangan jamiyatlari tomonidan olib kelinadigan transport vositalaridan Jizzax viloyatida “Obod qishloq” va “Obod mahalla” dasturi doirasida olib borilayotgan qurilish ishlarida qurilish mahsulotlarini yetkazib berish uchun transport xizmatlarini bepul ko‘rsatgan holda foydalanilishi yuzasidan qat’iy nazorat o‘rnatsin.
Belgilansinki, ushbu qarorga muvofiq bojxona imtiyozlari qo‘llaniladigan transport vositalari, Jizzax viloyatida “Obod qishloq” va “Obod mahalla” dasturi doirasida olib borilayotgan qurilish ishlarida qurilish mahsulotlarini yetkazib berish uchun transport xizmatlari bepul ko‘rsatilmaganda, bojxona imtiyozlari berilishi tufayli to‘lanmagan bojxona to‘lovlari summasi qonun hujjatlarida nazarda tutilgan tartibda moliyaviy sanksiyalar qo‘llanilgan holda O‘zbekiston Respublikasi Davlat budjetiga undiriladi.
4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — transport vaziri A.J. Ramatov va Jizzax viloyati hokimi E.A. Saliyev zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2019-yil 25-sentabr,
808-son
Vazirlar Mahkamasining 2019-yil 25-sentabrdagi 808-son qaroriga
ILOVA
“Binokor-M” va “Shoxjaxon-qurilish” mas’uliyati cheklangan jamiyatlari tomonidan 2020-yil 1-yanvarga qadar olib kelinadigan va bojxona to‘lovlaridan (bojxona rasmiylashtiruvi yig‘imlari bundan mustasno) ozod etiladigan og‘ir yuk tashishga mo‘ljallangan transport vositalari va tirkamalar
RO‘YXATI

T/r

Texnikaning nomi

O‘lchov birligi

Miqdori

TIF TN kodi

I. “Binokor-M” MChJ va “Shaanxi heavy duty automobile import and export Co., Ltd” (Xitoy) o‘rtasida 2019-yil 27-fevralda tuzilgan UZ2019-002-son import shartnomaga muvofiq

1.

Samosval (6x4) gazli model: CNG SX3256DR464T, yuk ko‘tarish quvvati: 25000 kg, dvigatel modeli: WP12 N G350E40 CNG Yevro 4, nominal quvvati: kVt (l.s): 257/380, KPP modeli: 10JSD180, shina: 12,00R20 metallokord, 11 ta, kuzov hajmi (uzunlik x kenglik x balandlik) mm: 5400 x 2300 x 1500, yangi, 2019-yilda ishlab chiqarilgan.

dona

20

8704239109

2.

Yarimtirkama-samosval, model: YCN9401Z o‘lchami: (m) (D*Sh*V) 6,0*2,5*1,5, shina: 12.00R20, yuk ko‘tarish quvvati: 20 000 kg, yangi, 2019-yilda ishlab chiqarilgan.

dona

20

8716395009

II. “Shoxjaxon-qurilish” MChJ va “Asiamotors Co., Ltd” (Xitoy) o‘rtasida 2019-yil 27-fevralda tuzilgan 2019YD-EXP524UZ-son import shartnomaga muvofiq

1.

Yarimtirkama-sement tashuvchi, model: ZJV9401GFLDY hajmi: 45 kub, o‘qlar soni: 3 ta, shinalar soni: 12 ta, kompressor: 12 kub, yangi, 2019-yilda ishlab chiqarilgan.

dona

2

8716310000

III. “Shoxjaxon-qurilish” MChJ va “Shaanxi heavy duty automobile import and export Co., Ltd” (Xitoy) o‘rtasida 2019-yil 27-fevralda tuzilgan UZ2019-001-son import shartnomaga muvofiq

1.

Samosval (6x4) gazli model: CNG SX3256DR464T, yuk ko‘tarish quvvati: 25000 kg, dvigatel modeli: WP12NG350E40 CNG Yevro 4, nominal quvvati: kVt (l.s): 257/380, KPP modeli: 10JSD180, shina: 12.00R20 metallokord, 11 ta, kuzov hajmi (uzunlik x kenglik x balandlik) mm: 5400 x 2300 x 1500, yangi, 2019-yilda ishlab chiqarilgan.

dona

20

8704239109

2.

Yarimtirkama-samosval, model: YCN9401Z o‘lchami: (m) (D*Sh*V) 6,0*2,5*1,5, shina: 12.00R20, yuk ko‘tarish quvvati: 20 000 kg, yangi, 2019-yilda ishlab chiqarilgan.

dona

20

8716395009

3.

Yarimtirkama, model: ZJV9400DY o‘lchami: (mm) (D*Sh*V) 13000*2500*2900, shinalar soni 12 ta, yuk ko‘tarish quvvati: 40 000 kg, yangi, 2019-yilda ishlab chiqarilgan.

dona

4

8716393001

Izoh. Tovarlarning yakuniy TIF TN kodlari bojxona rasmiylashtiruvi davomida aniqlashtiriladi.
(Qonun hujjatlari ma’lumotlari milliy bazasi, 26.09.2019-y., 09/19/808/3813-son)