T/r

Normativ-huquqiy hujjat

Aniqlangan muammolar

Normativ-huquqiy hujjatni takomillashtirish yo‘nalishlari

Ijro muddati

Mas’ul ijrochilar

O‘zbekiston Respublikasining qonunlari

1.

“Noshirlik faoliyati to‘g‘risida”gi Qonun

Mazkur Qonunning 20-moddasiga ko‘ra, noshirlik faoliyatini amalga oshirish talablari va shartlaridan biri sifatida noshirlik faoliyati to‘g‘risidagi qonunchilikka, mazkur sohadagi texnik va boshqa talablarga rioya etish belgilangan.

Qonunda noshirlik faoliyatiga qo‘yiladigan talablarning chegarasini belgilash.

2026-yil mart

Adliya vazirligi

(A. Tashkulov)

2.

“Firma nomlari to‘g‘risida”gi Qonun

Qonunning 12¹-moddasiga ko‘ra firma nomidan qonunga xilof ravishda foydalanish yuridik shaxslarga bazaviy hisoblash miqdorining yuz baravaridan ikki yuz baravarigacha miqdorda jarima solishga sabab bo‘ladi. Jarimalar miqdorlari huquqbuzarliklarning har bir turi bo‘yicha alohida belgilanadi.

Jarima miqdori qilmishning ijtimoiy xavflilik xususiyati va darajasidan kelib chiqib aniqlanishini belgilash.

2026-yil mart

Adliya vazirligi

(A. Tashkulov)

3.

“Advokatura to‘g‘risida”gi Qonun

Qonunning 16-moddasiga ko‘ra, advokatning sha’ni va qadr-qimmatiga dog‘ tushiradigan hamda advokaturaning obro‘sini tushiradigan qilmish sodir etilganda advokatlik litsenziyasining amal qilishi tugatiladi.

Advokat tomonidan sodir etilgan qilmishni “advokatning sha’ni va qadr-qimmatiga dog‘ tushiradigan hamda advokaturaning obro‘sini tushiradigan qilmish” deb topish mezonlariga aniqlik kiritish.

2026-yil iyun

Adliya vazirligi

(A. Tashkulov)

4.

“Notariat to‘g‘risida”gi Qonun

Qonunning 15³-moddasiga ko‘ra, notarius tomonidan notariat to‘g‘risidagi qonunchilik talablari, Notariuslarning kasb etikasi qoidalari, notarial harakatlarning siri va notarius qasamyodi muntazam ravishda yoki notariusning sha’ni va qadr-qimmatiga dog‘ tushiradigan hamda notariatning obro‘sini tushiradigan qilmish sodir etilganda litsenziyasining amal qilishi tugatiladi.

Notarius tomonidan sodir etilgan qilmishni “notariusning sha’ni va qadr-qimmatiga dog‘ tushiradigan hamda advokaturaning obro‘sini tushiradigan qilmish” deb topish mezonlariga aniqlik kiritish.

2026-yil iyun

Adliya vazirligi

(A. Tashkulov)

O‘zbekiston Respublikasi Prezidentining hujjatlari

5.

O‘zbekiston Respublikasi Prezidentining 2012-yil 18-maydagi “Advokatura instituti samaradorligini tubdan oshirish va advokatlarning mustaqilligini kengaytirish chora-tadbirlari to‘g‘risida”gi PF-5441-son Farmoni

Farmonning 1-bandiga asosan, advokat tomonidan advokatura to‘g‘risidagi qonun hujjatlari, Advokatning kasb etikasi qoidalari talablari, advokatlik siri va advokat qasamyodi muntazam ravishda yoki bir marta qo‘pol ravishda buzilganda, advokatning sha’ni va qadr-qimmatiga dog‘ tushiradigan hamda advokaturaning obro‘sini tushiradigan qilmish sodir etilganda, shuningdek, litsenziyasining amal qilishi to‘xtatib turilgan shaxs litsenziyaning amal qilishi to‘xtatib turilishiga olib kelgan holatlarni litsenziyaning amal qilishi to‘xtatib turilgan muddatlarda bartaraf etmaganda, litsenziyaning amal qilishini tugatish Oliy malaka komissiyasi xulosasiga asosan Adliya vazirligining murojaati bo‘yicha faqat sud tomonidan amalga oshiriladi.

Advokat tomonidan sodir etilgan qilmishni “advokatning sha’ni va qadr-qimmatiga dog‘ tushiradigan hamda advokaturaning obro‘sini tushiradigan qilmish” deb topish mezonlarini aniqlashtirish.

2026-yil iyun

Adliya vazirligi

(A. Tashkulov)

6.

O‘zbekiston Respublikasi Prezidentining 2022-yil 27-maydagi “Muzeylarda xizmatlar sohasini rivojlantirish chora-tadbirlari to‘g‘risida”gi PQ-261-son qarori

Qarorining 14-bandida har yili kamida 2 ta madaniy meros sohasidagi tashkilot, shu jumladan, muzey hamda 100 nafar mutaxassisga Madaniy meros jamg‘armasi mablag‘lari hisobidan Xalqaro muzeylar kengashiga (ICOM), Yodgorliklar va diqqatga sazovor joylarni muhofaza qilish xalqaro kengashiga (IKOMOS) a’zolik badalini to‘lab berish amaliyoti joriy etilishi belgilangan.

Xalqaro muzeylar kengashiga (ICOM), Yodgorliklar va diqqatga sazovor joylarni muhofaza qilish xalqaro kengashiga (IKOMOS) a’zolik badalini to‘lab berish uchun madaniy meros sohasida tashkilotlarni tanlab olish tartibi va asoslarini belgilash.

2026-yil fevral

Madaniy meros agentligi

(B. Abdikarimov)

7.

O‘zbekiston Respublikasi Prezidentining 2022-yil 4-noyabrdagi “Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yanada takomillashtirish chora-tadbirlari to‘g‘risida”gi 414-son qarori

Qarorning 2-bandiga ko‘ra, iqtidorli (qoida tariqasida, a’lo baholarga bitirgan) bitiruvchilarning bitiruv oldi amaliyoti ularni milliy terma jamoalarning xorijda o‘tkaziladigan o‘quv-yig‘in mashg‘ulotlari hamda xalqaro musobaqalar jarayoniga jalb etish orqali tashkil etiladi.

Iqtidorli bitiruvchini saralash bilan bog‘liq mezonlar va tartibni aniq belgilash.

2026-yil fevral

Sport vazirligi

(A. Ikramov)

O‘zbekiston Respublikasi Hukumati qarorlari

8.

Vazirlar Mahkamasining 1994-yil 7-iyundagi “Xorijiy yuridik va jismoniy shaxslarga Toshkent shahrida yer uchastkalarini ijaraga berish to‘g‘risida” 346-son qarori

Ushbu qarorda yer ajratish tartibi, muddati bo‘yicha Yer kodeksiga qarama-qarshi normalar belgilangan bo‘lib, bugungi kunda amalda Yer kodeksi normalari qo‘llanilmoqda.

Mazkur qarorni Yer kodeksi asosida to‘liq qayta ko‘rib chiqish.

2026-yil fevral

Qishloq xo‘jaligi vazirligi

(I. Abdurahmonov)

9.

Vazirlar Mahkamasining 2006-yil 10-yanvardagi “Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risidagi nizomni tasdiqlash haqida”gi 20-son qarori

Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risidagi nizomning 4-bandiga ko‘ra, bir muddat tamom bo‘lgandan keyin kafedra mudiri lavozimini egallab turgan va fan doktori ilmiy darajasini olmagan dotsent (fan nomzodi, tegishli mutaxassislik bo‘yicha xorijiy mamlakatlarning falsafa doktori (Ph.D) yoki unga tenglashtirilgan boshqa ilmiy darajalari) faqat istisno hollarda oliy ta’lim muassasasi rektorining taqdimnomasiga binoan va bo‘ysunishi bo‘yicha tegishli vazirlik yoki idoraning ruxsati bilan kafedra mudiri lavozimini egallash uchun tanlovda yana ishtirok etishi mumkin.

Nizomda bir muddat tamom bo‘lgandan keyin kafedra mudiri lavozimini egallab turgan va fan doktori ilmiy darajasini olmagan dotsent oliy ta’lim muassasasi rektorining taqdimnomasiga binoan va bo‘ysunishi bo‘yicha tegishli vazirlik yoki idoraning ruxsati bilan kafedra mudiri lavozimini egallash uchun tanlovda yana ishtirok etishi mumkinligi yuzasidan istisno holatlar doirasini aniq belgilash.

2026-yil fevral

Oliy ta’lim, fan va innovatsiyalar vazirligi

(K. Sharipov)

10.

Vazirlar Mahkamasining 2008-yil 19-yanvardagi “Adabiyot va san’at asarlaridan foydalanganlikning ayrim turlari uchun mualliflik haqining eng kam stavkalari to‘g‘risida”gi 10-son qarori

Asarlar ommaviy ijro etilganligi uchun mualliflik haqining eng kam stavkalari to‘g‘risidagi nizomning 7-bandiga ko‘ra, asar kamida ikki aktga ega bo‘lsa, ko‘p aktli deb e’tirof etiladi.

Aktlar soni belgilanmagan asar Madaniyat vazirligining xulosasi bo‘yicha ko‘p aktli asar deb e’tirof etilishi mumkin.

Aktlar soni belgilanmagan asarlarni ko‘p aktli asar deb topish uchun mezonlarni belgilash.

2026-yil fevral

Madaniyat vazirligi

(O. Nazarbekov)

11.

Vazirlar Mahkamasining 2008-yil 1-avgustdagi “O‘rta maxsus, kasb-hunar ta’limi muassasalari xodimlari mehnatiga haq to‘lashning takomillashtirilgan tizimini tasdiqlash to‘g‘risida”gi 165-son qarori

O‘rta maxsus, kasb-hunar ta’limi muassasalari xodimlari mehnatiga haq to‘lash to‘g‘risida nizomning 9-bandiga ko‘ra, o‘rta maxsus, kasb-hunar ta’limi muassasalarining yuqori kasb mahoratiga ega bo‘lgan va o‘quv-tarbiya jarayoni sifatini oshirishga aniq shaxsiy hissa qo‘shayotgan o‘qituvchilari va ishlab chiqarish ta’limi ustalari mehnatini moddiy taqdirlash va rag‘batlantirish maqsadida ular uchun Direktor jamg‘armasidan to‘lanadigan, tegishli lavozim yoki malaka toifasidagi o‘qituvchi, ishlab chiqarish ta’limi ustasi bazaviy tarif stavkasining 40 foizigacha miqdordagi har oylik ustamalar belgilanadi.

Ta’limi muassasalarining o‘qituvchilari va ishlab chiqarish ta’limi ustalarini yuqori kasb mahoratiga ega bo‘lgan va o‘quv-tarbiya jarayoni sifatini oshirishga aniq shaxsiy hissa qo‘shayotgan deb topish mezonlarini belgilash.

2026-yil mart

Oliy ta’lim, fan va innovatsiyalar vazirligi

(K. Sharipov)

12.

Vazirlar Mahkamasining 2010-yil 12-apreldagi 68-son qarori bilan tasdiqlangan Muzeylarni tashkil etish, qayta tashkil etish va tugatish tartibi to‘g‘risidagi nizom

Muzeylarni tashkil etish, qayta tashkil etish va tugatish tartibi to‘g‘risidagi nizomning 9-bandiga ko‘ra:

muzeylarni tashkil etish uchun quyidagi shartlar talab etiladi:

…

muzey ashyolari va muzey kolleksiyalarini saqlash hamda ommaga namoyish etish talablariga javob beradigan moddiy-texnika bazaning, shu jumladan, bino (xona yoki xonalar), zarur ko‘rgazma jihozlari, muhofaza vositalari hamda yong‘inga qarshi vositalar mavjudligi;

muzey faoliyatini ta’minlash uchun zarur moliyaviy mablag‘lar mavjudligi.

Nizomda muzeylarni tashkil etishga qo‘yilgan talablarni shaffoflashtirishga, xususan, “ommaga namoyish talablariga javob beradigan” hamda “zarur moliyaviy mablag‘lar” degan jumlalarga aniqlik kiritish.

2026-yil fevral

Madaniy meros agentligi

(B. Abdikarimov),

Madaniyat vazirligi

(O. Nazarbekov)

13.

Vazirlar Mahkamasining 2019-yil 19-avgustdagi 695-son qarori bilan tasdiqlangan Davlat buyurtmasi asosida ishlab chiqariladigan kino mahsulotlari uchun tanlov tashkil etish va uni o‘tkazish tartibi to‘g‘risidagi nizom

Qaror bilan tasdiqlangan Davlat buyurtmasi asosida ishlab chiqariladigan kino mahsulotlari uchun tanlov tashkil etish va uni o‘tkazish tartibi to‘g‘risida nizomda davlat buyurtmachisi tushunchasiga “O‘zbekiston Respublikasining Davlat budjeti va boshqa davlat maqsadli jamg‘armalari, O‘zbekiston Respublikasi Prezidenti va O‘zbekiston Respublikasi Hukumati tomonidan donor mamlakatlar, xalqaro, xorijiy tashkilotlar bilan tuzilgan shartnomalar doirasida taqdim etiladigan xorijiy grantlar hamda O‘zbekiston Respublikasining kafolati ostida jalb etiladigan xorijiy kreditlar hisobidan moliyalashtiriladigan kino mahsulotlari” sifatida ta’rif berilgan.

“Davlat buyurtmachisi” tushunchasiga ta’rif qayta ko‘rib chiqilib, unda buyurtmachi sifatida tegishli davlat organ(lar)ini belgilash masalasi ko‘rib chiqilishi zarur.

2026-yil mart

Madaniyat vazirligi

(O. Nazarbekov)

14.

Vazirlar Mahkamasining 2019-yil 21-avgustdagi 702-son qarori bilan tasdiqlangan “Mehribonlik” uylari va bolalar shaharchalari pedagog xodimlarini attestatsiyadan o‘tkazish tartibi to‘g‘risidagi nizom

Nizomning 27-bandida pedagog xodimlar attestatsiya jarayoniga uzrli sabablarsiz kelmagan bo‘lsa, u attestatsiyadan o‘tmagan hisoblanishi belgilangan.

Pedagog xodimlar attestatsiya jarayoniga kelmaganligining uzrli sabab deb topish doirasini belgilash.

2026-yil yanvar

Ijtimoiy himoya milliy agentligi

(M. Olloyorov),

Maktabgacha va maktab ta’limi vazirligi

(E. Karimova)

15.

Vazirlar Mahkamasining 2012-yil 30-apreldagi “Yosh oilalarni ijtimoiy qo‘llab-quvvatlashga doir qo‘shimcha chora-tadbirlar to‘g‘risida” gi 124-son qarori

Qarorning 5-bandiga asosan, kvartiralar umumiy qiymatining 75 foizidan ortiq bo‘lmagan miqdordagi ipoteka kreditlari ehtiyojmand yosh oilalarga hududiy komissiyalarning tavsiyalari asosida uy-joy qiymatining kamida 25 foizi miqdoridagi dastlabki badal ariza beruvchilar tomonidan maxsus hisob raqamiga o‘tkazilgandan keyin 15 yil muddatga, Markaziy bankning qayta moliyalashtirish stavkasidan ko‘p bo‘lmagan foiz stavkasi bo‘yicha uch yillik imtiyozli davr bilan beriladi.

Ehtiyojmand yosh oilalarga tavsiya berish tartib-taomillarini aniq belgilash.

2026-yil fevral

Oila va xotin-qizlar qo‘mitasi

(Z. Maxkamova),

Iqtisodiyot va moliya vazirligi

(I. Norqulov)

16.

Vazirlar Mahkamasining 2012-yil 10-avgustdagi “O‘rta maxsus, kasb-hunar ta’limi muassasalari rahbar va pedagog kadrlarining malakasini oshirish va ularni qayta tayyorlash tizimini yanada takomillashtirishga doir chora-tadbirlar to‘g‘risida”gi 242-son qarori

O‘rta maxsus, kasb-hunar ta’limi tizimi rahbar va pedagog kadrlarining malakasini oshirish hamda ularni qayta tayyorlash to‘g‘risidagi nizomning 45-bandiga ko‘ra, kasbiy qayta tayyorlash kurslarining uzrli sabablarsiz 30 akademik soatdan ko‘p mashg‘ulotlarda qatnashmagan, shuningdek, belgilangan yuklamani bajarmagan va pedagogik qayta tayyorlash kursi dasturini o‘zlashtirmagan tinglovchilari belgilangan tartibda tinglovchilar safidan chiqariladi.

Kasbiy qayta tayyorlash kurslarida qatnashmaslikning uzrli sabablar sifatida e’tirof etilishi mumkin bo‘lgan holatlar doirasini belgilash.

2026-yil mart

Oliy ta’lim, fan va innovatsiyalar vazirligi

(K. Sharipov)

17.

Vazirlar Mahkamasining 2015-yil 24-fevraldagi “Oliy ta’lim muassasasining eng yaxshi pedagogi” tanlovi to‘g‘risidagi nizomni tasdiqlash haqida”gi 32-son qarori

1. “Oliy ta’lim muassasasining eng yaxshi pedagogi” tanlovi to‘g‘risidagi nizomning 37-bandiga ko‘ra, zarur holatlarda, Tashkiliy qo‘mita hujjatlarni topshirish va Tanlov komissiyasining ish bosqichlari muddatini o‘zgartirish huquqiga ega.

2. “Oliy ta’lim muassasasining eng yaxshi pedagogi” tanlovi to‘g‘risida nizomda tanlov komissiyalari qarori ustidan shikoyat qilish tartibi mavjud emas.

1. Tanlov komissiyasining ish bosqichlari muddatini o‘zgartirish uchun asos bo‘luvchi holatlar doirasini belgilash.

2. Tanlov komissiyalari qarori ustidan shikoyat qilish tartibini belgilash.

2026-yil mart

Oliy ta’lim, fan va innovatsiyalar vazirligi

(K. Sharipov)

18.

Vazirlar Mahkamasining 2015-yil 2-martdagi “Magistratura to‘g‘risidagi Nizomni tasdiqlash haqida”gi 36-son qarori

Magistratura to‘g‘risidagi nizomda magistrlik dissertatsiyasining rasmiy himoyasi natijalaridan norozi bo‘lganda shikoyat qilish tartibi mavjud emas.

Magistrlik dissertatsiyasining rasmiy himoyasi natijalari ustidan shikoyat qilish tartibini belgilash.

2026-yil aprel

Oliy ta’lim, fan va innovatsiyalar vazirligi

(K. Sharipov)

19.

Vazirlar Mahkamasining 2015-yil 15-sentabrdagi “Tashuvchining fuqarolik javobgarligini majburiy sug‘urta qilish to‘g‘risida”gi O‘zbekiston Respublikasi Qonunini amalga oshirish chora-tadbirlari haqida”gi 266-son qarori

Qaror bilan tasdiqlangan Tashuvchining fuqarolik javobgarligini majburiy sug‘urta qilish qoidalarining 19-bandi to‘rtinchi xatboshisiga ko‘ra, tashuvchining fuqarolik javobgarligini majburiy sug‘urta qilish shartnomasining amal qilishi qonunchilikda nazarda tutilgan boshqa holatlarda ham muddatidan oldin to‘xtatilishi mumkin.

Shartnomani muddatidan oldin bekor qilish asoslarini belgilash.

2026-yil aprel

Istiqbolli loyihalar milliy agentligi

(D. Li)

20.

Vazirlar Mahkamasining 2016-yil 2-iyundagi “Elektron tijoratda bitimlarni amalga oshirish tartibini yanada takomillashtirish chora-tadbirlari to‘g‘risida”gi 185-son qarori

Qarorning 2-bandiga ko‘ra, elektron tijorat orqali realizatsiya qilingan tovarlarni sotuvchiga va yetkazib beruvchiga shaxsiy mulk, ijara va boshqa foydalanish huquqiga asosan tegishli bo‘lgan avtomobil transportida O‘zbekiston hududi bo‘ylab yetkazib berishda shahar, shahar atrofi, shaharlararo va xalqaro avtomobilda yo‘lovchilar va yuk tashishlarni amalga oshirish uchun litsenziya olish talab qilinmaydi, qonunchilikda belgilangan holatlar bundan mustasno.

Elektron tijorat orqali realizatsiya qilingan tovarlarni sotuvchiga va yetkazib beruvchiga shaxsiy mulk, ijara va boshqa foydalanish huquqiga asosan tegishli bo‘lgan avtomobil transportida O‘zbekiston hududi bo‘ylab yetkazib berishda shahar, shahar atrofi, shaharlararo va xalqaro avtomobilda yo‘lovchilar va yuk tashishlarni amalga oshirishda litsenziya talab qilinadigan holatlar doirasini qat’iy belgilash.

2026-yil mart

Transport vazirligi

(I. Maxkamov)

21.

Vazirlar Mahkamasining 2017-yil 22-maydagi “Oliy ta’limdan keyingi ta’lim tizimini yanada takomillashtirish chora-tadbirlari to‘g‘risida”gi 304-son qarori

1. Oliy ta’limdan keyingi ta’lim to‘g‘risida nizomning 10-bandi birinchi xatboshisiga ko‘ra, tizimida ilmiy va ta’lim tashkilotlari bo‘lgan vazirlik, idora va tashkilotlar murojaat tushgan va barcha zarur hujjatlar taqdim etilgan sanadan boshlab bir oy muddatda oliy ta’limdan keyingi ta’lim institutini ochish yoki ochishni rad etish to‘g‘risida kollegial organ qarorini qabul qiladilar deb belgilangan.

Biroq, “oliy ta’limdan keyingi ta’lim institutini ochish yoki ochishni rad etish to‘g‘risida” kollegial organ qabul qiladigan qarorning asoslari ko‘rsatib o‘tilmagan.

2. Oliy ta’limdan keyingi ta’lim to‘g‘risida nizomning 32-bandiga ko‘ra, tegishli hujjatlar mavjud bo‘lgan taqdirda stajyor-tadqiqotchilik, tayanch doktorantura va doktoranturada o‘qish muddati uzoq vaqt kasal bo‘lish, homiladorlik va tug‘ish ta’tilida bo‘lish davriga, shuningdek harbiy yig‘inlarga chaqirilish munosabati bilan uzaytirilishi mumkin.

3. Oliy ta’limdan keyingi ta’lim to‘g‘risida nizomning 32-bandida “uzoq vaqt” kasal bo‘lishning chegarasi belgilanmagan.

1. Tizimida ilmiy va ta’lim tashkilotlari bo‘lgan vazirlik, idora va tashkilotlar oliy ta’limdan keyingi ta’lim institutini ochish yoki ochishni rad etish to‘g‘risida qaror qabul qilish asoslarini belgilash.

2. Nizomning 32-bandida ko‘rsatilgan holatlarda o‘qish muddati uzaytirilishini qat’iy belgilash.

3. “Uzoq vaqt” kasal bo‘lishning aniq chegarasini belgilash.

2026-yil aprel

Oliy ta’lim, fan va innovatsiyalar vazirligi

(K. Sharipov)

22.

Vazirlar Mahkamasining 2017-yil 26-sentabrdagi 767-son qarori bilan tasdiqlangan O‘zbekiston Respublikasi Ichki ishlar vazirligi akademik litseylari to‘g‘risidagi nizom

Mazkur nizomning 27³-bandiga asosan o‘quvchilar bir semestr mobaynida uzrli sabablarsiz 72 soat va undan ko‘p mashg‘ulotlarda qatnashmaganda o‘qishdan chetlashtirilishi mumkin.

O‘quvchi tomonidan dars qoldirish holatining uzrli sabablari doirasini belgilash.

2026-yil mart

Ichki ishlar vazirligi

(A. Tashpulatov)

23.

Vazirlar Mahkamasining 2017-yil 14-noyabrdagi “O‘zbekiston yoshlar ittifoqining faol a’zolariga oliy ta’lim muassasalariga kirishda imtiyozlar berish to‘g‘risida”gi 914-son qarori

1. O‘zbekiston yoshlar ittifoqining faol a’zolariga oliy ta’lim muassasalariga imtiyozli qabul qilish bo‘yicha tavsiyanomalar berish tartibi to‘g‘risidagi nizomning 3-bandiga ko‘ra, Yoshlar ittifoqi tizimida ikki yillik mehnat stajiga ega bo‘lgan fidoyi yoshlar tavsiyanomaga ega bo‘lishi mumkin.

2. Nizomning 15-bandiga ko‘ra, tanlovda nomzodning Yoshlar ittifoqi tizimida erishgan yutuqlari, tizim rivojiga qo‘shgan hissasi, shuningdek, uning tabiiy yetakchilik qobiliyati va fidoyiligiga alohida e’tibor qaratiladi.

1. Tavsiyanomaga ega bo‘lishi mumkin bo‘lgan yoshlarni fidoyi bo‘lishiga oid talabni chiqarib tashlash.

2. Tanlovda tavsiyanoma berish uchun mezonlarni to‘liq qayta ko‘rib chiqish va ularni aniqlash imkoniyati bo‘lgan obyektiv mezonlarni belgilash.

2026-yil mart

Yoshlar ishlari agentligi

(A. Sa’dullayev)

24.

Vazirlar Mahkamasining 2017-yil 21-noyabrdagi “Oliy ta’lim muassasasida sirtqi (maxsus sirtqi) va kechki (smenali) ta’limni tashkil etish tartibi to‘g‘risidagi nizomlarni tasdiqlash haqida”gi 930-son qarori

1. Oliy ta’lim muassasasida sirtqi (maxsus sirtqi) ta’limni tashkil etish tartibi to‘g‘risidagi nizomning 26-bandiga ko‘ra, uzrli sabablar (kasallik, tabiiy ofat, xizmat safari, og‘ir oilaviy ahvol va boshqalar) tufayli muayyan kursdagi fanlarni belgilangan muddatlarda o‘zlashtira olmagan talabalarga muddati qo‘yilgan shaxsiy jadval beriladi.

2. Vazirlar Mahkamasining 2017-yil 21-noyabrdagi 930-son qarori bilan tasdiqlangan Oliy ta’lim muassasasida kechki (smenali) ta’limni tashkil etish tartibi to‘g‘risidagi nizomning 25-bandiga ko‘ra, uzrli sabablar (kasallik, tabiiy ofat, xizmat safari, og‘ir oilaviy ahvol va boshqalar) tufayli muayyan kursdagi fanlarni belgilangan muddatlarda o‘zlashtira olmagan talabalarga muddati qo‘yilgan shaxsiy jadval beriladi. Shaxsiy jadval tegishli prorektor tomonidan tasdiqlanadi, undagi muddat navbatdagi o‘quv yiliga o‘tmasligi lozim.

Uzrli sabablar doirasini qat’iy bayon qilish yoki uni aniqlash mezonlarini belgilash.

2026-yil may

Oliy ta’lim, fan va innovatsiyalar vazirligi

(K. Sharipov)

25.

Vazirlar Mahkamasining 2018-yil 6-apreldagi “Milliy madaniyatimiz rivojiga katta hissa qo‘shgan san’atkorlarni hamda o‘zbek san’atini dunyo sahnalarida muvaffaqiyatli namoyish etib kelayotgan yoshlarni qo‘llab-quvvatlash chora-tadbirlari to‘g‘risida”gi 271-son qarori

1. Mazkur qaror bilan tasdiqlangan Nizomning 6-bandiga ko‘ra, mukofotlashga tavsiya etilayotgan nomzodlarni tanlab olish mezonlari belgilangan bo‘lib, ushbu bandda nazarda tutilgan mezonlar asosida mukofotlashga tavsiya etilayotgan nomzodlarni tanlab olish, har bir nomzodning mukofotlashga munosibligi Respublika komissiyasi va hududiy komissiyalar tomonidan haqqoniy va xolisona baholangan holda hal etilishi belgilangan.

2. Mazkur qaror bilan tasdiqlangan Nizomning 12-bandi ikkinchi xatboshiga ko‘ra, respublikaning biror viloyatidan munosib nomzod tavsiya etilmagan taqdirda ushbu hududga ajratilgan o‘rin Toshkent shahri, Qoraqalpog‘iston Respublikasi va boshqa viloyatlarga berilishi mumkin.

1. Respublika komissiyasi qarorlari ustidan shikoyat yoki apellyatsiya taqdim etish tartibini belgilash.

2. O‘zbekiston Respublikasining biror viloyatidan munosib nomzod tavsiya etilmagan taqdirda ushbu hududga ajratilgan o‘rinni qayta taqsimlash tartibini belgilash.

2026-yil aprel

Madaniyat vazirligi

(O. Nazarbekov)

26.

Vazirlar Mahkamasining 2018-yil 7-iyuldagi “O‘zbekiston Respublikasi Bank-moliya akademiyasida boshqaruv kadrlarini tayyorlash, qayta tayyorlash va ularning malakasini oshirishga doir normativ-huquqiy hujjatlarni tasdiqlash to‘g‘risida”gi 599-son qarori

1. O‘zbekiston Respublikasi Bank-moliya akademiyasiga tinglovchilarni qabul qilish tartibi to‘g‘risidagi nizomning 11-bandiga ko‘ra, tavsiya etilayotgan nomzodlarning Akademiya ta’lim va ilmiy-tadqiqot dasturlarini to‘liq va sifatli o‘zlashtirishini ta’minlash maqsadida ingliz tilini yetarli darajada egallagan, axborot-kommunikatsiya texnologiyalaridan erkin foydalana oladigan hamda keng umumkasbiy bilim va dunyoqarashga, yuksak ma’naviy sifatlarga ega bo‘lishlari talab etiladi.

2. O‘zbekiston Respublikasi Bank-moliya akademiyasiga tinglovchilarni qabul qilish tartibi to‘g‘risidagi nizomning 37-bandiga ko‘ra, qayta tayyorlash kurslari dasturlari bo‘yicha o‘qitiladigan nomzodlarga quyidagi talablar qo‘yiladi:

...

yuqori ma’naviy-ma’rifiy va odob-axloq sifatlari;

yuqori ishchanligi, mehnatsevarligi, uyushqoqligi, mas’uliyatligi;

...

O‘zbekiston Respublikasi Bank-moliya akademiyasiga tavsiya etilayotgan nomzodlarga nisbatan obyektiv jihatdan aniqlash mumkin bo‘lgan mezonlarni belgilash.

2026-yil may

Oliy ta’lim, fan va innovatsiyalar vazirligi

(K. Sharipov),

Iqtisodiyot va moliya vazirligi

(I. Norqulov)

27.

Vazirlar Mahkamasining 2018-yil 17-avgustdagi “O‘zbekiston Respublikasi Prezidentining “Advokatura instituti samaradorligini tubdan oshirish va advokatlarning mustaqilligini kengaytirish chora-tadbirlari to‘g‘risida” 2018-yil 12-maydagi PF-5441-son Farmonini amalga oshirish chora-tadbirlari to‘g‘risida”gi 675-son qarori

1. Ushbu qaror bilan tasdiqlangan Yuridik maslahat xizmatlarini ko‘rsatuvchi tijorat tashkilotlarining reyestrini yuritish tartibi to‘g‘risida nizomning 7-bandiga ko‘ra, yuridik maslahatchilar tashkiloti reyestrda hisobga olishni amalga oshirish uchun arizaga yuridik maslahatchilar pasportlarining nusxalari, mehnat daftarchalari nusxalari ilova qilinadi.

Biroq, O‘zbekiston Respublikasi Prezidentining 2021-yil 23-martdagi PF-6191-son Farmoni bilan shaxsni tasdiqlovchi hujjatning nusxasi, mehnat daftarchalari va ularning nusxalari, ish stajini tasdiqlovchi arxiv ma’lumotnomalarini davlat organlari, xo‘jalik birlashmalari, mahalliy ijro etuvchi hokimiyat organlari, davlat tashkilotlari va muassasalari tomonidan aholidan, shu jumladan, tadbirkorlik subyektlaridan talab qilish bekor qilingan.

1. O‘zbekiston Respublikasi Prezidentining 2021-yil 23-martdagi PF-6191-son Farmoni talablariga muvofiqlashtirish.

2026-yil may

Adliya vazirligi

(A. Tashkulov)

28.

Vazirlar Mahkamasining 2019-yil 9-yanvardagi “Ixtisoslashtirilgan san’at va madaniyat maktablari hamda maktab-internatlarning faoliyatini tashkil etish to‘g‘risida”gi 9-son qarori

1. Mazkur qaror bilan tasdiqlangan Nizomning 33-bandiga ko‘ra, ijodiy sinov 2 bosqichda amalga oshirilishi hamda birinchi bosqichda muayyan kasb bo‘yicha o‘quvchining nazariy bilimlarini aniqlash maqsadida savol-javoblar shaklida o‘tkazilishi belgilangan. Bunda har bir o‘quvchiga sohaga oid nazariy savol beriladi va 30 balli mezon asosida baholanadi.

2. Mazkur qaror bilan tasdiqlangan Nizomning 30-bandiga ko‘ra, o‘quvchilar komissiya tomonidan shakllantirilgan ro‘yxat asosida ijodiy sinovlarga kiritilishi, bunda uzrsiz sabablarga ko‘ra ijodiy sinovlarga kelmagan o‘quvchilar uchun qo‘shimcha sinovlar o‘tkazilmasligi belgilangan.

3. Qarorning 3-ilovasi bilan tasdiqlangan O‘zbekiston Badiiy akademiyasi tizimidagi ixtisoslashtirilgan san’at maktablari hamda maktab-internatlar to‘g‘risidagi nizomda Komissiya tomonidan qo‘yilgan ijodiy sinov ballari bo‘yicha e’tirozlar bo‘lganda shikoyat qilish tartibi belgilanmagan.

1. Ijodiy sinovning birinchi bosqichida tanlov o‘tkazish tartibini hamda baholash mezonlarini ishlab chiqish.

2. Ijodiy sinovga kelinmaganda qanday holatlar uzrli holat deb topilishiga aniqlik kiritish.

3. O‘zbekiston Badiiy akademiyasi tizimidagi ixtisoslashtirilgan san’at maktablari hamda maktab-internatlar uchun o‘tkaziladigan ijodiy sinov jarayonida Komissiya tomonidan qo‘yilgan ijodiy sinov ballari bo‘yicha e’tirozlar bo‘lganda shikoyat qilish tartibini ishlab chiqish.

2026-yil aprel

Madaniyat vazirligi

(O. Nazarbekov)

29.

Vazirlar Mahkamasining 2019-yil 20-fevraldagi “O‘zbekiston davlat konservatoriyasi huzurida Musiqa sohasi pedagoglarini qayta tayyorlash va ularning malakasini oshirish markazi faoliyatini tashkil etish to‘g‘risida”gi 149-son qarori

1. Mazkur qaror bilan tasdiqlangan Nizomning 53-bandiga ko‘ra, musiqa sohasi pedagog va mutaxassislari malaka oshirish kurslariga uzrli sabablarga ko‘ra o‘z vaqtida kelmagan bo‘lsa, ularga o‘qishning tegishli yo‘nalishi bo‘yicha navbatdagi malaka oshirish kurslarida o‘qishga ruxsat beriladi.

2. Nizomning 66-bandiga ko‘ra, tinglovchi quyidagi holatlarda tinglovchilar safidan chetlashtirilishi mumkin:

...

o‘quv intizomini va Markazning ichki tartib-qoidalarini buzganligi uchun;

o‘quv mashg‘ulotlarini uzrli sabablarsiz 18 akademik soatdan ortiq qoldirganligi sababli;

...

Uzrli sabablar hamda o‘quv intizomini buzish deb topiladigan holatlar doirasini aniq belgilash.

2026-yil may

Madaniyat vazirligi

(O. Nazarbekov)

30.

Vazirlar Mahkamasining 2019-yil 22-fevraldagi “Umumiy o‘rta ta’lim muassasalari va akademik litseylar bitiruvchilarini rag‘batlantirishni yanada takomillashtirish chora-tadbirlari to‘g‘risida”gi 154-son qarori

Umumiy o‘rta ta’lim muassasalari va akademik litseylarning iqtidorli bitiruvchilarini oltin va kumush medallar bilan taqdirlash tartibi to‘g‘risidagi nizomning 5-bandiga ko‘ra, namunali xulq-atvorga ega hamda jamoat ishlarida faol bitiruvchilar ro‘yxati ta’lim muassasasi direktorining ma’naviy-ma’rifiy ishlar bo‘yicha o‘rinbosari va amaliyotchi psixologi tomonidan tegishli o‘quv yilining yakunida ta’lim muassasasining Pedagogik kengashiga kiritiladi.

Bitiruvchilarning namunali xulq-atvori ularning maktabning ichki tartib va odob-axloq qoidalariga doim rioya etishi, maktab formasiga rioya etishi, kattalarga hurmatda, kichiklarga izzatda bo‘lishi bilan asoslanadi.

Nomzodlarni obyektiv jihatdan aniqlash imkonini bermaydigan, korrupsiyaviy omillarni keltirib chiqaradigan mezonlarni chiqarib tashlash.

2026-yil aprel

Maktabgacha va maktab ta’limi vazirligi

(E. Karimova)

31.

Vazirlar Mahkamasining 2019-yil 8-maydagi “Ommaviy ijroga mo‘ljallangan dramatik, musiqali va musiqali-dramatik asarlar yaratganligi uchun mualliflik haqini to‘lash tartibi to‘g‘risidagi nizomni tasdiqlash haqida”gi 385-son qarori

1. Qaror bilan tasdiqlangan Ommaviy ijroga mo‘ljallangan dramatik, musiqali va musiqali-dramatik asarlar yaratganligi uchun mualliflik haqini to‘lash tartibi to‘g‘risidagi nizomning 16-bandiga ko‘ra, ommaviy ijro uchun dramatik, musiqali va musiqali-dramatik asarlar yaratganligi uchun mualliflik haqi to‘lash bo‘yicha barcha asarlar arizaga asosan mualliflarining pasport nusxasi, STIR, shaxsiy jamg‘arib boriladigan pensiya hisob varaqasi, mutaxassislarning (san’atshunos, teatrshunos, musiqashunos) taqrizlari hamda davlat teatrlari va konsert-tomosha muassasalarining ma’lumotnomalarini ilova qilgan holda Ishchi organga taqdim etiladi. Ishchi guruh tomonidan zarur hollarda muallifdan qo‘shimcha hujjatlar talab etilishi mumkin.

2. Qaror bilan tasdiqlangan Ommaviy ijroga mo‘ljallangan dramatik, musiqali va musiqali-dramatik asarlar yaratganligi uchun mualliflik haqini to‘lash tartibi to‘g‘risidagi nizomda Ishchi guruh tomonidan qabul qilingan qarorlar ustidan shikoyat qilish va uni ko‘rib chiqish mexanizmlari mavjud emas.

1. Ishchi guruh tomonidan talab etiladigan barcha hujjatlar ro‘yxatini qat’iy belgilash.

2. Ishchi guruh tomonidan qabul qilingan qarorlar ustidan shikoyat qilish va uni ko‘rib chiqish mexanizmlarini belgilab berish.

2026-yil may

Madaniyat vazirligi

(O. Nazarbekov)

32.

Vazirlar Mahkamasining 2020-yil 31-yanvardagi “Oliy ta’lim muassasalari talabalariga to‘lanadigan stipendiyalar miqdorlarini belgilash hamda stipendiyalar tayinlash va to‘lash tartibini takomillashtirish chora-tadbirlari to‘g‘risida”gi 59-son qarori

1. Oliy ta’lim muassasalari talabalariga stipendiyalar tayinlash va to‘lash tartibi to‘g‘risidagi nizomning 19-bandiga asosan, o‘quv semestri yakuni bo‘yicha fanlarni o‘zlashtirayotgan, alohida qobiliyat va iqtidor egasi bo‘lgan, jamoat ishlarida faol, shuningdek, ijtimoiy himoyaga muhtoj davlat granti va to‘lov-kontrakt asosida ta’lim olayotgan barcha talabalar belgilangan stipendiyalarga nisbatan qo‘shimcha ravishda Jamg‘arma mablag‘lari hisobiga 50 foizgacha miqdorda rag‘batlantirilishi mumkin.

2. Oliy ta’lim muassasalari talabalariga stipendiyalar tayinlash va to‘lash tartibi to‘g‘risidagi nizomning 20-bandi birinchi xatboshisiga asosan, Jamg‘arma mablag‘lari hisobiga oliy ta’lim muassasasida davlat granti va to‘lov-kontrakt asosida ta’lim olayotgan alohida iqtidorga ega, xalqaro, respublika va oliy ta’lim miqyosida o‘tkazilgan fan olimpiadalari va sport musobaqalari g‘oliblari, shuningdek, oliy ta’lim muassasasi kengashi tomonidan belgilangan mezonlarga muvofiq alohida hollarda (kasalligi yoki oila a’zolarining vafoti kabi) talabalarga bazaviy stipendiyaga nisbatan 10 baravargacha miqdorda bo‘lgan bir martalik rag‘batlantirish yoki moddiy yordam to‘lovi berilishi mumkin.

Rag‘batlantirish yoki moddiy yordam to‘lovi berilishi uchun nomzodlarga nisbatan obyektiv jihatdan aniqlash mumkin bo‘lgan mezonlarni belgilash hamda “alohida hollar” doirasini aniqlashtirish.

2026-yil iyun

Oliy ta’lim, fan va innovatsiyalar vazirligi

(K. Sharipov)

33.

Vazirlar Mahkamasining 2021-yil 5-apreldagi “Kambag‘al va ishsiz fuqarolarni kasb-hunarga o‘qitish tizimini takomillashtirish hamda mehnat organlari faoliyati samaradorligini oshirish bo‘yicha qo‘shimcha chora-tadbirlar to‘g‘risida”gi 183-son qarori

1. Ishsiz va ish qidirayotgan shaxslarni kasbga tayyorlash va qayta tayyorlash, ularning malakasini oshirishni tashkil etish tartibi to‘g‘risida nizomning 40-bandiga ko‘ra, o‘quv mashg‘ulotlariga sababsiz qatnashmayotgan, o‘zlashtirmayotgan yoki mehnat va jamoat tartibini buzayotgan shaxslarning o‘qishni davom ettirishlari to‘g‘risidagi masala o‘quv tashkilotining rahbariyati va mahalliy mehnat organlari vakillari bilan birgalikda hal qilinadi.

2. Surunkasiga va sababsiz o‘quv mashg‘ulotlariga qatnashmayotgan yoki jamoat tartibini buzganligi, jinoyat sodir qilganligi tufayli hibsga olingan shaxslarga stipendiyalar to‘lash mahalliy mehnat organi va o‘quv muassasasi qabul qilgan qaror asosida to‘xtatib qo‘yiladi.

Jamoat tartibini buzish deb topiladigan holatlar doirasini hamda surunkasiga o‘quv mashg‘ulotini qoldirishning aniq chegarasini belgilash.

2026-yil may

Kambag‘allikni qisqartirish va bandlik vazirligi

(B. Zaxidov)

34.

Vazirlar Mahkamasining 2021-yil 15-oktabrdagi “Ta’lim darajasi yuqori bo‘lmagan maktablarga malakali o‘qituvchi-pedagoglarni jalb qilish chora-tadbirlari to‘g‘risida”gi 646-son qarori

Ta’lim darajasi yuqori bo‘lmagan maktablarda ta’lim berish uchun boshqa hududlardan o‘qituvchi-pedagoglarni jalb etish tartibi to‘g‘risidagi nizomning 17-bandiga asosan Ishchi guruh murojaat etgan o‘qituvchi-pedagoglar tomonidan taqdim etilgan hujjatlarni o‘rganib chiqishadi.

Belgilangan talablarga mos kelgan hamda vakant soatlar bo‘yicha bir o‘ringa ikki va undan ortiq nomzodlar bo‘lgan taqdirda, ular kasbiy bilim va ko‘nikmalar, pedagogik mahorat hamda psixologik qobiliyat yo‘nalishida Ishchi guruh tomonidan suhbatdan o‘tkaziladi.

O‘qituvchi-pedagoglarni saralashning aniq mezonlarini belgilash.

2026-yil may

Maktabgacha va maktab ta’limi vazirligi

(E. Karimova)

35.

Vazirlar Mahkamasining 2023-yil 11-sentabrdagi “Shaharsozlik va uy-joy kommunal xo‘jaligi sohalari mutaxassislarini sertifikatlash tizimini joriy etish to‘g‘risida”gi 460-son qarori

Qaror bilan tasdiqlangan Nizomning 3-bobida test sinovi jarayonini o‘tkazish tartibi belgilangan.

Biroq, Nizomda test sinovidan o‘ta olmagan talabgorlarning test natijasi yuzasidan shikoyat qilish tartibi mavjud emas.

Nizomda test sinovi natijalari yuzasidan shikoyat qilish va shikoyat natijalarini ko‘rib chiqish mexanizmlari belgilanadi.

2026-yil iyun

Qurilish va uy-joy kommunal xo‘jaligi vazirligi

(Sh. Xidoyatov)