Qonunchilikka oʻzgartirish va qoʻshimchalar kiritilganligi munosabati bilan, shuningdek, moddiy va protsessual huquq normalarini bir xilda qoʻllash maqsadida “Sudlar toʻgʻrisida”gi Qonunning 22-moddasiga asosan, Oʻzbekiston Respublikasi Oliy sudi Plenumi qaror qiladi:

Oʻzbekiston Respublikasi Oliy sudi Plenumining quyidagi qarorlariga oʻzgartirish va qoʻshimchalar kiritilsin:

1. Oʻzbekiston Respublikasi Oliy sudi Plenumining “Qonunga xilof ravishda qurolga egalik qilish toʻgʻrisidagi ishlar boʻyicha sud amaliyoti haqida” 1996-yil 27-fevraldagi 3-sonli qarori:

2-bandi quyidagi tahrirda bayon qilinsin:

“2. Tushuntirilsinki, Oʻzbekiston Respublikasining 2019-yil 29-iyuldagi “Qurol toʻgʻrisida”gi Qonuniga muvofiq:

oʻqotar qurol deganda, porox yoki boshqa modda quvvati hisobiga yoʻnaltirilgan holda harakatga keluvchi aslaha bilan nishonni masofadan turib mexanik urish uchun moʻljallangan qurol tushunilmogʻi lozim;

oʻqotar qurolning asosiy qismlari deganda, stvol, zatvor, oʻqdon (baraban), ramka, stvol qutisi tushunilmogʻi lozim;

oʻq-dorilar deganda, qurolning jonli nishonni yoki boshqa nishonni urish uchun moʻljallangan hamda tarkibida portlovchi, poroxli, uloqtiruvchi, pirotexnik yoki urib chiqaradigan moddalar yoxud ularning birikmasi mavjud boʻlgan qurol-yarogʻ ashyolari va uloqtiriladigan aslahasi tushunilmogʻi lozim;

portlovchi moddalar deganda, porox, dinamit, trotil, nitroglitserin va kislorodli havo yetishmagan vaziyatda portlash xususiyatiga ega boʻlgan kimyoviy moddalar va aralashmalar tushunilmogʻi lozim;

portlatish qurilmalari deganda, portlovchi moddalar bilan toʻldirilgan va portlashni amalga oshirish uchun moʻljallangan yigʻilgan holdagi qurilmalar tushunilmogʻi lozim.

Pnevmatik miltiqlar, signal, start, gaz pistoletlari yoki gazli ballonchalari, raketnitsalar va boshqa imitatsiya-pirotexnik hamda yoritgich vositalari oʻqotar qurol jumlasiga kirmaydi”;

3-bandidagi “Ichki ishlar organlari” degan soʻzlardan keyin “, Milliy gvardiya hududiy boshqarmalari” degan soʻzlar bilan toʻldirilsin;

oʻzbek tili matnidagi 5-bandining uchinchi xatboshisidagi “yiqish” degan soʻz “yigʻish” degan soʻz bilan almashtirilsin;

rus tili matnidagi 8-bandining toʻrtinchi xatboshisidagi “po st.221 Kodeksa ob administrativnoy otvetstvennosti Respubliki Uzbekistan” degan soʻzlar “po statye 221 Kodeksa Respubliki Uzbekistan ob administrativnoy otvetstvennosti” degan soʻzlar bilan almashtirilsin;

14-bandi quyidagi tahrirda bayon qilinsin:

“14. Qoraqalpogʻiston Respublikasi sudi, viloyatlar, Toshkent shahar sudlari, Oʻzbekiston Respublikasi Harbiy sudi ishlarni apellyatsiya tartibida koʻrishda qayd etilgan turkumdagi ishlarni koʻrish sifati ustidan tegishli nazoratni taʼminlasinlar va sud xatolarini oʻz vaqtida tuzatish uchun zarur boʻlgan choralarni koʻrsinlar”.

2. Oʻzbekiston Respublikasi Oliy sudi Plenumining “Savdo sohasidagi jinoyatlar va boshqa huquqbuzarliklar toʻgʻrisidagi ishlar boʻyicha sud amaliyoti haqida” 1996-yil 15-martdagi 9-sonli qarori:

1-bandining birinchi xatboshisidagi “va jazoning” degan soʻzlar chiqarib tashlansin;

5-bandi quyidagi tahrirda bayon qilinsin:

“5. Tushuntirilsinki, amaldagi qonunchilikka muvofiq faoliyatning ayrim turlari bilan shugʻullanish uchun maxsus ruxsatnoma (litsenziya) talab qilinadi. Bunday ruxsatnomaning yoʻqligi Maʼmuriy javobgarlik toʻgʻrisidagi kodeksning 165, 176³-moddalari bilan maʼmuriy javobgarlik kelib chiqishiga sabab boʻladi. Agar bunday faoliyat bilan shugʻullanish juda koʻp miqdorda daromad olish bilan bogʻliq boʻlsa, aybdorning harakatlari Jinoyat kodeksi 190-moddasi beshinchi qismi yoki Jinoyat kodeksi 190-moddasi oltinchi qismining “a”, “b” bandlari bilan kvalifikatsiya qilinadi.

Shaxs amaldagi qonunchilikka muvofiq shugʻullanish uchun maxsus ruxsatnoma (litsenziya) talab qilinadigan tadbirkorlik faoliyatini davlat roʻyxatidan oʻtmasdan juda koʻp miqdordagi nazorat qilinmaydigan daromad olgan holda amalga oshirganda, uning harakatlari Jinoyat kodeksi 188-moddasi bilan kvalifikatsiya qilinishi lozim boʻlib, Jinoyat kodeksi 190-moddasi bilan qoʻshimcha kvalifikatsiya qilish talab etilmaydi”;

11-bandining birinchi xatboshisi quyidagi tahrirda bayon qilinsin:

“Oʻzbekiston Respublikasining Maʼmuriy sud ishlarini yuritish toʻgʻrisidagi kodeksi 4-moddasiga muvofiq, har bir fuqaro soliq organlari yoki har qanday boshqa mansabdor shaxsning qarorlari yoki harakatlari ustidan sudga shikoyat qilishga haqli”;

13-bandidagi “maʼmuriy ishlarni” degan soʻzlar “maʼmuriy huquqbuzarlik toʻgʻrisidagi ishlarni” degan soʻzlar bilan almashtirilsin;

13¹-bandi:

birinchi xatboshisidagi “Dastlabki tergov” degan soʻzlar “Surishtiruv, dastlabki tergov” degan soʻzlar bilan almashtirilsin;

ikkinchi xatboshisining birinchi kichik xatboshisidagi “, nazorat” degan soʻzlar chiqarib tashlansin;

13²-bandi chiqarib tashlansin;

13³-bandi chiqarib tashlansin;

14-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat, Toshkent shahar sudlarining hamda Oʻzbekiston Respublikasi Harbiy sudining raislari” degan soʻzlar “Qoraqalpogʻiston Respublikasi sudi, viloyat sudlari va Toshkent shahar sudi hamda Oʻzbekiston Respublikasi Harbiy sudi” degan soʻzlar bilan almashtirilsin.

3. Oʻzbekiston Respublikasi Oliy sudi Plenumi va Oʻzbekiston Respublikasi Oliy xoʻjalik sudi Plenumining “Sud hokimiyati toʻgʻrisida” 1996-yil 20-dekabrdagi 1/60-sonli qarori:

6-bandidagi “10-moddasiga” degan soʻzlar “16-moddasiga” degan soʻzlar bilan almashtirilsin;

10-bandidagi “11-moddasiga” degan soʻzlar “91-moddasiga” degan soʻzlar bilan almashtirilsin;

12-bandidagi “Sudya Oʻzbekiston Respublikasi Oliy sudi Plenumining roziligisiz jinoiy javobgarlikka tortilishi, hibsga olinishi mumkin emas” degan soʻzlar “Sudya Oʻzbekiston Respublikasi Sudyalar oliy kengashining xulosasi olinmasdan va Oʻzbekiston Respublikasi Oliy sudi Plenumining roziligisiz jinoiy javobgarlikka tortilishi, qamoqqa olinishi mumkin emas” degan soʻzlar bilan almashtirilsin;

14-bandining beshinchi xatboshisidagi “jazoning” degan soʻz “javobgarlikning” degan soʻz bilan almashtirilsin.

4. Oʻzbekiston Respublikasi Oliy sudi Plenumining “Atrof muhitni muhofaza qilish va tabiatdan foydalanish sohasidagi jinoyatlar va boshqa huquqbuzarliklar toʻgʻrisidagi ishlar boʻyicha sud amaliyoti haqida” 1996-yil 20-dekabrdagi 36-sonli qarori:

oʻzbek tili matnidagi 6-bandining birinchi xatboshisidagi “Oʻzbekiston Respublikasi “Ekologik ekspertiza toʻgʻrisida”gi Qonunning 12-moddasiga muvofiq” degan soʻzlar “Oʻzbekiston Respublikasi “Ekologik ekspertiza toʻgʻrisida”gi Qonunining 13-moddasiga muvofiq” degan soʻzlar bilan almashtirilsin;

7-bandi quyidagi tahrirda bayon qilinsin:

“7. Oʻzbekiston Respublikasi Maʼmuriy javobgarlik toʻgʻrisidagi kodeksining 245-moddasiga muvofiq, ekologiya, atrof-muhitni muhofaza qilish va tabiatdan foydalanish sohasidagi ushbu Kodeksning 66, 67-moddalarida, 70¹-moddasining ikkinchi qismida, 70²-moddasining ikkinchi qismida, 76-moddasida (suv xoʻjaligi inshootlarini shikastlantirishga oid qismida), 77-moddasining uchinchi va toʻrtinchi qismlarida, 79-moddasining ikkinchi qismida, 90-moddasining ikkinchi, uchinchi, toʻrtinchi qismlarida, 90¹-moddasida, 91¹-moddasining toʻrtinchi qismida, 94-moddasida javobgarlik nazarda tutilgan maʼmuriy huquqbuzarlik toʻgʻrisidagi ishlar jinoyat ishlari boʻyicha sudlarga taalluqlidir”;

8-bandi:

birinchi xatboshisidagi “Oʻzbekiston Respublikasi Ekologiya va Atrof-muhitni muhofaza qilish davlat qoʻmitasi tomonidan beriladigan litsenziyalar boʻyicha” degan soʻzlar “Oʻzbekiston Respublikasi Ekologiya va Atrof-muhitni muhofaza qilish davlat qoʻmitasi va Oʻzbekiston Respublikasi Fanlar akademiyasi tomonidan beriladigan ruxsatnomalar boʻyicha” degan soʻzlar bilan almashtirilsin;

uchinchi xatboshisidagi “Jinoyat kodeksi 202-moddasi 2-qismining “a” bandi boʻyicha javobgarlik” degan soʻzlar “Jinoyat kodeksi 202-moddasi 3-qismining “j” bandi boʻyicha javobgarlik” degan soʻzlar bilan almashtirilsin;

17-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat, Toshkent shahar sudlari” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari” degan soʻzlar bilan almashtirilsin.

5. Oʻzbekiston Respublikasi Oliy sudi Plenumining “Transport vositalarini olib qochish ishlari boʻyicha sud amaliyoti haqida” 1996-yil 20-dekabrdagi 37-sonli qarorining 7-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat, Toshkent shahar sudlari” degan soʻzlar “Qoraqalpogʻiston Respublikasi sudi, viloyatlar va Toshkent shahar sudlari” degan soʻzlar bilan almashtirilsin.

6. Oʻzbekiston Respublikasi Oliy sudi Plenumining “Ijtimoiy xavfli tajovuzlardan zaruriy mudofaa huquqini taʼminlovchi qonunlarni sudlar tomonidan qoʻllanishi haqida” 1996-yil 20-dekabrdagi 39-sonli qarori:

oʻzbek tili matnidagi 1-bandining birinchi xatboshisidagi “ruhiy kasallik” degan soʻzlar “aqli norasolik” degan soʻzlar bilan almashtirilsin;

15-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat, Toshkent shahar sudlari” degan soʻzlar “Qoraqalpogʻiston Respublikasi sudi, viloyatlar va Toshkent shahar sudlari” degan soʻzlar bilan almashtirilsin.

7. Oʻzbekiston Respublikasi Oliy sudi Plenumining “Iqtisodiyot sohasidagi jinoiy ishlar boʻyicha sud amaliyotida yuzaga kelgan ayrim masalalar toʻgʻrisida” 1998-yil 17-apreldagi 11-sonli qarori:

4-bandining birinchi xatboshisidagi “JK 205-moddasi bilan qoʻshimcha kvalifikatsiya qilishni talab etmaydi” degan soʻzlar “JK 192¹¹, 205-moddalari bilan qoʻshimcha kvalifikatsiya qilishni talab etmaydi” degan soʻzlar bilan almashtirilsin;

6-bandining birinchi xatboshisidagi “shunday harakatlar uchun maʼmuriy jazo qoʻllanilganidan keyin sodir etilgan boʻlsa” degan soʻzlar “shunday harakatlar uchun qoʻllanilgan maʼmuriy jazo ijrosi tugagan kundan eʼtiboran (maʼmuriy jazo ijro etilmagan hollarda esa — uni ijro etish muddati tugagan kundan eʼtiboran), bir yil davomida sodir etilgan boʻlsa” degan soʻzlar bilan almashtirilsin;

7-bandining birinchi xatboshisidagi “Oʻzbekiston Respublikasi Prezidentining 1996-yil 8-avgustdagi “Tekshirishlarni tartibga solish va nazorat qiluvchi organlar faoliyatini muvofiqlashtirishni takomillashtirish toʻgʻrisida”gi Farmonida mulkdorning manfaatlarini noqonuniy aralashuvdan himoya qiluvchi huquqiy kafolatlar mavjud” degan soʻzlar “Oʻzbekiston Respublikasining “Tadbirkorlik faoliyati erkinligining kafolatlari toʻgʻrisida”gi Qonunida mulkdorning manfaatlarini noqonuniy aralashuvdan himoya qiluvchi huquqiy kafolatlar mavjud” degan soʻzlar bilan almashtirilsin;

11-bandining birinchi xatboshisi quyidagi tahrirda bayon qilinsin:

“Sudlarga tushuntirilsinki, Oʻzbekiston Respublikasining manfaatlariga zid bitim tuzish deganda, mansabdor shaxsning oʻzi tuzayotgan bitimning Oʻzbekiston Respublikasi manfaatlari uchun naf keltirmasligini oldindan bila turib sodir etgan harakatlari, masalan, mahsulot yetkazib berish bahosining aniq pasaytirilganligi yoki mahsulotlarni olish, uni transportda tashish narxlarini aniq oshirib koʻrsatish, Oʻzbekiston Respublikasi hududiga ilgari foydalanilgan, jisman ishlatib boʻlingan, maʼnaviy eskirgan yoki zamon talablariga javob bermaydigan asbob-uskunani yoxud texnologiyalarni olib kirishga, shuningdek, ularni oʻrnatish va joriy etishga olib kelgan bitimni tuzish harakatlari va h.k. tushunilmogʻi kerak”;

15-bandining ikkinchi xatboshisi chiqarib tashlansin;

17-bandi chiqarib tashlansin;

31-bandidagi “Oʻzbekiston Respublikasi Oliy sudining jinoiy ishlar boʻyicha sudlov hayʼatiga, Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat, Toshkent shahar sudlariga hamda Oʻzbekiston Respublikasi Harbiy sudiga” degan soʻzlar “Oʻzbekiston Respublikasi Oliy sudining Jinoyat ishlari boʻyicha sudlov hayʼatiga, Qoraqalpogʻiston Respublikasi sudi, viloyatlar, Toshkent shahar sudlariga hamda Oʻzbekiston Respublikasi Harbiy sudiga” degan soʻzlar bilan almashtirilsin.

8. Oʻzbekiston Respublikasi Oliy sudi Plenumining “Oʻzgalar mulkini oʻgʻrilik, talonchilik va bosqinchilik bilan talon-toroj qilish jinoyat ishlari boʻyicha sud amaliyoti toʻgʻrisida” 1999-yil 30-apreldagi 6-sonli qarori:

oʻzbek tili matnidagi 5-bandi “uni ishlatish” degan soʻzlar “uni tasarruf etish” degan soʻzlar bilan almashtirilsin;

7-bandi:

oʻzbek tili matni birinchi xatboshisidagi “Jinoyat kodeksining 164-modda 2-qismi “a” bandi bilan tavsiflanadigan” degan soʻzlar “Jinoyat kodeksining 164-modda 2-qismi “a” bandida nazarda tutilgan” degan soʻzlar bilan almashtirilsin;

ikkinchi xatboshisi quyidagi tahrirda bayon qilinsin:

“Sudlar qurol yoki qurol sifatida foydalanish mumkin boʻlgan ashyolarni jinoyat quroli deb topishda Oʻzbekiston Respublikasining “Qurol toʻgʻrisida”gi Qonuniga amal qilishlari lozim”.

12-bandi quyidagi tahrirda bayon qilinsin:

“12. Oʻzbekiston Respublikasi Oliy sudi Jinoyat ishlari boʻyicha sudlov hayʼati, Qoraqalpogʻiston Respublikasi sudi, viloyatlar, Toshkent shahar sudlari hamda Oʻzbekiston Respublikasi Harbiy sudi ushbu toifadagi ishlarni apellyatsiya, kassatsiya tartibida koʻrayotganda birinchi bosqich sudlari tomonidan qonunlarni tatbiq etishda yoʻl qoʻyilgan xatolarni muntazam tahlil qilib borish va bartaraf qilishlari lozim”.

9. Oʻzbekiston Respublikasi Oliy sudi Plenumining “Poraxoʻrlik ishlari boʻyicha sud amaliyoti toʻgʻrisida” 1999-yil 24-sentabrdagi 19-sonli qarori:

1-bandining birinchi xatboshisi quyidagi tahrirda bayon qilinsin:

“Tushuntirilsinki, Oʻzbekiston Respublikasi Jinoyat kodeksi (bundan buyon matnda JK deb yuritiladi) 210-moddasining subyekti davlat organi, davlat ishtirokidagi tashkilot yoki fuqarolarning oʻzini oʻzi boshqarish organlari mansabdor shaxsi hisoblanadi”;

12-bandi chiqarib tashlansin;

14-bandining birinchi xatboshisidagi “, pora oluvchining masʼul mansabdorlik holati” degan soʻzlar chiqarib tashlansin;

16-bandining birinchi xatboshisidagi “pora berganlik toʻgʻrisida ixtiyoriy ariza berish” degan soʻzlar “pora berganlik toʻgʻrisida oʻttiz sutka mobaynida ixtiyoriy ariza berish” degan soʻzlar bilan almashtirilsin.

10. Oʻzbekiston Respublikasi Oliy sudi Plenumining “Valyuta qimmatliklarini qonunga xilof ravishda olish yoki oʻtkazishga doir ishlar yuzasidan sud amaliyoti toʻgʻrisida” 2000-yil 28-apreldagi 8-sonli qarori:

2-bandi quyidagi tahrirda bayon qilinsin:

“2. Sudlarning eʼtibori shunga qaratilsinki, valyuta qimmatliklari roʻyxati Oʻzbekiston Respublikasi Jinoyat kodeksining Maxsus qismi sakkizinchi boʻlimida belgilangan boʻlib, uni kengaytirilgan holda talqin etish mumkin emas. Bunday qimmatliklarga quyidagilar kiradi:

chet el valyutasi;

chet el valyutasidagi qimmatli qogʻozlar — fond boyliklari (aksiya, obligatsiya va boshqalar);

chet el valyutasi bilan toʻlanadigan toʻlov hujjatlari (cheklar, veksellar, akkreditiv va boshqalar);

har qanday koʻrinish va holatdagi qimmatbaho metallar — oltin, kumush, platina va platina guruhiga kiruvchi metallar (palladiy, iridiy, radiy, ruteniy va osmiy), shunday metallardan yasalgan zargarlik va boshqa roʻzgʻor buyumlari hamda ularning rezgilari bundan mustasno;

xom ashyo yoki ishlov berilgan holatdagi tabiiy qimmatbaho toshlar — olmos, yoqut, zumrad, sapfir, aleksandritlar, shuningdek marvaridlar, shunday toshlar hamda ularning rezgilaridan yasalgan zargarlik va boshqa roʻzgʻor buyumlari bundan mustasno”;

3-bandi quyidagi tahrirda bayon qilinsin:

“3. Oʻzbekiston Respublikasining “Valyutani tartibga solish toʻgʻrisida”gi Qonuni 4-moddasiga koʻra, chet el valyutasi jumlasiga quyidagilar kiradi:

muomaladagi hamda chet davlat (chet davlatlar guruhi) hududida naqd toʻlovning qonuniy vositasi boʻlgan pul belgilari, shuningdek muomaladan chiqarilayotgan yoki muomaladan chiqarilgan, ammo almashtirilishi lozim boʻlgan pul belgilari, chet davlatlarning (chet davlatlar guruhining) pul birliklarida hamda xalqaro pul birliklari;

hisob-kitob birliklarida bank hisobvaraqlarida va omonatlarida turgan mablagʻlar”;

8-bandi quyidagi tahrirda bayon qilinsin:

“8. Fuqarolar tomonidan birinchi marotaba sodir etilgan valyuta qimmatliklarini ancha miqdordan kam miqdorda qonunga xilof ravishda olish yoki oʻtkazish Oʻzbekiston Respublikasining Maʼmuriy javobgarlik toʻgʻrisidagi kodeksi 170-moddasi boʻyicha javobgarlikka sabab boʻladi.

Valyuta qimmatliklarini qonunga xilof ravishda ancha miqdordan kam miqdorda olish yoki oʻtkazish, basharti qilmish shunday harakatlarni sodir etganlik uchun qoʻllanilgan maʼmuriy jazoni ijro etish tugagandan keyin bir yil davomida sodir etilsa, JK 177-moddasi birinchi qismi boʻyicha javobgarlikka sabab boʻladi.

Valyuta qimmatliklarini qonunga xilof ravishda ancha miqdorda olish yoki oʻtkazish JK 177-moddasi ikkinchi qismi boʻyicha javobgarlikka sabab boʻladi.

Agar shaxsda ancha miqdor yoki undan ortiq valyuta qimmatliklarini qonunga xilof ravishda olish yoki oʻtkazish maqsadi boʻlib, bu maqsadni qismlarga boʻlib amalga oshirsa, uning harakatlari valyuta qimmatliklari umumiy summasidan kelib chiqib, JK 177-moddasining tegishli qismi bilan kvalifikatsiya qilinishi lozim”;

9-bandi quyidagi tahrirda bayon qilinsin:

“9. Qilmishni JK 177-moddasi ikkinchi, uchinchi va toʻrtinchi qismlari bilan kvalifikatsiya qilishda jinoyat ishida ayblanuvchi tariqasida ishtirok etishga jalb qilish toʻgʻrisidagi qarorda, ayblov dalolatnomasi (ayblov xulosasi) va hukmda aybdorning qilmishi aynan qanday belgiga koʻra javobgarlikni ogʻirlashtiruvchi holatda sodir etilgan deb topilganligi aks ettirilishi shart. Bunda shuni inobatga olish lozimki, qilmishni JK 177-moddasi ikkinchi, uchinchi va toʻrtinchi qismlari bilan kvalifikatsiya qilish uchun shaxs muqaddam valyuta qimmatliklarini qonunga xilof ravishda olish yoki oʻtkazish uchun maʼmuriy javobgarlikka tortilgan boʻlishi talab etilmaydi”;

14-bandining birinchi xatboshisi quyidagi tahrirda bayon qilinsin:

“Oʻzbekiston Respublikasi Jinoyat-protsessual kodeksining 405¹⁰, 471-moddalariga muvofiq, hukm chiqarilganda va jinoyat ishini harakatdan tugatish haqida ajrim qabul qilinganida sudlar ishga qoʻshilgan ashyoviy dalillar masalasini hal etishlari shart. Bunda shuni nazarda tutish kerakki, egasining yoki foydalanuvchining tasarrufidan gʻayriqonuniy ravishda olib qoʻyilgan valyuta qimmatliklari, qonunda nazarda tutilgan holatlardan tashqari tegishliligi boʻyicha qaytarilishi lozim”;

16-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat, Toshkent shahar sudlari va Oʻzbekiston Respublikasi Harbiy sudi” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari va Oʻzbekiston Respublikasi Harbiy sudi” degan soʻzlar bilan almashtirilsin.

11. Oʻzbekiston Respublikasi Oliy sudi Plenumining “Voyaga yetmaganlarning jinoyatlari haqidagi ishlar boʻyicha sud amaliyoti toʻgʻrisida” 2000-yil 15-sentabrdagi 21-sonli qarori:

3-bandining ikkinchi xatboshisidagi “dastlabki tergov jarayoni va sudda” degan soʻzlar “, surishtiruv, dastlabki tergov harakatlari va sud muhokamasi davrida” degan soʻzlar bilan, “JPKning 487-moddasiga” degan soʻzlar “JPK 497²²-moddasiga” degan soʻzlar bilan almashtirilsin;

4-bandining birinchi xatboshisidagi “voyaga yetmaganlarning ishlari boʻyicha shugʻullanuvchi komissiyani, fuqarolarni oʻz-oʻzini boshqarish organlari vakillarini” degan soʻzlar “voyaga yetmaganlar ishlari boʻyicha idoralararo komissiyani” degan soʻzlar bilan almashtirilsin;

10-bandi:

uchinchi xatboshisi quyidagi tahrirda bayon qilinsin:

“Voyaga yetmaganlarga nisbatan jazo tayinlayotganda JK 82 — 86-moddalari talablaridan kelib chiqish lozim boʻlib, bunda JK 57-moddasini qoʻllash talab etilmaydi. Sudlanuvchiga u aybdor deb topilgan JK Maxsus qismining moddasida nazarda tutilmagan boshqa yengilroq turdagi jazolarning tayinlanish hollari bundan mustasnodir”;

toʻrtinchi xatboshisi quyidagi tahrirda bayon qilinsin:

“Jinoyat-protsessual kodeksining 19-moddasi uchinchi qismida nazarda tutilgan hollarda shu Kodeksning 560-moddasiga muvofiq, voyaga yetmaganlar jinoyatlari toʻgʻrisidagi ish yopiq sud majlisida koʻriladi”;

13-bandining birinchi xatboshisidagi “Voyaga yetmaganlar ishlari boʻyicha komissiyalar” degan soʻzlar “Voyaga yetmaganlar ishlari boʻyicha idoralararo komissiyalar” degan soʻzlar bilan almashtirilsin;

14-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat, Toshkent shahar sudlari, Oʻzbekiston Respublikasi Harbiy sudi” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari hamda Oʻzbekiston Respublikasi Harbiy sudi” degan soʻzlar bilan almashtirilsin.

12. Oʻzbekiston Respublikasi Oliy sudi Plenumining “Harbiy xizmatni oʻtash tartibiga qarshi jinoyatlarga oid ishlarni koʻrish boʻyicha sud amaliyoti toʻgʻrisida” 2000-yil 15-sentabrdagi 23-sonli qarori:

1.2-bandi quyidagi tahrirda bayon qilinsin:

“1.2. Harbiy jinoyatlarning subyekti Oʻzbekiston Respublikasi Mudofaa vazirligining, Davlat xavfsizlik xizmatining, Oʻzbekiston Respublikasi Prezidenti davlat xavfsizlik xizmatining, Milliy gvardiyasining, Favqulodda vaziyatlar vazirligining, Ichki ishlar vazirligi qoʻshinlarining va qonunchilikka muvofiq tashkil etiladigan boshqa harbiy tuzilmalarning harbiy xizmatchilari, shuningdek oʻquv yigʻinlarni oʻtayotgan harbiy xizmatga majbur shaxslar boʻlishi mumkin”;

1.3-bandi:

birinchi xatboshisi quyidagi tahrirda bayon qilinsin:

“Jinoyat ishlarining harbiy sudlar sudloviga tegishliligi Oʻzbekiston Respublikasining “Sudlar toʻgʻrisida”gi Qonuni 45-moddasi va Harbiy sudlar faoliyatini tashkil etish toʻgʻrisidagi Nizomda belgilangan (1-ilova)”;

uchinchi xatboshisidagi “Shuning uchun ham” degan soʻzlar “Shu munosabat bilan” degan soʻzlar bilan almashtirilsin;

3.3-bandi:

oʻzbek tili matni quyidagi mazmundagi uchinchi xatboshi bilan toʻldirilsin:

“Guruh va yakka tartibda sodir etilgan noustav harakatlar epizodlari jinoyatlarning real majmui sifatida qaralishi va mustaqil huquqiy baholanishi kerak”;

oʻzbek tili matnidagi uchinchi va toʻrtinchi xatboshilari tegishincha toʻrtinchi va beshinchi xatboshilar deb hisoblansin;

oʻzbek tili matnidagi 5.3.3-bandining ikkinchi xatboshisi quyidagi tahrirda bayon qilinsin:

“Uchishga tayyorgarlik koʻrish qoidalarini buzganlik uchun samolyot texniklari, mexaniklar, uchishni taʼminlash xizmatining boshqa shaxslari javobgarlikka tortilishlari mumkin”.

13. Oʻzbekiston Respublikasi Oliy sudi Plenumining “Bezorilikka oid ishlar boʻyicha sud amaliyoti haqida” 2002-yil 14-iyundagi 9-sonli qarori:

4-bandi:

uchinchi xatboshisi quyidagi tahrirda bayon qilinsin:

“Sudlar jinoyat qurolini sovuq qurol yoki sovuq qurol sifatida foydalanish mumkin boʻlgan ashyo deb topishda Oʻzbekiston Respublikasining “Qurol toʻgʻrisida”gi Qonunida bayon etilgan tushunchalarga amal qilishlari lozim. Zarur hollarda ushbu masala boʻyicha qaror qabul qilish uchun sud-kriminalistik ekspertizasi tayinlanishi mumkin”;

toʻrtinchi xatboshisi quyidagi tahrirda bayon qilinsin:

“Shaxsning sogʻligʻiga amalda shikast yetkazishi mumkin boʻlgan boshqa narsalar turkumiga aybdor tomonidan oʻsha maqsadlarda foydalanilgan har qanday narsalar kiradi”;

8-bandi:

ikkinchi xatboshisi quyidagi tahrirda bayon qilinsin:

“Oʻqotar qurol tushunchasini qoʻllashda sudlar Oʻzbekiston Respublikasining “Qurol toʻgʻrisida”gi Qonuniga amal qilishlari kerak”;

oʻzbek tili matni uchinchi xatboshisidagi “qurol” degan soʻz “oʻqotar qurol” degan soʻzlar bilan almashtirilsin.

14. Oʻzbekiston Respublikasi Oliy sudi Plenumining “Gumon qilinuvchi va ayblanuvchini himoya huquqi bilan taʼminlashga oid qonunlarni qoʻllash boʻyicha sud amaliyoti toʻgʻrisida” 2003-yil 19-dekabrdagi 17-sonli qarori:

9-bandi quyidagi tahrirda bayon qilinsin:

“9. Gumon qilinuvchining, ayblanuvchining himoya huquqini real taʼminlash maqsadida, shaxs JPK 221, 227-moddalarida nazarda tutilgan tartibda ushlangan, unga nisbatan qamoqqa olish (JPK 242-moddasi) yoki uy qamogʻi (JPK 242¹-moddasi) tarzidagi ehtiyot chorasi qoʻllanilgan, shuningdek shaxs sud ekspertizasi oʻtkazish uchun tibbiy muassasaga joylashtirilgan (JPK 265-moddasi) hollarda jinoyat ishini yuritishga masʼul davlat organlarining mansabdor shaxslari shaxsga nisbatan protsessual majburlov chorasi qoʻllanilganligi va uning ushlab turilgan joyi toʻgʻrisida darhol JPK 217-moddasida koʻrsatilgan shaxslar yoki tashkilotlarga xabar berishlari shart”;

13-bandining ikkinchi xatboshisidagi “ruhiy kasalligi” degan soʻzlar “ruhiy holati buzilgani” degan soʻzlar bilan almashtirilsin;

14-bandi quyidagi tahrirda bayon qilinsin:

“14. Jinoyat ishi boʻyicha himoyachi yordamidan foydalanish gumon qilinuvchining, ayblanuvchining, sudlanuvchining huquqi hisoblanadi. Shu tufayli ham u ish yurituvning istalgan paytida himoyachidan voz kechishi mumkin.

Himoyachidan voz kechganlik toʻgʻrisida sabablari koʻrsatilgan holda yozma murojaat taqdim etiladi.

Himoyachidan voz kechishga faqat gumon qilinuvchining, ayblanuvchining, sudlanuvchining tashabbusi bilan va surishtiruvchi, tergovchi, sud tomonidan himoyachining real ishtiroki taʼminlangan va u himoyasi ostidagi shaxs bilan xoli uchrashganidan soʻng himoyadan voz kechilganligini tasdiqlagan holda amalga oshiriladi. Bunda himoyachidan voz kechish jarayoni, albatta, videoyozuv orqali qayd etilishi shart. Himoyachidan voz kechilganligi haqida gumon qilinuvchi, ayblanuvchi, sudlanuvchi, shuningdek advokat, surishtiruvchi yoki tergovchi tomonidan imzolanadigan bayonnoma tuzilishi yoxud sud majlisi bayonnomasiga yozib qoʻyilishi shart.

Videoyozuv materiallari va himoyachining ishda ishtirok etishga vakolati borligini tasdiqlovchi hujjatlar (advokatning orderi, qonuniy vakil vakolatini tasdiqlovchi hujjat va h.k.) bayonnomaga ilova qilinadi.

Gumon qilinuvchining, ayblanuvchining, sudlanuvchining himoyachidan voz kechishiga quyidagi hollarda yoʻl qoʻyilmaydi, agar:

u voyaga yetmagan boʻlsa;

u jismoniy nuqsoni (kar, soqov, koʻr va h.k.) yoki ruhiy holati buzilgani tufayli oʻzini oʻzi himoya qilishga qiynalsa;

u sudlov ishi yuritilayotgan tilni bilmasa;

u umrbod ozodlikdan mahrum qilish jazosi tayinlanishi mumkin boʻlgan jinoyatni sodir etishda gumon qilinayotgan, ayblanayotgan boʻlsa;

ishda davlat yoki jamoat ayblovchisi ishtirok etayotgan boʻlsa;

ishda advokat jabrlanuvchining vakili sifatida ishtirok etayotgan boʻlsa;

ish boʻyicha dastlabki eshituv oʻtkazilayotgan boʻlsa;

shaxs oʻta ogʻir jinoyatni sodir etishda gumon qilinayotgan yoki ayblanayotgan boʻlsa;

unga nisbatan qamoqqa olish yoki uy qamogʻi tarzidagi ehtiyot chorasini qoʻllash, shuningdek qamoqda saqlash, uy qamogʻi muddatini uzaytirish masalasi koʻrib chiqilayotgan boʻlsa;

u bilan aybiga iqrorlik toʻgʻrisida kelishuv tuzilgan boʻlsa.

Tibbiy yoʻsindagi majburlov choralarini qoʻllash toʻgʻrisidagi ishlarda, apellyatsiya va kassatsiya instansiyasi sudida koʻrilayotgan ishlarda, shuningdek himoyachidan voz kechish toʻgʻrisida noilojlikdan (himoyachining mehnatiga haq toʻlash imkoniyatining yoʻqligi, ish boʻyicha himoyachining hozir boʻlmasligi va h.k.) arz qilingan hollarda ham himoyachidan voz kechish qabul qilinmaydi.

Gumon qilinuvchi, ayblanuvchi, sudlanuvchi himoyachidan uning mehnatiga haq toʻlash imkoniyati yoʻqligi sababli voz kechmoqchi boʻlgan taqdirda, jinoyat ishini yuritishga masʼul davlat organlarining mansabdor shaxslari JPK 50-moddasining toʻrtinchi qismi qoidalariga binoan gumon qilinuvchini, ayblanuvchini, sudlanuvchini bunday xarajatlardan toʻliq yoki qisman ozod etish chorasini koʻrishlari kerak.

Surishtiruvchi, tergovchi, sud (sudya) ishning murakkabligi va boshqa holatlari gumon qilinuvchining, ayblanuvchining, sudlanuvchining himoya huquqini oʻzi amalga oshirishiga qiyinchilik tugʻdirishi mumkin, degan xulosaga kelsa, himoyachidan voz kechish toʻgʻrisidagi arizani rad etishi mumkin.

Biron-bir sababga koʻra muayyan himoyachidan voz kechish hollari umuman himoyachi xizmatidan voz kechish deb qaralmasligi kerak.

Himoyachidan voz kechish toʻgʻrisidagi arizaning qanoatlantirilganligi yoki rad etilganligi haqida belgilangan namunada bayonnoma tuziladi hamda u gumon qilinuvchi, ayblanuvchi, sudlanuvchi, himoyachi va surishtiruvchi yoki tergovchi tomonidan imzolanadi. Sud majlisida bu haqda majlis bayonnomasiga tegishli yozuv kiritiladi”;

16-bandi:

uchinchi xatboshisidagi “dastlabki tergov tamom boʻlganidan keyin esa” degan soʻzlar “surishtiruv yoki dastlabki tergov tamom boʻlganidan keyin esa,” degan soʻzlar bilan almashtirilsin;

toʻrtinchi xatboshisidagi “Surishtiruv, tergov organi” degan soʻzlar “Surishtiruv yoki dastlabki tergov organi” degan soʻzlar bilan almashtirilsin;

19-bandi quyidagi mazmundagi uchinchi xatboshi bilan toʻldirilsin:

“Dalillarni toʻplash va mustahkamlashda ruxsat berilmagan usullar qoʻllanilganligi toʻgʻrisidagi murojaatlar JPK 22-moddasiga asosan qonunchilikda belgilangan tartibda sud-tibbiy ekspertizasi yoki boshqa ekspertiza oʻtkazilgan holda majburiy tekshirilishi lozim”;

21-bandi:

birinchi xatboshisidagi “Qonunga muvofiq (JPK 20, 51, 487-moddalari)” degan soʻzlar “Qonunga muvofiq (JPK 20, 51, 497²²-moddalari)” degan soʻzlar bilan almashtirilsin;

birinchi xatboshisining beshinchi kichik xatboshisidagi “ayblanuvchiga ayblov xulosasi topshirilmagan boʻlsa” degan soʻzlar “ayblanuvchiga ayblov dalolatnomasi yoki ayblov xulosasi topshirilmagan boʻlsa” degan soʻzlar bilan almashtirilsin;

23-bandining birinchi xatboshisidagi “eʼlon qilinganidan soʻng, hukm tarjimon tomonidan sudlanuvchining ona tilida yoki sudlanuvchi uchun tushunarli boʻlgan boshqa tilda oʻqib eshittiriladi” degan soʻzlar “hukmning qaror qismi eʼlon qilinganidan keyin, mazkur qism tarjimon tomonidan sudlanuvchining ona tilida yoki sudlanuvchi uchun tushunarli boʻlgan boshqa tilda oʻqib eshittiriladi” degan soʻzlar bilan almashtirilsin;

24-bandining birinchi xatboshisi quyidagi tahrirda bayon qilinsin:

“Raislik qiluvchi hukm eʼlon qilingandan soʻng sudlanuvchiga va boshqa taraflarga hukmning mazmunini, uning ustidan apellyatsiya shikoyati berish tartibi va muddatini, shuningdek, sud majlisi bayonnomasi, audioyozuv bilan tanishish va unga nisbatan eʼtirozlar bildirish huquqini tushuntiradi”;

25-bandi:

birinchi xatboshisidagi “sud majlisi bayonnomasi bilan” degan soʻzlar “sud majlisi bayonnomasi, audioyozuv bilan” degan soʻzlar bilan almashtirilsin;

ikkinchi xatboshisidagi “sud majlisi bayonnomasi bilan” degan soʻzlar “sud majlisi bayonnomasi yoki audioyozuv bilan” degan soʻzlar bilan almashtirilsin;

toʻrtinchi va oltinchi xatboshilaridagi “Sud majlisi bayonnomasi yuzasidan” degan soʻzlar “Sud majlisi bayonnomasi yoki audioyozuvi yuzasidan” degan soʻzlar bilan almashtirilsin;

26-bandining birinchi xatboshisi quyidagi tahrirda bayon qilinsin:

“Sud berilgan shikoyat va bildirilgan protestlar toʻgʻrisida mahkumlarni, oqlangan shaxslar, himoyachilar hamda ushbu shikoyat va protest boshqa shaxslardan qaysi birining manfaatiga taalluqli boʻlsa, shu shaxslarni xabardor qilishi hamda ularning protest yoki shikoyat ustidan eʼtiroz berish huquqini tushuntirishi shart. Shu bilan bir paytda mahkumga, jabrlanuvchiga va oqlangan shaxsga shikoyat, protest nusxalari yoxud ularning elektron nusxalari bilan hukm chiqargan sudning internet-resursi orqali tanishish mumkinligi toʻgʻrisida xabarnoma yuboriladi (JPK 497⁶, 509¹-moddalari)”;

27-bandi quyidagi tahrirda bayon qilinsin:

“27. Sud ishning apellyatsiya, kassatsiya instansiyasi sudida koʻrilishi kuni toʻgʻrisida JPK 53-moddasi talabiga koʻra, mahkumning himoyachisini va qonuniy vakilini xabardor qilishi shart. Ushbu talabga rioya etmaslik ishni koʻrish boshqa kunga qoldirilishiga sabab boʻladi.

Apellyatsiya, kassatsiya instansiyasi sudi tomonidan ishning himoyachi ishtirokisiz koʻrilishi, agar u sud majlisi vaqti toʻgʻrisida tegishli ravishda xabardor qilinmagan va bu uning sud majlisida ishtirok etishi imkoniyatidan mahrum qilgan boʻlsa, bu holat jinoyat-protsessual qonun talablarining jiddiy buzilishi deb hisoblanadi.

JPK 51-moddasida nazarda tutilgan hollarda apellyatsiya, kassatsiya instansiyasi sudi majlisida himoyachining ishtiroki taʼminlanishi shart.

Ishning apellyatsiya, kassatsiya instansiyasi sudida himoyachi ishtirokisiz koʻrishga mahkum himoyachidan voz kechgan hollarda, basharti voz kechish sud tomonidan JPK 52-moddasida nazarda tutilgan qoidalarga rioya etilgan holda qabul qilingan boʻlsa, yoʻl qoʻyiladi”;

28-bandi quyidagi tahrirda bayon qilinsin:

“28. Mahkumning apellyatsiya instansiyasi sudida ishtirok etishi uning oʻz himoya huquqini amalga oshirishi nuqtai nazaridan ham, shikoyat va protestlar xolis hal etilishi uchun ham juda muhimdir. Shuning uchun sudlar mahkumning, shu jumladan, qamoqda yoki uy qamogʻida saqlanayotgan mahkumning uni apellyatsiya instansiyasi sudi majlisiga tushuntirish berish uchun chaqirish toʻgʻrisidagi iltimosnomasini qanoatlantirishlari kerak (JPK 497¹⁶-moddasi)”;

29-bandi quyidagi tahrirda bayon qilinsin:

“29. Mahkumga (oqlangan shaxsga) berilgan himoya huquqi taʼminlanishining jiddiy kafolati shundan iboratki JPK 500-moddasiga binoan kassatsiya tartibida sud qarorlarining qayta koʻrib chiqilishiga, agar bu mahkum (oqlangan shaxs) ahvolining ogʻirlashishiga olib kelsa, ayblov (oqlov) hukmi yoki ishni tugatish toʻgʻrisidagi ajrim qonuniy kuchga kirgan kundan boshlab, bir yil oʻtgandan soʻng yoʻl qoʻyilmaydi”;

30-bandining ikkinchi xatboshisidagi “shuningdek, jismoniy yoki ruhiy kasallikka chalingan” degan soʻzlar “shuningdek, jismoniy yoki ruhiy holati buzilgan” degan soʻzlar bilan almashtirilsin.

15. Oʻzbekiston Respublikasi Oliy sudi Plenumining “Jazolarni liberallashtirish toʻgʻrisidagi qonunni iqtisodiyot sohasidagi jinoyatlarga nisbatan qoʻllashning ayrim masalalari haqida” 2004-yil 21-maydagi 4-sonli qarori:

9-bandining toʻrtinchi xatboshisidagi “, nazorat” degan soʻzlar chiqarib tashlansin;

10-bandi quyidagi tahrirda bayon qilinsin:

“10. Moddiy zarar qoplangan taqdirda ozodlikdan mahrum qilish yoki ozodlikni cheklash tariqasidagi jazo qoʻllanilishi mumkin emasligi haqida Jinoyat kodeksi Maxsus qismining tegishli moddalarida koʻrsatilgan qoida, basharti aybdorga bogʻliq boʻlmagan holatlarga koʻra, shu jumladan, oʻtkazilgan operativ-qidiruv tadbiri natijasida, zarar yetkazilishining oldi olingan boʻlsa, qoʻllanilmaydi”;

17-bandining birinchi xatboshisidagi “, nazorat” degan soʻzlar chiqarib tashlansin;

20-bandidagi “va nazorat” degan soʻzlar chiqarib tashlansin.

16. Oʻzbekiston Respublikasi Oliy sudi Plenumining “Qasddan odam oʻldirishga oid ishlar boʻyicha sud amaliyoti toʻgʻrisida” 2004-yil 24-sentabrdagi 13-sonli qarori:

8-bandining birinchi xatboshisidagi “giyohvandlik vositasi yoki psixotrop modda” degan soʻzlar “giyohvandlik vositalari, ularning analoglari, psixotrop yoxud kishining aql-idrokiga taʼsir qiluvchi boshqa kuchli taʼsir qiluvchi moddalar” degan soʻzlar bilan almashtirilsin.

rus tili matnidagi 17-bandining ikkinchi xatboshisidagi “inoveruyushim” degan soʻz “ispoveduyushim druguyu religiyu” degan soʻzlar bilan almashtirilsin;

27-bandining ikkinchi xatboshisidan ikkinchi jumla chiqarib tashlansin;

30-bandidagi “va nazorat” degan soʻzlar chiqarib tashlansin.

17. Oʻzbekiston Respublikasi Oliy sudi Plenumining “Sudlar tomonidan jinoyat uchun jazo tayinlash amaliyoti toʻgʻrisida” 2006-yil 3-fevraldagi 1-sonli qarori:

11-bandi:

quyidagi mazmundagi birinchi va ikkinchi xatboshilar bilan toʻldirilsin:

“JK 57¹-moddasiga muvofiq, aybdor oʻz qilmishiga amalda pushaymon boʻlgan va jazoni ogʻirlashtiruvchi holatlar mavjud boʻlmagan taqdirda, jazo muddati yoki miqdori JK Maxsus qismining tegishli moddasida nazarda tutilgan eng koʻp jazoning uchdan ikki qismidan ortiq boʻlishi mumkin emas, javobgarlikni ogʻirlashtiradigan holatlarda qasddan odam oʻldirish (JK 97-moddasi ikkinchi qismi) va terrorizm (JK 155-moddasi uchinchi qismi) jinoyatini sodir etgan shaxslar bundan mustasno.

JK 57²-moddasiga muvofiq, aybga iqrorlik toʻgʻrisida kelishuv tuzilgan jinoyat boʻyicha tayinlanadigan jazoning muddati yoki miqdori JK Maxsus qismining tegishli moddasida (moddasi qismida) nazarda tutilgan eng koʻp jazoning yarmidan oshmasligi kerak”;

birinchi va ikkinchi xatboshilari tegishincha uchinchi va toʻrtinchi xatboshilar deb hisoblansin;

13-bandi:

birinchi xatboshisidagi “Ishlarni apellyatsiya, kassatsiya va nazorat tartibida koʻrishda,” degan soʻzlar “Ishlarni apellyatsiya va kassatsiya tartibida koʻrishda” degan soʻzlar bilan almashtirilsin;

ikkinchi xatboshisidagi “apellyatsiya, kassatsiya va nazorat instansiyasi sudi” degan soʻzlar “apellyatsiya va kassatsiya instansiyasi sudi” degan soʻzlar bilan almashtirilsin;

14-bandining birinchi xatboshisidagi “Apellyatsiya, kassatsiya va nazorat instansiyasi sudlarining eʼtibori” degan soʻzlar “Apellyatsiya va kassatsiya instansiyasi sudlarining eʼtibori” degan soʻzlar bilan almashtirilsin;

27-bandi birinchi xatboshisining uchinchi kichik xatboshisi quyidagi tahrirda bayon qilinsin:

“jarima tariqasidagi jazoni almashtirish tartibida (JK 44-moddasi uchinchi qismi) — hukm chiqarish paytida amalda boʻlgan bazaviy hisoblash miqdoridan kelib chiqqan holda, uch yildan koʻp boʻlmagan muddatga”;

28-bandi quyidagi tahrirda bayon qilinsin:

“28. JK 50-moddasining oltinchi qismiga muvofiq ayollarga, shuningdek 60 yoshdan oshgan erkaklarga nisbatan ozodlikdan mahrum qilish tariqasidagi jazo muddati, shu jumladan, jinoyatlar majmui va hukmlar majmui boʻyicha jazo tayinlanayotgan hollarda ham, Jinoyat kodeksi Maxsus qismining tegishli moddasi (moddasi qismi) sanksiyasida nazarda tutilgan ozodlikdan mahrum qilish jazosi eng koʻp muddatining uchdan ikki qismidan ortiq boʻlishi mumkin emas.

Ayollarga, shuningdek 60 yoshdan oshgan erkaklarga nisbatan Jinoyat kodeksi Maxsus qismining tegishli moddasi (moddasi qismi) nazarda tutilgan ozodlikdan mahrum qilish jazosidan ham kamroq yoki boshqa yengilroq jazo JK 57-moddasi qoʻllanilgan holda tayinlanadi”;

34-bandining uchinchi xatboshisidagi “Agar shartli hukm apellyatsiya, kassatsiya yoki nazorat instansiyasi sudi tomonidan qoʻllanilgan boʻlsa” degan soʻzlar “Agar shartli hukm apellyatsiya yoki kassatsiya instansiyasi sudi tomonidan qoʻllanilgan boʻlsa” degan soʻzlar bilan almashtirilsin;

43-bandidagi “JPK 484-moddasi toʻrtinchi bandi hamda 488-moddasi” degan soʻzlar “Jinoyat-protsessual kodeksi 497¹⁹-moddasining 4-bandi hamda 497²³-moddasi” degan soʻzlar bilan almashtirilsin;

47-bandining birinchi xatboshisidagi “apellyatsiya, kassatsiya, nazorat instansiyasi sudi” degan soʻzlar “apellyatsiya, kassatsiya instansiyasi sudi” degan soʻzlar bilan almashtirilsin;

51-bandi:

quyidagi mazmundagi toʻrtinchi xatboshi bilan toʻldirilsin:

“Har xil turdagi asosiy jazolarni qoʻshganda ozodlikni cheklashning bir kuni axloq tuzatish ishlarining yoki xizmat boʻyicha cheklashning uch kuniga toʻgʻri keladi”;

toʻrtinchi xatboshi tegishincha beshinchi xatboshi deb hisoblansin;

59-bandining uchinchi xatboshisidagi “apellyatsiya, kassatsiya va nazorat” degan soʻzlar “apellyatsiya va kassatsiya” degan soʻzlar bilan almashtirilsin;

61-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyatlar va Toshkent shahar sudi, Oʻzbekiston Respublikasi Harbiy sudi” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari, Oʻzbekiston Respublikasi Harbiy sudi” degan soʻzlar bilan almashtirilsin.

18. Oʻzbekiston Respublikasi Oliy sudi Plenumining “Sudlar tomonidan amnistiya aktlarini qoʻllashning ayrim masalalari toʻgʻrisida” 2006-yil 22-dekabrdagi 16-sonli qarori:

5-bandi:

ikkinchi xatboshisi quyidagi mazmundagi ikkinchi kichik xatboshi bilan toʻldirilsin:

“dastlabki eshituv bosqichida — taraflarning jinoyat ishi boʻyicha ish yuritishni tugatish toʻgʻrisidagi iltimosnomasini;”;

ikkinchi va uchinchi kichik xatboshilari tegishincha uchinchi va toʻrtinchi kichik xatboshilar deb hisoblansin;

15-bandi:

birinchi xatboshisi quyidagi tahrirda bayon qilinsin:

“Agar shaxs ishni sudga qadar yuritish bosqichida qandaydir sababga koʻra ariza berishdan (JPK 588-moddasi) bosh tortsa va bunday ariza bilan ish sudga ayblov dalolatnomasi yoki ayblov xulosasi bilan kelib tushgandan soʻng murojaat etsa, amnistiya aktiga asosan jinoyat ishini tugatish masalasi sud tomonidan JPK 84-moddasining ikkinchi qismi, 405¹⁰ yoki 421-moddalariga muvofiq hal etiladi. Mazkur masala amnistiya akti ish ayblov dalolatnomasi yoki ayblov xulosasi bilan sudga kelib tushgandan keyin qabul qilingan hollarda ham shu tariqa hal etiladi”;

toʻrtinchi xatboshisidagi “ishni sudga qadar yuritish bosqichida va birinchi instansiya sudida” degan soʻzlar “ishni sudga qadar yuritish bosqichida, birinchi instansiya sudida dastlabki eshituv yoki muhokama chogʻida” degan soʻzlar bilan almashtirilsin;

17-bandining birinchi xatboshisidagi “, nazorat” degan soʻzlar chiqarib tashlansin;

18-bandidagi “muayyan shaxs” degan soʻzlar “oʻziga nisbatan amnistiya aktini qoʻllash toʻgʻrisidagi masala qoʻyilgan shaxs” degan soʻzlar bilan almashtirilsin;

23-bandining birinchi xatboshisidagi “yoki nazorat” degan soʻzlar chiqarib tashlansin;

28-bandi quyidagi tahrirda bayon qilinsin:

“28. Sudlarga tushuntirilsinki JPK 590-moddasining toʻrtinchi qismi talablariga muvofiq, sudlanuvchiga nisbatan amnistiya aktini qoʻllash masalasi hal qilinayotgan paytda sud majlisida prokuror, sudlanuvchi, uning qonuniy vakili va himoyachisining (himoyachidan voz kechilgan hollar bundan mustasno) ishtiroki majburiydir”;

29-bandi:

birinchi va ikkinchi xatboshilaridagi “, nazorat” degan soʻzlar chiqarib tashlansin;

ikkinchi xatboshisidagi “ajrim (qaror)ning” degan soʻzlar “ajrimning” degan soʻz bilan almashtirilsin;

30-bandi:

rus tili matni birinchi xatboshisidagi “, nadzornaya” degan soʻzlar chiqarib tashlansin;

ikkinchi xatboshisidagi “, nazorat” degan soʻzlar chiqarib tashlansin;

uchinchi xatboshisidagi “JPK 500, 513-moddalarida” degan soʻzlar “JPK 500-moddasida” degan soʻzlar bilan almashtirilsin;

31-bandidagi “JPK 401-moddasi birinchi qismi” degan soʻzlar “JPK 405¹⁰-moddasining ikkinchi qismi” degan soʻzlar bilan almashtirilsin.

19. Oʻzbekiston Respublikasi Oliy sudi Plenumining “Badanga qasddan shikast yetkazishga oid ishlar boʻyicha sud amaliyoti toʻgʻrisida” 2007-yil 27-iyundagi 6-sonli qarori:

1-bandining ikkinchi xatboshisi quyidagi tahrirda bayon qilinsin:

“Badanga yetkazilgan shikastning xususiyati va ogʻirlik darajasini aniqlash, odatda, tibbiyot organlari vakolatiga taalluqli boʻlib, Oʻzbekiston Respublikasi Sogʻliqni saqlash vazirining 2012-yil 1-iyundagi 153-sonli buyrugʻi bilan tasdiqlangan tan jarohatlarining ogʻirlik darajasini sud-tibbiy aniqlash qoidalariga muvofiq oʻtkaziladi”;

oʻzbek tili matnidagi 14-bandi quyidagi tahrirda bayon qilinsin:

“14. Jabrlanuvchiga nisbatan diniy taassublar zamirida uning diniy eʼtiqodi munosabati bilan, aksariyat hollarda, muayyan diniy konfessiya shaʼni va obroʻsini kamsitish, diniy adovat yoki ixtilof qoʻzgʻatish maqsadida qasddan yetkazilgan ogʻir, oʻrtacha ogʻir shikast, tegishlicha JK 104-moddasi ikkinchi qismining “z” bandi, 105-moddasi ikkinchi qismining “z” bandi bilan kvalifikatsiya qilinishi lozim”;

24-bandining ikkinchi xatboshisidagi “kuchga kirgan” degan soʻzlar “ijro qilingan” degan soʻzlar bilan almashtirilsin;

26-bandi quyidagi tahrirda bayon qilinsin:

“26. Mazkur toifa ishlar boʻyicha jinoyat natijasida yetkazilgan mulkiy ziyonni undirish masalasini hal etish chogʻida sudlar Oʻzbekiston Respublikasi Oliy sudi Plenumining 2016-yil 27-dekabrdagi “Jinoyat natijasida yetkazilgan mulkiy ziyonni qoplashga oid qonunchilikni qoʻllash boʻyicha sud amaliyoti toʻgʻrisida”gi 26-sonli qarorida mavjud tushuntirishlarga amal qilishlari lozim”.

20. Oʻzbekiston Respublikasi Oliy sudi Plenumining “Sudga qadar ish yuritish bosqichida qamoqqa olish tarzidagi ehtiyot chorasining sudlar tomonidan qoʻllanilishi toʻgʻrisida” 2007-yil 14-noyabrdagi 16-sonli qarori:

6-bandining toʻrtinchi xatboshisi quyidagi tahrirda bayon qilinsin:

“Ushlab turish vaqti JPK 226-moddasining birinchi qismiga muvofiq, shaxs amalda ushlangan paytdan (uning erkin harakatlanishga boʻlgan huquqlari haqiqiy cheklangan paytdan) boshlab hisoblanishi kerak”;

rus tili matni 9-bandining ikkinchi xatboshisidagi “libo protokola ob otkaze ot zashitnika” degan soʻzlar chiqarib tashlansin;

13-bandi:

ikkinchi xatboshisidagi “(agar u ishda qatnashayotgan boʻlsa)” degan soʻzlar chiqarib tashlansin;

uchinchi xatboshisidagi “(agar u ishda qatnashayotgan boʻlsa)” degan soʻzlar chiqarib tashlansin;

14-bandining ikkinchi xatboshisi quyidagi tahrirda bayon qilinsin:

“Sud majlisining joyi, sanasi va vaqti haqida lozim darajada xabardor qilingan shaxslarning (gumon qilinuvchi, ayblanuvchi, himoyachi bundan mustasno) kelmaganligi qamoqqa olish yoki uy qamogʻi tarzidagi ehtiyot chorasini qoʻllash toʻgʻrisidagi iltimosnomani koʻrish uchun monelik qilmaydi”;

23-bandi quyidagi tahrirda bayon qilinsin:

“23. Iltimosnoma qanoatlantirilmay qamoqqa olish tarzidagi ehtiyot chorasini qoʻllash rad qilinganda, gumon qilinuvchi, ayblanuvchi (ushlab turish oxirgi muddati tugagan yoki tugamaganligidan qatʼiy nazar) unga nisbatan uy qamogʻi yoki garov tariqasidagi ehtiyot chorasi qoʻllanilgan holda sud zalida qamoqdan ozod qilinadi (JPK 243-moddasi oʻninchi qismining 2¹-bandi)”;

24-bandidagi “bu haqda yigirma toʻrt soatdan kechiktirmasdan” degan soʻzlar “shaxsga nisbatan protsessual majburlov choralari qoʻllanilganligi va u saqlab turilgan joy haqida darhol” degan soʻzlar bilan almashtirilsin;

27-bandi:

uchinchi xatboshisidagi “JPK 479-moddasida” degan soʻzlar “JPK 497¹²-moddasida” degan soʻzlar bilan almashtirilsin;

toʻrtinchi xatboshisi chiqarib tashlansin;

32-bandining ikkinchi xatboshisidagi “nazorat tartibida shikoyat (protest) berilishiga yoʻl qoʻyilmaydi” degan soʻzlar “kassatsiya tartibida shikoyat (protest) berilishiga yoʻl qoʻyilmaydi” degan soʻzlar bilan almashtirilsin;

33-bandidagi “apellyatsiya, kassatsiya instansiyalarida yoxud nazorat tartibida” degan soʻzlar “apellyatsiya, kassatsiya instansiyalarida” degan soʻzlar bilan almashtirilsin.

21. Oʻzbekiston Respublikasi Oliy sudi Plenumining “Umumiy yurisdiksiya sudlarida kadrlar bilan ishlash holati va sudyalar tomonidan sudyalik qasamyodiga rioya etilishi masalalari toʻgʻrisida” 2007-yil 14-dekabrdagi 19-sonli qarori:

kirish qismining toʻrtinchi xatboshisidagi “eng yuqori sud instansiyasi boʻlmish” degan soʻzlar chiqarib tashlansin;

7-bandidagi “va nazorat” degan soʻzlar chiqarib tashlansin.

22. Oʻzbekiston Respublikasi Oliy sudi Plenumining “Bir necha jinoyat sodir etilganda qilmishni kvalifikatsiya qilishga doir masalalar toʻgʻrisida” 2008-yil 15-maydagi 13-sonli qarori:

29-bandi quyidagi tahrirda bayon qilinsin:

“29. Agar birinchi instansiya sudi JK 34-moddasida nazarda tutilgan asoslar boʻlishiga qaramay, shaxsni oʻta xavfli retsidivist deb topish toʻgʻrisidagi masalani hal etmasa yoxud asossiz ravishda uni oʻta xavfli retsidivist emas deb topsa, yuqori instansiya sudi apellyatsiya, kassatsiya tartibida (prokuror protesti yoki jabrlanuvchining shikoyati boʻyicha) shaxsni oʻta xavfli retsidivist deb topishi mumkin (JPK 497³⁰, 500-moddalari).

Yuqori instansiya sudi shaxs asossiz ravishda oʻta xavfli retsidivist deb topilgan deb hisoblasa, hukmdan bu haqdagi koʻrsatmani chiqarishi va hukmga tegishli oʻzgartirishlar kiritishi lozim.

Sudlarning eʼtibori shunga qaratilsinki, JPK 500-moddasiga muvofiq, mahkumni oʻta xavfli retsidivist deb topish maqsadida hukmni kassatsiya tartibida qayta koʻrib chiqishga u qonuniy kuchga kirgandan keyin bir yil mobaynidagina yoʻl qoʻyiladi”;

31-bandidagi “Qoraqalpogʻiston Respublikasi jinoyat ishlari boʻyicha sudi, viloyat va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari va Oʻzbekiston Respublikasi Harbiy sudi” degan soʻzlar bilan almashtirilsin.

23. Oʻzbekiston Respublikasi Oliy sudi Plenumining “Ruhiy kasallikka chalingan shaxslarga nisbatan tibbiy yoʻsindagi majburlov choralarini qoʻllash boʻyicha sud amaliyoti toʻgʻrisida” 2008-yil 12-dekabrdagi 23-sonli qarori:

oʻzbek tili matni nomidagi va kirish qismidagi “Ruhiy kasallikka chalingan” degan soʻzlar “Ruhiy holati buzilgan” degan soʻzlar bilan almashtirilsin;

1-bandi quyidagi mazmundagi ikkinchi xatboshi bilan toʻldirilsin:

“Aqli rasolikni istisno etmaydigan tarzda ruhiy holati buzilgan, yaʼni jinoyat sodir etish vaqtida ruhiy holati buzilganligi tufayli oʻz harakatlari (harakatsizligi) ahamiyatini toʻliq darajada anglay olmagan yoki ularni boshqara olmagan shaxs javobgarlikka tortiladi (JK 18¹-moddasi birinchi qismi)”;

2-bandi quyidagi tahrirda bayon qilinsin:

“2. Shaxs quyidagi holatlardan birortasi:

ruhiy holati surunkali buzilganligi;

ruhiy holati vaqtinchalik buzilganligi;

aqli zaifligi;

ruhiy holati boshqacha tarzda buzilganligi sababli oʻz harakatlarining ahamiyatini anglay olmagan yoki harakatlarini boshqara olmagan boʻlsa, u ijtimoiy xavfli qilmishni aqli noraso holatda sodir etgan deb topiladi”;

3-bandi quyidagi tahrirda bayon qilinsin:

“3. Agar jinoyat sodir etgan shaxsda hukm chiqarilguniga qadar oʻz harakatlarining ahamiyatini anglay olmaydigan yoki ularni boshqara olmaydigan tarzda ruhiy holatining buzilishi yuzaga kelgan boʻlsa, u javobgarlikdan ozod qilinadi (JK 67-moddasi).

Hukm chiqarilganidan keyin oʻz harakatlarining ahamiyatini anglay olmaydigan yoki ularni boshqara olmaydigan tarzda ruhiy holatining buzilishi yuzaga kelgan shaxs jazoni oʻtashdan ozod qilinishi lozim (JK 75-moddasi)”;

4-bandining birinchi va ikkinchi xatboshilari quyidagi tahrirda bayon qilinsin:

“Aqli noraso holatda jinoyat sodir etgan shaxsga yoki jinoyat sodir etgandan keyin oʻz harakatlarining ahamiyatini anglay olmaydigan yoki ularni boshqara olmaydigan tarzda ruhiy holatining buzilishi yuzaga kelgan shaxsga nisbatan sud tomonidan tibbiy yoʻsindagi majburlov choralari (JK 18-moddasi uchinchi qismi, 67-moddasi ikkinchi qismi, 75-moddasi ikkinchi qismi) qoʻllanilishi mumkin.

Qonunga koʻra (JK 2-moddasi ikkinchi qismi), tibbiy yoʻsindagi majburlov choralari boshqa tarzdagi jinoyat-huquqiy taʼsir chorasi sifatida ijtimoiy xavfli qilmish sodir etgan va ruhiy holati buzilgan shaxslarga nisbatan davlat majburlovi koʻrinishi hisoblanadi. Bunday choralar faqat shaxs u tomonidan sodir etilgan qilmishning xususiyati va oʻzining ruhiy holatiga koʻra jamiyat uchun xavfli boʻlgan hollardagina qoʻllaniladi”;

5-bandi quyidagi tahrirda bayon qilinsin:

“5. JK 93-moddasiga muvofiq, tibbiy yoʻsindagi majburlov choralariga quyidagilar kiradi:

yashash joyi boʻyicha ruhiy-asab kasalliklari dispanserida (tuman (shahar) psixiatrining xonasida) majburiy ambulatoriya kuzatuvida boʻlish va davolanish;

yashash joyi boʻyicha umumiy tartibli psixiatriya muassasasining umumiy kuzatiladigan boʻlimida majburiy davolanish;

umumiy tartibli psixiatriya muassasasining maxsus reabilitatsiya boʻlimida majburiy davolanish;

kuzatuv kuchaytirilgan ruhiy kasalliklar shifoxonasida majburiy davolanish;

jazoni ijro etish muassasalarining davolash-profilaktika yordami koʻrsatish boʻlimlarida hamda mahkumlarga uchun ixtisoslashgan shifoxonada majburiy ambulatoriya kuzatuvida boʻlish va davolanish.

Tibbiy yoʻsindagi majburlov choralari turini belgilashda sud har doim JK 94-moddasida nazarda tutilgan qoidalarga amal qilishi lozim”;

7-bandining birinchi xatboshisi quyidagi tahrirda bayon qilinsin:

“Jinoyat sodir etgandan keyin, biroq hukm chiqarilganga qadar ruhiy holati buzilganligi aniqlangan shaxsga nisbatan tibbiy yoʻsindagi majburlov choralari tayinlanganda jinoyat ishini yuritish ruhiy holat buzilgan paytdan boshlab, sogʻaygunga qadar toʻxtatiladi (JPK 366, 569-moddalari)”;

8-bandining uchinchi xatboshisi quyidagi tahrirda bayon qilinsin:

“Tibbiy yoʻsindagi majburlov choralarini qoʻllash boʻyicha ish yurituv boshlanganligi va sud-psixitriya ekspertizasi tayinlanganligi toʻgʻrisidagi qaror (ajrim) oʻziga nisbatan bunday ish yurituv olib borilayotgan shaxsga uning JPK 570-moddasi ikkinchi qismida nazarda tutilgan huquqlari tushuntirilgan holda eʼlon qilinadi”;

9-bandi quyidagi tahrirda bayon qilinsin:

“9. Tibbiy yoʻsindagi majburlov choralarini qoʻllash toʻgʻrisida JPK 572, 573-moddalarida nazarda tutilgan tartibda sudga yuborilgan ish sudlovga tegishlilik toʻgʻrisidagi umumiy qoidalarga rioya etilgan holda koʻriladi.

JPK 534-moddasiga muvofiq, jazoni oʻtashdan ozod qilinayotgan shaxsga nisbatan tibbiy yoʻsindagi majburlov choralarini qoʻllash masalalariga doir materiallar, shuningdek tibbiy yoʻsindagi majburlov choralarini uzaytirish, oʻzgartirish yoki tugatishga doir JPK 578 — 580-moddalarida nazarda tutilgan tartibda sudga kelib tushgan materiallar tibbiy yoʻsindagi majburlov choralarini qoʻllagan sud yoki bunday chora qoʻllanilgan joydagi sud tomonidan koʻriladi.

Tibbiy yoʻsindagi majburlov choralarini qoʻllash toʻgʻrisidagi ishlar va materiallar sud tomonidan JPK 13-moddasida nazarda tutilgan tarkibda koʻriladi”;

10-bandining birinchi xatboshisidagi “Shaxsga nisbatan tibbiy yoʻsindagi majburlov choralarini qoʻllash masalasi qoʻyilgan ishlar boʻyicha sud majlisi” degan soʻzlar “Tibbiy yoʻsindagi majburlov choralarini qoʻllash toʻgʻrisidagi ishlar boʻyicha sud majlisi” degan soʻzlar bilan almashtirilsin;

11-bandi quyidagi tahrirda bayon qilinsin:

“11. JPK 51 va 571-moddalariga koʻra, aqli noraso holatida ijtimoiy xavfli qilmish sodir etgan, shuningdek jinoyat sodir etilganidan keyin ruhiy holati buzilganligi aniqlangan shaxslarga nisbatan tibbiy yoʻsindagi majburlov choralarini qoʻllash toʻgʻrisidagi ishlar boʻyicha sud-psixiatriya ekspertizasi tayinlash toʻgʻrisida qaror chiqarilgan paytdan boshlab himoyachining ishtiroki majburiy hisoblanadi.

Bunday toifadagi ishlar boʻyicha himoyachi ishtirokining majburiyligi toʻgʻrisidagi protsessual qonun talablariga rioya etmaslik, JPK 497²²-moddasiga muvofiq, jinoyat-protsessual qonunining jiddiy tarzda buzilishi sifatida baholanadi”;

12-bandining birinchi xatboshisidagi “Tibbiy yoʻsindagi majburlov choralarini qoʻllash toʻgʻrisidagi ishlar boʻyicha himoyachining ishtirokidan qatʼiy nazar, bu toifa ishlar boʻyicha unga nisbatan bunday masala koʻrilayotgan shaxsning qonuniy vakili ishtirok etishi mumkin” degan soʻzlar “Tibbiy yoʻsindagi majburlov choralarini qoʻllash toʻgʻrisidagi ishlar boʻyicha himoyachi bilan bir qatorda oʻziga nisbatan bunday masala koʻrilayotgan shaxsning qonuniy vakili ishtirok etishi mumkin” degan soʻzlar bilan almashtirilsin;

13-bandi:

ikkinchi xatboshisidagi “kasallik holati” degan soʻzlar “ruhiy holati” degan soʻzlar bilan almashtirilsin;

uchinchi xatboshisi quyidagi tahrirda bayon qilinsin:

“Ruhiy holati buzilgan shaxsning sodir etilgan jinoyatga daxldor emasligi aniqlanganda sud tibbiy yoʻsindagi majburlov choralarini qoʻllash toʻgʻrisidagi ish yuritishni tugatib, ishni jinoyat sodir etgan shaxsni aniqlash uchun prokurorga qaytaradi”;

14-bandi quyidagi tahrirda bayon qilinsin:

“14. Aqli norasolik, tibbiy yoʻsindagi majburlov choralarini qoʻllash, shifoxona turini belgilash, shuningdek shaxsni sogʻliqni saqlash organlariga umumiy asoslarda davolash yoki ruhiy holati buzilgan shaxslar uchun moʻljallangan tibbiy-ijtimoiy muassasalarga joylashtirish masalasini hal qilish uchun berish toʻgʻrisidagi masalalar boʻyicha uzil-kesil qaror qabul qilish vakolati sudga tegishlidir. Shuning uchun ekspert-psixiatrlar xulosasi sud tomonidan ishda mavjud barcha materiallar majmuidan kelib chiqqan holda, sinchiklab baholanishi lozim”;

15-bandi quyidagi tahrirda bayon qilinsin:

“15. Agar ayblov dalolatnomasi, ayblov xulosasi bilan kelib tushgan ish boʻyicha sud muhokamasi vaqtida ishi koʻrilayotgan shaxsni aqli noraso deb topish mumkinligi xususida asoslar kelib chiqsa yoki unda jinoyat sodir etilganidan soʻng ruhiy holati buzilganligi aniqlansa, basharti ishni ayblov dalolatnomasi, ayblov xulosasini tasdiqlagan prokurorga yuborish uchun boshqa asoslar boʻlmasa, sud tibbiy yoʻsindagi majburlov choralarini qoʻllash toʻgʻrisidagi masalani JPK 61-bobida belgilangan tartibda hal qilishi mumkin”;

16-bandidagi “jinoyat sodir etilganidan soʻng ruhiy kasallikka chalingan shaxslarga” degan soʻzlar “jinoyat sodir etganidan keyin ruhiy holati buzilgan shaxslarga” degan soʻzlar bilan almashtirilsin;

18-bandidagi “Oʻzbekiston Respublikasining 2000-yil 31-avgustdagi “Psixiatriya yordami toʻgʻrisida”gi Qonuniga muvofiq” degan soʻzlar “Oʻzbekiston Respublikasining 2021-yil 12-maydagi “Psixiatriya yordami toʻgʻrisida”gi Qonuniga muvofiq” degan soʻzlar bilan almashtirilsin;

19-bandidagi “Shaxs aqli noraso holatida ijtimoiy xavfli harakat sodir etganligi yoki jinoyat sodir etilganidan soʻng ruhiy kasallikka chalinganligi isbotlangan deb topilgan holda” degan soʻzlar “Shaxs aqli noraso holatida ijtimoiy xavfli harakat sodir etganligi yoki ruhiy holati jinoyat sodir etilganidan keyin buzilganligi isbotlangan deb topilgan holda” degan soʻzlar bilan almashtirilsin;

20-bandi quyidagi tahrirda bayon qilinsin:

“20. Qonunga muvofiq, psixiatriya statsionari yoki kuzatuv kuchaytirilgan boʻlinmasiga faqat oʻzining ruhiy holati va sodir etgan qilmishiga koʻra jamiyat uchun oʻta xavfli boʻlgan shaxslar joylashtirilishini inobatga olib, bunday choralar qoʻllayotganda sudlar uning ruhiy holati toʻgʻrisida ekspertlar bergan xulosaga hamda sodir etilgan qilmishning xususiyati (ijtimoiy xavfliligi, sodir etilish usuli, kelib chiqqan oqibatlar ogʻirligi) toʻgʻrisida sudda aniqlangan maʼlumotlarga asoslanishlari shart”;

21-bandi quyidagi tahrirda bayon qilinsin:

“21. Aqli noraso holatida ijtimoiy xavfli harakat sodir etgan yoki jinoyat sodir etilganidan keyin ruhiy holati buzilgan shaxs tomonidan moddiy zarar yetkazilgan holda, zararni undirish masalasi fuqarolik sudlov ishlarini yuritish tartibida koʻrib chiqilishi lozim boʻlib, bu haqda sudning ajrimida koʻrsatilgan boʻlishi kerak (JPK 577-moddasi beshinchi qismi)”;

22-bandi:

birinchi xatboshisi quyidagi tahrirda bayon qilinsin:

“Aqli noraso yoki jinoyat sodir etilganidan keyin ruhiy holati buzilgan deb topilgan shaxslarga doir ishlar boʻyicha ashyoviy dalillar masalasi sudlar tomonidan JPK 211-moddasi talablariga monand hal etilishi lozim”;

oʻzbek tili matnidagi 22-bandining ikkinchi xatboshisidagi “undirilmaydi va” degan soʻzlar “undirilmasdan” degan soʻz bilan almashtirilsin;

oʻzbek tili matni 23-bandidagi “kiritilgan” degan soʻz “kiradigan” degan soʻz bilan almashtirilsin;

26-bandi:

birinchi va ikkinchi xatboshilaridagi “, nazorat” degan soʻzlar chiqarib tashlansin;

ikkinchi xatboshisidagi “jinoyat sodir etilganidan soʻng ruhiy kasallikka chalinganligi aniqlansa” degan soʻzlar “uning ruhiy holati buzilganligi jinoyat sodir etilganidan keyin aniqlansa” degan soʻzlar bilan almashtirilsin;

27-bandidagi “Qoraqalpogʻiston Respublikasi jinoyat ishlari boʻyicha sudi, Oʻzbekiston Respublikasi Harbiy sudi, jinoyat ishlari boʻyicha viloyatlar, Toshkent shahar sudlari” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari hamda Oʻzbekiston Respublikasi Harbiy sudi” degan soʻzlar bilan almashtirilsin.

24. Oʻzbekiston Respublikasi Oliy sudi Plenumining “Odam savdosiga oid ishlar boʻyicha sud amaliyoti toʻgʻrisida” 2009-yil 24-noyabrdagi 12-sonli qarorining 13-bandidagi “JK 168-moddasi uchinchi qismining “a” bandi bundan mustasno” degan soʻzlar “JK 168-moddasi toʻrtinchi qismining “a” bandi bundan mustasno” degan soʻzlar bilan almashtirilsin.

25. Oʻzbekiston Respublikasi Oliy sudi Plenumining “Jinoyat ishlari boʻyicha protsessual chiqimlarni undirish amaliyoti toʻgʻrisida” 2009-yil 24-noyabrdagi 13-sonli qarori:

kirish qismining toʻrtinchi xatboshisidagi “va nazorat” degan soʻzlar chiqarib tashlansin;

2-bandi quyidagi mazmundagi toʻqqizinchi xatboshi bilan toʻldirilsin:

“surishtiruv, dastlabki tergov yoki sud majlisini videokonferensaloqadan foydalangan holda oʻtkazish chogʻida qilingan xarajatlardan;”;

toʻqqizinchi xatboshisi tegishincha oʻninchi xatboshi deb hisoblansin;

11-bandining birinchi xatboshisidagi “va nazorat” degan soʻzlar chiqarib tashlansin.

26. Oʻzbekiston Respublikasi Oliy sudi Plenumining “Nomusga tegish va jinsiy ehtiyojni gʻayritabiiy usulda qondirishga doir ishlar boʻyicha sud amaliyoti toʻgʻrisida” 2010-yil 29-oktabrdagi 13-sonli qarori:

6-bandining birinchi, ikkinchi va uchinchi xatboshilaridagi “narkotik vositalar” degan soʻzlar “giyohvandlik vositalari, ularning analoglari” degan soʻzlar bilan almashtirilsin;

16-bandidagi “ruhiy kasallik” degan soʻzlar “ruhiy holati buzilishi” degan soʻzlar bilan almashtirilsin;

19-bandidagi “Qoraqalpogʻiston Respublikasi jinoyat ishlari boʻyicha sudi, viloyatlar va ularga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar va ularga tenglashtirilgan sudlar” degan soʻzlar bilan almashtirilsin.

27. Oʻzbekiston Respublikasi Oliy sudi Plenumining “Oʻzbekiston Respublikasining Davlat chegarasini kesib oʻtish tartibini buzishga oid ishlar boʻyicha sud amaliyoti toʻgʻrisida” 2011-yil 25-noyabrdagi 9-sonli qarori:

1-bandining ikkinchi xatboshisi quyidagi tahrirda bayon qilinsin:

“Oʻzbekiston Respublikasining Davlat chegarasini kesib oʻtish tartibi quyidagilar bilan tartibga solinadi:

1999-yil 20-avgustdagi “Oʻzbekiston Respublikasining Davlat chegarasi toʻgʻrisida”gi Qonun (bundan buyon matnda Qonun deb yuritiladi);

Oʻzbekiston Respublikasi Prezidentining 2017-yil 16-avgustdagi “Oʻzbekiston Respublikasi fuqarolarining xorijga chiqish tartibini takomillashtirishga doir muhim chora-tadbirlar toʻgʻrisida”gi PF-5156-sonli Farmoni;

Oʻzbekiston Respublikasi fuqarolarining xorijga chiqish tartibi toʻgʻrisidagi nizom (Oʻzbekiston Respublikasi Prezidentining 2018-yil 26-dekabrdagi PQ-4079-sonli qarorining 1-ilovasi);

Oʻzbekiston Respublikasi Vazirlar Mahkamasining 1996-yil 21-noyabrdagi 408-sonli qarori bilan tasdiqlangan “Xorijiy fuqarolar va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari Tartibi” (bundan buyon matnda xorijiy fuqarolar kirish-chiqish Tartibi deb yuritiladi);

boshqa normativ-huquqiy hujjatlar bilan”;

4-bandi quyidagi tahrirda bayon qilinsin:

“4. Oʻzbekiston Respublikasiga kirish uchun quyidagi hujjatlar asos boʻladi:

Oʻzbekiston Respublikasi fuqarolari uchun xorijga chiqish biometrik pasporti (diplomatik pasport, identifikatsiya elektron kartasi ID-karta), vaqtincha xorijda turgan va konsullik roʻyxatiga olinmagan Oʻzbekiston Respublikasi fuqarolari uchun xorijga chiqish biometrik pasporti yoʻqolgan, yaroqsiz holga kelgan, uning amal qilish muddati tugagan, maʼlumotlar yoki vizalar uchun moʻljallangan sahifalaridan foydalanib boʻlingan holatlarda, shuningdek, sud ajrimi bilan uning amal qilishi toʻxtatib turilganda yangi xorijga chiqish biometrik pasporti yoki Oʻzbekiston Respublikasiga qaytish uchun guvohnomasi;

xorijiy fuqarolar va fuqaroligi boʻlmagan shaxslar uchun — amaldagi milliy pasport (diplomatik pasport), shaxsini tasdiqlovchi boshqa hujjat, Oʻzbekiston Respublikasiga kirish uchun (kirish, tranzit) viza va xorijiy fuqarolar kirish-chiqish Tartibi II boʻlimida nazarda tutilgan boshqa hujjatlar”;

5-bandi quyidagi tahrirda bayon qilinsin:

“5. Oʻzbekiston Respublikasidan chiqish uchun quyidagi hujjatlar asos boʻladi:

Oʻzbekiston Respublikasi fuqarolari uchun — amaldagi xorijga chiqish biometrik pasporti (diplomatik pasport), chet el davlatiga kirish vizasi (Oʻzbekiston Respublikasining xalqaro shartnomalariga muvofiq ularga kirish uchun kirish vizalari rasmiylashtirilishi talab etilmaydigan xorijiy davlatlar bundan mustasno);

xorijiy fuqarolar va fuqaroligi boʻlmagan shaxslar uchun — amaldagi milliy pasport (diplomatik pasport), shaxsini tasdiqlovchi boshqa hujjat, Oʻzbekiston Respublikasiga kirish-chiqish uchun viza va xorijiy fuqarolar kirish-chiqish Tartibi I, III boʻlimlarida nazarda tutilgan boshqa hujjatlar”;

6-bandi quyidagi tahrirda bayon qilinsin:

“6. Normativ-huquqiy hujjatlarda (masalan, Oʻzbekiston Respublikasi Prezidentining 2014-yil 5-martdagi “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida”gi PQ-2142-sonli qarori) muayyan toifadagi shaxslarning (harbiy xizmatchilar, davlat siri boʻlgan maʼlumotlardan xabardor shaxslar va h.k.larning) chet elga chiqishi uchun xorijiy davlat bilan vizasiz rejim mavjudligidan qatʼiy nazar, boshqacha tartib belgilanishi mumkin. Binobarin, mazkur toifadagi shaxslarning viza rasmiylashtirilishi talab etilmaydigan xorijiy davlatlarga maxsus ruxsatsiz chiqishi ularning JK 223-moddasi bilan jinoiy javobgarlikka tortilishiga sabab boʻladi”;

7-bandining birinchi xatboshisi quyidagi tahrirda bayon qilinsin:

“Sudlarga tushuntirilsinki, JK 223-moddasi boʻyicha javobgarlik Oʻzbekiston Respublikasi fuqarolari xorijga chiqish biometrik pasportini rasmiylashtirilmagan holda yoki amal qilish muddati oʻtgan xorijga chiqish biometrik pasporti bilan Oʻzbekiston Respublikasidan, shuningdek, Oʻzbekiston Respublikasining xalqaro shartnomalariga muvofiq ularga kirish uchun kirish vizalari talab etilmaydigan har qanday xorijiy davlatdan boshqa, kirish vizasi rasmiylashtirilishi talab etiladigan xorijiy davlatga kirgan hollarda kelib chiqadi;

11-bandining birinchi xatboshisidagi “giyohvandlik vositalari” degan soʻzlardan keyin “, ularning analoglari” degan soʻzlar bilan toʻldirilsin;

14-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari va Oʻzbekiston Respublikasi Harbiy sudi” degan soʻzlar bilan almashtirilsin.

28. Oʻzbekiston Respublikasi Oliy sudi Plenumining “Fuqarolik va jinoyat ishlari boʻyicha sud ishlarini yuritish sohasida xalqaro hamkorlikning ayrim masalalari toʻgʻrisida” 2012-yil 25-maydagi 06-sonli qarori:

3-bandining ikkinchi xatboshisidagi “(“Oʻzbekiston Respublikasining xalqaro shartnomalari toʻgʻrisida”gi qonunning 23-moddasi)” degan soʻzlar “(“Oʻzbekiston Respublikasining xalqaro shartnomalari toʻgʻrisida”gi Qonunning 25-moddasi)” degan soʻzlar bilan almashtirilsin;

6-bandining ikkinchi xatboshisidagi “sud tomonidan JPK 399-moddasi tartibida eʼlon qilingan” degan soʻzlar “sud tomonidan JPK 405⁷, 420-moddalari tartibida eʼlon qilingan” degan soʻzlar bilan almashtirilsin;

9-bandining ikkinchi xatboshisidagi “sud jinoyat ishini tugatishga nisbatan shaxsning roziligini olish toʻgʻrisida xorijiy davlatning vakolatli organiga soʻrov yuborish bilan chegaralanishi mumkin” degan soʻzlar “sud jinoyat ishini tugatishga nisbatan shaxsning roziligini olish toʻgʻrisida xorijiy davlatning vakolatli organiga Oʻzbekiston Respublikasi Oliy sudi orqali soʻrov yuborish bilan chegaralanishi mumkin”degan soʻzlar bilan almashtirilsin;

14-bandining ikkinchi xatboshisidagi “JPK 13-moddasining toʻrtinchi qismiga muvofiq” degan soʻzlar “JPK 13-moddasining beshinchi qismiga muvofiq” degan soʻzlar bilan almashtirilsin.

29. Oʻzbekiston Respublikasi Oliy sudi Plenumining “Jinoyat ishlari boʻyicha ashyoviy dalillarga oid qonunchilikni qoʻllashning ayrim masalalari toʻgʻrisida” 2012-yil 13-dekabrdagi 17-sonli qarori:

4-bandining ikkinchi xatboshisidagi “prokuror yoki” degan soʻzlar chiqarib tashlansin;

8-bandining ikkinchi xatboshisidagi “2004-yil 24-sentabrdagi” degan soʻzlar “2018-yil 24-avgustdagi” degan soʻzlar bilan almashtirilsin;

9-bandi ikkinchi xatboshisining ikkinchi kichik xatboshisidagi “giyohvandlik vositalari” degan soʻzlardan keyin “, ularning analoglari” degan soʻzlar bilan toʻldirilsin;

10-bandidagi “giyohvandlik vositalari” degan soʻzlardan keyin “, ularning analoglari” degan soʻzlar bilan toʻldirilsin;

12-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar va Toshkent shahar sudlari, Oʻzbekiston Respublikasi Harbiy sudi” degan soʻzlar bilan almashtirilsin.

30. Oʻzbekiston Respublikasi Oliy sudi Plenumining “Soliqlar va yigʻimlarni toʻlashdan boʻyin tovlaganlik uchun javobgarlikka oid qonunchilikning sudlar tomonidan qoʻllanilishi toʻgʻrisida” 2013-yil 31-maydagi 8-sonli qarori:

3-bandi quyidagi tahrirda bayon qilinsin:

“3. MJtK 174-moddasining birinchi qismi, JK 184-moddasining birinchi qismi dispozitsiyasi blanket (havolaki) boʻlib, shu sababli “daromadlar”, “foyda”, “soliq solinadigan obyektlar”, “soliqlar”, “yigʻimlar” kabi tushunchalar mazmunini aniqlash uchun qilmish sodir etilgan paytda amalda boʻlgan Oʻzbekiston Respublikasining Soliq kodeksi (bundan buyon matnda SK deb yuritiladi) normalaridan kelib chiqish lozim.

SK 17-moddasining birinchi qismiga muvofiq, soliqlarga quyidagilar kiradi:

1) qoʻshilgan qiymat soligʻi;

2) aksiz soligʻi;

3) foyda soligʻi;

4) jismoniy shaxslardan olinadigan daromad soligʻi;

5) yer qaʼridan foydalanganlik uchun soliq;

5¹) foydali qazilmalarni qazib olganlik uchun maxsus renta soligʻi;

6) suv resurslaridan foydalanganlik uchun soliq;

7) mol-mulk soligʻi;

8) yer soligʻi;

9) ijtimoiy soliq.

Oʻzbekiston Respublikasi hududida yigʻimlar ham belgilanishi mumkin. Yigʻimlarni joriy etish, hisoblab chiqarish va toʻlash tartibi SK hamda boshqa qonunchilik hujjatlari bilan belgilanadi.

Chet davlatlar avtotransport vositalarining Oʻzbekiston Respublikasi hududiga kirganligi va uning hududi orqali tranziti uchun yigʻimni hamda alkogol mahsulotlarini realizatsiya qilish huquqi uchun yigʻimlarni hisoblab chiqarish va toʻlash tartibi SK bilan tartibga solinadi”;

6-bandi quyidagi tahrirda bayon qilinsin:

“6. MJtK 174-moddasi, JK 184-moddasi boʻyicha javobgarlik kelib chiqishining zarur sharti — soliq yoki boshqa toʻlovlarni toʻlashdan boʻyin tovlashga nisbatan qasdning mavjudligi boʻlib, u harakatda ham, harakatsizlikda ham namoyon boʻlishi mumkin.

Foydani (daromadni) yoki soliq solinadigan boshqa obyektlarni (soliq bazasini) qasddan yashirish, kamaytirib koʻrsatish belgilari, jumladan, quyidagilar:

tovarlarni (xizmatlarni) realizatsiya qilishdan olingan tushum summasini hisobga olish registrlarida aks ettirmaslik;

tovarlar (xizmatlar) realizatsiya qilinganligidan dalolat beruvchi hujjatlarni almashtirish, soxtalashtirish yoki yoʻq qilish yoxud ularni tekshirish uchun taqdim etishni rad etish;

qalbaki birlamchi buxgalteriya hujjatlaridan foydalanish;

hisobda realizatsiya qilinmagan deb koʻrsatilgan tovarlarning omborda yoki realizatsiya qilish joyida mavjud emasligi;

rasmiylashtirilmagan (kirim qilinmagan) tovarlarni saqlash, ulardan foydalanish va realizatsiya qilish;

nazorat-kassa texnikasining fiskal xotirasi xizmati dasturiga noqonuniy ravishda oʻzgartirish kiritish;

foydalanilmagan moddiy xarajatlarni foydalanilgan deb, ishlab chiqarish hisobotiga qoʻshish;

tovarlarni sotish (xizmat koʻrsatish)dan olingan tushumni hisobot davridan keyingi davrga oʻtkazish (sotish hajmini va daromad (foyda)ni qasddan kamaytirish);

moddiy, yoqilgʻi-energetika resurslari xarajatlarini va amortizatsiya (eskirish) normasini sunʼiy ravishda oshirish yoki normativ (limit)larni notoʻgʻri qoʻllash;

ish beruvchi bilan mehnat munosabatlarida boʻlgan xodimlarning haqiqiy ish haqi summasi soliq hisobotida aks ettirilmaganligi;

mehnat faoliyatini amalga oshiruvchi xodimlarning soliq hisobotida aks ettirilmaganligi;

realizatsiya qilingan tovarlar qiymatini hisob hujjatlarida haqiqatda realizatsiya qilingan qiymatidan pasaytirilgan narxlar boʻyicha aks ettirish va h.k.

Sudlarga tushuntirilsinki, SK 223-moddasining toʻrtinchi qismi talabiga muvofiq, mehnat faoliyatini amalga oshiruvchi xodimlarning soliq hisobotida aks ettirilmaganligi yoki realizatsiya qilingan tovarlar qiymatini hisob hujjatlarida haqiqatda realizatsiya qilingan qiymatidan pasaytirilgan narxlar boʻyicha aks ettirish hollarida soliqqa oid huquqbuzarliklar boʻyicha yashirilgan soliq bazasi summasi oxirgi oʻn ikki oy uchun aniqlanadi.

MJtK 174-moddasi va JK 184-moddasida nazarda tutilgan huquqbuzarliklarga doir ishlar boʻyicha yuqorida qayd etilgan yoxud boshqa biror-bir belgisi aniqlanishidan tashqari, shaxsning qilmishida soliqlarni toʻlashdan boʻyin tovlashga nisbatan toʻgʻri qasd (JK 21-moddasi) mavjudligi isbotlangan boʻlishi shart”;

oʻzbek tili matnidagi 7-bandining birinchi xatboshisi quyidagi tahrirda bayon qilinsin:

“Soliqlarni toʻlashdan boʻyin tovlaganlik bilan bogʻliq jinoyat ishlari boʻyicha shuni eʼtiborga olish kerakki, agar soliq toʻlovchi subyektlarning gʻayriqonuniy harakatlari (harakatsizligi) JK 184-moddasi dispozitsiyasi bilan qamrab olinsa, nodavlat tijorat tashkilotida yoki boshqa nodavlat tashkilotida mansabdor shaxslar tomonidan oʻz vakolatlarini suiisteʼmol qilish jinoyati (JK 192¹¹-moddasi) va boshqaruv tartibiga qarshi jinoyatlar (JK 205 — 209, 227, 228-moddalari) uchun javobgarlikni nazarda tutuvchi moddalari bilan qoʻshimcha kvalifikatsiya qilish talab etilmaydi”;

8-bandining birinchi xatboshisi quyidagi tahrirda bayon qilinsin:

“Qonunga koʻra (SK 213-moddasi), shaxs quyidagi holatlardan loaqal bittasi mavjud boʻlgan taqdirda soliqqa oid huquqbuzarlik uchun maʼmuriy va jinoiy javobgarlikka tortilishi mumkin emas:

soliqqa oid huquqbuzarlik holatining mavjud emasligi (masalan, agar bir turdagi soliqlar uchun toʻlangan pul summasi boshqa turdagi soliqlar uchun toʻlanmagan summalar oʻrnini toʻliq qoplasa (SK 103 — 105-moddalari);

soliqqa oid huquqbuzarlik sodir etishda shaxsning aybi mavjud emasligi (masalan, qilmishning tabiiy ofat yoki boshqa favqulodda va bartaraf etib boʻlmaydigan holatlar oqibatida, shaxs tomonidan oʻz harakatlarini oʻzi idora etolmaydigan yoki boshqara olmaydigan kasallik holatida sodir etilgan boʻlsa va SK 215-moddasida nazarda tutilgan boshqa hollarda);

soliq organining yoki boshqa vakolatli organning (ushbu organ mansabdor shaxsining) soliqni (yigʻimni) hisoblab chiqarish, toʻlash tartibi toʻgʻrisida yoki soliq toʻgʻrisidagi qonunchilik qoʻllanilishining boshqa masalalari boʻyicha oʻz vakolatlari doirasida soliq toʻlovchiga (yigʻim toʻlovchiga, soliq agentiga) yoxud nomaʼlum doiradagi shaxslarga bergan yozma tushuntirishlari soliq toʻlovchi (yigʻim toʻlovchi, soliq agenti) tomonidan bajarilganligi;

soliq monitoringini oʻtkazish davrida soliq organining soliq toʻlovchiga (yigʻim toʻlovchiga, soliq agentiga) yuborilgan asoslantirilgan fikri soliq toʻlovchi (yigʻim toʻlovchi, soliq agenti) tomonidan bajarilganligi (SK 215-moddasi)”;

11-bandining uchinchi xatboshisidagi “Nazorat-kassa mashinalari fiskal xotirasi xizmati dasturiga” degan soʻzlar “Nazorat-kassa texnikasi fiskal xotirasi xizmati dasturiga” degan soʻzlar bilan almashtirilsin;

14-bandidagi “shaxsni ayblanuvchi tariqasida javobgarlikka tortish haqidagi qarorda” degan soʻzlar “shaxsni jinoyat ishida ayblanuvchi tariqasida ishtirok etishga jalb qilish toʻgʻrisidagi qarorda” degan soʻzlar bilan almashtirilsin;

15-bandidagi “soliq tekshiruvi dalolatnomasi,” degan soʻzlardan keyin “taftish natijalari toʻgʻrisidagi dalolatnoma,” degan soʻzlar bilan toʻldirilsin;

19¹-bandi birinchi xatboshisining birinchi kichik xatboshisidagi “, nazorat” degan soʻzlar chiqarib tashlansin;

20-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari va Oʻzbekiston Respublikasi Harbiy sudi” degan soʻzlar bilan almashtirilsin.

31. Oʻzbekiston Respublikasi Oliy sudi Plenumining “Bojxona toʻgʻrisidagi qonunchilikni buzish va kontrabandaga oid ishlar boʻyicha sud amaliyoti toʻgʻrisida” 2013-yil 6-sentabrdagi 18-sonli qarori:

4-bandining toʻrtinchi xatboshisi quyidagi tahrirda bayon qilinsin:

“transport vositasi (BK 13-moddasi toʻrtinchi qismida koʻrsatilgan transport vositalari bundan mustasno)”;

6-bandining ikkinchi xatboshisi chiqarib tashlansin;

7-bandidagi “ularni topishni qiyinlashtirish” degan soʻzlardan keyin “, bojxona nazoratidagi tovarlarni almashtirib qoʻyish” degan soʻzlar bilan toʻldirilsin;

13-bandining ikkinchi xatboshisidagi “shuningdek mulkiy ziyon yetkazilishi JK 182-moddasi ikkinchi qismi dispozitsiyasi bilan qamrab olinadi va tegishlicha JK 105, 109 va 173-moddalari bilan qoʻshimcha kvalifikatsiya qilinishini talab etmaydi” degan soʻzlar “shuningdek hokimiyat vakiliga qarshilik koʻrsatish JK 182-moddasi ikkinchi qismi dispozitsiyasi bilan qamrab olinadi va tegishlicha JK 105, 109, 173 va 219-moddalari bilan qoʻshimcha kvalifikatsiya qilinishini talab etmaydi” degan soʻzlar bilan almashtirilsin;

16-bandi quyidagi tahrirda bayon qilinsin:

“16. Shaxsning valyutani qonunga xilof ravishda bojxona chegarasida oʻtkazishda aybdorligi masalasini hal etishda sudlar shuni nazarda tutishi lozimki, Oʻzbekiston Respublikasiga erkin olib kiriladigan va olib chiqib ketiladigan naqd xorijiy va milliy valyuta miqdori quyidagilar:

Oʻzbekiston Respublikasining “Valyutani tartibga solish toʻgʻrisida”gi Qonuni;

Oʻzbekiston Respublikasi Vazirlar Mahkamasining 2018-yil 30-yanvardagi 66-sonli qarori bilan tasdiqlangan Jismoniy shaxslar tomonidan Oʻzbekiston Respublikasi naqd valyutasi va naqd chet el valyutasini Oʻzbekiston Respublikasining bojxona chegarasi orqali olib kirish va olib chiqib ketish qoidalari bilan belgilangan.

Shaxs tomonidan Oʻzbekiston Respublikasiga bir vaqtning oʻzida olib kiriladigan yoki olib chiqib ketiladigan naqd valyutaning faqat bir qismi deklaratsiya qilingan boʻlsa, shaxsning harakatlari naqd valyutaning deklaratsiya qilinmagan qismi miqdoridan kelib chiqqan holda kvalifikatsiya qilinadi”;

20-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar va Toshkent shahar sudlari, Oʻzbekiston Respublikasi Harbiy sudi” degan soʻzlar bilan almashtirilsin.

32. Oʻzbekiston Respublikasi Oliy sudi Plenumining “Tadbirkorlik faoliyati bilan bogʻliq ishlar boʻyicha sud amaliyotining ayrim masalalari toʻgʻrisida” 2013-yil 11-dekabrdagi 20-sonli qarori:

5-bandi:

ikkinchi xatboshisining oltinchi, yettinchi va toʻqqizinchi kichik xatboshilari chiqarib tashlansin;

ikkinchi xatboshisining sakkizinchi kichik xatboshisi tegishincha oltinchi kichik xatboshi deb hisoblansin;

7-bandi quyidagi tahrirda bayon qilinsin:

“7. Qonunga xilof ravishdagi tadbirkorlik faoliyati, odatda, tadbirkorlik faoliyatini quyidagi koʻrinishlarda amalga oshirishda ifodalanishi mumkin:

roʻyxatdan oʻtmasdan;

litsenziya, ruxsat etish xususiyatiga ega hujjat olmagan, vakolatli organni xabardor qilmagan holda;

ruxsat etish xususiyatiga ega hujjatni soxta hujjatlardan foydalanib olgan holda;

faoliyatni (harakatlarni) amalga oshirish uchun belgilangan talab va shartlar bajarilganligi toʻgʻrisida vakolatli organga yolgʻon yoki ishonchsiz maʼlumot taqdim etgan holda;

litsenziya shartlarini buzgan holda.

Roʻyxatdan oʻtmasdan qonunga xilof ravishda tadbirkorlik faoliyatini yuritish deganda, yuridik shaxslar davlat reyestrida va yakka tadbirkorlar davlat reyestrida bunday yuridik shaxs tuzilganligi yoki jismoniy shaxs tomonidan yakka tartibdagi tadbirkor maqomi olinganligi haqida yozuv mavjud boʻlmagan yoxud yuridik shaxs yoki jismoniy shaxsning yakka tartibdagi tadbirkor sifatidagi faoliyati tugatilganligi haqida yozuv mavjud boʻlgan holda tadbirkorlik faoliyatini amalga oshirish tushuniladi.

Litsenziyalash shartlarini buzgan holda qonunga xilof ravishda tadbirkorlik faoliyatini yuritish deganda, jumladan, ishlab chiqarilayotgan va realizatsiya qilinayotgan mahsulotga qoʻyiladigan talablarga rioya etmaslik (masalan, mahsulotning yaroqlilik muddati va ishlab chiqarilgan sanasini koʻrsatish majburiyligi toʻgʻrisidagi shartlar), litsenziyalanayotgan faoliyat turini amalga oshirishga nisbatan qoʻyilgan texnik talablarga rioya qilmaslik (masalan, oziq-ovqat mahsulotlarini ishlab chiqarish uchun zarur boʻlgan sanitariya-gigiyena sharoitlarining mavjud emasligi), faoliyatni litsenziyada koʻrsatilgan hududdan tashqarida amalga oshirish tushuniladi.

Sudlar “litsenziya”, “ruxsat etish xususiyatiga ega hujjat”, “vakolatli organni xabardor qilish” tushunchalarini aniqlashda Oʻzbekiston Respublikasining 2021-yil 14-iyuldagi “Litsenziyalash, ruxsat berish va xabardor qilish tartib-taomillari toʻgʻrisida”gi Qonuniga amal qilishlari lozim”;

oʻzbek tili matnidagi 8-bandining birinchi xatboshisidagi “ayirmagan” degan soʻz “ayirgan” degan soʻz bilan almashtirilsin;

9-bandi quyidagi tahrirda bayon qilinsin:

“9. Tushuntirilsinki, litsenziya olinishi lozim boʻlgan faoliyat bilan shugʻullanish huquqi litsenziya olingan paytdan yoki unda koʻrsatilgan muddatdan boshlab vujudga keladi va uning amal qilish muddati tugagandan soʻng, agar litsenziyada boshqa holat nazarda tutilmagan boʻlsa, shuningdek, litsenziya toʻxtatilgan, muddatidan ilgari tugatilgan yoki bekor qilingan hollarda tugatiladi.

“Litsenziyalash, ruxsat berish va xabardor qilish tartib-taomillari toʻgʻrisida”gi Qonunning 6-moddasiga koʻra, litsenziyalash sohasini davlat tomonidan tartibga solish Oʻzbekiston Respublikasi Vazirlar Mahkamasi va litsenziya beruvchi organlar (vazirliklar, idoralar, mahalliy davlat hokimiyati organlari) amalga oshiradilar”;

10-bandi chiqarib tashlansin;

12-bandidagi “oʻz faoliyatini roʻyxatdan oʻtkazmasdan yoki maxsus ruxsatnoma (litsenziya) olmasdan amalga oshirayotgan” degan soʻzlar “oʻz faoliyatini roʻyxatdan oʻtkazmasdan yoki litsenziyalanishi lozim boʻlgan faoliyat bilan litsenziyasiz shugʻullanayotgan” degan soʻzlar bilan almashtirilsin;

13-bandi quyidagi tahrirda bayon qilinsin:

“13. Litsenziyalanishi lozim boʻlgan faoliyat bilan litsenziyasiz shugʻullangan shaxs ayni paytda roʻyxatdan oʻtishdan ham boʻyin tovlasa uning harakatlari JK 188-moddasi bilan kvalifikatsiya qilinishi lozim boʻlib, JK 190-moddasi bilan qoʻshimcha kvalifikatsiya qilish talab etilmaydi.

Qonunga xilof ravishda tadbirkorlik faoliyati bilan shugʻullanganlikda va bunday faoliyat natijasida olingan daromaddan soliqlar yoki yigʻimlarni toʻlamaganlikda aybdor deb topilgan shaxsning harakatlari JK 188 yoki 190-moddasi bilan toʻliq qamrab olinadi va JK 184-moddasi bilan qoʻshimcha ravishda kvalifikatsiya qilinishini talab etmaydi.

Shaxs daromad olish maqsadi boʻla turib, JK boshqa moddalarida javobgarlik nazarda tutilgan noqonuniy faoliyat bilan (masalan, oʻqotar qurollar, oʻq-dorilar, portlovchi moddalar yoki portlovchi uskunalar, giyohvandlik vositalari, ularning analoglari yoki psixotrop moddalarni qonunga xilof ravishda oʻtkazish) shugʻullangan hollarda, uning qilmishi JK 188-moddasi bilan qoʻshimcha kvalifikatsiya qilinishini talab etmaydi”;

13³-bandi:

birinchi xatboshisidagi “Dastlabki tergov organlari va sudlar” degan soʻzlar “Surishtiruv, dastlabki tergov organlari va sudlar” degan soʻzlar bilan almashtirilsin;

ikkinchi xatboshisining birinchi kichik xatboshisidagi “, nazorat” degan soʻzlar chiqarib tashlansin;

13⁴-bandi:

birinchi xatboshisidagi “Jinoyat kodeksi 188, 189-moddalari birinchi yoki ikkinchi qismida nazarda tutilgan” degan soʻzlar “Jinoyat kodeksi 188, 189-moddalari birinchi qismlarida nazarda tutilgan” degan soʻzlar bilan almashtirilsin;

ikkinchi xatboshisidagi “Jinoyat kodeksi 188, 189-moddalari birinchi yoki ikkinchi qismida nazarda tutilgan” degan soʻzlar “Jinoyat kodeksi 188, 189-moddalari birinchi qismlarida nazarda tutilgan” degan soʻzlar bilan almashtirilsin;

13⁵-bandidagi “Jinoyat kodeksi 188, 189-moddalari birinchi yoki ikkinchi qismi bilan hukm qilingan shaxslar javobgarlikdan ozod qilingan hollarda” degan soʻzlar “Jinoyat kodeksi 188, 189-moddalari birinchi qismlari bilan hukm qilingan shaxslar javobgarlikdan ozod qilingan hollarda” degan soʻzlar bilan almashtirilsin;

15-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat va ularga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari va Oʻzbekiston Respublikasi Harbiy sudi” degan soʻzlar bilan almashtirilsin.

33. Oʻzbekiston Respublikasi Oliy sudi Plenumining “Sud hukmi toʻgʻrisida” 2014-yil 23-maydagi 07-sonli qarori:

3-bandining ikkinchi xatboshisidagi “giyohvandlik vositalari va portlovchi moddalarni tayyorlash bilan bogʻliq boʻlgan jinoyatni sodir etish usullarini batafsil yorituvchi” degan soʻzlar “giyohvandlik vositalari, ularning analoglari yoki psixotrop, portlovchi moddalarni tayyorlash bilan bogʻliq boʻlgan jinoyatni sodir etish usullarini batafsil yorituvchi” degan soʻzlar bilan almashtirilsin;

4-bandining ikkinchi xatboshisidagi “2004-yil 24-sentabrdagi” degan soʻzlar “2018-yil 24-avgustdagi” degan soʻzlar bilan almashtirilsin;

9-bandi:

birinchi xatboshisi quyidagi tahrirda bayon qilinsin:

“Jinoiy hodisa yuz bermaganligi sababli oqlov hukmi (JPK 83-modda 1-bandi) agarda sodir etilishida sudlanuvchi ayblanayotgan qilmish (hodisa) yuz bermagan boʻlsa yoxud nazarda tutilgan oqibat ziyon yetkazilgan shaxs tomonidan yoki kimning xohish istagi va ixtiyoridan boʻlishidan qatʼiy nazar, masalan, tabiatning taʼsir kuchi natijasida sodir etilsa chiqariladi”;

ikkinchi xatboshisining uchinchi kichik xatboshisidagi “kasb yoki xoʻjalik faoliyatiga bogʻliq asosli tavakkalchilik (JK 41-modda)” degan soʻzlardan keyin “, jismoniy yoki ruhiy majburlash yoxud qoʻrqitish (JK 41¹-modda)” degan soʻzlar bilan toʻldirilsin;

10-bandining toʻrtinchi xatboshisi quyidagi tahrirda bayon qilinsin:

“Jinoiy hodisa yuz bermaganligi yoki shaxsning jinoyat sodir etilishiga daxldor boʻlmaganligi sudlanuvchining qilmishida jinoyat tarkibi boʻlmaganligi tufayli oqlov hukmi chiqarilganda, sud fuqaroviy daʼvoni JPK 283 — 285-moddalari qoidalariga muvofiq hal etadi”;

13-bandining birinchi xatboshisi quyidagi tahrirda bayon qilinsin:

“Hukmning kirish qismida sud ishining raqami, hukm chiqarilgan vaqt va joy, hukmni chiqargan sudning nomi, sudning tarkibi, sud majlisining kotibi, taraflar, tarjimon koʻrsatiladi”;

30-bandining birinchi va ikkinchi xatboshilari quyidagi tahrirda bayon qilinsin:

“Ayblov hukmining qaror qismida JPK 468-moddasiga binoan sudlanuvchining familiyasi, ismi va otasining ismi, JKning uni aybli deb eʼtirof etishga asos boʻlgan moddasi (moddalari, moddaning qismi, bandi), sudlanuvchining oʻta xavfli retsidivist deb topilganligi (basharti sud shunday qaror qabul qilgan boʻlsa), sudlanuvchiga har bir jinoyati uchun tayinlangan jazo turi va meʼyori, uzil-kesil tayinlangan oʻtalishi lozim boʻlgan jazo chorasi, ozodlikdan mahrum etish jazo turi qoʻllanilganda jazoni oʻtash lozim boʻlgan tegishli tartibli koloniya turi; ozodlikni cheklash tariqasidagi jazoga hukm etilgan shaxs uchun belgilanadigan taqiqlar (cheklashlar); sudlanuvchi shartli ravishda hukm qilinganda, sinov muddati va mahkumning ustidan kuzatuv olib borish vazifasi yuklatilgan jamoa va shaxs; ushlab turilgan, qamoqda yoxud uy qamogʻi saqlangan vaqtni jazo muddati hisobiga kiritish toʻgʻrisida qaror; hukm qonuniy kuchga kirguniga qadar sudlanuvchiga nisbatan ehtiyot chorasiga oid qaror; mahkumning zimmasiga yuklatilgan majburiyatlar, JPK 533-moddasi asoslari boʻyicha hukmning ijrosini kechiktirish toʻgʻrisidagi qaror yoritilishi lozim.

Bundan tashqari, ayblov hukmining qaror qismida axloq tuzatish ishlari jazosini oʻtash joyi, jazo va sinov muddatlarini hisoblash, mahkumga nisbatan amnistiya aktini qoʻllashlik, qonunning tegishli normalariga binoan mahkumni jazodan ozod etish toʻgʻrisidagi qaror koʻrsatilishi zarur”;

31-bandidagi “va kassatsiya” degan soʻzlar chiqarib tashlansin;

32-bandining birinchi xatboshisidagi “shaxsning hukm chiqqunga qadar qamoqda boʻlgan vaqti” degan soʻzlar “shaxsning hukm chiqqunga qadar qamoqda boʻlgan va uy qamogʻi qoʻllanilgan vaqti” degan soʻzlar bilan almashtirilsin;

33-bandining toʻrtinchi xatboshisidagi “Raislik qiluvchi sudlanuvchiga va boshqa taraflarga hukmning mazmunini, hukm ustidan ular istagi boʻyicha apellyatsiya yoki kassatsiya tartibida shikoyat berish muddati va tartibini tushuntiradi” degan soʻzlar “Raislik qiluvchi sudlanuvchiga va boshqa taraflarga hukmning mazmunini, hukm ustidan apellyatsiya tartibida shikoyat berish muddati va tartibini tushuntiradi” degan soʻzlar bilan almashtirilsin.

34. Oʻzbekiston Respublikasi Oliy sudi Plenumining “Transport harakati va undan foydalanish xavfsizligiga qarshi jinoyatlar bilan bogʻliq ishlar yuzasidan sud amaliyotining ayrim masalalari toʻgʻrisida” 2015-yil 26-iyundagi 10-sonli qarori:

oʻzbek tili matnidagi 2-bandining sakkizinchi xatboshisidagi “Oʻzbekiston Respublikasi Vazirlar Mahkamasining 2008-yil 28-oktabrdagi 232-sonli qarori” degan soʻzlar “Oʻzbekiston Respublikasi Vazirlar Mahkamasining 2008-yil 23-oktabrdagi 232-sonli qarori” degan soʻzlar bilan almashtirilsin;

3-bandi quyidagi mazmundagi oltinchi xatboshi bilan toʻldirilsin:

“Oʻzbekiston Respublikasining samoviy hududi — davlatning mutlaq yurisdiksiyasidagi hududlar va suv hududlari”;

4-bandidagi “jumladan, temir yoʻl, suv va havo transporti, avtomobil transporti” degan soʻzlar “jumladan, temir yoʻl, dengiz, daryo, havo, avtomobil transporti” degan soʻzlar bilan almashtirilsin;

8-bandining birinchi xatboshisidagi “Jinoyat kodeksi 260 — 263, 266, 268, 269-moddalarida nazarda tutilgan jinoyatlarning zaruriy belgisi” degan soʻzlar “JK 260, 261 — 263, 266, 268, 269-moddalarida nazarda tutilgan jinoyatlarning zaruriy belgisi” degan soʻzlar bilan almashtirilsin;

10-bandining birinchi xatboshisidagi “Jinoyat kodeksi 260 — 262, 266, 268, 269-moddalarida nazarda tutilgan jinoyatlar” degan soʻzlar “JK 260, 261, 262, 266, 268, 269-moddalarida nazarda tutilgan jinoyatlar” degan soʻzlar bilan almashtirilsin;

11-bandining birinchi xatboshisidagi “JK 260, 262, 263, 263¹, 266, 268, 269-moddalari dispozitsiyalarida nazarda tutilgan” degan soʻzlar “JK 260, 260¹, 262, 263, 263¹, 266, 268, 269-moddalari dispozitsiyalarida nazarda tutilgan” degan soʻzlar bilan almashtirilsin;

oʻzbek tili matnidagi 13-bandining birinchi xatboshisidagi “XI bandi” degan soʻzlar “XI boʻlimi” degan soʻzlar bilan almashtirilsin;

21-bandi:

birinchi xatboshisidagi “giyohvandlik vositalari,” degan soʻzlardan keyin “ularning analoglari,” degan soʻzlar bilan toʻldirilsin;

birinchi xatboshisining birinchi kichik xatboshisidagi “giyohvandlik vositalari,” degan soʻzlardan keyin “ularning analoglari,” degan soʻzlar bilan toʻldirilsin;

uchinchi xatboshisidagi “giyohvandlik vositalari,” degan soʻzlardan keyin “ularning analoglari,” degan soʻzlar bilan toʻldirilsin;

22-bandining birinchi xatboshisidagi “giyohvandlik vositalari,” degan soʻzlardan keyin “ularning analoglari,” degan soʻzlar bilan toʻldirilsin;

26-bandining birinchi xatboshisidagi “JK 260, 262, 265-moddalarida” degan soʻzlar “JK 260, 260¹, 262, 265-moddalarida” degan soʻzlar bilan almashtirilsin.

35. Oʻzbekiston Respublikasi Oliy sudi Plenumining “Sudlanganlik holati tugallanishi va olib tashlanishiga oid qonunchilikni qoʻllash boʻyicha sud amaliyoti toʻgʻrisida” 2015-yil 18-sentabrdagi 13-sonli qarori:

2-bandi birinchi xatboshisining birinchi kichik xatboshisidagi “yoki nazorat” degan soʻzlar chiqarib tashlansin;

rus tili matnidagi 3-bandining ikkinchi xatboshisidagi “Ugolovno-pravovimi posledstviyami nalichiya sudimosti” degan soʻzlar “Ugolovno-pravovie posledstviya sudimosti” degan soʻzlar bilan almashtirilsin;

14-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari va Oʻzbekiston Respublikasi Harbiy sudi” degan soʻzlar bilan almashtirilsin.

36. Oʻzbekiston Respublikasi Oliy sudi Plenumining “Jinoyat natijasida yetkazilgan mulkiy ziyonni qoplashga oid qonunchilikni qoʻllash boʻyicha sud amaliyoti toʻgʻrisida” 2016-yil 27-dekabrdagi 26-sonli qarori 5-bandining uchinchi xatboshisidagi “FPK 249-moddasida nazarda tutilgan” degan soʻzlar “FPK 106-moddasida nazarda tutilgan” degan soʻzlar bilan almashtirilsin.

37. Oʻzbekiston Respublikasi Oliy sudi Plenumining “Jinoyat ishlari boʻyicha sud qarorlarini ijro etishga oid qonunlarni qoʻllash amaliyoti toʻgʻrisida” 2016-yil 27-dekabrdagi 27-sonli qarori:

2-bandining ikkinchi xatboshisi quyidagi tahrirda bayon qilinsin:

“Apellyatsiya shikoyati (protesti) bergan shaxs uni JPK 497¹⁰-moddasiga asosan chaqirib olgan hollarda, basharti boshqa shaxslar tomonidan berilgan apellyatsiya shikoyati yoki prokuror protesti boʻlmasa, hukm JPK 528-moddasining ikkinchi qismi qoidasiga koʻra, apellyatsiya ish yurituvi tugatilganligi toʻgʻrisida ajrim chiqarilgan kuni qonuniy kuchga kirgan hisoblanadi”;

3-bandining toʻqqizinchi xatboshisidagi “jarima,” degan soʻzlardan keyin “majburiy jamoat ishlari,” degan soʻzlar bilan toʻldirilsin;

5-bandining birinchi xatboshisi quyidagi tahrirda bayon qilinsin:

“JPK 533-moddasi ikkinchi qismiga muvofiq, sud hukmning jarima solishga oid qismi ijrosini olti oygacha kechiktirishga yoki boʻlib-boʻlib toʻlashni belgilashga haqli”;

6-bandining ikkinchi xatboshisidagi “surunkali ruhiy kasallikka chalingan” degan soʻzlar “ruhiy holati surunkali buzilgan” degan soʻzlar bilan almashtirilsin;

11-bandining ikkinchi xatboshisidagi “(JPK 528-moddasining uchinchi qismi)” degan soʻzlar “(JPK 528-moddasining toʻrtinchi qismi)” degan soʻzlar bilan almashtirilsin;

13-bandi:

2-kichik bandidagi “ayblov” degan soʻz chiqarib tashlansin;

14-kichik bandi quyidagi tahrirda bayon qilinsin:

“14) alkogolizmga, giyohvandlikka, zaharvandlikka yoʻliqqan yoxud aqli rasolikni istisno etmaydigan tarzda ruhiy holati buzilgan shaxslarga nisbatan tibbiy yoʻsindagi majburlov choralarini qoʻllash (JK 96-moddasi) toʻgʻrisidagi, agar sud asoslar mavjud boʻla turib, hukm chiqarish paytida ushbu masalani hal etmagan boʻlsa”;

15-bandining ikkinchi xatboshisidagi “, nazorat” degan soʻzlar chiqarib tashlansin;

18-bandining ikkinchi xatboshisidagi “(JPK 497-9-moddasi)” degan soʻzlar “(JPK 497¹¹-moddasi)” degan soʻzlar bilan almashtirilsin;

20-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyatlar va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari va Oʻzbekiston Respublikasi Harbiy sudi” degan soʻzlar bilan almashtirilsin.

38. Oʻzbekiston Respublikasi Oliy sudi Plenumining “Jazoni oʻtashdan muddatidan ilgari ozod qilish va jazoni yengilrogʻi bilan almashtirish boʻyicha sud amaliyoti toʻgʻrisida” 2016-yil 27-dekabrdagi 28-sonli qarori:

22-bandining birinchi xatboshisi quyidagi tahrirda bayon qilinsin:

“JK 75-moddasi birinchi qismiga muvofiq, shaxs hukm chiqarilgandan keyin oʻz harakatlarining ahamiyatini anglay olmaydigan va boshqara olmaydigan darajada ruhiy holati buzilganda, shuningdek, jazoni oʻtashga toʻsqinlik qiladigan boshqacha ogʻir kasallikka chalinib qolsa, jazoni oʻtashdan ozod qilinishi lozim”;

23-bandidagi “ruhiy kasallikka chalinganligi munosabati bilan” degan soʻzlar “ruhiy holati buzilganligi munosabati bilan” degan soʻzlar bilan, “Ruhiy kasallikka chalingan” degan soʻzlar “Ruhiy holati buzilgan” degan soʻzlar bilan almashtirilsin;

29-bandi quyidagi tahrirda bayon qilinsin:

“29. Sudlar shuni nazarda tutishlari lozimki, jazoni ijro etuvchi organ rahbari, shuningdek, uning vakili sudning JPK 534 yoki 536-moddasiga muvofiq chiqarilgan ajrimi ustidan apellyatsiya, kassatsiya tartibida shikoyat berish huquqiga ega emas, chunki qonunga (JPK 55¹, 56-boblari) koʻra, sud qarori ustidan shikoyat (protest) berish huquqi mahkumga, uning qonuniy vakiliga, advokatga, prokurorga, shuningdek, jabrlanuvchi va uning qonuniy vakiliga (vakiliga) tegishli”;

30-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyatlar va Toshkent shahar sudlari” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari va Oʻzbekiston Respublikasi Harbiy sudi” degan soʻzlar bilan almashtirilsin.

39. Oʻzbekiston Respublikasi Oliy sudi Plenumining “Giyohvandlik vositalari, ularning analoglari va psixotrop moddalar bilan qonunga xilof ravishda muomala qilishga oid jinoyat ishlari boʻyicha sud amaliyoti toʻgʻrisida” 2017-yil 28-apreldagi 12-sonli qarori:

rus tili matnidagi 4-bandining ikkinchi xatboshisidagi “v nebolshix razmerax” degan soʻzlar “v malix razmerax” degan soʻzlar bilan almashtirilsin;

oʻzbek tili matnidagi 17-bandining ikkinchi xatboshisidagi “Oʻzbekiston Respublikasining “Sud ekspertizasi toʻgʻrisida”gi 2010-yil 1-iyundagi ZRU 249-sonli Qonunining” degan soʻzlar “Oʻzbekiston Respublikasining 2010-yil 1-iyundagi “Sud ekspertizasi toʻgʻrisida”gi OʻRQ 249-sonli Qonunining” degan soʻzlar bilan almashtirilsin;

18-bandining birinchi xatboshisi quyidagi tahrirda bayon qilinsin:

“Giyohvandlik vositasi, ularning analoglari, psixotrop moddani muayyan miqdorga mansubligi masalasini hal etish surishtiruv, dastlabki tergov organlari va sudning vakolatiga tegishli boʻlib, ular bunda Oʻzbekiston Respublikasi Vazirlar Mahkamasining “Giyohvandlik vositalari, psixotrop moddalar va prekursorlarni Oʻzbekiston Respublikasi hududiga olib kirish, undan olib chiqish va tranzit tarzida oʻtkazish tartibini, shuningdek ularning muomalada boʻlishi yuzasidan nazoratni takomillashtirish toʻgʻrisida” 2015-yil 12-noyabrdagi 330-sonli qaroriga ilovalarda koʻrsatilgan miqdorlarga amal qilishlari zarur”;

oʻzbek tili matnidagi 21-bandining beshinchi xatboshisidagi “sotilib” degan soʻz “oʻtkazilib” degan soʻz bilan almashtirilsin;

36-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat, Toshkent shahar sudlari hamda Oʻzbekiston Respublikasi harbiy sudi” degan soʻzlar “Qoraqalpogʻiston Respublikasi sudi, viloyatlar va Toshkent shahar sudlari hamda Oʻzbekiston Respublikasi Harbiy sudi” degan soʻzlar bilan almashtirilsin.

40. Oʻzbekiston Respublikasi Oliy sudi Plenumining “Firibgarlikka oid ishlar boʻyicha sud amaliyoti toʻgʻrisida” 2017-yil 11-oktabrdagi 35-sonli qarori:

6-bandidagi “giyohvandlik vositasi” degan soʻzlardan keyin “, ularning analoglari” degan soʻzlar bilan toʻldirilsin;

9-bandining birinchi xatboshisidagi “Agar bitim, shartnoma shartlari bajarilmasa, qonunga koʻra (FK 2, 9, 24-boblari, FPK II boʻlimining 2-kichik boʻlimi, XPK 15-bobi) buzilgan huquq faqat fuqarolik ishlari boʻyicha sud yoki iqtisodiy sud tomonidan tiklanishi mumkin boʻlib, ularda majburiyatlar ijrosini taʼminlash uchun yetarli huquqiy vositalar mavjud” degan soʻzlar “Agar bitim, shartnoma shartlari bajarilmasa, qonunga koʻra (FK 2, 9, 24-boblari, FPK II boʻlimining 2-kichik boʻlimi, IPK 18-bobi) buzilgan huquq faqat fuqarolik yoki iqtisodiy ish yurituvi tartibida tiklanishi mumkin boʻlib, ularda majburiyatlar ijrosini taʼminlash uchun yetarli huquqiy vositalar mavjud” degan soʻzlar bilan almashtirilsin;

21-bandi quyidagi tahrirda bayon qilinsin:

“21. Xizmat mavqeyidan foydalanib firibgarlik sodir etganlik (JK 168-moddasi uchinchi qismi “v” bandi) uchun javobgarlik shaxs oʻz xizmat mavqeyidan faqat aldash yoki ishonchni suiisteʼmol qilish uchun foydalanib, oʻzganing mulkini yoki unga boʻlgan huquqni qoʻlga kiritish maqsadida oʻz xizmat vakolatlari doirasiga kirmaydigan harakatlarni (harakatsizlikni) amalga oshirgan hollardagina vujudga keladi”;

26-bandi quyidagi mazmundagi ikkinchi xatboshi bilan toʻldirilsin:

“Agar operativ-qidiruv tadbiri oʻtkazilishi natijasida ish boʻyicha moddiy zarar yetkazilishining oldi olingan boʻlsa, JK 168-moddasi beshinchi qismida nazarda tutilgan qoida qoʻllanilmaydi”;

29-bandidagi “Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyat va unga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari va Oʻzbekiston Respublikasi Harbiy sudi” degan soʻzlar bilan almashtirilsin.

41. Oʻzbekiston Respublikasi Oliy sudi Plenumining “Dalillar maqbulligiga oid jinoyat-protsessual qonuni normalarini qoʻllashning ayrim masalalari toʻgʻrisida” 2018-yil 24-avgustdagi 24-sonli qarori:

9-bandi “k” kichik bandining oltinchi xatboshisi quyidagi tahrirda bayon qinsin:

“JPK 90 — 93-moddalarida nazarda tutilgan boshqa, jumladan oʻta ogʻir jinoyatlar boʻyicha hodisa sodir boʻlgan joyni koʻzdan kechirish tarzidagi, tintuv, koʻrsatuvlarni hodisa sodir boʻlgan joyda tekshirish, tergov eksperimenti, shaxsni ushlash, himoyachidan voz kechish, shaxsni ushlash jarayonida oʻtkaziladigan shaxsiy tintuv va olib qoʻyish tarzidagi protsessual harakatlar videoyozuv vositalaridan foydalangan holda qayd etilishi shartligi toʻgʻrisidagi talablar bajarilmaganligi”;

14-bandining ikkinchi xatboshisidagi “har qanday bosqichida va sud majlisida arz qilinishi mumkin” degan soʻzlar “har qanday bosqichida, dastlabki eshituv va sud majlisida arz qilinishi mumkin” degan soʻzlar bilan almashtirilsin;

16-bandi quyidagi tahrirda bayon qilinsin:

“16. Qonun buzilishi natijasida olingan dalilni maqbul emas deb topishda surishtiruvchi, tergovchi, prokuror ishni sudga qadar yuritish bosqichida (JPK 46-bobi), birinchi instansiya sudi esa, dastlabki eshituv yoki sud tergovi davomida bunday qaror sabablarini koʻrsatgan holda, uni dalillar majmuidan chiqarish toʻgʻrisida qaror (ajrim) chiqarishi shart. Dalilning maqbulligiga oid masala maslahatxonasida (alohida xonada) kelib chiqqan taqdirda, sud dalilni maqbul emas deb topib, uni dalillar majmuidan chiqarish toʻgʻrisida asoslantirilgan qaror qabul qiladi va bu haqda ajrim, hukmning tavsif qismida koʻrsatadi. Apellyatsiya, kassatsiya instansiyasi sudining bu haqdagi qarori uning ajrimi (qarori) asoslantirish qismida bayon etiladi”.

42. Oʻzbekiston Respublikasi Oliy sudi Plenumining “Sudlar tomonidan maʼmuriy huquqbuzarlik toʻgʻrisidagi ishlarni koʻrishni tartibga soluvchi qonunlarni qoʻllashning ayrim masalalari toʻgʻrisida” 2018-yil 30-noyabrdagi 35-sonli qarori:

2-bandi quyidagi tahrirda bayon qilinsin:

“2. Jinoyat ishlari boʻyicha sudga (bundan buyon matnda sud deb yuritiladi) taalluqli boʻlgan maʼmuriy huquqbuzarlik toʻgʻrisidagi ishlar roʻyxati MJtK 245-moddasining birinchi qismida nazarda tutilgan.

Shuni nazarda tutish lozimki, MJtK 245-moddasining ikkinchi va uchinchi qismlariga asosan, jinoyat ishlari boʻyicha sudlarga quyidagi ishlar ham taalluqli:

huquqbuzar huquqbuzarlik faktini inkor etganda, har qanday maʼmuriy huquqbuzarlik toʻgʻrisidagi;

sodir etilgan maʼmuriy huquqbuzarlikning kam ahamiyatliligi sababli huquqbuzarni maʼmuriy javobgarlikdan ozod etish toʻgʻrisidagi;

huquqbuzarga nisbatan MJtK Maxsus qismi moddasining sanksiyasida nazarda tutilgan eng kam jazodan ham kamroq maʼmuriy jazo qoʻllash toʻgʻrisidagi;

yakka tartibdagi tadbirkorlar va (yoki) ularning xodimlari tomonidan tadbirkorlik faoliyatini amalga oshirish bilan bogʻliq ravishda sodir etilgan maʼmuriy huquqbuzarliklar toʻgʻrisidagi, tadbirkorlik subyektlari — yuridik shaxslar mansabdor shaxslari va (yoki) ularning xodimlari tomonidan tadbirkorlik faoliyatini amalga oshirish bilan bogʻliq ravishda sodir etilgan maʼmuriy huquqbuzarliklar toʻgʻrisidagi, bundan MJtK 60-moddasining ikkinchi, uchinchi va toʻrtinchi qismlarida, 60¹, 65, 68, 68¹, 99 (qurilish sohasida nazorat qilish inspeksiyasiga oid qismida) va 283-moddalarida nazarda tutilgan hollar mustasno;

bir nechta maʼmuriy huquqbuzarlik toʻgʻrisidagi, agar ulardan loaqal bittasi jinoyat ishlari boʻyicha sudga taalluqli boʻlsa;

qonun moddasi sanksiyasida jazo sifatida maxsus huquqdan mahrum etish, ashyolarni musodara qilish yoki haqini toʻlash sharti bilan olib qoʻyish jazosi nazarda tutilgan maʼmuriy huquqbuzarliklar toʻgʻrisidagi”;

5-bandi quyidagi tahrirda bayon qilinsin:

“5. Qonunga muvofiq maʼmuriy huquqbuzarlik toʻgʻrisidagi ish ushbu huquqbuzarlik sodir etilgan joyda koʻrib chiqiladi. Shuni nazarda tutish lozimki, MJtK 304-moddasining ikkinchi qismida koʻrsatilgan maʼmuriy huquqbuzarliklar toʻgʻrisidagi ishlar transport vositalari roʻyxatga olingan joyda, MJtK 187-moddasida nazarda tutilgan maʼmuriy huquqbuzarliklar toʻgʻrisidagi ishlar esa, shunday huquqbuzarliklar sodir etilgan joyda yoki huquqbuzarning istiqomat joyida koʻrib chiqiladi”;

6-bandidagi “(MJtK 305-moddasining ikkinchi qismi)” degan soʻzlar “(MJtK 305-moddasining ikkinchi, uchinchi qismlari, 313⁴-moddasining birinchi qismi)” degan soʻzlar bilan almashtirilsin;

9-bandining uchinchi xatboshisidagi “ichki ishlar organi xodimining” degan soʻzlardan keyin “yoki Milliy gvardiya harbiy xizmatchisining (xodimining)” degan soʻzlar bilan toʻldirilsin.

43. Oʻzbekiston Respublikasi Oliy sudi Plenumining “Sud muhokamasi oshkoraligini va sudlar faoliyatiga doir axborot olish huquqini taʼminlash toʻgʻrisida” 2020-yil 21-fevraldagi 04-sonli qarori:

8-bandining toʻrtinchi xatboshisi quyidagi tahrirda bayon qilinsin:

“Yopiq sud majlisini videokonferensaloqa rejimida oʻtkazishga yoʻl qoʻyilmaydi, bunday majlisda audio- va videoyozuv amalga oshirilmaydi. Sudlanuvchining himoyachidan voz kechganligi video tasvirga olingan hollar bundan mustasno”;

31-bandi quyidagi tahrirda bayon qilinsin:

“31. Oʻzbekiston Respublikasi Oliy sudining sudlov hayʼatlari, Qoraqalpogʻiston Respublikasi sudi, viloyatlar va Toshkent shahar sudlari raislari har chorakda ishlarning tegishlicha apellyatsiya va kassatsiya tartibida koʻrilishi yuzasidan har chorakda sud obzorlarining chop etilishini taʼminlasinlar”.

44. Oʻzbekiston Respublikasi Oliy sudi Plenumining “Jismoniy va yuridik shaxslar huquqlari va qonuniy manfaatlarini sud orqali himoya qilish toʻgʻrisida” 2020-yil 3-iyuldagi 11-sonli qarori:

7-bandi quyidagi tahrirda bayon etilsin:

“7. Kassatsiya instansiyasi sudiga qonunda nazarda tutilgan hollarda murojaat qilganda, shikoyatga davlat boji va pochta xarajatlari toʻlanganligini tasdiqlovchi hujjatlar ilova qilinishi lozim”;

9-bandi quyidagi tahrirda bayon qilinsin:

“9. Tushuntirilsinki, ishni birinchi instansiya sudida koʻrishda raislik qilgan sudya murojaatlarni oʻz vaqtida roʻyxatga olish, ishlarni rasmiylashtirish va apellyatsiya instansiyasi sudiga yuborish muddatlariga rioya etilishi va protsess ishtirokchilarini ishni apellyatsiya instansiyasi sudiga yuborilganligi toʻgʻrisida xabardor qilish uchun shaxsan masʼuldir. Bunda eʼtibor shunga qaratilsinki, ishni apellyatsiya instansiyasi sudida koʻrish vaqti va joyi haqida protsess ishtirokchilarini xabardor qilish masʼuliyati ish boʻyicha maʼruzachi boʻlgan sudyaga yuklanadi”.

45. Oʻzbekiston Respublikasi Oliy sudi Plenumining “Jinoyat sabablari va ular sodir etilishiga imkon bergan shart-sharoitlarni aniqlash boʻyicha sudlar rolini oshirish toʻgʻrisida” 2020-yil 19-dekabrdagi 34-sonli qarori:

11-bandining birinchi xatboshisidagi “Viloyatlar va ularga tenglashtirilgan sudlarga” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari, shuningdek Oʻzbekiston Respublikasi Harbiy sudiga” degan soʻzlar bilan almashtirilsin;

15-bandining birinchi xatboshisidagi “Viloyatlar va ularga tenglashtirilgan sudlar” degan soʻzlar “Qoraqalpogʻiston Respublikasi sudi, viloyatlar, Toshkent shahar sudlari, shuningdek Oʻzbekiston Respublikasi Harbiy sudi” degan soʻzlar bilan almashtirilsin.

46. Oʻzbekiston Respublikasi Oliy sudi Plenumining “Sudlar tomonidan jinoyat ishlarini apellyatsiya tartibida koʻrish amaliyoti toʻgʻrisida” 2021-yil 20-apreldagi 13-sonli qarori:

6-bandi uchinchi xatboshisining 3-kichik bandidagi “hukm chiqargan sudning nomi,” degan soʻzlardan keyin “sud ishining raqami,” degan soʻzlar bilan toʻldirilsin;

oʻzbek tili matnidagi 14-bandining ikkinchi xatboshisidagi “JPK 55-bobida” degan soʻzlar “JPK 55²-bobida” degan soʻzlar bilan almashtirilsin;

35-bandi:

quyidagi mazmundagi uchinchi xatboshi bilan toʻldirilsin:

“Agar marhumning yaqin qarindoshlaridan birortasi jinoyat ishi JPK 84-moddasi birinchi qismi 3-bandiga asosan tugatilishiga eʼtiroz bildirsa, jinoyat ishini yuritish umumiy tartibda olib boriladi”;

uchinchi xatboshisi tegishincha toʻrtinchi xatboshi deb hisoblansin.