T/r

Chora-tadbirlar nomi

Amalga oshirish mexanizmi

Ijro muddati

Masʼul ijrochilar

1.

Ijtimoiy reyestrni yuritish va oilalarni toifalarga ajratish tartibini belgilash.

Quyidagilarni nazarda tutuvchi normativ-huquqiy hujjat loyihasini ishlab chiqib, Vazirlar Mahkamasiga kiritish:

(a) Ijtimoiy reyestrni yuritish, unga oilalarni kiritish, toifalarga ajratish, har bir oila boʻyicha individual rejalarni ishlab chiqish va tasdiqlash;

(b) “mahalla yettiligi”ning oilalarni Ijtimoiy reyestrga kiritishdagi vazifalari;

(v) Ijtimoiy reyestrga kiritilgan oilalarga bolalar nafaqasi va moddiy yordam tayinlash va toʻlash;

(g) oilalarni Ijtimoiy reyestrga kiritish, toifalarga ajratish va undan chiqarishga doir masalalar yuzasidan nizolarni sudgacha hal qilish.

2026-yil fevral

Ijtimoiy himoya milliy agentligi,

Kambagʻallikni qisqartirish va bandlik vazirligi,

Iqtisodiyot va moliya vazirligi,

Oʻzbekiston mahallalari uyushmasi,

Adliya vazirligi

2.

Ijtimoiy reyestrga kiritilgan oilalarga taqdim etiladigan davlat ijtimoiy qoʻllab-quvvatlash choralari koʻlamini kengaytirish.

Ijtimoiy reyestrga kiritilgan oilalarga quyidagi yangi moliyaviy instrumentlarni taqdim etish tartibini belgilovchi normativ-huquqiy hujjat loyihasini Vazirlar Mahkamasiga kiritish:

(a) har yili mehnat qilish imkoniyati cheklangan va nogironligi boʻlgan oila aʼzosi bor 1000 tagacha “davlat taʼminotidagi oila” toifasidagi oilalar xonadoniga quvvati 7 — 10 kVtgacha boʻlgan quyosh panellarini oʻrnatish uchun Kambagʻallikni qisqartirish davlat maqsadli jamgʻarmasidan bazaviy hisoblash miqdorining 100 baravarigacha subsidiya ajratish;

(b) “davlat taʼminotidagi oila” toifasidagi oilalarga Oilaviy tadbirkorlikni rivojlantirish dasturi doirasida 4 yilgacha muddatga bazaviy hisoblash miqdorining 75 baravarigacha miqdorda bir yillik imtiyozli davr bilan kredit ajratish;

(v) mazkur bandning “a” va “b” kichik bandlarida nazarda tutilgan moliyaviy instrumentlarning hududlar kesimidagi taqsimotini Kambagʻallikni qisqartirish davlat maqsadli jamgʻarmasi vasiylik kengashi tomonidan tasdiqlash;

(g) nogironligi boʻlgan shaxslarga ularning bandligini taʼminlash uchun Bandlikka koʻmaklashish davlat jamgʻarmasidan 3 yilgacha boʻlgan muddatga olti oylik imtiyozli davr bilan bazaviy hisoblash miqdorining 75 baravarigacha miqdorda ssuda ajratish.

2026-yil mart

Kambagʻallikni qisqartirish va bandlik vazirligi,

Markaziy bank,

Ijtimoiy himoya milliy agentligi,

Iqtisodiyot va moliya vazirligi

3.

Oilalarni Ijtimoiy reyestrdan chiqarishda davlat organlari va mahalliy ijro etuvchi hokimiyat organlari xodimlarining masʼuliyatini oshirish.

Qonunchilik hujjatlariga quyidagilarni nazarda tutuvchi oʻzgartirish va qoʻshimchalar kiritish boʻyicha normativ-huquqiy hujjat loyihasini Vazirlar Mahkamasiga kiritish:

(a) oilalarni Ijtimoiy reyestrdan chiqarish boʻyicha individual rejalarning bajarilishi holati — tuman (shahar) hokimining birinchi oʻrinbosari hamda hokim yordamchilarining;

(b) oilalarning ishsiz deb eʼtirof etilgan aʼzolarining bandligini taʼminlash — hokim yordamchisining;

(v) oilalar aʼzolarining norasmiy bandligini legallashtirish — “mahalla yettiligi”dagi soliq inspektori faoliyatining eng muhim samaradorlik koʻrsatkichlaridan biri sifatida belgilash.

2026-yil mart

Boshqaruv samaradorligi agentligi,

Adliya vazirligi,

Kambagʻallikni qisqartirish va bandlik vazirligi,

Soliq qoʻmitasi,

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari

4.

Qoraqalpogʻiston Respublikasi, viloyatlar va Toshkent shahri, tuman (shahar) tashkilotlarining rahbarlari va ularning oʻrinbosarlarini Ijtimoiy reyestrning “davlat taʼminotidagi oila” toifasiga kiritilgan oilalarga biriktirish.

1. Tuman (shahar), mahalla kesimida rahbarlar va ularning oʻrinbosarlari biriktiriladigan “davlat taʼminotidagi oila” toifasidagi oilalar roʻyxatini shakllantirish.

2026-yil mart

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari

2. Rahbarlar va ularning oʻrinbosarlarini 5 tadan “davlat taʼminotidagi oila” toifasidagi oilalarga biriktirish.

2026-yil aprel

3. 6 oydan soʻng ushbu rahbarlarga yana 5 tadan “davlat taʼminotidagi oila” toifasidagi oilalarga biriktirish.

Har 6 oyda

5.

Oilalarni Ijtimoiy reyestrga kiritishda oilaning band boʻlmagan yoki norasmiy band boʻlgan mehnatga layoqatli aʼzolarini ishsiz deb eʼtirof etish tartibini joriy etish.

“Aholi bandligi toʻgʻrisida”gi Oʻzbekiston Respublikasining Qonuniga Ijtimoiy reyestrda bandligi taʼminlanmagan mehnatga layoqatli aʼzolarini ishsiz deb topish hamda norasmiy band boʻlgan mehnatga layoqatli aʼzolariga norasmiy band maqomini belgilashni nazarda tutuvchi oʻzgartirish va qoʻshimchalar kiritish toʻgʻrisidagi qonun loyihasini Vazirlar Mahkamasiga kiritish.

2026-yil aprel

Kambagʻallikni qisqartirish va bandlik vazirligi,

Soliq qoʻmitasi,

Ijtimoiy himoya milliy agentligi

6.

Ijtimoiy reyestrga kiritilgan oilalarga davlat ijtimoiy qoʻllab-quvvatlash choralarini taqdim etish maqsadida vazirlik va idoralarning axborot tizimlarini integratsiya qilish.

1. “Yagona milliy ijtimoiy himoya” axborot tizimining (keyingi oʻrinlarda — “YAMIH” AT) tegishli axborot modulida oilalarning norasmiy band sifatida koʻrsatilgan aʼzolari toʻgʻrisidagi maʼlumotlar “Raqamli hukumat” tizimi idoralararo integratsiyalashuv platformasi orqali Kambagʻallikni qisqartirish va bandlik vazirligi hamda Soliq qoʻmitasining tegishli axborot tizimlariga taqdim etilishini yoʻlga qoʻyish.

2026-yil fevral

Ijtimoiy himoya milliy agentligi,

Kambagʻallikni qisqartirish va bandlik vazirligi,

Soliq qoʻmitasi

2. “YAMIH” ATni uning tegishli axborot modulida oilalarga tomorqa yer va (yoki) dehqon xoʻjaligini yuritishdan olinadigan bir oylik normativ daromadni hisoblash uchun har bir mahalla uchun xalq deputatlari tuman (shahar) kengashlari tomonidan tasdiqlangan yer soligʻi koeffitsiyentlari toʻgʻrisidagi maʼlumotlarni olish maqsadida Soliq qoʻmitasining tegishli axborot tizimlari bilan integratsiya qilish.

Soliq qoʻmitasi,

Ijtimoiy himoya milliy agentligi

3. Ijtimoiy reyestrga kiritilgan oilalarning daromadlarini aniqlash maqsadida zarur boʻlgan quyidagi maʼlumotlarni olish uchun “YAMIH” ATni Soliq qoʻmitasining “Yagona elektron shartnomalar” axborot portali bilan integratsiya qilish:

(a) oilaning xonadonida oʻrnatilgan qayta tiklanuvchi energiya manbalari qurilmalari ishlab chiqargan elektr energiyasi uchun har oyda toʻlangan subsidiya miqdori;

(b) oilaning koʻchmas mulki (uning bir qismi) ijarasidan olinayotgan daromad miqdori.

Soliq qoʻmitasi,

Ijtimoiy himoya milliy agentligi

4. Ijtimoiy reyestrga kirish istagida boʻlgan oilaning ijtimoiy holatini belgilash uchun zarur boʻlgan quyidagi maʼlumotlarni olish maqsadida “YAMIH” ATni Sogʻliqni saqlash vazirligining tegishli axborot tizimlari bilan integratsiya qilish:

(a) ruhiy kasalliklar, narkologiya va sil kasalliklari dispanserlarida roʻyxatda turuvchi fuqarolar toʻgʻrisida;

(b) onkologik kasallikka chalingan fuqarolar toʻgʻrisida;

(v) gematologiya, immunologiya, jigar, buyrak yetishmovchiligi va boshqa ogʻir kasallikka chalingan fuqarolar toʻgʻrisida.

2026-yil mart

Sogʻliqni saqlash vazirligi,

Ijtimoiy himoya milliy agentligi

5. Nogironligi boʻlgan shaxslar uchun zaxiralangan boʻsh ish oʻrinlari haqidagi maʼlumotlarni shakllantirib borish maqsadida “Yagona milliy mehnat tizimi” idoralararo dasturiy apparat kompleksini “YAMIH” AT bilan integratsiya qilish.

2026-yil mart

Kambagʻallikni qisqartirish va bandlik vazirligi,

Ijtimoiy himoya milliy agentligi

7.

Nogironligi boʻlgan shaxslarning bandligini taʼminlash boʻyicha samaradorlikni oshirish.

Nogironligi boʻlgan shaxslarning bandligini taʼminlashga koʻmaklashish, ularga soliq sohasida koʻrsatilgan qoʻllab-quvvatlash choralari samaradorligi va natijadorligini tahlil qilib borish maqsadida:

Soliq qoʻmitasi,

Ijtimoiy himoya milliy agentligi

(a) Ijtimoiy himoya milliy agentligi tomonidan toʻgʻridan-toʻgʻri integratsiya orqali ishlash istagida boʻlgan nogironligi boʻlgan shaxslarga oid maʼlumotlarni “my3.soliq.uz” elektron soliq xizmatlari portalidagi tadbirkorlik subyektlari uchun moʻljallangan sahifada eʼlon qilib borishni taʼminlash;

2026-yil may

(b) nogironligi boʻlgan shaxslar va ularni ish bilan taʼminlagan tadbirkorlik subyektlari toʻgʻrisidagi maʼlumotlarni Soliq qoʻmitasi tomonidan Ijtimoiy himoya milliy agentligiga toʻgʻridan-toʻgʻri integratsiya orqali taqdim etib borish.

2026-yil iyul