T/r

Ijtimoiy yordam nomi*

Ijtimoiy yordamni taqdim etish davriyligi

Ijtimoiy yordam miqdori

Ijtimoiy yordamni taqdim etishning talab va shartlari**

I. “Yoshlar daftari” jamg‘armasi mablag‘lari hisobidan ko‘rsatiladigan ijtimoiy yordamlar

1.

Kamida 3 nafar yoshlarning bandligi va ijtimoiy faolligini ta’minlashga qaratilgan ijtimoiy loyihalarni moliyalashtirish uchun grant ajratish.

Bir yilda bir marta

Bazaviy hisoblash miqdorining

(keyingi o‘rinlarda — BHM) 60 baravarigacha

1. Grant ajratiladigan ijtimoiy loyihalar har bir mahalladagi yoshlar yetakchisi tomonidan shakllantiriladi.

2. Har yili tuman (shahar)dagi har bir mahallaga bittadan ijtimoiy loyiha uchun grant mablag‘lari ajratiladi.

3. Mazkur grant tanlov asosida aniqlangan jismoniy shaxslar va nodavlat tashkilotlarga taqdim etiladi. Bunda tanlovni o‘tkazish va ijtimoiy loyihalarni amalga oshiruvchi shaxslarni tanlash tuman (shahar) hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari rahbarligidagi komissiya tomonidan amalga oshiriladi.

4. Grant mablag‘lari:

jismoniy shaxslarga loyiha uchun zarur asbob-uskuna, jihozlar, xomashyo yoki xizmatlar xarid qilib berish orqali ajratiladi;

nodavlat tashkilotlarning hisobvaraqlariga shartnomaga muvofiq o‘tkazib beriladi.

2.

Nogironligi bo‘lgan yoshlarning parasport to‘garaklariga qatnashishi uchun yo‘lkira xarajatlarini qoplash.

Har oyda

BHMning 1 baravaridan ko‘p bo‘lmagan miqdorda

1. Mazkur yordam Ijtimoiy reyestrga kiritilgan oilalarning nogironligi bo‘lgan 14 — 30 yoshdagi a’zolari uchun ajratiladi.

2. Ijtimoiy reyestrga kiritilgan oilalarning nogironligi bo‘lgan a’zolari haqiqatda parasport to‘garaklariga qatnashishi Sport vazirligining “ERP-sport” axborot tizimi orqali monitoring qilib boriladi.

3. Mazkur yordam mablag‘lari yo‘nalishsiz taksi xizmatlarini ko‘rsatuvchi tadbirkorlik subyektlariga shartnoma asosida o‘tkazib beriladi.

3.

6 oy davomida muntazam sport va san’at to‘garaklariga qatnashayotgan yoshlar uchun maxsus sport formasi, inventar yoki musiqa va cholg‘u asboblarini xarid qilish.

Bir marta

BHMning 10 baravaridan ko‘p bo‘lmagan miqdorda

Mazkur yordam doirasida tegishli buyum yoki instrument Ijtimoiy reyestrga kiritilgan oilalarning 14 — 20 yoshdagi a’zolarining talabnomalariga muvofiq mablag‘ ajratuvchi tomonidan xarid qilib beriladi.

4.

Jarrohlik amaliyotisiz davolanish va jarrohlik amaliyoti xarajatlarini qoplash.

Bir yilda bir marta

Jarrohlik amaliyotisiz davolanish uchun — BHMning 50 baravarigacha

Jarrohlik amaliyotini o‘tkazish uchun — Davlat tibbiy sug‘urtasi jamg‘armasi tomonidan qoplanishi belgilangan bazaviy narxlar doirasida

1. Mazkur yordam Ijtimoiy reyestrga kiritilgan oilalar hamda oylik daromadi oila a’zolarining har biriga minimal iste’mol xarajatlari miqdorining 2 baravarigacha bo‘lgan oilalarning*** 14 — 30 yoshdagi a’zolariga taqdim etiladi.

2. Mazkur yordamni ko‘rsatish bo‘yicha mablag‘lar Davlat tibbiy sug‘urtasi jamg‘armasiga o‘tkazib beriladi. Bunda:

yordam ko‘rsatiladigan shaxsni jarrohlik amaliyotisiz davolash yoki jarrohlik amaliyotini o‘tkazish Davlat tibbiy sug‘urtasi jamg‘armasi tomonidan qonunchilikda belgilangan tartibda tanlangan hamda shartnoma tuzilgan tibbiyot tashkiloti (davlat yoki nodavlat) tomonidan amalga oshiriladi;

yordam ko‘rsatiladigan shaxsni jarrohlik amaliyotisiz davolash yoki jarrohlik amaliyoti o‘tkazilganidan so‘ng Davlat tibbiy sug‘urtasi jamg‘armasining talabnomasiga muvofiq tegishli xarajatlarni moliyalashtirish uchun mablag‘lar jamg‘armaga o‘tkaziladi;

Davlat tibbiy sug‘urtasi jamg‘armasi ijro etuvchi apparati tomonidan tegishli mablag‘lar tibbiyot tashkilotiga o‘tkazib beriladi;

Davlat tibbiy sug‘urtasi jamg‘armasi ijro etuvchi apparati tomonidan “Yoshlar daftari” jamg‘armasi mablag‘lari hisobidan tibbiyot tashkilotlariga o‘tkazilgan mablag‘lar bo‘yicha alohida hisob-kitob yuritiladi.

5.

Avtomototransport vositalari haydovchilik guvohnomasining “A”, “B”, “D” va “DE” toifalarini olish bo‘yicha o‘quv kursi xarajatlarini qoplash uchun subsidiya ajratish.

Bir marta

BHMning 8 baravarigacha

1. Mazkur subsidiya Ijtimoiy reyestrga kiritilgan oilalarning qonunchilikda belgilangan tartibda o‘quv kurslarida qatnashish huquqini beruvchi yoshga to‘lgan, biroq 30 yoshdan oshmagan a’zolari uchun ajratiladi.

2. Mazkur subsidiyaning 50 foizi o‘quv kursi boshlanishida, qolgan qismi milliy haydovchilik guvohnomasi olinganidan so‘ng hamda ijtimoiy shartnomaning shartlarini bajarish darajasidan kelib chiqib to‘lab beriladi.

3. Subsidiya to‘lovlarining 50 foizi avtomototransport vositalari haydovchilarini tayyorlash o‘quv kursini tashkil qilgan davlat va nodavlat ta’lim tashkilotlariga shartnoma asosida, qolgan 50 foizi shartnoma shartlariga ko‘ra ta’lim tashkilotiga o‘tkazib beriladi yoki fuqaroga to‘lab beriladi.

6.

Kasbiy va oliy ta’lim tashkilotlari o‘quvchi-talabalarining to‘lov-kontrakt summasini to‘lab berish.****

-

To‘lov-kontrakt summasining 50 foizgacha qismi miqdorida, biroq BHMning 50 baravaridan ko‘p bo‘lmagan miqdorda

1. Mazkur yordam Ijtimoiy reyestrga kiritilgan oilalarning 30 yoshdan oshmagan kasbiy ta’lim, bakalavriat va magistraturaning kunduzgi yo‘nalishida ta’lim olayotgan o‘quvchi-talaba a’zolariga beriladi.

2. To‘lov-kontrakt summasi o‘quvchi-talaba bilan tuzilgan ijtimoiy shartnoma shartlarini bajarish darajasidan kelib chiqib to‘lanadi.

7.

Ijtimoiy himoyaga muhtoj yosh oilalarga turarjoy ijarasi uchun kompensatsiya to‘lash.

12 oydan ko‘p bo‘lmagan muddatga

Har oyda, ijara to‘lovlarining 50 foizi, biroq BHMning 2 baravarigacha

(Toshkent va Nukus shaharlari hamda viloyatlar markazlarida BHMning 3 baravarigacha)

1. Mazkur kompensatsiya Ijtimoiy reyestrga kiritilgan yosh oilalarga ajratiladi.

2. Mazkur kompensatsiya soliq organlarida hisobga qo‘yilgan ijara shartnomasiga muvofiq ajratiladi.

3. Ijara uchun kompensatsiya summasi ijara to‘lovining ikkinchi oyidan boshlab tuzilgan ijtimoiy shartnoma shartlari bajarilishi darajasidan kelib chiqib to‘lanadi.

8.

Yoshlarning tadbirkorlik, an’anaviy va zamonaviy kasblarni egallash, axborot texnologiyalarini o‘rganish va xorijiy tillarga o‘qitish bo‘yicha o‘quv kurslarida o‘qish xarajatlari uchun subsidiya ajratish.****

6 oydan ko‘p bo‘lmagan muddatga

Har oyda, BHMning 4 baravarigacha

1. Mazkur yordam Ijtimoiy reyestrga kiritilgan oilalarning 14 — 30 yoshdagi a’zolari uchun ajratiladi.

2. Har oylik subsidiyalar miqdori o‘tgan oyda subsidiya olgan shaxs tomonidan ijtimoiy shartnoma shartlarini bajarish darajasidan kelib chiqib belgilanadi va to‘lov amalga oshiriladi.

3. Tegishli mablag‘lar o‘quv kurslarini tashkil etgan ta’lim tashkilotlari bilan tuzilgan shartnomaga muvofiq o‘tkaziladi.

9.

Ijtimoiy himoyaga muhtoj iqtidorli yoshlarning ilm-fan, sport, san’at va madaniyat yo‘nalishlaridagi o‘quv kurslari uchun subsidiya ajratish.****

6 oydan ko‘p bo‘lmagan muddatga

Har oyda, BHMning 1 baravarigacha

1. Mazkur yordam Ijtimoiy reyestrga kiritilgan oilalarning 14 — 30 yoshdagi a’zolari uchun ajratiladi.

2. Har oylik subsidiyalar miqdori o‘tgan oyda subsidiya olgan shaxs tomonidan ijtimoiy shartnoma shartlarini bajarish darajasidan kelib chiqib belgilanadi va to‘lov amalga oshiriladi.

3. Tegishli mablag‘lar o‘quv kurslarini tashkil etgan ta’lim tashkilotlari bilan tuzilgan shartnomaga muvofiq o‘tkaziladi.

10.

Yoshlarning ilm-fan, sport, san’at va madaniyat yo‘nalishlaridagi olimpiada, tanlov va musobaqalarda qatnashish xarajatlari uchun subsidiya berish.****

Bir yilda bir marta

Mahalliy bosqichdagi tadbirlar uchun BHMning 4 baravarigacha

Xalqaro bosqichdagi tadbirlar uchun BHMning 40 baravarigacha

Mazkur subsidiya Ijtimoiy reyestrga kiritilgan oilalarning 14 — 30 yoshdagi a’zolari uchun ajratiladi.

11.

Yoshlarga ta’lim, madaniyat va san’at, sport, axborot texnologiyalari sohasiga va fanlarni o‘qitishga ixtisoslashgan nodavlat ta’lim tashkilotining noturar joy ijarasi yoki zarur jihozlar bilan ta’minlash xarajatlarini qoplash.

Bir marta

BHMning 50 baravarigacha

1. Mazkur yordam chekka va olis hududlardagi qishloq joylarda tashkil etilgan ixtisoslashgan nodavlat ta’lim tashkilotlariga tatbiq etiladi.

2. Mazkur yordamdan foydalanish uchun ixtisoslashgan nodavlat ta’lim tashkilotida o‘qitiladigan o‘quvchilarining kamida 20 foizini Ijtimoiy reyestrga kiritilgan oilalarning farzandlari tashkil etishi lozim.

12.

Yoshlar uchun safarbarlik chaqiruvi rezervidagi xizmatni bepul o‘tash imkoniyatini yaratish.

Bir marta

Safarbarlik chaqiruvi rezervidagi xizmatni o‘tash badalining to‘liq qismi

1. Mazkur yordam Ijtimoiy reyestrga kiritilgan oilalarning 18 — 27 yoshdagi a’zolariga ajratiladi.

2. Yosh fuqaroga harbiy xizmatni o‘tab kelgandan so‘ng rasmiy band bo‘lish majburiyati yuklanadi.

13.

Yoshlarning intellektual salohiyatini yuksaltirish, ularning bo‘sh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi tadbirlarni moliyalashtirish.

-

Mahalla darajasida bir kalendar oy uchun BHMning 20 baravarigacha

Mahalla-sektor-tuman-hudud darajasida o‘tkaziladigan tadbirlar hisob-kitoblarga muvofiq amalga oshiriladi.

II. “Ayollar daftari” jamg‘armasi mablag‘lari hisobidan ko‘rsatiladigan ijtimoiy yordamlar

1.

Kamida 3 nafar xotin-qizlarning bandligi va ijtimoiy faolligini ta’minlashga qaratilgan ijtimoiy loyihalarni moliyalashtirish uchun grant ajratish.

Bir yilda bir marta

BHMning 60 baravarigacha

1. Grant ajratiladigan ijtimoiy loyihalar har bir mahalladagi xotin-qizlar tomonidan shakllantiriladi.

2. Har yili tuman (shahar)dagi har bir mahallaga bittadan ijtimoiy loyiha uchun grant mablag‘lari ajratiladi.

3. Mazkur grant tanlov asosida aniqlangan jismoniy shaxslar va nodavlat tashkilotlarga taqdim etiladi. Bunda tanlovni o‘tkazish va ijtimoiy loyihalarni amalga oshiruvchi shaxslarni aniqlash tuman (shahar) hokimining o‘rinbosari — tuman (shahar) oila va xotin-qizlar bo‘limi boshlig‘i rahbarligidagi komissiya tomonidan amalga oshiriladi.

4. Grant mablag‘lari:

jismoniy shaxslarga loyiha uchun zarur asbob-uskuna, jihozlar, xomashyo yoki xizmatlar xarid qilib berish orqali ajratiladi;

nodavlat tashkilotlarning hisobvaraqlariga shartnomaga muvofiq o‘tkazib beriladi.

2.

Ijtimoiy reyestrga kiritilgan oilalarning bakalavriat va magistraturaning kunduzgi yo‘nalishida ta’lim olayotgan xotin-qizlar yoki ularning tahsil olayotgan ikki va undan ortiq farzandlarining bir nafariga bir marotaba to‘lov-kontraktini to‘lab berish.

Bir marta

To‘lov-kontrakt summasining 50 foizigacha, biroq BHMning 50 baravaridan ko‘p bo‘lmagan miqdorda

Mazkur yordam Ijtimoiy reyestrga kiritilgan oila a’zolari bo‘lgan bakalavriat va magistraturaning kunduzgi yo‘nalishida ta’lim olayotgan xotin-qizlar yoki ularning tahsil olayotgan ikki va undan ortiq farzandlarining bir nafariga beriladi.

3.

Jarrohlik amaliyotisiz davolanish va jarrohlik amaliyoti xarajatlarini qoplash.

Bir yilda bir marta

Jarrohlik amaliyotisiz davolanish uchun — BHMning 50 baravarigacha

Jarrohlik amaliyotini o‘tkazish uchun — Davlat tibbiy sug‘urtasi jamg‘armasi tomonidan qoplanishi belgilangan bazaviy narxlar doirasida

1. Mazkur yordam Ijtimoiy reyestrga kiritilgan oilalar hamda oylik daromadi oila a’zolarining har biriga minimal iste’mol xarajatlari miqdorining 2 baravarigacha bo‘lgan oilalarning*** 30 yoshdan katta xotin-qizlariga taqdim etiladi.

2. Mazkur yordamni ko‘rsatish bo‘yicha mablag‘lar Davlat tibbiy sug‘urtasi jamg‘armasiga o‘tkazib beriladi. Bunda:

yordam ko‘rsatiladigan shaxsni jarrohlik amaliyotisiz davolash yoki jarrohlik amaliyotini o‘tkazish Davlat tibbiy sug‘urtasi jamg‘armasi tomonidan qonunchilikda belgilangan tartibda tanlangan hamda shartnoma tuzilgan tibbiyot tashkiloti (davlat yoki nodavlat) tomonidan amalga oshiriladi;

yordam ko‘rsatiladigan shaxsni jarrohlik amaliyotisiz davolash yoki jarrohlik amaliyoti o‘tkazilganidan so‘ng Davlat tibbiy sug‘urtasi jamg‘armasining talabnomasiga muvofiq tegishli xarajatlarni moliyalashtirish uchun mablag‘lar jamg‘armaga o‘tkaziladi;

Davlat tibbiy sug‘urtasi jamg‘armasi ijro etuvchi apparati tomonidan tegishli mablag‘lar tibbiyot tashkilotiga o‘tkazib beriladi;

Davlat tibbiy sug‘urtasi jamg‘armasi ijro etuvchi apparati tomonidan “Ayollar daftari” jamg‘armasi mablag‘lari hisobidan tibbiyot tashkilotlariga o‘tkazilgan mablag‘lar bo‘yicha alohida hisob-kitob yuritiladi.

4.

Xotin-qizlarga turarjoy ijarasi uchun kompensatsiya to‘lab berish.

-

Ijara to‘lovining 50 foizi, biroq BHMning 2 baravarigacha

(Toshkent va Nukus shahri hamda viloyatlar markazlarida BHMning 3 baravarigacha)

1. Mazkur kompensatsiya Ijtimoiy reyestrga kiritilgan 30 yoshdan katta xotin-qizlarga ajratiladi.

2. Mazkur yordam bo‘yicha mablag‘lar ijaraga beruvchi, ijaraga oluvchi va tuman (shahar) oila va xotin-qizlar bo‘limi o‘rtasida tuzilgan turarjoy ijarasi to‘g‘risidagi shartnomaga muvofiq to‘lanadi.

5.

Xotin-qizlarning uy-joyini ta’mirlash uchun mablag‘ ajratish.

Bir marta

BHMning 50 baravarigacha

1. Mazkur kompensatsiya Ijtimoiy reyestrga kiritilgan hamda oylik daromadi oila a’zolarining har biriga minimal iste’mol xarajatlari miqdorining 2 baravarigacha bo‘lgan oilalarning*** 30 yoshdan katta xotin-qizlariga ajratiladi.

2. Mazkur yordam bo‘yicha mablag‘lar uy-joyni ta’mirlash uchun zarur bo‘lgan qurilish materiallarini xarid qilish uchun tegishli tovarlarni (xizmatlar va ishlar)ni yetkazib beruvchilarga shartnomaga muvofiq to‘lanadi.

6.

Xotin-qizlar uchun madaniy-ma’rifiy, sport va boshqa tadbirlar tashkil etish xarajatlarini moliyalashtirish.

-

Mahalla darajasida bir kalendar oy uchun BHMning 20 baravarigacha

Mahalla-sektor-tuman-hudud darajasida o‘tkaziladigan tadbirlar hisob-kitoblarga muvofiq amalga oshiriladi.

III. “Saxovat va ko‘mak” jamg‘armasi mablag‘lari hisobidan ko‘rsatiladigan ijtimoiy yordamlar

1.

Kamida 3 nafar ijtimoiy himoyaga muhtoj shaxslarning (yoshlar va xotin-qizlar bundan mustasno) bandligini va ijtimoiy faolligini ta’minlashga qaratilgan ijtimoiy loyihalarni moliyalashtirish uchun grant ajratish.

Bir yilda bir marta

BHMning 60 baravarigacha

1. Grant ajratiladigan ijtimoiy loyihalar har bir mahalladagi ijtimoiy xodim tomonidan shakllantiriladi.

2. Har yili tuman (shahar)dagi har bir mahallaga bittadan ijtimoiy loyiha uchun grant mablag‘lari ajratiladi.

3. Mazkur grant tanlov asosida aniqlangan jismoniy shaxslar va nodavlat tashkilotlariga taqdim etiladi. Bunda tanlovni o‘tkazish va ijtimoiy loyihalarni amalga oshiruvchi shaxslarni tanlash tuman (shahar) hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari rahbarligidagi komissiya tomonidan amalga oshiriladi.

4. Grant mablag‘lari:

jismoniy shaxslarga loyiha uchun zarur asbob-uskuna, jihozlar, xomashyo yoki xizmatlar xarid qilib berish orqali ajratiladi;

nodavlat tashkilotlarning hisobvaraqlariga shartnomaga muvofiq o‘tkazib beriladi.

2.

Jarrohlik amaliyotisiz davolanish va jarrohlik amaliyoti xarajatlarini qoplash.

Bir yilda bir marta

Jarrohlik amaliyotisiz davolanish uchun — BHMning 50 baravarigacha

Jarrohlik amaliyotini o‘tkazish uchun — Davlat tibbiy sug‘urtasi jamg‘armasi tomonidan qoplanishi belgilangan bazaviy narxlar doirasida

1. Mazkur yordam Ijtimoiy reyestrga kiritilgan oilalar hamda oylik daromadi oila a’zolarining har biriga minimal iste’mol xarajatlari miqdorining 2 baravarigacha bo‘lgan oilalarning*** vakillariga taqdim etiladi.

2. Mazkur yordamni ko‘rsatish bo‘yicha mablag‘lar Davlat tibbiy sug‘urtasi jamg‘armasiga o‘tkazib beriladi. Bunda:

yordam ko‘rsatiladigan shaxsni jarrohlik amaliyotisiz davolash yoki jarrohlik amaliyotini o‘tkazish Davlat tibbiy sug‘urtasi jamg‘armasi tomonidan qonunchilikda belgilangan tartibda tanlangan hamda shartnoma tuzilgan tibbiyot tashkiloti (davlat yoki nodavlat) tomonidan amalga oshiriladi;

yordam ko‘rsatiladigan shaxsni jarrohlik amaliyotisiz davolash yoki jarrohlik amaliyoti o‘tkazilganidan so‘ng Davlat tibbiy sug‘urtasi jamg‘armasining talabnomasiga muvofiq tegishli xarajatlarni moliyalashtirish uchun mablag‘lar jamg‘armaga o‘tkaziladi;

Davlat tibbiy sug‘urtasi jamg‘armasi ijro etuvchi apparati tomonidan tegishli mablag‘lar tibbiyot tashkilotiga o‘tkazib beriladi;

Davlat tibbiy sug‘urtasi jamg‘armasi ijro etuvchi apparati tomonidan “Saxovat va ko‘mak” jamg‘armasi mablag‘lari hisobidan tibbiyot tashkilotlariga o‘tkazilgan mablag‘lar bo‘yicha alohida hisob-kitob yuritiladi.

3.

Oziq-ovqat, kiyim-kechak va boshqa eng zarur tovarlar bilan ta’minlash xarajatlarini qoplash.

Oziq-ovqat — bir chorakda bir marta;

kiyim-kechak va boshqa eng zarur tovarlar — har yarim yilda bir marta

Oziq-ovqat uchun — BHMning 1 baravari

Kiyim-kechak va boshqa eng zarur tovarlar uchun — BHMning 5 baravari

1. Mazkur yordam Ijtimoiy reyestrga kiritilgan oilalarga taqdim etiladi.

2. Mazkur yordam quyidagi shakllardan biri orqali ko‘rsatiladi:

oziq-ovqat mahsulotlari, kiyim-kechak va boshqa eng zarur tovarlarni elektron savdo platformasi va savdo maydonchalari orqali elektron shaklda xarid qilish uchun tegishli qiymatdagi (1 yoki 5 BHM) vaucher ajratiladi;

oziq-ovqat mahsulotlari, kiyim-kechak va boshqa eng zarur tovarlar yetkazib beruvchilarga elektron savdo platformasi va savdo maydonchalari orqali vaucher asosida o‘tkaziladi.

4.

Turarjoy ijarasi uchun kompensatsiya to‘lab berish.

6 oy davomida har oyda

Ijara to‘lovining 50 foizi, biroq BHMning 2 baravarigacha

(Toshkent va Nukus shahri hamda viloyatlar markazlarida BHMning 3 baravarigacha)

1. Mazkur kompensatsiya Ijtimoiy reyestrga kiritilgan oilalarga ajratiladi.

2. Mazkur kompensatsiya soliq organlarida hisobga qo‘yilgan ijara shartnomasiga muvofiq ajratiladi.

5.

Uy-joyini ta’mirlash, shu jumladan, o‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarning yashash sharoitini moslashtirish xarajatlarini qoplash.

Ikki yilda bir marta

BHMning 50 baravarigacha

1. Mazkur yordam Ijtimoiy reyestrga kiritilgan oilalar hamda oylik daromadi oila a’zolarining har biriga minimal iste’mol xarajatlari miqdorining 2 baravarigacha bo‘lgan oilalarning*** vakillari va o‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarga taqdim etiladi.

   2. Mazkur yordam uchun pul mablag‘lari:

a) ta’mirlash ishlarini bajaruvchiga shartnoma;

b) qurilish materiallarini yetkazib beruvchiga esa elektron savdo platformasi va savdo maydonchalari orqali vaucher asosida o‘tkaziladi.

6.

Kommunal xarajatlarni qoplash.

Bir kuz-qish mavsumida ko‘pi bilan ikki marta

(1-oktabrdan 15-martga qadar)

BHMning 1 baravarigacha

1. Mazkur yordam Ijtimoiy reyestrga kiritilgan oilalarga taqdim etiladi.

2. Mazkur yordam yuzasidan mablag‘lar kommunal xizmatlar bo‘yicha ta’minot korxonalariga elektron axborot dasturi orqali to‘g‘ridan-to‘g‘ri o‘tkazib beriladi.

7.

Kommunal xizmatlar bo‘yicha qarzdorlikni qoplash.

Bir kuz-qish mavsumida ko‘pi bilan ikki marta

(1-oktabrdan 15-martga qadar)

BHMning 5 baravarigacha

1. Mazkur yordam Ijtimoiy reyestrga kiritilgan oilalarga taqdim etiladi.

2. Tegishli mablag‘lar kommunal xizmatlar bo‘yicha ta’minot korxonalariga elektron axborot dasturi orqali to‘g‘ridan-to‘g‘ri o‘tkazib beriladi.

3. Mazkur yordam miqdori Qoraqalpog‘iston Respublikasi respublika budjeti, viloyatlar va Toshkent shahar mahalliy budjeti hamda tuman (shahar)lar budjetlarining qo‘shimcha manbalari hisobidan ko‘paytirilishi mumkin.

8.

Ko‘mir yoki boshqa yoqilg‘i mahsulotlari bilan ta’minlash xarajatlarini qoplash.

Bir kuz-qish mavsumida ko‘pi bilan ikki marta

BHMning 2 baravarigacha

(tabiiy gaz bilan ta’minlanmagan hududlarda BHMning

3 baravarigacha)

1. Mazkur yordam Ijtimoiy reyestrga kiritilgan oilalarga taqdim etiladi.

2. Tegishli mablag‘lar yetkazib beruvchilarga elektron savdo platformasi va savdo maydonchalari orqali vaucher asosida o‘tkaziladi.

3. Mazkur yordam miqdori Qoraqalpog‘iston Respublikasi respublika budjeti, viloyatlar va Toshkent shahar mahalliy budjeti hamda tuman (shahar)lar budjetlarining qo‘shimcha manbalari hisobidan ko‘paytirilishi mumkin.

9.

Yong‘in, suv toshqini, zilzila va boshqa texnogen hodisalar oqibatida zarar ko‘rgan uy-joylarni tiklash va ta’mirlash xarajatlarini qoplash.

Zaruratga ko‘ra, cheklanmagan marta

BHMning 150 baravarigacha

1. Mazkur yordam Ijtimoiy reyestrga kiritilgan oilalar hamda oylik daromadi oila a’zolarining har biriga minimal iste’mol xarajatlari miqdorining 2 baravarigacha bo‘lgan oilalarning*** vakillariga taqdim etiladi.

   2. Mazkur yordam uchun pul mablag‘lari:

a) uy-joylarni tiklash va ta’mirlash ishlarini bajaruvchilarga shartnoma;

b) qurilish materiallarini yetkazib beruvchilarga esa elektron savdo platformasi va savdo maydonchalari orqali vaucher asosida o‘tkazib beriladi.

10.

Fuqarolarning, xususan bolalarning shaxsga doir hujjatlarini rasmiylashtirish uchun shaxslarning kelib chiqishini aniqlashga doir tadbirlar xarajatlarini qoplash.

Bir marta

To‘lanishi lozim bo‘lgan ekspertiza xarajatlari doirasida

1. Mazkur yordam Ijtimoiy reyestrga kiritilgan oilalarga taqdim etiladi.

2. Tegishli mablag‘lar vakolatli organning qaroriga muvofiq shaxsning kelib chiqishini aniqlashga doir tadbirlarni amalga oshiruvchi tashkilotning hisob raqamlariga o‘tkaziladi.