O‘zbekiston Respublikasi Prezidentining 2023-yil 1-iyundagi “Aholiga sifatli ijtimoiy xizmat va yordam ko‘rsatish hamda uning samarali nazorat tizimini yo‘lga qo‘yish bo‘yicha kompleks chora-tadbirlar to‘g‘risida”gi PF-82-son Farmoniga muvofiq hamda aholiga ijtimoiy xizmatlar va yordam ko‘rsatish jarayonida davlat organlarining takrorlanuvchi vazifa, funksiya va vakolatlarini bartaraf etish maqsadida:

1. Ijtimoiy himoya milliy agentligi, Iqtisodiyot va moliya vazirligi hamda Kambag‘allikni qisqartirish va bandlik vazirligining quyidagi takliflariga rozilik berilsin:

a) Nogironligi bo‘lgan shaxslarni qo‘llab-quvvatlash jamg‘armasini tugatish;

b) Nogironligi bo‘lgan shaxslarni qo‘llab-quvvatlash jamg‘armasi daromadlarini shakllantirishning quyidagi manbalarini Ijtimoiy himoya davlat jamg‘armasiga yo‘naltirish:

nogironligi bo‘lgan shaxslarning huquqlari to‘g‘risidagi qonun hujjatlarini buzganlik uchun belgilangan tartibda solinadigan jarimalar summasining 10 foizi miqdoridagi ajratmalar;

nogironligi bo‘lgan shaxslarni ishga joylashtirish uchun ish o‘rinlarining eng kam sonini yaratishga doir mahalliy davlat hokimiyati organlarining qarorlari bajarilmaganligi uchun belgilangan tartibda solinadigan jarimalar summasining 10 foizi miqdoridagi ajratmalar.

2. Iqtisodiyot va moliya vazirligi huzuridagi G‘aznachilik xizmati qo‘mitasi tugatilayotgan jamg‘armaning g‘azna hisobvarag‘idagi qoldiq mablag‘larning Ijtimoiy himoya davlat jamg‘armasiga o‘tkazilishini ta’minlasin.

3. O‘zbekiston Respublikasi Prezidentining ayrim hujjatlariga 1-ilovaga muvofiq o‘zgartirishlar va qo‘shimcha kiritilsin.

4. O‘zbekiston Respublikasi Prezidentining ayrim hujjatlari 2-ilovaga muvofiq o‘z kuchini yo‘qotgan deb hisoblansin.

5. Sog‘liqni saqlash vazirligi, Kambag‘allikni qisqartirish va bandlik vazirligi manfaatdor vazirlik va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu Farmonga muvofiqlashtirsin.

6. Belgilansinki:

mazkur Farmon 2024-yil 1-yanvardan e’tiboran kuchga kiradi;

mazkur Farmonga 1-ilovaning 1, 3 va 14-bandlari 2024-yil 1-maydan amalga kiritiladi.

7. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.

1. O‘zbekiston Respublikasi Prezidentining 2015-yil 14-apreldagi “Keksalarni ijtimoiy himoya qilish va moddiy qo‘llab-quvvatlashni yanada kuchaytirish bo‘yicha qo‘shimcha chora-tadbirlar to‘g‘risida”gi PF-4715-son Farmoniga 1-ilovaning 3-pozitsiyasi chiqarib tashlansin.

2. O‘zbekiston Respublikasi Prezidentining 2021-yil 25-martdagi “Keksalar va nogironligi bo‘lgan shaxslarni ijtimoiy qo‘llab-quvvatlash, “Saxovat” va “Muruvvat” internat uylari tizimini yanada rivojlantirish to‘g‘risida”gi PF-6195-son Farmonida:

a) 2, 3-bandlar va 4-bandning “a” kichik bandi o‘z kuchini yo‘qotgan deb hisoblansin;

b) 6-bandning“b” kichik bandi quyidagi tahrirda bayon etilsin:

“b) tibbiy-ijtimoiy ekspert komissiyalari xodimlari oylik lavozim maoshi 1,2 barobarga”;

v) 12-bandning “b” kichik bandi o‘z kuchini yo‘qotgan deb hisoblansin.

3. O‘zbekiston Respublikasi Prezidentining 2022-yil 28-yanvardagi “Aholining ijtimoiy himoyaga muhtoj toifalarini moddiy qo‘llab-quvvatlash tizimini yanada takomillashtirish to‘g‘risida”gi PF-58-son Farmonida:

2-bandning “b” kichik bandi o‘z kuchini yo‘qotgan deb hisoblansin;

ilovaning 2-bandi “b” kichik bandining ikkinchi xatboshisi chiqarib tashlansin.

4. O‘zbekiston Respublikasi Prezidentining 2022-yil 25-iyuldagi “O‘zbekiston Respublikasi aholisini ijtimoiy himoya qilish strategiyasini tasdiqlash to‘g‘risida”gi PF-175-son Farmonida:

a) 2-bandda:

beshinchi xatboshidagi “har ikki yilda” so‘zlari “har yili” so‘zlari bilan almashtirilsin;

quyidagi mazmundagi oltinchi xatboshi bilan to‘ldirilsin:

“Bunda “Yo‘l xaritalari” ijrosi respublikaning yillik ijtimoiy-iqtisodiy ko‘rsatkichlari shakllantirilgandan so‘ng O‘zbekiston Respublikasi Prezidenti huzuridagi Ijtimoiy himoya milliy agentligi tomonidan bir oy ichida baholashdan o‘tkaziladi”;

b) 5-bandning uchinchi xatboshisidagi “2023” raqami “2024” raqami bilan almashtirilsin;

v) 1-ilovada:

3.1-bandning uchinchi xatboshisidagi “Oila va xotin-qizlar davlat qo‘mitasining” so‘zlari “O‘zbekiston Respublikasi Prezidenti huzuridagi Ijtimoiy himoya milliy agentligining” so‘zlari bilan almashtirilsin;

5 va 6-bandlar quyidagi tahrirda bayon etilsin:

“5. Strategiya amalga oshirilgan chora-tadbirlar ijrosi va maqsadli ko‘rsatkichlardan kelib chiqib har yili baholanadi hamda 2030-yilgacha bo‘lgan maqsadlarga erishish uchun unga tegishli o‘zgartirishlar kiritish haqida Vazirlar Mahkamasiga takliflar kiritiladi.

6. Strategiyani amalga oshirish bo‘yicha “Yo‘l xaritasi” ijrosi O‘zbekiston Respublikasi Prezidenti huzuridagi Ijtimoiy himoya milliy agentligi tomonidan monitoring qilib boriladi va boshqa yo‘nalishdagi davlat siyosatidan va ijtimoiy-iqtisodiy vaziyatdan kelib chiqib ijtimoiy himoya sohasini umumiy siyosat bilan muvofiqlashtirish maqsadida Strategiyaga tegishlicha o‘zgartirishlar kiritilishi mumkin”;

g) 3-ilovada:

11-pozitsiyaning “Muddati” ustunidagi “2023-yil dekabr” so‘zlari “2024-yil dekabr” so‘zlari bilan almashtirilsin;

22-pozitsiya quyidagi tahrirda bayon etilsin:

5. O‘zbekiston Respublikasi Prezidentining 2023-yil 28-fevraldagi “2022 — 2026-yillarga mo‘ljallangan Yangi O‘zbekistonning taraqqiyot strategiyasini “Insonga e’tibor va sifatli ta’lim yili”da amalga oshirishga oid davlat dasturi to‘g‘risida”gi PF-27-son Farmoniga ilovaning 205-pozitsiyasi “Muddati” ustunidagi “2023” raqami “2024” raqami bilan almashtirilsin.

6. O‘zbekiston Respublikasi Prezidentining 2023-yil 1-iyundagi “Aholiga sifatli ijtimoiy xizmat va yordam ko‘rsatish hamda uning samarali nazorat tizimini yo‘lga qo‘yish bo‘yicha kompleks chora-tadbirlar to‘g‘risida”gi PF-82-son Farmoni 10-bandining “e” kichik bandi birinchi xatboshisidagi “yanvarga” so‘zi “iyulga” so‘zi bilan almashtirilsin.

7. O‘zbekiston Respublikasi Prezidentining 2017-yil 19-yanvardagi “Yuridik xizmat faoliyatini tubdan takomillashtirish chora-tadbirlari to‘g‘risida”gi PQ-2733-son qaroriga 2-ilova 4¹-bandining “a” kichik bandi quyidagi tahrirda bayon etilsin:

“a) O‘zbekiston Respublikasi Prezidenti Administratsiyasining tegishli tarkibiy bo‘linmalari rahbarining tavsiyanomasiga ko‘ra O‘zbekiston Respublikasi adliya organlari va muassasalaridan ishga o‘tgan yoki adliya organlari xodimlari uchun belgilangan tartibda berilgan martaba darajalariga ega bo‘lgan O‘zbekiston Respublikasi Prezidenti Administratsiyasi boshqaruv xodimlariga, shuningdek, O‘zbekiston Respublikasi Prezidenti huzuridagi Ijtimoiy himoya milliy agentligi direktorining tavsiyanomasiga ko‘ra O‘zbekiston Respublikasi Prezidenti huzuridagi Ijtimoiy himoya milliy agentligi, uning hududiy bo‘linmalari yuridik xizmat xodimlariga hamda O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakilning tavsiyanomasiga ko‘ra O‘zbekiston Respublikasi adliya organlari va muassasalaridan ishga o‘tgan O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakili devonining boshqaruv xodimlariga”.

8. O‘zbekiston Respublikasi Prezidentining 2018-yil 25-dekabrdagi PQ-4076-son qarori bilan tasdiqlangan O‘zbekiston Respublikasi Qurolli Kuchlarida tinchlik va urush davrida tibbiy ko‘rikdan o‘tkazish to‘g‘risidagi nizomning 21-bandi “v” kichik bandidagi “O‘zbekiston Respublikasi Tibbiy-ijtimoiy xizmatlarni rivojlantirish agentligi” so‘zlari “O‘zbekiston Respublikasi Prezidenti huzuridagi Ijtimoiy himoya milliy agentligi” so‘zlari bilan almashtirilsin.

9. O‘zbekiston Respublikasi Prezidentining 2021-yil 18-maydagi “Paralimpiya harakatini rivojlantirishga doir qo‘shimcha chora-tadbirlar to‘g‘risida”gi PQ-5114-son qarorida:

a) 5-bandda:

uchinchi xatboshida “o‘zgartirishlar kiritish” so‘zlari “o‘zgartirishlar kiritish huquqi berilsin” so‘zlari bilan almashtirilsin;

to‘rtinchi xatboshi chiqarib tashlansin;

b) 1-ilovada:

“Paralimpiyachilarning matonat maktabi 2” bloki chiqarib tashlansin;

izoh qismining birinchi xatboshisidagi “26” raqami “24” raqami bilan almashtirilsin.

10. O‘zbekiston Respublikasi Prezidentining 2021-yil 19-maydagi “Zo‘rlik ishlatishdan jabr ko‘rgan xotin-qizlarni reabilitatsiya qilishga oid qo‘shimcha chora-tadbirlar to‘g‘risida”gi PQ-5116-son qarorida:

7-banddagi “mahalla va oilani qo‘llab-quvvatlash vaziri tavsiyasiga binoan Vazirlar Mahkamasi” so‘zlari “O‘zbekiston Respublikasi Prezidenti huzuridagi Ijtimoiy himoya milliy agentligi direktori” so‘zlari bilan almashtirilsin;

9-bandning “a” kichik bandi birinchi xatboshisidagi “Mahalla va oilani qo‘llab-quvvatlash vazirligi” so‘zlari “O‘zbekiston Respublikasi Prezidenti huzuridagi Ijtimoiy himoya milliy agentligi” so‘zlari bilan almashtirilsin.

11. O‘zbekiston Respublikasi Prezidentining 2021-yil 19-iyundagi “Ko‘p kvartirali uy-joylarni boshqarish tizimini yanada takomillashtirish to‘g‘risida”gi PQ-5152-son qarorining 7-bandi “z” kichik bandidan “Moliya vazirligi tomonidan olib boriladigan” so‘zlari chiqarib tashlansin.

12. O‘zbekiston Respublikasi Prezidentining 2021-yil 27-noyabrdagi “Tibbiy-ijtimoiy ekspertiza xizmati faoliyati hamda bolalarga nogironlikni belgilash tizimini yanada takomillashtirish chora-tadbirlari to‘g‘risida”gi PQ-22-son qarorida:

a) 3-bandning “a” kichik bandi ikkinchi xatboshisidagi “Respublika tibbiy-ijtimoiy ekspertiza inspeksiyasining” va “(keyingi o‘rinlarda — tibbiy-ijtimoiy ekspert komissiyasi)” so‘zlari chiqarib tashlansin;

b) ilovada:

11 — 14-pozitsiyalarning “Mas’ul ijrochilar” ustunidagi “Tibbiy-ijtimoiy xizmatlarni rivojlantirish agentligi (Inakov)” so‘zlari “O‘zbekiston Respublikasi Prezidenti huzuridagi Ijtimoiy himoya milliy agentligi (Olloyorov)” so‘zlari bilan almashtirilsin;

12-pozitsiyaning “Amalga oshirish mexanizmi” ustunidagi “Respublika tibbiy-ijtimoiy ekspertiza inspeksiyasi” so‘zlari “Ijtimoiy himoya milliy agentligining Nogironligi bo‘lgan shaxslarning funksionalligini baholash boshqarmasi hamda uning hududiy bo‘limlari” so‘zlari bilan almashtirilsin.

13. O‘zbekiston Respublikasi Prezidentining 2021-yil 21-dekabrdagi “Nogironligi bo‘lgan shaxslarni har tomonlama qo‘llab-quvvatlash, ularning bandligiga ko‘maklashish hamda ijtimoiy faolligini yanada oshirishga oid qo‘shimcha chora-tadbirlar to‘g‘risida”gi PQ-57-son qarorida:

3-bandning yettinchi xatboshisidagi “Savdo-sanoat palatasining raisi A. Ikramov” so‘zlari “O‘zbekiston Respublikasi Prezidenti huzuridagi Ijtimoiy himoya milliy agentligi direktori” so‘zlari bilan almashtirilsin;

10-bandning ikkinchi xatboshisidan “Tibbiy-ijtimoiy xizmatlarni rivojlantirish agentligi” so‘zlari chiqarib tashlansin.

14. O‘zbekiston Respublikasi Prezidentining 2022-yil 8-iyundagi “Ikkinchi jahon urushi qatnashchilari va faxriylarining moddiy ta’minotini yaxshilash hamda yolg‘iz keksalar va nogironligi bo‘lgan shaxslarni qo‘llab-quvvatlash tizimini yanada takomillashtirish to‘g‘risida”gi PQ-274-son qarorining 1-bandida:

ikkinchi xatboshidan “, shuningdek, o‘zgalar parvarishiga muhtoj bo‘lgan yolg‘iz keksalar va nogironligi bo‘lgan shaxslarga” so‘zlari chiqarib tashlansin;

to‘rtinchi xatboshi chiqarib tashlansin;

beshinchi xatboshi to‘rtinchi xatboshi deb hisoblansin.

15. O‘zbekiston Respublikasi Prezidentining 2022-yil 29-apreldagi “Ijtimoiy himoyaga va yordamga muhtoj aholi qatlamlarini moddiy qo‘llab-quvvatlashga doir qo‘shimcha chora-tadbirlar to‘g‘risida”gi PQ-230-son qarorining 2-bandi to‘rtinchi xatboshisidagi “Tibbiy-ijtimoiy xizmatlarni rivojlantirish agentligi (A. Inakov)” so‘zlari “O‘zbekiston Respublikasi Prezidenti huzuridagi Ijtimoiy himoya milliy agentligi (M. Olloyorov)” so‘zlari bilan almashtirilsin.

16. O‘zbekiston Respublikasi Prezidentining 2022-yil 6-iyundagi “Paralimpiyachilarning matonat maktabi faoliyatini tashkil etish chora-tadbirlari to‘g‘risida”gi PQ-270-son qarorida:

a) 3-bandda:

ikkinchi va uchinchi xatboshilar quyidagi tahrirda bayon etilsin:

“Matonat maktabi O‘zbekiston Respublikasi Prezidenti huzuridagi Ijtimoiy himoya milliy agentligi (keyingi o‘rinlarda — Agentlik) huzurida yuridik shaxs maqomiga ega bo‘lmagan holda tashkil qilinadi;

Matonat maktabi rahbarligi Agentlik direktori buyrug‘i asosida Agentlik direktorining tegishli o‘rinbosariga yuklatiladi”;

oltinchi xatboshidagi “1 ta avtobusni” so‘zlari “1 ta avtobus va 1 ta mikroavtobusni” so‘zlari bilan almashtirilsin;

b) 5-band quyidagi tahrirda bayon etilsin:

“5. Belgilab qo‘yilsinki:

Matonat maktabining yoshlar, shu jumladan jismoniy imkoniyati cheklangan va nogironligi bo‘lgan shaxslarning qo‘lga kiritgan yutuqlari, ularning ibratli hayot tarzini targ‘ib qilish sohasidagi faoliyatiga Mudofaa vazirligi;

Matonat maktabining yoshlarni parasport turlariga keng jalb qilish sohasidagi faoliyatiga Yoshlar siyosati va sport vazirligi ko‘maklashadi”.

17. O‘zbekiston Respublikasi Prezidentining 2022-yil 5-avgustdagi “Shaxmatni yanada ommalashtirish va rivojlantirish bo‘yicha qo‘shimcha chora-tadbirlar to‘g‘risida”gi PQ-347-son qarori 5-bandining to‘rtinchi xatboshisidagi “Tibbiy-ijtimoiy xizmatlarni rivojlantirish agentligi” so‘zlari “O‘zbekiston Respublikasi Prezidenti huzuridagi Ijtimoiy himoya milliy agentligi” so‘zlari bilan almashtirilsin.

18. O‘zbekiston Respublikasi Prezidentining 2022-yil 30-avgustdagi “Saxovat” va “Muruvvat” internat uylari hamda Urush va mehnat faxriylari uchun respublika pansionati faoliyatini rivojlantirishga doir qo‘shimcha chora-tadbirlar to‘g‘risida”gi PQ-365-son qarorida:

a) 1-band quyidagi tahrirda bayon etilsin:

“1. Vazirlar Mahkamasi, Sog‘liqni saqlash vazirligi, Iqtisodiyot va moliya vazirligi huzuridagi Bojxona qo‘mitasining “Saxovat” va “Muruvvat” internat uylari hamda Urush va mehnat faxriylari uchun respublika pansionatini (keyingi o‘rinlarda — tibbiy-ijtimoiy muassasalar) Iqtisodiyot va moliya vazirligi huzuridagi Bojxona qo‘mitasiga biriktirish to‘g‘risidagi taklifiga rozilik berilsin”;

b) 2-bandda:

birinchi xatboshidagi “Davlat bojxona qo‘mitasi” so‘zlari “Iqtisodiyot va moliya vazirligi huzuridagi Bojxona qo‘mitasi” so‘zlari bilan almashtirilsin;

yettinchi xatboshidagi “Tibbiy-ijtimoiy xizmatlarni rivojlantirish agentligiga” so‘zlari “O‘zbekiston Respublikasi Prezidenti huzuridagi Ijtimoiy himoya milliy agentligiga” so‘zlari bilan almashtirilsin;

v) 3-bandda “Davlat bojxona qo‘mitasiga (A. Mavlonov)” so‘zlari “Iqtisodiyot va moliya vazirligi huzuridagi Bojxona qo‘mitasiga” so‘zlari bilan almashtirilsin;

g) 4-bandda:

birinchi — uchinchi xatboshilar quyidagi tahrirda bayon etilsin:

“4. O‘zbekiston Respublikasi Prezidenti huzuridagi Ijtimoiy himoya milliy agentligi:

a) 2023-2024-yillarda Iqtisodiyot va moliya vazirligi huzuridagi Bojxona qo‘mitasi bilan birgalikda “Saxovat” va “Muruvvat” internat uylarining hududida videokuzatuv moslamalari o‘rnatilishini ta’minlasin;

b) 2024-yil 1-yanvardan boshlab Maktabgacha va maktab ta’limi vazirligi, Iqtisodiyot va moliya vazirligi, Sog‘liqni saqlash vazirligi hamda nodavlat notijorat tashkilotlar bilan birgalikda tasdiqlangan reja-grafik asosida “Saxovat” va “Muruvvat” internat uylaridagi tarbiyachilarni har yili kamida bir marotaba malaka oshirish kurslarida o‘qitish tartibini joriy etsin”;

“v” va “g” kichik bandlardan “(B. Musayev)” so‘zlari chiqarib tashlansin;

“d” kichik bandda:

birinchi xatboshida “Sportni rivojlantirish vazirligi (A. Ikramov)” so‘zlari “Yoshlar siyosati va sport vazirligi” so‘zlari bilan almashtirilsin;

to‘rtinchi xatboshida “Sportni rivojlantirish vazirligi” so‘zlari “Yoshlar siyosati va sport vazirligi” so‘zlari bilan almashtirilsin;

“e” kichik bandning birinchi xatboshisida “Mahalla va nuroniylarni qo‘llab-quvvatlash vazirligi (S. Turdiyev)” so‘zlari “Kambag‘allikni qisqartirish va bandlik vazirligi” so‘zlari bilan almashtirilsin;

d) 5-band quyidagi tahrirda bayon etilsin:

5. Shunday tartib o‘rnatilsinki, unga muvofiq 2022-yil 1-sentabrdan boshlab Iqtisodiyot va moliya vazirligi huzuridagi Bojxona qo‘mitasi raisiga bojxona organlari tomonidan aniqlanib, davlat daromadiga o‘tkazilgan tovar-moddiy boyliklarni O‘zbekiston Respublikasi Prezidenti huzuridagi Ijtimoiy himoya milliy agentligining asoslantirilgan so‘rovlariga asosan tibbiy-ijtimoiy muassasalarga beg‘araz topshirish huquqi berilsin”;

e) 7-bandning ikkinchi xatboshisidagi “Bandlik va mehnat munosabatlari vazirligi (N. Xusanov) “Saxovat” internat uylarida, Oliy va o‘rta maxsus ta’lim vazirligi (A. Toshqulov)” so‘zlari “Kambag‘allikni qisqartirish va bandlik vazirligi “Saxovat” internat uylarida, Oliy ta’lim, fan va innovatsiyalar vazirligi” so‘zlari bilan almashtirilsin;

j) 12-bandning birinchi xatboshisi quyidagi tahrirda bayon etilsin:

“12. Iqtisodiyot va moliya vazirligi huzuridagi Bojxona qo‘mitasi mazkur qarorda nazarda tutilgan tadbirlar ijrosini muvofiqlashtirish, uning samarali tashkil etilishini ta’minlash maqsadida Iqtisodiyot va moliya vazirligi huzuridagi Bojxona qo‘mitasi markaziy apparati tuzilmasida bojxona organlarining umumiy cheklangan shtat birliklari doirasida 3 ta shtat birligidan iborat tibbiy-ijtimoiy muassasalar bilan ishlash bo‘limini tashkil etsin”;

z) 13-banddagi “Davlat bojxona qo‘mitasi va Tibbiy-ijtimoiy xizmatlarni rivojlantirish agentligi” so‘zlari “Iqtisodiyot va moliya vazirligi huzuridagi Bojxona qo‘mitasi hamda O‘zbekiston Respublikasi Prezidenti huzuridagi Ijtimoiy himoya milliy agentligi” so‘zlari bilan almashtirilsin;

i) 15-band quyidagi tahrirda bayon etilsin:

“15. Mazkur qaror ijrosini samarali tashkil qilishga mas’ul etib O‘zbekiston Respublikasi Prezidenti huzuridagi Ijtimoiy himoya milliy agentligi direktori M.P. Olloyorov hamda Iqtisodiyot va moliya vazirligi huzuridagi Bojxona qo‘mitasi raisi A.Y. Mavlonov belgilansin”.

19. O‘zbekiston Respublikasi Prezidentining 2022-yil 20-oktabrdagi “O‘zbek imo-ishora tili va Brayl alifbosini rivojlantirish bo‘yicha qo‘shimcha chora-tadbirlari to‘g‘risida”gi PQ-407-son qarorida:

a) 2-bandning to‘rtinchi va beshinchi xatboshilaridagi tegishli kelishikdagi “Tibbiy-ijtimoiy xizmatlarni rivojlantirish agentligi” so‘zlari tegishli kelishikdagi “O‘zbekiston Respublikasi Prezidenti huzuridagi Ijtimoiy himoya milliy agentligi” so‘zlari bilan almashtirilsin;

b) 5-band “g” kichik bandining birinchi — uchinchi xatboshilari quyidagi tahrirda bayon etilsin:

“g) O‘zbekiston Respublikasi Prezidenti huzuridagi Ijtimoiy himoya milliy agentligi Maktabgacha va maktab ta’limi vazirligi, Kambag‘allikni qisqartirish va bandlik vazirligi hamda O‘zbekiston karlar jamiyati bilan birgalikda:

2023-yildan boshlab har yili sentyabr oyida O‘zbekiston Respublikasi Prezidenti huzuridagi Ijtimoiy himoya milliy agentligiga Davlat budjetidan ajratilgan mablag‘lar hisobidan “Imo-ishora tili bo‘yicha eng yaxshi tarjimon” tanlovini o‘tkazsin va tanlov g‘oliblarini 1-o‘rin uchun — bazaviy hisoblash miqdorining 100 baravari, 2-o‘rin uchun — 65 baravari, 3-o‘rin uchun — 50 baravari miqdoriga teng bo‘lgan pul mukofotlari bilan rag‘batlantirsin;

uch oy muddatda imo-ishora tili tarjimonlarining ish vaqtini me’yorlashtirish bo‘yicha normativ-huquqiy hujjatlar loyihalarini ishlab chiqsin. Bunda, loyihalarda tarjimonlarga har 30 daqiqada tanaffus berish, 1 soatdan uzoq davom etadigan tadbirlarga kamida ikki nafar tarjimon jalb qilish va ularga to‘liq ish haqi to‘lashni nazarda tutsin”.

20. O‘zbekiston Respublikasi Prezidentining 2023-yil 11-sentabrdagi “O‘zbekiston — 2030” strategiyasini 2023-yilda sifatli va o‘z vaqtida amalga oshirish chora-tadbirlari to‘g‘risida”gi PQ-300-son qarorida:

a) 1b-ilovada:

13-pozitsiyaning “Ijro muddati” ustunidagi “2023-yil dekabr” so‘zlari “2024-yil mart” so‘zlari bilan almashtirilsin;

23-pozitsiyaning “Ijro muddati” ustunidagi “2023” raqami “2024” raqami bilan almashtirilsin;

b) 4-ilovaning 4-pozitsiyasi quyidagi tahrirda bayon etilsin:

21. O‘zbekiston Respublikasi Prezidentining 2023-yil 28-sentabrdagi “Aholiga ijtimoiy xizmatlar va yordamlar ko‘rsatish tizimini yanada takomillashtirish chora-tadbirlari to‘g‘risida”gi PQ-319-son qarorida:

10-bandning “a” kichik bandi birinchi xatboshisidagi “yanvarga” so‘zi “martga” so‘zi bilan almashtirilsin;

2-ilovaning 12 va 13-pozitsiyalari “Ijro muddati” ustunidagi “2023-yil dekabr” so‘zlari “2024-yil fevral” so‘zlari bilan almashtirilsin.

1. O‘zbekiston Respublikasi Prezidentining 2021-yil 29-noyabrdagi “Keksalar va nogironligi bo‘lgan shaxslarni ijtimoiy qo‘llab-quvvatlash tizimi takomillashtirilganligi munosabati bilan O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish to‘g‘risida”gi PF-26-son Farmoniga ilovaning 46-bandi.

2. O‘zbekiston Respublikasi Prezidentining 2021-yil 25-martdagi “O‘zbekiston Respublikasi Tibbiy-ijtimoiy xizmatlarni rivojlantirish agentligi faoliyatini tashkil etish to‘g‘risida”gi PQ-5038-son qarori.