LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 13-iyuldagi 437-sonli “O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari-investitsiyalar va tashqi savdo vazirining funksional vazifalari, Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyati hamda Investitsiya loyihalarining amalga oshirilishi va tashqi savdoni monitoring qilish inspeksiyasi to‘g‘risidagi nizomlarni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi Vazirlar Mahkamasining tuzilmasiga Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vaziri lavozimini kiritish to‘g‘risida” 2020-yil 10-martdagi PQ-4635-son, “O‘zbekiston Respublikasi Vazirlar Mahkamasining faoliyatini takomillashtirishga oid qo‘shimcha chora-tadbirlar to‘g‘risida” 2020-yil 12-maydagi PQ-4710-son qarorlarini hamda O‘zbekiston Respublikasi Prezidentining “Respublikada eksport va investitsiya salohiyatini yanada rivojlantirishga oid qo‘shimcha chora-tadbirlar to‘g‘risida” 2020-yil 18-avgustdagi PF-6042-son Farmonini bajarish yuzasidan Vazirlar Mahkamasi qaror qiladi:
O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vazirining funksional vazifalari to‘g‘risidagi nizom 1-ilovaga muvofiq;
Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyati to‘g‘risidagi nizom 2-ilovaga muvofiq;
Investitsiya loyihalarining amalga oshirilishi va tashqi savdoni monitoring qilish inspeksiyasi to‘g‘risidagi nizom 3-ilovaga muvofiq tasdiqlansin.
2. O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vaziri S.U. Umurzakov bir hafta muddatda Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyati hamda Investitsiya loyihalarining amalga oshirilishi va tashqi savdoni monitoring qilish inspeksiyasi rahbarlari va mutaxassislarining funksional vazifalari taqsimlanishini tasdiqlasin.
3. Vazirlar Mahkamasining “O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosarining funksional vazifalari hamda Investitsiyalar va tashqi iqtisodiy aloqalar masalalari kotibiyati to‘g‘risidagi nizomlarni tasdiqlash haqida” 2019-yil 28-fevraldagi 179-son qarori o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vaziri S.U. Umurzakov zimmasiga yuklansin.
1. Ushbu Nizom O‘zbekiston Respublikasi Prezidentining “O‘zbekiston Respublikasi Vazirlar Mahkamasi faoliyatini takomillashtirishga oid qo‘shimcha chora-tadbirlar to‘g‘risida” 2020-yil 24-fevraldagi PQ-4612-son hamda “O‘zbekiston Respublikasi Vazirlar Mahkamasining tuzilmasiga Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vaziri lavozimini kiritish to‘g‘risida” 2020-yil 10-martdagi PQ-4635-son qarorlari hamda O‘zbekiston Respublikasi Prezidentining “Respublikada eksport va investitsiya salohiyatini yanada rivojlantirishga oid qo‘shimcha chora-tadbirlar to‘g‘risida” 2020-yil 18-avgustdagi PF-6042-son Farmoniga muvofiq O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vazirining (keyingi o‘rinlarda — Bosh vazir o‘rinbosari) funksional vazifalarini belgilaydi.
2. Bosh vazir o‘rinbosari O‘zbekiston Respublikasi Oliy Majlisi Qonunchilik palatasi uning nomzodini ma’qullagandan so‘ng O‘zbekiston Respublikasi Prezidenti tomonidan lavozimga tayinlanadi.
Bosh vazir o‘rinbosari O‘zbekiston Respublikasi Prezidentiga va O‘zbekiston Respublikasining Bosh vaziriga hisobot beradi.
3. Bosh vazir o‘rinbosari o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining (keyingi o‘rinlarda — Vazirlar Mahkamasi) qarorlari va farmoyishlariga, shuningdek, ushbu Nizomga amal qiladi.
4. Bosh vazir o‘rinbosarining faoliyati investitsiya, eksportni qo‘llab-quvvatlash va tashqi iqtisodiy faoliyatni amalga oshirish, respublikada qulay investitsiya muhitini saqlash, erkin iqtisodiy va kichik sanoat zonalarini rivojlantirish, eksportni davlat tomonidan qo‘llab-quvvatlashni tashkil etish, iqtisodiyotning real sektori mahsulotlarining eksport hajmlari hamda geografiyasini kengaytirish, hududlarning eksport salohiyatini oshirish va logistika bilan bog‘liq masalalarni hal etishga yo‘naltirilgan.
5. Bosh vazir o‘rinbosari maqomiga ko‘ra O‘zbekiston Respublikasi Hukumatining a’zosi hisoblanadi va O‘zbekiston Respublikasi Vazirlar Mahkamasi Rayosati tarkibiga kiradi.
Bosh vazir o‘rinbosari O‘zbekiston Respublikasi Vazirlar Mahkamasi va uning Rayosati majlislarida bevosita ishtirok etadi.
6. Bosh vazir o‘rinbosariga O‘zbekiston Respublikasi Prezidentining “O‘zbekiston Respublikasi investitsiyalar va tashqi savdo vazirligi faoliyatini takomillashtirishga oid qo‘shimcha chora-tadbirlar to‘g‘risida” 2019-yil 23-maydagi PQ-4332-son qaroriga muvofiq Qoraqalpog‘iston Respublikasi Vazirlar Kengashi Raisining o‘rinbosari — investitsiyalar va tashqi savdo vaziri, viloyatlar va Toshkent shahar hokimlarining o‘rinbosarlari — investitsiyalar va tashqi savdo boshqarmalari boshliqlari bo‘ysunadi.
vazirliklar, davlat qo‘mitalari va davlat boshqaruvining boshqa organlari tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining qarorlari, parlament, qonunchilik palatasi deputati va Senat a’zosi so‘rovlari, O‘zbekiston Respublikasi Prezidentining hujjatlari va topshiriqlari bajarilishining samaradorligi va natijadorligi yuzasidan tizimli monitoringni ta’minlash, shuningdek, joylardagi ishlarning real holatini doimiy o‘rganish, iqtisodiyot va ijtimoiy sohadagi muammolarni har tomonlama tahlil qilish va shu asosda strategik hamda ustuvor vazifalarni amalga oshirishga doir kompleks takliflar ishlab chiqish;
2017 — 2021-yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha Harakatlar strategiyasida belgilangan vazifalar, O‘zbekiston Respublikasida Ma’muriy islohotlar konsepsiyasi, 2030-yilgacha O‘zbekiston Respublikasini ijtimoiy-iqtisodiy rivojlantirish konsepsiyasini hamda o‘rta muddatli va uzoq istiqbolda rivojlantirishning tasdiqlangan tarmoq va hududiy dasturlari o‘z vaqtida hamda samarali amalga oshirilishini ta’minlash chora-tadbirlarini tashkil etish;
keyinchalik O‘zbekiston Respublikasi Oliy Majlisi palatalariga taqdim etish uchun O‘zbekiston Respublikasi Prezidentining Oliy Majlisga Murojaatnomasidan kelib chiqadigan tegishli yilga mo‘ljallangan davlat dasturi doirasidagi vazifalarning amalga oshirilishi to‘g‘risida hisobotlar tayyorlanishini ta’minlash;
Hukumat, davlat va xo‘jalik boshqaruvi organlarining asosiy xalqaro reytinglar hamda indekslarda O‘zbekiston Respublikasining pozitsiyalarini yaxshilash bo‘yicha ishlari samaradorligini oshirish sohasida kompleks chora-tadbirlar amalga oshirilishini ta’minlash;
joylarda “xalq bilan muloqot” va shaxsiy uchrashuvlar amaliyotini takomillashtirish choralarini ko‘rish, ijtimoiy sohani yanada rivojlantirish, shu jumladan investitsiya loyihalarini amalga oshirilishini tashkil etish orqali yangi ish o‘rinlarini yaratish, aholining bandligini ta’minlash va real daromadlari oshirilishini kafolatlovchi kompleks chora-tadbirlarni amalga oshirish;
zamonaviy axborot-kommunikatsiya texnologiyalarini joriy etish yo‘li bilan, shu jumladan ilg‘or tajribani o‘rganish asosida, zarurat bo‘lganda, ushbu maqsadlar uchun xorijiy konsultantlarni jalb etgan holda normativ-huquqiy hujjatlar loyihalarini ishlab chiqish, kelishish, ekspertizadan o‘tkazish va ko‘rib chiqish tizimini takomillashtirish;
O‘zbekiston Respublikasi Oliy Majlisi Qonunchilik palatasi va Senatining qo‘mitalari, shuningdek, O‘zbekiston Respublikasi Prezidenti Administratsiyasining tegishli tarkibiy bo‘linmalari bilan o‘zaro yaqin hamkorlikni ta’minlash;
ijro etuvchi hokimiyat organlarining faoliyatini yuzaga keladigan muammolar sabablari va sharoitlarini bartaraf etish, ishlarni tashkil etishning zamonaviy uslublarini joriy qilish bo‘yicha kompleks chora-tadbirlarni ishlab chiqish hamda amalga oshirishga qayta yo‘naltirish maqsadida ayrim davlat funksiyalarini xususiy sektor subyektlariga berish orqali ortiqcha ma’muriy tartibga solishni kamaytirish;
O‘zbekiston Respublikasi Vazirlar Mahkamasi apparatida, vazirliklar va idoralarda, shuningdek, barcha darajalardagi hokimliklarda ijro intizomi darajasini oshirish, zamonaviy axborot-kommunikatsiya texnologiyalarini joriy etish asosida O‘zbekiston Respublikasi Prezidenti va Hukumatning hujjatlari, bayonnomalari va topshiriqlari, shuningdek, “yo‘l xaritalari”ning bajarilishi yuzasidan tizimli nazoratni ta’minlash;
davlat boshqaruvini nomarkazlashtirish, mahalliy ijro etuvchi hokimiyat organlarining moliyaviy imkoniyatlari, roli va javobgarligini kengaytirish, markaziy va o‘rta bo‘g‘in boshqaruv xodimlari sonini optimallashtirish orqali boshqaruvning vertikal tizimi mexanizmlarini va ijro etuvchi hokimiyat organlarining o‘zaro hamkorligini takomillashtirish;
vazirliklar, davlat qo‘mitalari va davlat boshqaruvining boshqa organlari tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining hujjatlari, parlament, deputat Senat a’zosi so‘rovlari, O‘zbekiston Respublikasi Prezidentining qarorlari va topshiriqlari bajarilishining monitoringini amalga oshirish;
Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyatida (keyingi o‘rinlarda — Kotibiyat), Investitsiya loyihalarining amalga oshirilishi va tashqi savdoni monitoring qilish inspeksiyasida (keyingi o‘rinlarda — Inspeksiya) shuningdek, biriktirilgan vazirliklar, idoralar hamda xo‘jalik birlashmalarida kadrlarni tanlash tizimini takomillashtirish, xodimlar malakasini oshirish va kadrlarning amaliy zaxirasini tayyorlashning samarali shakl va usullarini joriy etish;
davlat boshqaruvi tizimiga jumladan, strategik rejalashtirish va prognozlashtirishning zamonaviy shakllari, usullari va prinsiplari joriy etilishini muvofiqlashtirish;
barcha darajalardagi ijro etuvchi hokimiyat organlari va ularning rahbarlari faoliyatini aniq ko‘rsatkichlar hamda maqsadli indikatorlarga erishish, rivojlanish davlat dasturlari, investitsiya dasturlarini amalga oshirishning sifat va samaradorlik mezonlariga, shuningdek, eksport prognozlariga asoslangan baholash tizimi joriy etilishini muvofiqlashtirish;
Hukumatning muayyan sohalar va yo‘nalishlarda islohotlarning amalga oshirilishi hamda natijadorligini o‘rganish maqsadida hududlarda mahalliy ijro etuvchi hokimiyat organlari, hududiy davlat boshqaruvi organlari rahbarlari, jamoat tashkilotlari vakillari ishtirokida mavzuga oid sayyor (ochiq) majlislarini tizimli asosda o‘tkazish.
a) investitsiya, eksportni qo‘llab-quvvatlash va tashqi iqtisodiy faoliyatni rivojlantirish sohasida:
O‘zbekiston Respublikasi Prezidentining “Investitsiya va tashqi savdo sohasida boshqaruv tizimini takomillashtirish chora-tadbirlari to‘g‘risida” 2019-yil 28-yanvardagi PF-5643-son Farmonida nazarda tutilgan investitsiyalar, tashqi iqtisodiy faoliyat sohasi va tashqi savdo yo‘nalishlarida boshqaruv tizimini takomillashtirish;
yagona davlat investitsiya siyosatini shakllantirish va yuritish, shu jumladan xorijiy investitsiyalarni jalb qilish bo‘yicha iqtisodiyot tarmoqlari hamda mamlakat hududlariga investitsiya kiritish hajmlari kengaytirilishini rag‘batlantirish, respublikada investitsiya muhitini yanada takomillashtirish, xorijiy kapital ishtirokidagi korxonalarni rivojlantirishni qo‘llab-quvvatlashga qaratilgan ishlarni muvofiqlashtirish;
xorijiy investitsiyalarni jalb qilish sohasidagi normativ-huquqiy hujjatlarni yanada takomillashtirish va O‘zbekiston Respublikasi hududida investitsiya faoliyatini kengaytirish uchun yanada qulay shart-sharoitlar yaratish chora-tadbirlarining ishlab chiqilishi hamda amalga oshirilishini ta’minlash;
O‘zbekiston Respublikasi Prezidentining “2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi to‘g‘risida” 2019-yil 17-yanvardagi PF-5635-son Farmoniga muvofiq 2030-yilgacha O‘zbekiston Respublikasini ijtimoiy-iqtisodiy rivojlantirish konsepsiyasini, O‘zbekiston Respublikasining investitsiya siyosati strategiyasi, O‘zbekiston Respublikasining investitsiya dasturlarini ishlab chiqish hamda amalga oshirishga doir tashkiliy-amaliy tadbirlarni muvofiqlashtirish;
davlat investitsiya dasturlari va hududiy investitsiya dasturlarini shakllantirishda, shuningdek, yuqorida qayd etilgan dasturlarga kiritilgan investitsiya loyihalarining amalga oshirilishini monitoring qilishda davlat va xo‘jalik boshqaruvi organlari, mahalliy davlat hokimiyati organlarining o‘zaro hamkorligini muvofiqlashtirish;
xorijiy investitsiyalarni, kreditlar va moliyaviy-texnik ko‘maklashish mablag‘larini jalb qilish uchun investitsiya takliflarining yagona bazasi yuritilishini ta’minlash;
O‘zbekiston Respublikasining xalqaro moliya institutlari va xorijiy hukumat moliya tashkilotlari bilan o‘zaro manfaatli asosda investitsiyaviy hamkorlik yo‘nalishlarini rivojlantirish hamda diversifikatsiyalashga doir takliflar ishlab chiqish;
xorijiy investitsiyalarni jalb qilish, shuningdek, xalqaro moliya institutlari va xorijiy investorlar bilan investitsiyaviy hamkorlikni rivojlantirish ishlarining asosiy yo‘nalishlarini belgilash hamda oshirish borasida davlat va xo‘jalik boshqaruvi organlari, mahalliy davlat hokimiyati organlari, O‘zbekiston Respublikasining xorijdagi diplomatik vakolatxonalarining rahbarlari hamda savdo-iqtisodiy masalalar bo‘yicha maslahatchilari va xalqaro tashkilotlardagi doimiy vakillari faoliyatini muvofiqlashtirish;
investitsiya loyihalari amalga oshirilishini tizimli monitoring qilish, xorijiy kapital ishtirokidagi korxonalar faoliyatini, investor tomonidan o‘zining investitsiya majburiyatlari to‘liq bajarilishini tahlil qilish, xorijiy investitsiyalar ishtirokida investitsiya loyihalarining o‘z vaqtida va samarali amalga oshirilishiga to‘sqinlik qilayotgan omillarni aniqlash hamda ularni hal etish yuzasidan tezkor choralar ko‘rish orqali mamlakat iqtisodiyotiga jalb etilayotgan xorijiy investitsiyalardan foydalanish samaradorligini oshirish;
xalqaro moliya institutlari va xorijiy hukumat moliya tashkilotlarining jalb qilinadigan kredit resurslari va texnik ko‘maklashish vositalaridan (grantlaridan), O‘zbekiston Respublikasi Tiklanish va taraqqiyot jamg‘armasi mablag‘laridan, O‘zbekiston Respublikasi Davlat budjeti va davlat maqsadli jamg‘armalari mablag‘lari hisobidan markazlashgan investitsiyalardan samarali foydalanish bo‘yicha tavsiyalar ishlab chiqish;
O‘zbekiston Respublikasida va xorijda mamlakatning iqtisodiy va investitsiya salohiyati to‘g‘risida xorijiy investorlarni keng xabardor qilish uchun xalqaro konferensiyalar, seminarlar, investitsiya forumlarini tashkil etishga ko‘maklashish;
eng avvalo, xorijiy investitsiyalar ishtirokidagi investitsiya loyihalari bo‘yicha loyihaoldi va loyiha hujjatlarini ishlab chiqish borasida loyiha institutlari hamda respublika tashkilotlarining faoliyatini muvofiqlashtirish;
Investitsiya portalining samarali faoliyatini ta’minlash bo‘yicha davlat boshqaruvi organlari, xo‘jalik birlashmalari, mahalliy ijro etuvchi hokimiyat organlarining ishlarini muvofiqlashtirish, portal kontentini muntazam yangilab borish, shu jumladan investitsiya loyihalarini amalga oshirish holati, investorlar murojaatlarini ko‘rib chiqish yakunlari va boshqalar haqida markazlashtirilgan ma’lumotlar bazasini yuritish;
O‘zbekiston Respublikasi Prezidentining “Respublikada eksport va investitsiya salohiyatini yanada rivojlantirishga oid qo‘shimcha chora-tadbirlar to‘g‘risida” 2020-yil 18-avgustdagi PF-6042-son Farmoniga asosan tashkil etilgan Eksport va investitsiyalarni rivojlantirish masalalari bo‘yicha Hukumat komissiyasining faoliyatiga rahbarlik qilish;
har bir hududning ishlab chiqarish salohiyati va investitsiyalarga bo‘lgan ehtiyoji, oldindan hisob-kitob qilingan aniq loyihalar hamda salohiyatli investorlar uchun qiziqish uyg‘otadigan boshqa axborot aks ettirilgan O‘zbekiston Respublikasining interfaol investitsiya xaritasini joriy qilish hamda uning faoliyatini ta’minlash ishlarini muvofiqlashtirish;
O‘zbekiston Respublikasi Vazirlar Mahkamasi apparatining tegishli tarkibiy bo‘linmalari bilan birgalikda investitsiya va tashqi iqtisodiy hamkorlik, xorijiy investitsiyalarni jalb qilish hamda tashqi savdo infratuzilmasini rivojlantirish sohasidagi xalqaro shartnomalarning loyihalari belgilangan tartibda ishlab chiqilishini tashkil etish;
tashqi iqtisodiy faoliyat aloqalari sohasida davlat boshqaruvi organlari, xo‘jalik birlashmalari va mahalliy ijro etuvchi hokimiyat organlari faoliyatini muvofiqlashtirilishida o‘zaro hamkorlikni ta’minlash, respublikani rivojlantirishning strategik maqsadlari va yo‘nalishlaridan kelib chiqqan holda, xalqaro moliya institutlari va xorijiy hukumat moliya tashkilotlari bilan tashqi iqtisodiy hamkorlikni tashkil etish hamda uning ustuvor yo‘nalishlari bo‘yicha takliflar ishlab chiqish;
birinchi navbatda, tashqi savdo aylanmasining mutanosibligini ta’minlash, eksportni davlat tomonidan qo‘llab-quvvatlashni kengaytirish, eksport salohiyatini oshirish, tovarlar va xizmatlar importi hajmlari va tuzilmasini optimallashtirish, bojxona-tarif va notarif siyosatini tartibga solishga doir takliflar tayyorlanishini tashkil qilish borasida yagona tashqi iqtisodiy siyosat yuritilishini muvofiqlashtirish;
tizimlashtirilgan ma’lumotlar bazasini shakllantirilishi va yuritilishini tashkil qilish, O‘zbekiston Respublikasi Prezidentining xorijiy davlatlarga tashriflari yakunlari bo‘yicha tashqi savdo hamkorligi yuzasidan erishilgan kelishuvlar bajarilishining monitoringini amalga oshirish, shuningdek, xalqaro moliya institutlari va xorijiy hukumat moliya tashkilotlari bilan tashqi iqtisodiy hamkorlikni chuqurlashtirishga oid ishlab chiqilgan takliflarni baholash;
O‘zbekiston Respublikasi Prezidentining hujjatlari yoki Vazirlar Mahkamasining qarorlari asosida O‘zbekiston Respublikasi hududida o‘ziga xos tovarlarni eksport va import qilish uchun litsenziyalar berish ishlarini tashkil etish;
O‘zbekiston Respublikasi Prezidentining hujjatlari yoki Vazirlar Mahkamasining qarorlari asosida buyumlar va mahsulotlar eksporti bo‘yicha tadbirlarni muvofiqlashtirish;
tegishli vazirliklar va idoralar, Vazirlar Mahkamasi apparatining tarkibiy bo‘linmalari bilan birgalikda xalqaro shartnomalar bo‘yicha O‘zbekiston Respublikasining iqtisodiy manfaatlari hamda tashqi iqtisodiy xavfsizligiga rioya etilishini ta’minlash yuzasidan xulosalarni ekspert jihatidan ishlab chiqish hamda tayyorlashda belgilangan tartibda ishtirok etish;
xorijiy davlatlar hukumatlari, firmalar, kompaniyalar va nodavlat tashkilotlar, xalqaro tashkilotlar vakillari bilan o‘tkaziladigan muzokaralarda ishtirok etish;
b) investitsiya dasturlari, xususan, hududiy rivojlanish investitsiya dasturlarini shakllantirilishini muvofiqlashtirish va amalga oshirilishini monitoring qilish sohasida:
O‘zbekiston Respublikasining investitsiya dasturlarini, qisqa va o‘rta muddatli tarmoq hamda hududiy rivojlanish dasturlarini ishlab chiqish hamda amalga oshirish tadbirlarini muvofiqlashtirish;
investitsiyalardan samarali hamda oqilona foydalanish bo‘yicha davlat va xo‘jalik boshqaruvi organlari, mahalliy ijro etuvchi hokimiyat organlari, boshqa tashkilotlar, shuningdek, Vazirlar Mahkamasining tarkibiy bo‘linmalari tomonidan ishlab chiqilgan tarmoq va hududiy investitsiya dasturlari, O‘zbekiston Respublikasi Prezidentining va O‘zbekiston Respublikasi Hukumatining hujjatlari loyihalarini ko‘rib chiqish;
moliyalashtirishning turli manbalari, shu jumladan to‘g‘ridan to‘g‘ri xorijiy investitsiyalar hisobidan iqtisodiyot tarmoqlari va ijtimoiy sohani iqtisodiy yuksaltirish hamda muvozanatli rivojlantirish sur’atlarining investitsiya resurslariga bo‘lgan ehtiyojlar bilan bog‘liqligini ta’minlashga doir takliflar ishlab chiqish;
davlat boshqaruvi organlari va xo‘jalik birlashmalari tomonidan investitsiya, moddiy va qiymat balanslari ishlab chiqilishini muvofiqlashtirish, ularning ijrosi yuzasidan monitoring yuritish;
Vazirlar Mahkamasi Apparatining tarkibiy bo‘linmalari bilan birgalikda yirik va strategik muhim investitsiya loyihalarini moliyalashtirish sxemalarini ko‘rib chiqish;
investitsiya loyihalari va boshqa hujjatlar, O‘zbekiston Respublikasi Prezidentining va O‘zbekiston Respublikasi Hukumatining aniq investitsiya loyihalari bo‘yicha hujjatlarning ko‘rib chiqilishi, investitsiya loyihalarini amalga oshirishning samarali hamda eng maqbul sxemalarini tanlash bo‘yicha takliflar tayyorlanishini ta’minlash;
davlat, tarmoq va hududiy investitsiya dasturlariga kiritilgan loyihalarning o‘z vaqtida amalga oshirilishi, investitsiya dasturlari doirasida mablag‘lar jalb etilishi hamda o‘zlashtirilishi bo‘yicha belgilangan prognoz parametrlar bajarilishi uchun tizimli va qat’iy nazoratni tashkil qilish, shuningdek, investitsiya loyihalarini amalga oshirish holatini kompleks tahlil qilish hamda monitoring davomida aniqlangan muammolarni bartaraf etish yuzasidan takliflar kiritish;
davlat va hududiy investitsiya dasturlariga kiritilgan investitsiya loyihalari bo‘yicha ma’lumotlar bazasi yaratilishini, yuritilishini hamda muntazam yangilanishini ta’minlash;
davlat va hududiy investitsiya dasturlariga kiritilgan loyihalar, shuningdek, investitsiya dasturlarining amalga oshirilishi, investitsiya dasturlarini amalga oshirish masalalari bo‘yicha O‘zbekiston Respublikasining qonunlari, O‘zbekiston Respublikasi Prezidentining hujjatlari va topshiriqlari, O‘zbekiston Respublikasi Hukumati hujjatlari va topshiriqlari bajarilishini, jumladan, joylarga borgan holda o‘rganish, Vazirlar Mahkamasi rahbariyatiga axborot berish uchun tegishli tahliliy materiallar hamda takliflar tayyorlash;
investitsiya loyihalarining dastlabki va yakuniy texnik-iqtisodiy asoslari hamda hisob-kitoblari ishlab chiqilishi va moslashtirilishi bo‘yicha chora-tadbirlarning amalga oshirilishi muvofiqlashtirilishini, shuningdek, loyiha hujjatlari tayyorlanishi, iqtisodiyotning asosiy tarmoqlari loyihalarini ekspertizadan o‘tkazishni va texnik jihatdan qo‘llab-quvvatlanishini ta’minlash;
v) xorijiy investitsiyalarni jalb qilish, O‘zbekiston Respublikasining xorijiy davlatlardagi elchixonalari, diplomatik vakolatxonalari va ularning savdo-iqtisodiy masalalar bo‘yicha maslahatchilari, Qoraqalpog‘iston Respublikasi Vazirlar Kengashi Raisining o‘rinbosari — investitsiyalar va tashqi savdo vaziri, viloyatlar va Toshkent shahar hokimlarining o‘rinbosarlari — investitsiyalar va tashqi savdo boshqarmalari boshliqlari faoliyatini muvofiqlashtirish sohasida:
xorijiy investitsiyalarni jalb etish, buning uchun zarur shart-sharoitlar va imtiyozlar berish bo‘yicha vazirliklar, idoralarning faoliyati muvofiqlashtirilishi va kelishilishini ta’minlash;
mamlakatni rivojlantirishning strategik maqsadlaridan kelib chiqqan holda, xalqaro moliya institutlari va xorijiy hukumat moliya tashkilotlari bilan investitsiyaviy hamkorlikning ustuvor yo‘nalishlari bo‘yicha takliflar ishlab chiqish;
O‘zbekiston Respublikasi Prezidentining “Investitsiya va tashqi savdo sohasida boshqaruv tizimini takomillashtirish chora-tadbirlari to‘g‘risida” 2019-yil 28-yanvardagi PF-5643-son Farmoniga muvofiq xorijiy, birinchi navbatda, to‘g‘ridan to‘g‘ri investitsiyalarni jalb qilish va o‘zlashtirish jarayonini tashkil etish, ularning iqtisodiyotga keng kiritilishi uchun shart-sharoitlarni takomillashtirish yuzasidan takliflar kiritish;
xorijiy investitsiyalar va kreditlarni jalb etish uchun investitsiya takliflarining yagona bazasini shakllantirish va yangilash jarayonini muvofiqlashtirishni ta’minlash, shuningdek, O‘zbekiston Respublikasida yaratilgan investitsiya muhiti, shu jumladan investitsiya kiritish jarayonining asosiy tartib-taomili masalalari, shuningdek, amalga oshirish taklif etilayotgan investitsiya takliflari to‘g‘risidagi axborotni salohiyatli investorlar va kreditorlarga yetkazish;
xalqaro moliya institutlari va xorijiy hukumat moliya tashkilotlari bilan hamkorlikning qisqa hamda o‘rta muddatli dasturlarining ishlab chiqilishi va tasdiqlanishini muvofiqlashtirish, ularning vazirliklar va idoralar tomonidan o‘z vaqtida va samarali bajarilishi nazorat qilinishini ta’minlash;
xalqaro moliya institutlari va xorijiy hukumat moliya tashkilotlari bilan hamkorlikning ustuvor va istiqbolli yo‘nalishlari bo‘yicha takliflarning ishlab chiqilishini ta’minlash;
texnikaviy ko‘maklashish grantlari va mablag‘larini respublikaga jalb etish tadbirlarini muvofiqlashtirish;
tizimlashtirilgan ma’lumotlar banki shakllantirilishi va yuritilishini tashkil etish, xalqaro moliya va iqtisodiyot institutlari bilan hamkorlik dasturiga kiritilgan investitsiya, grant va texnikaviy ko‘maklashish loyihalari amalga oshirilishi yuzasidan monitoring olib borish;
xorijiy investitsiyalarni jalb qilish hamda O‘zbekiston Respublikasining xorijiy davlatlardagi elchixonalari, diplomatik vakolatxonalari va ularning savdo-iqtisodiy masalalar bo‘yicha maslahatchilari ishlarini muvofiqlashtirish;
Qoraqalpog‘iston Respublikasi Vazirlar Kengashi Raisining o‘rinbosari — investitsiyalar va tashqi savdo vaziri, viloyatlar va Toshkent shahar hokimlarining o‘rinbosarlari — investitsiyalar va tashqi savdo boshqarmalari boshliqlari faoliyatini muvofiqlashtirish;
investitsiya faoliyatini amalga oshirish, xorijiy investitsiyalar, shu jumladan to‘g‘ridan to‘g‘ri xorijiy investitsiyalarni jalb qilish hamda o‘zlashtirish borasida davlat boshqaruvi organlari va xo‘jalik birlashmalari, mahalliy ijro etuvchi hokimiyat organlari, O‘zbekiston Respublikasining xorijiy davlatlardagi elchixonalari, diplomatik vakolatxonalari faoliyatini baholashning reyting tizimi joriy etilishini ta’minlash;
g) O‘zbekiston Respublikasi Prezidentining “Charm-poyabzal va mo‘ynachilik sohalarini rivojlantirish va eksport salohiyatini oshirishni yanada rag‘batlantirish chora-tadbirlari to‘g‘risida” 2018-yil 3-maydagi PQ-3693-son qaroriga muvofiq chorva mollarini avtomatlashtirilgan holda so‘yish texnologiyalarini joriy qilish, tayyor charm-poyabzal, charm-galantereya, mo‘yna, qorako‘l mahsulotlari hamda jun buyumlari ishlab chiqarishni rivojlantirish chora-tadbirlari amalga oshirilishini muvofiqlashtirish;
“Maxsus iqtisodiy zonalar to‘g‘risida” O‘zbekiston Respublikasining Qonuni, O‘zbekiston Respublikasi Prezidentining “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari to‘g‘risida” 2018-yil 21-dekabrdagi PF-5600-son Farmoni hamda “Kichik sanoat zonalari faoliyatini muvofiqlashtirish va boshqarishni yanada takomillashtirish chora-tadbirlari to‘g‘risida” 2019-yil 21-iyundagi PQ-4363-son qaroriga muvofiq maxsus iqtisodiy zonalarning ma’muriy kengashlari va direksiyalarining, jumladan, to‘g‘ridan to‘g‘ri xorijiy investitsiyalarni va mahalliy investorlarni jalb etish masalalarida faoliyatini muvofiqlashtirish hamda samaradorligini tahlil qilish, maxsus iqtisodiy zonalarning ma’muriy kengashlariga tashqi bozorlarda talab qilingan va importning o‘rnini bosuvchi yuqori qo‘shilgan qiymatli mahsulotlar ishlab chiqarishni tashkil etishga ko‘maklashish;
sanoat va qishloq xo‘jaligi mahsulotlarini chuqur qayta ishlash sohasida yangi zamonaviy ishlab chiqarishlarni tashkil etish, shu jumladan mahalliy xomashyo va materiallar negizida yuqori texnologiyali mahsulotlar ishlab chiqarishni mahalliylashtirish bo‘yicha erkin iqtisodiy va kichik sanoat zonalarida joylashtirilgan investitsiya loyihalari amalga oshirilishi monitoringi olib borilishi va tahlil qilinishini tashkil etish;
investitsiya loyihalarini tahlil qilishda, erkin iqtisodiy va kichik sanoat zonalari hududida transport, muhandislik-kommunikatsiya va ijtimoiy infratuzilmani jadal rivojlantirishni va ulardan samarali foydalanishni ta’minlash bo‘yicha dasturlarni ishlab chiqishda ishtirok etishni ta’minlash;
erkin iqtisodiy va kichik sanoat zonalarini, respublika hududlarining mavjud ishlab chiqarish va resurs salohiyatini hisobga olgan holda, mahalliy xomashyo va materiallarni mahalliylashtirish jarayonlarini chuqurlashtirish va ulardan foydalanish asosida ularda yuqori texnologik mahsulotlar ishlab chiqarishni ta’minlaydigan loyihalarni yanada rivojlantirish bo‘yicha takliflar va dasturlarni shakllantirish;
erkin iqtisodiy va kichik sanoat zonalari hududida loyihalarni amalga oshiruvchi investorlar uchun yanada qulay shart-sharoitlar yaratish, shuningdek, ular ishlab chiqaradigan mahsulotlarni eksportga yetkazib berishni ko‘paytirish maqsadida qonun hujjatlarini yanada takomillashtirishga doir takliflarni belgilangan tartibda kiritish;
yuqori qo‘shilgan qiymatli tayyor mahsulotlar ulushini yanada ko‘paytirish, tashqi bozorlarda yangi turdagi raqobatbardoshli mahsulotlar ishlab chiqarishni o‘zlashtirish, ularni jahon bozorlariga chiqarish hisobidan eksport salohiyatini kengaytirish, tovarlar (ishlar va xizmatlar) eksporti hajmlari va tuzilmasini optimallashtirish bo‘yicha iqtisodiyot real sektori tarmoqlarining faoliyatini muvofiqlashtirish;
ichki va tashqi bozorlarni rivojlantirish tendensiyalarini chuqur tahlil qilish ishlarini muvofiqlashtirish, shu asosda iqtisodiyot tarmoqlarining eksport salohiyatini rivojlantirishning asosiy yo‘nalishlari, eng avvalo, eksport nomenklaturasini kengaytirish va hajmlarini oshirish, tashqi savdo bozorlarini diversifikatsiyalash bo‘yicha takliflar ishlab chiqish;
tovarlar (ishlar, xizmatlar) eksportining har yilgi prognozlarini shakllantirish ishlarini muvofiqlashtirish va davlat hamda xo‘jalik boshqaruvi organlari tomonidan eksportning belgilangan prognoz parametrlari so‘zsiz bajarilishini tizimli nazorat qilish;
mahalliy tovarlar (ishlar, xizmatlar)ni tashqi bozorlarga chiqarish uchun qulay sharoitlar bilan ta’minlash bo‘yicha kompleks chora-tadbirlar ishlab chiqilishini tashkil etish, O‘zbekiston Respublikasining xo‘jalik yurituvchi subyektlariga eksport faoliyatini amalga oshirish hamda xorijiy sheriklar bilan uzoq muddatli barqaror savdo aloqalari o‘rnatishga ko‘maklashish;
marketing tadqiqotlarini tashkil etish, eksportning asosiy nomenklaturasi, eksport qiluvchi tashkilotlarda marketing xizmatlari tashkil etilishi hamda faoliyat ko‘rsatishiga uslubiy va amaliy ko‘maklashish bo‘yicha marketing va tahliliy sharhlar tayyorlash;
iqtisodiyotning real sektorida eksport salohiyatini rivojlantirish bo‘yicha takliflar, loyihalar va dasturlarning har tomonlama tahlil etilishi hamda ekspertizadan o‘tkazilishini ta’minlash, qayd etilgan loyihalar va dasturlarning amalga oshirilishini muvofiqlashtirish, bajarilishini monitoring qilish, shuningdek, tasdiqlangan parametrlarga so‘zsiz erishish yuzasidan takliflar va tadbirlar ishlab chiqish;
yuqori qo‘shilgan qiymatli tayyor mahsulotlar ulushini yanada ko‘paytirish, tashqi bozorlarda yangi turdagi raqobatbardoshli mahsulotlar ishlab chiqarishni o‘zlashtirish, ularni jahon bozorlariga chiqarish hisobiga hududlarning eksport salohiyatini rivojlantirish, tovarlar (ishlar va xizmatlar) eksporti hajmlari va tuzilmasini optimallashtirish bo‘yicha mahalliy ijro etuvchi hokimiyat organlarining faoliyatini muvofiqlashtirish;
mamlakatni ijtimoiy-iqtisodiy rivojlantirishning ustuvor yo‘nalishlari, tashqi bozorlardagi uzoq muddatli tendensiyalar natijalari va ularning tahlilidan kelib chiqqan holda, hududlarning eksport salohiyatini rivojlantirish bo‘yicha eksportbop mahsulotlar ishlab chiqarishning zamonaviy quvvatlarini, zarur transport-logistika infratuzilmasini tashkil etish hamda eksportchi korxonalarni amaliy qo‘llab-quvvatlashga qaratilgan maqsadli dasturlar ishlab chiqilishi va amalga oshirilishini tashkil qilish;
hududiy darajada tovarlar (ishlar, xizmatlar) eksportining har yilgi prognozlarini shakllantirish ishlarini muvofiqlashtirish, mahalliy ijro etuvchi hokimiyat organlari va tashkilotlar tomonidan eksportning belgilangan prognoz parametrlari so‘zsiz bajarilishini tizimli nazorat qilish;
O‘zbekiston Respublikasi Prezidentining “Respublikada eksport va investitsiya salohiyatini yanada rivojlantirishga oid qo‘shimcha chora-tadbirlar to‘g‘risida” 2020-yil 18-avgustdagi PF-6042-son Farmoniga asosan eksport salohiyatini yanada kengaytirish, investitsiya dasturlariga kiritilgan loyihalar, xalqaro moliya institutlari va xorijiy hukumat moliya tashkilotlari ishtirokidagi investitsiya loyihalari hamda oliy darajadagi tashriflar davomida imzolangan hujjatlarni amalga oshirish bo‘yicha “yo‘l xaritalari”ga kiritilgan tadbirlarning ijrosini o‘z vaqtida va sifatli ta’minlash, ilm-fan va innovatsiya yutuqlarni keng joriy etgan holda hududlarda “sanoat klasterlari”ni tashkil etish;
hududlarda eksportbop mahsulotlarning yangi turlarini o‘zlashtirishni tashkil qilishda mavjud ishlab chiqarish salohiyatidan samarali foydalanish maqsadida hududiy bo‘ysunuvdagi tashkilotlar va boshqa turdosh tarmoqlar, shuningdek, mahalliy ishlab chiqaruvchilarning tarmoqlararo sanoat kooperatsiyasini yo‘lga qo‘yishga ko‘maklashish;
hududlarning eksport salohiyatini rivojlantirish bo‘yicha takliflar, loyihalar va istiqbolli rejalarni har tomonlama tahlil qilish hamda kompleks ekspertizadan o‘tkazish, ustuvor loyihalar va dasturlarni amalga oshirish ishlarini muvofiqlashtirish, ularning bajarilishini monitoring qilish, shuningdek, iqtisodiyot va eksportni rivojlantirishning tasdiqlangan parametrlariga so‘zsiz erishishni ta’minlash bo‘yicha takliflar hamda tadbirlar ishlab chiqish;
hududiy bo‘sunuvdagi tashkilotlar tomonidan eksport mahsulotlarini ishlab chiqarish va yuklab jo‘natish bo‘yicha shartnoma majburiyatlari bajarilishining nazoratini tashkil etish, ularga moliyaviy va boshqa resurslarni jalb qilish masalalarini, shuningdek, eksport faoliyatini tashkil etishning boshqa masalalarini hal etishda ko‘maklashish;
jahon va mintaqaviy meva-sabzavot mahsulotlari bozorlarining konyunkturasi chuqur o‘rganilishini muvofiqlashtirish, shu asosda respublika hududlarida yangi uzilgan va qayta ishlangan meva-sabzavot mahsulotlarini yetishtirish hamda eksport qilishni jadal rivojlantirish strategiyasi ishlab chiqilishi va amalga oshirilishini tashkil etish;
manfaatdor vazirliklar va idoralar bilan birgalikda meva-sabzavot mahsulotlari, kartoshka, poliz ekinlari, uzumni eksport qilish bo‘yicha o‘rta va uzoq muddatli prognozlari, meva-sabzavotchilikka ixtisoslashtirilgan tumanlarning eksport salohiyatini oshirish bo‘yicha takliflar ishlab chiqish;
yangi uzilgan va qayta ishlangan mahalliy meva-sabzavot mahsulotlarini eksportga chiqarishni ta’minlash, yangi savdo bozorlarini topish hamda o‘zlashtirish, respublikada xalqaro meva-sabzavot yarmarkalarini tashkil etish va o‘tkazish bo‘yicha takliflar ishlab chiqish, tuziladigan shartnomalar doirasida ularni yetkazib berish hajmlari va geografiyasini monitoring qilish;
eksport qiluvchi tashkilotlar tomonidan eksport mahsulotlarini yetishtirish va yuklab jo‘natish bo‘yicha shartnoma majburiyatlari bajarilishi monitoringini ta’minlash, ularning faoliyatida yuzaga keladigan, shu jumladan zarur moliyaviy resurslarni jalb qilish bilan bog‘liq masalalarni hal etishga ko‘maklashish;
mamlakatda yangi uzilgan va qayta ishlangan meva-sabzavot mahsulotlarini eksport qilishni tashkil etish uchun ixtisoslashtirilgan yangi infratuzilma obyektlarini tashkil qilish, sabzavot omborlari va sovutish qurilmalarini barpo etish, rekonstruksiya qilish va modernizatsiyalash, zamonaviy idish-qadoqlash mahsulotlari ishlab chiqarishni o‘zlashtirish;
z) oliy darajadagi tashriflar natijasida erishilgan kelishuvlarni amalga oshirish bo‘yicha “yo‘l xaritalari” ni ishlab chiqish va amalga oshirish sohasida:
“yo‘l xaritalari”da nazarda tutilgan tadbirlar, shu jumladan eksport kelishuvlarining to‘laqonli bajarilishi hamda investitsiya loyihalarini o‘z vaqtida amalga oshirilishi ustidan qat’iy nazorat o‘rnatish;
“yo‘l xaritalari”da nazarda tutilgan tadbirlarning vazirliklar, idoralar, mahalliy ijro etuvchi hokimiyat organlari va boshqa tashkilotlar tomonidan o‘z vaqtida hamda samarali ijro etilishini ta’minlash, to‘sqinlik qiluvchi omillarni aniqlab, ularni bartaraf etish;
vazirliklar, idoralar, mahalliy ijro etuvchi hokimiyat organlari va boshqa tashkilotlar tomonidan “yo‘l xaritalari”da nazarda tutilgan tadbirlarning ijro etilishida sun’iy ravishda cho‘zish va sansalorlik holatlariga yo‘l qo‘ymaslik choralarini ko‘rish.
eksport qiluvchi korxonalarning moliyaviy resurslardan foydalanishini ta’minlash ishlarini tashkil etish, noxomashyo eksport hajmlari, milliy eksportchilar va ularning mahsulotlarini xarid qiluvchi mamlakatlar sonini ko‘paytirishga ko‘maklashish;
2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini hamda O‘zbekiston Respublikasi Prezidentining “Eksport faoliyatini moliyalashtirish va sug‘urta himoyasi mexanizmlarini kengaytirish chora-tadbirlari to‘g‘risida” 2019-yil 24-maydagi PQ-4337-son va “Eksport faoliyatini yanada qo‘llab-quvvatlash chora-tadbirlari to‘g‘risidagi” 2020-yil 7-maydagi PQ-4707-son qarorlariga muvofiq respublikada va xorijda xalqaro standartlashtirish hamda sertifikatlashtirish tizimlarini joriy qilish, xorijiy vakolatli organlarda milliy mahsulotni ro‘yxatga olish bog‘liq xarajatlarni qoplash, mahsulotlarni eksport qilishda avtomobil, havo va temir yo‘l transportida tashish xarajatlarini qisman kompensatsiya qilishga subsidiyalar taqdim etish uchun eksport qiluvchi korxonalarga maqsadli moliyaviy ko‘maklashish mexanizmlarini ishlab chiqish va joriy etish ishlarini muvofiqlashtirish;
mahalliy eksportni moliyaviy qo‘llab-quvvatlash va sug‘urtalash mexanizmlarini muvaffaqiyatli joriy qilgan xorijiy davlatlar tajribasi inobatga olingan holda, eksportoldi va eksportni moliyalashtirishni, eksport kreditlari va tavakkalchiliklarini sug‘urtalash mexanizmlari, jumladan, xalqaro moliya institutlarini jalb etgan holda joriy etilishini ta’minlash;
savdoni moliyalashtirish uchun xalqaro va xorijiy moliya institutlarining qarzlari va imtiyozli kreditlarini jalb qilish ishlarini muvofiqlashtirish;
O‘zbekiston Respublikasi Prezidentining “Investitsiya va tashqi savdo sohasida boshqaruv tizimini takomillashtirish chora-tadbirlari to‘g‘risida” 2019-yil 28-yanvardagi PF-5643-son Farmonida belgilangan vazifalar hisobga olingan holda, O‘zbekiston Respublikasining JST a’zo bo‘lish va boshqa ko‘p tomonlama iqtisodiy tashkilotlar bilan hamkorlik qilish jarayonlarini muvofiqlashtirish, shuningdek, milliy qonunchilikni JST bitimlari talablariga muvofiq moslashtirish bo‘yicha takliflar ishlab chiqish;
Vazirlar Mahkamasining “Jahon savdo tashkiloti bilan ishlash bo‘yicha idoralararo komissiya to‘g‘risidagi nizomni tasdiqlash haqida” 2020-yil 28-maydagi 339-son qaroriga muvofiq Jahon savdo tashkiloti bilan ishlash bo‘yicha Idoralararo komissiya faoliyatini muvofiqlashtirish;
O‘zbekiston Respublikasining JSTga qo‘shilishi bo‘yicha muzokara jarayonida O‘zbekiston Respublikasi vakillarining ishtirok etishini muvofiqlashtirish, uning kotibiyati bilan o‘zaro hamkorlik qilish, xorijiy davlatlar va xalqaro tashkilotlar bilan tashqi savdo sohasida ikki tomonlama hamda ko‘p tomonlama bitimlar (shartnomalar) tuzish;
O‘zbekiston Respublikasining JSTdagi maslahatchisi-vakili va JST tuzilmalari bilan ishlash bo‘yicha birinchi kotib, O‘zbekiston Respublikasining Jeneva shahridagi (Shveysariya Konfederatsiyasi) BMT Bo‘limi va boshqa xalqaro tashkilotlar huzuridagi Doimiy vakili faoliyatini muvofiqlashtirish;
investitsiyalarni jalb qilish hamda o‘zlashtirish va tashqi savdo infratuzilmasini rivojlantirish, shu jumladan tranzit salohiyati darajasini oshirish, logistika va transport yo‘laklarini takomillashtirish, shuningdek, eksport marshrutlarini diversifikatsiya qilish masalalarini ilgari surish;
xalqaro transport koridorlarini rivojlantirish bo‘yicha takliflar tayyorlash, yuk tashish transporti oqimlarini maqbullashtirish, xalqaro va mintaqaviy tranzitni rivojlantirish;
transport sohasida investitsiya, eksport va xalqaro yo‘nalishlarda logistika tizimida xavfsizlikni ta’minlash bo‘yicha takliflar tayyorlash, innovatsion texnologiyalar va intellektual transport tizimlarini joriy etish;
m) O‘zbekiston Respublikasining xorijiy davlatlar va xalqaro tashkilotlar bilan xalqaro hamkorlik masalalarini muvofiqlashtirish sohasida:
xorijiy davlatlar va xalqaro tashkilotlar bilan xalqaro hamkorlikni (siyosiy, savdo-iqtisodiy, madaniy-gumanitar) rivojlantirish, ushbu masalalarda vazirliklar, idoralar, xo‘jalik birlashmalari va mahalliy ijro etuvchi hokimiyat organlari ishlarini muvofiqlashtirish;
xorijiy davlatlar bilan siyosiy, savdo-iqtisodiy, madaniy-gumanitar sohalaridagi munosabatlarni qisqa va o‘rta muddatli rivojlantirish konsepsiyalarini ishlab chiqish hamda ikki tomonlama hamkorlikning ustuvor yo‘nalishlari bo‘yicha takliflarni shakllantirish;
O‘zbekiston Respublikasi Prezidentining xorijiy davlatlarga, xorijiy davlatlar va hukumatlar rahbarlarining O‘zbekiston Respublikasiga tashriflariga axborot-tahliliy materiallar tayyorlash ishlarini muvofiqlashtirish;
O‘zbekiston Respublikasi Prezidentining xorijiy davlatlarga, xorijiy davlatlar va hukumatlar, xalqaro tashkilotlar rahbarlarining O‘zbekiston Respublikasiga tashriflari davomida imzolanadigan xalqaro shartnomalar, investitsion kelishuvlar va eksport kontraktlar loyihalarini tayyorlashni muvofiqlashtirish;
O‘zbekiston Respublikasining xorijiy davlatlarga oliy va yuqori darajadagi tashriflar, shuningdek, xorijiy davlatlar va hukumatlar, xalqaro tashkilotlar rahbarlarining O‘zbekiston Respublikasiga tashriflari davomida erishilgan kelishuvlarning bajarilishi bo‘yicha vazirliklar, idoralar, xo‘jalik birlashmalari va mahalliy ijro etuvchi hokimiyati organlarining ishlarini muvofiqlashtirish;
xorijiy davlatlar bilan hukumatlararo komissiyalar (qo‘mitalar, kengashlar va ishchi guruhlar) majlislariga tayyorgarlik ko‘rish hamda ularni o‘tkazish ishlarini muvofiqlashtirish;
hukumatlararo komissiyalarning (qo‘mitalar, kengashlar va ishchi guruhlar) majlislari yakunlari bo‘yicha erishilgan kelishuvlar hamda qabul qilingan bayonnoma qarorlar vazirliklar, idoralar, xo‘jalik birlashmalari va mahalliy ijro etuvchi hokimiyat organlari tomonidan bajarilishini nazorat hamda monitoring qilish;
n) hududlarda “sanoat klaster”larini tashkil etish va ishlab chiqarishni mahalliylashtirish sohasida:
iqtisodiyot tarmoqlari va hududlarda sanoatni jadal rivojlantirish hamda ilm-fan, innovatsiya, loyiha, moliya, injiniring va investitsiya tashkilotlarini qamrab olgan “sanoat klaster”larini tashkil etish;
mahalliy xomashyo hamda materiallardan samarali foydalanish asosida qo‘shimcha qiymat zanjirini yaratishni ta’minlaydigan investitsiya loyihalarini amalga oshirishni tashkil etish;
mahalliy ishlab chiqaruvchilarni ko‘llab-quvvatlash, ishlab chiqarilayotgan mahsulotlarning sifatini oshirish maqsadida xalqaro standartlarga muvofiq texnik reglament loyihalarini ishlab chiqishni muvofiqlashtirish;
xorijiy tajribadan kelib chiqqan holda, notarif mexanizm va usullarni joriy qilish orqali mahalliy ishlab chiqaruvchilarni qo‘llab-quvvatlash, yangi turdagi import o‘rnini bosuvchi mahsulotlar ishlab chiqarishni rag‘batlantirish.
9. Bosh vazir o‘rinbosari o‘z zimmasiga yuklangan vazifalarga muvofiq quyidagi funksiyalarni amalga oshiradi:
Bosh vazir tomonidan ijtimoiy sohada islohotlarning amalga oshirilishini o‘rganish maqsadida hududlarda mahalliy ijro etuvchi hokimiyat organlari, hududiy davlat boshqaruvi organlari rahbarlari, jamoat tashkilotlari vakillari ishtirokida mavzuga oid sayyor (ochiq) majlislar o‘tkazish uchun tegishli tahliliy materiallar tayyorlanishi va kiritilishini tizimli asosda ta’minlaydi;
Vazirlar Mahkamasi Rayosati majlislarida, O‘zbekiston Respublikasining Bosh vaziri huzurida ko‘rib chiqish uchun tegishli rejalashtirilgan masalalar tayyorlanishi va kiritilishini ta’minlaydi;
mamlakatni iqtisodiy va ijtimoiy rivojlantirishning o‘ta muhim va ustuvor yo‘nalishlari bo‘yicha yaqin, o‘rta va uzoq muddatli istiqbolga mo‘ljallangan konsepsiyalar, davlat dasturlari hamda “yo‘l xaritalari” loyihalarining tayyorlanishi va O‘zbekiston Respublikasi Bosh vaziri, O‘zbekiston Respublikasi Prezidenti maslahatchilari, O‘zbekiston Respublikasi Prezidenti huzurida himoya qilinishini ta’minlaydi;
Vazirlar Mahkamasining tarkibiy bo‘linmalari rahbarlari va mutaxassislarining aniq ko‘rsatkichlar hamda maqsadli indikatorlarga erishishga asoslangan faoliyatini tizimli baholaydi;
tegishli vazirliklar, qo‘mitalar va boshqa davlat organlari rahbarlari, hokimlar o‘rinbosarlariga yuklangan vazifa hamda funksiyalar samarali va natijali bajarilishi uchun ularning shaxsiy roli va mas’uliyatini oshirish choralarini ko‘radi;
tegishli yil uchun qabul qilingan davlat dasturi doirasida O‘zbekiston Respublikasi Prezidentining Oliy Majlisga Murojaatnomasidan kelib chiqadigan vazifalarning amalga oshirilishi to‘g‘risida har choraklik hisobotlar tayyorlanishi va O‘zbekiston Respublikasi Oliy Majlisi palatalariga taqdim etilishini ta’minlaydi;
O‘zbekiston Respublikasi Prezidenti Administratsiyasining tegishli bo‘linmalari bilan hamkorlik qiladi;
O‘zbekiston Respublikasi Bosh vazirining topshiriqlariga binoan respublikaning tegishli hududlari va tarmoqlarida ijtimoiy-iqtisodiy rivojlanishning ustuvor vazifalari hamda dasturlari, iqtisodiy islohotlar bajarilishini muvofiqlashtiradi;
Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyatiga va Investitsiya loyihalarining amalga oshirilishi va tashqi savdoni monitoring qilish inspeksiyasiga bevosita rahbarlik qiladi;
O‘zbekiston Respublikasi Prezidentining “Respublikada eksport va investitsiya salohiyatini yanada rivojlantirishga oid qo‘shimcha chora-tadbirlar to‘g‘risida” 2020-yil 18-avgustdagi PF-6042-son farmoni bilan tashkil etilgan Eksport va investitsiyalarni rivojlantirish masalalari bo‘yicha Hukumat komissiyasiga raislik qiladi;
mutasaddilik qilinadigan tashkilotlar, shuningdek, hududlar va boshqa tashkilotlarning o‘zi yuritadigan masalalar bo‘yicha faoliyatini muvofiqlashtiradi va nazorat qiladi;
aniq sohalar va yo‘nalishlarni rivojlantirish, shuningdek, O‘zbekiston Respublikasi Prezidentining xorijiy safarlari va respublika hududlariga tashriflari yakunlari bo‘yicha belgilangan topshiriqlar hamda vazifalarni bajarish bo‘yicha “yo‘l xaritalari” ishlab chiqilishi, amalga oshirilishi va monitoringi olib borilishini muvofiqlashtiradi;
yil choraklari bo‘yicha kapital qo‘yilmalarning tejab qolingan va o‘zlashtirilmagan limitlarini qayta taqsimlash, birinchi navbatda, investitsiya dasturiga kiritilgan loyihalarni moliyalashtirishga maqsadli yo‘naltirish bo‘yicha takliflar tayyorlanishini ta’minlaydi;
erkin iqtisodiy zonalar ishtirokchisining maqomini to‘xtatib turish yoki undan mahrum etish, maxsus iqtisodiy zonalar ma’muriy kengashlari va direksiyalari yoki boshqa tashkilotlarning investorlar tomonidan qabul qilingan majburiyatlar bajarilmagani to‘g‘risidagi asoslangan taqdimnomalari bo‘yicha ma’muriy kengashlarning erkin iqtisodiy zonalar hududida xo‘jalik subyektlarini joylashtirish haqidagi qarorlarini bekor qilish tashabbuslarini ilgari suradi;
Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyatiga va Investitsiya loyihalarining amalga oshirilishi va tashqi savdoni monitoring qilish inspeksiyasi faoliyat yuritadigan sohaga kiruvchi masalalar bo‘yicha Vazirlar Mahkamasiga kiritilgan takliflar va hujjatlar loyihalarini ko‘rib chiqishda davlat manfaatlariga qat’iy rioya etilishini ta’minlaydi, hujjatlarning tayyorlangan loyihalariga viza qo‘yadi. Tegishli hujjatlar qabul qilingandan so‘ng ularning amalga oshirilishi yuzasidan tizimli nazorat tashkil etilishini ta’minlaydi;
O‘zbekiston Respublikasi Prezidenti va Hukumat hujjatlari loyihalari ekspertizasini va sifatli tayyorlanishini tashkil etish masalalarida Vazirlar Mahkamasi apparati boshqaruvchisi bilan o‘zaro hamkorlik qiladi;
O‘zbekiston Respublikasining qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining hujjatlari va topshiriqlari, Vazirlar Mahkamasining hujjatlari hamda topshiriqlarining bajarilishi yuzasidan belgilangan tartibda nazoratni ta’minlaydi;
jismoniy shaxslarni va yuridik shaxslarning vakillarini qabul qiladi, shuningdek, ularning investitsiyalar va tashqi iqtisodiy aloqalar masalalari bo‘yicha murojaatlarini ko‘rib chiqadi;
Vazirlar Mahkamasi apparati boshqaruvchisi bilan birgalikda Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyati mudiri, uning o‘rinbosarlari va mutaxassislari hamda Investitsiya loyihalarining amalga oshirilishi va tashqi savdoni monitoring qilish inspeksiyasi boshlig‘i va mutaxassislari lavozimlariga kadrlar tanlaydi;
Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyati mudiri, uning o‘rinbosarlari va mutaxassislari, Investitsiya loyihalarining amalga oshirilishi va tashqi savdoni monitoring qilish inspeksiyasi boshlig‘i va mutaxassislarini qayta tayyorlash, ularning malakasini oshirish, rag‘batlantirish va ularga nisbatan intizomiy jazo choralarini qo‘llash to‘g‘risida takliflar kiritadi;
Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyatida va Investitsiya loyihalarining amalga oshirilishi va tashqi savdoni monitoring qilish inspeksiyasida kadrlar zaxirasini shakllantirish ishlarini tizimli asosda tashkil etadi;
tegishli komissiyalarga (kengashlarga) rahbarlik qiladi, shuningdek, O‘zbekiston Respublikasi Bosh vaziri rahbarlik qiladigan komissiyalar (kengashlar) faoliyatini tashkil etish hamda ularning o‘zi yuritadigan masalalar bo‘yicha qarorlari bajarilishi yuzasidan nazoratni ta’minlaydi.
10. Bosh vazir o‘rinbosari o‘ziga yuklangan vazifalar va funksiyalarni bajarish uchun quyidagi huquqlarga ega:
Vazirlar Mahkamasida ko‘rib chiqiladigan masalalarni tahlil qilish va tayyorlash uchun zarur bo‘lgan materiallar va ma’lumotlarni davlat va xo‘jalik boshqaruvi organlari, mahalliy ijro etuvchi hokimiyat organlari hamda boshqa organlar va tashkilotlardan belgilangan tartibda so‘rash va olish;
davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yig‘ilishlar o‘tkazish;
biriktirilgan vazirliklar, davlat qo‘mitalari va idoralar, xo‘jalik boshqaruvi organlari kollegial organlarining majlislarida, shuningdek, O‘zbekiston Respublikasining Bosh vaziri topshiriqlari bo‘yicha — davlat boshqa organlarining, nodavlat notijorat tashkilotlari va boshqa tashkilotlarning o‘zi yuritadigan sohaga kiruvchi masalalar bo‘yicha o‘tkaziladigan majlislari va yig‘ilishlarida qatnashish;
davlat va xo‘jalik boshqaruvi organlari, ilmiy muassasalar va boshqa tashkilotlar rahbarlari hamda vakillarini Vazirlar Mahkamasida ko‘rib chiqiladigan masalalarni ishlab chiqish uchun belgilangan tartibda jalb etish, tegishli masalalar bo‘yicha vaqtinchalik ishchi guruhlar tuzish;
“O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni, O‘zbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablari buzilgan holda keladigan hujjatlarni qaytarish.
Bosh vazir o‘rinbosarining zarur materiallar, ma’lumotlarni taqdim etish, shuningdek, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalarini puxta ishlab chiqish bo‘yicha talablari va topshiriqlari uning tomonidan belgilangan muddatlarda bajarilishi kerak.
Bosh vazir o‘rinbosarining o‘zi yuritadigan masalalar bo‘yicha vazirliklar, davlat qo‘mitalari, idoralar, xo‘jalik birlashmalari, korxonalar va boshqa tashkilotlar rahbarlariga beriladigan topshiriqlari belgilangan tartibda bajarilishi majburiydir.
o‘ziga yuklangan, ushbu Nizomning 8 va 9-bandlarida ko‘rsatilgan vazifalar va funksiyalarning zarur tarzda va samarali bajarilishi;
O‘zbekiston Respublikasi Konstitutsiyasi, “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni va mutasaddilik qilinadigan, Kotibiyat va Inspeksiya vakolatlariga kiradigan masalalar bo‘yicha boshqa qonun hujjatlari bilan Vazirlar Mahkamasiga yuklangan vazifalar va funksiyalarning samarali bajarilishi;
qonunlar, O‘zbekiston Respublikasi Oliy Majlisi palatalari qarorlari. O‘zbekiston Respublikasi Prezidenti hujjatlari, bayonnomalari va topshiriqlarining, Vazirlar Mahkamasi qarorlari va farmoyishlarining sifatli va o‘z vaqtida bajarilishi;
O‘zbekiston Respublikasi Prezidenti tomonidan Bosh vazir o‘rinbosari oldiga bevosita qo‘yilgan vazifalarning tegishli darajada va samarali bajarilishi;
o‘zi rahbarlik qiladigan Kotibiyat va Inspeksiyadagi ishlarning holati, davlat va xo‘jalik boshqaruvining tegishli organlari, boshqa tashkilotlar faoliyatining tegishli ravishda muvofiqlashtirilishi va nazorat qilinishi, uning vakolatiga kiradigan masalalar bo‘yicha O‘zbekiston Respublikasi Vazirlar Mahkamasiga kiritilgan takliflar va hujjatlar loyihalarining har tomonlama ko‘rib chiqilishi;
oliy darajadagi xorijiy tashriflar, shuningdek, respublika hududlariga safarlar yakunlari bo‘yicha uning vakolatiga kiradigan masalalar bo‘yicha tasdiqlanadigan “yo‘l xaritalari”ning tegishli ravishda va samarali bajarilishi;
tegishli vazirliklar, davlat qo‘mitalari va davlat boshqaruvining boshqa organlari tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining qarorlari, parlament, deputat va Senat a’zosi so‘rovlari, O‘zbekiston Respublikasi Prezidentining qarorlari va topshiriqlari bajarilishining monitoringi olib borilishi;
joylardagi real ahvolni doimiy o‘rganish, iqtisodiy va ijtimoiy sohadagi muammolarni har tomonlama tahlil qilish va shu asosda strategik hamda ustuvor vazifalarni amalga oshirishga doir kompleks takliflar ishlab chiqilishi;
O‘zbekiston Respublikasi Vazirlar Mahkamasi Reglamentiga muvofiq taqdim etiladigan O‘zbekiston Respublikasining qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari hamda farmoyishlari loyihalarining davlat manfaatlarini ta’minlash, iqtisodiy samaradorlik nuqtai nazaridan va ulardagi masalalarning barcha manfaatdor tuzilmalar bilan bog‘liq holda puxta ekspertizadan o‘tkazilishi yuzasidan nazoratni ta’minlanishi;
O‘zbekiston Respublikasi Prezidentining “Davlat organlari va tashkilotlarida ijro intizomini yanada mustahkamlash chora-tadbirlari to‘g‘risida” 2018-yil 5-oktabrdagi PQ-3962-son va “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarorlariga, shuningdek,
Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq ijro intizomiga izchil rioya etishning ta’minlanishi uchun javob beradi.
12. Bosh vazir o‘rinbosarining ishlari “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, Vazirlar Mahkamasining Reglamentiga, ushbu Nizomga, O‘zbekiston Respublikasi Prezidenti va O‘zbekiston Respublikasi Bosh vazirining topshiriqlariga muvofiq, shuningdek, Vazirlar Mahkamasining ish rejalari asosida tashkil etiladi.
O‘zbekiston Respublikasi Vazirlar Mahkamasining Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyati va Investitsiya loyihalarining amalga oshirilishi va tashqi savdoni monitoring qilish inspeksiyasining ish rejasi O‘zbekiston Respublikasi Vazirlar Mahkamasi Rayosati tomonidan tasdiqlanadi.
13. Bosh vazir o‘rinbosarining O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari hamda farmoyishlari ijrosining tizimli monitoringini ta’minlash bo‘yicha faoliyati Vazirlar Mahkamasining ish rejasiga, shuningdek, O‘zbekiston Respublikasi Bosh vazirining topshiriqlariga muvofiq kompleks o‘rganishlarni amalga oshirish, Vazirlar Mahkamasining, Vazirlar Mahkamasi Rayosatining majlislarida hisobotlarni eshitish yo‘li bilan tashkil etiladi.
1. Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyati (keyingi o‘rinlarda — Kotibiyat) Vazirlar Mahkamasi Apparatining tarkibiy bo‘linmasi hisoblanadi.
2. Kotibiyat faoliyati O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vazirini (keyingi o‘rinlarda — Bosh vazir o‘rinbosari), O‘zbekiston Respublikasi Vazirlar Mahkamasini (keyingi o‘rinlarda — Vazirlar Mahkamasi), uning Rayosatini, shuningdek, Vazirlar Mahkamasi Apparatini investitsiyalar, eksportni qo‘llab-quvvatlash, tashqi iqtisodiy aloqalar va logistika masalalari bo‘yicha axborot-tahliliy jihatdan, shuningdek, Bosh vazir o‘rinbosari faoliyatini tashkiliy jihatdan ta’minlashga yo‘naltirilgan.
3. Kotibiyat o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisining palatalari qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek, ushbu Nizomga amal qiladi.
Kotibiyat Bosh vazir o‘rinbosariga bo‘ysunadi, bir vaqtning o‘zida uning faoliyati Vazirlar Mahkamasi Apparatining boshqaruvchisi tomonidan muvofiqlashtirib boriladi.
5. Kotibiyat o‘z faoliyatini Vazirlar Mahkamasining tarkibiy bo‘linmalari, davlat boshqaruvi organlari va xo‘jalik birlashmalari, mahalliy ijro etuvchi hokimiyati organlari bilan hamkorlikda amalga oshiradi hamda ularning investitsiya, eksportni qo‘llab-quvvatlash, tashqi iqtisodiy faoliyatni rivojlantirish va logistika masalalari bo‘yicha faoliyatini muvofiqlashtiradi.
“Xalq davlat idoralariga emas, davlat idoralari xalqimizga xizmat qilishi kerak” degan asosiy prinsipni o‘z vaqtida, aniq va to‘liq hajmda amalga oshirish;
2017 — 2021-yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha Harakatlar strategiyasi vazifalari, O‘zbekiston Respublikasi Ma’muriy islohotlar konsepsiyasini, 2030-yilgacha O‘zbekiston Respublikasini ijtimoiy-iqtisodiy rivojlantirish konsepsiyasini hamda o‘rta muddatli va uzoq istiqbolda rivojlantirishning tasdiqlangan tarmoq va hududiy dasturlari o‘z vaqtida va samarali amalga oshirilishini ta’minlash;
vazirliklar, davlat qo‘mitalari va boshqa davlat boshqaruvi organlari tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining hujjatlari, parlament, Qonunchilik palatasi deputatlar va Senat a’zosi so‘rovlari, O‘zbekiston Respublikasi Prezidentining hujjatlari va topshiriqlari, O‘zbekiston Respublikasi Vazirlar Mahkamasining hujjatlari va topshiriqlari bajarilishini monitoring qilib borish, shuningdek, joylardagi ishlarning real holatini doimiy o‘rganish, iqtisodiyot hamda ijtimoiy sohadagi muammolarni har tomonlama tahlil qilish va shu asosda strategik hamda ustuvor vazifalarni amalga oshirishga doir kompleks takliflar ishlab chiqish;
Hukumat a’zolari, barcha darajalardagi vazirliklar va idoralar rahbarlari zimmasiga yuklangan vazifalar hamda funksiyalarning samarali va natijali bajarilishi uchun ularning shaxsiy roli hamda mas’uliyatini oshirish hisobga olingan holda Kotibiyat funksiyalarining sifatli hamda to‘liq hajmda bajarilishini ta’minlash;
keyinchalik O‘zbekiston Respublikasi Oliy Majlisi palatalariga taqdim etish maqsadida tegishli yil uchun qabul qilingan davlat dasturi doirasida O‘zbekiston Respublikasi Prezidentining O‘zbekiston Respublikasi Oliy Majlisiga Murojaatnomasidan kelib chiqadigan ustuvor vazifalarning amalga oshirilishi to‘g‘risida tahliliy materiallar hamda hisobotlar tayyorlash;
O‘zbekiston Respublikasi Hukumati, davlat boshqaruvi organlari va xo‘jalik birlashmalarining asosiy xalqaro reytinglar hamda indekslarda O‘zbekiston Respublikasining pozitsiyalarini yaxshilash bo‘yicha ish samaradorligini oshirish sohasida kompleks chora-tadbirlarni amalga oshirish;
joylarda “xalq bilan muloqot” va shaxsiy uchrashuvlar amaliyotini takomillashtirish, ijtimoiy sohani yanada rivojlantirish, shu jumladan aholining bandligi va real daromadlari oshirilishini ta’minlashni kafolatlovchi kompleks chora-tadbirlarni ishlab chiqish hamda amalga oshirish;
idoraviy mansub tashkilotlar va ularning rahbarlari faoliyatini aniq ko‘rsatkichlar hamda maqsadli indikatorlarga erishish, yaqin, o‘rta va uzoq muddatli istiqbolda iqtisodiyot tarmoqlari va ijtimoiy sohani strategik rivojlantirish dasturlarini amalga oshirish sifati va samaradorligiga asoslangan yangi baholash tizimi joriy etilishini ta’minlash;
iqtisodiyot hamda ijtimoiy sohadagi muammolarni har tomonlama tahlil qilish va shu asosda strategik hamda ustuvor vazifalarni amalga oshirishga doir kompleks takliflar ishlab chiqish;
investitsiya, eksportni qo‘llab-quvvatlash, tashqi iqtisodiy aloqalar va logistika sohalarida davlat siyosatini samarali va sifatli amalga oshirishda, shu jumladan investitsiyalarni jalb qilish va o‘zlashtirish, eksportni qo‘llab-quvvatlash tashqi iqtisodiy aloqalarni rivojlantirish masalalarida vazirliklar va idoralarning mustaqilligini idoraviy mansub tashkilotlar faoliyatini muvofiqlashtirish hamda nazorat qilishning aniq tizimini joriy etish orqali kuchaytirish;
investitsiya siyosatini amalga oshirish, eksportni qo‘llab-quvvatlash va tashqi iqtisodiy aloqalarni rivojlantirishning muhim ustuvor yo‘nalishlari bo‘yicha masalalar tayyorlanishini hamda Vazirlar Mahkamasi Rayosati majlislarida ko‘rib chiqilishini ta’minlash;
zamonaviy axborot-kommunikatsiya texnologiyalarini joriy etish yo‘li bilan, shu jumladan ilg‘or tajribani o‘rganish asosida, zarurat bo‘lganda, ushbu maqsadlar uchun xorijiy konsultantlarni jalb etgan holda normativ-huquqiy hujjatlar loyihalarini ishlab chiqish, kelishish, ekspertizadan o‘tkazish va ko‘rib chiqish tizimini takomillashtirish;
O‘zbekiston Respublikasi Prezidenti Administratsiyasining tegishli bo‘linmalari, shuningdek, O‘zbekiston Respublikasi Oliy Majlisi Qonunchilik palatasi va Senatining qo‘mitalari bilan o‘zaro yaqin hamkorlikni ta’minlash;
Kotibiyatda, shuningdek, vazirlik va idoralarda ijro intizomi darajasini oshirish, ularning faoliyatiga zamonaviy axborot-kommunikatsiya texnologiyalarini keng joriy etish asosida O‘zbekiston Respublikasi Prezidentining hujjatlari va topshiriqlari, Vazirlar Mahkamasining hujjatlari va topshiriqlari, oliy va yuqori darajadagi tashriflar yakunlari bo‘yicha “yo‘l xaritalari”ning bajarilishi yuzasidan tizimli nazoratni ta’minlash;
ijro etuvchi hokimiyat organlarining faoliyatini yuzaga keladigan muammolar sabablari va sharoitlarini bartaraf etish, ishni tashkil qilishning zamonaviy uslublarini joriy qilish bo‘yicha kompleks chora-tadbirlarni ishlab chiqish hamda amalga oshirishga qayta yo‘naltirish maqsadida ayrim davlat funksiyalarini xususiy subyektlarga berish orqali ortiqcha ma’muriy tartibga solishni kamaytirish;
Kotibiyatda, shuningdek, unga biriktirilgan vazirliklar, idoralar hamda xo‘jalik birlashmalarida kadrlarni tanlash tizimini takomillashtirish, xodimlar malakasini oshirish va kadrlarning amaliy zaxirasini tayyorlashning samarali shakl va usullarini joriy etish.
a) investitsiya, eksportni qo‘llab-quvvatlash va tashqi iqtisodiy faoliyatni rivojlantirish sohasida:
O‘zbekiston Respublikasi Prezidentining “Investitsiya va tashqi savdo sohasida boshqaruv tizimini takomillashtirish chora-tadbirlari to‘g‘risida” 2019-yil 28-yanvardagi PF-5643-son Farmonida nazarda tutilgan yo‘nalishlarda investitsiyalar, tashqi iqtisodiy faoliyat va tashqi savdo sohalaridagi boshqaruv tizimini takomillashtirish;
barcha darajalardagi ijro etuvchi hokimiyat organlari va ularning rahbarlari faoliyatini aniq ko‘rsatkichlar hamda maqsadli indikatorlarga erishish, davlat investitsiya dasturlarini amalga oshirishning sifat va samaradorlik mezonlariga, shuningdek, eksport prognozlariga asoslangan baholash tizimi joriy etish;
O‘zbekiston Respublikasi Bosh vaziri tomonidan Hukumatning muayyan sohalar va yo‘nalishlarda islohotlarning amalga oshirilishini o‘rganish maqsadida Kotibiyatga biriktirilgan vazirliklar, idoralar hamda xo‘jalik birlashmalari rahbarlari ishtirokida hududlarda mavzuga oid sayyor (ochiq) majlislarini o‘tkazish uchun tegishli materiallarni doimiy asosda tayyorlash va kiritish;
yagona davlat investitsiya siyosatini shakllantirish va yuritish, shu jumladan xorijiy investitsiyalarni jalb qilish bo‘yicha iqtisodiyot tarmoqlari hamda mamlakat hududlariga investitsiya kiritish hajmlari kengaytirilishini rag‘batlantirish, respublikada investitsiya muhitini yanada takomillashtirish, xorijiy kapital ishtirokidagi korxonalarni rivojlantirishni qo‘llab-quvvatlashga qaratilgan ishlarni muvofiqlashtirish;
xorijiy investitsiyalarni jalb qilish sohasidagi normativ-huquqiy hujjatlarni yanada takomillashtirish va O‘zbekiston Respublikasi hududida investitsiya faoliyatini kengaytirish uchun yanada qulay shart-sharoitlar yaratish chora-tadbirlarining ishlab chiqilishi hamda amalga oshirilishini ta’minlash;
davlat investitsiya dasturlari va hududiy investitsiya dasturlarini shakllantirishda, shuningdek, yuqorida qayd etilgan dasturlarga kiritilgan investitsiya loyihalarining amalga oshirilishini monitoring qilishda davlat boshqaruvi organlari va xo‘jalik birlashmalari, mahalliy ijro etuvchi hokimiyat organlarining ishlarini muvofiqlashtirish;
xorijiy investitsiyalarni, kreditlar va moliyaviy-texnik ko‘maklashish mablag‘larini jalb qilish uchun investitsiya takliflarining yagona bazasi yuritilishini ta’minlash;
O‘zbekiston Respublikasining xalqaro moliya institutlari va xorijiy hukumat moliya tashkilotlari bilan o‘zaro manfaatli asosda investitsiyaviy hamkorlik yo‘nalishlarini rivojlantirish hamda diversifikatsiyalashga doir takliflar ishlab chiqish;
xorijiy investitsiyalarni jalb qilish, shuningdek, xalqaro moliya institutlari va xorijiy hukumat moliya tashkilotlari bilan hamkorlikni rivojlantirish ishlarining asosiy yo‘nalishlarini belgilash hamda oshirish borasida davlat boshqaruvi organlari va xo‘jalik birlashmalari, mahalliy ijro etuvchi hokimiyat organlari, O‘zbekiston Respublikasining xorijdagi diplomatik vakolatxonalar rahbarlari va savdo-iqtisodiy masalalar bo‘yicha maslahatchilari vakillari faoliyatini muvofiqlashtirish;
investitsiya loyihalari amalga oshirilishini tizimli monitoring qilish, xorijiy kapital ishtirokidagi korxonalar faoliyatini, investor tomonidan o‘zining investitsiya majburiyatlarini to‘liq bajarilishini tahlil qilish, xorijiy investitsiyalar ishtirokida investitsiya loyihalarining o‘z vaqtida va samarali amalga oshirilishiga to‘sqinlik qiladigan omillarni aniqlash hamda ularni hal etish yuzasidan tezkor choralar ko‘rish orqali mamlakat iqtisodiyotiga jalb etilayotgan xorijiy investitsiyalardan foydalanish samaradorligini oshirish;
xalqaro moliya institutlari va xorijiy hukumat moliya tashkilotlarining jalb qilinadigan kredit resurslari va texnik ko‘maklashish vositalaridan (grantlaridan), O‘zbekiston Respublikasi Tiklanish va taraqqiyot jamg‘armasi mablag‘laridan, O‘zbekiston Respublikasi Davlat budjeti va davlat maqsadli jamg‘armalari mablag‘lari hisobidan markazlashgan investitsiyalardan samarali foydalanish bo‘yicha tavsiyalar ishlab chiqish;
O‘zbekiston Respublikasi va xorijda mamlakatning iqtisodiy va investitsiya salohiyati to‘g‘risida xorijiy investorlarni keng xabardor qilish uchun xalqaro konferensiyalar, seminarlar, investitsiya forumlari o‘tkazilishini tashkil etish;
xorijiy investitsiyalar ishtirokidagi investitsiya loyihalari bo‘yicha loyihaoldi va loyiha hujjatlarini ishlab chiqish borasida loyiha institutlari hamda respublika tashkilotlarining faoliyatini muvofiqlashtirish;
investitsiya portalining samarali faoliyatini ta’minlash bo‘yicha davlat boshqaruvi organlari va xo‘jalik birlashmalari, mahalliy ijro etuvchi hokimiyat organlari ishlarini muvofiqlashtirish, portal kontentini muntazam yangilab borish, shu jumladan investitsiya loyihalarini amalga oshirishning holati, investorlar murojaatlarini ko‘rib chiqish yakunlari va boshqalar haqida markazlashtirilgan ma’lumotlar bazasini yuritish;
har bir hududning ishlab chiqarish salohiyati va investitsiyalarga bo‘lgan ehtiyoji, oldindan hisob-kitob qilingan aniq loyihalar hamda salohiyatli investorlar uchun qiziqish uyg‘otadigan boshqa axborot aks ettirilgan O‘zbekiston Respublikasining interfaol investitsiya xaritasini joriy qilish hamda uning faoliyatini ta’minlash ishlarini muvofiqlashtirish;
Vazirlar Mahkamasi Apparatining tegishli tarkibiy bo‘linmalari bilan birgalikda investitsiya va tashqi iqtisodiy hamkorlik, xorijiy investitsiyalarni jalb qilish hamda tashqi savdo infratuzilmasini rivojlantirish sohasidagi xalqaro shartnomalar loyihalarining ekspert jihatidan belgilangan tartibda ishlab chiqilishini tashkil etish;
tashqi iqtisodiy faoliyat aloqalari sohasida davlat boshqaruvi organlari va xo‘jalik birlashmalari, mahalliy ijro etuvchi organlari faoliyati muvofiqlashtirilishini ta’minlash, respublikani rivojlantirishning strategik maqsadlari va yo‘nalishlaridan kelib chiqqan holda, xalqaro moliya institutlari va xorijiy hukumat moliya tashkilotlari bilan tashqi iqtisodiy hamkorlikni tashkil etish hamda uning ustuvor yo‘nalishlari bo‘yicha takliflar ishlab chiqish;
tashqi savdo aylanmasining mutanosibligini ta’minlash, eksportni davlat tomonidan qo‘llab-quvvatlashni kengaytirish, eksport salohiyatini oshirish, tovarlar va xizmatlar import hajmlari va tuzilmasini optimallashtirish, bojxona-tarif va notarif siyosatni tartibga solishga doir takliflar tayyorlanishini tashkil etish borasida yagona tashqi iqtisodiy siyosat yuritilishini muvofiqlashtirish;
tizimlashtirilgan ma’lumotlar bazasi shakllantirilishi va yuritilishini tashkil qilish, O‘zbekiston Respublikasi Prezidentining xorijiy davlatlarga tashriflari yakunlari bo‘yicha tashqi savdo hamkorligi yuzasidan erishilgan kelishuvlar bajarilishining monitoringini amalga oshirish, shuningdek, xalqaro moliya institutlari va xorijiy hukumat moliya tashkilotlari bilan tashqi iqtisodiy hamkorlikni chuqurlashtirishga doir ishlab chiqilgan takliflarni tahlil qilish hamda baholash;
import qilinadigan mahsulot hajmlari va turlari har tomonlama tahlil etilishini tashkil qilish, shu asosda importni yanada qisqartirish, import bojxona bojlarini optimallashtirish, bojxona ma’muriyatchiligini takomillashtirishga doir takliflar ishlab chiqish;
O‘zbekiston Respublikasi Prezidenti hujjatlari yoki O‘zbekiston Respublikasi Hukumati qarorlari asosida O‘zbekiston Respublikasi hududida o‘ziga xos tovarlarni eksport va import qilish uchun litsenziyalar berilishini ta’minlash;
O‘zbekiston Respublikasi Prezidenti yoki O‘zbekiston Respublikasi Hukumatining qarorlari asosida buyumlar va mahsulotlar eksporti bo‘yicha tadbirlarni muvofiqlashtirish;
tegishli vazirlik va idoralar, O‘zbekiston Respublikasi Vazirlar Mahkamasi Apparatining tarkibiy bo‘linmalari bilan birgalikda xalqaro shartnomalar bo‘yicha O‘zbekiston Respublikasining iqtisodiy manfaatlari hamda tashqi iqtisodiy xavfsizligiga rioya etilishini ta’minlash yuzasidan xulosalarni ekspert jihatidan ishlab chiqish hamda tayyorlashda belgilangan tartibda ishtirok etish;
xalqaro moliya institutlari va xorijiy hukumat moliya tashkilotlari vakillari bilan o‘tkaziladigan muzokaralarda ishtirok etish;
b) investitsiya dasturlari, xususan, hududiy investitsiya dasturlarini shakllantirilishini muvofiqlashtirish va amalga oshirilishini monitoring qilish sohasida:
O‘zbekiston Respublikasining investitsiya dasturlarini, qisqa va o‘rta muddatli tarmoq hamda hududiy investitsiya dasturlarini ishlab chiqish hamda amalga oshirish tadbirlarini muvofiqlashtirish;
investitsiyalardan samarali hamda oqilona foydalanish bo‘yicha davlat va xo‘jalik boshqaruvi organlari, mahalliy ijro etuvchi hokimiyat organlari, boshqa tashkilotlar, shuningdek, Vazirlar Mahkamasi apparatining tarkibiy bo‘linmalari tomonidan ishlab chiqilgan tarmoq va hududiy rivojlanish dasturlari, O‘zbekiston Respublikasi Prezidenti va O‘zbekiston Respublikasi Hukumatining hujjatlari loyihalarini ko‘rib chiqish;
moliyalashtirishning turli manbalari, shu jumladan to‘g‘ridan to‘g‘ri xorijiy investitsiyalar hisobidan iqtisodiyot tarmoqlari va ijtimoiy sohani iqtisodiy yuksaltirish hamda muvozanatli rivojlantirish sur’atlarining investitsiya resurslariga bo‘lgan ehtiyojlar bilan bog‘liqligini ta’minlashga doir takliflar ishlab chiqish;
davlat boshqaruvi organlari va xo‘jalik birlashmalari tomonidan investitsiya, moddiy va qiymat balanslari ishlab chiqilishini muvofiqlashtirish, ularning ijrosi yuzasidan monitoring yuritish;
Vazirlar Mahkamasi apparatining tarkibiy bo‘linmalari bilan birgalikda yirik va strategik muhim investitsiya loyihalarini moliyalashtirish sxemalarini ko‘rib chiqish;
investitsiya loyihalari va boshqa hujjatlar, O‘zbekiston Respublikasi Prezidenti va O‘zbekiston Respublikasi Hukumatining aniq investitsiya loyihalari bo‘yicha hujjatlarini ko‘rib chiqish, investitsiya loyihalarini amalga oshirishning samarali hamda eng maqbul sxemalarini tanlash bo‘yicha takliflar tayyorlash;
davlat investitsiya dasturlari va hududiy investitsiya dasturlariga kiritilgan loyihalarning o‘z vaqtida amalga oshirilishi, investitsiya dasturlari doirasida mablag‘lar jalb etilishi hamda o‘zlashtirilishi bo‘yicha belgilangan prognoz parametrlar bajarilishi uchun tizimli va qat’iy nazoratni tashkil qilish, shuningdek, investitsiya loyihalarini amalga oshirish holatini kompleks tahlil qilish hamda monitoring davomida aniqlangan muammolarni bartaraf etish yuzasidan takliflar kiritish;
davlat investitsiya dasturlari va hududiy investitsiya dasturlariga kiritilgan investitsiya loyihalari bo‘yicha ma’lumotlar bazasi yaratilishi, yuritilishi hamda muntazam yangilanishini ta’minlash;
davlat investitsiya dasturlari va hududiy investitsiya dasturlariga kiritilgan loyihalarning amalga oshirilishi, investitsiya dasturlarini amalga oshirish masalalari bo‘yicha O‘zbekiston Respublikasining qonunlari, O‘zbekiston Respublikasi Prezidentining hujjatlari va topshiriqlari, Hukumat qarorlarining bajarilishini, jumladan, joyiga chiqqan holda o‘rganish, Vazirlar Mahkamasi rahbariyatiga axborot berish uchun tegishli tahliliy materiallar hamda takliflar tayyorlash;
investitsiya loyihalarining dastlabki va yakuniy texnik-iqtisodiy asoslari hamda hisob-kitoblari ishlab chiqilishi va moslashtirilishi bo‘yicha chora-tadbirlarni amalga oshirish ishlarini muvofiqlashtirish, shuningdek, loyiha hujjatlari tayyorlanishi, iqtisodiyotning asosiy tarmoqlari loyihalarini ekspertizadan o‘tkazish va texnik qo‘llab-quvvatlanishini ta’minlash;
v) xorijiy investitsiyalarni jalb qilish, O‘zbekiston Respublikasining xorijdagi diplomatik vakolatxonalari va ularning savdo-iqtisodiy masalalar bo‘yicha maslahatchilari, Qoraqalpog‘iston Respublikasi Vazirlar Kengashi Raisining o‘rinbosari — investitsiyalar va tashqi savdo vaziri viloyatlar va Toshkent shahar hokimlarining o‘rinbosarlari — investitsiyalar va tashqi savdo boshqarmalari boshliqlari faoliyatini muvofiqlashtirish sohasida:
xorijiy investitsiyalarni jalb etish, buning uchun zarur shart-sharoitlar yaratish va imtiyozlar berish sohasida vazirliklar va idoralar faoliyati muvofiqlashtirish va samarali hamkorlikni ta’minlash;
mamlakatni rivojlantirishning strategik maqsadlaridan kelib chiqqan holda, xalqaro moliya institutlari va xorijiy hukumat moliya tashkilotlarining bilan investitsiyaviy hamkorlikning ustuvor yo‘nalishlari bo‘yicha takliflar ishlab chiqish;
O‘zbekiston Respublikasi Prezidentining “Investitsiya va tashqi savdo sohasida boshqaruv tizimini takomillashtirish chora-tadbirlari to‘g‘risida” 2019-yil 28-yanvardagi PF-5643-son Farmoniga muvofiq xorijiy, birinchi navbatda, to‘g‘ridan to‘g‘ri investitsiyalarni jalb qilish va o‘zlashtirish jarayonini tashkil etish, ularning iqtisodiyotga keng kiritilishi uchun shart-sharoitlarni takomillashtirish yuzasidan takliflar kiritish;
xorijiy investitsiyalar va kreditlarni jalb etish uchun investitsiya takliflarining yagona bazasini shakllantirish va yangilash jarayonini muvofiqlashtirishni ta’minlash, O‘zbekiston Respublikasida yaratilgan investitsiya muhiti, shu jumladan investitsiya kiritish jarayonining asosiy tartib-taomil masalalari, shuningdek, amalga oshirish taklif etilayotgan investitsiya takliflari to‘g‘risidagi axborotni salohiyatli investorlar va kreditorlarga yetkazish;
xalqaro moliya institutlari va xorijiy hukumat moliya tashkilotlari bilan hamkorlikning qisqa hamda o‘rta muddatli dasturlarining ishlab chiqilishi va tasdiqlanishini muvofiqlashtirish, ularning vazirliklar va idoralar tomonidan o‘z vaqtida va samarali bajarilishi nazorat qilinishini ta’minlash;
xalqaro moliya institutlari va xorijiy hukumat moliya tashkilotlari bilan hamkorlikning ustuvor va istiqbolli yo‘nalishlari bo‘yicha takliflarni ishlab chiqish;
texnik ko‘maklashish grantlari va mablag‘larini respublikaga jalb etish tadbirlarini muvofiqlashtirish;
tizimlashtirilgan ma’lumotlar banki shakllantirilishi va yuritilishini tashkil etish, investitsiya, grant mablag‘lari jalb etilgan loyihalar, xalqaro moliya va iqtisodiyot institutlari bilan hamkorlik dasturlariga kiritilgan texnikaviy ko‘maklashish loyihalari amalga oshirilishi yuzasidan monitoring olib borish;
xorijiy investitsiyalarni jalb qilish masalalarida O‘zbekiston Respublikasining chet eldagi diplomatik vakolatxonalari va ularning savdo-iqtisodiy masalalar bo‘yicha maslahatchilari ishlarini muvofiqlashtirish;
Qoraqalpog‘iston Respublikasi Vazirlar Kengashi Raisining o‘rinbosari — investitsiyalar va tashqi savdo vaziri, viloyatlar va Toshkent shahar hokimlarining investitsiyalar va tashqi savdo masalalari bo‘yicha o‘rinbosarlari ishlarini muvofiqlashtirish;
investitsiya faoliyatini amalga oshirish, xorijiy investitsiyalar, shu jumladan to‘g‘ridan to‘g‘ri xorijiy investitsiyalarni jalb qilish hamda o‘zlashtirish borasida davlat va xo‘jalik boshqaruvi organlari, mahalliy davlat hokimiyati organlari, O‘zbekiston Respublikasining xorijdagi diplomatik vakolatxonalari faoliyatini baholashning reyting tizimi joriy etilishini ta’minlash;
g) O‘zbekiston Respublikasi Prezidentining “Charm-poyabzal va mo‘ynachilik sohalarini rivojlantirish va eksport salohiyatini oshirishni yanada rag‘batlantirish chora-tadbirlari to‘g‘risida” 2018-yil 3-maydagi PQ-3693-son qaroriga muvofiq chorva mollarini avtomatlashtirilgan holda so‘yish texnologiyalarini yanada joriy qilish, tayyor charm-poyabzal, charm-galantereya, mo‘yna, qorako‘l mahsulotlari hamda jun buyumlari ishlab chiqarishni rivojlantirish chora-tadbirlari amalga oshirilishini muvofiqlashtirish;
“Maxsus iqtisodiy zonalar to‘g‘risida”gi O‘zbekiston Respublikasi Qonuni, O‘zbekiston Respublikasi Prezidentining “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari to‘g‘risida” 2018-yil 21-dekabrdagi PF-5600-son Farmoni hamda “Kichik sanoat zonalari faoliyatini muvofiqlashtirish va boshqarishni yanada takomillashtirish chora-tadbirlari to‘g‘risida” 2019-yil 21-iyundagi PQ-4363-son qaroriga muvofiq maxsus iqtisodiy zonalari ma’muriy kengashlari va direksiyalarining, jumladan, to‘g‘ridan to‘g‘ri xorijiy investitsiyalarni va mahalliy investorlarni jalb etish masalalarida faoliyatini muvofiqlashtirish hamda samaradorligini tahlil qilish, erkin iqtisodiy zonalarning ma’muriy kengashlariga tashqi bozorlarda talab qilingan va importning o‘rnini bosuvchi yuqori qo‘shilgan qiymatli mahsulotlar ishlab chiqarishni tashkil etishga ko‘maklashish;
sanoat va qishloq xo‘jaligi mahsulotlarini chuqur qayta ishlash sohasida yangi zamonaviy ishlab chiqarishlarni tashkil etish, shu jumladan mahalliy xomashyo va materiallar negizida yuqori texnologiyali mahsulotlar ishlab chiqarishni mahalliylashtirish bo‘yicha erkin iqtisodiy va kichik sanoat zonalarida joylashtirilgan investitsiya loyihalari amalga oshirilishi monitoringi olib borilishi va tahlil qilinishini tashkil etish;
investitsiya loyihalarini tahlil qilishda, erkin iqtisodiy va kichik sanoat zonalari hududida transport, muhandislik-kommunikatsiya va ijtimoiy infratuzilmani jadal rivojlantirishni va ulardan samarali foydalanishni ta’minlash bo‘yicha dasturlar loyihalarini ishlab chiqish va belgilangan tartibda kelishish;
erkin iqtisodiy va kichik sanoat zonalarini yanada rivojlantirish, respublika hududlarining mavjud ishlab chiqarish va resurs salohiyatini hisobga olgan holda, mahalliy xomashyo va materiallarni mahalliylashtirish jarayonlarini chuqurlashtirish asosida ularda yuqori texnologiyali mahsulotlar ishlab chiqarishni ta’minlaydigan loyihalarni joylashtirish bo‘yicha takliflar va dasturlarni shakllantirish;
erkin iqtisodiy zonalar hududida loyihalarni amalga oshiruvchi investorlar uchun yanada qulay shart-sharoitlar yaratish, shuningdek, ular ishlab chiqaradigan mahsulotlarni eksportga yetkazib berishni ko‘paytirish maqsadida qonun hujjatlarini yanada takomillashtirishga doir takliflarni belgilangan tartibda kiritish;
yuqori qo‘shilgan qiymatli tayyor mahsulotlar ulushini yanada ko‘paytirish, tashqi bozorlarda raqobatbardosh yangi turdagi mahsulotlar ishlab chiqarishni o‘zlashtirish, ularni jahon bozorlariga chiqarish hisobidan eksport salohiyatini kengaytirish, tovarlar (ishlar va xizmatlar) eksporti hajmlari va tuzilmasini optimallashtirish bo‘yicha iqtisodiyot real sektori tarmoqlarining faoliyatini muvofiqlashtirish;
ichki va tashqi bozorlarni rivojlantirish tendensiyalarini chuqur tahlil qilish ishlarini muvofiqlashtirish, shu asosda iqtisodiyot tarmoqlarining eksport salohiyatini rivojlantirishning asosiy yo‘nalishlari, avvalambor, eksport nomenklaturasini kengaytirish va hajmlarini oshirish, tashqi savdo bozorlarini diversifikatsiyalash bo‘yicha takliflar ishlab chiqish;
tovarlar (ishlar, xizmatlar) eksportining har yillik prognozlarini shakllantirish ishlarini muvofiqlashtirish va davlat hamda xo‘jalik boshqaruvi organlari tomonidan eksportning belgilangan prognoz parametrlari so‘zsiz bajarilishini tizimli nazorat qilish;
mahalliy tovarlarni (ishlar, xizmatlarni) tashqi bozorlarga chiqarish uchun qulay sharoitlar bilan ta’minlash bo‘yicha kompleks chora-tadbirlar ishlab chiqilishini tashkil etish, O‘zbekiston Respublikasining xo‘jalik subyektlariga eksport faoliyatini amalga oshirish hamda xorijiy sheriklar bilan uzoq muddatli barqaror savdo aloqalarini o‘rnatishga ko‘maklashish;
marketing tadqiqotlarni tashkil qilish, eksportning asosiy nomenklaturasi, eksport qiluvchi tashkilotlarda marketing xizmatlari tashkil etilishi hamda faoliyat ko‘rsatishiga uslubiy va amaliy ko‘maklashish bo‘yicha marketing va tahliliy sharhlar tayyorlash;
iqtisodiyot real sektori korxonalarining eksport salohiyatini rivojlantirish bo‘yicha takliflar, loyihalar va dasturlarning har tomonlama tahlil etilishi hamda ekspertizadan o‘tkazilishini ta’minlash, qayd etilgan loyihalar va dasturlarning amalga oshirilishini muvofiqlashtirish, bajarilishini monitoring qilish, shuningdek, tasdiqlangan parametrlarga so‘zsiz erishish yuzasidan takliflar va tadbirlar ishlab chiqish;
yuqori qo‘shilgan qiymatli tayyor mahsulotlar ulushini yanada ko‘paytirish, tashqi bozorlarda raqobatbardosh yangi turdagi mahsulotlar ishlab chiqarishni o‘zlashtirish, ularni jahon bozorlariga chiqarish hisobidan hududlarning eksport salohiyatini rivojlantirish, tovarlar (ishlar va xizmatlar) eksporti hajmlari va tuzilmasini optimallashtirish bo‘yicha mahalliy ijro etuvchi hokimiyat organlari, hududiy bo‘ysunuvdagi korxonalarning faoliyatini muvofiqlashtirish;
mamlakatni ijtimoiy-iqtisodiy rivojlantirishning ustuvor yo‘nalishlari, tashqi bozorlardagi uzoq muddatli tendensiyalarning tahlilidan kelib chiqqan holda, hududlar eksport salohiyatini rivojlantirish bo‘yicha eksportbop mahsulotlar ishlab chiqarish bo‘yicha zamonaviy quvvatlarni tashkil etish hamda eksport qiluvchi korxonalarni amaliy qo‘llab-quvvatlashga qaratilgan maqsadli dasturlar ishlab chiqilishi va amalga oshirilishini tashkil qilish;
hududiy darajada tovarlar (ishlar, xizmatlar) eksportining har yilgi prognozlarini shakllantirish ishlarini muvofiqlashtirish, mahalliy ijro etuvchi hokimiyat organlari va tashkilotlar tomonidan eksportning belgilangan prognoz parametrlarini so‘zsiz bajarilishini tizimli nazorat qilish;
hududiy darajadagi tashkilotlar va eksport qiluvchi tashkilotlarning tashqi bozorlarga chiqishi uchun qulay shart-sharoitlar bilan ta’minlash, ularga eksport faoliyatini amalga oshirish hamda xorijiy sheriklar bilan uzoq muddatli barqaror savdo aloqalarini o‘rnatishga ko‘maklashish bo‘yicha kompleks chora-tadbirlar ishlab chiqilishi hamda amalga oshirilishini tashkil etish;
hududlarda eksportbop mahsulotlarning yangi turlarini o‘zlashtirishni tashkil qilishda mavjud ishlab chiqarish salohiyatidan samarali foydalanish maqsadida hududiy bo‘sunuvdagi tashkilotlar va boshqa turdosh tarmoqlar, shuningdek, kichik tadbirkorlik subyektlarining tarmoqlararo sanoat kooperatsiyasini yo‘lga qo‘yishga ko‘maklashish;
hududlarning eksport salohiyatini rivojlantirish bo‘yicha takliflar, loyihalar va istiqbolli rejalarni har tomonlama tahlil qilish hamda kompleks ekspertizadan o‘tkazish, ustuvor loyihalar va dasturlarni amalga oshirish ishlarini muvofiqlashtirish, ularning bajarilishini monitoring qilish, shuningdek, iqtisodiyot va eksportni rivojlantirishning tasdiqlangan parametrlariga so‘zsiz erishishni ta’minlash bo‘yicha takliflar hamda tadbirlar ishlab chiqish;
hududiy bo‘sunuvdagi tashkilotlar tomonidan eksport mahsulotlarini ishlab chiqarish va yuklab jo‘natish bo‘yicha shartnoma majburiyatlari bajarilishining nazoratini tashkil etish, ularga moliyaviy va boshqa resurslarni jalb qilish masalalari, shuningdek, eksport faoliyatini tashkil etishning boshqa masalalarini hal etishda ko‘maklashish;
jahon va mintaqaviy meva-sabzavot mahsulotlari bozorlarining konyunkturasi chuqur o‘rganilishini muvofiqlashtirish, shu asosda respublika hududlarida yangi uzilgan va qayta ishlangan meva-sabzavot mahsulotlarini yetishtirish hamda eksport qilishni jadal rivojlantirish strategiyasi ishlab chiqilishi va amalga oshirilishini tashkil etish;
manfaatdor vazirliklar va idoralar bilan birgalikda meva-sabzavot mahsulotlari, kartoshka, poliz ekinlari, uzumni eksport qilish bo‘yicha o‘rta va uzoq muddatli prognozlari, meva-sabzavotchilikka ixtisoslashtirilgan tumanlarning eksport salohiyatini rivojlantirish bo‘yicha takliflar ishlab chiqish;
yangi uzilgan va qayta ishlangan mahalliy meva-sabzavot mahsulotlarini eksportga chiqarishni ta’minlash, yangi savdo bozorlarini topish hamda o‘zlashtirish, respublikada xalqaro meva-sabzavot yarmarkalarini tashkil etish va o‘tkazish bo‘yicha takliflar ishlab chiqish, tuziladigan shartnomalar doirasida ularni yetkazib berish hajmlari va geografiyasini monitoring qilish;
eksport qiluvchi tashkilotlar tomonidan eksport mahsulotlarini yetishtirish va yuklab jo‘natish bo‘yicha shartnoma majburiyatlari bajarilishi monitoringini ta’minlash, ularning faoliyatida yuzaga keladigan, shu jumladan zarur moliyaviy resurslarni jalb qilish bilan bog‘liq masalalarni hal etishga ko‘maklashish;
mamlakatda yangi uzilgan va qayta ishlangan meva-sabzavot mahsulotlarini eksport qilishni tashkil etish uchun ixtisoslashtirilgan yangi infratuzilma obyektlarini tashkil qilish, sabzavot omborlari va sovutish qurilmalarini barpo etish, rekonstruksiya qilish va modernizatsiyalash, zamonaviy idish-qadoqlash mahsulotlari ishlab chiqarishni o‘zlashtirish;
eksport qiluvchi korxonalarning moliyaviy resurslardan foydalanishini ta’minlash ishlarini tashkil etish, noxomashyo eksport hajmlari, milliy eksportchilar va ularning mahsulotlarini xarid qiluvchi mamlakatlar sonini ko‘paytirishga ko‘maklashish;
O‘zbekiston Respublikasi Prezidentining “Eksport faoliyatini moliyalashtirish va sug‘urta himoyasi mexanizmlarini kengaytirish chora-tadbirlari to‘g‘risida” 2019-yil 24-maydagi PQ-4337-son qarori, “Eksport faoliyatini yanada qo‘llab-quvvatlash chora-tadbirlari to‘g‘risidagi” 2020-yil 7-maydagi PQ-4707-son qaroriga muvofiq respublikada va xorijda xalqaro standartlashtirish hamda sertifikatlashtirish tizimlarini joriy qilish, xorijiy vakolatli organlarda milliy mahsulotni ro‘yxatga olish bog‘liq xarajatlarni qoplash, mahsulotlarni eksport qilishda avtomobil, havo va temir yo‘l transportida tashish xarajatlarini qisman kompensatsiya qilishga subsidiyalar taqdim etish uchun eksport qiluvchi korxonalarga maqsadli moliyaviy ko‘maklashish mexanizmlarini ishlab chiqish va joriy etish ishlarini muvofiqlashtirish;
mahalliy eksportni moliyaviy qo‘llab-quvvatlash va sug‘urtalash mexanizmlarini muvaffaqiyatli joriy qilgan xorijiy davlatlar tajribasi inobatga olingan holda, eksportoldi va eksportni moliyalashtirishni, eksport kreditlari va tavakkalchiliklarini sug‘urtalash mexanizmlari, jumladan, xalqaro moliya institutlarini jalb etgan holda joriy etilishini ta’minlash;
savdoni moliyalashtirish uchun xalqaro va xorijiy moliya institutlarining qarzlari va imtiyozli kreditlarini jalb qilish ishlarini muvofiqlashtirish;
O‘zbekiston Respublikasi Prezidentining “Investitsiya va tashqi savdo sohasida boshqaruv tizimini takomillashtirish chora-tadbirlari to‘g‘risida” 2019-yil 28-yanvardagi PF-5643-son Farmonida belgilangan vazifalar hisobga olingan holda, O‘zbekiston Respublikasining JST qo‘shilishi uchun zarur materiallar va hujjatlar paketini tayyorlash, shuningdek, milliy qonunchilikni JST bitimlari talablariga muvofiq moslashtirish bo‘yicha takliflar ishlab chiqish ishlarini muvofiqlashtirish;
O‘zbekiston Respublikasining JSTga qo‘shilishi bo‘yicha muzokara jarayonida O‘zbekiston Respublikasi vakillarining ishtirok etishini muvofiqlashtirish, uning kotibiyati bilan o‘zaro hamkorlik qilish, xorijiy mamlakatlar va xalqaro tashkilotlar bilan tashqi savdo sohasida ikki tomonlama hamda ko‘p tomonlama bitimlar (shartnomalar) tuzish;
O‘zbekiston Respublikasining JSTdagi maslahatchisi-vakili va JST tuzilmalari bilan ishlash bo‘yicha birinchi kotib, O‘zbekiston Respublikasining Jeneva shahridagi (Shveysariya Konfederatsiyasi) BMT Bo‘limi va boshqa xalqaro tashkilotlar huzuridagi Doimiy vakili faoliyatini muvofiqlashtirish.
investitsiyalarni jalb qilish va o‘zlashtirish va tashqi savdo infratuzilmasini rivojlantirish, shu jumladan tranzit salohiyati darajasini oshirish, logistika va transport yo‘laklarini takomillashtirish, shuningdek, eksport marshrutlarini diversifikatsiya qilish masalalarini ilgari surish;
xalqaro transport koridorlarini rivojlantirish bo‘yicha takliflar tayyorlash, yuk tashish transporti oqimlarini maqbullashtirish, xalqaro va mintaqaviy tranzitni rivojlantirish;
transport sohasida investitsiya, eksport va xalqaro yo‘nalishlarda logistika tizimida xavfsizlikni ta’minlash bo‘yicha takliflar tayyorlash, innovatsion texnologiyalar va intellektual transport tizimlarini joriy etish;
m) O‘zbekiston Respublikasining xorijiy davlatlar va xalqaro tashkilotlar bilan xalqaro hamkorlik masalalarini muvofiqlashtirish sohasida:
xorijiy davlatlar va xalqaro tashkilotlar bilan xalqaro hamkorlikni rivojlantirish masalalarida Vazirlar Mahkamasi apparatining tarkibiy bo‘linmalari, vazirliklar, idoralar, mahalliy ijro etuvchi hokimiyat organlari va boshqa tashkilotlar ishlarini muvofiqlashtirishda ishtirok etish hamda ularga ko‘maklashish;
O‘zbekiston Respublikasi Tashqi ishlar vazirligi bilan birgalikda xorijiy davlatlar bilan munosabatlarni qisqa va o‘rta muddatli rivojlantirish konsepsiyalarini ishlab chiqish hamda ikki tomonlama hamkorlikning ustuvor yo‘nalishlari bo‘yicha takliflar kiritish;
O‘zbekiston Respublikasida xalqaro tadbirlarni tashkil etish va respublika delegatsiyalarining xorijda o‘tkaziladigan tadbirlarda ishtirok etish masalalarini ko‘rib chiqish;
O‘zbekiston Respublikasining xorijiy davlatlar va xalqaro tashkilotlar bilan hamkorlikni rivojlantirish masalalari yuzasidan takliflar kiritish;
Vazirlar Mahkamasi Rayosati majlislarida va O‘zbekiston Respublikasining Bosh vaziri rahbarligida o‘tkaziladigan yig‘ilishlarda xorijiy davlatlar va xalqaro tashkilotlar bilan xalqaro hamkorlikning dolzarb masalalarini muhokama qilish, turli darajadagi tashriflar hamda respublikada va xorijda xalqaro tadbirlarga tayyorgarlik ko‘rish hamda ularni o‘tkazishga doir takliflar kiritish;
vazirliklar, idoralar, mahalliy ijro etuvchi hokimiyat organlari va boshqa tashkilotlarning oliy va yuqori darajadagi tashriflarga tayyorgarlik ko‘rish hamda ularni o‘tkazish ishlarini muvofiqlashtirishda ishtirok etish;
respublika delegatsiyalarining xorijiy davlatlarga tashriflarini tashkil qilish va xalqaro tadbirlarda ishtirok etishi, shuningdek, xorijiy delegatsiyalarning O‘zbekiston Respublikasiga tashriflari dasturlarini tasdiqlash bo‘yicha hukumat qarorlarining tayyorlanishi va qabul qilinishini ta’minlash;
O‘zbekiston Respublikasi Prezidentining xorijiy davlatlarga, xorijiy davlatlar va hukumatlar rahbarlarining O‘zbekiston Respublikasiga tashriflariga axborot-tahliliy materiallar tayyorlashda ishtirok etish;
O‘zbekiston Respublikasining xorijiy davlatlarga oliy va yuqori darajadagi tashriflar, shuningdek, xorijiy davlatlar va hukumatlar, xalqaro tashkilotlar rahbarlarining O‘zbekiston Respublikasiga tashriflari davomida erishilgan kelishuvlarning bajarilishi bo‘yicha O‘zbekiston Respublikasi Tashqi ishlar vazirligining ishlarini muvofiqlashtirish;
oliy va yuqori darajadagi tashriflar natijalari bo‘yicha hisobotlarni to‘playdi, umumlashtirish, tayyorlash hamda ma’lumotlar bankini yuritish;
xalqaro tashkilotlar doirasida turli darajadagi majlislarga axborot-tahliliy materiallar tayyorlash, xalqaro tadbirlar kun tartibi masalalari yuzasidan respublikaning pozitsiyasini belgilash ishlarini muvofiqlashtirish;
O‘zbekiston Respublikasi Tashqi ishlar vazirligi, Investitsiyalar va tashqi savdo vazirligi bilan birgalikda xorijiy davlatlarning diplomatik missiyalari va xalqaro tashkilotlar, xorijiy hukumatlar, tijorat hamda bank tuzilmalari vakolatxonalari bilan o‘zaro hamkorlik qilish;
O‘zbekiston Respublikasining xorijiy davlatlar va xalqaro tashkilotlar bilan hamkorlik masalalarida O‘zbekiston Respublikasi Oliy Majlisi palatalari, O‘zbekiston Respublikasi Prezidenti huzuridagi Xavfsizlik kengashi va O‘zbekiston Respublikasi Prezidenti Administratsiyasi bilan o‘zaro hamkorlik qilish;
m) hukumatlararo komissiyalar (qo‘mitalar, kengashlar va ishchi guruhlar) ishlarini muvofiqlashtirish va ularning bayonnoma qarorlari bajarilishining monitoringini olib borish sohasida:
O‘zbekiston Respublikasi Tashqi ishlar vazirligi, Investitsiyalar va tashqi savdo vazirligining hukumatlararo komissiyalar (qo‘mitalar, kengashlar va ishchi guruhlar) majlislariga tayyorgarlik ko‘rish hamda ularni o‘tkazish ishlarini muvofiqlashtirish;
hukumatlararo komissiyalar (qo‘mitalar, kengashlar va ishchi guruhlar) majlislarining kun tartibini va O‘zbekiston Respublikasi delegatsiyasining tarkiblarini kelishishda ishtirok etadi;
hukumatlararo komissiyalarning (qo‘mitalar, kengashlar va ishchi guruhlar) majlislari yakunlari bo‘yicha erishilgan kelishuvlar hamda qabul qilingan bayonnoma qarorlar O‘zbekiston Respublikasining vazirliklari, idoralari, mahalliy ijro etuvchi hokimiyat organlari va boshqa tashkilotlari tomonidan bajarilishini nazorat hamda monitoring qilish;
hukumatlararo komissiyalar (qo‘mitalar, kengashlar va ishchi guruhlar) faoliyatini takomillashtirishga doir takliflar kiritish;
O‘zbekiston Respublikasining Bosh vaziri, uning o‘rinbosarlari va maslahatchilarining topshirig‘iga asosan O‘zbekiston Respublikasining Bosh vaziri, uning o‘rinbosarlari va maslahatchilari rahbarlik qiladigan hukumatlararo komissiyalarning (qo‘mitalar, kengashlar va ishchi guruhlar) Kotibiyat yuritadigan masalalar bo‘yicha majlislarida ishtirok etish;
O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarining mamlakatda amalga oshirilayotgan islohotlarning maqsadlari hamda vazifalariga, shuningdek, umume’tirof etilgan xalqaro huquq prinsiplari va normalariga, O‘zbekiston Respublikasining boshqa xalqaro shartnomalaridan kelib chiqadigan xalqaro majburiyatlarga muvofiqligi yuzasidan ularni ekspert jihatidan puxta ishlab chiqish;
O‘zbekiston Respublikasi Prezidenti va O‘zbekiston Respublikasining Bosh vaziri, hamda uning o‘rinbosari o‘tkazadigan yig‘ilishlarga materiallar tayyorlashda hamda qabul qilinadigan qarorlarni rasmiylashtirishda ishtirok etish;
O‘zbekiston Respublikasi Vazirlar Mahkamasi Rayosati, Bosh vaziri, Vazirlar Mahkamasi apparati boshqaruvchisining topshiriqlariga muvofiq O‘zbekiston Respublikasi Prezidentining xorijiy davlatlarga, xorijiy davlatlar va hukumatlar, xalqaro tashkilotlar rahbarlarining O‘zbekiston Respublikasiga tashriflari davomida imzolanadigan O‘zbekiston Respublikasining xalqaro shartnomalari loyihalarini tayyorlashda ishtirok etish.
aniq sohalar va yo‘nalishlarda amalga oshirilayotgan islohotlarni o‘rganish maqsadida Kotibiyatga biriktirilgan vazirliklar, idoralar va tashkilotlarning rahbarlari ishtirokida mintaqalarda Hukumatning mavzuli sayyor (ochiq) majlislarini tizimli asosda o‘tkazish uchun tegishli tahliliy materiallarni tayyorlaydi;
Vazirlar Mahkamasi Rayosati majlislarida, O‘zbekiston Respublikasining Bosh vaziri va Bosh vazirning maslahatchilari huzurida ko‘rib chiqish uchun tegishli rejali masalalarni tayyorlaydi va kiritadi;
yaqin, o‘rtacha muddatli va uzoq muddatli istiqbolga mo‘ljallangan investitsiya va tashqi iqtisodiy siyosatni rivojlantirishning eng muhim va ustuvor yo‘nalishlari bo‘yicha davlat dasturlari va “yo‘l xaritalari” tayyorlanishini va Bosh vazir, O‘zbekiston Respublikasi Prezidentining maslahatchilari huzurida himoya qilinishini ta’minlaydi;
Kotibiyatga biriktirilgan vazirliklar, idoralar va tashkilotlarga yuklangan vazifalar va funksiyalar samarali va natijali ijro etilishi uchun ularning rahbarlari shaxsiy roli va mas’uliyatini oshirish chora-tadbirlarini ko‘radi;
aniq holatlar bo‘yicha tegishli chora-tadbirlar ko‘rish uchun ommaviy axborot vositalarida va boshqa manbalarda, shu jumladan, joyning o‘ziga borib jamoatchilik fikrini o‘rganishni ta’minlaydi;
tegishli tarmoqlar va mutasaddilik qilinadigan masalalar bo‘yicha turkumlashtirilgan elektron ma’lumotlar bazalari tashkil etilishi va yuritilishini, ularning muntazam ravishda to‘ldirilishi va yangilanishini ta’minlaydi;
yil choraklari yakunlari bo‘yicha tejalgan yoki o‘zlashtirilmagan kapital qo‘yilmalar limitlarini birinchi navbatda respublika va mintaqaviy investitsiya dasturlariga kiritilgan loyihalarni moliyalashtirishga maqsadli yo‘naltirgan holda qayta taqsimlash bo‘yicha takliflar tayyorlanishini muvofiqlashtiradi;
maxsus iqtisodiy zonalarning ma’muriy kengashlari, direksiyalari yoki boshqa organlar va tashkilotlarning investorlar tomonidan o‘z zimmasiga qabul qilingan majburiyatlar bajarilmaganligi to‘g‘risidagi asoslangan taqdimnomalari bo‘yicha erkin iqtisodiy zonalarni to‘xtatib qo‘yish yoki erkin iqtisodiy zonalar ishtirokchisi maqomidan mahrum qilish, ma’muriy kengashlarning erkin iqtisodiy zonalar hududida xo‘jalik yurituvchi subyektlarni joylashtirish to‘g‘risidagi qarorlarini bekor qilish bo‘yicha takliflarni tayyorlaydi;
Kotibiyatning yuritishi sohasiga kiradigan masalalar bo‘yicha axborotni umumlashtiradi va tahliliy qayta ishlaydi, O‘zbekiston Respublikasi Prezidenti, O‘zbekiston Respublikasining Bosh vaziri, Bosh vazirning o‘rinbosari uchun, shuningdek, ularni Vazirlar Mahkamasida ko‘rib chiqish uchun tegishli ma’lumotnoma, tahliliy materiallar va takliflar tayyorlaydi;
tashkilotlar va hududlarda ishlarning iqtisodiy va ijtimoiy holatini, Kotibiyat yuritishi sohasiga kiradigan masalalar bo‘yicha O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari bajarilishini, shu jumladan, joylarga chiqib o‘rganadi, o‘rganish yakunlari bo‘yicha Vazirlar Mahkamasi rahbariyatiga axborot berish uchun tegishli tahliliy materiallar va takliflar tayyorlaydi;
O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, O‘zbekiston Respublikasi Prezidenti, O‘zbekiston Respublikasining Bosh vaziri, uning o‘rinbosarlari va maslahatchilarining, Vazirlar Mahkamasi apparati boshqaruvchisining topshiriqlari ijrosini nazorat qiladi;
Vazirlar Mahkamasiga kiritilgan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalari ekspertizasini amalga oshiradi va ularni ishlab chiqadi, ular yuzasidan zarur tahliliy va ma’lumotnoma materiallarning sifatli tayyorlanishini ta’minlaydi;
respublikani ijtimoiy-iqtisodiy rivojlantirish yakunlari bo‘yicha Vazirlar Mahkamasi majlislarini tayyorlash bilan bog‘liq materiallarni tayyorlashda va qarorlarni rasmiylashtirishda ishtirok etadi va ko‘rsatib o‘tilgan materiallar haqida Bosh vazirning o‘rinbosariga, Vazirlar Mahkamasi apparatining boshqaruvchisiga axborot beradi, shuningdek, Vazirlar Mahkamasining tegishli bayonlarining qarorlari ijrosini nazorat qilinishini ta’minlaydi;
Vazirlar Mahkamasining ayrim funksiyalari va vazifalarini biriktirilgan sohada vazirliklar, davlat qo‘mitalari va idoralarga yuklangan davlat siyosati samarali va sifatli amalga oshirilishini ta’minlash uchun ularga berish bo‘yicha Bosh vazir o‘rinbosariga takliflar kiritadi;
O‘zbekiston Respublikasi Prezidenti, O‘zbekiston Respublikasining Bosh vaziri, uning o‘rinbosarlari va maslahatchilari tomonidan o‘tkaziladigan yig‘ilishlarga materiallar tayyorlashda va ularda qabul qilinadigan qarorlarni rasmiylashtirishda qatnashadi;
materiallar, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalari kompleks va sifatli ishlab chiqilishi va tayyorlanishini, shuningdek, manfaatdor davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar, Vazirlar Mahkamasi apparatining tarkibiy bo‘linmalari bilan kelishilishini ta’minlaydi;
Kotibiyat vakolatiga kiruvchi masalalar bo‘yicha qonun loyihalari ishlab chiqilishini va belgilangan tartibda O‘zbekiston Respublikasi Oliy Majlisiga taqdim etilishini hamda ularning himoya qilinishini tashkil etadi;
yuklangan vazifalarga muvofiq Kotibiyatga biriktirilgan davlat va xo‘jalik boshqaruvi organlari va hududlar faoliyatini muvofiqlashtiradi;
Kotibiyat vakolatiga kiradigan masalalar bo‘yicha xalqaro shartnomalar loyihalarini tayyorlashda ishtirok etadi;
Kotibiyatga biriktirilgan xo‘jalik boshqaruvi organlari va boshqa tashkilotlarda O‘zbekiston Respublikasi Prezidenti maslahatchilarining nomenklaturasiga kiradigan rahbarlar lavozimlariga nomzodlar bo‘yicha takliflarni keyinchalik O‘zbekiston Respublikasining Bosh vaziri tomonidan ma’qullanishi uchun tayyorlashda ishtirok etadi;
O‘zbekiston Respublikasining Bosh vaziri va Bosh vazirning o‘rinbosarlari boshchilik qiladigan tegishli Hukumat komissiyalari va idoralararo komissiyalar, kengashlar va tashkiliy qo‘mitalar ishlari samaradorligini ta’minlaydi, ular tomonidan qabul qilingan qarorlarning bajarilishini muvofiqlashtiradi va nazorat qiladi;
jismoniy va yuridik shaxslarning murojaatlarini ko‘rib chiqadi va ularda qo‘yilgan masalalarni hal etish bo‘yicha takliflar tayyorlaydi, ko‘rib chiqish va chora-tadbirlar ko‘rish uchun ushbu murojaatlarni davlat va xo‘jalik boshqaruvi tegishli organlariga, mahalliy ijro etuvchi hokimiyat organlariga yuboradi, ularning o‘z vaqtida ko‘rib chiqilishini nazorat qiladi, jismoniy shaxslarni va yuridik shaxslar vakillarini shaxsan qabul qiladi;
Vazirlar Mahkamasida ko‘rib chiqiladigan masalalarni tahlil qilish va tayyorlash uchun zarur bo‘lgan materiallar va ma’lumotlarni Vazirlar Mahkamasi apparatining boshqa tarkibiy bo‘linmalaridan, davlat va xo‘jalik boshqaruvi organlaridan, mahalliy ijro etuvchi hokimiyat organlaridan, boshqa organlar va tashkilotlardan belgilangan tartibda so‘rash va olish;
Investitsiyalar, eksportni qo‘llab-quvvatlash va tashqi iqtisodiy aloqalar sohalarida amalga oshirilayotgan islohotlarni o‘rganish maqsadida mahalliy ijro etuvchi hokimiyat organlari, davlat boshqaruvi hududiy organlari, jamoat tashkilotlari vakillari rahbarlari ishtirokida mintaqalarda Hukumatning mavzuli sayyor (ochiq) majlislarini tizimli asosda tayyorlash va o‘tkazishda ishtirok etish;
davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yig‘ilishlar o‘tkazish;
markaziy iqtisodiyot organlari, ilmiy-tadqiqot markazlari va institutlarning xodimlarini, mahalliy va xorijiy ekspertlarni jalb etgan holda axborot-tahliliy tadqiqotlarni amalga oshirish uchun ekspert guruhlari tashkil etish;
biriktirilgan davlat va xo‘jalik boshqaruvi organlari va boshqa tashkilotlarning kollegial organlari majlislarida, shuningdek, O‘zbekiston Respublikasi Bosh vazirining, uning o‘rinbosarining topshirig‘iga binoan esa — davlat boshqa organlarining, nodavlat notijorat va boshqa tashkilotlarning Kotibiyat yuritadigan sohaga kiruvchi masalalar bo‘yicha o‘tkaziladigan majlislarida va yig‘ilishlarida qatnashish;
zarurat bo‘lganda, Vazirlar Mahkamasida ko‘rib chiqiladigan masalalarni ishlab chiqish uchun davlat va xo‘jalik boshqaruvi organlarining, ilmiy muassasalar va boshqa tashkilotlarning rahbarlari va vakillarini belgilangan tartibda jalb etish, tegishli masalalar bo‘yicha vaqtinchalik ishchi guruhlar tashkil etish;
zarurat bo‘lganda, “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni, O‘zbekiston Respublikasi Prezidenti Administratsiyasi Reglamenti, Vazirlar Mahkamasining Reglamenti va boshqa normativ-huquqiy hujjatlar talablari buzilgan holda tushayotgan hujjatlarni puxta ishlab chiqish uchun qaytarib yuborish.
Kotibiyatning zarur materiallarni, ma’lumotlarni taqdim etish, shuningdek, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalarini puxta ishlab chiqish bo‘yicha talablari, agar O‘zbekiston Respublikasi Prezidentining, O‘zbekiston Respublikasi Bosh vazirining, uning o‘rinbosarlari va maslahatchilarining, shuningdek, Vazirlar Mahkamasi apparati boshqaruvchisining topshiriqlarida bajarishning boshqa muddatlari belgilanmagan bo‘lsa, ularda belgilangan muddatlarda bajarilishi kerak.
tegishli vazirliklar, davlat qo‘mitalari va davlat boshqaruvi boshqa organlari tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining hujjatlari, parlament, deputat va Senat a’zosi so‘rovlari, O‘zbekiston Respublikasi Prezidentining qarorlari va topshiriqlari ijrosi monitoringi olib borilishi;
ushbu Nizomning 7 va 8-bandlarida ko‘rsatilgan o‘ziga yuklangan vazifalar va funksiyalarning zarur tarzda va samarali bajarilishi;
O‘zbekiston Respublikasi Konstitutsiyasi, “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni va Kotibiyat vakolatiga taalluqli masalalar bo‘yicha boshqa qonun hujjatlari bilan O‘zbekiston Respublikasi Vazirlar Mahkamasiga yuklangan vazifalar va funksiyalarning samarali bajarilishi;
qonunlar, O‘zbekiston Respublikasi Prezidenti hujjatlari, bayonnomalari va topshiriqlari, Vazirlar Mahkamasining qarorlari sifatli va o‘z vaqtida bajarilishi;
Kotibiyatdagi ishlarning holati, biriktirilgan davlat va xo‘jalik boshqaruvi organlari, boshqa tashkilotlar faoliyatining zarur darajada muvofiqlashtirilishi va monitoring olib borilishi, Kotibiyat vakolatiga kiradigan masalalar bo‘yicha Vazirlar Mahkamasiga kiritilgan takliflar va hujjatlar loyihalarining har tomonlama ko‘rib chiqilishi;
oliy darajadagi xorijiy tashriflar, shuningdek, respublika hududlariga safarlar yakunlari bo‘yicha Kotibiyat vakolatiga kiradigan masalalar bo‘yicha tasdiqlanadigan “yo‘l xaritalari”ning zarur darajada va samarali bajarilishi;
hududlarni ijtimoiy-iqtisodiy rivojlantirish holatini har tomonlama va chuqur tahlil qilish, investitsiya (davlat) dasturlarini va hududlarni rivojlantirish dasturlarini shakllantirish, ularni amalga oshirishni tashkil etish va mintaqalarni kompleks ijtimoiy-iqtisodiy rivojlantirish vazifalarini o‘z vaqtida hal etish;
O‘zbekiston Respublikasi Prezidenti Administratsiyasining Reglamentiga va O‘zbekiston Respublikasi Vazirlar Mahkamasining Reglamentiga muvofiq taqdim etiladigan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalari ulardagi masalalar barcha manfaatdor tuzilmalar bilan bog‘liqlikda davlat manfaatlarini, iqtisodiy samaradorlikni ta’minlash nuqtai nazaridan puxta ekspertizadan o‘tkazilishini ta’minlash;
O‘zbekiston Respublikasi Prezidentining “Amalga oshirilayotgan islohotlarni huquqiy ta’minlash faoliyatini tubdan takomillashtirish chora-tadbirlari to‘g‘risida” 2018-yil 3-apreldagi PF-5395-son Farmoniga va O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son, “Davlat organlari va tashkilotlarida ijro intizomini yanada mustahkamlash chora-tadbirlari to‘g‘risida” 2018-yil 5-oktabrdagi PQ-3962-son qarorlariga va Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq ijro intizomiga so‘zsiz rioya etilishi uchun javob beradi.
investitsiya dasturlarini shakllantirish va amalga oshirilishi monitoringini olib borish masalalari bo‘yicha bosh mutaxassis;
xalqaro moliya institutlari, donor mamlakatlar bilan hamkorlik qilish, investitsiya loyihalari amalga oshirilishi monitoringi va loyihalarni amalga oshirish guruhlari faoliyati masalalari bo‘yicha bosh mutaxassis;
to‘g‘ridan to‘g‘ri xorijiy investitsiyalarni jalb qilish hamda diplomatik vakolatxonalarning savdo-iqtisodiy masalalar bo‘yicha maslahatchilari va xalqaro tashkilotlardagi doimiy vakillar faoliyatini muvofiqlashtirish masalalari bo‘yicha bosh mutaxassis;
hududiy investitsiya dasturlarini shakllantirish va amalga oshirilishi monitoringini olib borish masalalari bo‘yicha bosh mutaxassis;
Kotibiyat mudirining o‘rinbosari (eksport, importni optimallashtirish, bojxona-tarif va notarif tartibga solish masalalari);
importni optimallashtirish, bojxona-tarif va notarif tartibga solish masalalari bo‘yicha bosh mutaxassis;
marketing faoliyatini tashkil etish, tashqi konyunktura tahlili, eksport faoliyatini moliyaviy qo‘llab-quvvatlash va sug‘urta qilish masalalari bo‘yicha bosh mutaxassis;
iqtisodiyot tarmoqlari va respublika hududlarining eksportini rivojlantirish masalalari bo‘yicha bosh mutaxassis;
havo transporti sohasida investitsiya, eksport va xalqaro yo‘nalishlarda yuk tashish logistikasi masalalari bo‘yicha bosh mutaxassis;
temir yo‘l transporti sohasida investitsiya, eksport va xalqaro yo‘nalishlarda yuk tashish logistikasi masalalari bo‘yicha bosh mutaxassis;
avtomobil transporti sohasida investitsiya, eksport va xalqaro yo‘nalishlarda yuk tashish logistikasi masalalari bo‘yicha bosh mutaxassis;
xalqaro shartnomalar ijrosi tahlili, tashqi savdo faoliyatini rivojlantirish va JST bilan hamkorlik qilish masalalari bo‘yicha bosh mutaxassis;
Xalqaro hamkorlik masalalari shu’basi mudiri (O‘zbekiston Respublikasi Prezidentining oliy darajadagi tashriflari uchun tahliliy materiallar tayyorlash masalalari);
Yevropa va Amerika mamlakatlari bilan ikki tomonlama hamda Birlashgan Millatlar Tashkiloti, Shanxay Hamkorlik Tashkiloti, boshqa xalqaro va mintaqaviy tashkilotlar bilan hamkorlikni rivojlantirish, yuqori darajadagi Hukumat delegatsiyalarining tashriflari uchun tahliliy materiallar tayyorlash masalalari bo‘yicha bosh mutaxassis;
Osiyo-Tinch okeani mintaqasi, Osiyo va Afrika mamlakatlari bilan ikki tomonlama hamkorlikni rivojlantirish va yuqori darajadagi Hukumat delegatsiyalarining tashriflari uchun tahliliy materiallar tayyorlash masalalari bo‘yicha bosh mutaxassis;
Mustaqil Davlatlar Hamdo‘stligi, shu jumladan Markaziy Osiyo mamlakatlari bilan ikki tomonlama va ko‘p tomonlama hamkorlikni rivojlantirish va yuqori darajadagi Hukumat delegatsiyalarining tashriflari uchun tahliliy materiallar tayyorlash masalalari bo‘yicha bosh mutaxassis;
13. Kotibiyat mudiri, uning o‘rinbosarlari, shu’ba mudiri, mutaxassislar va O‘zbekiston Respublikasi Bosh vaziri o‘rinbosarining yordamchisi belgilangan tartibda lavozimga tayinlanadi va lavozimdan ozod qilinadi.
14. Kotibiyat ishlari “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, O‘zbekiston Respublikasi Vazirlar Mahkamasining Reglamentiga, O‘zbekiston Respublikasi Vazirlar Mahkamasining apparati to‘g‘risidagi nizomga, ushbu Nizomga, O‘zbekiston Respublikasi Vazirlar Mahkamasi apparatida ish yuritish bo‘yicha yo‘riqnomaga, O‘zbekiston Respublikasi Prezidentining, O‘zbekiston Respublikasi Bosh vazirining, uning o‘rinbosarlari, maslahatchilarining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek, Vazirlar Mahkamasining ish rejalari, Kotibiyatning ish rejalari, Kotibiyat mudiri, uning o‘rinbosarlari va mutaxassislarining shaxsiy ish rejalari asosida tashkil etiladi.
Kotibiyatning ish rejasi O‘zbekiston Respublikasi Vazirlar Mahkamasi Rayosati tasdiqlaydigan Vazirlar Mahkamasi ish rejasi asosida shakllantiriladi.
Kotibiyatning ish rejasi, Kotibiyat mudirining shaxsiy ish rejasi Vazirlar Mahkamasi apparati boshqaruvchisi bilan kelishiladi va O‘zbekiston Respublikasining Bosh vaziri tomonidan tasdiqlanadi.
Kotibiyat mudiri o‘rinbosarlarining va bosh mutaxassislarning shaxsiy ish rejalari Kotibiyat mudiri tomonidan tasdiqlanadi.
Kotibiyatga biriktirilgan davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlarda O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari Vazirlar Mahkamasining qarorlari amalga oshirilishi tizimli monitoringini olib borish bo‘yicha Kotibiyatning faoliyati Vazirlar Mahkamasining ish rejasiga muvofiq kompleks o‘rganish yo‘li bilan, shuningdek, O‘zbekiston Respublikasining Bosh vaziri, O‘zbekiston Respublikasi Bosh vazirining o‘rinbosari topshiriqlariga muvofiq, Vazirlar Mahkamasi, Vazirlar Mahkamasi Rayosati majlislarida hisobotlarini eshitgan holda ta’minlanadi.
Kotibiyatga bevosita rahbarlik qiladi, Kotibiyat mudirining o‘rinbosarlari va bosh mutaxassislar ishlarini tashkil qiladi hamda Kotibiyatga yuklangan vazifalar va funksiyalarning bajarilishi uchun shaxsan javob beradi;
O‘zbekiston Respublikasi Vazirlar Mahkamasiga ko‘rib chiqish uchun kiritilgan Kotibiyat yuritishi sohasiga kiradigan masalalar bo‘yicha takliflarni va hujjatlar loyihalarini ko‘rib chiqishda davlat manfaatlariga qat’iy rioya qilinishini ta’minlaydi, ularning ekspert jihatdan puxta ishlab chiqilishini tashkil qiladi va tayyorlangan hujjatlar loyihalariga viza qo‘yadi. Tegishli normativ-huquqiy hujjatlar qabul qilingandan keyin ularning bajarilishi yuzasidan tizimli nazoratni ta’minlaydi;
iqtisodiyotning tegishli tarmoqlari va sohalarida, respublika hududlarida iqtisodiy islohotlarning holati va natijadorligi to‘g‘risida tizimli monitoring tashkil etilishini hamda ma’lumotlar banki shakllantirilishini, shuningdek, muammoli masalalarni hal etish, respublika tarmoqlari va hududlarini rivojlantirishning istiqbolli vazifalarini amalga oshirish bo‘yicha amaliy chora-tadbirlar ishlab chiqilishi va bajarilishini ta’minlaydi;
tasdiqlangan tuzilmaga va shtatlar jadvaliga muvofiq Kotibiyatda lavozimga tavsiya etilayotgan nomzodlar, Kotibiyat mudirining o‘rinbosari va bosh mutaxassislarning kasbiy darajasi va ish malakasini oshirish, ularni rag‘batlantirish va jazolash choralari bo‘yicha takliflarni puxta ishlab chiqadi hamda Vazirlar Mahkamasi apparati boshqaruvchisi bilan kelishgan holda O‘zbekiston Respublikasi Bosh vazirining o‘rinbosariga ko‘rib chiqish uchun kiritadi;
Kotibiyat mudirining o‘rinbosarlari va bosh mutaxassislar o‘rtasida vazifalarning taqsimlanishini ishlab chiqadi va tasdiqlash, shuningdek, Kotibiyatning yarim yillik uchun ish rejasi loyihasini kelishish uchun O‘zbekiston Respublikasining Bosh vaziriga kiritadi, Kotibiyat mudirining o‘rinbosarlari va bosh mutaxassislarning ish rejalarini tasdiqlaydi;
O‘zbekiston Respublikasi Vazirlar Mahkamasiga tushgan, Hukumat qarorini talab qilmaydigan hujjatlarni tegishli davlat va xo‘jalik boshqaruvi organlariga, mahalliy ijro etuvchi hokimiyat organlariga, boshqa tashkilotlarga ko‘rib chiqish uchun yuboradi;
O‘zbekiston Respublikasi Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi tomonidan Kotibiyat yuritadigan sohaga kiruvchi masalalar bo‘yicha o‘tkaziladigan yig‘ilishlarda qatnashadi;
Kotibiyat kadrlar zaxirasini shakllantirish va yangilashni, kadrlar zaxirasiga kiritilgan shaxslar bilan tizimli ish olib borilishi tashkil etilishini ta’minlaydi;
jismoniy shaxslarni va yuridik shaxslarning vakillarini qabul qiladi, shuningdek, Kotibiyat vakolatiga kiruvchi masalalar bo‘yicha ularning murojaatlarini ko‘rib chiqadi;
kadrlar tanlash tizimini takomillashtirish, Kotibiyat xodimlari malakasini oshirishning samarali shakllari va usullarini joriy etish, kadrlarning amaliy zaxirasini tayyorlash va moddiy rag‘batlantirish chora-tadbirlarini ko‘radi;
Vazirlar Mahkamasi apparatida ish yuritish bo‘yicha yo‘riqnomaga muvofiq ish yuritilishini ta’minlaydi;
16. Kotibiyat mudiri vaqtinchalik bo‘lmaganda uning vazifasini Vazirlar Mahkamasi rahbariyatining ixtiyoriga ko‘ra Kotibiyat mudirining o‘rinbosarlaridan biri bajaradi.
tegishli mutaxassislarga bevosita rahbarlik qiladi va ularga biriktirilgan masalalar bo‘yicha Kotibiyatga yuklangan vazifalar va funksiyalar bajarilishi va ijro intizomining holati uchun shaxsan javob beradi;
ularga biriktirilgan masalalar bo‘yicha materiallar va hujjatlar loyihalarining sifatli va o‘z vaqtida tayyorlanishini tashkil etadi, topshiriqlar bajarilishi nazorat qilinishini ta’minlaydi;
O‘zbekiston Respublikasi Vazirlar Mahkamasiga ko‘rib chiqish uchun kiritilgan Kotibiyat yuritishi sohasiga kiradigan masalalar bo‘yicha takliflarni va hujjatlar loyihalarini ko‘rib chiqishda davlat manfaatlariga qat’iy rioya qilinishini ta’minlaydi, ularning ekspert jihatdan puxta ishlab chiqilishini tashkil qiladi. Tegishli hujjatlar qabul qilingandan keyin ularning bajarilishi yuzasidan tizimli nazoratni ta’minlaydi;
ma’lumotnoma materiallar va hujjatlar loyihalari to‘g‘risida Kotibiyat mudiriga, shuningdek, belgilangan tartibda O‘zbekiston Respublikasining Bosh vaziriga, Bosh vazirning o‘rinbosariga, Vazirlar Mahkamasi apparatining boshqaruvchisiga axborot beradi;
iqtisodiyotning tegishli tarmoqlari va sohalarida, respublika hududlarida iqtisodiy islohotlarning holati va natijadorligi to‘g‘risida tizimli monitoring tashkil etilishini hamda ma’lumotlar banki shakllantirilishini, shuningdek, muammoli masalalarni hal etish, respublika tarmoqlari va hududlarini rivojlantirishning istiqbolli vazifalarini amalga oshirish bo‘yicha amaliy chora-tadbirlar ishlab chiqilishi va bajarilishini ta’minlaydi;
Kotibiyat mudiri bilan kelishgan holda O‘zbekiston Respublikasi Vazirlar Mahkamasiga tushgan, respublika Hukumati qarorini talab qilmaydigan hujjatlarni tegishli davlat va xo‘jalik boshqaruvi organlariga, mahalliy ijro etuvchi hokimiyat organlariga, boshqa tashkilotlarga ko‘rib chiqish uchun yuboradi;
investitsiya va tashqi iqtisodiy faoliyatni, iqtisodiyot tarmoqlari va respublika hududlarining eksport salohiyatini rivojlantirish, shuningdek, tegishli sohalardagi mavjud kamchiliklarni bartaraf etish bo‘yicha takliflar ishlab chiqilishini tashkil etadi va Kotibiyat mudiriga taqdim etadi;
Kotibiyatning yuritishi sohasiga kiradigan masalalar bo‘yicha O‘zbekiston Respublikasi Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari o‘tkazadigan yig‘ilishlarda, Hukumat va idoralararo komissiyalar, kengashlar va tashkiliy qo‘mitalar majlislarida, Vazirlar Mahkamasi apparatining boshqaruvchisi o‘tkazadigan kengashlarda belgilangan tartibda ishtirok etadi;
Kotibiyat mudiriga tegishli mutaxassislar o‘rtasida vazifalarini taqsimlash bo‘yicha takliflarni kiritadi;
Kotibiyat mudiriga lavozimga tayinlash va lavozimdan ozod qilish, Kotibiyat mutaxassislari malakasini oshirish, rag‘batlantirish va ularni jazolash to‘g‘risida takliflar kiritadi.
Shu’baga bevosita rahbarlik qiladi, mutaxassislarning ishlarini tashkil qiladi, Shu’baga yuklangan vazifalar va funksiyalarning bajarilishi, ijro intizomi uchun shaxsan javob beradi;
Shu’ba yuritadigan sohaga kiradigan masalalar bo‘yicha O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini ishlab chiqish hamda tayyorlashda ishtirok etadi;
xalqaro shartnomalar loyihalari va xalqaro shartnomalarni imzolash, ularga qo‘shilish, ratifikatsiya qilish hamda tasdiqlash maqsadga muvofiqligi to‘g‘risida takliflarni ishlab chiqish va tayyorlashda ishtirok etishni tashkil qiladi;
xorijiy davlatlar va xalqaro tashkilotlar bilan xalqaro hamkorlikni rivojlantirish masalalari ishlab chiqilishini tashkil qiladi;
Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda, Hukumat komissiyalari, kengashlar va boshqa kollegial organlar majlislarida, Vazirlar Mahkamasi apparati boshqaruvchisi tomonidan Shu’ba yuritadigan sohaga kiruvchi masalalar bo‘yicha o‘tkaziladigan yig‘ilishlarda qatnashadi;
davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar rahbarlari hamda vakillari ishtirokida Shu’ba yuritadigan sohaga kiradigan masalalar bo‘yicha yig‘ilishlar o‘tkazadi;
o‘z funksional vazifalariga muvofiq takliflar va hujjatlar loyihalarining sifati, ishonchliligi va o‘z vaqtida tayyorlanishi, topshiriqlar va qabul qilingan hujjatlarning bajarilishi yuzasidan nazoratning ta’minlanishi uchun shaxsan javob beradi;
tegishli davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflarni va hujjatlar loyihalarini har tomonlama tahlil qiladi, ular yuzasidan zarur tahliliy materiallarni va ekspert xulosalarni tayyorlaydi, shuningdek, ularning O‘zbekiston Respublikasi Vazirlar Mahkamasi Reglamentiga muvofiq zarur tarzda kelishilishini ta’minlaydi;
materiallar va hujjatlarning loyihalari to‘g‘risida Kotibiyat mudiriga va uning o‘rinbosarlariga, shuningdek, belgilangan tartibda — O‘zbekiston Respublikasining Bosh vaziri o‘rinbosariga va Vazirlar Mahkamasi apparati boshqaruvchisiga axborot beradi;
qabul qilingan hujjatlar bo‘yicha reja-jadvalni yoki tashkiliy chora-tadbirlarni ishlab chiqadi va belgilangan tartibda tasdiqlash uchun kiritadi, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari, O‘zbekiston Respublikasi Prezidenti, O‘zbekiston Respublikasi Bosh vazirining hamda uning o‘rinbosarlari va maslahatchilarining iqtisodiyotning tegishli tarmoqlari va sohalari yoki respublika hududlari bo‘yicha topshiriqlari davlat va xo‘jalik boshqaruvi organlari, mahalliy ijro etuvchi hokimiyat organlari tomonidan bajarilishi yuzasidan tizimli nazoratni amalga oshiradi;
tegishli funksional masalalar va hujjatlar bo‘yicha ma’lumotlarning turkumlangan bazasini shakllantirishni va yuritishni, uning muntazam ravishda to‘ldirib va yangilab borilishini tashkil qiladi;
biriktirilgan davlat va xo‘jalik boshqaruvi organlari, mahalliy ijro etuvchi hokimiyat organlari markaziy apparatlari (iqtisodiy, moliyaviy va yuridik xizmatlar)ning tarkibiy bo‘linmalari ishlarining holati va natijadorligini doimiy ravishda o‘rganib boradi, ularning kollegial organlari majlislarida qatnashadi, ularning faoliyati samaradorligini oshirish bo‘yicha takliflar kiritadi;
tarmoqni rivojlantirishning istiqbolli vazifalari samarali hal etilishi bo‘yicha Kotibiyatga biriktirilgan vazirliklar va idoralarning muvofiqlashtirilgan ishini ta’minlaydi;
xorijiy davlatlar va xalqaro tashkilotlar bilan hamkorlikni rivojlantirish masalalari bo‘yicha materiallar va hujjatlar tayyorlaydi;
biriktirilgan masalalar yuzasidan tegishli ma’lumotnoma va tahliliy materiallar tayyorlashda ishtirok etadi;
idoraviy mansub tashkilotlar faoliyatini muvofiqlashtirish va monitoring olib borishning aniq tizimini joriy qilish yo‘li bilan biriktirilgan sohada davlat siyosati samarali va sifatli amalga oshirilishida Kotibiyatga biriktirilgan vazirliklar va idoralarning mustaqilligini kuchaytirishda ishtirok etadi;
aniq ko‘rsatkichlarga va maqsadli indikatorlarga erishishga, yaqin, o‘rtacha muddatli va uzoq muddatli istiqbolga iqtisodiyot tarmoqlari va ijtimoiy sohani strategik rivojlantirish dasturlarini amalga oshirish sifati va samaradorligini ta’minlashga asoslangan idoraviy mansub tashkilotlar va ular rahbarlarining faoliyatini baholash tizimini ishlab chiqish va joriy etishda ishtirok etadi;
o‘ziga biriktirilgan masalalar bo‘yicha o‘tkaziladigan O‘zbekiston Respublikasi Vazirlar Mahkamasi va uning Rayosati majlislarida, O‘zbekiston Respublikasining Bosh vaziri va uning o‘rinbosarlari va maslahatchilari o‘tkazadigan yig‘ilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi o‘tkazadigan yig‘ilishlarda belgilangan tartibda qatnashadi;
Vazirlar Mahkamasi va uning Rayosati majlislarida, O‘zbekiston Respublikasi Prezidenti, O‘zbekiston Respublikasining Bosh vaziri va uning o‘rinbosarlari va maslahatchilari o‘tkazadigan yig‘ilishlarda ko‘rib chiqishga materiallar tayyorlash uchun, shuningdek, ijrodagi O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Hukumat qarorlari loyihalarini ularni zarur darajada tayyorlash maqsadida muhokama qilish uchun o‘ziga biriktirilgan masalalar bo‘yicha davlat va xo‘jalik boshqaruvi organlari, mahalliy ijro etuvchi hokimiyat organlari, boshqa tashkilotlar vakillari, olimlar va mutaxassislar bilan yig‘ilishlar o‘tkazadi;
O‘zbekiston Respublikasi Prezidentining tegishli topshiriqlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Vazirlar Mahkamasining qarorlari bajarilishi nazorat va tahlil qilinishini ta’minlaydi, ular bajarilishining borishi va natijalari to‘g‘risida O‘zbekiston Respublikasi Bosh vazirining o‘rinbosariga axborot beradi;
O‘zbekiston Respublikasi Bosh vaziri o‘rinbosarining joriy ish rejalari shakllantirilishida ishtirok etadi va ularning ijrosini tashkil qiladi;
Vazirlar Mahkamasining boshqa tarkibiy bo‘linmalari bilan birgalikda O‘zbekiston Respublikasi Bosh vazirining o‘rinbosari ko‘rib chiqishi hamda O‘zbekiston Respublikasi Bosh vazirining o‘rinbosari ma’ruzalari va nutqlari uchun axborot-ma’lumotnoma va boshqa materiallarni tayyorlaydi;
O‘zbekiston Respublikasining Bosh vaziri yoki uning o‘rinbosarlari va maslahatchilari o‘tkazadigan yig‘ilishlar va majlislarni, shu jumladan, Hukumat komissiyalari majlislarini tayyorlash va o‘tkazishni tashkil etadi, topshiriqlarni umumlashtiradi, ularning belgilangan muddatlarda ijro etilishini nazorat qiladi, Kotibiyat mudirini va Bosh vazir o‘rinbosarini topshiriqlar bajarilishining borishi to‘g‘risida muntazam ravishda xabardor qiladi;
O‘zbekiston Respublikasi Bosh vazirining o‘rinbosari nomiga tushadigan xat-xabarlarni tahlil qiladi, tegishli materiallar to‘g‘risida axborot beradi va xat-xabarlarga topshiriqlarni belgilangan tartibda ijrochilarga yuboradi;
O‘zbekiston Respublikasi Bosh vazirining o‘rinbosari tomonidan davlat va xo‘jalik boshqaruvi, mahalliy ijro etuvchi hokimiyat organlari rahbarlari qabul qilinishini tashkil etishni ta’minlaydi;
Vazirlar Mahkamasi apparatining tegishli tarkibiy bo‘linmalari bilan birgalikda fuqarolarning O‘zbekiston Respublikasi Bosh vazirining o‘rinbosari tomonidan qabul qilinishini tashkil etadi, Bosh vazirining o‘rinbosari topshirig‘i bo‘yicha fuqarolarni shaxsan qabul qiladi.
21. Inspektor Kotibiyatda ish yuritilishini ta’minlaydi, hujjatlarning Kotibiyatda o‘tishini nazorat qiladi, hujjatlar yig‘majildlarining tayyorlanishini va arxivda saqlashga o‘z vaqtida berilishini ta’minlaydi, inspektorga yuklangan boshqa funksiyalarni bajaradi.
1. Investitsiya loyihalarining amalga oshirilishi va tashqi savdoni monitoring qilish inspeksiyasi (keyingi o‘rinlarda — Inspeksiya) Vazirlar Mahkamasi apparatining tarkibiy bo‘linmasi hisoblanadi.
2. Inspeksiya faoliyati O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vazirini (keyingi o‘rinlarda — Bosh vazir o‘rinbosari), O‘zbekiston Respublikasi Vazirlar Mahkamasini (keyingi o‘rinlarda — Vazirlar Mahkamasi), uning Rayosatini, shuningdek, Eksport va investitsiyalarni rivojlantirish masalalari bo‘yicha Hukumat komissiyasini (keyingi o‘rinlarda — Hukumat komissiyasi), Vazirlar Mahkamasi apparatini oliy darajadagi tashriflar yakunlari bilan qabul qilingan “yo‘l xarita”larining ijro holati, investitsiya dasturi doirasida investitsiya loyihalarining amalga oshirilishi va tashqi savdoni monitoring qilish hamda hudud va tarmoqlarda mahalliylashtirish jarayonini yanada takomillashtirish bo‘yicha axborot-tahliliy jihatdan ta’minlashga yo‘naltirilgan.
3. Inspeksiya o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga amal qiladi.
4. Inspeksiya o‘z faoliyatini Bosh vaziri o‘rinbosari rahbarligida hamda Investitsiyalar, eksportni qo‘llab-quvvatlash va tashqi iqtisodiy aloqalar masalalari kotibiyati bilan kelishgan holda amalga oshiradi.
Inspeksiya Bosh vazir o‘rinbosariga bo‘ysunadi, bir vaqtning o‘zida uning faoliyati Hukumat komissiyasi va Vazirlar Mahkamasi apparatining boshqaruvchisi tomonidan muvofiqlashtirib boriladi.
5. Inspeksiya o‘z faoliyatini Vazirlar Mahkamasi apparatining boshqa tarkibiy bo‘linmalari, davlat boshqaruvi organlari, xo‘jalik birlashmalari hamda mahalliy ijro etuvchi hokimiyat organlari bilan hamkorlikda amalga oshiradi hamda oliy darajadagi tashriflar yakunlari bilan imzolangan hujjatlarni amalga oshirish yuzasidan “yo‘l xarita”larini loyihalarini tayyorlash ishlarini muvofiqlashtiradi va qabul qilingan “yo‘l xarita”lari ijrosini nazorat qiladi, rivojlanish dasturi doirasida investitsiya loyihalarining to‘liq va o‘z vaqtida bajarilishi ustidan nazoratni tashkil etadi, hudud va tarmoqlarda mahalliylashtirish jarayonini hamda tashqi savdoni, shuningdek Hukumat komissiyasining qarorlari va topshiriqlari ijrosini monitoring qiladi.
“Xalq davlat idoralariga emas, davlat idoralari xalqimizga xizmat qilishi kerak” nomli asosiy prinsipni o‘z vaqtida, aniq va to‘liq hajmda amalga oshirish;
2017 — 2021-yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha Harakatlar strategiyasi vazifalari, O‘zbekiston Respublikasi Ma’muriy islohotlar konsepsiyasini, 2030-yilgacha O‘zbekiston Respublikasini ijtimoiy-iqtisodiy rivojlantirish konsepsiyasini hamda o‘rta muddatli va uzoq istiqbolda rivojlantirishning tasdiqlangan tarmoq va hududiy dasturlari o‘z vaqtida va samarali amalga oshirilishini ta’minlash;
vazirliklar, davlat qo‘mitalari va davlat boshqaruvining boshqa organlari tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining hujjatlari, parlament, deputatlar va senatorlar so‘rovlari, O‘zbekiston Respublikasi Prezidentining, Vazirlar Mahkamasining hamda Hukumat komissiyasining qarorlari va topshiriqlari bajarilishini monitoring qilib borish, shuningdek, joylardagi ishlarning real holatini doimiy o‘rganish, iqtisodiyot hamda ijtimoiy sohadagi muammolarni har tomonlama tahlil qilish va shu asosda strategik hamda ustuvor vazifalarni amalga oshirishga doir kompleks takliflar ishlab chiqish;
keyinchalik O‘zbekiston Respublikasi Oliy Majlisi palatalariga taqdim etish maqsadida tegishli yil uchun qabul qilingan davlat dasturi doirasida O‘zbekiston Respublikasi Prezidentining O‘zbekiston Respublikasi Oliy Majlisiga Murojaatnomasidan kelib chiqadigan ustuvor vazifalarning amalga oshirilishi to‘g‘risida tahliliy materiallar hamda hisobotlar tayyorlash;
iqtisodiyot hamda ijtimoiy sohadagi muammolarni har tomonlama tahlil qilish va shu asosda strategik hamda ustuvor vazifalarni amalga oshirishga doir kompleks takliflar ishlab chiqish;
Hukumat a’zolari, barcha darajalardagi vazirliklar va idoralar rahbarlari zimmasiga yuklangan vazifalar hamda funksiyalarning samarali va natijali bajarilishi uchun ularning shaxsiy roli hamda mas’uliyatini oshirish;
oliy darajadagi tashriflar yakunlari bilan qabul qilingan “yo‘l xarita”larining ijrosini hamda rivojlanish dasturi doirasida investitsiya loyihalarining to‘liq va o‘z vaqtida bajarilishi ustidan nazorat qilish, hudud va tarmoqlarda mahalliylashtirish jarayonini hamda tashqi savdoni monitoring qilishning aniq tizimini joriy etish orqali kuchaytirish;
oliy darajadagi tashriflar yakunlari bilan qabul qilingan “yo‘l xarita”larining ijro holati, rivojlanish dasturi doirasida investitsiya loyihalarining amalga oshirilishi va tashqi savdoni monitoring qilish hamda hudud va tarmoqlarda mahalliylashtirish jarayonini yanada takomillashtirish yo‘nalishlari bo‘yicha masalalar tayyorlanishini hamda Vazirlar Mahkamasi Rayosati va Hukumat komissiyasi majlislarida ko‘rib chiqilishini ta’minlash;
zamonaviy axborot-kommunikatsiya texnologiyalarini joriy etish yo‘li bilan, shu jumladan ilg‘or tajribani o‘rganish asosida, zarurat bo‘lganda, ushbu maqsadlar uchun xorijiy konsultantlarni jalb etgan holda normativ-huquqiy hujjatlar loyihalarini ishlab chiqish, kelishish, ekspertizadan o‘tkazish va ko‘rib chiqish tizimini takomillashtirish;
O‘zbekiston Respublikasi Prezidenti Administratsiyasining tegishli bo‘linmalari, shuningdek, O‘zbekiston Respublikasi Oliy Majlisi Qonunchilik palatasi va Senatining qo‘mitalari bilan o‘zaro yaqin hamkorlikni ta’minlash;
Inspeksiyada, shuningdek, vazirliklar va idoralarda ijro intizomi darajasini oshirish, ularning faoliyatiga zamonaviy axborot-kommunikatsiya texnologiyalarini joriy etish asosida O‘zbekiston Respublikasi Prezidentining qarorlari, farmonlari, farmoyishlari, bayonnomalari va topshiriqlari, Hukumat qarorlari va farmoyishlari, shuningdek, “yo‘l xaritalari”ning bajarilishi yuzasidan tizimli nazoratni ta’minlash;
ijro etuvchi hokimiyat organlarining faoliyatini yuzaga keladigan muammolar sabablari va sharoitlarini bartaraf etish, ishni tashkil qilishning zamonaviy uslublarini joriy qilish bo‘yicha kompleks chora-tadbirlarni ishlab chiqish hamda amalga oshirishga qayta yo‘naltirish maqsadida ayrim davlat funksiyalarini xususiy subyektlarga berish orqali ortiqcha ma’muriy tartibga solishni kamaytirish;
Inspeksiyada xodimlar malakasini oshirish va kadrlarning amaliy zaxirasini tayyorlashning samarali shakl va usullarini joriy etish.
a) oliy darajadagi tashriflari yakunlari bilan qabul qilingan “yo‘l xarita”larining ijrosini va investitsiya loyihalarining amalga oshirilishi nazorat qilish, hudud va tarmoqlarda mahalliylashtirish jarayonini yanada takomillashtirish hamda tashqi savdoni monitoring qilish sohasida:
davlat investitsiya dasturlari va hududiy investitsiya dasturlariga kiritilgan investitsiya loyihalarining amalga oshirilishini monitoring qilishda davlat va xo‘jalik boshqaruvi organlari, mahalliy davlat hokimiyati organlarining ishlarini muvofiqlashtirish;
investitsiya loyihalari amalga oshirilishini tizimli monitoring qilish, xorijiy kapital ishtirokidagi korxonalar faoliyatini, investor tomonidan o‘zining investitsiya majburiyatlarini to‘liq bajarilishini tahlil qilish, xorijiy investitsiyalar ishtirokida investitsiya loyihalarining o‘z vaqtida va samarali amalga oshirilishiga to‘sqinlik qiladigan omillarni aniqlash hamda ularni hal etish yuzasidan tezkor choralar ko‘rish orqali mamlakat iqtisodiyotiga jalb etilayotgan xorijiy investitsiyalardan foydalanish samaradorligini oshirish;
tizimlashtirilgan ma’lumotlar bazasi shakllantirilishi va yuritilishini tashkil qilish, O‘zbekiston Respublikasi Prezidentining xorijiy davlatlarga tashriflari yakunlari bo‘yicha tashqi savdo hamkorligi yuzasidan erishilgan kelishuvlar bajarilishining monitoringini amalga oshirish, shuningdek, xorijiy davlatlar, xalqaro tuzilmalar va xorijiy kompaniyalar bilan tashqi iqtisodiy hamkorlikni chuqurlashtirishga doir ishlab chiqilgan takliflarni tahlil qilish hamda baholash;
import qilinadigan mahsulot hajmlari va turlari har tomonlama tahlil etilishini tashkil qilish, shu asosda importni yanada qisqartirish, import bojxona bojlarini optimallashtirish, bojxona ma’muriyatchiligini takomillashtirishga doir takliflar ishlab chiqish;
b) oliy darajadagi tashriflar natijasida erishilgan kelishuvlarni amalga oshirish bo‘yicha “yo‘l xaritalari”ni ishlab chiqish va amalga oshirish sohasida:
oliy darajadagi tashriflarga tayyorgarlik ko‘rish bo‘yicha qabul qilingan Vazirlar Mahkamasi qarorlarida nazarda tutilgan tashkiliy tadbirlarning o‘z vaqtida ijro qilinishi ustidan nazorat o‘rnatish;
oliy darajadagi tashriflar davomida imzolash uchun hujjatlar loyihalarini tayyorlash jarayonini muvofiqlashtirish va tayyorlangan hujjatlar loyihalarini batafsil o‘rganib chiqish;
“yo‘l xaritalari”da nazarda tutilgan tadbirlar, shu jumladan eksport kelishuvlarining to‘laqonli bajarilishi hamda investitsiya loyihalarini o‘z vaqtida amalga oshirilishi ustidan qat’iy nazorat o‘rnatish;
“yo‘l xaritalari”da nazarda tutilgan tadbirlarning vazirliklar, idoralar, mahalliy ijro etuvchi hokimiyat organlari va boshqa tashkilotlar tomonidan o‘z vaqtida hamda samarali ijro etilishini ta’minlash, to‘sqinlik qiluvchi omillarni aniqlab, ularni bartaraf etish;
vazirliklar, idoralar, mahalliy ijro etuvchi hokimiyat organlari va boshqa tashkilotlar tomonidan “yo‘l xaritalari”da nazarda tutilgan tadbirlarning ijro etilishida sun’iy ravishda cho‘zish va sansalorlik holatlariga yo‘l qo‘ymaslik choralarini ko‘rish;
“yo‘l xaritalari”ning ijrosi bo‘yicha vazirliklar, idoralar, xo‘jalik birlashmalari va tijorat banklari rahbarlari tomonidan amalga oshirilayotgan ishlar samaradorligini tahlil qilish va uning asosida tahliliy ma’lumotlarni tegishli takliflar bilan birgalikda muhokama qilish uchun Hukumat komissiyasi va Vazirlar Mahkamasi majlislariga kiritish;
oliy darajadagi tashriflar davomida imzolangan hujjatlar ijrosining borishi to‘g‘risidagi axborotning vazirliklar, idoralar, mahalliy ijro etuvchi hokimiyat organlari va boshqa tashkilotlar tomonidan “Ijro.gov.uz” ijro intizomi idoralararo yagona elektron tizimi orqali o‘z vaqtida taqdim etilishi ustidan nazorat o‘rnatish;
v) strategik korxonalar ishtirokidagi investitsiya loyihalarining to‘liq va o‘z vaqtida bajarilishi ustidan nazoratni tashkil etish sohasida:
strategik korxonalar ishtirokidagi investitsiya loyihalarini amalga oshirishda ko‘maklashish, tegishli tadbirlarning o‘z vaqtida va samarali ijro etilishiga to‘sqinlik qilayotgan omillarni aniqlab, tizimli tahlil qilgan holda, yakuniy natijalarga erishish uchun ularni hal etishda, shu jumladan, joyiga chiqqan holda zarur yordam ko‘rsatish;
strategik korxonalar ishtirokidagi investitsiya loyihalari to‘liq va o‘z vaqtida ijro etilishi ustidan monitoring va doimiy nazoratni amalga oshirish hamda ularning natijalari bo‘yicha O‘zbekiston Respublikasi Prezidenti Administratsiyasiga axborot kiritish;
strategik korxonalar ishtirokidagi investitsiya loyihalarini amalga oshirish to‘g‘risidagi axborotlarining asoslanganligini birlamchi ma’lumotlar asosida o‘rganish;
respublika import hajmi va nomenklaturasini chuqur tahlil qilish asosida hamda hududlardagi mavjud resurslarni hisobga olgan holda mahalliylashtiriladigan tayyor mahsulotlar, butlovchi buyumlar, ehtiyot qismlar va materiallarning aniq ro‘yxatini shakllantirishni muvofiqlashtirish;
respublikada ishlab chiqarishni mahalliylashtirish jarayonlarini yanada chuqurlashtirish, sanoatda kooperatsiya aloqalarini rivojlantirish, shu jumladan, xo‘jalik yurituvchi subyektlar o‘rtasida o‘zaro hamkorlik uchun qulay shart-sharoitlar yaratish, sanoat mahsulotlari ishlab chiqarishni yanada kengaytirish, tadbirkorlik subyektlarini sanoat faoliyatiga keng jalb etish, sanoat kooperatsiyasini mustahkamlash va rivojlantirishni muvofiqlashtirish;
mahalliylashtirish dasturlari loyihalarini shakllantirish, ularning amalga oshirilishini tashkil etishda, shuningdek hamkorlar topish, uzoq muddatli hamkorlik aloqalarini yo‘lga qo‘yishda tarmoqlar va hududlarga hamda loyiha tashabbuskorlariga doimiy ravishda amaliy yordam ko‘rsatish;
mahalliylashtirish dasturidagi loyihalarda belgilangan maqsadli parametrlarga erishishning tizimli monitoringini olib borish;
monitoring natijalari bo‘yicha aniqlangan tizimli muammo va kamchiliklarni bartaraf etish yuzasidan takliflarni Hukumat komissiyasi muhokamasiga kiritib borish;
d) budjet tashkilotlari, budjet mablag‘larini oluvchilar, monitoring yuritiladigan korxonalar tomonidan import qilingan mahsulotlarning asoslanganligini o‘rganish sohasida;
budjet va davlat maqsadli jamg‘armalarining mablag‘lari hisobidan, shuningdek monitoring yuritiladigan korxonalar tomonidan amalga oshirilgan import hajmlari va nomenklaturasini doimiy tahlil qilish;
budjet tashkilotlari, budjet mablag‘larini oluvchilar va monitoring yuritiladigan korxonalar tomonidan davlat xaridlari doirasida sotib olingan mahsulotlarning asoslanganligini, importdan olingan mahsulotlarning, shu jumladan tadbirkorlik subyektlari ― rezidentlardan xarid qilingan import mahsulotlarining narx bo‘yicha belgilangan parametrlarga muvofiqligini o‘rganish;
o‘tkazilgan o‘rganish va tahlillar natijalari bo‘yicha mahalliylashtirish jarayonini yanada takomillashtirish yuzasidan tayyorlangan ma’lumotlarni har chorak yakuni bo‘yicha Hukumat Komissiyasi muhokamasiga kiritib borish.
O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarining mamlakatda amalga oshirilayotgan islohotlarning maqsadlari hamda vazifalariga, shuningdek, umume’tirof etilgan xalqaro huquq prinsiplari va normalariga, O‘zbekiston Respublikasining boshqa xalqaro shartnomalaridan kelib chiqadigan xalqaro majburiyatlarga muvofiqligi yuzasidan ularni ekspert jihatidan puxta ishlab chiqish;
O‘zbekiston Respublikasi Prezidenti va O‘zbekiston Respublikasining Bosh vaziri, uning o‘rinbosari, hamda Hukumat komissiyasi o‘tkazadigan yig‘ilishlarga materiallar tayyorlashda hamda qabul qilinadigan qarorlarni rasmiylashtirishda ishtirok etish;
Inspeksiya o‘ziga biriktirilgan soha va yo‘nalishlarda amalga oshirilayotgan ishlarni o‘rganish maqsadida vazirliklar, idoralar va tashkilotlarning rahbarlari ishtirokida mintaqalarda Hukumatning mavzuli sayyor (ochiq) majlislarini tizimli asosda o‘tkazish uchun tegishli tahliliy materiallarni tayyorlaydi;
Vazirlar Mahkamasi Rayosati va Hukumat komissiyasi majlislarida, O‘zbekiston Respublikasining Bosh vaziri va uning o‘rinbosarlari huzurida ko‘rib chiqish uchun tegishli rejali masalalarni tayyorlaydi va kiritadi;
yaqin, o‘rtacha muddatli va uzoq muddatli istiqbolga mo‘ljallangan investitsiya va tashqi iqtisodiy siyosatni rivojlantirishning eng muhim va ustuvor yo‘nalishlari bo‘yicha davlat dasturlari va “yo‘l xaritalari” tayyorlanishini va Bosh vazir, O‘zbekiston Respublikasi Prezidentining maslahatchilari huzurida himoya qilinishini ta’minlaydi;
Inspeksiyaga biriktirilgan soha va yo‘nalishlarda mutasaddi vazirliklar, idoralar va tashkilotlarga yuklangan vazifalar va funksiyalar samarali va natijali ijro etilishi uchun ularning rahbarlari shaxsiy roli va mas’uliyatini oshirish chora-tadbirlarini ko‘radi;
tegishli tarmoqlar va mutasaddilik qilinadigan masalalar bo‘yicha turkumlashtirilgan elektron ma’lumotlar bazalari tashkil etilishi va yuritilishini, ularning muntazam ravishda to‘ldirilishi va yangilanishini ta’minlaydi;
yil choraklari yakunlari bo‘yicha tejalgan yoki o‘zlashtirilmagan kapital qo‘yilmalar limitlarini birinchi navbatda respublika va mintaqaviy investitsiya dasturlariga kiritilgan loyihalarni moliyalashtirishga maqsadli yo‘naltirgan holda qayta taqsimlash bo‘yicha takliflar tayyorlanishini muvofiqlashtiradi;
Inspeksiyaning yuritishi sohasiga kiradigan masalalar bo‘yicha axborotni umumlashtiradi va tahliliy qayta ishlaydi, O‘zbekiston Respublikasi Prezidenti, O‘zbekiston Respublikasining Bosh vaziri, Bosh vazirning o‘rinbosari, Hukumat komissiyasi uchun, shuningdek, ularni Vazirlar Mahkamasida ko‘rib chiqish uchun tegishli ma’lumotnoma, tahliliy materiallar va takliflar tayyorlaydi;
Inspeksiya yuritishi sohasiga kiradigan masalalar bo‘yicha O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari bajarilishini, shu jumladan, joylarga chiqib o‘rganadi va nazorat qiladi, o‘rganish yakunlari bo‘yicha Vazirlar Mahkamasi rahbariyatiga axborot berish uchun tegishli tahliliy materiallar va takliflar tayyorlaydi;
O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, O‘zbekiston Respublikasi Prezidenti, O‘zbekiston Respublikasining Bosh vaziri, uning o‘rinbosarlari va maslahatchilari, Hukumat komissiyasi va Vazirlar Mahkamasi apparati boshqaruvchisining topshiriqlari ijrosini nazorat qiladi;
Vazirlar Mahkamasiga kiritilgan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalari ekspertizasini amalga oshiradi va ularni ishlab chiqadi, ular yuzasidan zarur tahliliy va ma’lumotnoma materiallarning sifatli tayyorlanishini ta’minlaydi;
respublikani ijtimoiy-iqtisodiy rivojlantirish yakunlari bo‘yicha Vazirlar Mahkamasi majlislarini tayyorlash bilan bog‘liq materiallarni tayyorlashda va qarorlarni rasmiylashtirishda ishtirok etadi va ko‘rsatib o‘tilgan materiallar haqida Bosh vazirning o‘rinbosariga, Vazirlar Mahkamasi apparatining boshqaruvchisiga axborot beradi, shuningdek, Vazirlar Mahkamasining tegishli bayonlarining qarorlari ijrosini nazorat qilinishini ta’minlaydi;
Vazirlar Mahkamasining ayrim funksiyalari va vazifalarini biriktirilgan sohada vazirliklar, davlat qo‘mitalari va idoralarga yuklangan davlat siyosati samarali va sifatli amalga oshirilishini ta’minlash uchun ularga berish bo‘yicha Bosh vazir o‘rinbosariga takliflar kiritadi;
O‘zbekiston Respublikasi Prezidenti, O‘zbekiston Respublikasining Bosh vaziri, uning o‘rinbosarlari va maslahatchilari, hamda Hukumat komissiyasi tomonidan o‘tkaziladigan yig‘ilishlarga materiallar tayyorlashda va ularda qabul qilinadigan qarorlarni rasmiylashtirishda qatnashadi;
materiallar, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalari kompleks va sifatli ishlab chiqilishi va tayyorlanishini, shuningdek, manfaatdor davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar, Vazirlar Mahkamasi apparatining tarkibiy bo‘linmalari bilan kelishilishini ta’minlaydi;
Inspeksiya vakolatiga kiruvchi masalalar bo‘yicha qonun loyihalari ishlab chiqilishini va belgilangan tartibda O‘zbekiston Respublikasi Oliy Majlisiga taqdim etilishini hamda ularning himoya qilinishini tashkil etadi;
O‘zbekiston Respublikasining Bosh vaziri va Bosh vazirning o‘rinbosarlari boshchilik qiladigan tegishli Hukumat komissiyalari va idoralararo komissiyalar, kengashlar va tashkiliy qo‘mitalar ishlari samaradorligini ta’minlaydi, ular tomonidan qabul qilingan qarorlarning bajarilishini muvofiqlashtiradi va nazorat qiladi;
jismoniy va yuridik shaxslarning murojaatlarini ko‘rib chiqadi va ularda qo‘yilgan masalalarni hal etish bo‘yicha takliflar tayyorlaydi, ko‘rib chiqish va chora-tadbirlar ko‘rish uchun ushbu murojaatlarni davlat va xo‘jalik boshqaruvi tegishli organlariga, mahalliy ijro etuvchi hokimiyat organlariga yuboradi, ularning o‘z vaqtida ko‘rib chiqilishini nazorat qiladi, jismoniy shaxslarni va yuridik shaxslar vakillarini shaxsan qabul qiladi;
Vazirlar Mahkamasida ko‘rib chiqiladigan masalalarni tahlil qilish va tayyorlash uchun zarur bo‘lgan materiallar va ma’lumotlarni Vazirlar Mahkamasi apparatining boshqa tarkibiy bo‘linmalaridan, davlat va xo‘jalik boshqaruvi organlaridan, mahalliy ijro etuvchi hokimiyat organlaridan, boshqa organlar va tashkilotlardan belgilangan tartibda so‘rash va olish;
oliy darajadagi tashriflari yakunlari bilan qabul qilingan “yo‘l xarita”larining ijrosini va investitsiya loyihalarining amalga oshirilishi nazorat qilish, hudud va tarmoqlarda mahalliylashtirish jarayonini yanada takomillashtirish hamda tashqi savdoni monitoring qilish maqsadida mahalliy ijro etuvchi hokimiyat organlari, davlat boshqaruvi hududiy organlari, jamoat tashkilotlari vakillari rahbarlari ishtirokida mintaqalarda Hukumatning mavzuli sayyor (ochiq) majlislarini tizimli asosda tayyorlash va o‘tkazishda ishtirok etish;
davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yig‘ilishlar o‘tkazish;
markaziy iqtisodiyot organlari, ilmiy-tadqiqot markazlari va institutlarning xodimlarini, mahalliy va xorijiy ekspertlarni jalb etgan holda axborot-tahliliy tadqiqotlarni amalga oshirish uchun ekspert guruhlari tashkil etish;
O‘zbekiston Respublikasi Bosh vazirining, uning o‘rinbosarining topshirig‘iga binoan davlat organlarining, nodavlat notijorat va boshqa tashkilotlarning Inspeksiya yuritadigan sohaga kiruvchi masalalar bo‘yicha o‘tkaziladigan majlislarida va yig‘ilishlarida qatnashish;
zarurat bo‘lganda, Vazirlar Mahkamasida ko‘rib chiqiladigan masalalarni ishlab chiqish uchun davlat va xo‘jalik boshqaruvi organlarining, ilmiy muassasalar va boshqa tashkilotlarning rahbarlari va vakillarini belgilangan tartibda jalb etish, tegishli masalalar bo‘yicha vaqtinchalik ishchi guruhlar tashkil etish;
zarurat bo‘lganda, “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni, O‘zbekiston Respublikasi Prezidenti Administratsiyasi Reglamenti, O‘zbekiston Respublikasi Vazirlar Mahkamasining Reglamenti va boshqa normativ-huquqiy hujjatlar talablari buzilgan holda tushayotgan hujjatlarni puxta ishlab chiqish uchun qaytarib yuborish.
Inspeksiyaning zarur materiallarni, ma’lumotlarni taqdim etish, shuningdek, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalarini puxta ishlab chiqish bo‘yicha talablari, agar O‘zbekiston Respublikasi Prezidentining, O‘zbekiston Respublikasi Bosh vazirining, uning o‘rinbosarlari va maslahatchilarining, shuningdek, Vazirlar Mahkamasi apparati boshqaruvchisining topshiriqlarida bajarishning boshqa muddatlari belgilanmagan bo‘lsa, ularda belgilangan muddatlarda bajarilishi kerak.
tegishli vazirliklar, davlat qo‘mitalari va davlat boshqaruvi boshqa organlari tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining hujjatlari, parlament, deputat va Senat a’zosi so‘rovlari, O‘zbekiston Respublikasi Prezidentining qarorlari va topshiriqlari ijrosi monitoringi olib borilishi;
ushbu Nizomning 7 va 8-bandlarida ko‘rsatilgan o‘ziga yuklangan vazifalar va funksiyalarning zarur tarzda va samarali bajarilishi;
O‘zbekiston Respublikasi Konstitutsiyasi, “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni va Inspeksiya vakolatiga taalluqli masalalar bo‘yicha boshqa qonun hujjatlari bilan Vazirlar Mahkamasiga yuklangan vazifalar va funksiyalarning samarali bajarilishi;
qonunlar, O‘zbekiston Respublikasi Prezidenti hujjatlari, bayonnomalari va topshiriqlari, Vazirlar Mahkamasi va Hukumat komissiyasining qarorlarini sifatli va o‘z vaqtida bajarilishi;
Inspeksiyadagi ishlarning holati, unga biriktirilgan masalalar bo‘yicha davlat va xo‘jalik boshqaruvi organlari, boshqa tashkilotlar faoliyatining zarur darajada muvofiqlashtirilishi va monitoring olib borilishi, Inspeksiya vakolatiga kiradigan masalalar bo‘yicha Vazirlar Mahkamasiga kiritilgan takliflar va hujjatlar loyihalarining har tomonlama ko‘rib chiqilishi;
oliy darajadagi xorijiy tashriflar, shuningdek, respublika hududlariga safarlar yakunlari bo‘yicha Inspeksiya vakolatiga kiradigan masalalar bo‘yicha tasdiqlanadigan “yo‘l xaritalari”ning zarur darajada va samarali bajarilishi;
hududlarni ijtimoiy-iqtisodiy rivojlantirish holatini har tomonlama va chuqur tahlil qilish, investitsiya (davlat) dasturlarini va hududlarni rivojlantirish dasturlarini shakllantirish, ularni amalga oshirishni tashkil etish va mintaqalarni kompleks ijtimoiy-iqtisodiy rivojlantirish vazifalarini o‘z vaqtida hal etish;
O‘zbekiston Respublikasi Prezidenti Administratsiyasining Reglamentiga va O‘zbekiston Respublikasi Vazirlar Mahkamasining Reglamentiga muvofiq taqdim etiladigan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalari ulardagi masalalar barcha manfaatdor tuzilmalar bilan bog‘liqlikda davlat manfaatlarini, iqtisodiy samaradorlikni ta’minlash nuqtai nazaridan puxta ekspertizadan o‘tkazilishini ta’minlash;
O‘zbekiston Respublikasi Prezidentining “Amalga oshirilayotgan islohotlarni huquqiy ta’minlash faoliyatini tubdan takomillashtirish chora-tadbirlari to‘g‘risida” 2018-yil 3-apreldagi PF-5395-son Farmoniga va O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son, “Davlat organlari va tashkilotlarida ijro intizomini yanada mustahkamlash chora-tadbirlari to‘g‘risida” 2018-yil 5-oktabrdagi PQ-3962-son qarorlariga va Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq ijro intizomiga so‘zsiz rioya etilishi uchun javob beradi.
Osiyo va Tinch okeani havzasi davlatlari bilan hamda Shanxay hamkorlik tashkiloti doirasida oliy darajadagi tashriflar yakunlari bo‘yicha amaliy tadbirlar rejalarini (“yo‘l xaritalari”ni) ishlab chiqish va amalga oshirilishi samaradorligi monitoringi masalalari bo‘yicha bosh mutaxassis;
Amerika mintaqasi (AQSh, Kanada, Braziliya va boshqalar) bilan oliy darajadagi tashriflar yakunlari bo‘yicha amaliy tadbirlar rejalarini (“yo‘l xaritalari”ni) ishlab chiqish va amalga oshirilishi samaradorligi monitoringi masalalari bo‘yicha bosh mutaxassis;
Yevropa davlatlari (Germaniya, Fransiya, Buyuk Britaniya, Italiya va boshqalar) bilan oliy darajadagi tashriflar yakunlari bo‘yicha amaliy tadbirlar rejalarini (“yo‘l xaritalari”ni) ishlab chiqish va amalga oshirilishi samaradorligi monitoringi masalalari bo‘yicha bosh mutaxassis;
Markaziy Osiyo davlatlari bilan hamda Turkiy davlatlar kengashi doirasida oliy darajadagi tashriflar yakunlari bo‘yicha amaliy tadbirlar rejalarini (“yo‘l xaritalari”ni) ishlab chiqish va amalga oshirilishi samaradorligi monitoringi masalalari bo‘yicha bosh mutaxassis;
MDH davlatlari (Markaziy Osiyo davlatlaridan tashqari) bilan oliy darajadagi tashriflar yakunlari bo‘yicha amaliy tadbirlar rejalarini (“yo‘l xaritalari”ni) ishlab chiqish va amalga oshirilishi samaradorligi monitoringi masalalari bo‘yicha bosh mutaxassis;
Janubiy Osiyo va O‘rta Sharq davlatlari (Afg‘oniston, Pokiston, Hindiston, Eron va boshqalar) bilan oliy darajadagi tashriflar yakunlari bo‘yicha amaliy tadbirlar rejalarini (“yo‘l xaritalari”ni) ishlab chiqish va amalga oshirilishi samaradorligi monitoringi masalalari bo‘yicha bosh mutaxassis;
Arab va Afrika davlatlari (BAA, Misr, Saudiya Arabistoni, Kuvayt, O‘mon, Islom hamkorlik tashkiloti va boshqalar) bilan oliy darajadagi tashriflar yakunlari bo‘yicha amaliy tadbirlar rejalarini (“yo‘l xaritalari”ni) ishlab chiqish va amalga oshirilishi samaradorligi monitoringi masalalari bo‘yicha bosh mutaxassis;
investitsiya dasturlari doirasida metallurgiya, zargarlik, avtomobil, elektrotexnika, to‘qimachilik va charmsanoati sohalaridagi investitsiya loyihalari ijrosini monitoring va nazorat qilish masalalari bo‘yicha bosh mutaxassis;
investitsiya dasturlari doirasida energetika, energiyaning tiklanadigan manbalari, kimyo, neft-kimyo sanoati va geologiya sohasidagi investitsiya loyihalari ijrosini monitoring va nazorat qilish masalalari bo‘yicha bosh mutaxassis;
investitsiya dasturlari doirasida hududlar, kommunikatsiyalar, qurilish va uy-joy kommunal xo‘jaligi sohasidagi investitsiya loyihalari ijrosini monitoring va nazorat qilish masalalari bo‘yicha bosh mutaxassis;
investitsiya dasturlari doirasida agrar va oziq-ovqat sohalaridagi investitsiya loyihalari ijrosini monitoring va nazorat qilish masalalari bo‘yicha bosh mutaxassis;
investitsiya dasturlari doirasida bank-moliya, xizmat ko‘rsatish, ta’lim, sog‘liqni saqlash, sport, turizm va ijtimoiy yo‘nalishdagi investitsiya loyihalari ijrosini monitoring va nazorat qilish masalalari bo‘yicha bosh mutaxassis;
budjet tashkilotlari, budjet mablag‘larini oluvchilar tomonidan import qilingan mahsulotlarning asoslanganligini o‘rganish bo‘yicha bosh mutaxassis;
13. Inspeksiya boshlig‘i, uning o‘rinbosari va mutaxassislari belgilangan tartibda lavozimga tayinlanadi va lavozimdan ozod qilinadi.
Inspeksiya mutaxassislarida ko‘p yillik xizmatlari uchun ustamalar va lavozim maoshlariga qo‘shimcha to‘lovlar, avvalgi ish joyida berilgan martaba darajalari va diplomatik daraja saqlab qolinadi. Inspeksiyadagi ish vaqtiga martaba darajalari va diplomatik daraja, shuningdek, ko‘p yillik xizmatlari uchun ustamalar olish uchun zarur ish staji qo‘shiladi.
Inspeksiya xodimlariga ko‘p yillik xizmatlari uchun ustamalar va lavozim maoshlariga qo‘shimcha to‘lovlarni to‘lashga yo‘naltiriladigan xarajatlar O‘zbekiston Respublikasi Davlat budjeti mablag‘lari hisobidan qoplanadi.
14. Inspeksiya faoliyati “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, O‘zbekiston Respublikasi Vazirlar Mahkamasining Reglamentiga, O‘zbekiston Respublikasi Vazirlar Mahkamasining apparati to‘g‘risidagi nizomga, ushbu nizomga, O‘zbekiston Respublikasi Vazirlar Mahkamasi apparatida ish yuritish bo‘yicha yo‘riqnomaga, O‘zbekiston Respublikasi Prezidentining, O‘zbekiston Respublikasi Bosh vazirining, uning o‘rinbosarlari, maslahatchilarining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek, Vazirlar Mahkamasining ish rejalari, Inspeksiyaning ish rejalari, Inspeksiya boshlig‘i va mutaxassislarining shaxsiy ish rejalari asosida tashkil etiladi.
Inspeksiyaning ish rejasi Vazirlar Mahkamasi Rayosati tasdiqlaydigan Vazirlar Mahkamasi ish rejasi asosida shakllantiriladi.
Inspeksiyaning ish rejasi, Inspeksiya boshlig‘ining shaxsiy ish rejasi Vazirlar Mahkamasi apparati boshqaruvchisi bilan kelishiladi va O‘zbekiston Respublikasining Bosh vaziri tomonidan tasdiqlanadi.
Inspeksiyaga biriktirilgan masalalar bo‘yicha davlat boshqaruvi organlari, xo‘jalik birlashmalari, mahalliy ijro etuvchi hokimiyat organlari, boshqa organlar va tashkilotlarda O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari Vazirlar Mahkamasining qarorlari amalga oshirilishi tizimli monitoringini olib borish bo‘yicha Inspeksiyaning faoliyati Vazirlar Mahkamasining ish rejasiga muvofiq kompleks o‘rganish yo‘li bilan, shuningdek, O‘zbekiston Respublikasining Bosh vaziri, O‘zbekiston Respublikasi Bosh vazirining o‘rinbosari, Hukumat komissiyasi topshiriqlariga muvofiq, Vazirlar Mahkamasi, Vazirlar Mahkamasi Rayosati majlislarida hisobotlarini eshitgan holda ta’minlanadi.
Inspeksiyaga bevosita rahbarlik qiladi, Inspeksiya bosh mutaxassislari ishlarini tashkil qiladi hamda Inspeksiyaga yuklangan vazifalar va funksiyalarning bajarilishi uchun shaxsan javob beradi;
O‘zbekiston Respublikasi Vazirlar Mahkamasiga ko‘rib chiqish uchun kiritilgan Inspeksiya yuritishi sohasiga kiradigan masalalar bo‘yicha takliflarni va hujjatlar loyihalarini ko‘rib chiqishda davlat manfaatlariga qat’iy rioya qilinishini ta’minlaydi, ularning ekspert jihatdan puxta ishlab chiqilishini tashkil qiladi va tayyorlangan hujjatlar loyihalariga viza qo‘yadi. Tegishli normativ-huquqiy hujjatlar qabul qilingandan keyin ularning bajarilishi yuzasidan tizimli nazoratni ta’minlaydi;
iqtisodiyotning tegishli tarmoqlari va sohalarida, respublika hududlarida iqtisodiy islohotlarning holati va natijadorligi to‘g‘risida tizimli monitoring tashkil etilishini hamda ma’lumotlar banki shakllantirilishini, shuningdek, muammoli masalalarni hal etish, respublika tarmoqlari va hududlarini rivojlantirishning istiqbolli vazifalarini amalga oshirish bo‘yicha amaliy chora-tadbirlar ishlab chiqilishi va bajarilishini ta’minlaydi;
tasdiqlangan tuzilmaga va shtatlar jadvaliga muvofiq Inspeksiyada lavozimga tavsiya etilayotgan nomzodlar, Inspeksiya bosh mutaxassislarning kasbiy darajasi va ish malakasini oshirish, ularni rag‘batlantirish va jazolash choralari bo‘yicha takliflarni puxta ishlab chiqadi hamda Vazirlar Mahkamasi apparati boshqaruvchisi bilan kelishgan holda O‘zbekiston Respublikasi Bosh vazirining o‘rinbosariga ko‘rib chiqish uchun kiritadi;
Inspeksiya bosh mutaxassislari o‘rtasida vazifalarning taqsimlanishini ishlab chiqadi va tasdiqlash, shuningdek, Inspeksiyaning yarim yillik uchun ish rejasi loyihasini kelishish uchun O‘zbekiston Respublikasining Bosh vaziriga kiritadi, Inspeksiya bosh mutaxassislarining ish rejalarini tasdiqlaydi;
O‘zbekiston Respublikasi Vazirlar Mahkamasiga tushgan, Hukumat qarorini talab qilmaydigan hujjatlarni tegishli davlat va xo‘jalik boshqaruvi organlariga, mahalliy ijro etuvchi hokimiyat organlariga, boshqa tashkilotlarga ko‘rib chiqish uchun yuboradi;
O‘zbekiston Respublikasi Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi tomonidan Inspeksiya yuritadigan sohaga kiruvchi masalalar bo‘yicha o‘tkaziladigan yig‘ilishlarda qatnashadi;
Inspeksiya kadrlar zaxirasini shakllantirish va yangilashni, kadrlar zaxirasiga kiritilgan shaxslar bilan tizimli ish olib borilishi tashkil etilishini ta’minlaydi;
jismoniy shaxslarni va yuridik shaxslarning vakillarini qabul qiladi, shuningdek, Inspeksiya vakolatiga kiruvchi masalalar bo‘yicha ularning murojaatlarini ko‘rib chiqadi;
kadrlar tanlash tizimini takomillashtirish, Inspeksiya xodimlari malakasini oshirishning samarali shakllari va usullarini joriy etish, kadrlarning amaliy zaxirasini tayyorlash va moddiy rag‘batlantirish chora-tadbirlarini ko‘radi;
Vazirlar Mahkamasi apparatida ish yuritish bo‘yicha yo‘riqnomaga muvofiq ish yuritilishini ta’minlaydi;
16. Inspeksiya boshlig‘i vaqtinchalik bo‘lmaganda uning vazifasini Vazirlar Mahkamasi rahbariyatining ixtiyoriga ko‘ra Inspeksiya boshlig‘ining o‘rinbosari bajaradi.
o‘z funksional vazifalariga muvofiq takliflar va hujjatlar loyihalarining sifati, ishonchliligi va o‘z vaqtida tayyorlanishi, topshiriqlar va qabul qilingan hujjatlarning bajarilishi yuzasidan nazoratning ta’minlanishi uchun shaxsan javob beradi;
tegishli davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflarni va hujjatlar loyihalarini har tomonlama tahlil qiladi, ular yuzasidan zarur tahliliy materiallarni va ekspert xulosalarni tayyorlaydi, shuningdek, ularning O‘zbekiston Respublikasi Vazirlar Mahkamasi Reglamentiga muvofiq zarur tarzda kelishilishini ta’minlaydi;
materiallar va hujjatlarning loyihalari to‘g‘risida Inspeksiya boshlig‘iga, shuningdek, belgilangan tartibda — O‘zbekiston Respublikasining Bosh vaziri o‘rinbosariga va Vazirlar Mahkamasi apparati boshqaruvchisiga axborot beradi;
qabul qilingan hujjatlar bo‘yicha reja-jadvalni yoki tashkiliy chora-tadbirlarni ishlab chiqadi va belgilangan tartibda tasdiqlash uchun kiritadi, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari, O‘zbekiston Respublikasi Prezidenti, O‘zbekiston Respublikasi Bosh vazirining hamda uning o‘rinbosarlari va maslahatchilarining iqtisodiyotning tegishli tarmoqlari va sohalari yoki respublika hududlari bo‘yicha topshiriqlari davlat va xo‘jalik boshqaruvi organlari, mahalliy ijro etuvchi hokimiyat organlari tomonidan bajarilishi yuzasidan tizimli nazoratni amalga oshiradi;
tegishli funksional masalalar va hujjatlar bo‘yicha ma’lumotlarning turkumlangan bazasini shakllantirishni va yuritishni, uning muntazam ravishda to‘ldirib va yangilab borilishini tashkil qiladi;
biriktirilgan masalalar bo‘yicha davlat va xo‘jalik boshqaruvi organlari, mahalliy ijro etuvchi hokimiyat organlari markaziy apparatlari (iqtisodiy, moliyaviy va yuridik xizmatlar)ning tarkibiy bo‘linmalari ishlarining holati va natijadorligini doimiy ravishda o‘rganib boradi, ularning kollegial organlari majlislarida qatnashadi, ularning faoliyati samaradorligini oshirish bo‘yicha takliflar kiritadi;
tarmoqni rivojlantirishning istiqbolli vazifalari samarali hal etilishi bo‘yicha Inspeksiyaga biriktirilgan masalalar bo‘yicha vazirliklar va idoralarning muvofiqlashtirilgan ishini ta’minlaydi;
xorijiy davlatlar va xalqaro tashkilotlar bilan hamkorlikni rivojlantirish masalalari bo‘yicha materiallar va hujjatlar tayyorlaydi;
biriktirilgan masalalar yuzasidan tegishli ma’lumotnoma va tahliliy materiallar tayyorlashda ishtirok etadi;
o‘ziga biriktirilgan masalalar bo‘yicha o‘tkaziladigan O‘zbekiston Respublikasi Vazirlar Mahkamasi va uning Rayosati majlislarida, O‘zbekiston Respublikasining Bosh vaziri va uning o‘rinbosarlari va maslahatchilari o‘tkazadigan yig‘ilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi o‘tkazadigan yig‘ilishlarda belgilangan tartibda qatnashadi;
Vazirlar Mahkamasi va uning Rayosati majlislarida, O‘zbekiston Respublikasi Prezidenti, O‘zbekiston Respublikasining Bosh vaziri va uning o‘rinbosarlari va maslahatchilari o‘tkazadigan yig‘ilishlarda ko‘rib chiqishga materiallar tayyorlash uchun, shuningdek, ijrodagi O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Hukumat qarorlari loyihalarini ularni zarur darajada tayyorlash maqsadida muhokama qilish uchun o‘ziga biriktirilgan masalalar bo‘yicha davlat va xo‘jalik boshqaruvi organlari, mahalliy ijro etuvchi hokimiyat organlari, boshqa tashkilotlar vakillari, olimlar va mutaxassislar bilan yig‘ilishlar o‘tkazadi;
18. Inspektor Inspeksiyada ish yuritilishini ta’minlaydi, hujjatlarning Inspeksiyada o‘tishini nazorat qiladi, hujjatlar yig‘majildlarining tayyorlanishini va arxivda saqlashga o‘z vaqtida berilishini ta’minlaydi, inspektorga yuklangan boshqa funksiyalarni bajaradi.