T/r | Tadbir nomi | O‘lchov birligi | Ishlar hajmi | Investitsiyalar miqdori |
Jami: | 102802,5 | |||
I. | Avtomobil yo‘llarini qurish va ta’mirlash | km | 127,3 | 61200 |
1. | “Navoiy” EIZda ichki va kirish yo‘llarini qurish | km | 6,4 | 5000 |
2. | “Angren” EIZda A-373 aylanma yo‘lni avvalgi “Rezinotexnika” AJ avtobazasigacha rekonstruksiya qilish | km | 6,7 | 9 200 |
3. | “Jizzax” EIZda kirish yo‘llarni qurish va rekonstruksiya qilish | km | 7 | 3 000 |
4. | Sh. Rashidov tumanidagi “Jizzax” EIZning kengaytirilayotgan hududida 2 ta yo‘l ko‘prigi bilan kirish yo‘llarini qurish | km | 5,7 | 1 000 |
5. | “Urgut” EIZda kirish yo‘llarini qurish | km | 65,1 | 15 000 |
6. | “Qo‘qon” EIZ hududining “A” blokidagi ichki avtomobil yo‘llarini qurish | km | 6,2 | 10 000 |
7. | “Qo‘qon” EIZ ichki avtomobil yo‘llarini qurish | km | 4,6 | 5 000 |
8. | “Hazorasp” EIZ hududidagi Pitnak shaharchasi Y. Sherjonov massivining 2-zonasida avtomobil yo‘lini qurish | km | 5,2 | 8 000 |
9. | Hazorasp tumanidagi “Hazorasp” EIZ hududidagi Amudaryo qishlog‘ining 5-zonasida avtomobil yo‘lini qurish | km | 0,4 | 900 |
10. | “Nukus-farm” EIZ hududiga kirish yo‘llarini qurish | km | 1,5 | 1 000 |
11. | “Namuna” massividagi “Kosonsoy-farm” EIZ hududiga kirish yo‘llarini qurish | km | 5 | 2000 |
12. | “Bo‘stonliq-farm” EIZ hududiga kirish yo‘llarini qurish | km | 4,5 | 100 |
13. | “Parkent-farm” EIZ hududiga kirish yo‘llarini va “Parkentsoy” orqali ko‘prik qurish | km | 9 | 1 000 |
II. | Suv ta’minoti va kanalizatsiya tarmoqlarini qurish hamda rekonstruksiya qilish | 41602,5 | ||
14. | “Angren” EIZ hududida (Angren shahri qismida) suv ta’minoti va kanalizatsiya obyektlarini qurish | km | 11 | 11820,9 |
obyekt | 2 | |||
15. | “Urgut” EIZ hududida suv ta’minoti obyektlarini qurish | km | 6,2 | 9 929,8 |
obyekt | 3 | |||
16. | “Urgut” EIZ hududida kanalizatsiya tarmoqlarini qurish | km | 6,5 | 7286,0 |
17. | “�o‘qon” EIZ hududida suv quvurlari tarmog‘ini qurish | km | 17,96 | 6767,3 |
18. | “Hazorasp” EIZ hududida suv ta’minoti obyektlarini qurish | km | 4,8 | 1861,5 |
19. | “Kosonsoy-farm” EIZ hududida suv quvurlari tarmog‘ini qurish | km | 5 | 1000 |
20. | “Kosonsoy-farm” EIZ hududida kanalizatsiya tarmog‘i obyektlarini qurish | obyekt | 1 | 1 400 |
21. | “Bo‘stonliq-farm” EIZ hududida suv quvurlari tarmog‘ini qurish | km | 3 | 1537 |
O‘zbekiston Respublikasi Prezidentining Farmoni, 21.12.2018 yildagi PF-5600-son
Kuchga kirish sanasi
21.12.2018
Рус
Ўзб
O’zb
O‘zb|Рус
Mamlakatimizda erkin iqtisodiy zonalar faoliyatini tartibga soluvchi qonunchilik bazasi shakllantirildi, ma’muriy funksiyalarni nomarkazlashtirish hamda Qoraqalpog‘iston Respublikasi, viloyatlar va Toshkent shahridagi erkin iqtisodiy zonalar va kichik sanoat zonalarining ma’muriy kengashlari (keyingi o‘rinlarda — ma’muriy kengashlar) vakolatlarini kengaytirish orqali ularning faoliyatini boshqarish mexanizmi soddalashtirildi.
Shu bilan birga, erkin iqtisodiy zonalarni tashkil etish va faoliyat ko‘rsatish amaliyotini o‘rganish ularning samarali faoliyat yuritishiga to‘sqinlik qiluvchi tizimli muammolar va kamchiliklar mavjudligini ko‘rsatmoqda.
Xususan, ma’muriy kengashlar va erkin iqtisodiy zonalar direksiyalari faoliyatining yetarlicha samarali emasligi, shuningdek, transport va muhandislik-kommunikatsiya infratuzilmasining sust rivojlanganligi investitsiya loyihalarini jadal amalga oshirishga to‘sqinlik qilmoqda va erkin iqtisodiy zonalarning salohiyatli investorlar uchun jozibadorligini pasaytirmoqda.
Erkin iqtisodiy zonalar faoliyatini muvofiqlashtirishda davlat boshqaruvi organlari funksiyalarining takrorlanishi investitsiya loyihalarini amalga oshirish bilan bog‘liq tashkiliy masalalarni hal qilishning kechikishiga olib kelmoqda.
Erkin iqtisodiy zonalar faoliyatini muvofiqlashtirish va boshqarish tizimini yanada soddalashtirish, investitsiyalar jalb qilish uchun sharoitlarni yaxshilash, investitsiya loyihalarini jadal amalga oshirishni ta’minlash, shu asosda yangi ish o‘rinlarini tashkil etish va aholi daromadlarini oshirish maqsadida:
Oldingi tahrirga qarang.
maxsus iqtisodiy zonalar hududidagi yer uchastkalari maxsus iqtisodiy zonalarning direksiyalariga doimiy foydalanish huquqi bilan ajratiladi va ularning tasarrufida turadi, bundan maxsus sanoat zonalarining hududlari mustasno;
(1-bandning ikkinchi xatboshisi O‘zbekiston Respublikasi Prezidentining 2021-yil 7-oktabrdagi PF-6320-sonli Farmoni tahririda — Qonunchilik ma’lumotlari milliy bazasi, 08.10.2021-y., 06/21/6320/0940-son)
Oldingi tahrirga qarang.
Oldingi tahrirga qarang.
maxsus iqtisodiy zonalar direksiyalarining qarorlari bilan ma’qullangan investitsiya buyurtmanomalarida belgilangan hajmlardagi yer uchastkalari maxsus iqtisodiy zonalarning direksiyalari tomonidan elektron onlayn-auksionga chiqariladi, bunda yer uchastkasini auksionga chiqarishni boshqa tashkilotlar bilan kelishish, shu jumladan “YERELEKTRON” avtomatlashtirilgan axborot tizimiga kiritish talab etilmaydi;
(1-bandning uchinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoni tahririda — Qonunchilik ma’lumotlari milliy bazasi, 13.06.2022-y., 06/22/153/0518-son)
investorlar tomonidan taklif etiladigan investitsiya buyurtmanomalarida yer uchastkasini elektron onlayn-auksionga chiqarishdagi boshlang‘ich narx haqidagi hamda har yilgi ijara to‘lovi miqdori haqidagi taklif ham nazarda tutilishi mumkin;
Oldingi tahrirga qarang.
elektron onlayn-auksionga chiqariladigan yer uchastkasining boshlang‘ich narxi hamda har yilgi ijara to‘lovi miqdori investitsiya buyurtmanomalarini ko‘rib chiqish vaqtida Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari qarori bilan belgilanadi;
(1-bandning beshinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoni tahririda — Qonunchilik ma’lumotlari milliy bazasi, 13.06.2022-y., 06/22/153/0518-son)
elektron onlayn-auksion g‘olibi investitsiya buyurtmanomalarida belgilangan yer uchastkasini ijaraga olish va investitsiya bitimi tuzish huquqini qo‘lga kiritadi, bunda yer uchastkasini ijaraga olish shartlari investitsiya bitimida nazarda tutiladi;
elektron onlayn-auksiondan tushgan pul mablag‘lari (auksionni o‘tkazish xarajatlari chegirib qolingan holda) hamda har yilgi ijara to‘lovlari maxsus iqtisodiy zonalarning direksiyalariga o‘tkaziladi, ushbu mablag‘lar maxsus iqtisodiy zonalarning bosh rejalariga muvofiq tashqi va ichki muhandislik-kommunikatsiya hamda ishlab chiqarish infratuzilmasini qurish va yaxshilash uchun sarflanadi;
(1-band O‘zbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan uchinchi — yettinchi xatboshilar bilan to‘ldirilgan — Qonunchilik ma’lumotlari milliy bazasi, 08.10.2021-y., 06/21/6320/0940-son)
Oldingi tahrirga qarang.
(1-bandning uchinchi xatboshisi O‘zbekiston Respublikasi Prezidentining 2019-yil 15-maydagi PF–5719-sonli Farmoniga asosan chiqarilgan — Qonun hujjatlari ma’lumotlari milliy bazasi, 16.05.2019-y., 06/19/5719/3136-son)
Oldingi tahrirga qarang.
(1-bandning sakkizinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan chiqarilgan — Qonunchilik ma’lumotlari milliy bazasi, 13.06.2022-y., 06/22/153/0518-son)
Oldingi tahrirga qarang.
(1-bandning to‘qqizinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan chiqarilgan — Qonunchilik ma’lumotlari milliy bazasi, 13.06.2022-y., 06/22/153/0518-son)
Oldingi tahrirga qarang.
(1-bandning o‘ninchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan chiqarilgan — Qonunchilik ma’lumotlari milliy bazasi, 13.06.2022-y., 06/22/153/0518-son)
Oldingi tahrirga qarang.
maxsus iqtisodiy zonalar ishtirokchilari tomonidan bojxona imtiyozlari qo‘llangan holda import qilinadigan o‘xshashi bo‘lmagan texnologik uskunalar va respublikada ishlab chiqarilmaydigan qurilish materiallari bojxona rasmiylashtiruvi tovarlar ro‘yxatini har tomonlama ekspertizadan o‘tkazish natijalari bo‘yicha O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” (keyingi o‘rinlarda — Markaz) DUKning ijobiy xulosasi mavjud bo‘lgan taqdirda amalga oshiriladi;
(1-bandning o‘n birinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoni tahririda — Qonunchilik ma’lumotlari milliy bazasi, 13.06.2022-y., 06/22/153/0518-son)
Oldingi tahrirga qarang.
tovarlar ro‘yxatini har tomonlama ekspertizadan o‘tkazish bo‘yicha Markazning xulosa berish muddati besh kalendar kunidan oshmasligi lozim;
(1-bandning o‘n ikkinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoni tahririda — Qonunchilik ma’lumotlari milliy bazasi, 13.06.2022-y., 06/22/153/0518-son)
Oldingi tahrirga qarang.
(1-bandning o‘n uchinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan chiqarilgan — Qonunchilik ma’lumotlari milliy bazasi, 13.06.2022-y., 06/22/153/0518-son)
Oldingi tahrirga qarang.
(1-bandning o‘n to‘rtinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan chiqarilgan — Qonunchilik ma’lumotlari milliy bazasi, 13.06.2022-y., 06/22/153/0518-son)
Oldingi tahrirga qarang.
(1-bandning o‘n beshinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan chiqarilgan — Qonunchilik ma’lumotlari milliy bazasi, 13.06.2022-y., 06/22/153/0518-son)
O‘zbekiston Respublikasi Vazirlar Mahkamasi har chorakda direksiya rahbarlarining ma’qullangan investitsiya loyihalarining amalga oshirilishi bo‘yicha hisobotlarini eshitadi.
2. O‘zbekiston Respublikasi Vazirlar Mahkamasi bir oy muddatda “Navoiy” erkin iqtisodiy zonasi faoliyatini eng yaxshi jahon tajribasiga asoslangan holda takomillashtirish bo‘yicha quyidagilarni nazarda tutuvchi normativ-huquqiy hujjat loyihasini kiritsin:
“Navoiy” erkin iqtisodiy zonasi direksiyasi” DUKning tashkiliy-huquqiy shaklini aksiyadorlik jamiyatiga o‘zgartirib, uning balansiga “Navoiy” erkin iqtisodiy zonasi hududidagi muhandislik-kommunikatsiya tarmoqlari obyektlarini davlat ulushi sifatida, shuningdek, “Navoiy” erkin iqtisodiy zonasining barcha yer maydonlarini doimiy foydalanish huquqi asosida berish;
“Navoiy” erkin iqtisodiy zonasi direksiyasi tomonidan erkin iqtisodiy zona ishtirokchilariga, shu jumladan marketing, konsalting, logistika, kommunal-maishiy, mehmonxona, ta’lim, sug‘urta va qonun hujjatlarida taqiqlanmagan boshqa turdagi xizmatlar ko‘rsatish;
“Navoiy” erkin iqtisodiy zonasi hududida soddalashtirilgan viza rejimi va xodimlarni, shu jumladan chet el fuqarolarini ishga yollash tartibini joriy qilish;
erkin iqtisodiy zona qatnashchilari uchun litsenziya va ruxsatnoma olishning soddalashtirilgan tartibini joriy qilish. Bunda “Navoiy” erkin iqtisodiy zonasi direksiyasiga qatnashchini kuzatish va talabgorning malaka talablariga muvofiqligini tasdiqlash vakolati beriladi;
“Navoiy” erkin iqtisodiy zonasi ishtirokchisi loyihalarni joylashtirish shartlarini bajarmagan taqdirda u bilan tuzilgan shartnomani faqatgina sud tartibida bekor qilish tartibini o‘rnatish;
“Navoiy” erkin iqtisodiy zonasi hududida chet el fuqarolari uchun qulay yashash va mehnat sharoitlarini yaratish.
Oldingi tahrirga qarang.
(3-band “a” kichik bandining birinchi xatboshisi O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
investitsiyalarni, shu jumladan xorijiy investitsiyalarni erkin iqtisodiy zonalar hududiga jalb qilish;
erkin iqtisodiy zonalar hududida investitsiya loyihalarini o‘z vaqtida ishga tushirishga to‘sqinlik qilayotgan sabablarni aniqlab, yuzaga kelayotgan muammolarni hal etish bo‘yicha amaliy yordam ko‘rsatish choralarini ko‘rgan holda, loyihalarning bajarilishi va ishtirokchilar faoliyati samaradorligi ustidan doimiy monitoring olib borish;
Oldingi tahrirga qarang.
(3-band “b” kichik bandining birinchi xatboshisi O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
investorlarni jalb qilish maqsadida erkin iqtisodiy zonalar hududida zarur shart-sharoitlar yaratish, shu jumladan muhandislik-transport infratuzilmasi, ijtimoiy-maishiy va madaniy-jamoatchilik obyektlar bilan ta’minlanganlik darajasini yaxshilash;
erkin iqtisodiy zonalarning ixtisoslashuvi va hududlarning ijtimoiy-iqtisodiy rivojlanishidagi rolini belgilash va shu asosda loyihalarni tanlab olishning aniq mezonlarini, berilayotgan imtiyozlar hamda davlat ko‘magining boshqa shakllarini belgilash;
Oldingi tahrirga qarang.
(3-bandning “v” kichik bandi O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan chiqarilgan — Qonunchilik ma’lumotlari milliy bazasi, 13.06.2022-y., 06/22/153/0518-son)
g) Iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari bo‘yicha O‘zbekiston Respublikasi Prezidenti maslahatchisi bo‘linmalariga:
erkin iqtisodiy zonalarning rivojlanishi va faoliyat ko‘rsatishi, ularning hududlarida investitsiya loyihalarini amalga oshirish bilan bog‘liq masalalarni hal qilish yuzasidan vazirliklar, idoralar va mahalliy davlat hokimiyati organlari tomonidan amaliy yordam ko‘rsatish borasidagi faoliyatni muvofiqlashtirishni ta’minlash;
Oldingi tahrirga qarang.
O‘zbekiston Respublikasi Vazirlar Mahkamasining tegishli bo‘linmalari rahbarlarining, shuningdek, Iqtisodiy taraqqiyot va kambag‘allikni qisqartirish vazirligi, Investitsiyalar va tashqi savdo vazirligi, Qoraqalpog‘iston Respublikasi Vazirlar Kengashi va viloyatlar hokimliklari birinchi rahbarlarining mazkur Farmonda belgilangan vazifalarning bajarilishi yuzasidan hisobotlarini har chorakda eshitish bo‘yicha javobgarlik yuklansin.
(3-band “g” kichik bandining uchinchi xatboshisi O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
4. Erkin iqtisodiy zonalar direksiyalariga o‘z hududlarining bosh rejalari va arxitektura-rejalashtirish ishlarini ishlab chiqishda buyurtmachi sifatida ishtirok etish huquqi berilsin.
2019-yilda erkin iqtisodiy zonalarning avtomobil yo‘llari, suv ta’minoti va kanalizatsiya tarmoqlarini qurish va ta’mirlash bo‘yicha “Yo‘l xaritasi” (keyingi o‘rinlarda — “Yo‘l xaritasi”) 1-ilovaga muvofiq.
Oldingi tahrirga qarang.
(5-bandning uchinchi xatboshisi O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan chiqarilgan — Qonunchilik ma’lumotlari milliy bazasi, 13.06.2022-y., 06/22/153/0518-son)
a) Iqtisodiyot vazirligi bilan birga 2019-yilning 1-apreliga qadar quyidagilarni nazarda tutuvchi Erkin iqtisodiy zonalarni rivojlantirish konsepsiyasi (keyingi o‘rinlarda — Konsepsiya) loyihasini ishlab chiqsin va kiritsin.
erkin iqtisodiy zonalarning ixtisoslashuvi, investitsiya loyihalarini tanlab olishning aniq mezonlari, berilayotgan imtiyozlar va davlat ko‘magining boshqa shakllarini belgilash;
investorlarni jalb qilish maqsadida erkin iqtisodiy zonalar hududida zarur shart-sharoitlar yaratish, shu jumladan muhandislik-transport infratuzilmasi, ijtimoiy-maishiy va madaniy-jamoatchilik obyektlar bilan ta’minlanganlik darajasini yaxshilash;
erkin iqtisodiy zonalarning boshqarish tizimini, shu jumladan direksiyalar faoliyatini tashkil etishda yagona standartlarni belgilash, ko‘rsatilayotgan xizmatlarning ro‘yxatini kengaytirish, shuningdek, erkin iqtisodiy zonalar direksiyalarini tadbirkorlik subyektlari, shu jumladan xorijiy kompaniyalarga ishonchli boshqaruvga berish yo‘li bilan takomillashtirish;
b) Adliya vazirligi bilan birgalikda bir oy muddatda Vazirlar Mahkamasiga Ma’muriy kengashlar va erkin iqtisodiy zonalarning direksiyalari faoliyatini tashkil etish to‘g‘risidagi nizomni tasdiqlash bo‘yicha hukumat qarori loyihasini kiritsin, unda erkin iqtisodiy zonalarning vazirlik, idoralar, tashkilotlar va mahalliy davlat hokimiyati organlari bilan o‘zaro hamkorligi tartibini nazarda tutsin;
v) ma’muriy kengashlar va erkin iqtisodiy zonalarning direksiyalari bilan birgalikda ikki oy muddatda:
samarasiz foydalanilayotgan yer uchastkalarini qaytargan holda, erkin iqtisodiy zonalar ishtirokchilari bilan yerdan foydalanish shartnomalarini qayta ko‘rib chiqish yoki qo‘shimcha loyihalarni amalga oshirish hisobiga yerdan oqilona foydalanish bo‘yicha “yo‘l xaritalari”ni ishlab chiqish;
erkin iqtisodiy zonalarning belgilangan muddatlarda investitsiya loyihalarini amalga oshirishni boshlamagan ishtirokchilari bilan kelishuvlarni bekor qilish;
qisqa muddatlarda ishlab chiqarishni yo‘lga qo‘yishni hisobga olib, qoloq loyihalar bo‘yicha tarmoq jadvallarini tuzishni ta’minlasin;
g) O‘zbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda bir oy muddatda:
buyurtmachilar tomonidan birlamchi ma’lumotlarni Internet tarmog‘i orqali raqamli imzodan foydalangan holda kiritish, shuningdek, loyihalarni muayyan mezonlar asosida qat’iy belgilangan aniq avtomatik algoritm bo‘yicha baholash imkonini beradigan, erkin iqtisodiy zonalar hududida loyihalarni amalga oshirish uchun arizalarni ma’muriy kengashlar tomonidan ko‘rib chiqishning elektron tizimini;
erkin iqtisodiy zonalar ishtirokchilarining ishlab chiqarish quvvatlarini o‘z vaqtida ishga tushirishi, mahsulotlarni eksport qilishi, yangi ish o‘rinlari yaratishi hamda investitsiyaviy majburiyatlarni bajarishi ustidan tezkor nazorat olib borish imkonini beruvchi erkin iqtisodiy zonalar hududida investitsiya loyihalarini monitoring qilishning avtomatlashtirilgan tizimini;
mazkur Farmon talablari, shuningdek, O‘zbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qo‘shimcha chora-tadbirlar to‘g‘risida” 2017-yil 25-oktabrdagi PQ-3356-son qarori 12-bandi talablarini hisobga olgan holda, O‘zbekiston Respublikasi erkin iqtisodiy zonalari yagona portalining yangilangan versiyasini ishlab chiqsin va joriy etsin;
d) Iqtisodiyot vazirligi va Adliya vazirligi bilan birgalikda 2019-yilning 1-martiga qadar erkin iqtisodiy zonalar bo‘yicha qabul qilingan qonunchilik bazasini xatlovdan o‘tkazsin va to‘g‘ridan to‘g‘ri amal qiladigan “Maxsus iqtisodiy zonalar to‘g‘risida”gi O‘zbekiston Respublikasi Qonuni loyihasini O‘zbekiston Respublikasi Vazirlar Mahkamasiga kiritsin va unda ushbu Farmon qoidalari hamda keyinchalik o‘z kuchini yo‘qotadigan O‘zbekiston Respublikasining “Erkin iqtisodiy zonalar to‘g‘risida”gi Qonuni normalarini nazarda tutsin;
e) Iqtisodiyot vazirligi va Moliya vazirligi bilan birgalikda O‘zbekiston Respublikasining 2019-yilga mo‘ljallangan Investitsiya dasturini shakllantirishda “Yo‘l xaritasi”da belgilangan chora-tadbirlarni moliyalashtirishni nazarda tutsin.
7. O‘zbekiston Respublikasi Iqtisodiyot vazirligi Uy-joy kommunal xizmat ko‘rsatish vazirligi, Avtomobil yo‘llari davlat qo‘mitasi, “O‘zbekenergo” AJ, “O‘ztransgaz” AJ, Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda:
bir oy muddatda erkin iqtisodiy zonalar uchun infratuzilmalarni barpo etish bo‘yicha hukumat qarorlarining amaliy ijrosini tahlil qilsin, zarur hollarda, moliyalashtirish ko‘rsatkichlari va manbalarini qayta ko‘rib chiqsin hamda har bir erkin iqtisodiy zona kesimida Infratuzilmani jadal rivojlantirish dasturini tasdiqlasin;
ikki oy muddatda har bir erkin iqtisodiy zona bo‘yicha muhandislik-kommunikatsiya va ishlab chiqarish infratuzilmasini bosqichma-bosqich qurish tarmoq grafiklarini tasdiqlasin, ularning ishlab chiqarish obyektlarini qurish va ishga tushirish muddatlari bilan bog‘lanishini ta’minlasin.
Iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari bo‘yicha O‘zbekiston Respublikasi Prezidenti maslahatchisining o‘rinbosari G.K. Saidovaga — vazirliklar, idoralar va mahalliy davlat hokimiyati organlarining erkin iqtisodiy zonalarning rivojlanishi va ishlashi, shuningdek, ularning hududida investitsiya loyihalarini o‘z vaqtida amalga oshirish bilan bog‘liq faoliyatini muvofiqlashtirish;
Oldingi tahrirga qarang.
O‘zbekiston Respublikasi iqtisodiyot va sanoat vaziri B.A. Xodjayevga — Markaz tomonidan erkin iqtisodiy zonalar hududida amalga oshiriladigan loyihalarning biznes-rejalari yoki texnik-iqtisodiy asoslari bo‘yicha xulosalar o‘z vaqtida berilishi;
(8-bandning uchinchi xatboshisi O‘zbekiston Respublikasi Prezidentining 2019-yil 10-yanvardagi PF-5624-sonli Farmoni tahririda — Qonun hujjatlari ma’lumotlari milliy bazasi, 11.01.2019-y., 06/19/5624/2471-son)
Oldingi tahrirga qarang.
O‘zbekiston Respublikasi Investitsiyalar va tashqi savdo vazirligi rahbarlari S.U. Umurzoqov, L.Sh. Qudratov, N.K. Xolmurodovga — ma’muriy kengashlar tomonidan erkin iqtisodiy zonalar hududida ishlab chiqarishni joylashtirish uchun investitsiya buyurtmalarining o‘z vaqtida ko‘rib chiqilishi va investitsiya loyihalarini erkin iqtisodiy zonalar hududida joylashtirish bo‘yicha qarorlar o‘z vaqtida qabul qilinishi;
(8-bandning to‘rtinchi xatboshisi O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
O‘zbekiston Respublikasi uy-joy kommunal xizmat ko‘rsatish vaziri M.X. Saliyevga, “O‘zbekenergo” AJ boshqaruvi raisi U.M. Mustafoyev, “O‘ztransgaz” AJ boshqaruvi raisi B.B. Eshmuradov, “O‘zbekiston temir yo‘llari” AJ bosh menejeri-muhandisi X.N. Xasilov, Qoraqalpog‘iston Respublikasi Vazirlar Kengashining raisi, viloyatlar hokimlariga — tashqi infratuzilmalarni qurish va ularga erkin iqtisodiy zonalar ishtirokchilarining ulanishi hamda ishlab chiqarish ehtiyojlari uchun elektr energiyasi, tabiiy gaz, suv hamda tashqi kanalizatsiya tarmoqlari bilan uzluksiz ta’minlanishi yuzasidan shaxsiy javobgarlik yuklansin.
9. O‘zbekiston Respublikasi Prezidentining ayrim hujjatlari 3-ilovaga muvofiq o‘z kuchini yo‘qotgan deb hisoblansin.
10. Investitsiyalar bo‘yicha davlat qo‘mitasi bir oy muddatda mazkur Farmondan kelib chiqadigan o‘zgartirish va qo‘shimchalar yuzasidan takliflarni O‘zbekiston Respublikasi Vazirlar Mahkamasiga kiritsin.
11. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov, O‘zbekiston Respublikasi Prezidenti maslahatchisining o‘rinbosarlari B.M. Mavlonov va G.K. Saidova zimmasiga yuklansin.
Oldingi tahrirga qarang.
(2-ilova O‘zbekiston Respublikasi Prezidentining 2022-yil 13-iyundagi PF-153-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 13.06.2022-y., 06/22/153/0518-son)
1. O‘zbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qo‘shimcha chora-tadbirlar to‘g‘risida” 2017-yil 25-oktabrdagi PQ-3356-son qarorining 1-bandi “b” kichik bandi, shuningdek, 1, 2 va 4-ilovalari.
Oldingi tahrirga qarang.
(2-band O‘zbekiston Respublikasi Prezidentining 2022-yil 15-yanvardagi PF-52-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 15.01.2022-y., 06/22/52/0029-son)