O‘zbekiston Respublikasi Prezidentining “Qishloq va suv xo‘jaligi davlat boshqaruvi tizimini tubdan takomillashtirishga doir tashkiliy chora-tadbirlar to‘g‘risida” 2018-yil 12-fevraldagi PF-5330-son, “Qishloq va suv xo‘jaligi davlat boshqaruvi tizimini tubdan takomillashtirish chora-tadbirlari to‘g‘risida” 2018-yil 17-apreldagi PF-5418-son farmonlarini va O‘zbekiston Respublikasi Prezidentining “O‘zbekiston Respublikasi Suv xo‘jaligi vazirligi faoliyatini tashkil etish to‘g‘risida” 2018-yil 17-apreldagi PQ-3672-son qarorini bajarish yuzasidan hamda Suv xo‘jaligi vazirligi va uning tasarrufidagi tashkilotlar faoliyatini samarali tashkil etish, ularning moddiy-texnika bazasini rivojlantirish va xodimlarini rag‘batlantirish mexanizmini yo‘lga qo‘yish maqsadida Vazirlar Mahkamasi qaror qiladi:

1. Quyidagilar:

O‘zbekiston Respublikasi Suv xo‘jaligi vazirligi to‘g‘risidagi nizom 1-ilovaga muvofiq;

O‘zbekiston Respublikasi Suv xo‘jaligi vazirligi huzuridagi Suv xo‘jaligini rivojlantirish jamg‘armasi mablag‘larini shakllantirish va ishlatish tartibi to‘g‘risidagi nizom 2-ilovaga muvofiq;

O‘zbekiston Respublikasi Suv xo‘jaligi vazirligi va uning tarkibiga kiruvchi tashkilotlar xodimlarini moddiy rag‘batlantirish tartibi to‘g‘risidagi nizom 3-ilovaga muvofiq;

O‘zbekiston Respublikasi Suv xo‘jaligi vazirligi tuzilmasiga kiradigan budjet tashkilotlari ro‘yxati 4 va 4a-ilovalarga muvofiq;

“O‘zbekiston Respublikasi suv xo‘jaligi a’lochisi” ko‘krak nishoni to‘g‘risidagi Nizom, ko‘krak nishoni va uning guvohnomasi tavsiflari 7, 7a va 7b-ilovalarga muvofiq;

Suv xo‘jaligini boshqarish tizimini yanada takomillashtirish va O‘zbekiston Respublikasi Suv xo‘jaligi vazirligining suv xo‘jaligi tashkilotlari faoliyati samaradorligini oshirish bo‘yicha chora-tadbirlar rejasi 8-ilovaga muvofiq tasdiqlansin.

3. O‘zbekiston Respublikasi Suv xo‘jaligi vazirligi tugatilayotgan, qayta tashkil etilayotgan suv xo‘jaligi tashkilotlarining ilgari ajratilgan asosiy fondlari, moddiy-texnika resurslari limitlari, mexanizmlari, avtotransport vositalari, shtat birliklari, budjetdan ajratiladigan mablag‘larini yangidan tashkil etilayotgan va faoliyat yuritayotgan budjet tashkilotlariga belgilangan tartibda limitlar va normativlar doirasida qayta taqsimlanishini ikki oy muddatda ta’minlasin.

4. Suv xo‘jaligi vazirligi O‘zbekiston Respublikasi Moliya vazirligi bilan birgalikda uch oy muddatda Suv xo‘jaligi vazirligining suv xo‘jaligining foydalanish tashkilotlari tomonidan issiqlik elektr energiyasi va sanoat mollari ishlab chiqaruvchi iste’molchilar ehtiyojlariga suv yetkazib berish xizmatlari uchun to‘lov miqdorini hisoblash tartibini ishlab chiqsin va tasdiqlasin.

5. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Suv xo‘jaligi vazirligini belgilangan tartibda zarur aloqa vositalari, shu jumladan, hukumat aloqasi va keng polosali internet tarmog‘i bilan ta’minlasin.

6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari Z.T. Mirzayev va O‘zbekiston Respublikasi Suv xo‘jaligi vaziri Sh.R. Xamrayev zimmasiga yuklansin.

1. Ushbu Nizom O‘zbekiston Respublikasi Suv xo‘jaligi vazirligining (keyingi o‘rinlarda Vazirlik deb ataladi) maqomi, asosiy vazifalari, funksiyalari va huquqlarini hamda faoliyatining tashkiliy asoslarini belgilaydi.

2. Vazirlik suv resurslarini boshqarish sohasida yagona siyosatni amalga oshiruvchi, shuningdek, suv resurslaridan oqilona foydalanish va ularni muhofaza qilish, suvlarning zararli ta’sirini oldini olish va tugatish sohasida davlat organlari, xo‘jalik boshqaruvi organlari va boshqa tashkilotlar faoliyatini muvofiqlashtiruvchi davlat boshqaruv organi hisoblanadi.

Vazirlik O‘zbekiston Respublikasi Vazirlar Mahkamasiga bo‘ysunadi.

3. Vazirlik o‘z faoliyatida O‘zbekiston Respublikasi Konstitutsiyasiga, qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

4. Vazirlikning o‘z vakolatlari doirasida qabul qilgan qarorlari davlat va xo‘jalik boshqaruvi organlari, joylardagi davlat hokimiyati organlari, boshqa tashkilotlar va ularning mansabdor shaxslari, shuningdek, yuridik va jismoniy shaxslar tomonidan bajarilishi majburiy hisoblanadi.

5. Vazirlik va uning tarkibiga kiradigan tashkilotlar yuridik shaxslar hisoblanadi, ular O‘zbekiston Respublikasining Davlat gerbi tasviri tushirilgan va o‘z nomi davlat tilida yozilgan muhrga va blankalarga, mustaqil balansga, O‘zbekiston Respublikasi Moliya vazirligi G‘aznachiligida g‘aznachilik shaxsiy hisob raqamlariga, banklarda hisob raqamlariga, shu jumladan, chet el valyutasidagi hisob raqamlariga ega.

6. Vazirlikning rasmiy nomlanishi:

a) davlat tilida:

to‘liq — O‘zbekiston Respublikasi Suv xo‘jaligi vazirligi, qisqartirilgan nomi — SXV;

b) rus tilida:

to‘liq — Ministerstvo vodnogo xozyaystva Respubliki Uzbekistan, qisqartirilgan nomi — Minvodxoz;

v) ingliz tilida:

to‘liq — Ministry of water resources of the Republic of Uzbekistan, qisqartirilgan nomi — MWR.

7. Vazirlikning joylashgan manzili (pochta manzili): 100000, Toshkent shahri, Mirzo Ulug‘bek tumani, Qori Niyoziy ko‘chasi, 39-uy, “A” bino.

8. Vazirlik tuzilmasiga quyidagilar kiradi:

vazirlikning markaziy apparati;

Suv xo‘jaligi sohasidagi loyihalarni amalga oshirish agentligi;

Qoraqalpog‘iston Respublikasi Suv xo‘jaligi vazirligi;

irrigatsiya tizimlari havza boshqarmalari;

magistral kanallar (tizimlar) boshqarmalari;

irrigatsiya tizimi boshqarmalari;

tumanlar (Quvasoy shahar) irrigatsiya bo‘limlari (keyingi o‘rinlarda tumanlar irrigatsiya bo‘limlari deb ataladi);

Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalari huzuridagi nasos stansiyalari va energetika boshqarmalari;

Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalari huzuridagi meliorativ ekspeditsiyalar;

Qarshi magistral kanalidan foydalanish boshqarmasi;

Amu-Buxoro mashina kanalidan foydalanish boshqarmasi;

Farg‘ona vodiysi magistral kanallaridan foydalanish boshqarmasi;

Janubiy Mirzacho‘l kanalidan foydalanish boshqarmasi;

Zarafshon magistral tizimidan foydalanish boshqarmasi;

Qirg‘oq himoyalovchi dambalar va o‘zanni rostlovchi inshootlar boshqarmasi;

O‘ng qirg‘oq kollektoridan foydalanish boshqarmasi;

Suv omborlaridan foydalanish boshqarmalari;

“Suvqurilishinvest” davlat unitar korxonalari;

Markaziy dispetcherlik, kommunikatsiya va kadastr xizmati;

Axborot-tahlil va resurs markazi;

“Suvloyiha” davlat unitar korxonasi;

“O‘zsuvekspertiza” davlat unitar korxonasi;

Katta va alohida muhim suv xo‘jaligi obyektlarining texnik holatini hamda bexatar ishlashini nazorat qilish davlat inspeksiyasi;

“O‘zsuvqurilishta’minot” respublika birlashmasi;

professional ta’lim muassasasi.

9. Vazirlikning asosiy vazifalari quyidagilardan iborat:

1) suv resurslarini boshqarish sohasida yagona siyosatni amalga oshirish, shuningdek, suv resurslaridan oqilona foydalanish va ularni muhofaza qilish, suvlarning zararli ta’sirini oldini olish va tugatish sohasida davlat organlari, xo‘jalik boshqaruvi organlari va boshqa tashkilotlar faoliyatini muvofiqlashtirish;

2) hududlarni va iqtisodiyot tarmoqlarini suv resurslari bilan barqaror va oqilona ta’minlash, yerlarning meliorativ holatini yaxshilash va barqarorligini ta’minlash choralarini ko‘rish;

3) irrigatsiya va melioratsiya tizimlari, suv omborlari, nasos stansiyalari va boshqa suv xo‘jaligi va gidrotexnika inshootlarining ishonchli ishlashini ta’minlash, yirik va alohida muhim suv xo‘jaligi obyektlarini muhofaza qilishni tashkil etish;

4) suvdan foydalanuvchilar va suv iste’molchilarining suv resurslaridan ehtiyotlab va oqilona foydalanish uchun javobgarligini kuchaytirish, suvdan foydalanish madaniyati darajasini oshirish;

5) suv xo‘jaligi sohasiga ilm-fan yutuqlarini, suvni tejovchi zamonaviy texnologiyalar va ilg‘or tajribalarni, suv xo‘jaligi va suvdan foydalanish tizimini boshqarishning innovatsion usullarini joriy qilish;

6) suv xo‘jaligi sohasidagi mutaxassislarning malakasini oshirish tizimini tashkil etish, suv xo‘jaligi tashkilotlari bilan ta’lim va ilmiy muassasalar o‘rtasidagi integratsiyani mustahkamlash, ilm-fan yutuqlarini amaliyotga joriy etish choralarni ko‘rish;

7) transchegaraviy suv resurslarini boshqarish va ulardan foydalanish bo‘yicha davlatlararo munosabatlarni rivojlantirish, chet el investitsiyalari va texnik ko‘mak mablag‘lari (grantlar)ni jalb qilish, shuningdek, suv xo‘jaligi sohasidagi xalqaro tashkilotlarning faoliyatida faol ishtirok etish.

10. Vazirlik o‘ziga yuklangan vazifalarga muvofiq quyidagi funksiyalarni amalga oshiradi:

suv xo‘jaligi va irrigatsiyani rivojlantirish, sug‘oriladigan yerlarning meliorativ holatini yaxshilash bo‘yicha tarmoq va mintaqaviy dasturlarni ishlab chiqadi;

global iqlim o‘zgarishi va Orol dengizi qurishining aholi hayoti va faoliyati rivojlanishiga salbiy ta’sirini kamaytirish bo‘yicha kompleks chora-tadbirlarni ishlab chiqishda ishtirok etadi;

suv resurslaridan foydalanishni hisobga olish va davlat suv kadastrini yuritishni tashkil qiladi;

suvdan foydalanuvchilar va suv iste’molchilari, shuningdek, iqtisodiyotning barcha tarmoqlarida (kommunal sohadan tashqari) suv resurslaridan foydalanish bo‘yicha ma’lumotlar bazasini yaratadi;

suv iste’molchilari uyushmalari va boshqa birlashmalarini tuzish va ularni rivojlantirishda, shuningdek, ular xizmat ko‘rsatadigan zonada suv resurslarini boshqarish va hisobga olishda uslubiy va amaliy yordam ko‘rsatadi;

suvdan foydalanuvchilar va suv iste’molchilari o‘rtasida o‘zaro iqtisodiy munosabatlarni takomillashtirish bo‘yicha chora-tadbirlar kompleksini ishlab chiqish va amalga oshirishda ishtirok etadi;

tegishli davlat boshqaruvi organlari va joylardagi davlat hokimiyati organlari bilan birgalikda suv resurslarini boshqarish, suvlarning zararli ta’sirini oldini olish va tugatish bo‘yicha chora-tadbirlar kompleksini ishlab chiqish va amalga oshirishda ishtirok etadi;

Irrigatsiya va drenaj xalqaro komissiyasida O‘zbekiston Respublikasi manfaatlarini ifodalaydi.

davlat siyosatining suv xo‘jaligi sohasidagi asosiy yo‘nalishlari, ularni amalga oshirishning strategiya va mexanizmlari bo‘yicha O‘zbekiston Respublikasi Vazirlar Mahkamasiga takliflar kiritadi;

suv resurslarining integratsiyalashgan boshqarish rejalarini, ulardan kompleks foydalanish, melioratsiya va suv xo‘jaligini rivojlantirishning istiqbolli sxemalarini ishlab chiqish va amalga oshirishni ta’minlaydi;

mamlakat suv xavfsizligini ta’minlash hamda suv resurslarini samarali boshqarish va foydalanishni ta’minlash bo‘yicha qisqa, o‘rta va uzoq muddatlarga mo‘ljallangan kompleks tadbirlarni ishlab chiqish va amalga oshirishni tashkil qiladi;

suv resurslarining havza tamoyili va butun vertikal bo‘ylab samarali boshqarish asosida hududlar va iqtisodiyot tarmoqlarini suv bilan ishonchli va barqaror ta’minlashni amalga oshiradi;

suv resurslari prognozlarini kompleks tahlil qiladi va suv resurslari balanslarini ishlab chiqadi, suv manbalari, havza irrigatsiya tizimlari, iqtisodiyot tarmoqlari, hududlar, suvdan foydalanuvchilar va suv iste’molchilari bo‘yicha, yer osti suvlari bo‘yicha esa geologiya va mineral resurslar organlari bilan kelishilgan holda suv olish limitlarini belgilaydi;

suv olish limitlari asosida suvdan foydalanish va suv iste’moli tartibining amalda qo‘llanilishini ta’minlaydi;

sun’iy suv obyektlari suvidan maxsus foydalanish va suvni maxsus iste’mol qilish uchun belgilangan tartibda ruxsatnomalar beradi va takliflarni ko‘rib chiqadi, ekologiya va atrof-muhitni muhofaza qilish, shuningdek, geologiya va mineral resurslar organlariga tabiiy suv obyektlari suvidan maxsus foydalanish va suvni maxsus iste’mol qilishga ruxsatnomalar berish bo‘yicha takliflar kiritadi;

korxonalar, inshootlar hamda suv va suv obyektlari holatiga ta’sir qiladigan boshqa obyektlarni qurish, rekonstruksiya qilish, ta’mirlash va tiklash bo‘yicha loyihalarni ko‘rib chiqadi va belgilangan tartibda kelishib oladi;

irrigatsiyani rivojlantirish va sug‘oriladigan yerlarning meliorativ holatini yaxshilash bo‘yicha davlat dasturini ishlab chiqadi va amalga oshiradi;

loyiha-qidiruv va ilmiy-tadqiqot ishlarining hamda suv xo‘jaligi obyektlarini qurish, rekonstruksiya qilish, ta’mirlash va tiklash bo‘yicha loyiha-smeta hujjatlarining idoraviy ekspertizasi o‘tkazilishini nazorat qiladi;

suv xo‘jaligi obyektlarini qurish, rekonstruksiya qilish, ta’mirlash va tiklash bo‘yicha loyihalarning o‘z vaqtida va sifatli bajarilishini hamda tugatilgan ishlarni belgilangan tartibda qabul qilishni ta’minlanishini tashkil etadi;

suv xo‘jaligi tizimiga kiradigan loyiha-qidiruv, pudrat, sanoat va boshqa korxona va tashkilotlarning faoliyatlarini muvofiqlashtiradi;

irrigatsiya va melioratsiya tizimlari, yirik gidrotexnika inshootlari va suv omborlari, nasos stansiyalari hamda boshqa davlat suv xo‘jaligi obyektlarining ishonchli ishlatilishini ta’minlaydi;

suv xo‘jalik obyektlari, shu jumladan, suv iste’molchilari uyushmalarining sug‘orish va kollektor-drenaj tarmoqlari texnik holatining tizimli monitoringini yuritadi, ularni pasportlashtirish ishlarini bajaradi va davlat suv kadastrini tuzadi;

sug‘oriladigan yerlarning gidrogeologik va meliorativ holatini, kollektor-drenaj tizimlaridan samarali foydalanish, ularni texnik jihatdan soz holatda saqlashni, sug‘oriladigan yerlarning qulay meliorativ holati barqarorligini ta’minlashning tizimli monitoringini yuritadi;

suv, energetika va boshqa moddiy-texnik resurslarni tejash choralarini ko‘radi;

suv iste’molchilari uyushmalarining suv xo‘jaligi obyektlarini texnik ishlatish va rekonstruksiya qilish hamda ta’mirlash ishlarini muvofiqlashtiradi;

suvdan foydalanuvchilar va suv iste’molchilarining mas’uliyatini oshirish bo‘yicha normativ-huquqiy hujjatlarni ishlab chiqadi va ularni takomillashtirishda ishtirok etadi;

vazirlikning suv xo‘jaligidan foydalanish tashkilotlari rahbarlari va xodimlarining suvdan foydalanish va suv iste’moli tartibiga qat’iy rioya qilishlari bo‘yicha javobgarligini oshirish choralarini ko‘radi;

ommaviy axborot vositalari, shuningdek, anjumanlar, seminarlar, treninglar va boshqa tadbirlarni o‘tkazish orqali suv resurslarini asrash va ulardan tejamli foydalanish bo‘yicha targ‘ibot ishlarini olib boradi;

ta’lim muassasalarining yosh avlodni suvdan avaylab-asrab foydalanish ruhida tarbiyalash va suvdan foydalanish madaniyatini oshirish bo‘yicha tadbirlarida ishtirok etadi;

zamonaviy axborot-kommunikatsiya texnologiyalaridan foydalangan holda suv bo‘yicha ommabop resurslar bilimlar bazasini yaratish va rivojlantirish bo‘yicha ishlarni tashkil qiladi;

suv resurslaridan oqilona foydalanish sohasida dolzarb muammolarning innovatsion ilmiy-texnik yechimlarini ishlab chiqish va zamonaviy texnika va texnologiyalarni faol ravishda joriy etishga qaratilgan davlat ilmiy dasturlarini shakllantirishda qatnashadi;

suv xo‘jaligi sohasida ilmiy-tadqiqot, loyiha-qidiruv va konstruktorlik ishlarini rivojlantirishni har tomonlama qo‘llab-quvvatlaydi va ularga yordam ko‘rsatadi;

suv xo‘jaligi sohasida ilmiy-tadqiqot, loyiha-qidiruv va konstruktorlik ishlarining asosiy yo‘nalishlarini belgilaydi hamda shartnoma asosida ularning bajarilishini tashkil qiladi;

zamonaviy fan-texnika yutuqlarini hamda ilg‘or tajribalarni qurilish, rekonstruksiya qilish, ta’mirlash va tiklashga, shuningdek, suv xo‘jaligi tizimini boshqarishning innovatsion usullari va suvni tejaydigan ilg‘or texnologiyalarni joriy etish bo‘yicha kompleks chora-tadbirlarni qabul qiladi;

qishloq xo‘jaligi ekinlarini tomchilatib sug‘orish tizimi va boshqa suvni tejaydigan sug‘orish texnologiyalarini ishlab chiqish va joriy etishda qatnashadi;

suv xo‘jaligi sohasidagi kadrlar, mutaxassislar, shu jumladan, suv xo‘jaligi tashkilotlari rahbar xodimlari va mutaxassislarining malakasini oshirish bo‘yicha o‘quv kurslarini respublikaning ixtisoslashtirilgan suv xo‘jaligi tashkilotlari, ta’lim va ilmiy muassasalarida, professional ta’lim muassasasi, shuningdek, chet elda muntazam ravishda tashkil etadi;

suv xo‘jaligi tashkilotlarining ta’lim va ilmiy muassasalar bilan o‘zaro integratsiyasini kuchaytirish bo‘yicha chora-tadbirlarni ishlab chiqadi va amalga oshiradi;

suv xo‘jaligi sohasidagi oliy ta’lim muassasalari professor va o‘qituvchilarining malakasini oshirishni va talabalarning hamda professional ta’lim muassasasi lejlari o‘quvchilarining o‘quv-ishlab chiqarish amaliyotini sifatli o‘tkazish uchun zarur shart-sharoitlar yaratadi;

suv xo‘jaligi sohasida zamonaviy va ilg‘or texnologiyalarni joriy etish va keng qo‘llash bo‘yicha strategik vazifalarni samarali hal etishga qodir bo‘lgan yuqori malakali kadrlarni tayyorlashga yordam beradi;

Orolni qutqarish Xalqaro jamg‘armasi va uning Suv xo‘jaligi kompleksi xalqaro komissiyasi faoliyatida faol ishtirok etadi;

transchegaraviy suv resurslarini boshqarish va ulardan oqilona foydalanish hamda transchegaraviy suv obyektlarini ishlatishni yaxshilash, shuningdek, suv xo‘jaligi sohasidagi xalqaro hamkorlikning ustuvor yo‘nalishlari bo‘yicha O‘zbekiston Respublikasi Vazirlar Mahkamasiga takliflar kiritadi;

investitsion loyihalarning o‘z vaqtida va samarali amalga oshirilishi uchun xalqaro moliya tashkilotlari va xorijiy davlatlar investitsiyalari, imtiyozli kreditlari va texnik ko‘mak mablag‘lari (grantlar) ni jalb qilishda ishtirok etadi;

xorijiy davlatlardagi suv xo‘jaligi obyektlari loyihalarini ishlab chiqish va ularning qurilishida ishtirok etadi;

transchegaraviy suv resurslarini tartibga solish va ulardan foydalanish, suv xo‘jaligini rivojlantirish va yerlar melioratsiyasi bo‘yicha davlatlararo masalalarni muhokama qilish va hal etishda respublika nomidan ishtirok etadi;

xalqaro shartnomalar, xorijiy mamlakatlar bilan suv xo‘jaligi va melioratsiya sohasidagi hamkorlik dasturlari doirasida O‘zbekiston tomonining majburiyatlarini bajarish bilan bog‘liq bo‘lgan xalqaro tadbirlarning respublikada o‘tkazilishini tashkil etadi, suv xo‘jaligi masalalari bo‘yicha xorijiy hamkorlar bilan muzokaralarda qatnashadi;

Orol dengizini qutqarish Xalqaro jamg‘armasi va uning tarkibiy bo‘linmalari, Butunjahon suv Kengashi, Irrigatsiya va drenaj Xalqaro komissiyasi, Yirik to‘g‘onlar bo‘yicha Xalqaro komissiya, Suv resurslarini rivojlantirish va boshqarish bo‘yicha Islom davlatlararo tarmog‘i va boshqa xalqaro tashkilotlar faoliyatida faol ishtirok etadi.

11. Vazirlik markaziy apparatining asosiy vazifalari quyidagilardan iborat:

1) Vazirlikning hududiy bo‘linmalari va idoraviy mansub tashkilotlari bilan birgalikda vazirlikka yuklangan vazifalar va funksiyalarning samarali bajarilishini ta’minlash;

2) suv xo‘jaligi sohasida yagona davlat siyosati amalga oshirilishini ta’minlash;

3) Vazirlik, uning hududiy bo‘linmalari va idoraviy mansub tashkilotlari faoliyati bilan bog‘liq prognoz ko‘rsatkichlarga erishilishini ta’minlash;

4) vazirliklar va idoralar bilan Vazirlik faoliyati sohasiga kiradigan masalalar bo‘yicha o‘zaro hamkorlik qilish, O‘zbekiston Respublikasi Vazirlar Mahkamasi majlislarida va uning Rayosatida tegishli masalalarni ko‘rib chiqishda ishtirok etish;

5) O‘zbekiston Respublikasi Prezidentining, O‘zbekiston Respublikasi Bosh vaziri, uning maslahatchilari va o‘rinbosarlarining topshiriqlarini o‘z vaqtida va sifatli bajarish;

6) Vazirlik xodimlarini tizimli ravishda qayta tayyorlash va ularning malakasini oshirishni tashkil qilish;

7) Vazirlik markaziy apparati, uning hududiy bo‘linmalari va idoraviy mansub tashkilotlari faoliyati samaradorligini tanqidiy tahlil qilish, tahlil natijalariga ko‘ra zarur choralar ko‘rish;

8) Vazirlik, uning tarkibiy va hududiy bo‘linmalari faoliyatini tashkil etishning zamonaviy shakllarini joriy qilish;

9) jismoniy va yuridik shaxslarning murojaatlarini ko‘rib chiqish bo‘yicha samarali faoliyatni ta’minlash, aholi bilan bevosita va ochiq muloqot o‘rnatish;

10) O‘zbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Vazirlik xodimlari va rahbarlarining faol ishtirok etishini, O‘zbekiston Respublikasi Prezidentining Xalq qabulxonalari va Virtual qabulxonasi, O‘zbekiston Respublikasi Bosh vaziri Tadbirkorlar murojaatlarini ko‘rib chiqish qabulxonalaridan kelib tushgan jismoniy va yuridik shaxslarning murojaatlarining o‘z vaqtida va to‘liq ko‘rib chiqilishini ta’minlash;

11) xalqaro va davlatlararo aloqalarni kengaytirish va mustahkamlash bo‘yicha tadbirlarda xalqaro maydonda O‘zbekiston Respublikasi nomidan vakillar ishtirokini, suv xo‘jaligi sohasiga xorijiy investitsiya va grantlarning jalb qilinishini ta’minlash;

12) Vazirlik hay’ati qarorlarini, suv xo‘jaligi vazirining (keyingi o‘rinlarda Vazir deb ataladi) buyruqlari va topshiriqlarining o‘z vaqtida va sifatli bajarilishini ta’minlash;

13) tarkibiy bo‘linmalarda kadrlarni tanlash va joy-joyiga qo‘yish, ularning kasbiy mahorati, amaliy tajribasi, yuqori darajadagi ishchanlik va axloqiy-ma’naviy sifatlari kafolatini ta’minlash, ularning kasbiy malakasini oshirish choralarini ko‘rish, tarkibiy bo‘linmalarda kadrlar zaxirasini shakllantirish;

14) suv xo‘jaligi va suv xo‘jaligi qurilishi masalalariga doir O‘zbekiston Respublikasi Prezidenti va O‘zbekiston Respublikasi Hukumatining qarorlari loyihalarini tayyorlash.

12. Vazirlikning markaziy apparati o‘ziga yuklangan asosiy vazifalarga muvofiq quyidagi funksiyalarni bajaradi:

1) Vazirlik va uning rahbariyati faoliyatining tashkiliy va axborot-tahliliy ta’minotini amalga oshiradi;

2) Vazirlikning tarkibiy va hududiy bo‘linmalari hamda idoraviy mansub tashkilotlari tomonidan O‘zbekiston Respublikasining qonunlari, O‘zbekiston Respublikasi Prezidentining farmon, qaror va farmoyishlarining, Hukumat qarorlarining bajarilishi muntazam nazorat qilinishini ta’minlaydi;

3) Vazirlik tomonidan O‘zbekiston Respublikasi Prezidenti Administratsiyasiga va O‘zbekiston Respublikasi Vazirlar Mahkamasiga kiritiladigan hujjatlarning sifatli va o‘z vaqtida ishlab chiqilishini hamda ularni iqtisodiy, moliyaviy va huquqiy ekspertizasi o‘tkazilishini tashkil qiladi;

4) Vazirlikning hududiy bo‘linmalari va uning idoraviy mansub tashkilotlari faoliyatini boshqarish, muvofiqlashtirish va nazorat qilishni amalga oshiradi;

5) Vazirlikning barcha faoliyatlarini, shu jumladan, normativ hujjatlarni ishlab chiqish yo‘nalishidagi faoliyatining axborot-huquqiy ta’minotini amalga oshiradi;

6) Vazirlikning vakolatiga kiruvchi tezkor, tashkiliy, kadrlar, moliyaviy, ishlab chiqarish — xo‘jalik hamda boshqa masalalar bo‘yicha qarorlar qabul qiladi;

7) Vazirlik, uning hududiy bo‘linmalari va idoraviy mansub tashkilotlari faoliyati bilan bog‘liq prognoz ko‘rsatkichlarga erishilishini so‘zsiz ta’minlash bo‘yicha amaliy choralar ko‘radi;

8) O‘zbekiston Respublikasi Prezidenti Administratsiyasi tarkibiy bo‘linmalari va O‘zbekiston Respublikasi Vazirlar Mahkamasi, shuningdek, tegishli vazirlik va idoralar bilan Vazirlik faoliyati sohasiga kiradigan masalalar yuzasidan o‘zaro hamkorlikni ta’minlaydi;

9) Vazirlikning tarkibiy va hududiy bo‘linmalari faoliyatini tashkil etishning zamonaviy shakllarini joriy qilishni ta’minlaydi;

10) Vazirlikning samarali faoliyatini tashkil qilish va takomillashtirish bo‘yicha takliflar ishlab chiqadi;

11) suv xo‘jaligi sohasida anjumanlar, seminarlar va xalqaro tadbirlarni tashkil etish va o‘tkazish ishlarini bajaradi;

12) suv xo‘jaligi sohasida ilm-fan va ishlab chiqarishning ilg‘or yutuqlarini ommaviy axborot vositalarida muntazam va keng yoritishga doir ishlarni amalga oshiradi.

13. Qoraqalpog‘iston Respublikasi Suv xo‘jaligi vazirligining va irrigatsiya tizimlari havza boshqarmalarining asosiy vazifalari quyidagilardan iborat:

1) Vazirlikning bo‘linmasiga yuklangan vazifa va funksiyalarni samarali bajarish;

2) hududlarni ijtimoiy-iqtisodiy rivojlantirish masalasida, tegishli ravishda, Qoraqalpog‘iston Respublikasi Jo‘qorg‘i Kengesi Raisi, viloyatlar va Toshkent shahar hokimlari, tumanlar (shahar) hokimlari bilan hamkorlik qilish;

3) suv xo‘jaligi sohasini kompleks modernizatsiyalash, mintaqaning suv xo‘jaligi obyektlariga fan-texnika yutuqlari, suvni tejovchi zamonaviy texnologiyalarni, ilg‘or mahalliy va xorijiy tajribalarni joriy qilishga yo‘naltirilgan yagona suv xo‘jaligi siyosati amalga oshirilishini ta’minlash;

4) suv xo‘jaligiga xorijiy investitsiyalar, grantlar va texnik yordam mablag‘larini jalb etish choralarini ko‘rish, loyihalarni boshqarish tamoyillariga muvofiq ulardan samarali foydalanishni ta’minlash;

5) suv resurslarini boshqarishning tamoyillari va tizimini takomillashtirish, ulardan tejamli va oqilona foydalanishni ta’minlash, sug‘oriladigan yerlarning meliorativ holatini yaxshilash, suv xo‘jaligi obyektlari va gidrotexnika inshootlarini qayta tiklash va zamonaviylashtirish choralarini ko‘rish;

6) kadrlar bilan ishlashni takomillashtirish, suv xo‘jaligi tarmog‘ining yuqori malakali mutaxassislarga bo‘lgan joriy va istiqboldagi ehtiyojlarini, ta’lim va ilm-fanning faol integratsiyasini hisobga olgan holda, kadrlarni tayyorlash va ularning malakasini oshirishning muntazam ravishda, samarali tashkil etilishini ta’minlash.

14. Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalari o‘zlariga yuklangan asosiy vazifalarga muvofiq quyidagi funksiyalarni bajaradilar:

suv xo‘jaligi sohasida davlat siyosatining asosiy yo‘nalishlarini rivojlantirish mexanizmlari va strategiyasi amalga oshirilishini ta’minlaydi;

suv xo‘jaligi sohasini rivojlantirish bo‘yicha tarmoq va mintaqaviy dasturlarni samarali amalga oshirilishini ta’minlaydi;

Vazirlik hay’ati qarorlarini bajarish bo‘yicha ishlarni tashkil etadi;

xalqaro moliya institutlari va xorijiy davlatlarning investitsiyalari, imtiyozli kreditlari, grantlari va texnik yordam mablag‘larini jalb etishga ko‘maklashadi, investitsiya loyihalarining o‘z vaqtida va samarali amalga oshirilishini ta’minlaydi;

mahalliy investitsiyalarni jalb qilishga ko‘maklashadi va ulardan oqilona va maqsadli foydalanishni ta’minlaydi;

Vazirlikka suv xo‘jaligi sohasida xalqaro hamkorlikning ustuvor yo‘nalishlari bo‘yicha takliflar kiritadi hamda ularni amalga oshirish bo‘yicha ishlarni tashkil qiladi.

suv resurslarini integratsiyalashgan boshqarish va ulardan oqilona foydalanishni, ularni boshqarish samaradorligini oshirishni, suvdan foydalanish va suv iste’molining innovatsion texnologiyalari va mexanizmlarini faol joriy etishni, suv resurslarini hisobga olishni tashkil etish va takomillashtirishni ta’minlaydi;

suv iste’molchilari uyushmalari va boshqa birlashmalarni tuzish, ularni rivojlantirishda uslubiy va amaliy yordam ko‘rsatadi, suv iste’molchilari uyushmalarining suv xo‘jaligi obyektlarini texnik ekspluatatsiya qilish, ta’mirlash va tiklash ishlarini muvofiqlashtiradi;

er usti suv resurslarini havza tamoyili asosida boshqarishni amalga oshiradi;

irrigatsiyani rivojlantirish va yerlarning meliorativ holatini yaxshilash bo‘yicha hududiy dasturlarni ishlab chiqish va amalga oshirishda qatnashadi;

irrigatsiya va melioratsiya tizimlari, nasos stansiyalari, suv omborlari va boshqa davlat suv xo‘jaligi obyektlaridan samarali va ishonchli foydalanishni tashkil qiladi;

suv resurslaridan foydalanish hisobini yuritishni tashkil etadi, davlat suv kadastrining “Suvdan foydalanish” bo‘limini yuritishda ishtirok etadi;

sug‘oriladigan yerlarning gidrogeologik va meliorativ holatini, sug‘orish va kollektor-drenaj suvlarining sifati monitoringini yuritadi;

suv resurslari bashoratini tahlil qiladi va irrigatsiya tizimlari, ma’muriy tumanlar va iqtisodiyot tarmoqlari bo‘yicha suv olish limitlarini belgilangan tartibda o‘rnatadi, suvdan foydalanuvchilar va suv iste’molchilarining suvdan tejab foydalanganliklari uchun rag‘batlantirish to‘g‘risida takliflar kiritadi;

suvdan foydalanish va suv iste’moli bo‘yicha shartnomalar tuzish, suv iste’molchilari uyushmalarining sug‘orish tarmoqlarini suvni boshqarish va suv o‘lchash vositalari bilan jihozlash ishlariga ko‘maklashadi va muvofiqlashtiradi;

suv xo‘jaligi infratuzilmasini rivojlantirish, ularning moddiy-texnik bazasini mustahkamlash bo‘yicha konsepsiyalar, strategiyalar va kompleks chora-tadbirlarni, shuningdek, normativ-huquqiy hujjatlarni ishlab chiqishda ishtirok etadi va muvofiqlashtiradi;

suv xo‘jaligi sohasidagi kadrlar va mutaxassislar, shu jumladan, suv iste’molchilari uyushmalari rahbarlari va mutaxassislarining malakasini oshirishni muntazam ravishda tashkil qiladi;

idoraviy mansub tashkilotlar bilan suv xo‘jaligi sohasidagi oliy ta’lim muassasalari talabalari va professional ta’lim muassasasi o‘quvchilarining o‘quv-tanishish va o‘quv-ishlab chiqarish amaliyotini tashkil etishda hamkorlik qiladi;

tumanlar irrigatsiya bo‘limlariga kadrlar bilan ishlashni takomillashtirish va ularning malakasini oshirishni tashkil etishda amaliy yordam beradi.

14¹. Magistral kanallar (tizimlar) boshqarmalarining asosiy vazifalari quyidagilardan iborat:

1) Vazirlikning magistral kanallar (tizimlar) boshqarmalariga yuklagan vazifa va funksiyalarni samarali amalga oshirish;

2) kompleks ijtimoiy-iqtisodiy rivojlantirish sektorlari bilan hamkorlik qilish;

3) suv xo‘jaligi tizimini kompleks modernizatsiyalash, fan-texnika yutuqlari, suvni tejovchi zamonaviy texnologiyalar, ilg‘or mahalliy va xorijiy tajribalarni joriy qilishga yo‘naltirilgan yagona suv xo‘jaligi siyosatini amalga oshirish;

4) magistral kanalga qarashli barcha suv ho‘jaligi obyektlarida suv resurslarini oqilona boshqarish, suvning hisobi va hisobotini yuritish, magistral kanal bo‘yicha suvni boshqarishning belgilangan tartibiga rioya qilish, magistral kanal va gidrotexnika inshootlarining texnik xavfsizligini hamda ishonchli foydalanishni ta’minlash;

5) suv resurslarini boshqarish tamoyillari va tizimini takomillashtirish, suvdan tejamli va oqilona foydalanishni ta’minlash, magistral kanal va gidrotexnika inshootlarini rekonstruksiya qilish hamda zamonaviylashtirish choralarini ko‘rish.

14². Magistral kanallar (tizimlar) boshqarmalari o‘ziga yuklangan vazifalarni amalga oshirishda quyidagi funksiyalarni amalga oshiradi:

1) suv resurslarini boshqarish va belgilangan suv olish limitlariga muvofiq irrigatsiya tizimi boshqarmalariga hamda boshqa alohida suv xo‘jaligi foydalanuvchi tashkilotlariga suv yetkazib berishni ta’minlash;

2) irrigatsiya tizimi boshqarmalari va alohida suv xo‘jaligi foydalanuvchi tashkilotlar bilan suvdan foydalanish bo‘yicha shartnomalar tuzish, tizimdagi nasos stansiyalar va agregatlarning ish rejimini kelishish;

3) suvdan foydalanishning bozor prinsiplari va mexanizmalari joriy etilishini ta’minlash;

4) magistral kanal bo‘yicha suvdan foydalanishning hisobini va hisobotini yuritish;

5) magistral kanalni tezkor ishlatish va suv resurslarini oqilona boshqarish uchun yuridik shaxs maqomiga ega bo‘lmagan bo‘linmalarni (alohida gidrouchastkalar, ishlab chiqarish bazalari va boshqalar) tashkil etish;

6) suv resurslarini boshqarishda aloqa, avtomatika va telemexanikaning zamonaviy tizimlarini joriy etish hamda ularni takomillashtirish.

14³. Irrigatsiya tizimi boshqarmalarining asosiy vazifalari quyidagilardan iborat:

1) Vazirlikning irrigatsiya tizimi boshqarmalariga yuklangan vazifa va funksiyalarini samarali amalga oshirish;

2) kompleks ijtimoiy-iqtisodiy rivojlantirish sektorlari bilan hamkorlik qilish;

3) irrigatsiya tizimi bo‘yicha suv resurslaridan maqsadli va oqilona foydalanilishi hamda suvdan foydalanish tartibiga rioya etilishini ta’minlash;

4) irrigatsiya tizimi bo‘yicha suv resurslarini oqilona boshqarish;

5) irrigatsiya tizimi va gidrotexnika inshootlarini texnik xavfsizligi va ishonchli foydalanishni ta’minlash;

6) suvdan foydalanish bo‘yicha hisob va hisobotni olib borish;

7) suv resurslarini iqtisod qiluvchi texnologiyalarni qo‘llash, suvdan foydalanish samaradorligini oshirish va ajratilgan mablag‘lardan, moddiy texnika resurslaridan, texnika jihozlaridan maqsadli foydalanish.

14⁴. Irrigatsiya tizimi boshqarmalari o‘zlariga yuklangan asosiy vazifalarga muvofiq quyidagi funksiyalarni amalga oshiradi:

1) irrigatsiya tizimi bo‘yicha suv resurslarini oqilona boshqarish;

2) Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalari tomonidan irrigatsiya tizimi boshqarmasiga o‘rnatilgan suv olish limiti doirasida tumanlar (Quvasoy shahar) irrigatsiya bo‘limlariga va alohida suv xo‘jaligii ekspluatatsiya tashkilotlariga suvni yetkazib berish hamda tizimdagi nasos stansiyalar va agregatlarning ish rejimini kelishish;

3) irrigatsiya tizimini tezkor ishlatish va suv resurslarini oqilona boshqarish uchun yuridik shaxs maqomiga ega bo‘lmagan bo‘linmalarni (alohida gidrouchastkalar, ishlab chiqarish bazalari va boshqalar) tashkil etish;

4) tumanlar (Quvasoy shahar) irrigatsiya bo‘limlari va alohida suv xo‘jaligii ekspluatatsiya tashkilotlari bilan suvdan foydalanish bo‘yicha shartnomalarni tuzish;

5) umumiy suv xo‘jaligi ahvolini hisobga olgan holda suvdan foydalanish rejalariga tuzatishlar kiritish bo‘yicha Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalariga takliflar kiritish.

15. Tumanlar irrigatsiya bo‘limlarining asosiy vazifalari quyidagilardan iborat:

1) Vazirlikning tumanlar irrigatsiya bo‘limlariga yuklangan vazifa va funksiyalarni samarali amalga oshirish;

2) kompleks ijtimoiy-iqtisodiy rivojlantirish sektorlari bilan hamkorlik qilish;

3) tuman suv xo‘jaligi tarmog‘ini kompleks modernizatsiyalash, fan-texnika yutuqlari, suvni tejovchi zamonaviy texnologiyalar, ilg‘or mahalliy va xorijiy tajribalarni joriy qilishga yo‘naltirilgan yagona suv xo‘jaligi siyosatini amalga oshirish;

4) suv resurslarini boshqarish tamoyillari va tizimini takomillashtirish, ulardan tejamli va oqilona foydalanishni ta’minlash, sug‘oriladigan yerlarning meliorativ holatini yaxshilash, suv xo‘jaligi obyektlari va gidrotexnika inshootlarini rekonstruksiya qilish va zamonaviylashtirish choralarini ko‘rish.

16. Tumanlar irrigatsiya bo‘limlari o‘zlariga yuklangan asosiy vazifalarga muvofiq quyidagi funksiyalarni amalga oshiradi:

suv xo‘jaligi sohasini rivojlantirish bo‘yicha tarmoq va mintaqaviy dasturlarning samarali amalga oshirilishini ta’minlaydi;

iqtisodiyot tarmoqlarida, shu jumladan, qishloq xo‘jaligida suvni tejovchi texnologiyalarni joriy etish ishlarini muvofiqlashtiradi;

suv resurslarini integratsiyalashgan boshqarish va ulardan oqilona foydalanishni, ularning samaradorligini oshirishni, suvdan foydalanish va suv iste’molining innovatsion texnologiyalari va mexanizmlarini faol joriy etish, suv resurslarini hisobga olishni tashkil etish va takomillashtirishni ta’minlaydi;

suv iste’molchilari uyushmalari va boshqa birlashmalarini tuzishda uslubiy va amaliy yordam ko‘rsatadi, suv iste’molchilari uyushmalarining suv xo‘jaligi obyektlarini texnik ekspluatatsiya, rekonstruksiya qilish va ta’mirlash ishlarini muvofiqlashtiradi;

irrigatsiyani rivojlantirish va sug‘oriladigan yerlarning meliorativ holatini yaxshilash bo‘yicha hududiy dasturlarni ishlab chiqish va amalga oshirishda qatnashadi;

ilmiy asoslangan sug‘orish rejimlarini, tomchilatib sug‘orish tizimi va suvni tejaydigan boshqa sug‘orish texnologiyalarini joriy etishni tashkil qilishga ko‘maklashadi;

ichki xo‘jalik sug‘orish tizimlarini ta’mirlash va ularni rivojlantirishni, shuningdek, suvni tejovchi texnologiyalarni joriy etishni muvofiqlashtiradi;

suv resurslaridan foydalanishni tahlil qiladi va ma’muriy tumanlar bo‘yicha suv berish limitlarini belgilash, suvdan foydalanuvchilar va suv iste’molchilarini suvdan tejab foydalanishlarini rag‘batlantirish bo‘yicha takliflar kiritadi;

suv iste’molchilari uyushmalariga suv iste’moli bo‘yicha shartnomalar tuzish, sug‘orish tarmoqlarini suvni boshqarish va suv o‘lchash vositalari bilan jihozlash ishlariga ko‘maklashadi va muvofiqlashtiradi;

suv xo‘jaligi obyektlari infratuzilmasini rivojlantirish, ularning moddiy-texnik bazasini mustahkamlash bo‘yicha konsepsiyalar, strategiyalar va kompleks chora-tadbirlarning, shuningdek, normativ-huquqiy hujjatlarning bajarilishida ishtirok etadi;

o‘zaro hisob-kitoblar mexanizmini va qarzdorliklarning yuzaga kelish sabablarini chuqur tahlil qilish, ko‘rsatilayotgan xizmatlar sifatini yaxshilash va kengaytirish asosida suv iste’molchilari va suv iste’molchilari uyushmalari o‘rtasidagi o‘zaro iqtisodiy munosabatlarni takomillashtirish bo‘yicha kompleks chora-tadbirlarni amalga oshirishda ishtirok etadi;

suv iste’molchilari va xizmat ko‘rsatuvchi suv iste’molchilari uyushmalari o‘rtasida tuzilgan shartnomalarning bajarilishi monitoringini yuritadi;

suv xo‘jaligi sohasidagi kadrlar va mutaxassislar, shu jumladan, suv iste’molchilari uyushmalari rahbarlari va mutaxassislarining malakasini oshirishni tashkil qilishga yordam beradi;

suv xo‘jaligi sohasidagi oliy o‘quv muassasalari talabalari va professional ta’lim muassasasi o‘quvchilarining o‘quv-ishlab chiqarish amaliyotini tashkil etishda hamkorlik qiladi.

17. Vazirlik o‘ziga yuklangan vazifalar va funksiyalarni bajarish uchun quyidagi huquqlarga ega:

1) O‘zbekiston Respublikasi Prezidenti Administratsiyasiga va O‘zbekiston Respublikasi Vazirlar Mahkamasiga normativ-huquqiy hujjatlar loyihalarini, shuningdek, Vazirlikka yuklangan vazifa va funksiyalarni bajarish bilan bog‘liq bo‘lgan boshqa hujjatlarni belgilangan tartibda kiritish;

2) Vazirlik vakolatiga kiradigan masalalar bo‘yicha davlat va xo‘jalik boshqaruvi organlari hamda joylardagi davlat organlarining faoliyatlarini belgilangan tartibda muvofiqlashtirish;

3) davlat va xo‘jalik boshqaruvi organlari hamda joylardagi davlat organlaridan Vazirlik vakolatiga kiradigan masalalarni hal etish uchun zarur bo‘ladigan ma’lumotlarni belgilangan tartibda so‘rash va olish;

4) davlat statistika organlaridan Vazirlik vakolatiga kiradigan masalalar bo‘yicha zarur statistik ma’lumotlarni to‘lovlarsiz olish;

5) Vazirlik va uning tashkiliy tuzilmasiga kiruvchi muassasalar tasarrufidagi davlat mulkini o‘zining tashkiliy tuzilmasidagi bir bo‘linmadan boshqa bir bo‘linmaga bepul foydalanish huquqi bilan belgilangan tartibda o‘tkazish;

6) Vazirlik va uning idoraviy mansub tashkilotlari xodimlari tomonidan suv xo‘jaligi sohasidagi faoliyati asosiy ko‘rsatkichlarining bajarilishini hisobga olgan holda xodimlarni moddiy rag‘batlantirish tartibi, miqdori va shartlarini belgilash;

7) O‘zbekiston Respublikasi Vazirlar Mahkamasiga, davlat va xo‘jalik boshqaruvi organlari hamda joylardagi davlat organlariga Vazirlik vakolati doirasiga kiradigan masalalar bo‘yicha takliflar kiritish;

8) Vazirlik vakolati doirasiga kiradigan masalalar bo‘yicha belgilangan tartibda idoralararo xalqaro shartnomalar tuzish;

9) Vazirlik vakolatiga kiradigan masalalar bo‘yicha xalqaro munosabatlarda belgilangan tartibda O‘zbekiston Respublikasining manfaatlarini ifodalash;

10) Vazirlikka kelishish uchun kiritilgan suv resurslaridan foydalanish to‘g‘risidagi qarorlar va takliflar loyihalari bo‘yicha o‘z xulosalarini berish;

11) suv manbalarining suvlilik darajasi o‘zgargan holatlarda suv olish limitlariga tuzatishlar kiritish;

12) limitdan ortiqcha suv olinganda, suv resurslaridan nooqilona va xo‘jasizlarcha foydalanilgan holatlarda suv berishning to‘xtatilishi to‘g‘risida qarorlar qabul qilish;

13) suv qonunchiligi, suvdan foydalanish va suv iste’moli tartiblari buzilgan holatlarda mansabdor shaxslar va fuqarolarga nisbatan amaldagi qonunchilik doirasida javobgarlik choralarini qo‘llash;

14) suv resurslaridan oqilona va samarali foydalanganlik uchun suvdan foydalanuvchilar va suv iste’molchilarini iqtisodiy rag‘batlantirishni tashkil etish;

15) yuklangan vazifalar doirasida bevosita yoki Vazirlikning idoraviy mansub bo‘linmalari orqali xorijiy soha tashkilotlari hamda ilmiy va ta’lim muassasalari bilan hamkorlik qilish;

16) suv xo‘jaligi sohasidagi kadrlar va mutaxassislarning, shu jumladan, suv xo‘jaligi tashkilotlari rahbar xodimlari va mutaxassislarining malakasini oshirish bo‘yicha idoraviy ilmiy va o‘quv kurslarini respublikaning ixtisoslashtirilgan suv xo‘jaligi tashkilotlari, ta’lim va ilmiy muassasalari, professional ta’lim muassasasida, shuningdek, xorijda belgilangan tartibda tashkil etish;

17) suv xo‘jaligi sohasidagi joriy va strategik vazifalarni yoritish uchun belgilangan tartibda noshirlik faoliyatini amalga oshirish;

18) binolarga xizmat ko‘rsatish, xo‘jalik inventarlari va ashyolarini, avtotransport, aloqa vositalari, hisoblash, kompyuter va ofis jihozlarini saqlash va ishlatish, dasturiy ta’minotni sotib olish uchun belgilangan tartibda shartnomalar tuzish;

19) Vazirlik vakolatiga kiradigan masalalarni yechishga ilmiy muassasalar, olimlar va mutaxassislarni, shu jumladan, xorijiy mutaxassislarni shartnoma asosida jalb qilish;

20) Vazirlik va uning tizimiga kiradigan tashkilotlarning moddiy-texnik bazasini mustahkamlash bo‘yicha choralar ko‘rish;

21) amaldagi qonunchilikka muvofiq, Vazirlikning ijtimoiy infratuzilmasini tuzish va uni rivojlantirish, Vazirlik tizimidagi tashkilotlar xodimlarining mehnatini rag‘batlantirishning yagona tizimini shakllantirish;

22) Vazirlik mukofotlari, ko‘krak nishonlari va faxriy yorliqlarini belgilangan tartibda ta’sis etish va suv xo‘jaligi sohasidagi ilg‘or xodimlarni ular bilan taqdirlash;

23) suv xo‘jaligi sohasida munosib fidokorlik va mehnatsevarlik ko‘rsatgan, o‘zining kasbiy faoliyatida yuksak natijalarga erishgan xodimlar nomzodlarini belgilangan tartibda davlat mukofotlariga taqdim etish.

Vazirlik qonun hujjatlariga ko‘ra boshqa huquqlarga ham ega bo‘lishi mumkin.

18. Vazirlik:

1) Vazirlikka yuklangan vazifa va funksiyalarning samarali bajarilishi hamda suv xo‘jaligi sohasida samarali davlat siyosati amalga oshirilishi;

2) Vazirlik faoliyati bilan bog‘liq prognoz ko‘rsatkichlarga erishishning so‘zsiz ta’minlanishi;

3) Vazirlik tomonidan O‘zbekiston Respublikasi Prezidenti Administratsiyasiga va O‘zbekiston Respublikasi Vazirlar Mahkamasiga kiritiladigan normativ-huquqiy va boshqa hujjatlar loyihalarining hamda qabul qilinadigan qarorlarning bajarilish sifati, yakuniy natijalari va oqibatlari;

4) suv xo‘jaligini rivojlantirish bo‘yicha dasturlar, chora-tadbirlar rejalari, “yo‘l xaritalari” va boshqa dasturiy hujjatlarni amalga oshirish, shuningdek, suv xo‘jaligi sohasida hududlarni ijtimoiy-iqtisodiy rivojlantirish va muammolarning yechilishi uchun mas’uldir.

19. Vazirlikning markaziy apparati o‘ziga yuklangan vazifalar va funksiyalarni bajarish uchun quyidagi huquqlarga ega:

1) Vazirlik o‘zining hududiy bo‘linmalari va idoraviy mansub tashkilotlaridan Vazirlikning markaziy apparatida ko‘rib chiqiladigan masalalar hamda normativ-huquqiy va boshqa hujjatlar loyihalarini ishlab chiqish va tahlil qilish uchun zarur bo‘ladigan materiallar va ma’lumotlarni talab qilish va olish;

2) Vazirlikda ko‘rib chiqiladigan masalalarni aniqlashtirish, axborot va tahliliy materiallarni, shuningdek, normativ-huquqiy va boshqa hujjatlar loyihalarini tayyorlash uchun Vazirlikning hududiy bo‘linmalari va idoraviy mansub tashkilotlari rahbarlari va vakillarini zarur hollarda belgilangan tartibda jalb qilish, ushbu maqsadlar uchun ekspert va ishchi guruhlar tuzish;

3) Vazirlikning hududiy bo‘linmalari va idoraviy mansub tashkilotlaridan ular tomonidan kiritilgan normativ-huquqiy va boshqa hujjatlar loyihalarining qayta tayyorlanishini talab qilish, zarur hollarda hujjatlarni qaytadan ishlab chiqishga qaytarish;

4) Vazirlikning hududiy bo‘linmalari va idoraviy mansub tashkilotlari rahbarlari va vakillari ishtirokida yig‘ilishlar o‘tkazish;

5) Vazirlikka yuklangan vazifa va funksiyalarni bajarish bilan bog‘liq va tezkor yechish talab etiladigan masalalar bo‘yicha Vazirlikning hududiy bo‘linmalari va idoraviy mansub tashkilotlari rahbarlariga belgilangan tartibda topshiriqlar berish;

6) Vazirlikning hududiy bo‘linmalari va idoraviy mansub tashkilotlari faoliyatini va ular tomonidan amaldagi qonunlar va boshqa normativ-huquqiy hujjatlar talablari, O‘zbekiston Respublikasi Prezidenti va O‘zbekiston Respublikasi Vazirlar Mahkamasining topshiriqlari hamda Vazirlik va uning rahbariyati qaror va topshiriqlarining bajarilishini belgilangan tartibda o‘rganish va tekshirish.

Vazirlikning markaziy apparati qonun hujjatlariga ko‘ra boshqa huquqlarga ham ega bo‘lishi mumkin.

20. Vazirlikning markaziy apparati:

1) Vazirlikning tarkibiy va hududiy bo‘linmalari hamda idoraviy mansub tashkilotlari bilan birgalikda Vazirlikka yuklangan vazifa va funksiyalarning sifatli va o‘z vaqtida bajarilishini ta’minlash;

2) Vazirlik faoliyati bilan bog‘liq prognoz ko‘rsatkichlarga erishishni ta’minlash uchun Vazirlik markaziy apparati bo‘linmalarining faoliyatini tashkil etish;

3) Vazirlik tomonidan O‘zbekiston Respublikasi Vazirlar Mahkamasi va O‘zbekiston Respublikasi Prezidenti Administratsiyasiga ko‘rib chiqish uchun kiritiladigan normativ-huquqiy va boshqa hujjatlar loyihalarining sifati va ekspertizadan o‘tkazilganligi hamda Vazirlik tomonidan qabul qilinayotgan qarorlar;

4) hududiy bo‘linmalar va idoraviy mansub tashkilotlar tomonidan o‘zining faoliyati sohasini rivojlantirish bo‘yicha davlat dasturlari, ish va chora-tadbirlar rejalari, “yo‘l xaritalari” va boshqa dasturiy hujjatlarning amalga oshirilishini tashkil uchun mas’uldir.

21. Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalari o‘zlariga yuklangan vazifa va funksiyalarni bajarish uchun quyidagi huquqlarga ega:

1) o‘z vakolatiga kiruvchi masalalarni yechish uchun zarur bo‘ladigan ma’lumotlarni hududiy bo‘linmalaridan, davlat va xo‘jalik boshqaruvi organlari va mahalliy davlat hokimiyati organlaridan belgilangan tartibda so‘rash va olish;

2) o‘z vakolatlari doirasiga kiradigan sohadagi muhim muammolarning yechimlari bo‘yicha takliflar tayyorlash va ularni ko‘rib chiqish uchun idoralararo hududiy komissiyalar va kengashlar tashkil qilish;

3) o‘z vakolatlari doirasidagi masalalar bo‘yicha davlat va xo‘jalik boshqaruvi, mahalliy davlat hokimiyati organlariga ko‘rib chiqish uchun takliflar kiritish;

4) suv resurslaridan foydalanish to‘g‘risida ma’qullash uchun taqdim qilinayotgan qarorlar loyihalari bo‘yicha xulosalar berish;

5) suv qonunchiligini buzganligi uchun aybdor shaxslarni javobgarlikka tortish bo‘yicha takliflar kiritish.

Qoraqalpog‘iston Respublikasi Suv xo‘jaligi vazirligining bo‘linmalari va irrigatsiya tizimlari havza boshqarmalari qonun hujjatlarida ko‘zda tutilgan boshqa huquqlarga ham ega bo‘lishi mumkin.

22. Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalari:

1) Vazirlikning hududiy bo‘linmalari bilan birgalikda ularga yuklangan vazifa va funksiyalarning o‘z vaqtida va sifatli bajarilishini ta’minlash;

2) Vazirlik hududiy bo‘linmalarining faoliyati bilan bog‘liq bo‘lgan prognoz ko‘rsatkichlarga erishilishini ta’minlash;

3) Vazirlikka kiritiladigan taklif va hujjatlar loyihalarining sifati;

4) Vazirlik va mahalliy davlat hokimiyati organlariga kiritiladigan hujjat va takliflar loyihalarining hamda Vazirlik hududiy bo‘linmalari tomonidan qabul qilinayotgan qarorlarning bajarilish sifati, yakuniy natijalari va oqibatlari;

5) tumanlarda (Quvasoy sh.) aniqlangan muammolarni har tomonlama va chuqur tahlil qilish va umumlashtirish asosida Qoraqalpog‘iston Respublikasi va viloyatlarda suv xo‘jaligini rivojlantirish to‘g‘risida takliflar tayyorlash;

6) Qoraqalpog‘iston Respublikasi va viloyatlarda suv xo‘jaligini rivojlantirish va muammoli masalalarni hal etish bo‘yicha hududiy dasturlar, chora-tadbirlar rejalari, “yo‘l xaritalari” va boshqa dasturiy hujjatlarning samarali bajarilishi uchun mas’uldirlar.

22¹. Magistral kanallar (tizimlar) boshqarmalari o‘zlariga yuklangan vazifa va funksiyalarni bajarish uchun quyidagi huquqlarga ega:

1) o‘z vakolatiga kiruvchi masalalarni hal etish uchun zarur bo‘lgan materiallarni tashkilotlardan belgilangan tartibda so‘rab olish;

2) suvdan foydalanish masalalari bo‘yicha kelishish uchun taqdim etiladigan qarorlar loyihalari yuzasidan xulosalar berish;

3) boshqa irrigatsiya tizimlari va gidromeliorativ tarmoqlarda tozalash va ta’mirlash ishlarini shartnomalar bo‘yicha bajarish;

4) magistral kanal va undagi gidrotexnika inshootlarini ishlatish qoidalari hamda suvdan foydalanish va suv iste’moli tartibi buzilganligi uchun aybdor shaxslarni belgilangan tartibda javobgarlikka tortish bo‘yicha taqdimnoma kiritish;

5) umumiy suv xo‘jaligi ahvolini hisobga olgan holda suvdan foydalanish rejalariga tuzatishlar kiritish bo‘yicha irrigatsiya tizimlari havza boshqarmalariga takliflar kiritish;

6) favqulodda holatlarda magistral kanal boshqarmasining xizmat ko‘rsatish hududida joylashgan barcha irrigatsiya tizimlari boshqarmalari, suvdan foydalanuvchilar hamda boshqa tashkilotlarni kutilayotgan salbiy holatlarni oldini olish va ro‘y bergan hodisalarni bartaraf etish uchun jalb qilish;

7) qonun hujjatlarida nazarda tutilgan boshqa huquqlarga ega.

22². Magistral kanallar (tizimlar) boshqarmalari:

1) Vazirlikning hududiy bo‘linmalari bilan birgalikda ularga yuklangan vazifa va funksiyalarning o‘z vaqtida va sifatli bajarilishini ta’minlash;

2) Vazirlik hududiy bo‘linmalarining faoliyati bilan bog‘liq bo‘lgan prognoz ko‘rsatkichlarga erishilishini ta’minlash;

3) Vazirlikka kiritiladigan taklif va hujjatlar loyihalarining sifati;

4) Vazirlik va mahalliy davlat hokimiyati organlariga kiritiladigan hujjat va takliflar loyihalarining hamda Vazirlik hududiy bo‘linmalari tomonidan qabul qilinayotgan qarorlarning bajarilish sifati, yakuniy natijalari va oqibatlari;

5) aniqlangan muammolarni har tomonlama va chuqur tahlil qilish va umumlashtirish asosida takliflar tayyorlash;

6) suv xo‘jaligini rivojlantirish va muammoli masalalarni hal etish bo‘yicha hududiy dasturlar, chora-tadbirlar rejalari, “yo‘l xaritalari” va boshqa dasturiy hujjatlarning samarali bajarilishi uchun mas’uldirlar.

22³. Irrigatsiya tizimi boshqarmalari o‘zlariga yuklangan vazifa va funksiyalarni bajarish uchun quyidagi huquqlarga ega:

1) o‘z vakolatiga kiradigan masalalarni hal etish uchun zarur bo‘ladigan ma’lumotlarni davlat va xo‘jalik boshqaruvi organlarining tumanlar (shaharlar) bo‘linmalaridan, mahalliy davlat hokimiyati organlaridan belgilangan tartibda so‘rash va olish;

2) o‘z vakolatlariga kiradigan masalalar bo‘yicha Vazirlikning hududiy bo‘linmalariga va mahalliy hokimiyat organlariga ko‘rib chiqish uchun takliflar kiritish;

3) suv resurslaridan foydalanish to‘g‘risida kelishish uchun taqdim qilinadigan qarorlar loyihalari bo‘yicha xulosalar berish;

4) suv qonunchiligini buzganligi uchun aybdor shaxslarni javobgarlikka tortish bo‘yicha takliflar kiritish;

5) xo‘jalik sudlariga suv xo‘jaligi tashkilotlarining manfaatlarini himoya qiluvchi da’vo arizalarini berish;

6) favqulodda holatlarda irrigatsiya tizimi boshqarmasining xizmat ko‘rsatish hududida joylashgan barcha irrigatsiya tizimlari boshqarmalari, suvdan foydalanuvchilar hamda boshqa tashkilotlarni kutilayotgan salbiy holatlarni oldini olish va ro‘y bergan hodisalarni bartaraf etish uchun jalb qilish;

Irrigatsiya tizimi boshqarmalari qonun hujjatlarida ko‘zda tutilgan boshqa huquqlarga ham ega bo‘lishlari mumkin.

22⁴. Irrigatsiya tizimi boshqarmalari:

1) Vazirlikning hududiy bo‘linmalari bilan birgalikda ularga yuklangan vazifa va funksiyalarning o‘z vaqtida va sifatli bajarilishini ta’minlash;

2) Vazirlik hududiy bo‘linmalarining faoliyati bilan bog‘liq bo‘lgan prognoz ko‘rsatkichlarga erishilishini ta’minlash;

3) Vazirlikka kiritiladigan taklif va hujjatlar loyihalarining sifati;

4) Vazirlik va mahalliy davlat hokimiyati organlariga kiritiladigan hujjat va takliflar loyihalarining hamda Vazirlik hududiy bo‘linmalari tomonidan qabul qilinayotgan qarorlarning bajarilish sifati, yakuniy natijalari va oqibatlari;

5) aniqlangan muammolarni har tomonlama va chuqur tahlil qilish va umumlashtirish asosida suv xo‘jaligini rivojlantirish to‘g‘risida takliflar tayyorlash;

6) suv xo‘jaligini rivojlantirish va muammoli masalalarni hal etish bo‘yicha hududiy dasturlar, chora-tadbirlar rejalari, “yo‘l xaritalari” va boshqa dasturiy hujjatlarning samarali bajarilishi uchun mas’uldirlar.”

23. Tumanlar irrigatsiya bo‘limlari o‘zlariga yuklangan vazifa va funksiyalarni bajarish uchun quyidagi huquqlarga ega:

1) o‘z vakolatiga kiradigan masalalarni yechish uchun zarur bo‘ladigan ma’lumotlarni davlat va xo‘jalik boshqaruvi organlarining tumanlar (shaharlar) bo‘linmalaridan, mahalliy davlat hokimiyati organlaridan belgilangan tartibda so‘rash va olish;

2) o‘z vakolatlariga kiradigan masalalar bo‘yicha Vazirlikning hududiy bo‘linmalari va mahalliy hokimiyat organlariga ko‘rib chiqish uchun takliflar kiritish;

3) suv resurslaridan foydalanish to‘g‘risida ma’qullash uchun taqdim qilinayotgan qarorlar loyihalari bo‘yicha xulosalar berish;

4) suv qonunchiligini buzganligi uchun aybdor shaxslarni javobgarlikka tortish bo‘yicha takliflar kiritish;

5) iqtisodiy sudlarga suv xo‘jaligi tashkilotlarining manfaatlarini himoya qiluvchi da’vo arizalarini berish.

Tumanlar irrigatsiya bo‘limlari qonun hujjatlarida ko‘zda tutilgan boshqa huquqlarga ham ega bo‘lishlari mumkin.

24. Tumanlar irrigatsiya bo‘limlari:

1) o‘zlariga yuklangan vazifa va funksiyalarning o‘z vaqtida va sifatli bajarilishini ta’minlash;

2) mahalliy davlat hokimiyati organlariga va Vazirlikning Qoraqalpog‘iston Respublikasi va viloyatlardagi hududiy bo‘linmalariga kiritiladigan hujjat va takliflar loyihalarining hamda tumanlar irrigatsiya bo‘limlari tomonidan qabul qilinadigan qarorlarning bajarilish sifati, yakuniy natijalari va oqibatlari;

3) suv xo‘jaligi tashkilotlari manfaatlariga daxldor bo‘lgan dolzarb muammolarni hamda tumanlarning (Quvasoy sh.) infratuzilmasini rivojlantirishga to‘sqinlik qiladigan tizimli kamchiliklarni aniqlash, tumanlar (Quvasoy sh.) suv xo‘jaligi infratuzilmasini rivojlantirish dasturiga kiritish uchun takliflar tayyorlash va kiritish;

4) tumanlarda (Quvasoy sh.) suv xo‘jaligini rivojlantirish va muammoli masalalarni yechish bo‘yicha dasturlar, chora-tadbirlar rejalari, “yo‘l xaritalari” va boshqa dasturiy hujjatlarni samarali amalga oshirish uchun mas’uldirlar.

Tumanlar irrigatsiya bo‘limlari zimmasida qonun hujjatlariga muvofiq boshqa majburiyatlar ham bo‘lishi mumkin.

25. O‘zbekiston Respublikasi Suv xo‘jaligi vazirining asosiy funksional majburiyatlari quyidagilardir:

1) O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazirlik faoliyatining umumiy boshqaruvini amalga oshirish, O‘zbekiston Respublikasi Prezidentining tegishli rasmiy hujjatlari, Vazirlar Mahkamasining qarorlari va boshqa qonun hujjatlariga muvofiq Vazirlikka yuklangan vazifalar va funksiyalarning bajarilishini tashkil etish;

3) Vazirlik faoliyatini yanada takomillashtirish bo‘yicha O‘zbekiston Respublikasi Prezidentining rasmiy hujjatlari va O‘zbekiston Respublikasi Vazirlar Mahkamasining qarorlari bilan tasdiqlangan konsepsiyalar, kompleks dastur va kompleks chora-tadbirlarning bajarilishini tanqidiy va chuqur tahlil qilib borish;

4) Vazirlik va uning tarkibiy va hududiy bo‘linmalari faoliyatlariga oid prognoz ko‘rsatkichlarning so‘zsiz bajarilishini ta’minlash uchun amaliy chora-tadbirlarni ishlab chiqish va amalga oshirish;

5) O‘zbekiston Respublikasi Prezidenti Administratsiyasiing tegishli tarkibiy bo‘linmalari va O‘zbekiston Respublikasi Vazirlar Mahkamasi, shuningdek, tegishli vazirliklar va idoralar bilan Vazirlik faoliyati sohasiga kiradigan masalalar bo‘yicha o‘zaro hamkorlik qilish, O‘zbekiston Respublikasi Vazirlar Mahkamasi va uning Rayosati majlislarida masalalarning ko‘rib chiqilishida ishtirok etish;

6) O‘zbekiston Respublikasi Prezidenti, O‘zbekiston Respublikasi Bosh vaziri, uning maslahatchilari va o‘rinbosarlari topshiriqlarini o‘z vaqtida va sifatli bajarish;

7) o‘z o‘rinbosarlarining vakolatlarini belgilash, ular o‘rtasida vazifalarni taqsimlash, Vazirlikning boshqa mansabdor shaxslari vakolatlarini belgilash, o‘rinbosarlari va mansabdor shaxslarning Vazirlik faoliyatining alohida qismlariga rahbarlik qilishi uchun ularning shaxsiy mas’uliyati darajalarini belgilash;

8) Vazirlik faoliyatini rejalashtirishni tashkil etish, Vazirlik va o‘z o‘rinbosarlarining davriy ish rejalarini tasdiqlash, ularning bajarilishi nazorat qilinishini ta’minlash;

9) O‘zbekiston Respublikasi Prezidenti va O‘zbekiston Respublikasi Vazirlar Mahkamasining rasmiy hujjat va topshiriqlarining bajarilishini tashkil qilish va monitoringini yuritishning amaliy tizimini yaratish, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlarini samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidentining maslahatchilarining, Vazirlar Mahkamasi va uning komplekslari, davlat va xo‘jalik boshqaruv organlari hamda barcha darajadagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori, O‘zbekiston Respublikasi Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qarori va boshqa qonun hujjatlariga asosan, vazirlik faoliyatida ijro intizomini mustahkamlash uchun kompleks amaliy choralarni amalga oshirish, tarkibiy va hududiy bo‘linmalar hamda idoraviy mansub tashkilotlar rahbarlarining topshiriqlari o‘z vaqtida va sifatli bajarilishini ta’minlash uchun shaxsiy mas’uliyatini oshirish bo‘yicha choralar ko‘rish;

10) Vazirlik xodimlarini muntazam qayta tayyorlash va ularning malakasini oshirishni tashkil etish;

11) Vazirlik tizimida kadrlarni tanlash va joy-joyiga qo‘yish, ularning mutaxassisligiga talablarni belgilash va samarali faoliyat yuritishlari uchun zarur sharoitlar yaratish, Vazirlikning kadrlar zaxirasini shakllantirish;

12) O‘zbekiston Respublikasi Prezidenti, O‘zbekiston Respublikasi Prezidentining Administratsiyasi va O‘zbekiston Respublikasi Vazirlar Mahkamasi nomenklaturasiga kiruvchi lavozimlarning bo‘sh o‘rinlariga tavsiya qilingan xodimlarning, shuningdek, Vazirlikka ishga qabul qilinayotgan boshqa xodimlarning kasbiy mahorati va bilim darajasi, yuqori darajadagi ishchanlik va axloqiy-ma’naviy fazilatlarini ta’minlashga qaratilgan choralar ko‘rish;

13) suv xo‘jaligi masalalari bo‘yicha normativ-huquqiy hujjatlar loyihalarini sifatli ishlab chiqishni, O‘zbekiston Respublikasining “Normativ-huquqiy hujjatlar to‘g‘risida”gi va “Qonun loyihalarini tayyorlash va ularni O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida”gi qonunlari, O‘zbekiston Respublikasi Prezidenti Administratsiyasining Reglamenti, Vazirlar Mahkamasining Reglamenti talablariga qat’iy rioya qilgan holda o‘z vaqtida O‘zbekiston Respublikasi Vazirlar Mahkamasiga kiritilishini tashkil etish, ularni O‘zbekiston Respublikasi Vazirlar Mahkamasining ijro etuvchi apparatida ishlab chiqilishida, O‘zbekiston Respublikasi Vazirlar Mahkamasining rahbariyati huzurida himoya qilinishida va O‘zbekiston Respublikasi Prezidenti Administratsiyasida ko‘rib chiqilishida ishtirok etish;

14) Vazirlikning qonun loyihalariga doir faoliyatini O‘zbekiston Respublikasining “Normativ-huquqiy hujjatlar to‘g‘risida”gi va “Qonun loyihalarini tayyorlash va O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida” gi qonunlari va O‘zbekiston Respublikasi Vazirlar Mahkamasining 2016-yil 17-oktabrdagi 345-son qarori bilan tasdiqlangan “Davlat va xo‘jalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamenti”ga muvofiq tashkil etish;

15) Vazirlik faoliyatiga kiradigan masalalar bo‘yicha normativ-huquqiy hujjatlarni qabul qilish, zarur bo‘lgan hollarda boshqa vazirlik va idoralar bilan birgalikda tegishli qarorlar qabul qilish;

16) Vazirlikka kiritilgan takliflar va normativ-huquqiy hujjatlar loyihalarining to‘liq va batafsil ko‘rib chiqilishini, O‘zbekiston Respublikasi Prezidenti Administratsiyasining Reglamentida va O‘zbekiston Respublikasi Vazirlar Mahkamasining Reglamentida belgilangan muddatlarda kelishilishini(viza qo‘yilishini) ta’minlash;

17) Vazirlik rahbarlari va xodimlarining xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014-yil 5-martdagi PQ-2142-son va “Mansabdor shaxslarning xorij mamlakatlariga xizmat safarlari samarasi uchun shaxsiy mas’uliyatlarini yanada oshirish va xorijiy delegatsiyalarning O‘zbekiston Respublikasiga tashriflarini tashkil etish choralari to‘g‘risida” 2017-yil 3-avgustdagi PQ-3170-son qarorlari talablariga to‘liq mos ravishda tashkil etish, xizmat safarlarini asoslangan, samarali va natijali bo‘lishini, xizmat safari uchun ajratiladigan mablag‘lardan maqsadli va oqilona foydalanishni ta’minlash;

18) Vazir o‘rinbosarlari, tarkibiy va hududiy bo‘linmalarning rahbarlari faoliyatining samarali va natijaliligini muntazam ravishda tanqidiy tahlil qilish, ularning shaxsiy hisobotlarini Vazirlikning hay’at majlislarida eshitish, yakuniy natijalar bo‘yicha zarur choralar ko‘rish;

19) Vazirlik xodimlarini rag‘batlantirish va intizomiy javobgarlikka tortish masalalarini hal etish, o‘zining o‘rinbosarlarini rag‘batlantirish va intizomiy javobgarlikka tortish bo‘yicha, shu jumladan, ularning egallab turgan lavozimlarida qolishining maqsadga muvofiqligi to‘g‘risida takliflar kiritish, ularning shaxsiy javobgarligini oshirish bo‘yicha tizimli choralar ko‘rish;

20) Vazirlik xodimlari tomonidan Vazirlar Mahkamasining “Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalarini tasdiqlash to‘g‘risida” 2016-yil 2-martdagi 62-son qarori bilan tasdiqlangan davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Vazirlik xodimlarining odob-axloq qoidalari talablariga rioya etilishini ta’minlashni nazorat qilish;

21) O‘zbekiston Respublikasining “Korrupsiyaga qarshi kurash to‘g‘risida”gi Qonuni talablariga muvofiq, Vazirlik tizimida korrupsiya va boshqa qonunbuzarliklarning oldini olish bo‘yicha choralar ko‘rish, shuningdek, huquq amaliyoti va qonunchilikni takomillashtirish bo‘yicha chora-tadbirlar ishlab chiqish va amalga oshirish yo‘li bilan ularni aniqlash, tahlil qilish, ularni yuzaga keltiruvchi sabablar va shartlarni bartaraf etish;

22) Vazirlik, uning tarkibiy va hududiy bo‘linmalari hamda idoraviy mansub tashkilotlari faoliyatlarining zamonaviy shakllarda tashkil etilishini ta’minlash;

23) jismoniy va yuridik shaxslarning murojaatlarini ko‘rib chiqish bo‘yicha ishlarni “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuni, O‘zbekiston Respublikasi Vazirlar Mahkamasining 2018-yil 7-maydagi 341-son qarori bilan tasdiqlangan davlat organlarida, Davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi to‘g‘risidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot o‘rnatish, shaxsan qabul qilishning muntazam ravishda o‘tkazilishini, shu jumladan, jismoniy va yuridik shaxslarning vakillarini joylarga borib qabul qilishning belgilangan muddatda va tartibda amalga oshirilishini ta’minlash;

24) O‘zbekiston Respublikasi Prezidentining Xalq qabulxonalari bilan samarali hamkorlikni yo‘lga qo‘yish, O‘zbekiston Respublikasi Prezidentining Xalq qabulxonalari va Virtual qabulxonasi, O‘zbekiston Respublikasi Bosh vaziri Tadbirkorlar murojaatlarini ko‘rib chiqish qabulxonalariga jismoniy va yuridik shaxslardan kelib tushgan arizalarning o‘z vaqtida va to‘liq ko‘rib chiqilishida Vazirlik rahbarlari va xodimlarining faol ishtirokini ta’minlash;

25) davlat sirlari va maxfiy axborotlar toifalariga kiritilgan axborotlar bilan ishlashda qonunchilikda belgilangan talablarga rioya qilish;

26) shtat birliklarining belgilangan soni hamda O‘zbekiston Respublikasi budjet mablag‘lari hisobidan moliyalashtiriladigan markaziy apparat va idoraviy mansub tashkilotlarning xarajatlar smetasi asosida Vazirlik markaziy apparatining shtat jadvalini tasdiqlash;

27) Vazirlikning hududiy bo‘linmalari nizomlarini va idoraviy mansub tashkilotlarning ustavlarini belgilangan tartibda tasdiqlash;

28) Vazirlik markaziy apparati xodimlari, uning hududiy bo‘linmalari va idoraviy mansub tashkilotlari rahbarlari bilan qonunchilikda belgilangan tartibda mehnat shartnomalarini tuzish va bekor qilish;

29) Vazirlik, uning hududiy bo‘linmalari va idoraviy mansub tashkilotlarning mansabdor shaxslari uchun majburiy bo‘lgan buyruq va ko‘rsatmalar berish hamda ularning bajarilishini belgilangan tartibda nazorat qilish;

30) zaruriyat bo‘lganda, Vazirlik organlari va tashkilotlarining tashkiliy-shtat tuzilmalariga belgilangan miqdor doirasida o‘zgartirishlar kiritish;

31) suv xo‘jaligi sohasida yagona davlat siyosatining amalga oshirilishini ta’minlash, tegishli vazirlik, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirish;

32) suv xo‘jaligi sohasida kadrlarni tayyorlash, suv xo‘jaligi xodimlarini qayta tayyorlash va ularning malakasini oshirishni tashkil etish bo‘yicha choralar ko‘rish;

33) suv xo‘jaligi xodimlari va mutaxassislarini ularning uzoq va samarali faoliyat ko‘rsatganligi, alohida xizmatlari uchun O‘zbekiston Respublikasi davlat mukofotlari bilan taqdirlash uchun belgilangan tartibda takliflar kiritishni ta’minlash va tavsiyalar berish.

Qonun hujjatlariga ko‘ra Vazirga boshqa funksional majburiyatlar ham yuklanishi mumkin.

26. Vazir birinchi o‘rinbosarining asosiy funksional majburiyatlari quyidagilardan iborat:

1) O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazir vaqtinchalik bo‘lmagan hollarda tegishli buyruq asosida Vazir vazifasini bajarish;

3) Vazirlikning o‘zi boshqaradigan tarkibiy bo‘linmalari faoliyatini muvofiqlashtirish, nazorat qilish va bevosita boshqarish, ular xodimlari o‘rtasida vazifalarni taqsimlash;

4) davlat boshqaruvi organlarining faoliyatini yanada takomillashtirish bo‘yicha O‘zbekiston Respublikasi Prezidentining hujjatlari va O‘zbekiston Respublikasi Vazirlar Mahkamasining qarorlari bilan tasdiqlangan konsepsiya, kompleks dastur va kompleks chora-tadbirlarni davlat boshqaruv organining o‘zi boshqaradigan yo‘nalishlari bo‘yicha amalga oshirilishini tanqidiy va chuqur tahlil qilib borish;

5) o‘zi boshqaradigan tarkibiy bo‘linmalar tomonidan prognoz ko‘rsatkichlarning so‘zsiz bajarilishini ta’minlash choralarini ko‘rish, bo‘linmalar rahbarlarining hisobotlarini muntazam ravishda eshitib borish va ushbu ko‘rsatkichlarga erishish uchun ularning shaxsiy mas’uliyatini oshirish;

6) o‘zi boshqaradigan tarkibiy bo‘linmalar rahbarlarining ish rejalarini tasdiqlash, ularning bajarilishi yuzasidan nazoratni ta’minlash;

7) O‘zbekiston Respublikasi Prezidenti va O‘zbekiston Respublikasi Vazirlar Mahkamasining qaror va topshiriqlari bajarilishini ta’minlash, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun O‘zbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xo‘jalik boshqaruv organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ 2881-son qaroriga, shuningdek, O‘zbekiston Respublikasi Vazirlar Mahkamasining “Ijro intizomini mustahkamlash chora tadbirlari to‘g‘risida” 1999-yil 12-yanvardagi 12-son qaroriga asosan, Vazirlikning o‘zi boshqaradigan tarkibiy bo‘linmalari faoliyatida ijro intizomini mustahkamlash uchun kompleks amaliy choralarni amalga oshirish, tarkibiy bo‘linmalar rahbarlarining topshiriqlarning o‘z vaqtida va sifatli bajarilishini ta’minlashi uchun shaxsiy mas’uliyatini oshirish bo‘yicha choralar ko‘rish;

8) Vazirlik hay’ati qarorlari, Vazirning buyruq va topshiriqlari o‘z vaqtida va sifatli bajarilishini ta’minlash;

9) o‘zi boshqaradigan tarkibiy bo‘linmalarda xodimlarni tanlash va joy-joyiga qo‘yish bo‘yicha Vazirga takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-ma’naviy fazilatlari kafolatlanganligini ta’minlash, xodimlarning kasbiy malakasini oshirish, o‘zi boshqaradigan tarkibiy bo‘linmalarda xodimlar zaxirasini shakllantirish choralarini ko‘rish;

10) o‘zi boshqaradigan tarkibiy bo‘linmalar tomonidan normativ-huquqiy hujjatlar loyihalarining to‘liq va sifatli ishlab chiqilishini tashkil etish, ularni Vazirning ko‘rib chiqishi va viza qo‘yishi uchun batafsil ko‘rib chiqish va viza qo‘yish, ularni O‘zbekiston Respublikasi Prezidenti Administratsiyasining Reglamenti va O‘zbekiston Respublikasi Vazirlar Mahkamasining Reglamenti talablariga qat’iy muvofiq ravishda o‘z vaqtida O‘zbekiston Respublikasi Vazirlar Mahkamasiga kiritilishini ta’minlash, shuningdek, normativ-huquqiy hujjatlar loyihalarining O‘zbekiston Respublikasi Vazirlar Mahkamasining ijro etuvchi apparatida ko‘rib chiqilishida Vazirning topshirig‘iga asosan ishtirok etish;

11) xizmat safarlariga borishni O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014-yil 5-martdagi PQ-2142-son va “Mansabdor shaxslarning xorij mamlakatlariga xizmat safarlarini samarasi uchun shaxsiy mas’uliyatlarini yanada oshirish va xorijiy delegatsiyalarning O‘zbekiston Respublikasiga tashriflarini tashkil etish chora-tadbirlari to‘g‘risida” 2017-yil 3-avgustdagi PQ-3170-son qarorlari talablariga to‘liq mos ravishda tashkil etish, xizmat safarlarining asoslangan, samarali va natijali bo‘lishini, xizmat safari uchun ajratilgan mablag‘lardan maqsadli va oqilona foydalanilishini ta’minlash;

12) o‘zi boshqaradigan tarkibiy bo‘linmalar rahbarlari va xodimlarining faoliyatining samarali va natijaliligini muntazam ravishda tanqidiy tahlil qilib borish, Vazirlik hay’ati majlislarida ularning shaxsiy hisobotlarini eshitish, natijalari asosida zarur choralar ko‘rish;

13) o‘zi boshqaradigan tarkibiy bo‘linmalar faoliyatiga taalluqli masalalar bo‘yicha Vazirlik faoliyatini takomillashtirish bo‘yicha amaliy choralar ko‘rish, qonun hujjatlarini takomillashtirish bo‘yicha takliflar ishlab chiqish va ularni Vazirga taqdim etish;

14) o‘zi boshqaradigan tarkibiy bo‘linmalar rahbarlari va xodimlarini rag‘batlantirish va intizomiy javobgarlikka tortish bo‘yicha, shu jumladan, ularning egallab turgan lavozimlarida qolishining maqsadga muvofiqligi to‘g‘risida Vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish bo‘yicha tizimli chora-tadbirlarni amalga oshirish;

15) Vazirlik xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Vazirlik xodimlarining odob-axloq qoidalari talablariga rioya qilish, o‘zi boshqaradigan tarkibiy bo‘linmalar rahbarlari va xodimlari tomonidan ushbu qoidalarga rioya etilishini ta’minlash;

16) Vazirlik tizimida O‘zbekiston Respublikasining “Korrupsiyaga qarshi kurash to‘g‘risida”gi Qonunini talablariga muvofiq korrupsiya va boshqa jinoyatlarning oldini olish bo‘yicha choralar ko‘rish, shuningdek, ularning yuzaga kelishiga sharoit yaratuvchi sabab va shartlarni aniqlash hamda tahlil qilish, huquqni muhofaza qilish amaliyoti va qonun hujjatlarini takomillashtirish yo‘li bilan ularga qarshi kurashish chora-tadbirlarini ishlab chiqish va amalga oshirish;

17) davlat xizmatlari ko‘rsatishning samarasi va sifatini, ulardan foydalanish imkoniyatini oshirish bo‘yicha Vazirga takliflar kiritish;

18) davlat sirlari va maxfiy ma’lumotlar toifalariga kiritilgan axborotlar bilan ishlashda qonunchilikda belgilangan talablarga rioya qilish;

19) suv xo‘jaligi sohasida vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirishda ishtirok etish;

20) suv xo‘jaligi obyektlarini qurish, rekonstruksiya va modernizatsiya qilish bo‘yicha ustuvor va istiqbolli loyihalar va dasturlarning ishlab chiqilishi va amalga oshirilishini ta’minlash;

21) suv xo‘jaligi obyektlarida pudrat ishlarini tashkil etish va monitoring qilish, Vazirlikning qurilish va pudrat tashkilotlari faoliyatini muvofiqlashtirish;

22) suv xo‘jaligida sanoatni rivojlantirish bo‘yicha choralar ko‘rish;

23) sug‘oriladigan yerlarning meliorativ holatini yaxshilash, yer osti suvlarining maqbul sathlarini ta’minlash va sug‘oriladigan yerlarning sho‘rlanishini kamaytirish bo‘yicha dasturlar ishlab chiqish va amalga oshirishni ta’minlash, yerlarning meliorativ holatini yaxshilash va barqarorligini ta’minlash bo‘yicha choralar ko‘rish;

24) loyihalarni amalga oshirishning tizimli monitoringini tashkil etish va ishlab chiqarish korxonalarining o‘z vaqtida ishga tushirilishini ta’minlash;

25) suv xo‘jaligi obyektlarini qurish, rekonstruksiya va modernizatsiya qilishga zamonaviy texnologiyalarni joriy etish bo‘yicha kompleks chora-tadbirlar amalga oshirilishini tashkil etish;

26) suv xo‘jaligini mexanizatsiyalash, Vazirlikning suv xo‘jaligi va pudrat tashkilotlarining meliorativ mashinalar va mexanizmlar parkini yangilash bo‘yicha amaliy choralar ko‘rish;

27) Vazirlik tuzilmasiga kiradigan loyiha tashkilotlari faoliyatini muvofiqlashtirish, loyiha ishlari sifatini oshirish bo‘yicha choralar ko‘rish;

28) suv xo‘jaligi sohasida iqtisodiy islohotlarni chuqurlashtirish dasturlarini ishlab chiqishda ishtirok etish, xalqaro va xorijiy moliya institutlari bilan hamkorlikda loyihalarni tayyorlash va amalga oshirishda ishtirok etish, ularni modernizatsiyalash, rekonstruksiya qilish va texnik qayta jihozlash maqsadida investitsiya dasturlariga kiritish uchun suv xo‘jaligini istiqbolli rivojlantirish dasturlarini ko‘rib chiqish, ularni shakllantirishga va monitoringini yuritishni ta’minlashga rahbarlik qilish;

29) investitsiyalarni jalb qilish maqsadida suv xo‘jaligi va melioratsiya sohasida davlatlararo masalalarni muhokama qilish va hal etishda qatnashish.

27. Vazir o‘rinbosarlarining asosiy funksional majburiyatlari quyidagilardan iborat:

1) O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazir vaqtinchalik bo‘lmagan hollarda tegishli buyruq asosida Vazir vazifasini bajarish;

3) Vazirlikning o‘zlari boshqaradigan tarkibiy bo‘linmalari faoliyatini muvofiqlashtirish, nazorat qilish va bevosita boshqarish, ular xodimlari o‘rtasida vazifalarni taqsimlash;

4) Vazirlik faoliyatini yanada takomillashtirish bo‘yicha O‘zbekiston Respublikasi Prezidenti va Vazirlar Mahkamasining qarorlari bilan tasdiqlangan konsepsiya, kompleks dastur va kompleks chora-tadbirlarning Vazirlik boshqaradigan yo‘nalishlari bo‘yicha amalga oshirilishini tanqidiy va chuqur tahlil qilib borish;

5) o‘zi boshqaradigan tarkibiy bo‘linmalar tomonidan prognoz ko‘rsatkichlarga so‘zsiz erishilishini ta’minlash choralarini ko‘rish, bo‘linmalar rahbarlarining hisobotlarini muntazam ravishda eshitib borish va ushbu ko‘rsatkichlarga erishish uchun ularning shaxsiy mas’uliyatini oshirish;

6) o‘zi boshqaradigan tarkibiy bo‘linmalar rahbarlarining ish rejalarini tasdiqlash, ularning bajarilishi yuzasidan nazoratni ta’minlash;

7) O‘zbekiston Respublikasi Prezidenti va O‘zbekiston Respublikasi Vazirlar Mahkamasining qaror va topshiriqlarini bajarilishini ta’minlash, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun O‘zbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xo‘jalik boshqaruv organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qaroriga, shuningdek, O‘zbekiston Respublikasi Vazirlar Mahkamasining “Ijro intizomini mustahkamlash chora tadbirlari to‘g‘risida” 1999-yil 12-yanvardagi 12-son qaroriga asosan, Vazirlikning o‘zi boshqaradigan tarkibiy bo‘linmalari faoliyatida ijro intizomini mustahkamlash uchun kompleks amaliy choralarni amalga oshirish, tarkibiy bo‘linmalar rahbarlarining topshiriqlari o‘z vaqtida va sifatli bajarilishini ta’minlashi uchun shaxsiy mas’uliyatini oshirish bo‘yicha choralar ko‘rish;

8) Vazirlik hay’ati qarorlari, Vazirning buyruq va topshiriqlari o‘z vaqtida va sifatli bajarilishini ta’minlash;

9) o‘zi boshqaradigan tarkibiy bo‘linmalarda xodimlarni tanlash va joy-joyiga qo‘yish bo‘yicha Vazirga takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-ma’naviy fazilatlari kafolatlanganligini ta’minlash, xodimlarning kasbiy malakasini oshirish, o‘zi boshqaradigan tarkibiy bo‘linmalarda xodimlar zaxirasini shakllantirish choralarini ko‘rish;

10) o‘zi boshqaradigan tarkibiy bo‘linmalar tomonidan normativ-huquqiy hujjatlar loyihalarining to‘liq va sifatli ishlab chiqilishini tashkil etish, ularni Vazirning ko‘rib chiqishi va viza qo‘yishi uchun batafsil ko‘rib chiqish va viza qo‘yish, ularni O‘zbekiston Respublikasi Prezidenti Administratsiyasining Reglamenti va O‘zbekiston Respublikasi Vazirlar Mahkamasining Reglamenti talablariga qat’iy muvofiq ravishda o‘z vaqtida O‘zbekiston Respublikasi Vazirlar Mahkamasiga kiritilishini ta’minlash, shuningdek, normativ-huquqiy hujjatlar loyihalarining O‘zbekiston Respublikasi Vazirlar Mahkamasining ijro etuvchi apparatida ko‘rib chiqilishida Vazirning topshirig‘iga asosan ishtirok etish;

11) Vazirlikka taqdim etilgan takliflar va normativ-huquqiy hujjatlar loyihalarini to‘liq va har tomonlama ko‘rib chiqish;

12) xizmat safarlariga borishni O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014-yil 5-martdagi PQ-2142-son va “Mansabdor shaxslarning xorij mamlakatlariga xizmat safarlarini samarasi uchun shaxsiy mas’uliyatlarini yanada oshirish va xorijiy delegatsiyalarning O‘zbekiston Respublikasiga tashriflarini tashkil etish chora-tadbirlari to‘g‘risida” 2017-yil 3-avgustdagi PQ-3170-son qarorlari talablariga to‘liq mos ravishda tashkil etish, xizmat safarlarining asoslangan, samarali va natijali bo‘lishini, xizmat safari uchun ajratilgan mablag‘lardan maqsadli va oqilona foydalanilishini ta’minlash;

13) o‘zi boshqaradigan tarkibiy bo‘linmalar rahbarlari va xodimlarining faoliyatining samarali va natijaliligini muntazam ravishda tanqidiy tahlil qilib borish, Vazirlik hay’ati majlislarida ularning shaxsiy hisobotlarini eshitish, natijalari asosida zarur choralar ko‘rish;

15) o‘zi boshqaradigan tarkibiy bo‘linmalar rahbarlari va xodimlarini rag‘batlantirish va intizomiy javobgarlikka tortish bo‘yicha, shu jumladan, ularning egallab turgan lavozimlarida qolishining maqsadga muvofiqligi to‘g‘risida Vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish bo‘yicha tizimli chora-tadbirlarni amalga oshirish;

16) Vazirlik xodimlarining odob-axloq Qoidalari talablariga rioya qilish, o‘zi boshqaradigan tarkibiy bo‘linmalar rahbarlari va xodimlari tomonidan ushbu qoidalarga rioya etilishini ta’minlash;

17) Vazirlik tizimida O‘zbekiston Respublikasining “Korrupsiyaga qarshi kurash to‘g‘risida”gi Qonunini talablariga muvofiq korrupsiya va boshqa jinoyatlarning oldini olish bo‘yicha choralar ko‘rish, shuningdek, ularning yuzaga kelishiga sharoit yaratuvchi sabab va shartlarni aniqlash hamda tahlil qilish, huquqni muhofaza qilish amaliyoti va qonun hujjatlarini takomillashtirish yo‘li bilan ularga qarshi kurash chora-tadbirlarini ishlab chiqish va amalga oshirish;

18) davlat xizmatlari ko‘rsatishning samarasi va sifatini, ulardan foydalanish imkoniyatini oshirish bo‘yicha Vazirga takliflar kiritish;

19) “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunda belgilangan muddatlarda va tartibda jismoniy va yuridik shaxslarning murojaatlarini ko‘rib chiqish bo‘yicha ishlarni samarali tashkil etish, jamoatchilik bilan bevosita va ochiq muloqot o‘rnatish, shaxsan qabul qilishni, shu jumladan, jismoniy va yuridik shaxslarning vakillarini joylarga borib qabul qilishni muntazam ravishda o‘tkazish;

20) O‘zbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, O‘zbekiston Respublikasi Prezidentining Xalq qabulxonalari va Virtual qabulxonasi, O‘zbekiston Respublikasi Bosh vaziri Tadbirkorlar murojaatlarini ko‘rib chiqish qabulxonalaridan kelib tushgan jismoniy va yuridik shaxslarning murojaatlari o‘z vaqtida va to‘liq ko‘rib chiqilishini ta’minlash;

21) davlat sirlari va maxfiy ma’lumotlar toifalariga kiritilgan axborotlar bilan ishlashda qonunchilik talablariga rioya qilish;

22) suv resurslarini havza tamoyili asosida boshqarishni ta’minlash va suvni cheklangan tarzda ishlatish hamda undan foydalanish tartibini amalda ro‘yobga chiqarishni, suv resurslari balansini ishlab chiqish, davlat suv kadastri va suv hisobini yuritish, barcha manbalarning suv resurslari bo‘yicha yagona ma’lumotlar bazasini yaratish va rivojlantirishni ta’minlash;

23) irrigatsiya va melioratsiya tizimlaridan, boshqa suv xo‘jaligi va gidrotexnika inshootlaridan lozim darajada foydalanilishni, ularning uzluksiz ishlashini va muntazam ravishda modernizatsiya qilinishini ta’minlash, Vazirlik tasarrufida bo‘lgan yirik va o‘ta muhim suv xo‘jaligi obyektlari xavfsizligini ta’minlash va muhofazasini tashkil etish, ularning texnik jihatdan ishonchliligini oshirish;

24) suvni tejaydigan sug‘orish texnologiyalarini rivojlantirish, shu jumladan, tomchilatib va yomg‘irlatib sug‘orish tizimlari qo‘llanilishi, shuningdek, suvni tejab ishlatishni taqdirlash va rag‘batlantirish mexanizmlari bo‘yicha takliflar ishlab chiqish, suv iste’molchilari uyushmalari faoliyatini muvofiqlashtirish, qo‘llab-quvvatlash, ichki xo‘jalik sug‘orish tarmoqlari hamda ularning gidrotexnika inshootlarini ekspluatatsiya qilish va rivojlantirish ishlarini tashkil etish bo‘yicha kompleks choralar ishlab chiqish va amalga oshirish;

25) Vazirlikning suv xo‘jaligi foydalanish tashkilotlarini zarur zamonaviy texnikalar bilan ta’minlash, ularning maqsadli va samarali ishlatilishi, suv xo‘jaligi sohasiga zamonaviy, innovatsion hamda resurslarni tejaydigan texnologiyalarni joriy etish, suv resurslarini boshqarish va ulardan foydalanish sohasidagi axborot-kommunikatsiya texnologiyalarini va ilg‘or xorijiy usullarni keng qo‘llash bo‘yicha zarur choralar ko‘rish;

26) sohaga xalqaro moliya institutlari va xorijiy mamlakatlarning investitsiyalari, grantlari va texnik ko‘mak mablag‘larini jalb qilish, ulardan maqsadli va samarali foydalanish, xalqaro tashkilotlar faoliyatida Vazirlikning faol ishtirokini ta’minlash;

27) kadrlar tayyorlash, qayta tayyorlash va ularning malakasini oshirish, suv xo‘jaligi tashkilotlarining ta’lim va ilmiy muassasalar bilan o‘zaro integratsiyasini kuchaytirish bo‘yicha ishlarni tashkil qilish, ilm-fan yutuqlarini amaliyotga tatbiq qilish chora-tadbirlarini ko‘rish.

28. Vazirlik markaziy apparati tarkibiy bo‘linmalari rahbarlarining asosiy funksional majburiyatlari quyidagilardan iborat:

1) O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) tegishli bo‘linma faoliyatiga umumiy rahbarlik qilish, mazkur bo‘linmaga O‘zbekiston Respublikasi Prezidentining tegishli Farmoni va qarori, Vazirlar Mahkamasining qarori va boshqa qonun hujjatlari hamda Vazirlik hujjatlari bilan yuklangan vazifa va funksiyalarning bajarilishini tashkil qilish;

3) hududiy bo‘linmalar faoliyati bilan bog‘liq prognoz ko‘rsatkichlarga erishilishini so‘zsiz ta’minlash bo‘yicha amaliy chora-tadbirlar ishlab chiqish va amalga oshirish;

4) O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlari va topshiriqlarining bajarilishini ta’minlash, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun O‘zbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xo‘jalik boshqaruv organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qaroriga, shuningdek, O‘zbekiston Respublikasi Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga va boshqa qonun hujjatlariga muvofiq, tarkibiy bo‘linma xodimlarining ijro intizomini mustahkamlash bo‘yicha kompleks amaliy choralar ko‘rish hamda topshiriqlarni o‘z vaqtida va sifatli bajarishi uchun ularning shaxsiy mas’uliyatini oshirish bo‘yicha choralar ko‘rish;

5) Vazirlik hay’ati qarorlarini, vazir va uning o‘rinbosarlari buyruq va topshiriqlarining o‘z vaqtida va sifatli ijro etilishini ta’minlash;

6) Vazirlik faoliyati sohasiga kiradigan masalalar bo‘yicha mahalliy davlat hokimiyati organlari va hududlarni ijtimoiy-iqtisodiy rivojlantirish sektorlari bilan o‘zaro hamkorlik qilish;

7) tegishli bo‘linmalar mansabdor shaxslarining vakolatlarini belgilash, Vazirlik hududiy bo‘linmasi faoliyatining muayyan yo‘nalishlarini boshqarish uchun ularning shaxsiy javobgarlik darajasini belgilash;

8) hududiy bo‘linma faoliyatini rejalashtirishni tashkil etish, hududiy bo‘linma choraklik ish rejalarini tasdiqlash, ularning bajarilishini nazorat qilish;

9) hududiy bo‘linmada kadrlarni tanlash va joy-joyiga qo‘yish, ularning samarali faoliyat yuritishi uchun zarur shart-sharoitlar yaratish, hududiy bo‘linmaning kadrlar zaxirasini shakllantirish;

10) Vazirlik rahbari nomenklaturasiga kiruvchi lavozimlarning bo‘sh o‘rinlariga tavsiya qilingan xodimlarning, shuningdek, hududiy bo‘linmaga ishga qabul qilinadigan boshqa xodimlarning kasbiy mahorati va bilim darajasi, yuqori darajadagi ishchanlik va axloqiy-ma’naviy fazilatlarining kafolatlanganligini ta’minlash;

11) hududiy bo‘linma xodimlarini rag‘batlantirish va intizomiy javobgarlikka tortish masalalarini hal etish, o‘zining o‘rinbosarlarini rag‘batlantirish va intizomiy javobgarlikka tortish bo‘yicha, shu jumladan, ularning egallab turgan lavozimlarida qolishining maqsadga muvofiqligi to‘g‘risida takliflar kiritish, ularning shaxsiy javobgarligini oshirish bo‘yicha tizimli choralar ko‘rish;

12) hududiy bo‘linma xodimlari tomonidan O‘zbekiston Respublikasi Suv xo‘jaligi vazirligi xodimlarining odob-axloq qoidalari talablariga rioya etilishini ta’minlash;

13) O‘zbekiston Respublikasining “Korrupsiyaga qarshi kurash to‘g‘risida”gi Qonuni talablariga muvofiq, hududiy bo‘linmalarda korrupsiya va boshqa qonunbuzarliklarning oldini olish bo‘yicha choralar ko‘rish, shuningdek, huquq amaliyoti va qonunchilikni takomillashtirish bo‘yicha chora-tadbirlar ishlab chiqish va amalga oshirish yo‘li bilan ularni aniqlash, tahlil qilish, ularni yuzaga keltiruvchi sabablar va shartlarni bartaraf etish;

14) hududiy bo‘linmalar xodimlari faoliyatining samaradorligi va natijadorligini muntazam ravishda tanqidiy tahlil qilish, majlislarda ularning shaxsiy hisobotlarini eshitish, yakuniy natijalari asosida zarur choralar ko‘rish;

15) hududiy bo‘linmalar faoliyatini takomillashtirish masalalariga doir qonun hujjatlarini takomillashtirish, davlat xizmatlari ko‘rsatish samarasi va sifatini, ulardan foydalanish imkoniyatini oshirish bo‘yicha takliflar tayyorlash, ularni Vazirlik rahbariyatiga ko‘rib chiqish uchun taqdim etish;

16) jismoniy va yuridik shaxslarning murojaatlarini ko‘rib chiqish, jamoatchilik bilan bevosita va ochiq muloqot o‘rnatish, ularni shaxsan qabul qilishni, shu jumladan, joylarga borib qabul qilishni muntazam ravishda o‘tkazish;

17) O‘zbekiston Respublikasi Prezidentining Xalq qabulxonalari bilan samarali hamkorlik qilish, O‘zbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar to‘g‘risida” 2016-yil 28-dekabrdagi PF-4904-son Farmoniga muvofiq ularning faoliyatida faol ishtirok etish, O‘zbekiston Respublikasi Prezidentining Xalq qabulxonalari va Virtual qabulxonasi, O‘zbekiston Respublikasi Bosh vaziri Tadbirkorlar murojaatlarini ko‘rib chiqish qabulxonalaridan kelib tushgan jismoniy va yuridik shaxslarning murojaatlarini o‘z vaqtida va to‘liq ko‘rib chiqish;

18) hududiy bo‘linmalar xodimlariga mukofotlar, lavozim maoshiga qo‘shimchalar, moddiy yordam, rag‘batlantirish to‘lovlarini to‘lash va intizomiy choralar qo‘llash to‘g‘risida qaror qabul qilish, xodimlarni davlat mukofotlari va idoraviy mukofotlar bilan taqdirlash to‘g‘risida Vazirlikka takliflar kiritish;

19) davlat sirlari va qonun bilan muhofaza qilinadigan maxfiy axborotlar toifalariga kiritilgan ma’lumotlarning himoyasini ta’minlash.

29. Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalari rahbarlarining asosiy funksional majburiyatlari quyidagilardan iborat:

1) O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazirlikning hududiy bo‘linmalari faoliyatining umumiy boshqaruvini amalga oshirish, O‘zbekiston Respublikasi Prezidentining tegishli Farmon va qarorlari, O‘zbekiston Respublikasi Vazirlar Mahkamasining qarorlari va boshqa qonun hujjatlari hamda Vazirlikning tegishli hujjatlari bilan mazkur bo‘linmalarga yuklangan vazifalar va funksiyalarning bajarilishini tashkil etish;

3) hududiy bo‘linmalarning faoliyati bilan bog‘liq prognoz ko‘rsatkichlarga erishilishini so‘zsiz ta’minlash bo‘yicha amaliy chora-tadbirlarni ishlab chiqish va amalga oshirish;

4) Vazirlikning tuman (shahar) bo‘linmalari va hududiy bo‘linmalar tarkibiga kiruvchi tashkilotlar faoliyatini muvofiqlashtirish va nazorat qilish;

5) O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlari va topshiriqlarining bajarilishini ta’minlash, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun O‘zbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xo‘jalik boshqaruv organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori, shuningdek, O‘zbekiston Respublikasi Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq, Vazirlikning hududiy bo‘linmalari xodimlarining ijro intizomini mustahkamlash bo‘yicha kompleks amaliy choralarni amalga oshirish hamda topshiriqlarning o‘z vaqtida va sifatli bajarilishini ta’minlashi uchun ularning shaxsiy mas’uliyatini oshirish bo‘yicha choralar ko‘rish;

6) Vazirlik hay’atining qarorlari, Vazir, Vazirning birinchi o‘rinbosari va o‘rinbosarlarining buyruq va topshiriqlari, mahalliy davlat boshqaruvi organlarining qaror va farmoyishlari o‘z vaqtida va sifatli ijro etilishini ta’minlash;

7) Vazirlik vakolati va faoliyat doirasiga kiradigan masalalar bo‘yicha mahalliy davlat boshqaruvi organlari va kompleks ijtimoiy-iqtisodiy rivojlantirish sektorlari bilan o‘zaro hamkorlik qilish;

8) o‘z o‘rinbosarlari vakolatlarini belgilash, ular o‘rtasida xizmat vazifalarini taqsimlash, hududiy tashkilotlar boshqa mansabdor shaxslarining vakolatlarini belgilash,o‘z o‘rinbosarlari va boshqa mansabdor shaxslarning Vazirlikning hududiy bo‘linmalari va tashkilotlari mansabdor shaxslarining hududiy tashkilotlar faoliyatining ayrim yo‘nalishlari uchun shaxsiy mas’ullik darajasini belgilash;

9) Vazirlik hududiy bo‘linmalarining faoliyatini rejalashtirishni tashkil etish, Vazirlikning hududiy bo‘linmalari va o‘z o‘rinbosarlarining choraklik ish rejalarini tasdiqlash, ularning amalga oshirilishi yuzasidan nazoratni ta’minlash;

10) Vazirlik hududiy bo‘linmalariga kadrlarni tanlash va joy-joyiga qo‘yish, ularning samarali faoliyati uchun zarur sharoitlar yaratish, hududiy bo‘linmalarda kadrlar zaxirasini shakllantirish;

11) Vazirlik hududiy bo‘linmalarini Vazirlik nomenklaturasiga kiruvchi lavozimlarining bo‘sh o‘rinlariga mahalliy davlat boshqaruvi organlari tomonidan tavsiya qilingan, shuningdek, ishga qabul qilinayotgan boshqa xodimlarning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-ma’naviy fazilatlari kafolatlanganligini ta’minlash;

12) hududiy bo‘linmalar rahbarlari va xodimlarini rag‘batlantirish va intizomiy javobgarlikka tortish bo‘yicha, shu jumladan, ularning egallab turgan lavozimlarida qolishining maqsadga muvofiqligi to‘g‘risida takliflar kiritish, ularning xizmat vazifalari va berilgan topshiriqlar bajarilishi uchun shaxsiy javobgarligini oshirish bo‘yicha tizimli chora-tadbirlarni amalga oshirish;

13) hududiy bo‘linmalar xodimlari tomonidan O‘zbekiston Respublikasi Vazirlar Mahkamasining “Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalarini tasdiqlash to‘g‘risida” 2016-yil 2-martdagi 62-son qarori bilan tasdiqlangan davlat boshqaruvi organlari va mahalliy ijro etuvchi hokimiyat organlari xodimlarining odob-axloq Namunaviy qoidalari asosida tasdiqlangan Vazirlik xodimlarining odob-axloq Namunaviy qoidalari talablariga rioya etilishini ta’minlash;

14) Vazirlik hududiy bo‘linmalari miqyosida O‘zbekiston Respublikasining “Korrupsiyaga qarshi kurash to‘g‘risida”gi Qonuni talablariga muvofiq, korrupsiya va boshqa huquqbuzarliklarning oldini olish bo‘yicha choralar ko‘rish, shuningdek, ularning yuzaga kelishiga sharoit yaratuvchi sabab va shartlarni aniqlash, tahlil qilish, amaldagi qonunchilikni takomillashtirish uchun takliflar kiritish yo‘li bilan ularni bartaraf qilish va ularga qarshi kurashish chora-tadbirlarini ishlab chiqish va amalga oshirish;

15) hududiy bo‘linmalar prognoz ko‘rsatkichlar so‘zsiz bajarilishini muntazam tahlil qilish va Vazirning tegishli o‘rinbosarlariga (shu jumladan, birinchi o‘rinbosarga) hududiy bo‘linmaning belgilangan ko‘rsatkichlarga so‘zsiz erishishini ta’minlashga yo‘naltirilgan qo‘shimcha choralarni qabul qilish bo‘yicha takliflar kiritish;

16) hududiy bo‘linmalar xodimlari faoliyatining samaradorligi va natijadorligini muntazam ravishda tanqidiy tahlil qilish, yig‘ilishlarda ularning hisobotlarini eshitish, yakunlari bo‘yicha zarur choralar ko‘rish;

17) hududiy bo‘linmalar faoliyatiga oid masalalar bo‘yicha qonunchilikni takomillashtirish, shuningdek, davlat xizmatlari ko‘rsatishning samaradorligi, sifati va ulardan foydalanish imkoniyatlarining mavjudligini yaxshilash bo‘yicha takliflar ishlab chiqish va ularni Vazirlik rahbariyatiga ko‘rib chiqish uchun kiritish;

18) jismoniy va yuridik shaxslarning murojaatlarini ko‘rib chiqishni “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuni, O‘zbekiston Respublikasi Vazirlar Mahkamasining 2015-yil 31-martdagi 73-son qarori bilan tasdiqlangan davlat organlari va davlat muassasalarida jismoniy va yuridik shaxslarning murojaatlari bilan ishlash tartibi to‘g‘risidagi namunaviy nizomga muvofiq olib borish, jamoatchilik bilan bevosita va ochiq muloqot o‘rnatish, ularni shaxsan qabul qilishni muntazam ravishda o‘tkazish, shu jumladan, belgilangan muddatda va tartibda fuqarolar va yuridik shaxslarning vakillarining joylarda qabul qilinishini yo‘lga qo‘yish;

19) O‘zbekiston Respublikasi Prezidentining Xalq qabulxonalari bilan samarali hamkorlik qilish va O‘zbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar to‘g‘risida” 2016-yil 28-dekabrdagi PF-4904-son Farmoniga asosan ularning faoliyatida faol ishtirok etish, O‘zbekiston Respublikasi Prezidentining Xalq qabulxonalari va Virtual qabulxonasi, O‘zbekiston Respublikasi Bosh vaziri Tadbirkorlar murojaatlarini ko‘rib chiqish qabulxonalariga jismoniy va yuridik shaxslardan kelib tushgan arizalarni o‘z vaqtida va to‘liq ko‘rib chiqish;

20) hududiy bo‘linmalar xodimlariga mukofotlar, lavozim maoshiga qo‘shimchalar, moddiy yordam, rag‘batlantirish to‘lovlarini to‘lash va intizomiy choralar qo‘llash to‘g‘risida qaror qabul qilish, xodimlarni davlat mukofotlari va idoraviy mukofotlar bilan taqdirlash to‘g‘risida Vazirlikka takliflar kiritish;

21) davlat sirlari va qonun bilan muhofaza qilinadigan maxfiy ma’lumotlar toifalariga kiritilgan ma’lumotlar himoyasini ta’minlash.

30. Tumanlar irrigatsiya bo‘limlari rahbarlarining asosiy funksional majburiyatlari quyidagilardan iborat:

1) tuman irrigatsiya bo‘limiga rahbarlik qilish;

2) funksional vazifalarni xodimlar o‘rtasida va faoliyatning alohida yo‘nalishlari bo‘yicha taqsimlash, ularning mas’ullik darajasini belgilash;

3) O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlari va topshiriqlarining bajarilishini ta’minlash, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun O‘zbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xo‘jalik boshqaruv organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ 2881-son qaroriga, shuningdek, O‘zbekiston Respublikasi Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga asosan tumanlar irrigatsiya bo‘limlari faoliyatida ijro intizomini mustahkamlash uchun kompleks amaliy choralarni amalga oshirish, tumanlar irrigatsiya bo‘limlari xodimlarining topshiriqlarning o‘z vaqtida va sifatli bajarilishini ta’minlashi uchun shaxsiy mas’uliyatini oshirish bo‘yicha choralar ko‘rish;

4) Vazirlik hay’ati qarorlari, buyruqlari, Vazir va uning o‘rinbosarlarining buyruq va topshiriqlari, Vazirlikning Qoraqalpog‘iston Respublikasi va viloyatlardagi hududiy bo‘linmalarining buyruq va topshiriqlari, mahalliy davlat boshqaruvi organlarining qaror va farmoyishlarini o‘z vaqtida va sifatli ijro etishni ta’minlash;

5) Vazirlik faoliyati doirasiga kiradigan masalalar bo‘yicha mahalliy davlat boshqaruvi organlari va kompleks ijtimoiy-iqtisodiy rivojlantirish sektorlari bilan o‘zaro hamkorlikda faoliyat yuritish;

6) Vazirlikning Qoraqalpog‘iston Respublikasi va viloyatlardagi hududiy bo‘limlari rahbarlariga, ularning o‘rinbosarlariga tumanlar irrigatsiya bo‘limlariga kadrlarni tanlash va joylashtirish bo‘yicha takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-ma’naviy fazilatlari kafolatlanganligini ta’minlash hamda ularning kasbiy malakasini oshirish bo‘yicha choralar ko‘rish, tumanlar irrigatsiya bo‘limlarida kadrlar zaxirasini shakllantirish;

7) tumanlar irrigatsiya bo‘limlari xodimlari tomonidan O‘zbekiston Respublikasi Vazirlar Mahkamasining “Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalarini tasdiqlash to‘g‘risida” 2016-yil 2-martdagi 62-son qaroriga muvofiq chiqarilgan Vazirlik xodimlarining odob-axloqi namunaviy qoidalari talablariga rioya etilishini ta’minlash;

8) tumanlar irrigatsiya bo‘limlarida O‘zbekiston Respublikasining “Korrupsiyaga qarshi kurash to‘g‘risida”gi Qonuni talablariga muvofiq korrupsiya va boshqa qonunbuzarliklarning oldini olish bo‘yicha choralar ko‘rish, shuningdek, ularning yuzaga kelishiga sharoit yaratuvchi sabab va shartlarni aniqlash, tahlil qilish, amaldagi qonunchilikni takomillashtirish uchun takliflar kiritish yo‘li bilan ularni bartaraf qilish va ularga qarshi kurashish chora-tadbirlarini ishlab chiqish va amalga oshirish;

9) Vazirlikning tumanlar irrigatsiya bo‘limlari xodimlariga mukofotlar, lavozim maoshiga qo‘shimchalar, moddiy yordam, rag‘batlantirish to‘lovlarini to‘lash va intizomiy choralar qo‘llash, ularni davlat mukofotlari va idoraviy mukofotlar bilan taqdirlash to‘g‘risida Vazirlikka takliflar kiritish;

10) davlat sirlari va qonun bilan muhofaza qilinadigan maxfiy ma’lumotlar toifalariga kiritilgan ma’lumotlar himoyasini ta’minlash.

31. Vazir quyidagilar uchun shaxsan mas’uldir:

1) Vazirlikka yuklangan vazifa va funksiyalarning bajarilishi;

2) mazkur Nizomning 18-bandida nazarda tutilgan Vazirlik mas’ul bo‘lgan sohalar;

3) mazkur Nizomning 25-bandida ko‘rsatilgan funksional majburiyatlarning sifatli bajarilishi.

32. Vazirning birinchi o‘rinbosari va Vazir o‘rinbosarlari quyidagilar uchun shaxsan mas’uldirlar:

1) Vazirlikning o‘zi boshqaradigan tarkibiy bo‘linmalari tomonidan ularga yuklangan vazifa va funksiyalarning bajarilishi;

2) Vazirlik mas’ul bo‘lgan va mazkur Nizomning 18-bandida ko‘rsatilgan o‘zlari boshqaradigan sohalar;

3) mazkur Nizomning 26 va 27-bandlarida ko‘rsatilgan o‘z funksional majburiyatlarining sifatli bajarilishi.

33. Vazirlik markaziy apparati tarkibiy bo‘linmalari rahbarlari quyidagilar uchun mas’uldirlar:

1) tegishli tarkibiy bo‘linmaga yuklangan vazifa va funksiyalarning bajarilishi;

2) Vazirlik markaziy apparati mas’ul bo‘lgan mazkur Nizomning 20-bandida ko‘rsatilgan sohalar;

3) mazkur Nizomning 28-bandida ko‘rsatilgan o‘zlarining funksional majburiyatlarining sifatli bajarilishi.

34. Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalari rahbarlari quyidagilar uchun shaxsan mas’uldirlar:

1) hududiy bo‘linmalarga yuklangan vazifa va funksiyalarning bajarilishi;

2) Vazirlikning hududiy bo‘linmalari mas’ul bo‘lgan mazkur Nizomning 22-bandida ko‘rsatilgan sohalar;

3) mazkur Nizomning 29-bandida ko‘rsatilgan o‘zlarining funksional majburiyatlarining sifatli bajarilishi.

35. Tumanlar irrigatsiya bo‘limlari rahbarlari quyidagilar uchun shaxsan mas’uldirlar:

1) tuman irrigatsiya bo‘limlariga yuklangan vazifa va funksiyalarning bajarilishi;

2) tumanlar irrigatsiya bo‘limlari mas’ul bo‘lgan mazkur Nizomning 24-bandida ko‘rsatilgan sohalar uchun;

3) mazkur Nizomning 30-bandida ko‘rsatilgan o‘zlarining funksional vazifalari sifatli bajarilishi.

36. Vazirlikni O‘zbekiston Respublikasi Oliy Majlisi Qonunchilik palatasi ma’qullaganidan keyin kiritilgan O‘zbekiston Respublikasining Bosh vaziri taqdimnomasiga binoan O‘zbekiston Respublikasi Prezidenti tomonidan tasdiqlanadigan va lavozimidan ozod qilinadigan Vazir boshqaradi.

37. O‘zbekiston Respublikasi Suv xo‘jaligi vaziri o‘z maqomiga ko‘ra O‘zbekiston Respublikasi Vazirlar Mahkamasining a’zosi hisoblanadi.

38. Vazirning uchta o‘rinbosari bo‘lib, ularning bittasi vazirning birinchi o‘rinbosari hisoblanadi.

39. Vazirning birinchi o‘rinbosari va boshqa o‘rinbosarlari O‘zbekiston Respublikasi Prezidenti tomonidan o‘z lavozimlariga tayinlanadilar va lavozimlaridan ozod qilinadilar.

40. Vazir vaqtinchalik bo‘lmagan hollarda uning vakolatlarini bajarish Vazir o‘rinbosarlariga majburiyatlarni taqsimlash asosida amalga oshiriladi.

41. Vazirlik markaziy apparati tarkibiy bo‘linmalarining xodimlari tegishli vazir o‘rinbosarining (vazir birinchi o‘rinbosarining) taklifiga ko‘ra O‘zbekiston Respublikasi Suv xo‘jaligi vaziri tomonidan lavozimlariga tayinlanadilar va lavozimlaridan ozod qilinadilar.

42. O‘zbekiston Respublikasi Suv xo‘jaligi vaziri tomonidan quyidagilar lavozimlarga tayinlanadi va lavozimidan ozod qilinadi:

1) Qoraqalpog‘iston Respublikasi Vazirlar Kengashi Raisi va tegishli viloyatlar hokimlari bilan kelishilgan holda — Qoraqalpog‘iston Respublikasi suv xo‘jaligi vaziri, irrigatsiya tizimlari havza boshqarmalari boshliqlari;

2) Qoraqalpog‘iston Respublikasi Vazirlar Kengashi Raisi va tegishli viloyatlar hokimlari takliflariga ko‘ra — Qoraqalpog‘iston Respublikasi Suv xo‘jaligi vaziri o‘rinbosarlari, irrigatsiya tizimlari havza boshqarmalari boshliqlari o‘rinbosarlari, magistral kanallar (tizimlar) boshqarmalari boshliqlari, irrigatsiya tizimi boshqarmalari boshliqlari, nasos stansiyalari va energetika boshqarmalari boshliqlari, meliorativ ekspeditsiyalar boshliqlari, suv omborlaridan foydalanish boshqarmalari boshliqlari, Qoraqalpog‘iston Respublikasi va viloyatlar “Suvqurilishinvest” DUK direktorlari;

3) tegishli mahalliy hokimiyat organlari bilan kelishilgan holda — viloyatlararo hamda yirik va o‘ta muhim suv xo‘jaligi tashkilotlari boshliqlari va ularning o‘rinbosarlari;

4) Vazirning tegishli o‘rinbosari taklifiga ko‘ra — Markaziy dispetcherlik, kommunikatsiya va kadastr xizmati boshlig‘i, Axborot-tahlil va resurs markazi boshlig‘i, “Suvloyiha” DUK direktori, “O‘zsuvekspertiza” DUK boshlig‘i, Irrigatsiya va suv muammolari ilmiy-tadqiqot instituti direktorini va uning o‘rinbosarini, “Davsuvxo‘jaliknazorat” davlat inspeksiyasi boshlig‘i o‘rinbosarini.

43. Tumanlar irrigatsiya bo‘limlari boshliqlari tegishli tumanlar va Quvasoy shahri hokimlari va Vazirlik bilan kelishilgan holda Qoraqalpog‘iston Respublikasi Suv xo‘jaligi vaziri, tegishli irrigatsiya tizimlari havza boshqarmalari boshliqlari tomonidan lavozimga tayinlanadilar va lavozimdan ozod qilinadilar.

44. Vazirlikning idoraviy mansub tashkilotlari Nizomlari belgilangan tartibda Vazirlik tomonidan tasdiqlanadi.

45. Vazirlik markaziy apparati tarkibiy bo‘linmalarining uning hududiy bo‘linmalari va idoraviy mansub tashkilotlari bilan hamkorlik qilishini markaziy apparat tarkibiy bo‘linmalari rahbarlari amalga oshiradilar.

46. Vazirlik markaziy apparati tarkibiy bo‘linmalari uning hududiy bo‘linmalari bilan Vazirlik faoliyatining yo‘nalishlari bo‘yicha hamkorlik qiladilar:

1) hududiy bo‘linmalarga va idoraviy mansub tashkilotlarga topshiriqlarni yetkazadilar va ularning bajarilishini nazorat qiladilar;

2) tarkibiy bo‘linmalarning faoliyatiga bevosita taalluqli masalalar bo‘yicha Vazirlikning hududiy bo‘linmalari va idoraviy mansub tashkilotlariga rasmiy so‘rovnomalar jo‘natadilar va ularning bajarilishi nazorat qiladilar;

3) Vazirlikning hududiy bo‘linmalari va idoraviy mansub tashkilotlarining ish rejalarini tahlil qiladilar, ular faoliyatini rejalashtirishni takomillashtirish choralarini ko‘radilar;

4) Vazirlikning hududiy bo‘linmalari va idoraviy mansub tashkilotlari faoliyatini tashkil qilish samaradorligi va natijalari to‘g‘risidagi statistik va boshqa ma’lumotlarni, hisobot va axborot materiallarini o‘rganishni tashkillashtiradilar;

5) Vazirlikning hududiy bo‘linmalari va idoraviy mansub tashkilotlari amaliy faoliyatini tekshiradilar, o‘rganib chiqadilar va umumlashtiradilar, uni takomillashtirishga qaratilgan chora-tadbirlarni ishlab chiqadilar va amalga oshiradilar;

6) Vazirlikning hududiy bo‘linmalari va idoraviy mansub tashkilotlaridan kelib tushgan takliflarni ko‘rib chiqadilar;

7) Vazirlikning hududiy bo‘linmalari va idoraviy mansub tashkilotlarining normativ-huquqiy hujjatlar loyihalarini tayyorlashda qatnashishini uyushtiradilar, qonunchilikni takomillashtirish bo‘yicha ulardan kelib tushgan takliflarni ko‘rib chiqadilar;

47. Vazirlikning idoraviy mansub tashkilotlari Vazirlikning markaziy apparati tarkibiy bo‘linmalari bilan o‘zaro hamkorlik qiladilar, shu jumladan:

1) Vazirlik rahbariyati topshiriqlarining bajarilishi to‘g‘risida axborot beradilar;

2) Vazirlik markaziy apparatiga suv xo‘jaligi sohasidagi qonun hujjatlarini bajarish bo‘yicha ish faoliyati natijalari to‘g‘risida ma’lumot taqdim etadilar;

3) ularning faoliyatini tekshirish va o‘rganish davomida aniqlangan ish faoliyatidagi kamchiliklar va qoida buzilishlarini bartaraf etish natijalari to‘g‘risida axborot beradilar;

4) o‘zining faoliyati natijalari to‘g‘risida belgilangan tartibda va muddatlarda Vazirlikning markaziy apparatiga hisobot beradilar;

5) Vazirlikning markaziy apparatiga hududlarni ijtimoiy-iqtisodiy rivojlantirish muammolarini, shu jumladan, aholining dolzarb muammolarini hal qilishga qaratilgan takliflarni taqdim etadilar;

6) kompleks ijtimoiy-iqtisodiy rivojlantirish sektorlari bilan o‘zaro hamkorlik qilish natijalari to‘g‘risida axborot beradilar;

7) vakolatli organlar tomonidan o‘zining faoliyatini tekshirish natijalari to‘g‘risida axborot beradilar.

48. Vazirlik markaziy apparati tarkibiy tuzilmalari va uning hududiy bo‘linmalari va idoraviy mansub tashkilotlarining o‘zaro munosabatlari jarayonida vujudga kelgan kelishmovchiliklar Vazirning topshirig‘iga ko‘ra, tegishli o‘rinbosarlari tomonidan ko‘rib chiqiladi. Agar kelishmovchiliklar ko‘rib chiqilgandan so‘ng ham bartaraf etilmagan bo‘lsa, ular bo‘yicha qaror bevosita Vazir tomonidan qabul qilinadi.

49. Vazirlik o‘zining vazifa va funksiyalarini bajarishda davlat va xo‘jalik boshqaruvining boshqa organlari, mahalliy davlat hokimiyati organlari va boshqa tashkilotlar bilan o‘zaro hamkorlik qiladi.

50. Vazirlikning hududiy bo‘linmalari o‘zlarining vakolatlari doirasida davlat va xo‘jalik boshqaruvining boshqa organlari, mahalliy davlat hokimiyati organlari va boshqa tashkilotlar bilan o‘zaro hamkorlik qiladilar.

Vazirlikning hududiy bo‘linmalari tegishli hududlarni ijtimoiy-iqtisodiy rivojlantirish bo‘yicha “yo‘l xaritalari”ni ishlab chiqish va amalga oshirishda kompleks ijtimoiy-iqtisodiy rivojlantirish sektorlari bilan o‘zaro uzviy hamkorlik qiladilar.

51. Vazirlik Vazirlar Mahkamasining Agrar va oziq-ovqat sohalarini rivojlantirish masalalari kotibiyatiga biriktirilgan tashkilotlar ro‘yxatiga kiradi hamda uning faoliyati O‘zbekiston Respublikasi Prezidenti Administratsiyasining tegishli tarkibiy bo‘linmalari tomonidan nazorat qilinadi.

52. Vazirlikda uning faoliyatining asosiy yo‘nalishlarini muvofiqlashtirish uchun tarkibida Vazir (hay’at raisi), uning o‘rinbosarlari (lavozimiga ko‘ra), manfaatdor vazirlik va idoralar rahbarlari, suv xo‘jaligi sohasining yetakchi mutaxassislari va olimlari hamda tarkibiy tuzilmalar rahbarlari bo‘lgan 9 kishidan iborat hay’at tuziladi.

Hay’atning a’zolari soni va shaxsiy tarkibi Vazirning taklifiga ko‘ra O‘zbekiston Respublikasi Vazirlar Mahkamasi tomonidan tasdiqlanadi.

53. Hay’atga quyidagi vazifalar yuklanadi:

suv xo‘jaligini barqaror rivojlantirish, suv xo‘jaligi sohasida yangi texnologiyalarni joriy qilish va takomillashtirishga qaratilgan yagona suv xo‘jaligi siyosatini amalga oshirish, suv xo‘jaligi sohasida iqtisodiy islohotlarni chuqurlashtirish ishlarini muvofiqlashtirish, suv xo‘jaligi infratuzilmasi obyektlarini rivojlantirish, irrigatsiya tizimlarini havzaviy boshqarish tamoyili asosida yer usti suvlarining davlat boshqaruvini amalga oshirish va suvdan foydalanish va suv iste’moli sohasida innovatsion texnologiyalarni joriy qilish hamda sug‘oriladigan yerlarning meliorativ holatini yaxshilash bo‘yicha mazkur Nizomda belgilangan Vazirlik faoliyatining asosiy yo‘nalishlarini tayyorlash va amalga oshirish;

mamlakat suv xo‘jaligi, sohalar va hududlarni rivojlantirishning ustuvor yo‘nalishlarini amalga oshirishda Vazirlik va boshqa davlat va xo‘jalik boshqaruvi organlari, mahalliy davlat hokimiyati organlarining faoliyatini samarali muvofiqlashtirish va o‘zaro uzviy hamkorligini ta’minlash;

qisqa, o‘rta va uzoq muddatli davrlarda suv xo‘jaligini barqaror rivojlantirishga qaratilgan amalga oshirilayotgan kompleks, sohaviy va hududiy dasturlarni amalga oshirish samaradorligini oshirish uchun qo‘shimcha chora-tadbirlar qabul qilgan va tuzatishlar kiritilgan holda ularning natijadorligini baholash;

Vazirlik tizimi xodimlari va rahbarlarining ularga yuklangan qonun hujjatlari, O‘zbekiston Respublikasi Prezidentining rasmiy hujjatlari va O‘zbekiston Respublikasi Hukumati qarorlarida belgilangan vazifalarni o‘z vaqtida va sifatli bajarish uchun shaxsiy javobgarligini oshirish bo‘yicha choralar qabul qilgan holda Vazirlik tarkibiy va hududiy bo‘linmalari hamda idoraviy mansub tashkilotlari rahbarlarining hisobotlarini tizimli asosda eshitishni tashkil etish;

Vazirlik faoliyati sohasining hududiy va sohaviy dasturlarini amalga oshirish natijadorligini choraklik va tizimli asosda ko‘rib chiqish;

joylarda suv xo‘jaligi sohasidagi dolzarb masalalarni muhokama qilish, vujudga kelgan muammolarni hal etish bo‘yicha tegishli qarorlarni ishlab chiqqan va qabul qilgan holda kengaytirilgan sayyor hay’at majlislarini o‘tkazishni tashkil etish;

Vazirlik nomenklaturasiga kiruvchi lavozimlar ro‘yxatini ko‘rib chiqish va tasdiqlash;

Vazirlik nomenklaturasiga kiruvchi lavozimlarga xodimlarni tanlash va joyiga qo‘yish masalalarini ko‘rib chiqish;

O‘zbekiston Respublikasi Prezidenti va O‘zbekiston Respublikasi Vazirlar Mahkamasi qaror va topshiriqlarida belgilangan vazifalarning o‘z vaqtida va sifatli bajarilishini ta’minlash uchun Vazirlik rahbarlari va xodimlarining shaxsiy javobgarligini oshirish va ijro intizomini mustahkamlash.

Shuningdek, hay’at Vazirlik vakolatlariga kiruvchi boshqa masalalarni ko‘rib chiqishga haqlidir.

54. Hay’at majlisiga davlat va xo‘jalik boshqaruvi organlari rahbarlari, Vazirlik vakolatiga kiradigan masalalar bo‘yicha boshqa tashkilotlar rahbarlari taklif qilinishi mumkin.

55. Hay’at majlisida uning a’zolarining uchdan ikki qismidan ko‘prog‘i ishtirok etsa hay’at majlisi qonuniy o‘tkazilgan deb hisoblanadi. Ko‘rib chiqilayotgan masalalar bo‘yicha qarorlar ko‘pchilik ovoz bilan qabul qilinadi.

56. Hay’at qarorlari Vazirning buyrug‘i (Vazirlik qarorlari) bilan amalga oshiriladi.

57. Vazir va hay’at a’zolari o‘rtasida kelishmovchiliklar yuzaga kelgan taqdirda, Vazir O‘zbekiston Respublikasi Vazirlar Mahkamasiga yuzaga kelgan kelishmovchiliklar haqida xabar bergan holda, mustaqil qaror qabul qiladi. Bunday vaziyatda hay’at a’zolari O‘zbekiston Respublikasi Vazirlar Mahkamasiga o‘z fikrlarini bildirishlari mumkin.

58. Hay’atning faoliyat yuritish tartibi hay’at tasdiqlagan reglament asosida belgilanadi.

59. Vazirlik tarkibida Vazir (kengash raisi), sohaning yuqori malakali mutaxassislari, ilmiy-tadqiqot institutlari, oliy ta’lim muassasalari, mustaqil kompaniyalar va boshqa suv xo‘jaligi tashkilotlari xodimlari bo‘lgan sohaviy ilmiy-texnik kengash tuziladi.

Soha ilmiy-texnik kengashi a’zolari soni, shaxsiy tarkibi va Nizomi Vazirning buyrug‘i bilan tasdiqlanadi.

60. Vazirlik tarkibida Vazir o‘rinbosari (Kengash raisi), Vazirlik faoliyatining alohida yo‘nalishlarini muvofiqlashtiruvchi tarkibiy bo‘linmalar rahbarlari va mutaxassislari hamda tadbirkorlik subyektlari va biznes-uyushmalar vakillari bo‘lgan jamoatchilik maslahat kengashi tashkil qilinadi.

Jamoatchilik maslahat kengashining Nizomi, a’zolari ro‘yxati va soni Vazirning tegishli buyrug‘i bilan tasdiqlanadi.

61. Jamoatchilik maslahat kengashining asosiy vazifalari quyidagilardan iborat:

suv xo‘jaligini yanada rivojlantirish hamda suv xo‘jaligida ishchanlik va investitsiya muhitini yaxshilashga to‘siq bo‘layotgan muammoli masalalarni muhokama qilish;

suv xo‘jaligini rivojlantirishga doir normativ-huquqiy hujjatlarni amalga oshirish mexanizmlarini tanqidiy ko‘rib chiqish, suv xo‘jaligi masalalari bo‘yicha davlat xizmatlari ko‘rsatish tizimini takomillashtirish;

xo‘jalik yurituvchi subyektlar va fuqarolardan tushadigan muammo va takliflarni tahlil qilish, shuningdek, ilg‘or xorijiy tajribani o‘rganish natijalariga ko‘ra suv xo‘jaligini rivojlantirish bo‘yicha tavsiyalar ishlab chiqish;

qonunchilik bazasini takomillashtirishda, shu jumladan, suv xo‘jaligini rivojlantirish masalalari bo‘yicha ishlab chiqiladigan va ko‘rib chiqish uchun Vazirlikka kiritiladigan normativ-huquqiy hujjatlarni muhokama qilish orqali ishtirok etish.

62. Vazirlik faoliyatining samaradorligi muntazam baholanishi lozim.

63. Vazirlik faoliyatining samaradorligi va natijadorligini baholash O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari tomonidan tasdiqlangan Vazirlik faoliyatining samaradorligi va natijadorligini baholash mezonlari va ishchi indikatorlari asosida amalga oshiriladi.

64. Vazirlik faoliyatining samaradorligi va natijadorligini baholash natijalari asosida:

Vazirlik rahbarlari va xodimlariga nisbatan rag‘batlantirish (mukofotlash) yoki intizomiy javobgarlikka tortish;

aniqlangan kamchiliklarni bartaraf etish va Vazirlik faoliyatini yanada takomillashtirish choralari ko‘riladi.

65. O‘zbekiston Respublikasi Suv xo‘jaligi vazirligi huzurida belgilangan tartibda suv xo‘jaligini rivojlantirish jamg‘armasi (keyingi o‘rinlarda Jamg‘arma deb ataladi) yuridik shaxs maqomisiz tuziladi.

Jamg‘arma mablag‘lari quyidagi manbalar hisobidan shakllantiriladi:

O‘zbekiston Respublikasi respublika budjeti mablag‘lari, shu jumladan O‘zbekiston Respublikasi Davlat budjeti parametrlarida yillik indeksatsiyani o‘z ichiga olgan holda O‘zbekiston Respublikasi respublika budjetining qo‘shimcha manbalari hisobidan 2019-yilda 15 136 200 ming.so‘m;

suvdan foydalanish va suvni iste’mol qilish qoidalarini buzganlik uchun ma’muriy jazo choralarini qo‘llashdan, shuningdek, suv olish tartibini buzganlik uchun jarimalardan tushgan tushumlarning 30 foizi;

Vazirlik tarkibiga kiruvchi o‘zini o‘zi moliyalashtiradigan tashkilotlar sof foydasining o‘z ixtiyorida qoldiriladigan qismidan tuzilgan shartnomalar asosidagi ajratmalari;

Vazirlik suv xo‘jaligi foydalanish tashkilotlarining ular tomonidan suv resurslarini issiqlik elektr energiyasi va sanoat mahsulotlarini ishlab chiqaruvchi tashkilotlarning ehtiyojlari uchun yetkazib berish bo‘yicha ko‘rsatilgan xizmatlardan tushgan tushumlardan ajratmalar;

suv xo‘jaligi obyektlarini qurish va rekonstruksiya qilish bo‘yicha loyiha-qidiruv ishlari umumiy qiymatiga qo‘shimcha kiritilgan 10 foizigacha miqdordagi mablag‘larning 50 foizi;

vaqtincha bo‘sh turgan budjetdan tashqari mablag‘larni tijorat banklari depozitlariga joylashtirishdan olingan daromadlar;

jismoniy va yuridik shaxslarning xayriya mablag‘lari;

xalqaro grantlar va texnik ko‘mak mablag‘lari;

qonun hujjatlarida taqiqlanmagan boshqa manbalar.

O‘zbekiston Respublikasi Suv xo‘jaligi vazirligi huzuridagi suv xo‘jaligini rivojlantirish jamg‘armasi to‘g‘risidagi Nizom O‘zbekiston Respublikasi Vazirlar Mahkamasi tomonidan tasdiqlanadi.

66. Vazirlik markaziy apparati, Suv xo‘jaligi sohasidagi loyihalarni amalga oshirish agentligi, Markaziy dispetcherlik, kommunikatsiya va kadastr xizmati, Axborot-tahlil va resurs markazi, Katta va alohida muhim suv xo‘jaligi obyektlarining texnik holatini hamda bexatar ishlashini nazorat qilish davlat inspeksiyasi faoliyati budjetdan ajratilgan mablag‘lar, vazirlik huzuridagi Suv xo‘jaligi vazirligini rivojlantirish jamg‘armasi mablag‘lari va qonun hujjatlarida taqiqlanmagan boshqa manbalar hisobiga, suv xo‘jaligining boshqa budjet tashkilotlari faoliyati esa — budjetdan ajratilgan mablag‘lar va qonunda taqiqlanmagan manbalar hisobiga moliyalashtiriladi.

Bunda ish haqi, ikki oylik mehnatga haq to‘lash fondi miqdoridagi mukofotlar va bir oylik mehnatga haq to‘lash fondi miqdoridagi moddiy yordam to‘lovlari, shuningdek, boshqa xarajatlar budjet mablag‘lari hisobidan moliyalashtiriladi.

67. Vazirlik xodimlarining lavozim ish haqiga xodimlarning uzoq yillik xizmatlari asosida har oylik ustama va moddiy rag‘batlantirish to‘lovlari O‘zbekiston Respublikasi Vazirlar Mahkamasi tomonidan tasdiqlangan O‘zbekiston Respublikasi Suv xo‘jaligi vazirligi va uning tarkibiga kiruvchi tashkilotlar xodimlarini moddiy rag‘batlantirish tartibi to‘g‘risidagi Nizomga muvofiq amalga oshiriladi.

68. Vazir Vazirlikning faoliyati to‘g‘risida O‘zbekiston Respublikasi Vazirlar Mahkamasiga, O‘zbekiston Respublikasi Prezidentiga va O‘zbekiston Respublikasi Oliy Majlisi palatalariga muntazam ravishda hisobot beradi.

69. O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari Vazirlikka yuklangan vazifalarning samarali bajarilishini ta’minlash maqsadida Vazirlik rahbariyati faoliyatining doimiy monitoringini olib boradi, Vazirlik faoliyatining natijadorligiga obyektiv baho beradi.

70. Vazirlik faoliyatining monitoringi va baholash natijalariga ko‘ra Vazirlikning alohida namuna ko‘rsatgan mansabdor shaxslari va xodimlariga nisbatan ularni rag‘batlantirish yoki jiddiy kamchiliklarga yo‘l qo‘yganligi uchun javobgarlikka tortish, egallab turgan lavozimidan bo‘shatish kabi choralar ko‘riladi.

71. Vazirlikni qayta tashkil etish va tugatish qonunchilikda belgilangan tartibda amalga oshiriladi.

1. Ushbu Nizom O‘zbekiston Respublikasi Suv xo‘jaligi vazirligi huzuridagi Suv xo‘jaligini rivojlantirish jamg‘armasi (keyingi o‘rinlarda Jamg‘arma deb ataladi) mablag‘larini shakllantirish va ulardan foydalanish tartibini belgilaydi.

2. Jamg‘arma yuridik shaxs hisoblanmaydi va quyidagi maqsadlarda tashkil etilgan:

O‘zbekiston Respublikasi Suv xo‘jaligi vazirligi (keyingi o‘rinlarda Vazirlik deb ataladi) va uning suv xo‘jaligi budjet tashkilotlari moddiy-texnika bazasini rivojlantirish;

suv xo‘jaligida innovatsion texnologiyalarni joriy qilish;

suv xo‘jaligi budjet tashkilotlarining xarajatlar smetalarida ko‘zda tutilmagan xarajatlarini moliyalashtirish;

O‘zbekiston Respublikasi Suv xo‘jaligi vazirligi markaziy apparati, Suv xo‘jaligi sohasidagi loyihalarni amalga oshirish agentligi, Markaziy dispetcherlik, kommunikatsiya va kadastr xizmati, Axborot-tahlil va resurs markazi hamda Katta va alohida muhim suv xo‘jaligi obyektlarining texnik holatini hamda bexatar ishlashini nazorat qilish davlat inspeksiyasi markaziy apparati xodimlarini ijtimoiy himoya qilish va moddiy rag‘batlantirish.

3. Jamg‘arma mablag‘lari quyidagi manbalar hisobidan shakllantiriladi:

O‘zbekiston Respublikasi respublika budjeti mablag‘lari, shu jumladan O‘zbekiston Respublikasi Davlat budjeti parametrlaridagi yillik indeksatsiyani o‘z ichiga olgan holda O‘zbekiston Respublikasi respublika budjetining qo‘shimcha manbalari hisobidan 2019-yilda 15 136 200 ming.so‘m;

suvdan foydalanish va suvni iste’mol qilish qoidalarini buzganlik uchun ma’muriy jazo choralarini qo‘llashdan, shuningdek, suv olish tartibini buzganlik uchun jarimalardan tushgan tushumlarning 30 foizi;

Vazirlik tarkibiga kiruvchi o‘zini o‘zi moliyalashtiradigan tashkilotlar sof foydasining o‘z ixtiyorida qoldiriladigan qismidan tuzilgan shartnomalar asosidagi ajratmalari;

Vazirlik suv xo‘jaligi foydalanish tashkilotlarining ular tomonidan suv resurslarini issiqlik elektr energiyasi va sanoat mahsulotlarini ishlab chiqaruvchi tashkilotlarning ehtiyojlari uchun yetkazib berish bo‘yicha ko‘rsatilgan xizmatlardan kelib tushgan tushumlardan ajratmalar;

suv xo‘jaligi obyektlarini qurish va rekonstruksiya qilish bo‘yicha loyiha-qidiruv ishlari umumiy qiymatiga qo‘shimcha kiritilgan 10 foizigacha miqdordagi mablag‘larning 50 foizi;

vaqtincha bo‘sh turgan budjetdan tashqari mablag‘larni tijorat banklari depozitlariga joylashtirishdan olingan daromadlar;

jismoniy va yuridik shaxslarning xayriya mablag‘lari;

xalqaro grantlar va texnik ko‘mak mablag‘lari;

qonun hujjatlarida taqiqlanmagan boshqa manbalar.

4. Jamg‘armaga tushgan mablag‘lar O‘zbekiston Respublikasi Moliya vazirligi G‘aznachiligida ochilgan maxsus shaxsiy hisobvarag‘ida jamlanadi.

5. Jamg‘arma mablag‘lari quyidagi maqsadlarga ishlatiladi:

a) Vazirlik va uning suv xo‘jaligi budjet tashkilotlari moddiy-texnika bazasini rivojlantirish, shu jumladan:

texnika va texnologiyalarni, jihozlar, kompyuter dasturlari va aloqa vositalarini xarid qilish;

me’yor doirasida budjet mablag‘lari yetishmagan holatlarda avtotransport vositalariga texnik xizmat ko‘rsatish xarajatlarini qoplash, ehtiyot qismlar va yonilg‘i-moylash materiallarini sotib olish;

suv xo‘jaligi sohasida o‘quv-namoyish uchastkalarini yaratish va mutaxassislarning malakasini oshirish kurslarini tashkil qilish, oliy ta’lim muassasalari talabalari va professional ta’lim muassasalari o‘quvchilarining o‘quv-tanishish mashg‘ulotlarini o‘tkazish;

markaziy apparat binolari va inshootlarini ta’mirlash;

b) suv xo‘jaligida innovatsion texnologiyalarni joriy etish, shu jumladan:

normativ-huquqiy hujjatlar loyihalarini ishlab chiqish, shuningdek, innovatsion loyihalar va zamonaviy texnologiyalarni joriy etishni rag‘batlantirish;

suv resurslarini integrallashgan boshqarish rejalari va ulardan kompleks foydalanishning istiqbolli sxemalarini hamda suv xo‘jaligini rivojlantirish bo‘yicha maqsadli dasturlarni ishlab chiqish va amalga oshirish;

suv xo‘jaligi sohasida ilmiy-tadqiqot va loyihalash-tajriba ishlarini moliyalashtirish, ilmiy yutuqlar, innovatsion va ilg‘or texnologiyalarni joriy etish;

suv xo‘jaligi sohasidagi dolzarb muammolar bo‘yicha ilmiy-tadqiqot va tajriba-konstruktorlik ishlanmalarini moliyalashtirish maqsadida respublika ta’lim va ilmiy-tadqiqot muassasalariga grantlar ajratish;

konferensiyalar, simpoziumlar, seminarlar, treninglar va “davra suhbatlari”ni, shuningdek, suvni tejaydigan texnologiyalarni joriy etish va suv resurslaridan samarali foydalanishni targ‘ib qilish ishlarini tashkil etish va o‘tkazish;

broshyuralar, bukletlar, kitoblar, to‘plamlar va boshqa axborot-ma’rifiy materiallarni ishlab chiqish va nashr etish;

kadrlarni tayyorlash, qayta tayyorlash va ularning malakasini oshirish, shu jumladan xodimlarning xorijiy mamlakatlarda va ta’lim muassasalarida tajriba o‘rganishlarini tashkil etish;

suv xo‘jaligi sohasiga oid xalqaro ko‘rgazmalar, tadbirlar, loyihalar va dasturlarda ishtirok etish;

O‘zbekiston Respublikasiga tashrifi davrida xorijiy va xalqaro tashkilotlar rahbarlari va mutaxassislarini qabul qilish va kuzatish bilan bog‘liq tadbirlarning xarajatlarini qoplash;

v) Vazirlik markaziy apparati, Suv xo‘jaligi sohasidagi loyihalarni amalga oshirish agentligi, Markaziy dispetcherlik, kommunikatsiya va kadastr xizmati, Axborot-tahlil va resurs markazi hamda Katta va alohida muhim suv xo‘jaligi obyektlarining texnik holatini hamda bexatar ishlashini nazorat qilish davlat inspeksiyasi markaziy apparati xodimlarini moddiy rag‘batlantirish va ijtimoiy himoya qilish, shu jumladan xodimlarni ichki turizmga yuborish bilan bog‘liq xarajatlarni qoplash;

g) suv xo‘jaligi sohasida kadrlarni tayyorlash bo‘yicha professional ta’lim muassasalarida amaliy mashg‘ulotlarni o‘tkazish uchun ularni zamonaviy meliorativ texnika va uskunalar hamda ishlab chiqarish bazasi bilan ta’minlash;

d) Vazirlik markaziy apparatining faoliyati uchun joriy xarajatlar shu jumladan, bayram (Yangi yil, Navro‘z, Xotira va qadrlash kuni, Mustaqillik kuni, kasb bayrami) tadbirlarini amalga oshirish bilan bog‘liq xarajatlarni qoplashga;

e) qonunchilikda belgilangan tartibda ko‘zda tutilgan vazifalarni bajarish bilan bog‘liq bo‘lgan boshqa maqsadlarni bajarish.

6. Qonun hujjatlarida taqiqlanmagan holatlarda boshqa maqsadlarga Jamg‘arma mablag‘larini sarflash faqat O‘zbekiston Respublikasi Vazirlar Mahkamasining qarori asosida amalga oshirilishi mumkin.

7. Jamg‘arma mablag‘lari har yili O‘zbekiston Respublikasi Suv xo‘jaligi vaziri tomonidan tasdiqlangan daromadlar va xarajatlar smetasi asosida sarflanadi. Daromadlar va xarajatlar smetasi O‘zbekiston Respublikasi Moliya vazirligida ro‘yxatdan o‘tkaziladi.

8. Jamg‘armaning daromadlar va xarajatlar smetasi kelgusi yilda kelib tushishi kutilayotgan mablag‘lar doirasida va bajarilishi lozim bo‘lgan tadbirlardan kelib chiqib tuziladi.

9. Jamg‘arma mablag‘laridan oqilona va maqsadli foydalanish yuzasidan nazorat qonun hujjatlarida belgilangan tartibda olib boriladi.

10. Buxgalteriya hisobotlarining to‘g‘ri yuritilishi, hisobotlarni tuzish va Jamg‘armaga mablag‘larining kelib tushishi va uning ishlatilishi haqidagi har choraklik hisoboti uchun, O‘zbekiston Respublikasi Moliya vazirligiga taqdim qilish yuzasidan O‘zbekiston Respublikasi Suv xo‘jaligi vazirining vakolatli o‘rinbosari va Vazirlikning bosh hisobchisi javob berishadi.

11. Ushbu Nizom talablari buzilishida aybdor bo‘lgan shaxslar qonun hujjatlarida belgilangan tartibda javob beradilar.

1. Ushbu Nizom O‘zbekiston Respublikasi Suv xo‘jaligi vazirligi va uning tarkibiga kiruvchi tashkilotlar xodimlarini moddiy rag‘batlantirish tartibini belgilaydi.

2. Xodimlarni mukofotlash va ularga moddiy yordam ko‘rsatish quyidagi mablag‘lar hisobidan amalga oshiriladi:

a) budjet mablag‘lari hisobidan:

yiliga ikki oylik mehnatga haq to‘lash fondi miqdoridagi mukofotlar;

yiliga bir oylik mehnatga haq to‘lash fondi miqdorida moddiy yordam to‘lovlari;

davlat xizmatchilarining mehnatini rag‘batlantirish uchun qonunchilikda belgilangan miqdorda lavozim maoshiga ustamalar;

xodimlarning bazaviy tarif stavkalariga 2019-yil 1-noyabrdan 1,1 va 2020-yil 1-yanvardan 1,2 miqdordagi tuzatish koeffitsiyentini qo‘llash hisobiga ustamalar;

Moddiy rag‘batlantirish maxsus fondi mablag‘lari hisobidan mehnatga haq to‘lash fondi mablag‘larining 15 foizi miqdorida xodimlarning mehnatini moddiy taqdirlash va rag‘batlantirish;

b) O‘zbekiston Respublikasi Suv xo‘jaligi vazirligi huzuridagi Suv xo‘jaligini rivojlantirish jamg‘armasi (keyingi o‘rinlarda Jamg‘arma deb ataladi) mablag‘lari va qonun hujjatlarida taqiqlanmagan boshqa manbalar hisobidan:

xodimning ko‘p yillik xizmatlari va umumiy ish staji davomiyligi uchun har oylik lavozim maoshiga ustamalar;

bayram kunlari uchun mukofotlar;

xodimlarga xizmat majburiyatlarini tashabbuskorona va vijdonan bajarganligi uchun lavozim maoshlariga ustamalar;