Mansabdor shaxslarning xorijiy mamlakatlarga chiqish tartibini takomillashtirish, xizmat safarlarining samaradorligini oshirish, O‘zbekiston Respublikasi milliy xavfsizligi va davlat sirlari himoyasini ta’minlash maqsadida:

1. Quyidagilar tasdiqlansin:

Xorijiy mamlakatlarga xizmat safariga chiqishi O‘zbekiston Respublikasi Prezidenti bilan maxsus kelishuvni talab qiladigan mansabdor shaxslar ro‘yxati 1-ilovaga muvofiq;

Xorijiy mamlakatlarga xizmat safariga chiqishi O‘zbekiston Respublikasi Vazirlar Mahkamasi bilan maxsus kelishuvni talab qiladigan mansabdor shaxslar ro‘yxati 2-ilovaga muvofiq;

Xorijiy mamlakatlarga xizmat safariga chiqishi O‘zbekiston Respublikasi Prezidenti Administratsiyasining tegishli tarkibiy bo‘linmalari bilan maxsus kelishuvni talab qiladigan mansabdor shaxslar ro‘yxati 3-ilovaga muvofiq.

2. O‘zbekiston Respublikasining “Davlat sirlari to‘g‘risida”gi Qonunida davlat sirlarini tashkil etuvchi ma’lumotlar bilan ishlayotgan yoki ishlagan O‘zbekiston Respublikasi fuqarolarining huquqlari ularning yozma ravishda bergan roziliklari bilan cheklanishi mumkinligi belgilangani ma’lumot uchun qabul qilinsin.

Belgilansinki, davlat sirlarini tashkil etuvchi ma’lumotlardan xabardor mansabdor shaxslar xorijiy mamlakatlarga chiqishi belgilangan tartibda maxsus kelishuvga asosan amalga oshiriladi.

3. O‘zbekiston Respublikasi Oliy Majlisi Senati va Qonunchilik palatasiga O‘zbekiston Respublikasi Oliy Majlisi Senati a’zolari, Qonunchilik palatasi deputatlari, ularning devonlari mas’ul xodimlarining xorijiy mamlakatlarga xizmat safarlariga tegishincha O‘zbekiston Respublikasi Oliy Majlisi Senati va Qonunchilik palatasi kengashlari qarorlariga asosan chiqishi tartibini ishlab chiqish va tasdiqlash tavsiya qilinsin.

4. O‘zbekiston Respublikasi Vazirlar Mahkamasi ikki oy muddatda Mansabdor shaxslarning xorijiy mamlakatlarga xizmat safarlarini tashkil etish qoidalarini tasdiqlasin, unda reja-topshiriq va xizmat safari natijalari bo‘yicha hisobot tuzish tartibi, xizmat safariga yuborilayotgan mansabdor shaxslarning huquqlari va majburiyatlari, shu jumladan, xizmat safarining maqsadi va vazifalarini samarali amalga oshirish, O‘zbekiston Respublikasi milliy manfaatlarini himoya qilish, rasmiy va norasmiy marosimlarni o‘tkazish paytida bo‘lib turgan mamlakat qonunchiligiga va umume’tirof etilgan yurish-turish qoidalari (etiket)ga rioya etish, shuningdek davlat sirlaridan xabardor shaxslarning chet elga chiqishi munosabati bilan maxfiylik rejimini ta’minlash nazarda tutilsin.

5. Davlat hokimiyati va xo‘jalik organlari rahbarlari zimmasiga xizmat safarlarining asoslantirilganligi, samarali tashkil etilishi va natijadorligi, xizmat safari xarajatlari uchun ajratilgan mablag‘larning maqsadli va oqilona sarflanishi, ushbu Qaror talablarining bajarilishi uchun shaxsiy javobgarlik yuklansin.

6. O‘zbekiston Respublikasi Adliya vazirligi Oliy sud, Bosh prokuratura, Milliy xavfsizlik xizmati, Ichki ishlar vazirligi va Tashqi ishlar vazirligi bilan birgalikda bir oy muddatda Vazirlar Mahkamasiga qonunga xilof ravishda chet elga chiqqanlik uchun jinoiy va ma’muriy javobgarlikni takomillashtirish bo‘yicha takliflar kiritsin.

7. O‘zbekiston Respublikasi Adliya vazirligi manfaatdor vazirlik va idoralar bilan birgalikda bir oy muddatda:

qonun hujjatlariga ushbu Qarordan kelib chiqadigan o‘zgartish va qo‘shimchalar to‘g‘risida takliflar kiritsin;

idoraviy normativ-huquqiy hujjatlarni ushbu Qarorga muvofiqlashtirilishini ta’minlasin.

8. O‘zbekiston Respublikasi Vazirlar Mahkamasining 1995-yil 6-yanvardagi 8-son “O‘zbekiston Respublikasi fuqarolarining chet elga borishlari tartibini va O‘zbekiston Respublikasining diplomatik pasporti to‘g‘risidagi nizomni tasdiqlash haqida”gi qarorining 2-bandi to‘rtinchi va beshinchi xatboshilari, shuningdek qarorga 4-ilova o‘z kuchini yo‘qotgan deb topilsin.

9. Mazkur qarorning bajarilishini nazorat qilish O‘zbekiston Respublikasining Bosh vaziri Sh. Mirziyoyev va O‘zbekiston Respublikasi Prezidentining Davlat maslahatchisi I. Abdullayev zimmasiga yuklansin.

1. O‘zbekiston Respublikasining Bosh vaziri, O‘zbekiston Respublikasi Bosh vazirining o‘rinbosarlari;

2. O‘zbekiston Respublikasi Oliy Majlisi Senati Raisi, uning o‘rinbosarlari;

3. O‘zbekiston Respublikasi Oliy Majlisining Qonunchilik palatasi Spikeri, uning o‘rinbosarlari;

4. O‘zbekiston Respublikasi Prezidenti yordamchilari, O‘zbekiston Respublikasi Prezidentining maslahatchilari, O‘zbekiston Respublikasi Prezidenti huzuridagi Xavfsizlik kengashi kotibi, O‘zbekiston Respublikasi Prezidenti Administratsiyasi Moliya-xo‘jalik departamenti rahbari, O‘zbekiston Respublikasi Prezidenti Administratsiyasining boshqa mustaqil tarkibiy bo‘linmalari rahbarlari, shuningdek ularning o‘rinbosarlari.

6. O‘zbekiston Respublikasi Prezidenti huzuridagi Davlat boshqaruvi akademiyasining rektori;

7. O‘zbekiston Respublikasi Prezidenti huzuridagi Strategik va mintaqalararo tadqiqotlar institutining direktori;

9. O‘zbekiston Respublikasi Sudyalar oliy kengashi raisi va uning o‘rinbosari;

10. O‘zbekiston Respublikasi Oliy Majlisining Inson huquqlari bo‘yicha vakili (Ombudsman) va Bola huquqlari bo‘yicha vakili (Bolalar ombudsmani);

10¹. O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakili;

11. O‘zbekiston Respublikasi Markaziy saylov komissiyasining raisi;

12. O‘zbekiston Respublikasi Markaziy banki boshqaruvi raisi, uning o‘rinbosarlari;

13. O‘zbekiston Respublikasi Konstitutsiyaviy sudi, Oliy sudi raislari, shuningdek ularning o‘rinbosarlari;

14. Vazirlar va davlat qo‘mitalarining rahbarlari, shuningdek ularning o‘rinbosarlari;

14¹. O‘zbekiston Respublikasi Milliy gvardiyasi qo‘mondoni va uning o‘rinbosarlari.

14². O‘zbekiston Respublikasi Elektron texnologiyalarini rivojlantirish markazi boshlig‘i va uning o‘rinbosarlari.

15. O‘zbekiston Respublikasi Davlat xavfsizlik xizmatining raisi va uning o‘rinbosarlari;

16. O‘zbekiston Respublikasi Bosh prokurori, uning o‘rinbosarlari, O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti boshlig‘i;

17. O‘zbekiston Respublikasi Bosh vaziri kotibiyati rahbari;

18. O‘zbekiston Respublikasi Hisob palatasining raisi va uning o‘rinbosarlari;

19. O‘zbekiston Respublikasi Fanlar akademiyasi Prezidenti;

20. O‘zbekiston Respublikasi Inson huquqlari bo‘yicha milliy markazi direktori;

23. O‘zbekiston Respublikasi Tiklanish va taraqqiyot jamg‘armasi Ijrochi direktori;

24. Qoraqalpog‘iston Respublikasi Jo‘qorg‘i Kenesi Raisi, Qoraqalpog‘iston Respublikasi Vazirlar Kengashi Raisi;

25. Viloyatlar va Toshkent shahri hokimlari

1. O‘zbekiston Respublikasi Bosh vaziri kotibiyatining tarkibiy bo‘linmalari, Bosh vazir o‘rinbosarlari kotibiyatlarining rahbarlari, O‘zbekiston Respublikasi Vazirlar Mahkamasining O‘zbekiston Respublikasi Oliy Majlisidagi vakolatli vakili;

2. O‘zbekiston Respublikasi Bosh vaziri kotibiyatining tarkibiy bo‘linmalari, Bosh vazir o‘rinbosarlari kotibiyatlarining mas’ul xodimlari;

3. Respublika davlat boshqaruvi organlarining rahbarlari va ularning o‘rinbosarlari (vazirliklar va davlat qo‘mitalari bundan mustasno);

4. Xo‘jalik boshqaruvi organlarining rahbarlari va ularning o‘rinbosarlari;

5. O‘zbekiston Respublikasi Vazirlar Mahkamasi huzurida tashkil etilgan tashkilotlar va muassasalar rahbarlari;

6. O‘zbekiston Milliy axborot agentligi bosh direktori;

7. O‘zbekiston Milliy teleradiokompaniyasi raisi, uning o‘rinbosarlari;

8. O‘zbekiston Respublikasi Savdo-sanoat palatasi Ijroiya qo‘mitasining raisi;

9. Davlat oliy ta’lim muassasalarining rahbarlari (rektorlari) (DXX, Milliy gvardiya, Ichki ishlar, Mudofaa, Adliya vazirliklarining ta’lim muassasalari bundan mustasno);

10. “Sharq” NMAK, “Navoiy kon-metallurgiya kombinati” Davlat korxonasi, “Olmaliq kon-metallurgiya kombinati” OAJ, “O‘zbekiston metallurgiya kombinati” OAJ bosh direktorlari;

11. O‘zbekiston Badiiy akademiyasining raisi;

12. Qoraqalpog‘iston Respublikasi Vazirlar Kengashi Raisining o‘rinbosarlari;

13. Ustav fondida davlat ulushi mavjud bo‘lgan tijorat banklari boshqaruvi raislari;

14. Viloyatlar va Toshkent shahar hokimlarining o‘rinbosarlari;

15. Tumanlar va shaharlar hokimlari (Toshkent shahri bundan mustasno).

Huquqni muhofaza qiluvchi va nazorat organlari faoliyatini muvofiqlashtirish masalalari bo‘yicha maslahatchi bo‘linmalari

1. O‘zbekiston Respublikasi Sudyalar oliy kengashi sudyalari;

2. O‘zbekiston Respublikasi Konstitutsiyaviy sudi va Oliy sudi sudyalari;

3. O‘zbekiston Respublikasi Huquqni muhofaza qilish akademiyasi, Adliya vazirligi huzuridagi Yuridik kadrlarni qayta tayyorlash va malakasini oshirish instituti, Toshkent davlat yuridik universiteti, X. Sulaymonova nomidagi Respublika sud ekspertizasi markazi, O‘zbekiston Respublikasi Jamoat xavfsizligi universiteti, Ichki ishlar vazirligi Akademiyasi rahbarlari.

1. Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasi ijrochi direktori.

1.O‘zbekiston Respublikasi Prezidenti huzuridagi O‘zbekiston Respublikasining Birinchi Prezidenti Islom Karimov nomidagi ilmiy-ma’rifiy yodgorlik majmuasining rahbari;

1. O‘zbekiston Respublikasi Prezidenti huzuridagi Strategik va mintaqalararo tadqiqotlar instituti direktori o‘rinbosarlari;

1¹. O‘zbekiston Respublikasi Hisob palatasining boshqaruv, texnik va yordamchi xodimlari — O‘zbekiston Respublikasi Tashqi ishlar vazirligi bilan kelishuvdan so‘ng;

2. Tashqi ishlar va Ichki ishlar vazirliklari, DXX, DXX chegara qo‘shinlari, Elektron texnologiyalarini rivojlantirish markazi, Adliya, Mudofaa, Favqulodda vaziyatlar vazirliklari, Milliy gvardiya, Oliy sud, Bosh prokuratura, Davlat bojxona qo‘mitasining, shu jumladan ularning hududiy va tarkibiy bo‘linmalarining mas’ul xodimlari — xalqaro va mintaqaviy tashkilotlarning (BMT, SHHT, MDH va boshqalar) rasmiy tadbirlarida qatnashish uchun;

3. Mudofaa vazirligining oliy ta’lim muassasalari rahbarlari, shuningdek ularning o‘rinbosarlari.