Oʻzbekiston Respublikasi Prezidentining
Qarori
BYUROKRATIK TOʻSIQLARNI BARTARAF ETISH VA TADBIRKORLIK FAOLIYATI ERKINLIGINI YANADA OSHIRISH CHORA-TADBIRLARI TOʻGʻRISIDA
Oʻzbekiston Respublikasi Prezidentining “Kichik biznes va xususiy tadbirkorlikni yanada rivojlantirish uchun eng qulay ishbilarmonlik muhitini shakllantirishga doir qoʻshimcha chora-tadbirlar toʻgʻrisida” 2011-yil 24-avgustdagi PF-4354-sonli Farmoniga muvofiq hamda xususiy mulkchilikni rivojlantirish yoʻlida ortiqcha byurokratik toʻsiqlarni bartaraf etish hamda tadbirkorlik faoliyati koʻlamlarini kengaytirish, mamlakatning eksport salohiyatini oshirish va mahsulotlarni eksportga yetkazib berishni koʻpaytirishda kichik biznes subyektlarining faol ishtirok etishlari uchun qulay shart-sharoitlarni yaratish maqsadida:
1. Hukumat qarorlari bilan belgilangan tadbirkorlik faoliyati sohasida ruxsat berishga doir 1-ilovaga muvofiq hujjatlarning amal qilishi 2011-yilning 1-sentabridan boshlab bekor qilinsin.
Davlat boshqaruvi organlari va mahalliy davlat hokimiyati organlari tomonidan qonun hujjatlarida nazarda tutilmagan ruxsatnomalar va ruxsat berish tartibotlarining yangi turlarini joriy etish taqiqlansin.
Oʻzbekiston Respublikasi Vazirlar Mahkamasi Adliya vazirligi ishtirokida bir oy muddatda idoraviy normativ-huquqiy hujjatlarni puxta xatlovdan oʻtkazsin hamda bozor islohotlarini yanada chuqurlashtirish va iqtisodiyotni liberallashtirishga doir zamonaviy shart-sharoit va talablarga javob bermaydigan, tadbirkorlik faoliyati erkinligini cheklaydigan ruxsat berish tartibotlarini bekor qilish toʻgʻrisida qaror qabul qilsin.
2. 2011-yil 1-oktabridan boshlab shunday tartib oʻrnatilsinki, unga muvofiq:
kichik sanoat ishlab chiqarishlarni joylashtirish uchun yer uchastkalarini ajratishga doir murojaatlarning vakolatli organlar tomonidan koʻrib chiqish va kelishish muddati bir oydan oshmasligi shart;
Oldingi tahrirga qarang.
mahalliy davlat hokimiyati organlari Oʻzbekiston Respublikasi Davlat raqobat qoʻmitasi bilan birgalikda kichik biznes va xususiy tadbirkorlik subyektlarining davlat mulki boʻlgan, vaqtincha boʻshab yotgan va ishlatilmaydigan xonalarni ularda ishlab chiqarish obyektlarini joylashtirish uchun ijaraga berish boʻyicha murojaatlarini 7 kun mobaynida koʻrib chiqilishini taʼminlashga majburdirlar;
(2-bandning uchinchi xatboshisi Oʻzbekiston Respublikasi Prezidentining 2013-yil 28-avgustdagi PF-4561-sonli Farmoni tahririda — OʻR QHT, 2013-y., 36-son, 477-modda)
kichik biznes va xususiy tadbirkorlik subyektlariga qonun hujjatlarida nazarda tutilgan, shu jumladan ishlab chiqarish obyektlarini qurish va rekonstruksiya qilish uchun zarur boʻlgan ruxsat etuvchi hujjatlarni berish “bir darcha” tamoyili boʻyicha amalga oshiriladi, bunda vakolatli davlat organlariga ularni zarur hollarda kelishishni taʼminlash vazifasi yuklatiladi;
ruxsat etuvchi hujjatlarni berish muddati tadbirkorlik subyektlari ariza bergan vaqtdan boshlab, 30 ish kunidan oshmagan holda chegaralanadi, Oʻzbekiston Respublikasi Vazirlar Mahkamasi tomonidan belgilanadigan alohida xususiyatli faoliyat turlari bundan mustasno.
3. Oʻzbekiston Respublikasi Davlat arxitektura va qurilish qoʻmitasi Iqtisodiyot vazirligi, Davlat tabiatni muhofaza qilish qoʻmitasi, Oʻzbekiston Respublikasi Savdo-sanoat palatasi, boshqa manfaatdor vazirliklar va idoralar bilan birgalikda tadbirkorlik subyektlari uchun ishlab chiqarish obyektlarini qurish va rekonstruksiya qilishga doir hujjatlarni rasmiylashtirish bilan bogʻliq boʻlgan tartibotlarni tubdan soddalashtirish va arzonlashtirish boʻyicha aniq takliflarni 2011-yil 1-oktabrigacha Vazirlar Mahkamasiga kiritsin.
Oldingi tahrirga qarang.
(4-band Oʻzbekiston Respublikasi Prezidentining 2016-yil 27-dekabrdagi PQ-2700-sonli qaroriga asosan oʻz kuchini yoʻqotgan — OʻR QHT, 2017-y., 1-son, 9-modda)
5. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Davlat bojxona qoʻmitasining 2011-yil 1-oktabrdan boshlab, tajriba tariqasida, eksportga yetkazib berish bilan bogʻliq boʻlgan tartibotlarni bojxona rasmiylashtiruvi, deklaratsiya qilish, sertifikatlashtirish, sanitariya-epidemiologiya nazorati va tovarlarni bojxona rasmiylashtiruvi jarayonida qatnashadigan boshqa tashkilotlar faoliyatini bir vaqtning oʻzida amalga oshirilishini taʼminlaydigan “bir darcha” tamoyili asosida bajarish mexanizmini bosqichma-bosqich joriy etish toʻgʻrisidagi takliflariga rozilik berilsin.
Oʻzbekiston Respublikasi Vazirlar Mahkamasi bir oy muddatda bojxona va sertifikatsiyalash jarayonlarini soddalashtirishni, ularning muddatlari va narxlarini qisqartirishni nazarda tutgan holda eksport operatsiyalarini “bir darcha” tamoyili boʻyicha amalga oshirish toʻgʻrisidagi vaqtincha nizomni tasdiqlasin.
6. Tovarlarni eksport qilishda toʻlanadigan bojxona rasmiylashtiruvi yigʻinlarining amaldagiga qaraganda oʻrtacha 2 marotabaga kamaytirishni nazarda tutuvchi yangi stavkalari 2-ilovaga muvofiq tasdiqlansin.
Oldingi tahrirga qarang.
(7-band Oʻzbekiston Respublikasi Prezidentining 2017-yil 26-maydagi PQ-3009-sonli qaroriga asosan oʻz kuchini yoʻqotgan — OʻR QHT, 2017-y., 22-son, 422-modda)
Oldingi tahrirga qarang.
(8-band Oʻzbekiston Respublikasi Prezidentining 2017-yil 26-maydagi PQ-3009-sonli qaroriga asosan oʻz kuchini yoʻqotgan — OʻR QHT, 2017-y., 22-son, 422-modda)
9. Oʻzbekiston Respublikasi Hukumatining ayrim qarorlariga 3-ilovaga muvofiq oʻzgartirishlar kiritilsin.
Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2011-yil 25-avgust,
PQ-1604-son
Oʻzbekiston Respublikasi Prezidentining 2011-yil 25-avgustdagi PQ-1604-son qaroriga
1-ILOVA
1-ILOVA
2011-yil 1-sentabrdan bekor qilinayotgan ruxsat berish tartibotlari
ROʻYXATI
|
T/r |
Bekor qilinayotgan ruxsat berish tartibotlari |
Ruxsat berish tartiboti belgilangan normativ-huquqiy hujjat |
| 1. | Kapital qurilish sohasida yer uchastkasi tanlash toʻgʻrisidagi arizani ijroga yuborish haqidagi qaror | Vazirlar Mahkamasining 1992-yil 27-maydagi 248-son qarori |
| 2. | Yangi avtomobil yonilgʻisi quyish shoxobchalari qurishga ruxsat olish va qurilishni kelishish | Vazirlar Mahkamasining 1998-yil 18-sentabrdagi 397-son qarori |
| 3. | Radioelektron vositalar va yuqori chastotali qurilmalarni oʻrnatish uchun qurilish yoki maydonchalarga yer uchastkalari tanlashni kelishish | Vazirlar Mahkamasining 1998-yil 10-iyuldagi 293-son qarori |
| 4. | Boʻlajak qurilish uchastkalari ostida foydali qazilmalar yoʻqligi toʻgʻrisida xulosa | Vazirlar Mahkamasining 2007-yil 5-fevraldagi 26-son qarori |
|
Yer ostidan foydalanish sohasida | ||
| 5. | Konlarni ishga tushirish tizimini kelishish | Oʻzbekiston Respublikasi Prezidentining 2007-yil 7-iyundagi PQ-649-son qarori |
| 6. | Foydali qazilmalarni qazib olish bilan bogʻliq boʻlmagan yer osti inshootlari qurish va ulardan foydalanish uchun yer qaʼri uchastkalaridan foydalanish mumkinligi toʻgʻrisida xulosa | Vazirlar Mahkamasining 2007-yil 5-fevraldagi 26-son qarori |
| 7. | Ishlab chiqarish quvvatlarining ishdan chiqish munosabati bilan foydali qazilmalarni qazib oluvchi korxonalar (ularning bir qismi) hamda foydali qazilmalarni qazib olish bilan bogʻliq boʻlmagan yer osti inshootlarini tugatishni kelishish | Vazirlar Mahkamasining 1997-yil 13-yanvardagi 20-son qarori |
| 8. | Foydali qazilmalar qazib oluvchi korxonalar va foydali qazilmalarni qazib olish bilan bogʻliq boʻlmagan yer osti inshootlarini tugatish yoki konservatsiya qilishga ruxsat olish | Vazirlar Mahkamasining 1997-yil 13-yanvardagi 20-son qarori |
| 9. | Foydali qazilmalar joylashgan maydonlardagi qurilishlar munosabati bilan sanoat inshootlari, uy-joylar va jamoat binolari, tarixiy va madaniy yodgorliklar, suv havzalari hamda boshqa tabiiy obyektlar uchun tabiatni muhofaza qilish maqsadida sanoat ahamiyatini yoʻqotgan kon zaxiralarini qoldirish toʻgʻrisidagi xulosani kelishish | Vazirlar Mahkamasining 2007-yil 9-noyabrdagi 232-son qarori |
|
Tabiatdan foydalanish sohasida | ||
| 10. | Binolar va inshootlarga tutashgan (ajratilgan) yer uchastkalarida daraxtlarni kesishga ruxsat olish | Vazirlar Mahkamasining 2009-yil 9-martdagi 59-son qarori |
|
Ishlab chiqarish sohasida | ||
| 11. | Xalq isteʼmol qiladigan oziq-ovqat mahsulotlari ishlab chiqarishda foydalaniladigan rangli metallar parchalari va chiqindilari sanitariya meʼyorlariga va standartlar talablariga muvofiqligi toʻgʻrisidagi xulosalar | Oʻzbekiston Respublikasi Prezidentining 2000-yil 4-martdagi PF-2559-son Farmoni |
|
Tashqi iqtisodiy faoliyat sohasida | ||
| 12. | Import va eksport kontraktini hisobga qoʻyish toʻgʻrisidagi guvohnomalar | Vazirlar Mahkamasining 2003-yil 30-sentabrdagi 416-son qarori |
| 13. | Subyektning import operatsiyalarini hisobga olish kartochkasi | Vazirlar Mahkamasining 2004-yil 12-avgustdagi 387-son qarori Vazirlar Mahkamasining 2004-yil 2-sentabrdagi 413-son qarori |
| 14. | Xorijda ishlab chiqarilgan oziq-ovqat spirti olib kirishga ruxsatnoma | Vazirlar Mahkamasining 1998-yil 2-iyuldagi 275-son qarori |
| 15. | Ilmiy-tadqiqot ishlari, nou-xau, ixtirolar natijalarini eksport qilishga ruxsatnoma | Vazirlar Mahkamasining 1998-yil 31-martdagi 137-son qarori |
| 16. | Yuqori likvidli hisoblanmagan tovarlarni eksport qilishga barter kontraktlari tuzishga ruxsat olish toʻgʻrisidagi qaror | Vazirlar Mahkamasining 1996-yil 13-avgustdagi 280-son qarori |
|
Avtomobil, temir yoʻl, daryo va havo transporti | ||
| 17. | Tashqi reklamani joylashtirish joyini kelishish | Vazirlar Mahkamasining 2000-yil 11-dekabrdagi 472-son qarori |
| 18. | Yuklar tashishning kengaytirilgan rejasi | Vazirlar Mahkamasining 2008-yil 23-oktabrdagi 232-son qarori |
| 19. | Yuklarni tashish hajmi | Vazirlar Mahkamasining 2008-yil 23-oktabrdagi 232-son qarori |
| 20. | Asosiy oylik yuk ortish rejasini bajarish tartibini kelishish | Vazirlar Mahkamasining 2008-yil 23-oktabrdagi 232-son qarori |
| 21. | Yuklarni asosiy oylik yuk ortish rejasi yoki rejadan tashqari yuklashga ruxsatnoma | Vazirlar Mahkamasining 2008-yil 23-oktabrdagi 232-son qarori |
| 22. | Yuklarni stansiya ichida (bitta tarif punkti doirasida) tashishga ruxsatnoma | Vazirlar Mahkamasining 2008-yil 23-oktabrdagi 232-son qarori |
| 23. | Temir yoʻl stansiyasi rejasida nazarda tutilgan yuk joʻnatishni temir yoʻl doirasida oʻzgartirishga ruxsatnoma | Vazirlar Mahkamasining 2008-yil 23-oktabrdagi 232-son qarori |
| 24. | Reja nomenklaturasida nazarda tutilgan yuklarning ayrim guruhlari doirasida bir turdagi yukni boshqa turdagi yuk bilan almashtirishga ruxsatnoma | Vazirlar Mahkamasining 2008-yil 23-oktabrdagi 232-son qarori |
| 25. | Ichki yoʻllarda tashish boʻyicha asosiy oylik rejada nazarda tutilgan qabul qilish temir yoʻl stansiyasini oʻzgartirishga ruxsatnoma | Vazirlar Mahkamasining 2008-yil 23-oktabrdagi 232-son qarori |
| 26. | Yuk joʻnatuvchi tomonidan temir yoʻllarda yuk tashish toʻlovlarini qabul qilish temir yoʻl stansiyasida toʻlashga ruxsatnoma | Vazirlar Mahkamasining 2008-yil 23-oktabrdagi 232-son qarori |
| 27.? | Temir yoʻllarning shoxobcha yoʻllariga xizmat koʻrsatishga ruxsatnoma | Vazirlar Mahkamasining 2008-yil 23-oktabrdagi 232-son qarori |
| 28. | Ichki tashishlar yoki ularda yuklarni saqlash uchun Oʻzbekiston Respublikasi temir yoʻllari hamda boshqa davlatlar temir yoʻllarining umumiy tarmoq inventar parki vagonlaridan foydalanishga, shuningdek ushbu vagonlarga yuk ortishga ruxsatnoma | Vazirlar Mahkamasining 2008-yil 23-oktabrdagi 232-son qarori |
| 29. | Lokomotivning tutashgan temir yoʻl stansiyasiga chiqishiga ruxsatnoma | Vazirlar Mahkamasining 2008-yil 23-oktabrdagi 232-son qarori |
| 30. | Yoʻnalishli taksilar harakati jadvalini tasdiqlash toʻgʻrisidagi qarorni kelishish | Vazirlar Mahkamasining 2003-yil 4-noyabrdagi 482-son qarori |
| 31. | Yoʻnalishli taksilar harakati jadvalini tasdiqlash toʻgʻrisidagi qaror | Vazirlar Mahkamasining 2003-yil 4-noyabrdagi 482-son qarori |
| 32. | Avtomobil transportida yoʻlovchilar tashish yoʻnalishi sxemasini kelishish | Vazirlar Mahkamasining 2003-yil 4-noyabrdagi 482-son qarori |
| 33. | Yoʻnalishli avtobus harakati jadvalini tasdiqlash toʻgʻrisida qaror | Vazirlar Mahkamasining 2003-yil 4-noyabrdagi 482-son qarori |
| 34. | Avtomobil transportida yoʻlovchilarni tashish yoʻnalishining pasportini tasdiqlash toʻgʻrisidagi qaror | Vazirlar Mahkamasining 2003-yil 4-noyabrdagi 482-son qarori |
| 35. | Yoʻnalishli avtobus harakati jadvalini tasdiqlash toʻgʻrisidagi qarorni kelishish | Vazirlar Mahkamasining 2003-yil 4-noyabrdagi 482-son qarori |
|
Savdo va umumiy ovqatlanish sohasida | ||
| 36. | Oʻzaro majburiyatlar toʻgʻrisidagi amaldagi bitimlarda va faoliyat yuritish shartlarida muayyan tugamagan davrda korxona ixtisoslashuvini saqlab turish majburiyati mavjud boʻlgan taqdirda, xususiylashtirilgan savdo va xizmat koʻrsatish sohasi obyektlarining faoliyat yoʻnalishini oʻzgartirishni (ixtisoslashuvni oʻzgartirish) kelishish | Vazirlar Mahkamasining 2002-yil 21-noyabrdagi 402-son qarori |
| 37. | Yakka tartibdagi tadbirkorlarga turgʻun savdo shoxobchalari orqali yoki buyum bozorlarida chakana savdoni amalga oshirish huquqini beruvchi ruxsat guvohnomasi | Vazirlar Mahkamasining 2002-yil 26-noyabrdagi 407-son qarori |
| 38. | Oziq-ovqat (qishloq xoʻjaligi) mahsulotlari sifatini tasdiqlovchi xulosa | Vazirlar Mahkamasining 2003-yil 28-iyuldagi 330-son qarori |
| 39. | Sifatni tasdiqlash (barcha dehqon bozorlarida, shaharlar va qishloqlar doʻkonlarida sovutilgan, termik qayta ishlangan (pasterizatsiya qilingan) sutni sotish uchun) | Vazirlar Mahkamasining 1995-yil 28-noyabrdagi 379-son qarori |
| 40. | Ovqatlar retsepturasini kelishish | Vazirlar Mahkamasining 2003-yil 13-fevraldagi 75-son qarori |
|
Boshqa sohalarda | ||
| 41. | Poligrafiya korxonasi ochish va faoliyat yuritishga ruxsatnoma | Vazirlar Mahkamasining 1991-yil 25-oktabrdagi 270-son qarori |
| 42. | Tamgʻa-oʻymakorlik ustaxonalari ochish va faoliyat yuritishiga ruxsatnoma | Vazirlar Mahkamasining 1991-yil 25-oktabrdagi 270-son qarori |
| 43. | Poligrafiya asbob-uskunalari xarid qilishga ruxsatnoma | Vazirlar Mahkamasining 1991-yil 25-oktabrdagi 270-son qarori |
| 44. | Poligrafiya korxonasi ishlab chiqarish binosining sanitariya talablariga muvofiqligi toʻgʻrisida dalolatnoma | Vazirlar Mahkamasining 2002-yil 27-dekabrdagi 454-son qarori |
| 45. | Poligrafiya korxonasi ishlab chiqarish binosining yongʻin xavfsizligi talablariga muvofiqligi toʻgʻrisida dalolatnoma, texnik (qurilmalar) vositalar va yongʻindan muhofaza qilish signalizatsiyalari bilan taʼminlash | Vazirlar Mahkamasining 2002-yil 27-dekabrdagi 454-son qarori |
| 46. | Poligrafiya korxonasi ishlab chiqarish binosining ekologiya talablariga muvofiqligi toʻgʻrisida dalolatnoma | Vazirlar Mahkamasining 2002-yil 27-dekabrdagi 454-son qarori |
| 47. | Qazilayotgan konlar ustida joylashgan binolar va inshootlardan foydalanishga ruxsatnoma | Vazirlar Mahkamasining 1997-yil 13-yanvardagi 20-son qarori |
| 48. | Korxonalarda geodeziya punktlarining koordinatlari va balandliklari, texnik hisobotlar, topografiya xaritalari va rejalari toʻgʻrisidagi maʼlumotlar toʻplanishini kelishish | Vazirlar Mahkamasining 2005-yil 16-fevraldagi 66-son qarori |
| 49. | Geodeziya punktlari va jugʻrofiy obyektlar koordinatlarini, kosmik va aerofoto-suratlar, xaritalar, atlaslar, joylarning maketlari va boshqa kartografiya materiallarini ochiq eʼlon qilish yoki koʻrgazmalarda va televideniyeda namoyish qilish mumkinligi toʻgʻrisida xulosalar | Vazirlar Mahkamasining 2005-yil 16-fevraldagi 66-son qarori |
| 50. | Oʻzbekiston hududida qadimiy hujjatli yodgorliklarni yigʻishga ruxsatnoma | Vazirlar Mahkamasining 2004-yil 3-fevraldagi 49-son qarori |
Oʻzbekiston Respublikasi Prezidentining 2011-yil 25-avgustdagi PQ-1604-son qaroriga
2-ILOVA
2-ILOVA
Tovarlar va xizmatlarni eksport qilishda bojxona rasmiylashtiruvi uchun toʻlanadigan yigʻimlar
STAVKALARI
Oldingi tahrirga qarang.
|
Bojxona yigʻimi turi |
Yigʻimlar stavkalari | |
|
1. |
Bojxona rasmiylashtiruvi uchun: |
|
|
|
“eksport” bojxona rejimidagi tovarlar va transport vositalari |
Bojxona qiymatidan 0,1 foiz, biroq bazaviy hisoblash miqdorining 50 foizidan kam boʻlmagan miqdorda |
|
|
“bojxona hududida qayta ishlash” bojxona rejimidagi tovarlar |
Tovarlarni qayta ishlash xizmatlari qiymatidan 0,1 foiz, biroq bazaviy hisoblash miqdorining 50 foizidan kam boʻlmagan miqdorda |
|
2. |
“Eksport” bojxona rejimiga joylashtirilayotgan tovarning bojxona rasmiylashtiruvini xodim tomonidan buni rasmiylashtirish joyidan va (yoki) bojxona organlarining ishlamaydigan vaqtida boshqa joyda amalga oshirish, bir xodimning bir soat ishlashi hisobidan |
Bazaviy hisoblash miqdorining 5 foizi |
(2-ilova Oʻzbekiston Respublikasi Prezidentining 2019-yil 13-dekabrdagi PF-5894-sonli Farmoni tahririda — Qonun hujjatlari maʼlumotlari milliy bazasi, 14.12.2019-y., 06/19/5894/4161-son)
Oʻzbekiston Respublikasi Prezidentining 2011-yil 25-avgustdagi PQ-1604-son qaroriga
3-ILOVA
3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Birjadan tashqari valyuta bozorini yanada rivojlantirish va mustahkamlash chora-tadbirlari toʻgʻrisida” 2000-yil 29-iyundagi 245-son qarori 4-bandida (Oʻzbekiston Respublikasi QT, 2000-y., 6-son, 33-modda):
a) uchinchi xatboshi quyidagi tahrirda bayon qilinsin:
“belgilangan muddatlari oʻtgandan keyin xorijiy valyuta tushumi tushishini 30 bank kunidan koʻproq (kichik biznes va xususiy tadbirkorlik subyektlari uchun — 60 bank kuni) kechikishiga yoʻl qoʻygan yuridik shaxs-rezidentlar respublika budjeti foydasiga jarima toʻlaydilar:
valyuta tushumi tushishi belgilangan muddatdan 180 kungacha kechikkanda — tushmagan valyuta mablagʻlari summasiga nisbatan 10 foiz ekvivalentida;
valyuta tushumi tushishi belgilangan muddatdan 180 kundan 365 kungacha kechikkanda — tushmagan valyuta mablagʻlari summasiga nisbatan 20 foiz ekvivalentida;
valyuta tushumi tushishi belgilangan muddatdan 365 kundan ortiq muddatga kechikkanda — tushmagan valyuta mablagʻlari summasiga nisbatan qoʻshimcha ravishda 70 foiz ekvivalentida”;
b) toʻrtinchi va beshinchi xatboshilar tegishli ravishda yettinchi va sakkizinchi xatboshilar deb hisoblansin.
2. Vazirlar Mahkamasining 2005-yil 9-avgustdagi 189-son qarori (Oʻzbekiston Respublikasi QT, 2005-y., 8-son, 40-modda) bilan tasdiqlangan Oʻzbekiston Respublikasining xoʻjalik yurituvchi subyektlari tomonidan xorijiy mamlakatlardagi ular tashkil etgan savdo uylari, vakolatxonalar, korxonalar orqali, shuningdek Oʻzbekiston Respublikasi savdo-sanoat palatasining xorijiy mamlakatlardagi savdo-investitsiya uylari orqali olib chiqilayotgan tovarlarni bojxonada rasmiylashtirish tartibi toʻgʻrisidagi nizomda:
a) 5-bandning ikkinchi xatboshi quyidagi tahrirda bayon qilinsin:
“Chet eldan valyuta tushumi tushishini belgilangan muddatlari oʻtgandan keyin 30 bank kunidan koʻproq muddatga kechikishiga yoʻl qoʻygan eksportchiga (kichik biznes va xususiy tadbirkorlik subyektlari uchun — 60 bank kuni) nisbatan soliq organlari tomonidan quyidagi sanksiyalar qoʻllaniladi”:
valyuta tushumi tushishi belgilangan muddatdan 180 kungacha kechikkanda — tushmagan valyuta mablagʻlari summasiga nisbatan 10 foiz ekvivalentida;
valyuta tushumi tushishi belgilangan muddatdan 180 kundan 365 kungacha kechikkanda — tushmagan valyuta mablagʻlari summasiga nisbatan 20 foiz ekvivalentida;
valyuta tushumi tushishi belgilangan muddatdan 365 kundan ortiq muddatga kechikkanda — tushmagan valyuta mablagʻlari summasiga nisbatan qoʻshimcha ravishda 70 foiz ekvivalentida”;
b) uchinchi va toʻrtinchi xatboshilar tegishli ravishda oltinchi va yettinchi xatboshilar deb hisoblansin.
(Oʻzbekiston Respublikasi qonun hujjatlari toʻplami, 2011-y., 34-35-son, 345-modda; 2013-y., 36-son, 477-modda; 2016-y., 48-son, 547-modda; 2017-y., 1-son, 9-modda, 22-son, 422-modda; Qonun hujjatlari maʼlumotlari milliy bazasi, 14.12.2019-y., 06/19/5894/4161-son)
