Oʻzbekiston Respublikasi Prezidentining “Oʻzbekiston Respublikasi telekommunikatsiyalar sohasida tartibga solish tizimini takomillashtirish chora-tadbirlari toʻgʻrisida” 2025-yil 21-avgustdagi PF-142-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Oʻzbekiston Respublikasi telekommunikatsiyalar sohasida tartibga solish tizimini takomillashtirish chora-tadbirlari toʻgʻrisida” 2025-yil 21-avgustdagi PF-142-son Farmoni bilan:

Oʻzbekiston Respublikasi Telekommunikatsiyalarni tartibga solish agentligi (keyingi oʻrinlarda — Agentlik) tashkil etilgani;

Vazirlar Mahkamasiga Agentlik faoliyatini tashkil etish boʻyicha Hukumat qarorini qabul qilish topshirilgani maʼlumot uchun qabul qilinsin.

2. Quyidagilarni nazarda tutuvchi Oʻzbekiston Respublikasi Telekommunikatsiyalarni tartibga solish agentligi toʻgʻrisidagi nizom 1-ilovaga muvofiq tasdiqlansin:

Agentlik faoliyatini tashkil etish asoslari va tartibi;

Agentlikning asosiy vazifalari va funksiyalari;

Agentlik faoliyati samaradorligini baholash tartibi va mezonlari;

Agentlik faoliyatini moliyalashtirish va moddiy-texnik taʼminlash, uning xodimlari mehnatiga haq toʻlash va moddiy ragʻbatlantirish tartibi.

Belgilansinki, Agentlikning 31 ta shtat birligi Raqamli texnologiyalar vazirligi tizimidagi Axborotlashtirish va telekommunikatsiyalar sohasida nazorat inspeksiyasi hududiy boʻlinmalaridan 16 ta shtat birligini maqbullashtirish hamda Iqtisodiyot va moliya vazirligi huzuridagi Gʻaznachilik xizmati qoʻmitasida qisqartirilgan 15 ta shtat birligi hisobidan shakllantiriladi.

3. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda raqamli texnologiyalar vaziri Sh.X. Shermatov zimmasiga yuklansin.

1. Ushbu Nizom Oʻzbekiston Respublikasi Telekommunikatsiyalarni tartibga solish agentligining (keyingi oʻrinlarda — Agentlik) huquqiy maqomi, asosiy vazifa va funksiyalari, huquqlari, javobgarligi va faoliyatini tashkil etish tartibini, shuningdek, Agentlik rahbarlarining funksional vazifalari va masʼuliyatini belgilaydi.

2. Agentlik telekommunikatsiyalar sohasini tartibga soladigan, moliyaviy, tuzilmaviy jihatdan va qaror qabul qilishda mustaqil vakolatli respublika ijro etuvchi hokimiyat organi boʻlib, oʻz faoliyatida Vazirlar Mahkamasiga hisobdordir.

3. Agentlik faoliyatini muvofiqlashtirish hamda vazirlik va idoralar bilan hamkorligini tashkil etish Vazirlar Mahkamasining Sunʼiy intellekt va raqamli texnologiyalarni rivojlantirish masalalari departamenti tomonidan amalga oshiriladi.

4. Agentlik oʻz faoliyatida Oʻzbekiston Respublikasining Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining (keyingi oʻrinlarda — Vazirlar Mahkamasi) qarorlari va farmoyishlari, ushbu Nizom, shuningdek, boshqa qonunchilik hujjatlariga amal qiladi.

5. Agentlikning oʻz vakolatlari doirasida qabul qilgan qarorlari respublika va mahalliy ijro etuvchi hokimiyat organlari hamda boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy hisoblanadi.

6. Agentlik yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga, Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, shu jumladan, xorijiy valyutadagi shaxsiy gʻazna hisobvaraqlariga ega boʻladi.

7. Agentlikning rasmiy nomi:

a) davlat tilida:

toʻliq — Oʻzbekiston Respublikasi Telekommunikatsiyalarni tartibga solish agentligi, qisqartirilgan nomi — Telekommunikatsiyalarni tartibga solish agentligi;

b) rus tilida:

toʻliq nomi — Agentstvo po regulirovaniyu telekommunikatsiy Respubliki Uzbekistan, qisqartirilgan nomi — Agentstvo po regulirovaniyu telekommunikatsiy;

v) ingliz tilida:

toʻliq — Telecommunications Regulatory Agency of the Republic of Uzbekistan, qisqartirilgan nomi — Telecommunications Regulatory Agency;

8. Agentlikning joylashgan joyi (pochta manzili): Toshkent shahri Yashnobod tumani Maxtumquli koʻchasi 114a-uy.

9. Quyidagilar Agentlikning asosiy vazifalari hisoblanadi:

telekommunikatsiyalar sohasidagi faoliyat va munosabatlarni tartibga solish;

yuridik shaxslarning telekommunikatsiyalar sohasidagi faoliyatini litsenziyalash, ruxsat berish;

telekommunikatsiyalar tarmoqlarini va telekommunikatsiyalar inshootlarini qurish uchun loyiha-smeta hujjatlarini ekspertizadan oʻtkazuvchi yuridik shaxslarni akkreditatsiyadan oʻtkazish;

telekommunikatsiyalar xizmatlarining ayrim turlari, shuningdek, tarmoqlararo ulanishlar tariflarini tartibga solish;

telekommunikatsiyalar tarmoqlarini raqamlash tizimini ishlab chiqish va telekommunikatsiyalar tarmoqlarini raqamlash rejasi boshqaruvini amalga oshirish;

Internet jahon axborot tarmogʻi milliy segmentining manzil maydonidan foydalanish tartibini ishlab chiqish va tasdiqlash, domen nomlari tizimini belgilash;

telekommunikatsiyalar vositalarini majburiy raqamli markirovkalash;

universal xizmatlar roʻyxatini va ularning sifatiga doir talablarni belgilash;

operatorlar va provayderlarning faoliyat koʻrsatishi uchun teng hamda adolatli raqobat muhitini taʼminlashga koʻmaklashish;

telekommunikatsiyalar xizmatlari bozorini erkin raqobat asosida shakllantirish va rivojlantirishga koʻmaklashish;

foydalanuvchilarning huquqlari va qonuniy manfaatlarini himoya qilish, operatorlar, provayderlar va foydalanuvchilar oʻrtasidagi oʻzaro munosabatlar masalalarini koʻrib chiqishda ishtirok etish;

Oʻzbekiston telekommunikatsiyalar tarmoqlarining monitoring tizimi orqali operator va provayderlar tomonidan koʻrsatilayotgan telekommunikatsiyalar xizmatlari sifatini belgilangan talablarga muvofiqligini monitoring qilish;

tabiiy va texnogen xususiyatga ega favqulodda vaziyatlarda yoki favqulodda holatda telekommunikatsiyalar infratuzilmalaridan ustuvor foydalanish hamda ularning faoliyatini tiklash va rivojlantirishga doir ishlarni markazlashtirilgan tarzda boshqarish, shuningdek, ularning ishlashini belgilangan tartibda cheklash yoki toʻxtatib turish;

tarmoqqa ruxsatsiz ulanishda va trafikni oʻtkazishda himoya choralarining chetlab oʻtilishini tegishli organlar bilan birgalikda nazorat qilish.

10. Agentlik oʻziga yuklangan asosiy vazifalarga muvofiq quyidagi funksiyalarni amalga oshiradi:

a) telekommunikatsiyalar sohasidagi faoliyat va munosabatlarni tartibga solish boʻyicha:

telekommunikatsiyalar tarmoqlarining ishlash samaradorligini oshirish va xususiyatlarini yaxshilash boʻyicha tavsiyalar va ularni boshqarish usullarini ishlab chiqadi;

umumiy foydalanishdagi telekommunikatsiyalar tarmoqlarida rejalashtirilgan va rejadan tashqari taʼmirlash-tiklash ishlari bajarilishini muvofiqlashtiradi;

tarmoqlarda profilaktika ishlarini bajarish, qayta qurish yoki yangi aloqa kanallarini tashkil etish natijasida ayrim uchastkalar va yoʻnalishlarda yuzaga keladigan ortiqcha yuklanishlar mumkinligi haqida manfaatdor operator va provayderlarni ogohlantiradi;

b) yuridik shaxslarning telekommunikatsiyalar sohasidagi faoliyatini litsenziyalash, ruxsat berish boʻyicha:

telekommunikatsiyalar sohasida yuridik shaxslarning faoliyatini litsenziyalash va litsenziatlar tomonidan litsenziya talablari va shartlariga rioya etilishini belgilangan tartibda nazorat qiladi;

litsenziyalash va akkreditatsiya shartlari bajarilishining muntazam monitoringi va nazoratini amalga oshiradi;

v) telekommunikatsiyalar tarmoqlarini va telekommunikatsiyalar inshootlarini qurish uchun loyiha-smeta hujjatlarining ekspertizadan oʻtkazuvchi yuridik shaxslarni akkreditatsiyadan oʻtkazadi;

g) telekommunikatsiyalar xizmatlarining ayrim turlari, shuningdek, tarmoqlararo ulanishlar tariflarini tartibga solish boʻyicha:

telekommunikatsiyalar xizmatlarining ayrim turlari, shuningdek, tarmoqlararo ulanishlar tariflarini tartibga soladi;

telekommunikatsiyalar tarmoqlarini oʻzaro ulash, operatorlar tomonidan oʻzaro xizmat koʻrsatish hamda ular oʻrtasidagi oʻzaro hisob-kitoblarni amalga oshirish tartibi va shartlarini tasdiqlaydi;

d) telekommunikatsiyalar tarmoqlarini raqamlash tizimini ishlab chiqish va telekommunikatsiyalar tarmoqlarini raqamlash rejasi boshqaruvini amalga oshirish boʻyicha:

raqamlash tizimlari va rejalarini Oʻzbekiston Respublikasi Raqamli texnologiyalar vazirligi hamda manfaatdor tashkilotlar bilan kelishgan holda tasdiqlaydi, raqamlash sigʻimini, signalizatsiya punktlarining kodlarini, maʼlumot-axborot xizmatlari uchun qisqa maxsus raqamlarni (yakka tartibdagi tadbirkorlar va jismoniy shaxslar bundan mustasno) pulli asosda ajratadi, shuningdek, ulardan foydalanishning hisobotini yuritadi va nazorat qiladi;

raqamlash sigʻimini va qisqa maxsus raqamlarni ajratganlik uchun bir martalik toʻlov tariflarini ishlab chiqadi va tasdiqlaydi;

manfaatdor telekommunikatsiyalar operatorlari va provayderlari, xorijiy davlatlarning telekommunikatsiyalar tarmoqlarini boshqarish milliy markazlarini raqamlash rejasidagi oʻzgarishlar toʻgʻrisida xabardor qiladi;

e) Internet jahon axborot tarmogʻi milliy segmentining manzil maydonidan foydalanish tartibini ishlab chiqish va tasdiqlash, domen nomlari tizimini belgilash boʻyicha:

Internet jahon axborot tarmogʻi milliy segmentining manzil maydonidan foydalanish tartibini ishlab chiqadi va Oʻzbekiston Respublikasi Raqamli texnologiyalar vazirligi hamda manfaatdor tashkilotlar bilan kelishgan holda tasdiqlaydi, domen nomlari tizimini belgilaydi;

milliy domen zonasini rivojlantiradi va ommaviylashtirish uchun qulay sharoitlarni yaratadi;

telekommunikatsiyalar vositalarini majburiy raqamli markirovkalaydi;

universal xizmatlar roʻyxatini va ularning sifatiga doir talablarni belgilaydi hamda ularga tariflarni foydalanuvchilarning manfaatlari hisobga olingan holda, qonunchilikda belgilangan tartibda tartibga soladi;

j) operatorlar va provayderlarning faoliyat koʻrsatishi uchun teng hamda adolatli raqobat muhitini taʼminlashga koʻmaklashish boʻyicha:

Oʻzbekiston Respublikasi telekommunikatsiyalar tarmoqlarining markazlashgan holda tezkor maʼmuriy boshqaruvini, favqulodda holat va vaziyatlarda ularni qayta qurish va tiklash yuzasidan chora-tadbirlarni amalga oshiradi;

telekommunikatsiyalar tarmoqlarida tiklash ishlarini muvofiqlashtiradi, shuningdek, oldindan kelishilgan rejalar asosida eng muhim yoʻnalishlarda aloqaning uzilishi bilan bogʻliq boʻlgan holatlarda aloqalarni tiklash va avariya vaziyatlarini bartaraf etish uchun kuch va vositalarni boshqaradi;

yangi aloqa kanallarini tashkil qilishda, profilaktika ishlarini amalga oshirishda maxsus isteʼmolchilar va umumiy foydalanishdagi telekommunikatsiyalar tarmoqlari operatorlari va provayderlari hamkorligini muvofiqlashtiradi;

z) telekommunikatsiyalar xizmatlari bozorini erkin raqobat asosida shakllantirish va rivojlantirishga koʻmaklashish boʻyicha:

maxsus isteʼmolchilarga ijaraga berilgan aloqa kanallarining shikastlanishini hisobga oladi, koʻrsatilayotgan xizmatlar sifatini yaxshilash boʻyicha takliflar ishlab chiqadi hamda operatorlar va provayderlarni telekommunikatsiyalar tarmoqlarini qayta qurish toʻgʻrisida xabardor qiladi;

davlat hokimiyati va boshqaruvi organlari, mudofaa, xavfsizlik, huquq-tartibot va favqulodda vaziyatlardan himoya qilish organlarining umumiy foydalanishdagi tarmoqlar asosida qurilgan tarmoqlari, shuningdek, telekommunikatsiyalar tarmoqlari ishonchli ishlashini taʼminlash maqsadida umumiy foydalanishdagi tarmoqlar va telekommunikatsiyalar operatorlari va provayderlarining boshqaruv tizimlari boʻyicha maʼlumotlarni toʻplaydi, qayta ishlaydi va tahlil qiladi;

i) foydalanuvchilarning huquqlari va qonuniy manfaatlarini himoya qilish, operatorlar, provayderlar va foydalanuvchilar oʻrtasidagi oʻzaro munosabatlar masalalarini koʻrib chiqishda ishtirok etish boʻyicha:

foydalanuvchilarning huquqlari va qonuniy manfaatlarini himoya qilishda, operatorlar, provayderlar va foydalanuvchilar oʻrtasidagi oʻzaro munosabatlar masalalarini koʻrib chiqishda ishtirok etadi;

Oʻzbekiston Respublikasi Raqamli texnologiyalar vazirligi va raqobat sohasidagi vakolatli davlat organi bilan birgalikda telekommunikatsiyalar sohasida raqobatni rivojlantirishga koʻmaklashadi, insofsiz raqobat va raqobatni cheklash holatlariga barham berish, shuningdek, isteʼmolchilar huquqlarini himoya qilish yuzasidan qonunchilikda belgilangan choralarni koʻradi;

k) Oʻzbekiston telekommunikatsiyalar tarmoqlarining monitoring tizimi orqali operator va provayderlar tomonidan koʻrsatilayotgan telekommunikatsiyalar xizmatlari sifatini belgilangan talablarga muvofiqligini tizimli monitoring qilish boʻyicha:

telekommunikatsiyalar tarmoqlarining holati toʻgʻrisida maʼlumotlarni taqdim etishning talab qilinadigan rejimi va konfidensialligini taʼminlash choralarini koʻradi;

telekommunikatsiyalar tarmoqlarining holati toʻgʻrisidagi maʼlumotlarni Oʻzbekiston Respublikasi Raqamli texnologiyalar vazirligiga, tegishli operatorlar va provayderlarga, manfaatdor davlat organlariga va maxsus isteʼmolchilarga yetkazadi;

l) tabiiy va texnogen xususiyatga ega favqulodda vaziyatlarda yoki favqulodda holatda telekommunikatsiyalar infratuzilmalaridan ustuvor foydalanish hamda ularning faoliyatini tiklash va rivojlantirishga doir ishlarni markazlashtirilgan tarzda boshqarish, shuningdek, ularning ishlashini belgilangan tartibda cheklash yoki toʻxtatib turish boʻyicha:

davlat hokimiyati va boshqaruvi organlari, mudofaa, xavfsizlik, huquq-tartibot va favqulodda vaziyatlar organlari manfaatlari yoʻlida ustuvor ravishda aloqani tashkil etish choralarini koʻradi;

favqulodda holat va vaziyatlarda operatorlarning telekommunikatsiyalar tarmoqlarini tezkor maʼmuriy boshqarish rejalarini tayyorlashda qatnashadi;

favqulodda holat va vaziyatlarda operatorlar va provayderlarning telekommunikatsiyalar tarmoqlarini tezkor maʼmuriy boshqarish rejalari asosida muvofiq tegishli vazirlik va idoralar bilan birgalikda oʻquv mashgʻulotlarini oʻtkazadi;

avariya holatlarida davlat hokimiyati va boshqaruvi organlari, mudofaa, xavfsizlik, huquq-tartibot va favqulodda vaziyatlar organlari manfaatlari yoʻlida ustuvor ravishda aloqa tashkil etilishini taʼminlaydi;

favqulodda holat va vaziyatlar yuzaga kelishi va ularning oqibatlarini bartaraf etish davri uchun Oʻzbekiston Respublikasi Raqamli texnologiyalar vazirligi, Agentlik, operatorlar tarmoqlarini boshqarish markazlari, davlat hokimiyati va boshqaruvi organlari oʻrtasidagi oʻzaro hamkorlik shartlari va tartibga soluvchi hujjatlarni ishlab chiqishda qatnashadi;

favqulodda holat va vaziyatlarda telekommunikatsiyalar tarmoqlarining ishlashiga taʼsirni baholaydi va keluvchi maʼlumotlarni tahlil qiladi;

m) tarmoqqa ruxsatsiz ulanishda va trafikni oʻtkazishda himoya choralarining chetlab oʻtilishini tegishli organlar bilan birgalikda nazorat qilish boʻyicha:

tarmoqqa ruxsatsiz ulanishda va trafikni oʻtkazishda himoya choralarining chetlab oʻtilishini tegishli organlar bilan birgalikda qonun talablari buzilgani holatlari boʻyicha maʼlumotlarni aniqlash va olish ishlarini tashkil etadi;

yuridik va jismoniy shaxslarning telekommunikatsiyalar infratuzilmasiga shikast yetkazilishiga, unga ruxsatsiz ulanishga, telekommunikatsiyalar tarmogʻidan xalqaro trafikni oʻtkazish maqsadida qonunga xilof ravishda (ruxsatsiz) foydalanishni tegishli organlar bilan birgalikda nazorat qiladi.

11. Agentlik oʻziga yuklangan vazifalarni bajarish uchun quyidagi huquqlarga ega:

respublika va mahalliy ijro etuvchi hokimiyat organlari hamda boshqa tashkilotlar tomonidan bajarilishi majburiy boʻlgan normativ-huquqiy hujjatlarni qabul qilish, zarur hollarda boshqa vazirlik va idoralar bilan birgalikda qoʻshma qarorlar va boshqa hujjatlarni qabul qilish;

Vazirlar Mahkamasiga normativ-huquqiy hujjatlar loyihalarini, shuningdek, Agentlikka yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;

telekommunikatsiyalar sohasida chora-tadbirlar va dasturlarni ishlab chiqish;

respublika va mahalliy ijro etuvchi hokimiyat organlari hamda boshqa tashkilotlarga bajarilishi majburiy boʻlgan koʻrsatmalar kiritish;

respublika va mahalliy ijro etuvchi hokimiyat organlari hamda boshqa tashkilotlardan Agentlik vakolatiga kiradigan masalalarni hal etish uchun zarur boʻladigan maʼlumotlarni bepul soʻrash va olish;

normativ-huquqiy hujjatlar loyihalarini ishlab chiqishda ilmiy va boshqa tashkilotlar olimlari va mutaxassislarini, shuningdek, mahalliy va xorijiy ekspertlarni konsultant sifatida jalb qilish hamda (yoki) ularning xulosa va tavsiyalarini olish;

belgilangan tartibda axborot-tahliliy va ekspert ishlarini amalga oshirish uchun ilmiy va boshqa tashkilotlarni, shuningdek, olimlar va mutaxassislarni jalb qilish;

amaliyotda qoʻllash tajribasi tahlili, olingan tavsiyalar va xalqaro tajriba asosida normativ-huquqiy hujjatlarga oʻzgartirish va qoʻshimchalar kiritish boʻyicha tashabbuslar bilan chiqish;

telekommunikatsiyalar sohasida bajariladigan davlat va tijorat loyihalari hamda dasturlarida ishtirok etish;

oʻz vakolatiga kiradigan masalalar boʻyicha xorijiy davlatlar, xalqaro va xorijiy tashkilotlar vakillari bilan belgilangan tartibda muzokaralar oʻtkazish;

favqulodda holat va vaziyatlarda har qanday telekommunikatsiyalar tarmoqlari va vositalaridan hamda axborot tizimlaridan foydalanish hamda markazlashgan telekommunikatsiyalar tarmoqlarini cheklash yoki toʻxtatib qoʻyish boʻyicha ustuvorlikni aniqlash, maxsus isteʼmolchilarning telekommunikatsiyalar tarmoqlari bundan mustasno;

telekommunikatsiyalar tarmoqlarini va telekommunikatsiyalar inshootlarini qurish uchun loyiha-smeta hujjatlarini ekspertizadan oʻtkazuvchi yuridik shaxslarni akkreditatsiya oʻtkazish;

telekommunikatsiyalar operatorlari va provayderlaridan Agentlik vakolatiga kiradigan masalalar boʻyicha, shu jumladan, telekommunikatsiyalar resurslarining mavjudligi va holati toʻgʻrisidagi maʼlumotlarni soʻrash va olish;

davlat organlari, mudofaa va xavfsizlik, huquq-tartibot va favqulodda vaziyatlardan himoya qilish organlari manfaatlari uchun aloqalarni tashkil etish jarayonlarini muvofiqlashtirish;

operatorlar va provayderlarga umumiy foydalanishdagi tarmoqlarda avariya ishlarini oʻtkazish, rejali va rejadan tashqari taʼmirlash-tiklash ishlari oʻtkazilganda davlat organlari, mudofaa va xavfsizlik organlari manfaatlari yoʻlida ishlatilayotgan aloqalarni tiklash boʻyicha koʻrsatmalar berish;

operatorlar va provayderlarga telekommunikatsiyalar tarmoqlarini tezkor maʼmuriy boshqarish tizimini takomillashtirish, telekommunikatsiyalar tarmoqlari resurslaridan isteʼmolchilar manfaatlari uchun foydalanish samaradorligini oshirish boʻyicha tavsiyalar berish;

tarmoqlarni qayta qurish va aloqa kanallarini tiklash boʻyicha operator va provayderlarning boshqarish tizimlari va xorijiy davlatlarning telekommunikatsiyalar tarmoqlarini milliy boshqarish markazlari bilan tezkor hamkorlik qilish;

ushbu Nizomda belgilangan maqsadlarga erishishga yoʻnaltirilgan, qonunchilik hujjatlarida taqiqlanmagan boshqa faoliyat turlarini amalga oshirish.

Agentlik qonunchilik hujjatlariga asosan boshqa huquqlarga ham ega boʻlishi mumkin.

12. Agentlik:

telekommunikatsiyalar sohasida tartibga solish yagona davlat siyosati samarali amalga oshirilishi, shuningdek, yuklangan vazifalarning sifatli bajarilishi;

Oʻzbekiston Respublikasi Prezidenti va Hukumati topshiriqlarini oʻz vaqtida, toʻliq va sifatli bajarish, oʻrta va uzoq muddatli rivojlanish dasturlari ishlab chiqilishi, ularning ijrosi taʼminlanishi;

Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalarining sifati, shuningdek, Agentlik tomonidan qabul qilinadigan qarorlar samaradorligi va natijadorligi taʼminlanishi;

yuridik va jismoniy shaxslarning murojaatlari koʻrib chiqilishi va belgilangan muddatlarda ularga javob berilishi;

muntazam ravishda xodimlar qayta tayyorlanishi va ularning malakasi oshirilishi uchun javobgardir.

13. Quyidagilar direktorning asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Agentlik faoliyatiga umumiy rahbarlik qilish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonunchilik hujjatlari bilan Agentlikka yuklangan vazifa va funksiyalar bajarilishini tashkil etish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining topshiriqlarini bajarish;

Agentlik faoliyatini yanada takomillashtirish boʻyicha Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasi qarorlari va farmoyishlari bilan tasdiqlangan konsepsiyalar, kompleks dasturlar va kompleks chora-tadbirlarning bajarilishini tanqidiy va chuqur tahlil qilib borish;

direktor oʻrinbosarlari va tarkibiy tuzilmalar rahbarlarining vakolatlarini belgilash va vazifalarni taqsimlash;

Agentlik faoliyati rejalashtirilishini tashkil etish, Agentlikning davriy ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti Administratsiyasining tegishli tarkibiy boʻlinmalari va Vazirlar Mahkamasi, shuningdek, tegishli respublika va mahalliy ijro etuvchi hokimiyat organlari hamda boshqa tashkilotlar bilan Agentlik faoliyati sohasiga kiradigan masalalar boʻyicha oʻzaro hamkorlik qilish, Vazirlar Mahkamasi va uning Rayosati majlislarida masalalarning koʻrib chiqilishida ishtirok etish;

Oʻzbekiston Respublikasi Prezidenti farmonlari, qarorlari, farmoyishlari, Vazirlar Mahkamasi qarorlari, farmoyishlari va topshiriqlari bajarilishini taʼminlash, tarkibiy boʻlinmalarda ijro intizomini mustahkamlash boʻyicha kompleks chora-tadbirlarni amalga oshirish, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son hamda “Davlat organlari va tashkilotlarda ijro intizomini yanada mustahkamlashning qoʻshimcha chora-tadbirlari toʻgʻrisida” 2025-yil 25-iyuldagi PF-117-son farmonlariga hamda “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq tarkibiy boʻlinma rahbarlarining shaxsiy masʼuliyatini oshirish choralarini koʻrish;

sohaga oid qonunchilik hujjatlari loyihalarining sifatli ishlab chiqilishini, Oʻzbekiston Respublikasining “Normativ-huquqiy hujjatlar toʻgʻrisida”gi va “Qonun loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi qonunlari, Oʻzbekiston Respublikasi Prezidenti Administratsiyasi Reglamenti, Oʻzbekiston Respublikasi Vazirlar Mahkamasining Reglamenti talablariga qatʼiy rioya qilgan holda, Vazirlar Mahkamasiga oʻz vaqtida kiritilishini taʼminlash, ularni Vazirlar Mahkamasining rahbariyati huzurida himoya qilish hamda Vazirlar Mahkamasida ishlab chiqilishida va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

Agentlikka kiritilgan takliflar va qonunchilik hujjatlari loyihalari toʻliq va batafsil koʻrib chiqilishini, Oʻzbekiston Respublikasi Prezidenti Administratsiyasi Reglamentida va Oʻzbekiston Respublikasi Vazirlar Mahkamasi Reglamentida belgilangan muddatlarda kelishilishini (viza qoʻyilishini) taʼminlash;

Agentlik rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda tashkil etish, xizmat safarlarining asoslangan, samarali va natijali boʻlishini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

Agentlik xodimlarini ragʻbatlantirish va intizomiy javobgarlikka tortish masalalarini hal etish, Agentlik direktori oʻrinbosarlarini ragʻbatlantirish va intizomiy javobgarlikka tortish boʻyicha takliflar kiritish, ularning shaxsiy javobgarligini oshirish boʻyicha tizimli choralar koʻrish;

Agentlik vakolatiga kiradigan masalalar boʻyicha koʻrsatmalar chiqarish, buyruqlar va normativ-huquqiy hujjatlarni qabul qilish;

Agentlik xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Agentlik xodimlari odob-axloq qoidalariga rioya etilishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq Agentlik tizimida korrupsiya va boshqa qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shartlarni bartaraf etish;

jismoniy va yuridik shaxslarning murojaatlarini koʻrib chiqish ishlarini Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni, Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsiy qabullar oʻtkazish, shu jumladan, jismoniy va yuridik shaxslarning vakillarini joylarga chiqib qabul qilishni tashkil etish;

davlat organlari va boshqa tashkilotlarda, sudlarda, shuningdek, davlat organlari, xalqaro tashkilotlar va xorijiy mamlakat vakillari ishtirokida oʻtkaziladigan rasmiy tadbirlarda Agentlik nomidan ishtirok etish;

Oʻzbekiston Respublikasining “Manfaatlar toʻqnashuvi toʻgʻrisida”gi Qonuni va manfaatlar toʻqnashuvi bilan bogʻliq munosabatlarni tartibga solishga doir ishlarga rahbarlik qilish va muvofiqlashtirish;

jismoniy va yuridik shaxslarning Oʻzbekiston Respublikasi Prezidentining Virtual qabulxonasidan kelib tushgan murojaatlari oʻz vaqtida va toʻlaqonli koʻrib chiqilishini taʼminlash;

Agentlik xodimlarini ularning koʻp yillik va samarali faoliyati, alohida xizmatlari uchun Oʻzbekiston Respublikasi davlat mukofotlari bilan taqdirlash uchun belgilangan tartibda takliflar kiritishni taʼminlash va tavsiyalar berish;

Agentlik mulkini qonunchilik hujjatlarida belgilangan tartibda tasarruf etish;

Agentlik vakolatiga kiradigan masalalar yuzasidan Oʻzbekiston Respublikasining xalqaro shartnomalarini belgilangan tartibda imzolash;

Agentlikning ichki tashkiliy masalalari yuzasidan qarorlar qabul qilish;

Agentlik xodimlarini lavozimga tayinlash va lavozimdan ozod etish, mehnat shartnomalari (buyruqlari)ni imzolash;

Agentlik xodimlariga vazifalarni yuklash;

Agentlik xodimlarining malakasini oshirish va ularni xorijiy davlatlarga stajirovka va tajriba almashish uchun yuborishni tashkil etish;

Agentlik xodimlarini ragʻbatlantirish va intizomiy javobgarlikka tortish masalalarini hal qilish, direktor oʻrinbosarlarini ragʻbatlantirish va intizomiy javobgarlikka tortish masalalarini, shu jumladan, kelgusida uning egallab turgan lavozimida qolishining maqsadga muvofiqligi masalalarini koʻrib chiqish toʻgʻrisida Vazirlar Mahkamasiga takliflar kiritish, ularning shaxsiy javobgarligini oshirish boʻyicha tizimli chora-tadbirlarni amalga oshirish;

Agentlikning tashqi va ichki tashkiliy faoliyati ustidan doimiy va qatʼiy nazorat oʻrnatish;

Agentlikka kiritilgan takliflar va taqdim etilgan normativ-huquqiy hujjatlar loyihalarining toʻliq va har tomonlama koʻrib chiqilishini, Oʻzbekiston Respublikasi Prezidenti Administratsiyasi Reglamenti va Oʻzbekiston Respublikasi Vazirlar Mahkamasi Reglamentida belgilangan muddatlarda kelishilishini (viza qoʻyilishi) taʼminlash;

davlat siri toifasiga kiritilgan va maxfiy axborot bilan ishlashda qonunchilik hujjatlari talablariga rioya qilish;

xodimlarning belgilangan cheklangan soni doirasida Agentlik shtatlar jadvalini, shuningdek, Oʻzbekiston Respublikasi Davlat budjeti mablagʻlari hisobidan moliyalashtiriladigan Agentlik xarajatlari smetasini tasdiqlash;

ushbu Nizomda va qonunchilik hujjatlarida nazarda tutilgan boshqa vakolatlarni amalga oshirish.

14. Quyidagilar direktor oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Agentlik direktori muayyan sabablarga koʻra (xizmat safari, mehnat taʼtili, betobligi davrida) yoʻqligida uning vazifalarini bajarish;

Agentlikning oʻzi nazorat qiladigan tarkibiy tuzilmalari faoliyatini muvofiqlashtirish, nazorat va bevosita rahbarlik qilish, xodimlar oʻrtasida vazifalarni taqsimlash;

Agentlik faoliyatining oʻzi mutasaddilik qiladigan yoʻnalishlarini yanada takomillashtirish yuzasidan Oʻzbekiston Respublikasi Prezidentining hujjatlari va Vazirlar Mahkamasi qarorlari bilan tasdiqlangan kompleks dastur va kompleks chora-tadbirlar ijrosini tanqidiy va chuqur tahlil qilish;

mutasaddiligidagi tarkibiy tuzilmalar boʻlinma rahbarlarining hisobotlarini muntazam eshitib borish va belgilangan koʻrsatkichlarga erishish uchun ularning shaxsiy javobgarligini oshirish;

Agentlik direktorining qonunchilik doirasidagi buyruq hamda topshiriqlari ijrosini oʻz vaqtida va sifatli taʼminlash;

Agentlikka kiritilgan takliflar va taqdim etilgan normativ-huquqiy hujjatlarning loyihalarini toʻliq va har tomonlama koʻrib chiqish;

kadrlarni belgilangan tartibda tanlash va joy-joyiga qoʻyish boʻyicha Agentlik direktoriga takliflar taqdim etish, ularning professionalligi, oʻz ishini bilishi, yuksak darajadagi ishchanlik va maʼnaviy-axloqiy fazilatlarga ega boʻlishini taʼminlash, ularning kasbiy malakasini oshirish choralarini koʻrish, mutasaddilik boʻyicha tarkibiy tuzilmalarda kadrlar zaxirasini shakllantirish choralarini koʻrish;

Agentlik xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Agentlik xodimlarining odob-axloq qoidalari talablariga rioya etilishini taʼminlash;

jismoniy va yuridik shaxslarning murojaatlarini koʻrib chiqish boʻyicha ishlarni Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni, Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsiy qabullar oʻtkazish, shu jumladan, jismoniy va yuridik shaxslarning vakillarini joylarga borib qabul qilishni tashkil etish;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni va korrupsiyaga qarshi kurashishga doir boshqa qonunchilik hujjatlariga hamda Oʻzbekiston Respublikasining “Manfaatlar toʻqnashuvi toʻgʻrisida”gi Qonuniga rioya qilish va manfaatlar toʻqnashuvi bilan bogʻliq munosabatlarni tartibga solishga doir ishlarni muvofiqlashtirish;

Agentlik faoliyatini takomillashtirish boʻyicha amaliy choralar koʻrish, ushbu sohada qonunchilikni takomillashtirishga doir takliflarni ishlab chiqib, koʻrib chiqish uchun Agentlik direktoriga kiritish;

telekommunikatsiyalar sohasida tartibga solishga oid normativ bazaning tizimli asosda qayta koʻrib chiqilishini tashkil etish;

telekommunikatsiyalar sohasida tartibga solishda davlat siyosatining asosiy yoʻnalishlari boʻyicha takliflar tayyorlash;

xorijiy davlatlar, xalqaro va xorijiy tashkilotlar bilan telekommunikatsiyalar sohasida tartibga solish boʻyicha hamkorlik qilish;

davlat siri toifasiga kiritilgan va maxfiy axborot bilan ishlashda qonunchilik talablariga rioya qilish.

15. Agentlik direktori:

Agentlikka yuklangan vazifa va funksiyalarning bajarilishi uchun;

Agentlikning ushbu Nizomda nazarda tutilgan javobgarlik sohalari boʻyicha hamda mazkur Nizomning 13-bandida koʻrsatilgan oʻz funksional majburiyatlari sifatli bajarilishi uchun shaxsan javob beradi.

16. Agentlik direktori oʻrinbosarlari:

mutasaddilik qilinadigan yoʻnalish va tarkibiy boʻlinmalarda Agentlikka yuklangan vazifalar va funksiyalarning bajarilishi uchun;

ushbu Nizomning 14-bandida koʻrsatilgan oʻz funksional vazifalarining sifatli bajarilishi uchun shaxsan javob beradilar.

17. Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan direktor rahbarlik qiladi.

Agentlik direktori Oʻzbekiston Respublikasi Prezidenti bilan kelishilgan holda, Vazirlar Mahkamasining qarori bilan lavozimga tayinlanadigan va lavozimidan ozod qilinadigan ikki nafar oʻrinbosariga ega boʻladi.

18. Agentlik direktori:

Agentlik faoliyatiga yakka tartibda rahbarlik qiladi;

kadrlarni tanlaydi va joylashtiradi, shu jumladan, belgilangan tartibda tarkibiy boʻlinmalar rahbarlarini lavozimga tayinlaydi va lavozimidan ozod qiladi;

Agentlikning tashkiliy tuzilmasini tasdiqlaydi va unga oʻzgartirish kiritadi, shuningdek, Agentlikning shtatlar jadvalini tasdiqlaydi;

Agentlikning ish rejalarini tasdiqlaydi;

mehnat va xoʻjalik shartnomalarini tuzadi va bekor qiladi;

davlat hokimiyati va boshqaruvi organlari, tashkilotlar, muassasalar, korxonalar, jamoat birlashmalari, shuningdek, belgilangan tartibda xalqaro tashkilotlar bilan hamkorlikda Agentlik nomidan ish yuritadi;

Agentlik mablagʻlarini mustaqil boshqaradi;

davlat hokimiyati va boshqaruvi organlari faoliyatining ochiqligi toʻgʻrisida qonun talablarining bajarilishini taʼminlaydi.

Direktor qonunchilik hujjatlariga muvofiq boshqa vakolatlarni ham amalga oshirishi mumkin.

19. Agentlik direktori boʻlmagan vaqtda, direktor buyrugʻiga asosan uning oʻrinbosaridan biri direktor vazifalarini bajaradi.

20. Agentlik oʻz vazifalari va funksiyalarini amalga oshirishda respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari hamda boshqa tashkilotlar bilan hamkorlik qiladi.

21. Agentlik direktori (hayʼat raisi), uning oʻrinbosarlari hamda, shuningdek, Agentlik tizimidagi tashkilotlar rahbarlari va Agentlik tarkibiy boʻlinmalar rahbarlaridan iborat tarkibda Agentlik hayʼati tashkil etiladi.

Agentlik hayʼati aʼzolari soni va shaxsiy tarkibi Vazirlar Mahkamasi tomonidan tasdiqlanadi.

22. Agentlik hayʼati:

ushbu Nizomda nazarda tutilgan Agentlik faoliyatining asosiy yoʻnalishlari amalga oshirilishini taʼminlaydi;

Agentlik tizimidagi xodimlar va rahbarlarning Oʻzbekiston Respublikasi Prezidenti hujjatlari va Hukumat qarorlarida belgilangan oʻzlariga yuklangan vazifalarni oʻz vaqtida va sifatli amalga oshirishni taʼminlash uchun shaxsiy masʼuliyatini oshirish boʻyicha choralarni koʻrgan holda, tizimli asosda tarkibiy hamda hududiy boʻlinmalar va tizim tashkilotlari rahbarlari hisobotlarini eshitadi;

Agentlik faoliyatini rivojlantirish dasturlarining amalga oshirishi natijadorligini tizimli koʻrib chiqadi;

joylarda Agentlik faoliyatidagi dolzarb masalalarini muhokama qilishni taʼminlagan holda, Agentlik hayʼatining kengaytirilgan majlislarini oʻtkazishni tashkil etadi, shuningdek, yuzaga kelgan muammolarni bartaraf etish boʻyicha tegishli qarorlar qabul qiladi;

Oʻzbekiston Respublikasi Prezidenti va Vazirlar Mahkamasi qarorlari va topshiriqlari bilan belgilangan vazifalarni oʻz vaqtida hamda sifatli amalga oshirishni taʼminlash uchun ijro intizomini mustahkamlash hamda Agentlikning rahbarlari va xodimlarining shaxsiy javobgarligini oshirish choralarini koʻradi;

Agentlik nomenklaturasiga kiruvchi lavozimlarga kadrlarni saralash, joylashtirish, tayyorlash va qayta tayyorlash choralarini belgilaydi.

Agentlik hayʼati Agentlik vakolatiga taalluqli boshqa masalalarni ham koʻrib chiqadi.

23. Agentlik hayʼati majlislariga Agentlik vakolatiga kiradigan masalalar boʻyicha davlat organlari va tashkilotlari, boshqa tashkilotlar rahbarlari taklif etilishi mumkin.

24. Agentlik hayʼati uning majlisida tarkibining yarmidan koʻpi qatnashgan taqdirda, vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

25. Agentlik hayʼatining qarorlari Agentlik direktori tomonidan tasdiqlanadi.

26. Agentlik hayʼati faoliyati tartibi hayʼat tomonidan tasdiqlanadigan reglamentda belgilanadi.

27. Agentlikning moddiy-texnik taʼminoti, xodimlari mehnatiga haq toʻlash va ularni moddiy ragʻbatlantirish boʻyicha xarajatlar Oʻzbekiston Respublikasi Davlat budjeti hisobidan va qonunchilik hujjatlari bilan taqiqlanmagan boshqa manbalar hisobidan moliyalashtiriladi.

28. Agentlikning direktori va xodimlarining mehnatiga haq toʻlash shartlari qonunchilik hujjatlarida belgilangan tartibda aniqlanadi.

29. Agentlik Oʻzbekiston Respublikasi Iqtisodiyot va moliya vazirligida roʻyxatga olinadigan xarajatlar smetasi asosida amaldagi qonunchilikka muvofiq oʻz budjetini mustaqil ravishda tayyorlaydi va mablagʻlaridan belgilangan tartibda foydalanadi.

30. Telekommunikatsiyalar sohasidagi faoliyatni amalga oshirish huquqi uchun litsenziya berilgani uchun davlat bojidan belgilangan ulushi hisobidan Agentlik ixtiyoriga qoldiriladigan mablagʻlar oʻz xodimlarini moddiy ragʻbatlantirish, moddiy-texnik bazani mustahkamlash, ilmiy tadqiqotlarni moliyalashtirish va Oʻzbekiston Respublikasi Iqtisodiyot va moliya vazirligi bilan kelishilgan holda boshqa maqsadlar uchun yoʻnaltiriladi.

31. Agentlik xodimlarining ish haqi lavozim maoshidan, mukofotlar, qoʻshimcha toʻlovlar, ustamalar va qonunchilik hujjatlarida nazarda tutilgan ragʻbatlantirish toʻlovlaridan iborat boʻladi.

Bunda Agentlik xodimlarining mehnatini ragʻbatlantirish toʻgʻrisidagi nizomlarda ularning lavozim maoshlariga 200 foiz qoʻshimcha oylik ustama qoʻllanishi nazarda tutiladi.

Agentlik xodimlari mehnatiga haq toʻlashda lavozim maoshlariga qonunchilik hujjatlarida belgilangan ustama haqlar, mukofot, moddiy yordam puli hamda boshqa barcha qoʻshimcha toʻlovlar qonunchilik hujjatlariga muvofiq amalga oshiriladi.

26. Agentlikning markaziy apparatiga 6 ta, shu jumladan 3 ta biriktirilgan, 1 ta navbatchi, 2 ta maxsus avtomobildan iborat xizmat avtomobil transporti limiti koʻzda tutiladi.

32. Agentlik direktori Vazirlar Mahkamasiga Agentlik faoliyati natijalari toʻgʻrisida muntazam hisobot beradi hamda davlat organlari faoliyatining ochiqligi toʻgʻrisida qonun talablarining bajarilishini taʼminlaydi.

33. Faoliyat monitoringi va uni baholash yakunlari boʻyicha Agentlikning mansabdor shaxslari va xodimlariga nisbatan yuklangan vazifalarni vijdonan va oʻz vaqtida bajarganlik uchun ragʻbatlantirish yoxud yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan javobgarlik choralari koʻriladi.

34. Agentlik qonunchilik hujjatlarida belgilangan tartibda qayta tashkil etiladi va tugatiladi.

1. Vazirlar Mahkamasining “Chastota spektridan foydalanish, teleradiodasturlarni shakllantirish va tarqatish hamda maʼlumotlar uzatish samaradorligini oshirish yuzasidan qoʻshimcha chora-tadbirlar toʻgʻrisida” 1998-yil 10-iyuldagi 293-son qarorida:

a) 2-bandda:

oltinchi xatboshidagi “radiochastota spektri hamda televideniye va radioeshittirish” soʻzlari “televideniye va radioeshittirish radiochastotalari hamda” soʻzlari bilan almashtirilsin;

toʻqqizinchi xatboshidagi “radiochastotalardan” soʻzi “televideniye va radioeshittirish radiochastotalaridan” soʻzlari bilan almashtirilsin;

oʻninchi xatboshidagi “radiochastotalarni taqsimlash va teleradioeshittirishlar sohasida” soʻzlari “teleradioeshittirishlar sohasida radiochastotalarni taqsimlash va” soʻzlari bilan almashtirilsin;

b) 5-bandning birinchi xatboshisidagi “Axborot texnologiyalari va kommunikatsiyalarini rivojlantirish vazirligi” soʻzlari “Raqamli texnologiyalar vazirligi, Oʻzbekiston Respublikasi Telekommunikatsiyalarni tartibga solish agentligi” soʻzlari bilan almashtirilsin;

v) 6-bandning ikkinchi xatboshisi quyidagi tahrirda bayon etilsin:

“Oʻzbekiston Respublikasi Telekommunikatsiyalarni tartibga solish agentligi belgilangan tartibda xoʻjalik yurituvchi subyektlarning, shu jumladan, xorijiy xoʻjalik yurituvchi subyektlarning ular tomonidan telekommunikatsiyalarning axborotlarga ishlov berish va maʼlumotlarni uzatish tarmoqlariga oid qismini, shu jumladan, “Internet” tarmoqlarini, loyihalashtirish, qurish, ulardan foydalanish va ularning xizmatlarini koʻrsatish, shuningdek, televideniye va radioeshittirish faoliyati bilan shugʻullanish huquqini beruvchi litsenziyalarni beradi va ularning amal qilishini toʻxtatadi”;

g) 2-ilovada:

1-banddagi “radiochastota spektridan” soʻzlari “televideniye va radioeshittirish radiochastotalaridan” soʻzlari bilan almashtirilsin;

5-bandning uchinchi xatboshisidagi “Axborot texnologiyalari va kommunikatsiyalarini rivojlantirish vazirligi” soʻzlari “Raqamli texnologiyalar vazirligi” soʻzlari bilan almashtirilsin;

6-bandda:

oltinchi xatboshidagi “radiochastota spektri hamda televideniye va radioeshittirish” soʻzlari “televideniye va radioeshittirish radiochastotalari hamda” soʻzlari bilan almashtirilsin;

toʻqqizinchi xatboshidagi “radiochastotalardan” soʻzi “televideniye va radioeshittirish radiochastotalaridan” soʻzlari bilan almashtirilsin;

oʻninchi xatboshidagi “radiochastotalarni taqsimlash va teleradioeshittirish sohasida” soʻzlari “teleradioeshittirishlar sohasida radiochastotalarni taqsimlash va” soʻzlari bilan almashtirilsin;

7-bandda:

sakkizinchi va toʻqqizinchi xatboshilar chiqarib tashlansin;

oʻninchi — oʻn yettinchi xatboshilar tegishlicha sakkizinchi — oʻn beshinchi xatboshilar deb hisoblansin;

oʻn birinchi xatboshi quyidagi tahrirda bayon etilsin:

“Oʻzbekiston Respublikasi Telekommunikatsiyalarni tartibga solish agentligining telekommunikatsiyalar tarmoqlarini loyihalashtirish, qurish, ulardan foydalanish va ularning xizmatlarini koʻrsatishni litsenziyalash masalalari boʻyicha, shuningdek, radiochastotalari boʻyicha Radiochastotalar boʻyicha respublika kengashining teleradioeshittirishlar radiochastotalari spektridan bexatar va oqilona foydalanish masalalari boʻyicha hisobotlarini muntazam ravishda eshitib boradi”;

oʻn toʻrtinchi xatboshidagi “radiochastotalarni taqsimlash va teleradioeshittirish sohasida” soʻzlari “teleradioeshittirish sohasida radiochastotalarni taqsimlash va” soʻzlari bilan almashtirilsin;

9-bandning ikkinchi xatboshisi quyidagi tahrirda bayon etilsin:

“Oʻzbekiston Respublikasi Telekommunikatsiyalarni tartibga solish agentligi belgilangan tartibda xoʻjalik yurituvchi subyektlarning, shu jumladan, xorijiy xoʻjalik yurituvchi subyektlarning ular tomonidan telekommunikatsiyalar, axborotlarga ishlov berish va maʼlumotlarni uzatish tarmoqlariga oid qismini, shuningdek, “Internet” tarmoqlarini loyihalashtirish, qurish, ulardan foydalanish va ularning xizmatlarini koʻrsatish, televideniye va radioeshittirishlarni tarqatish faoliyati bilan shugʻullanish huquqini beruvchi litsenziyalar beradi”;

10-bandning uchinchi xatboshisi quyidagi tahrirda bayon etilsin:

“Oʻzbekiston Respublikasi Telekommunikatsiyalarni tartibga solish agentligi orqali teleradiodasturlarni tarqatish boʻyicha faoliyatning hamda maʼlumotlarni uzatishning litsenziya talablari va shartlariga, texnik normativlar va standartlarga muvofiq amalga oshirilishini, radioelektron vositalar va yuqori chastotali qurilmalardan foydalanilishini”;

d) 4-ilovada:

5 va 6-bandlardagi tegishli kelishikdagi “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi” soʻzlari tegishli kelishikdagi “Telekommunikatsiyalarni tartibga solish agentligi” soʻzlari bilan almashtirilsin;

8-bandning birinchi xatboshisidagi “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi ikki hafta muddatda litsenziya bitimini rasmiylashtiradi va” soʻzlari “Oʻzbekiston Respublikasi Telekommunikatsiyalarni tartibga solish agentligi maxsus elektron tizim orqali qonunchilik hujjatlarida belgilangan tartibda” soʻzlari bilan almashtirilsin.

2. Vazirlar Mahkamasining 2004-yil 20-dekabrdagi 592-son qarori bilan tasdiqlangan Radiochastotalarni tanlov yoʻli bilan taqsimlash va teleradioeshittirish sohasida faoliyatni amalga oshirish huquqiga yakka tartibdagi litsenziyalar berish tartibi toʻgʻrisidagi nizomda:

a) 4-bandining birinchi xatboshisidagi “Raqamli texnologiyalar vazirligining” soʻzlari “Telekommunikatsiyalarni tartibga solish agentligining” soʻzlari bilan almashtirilsin;

b) 6-bandda:

birinchi xatboshidagi “Raqamli texnologiyalar vazirligining” soʻzlari “Telekommunikatsiyalarni tartibga solish agentligining” soʻzlari bilan almashtirilsin;

“d” kichik bandi oʻz kuchini yoʻqotgan deb hisoblansin;

v) 10-bandda:

“v” va “g” kichik bandlar oʻz kuchini yoʻqotgan deb hisoblansin;

“j” kichik banddagi “sanitariya, yongʻin normalari va obyektni” soʻzlari chiqarib tashlansin;

g) 10¹-banddagi “Raqamli texnologiyalar vazirligi” soʻzlari “Telekommunikatsiyalarni tartibga solish agentligi” soʻzlari bilan almashtirilsin;

d) 18-bandning birinchi xatboshisidagi “Telekommunikatsiyalar sohasidagi faoliyatni litsenziyalash toʻgʻrisidagi” soʻzlari “Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona” soʻzlari bilan almashtirilsin;

e) 20-band oʻz kuchini yoʻqotgan deb hisoblansin;

j) 23 va 24-bandlar quyidagi tahrirda bayon etilsin:

“23. Litsenziya Oʻzbekiston Respublikasi Telekommunikatsiyalarni tartibga solish agentligi tomonidan, litsenziyani qonun hujjatlarida belgilangan tartibda rasmiylashtirgan holda beriladi.

24. Agar tanlov gʻolibi protokol imzolangan vaqtdan boshlab uch oy mobaynida litsenziya olish uchun Oʻzbekiston Respublikasi Telekommunikatsiyalarni tartibga solish agentligiga maxsus elektron tizim orqali murojaat etmasa, Komissiya tanlov natijalarini bekor qilishga haqlidir”;

z) 25-bandning birinchi xatboshisi quyidagi tahrirda bayon etilsin:

“25. Litsenziyada faoliyatning aniq turi, teleradioeshittirish qamraydigan hudud, radiochastotasi (radiotoʻlqini), shuningdek litsenziyaning amal qilish muddati koʻrsatiladi”;

i) 26-band oʻz kuchini yoʻqotgan deb hisoblansin;

k) 28-banddagi “Vazirlar Mahkamasining 2000-yil 22-noyabrdagi 458-son qarori bilan tasdiqlangan Telekommunikatsiyalar sohasidagi faoliyatni litsenziyalash toʻgʻrisida nizomda” soʻzlari “Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomda” soʻzlari bilan almashtirilsin;

l) 1-ilovada:

7-bosqichning “Tadbirlar” ustunidagi 2-band quyidagi tahrirda bayon etilsin:

“2. Oʻzbekiston Respublikasi Telekommunikatsiyalarni tartibga solish agentligiga maxsus elektron tizim orqali litsenziya olish uchun ariza beradi. Ushbu shartlar bajarilmagan taqdirda, litsenziya berish toʻgʻrisidagi qaror bekor qilinadi”;

8-bosqichda:

“Subyektlar” ustunidagi “Axborot texnologiyalari va kommunikatsiyalarini rivojlantirish vazirligi” soʻzlari “Telekommunikatsiyalarni tartibga solish agentligi” soʻzlari bilan almashtirilsin;

“Tadbirlar” ustunidagi 2 va 3-bandlar quyidagi tahrirda bayon qilinsin:

“2. Oʻzbekiston Respublikasi Telekommunikatsiyalarni tartibga solish agentligi:

litsenziyani beradi;

litsenziat tomonidan litsenziya talablariga rioya etilishi monitoring yuritadi.

3. Oʻzbekiston Respublikasi Raqamli texnologiyalari vazirligi radiochastotalardan foydalanish uchun ruxsat beruvchi hujjatlarni rasmiylashtiradi”;

“Bajarish muddatlari” ustunining 2-bandi quyidagi tahrirda bayon qilinsin:

“2) 1 oy mobaynida”.

3. Vazirlar Mahkamasining “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat boʻyicha inspeksiya toʻgʻrisidagi nizomlarni tasdiqlash haqida” 2018-yil 1-maydagi 318-son qarorida:

a) nomi quyidagi tahrirda bayon qilinsin:

“Oʻzbekiston Respublikasi Raqamli texnologiyalar vazirligi toʻgʻrisidagi nizomni tasdiqlash haqida”;

b) 1-bandning ikkinchi xatboshisi quyidagi tahrirda bayon etilsin:

“1. Oʻzbekiston Respublikasi Raqamli texnologiyalar vazirligi toʻgʻrisidagi nizom 1-ilovaga muvofiq”;

v) 1-ilovada:

nomidagi “Axborot texnologiyalari va kommunikatsiyalarini rivojlantirish” soʻzlari “Raqamli texnologiyalar” soʻzlari bilan almashtirilsin;

1-banddagi “Axborot texnologiyalari va kommunikatsiyalarini rivojlantirish vazirligining” soʻzlari “Raqamli texnologiyalar vazirligining” soʻzlari bilan almashtirilsin;

2-bandning birinchi xatboshisi quyidagi tahrirda bayon qilinsin:

“2. Vazirlik raqamli texnologiyalar sohasidagi respublika ijro etuvchi hokimiyat organi hisoblanadi”;

4 va 5-bandlar quyidagi tahrirda bayon qilinsin:

“4. Vazirlik:

a) quyidagilar:

axborotlashtirish, elektron hukumat, elektron raqamli imzodan foydalanish, telekommunikatsiyalar va pochta aloqasi sohasida;

sunʼiy intellekt texnologiyalari sohasini rivojlantirish, qoʻllab-quvvatlashning yaxlit ekotizimini shakllantirish hamda huquqiy jihatdan tartibga solish boʻyicha;

b) Radiochastotalar boʻyicha Respublika kengashining ishchi organi hisoblanadi hamda uning faoliyatini tashkiliy-texnik, normativ-huquqiy jihatdan taʼminlash, muvofiqlashtirish, materiallarni ishlab chiqish va tayyorlashga doir joriy tezkor ishlarni bajaradi;

v) radiochastota organi hisoblanadi;

g) Xalqaro elektraloqa ittifoqida, Butunjahon pochta ittifoqida hamda axborot texnologiyalari va kommunikatsiyalari sohasidagi boshqa xalqaro tashkilotlarda Oʻzbekiston Respublikasi manfaatlarini ifodalash vakolati berilgan organ hisoblanadi.

5. Vazirlikning radiochastota organi sifatidagi vakolatini “Elektromagnit moslashuv markazi” davlat unitar korxonasi bajaradi”;

8-banddagi “Moliya vazirligi Gʻaznachiligida” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasida” soʻzlari bilan almashtirilsin;

9 — 11-bandlar quyidagi tahrirda bayon etilsin:

“9. Vazirlikning rasmiy nomi:

a) davlat tilida:

toʻliq nomi — Oʻzbekiston Respublikasi Raqamli texnologiyalar vazirligi, qisqartmasi — Raqamlashtirish vazirligi;

b) rus tilida:

toʻliq nomi — Ministerstvo sifrovix texnologiy Respubliki Uzbekistan, qisqartmasi — Minsifri;

v) ingliz tilida:

toʻliq nomi — Ministry of digital technologies of the Republic of Uzbekistan, qisqartmasi — MDT.

10. Vazirlikning joylashgan joyi (pochta manzili): 100164, Toshkent shahri Ibrohim Moʻminov koʻchasi 4-uy.

11. Vazirlik tuzilmasiga quyidagilar kiradi:

Vazirlikning markaziy apparati;

Vazirlikning Qoraqalpogʻiston Respublikasi, viloyatlar va Toshkent shahridagi hududiy boʻlinmalari;

Kosmik tadqiqotlar va texnologiyalar agentligi;

Axborotlashtirish va telekommunikatsiyalar sohasida nazorat inspeksiyasi;

“Raqamli hukumat loyihalarini boshqarish markazi” DM;

“Sunʼiy intellekt va raqamli iqtisodiyotni rivojlantirish markazi” DM

“Binolardan foydalanish va kapital qurilish direksiyasi” DM;

“Raqamli taʼlimni rivojlantirish markazi” DM;

Raqamli texnologiyalarni rivojlantirish jamgʻarmasi;

Davlat feldyegerlik xizmati;

“Elektromagnit moslashuv markazi” DUK;

“Oʻzbekiston telekommunikatsiya tarmoqlarini boshqarish respublika markazi” DUK;

“Respublika maxsus aloqa bogʻlamasi” DUK;

“Oʻzbektelekom” AK;

“Oʻzbekiston pochtasi” AJ;

Muhammad al-Xorazmiy nomidagi Toshkent axborot texnologiyalari universiteti;

Toshkent shahridagi Inha universiteti;

Toshkent shahridagi Amiti universiteti;

Raqamli texnologiyalar va sunʼiy intellektni rivojlantirish ilmiy-tadqiqot instituti;

Muhammad al-Xorazmiy nomidagi AKT yoʻnalishiga oid fanlarni chuqurlashtirib oʻqitishga ixtisoslashtirilgan maktab;

“Dasturiy mahsulotlar va axborot texnologiyalari texnologik parki direksiyasi” MCHJ;

“UZINFOCOM davlat axborot tizimlarini yaratish va qoʻllab-quvvatlash boʻyicha yagona integrator” MCHJ;

“UNICON.UZ” Fan-texnika va marketing tadqiqotlari markazi” MCHJ;

“ALOQALOYINA” MCHJ;

“Radioaloqa, radioeshittirish va televideniye markazi” MCHJ;

“Universal Mobile Systems” MCHJ;

“Xabar” gazetasi tahririyati” MCHJ;

“Oʻzimpeksaloqa” MCHJ;

“ALSKOM” SK AJ;

yuridik shaxs maqomiga ega boʻlgan idoraviy mansub tashkilotlar”;

12-bandda:

4-kichik bandi quyidagi tahrirda bayon etilsin:

“4) davlat boshqaruviga va iqtisodiyotning real sektoriga innovatsiyalarni joriy qilishga, raqamli iqtisodiyot rivojlantirish ragʻbatlantirishni, shu jumladan, ishlab chiqarishda kompleks avtomatlashtirilgan boshqaruv tizimlarini joriy qilish uchun qulay shart-sharoitlarni yaratish hisobidan taʼminlash”;

5-kichik band oʻz kuchini yoʻqotgan deb hisoblansin;

13-bandda:

2-kichik bandda:

uchinchi xatboshi quyidagi tahrirda bayon etilsin:

“telekommunikatsiyalar xizmatlarini koʻrsatish qoidalari, telekommunikatsiyalar tarmoqlari va xizmatlarining sifat koʻrsatkichlari va normativlarini, telekommunikatsiyalar texnologiyalari tizimlari va vositalarini yaratish hamda taʼminlash qoidalari hamda tartiblarini ishlab chiqadi va tasdiqlaydi”;

toʻrtinchi va beshinchi xatboshilardagi “telekommunikatsiya” soʻzi “telekommunikatsiyalar” soʻzi bilan almashtirilsin;

yettinchi va sakkizinchi xatboshilar chiqarib tashlansin;

toʻqqizinchi — yigirma beshinchi xatboshilar tegishlicha yettinchi — yigirma uchinchi xatboshilar deb hisoblansin;

oʻninchi — oʻn ikkinchi xatboshilar chiqarib tashlansin;

oʻn uchinchi — yigirma uchinchi xatboshilar tegishlicha oʻninchi — yigirmanchi xatboshilar deb hisoblansin;

4-kichik bandda:

birinchi xatboshidagi “, elektron tijoratning rivojlanishi” soʻzlari chiqarib tashlansin;

oltinchi xatboshi chiqarib tashlansin;

5-kichik band oʻz kuchini yoʻqotgan deb hisoblansin;

6-kichik bandning beshinchi — yettinchi xatboshilari chiqarib tashlansin;

7-kichik bandda:

oltinchi xatboshi quyidagi tahrirda bayon qilinsin:

“axborot-kommunikatsiya texnologiyalari, kompyuter va dasturiy injiniring, telekommunikatsiyalar va televizion texnologiyalar, pochta aloqasi texnologiyalari, axborot-kommunikatsiya texnologiyalari sohasidagi menejment va iqtisodiyot kasblari, yoʻnalishlari va oʻqitish ixtisosliklari boʻyicha Raqamli texnologiyalarni rivojlantirish jamgʻarmasi mablagʻlari hisobidan oliy va oʻrta maxsus, kasb-hunar taʼlimi muassasalarining iqtidorli talabalari va oʻquvchilarini aniqlash va ular uchun Vazirlik stipendiyalarini tayinlash”;

9-kichik band quyidagi tahrirda bayon etilsin:

“9) koʻrsatilayotgan telekommunikatsiyalar va pochta aloqasi xizmatlarining yuqori sifatini taʼminlash maqsadida raqamli texnologiyalar sohasidagi qonun hujjatlariga rioya qilinishining davlat nazoratini amalga oshirish sohasida:

xoʻjalik yurituvchi subyektlar tomonidan radiochastotalar spektridan samarali foydalanish, respublika ijro etuvchi hokimiyat organlari va xoʻjalik yurituvchi subyektlarning axborot tizimlarida, shuningdek, respublika va mahalliy ijro etuvchi hokimiyati organlarida axborot-kommunikatsiya texnologiyalarini joriy qilishda telekommunikatsiyalar tarmoqlarining xavfsizligini taʼminlash boʻyicha texnik va texnologik talablar bajarilishining tahlili va nazorati oʻtkazilishini tashkil qilish;

Oʻzbekiston Respublikasida radioelektron vositalar va yuqori chastotali qurilmalarni sotib olish (berish), loyihalashtirish va qurish (oʻrnatish), olib kirish va ekspluatatsiya qilish talabnomalarini koʻrib chiqish va ruxsat berish;

Oʻzbekiston Respublikasi Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi yordamida pochta aloqasi operatorlari, provayderlari tomonidan jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashishning ichki nazorat qoidalariga rioya qilishlarining monitoringini va nazoratini tashkil qilish”;

10-kichik bandning toʻrtinchi xatboshisidagi “respublikada axborot texnologiyalari va kommunikatsiyalari” soʻzlari “respublikada raqamli texnologiyalar” soʻzlari bilan almashtirilsin;

15-bandda:

3-kichik bandi quyidagi tahrirda bayon etilsin:

“3) Oʻzbekiston Respublikasida raqamli texnologiyalar sohasini takomillashtirish boʻyicha takliflarni tayyorlash va yuqori tashkilotlarga kiritish”;

4-kichik band oʻz kuchini yoʻqotgan deb hisoblansin;

6 va 7-kichik bandlardagi “boshqarmalari” soʻzi “boʻlinmalari” soʻzi bilan almashtirilsin;

8-kichik band quyidagi tahrirda bayon qilinsin:

“8) Vazirlik hududiy boʻlinmalari, tasarrufidagi tashkilotlar va korxonalar, shuningdek, telekommunikatsiyalar tarmoqlari operatorlari va provayderlarining faoliyatini muvofiqlashtirish va nazorat qilish”;

16-bandda:

4-kichik banddagi “axborot texnologiyalari va kommunikatsiyalari” soʻzlari “raqamli texnologiyalar” soʻzlari bilan almashtirilsin;

5, 18, 19, 28-kichik bandlar oʻz kuchini yoʻqotgan deb hisoblansin;

9-kichik banddagi “boshqarmalar” soʻzi “boʻlinmalar” soʻzi bilan almashtirilsin;

27-kichik banddagi “axborot texnologiyalari va kommunikatsiyalarini” soʻzlari “raqamli texnologiyalarni” soʻzlari bilan almashtirilsin;

quyidagi mazmundagi 29 — 31-kichik bandlar bilan toʻldirilsin:

“29) Oʻzbekiston Respublikasi telekommunikatsiyalar tarmoqlarini boshqarish tizimini shakllantirish va uning samarali faoliyatini taʼminlash, mobil qurilmalarni roʻyxatga olishni tartibga solish, telekommunikatsiyalar tarmoqlarini raqamlash rejasi va tizimini boshqarish, mobil aloqa tarmoqlarida abonent raqamlarini koʻchirish xizmatini tashkil etish hamda telekommunikatsiyalar tarmoqlarini loyihalashtirish, qurish, ulardan foydalanish va ularning xizmatlarini koʻrsatish uchun litsenziyalar berish masalalarini Telekommunikatsiyalarni tartibga solish agentligi bilan muvofiqlashtiradi;

30) davlat boshqaruvi sohasiga zamonaviy telekommunikatsiyalar tarmoqlarini joriy etish, rivojlantirish va ulardan samarali foydalanish boʻyicha takliflar hamda tavsiyalar ishlab chiqadi;

31) telekommunikatsiyalar sohasidagi atamalar va taʼriflarni ishlab chiqadi, belgilaydi hamda tasdiqlaydi”;

3-paragraf nomi va 17-bandning birinchi xatboshisidagi “boshqarmalarining” soʻzi “boʻlinmalarining” soʻzi bilan almashtirilsin;

17-bandda:

1-kichik band “telekommunikatsiyalar” soʻzidan keyin “sunʼiy intellekt,” soʻzlari bilan toʻldirilsin;

18-bandda:

birinchi xatboshidagi “boshqarmalari” soʻzi “boʻlinmalari” soʻzi bilan almashtirilsin;

2-kichik banddagi “axborot texnologiyalari va kommunikatsiyalari” soʻzlari “raqamli texnologiyalar” soʻzlari bilan almashtirilsin;

3 va 9-kichik bandlar oʻz kuchini yoʻqotgan deb hisoblansin;

4-kichik banddagi “va rivojlantirish, axborot xavfsizligi” soʻzlari “, rivojlantirish va axborot xavfsizligini hamda kiberxavfsizligini taʼminlash” soʻzlari bilan almashtirilsin;

4-bobning nomidagi “boshqarmalarining” soʻzi “boʻlinmalarining” soʻzi bilan almashtirilsin;

21-kichik band oʻz kuchini yoʻqotgan deb hisoblansin;

23-kichik band quyidagi tahrirda bayon qilinsin:

“23) Vazirlikka yuklangan vazifalar va funksiyalarni bajarish doirasida raqamli texnologiyalar sohasidagi respublika ijro etuvchi hokimiyat organlari, tashkilotlar, loyiha tashkilotlari, ilmiy-taʼlim muassasalarining, shuningdek, yetakchi xalqaro va chet el kompaniyalarining mutaxassislarini maslahatchilar sifatida jalb qilish”;

20-bandning 4 va 5-kichik bandlaridagi “axborot texnologiyalari va kommunikatsiyalari” soʻzlari “raqamli texnologiyalar” soʻzlari bilan almashtirilsin;

21-bandda:

1-kichik banddagi “boshqarmalaridan va uning tasarrufidagi tashkilotlardan, shuningdek, telekommunikatsiya” soʻzlari “boʻlinmalaridan va uning tasarrufidagi tashkilotlardan, shuningdek, telekommunikatsiyalar” soʻzlari bilan almashtirilsin;

2 va 4-kichik bandlardagi “boshqarmalari va uning tasarrufidagi tashkilotlar, telekommunikatsiya” soʻzlari “boʻlinmalari va uning tasarrufidagi tashkilotlar, telekommunikatsiyalar” soʻzlari bilan almashtirilsin;

3 va 5-kichik bandlardagi tegishli kelishikdagi “boshqarmalari” soʻzi “boʻlinmalari” soʻzi bilan almashtirilsin;

6-kichik banddagi “boshqarmalari va tasarrufidagi tashkilotlar, telekommunikatsiya” soʻzlari “boʻlinmalari va tasarrufidagi tashkilotlar, telekommunikatsiyalar” soʻzlari bilan almashtirilsin;

19-kichik band oʻz kuchini yoʻqotgan deb hisoblansin;

22-bandda:

1-kichik banddagi “boshqarmalari” soʻzi “boʻlinmalari” soʻzi bilan almashtirilsin;

4-kichik banddagi “boshqarmalar tomonidan axborot texnologiyalari va kommunikatsiyalari sohasini rivojlantirish, shuningdek, axborot texnologiyalari va kommunikatsiyalari” soʻzlari “boʻlinmalar tomonidan raqamli texnologiyalar sohasini rivojlantirish, shuningdek, raqamli texnologiyalar” soʻzlari bilan almashtirilsin;

3-paragraf nomlanishidagi “boshqarmalarining” soʻzi “boʻlinmalarining” soʻzi bilan almashtirilsin;

23-bandda:

birinchi va oʻn toʻrtinchi xatboshilardagi tegishli kelishikdagi “boshqarmalari” soʻzi tegishli kelishikdagi “boʻlinmalari” soʻzi bilan almashtirilsin;

4 va 5-kichik bandlardagi “axborot texnologiyalari va kommunikatsiyalari” soʻzlari “raqamli texnologiyalar” soʻzlari bilan almashtirilsin;

24-bandda:

birinchi xatboshidagi, 1 va 2-kichik bandlardagi tegishli kelishikdagi “boshqarmalari” soʻzi tegishli kelishikdagi “boʻlinmalari” soʻzi bilan almashtirilsin;

3-kichik banddagi “axborot texnologiyalari va kommunikatsiyalar” soʻzlari “raqamli texnologiyalar” soʻzlari bilan almashtirilsin;

25-bandning 4, 9, 17, 21, 27-kichik bandlaridagi tegishli kelishikdagi “boshqarmalar” soʻzi tegishli kelishikdagi “boʻlinmalar” soʻzi bilan almashtirilsin;

26-bandning 10-kichik bandi hamda 27-bandning 11-kichik bandidagi “Devonining” soʻzi “Administratsiyasining” soʻzi bilan almashtirilsin;

27-bandning 3, 4 va 8-kichik bandlaridagi tegishli kelishikdagi “boshqarmalar” soʻzi tegishli kelishikdagi “boʻlinmalar” soʻzi bilan almashtirilsin;

28-bandning birinchi xatboshisi, 2, 3, 4, 7 — 12 va 14 — 16-kichik bandlari, 32-bandning birinchi xatboshisi, 1 va 2-kichik bandlari, 2-paragraf, 36, 37, 39-bandlar, 40-bandning birinchi xatboshisi, 1 — 7-kichik bandlari, 41-bandning birinchi xatboshisi, 42-band, 44-bandning birinchi va ikkinchi xatboshilari va 64-bandlardagi tegishli kelishikdagi “boshqarmalar” soʻzi tegishli kelishikdagi “boʻlinmalar” soʻzi bilan almashtirilsin;

34-banddagi “oʻrinbosari” soʻzi chiqarib tashlansin;

41-bandning 2-kichik bandidagi “axborot texnologiyalari va kommunikatsiyalari” soʻzlari “raqamli texnologiyalar” soʻzlari bilan almashtirilsin;

quyidagi mazmundagi 41¹ va 41²-bandlar bilan toʻldirilsin:

“41¹. Vazirlik markaziy apparati, hududiy boʻlinmalari hamda tasarrufidagi tashkilotlarda manfaatlar toʻqnashuvi hamda korrupsiya holatlarining oldini olish boʻyicha zarur choralar koʻriladi.

41². Vazirlik markaziy apparati, hududiy boʻlinmalari hamda tasarrufidagi tashkilotlarda manfaatlar toʻqnashuvi hamda korrupsiya holatlari aniqlanganda tegishli oʻrganishlar va xizmat tekshiruvlari oʻtkaziladi, zarur hollarda vakolatlariga kirmaydigan qoidabuzarliklar boʻyicha materiallarni belgilangan tartibda tegishli vakolatli organlarga beradi”;

45-banddagi “IT-texnologiyalar, telekommunikatsiyalar va innovatsion faoliyatni rivojlantirish masalalari departamentiga” soʻzlari “Sunʼiy intellekt va raqamli texnologiyalarni rivojlantirish masalalari departamentiga” soʻzlari bilan almashtirilsin;

51-band quyidagi tahrirda bayon etilsin:

“51. Hayʼat raisi va hayʼat aʼzolari oʻrtasida kelishmovchiliklar yuzaga kelgan taqdirda, Vazir yuzaga kelgan kelishmovchiliklar haqida Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham Vazirlar Mahkamasiga yozma ravishda oʻz fikrini xabar qilishi mumkin”;

53 va 54-bandlar quyidagi tahrirda bayon etilsin:

“53. Vazirlik aloqa, raqamli texnologiyalar, telekommunikatsiyalar, pochta aloqasi, axborot xavfsizligi, kiberxavfsizlik, radiochastota spektridan foydalanish, “Elektron hukumat” tizimini joriy etish va rivojlantirish, dasturiy mahsulotlarni ishlab chiqish va Vazir tomonidan tasdiqlanadigan nizomlar sohasida, Vazirlik faoliyati sohasiga kiradigan boshqa yoʻnalishlar boʻyicha ekspert kengashlar va boshqa maslahat beruvchi organlarni tashkil qilish huquqiga ega.

54. Vazirlik huzurida tuziladigan kengash, maslahat va ekspert organlari tarkibi va ular toʻgʻrisidagi nizomlar Vazir tomonidan tasdiqlanadi, ularning tarkibi va nizomlari Oʻzbekiston Respublikasi Prezidenti hujjatlari va Vazirlar Mahkamasi qarorlari bilan tasdiqlanadigan hollar bundan mustasno”;

59-band quyidagi tahrirda bayon etilsin:

“59. Vazirlik va uning hududiy boʻlinmalari faoliyati, mehnatga haq toʻlash jamgʻarmasi va moddiy-texnik taʼminotni moliyalashtirish Raqamli texnologiyalarni rivojlantirish jamgʻarmasi, budjetdan tashqari fondlarning mablagʻlari va Oʻzbekiston Respublikasi Iqtisodiyot va moliya vazirligi bilan kelishilgan smeta doirasida qonunchilik hujjatlari bilan taqiqlanmagan boshqa manbalar hisobiga amalga oshiriladi”;

61-banddagi “Axborot-kommunikatsiya texnologiyalarini” soʻzlari “Raqamli texnologiyalarni” soʻzlari bilan almashtirilsin;

62-bandning birinchi xatboshisi quyidagi tahrirda bayon qilinsin:

“62. Vazirlik markaziy apparati, hududiy boʻlinmalar va uning tarkibiy boʻlinmalari xodimlarini ijtimoiy himoyalash maqsadida Raqamli texnologiyalarni rivojlantirish jamgʻarmasining mablagʻlari hisobiga”;

63-band quyidagi tahrirda bayon etilsin:

“63. Vazirlikning idoraviy mansub xoʻjalik hisobidagi tashkilotlarining moddiy-texnik taʼminoti, shuningdek, ular xodimlarining mehnatiga haq toʻlash Vazirlikning budjetdan tashqari mablagʻlari, Raqamli texnologiyalarni rivojlantirish jamgʻarmasining mablagʻlari, mazkur tashkilotlarning oʻz mablagʻlari, shuningdek, qonunchilik hujjatlariga zid boʻlmagan boshqa manbalar hisobidan amalga oshiriladi.

“UNICON.UZ” — Fan-texnika va marketing tadqiqotlari markazi” MCHJ qoshida faoliyat yuritadigan Aloqa obyektlarining davlat kadastri xizmati, Standartlashtirish tayanch tashkiloti, Tayanch metrologiya xizmati, Atamashunoslik va lugʻatlar xizmati, Elektron raqamli imzo kalitlarini roʻyxatdan oʻtkazish markazlarini rivojlantirishga koʻmaklashish xizmati, “UZINFOCOM” davlat axborot tizimlarini yaratish va qoʻllab-quvvatlash boʻyicha Yagona integrator” MCHJ qoshida faoliyat yuritadigan Oʻzbekiston Respublikasi Hukumati portalini axborot bilan taʼminlash va rivojlantirish guruhlari, ZiyoNet tarmogʻining resurs markazi hamda “Raqamli hukumat loyihalarini boshqarish markazi” davlat muassasasi huzuridagi “loyiha ofislari” Raqamli texnologiyalarni rivojlantirish jamgʻarmasining mablagʻlari hisobidan moliyalashtiriladi”;

66-band quyidagi tahrirda bayon etilsin:

“66. Oʻzbekiston Respublikasi Vazirlar Mahkamasi Vazirlik rahbariyatiga yuklangan vazifalar samarali bajarilishi boʻyicha ular faoliyati ustidan muntazam monitoring yuritadi, Vazirlik faoliyati samaradorligiga xolisona baho beradi”.

4. Vazirlar Mahkamasining “Oʻzbekiston Respublikasida mobil qurilmalarni hisobga olish tizimini tartibga solish chora-tadbirlari toʻgʻrisida” 2018-yil 22-oktabrdagi 847-son qarorining 2-bandi quyidagi tahrirda bayon etilsin:

“2. Quyidagilar:

Oʻzbekiston Respublikasi Raqamli texnologiyalar vazirligi — mobil qurilmalarning identifikatsiya kodlarini roʻyxatga olish va qoʻllash, ushbu yoʻnalishda normativ-huquqiy bazani yaratish va takomillashtirish boʻyicha vakolatli organ;

“Oʻzbekiston telekommunikatsiya tarmoqlarini boshqarish respublika markazi” davlat unitar korxonasi — Tizim operatori (keyingi oʻrinlarda Tizim operatori deb ataladi) etib;

Raqamli texnologiyalarni rivojlantirish jamgʻarmasining mablagʻlari — Tizimni yaratish va joriy etish ishlarini moliyalashtirish manbai etib belgilansin”.

5. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomga 15-ilovada:

a) 4-pozitsiyaning uchinchi ustuni quyidagi tahrirda bayon qilinsin:

“Oʻzbekiston Respublikasi Telekommunikatsiyalarni tartibga solish agentligi.

Maʼlumotlar uzatish tarmoqlarini hamda teleradioeshittirishlarni tarqatish tarmoqlarini loyihalashtirish, qurish, ulardan foydalanish va ularning xizmatlarini koʻrsatish faoliyatiga litsenziya olish, muddatini uzaytirish va litsenziyaga oʻzgartirish kiritish Vazirlar Mahkamasining Axborot faoliyati va maʼlumotlar uzatishni takomillashtirish va samaradorligini oshirish boʻyicha idoralararo muvofiqlashtirish komissiyasining qarori asosida litsenziyalovchi organ tomonidan amalga oshiriladi”;

b) 7-pozitsiyaning yigirma toʻrtinchi va yigirma beshinchi xatboshilari quyidagi mazmundagi yigirma toʻrtinchi — yigirma sakkizinchi xatboshilar bilan almashtirilsin:

“Yagona interaktiv davlat xizmatlari portali orqali davlat xizmatlarini koʻrsatganlik uchun toʻlangan davlat bojlari, yigʻimlar va barcha turdagi toʻlovlarning 11,25 foizi — Raqamli texnologiyalarni rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlarning:

50 foizi — Oʻzbekiston Respublikasining respublika budjetiga;

47,5 foizi Raqamli texnologiyalarni rivojlantirish jamgʻarmasiga;

2,5 foizi Oʻzbekiston Respublikasi Telekommunikatsiyalarni tartibga solish agentligining gʻaznachilik shaxsiy hisobraqamiga yoʻnaltiriladi”;

v) 10-pozitsiyaning 3-ustuni quyidagi tahrirda bayon etilsin:

“maʼlumotlar uzatish tarmoqlarini va teleradioeshittirish tarmoqlarini loyihalashtirish, qurish, ulardan foydalanish va ularning xizmatlarini koʻrsatish boʻyicha faoliyatga litsenziyalar berish (amal qilish muddatini uzaytirish va litsenziyaga oʻzgartirish kiritish) Axborot faoliyati va maʼlumotlar uzatishni takomillashtirish va samaradorligini oshirish boʻyicha idoralararo muvofiqlashtirish komissiyasi qarori asosida amalga oshiriladi.

Oʻzbekiston Respublikasi Raqamli texnologiyalar vazirligi.

Zaruratga koʻra teleradiodasturlarni tayyorlashda va shakllantirishda Oʻzbekiston Respublikasining amaldagi qonunchilik hujjatlarida belgilangan talablarga mosligi yuzasidan Oʻzbekiston Milliy teleradiokompaniyasi”.

6. Vazirlar Mahkamasining 2023-yil 29-dekabrdagi 722-son qarori bilan tasdiqlangan Narxlari (tariflari) davlat tomonidan tartibga solinadigan ijtimoiy ahamiyatli tovarlar (xizmatlar) va ularning strategik turlari roʻyxatining 5-bandi quyidagi tahrirda bayon etilsin:

“5. Oʻzbekiston Respublikasi televizion va radioeshittirish dasturlarini efir orqali uzatish xizmatlari, yoʻldosh aloqa orqali qabul qilib efir orqali qayta uzatish xizmatlari, radioaloqa xizmatlari”.