O‘zbekiston Respublikasi Prezidentining “Axborot texnologiyalari va kommunikatsiyalari sohasini yanada takomillashtirish chora-tadbirlari to‘g‘risida” 2018-yil 19-fevraldagi PF-5349-son Farmoniga hamda O‘zbekiston Respublikasi Prezidentining “O‘zbekiston Respublikasi Axborot texnologiyalari va kommunikatsiyalarini rivojlantirish vazirligi faoliyatini tashkil etish to‘g‘risida” 2018-yil 19-fevraldagi PQ-3549-son qaroriga muvofiq, shuningdek, axborot texnologiyalari va kommunikatsiyalari sohasida davlat boshqaruvini yanada takomillashtirish maqsadida Vazirlar Mahkamasi qaror qiladi:

1. Quyidagilar:

O‘zbekiston Respublikasi Raqamli texnologiyalar vazirligi to‘g‘risidagi nizom 1-ilovaga muvofiq;

O‘zbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat bo‘yicha inspeksiya to‘g‘risidagi nizom 2-ilovaga muvofiq;

O‘zbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat bo‘yicha inspeksiyaning hamda hududiy inspeksiyalarning tuzilmalari 3 va 3a-ilovalarga muvofiq tasdiqlansin.

2. O‘zbekiston Respublikasi Hukumatining 4-ilovaga muvofiq ayrim qarorlari o‘z kuchini yo‘qotgan deb hisoblansin.

3. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish O‘zbekiston Respublikasi Axborot texnologiyalari va kommunikatsiyalarini rivojlantirish vaziri A.I. Axmedxadjayev zimmasiga hamda O‘zbekiston Respublikasi Vazirlar Mahkamasining Axborot tizimlari va telekommunikatsiyalarni rivojlantirish masalalari axborot-tahlil departamentiga yuklansin.

1. Ushbu Nizom O‘zbekiston Respublikasi Raqamli texnologiyalar vazirligining (keyingi o‘rinlarda Vazirlik deb ataladi) maqomi, asosiy vazifalari, funksiyalari, huquqlari va faoliyatining tashkiliy asoslarini belgilaydi.

2. Vazirlik raqamli texnologiyalar sohasidagi respublika ijro etuvchi hokimiyat organi hisoblanadi.

Vazirlik O‘zbekiston Respublikasi Vazirlar Mahkamasiga bo‘ysunadi.

3. Vazirlik o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

4. Vazirlik:

a) quyidagilar:

axborotlashtirish, elektron hukumat, elektron raqamli imzodan foydalanish, telekommunikatsiyalar va pochta aloqasi sohasida;

sun’iy intellekt texnologiyalari sohasini rivojlantirish, qo‘llab-quvvatlashning yaxlit ekotizimini shakllantirish hamda huquqiy jihatdan tartibga solish bo‘yicha;

b) Radiochastotalar bo‘yicha Respublika kengashining ishchi organi hisoblanadi hamda uning faoliyatini tashkiliy-texnik, normativ-huquqiy jihatdan ta’minlash, muvofiqlashtirish, materiallarni ishlab chiqish va tayyorlashga doir joriy tezkor ishlarni bajaradi;

v) radiochastota organi hisoblanadi;

g) Xalqaro elektraloqa ittifoqida, Butunjahon pochta ittifoqida hamda axborot texnologiyalari va kommunikatsiyalari sohasidagi boshqa xalqaro tashkilotlarda O‘zbekiston Respublikasi manfaatlarini ifodalash vakolati berilgan organ hisoblanadi.

5. Vazirlikning radiochastota organi sifatidagi vakolatini “Elektromagnit moslashuv markazi” davlat unitar korxonasi bajaradi.

6. Vazirlikning o‘z vakolatlari doirasida qabul qilingan qarorlari davlat va xo‘jalik boshqaruvi organlari, mahalliy davlat hokimiyati organlari, boshqa tashkilotlar va ularning mansabdor shaxslari, shuningdek, yuridik va jismoniy shaxslar tomonidan bajarilishi majburiy hisoblanadi.

7. Vazirlik “O‘zbekiston pochtasi” aksiyadorlik jamiyati va “O‘zbektelekom” aksiyadorlik kompaniyasining ustav fondlaridagi aksiyalar davlat paketlari bo‘yicha aksiyador huquqini amalga oshiradi.

8. Vazirlik va uning tuzilmasiga kiradigan tashkilotlar yuridik shaxslar hisoblanadi, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhr va blankalarga, mustaqil balansga, O‘zbekiston Respublikasi Iqtisodiyot va moliya vazirligi huzuridagi G‘aznachilik xizmati qo‘mitasida shaxsiy g‘azna hisobvaraqlariga, bank hisobraqamlariga, shu jumladan chet valyutasidagi hisobraqamlariga ega.

9. Vazirlikning rasmiy nomi:

a) davlat tilida:

to‘liq nomi — O‘zbekiston Respublikasi Raqamli texnologiyalar vazirligi, qisqartmasi — Raqamlashtirish vazirligi;

b) rus tilida:

to‘liq nomi — Ministerstvo sifrovix texnologiy Respubliki Uzbekistan, qisqartmasi — Minsifri;

v) ingliz tilida:

to‘liq nomi — Ministry of digital technologies of the Republic of Uzbekistan, qisqartmasi — MDT.

10. Vazirlikning joylashgan joyi (pochta manzili): 100164, Toshkent shahri Ibrohim Mo‘minov ko‘chasi 4-uy.

11. Vazirlik tuzilmasiga quyidagilar kiradi:

Vazirlikning markaziy apparati;

Vazirlikning Qoraqalpog‘iston Respublikasi, viloyatlar va Toshkent shahridagi hududiy bo‘linmalari;

Kosmik tadqiqotlar va texnologiyalar agentligi;

Axborotlashtirish va telekommunikatsiyalar sohasida nazorat inspeksiyasi;

“Raqamli hukumat loyihalarini boshqarish markazi” DM;

“Sun’iy intellekt va raqamli iqtisodiyotni rivojlantirish markazi” DM

“Binolardan foydalanish va kapital qurilish direksiyasi” DM;

“Raqamli ta’limni rivojlantirish markazi” DM;

Raqamli texnologiyalarni rivojlantirish jamg‘armasi;

Davlat feldyegerlik xizmati;

“Elektromagnit moslashuv markazi” DUK;

“O‘zbekiston telekommunikatsiya tarmoqlarini boshqarish respublika markazi” DUK;

“Respublika maxsus aloqa bog‘lamasi” DUK;

“O‘zbektelekom” AK;

“O‘zbekiston pochtasi” AJ;

Muhammad al-Xorazmiy nomidagi Toshkent axborot texnologiyalari universiteti;

Toshkent shahridagi Inha universiteti;

Toshkent shahridagi Amiti universiteti;

Raqamli texnologiyalar va sun’iy intellektni rivojlantirish ilmiy-tadqiqot instituti;

Muhammad al-Xorazmiy nomidagi AKT yo‘nalishiga oid fanlarni chuqurlashtirib o‘qitishga ixtisoslashtirilgan maktab;

“Dasturiy mahsulotlar va axborot texnologiyalari texnologik parki direksiyasi” MCHJ;

“UZINFOCOM davlat axborot tizimlarini yaratish va qo‘llab-quvvatlash bo‘yicha yagona integrator” MCHJ;

“UNICON.UZ” Fan-texnika va marketing tadqiqotlari markazi” MCHJ;

“ALOQALOYINA” MCHJ;

“Radioaloqa, radioeshittirish va televideniye markazi” MCHJ;

“Universal Mobile Systems” MCHJ;

“Xabar” gazetasi tahririyati” MCHJ;

“O‘zimpeksaloqa” MCHJ;

“ALSKOM” SK AJ;

yuridik shaxs maqomiga ega bo‘lgan idoraviy mansub tashkilotlar.

12. Quyidagilar Vazirlikning asosiy vazifalari hisoblanadi:

1) axborot texnologiyalari, telekommunikatsiyalar, elektron hukumatni joriy qilish faoliyatini muvofiqlashtirish, axborot jamiyati va raqamli iqtisodiyotni shakllantirish sohasida yagona davlat siyosatini ishlab chiqish va amalga oshirish hamda munosabatlarni tartibga solish;

2) “oxirgi milya” prinsipi bo‘yicha Internet tarmog‘idan keng polosali foydalanishni kengaytirish yo‘li bilan telekommunikatsiya infratuzilmasini, multiservisli aloqa tarmoqlari texnologiyalarini, mobil aloqa bozorini, boshqa zamonaviy telekommunikatsiya xizmatlarini, shuningdek, pochta aloqasi va logistikasi xizmatlarini rivojlantirish hamda modernizatsiyalash;

3) davlat organlarining axborot tizimlari va resurslarini ishlab chiqish hamda joriy qilishda, idoralararo elektron o‘zaro hamkorlikni tashkil qilishda, yagona elektron reyestrlar va ma’lumotlar bazalarini, “yagona darcha” tamoyili bo‘yicha elektron davlat xizmatlari ko‘rsatish tizimlarini shakllantirishda yagona texnologik yondashuv amalga oshirilishini ta’minlash;

4) davlat boshqaruviga va iqtisodiyotning real sektoriga innovatsiyalarni joriy qilishga, raqamli iqtisodiyot rivojlantirish rag‘batlantirishni, shu jumladan, ishlab chiqarishda kompleks avtomatlashtirilgan boshqaruv tizimlarini joriy qilish uchun qulay shart-sharoitlarni yaratish hisobidan ta’minlash;

6) texnoparklar va kovorking-markazlar faoliyatini tashkil qilish yo‘li bilan, shu jumladan davlat-xususiy sherikchilik asosida zamonaviy raqobatbardosh va eksport qilish uchun mo‘ljallangan dasturiy mahsulotlar va xizmatlarni mahalliy ishlab chiqarishni rivojlantirishni rag‘batlantirish, sharoitlar yaratish va investitsiyalarni jalb qilish;

7) yetakchi xorijiy kompaniyalar va ta’lim muassasalarining eng yaxshi amaliyotiga asoslanib axborot texnologiyalari va kommunikatsiyalar sohasida ilmiy tadqiqotlar va ishlanmalarni, bu sohadagi strategik va loyiha boshqaruvi, menejment, marketing bo‘yicha kadrlarni qayta tayyorlash va ularning malakasi oshirilishini tashkil qilish;

8) tarmoqlar, dasturiy mahsulotlar, axborot tizimlari va resurslarining kiberxavfsizligini ta’minlash va ularni himoya qilishning zamonaviy texnologiyalarini joriy qilish, shaxsiy va biometrik ma’lumotlarni yig‘ish, qayta ishlash va saqlash bo‘yicha texnologiyalarning qo‘llanishini tartibga solishda ishtirok etish bo‘yicha kompleks chora-tadbirlarni amalga oshirish;

9) taqdim etiladigan telekommunikatsiya va pochta aloqasi xizmatlarining yuqori sifatini ta’minlash maqsadida axborot texnologiyalari va kommunikatsiyalar sohasida qonun hujjatlariga rioya qilinishining davlat nazoratini amalga oshirish;

10) axborot texnologiyalari va kommunikatsiyalarini qo‘llash va rivojlantirish, shu jumladan texnik standartlar, reglamentlarni joriy etishni tashkil qilish masalalari bo‘yicha, shuningdek, Vazirlik faoliyati sohasiga kiradigan boshqa yo‘nalishlar bo‘yicha xalqaro tashkilotlar, chet el kompaniyalari, ilmiy-tadqiqot muassasalari bilan hamkorlikni rivojlantirish.

13. Vazirlik o‘z zimmasiga yuklangan vazifalarga muvofiq quyidagi funksiyalarni amalga oshiradi:

1) axborot texnologiyalari va kommunikatsiyalarini rivojlantirish va qo‘llanish sohasida yagona davlat siyosatini ishlab chiqish va amalga oshirish hamda munosabatlarni tartibga solish sohasida elektron hukumat tizimini joriy qilish faoliyatini muvofiqlashtirish, axborot jamiyati va raqamli iqtisodiyotni shakllantirish sohasida:

elektron hukumat sohasidagi davlat dasturlari va boshqa dasturlarni, shuningdek, axborot texnologiyalari va kommunikatsiyalar, telekommunikatsiyalar va pochta aloqasini istiqbolli rivojlantirish bo‘yicha dasturlarni, shu jumladan keng polosali foydalana olish zamonaviy vositalarini joriy qilish, ma’lumotlar uzatish, yo‘ldosh va mobil aloqa, teleradioeshittirish raqamli tizimlari, yuridik va jismoniy shaxslarga elektron davlat xizmatlari ko‘rsatish tartibini takomillashtirish, raqobatbardosh dasturiy mahsulotlarni mahalliy ishlab chiqarishni tashkil qilish, axborot tizimlari va resurslarini rivojlantirish, axborot jamiyati va raqamli iqtisodiyotni shakllantirish bo‘yicha dasturlarni bosqichma-bosqich ishlab chiqadi hamda amalga oshiradi;

axborotlashtirish, elektron hukumatni rivojlantirish, axborot jamiyati, raqamli iqtisodiyot, telekommunikatsiya va pochta aloqasi, radioaloqa, teleradioeshittirish va matbuot tarqatish tarmoqlari, elektron raqamli imzodan va radiochastotalar spektridan foydalanish sohasidagi strategik ustuvorliklarni shakllantiradi va amalga oshiradi;

2) “oxirgi milya” prinsipi bo‘yicha Internet tarmog‘idan keng polosali foydalana olishni kengaytirish yo‘li orqali telekommunikatsiya infratuzilmasini, multiservisli aloqa tarmoqlari texnologiyalarini, mobil aloqa bozorini, boshqa zamonaviy telekommunikatsiya xizmatlarini, shuningdek, pochta aloqasi xizmatlari va logistikasini rivojlantirish hamda modernizatsiyalash sohasida;

radiochastotalar spektrini taqsimlash va foydalanish, vakolati doirasida ushbu sohada qonun hujjatlariga rioya qilinishining nazoratini amalga oshirish sohasidagi davlat siyosatini amalga oshirishda ishtirok etadi;

telekommunikatsiyalar xizmatlarini ko‘rsatish qoidalari, telekommunikatsiyalar tarmoqlari va xizmatlarining sifat ko‘rsatkichlari va normativlarini, telekommunikatsiyalar texnologiyalari tizimlari va vositalarini yaratish hamda ta’minlash qoidalari hamda tartiblarini ishlab chiqadi va tasdiqlaydi;

telekommunikatsiyalar tarmoqlarini rivojlantirishning davlat va tarmoq dasturlari ishlab chiqilishini va ular amalga oshirilishini tashkil qiladi;

belgilangan tartibda telekommunikatsiyalar tarmoqlari xizmatlarini ko‘rsatish qoidalari, telekommunikatsiyalar tarmoqlari, axborotlashtirish va telekommunikatsiyalar texnologiyalari tizimlari va vositalarini yaratish hamda ta’minlash bo‘yicha xo‘jalik yurituvchi subyektlar faoliyatining davlat nazoratini tashkil qilish va amalga oshirish qoidalari va tartibini ishlab chiqadi va tasdiqlaydi;

O‘zbekiston Respublikasi hududida chet el ommaviy axborot vositalari teleradiomahsulotlarini tarqatish sohasida davlat boshqaruvini amalga oshiradi;

fuqarolar va tadbirkorlik subyektlarining huquqlari va qonuniy manfaatlarini himoya qilishda vakolatli organlarga ko‘maklashadi;

telekommunikatsiya tarmoqlari xizmatlarining sifat ko‘rsatkichlari va normativlarini tasdiqlaydi va ularning belgilangan tartibda bajarilishining nazoratini amalga oshiradi;

operatorlar telekommunikatsiya tarmoqlarining taqdim etilayotgan xizmatlarning sifat normativlariga muvofiq sifatini tizimli monitoringini va holatini baholashni, telekommunikatsiya tarmoqlarini boshqarish tizimida taqdim etiladigan telekommunikatsiya xizmatlarining sifat ko‘rsatkichlari hisobga olinishini avtomatlashtirishni tashkil qiladi;

radiochastota spektri, radioelektron vositalar va yuqori chastotali qurilmalardan foydalanishni monitoring qilish, shuningdek, radioxalaqitlarni, shu jumladan industrial radioxalaqitlarni yo‘q qilish ishlarini tashkil etadi;

Vazirlik tizimidagi moddiy vositalarni davlat zaxirasiga to‘plash rejasini va safarbarlik rejasini, tuzilmasini, tarkibini, me’yorini ishlab chiqadi;

Mudofaa vazirligi bilan kelishilgan holda O‘zbekiston Respublikasi Mudofaa vazirligi Maxsus avariya-tiklash boshqarmasining kuch vositalari bilan davlat boshqaruvi organlarini va xo‘jalik birlashmalarini aloqa bilan ta’minlash uchun avariya-tiklash ishlarini va o‘ta muhim, toifalangan va strategik muhim obyektlar tizimini qo‘riqlashni ta’minlashni tashkillashtiradi;

pochta aloqasini rivojlantirish davlat va tarmoq dasturlarini, pochta aloqasi xizmatlari va logistikasini rivojlantirish va modernizatsiyalashda strategik ustuvorlikni zamonaviy, shu jumladan, axborot-kommunikatsiya texnologiyalari yordamida ishlab chiqish va amalga oshirish hamda davriy bosma nashrlarni tarqatish tarmog‘ini rivojlanish va modernizatsiyalash bo‘yicha ustuvor yo‘nalishlarini ishlab chiqish;

belgilangan tartibda pochta aloqasi xizmatlari ko‘rsatish qoidalari, pochta aloqasi xizmatlarining sifat ko‘rsatkichlari va normativlarini, davriy bosma nashrlarni yetkazib berishning nazorat muddatlarini ishlab chiqadi va tasdiqlaydi hamda bajarilishini nazorat qiladi;

maxsus vakolatli davlat organi bilan kelishuv bo‘yicha universal pochta aloqasi xizmatlari ro‘yxatini tasdiqlaydi;

belgilangan tartibda universal pochta aloqasi xizmatlari uchun tariflarni tasdiqlaydi;

pochta to‘lovi davlat belgilarining namunalarini va pochta markalarini nashr qilish, ularni muomalaga kiritish va muomaladan chiqarish tartibini tasdiqlaydi, shuningdek, pochta to‘lovi davlat belgilarining davlat kolleksiyasi shakllantirilishini tashkil qiladi;

pochta aloqasi operatorlari va provayderlari uchun majburiy bo‘lgan pochta indekslari, yozma xat-xabarlarni olish chastotasi normativlarini, shuningdek, pochta jo‘natmalari o‘tishining nazorat muddatlarini tasdiqlaydi;

pochta, kuryerlik jo‘natmalari va pul mablag‘larini tashish uchun foydalaniladigan pochta aloqasi operatorlari va provayderlarining transport vositalarida joylashtiriladigan maxsus farqlash belgilari, frankirlash mashinalaridan foydalanish tartibi, pochta aloqasi milliy operatori ishchisining forma kiyimini va ko‘krak nishonini tasdiqlash va kiyib yurish tartibini belgilangan tartibda tasdiqlaydi;

maxsus vakolatli davlat organi bilan birgalikda pochta aloqasi operatorlari va provayderlari uchun jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish bo‘yicha ichki nazorat qoidalarini tasdiqlaydi;

3) davlat organlarining axborot tizimlari va resurslarini ishlab chiqish hamda joriy qilish, idoralararo elektron o‘zaro hamkorlikni tashkil qilish, yagona elektron reyestrlar va ma’lumotlar bazalarini, elektron davlat xizmatlarini “yagona darcha” prinsipi bo‘yicha shakllantirishga yagona texnologik yondashuvni amalga oshirish sohasida:

“Elektron hukumat” tizimini yanada rivojlantirishning ustuvor yo‘nalishlarini belgilash va elektron hukumat to‘g‘risidagi qonun hujjatlarini takomillashtirishga doir takliflarni ishlab chiqish;

elektron hukumat sohasidagi davlat dasturlarini va boshqa dasturlarni ishlab chiqish;

elektron hukumat sohasida, shu jumladan elektron davlat xizmatlarini ko‘rsatish doirasida idoralararo elektron o‘zaro hamkorlikni ta’minlaydi, davlat organlarining faoliyatini muvofiqlashtiradi;

elektron hukumat sohasidagi monitoringni amalga oshirish, elektron davlat xizmatlari ko‘rsatish, shuningdek, idoralararo elektron o‘zaro hamkorlik to‘g‘risidagi hisobot materiallarini shakllantirish va tahlil qilishni amalga oshiradi;

“Elektron hukumat” tizimi infratuzilmasining markaziy ma’lumotlar bazalari, idoralararo elektron o‘zaro hamkorlik qilish tizimi, Yagona interaktiv davlat xizmatlari portali, Yagona idoralararo ijro elektron tizimi, Ma’lumotlarni qayta ishlash va idoralararo ma’lumotlar uzatish tarmog‘i qismida ishlashini ta’minlaydi;

davlat organlarida “Elektron hukumat” tizimining rivojlanish darajasini, shu jumladan elektron hukumat loyihalarini amalga oshirish va elektron davlat xizmatlari ko‘rsatishda axborot-kommunikatsiya texnologiyalaridan foydalanish samaradorligining maqsadli ko‘rsatkichlariga erishish darajasini amalga oshiradi;

axborotlarni yig‘ish, saqlash, qayta ishlash, uzatish va almashish bo‘yicha standartlar va texnik talablar asosida “Elektron hukumat” tizimining texnik asosini shakllantiradi;

hududlarda axborot texnologiyalari va kommunikatsiyalarini rivojlantirish va joriy qilish, shu jumladan “Elektron hokimiyat” axborot tizimini yaratish va joriy qilish jarayonlarini muvofiqlashtiradi;

idoralararo elektron o‘zaro hamkorlikni takomillashtirishga doir takliflarni ishlab chiqadi;

elektron davlat xizmatlarining reglamentlarini kelishadi;

respublika va mahalliy ijro etuvchi hokimiyat organlari hamda boshqa tashkilotlarda raqamli texnologiyalarni joriy etish tizimini takomillashtirish maqsadida IT-auditni o‘tkazadi hamda tizimni muvofiqlashtiradi;

davlat organlarining faoliyati va aholi hamda tadbirkorlik subyektlarining zamonaviy axborot-kommunikatsiya texnologiyalari vositasida davlat boshqaruvidagi ishtiroki to‘g‘risidagi axborotdan foydalana olishni ta’minlashni hisobga olgan holda davlat organlari faoliyatining oshkoraligini oshirish ishlarini muvofiqlashtiradi.

4) davlat boshqaruviga va iqtisodiyotning real sektoriga innovatsiyalarni joriy qilish, raqamli iqtisodiyot o‘sishini rag‘batlantirish, shu jumladan ishlab chiqarishda kompleks avtomatlashtirilgan boshqaruv tizimlarini joriy qilish uchun qulay shart-sharoitlarni yaratish sohasida:

iqtisodiyot tarmoqlari va sohalarining haqiqiy ehtiyojini hisobga olib, dasturiy mahsulotlarni ishlab chiqishning ustuvor yo‘nalishlarini belgilaydi;

axborot-kommunikatsiya texnologiyalari va dasturiy mahsulotlarni boshqaruv va ishlab chiqarish-texnologik jarayonlarga keng tatbiq qilish va ulardan foydalanish samaradorligini oshirish bo‘yicha iqtisodiyot real sektori korxonalarining (ustav fondlarida davlat ulushi bo‘lgan) muvofiqlashtirilishini amalga oshiradi;

xo‘jalik yurituvchi subyektlar va oliy ta’lim muassasalarining ichki va tashqi bozorlarda axborot texnologiyalari mahsulotlarini ishlab chiqarish va realizatsiya qilishga qaratilgan o‘zaro hamkorligini kengaytirish uchun kerakli tashkiliy-texnik sharoitlarni yaratadi;

Dasturiy ta’minot ishlab chiquvchilarining milliy reyestrini yuritish va yanada rivojlantirish hamda raqobatbardosh mahalliy dasturiy mahsulotlarni ishlab chiqishni rag‘batlantirish bo‘yicha takliflar kiritish, shuningdek, istiqbolli loyihalar va innovatsion texnologiyalarni yaratish bilan band bo‘lgan yosh iste’dodli dasturchilarga yordam ko‘rsatadi;

6) texnoparklar va kovorking-markazlar faoliyatini tashkil qilish yo‘li bilan, shu jumladan davlat-xususiy sherikchilik asosida zamonaviy raqobatbardosh va eksport qilish uchun mo‘ljallangan dasturiy mahsulotlar va xizmatlarni mahalliy ishlab chiqarishni rivojlantirishni rag‘batlantirish, sharoitlar yaratish va investitsiyalarni jalb qilish sohasida:

milliy kontent, veb-resurslar va milliy domen zonasini rivojlantirish va ommaviylashtirish uchun qulay sharoitlarni yaratish, butunjahon Internet axborot tarmog‘ida yaratiladigan mahalliy axborot resurslarini yanada ilgari surish va ommaviylashtirish;

foydalanuvchilarning, avvalo butun yoshlarning zamonaviy ehtiyojlariga javob beradigan ommaviy axborot resurslari yaratilishi va rivojlanishini ta’minlash, ta’lim beruvchi axborot tarmog‘ining imkoniyatlarini kengaytirish;

butunjahon Internet axborot tarmog‘ining global va milliy segmenti rivojlanishining asosiy yo‘nalishlari va tendensiyalarining tizimli tahlilini o‘tkazish, uni rivojlantirish bo‘yicha takliflarni ishlab chiqish va amalga oshirish;

7) yetakchi xorijiy kompaniyalar va ta’lim muassasalarining eng yaxshi amaliyotiga asoslanib axborot texnologiyalari va kommunikatsiyalar sohasida ilmiy tadqiqotlar va ishlanmalarni, bu sohadagi strategik va loyiha boshqaruvi, menejment, marketing bo‘yicha kadrlarni qayta tayyorlash va malakasi oshirilishini tashkil qilish sohasida:

axborot texnologiyalari va kommunikatsiyalar, axborotlashtirish, elektron hukumat, teleradioeshittirish, telekommunikatsiyalar va pochta aloqasi sohasida dasturiy mahsulotlar, ma’lumotlar bazalari, milliy axborot resurslarini ishlab chiqish va zamonaviy talablarni hisobga olgan holda barcha darajali axborot-kommunikatsiya tarmoqlarini shakllantirish yo‘nalishlari bo‘yicha kadrlarni tayyorlash va ularning malakasini oshirish tizimini tashkil qilish;

axborot-kommunikatsiya texnologiyalari zamonaviy bozorining rivojlanish tendensiyalarini va chet el tajribasini hisobga olib, ta’limning yangi yo‘nalishlari uchun axborot texnologiyalari va kommunikatsiyalar sohasida mutaxassislarni tayyorlash bo‘yicha ta’lim standartlarini ishlab chiqishda ishtirok etish;

o‘quv jarayonlarida axborot texnologiyalaridan foydalanish qismida, shu jumladan yetakchi chet el ta’lim muassasalarining mutaxassislari va ekspertlarini jalb qilgan holda ta’lim muassasalari professor-o‘qituvchilarini tayyorlash va malakasini oshirish kompleks dasturlarini ishlab chiqish va amalga oshirishda ishtirok etish;

davlat va xo‘jalik boshqaruvi organlari, mahalliy davlat hokimiyati organlarining xodimlari tomonidan oliy va o‘rta maxsus, kasb-hunar ta’limi muassasalari bazasida kompyuter texnikasi va butunjahon Internet tarmog‘ida ishlash, zamonaviy axborot-kommunikatsiya texnologiyalarini egallashlari bo‘yicha malaka oshirish kurslarini tashkil qilish;

axborot-kommunikatsiya texnologiyalari, kompyuter va dasturiy injiniring, telekommunikatsiyalar va televizion texnologiyalar, pochta aloqasi texnologiyalari, axborot-kommunikatsiya texnologiyalari sohasidagi menejment va iqtisodiyot kasblari, yo‘nalishlari va o‘qitish ixtisosliklari bo‘yicha Raqamli texnologiyalarni rivojlantirish jamg‘armasi mablag‘lari hisobidan oliy va o‘rta maxsus, kasb-hunar ta’limi muassasalarining iqtidorli talabalari va o‘quvchilarini aniqlash va ular uchun Vazirlik stipendiyalarini tayinlash;

ilmiy tadqiqotlar va ishlanmalarni, zamonaviy telekommunikatsiya vositalari va radiochastotalar spektridan foydalanish, dasturiy mahsulotlar, axborot tizimlari va ma’lumotlar bazalarini ishlab chiqish va joriy qilish, axborot xavfsizligini ta’minlash sohasida va axborot-kommunikatsiya texnologiyalarining boshqa sohalarida kadrlarni tayyorlash, qayta tayyorlash va ularning malakasini oshirishni tashkil qilish;

8) tarmoqlar, dasturiy mahsulotlar, axborot tizimlari va resurslarining kiberxavfsizligini ta’minlash va ularni himoya qilishning zamonaviy texnologiyalarini joriy etish, shaxsiy va biometrik ma’lumotlarni yig‘ish, qayta ishlash va saqlash bo‘yicha texnologiyalarning qo‘llanishini tartibga solishda ishtirok etish sohasida:

O‘zbekiston Respublikasi kiberxavfsizligini ta’minlash, elektron raqamli imzodan foydalanish, axborot resurslarini himoya qilish bo‘yicha texnik infratuzilmani yanada rivojlantirish sohasida yagona davlat siyosatini ishlab chiqish va amalga oshirish;

telekommunikatsiya va pochta aloqasi, teleradioeshittirish tarmoqlari, axborot tizimlari va axborot resurslari, shu jumladan “Elektron hukumat” tizimining axborot xavfsizligini ta’minlash, zamonaviy talablardan kelib chiqib, axborot xavfsizligi tahdidlaridan himoya qilish samarali vositalari va metodlarini joriy qilish, tezkor-qidiruv chora-tadbirlari tizimlarini joriy qilish, shuningdek, ulardan davlat, O‘zbekiston Respublikasi mudofaasi va milliy xavfsizligi manfaatlarida va favqulodda vaziyatlar sharoitlarida ustuvor foydalanish;

O‘zbekiston Respublikasining axborot xavfsizligini va kiberxavfsizligini, telekommunikatsiyalar va pochta aloqasi, axborotlashtirish sohasidagi o‘ta muhim va toifalashtirilgan obyektlarning uzluksiz va xavfsiz ishlashini ta’minlash, shuningdek, xo‘jalik yurituvchi subyektlarning texnik kuchlari va vositalaridan foydalanib, tabiiy falokatlar oqibatlarini tugatish bo‘yicha davlat dasturini, chora-tadbirlar kompleksini ishlab chiqish va amalga oshirish;

axborotni kriptografik muhofaza qilish vositalarini loyihalash, ishlab chiqish, ishlab chiqarish, amalga oshirish, ta’mirlash, joriy qilish va foydalanish ishlarida ishtirok etish;

O‘zbekiston Respublikasi axborot makonidagi ruxsatsiz kirishga urinishlar va kompyuter virus hujumlari to‘g‘risida o‘z vaqtida xabardor qilish va javob qaytarish metodlari va vositalaridan foydalanib, butunjahon Internet axborot tarmog‘ining milliy segmentidagi veb-saytlarning axborot xavfsizligini ta’minlash mexanizmini amalga oshirish;

telekommunikatsiyalar, elektron hukumat, pochta aloqasi, axborotlashtirish va radiochastotalar spektri sohasidagi huquqbuzarliklarning monitoringini o‘tkazish, ularni aniqlash va to‘xtatish qismida huquqni muhofaza qilish organlari bilan o‘zaro ishlash;

axborot xavfsizligi va kiberxavfsizligi tahdidlarini aniqlash va ularga qarshi kurashish, axborot-kommunikatsiya texnologiyalaridan jinoiy, razvedka va terroristik maqsadlarda foydalanish bilan kurashishning samarali mexanizmlarini shakllantirish va joriy qilish yo‘li bilan ushbu maqsadlarda foydalanish holatlarini to‘xtatish;

axborot xavfsizligi va kiberxavfsizlik tahdidlari to‘g‘risidagi axborotlarni yig‘ish va tahlil qilish, kerakli axborotni tegishli davlat va xo‘jalik boshqaruvi organlariga, mahalliy davlat hokimiyati organlariga taqdim etish;

axborot xavfsizligi va kiberxavfsizlikni ta’minlash sohasida ilmiy-tadqiqot, tajriba-konstruktorlik, loyiha, qidiruv va texnologik ishlanmalarni tashkil qilish va o‘tkazish;

telekommunikatsiya tarmoqlarining axborot xavfsizligini ta’minlash bo‘yicha operatorlar va provayderlarning faoliyatini muvofiqlashtirish;

elektron raqamli imzodan foydalanish sohasida belgilangan tartibda davlat tomonidan tartibga solishni amalga oshirish;

elektron raqamli imzo ochiq kalitlarining infratuzilmasini rivojlantirish sohasida strategik ustuvorliklarni shakllantirish va amalga oshirish;

davlat organlari uchun maxsus dasturiy mahsulotlarning majburiy ekspertizasi o‘tkazilishini tashkil qilish;

davlat organlari uchun Milliy axborot tizimi doirasida yangidan ishlab chiqilayotgan yoki xarid qilinayotgan maxsus dasturiy mahsulotlarning majburiy dastlabki ekspertizasini o‘tkazish;

qimmatli qog‘ozlar bozorini tartibga solish bo‘yicha vakolatli davlat organi bilan birgalikda elektron yozuvlarning hisobga olish registrlarida saqlanishini ta’minlash;

9) ko‘rsatilayotgan telekommunikatsiyalar va pochta aloqasi xizmatlarining yuqori sifatini ta’minlash maqsadida raqamli texnologiyalar sohasidagi qonun hujjatlariga rioya qilinishining davlat nazoratini amalga oshirish sohasida:

xo‘jalik yurituvchi subyektlar tomonidan radiochastotalar spektridan samarali foydalanish, respublika ijro etuvchi hokimiyat organlari va xo‘jalik yurituvchi subyektlarning axborot tizimlarida, shuningdek, respublika va mahalliy ijro etuvchi hokimiyati organlarida axborot-kommunikatsiya texnologiyalarini joriy qilishda telekommunikatsiyalar tarmoqlarining xavfsizligini ta’minlash bo‘yicha texnik va texnologik talablar bajarilishining tahlili va nazorati o‘tkazilishini tashkil qilish;

O‘zbekiston Respublikasida radioelektron vositalar va yuqori chastotali qurilmalarni sotib olish (berish), loyihalashtirish va qurish (o‘rnatish), olib kirish va ekspluatatsiya qilish talabnomalarini ko‘rib chiqish va ruxsat berish;

O‘zbekiston Respublikasi Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi yordamida pochta aloqasi operatorlari, provayderlari tomonidan jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashishning ichki nazorat qoidalariga rioya qilishlarining monitoringini va nazoratini tashkil qilish;

10) axborot texnologiyalari va kommunikatsiyalarini qo‘llash masalalari bo‘yicha xalqaro tashkilotlar, chet el kompaniyalari, ilmiy-tadqiqot muassasalari bilan hamkorlikni rivojlantirish sohasida:

belgilangan tartibda idoralararo tusdagi xalqaro shartnomalarni tayyorlaydi;

Vazirlik faoliyatining yo‘nalishlari bo‘yicha xalqaro hamkorlik bo‘yicha ishlarni muvofiqlashtiradi;

respublikada raqamli texnologiyalar sohasini muntazam ravishda monitoring va tahlilini o‘tkazish, ular asosida uni yanada takomillashtirishga doir takliflarni tayyorlaydi;

investitsiya siyosatini ishlab chiqish va amalga oshirishda hamda axborot texnologiyalari va kommunikatsiyalarini, elektron hukumatni yanada rivojlantirishga, Internet tarmog‘ining milliy segmentini, shu jumladan davlat buyurtmasi doirasida, pochta aloqasi, telekommunikatsiyalar, teleradioeshittirish vositalari va tarmoqlarini, radiomonitoring texnik vositalari, dasturiy mahsulotlarni rivojlantirishga chet el investitsiyalarini jalb qilishda ishtirok etadi.

14. Vazirlik o‘z zimmasiga yuklangan vazifalar va funksiyalarni bevosita, shuningdek, Vazirlikning tashkiliy tuzilmasiga kiradigan hududiy bo‘linmalar va boshqa tashkilotlar orqali hal qiladi.

15. Quyidagilar Vazirlik markaziy apparatining asosiy vazifalari hisoblanadi:

1) Vazirlik vakolatiga tegishli masalalar bo‘yicha normativ-huquqiy bazani shakllantirish va takomillashtirish uchun normativ-huquqiy hujjatlar, texnik reglamentlar, standartlarni ishlab chiqish, o‘zgartirishlar va qo‘shimchalar kiritishni tashkil qilish;

2) Vazirlik vakolatiga tegishli bo‘lgan masalalar bo‘yicha kompleks davlat va tarmoq dasturlarini, rivojlantirish dasturlarini, chora-tadbirlar rejalarini ishlab chiqish, belgilangan tartibda qabul qilish uchun kelishish va ularning bajarilishini tashkil qilish;

3) O‘zbekiston Respublikasida raqamli texnologiyalar sohasini takomillashtirish bo‘yicha takliflarni tayyorlash va yuqori tashkilotlarga kiritish;

5) Vazirlik vakolatiga kiradigan masalalar bo‘yicha yuqori va boshqa tashkilotlar uchun hujjatlar, tahliliy materiallar va boshqa axborotni tayyorlash;

6) Vazirlik Hay’atining kengashlarini tashkil qilish, kengashlarga axborot-tahliliy va hisobot materiallarini tayyorlash, shu jumladan Vazirlikning hududiy bo‘linmalari, tasarrufidagi tashkilotlari tomonidan taqdim etilgan axborot-tahliliy va hisobot materiallarini tayyorlash;

7) Vazirlik, uning hududiy bo‘linmalari, tasarrufidagi tashkilotlarning ular zimmasiga yuklangan vazifalarni bajarish bo‘yicha boshqa vazirliklar va idoralar bilan o‘zaro ishlashlarini tashkil qilish;

8) Vazirlik hududiy bo‘linmalari, tasarrufidagi tashkilotlar va korxonalar, shuningdek, telekommunikatsiyalar tarmoqlari operatorlari va provayderlarining faoliyatini muvofiqlashtirish va nazorat qilish;

9) axborot texnologiyalari va kommunikatsiyalari, elektron hukumatni rivojlantirish bo‘yicha investitsiya loyihalari doirasida tender savdolari va tanlovlarini tashkil qilish va o‘tkazish;

10) Vazirlik, uning hududiy va tasarrufidagi tashkilotlarining tegishli davrdagi faoliyatining ustuvor yo‘nalishlarini belgilash;

11) davlat organlarining “Elektron hukumat” tizimini va axborot texnologiyalarini joriy qilish bo‘yicha faoliyatini, shu jumladan “Elektron hokimiyat” axborot tizimini yaratish va joriy etishni muvofiqlashtirish;

12) Vazirlik faoliyatining yo‘nalishlari bo‘yicha ilmiy tadqiqotlar va ishlanmalarni, kadrlarni tayyorlash, qayta tayyorlash va ularning malakasini oshirishni tashkil qilish;

13) belgilangan tartibda jismoniy va yuridik shaxslarning murojaatlari (takliflari, arizalari, shikoyatlari)ni ko‘rib chiqish;

14) Vazirlik faoliyatining yo‘nalishlari bo‘yicha xalqaro hamkorlikdagi ishlarni muvofiqlashtirish.

16. Vazirlikning markaziy apparati o‘ziga yuklangan asosiy vazifalarga muvofiq quyidagi funksiyalarni amalga oshiradi:

1) hukumat qarorlari, texnik reglamentlar, davlat standartlari, davlat va tarmoq statistik hisobot shakllari hamda Vazirlik vakolatiga tegishli bo‘lgan masalalar bo‘yicha boshqa idoralararo hujjatlarning loyihalarini belgilangan tartibda ishlab chiqadi, kelishadi va tasdiqlash uchun O‘zbekiston Respublikasi Vazirlar Mahkamasiga va tegishli idoralarga kiritadi;

2) belgilangan tartibda o‘z vakolatlari doirasida normativ-huquqiy hujjatlarni ishlab chiqadi va tasdiqlaydi;

3) Vazirlik faoliyatining yo‘nalishlari bo‘yicha kompleks davlat va tarmoq dasturlarini, rivojlantirish dasturlari, chora-tadbirlar rejalari bajarilishining nazoratini, ularni bajarish bo‘yicha hisobot ma’lumotlarini yig‘ishni va tahlil qilishni, zarur bo‘lganda, belgilangan tartibda tuzatishlar kiritishni amalga oshiradi;

4) muntazam asosda respublikada raqamli texnologiyalar sohasi rivojlanishini hamda xalqaro tajriba monitoringini va tahlilini o‘tkazadi, ular asosida uni yanada takomillashtirishga doir takliflarni tayyorlaydi;

6) Vazirlik vakolatiga kiradigan masalalar bo‘yicha yuqori tashkilotlar, davlat va xo‘jalik boshqaruvi organlari, mahalliy davlat hokimiyati organlari va boshqa tashkilotlar uchun hujjatlar, statistik ma’lumotlar, tahliliy materiallar, xulosalar va boshqa axborot tayyorlanishini tashkil qiladi;

7) Vazirlik Hay’ati kengashlari uchun taqdim etiladigan axborot-tahliliy va hisobot materiallarini umumlashtiradi, tahlil qiladi, ma’lumotnomalar, hujjatlar loyihalarini tayyorlaydi, Vazirlik Hay’ati kengashlarining yakunlari bo‘yicha bayonnomalar va buyruqlarni tayyorlaydi;

8) hujjatlarni tayyorlaydi, davlat va xo‘jalik boshqaruvi organlari, mahalliy davlat hokimiyati organlari, shuningdek, huquqni muhofaza qilish organlari bilan o‘zaro hamkorlikni amalga oshirishga doir tashkiliy choralar ko‘radi;

9) Vazirlik vazifalari va funksiyalarining hududiy bo‘linmalar tomonidan bajarilishini nazorat qilish maqsadida ular tomonidan taqdim etilayotgan hisobotlar, axborot materiallarini ko‘rib chiqadi, umumlashtiradi, tahlil qiladi, joylarga borib ular faoliyatining nazoratini o‘tkazadi;

10) investitsion loyihalar bo‘yicha hujjatlarni tayyorlaydi hamda tender va tanlov savdolarini o‘tkazadi, tender va tanlov savdolarining natijalari bo‘yicha tegishli bayonnomalarni tayyorlaydi va tasdiqlaydi;

11) Vazirlik faoliyatining ustuvor yo‘nalishlariga muvofiq, Vazirlikning yarim yillik ish rejasini shakllantiradi va tasdiqlaydi, uning bajarilishini muvofiqlashtiradi va nazorat qiladi ;

12) davlat organlarida axborot texnologiyalari va elektron hukumatning rivojlanish darajasi tahlilini o‘tkazadi hamda davlat xizmatlari ko‘rsatish va idoralararo o‘zaro hamkorlik tartibini yanada takomillashtirish bo‘yicha takliflar kiritadi;

13) Vazirlik faoliyatining yo‘nalishlari bo‘yicha ilmiy tadqiqotlar va ishlanmalarni rejalashtirish va o‘tkazishni muvofiqlashtiradi, ushbu ishlar natijalarini joriy qiladi, tasarrufidagi tashkilotlarda kadrlarni tayyorlash, qayta tayyorlash va ularning malakasini oshirish bo‘yicha rejalashtirish va muvofiqlashtirish ishlarini amalga oshiradi;

14) qonunchilikda belgilangan tartibda jismoniy va yuridik shaxslarning murojaatlari (takliflari, arizalari, shikoyatlari) ko‘rib chiqilishini tashkil qiladi, shuningdek, jismoniy va yuridik shaxslarning huquqlari, erkinliklari va qonuniy manfaatlari buzilishiga olib keladigan sabablarni aniqlash va bartaraf etish maqsadida, murojaatlarni umumlashtiradi va tahlil qiladi;

15) Vazirlik faoliyatining yo‘nalishlari bo‘yicha davlatlararo va hukumatlararo shartnomalarni ishlab chiqish uchun materiallarni tayyorlash, xalqaro idoralararo shartnomalarni tuzish bo‘yicha ishlarni tashkil qiladi, belgilangan tartibda xalqaro anjumanlarda ishtirok etuvchi delegatsiyalar tarkibini shakllantiradi va kelishadi hamda ular uchun vazifalarni belgilaydi, respublika mutaxassislarini xalqaro tashkilotlarning ishida ishtirok etish uchun taklif qiladi;

16) hujjatlarni sifatli va o‘z vaqtida ishlab chiqishni hamda ularning huquqiy, iqtisodiy va moliyaviy ekspertizasini o‘tkazishni, ularni yuqori tashkilotlarga kiritishni tashkil qiladi;

17) tezkor, tashkiliy, kadrlar, moliyaviy, ishlab chiqarish-xo‘jalik va Vazirlik vakolatiga tegishli bo‘lgan boshqa masalalarni hal qiladi;

20) telekommunikatsiya va pochta aloqasi operatorlari, provayderlari hamda telekommunikatsiya va pochta aloqasi xizmatlaridan foydalanuvchilar o‘rtasidagi o‘zaro munosabatlar masalalarini ko‘rib chiqadi;

21) maxsus vakolatlangan tegishli narxlarni tartibga solish organi bilan pochta aloqasi va telekommunikatsiya universal xizmatlari ro‘yxatini kelishgan holda tasdiqlaydi, shuningdek, pochta aloqasi va telekommunikatsiya universal xizmatlari uchun tariflarni belgilangan tartibda tasdiqlaydi;

22) elektron davlat xizmatlarining reglamentlarini kelishadi;

23) telekommunikatsiya, pochta aloqasi, teleradioeshittirish tarmoqlari, axborot tizimlari va resurslarining axborot xavfsizligini ta’minlash, hozirgi zamon talablaridan kelib chiqqan holda, tahdidlardan himoya qilishning samarali vositalari va usullarini joriy qilish, tezkor-qidiruv chora-tadbirlar tizimlarini joriy qilish, shuningdek, ulardan O‘zbekiston Respublikasining davlat, mudofaa va milliy xavfsizlik manfaatlarida hamda favqulodda vaziyatlar sharoitlarida ustuvor tarzda foydalanish bo‘yicha ishlarni muvofiqlashtiradi;

24) elektron raqamli imzo kalitlarini ro‘yxatga olish markazlarini davlat ro‘yxatiga olish va elektron raqamli imzo kalitlarini ro‘yxatga olish markazlarining (keyingi o‘rinlarda Ro‘yxatga olish markazi deb ataladi) vakolatlangan shaxslariga elektron raqamli imzo kalitlarining sertifikatlarini beradi;

25) davlat organlari va boshqa budjet tashkilotlarining axborot texnologiyalari va kommunikatsiyalarini rivojlantirishga mas’ul bo‘lgan bo‘linma rahbarlarini har yil yakunlari bo‘yicha tegishli organ va tashkilot faoliyatiga axborot tizimlari, elektron davlat xizmatlari va axborotlashtirishni joriy etish rejalari va dasturlarining o‘z vaqtida, to‘liq va sifatli bajarilganligi uchun mukofotlashni amalga oshiradi;

26) davlat organlari va boshqa budjet tashkilotlarining axborot texnologiyalari va kommunikatsiyalarini rivojlantirishga mas’ul bo‘lgan bo‘linma rahbarlari va xodimlarini attestatsiyadan o‘tkazadi;

27) raqamli texnologiyalarni rivojlantirish uchun mas’ul bo‘lgan ijro etuvchi hokimiyat respublika organlari bo‘linmalarining rahbarlari lavozimiga nomzodlarni kelishadi;

29) O‘zbekiston Respublikasi telekommunikatsiyalar tarmoqlarini boshqarish tizimini shakllantirish va uning samarali faoliyatini ta’minlash, mobil qurilmalarni ro‘yxatga olishni tartibga solish, telekommunikatsiyalar tarmoqlarini raqamlash rejasi va tizimini boshqarish, mobil aloqa tarmoqlarida abonent raqamlarini ko‘chirish xizmatini tashkil etish hamda telekommunikatsiyalar tarmoqlarini loyihalashtirish, qurish, ulardan foydalanish va ularning xizmatlarini ko‘rsatish uchun litsenziyalar berish masalalarini Telekommunikatsiyalarni tartibga solish agentligi bilan muvofiqlashtiradi;

30) davlat boshqaruvi sohasiga zamonaviy telekommunikatsiyalar tarmoqlarini joriy etish, rivojlantirish va ulardan samarali foydalanish bo‘yicha takliflar hamda tavsiyalar ishlab chiqadi;

31) telekommunikatsiyalar sohasidagi atamalar va ta’riflarni ishlab chiqadi, belgilaydi hamda tasdiqlaydi.

17. Quyidagilar Vazirlikning Qoraqalpog‘iston Respublikasi, viloyatlar va Toshkent shahridagi hududiy bo‘linmalarining asosiy vazifalari hisoblanadi:

1) axborot texnologiyalari, telekommunikatsiyalar, sun’iy intellekt, pochta aloqasini rivojlantirish, axborot xavfsizligini va kiberxavfsizlikni ta’minlash, hududlarda “Elektron hukumat” tizimini joriy qilish sohasida chora-tadbirlarni amalga oshirish;

2) Qoraqalpog‘iston Respublikasi Jo‘qorg‘i Kengesi Raisi, viloyatlar va Toshkent shahri, tumanlar (shaharlar) hokimlari, prokuratura, ichki ishlar idoralari va davlat soliq xizmati hududiy organlari rahbarlari rahbarlik qiladigan kompleks ijtimoiy-iqtisodiy rivojlanish sektorlari bilan, shuningdek, qonun hujjatlarida ko‘zda tutilgan, sektorlar tarkibiga kiritilgan boshqa davlat va xo‘jalik boshqaruvi organlari, fuqarolarning o‘zini-o‘zi boshqarish organlari, nodavlat notijorat tashkilotlari va boshqa tashkilotlarning vakillari bilan o‘zaro hamkorlik qilish;

3) hududlarda axborot texnologiyalari va kommunikatsiyalarini takomillashtirish, hududlarni rivojlantirish bo‘yicha kompleks dasturlarni, chora-tadbirlar rejalarini ishlab chiqish, shu jumladan Vazirlik vakolatlari doirasida normativ-huquqiy bazani takomillashtirishga doir takliflar kiritish;

4) Vazirlikka yuklangan vazifalar va funksiyalarni bajarish yuzasidan davlat va xo‘jalik boshqaruvi organlarining hududiy bo‘linmalari, shuningdek, huquqni muhofaza qilish organlari va tegishli mahalliy davlat hokimiyati organlari bilan o‘zaro ishlash;

5) obyektlar va tarmoq korxonalarining qo‘riqlanishini, radiochastotalar spektridan foydalanish xavfsizligini, pochta, telekommunikatsiya tarmoqlarida, shu jumladan ma’lumotlar uzatish va teleradioeshittirish tarmoqlarida, axborot tizimlarida axborot xavfsizligini ta’minlashga qaratilgan profilaktika choralarini amalga oshirish;

6) Vazirlik va tegishli mahalliy davlat hokimiyati organlari uchun ular vakolatiga kiradigan masalalar bo‘yicha hujjatlarni, statistik ma’lumotlarni, tahliliy materiallarni, xulosalarni va boshqa axborotni tayyorlash;

7) hududlarni rivojlantirish kompleks dasturlarini, chora-tadbirlar rejalarini va ularning vakolatiga kiradigan boshqa masalalar bo‘yicha takliflar kiritish.

18. Vazirlikning Qoraqalpog‘iston Respublikasi, viloyatlar va Toshkent shahridagi hududiy bo‘linmalari o‘zlariga yuklangan asosiy vazifalarga muvofiq quyidagi funksiyalarni amalga oshiradilar:

1) axborot texnologiyalari, telekommunikatsiyalar, pochta aloqasi, axborot xavfsizligini va kiberxavfsizlikni ta’minlash, hududlarda “Elektron hukumat” tizimini joriy qilish sohasida davlat siyosatini amalga oshirishda ishtirok etadilar;

2) hududlarda axborot-kommunikatsiya texnologiyalarini joriy qilish va rivojlantirish bo‘yicha o‘tkaziladigan o‘rganishlarda, muntazam tarzda raqamli texnologiyalar sohasi rivojlanishini monitoring va tahlil qilishda ishtirok etadilar;

4) axborot-kommunikatsiya texnologiyalari, “Elektron hukumat” tizimini joriy qilish, rivojlantirish va axborot xavfsizligini hamda kiberxavfsizligini ta’minlash, telekommunikatsiyalar va pochta aloqasi masalalari bo‘yicha davlat va xo‘jalik boshqaruvi, mahalliy davlat hokimiyati organlarining hududiy bo‘linmalari bilan o‘zaro ishlaydilar;

5) o‘tkaziladigan o‘rganishlar asosida hududlarda axborot-kommunikatsiya texnologiyalari, elektron hukumat, axborot xavfsizligi, telekommunikatsiyalar hamda pochta aloqasi va logistika xizmatlari va texnologiyalar rivojlanishini takomillashtirish, shuningdek, davriy bosma nashrlarni tarqatish tarmog‘ini rivojlantirish va modernizatsiyalash bo‘yicha asoslangan takliflarni ishlab chiqadilar;

6) radiochastotalar spektridan xavfsiz foydalanishda monitoring o‘tkazish, qoidabuzarliklarni aniqlash va to‘xtatish, teleradioeshittirish va ma’lumotlar uzatish texnik vositalaridan foydalanishda, televizion va radiodasturlarni tarqatish, ma’lumotlar uzatish bo‘yicha suiiste’molliklar va normativ-huquqiy hujjatlar talablari buzilish holatlarining oldini olishda huquqni muhofaza qilish organlarining bo‘linmalari bilan o‘zaro ishlaydilar;

7) Vazirlik tasarrufiga kiruvchi tashkilotlar va korxonalarning hududiy bo‘linmalari faoliyatini muvofiqlashtiradilar;

8) yuridik va jismoniy shaxslar murojaatlarining qonun hujjatlariga muvofiq, zarur bo‘lganda joylarga borib, tegishli tashkilotlar, operatorlar va provayderlarning vakillarini jalb qilgan holda, pochta aloqasi, telekommunikatsiya xizmatlari ko‘rsatish, teleradiouzatishlar va davriy bosma nashrlarni tarqatish masalalari bo‘yicha normativ-huquqiy hujjatlarni hisobga olib ko‘rib chiqilishini ta’minlaydilar;

10) mahalliy davlat hokimiyati organlarida hamda respublika davlat va xo‘jalik boshqaruvi organlarining hududiy bo‘linmalarida davlat xizmatlari va ma’muriy protseduralarni axborotlashtirish tizimida axborot-kommunikatsiya texnologiyalarini joriy qilish bo‘yicha hududiy dasturlar bajarilishini ta’minlaydilar.

19. Vazirlik o‘ziga yuklangan vazifalar va funksiyalarni amalga oshirish uchun quyidagi huquqlarga ega:

1) davlat va xo‘jalik boshqaruvi organlari, mahalliy davlat hokimiyati organlaridan Vazirlik vakolatiga kiradigan masalalarni hal qilish uchun zarur bo‘lgan axborotni belgilangan tartibda so‘rash va olish;

2) O‘zbekiston Respublikasi Vazirlar Mahkamasiga, O‘zbekiston Respublikasi Prezidenti Administratsiyasiga belgilangan tartibda normativ-huquqiy hujjatlar loyihalarini, shuningdek, Vazirlikka yuklangan vazifalar va funksiyalarni bajarish bilan bog‘liq boshqa hujjatlarni kiritish;

3) davlat va xo‘jalik boshqaruvi organlari, mahalliy davlat hokimiyati organlarining Vazirlik vakolatiga kiradigan masalalar bo‘yicha faoliyatini belgilangan tartibda muvofiqlashtirish;

4) davlat statistika organlaridan Vazirlik vakolatiga kiradigan masalalar bo‘yicha kerakli statistik axborotni bepul olish;

5) Vazirlik va uning tasarrufiga kiruvchi tuzilmalarning davlat mulkini o‘z tashkiliy tuzilmasi doirasida beg‘araz foydalanish huquqi asosida, bir bo‘linmadan boshqa bo‘linmaga belgilangan tartibda berish;

6) Vazirlik va uning tasarrufiga kiruvchi tashkilotlar xodimlarini, tegishli sohada ular faoliyatining asosiy ko‘rsatkichlari bo‘yicha parametrlari bajarilishini hisobga olib, moddiy rag‘batlantirish tartibi, miqdori va shartlarini belgilash;

7) Vazirlik vakolatiga kiradigan masalalar bo‘yicha takliflarni ko‘rib chiqish uchun O‘zbekiston Respublikasi Vazirlar Mahkamasiga, davlat va xo‘jalik boshqaruvi organlariga, mahalliy davlat hokimiyati organlariga kiritish;

8) Vazirlik vakolatiga kiradigan masalalar bo‘yicha idoralararo tusdagi xalqaro shartnomalarni belgilangan tartibda tuzish;

9) Vazirlik vakolatiga kiradigan masalalar bo‘yicha xalqaro darajada O‘zbekiston Respublikasi manfaatlarini belgilangan tartibda ifodalash;

10) davlat va xo‘jalik boshqaruvi organlarida va mahalliy davlat hokimiyati organlarida axborot-kommunikatsiya texnologiyalarini joriy qilish darajasi va samaradorligini, elektron hukumat loyihalarini amalga oshirish samaradorligining maqsadli ko‘rsatkichlariga erishish darajasini, shuningdek, elektron davlat xizmatlari ko‘rsatish sifati bo‘yicha tekshiruvlarni o‘tkazish;

11) davlat va xo‘jalik boshqaruvi organlari va mahalliy davlat hokimiyati organlariga axborot-kommunikatsiya texnologiyalarini joriy qilish va elektron davlat xizmatlari ko‘rsatish doirasida yo‘l qo‘yiladigan kamchiliklarni bartaraf etish to‘g‘risida ko‘rsatmalar yuborish;

12) iqtisodiyot tarmoqlari va sohalarida axborot-kommunikatsiya texnologiyalari va elektron hukumatning samaradorligi va sifati darajasini baholash natijalariga asosan, vazirliklar va idoralar, kompaniyalar, uyushmalar, yirik korxonalar va birlashmalar, mahalliy davlat hokimiyati organlari rahbarlarining egallab turgan lavozimlariga munosibligini ko‘rib chiqish va takliflar kiritish;

13) belgilangan tartibda axborot-tahliliy va ekspert ishlarini amalga oshirish uchun ilmiy va boshqa tashkilotlarni, shuningdek, olimlar va mutaxassislarni jalb qilish;

14) iqtisodiyot tarmoqlari va sohalarida axborot-kommunikatsiya texnologiyalari va elektron davlat xizmatlarini joriy qilish masalalari bilan bog‘liq davlat va xo‘jalik boshqaruvi organlari, mahalliy davlat hokimiyati organlari hay’ati kengashlarida ishtirok etish;

15) axborot-kommunikatsiya texnologiyalarini joriy qilish va rivojlantirish uchun mas’ul bo‘lgan davlat va xo‘jalik boshqaruvi organlari, mahalliy davlat hokimiyati organlari maxsus tarkibiy bo‘linmalari rahbarlarining lavozimlariga nomzodlarni ko‘rib chiqish va kelishish;

16) telekommunikatsiyalar, axborot-kommunikatsiya texnologiyalari, radiochastotalar spektridan foydalanish, elektron hukumat va pochta aloqasi sohasidagi nazorat va monitoring natijalari bo‘yicha normativ-huquqiy hujjatlar talablarining aniqlangan buzilishlarini bartaraf etish to‘g‘risida ko‘rsatmalar berish;

17) davlat va xo‘jalik boshqaruvi organlari, mahalliy davlat hokimiyati organlarining axborot-kommunikatsiya texnologiyalari va “Elektron hukumat” tizimini joriy qilish, ma’muriy protseduralarni axborotlashtirish va elektron davlat xizmatlari ko‘rsatish ishlari va loyihalarini moliyalashtirish xarajatlarining smetalarini ko‘rib chiqish va kelishishda ishtirok etish;

18) tashkilotlar tomonidan axborot-kommunikatsiya texnologiyalari, telekommunikatsiya va pochta aloqasi xizmatlari ko‘rsatish normalari va qoidalariga rioya qilishlarini, shuningdek, telekommunikatsiya operatorlari va provayderlarining faoliyatini nazorat qilish;

19) aniqlangan kamchiliklar bartaraf etilguncha pochta va telekommunikatsiyalar sohasida faoliyatni amalga oshirayotgan va taqdim etiladigan xizmatlar sifati, telekommunikatsiya vositalari, respublika hududida foydalaniladigan radioelektron vositalar va yuqori chastotali qurilmalar radionurlanishlarining parametrlari bo‘yicha belgilangan normalar, standartlar, texnik reglamentlarning buzilishiga yo‘l qo‘yadigan xo‘jalik yurituvchi subyektlarning ayrim qurilmalari va texnologik uchastkalari ishini vaqtincha to‘xtatish;

20) telekommunikatsiyalar, teleradioeshittirish, radiochastotalar spektridan foydalanish, pochta aloqasi, axborotlashtirish, elektron hukumat, elektron raqamli imzodan va radiochastotalar spektridan foydalanish, axborot xavfsizligi, teleradioeshittirish sohasidagi faoliyatni tartibga soluvchi, barcha vazirliklar, davlat qo‘mitalari, idoralar, mahalliy davlat hokimiyati organlari, tashkilotlar, mansabdor shaxslar va fuqarolar tomonidan ijro etilishi majburiy hisoblanadigan normativ-huquqiy hujjatlarni qabul qilish;

22) Vazirlik xodimlarining vaqtincha mehnatga layoqatsizligi bo‘yicha nafaqalar to‘lashni amalga oshirish, mavjud kreditorlik qarzdorligini uzish, moddiy-texnik bazani mustahkamlash, ijtimoiy rivojlanish va moddiy rag‘batlantirish chora-tadbirlarini tashkil etish uchun Vazirlikning rivojlantirish jamg‘armasini shakllantirish;

23) Vazirlikka yuklangan vazifalar va funksiyalarni bajarish doirasida raqamli texnologiyalar sohasidagi respublika ijro etuvchi hokimiyat organlari, tashkilotlar, loyiha tashkilotlari, ilmiy-ta’lim muassasalarining, shuningdek, yetakchi xalqaro va chet el kompaniyalarining mutaxassislarini maslahatchilar sifatida jalb qilish;

24) butunjahon Internet axborot tarmog‘ida, shu jumladan ijtimoiy tarmoqlarda yuqori ijtimoiy qiziqish uyg‘otgan obyektiv, ishonchli bo‘lmagan maqolalarga o‘z vaqtida javob qaytarish bo‘yicha davlat va xo‘jalik boshqaruvi organlariga tavsiyalar berish;

25) favqulodda vaziyatlarda (harbiy harakatlar, zilzilalar, suv toshqinlari, yong‘inlar, epidemiyalar va boshqalarda) har qanday pochta aloqasi, telekommunikatsiya tarmoqlari va vositalaridan hamda axborot tizimlaridan foydalanish hamda markazlashgan telekommunikatsiya tarmoqlarini cheklash yoki to‘xtatib qo‘yish bo‘yicha ustuvorlikni aniqlash, istisno tarzda telekommunikatsiya xizmatlari iste’molchilarining maxsus telekommunikatsiya tarmoqlari;

26) O‘zbekiston Respublikasida radioelektron vositalar va yuqori chastotali qurilmalarni sotib olish (berish), loyihalash va qurish (o‘rnatish) uchun kerakli ruxsatnomalarni berish;

27) radiochastotalar spektridan foydalanishni to‘xtatish, to‘xtatib turish va cheklash, radioelektron vositalar va yuqori chastotali qurilmalar belgilangan standartlar, texnik reglamentlar va texnik normalarga mos bo‘lmagan holda, fuqarolar xavfsizligini ta’minlamaslik faktlari aniqlanganda, radiochastotalar spektridan foydalanganlik uchun to‘lov kiritilmaganda, shuningdek, alohida holatlarda belgilangan tartibda ulardan foydalanishni taqiqlash;

28) davlat organlari va boshqa budjet tashkilotlarining axborot texnologiyalari va kommunikatsiyalarini rivojlantirishga mas’ul bo‘lgan bo‘linma rahbarlarini har yil yakunlari bo‘yicha tegishli organ va tashkilot faoliyatiga axborot tizimlari, elektron davlat xizmatlari va axborotlashtirishni joriy etish rejalari va dasturlarining o‘z vaqtida, to‘liq va sifatli bajarilganligi uchun mukofotlash;

29) Mahalliy dasturiy mahsulotlarni ishlab chiquvchilarni davlat tomonidan qo‘llab-quvvatlash bo‘yicha takliflarni ishlab chiqish uchun dasturiy mahsulotlarning mahalliy bozorining rivojlanish holatini o‘rganish va tahlil qilish.

Vazirlik qonun hujjatlariga muvofiq boshqa huquqlarga ham ega bo‘lishi mumkin.

20. Vazirlik quyidagilar uchun javob beradi:

1) Vazirlikka yuklangan vazifalar va funksiyalarni samarali bajarish, shuningdek, axborot texnologiyalari va kommunikatsiyalarining tegishli sohasida davlat siyosatining samarali amalga oshirilishi;

2) Vazirlik faoliyati bilan bog‘liq prognoz ko‘rsatkichlarga erishishni so‘zsiz ta’minlash;

3) O‘zbekiston Respublikasi Vazirlar Mahkamasi va O‘zbekiston Respublikasi Prezidenti Administratsiyasiga kiritiladigan, shuningdek, Vazirlik tomonidan qabul qilinadigan normativ-huquqiy hujjatlar va boshqa hujjatlar loyihalarini amalga oshirish sifati, natijalari va oqibatlari;

4) sohani rivojlantirish, shuningdek, raqamli texnologiyalar sohasida hududlarni ijtimoiy-iqtisodiy rivojlantirish va muammoli masalalarni hal qilish bo‘yicha dasturlar, chora-tadbirlar rejalari, “yo‘l xaritalari” va boshqa dasturiy hujjatlarni samarali amalga oshirish;

5) fuqarolar va tadbirkorlik subyektlarining raqamli texnologiyalar sohasidagi huquqlari va qonuniy manfaatlariga rioya etish hamda himoya qilishni ta’minlash;

6) axborot texnologiyalari va kommunikatsiyalari, axborotlashtirish va axborot xavfsizligini ta’minlash, “Elektron hukumat” tizimini joriy qilish, elektron raqamli imzodan va radiochastotalar spektridan foydalanish, telekommunikatsiyalar va pochta aloqasi sohasida davlat siyosati amalga oshirilishini ta’minlash;

7) elektron hukumat, axborotlashtirish va axborot xavfsizligini ta’minlash, telekommunikatsiyalar va pochta aloqasi sohasiga investitsiyalar jalb qilinishini ta’minlash;

8) O‘zbekiston Respublikasi Telekommunikatsiya tarmoqlarini boshqarish tizimini shakllantirish va uning samarali ishlashini ta’minlash;

9) Radiochastotalar bo‘yicha respublika kengashi faoliyatining tashkiliy-texnik va normativ-huquqiy ta’minotini ta’minlash;

10) Vazirlikka yuklangan boshqa vazifalarni samarali bajarish.

21. Vazirlikning markaziy apparati o‘ziga yuklangan vazifalar va funksiyalarni amalga oshirish uchun:

1) davlat va xo‘jalik boshqaruvi organlaridan, mahalliy davlat hokimiyati organlaridan, Vazirlikning hududiy bo‘linmalaridan va uning tasarrufidagi tashkilotlardan, shuningdek, telekommunikatsiyalar korxonalaridan va litsenziatlardan Vazirlik markaziy apparatida ko‘rib chiqiladigan masalalarni tahlil qilish va ishlab chiqish uchun zarur bo‘lgan materiallar va ma’lumotlarni, shuningdek, normativ-huquqiy hujjatlar loyihalarini va boshqa hujjatlarni so‘rash va olish;

2) zarur bo‘lganda, belgilangan tartibda Vazirlikda ko‘rib chiqiladigan masalalarni ishlab chiqish, axborot va tahliliy materiallarni, shuningdek, normativ-huquqiy hujjatlar va boshqa hujjatlarning loyihalarini tayyorlash uchun Vazirlik hududiy bo‘linmalari va uning tasarrufidagi tashkilotlar, telekommunikatsiyalar korxonalarining rahbarlari va vakillarini, litsenziyatlarni jalb qilish, bu maqsadlar uchun ekspert va ishchi guruhlar tuzish;

3) Vazirlik hududiy bo‘linmalaridan va uning tasarrufidagi tashkilotlardan ular tomonidan kiritilgan normativ-huquqiy hujjatlar va boshqa hujjatlar loyihalarining puxta ishlab chiqilishini talab qilish, zarur bo‘lganda ularni kamchiliklarni bartaraf etish uchun qaytarish;

4) Vazirlik hududiy bo‘linmalari va uning tasarrufidagi tashkilotlar, telekommunikatsiyalar korxonalari rahbarlari va vakillari, litsenziatlar ishtirokidagi Vazirlik hay’at majlisi va yig‘ilishlarini o‘tkazish;

5) Vazirlik hududiy bo‘linmalari va tasarrufidagi tashkilotlar, korxona rahbarlariga va litsenziatlarga tezkor hal qilinishi talab etiladigan va Vazirlikka yuklangan vazifalar va funksiyalarning bajarilishi bilan bog‘liq masalalar bo‘yicha belgilangan tartibda topshiriq berish;

6) Vazirlik hududiy bo‘linmalari va tasarrufidagi tashkilotlar, telekommunikatsiyalar korxonalari va litsenziatlar tomonidan qabul qilingan qonun hujjatlari va boshqa normativ-huquqiy hujjatlar, O‘zbekiston Respublikasi Prezidentining va O‘zbekiston Respublikasi Vazirlar Mahkamasining topshiriqlari, shuningdek, Vazirlik va uning rahbariyati tomonidan qabul qilingan hujjatlar va topshiriqlarning bajarilishi bo‘yicha faoliyatini belgilangan tartibda o‘rganish va tekshirish;

7) xo‘jalik boshqaruvi organlariga, mahalliy davlat hokimiyati organlariga avtomatlashtirilgan dasturiy mahsulotlarni joriy qilish sohasidagi kamchiliklarni bartaraf etish yuzasidan ko‘rsatmalar tayyorlash;

8) Vazirlikka yuklangan vazifalar va funksiyalarning bajarilishi bilan bog‘liq bo‘lgan normativ-huquqiy hujjatlar va boshqa hujjatlar loyihalarini ishlab chiqish va belgilangan tartibda yuqori organlarga kiritish;

9) Vazirlik vakolatiga kiradigan masalalarda davlat va xo‘jalik boshqaruvi organlari, mahalliy davlat hokimiyati organlari bilan o‘zaro hamkorlik va muvofiqlashtirishni amalga oshirish;

10) Vazirlik va uning tasarrufidagi tashkilotlar xodimlarini sohadagi faoliyatining asosiy ko‘rsatkichlari bo‘yicha parametrlarning bajarilishini hisobga olgan holda moddiy rag‘batlantirish tartibi, miqdori va shartlarini ishlab chiqish va tasdiqlash;

11) Vazirlik vakolatlariga kiradigan masalalar bo‘yicha takliflar ishlab chiqish va ko‘rib chiqish uchun O‘zbekiston Respublikasi Vazirlar Mahkamasiga, davlat va xo‘jalik boshqaruvi organlariga, mahalliy davlat hokimiyati organlariga kiritish;

12) vazirliklar va idoralar, kompaniyalar, uyushmalar, yirik korxonalar va birlashmalar, mahalliy davlat hokimiyati organlari rahbarlarining iqtisodiyot sohalarida axborot-kommunikatsiya texnologiyalari va elektron hukumatni joriy etish samaradorligi va sifati darajasini baholash natijalari asosida egallab turgan lavozimlariga mos kelishi bo‘yicha takliflarni ko‘rib chiqish va kiritish;

13) davlat va xo‘jalik boshqaruvi organlari, mahalliy davlat hokimiyati organlari hay’atlarining, iqtisodiyot sohalari va tarmoqlarida axborot-kommunikatsiya texnologiyalari va elektron davlat xizmatlarini joriy qilish masalalarini ko‘rib chiqish bilan bog‘liq majlislarda qatnashish;

14) davlat va xo‘jalik boshqaruvi organlari, mahalliy davlat hokimiyati organlarining axborot-kommunikatsiya texnologiyalarini joriy qilish va rivojlantirish uchun mas’ul ixtisoslashtirilgan tarkibiy bo‘linmalarning rahbarlari lavozimiga nomzodlarni ko‘rib chiqish va kelishish;

15) davlat va xo‘jalik boshqaruvi organlari, mahalliy davlat hokimiyati organlarining axborot-kommunikatsiya texnologiyalarini va “Elektron hukumat” tizimini joriy qilish, ma’muriy protseduralarni axborotlashtirish hamda elektron davlat xizmatlari ko‘rsatish bo‘yicha ishlar va loyihalarni moliyalashtirishga qilinadigan xarajatlar smetasini ko‘rib chiqish va kelishish;

16) tashkilotlar tomonidan axborot-kommunikatsiya texnologiyalari, telekommunikatsiya va pochta aloqasi xizmatlari ko‘rsatish bo‘yicha qoidalar va normalarga rioya qilinishi, shuningdek, o‘zining vakolati doirasida telekommunikatsiya operatorlari va provayderlarining faoliyati ustidan nazoratni amalga oshirish;

17) pochta va telekommunikatsiyalar sohasida faoliyat yuritayotgan va ko‘rsatiladigan xizmatlarining sifati bo‘yicha belgilangan normalar, standartlar, texnik reglamentlar va talablar, respublika hududida foydalanishda bo‘lgan telekommunikatsiyalar vositalari, radioelektron vositalar va yuqori chastotali qurilmalar parametrlarining buzilishiga yo‘l qo‘yayotgan xo‘jalik yurituvchi subyektlarning ayrim qurilmalari va texnologik uchastkalari ishini, aniqlangan kamchiliklar bartaraf qilingunga qadar, vaqtinchalik to‘xtatib turish to‘g‘risida qaror qabul qilish;

18) telekommunikatsiyalar, teleradioeshittirish, radiochastota spektridan foydalanish, pochta aloqasi, axborotlashtirish, elektron hukumat, elektron raqamli imzo va radiochastota spektridan foydalanish, axborot xavfsizligi sohasida faoliyatni tartibga soladigan, barcha vazirliklar, davlat qo‘mitalari, idoralar, mahalliy davlat hokimiyati organlari, tashkilotlar, mansabdor shaxslar va fuqarolar tomonidan bajarilishi majburiy bo‘lgan normativ-huquqiy hujjatlarni ishlab chiqish va qabul qilish;

20) davlat va xo‘jalik boshqaruvi organlariga Internet butunjahon axborot tarmog‘ida, shu jumladan, ijtimoiy tarmoqlarda yuqori darajada ijtimoiy qiziqish uyg‘otadigan noxolis, ishonchli bo‘lmagan maqolalarga o‘z vaqtida e’tibor qaratish bo‘yicha tavsiyalar ishlab chiqish;

21) favqulodda holatlarda (harbiy harakatlar paytida, zilzilalarda, suv toshqinlarida, yong‘inlarda, epidemiyalar va boshqalarda) barcha tarmoqlar va pochta aloqasi vositalari, telekommunikatsiya va axborot tizimlari, shuningdek, markazlashtirilgan telekommunikatsiya tarmoqlari va vositalari boshqaruvidan foydalanish, ishini cheklash yoki to‘xtatib qo‘yishda, telekommunikatsiya xizmatlari maxsus iste’molchilari tarmoqlaridan tashqari, ustuvorlikni aniqlash huquqiga ega.

Vazirlikning markaziy apparati qonun hujjatlariga muvofiq boshqa huquqlarga ham ega bo‘lishi mumkin.

22. Vazirlik markaziy apparati:

1) Vazirlikning hududiy bo‘linmalari, shuningdek, uning tasarrufidagi tashkilotlar bilan birga, Vazirlikka yuklangan vazifalar va funksiyalarning sifatli va o‘z vaqtida bajarilishini ta’minlash;

2) Vazirlik faoliyati bilan bog‘liq prognoz ko‘rsatkichlarga erishishni ta’minlash bo‘yicha Vazirlik markaziy apparati bo‘linmalarining ishini tashkil qilish;

3) Vazirlik tomonidan O‘zbekiston Respublikasi Vazirlar Mahkamasi va O‘zbekiston Respublikasi Prezidenti Administratsiyasi ko‘rib chiqishi uchun kiritiladigan normativ-huquqiy hujjatlar loyihalari va boshqa hujjatlarni, shuningdek, Vazirlik tomonidan qabul qilinadigan qarorlarni sifatli tayyorlash va ekspertiza qilish;

4) hududiy bo‘linmalar tomonidan raqamli texnologiyalar sohasini rivojlantirish, shuningdek, raqamli texnologiyalar, pochta aloqasi va telekommunikatsiyalar sohasida hududlarning muammoli masalalarini hal qilish va iqtisodiy-ijtimoiy rivojlantirish bo‘yicha davlat, tarmoq va hududiy dasturlar, tadbirlar rejalari, “yo‘l xaritalari” va boshqa dasturiy hujjatlar amalga oshirilishini tashkil qilish;

5) fuqarolar va tadbirkorlik subyektlarining huquqlari va qonuniy manfaatlariga rioya qilinishini va himoyasini ta’minlash;

6) O‘zbekiston Respublikasi Prezidenti Administratsiyasi, Vazirlar Mahkamasi, Vazirlik hay’ati ko‘rib chiqishi uchun kiritiladigan hujjatlar va materiallarni sifatli va o‘z vaqtida tayyorlanishi uchun javob beradi.

23. Vazirlikning Qoraqalpog‘iston Respublikasi, viloyatlar va Toshkent shahridagi hududiy bo‘linmalari o‘zlariga yuklangan vazifalar va funksiyalarni amalga oshirish uchun:

1) belgilangan tartibda davlat va xo‘jalik boshqaruvi organlarining, mahalliy davlat hokimiyati organlarining hududiy bo‘linmalaridan Vazirlik vakolatlariga kiradigan masalalarni hal qilish uchun zarur bo‘lgan axborotni so‘rash va olish;

2) ko‘rib chiqish uchun davlat va xo‘jalik boshqaruvi organlariga, mahalliy davlat hokimiyati organlariga Vazirlik vakolatiga kiradigan masalalar bo‘yicha takliflar kiritish;

3) mulkchilik shaklidan va idoraviy mansubligidan qat’i nazar, korxonalarda, muassasalarda, tashkilotlarda pochta aloqasi va telekommunikatsiyalar xizmatlari, shuningdek, axborot-kommunikatsiya texnologiyalari sohasida xizmatlar ko‘rsatish bo‘yicha qoidalar va normalarga rioya qilinishi monitoringini amalga oshirish;

4) mulkchilik shaklidan va idoraviy mansubligidan qat’i nazar, korxonalar, muassasalar, tashkilotlarning raqamli texnologiyalar sohasi qonunchiligiga amal qilishi yuzasidan nazoratni amalga oshirish;

5) litsenziya bitimlari talablari va shartlari bajarilishi, shuningdek, hududlarda raqamli texnologiyalar sohasida faoliyatni amalga oshiradigan xo‘jalik yurituvchi subyektlar tomonidan qonunlarga rioya qilinishi ustidan tizimli monitoringni amalga oshirish;

6) elektron hukumat sohasida hududiy loyihalarning o‘z vaqtida bajarilishini, idoralararo axborot tizimlari va axborot resurslari rivojlanishi va joriy qilinishi monitoringini olib borish;

7) belgilangan tartibda ko‘rib chiqish uchun Vazirlikka davlat va xo‘jalik boshqaruvi organlari, mahalliy davlat hokimiyati organlari hududiy boshqarmalari rahbarlarining axborot-kommunikatsiya texnologiyalarini joriy qilish darajasi, sifati va samarasini baholash natijalariga ko‘ra egallab turgan lavozimlariga to‘g‘ri kelish-kelmasligi taklifini kiritish;

8) davlat va xo‘jalik boshqaruvi hududiy organlarining, mahalliy davlat hokimiyati organlarining axborot-kommunikatsiya texnologiyalarini joriy qilish va elektron davlat xizmatlari ko‘rsatish sifati hamda samaradorligi bo‘yicha o‘rganishlar o‘tkazish;

9) mahalliy davlat hokimiyati organlarining iqtisodiyot tarmoqlari va sohalarida axborot-kommunikatsiya texnologiyalarini joriy qilish va elektron davlat xizmatlari ko‘rsatish masalalarini ko‘rib chiqish bilan bog‘liq majlislarda ishtirok etish;

10) axborot texnologiyalari va kommunikatsiyalari, pochta aloqasi va telekommunikatsiyalar sohasini rivojlantirish, shuningdek, Vazirlik vakolatiga kiradigan masalalar bo‘yicha hududlarning ijtimoiy-iqtisodiy rivojlanishi va muammoli masalalarni hal qilish bo‘yicha davlat va tarmoq dasturlari, chora-tadbirlar rejalari, “yo‘l xaritalari” va boshqa dasturiy hujjatlar bajarilishining nazoratini amalga oshirish;

11) tashkilotlar tomonidan, pochta aloqasi, telekommunikatsiyalar va axborot-kommunikatsiyalar texnologiyalari xizmatlari ko‘rsatish bo‘yicha normalar va qoidalarga rioya qilinishi ustidan nazoratni amalga oshirish;

12) hududlarda axborot-kommunikatsiya texnologiyalarini joriy qilish va o‘zaro hamkorlik tizimini takomillashtirish yuzasidan Vazirlikka taklif kiritish huquqiga ega.

Vazirlikning hududiy bo‘linmalari qonun hujjatlariga muvofiq boshqa huquqlarga ham ega bo‘lishi mumkin.

24. Vazirlikning Qoraqalpog‘iston Respublikasi, viloyatlar va Toshkent shahridagi hududiy bo‘linmalari:

1) Vazirlik hududiy bo‘linmalarining faoliyati bilan bog‘liq prognoz ko‘rsatkichlariga erishishni ta’minlash;

2) Vazirlikka kiritiladigan hujjatlar va takliflar loyihalari sifati, yakuniy natijalari hamda amalga oshirilishining oqibatlari, shuningdek, Vazirlikning hududiy bo‘linmalari tomonidan qabul qilinadigan qarorlar;

3) tumanlarda (shaharlarda) aniqlangan muammolarni har tomonlama, chuqur tahlil qilish va umumlashtirish asosida, Qoraqalpog‘iston Respublikasi, viloyatlarda va Toshkent shahrida raqamli texnologiyalar sohasini rivojlantirish bo‘yicha takliflarni tayyorlash;

4) Qoraqalpog‘iston Respublikasi, viloyatlar va Toshkent shahrida sohani rivojlantirish, muammoli masalalarni hal qilish bo‘yicha dasturlar, tadbirlar rejalari, “yo‘l xaritalari” va boshqa dasturiy hujjatlarni samarali amalga oshirish;

5) fuqarolar va tadbirkorlik subyektlarining huquqlari hamda qonuniy manfaatlariga rioya qilinishini va uning himoyasini ta’minlash uchun javob beradi.

25. Quyidagilar Vazirning asosiy funksional vazifalari hisoblanadi:

1) O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

2) Vazirlik faoliyatiga umumiy rahbarlikni amalga oshirish, O‘zbekiston Respublikasi Prezidentining tegishli hujjati bilan, O‘zbekiston Respublikasi Vazirlar Mahkamasining qarori va boshqa qonun hujjatlari bilan yuklangan vazifalar va funksiyalar bajarilishini tashkil etish;

3) O‘zbekiston Respublikasi Prezidentining hujjatlari va O‘zbekiston Respublikasi Vazirlar Mahkamasining qarorlari bilan tasdiqlangan Vazirlik faoliyatini yanada takomillashtirish bo‘yicha konsepsiyalar, kompleks dasturlar va kompleks tadbirlar ijrosini tanqidiy va chuqur tahlil qilish;

4) Vazirlik, hududiy bo‘linmalar va uning tarkibiy bo‘linmalari faoliyati bilan bog‘liq prognoz ko‘rsatkichlarga erishishni so‘zsiz ta’minlash bo‘yicha amaldagi chora-tadbirlarni ishlab chiqish va qabul qilish;

5) O‘zbekiston Respublikasi Prezidenti Administratsiyasi tarkibiy bo‘linmalari va O‘zbekiston Respublikasi Vazirlar Mahkamasi bilan, shuningdek, Vazirlikning faoliyat sohasiga kiradigan masalalar bo‘yicha tegishli vazirliklar hamda idoralar bilan o‘zaro hamkorlik qilish, O‘zbekiston Respublikasi Vazirlar Mahkamasi va uning Rayosati majlislarida masalalarni ko‘rib chiqishda ishtirok etish;

6) O‘zbekiston Respublikasi Prezidentining, O‘zbekiston Respublikasi Bosh vaziri va uning o‘rinbosarlarining topshiriqlarini bajarish;

7) o‘zining o‘rinbosarlari vakolatlarini belgilash, ular o‘rtasida vazifalarni taqsimlash, Vazirlik boshqa mansabdor shaxslarning vakolatlarini belgilash, o‘zining o‘rinbosarlari va boshqa mansabdor shaxslarining Vazirlik faoliyatining ayrim uchastkalariga rahbarlik qilish yuzasidan shaxsiy javobgarlik darajasini belgilash;

8) Vazirlik faoliyati rejalashtirilishini tashkil etish, Vazirlik va o‘z o‘rinbosarlarining har chorakdagi ish rejalarini tasdiqlash, ularning bajarilishi ustidan nazoratni ta’minlash;

9) O‘zbekiston Respublikasi Prezidenti va O‘zbekiston Respublikasi Vazirlar Mahkamasining hujjatlari va topshiriqlari bajarilishini tashkil etish va monitoring qilishning amaldagi tizimini yaratish, Vazirlik faoliyatida ijro intizomini mustahkamlash bo‘yicha kompleks amaliy chora-tadbirlarni amalga oshirish, shuningdek, tarkibiy bo‘linmalar va hududiy bo‘linmalar, shuningdek, tasarrufidagi tashkilotlar rahbarlarining O‘zbekiston Respublikasi Prezidentining “O‘zbekiston Respublikasi Prezidenti hujjatlari va topshiriqlarining samarali va natijaviy bajarilishi, shuningdek, ijro intizomini mustahkamlash uchun O‘zbekiston Respublikasi Prezidentining Davlat maslahatchilari, Vazirlar Mahkamasi va uning komplekslari, davlat va xo‘jalik boshqaruvi organlari, shuningdek, barcha darajadagi hokimiyatlar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq topshiriqlarning o‘z vaqtida va sifatli bajarilishi yuzasidan shaxsiy javobgarligini oshirish bo‘yicha chora-tadbirlar ko‘rish;

10) Vazirlik xodimlarining qayta tayyorlanishi va malakasi tizimli oshirilishini tashkil etish;

11) Vazirlik tizimida kadrlarni tanlash va joy-joyiga qo‘yish, ularning samarali faoliyati uchun zarur sharoitlar yaratish, Vazirlikning kadrlar zaxirasini shakllantirish;

12) O‘zbekiston Respublikasi Prezidenti, O‘zbekiston Respublikasi Prezidentining Administratsiyasi va O‘zbekiston Respublikasi Vazirlar Mahkamasining nomenklaturasiga kiradigan vakant lavozimlarga taklif qilingan kadrlarning, shuningdek, Vazirlikka ishga qabul qilinadigan boshqa kadrlarning kasb mahorati, bilimga egaligi, amaliy tajribasi, ish va axloqiy-ma’naviy sifatlarining yuqori darajasi kafolatlanishini ta’minlash;

13) O‘zbekiston Respublikasining “Normativ-huquqiy hujjatlar to‘g‘risida”gi, “Qonunlar loyihalarini tayyorlash va ularni O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida”gi qonunlari, O‘zbekiston Respublikasi Vazirlar Mahkamasining Reglamenti va O‘zbekiston Respublikasi Prezidenti Administratsiyasining Reglamenti talablariga qat’iy muvofiq ravishda faoliyat sohasining masalalari bo‘yicha normativ-huquqiy hujjatlar loyihalarining sifatli ishlab chiqilishini tashkil etish, ularni o‘z vaqtida O‘zbekiston Respublikasi Vazirlar Mahkamasiga kiritish, O‘zbekiston Respublikasining “Normativ-huquqiy hujjatlar to‘g‘risida”gi, “Qonunlar loyihalarini tayyorlash va ularni O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida”gi qonunlariga muvofiq ularning Vazirlar Mahkamasining Devonida ishlab chiqilishida, O‘zbekiston Respublikasi Vazirlar Mahkamasining Rahbariyati huzurida himoya qilinishida va Vazirlikning qonun loyihasini tayyorlash bo‘yicha faoliyatini tashkil etishda, O‘zbekiston Respublikasi Prezidentining Administratsiyasida ko‘rib chiqilishida ishtirok etish;

14) Vazirlik vakolatiga kiradigan masalalar bo‘yicha normativ-huquqiy hujjatlar qabul qilish, zarur hollarda, boshqa vazirliklar va idoralar bilan birgalikda tegishli qarorlar qabul qilish;

15) Vazirlikka taqdim qilingan takliflar va normativ-huquqiy hujjatlar loyihalari to‘liq va har tomonlama ko‘rib chiqilishini ta’minlash, ularning puxta bajarilgan ekspertizasini o‘tkazish, shuningdek, belgilangan muddatlarda ularni kelishish (ularga viza qo‘yish);

16) qonun hujjatlari talablariga to‘liq mos holda Vazirlik rahbarlari va xodimlarining xizmat safarlarini uyushtirish va tashkil etish, xizmat safarlarining asosliligini, samaradorligini va natijadorligini, safar xarajatlari uchun ajratiladigan mablag‘lardan maqsadli va oqilona foydalanishni ta’minlash;

17) o‘z o‘rinbosarlarining va tarkibiy bo‘linmalar hamda hududiy bo‘linmalar rahbarlari faoliyati samaradorligi va natijadorligining tanqidiy tahlilini muntazam olib borish, Vazirlik hay’ati majlislarida ularning shaxsiy hisobotlarini eshitish, yakunlar bo‘yicha zarur choralar ko‘rish;

18) Vazirlik xodimlarini rag‘batlantirish va intizomiy javobgarlikka tortish masalalarini hal qilish, o‘zining o‘rinbosarlarini rag‘batlantirish va intizomiy javobgarlikka tortish to‘g‘risida takliflar kiritish, shu jumladan, ularning egallab turgan lavozimlarida bundan buyon qolishining maqsadga muvofiqligi to‘g‘risidagi masalalarni ko‘rib chiqish, ularning shaxsiy javobgarligini oshirish bo‘yicha tizimli chora-tadbirlarni amalga oshirish;

19) Vazirlik xodimlarining tasdiqlangan xodimlar Odob-axloq qoidalariga rioya qilishini ta’minlash;

20) “Korrupsiyaga qarshi kurash to‘g‘risida”gi O‘zbekiston Respublikasining Qonuni talablariga muvofiq Vazirlik tizimida korrupsiya va boshqa qonun buzilishlarining oldini olish bo‘yicha choralar ko‘rish, shuningdek, qonunni qo‘llash amaliyoti va qonun hujjatlarini takomillashtirish bo‘yicha chora-tadbirlarni ishlab chiqish va amalga oshirish yo‘li bilan ularni sodir etishga yordam beruvchi sabablar va sharoitlarni aniqlash, tahlil qilish, bartaraf etish;

21) Vazirlik va uning hududiy bo‘linmalari ishini tashkil etishning zamonaviy shakllari joriy qilinishini ta’minlash;

22) davlat xizmatlari ko‘rsatish samaradorligini, sifatini va foydalana olishlikni oshirish, shu jumladan, aholi va tadbirkorlik subyektlari bilan o‘zaro hamkorlikni amalga oshirishda “yagona darcha” prinsipini joriy qilish yo‘li bilan, O‘zbekiston Respublikasining “Elektron hukumat to‘g‘risida”gi Qonunini bajarish doirasida zamonaviy axborot-kommunikatsiya texnologiyalaridan foydalanish;

23) jismoniy va yuridik shaxslarning murojaatlarini ko‘rib chiqish bo‘yicha ishlarni samarali tashkil qilish, aholi bilan ochiq va to‘g‘ridan-to‘g‘ri muloqotni yo‘lga qo‘yish, shaxsiy qabullarni, shu jumladan, qonun hujjatlari bilan belgilangan tartibda va muddatlarda jismoniy shaxslar hamda yuridik shaxslar vakillarining sayyor qabullarini muntazam ravishda o‘tkazish;

24) O‘zbekiston Respublikasi Prezidentining Xalq qabulxonalari bilan samarali o‘zaro hamkorlik qilishni, Vazirlik rahbarlari va xodimlarining ular ishida faol qatnashishini tashkil qilish, jismoniy va yuridik shaxslarning O‘zbekiston Respublikasi Prezidentining Virtual qabulxonasidan kelib tushadigan murojaatlari o‘z vaqtida va mukammal ko‘rib chiqilishini ta’minlash;

25) davlat sirlariga kiritilgan va maxfiy tusdagi axborotlar bilan ishlashda qonun hujjatlari talablariga rioya qilish;

26) Vazirlik xodimlari, shuningdek, Vazirlikning tashkiliy tuzilmasiga kiradigan korxonalar, muassasalar va tashkilotlar tomonidan bajarilishi shart bo‘lgan buyruqlar, farmoyishlar, qarorlar va ko‘rsatmalar chiqarish;

27) Vazirlikning markaziy apparati va hududiy bo‘linmalari tuzilmasiga, zarur hollarda Vazirlikning belgilangan umumiy soni doirasida o‘zgartirishlar kiritish.

Vazir qonun hujjatlariga muvofiq boshqa vakolatlarni ham amalga oshirishi mumkin.

26. Quyidagilar Vazir o‘rinbosarlarining asosiy funksional vazifalari hisoblanadi:

1) O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazir vaqtincha bo‘lmaganda, tegishli buyruq asosida uning vazifalarini bajarish;

3) Vazirlikning mutasaddilik qilinadigan tarkibiy bo‘linmalari faoliyatini muvofiqlashtirish, nazorat qilish va unga bevosita rahbarlik qilish, ularning xodimlari o‘rtasida vazifalarni taqsimlash;

4) Vazirlik faoliyatini yanada takomillashtirish va uning faoliyatining mutasaddilik qilinadigan yo‘nalishlari bo‘yicha O‘zbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan konsepsiyalar, kompleks dasturlar hamda tadbirlar amalga oshirilishini chuqur va tanqidiy tahlil qilish;

5) mutasaddilik qilinadigan bo‘linmalarning prognoz ko‘rsatkichlarga erishishini so‘zsiz ta’minlash choralarini ko‘rish, bo‘linmalar rahbarlarining hisobotlarini tizimli ravishda eshitish hamda qayd etilgan ko‘rsatkichlarga erishish borasida ularning shaxsiy mas’uliyatini oshirish;

6) mutasaddilik qilinadigan bo‘linmalar rahbarlarining har choraklik rejalarini tasdiqlash va ularning bajarilishini nazorat qilish;

7) O‘zbekiston Respublikasi Prezidentining va Vazirlar Mahkamasining hujjatlari hamda topshiriqlari bajarilishini ta’minlash, Vazirlikning mutasaddilik qilinadigan bo‘linmalarida ijro intizomini mustahkamlashga doir kompleks amaliy chora-tadbirlarni amalga oshirish, shuningdek, topshiriqlarning o‘z vaqtida hamda sifatli bajarilishi uchun tarkibiy bo‘linmalar rahbarlarining shaxsiy mas’uliyatini oshirish choralarini ko‘rish;

8) Vazirlik hay’ati qarorlari, Vazirning buyruqlari va topshiriqlari o‘z vaqtida hamda sifatli bajarilishini ta’minlash;

9) Vazirga mutasaddilik qiladigan bo‘linmalarda kadrlarni tanlash va joy-joyiga qo‘yishga doir takliflar taqdim etish, ularning professional darajasi, chuqur bilimga, amaliy tajribaga egaligi, ishchanlik va ma’naviy-axloqiy fazilatlarining yuqoriligi kafolatlanganini ta’minlash, ularning kasb malakasini oshirish, Vazirlik mutasaddilik qiladigan tarkibiy bo‘linmalarda kadrlar zaxirasini shakllantirish;

10) mutasaddilik qilinadigan tarkibiy bo‘linmalarning normativ-huquqiy hujjatlar loyihalarini sifatli tayyorlashini ta’minlash, Vazirlik tarkibiy bo‘linmalarida tayyorlangan hujjatlar loyihalarini keyinchalik muhokama etish uchun ko‘rib chiqish hamda ularga viza qo‘yish, Vazir tomonidan imzolash, O‘zbekiston Respublikasi Vazirlar Mahkamasining Reglamenti va O‘zbekiston Respublikasi Prezidenti Administratsiyasining Reglamenti talablariga muvofiq ularning Vazirlar Mahkamasiga o‘z vaqtida kiritilishini ta’minlash, shuningdek, Vazirning topshirig‘iga binoan Vazirlar Mahkamasi Apparatida normativ-huquqiy hujjatlar loyihalarini ishlab chiqishda ishtirok etish;

11) Vazirlikka taqdim etilgan takliflar va normativ-huquqiy hujjatlar loyihalarini to‘liq hamda har tomonlama ko‘rib chiqish, ularni huquqiy, moliyaviy, iqtisodiy va boshqa ekspertizadan puxta o‘tkazish;

12) qonun hujjatlari talablariga qat’iy muvofiq ravishda xizmat safarlarini tashkil qilish, xizmat safarlarining asosliligi, samaradorligi va natijadorligini hamda xizmat safarlari uchun ajratiladigan mablag‘lardan maqsadli hamda oqilona foydalanishni ta’minlash;

13) mutasaddilik qilinadigan tarkibiy bo‘linmalar rahbarlari va xodimlarining faoliyati samaradorligi hamda natijadorligini tizimli ravishda tanqidiy tahlil qilish, ularning Vazirlik hay’ati majlislarida shaxsiy hisobotlarini eshitish va yakunlari bo‘yicha zarur choralar ko‘rish;

14) Vazirlik mutasaddilik qiladigan faoliyatiga taalluqli masalalar bo‘yicha amaliy choralar ko‘rish, qonunchilikni takomillashtirish bo‘yicha takliflar ishlab chiqish va ularni Vazirga kiritish;

15) mutasaddilik qilinadigan tarkibiy bo‘linmalar rahbarlari va xodimlarini rag‘batlantirish va intizomiy javobgarlikka tortish masalasini hal qilish, shu jumladan ularning egallab turgan lavozimda qolishi yoki qolmasligi maqsadga muvofiqligi haqidagi masalasini ko‘rib chiqish to‘g‘risida Vazirga takliflar kiritish, funksional majburiyatlar va yuklangan vazifalarning bajarilishi uchun ularning shaxsiy mas’uliyatini oshirishga doir tizimli chora-tadbirlarni amalga oshirish;

16) Vazirlik xodimlarining tasdiqlangan odob-axloq qoidalari talablariga rioya etishini, mutasaddilik qilinadigan tarkibiy bo‘linmalar rahbarlari va xodimlari tomonidan ko‘rsatilgan qoidalarga rioya qilinishini ta’minlash;

17) O‘zbekiston Respublikasining “Korrupsiyaga qarshi kurash to‘g‘risida”gi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini ko‘rish, shuningdek, ularning sodir etilishiga ko‘maklashadigan sabablar hamda sharoitlarni huquqni qo‘llash amaliyoti va qonunchilikni takomillashtirish chora-tadbirlarini ishlab chiqish hamda amalga oshirish orqali aniqlash, tahlil qilish, bartaraf etish;

18) Vazirga davlat xizmatlari ko‘rsatish va ulardan foydalanish samaradorligi hamda sifatini oshirishga doir takliflar kiritish;

19) jismoniy va yuridik shaxslar murojaatlarini ko‘rib chiqish bo‘yicha samarali ishlarni tashkil qilish, aholi bilan bevosita va ochiq muloqotni yo‘lga qo‘yish, qonunchilikda belgilangan muddatlarda va tartibda jismoniy shaxslarni hamda yuridik shaxslar vakillarini muntazam shaxsan qabul qilish, shu jumladan sayyor qabul qilish;

20) O‘zbekiston Respublikasi Prezidentining Xalq qabulxonalari bilan samarali hamkorlik qilish, Vazirlik xodimlari va rahbariyatining qabulxonalar faoliyatida faol ishtirok etishini tashkil etish, jismoniy va yuridik shaxslardan O‘zbekiston Respublikasi Prezidentining Virtual qabulxonasiga kelib tushadigan murojaatlarni o‘z vaqtida hamda to‘liq ko‘rib chiqilishini ta’minlash;

21) davlat sirlariga kiritilgan axborot va maxfiy axborot bilan ishlashda qonun hujjatlari talablariga rioya etish.

27. Quyidagilar Vazirlik markaziy apparati tarkibiy bo‘linmalari rahbarlarining asosiy funksional vazifalari hisoblanadi:

1) O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) tarkibiy bo‘linmalar faoliyatiga bevosita rahbarlik qilish, ushbu bo‘linmalarga yuklangan vazifalar va funksiyalar bajarilishini tashkil etish;

3) o‘z vakolatlari doirasida Vazirlik hududiy bo‘linmalari va tasarrufidagi tashkilotlar faoliyatini muvofiqlashtirish;

4) prognoz ko‘rsatkichlar bajarilishini tizimli tahlil qilish va Vazirlikning mutasaddilik qilinadigan bo‘linmalar va hududiy bo‘linmalarining mazkur ko‘rsatkichlarga so‘zsiz erishishini ta’minlashga qaratilgan qo‘shimcha choralar ko‘rish bo‘yicha Vazirning mutasaddi o‘rinbosarlariga takliflar kiritish;

5) O‘zbekiston Respublikasi Prezidentining va Vazirlar Mahkamasining hujjatlari hamda topshiriqlari bajarilishini ta’minlash, Vazirlik tarkibiy bo‘linmalarining xodimlari tomonidan ijro intizomini mustahkamlashga doir kompleks amaliy chora-tadbirlarni amalga oshirish, shuningdek, topshiriqlarning o‘z vaqtida hamda sifatli bajarilishi uchun tarkibiy bo‘linmalar xodimlarining shaxsiy mas’uliyatini oshirish choralarini ko‘rish;

6) Vazirlik hay’ati qarorlari, Vazirning buyruqlari va topshiriqlari o‘z vaqtida hamda sifatli bajarilishini ta’minlash;

7) tarkibiy bo‘linmalarning har choraklik ish rejalarini ishlab chiqishni ta’minlash, ularni tasdiqlash uchun kiritish, ularda ko‘rsatilgan vazifalar va tadbirlarning o‘z vaqtida va sifatli bajarilishini ta’minlash;

8) tarkibiy bo‘linmalarga yuklangan vazifalar bajarilishini nazorat qilish va muvofiqlashtirish, Vazirlikning hududiy bo‘linmalari va tasarrufidagi tashkilotlar faoliyatiga amaliy va uslubiy ko‘maklashish;

9) tarkibiy bo‘linmalar faoliyati bo‘yicha qonunchilikni takomillashtirishga doir takliflar ishlab chiqish va ularni ko‘rib chiqish uchun Vazirlik rahbariyatiga kiritish;

10) Vazir o‘rinbosarlariga tarkibiy bo‘linmalarda kadrlarni tanlash va joy-joyiga qo‘yishga doir takliflar taqdim etish, ularning professional darajasi, chuqur bilimga, amaliy tajribaga egaligi, ishchanlik va ma’naviy-axloqiy fazilatlarining yuqoriligi kafolatlanganini ta’minlash, ularning kasb malakasini oshirish, tarkibiy bo‘linmalarda kadrlar zaxirasini shakllantirish;

11) tarkibiy bo‘linmalarning normativ-huquqiy hujjatlar loyihalarini sifatli tayyorlashini ta’minlash, Vazirlik tarkibiy bo‘linmalarida tayyorlangan hujjatlar loyihalarini keyinchalik muhokama etish uchun ko‘rib chiqish hamda imzolash, Vazir tomonidan imzolash, O‘zbekiston Respublikasi Vazirlar Mahkamasining Reglamenti va O‘zbekiston Respublikasi Prezidenti Administratsiyasining Reglamenti talablariga muvofiq ularning Vazirlar Mahkamasiga o‘z vaqtida kiritilishini ta’minlash, O‘zbekiston Respublikasi Vazirlar Mahkamasi Apparatida normativ-huquqiy hujjatlar loyihalarini ishlab chiqishda ishtirok etish;

12) Vazirlikka taqdim etilgan takliflar va normativ-huquqiy hujjatlar loyihalarini to‘liq hamda har tomonlama ko‘rib chiqish, ularni ekspertizadan puxta o‘tkazish;

13) qonun hujjatlari talablariga qat’iy muvofiq ravishda xizmat safarlarini tashkil qilish, xizmat safarlarining asosliligi, samaradorligi va natijadorligini hamda xizmat safarlari uchun ajratiladigan mablag‘lardan maqsadli hamda oqilona foydalanishni ta’minlash;

14) tarkibiy bo‘linmalar xodimlarining faoliyati samaradorligi hamda natijadorligini tizimli ravishda tanqidiy tahlil qilish, majlislarda ularning shaxsiy hisobotlarini eshitish va yakunlari bo‘yicha zarur choralar ko‘rish;

15) Vazirlik xodimlarining tasdiqlangan odob-axloq qoidalari talablariga rioya etishini, tarkibiy bo‘linmalarning xodimlari tomonidan ko‘rsatilgan qoidalarga rioya qilinishini ta’minlash;

16) O‘zbekiston Respublikasining “Korrupsiyaga qarshi kurashish to‘g‘risida”gi Qonuni talablariga muvofiq tarkibiy bo‘linmalarda korrupsiya va boshqa huquqbuzarliklarning oldini olish choralarini ko‘rish, shuningdek, ularning sodir etilishiga ko‘maklashadigan sabablar hamda sharoitlarni huquqni qo‘llash amaliyoti va qonunchilikni takomillashtirish chora-tadbirlarini ishlab chiqish hamda amalga oshirish orqali aniqlash, tahlil qilish, bartaraf etish;

17) Vazirlik rahbariyatiga davlat xizmatlari ko‘rsatish va ulardan foydalanish samaradorligi hamda sifatini oshirishga doir takliflar kiritish;

18) jismoniy va yuridik shaxslar murojaatlarini ko‘rib chiqish, aholi bilan bevosita va ochiq muloqotni yo‘lga qo‘yish, Qonunda belgilangan muddatlarda va tartibda jismoniy shaxslarni hamda yuridik shaxslar vakillarini muntazam shaxsan qabul qilish, shu jumladan sayyor qabul qilish;

19) O‘zbekiston Respublikasi Prezidentining Xalq qabulxonalari bilan samarali o‘zaro hamkorlik qilish, ularning faoliyatida faol ishtirok etish, jismoniy va yuridik shaxslarning O‘zbekiston Respublikasi Prezidentining Virtual qabulxonasidan kelib tushadigan murojaatlarini o‘z vaqtida va mukammal ko‘rib chiqish;

20) davlat sirlariga kiritilgan axborot va maxfiy axborot bilan ishlashda qonun hujjatlari talablariga rioya etish.

28. Quyidagilar Vazirlikning Qoraqalpog‘iston Respublikasi, viloyatlar va Toshkent shahridagi hududiy bo‘linmalari rahbarlarining asosiy funksional vazifalari hisoblanadi:

1) O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazirlik hududiy bo‘linmalarining faoliyatiga umumiy rahbarlik qilish, ushbu bo‘linmalarlarga O‘zbekiston Respublikasi Prezidentining hujjatlari va Vazirlar Mahkamasi qarorlari, shuningdek, Vazirlikning qarorlari bilan yuklangan vazifa hamda funksiyalar bajarilishini tashkil qilish;

3) hududiy bo‘linmalar faoliyati bilan bog‘liq prognoz ko‘rsatkichlarga so‘zsiz erishish bo‘yicha amaliy choralarni ishlab chiqish hamda amalga oshirish;

4) O‘zbekiston Respublikasi Prezidentining va Vazirlar Mahkamasining hujjatlari hamda topshiriqlari bajarilishini ta’minlash, hududiy bo‘linmalarning xodimlari tomonidan ijro intizomini mustahkamlashga doir kompleks amaliy chora-tadbirlarni amalga oshirish, shuningdek, topshiriqlarning o‘z vaqtida hamda sifatli bajarilishi uchun hududiy bo‘linmalar xodimlarining shaxsiy mas’uliyatini oshirish choralarini ko‘rish;

5) Vazirlik hay’ati qarorlari, Vazirning buyruqlari va topshiriqlari o‘z vaqtida hamda sifatli bajarilishini ta’minlash;

6) mahalliy davlat hokimiyati organlari va kompleks ijtimoiy-iqtisodiy rivojlanish sektorlari bilan Vazirlik faoliyati sohasiga kiradigan masalalar bo‘yicha hamkorlik qilish;

7) o‘z o‘rinbosarlari vakolatlarini belgilash, ular o‘rtasida vazifalarni taqsimlash, hududiy bo‘linmalarning boshqa mansabdor shaxslari vakolatlarini, Vazirlik faoliyatining ayrim uchastkalariga rahbarlik uchun o‘z o‘rinbosarlari hamda boshqa mansabdor shaxslarning shaxsiy javobgarlik darajasini belgilash;

8) Vazirlikning hududiy bo‘linmalari faoliyatini rejalashtirishni tashkil etish, Vazirlik hududiy bo‘linmalari va o‘z o‘rinbosarlari ishlarining har choraklik rejalarini tasdiqlash, ularning bajarilishini nazorat qilish;

9) Vazirlik hududiy bo‘linmalariga kadrlarni tanlash va joy-joyiga qo‘yish, ularning samarali faoliyat ko‘rsatishi uchun zarur sharoitlar yaratish, hududiy bo‘linmalarning kadrlar zaxirasini shakllantirish;

10) Vazir nomenklaturasiga kiradigan bo‘sh lavozimlarga taklif etilgan nomzodlarning, shuningdek, hududiy bo‘linmalarga ishga qabul qilinadigan boshqa kadrlarning professional darajasi, chuqur bilimga egaligi, ishchanlik va ma’naviy-axloqiy fazilatlari yuqoriligi kafolatlanganini ta’minlash;

11) hududiy bo‘linmalar xodimlarini rag‘batlantirish va intizomiy javobgarlikka tortish masalasini hal qilish, o‘z o‘rinbosarlarini rag‘batlantirish va intizomiy javobgarlikka tortish, shu jumladan ularning egallab turgan lavozimda qolishi yoki qolmasligi maqsadga muvofiqligi haqidagi masalani ko‘rib chiqish to‘g‘risida takliflar kiritish, ularning shaxsiy mas’uliyatini oshirishga doir tizimli chora-tadbirlarni amalga oshirish;

12) hududiy bo‘linmalar xodimlari tomonidan Vazirlik xodimlarining odob-axloq qoidalari talablariga rioya etilishini ta’minlash;

13) O‘zbekiston Respublikasining “Korrupsiyaga qarshi kurashish to‘g‘risida”gi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini ko‘rish, shuningdek, ularning sodir etilishiga ko‘maklashadigan sabablar hamda sharoitlarni huquqni qo‘llash amaliyoti va qonunlarni takomillashtirish chora-tadbirlarini ishlab chiqish hamda amalga oshirish orqali aniqlash, tahlil qilish, bartaraf etish;

14) prognoz ko‘rsatkichlar bajarilishini tizimli tahlil qilish va hududiy bo‘linmalarning mazkur ko‘rsatkichlarga so‘zsiz erishishini ta’minlashga qaratilgan qo‘shimcha choralar ko‘rish bo‘yicha Vazirning mutasaddi o‘rinbosarlariga takliflar kiritish;

15) hududiy bo‘linmalar xodimlarining faoliyati samaradorligi hamda natijadorligini tizimli ravishda tanqidiy tahlil qilish, ularning shaxsiy hisobotlarini yig‘ilishlarda eshitish va yakunlari bo‘yicha zarur choralar ko‘rish;

16) hududiy bo‘linmalar faoliyati bo‘yicha qonunchilikni takomillashtirishga, shuningdek, davlat xizmatlari ko‘rsatish va ulardan foydalanish samaradorligi hamda sifatini oshirishga doir takliflar ishlab chiqish va ularni Vazirlik rahbariyatiga ko‘rib chiqish uchun kiritish;

17) jismoniy va yuridik shaxslar murojaatlarini ko‘rib chiqish, aholi bilan bevosita va ochiq muloqotni yo‘lga qo‘yish, Qonunda belgilangan muddatlarda va tartibda jismoniy shaxslarni hamda yuridik shaxslar vakillarini muntazam shaxsan qabul qilish, shu jumladan sayyor qabul qilish;

18) O‘zbekiston Respublikasi Prezidentining Xalq qabulxonalari bilan samarali o‘zaro hamkorlik qilish, ularning faoliyatida faol ishtirok etish, jismoniy va yuridik shaxslarning O‘zbekiston Respublikasi Prezidentining Virtual qabulxonasidan kelib tushadigan murojaatlarini o‘z vaqtida va mukammal ko‘rib chiqish;

19) davlat sirlarini yoki qonun bilan qo‘riqlanadigan boshqa sirni tashkil etuvchi ma’lumotlarni muhofaza qilishni ta’minlash.

29. Vazir:

1) Vazirlikka yuklangan vazifalar va funksiyalarning bajarilishi;

2) ushbu Nizomning 20-bandida nazarda tutilgan Vazirlikning javobgarlik sohalari bo‘yicha;

3) ushbu Nizomning 25-bandida qayd etilgan o‘z funksional vazifalarining sifatli bajarilishi uchun shaxsan javob beradi.

30. Vazir o‘rinbosarlari:

1) Vazirlikning mutasaddilik qilinadigan tarkibiy bo‘linmalarida Vazirlikka yuklangan vazifalar va funksiyalarning bajarilishi;

2) ushbu Nizomning 20-bandida nazarda tutilgan Vazirlikning mutasaddilik qilinadigan masalalar yuzasidan javobgarlik sohalari bo‘yicha;

3) ushbu Nizomning 26-bandida qayd etilgan o‘z funksional vazifalarining sifatli bajarilishi uchun shaxsan javob beradi.

31. Markaziy apparatning tarkibiy bo‘linmalari rahbarlari:

1) tegishli tarkibiy bo‘linmalarga yuklangan vazifalar va funksiyalarning amalga oshirilishi;

2) ushbu Nizomning 22-bandida nazarda tutilgan Vazirlik markaziy apparatining javobgarlik sohalari bo‘yicha;

3) ushbu Nizomning 27-bandida qayd etilgan o‘z funksional vazifalarining sifatli bajarilishi uchun shaxsan javob beradi.

32. Vazirliknng Qoraqalpog‘iston Respublikasi, viloyatlar va Toshkent shahridagi hududiy bo‘linmalarining rahbarlari:

1) hududiy bo‘linmalarga yuklangan vazifalar va funksiyalarning amalga oshirilishi;

2) ushbu Nizomning 24-bandida nazarda tutilgan Vazirlik hududiy bo‘linmalarining javobgarlik sohalari bo‘yicha;

3) ushbu Nizomning 28-bandida qayd etilgan o‘z funksional vazifalarining sifatli bajarilishi uchun shaxsan javob beradi.

33. Vazirlikka O‘zbekiston Respublikasi Oliy Majlisi Qonunchilik palatasi ma’qullaganidan keyin kiritilgan O‘zbekiston Respublikasining Bosh vaziri taqdimnomasiga binoan O‘zbekiston Respublikasi Prezidenti tomonidan tasdiqlanadigan va lavozimidan ozod qilinadigan vazir boshchilik qiladi.

Vazir o‘zining maqomiga ko‘ra O‘zbekiston Respublikasi Vazirlar Mahkamasining a’zosi hisoblanadi.

34. Vazirning birinchi va boshqa o‘rinbosarlari O‘zbekiston Respublikasi Prezidenti tomonidan lavozimga tayinlanadi va lavozimdan ozod etiladi.

35. Vazir bo‘lmagan vaqtda uning vakolatlarini, majburiyatlarning taqsimlanishiga muvofiq, uning o‘rinbosarlari amalga oshiradi.

36. Vazirlikning hududiy bo‘linmalari va tasarrufidagi tashkilotlar rahbarlari Vazir tomonidan lavozimga tayinlanadi va lavozimdan ozod etiladi.

37. Vazirlikning hududiy bo‘linmalari va tasarrufidagi tashkilotlar to‘g‘risidagi nizom Vazir tomonidan tasdiqlanadi, qonun hujjatlari bilan belgilangan holatlar bundan mustasno.

38. Vazir bir vaqtning o‘zida Radiochastotalar bo‘yicha respublika kengashi raisining o‘rinbosari hisoblanadi.

39. Vazirlik markaziy apparati tarkibiy tuzilmalarining uning hududiy bo‘linmalari va idoraviy mansub tashkilotlari bilan o‘zaro hamkorligi markaziy apparat tarkibiy tuzilmalarining rahbarlari tomonidan ta’minlanadi.

40. Vazirlik markaziy apparatining tarkibiy tuzilmalari Vazirlikning hududiy bo‘linmalari bilan o‘z faoliyati yo‘nalishlari bo‘yicha o‘zaro hamkorlik qilib:

1) topshiriqlarni hududiy bo‘linmalar va idoraviy mansub tashkilotlarga yetkazadi hamda ularning bajarilishini nazorat qiladi;

2) Vazirlikning hududiy bo‘linmalariga va idoraviy mansub tashkilotlariga tarkibiy tuzilmalarning bevosita faoliyati masalalari bo‘yicha so‘rovlar yuboradi hamda ularning ijro etilishini nazorat qiladi;

3) Vazirlikning hududiy bo‘linmalari va idoraviy mansub tashkilotlari faoliyati amaliyotini tekshiradi va o‘rganadi, umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

4) Vazirlikning hududiy bo‘linmalari va idoraviy mansub tashkilotlari faoliyatini tashkil etish va faoliyati natijalari to‘g‘risida hisobot va axborot materiallari, statistika ma’lumotlari va boshqa ma’lumotlar o‘rganilishini tashkil etadi;

5) Vazirlikning hududiy bo‘linmalari va idoraviy mansub tashkilotlari ish rejalarini tahlil qiladi, ularning faoliyatini rejalashtirishni takomillashtirishga doir choralar ko‘radi;

6) Vazirlikning hududiy bo‘linmalari va idoraviy mansub tashkilotlaridan tushgan takliflarni ko‘rib chiqadi;

7) normativ-huquqiy hujjatlar loyihalarini tayyorlashda Vazirlikning hududiy bo‘linmalari va idoraviy mansub tashkilotlari ishtirokini tashkil etadi, qonun hujjatlarini takomillashtirish bo‘yicha ulardan tushgan takliflarni ko‘rib chiqadi.

41. Vazirlikning hududiy bo‘linmalari va idoraviy mansub tashkilotlari Vazirlik markaziy apparatining tarkibiy tuzilmalari bilan o‘zaro hamkorlik qiladi, shu jumladan:

1) Vazirlik rahbariyati topshiriqlari ijrosi haqida axborot beradi;

2) raqamli texnologiyalar sohasida qonun hujjatlarini amalga oshirish bo‘yicha faoliyat natijalari to‘g‘risida markaziy apparatga axborot taqdim etadi;

3) ularning faoliyatini tekshirish va o‘rganish natijasida ishda aniqlangan kamchiliklar va qoidabuzarliklarni bartaraf etish natijalari to‘g‘risida axborot beradi;

4) o‘z faoliyati natijalari to‘g‘risidagi hisobotlarni belgilangan tartibda va muddatlarda Vazirlikning markaziy apparatiga taqdim etadi;

5) hududlarni ijtimoiy-iqtisodiy rivojlantirish muammolari, shu jumladan aholining eng muhim muammolarini hal qilishga qaratilgan takliflarni Vazirlikning markaziy apparatiga yuboradi;

6) kompleks ijtimoiy-iqtisodiy rivojlantirish bo‘yicha sektorlar bilan o‘zaro hamkorlik natijalari to‘g‘risida axborot beradi;

7) vakolatli organlar tomonidan o‘tkazilgan o‘z faoliyatini tekshirish natijalari to‘g‘risida axborot beradi.

41¹. Vazirlik markaziy apparati, hududiy bo‘linmalari hamda tasarrufidagi tashkilotlarda manfaatlar to‘qnashuvi hamda korrupsiya holatlarining oldini olish bo‘yicha zarur choralar ko‘riladi.

41². Vazirlik markaziy apparati, hududiy bo‘linmalari hamda tasarrufidagi tashkilotlarda manfaatlar to‘qnashuvi hamda korrupsiya holatlari aniqlanganda tegishli o‘rganishlar va xizmat tekshiruvlari o‘tkaziladi, zarur hollarda vakolatlariga kirmaydigan qoidabuzarliklar bo‘yicha materiallarni belgilangan tartibda tegishli vakolatli organlarga beradi.

42. Vazirlik markaziy apparati tarkibiy tuzilmalari va uning hududiy bo‘linmalari hamda idoraviy mansub tashkilotlarning o‘zaro hamkorligi jarayonida yuzaga keladigan kelishmovchiliklar Vazirning topshirig‘iga binoan uning tegishli o‘rinbosari tomonidan ko‘rib chiqiladi. Agar ko‘rib chiqilgandan so‘ng kelishmovchiliklar tartibga solinmasa, bu masala bo‘yicha qaror bevosita Vazir tomonidan qabul qilinadi.

43. Vazirlik o‘z vazifalari va funksiyalarini amalga oshirishda boshqa davlat va xo‘jalik boshqaruvi organlari, mahalliy davlat hokimiyati organlari va boshqa tashkilotlar bilan o‘zaro hamkorlik qiladi.

44. Vazirlikning hududiy bo‘linmalari o‘z vakolati doirasida boshqa davlat va xo‘jalik boshqaruvi organlarining hududiy organlari, mahalliy davlat hokimiyati organlari va boshqa tashkilotlar bilan o‘zaro hamkorlik qiladi.

Vazirlikning hududiy bo‘linmalari tegishli hududlarni ijtimoiy-iqtisodiy rivojlantirish bo‘yicha “yo‘l xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish bo‘yicha sektorlar bilan o‘zaro yaqin hamkorlik qiladi.

45. Vazirlik Vazirlar Mahkamasining Sun’iy intellekt va raqamli texnologiyalarni rivojlantirish masalalari departamentiga biriktirilgan tashkilotlar ro‘yxatiga kiradi va uning faoliyati O‘zbekiston Respublikasi Prezidenti Administratsiyasining tarkibiy bo‘linmalari tomonidan mutasaddilik qilinadi.

46. Vazirlikda Vazir (hay’at raisi), uning o‘rinbosarlari (lavozimiga ko‘ra), shuningdek, Vazirlik faoliyatining asosiy yo‘nalishlarini muvofiqlashtiruvchi tarkibiy bo‘linmalari rahbarlaridan iborat tarkibda hay’at tashkil etiladi.

Hay’atning a’zolari soni va shaxsiy tarkibi Vazirning taqdimnomasiga binoan O‘zbekiston Respublikasi Prezidenti Administratsiyasi bilan kelishilgan holda O‘zbekiston Respublikasi Vazirlar Mahkamasi tomonidan tasdiqlanadi.

47. Hay’atga quyidagi vazifalar yuklanadi:

Vazirlik faoliyatining ushbu Nizomda belgilangan asosiy yo‘nalishlarini ishlab chiqish va amalga oshirish;

qonun hujjatlarida, O‘zbekiston Respublikasi Prezidenti hujjatlari va O‘zbekiston Respublikasi Hukumati qarorlarida belgilangan vazifalarning o‘z vaqtida va sifatli amalga oshirilishini ta’minlash uchun Vazirlik tizimi xodimlari va rahbarlarining shaxsiy javobgarligini oshirish choralarini ko‘rgan holda tarkibiy va hududiy tuzilmalar hamda idoraviy mansub tashkilotlar rahbarlari hisobotlari muntazam ravishda eshitilishini tashkil etish;

Vazirlik faoliyati sohasidagi hududiy va tarmoq dasturlari amalga oshirilishining natijadorligini tizimli ravishda ko‘rib chiqish;

joylarda Vazirlik faoliyati sohasidagi dolzarb masalalar muhokama qilinishini ta’minlagan holda hay’atning kengaytirilgan majlislari o‘tkazilishini tashkil etish, shuningdek, yuzaga kelgan muammolarni bartaraf etish bo‘yicha tegishli qarorlarni ishlab chiqish va qabul qilish;

Vazirlik markaziy apparati va uning tizimiga kiradigan lavozimlar nomenklaturasini ko‘rib chiqish va tasdiqlash;

Vazirlik nomenklaturasiga kiradigan lavozimlarga kadrlarni tanlash, joy-joyiga qo‘yish masalalarini ko‘rib chiqish;

O‘zbekiston Respublikasi Prezidenti va Vazirlar Mahkamasining qarorlari va topshiriqlari bilan belgilangan vazifalar o‘z vaqtida va sifatli bajarilishini ta’minlash uchun Vazirlik rahbarlari va xodimlarining ijro intizomini mustahkamlash va shaxsiy javobgarligini oshirish bo‘yicha masalalarni ko‘rib chiqish.

Hay’at Vazirlik vakolatiga kiritilgan boshqa masalalarni ham ko‘rib chiqishga haqlidir.

48. Hay’at majlisiga davlat va xo‘jalik boshqaruvi organlari, boshqa tashkilotlar rahbarlari, ularning vakolatiga kiradigan masalalar yuzasidan taklif etilishi mumkin.

49. Hay’at, agar uning majlisida hay’at tarkibining yarmidan ko‘pi qatnashsa, vakolatli hisoblanadi. Ko‘rib chiqilayotgan masalalar yuzasidan qarorlar oddiy ko‘pchilik ovoz bilan qabul qilinadi.

50. Hay’at qarorlari vazirning buyruqlari bilan amalga oshiriladi.

51. Hay’at raisi va hay’at a’zolari o‘rtasida kelishmovchiliklar yuzaga kelgan taqdirda, Vazir yuzaga kelgan kelishmovchiliklar haqida Vazirlar Mahkamasiga axborot bergan holda mustaqil ravishda qaror qabul qiladi. Hay’at a’zolari ham Vazirlar Mahkamasiga yozma ravishda o‘z fikrini xabar qilishi mumkin.

52. Hay’at faoliyati tartibi Vazirlik hay’ati tomonidan tasdiqlangan reglament bilan belgilanadi.

53. Vazirlik aloqa, raqamli texnologiyalar, telekommunikatsiyalar, pochta aloqasi, axborot xavfsizligi, kiberxavfsizlik, radiochastota spektridan foydalanish, “Elektron hukumat” tizimini joriy etish va rivojlantirish, dasturiy mahsulotlarni ishlab chiqish va Vazir tomonidan tasdiqlanadigan nizomlar sohasida, Vazirlik faoliyati sohasiga kiradigan boshqa yo‘nalishlar bo‘yicha ekspert kengashlar va boshqa maslahat beruvchi organlarni tashkil qilish huquqiga ega.

54. Vazirlik huzurida tuziladigan kengash, maslahat va ekspert organlari tarkibi va ular to‘g‘risidagi nizomlar Vazir tomonidan tasdiqlanadi, ularning tarkibi va nizomlari O‘zbekiston Respublikasi Prezidenti hujjatlari va Vazirlar Mahkamasi qarorlari bilan tasdiqlanadigan hollar bundan mustasno.

55. Vazirlik faoliyatining samaradorligi muntazam baholanadi.

56. Vazirlik samaradorligi va natijadorligini baholash O‘zbekiston Respublikasi Vazirlar Mahkamasining mutasaddilik qiluvchi kompleksi rahbari tomonidan tasdiqlanadigan Vazirlik faoliyati samaradorligi va natijadorligini baholash mezonlari va ish indikatorlariga asoslanadi.

57. Davlat organi faoliyatining samaradorligi va natijadorligini baholash yakunlari bo‘yicha:

Vazirlik rahbarlari va xodimlarini rag‘batlantirish (mukofotlash) yoki intizomiy javobgarlikka tortish;

Vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari ko‘riladi.

58. Vazirlik faoliyati samaradorligi va natijadorligini baholash tartibi va uslubiyoti qonun hujjatlari bilan belgilanadi.

59. Vazirlik va uning hududiy bo‘linmalari faoliyati, mehnatga haq to‘lash jamg‘armasi va moddiy-texnik ta’minotni moliyalashtirish Raqamli texnologiyalarni rivojlantirish jamg‘armasi, budjetdan tashqari fondlarning mablag‘lari va O‘zbekiston Respublikasi Iqtisodiyot va moliya vazirligi bilan kelishilgan smeta doirasida qonunchilik hujjatlari bilan taqiqlanmagan boshqa manbalar hisobiga amalga oshiriladi.

60. Vazirlik xodimlarining ish haqi lavozim maoshi (tarif setkasi bo‘yicha maosh va rag‘batlantirish koeffitsiyenti), ustamalar, mukofotlar, qo‘shimcha haqlar va qonun hujjatlarida nazarda tutilgan boshqa to‘lovlardan iborat bo‘ladi.

61. Raqamli texnologiyalarni rivojlantirish jamg‘armasining mablag‘lari va boshqa manbalar hisobidan Vazirlikning xodimlari mehnatiga haq to‘lash shartlari Vazirlik hay’ati tomonidan belgilanadi.

Vazirlikning Rivojlantirish jamg‘armasi va boshqa jamg‘armalarga kelib tushadigan mablag‘lar hisobidan xodimlarga qonun hujjatlarida taqiqlanmagan boshqa to‘lovlar ham amalga oshirilishi mumkin.

62. Vazirlik markaziy apparati, hududiy bo‘linmalar va uning tarkibiy bo‘linmalari xodimlarini ijtimoiy himoyalash maqsadida Raqamli texnologiyalarni rivojlantirish jamg‘armasining mablag‘lari hisobiga:

ijtimoiy infratuzilma obyektlari (sanatoriy-profilaktoriy va sport-sog‘lomlashtirish muassasalari, dam olish uylari, ixtisoslashtirilgan maktablar va sohaning boshqa muassasalari)ni sotib olish va ularga egalik qilishni tashkil qilish;

zamonaviy sug‘urta xizmatlari (tibbiy sug‘urta, hayot sug‘urtasi va boshqa sug‘urta turlari)ni keng qo‘llash;

qonun hujjatlarida taqiqlanmagan ijtimoiy tusdagi boshqa tadbirlarni tashkil qilish huquqiga ega.

63. Vazirlikning idoraviy mansub xo‘jalik hisobidagi tashkilotlarining moddiy-texnik ta’minoti, shuningdek, ular xodimlarining mehnatiga haq to‘lash Vazirlikning budjetdan tashqari mablag‘lari, Raqamli texnologiyalarni rivojlantirish jamg‘armasining mablag‘lari, mazkur tashkilotlarning o‘z mablag‘lari, shuningdek, qonunchilik hujjatlariga zid bo‘lmagan boshqa manbalar hisobidan amalga oshiriladi.

“UNICON.UZ” — Fan-texnika va marketing tadqiqotlari markazi” MCHJ qoshida faoliyat yuritadigan Aloqa obyektlarining davlat kadastri xizmati, Standartlashtirish tayanch tashkiloti, Tayanch metrologiya xizmati, Atamashunoslik va lug‘atlar xizmati, Elektron raqamli imzo kalitlarini ro‘yxatdan o‘tkazish markazlarini rivojlantirishga ko‘maklashish xizmati, “UZINFOCOM” davlat axborot tizimlarini yaratish va qo‘llab-quvvatlash bo‘yicha Yagona integrator” MCHJ qoshida faoliyat yuritadigan O‘zbekiston Respublikasi Hukumati portalini axborot bilan ta’minlash va rivojlantirish guruhlari, ZiyoNet tarmog‘ining resurs markazi hamda “Raqamli hukumat loyihalarini boshqarish markazi” davlat muassasasi huzuridagi “loyiha ofislari” Raqamli texnologiyalarni rivojlantirish jamg‘armasining mablag‘lari hisobidan moliyalashtiriladi.

64. Vazirlikning hududiy bo‘linmalari yuridik shaxs hisoblanmaydi va o‘z faoliyatini vazir tomonidan tasdiqlanadigan nizomlarga muvofiq amalga oshiradi.

65. Vazir Vazirlikning faoliyati to‘g‘risida O‘zbekiston Respublikasi Prezidentiga va O‘zbekiston Respublikasi Vazirlar Mahkamasiga tizimli ravishda hisobot beradi.

66. O‘zbekiston Respublikasi Vazirlar Mahkamasi Vazirlik rahbariyatiga yuklangan vazifalar samarali bajarilishi bo‘yicha ular faoliyati ustidan muntazam monitoring yuritadi, Vazirlik faoliyati samaradorligiga xolisona baho beradi.

67. Monitoring va baholash yakunlari bo‘yicha Vazirlikning alohida o‘rnak ko‘rsatgan rahbarlari, mansabdor shaxslari va xodimlari rag‘batlantiriladi yoxud yo‘l qo‘yilgan jiddiy kamchiliklari uchun egallab turgan lavozimidan ozod etishgacha bo‘lgan javobgarlikka tortiladi.

68. Vazirlikni qayta tashkil etish va tugatish qonun hujjatlarida belgilangan tartibda amalga oshiriladi.

1. Ushbu Nizom O‘zbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa axborotlashtirish va telekommunikatsiyalar sohasida nazorat bo‘yicha inspeksiyaning (keyingi o‘rinlarda Inspeksiya deb ataladi) maqomini, asosiy vazifalari, funksiyalari, huquqlari, javobgarligini va faoliyatining tashkiliy asoslarini, shuningdek, rahbarlarining funksional vazifalarini belgilaydi.

2. Inspeksiya aloqa, axborotlashtirish va telekommunikatsiya texnologiyalari, davriy bosma nashrlarni tarqatish va mualliflik huquqlari sohasida fonogrammalar, audiovizual asarlar, elektron hisoblash mashinalari (keyingi o‘rinlarda EHM deb ataladi) uchun dasturlar tarqatilishida qonunchilik hujjatlariga rioya qilinishi yuzasidan nazoratni amalga oshiruvchi maxsus vakolatli davlat organi hisoblanadi.

3. Inspeksiya O‘zbekiston Respublikasi Axborot texnologiyalari va kommunikatsiyalarini rivojlantirish vazirligi (keyingi o‘rinlarda Vazirlik deb ataladi) tarkibiga kiradi.

4. Inspeksiya o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, Butunjahon pochta ittifoqi Konvensiyasiga va Bitimiga, Xalqaro elektraloqa ittifoqi tavsiyalariga, Vazirlik hay’ati qarorlariga, Vazirlikning buyruqlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

5. Inspeksiyaning o‘z vakolati doirasida qabul qiladigan qarorlari aloqa, axborotlashtirish va telekommunikatsiya texnologiyalari, davriy bosma nashrlarini tarqatish, audiovizual asarlar, fonogrammalar, EHM uchun dasturlarni (sotish, ijaraga berish va barchaning e’tiboriga yetkazish) tarqatish sohasida faoliyat yurituvchi barcha davlat va xo‘jalik boshqaruvi organlari, mahalliy davlat hokimiyati organlari, boshqa tashkilotlar va idoralar, xo‘jalik yurituvchi subyektlar tomonidan bajarilishi majburiy hisoblanadi.

6. Inspeksiyaga qonunchilikda belgilangan tartibda davlat va xo‘jalik boshqaruvi, mahalliy davlat hokimiyati organlarida, boshqa tashkilot va idoralarda axborot-kommunikatsiya texnologiyalarini joriy etish va ularni rivojlantirishning holati yuzasidan nazorat qilish, monitoring olib borish va o‘rganish vakolati berilgan.

Inspeksiyaning davlat va xo‘jalik boshqaruvi, mahalliy davlat hokimiyati organlarida, boshqa tashkilot va idoralarda axborot-kommunikatsiya texnologiyalarini joriy etish va ularni rivojlantirishning holati yuzasidan amalga oshirilgan nazorat, o‘rganish va monitoring yakunlari bo‘yicha xulosalari Vazirlik tomonidan tegishli qaror qabul qilish uchun asos hisoblanadi.

7. Inspeksiya yuridik shaxs hisoblanadi, o‘zining mustaqil balansiga, O‘zbekiston Respublikasining bank muassasalarida hisob raqamiga, shuningdek, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhrga ega.

Qoraqalpog‘iston Respublikasi, viloyatlar va Toshkent shahar hududiy inspeksiyalari yuridik shaxs hisoblanmaydi hamda o‘z faoliyatini ushbu Nizomga muvofiq amalga oshiradi.

8. Inspeksiyaning rasmiy nomi:

a) davlat tilida:

to‘liq nomi — O‘zbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat bo‘yicha inspeksiya, qisqartmasi — O‘zaloqanazorat;

b) rus tilida:

to‘liq nomi — Inspeksiya po kontrolyu v sfere svyazi, informatizatsii i telekommunikatsionnix texnologiy pri Ministerstve po razvitiyu informatsionnix texnologiy i kommunikatsiy Respubliki Uzbekistan, qisqartmasi — Uzsvyazkontrol;

v) ingliz tilida:

to‘liq nomi — The Inspection of control in the field of communication, informatization and telecommunication technologies under the Ministry for development of information technologies and communications of the Republic of Uzbekistan, qisqartmasi — Uzcomcontrol.

9. Inspeksiya tuzilmasiga:

markaziy apparat;

Qoraqalpog‘iston Respublikasi, viloyatlar va Toshkent shahar hududiy inspeksiyalari kiradi.

Inspeksiya boshlig‘iga, zarurat bo‘lganda, Vazirlik bilan kelishilgan holda, O‘zbekiston Respublikasi Vazirlar Mahkamasi tomonidan belgilangan umumiy shtatlar soni doirasida Inspeksiyaning tuzilmasiga va shtatlar jadvaliga o‘zgartirishlar kiritish huquqi beriladi.