O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining
qo‘shma qarori
Fuqarolik jamiyati institutlarini qo‘llab-quvvatlashni yanada kuchaytirish chora-tadbirlari to‘g‘risida
Keyingi yillarda mamlakatimizda fuqarolik jamiyati institutlari faoliyatini qo‘llab-quvvatlashning demokratik institutsional tizimini yaratish, ularning davlat va jamiyat hayotidagi rolini yanada kuchaytirish borasida tizimli ishlar amalga oshirildi.
O‘zbekiston Respublikasi Oliy Majlisi, Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari huzuridagi nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondlari faoliyati fuqarolik jamiyati institutlarining ijtimoiy, iqtisodiy, gumanitar masalalarni hal etishdagi ishtirokini rag‘batlantirishda muhim ahamiyat kasb etdi.
Jumladan, 2014 — 2024-yillarda fuqarolik jamiyati institutlarining bandlik, ekologiya, yoshlar, aholining huquqiy ongi va huquqiy madaniyatini yuksaltirish, millatlararo totuvlikni mustahkamlash sohalaridagi 4 300 dan ziyod loyihalariga respublika va mahalliy budjetlardan 2 trln. 56 mlrd. so‘m ajratildi.
Shu bilan birga fuqarolik jamiyati institutlarini mamlakatda olib borilayotgan tub islohotlarning faol ishtirokchisiga aylantirish va ularni qo‘llab-quvvatlashni yanada kuchaytirish zarurati mavjud.
Yangi tahrirdagi O‘zbekiston Respublikasi Konstitutsiyasining, “O‘zbekiston — 2030” strategiyasi hamda 2021 — 2025-yillarda fuqarolik jamiyatini rivojlantirish konsepsiyasining ijrosini ta’minlash, fuqarolik jamiyati institutlarini davlat tomonidan qo‘llab-quvvatlashning shaffof va sog‘lom raqobat prinsipiga asoslangan tizimini yo‘lga qo‘yish, shuningdek ijtimoiy foydali dasturlar samaradorligini yanada oshirish maqsadida O‘zbekiston Respublikasi Oliy Majlisi Qonunchilik palatasining Kengashi va O‘zbekiston Respublikasi Oliy Majlisi Senatining Kengashi qaror qiladilar:
1. Quyidagilar ma’lumot uchun qabul qilinsin:
O‘zbekiston Respublikasi Prezidentining 2024-yil 26-avgustdagi “Fuqarolik jamiyati institutlarini davlat tomonidan qo‘llab-quvvatlash tizimini yanada takomillashtirish chora-tadbirlari to‘g‘risida”gi PF-124-sonli Farmoni bilan O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondini hamda Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari huzuridagi nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondlarini (bundan buyon matnda hududiy jamoat fondlari deb yuritiladi) qo‘shib yuborish va ularning negizida O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondini hamda uning Qoraqalpog‘iston Respublikasi, viloyatlar va Toshkent shahrida alohida bo‘linmalarini tashkil etish to‘g‘risidagi tashabbus qo‘llab-quvvatlanganligi;
Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari huzuridagi ijtimoiy sheriklik bo‘yicha jamoat komissiyalari tomonidan tegishincha hududiy jamoat fondlarini hamda O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondini qo‘shib yuborish va ularning negizida O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondini tashkil etish to‘g‘risidagi qarorlar qabul qilinganligi hamda ushbu qarorlar tegishincha Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari tomonidan ma’qullanganligi.
2. O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasining 2024-yil 5-oktabrdagi “O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondini hamda Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari huzuridagi nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondlarini qo‘shib yuborish va ularning negizida O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondini tashkil etish to‘g‘risida”gi qarori ma’qullansin.
3. O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondining asosiy vazifalari etib quyidagilar belgilansin:
O‘zbekiston Respublikasining Davlat budjetidan, qonun hujjatlarida taqiqlanmagan boshqa manbalardan olinadigan mablag‘larni jamlash, bu mablag‘larning O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi hamda uning Qoraqalpog‘iston Respublikasi, viloyatlar va Toshkent shahridagi alohida bo‘linmalari tomonidan vertikal va shaffof tizim orqali fuqarolik jamiyati institutlarining faoliyatini rivojlantirishni rag‘batlantirish hamda qo‘llab-quvvatlashga, ijtimoiy, iqtisodiy, gumanitar masalalarni hal etishda ularning davlat va jamiyat hayotida faol ishtirok etishiga qaratilgan dasturlar va loyihalarni amalga oshirish uchun taqsimlanishini tashkil etish;
fuqarolik jamiyati institutlarining moddiy-texnik jihatdan ta’minlanganlik darajasini oshirish, ularga huquqiy, maslahat, tashkiliy, texnik va boshqa xil yordam ko‘rsatish bilan bog‘liq loyihalar hamda dasturlarni, ularning jamiyat manfaatlari va aholining haqiqiy ehtiyojlarini ko‘zlagan, joylarda saqlanib qolayotgan dolzarb muammolarni, nogironligi bo‘lgan shaxslarning huquqlari va manfaatlarini himoya qilishga, ularning ijtimoiy himoyasini yanada kuchaytirishga qaratilgan tashabbuslarini ro‘yobga chiqarishga ko‘maklashish, shuningdek amalga oshirilayotgan loyiha va dasturlarning joriy monitoringini yo‘lga qo‘yish;
davlat organlari va fuqarolik jamiyati institutlari o‘rtasida o‘zaro manfaatli ijtimoiy sheriklikni yanada rivojlantirish, davlat va jamiyat hayotining barcha sohalarida ta’sirchan jamoatchilik nazorati olib borilishini rag‘batlantirish;
fuqarolik jamiyati institutlarining xorijdagi vatandoshlar bilan aloqalarini yo‘lga qo‘yish hamda ularning xorijdagi uyushmalari bilan hamkorligini mustahkamlashga qaratilgan tashabbuslarini qo‘llab-quvvatlash.
4. Quyidagilar:
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi to‘g‘risidagi nizom 1-ilovaga muvofiq;
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondining tuzilmasi 2-ilovaga muvofiq;
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi Ijro etuvchi devonining shtatlar jadvali 3-ilovaga muvofiq;
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi Ijro etuvchi devoni xodimlarining mehnatiga Yagona tarif setkasi bo‘yicha haq to‘lash razryadlari 4-ilovaga muvofiq;
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi alohida bo‘linmalarining shtatlar jadvali 5-ilovaga muvofiq;
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi alohida bo‘linmalari xodimlarining mehnatiga Yagona tarif setkasi bo‘yicha haq to‘lash razryadlari 6-ilovaga muvofiq;
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasi to‘g‘risidagi nizom 7-ilovaga muvofiq;
“Fuqarolik tashabbusi” milliy mukofoti to‘g‘risidagi nizom 8-ilovaga muvofiq;
“Fuqarolik tashabbusi” milliy mukofotiga taqdim etilgan nomzodlarni ko‘rib chiqish bo‘yicha tashkiliy qo‘mita tarkibi 9-ilovaga muvofiq tasdiqlansin.
5. Belgilansinki:
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi (bundan buyon matnda Jamoat fondi deb yuritiladi) jami 45 ta, shu jumladan Jamoat fondining Ijro etuvchi devoni 17 ta, alohida bo‘linmalari 28 ta (har biri 2 tadan) shtat birligidan iborat bo‘ladi. Bunda, Jamoat fondi Ijro etuvchi devonining 17 ta shtat birligi O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondining amaldagi 3 ta va hududiy jamoat fondlarining bittadan shtat birliklari hisobidan shakllantiriladi;
Jamoat fondining Ijro etuvchi devoni faoliyatini saqlash xarajatlari, xodimlarining ish haqi va unga tenglashtirilgan to‘lovlar O‘zbekiston Respublikasining respublika budjeti hisobidan, alohida bo‘linmalarining faoliyatini saqlash xarajatlari, xodimlarining ish haqi va unga tenglashtirilgan to‘lovlar tegishincha Qoraqalpog‘iston Respublikasi budjeti, viloyatlar va Toshkent shahar mahalliy budjetlari hisobidan amalga oshiriladi;
Jamoat fondini O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasining taqdimnomasiga binoan O‘zbekiston Respublikasi Oliy Majlisi Qonunchilik palatasi Kengashining hamda O‘zbekiston Respublikasi Oliy Majlisi Senati Kengashining qo‘shma qarori bilan lavozimga tayinlanadigan va lavozimidan ozod etiladigan direktor boshqaradi;
Jamoat fondi O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi hamda hududiy jamoat fondlarining huquq va majburiyatlari, shuningdek, shartnomalari bo‘yicha huquqiy vorisi hisoblanadi.
6. O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasi:
O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondining qayta tashkil etilishi to‘g‘risida ommaviy axborot vositalari orqali e’lon bersin, kreditorlarni yozma ravishda xabardor qilsin, shuningdek ushbu jamoat fondini qayta tashkil etish bilan bog‘liq boshqa ishlar amaldagi qonunchilik hujjatlari talablariga muvofiq amalga oshirilishini ta’minlasin;
hududiy jamoat fondlarining topshirish hujjatlari amaldagi qonunchilik hujjatlari talablariga muvofiq rasmiylashtirilishiga ko‘maklashsin;
hududiy jamoat fondlarining qayta tashkil etilishi bilan bog‘liq ishlar ushbu jamoat fondlarining muassislari va vasiylik kengashlari vazifalarini bajaradigan organlar tomonidan amaldagi qonunchilik hujjatlari talablariga muvofiq amalga oshirilishini o‘rganib borsin;
hududiy jamoat fondlarining topshirish hujjatlarini, shu jumladan ta’sis hujjatlarini, ularning kreditorlari bilan hisob-kitoblar, shuningdek qayta tashkil etish bilan bog‘liq ishlar yakuniga ko‘ra hududiy jamoat fondlarining mol-mulki va boshqa hujjatlar qabul qilib olinishini ta’minlasin;
O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondining faoliyati to‘g‘risidagi yakuniy hisobotni joriy yil 10-noyabrga qadar e’lon qilsin;
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondining alohida bo‘linmalari to‘g‘risidagi nizomlarni tasdiqlasin, Jamoat fondini va alohida bo‘linmalarni belgilangan tartibda adliya organlari tomonidan davlat ro‘yxatidan o‘tkazish choralarini ko‘rsin;
fuqarolik jamiyati institutlariga davlat subsidiyalari, davlat grantlari va davlat ijtimoiy buyurtmalarini ajratish tartibi va shartlari to‘g‘risidagi nizomlarning yangi tahririni ishlab chiqsin hamda tasdiqlasin. Hujjatlar loyihalarida tanlovlar yo‘nalishlarini shakllantirish hamda ularning muhokamasi, loyihalar va buyurtmalarni taqdim qilish, ularni ko‘rib chiqish va baholash jarayonlarini kuzatib borish hamda talab etiladigan hujjatlarni davlat organlarining ma’lumotlar bazalaridan onlayn olish elektron platforma orqali amalga oshirilishi nazarda tutiladi.
Belgilansinki, O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasi O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasi tuzilguniga qadar ushbu parlament komissiyasi vazifalarini bajarib turadi.
7. Jamoat fondi O‘zbekiston nodavlat notijorat tashkilotlari milliy assotsiatsiyasi bilan kelishilgan holda 2024-yil 1-dekabrga qadar “Fuqarolik tashabbusi” milliy mukofotining statuetkasi va sertifikatlar namunasini ishlab chiqsin hamda tasdiqlash uchun O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasiga kiritsin.
8. O‘zbekiston Respublikasi Adliya vazirligi (A. Tashkulov) Jamoat fondi va uning alohida bo‘linmalarini davlat ro‘yxatidan o‘tkazilishiga ko‘maklashsin.
9. O‘zbekiston Respublikasi Iqtisodiyot va moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari 2025-yildan e’tiboran O‘zbekiston Respublikasining Davlat budjeti parametrlarida ushbu Qo‘shma qarorni amalga oshirish bilan bog‘liq xarajatlarni moliyalashtirish uchun zarur bo‘lgan mablag‘larni nazarda tutsin. Bunda:
Jamoat fondini va uning alohida bo‘linmalarini saqlash hamda ularning moddiy-texnika bazasini mustahkamlash bilan bog‘liq bo‘lgan barcha xarajatlar fuqarolik jamiyati institutlarini qo‘llab-quvvatlash xarajatlarida nazarda tutilmaydi;
fuqarolik jamiyati institutlarini qo‘llab-quvvatlash bilan bog‘liq xarajatlar, shuningdek Jamoat fondi faoliyatini tashkil etish va uning xodimlari mehnatiga haq to‘lash xarajatlari O‘zbekiston Respublikasi Iqtisodiyot va moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan har yili O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasining asoslantirilgan hisob-kitoblariga ko‘ra O‘zbekiston Respublikasining Davlat budjeti parametrlarida nazarda tutiladi;
fuqarolik jamiyati institutlari uchun ajratilgan, hisobot yili oxirida foydalanilmay qolgan mablag‘lar O‘zbekiston Respublikasining Davlat budjetiga qaytarilmaydi va ulardan kelgusi yili belgilangan tartibda foydalaniladi.
10. Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari:
hududiy jamoat fondlarini qayta tashkil etish qonunchilik hujjatlari talablariga asosan amalga oshirilishiga ko‘maklashsin;
Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari huzurida fuqarolik jamiyati institutlari vakillaridan iborat bo‘lgan maslahat guruhlarining faoliyatini jamoatchilik asosida yo‘lga qo‘yish choralarini ko‘rsin;
Jamoat fondi alohida bo‘linmalarining faoliyatini tashkil etishga ko‘maklashsin.
11. Jamoat fondi O‘zbekiston Respublikasi Oliy Majlisi Senati binolaridan foydalanish va xo‘jalik faoliyati boshqarmasi balansidagi Toshkent shahar, Islom Karimov ko‘chasi, 9-uydagi binoga joylashtirilsin.
O‘zbekiston Respublikasi Oliy Majlisi Senati binolaridan foydalanish va xo‘jalik faoliyati boshqarmasi:
Jamoat fondi ushbu binodan tekin foydalanishini va Jamoat fondi joylashtirilgan qismiga xizmat ko‘rsatilishini;
Jamoat fondiga ko‘rsatilgan kommunal xizmatlar uchun to‘lovlarni amalga oshirilishini ta’minlasin.
12. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining ayrim qo‘shma qarorlari 10-ilovaga muvofiq o‘z kuchini yo‘qotgan deb topilsin.
13. Ushbu Qo‘shma qarorning bajarilishini nazorat qilish O‘zbekiston Respublikasi Oliy Majlisi Qonunchilik palatasi Spikerining birinchi o‘rinbosari A. Saidov va O‘zbekiston Respublikasi Oliy Majlisi Senati Raisining birinchi o‘rinbosari S. Safoyev zimmasiga yuklatilsin.
14. Ushbu Qo‘shma qaror tasdiqlash uchun O‘zbekiston Respublikasi Oliy Majlisi palatalarining majlislariga kiritilsin.
O‘zbekiston Respublikasi Oliy Majlisi Qonunchilik palatasining Spikeri N. ISMOILOV
Toshkent sh.,
2024-yil 28-oktabr,
5005-IV-son
O‘zbekiston Respublikasi Oliy Majlisi Senatining Raisi T. NARBAYEVA
Toshkent sh.,
2024-yil 28-oktabr,
KQ-842-IV-son
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 1-ILOVA
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi to‘g‘risidagi
nizom
1-bob. Umumiy qoidalar
1. Ushbu Nizom O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondining (bundan buyon matnda Jamoat fondi deb yuritiladi) maqomi, maqsadi, asosiy vazifalari, huquq va majburiyatlari, hisobot berish, faoliyatini tashkil etish, shuningdek Jamoat fondini qayta tashkil etish va tugatish tartibini belgilaydi.
2. Jamoat fondi a’zoligi bo‘lmagan jamoat fondi bo‘lib, mustaqil yuridik shaxsdir.
3. Jamoat fondi o‘z faoliyatini O‘zbekiston Respublikasi Konstitutsiyasiga, qonunlariga, fuqarolik jamiyati institutlari faoliyatini tartibga soluvchi boshqa qonun hujjatlariga, shuningdek ushbu Nizomga asosan amalga oshiradi.
4. Jamoat fondi o‘z mol-mulkiga, mustaqil balansiga, milliy va chet el valyutasida hisobvaraqlariga, shu jumladan milliy va chet el valyutasida shaxsiy g‘azna hisobvaraqlariga, o‘z nomi davlat tilida yozilgan dumaloq muhriga, o‘z nomi yozilgan shtamplar va blankalariga hamda qonunchilik hujjatlarida belgilangan tartibda ro‘yxatdan o‘tkazilgan ramziy belgilariga ega bo‘ladi.
Jamoat fondi o‘z nomidan shartnomalar tuzishi, mulkiy va shaxsiy nomulkiy huquqlarni olishi, majburiyatlarga ega bo‘lishi, sudda da’vogar va javobgar bo‘lishi mumkin.
5. Jamoat fondining rasmiy nomi:
a) davlat tilidagi:
to‘liq nomi — O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi, qisqartirilgan nomi — O‘zbekiston Respublikasi Oliy Majlisi huzuridagi jamoat fondi;
b) rus tilidagi:
to‘liq nomi — Obshestvenniy fond po podderjke institutov grajdanskogo obshestva pri Oliy Majlise Respubliki Uzbekistan, qisqartirilgan nomi — Obshestvenniy fond pri Oliy Majlise Respubliki Uzbekistan;
v) ingliz tilidagi:
to‘liq nomi — The Public Fund for support of civil society institutions under the Oliy Majlis of the Republic of Uzbekistan, qisqartirilgan nomi — The Public Fund under the Oliy Majlis of the Republic of Uzbekistan.
6. Jamoat fondi O‘zbekiston Respublikasi Oliy Majlisi Qonunchilik palatasi va Senatining qo‘shma qaroriga binoan tashkil etiladi, uning faoliyati mamlakatning butun hududida amalga oshiriladi.
7. Jamoat fondining joylashgan yeri (pochta manzili): 100078, Toshkent shahri, Islom Karimov ko‘chasi 9-uy.
2-bob. Jamoat fondining asosiy maqsad va vazifalari
8. Jamoat fondining asosiy maqsadi fuqarolik jamiyati institutlarini davlat tomonidan qo‘llab-quvvatlashning shaffof va sog‘lom raqobat tamoyiliga asoslangan tizimini yaratish, shuningdek davlat va jamiyat hayotida ularning faolligini yanada oshirish hamda ijtimoiy-iqtisodiy, madaniy-ma’naviy va gumanitar sohalarni rivojlantirish bo‘yicha ijtimoiy foydali dasturlar samaradorligini oshirishga qaratilgan tashabbuslarini qo‘llab-quvvatlashdan iborat.
9. Jamoat fondining asosiy vazifalari quyidagilardan iborat:
O‘zbekiston Respublikasining Davlat budjetidan, qonun hujjatlarida taqiqlanmagan boshqa manbalardan olinadigan mablag‘larni jamlash, ushbu mablag‘larning Jamoat fondi hamda uning Qoraqalpog‘iston Respublikasi, viloyatlar va Toshkent shahridagi alohida bo‘linmalari tomonidan vertikal va shaffof tizim orqali fuqarolik jamiyati institutlarining faoliyatini rivojlantirishni rag‘batlantirish hamda qo‘llab-quvvatlashga, ijtimoiy, iqtisodiy, gumanitar masalalarni hal etishda ularning davlat va jamiyat hayotida faol ishtirok etishiga qaratilgan dasturlar va loyihalarni amalga oshirish uchun taqsimlanishini tashkil etish;
fuqarolik jamiyati institutlarining moddiy-texnik ta’minoti darajasini oshirish, ularga huquqiy, tashkiliy, texnik va boshqa xil yordam ko‘rsatish bilan bog‘liq loyihalar hamda dasturlarni, ularning jamiyat manfaatlari va aholining haqiqiy ehtiyojlarini ko‘zlagan, joylarda saqlanib qolayotgan dolzarb muammolarni, nogironligi bo‘lgan shaxslarning huquqlari hamda manfaatlarini himoya qilishga, ularning ijtimoiy himoyasini yanada kuchaytirishga qaratilgan tashabbuslarini ro‘yobga chiqarishga ko‘maklashish, shuningdek amalga oshirilayotgan loyiha va dasturlarning joriy monitoringini yo‘lga qo‘yish;
davlat organlari va fuqarolik jamiyati institutlari o‘rtasida o‘zaro manfaatli ijtimoiy sheriklikni yanada rivojlantirish, davlat va jamiyat hayotining barcha sohalarida ta’sirchan jamoatchilik nazorati olib borilishini rag‘batlantirish;
fuqarolik jamiyati institutlarining xorijdagi vatandoshlar bilan aloqalarini yo‘lga qo‘yish hamda ularning xorijdagi uyushmalari bilan hamkorligini mustahkamlashga qaratilgan tashabbuslarini qo‘llab-quvvatlash.
10. Jamoat fondi o‘z oldiga qo‘yilgan vazifalarni hal etish uchun quyidagi funksiyalarni amalga oshiradi:
fuqarolik jamiyati institutlariga O‘zbekiston Respublikasi Davlat budjetidan mablag‘lar ajratish masalalarining ko‘rib chiqilishida ishtirok etadi, respublika va Qoraqalpog‘iston Respublikasi budjeti, viloyatlar va Toshkent shahar mahalliy budjetlari hamda qonunchilik hujjatlarida taqiqlanmagan boshqa manbalardan olingan mablag‘larni jamlaydi;
fuqarolik jamiyati institutlari tomonidan joylardagi ijtimoiy-iqtisodiy, madaniy-ma’naviy va gumanitar sohalardagi muammolarni hal etish uchun zarur bo‘ladigan mablag‘lar hajmlari yuzasidan tegishli talabnomalarni O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha Parlament komissiyasiga (bundan buyon matnda Parlament komissiyasi deb yuritiladi) kiritadi;
jamoatchilikni fuqarolik jamiyati institutlari va davlat organlarining aholi muammolarini hal etishga qaratilgan takliflarini muhokama qilish uchun jalb etadi va muhokama natijalarini umumlashtiradi;
sotsial va ijtimoiy ahamiyatga molik va ijtimoiy foydali maqsadlarga erishishga qaratilgan loyiha va dasturlarni qo‘llab-quvvatlash uchun tanlovlarning dolzarb mavzu va yo‘nalishlarini ishlab chiqadi hamda amalga oshiradi;
loyiha va dasturlarni qo‘llab-quvvatlash maqsadida ngo.gov.uz elektron tizimi orqali fuqarolik jamiyati institutlari uchun tanlovlar tashkil etadi;
o‘tkazilgan tanlovlar natijalariga ko‘ra g‘olib deb topilgan fuqarolik jamiyati institutlarining loyiha va dasturlarini ushbu fuqarolik jamiyati institutlari va Jamoat fondi o‘rtasida tuziladigan shartnomalar asosida moliyalashtiradi;
jamoatchilikni fuqarolik jamiyati institutlarini qo‘llab-quvvatlashga yo‘naltirilgan mablag‘larning shaffof, adolatli hamda maqsadli taqsimlanishi va sarflanishi masalalarini muhokama qilishga jalb etadi;
fuqarolik jamiyati institutlarining ijtimoiy-iqtisodiy rivojlantirish dasturlarini ishlab chiqishda, amalga oshirish hamda gumanitar masalalarni hal etishda ko‘maklashadi;
fuqarolik jamiyati institutlarining moddiy-texnika bazasini mustahkamlash, ularga huquqiy, tashkiliy, texnik va boshqa xil yordam ko‘rsatish bilan bog‘liq loyihalar hamda dasturlarni amalga oshirishda moliyaviy yordam ko‘rsatadi;
fuqarolik jamiyati institutlari faoliyatini rivojlantirish hamda ularning yutuqlarini targ‘ib qilish masalalari bo‘yicha tadbirlar (konferensiyalar, davra suhbatlari, seminarlar, treninglar va shu kabilar) o‘tkazadi;
fuqarolik jamiyati institutlariga davlat organlari bilan ijtimoiy sheriklik yo‘nalishlari asosida aloqalar o‘rnatishda amaliy yordam ko‘rsatadi;
fuqarolik jamiyati institutlarining ta’sirchan jamoatchilik nazorati mexanizmlarini joriy etishiga va ularning tashabbuslarini amaliyotda qo‘llashga ko‘maklashadi;
fuqarolik jamiyati institutlari tomonidan loyiha va dasturlarning amalga oshirilishini ular taqdim etgan hisobotlar asosida monitoring qiladi;
fuqarolik jamiyati institutlari tomonidan amalga oshirilgan loyiha va dasturlarning samaradorligi va natijadorligini tahlil qiladi;
fuqarolik jamiyati institutlarini davlat tomonidan qo‘llab-quvvatlash bo‘yicha qonunchilik bazasini takomillashtirishga qaratilgan takliflar ishlab chiqadi;
ijtimoiy-iqtisodiy rivojlantirish dasturlari va normativ-huquqiy hujjatlar loyihalarining jamoatchilik muhokamasini hamda jamoatchilik ekspertizasini tashkil etishda fuqarolik jamiyati institutlarining tashabbuslarini qo‘llab-quvvatlaydi;
fuqarolik jamiyati institutlari faoliyatining milliy tajribalarini xalqaro miqyosda ommaviy axborot vositalari va ijtimoiy tarmoqlar orqali keng targ‘ib etishni qo‘llab-quvvatlaydi;
fuqarolik jamiyati institutlarining xorijiy ilg‘or tajribani o‘rganish va milliy tajribani targ‘ib etishga qaratilgan tashabbuslarini qo‘llab-quvvatlaydi;
xalqaro tashkilotlar, moliya institutlari va chet el nohukumat tashkilotlari bilan aloqalarni rivojlantiradi, ular bilan birgalikda tadbirlar o‘tkazadi, ularning grantlarini aniq ijtimoiy va umum ahamiyatga molik loyihalarni hal etishga, fuqarolik jamiyati institutlarini rivojlantirishni rag‘batlantirishga jalb etadi;
fuqarolik jamiyati institutlarini davlat tomonidan qo‘llab-quvvatlash tizimiga zamonaviy IT-texnologiya dasturlarini keng joriy etadi;
fuqarolik jamiyati institutlari vakillarini, faol jamoatchilik vakillari hamda tashabbuskor fuqarolarni tegishincha “Fuqarolik jamiyatini rivojlantirishga qo‘shgan hissasi uchun” ko‘krak nishoni, “Fuqarolik tashabbusi” milliy mukofoti bilan taqdirlash bo‘yicha barcha tashkiliy masalalarni ko‘radi;
qonunchilikda belgilangan tartibda fuqarolik jamiyati institutlari faoliyatining normativ-huquqiy, moddiy-moliyaviy, tashkiliy jihatlariga bag‘ishlangan adabiyotlar nashr etadi;
qonun hujjatlariga zid bo‘lmagan boshqa funksiyalarni amalga oshiradi.
3-bob. Jamoat fondining huquq va majburiyatlari
11. Jamoat fondi quyidagi huquqlarga ega:
o‘z faoliyati sohasiga doir axborotni davlat organlaridan, fuqarolik jamiyati institutlaridan qonun hujjatlarida belgilangan tartibda olishga va o‘z faoliyati to‘g‘risidagi axborotni tarqatish;
yuridik va jismoniy shaxslar bilan qonun hujjatlariga zid bo‘lmagan va o‘z faoliyatini amalga oshirish uchun zarur bo‘lgan bitimlar tuzish;
mulk huquqi va boshqa ashyoviy huquqlar asosida mol-mulkka ega bo‘lish;
homiylik xayriyalari, grantlar va boshqa mablag‘larni olish;
sudda, boshqa muassasalar va tashkilotlarda o‘z manfaatlarini ifodalash hamda himoya qilish;
xalqaro aloqalar o‘rnatish, hamkorlik to‘g‘risida bitimlar tuzish va xalqaro dasturlar hamda loyihalarda ishtirok etish.
Jamoat fondi qonun hujjatlariga muvofiq boshqa huquqlarga ham ega bo‘lishi mumkin.
12. Jamoat fondi:
o‘z faoliyatini O‘zbekiston Respublikasining qonun hujjatlariga va ushbu Nizomga muvofiq amalga oshirishi;
har yili hisobot e’lon qilishi, faoliyati va Jamoat fondi mol-mulkidan foydalanishning ochiq-oshkora bo‘lishini ta’minlashi;
ro‘yxatdan o‘tkazuvchi organlar vakillari Jamoat fondi tomonidan o‘tkazilayotgan tadbirlarda ishtirok etishiga imkon yaratishi;
o‘z faoliyati to‘g‘risida O‘zbekiston Respublikasi Hisob palatasiga, Parlament komissiyasiga, shuningdek ro‘yxatdan o‘tkazuvchi organlarga, soliq va statistika organlariga qonunda belgilangan tartibda hisobot taqdim etishi shart.
Jamoat fondi o‘z faoliyatini ochiqlik va oshkoralik prinsiplari asosida amalga oshiradi, O‘zbekiston Respublikasining Davlat budjetidan fuqarolik jamiyatining institutlariga beriladigan mablag‘lardan belgilangan maqsadda foydalanilishini ta’minlaydi.
Jamoat fondi o‘z faoliyati, fuqarolik jamiyati institutlari, ommaviy axborot vositalarining faoliyatini qo‘llab-quvvatlash doirasida ajratilgan mablag‘larning taqsimlanishi hamda ishlatilishi to‘g‘risidagi hisobotni har yili ommaviy axborot vositalarida e’lon qiladi.
13. Jamoat fondi yuridik shaxsning O‘zbekiston Respublikasi qonun hujjatlarida nazarda tutilgan barcha huquqlaridan foydalanadi. Jamoat fondi faoliyati va uni rivojlantirishning har yilgi dasturi Parlament komissiyasi tomonidan ishlab chiqiladi hamda tasdiqlanadi.
4-bob. Jamoat fondining mol-mulki
14. Jamoat fondining mol-mulkini asosiy fondlar va aylanma mablag‘lar, shuningdek O‘zbekiston Respublikasining qonun hujjatlariga muvofiq qiymati Jamoat fondi balansida aks ettiriladigan boshqa mol-mulk tashkil etadi.
15. Jamoat fondi mablag‘larini shakllantirish manbalari O‘zbekiston Respublikasining Davlat budjeti mablag‘lari, yuridik va jismoniy shaxslarning (O‘zbekiston Respublikasi rezidentlarining hamda norezidentlarining) ixtiyoriylik asosidagi homiylik xayriyalari, xalqaro tashkilotlar va moliya institutlarining, chet el tashkilotlarining grantlari hamda beg‘araz beriladigan mablag‘lari, qonun hujjatlarida taqiqlanmagan boshqa mablag‘lardir.
16. Jamoat fondining mol-mulkidan garov yoki majburiyatlarni ta’minlashning boshqa vositasi sifatida, shuningdek kreditlar berish uchun foydalanilishi mumkin emas.
17. Jamoat fondi o‘z majburiyatlari bo‘yicha qonun hujjatlariga muvofiq undiruv qaratilishi mumkin bo‘lgan o‘z mol-mulki bilan javob beradi.
5-bob. Jamoat fondini boshqarish
18. Jamoat fondining faoliyatiga rahbarlikni quyidagilar amalga oshiradi:
Jamoat fondining vasiylik kengashi vazifalarini bajaradigan Parlament komissiyasi;
Jamoat fondining boshqaruvi vazifalarini bajaradigan Fondning Ijro etuvchi devoni.
19. Parlament komissiyasi Jamoat fondining faoliyati ustidan nazoratni amalga oshiruvchi organdir.
20. Parlament komissiyasi:
Jamoat fondi mablag‘larini fuqarolik jamiyati institutlarini qo‘llab-quvvatlash uchun ochiqlik, shaffoflik va adolatlilik prinsiplari asosida taqsimlaydi, fuqarolik jamiyati institutlarining va respublika ijro etuvchi hokimiyat organlarining takliflarini o‘rganish asosida aniq ijtimoiy-iqtisodiy masalalarini hal etishga, fuqarolarning ijtimoiy faolligini yanada oshirishga qaratilgan sotsial va ijtimoiy ahamiyatga molik va ijtimoiy foydali maqsadlarga erishishga qaratilgan dasturlarni moliyalashtirish bo‘yicha qarorlar qabul qiladi;
joylardagi fuqarolik jamiyati institutlarini qo‘llab-quvvatlash uchun Qoraqalpog‘iston Respublikasi budjeti, viloyatlar va Toshkent shahar mahalliy budjetlaridan ajratiladigan mablag‘larning hajmlarini Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari buyurtmalari asosida aniqlaydi hamda taqsimlaydi;
sotsial va ijtimoiy ahamiyatga molik va ijtimoiy foydali maqsadlarga erishishga qaratilgan loyihalarni qo‘llab-quvvatlash uchun tanlovlarning dolzarb mavzu va yo‘nalishlarini ishlab chiqadi, e’lon qiladi hamda ularni o‘tkazish muddatlarini tasdiqlaydi;
fuqarolik jamiyati institutlarining va respublika ijro etuvchi hokimiyat organlarining dastur va loyihalarini ijtimoiy sheriklik sohalari kesimida dolzarb ijtimoiy ahamiyatini aniqlash, ularni moliyalashtirish bo‘yicha qarorlar qabul qiladi;
Jamoat fondining ajratilgan mablag‘lardan maqsadli foydalanishi hamda fuqarolik jamiyati institutlarining moliyalashtirilgan loyihalari va dasturlarining ijrosi ustidan nazoratni amalga oshiradi;
fuqarolik jamiyati institutlarining davlat organlari bilan ijtimoiy sheriklik munosabatlarini rivojlantirishga ko‘maklashadi;
fuqarolik jamiyati institutlarini qo‘llab-quvvatlash tizimini takomillashtirish yuzasidan tavsiyalar ishlab chiqadi;
mamlakatimizda erkin fuqarolik jamiyatini shakllantirish va rivojlantirish, inson huquqlari va qonuniy manfaatlarini, demokratik qadriyatlarni himoya qilish, aholining siyosiy madaniyati va huquqiy ongini oshirish, davlat organlari va fuqarolik jamiyati institutlari o‘rtasida ijtimoiy sheriklik munosabatlarini mustahkamlash ishlariga munosib hissa qo‘shgan hamda jamiyatimizda barcha sohalarda amalga oshirilayotgan keng ko‘lamli islohotlarda faol ishtirok etayotgan fuqarolik jamiyati institutlari vakillari hamda tashabbuskor fuqarolarni “Fuqarolik jamiyatini rivojlantirishga qo‘shgan hissasi uchun” ko‘krak nishoni bilan taqdirlaydi;
mamlakatimizda erkin fuqarolik jamiyatini shakllantirish va rivojlantirishga munosib hissa qo‘shgan fuqarolik jamiyati institutlari va faol jamoatchilik vakillari hamda tashabbuskor fuqarolarni “Fuqarolik tashabbusi” milliy mukofoti bilan taqdirlaydi.
Parlament komissiyasi qonun hujjatlariga muvofiq boshqa vakolatlarni ham amalga oshirishi mumkin.
21. Parlament komissiyasi a’zolari bir vaqtning o‘zida Jamoat fondining Ijro etuvchi devoni va Taftish komissiyasi a’zosi bo‘lishi mumkin emas.
22. Parlament komissiyasining raisi, rais o‘rinbosari, mas’ul kotibi va a’zolari o‘z vazifalarini jamoatchilik asosida bajaradi.
23. Parlament komissiyasi vakolatlariga kiradigan masalalar Jamoat fondining Ijro etuvchi devoni yoki Taftish komissiyasiga hal etish uchun topshirilishi mumkin emas.
24. Parlament komissiyasining qarorlari Jamoat fondining Ijro etuvchi devoni va boshqa organlari uchun majburiydir.
25. Jamoat fondining Ijro etuvchi devoniga Jamoat fondi direktori rahbarlik qiladi.
Jamoat fondining tuzilmasi, vakolatlari va uni shakllantirish tartibi O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining qo‘shma qarori bilan belgilanadi.
26. Jamoat fondi direktori Parlament komissiyasining taqdimnomasiga binoan O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining qo‘shma qarori bilan lavozimiga tayinlanadi va lavozimidan ozod etiladi.
27. Jamoat fondi direktori:
Jamoat fondining faoliyatiga umumiy rahbarlikni amalga oshiradi va zimmasiga yuklatilgan vazifalarning bajarilishi uchun javobgardir;
Jamoat fondining faoliyatiga oid hujjatlarni imzolaydi;
davlat organlari va tashkilotlar, fuqarolik jamiyati institutlari, xalqaro tashkilotlar va chet el nohukumat tashkilotlari, shuningdek boshqa yuridik va jismoniy shaxslar bilan o‘zaro munosabatlarda Jamoat fondi nomidan ish ko‘radi;
yuridik va jismoniy shaxslar bilan Jamoat fondining faoliyatiga taalluqli shartnomalarni tuzadi, Jamoat fondi nomidan ishonchnomasiz ish yuritadi;
Jamoat fondining xarajatlari smetasini tuzadi va Parlament komissiyasi bilan kelishilgan holda tasdiqlaydi;
o‘z vakolati doirasida buyruqlar, farmoyishlar va boshqa ichki hujjatlarni tasdiqlaydi;
Jamoat fondi va uning filiallari xodimlarini lavozimga tayinlaydi hamda lavozimidan ozod etadi, bundan Fond direktorining o‘rinbosari mustasno;
Jamoat fondining mol-mulkini, shu jumladan pul mablag‘larini boshqaradi;
Parlament komissiyasiga Jamoat fondining faoliyati to‘g‘risida yiliga kamida ikki marta hisobot taqdim etadi;
Parlament komissiyasi ko‘rib chiqishi uchun zarur bo‘lgan materiallar va takliflar tayyorlanishini hamda mazkur komissiya tomonidan qabul qilingan qarorlar va ko‘rsatmalarning bajarilishini ta’minlaydi;
qonun hujjatlariga muvofiq boshqa vazifalarni amalga oshiradi.
28. Jamoat fondi direktorining o‘rinbosari Jamoat fondi direktorining tavsiyasi asosida, Parlament komissiyasining taqdimnomasiga binoan O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining qo‘shma qarori bilan lavozimga tayinlanadi va lavozimidan ozod etiladi.
Jamoat fondi direktorining o‘rinbosari Jamoat fondi direktori yo‘qligida yoki u o‘z vazifalarini amalga oshirishi mumkin bo‘lmagan hollarda Jamoat fondi direktorining vazifasini bajarib turadi.
6-bob. Jamoat fondining alohida bo‘linmalari
29. Jamoat fondi Qoraqalpog‘iston Respublikasi, viloyatlar va Toshkent shahrida yuridik shaxs maqomiga ega bo‘lgan alohida bo‘linmalariga (bundan buyon matnda alohida bo‘linmalar deb yuritiladi) ega bo‘ladi.
Alohida bo‘linmalar Parlament komissiyasi tomonidan tasdiqlangan nizom asosida faoliyat yuritadi.
Alohida bo‘linmalardagi mol-mulklar Jamoat fondi mol-mulki hisoblanadi. Alohida bo‘linmalarning hisob raqamlaridagi pul mablag‘lari Parlament komissiyasi tomonidan tasdiqlangan xarajatlar smetasiga asosan bo‘linmalar boshliqlari tomonidan tasarruf etiladi.
30. Alohida bo‘linmaga Parlament komissiyasi bilan kelishilgan holda Jamoat fondi direktori tomonidan tayinlanadigan bo‘linma boshlig‘i rahbarlik qiladi.
31. Alohida bo‘linma boshlig‘i:
alohida bo‘linma faoliyatiga rahbarlikni amalga oshiradi;
Jamoat fondi organlarining qarorlarini va ularning o‘z vakolatlari doirasida bergan boshqa topshiriqlarining bajarilishini tashkil etadi;
belgilangan tartibda Jamoat fondiga ish rejalarining bajarilishi va mablag‘lardan foydalanish yuzasidan hisobot beradi;
yillik xarajatlar smetasi xamda ish rejasini ishlab chiqadi va Jamoat fondiga taqdim etadi;
hududdagi davlat organlari, shuningdek boshqa yuridik va jismoniy shaxslar bilan munosabatlarda bo‘linma nomidan ish ko‘radi;
hududdagi yuridik va jismoniy shaxslar bilan belgilangan tartibda shartnomalar va bitimlar tuzadi;
ajratilgan mol-mulk uchun javobgar hisoblanadi;
Parlament komissiyasi va Jamoat fondi Ijro etuvchi devoni tomonidan zimmasiga yuklatilgan boshqa vakolatlarni belgilangan tartibda amalga oshiradi.
Alohida bo‘linmalarning huquq va majburiyatlari, shu jumladan mol-mulkni boshqarish borasidagi huquqlari, ularni tugatish tartibi ularning nizomlarida belgilanadi.
7-bob. Jamoat fondi mablag‘laridan foydalanish
32. Jamoat fondi mablag‘lari fuqarolik jamiyatining institutlariga ularning buyurtmanomalari asosida va Parlament komissiyasining qarorlariga muvofiq davlat subsidiyalari, grantlari, ijtimoiy buyurtmalari tariqasida ajratiladi.
Jamoat fondi mablag‘larning ma’lum bir qismini davlat subsidiyalari, davlat grantlari va davlat ijtimoiy buyurtmalari shaklida alohida bo‘linmalarga yo‘naltiradi.
Alohida bo‘linmalarga ajratilgan hamda hisobot yili oxirida foydalanilmay qolgan mablag‘lar Fondga qaytariladi.
Fuqarolik jamiyatining institutlarini qo‘llab-quvvatlash uchun Jamoat fondiga ajratilgan hamda hisobot yili oxirida foydalanilmay qolgan mablag‘lar O‘zbekiston Respublikasining Davlat budjeti daromadiga qaytarilmaydi, balki ulardan belgilangan maqsadga muvofiq kelgusi yilda foydalaniladi.
33. Jamoat fondi mablag‘larini taqsimlash tartibi Parlament komissiyasi tomonidan belgilanadi.
8-bob. Jamoat fondining faoliyatini saqlash xarajatlari, xodimlarning mehnatiga haq to‘lash va rag‘batlantirish hamda tibbiy ta’minoti
34. Jamoat fondining Ijro etuvchi devoni faoliyatini saqlash xarajatlari, xodimlarining ish haqi va unga tenglashtirilgan to‘lovlari O‘zbekiston Respublikasining respublika budjeti hisobidan, alohida bo‘linmalar faoliyatini saqlash xarajatlari, xodimlarining ish haqi va unga tenglashtirilgan to‘lovlari tegishincha Qoraqalpog‘iston Respublikasi budjeti, viloyatlar va Toshkent shahar mahalliy budjetlari hisobidan amalga oshiriladi.
35. Jamoat fondi direktori va uning o‘rinbosariga tegishincha O‘zbekiston Respublikasi Oliy Majlisi palatalari devonlarining boshqarma boshlig‘i va uning o‘rinbosari uchun belgilangan tibbiy ta’minot shartlari tatbiq etiladi.
36. Jamoat fondi xodimlariga belgilangan tarif setkasi lavozim maoshi 1,25 baravar oshirilgan miqdorda belgilanadi.
Jamoat fondi xodimlariga lavozim maoshi tarkibiga kiritiladigan 80 foiz (yordamchi texnik va xizmat ko‘rsatuvchi xodimlarga 50 foiz) miqdorida qo‘shimcha haq, 40 foiz (yordamchi texnik va xizmat ko‘rsatuvchi xodimlarga 20 foiz) miqdorida rag‘batlantiruvchi koeffitsiyent, 15 foiz (yordamchi texnik va xizmat ko‘rsatuvchi xodimlarga 10 foiz) miqdorida qo‘shimcha haq hamda uzoq muddat xizmat qilganlik uchun ushbu nizomga ilovada keltirilgan miqdorda ustama haq to‘lanadi.
Jamoat fondining direktori:
o‘z vazifalarini vijdonan, shuningdek alohida muhim va mas’uliyatli ishlarni bajarayotgan xodimlarni, shu maqsadlarga ikki oylik mehnat haqi fondi miqdoridagi mablag‘larni yo‘naltirgan holda mukofotlash (bunda mukofotlashning miqdorlari ishning umumiy natijalariga ularning shaxsiy ulushiga qarab belgilanadi);
bir oylik ish haqi fondini yo‘naltirgan holda xodimlarga moddiy yordam ko‘rsatish huquqiga ega.
Jamoat fondining Ijro etuvchi devoni Axborot texnologiyalarini joriy etish va axborot xavfsizligi bo‘yicha bosh mutaxassisiga xodim lavozim maoshining 100 foizi miqdorida har oylik ustama beriladi.
Jamoat fondi xodimlarini moddiy rag‘batlantirish maxsus fondi mablag‘laridan foydalanish tartibi amaldagi qonunchilikka asosan belgilanadi.
37. Jamoat fondining fan nomzodi yoki falsafa doktori (PhD) ilmiy darajasiga (yoki xorijiy davlatlarning unga tenglashtirilgan boshqa ilmiy darajalariga) ega xodimlariga lavozim maoshining 5 foizi, fan doktori yoki fan doktori (Doctor of Science) ilmiy darajasiga (yoxud xorijiy davlatlarning unga tenglashtirilgan boshqa ilmiy darajalariga) ega xodimlariga lavozim maoshining 10 foizi miqdorida har oylik ustama to‘lanadi.
9-bob. Taftish komissiyasi
38. Jamoat fondining moliya-xo‘jalik faoliyatini tekshirish uchun Parlament komissiyasi tomonidan, qoida tariqasida, besh kishidan iborat tarkibda Taftish komissiyasi saylanadi.
Taftish komissiyasining tarkibiga O‘zbekiston Respublikasi Adliya vazirligi, Hisob palatasi va O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti Davlat moliyaviy nazorati inspeksiyasining vakillari ushbu idoralar bilan kelishilgan holda kiritilishi mumkin.
39. Taftish komissiyasining a’zolari bir vaqtning o‘zida Jamoat fondi Ijro etuvchi devonining va Parlament komissiyasining a’zosi bo‘lishi mumkin emas.
40. Jamoat fondining moliya-xo‘jalik faoliyatini tekshirish Parlament komissiyasining qaroriga binoan Jamoat fondining yillik faoliyati yakunlari bo‘yicha amalga oshiriladi.
41. Taftish komissiyasining talabiga ko‘ra Jamoat fondining mansabdor shaxslari unga fondning moliyaviy faoliyati to‘g‘risidagi hujjatlarni taqdim etishi shart.
42. Taftish komissiyasi Jamoat fondining yillik hisobotlari va buxgalteriya balanslari Parlament komissiyasi tomonidan tasdiqlanguniga qadar ularni majburiy tartibda tekshirishni amalga oshiradi.
10-bob. Hisobga olish va hisobot
43. Jamoat fondi buxgalteriya va statistika hisobi hamda hisobotini yuritadi, O‘zbekiston Respublikasi qonun hujjatlariga muvofiq soliqlar va boshqa to‘lovlarni to‘laydi.
44. Jamoat fondi tomonidan o‘tgan yilgi faoliyati natijalari to‘g‘risidagi hisobotlar har yili 1-martga qadar Parlament komissiyasiga taqdim etiladi. Fondning buxgalteriya balansi hisobotdan keyingi yilning 15-martiga qadar Parlament komissiyasi tomonidan tasdiqlanishi kerak.
45. Jamoat fondining moliya-xo‘jalik va tadbirkorlik faoliyatini tekshirish O‘zbekiston Respublikasi Hisob palatasi, ro‘yxatdan o‘tkazuvchi organlar, soliq va boshqa organlar tomonidan qonun hujjatlariga muvofiq amalga oshiriladi.
46. Qonun hujjatlariga muvofiq Jamoat fondi o‘z faoliyatining har yilgi auditorlik tekshiruvini o‘tkazadi.
Auditorlik tashkilotini tanlash Parlament komissiyasi tomonidan amalga oshiriladi.
11-bob. Ushbu nizomga o‘zgartirish va qo‘shimchalar kiritish
47. Ushbu nizomga o‘zgartirish va qo‘shimchalar Parlament komissiyasining taklifi asosida O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining qo‘shma qarori bilan kiritiladi.
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining qo‘shma qarori tegishincha O‘zbekiston Respublikasi Oliy Majlisi Qonunchilik palatasi va Senati majlislarida tasdiqlanishi kerak.
48. Jamoat fondi to‘g‘risidagi nizomga kiritiladigan o‘zgartirish va qo‘shimchalar qonun hujjatlarida belgilangan tartibda davlat ro‘yxatidan o‘tkaziladi.
12-bob. Jamoat fondini qayta tashkil etish va tugatish
49. Jamoat fondi Parlament komissiyasining qaroriga binoan O‘zbekiston Respublikasi Oliy Majlisi Qonunchilik palatasi va Senati tomonidan qayta tashkil etilishi mumkin.
Jamoat fondini qayta tashkil etishga faqat boshqa fondga qo‘shib yuborilgan, boshqa fond qo‘shib olingan yoki boshqa jamoat fondiga qo‘shilingan taqdirda yo‘l qo‘yiladi.
50. Jamoat fondini tugatish manfaatdor shaxslarning arizasi asosida sudning hal qiluv qaroriga binoan amalga oshiriladi.
51. Jamoat fondini tugatish qonun hujjatlarida nazarda tutilgan tartibda amalga oshiriladi.
52. Jamoat fondining kreditorlar talablari qondirilganidan keyin qolgan mol-mulki Parlament komissiyasi, Jamoat fondining Ijro etuvchi devoni, Taftish komissiyasi a’zolari yoki Jamoat fondining xodimlari o‘rtasida taqsimlanishi mumkin emas va undan Jamoat fondi qaysi maqsadda tuzilgan bo‘lsa, o‘sha maqsadda hamda homiylik maqsadlarida ushbu Nizomda nazarda tutilgan tartibda foydalaniladi.
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi to‘g‘risidagi nizomga ILOVA
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi xodimlariga uzoq muddat xizmat qilganlik uchun to‘lanadigan ustama
MIQDORI
Ish staji
Oylik tarif stavkasiga (lavozim maoshiga) nisbatan uzoq muddat xizmat qilganlik uchun har oyda beriladigan ustama miqdori
2 yildan 5 yilgacha
10 %
5 yildan 10 yilgacha
20 %
10 yildan 15 yilgacha
30 %
15 yildan 20 yilgacha
40 %
20 yildan 25 yilgacha
50 %
25 yildan ortiq
60 %
Izoh: Ustama haq olish huquqi xodimda Jamoat fondida mehnat shartnomasi asosida ishlashni boshlagan kundan e’tiboran yuzaga keladi.
Ustama haq olish huquqini beruvchi umumiy ish staji amaldagi qonunchilik hujjatlariga muvofiq hisoblab chiqariladi. Ustama haq olish huquqini beruvchi umumiy ish stajiga quyidagilar kiradi:
a) xodimning faoliyat turidan, mulkchilik va xo‘jalik shaklidan qat’i nazar budjetdan tashqari Pensiya jamg‘armasiga sug‘urta badallarini to‘lagan taqdirda davlat tomonidan ijtimoiy sug‘urta qilinadigan har qanday ish davri;
b) ichki ishlar, favqulodda vaziyatlar, davlat xavfsizlik xizmati organlaridagi, chegara qo‘shinlaridagi hamda O‘zbekiston Respublikasi Milliy gvardiyasidagi xizmat davri;
v) idoraviy bo‘ysunuvidan qat’i nazar harbiylashtirilgan soqchilikdagi, maxsus aloqa organlari va tog‘-kon-qutqaruv qismlaridagi xizmat;
g) yuridik shaxs tuzmay tadbirkorlik faoliyati bilan shug‘ullangan shaxslar va dehqon xo‘jaliklari a’zolari tomonidan budjetdan tashqari Pensiya jamg‘armasiga sug‘urta badallarini to‘lagan davri.
Xodimning mehnat daftarchasidagi ish stajiga oid qaydlar ish stajini hisoblash uchun asos hisoblanadi.
Ustama haq olish huquqini beruvchi umumiy ish stajini hisoblash Jamoat fondining xodimlari umumiy ish stajini hisoblash bo‘yicha komissiya tomonidan amalga oshiriladi.
Jamoat fondi xodimlari umumiy ish stajini hisoblash bo‘yicha komissiyaning tarkibi Jamoat fondining direktori tomonidan tasdiqlanadi.
Jamoat fondi xodimlari umumiy ish stajini hisoblash bo‘yicha komissiyaning kotibi xodimlar ish stajining hisobini yuritadi hamda ko‘rib chiqish uchun komissiyaga taqdim etadi.
Ustama haq miqdori xodimning oylik tarif stavkasidan (lavozim maoshidan) kelib chiqib hisoblanadi.
Ustama haq ushbu oyda amalda ishlagan vaqt uchun, shu jumladan xodimning maoshi amaldagi qonunchilik hujjatlariga muvofiq to‘liq yoki qisman saqlanib qoladigan ta’tillar vaqti va vaqtinchalik mehnatga layoqatsiz bo‘lib qolgan davrlar uchun to‘lanadi.
Xodimda kalendar oy mobaynida ustama haq olish huquqi yuzaga kelsa, ushbu ustama haq miqdorini birinchi marta hisoblash bunday ustama haq olish huquqi yuzaga kelgandan keyin ishlagan vaqt uchun amalga oshiriladi.
Kalendar oy mobaynida ustama haq miqdorini oshirish huquqi yuzaga kelgan xodimga nisbatan ustama haqning yangi miqdori keyingi oyning 1-sanasidan qo‘llaniladi.
Kalendar oy mobaynida tarif stavkasi (lavozim maoshi) o‘zgargan xodimga nisbatan ustama haqning yangi miqdori keyingi oyning 1-sanasidan qo‘llaniladi.
Xodim O‘zbekiston Respublikasi Mehnat kodeksining 141, 142 va 145-moddalarida ko‘rsatilgan tartibda vaqtincha boshqa ishga o‘tkazilganda unga ustama haq asosiy ishi bo‘yicha oylik tarif stavkasidan (lavozim maoshidan) kelib chiqib hisoblanadi.
Ustama haq o‘rtacha ish haqiga kiritiladi.
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 2-ILOVA
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondining
TUZILMASI
Parlament komissiyasi
Taftish komissiyasi
Direktor — Ijro etuvchi devon rahbari
Direktor o‘rinbosari
Ijtimoiy muammolarni o‘rganish va tanlovlarni shakllantirish bo‘limi
3
Dasturlar va loyihalarning samaradorligini monitoring qilish bo‘limi
3
Tanlovlarni tahlil qilish, texnik baholash va muvofiqlashtirish bo‘limi
3
Moliya va buxgalteriya hisobi bo‘limi
2
Tashkiliy ishlar va kadrlar bo‘yicha mutaxassis
1
Axborot texnologiyalarini joriy qilish va axborot xavfsizligi bo‘yicha bosh mutaxassis
1
Matbuot kotibi
1
Bosh yuriskonsult
1
Jamoat fondining Qoraqalpog‘iston Respublikasi, viloyatlar va Toshkent shahridagi alohida bo‘linmalari
28
Izoh: Boshqaruv xodimlarining umumiy cheklangan soni — 45 nafar.
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 3-ILOVA
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi Ijro etuvchi devonining
SHTATLAR JADVALI
Lavozim nomi
Shtat birligi soni
Direktor
1
Direktor o‘rinbosari
1
Ijtimoiy muammolarni o‘rganish va tanlovlarni shakllantirish bo‘limi
3
Bo‘lim boshlig‘i
1
Bosh mutaxassis
1
Yetakchi mutaxassis
1
Tanlovlarni tahlil qilish, texnik baholash va muvofiqlashtirish bo‘limi
3
Bo‘lim boshlig‘i
1
Bosh mutaxassis
1
Yetakchi mutaxassis
1
Dasturlar va loyihalarning samaradorligini monitoring qilish bo‘limi
3
Bo‘lim boshlig‘i
1
Bosh mutaxassis
1
Yetakchi mutaxassis
1
Moliya va buxgalteriya hisobi bo‘limi
2
Bo‘lim boshlig‘i
1
Bosh mutaxassis
1
Axborot texnologiyalarini joriy qilish va axborot xavfsizligi bo‘yicha bosh mutaxassis
1
Matbuot kotibi
1
Bosh yuristkonsult
1
Tashkiliy ishlar va kadrlar bo‘yicha mutaxassis
1
Jami
17
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 4-ILOVA
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi Ijro etuvchi devoni xodimlarining mehnatiga Yagona tarif setkasi bo‘yicha haq to‘lash
RAZRYADLARI
Lavozim nomi
Mehnatga haq to‘lash razryadlari
Direktor
18
Direktor o‘rinbosari
17
Bo‘lim boshlig‘i
16
Bosh mutaxassis
15
Matbuot kotibi
15
Bosh yuristkonsult
15
Yetakchi mutaxassis
14
Tashkiliy ishlar va kadrlar bo‘yicha mutaxassis
13
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 5-ILOVA
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi alohida bo‘linmalarining
SHTATLAR JADVALI
Lavozim nomi
Shtat birligi soni
Bo‘linma boshlig‘i
14
Bosh hisobchi
14
Jami
28
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 6-ILOVA
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi alohida bo‘linmalari xodimlarining mehnatiga Yagona tarif setkasi bo‘yicha haq to‘lash
RAZRYADLARI
Lavozim nomi
Mehnatga haq to‘lash razryadlari
Bo‘linma boshlig‘i
14
Bosh hisobchi
12
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 7-ILOVA
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasi to‘g‘risidagi
nizom
1-bob. Umumiy qoidalar
1. Ushbu Nizom O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasining (bundan buyon matnda Parlament komissiyasi deb yuritiladi) vazifalarini, vakolatlarini, faoliyatining asosiy yo‘nalishlarini, shuningdek uning ishini tashkil etish tartibini belgilaydi.
2. Parlament komissiyasi fuqarolik jamiyati institutlarini rivojlantirishga hamda ularning mamlakatda demokratik o‘zgarishlarni amalga oshirishda va jamiyatni erkinlashtirishda ishtirok etishiga ko‘maklashish maqsadida qonun hujjatlariga muvofiq tashkil etiladi.
3. Parlament komissiyasi bir vaqtning o‘zida O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondining (bundan buyon matnda Jamoat fondi deb yuritiladi) vasiylik kengashi vazifalarini ham bajaradi, Jamoat fondi faoliyatining ustuvor yo‘nalishlarini shakllantiradi, mazkur faoliyat ustidan nazoratni amalga oshiradi.
4. Parlament komissiyasi o‘z faoliyatini amaldagi qonun hujjatlariga va ushbu Nizomga muvofiq amalga oshiradi.
2-bob. Parlament komissiyasining vakolatlari
5. Parlament komissiyasi:
Jamoat fondi mablag‘larini fuqarolik jamiyati institutlarini qo‘llab-quvvatlash uchun ochiqlik, shaffoflik va adolatlilik prinsiplari asosida taqsimlaydi, fuqarolik jamiyati institutlarining va respublika ijro etuvchi hokimiyat organlarining takliflarini o‘rganish asosida aniq ijtimoiy-iqtisodiy masalalarini hal etishga, fuqarolarning ijtimoiy faolligini yanada oshirishga qaratilgan sotsial va ijtimoiy ahamiyatga molik va ijtimoiy foydali maqsadlarga erishishga qaratilgan dasturlarni moliyalashtirish bo‘yicha qarorlar qabul qiladi;
joylardagi fuqarolik jamiyati institutlarini qo‘llab-quvvatlash uchun Qoraqalpog‘iston Respublikasi budjeti, viloyatlar va Toshkent shahar mahalliy budjetlaridan ajratiladigan mablag‘larning hajmlarini Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari buyurtmalari asosida aniqlaydi hamda taqsimlaydi;
sotsial va ijtimoiy ahamiyatga molik va ijtimoiy foydali maqsadlarga erishishga qaratilgan loyihalarni qo‘llab-quvvatlash uchun tanlovlarning dolzarb mavzu va yo‘nalishlarini ishlab chiqadi, e’lon qiladi hamda ularni o‘tkazish muddatlarini tasdiqlaydi;
fuqarolik jamiyati institutlarining va respublika ijro etuvchi hokimiyat organlarining dastur va loyihalarini ijtimoiy sheriklik sohalari kesimida dolzarb ijtimoiy ahamiyatini aniqlash, ularni moliyalashtirish bo‘yicha qarorlar qabul qiladi;
Jamoat fondining ajratilgan mablag‘lardan maqsadli foydalanishi hamda fuqarolik jamiyati institutlarining moliyalashtirilgan loyihalari va dasturlarining ijrosi ustidan nazoratni amalga oshiradi;
fuqarolik jamiyati institutlarining davlat organlari bilan ijtimoiy sheriklik munosabatlarini rivojlantirishga ko‘maklashadi;
fuqarolik jamiyati institutlarini qo‘llab-quvvatlash tizimini takomillashtirish yuzasidan tavsiyalar ishlab chiqadi;
mamlakatimizda erkin fuqarolik jamiyatini shakllantirish va rivojlantirish, inson huquqlari va qonuniy manfaatlarini, demokratik qadriyatlarni himoya qilish, aholining siyosiy madaniyati va huquqiy ongini oshirish, davlat organlari va fuqarolik jamiyati institutlari o‘rtasida ijtimoiy sheriklik munosabatlarini mustahkamlash ishlariga munosib hissa qo‘shgan hamda jamiyatimizda barcha sohalarda amalga oshirilayotgan keng ko‘lamli islohotlarda faol ishtirok etayotgan fuqarolik jamiyati institutlari vakillari hamda tashabbuskor fuqarolarni “Fuqarolik jamiyatini rivojlantirishga qo‘shgan hissasi uchun” ko‘krak nishoni bilan taqdirlaydi;
mamlakatimizda erkin fuqarolik jamiyatini shakllantirish va rivojlantirishga munosib hissa qo‘shgan fuqarolik jamiyati institutlari va faol jamoatchilik vakillari hamda tashabbuskor fuqarolarni “Fuqarolik tashabbusi” milliy mukofoti bilan taqdirlaydi.
Parlament komissiyasi qonun hujjatlariga muvofiq boshqa vakolatlarni ham amalga oshirishi mumkin.
6. Parlament komissiyasi vakolatlariga taalluqli masalalar Jamoat fondining Ijro etuvchi devoniga yoki Taftish komissiyasiga hal etish uchun topshirilishi mumkin emas.
7. Parlament komissiyasi har yili O‘zbekiston Respublikasi Oliy Majlisining Qonunchilik palatasi va Senatiga amalga oshirilgan ishlar to‘g‘risida hisobotlar taqdim etadi.
3-bob. Parlament komissiyasining tuzilmasi va komissiya faoliyatini boshqarish
8. Parlament komissiyasi O‘zbekiston Respublikasi Oliy Majlisi Qonunchilik palatasining deputatlari, Senatining a’zolaridan iborat tarkibda shakllantiriladi.
Parlament komissiyasining tarkibi O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining qo‘shma qarori bilan tasdiqlanadigan rais, uning o‘rinbosari, mas’ul kotib va komissiya a’zolaridan iborat bo‘ladi.
Parlament komissiyasiga O‘zbekiston Respublikasi Oliy Majlisi Qonunchilik palatasining deputati va Senatining a’zosi navbatma-navbat raislik qiladi.
9. Parlament komissiyasining raisi:
Parlament komissiyasining faoliyatiga rahbarlik qiladi;
Parlament komissiyasining majlislarini chaqiradi, ularda raislik qiladi;
Parlament komissiyasi ish rejasi loyihasining tayyorlanishini tashkil etadi va Parlament komissiyasining tasdiqlangan ish rejasi bajarilishi ustidan nazoratni amalga oshiradi;
Parlament komissiyasi qarorlarini tasdiqlaydi va ularning ijro etilishiga doir ishlarni tashkil etadi;
qonun hujjatlariga muvofiq boshqa vakolatlarni amalga oshiradi.
Parlament komissiyasining raisi yo‘qligida uning vazifasini rais o‘rinbosari bajarib turadi.
10. Parlament komissiyasining mas’ul kotibi Parlament komissiyasining majlislarini tashkil etish va o‘tkazish bilan bog‘liq vazifalarni amalga oshiradi, Parlament komissiyasi majlislarining bayonnomalarini yuritadi, shuningdek Parlament komissiyasi tomonidan belgilanadigan boshqa vazifalarni bajaradi.
11. Parlament komissiyasining tarkibini o‘zgartirish O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining qo‘shma qarori bilan amalga oshiriladi.
Parlament komissiyasi O‘zbekiston Respublikasi Oliy Majlisi Qonunchilik palatasining Kengashiga va O‘zbekiston Respublikasi Oliy Majlisi Senatining Kengashiga raisni, rais o‘rinbosarini, mas’ul kotibni, ayrim a’zolarni muddatidan ilgari vazifasidan ozod etish to‘g‘risidagi masalani Parlament komissiyasi a’zolari umumiy sonining uchdan ikki qismining talabiga ko‘ra kiritishi mumkin.
12. Parlament komissiyasining raisi, rais o‘rinbosari, mas’ul kotibi va a’zolari o‘z vazifalarini jamoatchilik asosida bajaradi.
Parlament komissiyasi raisi, rais o‘rinbosari, mas’ul kotibi va a’zolarining o‘z vazifasini bajarish bilan bog‘liq xarajatlarning o‘rni ularning asosiy ish joyidagi mablag‘lar hisobidan qoplanadi.
13. Parlament komissiyasi belgilangan maqsad va vazifalarni bajarishi uchun ekspertlar kengashi va ishchi guruhlarini tuzishi mumkin. Ekspertlar kengashi va ishchi guruhlarning faoliyati Parlament komissiyasi tomonidan tasdiqlangan nizom asosida amalga oshiriladi.
14. Ekspertlar kengashi Parlament komissiyasining qaroriga asosan sog‘liqni saqlash, ekologiya, ta’lim, yoshlar, bandlik va boshqa sohalardagi davlat organlarining 7 — 9 nafar vakillaridan iborat shaklda 2 yil muddatga tuziladi va yangilanib boriladi. Ekspertlar kengashini shakllantirishda ekspertlarning kasbiy va hayotiy tajribasi hisobga olinadi.
15. Parlament komissiyasi a’zolari bir vaqtning o‘zida Jamoat fondi Ijro etuvchi devoni va Taftish komissiyasining a’zosi bo‘lishi mumkin emas.
4-bob. Parlament komissiyasining faoliyatini tashkil etish
16. Parlament komissiyasining majlislari, zaruratga qarab, lekin har chorakda kamida bir marta o‘tkaziladi.
Parlament komissiyasining majlislari Parlament komissiyasining raisi yoki rais o‘rinbosari tomonidan chaqiriladi, ular bu haqda komissiya a’zolarini, qoida tariqasida, kamida ikki kun avval xabardor qiladi.
Parlament komissiyasi majlisining kun tartibida ko‘riladigan masalalar Parlament komissiyasining raisi, rais o‘rinbosari, mas’ul kotibi va a’zolari, shuningdek Jamoat fondi direktori tomonidan kiritilishi mumkin.
Parlament komissiyasining majlislari, agar ularda Parlament komissiyasi a’zolarining kamida yarmi hozir bo‘lsa, vakolatlidir.
Parlament komissiyasining majlisini Parlament komissiyasining raisi yoki uning o‘rinbosari olib boradi.
Parlament komissiyasining majlisi ochiq tarzda o‘tkaziladi. Zarurat bo‘lganda Parlament komissiyasi yopiq majlis o‘tkazish to‘g‘risida qaror qabul qilishi mumkin.
17. Parlament komissiyasining navbatdan tashqari majlisi Parlament komissiyasi raisining tashabbusi bilan, shuningdek Parlament komissiyasi a’zolarining yoki Jamoat fondi Taftish komissiyasi a’zolarining yozma talabiga binoan chaqiriladi.
18. Parlament komissiyasining a’zolari uning majlislarida hozir bo‘lishi shart. Parlament komissiyasi a’zolari majlislarda ishtirok eta olmasligi haqida Parlament komissiyasi raisini yoki mas’ul kotibini oldindan yozma ravishda xabardor qiladi.
19. Parlament komissiyasining barcha a’zolari teng huquqlardan foydalanadi, Parlament komissiyasining har bir a’zosi bir ovozga ega.
20. Parlament komissiyasining qarori uning majlisida ishtirok etayotgan a’zolarning ko‘pchilik ovozi bilan qabul qilinadi. Majlisda Parlament komissiyasining mas’ul kotibi tomonidan bayonnoma yuritiladi va u raislik qiluvchi tomonidan imzolanadi.
Parlament komissiyasining qarorlari Jamoat fondining Ijro etuvchi devoni ijro etishi uchun majburiydir.
21. Parlament komissiyasining majlislariga davlat organlarining, fuqarolik jamiyati institutlarining, ilmiy muassasalarning vakillari, mutaxassislar va olimlar, ommaviy axborot vositalari vakillari taklif etilishi mumkin.
5-bob. Ushbu nizomga o‘zgartirish va qo‘shimchalar kiritish tartibi
22. Ushbu nizomga o‘zgartirish va qo‘shimchalar O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining qo‘shma qarori bilan kiritiladi.
23. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining Parlament komissiyasini shakllantirish hamda uning faoliyatini tashkil etish masalalari bo‘yicha qo‘shma qarori tegishincha O‘zbekiston Respublikasi Oliy Majlisi Qonunchilik palatasining va Senatining majlislarida tasdiqlanishi kerak.
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 8-ILOVA
“Fuqarolik tashabbusi” milliy mukofoti to‘g‘risidagi
NIZOM
1-bob. Umumiy qoidalar
1. Ushbu Nizom mamlakatimizda erkin fuqarolik jamiyatini shakllantirish va rivojlantirishga munosib hissa qo‘shgan fuqarolik jamiyati institutlari va faol jamoatchilik vakillari hamda tashabbuskor fuqarolarni “Fuqarolik tashabbusi” milliy mukofoti (bundan buyon matnda Milliy mukofot deb yuritiladi) bilan taqdirlash tartibini belgilaydi.
2. Milliy mukofot bilan taqdirlash an’anaviy tarzda har ikki yilda bir marta fuqarolik jamiyati institutlari va faol jamoatchilik vakillari hamda tashabbuskor fuqarolar o‘rtasida o‘tkaziladi.
3. Milliy mukofotga nomzodlar inson huquqlarini himoya qilish, ta’lim, ilm-fan, madaniyat, ekologiya, tibbiyot, aholining ijtimoiy himoyaga muhtoj qatlamlarini qo‘llab-quvvatlash, aholini ish bilan ta’minlashga ko‘maklashish, homiylik, xayriya, metsenatlik, tarixiy-madaniy merosni muhofaza qilish va ijtimoiy ahamiyatga ega bo‘lgan boshqa muhim yo‘nalishlarda faoliyat yuritayotgan fuqarolik jamiyati institutlari va faol jamoatchilik vakillari hamda tashabbuskor fuqarolar orasidan ko‘rsatilishi mumkin.
4. Milliy mukofotga nomzodlar “Fuqarolik tashabbusi” milliy mukofotiga taqdim etilgan nomzodlarni ko‘rib chiqish bo‘yicha tashkiliy qo‘mita (bundan buyon matnda Tashkiliy qo‘mita deb yuritiladi) xulosasi hamda keng jamoatchilik tanlovi asosida tanlab olinadi.
Tashkiliy qo‘mita jamoatchilik asosida faoliyat yuritadi.
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi Tashkiliy qo‘mitaning ishchi organi (bundan buyon matnda ishchi organ deb yuritiladi) hisoblanadi.
Tashkiliy qo‘mita ishchi organ taqdim etgan nomzodlar haqidagi hujjatlar va ma’lumotlarni puxta ko‘rib chiqib, Milliy mukofotga tavsiya etish bo‘yicha qaror qabul qiladi.
Tashkiliy qo‘mita qarori yig‘ilish bayoni bilan rasmiylashtiriladi.
5. Milliy mukofot uchun nomzodlarni tanlab olish quyidagi nominatsiyalar asosida tashkil etiladi:
1) “Fuqarolarning huquq va erkinliklari faoli;
2) “Yoshlarni ijtimoiy qo‘llab-quvvatlash faoli”;
3) “Tashabbuskor ekologiya faoli”;
4) “Ijtimoiy himoya faoli”;
5) “Xotin-qizlar bo‘yicha ijtimoiy faol”.
(5-band O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qo‘shma qarori tahririda)
6. Milliy mukofot nominatsiyalari bo‘yicha ma’lumotlar Milliy mukofot taqdim etiladigan yilning 1-iyuliga qadar ishchi organ tomonidan ommaviy axborot vositalari va Internet jahon axborot tarmog‘i orqali e’lon qilinadi.
7. Nomzodlarni ko‘rib chiqish va tanlab olish quyidagi ikki bosqichda amalga oshiriladi:
birinchi bosqichda — so‘nggi ikki yilda inson huquqlarini himoya qilish, ta’lim, ilm-fan, madaniyat, ekologiya, tibbiyot, aholining ijtimoiy himoyaga muhtoj qatlamlarini qo‘llab-quvvatlash, aholini ish bilan ta’minlashga ko‘maklashish, homiylik, xayriya, metsenatlik, tarixiy-madaniy merosni muhofaza qilish va shu kabi ijtimoiy ahamiyatga ega bo‘lgan boshqa muhim yo‘nalishlarda erishgan yutuqlaridan kelib chiqqan holda nomzodlarni ko‘rib chiqish va tanlab olish Tashkiliy qo‘mita tomonidan amalga oshiriladi;
ikkinchi bosqichda — Tashkiliy qo‘mita xulosasiga muvofiq faoliyati eng yuqori baholangan nomzodlar jamoatchilik tanlovidan o‘tkaziladi.
8. Milliy mukofot bilan taqdirlash ushbu Nizomning ilovasida keltirilgan sxemaga muvofiq amalga oshiriladi.
2-bob. Milliy mukofot bilan taqdirlash uchun nomzodlarni tanlab olish mezonlari
9. Milliy mukofot bilan taqdirlash uchun tavsiya etilayotgan nomzodlar quyidagi mezonlar asosida tanlab olinadi:
insonning huquqlari, erkinliklari va qonuniy manfaatlarini himoya qilishga, fuqarolik jamiyatini rivojlantirishga, adolat va qonun ustuvorligini ta’minlashga hissa qo‘shganligi;
yoshlarni qo‘llab-quvvatlash, ularning ijtimoiy faolligini oshirish, ta’lim, bandlik, tadbirkorlik va ma’naviy-ma’rifiy tarbiya borasida fidokorona faoliyat ko‘rsatganligi;
atrof-muhitni muhofaza qilish, tabiat resurslaridan oqilona foydalanish, aholida ekologik madaniyatni oshirish borasida, xususan chiqindilarni qayta ishlash, suv va havo tozaligi, daraxt ekish aksiyalari, “yashil iqtisodiyot”, qayta tiklanuvchi energiya manbalari yoki ekologik toza mahsulotlar ishlab chiqarish borasida ilmiy-amaliy ishlar qilganligi, innovatsion yechimlar va texnologiyalar yaratganligi;
aholining ehtiyojmand qatlamlarini, shu jumladan nogironligi bo‘lgan shaxslarni, yetim va kam ta’minlangan bolalarni, keksalarni hamda ijtimoiy himoyaga muhtoj bo‘lgan boshqa shaxslarni qo‘llab-quvvatlash va ularning hayot sifatini oshirish borasida fidokorona mehnat qilayotganligi, shu bilan birga xayriya ishlarini, volontyorlik faoliyatini amalga oshirganligi yoki saxovat ko‘rsatganligi;
jamiyatda xotin-qizlarning ijtimoiy hayotdagi faolligini, o‘rni va nufuzini oshirish, oila va jamiyat barqarorligini mustahkamlash borasida mahalla, tuman (shahar), viloyat yoki respublika miqyosida yuksak hissa qo‘shib kelayotganligi.
(9-band O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qo‘shma qarori tahririda)
3-bob. Milliy mukofotga nomzodlarning hujjatlarini qabul qilish va ko‘rib chiqish tartibi
10. Fuqarolik jamiyati institutlari va faol jamoatchilik vakillari hamda tashabbuskor fuqarolar (nomzodlar) o‘zlari, qonuniy vakillari yoki faoliyat yuritayotgan tashkiloti orqali Milliy mukofot bilan taqdirlanadigan yilning 1-oktabriga qadar arizalarni belgilangan tartibda ishchi organga quyidagi hujjatlarni ilova qilgan holda ngo.gov.uz elektron tizimi orqali taqdim etadi:
(10-bandning birinchi xatboshisi O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qo‘shma qarori tahririda)
nomzodning ma’lumoti to‘g‘risidagi hujjatning (shahodatnomaning, diplomning) nusxasini (mavjud bo‘lgan taqdirda);
nomzodga berilgan ijodiy tavsifnomani (tasdiqlangan shaklda);
nomzodning ish, o‘qish joyidan yoki harbiy xizmatni o‘tash joyidan yoxud nomzod yashab turgan fuqarolarning o‘zini o‘zi boshqarish organi tomonidan nomzodga berilgan, tasdiqlangan tavsifnomani;
nomzod tomonidan amalga oshirilgan sotsial va ijtimoiy ahamiyatga molik loyihalar (mavjud bo‘lgan taqdirda);
nomzod haqida ommaviy axborot vositalari orqali tarqatilgan xabar yoki materiallarni, mamlakatimizda va xorijda chop etilgan maqolalar havolasini (mavjud bo‘lgan taqdirda);
nomzodning faoliyati va erishgan yutuqlarini aks ettiruvchi hujjatlarni (sertifikat, faxriy yorliq, diplom nusxasi va shu kabi boshqa hujjatlarni);
yuridik shaxslar va yakka tartibdagi tadbirkorlarga berilgan homiylik xayriyalari to‘g‘risidagi axborotning ommaviy axborot vositalarida e’lon qilinganligi to‘g‘risidagi hujjatni yoki bunday axborotni homiylik xayriyalarini olgan yuridik shaxslar va yakka tartibdagi tadbirkorlarning veb-saytlarida (mavjud bo‘lgan taqdirda) e’lon qilinganligi to‘g‘risidagi ma’lumotni (ilovani), homiylik xayriyalarining bank operatsiyasi orqali o‘tkazilganligini tasdiqlovchi hujjatni;
metsenat va metsenatlik ko‘magini oluvchi o‘rtasida tuziladigan metsenatlik ko‘magini berish to‘g‘risidagi shartnoma nusxasini va metsenatlik ko‘magi ko‘rsatilganligini tasdiqlovchi hujjatni.
Belgilangan muddatni kechiktirgan holda taqdim etilgan hujjatlar qabul qilinmaydi.
11. Taqdim etilgan hujjatlarning ushbu Nizomning 10-bandiga muvofiqligi ishchi organ tomonidan 1 — 20-oktabr kunlari davomida o‘rganilib, ko‘rib chiqish va tegishli qaror qabul qilish uchun Tashkiliy qo‘mitaga taqdim etiladi.
12. Tashkiliy qo‘mita 20 — 30-oktabr kunlari davomida har bir nominatsiya bo‘yicha eng yuqori natijalarga erishgan 3 nafardan nomzodni saralaydi.
13. Nominatsiyalar bo‘yicha taqdim etilgan nomzodlarning faoliyati samaradorligi mazkur Nizomning 9-bandida ko‘rsatilgan mezonlarga mos kelmagan taqdirda, Tashkiliy qo‘mita mazkur nominatsiyalarga g‘oliblar aniqlanmasligi yuzasidan xulosa qabul qilishi mumkin.
14. Tashkiliy qo‘mitaning tegishli qarori bilan Milliy mukofotga munosib deb topilgan uch nafar nomzod to‘g‘risidagi ma’lumotlar keng jamoatchilik tomonidan ularga ovoz berilishi uchun ommaviy axborot vositalari va Internet jahon axborot tarmog‘ida e’lon qilinadi.
15. Ovoz berish jarayoni Internet jahon axborot tarmog‘i orqali 1 — 20-noyabr kunlari davomida o‘tkaziladi.
16. Ovoz berish natijalariga ko‘ra har bir nominatsiya bo‘yicha uch nafar nomzod ichidan eng ko‘p ovoz to‘plagan nomzod Milliy mukofot sovrindoriga aylanadi.
(16-band O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qo‘shma qarori tahririda)
(17-band O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qo‘shma qaroriga asosan o‘z kuchini yo‘qotgan)
(18-band O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qo‘shma qaroriga asosan o‘z kuchini yo‘qotgan)
(19-band O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qo‘shma qaroriga asosan o‘z kuchini yo‘qotgan)
20. Milliy mukofot sovrindorlari O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha parlament komissiyasining tegishli qarori asosida taqdirlanadi hamda ularga mazkur jamoat fondi mablag‘lari, homiylik xayriyalari hamda qonunchilik hujjatlari bilan taqiqlanmagan boshqa manbalar hisobidan bazaviy hisoblash miqdorining 50 baravari miqdorida bir martalik pul mukofoti, Milliy mukofot maxsus statuetkasi va sertifikati topshiriladi.
(20-band O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qo‘shma qarori tahririda)
4-bob. Taqdirlash marosimini tashkil etish va o‘tkazish
21. Milliy mukofotning joriy g‘oliblarini taqdirlash marosimi dekabr oyining birinchi haftasida “Fuqarolik jamiyati haftaligi” doirasida Toshkent shahrida o‘tkaziladi.
22. Milliy mukofot bilan taqdirlanadigan fuqarolik jamiyati institutlari va faol jamoatchilik vakillari hamda tashabbuskor fuqarolar ro‘yxati respublika ommaviy axborot vositalarida e’lon qilinadi.
5-bob. Yakunlovchi qoida
23. Ushbu Nizom talablarining buzilishi bilan bog‘liq nizolar qonunchilikda belgilangan tartibda hal etiladi.
“Fuqarolik tashabbusi” milliy mukofoti to‘g‘risidagi nizomga ILOVA
“Fuqarolik tashabbusi” milliy mukofoti bilan taqdirlash
Nominatsiyalarni ommaviy axborot vositalari va Internet jahon axborot tarmog‘ida e’lon qiladi
Milliy mukofot taqdim etiladigan yilning 1-iyuliga qadar
2-bosqich
Fuqarolik jamiyati institutlari va boshqa tashkilotlar yoki nomzodlar
Ariza va hujjatlarni ishchi organga taqdim etadi
Milliy mukofot taqdim etiladigan yilning 1-oktabriga qadar
3-bosqich
Ishchi organ
Taqdim etilgan nomzodlar hujjatlarini o‘rganadi hamda tegishli qaror qabul qilish uchun Tashkiliy qo‘mitaga taqdim etadi
Milliy mukofot taqdim etiladigan yilning 1 — 20-oktabr kunlari davomida
4-bosqich
Tashkiliy qo‘mita
Taqdim etilgan nomzodlarni saralaydi
Milliy mukofot taqdim etiladigan yilning 20 — 30-oktabr kunlari davomida
5-bosqich
Tashkiliy qo‘mita, keng jamoatchilik
Har bir nominatsiya bo‘yicha eng yuqori natijalarga erishgan 3 nafar nomzod ro‘yxatini Internet jahon axborot tarmog‘ida e’lon qiladi hamda keng jamoatchilik tomonidan ovoz beriladi
Milliy mukofot taqdim etiladigan yilning 1 — 20-noyabr kunlari davomida
6-bosqich
Ishchi organ
Sovrindorlar O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi mablag‘larini boshqarish bo‘yicha Parlament komissiyasining tegishli qarori asosida taqdirlanadi.
Milliy mukofot taqdim etiladigan yil dekabr oyining birinchi haftasida
(ilova O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qo‘shma qarori tahririda)
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 9-ILOVA
“Fuqarolik tashabbusi” milliy mukofotiga taqdim etilgan nomzodlarni ko‘rib chiqish bo‘yicha tashkiliy qo‘mita
TARKIBI
1.
Safoyev Sodiq Solixovich
—
O‘zbekiston Respublikasi Oliy Majlisi Senati Raisining birinchi o‘rinbosari, Tashkiliy qo‘mita hamraisi
2.
Xodjayeva Mavludaxon Islamovna
—
O‘zbekiston Respublikasi Oliy Majlisi Qonunchilik palatasi Spikerining o‘rinbosari, Tashkiliy qo‘mita hamraisi
3.
Eshmuratov Abdulxakim Xushbokovich
—
O‘zbekiston Respublikasi Oliy Majlisi Senatining Sud-huquq masalalari va korrupsiyaga qarshi kurashish qo‘mitasi raisi
4.
Abdullayev Baxrom Ismoilovich
—
O‘zbekiston Respublikasi Oliy Majlisi Senatining Fan, ta’lim va sog‘liqni saqlash masalalari qo‘mitasi raisi
5.
Kozixonova Orzigul Mo‘ydinovna
—
O‘zbekiston Respublikasi Oliy Majlisi Senatining Yoshlar, xotin-qizlar, madaniyat va sport masalalari qo‘mitasi raisi
6.
Agzamova Gulrux Anvarovna
—
O‘zbekiston Respublikasi Oliy Majlisi Qonunchilik palatasining Demokratik institutlar va fuqarolik jamiyatini rivojlantirish masalalari qo‘mitasi raisi
7.
Muxtorova Nazira Abdusattarovna
—
O‘zbekiston Respublikasi Oliy Majlisi Qonunchilik palatasining Mehnat, sog‘liqni saqlash va ijtimoiy masalalar qo‘mitasi raisi
8.
Gapporov Xayrillo Lutpillayevich
—
O‘zbekiston Respublikasi Oliy Majlisi Qonunchilik palatasining Ekologiya va atrof-muhitni muhofaza qilish masalalari qo‘mitasi raisi
9.
Tashkulov Akbar Jo‘raboyevich
—
O‘zbekiston Respublikasi Adliya vaziri
10.
Tillaboyev Mirzatillo Alisherovich
—
Inson huquqlari bo‘yicha O‘zbekiston Respublikasi Milliy markazi direktorining birinchi o‘rinbosari
11.
Xodjayev Asadjon Azatbekovich
—
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori
12.
Rafiqov Qudratilla Mirsagatovich
—
O‘zbekiston Kasaba uyushmalari Federatsiyasi raisi
13.
Ishanxodjayev Kamoliddin Nuriddinovich
—
O‘zbekiston nodavlat notijorat tashkilotlari milliy assotsiatsiyasi raisi
14.
Kuranbayev Kaxramon Kuchkarovich
—
O‘zbekiston mahallalari uyushmasi raisi
15.
Xusanov Otabek Nishonovich
—
O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondi direktori, Tashkiliy qo‘mita mas’ul kotibi
Izoh: Tashkiliy qo‘mita a’zolari boshqa ishga o‘tgan taqdirda, ularning o‘rniga ushbu lavozimga yangi saylangan (tayinlangan) yoki zimmasiga tegishli vazifalarni bajarish yuklatilgan shaxslar kiritiladi.
(9-ilova O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2025-yil 16-iyundagi 968-V/KQ-199-V-sonli Qo‘shma qarori tahririda)
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qo‘shma qaroriga 10-ILOVA
O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining o‘z kuchini yo‘qotgan deb topilayotgan qo‘shma qarorlari
1. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2008-yil 3-iyuldagi “Nodavlat notijorat tashkilotlarini, fuqarolik jamiyatining boshqa institutlarini qo‘llab-quvvatlashni kuchaytirish chora-tadbirlari to‘g‘risida”gi 842-I/513-I-sonli Qo‘shma qarori (O‘zbekiston Respublikasi Oliy Majlisi palatalarining Axborotnomasi, 2008-yil, № 7, 409-modda).
2. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2008-yil 10-iyuldagi “Nodavlat notijorat tashkilotlarini, fuqarolik jamiyatining boshqa institutlarini qo‘llab-quvvatlashni kuchaytirish chora-tadbirlari to‘g‘risida”gi 843-I/515-I-sonli Qo‘shma qarori 1-bandining ikkinchi va uchinchi xatboshilari, 2-bandi (O‘zbekiston Respublikasi Oliy Majlisi palatalarining Axborotnomasi, 2008-yil, № 7, 410-modda).
3. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2008-yil 30-sentabrdagi “O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi to‘g‘risidagi nizomga qo‘shimcha kiritish haqida”gi 873-I/552-I-sonli Qo‘shma qarori (O‘zbekiston Respublikasi Oliy Majlisi palatalarining Axborotnomasi, 2008-yil, № 9, 529-modda).
4. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2014-yil 28-fevraldagi “O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi to‘g‘risidagi nizomga hamda O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi mablag‘larini boshqarish bo‘yicha Parlament komissiyasi to‘g‘risidagi nizomga o‘zgartish va qo‘shimchalar kiritish haqida”gi 855-II/113-II-sonli Qo‘shma qarori (O‘zbekiston Respublikasi Oliy Majlisi palatalarining Axborotnomasi, 2014-yil, № 3, 84-modda).
5. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2015-yil 13-maydagi “O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi to‘g‘risidagi nizomga hamda O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi mablag‘larini boshqarish bo‘yicha Parlament komissiyasi to‘g‘risidagi nizomga o‘zgartish va qo‘shimchalar kiritish haqida”gi 132-III/KQ-15-III-sonli Qo‘shma qarori (O‘zbekiston Respublikasi Oliy Majlisi palatalarining Axborotnomasi, 2015-yil, № 5, 219-modda).
6. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2016-yil 2-maydagi “O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi to‘g‘risidagi nizomga hamda O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi mablag‘larini boshqarish bo‘yicha Parlament komissiyasi to‘g‘risidagi nizomga qo‘shimchalar kiritish haqida”gi 442-III/KQ-87-III-sonli Qo‘shma qarori (O‘zbekiston Respublikasi Oliy Majlisi palatalarining Axborotnomasi, 2016-yil, № 5, 150-modda).
7. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2018-yil 5-apreldagi “O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi to‘g‘risidagi nizomga o‘zgartish kiritish haqida”gi 1605-III/KQ-330-III-sonli Qo‘shma qarori (O‘zbekiston Respublikasi Oliy Majlisi palatalarining Axborotnomasi, 2018-yil, № 4, 259-modda).
8. O‘zbekiston Respublikasi Oliy Majlisi Qonunchilik palatasi Kengashining va O‘zbekiston Respublikasi Oliy Majlisi Senati Kengashining 2019-yil 6-maydagi “O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi to‘g‘risida”gi Nizomga o‘zgartish kiritish haqida”gi 2493-III/KQ-537-III-sonli Qo‘shma qarori (O‘zbekiston Respublikasi Oliy Majlisi palatalarining Axborotnomasi, 2019-yil, № 5, 326-modda).
