2848-сон 20.12.2016. Tijorat tashkilotlari taʼsis hujjatlarining namunaviy shakllarini tasdiqlash toʻgʻrisida

Hujjat kuchini yo‘qotgan 13.08.2019

Oʻzbekiston Respublikasi Adliya vazirining

buyrugʻi

Tijorat tashkilotlari taʼsis hujjatlarining namunaviy shakllarini tasdiqlash toʻgʻrisida

[Oʻzbekiston Respublikasi Adliya vazirligi tomonidan 2016-yil 20-dekabrda roʻyxatdan oʻtkazildi, roʻyxat raqami 2848]

LexUZ sharhi

Mazkur buyruq Oʻzbekiston Respublikasi adliya vazirining 2019-yil 12-avgustdagi 330-mh-sonli “Tijorat tashkilotlari taʼsis hujjatlarining namunaviy shakllarini tasdiqlash toʻgʻrisida”gi buyruq, shuningdek unga oʻzgartirishlarni oʻz kuchini yoʻqotgan deb topish haqida”gi buyrugʻiga (roʻyxat raqami 2848-4, 12.08.2019-y.) asosan oʻz kuchini yoʻqotgan.

Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi va 2016-yil 28-oktabrdagi PQ-2646-son “Tadbirkorlik subyektlarini davlat roʻyxatidan oʻtkazish va hisobga qoʻyish tizimini takomillashtirish toʻgʻrisida”gi qarorlariga muvofiq buyuraman:

1. Tijorat tashkilotlari taʼsis hujjatlarining namunaviy shakllari 1 — 14-ilovalarga muvofiq tasdiqlansin.

2. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarni davlat roʻyxatidan oʻtkazish boshqarmasi (B. Boliyev) Idoraviy normativ-huquqiy hujjatlarning davlat reyestriga tegishli yozuv kiritsin.

3. Yuridik shaxslarni davlat roʻyxatidan oʻtkazish boshqarmasi (M. Maxmudov) hamda Qonun hujjatlarini turkumlash va huquqiy axborot boshqarmasi (D. Ibragimova) ushbu idoraviy normativ-huquqiy hujjatni barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq Oʻzbekiston Respublikasi Savdo-sanoat palatasi bilan kelishilgan.

5. Mazkur buyruq rasmiy eʼlon qilingan kundan eʼtiboran kuchga kiradi.

6. Mazkur buyruq ijrosini nazorat qilish vazir oʻrinbosari A. Usmanov zimmasiga yuklansin.

Vazir M. IKRAMOV

Toshkent sh.,

2016-yil 20-dekabr,

294-mh-son

Kelishilgan:

Savdo-sanoat palatasi raisi A. SHAYXOV

2016-yil 20-dekabr

Oʻzbekiston Respublikasi adliya vazirining 2016-yil 20-dekabrdagi 294-mh-sonli buyrugʻiga
1-ILOVA

______________________________

(roʻyxatga oluvchi organning nomi)

tomonidan _______yil ___ dekabrda

_______________________-son reyestr

raqami bilan

“ROʻYXATGA OLINGAN”

M.Oʻ.

“_____________________” aksiyadorlik

jamiyati aksiyadorlarining ______yil

___dekabrdagi ___-son umumiy yigʻilishi

bayonnomasi bilan

“TASDIQLANGAN”

M.Oʻ.

“______________________”

AKSIYADORLIK JAMIYATINING

USTAVI

I. UMUMIY QOIDALAR

1.1. “__________” aksiyadorlik jamiyatining (bundan buyon matnda “jamiyat” deb yuritiladi mazkur Ustavi Oʻzbekiston Respublikasining “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonuni (bundan buyon matnda “Qonun” deb yuritiladi) va boshqa qonun hujjatlari asosida ishlab chiqilgan.

1.2. Jamiyat oʻz faoliyatini Oʻzbekiston Respublikasining Fuqarolik kodeksi, “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonuni (06.05.2014y. OʻRQ-370-son) va boshqa normativ-huquqiy hujjatlarga muvofiq olib boradi.

1.3. Jamiyatning toʻliq firma nomi:

Oʻzbek tilida: “________________” aksiyadorlik jamiyati

Rus tilida: aksionernoye obshestvo “_______________”

Jamiyatning qisqartirilgan firma nomi:

Oʻzbek tilida: “_______________” AJ

Rus tilida: AO “_______________”.

1.4. Jamiyatning joylashgan yeri (pochta manzili): ________________________________________________________________________

1.5. Jamiyatning elektron pochta manzili:_______________________________________________________________________________

1.6. Jamiyatning rasmiy veb-sayti: ____________________________________________________________________________________

II. JAMIYAT FAOLIYATINING SOHASI (ASOSIY YOʻNALISHLARI) VA MAQSADI

2.1. Jamiyat tijorat tashkiloti boʻlib, uning asosiy maqsadi moliyaviy-xoʻjalik faoliyatidan foyda olishdir.

2.2. Jamiyat oʻz maqsadlariga erishish uchun faoliyat va xizmat koʻrsatishning quyidagi turlarini amalga oshiradi:

- qonunchilikda belgilangan boshqa faoliyat turlarini oʻrnatilgan tartibda amalga oshirishi mumkin.

III. JAMIYAT USTAV FONDI (USTAV KAPITALI)NING MIQDORI

3.1. Jamiyatning ustav fondi (ustav kapitali) aksiyadorlar olgan jamiyat aksiyalarining nominal qiymatidan tashkil topadi.

3.2. Jamiyatning ustav fondi (ustav kapitali) _______ soʻmni tashkil qilib, u har birining nominal qiymati _______ soʻm boʻlgan ________ dona oddiy va ______ dona imtiyozli aksiyalarga boʻlingan.

Jamiyatning ustav fondi (kapitali)ni koʻpaytirish

3.3. Jamiyatning ustav fondi (ustav kapitali) qoʻshimcha aksiyalarni joylashtirish yoʻli bilan koʻpaytirilishi mumkin.

3.4. Qoʻshimcha aksiyalar jamiyat tomonidan ushbu ustavda belgilangan eʼlon qilingan aksiyalar soni doirasidagina joylashtiriladi.

3.5. Jamiyat ustav fondi (ustav kapitali)ni oshirish maqsadida joylashtirilgan aksiyalariga qoʻshimcha ravishda chiqarishi mumkin boʻlgan eʼlon qilingan aksiyalari miqdori — nominal qiymati _______ soʻm boʻlgan __________ dona oddiy va________ dona imtiyozli aksiyalardan iborat.

3.6. Jamiyatning ustav fondi (kapitali)ni koʻpaytirish qoʻshimcha aksiyalarni joylashtirish yoʻli bilan koʻpaytirish toʻgʻrisidagi qarorda joylashtiriladigan qoʻshimcha aksiyalarning umumiy qiymati, soni, turi, nominal qiymati, joylashtirish tartibi, usuli, muddati, joylashtirish (aksiyalarning birja va uyushgan birjadan tashqari bozoriga chiqarish) narxi, aksiyalar uchun toʻlov tartibi belgilanadi.

3.7. Qoʻshimcha chiqarilayotgan aksiyalar ochiq obuna usuli bilan belgilangan tartibda fuqarolik-huquqiy bitimlar tuzish yoʻli bilan birja bozorida yoki birjadan tashqari bozorda joylashtiriladi.

3.8. Qoʻshimcha chiqarilgan aksiyalar bozor qiymatida, lekin nominal qiymatidan kam boʻlmagan qiymatda joylashtiriladi.

3.9. Jamiyatning aksiyalarini va boshqa qimmatli qogʻozlarini joylashtirish chogʻida ularga haq toʻlash pul va boshqa toʻlov vositalari, mol-mulk, shuningdek pulda ifodalanadigan bahoga ega boʻlgan huquqlar (shu jumladan mulkiy huquqlar) orqali amalga oshiriladi.

Jamiyatning ustav fondi (ustav kapitali)ni kamaytirish

3.10. Jamiyatning ustav fondi (ustav kapitali) aksiyalarning nominal qiymatini kamaytirish yoki aksiyalarning umumiy sonini qisqartirish yoʻli bilan kamaytirilishi mumkin.

3.11. Agar ustav fondi (ustav kapitali)ni kamaytirish natijasida uning miqdori qonun hujjatlarida belgilangan eng kam miqdoridan kamayib ketsa, jamiyat ustav fondi (ustav kapitali)ni kamaytirishga haqli emas.

3.12. Ustav fondi (ustav kapitali)ni kamaytirish toʻgʻrisida qaror qabul qilgan vaqtda aksiyadorlarning umumiy yigʻilishi ustav fondi (ustav kapitali)ni kamaytirish sabablarini koʻrsatadi va uni kamaytirish tartibini belgilaydi.

IV. JAMIYAT AKSIYALARINING SONI, NOMINAL QIYMATI TURLARI VA ULAR BOʻYICHA DIVIDENDLAR TOʻLASH TARTIBI

4.1. Jamiyatning aksiyalari egasining nomi yozilgan emissiyaviy qimmatli qogʻozlar boʻlib, ular turiga koʻra oddiy va imtiyozli boʻlishi mumkin.

4.2. Jamiyat imtiyozli aksiyalari oʻz egalariga har yili aksiyalar nominal qiymatining ___ foizi miqdorida dividend olish huquqini beradi.

4.3. Imtiyozli aksiyalar egalari jamiyat tugatilgan taqdirda uning mulklari taqsimlanayotgan paytda oddiy aksiya egalari oʻrtasida mulk taqsimoti amalga oshirilgunga qadar oʻz aksiyalarining nominal qiymatini oladilar.

4.4. Jamiyat oʻzi joylashtirgan imtiyozli aksiyalarni olish narxi ularning bozor qiymatiga muvofiq belgilanadi.

4.5. Dividend aksiyadorlarning umumiy yigʻilishi qaroriga koʻra pul mablagʻlari yoki boshqa qonuniy toʻlov vositalari yoxud jamiyatning qimmatli qogʻozlari bilan toʻlanishi mumkin.

4.6. Jamiyatning imtiyozli aksiyalari boʻyicha dividendlarni qimmatli qogʻozlar bilan toʻlashga yoʻl qoʻyilmaydi.

4.7. Dividend aksiyadorlar oʻrtasida ularga tegishli aksiyalarning soni va turiga mutanosib ravishda taqsimlanadi.

4.8. Jamiyat moliyaviy yilning birinchi choragi, yarim yilligi, toʻqqiz oyi natijalariga koʻra va (yoki) moliyaviy yil natijalariga koʻra joylashtirilgan aksiyalar boʻyicha dividendlar toʻlash toʻgʻrisida qaror qabul qilishga haqli.

Jamiyatning moliyaviy yilning birinchi choragi, yarim yilligi va toʻqqiz oyi natijalariga koʻra dividendlar toʻlash toʻgʻrisidagi qarori tegishli davr tugagandan keyin uch oy ichida qabul qilinishi mumkin.

4.9. Aksiyalarning har bir turi boʻyicha dividendlar toʻlash, dividendning miqdori, uni toʻlash shakli va tartibi toʻgʻrisidagi qaror jamiyat kuzatuv kengashining tavsiyasi, moliyaviy hisobotning ishonchliligi haqida auditorlik xulosasi mavjud boʻlgan taqdirda, moliyaviy hisobot maʼlumotlari asosida aksiyadorlarning umumiy yigʻilishi tomonidan qabul qilinadi.

4.10. Dividendlar toʻlash toʻgʻrisidagi qarorda dividendlar toʻlash boshlanadigan va tugallanadigan sanalar koʻrsatilgan boʻlishi lozim.

Dividendlarni toʻlash muddati va tartibi aksiyadorlarning umumiy yigʻilishi qarorida belgilanadi. Dividendlarni toʻlash muddati shunday qaror qabul qilingan kundan eʼtiboran oltmish kundan kech boʻlmasligi lozim.

V. JAMIYATNING ZAXIRA FONDI

5.1. Jamiyat sof foyda hisobidan zaxira fondini hamda aksiyadorlarning umumiy yigʻilishida aniqlanadigan, jamiyat faoliyati uchun zarur boʻlgan boshqa fondlarni tashkil etadi.

5.2. Jamiyatning zaxira fondi, boshqa mablagʻlar mavjud boʻlmagan taqdirda, jamiyatning zararlari oʻrnini qoplash, jamiyatning korporativ obligatsiyalarini muomaladan chiqarish, imtiyozli aksiyalar boʻyicha dividendlar toʻlash va jamiyatning aksiyalarini qaytarib sotib olish uchun moʻljallanadi. Zaxira fondidan boshqa maqsadlarda foydalanish mumkin emas.

5.3. Jamiyat ustav fondi (ustav kapitali)ning 15 foizdan kam boʻlmagan miqdorda jamiyat zaxira fondi tuziladi.

5.4. Jamiyat zaxira fondiga Ushbu ustavning 5.3-bandida belgilangan miqdorga yetguniga qadar har yili sof foydadan 5 foiz miqdorida ajratmalar oʻtkazadi.

5.5. Zaxira fondi toʻlaligicha yoki qisman sarflanib boʻlgan hollarida, majburiy ajratmalardan tiklanadi.

VI. JAMIYAT BOSHQARUVINING TUZILMASI

6.1. Jamiyat boshqaruv organlari — aksiyadorlarning umumiy yigʻilishi, kuzatuv kengashi va ijroiya organi (direktor).

VII. JAMIYAT AKSIYADORLARINING UMUMIY YIGʻILISHI

7.1. Aksiyadorlarning umumiy yigʻilishi jamiyatning yuqori boshqaruv organidir.

7.2. Jamiyat har yili aksiyadorlarning umumiy yigʻilishini (aksiyadorlarning yillik umumiy yigʻilishini) oʻtkazishi shart. Aksiyadorlarning yillik umumiy yigʻilishi moliya yili tugaganidan keyin olti oydan kechiktirmay oʻtkaziladi.

Aksiyadorlarning yillik umumiy yigʻilishidan tashqari oʻtkaziladigan umumiy yigʻilishlari navbatdan tashqari yigʻilishlardir.

Aksiyadorlarning umumiy yigʻilishini kuzatuv kengashining raisi, u uzrli sabablarga koʻra boʻlmagan taqdirda esa, kuzatuv kengashining aʼzolaridan biri olib boradi.

7.3. Aksiyadorlar umumiy yigʻilishining vakolat doirasiga quyidagilar kiradi:

jamiyat ustaviga oʻzgartish va qoʻshimchalar kiritish yoki jamiyatning yangi tahrirdagi ustavini tasdiqlash;

jamiyatni qayta tashkil etish;

jamiyatni tugatish, tugatuvchini (tugatish komissiyasini) tayinlash hamda oraliq va yakuniy tugatish balanslarini tasdiqlash;

jamiyat kuzatuv kengashining va minoritar aksiyadorlar qoʻmitasining son tarkibini belgilash, ularning aʼzolarini saylash va aʼzolarning vakolatlarini muddatidan ilgari tugatish;

eʼlon qilingan aksiyalarning eng koʻp miqdorini belgilash;

jamiyatning ustav fondi (kapitali)ni koʻpaytirish;

jamiyatning ustav fondi (kapitali)ni kamaytirish;

oʻz aksiyalarini olish;

jamiyatning tashkiliy tuzilmasini tasdiqlash, ijroiya organini tuzish, uning rahbarini saylash (tayinlash) va rahbarning vakolatlarini muddatidan ilgari tugatish;

jamiyat taftish komissiyasining aʼzolarini (taftishchisini) saylash va ularning vakolatlarini muddatidan ilgari tugatish, shuningdek taftish komissiyasi (taftishchi) toʻgʻrisidagi nizomni tasdiqlash;

jamiyatning yillik hisobotini va yillik biznes-rejasini, shuningdek jamiyat faoliyatining asosiy yoʻnalishlari va maqsadidan kelib chiqqan holda jamiyatni oʻrta muddatga va uzoq muddatga rivojlantirishning aniq muddatlari belgilangan strategiyasini tasdiqlash;

jamiyatning foydasi va zararlarini taqsimlash;

jamiyat kuzatuv kengashining va taftish komissiyasining (taftishchisining) oʻz vakolat doirasiga kiradigan masalalar yuzasidan, shu jumladan jamiyatni boshqarishga doir qonun hujjatlarida belgilangan talablarga rioya etilishi yuzasidan jamiyat kuzatuv kengashining hisobotlarini va taftish komissiyasining (taftishchisining) xulosalarini eshitish;

jamiyat tomonidan korporativ obligatsiyalar, shu jumladan aksiyalarga ayirboshlanadigan obligatsiyalar chiqarish toʻgʻrisida qaror qabul qilish;

qimmatli qogʻozlarning hosilalarini chiqarish toʻgʻrisida qaror qabul qilish;

jamiyatning korporativ obligatsiyalarini qaytarib sotib olish toʻgʻrisida qaror qabul qilish;

aksiyalarni va aksiyalarga ayirboshlanadigan qimmatli qogʻozlarni sotib olishda aksiyadorning imtiyozli huquqini qoʻllamaslik toʻgʻrisida qarorni qabul qilish;

aksiyalarni joylashtirish (qimmatli qogʻozlarning birja bozoriga va uyushgan birjadan tashqari bozoriga chiqarish) narxini belgilash;

aksiyadorlar umumiy yigʻilishining reglamentini tasdiqlash;

aksiyalarni maydalash va yiriklashtirish;

jamiyatning ijroiya organiga toʻlanadigan haq va (yoki) kompensatsiyalarni, shuningdek ularning eng yuqori miqdorlarini belgilash;

qonunchilikda belgilangan hollarda jamiyat tomonidan yirik bitimlar va jamiyat affillangan shaxslari bilan bitimlar tuzish toʻgʻrisida qaror qabul qilish;

qonun hujjatlariga muvofiq boshqa masalalarni hal etish.

7.4. Aksiyadorlarning umumiy yigʻilishi tomonidan qabul qilingan qarorlar, shuningdek ovoz berish yakunlari ushbu qarorlar qabul qilingan sanadan eʼtiboran oʻttiz kundan kechiktirmay qonun hujjatlarida belgilangan tartibda aksiyadorlar eʼtiboriga yetkaziladi.

7.5. Jamiyat aksiyadorlar umumiy yigʻilishi jamiyatning “Aksiyadorlar umumiy yigʻilishi toʻgʻrisida”gi nizom asosida chaqiriladi va oʻtkaziladi.

VIII. JAMIYAT KUZATUV KENGASHI

8.1. Jamiyat kuzatuv kengashi jamiyat faoliyatiga umumiy rahbarlikni amalga oshiradi, aksiyadorlar umumiy yigʻilishining vakolatiga taalluqli masalalar bundan mustasno.

8.2. Jamiyat kuzatuv kengashining aʼzolari aksiyadorlarning umumiy yigʻilishi tomonidan bir yillik muddatga saylanadilar. Jamiyat kuzatuv kengashi aʼzolarining soni 5 kishidan iborat.

8.3. Jamiyat kuzatuv kengashining vakolat doirasiga quyidagilar kiradi:

jamiyatni rivojlantirish strategiyasiga erishish boʻyicha koʻrilayotgan chora-tadbirlar toʻgʻrisida jamiyat ijroiya organining hisobotini muntazam ravishda eshitib borgan holda jamiyat faoliyatining ustuvor yoʻnalishlarini belgilash;

aksiyadorlarning yillik va navbatdan tashqari umumiy yigʻilishlarini chaqirish, qonunchilikda nazarda tutilgan hollar bundan mustasno;

aksiyadorlar umumiy yigʻilishining kun tartibini tayyorlash;

aksiyadorlarning umumiy yigʻilishi oʻtkaziladigan sana, vaqt va joyni belgilash;

aksiyadorlarning umumiy yigʻilishi oʻtkazilishi haqida xabar qilish uchun jamiyat aksiyadorlarining reyestrini shakllantirish sanasini belgilash;

jamiyat ustavining 7.3 bandida koʻrsatilgan masalalarini aksiyadorlarning umumiy yigʻilishi hal qilishi uchun kiritish;

mol-mulkning bozor qiymatini belgilashni tashkil etish;

jamiyatning yillik biznes-rejasini maʼqullash. Bunda jamiyatning kelgusi yilga moʻljallangan biznes-rejasi jamiyat kuzatuv kengashi majlisida joriy yilning 1-dekabridan kechiktirmay maʼqullanishi lozim;

ichki audit xizmatini tashkil etish va uning xodimlarini tayinlash, shuningdek har chorakda uning hisobotlarini eshitib borish;

jamiyat ijroiya organining faoliyatiga daxldor har qanday hujjatlardan erkin foydalanish va jamiyat kuzatuv kengashi zimmasiga yuklatilgan vazifalarni bajarish uchun bu hujjatlarni ijroiya organidan olish. Jamiyat kuzatuv kengashi va uning aʼzolari olingan hujjatlardan faqat xizmat maqsadlarida foydalanishi mumkin;

auditorlik tekshiruvini oʻtkazish toʻgʻrisida, auditorlik tashkilotini va uning xizmatlariga toʻlanadigan haqning eng koʻp miqdorini belgilash haqida qaror qabul qilish;

jamiyatning taftish komissiyasi aʼzolariga (taftishchisiga) toʻlanadigan haq va kompensatsiyalarning miqdorlari yuzasidan tavsiyalar berish;

dividend miqdori, uni toʻlash shakli va tartibi yuzasidan tavsiyalar berish;

jamiyatning zaxira fondidan va boshqa fondlaridan foydalanish;

jamiyatning filiallarini tashkil etish va vakolatxonalarini ochish;

jamiyatning shuʼba va tobe xoʻjalik jamiyatlarini tashkil etish;

qimmatli qogʻozlar chiqarilishi toʻgʻrisidagi qaror va emissiya risolasini tasdiqlash;

avval roʻyxatdan oʻtkazilgan qimmatli qogʻozlar chiqarilishlariga oʻzgartirish va (yoki) qoʻshimchalar kiritish;

qonunchilikda belgilangan hollarda jamiyat tomonidan yirik bitimlar va jamiyat affillangan shaxslari bilan bitimlar tuzish toʻgʻrisida qaror qabul qilish;

jamiyat direktorining vakolatlari muddatidan ilgari tugatilgan taqdirda, uning vazifasini vaqtincha bajaruvchini tayinlash;

jamiyatning tijorat va notijorat tashkilotlardagi ishtiroki bilan bogʻliq bitimlarni qonun hujjatlarida belgilangan tartibda tuzish;

jamiyatning korporativ obligatsiyalarini qaytarib sotib olish toʻgʻrisida qaror qabul qilish.

8.4. Jamiyatning kuzatuv kengashi aʼzolari saylovi kumulyativ ovoz berish orqali amalga oshiriladi. Kumulyativ ovoz berishda har bir aksiyadorga tegishli ovozlar soni jamiyatning kuzatuv kengashiga saylanishi lozim boʻlgan shaxslar soniga koʻpaytiriladi va aksiyador shu tariqa olingan ovozlarni bitta nomzodga toʻliq berishga yoki ularni ikki va undan ortiq nomzodlar oʻrtasida taqsimlashga haqlidir. Eng koʻp ovoz toʻplagan nomzodlar jamiyat kuzatuv kengashi tarkibiga saylangan deb hisoblanadi.

8.5. Jamiyat kuzatuv kengashining raisi kuzatuv kengashi aʼzolari tomonidan ularning oʻzlari orasidan jamiyat kuzatuv kengashi aʼzolari umumiy soniga nisbatan koʻpchilik ovoz bilan saylanadi. Jamiyat kuzatuv kengashi oʻz raisini jami aʼzolarining koʻpchilik ovozi bilan qayta saylashga haqlidir.

8.6. Jamiyat kuzatuv kengashining raisi uning ishini tashkil etadi, kuzatuv kengashi majlislarini chaqiradi va ularda raislik qiladi, majlisda bayonnoma yuritilishini tashkil etadi.

8.7. Jamiyat kuzatuv kengashi raisi yoʻq boʻlgan hollarda uning vazifasini kuzatuv kengashi aʼzolaridan biri amalga oshiradi.

8.8. Jamiyat kuzatuv kengashi majlislari uning raisi tomonidan har chorakda kamida bir marta chaqiriladi. Zaruriyatga koʻra jamiyat kuzatuv kengashining navbatdan tashqari majlislari ham oʻtkazilishi mumkin.

8.9. Jamiyat kuzatuv kengashining qarori kuzatuv kengashga saylangan aʼzolarning kamida yetmish besh foizi ishtirok etganida qonuniy hisoblanadi. Jamiyat kuzatuv kengashining majlisida qarorlar, agar qonunchilikda boshqa hollar koʻzda tutilmagan boʻlsa, majlisda hozir boʻlganlarning koʻpchilik ovozi bilan qabul qilinadi. Jamiyat kuzatuv kengashi majlisida masalalar hal etilayotganda kuzatuv kengashning har bir aʼzosi bitta ovozga ega. Jamiyat kuzatuv kengashining bir aʼzosi oʻz ovozini kuzatuv kengashning boshqa aʼzosiga berishiga haqli emas. Jamiyat kuzatuv kengashi aʼzolarining ovozlari teng boʻlgan holda, jamiyat kuzatuv kengashi raisining ovozi hal etuvchi hisoblanadi.

8.10. Jamiyat kuzatuv kengashi jamiyatning “Kuzatuv kengashi toʻgʻrisida”gi nizom asosida ish olib boradi.

IX. JAMIYATNING IJROIYA ORGANI

9.1. Jamiyatning kundalik faoliyatiga rahbarlik yakkaboshchilik asosidagi ijroiya organi rahbari direktor tomonidan amalga oshiriladi.

9.2. Direktor jamiyatning kundalik faoliyatini boshqaradi va operativ rahbarlikni Oʻzbekiston Respublikasi qonunchiligi, jamiyat ustavi, aksiyadorlar umumiy yigʻilishi va kuzatuv kengashining qarorlariga muvofiq amalga oshiradi.

9.3. Direktor aksiyadorlar umumiy yigʻilishi va kuzatuv kengashiga hisobot beradi.

9.4. Direktor aksiyadorlar umumiy yigʻilishi tomonidan saylanadi (tayinlanadi). Direktor bilan mehnat shartnomasini jamiyat nomidan kuzatuv kengashi raisi imzolaydi.

9.5. Direktorga toʻlanadigan haq miqdori jamiyat faoliyatining samaradorligiga toʻgʻridan-toʻgʻri bogʻliq boʻlib, mehnat shartnomasida belgilanadi.

9.6. Direktorning vakolatlariga Jamiyatning kundalik faoliyatiga rahbarlik qilishga doir barcha masalalar kiradi, Aksiyadorlar umumiy yigʻilishi va Kuzatuv kengashining vakolatlariga kiritilgan masalalar bundan mustasno.

9.7. Direktor Aksiyadorlar umumiy yigʻilishi va Kuzatuv kengashining qarorlari bajarilishini tashkil etadi.

9.8. Direktorning vakolatlariga quyidagilar kiradi:

— mazkur ustav va Kuzatuv kengashi tomonidan oʻziga berilgan vakolatlarga muvofiq Jamiyatning ishiga rahbarlik qilish;

— Kuzatuv kengashining roziligiga koʻra uning ishida maslahat ovozi bilan ishtirok etish;

— Jamiyat nomidan ishonchnomasiz ish yuritish va uning manfaatlarini himoya qilish;

— Jamiyat nomidan bitimlar tuzish, jamiyatning filiali yoki vakolatxonasi rahbarini tayinlash;

— shtatlarni tasdiqlash, Jamiyat xodimlarini ishga qabul qilish, ular bilan mehnat shartnomalarini tuzish va bekor qilish, ularga nisbatan intizomiy jazo choralarini qoʻllash, xodimlar tomonidan mehnat va ijro intizomini saqlab turishini taʼminlash;

— Jamiyat nomidan amaldagi qonunchilikka asosan ishonchnomalarni berish;

— Jamiyatning barcha xodimlari tomonidan bajarilishi majburiy boʻlgan buyruq va farmoyishlar chiqarish va koʻrsatmalar berish;

— oʻz vakolatlari doirasida Jamiyatning samarali va barqaror ishlashini taʼminlagan holda uning joriy faoliyatiga rahbarlik qilish;

— Aksiyadorlar umumiy yigʻilishi va Kuzatuv kengashi qarorlarining bajarilishini tashkil etish;

— amaldagi qonunchilikka muvofiq Jamiyatda buxgalteriya hisobi va hisobotining tashkil etilishi, yillik hisobotlar va boshqa moliyaviy hisobotlar tegishli organlarga oʻz vaqtida taqdim etilishini, shuningdek aksiyadorlarga, kreditorlarga va boshqa oluvchilarga yuboriladigan Jamiyat faoliyati toʻgʻrisidagi maʼlumotlar taqdim etilishini taʼminlash;

— amaldagi qonun hujjatlariga hamda Jamiyat ichki hujjatlariga rioya qilish.

9.9. Direktorning huquqlari:

_________________________________________________________________________;

9.10. Direktorning majburiyatlari:

_________________________________________________________________________;

9.11. Direktor oʻz huquqlarini amalga oshirishda va oʻz majburiyatlarini bajarishda Jamiyat manfaatlarini koʻzlab ish tutishi lozim.

9.12. Direktor qonun hujjatlariga va ushbu ustavga muvofiq Jamiyat oldida javobgardir.

9.13. Direktor mazkur ustav va Aksiyadorlar umumiy yigʻilishi tomonidan tasdiqlangan “Ijroiya organi toʻgʻrisida”gi Nizom asosida ish olib boradi.

X. JAMIYATNING TAFTISH KOMISSIYASI

10.1. Jamiyatning moliya-xoʻjalik faoliyatini nazorat qilish uchun aksiyadorlarning umumiy yigʻilishi taftish komissiyasini bir yil muddatga saylaydi. Jamiyat taftish komissiyasi 3 kishidan iborat.

10.2. Jamiyat taftish komissiyasining vakolatlari:

_________________________________________________________________________;

10.3. Jamiyat taftish komissiyasining yozma talabiga binoan jamiyatning Boshqaruv organlaridagi mansabdor shaxslar moliya-xoʻjalik faoliyati toʻgʻrisidagi hujjatlarni taftish komissiyasiga taqdim etishlari shart.

10.4. Jamiyatning taftish komissiyasi amaldagi qonunchilikka muvofiq aksiyadorlarning navbatdan tashqari umumiy yigʻilishi chaqirilishini talab qilishga haqli.

10.5. Jamiyat taftish komissiyasining aʼzolari bir vaqtning oʻzida jamiyat kuzatuv kengashining aʼzosi boʻlishlari, shuningdek jamiyatning boshqaruv organlarida boshqa lavozimlarni egallashlari mumkin emas. Ayni bir shaxs ayni bir jamiyatning taftish komissiyasi tarkibiga ketma-ket uch martadan ortiq saylanishi mumkin emas.

10.6. Jamiyat taftish komissiyasi faoliyatining tartibi aksiyadorlar umumiy yigʻilishi tomonidan tasdiqlanadigan “Jamiyat taftish komissiyasi toʻgʻrisida”gi nizomda belgilab qoʻyiladi.

XI. YAKUNIY QOIDALAR

11.1. Ustav boʻyicha kelib chiqadigan barcha nizo va kelishmovchiliklar aksiyadorlarning oʻzaro kelishuvi yoʻli bilan amaldagi qonun hujjatlari va ushbu Ustavga asosan hal qilinadi.

11.2. Nizo va kelishmovchiliklarni muzokaralar yoʻli bilan hal qilish imkoniyati boʻlmagan taqdirda ular tegishli ravishda sud orqali hal qilinadi.

11.3. Mazkur Ustav Oʻzbekiston Respublikasining qonun hujjatlarida belgilangan tartibda davlat roʻyxatiga olingan vaqtdan boshlab kuchga kiradi.

Jamiyat direktori: _____________________

Oʻzbekiston Respublikasi adliya vazirining 2016-yil 20-dekabrdagi 294-mh-sonli buyrugʻiga
2-ILOVA

______________________________

(roʻyxatga oluvchi organning nomi )

tomonidan _______yil ___ dekabrda

________________-son reyestr

raqami bilan

“ROʻYXATGA OLINGAN”

M.Oʻ.

“_____________________” masʼuliyati

cheklangan jamiyati ishtirokchilarining

______yil ___dekabrdagi ___-son

umumiy yigʻilishi bayonnomasi bilan

“TASDIQLANGAN”

M.Oʻ.

“______________________”

MASʼULIYATI CNEKLANGAN JAMIYATINING

USTAVI

I. UMUMIY QOIDALAR

1.1. “__________” Masʼuliyati cheklangan jamiyatining (bundan buyon matnda “Jamiyat” deb yuritiladi) mazkur Ustavi Oʻzbekiston Respublikasining “Masʼuliyati cheklangan hamda qoʻshimcha masʼuliyatli jamiyatlar toʻgʻrisida”gi Qonuni va boshqa qonun hujjatlari, shuningdek Jamiyat Ishtirokchilarining 20__ yil “ “________dagi Taʼsis shartnomasi asosida ishlab chiqilgan.

1.2. Jamiyatning Ishtirokchilari:

“_____________________” ;

“_____________________”.

1.3. Jamiyatning toʻliq firma nomi:

Davlat tilida: “___________________” masʼuliyati cheklangan jamiyati,

Rus tilida: Obshestvo s ogranichennoy otvetstvennostyu “__________”;

Jamiyatning qisqartirilgan firma nomi:

Davlat tilida: “____________” MCNJ

Rus tilida: OOO “_________”.

1.4. Jamiyatning pochta manzili: Oʻzbekiston Respublikasi, _______________________________________________________________.

1.5. Jamiyat cheklanmagan muddatga tashkil etiladi.

II. JAMIYATNING YURIDIK MAQOMI

2.1. Jamiyat Oʻzbekiston Respublikasining qonun hujjatlariga asosan yuridik shaxs hisoblanadi. Jamiyat belgilangan tartibda davlat roʻyxatidan oʻtkazilganidan keyin yuridik shaxs maqomiga ega boʻladi.

2.2. Jamiyat oʻz faoliyatini mazkur ustav va Oʻzbekiston Respublikasining qonunlariga muvofiq va taʼsis hujjatlariga asosan amalga oshiradi.

2.3. Jamiyat oʻz majburiyatlari boʻyicha Oʻzbekiston Respublikasining qonun hujjatlariga muvofiq javob beradi. Jamiyatning ishtirokchilari uning majburiyatlari boʻyicha javobgar boʻlmaydilar va jamiyat faoliyati bilan bogʻliq zararlar uchun oʻzlari qoʻshgan hissalar qiymati doirasida javobgar boʻladilar. Jamiyatning oʻz hissasini toʻla qoʻshmagan ishtirokchilari jamiyat majburiyatlari boʻyicha har bir ishtirokchi hissasining toʻlanmagan qismining qiymati doirasida solidar javobgar boʻladilar.

2.4. Jamiyat oʻzining firma nomi yozilgan shtamp va blankalarga, shuningdek belgilangan tartibda roʻyxatga olingan oʻz emblemasiga, tovar belgisiga ega boʻlishga haqli.

2.5. Jamiyat oʻz egaligida mustaqil balansda hisobga olinadigan alohida mol-mulkka ega, oʻz nomidan huquqlar va majburiyatlar olishi, sudda daʼvogar va javobgar boʻlishi mumkin.

III. JAMIYATNING FILIALLARI VA VAKOLATXONALARI

3.1. Jamiyat Oʻzbekiston Respublikasining qonun hujjatlari talablariga muvofiq vakolatxonalar va filiallar va boshqa alohida boʻlinmalar tuzishga haqli.

IV. JAMIYATNI TASHKIL ETISHDAN MAQSAD VA FAOLIYAT TURLARI

4.1. Jamiyatni tashkil etishdan asosiy maqsad ishtirokchilar manfaatlari uchun foyda olish.

Jamiyat faoliyatining predmeti boʻlib ______________________ hisoblanadi. Shu jumladan:

—________________________________________________________________________________;

qonun hujjatlari bilan taqiqlanmagan boshqa har qanday faoliyat turlari.

4.2. Amalga oshirilishi uchun maxsus ruxsatnoma (litsenziya) talab qilinadigan faoliyat tegishli ruxsatnoma (litsenziya) olingandan keyin amalga oshiriladi.

V. ISHTIROKCHILARNING HUQUQ VA MAJBURIYATLARI

5.1. Jamiyat ishtirokchilari quyidagilarga haqlidirlar:

qonun hujjatlarida va jamiyatning taʼsis hujjatlarida belgilangan tartibda jamiyatning ishlarini boshqarishda ishtirok etish;

qonun hujjatlarida va jamiyat taʼsis hujjatlarida belgilangan tartibda jamiyatning faoliyati toʻgʻrisida axborot olish hamda uning buxgalteriya daftarlari va boshqa hujjatlari bilan tanishish;

foydani taqsimlashda va uning tegishli qismini olishda ishtirok etish;

jamiyatning ustav fondidagi oʻz ulushini yoxud uning bir qismini qonun hujjatlarida va jamiyatning ustavida nazarda tutilgan tartibda mazkur jamiyatning bir yoki bir necha ishtirokchisiga yoxud uchinchi shaxslarga sotish yoki oʻzga tarzda ularning foydasiga voz kechish;

jamiyat boshqa ishtirokchilarining roziligidan qatʼi nazar, qonun hujjatlarida va jamiyatning taʼsis hujjatlarida nazarda tutilgan tartibda istalgan vaqtda jamiyat ishtirokchilari tarkibidan chiqish;

jamiyat tugatilgan taqdirda, kreditorlar bilan hisob-kitob qilinganidan keyin qolgan mol-mulkning bir qismini yoki uning qiymatini olish;

jami ulushlari jamiyat ustav fondining kamida oʻn foizini tashkil etadigan jamiyat ishtirokchilari oʻz majburiyatlarini qoʻpol buzayotgan yoxud oʻz harakatlari yoki harakatsizligi bilan jamiyatning faoliyat koʻrsatishiga imkon bermayotgan yoki uni jiddiy tarzda qiyinlashtirayotgan ishtirokchini jamiyatdan sud tartibida chiqarilishini talab qilishga haqlidirlar;

jamiyat ishtirokchilari jamiyatning taʼsis hujjatlarida nazarda tutilgan boshqa huquqlarga ham ega boʻlishlari mumkin.

5.2. Jamiyat ishtirokchilarining majburiyatlari:

qonun hujjatlarida va jamiyatning taʼsis hujjatlarida nazarda tutilgan qoidalarga amal qilishlari;

qonun hujjatlarida va jamiyatning taʼsis hujjatlarida nazarda tutilgan tartibda, miqdorda, usullarda va muddatlarda hissa qoʻshishlari;

jamiyat faoliyati toʻgʻrisidagi sir tutilgan axborotni oshkor qilmasliklari shart.

Jamiyat ishtirokchilariga jamiyatning taʼsis hujjatlarida nazarda tutilgan boshqa majburiyatlar ham yuklanishi mumkin.

VI. JAMIYATNING MOL-MULKI VA MABLAGʻLARI

6.1. Jamiyat mustaqil ravishda oʻziga tegishli mol-mulkdan foydalanadi.

6.2. Jamiyatning mol-mulki:

— ishtirokchilarning ulushlaridan;

— jamiyat faoliyati natijasida olingan foydadan;

— Oʻzbekiston Respublikasining amaldagi qonun hujjatlari bilan taqiqlanmagan boshqa manbalardan shakllantiriladi.

VII. JAMIYATNING USTAV FONDI

7.1. Jamiyatning tashkil etilishi va faoliyatini amalga oshirishi uchun ishtirokchilar ___________soʻm miqdorida ustav fondi shakllantirishadi.

7.2. Ishtirokchilarning ustav fondidagi ulushlari quyidagicha:

— “_________________” — ____________soʻm, yaʼni %;

— “_________________” — ____________soʻm, yaʼni %.

7.3. Jamiyat davlat roʻyxatidan oʻtkazilganidan keyin bir yil mobaynida Ishtirokchilarning har biri ustav fondidagi ulushini toʻliq kiritadi.

7.4. Pul, qimmatli qogʻozlar, oʻzga ashyolar yoki mulkiy huquqlar yoxud pul bahosiga ega boʻlgan boshqa shaxsga oʻtkaziladigan oʻzga huquqlar jamiyatning ustav fondiga qoʻshiladigan hissalar boʻlishi mumkin.

7.5. Jamiyat ishtirokchilarining umumiy yigʻilishi qaroriga asosan ustav fondini koʻpaytirishi yoki kamaytirishi mumkin.

7.6. Jamiyatning ustav fondini koʻpaytirishga u toʻliq toʻlanganidan keyingina yoʻl qoʻyiladi. Jamiyat ustav fondining koʻpaytirilishi jamiyatning mol-mulki hisobiga va (yoki) jamiyat ishtirokchilarining qoʻshimcha hissalari hisobiga, agar bu jamiyatning ustavi bilan taqiqlangan boʻlmasa, jamiyatga qabul qilinadigan uchinchi shaxslar hissalari hisobiga amalga oshirilishi mumkin. Jamiyat ustav fondini jamiyatning mol-mulki hisobiga koʻpaytirish toʻgʻrisidagi qaror bunday qaror qabul qilingan yildan oldingi yil uchun jamiyatning buxgalteriya hisoboti maʼlumotlari asosidagina qabul qilinishi mumkin.

7.7. Jamiyatning ustav fondini kamaytirish ishtirokchilarga tegishli boʻlgan ulushlarning nominal qiymatini kamaytirish yoʻli bilan amalga oshirilishi mumkin. Jamiyat ustav fondini kamaytirish va uning yangi miqdori toʻgʻrisida qaror qabul qilingan vaqtdan boshlab oʻttiz kun mobaynida jamiyatning unga maʼlum boʻlgan barcha kreditorlarini xabardor qilishi, shuningdek qabul qilingan qaror toʻgʻrisida ommaviy axborot vositalarida maʼlumot eʼlon qilishi shart.

7.8. Ustav fondini oʻzgartirish toʻgʻrisidagi qaror uchinchi shaxslar uchun ustav va taʼsis shartnomasiga tegishli oʻzgartirishlar va qoʻshimchalar davlat roʻyxatidan oʻtkazilganidan keyingina kuchga kiradi.

VIII. ISHTIROKCHILARNING JAMIYAT ISHTIROKCHILARI SAFIDAN CHIQISHI VA UNING OQIBATLARI

8.1. Jamiyatning har qanday ishtirokchisi jamiyat ishtirokchilari safidan chiqish huquqiga ega. Bunday holatda ishtirokchi ustav fondidagi oʻz ulushini qolgan ishtirokchilarga yoxud ularning roziligi boʻyicha uchinchi shaxslarga sotish yoki ularning foydasiga voz kechish huquqiga ega.

8.2. Ishtirokchi ishtirokchilar safidan chiqishida unga oʻzi tomonidan ustav fondiga kiritilgan ulushning haqiqiy qiymati natura yoki haqiqiy qiymatiga teng boʻlgan pul koʻrinishida qaytariladi.

8.3. Jamiyat ishtirokchisi oʻzgartirilganidan keyin jamiyatning taʼsis hujjatlariga zaruriy oʻzgartirishlar va qoʻshimchalar kiritishi lozim.

8.4. Jamiyatning taʼsis hujjatlariga kiritilgan oʻzgartirishlar uchinchi shaxslar uchun ular davlat roʻyxatidan oʻtkazilganidan keyin kuchga kiradi.

IX. JAMIYAT ISHTIROKCHISINING JAMIYAT USTAV FONDIDAGI ULUSHINING (ULUSHI BIR QISMINING) JAMIYATNING BOSHQA ISHTIROKCHILARIGA VA UCHINCHI SHAXSLARGA OʻTISHI

9.1. Jamiyat ishtirokchilaridan har biri jamiyatning ustav fondidagi oʻz ulushini yoki ulushining qismini jamiyatning boshqa ishtirokchilariga va uchinchi shaxslarga sotishga yoki boshqacha shaklda ularning foydasiga voz kechishga haqli.

9.2. Jamiyat ishtirokchisining ulushi toʻliq toʻlangan davrgacha boʻlgan muddatda toʻlangan qismi boʻyichagina begonalashtirilishi mumkin.

9.3. Jamiyat ustav fondidagi ulushdan (ulushning bir qismidan) boshqa shaxsning foydasiga voz kechish, oddiy yozma shaklda amalga oshirilishi kerak.

X. JAMIYATNING HUJJATLARINI SAQLASH

10.1. Jamiyat quyidagi hujjatlarni saqlashi shart:

— jamiyatning taʼsis hujjatlari, shuningdek jamiyatning taʼsis hujjatlariga kiritilgan hamda belgilangan tartibda roʻyxatdan oʻtkazilgan oʻzgartishlar va qoʻshimchalar;

— jamiyat muassislari yigʻilishining jamiyatni tashkil etish va jamiyatning ustav fondiga qoʻshiladigan pulsiz hissalarning pul bahosini tasdiqlash toʻgʻrisidagi qarorni, shuningdek jamiyatni tashkil etish bilan bogʻliq boshqa qarorlarni oʻz ichiga olgan bayonnomasi;

— jamiyat davlat roʻyxatidan oʻtkazilganligini tasdiqlovchi hujjat;

— jamiyatning oʻz balansida turgan mol-mulkka boʻlgan huquqini tasdiqlovchi hujjatlar;

— jamiyatning filiallari va vakolatxonalari toʻgʻrisidagi nizomlar;

— jamiyat ishtirokchilari umumiy yigʻilishlarining, jamiyat kuzatuv kengashi, jamiyatning kollegial ijro etuvchi organi va jamiyatning taftish komissiyasi majlislarining bayonnomalari;

— jamiyat taftish komissiyasining (taftishchisining) va auditorlik tashkilotining xulosalari;

— qonun hujjatlarida nazarda tutilgan boshqa hujjatlar.

10.2. Yuqorida aytib oʻtilgan hujjatlar ijro etuvchi organ joylashgan joyda saqlanadi.

10.3. Agarda amaldagi qonun hujjatlari bilan boshqacha qoidalar belgilangan boʻlmasa, jamiyat mazkur ustavning 10.1-bandida koʻrsatib oʻtilgan hujjatlarni doimiy saqlaydi.

10.4. Jamiyat har qanday ishtirokchining talabi bilan unga axborot, shuningdek taʼsis hujjatlarini unga kiritilgan oʻzgartirish va qoʻshimchalar bilan taqdim qilishi yoki nusxa berishi shart.

XI. HISOB VA HISOBOT

11.1. Jamiyat oʻz faoliyatini mustaqil rejalashtiradi va oʻz mahsuloti va xizmatlariga narxlarni bozor konyukturasidan kelib chiqib belgilaydi.

11.2. Jamiyat mustaqil ravishda buxgalteriya hisobini, statistika va moliyaviy hisobotni qonun hujjatlarida belgilangan tartibda amalga oshiradi.

11.3. Jamiyat mustaqil ravishda jamiyatning tashkiliy tuzilmasini, shtat jadvalini va mehnatga haq toʻlashni Oʻzbekiston Respublikasi qonun hujjatlariga muvofiq hal qiladi.

11.4. Jamiyat faoliyatiga oid hisobotlarni qonunda belgilangan tartibda davlat organlariga taqdim qiladi.

XII. DAROMADNI TAQSIMLASH VA ZIYONLARNI QOPLASH

12.2. Jamiyat ustav fondining 15% miqdorida zaxira fondi shakllantiradi. Jamiyatning zaxira fondi uning zararlarini qoplash va qonunda nazarda tutilgan hollarda Jamiyatning ustav fondidagi ulushni (ulushning qismini) sotib olish uchun moʻljallangan.

XIII. JAMIYATNING BOSHQARUV ORGANLARI

13.1. Jamiyatning boshqaruv organlari boʻlib quyidagilar belgilanadi:

— ishtirokchilarning umumiy yigʻilishi — oliy boshqaruv organi;

— direktor jamiyatning ijro etuvchi organi.

13.2. Jamiyatda kuzatuv kengashi va taftish komissiyasi belgilangan tartibda tashkil etilishi mumkin.

XIV. ISHTIROKCHILARNING UMUMIY YIGʻILISHI

14.1. Jamiyatning oliy boshqaruv organi boʻlib jamiyat ishtirokchilarining umumiy yigʻilishi hisoblanadi.

14.2. Jamiyatning har bir ishtirokchisi jamiyat ishtirokchilarining umumiy yigʻilishida jamiyatning ustav fondidagi oʻz ulushiga mutanosib ovozlar soniga ega boʻladi.

14.3. Jamiyat ishtirokchilari umumiy yigʻilishining mutlaq vakolatlari jumlasiga quyidagilar kiradi:

a) jamiyat faoliyatining asosiy yoʻnalishlarini belgilash, shuningdek tijorat tashkilotlarining boshqa birlashmalarida ishtirok etish toʻgʻrisida qaror qabul qilish;

b) jamiyat ustav fondining miqdorini oʻzgartirish;

v) taʼsis hujjatlariga oʻzgartishlar va qoʻshimchalar kiritish;

g) jamiyatning ijro etuvchi organlarini tuzish va ularning vakolatlarini muddatidan ilgari tugatish;

d) jamiyatning taftish komissiyasini (taftishchisini) saylash va uning vakolatlarini muddatidan ilgari tugatish;

e) agar jamiyatning ustavida kuzatuv kengashini tuzish nazarda tutilgan boʻlsa, uni saylash va uning vakolatlarini muddatidan ilgari tugatish;

j) yillik hisobotlarni va yillik buxgalteriya balanslarini tasdiqlash;

z) jamiyatning sof foydasini jamiyat ishtirokchilari oʻrtasida taqsimlash toʻgʻrisida qaror qabul qilish;

i) jamiyat organlarining faoliyatini tartibga soluvchi hujjatlarni tasdiqlash (qabul qilish);

k) auditorlik tekshiruvini oʻtkazish toʻgʻrisida qaror qabul qilish, auditorlik tashkilotlari hamda ularning xizmatlariga toʻlanadigan haqning eng koʻp miqdorini aniqlash;

l) boshqa yuridik shaxslarni, vakolatxonalar va filiallarni tuzish toʻgʻrisida qaror qabul qilish;

m) jamiyatni qayta tashkil etish yoki tugatish toʻgʻrisida qaror qabul qilish;

n) tugatuvchini tayinlash va tugatish balanslarini tasdiqlash.

Jamiyat ishtirokchilari umumiy yigʻilishining a), b), v), z) va m) kichik bandlarida koʻrsatilgan masalalar yuzasidan qarorlari jamiyatning barcha ishtirokchilari tomonidan bir ovozdan qabul qilinadi.

Jamiyat ishtirokchilari umumiy yigʻilishining qolgan qarorlari, jamiyat ishtirokchilari umumiy ovozlar sonining koʻpchilik ovozlari bilan qabul qilinadi.

XV. IJRO ETUVCHI ORGAN

15.1. Jamiyatning ijro etuvchi organi boʻlib jamiyatning joriy faoliyatiga rahbarlikni amalga oshiruvchi direktor hisoblanadi.

15.2. Jamiyatning direktori ishtirokchilarning umumiy yigʻilishi tomonidan saylanadi.

15.3. Jamiyat va jamiyatning direktori oʻrtasidagi shartnoma, jamiyat nomidan, direktor tayinlangan jamiyat ishtirokchilarining umumiy yigʻilishida raislik qiluvchi yoki jamiyat ishtirokchilarining umumiy yigʻilishi tomonidan vakolat berilgan jamiyat ishtirokchisi tomonidan imzolanadi.

15.4. Direktor lavozimiga Oʻzbekiston Respublikasi fuqarosi saylanishi mumkin. Direktor bilan tuzilgan mehnat shartnomasini direktorni saylash toʻgʻrisidagi masala koʻrib chiqilgan jamiyat ishtirokchilarining umumiy yigʻilishi raisi imzolaydi.

15.5. Direktor lavozimidan ishtirokchilarning umumiy yigʻilishi qarori bilan lavozimidan ozod qilinishi mumkin.

15.6. Jamiyatning direktori:

jamiyat nomidan ishonchnomasiz ish yuritadi, shu jumladan uning manfaatlarini ifodalaydi va bitimlar tuzadi;

jamiyat nomidan vakillik qilish huquqi uchun ishonchnomalar beradi;

jamiyat xodimlari bilan mehnat shartnomalari tuzadi va ularni bekor qiladi, xodimlarga nisbatan ragʻbatlantirish choralarini va intizomiy jazolarni qoʻllaydi;

jamiyatning barcha xodimlari uchun majburiy boʻlgan buyruqlar va farmoyishlar chiqaradi;

qonun hujjatlari va jamiyatning ustavi bilan jamiyat ishtirokchilarining umumiy yigʻilishi va jamiyatning kuzatuv kengashi vakolatlari jumlasiga kiritilmagan boshqa vakolatlarni amalga oshiradi.

15.7. Direktor ishtirokchilar umumiy yigʻilishiga hisobot beradi va uning oldida jamiyat faoliyatining amalga oshirilishi hamda unga yuklatilgan vazifa va topshiriqlarning bajarilishi uchun javobgardir.

15.8. Direktor jamiyat mol-mulkini tasarruf etishi va ishtirokchilarning umumiy yigʻilishi qarori boʻyicha yirik bitimlar tuzishi mumkin.

XVI. JAMIYAT FAOLIYATI YUZASIDAN NAZORAT

16.1. Jamiyatda alohida nazorat qiluvchi organning tuzilishi koʻzda tutilmagan.

16.2. Jamiyatning moliyaviy-xoʻjalik faoliyati ustidan nazorat ishtirokchilar yoxud mustaqil auditorlik tashkiloti tomonidan amalga oshiriladi.

XVII. XODIMLAR

17.1. Jamiyat maʼmuriyati xodimlar bilan jamoa shartnomasini imzolaydi. Ushbu shartnomaning mazmuni, shu jumladan “Xodimlarning ijtimoiy taʼminoti va ularni ijtimoiy himoya qilish toʻgʻrisidagi nizom” Oʻzbekiston Respublikasining qonun hujjatlari, mazkur ustav, shuningdek jamiyat faoliyatining xususiyatlari bilan belgilanadi.

XVIII. JAMIYATNING TIJORAT SIRI

18.1. Jamiyatning tijorat siri — uchinchi shaxslarga nomaʼlumligi sababli tijorat qimmatiga ega boʻlgan, qonuniy asosda erkin foydalanilmaydigan axborot boʻlib, ushbu axborot jamiyat tomonidan uning maxfiyligini muhofaza qilish boʻyicha chora-tadbirlarni koʻradi.

18.2. Tijorat sirining muhofaza qilinishini taʼminlash maqsadida xodim:

ish beruvchi tomonidan oʻrnatilgan tijorat siri rejimiga rioya etishi;

ish beruvchining roziligisiz tijorat sirini oshkor etmasligi va undan shaxsiy maqsadlarda foydalanmasligi;

mehnat shartnomasi (kontrakt) bekor qilinganda oʻz foydalanishida boʻlgan, tijorat siri aks etgan moddiy jismlarni ish beruvchiga topshirishi yoki uni mazkur jismlardan ish beruvchining nazorati ostida yoʻq qilib yoxud oʻchirib tashlashi shart.

XIX. JAMIYATNI QAYTA TASHKIL ETISH VA TUGATISH

19.1. Jamiyatni qayta tashkil etish yoki tugatish Oʻzbekiston Respublikasi Fuqarolik kodeksining 49 — 55-moddalarida va “Masʼuliyati cheklangan hamda qoʻshimcha masʼuliyatli jamiyatlar toʻgʻrisida”gi Oʻzbekiston Respublikasi Qonunining 49 — 55-moddalarida nazarda tutilgan tartibda amalga oshiriladi.

19.2. Jamiyatni qayta tashkil etish ishtirokchilarning umumiy yigʻilishi qarori boʻyicha qoʻshib yuborish, birlashtirish, boʻlish, ajratib chiqarish va qayta tuzish shaklida amalga oshirilishi mumkin.

19.3. Jamiyat belgilangan tartibda ixtiyoriy ravishda ishtirokchilarning Umumiy yigʻilishi qarori boʻyicha tugatilishi mumkin. Jamiyat qonun hujjatlarida nazarda tutilgan asoslarga koʻra sudning qaroriga binoan ham tugatilishi mumkin.

19.4. Jamiyatning tugatilishi haqidagi yozuv yuridik shaxslarning yagona davlat reyestriga kiritib qoʻyilganidan soʻng jamiyatni tugatish tamomlangan, jamiyatning faoliyati esa tugagan hisoblanadi.

XX. NIZOLARNI HAL QILISH

20.1. Taʼsis shartnomasi va ustav boʻyicha kelib chiqadigan barcha nizo va kelishmovchiliklar ishtirokchilarning oʻzaro kelishuvi yoʻli bilan amaldagi qonun hujjatlari, taʼsis shartnomasi va ustavga asosan hal qilinadi.

20.2. Nizo va kelishmovchiliklarni muzokaralar yoʻli bilan hal qilish imkoniyati boʻlmagan taqdirda ular sud orqali, Oʻzbekiston Respublikasining qonun hujjatlariga muvofiq hal qilinadi.

XXI. YAKUNIY QOIDALAR

21.1. Mazkur Ustav jamiyat Oʻzbekiston Respublikasining qonun hujjatlarida belgilangan tartibda davlat roʻyxatiga olingan vaqtdan boshlab kuchga kiradi.

21.2. Oʻzbekiston Respublikasining amaldagi qonun hujjatlari bilan tartibga solinmagan masalalar, qonunda boshqa hollar nazarda tutilmagan boʻlsa, ushbu Ustavga muvofiq tartibga solinadi.

ISHTIROKCHILAR:

________________________________________________________________

Oʻzbekiston Respublikasi adliya vazirining 2016-yil 20-dekabrdagi 294-mh-sonli buyrugʻiga
3-ILOVA

______________________________

(roʻyxatga oluvchi organning nomi)

tomonidan _______yil ___ dekabrda

________________-son reyestr

raqami bilan

“ROʻYXATGA OLINGAN”

M.Oʻ.

“_____________________” masʼuliyati

cheklangan jamiyati ishtirokchilarining

______yil ___dekabrdagi ___-son

umumiy yigʻilishi bayonnomasi bilan

“TASDIQLANGAN”

M.Oʻ.

“______________________”

MASʼULIYATI CNEKLANGAN JAMIYATINING

TAʼSIS SHARTNOMASI

“______________________” masʼuliyati cheklangan jamiyatining

Taʼsis shartnomasi

________ sh.

20___ yil “___” _______

Bundan buyon birgalikda “Ishtirokchilar”, deb nomlanuvchi quyidagi shaxslar:

“_____________”;

“______________”.

ushbu Taʼsis shartnomasini (bundan buyon matnda “shartnoma” deb yuritiladi) quyidagilar toʻgʻrisida imzoladilar:

I. UMUMIY QOIDALAR

1.1. Masʼuliyati cheklangan jamiyati (bundan buyon matnda “jamiyat” deb yuritiladi) Oʻzbekiston Respublikasining “Masʼuliyati cheklangan hamda qoʻshimcha masʼuliyatli jamiyatlar toʻgʻrisida”gi Qonuni va boshqa qonun hujjatlari asosida tashkil etilgan.

1.2. Jamiyatning toʻliq firma nomi:

Davlat tilida — “___________” Masʼuliyati cheklangan jamiyati, qisqacha nomlanishi — “____________” MCNJ;

Rus tilida — obshestvo s ogranichennoy otvetstvennostyu “__________”, kratkoye naimenovaniye — OOO “_________”.

1.3. Jamiyatning pochta manzili: Oʻzbekiston Respublikasi, ____________________________________________________________

1.4. Jamiyat cheklanmagan muddatga tashkil etiladi.

II. JAMIYATNI TASHKIL ETISHDAN MAQSAD VA FAOLIYAT TURLARI

2.1. Jamiyatni tashkil etishdan asosiy maqsad ishtirokchilar manfaatlari uchun foyda olish.

2.2. Jamiyat faoliyatining predmeti boʻlib _________________________________ hisoblanadi. Shu jumladan:

_______________________________________________________________________________________________;

qonun hujjatlari bilan taqiqlanmagan boshqa har qanday faoliyat turlari.

III. JAMIYATNING USTAV FONDI

3.1. Jamiyatning tashkil etilishi va faoliyatini amalga oshirishi uchun Ishtirokchilar ___________________ soʻm miqdorida ustav fondi shakllantirishadi.

Ishtirokchilarning ustav fondidagi ulushlari quyidagicha:

“_________________” — ____________soʻm, yaʼni %;

“_________________” — ______________soʻm, yaʼni %.

3.2. Ishtirokchilarning jamiyat ustav fondidagi ulushlari sifatida pullar, qimmatli qogʻozlar, boshqa ashyolar yoki mulkiy huquqlar yoxud pul qiymatiga ega boʻlgan oʻzga begonalashtiriladigan huquqlar boʻlishi mumkin. Uchinchi shaxslar tomonidan ishtirokchilarning jamiyat ustav fondidagi pul koʻrinishida boʻlmagan ulushlarini pul qiymatida baholash va jamiyatga qabul qilish barcha ishtirokchilar tomonidan bir ovozdan qabul qilinadigan ishtirokchilarning umumiy yigʻilishi qarori bilan tasdiqlanadi.

3.3. Jamiyat davlat roʻyxatidan oʻtkazilganidan keyin bir yil mobaynida ishtirokchilarning har biri ustav fondidagi ulushini toʻliq kiritadi va bu haqda roʻyxatdan oʻtkazuvchi organga maʼlumot berishi lozim.

IV. ISHTIROKCHILARNING ULUSHNI KIRITISH BOʻYICHA MAJBURIYATLARINI BUZGANLIKLARI UCHUN JAVOBGARLIK

4.1. Ulushini toʻliq kiritmagan ishtirokchi jamiyatning majburiyatlari boʻyicha oʻz ulushining toʻlanmagan qismi doirasida solidar javobgar boʻladi.

V. DAROMAD VA ZIYONLARNI TAQSIMLASH SHARTLARI VA TARTIBI

5.1. Jamiyatning budjetga va budjetdan tashqari jamgʻarmalarga qonun hujjatlari bilan belgilangan cheklovlarni hisobga olgan holda soliqlar va boshqa majburiy toʻlovlarni toʻlaganidan keyin olingan daromadi ishtirokchilar oʻrtasida ularning ustav fondidagi ulushlariga mutanosib ravishda taqsimlanadi.

5.2. Daromad oraliq davr yakunlari boʻyicha har chorakda, yarim yilda bir marta, yiliga bir marta taqsimlanishi mumkin. Daromadni taqsimlash toʻgʻrisidagi qaror ishtirokchilarning umumiy yigʻilishi tomonidan qabul qilinadi.

5.3. Jamiyatning moliya-xoʻjalik faoliyati natijasida yuzaga keladigan ziyonlar ushbu maqsadlar uchun tashkil etiladigan zaxira fondi hisobidan qoplanadi.

5.4. Zaxira fondi jamiyat ustav fondining 15% miqdorida shakllantiriladi.

VI. JAMIYATNING BOSHQARUV ORGANLARI

6.1. Jamiyatning boshqaruv organlari quyidagilar:

ishtirokchilarning umumiy yigʻilishi;

direktor.

6.2. Ishtirokchilar umumiy yigʻilishining vakolatlari (shu jumladan mutlaq vakolatlari), chaqirish, koʻrib chiqish kun tartibiga masalalarni kiritish, qarorlar qabul qilish tartibi va muddatlari Oʻzbekiston Respublikasi qonun hujjatlari va jamiyatning ustavi bilan belgilanadi.

6.3. Direktorning vakolatlari, muddati, javobgarligi va faoliyat yuritish tartibi Oʻzbekiston Respublikasi qonun hujjatlari, ustav, direktor va jamiyat oʻrtasidagi mehnat shartnomasi, boshqa lokal normativ hujjatlar bilan belgilanadi.

VII. ISHTIROKCHILARNING JAMIYATDAN CHIQISH TARTIBI

7.1. Ishtirokchi boshqa ishtirokchilarning roziligidan qatʼi nazar, har qanday vaqtda jamiyatdan chiqib ketishi mumkin.

7.2. Jamiyatdan chiqib ketgan yoki chiqarib yuborilgan ishtirokchining ulushi jamiyatga oʻtadi. Bunday holda jamiyatdan chiqarib yuborilgan yoki chiqib ketgan ishtirokchiga uning ulushining haqiqiy qiymatini yoki ishtirokchining roziligi bilan, shunday qiymatdagi mol-mulkni natura holida toʻlashi shart. Jamiyatga oʻtgan ulush bir yil mobaynida ishtirokchilarning qarori bilan uchinchi shaxslarga berilishi va (yoki) sotilishi lozim.

7.3. Ishtirokchilarning jamiyat ustav fondidagi ulushining merosxoʻrlarga (qonun boʻyicha qonuniy vorislarga) oʻtishi faqatgina boshqa ishtirokchilarning roziligi bilan amalga oshirilishi mumkin.

VIII. NIZOLARNI HAL QILISH

8.1. Nizo va kelishmovchiliklar ishtirokchilarning oʻzaro kelishuvi yoʻli bilan amaldagi qonun hujjatlari, ustav va mazkur shartnomaga asosan hal qilinadi.

8.2. Nizo va kelishmovchiliklarni muzokaralar yoʻli bilan hal qilish imkoniyati boʻlmagan taqdirda ular sud orqali, Oʻzbekiston Respublikasining qonun hujjatlariga muvofiq hal qilinadi.

IX. YAKUNIY QOIDALAR

9.1. Mazkur shartnoma jamiyat Oʻzbekiston Respublikasining qonun hujjatlarida belgilangan tartibda davlat roʻyxatiga olingan vaqtdan boshlab kuchga kiradi.

9.2. Oʻzbekiston Respublikasining amaldagi qonun hujjatlari bilan tartibga solinmagan masalalar, qonunda boshqa hollar nazarda tutilmagan boʻlsa, jamiyat ustaviga muvofiq tartibga solinadi.

ISHTIROKCHILAR:

________________________________________________

Oʻzbekiston Respublikasi adliya vazirining 2016-yil 20-dekabrdagi 294-mh-sonli buyrugʻiga
4-ILOVA

______________________________

(roʻyxatga oluvchi organning nomi)

tomonidan 20___yil “___” ________da

________________-son reyestr

raqami bilan

“ROʻYXATGA OLINGAN”

M.Oʻ.

“_____________________” qoʼshimcha

masʼuliyatli jamiyati ishtirokchilarining

______yil “___” _____dagi ___-son

umumiy yigʻilishi bayonnomasi bilan

“TASDIQLANGAN”

M.Oʻ.

“______________________”

QOʼSNIMCNA MASʼULIYATLI JAMIYATINING

USTAVI

I. UMUMIY QOIDALAR

1.1. “__________” qoʻshimcha masʼuliyatli jamiyatining (bundan buyon matnda “jamiyat” deb yuritiladi) mazkur Ustavi Oʻzbekiston Respublikasining “Masʼuliyati cheklangan hamda qoʻshimcha masʼuliyatli jamiyatlar toʻgʻrisida”gi Qonuni va boshqa qonun hujjatlari, shuningdek jamiyat ishtirokchilarining 20__ yil “___” ____________dagi taʼsis shartnomasi asosida ishlab chiqilgan.

1.2. Jamiyatning ishtirokchilari:

“______________”;

“______________”.

1.3. Jamiyatning toʻliq firma nomi:

Davlat tilida: “__________________” qoʼshimcha masʼuliyatli jamiyati;

Rus tilida: Obshestvo s dopolnitelnoy otvetstvennostyu “_________”;

Jamiyatning qisqacha firma nomi:

Davlat tilida: “____________” QMJ

Rus tilida: ODO “_________”.

1.4. Jamiyatning pochta manzili: Oʻzbekiston Respublikasi, _____________________________________________________________________.

1.5.Jamiyat cheklanmagan muddatga tashkil etiladi.

II. JAMIYATNING YURIDIK MAQOMI

2.1. Jamiyat Oʻzbekiston Respublikasining qonun hujjatlariga asosan yuridik shaxs hisoblanadi. Jamiyat davlat roʻyxatidan oʻtkazilganidan keyin yuridik shaxs huquqiga ega boʻladi.

2.2. Jamiyat oʻz faoliyatini mazkur Ustav va Oʻzbekiston Respublikasining qonunlariga muvofiq va taʼsis hujjatlariga asosan amalga oshiradi.

2.3. Jamiyat oʻz majburiyatlari boʻyicha Oʻzbekiston Respublikasining qonun hujjatlariga muvofiq javob beradi. Jamiyatning ishtirokchilari jamiyat majburiyatlari boʻyicha oʻziga tegishli mol-mulklari bilan hamma uchun bir xil boʻlgan va qoʻshgan hissalari qiymatiga nisbatan jamiyatning taʼsis hujjatlarida belgilanadigan karrali miqdorda solidar tarzda subsidiar javobgar boʻladilar.

Ishtirokchilar javobgarligi ularning jamiyat ustav fondidagi ulushlari qiymati, shuningdek jamiyat ustav fondidagi ulushlari nominal qiymatining ____% doirasidagi qoʻshimcha javobgarlik bilan chegaralanadi.

2.4. Jamiyat oʻzining firma nomi bilan muhr, shtamp va blankalarga, shuningdek belgilangan tartibda roʻyxatga olingan oʻz emblemasiga, tovar belgisiga ega boʻlishga haqli.

2.5. Jamiyat oʻz egaligida mustaqil balansda hisobga olinadigan alohida mol-mulkka ega, oʻz nomidan huquqlar va majburiyatlar olishi, sudda daʼvogar va javobgar boʻlishi mumkin.

III. JAMIYATNING FILIALLARI VA VAKOLATXONALARI

3.1. Jamiyat Oʻzbekiston Respublikasining qonun hujjatlari talablariga muvofiq vakolatxonalar va filiallarlar tuzishga haqli.

IV. JAMIYATNI TASHKIL ETISHDAN MAQSAD VA FAOLIYAT TURLARI

4.1. Jamiyatni tashkil etishdan asosiy maqsad ishtirokchilar manfaatlari uchun foyda olish.

Jamiyat faoliyatining predmeti boʻlib ______________________, shu jumladan:

—____________________________________________________________________;

qonun hujjatlari bilan taqiqlanmagan boshqa har qanday faoliyat turlari.

4.2. Roʻyxati qonunlarda belgilanadigan ayrim faoliyat turlari bilan jamiyat faqat litsenziya asosida shugʻullanishi mumkin.

V. ISHTIROKCHILARNING HUQUQ VA MAJBURIYATLARI

5.1. Jamiyat ishtirokchilari quyidagilarga haqlidirlar:

Jamiyatning taʼsis hujjatlarida belgilangan tartibda jamiyatning ishlarini boshqarishda ishtirok etish;

qonun hujjatlarida va jamiyat taʼsis hujjatlarida belgilangan tartibda jamiyatning faoliyati toʻgʻrisida axborot olish hamda uning buxgalteriya daftarlari va boshqa hujjatlari bilan tanishish;

foydani taqsimlashda va uning tegishli qismini olishda ishtirok etish;

jamiyat tugatilgan taqdirda, kreditorlar bilan hisob-kitob qilinganidan keyin qolgan mol-mulkning bir qismini yoki uning qiymatini olish;

jamiyat ishtirokchilari jamiyatning taʼsis hujjatlarida nazarda tutilgan boshqa huquqlarga ham ega boʻlishlari mumkin.

5.2. Jamiyat ishtirokchilarining majburiyatlari:

jamiyatning taʼsis hujjatlarida nazarda tutilgan qoidalarga amal qilishlari;

jamiyatning taʼsis hujjatlarida nazarda tutilgan tartibda, miqdorda, usullarda va muddatlarda hissa qoʻshishlari;

jamiyat faoliyati toʻgʻrisidagi sir tutilgan axborotni oshkor qilmasliklari shart.

jamiyat ishtirokchilariga jamiyatning taʼsis hujjatlarida nazarda tutilgan boshqa majburiyatlar ham yuklanishi mumkin.

VI. JAMIYATNING MOL-MULKI VA MABLAGʻLARI

6.1. Jamiyat mustaqil ravishda oʻziga tegishli mol-mulkdan foydalanadi.

6.2. Jamiyatning mol-mulki:

— Ishtirokchilarning ulushlaridan;

— Jamiyat faoliyati natijasida olingan foydadan;

— Oʻzbekiston Respublikasining amaldagi qonun hujjatlari bilan taqiqlanmagan boshqa manbalardan shakllantiriladi.

VII. JAMIYATNING USTAV FONDI

7.1. Jamiyatning tashkil etilishi va faoliyatini amalga oshirishi uchun Ishtirokchilar ___________soʻm miqdorida ustav fondi shakllantirishadi.

7.2. Ishtirokchilarning ustav fondidagi ulushlari miqdori quyidagicha:

— “_________________” — ____________soʻm, yaʼni %;

— “_________________” — ____________soʻm, yaʼni %.

7.3. Jamiyat davlat roʻyxatidan oʻtkazilganidan keyin ishtirokchilarning har biri bir yil mobaynida ustav fondidagi ulushini toʻliq kiritadi.

7.5. Jamiyat ishtirokchilar umumiy yigʻilishining qaroriga asosan ustav fondini koʻpaytirishi yoki kamaytirishi mumkin.

7.6. Jamiyatning ustav fondini koʻpaytirishga u toʻliq toʻlanganidan keyingina yoʻl qoʻyiladi. Jamiyat ustav fondining koʻpaytirilishi jamiyatning mol-mulki hisobiga va (yoki) jamiyat ishtirokchilarining qoʻshimcha hissalari hisobiga amalga oshirilishi mumkin. Jamiyat ustav fondini (ustav kapitalini) jamiyatning mol-mulki hisobiga koʻpaytirish toʻgʻrisidagi qaror bunday qaror qabul qilingan yildan oldingi yil uchun jamiyatning buxgalteriya hisoboti maʼlumotlari asosidagina qabul qilinishi mumkin.

VIII. ISHTIROKCHILARNING JAMIYAT ISHTIROKCHILARI SAFIDAN CHIQISHI VA UNING OQIBATLARI

8.1. Jamiyatning ishtirokchisi jamiyat ishtirokchilari safidan chiqish huquqiga ega. Bunday holatda ishtirokchi ustav fondidagi oʻz ulushini qolgan ishtirokchilarga, yoxud ularning roziligi boʻyicha uchinchi shaxslarga sotish yoki ularning foydasiga voz kechish huquqiga ega.

8.2. Ishtirokchi ishtirokchilar safidan chiqishida unga oʻzi tomonidan ustav fondiga kiritilgan ulushning haqiqiy qiymati natura yoki haqiqiy qiymatiga teng boʻlgan pul koʻrinishida qaytariladi.

8.3. Jamiyat ishtirokchisi oʻzgartirilganidan keyin jamiyatning taʼsis hujjatlariga zaruriy oʻzgartirishlar va qoʻshimchalar kiritishi lozim.

8.4. Jamiyatning taʼsis hujjatlariga kiritilgan oʻzgartirishlar uchinchi shaxslar uchun ular davlat roʻyxatidan oʻtkazilganidan keyin kuchga kiradi.

IX. JAMIYAT ISHTIROKCHISI ULUSHI (ULUSHI QISMI)NING UCHINCHI SHAXSLARGA OʻTISHI

9.1. Jamiyat ishtirokchilaridan har biri jamiyatning ustav fondidagi oʻz ulushini yoki ulushining qismini uchinchi shaxslarga sotishga yoki boshqacha shaklda ularning foydasiga voz kechishga haqli.

9.2. Jamiyat ishtirokchisining ulushi toʻliq toʻlangan davrgacha boʻlgan muddatda toʻlangan qismi boʻyichagina begonalashtirilishi mumkin.

9.3. Jamiyat ustav fondidagi ulushdan (ulushning bir qismidan) boshqa shaxsning foydasiga voz kechish, oddiy yozma shaklda amalga oshirilishi kerak.

X. JAMIYATNING HUJJATLARINI SAQLASH

10.1. Jamiyat quyidagi hujjatlarni saqlashi shart:

— jamiyatning taʼsis hujjatlari, shuningdek jamiyatning taʼsis hujjatlariga kiritilgan hamda belgilangan tartibda roʻyxatdan oʻtkazilgan oʻzgartishlar va qoʻshimchalar;

— jamiyat davlat roʻyxatidan oʻtkazilganligini tasdiqlovchi hujjat;

— jamiyatning oʻz balansida turgan mol-mulkka boʻlgan huquqini tasdiqlovchi hujjatlar;

— jamiyatning filiallari va vakolatxonalari toʻgʻrisidagi nizomlar;

— jamiyat ishtirokchilari umumiy yigʻilishlarining, jamiyat kuzatuv kengashi, jamiyatning kollegial ijro etuvchi organi va jamiyatning taftish komissiyasi majlislarining bayonnomalari;

— jamiyat taftish komissiyasining (taftishchisining) va auditorlik tashkilotining xulosalari;

— qonun hujjatlarida nazarda tutilgan boshqa hujjatlar.

10.2. Yuqorida aytib oʻtilgan hujjatlar ijro etuvchi organ joylashgan joyda saqlanadi.

10.3. Agarda amaldagi qonun hujjatlari bilan boshqacha qoidalar belgilangan boʻlmasa, jamiyat mazkur Ustavning 10.1-bandida koʻrsatib oʻtilgan hujjatlarni doimo saqlaydi.

10.4. Jamiyat har qanday ishtirokchining talabi bilan unga axborot, shuningdek taʼsis hujjatlarini unga kiritilgan oʻzgartirish va qoʻshimchalar bilan taqdim qilishi yoki nusxa berishi shart.

XI. HISOB VA HISOBOT

11.1. Jamiyat oʻz faoliyatini mustaqil rejalashtiradi va oʻz mahsuloti va xizmatlariga narxlarni bozor konyukturasidan kelib chiqib belgilaydi.

11.2. Jamiyat mustaqil ravishda buxgalteriya hisobini, statistika va moliyaviy hisobotni qonun hujjatlarida belgilangan tartibda amalga oshiradi.

11.3. Jamiyat mustaqil ravishda jamiyatning tashkiliy tuzilmasini, shtat jadvalini va mehnatga haq toʻlashni Oʻzbekiston Respublikasi qonun hujjatlariga muvofiq hal qiladi.

11.4. Jamiyat faoliyatiga oid hisobotlarni qonunda belgilangan tartibda davlat organlariga taqdim qiladi.

XII. DAROMADNI TAQSIMLASH VA ZIYONLARNI QOPLASH

12.1. Jamiyat barcha soliqlar va majburiy toʻlovlarni toʻlaganidan keyin uning hisobida qolgan mablagʻlar jamiyatning foydasini tashkil etadi.

12.2. Jamiyat ustav fondining 15% miqdorida zaxira fondi shakllantiradi. Jamiyatning zaxira fondi uning ziyonlarini qoplash va qonunda nazarda tutilgan hollarda jamiyatning ustav fondidagi ulushni (ulushning qismini) sotib olish uchun moʻljallangan.

XIII. JAMIYATNING BOSHQARUV ORGANLARI

13.1. Jamiyatning boshqaruv organlari boʻlib quyidagilar belgilanadi:

— ishtirokchilarning umumiy yigʻilishi — oliy boshqaruv organi;

— direktor jamiyatning ijro etuvchi organi.

13.2. Jamiyatda kuzatuv kengashi va taftish komissiyasini belgilangan tartibda tashkil etishi mumkin.

XIV. ISHTIROKCHILARNING UMUMIY YIGʻILISHI

14.1. Jamiyatning oliy boshqaruv organi boʻlib jamiyat ishtirokchilarining umumiy yigʻilishi hisoblanadi.

14.2. Jamiyatning har bir ishtirokchisi jamiyat ishtirokchilarining umumiy yigʻilishida jamiyatning ustav fondidagi (ustav kapitalidagi) oʻz ulushiga mutanosib ovozlar soniga ega boʻladi, qonunda nazarda tutilgan hollar bundan mustasno.

14.3. Jamiyat ishtirokchilari umumiy yigʻilishining mutlaq vakolatlari jumlasiga quyidagilar kiradi:

a) jamiyat faoliyatining asosiy yoʻnalishlarini belgilash, shuningdek tijorat tashkilotlarining boshqa birlashmalarida ishtirok etish toʻgʻrisida qaror qabul qilish;

b) jamiyat ustav fondining (ustav kapitalining) miqdorini oʻzgartirish;