O‘zbekiston Respublikasi Prezidentining “Yer qa’ridan foydalanish, sanoat, radiatsiya va yadro xavfsizligi hamda atom energiyasidan foydalanish sohalarida davlat boshqaruvi va nazorati tizimini takomillashtirish chora-tadbirlari to‘g‘risida” 2024-yil 24-maydagi PF-79-son Farmoni hamda “Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi faoliyatini samarali tashkil etish chora-tadbirlari to‘g‘risida” 2024-yil 24-maydagi PQ-186-son qarori ijrosini ta’minlash maqsadida Vazirlar Mahkamasi qaror qiladi:

1. Quyidagilarni nazarda tutuvchi:

a) O‘zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi to‘g‘risidagi nizom 1-ilovaga muvofiq:

Sanoat, radiatsiya va yadro xavfsizligi qo‘mitasining (keyingi o‘rinlarda — Qo‘mita) tuzilmasi, Qo‘mita hamda uning tizimidagi tashkilotlarning vazifa va funksiyalari;

Qo‘mitaning respublika va mahalliy ijro etuvchi hokimiyat organlari hamda boshqa tashkilotlar bilan o‘zaro hamkorlik qilish tartibi;

Qo‘mita va uning tizimidagi tashkilotlar faoliyatini moliyalashtirish, xodimlarini moddiy rag‘batlantirish tartibi;

b) Sanoat, radiatsiya va yadro xavfsizligi qo‘mitasi huzuridagi Sanoat xavfsizligi sohasini qo‘llab-quvvatlash jamg‘armasi mablag‘larini shakllantirish va ulardan foydalanish tartibi to‘g‘risidagi nizom 2-ilovaga muvofiq:

Sanoat xavfsizligi sohasini qo‘llab-quvvatlash jamg‘armasi mablag‘larini (keyingi o‘rinlarda — Jamg‘arma) shakllantirish tartibi;

Jamg‘arma mablag‘laridan foydalanish tartibi;

Jamg‘arma mablag‘larini xodimlarni moddiy rag‘batlantirish va ijtimoiy himoya qilishga yo‘naltirish tartibi tasdiqlansin.

2. Belgilansinki:

Sanoat, radiatsiya va yadro xavfsizligi qo‘mitasi boshqaruv xodimlarining lavozim maoshini belgilashda Davlat budjeti mablag‘lari hisobidan yagona tarif setkasi bo‘yicha mehnatga haq to‘lashning tasdiqlangan razryadlariga muvofiq tarif koeffitsiyenti 1,8 baravarga oshirilgan holda qo‘llaniladi;

Sanoat, radiatsiya va yadro xavfsizligi qo‘mitasi xodimlariga Davlat budjeti mablag‘lari hisobidan uzluksiz ish staji uchun ularning umumiy mehnat faoliyatini qamrab olgan holda, faqat asosiy ish joyi bo‘yicha xodimning oylik maoshiga (rag‘batlantirish koeffitsiyentini hisobga olgan holda) nisbatan 1 yildan 3 yilgacha — 30 foiz, 3 yildan 5 yilgacha — 60 foiz, 5 yildan 10 yilgacha — 75 foiz, 10 yildan 15 yilgacha — 100 foiz, 15 yil va undan ortiq — 150 foiz miqdorida ustamalar har oyda to‘lanadi.

3. Davlat aktivlarini boshqarish agentligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda Sanoat, radiatsiya va yadro xavfsizligi qo‘mitasining hududiy boshqarmalari hududlardagi agentlik tasarrufidagi bo‘sh turgan ma’muriy binolarga operativ boshqaruv huquqi asosida joylashtirilishini ta’minlasin.

4. O‘zbekiston Respublikasi Hukumatining 3-ilovaga muvofiq ayrim qarorlari o‘z kuchini yo‘qotgan deb hisoblansin.

5. Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi bir oy muddatda:

o‘zlarining tarkibiy bo‘linmalari to‘g‘risidagi nizomlarni va xodimlarning lavozim yo‘riqnomalarini tasdiqlasin;

manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ushbu qarorga muvofiqlashtirsin.

6. Mazkur qarorning bajarilishini nazorat qilish O‘zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi raisi A.V. Rafiqov zimmasiga yuklansin.

1. Ushbu Nizom O‘zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasining (keyingi o‘rinlarda — Qo‘mita) maqomi, asosiy vazifalari, funksiyalari, huquqlari, javobgarligi, faoliyatini tashkil etish va hisobot berish tartibini, shuningdek, Qo‘mita raisi hamda uning o‘rinbosarlarining asosiy funksional vazifalari va javobgarliklarini belgilaydi.

2. Qo‘mita alohida mustaqil maqomga ega respublika ijro etuvchi hokimiyat organi hisoblanib, xavfli ishlab chiqarish obyektlarida sanoat xavfsizligi hamda atom energetikasi va yadro texnologiyalari obyektlarida radiatsiya va yadro xavfsizligini ta’minlash sohalarida yagona davlat siyosatini yuritadi.

3. Qo‘mita bevosita O‘zbekiston Respublikasi Vazirlar Mahkamasiga (keyingi o‘rinlarda — Vazirlar Mahkamasi) bo‘ysunadi va o‘z faoliyati yuzasidan hisobot beradi.

4. Qo‘mita o‘z faoliyatida O‘zbekiston Respublikasining Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizom va boshqa qonunchilik hujjatlariga amal qiladi.

5. Qo‘mitaning o‘z vakolatlari doirasida qabul qilingan qarorlari vazirliklar, idoralar, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, yuridik va jismoniy shaxslar tomonidan bajarilishi majburiy hisoblanadi.

6. Qo‘mita o‘zining faoliyati sohasiga tegishli bo‘lgan masalalarni, shu jumladan, nazorat ostidagi korxonalarda sodir bo‘lgan avariyalar, guruhiy, oqibati o‘lim bilan tugagan baxtsiz hodisalarni va boshqa masalalarni tegishli korxona rahbarlari ishtirokida Qo‘mitaning Ilmiy-texnik kengashida ko‘rib chiqadi.

7. Qo‘mita va uning tuzilmasiga kiradigan tashkilotlar yuridik shaxslar hisoblanadi, O‘zbekiston Respublikasi Davlat gerbi tasviri tushirilgan muhr va blankalarga, mustaqil balansga, O‘zbekiston Respublikasi Iqtisodiyot va moliya vazirligi huzuridagi G‘aznachilik xizmati qo‘mitasida shaxsiy g‘azna hisobvaraqlariga, bank hisobvaraqlariga, shu jumladan, chet el valyutasidagi bank hisobvaraqlariga ega.

8. Qo‘mitaning rasmiy nomi:

a) davlat tilida:

to‘liq nomi — O‘zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi;

qisqartma nomi — Sanoat, radiatsiya va yadro xavfsizligi qo‘mitasi;

b) rus tilida:

to‘liq nomi — Komitet promishlennoy, radiatsionnoy i yadernoy bezopasnosti pri Kabinete Ministrov Respubliki Uzbekistan;

qisqartma nomi — Komitet promishlennoy, radiatsionnoy i yadernoy bezopasnosti;

v) ingliz tilida:

to‘liq nomi — “Industrial, radiation and nuclear safety committee under the Cabinet of Ministers of the Republic of Uzbekistan”;

qisqartma nomi — Industrial, radiation and nuclear safety committee.

9. Qo‘mita joylashgan joy va pochta manzili: 100011, Toshkent shahar, Shayxontoxur tumani, M-14, 27-uy.

10. Qo‘mita belgilangan shtatlar birligi doirasida markaziy apparat, hududiy boshqarmalar (bo‘limlar), sanoat xavfsizligi inspeksiyalari va tizimidagi tashkilotlar tashkiliy tuzilmasini va nizomlarini tasdiqlaydi.

11. Qo‘mita tizimiga quyidagilar kiradi:

markaziy apparat;

Qoraqalpog‘iston Respublikasi, viloyatlar va Toshkent shahridagi hududiy boshqarmalari (bo‘limlari);

“Sanoat xavfsizligi” DM;

“Kontexnazorato‘quv” DM;

“Sanoat nazorati laboratoriyasi” DM;

“Radiatsiya va yadro xavfsizligi ilmiy-texnik markazi” DM;

Navoiy sanoat xavfsizligi inspeksiyasi;

Olmaliq sanoat xavfsizligi inspeksiyasi;

Bekobod sanoat xavfsizligi inspeksiyasi;

Temir yo‘l sanoat xavfsizligi inspeksiyasi.

11¹. Qo‘mitaning Navoiy sanoat xavfsizligi inspeksiyasi, Olmaliq sanoat xavfsizligi inspeksiyasi, Bekobod sanoat xavfsizligi inspeksiyasi va Temir yo‘l sanoat xavfsizligi inspeksiyalarini moliyalashtirish va moddiy-texnik ta’minlash tegishli ravishda “Navoiy KMK” AJ, “Olmaliq KMK” AJ, “O‘zmetkombinat” AJ va “O‘zbekiston temir yo‘llari” AJ mablag‘lari hisobidan amalga oshiriladi.

Qo‘mitaning sanoat xavfsizligi inspeksiyalari xodimlari tarkibi tegishli ravishda “Navoiy KMK” AJ, “Olmaliq KMK” AJ, “O‘zmetkombinat” AJ va “O‘zbekiston temir yo‘llari” AJning shtatdagi xodimlari soniga kiritiladi.

12. Hududiy boshqarmalar (bo‘limlar), sanoat xavfsizligi inspeksiyalari hamda boshqa tuzilmalar sanoat, radiatsiya va yadro xavfsizligini ta’minlash sohalarida yagona davlat nazorati tizimini tashkil etadi.

13. Hududiy boshqarmalar (bo‘limlar), sanoat xavfsizligi inspeksiyalari mahalliy davlat hokimiyati organlaridan mustaqil faoliyat olib boradi va bevosita Qo‘mitaga bo‘ysunadi.

14. Davlat organlari va boshqa tashkilotlarga Qo‘mita xodimlariga ularning vakolatiga kirmaydigan ishlarni bajarishni yuklash taqiqlanadi.

15. Quyidagilar Qo‘mitaning asosiy vazifalari hisoblanadi:

O‘zbekiston Respublikasining “Xavfli ishlab chiqarish obyektlarining sanoat xavfsizligi to‘g‘risida”gi va “Aholini va hududlarni tabiiy hamda texnogen xususiyatli favqulodda vaziyatlardan muhofaza qilish to‘g‘risida”gi qonunlari, xavfli ishlab chiqarish obyektlarida, atom energetikasi va yadro texnologiyalari obyektlarida sanoat, radiatsiya va yadro xavfsizligini ta’minlashga doir qonunchilik hujjatlari hamda texnik jihatdan tartibga solish sohasidagi normativ hujjatlarda belgilangan talablarga jismoniy va yuridik shaxslar tomonidan rioya etilishi ustidan davlat nazorati va tekshiruvini amalga oshirish;

atom energetikasi va yadro texnologiyalari obyektlarida radiatsiya va yadro xavfsizligini ta’minlash, shuningdek, xavfli ishlab chiqarish obyektlarida sanoat xavfsizligi sohalarida yagona davlat siyosatini amalga oshirish va muvofiqlashtirish;

sanoat, radiatsiya va yadro xavfsizligini ta’minlash sohasida respublikada iqtisodiyotning asosiy tarmoqlarini yanada rivojlantirish bo‘yicha strategik rejalar va dasturlarni ishlab chiqishda ishtirok etish;

sanoat, radiatsiya va yadro xavfsizligini ta’minlash hamda liftlar va istirohat bog‘lari attraksionlaridan foydalanish borasidagi normativ-huquqiy hujjatlar loyihalari va texnik jihatdan tartibga solish sohasidagi normativ hujjatlarni belgilangan tartibda ishlab chiqish va qabul qilish;

sanoat, radiatsiya va yadro xavfsizligi hamda liftlar va istirohat bog‘lari attraksionlaridan foydalanish borasidagi qonunchilik hujjatlari va texnik jihatdan tartibga solish sohasidagi normativ hujjatlar talablariga yuridik hamda jismoniy shaxslar tomonidan rioya etilishi ustidan davlat nazoratini va tekshiruvini amalga oshirish;

sanoat xavfsizligini ekspertizadan va akkreditatsiyadan o‘tkazish tizimini takomillashtirish, shuningdek, atom energiyasidan foydalanish obyektlarining va (yoki) atom energiyasidan foydalanish sohasidagi faoliyatning xavfsizligini asoslash yuzasidan ekspertizadan o‘tkazishni tashkil etish;

xavfli ishlab chiqarish obyektlarini identifikatsiya qilish, hisobga olish va ularning davlat reyestrini yuritish, sanoat xavfsizligini deklaratsiyalash tartibini tashkil etish va takomillashtirish, texnogen xavfi yuqori bo‘lgan zonalarning davlat kadastri hamda kadastr pasportlarini ishlab chiqilishi va yuritilishini nazorat qilish hamda muvofiqlashtirish;

sanoat xavfsizligi va atom energiyasidan foydalanish sohalarida ruxsat etish xususiyatiga ega hujjatlarni (litsenziyalarni, ruxsatnomalarni) belgilangan tartibda berish faoliyatini amalga oshirish;

sanoat, radiatsiya va yadro xavfsizligini ta’minlash sohalarida davlat nazorati organlarining faoliyatini muvofiqlashtirish;

texnika va texnologiyalarning jadal rivojlanishini hisobga olgan holda sanoat, radiatsiya va yadro xavfsizligi hamda liftlar va attraksionlar xavfsizligini ta’minlash sohalarida faoliyat yurituvchi mutaxassislarni tayyorlash, qayta tayyorlash, ularning malakasini oshirish hamda ularni belgilangan tartibda attestatsiyadan o‘tkazish;

sanoat, radiatsiya va yadro xavfsizligi, liftlar va istirohat bog‘lari attraksionlari xavfsizligi yo‘nalishlarida huquqbuzarlik holatlarini aniqlash hamda ularga nisbatan qonunchilikda belgilangan choralarni ko‘rish yuzasidan idoralararo hamkorlikni yanada rivojlantirish;

sanoat, radiatsiya va yadro xavfsizligi hamda liftlar va istirohat bog‘lari attraksionlari xavfsizligi sohasida aniqlangan huquqbuzarliklar va ularning oqibatlari to‘g‘risida keng jamoatchilikni xabardor qilib borish, sohada huquqni qo‘llash amaliyoti va qonunchilik hujjatlarini takomillashtirish yuzasidan takliflar ishlab chiqish;

Qo‘mita faoliyatining asosiy yo‘nalishlari bo‘yicha xalqaro va xorijiy tashkilotlar bilan hamkorlik qilish, shuningdek, soha faoliyatiga taalluqli bo‘lgan xalqaro shartnomalar bo‘yicha O‘zbekiston Respublikasining majburiyatlari bajarilishini ta’minlash.

16. Qo‘mita unga yuklangan vazifalarga muvofiq quyidagi funksiyalarni amalga oshiradi:

a) O‘zbekiston Respublikasining “Xavfli ishlab chiqarish obyektlarining sanoat xavfsizligi to‘g‘risida”gi va “Aholini va hududlarni tabiiy hamda texnogen xususiyatli favqulodda vaziyatlardan muhofaza qilish to‘g‘risida”gi qonunlari, xavfli ishlab chiqarish obyektlarida, atom energetikasi va yadro texnologiyalari obyektlarida sanoat, radiatsiya va yadro xavfsizligini ta’minlashga doir qonunchilik hujjatlari va texnik jihatdan tartibga solish sohasidagi normativ hujjatlarda belgilangan talablarga jismoniy va yuridik shaxslar tomonidan rioya etilishi ustidan davlat nazorati va tekshiruvini amalga oshirish sohasida:

sanoat, radiatsiya va yadro xavfsizligini ta’minlashni takomillashtirish yuzasidan Vazirlar Mahkamasiga takliflar kiritadi;

sanoat, radiatsiya va yadro xavfsizligini ta’minlash sohasidagi texnik reglamentlarni tasdiqlash, ularga o‘zgartirish va qo‘shimchalar kiritish, shuningdek, mazkur reglamentlarni bekor qilish to‘g‘risida Vazirlar Mahkamasiga takliflar kiritadi;

sanoat, radiatsiya va yadro xavfsizligini ta’minlash sohasidagi solish sohasidagi texnik jihatdan tartibga solish sohasidagi normativ hujjatlar talablariga rioya etilishi ustidan o‘z vakolati doirasida davlat nazorati amalga oshirilishini ta’minlaydi;

b) atom energetikasi va yadro texnologiyalari obyektlarida radiatsiya va yadro xavfsizligini ta’minlash, shuningdek, xavfli ishlab chiqarish obyektlarida sanoat xavfsizligi sohalarida yagona davlat siyosatini amalga oshirish va muvofiqlashtirish sohasida:

xavfli ishlab chiqarish obyektlarida, shuningdek, xavfli ishlab chiqarish obyektlariga ega bo‘lgan xo‘jalik yurituvchi subyektlarda qo‘llaniladigan ishlab chiqarishlar (texnologiyalar), obyektlar va texnik qurilmalar ro‘yxatini takomillashtirib boradi;

iqtisodiyotning tegishli tarmoqlarida sanoat, radiatsiya va yadro xavfsizligini ta’minlash tizimini takomillashtirish bo‘yicha takliflar tayyorlaydi;

xavfli ishlab chiqarish obyektlarida sanoat xavfsizligi ekspertizasi tizimini rivojlantirishni, atom energiyasidan foydalanish obyektlarining va (yoki) atom energiyasidan foydalanish sohasidagi faoliyatning xavfsizligini asoslash yuzasidan ekspertiza o‘tkazishni, shuningdek, atom energiyasidan foydalanish sohasida faoliyatni litsenziyalash (ruxsatnoma berish) tizimini tashkil etadi;

xavfli ishlab chiqarish obyektlarida qo‘llaniladigan texnik qurilmalarni hamda liftlar va attraksionlarni sertifikatlashni tashkil etadi;

o‘z vakolatlari doirasida ionlashtiruvchi nurlanish manbalarining davlat hisobi va nazoratini, ularning milliy reyestri yuritilishini ta’minlaydi;

radiatsiyaviy avariyalarni prognoz qilish, barvaqt aniqlash va harakat qilish yagona davlat tizimida ishtirok etadi;

xavfli ishlab chiqarish obyektlari davlat reyestrida xavfli ishlab chiqarish obyektlarining yagona hisobini yuritadi;

attraksionlarni ro‘yxatga oladi va ularning yagona davlat reyestrini yuritadi;

texnogen xavfi yuqori bo‘lgan zonalarning davlat kadastrini yaratilishi, yuritilishini muvofiqlashtiradi va nazorat qiladi;

avariya holatining va ishlab chiqarish jarohatining oldini olish maqsadida sanoat, radiatsiya va yadro xavfsizligi talablariga rioya qilish zarurligi to‘g‘risida keng jamoatchilik o‘rtasida tushuntirish ishlarini amalga oshiradi;

sanoat xavfsizligi talablariga rioya etilishi ustidan ishlab chiqarish nazoratini tashkil etish to‘g‘risidagi ma’lumotlarni to‘playdi va tahlil qiladi;

Qo‘mitaning nazorati ostidagi obyektlarda avariyalar, ishlab chiqarishda jarohatlanish hollarining sabablarini belgilangan tartibda tekshiradi va hisobga oladi;

respublika ijro etuvchi hokimiyat organlariga, mahalliy davlat hokimiyati organlariga, xo‘jalik birlashmalariga, fuqarolarning o‘zini o‘zi boshqarish organlariga atom energiyasidan foydalanishdagi xavfsizlik masalalari yuzasidan axborot beradi;

v) sanoat, radiatsiya va yadro xavfsizligini ta’minlash sohasida respublikada iqtisodiyotning asosiy tarmoqlarini yanada rivojlantirish bo‘yicha strategik rejalar va dasturlarni ishlab chiqishda ishtirok etish sohasida:

vazirliklar, idoralar va xo‘jalik birlashmalari bilan birgalikda sanoat, radiatsiya va yadro xavfsizligini ta’minlash yuzasidan sanoatning bazaviy tarmoqlarini yanada rivojlantirish bo‘yicha strategik rejalar va dasturlar bo‘yicha takliflarni ishlab chiqadi;

sanoat, radiatsiya va yadro xavfsizligini ta’minlash yuzasidan sanoatning bazaviy tarmoqlarini yanada rivojlantirish bo‘yicha tasdiqlangan davlat dasturlariga muvofiq sanoat, radiatsiya va yadro xavfsizligini ta’minlash bo‘yicha ishlar amalga oshirilishini nazorat qiladi;

radiatsiya va yadro xavfsizligini ta’minlash yuzasidan atom energiyasidan tinchlik maqsadlarida foydalanish sohasida davlat maqsadli dasturlari ishlab chiqilishi, ko‘rib chiqilishi va amalga oshirilishida ishtirok etadi;

xalqaro va davlatlararo ilmiy-texnik hamkorlikni rivojlantiradi;

g) sanoat, radiatsiya va yadro xavfsizligini ta’minlash hamda liftlar va istirohat bog‘lari attraksionlaridan foydalanish borasidagi normativ-huquqiy hujjatlar loyihalari va texnik jihatdan tartibga solish sohasidagi normativ hujjatlarni belgilangan tartibda ishlab chiqish va qabul qilish sohasida:

sanoat, radiatsiya va yadro xavfsizligi, liftlar va attraksionlar xavfsizligini ta’minlash hamda Qo‘mita vakolatiga kiradigan boshqa masalalar bo‘yicha qonunchilik hujjatlarini va texnik jihatdan tartibga solish sohasidagi normativ hujjatlarni belgilangan tartibda ishlab chiqadi;

atom energiyasidan foydalanish sohasidagi normalar va qoidalarni ishlab chiqadi, ularni amalga kiritish hamda amalga oshirilishini ta’minlaydi;

sanoat, radiatsiya va yadro xavfsizligi, liftlar va attraksionlar xavfsizligini ta’minlash talablari mavjud bo‘lgan texnik jihatdan tartibga solish sohasidagi normativ hujjatlar loyihalarini ko‘rib chiqadi va kelishishda ishtirok etadi;

d) sanoat, radiatsiya va yadro xavfsizligi hamda liftlar va istirohat bog‘lari attraksionlaridan foydalanish borasidagi qonunchilik hujjatlari va texnik jihatdan tartibga solish sohasidagi normativ hujjatlar talablariga yuridik hamda jismoniy shaxslar tomonidan rioya etilishi ustidan davlat nazoratini va tekshiruvini amalga oshirish sohasida:

jismoniy va yuridik shaxslar tomonidan sanoat, radiatsiya va yadro xavfsizligi, liftlar va attraksionlar xavfsizligini ta’minlash sohasidagi qonunchilik hujjatlari va texnik jihatdan tartibga solish sohasida normativ hujjatlar talablariga rioya etilishi ustidan davlat nazorati va tekshiruvini amalga oshiradi;

xavfli ishlab chiqarish obyektlarida foydalaniladigan bug‘ va suv isitish qozonlarini, bosim ostida ishlaydigan idishlarni, bug‘ va issiq suv quvurlarini, ko‘tarish inshootlarini, yiliga bitta uskuna uchun 100 000 va undan ortiq kubometr tabiiy va suyultirilgan uglevodorod gazidan yoqilg‘i sifatida foydalanuvchi texnik qurilmalarni ro‘yxatga oladi va reyestrini yuritadi;

gazdan qutqarish va avariya-dispetcherlik xizmatlari korxonalari, bo‘linmalarining sodir bo‘lishi mumkin bo‘lgan avariyalarning oldini olish va oqibatlarini bartaraf etishga tayyorligini nazorat qiladi;

nazorat ostidagi korxonalar va obyektlarni foydalanishga qabul qilish bo‘yicha davlat va ishchi komissiya tarkibida ishtirok etish uchun o‘z vakillarini tayinlaydi, ushbu obyektlarda foydalanishga qabul qilish qoidalariga rioya etilishini nazorat qiladi;

xavfli ishlab chiqarish obyektidan foydalanishga tashkilotlarning tayyorligini, shuningdek, nazorat ostidagi obyektlarda avariyalar va ishlab chiqarish jarohatining oldini olish tadbirlari ishlab chiqilishi va o‘tkazilishini nazorat qiladi;

sanoat xavfsizligi deklaratsiyalari ishlab chiqilishi va taqdim etilishining monitoringini yuritadi;

ishlab turgan va qurilayotgan xavfli ishlab chiqarish obyektlarida sanoat xavfsizligini deklaratsiyalashni nazorat qiladi;

atom energiyasidan foydalanish obyektlarining xavfsizligini ta’minlash ustidan davlat nazorati va tekshiruvini hamda atom energiyasidan foydalanish obyektlarining jisman himoya qilinishi ustidan belgilangan tartibda davlat nazoratini amalga oshiradi;

atom energiyasidan foydalanish obyektlarida avariyaga oid tashqi rejani ishlab chiqishda ishtirok etadi hamda respublika ijro etuvchi hokimiyat organlarining va atom energiyasidan foydalanish sohasida faoliyat yuritadigan boshqa yuridik shaxslarning avariya holatlariga tayyorligi ustidan davlat nazoratini ta’minlaydi;

nazorat ostidagi obyektlarda sanoat, radiatsiya va yadro xavfsizligini ta’minlash, putur yetkazmaydigan nazorat bo‘yicha, shuningdek, liftlar va attraksionlar xavfsizligi sohasidagi normativ-huquqiy hujjatlar va normativ hujjatlar bajarilishini ta’minlash bo‘yicha profilaktika ishlarini amalga oshiradi;

korxonalarda gaz-qutqaruv va avariya-dispetcherlik xizmatlarining bo‘lishi mumkin bo‘lgan avariyalarning oldini olish va ularning oqibatlarini bartaraf etishga tayyorligini nazorat qiladi;

e) sanoat xavfsizligini ekspertizadan va akkreditatsiyadan o‘tkazish tizimini takomillashtirish, shuningdek, atom energiyasidan foydalanish obyektlarining va (yoki) atom energiyasidan foydalanish sohasidagi faoliyatning xavfsizligini asoslash yuzasidan ekspertizadan o‘tkazishni tashkil etish sohasida:

sanoat xavfsizligi sohasida ekspert tashkilotlarini belgilangan tartibda akkreditatsiyadan o‘tkazadi va ularning faoliyatini nazorat qiladi;

sanoat xavfsizligi sohasida berilgan ekspertiza xulosalarining yagona hisobini yuritadi;

sanoat xavfsizligi sohasida ekspertlarni attestatsiyadan o‘tkazadi va ularning faoliyatini nazorat qiladi;

sanoat xavfsizligini boshqarish tizimi auditini o‘tkazish tartibini belgilaydi va mazkur sohada faoliyat bilan shug‘ullanuvchi tashkilotlarni akkreditatsiyadan o‘tkazadi;

atom energiyasidan foydalanish obyektlari va (yoki) atom energiyasidan foydalanish sohasida faoliyat turlari xavfsizligi ekspertizasini (xavfsizlikni asoslash ekspertizasini) tashkil etadi;

j) xavfli ishlab chiqarish obyektlarini identifikatsiya qilish, hisobga olish va ularning davlat reyestrini yuritish, sanoat xavfsizligini deklaratsiyalash tartibini tashkil etish va takomillashtirish, texnogen xavfi yuqori bo‘lgan zonalarning davlat kadastri hamda kadastr pasportlarini ishlab chiqilishi va yuritilishini nazorat qilish hamda muvofiqlashtirish sohasida:

ishlab turgan va qurilayotgan xavfli ishlab chiqarish obyektlarida sanoat xavfsizligini deklaratsiyalashni nazorat qiladi;

texnogen xavf yuqori bo‘lgan zonalar bosh kadastr markazi tomonidan texnogen xavf yuqori bo‘lgan zonalar davlat kadastr pasporti yaratilishi va yuritilishini muvofiqlashtiradi;

z) sanoat xavfsizligi va atom energiyasidan foydalanish sohalarida ruxsat etish xususiyatiga ega hujjatlarni (litsenziyalarni, ruxsatnomalarni) belgilangan tartibda berish faoliyatini amalga oshirish sohasida:

sanoat xavfsizligi hamda atom energiyasidan foydalanish va ionlashtiruvchi nurlanish manbalari muomalasi sohalarida tegishli faoliyat turlarini litsenziyalaydi;

o‘z vakolatlari doirasida faoliyatning ayrim turlarini litsenziyalashda va kelishish ishlarida ishtirok etadi;

litsenziatlar tomonidan litsenziya talablari va shartlariga rioya etilishini nazorat qiladi;

atom energiyasidan foydalanish obyektlaridagi noxush hodisalar va avariyalarning sabablarini texnik jihatdan tekshirish tartibini tasdiqlaydi;

Qo‘mitaning vakolatiga kiradigan ishlarning ayrim turlariga belgilangan tartibda ruxsatnomalar beradi va ularni bekor qiladi;

qonunchilik hujjatlariga muvofiq xavfli yuklar tranzitida xulosalar beradi va nazorat qiladi;

atom energiyasidan foydalanish sohasidagi ekspluatatsiya qiluvchi tashkilot, shuningdek, boshqa yuridik shaxs tomonidan mazkur sohadagi faoliyatni amalga oshirish jarayonida xavfsizlikni ta’minlash uchun zarur bo‘lgan majburiy talablarga, litsenziya shartlariga rioya etilishini nazorat qiladi;

i) sanoat, radiatsiya va yadro xavfsizligini ta’minlash sohalarida davlat nazorati organlarining faoliyatini muvofiqlashtirish sohasida:

sanoat xavfsizligi, jumladan, xavfli ishlab chiqarish obyektlarida sodir bo‘lgan avariyalar, guruhiy, oqibati og‘ir va o‘lim bilan tugagan baxtsiz hodisalarni maxsus tekshirish va hisobini yuritish, atom energiyasidan foydalanish va texnogen xavf yuqori bo‘lgan zonalar davlat kadastrini yuritish sohalarida davlat nazorati organlarining faoliyatini muvofiqlashtiradi, hisobotlarini qabul qiladi va eshitadi, sanoat xavfsizligi sohasi bo‘yicha tegishli ko‘rsatmalar beradi;

xavfli ishlab chiqarish obyektlarida sodir bo‘lgan avariyalar, oqibati og‘ir va o‘lim bilan tugagan baxtsiz hodisalarni texnik jihatdan tekshirish natijalarini tegishli korxona rahbarlari ishtirokida Qo‘mitaning Ilmiy-texnik kengashida ko‘rib chiqadi va tegishli ko‘rsatmalar beradi;

k) texnika va texnologiyalarning jadal rivojlanishini hisobga olgan holda sanoat, radiatsiya va yadro xavfsizligi hamda liftlar va attraksionlar xavfsizligini ta’minlash sohalarida faoliyat yurituvchi mutaxassislarni tayyorlash, qayta tayyorlash, ularning malakasini oshirish hamda ularni belgilangan tartibda attestatsiyadan o‘tkazish sohasida:

sanoat xavfsizligi sohasida xodimlarning malakasini oshiradi, shuningdek, radiatsiya va yadro xavfsizligi sohasida mutaxassislar tayyorlashni tashkil etadi;

xavfli ishlab chiqarish obyektlari, liftlar va attraksionlar xavfsizligi bo‘yicha xodimlarni tayyorlash (qayta tayyorlash) va attestatsiyadan o‘tkazish (bilimlarni tekshirish) tartibini ishlab chiqadi va tasdiqlaydi;

sanoat korxonalari, liftlar va attraksionlarga mas’ul xodimlar malakasi oshirilishini tashkil etadi va ularning bilimlarini tekshirishda ishtirok etadi;

nazorat ostidagi obyektlar xodimlarini tayyorlash kurslarini tashkil etadi va ularga tegishli guvohnomalar beradi;

atom energiyasidan foydalanish sohasida faoliyat yuritadigan ekspluatatsiya qiluvchi tashkilotlar va boshqa yuridik shaxslar xodimlari belgilangan tartibda attestatsiyadan o‘tkazilishni tashkil etadi va attestatsiyadan o‘tkazishda ishtirok etadi;

l) sanoat, radiatsiya va yadro xavfsizligi hamda liftlar va istirohat bog‘lari attraksionlari xavfsizligini ta’minlash sohasidagi qonunchilik hujjatlari va texnik jihatdan tartibga solish sohasidagi normativ hujjatlar talablariga jismoniy va yuridik shaxslar tomonidan rioya etilishi ustidan davlat nazorati va tekshiruvini amalga oshirish sohasida:

sanoat, radiatsiya va yadro xavfsizligi, liftlar va attraksionlar xavfsizligini ta’minlash yo‘nalishlarida huquqbuzarlik holatlarini aniqlash hamda ularga nisbatan tezkor choralar ko‘rish yuzasidan idoralararo hamkorlik qiladi;

sanoat, radiatsiya va yadro xavfsizligi, liftlar va attraksionlar xavfsizligi qoidalarini buzish bilan bog‘liq aniqlangan huquqbuzarliklar bo‘yicha tezkor choralar ko‘radi;

sanoat, radiatsiya va yadro xavfsizligi, liftlar va attraksionlar xavfsizligi talablarini buzgan aybdor shaxslarni jinoiy javobgarlikka tortish to‘g‘risidagi masalani ko‘rib chiqish uchun materiallarni huquqni muhofaza qilish organlariga yuboradi;

m) sanoat, radiatsiya va yadro xavfsizligi hamda liftlar va istirohat bog‘lari attraksionlari xavfsizligi sohasida aniqlangan huquqbuzarliklar va ularning oqibatlari to‘g‘risida keng jamoatchilikni xabardor qilib borish, sohada huquqni qo‘llash amaliyoti va qonunchilik hujjatlarini takomillashtirish yuzasidan takliflar ishlab chiqish sohasida:

sanoat xavfsizligi, liftlar va attraksionlar xavfsizligi sohasida aniqlangan huquqbuzarliklar hamda ularning oqibatlari to‘g‘risida keng jamoatchilikni xabardor qilib boradi, sohada huquqni qo‘llash amaliyoti va qonunchilikni takomillashtirish yuzasidan takliflar ishlab chiqadi;

liftlar va attraksionlar faoliyatini masofaviy nazorat qilish, huquqbuzarliklar to‘g‘risida xabar berish imkoniyatini beruvchi elektron platformani yuritadi;

Qo‘mita mansabdor shaxslariga tekshiruv o‘tkazish vaqtida o‘z xizmat burchlarini bajarishiga to‘sqinlik qilgan shaxslarni ma’muriy javobgarlikka tortadi;

n) Qo‘mita faoliyatining asosiy yo‘nalishlari bo‘yicha xalqaro va xorijiy tashkilotlar bilan hamkorlik qilish, shuningdek, soha faoliyatiga taalluqli bo‘lgan xalqaro shartnomalar bo‘yicha O‘zbekiston Respublikasining majburiyatlari bajarilishini ta’minlash sohasida:

sanoatda, atom energetikasi va ilmiy tadqiqot ishlari xavfsiz amalga oshirilishini nazorat qilish sohasida xalqaro hamkorlik qiladi, Qo‘mitaning vakolatiga kiradigan masalalar bo‘yicha xalqaro tashkilotlar, boshqa mamlakatlarning tegishli nazorat organlari bilan belgilangan tartibda hamkorlik qiladi;

atom energiyasidan tinch maqsadlarda foydalanish, kimyoviy, bakteriologik (biologik) va zaharli qurol-yarog‘ni taqiqlash, shuningdek, kimyoviy, biologik, radiologik va yadro materiallarining ta’siri xavfini pasaytirish hamda davlatga qarashli bo‘lmagan subyektlarning ommaviy qirg‘in qurollari va ularni yetkazib berilishini oldini olish, shuningdek, ularning noqonuniy aylanishiga barham berishga doir xalqaro shartnomalar bo‘yicha O‘zbekiston Respublikasining majburiyatlari bajarilishini ta’minlaydi.

17. Qo‘mita unga yuklangan vazifa va funksiyalarni bevosita hamda o‘zining tarkibiy bo‘linmalari orqali amalga oshiradi.

18. Qo‘mita markaziy apparatining asosiy vazifalari uning tizimidagi tashkilotlar bilan birgalikda Qo‘mitaga yuklangan vazifa va funksiyalarning samarali bajarilishini tashkil etish hamda ta’minlash hisoblanadi.

19. Qo‘mitaning markaziy apparati unga yuklangan asosiy vazifalarga muvofiq quyidagi funksiyalarni amalga oshiradi:

Qo‘mita va uning rahbariyati faoliyatini tashkiliy va axborot-tahlil jihatidan ta’minlaydi;

Qo‘mita va uning tizimidagi tashkilotlar tomonidan O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining Farmonlari, qarorlari va farmoyishlariga, Vazirlar Mahkamasining qarorlariga va farmoyishlariga shuningdek, mazkur Nizomga va boshqa qonunchilik hujjatlariga muvofiq talablarning bajarilishida tizimli nazoratni ta’minlaydi;

Qo‘mita tomonidan Vazirlar Mahkamasi, O‘zbekiston Respublikasi Prezidenti Administratsiyasiga kiritiladigan hujjatlarning sifatli hamda o‘z vaqtida ishlab chiqilishini va ularning iqtisodiy va huquqiy ekspertizadan o‘tkazilishini tashkil etadi;

Qo‘mita va uning tizimidagi tashkilotlar faoliyatiga belgilangan tartibda rahbarlik qiladi, ularning faoliyatini muvofiqlashtiradi va nazorat qiladi;

Qo‘mitaning faoliyati, shu jumladan, norma ijodkorligi sohasidagi faoliyati huquqiy ta’minlanishini tashkil etadi;

Qo‘mitaning vakolatiga tegishli operativ, tashkiliy, kadrlar, moliya, ishlab chiqarish-xo‘jalik masalalari va boshqa masalalarni hal etadi.

20. Qo‘mita unga yuklangan vazifalar va funksiyalarni amalga oshirish uchun quyidagi huquqlarga egadir:

normativ-huquqiy hujjatlar loyihalarini, shuningdek, Qo‘mitaga yuklangan vazifalar va funksiyalarni bajarish bilan bog‘liq boshqa hujjatlarni ishlab chiqish va belgilangan tartibda kiritish Qo‘mita vakolatiga kiruvchi masalalar bo‘yicha qonunchilik hujjatlari va texnik jihatdan tartibga solish sohasidagi normativ hujjatlar loyihalarini ko‘rib chiqish hamda ular yuzasidan xulosalar berish;

Qo‘mita vakolatiga kiradigan masalalarda davlat va xo‘jalik boshqaruvi, mahalliy ijro etuvchi hokimiyat organlari faoliyatini muvofiqlashtirishda ishtirok etish;

Qo‘mita vakolatiga kiradigan masalalarni hal etish uchun zarur bo‘lgan axborotni davlat organlari, xo‘jalik birlashmalari va mahalliy ijro etuvchi hokimiyat organlaridan so‘rab olish;

Qo‘mita vakolatiga kiradigan masalalar bo‘yicha zarur statistika axborotini davlat statistika organlaridan va O‘zbekiston Texnik jihatdan tartibga solish agentligidan standartlar va reglamentlarni elektron shaklda bepul olish;

Qo‘mita xodimlarini Qo‘mitaning budjetdan tashqari mablag‘lar hisobidan moddiy rag‘batlantirish;

Qo‘mita vakolatiga kiradigan masalalar bo‘yicha takliflarni davlat organlari, xo‘jalik birlashmalari va mahalliy ijro etuvchi hokimiyat organlariga ko‘rib chiqish uchun kiritish;

Qo‘mita tarkibiga kiradigan masalalar bo‘yicha idoralararo xalqaro shartnomalarni tuzish;

Qo‘mita tarkibiga kiradigan masalalar bo‘yicha xalqaro darajada O‘zbekiston Respublikasi manfaatlarini ifodalash;

Qo‘mita nazorati ostidagi obyektlarga to‘siqsiz kirish;

xavfli ishlab chiqarish obyektlarining sanoat xavfsizligi, radiatsiya va yadro xavfsizligi, shuningdek, liftlar va attraksionlar xavfsizligi talablariga rioya etilishini belgilangan tartibda nazorat qilish (tekshirish);

sanoat, radiatsiya va yadro xavfsizligi, attraksionlardan foydalanish talablari buzilgan holda olib borilayotgan yoki avariyalarni yuzaga keltirishi mumkin bo‘lgan ishlarni to‘xtatib qo‘yish, shuningdek, odamlarning hayoti xavf ostida qolganda yoki avariya holatlari yuzaga kelganda ularni ish joylaridan olib chiqishda ishtirok etish;

o‘z vakolatlari doirasida sanoat, radiatsiya va yadro xavfsizligi, liftlar va istirohat bog‘lari attraksionlaridan foydalanish sohalarida qonunchilik hujjatlari va texnik jihatdan tartibga solish sohasidagi normativ hujjatlar talablari buzilganligi uchun nazorat ostidagi obyektlarning, jumladan, tadbirkorlik subyektlarining mansabdor shaxslarini hamda jismoniy shaxslarni ma’muriy javobgarlikka tortish bo‘yicha taqdimnomalar kiritish;

sanoat, radiatsiya va yadro xavfsizligini ta’minlash sohasidagi huquqbuzarliklarni sodir etganlik uchun jismoniy va yuridik shaxslarga nisbatan jarimalar qo‘llash;

nazorat ostidagi korxonalarning, shuningdek, Qo‘mitaning nazorati ostidagi obyektlarga ega bo‘lgan vazirliklar, qo‘mitalar, idoralar, xo‘jalik birlashmalari rahbarlariga sanoat, radiatsiya va yadro xavfsizligi talablarining aniqlangan buzilishlarini bartaraf etish to‘g‘risida ijro etishga majburiy bo‘lgan ko‘rsatmalar berish;

nazorat ostidagi obyektlarda xodimlarning xavfsizlik qoidalari va normalarini, texnologik reglamentlarni, xodimlarning mehnatini muhofaza qilish bo‘yicha yo‘riqnomalarni bilishini tekshirish, nazorat ostidagi korxonalarning rahbarlari va xodimlarining, shu jumladan, sanoat, radiatsiya va yadro xavfsizligini ta’minlash sohasida kadrlarni tayyorlovchi va qayta tayyorlovchi xodimlarning sanoat, radiatsiya va yadro xavfsizligi qoidalari va normalari bo‘yicha imtihonlarida qatnashish va bilimini tekshirish;

Qo‘mitaning vakolatiga kiradigan masalalar bo‘yicha xavfli ishlab chiqarish obyektlaridan foydalanuvchi tashkilotlarning rahbarlari hisobotlarini eshitish;

sanoat xavfsizligi ekspertizasini o‘tkazish huquqiga ega ekspert tashkilotlarining akkreditatsiya attestati belgilangan tartibda amal qilishini to‘xtatib qo‘yish, tugatish yoki bekor qilish;

faoliyatning ayrim turlarini amalga oshirish huquqini beruvchi litsenziyalarning amal qilishini belgilangan tartibda to‘xtatib qo‘yish, amal qilishini to‘xtatish yoki bekor qilish to‘g‘risida takliflar tayyorlash;

ruxsat berish xususiyatiga ega hujjatning amal qilishini belgilangan tartibda to‘xtatib qo‘yish va to‘xtatish, bekor qilish choralarini ko‘rish;

sanoat xavfsizligi ekspertizasining qonunchilik hujjatlari buzilgan holda tayyorlangan xulosalarini haqiqiy emas deb e’tirof etish;

sanoat xavfsizligi sohasida ekspert guvohnomalarini belgilangan tartibda vakolatlarini qisqartirish, ekspert toifasini pasaytirish, amal qilishini to‘xtatib turish, uni tugatish yoki bekor qilish;

sanoat xavfsizligi sohasida akkreditatsiya qilingan ekspert tashkilotlari faoliyati ustidan inspeksiya nazoratini o‘tkazish;

nazorat ostidagi obyektlar, vazirliklar, qo‘mitalar, idoralar, xo‘jalik birlashmalari, mahalliy davlat hokimiyati organlariga sanoat, radiatsiya va yadro xavfsizligi, liftlar va attraksionlar xavfsizligi sohasidagi qoidalar, yo‘riqnomalar va boshqa normativ hujjatlar talablarini buzayotgan mansabdor shaxslarning mehnat shartnomasini to‘xtatish, intizomiy jazo berish yoki ishlarga texnik rahbarlik qilish huquqidan bir yilgacha bo‘lgan muddatda mahrum qilish to‘g‘risida taqdimnomalar kiritish;

ionlashtiruvchi nurlanish manbalarini hisobga olish va nazorat qilish tizimini rivojlantirish;

sanoat, radiatsiya va yadro xavfsizligini ta’minlash sohasini raqamlashtirish orqali samaradorlik va natijadorlikka erishish, shaffof va korrupsiyadan holi samarali tizimni joriy etish;

Qo‘mitaning vakolatiga kiradigan masalalar bo‘yicha avariyalarning, ishlab chiqarish jarohati holatlarining, sabablarini belgilangan tartibda tekshirish va tekshirish natijalari bo‘yicha bajarilishi majburiy bo‘lgan qarorlar qabul qilish;

zarurat bo‘lganda, tashkilotlar tomonidan uskunalar va materiallarni nazorat tartibida sinashni, ishchi va atrof tabiiy muhit tahlilini, loyiha va loyiha-konstruktorlik yechimlarining mustaqil ekspertizasini tayinlash;

ehtiyot qismlar tayyorlovchi zavodlarda va ta’mirlash korxonalarida sanoatning nazorat ostidagi tarmoqlari uchun uskunalarning sanoat xavfsizligi talablariga muvofiqligini tekshirish, ularning sanoat, radiatsiya xavfsizligi standartlari, qoidalari va normalari talablariga va tasdiqlangan loyiha yechimlariga muvofiq bo‘lmagan hollarda ishlab chiqarilishini belgilangan tartibda to‘xtatib qo‘yish;

Qo‘mita vakolatiga kiradigan masalalar bo‘yicha vazirliklar, qo‘mitalar, idoralar, xo‘jalik birlashmalari, mahalliy davlat hokimiyati organlari, tashkilotlardan zarur axborotni olish;

sanoat, radiatsiya va yadro xavfsizligini ta’minlash sohasidagi normativ hujjatlarning majburiy talablarini buzganlikda aybdor bo‘lgan ishlab chiqaruvchilarga, ishlab chiqaruvchining vakolatli vakiliga, sotuvchilarga, import qiluvchilarga yoki ijrochilarga nisbatan moliyaviy sanksiyalarni qo‘llash yuzasidan sudga murojaat qilish;

sanoat, radiatsiya va yadro xavfsizligi ta’minlash sohasidagi normativ hujjatlar talablariga nomuvofiq mahsulotni muomaladan chiqarish yoki chaqirib olish to‘g‘risidagi ko‘rsatmalarni bajarmaganlik uchun yuridik shaxslarga nisbatan moliyaviy jarima qo‘llash bo‘yicha sudga murojaat qilish;

mansabdor va jismoniy shaxslarda ishlarga texnik rahbarlik qilish va ularni bajarish huquqini beradigan tegishli hujjatlar mavjudligini, xavfliligi yuqoriligi bilan bog‘liq ishlar uchun maxsus belgilangan talablarga rioya qilinishini tekshirish;

vazirliklar, idoralar, mahalliy ijro etuvchi hokimiyat organlari va boshqa tashkilotlar bilan kelishuv bo‘yicha ularning mutaxassislarini ishlab chiqarishlarning, obyektlar va ishlarning xavfsizligi bilan bog‘liq mustaqil ekspertizalar o‘tkazishni tatbiq etish va ishlanmalar uchun shartnoma asosida jalb etish;

Qo‘mita qonunchilik hujjatlariga muvofiq boshqa huquqlarga ham ega bo‘lishi mumkin.

Qo‘mitaning davlat inspektorlari tomonidan o‘z majburiyatlari bajarilishida nazorat ostidagi obyektlar ularni xizmat xonalari, internet va aloqa vositalari, navbatchi maxsus kiyim-bosh va himoya vositalari, transport bilan ta’minlaydilar va hududiy boshqarmalarning ularga doimiy biriktirilgan inspektorlariga esa kommunal xizmatlar ko‘rsatiladigan va internet, telefon aloqasi bor bo‘lgan idoraviy turar joy berilishida ko‘maklashadilar, shuningdek, idoraviy bolalar maktabgacha va sanatoriy-kurort muassasalaridan joy beradilar, tibbiy xizmat ko‘rsatish va ijtimoiy-maishiy ta’minlash masalalarini hal etadilar.

21. Qo‘mita:

Qo‘mitaga yuklangan vazifa va funksiyalarning samarali bajarilishi, shuningdek, sanoat, radiatsiya va yadro xavfsizligini ta’minlash sohasidagi davlat siyosatini amalga oshirish;

Qo‘mitaning faoliyati bilan bog‘liq bo‘lgan prognoz ko‘rsatkichlarga erishishni so‘zsiz ta’minlash;

Vazirlar Mahkamasiga va O‘zbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Qo‘mita tomonidan qabul qilinadigan buyruqlar amalga oshirilishining sifati, pirovard natijalari va oqibatlari;

sanoat, radiatsiya va yadro xavfsizligini ta’minlash sohasini rivojlantirish, shuningdek, ko‘rsatilgan sohalarda hududlarni ijtimoiy-iqtisodiy rivojlantirish va ulardagi muammoli masalalarni hal qilish bo‘yicha dasturlar, tadbirlar rejalari, “yo‘l xaritalari” va boshqa hujjatlarning samarali amalga oshirilishi;

o‘z vakolati doirasida fuqarolar va tadbirkorlik subyektlarining qonuniy huquq va manfaatlari himoya qilinishi va ularga rioya etilishi ta’minlanishi uchun javob beradi.

22. Quyidagilar Qo‘mita raisining asosiy funksional vazifalari hisoblanadi:

O‘zbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

Qo‘mita faoliyatiga umumiy rahbarlik va nazorat qilish, O‘zbekiston Respublikasi Prezidentining hujjatlari, Vazirlar Mahkamasining qarorlari va boshqa qonunchilik hujjatlari bilan Qo‘mitaga yuklangan vazifalar va funksiyalar bajarilishini tashkil etish;

O‘zbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan Qo‘mita faoliyatini yanada takomillashtirish bo‘yicha konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

xavfli ishlab chiqarish obyektlarida, radiatsiyaviy xavfli obyektlarda va atom energiyasidan foydalanish obyektlarida bo‘lishi mumkin bo‘lgan avariyalar, noxush va baxtsiz hodisalardan ogohlantirish va ularning oldini olish bo‘yicha amaliy chora-tadbirlarni ishlab chiqish va qabul qilish;

Qo‘mita faoliyati sohasiga kiradigan masalalar bo‘yicha O‘zbekiston Respublikasi Prezidenti Administratsiyasi bo‘linmalari, Oliy Majlisi palatalari va Vazirlar Mahkamasining tarkibiy bo‘linmalari, shuningdek, tegishli vazirliklar va idoralar bilan hamkorlik qilish, Vazirlar Mahkamasi va uning Rayosati majlislarida masalalarni ko‘rib chiqishda ishtirok etish;

Qo‘mita rahbarlari va xodimlari xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014-yil 5-martdagi PQ-2142-son hamda “Xorijiy xizmat safarlarida bo‘lishning samaradorligi va xorijiy delegatsiyalarning O‘zbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablag‘lardan maqsadli hamda oqilona foydalanishni ta’minlash;

O‘zbekiston Respublikasi Prezidenti, O‘zbekiston Respublikasi Prezidenti Administratsiyasi, O‘zbekiston Respublikasining Bosh vaziri va uning o‘rinbosarlari topshiriqlarini bajarish;

o‘z o‘rinbosarlari vakolatlarini belgilash, ular o‘rtasida vazifalarni taqsimlash, Qo‘mitaning boshqa mansabdor shaxslari vakolatlarini belgilash, Qo‘mita faoliyatining alohida tuzilmalariga rahbarlik qilish uchun o‘z o‘rinbosarlari va boshqa mansabdor shaxslarning shaxsiy mas’uliyati darajasini belgilash;

Qo‘mita faoliyati rejalashtirilishini tashkil etish hamda yillik va yarim yillik ish rejalarini tasdiqlash, ularning bajarilishi ustidan nazoratni ta’minlash;

O‘zbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, Qo‘mita faoliyatida ijro intizomini mustahkamlash bo‘yicha kompleks amaliy chora-tadbirlarni bajarish, shuningdek, O‘zbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida” 2021-yil 10-fevraldagi PF-6166-son Farmoniga, “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini ta’minlashga qaratilgan qo‘shimcha chora-tadbirlar to‘g‘risida” 2021-yil 31-maydagi PQ-5132-son va “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat boshqaruvi organlari va boshqa tashkilotlar, shuningdek, barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarorlariga muvofiq Qo‘mita tizimidagi tashkilotlar rahbarlarining shaxsiy mas’uliyatini oshirish choralarini ko‘rish;

Qo‘mita xodimlarini tayyorlash, qayta tayyorlash, ularning malakasini oshirish va attestatsiyadan o‘tkazish, shuningdek, kadrlarni tanlash va joy-joyiga qo‘yish, ularning samarali faoliyati uchun zarur shart-sharoitlar yaratish, Qo‘mitaning kadrlar zaxirasini shakllantirish;

O‘zbekiston Respublikasi Prezidenti, O‘zbekiston Respublikasi Prezidenti Administratsiyasi va Vazirlar Mahkamasi nomenklaturasiga kiradigan bo‘sh lavozimlarga taklif etilgan kadrlarning, shuningdek, Qo‘mitaga ishga qabul qilinayotgan boshqa kadrlarning professional, o‘z ishini bilishi, amaliy tajribaga, yuksak darajada ishlash xususiyatlariga va ma’naviy-axloqiy fazilatlarga ega ekanligi kafolatini ta’minlash;

sanoat, radiatsiya va yadro xavfsizligini ta’minlash bo‘yicha normativ-huquqiy hujjatlar loyihalari sifatli ishlab chiqilishini, ular O‘zbekiston Respublikasi “Normativ-huquqiy hujjatlar to‘g‘risida”gi, “Qonunlar loyihalarini tayyorlash va O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida”gi qonunlari, O‘zbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan O‘zbekiston Respublikasi Prezidenti Administratsiyasining Reglamenti (keyingi o‘rinlarda — O‘zbekiston Respublikasi Prezidenti Administratsiyasining Reglamenti), Vazirlar Mahkamasining 2024-yil 25-martdagi 150-son qarori bilan tasdiqlangan Vazirlar Mahkamasining Reglamenti (keyingi o‘rinlarda — Vazirlar Mahkamasining Reglamenti) talablariga qat’iy muvofiq ravishda o‘z vaqtida kiritilishini tashkil etish, shuningdek, ularning Vazirlar Mahkamasida ishlab chiqilishi, Vazirlar Mahkamasi rahbariyati huzurida himoya qilinishi va O‘zbekiston Respublikasi Prezidenti Administratsiyasida ko‘rib chiqilishida ishtirok etish;

“Normativ-huquqiy hujjatlar to‘g‘risida”gi, “Qonunlar loyihalarini tayyorlash va ularni O‘zbekiston Respublikasi Oliy Majlisi Qonunchilik palatasiga kiritish tartibi to‘g‘risida”gi O‘zbekiston Respublikasining qonunlariga va boshqa qonunchilik hujjatlariga muvofiq Qo‘mita faoliyatiga aloqador qonun loyihalarini tayyorlashni tashkil etish;

Qo‘mita vakolatiga kiradigan masalalar bo‘yicha normativ-huquqiy hujjatlarni va texnik jihatdan tartibga solish sohasidagi normativ hujjatlarni qabul qilish, zarurat bo‘lganda boshqa vazirliklar va idoralar bilan birgalikda qo‘shma qarorlar qabul qilish;

Qo‘mitaga taqdim etilgan takliflar va normativ-huquqiy hujjatlar loyihalarini to‘liq va har tomonlama ko‘rib chiqilishini ta’minlash, ularni puxta huquqiy, moliyaviy, iqtisodiy va boshqa ekspertizadan o‘tkazish, shuningdek, O‘zbekiston Respublikasi Prezidenti Administratsiyasi Reglamentida va Vazirlar Mahkamasining Reglamentida belgilangan muddatlarda ularni kelishish;

Qo‘mita rahbarlari va xodimlari xizmat safarlarini qonunchilik hujjatlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablag‘lardan maqsadli va oqilona foydalanishni ta’minlash;

o‘z o‘rinbosarlari hamda tarkibiy bo‘linmalar rahbarlari faoliyati samaradorligini va natijadorligini muntazam tanqidiy tahlil qilish, ularning shaxsiy hisobotlarini eshitish va yakunlari bo‘yicha zarur choralar ko‘rish;

Qo‘mita xodimlarini rag‘batlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni ko‘rib chiqish;

Qo‘mita xodimlari tomonidan Odob-axloq qoidalari talablariga rioya etilishini ta’minlash;

“Korrupsiyaga qarshi kurashish to‘g‘risida”gi hamda “Manfaatlar to‘qnashuvi to‘g‘risida”gi O‘zbekiston Respublikasining qonunlari talablariga muvofiq Qo‘mita tizimida korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

Qo‘mita hamda uning tarkibiy bo‘linmalari ishini tashkil etishning zamonaviy shakllari joriy etilishini ta’minlash;

aholi va tadbirkorlik subyektlari bilan hamkorlik qilishda, shu jumladan, “yagona darcha” prinsipini joriy etish orqali davlat xizmatlari sifati va samaradorligini hamda ulardan erkin foydalanish hamda “Elektron hukumat to‘g‘risida”gi O‘zbekiston Respublikasining Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

jismoniy va yuridik shaxslarning murojaatlarini ko‘rib chiqishga doir samarali ishlarni tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, qonunchilik hujjatlarida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

O‘zbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Qo‘mita xodimlari va rahbarlarining faol ishtirok etishini tashkil etish, jismoniy va yuridik shaxslarning O‘zbekiston Respublikasi Prezidenti Virtual qabulxonasidan tushgan murojaatlari o‘z vaqtida va to‘liq ko‘rib chiqilishini ta’minlash;

davlat siriga kiritilgan ma’lumotlar va maxfiy axborot bilan ishlashda qonunchilik hujjatlari talablariga rioya qilish;

markaziy apparat va hududiy boshqarmalar (bo‘limlar) tuzilmasiga zarurat bo‘lganda boshqaruv xodimlarining cheklangan soni va mehnatga haq to‘lash fondi doirasida o‘zgartirishlar kiritish;

Qo‘mitaning tarkibiy bo‘linmalari to‘g‘risidagi nizomlarni (ustavlarni) belgilangan tartibda tasdiqlash;

Qo‘mita tarkibiy bo‘linmalarning xodimlarini belgilangan tartibda lavozimga tayinlash va lavozimdan ozod qilish;

ushbu Nizomda belgilangan, sanoat, radiatsiya va yadro xavfsizligi bo‘yicha texnik jihatdan tartibga solish, shuningdek, sanoat, radiatsiya va yadro xavfsizligini ta’minlash sohasida profilaktik chora-tadbirlarni ishlab chiqish va amalga oshirish sohalarida barcha jismoniy va yuridik shaxslarning qonunchilik hujjatlari va normativ hujjatlarga rioya qilishi ustidan davlat nazoratini ta’minlash bo‘yicha Qo‘mita faoliyatining asosiy yo‘nalishlarini tashkil etish va muvofiqlashtirish;

Qo‘mitani moddiy-texnik jihozlashni yaxshilash ishlarini amalga oshirish;

mehnat va ijro intizomini oshirish, kadrlarni joy-joyiga qo‘yishni ta’minlash, shuningdek, xodimlarga yuklangan vazifalarni bajarish bo‘yicha ularning shaxsiy mas’uliyati bo‘yicha kechiktirib bo‘lmaydigan choralar ko‘rish;

O‘zbekiston Respublikasi hududida atom energiyasidan foydalanish sohasida faoliyatni litsenziyalash maqsadida ekspertiza bo‘yicha ishlarni bajarish uchun xorijiy ixtisoslashtirilgan institutlar va kompaniyalarni, shuningdek, xorijiy mutaxassislar va ekspertlarni jalb etish.

Qo‘mita raisi qonunchilik hujjatlariga muvofiq boshqa vakolatlarni ham amalga oshirishi mumkin.

23. Quyidagilar Qo‘mita raisi o‘rinbosarlarining asosiy funksional vazifalari hisoblanadi:

O‘zbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

Qo‘mita raisi vaqtincha bo‘lmaganda, tegishli buyruq asosida uning vazifalarini bajarish;

Qo‘mitaning mutasaddilik qilinadigan tarkibiy bo‘linmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari o‘rtasida vazifalarni taqsimlash;

Qo‘mita faoliyatining mutasaddilik qilinadigan yo‘nalishlari bo‘yicha O‘zbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan respublika ijro etuvchi hokimiyat organlari faoliyatini yanada takomillashtirish bo‘yicha konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

mutasaddilik qilinadigan tarkibiy bo‘linmalar tomonidan prognoz ko‘rsatkichlarga erishishni so‘zsiz ta’minlash choralarini ko‘rish, bo‘linmalar rahbarlarining hisobotlarini muntazam eshitish va ushbu ko‘rsatkichlarga erishish uchun ularning shaxsiy javobgarligini oshirish;

mutasaddilik qilinadigan tarkibiy bo‘linmalar rahbarlarining yillik va yarim yillik rejalarini tasdiqlash, ularning bajarilishi ustidan nazoratni ta’minlash;

O‘zbekiston Respublikasi Prezidenti va Vazirlar Mahkamasining hujjatlari va topshiriqlari ijrosini ta’minlash, Qo‘mitaning mutasaddilik qilinadigan tarkibiy bo‘linmalarida ijro intizomi bo‘yicha kompleks amaliy chora-tadbirlarni amalga oshirish, shuningdek, qonunchilik hujjatlariga muvofiq topshiriqlar o‘z vaqtida va sifatli ijro etilishi uchun tarkibiy bo‘linmalar rahbarlarining shaxsiy mas’uliyatini oshirish choralarini ko‘rish;

Ilmiy-texnik kengash qarorlari, Qo‘mita raisining buyruqlari va topshiriqlari o‘z vaqtida va sifatli bajarilishini ta’minlash;

mutasaddilik qilinadigan tarkibiy bo‘linmalarda kadrlarni tanlash va joy-joyiga qo‘yish bo‘yicha Qo‘mita raisiga takliflar taqdim etish, ularning professional, o‘z ishini bilishi, amaliy tajribaga, yuksak darajada ishlash xususiyatlariga va ma’naviy-axloqiy fazilatlarga ega ekanligi kafolatini ta’minlash, ularning kasbiy malakasini oshirish choralarini ko‘rish, mutasaddilik qilinadigan bo‘linmalarda kadrlar zaxirasini shakllantirish;

normativ-huquqiy hujjatlar loyihalari mutasaddilik qilinadigan tarkibiy bo‘linmalar tomonidan sifatli va o‘z vaqtida ishlab chiqilishini tashkil etish, Qo‘mitaning tarkibiy bo‘linmalarida tayyorlangan hujjatlar loyihalarini ko‘rib chiqish va ular keyinchalik Qo‘mita raisi tomonidan ko‘rib chiqilishi, imzolanishi uchun kelishish, ularning O‘zbekiston Respublikasi Prezidenti Administratsiyasi va Vazirlar Mahkamasi Reglamentlari talablariga qat’iy muvofiq ravishda O‘zbekiston Respublikasi Vazirlar Mahkamasiga o‘z vaqtida kiritilishini ta’minlash, shuningdek, Vazirlar Mahkamasida normativ-huquqiy hujjatlar loyihalarini ishlab chiqishda Qo‘mita raisining topshirig‘iga binoan ishtirok etish;

Qo‘mitaga taqdim etilgan takliflar va normativ-huquqiy hujjatlar loyihalarini to‘liq va har tomonlama ko‘rib chiqish, ularni puxta huquqiy, moliyaviy, iqtisodiy va boshqa ekspertizadan o‘tkazish;

xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014-yil 5-martdagi PQ-2142-son hamda “Xorijiy xizmat safarlarida bo‘lishning samaradorligi va xorijiy delegatsiyalarning O‘zbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablag‘lardan maqsadli hamda oqilona foydalanishni ta’minlash;

mutasaddilik qilinadigan tarkibiy bo‘linmalar rahbarlari va xodimlari faoliyati samaradorligi va natijadorligini muntazam tanqidiy tahlil qilish, majlislarda ularning shaxsiy hisobotlarini eshitish va yakunlari bo‘yicha zarur choralar ko‘rish;

faoliyat sohasiga tegishli masalalar bo‘yicha Qo‘mita faoliyatini takomillashtirishga doir amaliy choralar ko‘rish, qonunchilik hujjatlarini takomillashtirish bo‘yicha takliflar ishlab chiqish va ularni Qo‘mita raisiga kiritish;

mutasaddilik qilinadigan tarkibiy bo‘linmalar rahbarlari va xodimlarini rag‘batlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligiga masalasini ko‘rib chiqish bo‘yicha takliflarni Qo‘mita raisiga kiritish;

Qo‘mita xodimlarining odob-axloq qoidalari talablariga, mutasaddilik qilinadigan tarkibiy bo‘linmalar rahbarlari va xodimlarining ushbu qoidalarga rioya etishini ta’minlash;

huquqni qo‘llash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali “Korrupsiyaga qarshi kurashish to‘g‘risida”gi hamda “Manfaatlar to‘qnashuvi to‘g‘risida”gi O‘zbekiston Respublikasining qonunlari talablariga muvofiq Qo‘mita tizimida korrupsiya va boshqa huquqbuzarliklarning oldini olish choralarini ko‘rish, shuningdek, ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

davlat xizmatlari samaradorligi, sifati va ulardan erkin foydalanishni oshirishga doir takliflarni Qo‘mita raisiga kiritish;

qonunchilik hujjatlarida belgilangan muddatlarda va tartibda jismoniy va yuridik shaxslarning murojaatlarini ko‘rib chiqish bo‘yicha samarali ishlarni tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

O‘zbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslar vakillarining O‘zbekiston Respublikasi Prezidentining Virtual qabulxonasidan tushgan murojaatlari o‘z vaqtida va to‘laqonli ko‘rib chiqilishini ta’minlash;

davlat siriga kiritilgan ma’lumotlar va maxfiy axborot bilan ishlashda qonunchilik hujjatlari talablariga rioya qilish;

ushbu Nizomda belgilangan, sanoat, radiatsiya va yadro xavfsizligini ta’minlash sohasida profilaktika chora-tadbirlarini ishlab chiqish va amalga oshirish sohasida jismoniy va yuridik shaxslarning qonunchilik hujjatlari va normativ hujjatlarga rioya qilishi ustidan davlat nazoratini ta’minlash bo‘yicha Qo‘mita faoliyatining asosiy yo‘nalishlarini tashkil etish va muvofiqlashtirish;

ijro intizomining holatini, Qo‘mita faoliyatini tahlil qilish bo‘yicha apparat yig‘ilishlarini o‘tkazish;

Qo‘mita raisining tezkor topshiriqlarini bajarish.

Qo‘mita raisining o‘rinbosarlari qonunchilik hujjatlariga muvofiq boshqa vakolatlarni ham amalga oshirilishi mumkin.

24. Quyidagilar markaziy apparat tarkibiy bo‘linmalari rahbarlarining asosiy funksional vazifalari hisoblanadi:

O‘zbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

O‘zbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, Qo‘mita faoliyatida ijro intizomini mustahkamlash bo‘yicha kompleks amaliy chora-tadbirlarni bajarish, shuningdek, O‘zbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida” 2021-yil 10-fevraldagi PF-6166-son Farmoniga, “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini ta’minlashga qaratilgan qo‘shimcha chora-tadbirlar to‘g‘risida” 2021-yil 31-maydagi PQ-5132-son va “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat boshqaruvi organlari va boshqa tashkilotlar, shuningdek, barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarorlariga muvofiq shaxsiy mas’uliyatini oshirish choralarni ko‘rish;

tarkibiy bo‘linmalar faoliyatiga bevosita rahbarlik qilish, ushbu bo‘linmalarga yuklangan vazifalar va funksiyalar bajarilishini tashkil etish;

Qo‘mitaning tarkibiy bo‘linmalari faoliyatini o‘z vakolatlari doirasida muvofiqlashtirish;

sanoat, radiatsiya va yadro xavfsizligini ta’minlash sohasida nazorat-profilaktik ishlar va boshqa tadbirlar bajarilishini tizimli tahlil qilish va tarkibiy bo‘linmalar tomonidan ko‘rsatib o‘tilgan sohalarda baxtsiz hodisalar va avariyalarning oldini olishga va ularni qisqartirishga yo‘naltirilgan qo‘shimcha choralar ko‘rilishi bo‘yicha takliflarni Qo‘mita rahbariyatiga kiritish;

O‘zbekiston Respublikasi Prezidenti va Vazirlar Mahkamasi hujjatlari va topshiriqlari ijrosini ta’minlash, Qo‘mita tarkibiy bo‘linmalari xodimlarining ijro intizomini mustahkamlash bo‘yicha kompleks amaliy chora-tadbirlarni amalga oshirish, shuningdek, qonunchilik hujjatlariga muvofiq topshiriqlarning o‘z vaqtida va sifatli bajarilishi uchun tarkibiy bo‘linmalar xodimlarining shaxsiy mas’uliyatini oshirish choralarini ko‘rish;

Ilmiy-texnik kengash qarorlari, Qo‘mita raisi va uning o‘rinbosarlari buyruqlari hamda topshiriqlari o‘z vaqtida va sifatli bajarilishini ta’minlash;

tarkibiy bo‘linmalarning yarim yillik ish rejalari ishlab chiqilishini ta’minlash, ularni tasdiqlash uchun kiritish, ularda ko‘rsatilgan vazifalar va tadbirlar o‘z vaqtida va sifatli bajarilishini ta’minlash;

tarkibiy bo‘linmalarga yuklangan vazifalar bajarilishini nazorat qilish va muvofiqlashtirish, hududiy boshqarmalar (bo‘limlar), sanoat xavfsizligi inspeksiyalari va idoraviy mansub tashkilotlar faoliyatiga amaliy va metodik yordam ko‘rsatish;

tarkibiy bo‘linmalar faoliyatiga oid masalalar yuzasidan qonunchilik hujjatlarini takomillashtirish bo‘yicha takliflarni ishlab chiqish va ko‘rib chiqish uchun Qo‘mita raisining tegishli o‘rinbosarlariga kiritish;

tarkibiy bo‘linmalarda kadrlarni tanlash va joy-joyiga qo‘yishda Qo‘mita raisining o‘rinbosarlariga takliflar taqdim etish, ularning kasbiy malakasini oshirish choralarini ko‘rish, tarkibiy bo‘linmalarda kadrlar zaxirasini shakllantirish;

normativ-huquqiy hujjatlar loyihalari tarkibiy bo‘linmalar tomonidan sifatli ishlab chiqilishini tashkil etish, ularning O‘zbekiston Respublikasi Prezidenti Administratsiyasi va Vazirlar Mahkamasining Reglamentlari talablariga qat’iy muvofiq ravishda Vazirlar Mahkamasiga o‘z vaqtida kiritilishini ta’minlash;

Qo‘mitaga taqdim etilgan takliflar va normativ-huquqiy hujjatlar loyihalarini to‘liq va har tomonlama ko‘rib chiqish;

xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014-yil 5-martdagi PQ-2142-son hamda “Xorijiy xizmat safarlarida bo‘lishning samaradorligi va xorijiy delegatsiyalarning O‘zbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablag‘lardan maqsadli hamda oqilona foydalanishni ta’minlash;

tarkibiy bo‘linmalar xodimlari faoliyati samaradorligi va natijadorligini muntazam ravishda tanqidiy tahlil qilish, yig‘ilishlarda ularning shaxsiy hisobotlarini eshitish, ularning yakunlari bo‘yicha zarur choralar ko‘rish;

Qo‘mita xodimlarining odob-axloq qoidalari talablariga rioya qilishini, tarkibiy bo‘linmalar xodimlari ushbu qoidalarga rioya etishini ta’minlash;

“Korrupsiyaga qarshi kurashish to‘g‘risida”gi hamda “Manfaatlar to‘qnashuvi to‘g‘risida”gi O‘zbekiston Respublikasining qonunlari talablariga muvofiq tarkibiy bo‘linmalarda korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

davlat xizmatlarining samaradorligi, sifati va ulardan erkin foydalanishni oshirishga doir takliflarni Qo‘mita rahbariyatiga kiritish;

jismoniy va yuridik shaxslarning murojaatlarini ko‘rib chiqish, qonunchilik hujjatlarida belgilangan muddatlarda va tartibda aholi bilan to‘g‘ridan-to‘g‘ri va ochiq muloqotni yo‘lga qo‘yish;

O‘zbekiston Respublikasi Prezidentining Xalq qabulxonalari va Virtual qabulxonasidan tushgan murojaatlarini o‘z vaqtida va to‘laqonli ko‘rib chiqish;

davlat siriga kiritilgan ma’lumotlar va maxfiy axborot bilan ishlashda qonunchilik hujjatlari talablariga rioya qilish.

25. Qo‘mita raisi:

Qo‘mitaga yuklangan vazifalar va funksiyalar bajarilishi;

ushbu Nizomning 21-bandida ko‘rsatilgan Qo‘mitaning javobgarlik sohalari bo‘yicha;

ushbu Nizomning 22-bandida ko‘rsatilgan o‘z funksional vazifalarining sifatli bajarilishi uchun shaxsan javobgardir.

26. Qo‘mita raisi o‘rinbosarlari:

mutasaddilik qilinadigan yo‘nalish va tarkibiy bo‘linmalarda Qo‘mitaga yuklangan vazifalar va funksiyalarning bajarilishi;

ushbu Nizomning 21-bandida ko‘rsatilgan Qo‘mitaning javobgarlik sohalarida mutasaddilik qilinadigan masalalar bo‘yicha;

ushbu Nizomning 23-bandida ko‘rsatilgan o‘z funksional vazifalarining sifatli bajarilishi uchun shaxsan javobgardir.

27. Qo‘mitaga rais rahbarlik qiladi.

Raisning ikki nafar o‘rinbosari bo‘ladi.

Qo‘mita raisi belgilangan tartibda O‘zbekiston Respublikasi Prezidenti tomonidan lavozimga tayinlanadi va lavozimdan ozod qilinadi.

Qo‘mita raisi o‘rinbosarlari O‘zbekiston Respublikasi Prezidenti bilan kelishilgan holda Vazirlar Mahkamasi tomonidan, Qo‘mitaning boshqa tizim tashkilotlari rahbarlari Vazirlar Mahkamasi bilan kelishgan holda Qo‘mita raisi tomonidan lavozimga tayinlanadi va lavozimdan ozod qilinadi.

28. Qo‘mita raisi maqomi, mehnatga haq to‘lash, tibbiy va transport xizmat ko‘rsatish sharoitlari bo‘yicha vazirga, Qo‘mita raisi o‘rinbosarlari esa — vazir o‘rinbosariga tenglashtiriladi.

29. Qo‘mita raisi:

Qo‘mitaga yuklangan vazifalar va funksiyalarning bajarilishi;

ushbu Nizomda nazarda tutilgan Qo‘mitaning javobgarlik sohalari bo‘yicha;

o‘z funksional vazifalarining sifatli bajarilishi uchun shaxsan javobgardir.

30. Qo‘mita raisining o‘rinbosarlari:

Qo‘mitaning mutasaddilik qilinadigan tarkibiy bo‘linmalarida Qo‘mitaga yuklangan vazifalar va funksiyalarning bajarilishi;

ushbu Nizomda nazarda tutilgan Qo‘mitaning mutasaddilik qilinadigan masalalarga doir javobgarlik sohalari bo‘yicha;

o‘z funksional vazifalarining sifatli bajarilishi uchun shaxsan javob beradi.

Qo‘mita raisi bo‘lmagan vaqtda uning vakolatlarini bajaradi.

Qo‘mitaning hududiy boshqarmalar (bo‘limlar) va idoraviy mansub tashkilotlariga Qo‘mita raisi tomonidan lavozimga tayinlanadigan va lavozimdan ozod etiladigan rahbarlar boshchilik qiladi.

31. Qo‘mitaning hududiy boshqarmalari (bo‘limlar), sanoat xavfsizligi inspeksiyalari va idoraviy mansub tashkilotlari rahbarlari:

ularga yuklangan vazifalar va funksiyalarning bajarilishi va javobgarligi sohalari bo‘yicha;

o‘z funksional vazifalari sifatli bajarilishi uchun shaxsan javob beradilar.

Qo‘mitaning tarkibiy tuzilmalari o‘z faoliyatini Qo‘mita raisi tomonidan tasdiqlanadigan nizomlarga muvofiq amalga oshiradi.

32. Qo‘mita o‘z faoliyatini respublika va mahalliy ijro etuvchi hokimiyat organlari va boshqa tashkilotlar bilan hamkorlik qiladi.

33. Hududiy boshqarmalar (bo‘limlar), sanoat xavfsizligi inspeksiyalari va idoraviy mansub tashkilotlar o‘z vakolatlari doirasida boshqa davlat organlari va xo‘jalik birlashmalarining hududiy organlari, mahalliy ijro etuvchi hokimiyat organlari va boshqa tashkilotlar bilan hamkorlik qiladi.

34. Qo‘mita faoliyatining samaradorligi muntazam baholanadi.

35. Qo‘mita faoliyatining samaradorligi va natijadorligini baholash tegishli mezonlar va ish indikatorlarga asoslanadi.

36. Qo‘mita faoliyatining samaradorligi va natijadorligini baholash yakunlari bo‘yicha:

Qo‘mita va uning hududiy boshqarmalari, sanoat xavfsizligi inspeksiyalari rahbarlari va xodimlarini rag‘batlantirish (mukofotlash) yoki intizomiy javobgarlikka tortish;

Qo‘mita faoliyatida aniqlangan kamchiliklarni bartaraf etish va uning faoliyatini yanada takomillashtirish choralari ko‘riladi.

37. Qo‘mita faoliyatining samaradorligi va natijadorligini baholash tartibi va uslubi Vazirlar Mahkamasi tomonidan belgilanadi.

38. Qo‘mita raisi va uning o‘rinbosarlari faoliyati bo‘yicha samaradorlik ko‘rsatkichlari qonunchilik hujjatlari bilan belgilanadi.

39. Qo‘mitaning tekshirish huquqiga ega inspektorlari ularning sohaga oid bilimlarini tekshirish maqsadida uch yilda bir marotaba attestatsiyadan o‘tkaziladi.

40. Qo‘mita vakolatiga kiradigan muhim masalalarni ko‘rib chiqish va tavsiyalar berish uchun Ilmiy-texnik kengash tashkil etiladi. Ilmiy-texnik kengash Qo‘mita huzurida faoliyat yuritadigan maslahat organi hisoblanadi.

41. Ilmiy-texnik kengash to‘g‘risidagi Nizom va uning tarkibi Qo‘mita raisi tomonidan tasdiqlanadi.

42. Ilmiy-texnik kengash quyidagi asosiy vazifalarni amalga oshiradi:

sanoat, radiatsiya va yadro xavfsizligini ta’minlash sohasidagi davlat siyosatini yuritish va tartibga solish maqsadida ilmiy tadqiqotlar va ilmiy-texnik ishlarning yo‘nalishlari, mavzulari va natijalari bo‘yicha takliflarni ko‘rib chiqish va tayyorlash;

sanoat, radiatsiya va yadro xavfsizligini ta’minlash sohasida davlat siyosatini yuritish va tartibga solish bo‘yicha tavsiyalar ishlab chiqish;

Qo‘mita vakolati doirasida tartibga solish, nazorat qilish va litsenziyalash faoliyatida huquqni qo‘llash amaliyotidan kelib chiqib, ilg‘or tajribalar va innovatsion ishlanmalarni amalga oshirishga ko‘maklashish.

43. Ilmiy-texnik kengash Qo‘mita vakolatiga tegishli bo‘lgan boshqa masalalarni ham ko‘rib chiqish huquqiga ega.

44. Ilmiy-texnik kengash yig‘ilishlariga Qo‘mita vakolatiga kiradigan masalalar bo‘yicha davlat organlari va xo‘jalik birlashmalari, nazorat ostidagi obyektlarga ega bo‘lgan korxona va tashkilotlar rahbarlari taklif etilishi mumkin.

45. Qo‘mita budjet tashkiloti hisoblanadi hamda uning moddiy-texnik ta’minoti, xodimlari mehnatiga haq to‘lash va ularni moddiy rag‘batlantirish bo‘yicha xarajatlar Davlat budjeti mablag‘lari, Jamg‘arma mablag‘lari va qonunchilik bilan taqiqlanmagan boshqa mablag‘lar hisobidan moliyalashtiriladi.

46. Qo‘mitani boshqaruv xodimlarining lavozim maoshini belgilashda Davlat budjeti mablag‘lari hisobidan yagona tarif setkasi bo‘yicha mehnatga haq to‘lashning tasdiqlangan razryadlariga muvofiq tarif koeffitsiyenti 1,8 baravarga oshirilgan holda qo‘llaniladi.

47. Qo‘mita xodimlarining ish haqi lavozim maoshi, ish haqiga tuman (hududiy) koeffitsiyentlari, mukofotlar, ustamalar, qo‘shimcha haqlar va qonunchilik hujjatlarida nazarda tutilgan boshqa rag‘batlantiruvchi to‘lovlardan iborat.

48. Qo‘mitaning barcha xodimlariga uzluksiz ish staji uchun ustamalarni ularning umumiy mehnat faoliyatini qamrab olgan holda, ustamalar faqat asosiy ish joyi bo‘yicha har oyda va xodimning oylik maoshiga (rag‘batlantirish koeffitsiyentini hisobga olgan holda) nisbatan quyidagi foizlarda hisoblanadi:

49. Qo‘mitaning inspektorlar tarkibiga va xodimlariga farqlash belgilari bo‘lgan formali kiyim-bosh va yagona namunadagi guvohnoma belgilangan tartibda beriladi.

50. Qo‘mita qonunchilik hujjatlarida belgilangan tartibda qayta tashkil etiladi va tugatiladi.

1. Mazkur Nizom Sanoat, radiatsiya va yadro xavfsizligi qo‘mitasi huzuridagi Sanoat xavfsizligi sohasini qo‘llab-quvvatlash jamg‘armasi (keyingi o‘rinlarda — Jamg‘arma) mablag‘larini shakllantirish va ulardan foydalanish tartibini belgilaydi.

2. Jamg‘arma yuridik shaxs tashkil etmagan holda, O‘zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasiga (keyingi o‘rinlarda — Qo‘mita) yuklangan vazifalarni amalga oshirish bo‘yicha chora-tadbirlarni moliyalashtirishga ko‘maklashish va uning faoliyati samaradorligini ta’minlash maqsadida tashkil etiladi.

3. Jamg‘arma mablag‘lari Qo‘mitaning Iqtisodiyot va moliya vazirligi huzuridagi G‘aznachilik xizmati qo‘mitasida belgilangan tartibda ochiladigan milliy valyutadagi shaxsiy g‘azna hisobvaraqlarida jamlanadi.

4. Jamg‘arma mablag‘lari quyidagi manbalar hisobidan shakllantiriladi:

Jamg‘armaning kutilayotgan xarajatlaridan kelib chiqib, Iqtisodiyot va moliya vazirligi bilan kelishilgan holda o‘rnatiladigan, “Navoiyuran” davlat korxonasi yillik foydasidan hisoblangan dividendning 1 foizi miqdoridagi ajratmalar;

“Sanoat xavfsizligi” DM, “Radiatsiya va yadro xavfsizligi ilmiy-texnik markazi” DM, “Kontexnazorato‘quv” DM va “Sanoat nazorati laboratoriyasi” DM sof foydasining 50 foizi miqdoridagi ajratmalar;

sanoat, radiatsiya va yadro xavfsizligi sohasida davlat xizmatlarini ko‘rsatishdan qonunchilikda belgilangan tartibda va miqdorlarda Qo‘mitaga tushadigan mablag‘lar.

Qo‘mita tomonidan xo‘jalik yurituvchi subyektlar, ularning mansabdor shaxslari va jismoniy shaxslardan sanoat, radiatsiya va yadro xavfsizligi sohasidagi qonunchilik hamda texnik jihatdan tartibga solish sohasidagi normativ hujjatlar talablarini buzganlik uchun qonunchilikda belgilangan tartibda va miqdorlarda undiriladigan jarimalar summasining 80 foizi miqdoridagi mablag‘lar (bunda ushbu tushumning 75 foizi qismi Qo‘mitaning axborot-kommunikatsiya texnologiyalarini rivojlantirishga yo‘naltiriladi);

Qo‘mita tizimidagi tashkilotlar tomonidan belgilangan tartibda ajratiladigan mablag‘lar;

xalqaro moliya institutlari mablag‘lari, donor tashkilotlar grantlari;

qonunchilikda taqiqlanmagan boshqa manbalar.

5. Jamg‘arma mablag‘laridan har yili Qo‘mita tomonidan tasdiqlanadigan, Iqtisodiyot va moliya vazirligi bilan kelishilgan daromadlar va xarajatlar smetasiga muvofiq ravishda foydalaniladi.

6. Jamg‘arma mablag‘laridan quyidagi maqsadlarda foydalaniladi:

Qo‘mita hamda uning tizimidagi tashkilotlarning moddiy-texnik bazasini mustahkamlash;

Qo‘mitani joriy saqlash xarajatlari;

Qo‘mitaga belgilangan tartibda atom energiyasidan foydalanish sohasidagi faoliyatni litsenziyalash maqsadida ekspertiza bo‘yicha ishlarni amalga oshirish uchun xorijiy ixtisoslashtirilgan institutlar va kompaniyalarni, shuningdek, xorijiy mutaxassis va ekspertlarni shartnoma asosida jalb etish;

Qo‘mita faoliyatida axborot texnologiyalarini joriy etish va modernizatsiya qilish;

Qo‘mita xodimlarini moddiy rag‘batlantirish va ijtimoiy himoya qilish;

Qo‘mita xodimlarini tayyorlash, qayta tayyorlash, ularning malakasini oshirish va amaliyot o‘tashini, shu jumladan, xorijiy davlatlarga va respublika hududida xizmat safarlarini tashkil qilish, xalqaro konferensiyalar, seminarlar va boshqa tadbirlarda ishtirok etishini ta’minlash;

radiatsiya va yadro xavfsizligi sohasida ekspert va maslahat xizmatlarini ko‘rsatish;

Qo‘mita faoliyatini qo‘llab-quvvatlash va rivojlantirish bilan bog‘liq boshqa tadbirlarni moliyalashtirish.

7. Jamg‘armaning daromadlar va xarajatlar smetasi joriy yilda kelib tushishi kutilayotgan mablag‘lar doirasida va bajarilishi lozim bo‘lgan tadbirlardan kelib chiqib tuziladi.

8. Qo‘mita raisi Jamg‘arma mablag‘larini tasarruf etuvchi hisoblanadi.

9. Jamg‘arma mablag‘lari hisobidan Qo‘mita xodimlarini moddiy rag‘batlantirish va ijtimoiy himoya qilish Jamg‘arma moliyaviy holatidan kelib chiqib, quyidagi shakllarda amalga oshiriladi:

qonunchilikda belgilangan bayram kunlarda va boshqa muhim sanalarda bir martalik pul mukofoti bilan mukofotlash;

lavozim maoshlariga har oy belgilanadigan shaxsiy ustama to‘lash;

ishda muvaffaqiyatlarga erishganligi va muhim topshiriqlarni bajarganligi uchun alohida xodimlarni mukofotlash;

ovqat puli uchun to‘lov;

yo‘lkira xarajatlari uchun to‘lov;

moddiy yordam ko‘rsatish.

10. Qo‘mita hamda uning tizimidagi budjet tashkilotlari xodimlari quyidagi bayramlar va muhim sanalar munosabati bilan Qo‘mita moliyaviy holatidan kelib chiqib, bir lavozim maoshigacha bo‘lgan miqdorda (rag‘batlantirish koeffitsiyenti bilan birga) mukofotlanishi mumkin.

1-yanvar — Yangi yil;

8-mart — Xalqaro xotin-qizlar kuni;

21-mart — Navro‘z bayrami;

9-may — Xotira va qadrlash kuni;

Ro‘za hayiti (Iyd al-Fitr);

Qurbon hayiti (Iyd al-Adha);

1-sentabr — Mustaqillik kuni;

1-oktabr — O‘qituvchi va murabbiylar kuni;

8-dekabr — O‘zbekiston Respublikasi Konstitutsiyasi kuni.

Bunda xodimlarga beriladigan mukofot miqdori Qo‘mita raisi tomonidan belgilanadi.

11. Qo‘mita xodimlariga Jamg‘arma hisobidan quyidagi ustama va rag‘batlantirish choralari belgilanadi:

tashabbuskorlik va mehnat natijalari bo‘yicha har oyda shaxsiy ustama to‘lovlari oylik maoshining (rag‘batlantirish koeffitsiyentini hisobga olgan holda) — bir yuz foizigacha bo‘lgan miqdorda;

xizmat vazifalarini sidqidildan bajargani, ijro intizomiga rioya etilgani, o‘z xizmat faoliyati samaradorligini oshirish motivatsiyasi va xizmat vazifalarini samarali bajarish tizimini joriy etgan markaziy apparat xodimlariga har oyda yoki chorakda lavozim maoshining (rag‘batlantirish koeffitsiyentini hisobga olgan holda) — ellik foizigacha bo‘lgan miqdorda, hududiy bo‘linma xodimlariga lavozim maoshining (rag‘batlantirish koeffitsiyentini hisobga olgan holda) — yigirma foizigacha bo‘lgan miqdorda.

12. Qo‘mita hamda uning tizimidagi budjet tashkilotlari xodimlari alohida muvaffaqiyatlarga erishgani va muhim topshiriqlarni bajargani uchun chorak yakunlari bo‘yicha lavozim maoshining (rag‘batlantirish koeffitsiyentini hisobga olgan holda) ellik foizigacha miqdorda mukofotlanadi.

Ustama va rag‘batlantirish choralari joriy qilinadigan xodimlar toifasi, tartibi va ularga beriladigan ustama va rag‘batlantirish miqdori Qo‘mita raisi tomonidan belgilanadi.

13. Qo‘mita xodimlarini ijtimoiy himoya qilish maqsadida ularga har oyda bazaviy hisoblash miqdorining ikki baravarigacha miqdorda ovqat puli hamda yo‘lkira xarajatlarini qoplash uchun bazaviy hisoblash miqdorining bir baravarigacha miqdorda yo‘lkira puli berilishi mumkin.

14. Qo‘mita xodimlariga Qo‘mita kasaba uyushmasining iltimosnomasiga binoan Qo‘mita moliyaviy holatidan kelib chiqib, Qo‘mita raisining qarori bilan quyidagi sharoitlar va miqdorlarda moddiy yordam ko‘rsatilishi mumkin:

xodimning yubiley sanalari (50 yosh, 60 yosh) munosabati bilan bazaviy hisoblash miqdorining o‘ttiz baravari;

xodimning o‘zi oila qurganda yoki farzandining to‘yi munosabati bilan (nikoh guvohnomasiga asosan, faqat birinchi nikoh uchun) bazaviy hisoblash miqdorining ellik baravari;

xodim vafot etganda, uning turmush o‘rtog‘i yoki qonuniy vakiliga bazaviy hisoblash miqdorining ellik baravari;

Oila kodeksiga muvofiq xodimning yaqin qarindoshlari (ota-onasi, turmush o‘rtog‘i va farzandlari) vafot etganda (o‘lim to‘g‘risidagi guvohnomaga asosan) bazaviy hisoblash miqdorining o‘ttiz baravari;

alohida ehtiyoj tug‘ilganda (baxtsiz hodisa, avariya, uzoq muddatli kasallik sababli maxsus davolanish va sog‘liqni qayta tiklashga, shuningdek, oiladagi og‘ir moddiy ahvol va boshqa holatlar), bazaviy hisoblash miqdorining ellik baravari;

qishloq xo‘jaligi mahsulotlarini sotib olish uchun yilda bir marta (qoida tariqasida kuz oylarida) bazaviy hisoblash miqdorining o‘n baravari miqdorida.

15. Jamg‘arma mablag‘larining hisob va hisoboti Qo‘mita tomonidan qonunchilik hujjatlariga muvofiq yuritiladi.

16. Buxgalteriya hisobining to‘g‘ri yuritilishi, Jamg‘armaga mablag‘lar kelib tushishi va uning sarflanishi haqidagi har chorak va yil yakuni bo‘yicha tuziladigan hisobotlarni tayyorlash hamda Iqtisodiyot va moliya vazirligiga o‘z vaqtida taqdim qilishga Qo‘mitaning Moliya va buxgalteriya hisobi bo‘limi javobgar hisoblanadi.

17. Jamg‘arma mablag‘laridan oqilona va maqsadli foydalanish yuzasidan nazorat Iqtisodiyot va moliya vazirligi huzuridagi Davlat moliyaviy nazorati inspeksiyasi tomonidan amalga oshiriladi.

18. Jamg‘armaning hisobot yilida foydalanilmagan mablag‘lari olib qo‘yilmaydi va keyinchalik ushbu Nizomda nazarda tutilgan tartibda foydalanish uchun milliy va xorijiy valyutada jamg‘arib boriladigan g‘aznachilik shaxsiy g‘azna hisobvaraqlarida qoladi.

19. Ushbu Nizom talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.

1. Vazirlar Mahkamasining “O‘zbekiston Respublikasi Sanoat xavfsizligi davlat qo‘mitasi to‘g‘risidagi nizomni tasdiqlash to‘g‘risida” 2019-yil 1-fevraldagi 75-son qarori.

2. Vazirlar Mahkamasining “O‘zbekiston Respublikasi Sanoat xavfsizligi davlat qo‘mitasi to‘g‘risidagi nizomga o‘zgartirish va qo‘shimchalar kiritish to‘g‘risida” 2020-yil 15-apreldagi 226-son qarori.

3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida (O‘zbekiston Respublikasining “O‘zbekiston Respublikasi Vazirlar Mahkamasi to‘g‘risida” 2019-yil 10-dekabrdagi O‘RQ-591-son Qonuni)” 2020-yil 16-apreldagi 234-son qaroriga ilovaning 17-bandi.