T/r | Tadbirlar nomi | Ijro muddatlari | Hujjat turi | Mas’ul ijrochilar |
I. Normativ-huquqiy ta’minlash | ||||
1.1. | “Ipoteka va uy-joy qurilishiga ipoteka krediti berish to‘g‘risida” O‘zbekiston Respublikasi Qonuni loyihasini tayyorlash | uch oy muddatda | Qonun loyihasi | Iqtisodiyot vazirligi, Markaziy bank, Moliya vazirligi, Davlat soliq qo‘mitasi, “Davarxitektqurilish” qo‘mitasi, Adliya vazirligi, tijorat banklari |
1.2. | Uy-joy qurilishi, turar-joylarni rekonstruksiya qilish va sotib olish uchun ipoteka krediti berish to‘g‘risidagi nizomni tayyorlash | uch oy muddatda | Nizom loyihasi | Iqtisodiyot vazirligi, Markaziy bank, Moliya vazirligi, Davlat soliq qo‘mitasi, “Davarxitektqurilish” qo‘mitasi, Adliya vazirligi, tijorat banklari |
1.3. | Yakka tartibda uy-joy qurilishi to‘g‘risidagi muvaqqat nizomni ishlab chiqish | 2005-yil mart | Muvaqqat nizom loyihasi | “Davarxitektqurilish” qo‘mitasi, Moliya vazirligi, Iqtisodiyot vazirligi, Adliya vazirligi |
1.4. | Ipoteka krediti berishni qo‘llab-quvvatlash jamg‘armasi mablag‘larini shaklla�tirish va undan foydalanish tartibi to‘g‘risidagi nizom loyihasini tayyorlash | 2005-yil mart | Nizom loyihasi | Iqtisodiyot vazirligi, Moliya vazirligi |
1.5. | Soliq kodeksi va Yer kodeksiga mazkur qarordan kelib chiqadigan o‘zgartirishlar kiritish bo‘yicha takliflar tayyorlash | 2005-yil aprel | Qonunlar loyihalari | Moliya vazirligi, Davlat soliq qo‘mitasi, Iqtisodiyot vazirligi, Markaziy bank, “Yergeodezkadastr” davlat qo‘mitasi, “Davarxitektqurilish” qo‘mitasi, Adliya vazirligi |
1.6. | Uy-joy qurilishiga uzoq muddatli ipoteka krediti berish tizimini joriy etish bo‘yicha normativ-huquqiy hujjatlar loyihalarini ishlab chiqish | 2005-yil III chorak | Normativ hujjatlar loyihalari | Markaziy bank, tijorat banklari, Moliya vazirligi, Iqtisodiyot vazirligi, “Davarxitektqurilish” qo‘mitasi |
1.7. | Amaldagi shaharsozlik normalari va qoidalariga, qurilish va uy-joylarni rekonstruksiya qilishni tartibga soluvchi boshqa normativ hujjatlarga o‘zgartirishlar kiritish | 2005-yil III chorak | Normativ hujjatlar | “Davarxitektqurilish” qo‘mitasi, “Yergeodezkadastr” davlat qo‘mitasi |
1.8. | Davlat va mintaqaviy darajalarda uy-joy sharoitlarini yaxshilash bo‘yicha olib borilayotgan kompleks chora-tadbirlarning huquqiy ta’minoti tizimini yaratish bo‘yicha takliflar tayyorlash | 2005-yil mart | Takliflar | Adliya vazirligi, Iqtisodiyot vazirligi, “Davarxitektqurilish” qo‘mitasi |
II. Tashkiliy-amaliy chora-tadbirlar | ||||
2.1. | 2010-yilgacha bo‘lgan davrda aholining uy-joy sharoitlarini yaxshilash bo‘yicha tashkiliy-texnikaviy tadbirlarni ishlab chiqish | 2005-yil aprel | Tadbirlar | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
2.2. | Yakka tartibda uy-joy qurish uchun yer uchastkasi olishni xohlovchi hamda munitsipal uy-joy fondi va maqsadli kommunal uy-joy fondidagi kvartiralar olishni xohlovchi ariza beruvchilarni ajratgan holda aholining uy-joy sharoitlarini yaxshilash uchun mavjud navbat tartibini xatlovdan o‘tkazish | uch oy muddatda | Navbatda turganlar ro‘yxati | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
2.3. | Bo‘sh yotoqxonalar va tugallanmagan qurilish obyektlarini xatlovdan o‘tkazish hamda bular asosida ularni uy-joylarga qayta ixtisoslashtirish uchun foydalanish bo‘yicha takliflar kiritish | uch oy muddatda | Takliflar | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Davlat statistika qo‘mitasi, Iqtisodiyot vazirligi, Davlat mulki qo‘mitasi, “Davarxitektqurilish” qo‘mitasi |
2.4. | Uy-joy qurilishi sohasidagi konsalting va axborot infratuzilmalarini shakllantirish va ularning samarali faoliyat yuritishi bo‘yicha kompleks chora-tadbirlarni ishlab chiqish | Muntazam | Iqtisodiyot vazirligi, “Davarxitektqurilish” qo‘mitasi, Davlat mulki qo‘mitasi | |
2.5. | Yakka tartibdagi uy-joy qurilishida yer uchastkalari ajratish mexanizmini takomillashtirish va yer munosabatlarini tartibga solish bo‘yicha takliflar ishlab chiqish | 2005-yil mart | Normativ hujjatlar loyihalari | “Yergeodezkadastr” davlat qo‘mitasi, “Davarxitektqurilish” qo‘mitasi, viloyatlar hokimliklari |
2.6. | Yakka tartibdagi uy-joy qurilishi uchun ajratilgan yerlarni xatlovdan o‘tkazish, ularning to‘liq qurilishi uchun amaliy chora-tadbirlar ko‘rish, uy-joy qurilishi dasturi bo‘yicha yerlar ajratish | 2005-yil iyul | Tadbirlar | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, “Yergeodezkadastr” davlat qo‘mitasi, Davlat mulki qo‘mitasi, “Davarxitektqurilish” qo‘mitasi |
2.7. | Uylar (kvartiralar)ni baholash va qayta baholash tizimini tartibga solish, bu sohadagi normativ hujjatlarni takomillashtirish bo‘yicha takliflar ishlab chiqish | 2005-yil mart | Vazirlar Mahkamasi qarori loyihasi | Davlat mulki qo‘mitasi, “Yergeodezkadastr” davlat qo‘mitasi, Davlat soliq qo‘mitasi, Iqtisodiyot vazirligi, Moliya vazirligi, “Davarxitektqurilish” qo‘mitasi, Adliya vazirligi |
2.8. | Qishloq joylari uchun yakka tartibdagi uy-joylarning takror qo‘llaniladigan loyihalarini ishlab chiqish va tasdiqlash | uch oy muddatda | Namunaviy loyihalar | “Davarxitektqurilish” qo‘mitasi, |
2.9. | Ko‘chmas mulk bozori faoliyatini takomillashtirish bo‘yicha takliflar ishlab chiqish | 2005-yil mart | Takliflar | Davlat mulki qo‘mitasi, “Yergeodezkadastr” davlat qo‘mitasi, Davlat soliq qo‘mitasi, Iqtisodiyot vazirligi, Moliya vazirligi, Adliya vazirligi |
O‘zbekiston Respublikasi Prezidentining Qarori, 16.02.2005 yildagi PQ-10-son
Кучга кириш санаси
16.02.2005
Рус
Ўзб
O’zb
O‘zb|Рус
Aholining shinam uy-joylarga bo‘lgan talab-ehtiyojlarini mumkin qadar to‘liq ta’minlash, uy-joy qurilishini, ayniqsa kichik shaharlar va qishloq joylarda jadal rivojlantirish, uy-joy qurilishi uchun imtiyozli uzoq muddatli ipoteka krediti berish tizimini keng joriy etish maqsadida:
1. “Uyjoyjamg‘armabank” va “Zamin” banki aksiyadorlarining mazkur banklarni birlashtirish va ular asosida “Ipoteka-bank” aksiyadorlik tijorat ipoteka bankini tashkil qilish to‘g‘risidagi taklifiga rozilik berilsin.
yakka tartibdagi uy-joy qurilishi uchun imtiyozli uzoq muddatli ipoteka krediti berish tizimini joriy etish;
yakka tartibda uy-joy quruvchilarga va aholi uchun turar joylar barpo etadigan xo‘jalik yurituvchi subyektlarga kredit olishda ko‘maklashish;
uy-joy qurilishi uchun ipoteka krediti berishni rivojlantirishga xorijiy investitsiyalar, jumladan kreditlarni, shuningdek xalqaro va mahalliy moliya institutlari investitsiya hamda grantlarini jalb etish;
respublika mintaqalarida bankning ixtisoslashtirilgan xizmatlaridan aholining keng foydalanishini ta’minlaydigan filiallar shoxobchasini rivojlantirish;
zamonaviy, tejamli, bozorda talab yuqori bo‘lgan qurilish materiallari ishlab chiqaruvchi korxonalarni kredit bilan ta’minlash.
Oldingi tahrirga qarang.
(2-band O‘zbekiston Respublikasi Prezidentining 2011-yil 19-maydagi PQ-1531-sonli qaroriga asosan o‘z kuchini yo‘qotgan — O‘R QHT, 2011-y., 22-23-son, 225-modda)
Oldingi tahrirga qarang.
(3-band O‘zbekiston Respublikasi Prezidentining 2011-yil 19-maydagi PQ-1531-sonli qaroriga asosan o‘z kuchini yo‘qotgan — O‘R QHT, 2011-y., 22-23-son, 225-modda)
Oldingi tahrirga qarang.
4. O‘zbekiston Respublikasi Iqtisodiy taraqqiyot va kambag‘allikni qisqartirish vazirligi O‘zbekiston Respublikasi Moliya vazirligi, Investitsiyalar va tashqi savdo vazirligi, “Ipoteka-bank” va tijorat banklari bilan birgalikda uy-joy qurilishiga ipoteka krediti berishni rivojlantirish uchun xalqaro va xorijiy milliy moliyaviy institutlarning imtiyozli uzoq muddatli kreditlari, grantlari va investitsiyalarini jalb etish choralarini ko‘rsin.
(4-band O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
Oldingi tahrirga qarang.
(5-band O‘zbekiston Respublikasi Prezidentining 2011-yil 19-maydagi PQ-1531-sonli qaroriga asosan o‘z kuchini yo‘qotgan — O‘R QHT, 2011-y., 22-23-son, 225-modda)
6. O‘zbekiston Respublikasi Iqtisodiyot vazirligi, Markaziy banki, Moliya vazirligi “Davarxitektqurilish” qo‘mitasi, Davlat soliq qo‘mitasi, Adliya vazirligi va tijorat banklari bilan birgalikda 3 oy muddatda quyidagilarni ishlab chiqib, Vazirlar Mahkamasiga kiritsinlar:
“Ipoteka va uy-joy qurilishiga ipoteka krediti berish to‘g‘risida”gi O‘zbekiston Respublikasi Qonuni loyihasi;
Uy-joy qurilishi, turar-joylarni rekonstruksiya qilish va sotib olish uchun ipoteka krediti berish to‘g‘risidagi nizom.
Shu bilan birga ushbu hujjatlarda ipoteka kreditlari ajratishning puxta va ochiq-oshkora mexanizmi, kredit to‘lanmagan taqdirda nizolarni hal etish, mulkchilik huquqining o‘tishi va uydan ko‘chirish, kreditorlarning zararlarini kafolatli qoplash va boshqa masalalar nazarda tutilsin.
7. Belgilansinki, 2010-yilning 1-yanvarigacha tijorat banklarining ipotekaga qo‘yilgan mol-mulkni sotishdan va berilgan ipoteka kreditlaridan olingan daromadi daromad (foyda) solig‘idan ozod etiladi.
8. 2010-yilgacha bo‘lgan davrda uy-joy qurilishini va uy-joy bozorini rivojlantirish bo‘yicha O‘zbekiston Respublikasi Iqtisodiyot vazirligi, Moliya vazirligi, Davlat mulk qo‘mitasi tomonidan ishlab chiqilgan tadbirlar ilovaga muvofiq tasdiqlansin.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari ikki oy muddatda 2010-yilgacha bo‘lgan davrda mintaqalarda uy-joy qurilishini rivojlantirish bo‘yicha tashkiliy-texnikaviy chora-tadbirlarni ishlab chiqsinlar va tasdiqlasinlar, unda:
yer uchastkalari ajratish va yakka tartibdagi uy-joy qurilishi massivlarini kompleks holda barpo etish;
yakka tartibdagi uy-joy qurilishi yangi massivlarini mahalliy budjetlar mablag‘lari hisobiga zarur muhandislik kommunikatsiyalari bilan ta’minlash;
yakka tartibdagi uy-joy quruvchilarning mahalliy qurilish materiallari va konstruksiyalarga bo‘lgan talab-ehtiyojlarini qondirish;
rekonstruksiya qilinadigan yoki buziladigan uy-joy fondini aniqlagan holda ommaviy seriyadagi ilgari qurilgan ko‘p xonadonli uylarni rekonstruksiya qilishni nazarda tutsinlar.
9. O‘zbekiston Respublikasi Adliya vazirligi manfaatdor vazirliklar va idoralar bilan birgalikda ikki oy muddatda qonun hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
10. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklatilsin.