I. Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

1. Oʻzbekiston Respublikasining 1989-yil 21-oktabrda qabul qilingan “Davlat tili haqida”gi Qonunining 1995-yil 21-dekabrda qabul qilingan Oʻzbekiston Respublikasi Qonuni bilan tasdiqlangan yangi tahriri (Oʻzbekiston Respublikasi Oliy Majlisining Axborotnomasi, 1995-yil, № 12, 257-modda) 7-moddasining uchinchi qismidagi “Oliy Majlis tegishli qoʻmitasining” degan soʻzlar “Oliy Majlis palatalari tegishli qoʻmitalarining” degan soʻzlar bilan almashtirilsin.

2. Oʻzbekiston Respublikasining 1991-yil 15-fevralda qabul qilingan “Oʻzbekiston Respublikasida jamoat birlashmalari toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1991-yil, № 4, 76-modda; 1992-yil, № 9, 363-modda; Oʻzbekiston Respublikasi Oliy Majlisining Axborotnomasi, 1997-yil, № 4-5, 126-modda; 1998-yil, № 3, 38-modda; 2004-yil, № 1-2, 18-modda, № 5, 90-modda):

1) 3-moddasining ikkinchi qismidagi “va Qoraqalpogʻiston Respublikasi” degan soʻzlar chiqarib tashlansin;

2) 4-moddasining ikkinchi qismi quyidagi tahrirda bayon etilsin:

“Barcha jamoat birlashmalari oʻz ustavlarida, boshqa hujjatlarda nazarda tutilgan vazifalarni bajarishda Oʻzbekiston Respublikasining Konstitutsiyasi, Oʻzbekiston Respublikasining boshqa qonunlari doirasida ish koʻradilar”;

3) 16-moddasining uchinchi qismidagi “Oliy Majlisida” degan soʻzlar “Oliy Majlisining Qonunchilik palatasida” degan soʻzlar bilan almashtirilsin.

3. Oʻzbekiston Respublikasining 1991-yil 14-iyunda qabul qilingan “Oʻzbekiston Respublikasining tashqi iqtisodiy faoliyati toʻgʻrisida”gi Qonunining 2000-yil 26-mayda qabul qilingan Oʻzbekiston Respublikasi Qonuni bilan tasdiqlangan yangi tahriri (Oʻzbekiston Respublikasi Oliy Majlisining Axborotnomasi, 2000-yil, № 5-6, 148-modda; 2003-yil, № 5, 67-modda; 2004-yil, № 5, 90-modda):

1) 17-moddasi birinchi qismining sakkizinchi xatboshisidagi “qurol-yarogʻlar, harbiy texnika, ikki xil maqsadda ishlatilishi mumkin boʻlgan tovarlar va texnologiyalarga” degan soʻzlar “oʻz xossa hamda xususiyatlariga koʻra yalpi qirgʻin qurolini (yadroviy, kimyoviy, bakteriologik (biologik) va zaharlovchi qurol) hamda uni yetkazib berish vositalarini (raketalar va yalpi qirgʻin qurolini yetkazib berishga qodir boshqa texnika vositalarini), boshqa turdagi qurol-yarogʻ hamda harbiy texnikani yaratishda muhim hissa qoʻshishi mumkin boʻlgan, eksport nazorati obyektlari roʻyxatlarida koʻrsatilgan tovarlar, asbob-uskunalar, ilmiy-texnika axboroti, ishlar va xizmatlar, intellektual faoliyat natijalariga” degan soʻzlar bilan almashtirilsin;

2) 22-moddasining matni quyidagi tahrirda bayon etilsin:

“Oʻz xossa hamda xususiyatlariga koʻra yalpi qirgʻin qurolini (yadroviy, kimyoviy, bakteriologik (biologik) va zaharlovchi qurol) hamda uni yetkazib berish vositalarini (raketalar va yalpi qirgʻin qurolini yetkazib berishga qodir boshqa texnika vositalarini), boshqa turdagi qurol-yarogʻ hamda harbiy texnikani yaratishda muhim hissa qoʻshishi mumkin boʻlgan, eksport nazorati obyektlari roʻyxatlarida koʻrsatilgan tovarlar, asbob-uskunalar, ilmiy-texnika axboroti, ishlar va xizmatlar, intellektual faoliyat natijalariga nisbatan tashqi iqtisodiy faoliyat amalga oshirilayotganda Oʻzbekiston Respublikasining milliy manfaatlarini himoya qilish, shuningdek xalqaro majburiyatlarga rioya etish maqsadida Oʻzbekiston Respublikasida eksport nazorati tizimi amal qiladi. Eksport nazorati obyektlari roʻyxatlari, shuningdek ularni olib chiqish va ulardan foydalanish tartibi Oʻzbekiston Respublikasi Vazirlar Mahkamasi tomonidan belgilanadi”.

4. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasining Davlat bayrogʻi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 1, 27-modda; Oʻzbekiston Respublikasi Oliy Majlisining Axborotnomasi, 1999-yil, № 5, 124-modda) 5-moddasining:

1-bandi uchinchi xatboshisidagi “Oliy Majlisining” degan soʻzlar “Oliy Majlisi palatalarining” degan soʻzlar bilan almashtirilsin;

2-bandidagi “Sovetlarining” degan soʻz “Kengashlarining” degan soʻz bilan almashtirilsin;

4-bandi quyidagi tahrirda bayon etilsin:

“4) Oʻzbekiston Respublikasi Prezidenti saylovi, Oʻzbekiston Respublikasi Oliy Majlisi Qonunchilik palatasi deputatlari, Senati aʼzolari, xalq deputatlari Kengashlarining deputatlari saylovi yoki referendum kunlarida — ovoz berish oʻtkazilayotgan binolar va xonalarda”;

6-bandidagi “Oliy Majlisining Raisi” degan soʻzlar “Oliy Majlisining Qonunchilik palatasi Spikeri, Oʻzbekiston Respublikasi Oliy Majlisining Senati Raisi” degan soʻzlar bilan almashtirilsin.

5. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasi Prezidenti saylovi toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1992-yil, № 1, 34-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda; 1999-yil, № 9, 206-modda; 2000-yil, № 5-6, 153-modda) tegishli moddalari ularni keyingi vaqtlarda qabul qilingan, saylov bilan bogʻliq qonunlar, normativ-huquqiy hujjatlarga muvofiqlashtirish zarurati bilan, Oʻzbekiston Respublikasining Konstitutsiyasiga kiritilgan oʻzgartishlar va tuzatishlarni inobatga olgan holda quyidagi tahrirda qabul etiladi:

Oʻzbekiston Respublikasi Prezidenti saylovini Oʻzbekiston Respublikasi fuqarolari umumiy, teng va toʻgʻridan-toʻgʻri saylov huquqi asosida yashirin ovoz berish yoʻli bilan amalga oshiradilar.

Oʻzbekiston Respublikasi Prezidenti lavozimiga oʻttiz besh yoshdan kichik boʻlmagan, davlat tilini yaxshi biladigan, bevosita saylovgacha kamida oʻn yil Oʻzbekiston hududida muqim yashayotgan Oʻzbekiston Respublikasi fuqarosi saylanishi mumkin.

Oʻzbekiston Respublikasi Prezidenti yetti yil muddatga saylanadi.

Oʻzbekiston Respublikasi Prezidenti saylovini oʻtkazishni Oʻzbekiston Respublikasi Markaziy saylov komissiyasi, okrug va uchastka saylov komissiyalari taʼminlaydi.

Markaziy saylov komissiyasi “Oʻzbekiston Respublikasi Markaziy saylov komissiyasi toʻgʻrisida”gi Oʻzbekiston Respublikasi Qonuniga muvofiq tuziladi.

Okrug saylov komissiyalarining aʼzolari Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tavsiyasiga binoan Markaziy saylov komissiyasi tomonidan tasdiqlanadi.

Uchastka saylov komissiyalarining aʼzolari xalq deputatlari tuman, shahar Kengashlari tavsiyasiga binoan tegishli okrug saylov komissiyalari tomonidan tasdiqlanadi.

Oʻzbekiston Respublikasi Prezidenti sayloviga tayyorgarlik koʻrish hamda uni oʻtkazishni saylov komissiyalari ochiq va oshkora amalga oshiradilar.

Saylov komissiyalari fuqarolarni oʻz ishlaridan, saylov okruglari, uchastkalari tuzilganligi, saylov komissiyalarining tarkibi, ularning joylashgan yeri va ish vaqtidan voqif etadilar, saylovchilarning roʻyxatlari, saylovda ishtirok etayotgan siyosiy partiyalarning roʻyxati bilan tanishtiradilar, Oʻzbekiston Respublikasi Prezidentligiga nomzodlar xususidagi maʼlumotlar, ovoz berish va saylov yakunlaridan xabardor qiladilar.

Oʻzbekiston Respublikasining ommaviy axborot vositalari saylovga tayyorgarlikning borishi va saylov qanday oʻtayotganligini yoritib boradilar.

Saylovga tayyorgarlik koʻrish va uni oʻtkazishga doir barcha tadbirlarda, shuningdek har bir saylov uchastkasida saylov kuni ovoz berish xonalarida va ovozlarni sanab chiqishda Oʻzbekiston Respublikasi Prezidentligiga nomzodlar koʻrsatgan siyosiy partiyalardan, saylovchilar tashabbuskor guruhlaridan bittadan kuzatuvchi, matbuot, televideniye va radio vakillari, boshqa davlatlar, xalqaro tashkilotlar va harakatlardan kuzatuvchilar qatnashish huquqiga egadirlar. Ularning vakolatlari tegishli hujjatlar bilan tasdiqlangan boʻlishi kerak.

Manfaatdor tashkilotlar oʻz kuzatuvchilari toʻgʻrisida okrug saylov komissiyalariga saylovdan kamida oʻn besh kun oldin maʼlum qiladilar.

Okrug saylov komissiyasi Oʻzbekiston Respublikasi Markaziy saylov komissiyasi tomonidan belgilanadigan namunadagi mandatni manfaatdor tashkilotdan ariza olinganidan keyin besh kun ichida kuzatuvchi uchun beradi.

Kuzatuvchilar quyidagi huquqlarga ega:

Oʻzbekiston Respublikasi Prezidentligiga nomzodlar koʻrsatishga bagʻishlangan yigʻilishlarda, okrug va uchastka saylov komissiyalarining majlislarida hozir boʻlish;

saylov uchastkasida hozir boʻlish hamda tayyorgarlik ishlarining borishini, ovoz berish uchun saylov qutilarining joylashtirilishi va muhrlanishini, fuqarolarga saylov byulletenlarining berilishini kuzatish;

ovozlarni sanab chiqishda va uchastka saylov komissiyasining bayonnomasini tuzishda hozir boʻlish;

saylov natijalari toʻgʻrisidagi hujjatlarning tegishli saylov komissiyasi tomonidan tasdiqlangan nusxalarini soʻrash va ularni olish;

agar saylov uchastkasida ushbu Qonunning buzilishiga yoʻl qoʻyilgan deb hisoblash uchun asos boʻlsa, oʻz kuzatuvlari toʻgʻrisida yuqori komissiyaga maʼlum qilish.

Kuzatuvchilarga quyidagilar man etiladi:

saylovchi saylov byulleteniga oʻz belgisini qoʻyayotgan paytda ovoz berish kabinasida boʻlish;

saylovchilarga taʼsir oʻtkazish, biron-bir tashviqot materiali yoki adabiyoti tarqatish;

saylovchilardan ular kimni yoqlab ovoz berganliklarini surishtirish yoki saylovchilarga byulletenga belgi qoʻyishda biron-bir tarzda yordam koʻrsatish;

uchastka saylov komissiyasining faoliyatiga, shu jumladan saylov qutilarini muhrlashda, ularni ochishda, ovozlarni sanab chiqishda aralashish.

Saylovni oʻtkazishning ushbu Qonunda nazarda tutilgan qoidalari hamda tartibini buzuvchi shaxslar, Oʻzbekiston Respublikasi fuqarosining Oʻzbekiston Respublikasi Prezidentini saylash va Prezidentlikka saylanish, saylovoldi tashviqoti olib borish huquqlarini erkin ravishda amalga oshirishiga zoʻravonlik, aldash, tahdid qilish yoki boshqa yoʻl bilan qarshilik koʻrsatuvchi shaxslar, shuningdek soxta saylov hujjatlari tuzgan, ovozlarni atayin notoʻgʻri sanab chiqqan, ovoz berish yashirinligini buzgan yoki ushbu Qonun boshqacha tarzda buzilishiga yoʻl qoʻygan saylov komissiyalarining aʼzolari, davlat va jamoat organlarining mansabdor shaxslari qonunda belgilangan yoʻsinda javobgar boʻladilar. Nomzodlarning shaʼni va qadr-qimmatiga dogʻ tushiradigan soxta maʼlumotlarni eʼlon qilgan yoki boshqa yoʻsinda tarqatgan, saylov komissiyalari aʼzolariga nisbatan haqoratomuz munosabatga yoʻl qoʻygan shaxslar ham javobgarlikka tortiladilar.

Ovoz berish kuniga qadar qolgan besh kun ichida, shuningdek ovoz berish kuni jamoat fikri soʻrovlari natijalarini, saylov natijalari prognozlarini va oʻtkazilayotgan saylov bilan bogʻliq boshqa tadqiqotlarni nashr etish (eʼlon qilish), shuningdek ularni umumiy foydalanishdagi axborot-telekommunikatsiya tarmoqlariga (shu jumladan Internet tarmogʻiga) joylashtirish taqiqlanadi.

Oʻzbekiston Respublikasi Prezidenti saylovi boʻyicha saylov kampaniyasi boshlanganligi Oʻzbekiston Respublikasi Prezidentining vakolat muddati tugashidan kamida uch oy oldin Markaziy saylov komissiyasi tomonidan ommaviy axborot vositalarida eʼlon qilinadi.

Oʻzbekiston Respublikasi Prezidenti saylovini oʻtkazuvchi saylov okruglarini Markaziy saylov komissiyasi Qoraqalpogʻiston Respublikasi, viloyatlar va Toshkent shahri chegaralari doirasida tuzadi.

Markaziy saylov komissiyasi saylov okruglari roʻyxatlarini saylovchilar sonini hamda okrug saylov komissiyalari qayerda joylashganligini koʻrsatgan holda Oʻzbekiston Respublikasi Prezidenti sayloviga kamida yetmish besh kun qolganida eʼlon qiladi.

Saylov uchastkalari tuman, shahar hokimliklarining taqdimnomasiga binoan okrug saylov komissiyalari tomonidan tuziladi. Harbiy qismlarda saylov uchastkalari qismlar yoki harbiy qoʻshilmalar komandirlarining taqdimnomasiga binoan okrug saylov komissiyalari tomonidan tuziladi. Oʻzbekiston Respublikasining xorijiy davlatlardagi vakolatxonalari huzurida saylov uchastkalari Oʻzbekiston Respublikasi Tashqi ishlar vazirligining taqdimnomasiga binoan Markaziy saylov komissiyasi tomonidan tuziladi.

Saylov uchastkalari saylovga kamida oltmish kun qolganida tuziladi. Harbiy qismlarda, Oʻzbekiston Respublikasining xorijiy davlatlardagi vakolatxonalari huzurida, shuningdek olis va borish qiyin boʻlgan yerlarda ham saylov uchastkalari ana shu muddatda, ayrim hollarda esa istisno tariqasida saylovga kamida besh kun qolganida tuziladi.

Saylov uchastkalari, qoida tariqasida, kamida 20 nafar va koʻpi bilan 3000 nafar saylovchidan iborat etib tuziladi.

Ovoz berishni tashkil etish uchun har bir saylov uchastkasiga tuman, shahar hokimligi bino ajratadi.

Okrug saylov komissiyasi uchastka saylov komissiyasining va ovoz berish binosining joylashgan yerini koʻrsatgan holda har bir saylov uchastkasining chegaralari toʻgʻrisida saylovchilarni xabardor etishni tashkil qiladi.

Oʻzbekiston Respublikasi Markaziy saylov komissiyasini tuzish tartibi “Oʻzbekiston Respublikasi Markaziy saylov komissiyasi toʻgʻrisida”gi Oʻzbekiston Respublikasi Qonuni bilan belgilanadi.

Markaziy saylov komissiyasining majlislari, agar ularda komissiyaning majlis boʻladigan kundagi mavjud tarkibining kamida uchdan ikki qismi hozir boʻlsa, vakolatli hisoblanadi.

Markaziy saylov komissiyasi:

1) Oʻzbekiston Respublikasining butun hududida ushbu Qonunning ijrosini nazorat qiladi va uning bir xil tarzda qoʻllanilishini taʼminlaydi, saylovni tashkil etishga doir masalalar yuzasidan oʻz vakolatlari doirasida yoʻriqnomalar chiqaradi hamda tushuntirishlar berib boradi;

2) saylov komissiyalari faoliyatini yoʻnaltirib boradi; Oʻzbekiston Respublikasi Prezidenti saylovini oʻtkazuvchi okrug saylov komissiyalarining qarorlarini, agar bu qarorlar ushbu Qonunga zid boʻlsa, bekor qiladi; saylov komissiyalari tarkibiga oʻzgartishlar kiritish tartibini belgilaydi;

3) saylov okruglarini tuzadi, ularga nom va tartib raqami beradi;

4) Oʻzbekiston Respublikasidan tashqarida tuziladigan saylov uchastkalarini qaysi saylov okrugiga birkitish toʻgʻrisidagi masalalarni hal etadi;

4¹) Oʻzbekiston Respublikasi Prezidentligiga nomzodlar koʻrsatgan siyosiy partiyalarning, saylovchilar tashabbuskor guruhlarining tegishli hujjatlarini qabul qilib oladi;

5) Oʻzbekiston Respublikasi Prezidentligiga nomzodlarning saylov kampaniyasida ishtirok etishlari uchun teng sharoitlarni taʼminlaydi;

6) ommaviy axborot vositalarining saylov kampaniyasida ishtirok etishi va ulardan ushbu Qonunga muvofiq foydalanilishi tartibini belgilaydi;

7) pul mablagʻlarini saylov komissiyalariga taqsimlaydi; saylov komissiyalarining binolar, transport va aloqa vositalari bilan taʼminlanishini nazorat qiladi hamda saylovni moddiy-texnika jihatidan taʼminlashning boshqa masalalarini koʻrib chiqadi;

8) Oʻzbekiston Respublikasi Prezidenti sayloviga doir saylov byulletenlarining va varaqalarining, saylovchilar roʻyxatining, saylov komissiyalari bayonnomalarining, saylovga oid boshqa hujjatlarning shakllarini, saylov qutilarining va saylov komissiyalari muhrlarining namunalarini, saylovga doir hujjatlarni saqlash tartibini belgilaydi;

9) davlat organlari, siyosiy partiyalar, saylovchilar tashabbuskor guruhlari va boshqa jamoat birlashmalari vakillarining saylovga tayyorgarlik koʻrish hamda uni oʻtkazish bilan bogʻliq masalalar yuzasidan axborotlarini eshitadi;

10) Oʻzbekiston Respublikasi Prezidentligiga nomzodlarni roʻyxatga oladi, saylovning respublika boʻyicha umumiy yakunlarini chiqaradi, saylov yakunlari toʻgʻrisidagi axborotlarni matbuotda eʼlon qiladi;

10¹) saylangan shaxsga Oʻzbekiston Respublikasi Prezidenti etib saylanganligi toʻgʻrisida namunasi qonun hujjatlari bilan belgilanadigan guvohnoma topshiradi;

11) saylov komissiyalarining qarorlari va xatti-harakatlari ustidan tushgan ariza hamda shikoyatlarni koʻrib chiqadi va ular yuzasidan uzil-kesil qarorlar chiqaradi;

12) Oʻzbekiston Respublikasi Prezidenti saylovi toʻgʻrisidagi Qonun jinoiy javobgarlikka tortishga sabab boʻladigan tarzda buzilganligi haqidagi materiallarni prokuratura organlariga oshiradi;

13) ushbu Qonun va Oʻzbekiston Respublikasining boshqa qonunlariga muvofiq oʻzga vakolatlarni amalga oshiradi.

Okrug saylov komissiyasi Markaziy saylov komissiyasi tomonidan saylovga kamida yetmish kun qolganida komissiyaning raisi, rais oʻrinbosari, kotibi va kamida 6—8 nafar aʼzosidan iborat tarkibda tuziladi. Okrug saylov komissiyasining shaxsiy tarkibi Markaziy saylov komissiyasining qarori bilan tasdiqlanadi.

Okrug saylov komissiyasi:

1) butun okrug hududida ushbu Qonunning ijrosini nazorat qiladi va uning bir xil tarzda qoʻllanilishini taʼminlaydi;

2) saylov uchastkalarini tuzadi, ularning okrug boʻyicha tartib raqamini belgilaydi, manzilini koʻrsatgan holda ularning roʻyxatini eʼlon qiladi, uchastka saylov komissiyalarining faoliyatini muvofiqlashtirib boradi;

3) Oʻzbekiston Respublikasi Prezidentligiga nomzodlarning saylov kampaniyasida ishtirok etishlari uchun teng sharoitlarni taʼminlaydi;

4) siyosiy partiyalar, saylovchilar tashabbuskor guruhlari vakillarining, saylov okrugi hududida joylashgan korxonalar, muassasalar va tashkilotlar rahbarlarining saylovga tayyorgarlik koʻrish hamda uni oʻtkazish bilan bogʻliq masalalar yuzasidan axborotlarini eshitadi;

5) saylovchilarning roʻyxatlari tuzilishini va ularning hamma tanishib chiqishi uchun taqdim etilishini kuzatib boradi;

6) pul mablagʻlarini uchastka saylov komissiyalariga taqsimlaydi, saylov komissiyalarining binolar, transport va aloqa vositalari bilan taʼminlanishini nazorat qiladi hamda saylovni moddiy-texnika jihatidan taʼminlashning boshqa masalalarini koʻrib chiqadi;

7) okrug boʻyicha saylov yakunlarini chiqaradi va maʼlumotlarni Markaziy saylov komissiyasiga taqdim etadi;

8) uchastka saylov komissiyalarining qarorlari va xatti-harakatlari ustidan tushgan ariza hamda shikoyatlarni koʻrib chiqadi va ular yuzasidan qarorlar qabul qiladi;

9) ushbu Qonunga muvofiq boshqa vakolatlarni amalga oshiradi.

Uchastka saylov komissiyasi okrug saylov komissiyasi tomonidan saylovga kamida qirq kun qolganida 5—19 nafar aʼzodan, shu jumladan rais, rais oʻrinbosari va kotibdan iborat tarkibda tuziladi. Agar komissiya 7 nafargacha aʼzodan iborat tarkibda tuzilsa, rais va kotib saylanadi. Uchastka saylov komissiyasining shaxsiy tarkibi okrug saylov komissiyasining qarori bilan tasdiqlanadi.

Uchastka saylov komissiyasi aʼzolarining soni zarur hollarda koʻpaytirilishi yoki kamaytirilishi mumkin.

Oʻzbekiston Respublikasining xorijiy davlatlardagi vakolatxonalari huzuridagi uchastka saylov komissiyasi raisi vazifasini vakolatxonalarning rahbarlari amalga oshiradi.

Okrug saylov komissiyasi aʼzoligiga nomzodlar Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlarining majlislarida muhokama qilinadi hamda Markaziy saylov komissiyasiga tasdiqlash uchun tavsiya etiladi. Uchastka saylov komissiyasi aʼzoligiga nomzodlar xalq deputatlari tuman, shahar Kengashlarining majlislarida muhokama qilinadi va tegishli okrug saylov komissiyasiga tasdiqlash uchun tavsiya etiladi. Okrug va uchastka saylov komissiyalarining aʼzolari jamoatchilikning obroʻli vakillari orasidan tasdiqlanadi.

Oʻzbekiston Respublikasi Prezidentligiga nomzod koʻrsatish huquqiga siyosiy partiyalar va bevosita fuqarolar egadirlar.

Siyosiy partiya saylov kampaniyasi boshlanganligi eʼlon qilingan kundan kamida olti oy oldin Oʻzbekiston Respublikasi Adliya vazirligi tomonidan roʻyxatga olingan taqdirdagina Oʻzbekiston Respublikasi Prezidentligiga nomzod koʻrsatishi mumkin.

Saylash huquqiga ega boʻlgan har bir fuqaro yoki fuqarolar guruhi Oʻzbekiston Respublikasi Prezidentligiga nomzod koʻrsatish uchun kamida uch yuz nafar saylovchidan iborat saylovchilar tashabbuskor guruhini tuzishi mumkin.

Oʻzbekiston Respublikasi Prezidenti saylovida ishtirok etish uchun siyosiy partiya saylovga kamida yetmish kun qolganida Markaziy saylov komissiyasiga quyidagilarni taqdim etishi lozim: saylovda ishtirok etish toʻgʻrisida partiya rahbari tomonidan imzolangan ariza; Adliya vazirligining siyosiy partiya roʻyxatga olinganligi koʻrsatilgan maʼlumotnomasi; Oʻzbekiston Respublikasi Prezidentligiga boʻlajak nomzod toʻgʻrisidagi maʼlumotlar.

Oʻzbekiston Respublikasi Prezidenti saylovida ishtirok etish uchun saylovchilar tashabbuskor guruhining vakolatli vakili guruhni roʻyxatga olishni iltimos qilib, saylovga kamida yetmish kun qolganida Markaziy saylov komissiyasiga ariza bilan murojaat etadi. Arizaga quyidagilar ilova qilinadi: saylovchilar tashabbuskor guruhi aʼzolarining familiyasi, ismi, otasining ismi, tugʻilgan sanasi, yashash joyi manzili, pasportining seriyasi va tartib raqami koʻrsatilgan roʻyxat; saylovchilar tashabbuskor guruhi yigʻilishining vakolatli vakil tayinlash toʻgʻrisidagi qarori hamda qonunda belgilangan tartibda uning nomiga rasmiylashtirilgan ishonch qogʻozi; Oʻzbekiston Respublikasi Prezidentligiga boʻlajak nomzod toʻgʻrisidagi maʼlumotlar.

Ushbu moddaning tegishincha birinchi va ikkinchi qismlarida koʻrsatilgan hujjatlar taqdim etilgach, Markaziy saylov komissiyasi siyosiy partiyaning, saylovchilar tashabbuskor guruhining vakiliga hujjatlar qabul qilib olingan sana qayd etilgan maʼlumotnoma beradi. Markaziy saylov komissiyasi taqdim etilgan hujjatlar asosida besh kunlik muddat ichida siyosiy partiyaning, saylovchilar tashabbuskor guruhining saylovda ishtirok etishiga ijozat berish toʻgʻrisida uzil-kesil qaror qabul qiladi hamda siyosiy partiyaning, saylovchilar tashabbuskor guruhining vakolatli vakiliga roʻyxatga olinganlik guvohnomasini va belgilangan namunadagi imzo varaqalarining blankalarini beradi. Saylovda ishtirok etuvchi partiyalarning, saylovchilar tashabbuskor guruhlarining roʻyxati arizalar kelib tushish navbatiga qarab markaziy matbuotda eʼlon qilinadi.

Oʻzbekiston Respublikasi Prezidentligiga nomzodlar koʻrsatish saylovga oltmish besh kun qolganida boshlanadi va qirq besh kun qolganida tugaydi.

Oʻzbekiston Respublikasi Prezidentligiga nomzodlar koʻrsatish siyosiy partiyalarning yuqori organlari tomonidan, saylovchilar tashabbuskor guruhi yigʻilishi tomonidan amalga oshiriladi.

Siyosiy partiyaning yuqori organi, saylovchilar tashabbuskor guruhi Oʻzbekiston Respublikasi Prezidentligiga bittadan nomzod koʻrsatishi mumkin.

Siyosiy partiya Oʻzbekiston Respublikasi Prezidentligiga faqat oʻz partiyasi aʼzolari orasidan yoki partiyasizni nomzod etib koʻrsatishga vakolatlidir, saylovchilar tashabbuskor guruhi esa Oʻzbekiston Respublikasi Prezidentligiga nomzodni, basharti mazkur nomzod u yoki bu siyosiy partiyaga mansub boʻlmasa, koʻrsatishga haqlidir. Nomzod faqat bitta saylovchilar tashabbuskor guruhidan oʻz nomzodi ovozga qoʻyilishiga rozilik berishi mumkin. Oʻzbekiston Respublikasi Prezidentligiga nomzod koʻrsatish toʻgʻrisida bayonnoma tuziladi.

Siyosiy partiyaning rahbari, saylovchilar tashabbuskor guruhining vakolatli vakili Oʻzbekiston Respublikasi Prezidentligiga nomzodni roʻyxatga olishni iltimos qilib, Markaziy saylov komissiyasiga ariza bilan murojaat etadi. Arizaga quyidagilar ilova qilinadi:

siyosiy partiya yuqori organining, saylovchilar tashabbuskor guruhining Oʻzbekiston Respublikasi Prezidentligiga nomzod koʻrsatish toʻgʻrisidagi qarori;

siyosiy partiya yuqori organi majlisining, saylovchilar tashabbuskor guruhi yigʻilishining Oʻzbekiston Respublikasi Prezidentligiga nomzod koʻrsatish toʻgʻrisidagi bayonnomasi, unda Oʻzbekiston Respublikasi Prezidentligiga nomzodning familiyasi, ismi, otasining ismi, tugʻilgan sanasi, kasbi, lavozimi (mashgʻulotining turi), ish va yashash joyi, partiyaga mansubligi koʻrsatiladi;

Oʻzbekiston Respublikasi Prezidentligiga nomzodning oʻz nomzodi ovozga qoʻyilishiga rozi ekanligi toʻgʻrisidagi arizasi;

Oʻzbekiston Respublikasi Prezidentligiga koʻrsatilgan nomzodni qoʻllab-quvvatlovchi imzo varaqalari. Siyosiy partiya tomonidan taqdim etilgan imzo varaqalari Oʻzbekiston Respublikasi jami saylovchilarining umumiy soni kamida besh foizining, kamida sakkizta maʼmuriy-hududiy tuzilma namoyandasi boʻlgan saylovchilarning imzosini qamrab olgan boʻlishi kerak. Maʼmuriy-hududiy tuzilmalardan birida (Qoraqalpogʻiston Respublikasi, viloyat, Toshkent shahri) siyosiy partiya imzolar umumiy miqdorining koʻpi bilan sakkiz foizini toʻplashi mumkin. Oʻzbekiston Respublikasi Prezidentligiga nomzod koʻrsatgan saylovchilar tashabbuskor guruhi respublika saylovchilari umumiy sonining kamida besh foizi miqdorida, kamida sakkizta maʼmuriy-hududiy tuzilma (Qoraqalpogʻiston Respublikasi, viloyat, Toshkent shahri) namoyandasi boʻlgan saylovchilardan nomzodni qoʻllab-quvvatlovchi imzo toʻplashi kerak. Maʼmuriy-hududiy tuzilmalardan birida (Qoraqalpogʻiston Respublikasi, viloyat, Toshkent shahri) saylovchilar tashabbuskor guruhi imzolar umumiy miqdorining koʻpi bilan sakkiz foizini, eng avvalo Oʻzbekiston Respublikasi Prezidentligiga nomzod koʻrsatilayotgan maʼmuriy-hududiy tuzilma saylovchilarining imzosini toʻplashi mumkin.

Siyosiy partiya, saylovchilar tashabbuskor guruhi ularning vakolatli vakiliga roʻyxatga olinganlik guvohnomasi berilganidan keyingina Oʻzbekiston Respublikasi Prezidentligiga nomzodni qoʻllab-quvvatlash yuzasidan saylovchilar imzosini toʻplashga haqli. Bu sanaga qadar toʻplangan imzolar hisobga olinmaydi.

Saylovchilar faqat bitta nomzodni qoʻllab-quvvatlab, bir martagina imzo qoʻyishga haqli. Bunda saylovchi oʻz familiyasini, ismini, otasining ismini, tugʻilgan yilini (yoshi oʻn sakkizda boʻlsa, qoʻshimcha ravishda tugʻilgan kuni va oyini), yashash joyi manzilini, pasportining seriyasi va tartib raqamini, shuningdek imzo qoʻygan sanani koʻrsatadi.

Imzo varaqasini imzo toʻplagan shaxs oʻz familiyasini, ismini, otasining ismini, yashash joyi manzilini, pasportining seriyasi va tartib raqamini koʻrsatgan holda, shuningdek tegishli siyosiy partiyaning tuman, shahar tuzilmasi rahbari, saylovchilar tashabbuskor guruhining vakolatli vakili tasdiqlaydi.

Saylovchilar imzosini toʻplash ish, xizmat, oʻqish, yashash joyida, saylovoldi tadbirlarida, shuningdek tashviqot yuritish va imzo toʻplash qonun hujjatlari bilan taqiqlanmagan boshqa joylarda olib boriladi. Imzo toʻplayotgan shaxs tomonidan saylovchilarni majbur qilish va ularni pora evaziga oʻziga ogʻdirib olishning har qanday shakli qonunda belgilangan javobgarlikka sabab boʻladi.

Imzo toʻplash tamomlanganidan soʻng siyosiy partiyaning, saylovchilar tashabbuskor guruhining vakolatli vakili Qoraqalpogʻiston Respublikasi, har bir viloyat va Toshkent shahri boʻyicha alohida-alohida qilib tikilgan imzo varaqalarini Markaziy saylov komissiyasiga topshiradi.

Hujjatlarni taqdim etgan shaxsga Markaziy saylov komissiyasi hujjatlar qabul qilib olingan sana va vaqt koʻrsatilgan maʼlumotnoma beradi.

Markaziy saylov komissiyasi taqdim etilgan hujjatlarni yetti kunlik muddat ichida tekshirib chiqadi va ularning ushbu Qonun talablariga muvofiqligi toʻgʻrisida xulosa beradi.

Imzo varaqalarida imzolar soxtalashtirilgan taqdirda Markaziy saylov komissiyasi siyosiy partiyadan, saylovchilar tashabbuskor guruhidan ular koʻrsatgan nomzodni roʻyxatga olish uchun hujjatlar qabul qilishni rad etadi.

Markaziy saylov komissiyasi roʻyxatga olish uchun taqdim etilgan hujjatlarda aniqlangan nomuvofiqliklar va ushbu Qonun talablaridan chetga chiqish hollari toʻgʻrisida tegishli siyosiy partiyalarning rahbarlariga, saylovchilar tashabbuskor guruhining vakolatli vakiliga belgilangan tartibda maʼlum qiladi.

Markaziy saylov komissiyasi Oʻzbekiston Respublikasi Prezidentligiga nomzodlarni roʻyxatga olish uchun hujjatlarni qabul qilishni roʻyxatga olish muddati tugashiga yetti kun qolganida toʻxtatadi.

Markaziy saylov komissiyasi Oʻzbekiston Respublikasi Prezidentligiga nomzodlarni roʻyxati ushbu Qonunning 24²-moddasida belgilangan hujjatlar asosida roʻyxatga oladi.

Oʻzbekiston Respublikasi Prezidentligiga nomzod etib roʻyxatga olingan shaxsga ushbu Qonunga muvofiq roʻyxatga olinganlik guvohnomasi beriladi.

Oʻzbekiston Respublikasi Prezidentligiga nomzodlarni roʻyxatga olish saylovga oʻttiz besh kun qolganida tugallanadi.

Oʻzbekiston Respublikasi Prezidentligiga nomzodlar roʻyxatga olinganidan keyin besh kunlik muddat ichida Markaziy saylov komissiyasi roʻyxatga olinganlik toʻgʻrisidagi xabarni Oʻzbekiston Respublikasi Prezidentligiga nomzodning familiyasini, ismi va otasining ismini, tugʻilgan yilini, partiyaga mansubligini, egallab turgan lavozimini, ish va yashash joyini, shuningdek uni nomzod etib koʻrsatgan siyosiy partiyani yoki saylovchilar tashabbuskor guruhini koʻrsatgan holda eʼlon qiladi.

Quyidagilar:

qasddan sodir etilgan jinoyati uchun ilgari sudlangan fuqarolar;

oʻzlariga nisbatan jinoiy ish qoʻzgʻatilganligi munosabati bilan qonun tomonidan taʼqib etilayotgan fuqarolar;

diniy tashkilotlar va birlashmalarning professional xizmatchilari Oʻzbekiston Respublikasi Prezidentligiga nomzod etib roʻyxatga olinmaydilar.

Siyosiy partiya, saylovchilar tashabbuskor guruhi u yoki bu shaxsni Oʻzbekiston Respublikasi Prezidentligiga nomzod etib koʻrsatish toʻgʻrisidagi oʻz qarorini saylovga kechi bilan yetti kun qolganida bekor qilish huquqiga ega, bu shaxs Markaziy saylov komissiyasi tomonidan Oʻzbekiston Respublikasi Prezidentligiga nomzodlik maqomidan mahrum etilishi mumkin. Siyosiy partiya Oʻzbekiston Respublikasi Prezidentligiga nomzodlar koʻrsatish muddati tugaguniga qadar Markaziy saylov komissiyasiga yangi nomzodni roʻyxatga olish toʻgʻrisida taklif kiritishi mumkin.

Roʻyxatga olingan Oʻzbekiston Respublikasi Prezidentligiga nomzod uni Oʻzbekiston Respublikasi Prezidentligiga nomzod etib koʻrsatgan siyosiy partiya faoliyatini tugatgan taqdirda ham Markaziy saylov komissiyasi tomonidan oʻz maqomidan mahrum etilishi mumkin.

Oʻzbekiston Respublikasi Prezidentligiga nomzod saylovga kechi bilan yetti kun qolganida nomzodlikdan voz kechishi mumkin. Buning uchun u Markaziy saylov komissiyasiga ariza bilan murojaat qiladi.

Oʻzbekiston Respublikasi Prezidenti sayloviga doir saylov byulletenining shakli va matni Markaziy saylov komissiyasi tomonidan tasdiqlanadi.

Oʻzbekiston Respublikasi Prezidentligiga nomzodlar saylov byulleteniga familiyasi, ismi, otasining ismi, tugʻilgan yili, egallab turgan lavozimi (mashgʻulotining turi) va ish joyi koʻrsatilgan holda alifbo tartibida kiritiladi.

Saylov byulletenida uni toʻldirish tartibi toʻgʻrisidagi tushuntirish boʻlishi kerak.

Markaziy saylov komissiyasining farmoyishiga binoan saylov byulletenlari saylovga kamida yigirma kun qolganida davlat tilida nashr etiladi. Okrug saylov komissiyasining qaroriga binoan saylov byulletenlari saylov okrugining koʻpchilik aholisi soʻzlashadigan tillarda ham nashr etilishi mumkin.

Uchastka saylov komissiyalari saylov byulletenlarini saylovga kamida uch kun qolganida okrug saylov komissiyalaridan oladilar. Berilgan va olingan saylov byulletenlarining sonini tegishli okrug va uchastka saylov komissiyalarining raisi yoki rais oʻrinbosari yoxud kotibi oʻz imzosi bilan tasdiqlaydi.

Uchastka saylov komissiyasi oladigan saylov byulletenlarining soni saylov uchastkasi boʻyicha saylovchilarning roʻyxatlariga kiritilgan saylovchilar sonidan yarim foizdan koʻp boʻlishi mumkin emas. Saylov byulletenining oʻng tomoni yuqori burchagiga uchastka saylov komissiyasining ikki aʼzosi imzo qoʻyadi, imzolar uchastka saylov komissiyasining muhri bilan tasdiqlanadi. Komissiya tomonidan tasdiqlanmagan saylov byulletenlari ovozlarni sanab chiqishda hisobga olinmaydi.

Saylovoldi tashviqoti Oʻzbekiston Respublikasi Prezidentligiga nomzodlar Markaziy saylov komissiyasi tomonidan roʻyxatga olingan kundan eʼtiboran boshlanadi.

Oʻzbekiston Respublikasi Prezidentligiga nomzodlarga, siyosiy partiyalarga, saylovchilar tashabbuskor guruhlariga Oʻzbekiston Respublikasi Markaziy saylov komissiyasi tomonidan belgilanadigan tartibda ommaviy axborot vositalaridan foydalanishda teng huquq beriladi. Oʻzbekiston Respublikasi Prezidentligiga nomzodlarga saylovchilar bilan yigʻilishlarda hamda saylovchilar uchun qulay boʻlgan boshqa shaklda uchrashuvlar oʻtkazishda teng huquq beriladi. Yigʻilishlar va uchrashuvlar oʻtkaziladigan vaqt hamda joy haqida saylovchilarga barvaqt xabar qilinadi.

Davlat organlari, jamoat birlashmalari, korxonalarning, muassasalarning, tashkilotlarning rahbarlari, fuqarolarning oʻzini oʻzi boshqarish organlari Oʻzbekiston Respublikasi Prezidentligiga nomzodlarga saylovchilar bilan uchrashuvlar oʻtkazishni tashkil etishda, zarur maʼlumot va axborot materiallari olishda yordam koʻrsatishlari shart.

Oʻzbekiston Respublikasi Prezidentligiga nomzodlarga oʻzining kelgusi faoliyat dasturi bilan chiqish huquqi beriladi. Nomzodlarning dasturlari respublikaning suvereniteti, yaxlitligi va xavfsizligiga qarshi qaratilgan boʻlmasligi, xalqning sogʻligʻi va maʼnaviyatiga tajovuz qilmasligi, ularda urush, milliy, irqiy va diniy adovat targʻiboti, konstitutsiyaviy tuzumni zoʻrlik bilan oʻzgartirishga, fuqarolarning konstitutsiyaviy huquqlari va erkinliklarini kamsituvchi xatti-harakatlarga daʼvat boʻlmasligi kerak.

Tashviqotning saylovchilarga bepul yoki imtiyozli shartlarda tovarlar berish, xizmatlar koʻrsatish (axborot xizmatlari bundan mustasno), shuningdek pul mablagʻlari toʻlash bilan qoʻshib olib borilishi taqiqlanadi.

Saylov kuni tashviqot yuritishga yoʻl qoʻyilmaydi.

Ovoz beruvchilar saylov byulletenlarini yashirin ovoz berish uchun ajratilgan kabina yoki xonada toʻldiradilar. Byulletenlarni toʻldirish vaqtida ovoz beruvchidan boshqa biron-bir kishining hozir boʻlishi taqiqlanadi. Byulletenni mustaqil ravishda toʻldirish imkoniga ega boʻlmagan saylovchi oʻz xohishiga koʻra, saylov komissiyasining aʼzolaridan, kuzatuvchilardan va nomzodlarning ishonchli vakillaridan boshqa biron kishini kabina yoki xonaga taklif qilishga haqli.

Saylovchi saylov byulleteniga, oʻzi yoqlab ovoz berayotgan nomzodning familiyasi roʻparasida, oʻng tomonda joylashgan boʻsh kvadratga belgi-krestik (plyus) qoʻyadi.

Toʻldirilgan byulletenni ovoz beruvchi saylov qutisiga tashlaydi.

Uchastka saylov komissiyasi saylov uchastkasida har bir nomzod boʻyicha berilgan ovozlarni alohida-alohida sanab chiqadi.

Ovoz berish tugagach, saylov qutilarini ochishdan oldin uchastka komissiyasining barcha aʼzolari hozirligida saylov varaqalari solingan yopiq konvertlar qutilarga tashlanadi.

Saylov qutilari uchastka saylov komissiyasi tomonidan komissiya raisi ovoz berish tugaganligini eʼlon qilganidan keyin komissiyaning barcha aʼzolari hozirligida ochiladi. Ovoz berish tugaguniga qadar saylov qutilarini ochish taqiqlanadi. Foydalanilmagan barcha saylov byulletenlari saylov qutilarini ochishdan oldin uchastka saylov komissiyasi tomonidan sanab chiqiladi va bekor qilinadi.

Uchastka saylov komissiyasi saylovchilarning asosiy roʻyxati va mazkur roʻyxat ilovasi boʻyicha uchastkadagi saylovchilarning umumiy sonini, shuningdek byulleten olgan saylovchilarning sonini aniqlaydi. Saylov qutilarida boʻlgan byulletenlar va saylov varaqalari asosida komissiya ovoz berishda ishtirok etgan saylovchilarning umumiy sonini; har bir nomzodni yoqlab berilgan ovozlar sonini; haqiqiy emas deb topilgan byulletenlar, varaqalar sonini aniqlaydi. Saylovchilar tomonidan byulletenlarga va varaqalarga qoʻshimcha tarzda yozilgan fuqarolarning familiyalari boʻyicha berilgan ovozlar hisobga olinmaydi.

Belgilanmagan namunadagi saylov byulletenlari va varaqalari, shuningdek ovoz berish vaqtida bittadan ortiq kvadratga belgi-krestik (plyus) qoʻyilgan yoki bitta ham kvadratga bunday belgi qoʻyilmagan byulletenlar va varaqalar haqiqiy emas deb topiladi. Saylov byulletenining, varaqasining haqiqiyligiga shubha tugʻilgan taqdirda masala uchastka saylov komissiyasi tomonidan ovozga qoʻyish orqali hal etiladi.

Ovozlarni sanab chiqish natijalari uchastka saylov komissiyasi majlisida koʻrib chiqiladi va bayonnomada aks ettiriladi.

Bayonnoma komissiya raisi, komissiya raisining oʻrinbosari, komissiya kotibi va aʼzolari tomonidan imzolanadi hamda Markaziy saylov komissiyasi tomonidan belgilangan tartibda tegishli okrug saylov komissiyasiga yuboriladi.

Okrug saylov komissiyasi uchastka saylov komissiyalarining bayonnomalari asosida okrug boʻyicha saylovchilarning umumiy sonini; saylov byulletenlari hamda varaqalari olgan saylovchilarning sonini; ovoz berishda ishtirok etgan saylovchilarning sonini; har bir nomzodni yoqlab berilgan ovozlar sonini; haqiqiy emas deb topilgan byulletenlar va varaqalar sonini aniqlaydi.

Okrug boʻyicha saylov natijalari saylov komissiya majlisida aniqlanadi va bayonnomada aks ettiriladi. Bayonnoma komissiya raisi, komissiya raisining oʻrinbosari, komissiya kotibi va aʼzolari tomonidan imzolanadi hamda belgilangan tartibda Markaziy saylov komissiyasiga yuboriladi.

Markaziy saylov komissiyasi okrug saylov komissiyalaridan olingan bayonnomalar va Oʻzbekiston Respublikasining xorijiy davlatlardagi vakolatxonalari huzurida tuzilgan uchastka saylov komissiyalaridan olingan bayonnomalar asosida respublika boʻyicha saylovchilarning umumiy sonini; saylov byulletenlari hamda varaqalari olgan saylovchilarning sonini; ovoz berishda ishtirok etgan saylovchilarning sonini; har bir nomzodni yoqlab berilgan ovozlar sonini; haqiqiy emas deb topilgan byulletenlar sonini aniqlaydi.

Oʻzbekiston Respublikasi Prezidenti saylovida ikkita nomzod ishtirok etgan taqdirda, ovoz berishda ishtirok etgan saylovchilarning nisbiy koʻpchilik ovozini olgan nomzod saylangan deb hisoblanadi.

Oʻzbekiston Respublikasi Prezidenti saylovida ikkitadan ortiq nomzod ishtirok etgan taqdirda, agar nomzodlarning hech biri ovoz berishda ishtirok etgan saylovchilar yarmidan koʻpining ovozini ololmagan boʻlsa, saylovchilarning ovozini eng koʻp olgan ikki nomzod ishtirokida takroriy ovoz berish oʻtkaziladi.

Oʻzbekiston Respublikasi Prezidenti saylovida turli sabablar (nomzodning oʻlimi, nomzodning sogʻligʻi holati saylovda ishtirok etishni istisno etadigan darajada yomonlashganligi yoki Qonunda belgilangan boshqa sabablarga koʻra uning nomzodi olinganligi va shunga oʻxshash sabablar) natijasida bittagina nomzod ishtirok etgan taqdirda, bu nomzod, agar u ovoz berishda ishtirok etgan saylovchilar yarmidan koʻpining ovozini olgan boʻlsa, saylangan deb hisoblanadi.

Saylov, agar unda saylovchilar roʻyxatiga kiritilgan saylovchilarning 33 (oʻttiz uch) foizidan kami ishtirok etgan boʻlsa, oʻtmagan deb topiladi.

Saylov vaqtida yoxud ovozlarni sanab chiqish chogʻida yoʻl qoʻyilgan hamda ovoz berish yakunlariga taʼsir etgan qoidabuzarliklar sababli saylov umuman yoki ayrim okruglar yoxud ayrim saylov uchastkalari boʻyicha haqiqiy emas deb topilishi mumkin. Saylovni haqiqiy emas deb topish toʻgʻrisidagi qaror Markaziy saylov komissiyasi tomonidan qabul qilinadi va bu qaror ustidan ovoz berish yakunlari eʼlon qilingan kundan eʼtiboran oʻn kun ichida Oʻzbekiston Respublikasi Oliy sudiga shikoyat qilinishi mumkin. Saylovni haqiqiy emas deb topish toʻgʻrisidagi qaror ustidan shikoyat qilish huquqi Oʻzbekiston Respublikasi Prezidentligiga nomzodlarga tegishlidir.

Ayrim okruglar yoki uchastkalarda saylov haqiqiy emas deb topilgan taqdirda, ana shu okruglar, uchastkalar boʻyicha ovoz berish natijalari, basharti bu natijalarsiz ham saylov umuman boʻlib oʻtgan deb topilishi mumkin boʻlsa, Markaziy saylov komissiyasining qaroriga binoan saylovning umumiy natijalaridan chiqarib tashlanadi.

Oʻzbekiston Respublikasi Prezidenti saylovi yakunlari toʻgʻrisidagi axborot saylovdan keyin oʻn kundan kechiktirmay Markaziy saylov komissiyasi tomonidan matbuotda eʼlon qilinadi.

Takroriy ovoz berish kunini Markaziy saylov komissiyasi saylov oʻtkazilgan kundan eʼtiboran bir oy ichida, lekin saylov oʻtkazilgan kundan kamida oʻn besh kun keyin oʻtkaziladigan qilib tayinlaydi. Takroriy ovoz berishni oʻtkazish haqidagi xabar matbuotda eʼlon qilinadi.

Takroriy ovoz berishda unda ishtirok etgan saylovchilarning ovozini boshqa nomzodga nisbatan koʻproq olgan nomzod saylangan deb hisoblanadi.

Takroriy ovoz berishda saylovchilarning ishtirok etishi foizi hisobga olinmaydi.

Oʻzbekiston Respublikasi Prezidenti saylovi oʻtmagan yoki haqiqiy emas deb topilgan taqdirda, shuningdek agar Oʻzbekiston Respublikasi Prezidenti saylovida bitta nomzod ishtirok etgan boʻlsa va u zarur miqdorda ovoz toʻplay olmagan boʻlsa, Markaziy saylov komissiyasi takroriy saylov tayinlaydi. Oʻzbekiston Respublikasi Prezidentligiga takroriy saylov ushbu Qonunda asosiy saylovni oʻtkazish uchun belgilangan tartibda hamda undagi shartlarga rioya etilgan holda oʻtkaziladi. Bunda Markaziy saylov komissiyasi saylov yangi tarkibdagi okrug va uchastka saylov komissiyalari tomonidan oʻtkazilishi zarurligi toʻgʻrisida qaror qabul qilishi mumkin. Ovoz berish asosiy saylovni oʻtkazish uchun tuzilgan avvalgi saylov uchastkalarida va saylovchilarning roʻyxatlari boʻyicha oʻtkaziladi.

Takroriy saylov asosiy saylov oʻtkazilganidan keyin qirq kun ichida oʻtkaziladi.

Oʻzbekiston Respublikasi Prezidenti Markaziy saylov komissiyasi tomonidan Oʻzbekiston Respublikasi Prezidenti saylovi natijalari rasmiy tarzda eʼlon qilingan kundan eʼtiboran kechi bilan ikki oy ichida Oliy Majlis yigʻilishida qasamyod qilgan paytdan boshlab oʻz lavozimiga kirishadi.

Amaldagi Oʻzbekiston Respublikasi Prezidenti oʻz vakolatlarini yangi saylangan Oʻzbekiston Respublikasi Prezidenti lavozimga kirishgunga qadar bajaradi.

6. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasining referendumi toʻgʻrisida”gi Qonunining 2001-yil 30-avgustda qabul qilingan Oʻzbekiston Respublikasi Qonuni bilan tasdiqlangan yangi tahriri (Oʻzbekiston Respublikasi Oliy Majlisining Axborotnomasi, 2001-yil, № 9-10, 176-modda):

1) 11-moddasi birinchi qismining uchinchi xatboshisidagi “Oliy Majlisi” degan soʻzlar “Oliy Majlisining palatalari” degan soʻzlar bilan almashtirilsin;

2) 12-moddasining oʻn beshinchi qismidagi va 17-moddasining ikkinchi qismidagi “Oliy Majlisiga” degan soʻzlar “Oliy Majlisining Qonunchilik palatasiga” degan soʻzlar bilan almashtirilsin;

3) 14-moddasi quyidagi tahrirda bayon etilsin:

Oʻzbekiston Respublikasi Oliy Majlisining Qonunchilik palatasi referendum oʻtkazish tashabbusini koʻrsatish toʻgʻrisidagi materiallarni va masʼul qoʻmitaning xulosasini ikki hafta ichida koʻrib chiqib, quyidagi qarorlardan birini qabul qilishi mumkin:

referendumni tayinlash va uni oʻtkazishni taʼminlash chora-tadbirlari toʻgʻrisida;

referendum oʻtkazish toʻgʻrisidagi tashabbusni rad etish haqida;

referendum oʻtkazish toʻgʻrisidagi tashabbusda taklif qilingan qonunni yoki boshqa qarorni referendum oʻtkazmasdan turib qabul qilish haqida.

Oʻzbekiston Respublikasi Oliy Majlisi Qonunchilik palatasining referendum masalasiga doir qarori mazkur qaror qabul qilingan kundan eʼtiboran uch kun ichida Oʻzbekiston Respublikasi Oliy Majlisining Senatiga, shuningdek referendum oʻtkazish tashabbuskorlariga yuboriladi.

Agar Oʻzbekiston Respublikasi Oliy Majlisining Qonunchilik palatasi referendum oʻtkazish toʻgʻrisidagi tashabbusni rad etish haqida qaror qabul qilsa, ayni shu mazmun yoki maʼnodagi taʼrif bilan referendum oʻtkazish toʻgʻrisidagi masala Oʻzbekiston Respublikasi Oliy Majlisining Qonunchilik palatasiga koʻrib chiqish uchun bir yil oʻtganidan keyingina takroran kiritilishi mumkin.

Oʻzbekiston Respublikasi Oliy Majlisining Senati referendum oʻtkazish tashabbusini koʻrsatish toʻgʻrisidagi materiallarni, Oʻzbekiston Respublikasi Oliy Majlisi Qonunchilik palatasining referendum oʻtkazish va referendum oʻtkaziladigan sanani tayinlash toʻgʻrisidagi qarorini, shuningdek masʼul qoʻmitaning mazkur masala boʻyicha xulosasini ikki hafta ichida koʻrib chiqib, quyidagi qarorlardan birini qabul qilishi mumkin:

referendumni tayinlash va uni oʻtkazishni taʼminlash chora-tadbirlari toʻgʻrisida;

referendum oʻtkazish toʻgʻrisidagi tashabbusni rad etish haqida.

Oʻzbekiston Respublikasi Oliy Majlisi Senatining referendum masalaciga doir qarori mazkur qaror qabul qilingan kundan eʼtiboran uch kun ichida Oʻzbekiston Respublikasi Oliy Majlisining Qonunchilik palatasiga, shuningdek referendum oʻtkazish tashabbuskorlariga yuboriladi.

Oʻzbekiston Respublikasi Oliy Majlisining Senati referendumni oʻtkazish va referendum oʻtkaziladigan sanani tayinlash toʻgʻrisida qaror qabul qilgan taqdirda Oʻzbekiston Respublikasi Oliy Majlisi Senatining va Oʻzbekiston Respublikasi Oliy Majlisi Qonunchilik palatasining mazkur masalaga doir qarorlari Oʻzbekiston Respublikasi Oliy Majlisining Senati ushbu masala yuzasidan qaror qabul qilgan kundan eʼtiboran kechi bilan uch kun ichida matbuotda va boshqa ommaviy axborot vositalarida eʼlon qilinadi.

Oʻzbekiston Respublikasi Oliy Majlisi palatalarining referendumni oʻtkazish va referendum oʻtkaziladigan sanani tayinlash toʻgʻrisidagi qarorlarida uni oʻtkazish sanasi belgilanadi, bunda ovoz berish palatalarning qarorlari eʼlon qilingan kundan eʼtiboran bir yarim oydan uch oygacha boʻlgan davrda istalgan kunga tayinlanishi mumkin”.

7. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasida nogironlarni ijtimoiy himoya qilish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 2, 78-modda; Oʻzbekiston Respublikasi Oliy Majlisining Axborotnomasi, 1998-yil, № 5-6, 102-modda; 2001-yil, № 5, 89-modda; 2004-yil, № 9, 171-modda):

1) 1-moddasining uchinchi qismidagi, 3-moddasining ikkinchi qismidagi, 11-moddasining uchinchi qismidagi va 22-moddasining birinchi qismidagi “Prezidenti huzuridagi” degan soʻzlar chiqarib tashlansin;

2) 5-moddasidagi, 11-moddasining ikkinchi qismidagi, 13, 15-moddalaridagi, 17-moddasining birinchi qismidagi, 20-moddasidagi, 35-moddasining uchinchi qismidagi, 36 va 37-moddalaridagi “mahalliy Sovetlari”, “Sovetlari”, “mahalliy Sovetlarining” degan soʻzlar tegishli kelishikdagi “Kengashlari” degan soʻz bilan almashtirilsin.

8. Oʻzbekiston Respublikasining 1991-yil 20-noyabrda qabul qilingan “Oʻzbekiston Respublikasida yoshlarga oid davlat siyosatining asoslari toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 2, 80-modda; Oʻzbekiston Respublikasi Oliy Majlisining Axborotnomasi, 1998-yil, № 5-6, 102-modda; 2004-yil, № 5, 90-modda):

1) 7-moddasining ikkinchi qismidagi va 14-moddasidagi “Sovetlari”, “mahalliy Sovetlari” degan soʻzlar “Kengashlari” degan soʻz bilan almashtirilsin;

2) 8-moddasining uchinchi qismidagi, 17-moddasining uchinchi qismidagi va 18-moddasining ikkinchi qismidagi “Prezidenti huzuridagi” degan soʻzlar chiqarib tashlansin;

3) 11-moddasining:

birinchi va beshinchi qismlaridagi “Oliy Kengashi”, “Oliy Kengashiga” degan soʻzlar tegishli kelishikdagi “Oliy Majlisi” degan soʻzlar bilan almashtirilsin;

ikkinchi qismidagi “mahalliy Sovetlari ijroiya qoʻmitalarining yoshlar ishlari boʻyicha boʻlimlari” degan soʻzlar “Kengashlari ijroiya idoralari” degan soʻzlar bilan almashtirilsin;

uchinchi va toʻrtinchi qismlaridagi “Prezidenti huzuridagi” degan soʻzlar chiqarib tashlansin;

4) 12-moddasining birinchi qismidagi “Prezidenti huzuridagi” degan soʻzlar chiqarib tashlansin, “Oliy Kengashi” degan soʻzlar esa “Oliy Majlisi” degan soʻzlar bilan almashtirilsin;

5) 20-moddasining birinchi qismidagi “Oliy Kengashi”, “mahalliy Sovetlari” degan soʻzlar tegishincha “Oliy Majlisi”, “Kengashlari” degan soʻzlar bilan almashtirilsin.

9. Oʻzbekiston Respublikasining 1992-yil 2-iyulda qabul qilingan “Oʻzbekiston Respublikasi Davlat gerbi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 9, 328-modda; Oʻzbekiston Respublikasi Oliy Majlisining Axborotnomasi, 1999-yil, № 5, 124-modda; 2003-yil, № 5, 67-modda) 4-moddasining birinchi qismi:

1-bandining “b” kichik bandi quyidagi tahrirda bayon etilsin:

“b) Oʻzbekiston Respublikasi Oliy Majlisi palatalarining binolarida”;

2-bandidagi “Oʻzbekiston Respublikasi Oliy Majlisining sessiyalari, Oʻzbekiston Respublikasi Oliy Majlisi Kengashining, Oʻzbekiston Respublikasi Vazirlar Mahkamasining majlislari, xalq deputatlari mahalliy Kengashlarining sessiyalari” degan soʻzlar “Oʻzbekiston Respublikasi Oliy Majlisi Qonunchilik palatasi va Senatining qoʻshma majlislari, Oʻzbekiston Respublikasi Oliy Majlisining Qonunchilik palatasi va uning Kengashi majlislari, Oʻzbekiston Respublikasi Oliy Majlisining Senati va uning Kengashi majlislari, Oʻzbekiston Respublikasi Vazirlar Mahkamasining majlislari, xalq deputatlari Kengashlarining sessiyalari” degan soʻzlar bilan almashtirilsin;

3-bandidagi “Oʻzbekiston Respublikasi Oliy Majlisi, uning Kengashi, qoʻmitalari, komissiyalari va Oʻzbekiston Respublikasi Oliy Majlisi Kotibiyati” degan soʻzlar “Oʻzbekiston Respublikasi Oliy Majlisining Qonunchilik palatasi, uning Kengashi, qoʻmitalari va Oʻzbekiston Respublikasi Oliy Majlisi Qonunchilik palatasining devoni, Oʻzbekiston Respublikasi Oliy Majlisining Senati, uning Kengashi, qoʻmitalari va Oʻzbekiston Respublikasi Oliy Majlisi Senatining devoni” degan soʻzlar bilan almashtirilsin;

4-bandidagi “Oliy Majlisining” degan soʻzlar “Oliy Majlisi palatalarining” degan soʻzlar bilan almashtirilsin.

10. Oʻzbekiston Respublikasining 1992-yil 2-iyulda qabul qilingan “Oʻzbekiston Respublikasining fuqaroligi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 9, 338-modda):

1) 5-moddasining ikkinchi qismidagi “Prezidenti huzuridagi” degan soʻzlar chiqarib tashlansin;

2) 10-moddasining ikkinchi qismi chiqarib tashlansin.

11. Oʻzbekiston Respublikasining 1992-yil 3-iyulda qabul qilingan “Mudofaa toʻgʻrisida”gi Qonunining 2001-yil 11-mayda qabul qilingan Oʻzbekiston Respublikasi Qonuni bilan tasdiqlangan yangi tahriri (Oʻzbekiston Respublikasi Oliy Majlisining Axborotnomasi, 2001-yil, № 5, 80-modda) 9-moddasining toʻqqizinchi xatboshisidagi “ikki xil maqsadda ishlatilishi mumkin boʻlgan mahsulot va texnologiyalar” degan soʻzlar chiqarib tashlansin.

12. Oʻzbekiston Respublikasining 1992-yil 9-dekabrda qabul qilingan “Hokimiyatning konstitutsiyaviy idoralarini qoʻriqlash toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1993-yil, № 1, 9-modda; Oʻzbekiston Respublikasi Oliy Majlisining Axborotnomasi, 1995-yil, № 6, 121-modda) I boʻlimidagi “Oʻzbekiston Respublikasi Oliy Kengashi, Qoraqalpogʻiston Respublikasi Oliy Kengashi” degan soʻzlar esa tegishincha “Oʻzbekiston Respublikasi Oliy Majlisi, Qoraqalpogʻiston Respublikasi Joʻqorgʻi Kengesi” degan soʻzlar bilan, shu boʻlimning ruscha matnidagi “Sovetami” degan soʻz esa “Kengashami” degan soʻz bilan almashtirilsin.

15. Oʻzbekiston Respublikasining 1992-yil 9-dekabrda qabul qilingan “Prokuratura toʻgʻrisida”gi Qonunining 2001-yil 29-avgustda qabul qilingan Oʻzbekiston Respublikasi Qonuni bilan tasdiqlangan yangi tahriri (Oʻzbekiston Respublikasi Oliy Majlisining Axborotnomasi, 2001-yil, № 9-10, 168-modda; 2003-yil, № 5, 67-modda):

1) 5-moddasining sakkizinchi qismi ruscha matnidagi “Soveti” degan soʻz “Kengashi” degan soʻz bilan almashtirilsin;

2) 12-moddasining ikkinchi qismidagi, 14-moddasining birinchi va uchinchi qismlaridagi “Oliy Majlisi”, “Oliy Majlisiga” degan soʻzlar tegishli kelishikdagi “Oliy Majlisining Senati” degan soʻzlar bilan almashtirilsin;

3) 13-moddasi ikkinchi qismining ikkinchi xatboshisidagi “Oliy Majlisiga” degan soʻzlar “Oliy Majlisining Qonunchilik palatasiga” degan soʻzlar bilan almashtirilsin.

16. Oʻzbekiston Respublikasining 1992-yil 9-dekabrda qabul qilingan “Tabiatni muhofaza qilish toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1993-yil, № 1, 38-modda; Oʻzbekiston Respublikasi Oliy Majlisining Axborotnomasi, 1995-yil, № 6, 118-modda; 1997-yil, № 4-5, 126-modda; 1999-yil, № 1, 20-modda; 2000-yil, № 5-6, 153-modda, № 7-8, 217-modda; 2002-yil, № 9, 165-modda; 2003-yil, № 9-10, 149-modda; 2004-yil, № 5, 90-modda):

1) 7-moddasi quyidagi tahrirda bayon etilsin:

Oʻzbekiston Respublikasi Oliy Majlisi Qonunchilik palatasi va Senatining birgalikdagi vakolatlariga quyidagilar kiradi:

tabiatni muhofaza qilish sohasidagi davlat siyosatining asosiy yoʻnalishlarini belgilash;

davlat ekologiya dasturlarini tasdiqlash;

tabiatni muhofaza qilish sohasidagi qonunlarni ishlab chiqish va qabul qilish;

hududlarni favqulodda ekologik vaziyat, ekologik ofat va ekologik halokat zonalari deb eʼlon qilish, bunday zonalarning huquqiy rejimini va jabrlanganlarning maqomini belgilash;

tabiatni muhofaza qilish toʻgʻrisidagi qonun hujjatlari ijrosi ustidan nazoratni muvofiqlashtirib borish;

tabiiy resurslardan foydalanganlik uchun haqning chegara miqdorlarini belgilash, shuningdek toʻlovlarni undirish boʻyicha imtiyozlar belgilash;

qonun hujjatlarida nazarda tutilgan boshqa masalalarni hal qilish”;

2) 11-moddasining birinchi va ikkinchi qismlaridagi “Oliy Kengashiga”, “Oliy Kengashi” degan soʻzlar tegishli kelishikdagi “Oliy Majlisining Senati” degan soʻzlar bilan almashtirilsin;

3) 15-moddasining ikkinchi qismidagi “Oʻzbekiston Respublikasi Sanoatda ishlarni bexatar olib borishni nazorat qilish va kon nazorati davlat qoʻmitasi” degan soʻzlar “Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi” degan soʻzlar bilan almashtirilsin;

4) 31-moddasi ikkinchi qismining:

toʻrtinchi xatboshisi quyidagi tahrirda bayon etilsin:

“Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi”;

yettinchi xatboshisi quyidagi tahrirda bayon etilsin:

“Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi”;

5) 41-moddasining uchinchi qismidagi “Oliy Kengashi” degan soʻzlar “Vazirlar Mahkamasi” degan soʻzlar bilan almashtirilsin.

17. Oʻzbekiston Respublikasining 1992-yil 10-dekabrda qabul qilingan “Oʻzbekiston Respublikasining Davlat madhiyasi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 52-modda) 9-moddasining birinchi qismidagi “Oʻzbekiston Respublikasi Jismoniy tarbiya va sport davlat qoʻmitasi” degan soʻzlar “Oʻzbekiston Respublikasi Madaniyat va sport ishlari vazirligi” degan soʻzlar bilan almashtirilsin.

18. Oʻzbekiston Respublikasining 1993-yil 2-sentabrda qabul qilingan “Mahalliy davlat hokimiyati toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 320-modda; Oʻzbekiston Respublikasi Oliy Majlisining Axborotnomasi, 1997-yil, № 9, 241-modda; 1999-yil, № 1, 20-modda):

1) 1-moddasining:

birinchi va ikkinchi qismlari ruscha matnidagi “Soveti”, “Sovetu” degan soʻzlar tegishincha “Kengashi”, “Kengashu” degan soʻzlar bilan almashtirilsin;

uchinchi qismidagi “Oliy Majlisining boshqa qarorlari” degan soʻzlar “Oliy Majlisi palatalarining qarorlari” degan soʻzlar bilan, shu qismning ruscha matnidagi “Sovet”, “Sovetov” degan soʻzlar esa tegishincha “Kengash”, “Kengashey” degan soʻzlar bilan almashtirilsin;

2) 2-moddasi, 3-moddasining ikkinchi qismi, 4 va 5-moddalari, 6-moddasining nomi hamda birinchi, uchinchi va toʻrtinchi qismlari, 7-moddasining birinchi, ikkinchi va toʻrtinchi qismlari, 8, 9 va 10-moddalari, 12-moddasining nomi hamda birinchi va toʻrtinchi qismlari, 14-moddasining birinchi qismi birinchi xatboshisi va ikkinchi qismi, 15—20-moddalari, 21-moddasining ikkinchi va uchinchi qismlari, 22-moddasining ikkinchi, uchinchi va toʻrtinchi qismlari, 23-moddasining birinchi qismi, VI bobi nomi, 24-moddasi, VII bobi nomi ruscha matnidagi “Sovetom”, “Soveta”, “Sovetov”, “Sovet”, “Sovetu”, “Soveti” degan soʻzlar tegishincha “Kengashem”, “Kengasha”, “Kengashey”, “Kengash”, “Kengashu”, “Kengashi” degan soʻzlar bilan almashtirilsin;

3) 25-moddasi birinchi qismining:

ikkinchi xatboshisi quyidagi tahrirda bayon etilsin:

“qonunlarning hamda Oʻzbekiston Respublikasi Oliy Majlisi palatalari, Oʻzbekiston Respublikasi Prezidenti, Vazirlar Mahkamasi hujjatlarining, yuqori turuvchi organlar va tegishli xalq deputatlari Kengashi qarorlarining ijrosini tashkil etadi”;

toʻrtinchi, beshinchi, sakkizinchi va toʻqqizinchi xatboshilarining ruscha matnidagi “Soveta”, “Sovetom” degan soʻzlar tegishincha “Kengasha”, “Kengashem” degan soʻzlar bilan almashtirilsin;

yettinchi xatboshisidagi “Oliy Majlisining boshqa hujjatlariga” degan soʻzlar “Oliy Majlisi palatalari” degan soʻzlar bilan, “qabul qilingan hujjatlarga” degan soʻzlar esa “hujjatlariga” degan soʻz bilan, shu xatboshining ruscha matnidagi “Sovet”, “Sovetov”, “Soveta” degan soʻzlar tegishincha “Kengash”, “Kengashey”, “Kengasha” degan soʻzlar bilan almashtirilsin;

4) 26-moddasining birinchi qismidagi “tomonidan” degan soʻz “tomonidan belgilangan tartibda” degan soʻzlar bilan, shu moddaning nomi va birinchi qismi ruscha matnidagi “Soveta” degan soʻz esa “Kengasha” degan soʻz bilan almashtirilsin.

19. Oʻzbekiston Respublikasining 1993-yil 2-sentabrda qabul qilingan “Fuqarolarning oʻzini oʻzi boshqarish organlari toʻgʻrisida”gi Qonunining 1999-yil 14-aprelda qabul qilingan Oʻzbekiston Respublikasi Qonuni bilan tasdiqlangan yangi tahriri (Oʻzbekiston Respublikasi Oliy Majlisining Axborotnomasi, 1999-yil, № 5, 110-modda; 2003-yil, № 9-10, 149-modda; 2004-yil, № 9, 171-modda) 12-moddasi ikkinchi qismining beshinchi xatboshisidagi “Oliy Majlisi” degan soʻzlar “Oliy Majlisining Qonunchilik palatasi” degan soʻzlar bilan almashtirilsin.

20. Oʻzbekiston Respublikasining 1993-yil 2-sentabrda qabul qilingan “Sudlar toʻgʻrisida”gi Qonunining 2000-yil 14-dekabrda qabul qilingan Oʻzbekiston Respublikasi Qonuni bilan tasdiqlangan yangi tahriri (Oʻzbekiston Respublikasi Oliy Majlisining Axborotnomasi, 2001-yil, № 1-2, 10-modda; 2002-yil, № 1, 20-modda; 2004-yil, № 1-2, 18-modda):

1) 11-moddasining ikkinchi qismidagi “Oliy Majlisi deputatlari” degan soʻz “Oliy Majlisining Qonunchilik palatasi deputatlari va Senati aʼzolari” degan soʻzlar bilan almashtirilsin;

2) 12-moddasidagi “Oliy Majlisida” degan soʻzlar “Oliy Majlisining Qonunchilik palatasida” degan soʻzlar bilan almashtirilsin;

3) 63-moddasining birinchi qismidagi va 72-moddasi birinchi qismining birinchi xatboshisidagi “Oliy Majlisi” degan soʻzlar “Oliy Majlisining Senati” degan soʻzlar bilan almashtirilsin;

4) 66-moddasining toʻrtinchi va beshinchi qismlari quyidagi tahrirda bayon etilsin:

“Sudyalar senator, davlat hokimiyati vakillik organlarining deputati boʻlishi mumkin emas.

Sudyalar siyosiy partiyalarning aʼzosi boʻlishi, siyosiy harakatlarda ishtirok etishi, shuningdek ilmiy va pedagogik faoliyatdan tashqari haq toʻlanadigan boshqa biron-bir turdagi faoliyat bilan shugʻullanishi mumkin emas”;

5) 84-moddasining ikkinchi qismidagi “Oliy Majlisi” degan soʻzlar “Oliy Majlisining Senati” degan soʻzlar bilan almashtirilsin.

21. Oʻzbekiston Respublikasining 1993-yil 28-dekabrda qabul qilingan “Oʻzbekiston Respublikasi Oliy Majlisiga saylov toʻgʻrisida”gi Qonunining 2003-yil 29-avgustda qabul qilingan Oʻzbekiston Respublikasi Qonuni bilan tasdiqlangan yangi tahriri (Oʻzbekiston Respublikasi Oliy Majlisining Axborotnomasi, 2003-yil, № 9-10, 132-modda; 2004-yil, № 9, 171-modda):

1) 35-moddasi:

birinchi qismidagi “partiyaga mansubligi” degan soʻzlar chiqarib tashlansin;

quyidagi mazmundagi ikkinchi qism bilan toʻldirilsin:

“Saylov byulletenida uni toʻldirish tartibi toʻgʻrisida tushuntirish boʻlishi kerak”;

ikkinchi qismi uchinchi qism deb hisoblansin;

2) 41-moddasining ikkinchi qismi quyidagi tahrirda bayon etilsin:

“Saylovda saylovchi oʻzi yoqlab ovoz berayotgan deputatlikka nomzodning familiyasi roʻparasida, oʻng tomonda joylashgan boʻsh kvadratga belgi-krestik qoʻyadi”;

3) 42-moddasi:

beshinchi qismining uchinchi xatboshisidagi “va unga qarshi” degan soʻzlar chiqarib tashlansin;

yettinchi qismidagi “bittadan ortiq deputatlikka nomzodning familiyasi qoldirilgan” degan soʻzlar “bittadan ortiq kvadratga belgi-krestik qoʻyilgan yoki bitta ham kvadratga bunday belgi qoʻyilmagan” degan soʻzlar bilan almashtirilsin;

4) 43-moddasi birinchi qismining beshinchi xatboshisidagi va 44-moddasi birinchi qismining beshinchi xatboshisidagi “va unga qarshi” degan soʻzlar chiqarib tashlansin;

5) 45-moddasi:

ikkinchi qismidagi “basharti uni yoqlab berilgan ovozlar soni unga qarshi berilgan ovozlar sonidan koʻp boʻlsa” degan soʻzlar chiqarib tashlansin;

quyidagi mazmundagi qism bilan toʻldirilsin:

“Takroriy ovoz berishda saylovchilarning ishtirok etishi foizi hisobga olinmaydi”.

22. Oʻzbekiston Respublikasining 1994-yil 5-mayda qabul qilingan Qonuni bilan tasdiqlangan “Oʻzbekiston Qahramoni” unvoni toʻgʻrisidagi nizomning (Oʻzbekiston Respublikasi Oliy Kengashining Axborotnomasi, 1994-yil, № 5, 113-modda; Oʻzbekiston Respublikasi Oliy Majlisining Axborotnomasi, 1996-yil, № 9, 141-modda) 5-moddasidagi “Oʻzbekiston Respublikasi Oliy Majlisining Raisi” degan soʻzlar “Oʻzbekiston Respublikasi Oliy Majlisining Qonunchilik palatasi Spikeri, Oʻzbekiston Respublikasi Oliy Majlisining Senati Raisi” degan soʻzlar bilan almashtirilsin.

23. Oʻzbekiston Respublikasining 1994-yil 5-mayda qabul qilingan Qonuni bilan tasdiqlangan “Mustaqillik” ordeni toʻgʻrisidagi nizomning (Oʻzbekiston Respublikasi Oliy Kengashining Axborotnomasi, 1994-yil, № 5, 115-modda; Oʻzbekiston Respublikasi Oliy Majlisining Axborotnomasi, 1997-yil, № 4-5, 126-modda; 2003-yil, № 9-10, 149-modda) 4-moddasidagi “Oʻzbekiston Respublikasi Oliy Majlisining Raisi” degan soʻzlar “Oʻzbekiston Respublikasi Oliy Majlisining Qonunchilik palatasi Spikeri, Oʻzbekiston Respublikasi Oliy Majlisining Senati Raisi” degan soʻzlar bilan almashtirilsin.

24. Oʻzbekiston Respublikasining 1994-yil 5-mayda qabul qilingan Qonuni bilan tasdiqlangan “Doʻstlik” ordeni toʻgʻrisidagi nizomning (Oʻzbekiston Respublikasi Oliy Kengashining Axborotnomasi, 1994-yil, № 5, 117-modda; Oʻzbekiston Respublikasi Oliy Majlisining Axborotnomasi, 2000-yil, № 5-6, 153-modda) 4-moddasidagi “Oʻzbekiston Respublikasi Oliy Majlisining Raisi” degan soʻzlar “Oʻzbekiston Respublikasi Oliy Majlisining Qonunchilik palatasi Spikeri, Oʻzbekiston Respublikasi Oliy Majlisining Senati Raisi” degan soʻzlar bilan almashtirilsin.

25. Oʻzbekiston Respublikasining 1994-yil 5-mayda qabul qilingan Qonuni bilan tasdiqlangan “Jasorat” medali toʻgʻrisidagi nizomning (Oʻzbekiston Respublikasi Oliy Kengashining Axborotnomasi, 1994-yil, № 5, 119-modda) 4-moddasidagi “Oʻzbekiston Respublikasi Oliy Majlisining Raisi” degan soʻzlar “Oʻzbekiston Respublikasi Oliy Majlisining Qonunchilik palatasi Spikeri, Oʻzbekiston Respublikasi Oliy Majlisining Senati Raisi” degan soʻzlar bilan almashtirilsin.

26. Oʻzbekiston Respublikasining 1994-yil 5-mayda qabul qilingan Qonuni bilan tasdiqlangan “Shuhrat” medali toʻgʻrisidagi nizomning (Oʻzbekiston Respublikasi Oliy Kengashining Axborotnomasi, 1994-yil, № 5, 121-modda) 4-moddasidagi “Oʻzbekiston Respublikasi Oliy Majlisining Raisi” degan soʻzlar “Oʻzbekiston Respublikasi Oliy Majlisining Qonunchilik palatasi Spikeri, Oʻzbekiston Respublikasi Oliy Majlisining Senati Raisi” degan soʻzlar bilan almashtirilsin.

27. Oʻzbekiston Respublikasining 1994-yil 5-mayda qabul qilingan “Xalq deputatlari viloyat, tuman va shahar Kengashlariga saylov toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 5, 125-modda; Oʻzbekiston Respublikasi Oliy Majlisining Axborotnomasi, 1998-yil, №3, 38-modda; 1999-yil, № 1, 20-modda, № 9, 206-modda; 2000-yil, № 5-6, 153-modda; 2003-yil, № 9-10, 134-modda; 2004-yil, № 9, 171-modda):

1) 32-moddasi:

birinchi qismidagi “partiyaga mansubligi” degan soʻzlar chiqarib tashlansin;

quyidagi mazmundagi ikkinchi qism bilan toʻldirilsin:

“Saylov byulletenida uni toʻldirish tartibi toʻgʻrisida tushuntirish boʻlishi kerak”;

ikkinchi qismi uchinchi qism deb hisoblansin;

2) 38-moddasining ikkinchi qismi quyidagi tahrirda bayon etilsin:

“Saylovda saylovchi oʻzi yoqlab ovoz berayotgan deputatlikka nomzodning familiyasi roʻparasida, oʻng tomonda joylashgan boʻsh kvadratga belgi-krestik qoʻyadi”;

3) 39-moddasi:

beshinchi qismining uchinchi xatboshisidagi “va unga qarshi” degan soʻzlar chiqarib tashlansin;

yettinchi qismidagi “bittadan ortiq deputatlikka nomzodning familiyasi qoldirilgan” degan soʻzlar “bittadan ortiq kvadratga belgi-krestik qoʻyilgan yoki bitta ham kvadratga bunday belgi qoʻyilmagan” degan soʻzlar bilan almashtirilsin;

4) 40-moddasi birinchi qismining beshinchi xatboshisidagi va 41-moddasi birinchi qismining beshinchi xatboshisidagi “va unga qarshi” degan soʻzlar chiqarib tashlansin;

5) 42-moddasi:

ikkinchi qismidagi “basharti uni yoqlab berilgan ovozlar soni unga qarshi berilgan ovozlar sonidan koʻp boʻlgan boʻlsa” degan soʻzlar chiqarib tashlansin;

quyidagi mazmundagi qism bilan toʻldirilsin:

“Takroriy ovoz berishda saylovchilarning ishtirok etishi foizi hisobga olinmaydi”.

28. Oʻzbekiston Respublikasining 1994-yil 5-mayda qabul qilingan “Fuqarolar saylov huquqlarining kafolatlari toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 5, 127-modda) 4-moddasining uchinchi, toʻrtinchi va beshinchi qismlari quyidagi mazmundagi uchinchi, toʻrtinchi, beshinchi va oltinchi qismlar bilan almashtirilsin:

“Oʻttiz besh yoshdan kichik boʻlmagan, davlat tilini yaxshi biladigan hamda bevosita saylovgacha kamida oʻn yil Oʻzbekiston Respublikasi hududida muqim yashayotgan Oʻzbekiston Respublikasi fuqarosi Oʻzbekiston Respublikasi Prezidenti lavozimiga saylanish huquqiga ega.

Saylov kuni yigirma besh yoshga toʻlgan hamda kamida besh yil Oʻzbekiston Respublikasi hududida muqim yashayotgan Oʻzbekiston Respublikasi fuqarolari Oʻzbekiston Respublikasi Oliy Majlisining Qonunchilik palatasiga saylanish huquqiga egadirlar.

Saylov kuni yigirma besh yoshga toʻlgan, kamida besh yil Oʻzbekiston Respublikasi hududida muqim yashayotgan hamda Qoraqalpogʻiston Respublikasi Joʻqorgʻi Kengesiga va mahalliy davlat hokimiyati vakillik organlariga saylangan Oʻzbekiston Respublikasi fuqarolari Oʻzbekiston Respublikasi Oliy Majlisining Senatiga saylanish huquqiga egadirlar.

Saylov kuni yigirma bir yoshga toʻlgan hamda kamida besh yil Oʻzbekiston Respublikasi hududida muqim yashayotgan Oʻzbekiston Respublikasi fuqarolari hokimiyatning mahalliy vakillik organlariga saylanish huquqiga egadirlar”.

29. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksi (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda):

1) 103-moddasi birinchi qismining dispozitsiyasidagi “yoxud gaz uchun ajratilgan fondlarni oshirib yuborish” degan soʻzlar chiqarib tashlansin;

2) 266¹-moddasidagi “Yer resurslari davlat qoʻmitasining” degan soʻzlar “Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining” degan soʻzlar bilan almashtirilsin.

30. Oʻzbekiston Respublikasining 1995-yil 30-avgustda qabul qilingan Qonuni bilan tasdiqlangan “Mehnat shuhrati” ordeni toʻgʻrisidagi nizomning (Oʻzbekiston Respublikasi Oliy Majlisining Axborotnomasi, 1995-yil, № 9, 190-modda) 4-moddasidagi “Oʻzbekiston Respublikasi Oliy Majlisining Raisi” degan soʻzlar “Oʻzbekiston Respublikasi Oliy Majlisining Qonunchilik palatasi Spikeri, Oʻzbekiston Respublikasi Oliy Majlisining Senati Raisi” degan soʻzlar bilan almashtirilsin.

31. Oʻzbekiston Respublikasining 1995-yil 30-avgustda qabul qilingan Qonuni bilan tasdiqlangan “Shon-sharaf” ordeni toʻgʻrisidagi nizomning (Oʻzbekiston Respublikasi Oliy Majlisining Axborotnomasi, 1995-yil, № 9, 191-modda) 5-moddasidagi “Oʻzbekiston Respublikasi Oliy Majlisining Raisi” degan soʻzlar “Oʻzbekiston Respublikasi Oliy Majlisining Qonunchilik palatasi Spikeri, Oʻzbekiston Respublikasi Oliy Majlisining Senati Raisi” degan soʻzlar bilan almashtirilsin.

32. Oʻzbekiston Respublikasining 1995-yil 21-dekabrda qabul qilingan “Oʻzbekiston Respublikasining Markaziy banki toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1995-yil, № 12, 247-modda; 1998-yil, № 9, 181-modda; 1999-yil, № 5, 124-modda; 2001-yil, № 1-2, 23-modda; 2003-yil, № 1, 8-modda):

1) 5-moddasining birinchi qismi quyidagi tahrirda bayon etilsin:

“Markaziy bank Oʻzbekiston Respublikasi Oliy Majlisining Senatiga hisobdordir. Oliy Majlisning Senati:

Oʻzbekiston Respublikasi Prezidentining taqdimiga koʻra Markaziy bank boshqaruvining raisini tayinlaydi va lavozimidan ozod etadi;

yillik hisobotni, shuningdek auditorning xulosasini koʻrib chiqadi”;

2) 10-moddasining birinchi qismidagi “Oliy Majlisining” degan soʻzlar “Oliy Majlisi Senatining” degan soʻzlar bilan almashtirilsin;

3) 13-moddasi “koʻrib chiqishi” degan soʻzlardan oldin “Senati” degan soʻz bilan toʻldirilsin;

4) 16-moddasining ikkinchi qismidagi “Oliy Majlisning Kengashi” degan soʻzlar “Oliy Majlis Senatining Kengashi” degan soʻzlar bilan almashtirilsin;

5) 23-moddasining birinchi qismidagi “Oliy Majlisga” degan soʻzlar “Oliy Majlisning Senatiga” degan soʻzlar bilan almashtirilsin;

6) 33-moddasining toʻrtinchi qismidagi “Oliy Majlisning Kengashi” degan soʻzlar “Oliy Majlis Senatining Kengashi” degan soʻzlar bilan almashtirilsin.

33. Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1995-yil, № 12, 266-modda; 1996-yil, № 5-6, 63-modda, № 9, 120-modda; 1998-yil, № 9, 163-modda; 2000-yil, № 7-8, 202-modda; 2003-yil, № 9-10, 149-modda) 6-moddasidagi “Oliy Majlis Raisi” degan soʻzlar “Oliy Majlisning Qonunchilik palatasi Spikeri, Oliy Majlisning Senati Raisi” degan soʻzlar bilan almashtirilsin.

34. Oʻzbekiston Respublikasining 1996-yil 30-avgustda qabul qilingan “Oʻzbekiston Respublikasida maʼmuriy-hududiy tuzilish, toponimik obyektlarga nom berish va ularning nomlarini oʻzgartirish masalalarini hal etish tartibi toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1996-yil, № 9, 139-modda):

1) 3, 6, 9-moddalari, 12-moddasining ikkinchi qismi, 14, 16 va 19-moddalari ruscha matnidagi “Sovetami” degan soʻz “Kengashami” degan soʻz bilan almashtirilsin;

2) 27-moddasi “Madaniyat” degan soʻzdan keyin “va sport” degan soʻzlar bilan toʻldirilsin.

35. Oʻzbekiston Respublikasining 1996-yil 26-dekabrda qabul qilingan “Siyosiy partiyalar toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 2, 36-modda; 1999-yil, № 9, 299-modda; 2004-yil № 1-2, 18-modda, № 5, 90-modda) 14-moddasi ikkinchi qismining toʻrtinchi va oltinchi xatboshilari ruscha matnidagi “Soveta” degan soʻz “Kengasha” degan soʻz bilan almashtirilsin.

37. Oʻzbekiston Respublikasining 1997-yil 29-avgustda qabul qilingan “Boj tarifi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 9, 228-modda; 1998-yil, № 9, 181-modda; 2001-yil, № 5, 89-modda; 2003-yil, № 1, 8-modda, № 5, 67-modda; 2004-yil, № 1-2, 18-modda, № 5, 90-modda) 33-moddasining:

birinchi qismi:

oʻn uchinchi xatboshisi quyidagi tahrirda bayon etilsin:

“chet ellik investorlar tomonidan oʻz ishlab chiqarish ehtiyojlari uchun Oʻzbekiston Respublikasiga olib kiriladigan mol-mulk”;

quyidagi mazmundagi oʻn toʻrtinchi xatboshi bilan toʻldirilsin:

“chet ellik investorlar bilan tuzilgan mehnat shartnomalariga muvofiq Oʻzbekiston Respublikasida turgan chet ellik investorlar va chet davlatlar fuqarolarining shaxsiy ehtiyojlari uchun olib kiriladigan mol-mulk”;

oʻn toʻrtinchi — yigirma toʻrtinchi xatboshilari tegishincha oʻn beshinchi — yigirma beshinchi xatboshilar deb hisoblansin;

ikkinchi qismi quyidagi mazmundagi ikkinchi, uchinchi va toʻrtinchi qismlar bilan almashtirilsin:

“Ushbu modda birinchi qismining toʻrtinchi, oʻn beshinchi va oʻn sakkizinchi xatboshilarida nazarda tutilgan imtiyozlar yuridik shaxslar tomonidan Oʻzbekiston Respublikasiga olib kiriladigan isteʼmol tovarlariga nisbatan tatbiq etilmaydi.

Ushbu modda birinchi qismining oʻn uchinchi xatboshisida nazarda tutilgan imtiyoz yuridik shaxslar tomonidan Oʻzbekiston Respublikasiga olib kiriladigan isteʼmol tovarlariga nisbatan tatbiq etilmaydi, mehmonxona xizmatlari koʻrsatish uchun olib kiriladigan isteʼmol tovarlari bundan mustasno.

Tovarlarni isteʼmol tovarlari jumlasiga kiritish qonun hujjatlariga muvofiq amalga oshiriladi”.

38. Oʻzbekiston Respublikasining 1997-yil 29-avgustda qabul qilingan “Davlat bojxona xizmati toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 9, 230-modda; 1998-yil, № 5-6, 102-modda) 9-moddasining matni quyidagi tahrirda bayon etilsin:

“Oʻzbekiston Respublikasi Davlat bojxona qoʻmitasining raisi Oʻzbekiston Respublikasi Bosh vazirining taqdimiga binoan Oʻzbekiston Respublikasi Prezidenti tomonidan tasdiqlanadi va lavozimidan Oʻzbekiston Respublikasi Prezidenti tomonidan ozod qilinadi.

Oʻzbekiston Respublikasi Davlat bojxona qoʻmitasi raisining oʻrinbosarlari, Oʻzbekiston Respublikasi Davlat bojxona qoʻmitasining Qoraqalpogʻiston Respublikasi, viloyatlar, Toshkent shahri boʻyicha boshqarmalari va ixtisoslashtirilgan bojxona majmualari boshliqlari Oʻzbekiston Respublikasi Prezidenti tomonidan tayinlanadi va lavozimidan ozod qilinadi.

Bojxona organlarining ushbu moddaning birinchi va ikkinchi qismlarida sanab oʻtilmagan mansabdor shaxslari Oʻzbekiston Respublikasi Davlat bojxona qoʻmitasi tomonidan belgilanadigan tartibda tayinlanadi”.

39. Oʻzbekiston Respublikasining 1997-yil 29-avgustda qabul qilingan “Davlat soliq xizmati toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-yil, № 9, 232-modda; 1998-yil, № 5-6, 102-modda; 1999-yil, № 9, 229-modda; 2000-yil, № 7-8, 217-modda; 2001-yil, № 5, 89-modda, № 9-10, 182-modda; 2003-yil, № 1, 8-modda, № 5, 67-modda; 2004-yil, № 9, 171-modda) 10-moddasi quyidagi tahrirda bayon etilsin:

Oʻzbekiston Respublikasi Davlat soliq qoʻmitasining raisi Oʻzbekiston Respublikasi Bosh vazirining taqdimiga binoan Oʻzbekiston Respublikasi Prezidenti tomonidan tasdiqlanadi va lavozimidan Oʻzbekiston Respublikasi Prezidenti tomonidan ozod qilinadi.

Oʻzbekiston Respublikasi Davlat soliq qoʻmitasi raisining oʻrinbosarlari, Qoraqalpogʻiston Respublikasi, viloyatlar va Toshkent shahar davlat soliq boshqarmalari boshliqlari Oʻzbekiston Respublikasi Prezidenti tomonidan tayinlanadi va lavozimidan ozod qilinadi.

Oʻzbekiston Respublikasi Davlat soliq qoʻmitasining mansabdor shaxslari, Qoraqalpogʻiston Respublikasi, viloyatlar va Toshkent shahar davlat soliq boshqarmalari boshliqlarining oʻrinbosarlari, Qoraqalpogʻiston Respublikasi, viloyatlar va Toshkent shahar davlat soliq boshqarmalari boʻlimlarining boshliqlari, davlat soliq inspeksiyalarining boshliqlari Oʻzbekiston Respublikasi Davlat soliq qoʻmitasi raisining buyrugʻi bilan tayinlanadi.

Davlat soliq xizmati organlarining ushbu moddaning birinchi — uchinchi qismlarida sanab oʻtilmagan mansabdor shaxslari davlat soliq xizmati tegishli organining rahbari tomonidan tayinlanadi”.

40. Oʻzbekiston Respublikasining 1997-yil 26-dekabrda qabul qilingan Qonuni bilan tasdiqlangan Oʻzbekiston Respublikasining Bojxona kodeksi (Oʻzbekiston Respublikasi Oliy Majlisining Axborotnomasi, 1998-yil, № 2, 36-modda; 1999-yil, № 9, 229-modda; 2001-yil, № 1-2, 23-modda; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda):

1) 31-moddasi birinchi qismining uchinchi xatboshisi “qonun hujjatlarida belgilangan hollar bundan mustasno” degan soʻzlar bilan toʻldirilsin;

2) 50-moddasining ikkinchi qismidagi “Oliy Majlisi deputatlari” degan soʻzlar “Oliy Majlisining Qonunchilik palatasi deputatlari, Senati aʼzolarining” degan soʻzlar bilan almashtirilsin.

41. Oʻzbekiston Respublikasining 1998-yil 30-aprelda qabul qilingan Qonuni bilan tasdiqlangan Oʻzbekiston Respublikasining Yer kodeksi (Oʻzbekiston Respublikasi Oliy Majlisining Axborotnomasi, 1998-yil, № 5-6, 82-modda; 2003-yil, № 9-10, 149-modda; 2004-yil, № 5, 90-modda) 4-moddasining toʻrtinchi xatboshisi quyidagi tahrirda bayon etilsin:

“tuproq unumdorligini oshirish, yerlardan oqilona foydalanish va ularni muhofaza qilish yuzasidan davlat dasturlarini tasdiqlash”.

42. Oʻzbekiston Respublikasining 1998-yil 30-aprelda qabul qilingan “Dehqon xoʻjaligi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 5-6, 88-modda; 2001-yil, № 1-2, 23-modda, № 5, 89-modda; 2003-yil, № 9-10, 149-modda; 2004-yil, № 1-2, 18-modda) 25-moddasining toʻrtinchi qismidagi “Tovar ishlab chiqaruvchilar va tadbirkorlar palatasi hamda ularning joylardagi hududiy organlari” degan soʻzlar “Oʻzbekiston Respublikasi Savdo-sanoat palatasi” degan soʻzlar bilan almashtirilsin.

43. Oʻzbekiston Respublikasining 1998-yil 28-avgustda qabul qilingan “Davlat yer kadastri toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 9, 165-modda; 2003-yil, № 1, 8-modda, № 9-10, 149-modda; 2004-yil, № 5, 90-modda):

1) 5-moddasining:

birinchi qismidagi “vakolat berilgan davlat boshqaruvi organlari” degan soʻzlar “vakolatli davlat boshqaruvi organi” degan soʻzlar bilan almashtirilsin;

ikkinchi qismi quyidagi tahrirda bayon etilsin:

“Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi davlat yer kadastrini yuritish sohasidagi maxsus vakolatli davlat boshqaruvi organi hisoblanadi”;

2) 8-moddasi quyidagi tahrirda bayon etilsin:

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining davlat yer kadastrini yuritish sohasidagi vakolatlariga quyidagilar kiradi:

Oʻzbekiston Respublikasining butun hududida davlat yer kadastri yuritilishini tashkil etish;

Yer resurslarining holati toʻgʻrisidagi har yilgi milliy hisobotni tuzish;

viloyatlar, tumanlar hamda aholi punktlarining maʼmuriy chegaralarini belgilash (aniqlashtirish) ishlarini tashkil etish va oʻtkazish;

normativ hujjatlarni belgilangan tartibda ishlab chiqish va tasdiqlash;

mutaxassislarni tayyorlash hamda ularning malakasini oshirish ishlarini tashkil etish;

qonun hujjatlariga muvofiq boshqa vakolatlarni amalga oshirish”.

3) 9-moddasi chiqarib tashlansin;

4) 10-moddasi:

birinchi qismining uchinchi xatboshisi chiqarib tashlansin;

ikkinchi qismi quyidagi tahrirda bayon etilsin:

“Davlat yer kadastrini yuritish Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining tuman (shahar) yer resurslari va davlat kadastri boʻlimlari tomonidan amalga oshiriladi”.

44. Oʻzbekiston Respublikasining 1998-yil 24-dekabrda qabul qilingan “Xoʻjalik yurituvchi subyektlar faoliyatini davlat tomonidan nazorat qilish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1999-yil, № 1, 8-modda; 2000-yil, № 5-6, 153-modda; 2001-yil, № 1-2, 23-modda; 2004-yil, № 5, 90-modda) 18-moddasining toʻrtinchi qismi quyidagi tahrirda bayon etilsin:

“Xoʻjalik yurituvchi subyektlarning — Oʻzbekiston Respublikasi Savdo-sanoat palatasi aʼzolarining faoliyatini tekshirish uning vakillari ishtirok etgan holda amalga oshirilishi mumkin”.

45. Oʻzbekiston Respublikasining 2000-yil 25-mayda qabul qilingan “Tadbirkorlik faoliyati erkinligining kafolatlari toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2000-yil, № 5-6, 140-modda; 2001-yil, № 5, 89-modda; 2003-yil, № 5, 67-modda; 2004-yil, № 1-2, 18-modda, № 5, 90-modda):

1) 5-moddasi quyidagi mazmundagi toʻrtinchi va beshinchi qismlar bilan toʻldirilsin:

“Kichik tadbirkorlik subyektlari uchun qonun hujjatlarida nazarda tutilgan imtiyozlar, kafolatlar va huquqlar yuqorida sanab oʻtilgan tijorat tashkilotlariga ular tomonidan vakolatli tashkilotlarga (davlat soliq, bojxona xizmati organlari, davlat statistika organlari, banklar va boshqalarga) imtiyozlar, kafolatlar va huquqlar xususiyatidan kelib chiqib, kichik tadbirkorlik subyektlari ekanligi haqida xabarnoma taqdim etgan holda qilingan murojaatlar asosida beriladi. Xabarnomaning toʻgʻriligi uchun javobgarlik xabarnomani taqdim etgan subyektlar zimmasiga yuklatiladi.

Mikrofirma va kichik korxona xodimlarning belgilangan oʻrtacha yillik sonini oshirib yuborgan taqdirda, oshirib yuborishga yoʻl qoʻyilgan davr uchun va keyingi uch oyga ular qonun hujjatlarida nazarda tutilgan imtiyozlar, kafolatlar va huquqlardan mahrum etiladi”;

2) 22-moddasining ikkinchi qismi quyidagi tahrirda bayon etilsin:

“Tadbirkorlik faoliyati subyektlarining davlat roʻyxatidan oʻtkazilganligi valyuta hisobvaraqlarini ochish va tashqi iqtisodiy faoliyatni amalga oshirish uchun asos boʻladi. Tovarlarni import qiluvchi yakka tartibdagi tadbirkorlarning tashqi iqtisodiy aloqalar ishtirokchisi sifatida roʻyxatdan oʻtkazilganligi ham bunday tadbirkorlarga tashqi iqtisodiy faoliyatni amalga oshirish uchun asos boʻladi”;

3) 39-moddasining oltinchi qismi quyidagi tahrirda bayon etilsin:

“Tadbirkorlik subyektlarining — Oʻzbekiston Respublikasi Savdo-sanoat palatasi aʼzolarining faoliyatini tekshirish ularning vakillari ishtirok etgan holda amalga oshirilishi mumkin”.

46. Oʻzbekiston Respublikasining 2000-yil 14-dekabrda qabul qilingan “Normativ-huquqiy hujjatlar toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2001-yil, № 1-2, 8-modda; 2004-yil, № 1-2, 18-modda):

1) 4-moddasidagi “Oliy Majlisi” degan soʻzlar “Oliy Majlisining palatalari” degan soʻzlar bilan almashtirilsin;

2) 17-moddasining matni quyidagi tahrirda bayon etilsin:

“Normativ-huquqiy hujjatning tayyorlangan loyihasi normativ-huquqiy hujjatni qabul qiluvchi organga taqdimnoma bilan kiritiladi, taqdimnomada hujjatni qabul qilishning zarurligi asoslab beriladi, uni ishlab chiquvchilar koʻrsatiladi, hujjat mazmunining qisqacha tavsifi beriladi, loyiha qaysi davlat organi, shuningdek tashkilot bilan kelishilgan boʻlsa, shu organ va tashkilotlarning roʻyxati keltiriladi, kelishmovchiliklarning mazmuni hamda ular haqidagi asoslantirilgan fikr qisqacha bayon etib oʻtiladi. Zarurat boʻlganda, normativ-huquqiy hujjat loyihasiga uni asoslash uchun moliyaviy-iqtisodiy hisob-kitoblar, statistika maʼlumotlari va boshqa axborotlar ilova qilinadi.

Qonunchilik tashabbusi huquqiga ega boʻlmagan vazirliklar, davlat qoʻmitalari, idoralar va boshqa organlar yoki nodavlat notijorat tashkilotlari tomonidan tayyorlangan qonun loyihalari, agar loyihani tayyorlash toʻgʻrisidagi topshiriqda boshqacha qoida nazarda tutilmagan boʻlsa, Oʻzbekiston Respublikasi Vazirlar Mahkamasi muhokamasiga taqdim etiladi”;

3) 5-moddasining “v” bandidagi, 6-moddasining ikkinchi qismidagi, 9-moddasidagi, 25-moddasining birinchi qismidagi va 26-moddasining birinchi qismidagi “Oliy Majlisining” degan soʻzlar “Oliy Majlisi palatalarining” degan soʻzlar bilan almashtirilsin;

4) 20-moddasining:

uchinchi xatboshisi quyidagi mazmundagi uchinchi va toʻrtinchi xatboshilar bilan almashtirilsin:

“Oʻzbekiston Respublikasi Oliy Majlisi Qonunchilik palatasining qarorlari — Oʻzbekiston Respublikasi Oliy Majlisining Qonunchilik palatasi Spikeri tomonidan;

Oʻzbekiston Respublikasi Oliy Majlisi Senatining qarorlari — Oʻzbekiston Respublikasi Oliy Majlisining Senati Raisi tomonidan”;

toʻrtinchi — yettinchi xatboshilari tegishincha beshinchi — sakkizinchi xatboshilar deb hisoblansin.

47. Oʻzbekiston Respublikasi Oliy Majlisining 2000-yil 14-dekabrda qabul qilingan Qarori bilan tasdiqlangan tahrirdagi Sud xodimlarining mansab darajalari toʻgʻrisidagi nizom (Oʻzbekiston Respublikasi Oliy Majlisining Axborotnomasi, 2001-yil, № 1-2, 12-modda; 2004-yil, № 1-2, 18-modda) 4-moddasining:

beshinchi xatboshisi “qabulxona boshliqlariga” degan soʻzlardan keyin “bosh mutaxassislariga” degan soʻzlar bilan toʻldirilsin;

oltinchi xatboshisi quyidagi tahrirda bayon etilsin:

yettinchi xatboshisi “raislarining yordamchilariga” degan soʻzlardan keyin “devonxona mudirlariga” degan soʻzlar bilan toʻldirilsin.

48. Oʻzbekiston Respublikasining 2000-yil 14-dekabrda qabul qilingan “Qonun loyihalarining umumxalq muhokamasi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2001-yil, № 1-2, 14-modda):

1) 5-moddasi birinchi qismining uchinchi xatboshisidagi “Oliy Majlisiga” degan soʻzlar “Oliy Majlisining Qonunchilik palatasiga” degan soʻzlar bilan almashtirilsin;

2) 12-moddasidagi “qoʻmitalari va komissiyalariga” degan soʻzlar “Qonunchilik palatasi qoʻmitalariga” degan soʻzlar bilan almashtirilsin;

3) 13-moddasining birinchi va ikkinchi qismlaridagi “Oliy Majlisi”, “Oʻzbekiston Respublikasi Oliy Majlisi yoki uning” degan soʻzlar tegishincha “Oliy Majlisining Qonunchilik palatasi”, “Oʻzbekiston Respublikasi Oliy Majlisining Qonunchilik palatasi yoki uning” degan soʻzlar bilan almashtirilsin;

4) 15, 21 va 22-moddalaridagi “qoʻmitalari va komissiyalari” degan soʻzlar “Qonunchilik palatasi qoʻmitalari” degan soʻzlar bilan almashtirilsin;

5) 16-moddasidagi “Oʻzbekiston Respublikasi Oliy Majlisidagi siyosiy partiyalar fraksiyalari va deputatlar bloklari, shuningdek Oliy Majlis deputatlari” degan soʻzlar “Oʻzbekiston Respublikasi Oliy Majlisi Qonunchilik palatasidagi siyosiy partiyalar fraksiyalari va deputatlar guruhlari, shuningdek Qonunchilik palatasi deputatlari” degan soʻzlar bilan almashtirilsin;

6) 23-moddasidagi “Oʻzbekiston Respublikasi Oliy Majlisining qoʻmitalari, komissiyalari, siyosiy partiyalar fraksiyalari va deputatlar bloklari” degan soʻzlar “Oʻzbekiston Respublikasi Oliy Majlisi Qonunchilik palatasining qoʻmitalari, siyosiy partiyalar fraksiyalari va deputatlar guruhlari” degan soʻzlar bilan almashtirilsin;

7) 24-moddasidagi “qoʻmitalari va komissiyalari”, “Oliy Majlisi deputatlari” degan soʻzlar tegishincha “Qonunchilik palatasi qoʻmitalari”, “Oliy Majlisi Qonunchilik palatasi deputatlari” degan soʻzlar bilan almashtirilsin;

8) 25-moddasi quyidagi tahrirda bayon etilsin:

Qonun loyihalarining umumxalq muhokamasi yakunlari Oʻzbekiston Respublikasi Oliy Majlisining Qonunchilik palatasi tomonidan koʻrib chiqiladi.

Qonun loyihasining umumxalq muhokamasi yakunlariga koʻra Oʻzbekiston Respublikasi Oliy Majlisining Qonunchilik palatasi qonunni qabul qiladi va uni maʼqullash uchun Oʻzbekiston Respublikasi Oliy Majlisining Senatiga yuboradi yoki qonun loyihasini qoʻshimcha ravishda ishlashga yuboradi yoxud uni rad etadi”.

49. Oʻzbekiston Respublikasining 2000-yil 15-dekabrda qabul qilingan “Davlat kadastrlari toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2001-yil, № 1-2, 19-modda; 2002-yil, № 9, 165-modda) 10-moddasining birinchi qismi va ikkinchi qismining birinchi xatboshisidagi “Oʻzbekiston Respublikasi Vazirlar Mahkamasi huzuridagi Geodeziya, kartografiya va davlat kadastri bosh boshqarmasi” degan soʻzlar “Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi” degan soʻzlar bilan almashtirilsin.

50. Oʻzbekiston Respublikasi Oliy Majlisining 2001-yil 7-dekabrda qabul qilingan Qarori bilan tasdiqlangan Sudyalarning malaka hayʼatlari toʻgʻrisidagi nizom (Oʻzbekiston Respublikasi Oliy Majlisining Axborotnomasi, 2002-yil, № 1, 23-modda) 47-bandining ikkinchi xatboshisidagi “Oliy Majlisi” degan soʻzlar “Oliy Majlisining Senati” degan soʻzlar bilan almashtirilsin.

51. Oʻzbekiston Respublikasining 2002-yil 12-dekabrda qabul qilingan “Umumiy harbiy majburiyat va harbiy xizmat toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2002-yil, № 12, 217-modda; 2003-yil, № 9-10, 149-modda) 9-moddasi quyidagi mazmundagi toʻqqizinchi qism bilan toʻldirilsin:

“Harbiy burchni jiddiy tarzda buzganlik, hokimiyatni suiisteʼmol qilganlik, zimmasiga qonunlar va harbiy ustavlar bilan yuklatilgan talablar va majburiyatlarni favqulodda vaziyatlarda bajarmaganlik uchun katta ofitserlar va generallar tarkibidagi shaxslarning harbiy unvonlari Oʻzbekiston Respublikasi Prezidenti — Oʻzbekiston Respublikasi Qurolli Kuchlari Oliy Bosh qoʻmondonining qarori bilan pasaytirilishi mumkin”;

toʻqqizinchi qismi oʻninchi qism deb hisoblansin.

II. Oʻzbekiston Respublikasi Oliy Majlisining Qonunchilik palatasiga saylov hamda Oʻzbekiston Respublikasi Oliy Majlisining Senatini shakllantirish yakunlari boʻyicha quyidagilar oʻz kuchini yoʻqotgan deb topilsin:

1. Oʻzbekiston Respublikasi Oliy Majlisining 1995-yil 5-mayda qabul qilingan “Oʻzbekiston Respublikasi Oliy Majlisining Reglamentini tasdiqlash toʻgʻrisida”gi Qarori (Oʻzbekiston Respublikasi Oliy Majlisining Axborotnomasi, 1995-yil, № 6, 97-modda).

2. Oʻzbekiston Respublikasi Oliy Majlisining 1995-yil 5-mayda qabul qilingan “Oʻzbekiston Respublikasi Oliy Majlisining qoʻmitalari va komissiyalari toʻgʻrisidagi nizomni tasdiqlash haqida”gi Qarori (Oʻzbekiston Respublikasi Oliy Majlisining Axborotnomasi, 1995-yil, № 6, 98-modda).

3. Oʻzbekiston Respublikasining 1997-yil 30-avgustda qabul qilingan “Oʻzbekiston Respublikasi qonunlarini tayyorlash toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 9, 237-modda).

4. Oʻzbekiston Respublikasining 2003-yil 12-dekabrda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 2004-yil, № 1-2, 18-modda) XVII boʻlimi.

III. Ushbu Qonunning I boʻlimi Qonun eʼlon qilingan kundan eʼtiboran kuchga kiradi.

Zarur hollarda, tegishli qonunlar hamda normativ-huquqiy hujjatlar kiritilgan oʻzgartishlar va qoʻshimchalar inobatga olingan holda qayta nashr etiladi.