Oʻzbekiston Respublikasi Oliy Majlisi qaror qiladi:

I. Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

1. Oʻzbekiston Respublikasining 1991-yil 15-fevralda qabul qilingan “Oʻzbekiston Respublikasida jamoat birlashmalari toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1991-yil, № 4, 76-modda; 1992-yil, № 9, 363-modda):

1) 1-moddaning uchinchi qismi quyidagi tahrirda bayon etilsin:

“Ushbu Qonun tijorat maqsadlarini koʻzlaydigan yoxud boshqa korxonalar va tashkilotlar foyda (daromad) orttirishiga koʻmaklashadigan kooperativ tashkilotlarga hamda boshqa tashkilotlarga, diniy tashkilotlarga, fuqarolarning oʻzini oʻzi boshqarish organlariga, shuningdek tashkil etish va faoliyat koʻrsatish tartibi boshqa Qonun hujjatlari bilan belgilanadigan oʻzga organlarga nisbatan tatbiq etilmaydi”;

2) 5-moddada:

toʻrtinchi qismi quyidagi tahrirda bayon etilsin:

“Jamoat birlashmalari tashkilotlarining tadbirlari ular aʼzolarining (qatnashchilarning) asosan ishdan boʻsh vaqtida va mazkur birlashmalar mablagʻi hisobidan amalga oshiriladi”;

beshinchi qismi quyidagi tahrirda bayon etilsin:

“Siyosiy partiyalar va siyosiy maqsadni koʻzlovchi ommaviy jamoat harakatlari faoliyatini davlat tomonidan moliyaviy taʼminlash taqiqlanadi, Qonun hujjatlariga muvofiq saylov kampaniyalarini moliyaviy taʼminlash hollari bundan mustasno”;

3) 6-moddaning birinchi qismidagi ikkinchi jumla quyidagi tahrirda bayon etilsin:

“Bunda siyosiy partiyaning kamida sakkizta hududiy subyektda (viloyatda), shu jumladan Qoraqalpogʻiston Respublikasi va Toshkent shahrida yashayotgan kamida besh ming, kasaba uyushmasining esa, kamida uch ming aʼzosi boʻlishi kerak”;

4) 11-moddaning uchinchi qismidagi “xalq deputatlari viloyat, Toshkent shahar Sovetlari ijroiya qoʻmitalarining” degan soʻzlar “viloyatlar, Toshkent shahar hokimliklarining” degan soʻzlar bilan almashtirilsin;

5) 14-modda quyidagi mazmundagi beshinchi qism bilan toʻldirilsin:

“Siyosiy partiyaning faoliyatini tugatish yoki toʻxtatib turish “Siyosiy partiyalar toʻgʻrisida”gi Oʻzbekiston Respublikasi Qonuniga muvofiq amalga oshiriladi”;

6) 16-moddaning birinchi va uchinchi qismlari quyidagi tahrirda bayon etilsin:

“Siyosiy partiyalar davlat hokimiyati organlarini shakllantirishda jamiyat muayyan qismining siyosiy irodasini roʻyobga chiqarishga intiladi hamda oʻz vakillari orqali davlat va jamoat ishlarini idora etishda qatnashadi”.

“Siyosiy partiyalar deputatlikka nomzodlar koʻrsatish, saylovoldi tashviqot ishlarini olib borish, Oʻzbekiston Respublikasi Oliy Majlisida fraksiyalar va Qoraqalpogʻiston Respublikasi Joʻqorgʻi Kengesi hamda mahalliy davlat hokimiyati vakillik organlarida partiya guruhlari tuzish huquqiga egadir”.

2. Oʻzbekiston Respublikasining 1991-yil 15-fevralda qabul qilingan “Oʻzbekiston Respublikasidagi korxonalar toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1991-yil, № 4, 78-modda; 1993-yil, № 6, 246-modda; 1994-yil, № 11-12, 285-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda; 1997-yil, № 2, 56-modda) 27-moddasining 1-bandi ikkinchi qismidagi “davlat ijtimoiy sugʻurta fondiga” degan soʻzlar “Oʻzbekiston Respublikasi Ijtimoiy taʼminot vazirligi huzuridagi Pensiya fondiga” degan soʻzlar bilan almashtirilsin.

5. Oʻzbekiston Respublikasining 1992-yil 9-dekabrda qabul qilingan “Davlat boji toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 22-modda; 1994-yil, № 5, 161-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda) 4-moddasining:

1) 1-bandidagi:

“e” kichik bandi quyidagi tahrirda bayon etilsin:

“e) ijtimoiy taʼminot organlari — zarar yetkazuvchidan regress daʼvolar boʻyicha quyidagilarni undirish yuzasidan:

— jabrlanuvchiga yoki uning oila aʼzolariga toʻlangan pensiyalar va nafaqalar summasini;

— benzinga, avtotransport vositalarini taʼmirlashga, ularga texnik xizmat koʻrsatishga va ehtiyot qismlar sotib olishga, nogironlarni avtotransport vositalarini haydashga oʻrgatishga ketadigan xarajatlarning summasini, shuningdek notoʻgʻri toʻlangan pensiya va nafaqa summalarini undirib olish toʻgʻrisidagi daʼvolar yuzasidan”;

“j” kichik bandi chiqarib tashlansin;

“n” kichik bandidagi “Melioratsiya va” degan soʻzlar “Qishloq va” degan soʻzlar bilan almashtirilsin;

“sh” kichik bandi Oʻzbekiston Respublikasi” degan soʻzlardan keyin Ijtimoiy taʼminot vazirligi huzuridagi” degan soʻzlar bilan toʻldirilsin.

2) 2-bandidagi:

“a” kichik bandi quyidagi tahrirda bayon etilsin:

“a) ijtimoiy taʼminot organlari — zarar yetkazuvchidan regress daʼvolar boʻyicha quyidagilarni undirish yuzasidan:

— jabrlanuvchiga yoki uning oila aʼzolariga toʻlangan pensiyalar va nafaqalar summasini;

— benzinga, avtomobillar va motoaravachalarni taʼmirlashga, ularga texnik xizmat koʻrsatishga va ehtiyot qismlar sotib olishga, nogironlarni avtotransport vositalarini haydashga oʻrgatishga ketadigan xarajatlarning summasini”;

“b” kichik bandi chiqarib tashlansin;

“e” kichik bandidagi “Melioratsiya va” degan soʻzlar “Qishloq va” degan soʻzlar bilan almashtirilsin.

7. Oʻzbekiston Respublikasining 1992-yil 9-dekabrda qabul qilingan “Tabiatni muhofaza qilish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 38-modda; Oʻzbekiston Respublikasi Oliy Majlisining Axborotnomasi, 1995-yil, № 6, 118-modda) 31-moddasi ikkinchi qismining beshinchi xatboshisi quyidagi tahrirda bayon etilsin:

“Oʻzbekiston Respublikasi Ichki ishlar vazirligi, Oʻzbekiston Respublikasi Qishloq va suv xoʻjaligi vazirligi maxsus vakolatli davlat tabiatni muhofaza qilish idoralari hisoblanadi”.

8. Oʻzbekiston Respublikasining 1993-yil 6-mayda qabul qilingan “Suv va suvdan foydalanish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 5, 221-modda):

1) 8-moddasining ikkinchi qismidagi “Melioratsiya va suv xoʻjaligi vazirligi” degan soʻzlar “Qishloq va suv xoʻjaligi vazirligi” degan soʻzlar bilan almashtirilsin;

2) 9-moddasining ikkinchi qismi “Sogʻliqni saqlash vazirligi” degan soʻzlardan keyin “Oʻzbekiston Respublikasi Qishloq va suv xoʻjaligi vazirligi qonun hujjatlarida belgilangan tartibda” degan soʻzlar bilan toʻldirilsin hamda “Oʻzbekiston Respublikasi Melioratsiya va suv xoʻjaligi vazirligi” degan soʻzlar chiqarib tashlansin;

3) 13-moddasidagi, 14-moddasining birinchi qismidagi, 16-moddasidagi, 17-moddasining ikkinchi qismidagi, 22-moddasining ikkinchi qismidagi, 24-moddasining birinchi qismidagi, 29-moddasidagi, 30-moddasining uchinchi qismidagi, 44-moddasining ikkinchi qismidagi, 49-moddasining oltinchi qismidagi, 56-moddasining uchinchi qismidagi, 59-moddasining birinchi qismidagi, 60-moddasining ikkinchi qismidagi, 65-moddasidagi, 73-moddasining birinchi qismidagi, 80-moddasidagi, 82-moddasining birinchi va uchinchi qismlaridagi, 85, 86, 87, 88, 89, 90, 98-moddalaridagi, 101-moddasining ikkinchi qismidagi, 102, 103-moddalaridagi, 104-moddasining uchinchi qismidagi “suv xoʻjaligi” degan soʻzlar “qishloq va suv xoʻjaligi” degan soʻzlar bilan almashtirilsin;

4) 27-moddasining birinchi qismidagi, 48-moddasining uchinchi qismidagi “Melioratsiya” degan soʻz “Qishloq” degan soʻz bilan almashtirilsin;

5) 47-moddasining birinchi qismidan, 48-moddasining uchinchi qismidan, 54, 88-moddalaridan “davlat”, “davlat xoʻjaliklari” degan soʻzlar chiqarib tashlansin;

6) 48-moddasining toʻrtinchi qismi uchinchi xatboshisi quyidagi tahrirda bayon etilsin:

“viloyat, respublika ahamiyatiga ega tizimlar boʻyicha — tegishli ravishda viloyat, respublika, qishloq va suv xoʻjaligi organlari tasdiqlaydilar”;

7) 79-moddasidagi “Melioratsiya” degan soʻz “Qishloq” degan soʻz bilan almashtirilsin.

9. Oʻzbekiston Respublikasining 1993-yil 2-sentabrda qabul qilingan “Fuqarolarning oʻzini oʻzi boshqarish organlari toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 322-modda):

1) 15-moddasining birinchi qismi “budjet mablagʻlaridan” degan soʻzlardan keyin “maxsus fondlarning yosh bolali muhtoj oilalarga nafaqa toʻlashga moʻljallangan, kam taʼminlangan oilalarga moddiy yordam koʻrsatishga moʻljallangan mablagʻlaridan” degan soʻzlar bilan toʻldirilsin;

2) 16-moddasi:

quyidagi mazmundagi beshinchi xatboshi bilan toʻldirilsin:

“Qonun hujjatlarida belgilangan tartibda va miqdorda yosh bolali muhtoj oilalarga nafaqalar hamda kam taʼminlangan oilalarga moddiy yordam tayinlaydi va toʻlaydi”;

beshinchi — sakkizinchi xatboshisi tegishli ravishda oltinchi — toʻqqizinchi xatboshisi deb hisoblansin.

10. Oʻzbekiston Respublikasining 1993-yil 3-sentabrda qabul qilingan “Veterinariya toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 335-modda; Oʻzbekiston Respublikasi Oliy Majlisining Axborotnomasi, 1995-yil, № 6, 118-modda) 4-moddasining ikkinchi qismidagi, 5-moddasining birinchi, uchinchi, beshinchi va yettinchi qismlaridagi, 7-moddasining birinchi, ikkinchi va beshinchi qismlaridagi, 9-moddasining uchinchi qismidagi, 17-moddasining toʻrtinchi xatboshisidagi, 18-moddasining oʻn ikkinchi va oʻn uchinchi xatboshilaridagi, 19-moddasining toʻrtinchi qismidagi “Qishloq xoʻjaligi vazirligi” degan soʻzlar “Qishloq va suv xoʻjaligi vazirligi” degan soʻzlar bilan almashtirilsin.

11. Oʻzbekiston Respublikasining 1993-yil 3-sentabrda qabul qilingan “Fuqarolarning davlat pensiya taʼminoti toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 338-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda):

1) 32-moddasining toʻrtinchi qismidagi “Oʻzbekiston Respublikasi Vazirlar Mahkamasi huzuridagi Ijtimoiy sugʻurta jamgʻarmasiga” degan soʻzlar “Oʻzbekiston Respublikasi Ijtimoiy taʼminot vazirligi huzuridagi Pensiya fondiga” degan soʻzlar bilan almashtirilsin;

2) 37-moddasining birinchi qismi “a” bandining birinchi va uchinchi xatboshilaridagi, “g” bandidagi, 40-moddasining birinchi qismidagi, 43-moddasining toʻqqizinchi qismidagi, 66-moddasining uchinchi qismidagi “Ijtimoiy sugʻurta jamgʻarmasiga” degan soʻzlar “Pensiya fondiga” degan soʻzlar bilan almashtirilsin;

3) 66-moddasi birinchi qismining birinchi jumlasidagi “Ijtimoiy sugʻurta jamgʻarmasi” degan soʻzlar “Pensiya fondi” degan soʻzlar bilan almashtirilsin;

4) 66-moddasi birinchi qismining ikkinchi jumlasidagi “Ijtimoiy sugʻurta jamgʻarmasini” degan soʻzlar “Pensiya fondini” degan soʻzlar bilan almashtirilsin.

12. Oʻzbekiston Respublikasi Oliy Kengashining “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunini amalga kiritish tartibi haqida”gi 1993-yil 3-sentabrdagi qarorining (Oʻzbekiston Respublikasi Oliy Kengashining Axborotnomasi, 1993-yil, № 9, 339-modda) 3-moddasidagi “Oʻzbekiston Respublikasi Vazirlar Mahkamasi huzuridagi Ijtimoiy sugʻurta jamgʻarmasiga” degan soʻzlar “Oʻzbekiston Respublikasi Ijtimoiy taʼminot vazirligi huzuridagi Pensiya fondiga” degan soʻzlar bilan almashtirilsin.

13. Oʻzbekiston Respublikasining 1994-yil 5-mayda qabul qilingan “Mustaqillik” ordenini taʼsis etish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 5, 115-modda) bilan tasdiqlangan “Mustaqillik” ordenining tavsifi quyidagi tahrirda bayon etilsin:

“Mustaqillik” ordenining tavsifi

“Mustaqillik” ordeni 1 mikron qalinlikda oltin qoplangan 925 darajali (probali) kumushdan tayyorlanadi. Orden ikki yon bagʻridan zarhal nur taralgan sakkiz qirrali musamman koʻrinishida boʻladi. Ikki yon bagʻridan taralgan nurlarning yuzasida diametri 2 millimetrli 46 ta fianit bor. Musammanning burchaklari orasida yoqutrang emal qoplangan taram-taram boʻlib taralayotgan nurlar joylashgan. Musammanning qarama-qarshi uchlari orasidagi masofa — 57 millimetr. Nurlar jo boʻlgan aylananing diametri — 52 millimetr.

Ordenning markazida mustaqillik ramzi boʻlmish Humo qushi kumush rangda tasvirlangan. Xumo qushi ortidagi, rangli emaldan ishlangan manzara Oʻzbekistonning jozibasi va sahovatini aks ettiradi.

Humo qushini oʻrab turgan aylananing yuqori qismida Oʻzbekiston Respublikasi Davlat gerbining ramzi — yarim oy va yulduzni oʻz ichiga olgan moviy musamman tasvirlangan. Musamman jo boʻlgan maydonning diametri — 10,5 millimetr, yarim oy hamda besh qirrali yulduz jo boʻlgan maydonlarining diametrlari tegishlicha — 5 millimetr va 2,6 millimetr. Aylananing tepa qismida oʻn ikki insoniy fazilat ramzi boʻlgan, diametri 2,5 millimetrli oʻn ikkita yoqut tosh bor. Aylananing chekkalari har ikki tomondan 1 millimetr qalinlikda moviy emaldan ishlangan qabariq hoshiya bilan oʻralgan. Aylananing diametri 36 millimetr, qalinligi 6 millimetrdir.

Aylananing pastki qismida oq rangli emaldan ishlangan manzarada yoqutrang emal bilan qoplangan “MUSTAQILLIK” degan yozuv bor. Harflarning balandligi — 2,7 millimetr.

Ordenning orqa tomoni botiq boʻlib, markazida ordenni taqish uchun burama shtift va murvat bor.

Pastki qismida ordenning raqami 1 millimetr kattalikdagi botiq shrift bilan yozilgan.

Ordenning qalinligi — 8 millimetr.

Ordenning ogʻirligi — 60,5 gramm”.

14. Oʻzbekiston Respublikasining 1994-yil 22-sentabrdagi Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksi (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda):

1) 74-moddasi quyidagi tahrirda bayon etilsin:

Tabiiy suv manbalaridan (daryo, soy, koʻl, buloq, yer osti suvlaridan) suv olish qoidalari va limitlarini buzish, shuningdek loyihada nazarda tutilgan baliqlarni muhofaza qilish inshootlari va qurilmalari boʻlmagan tabiiy suv manbalaridan suv olishni amalga oshirish, —

fuqarolarga eng kam ish haqining ikkidan bir qismidan bir baravarigacha, mansabdor shaxslarga esa — bir baravaridan uch baravarigacha miqdorda jarima solishga sabab boʻladi.

Irrigatsiya tarmoqlaridan suv olish qoidalarini buzish tarzida suvdan xoʻjasizlarcha foydalanish, gidrotexnika ishlarini oʻzboshimchalik bilan bajarish, suvdan foydalanishning belgilangan limitlari va rejalarini buzish, —

fuqarolarga eng kam ish haqining uchdan bir qismidan ikkidan bir qismigacha, mansabdor shaxslarga esa — ikkidan bir qismidan ikki baravarigacha miqdorda jarima solishga sabab boʻladi.

Ushbu moddaning birinchi va ikkinchi qismida nazarda tutilgan huquqbuzarliklar maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

fuqarolarga eng kam ish haqining bir baravaridan uch baravarigacha, mansabdor shaxslarga esa — uch baravaridan yetti baravarigacha miqdorda jarima solishga sabab boʻladi”;

2) 261-moddasining birinchi qismidagi “ushbu Kodeksning 63, 65, 68, 69, 70-moddalarida” degan soʻzlar “ushbu Kodeksning 63-moddasida, 65-moddasining birinchi qismida (qishloq xoʻjaligiga moʻljallangan yerlar bundan mustasno), 65-moddasining ikkinchi qismida, 68-moddasida (hisobotni buzish, yerlardan foydalanish toʻgʻrisidagi axborotlarni berishdan boʻyin tovlash yoki notoʻgʻri axborot berish bundan mustasno), 69-moddasida (qishloq xoʻjaligiga moʻljallangan yerlar bundan mustasno), 70-moddasida” degan soʻzlar bilan almashtirilsin, “73, 74, 75-moddalarida, 76-moddasining ikkinchi qismida” degan soʻzlar “73-moddasida, 74-moddasining birinchi va uchinchi qismlarida, 75-moddasida (irrigatsiya tarmoqlaridan olinayotgan suvlar hisobini yuritish, shuningdek davlat suv kadastri yuritishning belgilangan tartibini buzish bundan mustasno)” degan soʻzlar bilan almashtirilsin;

3) Kodeks quyidagi mazmundagi 266¹ va 266²-moddalar bilan toʻldirilsin:

Yer tuzish va yerdan foydalanishni nazorat qilish davlat inspeksiyasiga ega boʻlgan bosh boshqarma organlariga ushbu Kodeksning 65-moddasi birinchi qismida (qishloq xoʻjaligiga moʻljallangan yerlarga oid qismi), 68-moddasida (davlat yer kadastri yuritish tartibini buzish, yerlardan foydalanish toʻgʻrisidagi hisobotlarni buzib koʻrsatish, axborotlarni berishdan boʻyin tovlash yoki notoʻgʻri axborot berishga oid qismi), 69-moddasida (qishloq xoʻjaligiga moʻljallangan yerlarga oid qismi) nazarda tutilgan maʼmuriy huquqbuzarliklar toʻgʻrisidagi ishlar taalluqlidir.

Quyidagilar Qishloq va suv xoʻjaligi vazirligi organlari nomidan maʼmuriy huquqbuzarliklar toʻgʻrisidagi ishlarni koʻrib chiqish va jarima solish tariqasida maʼmuriy jazo chorasini qoʻllashga haqlidirlar:

Oʻzbekiston Respublikasi yerlardan foydalanish boʻyicha Bosh davlat inspektori va uning oʻrinbosarlari, Qoraqalpogʻiston Respublikasi va viloyatlar yerlardan foydalanish boʻyicha bosh davlat inspektorlari va ularning oʻrinbosarlari — fuqarolarga eng kam ish haqining uch baravarigacha, mansabdor shaxslarga esa — yetti baravarigacha miqdorda;

yerlardan foydalanish boʻyicha davlat tuman inspektorlari — fuqarolarga eng kam ish haqining ikki baravarigacha, mansabdor shaxslarga esa — besh baravarigacha miqdorda jarima solishga.

“Oʻzsuvnazorat” respublika suv inspeksiyasi organlariga ushbu Kodeksning 74-moddasi ikkinchi va uchinchi qismlarida, 75-moddasida (irrigatsiya tarmoqlaridan olinadigan suv miqdorini hisobga olish, shuningdek davlat suv kadastri yuritishning belgilangan tartibini buzishga oid qismi), 76-moddasining ikkinchi qismida nazarda tutilgan maʼmuriy huquqbuzarliklar toʻgʻrisidagi ishlar taalluqlidir.

Quyidagilar Qishloq va suv xoʻjaligi vazirligining “Oʻzsuvnazorat” respublika suv inspeksiyasi organlari nomidan maʼmuriy huquqbuzarliklar toʻgʻrisidagi ishlarni koʻrib chiqish va jarima solish tariqasida maʼmuriy jazo chorasini qoʻllashga haqlidirlar:

“Oʻzsuvnazorat” respublika suv inspeksiyasining boshligʻi va uning oʻrinbosari, Qoraqalpogʻiston Respublikasi va viloyatlar suv inspeksiyalarining boshliqlari, suv inspeksiyalarining katta inspektorlari — fuqarolarga eng kam ish haqining uch baravarigacha, mansabdor shaxslarga esa — yetti baravarigacha miqdorda;

suv inspeksiyalarining tuman inspektorlari — fuqarolarga eng kam ish haqining ikki baravarigacha, mansabdor shaxslarga esa — besh baravarigacha miqdorda jarima solishga”.

4) 287-moddasining 5-bandida “60, 69, 76” raqamlari “60-moddasida, 69-moddasida (qishloq xoʻjaligiga moʻljallangan yerlar bundan mustasno)” degan soʻzlar bilan almashtirilsin.

15. Oʻzbekiston Respublikasining 1995-yil 31-avgustda qabul qilingan “Oʻsimliklar karantini toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1995-yil, № 9, 188-modda; 1996-yil, № 9, 144-modda) 5-moddasining 6irinchi qismi “qishloq” degan soʻzdan keyin “va suv” degan soʻzlar bilan toʻldirilsin.

16. Oʻzbekiston Respublikasining 1995-yil 21-dekabrda qabul qilingan “Naslchilik toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1995-yil, № 12, 255-modda) 6-moddasining birinchi, ikkinchi, toʻrtinchi va beshinchi qismlari, 7-moddasining nomi, 9-moddasining 6irinchi qismi, 15-moddasining ikkinchi qismi, 16-moddasining toʻrtinchi qismi, 21-moddasining ikkinchi qismi, 22-moddasining uchinchi qismi “Qishloq” degan soʻzdan keyin “va suv” degan soʻzlar bilan toʻldirilsin.

17. Oʻzbekiston Respublikasining 1996-yil 26-aprelda qabul qilingan “Amir Temur” ordenini taʼsis etish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 5-6, 63-modda) bilan tasdiqlangan “Amir Temur” ordenining tavsifi quyidagi tahrirda bayon etilsin:

“Amir Temur” ordenining tavsifi

“Amir Temur” ordeni 1 mikron qalinlikdagi oltin qoplangan 925 darajali (probali) kumushdan tayyorlanadi va ikki yon bagʻridan nurlar taralgan sakkiz qirrali musamman koʻrinishida boʻladi. Musammanning burchaklari orasida yashil rang emal qoplangan taram-taram boʻlib taralayotgan nurlar joylashgan. Musammanning qarama-qarshi uchlari orasidagi masofa — 57 millimetr. Nurlar jo boʻlgan aylananing diametri — 52 millimetr.

Ordenning markazida ot mingan Amir Temurning qiyofasi kumush rangda tasvirlangan. Otliq ortidagi rangli emaldan ishlangan manzara moviy rangda.

Otliq qiyofasini oʻrab turgan aylananing yuqorisida Oʻzbekiston Respublikasi Davlat gerbining ramzi — yarim oy va yulduzni oʻz ichiga olgan moviy musamman tasvirlangan. Musamman jo boʻlgan maydonning diametri — 10,5 millimetr. Yarim oy hamda besh qirrali yulduz jo boʻlgan maydonlarining diametrlari tegishlicha — 5,0 millimetr va 2,6 millimetr. Aylananing yuqori qismida oq rangli emal manzarada “AMIR TEMUR” yozuvi bitilgan boʻlib, u yoqutrang emal bilan qoplangan. Harflarning balandligi — 2,5 millimetr. Aylana boshdan oxirigacha marjonli naqshlar bilan oʻralgan. Aylananing diametri — 36 millimetr, qalinligi — 6 millimetr.

Aylananing pastki qismida oq rangli emal manzarada moviy emaldan ishlangan “KUCH – ADOLATDA” soʻzlari bitilgan. Harflarning balandligi — 3 millimetr. Aylananing chekkalari har ikki tomondan 1 millimetr qalinlikdagi qizil emaldan ishlangan qabariq hoshiya bilan oʻralgan.

Aylanalarning yuqori va pastki qismlari diametri 2,7 millimetrli ikkita yoqut tosh bilan ajratilgan.

Ordenning orqa tomoni botiq boʻlib, markazida ordenni taqish uchun burama shtift va murvat bor.

Pastki qismida ordenning tartib raqami 1 millimetr kattalikdagi botiq shrift bilan yozilgan.

Ordenning qalinligi — 8 millimetr.

Ordenning ogʻirligi — 60,5 gramm”.

18. Oʻzbekiston Respublikasining 1996-yil 29-avgustda qabul qilingan “Buyuk xizmatlari uchun” ordenini taʼsis etish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 119-modda) bilan tasdiqlangan “Buyuk xizmatlari uchun” ordenining tavsifi quyidagi tahrirda bayon etilsin:

“Buyuk xizmatlari uchun” ordenining tavsifi

“Buyuk xizmatlari uchun” ordeni 1 mikron qalinlikdagi oltin qoplangan 925 darajali (probali) kumushdan tayyorlanadi va sakkiz qirrali musamman koʻrinishida boʻlib, uning qirralari yoqut rangda tayyorlangandir. Musammanning burchaklari orasida moviy rang emal qoplangan taram-taram boʻlib taralayotgan nurlar joylashgan. Musammanning qarama-qarshi uchlari orasidagi masofa — 57 millimetr. Nurlar jo boʻlgan aylananing diametri — 52 millimetr.

Orden markazida bitta umumiy markazga ega boʻlgan, diametrlari 36 va 24 millimetrli ikkita aylana joylashgan. Ichki aylanada ramziy tarzda tasvirlangan moviy rangdagi yer kurrasi fonida Oʻzbekiston Respublikasi xaritasi tilla rangda tasvirlangan. Tashqi va ichki aylanalar oʻrtasida, yuqori qismida oq emal fonida kumush rangdagi “BUYUK XIZMATLARI UCHUN” yozuvi joylashgan. Harflarning balandligi — 3 millimetr. Aylananing pastki qismida yashil rangdagi ikkita birlashtirilgan dafna novdalari joylashtirilgan.

Orden oraliq kolodka va halqalar yordamida muhayyar lentaga biriktiriladi. Tillarang oraliq kolodka chiqib kelayotgan quyosh fonidagi Humo qushi tasviri koʻrinishida. Kolodkaning eni — 45 millimetr, balandligi — 30 millimetr. Muhayyar lenta yoʻl-yoʻl qizil, moviy, oq va yashil ranglardan iborat.

Ordenning orqa tomonida Oʻzbekiston Respublikasining Davlat gerbi tasvirlangan. Pastki qismida ordenning raqami 1 millimetr kattalikdagi botiq shrift bilan yozilgan.

Ordenning qalinligi — 8 millimetr.

Ordenning ogʻirligi — 65 gramm”.

19. Oʻzbekiston Respublikasining 1996-yil 29-avgustda qabul qilingan “Urugʻchilik toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 130-modda):

1) 6-moddasining ikkinchi qismi, 7-moddasining ikkinchi qismi, 9-moddasining uchinchi qismi, 14-moddasining nomi va birinchi qismi birinchi xatboshisi, 15-moddasining birinchi qismi “Qishloq” degan soʻzdan keyin “va suv” degan soʻzlar bilan toʻldirilsin;

2) 12-moddasining birinchi xatboshisida “Oʻzbekiston Qishloq xoʻjalik fanlari akademiyasi” degan soʻzlar “Oʻzbekiston Respublikasi Vazirlar Mahkamasi huzuridagi Oʻzbekiston qishloq xoʻjaligi ilmiy-ishlab chiqarish markazi” degan soʻzlar bilan almashtirilsin.

20. Oʻzbekiston Respublikasining 1996-yil 30-avgustda qabul qilingan “Seleksiya yutuqlari toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 133-modda) 3-moddasining uchinchi qismi “Qishloq” degan soʻzdan keyin “va suv” degan soʻzlar bilan toʻldirilsin.

II. Quyidagilar oʻz kuchini yoʻqotgan deb topilsin:

Oʻzbekiston Respublikasi Oliy Soveti Prezidiumining 1954-yil 27-yanvarda qabul qilingan “Oʻzbekiston Respublikasi Suv xoʻjaligi ministrligi tuzish toʻgʻrisida”gi Farmoni (Oʻzbekiston Respublikasi Oliy Sovetining Vedomostlari, 1954-yil, № 2, 2-modda);

1954-yil 29-mayda qabul qilingan “Oʻzbekiston Respublikasi Oliy Soveti Prezidiumining Farmonlarini tasdiqlash toʻgʻrisida hamda Oʻzbekiston Respublikasi Konstitutsiyasi (Asosiy Qonuni)ning tekstiga oʻzgartishlar va qoʻshimchalar kiritish toʻgʻrisida”gi Oʻzbekiston Respublikasi Qonunining Oʻzbekiston Respublikasi Oliy Soveti Prezidiumining 1954-yil 27-yanvarda qabul qilingan “Oʻzbekiston Respublikasi Suv xoʻjaligi ministrligi tuzish toʻgʻrisida”gi Farmonini tasdiqlashga doir qismi (Oʻzbekiston Respublikasi Oliy Sovetining Vedomostlari, 1954-yil, № 5, 2-modda);

Oʻzbekiston Respublikasi Oliy Soveti Prezidiumining 1989-yil 19-sentabrda qabul qilingan “Agrosanoat kompleksi boshqaruv organlari sistemasidagi oʻzgarishlar haqida”gi Farmoni (Oʻzbekiston Respublikasi Oliy Sovetining Vedomostlari, 1989-yil, № 25, 369-modda);

1989-yil 21-oktabrda qabul qilingan “Oʻzbekiston Respublikasi Oliy Soveti Prezidiumining Davlat boshqaruvi organlari sistemasidagi ayrim oʻzgarishlar toʻgʻrisidagi farmonlarini tasdiqlash haqida”gi Oʻzbekiston Respublikasi Qonunining (Oʻzbekiston Respublikasi Oliy Sovetining Vedomostlari, 1989-yil, № 26-28, 462-modda) beshinchi xatboshisi;

1991-yil 15-fevralda qabul qilingan “Oʻzbekiston Respublikasi Prezidentining davlat boshqaruvi idoralari tarkibidagi oʻzgarishlar toʻgʻrisidagi farmonlarini tasdiqlash haqida”gi Oʻzbekiston Respublikasi Oliy Kengashi qarorining (Oʻzbekiston Respublikasi Oliy Kengashining Axborotnomasi, 1991-yil, № 4, 64-modda) uchinchi xatboshisi.