O‘zbekiston Respublikasi Prezidentining “O‘zbekiston iqtisodiyotida xususiy sektorning ulushi va ahamiyatini tubdan oshirish chora-tadbirlari to‘g‘risida” 2003-yil 24-yanvardagi PF-3202-son Farmonini bajarish yuzasidan va xususiylashtirish jarayonini yanada chuqurlashtirish, korxonalarning ustav jamg‘armalarida davlatning ulushini eng ko‘p darajada qisqartirish, obyektlarning investitsiya jalb etuvchanligini oshirish, shuningdek xorijiy investorlarni keng jalb etish maqsadida Vazirlar Mahkamasi qaror qiladi:

1. Quyidagilar:

ustav jamg‘armasidagi davlat ulushi va joylashtirilmagan aktivlari 2003-2004-yillarda birja va birjadan tashqari bozorlarda to‘liq sotilishi kerak bo‘lgan xususiylashtirilgan korxonalar ro‘yxati 1-ilovaga* muvofiq;

birja va birjadan tashqari bozorlarda to‘liq sotiladigan davlat korxonalari va obyektlari ro‘yxati 2-ilovaga* muvofiq;

ustav jamg‘armasida 25 foizdan 51 foizgacha aksiyalar (ulushlar) davlat mulki sifatida saqlanib qoladigan korxonalar ro‘yxati 3-ilovaga* muvofiq;

ustav jamg‘armasida 51 foiz va undan ortiq aksiyalar (ulushlar) davlat mulki sifatida saqlanib qoladigan strategik ahamiyatga ega bo‘lgan korxonalar ro‘yxati 4-ilovaga* muvofiq tasdiqlansin.

2. O‘zbekiston Respublikasi Prezidentining 2002-yil 23-dekabrdagi F-1680-son Farmoyishi bilan tuzilgan Xususiylashtirilgan korxonalarni boshqarishni takomillashtirish masalalari bo‘yicha maxsus komissiya (R.Azimov) O‘zbekiston Respublikasi Davlat mulki qo‘mitasi va Vazirlar Mahkamasi Komplekslari bilan birgalikda 2003-yil yakunlari bo‘yicha mazkur qarorga 5-ilovada* ko‘rsatilgan korxonalar va obyektlarni xususiylashtirish natijalarini puxta xatlovdan o‘tkazsin. Xatlov natijalari bo‘yicha davlat aktivlari birja va birjadan tashqari bozorlarda to‘liq sotilmagan korxonalarni aniqlasin. Vazirlar Mahkamasiga obyektlarni va mol-mulk qismlarini sotgan, ularga berilgan yer uchastkalarini tanlov asosida boshqa xo‘jalik subyektlariga bergan holda ularni tugatish hamda davlat reyestridan chiqarish to‘g‘risida takliflar kiritsin.

3. O‘zbekiston Respublikasi Davlat mulki qo‘mitasi Vazirlar Mahkamasi Komplekslari, vazirliklar, idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda tasdiqlangan ro‘yxatlarga muvofiq obyektlarni davlat tasarrufidan chiqarish va sotishni amalga oshirsinlar, korxonalarni baholash va sotishga tayyorlash muddatlarini mumkin qadar qisqartirsinlar, ularning bajarilishi ustidan qattiq nazorat o‘rnatsinlar.

4. Belgilab qo‘yilsinki:

korxonalarni davlat tasarrufidan chiqarish ularning ustav jamg‘armasidagi davlat ulushini saqlab qolmasdan amalga oshiriladi, davlat ulushi ularda Hukumatning tegishli qarorlari bilan birkitilgan korxonalar bundan mustasno;

xorijiy investorlar tomonidan korxonalar aksiyalari, ulushlari (paylari) va obyektlar to‘liq sotib olinganda ularning investitsiya majburiyatlari ishlab chiqarishni texnika bilan qayta jihozlash va rekonstruksiya qilish uchun asbob-uskunalar, ehtiyot qismlar va butlovchi buyumlar yetkazib berish, investor tomonidan korxonalarning budjet va davlat maqsadli jamg‘armalari oldidagi qarzlarini qaytarish va Hukumat kafolati ostida olingan kreditlarni qoplash yo‘li bilan to‘g‘ridan to‘g‘ri amalga oshirilishi mumkin;

ishlab chiqarishni texnika bilan qayta jihozlash va zamonaviylashtirish uchun xorijiy investorlarning investitsiya majburiyatlari hisobiga O‘zbekiston Respublikasi hududiga keltiriladigan texnologik asbob-uskunalarga ehtiyot qismlar va butlovchi buyumlar investor tomonidan investitsiya majburiyatlari qabul qilingan vaqtdan boshlab investitsiya davrida bojxona to‘lovlaridan ozod qilinadi (bojxona rasmiylashtiruvi yig‘imlari bundan mustasno);

O‘zbekiston Respublikasi Davlat mulki qo‘mitasi, Moliya vazirligi, Iqtisodiyot vazirligi bir oy muddatda davlat aktivlarini nominaldan past narxlar bo‘yicha sotish tartibi to‘g‘risidagi nizomni ishlab chiqsinlar va belgilangan tartibda tasdiqlasinlar.

5. O‘zbekiston Respublikasi Davlat mulki qo‘mitasi 2003-yil 1-iyulgacha aksiyadorlik va xolding kompaniyalarida, xususiylashtirilgan korxonalarda davlat aktivlarini hisobga olish va ulardan foydalanish samaradorligini baholash mexanizmini, shuningdek xususiylashtirishdan keyingi davrda ularning faoliyati samaradorligi ustidan monitoring tizimini ishlab chiqsin va joriy qilsin.

6. O‘zbekiston Respublikasi Hukumatining 6-ilovaga muvofiq qarorlari o‘z kuchini yo‘qotgan deb hisoblansin va ularga o‘zgartirish va qo‘shimchalar kiritilsin.

7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.

Ushbu qarorning bajarilishi Vazirlar Mahkamasining birinchi yarim yillik va 2003-yil yakunlari bo‘yicha majlisida ko‘rib chiqilsin.

1. Vazirlar Mahkamasining “Navoiy elektrkimyo zavodini tajriba tariqasida yopiq turdagi aksiyadorlik jamiyatiga aylantirish to‘g‘risida” 1993-yil 18-avgustdagi 419-son qarori.

2. Vazirlar Mahkamasining “Maishiy sovutgichlar ishlab chiqaruvchi “ARSIN” qo‘shma korxonasini tashkil etish to‘g‘risida” 1999-yil 15-martdagi 112-son qarori.

1. Vazirlar Mahkamasining “O‘zbekiston Respublikasi Sog‘liqni saqlash vazirligining dorixona muassasalarini davlat tasarrufidan chiqarish va xususiylashtirish to‘g‘risida” 1994-yil 11-martdagi 132-son qarorida:

2-bandning yettinchi xatboshi chiqarib tashlansin;

5-ilova 10-bandining ikkinchi xatboshidagi “35” raqami “26” raqami bilan almashtirilsin.

2. Vazirlar Mahkamasining “Ikkilamchiranglimetall” ishlab chiqarish birlashmasini ochiq turdagi “O‘zikkilamchiranglimetall” aksionerlik jamiyatiga aylantirish to‘g‘risida” 1994-yil 24-martdagi 160-son qarorining 4-bandida:

oltinchi xatboshi chiqarib tashlansin.

3. Vazirlar Mahkamasining “Toshkent shahar avtoyonilg‘i quyish shoxobchalari ishini yaxshilash chora-tadbirlari to‘g‘risida” 1994-yil 31-maydagi 277-son qaroriga ilovaning III bo‘limidan 3 (Shimoliy-Sharq mavzesidagi 16-AYQSh), 5 (Belonojko ko‘chasidagi 62-AYQSh), 11 (Farhod ko‘chasidagi 99-AYQSh) va 14 (Xurshid ko‘chasidagi 106-AYQSh) satrlari chiqarib tashlansin.

4. Vazirlar Mahkamasining “O‘zbekkino” davlat-aksionerlik kompaniyasini tashkil etish va uning faoliyati masalalari to‘g‘risida” 1996-yil 12-iyuldagi 247-son qarori (O‘zbekiston Respublikasi qT, 1996-y., 7-son, 20-modda) 2-bandining to‘rtinchi xatboshi quyidagi tahrirda bayon qilinsin:

“O‘zbekfilm” va “O‘zkinoxronika” kinostudiyalari bo‘yicha aksiyalarning 51 foizi davlat ixtiyorida qoladi”.

5. Vazirlar Mahkamasining “Respublika meva-sabzavot xo‘jaligida monopoliyadan chiqarish va ixtisoslashtirishni chuqurlashtirish chora-tadbirlari to‘g‘risida” 1997-yil 18-iyuldagi 363-son qaroriga 6-ilovadagi “Andijon konserva zavodi” OTAJ, “Xo‘jaobod konserva” OTAJ, “Shahrisabz konserva” OTAJ, “Namangan konserva” OTAJ, “Tayloq konserva zavodi” OTAJ, “Kishmish” konserva zavodi OTAJ, “Yangi Toshkent konserva” OTAJ, “Quva konserva zavodi” OTAJ, “To‘raqo‘rg‘on “Shirinlik” quruq mevalar zavodi” OTAJ, “Bulung‘ur quruq mevalar zavodi” OTAJ, “Andijon polimer” OTAJ, “O‘zmevasabzavotloyiha” OTAJ, “BLKTB Mevasabzavot” OTAJ, “Mevasabzavotqurilish” OTAJ, “O‘zmevasabzavotimpeks” OTAJ satrlari chiqarib tashlansin.

7. Vazirlar Mahkamasining “Davlat tasarrufidan chiqarish va xususiylashtirish jarayonida tashkil etilgan aksiyadorlik jamiyatlari ustav jamg‘armasidagi davlat ulushi to‘g‘risida” 1998-yil 30-iyundagi 272-son qaroridagi 1-bandning birinchi xatboshi va 4-bandning ikkinchi xatboshi chiqarib tashlansin.

12. Vazirlar Mahkamasining “qishloq xo‘jaligiga agrokimyo xizmati ko‘rsatishni takomillashtirish chora-tadbirlari to‘g‘risida” 2001-yil 1-fevraldagi 63-son qarori (O‘zbekiston Respublikasi qT, 2001-y., 2-son, 8-modda) 4-bandining uchinchi xatboshi chiqarib tashlansin.

13. Vazirlar Mahkamasining “O‘zbekenergo” davlat-aksiyadorlik kompaniyasi faoliyatini tashkil etish chora-tadbirlari to‘g‘risida” 2001-yil 24-fevraldagi 93-son qarorida:

3-bandning sakkizinchi xatboshi chiqarib tashlansin;

4-ilovaning 5-satridagi “2003” raqami “2008” raqami bilan almashtirilsin;

5-ilovaga quyidagi mazmundagi izoh qo‘shilsin: “elektr tarmoqlari korxonalarini qayta tashkil etishda mehnat jamoasining aksiyadorlik jamiyati ustav fondidagi ulushini aksiyalarning 5 foizigacha miqdorida belgilash nazarda tutilsin”;

6-ilovadagi 32-satr chiqarib tashlansin.

14. Vazirlar Mahkamasining “O‘zbekiston temir yo‘llari” davlat-aksiyadorlik kompaniyasini boshqarishni tashkil etishni takomillashtirish to‘g‘risida” 2001-yil 3-martdagi 108-son qarori 3-bandining oltinchi xatboshi chiqarib tashlansin.

16. Vazirlar Mahkamasining “Kimyo sanoatini boshqarish tuzilmasini takomillashtirish chora-tadbirlari to‘g‘risida” 2001-yil 13-martdagi 124-son qarorida:

5-bandning to‘rtinchi xatboshidagi “va “Laktam”, “Kimyosavdota’minot” yopiq aksiyadorlik jamiyati” so‘zlari chiqarib tashlansin;

7-band o‘z kuchini yo‘qotgan deb hisoblansin;

3-ilovaning “Korxonalar nomi” ustunidagi “Kimyosanoati xodimlari malakasini oshirish instituti” 12-satriga va 4-ilovaning (“Kimyogar” bolalar sog‘lomlashtirish lageri) 3-satriga, (“Oqtosh” pansionati) 4-satriga quyidagi mazmundagi izoh qo‘shilsin:

“**mas’uliyati cheklangan jamiyatga aylantiriladi”.

17. Vazirlar Mahkamasining “Respublika qog‘oz sanoatini boshqarish tuzilmasini takomillashtirish chora-tadbirlari to‘g‘risida” 2001-yil 20-iyundagi 257-son qarorining 5-bandi o‘z kuchini yo‘qotgan deb hisoblansin.

18. Vazirlar Mahkamasining “Respublika mebel sanoatini monopoliyadan chiqarish va uni boshqarishni takomillashtirish chora-tadbirlari to‘g‘risida” 2001-yil 22-iyundagi 258-son qarorining 5-bandi o‘z kuchini yo‘qotgan deb hisoblansin.

19. Vazirlar Mahkamasining “Baliqchilik tarmog‘ini boshqarish tizimini takomillashtirish to‘g‘risida” 2001-yil 6-iyuldagi 289-son qarori 5-bandining beshinchi xatboshi chiqarib tashlansin.

20. Vazirlar Mahkamasining “Santexquyma” ochiq aksiyadorlik jamiyatiga xorijiy investitsiyalarni jalb etish chora-tadbirlari to‘g‘risida” 2001-yil 10-noyabrdagi 448-son qarorining 6-bandiga “va investor tomonidan o‘z zimmasiga olingan majburiyatlar bajarilmagan taqdirda oldi-sotdi shartnomasi bekor qilinsin va “Santexquyma” ochiq aksiyadorlik jamiyati aksiyalari paketi mazkur qaror bilan tasdiqlangan shartlarda boshqa investorlarga sotilsin” so‘zlari qo‘shilsin.

21. Vazirlar Mahkamasining “Davlat tasarrufidan chiqarish va xususiylashtirish dasturlari amalga oshirilishini, xorijiy investitsiyalarni jalb etish faollashtirilishini ta’minlashga doir qo‘shimcha chora-tadbirlar to‘g‘risida” 2002-yil 26-martdagi 97-son qarorida (O‘zbekiston Respublikasi qT, 2002-yil, 3-son, 17-modda):

a) 2-bandda:

birinchi xatboshidagi “xorijiy” so‘zi chiqarib tashlansin, “eng avvalo” so‘zlari “shu jumladan” so‘zlari bilan almashtirilsin;

uchinchi xatboshidagi “ikki yil” so‘zlari “bir yil” so‘zlari bilan almashtirilsin;

b) 1-ilovada:

4—17, 23, 95-97, 151, 187, 188, 191, 194, 196, 221, 230, 245, 265, 288, 294, 297, 299-300, 381, 413, 464-465, 470-471, 520-satrlar chiqarib tashlansin;

438-satrga “Toshkent viloyati “Suvoqava” tuman bo‘limi, Yangiobod tumani” 266-1-kichik satri qo‘shilsin;

v) 2-ilovadagi 32—34, 36—38-satrlar chiqarib tashlansin;

g) 3-ilovadagi 9-bandning “a” — “b” kichik bandlari chiqarib tashlansin.

22. Vazirlar Mahkamasining “Respublika oltin qazib olish sanoatini boshqarish tuzilmasini takomillashtirish chora-tadbirlari to‘g‘risida” 2002-yil 26-apreldagi 145-son qarorining 5-bandidagi ikkinchi xatboshi chiqarib tashlansin.

23. Vazirlar Mahkamasining “Toshmargyog‘” va “Yangiyo‘lyog‘moy” aksiyadorlik jamiyatlariga investitsiyalarni jalb etish chora-tadbirlari to‘g‘risida” 2002-yil 17-maydagi 164-son qarori 5-bandining ikkinchi xatboshi chiqarib tashlansin.

24. Vazirlar Mahkamasining “Ko‘mir” aksiyadorlik birlashmasi tuzilmasini takomillashtirish va 2002—2010-yillarda respublika ko‘mir sanoatini rivojlantirish Dasturini amalga oshirish chora-tadbirlari to‘g‘risida” 2002-yil 4-iyundagi 196-son qarori 6-bandining oltinchi xatboshi chiqarib tashlansin.

25. Vazirlar Mahkamasining “Standartlashtirish, metrologiya va mahsulotlar hamda xizmatlarni sertifikatlashtirish tizimini takomillashtirish chora-tadbirlari to‘g‘risida” 2002-yil 3-oktabrdagi 342-son qarorining (O‘zbekiston Respublikasi qT, 2002-y., 10-son, 56-modda) 11-bandidagi “firma do‘koni bo‘lgan bosmaxonaning” va ushbu ulushlarni “O‘zstandart” agentligiga ishonchli boshqaruvga bersin” so‘zlari chiqarib tashlansin.

26. Vazirlar Mahkamasining “Iqtisodiy nochor korxonalarni tugatish va ularning tarkibini o‘zgartirishga doir qo‘shimcha chora-tadbirlar to‘g‘risida” 2002-yil 8-oktabrdagi 347-son qarorida:

2-ilovadagi 19, 37 va 38-satrlar chiqarib tashlansin;

3-ilovadagi 18, 110, 115 va 194-satrlar chiqarib tashlansin.

6-ilovadagi 4-band chiqarib tashlansin.