Meva-sabzavot tarmoqlarida monopoliyadan chiqarish va xususiylashtirish jarayonlarini chuqurlashtirish, texnik qayta jihozlash, xorijiy investitsiyalarni jalb etish asosida ixcham, raqobatbardosh ishlab chiqarishlarni tashkil etish, meva-sabzavot mahsulotlari yetishtirishni va ularni eksport qilishni ko‘paytirish maqsadida Vazirlar Mahkamasi qaror qiladi:

1. O‘zbekiston Respublikasi Davlat mulki qo‘mitasi va “O‘zmevasabzavotuzumsanoat” uyushmasi, Qoraqalpog‘iston Respublikasi Vazirlar Kengashi, viloyat hokimliklari va xo‘jalik yurituvchi subyektlarning “O‘zmevasabzavotuzumsanoat” uyushmasi negizida “O‘zmevasabzavotuzumsanoat-xolding” xolding kompaniyasini, shuningdek, hududiy “Mevasabzavot” birlashmalarini tashkil etish to‘g‘risidagi taklifi qabul qilinsin.

2. Qayta ishlovchi korxonalar va qishloq xo‘jaligi korxonalari negizida 1-ilova* muvofiq “dala-iste’molchi” prinsipi bo‘yicha meva-sabzavot mahsulotlari yetishtirish, ularni qayta ishlash va sotishga qat’iy ixtisoslashtirilgan firmalarning tashkil etilishi ma’qullansin.

Belgilab qo‘yilsinki, ixtisoslashtirilgan firma meva-sabzavot va vino mahsulotlari yetishtirishni, saqlashni, qayta ishlashni va sotishni amalga oshiruvchi korxonalar hamda tashkilotlarning birlashmasi hisoblanadi. Firma tarkibiga kiruvchi korxona va tashkilotlar o‘zlarining xo‘jalik yuritish mustaqilligini va yuridik shaxs huquqini saqlab qoladilar.

Agrosanoat firmalarini boshqarish, shu jumladan yig‘ma balans tuzish funksiyasi meva-sabzavot mahsulotlari va uzumni qayta ishlovchi bosh zavodlarga yuklansin. Bunda firma tarkibiga kiruvchi xo‘jaliklar tomonidan yetishtiriladigan qishloq xo‘jaligi mahsulotlarining hajmi va assortimenti xomashyoni qayta ishlovchi korxonalarning unga bo‘lgan talabidan kelib chiqib belgilansin.

4. Belgilab qo‘yilsinki:

“O‘zsharobsanoat” AJ yuridik shaxs hisoblanadi va aksiyadorlik jamiyati shaklida ta’sis etiladi;

“O‘zsharobsanoat” AJning ustav jamg‘armasi unga aksiyadorlik jamiyatlaridagi davlat aksiyalari paketlarini ishonch boshqaruviga berish hisobiga tashkil topadi. “O‘zsharobsanoat” AJning trast boshqaruviga shuningdek aksiyalar qolgan paketlarining joylashtirilmagan qismi ham beriladi;

“O‘zsharobsanoat” AJ xo‘jalik faoliyatini, shu jumladan uning ijro etuvchi apparati xarajatlarini mablag‘ bilan ta’minlash o‘z xo‘jalik faoliyati, xizmatlar ko‘rsatish, shuningdek boshqa daromadlar hisobiga amalga oshiriladi;

“O‘zsharobsanoat” AJ uning tarkibiga kiruvchi korxonalarni, ushbu korxonalarning “O‘zsharobsanoat” AJga tegishli bo‘lgan aksiyalari, shu jumladan trast boshqaruviga berilgan aksiyalar paketiga muvofiq boshqaradi. Bunda “O‘zsharobsanoat” AJ shu’ba korxonalar bo‘yicha yig‘ma balans tuzadi;

aylanma mablag‘larni to‘ldirish va investitsiya loyihalarini amalga oshirish maqsadida “O‘zsharobsanoat” AJ shu’ba korxonalarning budjet va boshqa kreditorlar oldidagi majburiyatlardan bo‘sh bo‘lgan moliyaviy resurslarini shartnoma asosida qayta taqsimlash huquqiga ega.

5. Quyidagilar “O‘zmevasabzavotuzumsanoat-xolding” kompaniyasining asosiy vazifalari va faoliyat yo‘nalishlari etib belgilansin:

tarmoqni xususiylashtirish va monopoliyadan chiqarish jarayonlarini chuqurlashtirish, agrosanoat integratsiyasi va kooperatsiyalashning yangi tashkiliy shakllarini rivojlantirish;

yagona texnika va investitsiya siyosatini yuritish, ilg‘or agrotexnika texnologiyalarini joriy etish, yetishtiriladigan mahsulot sifatiga va dehqonchilikning mahalliy an’analariga selektiv yondashuvni hisobga olgan holda korxonalarni eksportga mo‘ljallangan mahsulotlar ishlab chiqarish uchun zamonaviylashtirish va texnika bilan qayta jihozlash;

xorijiy investitsiyalarni, shu jumladan qo‘shma va xorijiy korxonalar tashkil etish vositasi bilan jalb qilish;

ichki va tashqi bozorlarning marketing tadqiqotlarini amalga oshirish, xolding mahsuloti firma belgilarining jahonda tanilishini ta’minlash, eksport mahsulotlari hajmini ko‘paytirish

6. “O‘zsharobsanoat” AJ tarkibida Rivojlantirish jamg‘armasi tashkil etilsin, unga quyidagi tadbirlarni moliyalashtirish yuklansin:

korxonalarni rekonstruksiya qilish va texnika bilan qayta jihozlash, eksportga yo‘naltirilgan zamonaviy ishlab chiqarishlarni barpo etish;

qayta ishlash korxonalarini zarur xomashyo bazasi bilan ta’minlovchi qishloq, xo‘jaligi ekinlarining istiqbolli navlarini o‘stirishning yangi texnologiyalarini o‘zlashtirish va joriy etish;

qishloq xo‘jaligi mahsulotlari yetishtirish, ularni qayta ishlash va sotishning barcha bosqichlarida nobudgarchilikni kamaytirishni ta’minlovchi infrastrukturani barpo etish bo‘yicha tadbirlarni mablag‘ bilan ta’minlash yuklansin.

Quyidagilar Rivojlantirish jamg‘armasi mablag‘larini shakllantirish manbalari etib belgilansin:

Mulkchilik shakllaridan qat’i nazar, “O‘zsharobsanoat” AJ tarkibiga kiruvchi korxonalar va tashkilotlarning bo‘sh foydasi qoldiqlari hisobiga korxonalar balans foydasining bir foizi miqdorida shartnoma asosidagi ajratmalari Rivojlantirish jamg‘armasi mablag‘larini shakllantirish manbalari etib belgilansin.

7. O‘zbekiston Respublikasi Davlat mulki qo‘mitasi Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda “O‘zmevasabzavotuzumsanoat-xolding” kompaniyasiga kirmagan 4-ilovaga* muvofiq xo‘jaliklar, korxonalar va tashkilotlardan iborat tarkibda meva-sabzavot mahsulotlari yetishtiruvchi, tayyorlovchi, uni qayta ishlovchi, saqlovchi va sotuvchi respublika (Qoraqalpog‘iston Respublikasi) va viloyat “Mevasabzavot” birlashmalarini belgilangan tartibda tashkil etsin.

8. Poliz mahsulotlari, uzum, anor yetishtiruvchi xo‘jaliklarning hududiy “Mevasabzavot” birlashmalari tarkibida:

“Samarqand uzumlari”, “Surxon uzumlari”, “Namangan uzumlari” - uzum va mayiz;

“Qoraqalpog‘iston qovunlari” “Xorazm qovunlari”, “Buxoro qovunlari” “Jizzax qovunlari”, “Sirdaryo qovunlari” - poliz mahsulotlari;

“Surxondaryo anori”, “Qashqadaryo anori”, “Farg‘ona anori” - anor yetishtirish, tayyorlash va sotishni muvofiqlashtiruvchi firmalarni tashkil etish to‘g‘risidagi taklifiga rozilik berilsin.

Ma’lumot uchun qabul qilinsinki:

ushbu firmalarning ustav jamg‘armalari ularga kiruvchi xo‘jaliklarning pay badallari hisobiga tashkil topadi;

firmalar boshqaruv apparati xarajatlari ularning tijorat faoliyatlaridan olinadigan daromadlar hisobiga amalga oshiriladi.

9. Hududiy “Mevasabzavot” birlashmalariga:

marketing tadqiqotlarni va meva-sabzavot, poliz mahsulotlari, uzum va anor yetishtirish, tayyorlash, ularni qayta ishlash va sotishga ixtisoslashtirilgan korxonalar faoliyatini muvofiqlashtirishni ta’minlash, ularga urug‘chilik ishida, xususiylashtirishni chuqurlashtirish va eksportni amalga oshirishda ko‘maklashish;

ishlab chiqarishni zamonaviylashtirish va uni qayta jihozlashga oid texnika siyosatini o‘tkazish;

xorijiy investitsiyalarni jalb etish va xorijiy sarmoya ishtirokidagi qo‘shma korxonalar tashkil etish funksiyalari yuklansin.

Belgilansinki, hududiy “Mevasabzavot” birlashmalari:

o‘z faoliyatini hududiy birlashma qatnashchilarining umumiy yig‘ilishida tasdiqlanadigan hududiy birlashma Ustaviga binoan amalga oshiradi;

o‘z faoliyati to‘g‘risida tegishli ravishda Qoraqalpog‘iston Respublikasi Vazirlar Kengashiga va viloyatlar hokimliklariga hisob beradi;

birlashma tarkibiga kiruvchi aksiyadorlik jamiyatlari aksiyalarining davlat paketiga trast boshqaruvini amalga oshiradi.

11. O‘zbekiston Respublikasi Davlat mulk qo‘mitasi “O‘zvinosanoat-xolding” kompaniyasi va hududiy “Mevasabzavot” birlashmalari bilan birgalikda:

belgilangan tartibda qo‘shimcha aksiyalar chiqarish yo‘li bilan aksiyadorlik jamiyatlari ustav sarmoyalarining ko‘paytirilishini ta’minlagan holda aksiyadorlik jamiyatlari aksiyalari paketlarini 6 va 7-ilovalarga* muvofiq qayta taqsimlash hamda joylashtirish. Xolding kompaniyasi firmalar tarkibiga kiruvchi qishloq xo‘jaligi korxonalariga aksiyadorlik jamiyatlari aksiyalari umumiy paketining kamida 10 foizi sotilishini ta’minlasin;

8-ilovaga* muvofiq korxonalarni xususiy mulk qilib sotish;

9-ilovaga* muvofiq qayta ishlovchi korxonalarni, ularning ayrim ishlab chiqarish quvvatlari va liniyalarini qayta joylashtirgan holda, kichiklashtirish chora-tadbirlarini amalga oshirsin.

12. “O‘zmevasabzavotuzumsanoat-xolding” kompaniyasi:

O‘zbekiston Respublikasi Davlat mulki qo‘mitasi bilan birgalikda ikki hafta muddatda xolding tarkibiga kiruvchi firmalar namunaviy ustavlarini ishlab chiqsin;

bir oy muddatda ta’sis yig‘ilishini o‘tkazsin, kuzatuv kengashini tuzsin, xolding ustavini tasdiqlasin va uning ustav jamg‘armasini shakllantirsin;

O‘zbekiston Respublikasi Moliya vazirligi va Davlat mulki qo‘mitasi bilan birgalikda Rekonstruksiyalash va rivojlantirish jamg‘armasi mablag‘larini shakllantirish va ulardan maqsadli foydalanish tartibini bir oy muddatda ishlab chiqsin va tasdiqlasin.

13. O‘zbekiston Respublikasi Davlat mulki qo‘mitasi “O‘zmevasabzavotuzumsanoat-xolding” kompaniyasi, (Qoraqalpog‘iston Respublikasi Vazirlar Kengashi, viloyatlar hokimlari bilan birgalikda namunaviy ustavlarni ishlab chiqish hamda hududiy “Meva-sabzavot” birlashmalarini, shuningdek poliz mahsulotlari, uzum, mayiz va anor yetishtirish, tayyorlash hamda sotish bo‘yicha ixtisoslashtirilgan firmalarni tuzish yuzasidan tashkiliy chora-tadbirlarni amalga oshirsin.

14. 1997-2000-yillar uchun ishlab chiqilgan xolding va hududiy “Mevasabzavot” birlashmalari korxonalarini qurish, rekonstruksiya qilish, texnik qayta jihozlash hamda chet el investitsiyalarini jalb qilish dasturi 10 va 11-ilovalarga* muvofiq ma’qullansin.

O‘zbekiston Respublikasi Tashqi iqtisodiy faoliyat milliy bankiga, tijorat banklariga 10 va 11-ilovalarda nazarda tutilgan investitsiya loyihalarini mablag‘ bilan ta’minlash uchun xorijiy va milliy valyutada kreditlar berish tavsiya etilsin.

Xorijiy sarmoyalar bo‘yicha agentlik va “O‘zinvestloyiha” kompaniyasi chet el firmalari orasida mevasabzavot xo‘jaligi obyektlarini rekonstruksiya qilish hamda texnik qayta jihozlash loyihalari bo‘yicha keng reklama faoliyatini avj oldirsinlar.

15. “O‘zmevasabzavotuzumsanoat-xolding” kompaniyasining Eksport imkoniyatlarini rivojlantirish dasturiga 12-ilovaga* muvofiq rozilik berilsin.

Tashqi iqtisodiy aloqalar vazirligi xolding kompaniyasiga mevasabzavot, konserva va vino mahsulotlari jahon bozorining marketing tadqiqotlarini o‘tkazishda, uni sertifikatsiyalash hamda respublika tashqarisida hamkorlar izlashda har tomonlama ko‘maklashsin.

16. Eksportga yo‘naltirilgan ishlab chiqarishlarning barqaror xomashyo bazasini ta’minlash maqsadida “O‘zmevasabzavotuzumsanoat-xolding” kompaniyasi ixtisoslashtirilgan firmalari qishloq xo‘jaligi korxonalarida 1998-2000-yillarda pomidorning sanoatbop navlarining 13-ilovaga* muvofiq maydonlarda ekilishiga rozilik berilsin.

17. Respublika mevasabzavot kompleksi korxonalari va tashkilotlariga bank xizmati ko‘rsatishni takomillashtirish maqsadida:

“O‘zmevasabzavotuzumsanoat-xolding” kompaniyasi korxonalari o‘rtasida - 60 mln. so‘m, hududiy “Mevasabzavot” birlashmalariga - 15 mln. so‘m, “Yog‘moytamakisanoat” uyushmasiga - 5 mln. so‘m, “Paxta-bank”ga - 15 mln. so‘m, “Sanoatqurilishbank”ga - 10 mln. so‘m, “G‘allabank”ga - 5 mln. so‘m, ochiq sotuvga - 200 mln. so‘m (shu jumladan chet el investorlariga - 50 mln. so‘m) miqdoridagi aksiyalarni bosqichma-bosqich joylashtirgan holda 310 mln. so‘m miqdoridagi aksiyalarni qo‘shimcha chiqarish yo‘li bilan “Mevasabzavotbank” ustav sarmoyasining 100 mln. so‘mdan 410 mln. so‘mgacha ko‘paytirilishiga rozilik berilsin.

18. “O‘zmevasabzavotuzumsanoat-xolding” kompaniyasi, “Paxta-bank”, “Mevasabzavotbank” ikki hafta muddatda ishlab chiqarish hajmlarini oshirish, tayyor mahsulot qoldiqlarini kamaytirish, debitorlik qarzlarini undirish hisobiga xolding tarkibiga kiruvchi korxonalar va tashkilotlarning moliyaviy ahvolini mustahkamlash yuzasidan aniq tadbirlar ishlab chiqsinlar.

19. Moliya vazirligi, Davlat soliq qo‘mitasi, tegishli tijorat banklari va tashkilotlar “O‘zmevasabzavotuzumsanoat-xolding” kompaniyasi va hududiy “Mevasabzavot” birlashmalari bilan birgalikda xo‘jalik yurituvchi subyektlarning budjetga to‘lovlar, kreditlar va boshqa moliyaviy majburiyatlar, shuningdek penyalar va ular bo‘yicha foizlarga oid qarzlarini ikki oy muddatda qayta rasmiylashtirsinlar.

Soliq va to‘lov intizomi bo‘yicha Hukumat komissiyasi “O‘zmevasabzavotuzumsanoat-xolding” kompaniyasi va hududiy “Mevasabzavot” birlashmalari ayrim korxonalarining moliyaviy ahvolidan kelib chiqqan holda budjetga to‘lovlar, shu jumladan penyalarga oid 1997-yil 1-iyulgacha mavjud bo‘lgan qarzlarini to‘lashni 1 yilga kechiktirish imkoniyatini ko‘rib chiqsin.

20. Respublika meva-sabzavot xo‘jaliklarini davlat yo‘li bilan qo‘llab-quvvatlash maqsadida:

“O‘zsharobsanoat” AJ korxonalari tomonidan MDH mamlakatlariga yetkazib beriladigan alkogolli mahsulotlar aksiz solig‘i to‘lashdan ozod qilinsin;

“O‘zbekiston temir yo‘llari” davlat-aksiyadorlik kompaniyasi eksportga yetkazib beriladigan ho‘l meva va sabzavot mahsulotlari va ularni qayta ishlash mahsulotlari, shu jumladan vino mahsulotlari O‘zbekiston hududi bo‘ylab 50 foizga kamaytirilgan tariflar bo‘yicha tashilishini ta’minlasin.

22. O‘zbekiston Respublikasi Vazirlar Mahkamasining 1994-yil 28-oktabrdagi 525-son qarori o‘z kuchini yo‘qotgan deb hisoblansin.

23. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.I. Muhitdinov va V.A. Chjen zimmasiga yuklansin.