67-сон 07.02.2025. Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida

O‘zbekiston Respublikasi Vazirlar Mahkamasining

qarori

O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida

O‘zbekiston Respublikasi Prezidentining “Milliy qonunchilik bazasini kompleks tizimlashtirish chora-tadbirlari to‘g‘risida” 2021-yil 30-apreldagi PF-6218-son Farmoniga muvofiq qishloq xo‘jaligi sohasida o‘z ahamiyatini yo‘qotgan hamda amaldagi qonunchilik hujjatlariga muvofiq bo‘lmagan normalarni o‘zaro muvofiqlashtirish maqsadida Vazirlar Mahkamasi qaror qiladi:

1. O‘zbekiston Respublikasi Hukumatining 1-ilovaga muvofiq ayrim qarorlariga o‘zgartirish va qo‘shimchalar kiritilsin.

2. O‘zbekiston Respublikasi Hukumatining 2-ilovaga muvofiq ayrim qarorlari o‘z kuchini yo‘qotgan deb hisoblansin.

3. Manfaatdor vazirlik va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari J.A. Xodjayev zimmasiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2025-yil 7-fevral,

67-son

Vazirlar Mahkamasining 2025-yil 7-fevraldagi 67-son qaroriga
1-ILOVA

O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar

1. Vazirlar Mahkamasining 2005-yil 12-oktabrdagi 225-son qarori bilan tasdiqlangan Raqobat, iste’molchilarning huquqlarini himoya qilish va reklama to‘g‘risidagi qonunchilikni buzganlik uchun ish qo‘zg‘atish va ularni ko‘rib chiqish tartibi to‘g‘risidagi nizomda:

a) 29-bandda:

quyidagi mazmundagi ikkinchi xatboshi bilan to‘ldirilsin:

“Qaror (ko‘rsatma) qabul qilingan sanadan e’tiboran besh ish kunidan kechiktirmay manfaatdor taraflarga yuboriladi”;

ikkinchi xatboshi uchinchi xatboshi deb hisoblansin;

b) 32-bandda:

to‘rtinchi xatboshining birinchi jumlasi “bundan mazkur bandning beshinchi xatboshisida ko‘rsatilgan hollar mustasno” so‘zlari bilan to‘ldirilsin;

quyidagi mazmundagi beshinchi xatboshi bilan to‘ldirilsin:

“Qonunchilik buzilishini sodir etgan shaxs yakuniy iste’molchilarni aniqlash mumkin bo‘lmagan taqdirda, asossiz ravishda olingan daromadni (foydani) bir oyda Raqobatni rivojlantirish va iste’molchilar huquqlarini himoya qilish qo‘mitasi huzuridagi budjetdan tashqari Raqobatni rivojlantirishga ko‘maklashish jamg‘armasiga to‘lashi uning moliyaviy ahvolini yomonlashtirishi mumkinligini isbot qilsa, ushbu shaxsga asossiz ravishda olingan daromadni (foydani) to‘lov grafigi asosida o‘n ikki oydan oshmagan muddatda har oylik to‘lovlar bilan bo‘lib-bo‘lib to‘lash imkoniyati beriladi”;

v) 43-band quyidagi tahrirda bayon etilsin:

“43. Agar reklama to‘g‘risidagi qonunchilikni buzgan va aniqlangan huquqbuzarliklardagi aybini tan olgan shaxs belgilangan muddat mobaynida qonunchilikni buzgani uchun qonunchilikda nazarda tutilgan moliyaviy sanksiyalar summasini ixtiyoriy ravishda to‘lamasa, vakolatli davlat organi tegishli moliyaviy sanksiyalar belgilash to‘g‘risida sudga murojaat qiladi.

Raqobat to‘g‘risidagi qonunchilikni buzganlik uchun vakolatli davlat organi moliyaviy sanksiyalar belgilash va undirish to‘g‘risida sudga murojaat qiladi, mazkur bandning uchinchi — o‘n ikkinchi xatboshilarida nazarda tutilgan holatlar bundan mustasno.

Raqobatga qarshi kelishuv tuzgan yoki o‘zaro muvofiqlashtirilgan harakatni sodir etgan jismoniy yoki yuridik shaxs bu haqda vakolatli davlat organiga birinchi bo‘lib ixtiyoriy ravishda xabar qilsa, vakolatli davlat organi ushbu shaxsga nisbatan moliyaviy sanksiyalar belgilash va undirish to‘g‘risida sudga murojaat qilmaydi.

Vakolatli davlat organi raqobat to‘g‘risidagi qonunchilikning iqtisodiy jihatdan past ta’sir darajasiga ega bo‘lgan buzilishini birinchi marta sodir etgan tadbirkorlik subyektlariga nisbatan moliyaviy sanksiyalar belgilash va undirish to‘g‘risida sudga murojaat qilmaydi, ularga bunday huquqbuzarlikning takroran sodir etilishiga yo‘l qo‘ymaslik haqida ogohlantirish beradi.

Raqobat to‘g‘risidagi qonunchilik buzilishi natijasida iste’molchilar, raqobatchilar yoki boshqa manfaatdor subyektlarga keskin zarar yetkazilmagan, shu jumladan, raqobatni cheklashga, bozordagi raqobat muhitiga ta’sir qilmagan holatlar raqobat to‘g‘risidagi qonunchilikning iqtisodiy jihatdan past ta’sir darajasiga ega bo‘lgan buzilish holatlari hisoblanadi.

Quyidagilar raqobat to‘g‘risidagi qonunchilikning iqtisodiy jihatdan past ta’sir darajasiga ega bo‘lgan buzilish holatlari bo‘lishi mumkin:

a) tovar va moliya bozorlarini tahlil qilishda monopoliyaga qarshi organga uning so‘roviga asosan ma’lumotlarni taqdim etmaslik, noto‘g‘ri yoki yolg‘on ma’lumotlar taqdim etganlik;

b) savdolar o‘tkazilishida ularni o‘tkazish tartibining buzilishi:

savdolar bo‘yicha yakuniy natijalarning e’lon qilinishi yoki savdolar natijalari bo‘yicha shartnomalar tuzilgunga qadar aniqlanganda;

savdolarni o‘tkazish tartibini buzish savdolar natijasiga ta’sir etmaganda;

v) raqobatni cheklashga olib kelgan harakat bozor ishtirokchilari, iste’molchilarga bevosita moddiy zarar yetkazmaganda;

g) ustun mavqega yoki ustun muzokara kuchiga ega xo‘jalik yurituvchi subyektlarning kontragentlari yoki iste’molchilari bilan tuzilgan shartnomalarga raqobatni cheklovchi yoki kamsituvchi shartlarni kiritganlik holatlari amaliy jihatdan hayotga tatbiq etilgunga qadar aniqlanganda.

Raqobat to‘g‘risidagi qonunchilik buzilishini sodir etgan shaxs aybini tan olib, moliyaviy sanksiyani ixtiyoriy ravishda olti oygacha bo‘lgan muddatda bo‘lib-bo‘lib to‘lash to‘g‘risidagi iltimosnoma bilan vakolatli davlat organiga murojaat etganda, vakolatli davlat organi ushbu shaxsga komissiya tomonidan qaror qabul qilingan kundan boshlab olti oygacha bo‘lgan muddatda har oyda teng miqdorlarda bo‘lib-bo‘lib to‘lash imkoniyatini beradi.

Agar reklama to‘g‘risidagi qonunchilik buzilishiga yo‘l qo‘ygan yuridik yoki jismoniy shaxs jarima solish to‘g‘risidagi qarorni darhol bajarish uning moliyaviy ahvolini yomonlashtirishi mumkinligini isbot qilsa, vakolatli davlat organi ushbu shaxsga undirish to‘g‘risida qaror qabul qilingan kundan boshlab olti oy mobaynida jarimani kechiktirib yoki har oylik to‘lovlar bilan bo‘lib-bo‘lib to‘lash imkoniyatini beradi.

Xo‘jalik yurituvchi subyektning oxirgi hisobot sanasidagi joriy aktivlari summasining jami 20 foizidan ortiq bo‘lgan moliyaviy sanksiyalar undiriladigan summani to‘lovchiga undirish to‘g‘risida qaror qabul qilingan kundan boshlab olti oy mobaynida har oyda teng miqdorlarda bo‘lib-bo‘lib to‘lash imkonini bergan holda undiriladi.

Moliyaviy sanksiyalarni to‘lash vakolatli davlat organining qarorini yoki ko‘rsatmasini bajarish yoxud qonunchilikda nazarda tutilgan boshqa harakatlarni amalga oshirish majburiyatidan ozod qilmaydi.

Quyidagilar raqobat to‘g‘risidagi qonunchilik talablarining savdolarga oid qismini buzganlik uchun — savdolarning xo‘jalik yurituvchi subyekt bo‘lgan ishtirokchilariga, davlat xaridlari doirasidagi korporativ buyurtmachilarga, elektron savdolar operatorlariga, tashkilotchilarga — savdolar predmeti boshlang‘ich narxining 3 foizi miqdorida belgilangan jarimani hisoblashda savdolar predmeti boshlang‘ich narxi sifatida:

yuqori likvidli va (yoki) monopol mahsulotni jadvallarda nazarda tutilgan muddatlarda birjaga qo‘ymaslik holatida — jadvallarda nazarda tutilgan mahsulot hajmini qonun buzilishi sodir etilgan sanadagi birja savdolarida bir xil turdagi mahsulot bo‘yicha o‘rtacha hisoblangan birja kotirovkalariga (narxlariga) ko‘paytirish natijasida hisoblangan narx;

yuqori likvidli va (yoki) monopol mahsulotni jadvallarga muvofiq bo‘lmagan hajmda qo‘yish holatida — mahsulotning jadvallarga muvofiq bo‘lmagan hajmini qonun buzilishi sodir etilgan sanadagi birja savdolarida bir xil turdagi mahsulot bo‘yicha o‘rtacha hisoblangan birja kotirovkalariga (narxlariga) ko‘paytirish natijasida hisoblangan narx;

faqat birja savdolariga qo‘yish orqali sotilishi lozim bo‘lgan yuqori likvidli va (yoki) monopol mahsulotlar hajmlarini birja savdolariga qo‘ymasdan to‘g‘ridan-to‘g‘ri shartnomalar bo‘yicha sotish holatida — to‘g‘ridan-to‘g‘ri shartnomalarda, agar unda narx ko‘rsatilmagan bo‘lsa, hisobvaraq-fakturalarda ko‘rsatilgan yuqori likvidli va (yoki) monopol mahsulot narxi olinadi”;

g) quyidagi mazmundagi 43¹-band bilan to‘ldirilsin:

“43¹. Ishni ko‘rib chiqishda komissiya tomonidan savdolarda raqobatni cheklashga qarshi talablar buzilganligi aniqlangan taqdirda, ushbu savdolar bo‘yicha tuzilgan shartnomalar yuzasidan majburiyatlar to‘liq bajarilgan bo‘lsa, komissiyaning asoslantirilgan xulosasiga asosan mazkur savdolarning natijalarini va savdolarning natijalari bo‘yicha tuzilgan bitimlarni (shartnomalarni) haqiqiy emas deb topish bo‘yicha choralar ko‘rmasligi mumkin”;

d) 44-band quyidagi mazmundagi uchinchi — beshinchi xatboshilar bilan to‘ldirilsin:

“Sudga berilgan shikoyat sudning ish yurituviga qabul qilingan bo‘lsa, O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasiga kelib tushgan shikoyat bo‘yicha ish yuritish tugatiladi.

Shikoyatni ko‘rib chiqish uchun O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasida Apellyatsiya kengashi tuziladi.

Apellyatsiya kengashi shikoyatni ushbu Nizom talablari asosida ko‘rib chiqadi”.

2. Vazirlar Mahkamasining “Tabiiy monopoliyalar subyektlari tomonidan majburiy xizmat ko‘rsatilishi kerak bo‘lgan iste’molchilarga tovarlarni sotish, ishlarni bajarish va xizmatlar ko‘rsatishni tartibga solish to‘g‘risida” 2008-yil 24-dekabrdagi 277-son qarorida:

a) 1-ilovaning 2-bandi o‘ninchi xatboshisidagi “Vazirlar Mahkamasining “Mahsulotlar, xom ashyo va materiallarning yuqori likvidli turlarini sotishning bozor mexanizmlarini joriy etishni davom ettirish to‘g‘risida” 2004-yil 5-fevraldagi 57-son qaroriga 5-ilovaga kiritilgan strategik korxonalar” so‘zlari “Vazirlar Mahkamasining 2024-yil 31-maydagi 319-son qarori bilan tasdiqlangan Tabiiy gazdan foydalanish qoidalariga ilovada keltirilgan strategik tashkilotlar” so‘zlari bilan almashtirilsin;

b) 2-ilovaning 11-bandidagi “qonunchilikda va shartnomada belgilangan tartibda” so‘zlari “fors-major holatlari yuzaga kelganda” so‘zlari bilan almashtirilsin.

3. Vazirlar Mahkamasining 2014-yil 10-maydagi 118-son qarori bilan tasdiqlangan Monopoliyaga qarshi organning tabiiy monopoliyalar subyektlari faoliyati to‘g‘risidagi axborotni olishi tartibi to‘g‘risidagi nizomning 2-bandi uchinchi xatboshisi quyidagi tahrirda bayon etilsin:

“tabiiy monopoliya subyekti — tabiiy monopoliya sharoitlarida tovarlarni (ishlar, xizmatlarni) ishlab chiqarish va (yoki) realizatsiya qilish bo‘yicha faoliyatni asosiy faoliyat turi sifatida amalga oshiradigan xo‘jalik yurituvchi subyekt yoki shaxslar guruhi”.

4. Vazirlar Mahkamasining “Umumiy o‘rta hamda o‘rta maxsus, kasb-hunar ta’limi ta’lim muassasalari uchun darsliklar va o‘quv-metodik komplekslarni nashr etishda (qayta nashr etishda) rentabellikning cheklangan darajasini belgilash to‘g‘risida” 2014-yil 28-maydagi 134-son qarorining 3-bandidagi “Vazirlar Mahkamasining “Tovarlar (ishlar, xizmatlar)ga tartibga solinadigan narxlar (tariflar)ni deklaratsiya qilish (tasdiqlash) va belgilash tartibini yanada takomillashtirish chora-tadbirlari to‘g‘risida” 2010-yil 28-oktabrdagi 239-son qarorida” so‘zlari “Vazirlar Mahkamasining “Narxlari davlat tomonidan tartibga solinishi lozim bo‘lgan tovarlar narxlarining (tariflarining) shakllanishi hamda qo‘llanilishini yanada takomillashtirish chora-tadbirlari to‘g‘risida” 2023-yil 29-dekabrdagi 722-son qarorida” so‘zlari bilan almashtirilsin.

5. Vazirlar Mahkamasining 2014-yil 15-dekabrdagi 341-son qarori bilan tasdiqlangan Voyaga yetmaganlar uchun mo‘ljallangan dori vositalarini reklama qilishga ruxsatnoma berish tartibi to‘g‘risidagi nizomda:

a) 9-bandning “v” kichik bandi o‘z kuchini yo‘qotgan deb hisoblansin;

b) 37-banddagi “retseptsiz beriladigan dori vositalarining ro‘yxatidan chiqarilgan” so‘zlari “retsept bo‘yicha beriladigan dori vositalari toifasiga kiritilgan” so‘zlari bilan almashtirilsin.

6. Vazirlar Mahkamasining 2015-yil 30-apreldagi 107-son qarori bilan tasdiqlangan Korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish tartibi to‘g‘risidagi nizomning 2-bandi uchinchi xatboshisi quyidagi tahrirda bayon etilsin:

7. Vazirlar Mahkamasining 2015-yil 12-noyabrdagi 330-son qarori bilan tasdiqlangan O‘zbekiston Respublikasida muomalada bo‘lishi cheklangan prekursorlar ro‘yxatiga (IV ro‘yxat) rus tili matnidagi izohning sakkizinchi xatboshisi quyidagi tahrirda bayon etilsin:

“Proizvodstvo i izgotovleniye prekursorov, ukazannix v pozitsiyax 16 i 17, v predelax potrebnostey Respubliki Uzbekistan osushestvlyayutsya yuridicheskimi litsami pri nalichii u nix litsenziy na proizvodstvo i izgotovleniye konkretnix prekursorov”.

8. Vazirlar Mahkamasining 2017-yil 6-apreldagi 185-son qarori bilan tasdiqlangan Dori vositalarini va tibbiy buyumlarni chakana realizatsiya qilish tartibi to‘g‘risidagi nizomning 27-bandi birinchi xatboshisidagi “O‘zbekiston Respublikasi Sog‘liqni saqlash vazirligi tasdiqlagan, retseptsiz beriladigan dori vositalari ro‘yxatiga muvofiq” so‘zlari “retseptsiz” so‘zi bilan almashtirilsin.

9. Vazirlar Mahkamasining 2017-yil 6-iyundagi 360-son qarori bilan tasdiqlangan Portlovchi materiallarning aylanishi sohasida ruxsat berish tartib-taomillaridan o‘tish to‘g‘risidagi nizomning rus tilidagi matnida:

a) 1 va 2-bandlar quyidagi tahrirda bayon qilinsin:

“1. Nastoyasheye Polojeniye opredelyayet poryadok vidachi Inspeksiyey po kontrolyu sferi gornodobivayushey promishlennosti i geologii pri Ministerstve gornodobivayushey promishlennosti i geologii Respubliki Uzbekistan (daleye — Gortexnadzor), yego territorialnimi upravleniyami i gornotexnicheskimi inspeksiyami dokumentov razreshitelnogo xaraktera na pravo osushestvleniya deyatelnosti, svyazannoy s proizvodstvom, priobreteniyem (v chasti vidachi svidetelstva) i ispolzovaniyem vzrivchatix materialov na territorii Respubliki Uzbekistan, i rasprostranyayetsya tolko na yuridicheskix lits, osushestvlyayushix deyatelnost v sfere oborota vzrivchatix materialov (daleye — yuridicheskoye litso).

Vidacha Ministerstvom vnutrennix del Respubliki Uzbekistan i yego territorialnimi organami dokumentov razreshitelnogo xaraktera na pravo osushestvleniya deyatelnosti, svyazannoy s vvozom, priobreteniyem, xraneniyem i perevozkoy vzrivchatix materialov osushestvlyayetsya v sootvetstvii s Yedinim polojeniyem o poryadke vidachi otdelnix dokumentov razreshitelnogo xaraktera posredstvom spetsialnoy elektronnoy sistemi, utverjdennim postanovleniyem Kabineta Ministrov № 86 ot 22-fevralya 2022 goda.

2. Selyu vidachi dokumentov razreshitelnogo xaraktera v oblasti oborota vzrivchatix materialov yavlyayetsya osushestvleniye kontrolya upolnomochennim organom za vipolneniyem trebovaniy bezopasnosti yuridicheskim litsom pri vedenii vzrivnix rabot ili rabot s vzrivchatimi materialami, pri provedenii priyemochnix ispitaniy vzrivchatix materialov v proizvodstvennix usloviyax”;

b) 3-bandda:

birinchi xatboshidagi “upolnomochennimi organami” so‘zlari “upolnomochennim organom” so‘zlari bilan almashtirilsin;

“d” kichik band “k nastoyashemu Polojeniyu” so‘zlari bilan to‘ldirilsin;

“e” kichik band o‘z kuchini yo‘qotgan deb hisoblansin;

v) 4-bandda:

birinchi xatboshidagi “prinimayutsya upolnomochennimi organami” so‘zlari “prinimayetsya upolnomochennim organom” so‘zlari bilan almashtirilsin;

ikkinchi xatboshidagi “Goskomprombezom” so‘zi “Gortexnadzorom” so‘zi bilan almashtirilsin;

g) 5-band quyidagi tahrirda bayon etilsin:

“5. Upolnomochennim organom po vidache razresheniy, ukazannix v podpunktax “a” — “d” punkta 3 nastoyashego Polojeniya yavlyayetsya Gortexnadzor, yego territorialnie upravleniya i gornotexnicheskiye inspeksii”;

d) 6-bandning o‘ninchi xatboshisidagi “upolnomochennix organov” so‘zlari “upolnomochennogo organa” so‘zlari bilan almashtirilsin;

e) 7-bandning “v” kichik bandi o‘z kuchini yo‘qotgan deb hisoblansin;

j) 8-banddagi “v prilojeniyax №№ 11 — 15” so‘zlari “v prilojeniyax №№ 11 — 14” so‘zlari bilan almashtirilsin;

z) 9-banddagi “prilojeniyemi №№ 11 — 15” so‘zlari “prilojeniyami №№ 11 — 14” so‘zlari bilan almashtirilsin;

i) 10-bandning birinchi xatboshisidagi “v upolnomochennie organi” so‘zlari “v upolnomochenniy organ” so‘zlari bilan almashtirilsin;

k) 12-band quyidagi tahrirda bayon etilsin:

“12. Yuridicheskoye litso-zayavitel dlya polucheniya dokumenta razreshitelnogo xaraktera v oblasti oborota vzrivchatix materialov, ukazannix v podpunktax “a” i “b” punkta 3 nastoyashego Polojeniya, obrashayetsya v Gortexnadzor, yego territorialnie upravleniya i gornotexnicheskiye inspeksii”;

l) 23-banddagi “statyami 22, 23 i 25 Zakona Respubliki Uzbekistan “O razreshitelnix protsedurax v sfere predprinimatelskoy deyatelnosti” so‘zlari “statyami 32 — 34 Zakona Respubliki Uzbekistan “O litsenzirovanii, razreshitelnix i uvedomitelnix protsedurax” so‘zlari bilan almashtirilsin;

m) 25-bandning to‘qqizinchi xatboshisidagi “na ofitsialnix veb-saytax upolnomochennix organov” so‘zlari “na ofitsialnom veb-sayte upolnomochennogo organa” so‘zlari bilan almashtirilsin;

n) 1-ilovaga izoh chiqarib tashlansin;

o) 2, 3, 4 va 6-ilovalar matnidagi “Gosudarstvenniy komitet promishlennoy bezopasnosti” va “Goskomprombeza” so‘zlari tegishligicha “Inspeksiya po kontrolyu sferi gornodobivayushey promishlennosti i geologii pri Ministerstve gornodobivayushey promishlennosti i geologii” va “Gortexnadzora” so‘zlari bilan almashtirilsin;

p) 7, 8, 9 va 9¹-ilovalar o‘z kuchini yo‘qotgan deb hisoblansin;

r) 11, 12 va 14-ilovalarning 4-pozitsiyasi uchinchi ustunidagi “Gosudarstvenniy komitet promishlennoy bezopasnosti” so‘zlari “Inspeksiya po kontrolyu sferi gornodobivayushey promishlennosti i geologii pri Ministerstve gornodobivayushey promishlennosti i geologii” so‘zlari bilan almashtirilsin;

s) 15-ilova o‘z kuchini yo‘qotgan deb hisoblansin.

Oldingi tahrirga qarang.

(O‘zbekiston Respublikasi Vazirlar Mahkamasining 2025-yil 24-noyabrdagi 738-sonli qaroriga asosan 10-bandning o‘z kuchini yo‘qotish sanasi — 2026-yil 26-fevral — Qonunchilik ma’lumotlari milliy bazasi, 25.11.2025-y., 09/25/738/1087-son)

11. Vazirlar Mahkamasining 2018-yil 3-maydagi 334-son qarori bilan tasdiqlangan Ijtimoiy dorixona faoliyatini tashkil etish tartibi to‘g‘risidagi nizomning 12-bandi uchinchi xatboshisi quyidagi tahrirda bayon etilsin:

“dori vositalarini O‘zbekiston Respublikasi Sog‘liqni saqlash vazirligi tomonidan tasdiqlanadigan shakldagi retseptlar bo‘yicha yoki retseptsiz chakana realizatsiya qilishni, shuningdek, qonunchilikda belgilangan tartibda imtiyozga ega ayrim toifadagi shaxslarni dori vositalari bilan ta’minlaydi”.

12. Vazirlar Mahkamasining “Majburiy jamoat ishlari tariqasidagi jazoning ijrosini tashkil etish tartibi haqidagi nizomni hamda Majburiy jamoat ishlari turlarining ro‘yxatini tasdiqlash to‘g‘risida” 2018-yil 8-maydagi 346-son qarorida:

a) 1-ilovada:

4-bandda:

birinchi xatboshi quyidagi tahrirda bayon etilsin:

“4. Majburiy jamoat ishlari tariqasidagi jazo ijrosini tashkil etish mahkumning yashash joyidagi ichki ishlar organlarining probatsiya bo‘linmasi (keyingi o‘rinlarda — probatsiya bo‘linmasi) tomonidan ushbu Nizomga 1-ilovaga muvofiq sxema bo‘yicha amalga oshiriladi”;

ikkinchi xatboshidagi “inspeksiya” so‘zi “probatsiya bo‘linmasi” so‘zlari bilan almashtirilsin;

5 va 6-bandlardagi, 9-bandning ikkinchi, beshinchi va oltinchi xatboshilaridagi, 11-bandning birinchi xatboshisidagi, 5-bobning nomidagi, 23-bandning birinchi va to‘rtinchi xatboshilaridagi, 25-banddagi, 26-bandning sakkizinchi va to‘qqizinchi xatboshilaridagi, 27-bandning uchinchi xatboshisidagi, 28-bandning ikkinchi, yettinchi va to‘qqizinchi xatboshilaridagi hamda 29-bandning ikkinchi xatboshisidagi tegishli kelishikdagi “inspeksiya” so‘zi tegishli kelishikdagi “probatsiya bo‘linmasi” so‘zlari bilan almashtirilsin;

10-bandda:

birinchi xatboshi quyidagi tahrirda bayon etilsin:

“10. Probatsiya bo‘linmasi mahkum tomonidan jazoni o‘tash tartibi va shartlari buzilishi oqibatlari haqida uni qonunchilikka muvofiq yozma shaklda ogohlantiradi”;

ikkinchi xatboshidagi “inspeksiya” so‘zi “probatsiya bo‘linmasi” so‘zlari bilan almashtirilsin;

14 va 15-bandlardagi “mashg‘ulotlari” so‘zi “darslari (mashg‘ulotlar)” so‘zlari bilan almashtirilsin;

24-bandda:

birinchi va o‘ninchi xatboshilardagi tegishli kelishikdagi “inspeksiya” so‘zi tegishli kelishikdagi “probatsiya bo‘linmasi” so‘zlari bilan almashtirilsin;

oltinchi xatboshidagi “davriy” so‘zi “har ikki oyda bir marotaba” so‘zlari bilan almashtirilsin;

1-ilova matnidagi tegishli kelishikdagi “inspeksiya” so‘zi tegishli kelishikdagi “probatsiya bo‘linmasi” so‘zlari bilan almashtirilsin

2-ilova matnidagi “Jazolarni ijro etish inspeksiyasi” so‘zlari “Probatsiya bo‘linmasi” so‘zlari bilan almashtirilsin;

b) 2-ilova quyidagi mazmundagi 9-pozitsiya bilan to‘ldirilsin:

“
9.	Tegishli ro‘yxatlardan o‘tgan nogironligi bo‘lgan shaxslar, yolg‘iz yashovchi keksalar va og‘ir turdagi bemorlarning uy-joylarini ta’mirlash hamda hududlarini obodonlashtirish ishlari.	Uy-joylarni ta’mirlash hamda hududlarni obodonlashtirishda ko‘maklashish.
		”.

13. Vazirlar Mahkamasining 2018-yil 24-oktabrdagi 862-son qarori bilan tasdiqlangan O‘zbekiston Respublikasidan tashqarida amalga oshirilgan dori vositalarini ro‘yxatdan o‘tkazish natijalarini tan olish tartibi to‘g‘risidagi nizomning 7-bandi ikkinchi xatboshisi quyidagi tahrirda bayon etilsin:

“dori vositalari (dori vositalarini ishlab chiqarishda qo‘llaniladigan dori moddalari (substansiyalar) bundan mustasno)”.

14. Vazirlar Mahkamasining “Jismoniy va yuridik shaxslarga yetkazilgan mulkiy zararlarni kompensatsiya qilish bo‘yicha maqsadli jamg‘armalar mablag‘larini shakllantirish va ulardan foydalanish tartibi to‘g‘risida nizomni tasdiqlash haqida” 2018-yil 26-dekabrdagi 1047-son qarorida:

a) 2-band “kompensatsiya qilish bo‘yicha” so‘zlaridan keyin “respublika va hududiy” so‘zlari bilan to‘ldirilsin;

b) quyidagi mazmundagi 2¹ va 2²-bandlar bilan to‘ldirilsin:

“2¹. Shunday tartib o‘rnatilsinki, unga muvofiq:

a) 2025-yil 1-maydan boshlab Jismoniy va yuridik shaxslarga yetkazilgan mulkiy zararlarni kompensatsiya qilish bo‘yicha respublika va hududiy maqsadli jamg‘armalar mablag‘larini shakllantirish hamda ulardan foydalanish tartibi to‘g‘risida nizomning 9-bandida belgilangan zararlarni (keyingi o‘rinlarda — zararlar) qoplash bo‘yicha qonuniy kuchga kirgan sud hujjatlarining onlayn ro‘yxat shaklida yuritiladigan Jismoniy va yuridik shaxslarga yetkazilgan zararlarni qoplash reyestri (keyingi o‘rinlarda — Reyestr) tizimi joriy etiladi.

b) Reyestrda:

yer uchastkalari kompensatsiya evaziga jamoat ehtiyojlari uchun olib qo‘yilishi natijasida jismoniy va yuridik shaxslarga yetkazilgan mulkiy zararlar onlayn ro‘yxati hamda jismoniy va yuridik shaxslarga yetkazilgan mulkiy va ma’naviy zararlar onlayn ro‘yxati alohida-alohida yuritiladi.

Bunda:

yer uchastkalarini kompensatsiya evaziga jamoat ehtiyojlari uchun olib qo‘yish natijasida jismoniy va yuridik shaxslarga yetkazilgan mulkiy zararlar onlayn ro‘yxati Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish bo‘yicha hududiy maqsadli jamg‘armalarning ishchi organlari tomonidan;

jismoniy va yuridik shaxslarga yetkazilgan mulkiy va ma’naviy zararlar onlayn (ochiq) ro‘yxati Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan yuritiladi;

v) qonuniy kuchga kirgan sud hujjati asosida tasdiqlangan zararlar va ular haqidagi ma’lumotlar zararlarni qoplash uchun mablag‘lar mavjudligi yoki mavjud emasligidan qat’i nazar, Reyestrga kiritiladi;

g) zararlar ularning Reyestrda joylashgan navbatiga qat’iy rioya qilgan holda hududiy kompensatsiya jamg‘armalari mablag‘lari hisobidan qoplanadi;

d) sud hujjati bo‘yicha zararlar qoplanganda, zararlarni qoplashga asos bo‘lgan sud hujjati bekor qilinganda, zararlar va ular haqidagi ma’lumotlar Reyestrga kiritiladi.

2². O‘zbekiston Respublikasi Iqtisodiyot va moliya vazirligi 2025-yil 1-mayga qadar Reyestrni elektron yuritish imkoniyatini beradigan dasturiy majmua yaratilishini ta’minlasin;

v) ilovada:

4-bandda:

quyidagi mazmundagi ikkinchi xatboshi bilan to‘ldirilsin:

“Yer uchastkalari jamoat ehtiyojlari uchun olib qo‘yilganligi natijasida mulkdorga yetkazilgan mulkiy zararlarni undirish to‘g‘risidagi sud hujjatlarini ijro etish 1¹-ilovadagi”;

ikkinchi xatboshi uchinchi xatboshi deb hisoblansin;

6-bandda:

uchinchi xatboshi “Toshkent shahar” so‘zlaridan keyin “tumanlar va shaharlar” so‘zlari bilan to‘ldirilsin;

sakkizinchi xatboshi quyidagi tahrirda bayon etilsin:

“Mazkur bandning beshinchi xatboshisida ko‘rsatilgan manba bo‘yicha shakllantirilgan mablag‘lar faqat mulkiy va ma’naviy zararlarni qoplash uchun yo‘naltiriladi”;

quyidagi mazmundagi to‘qqizinchi xatboshi bilan to‘ldirilsin:

“Bunda ushbu bandning uchinchi xatboshisida ko‘rsatilgan manba bo‘yicha tumanlar va shaharlar mahalliy budjetlariga tushgan tushumlar yer uchastkalari jamoat ehtiyojlari uchun olib qo‘yilishi munosabati bilan yetkazilgan zararlar, mulkiy va ma’naviy zararlar to‘lovlaridan qarzdorlik mavjud bo‘lganda, qarzdorlik to‘liq bartaraf etilgunga qadar Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish bo‘yicha hududiy maqsadli jamg‘armaga yo‘naltiriladi”;

quyidagi mazmundagi 4¹-bob bilan to‘ldirilsin:

“4¹-bob. Yer uchastkalari jamoat ehtiyojlari uchun olib qo‘yilganligi natijasida mulkdorga yetkazilgan mulkiy zararlarni undirish to‘g‘risidagi sud hujjatlarini ijro etish tartibi

26¹. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan yer uchastkalari jamoat ehtiyojlari uchun olib qo‘yilganligi natijasida mulkdorga yetkazilgan mulkiy zararlarni qoplab berish bo‘yicha kelib tushgan sud hujjati hududiy kompensatsiya jamg‘armalari ishchi organiga bir ish kuni davomida taqdim qilinadi.

26². Hududiy kompensatsiya jamg‘armalari ishchi organi yer uchastkalari jamoat ehtiyojlari uchun olib qo‘yilganligi natijasida yetkazilgan mulkiy zararlarni sud hujjatiga asosan qoplab berish uchun zaruratga ko‘ra yuridik va jismoniy shaxslardan qo‘shimcha ma’lumotlarni so‘rab olishga haqli.

26³. Hududiy kompensatsiya jamg‘armalarining ishchi organi quyidagi hollarda ijro hujjatini Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga ijro etmaslik yuzasidan tegishli sudlarga ariza kiritish bo‘yicha taklif kiritadi:

sud hujjati asosida berilgan ijro varaqa O‘zbekiston Respublikasining “Sud hujjatlari va boshqa organlar hujjatlarini ijro etish to‘g‘risida”gi Qonunining 8-moddasida nazarda tutilgan talablarga muvofiq bo‘lmaganda;

sud hujjati asosida berilgan ijro varaqa O‘zbekiston Respublikasining “Sud hujjatlari va boshqa organlar hujjatlarini ijro etish to‘g‘risida”gi Qonunining 27-moddasida nazarda tutilgan ijroga topshirish muddati o‘tgandan keyin taqdim etilganda;

ijro varaqani berishga asos bo‘lgan sud hujjati bekor qilinganda.

Ushbu bandda nazarda tutilmagan hollar bo‘yicha ijro varaqani ijro etmaslikka yo‘l qo‘yilmaydi.

26⁴. Hududiy kompensatsiya jamg‘armalarining ishchi organi taqdim etilgan hujjatlarning to‘liqligini ko‘rib chiqib, ularni mazkur sud hujjati kelib tushgan kundan boshlab uch ish kuni ichida Jismoniy va yuridik shaxslarga yetkazilgan zararlarni qoplash reyestriga (keyingi o‘rinlarda — Reyestr) va tegishli hududiy kompensatsiya jamg‘armasining kuzatuv kengashiga kiritadi.

Reyestr onlayn (ochiq) ro‘yxat shaklida yuritiladi. Reyestrda yer uchastkalari jamoat ehtiyojlari uchun olib qo‘yilganligi natijasida (sud hujjatlari asosida undirish belgilangan) mulkdorga yetkazilgan zararlarni ro‘yxati hamda jismoniy va yuridik shaxslarga yetkazilgan mulkiy va ma’naviy zararlar ro‘yxati alohida-alohida yuritiladi.

Bunda yer uchastkalari jamoat ehtiyojlari uchun olib qo‘yilishi munosabati bilan mulkdorlarga yetkazilgan zararlarni qoplash sud hujjati kelib tushgan sanaga muvofiq ketma-ketlikda hududiy kompensatsiya jamg‘armalarida mavjud mablag‘lar doirasida bosqichma-bosqich amalga oshiriladi.

26⁵. Hududiy kompensatsiya jamg‘armalarining kuzatuv kengashi taqdim etilgan hujjatlarni ko‘rib chiqib, yer uchastkalari jamoat ehtiyojlari uchun olib qo‘yilganligi natijasida yetkazilgan zararlarning o‘rnini jismoniy va yuridik shaxslarga qoplanishini moliyalashtirish to‘g‘risida qaror qiladi yoki yetarli asoslar mavjud bo‘lganda tegishli sud hujjati ustidan belgilangan tartibda shikoyat kiritish to‘g‘risida Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga taklif kiritadi.

26⁶. Hududiy kompensatsiya jamg‘armalari kuzatuv kengashlarining yer uchastkalari jamoat ehtiyojlari uchun olib qo‘yilganligi natijasida yetkazilgan zararlarning o‘rnini jismoniy va yuridik shaxslarga qoplanishini moliyalashtirish to‘g‘risidagi qarorlari asosida mahalliy hokimliklarning hisob-kitob bo‘limi uch ish kuni davomida hududiy kompensatsiya jamg‘armasidan yetkazilgan zarar summasini yuridik va jismoniy shaxslarning bank hisobvarag‘iga o‘tkazib beradi.

Bunda hududiy kompensatsiya jamg‘armalari ishchi organi yer uchastkalari jamoat ehtiyojlari uchun olib qo‘yilganligi natijasida yetkazilgan zararlarning o‘rni jismoniy va yuridik shaxslarga qoplangani to‘g‘risidagi ma’lumotlarni Reyestrga kiritadi.

26⁷. Hududiy kompensatsiya jamg‘armalari kuzatuv kengashlari tomonidan tegishli sud hujjati ustidan belgilangan tartibda shikoyat kiritish to‘g‘risida taklif kiritilganda, tegishlicha Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari bunday taklif kiritilgan kundan boshlab protsessual muddatlarni inoabatga olgan holda sud hujjati ustidan belgilangan tartibda shikoyat kiritadi.

26⁸. Sud hujjati ustidan sudga shikoyat kiritilgan va ijro ishini yuritish sud tomonidan to‘xtatib turilgan taqdirda, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari ikki ish kuni ichida yuridik va jismoniy shaxslarga hamda hududiy kompensatsiya jamg‘armalari ishchi organga ijro ishini yuritish to‘xtatilganligi haqida sudning tegishli qarorini (ajrimini) ilova qilgan holda xat yuboradi. Bunda sud hujjati asosida berilgan ijro varaqani ijro etish bo‘yicha barcha harakatlar sud tomonidan ijro ishini yuritishni tiklash to‘g‘risida qaror (ajrim) qabul qilingunga qadar to‘xtatib turiladi.

Hududiy kompensatsiya jamg‘armalari ishchi organi Qoraqalpog‘iston Respublikasi Vazirlar Kengashi, viloyatlar yoki Toshkent shahar hokimliklarining xatiga asosan Reyestrga tegishli sud hujjati bo‘yicha ish yuritish to‘xtatilganligi haqida ma’lumot kiritadi.

26⁹. Sudning ijro ishini yuritishni tiklash to‘g‘risidagi qarori (ajrimi) qabul qilinganda, zararlarni qoplash ushbu Nizomga muvofiq amalga oshiriladi.

Sud hujjati belgilangan tartibda bekor qilinganda Qoraqalpog‘iston Respublikasi Vazirlar Kengashi, viloyatlar yoki Toshkent shahar hokimliklari bir ish kuni ichida hududiy kompensatsiya jamg‘armasidan mablag‘ to‘lashni rad etish to‘g‘risida tegishli hududiy kompensatsiya jamg‘armasi ishchi organiga xat yuboradi.

26¹⁰. Hududiy kompensatsiya jamg‘armalari ishchi organi Qoraqalpog‘iston Respublikasi Vazirlar Kengashi, viloyatlar yoki Toshkent shahri hokimliklarining hududiy kompensatsiya jamg‘armasidan mablag‘ to‘lashni rad etish to‘g‘risidagi xatiga asosan tegishli ma’lumotlarni Reyestrga kiritadi.

Hududiy kompensatsiya jamg‘armalari ishchi organi undirishning har qanday bosqichida yer uchastkalari jamoat ehtiyojlari uchun olib qo‘yilganligi natijasida mulkdorga yetkazilgan zararlar haqidagi ma’lumotlarni Reyestrga kiritishi mumkin.

Yetkazilgan zarar to‘liq qoplab berilgandan yoki zararni qoplab berish to‘g‘risida sud hujjati bekor qilingandan so‘ng sud hujjatini ko‘rib chiqish tamomlangan hisoblanadi”;

30-bandning birinchi xatboshisi “uch ish kuni ichida” so‘zlaridan keyin “mulkiy va ma’naviy zarar va u haqidagi ma’lumotlarni Reyestrga kiritadi hamda” so‘zlari bilan to‘ldirilsin;

32-bandda:

birinchi xatboshi quyidagi tahrirda bayon etilsin:

“32. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hisob-kitob bo‘limi Qoraqalpog‘iston Respublikasi Vazirlar Kengashi Raisi yoki tegishli hokimning ko‘rsatmasi kelib tushgan vaqtdan boshlab bir ish kuni ichida hududiy kompensatsiya jamg‘armasida mavjud mablag‘lar doirasida ariza va unga ilova qilingan hujjatlarda ko‘rsatilgan mablag‘larni ariza beruvchining bankdagi hisobvarag‘iga o‘tkazib beradi hamda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari yuridik xizmati tegishli sud hujjati bo‘yicha zarar qoplangani to‘g‘risidagi ma’lumotlarni Reyestrga kiritadi”;

quyidagi mazmundagi ikkinchi xatboshi bilan to‘ldirilsin:

“Bunda mulkiy va ma’naviy zararlarni qoplash sud hujjati qabul qilingan sanaga muvofiq ketma-ketlikda hududiy kompensatsiya jamg‘armalarida mavjud mablag‘lar doirasida bosqichma-bosqich amalga oshiriladi”;

ikkinchi xatboshi uchinchi xatboshi deb hisoblansin;

34-band quyidagi mazmundagi ikkinchi xatboshi bilan to‘ldirilsin:

“Qoraqalpog‘iston Respublikasi Vazirlar Kengashi, viloyatlar yoki Toshkent shahar hokimliklarining yuridik xizmati tegishli sud hujjati bo‘yicha ish yuritish to‘xtatilganligi haqida ma’lumotni bir ish kuni ichida Reyestrga kiritadi”;

36-band quyidagi mazmundagi ikkinchi va uchinchi xatboshilar bilan to‘ldirilsin:

“Qoraqalpog‘iston Respublikasi Vazirlar Kengashi, viloyatlar yoki Toshkent shahar hokimliklarining yuridik xizmati tegishli sud hujjati bekor qilingani to‘g‘risida ma’lumotni bir ish kuni ichida Reyestrga kiritadi.

Ariza bo‘yicha yetkazilgan zarar to‘liq qoplab berilgandan yoki zararni qoplab berish to‘g‘risida sud hujjati bekor qilingandan so‘ng, murojaatni ko‘rib chiqish tamomlangan hisoblanadi”;

39-bandda:

quyidagi mazmundagi ikkinchi xatboshi bilan to‘ldirilsin:

“Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish bo‘yicha hududiy maqsadli jamg‘armalar mablag‘lari shakllanishi va ulardan foydalanilishini nazorat qilish tegishincha Qoraqalpog‘iston Respublikasi, viloyatlar va Toshkent shahar prokuratura organlari tomonidan amalga oshiriladi”.

ikkinchi xatboshi uchinchi xatboshi deb hisoblansin;

quyidagi mazmundagi 1¹-ilova bilan to‘ldirilsin:

“Jismoniy va yuridik shaxslarga yetkazilgan mulkiy zararlarni kompensatsiya qilish bo‘yicha respublika va hududiy maqsadli jamg‘armalar mablag‘larini shakllantirish va ulardan foydalanish tartibi to‘g‘risidagi nizomga
1¹-ILOVA

Yer uchastkalari jamoat ehtiyojlari uchun olib qo‘yilishi natijasida mulkdorga yetkazilgan mulkiy zararlarni undirish to‘g‘risidagi sud hujjatlarini ijro etish

SXEMASI

Bosqichlar	Subyektlar	Tadbirlar	Muddatlar
Bosqichlar	Subyektlar	Tadbirlar	Muddatlar

1-bosqich	Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari	Yer uchastkalari jamoat ehtiyojlari uchun olib qo‘yilishi natijasida mulkdorga yetkazilgan mulkiy zararlarni undirish to‘g‘risidagi kelib tushgan sud hujjatlarini hududiy kompensatsiya jamg‘armalari ishchi organiga taqdim qiladi.	Bir ish kuni davomida
1-bosqich			Bir ish kuni davomida

2-bosqich	Hududiy kompensatsiya jamg‘armalari ishchi organi	Yer uchastkalari jamoat ehtiyojlari uchun olib qo‘yilganligi natijasida mulkdorga yetkazilgan mulkiy zararlarni qoplab berish bo‘yicha kelib tushgan sud hujjatini Iqtisodiyot va moliya vazirligining tegishli dasturiy majmuasida yaratilgan Reyestrga kiritadi hamda hududiy kompensatsiya jamg‘armalari kuzatuv kengashlariga (keyingi o‘rinlarda — Kuzatuv kengashlari) ko‘rib chiqish uchun taqdim etadi.	Uch ish kuni mobaynida
2-bosqich	Hududiy kompensatsiya jamg‘armalari ishchi organi		Uch ish kuni mobaynida

3-bosqich	Kuzatuv kengashlari	Kuzatuv kengashlarining ishchi organlari tomonidan taqdim etilgan hujjatlarni ko‘rib chiqadi va yer uchastkalari jamoat ehtiyojlari uchun olib qo‘yilishi natijasida yetkazilgan zararlarning o‘rnini jismoniy va yuridik shaxslarga qoplanishini moliyalashtirish to‘g‘risida qaror qabul qiladi yoki tegishli sud hujjati ustidan belgilangan tartibda shikoyat kiritish to‘g‘risida Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga taklif kiritadi.	Uch ish kuni mobaynida
3-bosqich	Kuzatuv kengashlari		Uch ish kuni mobaynida

4-bosqich	Qoraqalpog‘iston Respublikasi Vazirlar Kengashi, viloyatlar, Toshkent shahar hokimliklari	1. Yetkazilgan zararlarni Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish bo‘yicha hududiy maqsadli jamg‘armalar hisobidan qoplab beradi.	Uch ish kuni mobaynida
		2. Kuzatuv kengashi tomonidan tegishli sud hujjati ustidan belgilangan tartibda shikoyat kiritish to‘g‘risida taklif kiritilgan taqdirda, sud organiga qabul qilingan sud hujjati ustidan belgilangan tartibda shikoyat kiritadi.	Besh ish kuni davomida
		Sud hujjati ustidan shikoyat kiritilgan taqdirda, bu haqida yuridik va jismoniy shaxslarga hamda hududiy kompensatsiya jamg‘armalari ishchi organga xat yuboradi.	Shikoyat taqdim etilgan kundan boshlab ikki ish kuni davomida

5-bosqich	Hududiy kompensatsiya jamg‘armalari ishchi organi	Kuzatuv kengashi qaroriga asosan yetkazilgan zarar qoplab berilgani yoki sud organiga shikoyat kiritilgani to‘g‘risida hujjatlarni Reyestrga kiritadi.	Ikki ish kuni mobaynida
5-bosqich	Hududiy kompensatsiya jamg‘armalari ishchi organi		Ikki ish kuni mobaynida

6-bosqich	Qoraqalpog‘iston Respublikasi Vazirlar Kengashi, viloyatlar, Toshkent shahri hokimliklari	1. Sudning ijro ishini yuritishni tiklash to‘g‘risidagi qarori (ajrimi) kelib tushgan kundan boshlab, sud hujjatida ko‘rsatilgan mablag‘lar yuridik va jismoniy shaxslarning tegishli bank hisobvarag‘iga o‘tkazib berish choralarini ko‘radi. 2. Sud hujjati asosida zarar qoplab berilganda yoki bekor qilinganda, hududiy kompensatsiya jamg‘armalari ishchi organga yetkazilgan zarar qoplab berilgani yoki sud hujjati bekor qilingani to‘g‘risida ma’lumotlarni ilova qilgan holda xat yuboradi.	Ikki ish kuni mobaynida

7-bosqich	Hududiy kompensatsiya jamg‘armalari ishchi organi	Yer uchastkalari jamoat ehtiyojlari uchun olib qo‘yilganligi natijasida mulkdorga yetkazilgan mulkiy zarar qoplab berilgani yoki sud hujjati bekor qilingani to‘g‘risida hujjatlarni Reyestrga kiritadi.	Ikki ish kuni mobaynida
			”;

2-ilova matni quyidagi tahrirda bayon etilsin:

“Jismoniy va yuridik shaxslarga yetkazilgan mulkiy va ma’naviy zararlarni qoplab berish

SXEMASI

Bosqichlar	Subyektlar	Tadbirlar	Muddatlar
Bosqichlar	Subyektlar	Tadbirlar	Muddatlar

1-bosqich	Jismoniy va yuridik shaxs	Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklariga jismoniy va yuridik shaxslarga yetkazilgan mulkiy va ma’naviy zararlarni qoplash bo‘yicha ariza, sud qarori va boshqa tegishli hujjatlarni ilova qilgan holda murojaat qiladi.	Ixtiyoriy
1-bosqich	Jismoniy va yuridik shaxs		Ixtiyoriy

2-bosqich	Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari	Yuridik xizmati uch ish kuni ichida mulkiy va ma’naviy zarar va u haqidagi ma’lumotlarni Reyestrga kiritadi hamda ariza va unga ilova qilingan tegishli hujjatlarni o‘rganib chiqib, quyidagi takliflardan birini Qoraqalpog‘iston Respublikasi Vazirlar Kengashi Raisi yoki hokimga kiritadi: 1) ariza va unga ilova qilingan hujjatlarga asosan unda ko‘rsatilgan mablag‘larni to‘lab berish; 2) arizaga ilova qilingan sud hujjati ustidan belgilangan tartibda shikoyat kiritish (shikoyat loyihasini ilova qilgan holda).	Uch ish kuni ichida
2-bosqich			Uch ish kuni ichida

3-bosqich	Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimi	Yuridik xizmatning tegishli takliflari asosida quyidagi harakatlardan birini amalga oshiradi: 1) hisob-kitob bo‘limiga sud hujjatida ko‘rsatilgan mablag‘larini qoplab berish bo‘yicha ko‘rsatma beradi; 2) sud hujjati ustidan belgilangan tartibda shikoyat kiritadi.	Uch ish kuni ichida
3-bosqich			Uch ish kuni ichida

4-bosqich	Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari	1. Hisob-kitob bo‘limi:
		a) hududiy kompensatsiya jamg‘armasida mavjud mablag‘lar doirasida ariza va unga ilova qilingan hujjatlarda ko‘rsatilgan mablag‘larni ariza beruvchining bankdagi hisobvarag‘iga o‘tkazib beradi;	Bir ish kuni ichida
		b) hududiy kompensatsiya jamg‘armasida yetarli mablag‘lar mavjud bo‘lmaganda mahalliy budjetning qo‘shimcha manbalari hisobidan mablag‘ ajratish bo‘yicha Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahri Kengashiga taklif kiritadi.	Ikki ish kuni ichida
			Ikki ish kuni ichida
		2. Yuridik xizmat:
		a) ariza beruvchiga ijro bo‘yicha ish yuritish to‘xtatilganligi haqida sudning tegishli qarorini (ajrimini) ilova qilgan holda xat yuboradi hamda tasdiqlovchi hujjatlarni Reyestrga kiritadi; b) mulkiy va ma’naviy zarar qoplab berilgani to‘g‘risida hujjatlarni Reyestrga kiritadi.	Ikki ish kuni ichida

5-bosqich	Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari	1. Sudning ijro ishini yuritishni tiklash to‘g‘risidagi qarori (ajrimi) kelib tushgan kundan boshlab, sud hujjatida ko‘rsatilgan mablag‘lar ariza beruvchining tegishli bank hisobvarag‘iga o‘tkazib berish choralarini ko‘radi. Yuridik xizmat: a) sud hujjati belgilangan tartibda bekor qilinganda hududiy kompensatsiya jamg‘armasidan mablag‘lar to‘lashni rad etish to‘g‘risida ariza beruvchiga xat yuboradi; b) mulkiy va ma’naviy zarar qoplab berilgani yoki sud hujjati bekor qilingani to‘g‘risida hujjatlarni Reyestrga kiritadi.	Ikki ish kuni mobaynida
5-bosqich			Ikki ish kuni mobaynida

6-bosqich	Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari	Hududiy kompensatsiya jamg‘armalari mablag‘lari hisobidan amalga oshirilgan to‘lovlarni davlat organlarining budjetdan tashqari maxsus hisobvarag‘idan qoplash uchun talabnoma kiritadi.	Uch ish kuni mobaynida
6-bosqich			Uch ish kuni mobaynida
			”;

3-ilovada:

2-pozitsiya quyidagi tahrirda bayon etilsin:

“
2.	Sh. Xidoyatov	—	Qurilish va uy-joy kommunal xo‘jaligi vaziri;
			”;

6-pozitsiya quyidagi tahrirda bayon etilsin:

“
6.	S. Sadullayev	—	Iqtisodiyot va moliya vazirining o‘rinbosari.
			”;

15. Vazirlar Mahkamasining 2019-yil 29-apreldagi 365-son qarori bilan tasdiqlangan O‘zbekiston Respublikasi Davlat bojxona qo‘mitasining Bojxona instituti bakalavriatiga o‘qishga qabul qilish tartibi to‘g‘risidagi nizomning 6-bandi quyidagi mazmundagi yettinchi xatboshi bilan to‘ldirilsin:

“Bojxona organlarida xizmatni o‘tash bilan bog‘liq qonun hujjatlarida belgilangan cheklovlarga rioya etishni rad etgan yoki maxsus talablarga javob bermaydigan fuqarolar tanlov bosqichlaridan chetlashtiriladi va ularni Institutga qabul qilish rad etiladi”.

16. Vazirlar Mahkamasining 2019-yil 9-iyuldagi 571-son qarori bilan tasdiqlangan O‘zbekiston Respublikasi Qishloq xo‘jaligi vazirligi to‘g‘risidagi nizomda:

21-bandning o‘n to‘rtinchi xatboshisidagi “2019-yil 22-martdagi 242-son” so‘zlari “2024-yil 25-martdagi 150-son” so‘zlari bilan almashtirilsin;

33-banddan “shuningdek, Vazirlik huzuridagi Bog‘dorchilik va issiqxona xo‘jaligini rivojlantirish agentligi rahbari” so‘zlari chiqarib tashlansin.

17. Vazirlar Mahkamasining “Bog‘dorchilik va issiqxona xo‘jaliklarini hamda meva-sabzavot klasterlarini qo‘shimcha moliyaviy qo‘llab-quvvatlash chora-tadbirlari to‘g‘risida” 2020-yil 19-fevraldagi 102-son qarorining 3-bandi ikkinchi xatboshisidagi “Bog‘dorchilik va issiqxona xo‘jaligini rivojlantirish agentligi” so‘zlari “Agrosanoatni rivojlantirish agentligi” so‘zlari bilan almashtirilsin.

18. Vazirlar Mahkamasining 2021-yil 24-noyabrdagi 709-son qarori bilan tasdiqlangan Bo‘sh turgan qishloq xo‘jaligiga mo‘ljallangan yer uchastkalarini qishloq xo‘jaligi maqsadlari uchun elektron onlayn-auksion savdo orqali ijaraga berish tartibi to‘g‘risidagi nizomning 16-bandi ikkinchi xatboshisi quyidagi tahrirda bayon etilsin:

“Bunda elektron onlayn-auksion savdosini o‘tkazish to‘g‘risidagi xabarnoma 15 kalendar kun oldin, yoshlarga dehqon xo‘jaligini yuritish uchun esa 5 kalendar kun oldin, shuningdek, takroriy savdoda 5 kalendar kun oldin e’lon qilinadi”.

19. Vazirlar Mahkamasining 2021-yil 27-dekabrdagi 775-son qarori bilan tasdiqlangan O‘zbekiston Respublikasi oliy harbiy ta’lim muassasalarida o‘qishga nomzodlarni saralab olish va qabul qilish, kursantlarni o‘qishdan chetlashtirish va qayta tiklash tartibi to‘g‘risidagi nizomda:

a) 80-bandning “v” kichik bandi quyidagi tahrirda bayon etilsin:

“v) intizomsizligi sababli (shu jumladan, qonunchilik hujjatlarida belgilangan cheklovlarga rioya etmaganligi yoki maxsus talablarga javob bermaganligi, sud tomonidan ozodlikdan mahrum etilganligi munosabati bilan)”;

b) 85-bandning birinchi xatboshisi quyidagi tahrirda bayon etilsin:

“85. Kontrakt shartlarini bajarmagan, harbiy xizmatchi nomiga dog‘ tushiruvchi nojo‘ya xatti-harakatlar sodir etgan, qonunchilik hujjatlarida belgilangan cheklovlarga rioya etmagan, harbiy intizomni tizimli ravishda qo‘pol buzib kelgan, ozodlikdan mahrum etish bilan bog‘liq bo‘lgan jazo choralarini nazarda tutuvchi sud hukmi qonuniy kuchga kirgan kursantlar intizomsizligi tufayli OHTMda o‘qishdan chetlashtiriladilar”.

20. Vazirlar Mahkamasining 2022-yil 12-yanvardagi 18-son qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibi to‘g‘risidagi nizomda:

a) 33-band quyidagi mazmundagi uchinchi xatboshi bilan to‘ldirilsin:

“Oldi-sotdi (ijara) shartnomasida taraflarning majburiyatlari, shu jumladan, davlat ko‘chmas mulk obyektiga bo‘lgan mulk yoki ijara huquqining sotuvchidan xaridorga o‘tish shartlari, aniq muddatlari, tartibi va ketma-ketligi aks ettirilishi kerak”;

uchinchi — sakkizinchi xatboshilar tegishlicha to‘rtinchi — to‘qqizinchi xatboshilar deb hisoblansin;

b) 37-band quyidagi mazmundagi “d” kichik band bilan to‘ldirilsin:

“d) auksion obyektida bartaraf etishning iloji bo‘lmagan kamchiliklar aniqlansa”;

v) 98-band quyidagi tahrirda bayon etilsin:

“98. Auksion yoki tanlov natijalari bo‘yicha pul mablag‘lari operatorning maxsus hisobvarag‘ida yig‘iladi va auksion yoki tanlov g‘olibi (xaridor) tomonidan dasturdagi shaxsiy kabineti orqali obyektni qabul qilib olganligi tasdiqlagandan so‘ng ular buyurtmachi hisobvarag‘iga (operator xizmat haqi chegirilgan holda) o‘tkaziladi.

G‘olib tomonidan obyekt qabul qilib olinganligi yoki qabul qilish rad etilganligi g‘olibga bayonnoma yuborilgan vaqtdan boshlab uch oy ichida savdo platformasi orqali tasdiqlanishi lozim, savdo bo‘yicha xabarnomada obyektni topshirishning boshqacha aniq muddati belgilangan holatlar bundan mustasno.

G‘olib mazkur muddat ichida obyekt qabul qilib olinganligini tasdiqlamasa, obyekt g‘olib tomonidan qabul qilingan hisoblanadi hamda keyingi harakatlar mazkur bandning birinchi xatboshisida belgilangan tartibda amalga oshiriladi.

Belgilangan muddat davomida taraflar (buyurtmachi va g‘olib) kelishuvga erishmagan taqdirda, pul mablag‘lari (operator xizmat haqi chegirilgan holda) buyurtmachi hisob-raqamiga o‘tkaziladi. Bunda taraflar o‘rtasida nizo kelib chiqsa, ushbu nizoli masala sud tartibida hal etiladi.

Auksion g‘olibi tomonidan mulkni qabul qilib olmaslikning quyidagi hollarida g‘olib tomonidan to‘langan to‘lovlar, shu jumladan, zakalat puli (operator tomonidan buyurtmachiga o‘tkazib berilgan mablag‘lar bilan birga) buyurtmachi tomonidan uch ish kuni ichida to‘lab berilishi shart:

auksionda sotilgan mol-mulk auksion obyektining ko‘rsatilgan texnik tavsiflariga mos kelmasa;

mol-mulk auksionda sotilgunga qadar uchinchi shaxslarning egaligiga o‘tib ketgan bo‘lsa va bu holat auksion yakunlanganidan so‘ng aniqlansa”;

g) quyidagi mazmundagi 98¹ va 98²-bandlar bilan to‘ldirilsin:

“98¹. G‘olib obyektni qabul qilishdan bosh tortgan hollarda, bu haqda buyurtmachining savdo platformasidagi shaxsiy kabinetiga xabarnoma yuboriladi. Bunda buyurtmachi tomonidan qisqa muddatlarda, biroq mazkur Nizomning 98-bandi ikkinchi xatboshisida belgilangan muddatdan kechiktirmay g‘olibning obyektni qabul qilishdan bosh tortganligi yuzasidan munosabat bildirilishi lozim.

G‘olibning obyektni qabul qilishdan bosh tortganligi yuzasidan belgilangan muddatda buyurtmachi tomonidan munosabat bildirilmagan taqdirda, ushbu holat buyurtmachi tomonidan asossiz deb topilgan hisoblanadi.

G‘olibning obyektni qabul qilishdan bosh tortganligi buyurtmachi tomonidan asosli deb topilgan hollarda, buyurtmachidan obyektning sotilgan qiymatining 10 foizi miqdorida to‘lov undiriladi. Bunday hollarda buyurtmachi tomonidan savdo platformasidagi shaxsiy hisobvarag‘ini talab etilgan miqdorgacha bo‘lgan pul mablag‘lari bilan oldindan to‘ldirilishi talab etiladi. Mazkur pul mablag‘lari operator tasarrufida qoldiriladi.

Bunda mazkur bandning uchinchi xatboshisida belgilangan hollarda buyurtmachiga yetkazilgan zarar keyinchalik qonunchilikda belgilangan tartibda aybdor shaxslardan undirib olinishi mumkin.

98². G‘olib obyektni qabul qilishdan bosh tortgan taqdirda, ushbu holat yuzasidan buyurtmachi tomonidan munosabat bildirilgunga qadar, biroq ko‘pi bilan mazkur Nizomning 98-bandi ikkinchi xatboshisida belgilangan muddat davomida obyektni qaytadan qabul qilish huquqi saqlanib qoladi”.

21. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomga 34-ilovaning 12-pozitsiyasi uchinchi ustuni quyidagi mazmundagi o‘n ikkinchi — o‘n beshinchi xatboshilar bilan to‘ldirilsin:

“Litsenziyalovchi organ litsenziya talabgorining litsenziya talablari va shartlariga mos kelishini aniqlash uchun o‘z mablag‘lari hisobidan yuqorida qayd etilgan muddat doirasida quyidagi huquqlarga ega:

litsenziya talabgorining litsenziyalanadigan faoliyat turini amalga oshirish uchun talab etiladigan mavjud sharoitlarini joyiga chiqib baholash;

hujjatlarni ekspertizadan o‘tkazish uchun qo‘shimcha ravishda shartnoma asosida tegishli sohalar bo‘yicha yuqori malakali mutaxassislarni va ekspertlarni jalb etish.

Litsenziyalovchi organ o‘z vakolati doirasida litsenziya talablari hamda shartlarining buzilishi fuqaroviy va xizmat quroli hamda uning o‘q-dorilarining yo‘qolishi yoki talon-toroj qilinishi xavfini keltirib chiqargan hollarda ularni olib qo‘yish, ichki ishlar organiga zudlik bilan olib borishni hamda vaqtincha saqlash uchun joylashtirishni talab qilish huquqiga ega”.

22. Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizomda:

a) 3-bandning beshinchi xatboshisidagi “64” raqami “65” raqami bilan almashtirilsin;

b) 46-ilovada:

4-pozitsiyaning uchinchi ustunidagi 1-bandning “v” kichik bandidan “ruxsatnomalar bo‘yicha” so‘zlari chiqarib tashlansin;

5-pozitsiyaning uchinchi ustuni quyidagi tahrirda bayon qilinsin:

“Ariza.

Arizada quyidagi ma’lumotlar ko‘rsatiladi:

yuridik shaxsning nomi, soliq to‘lovchining identifikatsiya raqami (STIR), pochta manzili, telefon raqami, elektron pochta manzili (agar mavjud bo‘lsa), xizmat ko‘rsatuvchi bankning nomi va hisobvarag‘i;

ariza beruvchining bajarmoqchi va (yoki) amalga oshirmoqchi bo‘lgan aniq harakatlari va (yoki) muayyan faoliyati uchun ruxsatnoma olishdan maqsadi, ushbu harakatlarni va (yoki) faoliyatni amalga oshirishga daxldor qurol (turi, xili, modeli, kalibri va miqdori) va uning o‘q-dorilari (turi, kalibri va miqdori) to‘g‘risida jamlanma ma’lumotlar;

harakatlar va (yoki) faoliyat amalga oshiriladigan joy, shuningdek, qurol va uning o‘q-dorilari joylashtiriladigan (saqlanadigan) joy (obyekt) (qurolxona, o‘q otish obyekti, muzeybop tarzda kolleksiyalash yoki ko‘rgazmaga qo‘yish obyekti);

harakatlar va (yoki) faoliyat amalga oshiriladigan taxminiy muddat (zarur bo‘lganda).

So‘ralayotgan ruxsatnoma turiga qarab, arizada qo‘shimcha ravishda quyidagilar ko‘rsatiladi:

a) fuqaroviy, xizmat va kolleksiyalash quroli hamda uning o‘q-dorilarini olishda — qurol va uning o‘q-dorilarini olish chog‘ida ularning but saqlanishini ta’minlash vazifalari yuklangan yuridik shaxs mas’ul xodimining familiyasi, ismi, otasining ismi, tug‘ilgan sanasi va joyi, doimiy yashash joyi, pasport (identifikatsiyalovchi ID-kartasi, shaxsni tasdiqlovchi boshqa hujjat) seriyasi, raqami va uni bergan organ nomi to‘g‘risida ma’lumotlar;

b) fuqaroviy, xizmat va kolleksiyalash quroli hamda uning o‘q-dorilarini realizatsiya qilishda — qurol va uning o‘q-dorilarini realizatsiya qilish chog‘ida ularning but saqlanishini ta’minlash vazifalari yuklangan yuridik shaxs mas’ul xodimining familiyasi, ismi, otasining ismi, tug‘ilgan sanasi va joyi, doimiy yashash joyi, pasport (identifikatsiyalovchi ID-kartasi, shaxsni tasdiqlovchi boshqa hujjat) seriyasi, raqami va uni bergan organ nomi, shuningdek, realizatsiya qilinishi rejalashtirilayotgan fuqaroviy va xizmat quroli hamda uning o‘q-dorilari, realizatsiya qilinishi rejalashtirilayotgan bunday faoliyatni amalga oshirish uchun litsenziyaga ega bo‘lgan yuridik shaxsning nomi va uning manzili to‘g‘risida ma’lumotlar;

v) qurol va uning o‘q-dorilarini qurolxonalarda saqlash, shuningdek, ularni kolleksiyalash va ko‘rgazmaga qo‘yishda quyidagi ma’lumotlar:

qurol va uning o‘q-dorilarining but saqlanishini, belgilangan tartibda berilishi-qabul qilib olinishini va hisobi yuritilishini ta’minlash vazifalari yuklangan mas’ul shaxsning familiyasi, ismi, otasining ismi, tug‘ilgan sanasi va joyi, doimiy yashash joyi, pasport (identifikatsiyalovchi ID-kartasi, shaxsni tasdiqlovchi boshqa hujjat) seriyasi, raqami va uni bergan organ nomi to‘g‘risida ma’lumotlar;

qurol to‘g‘risida individual (turi, xili, modeli, kalibri, ishlab chiqarilgan yili, zavod seriyasi va raqami) hamda uning o‘q-dorilari to‘g‘risida jamlanma (turi, kalibri, partiyasi va miqdori) ma’lumotlar;

qurol va uning o‘q-dorilarini saqlash, kolleksiyalash va ko‘rgazmaga qo‘yish uchun mavjud moddiy-texnik baza (maxsus jihozlangan binolar, inshootlar, xonalar, qo‘riqlashning muhandislik-texnik, yong‘inga qarshi avtomatika va qo‘riqlash-yong‘in signalizatsiyasi vositalari, seyflar va metall shkaflar), qurol va uning o‘q-dorilarini saqlash, kolleksiyalash va ko‘rgazmaga qo‘yish obyekti hududini ish va ishdan tashqari vaqtda qo‘riqlash tartibi to‘g‘risida ma’lumotlar;

har kuni ko‘rgazma ishi tugagach, qurol va uning o‘q-dorilarini topshirish uchun qurolxona to‘g‘risida ma’lumotlar (qurol va uning o‘q-dorilarini ko‘rgazmaga qo‘yishda — qurol va uning o‘q-dorilarini ochiq vitrinalar va stendlarda ko‘rgazmaga qo‘yishda);

ko‘rgazmaning chet ellik ishtirokchilariga tegishli qurol va uning o‘q-dorilarining ko‘rgazma obyekti hududiga tashilishini, qabul qilib olinishini va joylashtirilishini ta’minlash vazifalari yuklangan yuridik shaxs mas’ul xodimining familiyasi, ismi, otasining ismi, tug‘ilgan sanasi va joyi, doimiy yashash joyi, pasport (identifikatsiyalovchi ID-kartasi, shaxsni tasdiqlovchi boshqa hujjat) seriyasi, raqami va uni bergan organ nomi to‘g‘risida ma’lumotlar (chet ellik ishtirokchilarning olib kirilgan quroli va uning o‘q-dorilarini ko‘rgazma qo‘yishda);

g) fuqaroviy va xizmat quroli hamda uning o‘q-dorilarini o‘q otish obyektlari hududida saqlashda quyidagi ma’lumotlar:

qurol va uning o‘q-dorilarini saqlash uchun mavjud moddiy-texnik baza (maxsus jihozlangan binolar, inshootlar, xonalar, qo‘riqlashning muhandislik-texnik, yong‘inga qarshi avtomatika va qo‘riqlash-yong‘in signalizatsiyasi vositalari, seyflar va metall shkaflar), qurol va uning o‘q-dorilarini saqlash obyekti hududini ish va ishdan tashqari vaqtda qo‘riqlash tartibi to‘g‘risida ma’lumotlar;

nishonni joylash va uzatish uskunalari, o‘q otish uchun to‘siqlar va boshqa o‘q otish anjomlari turi to‘g‘risida ma’lumotlar;

o‘q otish bo‘yicha mutaxassislar (trenerlar, instruktorlar)ning familiyasi, ismi, otasining ismi, tug‘ilgan sanasi va joyi, doimiy yashash joyi, mutaxassislik bo‘yicha ish staji, pasport (identifikatsiyalovchi ID-kartasi, shaxsni tasdiqlovchi boshqa hujjat) seriyasi, raqami va uni bergan organ nomi to‘g‘risida ma’lumotlar;

d) qurol va uning o‘q-dorilarini tashishda quyidagi ma’lumotlar:

yukni jo‘natuvchi, qabul qiluvchi va tashishga taqdim etuvchi tashkilot, O‘zbekiston Respublikasi hududi bo‘ylab tashish yo‘nalishi, foydalaniladigan avtotransport turi to‘g‘risida (avtomobil transportida tashishda — transport vositalarining rusumi va davlat ro‘yxat belgilari);

qurol va uning o‘q-dorilarining but saqlanishini, kuzatib borilishini va qo‘riqlanishini ta’minlash vazifalari yuklangan yuridik shaxs mas’ul xodimlarining lavozimi, familiyasi, ismi, otasining ismi, tug‘ilgan sanasi va joyi, doimiy yashash joyi, pasport (identifikatsiyalovchi ID-kartasi, shaxsni tasdiqlovchi boshqa hujjat) seriyasi, raqami va uni bergan organ nomi to‘g‘risida (o‘n donadan ko‘p o‘qotar qurol yoki uning besh yuz donadan ortiq o‘q-dorilari Milliy gvardiya organlari, ichki ishlar organlari yoki idoraviy harbiylashtirilgan qo‘riqlash xizmati qurolli qo‘riqlovining kuzatuvi ostida tashish holatlari bundan mustasno);

o‘n donadan ko‘p miqdordagi o‘qotar qurol yoki uning besh yuz donadan ortiq miqdordagi o‘q-dorilari turkumi tashilayotgan yo‘lda qurolli qo‘riqlovning kuzatuvi bilan ta’minlash to‘g‘risida (Milliy gvardiya, ichki ishlar organlari yoki idoraviy harbiylashtirilgan qo‘riqlash xizmati tomonidan avtomobil transportida tashishda, “O‘zbekiston temir yo‘llari” AJ harbiylashtirilgan qo‘riqlash xizmati tomonidan temir yo‘l transportida tashishda);

e) fuqaroviy, xizmat, kolleksiyalash va ko‘rgazmaga qo‘yish quroli hamda uning o‘q-dorilarini O‘zbekiston Respublikasi hududiga olib kirish, O‘zbekiston Respublikasi hududidan olib chiqish va O‘zbekiston Respublikasi hududi orqali tranzit qilishda quyidagi ma’lumotlar:

yukning O‘zbekiston Respublikasi Tashqi iqtisodiy faoliyat tovar nomenklaturasi (TIF TN), BMT nomenklaturasi bo‘yicha kodi, yukni jo‘natuvchi, qabul qiluvchi va uni tashishga taqdim etuvchi tashkilot, yukni jo‘natish va O‘zbekiston Respublikasi hududiga kirish joylari (yukni yetkazish va O‘zbekiston Respublikasi hududidan chiqish joylari), O‘zbekiston Respublikasi hududi bo‘ylab tashish yo‘nalishi, foydalaniladigan transport turi (avtomobil transportida tashishda — transport vositalarining rusumi va davlat ro‘yxati belgilari), olib kirish (olib chiqish, tranzit qilish)ning taxminiy vaqti, shuningdek, tranzit qatnashchilari bo‘lgan davlatlar hududi bo‘ylab harakatlanishning mo‘ljallanayotgan yo‘nalishi to‘g‘risida ma’lumotlar;

qurol va uning o‘q-dorilarini avtomobil transportida olib kirish va olib chiqishda ularning but saqlanishini, kuzatib borilishini va qo‘riqlanishini ta’minlash vazifalari yuklangan yuridik shaxs mas’ul xodimlarining lavozimi, familiyasi, ismi, otasining ismi, tug‘ilgan sanasi va joyi, doimiy yashash joyi, pasport (identifikatsiyalovchi ID-kartasi, shaxsni tasdiqlovchi boshqa hujjat) seriyasi, raqami va uni bergan organi to‘g‘risida (olib kirilgan, olib chiqilgan va tranzit qilingan qurol hamda uning o‘q-dorilarini Milliy gvardiya, ichki ishlar organlari yoki idoraviy harbiylashtirilgan qo‘riqlash xizmati qurolli qo‘riqlovining yoxud Davlat yo‘l harakati xavfsizligi xizmati bo‘linmalarining kuzatuvi ostida tashish hollari bundan mustasno);

qurol va uning o‘q-dorilarini Milliy gvardiya, ichki ishlar organlari yoki idoraviy harbiylashtirilgan qo‘riqlash xizmati, jumladan, “O‘zbekiston temir yo‘llari” AJ harbiylashtirilgan qo‘riqlash xizmati qurolli qo‘riqlovining yoxud Davlat yo‘l harakati xavfsizligi xizmati bo‘linmalarining kuzatuvi bilan ta’minlash to‘g‘risida.

Ruxsatnoma turiga qarab, arizaga vakolatli organ boshqa vakolatli organlardan mustaqil ravishda oladigan hujjatlardan tashqari qo‘shimcha ravishda quyidagi hujjatlar ilova etiladi:

1. Fuqaroviy qurol va uning o‘q-dorilarini, xizmat quroli va uning o‘q-dorilarini, kolleksiyalash quroli va uning o‘q-dorilarini olish uchun:

a) fuqaroviy va xizmat quroli hamda uning o‘q-dorilarini olishga doir kontrakt (shartnoma);

b) qurol va uning o‘q-dorilarini olishda ularning but saqlanishini ta’minlash vazifalari yuklangan mas’ul xodimni tayinlash to‘g‘risida yuridik shaxsning buyrug‘i yoki farmoyish tusidagi boshqa hujjat nusxasi;

v) O‘zbekiston Respublikasi Ichki ishlar vazirligi bilan kelishilgan, qurol va uning o‘q-dorilari bilan ta’minlash normalariga muvofiq yuridik shaxsning yuqori turuvchi davlat organlari va tashkilotlar tomonidan (mavjud bo‘lsa) tasdiqlangan qurol (xili, modeli va kalibri bo‘yicha) va uning o‘q-dorilariga (turi va kalibri bo‘yicha) bo‘lgan talab miqdorining hisobi (fuqaroviy va xizmat quroli hamda uning o‘q-dorilarini olishda).

Fuqaroviy va xizmat qurolining sarflangan, yo‘qotilgan yoki yo‘q qilish uchun topshirilgan o‘q-dorilari o‘rniga o‘q-dorilar olish uchun o‘q-dorilar hisobdan chiqarilganligining qonuniyligini tasdiqlovchi hujjatlar (o‘q-dorilarni hisobdan chiqarish dalolatnomalari, o‘quv-mashq otishlari va boshqa otishlarni o‘tkazish chog‘ida sarflangan o‘q-dorilarga doir tarqatish-topshirish qaydnomalari, o‘q-dorilarni yo‘q qilish uchun qabul qilib olish (topshirish) dalolatnomalari) qo‘shimcha ravishda taqdim etiladi.

2. Fuqaroviy va xizmat qurolini hamda uning o‘q-dorilarini realizatsiya qilish bo‘yicha faoliyatni amalga oshirish uchun litsenziyaga ega bo‘lmagan yuridik shaxslar tomonidan fuqaroviy qurol va uning o‘q-dorilarini, xizmat quroli va uning o‘q-dorilarini, kolleksiyalash quroli va uning o‘q-dorilarini realizatsiya qilish uchun:

a) fuqaroviy va xizmat qurolini hamda uning o‘q-dorilarini realizatsiya qilish uchun litsenziyaga ega bo‘lgan yuridik shaxs bilan qurol va uning o‘q-dorilarini komission tarzda realizatsiya qilish bo‘yicha kontrakt (shartnoma) nusxasi;

b) qurol va uning o‘q-dorilarini realizatsiya qilishda ularning but saqlanishini ta’minlash vazifalari yuklangan mas’ul xodimni tayinlash to‘g‘risida yuridik shaxsning buyrug‘i yoki farmoyish tusidagi boshqa hujjat nusxasi.

3. Fuqaroviy qurol va uning o‘q-dorilarini, xizmat quroli va uning o‘q-dorilarini saqlash uchun:

a) qurol va uning o‘q-dorilarini saqlashga mo‘ljallangan bino, inshoot, xonalar ariza beruvchiga egalik yoki boshqa ashyoviy huquq asosida yuridik shaxsga tegishli ekanligini tasdiqlovchi hujjatlar nusxalari;

b) qo‘riqlash-yong‘in signalizatsiyasi, yong‘inga qarshi avtomatika va qo‘riqlashning muhandislik-texnik vositalari, jismoniy himoyaning boshqa texnik vositalari hamda videokuzatuv tizimlari montaj qilinganligi yuzasidan tuzilgan dalolatnomalar nusxalari;

v) qurolxona Milliy gvardiya organlarining texnik qo‘riqlash markazi orqali qo‘riqlovga olinganligi to‘g‘risida tuzilgan shartnoma nusxasi;

g) o‘rganishlar, tadqiqotlar, ko‘riklar yoki boshqa ilmiy va texnik baholashlar yakuni asosida xulosa (mavjud bo‘lsa);

d) qurol va uning o‘q-dorilari but saqlanishini, berilishi-qabul qilib olinishini, hisobga olinishini va ulardan foydalanilishini ta’minlash vazifalari yuklangan mas’ul xodimni tayinlash to‘g‘risida yuridik shaxsning buyrug‘i yoki farmoyish tusidagi boshqa hujjat nusxasi;

e) qurol va uning o‘q-dorilari muomalasi sohasida bevosita harakatni va (yoki) faoliyatni amalga oshiruvchi yuridik shaxsning rahbarlari va xodimlarining (xizmat vazifalariga muvofiq qurol va uning o‘q-dorilari bilan to‘g‘ridan-to‘g‘ri ishlaydiganlar), qo‘riqlash xizmati (mavjud bo‘lganda) xodimlarining familiyasi, ismi, otasining ismi, tug‘ilgan joyi va sanasi, doimiy yashash joyi, egallab turgan lavozimi, mutaxassisligi bo‘yicha ish staji ko‘rsatilgan ro‘yxati;

j) qurol va uning o‘q-dorilarini saqlash va ulardan foydalanish jarayonida yuzaga kelgan yong‘inni, avariyani yoki boshqa favqulodda vaziyatni bartaraf etish, uning oqibatlarini cheklash yoki kamaytirish bo‘yicha yuridik shaxs ma’muriyati va xodimlarining harakatlarini belgilovchi avariyaga oid tasdiqlangan ichki reja;

z) qurol hamda uning o‘q-dorilarini ro‘yxatdan o‘tkazish uchun — fuqaroviy va xizmat quroli va uning o‘q-dorilarini realizatsiya qilishga doir litsenziyaga ega bo‘lgan yuridik shaxsning olingan qurol (turi, xili, modeli, kalibri, ishlab chiqarilgan yili, zavod seriyasi va raqamini ko‘rsatgan holda) va uning o‘q-dorilari (turi, kalibri, miqdorini ko‘rsatgan holda) to‘g‘risida belgisi qo‘yilgan qurol va uning o‘q-dorilarini olishga doir ruxsatnoma (saqlashga doir ruxsatnomani rasmiylashtirish yoki unga o‘zgartirish kiritish uchun).

4. Fuqaroviy qurol va uning o‘q-dorilarini, xizmat quroli va uning o‘q-dorilarini o‘q otish obyekti hududida saqlash uchun:

v) qurolxona Milliy gvardiya organlarining texnik qo‘riqlash markazi orqali qo‘riqlovga olinganligi to‘g‘risida tuzilgan shartnoma nusxasi;

g) o‘rganishlar, tadqiqotlar, ko‘riklar yoki boshqa ilmiy va texnik baholashlar yakuni asosida xulosa (mavjud bo‘lsa);

i) o‘q otish obyekti hududidan tashqaridagi obyektlarga ziyon yetkazishini istisno etuvchi xavfsiz hudud radiusi doirasida tutashgan hududning quyidagilar belgisi qo‘yilgan va tir, o‘q otish stendi, o‘q otish maydoni hududining quyidagilar belgisi qo‘yilgan holdagi sxematik rejasi (masofalarni metrda ko‘rsatgan holda):

xavfsiz hudud perimetri bo‘ylab joylashgan tashqi to‘siqning turi va balandligi, to‘siqda mavjud bo‘lgan darvoza, eshik va darchalar;

qo‘riqlash postlari soni va joylashuvi, ular orasidagi aloqa vositalari;

qurolxona, o‘q otish galereyasi, o‘q otish maydonchalari va o‘q otish joyidagi to‘siqlarning joylashuvi;

o‘q otish yo‘nalishini ko‘rsatgan holda, nishonni joylash va uzatish uskunalari uchun minoralar va budkalarning, yopiq turdagi xandaqlarning, boshqa o‘q otish anjomlarining joylashuvi, turi va nomi;

o‘q o‘tkazmaydigan devorlar va ship qismida ko‘ndalang tarzda jihozlangan o‘qni ushlab qolish moslamalarining joylashuvi (yarim ochiq turdagi o‘qotar tirlari uchun);

o‘q otishning yo‘nalishi (nishon hududi)da va yon tomonida o‘qni qabul qilish (himoya qilish) tuproq do‘ngliklari joylashuvi (ochiq turdagi o‘qotar tirlari va tarkibida ochiq turdagi o‘qotar tirlari bo‘lgan o‘q otish maydonlari uchun).

Ariza beruvchining xohishiga qarab, sxematik rejaga tushuntirish xati ilova qilinishi mumkin;

k) foydalaniladigan o‘q otish jihozlari va anjomlarining qisqacha ro‘yxati va ta’rifi;

l) o‘q otish obyekti hududida ruxsat berish va obyekt ichki rejimini amalga oshirish, qurol va uning o‘q-dorilarini but saqlash, berish-qabul qilib olish, hisobga olish, olib yurish va ulardan xavfsiz foydalanishni ta’minlash bo‘yicha tasdiqlangan ichki yo‘riqnoma;

m) malaka darajasiga taalluqli hujjatlarni (malaka oshirish kurslari yoki maxsus tayyorgarlikdan o‘tganligi, malaka darajasini berish to‘g‘risida diplom, sertifikat va boshqa hujjatlar nusxalari) ilova qilgan holda, o‘q otish jarayonini to‘g‘ridan-to‘g‘ri nazorat qilish, qurol va uning o‘q-dorilaridan xavfsiz foydalanish qoidalari bo‘yicha fuqarolar bilan majburiy dastlabki yo‘riqnoma o‘tkazish vazifalari yuklangan o‘q otish bo‘yicha mutaxassislarni (trener, instruktorlar) tayinlash to‘g‘risida buyruq yoki farmoyish tusidagi boshqa hujjat nusxasi (buyruqda ularning malaka darajasi ko‘rsatilgan bo‘lishi lozim).

5. Xizmat qurolini olib yurish uchun:

yuridik shaxsning xodim xizmat qurolini olib yurish va undan foydalanish ruxsat berilgan lavozimga qabul qilinganligi (tayinlanganligi) to‘g‘risidagi buyrug‘i yoki farmoyish tusidagi boshqa hujjat(lar)ning nusxasi;

xizmat qurolini olib yurish va undan foydalanish huquqiga ega bo‘lgan xodimning lavozimi, familiyasi, ismi, otasining ismi, fuqaroligi, pasport (identifikatsiyalovchi ID-kartasi, shaxsni tasdiqlovchi boshqa hujjat) seriyasi, raqami va uni bergan organ yoki jismoniy shaxsning shaxsiy identifikatsiya raqami (JSHSHIR), tug‘ilgan sanasi va joyi, doimiy yashash joy manzili to‘g‘risidagi ma’lumotlar (ro‘yxat shaklida);

xodimning O‘zbekiston Respublikasi Milliy gvardiyasi Qoraqalpog‘iston Respublikasi mintaqaviy o‘quv markazi, Farg‘ona mintaqaviy o‘quv markazi, Jizzax mintaqaviy o‘quv markazi va Toshkent mintaqaviy o‘quv markazining bazasida xizmat quroli va maxsus vositalarni olib yurish hamda ulardan foydalanishga ruxsat berilgan vazirlik va idoralarning qo‘riqlash (harbiylashtirilgan, qorovullik) bo‘linmalari xodimlarini tayyorlash, qayta tayyorlash va ularning malakasini oshirish kurslarini muvaffaqiyatli tugatganligi to‘g‘risidagi sertifikatning nusxasi.

6. Fuqaroviy qurol va uning o‘q-dorilarini, xizmat quroli va uning o‘q-dorilarini, kolleksiyalash quroli va uning o‘q-dorilarini, ko‘rgazmaga qo‘yish quroli va uning o‘q-dorilarini avtomobil transportida tashish uchun:

a) tashilayotgan qurol va uning o‘q-dorilari but saqlanishi, shuningdek, ularni kuzatib borish va qo‘riqlovni ta’minlash majburiyati yuklangan mas’ul xodimlarni tayinlash to‘g‘risida yuridik shaxsning buyrug‘i yoki farmoyish tusidagi boshqa hujjatining nusxasi (Milliy gvardiya, ichki ishlar organlari yoxud idoraviy harbiylashtirilgan qo‘riqlash xizmati xodimlari kuzatuvi ostida tashilayotgan hollar bundan mustasno);

b) o‘n donadan ko‘p miqdordagi o‘qotar qurol yoki uning besh yuz donadan ortiq miqdordagi o‘q-dorilarini tashish Milliy gvardiya organlari, ichki ishlar organlari yoki idoraviy harbiylashtirilgan qo‘riqlash xizmati xodimlari tomonidan kuzatib borilishini ta’minlash to‘g‘risida tuzilgan shartnomaning nusxasi;

v) avtomobil transportida qurol va uning o‘q-dorilarini tashish bo‘yicha xizmat ko‘rsatishni ta’minlash to‘g‘risida tuzilgan shartnoma nusxasi (tashishni ariza beruvchiga tegishli bo‘lmagan transport vositasida amalga oshirishda).

7. Fuqaroviy qurol va uning o‘q-dorilarini, xizmat quroli va uning o‘q-dorilarini, kolleksiyalash quroli va uning o‘q-dorilarini, ko‘rgazmaga qo‘yish quroli va uning o‘q-dorilarini temir yo‘l transportida tashish uchun — tashilayotgan qurol va uning o‘q-dorilari turkumini “O‘zbekiston temir yo‘llari” AJ harbiylashtirilgan qo‘riqlash xizmati xodimlari tomonidan kuzatib borishni ta’minlash to‘g‘risida tuzilgan shartnomaning nusxasi.

8. Qurol va uning o‘q-dorilarini kolleksiyalash uchun:

v) o‘rganishlar, tadqiqotlar, ko‘riklar yoki boshqa ilmiy va texnik baholashlar yakuni asosida xulosa (mavjud bo‘lsa);

g) qurol va uning o‘q-dorilari but saqlanishini, berilishi-qabul qilib olinishini, hisobga olinishini va ulardan foydalanilishini ta’minlash vazifalari yuklangan mas’ul xodimni tayinlash to‘g‘risida yuridik shaxsning buyrug‘i yoki farmoyish tusidagi boshqa hujjat nusxasi;

d) qurol va uning o‘q-dorilari muomalasi sohasida bevosita harakatni va (yoki) faoliyatni amalga oshiruvchi yuridik shaxsning rahbarlari va xodimlarining (xizmat vazifalariga muvofiq qurol va uning o‘q-dorilari bilan to‘g‘ridan-to‘g‘ri ishlaydiganlar), qo‘riqlash xizmati (mavjud bo‘lganda) xodimlarining familiyasi, ismi, otasining ismi, tug‘ilgan joyi va sanasi, doimiy yashash joyi, egallab turgan lavozimi, mutaxassisligi bo‘yicha ish staji ko‘rsatilgan ro‘yxati;

e) qurol va uning o‘q-dorilarini saqlash va ulardan foydalanish jarayonida yuzaga kelgan yong‘inni, avariyani yoki boshqa favqulodda vaziyatni bartaraf etish, uning oqibatlarini cheklash yoki kamaytirish bo‘yicha yuridik shaxs ma’muriyati va xodimlarining harakatlarini belgilovchi avariyaga oid tasdiqlangan ichki reja;

j) qurol hamda uning o‘q-dorilarini ro‘yxatdan o‘tkazish uchun — fuqaroviy va xizmat quroli va uning o‘q-dorilarini realizatsiya qilishga doir litsenziyaga ega bo‘lgan yuridik shaxsning olingan qurol (turi, xili, modeli, kalibri, ishlab chiqarilgan yili, zavod seriyasi va raqamini ko‘rsatgan holda) va uning o‘q-dorilari (turi, kalibri, miqdorini ko‘rsatgan holda) to‘g‘risida belgisi qo‘yilgan qurol va uning o‘q-dorilarini olishga doir ruxsatnoma (saqlashga doir ruxsatnomani rasmiylashtirish yoki unga o‘zgartirish kiritish uchun);

z) kolleksiyalash qurolini saqlashga mo‘ljallangan xonalarning, jumladan, muzeybop tarzda kolleksiyalashda, Milliy gvardiya organlarining texnik qo‘riqlash markazi orqali qo‘riqlovga olinganligi to‘g‘risida tuzilgan shartnoma nusxasi.

9. Qurol va uning o‘q-dorilarini ko‘rgazmaga qo‘yish uchun:

v) qurolxona Milliy gvardiya organlarining texnik qo‘riqlash markazi orqali qo‘riqlovga olinganligi to‘g‘risida tuzilgan shartnoma nusxasi;

g) o‘rganishlar, tadqiqotlar, ko‘riklar yoki boshqa ilmiy va texnik baholash yakuni asosida xulosa (mavjud bo‘lsa);

i) qurol va uning o‘q-dorilarini ko‘rgazmaga qo‘yish uchun xonalarni ijara olish (o‘z egaligida bunday xonalar bo‘lmaganda), qurolni va uning o‘q-dorilarini ko‘rgazmaga qo‘yish tartibi, ularning but saqlanishini ta’minlash bo‘yicha ushbu xonalar qo‘riqlashning muhandislik-texnik vositalari o‘rnatilganligi hamda qo‘riqlash-yong‘in signalizatsiyasi va videokuzatuv tizimlari montaj qilinganligi to‘g‘risida tuzilgan dalolatnomalar nusxalarini ilova qilgan holda shartnoma, shuningdek, Milliy gvardiya organlarining texnik qo‘riqlash markazi orqali qo‘riqlovga olinganligi to‘g‘risida tuzilgan shartnoma nusxalari;

k) ko‘rgazmaga qo‘yish rejasi va ekspozitsiyalarning (ko‘rgazma obyektlarining) joylashuv sxemalari (kelishish uchun);

l) ko‘rgazmaning chet ellik ishtirokchilari uchun ularga tegishli qurol va uning o‘q-dorilarini O‘zbekiston Respublikasi hududiga olib kirish, O‘zbekiston Respublikasi hududi bo‘ylab tashishga doir ruxsatnomalarni olish uchun hujjatlar (chet ellik ishtirokchilari olib kirayotgan qurol va uning o‘q-dorilarini ko‘rgazmaga qo‘yishda).

10. Fuqaroviy qurol va uning o‘q-dorilarini, xizmat quroli va uning o‘q-dorilarini, kolleksiyalash quroli va uning o‘q-dorilarini O‘zbekiston Respublikasi hududiga avtomobil transportida olib kirish uchun (O‘zbekiston Respublikasi hududiga sport tadbirlarida (ko‘rgazmada) ishtirok etish uchun qaytib olib chiqib ketish sharti bilan olib kiriladigan sport va ko‘rgazmaga qo‘yish quroli hamda uning o‘q-dorilari bundan mustasno):

a) qurol va uning o‘q-dorilarini yetkazib berishga doir kontrakt (shartnoma) nusxasi, bir nechta turkumlarda olib kirilganda, ularni olib kirish jadvali;

b) olib kirilayotgan qurol va uning o‘q-dorilarini ishlab chiqaruvchi tomonidan berilgan muvofiqlik sertifikatlarining belgilangan tartibda davlat tiliga tarjima qilingan va tasdiqlangan nusxalari;

v) avtomobil transportining xalqaro tashishlarni amalga oshirishga ruxsat etilganligi to‘g‘risida guvohnoma nusxasi;

g) tashilayotgan qurol va uning o‘q-dorilari but saqlanishi, shuningdek, ularni kuzatib borish va qo‘riqlovni ta’minlash majburiyati yuklangan mas’ul xodimlarni tayinlash to‘g‘risida yuridik shaxsning buyrug‘i yoki farmoyish tusidagi boshqa hujjatining nusxasi (Milliy gvardiya, ichki ishlar organlari yoxud idoraviy harbiylashtirilgan qo‘riqlash xizmati xodimlari kuzatuvi ostida tashilayotgan hollar bundan mustasno);

d) o‘n donadan ko‘p miqdordagi o‘qotar qurol yoki uning besh yuz donadan ortiq miqdordagi o‘q-dorilarini tashish Milliy gvardiya organlari, ichki ishlar organlari yoki idoraviy harbiylashtirilgan qo‘riqlash xizmati xodimlari tomonidan kuzatib borilishini ta’minlash to‘g‘risida tuzilgan shartnomaning nusxasi;

e) avtomobil transportida qurol va uning o‘q-dorilarini tashish bo‘yicha xizmat ko‘rsatishni ta’minlash to‘g‘risida tuzilgan shartnoma nusxasi (tashishni ariza beruvchiga tegishli bo‘lmagan transport vositasida amalga oshirishda).

11. Fuqaroviy qurol va uning o‘q-dorilarini, xizmat quroli va uning o‘q-dorilarini, kolleksiyalash quroli va uning o‘q-dorilarini O‘zbekiston Respublikasi hududiga temir yo‘l transportida olib kirish uchun (O‘zbekiston Respublikasi hududiga sport tadbirlarida (ko‘rgazmada) ishtirok etish uchun qaytib olib chiqib ketish sharti bilan olib kiriladigan sport va ko‘rgazmaga qo‘yish quroli hamda uning o‘q-dorilari bundan mustasno):

a) qurol va uning o‘q-dorilarini yetkazib berishga doir kontrakt (shartnoma) nusxasi, bir nechta turkumlarda olib kirilganda, ularni olib kirish jadvali;

b) olib kirilayotgan qurol va uning o‘q-dorilarini ishlab chiqaruvchi tomonidan berilgan muvofiqlik sertifikatlarining belgilangan tartibda davlat tiliga tarjima qilingan va tasdiqlangan nusxalari;

v) tashilayotgan qurol va uning o‘q-dorilari turkumini “O‘zbekiston temir yo‘llari” AJ harbiylashtirilgan qo‘riqlash xizmati xodimlari tomonidan kuzatib borishni ta’minlash to‘g‘risida tuzilgan shartnomaning nusxasi.

12. Ko‘rgazmaga qo‘yish va sport quroli hamda uning o‘q-dorilari O‘zbekiston Respublikasi hududiga sport tadbirlarida (ko‘rgazmada) ishtirok etish uchun qaytib olib chiqib ketish (sport musobaqalarida ishtirok etishda — sport quroli va uning foydalanilmagan o‘q-dorilarini) sharti bilan vaqtincha olib kirish uchun:

a) sport tadbiri (ko‘rgazma) tashkilotchisining O‘zbekiston Respublikasi hududida sport tadbirlarida (ko‘rgazmada) chet ellik ishtirokchilar ishtirok etishlari uchun taklifnoma nusxasi;

b) chet ellik ishtirokchilarga tegishli qurol va uning o‘q-dorilarini tashish, qabul qilib olish hamda obyekt hududiga joylashtirishni ta’minlash vazifalari yuklangan mas’ul xodim (xodimlar)ni tayinlash to‘g‘risida, lavozimi, familiyasi, ismi, otasining ismi, tug‘ilgan joyi va yili, doimiy yashash joyi, pasport (identifikatsiyalovchi ID-kartasi, shaxsni tasdiqlovchi boshqa hujjat) seriyasi va raqami hamda uni bergan organ ko‘rsatilgan holdagi yuridik shaxsning buyrug‘i yoki farmoyish tusidagi boshqa hujjat nusxasi (chet ellik ishtirokchilarga tegishli qurol va uning o‘q-dorilarini olib kirishda);

v) o‘n donadan ko‘p miqdordagi o‘qotar qurol yoki uning besh yuz donadan ortiq miqdordagi o‘q-dorilari turkumini tashishda Milliy gvardiya organi, ichki ishlar organlari yoki idoraviy harbiylashtirilgan qo‘riqlash xizmati (avtomobil transportida tashilayotganda), “O‘zbekiston temir yo‘llari” AJ harbiylashtirilgan qo‘riqlash xizmati xodimlari (temir yo‘l transportida tashilayotganda) tomonidan kuzatib borilishini ta’minlash to‘g‘risida tuzilgan shartnomaning nusxasi.

13. Fuqaroviy qurol va uning o‘q-dorilarini, xizmat quroli va uning o‘q-dorilarini, kolleksiyalash quroli va uning o‘q-dorilarini O‘zbekiston Respublikasi hududidan avtomobil transportida olib chiqish uchun (xorijiy davlat hududida sport tadbirlarida (ko‘rgazmada) ishtirok etish uchun qaytib olib kirish sharti bilan olib chiqiladigan sport va ko‘rgazmaga qo‘yish quroli va uning o‘q-dorilari bundan mustasno):

a) qurol va uning o‘q-dorilarini yetkazib berishga doir kontrakt (shartnoma) nusxasi, bir nechta turkumlarda olib chiqilganda, ularni olib chiqish jadvali;

b) olib chiqilayotgan qurol va uning o‘q-dorilarini ishlab chiqaruvchi tomonidan berilgan muvofiqlik sertifikatlarining nusxalari;

v) avtomobil transportining xalqaro tashishlarni amalga oshirishga ruxsat etilganligi to‘g‘risida guvohnoma nusxasi;

14. Fuqaroviy qurol va uning o‘q-dorilarini, xizmat quroli va uning o‘q-dorilarini, kolleksiyalash quroli va uning o‘q-dorilarini O‘zbekiston Respublikasi hududidan temir yo‘l transportida olib chiqish uchun (xorijiy davlat hududida sport tadbirlarida (ko‘rgazmada) ishtirok etish uchun qaytib olib kirish sharti bilan olib chiqiladigan sport va ko‘rgazmaga qo‘yish quroli va uning o‘q-dorilari bundan mustasno):

a) qurol va uning o‘q-dorilarini yetkazib berishga doir kontrakt (shartnoma) nusxasi, bir nechta turkumlarda olib chiqilganda, ularni olib chiqish jadvali;

b) olib chiqilayotgan qurol va uning o‘q-dorilarini ishlab chiqaruvchi tomonidan berilgan muvofiqlik sertifikatlarining nusxalari;

15. Sport quroli va uning o‘q-dorilarini, ko‘rgazmaga qo‘yish quroli va uning o‘q-dorilarini xorijiy davlat hududida sport tadbirlarida (ko‘rgazmada) ishtirok etish uchun O‘zbekiston Respublikasi hududidan avtomobil transportida vaqtincha olib chiqish uchun:

a) xorijiy davlat hududida tadbir tashkilotchisi taklifnomasining belgilangan tartibda davlat tiliga tarjima qilingan va tasdiqlangan nusxasi;

b) sport tadbirlarida (ko‘rgazmada) ishtirok etish uchun delegatsiyaning yuborilishi to‘g‘risida, delegatsiya rahbarini hamda sport tadbirlari (ko‘rgazma) davomida qurol va uning o‘q-dorilari but saqlanishini, berilishi-qabul qilib olinishini, hisobi yuritilishini va ulardan foydalanishini ta’minlash vazifalari yuklangan mas’ul xodimni tayinlash to‘g‘risida yuridik shaxsning buyrug‘i yoki farmoyish tusidagi boshqa hujjat nusxasi;

v) o‘n donadan ko‘p miqdordagi o‘qotar qurol yoki uning besh yuz donadan ortiq miqdordagi o‘q-dorilarini tashish Milliy gvardiya organlari, ichki ishlar organlari yoki idoraviy harbiylashtirilgan qo‘riqlash xizmati xodimlari tomonidan kuzatib borilishini ta’minlash to‘g‘risida tuzilgan shartnomaning nusxasi;

g) avtomobil transportida qurol va uning o‘q-dorilarini tashish bo‘yicha xizmat ko‘rsatishni ta’minlash to‘g‘risida tuzilgan shartnoma nusxasi (tashishni ariza beruvchiga tegishli bo‘lmagan transport vositasida amalga oshirishda).

16. Sport quroli va uning o‘q-dorilarini, ko‘rgazmaga qo‘yish quroli va uning o‘q-dorilarini xorijiy davlat hududida sport tadbirlarida (ko‘rgazmada) ishtirok etish uchun O‘zbekiston Respublikasi hududidan temir yo‘l transportida vaqtincha olib chiqish uchun:

a) xorijiy davlat hududida tadbir tashkilotchisi taklifnomasining belgilangan tartibda davlat tiliga tarjima qilingan va tasdiqlangan nusxasi;

b) sport tadbir (ko‘rgazma)larida ishtirok etish uchun delegatsiyaning yuborilishi to‘g‘risida, delegatsiya rahbarini hamda sport tadbir (ko‘rgazma)lari davomida qurol va uning o‘q-dorilari but saqlanishini, berilishi-qabul qilib olinishini, hisobi yuritilishini va ulardan foydalanishini ta’minlash vazifalari yuklangan mas’ul xodimni tayinlash to‘g‘risida yuridik shaxsning buyrug‘i yoki farmoyish tusidagi boshqa hujjat nusxasi;

17. Fuqaroviy qurol va uning o‘q-dorilarini, xizmat quroli va uning o‘q-dorilarini, kolleksiyalash quroli va uning o‘q-dorilarini, ko‘rgazmaga qo‘yish quroli va uning o‘q-dorilarini O‘zbekiston Respublikasi hududi orqali tranzit qilish uchun:

a) tranzit qilinayotgan qurol va uning o‘q-dorilarini jo‘natuvchi davlat hududidan olib chiqish va qabul qiluvchi davlat hududiga olib kirishga doir ruxsatnomalar nusxalarining belgilangan tartibda davlat tiliga tarjima qilingan va tasdiqlangan nusxasi;

b) avtomobil transportining xalqaro tashishlarni amalga oshirishga ruxsat etilganligi to‘g‘risida guvohnoma nusxasi (avtotransportda tranzit qilishda);

v) qurol va uning o‘q-dorilari turkumi tranzitini Davlat yo‘l harakati xavfsizligi xizmati bo‘linmalari (avtotransportda tranzit qilishda) yoki “O‘zbekiston temir yo‘llari” AJ harbiylashtirilgan qo‘riqlash xizmati (temir yo‘l transportida tranzit qilishda) kuzatuvida amalga oshirish bo‘yicha tuzilgan shartnoma nusxasi (o‘n dona yoki undan kam miqdordagi o‘qotar sport quroli yoki uning besh yuz dona va undan kam miqdordagi o‘q-dorilari, pnevmatik sport quroli va uning o‘q dorilari, tig‘li sovuq sport va sport uloqtirish qurollarini sport tadbirlarida ishtirok etish uchun tranzit qilish holatlari bundan mustasno)”;

12-pozitsiyaning uchinchi ustuni quyidagi mazmundagi 10 — 17-bandlar bilan to‘ldirilsin:

“10. Vakolatli organ ariza beruvchining ruxsat berishga doir talablar va shartlarga mos kelishini aniqlash uchun o‘z mablag‘lari hisobidan ushbu pasportda nazarda tutilgan muddatlar doirasida quyidagi huquqlarga ega:

ariza beruvchining arizasiga muvofiq harakatlarni va (yoki) faoliyatni amalga oshirish uchun talab etiladigan mavjud sharoitlarini joyiga chiqib o‘rganish va baholash (qurol va uning o‘q-dorilarini saqlash, ulardan foydalanish, kolleksiyalash, ko‘rgazmaga qo‘yish uchun mo‘ljallangan hududni, binolarni, xonalar va inshootlarni, ularning texnik jihatdan mustahkamlanganligini, qo‘riqlash-yong‘in signalizatsiyasi, yong‘inga qarshi avtomatika va qo‘riqlashning muhandislik-texnik vositalari bilan jihozlanganligi, qo‘riqlash va joriy etilgan rejim choralarining ahvoli, mavjud transport vositalari, arizada ko‘rsatilgan aniq harakatni bajarish va (yoki) muayyan faoliyatni amalga oshirish uchun talab etiladigan boshqa sharoitlarni);

qurol va o‘q-dorilarining tuzilishi, turi, xili, modeli, kalibri, ishlab chiqarilgan yili, zavod seriyasi, raqami, taqdim etilgan hujjatlar va boshqa o‘ziga xos ma’lumotlarni ekspert va texnik baholash hamda tadqiqotlar o‘tkazish zarur bo‘lgan holatlarda hujjatlarni ekspertizadan o‘tkazish uchun qo‘shimcha ravishda shartnoma asosida tegishli sohalar bo‘yicha yuqori malakali mutaxassislarni va ekspertlarni jalb etish.

11. Elektron shaklda berilgan ruxsatnomalar manfaatdor shaxslar tomonidan qog‘ozda chop etilishi mumkin. Bunda qog‘ozda chop etilgan ruxsatnomalar elektron shaklda berilgan ruxsatnomalarga tenglashtiriladi.

12. Qurolni olib yurishga doir ruxsatnoma vakolatli organ tomonidan an’anaviy tarzda bevosita ariza beruvchining o‘ziga yoki yuridik shaxsning mas’ul xodimiga beriladi.

13. Yo‘qolgan yoki yaroqsiz holga kelgan qurolni olib yurishga doir ruxsatnomalar o‘rniga yuridik shaxsning arizasiga ko‘ra uning dublikati berilishi mumkin.

Dublikatni berishda vakolatli organ tomonidan yo‘qolgan yoki yaroqsiz holga kelgan ruxsatnomaning amal qilish muddati ko‘rsatilgan “Dublikat” belgisi qo‘yilgan yangi ruxsatnoma beriladi.

Vakolatli organ ariza, shuningdek, ruxsatnoma yaroqsiz holga kelgan taqdirda, ruxsatnomaning asl nusxasi olingan kundan e’tiboran besh ish kunidan ko‘p bo‘lmagan muddatda ruxsatnomaning dublikatini berishi shart.

Ruxsatnomaning dublikati berilganligi uchun bazaviy hisoblash miqdorining 10 foizi miqdorida yig‘im undiriladi va undirilgan yig‘im Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizomning 14-bandida belgilangan tartibda taqsimlanadi.

14. Yuridik shaxsning ruxsatnoma berishga doir talablar va shartlarga rioya etishi qonunchilik hujjatlarida belgilangan tartibda nazorat qilinadi.

Vakolatli organ o‘z vakolatlari doirasida yuridik shaxslar tomonidan ruxsat berishga doir talablar va shartlarga rioya etilishini tekshirish davomida Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizomda belgilangan huquqlardan tashqari quyidagi huquqlarga egadir:

qurol va uning o‘q-dorilari saqlanadigan hamda ulardan foydalaniladigan joylarni ko‘zdan kechirish;

ruxsatnoma berishga doir talablar va shartlarning buzilishi qurol va uning o‘q-dorilari yo‘qolishi yoki talon-toroj qilinishi xavfini tug‘dirganda, ruxsatnoma berishga doir talablar va shartlarni bajarishda aniqlangan kamchiliklar bartaraf etilgunga qadar qurol va uning o‘q-dorilarini olib qo‘yish, ichki ishlar organiga zudlik bilan olib kelishni va vaqtincha joylashtirishni talab qilish.

15. Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizomning 14-bandiga muvofiq qurol muomalasi sohasida ruxsatnoma berish haqidagi ariza ko‘rib chiqilganligi, uning amal qilish muddati uzaytirilganligi, ruxsatnoma qayta rasmiylashtirilganligi va unga o‘zgartirishlar kiritilganligi uchun vakolatli organning hisobvarag‘iga yo‘naltiriladigan mablag‘lar ichki ishlar organlarining nazorat-litsenziyalash faoliyatini tashkil etish bo‘linmalarining moddiy-texnik bazasini rivojlantirishga, birinchi navbatda, axborot-kommunikatsiya texnologiyalarini keng joriy etish va modernizatsiya qilishga hamda ushbu bo‘linmalar xodimlarini moddiy rag‘batlantirish tadbirlariga sarflanadi.

16. Ushbu Pasport talablariga rioya etilishi uchun yuridik shaxslarning rahbarlari, shuningdek, yuridik shaxslarning buyruqlari yoki farmoyish tusidagi boshqa hujjatlar bilan zimmasiga qurol va uning o‘q-dorilarining but saqlanishini, belgilangan tartibda berish-qabul qilib olinishini va hisobi yuritilishini ta’minlash uchun mas’uliyat yuklangan mansabdor shaxslar javobgardir.

17. Yuridik shaxslar uchun fuqaroviy va xizmat qurolini hamda uning o‘q-dorilarini olish, realizatsiya qilish, saqlash, olib yurish, tashish, kolleksiyalash, ko‘rgazmaga qo‘yish, O‘zbekiston Respublikasi hududiga olib kirish hamda O‘zbekiston Respublikasi hududidan olib chiqish, O‘zbekiston Respublikasi hududi orqali tranzit qilishga doir ruxsatnoma berish tartib-taomillaridan o‘tishga doir hujjatlardagi ma’lumotlar (ruxsatnomalar reyestriga kiritilgan ma’lumotlar bundan mustasno) foydalanilishi cheklangan axborot hisoblanib, ruxsat etish tartib-taomillaridan o‘tkazish jarayoni ishtirokchilari tomonidan ushbu axborotlar boshqa shaxslarga oshkor qilinishi taqiqlanadi”;

v) 47-ilovada:

8-pozitsiyaning uchinchi ustuni 2-bandining “z” kichik bandidagi “hududiga” so‘zi “hududidan” so‘zi bilan almashtirilsin;

9-pozitsiyaning uchinchi ustuni 2-bandining “v” kichik bandidagi “ushbu Nizom 14¹-bandining” so‘zlari “ushbu Pasportning izohidagi 9-bandida” so‘zlari bilan almashtirilsin;

12-pozitsiyaning uchinchi ustuni quyidagi mazmundagi 11 — 17-bandlar bilan to‘ldirilsin:

“11. Vakolatli organ ariza beruvchining ruxsat berishga doir talablar va shartlarga mos kelishini aniqlash uchun o‘z mablag‘lari hisobidan ushbu Pasportda nazarda tutilgan muddatlar doirasida quyidagi huquqlarga ega:

ariza beruvchining arizasiga muvofiq harakatlarni va (yoki) faoliyatni amalga oshirish uchun talab etiladigan mavjud sharoitlarni joyiga chiqib o‘rganish va baholash (qurol va uning o‘q-dorilarini saqlash, ulardan foydalanish, kolleksiyalash, ko‘rgazmaga qo‘yish uchun mo‘ljallangan hududni, binolarni, xonalar va inshootlarni, ularning texnik jihatdan mustahkamlanganligini, qo‘riqlash-yong‘in signalizatsiyasi, yong‘inga qarshi avtomatika va qo‘riqlashning muhandislik-texnik vositalari bilan jihozlanganligi, qo‘riqlash va joriy etilgan rejim choralarining holati, mavjud transport vositalari, arizada ko‘rsatilgan aniq harakatni bajarish va (yoki) muayyan faoliyatni amalga oshirish uchun talab etiladigan boshqa sharoitlarni);

qurol va o‘q-dorilarining tuzilishi, turi, xili, modeli, kalibri, ishlab chiqarilgan yili, zavod seriyasi, raqami, taqdim etilgan hujjatlar va boshqa o‘ziga xos ma’lumotlarni ekspert va texnik baholash hamda tadqiqotlar o‘tkazish zarur bo‘lgan holatlarda, hujjatlarni ekspertizadan o‘tkazish uchun qo‘shimcha ravishda shartnoma asosida tegishli sohalar bo‘yicha yuqori malakali mutaxassislarni va ekspertlarni jalb etish.

12. Elektron shaklda berilgan ruxsatnomalar manfaatdor shaxslar tomonidan qog‘ozda chop etilishi mumkin. Bunda qog‘ozda chop etilgan ruxsatnomalar elektron shaklda berilgan ruxsatnomalarga tenglashtiriladi.

13. Ushbu Pasportga 3 — 5-ilovalarga muvofiq rasmiylashtirilgan fuqaroviy qurolni saqlash va olib yurishga, mukofot qilingan qurolni saqlash va olib yurishga, sport o‘qotar qurolini saqlashga doir ruxsatnomalar vakolatli organ tomonidan bevosita ariza beruvchining o‘ziga beriladi.

14. Yo‘qolgan yoki yaroqsiz holga kelgan fuqaroviy hamda mukofot qilingan qurolni saqlash va olib yurishga, sport o‘qotar qurolini saqlashga doir ruxsatnomalar o‘rniga jismoniy shaxsning arizasiga ko‘ra uning dublikati berilishi mumkin.

Dublikatni berishda vakolatli organ tomonidan yo‘qolgan yoki yaroqsiz holga kelgan ruxsatnomaning amal qilish muddati ko‘rsatilgan “Dublikat” belgisi qo‘yilgan yangi ruxsatnoma beriladi.

15. Jismoniy shaxsning ruxsatnoma berishga doir talablar va shartlarga rioya etishi qonunchilik hujjatlarida belgilangan tartibda nazorat qilinadi.

Vakolatli organ o‘z vakolatlari doirasida jismoniy shaxslar tomonidan ruxsat berishga doir talablar va shartlarga rioya etilishini tekshirish davomida Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizomda belgilangan huquqlardan tashqari quyidagi huquqlarga egadir:

qurol va uning o‘q-dorilari saqlanadigan hamda ulardan foydalaniladigan joylarni ko‘zdan kechirish;

16. Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizomning 14-bandiga muvofiq qurol muomalasi sohasida ruxsatnoma berish haqidagi ariza ko‘rib chiqilganligi, uning amal qilish muddati uzaytirilganligi, ruxsatnoma qayta rasmiylashtirilganligi va unga o‘zgartishlar kiritilganligi uchun vakolatli organning hisobvarag‘iga yo‘naltiriladigan mablag‘lar ichki ishlar organlarining nazorat-litsenziyalash faoliyatini tashkil etish bo‘linmalarining moddiy-texnik bazasini rivojlantirishga, birinchi navbatda, axborot-kommunikatsiya texnologiyalarini keng joriy etish va modernizatsiya qilishga hamda ushbu bo‘linmalar xodimlarini moddiy rag‘batlantirish tadbirlariga sarflanadi.

17. Jismoniy shaxslar uchun fuqaroviy qurolni va uning o‘q-dorilarini olish, realizatsiya qilish, saqlash, olib yurish, tashish, kolleksiyalash, ko‘rgazmaga qo‘yish, O‘zbekiston Respublikasi hududiga olib kirish hamda O‘zbekiston Respublikasi hududidan olib chiqish, O‘zbekiston Respublikasi hududi orqali tranzit qilishga doir ruxsatnoma berish tartib-taomillaridan o‘tishga doir hujjatlardagi ma’lumotlar (ruxsatnomalar reyestriga kiritilgan ma’lumotlar bundan mustasno) foydalanilishi cheklangan axborot hisoblanib, ruxsat etish tartib-taomillaridan o‘tkazish jarayoni ishtirokchilari tomonidan ushbu axborotlar boshqa shaxslarga oshkor qilinishi taqiqlanadi”;

g) quyidagi mazmundagi 65-ilova bilan to‘ldirilsin:

“Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizomga
65-ILOVA

Portlovchi materiallarni olib kirish, sotib olish, saqlash, shuningdek, avtomobil va temir yo‘l transportida tashishga doir ruxsatnoma

PASPORTI

1.	Ruxsat etish xususiyatiga ega hujjatning nomi:	Portlovchi materiallarni olib kirish, sotib olish, saqlash, shuningdek, avtomobil va temir yo‘l transportida tashishga doir ruxsatnoma
2.	Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):	Portlovchi materiallar muomalasi sohasida faoliyat ko‘rsatuvchi yuridik shaxslar tomonidan portlovchi materiallarni olib kirish, olish, saqlash, shuningdek, avtomobil va temir yo‘l transportida tashish
3.	Ariza beruvchilar toifasi:	Portlovchi moddalarni, ularni qo‘llagan holda materiallar va mahsulotlarni, shuningdek, portlatish vositalarini yaratish, ishlab chiqarish, tashish, saqlash va realizatsiya qilish faoliyati uchun litsenziyaga ega bo‘lgan yuridik shaxslar (keyingi o‘rinlarda — yuridik shaxslar)
4.	Ruxsat etish tartib-taomillari sohasidagi vakolatli organ:	1. O‘zbekiston Respublikasi Ichki ishlar vazirligi Jamoat xavfsizligi departamenti jamoat tartibini saqlash xizmati quyidagi ruxsatnomalarni berish bo‘yicha: a) portlovchi materiallarni O‘zbekiston Respublikasi hududiga olib kirishga doir; b) portlovchi materiallarni avtomobil va temir yo‘l transportida viloyatlararo (Qoraqalpog‘iston Respublikasidan yoki Toshkent shahridan viloyatlarga, viloyatlardan Qoraqalpog‘iston Respublikasigacha yoki Toshkent shahriga) yo‘nalishlar bo‘yicha ishlab chiqarish korxonasidan portlovchi materiallarni saqlash omboriga, yuklash-tushirish maydonchasidan portlovchi materiallarni saqlash omboriga, portlovchi materiallarni saqlash omboridan portlovchi materiallarni saqlash omboriga tashishga doir. 2. Qoraqalpog‘iston Respublikasi Ichki ishlar vazirligining, Toshkent shahar va Toshkent viloyati ichki ishlar bosh boshqarmalarining hamda viloyatlar ichki ishlar boshqarmalarining jamoat xavfsizligi xizmati jamoat tartibini saqlash boshqarmalari quyidagi ruxsatnomalarni berish bo‘yicha: a) portlovchi materiallarni sotib olishga doir; b) portlovchi materiallarni saqlashga doir; v) portlovchi materiallarni avtomobil va temir yo‘l transportida viloyat (Qoraqalpog‘iston Respublikasi, Toshkent shahar) doirasida bo‘lgan hududdagi yo‘nalishlar bo‘yicha portlovchi materiallarni tashishga doir
5.	Ruxsat etish xususiyatiga ega hujjatni olish uchun taqdim qilinadigan hujjatlar:	1. Ariza. Arizada quyidagi ma’lumotlar ko‘rsatiladi: yuridik shaxsning nomi, soliq to‘lovchining identifikatsiya raqami (STIR), pochta manzili, telefon raqami, elektron pochta manzili (agar mavjud bo‘lsa), xizmat ko‘rsatuvchi bankning nomi va hisobvarag‘i; ariza beruvchining amalga oshirmoqchi bo‘lgan aniq harakatlari va (yoki) muayyan faoliyati uchun ruxsatnoma olishdan maqsadi; harakatlar va (yoki) faoliyat amalga oshiriladigan joy; harakatlar va (yoki) faoliyat amalga oshiriladigan taxminiy muddat (zarur bo‘lganda). 2. So‘ralayotgan ruxsatnoma turiga qarab, arizada qo‘shimcha ravishda quyidagilar ko‘rsatiladi: a) portlovchi materiallarni O‘zbekiston Respublikasi hududiga olib kirishda — yukning O‘zbekiston Respublikasi Tashqi iqtisodiy faoliyat tovar nomenklaturasi (TIF TN) va BMT nomenklaturasi bo‘yicha kodlari, portlovchi materiallarning rusumi, nomi va miqdori, yukni jo‘natuvchi, qabul qiluvchi va uni tashishga taqdim etuvchi tashkilot, yukni O‘zbekiston Respublikasi hududiga kirish joyi, O‘zbekiston Respublikasi hududi bo‘ylab tashish yo‘nalishi, foydalaniladigan transport turi (avtomobil transportida tashishda — transport vositalarining rusumi va davlat ro‘yxati belgilari) to‘g‘risida ma’lumotlar; b) portlovchi materiallarni tashishda — tashilayotgan portlovchi materiallarning rusumi, nomi va miqdori, yukni jo‘natuvchi va qabul qiluvchi, tashish yo‘nalishi, maxsus jihozlangan transport vositalari, yukni tashish uchun mas’ul bo‘lgan va ularni kuzatib boruvchi shaxslar (yuridik shaxsning yukni yuklovchi va uni qo‘riqlovchi xodimlari), yukning qurolli kuzatuvini ta’minlash bo‘yicha ichki ishlar organlari (yoki Milliy gvardiya) guruhining mavjudligi to‘g‘risida; v) portlovchi materiallarni sotib olishda — ularni sotib olish uchun mas’ul bo‘lgan shaxs(lar). 3. Ruxsatnoma turiga qarab, arizaga qo‘shimcha ravishda quyidagi hujjatlar ilova etiladi: a) portlovchi materiallarni O‘zbekiston Respublikasi hududiga olib kirish uchun: portlovchi materiallarni yetkazib berishga doir kontrakt (shartnoma) nusxasi, olib kirish bir necha turkumlarda amalga oshirilgan taqdirda — tashish jadvali; Tog‘-kon sanoati va geologiya vazirligi huzuridagi Tog‘-kon sanoati va geologiya sohasini nazorat qilish inspeksiyasining olib kirilayotgan portlovchi materiallarni O‘zbekiston Respublikasida qo‘llashga doir, portlatish ishlari bajarilganda esa, portlatish ishlarini bajarishga doir ruxsatnomalarining nusxalari; olib kirilayotgan portlovchi materiallarga ular ishlab chiqarilgan davlatning vakolatli organi tomonidan berilgan muvofiqlik sertifikatining nusxasi; mahsulot ishlab chiqaruvchiga xalqaro standartlarga (ISO-9001, 9002) muvofiq berilgan mahsulot sifati sertifikatining nusxasi; avariya kartochkasining nusxasi; portlovchi materiallarni tashishga doir ruxsatnomani rasmiylashtirish uchun zarur bo‘lgan hujjatlar (mazkur bandning “g” kichik bandi); b) portlovchi materiallarni sotib olish uchun — Tog‘-kon sanoati va geologiya vazirligi huzuridagi Tog‘-kon sanoati va geologiya sohasini nazorat qilish inspeksiyasining portlovchi materiallarni sotib olishga guvohnomasining nusxasi; v) portlovchi materiallarni saqlash uchun: portlovchi materiallarni saqlash ombori pasportining nusxasi (belgilangan hollarda); portlovchi materiallarni saqlash joyini foydalanishga qabul qilish dalolatnomasining nusxasi; portlovchi materiallarni saqlash ombori pasporti mavjud bo‘lishi talab etilmagan hollarda, portlovchi materiallarni saqlash joyining sxemasi hamda sig‘imi bo‘yicha eng katta portlovchi materiallarni saqlash obyektidan havoning zarbali to‘lqini bo‘yicha hisob-kitob qilingan xavfsiz masofaga muvofiq keluvchi radiusdagi tutash hududning chizmasi ilova etiladi; portlovchi materiallarni saqlashga mo‘ljallangan ko‘chma ombor uchun ombor xizmat ko‘rsatadigan hudud ko‘rsatilgan Davlat yo‘l harakati xavfsizligi xizmati (DYHXX)ning ko‘chma omborni portlovchi materiallarni tashishga qo‘yish to‘g‘risidagi guvohnoma nusxasi taqdim etiladi; g) portlovchi materiallarni avtomobil va temir yo‘l transportida tashish uchun: yuridik shaxsning yukni tashish uchun mas’ul shaxsni hamda haydovchilar bilan instruktaj va transport vositalarini ko‘rikdan o‘tkazish uchun mas’ul shaxslarni tayinlash to‘g‘risidagi buyrug‘ining nusxasi (buyruqda yuridik shaxs xodimlarining yukning qurolli kuzatuvini ta’minlovchi ichki ishlar organlari (yoki Milliy gvardiya) xodimlari bilan hamkorlik qilish tartibi belgilanadi); yuk tashish yo‘nalishi bo‘yicha hududiy DYHXX organlari bilan kelishilgan yuk tashish sxemasining hamda transport vositasini va haydovchini portlovchi materiallarni tashishga qo‘yish to‘g‘risidagi guvohnomalar nusxalari; avval olingan va amal qilish muddati tugagan portlovchi materiallarni tashishga doir ruxsatnoma (mavjud bo‘lsa), orqa tarafida yuk tashish hujjatlarining raqami va sanasi, haqiqatda tashilgan portlovchi materiallarning turi, nomi va miqdori ko‘rsatilgan holda (qaydlar korxona rahbarining imzosi va muhri (agar bo‘lsa) bilan tasdiqlanadi); portlovchi materiallarni saqlash ombori pasportining nusxasi (belgilangan hollarda); portlovchi materiallarni saqlash joyini foydalanishga qabul qilish dalolatnomasi (portlovchi materiallarni saqlash ombori pasporti mavjud bo‘lishi talab etilmagan hollarda, portlovchi materiallarni saqlash joyining sxemasi hamda sig‘imi bo‘yicha eng katta portlovchi materiallarni saqlash obyektidan havoning zarbali to‘lqini bo‘yicha hisob-kitob qilingan xavfsiz masofaga muvofiq keluvchi radiusdagi tutash hududning chizmasi ilova etiladi); portlovchi materiallarni saqlashga mo‘ljallangan ko‘chma ombor uchun — ombor xizmat ko‘rsatadigan hudud ko‘rsatilgan DYHXXning ko‘chma omborni portlovchi materiallarni tashishga qo‘yish to‘g‘risidagi guvohnoma nusxasi; portlovchi materiallarni sotib olishga Tog‘-kon sanoati va geologiya vazirligi huzuridagi Tog‘-kon sanoati va geologiya sohasini nazorat qilish inspeksiyasi guvohnomasining nusxasi (portlovchi materiallarni ombordan omborga tashishda); portlovchi materiallar yuklangan transport vositalarni (vagonlarni) qurolli kuzatuvini ta’minlash guruhini ajratish to‘g‘risida Qoraqalpog‘iston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalarining (yoki Milliy gvardiya boshqarmalari) yoki Transport va turizm obyektlarida xavfsizlikni ta’minlash departamenti boshlig‘ining buyrug‘i. portlovchi materiallar tashishni ayni bitta yo‘nalish bo‘yicha bir necha bor takroran amalga oshirish (portlovchi materiallarni katta turkumini yetkazib berish, ularni ombordan portlatish ishlari amalga oshiriladigan joylarga tashish) zarurati tug‘ilganda, yuk tashish uchun ko‘p martalik ruxsatnoma olish asoslari keltiriladi.
6.	Arizani ko‘rib chiqish uchun to‘lanadigan yig‘im miqdori:	Yig‘im undirilmaydi
7.	Ruxsat etish xususiyatiga ega hujjat berilganligi uchun undiriladigan yig‘im:	Yig‘im undirilmaydi
8.	Arizani ko‘rib chiqish muddati:	a) 30 kun — portlovchi materiallarni O‘zbekiston Respublikasi hududiga olib kirish uchun; b) 10 kun: portlovchi materiallarni sotib olish uchun; portlovchi materiallarni saqlash uchun; portlovchi materiallarni tashish uchun
9.	Ruxsat berishga oid talab va shartlar:	Quyidagilar portlovchi materiallarning muomalasi bilan bog‘liq ishlarni amalga oshirishda ruxsat etish talablari va shartlari hisoblanadi: sanoat xavfsizligi, portlovchi materiallarni ishlab chiqarish, ulardan foydalanish, ularni saqlash va tashish, shuningdek, portlatish ishlarini bajarish sohalaridagi normativ-huquqiy va texnik jihatdan tartibga solish normativ hujjatlarining majburiy talablariga amal qilish; portlatish ishlarini bajarishda loyiha hujjatlari va loyihalarning mavjudligini ta’minlash; portlovchi materiallarni ishlab chiqarish va saqlash obyektlari qo‘riqlanishini, ularni transportda tashishda kuzatuvini ta’minlash, portlovchi materiallarni saqlash joylariga ruxsatsiz kirish va ulardan foydalanishga yo‘l qo‘ymaslikka qaratilgan rejim hamda boshqa choralarni ko‘rish; portlovchi materiallarning mavjudligi va sarfi hisobini yuritish; portlovchi materiallarning muomalasi bilan bog‘liq ishlarni amalga oshirish uchun yuridik shaxs egaligida yoki boshqa ashyoviy huquq asosida belgilangan talablarga javob beradigan moddiy-texnik bazaning (binolar, xonalar, hududlar, apparatura jihozlari, asbob-uskunalar, transport, nazorat qilish va o‘lchash vositalari, hisoblash va tashkiliy texnika vositalari) mavjudligi; shtatda belgilangan norma va qoidalar talablariga muvofiq portlovchi materiallar bilan ishlashga ruxsat berilgan tegishli malakaga ega bo‘lgan texnik xodimlarning mavjudligi; portlovchi materiallarning muomalasi bilan bog‘liq ishlarni bevosita bajaradigan xodimlarni muntazam ravishda tibbiy ko‘rikdan, shu jumladan, psixiatrik va narkologik dispanserlarning tekshiruvlaridan o‘tkazish; harakatni va (yoki) ma’lum bir faoliyat turini portlovchi materiallaring muomalasi sohasidagi ruxsat etish xususiyatiga ega hujjatlarda ko‘rsatilgan doiralarda amalga oshirish.
10.	Ruxsat etish xususiyatiga ega hujjatni berishda kelishiladigan organlar:	Mavjud emas
11.	Ruxsat etish xususiyatiga ega hujjatning amal qilish muddati:	a) 30 kungacha — portlovchi materiallarni O‘zbekiston Respublikasi hududiga olib kirish uchun; b) 6 oygacha — portlovchi materiallarni olish uchun; v) 3 yilgacha — portlovchi materiallarni saqlash uchun; g) 1 yilgacha — portlovchi materiallarni tashish uchun
12.	Izoh:	1. Qo‘pol ravishda buzish deb hisoblanadigan ruxsat berishga doir talab va shartlarga quyidagilar kiradi: ruxsat berishga doir talablar va shartlarga rioya etilishi yuzasidan vakolatli organ tomonidan belgilangan tartibda o‘tkaziladigan tekshiruvlardan bosh tortish; ruxsat etish xususiyatiga ega hujjat taqdim etilgan harakat va (yoki) ma’lum bir faoliyat turini amalga oshirish oqibatida fuqarolarning hayoti va sog‘lig‘iga hamda atrof-muhitga zarar yetkazish yoxud bunday zarar yetkazilishining real xavfini keltirib chiqarish. 2. Tog‘-kon sanoati va geologiya vazirligi huzuridagi Tog‘-kon sanoati va geologiya sohasini nazorat qilish inspeksiyasining Portlovchi moddalarni, ularni qo‘llagan holda materiallar va mahsulotlarni, shuningdek, portlatish vositalarini yaratish, ishlab chiqarish, tashish, saqlash va realizatsiya qilish faoliyati uchun litsenziyasi bekor qilinishi portlovchi materiallarni olib kirish, sotib olish, saqlash, shuningdek, avtomobil va temir yo‘l transportida tashishga doir ruxsatnomaning bekor bo‘lishiga olib keladi. 3. Tog‘-kon sanoati va geologiya vazirligi huzuridagi Tog‘-kon sanoati va geologiya sohasini nazorat qilish inspeksiyasining portlovchi materiallarni sotib olish guvohnomasi ichki ishlar organlarida portlovchi materiallarni sotib olishga doir ruxsatnoma olish uchun asos hisoblanib, ushbu guvohnomaning berilishi rad etilishi ichki ishlar organlari tomonidan portlovchi materiallarni olib kirish, sotib olish, saqlash, shuningdek, avtomobil va temir yo‘l transportida tashishga doir ruxsatnomaning berilishi rad etilishiga olib keladi. 4. Portlovchi materiallarni olib kirish, sotib olish, saqlash, shuningdek avtomobil va temir yo‘l transportida tashishga doir ma’lumotlar foydalanilishi cheklangan axborot hisoblanib, ruxsat etish hujjatini berish tartib-taomillaridan o‘tkazish jarayoni ishtirokchilari tomonidan ushbu axborotlar boshqa shaxslarga oshkor qilinishi taqiqlanadi. Ushbu ma’lumotlarni o‘z ichiga olgan ruxsat etish xususiyatiga ega hujjatlar reyestri bilan o‘zga shaxslarning tanishishiga va yuklanishiga yo‘l qo‘yilmaydi. * Vakolatli organlar tomonidan zarur hujjatlar va axborotlar mustaqil ravishda olinadi.
		”;.

23. Vazirlar Mahkamasining “Xorijiy va mahalliy investorlarning investitsiya loyihalari tashqi infratuzilmasini yaratish xarajatlarini davlat tomonidan qoplab berish tartibi to‘g‘risidagi nizomni tasdiqlash haqida” 2022-yil 7-iyundagi 306-son qarorida:

a) 1-bandning “a” kichik bandi o‘z kuchini yo‘qotgan deb hisoblansin;

b) 2-bandda:

uchinchi xatboshidagi “Maxsus komissiyaga” so‘zlari “Iqtisodiyot va moliya vazirligiga” so‘zlari bilan almashtirilsin;

beshinchi va oltinchi xatboshilar quyidagi tahrirda bayon etilsin:

“ta’minotchi korxonalar bilan birgalikda taqdim etilgan hujjatlar (investitsiya loyihasining texnik iqtisodiy asoslari (TIA) hamda zaruratga ko‘ra boshqa hujjatlar) asosida investitsiya loyihasining tashqi infratuzilma xarajatlari uchun talab etiladigan mablag‘larini dastlabki hisob-kitoblarini amalga oshirish;

investitsiya loyihasi qiymatining 50 foizi miqdorida qurilish-montaj ishlari bajarilganligini tasdiqlash hamda loyihani infratuzilma bilan ta’minlash ishlarini Ijtimoiy va ishlab chiqarish infratuzilmasini rivojlantirish dasturiga belgilangan tartibda kiritish yuzasidan takliflarni Iqtisodiyot va moliya vazirligiga taqdim etish”;

v) 4-bandda:

ikkinchi xatboshidagi “Iqtisodiy taraqqiyot va kambag‘allikni qisqartirish vazirligining” so‘zlari “Iqtisodiyot va moliya vazirligining” so‘zlari bilan almashtirilsin;

to‘rtinchi xatboshidagi “Maxsus komissiyaga” so‘zlari “Iqtisodiyot va moliya vazirligiga” so‘zlari bilan almashtirilsin;

oltinchi xatboshi quyidagi tahrirda bayon etilsin:

“Vazirlar Mahkamasining Rayosati majlisida har yili 1-iyulga qadar ma’qullangan investitsiya loyihalari Iqtisodiyot va moliya vazirligi tomonidan investitsiya loyihalarini zarur tashqi muhandislik-kommunikatsiya tarmoqlari uchun zarur mablag‘larni kelgusi yillar O‘zbekiston Respublikasi ijtimoiy va ishlab chiqarish infratuzilmasini rivojlantirish dasturlarida nazarda tutiladi”;

g) 1-ilovaning matni quyidagi tahrirda bayon etilsin:

“Investitsiya loyihasining tashqi muhandislik-kommunikatsiya infratuzilmasi bilan ta’minlanishining iqtisodiy-moliyaviy samaradorligini baholash va uni amalga oshirishni maqsadga muvofiqligini belgilash hamda infratuzilma xarajatlari uchun talab etiladigan mablag‘larning dastlabki hisob-kitoblarini amalga oshirish bo‘yicha ishchi guruhning namunaviy

TARKIBI

1.	Lavozimi bo‘yicha	—	Qoraqalpog‘iston Respublikasi Vazirlar Kengashi Raisining, viloyatlar va Toshkent shahar hokimlarining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosarlari — Qoraqalpog‘iston Respublikasi Iqtisodiyot va moliya vaziri, viloyatlar va Toshkent shahar iqtisodiyot va moliya bosh boshqarmasi boshlig‘i, ishchi guruh rahbari
2.	Lavozimi bo‘yicha	—	Qoraqalpog‘iston Respublikasi Vazirlar Kengashi Raisining, viloyatlar va Toshkent shahar hokimlarining investitsiyalar va tashqi savdo masalalari bo‘yicha o‘rinbosarlari, ishchi guruh rahbarining o‘rinbosari
3.	Lavozimi bo‘yicha	—	Iqtisodiyot va moliya vazirligi huzuridagi Kadastr agentligining hududiy boshqarmasi boshlig‘i
4.	Lavozimi bo‘yicha	—	Qurilish va uy-joy kommunal xo‘jaligi vazirligining hududiy boshqarmasi boshlig‘i
5.	Lavozimi bo‘yicha	—	Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiniring kompaniyasi direktorlari
6.	Lavozimi bo‘yicha	—	“Hududiy elektr tarmoqlari” AJning hududiy filiali boshlig‘i
7.	Lavozimi bo‘yicha	—	“Hududgazta’minot” AJning hududiy filiali boshlig‘i
8.	Lavozimi bo‘yicha	—	“Mintaqaviy yo‘llarga buyurtmachi xizmati” DUKning hududiy filiali boshlig‘i
9.	Lavozimi bo‘yicha	—	“Suvta’minot” AJning hududiy filiali boshlig‘i
10.	Lavozimi bo‘yicha	—	“O‘ztransgaz” AJning hududiy boshqarmasi boshlig‘i
11.	Lavozimi bo‘yicha	—	“O‘zbekiston milliy elektr tarmoqlari” AJ hududiy filiali boshlig‘i

Izoh. Iqtisodiyot va moliya vazirligining hududiy boshqarmalari ishchi guruhlarning ishchi organi hisoblanadi”;

d) 2-ilovada:

2-bandda:

beshinchi va oltinchi xatboshilar chiqarib tashlansin;

yettinchi va sakkizinchi xatboshilar tegishlicha beshinchi va oltinchi xatboshilar deb hisoblansin;

3-band quyidagi mazmundagi beshinchi va oltinchi xatboshilar bilan to‘ldirilsin:

“Qiymati 200 milliard so‘mdan oshadigan investitsiya loyihalarini tashqi muhandislik-kommunikatsiya tarmoqlari bilan ta’minlash bilan bog‘liq xarajatlar ushbu loyihalar qiymatining 10 foizi miqdorida Davlat budjeti hisobidan qoplab beriladi.

Bunda tashqi muhandislik-kommunikatsiya tarmoqlari bilan ta’minlash xarajatlarining loyiha qiymatini 10 foizidan oshadigan qismi talabgorlar hisobidan moliyalashtiriladi”;

7-banddagi “Iqtisodiy taraqqiyot va kambag‘allikni qisqartirish vazirligi” so‘zlari “Iqtisodiyot va moliya vazirligi” so‘zlari bilan almashtirilsin”;

8-bandda:

uchinchi xatboshi chiqarib tashlansin;

to‘rtinchi — yettinchi xatboshilar tegishlicha uchinchi — oltinchi xatboshilar deb hisoblansin hamda uchinchi xatboshi quyidagi tahrirda bayon etilsin;

“investitsiya loyihasini amalga oshirish va ishlab chiqarish barqaror ishlashi uchun muhandislik-kommunikatsiya ta’minoti vositalarining (ichimlik suvi va oqova suv, elektr energiyasi, tabiiy gaz va aloqa tarmoqlari hamda kirish avtomobil yo‘llari) zarur miqdorlari va parametrlari hamda davlat tomonidan qoplab beriladigan zarur tashqi infratuzilma xarajatlari investitsiya loyihasi qiymatining 10 foizidan oshmasligi. Bunda tashqi infratuzilmaning dastlabki parametrlari (texnik sharti va dastlabki qiymatining hisob-kitobi) belgilangan tartibda tegishli ta’minotchi korxonalar tomonidan ishlab chiqiladi va loyiha tashabbuskoriga taqdim qilinadi”;

11-bandning beshinchi xatboshisi quyidagi mazmundagi jumla bilan to‘ldirilsin:

“Bunda ishlab chiqarish rejalashtirilayotgan mahsulotning kamida 30 foizini eksportga yo‘naltirish belgilanganligi”;

12-band quyidagi tahrirda bayon etilsin:

“12. Ishchi guruhlar 12 kun muddatda talabgorlar tomonidan investitsiya loyihasini yangidan boshlash va amalga oshirish bo‘yicha taqdim etilgan hujjatlarni ko‘rib chiqadilar, ularni amalga oshirish, joylashtirish va maqsadga muvofiqligini belgilash yuzasidan tegishli xulosani tayyorlaydilar, tashabbuskor hamda Iqtisodiyot va moliya vazirligiga taqdim etadilar.

Bunda taqdim etilgan hujjatlarda aniq asoslantirilgan kamchilik va xatolar aniqlangan taqdirda, 5 kun ichida ularni tuzatish, bartaraf etish va qayta kiritish uchun hujjatlar talabgorga qaytariladi”;

16, 30 va 38-bandlardagi “Maxsus komissiyaga” so‘zlari “Iqtisodiyot va moliya vazirligiga” so‘zlari bilan almashtirilsin;

17 va 18-bandlar quyidagi tahrirda bayon etilsin:

“17. Taqdim etilgan ma’lumotlar Iqtisodiyot va moliya vazirligi tomonidan ko‘rib chiqilib, O‘zbekiston Respublikasi Davlat budjetidan mablag‘ talab etiladigan investitsiya loyihalari uchun zarur tashqi infratuzilma xarajatlarini amalga oshirish bo‘yicha Vazirlar Mahkamasi Rayosatining majlisiga taklif kiritadi.

Vazirlar Mahkamasi Rayosati majlisining qarori mavjud bo‘lmagan investitsiya loyihalari bo‘yicha O‘zbekiston Respublikasi Davlat budjetidan mablag‘ ajratilmaydi.

18. Investitsiya loyihasi bo‘yicha kelgusi yillarda zarur tashqi infratuzilma xarajatlari bo‘yicha amalga oshiriladigan loyihalar Vazirlar Mahkamasi Rayosati majlisi qaroriga ko‘ra belgilangan tartibda tegishli yilning O‘zbekiston Respublikasi ijtimoiy va ishlab chiqarish infratuzilmasini rivojlantirish dasturi va O‘zbekiston Respublikasi Davlat budjeti parametrlarida nazarda tutiladi”;

19-bandda:

birinchi xatboshi quyidagi tahrirda bayon etilsin:

“19. Talabgorlar tomonidan investitsiya loyihasini (ishga tushirish bosqichida) amalga oshirish davrida tashqi muhandislik-kommunikatsiya tarmoqlari bilan ta’minlash talabi mavjud bo‘lishiga qarab, Ishchi guruhga tashqi infratuzilma xarajatlari uchun mablag‘lar ajratish to‘g‘risida ariza quyidagi hujjatlar bilan birgalikda taqdim etiladi:”;

ikkinchi xatboshi “shartnomasi” so‘zidan keyin “(agar mavjud bo‘lsa)” so‘zlari bilan to‘ldirilsin;

to‘rtinchi xatboshi quyidagi tahrirda bayon etilsin:

“Markazning investitsiya loyihasiga berilgan ijobiy xulosasi”;

20-band o‘z kuchini yo‘qotgan deb hisoblansin;

21-banddagi “3 kun” so‘zlari “ikki kun” so‘zlari bilan almashtirilsin;

23-banddagi “besh kun” so‘zlari “uch kun” so‘zlari bilan almashtirilsin;

24-band quyidagi tahrirda bayon etilsin:

“24. Ishchi guruhlar zaruratga ko‘ra har oyda tashqi infratuzilma xarajatlari davlat tomonidan ajratib beriladigan investitsiya loyihalarning ro‘yxatini tuzadi. Bunda investitsiya loyihasi bo‘yicha ishchi guruhlarning ijobiy xulosasi talab etiladigan mablag‘lar miqdori hamda mablag‘lar ajratish yuzasidan talabnomalar ko‘rsatilgan holda Iqtisodiyot va moliya vazirligiga taqdim etiladi”;

28-banddagi “Moliya vazirligi” so‘zlari “Iqtisodiyot va moliya vazirligi” so‘zlari bilan almashtirilsin;

29-band quyidagi tahrirda bayon etilsin:

“29. Ichimlik suvi va oqova suv tarmoqlarini va kirish avtomobil yo‘llarini qurish ishlari uchun mablag‘lar belgilangan tartibda tasdiqlangan manzilli ro‘yxatlarga muvofiq pudrat (loyiha) korxonalariga ajratiladi.

Bunda kirish avtomobil yo‘llarini qurish, rekonstruksiya qilish va ta’mirlash ishlari Qoraqalpog‘iston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmalari huzuridagi avtomobil yo‘llarini rivojlantirish jamg‘armasi orqali moliyalashtiriladi”;

6-bob o‘z kuchini yo‘qotgan deb hisoblansin;

39-banddan “O‘zbekiston Respublikasi Moliya vazirligi huzuridagi” so‘zlari chiqarib tashlansin;

1-ilova matni quyidagi tahrirda bayon etilsin:

“Investitsiya loyihasining ishlab chiqarish maydonigacha tashqi infratuzilma xarajatlarini qoplab berish

SXEMASI

Bosqichlar	Subyektlar	Tadbirlar	Bajarish muddatlari

1-bosqich	Talabgorlar*	Investitsiya loyihalarining qiymati va infratuzilma bilan ta’minlash uchun zarur xarajatlarning mutanosibligini ekspertiza qilish uchun Iqtisodiyot va moliya vazirligi huzuridagi “Loyihalar va import kontraktlarni kompleks ekspertiza qilish markazi” DUKga murojaat qiladi	zaruratga ko‘ra

2-bosqich	“Loyihalar va import kontraktlarni kompleks ekspertiza qilish markazi” DUK	Taqdim etilgan hujjatlarni mazkur Nizomning 8-bandida keltirilgan talablarga muvofiq yoki muvofiq emasligi nuqtai nazaridan ekspertiza qiladi va talabgorga tegishli xulosani yuboradi.	15 kun muddatda

3-bosqich	Talabgorlar*	Ishchi guruhga investitsiya loyihasining texnik-iqtisodiy asoslari, Markazning investitsiya loyihasiga berilgan ijobiy xulosasi hamda ushbu Nizomga 2-ilovaga muvofiq shaklda ariza taqdim etadi.	Belgilangan muddatlarda

4-bosqich	Ishchi guruhlar**	Talabgorlar tomonidan investitsiya loyihasini yangidan boshlash va amalga oshirish bo‘yicha taqdim etilgan hujjatlarni ko‘rib chiqadi, ularni amalga oshirish, joylashtirish va maqsadga muvofiqligini belgilash yuzasidan tegishli xulosani tayyorlaydi hamda Iqtisodiyot va moliya vazirligiga taqdim etadilar. Bunda taqdim etilgan hujjatlarda kamchilik va xatolar aniqlangan taqdirda, ularni tuzatish, bartaraf etish va qayta kiritish uchun hujjatlarni talabgorga qaytarishi mumkin.	12 kun muddatda

5-bosqich	Iqtisodiyot va moliya vazirligi	Taqdim etilgan ma’lumotlarni ko‘rib chiqib, O‘zbekiston Respublikasi Davlat budjetidan mablag‘ talab etiladigan investitsiya loyihalari uchun zarur tashqi infratuzilma xarajatlarini amalga oshirish bo‘yicha Vazirlar Mahkamasi Rayosatining yig‘ilishiga taklif kiritadi.	5 kun muddatda

Izoh.

* Investorning qiymati 200 milliard so‘mdan, Qoraqalpog‘iston Respublikasi va Xorazm viloyati uchun esa kamida 50 milliard so‘mdan oshadigan, shundan uning o‘z mablag‘lari ulushi 25 foizdan kam bo‘lmagan, investitsiya dasturlariga kiritilgan loyihalarini amalga oshiruvchi xorijiy va mahalliy investorlar.

** Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining birinchi o‘rinbosarlari rahbarligida investitsiya loyihasining tashqi muhandislik-kommunikatsiya infratuzilmasi bilan ta’minlanishining iqtisodiy-moliyaviy samaradorligini baholash va uni amalga oshirishni maqsadga muvofiqligini belgilash hamda infratuzilma xarajatlari uchun talab etiladigan mablag‘larning dastlabki hisob-kitoblarni amalga oshiruvchi hududiy ishchi guruh”.

24. Vazirlar Mahkamasining 2023-yil 30-oktabrdagi 578-son qarori bilan tasdiqlangan Yer resurslarining holati bo‘yicha milliy hisobotni yuritish tartibi to‘g‘risidagi nizomning 11-bandida:

to‘qqizinchi xatboshi quyidagi tahrirda bayon etilsin:

“01.7 — shaxsiy tomorqa yerlari:”;

quyidagi mazmundagi o‘ninchi va o‘n birinchi xatboshilar bilan to‘ldirilsin:

“01.7.1 — qishloq xo‘jaligi mahsulotlarini yetishtirish maqsadidagi shaxsiy tomorqa yerlari;

01.7.2 — yakka tartibda uy-joy qurish va uy-joyni obodonlashtirish maqsadidagi shaxsiy tomorqa yerlari”;

o‘ninchi — o‘n ikkinchi xatboshilar tegishlicha o‘n ikkinchi — o‘n to‘rtinchi xatboshilar deb hisoblansin.

25. Vazirlar Mahkamasining “Davlat mulkini ijaraga berish tartibini yanada takomillashtirish to‘g‘risida” 2023-yil 14-dekabrdagi 660-son qarorida:

a) 5-band quyidagi tahrirda bayon etilsin:

“5. Belgilansinki, bir yildan kam bo‘lmagan muddatga tuzilgan davlat ko‘chmas mulkini ijaraga berish shartnomasi asosida yuzaga kelgan ijara huquqi Davaktiv agentligi hamda Iqtisodiyot va moliya vazirligi huzuridagi Kadastr agentligi o‘rtasida o‘zaro elektron axborot almashinuvi orqali davlat ro‘yxatidan o‘tkaziladi.

Bunda ijara huquqini davlat ro‘yxatidan o‘tkazganlik uchun to‘lovlar ijaraga oluvchi tomonidan qoplanadi”;

b) 1-ilovaning 39-bandi birinchi xatboshisidagi “37-bandida” so‘zlari “35-bandida” so‘zlari bilan almashtirilsin.

26. Vazirlar Mahkamasining 2023-yil 29-dekabrdagi 722-son qarori bilan tasdiqlangan Tovarlarga (ishlar, xizmatlarga) tartibga solinadigan narxlarni (tariflarni) shakllantirish, deklaratsiya qilish (tasdiqlash) va belgilash hamda ularning qo‘llanishini davlat tomonidan nazorat qilish, shuningdek, tovar va moliya bozorida sotiladigan tovarlarning (ishlar, xizmatlarning) monopol yuqori va monopol past narxlarini aniqlash tartibi to‘g‘risidagi nizomning 3-bandi oltinchi xatboshisi quyidagi tahrirda bayon etilsin:

27. Vazirlar Mahkamasining 2024-yil 11-yanvardagi 23-son qarori bilan tasdiqlangan O‘zbekiston Respublikasi Davlat aktivlarini boshqarish agentligi huzuridagi Davlat mulki obyektlaridan samarali foydalanish markazi to‘g‘risidagi nizomda:

a) 10-bandda:

uchinchi xatboshi quyidagi tahrirda bayon etilsin:

“davlat mulki obyektlaridan samarali foydalanish, shu jumladan, bo‘sh turgan davlat mulki obyektlarini saqlash va ijaraga berishni tashkil etish”;

oltinchi xatboshidan “bo‘sh turgan” so‘zlari chiqarib tashlansin;

b) 11-bandda:

“a” kichik bandda:

birinchi va uchinchi xatboshilardan “bo‘sh turgan” so‘zlari chiqarib tashlansin;

ikkinchi xatboshi quyidagi tahrirda bayon etilsin:

“davlat mulki obyektlarini xatlovdan o‘tkazgan holda, hududlarda bo‘sh turgan davlat mulki obyektlarini aniqlaydi va xatlov ishlarini muvofiqlashtiradi”;

sakkizinchi xatboshi “bo‘sh turgan” so‘zlaridan oldin “davlat mulki obyektlari, shu jumladan” so‘zlari bilan to‘ldirilsin;

“v” kichik bandning uchinchi xatboshisi “ijaraga” so‘zidan keyin “va tekin foydalanishga” so‘zlari bilan to‘ldirilsin;

“d” kichik bandda:

birinchi va uchinchi xatboshilardan “bo‘sh turgan” so‘zlari chiqarib tashlansin;

ikkinchi xatboshi quyidagi tahrirda bayon etilsin:

“davlat mulki obyektlaridan samarali yoki maqsadsiz foydalanilayotganligini tekshirish bo‘yicha belgilangan tartibda joylarga chiqilishini tashkil etadi”;

quyidagi mazmundagi to‘rtinchi va beshinchi xatboshilar bilan to‘ldirilsin:

“respublika va mahalliy ijro etuvchi hokimiyat organlarining ma’muriy binolarida xodimlarni joylashtirish me’yorlariga asosan ma’muriy binolarni o‘rganadi, tahlil qiladi va ulardan samarali foydalanish choralarini ko‘radi;

bo‘sh turgan va maqsadsiz foydalanilayotgan davlat mulki obyektlaridan samarali foydalanish bo‘yicha takliflarni ishlab chiqadi va Davaktiv agentligiga taqdim etadi”;

v) 12-banddan “bo‘sh turgan” so‘zlari chiqarib tashlansin;

g) 13-bandda:

to‘rtinchi xatboshi “bo‘sh turgan” so‘zlaridan oldin “davlat mulki obyektlaridan, shu jumladan” so‘zlari bilan to‘ldirilsin;

quyidagi mazmundagi o‘ninchi va o‘n birinchi xatboshilar bilan to‘ldirilsin:

“foydalanilmayotgan yoki maqsadsiz foydalanilayotgan davlat mulki obyektlarini olib qo‘yish choralarini ko‘rish;

o‘ziga yuklangan vazifalarni amalga oshirish, shuningdek, balansiga qabul qilingan davlat mulki obyektlarini but saqlash maqsadida davlat xaridlari tizimida belgilangan tartibda tuzilgan fuqarolik-huquqiy tusga ega shartnomalar asosida jismoniy shaxslarni jalb qilish”;

o‘ninchi xatboshi o‘n ikkinchi xatboshi deb hisoblansin;

d) 15-bandda:

quyidagi mazmundagi sakkizinchi xatboshi bilan to‘ldirilsin:

“o‘ziga yuklangan vazifalarni amalga oshirish, shuningdek, balansiga qabul qilingan davlat mulki obyektlarini but saqlash maqsadida davlat xaridlari tizimida belgilangan tartibda tuzilgan fuqarolik-huquqiy tusga ega shartnomalar asosida jismoniy shaxslarni jalb qilish”;

sakkizinchi — o‘n birinchi xatboshilar tegishlicha to‘qqizinchi — o‘n ikkinchi xatboshilar deb hisoblansin;

e) 39-bandda:

birinchi xatboshidan “va hududiy boshqarmalar” so‘zlari chiqarib tashlansin;

uchinchi xatboshi “Hududiy boshqarmalar daromadlari va xarajatlari smetasi, shuningdek, shtatlar jadvali” so‘zlaridan keyin “hududiy boshqarma boshlig‘i tomonidan tasdiqlanadi va” so‘zlari bilan to‘ldirilsin;

j) 43-banddan “bo‘sh turgan” so‘zlari chiqarib tashlansin.

Oldingi tahrirga qarang.

(28-band O‘zbekiston Respublikasi Vazirlar Mahkamasining 2025-yil 1-dekabrdagi 754-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 02.12.2025-y., 09/25/754/1119-son)

29. Vazirlar Mahkamasining 2024-yil 1-maydagi 256-son qarori bilan tasdiqlangan Xo‘jalik yurituvchi subyektlarni tabiiy monopoliya subyekti sifatida e’tirof etish tartibi to‘g‘risidagi nizomda:

a) 2-bandning ikkinchi xatboshisidagi “asosiy faoliyati hisoblangan” so‘zlari “bo‘yicha faoliyatni asosiy faoliyat turi sifatida amalga oshiradigan” so‘zlari bilan almashtirilsin;

b) 15-band quyidagi mazmundagi to‘rtinchi xatboshi bilan to‘ldirilsin:

“tabiiy monopoliya sharoitlarida tovarlarni ishlab chiqarish va (yoki) realizatsiya qilish bo‘yicha faoliyati asosiy faoliyat turi bo‘lmaganda”.

30. Vazirlar Mahkamasining “Jizzax viloyatida mavjud zaxira va imkoniyatlarni ishga solish orqali aholi daromadlari hamda bandligini oshirish, tadbirkorlik faoliyatini qo‘llab-quvvatlash bo‘yicha qo‘shimcha chora-tadbirlar to‘g‘risida” 2024-yil 24-iyundagi 347-son qarorida:

a) 6-bandning “b” kichik bandida:

uchinchi xatboshidan “zarur hollarda normativ-huquqiy hujjat loyihalarini ishlab chiqadi” so‘zlari chiqarib tashlansin;

quyidagi mazmundagi to‘rtinchi xatboshi bilan to‘ldirilsin:

“zaruratga ko‘ra ushbu qaror bilan tasdiqlangan ilovalarga Jizzax viloyatida aholi daromadlari va bandligini oshirish bo‘yicha respublika ishchi guruhining asoslantirilgan takliflariga muvofiq tegishli o‘zgartirish va qo‘shimchalar kiritib boradi”;

b) 7-bandning birinchi xatboshisidagi “Jizzax viloyati hokimi E.A. Saliyev” so‘zlari “Jizzax viloyati hokimi v.b. U.M. Mustafoyev” so‘zlari bilan almashtirilsin.

31. Vazirlar Mahkamasining “O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi faoliyatini tashkil etish to‘g‘risida” 2025-yil 29-yanvardagi 48-son qaroriga 2-ilovada:

a) 11, 19, 31, 57 va 69-bandlar o‘z kuchini yo‘qotgan deb hisoblansin;

b) 68-bandda:

“b”, “g”, “e” va “j” kichik bandlar o‘z kuchini yo‘qotgan deb hisoblansin;

“d” kichik banddan “5-pozitsiyasi “v” bandi va” so‘zlari chiqarib tashlansin;

v) 70-bandning “a” kichik bandi o‘z kuchini yo‘qotgan deb hisoblansin.

Vazirlar Mahkamasining 2025-yil 7-fevraldagi 67-son qaroriga
2-ILOVA

O‘zbekiston Respublikasi Hukumatining o‘z kuchini yo‘qotgan deb hisoblanayotgan ayrim qarorlari

RO‘YXATI

1. Vazirlar Mahkamasining “Savdo va xizmat ko‘rsatish sohasi obyektlarini ular joylashgan yer maydonlari bilan birgalikda hamda yer maydonlarini meros qilib qoldirish sharti bilan umrbod egalik qilish uchun xususiy mulk sifatida sotish tartibi to‘g‘risida” 1995-yil 11-apreldagi 126-son qarori.

2. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish va ayrimlarini o‘z kuchini yo‘qotgan deb hisoblash to‘g‘risida” 1999-yil 30-apreldagi 202-son qaroriga 1-ilovaning 8-bandi.

3. Vazirlar Mahkamasining “Qishloq xo‘jaligi ishlab chiqarishida shartnomaviy munosabatlarni takomillashtirish va majburiyatlar bajarilishi uchun tomonlarning javobgarligini oshirish chora-tadbirlari to‘g‘risida” 2003-yil 4-sentabrdagi 383-son qarori.

4. Vazirlar Mahkamasining “2004 — 2006-yillarda fermer xo‘jaliklarini rivojlantirish konsepsiyasini amalga oshirish chora-tadbirlari to‘g‘risida” 2003-yil 30-oktabrdagi 476-son qarorining 1-bandi, 2-bandning uchinchi xatboshisi, 4-bandning to‘rtinchi xatboshisi hamda qarorga 1 — 3, 5 va 10-ilovalar.

5. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida” 2004-yil 16-avgustdagi 397-son qaroriga ilovaning 7-bandi.

6. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida” 2005-yil 26-maydagi 133-son qarori.

7. Vazirlar Mahkamasining “Qishloq xo‘jaligi mahsulotlari yetishtiruvchilar bilan tayyorlov, xizmat ko‘rsatish tashkilotlari o‘rtasida shartnomalar tuzish, ularni ro‘yxatdan o‘tkazish, bajarish, shuningdek ularning bajarilishi monitoringini olib borish tartibi to‘g‘risidagi nizomga o‘zgartirish va qo‘shimchalar kiritish haqida” 2011-yil 30-iyundagi 193-son qarori.

8. Vazirlar Mahkamasining “Hosildorligi past bo‘lgan yerlarda davlat ehtiyojlari uchun paxta xom ashyosi yetishtiruvchi qishloq xo‘jaligi korxonalarini moliyaviy qo‘llab-quvvatlash tartibi to‘g‘risidagi nizomni tasdiqlash haqida” 2012-yil 11-apreldagi 106-son qarori.

9. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘zbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari to‘g‘risida” 2012-yil 22-oktabrdagi PF-4478-son Farmoni)” 2012-yil 29-dekabrdagi 369-son qaroriga 1-ilovaning 7-bandi.

10. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish hamda ba’zilarini o‘z kuchini yo‘qotgan deb hisoblash to‘g‘risida (“O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida” O‘zbekiston Respublikasining 2013-yil 30-apreldagi O‘RQ-352-son Qonuni)” 2014-yil 3-martdagi 45-son qaroriga 1-ilovaning 13-bandi hamda 16-bandining “a” kichik bandi.

11. Vazirlar Mahkamasining “Fermer xo‘jaliklarini yuritish uchun berilgan yer uchastkalari maydonlarini maqbullashtirish chora-tadbirlari to‘g‘risida” 2015-yil 15-dekabrdagi 362-son qarorining 4-bandi.

12. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘zpaxtasanoateksport” xolding kompaniyasini tashkil etish to‘g‘risida” 2015-yil 27-oktabrdagi PF-4761-son Farmoni va O‘zbekiston Respublikasi Prezidentining “O‘zpaxtasanoateksport” xolding kompaniyasi faoliyatini tashkil etish chora-tadbirlari to‘g‘risida” 2015-yil 28-oktabrdagi PQ-2422-son qarori)” 2015-yil 25-dekabrdagi 372-son qaroriga 1-ilovaning 16-bandi.

13. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasining “O‘zbekiston Respublikasining Budjet kodeksini tasdiqlash to‘g‘risida” 2013-yil 26-dekabrdagi O‘RQ-360-son hamda “Soliq va budjet siyosatining 2016-yilga mo‘ljallangan asosiy yo‘nalishlari qabul qilinganligi munosabati bilan O‘zbekiston Respublikasining Soliq kodeksiga o‘zgartish va qo‘shimchalar kiritish to‘g‘risida” 2015-yil 31-dekabrdagi O‘RQ-398-son qonunlari)” 2016-yil 26-apreldagi 122-son qaroriga 1-ilovaning 116-bandi.

14. Vazirlar Mahkamasining “Qishloq xo‘jaligi mahsulotlari yetishtiruvchilar bilan tayyorlov, xizmat ko‘rsatish tashkilotlari o‘rtasida shartnomalar tuzish, ularni ro‘yxatdan o‘tkazish, bajarish, shuningdek ularning bajarilishi monitoringini olib borish tartibi to‘g‘risidagi nizomga qo‘shimcha va o‘zgartirishlar kiritish haqida” 2016-yil 28-apreldagi 128-son qarori.

15. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida (O‘zbekiston Respublikasi Prezidentining “Fermer, dehqon xo‘jaliklari va tomorqa yer egalarining huquqlari va qonuniy manfaatlarini himoya qilish, qishloq xo‘jaligi ekin maydonlaridan samarali foydalanish tizimini tubdan takomillashtirish chora-tadbirlari to‘g‘risida” 2017-yil 9-oktabrdagi PF-5199-son Farmoni)” 2017-yil 26-dekabrdagi 1021-son qaroriga ilovaning 6-bandi.

16. Vazirlar Mahkamasining “Fermer xo‘jaliklarining yer uchastkalaridan yanada samarali foydalanish va qo‘shimcha daromad olishni tashkil qilish chora-tadbirlari to‘g‘risida” 2018-yil 14-yanvardagi 25-son qarori.

17. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (“O‘zbekiston Respublikasining ayrim qonun hujjatlariga o‘zgartish va qo‘shimchalar kiritish, shuningdek, ayrim qonun hujjatlarini o‘z kuchini yo‘qotgan deb topish to‘g‘risida” 2017-yil 14-sentabrdagi O‘RQ-446-son O‘zbekiston Respublikasining Qonuni)” 2018-yil 19-yanvardagi 34-son qaroriga 1-ilovaning 18-bandi.

18. Vazirlar Mahkamasining “Paxta-to‘qimachilik ishlab chiqarishini tashkil etishning zamonaviy shakllarini joriy etish chora-tadbirlari to‘g‘risida” 2018-yil 25-yanvardagi 53-son qarorining 13-bandi hamda qarorga 3-ilova.

19. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zi qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘zbekiston Respublikasi Prezidentining ayrim hujjatlarini o‘z kuchini yo‘qotgan deb hisoblash to‘g‘risida” 2017-yil 17-oktabrdagi PF-5206-son Farmoni va O‘zbekiston Respublikasi Prezidentining “Paxtachilik tarmog‘ini boshqarish tizimini tubdan takomillashtirish chora-tadbirlari to‘g‘risida” 2017-yil 28-noyabrdagi PQ-3408-son qarori)” 2018-yil 15-fevraldagi 121-son qaroriga 2-ilovaning 5-bandi.

20. Vazirlar Mahkamasining “Davlat mulki obyektlaridan samarali foydalanishni ta’minlash chora-tadbirlari to‘g‘risida” 2018-yil 31-martdagi 254-son qaroriga 1-ilova rus tilidagi matnining 16-pozitsiyasi.

21. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash haqida (O‘zbekiston Respublikasi Prezidentining “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to‘g‘risida” 2018-yil 13-apreldagi PF-5415-son Farmoni va O‘zbekiston Respublikasi Prezidentining “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida” 2018-yil 13-apreldagi PQ-3666-son qarori)” 2018-yil 9-avgustdagi 638-son qaroriga ilovaning 3-bandi.

22. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining “Fermer, dehqon xo‘jaliklari va tomorqa yer egalari faoliyatini takomillashtirish bo‘yicha qo‘shimcha chora-tadbirlar to‘g‘risida” 2018-yil 26-apreldagi PQ-3680-son qarori)” 2018-yil 13-avgustdagi 652-son qaroriga ilovaning 2-bandi.

23. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining “Qishloq va suv xo‘jaligi davlat boshqaruvi tizimini tubdan takomillashtirish chora-tadbirlari to‘g‘risida” 2018-yil 17-apreldagi PF-5418-son Farmoni, O‘zbekiston Respublikasi Prezidentining “O‘zbekiston Respublikasi Qishloq xo‘jaligi vazirligi faoliyatini tashkil etish chora-tadbirlari to‘g‘risida” 2018-yil 17-apreldagi PQ-3671-son qarori, “O‘zbekiston Respublikasi Suv xo‘jaligi vazirligi faoliyatini tashkil etish chora-tadbirlari to‘g‘risida” 2018-yil 17-apreldagi PQ-3672-son qarori)” 2018-yil 7-dekabrdagi 995-son qaroriga 1-ilovaning 29-bandi, 31-bandning “v” kichik bandi, 67 va 133-bandlari hamda 2-ilovaning 9-bandi.

24. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining “Mamlakatni ijtimoiy-iqtisodiy rivojlantirishning strategik vazifalari amalga oshirilishi samaradorligi uchun O‘zbekiston Respublikasi Vazirlar Mahkamasining mas’uliyatini oshirishga doir birinchi navbatdagi chora-tadbirlar to‘g‘risida” 2019-yil 28-yanvardagi PF-5644-son, “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida” 2019-yil 1-fevraldagi PF-5650-son farmonlari va O‘zbekiston Respublikasi Prezidentining “O‘zbekiston Respublikasi Hukumati ishini tashkil etishning sifat jihatidan yangi tizimini joriy etish to‘g‘risida” 2019-yil 28-yanvardagi PQ-4136-son qarori)” 2019-yil 13-maydagi 397-son qaroriga ilovaning 80-bandi.

25. Vazirlar Mahkamasining “Sholichilik ilmiy-tadqiqot instituti Xorazm filialini tashkil etish to‘g‘risida” 2019-yil 17-apreldagi 327-son qarorining 4-bandi uchinchi xatboshisi hamda qarorga 2-ilova.

26. Vazirlar Mahkamasining “O‘zbekiston Respublikasi Qishloq xo‘jaligi vazirligi huzuridagi Urug‘chilikni rivojlantirish markazi faoliyatini yanada takomillashtirish chora-tadbirlari to‘g‘risida” 2019-yil 5-sentabrdagi 733-son qarorining 2-bandi to‘rtinchi xatboshisi hamda qarorga 3-ilova.

27. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida (O‘zbekiston Respublikasi Prezidentining “Mehnatga haq to‘lash, pensiyalar va boshqa to‘lovlar miqdorlarini aniqlash tartibini takomillashtirish to‘g‘risida” 2019-yil 21-maydagi PF-5723-son Farmoni)” 2019-yil 28-dekabrdagi 1046-son qaroriga ilovaning 41-bandi.

28. Vazirlar Mahkamasining “Fuqaroviy va xizmat qurolini hamda uning o‘q-dorilarini ishlab chiqarish, ta’mirlash va realizatsiya qilish bo‘yicha faoliyatni litsenziyalash tartibi to‘g‘risidagi nizomni tasdiqlash haqida” 2020-yil 11-martdagi 138-son qarori.

29. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (“Davlat boji to‘g‘risida”gi O‘zbekiston Respublikasi Qonuni)” 2020-yil 16-iyundagi 384-son qaroriga 2-ilovaning 19-bandi.

30. Vazirlar Mahkamasining “Qurol muomalasi sohasida ruxsat berish tartib-taomillarini takomillashtirishga doir qo‘shimcha chora-tadbirlar to‘g‘risida” 2020-yil 26-dekabrdagi 810-son qarorining 1-bandi, qarorga 1 va 2-ilovalar, qarorga 3-ilovaning 14 va 31-bandlari.

31. Vazirlar Mahkamasining “Kambag‘al va ishsiz fuqarolarni kasb-hunarga o‘qitish tizimini takomillashtirish hamda mehnat organlari faoliyati samaradorligini oshirish bo‘yicha qo‘shimcha chora-tadbirlar to‘g‘risida” 2021-yil 5-apreldagi 183-son qaroriga 6-ilovaning 6-bandi “b” kichik bandi.

32. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining “Qishloq xo‘jaligida bilim va innovatsiyalar tizimi hamda zamonaviy xizmatlar ko‘rsatishni yanada rivojlantirish to‘g‘risida” 2021-yil 3-fevraldagi PF-6159-son Farmoni hamda “O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligida bilim va innovatsiyalar milliy markazi faoliyatini tashkil etish to‘g‘risida” 2021-yil 3-fevraldagi PQ-4975-son qarori)” 2021-yil 4-maydagi 274-son qaroriga ilovaning 6-bandi hamda 10-bandining “b” kichik bandi.

33. Vazirlar Mahkamasining “2021-yil hosili uchun ekilgan boshoqli don hosilini o‘z vaqtida va sifatli o‘rib-yig‘ib olishni tashkil etish chora-tadbirlari to‘g‘risida” 2021-yil 17-maydagi 304-son qarori.

34. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasining “Dehqon xo‘jaligi to‘g‘risida” 2021-yil 1-apreldagi O‘RQ-680-son va “Tomorqa xo‘jaligi to‘g‘risida” 2021-yil 1-apreldagi O‘RQ-681-son qonunlari)” 2021-yil 23-iyundagi 391-son qaroriga ilovaning 1-bandi.

35. Vazirlar Mahkamasining “Davlat buyurtmachilari tomonidan tovarlarni (ishlarni, xizmatlarni) davlat xaridlarida uzluksizlikni ta’minlash chora-tadbirlari to‘g‘risida” 2021-yil 30-iyuldagi 473-son qarori.

36. Vazirlar Mahkamasining “Davlat xizmatlari ko‘rsatishning infratuzilmasi takomillashtirilganligi va aholining davlat xizmatlaridan foydalanish imkoniyatlari kengaytirilganligi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2021-yil 28-oktabrdagi 661-son qaroriga ilovaning 21 va 26-bandlari.

37. Vazirlar Mahkamasining “2021-yil paxta hosilini yig‘ib-terib olish ishlarini moliyalashtirishga doir qo‘shimcha chora-tadbirlar to‘g‘risida” 2021-yil 2-noyabrdagi 666-son qarori.

38. Vazirlar Mahkamasining “Aholi va tadbirkorlik subyektlarining davlat xizmatlaridan foydalanish imkoniyatlari kengaytirilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida” 2021-yil 27-dekabrdagi 774-son qaroriga 1-ilovaning 66-bandi.

39. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida (O‘zbekiston Respublikasining “Normativ-huquqiy hujjatlar to‘g‘risida” 2021-yil 20-apreldagi O‘RQ-682-son Qonuni)” 2022-yil 4-apreldagi 153-son qaroriga ilovaning 107-bandi.

40. Vazirlar Mahkamasining “Paxta maydonlarida tuproq unumdorligi va hosildorlikni oshirish bo‘yicha agrotexnik tadbirlar uchun subsidiya ajratish tartibi to‘g‘risidagi vaqtinchalik nizomni tasdiqlash haqida” 2022-yil 5-iyuldagi 360-son qarori.

41. Vazirlar Mahkamasining “Qurol to‘g‘risidagi qonunchilik hamda litsenziyalash va ruxsat berish tartib-taomillari takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida” 2022-yil 15-avgustdagi 444-son qaroriga 1-ilovaning 3 va 4-bandlari.

42. Vazirlar Mahkamasining “Transport va turizm obyektlarida xavfsizlikni ta’minlash sohasidagi faoliyat takomillashtirilganligi munosabati bilan O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida” 2023-yil 30-yanvardagi 37-son qaroriga ilovaning 5-bandi.

43. Vazirlar Mahkamasining “Fuqaroviy va xizmat quroli hamda uning o‘q-dorilari muomalasi sohasida litsenziyalash va ruxsat berish tartib-taomillarini takomillashtirish chora-tadbirlari to‘g‘risida” 2023-yil 1-maydagi 175-son qarorining 3-bandi hamda qarorga ilova.

44. Vazirlar Mahkamasining “Agrar va oziq-ovqat sohalari uchun subsidiya ajratish tizimini takomillashtirish va uning samaradorligini oshirish chora-tadbirlari to‘g‘risida” 2023-yil 3-avgustdagi 331-son qaroriga 3-ilovaning 15-bandi.

45. Vazirlar Mahkamasining 2024-yil 5-maydagi 273-F-son farmoyishi.

(Qonunchilik ma’lumotlari milliy bazasi, 15.02.2025-y., 09/25/67/0145-son; 25.11.2025-y., 09/25/738/1087-son; 02.12.2025-y., 09/25/754/1119-son)