Qishloq xo‘jaligi mahsulotlarining ayrim turlarini davlat ehtiyojlari uchun xarid qilishga bozor mexanizmlari joriy etilishi munosabati bilan amaldagi qonun hujjatlari va normativ hujjatlarni muvofiqlashtirish maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.

Belgilab qo‘yilsinki, mazkur bandga muvofiq O‘zbekiston Respublikasi Hukumatining qarorlariga kiritilayotgan o‘zgartirishlar paxta xom ashyosi yetishtirish uchun — 2005-yil hosilidan boshlab, davlat ehtiyojlari uchun xarid qilinadigan g‘alla yetishtirish uchun — 2006-yil hosilidan boshlab kuchga kiradi.

2. Vazirlar Mahkamasining “Davlat ehtiyojlari uchun xarid qilinadigan qishloq xo‘jaligi mahsulotlari yetishtirishni mablag‘ bilan ta’minlash mexanizmini takomillashtirish chora-tadbirlari to‘g‘risida” 2002-yil 7-noyabrdagi 383-son qarori o‘z kuchini yo‘qotgan deb hisoblansin.

3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.

2. Vazirlar Mahkamasining 2003-yil 4-sentabrdagi 383-son qarori bilan tasdiqlangan Qishloq xo‘jaligi mahsulotlari yetishtiruvchilar bilan xizmat ko‘rsatish tashkilotlari o‘rtasida shartnomalar tuzish, ularni ro‘yxatdan o‘tkazish, bajarish, shuningdek ularning bajarilishi monitoringini olib borish tartibi to‘g‘risidagi nizomda (O‘zbekiston Respublikasi QT, 2003-y., 9-son, 81-modda):

a) 27-bandning to‘rtinchi xatboshiga, 29-bandning uchinchi xatboshiga, 30-bandning uchinchi xatboshiga “qishloq xo‘jaligi mahsulotlarining ayrim turlarini davlat ehtiyojlari uchun xarid qilish bundan mustasno” so‘zlari qo‘shilsin;

b) Nizomga 2-ilovaga quyidagi mazmundagi izoh qo‘shilsin:

“Izoh. “Qishloq xo‘jaligi mahsulotlarining ayrim turlarini davlat ehtiyojlari uchun xarid qilishda 7 va 8-ustunlar to‘ldirilmaydi”.