ЎРҚ-397-сон 29.12.2015. «Ветеринария тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида

Ҳужжат 17.10.2017 01 санаси ҳолатига
Амалдаги версияга ўтиш

Ўзбекистон Республикасининг Қонуни

«Ветеринария тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида

Қонунчилик палатаси томонидан 2015 йил 5 октябрда қабул қилинган
Сенат томонидан 2015 йил 4 декабрда маъқулланган

1-модда. Ўзбекистон Республикасининг 1993 йил 3 сентябрда қабул қилинган «Ветеринария тўғрисида»ги 935-ХII-сонли Қонунига (Ўзбекистон Республикаси Олий Кенгашининг Ахборотномаси, 1993 йил, № 9, 335-модда; Ўзбекистон Республикаси Олий Мажлисининг Ахборотномаси, 1995 йил, № 6, 118-модда; 1997 йил, № 4-5, 126-модда; Ўзбекистон Республикаси Олий Мажлиси палаталарининг Ахборотномаси, 2009 йил, № 12, 472-модда; 2013 йил, № 4, 98-модда) ўзгартиш ва қўшимчалар киритилиб, унинг янги таҳрири тасдиқлансин (илова қилинади).

2-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

3-модда. Ушбу Қонун расмий эълон қилинган кундан эътиборан кучга киради.

LexUZ шарҳи

Ушбу Қонун «Халқ сўзи» газетасининг 2015 йил 31 декабрдаги 252 (6435)-сонида эълон қилинган

Ўзбекистон Республикасининг Президенти И. КАРИМОВ

Тошкент ш.,

2015 йил 29 декабрь,

ЎРҚ-397-сон

Ўзбекистон Республикасининг Қонуни

Ветеринария тўғрисида

(янги таҳрири)

1-боб. Умумий қоидалар

1-модда. Ушбу Қонуннинг мақсади

Ушбу Қонуннинг мақсади ветеринария соҳасидаги муносабатларни тартибга солишдан иборат.

2-модда. Ветеринария тўғрисидаги қонун ҳужжатлари

Ветеринария тўғрисидаги қонун ҳужжатлари ушбу Қонун ва бошқа қонун ҳужжатларидан иборатдир.

Агар Ўзбекистон Республикасининг халқаро шартномасида Ўзбекистон Республикасининг ветеринария тўғрисидаги қонун ҳужжатларида назарда тутилганидан бошқача қоидалар белгиланган бўлса, халқаро шартнома қоидалари қўлланилади.

Кейинги таҳрирга қаранг.

3-модда. Асосий тушунчалар

Ушбу Қонунда қуйидаги асосий тушунчалар қўлланилади:

биологик чиқиндилар — ҳайвонларнинг жасадлари, ветеринария-санитария жиҳатидан хавфли деб топилган, келиб чиқиши ҳайвонотга мансуб маҳсулот ва хом ашё, ветеринарияга оид биологик саноат чиқиндилари;

ветеринария — ҳайвонларнинг ҳаёти ва соғлиғи муҳофаза қилинишини, ҳайвонлар касалликлари пайдо бўлишининг, тарқалишининг олдини олишни ва уларни тугатишни, аҳолини ҳайвонлар ва одам учун умумий бўлган касалликлардан муҳофаза қилишни, Ўзбекистон Республикаси ҳудудини ҳайвонларнинг юқумли касалликлари олиб кирилишидан муҳофаза қилишни таъминлашга, ҳайвонларга ветеринария хизмати кўрсатилишини амалга оширишга, шунингдек Ўзбекистон Республикаси ҳудудининг ветеринар осойишталигини, давлат ветеринария хизмати назорати остидаги товарларнинг ветеринария, ветеринария-санитария хавфсизлигини таъминлашга қаратилган илмий ва амалий фаолият соҳаси;

ветеринария, ветеринария-санитария қоидалари ва нормалари — ветеринария соҳасидаги талабларни белгиловчи, давлат органлари ва бошқа органлар, юридик ва жисмоний шахслар риоя этиши шарт бўлган ҳужжатлар;

ветеринария дори воситалари — келиб чиқиши табиий ва синтетик бўлган дори моддаларидан (субстанциялардан) ёки дори моддаларининг (субстанцияларнинг) аралашмасидан олинган, ҳайвонлар касалликлари профилактикаси, уларга ташхис қўйиш ва уларни даволаш, шунингдек ҳайвонлар организмининг ҳолати ва функцияларини ўзгартириш учун мўлжалланган воситалар;

ветеринар осойишталик — ҳайвонларнинг соғлиғига салбий омилларнинг зарарли таъсирлари, эпизоотия мавжуд бўлмаган, шунингдек ҳайвонларнинг яшаши учун қулай шарт-шароитлар таъминланадиган ҳолат;

давлат ветеринария хизмати назорати остидаги товарлар — ҳайвонлар, келиб чиқиши ҳайвонотга мансуб маҳсулот ва хом ашё, ветеринария дори воситалари, микроорганизмлар штаммлари, озуқалар ва озуқабоп қўшимчалар, ветеринария техника воситалари, шунингдек бозорларда реализация қилинадиган ўсимлик озиқ-овқат маҳсулотлари;

келиб чиқиши ҳайвонотга мансуб маҳсулот — гўшт ва гўшт маҳсулотлари, сут ва сут маҳсулотлари, балиқ ва балиқ маҳсулотлари, тухум ва тухум маҳсулотлари, шунингдек асаларичилик маҳсулотлари;

келиб чиқиши ҳайвонотга мансуб хом ашё — ҳайвонлардан олинадиган, қайта ишлашга мўлжалланган маҳсулотлар;

нобоп пункт — ҳайвонлар юқумли касалликларининг ўчоғи аниқланган ҳудуд;

озуқа — ҳайвонларни озиқлантириш учун фойдаланиладиган, келиб чиқиши ўсимлик ва ҳайвонотга мансуб маҳсулотлар;

озуқабоп қўшимчалар — ҳайвонлар рационида етишмайдиган озуқавий ва минерал моддалар ҳамда витаминларнинг манбалари сифатида фойдаланиладиган, келиб чиқиши органик, минерал ва синтетик моддалар;

чекловчи тадбирлар (карантин) — ҳайвонлар юқумли касалликлари ўчоқларининг доираси кенгайиб кетишига йўл қўймасликка ва уларни тугатишга, улар тарқалишининг олдини олишга қаратилган, хўжалик фаолияти ва бошқа фаолиятнинг алоҳида тартибини, аҳоли, транспорт воситалари, юклар ва (ёки) товарлар ҳаракати чекланишини назарда тутувчи маъмурий, эпизоотияга қарши чора-тадбирлар ҳамда бошқа чора-тадбирлар;

эпизоотия — тегишли ҳудудда ҳайвонларнинг ўта хавфли ва бошқа юқумли касалликлари тарқалиши;

эпизоотияга қарши тадбирлар — эпизоотиянинг олдини олишга, уни аниқлашга ёки тугатишга доир ташкилий ва махсус ветеринария тадбирлари тизими;

ҳайвонларнинг юқумли касалликлари — пайдо бўлишига ҳайвонларга касалликларнинг қўзғатувчилари таъсири сабаб бўладиган, тарқалиши ҳамда бошқа ҳайвонларга ва одамга ўтиши эҳтимоли мавжуд бўлган касалликлар.

2-боб. Ветеринария ва ветеринар осойишталикни таъминлаш соҳасини давлат томонидан тартибга солиш

4-модда. Ветеринария соҳасидаги давлат сиёсатининг асосий йўналишлари

Ветеринария соҳасидаги давлат сиёсатининг асосий йўналишлари қуйидагилардан иборат:

ветеринария соҳасидаги тадбирларни ишлаб чиқиш ва амалга ошириш;

давлат томонидан ветеринария соҳасидаги нормаларни белгилаш;

давлат ветеринария назоратини амалга ошириш;

ветеринария соҳасида халқаро ҳамкорликни ривожлантириш.

5-модда. Ўзбекистон Республикаси Вазирлар Маҳкамасининг ветеринария соҳасидаги ваколатлари

Ўзбекистон Республикаси Вазирлар Маҳкамаси:

ветеринария соҳасида ягона давлат сиёсати амалга оширилишини таъминлайди;

ветеринария соҳасидаги давлат дастурларини тасдиқлайди ва уларнинг бажарилиши устидан назоратни амалга оширади;

профилактикаси, ташхис қўйилиши ва тугатилиши Ўзбекистон Республикаси Давлат бюджети маблағлари ҳисобидан амалга ошириладиган Ҳайвонларнинг ўта хавфли юқумли касалликлари рўйхатини тасдиқлайди;

ҳайвонларнинг ва одамнинг соғлиғи учун хавф туғдирадиган ва бунда ҳайвонлар, келиб чиқиши ҳайвонотга мансуб маҳсулот ва хом ашё олиб қўйиладиган ҳамда йўқ қилиб ташланадиган Ҳайвонларнинг касалликлари рўйхатини тасдиқлайди;

LexUZ шарҳи

Қаранг: мазкур Қонуннинг 27-моддаси иккинчи қисми.

давлат ва хўжалик бошқаруви органларининг ветеринария соҳасидаги фаолиятини мувофиқлаштириб боради.

Ўзбекистон Республикаси Вазирлар Маҳкамаси қонун ҳужжатларига мувофиқ бошқа ваколатларни ҳам амалга ошириши мумкин.

Кейинги таҳрирга қаранг.

6-модда. Маҳаллий давлат ҳокимияти органларининг ветеринария соҳасидаги ваколатлари

Маҳаллий давлат ҳокимияти органлари:

ветеринария соҳасидаги давлат дастурларини амалга оширишда иштирок этади;

ветеринария соҳасидаги ҳудудий дастурларни тасдиқлайди ва амалга оширади;

тегишли ҳудудда ветеринар осойишталикни таъминлашга қаратилган чора-тадбирларни кўради;

эпизоотияга қарши тадбирларни ўтказишда давлат ва хўжалик бошқаруви органларининг тегишли ҳудудий бўлинмалари фаолиятини мувофиқлаштириб боради.

Маҳаллий давлат ҳокимияти органлари қонун ҳужжатларига мувофиқ бошқа ваколатларни ҳам амалга ошириши мумкин.

Кейинги таҳрирга қаранг.

Олдинги таҳрирга қаранг.

7-модда. Ўзбекистон Республикаси Давлат ветеринария қўмитасининг ваколатлари

Кейинги таҳрирга қаранг.

Ўзбекистон Республикаси Давлат ветеринария қўмитаси (бундан буён матнда Давлат ветеринария қўмитаси деб юритилади):

Кейинги таҳрирга қаранг.

ветеринария соҳасида ягона давлат сиёсатини амалга оширади;

ветеринария соҳасидаги давлат дастурларини ишлаб чиқади ҳамда уларни амалга оширишда иштирок этади;

ветеринария соҳасидаги норматив-ҳуқуқий ҳужжатларни ишлаб чиқишда иштирок этади;

ветеринария, ветеринария-санитария қоидалари ва нормаларини ишлаб чиқади ҳамда тасдиқлайди;

LexUZ шарҳи

Қаранг: мазкур Қонуннинг 5-боби (Ветеринар осойишталикни ва давлат ветеринария назоратини таъминлаш).

давлат ветеринария назоратини амалга оширади;

давлат ветеринария хизматининг ҳудудий бўлинмалари тўғрисидаги низомларни ишлаб чиқади ва тасдиқлайди;

ветеринария соҳасидаги фаолиятни бевосита амалга оширувчи ҳамда тадбирлар ва дастурларни рўёбга чиқаришда иштирок этувчи органлар ҳамда муассасаларнинг, шунингдек давлат ва хўжалик бошқаруви органлари ҳамда маҳаллий давлат ҳокимияти органларининг ушбу соҳадаги ҳамкорлигини мувофиқлаштириб боради;

LexUZ шарҳи

Қаранг: Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомнинг 14-иловаси («Ветеринария фаолиятини лицензиялаш паспорти»).

тегишли давлат ва хўжалик бошқаруви органлари билан биргаликда эпизоотияга қарши тадбирлар ўтказилишини таъминлайди;

LexUZ шарҳи

Қаранг: мазкур Қонуннинг 24-моддаси, Вазирлар Маҳкамасининг 2023 йил 10 апрелдаги 148-сонли қарори Билан тасдиқланган «Давлат ветеринария хизмати назорати остидаги товарлар экспорти, импорти ва транзити учун рухсатномани ҳамда ветеринария сертификатини бериш тартиби тўғрисида низом».

ветеринар осойишталикни таъминлаш, ҳайвонлар юқумли касалликларини эрта аниқлаш, уларга ташхис қўйиш ва улар тарқалишининг олдини олишга доир профилактика ишларининг самарадорлиги юзасидан мониторингни амалга оширади;

LexUZ шарҳи

Қаранг: мазкур Қонуннинг 22-моддаси учинчи, тўртинчи ва бешинчи қисмлари.

мамлакат ҳудуди ҳайвонларнинг юқумли касалликлари олиб кирилишидан муҳофаза қилинишини, ҳайвонлар соғлиғини профилактика қилиш ва даволашнинг замонавий усуллари жорий этилишини, ветеринария дори воситаларининг маҳаллий ҳамда хорижий илм-фан ютуқларини жорий этишга асосланган янги турлари ва шакллари ишлаб чиқарилишини таъминлайди;

ветеринария фаолиятини лицензиялашни амалга оширади;

Кейинги таҳрирга қаранг.

давлат ветеринария хизмати назорати остидаги товарларнинг Ўзбекистон Республикасига олиб кирилишига ва Ўзбекистон Республикасидан олиб чиқилишига, шунингдек Ўзбекистон Республикаси ҳудуди орқали транзитига белгиланган тартибда рухсатнома беради;

маҳаллий ва импорт қилинадиган ветеринария дори воситалари ҳамда озуқабоп қўшимчаларни рўйхатдан ўтказишни ва уларга рўйхатдан ўтказилганлик гувоҳномаларини беришни амалга оширади;

ветеринария соҳасидаги ҳуқуқбузарликлар профилактикаси бўйича чора-тадбирларни тизимли асосда ўз вақтида ишлаб чиқишни ва сифатли амалга оширишни ташкил этишни таъминлайди;

идоравий ҳамда ишлаб чиқаришдаги ветеринария хизматининг ҳайвонларни касалликлардан ҳимоя қилиш, ҳайвонотга мансуб маҳсулот ва хом ашё хавфсизлигини таъминлашга доир фаолиятини мувофиқлаштиради;

ветеринария соҳасида илмий, услубий ва таълим салоҳияти ҳар томонлама ривожлантирилишини, илмий тадқиқотлар йўналишлари белгиланишини, фундаментал ва амалий тадқиқотлар, инновация ишланмаларининг ветеринария амалиётига жорий этилишини мувофиқлаштиради;

кадрларни қайта тайёрлаш ва уларнинг малакасини ошириш, раҳбариятнинг ҳамда мутахассисларнинг иш услуби ҳамда шаклларини такомиллаштириш, шу жумладан тузилмавий бўлинмаларнинг ўз зиммасига юклатилган вазифалар ўз вақтида ва сифатли ижро этилиши юзасидан масъулиятини ошириш тизимини ташкил этади;

халқаро ҳамкорликни амалга оширишда иштирок этади, халқаро ветеринария ташкилотларида Ўзбекистон Республикасининг манфаатларини ифодалайди.

Давлат ветеринария қўмитаси қонун ҳужжатларига мувофиқ бошқа ваколатларни ҳам амалга ошириши мумкин.

(7-модда Ўзбекистон Республикасининг 2017 йил 16 октябрдаги ЎРҚ-448-сонли Қонуни таҳририда — Қонун ҳужжатлари маълумотлари миллий базаси, 2017 й.)

Кейинги таҳрирга қаранг.

8-модда. Ветеринария тадбирларини ўтказишда фуқаролар ўзини ўзи бошқариш органларининг, нодавлат нотижорат ташкилотларининг ва фуқароларнинг иштирок этиши

Фуқароларнинг ўзини ўзи бошқариш органлари:

ветеринария соҳасидаги давлат дастурларини, ҳудудий дастурларни ва бошқа дастурларни амалга оширишда иштирок этади;

тегишли ҳудудда ветеринария соҳасида жамоатчилик назоратини амалга оширади;

LexUZ шарҳи

Қўшимча маълумот учун қаранг: Ўзбекистон Республикасининг «Фуқароларнинг ўзини ўзи бошқариш органлари тўғрисида»ги Қонунининг 16-моддаси.

тегишли ҳудуд аҳолисини эпизоотия ва нобоп пункт тўғрисида хабардор этади.

Фуқароларнинг ўзини ўзи бошқариш органлари қонун ҳужжатларига мувофиқ бошқа тадбирларда ҳам иштирок этиши мумкин.

Кейинги таҳрирга қаранг.

Нодавлат нотижорат ташкилотлари ва фуқаролар ветеринар осойишталикни таъминлашда иштирок этувчи давлат органларига ва бошқа органларга кўмаклашиши ҳамда зарур ёрдам кўрсатиши мумкин.

LexUZ шарҳи

Қўшимча маълумот учун қаранг: «Нодавлат нотижорат ташкилотлари тўғрисида»ги Қонун.

3-боб. Ветеринария тизими ва уни бошқариш

9-модда. Ветеринария хизмати тизими

Ветеринария хизмати тизими давлат, идоравий ва ишлаб чиқаришдаги ветеринария хизматларидан иборатдир.

LexUZ шарҳи

Қаранг: мазкур Қонуннинг 10, 14 ва 16-моддалари.

Олдинги таҳрирга қаранг.

10-модда. Давлат ветеринария хизматини бошқариш

Давлат ветеринария хизмати Давлат ветеринария қўмитаси, Қорақалпоғистон Республикаси ветеринария қўмитаси, вилоятлар ва Тошкент шаҳар ветеринария бошқармалари, Давлат чегарасидаги ва транспортдаги давлат ветеринария назорати бошқармаси, туманлар (шаҳарлар) ветеринария бўлимлари, лабораториялар, Республика ҳайвонлар касалликлари ва озиқ-овқат маҳсулотлари хавфсизлиги давлат ташхис маркази, Ветеринария дори воситалари ва озуқабоп қўшимчаларнинг сифати ва муомаласини назорат қилиш давлат илмий маркази, Ветеринария илмий-тадқиқот институти, шунингдек ветеринария участкалари, бозорлардаги ветеринария-санитария экспертиза лабораторияларидан, чегара ва транспорт ветеринария пунктларидан (участкаларидан) ҳамда бошқа муассасалардан иборатдир.

Давлат ветеринария қўмитасига раис раҳбарлик қилади. Давлат ветеринария қўмитасининг мансабдор шахслари қуйидаги тартибда лавозимга тайинланади ва лавозимидан озод қилинади:

Давлат ветеринария қўмитасининг раиси Ўзбекистон Республикаси Бош вазирининг тақдимномасига биноан Ўзбекистон Республикаси Президенти томонидан лавозимга тайинланади ва лавозимидан озод этилади;

Давлат ветеринария қўмитаси раисининг ўринбосарлари Ўзбекистон Республикаси Президенти томонидан лавозимга тайинланади ва лавозимидан озод этилади;

Қорақалпоғистон Республикаси ветеринария қўмитаси раиси Давлат ветеринария қўмитаси билан келишилган ҳолда Қорақалпоғистон Республикаси Жўқорғи Кенгеси томонидан лавозимга тайинланади ва лавозимидан озод этилади;

вилоятлар ва Тошкент шаҳар ветеринария бошқармаларининг бошлиқлари вилоятлар ва Тошкент шаҳар ҳокимларининг тақдимномасига биноан Давлат ветеринария қўмитаси раиси томонидан лавозимга тайинланади ва лавозимидан озод этилади;

туманлар (шаҳарлар) ветеринария бўлимлари бошлиқлари туман (шаҳар) ҳокимларининг тақдимномасига биноан Қорақалпоғистон Республикаси ветеринария қўмитаси раиси, вилоятлар ва Тошкент шаҳар ветеринария бошқармаларининг бошлиқлари томонидан лавозимга тайинланади ҳамда лавозимидан озод этилади;

Республика ҳайвонлар касалликлари ва озиқ-овқат маҳсулотлари хавфсизлиги давлат ташхис марказининг, Ветеринария дори воситалари ва озуқабоп қўшимчаларнинг сифати ва муомаласини назорат қилиш давлат илмий марказининг, Ветеринария илмий-тадқиқот институтининг, Давлат чегарасидаги ва транспортдаги давлат ветеринария назорати бошқармасининг, шунингдек чегара ва транспорт ветеринария пунктларининг (участкаларининг) раҳбарлари Давлат ветеринария қўмитаси раиси томонидан лавозимга тайинланади ҳамда лавозимидан озод этилади.

Давлат ветеринария хизматининг бошқа муассасалари раҳбарларини тайинлаш ва лавозимидан озод қилиш тартиби қонун ҳужжатларида белгиланади.

Қорақалпоғистон Республикаси ветеринария қўмитаси, вилоятлар ва Тошкент шаҳар ветеринария бошқармалари Давлат ветеринария қўмитасига, шунингдек тегишинча Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига ҳисобот беради.

LexUZ шарҳи

Қаранг: Ўзбекистон Республикаси Вазирлар Маҳкамасининг 2016 йил 25 октябрдаги 361-сонли «Давлат ветеринария хизмати тизимини янада такомиллаштириш чора-тадбирлари тўғрисида»ги қарори.

Давлат ветеринария қўмитасининг ташкилий тузилмаси Ўзбекистон Республикаси Президенти томонидан тасдиқланади. Ўзбекистон Республикаси Давлат ветеринария қўмитаси тўғрисидаги низом Ўзбекистон Республикаси Вазирлар Маҳкамаси томонидан тасдиқланади.

(10-модда Ўзбекистон Республикасининг 2017 йил 16 октябрдаги ЎРҚ-448-сонли Қонуни таҳририда — Қонун ҳужжатлари маълумотлари миллий базаси, 2017 й.)

Кейинги таҳрирга қаранг.

11-модда. Давлат ветеринария хизматининг вазифалари

Давлат ветеринария хизмати:

а) эпизоотик мониторингни амалга оширади;

LexUZ шарҳи

Қаранг: мазкур Қонуннинг 26-моддаси.

б) ҳайвонлар касалликларининг пайдо бўлиши ва уларнинг нобуд бўлиши сабабларини таҳлил қилади, ушбу касалликлар профилактикаси ҳамда уларни даволаш бўйича тавсиялар ишлаб чиқади;

в) қуйидаги йўналишлар бўйича давлат ветеринария назоратини амалга оширади:

Ўзбекистон Республикаси ҳудудини ҳайвонларнинг юқумли касалликларини қўзғатувчилар олиб кирилишидан муҳофаза қилиш, шунингдек ҳайвонлар, келиб чиқиши ҳайвонотга мансуб маҳсулот ва хом ашё, ветеринария дори воситалари, озуқалар ва озуқабоп қўшимчаларни тайёрлаш, олиб ўтиш (ташиш), экспорт ва импорт қилиш;

ҳайвонотга мансуб маҳсулот ва хом ашёни ветеринария, ветеринария-санитария қоидалари ва нормаларига мувофиқ ишлаб чиқариш;

LexUZ шарҳи

Қаранг: Ўзбекистон Республикаси Давлат ветеринария қўмитасининг 2018 йил 12 январдаги 3-сонли «Сут етиштирувчи қорамолчилик фермаларида ветеринария-санитария қоидаларини тасдиқлаш ҳақида»ги қарори.

г) ҳайвонлар юқумли касалликларининг олдини олиш ва уларни тугатишга доир чора-тадбирларни амалга оширади;

д) соғлиқни сақлаш органлари ва бошқа органлар билан биргаликда ҳайвонлар ва одам учун хавфли бўлган юқумли касалликлар ўчоқларини тугатади, шунингдек ўзаро ахборот алмашишни амалга оширади;

LexUZ шарҳи

Қаранг: Ўзбекистон Республикасининг «Аҳолини сил касаллигидан муҳофаза қилиш тўғрисида»ги Қонунининг 8-моддаси бешинчи қисми.

е) барча чорвачилик объектларининг, кушхоналарнинг, келиб чиқиши ҳайвонотга мансуб маҳсулот ва хом ашёни қайта ишловчи корхоналарнинг, келиб чиқиши ҳайвонотга мансуб маҳсулот ва хом ашёни реализация қиладиган ва сақлайдиган савдо шохобчаларининг, омборларнинг ветеринария-санитария ҳолатини назорат қилади, бу объектларни қуриш ва реконструкция қилишнинг, шунингдек ер қазиш ишларининг ветеринария экспертизасини амалга оширади;

LexUZ шарҳи

Қаранг: Ўзбекистон Республикаси Шаҳарсозлик кодексининг 45-моддаси олтинчи қисми.

ж) ҳайвонлар касалликларига ташхис қўйиш, озуқаларнинг, шунингдек чорвачилик объектларида ичимлик сувининг сифатини баҳолаш мақсадида лаборатория текширувлари ҳамда бошқа текширувлар ўтказади;

LexUZ шарҳи

Қаранг: мазкур Қонуннинг 21-моддаси.

з) юридик ва жисмоний шахслардан ҳайвонларнинг юқумли касалликлари тарқалишининг олдини олишни ҳамда уларнинг тугатилишини таъминловчи чора-тадбирлар ўтказилишини, шунингдек эпизоотик вазиятни аниқлаш учун зарур бўлган ахборот тақдим этилишини талаб қилади;

LexUZ шарҳи

Қаранг: мазкур Қонуннинг 19-моддаси.

и) ҳайвонларнинг ва одамнинг соғлиғи учун хавф туғдирадиган ҳайвонларнинг касаллиги аниқланган тақдирда, ҳайвонларни сўйишга ёки йўқ қилиб ташлашга, келиб чиқиши ҳайвонотга мансуб маҳсулот ва хом ашёни зарарсизлантиришга (юқумсизлантиришга), қайта ишлашга ёки утилизация қилишга тааллуқли, юридик ва жисмоний шахслар томонидан бажарилиши мажбурий бўлган талабларни белгилайди;

LexUZ шарҳи

Қаранг: мазкур Қонуннинг 19-моддаси биринчи қисми бешинчи хатбошиси.

к) давлат ва идоравий ветеринария хизматлари ветеринария мутахассисларининг фаолиятини назорат қилади ҳамда мувофиқлаштириб боради, шунингдек белгиланган тартибда хусусий ветеринария фаолиятини амалга оширувчи тадбиркорлик субъектлари томонидан лицензия талаблари ва шартлари бажарилиши устидан назоратни амалга оширади;

Кейинги таҳрирга қаранг.

л) ветеринария соҳасидаги илмий тадқиқотларни ривожлантиришга кўмаклашади.

Олдинги таҳрирга қаранг.

12-модда. Давлат ветеринария инспекторлари

Давлат ветеринария қўмитасининг раиси — Ўзбекистон Республикаси Бош давлат ветеринария инспектори, унинг ўринбосарлари — Ўзбекистон Республикаси Бош давлат ветеринария инспекторининг ўринбосарлари (раиснинг иқтисодий масалалар бўйича ўринбосари бундан мустасно), Давлат ветеринария қўмитаси Давлат ветеринария назорати бошқармасининг ветеринар мутахассислари — ўз ваколатлари доирасида давлат ветеринария инспекторлари ҳисобланади.

Кейинги таҳрирга қаранг.

Давлат чегарасидаги ва транспортдаги давлат ветеринария назорати бошқармаси бошлиғи — давлат чегарасидаги ва транспортдаги бош давлат ветеринария инспектори, унинг ўринбосарлари — давлат чегарасидаги ва транспортдаги бош давлат ветеринария инспекторининг ўринбосарлари ҳисобланади.

Қорақалпоғистон Республикаси ветеринария қўмитасининг раиси, вилоятлар ва Тошкент шаҳар ветеринария бошқармаларининг бошлиқлари — Қорақалпоғистон Республикаси, вилоятлар ва Тошкент шаҳар бош давлат ветеринария инспекторлари, уларнинг ўринбосарлари — тегишинча Қорақалпоғистон Республикаси, вилоятлар ва Тошкент шаҳар бош давлат ветеринария инспекторларининг ўринбосарлари ҳисобланади.

Кейинги таҳрирга қаранг.

Туманлар (шаҳарлар) ветеринария бўлимларининг бошлиқлари тегишли туманларнинг (шаҳарларнинг) бош давлат ветеринария инспекторлари ҳисобланади.

Кейинги таҳрирга қаранг.

Ветеринария участкаларининг ва бозорлардаги ветеринария-санитария экспертиза лабораторияларининг мудирлари тегишли участкалардаги ва бозорлардаги давлат ветеринария инспекторлари ҳисобланади.

Чегара ва транспорт ветеринария пунктларининг (участкаларининг) бошлиқлари ҳамда ветеринар врачлари тегишли чегара ва транспорт ветеринария пунктларининг (участкаларининг) давлат ветеринария инспекторлари ҳисобланади.

(12-модда Ўзбекистон Республикасининг 2017 йил 16 октябрдаги ЎРҚ-448-сонли Қонуни таҳририда — Қонун ҳужжатлари маълумотлари миллий базаси, 2017 й.)

13-модда. Давлат ветеринария инспекторларининг ваколатлари

Бош давлат ветеринария инспекторлари, уларнинг ўринбосарлари ва давлат ветеринария инспекторлари ўз ваколатлари доирасида:

давлат ва хўжалик бошқаруви органларига, юридик ва жисмоний шахсларга зарур ветеринария, ветеринария-санитария тадбирлари ва эпизоотияга қарши тадбирлар ўтказиш тўғрисида бажарилиши мажбурий бўлган кўрсатмалар беради;

ҳайвонларнинг ва одамнинг соғлиғи учун хавф туғдирадиган касалликларга чалинган ҳайвонлар аниқланган ҳолларда, ушбу ҳайвонларни сўйиш ёки йўқ қилиб ташлаш тўғрисида, шунингдек истеъмолга яроқсиз деб топилган, келиб чиқиши ҳайвонотга мансуб маҳсулот ва хом ашёни йўқ қилиб ташлаш, қайта ишлаш ёки ушбу маҳсулот ва хом ашёдан ўзгача тарзда фойдаланиш ҳақида юридик ва жисмоний шахслар томонидан бажарилиши мажбурий бўлган кўрсатмалар беради;

давлат ветеринария хизмати назорати остидаги объектларга монеликсиз киради ва ветеринария тўғрисидаги қонун ҳужжатларининг аниқланган бузилишларини бартараф этиш тўғрисида бажарилиши мажбурий бўлган кўрсатмалар беради;

Кейинги таҳрирга қаранг.

темир йўл вагонларининг, кемаларнинг, самолётларнинг ва бошқа транспорт воситаларининг ҳолати ветеринария, ветеринария-санитария қоидалари ва нормаларига номувофиқлиги аниқланган тақдирда улардан фойдаланишни тақиқлайди;

ветеринария, ветеринария-санитария қоидалари ва нормаларининг бузилишлари аниқланган тақдирда чорвачилик объектларидан, гўшт ва сут саноати корхоналаридан, келиб чиқиши ҳайвонотга мансуб маҳсулот ва хом ашёни қайта ишловчи ҳамда сақловчи корхоналардан фойдаланишни тақиқлайди;

ветеринария, ветеринария-санитария қоидалари ва нормаларининг бузилишлари аниқланган тақдирда чорвачилик фермаларида, келиб чиқиши ҳайвонотга мансуб маҳсулот ва хом ашёни қайта ишловчи ҳамда сақловчи корхоналарда янги қурилган, тикланган ва реконструкция қилинган объектларни ишга туширишни тўхтатиб туради;

ҳайвонларнинг эгалари томонидан, шунингдек келиб чиқиши ҳайвонотга мансуб маҳсулот ва хом ашёни қайта ишлаш, сақлаш ҳамда уларнинг савдоси билан шуғулланувчи ташкилотлар томонидан ветеринария тўғрисидаги қонун ҳужжатлари ижро этилиши устидан назоратни амалга оширади;

Кейинги таҳрирга қаранг.

чегараолди туманларда, қўшни давлатларда юзага келган эпизоотик вазият тўғрисида тегишли органлар ва ташкилотларни хабардор қилади, тегишли ветеринария тадбирларини амалга оширади ҳамда зарур тавсиялар беради;

ветеринария дори воситалари, озуқабоп қўшимчалар ишлаб чиқарилишини ҳамда улардан чорвачиликда ва ветеринарияда фойдаланилишини назорат қилади, уларнинг ҳайвонлар соғлиғига ва келиб чиқиши ҳайвонотга мансуб маҳсулот ҳамда хом ашё сифатига таъсирини баҳолайди;

ҳайвонларнинг юқумли касалликлари ўчоқлари аниқланган тақдирда тегишли ҳудудларни нобоп пунктлар деб эълон қилиш ва уларда чекловчи тадбирлар (карантин) жорий этиш тўғрисида, шунингдек ҳайвонларнинг юқумли касалликлари ўчоқлари тугатилганидан кейин чекловчи тадбирларни (карантинни) бекор қилиш ҳақида тегишли давлат органларига тақдимнома киритади;

LexUZ шарҳи

Қаранг: мазкур Қонуннинг 28-моддаси.

ветеринария тўғрисидаги қонун ҳужжатлари талабларини бузганлик учун мансабдор шахсларга ва бошқа шахсларга нисбатан белгиланган тартибда маъмурий жазо чораларини кўради.

Кейинги таҳрирга қаранг.

Ушбу модданинг биринчи қисмида назарда тутилган асосларга кўра тадбиркорлик субъектларининг фаолиятини ўн иш кунидан кўп бўлган муддатга чеклаш, тўхтатиб туриш ва тақиқлаш суд тартибида амалга оширилади.

LexUZ шарҳи

Қаранг: Ўзбекистон Республикаси Иқтисодий процессуал кодексининг 27-боби (Ҳуқуқий таъсир чораларини қўллаш тўғрисидаги ишларни юритиш).

Бош давлат ветеринария инспекторлари, уларнинг ўринбосарлари ва давлат ветеринария инспекторлари қонун ҳужжатларига мувофиқ бошқа ваколатларни ҳам амалга ошириши мумкин.

Кейинги таҳрирга қаранг.

14-модда. Идоравий ветеринария хизмати

Идоравий ветеринария хизмати ветеринария назорати ва ветеринария хизмати талаб қилинадиган вазирликлар, давлат қўмиталари ҳамда идоралар тасарруфидаги хизматдир.

Кейинги таҳрирга қаранг.

Олдинги таҳрирга қаранг.

Идоравий ветеринария хизмати ўз фаолиятини қонун ҳужжатларига мувофиқ амалга оширади. Идоравий ветеринария хизмати фаолиятини услубий жиҳатдан таъминлаш Давлат ветеринария қўмитаси томонидан амалга оширилади.

(14-модданинг иккинчи қисми Ўзбекистон Республикасининг 2017 йил 16 октябрдаги ЎРҚ-448-сонли Қонуни таҳририда — Қонун ҳужжатлари маълумотлари миллий базаси, 2017 й.)

Кейинги таҳрирга қаранг.

15-модда. Идоравий ветеринария хизмати ветеринария мутахассисларининг ҳуқуқ ва мажбуриятлари

Идоравий ветеринария хизматининг ветеринария мутахассислари:

идоравий ветеринария назорати объектларига монеликсиз кириш ва ветеринария тўғрисидаги қонун ҳужжатларининг аниқланган бузилишларини бартараф этиш тўғрисида бажарилиши мажбурий бўлган кўрсатмалар бериш;

Кейинги таҳрирга қаранг.

идорага қарашли муассасалар ва ташкилотлардан ветеринария тўғрисидаги қонун ҳужжатларида назарда тутилган, юқумли касалликлар тарқалишининг олдини олиш ва уларни тугатишни таъминлайдиган чора-тадбирлар ўтказилишини, шунингдек эпизоотик вазиятни аниқлаш учун зарур бўлган ахборот тақдим этилишини талаб қилиш;

Кейинги таҳрирга қаранг.

ветеринария тўғрисидаги қонун ҳужжатларини бузганликда айбдор мансабдор шахсларни ҳамда бошқа ходимларни белгиланган тартибда жавобгарликка тортиш ҳақида идорага қарашли муассасалар ва ташкилотлар раҳбариятига кўриб чиқиш учун тақдимнома киритиш ҳуқуқига эга.

Кейинги таҳрирга қаранг.

Идоравий ветеринария хизматининг ветеринария мутахассислари:

хизмат кўрсатилаётган корхоналарда, муассасаларда ва ташкилотларда эпизоотияга қарши тадбирларни, даволаш, ветеринария-санитария тадбирларини ўтказиши;

идоравий ветеринария назоратини ҳамда келиб чиқиши ҳайвонотга ва ўсимликка мансуб маҳсулотнинг, хом ашёнинг ветеринария-санитария экспертизаси ўтказилишини амалга ошириши;

ҳайвонлар ўта хавфли юқумли касалликларга чалинганлиги хусусида шубҳа мавжуд бўлган тақдирда бу ҳақда давлат ветеринария хизматига зудлик билан хабар қилиши ва касаллик доираси кенгайиб кетмаслиги юзасидан барча зарур чора-тадбирларни кўриши;

белгиланган тартибда ветеринарияга оид статистика ҳисоботини юритиш учун давлат ветеринария хизматига ахборот тақдим этиши шарт.

LexUZ шарҳи

Қаранг: Ўзбекистон Республикасининг «Расмий статистика тўғрисида»ги Қонуни.

Идоравий ветеринария хизматининг ветеринария мутахассислари қонун ҳужжатларига мувофиқ бошқа ҳуқуқларга эга бўлиши ва уларнинг зиммасида ўзга мажбуриятлар ҳам бўлиши мумкин.

Кейинги таҳрирга қаранг.

16-модда. Ишлаб чиқаришдаги ветеринария хизматлари

Фаолияти чорвачиликни ташкил этиш ва юритиш, ҳайвонларни сақлаш, келиб чиқиши ҳайвонотга мансуб маҳсулот ва хом ашёни, озуқаларни, озуқабоп қўшимчаларни ҳамда ҳайвонларни даволаш учун мўлжалланган ветеринария дори воситаларини ишлаб чиқариш, қайта ишлаш, сақлаш, ташиш ва реализация қилиш билан боғлиқ бўлган корхоналар, муассасалар, ташкилотлар томонидан ўз маблағлари ҳисобидан ишлаб чиқаришдаги ветеринария хизматлари ташкил этилиши мумкин.

Ишлаб чиқаришдаги ветеринария хизматларининг ветеринария мутахассислари:

корхонанинг, муассасанинг, ташкилотнинг раҳбаридан ветеринария тўғрисидаги қонун ҳужжатларида назарда тутилган, юқумли касалликлар тарқалишининг олдини олиш ва уларни тугатишни таъминлайдиган чора-тадбирлар ўтказилишини, шунингдек эпизоотик вазиятни аниқлаш учун зарур бўлган ахборот тақдим этилишини талаб қилиши;

Кейинги таҳрирга қаранг.

эпизоотия пайдо бўлган тақдирда давлат ветеринария хизматининг кўрсатмаларига биноан ветеринария тадбирларини ўтказиши шарт.

Ишлаб чиқаришдаги ветеринария хизматларининг ветеринария мутахассислари зиммасида қонун ҳужжатларига мувофиқ бошқа мажбуриятлар ҳам бўлиши мумкин.

Кейинги таҳрирга қаранг.

17-модда. Хусусий ветеринария фаолияти

Юридик ва жисмоний шахслар қонун ҳужжатларига мувофиқ хусусий ветеринария фаолиятини амалга ошириши мумкин.

Кейинги таҳрирга қаранг.

Олдинги таҳрирга қаранг.

Хусусий ветеринария фаолиятини амалга ошириш учун юридик ва жисмоний шахслар — тадбиркорлик субъектлари Давлат ветеринария қўмитаси томонидан бериладиган лицензияга эга бўлиши шарт.

(17-модданинг иккинчи қисми Ўзбекистон Республикасининг 2017 йил 16 октябрдаги ЎРҚ-448-сонли Қонуни таҳририда — Қонун ҳужжатлари маълумотлари миллий базаси, 2017 й.)

Кейинги таҳрирга қаранг.

Хусусий ветеринария фаолиятини амалга оширувчи тадбиркорлик субъектлари:

ҳайвонларнинг касаллигини аниқлаб ташхис қўйиш ва уларни даволаш билан шуғулланиш, бундан ҳайвонларнинг чекловчи тадбирлар (карантин) ёки қонун ҳужжатларида белгиланган бошқа чекловлар қўлланадиган касалликларга чалиниши ҳоллари мустасно;

Кейинги таҳрирга қаранг.

ҳайвонларни касалланишдан сақлаш мақсадида эмлаш тадбирлари ўтказиш, шунингдек ҳайвонларнинг эгаларига маслаҳат бериш;

ветеринария дори ва техника воситаларини, озуқабоп қўшимчаларни ишлаб чиқариш, тайёрлаш ва реализация қилиш билан шуғулланиш ҳуқуқига эга.

Хусусий ветеринария фаолиятини амалга оширувчи тадбиркорлик субъектлари:

ҳайвонларда юқумли касаллик борлиги хусусида шубҳа мавжуд бўлган тақдирда бу ҳақда давлат ветеринария хизматига зудлик билан хабар қилиши ва касаллик доираси кенгайиб кетмаслиги юзасидан барча зарур чора-тадбирларни кўриши;

Хусусий ветеринария фаолиятини амалга оширувчи тадбиркорлик субъектлари қонун ҳужжатларига мувофиқ бошқа ҳуқуқларга эга бўлиши ва уларнинг зиммасида ўзга мажбуриятлар ҳам бўлиши мумкин.

Кейинги таҳрирга қаранг.

4-боб. Ҳайвонлар, келиб чиқиши ҳайвонотга мансуб маҳсулот ҳамда хом ашё эгаларининг ҳуқуқ ва мажбуриятлари

18-модда. Ҳайвонлар, келиб чиқиши ҳайвонотга мансуб маҳсулот ва хом ашё эгаларининг ҳуқуқлари

Ҳайвонларнинг, келиб чиқиши ҳайвонотга мансуб маҳсулот ва хом ашёнинг эгалари:

ветеринария хизмати кўрсатилиши тўғрисида тегишли ветеринария хизматлари, шунингдек хусусий ветеринария фаолиятини амалга оширувчи тадбиркорлик субъектлари билан шартномалар тузиш;

ҳайвонларнинг касалликка чалиниши ҳолати, эпизоотик вазият тўғрисида, шунингдек ҳайвонларда, келиб чиқиши ҳайвонотга мансуб маҳсулот ва хом ашёда ўтказилган махсус текширишлар натижалари ҳақида ветеринария хизматидан ахборот олиш;

ҳайвонларни, келиб чиқиши ҳайвонотга мансуб маҳсулот ва хом ашёни, озуқаларни, озуқабоп қўшимчаларни, ветеринария дори ва техника воситаларини ветеринария, ветеринария-санитария қоидалари ва нормаларига мувофиқ олиш ҳамда реализация қилиш, шу жумладан хорижда олиш ва реализация қилиш;

давлат органлари ва бошқа органларнинг қонунга хилоф қарорлари, ушбу органлар мансабдор шахсларининг қонунга хилоф ҳаракатлари (ҳаракатсизлиги) устидан бўйсунув тартибида юқори турувчи органга ёки мансабдор шахсга ёхуд бевосита судга шикоят қилиш ҳуқуқига эга.

LexUZ шарҳи

Қўшимча маълумот учун қаранг: Ўзбекистон Республикасининг Маъмурий суд ишларини юритиш тўғрисидаги кодекси.

Ҳайвонларнинг, келиб чиқиши ҳайвонотга мансуб маҳсулот ва хом ашёнинг эгалари қонун ҳужжатларига мувофиқ бошқа ҳуқуқларга ҳам эга бўлиши мумкин.

Кейинги таҳрирга қаранг.

19-модда. Ҳайвонлар, келиб чиқиши ҳайвонотга мансуб маҳсулот ва хом ашё эгаларининг мажбуриятлари

Ҳайвонларнинг, келиб чиқиши ҳайвонотга мансуб маҳсулот ва хом ашёнинг эгалари:

ветеринария тўғрисидаги қонун ҳужжатлари талабларига риоя этиши;

Кейинги таҳрирга қаранг.

давлат ветеринария хизматининг кўрсатмаларини бажариши;

ўзларига тегишли ҳайвонлар касалликларининг олдини олишга қаратилган ташкилий-хўжалик ва ветеринария тадбирларини ўз маблағлари ҳисобидан амалга ошириши, бундан Ўзбекистон Республикаси Давлат бюджетидан молиялаштириладиган тадбирлар мустасно;

касал ҳайвонни даволатиши, зарур бўлган ҳолларда, тегишли давлат ветеринария инспекторининг кўрсатмасига кўра унинг сўйилишини ёки йўқ қилиб ташланишини белгиланган тартибда таъминлаши;

ҳайвонларнинг тўсатдан нобуд бўлганлиги ёки ғайриодатий хатти-ҳаракати фактлари тўғрисида мазкур ҳудудга хизмат кўрсатувчи давлат ветеринария хизматини зудлик билан хабардор қилиши;

ҳайвонларни юқумли касалликлардан муҳофаза этиш бўйича тегишли карантин тадбирлари ва бошқа ветеринария тадбирлари ўтказилишини, шунингдек тўлиқ ҳажмда даволаш-профилактика ишловлари ўтказилишини таъминлаши;

чорвачилик биноларини ҳамда ҳайвонларни, келиб чиқиши ҳайвонотга мансуб маҳсулот ва хом ашёни сақлаш учун мўлжалланган бошқа иншоотларни ветеринария, ветеринария-санитария қоидалари ва нормаларига мувофиқ сақлаши;

чорвачилик биноларида ва бошқа объектларда дезинфекция, дезинсекция, дератизацияни ўз вақтида ўтказиши;

ҳайвонларни, келиб чиқиши ҳайвонотга мансуб маҳсулот ва хом ашёни ветеринария, ветеринария-санитария қоидалари ва нормаларига риоя этган ҳолда реализация қилишни амалга ошириши;

LexUZ шарҳи

Қаранг: Вазирлар Маҳкамасининг 2023 йил 10 апрелдаги 148-сонли «Давлат ветеринария назорати соҳасидаги рухсат этиш хусусиятига эга айрим ҳужжатларни бериш тартиби тўғрисидаги норматив-ҳуқуқий ҳужжатларни тасдиқлаш ҳақида»ги қарори.

Олдинги таҳрирга қаранг.

Давлат ветеринария қўмитаси томонидан рўйхатдан ўтказилмаган ветеринария дори воситаларини ва озуқабоп қўшимчаларни чорвачиликда қўлламаслиги;

(19-модданинг биринчи қисми ўн биринчи хатбошиси Ўзбекистон Республикасининг 2017 йил 16 октябрдаги ЎРҚ-448-сонли Қонуни таҳририда — Қонун ҳужжатлари маълумотлари миллий базаси, 2017 й.)

Кейинги таҳрирга қаранг.

ҳайвонларни сўйишга доир ветеринария, ветеринария-санитария қоидалари ва нормаларига риоя этиши шарт.

LexUZ шарҳи

Қаранг: Вазирлар Маҳкамасининг 2019 йил 8 майдаги 386-сон «Ихтисослаштирилган сўйиш корхоналари фаолиятини тартибга солиш ҳамда истеъмол бозорига гўшт ва гўшт маҳсулотларини етказиб бериш тизимини янада такомиллаштириш чора-тадбирлари тўғрисида»ги қарори.

Ҳайвонлар, келиб чиқиши ҳайвонотга мансуб маҳсулот ва хом ашё эгаларининг зиммасида қонун ҳужжатларига мувофиқ бошқа мажбуриятлар ҳам бўлиши мумкин.

Кейинги таҳрирга қаранг.

5-боб. Ветеринар осойишталикни ва давлат ветеринария назоратини таъминлаш

20-модда. Профилактика, ташхис қўйиш ва даволаш тадбирлари

Профилактика тадбирлари ҳайвонларнинг юқумли касалликлари пайдо бўлиши ва тарқалишининг олдини олишга қаратилгандир.

Ташхис қўйиш тадбирлари ҳайвонлар касалликларини қўзғатувчиларнинг манбаларини, уларнинг ҳайвонларга ва одамга ўтиши омилларини аниқлаш, шунингдек профилактика ҳамда даволаш тадбирлари самарадорлигини баҳолаш мақсадида ўтказилади.

Даволаш тадбирлари ҳайвонларнинг ҳаёти ва соғлиғини сақлаб қолишга, даволаш-профилактика таъсирига эга бўлган ветеринария дори воситалари ҳамда озуқабоп қўшимчалар қўлланилишини назарда тутадиган муолажалардан фойдаланган ҳолда ҳайвонларнинг маҳсулдорлигини сақлаш ва оширишга қаратилгандир.

21-модда. Лаборатория текширувлари

Лаборатория текширувлари:

ветеринария ва ветеринария-санитария экспертизаси хулосаларини тайёрлаш мақсадида;

давлат ветеринария назоратини амалга оширишда;

ҳайвоннинг соғлиғи ҳолатини аниқлаш, давлат ветеринария хизмати назорати остидаги товарлар ва биологик чиқиндиларнинг ветеринария, ветеринария-санитария қоидалари ҳамда нормаларида белгиланган талабларга мувофиқлигини баҳолаш мақсадида;

илмий-тадқиқот мақсадларида ўтказилади.

Ветеринария соҳасидаги лаборатория текширувлари белгиланган тартибда давлат ветеринария лабораториялари ва бошқа ветеринария лабораториялари томонидан ўтказилади.

Ветеринария лаборатория-ташхис қўйиш ишлари юридик ва жисмоний шахслар томонидан лицензия асосида амалга оширилади.

22-модда. Давлат ветеринария хизмати назорати остидаги товарларни ишлаб чиқариш ва уларнинг муомалада бўлиши чоғидаги ветеринария талаблари

Давлат ветеринария хизмати назорати остидаги товарларни ишлаб чиқариш ветеринария, ветеринария-санитария қоидалари ва нормаларига мос келадиган ишлаб чиқариш объектларида амалга оширилиши керак.

Бозорларда, савдо ташкилотларида ва бошқа савдо объектларида келиб чиқиши ҳайвонотга мансуб маҳсулот ва хом ашёни, шунингдек бозорларда реализация қилинадиган ўсимлик озиқ-овқат маҳсулотларини қабул қилиш, сақлаш ҳамда реализация қилиш ветеринария-санитария экспертизаси хулосаси асосида амалга оширилади.

LexUZ шарҳи

Қаранг: Ўзбекистон Республикасининг «Озиқ-овқат маҳсулотининг сифати ва хавфсизлиги тўғрисида»ги Қонунининг 11-моддаси бешинчи ва олтинчи қисмлари ва Ўзбекистон Республикаси Вазирлар Маҳкамасининг 2012 йил 28 августдаги 253-сон қарори билан тасдиқланган Ўзбекистон Республикаси бозорларида савдо фаолиятини ташкил этиш Қоидаларининг 54-банди иккинчи хатбошиси.

Ўзбекистон Республикаси ҳудудида муомалада бўлган ветеринария дори воситалари ва озуқабоп қўшимчалар ветеринария, ветеринария-санитария қоидалари ҳамда нормаларига мувофиқ бўлиши керак.

LexUZ шарҳи

Қаранг: Ўзбекистон Республикаси Жиноят кодексининг 200-моддаси, Вазирлар Маҳкамасининг 1995 йил 28 сентябрдаги 379-сонли «Республика аҳолисини қишлоқ хўжалиги ҳайвонларида учрайдиган юқумли касалликлардан муҳофаза қилиш ҳамда гўшт ва сут маҳсулотларини етказиб бериш ва сотиш чоғида ветеринария-санитария талабларига риоя этиш тўғрисида»ги қарори, Ўзбекистон Республикаси Вазирлар Маҳкамасининг 2023 йил 10 апрелдаги 148-сонли «Давлат ветеринария назорати соҳасидаги рухсат этиш хусусиятига эга айрим ҳужжатларни бериш тартиби тўғрисидаги норматив-ҳуқуқий ҳужжатларни тасдиқлаш ҳақида»ги қарори, Вазирлар Маҳкамасининг 2017 йил 11 ноябрдаги 905-сон қарори билан тасдиқланган «Ветеринария дори воситалари ва озуқа қўшимчалари хавфсизлиги тўғрисидаги умумий техник регламент», Вазирлар Маҳкамасининг 2016 йил 25 октябрдаги 361-сонли «Давлат ветеринария хизмати тизимини янада такомиллаштириш чора-тадбирлари тўғрисида»ги қарори, Тарқалиши оқибатида карантин ёки чеклашлар белгиланадиган ҳайвонларнинг юқумли касалликлари рўйхати (рўйхат рақами 2543, 26.12.2013 й.).

Ветеринария дори воситалари ва озуқабоп қўшимчаларни давлат рўйхатидан ўтказиш қонун ҳужжатларида белгиланган тартибда, уларнинг ветеринария экспертизаси ва синови натижаларига кўра амалга оширилади.

Кейинги таҳрирга қаранг.

Олдинги таҳрирга қаранг.

Ветеринария дори воситалари ва озуқабоп қўшимчаларни ишлаб чиқариш, реализация қилиш, улардан фойдаланиш ҳамда уларни Ўзбекистон Республикасига олиб кириш фақат улар Давлат ветеринария қўмитаси томонидан давлат рўйхатидан ўтказилганидан кейин амалга оширилади.

(22-модданинг бешинчи қисми Ўзбекистон Республикасининг 2017 йил 16 октябрдаги ЎРҚ-448-сонли Қонуни таҳририда — Қонун ҳужжатлари маълумотлари миллий базаси, 2017 й.)

Кейинги таҳрирга қаранг.

23-модда. Биологик чиқиндиларнинг муомалада бўлиши ва йўқ қилиб ташланиши чоғидаги ветеринария талаблари

Биологик чиқиндилар фақат уларнинг ветеринария жиҳатидан хавфсизлигини тасдиқловчи ветеринария-санитария экспертизаси натижаларига кўра муомалага қўйилади ёки йўқ қилиб ташланади, бундан чорвачилик чиқиндилари мустасно.

24-модда. Ўзбекистон Республикаси ҳудудини ҳайвонларнинг юқумли касалликлари олиб кирилишидан муҳофаза қилиш

Ўзбекистон Республикасининг Давлат чегараси орқали олиб ўтилаётган давлат ветеринария хизмати назорати остидаги товарлар давлат ветеринария назоратидан ўтказилиши шарт.

Эпизоотик жиҳатдан осойишта бўлган бошқа давлатлардан давлат ветеринария хизмати назорати остидаги товарларнинг Ўзбекистон Республикасига олиб кирилишига ва Ўзбекистон Республикасидан олиб чиқилишига, шунингдек Ўзбекистон Республикаси ҳудуди орқали транзитига ветеринария, ветеринария-санитария қоидалари ва нормаларига риоя этилган ҳолда йўл қўйилади.

Давлат ветеринария хизмати назорати остидаги товарлар Ўзбекистон Республикасининг Давлат чегарасида жойлашган чегара ветеринария пунктлари (участкалари) орқали олиб ўтилади.

Бошқа давлатлар ҳудудида ҳайвонларнинг ўта хавфли юқумли касалликлари, ҳайвонларнинг келиб чиқиш сабаблари номаълум бўлган ялпи касалликлари ва ҳайвонларнинг илгари қайд этилмаган юқумли касалликлари пайдо бўлган тақдирда давлат ветеринария хизмати назорати остидаги товарларни олиб ўтишга тақиқ, чеклов жорий этиш ҳамда уларни олиб ўтишни тиклаш тўғрисидаги қарор Ўзбекистон Республикаси Бош давлат ветеринария инспектори томонидан қабул қилинади.

Давлат ветеринария хизмати назорати остидаги товарларни олиб киришдан олдин юридик ва жисмоний шахслар экспорт ва транзит қилувчи мамлакатлардаги эпизоотик вазият тўғрисида давлат ветеринария хизматидан бепул ахборот олиш ҳуқуқига эга.

LexUZ шарҳи

Қаранг: Вазирлар Маҳкамасининг 2019 йил 18 ноябрдаги 912-сон қарори билан тасдиқланган «Ўзбекистон Республикасининг Давлат чегараси орқали шахслар, транспорт воситалари ва товарларни ўтказиш пунктларида чегара, божхона, санитария-карантин, фитосанитария ва ветеринария назоратидан ўтказиш тартиби тўғрисида низом».

25-модда. Давлат ветеринария назорати объектлари

Қуйидагилар давлат ветеринария назорати объектлари жумласига киради:

ҳайвонлар, уларнинг жинсий ва соматик ҳужайралари;

ҳайвонларнинг юқумли касалликларини қўзғатувчилар;

келиб чиқиши ҳайвонотга мансуб маҳсулот ва хом ашё, бозорларда реализация қилинадиган ўсимлик озиқ-овқат маҳсулотлари, ветеринария дори ва техника воситалари, озуқалар ва озуқабоп қўшимчалар, патологик материал, биологик чиқиндилар, шунингдек сув, ҳаво ва тупроқ намуналари;

ҳайвонларнинг юқумли касалликларини қўзғатувчиларни юқтириш омиллари бўлиши мумкин бўлган транспорт воситалари, идишлар, жойлаш-ўраш материаллари;

юридик ва жисмоний шахсларнинг ветеринария соҳасидаги фаолияти;

давлат ветеринария хизмати назорати остидаги товарларни етиштирадиган, тайёрлайдиган, ишлаб чиқарадиган, сақлайдиган, қайта ишлайдиган, ташийдиган, реализация қиладиган ёки улардан фойдаланадиган юридик ва жисмоний шахсларнинг ҳудудлари ҳамда ишлаб чиқариш бинолари;

ҳайвонлар ҳайдаб ўтиладиган йўллар, йўналишлар, биотермик ўралар, ҳайвонот қабристонлари, ҳайвонлар боқиладиган яйловларнинг ва суғориладиган жойларнинг ҳудудлари;

ветеринария ҳисоби ва ҳисоботи бўйича ҳужжатлар;

ветеринария далолатномалари, лицензиялари, рухсатномалари, маълумотномалари, гувоҳномалари ва сертификатлари;

давлат ветеринария хизмати назорати остидаги товарларни ишлаб чиқариш, тайёрлаш (сўйиш), сақлаш ва қайта ишлашга доир норматив-техник ҳужжатлар.

26-модда. Эпизоотик мониторинг

Эпизоотик мониторинг ҳайвонлар юқумли касалликларини қўзғатувчиларни аниқлаш бўйича ахборотни тизимли равишда йиғиш ва ишловдан ўтказишдир.

Эпизоотик мониторинг давлат ветеринария хизмати томонидан қуйидаги мақсадларда амалга оширилади:

эпизоотик вазиятни прогноз қилиш, ҳайвонларнинг юқумли касалликлари ва ушбу касалликларни қўзғатувчилар тарқалишини чеклаш бўйича тадбирлар мажмуини ишлаб чиқиш;

чекловчи тадбирларни (карантинни) белгилаш ёки бекор қилиш тўғрисида қарор қабул қилиш;

фаолияти ҳайвонларни сақлаш, сўйиш, келиб чиқиши ҳайвонотга мансуб маҳсулот ва хом ашёни қайта ишлаш билан боғлиқ бўлган корхоналардаги, муассасалардаги ҳамда ташкилотлардаги эпизоотик вазиятни хўжалик фаолияти хавфсиз амалга оширилиши учун аниқлаш;

халқаро савдо-сотиқ ва давлат ветеринария хизмати назорати остидаги товарларни ташиш учун мамлакатдаги эпизоотик вазиятни аниқлаш.

27-модда. Давлат ветеринария хизмати назорати остидаги товарларни олиб қўйиш, йўқ қилиб ташлаш, зарарсизлантириш (юқумсизлантириш) ва қайта ишлаш

Ҳайвонларнинг ва одамнинг соғлиғи учун хавф туғдирадиган ҳайвонлар, келиб чиқиши ҳайвонотга мансуб маҳсулот ва хом ашё уларнинг хавфлилик даражасига қараб ветеринария, ветеринария-санитария қоидалари ва нормаларига кўра мажбурий равишда олиб қўйилиши ҳамда йўқ қилиб ташланиши ёхуд олиб қўйилмаган ҳолда мажбурий равишда зарарсизлантирилиши (юқумсизлантирилиши) ва қайта ишланиши шарт.

Ҳайвонларнинг ва одамнинг соғлиғи учун хавф туғдирадиган ва бунда ҳайвонлар, келиб чиқиши ҳайвонотга мансуб маҳсулот ва хом ашё олиб қўйиладиган ҳамда йўқ қилиб ташланадиган Ҳайвонларнинг касалликлари рўйхати Ўзбекистон Республикаси Вазирлар Маҳкамаси томонидан тасдиқланади.

Олдинги таҳрирга қаранг.

Ҳайвонларнинг ва одамнинг соғлиғи учун хавф туғдирадиган ва бунда ҳайвонлар, келиб чиқиши ҳайвонотга мансуб маҳсулот ҳамда хом ашё, ветеринария дори воситалари, озуқалар ва озуқабоп қўшимчалар олиб қўйилмаган ҳолда зарарсизлантириладиган (юқумсизлантириладиган) ҳамда қайта ишланадиган Ҳайвонлар касалликларининг рўйхати Давлат ветеринария қўмитаси томонидан тасдиқланади.

(27-модданинг учинчи қисми Ўзбекистон Республикасининг 2017 йил 16 октябрдаги ЎРҚ-448-сонли Қонуни таҳририда — Қонун ҳужжатлари маълумотлари миллий базаси, 2017 й.)

LexUZ шарҳи

Қаранг: Ўзбекистон Республикаси Қишлоқ ва сув хўжалиги вазирининг 2017 йил 31 январдаги 30-сон «Ҳайвонларнинг ва одамнинг соғлиғи учун хавф туғдирадиган ва бунда ҳайвонлар, келиб чиқиши ҳайвонотга мансуб маҳсулот ҳамда хом ашё, ветеринария дори воситалари, озуқалар ва озуқабоп қўшимчалар олиб қўйилмаган ҳолда зарарсизлантириладиган (юқумсизлантириладиган) ҳамда қайта ишланадиган ҳайвонлар касалликларининг рўйхатини тасдиқлаш тўғрисида» буйруғи.

Кейинги таҳрирга қаранг.

28-модда. Ҳайвонлар юқумли касалликларининг ўчоқлари аниқланган чоғдаги чекловчи тадбирлар (карантин)

Ҳайвонлар юқумли касалликларининг ўчоқлари аниқланган ҳолларда Қорақалпоғистон Республикасининг, вилоятларнинг, туманларнинг, шаҳарларнинг, шаҳарчаларнинг, қишлоқларнинг, овулларнинг муайян ҳудудларини нобоп пунктлар деб эълон қилиш ва уларда чекловчи тадбирлар (карантин) жорий этиш тегишли бош давлат ветеринария инспекторларининг тақдимномасига кўра Қорақалпоғистон Республикаси Вазирлар Кенгашининг, вилоятлар ва Тошкент шаҳар, туманлар ва шаҳарлар ҳокимларининг қарорлари билан ёки Ўзбекистон Республикаси Бош давлат ветеринария инспекторининг тақдимномасига кўра Ўзбекистон Республикаси Вазирлар Маҳкамасининг қарори билан амалга оширилади.

Белгиланган муддатлар ўтганидан ва ҳайвонларнинг юқумли касалликлари ўчоқлари тугатилганидан кейин, шунингдек зарур ветеринария тадбирлари ўтказилганидан сўнг Қорақалпоғистон Республикасининг, вилоятларнинг, туманларнинг, шаҳарларнинг, шаҳарчаларнинг, қишлоқларнинг, овулларнинг муайян ҳудудларидаги чекловчи тадбирлар (карантин) тегишли бош давлат ветеринария инспекторларининг тақдимномасига кўра чекловчи тадбирларни (карантинни) белгилаган Қорақалпоғистон Республикаси Вазирлар Кенгашининг, вилоятлар ва Тошкент шаҳар, туманлар ва шаҳарлар ҳокимларининг қарорлари билан ёки Ўзбекистон Республикаси Бош давлат ветеринария инспекторининг тақдимномасига кўра Ўзбекистон Республикаси Вазирлар Маҳкамасининг қарори билан бекор қилинади.

LexUZ шарҳи

Шунингдек, қаранг: Тарқалиши оқибатида карантин ёки чеклашлар белгиланадиган ҳайвонларнинг юқумли касалликлари рўйхати (рўйхат рақами 2543, 26.12.2013 й.)

6-боб. Якунловчи қоидалар

29-модда. Давлат ветеринария хизматининг таъминоти ва молиялаштирилиши

Давлат ветеринария хизмати Ўзбекистон Республикаси Давлат бюджетининг маблағлари ва қонун ҳужжатларида тақиқланмаган бошқа манбалар ҳисобидан таъминланади.

Кейинги таҳрирга қаранг.

30-модда. Давлат ветеринария назоратини амалга ошириш бўйича фаолиятга аралашишга йўл қўйилмаслиги

Давлат ветеринария назорати органларининг фаолиятига аралашиш, давлат ветеринария назоратини амалга оширувчи мансабдор шахсларнинг қонуний фаолиятига тўсқинлик қилиш мақсадида уларга ҳар қандай шаклда таъсир ўтказиш тақиқланади.

31-модда. Низоларни ҳал этиш

Ветеринария соҳасидаги низолар қонун ҳужжатларида белгиланган тартибда ҳал этилади.

Кейинги таҳрирга қаранг.

32-модда. Ветеринария тўғрисидаги қонун ҳужжатларини бузганлик учун жавобгарлик

Ветеринария тўғрисидаги қонун ҳужжатларини бузганликда айбдор шахслар белгиланган тартибда жавобгар бўлади.

Кейинги таҳрирга қаранг.

(Ўзбекистон Республикаси қонун ҳужжатлари тўплами, 2016 й., 1-сон, 1-модда; Қонун ҳужжатлари маълумотлари миллий базаси, 13.11.2019 й., 03/19/583/4016-сон; Қонунчилик маълумотлари миллий базаси, 21.04.2021 й., 03/21/683/0375-сон, 12.10.2021 й., 03/21/721/0952-сон; 22.08.2023 й., 03/23/864/0639-сон; 29.11.2023 й., 03/23/880/0905-сон; 18.01.2024 й., 03/24/898/0046-сон)