602-сон 22.09.2025. Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi faoliyatini tartibga soluvchi normativ-huquqiy hujjatlarni tasdiqlash toʻgʻrisida

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi faoliyatini tartibga soluvchi normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining “Qurilish va uy-joy kommunal xoʻjaligi sohasida davlat nazoratini samarali tashkil qilish chora-tadbirlari toʻgʻrisida” 2025-yil 14-apreldagi PF-66-son Farmoni ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi toʻgʻrisidagi nizom 1-ilovaga muvofiq;

Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyalari toʻgʻrisidagi namunaviy nizom 2-ilovaga muvofiq;

Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi xodimlarining idoraviy formali kiyim-boshlari va farqlash belgilari namunalari hamda tavsifi 3-ilovaga muvofiq tasdiqlansin.

2. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimchalar kiritilsin.

3. Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

4. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi boshligʻi S.Q. Eshquvvatov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 22-sentabr,

602-son

Vazirlar Mahkamasining 2025-yil 22-sentabrdagi 602-son qaroriga
1-ILOVA

Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining (keyingi oʻrinlarda — Inspeksiya) maqomi, asosiy vazifalari, funksiyalari, huquqlari va javobgarligi, faoliyatini tashkil etish, rahbarlarining funksional vazifalari, huquqlari va javobgarligini, shuningdek, xodimlarini moddiy ragʻbatlantirish tartibini belgilaydi.

Inspeksiya oʻz vakolatlari doirasida qurilish-montaj ishlarining sifati va tasdiqlangan loyiha hujjatlariga muvofiqligi (avtomobil yoʻllari va yoʻl sunʼiy inshootlari bundan mustasno), shuningdek, koʻp kvartirali uy-joy fondini boshqarish (xoʻjalik yurituvchi subyektlarning moliyalashtirish manbalaridan qatʼi nazar, moliya-xoʻjalik faoliyatiga aralashmagan holda), issiqlik taʼminotidan foydalanish, ichimlik suvi taʼminoti va oqova suvlarni chiqarib yuborish xizmatini koʻrsatish hamda undan foydalanish yuzasidan davlat nazorati va tekshiruvini amalga oshiruvchi mustaqil respublika ijro etuvchi hokimiyat organi hisoblanadi.

2. Inspeksiya bevosita Oʻzbekiston Respublikasi Vazirlar Mahkamasiga (keyingi oʻrinlarda — Vazirlar Mahkamasi) boʻysunadi va oʻz faoliyati toʻgʻrisida hisobdor boʻladi.

3. Inspeksiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonunchilik hujjatlariga amal qiladi.

4. Inspeksiya oʻz faoliyatini respublika va mahalliy ijro etuvchi hokimiyat organlari, huquqni muhofaza qiluvchi organlar, xoʻjalik birlashmalari hamda boshqa tashkilotlar bilan oʻzaro hamkorlikda amalga oshiradi.

5. Inspeksiyaning oʻz vakolatlari doirasida qabul qilgan qarorlari respublika va mahalliy ijro etuvchi hokimiyat organlari, boshqa tashkilotlar, mansabdor shaxslar va fuqarolar tomonidan ijro etilishi majburiy hisoblanadi.

6. Inspeksiya Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga hamda blankalarga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, bank hisobvaraqlariga, shu jumladan, xorijiy valyutadagi shaxsiy gʻazna hisobvaraqlariga ega boʻladi.

7. Inspeksiyaning rasmiy nomi:

a) davlat tilida:

toʻliq nomi — Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi;

qisqartirilgan nomi — Qurilish va kommunal xoʻjaligi nazorati inspeksiyasi;

b) rus tilida:

toʻliq nomi — Inspeksiya po kontrolyu v sfere stroitelstva i jilishno-kommunalnogo xozyaystva pri Kabinete Ministrov Respubliki Uzbekistan;

qisqartirilgan nomi — Uzstroykomxoznadzor;

8. Inspeksiyaning joylashgan manzili (pochta manzili): Toshkent shahri Shayxontohur tumani Abay koʻchasi 6-uy.

9. Inspeksiya hududiy nazorat qilish inspeksiyalari (keyingi oʻrinlarda — hududiy inspeksiyalar) faoliyatini tashkil etadi, nazorat qiladi va ularga umumiy rahbarlik qiladi.

2-bob. Inspeksiyaning asosiy vazifalari va funksiyalari

10. Quyidagilar Inspeksiyaning asosiy vazifalari hisoblanadi:

a) qurilish sohasida:

tasdiqlangan loyiha hujjatlari boʻyicha qurilish-montaj ishlarining amalga oshirilishida va qurilish-montaj ishlari tugallangan obyektlarning foydalanishga qabul qilinishida (avtomobil yoʻllari va yoʻl sunʼiy inshootlari bundan mustasno) shaharsozlik toʻgʻrisidagi qonunchilik hujjatlari, shaharsozlik normalari va qoidalari, texnik jihatdan tartibga solish sohasidagi normativ hujjatlar talablariga rioya etilishi yuzasidan davlat nazoratini amalga oshirish;

obyektlarda bino va inshootlarning zilzilaga bardoshliligiga taʼsir qiluvchi, shuningdek, inson salomatligi hamda hayotiga tahdid soluvchi sifatsiz qurilish materiallari, konstruksiyalari va buyumlari qoʻllanishining oldini olish;

buyurtmachining texnik nazorati va loyiha tashkilotlarining mualliflik nazoratini, pudrat tashkilotining ichki nazorat tizimining ishlashi ustidan davlat nazoratini amalga oshirish va monitoring qilish;

yangi qurilayotgan bino va inshootlarning seysmik jihatdan zaifligini baholash, mavjud binolar va inshootlarning instrumental-texnik tekshiruvdan shartnoma asosida oʻtkazilishini taʼminlash hamda hududiy inspeksiyalarning sinov laboratoriyalari faoliyatini muvofiqlashtirish;

hududiy inspeksiyalar tomonidan qurilish-montaj ishlarini boshlash, qurilish ishlari tugallangan obyektdan foydalanish uchun ruxsatnoma berish boʻyicha hamda qurilish obyektlarini onlayn kuzatish markazlari orqali kelib tushgan maʼlumotlarni tahlil qilish;

b) koʻp kvartirali uy-joy fondini boshqarish sohasida:

Oldingi tahrirga qarang.

koʻp kvartirali uylarni boshqarish, ularga tutash yer uchastkalarini saqlash va ulardan foydalanishda texnik foydalanish qoidalari va normalariga rioya etilishini nazorat qilish hamda mulkdorlar tomonidan joylarning oʻzboshimchalik bilan qayta qurilishiga va qayta rejalashtirilishiga yoʻl qoʻymaslik. Bunda koʻp kvartirali uylarga tutash yer uchastkalarida oʻzboshimchalik bilan imoratlar (inshootlar) qurish ishlarini amalga oshirgan huquqbuzarlarga tegishli choralar koʻrish faqatgina “E-YER NAZORAT” tizimi orqali amalga oshiriladi;

(10-band “b” kichik bandining ikkinchi xatboshisi Oʻzbekiston Respublikasi Vazirlar Mahkamasining 2026-yil 9-apreldagi 154-sonli qarori tahririda — Qonunchilik maʼlumotlari milliy bazasi, 09.04.2026-y., 09/26/154/0331-son

koʻp kvartirali uylardagi umumiy mol-mulk va unga tutash yer uchastkalarini mavsumiy foydalanishga tayyorlash boʻyicha bajarilgan taʼmirlash-tiklash ishlarining manzilli dasturlariga muvofiqligi ustidan amalga oshiriladigan nazorat ishlarini muvofiqlashtirish;

koʻp kvartirali uylarni boshqarish faoliyatini amalga oshirish qoidalariga rioya etilishida davlat nazoratini muvofiqlashtirish;

koʻp kvartirali uylarni boshqarish organlari va joylar mulkdorlari tomonidan issiqlik taʼminotidan foydalanishda normativ-huquqiy hujjatlar talablariga rioya etilishi ustidan davlat nazoratini amalga oshirish;

koʻp kvartirali uylarning seysmik mustahkamligi va zilzilaga bardoshliligi monitoringini muvofiqlashtirish;

v) ichimlik suvi taʼminoti va oqova suvlarni chiqarib yuborish sohasida:

ichimlik suvini samarali ishlab chiqarish, yetkazib berish, realizatsiya qilish, ichimlik suvidan oqilona foydalanish, shuningdek, oqova suvlarni chiqarib yuborish va tozalash boʻyicha xizmat koʻrsatish sohasida texnik jihatdan tartibga solish sohasidagi normativ hujjatlar hamda boshqa qonunchilik hujjatlari talablariga rioya etilishini nazorat qilish;

ichimlik suvini ishlab chiqarish uchun moʻljallangan yer osti suvlari quduqlarining texnik holati va ulardan foydalanish shartlariga hamda qazishning (burgʻilashning) belgilangan qoidalariga rioya etilishini nazorat qilish;

oqova suvlarni chiqarib yuborish tarmoqlaridagi va tozalash inshootlaridagi oqova suvlar tarkibida ifloslantiruvchi moddalarning ruxsat etilgan meʼyorlar darajasida chiqarib yuborilishi hamda tozalanishi ustidan davlat nazoratini amalga oshirish;

ichimlik suvi taʼminoti va oqova suvlarni chiqarib yuborish tizimi obyektlarining texnologik auditdan oʻtkazilishi yuzasidan nazoratni muvofiqlashtirish;

isteʼmolchilarning ichimlik suvi taʼminoti va oqova suvlarni chiqarib yuborish boʻyicha xizmatlar bilan qamrab olinishi ustidan davlat nazoratini amalga oshirish.

11. Inspeksiya oʻziga yuklangan vazifalarni bajarish uchun quyidagi funksiyalarni amalga oshiradi:

1) qurilish sohasida:

a) tasdiqlangan loyiha hujjatlari boʻyicha qurilish-montaj ishlarining amalga oshirilishida va qurilish-montaj ishlari tugallangan obyektlarning foydalanishga qabul qilinishida (avtomobil yoʻllari va yoʻl sunʼiy inshootlari bundan mustasno) shaharsozlik toʻgʻrisidagi qonunchilik hujjatlari, shaharsozlik normalari va qoidalari, texnik jihatdan tartibga solish sohasidagi normativ hujjatlar talablariga rioya etilishi yuzasidan davlat nazoratini amalga oshirish boʻyicha:

tasdiqlangan loyiha hujjatlari boʻyicha shaharsozlik subyektlari (buyurtmachi, loyiha va pudrat tashkilotlari) tomonidan qurilish jarayonini qonunchilik hujjatlari, shaharsozlik normalari va qoidalari, texnik jihatdan tartibga solish sohasidagi normativ hujjatlarga rioya etilishida hududiy inspeksiyalar tomonidan amalga oshiriladigan nazorat tadbirlarini muvofiqlashtiradi;

hududiy inspeksiyalarda roʻyxatdan oʻtgan qurilish-montaj ishlarining bajarilishida qonunchilik hujjatlari, shaharsozlik normalari va qoidalari, texnik jihatdan tartibga solish sohasidagi normativ hujjatlar talablariga rioya etilishi boʻyicha taʼsirchan nazoratni oʻrnatadi;

jismoniy va yuridik shaxslar tomonidan qurilishda qonunchilik hujjatlari, shaharsozlik normalari va qoidalari, texnik jihatdan tartibga solish sohasidagi normativ hujjatlarga rioya etishlari yuzasidan nazorat oʻrnatilishida tahliliy maʼlumotlarni yuritadi;

b) obyektlarda bino va inshootlarning zilzilaga bardoshliligiga taʼsir qiluvchi, shuningdek, inson salomatligi hamda hayotiga tahdid soluvchi sifatsiz qurilish materiallari, konstruksiyalari va buyumlari qoʻllanishining oldini olish boʻyicha:

hududiy inspeksiyalarda roʻyxatdan oʻtgan qurilish obyektlarida qurilish materiallari, buyumlari, konstruksiyalari va bajarilayotgan qurilish-montaj ishlari sifatini tekshirish uchun shaharsozlik faoliyati subyektlaridagi loyiha, texnologik va ijro hujjatlari, shuningdek, boshqa zarur maʼlumotlarni belgilangan tartibda oʻrganadi;

qurilish obyektlaridagi avariyalar holatlarini tekshirish boʻyicha idoralararo komissiyalar ishida ishtirok etadi;

v) buyurtmachining texnik nazorati va loyiha tashkilotlarining mualliflik nazoratini, pudrat tashkilotining ichki nazorat tizimining ishlashi ustidan davlat nazoratini amalga oshirish va monitoring qilish boʻyicha:

qurilish obyektlarida buyurtmachining texnik, loyiha tashkilotlarida mualliflik va pudrat tashkilotida ichki nazorat amalga oshirilishi boʻyicha hududiy inspeksiyalar faoliyatini nazorat qiladi;

obyektlarni qurish va rekonstruksiya qilishda tegishli mutaxassislar biriktirilgani yoki ushbu faoliyat turini amalga oshirish huquqiga ega boʻlgan yuridik shaxsning shartnoma asosida jalb qilingani hamda ularning qonunchilik hujjatlarida belgilangan tartibda sertifikatga egaligini oʻrganadi;

g) yangi qurilayotgan bino va inshootlarning seysmik jihatdan zaifligini baholash, mavjud binolar va inshootlarning instrumental-texnik tekshiruvdan shartnoma asosida oʻtkazilishini taʼminlash hamda hududiy inspeksiyalarning sinov laboratoriyalari faoliyatini muvofiqlashtirish boʻyicha:

seysmik faol zonalarda qurilishi rejalashtirilayotgan barcha turdagi binolar va inshootlarning, shuningdek, koʻp kvartirali turar joylarning seysmik jihatdan zaifligini baholash uchun zarur boʻlgan axborotni oʻz ichiga olgan elektron texnik pasportlarning buyurtmachilar tomonidan rasmiylashtirilishini muvofiqlashtiradi;

hududiy inspeksiyalarda roʻyxatdan oʻtib qurilayotgan binolar va inshootlarning zilzilaga bardoshliligini taʼminlash, zarur hollarda instrumental-texnik tekshiruvdan oʻtkazish hamda zilzilaga bardoshliligini taʼminlash boʻyicha bajarilgan ishlarni oʻrganadi;

hududiy inspeksiyalarning sinov-laboratoriyalarining ish yuritish faoliyatini hamda xizmat koʻrsatish sohasida amalga oshirilgan ishlarni muvofiqlashtiradi;

d) hududiy inspeksiyalar tomonidan qurilish-montaj ishlarini boshlash, qurilish ishlari tugallangan obyektdan foydalanish uchun ruxsatnoma berish boʻyicha hamda qurilish obyektlarini onlayn kuzatish markazlari orqali kelib tushgan maʼlumotlarni tahlil qilish boʻyicha:

qurilish-montaj ishlarini boshlash, qurilish-montaj ishlari tugallangan obyektdan foydalanish uchun ruxsatnoma berish tartibiga rioya etilishini oʻrganadi;

qurilish obyektlarini onlayn kuzatish markazlariga mobil videokameralar (bodikamera), maxsus planshetlar va qurilish obyektlaridagi videokameralardan kelib tushgan maʼlumotlarning tezkor tahlil qilingani hamda natijasiga koʻra tegishli choralar koʻrilganligini oʻrganadi;

2) koʻp kvartirali uy-joy fondini boshqarish sohasida:

a) koʻp kvartirali uylarni boshqarish, ularga tutash yer uchastkalarini saqlash va ulardan foydalanishda texnik foydalanish qoidalari va normalariga rioya etilishini nazorat qilish hamda mulkdorlar tomonidan joylarning oʻzboshimchalik bilan qayta qurilishiga va qayta rejalashtirilishiga yoʻl qoʻymaslik boʻyicha:

mavjud koʻp kvartirali uylardagi tayanch va (yoki) toʻsiq konstruksiyalarni texnik jihatdan tartibga solish sohasidagi normativ hujjatlarni buzgan holda oʻzgartirish va (yoki) rekonstruksiya qilish, buzish hamda binoning zilzilaga bardoshliligiga salbiy taʼsir qiladigan ishlarni bajarishga yoʻl qoʻyilmasligi ustidan amalga oshirilgan nazorat tadbirlarini muvofiqlashtiradi;

koʻp kvartirali uylar va ularga tutash yer uchastkalaridan foydalanishda texnik foydalanish qoidalari va normalari talablariga amal qilinishini yuzasidan tahliliy maʼlumotlarni yuritadi;

koʻp kvartirali uylarda va unga tutash yer uchastkalarida oʻzboshimchalik bilan imoratlar (inshootlar) qurishga yoʻl qoʻyilmasligi ustidan davlat nazoratini amalga oshiradi;

koʻp kvartirali uy-joy fondini boshqarish, jumladan, muhandislik tarmoqlari, koʻp kvartirali uylar uskunalaridan foydalanish, avariya holatlarining bartaraf etilishini tizimli tashkil etish yuzasidan monitoring yuritadi;

b) koʻp kvartirali uylardagi umumiy mol-mulk va unga tutash yer uchastkalarini mavsumiy foydalanishga tayyorlash boʻyicha bajarilgan taʼmirlash-tiklash ishlarining manzilli dasturlariga muvofiqligi ustidan amalga oshiriladigan nazorat ishlarini muvofiqlashtirish boʻyicha:

koʻp kvartirali uylardagi umumiy mulk va unga tutash yer uchastkalarida davlat dasturlari asosida amalga oshirilgan taʼmirlash-tiklash ishlarining bajarilishini monitoring qiladi;

umumiy foydalaniladigan joylar, fasadlar, uylarning ichki muhandislik kommunikatsiyalarini taʼmirlash-tiklash ishlarini tizimli oʻtkazish qoidalariga rioya etilishini oʻrganadi;

v) koʻp kvartirali uylarni boshqarish faoliyatini amalga oshirish qoidalariga rioya etilishidagi davlat nazoratini muvofiqlashtirish boʻyicha:

joylar mulkdorlariga hisobotlarning belgilangan shartlar, tartib va muddatlarda berib borilishini monitoring qiladi va ular yuzasidan oʻtkaziladigan nazorat tadbirlarini muvofiqlashtiradi;

umumiy mol-mulkni saqlash va taʼmirlash uchun xizmatlar hamda ishlar shakllantirilganligi va belgilangan tartibda tasdiqlanganligi yuzasidan oʻtkazilgan oʻrganish ishlarini muvofiqlashtiradi;

koʻp kvartirali uylarni “Billing” tizimi orqali boshqarish, mukammal va joriy taʼmirlash ishlarini amalga oshirish, shuningdek, avariya-dispetcherlik xizmatlarini tashkil etish va koʻrsatish choralari taʼminlangani yuzasidan oʻtkaziladigan nazorat ishlarini muvofiqlashtiradi;

olti oyda bir marta koʻp kvartirali uylardagi tayanch va toʻsiq konstruksiyalarning butligini xatlovdan oʻtkazish choralari taʼminlangani ustidan davlat nazoratini muvofiqlashtiradi;

koʻp kvartirali uylarni boshqarish huquqini beruvchi malaka sertifikatining mavjudligini oʻrganish boʻyicha amalga oshiriladigan nazorat tadbirini muvofiqlashtiradi;

g) koʻp kvartirali uylarni boshqarish organlari va joylar mulkdorlari tomonidan issiqlik taʼminotidan foydalanishda normativ-huquqiy hujjatlar talablariga rioya etilishi ustidan davlat nazoratini amalga oshirish boʻyicha:

uy ichidagi issiqlik tarmoqlariga oʻzboshimchalik bilan ulanib olish, issiqlik va issiq suv taʼminotining uy ichidagi tizimlariga oʻzgartirishlar kiritish holatini monitoring qiladi va ushbu holat yuzasidan oʻtkaziladigan davlat nazorati tadbirini muvofiqlashtiradi;

uyning isitish asboblarini oʻzboshimchalik bilan demontaj qilish orqali isitish tizimidan uzib qoʻyish holati yuzasidan oʻtkaziladigan davlat nazorati tadbirini muvofiqlashtiradi;

koʻp kvartirali uylarni boshqarish organlari tomonidan isitish tizimidan issiqlik manbaini chiqarib tashlash holatlarini bartaraf etish yuzasidan amalga oshiriladigan davlat nazorati ishlarini monitoring qiladi va muvofiqlashtiradi;

uy ichidagi issiqlik energiyasidan uning bevosita vazifasidan (isitish, issiq suv taʼminoti) boshqa maqsadda foydalanish holati yuzasidan oʻtkaziladigan nazorat tadbirlarini muvofiqlashtiradi;

uy ichidagi isitish tizimini gidravlik presslashi va keyinchalik uni tarmoqdagi suv bilan toʻldirgan holda yuvish ishlari taʼminlanganligini aniqlash yuzasidan oʻtkaziladigan nazorat tadbirlarini muvofiqlashtiradi;

isitish tizimidan tarmoq suvining oqishi va chiqib ketishining oldini olishni taʼminlash maqsadida koʻrilgan choralar yuzasidan oʻtkaziladigan nazorat ishlarini muvofiqlashtiradi;

d) koʻp kvartirali uylarning seysmik mustahkamligi va zilzilaga bardoshliligi monitoringini muvofiqlashtirish boʻyicha:

koʻp kvartirali uylarning seysmik mustahkamligi va zilzilaga bardoshliligini aniqlash boʻyicha vizual tartibda oʻtkaziladigan xatlov ishlarini muvofiqlashtiradi;

koʻp kvartirali uylarning seysmik mustahkamligi va zilzilaga bardoshliligi holati yuzasidan oʻtkazilgan xatlov natijalari toʻgʻrisidagi maʼlumotlarni umumlashtiradi;

tahlil natijalariga asosan ekspluatatsiya muddatini oʻtab boʻlgan seysmik zaif va avariya alomatlari aniqlangan koʻp kvartirali uylar oʻrnida bosqichma-bosqich yangi uy-joylar qurish boʻyicha takliflarni ishlab chiqib, mahalliy ijro etuvchi hokimiyat organlariga kiritib boradi;

3) ichimlik suvi taʼminoti va oqova suvlarni chiqarib yuborish sohasida:

a) ichimlik suvini samarali ishlab chiqarish, yetkazib berish, realizatsiya qilish, ichimlik suvidan oqilona foydalanish, shuningdek, oqova suvlarni chiqarib yuborish va tozalash boʻyicha xizmat koʻrsatish sohasida texnik jihatdan tartibga solish sohasidagi normativ hujjatlar hamda boshqa qonunchilik hujjatlari talablariga rioya etilishini nazorat qilish boʻyicha:

ichimlik suvi taʼminoti va oqova suvlarni chiqarib yuborish tizimlariga ulanishda texnik shartlar talablariga rioya etilishi, shuningdek, ichimlik suvi va oqova suv tarmoqlariga oʻzboshimchalik bilan ulanishning oldini olish choralarini koʻradi;

isteʼmolchilar tomonidan ichimlik suvi taʼminoti va oqova suvlarni chiqarib yuborish xizmatlaridan foydalanishga oid talablarga amal qilinishini monitoring qiladi;

ichimlik suvi taʼminoti va oqova suvlarni chiqarib yuborish tarmoqlaridagi va boshqa inshootlardagi avariyalar bartaraf etilishini, ular yuzaga kelishining oldini olish boʻyicha ishlab chiqilgan chora-tadbirlar bajarilishini nazorat qiladi;

ichimlik suvining texnologik jihatdan sarflanishi va yoʻqotilishining yoʻl qoʻyiladigan normalariga rioya etilishi ustidan davlat nazorati amalga oshirilishini taʼminlaydi;

ichimlik suvi taʼminoti va oqova suvlarni chiqarib yuborish sohasida xizmat koʻrsatish qoidalariga amal qilinishini nazorat qiladi;

ichimlik suvi taʼminoti tashkilotlari tomonidan inshootlarda ichimlik suvining texnologik hisobi yuritilishi taʼminlanganligini va hisoblash uskunalari ishlashini nazorat qiladi;

ichimlik suvi taʼminoti tashkilotlari tomonidan ichimlik suvini yoʻqotishlarning belgilangan meʼyorlariga rioya etilishi nazorat qilinishini taʼminlaydi;

manfaatdor vazirliklar va idoralar bilan birgalikda tashkiliy-huquqiy shaklidan qatʼi nazar, suv taʼminoti tashkilotlari tomonidan aholiga yetkazib berilayotgan ichimlik suvining sifati, standartlar va belgilangan talablarga javob berishi ustidan nazoratni muvofiqlashtiradi;

ichimlik suvi taʼminoti tashkilotlari tomonidan isteʼmolchilarga yetkazib berilayotgan ichimlik suvining sifati, suvni tozalash, zararsizlantirish uskunalari bilan taʼminlanganligi va belgilangan talablarga muvofiqligini oʻrganadi;

b) ichimlik suvini ishlab chiqarish uchun moʻljallangan yer osti suvlari quduqlarining texnik holati va ulardan foydalanish shartlariga hamda qazishning (burgʻilashning) belgilangan qoidalariga rioya etilishini nazorat qilish boʻyicha:

ichimlik suvi ehtiyojlari uchun yer osti suvlaridan foydalanishda texnik jihatdan tartibga solish sohasidagi normativ hujjatlar talablari bajarilishi ustidan taʼsirchan nazorat oʻrnatadi;

ichimlik suvi ehtiyojlari uchun yer osti suv quduqlarini qazishning belgilangan qoidalarini va texnologiyasiga rioya etilishi ustidan davlat nazoratini amalga oshiradi;

v) oqova suvlarni chiqarib yuborish tarmoqlaridagi va tozalash inshootlaridagi oqova suvlar tarkibida ifloslantiruvchi moddalarni ruxsat etilgan meʼyorlar darajasida chiqarib yuborilishi hamda tozalanishi ustidan davlat nazoratini amalga oshirish boʻyicha:

oqova suvlarni tozalash inshootlaridagi oqova suvlar tarkibidagi ifloslantiruvchi moddalarni ruxsat etilgan meʼyorlar darajasida tozalanishi ustidan davlat nazorati amalga oshirilishini taʼminlaydi;

oqova suvlarni chiqarib yuborish tarmoqlariga meʼyordan ortiq ifloslantirilgan oqova suvlarni oqizganlik va oqova suvlarni chiqarib yuborish tarmoqlaridan foydalanish qoidalarining boshqacha tarzda buzilishi holatlariga chora koʻrilishi yuzasidan davlat nazoratini amalga oshiradi;

g) ichimlik suvi taʼminoti va oqova suvlarni chiqarib yuborish tizimi obyektlarining texnologik auditdan oʻtkazilishi yuzasidan nazoratni muvofiqlashtirish boʻyicha:

ichimlik suvi taʼminoti va oqova suvlarni chiqarib yuborish tizimi tarkibidagi obyektlar va tarmoqlarning samaradorligini oshirish (texnik jarayon va energiyani tejash) boʻyicha texnologik auditdan oʻtkazilishi yuzasidan nazoratni taʼminlaydi;

d) isteʼmolchilarning ichimlik suvi taʼminoti va oqova suvlarni chiqarib yuborish boʻyicha xizmatlar bilan qamrab olinishi ustidan davlat nazoratini amalga oshirish boʻyicha:

investitsiya dasturlari va boshqa dasturlar asosida ichimlik suvi taʼminoti va oqova suv obyektlarida amalga oshirilgan qurilish, rekonstruksiya va modernizatsiya ishlari natijasida isteʼmolchilarning suv taʼminoti va oqova suvlarni chiqarib yuborish xizmatlari bilan qamrab olinishi hamda tashkiliy-huquqiy shaklidan qatʼi nazar, suv taʼminoti tashkilotlari bilan isteʼmolchilar oʻrtasida shartnomaviy munosabatlar yoʻlga qoʻyilgani ustidan davlat nazoratini amalga oshirishni taʼminlaydi.

12. Inspeksiya qonunchilik hujjatlariga muvofiq boshqa funksiyalarni ham amalga oshirishi mumkin.

13. Inspeksiya oʻziga yuklangan vazifalar va funksiyalarni bevosita hamda hududiy inspeksiyalar orqali amalga oshiradi.

3-bob. Inspeksiyaning huquqlari va javobgarligi

14. Inspeksiya oʻziga yuklangan vazifalar va funksiyalarni amalga oshirishda quyidagi huquqlarga ega:

a) obyektlarda oʻtkaziladigan tekshirishlarni tashkil etish sohasida:

tashkiliy-huquqiy shaklidan qatʼi nazar, davlat nazoratini amalga oshirish yuzasidan vakolat doirasiga kiruvchi masalalarda belgilangan tartibda tekshiruv oʻtkazish;

tadbirkor hamda hududiy inspeksiyalar oʻrtasida shartnoma (ommaviy oferta) tuzilgan tadbirkorlik subyektlarining qurilish obyektlarida qisqa muddatli davlat qurilish nazorati tadbirlarini shartnoma shartlari doirasida “Yagona davlat nazorati” axborot tizimida roʻyxatdan oʻtkazmagan holda amalga oshirish;

“xavfni tahlil etish” tizimi doirasida tadbirkorlik subyektlarining qonunchilik hujjatlarini buzish xavfi darajasidan kelib chiqib, tekshiruvni tashabbus qilish;

davlat nazoratini amalga oshirishda jismoniy va yuridik shaxslardan, shuningdek, oʻz vakolatiga kiruvchi masalalarni hal etish uchun zarur boʻlgan maʼlumotlarni vazirliklar, idoralar, xoʻjalik birlashmalari, mahalliy ijro etuvchi hokimiyat organlari hamda tashkilotlardan belgilangan tartibda olish;

hududiy inspeksiyalar tomonidan oʻtkazilgan nazorat tadbirlari boʻyicha tahliliy maʼlumotlarni yuritish;

nazorat ishlarini elektron tizim hamda qurilish obyektlarini onlayn kuzatish markazlari orqali tahlil qilish, umumlashtirish va monitoring qilib borish, shuningdek, ularning natijalari boʻyicha hududiy inspeksiyalarga tegishli koʻrsatmalar berish;

oʻz funksional vazifalari va funksiyalarini bajarish uchun koʻp kvartirali uylardagi xonadonlarga mulkdorni oldindan xabardor qilgan holda, uning roziligi asosida koʻp kvartirali uylarni boshqarish organi bilan birga kirish;

b) oʻtkazilgan tekshirishlarning natijadorligini taʼminlash sohasida:

quyidagi holatlarda jismoniy va yuridik shaxslarga nisbatan bajarilishi majburiy boʻlgan yozma koʻrsatmalar kiritish:

bino va inshootlarning zilzilaga bardoshliligiga taʼsir qiluvchi, shuningdek, inson salomatligi va hayotiga tahdid soluvchi konstruktiv buzilishlar aniqlangan holatlarda, qurilish-montaj ishlarini toʻxtatib turish va demontaj (buzdirish) ishlarini amalga oshirishni talab qilish boʻyicha;

koʻp kvartirali uylarni boshqarish organlariga va mulkdorlariga koʻp kvartirali uylarni boshqarish faoliyatini amalga oshirish hamda uylardan texnik foydalanish qoidalari va normalariga, sanitariya normalari, qoidalari va gigiyena normativlarining hamda shaharsozlik normalari va qoidalariga muvofiq koʻp kvartirali uylarga tutash yer uchastkasini saqlashga doir talablarning buzilish holatlarini oʻn besh kun muddatda bartaraf etish boʻyicha;

koʻp kvartirali uylarning konstruktiv qismlarining tayanch qobiliyatini hamda zilzilaga bardoshliligini buzadigan, shuningdek, inson hayoti, sogʻligʻi yoki mol-mulkiga va atrof-muhitga zarar yetkazilishi hamda tahdid soluvchi oʻzboshimchalik bilan amalga oshirilayotgan oʻzgartirish va rekonstruksiya ishlari aniqlangan hollarda, ularni toʻxtatish va ularning oqibatlarini oʻttiz kun muddatda ixtiyoriy ravishda bartaraf etish boʻyicha;

ichimlik suvi taʼminoti va oqova suvlarni chiqarib yuborish sohasida aniqlangan huquqbuzarliklarni bartaraf etish boʻyicha;

yer osti suvlaridan samarasiz foydalanish holatlari aniqlanganda yer osti suvlarini olishni toʻxtatish yoki bu borada ajratilgan limitni belgilangan tartibda qisqartirish boʻyicha;

Inspeksiya oʻz vakolatlari doirasida:

mahalliy ijro etuvchi hokimiyat organlariga va maxsus vakolatli davlat organining hududiy boʻlinmalariga shaharsozlik toʻgʻrisidagi qonunchilik hujjatlarini buzgan holda qabul qilingan qarorlarni bekor qilish haqida;

shaharsozlik faoliyatini amalga oshirishga doir litsenziyalarning hamda ruxsat beruvchi hujjatlarning amal qilishini toʻxtatib turish, tugatish yoki ularni bekor qilish toʻgʻrisidagi masalani hal etish uchun tegishli davlat organlari hamda tashkilotlarga qonunchilik hujjatlarida belgilangan tartibda;

binolar va inshootlarning zilzilaga bardoshliligiga taʼsir qiluvchi, shuningdek, inson hayoti va sogʻligʻiga tahdid soluvchi sifatsiz qurilish materiallari, konstruksiyalari hamda buyumlari qoʻllanilgani aniqlangan hollarda, qurilish materiallarini, konstruksiyalarini va buyumlarini ishlab chiqarishni, realizatsiya qilish hamda qoʻllashni toʻxtatib turish haqida tegishli davlat organlari va tashkilotlarga;

davlat organlari va tashkilotlari hamda xoʻjalik birlashmalari va boshqa tashkilotlarga koʻp kvartirali uy-joy fondini boshqarish hamda ichimlik suvi taʼminoti va oqova suvlarni chiqarib yuborish sohasida huquqbuzarliklarni bartaraf etish boʻyicha taqdimnomalar kiritadi;

ichimlik suvi taʼminoti va oqova suvlarni chiqarib yuborish xizmatlarini koʻrsatish va ulardan foydalanish boʻyicha ishlarni koʻrib chiqish uchun sud majlisida yoki protsessual harakatlarda ekspert, mutaxassis sifatida ishtirok etishi va xulosalar berishi mumkin;

suv taʼminoti tashkilotlarining “Billing” tizimidagi isteʼmolchilarning manzili va soni, suv hisoblagichlari koʻrsatkichlari, sarflangan suv miqdori va qarzdorlik, oqova suvlarni chiqarish, yangi qamrab olingan isteʼmolchilar toʻgʻrisida va boshqa maʼlumotlardan foydalanadi;

quyidagi holatlarda sudlarga daʼvo arizalari kiritadi:

davlat organlari va tashkilotlari hamda boshqa tashkilotlarga nisbatan koʻp kvartirali uylarni boshqarish, issiqlik taʼminotidan foydalanish hamda ichimlik suvi taʼminoti va oqova suvlarni chiqarib yuborish sohasida huquqbuzarliklarni bartaraf etish boʻyicha;

hududiy inspeksiyadan roʻyxatdan oʻtgan va tasdiqlangan loyiha hujjatlariga rioya qilmagan holda qurilish ishlarini bajarganlik holati aniqlanganda, qurilish-montaj ishlarini toʻxtatib qoʻyish, demontaj yoki buzdirish ishlarini amalga oshirish toʻgʻrisida;

oʻtkazilgan tekshiruv natijasida aniqlangan qonunbuzarliklarni bartaraf etishga doir koʻrsatmalar talablari bajarilmagan holatlarda jismoniy yoxud yuridik shaxs faoliyatini qisman yoki toʻliq toʻxtatish yoxud taqiqlash toʻgʻrisida;

inspeksiya manfaatlarini himoya qilish maqsadida;

v) faoliyat yoʻnalishlari boʻyicha samaradorlikni taʼminlash sohasida:

normativ-huquqiy bazani yanada takomillashtirish boʻyicha tegishli hujjatlarni ishlab chiqadi yoki boshqa vakolatli organlar bilan ishlab chiqishda ishtirok etadi;

Inspeksiya va hududiy inspeksiyalar faoliyatida foydalanishi uchun uslubiy va metodik qoʻllanmalar, yoʻriqnomalar ishlab chiqadi va tasdiqlaydi;

qurilish sohasida va koʻp kvartirali uy-joy fondini boshqarish hamda ichimlik suvi taʼminoti va oqova suvlarni chiqarib yuborish sohasida davlat nazoratini amalga oshirish yuzasidan elektron axborot tizimini tashkil etadi;

Inspeksiya va hududiy inspeksiyalarda qurilish obyektlarini onlayn kuzatish markazlari faoliyatini tashkil etadi;

Inspeksiya va hududiy inspeksiyalar xodimlarini tayyorlash, qayta tayyorlash va ularning malakasini uzluksiz oshirishni tashkil etadi;

xorijiy davlatlar mutaxassislarini jalb qilgan holda tajriba almashish hamda Inspeksiya va hududiy inspeksiyalar xodimlarining xorijiy mamlakatlarda malakasini oshirishni tashkil etadi;

xodimlarni qonunchilik hujjatlarida belgilangan tartibda attestatsiyadan oʻtkazishni va ularning natijalariga koʻra tegishli maxsus guvohnomalar berishni tashkil etadi;

qurilish, uy-joy fondini boshqarish va ichimlik suvi taʼminoti hamda oqova suvlarni chiqarib yuborish masalalari boʻyicha oʻquv-seminarlarni tashkil qiladi va oʻtkazadi.

15. Inspeksiya huquqbuzarlik holati boʻyicha eʼtiroz bildirilganda ishni koʻrib chiqish uchun sudga taqdim etish tartibini saqlab qolgan holda, qonunchilik hujjatlarining buzilishiga oid maʼmuriy huquqbuzarliklar toʻgʻrisidagi ishlarni koʻrib chiqadi.

16. Koʻp kvartirali turar joyni noturar joy toifasiga yoki koʻp kvartirali noturar joyni turar joy toifasiga oʻtkazishga ruxsatnoma berishda xulosa beradi.

17. Inspeksiya:

unga yuklangan vazifalar va funksiyalarni samarali bajarish, shuningdek, qurilish, koʻp kvartirali uy-joy fondini boshqarish, issiqlik taʼminotidan foydalanish hamda ichimlik suvi taʼminoti va oqova suvlarni chiqarib yuborish xizmati sohasida davlat nazoratini samarali amalga oshirish;

Vazirlar Mahkamasiga Inspeksiya tomonidan kiritiladigan normativ-huquqiy hujjatlar va boshqa hujjatlar loyihalari, shuningdek, Inspeksiya tomonidan qabul qilinadigan qarorlarning sifati va pirovard natijalari uchun javobgardir.

4-bob. Inspeksiya rahbarlarining asosiy funksional vazifalari

18. Quyidagilar Inspeksiya boshligʻining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Inspeksiya faoliyatiga umumiy rahbarlik qilish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonunchilik hujjatlari bilan Inspeksiyaga yuklangan vazifa va funksiyalar bajarilishini tashkil etish;

Oʻzbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan Inspeksiya faoliyatini yanada takomillashtirish boʻyicha konsepsiyalar, kompleks dasturlar va kompleks chora-tadbirlar ijrosini tanqidiy va chuqur tahlil qilish;

boshliq oʻrinbosarlari va tarkibiy tuzilmalar rahbarlarining vakolatlarini belgilash va vazifalarini taqsimlash;

Inspeksiya faoliyati rejalashtirilishini tashkil etish, Inspeksiyaning davriy ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti Administratsiyasining tegishli tarkibiy boʻlinmalari va Vazirlar Mahkamasi, shuningdek, tegishli respublika va mahalliy ijro etuvchi hokimiyat organlari hamda boshqa tashkilotlar bilan Inspeksiya faoliyati sohasiga kiradigan masalalar boʻyicha oʻzaro hamkorlik qilish, Vazirlar Mahkamasi va uning Rayosati majlislarida masalalarning koʻrib chiqilishida ishtirok etish;

Oʻzbekiston Respublikasi Prezidenti, Vazirlar Mahkamasi topshiriqlariga va oʻz tashabbusiga koʻra normativ-huquqiy hujjatlar loyihalarining sifatli ishlab chiqilishini, ular Oʻzbekiston Respublikasining “Normativ-huquqiy hujjatlar toʻgʻrisida”gi, “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi qonunlari, Oʻzbekiston Respublikasi Prezidenti Administratsiyasi Reglamenti va Oʻzbekiston Respublikasi Vazirlar Mahkamasi Reglamenti talablariga qatʼiy rioya qilgan holda, Vazirlar Mahkamasiga oʻz vaqtida kiritilishini taʼminlash, ularni Vazirlar Mahkamasining rahbariyati huzurida himoya qilish hamda Vazirlar Mahkamasida ishlab chiqilishida va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

Oʻzbekiston Respublikasi Prezidenti farmonlari, qarorlari, farmoyishlari, Vazirlar Mahkamasi qarorlari, farmoyishlari va topshiriqlari bajarilishini taʼminlash, Inspeksiya faoliyatida ijro intizomini mustahkamlash boʻyicha kompleks chora-tadbirlarni amalga oshirish, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son hamda “Davlat organlari va tashkilotlarda ijro intizomini yanada mustahkamlashning qoʻshimcha chora-tadbirlari toʻgʻrisida” 2025-yil 25-iyuldagi PF-117-son farmonlariga hamda “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq tarkibiy boʻlinma rahbarlarining shaxsiy masʼuliyatini oshirish choralarini koʻrish;

Inspeksiya rahbarlari va xodimlari xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

Inspeksiya vakolatiga kiradigan masalalar boʻyicha koʻrsatmalar chiqarish, buyruqlar va normativ-huquqiy hujjatlar qabul qilish, zarur boʻlganda boshqa vazirliklar va idoralar bilan birgalikda tegishli qarorlar qabul qilish;

Inspeksiya xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Inspeksiya xodimlari odob-axloq qoidalariga rioya etilishini taʼminlash;

jismoniy va yuridik shaxslarning murojaatlarini koʻrib chiqish boʻyicha ishlarni Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni, Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsiy qabullar oʻtkazish, shu jumladan, jismoniy va yuridik shaxslarning vakillarini joylarga chiqib qabul qilishni tashkil etish;

davlat organlari va boshqa tashkilotlarda, Oʻzbekiston Respublikasi sudlarida, shuningdek, davlat organlari, xalqaro tashkilotlar va xorijiy mamlakat vakillari ishtirokida oʻtkaziladigan rasmiy tadbirlarda Inspeksiya nomidan ishtirok etish;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni va korrupsiyaga qarshi kurashishga doir boshqa qonunchilik hujjatlariga rioya etish, faoliyatda korrupsiyaviy xavf-xatarlarni va manfaatlar toʻqnashuvini oʻz vaqtida aniqlash hamda ularga chek qoʻyish, korrupsiyaga oid huquqbuzarliklarning oldini olish choralarini koʻrish hamda tizimda korrupsiyaning oldini olish va unga qarshi murosasiz kurashishga doir ishlarga rahbarlik qilish va muvofiqlashtirish;

Oʻzbekiston Respublikasining “Manfaatlar toʻqnashuvi toʻgʻrisida”gi Qonuni va manfaatlar toʻqnashuvi bilan bogʻliq munosabatlarni tartibga solishga doir ishlarga rahbarlik qilish va muvofiqlashtirish;

Oʻzbekiston Respublikasi Prezidentining Xalq qabulxonalari bilan samarali hamkorlik qilishni tashkil etish, Inspeksiya rahbarlari va xodimlari ularning faoliyatida faol ishtirok etishini, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan kelib tushgan murojaatlarini oʻz vaqtida va toʻlaqonli koʻrib chiqilishini taʼminlash;

Inspeksiya Hayʼat majlislarida raislik qilish;

qonunchilik hujjatlari talablariga muvofiq topshiriqlar oʻz vaqtida va sifatli bajarilishi uchun markaziy apparatning mansabdor shaxslari va hududiy inspeksiyalar rahbarlarining shaxsiy javobgarligini oshirish chora-tadbirlarini belgilash;

hududiy inspeksiyalar faoliyatining samaradorligi va natijadorligini tanqidiy tahlilini muntazam ravishda oʻtkazish, ularning hisobotlarini Inspeksiya majlislarida eshitish, yakunlari boʻyicha, zarur hollarda, ularni belgilangan tartibda intizomiy javobgarlikka tortish choralarini koʻrish;

Inspeksiyaga yuklangan vazifalarni bajarish uchun shartnoma asosida jalb etiladigan malakali xorijiy mutaxassislar xizmatiga haq toʻlash shartlarini xalqaro amaliyotdan kelib chiqqan holda belgilash hamda ularga Inspeksiyaning budjetdan tashqari mablagʻlari hisobidan ish haqi va boshqa toʻlovlarni amalga oshirish;

Inspeksiya xodimlarini ularning koʻp yillik va samarali faoliyati, alohida xizmatlari uchun Oʻzbekiston Respublikasi davlat mukofotlari bilan taqdirlash uchun belgilangan tartibda takliflar kiritishni taʼminlash va tavsiyalar berish;

Inspeksiya mulkini qonunchilik hujjatlarida belgilangan tartibda tasarruf etish;

Inspeksiya vakolatiga kiradigan masalalar yuzasidan Oʻzbekiston Respublikasining xalqaro shartnomalarini belgilangan tartibda imzolash;

Inspeksiyaning ichki tashkiliy masalalari yuzasidan qarorlar qabul qilish;

Inspeksiya xodimlarini lavozimga tayinlash va lavozimdan ozod etish, mehnat shartnomalari (buyruqlari)ni imzolash;

Inspeksiya xodimlariga vazifalarni yuklash;

Inspeksiya xodimlarining malakasini oshirish va ularni xorijiy davlatlarga stajirovka va tajriba almashish uchun yuborishni tashkil etish;

Inspeksiya xodimlarini ragʻbatlantirish va intizomiy javobgarlikka tortish masalalarini hal qilish, boshliq oʻrinbosarlarini ragʻbatlantirish va intizomiy javobgarlikka tortish masalalarini, shu jumladan, kelgusida uning egallab turgan lavozimida qolishining maqsadga muvofiqligi masalalarini koʻrib chiqish toʻgʻrisida Vazirlar Mahkamasiga takliflar kiritish, ularning shaxsiy javobgarligini oshirish boʻyicha tizimli choralar koʻrish;

Inspeksiyaning tashqi va ichki tashkiliy faoliyati ustidan doimiy va qatʼiy nazorat oʻrnatish;

Inspeksiyaga kiritilgan takliflar va taqdim etilgan normativ-huquqiy hujjatlar loyihalarining toʻliq va har tomonlama koʻrib chiqilishini, Oʻzbekiston Respublikasi Prezidenti Administratsiyasi Reglamenti va Oʻzbekiston Respublikasi Vazirlar Mahkamasining Reglamentida belgilangan muddatlarda kelishilishini (viza qoʻyilishi) taʼminlash;

davlat siri toifasiga kiritilgan va maxfiy axborot bilan ishlashda qonunchilik talablariga rioya qilish;

boshqaruv xodimlarining belgilangan cheklangan soni va mehnatga haq toʻlash fondi doirasida Inspeksiya shtat birliklari hamda xarajatlar smetasini tasdiqlash, zaruratga koʻra ularga shtat birliklarining umumiy cheklangan sonidan chiqmagan holda oʻzgartirish kiritish;

Inspeksiyaning tarkibiy boʻlinmalari nizomlari, lavozim yoʻriqnomalarini va hududiy inspeksiyalar toʻgʻrisidagi nizomlarni hamda Inspeksiyaning boshqa ichki hujjatlarini belgilangan tartibda tasdiqlash;

ushbu Nizomda va qonunchilik hujjatlarida nazarda tutilgan boshqa vakolatlarni amalga oshirish.

19. Quyidagilar Inspeksiya boshligʻi oʻrinbosarlarining oʻzlari mutasaddilik qiladigan sohalar boʻyicha asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Inspeksiya boshligʻi muayyan sabablarga koʻra (xizmat safari, mehnat taʼtili, betobligi davrida) yoʻqligida uning vazifalarini bajarish;

Inspeksiyaning oʻzi nazorat qiladigan tarkibiy tuzilmalari faoliyatini muvofiqlashtirish, nazorat va bevosita rahbarlik qilish, xodimlar oʻrtasida vazifalarni taqsimlash;

Inspeksiya faoliyatining oʻzi mutasaddilik qiladigan yoʻnalishlarini yanada takomillashtirish yuzasidan Oʻzbekiston Respublikasi Prezidentining hujjatlari va Vazirlar Mahkamasi qarorlari bilan tasdiqlangan kompleks dastur va kompleks chora-tadbirlar ijrosini tanqidiy va chuqur tahlil qilish;

mutasaddiligidagi tarkibiy tuzilmalar boʻlinma rahbarlarining hisobotlarini muntazam eshitib borish va belgilangan koʻrsatkichlarga erishish uchun ularning shaxsiy javobgarligini oshirish;

Inspeksiya boshligʻining qonunchilik doirasidagi buyruq hamda topshiriqlari ijrosini oʻz vaqtida va sifatli taʼminlash;

Inspeksiyaga kiritilgan takliflar va taqdim etilgan normativ-huquqiy hujjatlar loyihalarini toʻliq va har tomonlama koʻrib chiqish;

kadrlarni belgilangan tartibda tanlash va joy-joyiga qoʻyish boʻyicha Inspeksiya boshligʻiga takliflar taqdim etish, ularning professionalligi, oʻz ishini bilishi, yuksak darajadagi ishchanlik va maʼnaviy-axloqiy fazilatlarga ega boʻlishini taʼminlash, ularning kasbiy malakasini oshirish, mutasaddilik boʻyicha tarkibiy tuzilmalarda kadrlar zaxirasini shakllantirish choralarini koʻrish;

Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasi qarorlari, farmoyishlari va topshiriqlari bajarilishini taʼminlash, Inspeksiya faoliyatida ijro intizomini mustahkamlash boʻyicha kompleks chora-tadbirlarni amalga oshirish, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son hamda “Davlat organlari va tashkilotlarda ijro intizomini yanada mustahkamlashning qoʻshimcha chora-tadbirlari toʻgʻrisida” 2025-yil 25-iyuldagi PF-117-son farmonlariga hamda “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq tarkibiy boʻlinma rahbarlarining shaxsiy masʼuliyatini oshirish choralarini koʻrish;

Inspeksiya xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Inspeksiya xodimlarining odob-axloq qoidalari talablariga rioya etilishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni va korrupsiyaga qarshi kurashishga doir boshqa qonunchilik hujjatlariga hamda Oʻzbekiston Respublikasining “Manfaatlar toʻqnashuvi toʻgʻrisida”gi Qonuniga rioya qilish va manfaatlar toʻqnashuvi bilan bogʻliq munosabatlarni tartibga solishga doir ishlarni muvofiqlashtirish;

tarkibiy boʻlinmalar rahbarlari faoliyati samaradorligi va natijadorligini muntazam ravishda tanqidiy tahlil qilish, ularni ragʻbatlantirish va intizomiy javobgarlikka tortish boʻyicha Inspeksiya boshligʻiga takliflar kiritish;

Inspeksiya faoliyatini takomillashtirish boʻyicha amaliy choralar koʻrish, ushbu sohada qonunchilikni takomillashtirishga doir takliflarni ishlab chiqib, koʻrib chiqish uchun Inspeksiya boshligʻiga kiritish;

xorijiy davlatlar, xalqaro va xorijiy tashkilotlar bilan sohani rivojlantirish va tartibga solish masalalari boʻyicha hamkorlik qilish;

davlat siri toifasiga kiritilgan va maxfiy axborot bilan ishlashda qonunchilik talablariga rioya qilish;

ushbu Nizomda va qonunchilik hujjatlarida nazarda tutilgan boshqa vakolatlarni amalga oshirish.

5-bob. Inspeksiya rahbarlarining javobgarligi

20. Inspeksiya boshligʻi:

Inspeksiyaga yuklangan vazifa va funksiyalarning bajarilishi uchun;

Inspeksiyaning ushbu Nizomda nazarda tutilgan javobgarlik sohalari boʻyicha hamda mazkur Nizomning 18-bandida koʻrsatilgan oʻz funksional majburiyatlari sifatli bajarilishi uchun shaxsan javob beradi.

21. Inspeksiya boshligʻi oʻrinbosarlari:

mutasaddilik qilinadigan yoʻnalish va tarkibiy boʻlinmalarda Inspeksiyaga yuklangan vazifalar va funksiyalarning bajarilishi uchun;

ushbu Nizomning 19-bandida koʻrsatilgan oʻz funksional vazifalarining sifatli bajarilishi uchun shaxsan javob beradilar.

6-bob. Inspeksiya faoliyatini tashkil etish

22. Inspeksiyaga Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan boshliq rahbarlik qiladi.

23. Inspeksiya boshligʻining oʻrinbosarlari Oʻzbekiston Respublikasi Prezidenti bilan kelishgan holda, Vazirlar Mahkamasining qarori bilan lavozimga tayinlanadi va lavozimdan ozod etiladi.

24. Inspeksiya boshligʻi:

Inspeksiya faoliyatiga umumiy rahbarlik qiladi;

oʻrinbosarlar oʻrtasida aniq vazifalar va funksiyalarni taqsimlaydi, xodimlar oʻrtasida vakolatlarni belgilaydi va majburiyatlarni taqsimlaydi, hududiy inspeksiyalar mansabdor shaxslarining vakolatlarini belgilaydi;

Inspeksiya markaziy apparati xodimlari, hududiy inspeksiyalarning boshliqlari va ularning oʻrinbosarlarini belgilangan tartibda lavozimga tayinlaydi va lavozimdan ozod etadi;

hududiy inspeksiyalarning komplayens-nazorat boʻyicha mutaxassislarini lavozimga tayinlaydi va lavozimdan ozod etadi;

malakali xorijiy mutaxassislar va ekspertlarni shartnomaviy-huquqiy asosda Vazirlar Mahkamasi bilan kelishilgan holda jalb qiladi;

hududiy inspeksiyalar faoliyatini muvofiqlashtiradi, ularga moddiy-texnik bazasini tashkil etish va rivojlantirishda koʻmaklashadi;

Inspeksiya va hududiy inspeksiyalar xodimlari uchun majburiy boʻlgan buyruqlar chiqaradi va koʻrsatmalar beradi hamda ularning bajarilishi nazoratini tashkil etadi;

laboratoriya va binolarni texnik koʻrikdan oʻtkazish xizmatlari qiymatini aniqlash metodikasini tasdiqlaydi;

hududiy inspeksiyalardan roʻyxatdan oʻtgan obyektlar sonidan, hajmidan va masofasidan kelib chiqqan holda, hududiy inspeksiyalar tuzilmasi va shtat birliklari normativlarini tasdiqlaydi;

hududiy inspeksiyalarning xarajatlar smetasini kelishadi;

hududiy inspeksiyalarning koʻrsatadigan xizmatlaridan oladigan daromadlari hisobidan Inspeksiyaning budjetdan tashqari hisobvaragʻiga yoʻnaltiriladigan mablagʻlar miqdorini belgilaydi;

zarur hollarda Vazirlar Mahkamasi bilan kelishilgan holda, Inspeksiya tuzilmasiga boshqaruv xodimlarining belgilangan soni doirasida oʻzgartirishlar kiritadi, shuningdek, hududiy inspeksiyalarning shaharsozlik sohasida koʻrsatadigan xizmatlari va bajaradigan ishlaridan olingan daromadlarini qayta taqsimlaydi.

Inspeksiya boshligʻi qonunchilik hujjatlariga muvofiq boshqa vakolatlarni ham amalga oshirishi mumkin.

25. Inspeksiya boshligʻi boʻlmagan vaqtda, uning vakolatlari Inspeksiya boshligʻining birinchi oʻrinbosari tomonidan, u boʻlmagan vaqtda esa Inspeksiya boshligʻining tegishli buyrugʻiga asosan boshqa oʻrinbosar tomonidan amalga oshiriladi.

7-bob. Inspeksiya hayʼati

26. Hayʼat Inspeksiyaning kollegial organi hisoblanib, Inspeksiya boshligʻi (hayʼat raisi), uning oʻrinbosarlari (lavozim boʻyicha), shuningdek, Inspeksiya faoliyatining asosiy yoʻnalishlarini muvofiqlashtiruvchi tarkibiy boʻlinmalar rahbarlaridan iborat tarkibda tashkil etiladi.

Hayʼat tarkibining soni va shaxsiy tarkibi belgilangan tartibda Vazirlar Mahkamasi tomonidan tasdiqlanadi.

27. Hayʼatga quyidagi vazifalar yuklanadi:

Inspeksiya vazifalarining eng muhim samaradorlik koʻrsatkichlarini ishlab chiqish va amalga oshirilishini nazorat qilish;

Inspeksiya faoliyati bilan bogʻliq dolzarb masalalarning joylarda muhokama etilishini taʼminlagan holda hayʼatning kengaytirilgan majlislari oʻtkazilishini tashkil etish, shuningdek, yuzaga kelgan muammolarni oʻz vakolatlari doirasida bartaraf etish boʻyicha tegishli qarorlarni ishlab chiqish va qabul qilish;

Inspeksiya tarkibiga kiruvchi lavozimlar nomenklaturasini koʻrib chiqish va tasdiqlash;

Oʻzbekiston Respublikasi Prezidenti va Vazirlar Mahkamasining qaror va topshiriqlarida belgilangan vazifalarning oʻz vaqtida va sifatli amalga oshirilishini taʼminlash maqsadida Inspeksiya rahbarlari va xodimlarining ijro intizomini mustahkamlash va shaxsiy javobgarligini oshirish.

Hayʼat, shuningdek, Inspeksiya vakolatiga kiritilgan boshqa masalalarni ham koʻrib chiqishga haqli.

28. Inspeksiya boshligʻining qarori bilan quyidagilar:

hayʼat ish rejalari va belgilangan vazifalarni bajarish muddatlari;

takliflar tashabbusi bilan chiqish, loyihalarni boshlash va hisobot berish tartiblari;

hayʼatning faoliyatini samarali taʼminlash uchun Inspeksiya masʼul tarkibiy boʻlinmalarining vazifalari tasdiqlanishi mumkin.

29. Hayʼat yigʻilishiga Inspeksiya vakolatiga tegishli masalalar yuzasidan respublika va mahalliy ijro etuvchi hokimiyat organlari, boshqa tashkilotlar rahbarlari va ekspert mutaxassislar taklif etilishi mumkin.

30. Hayʼat majlisi aʼzolarining yarmidan koʻpi ishtirok etgan taqdirda, vakolatli hisoblanadi. Hayʼat qarorlari oddiy koʻpchilik ovozi bilan qabul qilinadi.

31. Inspeksiya boshligʻi va Hayʼat aʼzolari oʻrtasida kelishmovchiliklar yuzaga kelgan taqdirda, Inspeksiya boshligʻi ushbu kelishmovchiliklar xususida Vazirlar Mahkamasiga va Oʻzbekiston Respublikasi Prezidenti Administratsiyasiga axborot berib, mustaqil ravishda qaror qabul qiladi. Hayʼat aʼzolari ham oʻz fikrlarini Vazirlar Mahkamasiga va Oʻzbekiston Respublikasi Prezidenti Administratsiyasiga bildirishlari mumkin.

32. Hayʼat oʻz faoliyati uchun zarur boʻlgan hujjatlar, hisobotlar va boshqa maʼlumotlarni soʻrab olishga haqli.

33. Hayʼat qarorlari Hayʼat raisi tomonidan imzolanadi va Inspeksiya buyrugʻi (qarori) bilan amalga oshiriladi.

8-bob. Inspeksiya faoliyati samaradorligi va natijadorligini baholash mezonlari va ish indikatorlari

34. Inspeksiya faoliyatining samaradorligi muntazam baholanadi.

35. Inspeksiya faoliyati samaradorligi va natijadorligiga berilgan baho Vazirlar Mahkamasi tomonidan tasdiqlanadigan Inspeksiya faoliyati samaradorligi va natijadorligini baholash mezonlari va ish indikatorlariga asoslanadi.

36. Inspeksiya faoliyati samaradorligi va natijadorligini baholash yakunlari boʻyicha:

Inspeksiya rahbarlari va xodimlarini qoʻshimcha ragʻbatlantirish (mukofotlash) yoki intizomiy javobgarlikka tortish;

Inspeksiya faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

37. Inspeksiya faoliyati samaradorligi va natijadorligini baholash tartibi va uslubi qonunchilik hujjatlari bilan belgilanadi.

9-bob. Inspeksiya faoliyatini moliyalashtirish, xodimlari mehnatiga haq toʻlash va moddiy ragʻbatlantirish

38. Inspeksiya faoliyatini moliyalashtirish, xodimlarining mehnatiga haq toʻlash va ularni moddiy ragʻbatlantirish quyidagilar hisobidan amalga oshiriladi;

xarajatlar smetasi asosida budjetdan ajratiladigan mablagʻlar;

Inspeksiyaning budjetdan tashqari mablagʻlari;

homiylik mablagʻlari;

qonunchilik hujjatlari bilan taqiqlanmagan boshqa mablagʻlar.

39. Inspeksiya xodimlari mehnatiga haq toʻlashni moliyalashtirishda respublika budjetidan quyidagilar nazarda tutiladi:

a) yagona tarif setkasi boʻyicha tasdiqlangan razryadlarga muvofiq lavozim maoshi, bunda lavozim maoshini hisoblashda, tasdiqlangan tarif razryadlari tarif koeffitsiyenti 1,8 baravarga oshirilgan miqdorida qoʻllanadi;

b) 40 foiz miqdorida mehnatni ragʻbatlantirish (ragʻbatlantiruvchi koeffitsiyent) uchun oshirilgan tarif koeffitsiyentni hisobga olgan holda ustama haq;

v) yilda bir oylik mehnatga haq toʻlash fondi miqdorida moddiy yordam;

g) yilda ikki oylik mehnatga haq toʻlash fondi miqdorida mukofot puli;

d) 15 foizlik moddiy ragʻbatlantirish fondi;

e) Inspeksiya boshqaruv, texnik va xizmat koʻrsatuvchi hamda boshqa xodimlariga koʻp yillik xizmati uchun har oylik qoʻshimcha ustama haqi:

2 yildan 5 yilgacha — 10 foiz miqdorida;

5 yildan 10 yilgacha — 20 foiz miqdorida;

10 yildan 15 yilgacha — 30 foiz miqdorida;

15 yildan 20 yilgacha — 40 foiz miqdorida;

20 yildan 25 yilgacha — 50 foiz miqdorida;

25 yil va undan ortiq — 60 foiz miqdorida.

40. Inspeksiya xodimlarining budjetdan tashqari mablagʻlar hisobidan mehnatiga haq toʻlashda lavozim maoshlariga ustama haqlar, mukofot, moddiy yordam puli hamda boshqa barcha qoʻshimcha toʻlovlar quyidagilardan iborat:

a) quyidagi miqdorlardagi har oylik ustama haqlardan:

Oldingi tahrirga qarang.

(Oʻzbekiston Respublikasi Prezidentining 2025-yil 26-dekabrdagi PQ-388-sonli qaroriga asosan 40-band “a” kichik bandi ikkinchi xatboshisining chiqarilish sansi — 2026-yil 1-yanvar — Qonunchilik maʼlumotlari milliy bazasi, 29.12.2025-y., 07/25/388/1235-son)

inspeksiya xodimlariga mehnat faoliyatini moddiy ragʻbatlantirish va ijtimoiy qoʻllab-quvvatlash uchun eng muhim samaradorlik koʻrsatkichlari (KPI) natijalariga koʻra qabul qilinadigan Inspeksiya boshligʻi buyrugʻiga asosan tayinlanadigan 200 foizgacha har oylik belgilanadigan qoʻshimcha ustama toʻlovi;

lavozim maoshiga (jamoa shartnomasida belgilangan miqdorda) shaxsiy ustama;

b) quyidagilarni oʻz ichiga oladigan ragʻbatlantiruvchi, mukofot, kompensatsiya va boshqa toʻlovlardan:

mehnat qonunchiligida belgilangan bayram sanalari munosabati bilan xodim lavozim maoshining ikki baravarigacha miqdorda;

xodimlarni ijtimoiy qoʻllab-quvvatlash va ularning ish samaradorligini oshirish maqsadida har oyda yoʻl transporti xarajatlari uchun bazaviy hisoblash miqdorining ikki baravari (xizmat avtotransporti biriktirilgan xodimlar bundan mustasno) hamda xodimlarning ovqatlanishi xarajatlariga koʻmaklashish maqsadida bazaviy hisoblash miqdorining ikki baravari miqdorda kompensatsiya toʻlovlari;

zarur hollarda bazaviy hisoblash miqdorining oʻn besh baravari miqdorida (xodimning davolanishi, yubiley yoshi munosabati bilan, shuningdek, pensiyaga chiqqanda, toʻy, dafn marosimi va boshqalar uchun) xodimlarga kasaba uyushmasi bilan kelishgan holda moddiy yordam puli;

xodimlarga qishloq xoʻjaligi mahsulotlari sotib olish uchun har yili bir marta bazaviy hisoblash miqdorining oʻn besh baravarigacha miqdorda toʻlov;

Oldingi tahrirga qarang.

(Oʻzbekiston Respublikasi Prezidentining 2025-yil 26-dekabrdagi PQ-388-sonli qaroriga asosan 40-band “b” kichik bandi oltinchi xatboshisining chiqarilish sanasi — 2026-yil 1-yanvar — Qonunchilik maʼlumotlari milliy bazasi, 29.12.2025-y., 07/25/388/1235-son)

v) bazaviy hisoblash miqdorining oʻn besh baravarigacha miqdorda quyidagilarni oʻz ichiga oladigan moddiy yordam va boshqa toʻlovlardan:

xodim vafot etgan hollarda, moddiy yordam (agar xodim vafot etgan yilda bevosita unga moddiy yordam koʻrsatilmagan boʻlsa) uning turmush oʻrtogʻiga, turmush oʻrtogʻi yoʻqligida — u bilan birga yashovchi voyaga yetgan farzandlariga yoki qonuniy vakillariga (vasiylar va homiylarga) yoxud voyaga yetmagan bolalarni (bolalikdan nogironligi boʻlganlar shaxslarni — yoshidan qatʼi nazar) farzandlikka olganlarga, shuningdek, agar xodimlar nikohda boʻlmaganda va farzandlari boʻlmagan hollarda, xodimning qaramogʻidagi shaxslarga yoki ota-onalariga teng ulushda toʻlab beriladi.

Istisno tariqasida, xodimning asoslantirilgan arizasiga asosan Inspeksiya rahbarining roziligi bilan mehnatga haq toʻlash fondiga ajratilgan mablagʻlar doirasida quyidagi hollarda qoʻshimcha tarzda moddiy yordam koʻrsatilishi mumkin:

yaqin qarindoshlari vafot etganda — oʻlim toʻgʻrisidagi guvohnoma nusxasiga asosan;

alohida ehtiyoj tugʻilganda (baxtsiz hodisa, avariya, uzoq muddatli kasallik sababli maxsus davolanish yoki oilasi ogʻir moddiy ahvolda boʻlsa).

41. Davlat budjetidan va budjetdan tashqari mablagʻlar boʻyicha lavozim maoshiga ustama haqlar, bayram puli, choraklik mukofot puli hamda boshqa qoʻshimcha toʻlovlar oshirilgan tarif va ragʻbatlantiruvchi koeffitsiyentlarni hisobga olgan holda toʻlanadi.

42. Inspeksiya xodimlariga qonunchilik hujjatlarida nazarda tutilgan mehnatga haq toʻlash razryadlari qoʻllanadi.

10-bob. Yakunlovchi qoidalar

43. Inspeksiya qonunchilik hujjatlarida belgilangan tartibda qayta tashkil etiladi va tugatiladi.

44. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2025-yil 22-sentabrdagi 602-son qaroriga
2-ILOVA

Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyalari toʻgʻrisida

NAMUNAVIY NIZOM

1-bob. Umumiy qoidalar

1. Ushbu Namunaviy nizom Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyalari (keyingi oʻrinlarda — Hududiy inspeksiya) maqomi, asosiy vazifalari, funksiyalari, huquqlari va javobgarligi, faoliyatini tashkil etish, rahbarlarining funksional vazifalari, huquqlari va javobgarligini, shuningdek, xodimlarini moddiy ragʻbatlantirish tartibini belgilaydi.

Hududiy inspeksiya oʻz vakolatlari doirasida qurilish-montaj ishlarining sifati va tasdiqlangan loyiha hujjatlariga muvofiqligi (avtomobil yoʻllari va yoʻl sunʼiy inshootlari bundan mustasno), shuningdek, koʻp kvartirali uy-joy fondini boshqarish (xoʻjalik yurituvchi subyektlarning moliyalashtirish manbalaridan qatʼi nazar moliya-xoʻjalik faoliyatiga aralashmagan holda), issiqlik taʼminotidan foydalanish, ichimlik suvi taʼminoti va oqova suvlarni chiqarib yuborish xizmatini koʻrsatish hamda foydalanish yuzasidan davlat nazorati va tekshiruvini amalga oshiradi.

2. Hududiy inspeksiya Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi (keyingi oʻrinlarda — Inspeksiya) tarkibiga kiradi va boʻysunadi hamda oʻz faoliyati yuzasidan hisobdor boʻladi.

3. Hududiy inspeksiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, ushbu Nizomga, shuningdek, Inspeksiyaning buyruqlari, qarorlariga hamda boshqa qonunchilik hujjatlariga amal qiladi.

4. Hududiy inspeksiya oʻz faoliyatini respublika va mahalliy ijro etuvchi hokimiyat organlari, huquqni muhofaza qiluvchi organlar, xoʻjalik birlashmalari hamda boshqa tashkilotlar bilan oʻzaro hamkorlikda amalga oshiradi.

5. Hududiy inspeksiya xoʻjalik hisobidagi tashkilot hisoblanadi.

6. Hududiy inspeksiya Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, banklarda hisobvaraqlariga, shu jumladan, xorijiy valyutadagi shaxsiy hisobvaraqlariga ega boʻladi.

7. Hududiy inspeksiyaning rasmiy nomi:

a) davlat tilida:

toʻliq nomi — Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyasi;

qisqartirilgan nomi — Hududiy qurilish va uy-joy kommunal xoʻjaligi nazorati inspeksiyasi;

b) rus tilida:

toʻliq nomi — Territorialnaya inspeksiya Inspeksii po kontrolyu v sfere stroitelstva i jilishno-kommunalnogo xozyaystva pri Kabinete Ministrov Respubliki Uzbekistan;

qisqartirilgan nomi — Territorialnaya inspeksiya po kontrolyu v sfere stroitelstva i jilishno-kommunalnogo xozyaystva.

2-bob. Hududiy inspeksiyaning vazifalari va funksiyalari

8. Quyidagilar Hududiy inspeksiyaning asosiy vazifalari hisoblanadi:

a) qurilish sohasida:

Hududiy inspeksiyada roʻyxatdan oʻtgan, tasdiqlangan loyiha hujjatlari boʻyicha qurilish-montaj ishlarining amalga oshirilishida va qurilish-montaj ishlari tugallangan obyektlarning foydalanishga qabul qilinishida (avtomobil yoʻllari va yoʻl sunʼiy inshootlari bundan mustasno) shaharsozlik toʻgʻrisidagi qonunchilik hujjatlari, shaharsozlik normalari va qoidalari, texnik jihatdan tartibga solish sohasidagi normativ hujjatlar talablariga rioya etilishi yuzasidan davlat nazoratini tanlab amalga oshirish;

buyurtmachining texnik nazorati va loyiha tashkilotlarining mualliflik nazoratini, pudrat tashkilotining ichki nazorat tizimining ishlashi ustidan davlat nazoratini amalga oshirish;

yangi qurilayotgan bino va inshootlarni seysmik jihatdan texnik baholash, mavjud binolar va inshootlarning instrumental-texnik tekshiruvdan shartnoma asosida oʻtkazilishini taʼminlash hamda sinov laboratoriyalari faoliyatini amalga oshirish;

qurilish-montaj ishlarini boshlash uchun roʻyxatdan oʻtkazish hamda qurilishi tugallangan obyektlarni foydalanishga ruxsat berish;

b) koʻp kvartirali uy-joy fondini boshqarish sohasida:

koʻp kvartirali uy-joy fondidagi umumiy mulk va unga tutash yer uchastkalarini mavsumiy foydalanishga tayyorlash boʻyicha bajarilgan taʼmirlash-tiklash ishlarining manzilli dasturlarga muvofiqligi ustidan davlat nazoratini amalga oshirish;

koʻp kvartirali uylarni boshqarish faoliyatini amalga oshirish qoidalariga rioya etilishidagi davlat nazoratini taʼminlash;

koʻp kvartirali uylarning seysmik mustahkamligi va zilzilaga bardoshliligini monitoring qilish;

v) ichimlik suvi taʼminoti va oqova suvlarni chiqarib yuborish sohasida:

ichimlik suvi ishlab chiqarish uchun moʻljallangan yer osti suvlari quduqlarining texnik holati va ulardan foydalanish shartlariga hamda qazishning (burgʻilashning) belgilangan qoidalariga rioya etilishini nazorat qilish;

ichimlik suvi taʼminoti va oqova suvlarni chiqarib yuborish tizimi obyektlarining texnologik auditdan oʻtkazilishi yuzasidan nazoratni amalga oshirish;

isteʼmolchilarning ichimlik suvi taʼminoti va oqova suvlarni chiqarib yuborish boʻyicha xizmatlar bilan qamrab olinishi ustidan davlat nazoratini amalga oshirish.

9. Hududiy inspeksiya oʻziga yuklangan vazifalarni bajarish uchun quyidagi funksiyalarni amalga oshiradi:

1) qurilish sohasida:

a) Hududiy inspeksiyada roʻyxatdan oʻtgan, tasdiqlangan loyiha hujjatlari boʻyicha qurilish-montaj ishlarining amalga oshirilishida va qurilish-montaj ishlari tugallangan obyektlarning foydalanishga qabul qilinishida (avtomobil yoʻllari va yoʻl sunʼiy inshootlari bundan mustasno) shaharsozlik toʻgʻrisidagi qonunchilik hujjatlari, shaharsozlik normalari va qoidalari, texnik jihatdan tartibga solish sohasidagi normativ hujjatlar talablariga rioya etilishi yuzasidan davlat nazoratini tanlab amalga oshirish boʻyicha:

Hududiy inspeksiyada roʻyxatdan oʻtgan qurilish obyektlarida tasdiqlangan loyiha hujjatlari boʻyicha shaharsozlik subyektlari (buyurtmachi, loyiha va pudrat tashkilotlari) tomonidan qurilish jarayonini qonunchilik hujjatlari, shaharsozlik normalari va qoidalari, texnik jihatdan tartibga solish sohasidagi normativ hujjatlarga rioya etilishini nazorat qiladi;

hududiy inspeksiyada roʻyxatdan oʻtgan qurilish-montaj ishlarining bajarilishida qonunchilik hujjatlari, shaharsozlik normalari va qoidalari, texnik jihatdan tartibga solish sohasidagi normativ hujjatlar talablariga rioya etilishi boʻyicha taʼsirchan davlat nazoratini amalga oshiradi;

qonunchilikda belgilangan tartibda loyiha hujjatlariga oʻzgartirish kiritmasdan yoki qurilish normalari hamda qoidalarini buzgan holda bino va inshootlar qurilishi ustidan nazorat oʻrnatadi;

hududiy inspeksiyada roʻyxatdan oʻtgan qurilish obyektlarida qurilish materiallari, buyumlari, konstruksiyalari va bajarilayotgan qurilish-montaj ishlari sifatini tekshirish uchun shaharsozlik faoliyati subyektlaridagi loyiha, texnologik va ijro hujjatlari, shuningdek, boshqa zarur maʼlumotlarni belgilangan tartibda oʻrganadi;

obyektlarda ularning zilzilaga bardoshliligiga taʼsir qiluvchi, shuningdek, inson salomatligi va hayotiga tahdid soluvchi sifatsiz qurilish materiallari va buyumlari qoʻllanishining oldini olishda davlat nazoratini amalga oshiradi;

qurilish obyektlarida qoʻllanayotgan qurilish materiallari, buyumlari, konstruksiyalari va bajarilayotgan qurilish-montaj ishlari sifatini tekshirish uchun shaharsozlik faoliyati subyektlaridan belgilangan tartibda loyiha, texnologik va ijro hujjatlari, shuningdek, boshqa zarur maʼlumotlarni soʻraydi va oʻrganadi;

qurilish obyektlaridagi avariyalar holatlarini tekshirish boʻyicha idoralararo komissiyalar ishida ishtirok etadi;

v) buyurtmachining texnik nazorati va loyiha tashkilotlarining mualliflik nazoratini, pudrat tashkilotining ichki nazorat tizimining ishlashi ustidan davlat nazoratini amalga oshirish boʻyicha:

qurilish obyektlarida buyurtmachining texnik, loyiha tashkilotlarida mualliflik va pudrat tashkilotida ichki nazorat amalga oshirilishini nazorat qiladi;

obyektlarni qurish va rekonstruksiya qilishda tegishli mutaxassislar biriktirilganligi yoki ushbu faoliyat turini amalga oshirish huquqiga ega boʻlgan yuridik shaxsning shartnoma asosida jalb qilinganligi hamda ularning qonunchilik hujjatlarida belgilangan tartibda sertifikatga egaligini oʻrganadi;

qurilish obyektida buyurtmachi, loyiha va pudrat tashkilotlari tomonidan ijro hujjatlari “Qurilishda davlat nazorati” elektron tizimida yuritilishining hamda qurilish sohasidagi qonunchilik hujjatlarida koʻrsatilgan litsenziyali faoliyat turlarini amalga oshirish huquqini beruvchi hujjatlarning mavjudligini nazorat qiladi;

loyiha tashkiloti tomonidan buyurtmachiga qurilish-montaj ishlari davomida loyihaga muvofiq beriladigan majburiy koʻrsatmalarining bajarilishini oʻrganadi, aniqlangan huquqbuzarliklar yuzasidan choralar koʻradi;

g) yangi qurilayotgan bino va inshootlarni seysmik jihatdan texnik baholash, mavjud binolar va inshootlarning instrumental-texnik tekshiruvdan shartnoma asosida oʻtkazilishini taʼminlash hamda sinov laboratoriyalari faoliyatini amalga oshirish boʻyicha:

seysmik faol zonalarda qurilishi rejalashtirilayotgan barcha turdagi binolar va inshootlarning, shuningdek, koʻp kvartirali uylarning seysmik jihatdan texnik baholash uchun zarur boʻlgan axborotni oʻz ichiga olgan elektron texnik pasportlarning buyurtmachilar tomonidan rasmiylashtirilishini tekshiradi;

hududiy inspeksiyada roʻyxatdan oʻtib qurilayotgan binolar va inshootlarning zilzilaga bardoshliligini taʼminlash, zarur hollarda instrumental-texnik tekshiruvdan oʻtkazish hamda zilzilaga bardoshliligini taʼminlash boʻyicha bajarilgan ishlar ustidan davlat nazoratini amalga oshiradi;

qurilish obyektlarida sinov-laboratoriya ishlarini hamda mavjud binolar va inshootlarning texnik holatini shartnoma asosida oʻrganadi va tegishli xulosa beradi;

d) qurilish-montaj ishlarini boshlash uchun roʻyxatdan oʻtkazish hamda qurilishi tugallangan obyektlarni foydalanishga ruxsat berish boʻyicha:

qurilish-montaj ishlarini boshlash, qurilish-montaj ishlari tugallangan obyektdan foydalanish uchun ruxsatnoma beradi;

qurilish obyektlarini onlayn kuzatish markazlariga mobil videokameralar (bodikamera), maxsus planshetlar va qurilish obyektlaridagi videokameralardan kelib tushgan maʼlumotlarni tezkor tahlil qiladi hamda natijasiga koʻra tegishli choralar koʻradi;

Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga va Davlat budjeti mablagʻlari hisobidan amalga oshiriladigan dasturlarga kiritilgan loyihalar va namunaviy loyihalar boʻyicha quriladigan, shuningdek, tashabbusli budjetlashtirish jarayonlari asosida moliyalashtiriladigan, xavf-xatar toifasidan qatʼi nazar, barcha bino va inshootlarda qurilish-montaj ishlarining bajarilishini (joriy taʼmirlash va jihozlash bundan mustasno) toʻgʻridan-toʻgʻri roʻyxatdan oʻtkazadi;

2) koʻp kvartirali uy-joy fondini boshqarish sohasida:

koʻp kvartirali uylar va ularga tutash yer uchastkalaridan foydalanishda texnik foydalanish qoidalari va normalari, sanitariya normalari va qoidalari, koʻp kvartirali uylarga tutash yer uchastkalarini saqlash boʻyicha talablariga rioya qilinishini nazorat qiladi;

koʻp kvartirali uylarda va unga tutash yer uchastkalarida oʻzboshimchalik bilan imoratlar (inshootlar) qurishga yoʻl qoʻyilmasligini taʼminlaydi;

koʻp kvartirali uy-joy fondini boshqarish, jumladan muhandislik tarmoqlari, koʻp kvartirali uylar uskunalaridan foydalanish, avariya holatlari bartaraf etilishini tizimli nazorat qiladi;

b) koʻp kvartirali uy-joy fondidagi umumiy mulk va unga tutash yer uchastkalarini mavsumiy foydalanishga tayyorlash boʻyicha bajarilgan taʼmirlash-tiklash ishlarining manzilli dasturlarga muvofiqligi ustidan davlat nazoratini amalga oshirish boʻyicha:

koʻp kvartirali uylardagi umumiy mulk va unga tutash yer uchastkalarida davlat dasturlari asosida amalga oshirilgan taʼmirlash-tiklash ishlarining bajarilishini monitoring qiladi;

umumiy foydalaniladigan joylar, fasadlar, uylarning ichki muhandislik kommunikatsiyalarini taʼmirlash-tiklash ishlarini tizimli oʻtkazish qoidalariga rioya etilishini oʻrganadi;

koʻp kvartirali uy-joy fondi, koʻp kvartirali uylardagi joylar mulkdorlarining umumiy mulki va unga tutash hududlardan mavsumiy foydalanishga tayyorlash tadbirlarining oʻtkazilishini nazorat qiladi;

v) koʻp kvartirali uylarni boshqarish faoliyatini amalga oshirish qoidalariga rioya etilishidagi davlat nazoratini taʼminlash boʻyicha:

joylar mulkdorlariga hisobotlarning belgilangan shartlar, tartib va muddatlarda berib borilishi yuzasidan nazorat tadbirlarini oʻtkazadi;

umumiy mol-mulkni saqlash va taʼmirlash uchun xizmatlar hamda ishlar shakllantirilgani va belgilangan tartibda tasdiqlanganligini nazorat qiladi;

koʻp kvartirali uylarni “Billing” tizimi orqali boshqarish, mukammal va joriy taʼmirlash ishlarining amalga oshirish, shuningdek, avariya-dispetcherlik xizmatlarini tashkil etish va koʻrsatish choralari taʼminlanganligini nazorat qiladi;

olti oyda bir marta koʻp kvartirali uylardagi tayanch va toʻsiq konstruksiyalarning butligini xatlovdan oʻtkazilganligini nazorat qiladi;

koʻp kvartirali uylarni boshqarish huquqini beruvchi malaka sertifikatining mavjudligini nazorat qiladi;

uy ichidagi issiqlik tarmoqlariga oʻzboshimchalik bilan ulanib olish issiqlik va issiq suv taʼminotining uy ichidagi tizimlariga oʻzgartirishlar kiritish holati yuzasidan davlat nazoratini amalga oshiradi;

uyning isitish asboblarini oʻzboshimchalik bilan demontaj qilish orqali isitish tizimidan uzib qoʻyish holati yuzasidan davlat nazoratini amalga oshiradi;

koʻp kvartirali uylarni boshqarish organlari tomonidan isitish tizimidan issiqlik manbaini chiqarib tashlash holatlari yuzasidan davlat nazoratini amalga oshiradi;

uy ichidagi issiqlik energiyasidan uning bevosita vazifasidan (isitish, issiq suv taʼminoti) boshqa maqsadda foydalanish holati yuzasidan nazorat tadbirlarini amalga oshiradi;

uy ichidagi isitish tizimini gidravlik presslash va keyinchalik uni tarmoqdagi suv bilan toʻldirgan holda yuvish ishlari taʼminlanganligini aniqlash yuzasidan nazorat tadbirlarini amalga oshiradi;

isitish tizimidan tarmoq suvining oqishi va chiqib ketishining oldini olish choralari koʻrilganligini nazorat qiladi;

d) koʻp kvartirali uylarning seysmik mustahkamligi va zilzilaga bardoshliligini monitoring qilish boʻyicha:

koʻp kvartirali uylarning seysmik mustahkamligi va zilzilaga bardoshliligini aniqlash boʻyicha vizual tartibda oʻtkaziladigan xatlov ishlarini monitoring qiladi;

koʻp kvartirali uylarning seysmik mustahkamligi va zilzilaga bardoshliligi holati yuzasidan oʻtkazilgan xatlov natijalari toʻgʻrisidagi maʼlumotlarni umumlashtiradi;

3) ichimlik suvi taʼminoti va oqova suvlarni chiqarib yuborish sohasida:

isteʼmolchilar tomonidan ichimlik suvi taʼminoti va oqova suvlarni chiqarib yuborish xizmatlaridan foydalanishga oid talablarga amal qilinishini monitoring qiladi;

ichimlik suvining texnologik jihatdan sarflanishi va yoʻqotilishining yoʻl qoʻyiladigan normalariga rioya etilishi ustidan davlat nazoratini amalga oshiradi;

ichimlik suvi taʼminoti va oqova suvlarni chiqarib yuborish sohasida xizmat koʻrsatish qoidalariga amal qilinishini nazorat qiladi;

ichimlik suvi taʼminoti tashkilotlari tomonidan inshootlarda ichimlik suvining texnologik hisobi yuritilishi taʼminlanganligi va hisoblash uskunalari ishlashi va mavjudligini nazorat qiladi;

ichimlik suvi taʼminoti tashkilotlari tomonidan ichimlik suvini yoʻqotishlarning belgilangan meʼyorlariga rioya etilishini nazorat qiladi;

b) ichimlik suvi ishlab chiqarish uchun moʻljallangan yer osti suvlari quduqlarining texnik holati va ulardan foydalanish shartlariga hamda qazishning (burgʻilashning) belgilangan qoidalariga rioya etilishini nazorat qilish boʻyicha:

ichimlik suvi ehtiyojlari uchun yer osti suvlaridan foydalanishda texnik jihatdan tartibga solish sohasidagi normativ hujjatlar talablari bajarilishi ustidan taʼsirchan nazorat oʻrnatadi;

oqova suv tozalash inshootlaridagi oqova suvlar tarkibidagi ifloslantiruvchi moddalarni ruxsat etilgan meʼyorlar darajasida tozalanishi ustidan davlat nazoratini amalga oshiradi;

g) ichimlik suvi taʼminoti va oqova suvlarni chiqarib yuborish tizimi obyektlarining texnologik auditdan oʻtkazilishi yuzasidan nazoratni amalga oshirish boʻyicha:

d) isteʼmolchilarning ichimlik suvi taʼminoti va oqova suvlarni chiqarib yuborish boʻyicha xizmatlar bilan qamrab olinishi ustidan davlat nazoratini amalga oshirish boʻyicha:

ijtimoiy va ishlab chiqarish infratuzilmasini rivojlantirish dasturi va boshqa dasturlar asosida ichimlik suvi taʼminoti va oqova suv obyektlarida amalga oshirilgan qurilish, rekonstruksiya va modernizatsiya ishlari natijasida isteʼmolchilarning suv taʼminoti va oqova suvlarni chiqarib yuborish xizmatlari bilan qamrab olinishi hamda tashkiliy-huquqiy shaklidan qatʼi nazar, suv taʼminoti tashkilotlari bilan isteʼmolchilar oʻrtasida shartnomaviy munosabatlar yoʻlga qoʻyilganligi ustidan davlat nazoratini amalga oshiradi.

10. Hududiy inspeksiya qonunchilik hujjatlariga muvofiq boshqa funksiyalarni ham amalga oshirishi mumkin.

3-bob. Hududiy inspeksiyaning huquqlari va javobgarligi

11. Hududiy inspeksiya oʻziga yuklangan vazifalar va funksiyalarni amalga oshirishda quyidagi huquqlarga ega:

a) obyektlarda oʻtkaziladigan tekshirishlarni tashkil etish sohasida:

tashkiliy-huquqiy shaklidan qatʼi nazar, davlat nazoratini amalga oshirish yuzasidan vakolat doirasiga kiruvchi masalalarda belgilangan tartibda tekshiruv oʻtkazish;

“xavfni tahlil etish” tizimi doirasida tadbirkorlik subyektlarining qonunchilik hujjatlarini buzish xavfi darajasidan kelib chiqib, tekshiruvni tashabbus qilish;

oʻtkazilgan nazorat tadbirlari boʻyicha tahliliy maʼlumotlarni yuritish;

nazorat ishlarini elektron tizim hamda qurilish obyektlarini onlayn kuzatish markazlari orqali tahlil qilish, umumlashtirish va monitoring qilib borish;

pudrat tashkilotlariga konstruksiyalarning alohida detallarini ochish, poydevordagi va qayta toʻldiriladigan tuproqni tekshirish ishlarini topshirish, zarurat boʻlganda tegishli xulosa tayyorlash uchun ilmiy-tadqiqot tashkilotlaridan ekspert-mutaxassislarni jalb qilish;

avariya holatidagi binolar, inshootlar, ularning qismlari, konstruktiv elementlari va avariyaga olib kelgan sabablarni tekshirish, ularni noturar joy toifasiga oʻtkazish boʻyicha texnik komissiyalar ishida ishtirok etish;

qurilish obyektlarida sinov laboratoriya ishlarini hamda mavjud binolar va inshootlarning texnik holatini shartnoma asosida oʻrganish va tegishli xulosa berish;

zarurat boʻlganda ichimlik suvi va oqova suvlarni, uskuna hamda materiallarni tegishli tashkilotlar tomonidan nazorat sinovidan va tahlildan oʻtkazishni tayinlash;

b) oʻtkazilgan tekshirishlarning natijadorligini taʼminlash sohasida:

quyidagi holatlarda jismoniy va yuridik shaxslarga nisbatan bajarilishi majburiy boʻlgan yozma koʻrsatmalar kiritish:

yuridik va jismoniy shaxslarga obyektdagi huquqbuzarliklarni bartaraf qilish uchun mos ravishda, biroq oltmish kundan ortiq boʻlmagan muddatni belgilagan holda, aniqlangan huquqbuzarliklarni bartaraf etish boʻyicha;

bajarilgan ishlar loyiha yechimlari, texnik reglamentlar, shaharsozlik normalari va qoidalari, texnik jihatdan tartibga solish sohasidagi normativ hujjatlar va boshqa qonunchilik hujjatlari talablariga mos kelmasligi aniqlangan hollarda, shuningdek, qurilish materiallari, buyumlari va konstruksiyalarini laboratoriyada sinovdan oʻtkazishning salbiy natijalariga hamda talablari buzilgan hujjatga asoslangan holda qurilishi nihoyasiga yetkazilgan bosqichda bajarilgan ishlarning nomuvofiqligi boʻyicha;

koʻp kvartirali uylarni boshqarish organlariga va mulkdorlariga koʻp kvartirali uylarni boshqarish faoliyatini amalga oshirish hamda uylardan texnik foydalanish qoidalari va normalariga, sanitariya normalari, qoidalari va gigiyena normativlarining hamda shaharsozlik normalari va qoidalariga muvofiq, koʻp kvartirali uylarga tutash yer uchastkasini saqlashga doir talablarning buzilish holatlarini oʻn besh kun muddatda bartaraf etish boʻyicha;

koʻp kvartirali uylarning konstruktiv qismlarining tayanch qobiliyatini hamda zilzilaga bardoshliligini buzadigan, shuningdek, inson hayoti, sogʻligʻi yoki mol-mulkiga va atrof-muhitga zarar yetkazilishi hamda tahdid soluvchi oʻzboshimchalik bilan amalga oshirilayotgan oʻzgartirish va rekonstruksiya qilish ishlari aniqlangan hollarda, ularni toʻxtatish va ularning oqibatlarini oʻttiz kun muddatda ixtiyoriy ravishda bartaraf etish boʻyicha;

ichimlik suvi taʼminoti va oqova suvlarni chiqarib yuborish sohasida aniqlangan huquqbuzarliklarni bartaraf etish boʻyicha;

yer osti suvlaridan samarasiz foydalanish holatlari aniqlanganda yer osti suvlarini olishni toʻxtatish yoki bu borada ajratilgan limitni belgilangan tartibda qisqartirish boʻyicha;

Hududiy inspeksiya oʻz vakolatlari doirasida:

binolar va inshootlarning zilzilaga bardoshliligiga taʼsir qiluvchi, shuningdek, inson hayoti va sogʻligʻiga tahdid soluvchi sifatsiz qurilish materiallari, konstruksiyalari hamda buyumlari qoʻllangani aniqlangan hollarda, qurilish materiallarini, konstruksiyalarini va buyumlarini ishlab chiqarishni, realizatsiya qilish hamda qoʻllashni toʻxtatib turish haqida tegishli davlat organlari va tashkilotlarga;

qurilish obyektlarining barcha bosqichlarida pudrat tashkilotining ichki, loyiha tashkilotining mualliflik va texnik nazoratni amalga oshiruvchi mutaxassislarning maxsus sertifikatlari mavjudligini tekshirish, nazorat davomida sertifikat mavjud boʻlmaganda buyurtmachi, pudrat va loyiha tashkilotlariga masʼul shaxslarni qurilish obyektlaridan chetlashtirish va tegishli sertifikatni bekor qilish yuzasidan;

quyidagi holatlarda sudlarga arizalar kiritadi:

Hududiy inspeksiyada roʻyxatdan oʻtgan va tasdiqlangan loyiha hujjatlariga rioya qilmagan holda qurilish ishlarini bajarganlik holati aniqlanganda, qurilish-montaj ishlarini toʻxtatib qoʻyish, demontaj ishlarini amalga oshirish yoki buzdirish ishlarini amalga oshirish toʻgʻrisida;

Hududiy inspeksiya manfaatlarini himoya qilish maqsadida;

v) faoliyat yoʻnalishlari boʻyicha samaradorlikni taʼminlash sohasida:

nazorat natijalarini tahlil qiladi, xalqaro tajribalarni oʻrgangan holda, normativ-huquqiy bazani yanada takomillashtirish boʻyicha Inspeksiyaga takliflar taqdim etadi;

Hududiy inspeksiya faoliyatida foydalanishi uchun uslubiy va metodik qoʻllanmalar, yoʻriqnomalar ishlab chiqish boʻyicha takliflar tayyorlaydi;

Hududiy inspeksiyada qurilish obyektlarini onlayn kuzatish markazlari faoliyatini tashkil etadi;

Hududiy inspeksiya xodimlarini tayyorlash, qayta tayyorlash va ularning malakasini uzluksiz oshirishni tashkil etadi, shuningdek, bu masalalar boʻyicha Inspeksiyaga aniq takliflar kiritadi;

xorijiy davlatlar mutaxassislarini jalb qilgan holda tajriba almashish hamda xodimlarning xorijiy mamlakatlarda malakasini oshirishni tashkil etadi;

xodimlarni qonunchilik hujjatlarida belgilangan tartibda attestatsiyadan oʻtkazishni va ularning natijalariga koʻra tegishli maxsus guvohnomalar berishni tashkil etadi;

qurilish, uy-joy fondini boshqarish va ichimlik suvi taʼminoti hamda oqova suvlarni chiqarib yuborish masalalari boʻyicha oʻquv-seminarlarni tashkil qiladi va oʻtkazadi;

Hududiy inspeksiyani zamonaviy sinov-laboratoriya oʻlchov asboblari bilan taʼminlaydi;

shartnoma asosida qurilish obyektidagi qurilish mahsulotlari, materiallari, buyumlari, konstruksiyalaridan tanlab namunalar oladi, sinovdan oʻtkazadi va bayonnomalar rasmiylashtiradi;

mavjud binolar va inshootlarning texnik holatini shartnoma asosida oʻrganadi va tegishli xulosa beradi;

qurilish ishlarida mustahkamlik, seysmik qoidalarning buzilishi natijasida aholi sogʻligʻi va hayotiga zarar yetkazilishi yoki ogʻir oqibatlarga olib kelishining oldini olish maqsadida huquqni muhofaza qiluvchi organlarga choralar koʻrish yuzasidan tegishli hujjatlarni ilova qilgan holda xabar beradi;

elektron reytinglarni joriy etish uchun belgilangan muddatlarda “Shaffof qurilish” milliy axborot tizimida maʼlumotlarni taqdim etadi.

12. Hududiy inspeksiya huquqbuzarlik holati boʻyicha eʼtiroz bildirilgan hollarda ishni koʻrib chiqish uchun sudga taqdim etish tartibini saqlab qolgan holda, oʻz vakolati doirasida qonunchilik hujjatlarining buzilishiga oid maʼmuriy huquqbuzarliklar toʻgʻrisidagi ishlarni koʻrib chiqadi.

13. Koʻp kvartirali uylarning birinchi qavatini noturar joy toifasiga yoki noturar joyni koʻp kvartirali turar joy toifasiga oʻtkazishga ruxsatnoma berishda xulosa beradi.

14. Hududiy inspeksiya:

qurilish obyektlarida ishlatilayotgan qurilish materiallari, konstruksiyalari va buyumlarining texnik jihatdan tartibga solish sohasidagi normativ hujjatlar talablariga muvofiqligini nazorat qilish;

jismoniy va yuridik shaxslarning huquqlariga rioya etilishini va qonuniy manfaatlari himoya qilinishini taʼminlash;

qurilish sohasida qonunchilikning ijro etilishi, aniqlangan qonunbuzarlik holatlarining oʻz vaqtida koʻrib chiqilishini taʼminlash hamda oʻz vakolati doirasida tegishli choralar koʻrish;

har oylik, choraklik va yillik hisobotlar, maʼlumotlar va statistika maʼlumotlarining oʻz vaqtida taqdim etilishini taʼminlash;

koʻp kvartirali uy-joy fondini boshqarish (xoʻjalik yurituvchi subyektlarning moliyalashtirish manbalaridan qatʼi nazar, moliya-xoʻjalik faoliyatiga aralashmagan holda), issiqlik taʼminotidan foydalanish, ichimlik suvi taʼminoti va oqova suvlarni chiqarib yuborish xizmatini koʻrsatish hamda foydalanish yuzasidan davlat nazorati va tekshiruvini amalga oshirish (avtomobil yoʻllari va yoʻl sunʼiy inshootlari bundan mustasno);

sohada aniqlangan muammolarni har tomonlama va chuqur oʻrganish hamda umumlashtirish asosida hududlarda tegishli sohani rivojlantirishga doir takliflar tayyorlash uchun javobgardir.

4-bob. Hududiy inspeksiya rahbarlarining asosiy funksional vazifalari

12. Quyidagilar Hududiy inspeksiya boshligʻining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Hududiy inspeksiya faoliyatiga umumiy rahbarlik qilish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari, boshqa qonunchilik hujjatlari hamda Inspeksiyaning hujjatlari bilan Hududiy inspeksiyaga yuklangan vazifa va funksiyalar bajarilishini tashkil etish;

boshliq oʻrinbosarlari va tarkibiy tuzilmalar rahbarlarining vakolatlarini belgilash va vazifalarni taqsimlash;

Hududiy inspeksiya faoliyati rejalashtirilishini tashkil etish, Hududiy inspeksiyaning davriy ish rejalarini tasdiqlash, ularning bajarilishi yuzasidan nazoratni taʼminlash;

Hududiy inspeksiya rahbarlari va xodimlari xizmat safarlarini qonunchilik hujjatlarida belgilangan talablarga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

Hududiy inspeksiya vakolatiga kiradigan masalalar boʻyicha koʻrsatmalar chiqarish, buyruqlar qabul qilish;

Hududiy inspeksiya xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Inspeksiya xodimlari odob-axloq qoidalariga rioya etilishini taʼminlash;

Hududiy inspeksiya xodimlarini ularning koʻp yillik va samarali faoliyati, alohida xizmatlari uchun Oʻzbekiston Respublikasi davlat mukofotlari bilan taqdirlash uchun belgilangan tartibda takliflar kiritishni taʼminlash va tavsiyalar berish;

Hududiy inspeksiya mulkini qonunchilik hujjatlarida belgilangan tartibda tasarruf etish;

Hududiy inspeksiyaning ichki tashkiliy masalalari yuzasidan qarorlar qabul qilish;

Hududiy inspeksiya xodimlarini lavozimga tayinlash va lavozimdan ozod etish, mehnat shartnomalari (buyruqlari)ni imzolash;

Hududiy inspeksiya xodimlariga vazifalarni yuklash;

Hududiy inspeksiya xodimlarining malakasini oshirish va ularni xorijiy davlatlarga stajirovka va tajriba almashish uchun yuborishni tashkil etish;

Hududiy inspeksiya xodimlarini ragʻbatlantirish va intizomiy javobgarlikka tortish masalalarini hal qilish, boshliq oʻrinbosarlarini ragʻbatlantirish va intizomiy javobgarlikka tortish masalalarini, shu jumladan, kelgusida uning egallab turgan lavozimida qolishining maqsadga muvofiqligi masalalarini koʻrib chiqish toʻgʻrisida Inspeksiyaga takliflar kiritish, ularning shaxsiy javobgarligini oshirish boʻyicha tizimli choralar koʻrish;

Hududiy inspeksiyaning tashqi va ichki tashkiliy faoliyati ustidan doimiy va qatʼiy nazorat oʻrnatish;

davlat siri toifasiga kiritilgan va maxfiy axborot bilan ishlashda qonunchilik talablariga rioya qilish;

Hududiy inspeksiya xarajatlari smetasini Inspeksiya bilan kelishgan holda tasdiqlash;

ushbu Nizomda va qonunchilik hujjatlarida nazarda tutilgan boshqa vakolatlarni amalga oshirish.

13. Quyidagilar Hududiy inspeksiya boshligʻi oʻrinbosarlarining oʻzlari mutasaddilik qiladigan sohalar boʻyicha asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Hududiy inspeksiya boshligʻi muayyan sabablarga koʻra (xizmat safari, mehnat taʼtili, betobligi davrida) yoʻqligida uning vazifalarini bajarish;

Hududiy inspeksiyaning oʻzi nazorat qiladigan tarkibiy tuzilmalari faoliyatini muvofiqlashtirish, nazorat va bevosita rahbarlik qilish, xodimlar oʻrtasida vazifalarni taqsimlash;

Hududiy inspeksiya faoliyatining oʻzi mutasaddilik qiladigan yoʻnalishlarini yanada takomillashtirish yuzasidan Oʻzbekiston Respublikasi Prezidentining hujjatlari va Vazirlar Mahkamasi qarorlari bilan tasdiqlangan kompleks dastur va kompleks chora-tadbirlar ijrosini tanqidiy va chuqur tahlil qilish;

mutasaddiligidagi tarkibiy tuzilmalar boʻlinma rahbarlarining hisobotlarini muntazam eshitib borish va belgilangan koʻrsatkichlarga erishish uchun ularning shaxsiy javobgarligini oshirish;

Hududiy inspeksiya boshligʻining qonunchilik doirasidagi buyruq hamda topshiriqlari ijrosini oʻz vaqtida va sifatli taʼminlash;

Hududiy inspeksiyaga kiritilgan takliflar va taqdim etilgan normativ-huquqiy hujjatlar loyihalarini toʻliq va har tomonlama koʻrib chiqish;

kadrlarni belgilangan tartibda tanlash va joy-joyiga qoʻyish boʻyicha Hududiy inspeksiya boshligʻiga takliflar taqdim etish, ularning professionalligi, oʻz ishini bilishi, yuksak darajadagi ishchanlik va maʼnaviy-axloqiy fazilatlarga ega boʻlishini taʼminlash, ularning kasbiy malakasini oshirish choralarini koʻrish, mutasaddilik boʻyicha tarkibiy tuzilmalarda kadrlar zaxirasini shakllantirish choralarini koʻrish;

Hududiy inspeksiya xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Inspeksiya xodimlarining odob-axloq qoidalari talablariga rioya etilishini taʼminlash;

Hududiy inspeksiya faoliyatini takomillashtirish boʻyicha amaliy choralar koʻrish, ushbu sohada qonunchilikni takomillashtirishga doir takliflarni ishlab chiqib, koʻrib chiqish uchun Hududiy inspeksiya boshligʻiga kiritish;

davlat siri toifasiga kiritilgan va maxfiy axborot bilan ishlashda qonunchilik talablariga rioya qilish;

oʻzi mutasaddilik qiladigan tarkibiy boʻlinmalarda xodimlarni tanlash va joy-joyiga qoʻyish boʻyicha Hududiy inspeksiya boshligʻiga takliflar kiritish;

oʻzi mutasaddilik qiladigan tarkibiy boʻlinmalar rahbarlari faoliyati samaradorligi va natijadorligini muntazam ravishda tanqidiy tahlil qilish;

oʻzi mutasaddilik qiladigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha Hududiy inspeksiya boshligʻiga takliflar kiritish;

ushbu Nizomda va qonunchilik hujjatlarida nazarda tutilgan boshqa vakolatlarni amalga oshirish.

5-bob. Hududiy inspeksiya rahbarlarining javobgarligi

14. Hududiy inspeksiya boshligʻi:

Hududiy inspeksiyaga yuklangan vazifalar va funksiyalarning bajarilishi uchun;

Hududiy inspeksiyaning ushbu Nizomda nazarda tutilgan javobgarlik sohalari boʻyicha hamda mazkur Nizomning 12-bandida koʻrsatilgan oʻz funksional majburiyatlari sifatli bajarilishi uchun shaxsan javob beradi.

15. Hududiy inspeksiya boshligʻi oʻrinbosarlari:

mutasaddilik qilinadigan yoʻnalish va tarkibiy boʻlinmalarda Hududiy inspeksiyaga yuklangan vazifalar va funksiyalarning bajarilishi uchun;

ushbu Nizomning 13-bandida koʻrsatilgan oʻz funksional vazifalarining sifatli bajarilishi uchun shaxsan javob beradilar.

6-bob. Hududiy inspeksiya faoliyatini tashkil etish

16. Hududiy inspeksiyalarning boshliqlari va ularning oʻrinbosarlari Inspeksiya boshligʻi tomonidan qonunchilikda belgilangan tartibda lavozimga tayinlanadi va lavozimidan ozod etiladi.

17. Hududiy inspeksiya boshligʻi:

Hududiy inspeksiya xodimlari uchun majburiy boʻlgan buyruqlar chiqaradi hamda ularning bajarilishini nazorat qiladi;

oʻrinbosarlar oʻrtasida aniq vazifalar va funksiyalarni taqsimlaydi, xodimlar oʻrtasida vakolatlarni belgilaydi va majburiyatlarni taqsimlaydi, tarkibiy boʻlinmalar mansabdor shaxslarining vakolatlarini belgilaydi;

Hududiy inspeksiya boʻlim boshliqlarini Inspeksiya bilan kelishgan holda lavozimga tayinlaydi;

Hududiy inspeksiya xodimlarini lavozimga tayinlaydi va lavozimdan ozod etadi;

Hududiy inspeksiya xodimlari faoliyatini ragʻbatlantirish uchun tegishli buyruqlar chiqaradi;

Hududiy inspeksiya faoliyatini, shu jumladan, moddiy-texnik bazasini tashkil etish va rivojlantirishni tashkil etadi;

Hududiy inspeksiyani malakali, amaliy tajribaga ega kadrlar bilan toʻldirish, shuningdek, ularni saralab olish, tayyorlash, qayta tayyorlash va ularning uzluksiz malakasini oshirish sohasida kadrlar siyosatini yuritadi.

Hududiy inspeksiya boshligʻi qonunchilik hujjatlariga muvofiq boshqa vakolatlarni ham amalga oshirishi mumkin.

18. Hududiy inspeksiya boshligʻi boʻlmagan vaqtda, uning vakolatlari Hududiy inspeksiya boshligʻining birinchi oʻrinbosari tomonidan, u boʻlmagan vaqtda esa Hududiy inspeksiya boshligʻining tegishli buyrugʻiga asosan boshqa oʻrinbosar tomonidan amalga oshiriladi.

19. Hududiy inspeksiyalar tuzilmasi va shtat jadvallari (mehnatga haq toʻlash razryadlari Inspeksiya markaziy apparati xodimlari uchun belgilangan mehnatga haq toʻlash razryadlaridan bir pogʻona past miqdorda qoʻllanadi) Inspeksiya boshligʻi tomonidan tasdiqlanadi.

7-bob. Hududiy inspeksiya faoliyatining samaradorligi va natijadorligini baholash mezonlari

20. Hududiy inspeksiya faoliyatining samaradorligi muntazam baholanadi.

21. Hududiy inspeksiya faoliyati samaradorligi va natijadorligiga berilgan baho Inspeksiya boshligʻi tomonidan tasdiqlanadigan Hududiy inspeksiya faoliyati samaradorligi va natijadorligini baholash mezonlari va ish indikatorlariga asoslanadi.

22. Hududiy inspeksiya faoliyati samaradorligi va natijadorligini baholash yakunlari boʻyicha:

Hududiy inspeksiya rahbarlari va xodimlarini qoʻshimcha ragʻbatlantirish (mukofotlash) yoki intizomiy javobgarlikka tortish;

Hududiy inspeksiya faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

23. Hududiy inspeksiya faoliyati samaradorligi va natijadorligini baholash tartibi va uslubi qonunchilik hujjatlari bilan belgilanadi.

8-bob. Hududiy inspeksiya faoliyatini moliyalashtirish va moddiy-texnik taʼminlash, xodimlar mehnatiga haq toʻlash va moddiy ragʻbatlantirish

24. Hududiy inspeksiya faoliyati quyidagi manbalar hisobidan moliyalashtiriladi:

davlat qurilish nazorati amalga oshiriladigan barcha obyektlar uchun Hududiy inspeksiyaga ajratmalarning qurilish-montaj ishlari qiymatining (qoʻshilgan qiymat soligʻisiz) Hududiy inspeksiya ixtiyorida qoldiriladigan mablagʻlar;

Inspeksiyaning budjetdan tashqari mablagʻlari;

mavjud binolar va inshootlarning texnik holatini tekshirish boʻyicha shartnoma asosida ishlarni bajarish va xizmatlar koʻrsatishdan, shuningdek, laboratoriya xizmatlari va qonunchilik hujjatlarida taqiqlanmagan xizmatlarning boshqa turlarini koʻrsatishdan olingan daromadlar;

Hududiy inspeksiya xoʻjalik faoliyati hisobidan moliyalashtiriladi va ularning inspektorlari soni roʻyxatdan oʻtgan obyektlarning umumiy sonidan, hajmidan va masofasidan kelib chiqqan holda belgilanadi.

25. Mavjud binolar va inshootlarning texnik holatini tekshirish boʻyicha bajarilayotgan ishlar va koʻrsatilayotgan xizmatlarning, shuningdek, sinov-laboratoriya xizmatlari va Inspeksiya tomonidan koʻrsatilayotgan xizmatlar boshqa turlarining qiymatini aniqlash metodikasi Inspeksiya tomonidan tasdiqlanadi.

26. Hududiy inspeksiya xodimlariga mehnatga haq toʻlash, moddiy ragʻbatlantirish va ijtimoiy himoya qilishda Inspeksiya markaziy apparati xodimlarini mehnatiga haq toʻlash va moddiy ragʻbatlantirish tartibida belgilangan barcha toʻlovlar tatbiq etilgan holda, Hududiy inspeksiya mablagʻlari hisobidan amalga oshiriladi.

Hududiy inspeksiyaning moddiy-texnik bazasini mustahkamlash, shuningdek, xodimlarini moddiy ragʻbatlantirish, shu jumladan, qoʻshimcha toʻlovlar, ustama haqlar, mukofotlar, ijtimoiy va boshqa toʻlovlarni toʻlash Hududiy inspeksiyalar va Inspeksiyaning budjetdan tashqari mablagʻlari hisobidan qoʻshimcha moliyalashtirish orqali amalga oshirilishi mumkin.

27. Mehnatga haq toʻlash boʻyicha yagona tarif setkasidan foydalanadigan xoʻjalik hisobidagi korxonalar va tashkilotlarga ularning moliyaviy imkoniyatlaridan va xoʻjalik faoliyati natijalaridan kelib chiqqan holda, xodimlar mehnatiga haq toʻlashni tashkil etish uchun asos sifatida Yagona tarif setkasining oshirilgan tarif koeffitsiyentlarini belgilash huquqi berilishi mumkin.

9-bob. Yakunlovchi qoidalar

28. Hududiy inspeksiya qonunchilik hujjatlarida belgilangan tartibda qayta tashkil etiladi va tugatiladi.

29. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2025-yil 22-sentabrdagi 602-son qaroriga
3-ILOVA

Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi xodimlarining idoraviy formali kiyim-boshlari va farqlash belgilari

NAMUNALARI HAMDA TAVSIFI

I. Qurilish va uy-joy kommunal xoʻjaligi sohasida nazorat qilish inspeksiyasi inspektorlarining idoraviy formali kiyim-boshlari namunalari

II. Qurilish va uy-joy kommunal xoʻjaligi sohasida nazorat qilish inspeksiyasi inspektorlarining idoraviy formali kiyim-boshlari tavsifi

Yozgi mavsumiy idoraviy formali kiyim-bosh

1. Erkaklar uchun idoraviy formali kiyim-bosh:

a) Qurilish va uy-joy kommunal xoʻjaligi sohasida nazorat qilish inspeksiyasining emblemasi tushirilgan toʻq koʻk rangdagi kepka;

b) kalta yengli, toʻq koʻk rangli, koʻkrak qismlarida ikkita choʻntagi hamda ularning chap tomonidagisining tepa qismida “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi, oʻng tomondagisining tepa qismida formani kiygan xodimning toʻliq familiyasi, ismi va otasining ismi bosh harflari yozilgan belgilar, chap tomondagi yengda shevron boʻlgan koʻylak;

v) toʻq koʻk rangdagi shim.

2. Ayollar uchun idoraviy formali kiyim-bosh:

a) Qurilish va uy-joy kommunal xoʻjaligi sohasida nazorat qilish inspeksiyasining emblemasi tushirilgan toʻq koʻk rangdagi kepka;

v) toʻq koʻk rangdagi yubka.

Kuzgi va bahorgi mavsumiy idoraviy formali kiyim-bosh

1. Erkaklar uchun idoraviy formali kiyim-bosh:

a) Qurilish va uy-joy kommunal xoʻjaligi sohasida nazorat qilish inspeksiyasining emblemasi tushirilgan toʻq koʻk rangdagi kepka;

b) uzun yengli, toʻq koʻk rangli, koʻkrak qismlarida ikkita choʻntagi hamda ularning chap tomonidagisining tepa qismida “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi, oʻng tomondagisining tepa qismida formani kiygan xodimning toʻliq familiyasi hamda ismi va otasining ismi bosh harflari yozilgan belgilar, chap tomondagi yengda shevron boʻlgan koʻylak;

v) toʻq koʻk rangdagi shim;

g) qora rangli charm poyabzal;

d) och koʻk rangli kalta yengli kamzul (laboratoriya xodimlari uchun toʻq koʻk rangli orqa yelka qismiga “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI LABORATORIYASI” yozuvi tushirilgan kalta yengli kamzul);

e) toʻq koʻk rangli, koʻkrak qismlarida ikkita choʻntagi hamda ularning chap tomonidagisining tepa qismida yozilgan “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi, oʻng tomondagisining tepa qismida formani kiygan xodimning toʻliq familiyasi, ismi va otasining ismi bosh harflari yozilgan belgilar, yengi uzun va chap tomondagi yengda shevron boʻlgan yengil va bir yoqlamalik kurtka.

2. Ayollar uchun idoraviy formali kiyim-bosh:

a) Qurilish va uy-joy kommunal xoʻjaligi sohasida nazorat qilish inspeksiyasining emblemasi tushirilgan toʻq koʻk rangdagi kepka;

b) uzun yengli, toʻq koʻk rangli, koʻkrak qismlarida ikkita choʻntagi hamda ularning chap tomonidagisining tepa qismida “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi, oʻng tomondagisining tepa qismida formani kiygan xodimning toʻliq familiyasi, ismi va otasining ismi bosh harflari yozilgan belgilar, chap tomondagi yengda shevron boʻlgan koʻylak;

v) toʻq koʻk rangdagi yubka;

g) qora rangli charm poyabzal;

d) och koʻk rangli kalta yengli kamzul;

e) toʻq koʻk rangli, koʻkrak qismlarida ikkita choʻntagi hamda ularning chap tomonidagisining tepa qismida “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi, oʻng tomondagisining tepa qismida formani kiygan xodimning toʻliq familiyasi, ismi va otasining ismi bosh harflari yozilgan belgilar, yengi uzun va chap tomondagi yengda shevron boʻlgan yengil hamda bir yoqlamalik kurtka.

Qishki mavsumiy idoraviy formali kiyim-bosh

1. Erkaklar uchun idoraviy formali kiyim-bosh:

a) Qurilish va uy-joy kommunal xoʻjaligi sohasida nazorat qilish inspeksiyasining emblemasi tushirilgan toʻq koʻk rangdagi issiq va qalin kepka;

b) uzun yengli, toʻq koʻk rangli, koʻkrak qismlarida ikkita choʻntagi hamda ularning chap tomonidagisining tepa qismida “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi, oʻng tomondagisining tepa qismida formani kiygan xodimning toʻliq familiyasi, ismi va otasining ismi bosh harflari yozilgan belgilar, chap tomondagi yengda shevron boʻlgan koʻylak;

v) toʻq koʻk rangdagi issiq shim;

g) toʻq koʻk rangli, koʻkrak qismlarida ikkita choʻntagi hamda ularning chap tomonidagisining tepa qismida yozilgan “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi, oʻng tomondagisining tepa qismida formani kiygan xodimning toʻliq familiyasi, ismi va otasining ismi bosh harflari yozilgan belgilar, yengi uzun va chap tomondagi yengda shevron boʻlgan yengil va bir yoqlamalik kurtka;

d) qora rangli etik;

e) toʻq koʻk rangli, chap tomondagi koʻkrak qismida “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi yozilgan belgi, yengi uzun va oʻng tomondagi yengda shevron boʻlgan qalin hamda issiq kurtka.

2. Ayollar uchun idoraviy formali kiyim-bosh:

a) Qurilish va uy-joy kommunal xoʻjaligi sohasida nazorat qilish inspeksiyasining emblemasi tushirilgan issiq va qalin kepka;

b) uzun yengli, toʻq koʻk rangli, koʻkrak qismlarida ikkita choʻntagi hamda ularning chap tomonidagisining tepa qismida “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi, oʻng tomondagisining tepa qismida formani kiygan xodimning toʻliq familiyasi, ismi va otasining ismi bosh harflari yozilgan belgilar, chap tomondagi yengda shevron boʻlgan koʻylak;

v) toʻq koʻk rangdagi issiq va qalin yubka yoki shim;

g) toʻq koʻk rangli, koʻkrak qismlarida ikkita choʻntagi hamda ularning chap tomonidagisining tepa qismida “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi, oʻng tomondagisining tepa qismida formani kiygan xodimning toʻliq familiyasi, ismi va otasining ismi bosh harflari yozilgan belgilar, yengi uzun va chap tomondagi yengda shevron boʻlgan yengil hamda bir yoqlamalik kurtka;

d) qora rangli etik;

III. Qurilish va uy-joy kommunal xoʻjaligi sohasida nazorat qilish inspeksiyasi inspektorlarining idoraviy formali kiyim-boshlari farqlash belgilarining tavsifi

1. Kepka emblemasi.

Kepkaning oldi tomoni chap qismida boʻyi 4,4 sm va eni 3,9 sm boʻlgan Qurilish va uy-joy kommunal xoʻjaligi sohasida nazorat qilish inspeksiyasining emblemasi boʻladi.

Oltin rangdagi yengil kashta usulida tikilgan qalqon koʻrinishidagi emblemada oq rangda koʻp kvartirali uy-joylar tasvirlangan, koʻp kvartirali uy-joylarning ostki qismida ichimlik suvi va oqova suv tasviri tushirilgan.

2. Shevron.

Idoraviy formali kiyimning chap yengida (yengning tikuv chokidan 9,5 sm pastda) diametri 9 sm toʻq koʻk rangli shevron mavjud.

Ramka oltin rangdan iborat.

Shevron matoga tushirilgan holda tayyorlanadi.

Shevronning oʻrtasida boʻyi 4,4 sm va eni 3,9 sm boʻlgan Qurilish va uy-joy kommunal xoʻjaligi sohasida nazorat qilish inspeksiyasining emblemasi, emblemaning orqasida Oʻzbekiston Respublikasi Davlat bayrogʻi tasviri tushirilgan.

Emblemaning atrofida 6 sm diametr aylana shaklidagi harflarining boʻyi 0,5 sm boʻlgan “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi oltin rangda kashta usulida yozilgan hamda uning pastki qismida boʻyi 0,4 sm va eni 3,3 sm boʻlgan lotin harflarida “OʻZBEKISTON” yozuvi oltin rangda kashta usulida yozilgan.

3. Koʻkrak qismidagi nashivkalar (yozuv).

Koʻkrakning oʻng tomonida boʻyi 3,9 sm va eni 13 sm boʻlgan oltin hoshiyali toʻq koʻk rangdagi matoda oq rang bilan xodimning familiyasi hamda ismi va otasining ismining bosh harflari kashta usulida yozilgan nashivka (yozuv) boʻladi.

Koʻkrakning chap tomonida boʻyi 3,9 sm va eni 13 sm boʻlgan oltin hoshiyali toʻq koʻk rangdagi matoda oq rangda “QURILISH VA UY-JOY KOMMUNAL XOʻJALIGI SOHASIDA NAZORAT QILISH INSPEKSIYASI” yozuvi kashta usulida yozilgan nashivka (yozuv) boʻladi.

Nashivkalar (yozuv) formaning koʻkrak choʻntaklariga tikiladi.

Vazirlar Mahkamasining 2025-yil 22-sentabrdagi 602-son qaroriga
4-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2000-yil 5-avgustdagi 305-son qarori bilan tasdiqlangan Obyektlar qurilishini loyihalash hujjatlarini ishlab chiqish bilan ayni bir vaqtda amalga oshirish tartibi toʻgʻrisidagi nizomning 13-bandidagi “Qurilish va uy-joy kommunal xoʻjaligi vazirligi” soʻzlari “Oʻzbekiston Respublikasi Vazirlar Mahkamasi” soʻzlari bilan almashtirilsin.

2. Vazirlar Mahkamasining 2017-yil 22-iyundagi 409-son qarori bilan tasdiqlangan Qurilish va uy-joy kommunal xoʻjaligi vazirligi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomning 7-bobi oʻz kuchini yoʻqotgan deb hisoblansin.

3. Vazirlar Mahkamasining “Ichimlik suv taʼminoti va kanalizatsiya tizimi obyektlarida texnologik audit oʻtkazish tartibi toʻgʻrisidagi nizomni tasdiqlash haqida” 2019-yil 13-iyundagi 494-son qarorida:

a) nomi va 1-banddagi “Ichimlik suv taʼminoti va kanalizatsiya” soʻzlari “Ichimlik suvi taʼminoti va oqova suvlarni chiqarib yuborish” soʻzlari bilan almashtirilsin;

b) quyidagi mazmundagi 1¹-band bilan toʻldirilsin:

“1¹. Belgilansinki:

yirik turdagi (sutkasiga 5 ming m³ va undan koʻp suv ishlab chiqaruvchi yoki oqova suvlarni qabul qiluvchi) obyektlarning roʻyxati va texnologik audit oʻtkazish jadvali Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining markaziy apparati;

kichik turdagi (sutkasiga 5 ming m³ gacha suv ishlab chiqaruvchi yoki oqova suvlarni qabul qiluvchi) obyektlarning roʻyxati va texnologik audit oʻtkazish jadvali obyektlarning sonidan, hajmidan va masofasidan kelib chiqib, shtat jadvaliga muvofiq Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy inspeksiyasi tomonidan tasdiqlanadi”;

v) ilovada:

nomidagi “Ichimlik suv taʼminoti va kanalizatsiya” soʻzlari “Ichimlik suvi taʼminoti va oqova suvlarni chiqarib yuborish” soʻzlari bilan almashtirilsin;

1 va 2-bandlardagi “ichimlik suv taʼminoti va kanalizatsiya” soʻzlari “ichimlik suvi taʼminoti va oqova suvlarni chiqarib yuborish” soʻzlari bilan almashtirilsin;

3-bandning ikkinchi — yettinchi xatboshilari quyidagi tahrirda bayon etilsin:

“inventarizatsiya pasporti — texnologik audit obyektlari toʻgʻrisida (inventar raqami, turi, markasi, seriyasi, ishga tushirilgan yili, foydalanish maqsadi va boshqalar) ichimlik suvi taʼminoti va oqova suvlarni chiqarib yuborish tizimi obyektlarini ekspluatatsiya qiluvchi tashkilotlar tomonidan tasdiqlangan hujjat;

ichimlik suvi taʼminoti va oqova suvlarni chiqarib yuborish tizimi obyekti — markazlashtirilgan ichimlik suvi bilan taʼminlash va oqova suvlarni chiqarib yuborish xizmatlari koʻrsatish inshootlari hamda ulardagi asbob-uskunalar va jihozlarni qamrab olgan yirik (sutkasiga 5 ming m³ va undan koʻp suv ishlab chiqaruvchi yoki oqova suvlarni qabul qiluvchi) va kichik (sutkasiga 5 ming m³gacha suv ishlab chiqaruvchi yoki oqova suvlarni qabul qiluvchi) turdagi obyekt;

ichimlik suvi taʼminoti va oqova suvlarni chiqarib yuborish tizimi obyektlarini ekspluatatsiya qiluvchi tashkilotlar (ekspluatatsiya tashkilotlari) — markazlashtirilgan ichimlik suvi taʼminoti va oqova suvlarni chiqarib yuborish xizmatlarini koʻrsatuvchi inshootlarni ekspluatatsiya qiluvchi yuridik shaxslar;

texnologik audit — ichimlik suvi taʼminoti va oqova suvlarni chiqarib yuborish tizimi obyektlarining ishlab chiqarish samaradorligini baholash uchun olib boriladigan maxsus tadqiqot;

texnologik audit obyektlari — ichimlik suvini ishlab chiqarish va oqova suvlarni tozalashda bevosita foydalaniladigan inshootlar, asbob-uskunalar va jihozlar;

texnologik audit oʻtkazuvchi — Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy inspeksiyalari hamda tadbirkorlik subyektlari”;

4-banddagi “Ichimlik suv taʼminoti va kanalizatsiya” soʻzlari “Ichimlik suvi taʼminoti va oqova suvlarni chiqarib yuborish” soʻzlari bilan almashtirilsin;

5-bandning birinchi — uchinchi xatboshilari quyidagi tahrirda bayon etilsin:

“5. Foydalanishga topshirilganiga kamida 10 yil boʻlgan ichimlik suvi taʼminoti va oqova suvlarni chiqarib yuborish tizimi obyektlarida quyidagi davriylikda majburiy tarzda shartnoma asosida texnologik audit oʻtkaziladi:

yirik turdagi ichimlik suvi taʼminoti va oqova suvlarni chiqarib yuborish tizimi obyektlarida har 3 yilda bir marta;

kichik turdagi ichimlik suvi taʼminoti va oqova suvlarni chiqarib yuborish tizimi obyektlarida har 5 yilda bir marta”;

6-band quyidagi tahrirda bayon etilsin:

“6. Ushbu Nizom talablaridan kelib chiqib barcha ichimlik suvi taʼminoti tashkilotlarining ichimlik suvi taʼminoti va oqova suvlarni chiqarib yuborish tizimi obyektlarida texnologik audit oʻtkazish majburiy tarzda amalga oshiriladi.

Bunda texnologik auditdan oʻtkazish xususiy sektorni jalb qilgan holda, shartnoma asosida ekspluatatsiya tashkilotlari mablagʻlari hisobidan amalga oshirilishi mumkin.

Texnologik audit oʻtkazish toʻgʻrisida Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy inspeksiyalari bilan ichimlik suvi taʼminoti tashkilotlari oʻrtasida qonunchilik hujjatlarida belgilangan tartibda shartnoma tuziladi”;

7-banddagi “suv taʼminoti va kanalizatsiya” soʻzlari “ichimlik suvi taʼminoti va oqova suvlarni chiqarib yuborish” soʻzlari bilan almashtirilsin;

11-bandning “g” kichik bandidagi “ichimlik suv taʼminoti va kanalizatsiya” soʻzlari “ichimlik suvi taʼminoti va oqova suvlarni chiqarib yuborish” soʻzlari bilan almashtirilsin;

12-band “mutaxassislar” soʻzidan keyin “(mutaxassislar shartnoma asosida jalb qilinishi mumkin)” soʻzlari bilan toʻldirilsin;

13-bandning ikkinchi — beshinchi xatboshilaridagi “ichimlik suv taʼminoti va kanalizatsiya” soʻzlari “ichimlik suvi taʼminoti va oqova suvlarni chiqarib yuborish” soʻzlari bilan almashtirilsin;

15-banddagi “Qurilish va uy-joy kommunal xoʻjaligi vazirligi huzuridagi Qurilish va kommunal” soʻzlari “Vazirlar Mahkamasi huzuridagi Qurilish va uy-joy kommunal” soʻzlari bilan almashtirilsin;

21-banddagi “ichimlik suv taʼminoti va kanalizatsiya” soʻzlari “ichimlik suvi taʼminoti va oqova suvlarni chiqarib yuborish” soʻzlari bilan almashtirilsin;

Nizomga 1 — 4-ilovalar quyidagi tahrirda bayon etilsin:

“Ichimlik suvi taʼminoti va oqova suvlarni chiqarib yuborish tizimi obyektlarini texnologik auditdan oʻtkazish toʻgʻrisidagi nizomga
1-ILOVA

Ichimlik suvi taʼminoti va oqova suvlarni chiqarib yuborish tizimi obyektlarini texnologik auditdan oʻtkazish

SXEMASI

Bosqichlar	Subyektlar	Tadbirlar	Bajarish muddatlari
Bosqichlar	Subyektlar	Tadbirlar	Bajarish muddatlari

1-bosqich	Ichimlik suvi taʼminoti va oqova suvlarni chiqarib yuborish tizimi obyektlarini ekspulatatsiya qiluvchi tashkilotlar (keyingi oʻrinlarda — ekspulatatsiya tashkilotlari)	Texnologik audit obyektlari boʻyicha inventarizatsiya pasportlarini tayyorlaydi va tasdiqlaydi.	Texnologik audit oʻtkazilishidan yigirma kun oldin
1-bosqich			Texnologik audit oʻtkazilishidan yigirma kun oldin

2-bosqich	Ekspulatatsiya tashkilotlari	Texnologik audit oʻtkazuvchiga zarur hujjatlarni taqdim etadi.	Texnologik audit oʻtkazilishidan oʻn kun oldin
2-bosqich	Ekspulatatsiya tashkilotlari		Texnologik audit oʻtkazilishidan oʻn kun oldin

3-bosqich	Texnologik audit oʻtkazuvchi	Ichimlik suvi va oqova suvlarni chiqarib yuborish tizimi obyektlarida texnologik audit oʻtkazadi.	Oʻn kun ichida
3-bosqich	Texnologik audit oʻtkazuvchi		Oʻn kun ichida

4-bosqich	Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyalari (keyingi oʻrinlarda — Hududiy inspeksiyalar)	Oʻtkazilgan texnologik audit yakunlari boʻyicha xisobotlarini umumlashtiradi.	Oʻn kun ichida
4-bosqich			Oʻn kun ichida

5-bosqich	Hududiy inspeksiyalar	Oʻtkazilgan texnologik audit natijalari boʻyicha barcha hujjatlarni rasmiylashtiradi hamda Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasiga (keyingi oʻrinlarda — Inspeksiya) va ekspulatatsiya tashkilotlariga taqdim etadi.	Oʻn kun ichida
5-bosqich	Hududiy inspeksiyalar		Oʻn kun ichida

6-bosqich	Inspeksiya	Oʻtkazilgan texnologik audit obyektlari samaradorligini oshirish boʻyicha xulosalarni tegishli tadbirlarni belgilash uchun Qurilish va uy-joy kommunal xoʻjaligi vazirligiga kiritadi.	Uch kun ichida
6-bosqich	Inspeksiya		Uch kun ichida

7-bosqich	Qurilish va uy-joy kommunal xoʻjaligi vazirligi	Texnologik audit obyektlari samaradorligini oshirish boʻyicha taqdim etilgan xulosalar asosida aniq muddatlari belgilangan chora-tadbirlarni ishlab chiqadi.	Bir hafta ichida
7-bosqich	Qurilish va uy-joy kommunal xoʻjaligi vazirligi		Bir hafta ichida

8-bosqich	Qurilish va uy-joy kommunal xoʻjaligi vazirligi	Texnologik obyektlar samaradorligini oshirish boʻyicha ishlab chiqilgan chora-tadbirlar bajarilishini taʼminlaydi.	Belgilangan muddatlarda
8-bosqich	Qurilish va uy-joy kommunal xoʻjaligi vazirligi		Belgilangan muddatlarda

Ichimlik suvi taʼminoti va oqova suvlarni chiqarib yuborish tizimi obyektlarini texnologik auditdan oʻtkazish toʻgʻrisidagi nizomga
2-ILOVA

Texnologik audit oʻtkaziladigan obyektlarning inventarizatsiya

PASPORTI

Hudud (viloyat, shahar) nomi		________________________
Tuman (shahar) nomi		________________________
Obyekt nomi		________________________
Obyektning loyihaviy quvvati		________________________
Obyektning amaldagi quvvati		________________________
Obyekt qurilgan (rekonstruksiya qilingan) yil		________________________
Obyekt manzili		________________________
Obyekt xizmat koʻrsatuvchi isteʼmolchilar soni (ming kishi)		________________________
Obyektdan foydalanuvchi tashkilot nomi		________________________
_____________________________________________________________________________________________________________________________

T/r	Texnologik audit oʻtkaziladigan obyektlar nomi	Inventar raqami	Turi	Markasi	Seriyasi	Ishga tushirilgan (foydalanishga qabul qilingan) yili	Foydalanish maqsadi	Holati
1	2	3	4	5	6	7	8	9
Yerusti suv olish nuqtalari (gidropostlar)

Yerosti quduqlari

Tindirgichlar

Rezurvuarlar

Filtrlar

Laboratoriya

Zararsizlantirish uskunasi

Oʻlchov vositalari

Quvurlar (inshoot ichki quvurlari)

Elektr jihozlari (transformator, elektr taqsimlagich (shit) va boshqalar)

Nasoslar

Kompressorlar

Suv minorasi

Suv hisoblagich

Drobilkalar (chiqindi maydalagich)

Boshqalar


___________________________ rahbari			_______________			___________________________________
Obyektdan foydalanuvchi tashkilot nomi			(imzo)			(F.I.O.)
_______________________ bosh hisobchi			_______________			___________________________________
Obyektdan foydalanuvchi tashkilot nomi			(imzo)			(F.I.O.)

sana

Ichimlik suvi taʼminoti va oqova suvlarni chiqarib yuborish tizimi obyektlarini texnologik auditdan oʻtkazish toʻgʻrisidagi nizomga
3-ILOVA

Texnologik audit pasporti

Hudud (viloyat, shahar) nomi

________________________________

Tuman (shahar) nomi

________________________________

Obyekt nomi

________________________________

Obyektning loyihaviy quvvati

________________________________

Obyektning amaldagi quvvati

________________________________

Obyekt qurilgan (rekonstruksiya qilingan) yil

________________________________

Obyekt manzili

________________________________

Obyekt xizmat koʻrsatuvchi isteʼmolchilar soni (ming kishi)

________________________________

Obyektdan foydalanuvchi tashkilot nomi

________________________________

T/r

Texnologik audit oʻtkaziladigan obyektlar nomi

Inventar raqami

Foydalanish maqsadi

Texnik hujjatlarning mavjudligi (pasport, spetsifikatsiya, foydalanish yoʻriqnomasi

Quvvati

FIK

(foiz)

Holati

Obyekt boʻyicha qisqacha taklif

Loyihaviy

Amaldagi

Yerosti quduqlari

Yerusti suv olish nuqtalari (gidropostlar)

Tindirgichlar

Rezurvuarlar

Filtrlar

Laboratoriya

Zararsizlantirish uskunasi

Oʻlchov vositalari

Quvurlar (inshoot ichki quvurlari)

Nasoslar

Suv hisoblagich

Suv minoralari

Kompressorlar

Drobilkalar (chiqindi maydalagich)

Boshqalar

Inventarizatsiya pasportida koʻrsatilgan amalda mavjud boʻlmagan audit obyektlari

__________________ rahbari

______________

_______________________________

Obyektdan foydalanuvchi tashkilot nomi

(imzo)

(F.I.O.)

________________ bosh hisobchi

______________

_______________________________

Obyektdan foydalanuvchi tashkilot nomi

(imzo)

(F.I.O.)

_________________ rahbari

______________

_______________________________

Inshoot nomi

(imzo)

(F.I.O.)

__________________

______________

_______________________________

Texnologik audit oʻtkazuvchi mutaxassisning lavozimi

(imzo)

(F.I.O.)

__________________

______________

_______________________________

Texnologik audit oʻtkazuvchi mutaxassisning lavozimi

(imzo)

(F.I.O.)

Sana

________________________________________________

Ichimlik suvi taʼminoti va oqova suvlarni chiqarib yuborish tizimi obyektlarini texnologik auditdan oʻtkazish toʻgʻrisidagi nizomga
4-ILOVA

_____________________________________________________________________________________
^{(texnologik audit oʻtkazilgan obyekt nomi va joylashgan hudud)}
oʻtkazilgan texnologik audit yakunlari boʻyicha
HISOBOT
______________	20 ____ yil “____” __________
^{(hudud nomi)}

I. Texnologik audit oʻtkazishga asos

_________________________________________________________________________________________
_________________________________________________________________________________________

II. Obyekt boʻyicha umumiy maʼlumot

Manzil:
Telefon: ____________, e-mail: ____________, ishga tushirilgan sana ____ yil “____” _____________
Yuqori turuvchi yoki boshqaruvchi tashkilot: ________________________________________

III. Oʻrganilgan audit obyektlari

Obyektdagi inshootlar, texnika, asbob va uskunalarning barchasi inventarizatsiya pasporti asosida oʻrganib chiqildi.
1. Yerosti quduqlari:
_________________________________________________________________________________________
^{(audit oʻtkazgan xodim F.I.O., ish joyi va lavozimi, yerosti quduqlari soni hamda holati, normativ-huquqiy hujjatlar bilan asoslagan holda)}
2. Yerusti suv olish nuqtalari (gidropostlar):
_________________________________________________________________________________________
^{(audit oʻtkazgan xodim F.I.O., ish joyi va lavozimi, suv olish nuqtalari soni hamda holati, normativ-huquqiy hujjatlar bilan asoslagan holda)}
3. Tindirgichlar:
_________________________________________________________________________________________
⁽^{audit oʻtkazgan xodim F.I.O., ish joyi va lavozimi, tindirgichlar soni hamda holati, normativ-huquqiy hujjatlar bilan asoslagan holda}⁾
4. Rezurvarlar:
_________________________________________________________________________________________
^{(audit oʻtkazgan xodim F.I.O., ish joyi va lavozimi, rezurvarlar soni hamda holati, normativ-huquqiy hujjatlar bilan asoslagan holda)}
5. Filtrlar:
_________________________________________________________________________________________
^{(audit oʻtkazgan xodim F.I.O., ish joyi va lavozimi, filtrlar soni hamda holati, normativ-huquqiy hujjatlar bilan asoslagan holda)}
6. Laboratoriya:
_________________________________________________________________________________________
^{(audit oʻtkazgan xodim F.I.O., ish joyi va lavozimi, tindirgichlar soni hamda holati, normativ-huquqiy hujjatlar bilan asoslagan holda)}
7. Zararsizlantirish uskunasi:
_________________________________________________________________________________________
^{(audit oʻtkazgan xodim F.I.O., ish joyi va lavozimi, zararsizlantirish uskunasi soni, markasi hamda holati, normativ-huquqiy hujjatlar bilan asoslagan holda)}
8. Oʻlchov vositalari:
_________________________________________________________________________________________
^{(audit oʻtkazgan xodim F.I.O., ish joyi va lavozimi, zararsizlantirish uskunasi soni, markasi hamda holati, normativ-huquqiy hujjatlar bilan asoslagan holda)}
9. Quvurlar (inshoot ichki):
_________________________________________________________________________________________
^{(audit oʻtkazgan xodim F.I.O., ish joyi va lavozimi, koʻrsatkichlari boʻyicha quvurlar uzunligi hamda holati, normativ-huquqiy hujjatlar bilan asoslagan holda)}
10. Nasoslar:
_________________________________________________________________________________________
^{(audit oʻtkazgan xodim F.I.O., ish joyi va lavozimi, koʻrsatkichlari boʻyicha nasoslar soni, turi, hamda holati, normativ-huquqiy hujjatlar bilan asoslagan holda)}
11. Suv hisoblagichlar:
_________________________________________________________________________________________
^{(audit oʻtkazgan xodim F.I.O., ish joyi va lavozimi, hisoblagichlar soni hamda holati, muvofiqlik sertifikati mavjudligi normativ-huquqiy hujjatlar bilan asoslagan holda)}
12. Kompressorlar:
_________________________________________________________________________________________
^{(audit oʻtkazgan xodim F.I.O., ish joyi va lavozimi, kompressorlar soni, turi hamda holati, normativ-huquqiy hujjatlar bilan asoslagan holda)}
13. Suv minoralari:
_________________________________________________________________________________________
^{(audit oʻtkazgan xodim F.I.O., ish joyi va lavozimi, koʻrsatkichlari boʻyicha minoralar soni hamda holati, normativ-huquqiy hujjatlar bilan asoslagan holda)}
14. Drobilkalar:
_________________________________________________________________________________________
^{(audit oʻtkazgan xodim F.I.O., ish joyi va lavozimi, drobilkalar soni hamda holati, normativ-huquqiy hujjatlar bilan asoslagan holda)}
15. Boshqalar:
_________________________________________________________________________________________
^{(audit oʻtkazgan xodim F.I.O., ish joyi va lavozimi, soni hamda holati, normativ-huquqiy hujjatlar bilan asoslagan holda)}

IV. Asosiy maqsadi boʻyicha quvvati

1. Loyihaviy quvvati (barcha amalga oshirilgan rekonstruksiyalarni inobatga olgan holda) yiliga ____________ ming m³.
2. 20____ yilda amalda manbadan ichimlik suvi ishlab chiqarish uchun olingan suv miqdori ________ ming m³, ishlab chiqarilgan suv miqdori__________ ming m³ tashkil etgan.

V. Texnologik audit natijasida mutaxassislar xulosalari

1. Inshoot boʻyicha aniq koʻrsatkichlar bilan batafsil xulosa:
_________________________________________________________________________________________
_________________________________________________________________________________________
_________________________________________________________________________________________
2. Yerosti quduqlari boʻyicha aniq koʻrsatkichlar bilan batafsil xulosa:
_________________________________________________________________________________________
_________________________________________________________________________________________
_________________________________________________________________________________________
3. Ichimlik suvi belgilangan sifatda ishlab chiqarilishi yuzasidan laboratoriya holati boʻyicha aniq koʻrsatkichlar bilan batafsil xulosa:
_________________________________________________________________________________________
_________________________________________________________________________________________
_________________________________________________________________________________________
4. Laboratoriya, nasoslar, oʻlchov vositalari, jihozlar, filtrlar, tindirgichlar, kompressorlarning standartlarga mosligi boʻyicha aniq koʻrsatkichlar bilan batafsil xulosa:
_________________________________________________________________________________________
_________________________________________________________________________________________
_________________________________________________________________________________________
5. Filtrlar, tindirgichlar, minoralar, ishlab chiqarishda ishtirok etuvchi boshqa inshootlar, ularning xavfsizligi, qurilish meʼyorlariga amal qilingani boʻyicha aniq koʻrsatkichlar bilan batafsil xulosa:
_________________________________________________________________________________________
_________________________________________________________________________________________
_________________________________________________________________________________________
6. Elektr jihozlari va ishlab chiqarishda bevosita foydalanilayotgan elektr tarmoqlari, ularning oʻlchash vositalari, aniq koʻrsatkichlar bilan batafsil xulosa:
_________________________________________________________________________________________
_________________________________________________________________________________________
_________________________________________________________________________________________

VI. Inshoot samaradorligini oshirish boʻyicha amalga oshirilishi lozim boʻlgan tadbirlar

1. Tezkor muddati: __________________________________________________________________
_________________________________________________________________________________________
_________________________________________________________________________________________
2. Uzoq muddati: ____________________________________________________________________
_________________________________________________________________________________________
_________________________________________________________________________________________
3. Doimiy: _________________________________________________________________________
_________________________________________________________________________________________
_________________________________________________________________________________________
4. Texnologik audit oʻtkazilgan obyektlarda:
Rekonstruksiya va modernizatsiya qilish talab etiladigan obyektlar ________________________
_________________________________________________________________________________________
_________________________________________________________________________________________
Rekonstruksiya va modernizatsiya qilish talab etiladigan obyektlar ________________________
_________________________________________________________________________________________
_________________________________________________________________________________________
Rekonstruksiya va modernizatsiya qilish talab etiladigan obyektlar ________________________
_________________________________________________________________________________________
_________________________________________________________________________________________

Texnologik audit oʻtkazuvchilar:
_______________	________________________
^(imzo)	^(F.I.O.)

_______________	________________________
^(imzo)	^(F.I.O.)
Sana:
Tanishdim

Texnologik audit oʻtkazuvchilar:

_____________________________ rahbari	________________________
^{Obyektdan foydalanuvchi tashkilot nomi}	^(F.I.O.)
	”.

4. Vazirlar Mahkamasining “2021 — 2024-yillarda respublikadagi koʻp kvartirali uylarning lift uskunalarini taʼmirlash va yangilashga oid qoʻshimcha chora-tadbirlar toʻgʻrisida” 2020-yil 12-iyundagi 376-son qarorining 7-bandida:

“a” kichik band oʻz kuchini yoʻqotgan deb hisoblansin;

“b” kichik bandning ikkinchi — toʻrtinchi xatboshilari quyidagi tahrirda bayon etilsin:

“koʻp kvartirali uylardagi lift uskunalariga xizmat koʻrsatuvchi tashkilotlar tomonidan lift uskunalarining Liftlar xavfsizligi toʻgʻrisidagi umumiy texnik reglament talablariga hamda boshqa texnik va loyiha hujjatlariga muvofiq saqlanishini, shuningdek, lift pasportiga asosan ularning belgilangan muddatlarda texnik tekshiruvdan oʻtkazilganligini nazorat qilish;

koʻp kvartirali uylarga oʻrnatilayotgan lift uskunalarining xalqaro standartlar talablariga javob beradigan va davlat ekspertizasidan oʻtkazilgan holda oʻrnatilishini nazorat qilish va yangi liftlarni belgilangan tartibda davlat roʻyxatidan oʻtkazish;

lift uskunalaridan foydalanishda yuzaga kelgan inson hayoti uchun xavf soluvchi holatlar bartaraf etilgunga qadar lift uskunalaridan foydalanishni taqiqlash choralarini koʻrish hamda Liftlar xavfsizligi toʻgʻrisidagi umumiy texnik reglament va boshqa normativ-huquqiy hujjatlar talablarini buzish holatlari aniqlangan taqdirda, lift uskunalariga xizmat koʻrsatuvchi tashkilotlarga kamchiliklarni bartaraf qilish yuzasidan yozma koʻrsatmalar kiritilishini taʼminlash”.

5. Vazirlar Mahkamasining 2020-yil 18-noyabrdagi 726-son qarori bilan tasdiqlangan Notariuslar tomonidan koʻchmas mulklarni boshqa shaxsga oʻtkazish haqidagi bitimlarni tasdiqlashning maʼmuriy reglamentida:

a) 10-band quyidagi mazmundagi beshinchi xatboshi bilan toʻldirilsin:

“kadastr organlarining boshqa mulkdorga rasmiylashtiriladigan koʻp kvartirali uydagi xonadonning ichki tayanch va toʻsiq konstruksiyalarining texnik holati buzilmaganligi toʻgʻrisidagi xulosasi mavjud boʻlmasa”;

beshinchi xatboshi oltinchi xatboshi deb hisoblansin;

b) 22-band quyidagi mazmundagi beshinchi xatboshi bilan toʻldirilsin:

beshinchi — toʻqqizinchi xatboshilar tegishlicha oltinchi — oʻninchi xatboshilar deb hisoblansin.

6. Vazirlar Mahkamasining “Qurilish sohasida axborot tizimi va geografik axborot texnologiyalarini yanada rivojlantirish chora-tadbirlari toʻgʻrisida” 2020-yil 19-noyabrdagi 732-son qarorida:

a) 4-bandda:

yettinchi xatboshidagi “qurilish sohasida hududiy nazorat inspeksiyalari” soʻzlari “Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyalari” soʻzlari bilan almashtirilsin;

quyidagi mazmundagi xatboshi bilan toʻldirilsin:

“koʻp kvartirali uylarni boshqarish hamda ichimlik suvi taʼminoti va oqova suvlarni chiqarib yuborish sohasida olib boriladigan nazorat funksiyalariga oid elektron maʼlumotlar bazasini shakllantirish”;

b) 1-ilovada:

4-bandning toʻrtinchi xatboshisi quyidagi tahrirda bayon etilsin:

“Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi va uning hududiy nazorat qilish inspeksiyalari”;

5-bandning yettinchi xatboshisidagi “qurilish sohasida hududiy nazorat inspeksiyalari” soʻzlari “Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyalari” soʻzlari bilan almashtirilsin;

8-bandda:

birinchi xatboshidagi “Qurilish nazorati” soʻzlari “Qurilishda davlat nazorati” soʻzlari bilan almashtirilsin;

ikkinchi xatboshidagi “Qurilish sohasida hududiy nazorat inspeksiyasiga” soʻzlari “Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyasiga” soʻzlari bilan almashtirilsin;

uchinchi va toʻrtinchi xatboshilar quyidagi tahrirda bayon etilsin:

“Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyasining shartnomalar boʻlimi qurilish (rekonstruksiya) obyekti boʻyicha qurilish ishlari nazoratini olib borish uchun shartnomani tayyorlaydi, obyekt toʻgʻrisidagi maʼlumotlarni axborot tizimiga kiritadi, obyekt boʻyicha buyurtmachining texnik nazorati, loyihachining mualliflik nazorati va pudratchining ichki nazorat xodimlariga axborot tizimida shaxsiy kabinetlarini roʻyxatdan oʻtkazadi hamda shartnoma boʻyicha toʻlov amalga oshirilganidan soʻng qurilish obyekti topshirigʻini shakllantirish uchun Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyasi rahbariga yuboradi;

Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyasi rahbari qurilish obyekti boʻyicha inspeksiya inspektorini biriktiradi”;

beshinchi xatboshidagi “Qurilish sohasida hududiy nazorat inspeksiyasi” soʻzlari “Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyasi” soʻzlari bilan almashtirilsin;

Nizomga 3-ilovada:

nomidagi “Qurilish nazorati” soʻzlari “Qurilishda davlat nazorati” soʻzlari bilan almashtirilsin;

“1-bosqich” pozitsiyasining “Tadbirlar” ustunidagi “Qurilish sohasida hududiy nazorat inspeksiyasiga” soʻzlari “Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyasiga” soʻzlari bilan almashtirilsin.

7. Vazirlar Mahkamasining “Bino va inshootlarning seysmik mustahkamligini baholash hamda elektron texnik pasportlarni shakllantirish tizimini joriy etish toʻgʻrisida” 2021-yil 30-iyundagi 405-son qarorida:

a) 4-bandning birinchi va ikkinchi xatboshilari, 6-bandning ikkinchi xatboshisidagi “Qurilish va uy-joy kommunal xoʻjaligi vazirligi” soʻzlari “Vazirlar Mahkamasi” soʻzlari bilan almashtirilsin;

b) ilovada:

21-bandning birinchi va ikkinchi xatboshilaridagi “Qurilish va uy-joy kommunal xoʻjaligi vazirligi” soʻzlari “Vazirlar Mahkamasi” soʻzlari bilan almashtirilsin;

26-banddagi “Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish hududiy inspeksiyalari” soʻzlari “Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyalari” soʻzlari bilan almashtirilsin.

8. Vazirlar Mahkamasining 2021-yil 15-oktabrdagi 648-son qarori bilan tasdiqlangan Koʻp kvartirali uyning yertoʻlasidan foydalanish tartibi toʻgʻrisidagi nizomda:

a) 18-bandning toʻrtinchi xatboshisidagi “Qurilish va uy-joy kommunal xoʻjaligi sohasida hududiy nazorat qilish inspeksiyasi” soʻzlari “Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy nazorat qilish inspeksiyasi” soʻzlari bilan almashtirilsin;

b) 19-banddagi “Qurilish va uy-joy kommunal xoʻjaligi vazirligi” soʻzlari “Vazirlar Mahkamasi” soʻzlari bilan almashtirilsin.

9. Vazirlar Mahkamasining “Koʻp kvartirali uylarni boshqarish faoliyatini amalga oshirish qoidalarini tasdiqlash toʻgʻrisida” 2022-yil 3-yanvardagi 3-son qarorida:

a) 2-bandning “e” kichik bandidagi “va Oʻzbekiston Respublikasi Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish inspeksiyasi tomonidan nazorat qilib boriladi” soʻzlari chiqarib tashlansin;

b) 1-ilovada:

16-banddagi “Qurilish va uy-joy kommunal xoʻjaligi vazirligi” soʻzlari “Vazirlar Mahkamasi” soʻzlari bilan almashtirilsin;

33-bandda:

birinchi xatboshi quyidagi tahrirda bayon etilsin:

“33. Koʻp kvartirali uyni boshqarish organlari har olti oyda bir marta koʻp kvartirali uy-joylardagi tayanch va toʻsiq konstruksiyalar (umumiy mol-mulk) butligini xatlovdan oʻtkazadi va Qurilish va uy-joy kommunal xoʻjaligi nazorati inspeksiyasiga maʼlumot kiritib boradi”;

uchinchi xatboshidagi “Qurilish va kommunal xoʻjaligi nazorati inspeksiyasining hududiy boʻlinmasiga” soʻzlari “Qurilish va uy-joy kommunal xoʻjaligi nazorati inspeksiyasining hududiy nazorat qilish inspeksiyalariga” soʻzlari bilan almashtirilsin.

10. Vazirlar Mahkamasining 2023-yil 14-dekabrdagi 660-son qarori bilan tasdiqlangan Davlat mulkini ijaraga berish tartibi toʻgʻrisidagi nizomning 56-bandidagi “Oʻzbekiston Respublikasi Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish inspeksiyasi” soʻzlari “qurilish loyihalarini ekspertizadan oʻtkazish uchun akkreditatsiya qilingan tadbirkorlik subyektlari tomonidan” soʻzlariga almashtirilsin.

11. Vazirlar Mahkamasining “Oʻzbekiston Respublikasi Qurilish va uy-joy kommunal xoʻjaligi vazirligi hamda uning tizimidagi tashkilotlar toʻgʻrisidagi nizomlarni tasdiqlash haqida” 2024-yil 17-apreldagi 214-son qarorida:

a) 2-bandning beshinchi va oltinchi xatboshilari chiqarib tashlansin;

yettinchi xatboshi beshinchi xatboshi deb hisoblansin;

b) 1-ilovada:

9-bandda:

beshinchi xatboshi chiqarib tashlansin;

oltinchi — yigirma toʻrtinchi xatboshilar tegishlicha beshinchi — yigirma uchinchi xatboshilar deb hisoblansin;

38-bandda:

beshinchi xatboshi chiqarib tashlansin;

oltinchi — yigirma uchinchi xatboshilar tegishlicha beshinchi — yigirma ikkinchi xatboshilar deb hisoblansin;

v) 4 va 5-ilovalar oʻz kuchini yoʻqotgan deb hisoblansin;

g) 6-ilovaning 3-bandida:

uchinchi xatboshidagi “ajratmalarning 10 foiz qismi Davlat budjetiga, 5 foiz qismi Jamgʻarmaga, 5 foiz qismi Inspeksiyaga” soʻzlari “ajratmalarning 5 foiz qismi Davlat budjetiga, 5 foiz qismi Jamgʻarmaga, 10 foiz qismi Inspeksiyaga” soʻzlari bilan almashtirilsin;

sakkizinchi xatboshidagi “va Inspeksiya” soʻzlari chiqarib tashlansin;

quyidagi mazmundagi toʻqqizinchi — oʻn ikkinchi xatboshilar bilan toʻldirilsin:

“Inspeksiya va uning hududiy inspeksiyalari tomonidan oʻz vakolatlari doirasida shaharsozlikka oid qonunchilik talablarini buzganlik uchun aybdor shaxslardan undiriladigan jarimalar quyidagi tartibda taqsimlanadi:

20 foizi — Qoraqalpogʻiston Respublikasi budjeti, viloyatlar va Toshkent shahar mahalliy budjetlariga yoʻnaltiriladi;

20 foizi — Qurilish va uy-joy kommunal xoʻjaligi vazirligi faoliyatini qoʻllab-quvvatlash jamgʻarmasiga yoʻnaltiriladi;

60 foizi — Inspeksiyaning budjetdan tashqari hisobvaragʻiga yoʻnaltiriladi”;

toʻqqizinchi va oʻninchi xatboshilar tegishlicha oʻninchi — oʻn toʻrtinchi xatboshilar deb hisoblansin.

(Qonunchilik maʼlumotlari milliy bazasi, 22.09.2025-y., 09/25/602/0862-son; 29.12.2025-y., 07/25/388/1235-son; 09.04.2026-y., 09/26/154/0331-son)