PQ-5132-сон 31.05.2021. “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida

Oʻzbekiston Respublikasi Prezidentining

Qarori

“Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida

Qabul qilinayotgan qonunchilik hujjatlari va topshiriqlar bajarilishining taʼsirchan tizimini yaratishda “Ijro.gov.uz” ijro intizomi idoralararo yagona elektron tizimi oʻrnini mustahkamlash, uning ahamiyatini yanada oshirish hamda samarali faoliyat koʻrsatishini taʼminlash maqsadida:

1. Oʻzbekiston Respublikasi Prezidentining 2021-yil 10-fevraldagi “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida”gi PF-6166-son Farmoni bilan:

“Ijro.gov.uz” ijro intizomi idoralararo yagona elektron tizimi (keyingi oʻrinlarda — “Ijro.gov.uz” tizimi) orqali qonunlar, Oʻzbekiston Respublikasi Prezidentining farmon, qaror, farmoyish va topshiriqlari (keyingi oʻrinlarda — qonunchilik hujjatlari va topshiriqlar) ijrosini nazorat qilishning mutlaqo yangi tizimi joriy qilinganligi;

2021-yil 1-maydan boshlab barcha davlat organlari va tashkilotlari hamda mahalliy davlat hokimiyati organlarida ijroni nazorat qilish, nazorat kartotekalarini yuritish va hisobotlarni shakllantirish faqat “Ijro.gov.uz” tizimida amalga oshirilishi belgilanganligi maʼlumot uchun qabul qilinsin.

2. Qonunchilik hujjatlari va topshiriqlar ijrosini taʼminlashning 1 va 2-ilovalarga muvofiq quyidagi tartibi joriy etilsin:

birinchi bosqich — Oʻzbekiston Respublikasi Prezidenti Administratsiyasi qonunchilik hujjatlari va topshiriqlarni “Ijro.gov.uz” tizimiga kiritish uchun Adliya vazirligiga yuboradi;

Oldingi tahrirga qarang.

ikkinchi bosqich — Adliya vazirligi “Ijro.gov.uz” tizimiga nazoratga olinadigan topshiriqlarni kiritadi, mazkur topshiriqlardan kelib chiqqan holda masʼul ijrochilar va bajarish muddatlarini belgilaydi. Bunda Vazirlar Mahkamasi respublika va mahalliy ijro etuvchi hokimiyat organlari, xoʻjalik birlashmalari, Hukumat tizimidagi boshqa tashkilotlar boʻyicha oʻzining ijro etuvchi tuzilmasida topshiriqlardan kelib chiqqan holda masʼul ijrochini, zarur boʻlganda, vazirlik va idoralarni belgilaydi hamda topshiriqlarni nazoratga oladi;

(2-bandning uchinchi xatboshisi Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

uchinchi bosqich — davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari qonunchilik hujjatlari va topshiriqlarni toʻliq va oʻz vaqtida bajarilishini taʼminlaydi va bu haqda “Ijro.gov.uz” tizimiga belgilangan shakldagi maʼlumotlarni kiritadi;

Oldingi tahrirga qarang.

toʻrtinchi bosqich — Adliya vazirligi qonunchilik hujjatlari va topshiriqlar ijrosi boʻyicha masʼul ijrochilar tomonidan “Ijro.gov.uz” tizimiga kiritilgan maʼlumotlar toʻliqligi va haqqoniyligini tekshiradi, ularni kelishadi yoki masʼul ijrochiga qayta ishlashga joʻnatadi, shuningdek, qonunchilik hujjatlari va topshiriqlar ijro holati toʻgʻrisidagi umumlashtirilgan maʼlumotlarni har oyda Vazirlar Mahkamasiga kiritib boradi;

(2-bandning beshinchi xatboshisi Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

Oldingi tahrirga qarang.

beshinchi bosqich — Vazirlar Mahkamasi “Ijro.gov.uz” tizimida respublika va mahalliy ijro etuvchi hokimiyat organlari, xoʻjalik birlashmalari, Hukumat tizimidagi boshqa tashkilotlar tomonidan kiritilgan hamda Adliya vazirligi tomonidan kelishilgan maʼlumotlar toʻliqligi va haqqoniyligini tekshiradi, ularni tasdiqlaydi yoki masʼul ijrochiga qayta ishlashga joʻnatadi, shuningdek, har oyda Rayosat majlislarida qonunchilik hujjatlari va topshiriqlar ijrosi natijadorligini tanqidiy koʻrib chiqadi va Oʻzbekiston Respublikasi Prezidenti Administratsiyasiga tegishli takliflar bilan birgalikda umumlashtirilgan maʼlumot kiritadi;

(2-bandning oltinchi xatboshisi Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

Oldingi tahrirga qarang.

oltinchi bosqich — Hisob palatasi “Ijro.gov.uz” tizimida masʼul ijrochilar tomonidan kiritilib, Adliya vazirligi tomonidan kelishilgan va Hukumat tomonidan tasdiqlangan maʼlumotlar toʻliqligi va haqqoniyligini tekshiradi, ularni nazoratdan yechadi yoki masʼul ijrochiga qayta ishlashga joʻnatadi, shuningdek, qonunchilik hujjatlari va topshiriqlar ijro holati boʻyicha har chorakda Oʻzbekiston Respublikasi Prezidenti Administratsiyasiga axborot kiritib boradi;

(2-bandning yettinchi xatboshisi Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

yettinchi bosqich — Oʻzbekiston Respublikasi Prezidenti Administratsiyasi qonunchilik hujjatlari va topshiriqlar ijrosini nazorat qiluvchi tashkilotlar faoliyatini muvofiqlashtiradi.

3. Ijro intizomini mustahkamlash boʻyicha yagona va uzluksiz “texnologik zanjir”ni tashkil qilish borasidagi ustuvor yoʻnalishlar etib quyidagilar belgilansin:

qonunchilik hujjatlari va topshiriqlar loyihalarini har tomonlama puxta hamda yuksak professional darajada tayyorlash;

boshqaruv tizimini, zamonaviy Oʻzbekistonni rivojlantirishning yangi bosqichini, iqtisodiyot tarmoqlari va ijtimoiy sohani, shuningdek, respublika hududlarini maqsadli hamda ustuvor vazifalarga muvofiq takomillashtirish;

qonunchilik hujjatlari va topshiriqlar ijrosini samarali va rejali tashkil qilish, ularning bajarilish holatini maqsadli oʻrganish va aniqlangan kamchiliklar boʻyicha tezkor choralar koʻrish;

qonunchilik hujjatlari va topshiriqlardagi nazorat bandlarida aniq mexanizmlar, muddatlar va masʼullar belgilanishi boʻyicha “yoʻl xaritalari”ni (harakat rejalarini) oʻz vaqtida ishlab chiqish;

davlat organlari va tashkilotlarining ijro intizomiga masʼul boʻlinmalarining ijro intizomini mustahkamlashdagi rolini oshirish;

tashkiliy, ijro va nazorat faoliyati yagona tizimining natijadorligi uchun davlat organlari va tashkilotlari rahbarlarining shaxsiy masʼuliyatini belgilash.

4. Shunday tartib oʻrnatilsinki, unga koʻra “Ijro.gov.uz” tizimi orqali nazorat va hisobdorlikni tashkil etishda:

davlat organlari va tashkilotlari qonunchilik hujjatlari va topshiriqlar bajarilishi boʻyicha nazorat va hisobdorlikni 3-ilovaga muvofiq tartibda tashkil etadi, qonunchilik hujjatlari va topshiriqlarning toʻliq va oʻz vaqtida bajarilishini taʼminlaydi hamda bu haqda “Ijro.gov.uz” tizimiga tegishli maʼlumotlarni kiritadi;

mahalliy ijro etuvchi hokimiyat organlari hududlarda qonunchilik hujjatlari va topshiriqlar bajarilishi boʻyicha nazorat va hisobdorlikni 4-ilovaga muvofiq tartibda tashkil etadi, qonunchilik hujjatlari va topshiriqlarning joylarda toʻliq va oʻz vaqtida bajarilishini taʼminlaydi hamda bu haqda “Ijro.gov.uz” tizimiga tegishli maʼlumotlarni kiritadi;

xoʻjalik birlashmalari qonunchilik hujjatlari va topshiriqlar bajarilishi boʻyicha nazorat va hisobdorlikni 5-ilovaga muvofiq tartibda tashkil etadi, qonunchilik hujjatlari va topshiriqlarning toʻliq va oʻz vaqtida bajarilishini taʼminlaydi hamda bu haqda “Ijro.gov.uz” tizimiga tegishli maʼlumotlarni kiritadi.

Oldingi tahrirga qarang.

5. “Ijro.gov.uz” ijro intizomi idoralararo yagona elektron tizimi orqali qonunlar, Oʻzbekiston Respublikasi Prezidentining farmon, qaror, farmoyish va topshiriqlari ijrosini tashkil etish tartibi toʻgʻrisidagi nizom 6-ilovaga muvofiq tasdiqlansin.

(5-band Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

6. Belgilansinki:

qonunchilik hujjatlari va topshiriqlarda ijro muddati belgilanmagan yoki ijro muddati bir yil va undan ortiq etib belgilangan topshiriqlarning bajarilishi boʻyicha amalga oshirilgan ishlar toʻgʻrisidagi maʼlumot har olti oyda masʼul ijrochilar tomonidan “Ijro.gov.uz” tizimiga kiritib boriladi;

“Ijro.gov.uz” tizimiga davlat organlari va tashkilotlarini ulash va ularning “Ijro.gov.uz” tizimidan foydalanishini taʼminlash Davlat budjeti hamda budjetdan tashqari jamgʻarmalar mablagʻlari hisobidan moliyalashtiriladi;

Oʻzbekiston Respublikasi Prezidentining farmon, qaror, farmoyish va topshiriqlarida belgilangan ijro muddatlari faqatgina Adliya vazirligi va, zarur hollarda, Vazirlar Mahkamasi tomonidan koʻrib chiqilib, Hisob palatasi xulosasi olingan takliflar asosida hamda Oʻzbekiston Respublikasi Prezidenti ruxsati bilan uzaytiriladi;

Oldingi tahrirga qarang.

maxfiylik grifi ostidagi Oʻzbekiston Respublikasi Prezidentining farmon, qaror, farmoyish va topshiriqlari maʼlumotlar bazasini yuritish hamda ularning bajarilishi ustidan nazoratni amalga oshirish uchun Oʻzbekiston Respublikasi Prezidenti Administratsiyasining tegishli tarkibiy boʻlinmalari masʼul hisoblanadi.

(6-bandning beshinchi xatboshisi Oʻzbekiston Respublikasi Prezidentining 2025-yil 11-sentabrdagi PF-171-sonli Farmoni tahririda)

7. Moliya vazirligi “Ijro.gov.uz” tizimiga davlat organlari va tashkilotlarini ulash va ularning “Ijro.gov.uz” tizimidan foydalanishini taʼminlash bilan bogʻliq maqsadlar uchun mablagʻlarni 2021-yilda Davlat budjeti parametrlari doirasida, 2022-yildan boshlab esa davlat organlari va tashkilotlarining asoslangan hisob-kitoblariga muvofiq har yili zarur budjet mablagʻlarini nazarda tutsin.

8. Oʻzbekiston Respublikasi Prezidentining 2018-yil 5-oktabrdagi “Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida”gi PQ-3962-son qarori oʻz kuchini yoʻqotgan deb hisoblansin.

9. Adliya vazirligi Axborot texnologiyalari va kommunikatsiyalarini rivojlantirish vazirligi hamda boshqa manfaatdor vazirlik va idoralar bilan birgalikda 2022-yil 10-yanvarga qadar “Ijro.gov.uz” tizimi orqali qonunchilik hujjatlari va topshiriqlar ijrosini tashkil etishda yuzaga kelgan muammolar va mavjud kamchiliklarni bartaraf etish, “Ijro.gov.uz” tizimi samaradorligini oshirish hamda ijro intizomini yanada mustahkamlash maqsadida ushbu qaror bilan tasdiqlanayotgan vaqtinchalik nizomni takomillashtirish yuzasidan Vazirlar Mahkamasiga takliflar kiritsin.

10. Quyidagilarga:

Oʻzbekiston Respublikasi Prezidenti maslahatchilariga — Oʻzbekiston Respublikasi Prezidenti Administratsiyasida ijro intizomini taʼminlash, Oʻzbekiston Respublikasi Prezidentining farmon, qaror, farmoyish va topshiriqlarining amalda bajarilishida koʻmaklashish uchun;

Oldingi tahrirga qarang.

Bosh vazir, Bosh vazir oʻrinbosarlari va maslahatchisiga — qonunchilik hujjatlari va topshiriqlar masʼul davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari tomonidan toʻliq va oʻz vaqtida bajarilishi yuzasidan ishlarning tashkil qilinishi uchun;

(10-bandning uchinchi xatboshisi Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

Hisob palatasi raisiga — davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalarida ijro intizomini tegishli darajada taʼminlash uchun;

adliya vaziriga — qonunchilik hujjatlari va topshiriqlar oʻz vaqtida bajarilishining nazorati olib borilishi, “Ijro.gov.uz” tizimi samarali yuritilishi hamda manzilli va tematik tahlillarning sifatli tashkil etilishi uchun;

Oldingi tahrirga qarang.

raqamli texnologiyalar vaziriga — “Ijro.gov.uz” tizimi uzluksiz ishlashi va axborot xavfsizligini taʼminlash boʻyicha doimiy asosda choralar koʻrib borilishi uchun;

(10-bandning oltinchi xatboshisi Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari rahbarlariga — qonunchilik hujjatlari va topshiriqlarning toʻliq va oʻz vaqtida bajarilishi, shuningdek, ularning ijro holati toʻgʻrisidagi maʼlumotlar “Ijro.gov.uz” tizimi orqali toʻliq, toʻgʻri va oʻz vaqtida taqdim qilinishi uchun shaxsiy javobgarlik yuklansin.

11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 31-may,

PQ-5132-son

Oʻzbekiston Respublikasi Prezidentining 2021-yil 31-maydagi PQ-5132-son qaroriga
1-ILOVA

Davlat organlari va tashkilotlari hamda xoʻjalik birlashmalari tomonidan “Ijro.gov.uz” ijro intizomi idoralararo yagona elektron tizimida qonunlar, Oʻzbekiston Respublikasi Prezidentining farmon, qaror, farmoyish va topshiriqlari ijrosi boʻyicha nazorat va hisobdorlikni tashkil etish

TARTIBI

Oldingi tahrirga qarang.

I BOSQICH	II BOSQICH	III BOSQICH		IV BOSQICH
Administratsiya	Adliya vazirligi	Masʼul ijrochilar (davlat organlari va tashkilotlari, xoʻjalik birlashmalari)		Adliya vazirligi
			Bajarish muddati:	1. Natijalarni koʻrib chiqish:	Bajarish muddati:
“Ijro.gov.uz” tizimiga kiritish uchun qonunchilik hujjatlari va topshiriqlarning elektron nusxalarini Adliya vazirligiga yuborish.	“Ijro.gov.uz” tizimiga topshiriqlarni kiritish, masʼul ijrochilar va bajarish muddatlarini belgilash.	1. Qonunchilik hujjatlari va topshiriqlar boʻyicha amalga oshirish grafiklari (nazorat rejalari)ni tayyorlash, tasdiqlash va ijroga qaratish.	3 kun	a) ijro natijalari qoniqarli boʻlganda — nazoratga olingan qonunchilik hujjatlari va topshiriqlar ijrosini “Ijro.gov.uz” tizimida kelishish;	1 ish kunida, qoʻshimcha oʻrganish talab etilganda — 5 ish kunida
	Vazirlar Mahkamasi
	Hukumat tizimidagi tashkilotlar boʻyicha masʼul ijrochini belgilash va topshiriqlarni nazoratga olish.	2. Qonunchilik hujjatlari va topshiriqlar ijrosi toʻgʻrisidagi maʼlumotlarni belgilangan shaklda “Ijro.gov.uz” tizimiga kiritish.	belgilangan muddatlarda	b) ijro natijalari qoniqarsiz boʻlganda — ularni qayta ishlashga masʼul ijrochiga joʻnatish.
Bajarish muddati:	Bajarish muddati:	3. Qonunchilik hujjatlari va topshiriqlar ijro muddatlarini uzaytirish haqida Adliya vazirligiga taklif kiritish.	zaruratga koʻra	2. Ijro muddatlarini uzaytirish toʻgʻrisidagi takliflarni oʻrganish va “Ijro.gov.uz” tizimida tasdiqlash.	5 kun
1 kun, shoshilinch topshiriqlar — zudlik bilan	hujjatning elektron nusxasini olgan kundan boshlab 1 kun

V BOSQICH		VI BOSQICH		VII BOSQICH
Vazirlar Mahkamasi (Hukumat tizimidagi tashkilotlar boʻyicha)		Hisob palatasi		Administratsiya
1. Natijalarni koʻrib chiqish:	*Bajarish muddati:*	1. Natijalarni koʻrib chiqish:	*Bajarish muddati:*	1. Qonunchilik hujjatlari va topshiriqlar ijrosini nazorat qiluvchi tashkilotlar faoliyatini muvofiqlashtirish.	*Bajarish muddati:*
a) ijro natijalari qoniqarli boʻlganda — nazoratga olingan qonunchilik hujjatlari va topshiriqlar ijrosini “Ijro.gov.uz” tizimida tasdiqlash;	1 ish kunida, qoʻshimcha oʻrganish talab etilganda — 5 ish kunida	a) ijro natijalari qoniqarli boʻlganda — “Ijro.gov.uz” tizimida nazoratga olingan qonunchilik hujjatlari va topshiriqlarni nazoratdan yechish;	1 ish kunida, qoʻshimcha oʻrganish talab etilganda — 3 ish kunida		muntazam ravishda
b) ijro natijalari qoniqarsiz boʻlganda — ularni qayta ishlashga masʼul ijrochiga joʻnatish.		b) ijro natijalari qoniqarsiz boʻlganda — ularni qayta ishlashga masʼul ijrochiga joʻnatish.		2. Topshiriqlarning ijro muddatini uzaytirish yoki uzaytirishni rad etish.	belgilangan muddatlarda
2. Ijro muddatlarini uzaytirish toʻgʻrisidagi takliflarni koʻrib chiqish va “Ijro.gov.uz” tizimida tasdiqlash.	5 kun	2. Ijro muddatini uzaytirish toʻgʻrisidagi takliflar asosliligini oʻrganish va Administratsiyaga xulosa kiritish.	5 kun	3. Nazoratdan yechilgan qonunchilik hujjatlari va topshiriqlarni qayta nazoratga qoʻyish, ularning ayrimlarini alohida nazoratga olish.	zaruratga koʻra

(1-ilova Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

Oʻzbekiston Respublikasi Prezidentining 2021-yil 31-maydagi PQ-5132-son qaroriga
2-ILOVA

Mahalliy ijro etuvchi hokimiyat organlari tomonidan “Ijro.gov.uz” ijro intizomi idoralararo yagona elektron tizimida qonunlar, Oʻzbekiston Respublikasi Prezidentining farmon, qaror, farmoyish va topshiriqlari ijrosi boʻyicha nazorat va hisobdorlikni tashkil etish

TARTIBI

Oldingi tahrirga qarang.

I BOSQICH	II BOSQICH	III BOSQICH		IV BOSQICH
Administratsiya	Adliya vazirligi	Masʼul ijrochilar (mahalliy ijro etuvchi hokimiyat organlari)		Adliya vazirligi
“Ijro.gov.uz” tizimiga kiritish uchun qonunchilik hujjatlari va topshiriqlarning elektron nusxalarini Adliya vazirligiga yuborish.	“Ijro.gov.uz” tizimiga topshiriqlarni kiritish, masʼul ijrochilar va bajarish muddatlarini belgilash.	Viloyat hokimliklari:	*Bajarish muddati:*	1. Natijalarni koʻrib chiqish:	*Bajarish muddati:*
		1. Qonunchilik hujjatlari va topshiriqlar boʻyicha amalga oshirish grafiklari (nazorat rejalari)ni tayyorlash, tasdiqlash va ijroga qaratish.	3 kun, shoshilinch topshiriqlar — zudlik bilan	a) ijro natijalari qoniqarli boʻlganda — nazoratga olingan qonunchilik hujjatlari va topshiriqlar ijrosini “Ijro.gov.uz” tizimida kelishish;	1 ish kunida, qoʻshimcha oʻrganish talab etilganda — 5 ish kunida
		2. Qonunchilik hujjatlari va topshiriqlarni ijrochilar va ijro muddatlarini belgilab, “Ijro.gov.uz” tizimi orqali tuman (shahar) hokimliklariga yuborish.	3 kun, shoshilinch topshiriqlar — zudlik bilan
	Vazirlar Mahkamasi	3. Qonunchilik hujjatlari va topshiriqlarning ijrosini “Ijro.gov.uz” tizimiga kiritish yoki tuman (shahar) hokimliklari tomonidan kiritilgan maʼlumotlarni tasdiqlash.	belgilangan muddatlarda	b) ijro natijalari qoniqarsiz boʻlganda — ularni qayta ishlashga masʼul ijrochiga joʻnatish.
	Masʼul ijrochini belgilash hamda topshiriqlarni nazoratga olish.	4. Qonunchilik hujjatlari va topshiriqlar ijro muddatlarini uzaytirish haqida Adliya vazirligiga taklif kiritish.	zaruratga koʻra
		Tuman (shahar) hokimliklari:	*Bajarish muddati:*	2. Ijro muddatlarini uzaytirish toʻgʻrisidagi takliflarni oʻrganish hamda “Ijro.gov.uz” tizimida tasdiqlash.	5 kun
		1. Qonunchilik hujjatlari va topshiriqlar ijrosini taʼminlash.	belgilangan muddatlarda
*Bajarish muddati:*	*Bajarish muddati:*	2. Qonunchilik hujjatlari va topshiriqlarning ijrosini “Ijro.gov.uz” tizimiga kiritish.	belgilangan muddatlarda
1 kun, shoshilinch topshiriqlar —zudlik bilan	hujjatning elektron nusxasini olgan kundan boshlab 1 kun	3. Qonunchilik hujjatlari va topshiriqlar ijrosi muddatlarini uzaytirish haqida viloyat hokimligiga taklif kiritish.	zaruratga koʻra

V BOSQICH		VI BOSQICH		VII BOSQICH
Vazirlar Mahkamasi		Hisob palatasi		Administratsiya
1. Natijalarni koʻrib chiqish:	*Bajarish muddati:*	1. Natijalarni koʻrib chiqish:	*Bajarish muddati:*	1. Qonunchilik hujjatlari va topshiriqlar ijrosini nazorat qiluvchi tashkilotlar faoliyatini muvofiqlashtirish.	*Bajarish muddati:*
a) ijro natijalari qoniqarli boʻlganda — nazoratga olingan qonunchilik hujjatlari va topshiriqlar ijrosini “Ijro.gov.uz” tizimida tasdiqlash;	1 ish kunida, qoʻshimcha oʻrganish talab etilganda — 5 ish kunida	a) ijro natijalari qoniqarli boʻlganda — “Ijro.gov.uz” tizimida nazoratga olingan qonunchilik hujjatlari va topshiriqlarni nazoratdan yechish;	1 ish kunida, qoʻshimcha oʻrganish talab etilganda — 3 ish kunida		muntazam ravishda
b) ijro natijalari qoniqarsiz boʻlganda — ularni qayta ishlashga masʼul ijrochiga joʻnatish.		b) ijro natijalari qoniqarsiz boʻlganda — ularni qayta ishlashga masʼul ijrochiga joʻnatish.		2. Topshiriqlarning ijro muddatini uzaytirish yoki uzaytirishni rad etish.	belgilangan muddatlarda
2. Ijro muddatlarini uzaytirish haqida takliflarni koʻrib chiqish va “Ijro.gov.uz” tizimida tasdiqlash.	5 kun	2. Ijro muddatini uzaytirish toʻgʻrisidagi takliflar asosligini oʻrganish va Administratsiyaga xulosa kiritish.	5 kun	3. Nazoratdan yechilgan qonunchilik hujjatlari va topshiriqlarni qayta nazoratga qoʻyish, ularning ayrimlarini alohida nazoratga olish.	zaruratga koʻra

(2-ilova Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

Oʻzbekiston Respublikasi Prezidentining 2021-yil 31-maydagi PQ-5132-son qaroriga
3-ILOVA

“Ijro.gov.uz” tizimida qonunchilik hujjatlari va topshiriqlarning davlat organlari va tashkilotlari tomonidan ijrosini tashkil etish

TARTIBI

Oldingi tahrirga qarang.

Bosqichlar	Subyektlar	Tadbirlar	Muddatlar
1-bosqich	Markaziy apparat Umumiy boʻlimi (kanselyariyasi)	Qonunlar, Oʻzbekiston Respublikasi Prezidenti farmon, qaror, farmoyish va topshiriqlarini (keyingi oʻrinlarda — qonunchilik hujjatlari va topshiriqlar) roʻyxatdan oʻtkazadi hamda rahbariyatga axborot beradi.	Kelib tushgandan 30 daqiqa mobaynida
2-bosqich	Markaziy apparat rahbariyati	Qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.	1 kun muddatda
3-bosqich	Markaziy apparat masʼul ijrochisi	1. Qonunchilik hujjatlari va topshiriqlar ijrosi boʻyicha nazorat rejasini tayyorlaydi, rahbariyatga tasdiqlatadi va ijroga qaratadi. 2. Zaruratga koʻra, rahbariyatga axborot bergan holda hududiy boʻlinmalarga amalga oshirish mexanizmi hamda bajarish muddatlarini aniq belgilangan holda topshiriqni yuboradi va nazoratga oladi.	3 kun muddatda
4-bosqich	Hududiy boʻlinma Umumiy boʻlimi (kanselyariyasi)	Markaziy apparat tomonidan ijro uchun yuborilgan topshiriqlarni roʻyxatdan oʻtkazadi hamda rahbariyatga axborot beradi.	Kelib tushgandan 30 daqiqa mobaynida
5-bosqich	Hududiy boʻlinma rahbariyati	Qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.	1 kun muddatda
6-bosqich	Hududiy boʻlinma masʼul ijrochisi	Topshiriq ijrosini taʼminlash boʻyicha nazorat rejasini tayyorlaydi, tasdiqlatadi va ijroga qaratadi.	3 kun muddatda
6-bosqich	Hududiy boʻlinma masʼul ijrochisi	Topshiriq ijrosi boʻyicha amalga oshirilgan ishlar toʻgʻrisidagi maʼlumotni zarur tasdiqlovchi hujjatlar bilan birga belgilangan tartibda markaziy apparatga tizim orqali kiritadi.	Topshiriqda belgilangan muddatda
7-bosqich	Markaziy apparat masʼul ijrochisi	1. Qonunchilik hujjatlari va topshiriqlar ijrosi boʻyicha amalga oshirilgan, rahbar (uning oʻrinbosari) tomonidan imzolangan maʼlumotni, zarur tasdiqlovchi hujjatlar bilan birga “Ijro.gov.uz” tizimiga kiritadi.	Qonunchilik hujjatlari va topshiriqlarda belgilangan muddatdan kechikmasdan
7-bosqich	Markaziy apparat masʼul ijrochisi	2. Topshiriq ijrosi boʻyicha “Ijro.gov.uz” tizimiga kiritilgan maʼlumotlar Adliya vazirligi tomonidan eʼtirozlar bilan ishlashga qaytarilganda, bu haqda rahbariyatga axborot beradi, kamchiliklarni bartaraf etadi va tegishli maʼlumotlarni tasdiqlash uchun “Ijro.gov.uz” tizimiga qaytadan kiritadi.	Zudlik bilan
8-bosqich	Markaziy apparat va hududiy boʻlinma rahbariyati	Qonunchilik hujjatlari va topshiriqlar ijro holati: rahbarning birinchi oʻrinbosari huzurida muhokama qilinadi; rahbar huzurida muhokama qilinadi.	Har hafta juma kuni Har hafta dushanba kuni
8-bosqich	Davlat organlari va tashkilotlari hayʼati	Qonunchilik hujjatlari va topshiriqlar ijro holati muhokama qilinadi, topshiriqlarni toʻliq bajarmagan, kechiktirib bajargan yoki umuman ijrosini taʼminlanmagan rahbar va xodimlarga nisbatan intizomiy javobgarlik choralarni qoʻllash masalalari koʻrib chiqiladi.	Har oyda
9-bosqich	Nazorat va ijro intizomini taʼminlash vazifasi yuklangan tarkibiy boʻlinma	1. Qonunchilik hujjatlari va topshiriqlar masʼul ijrochi tomonidan oʻz vaqtida bajarilishi va natijasi boʻyicha maʼlumotlar “Ijro.gov.uz” tizimiga toʻliq va haqqoniy kiritilishini nazoratga oladi. 2. Topshiriq ijrosi boʻyicha “Ijro.gov.uz” tizimiga kiritilgan maʼlumotlar Adliya vazirligi tomonidan eʼtirozlar bilan ishlashga qaytarilganda, masʼul ijrochi tomonidan kamchiliklar zudlik bilan bartaraf etilishi va tegishli maʼlumotlar tasdiqlash uchun “Ijro.gov.uz” tizimiga qaytadan kiritilishini nazoratga oladi.	Doimiy
10-bosqich	Adliya vazirligi	Davlat organlari va tashkilotlari tomonidan “Ijro.gov.uz” tizimiga kiritilgan maʼlumotlar toʻliqligi va haqqoniyligini oʻrganadi va natijasi boʻyicha: a) topshiriq bajarilgan boʻlsa — masʼul ijrochi tomonidan “Ijro.gov.uz” tizimiga kiritilgan maʼlumotlarni kelishadi; b) topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga joʻnatadi.	1 ish kunida, qoʻshimcha oʻrganish talab etilganda 3 ish kunida
10-bosqich	Adliya vazirligi	“Ijro.gov.uz” tizimiga zarur maʼlumotlar oʻz vaqtida kiritilmasa yoki notoʻgʻri maʼlumotlar kiritilgan boʻlsa, mazkur kamchiliklarni bartaraf etish toʻgʻrisida davlat organlari va tashkilotlariga koʻrsatma kiritadi.	Zaruratga koʻra
11-bosqich	Vazirlar Mahkamasi	Davlat organlari va tashkilotlari tomonidan “Ijro.gov.uz” tizimiga kiritilgan va Adliya vazirligi tomonidan tasdiqlangan maʼlumotning toʻliqligi va haqqoniyligini oʻrganadi va natijasi boʻyicha: a) topshiriq bajarilgan boʻlsa — “Ijro.gov.uz” tizimiga kiritilgan maʼlumotlarni tasdiqlaydi; b) topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga joʻnatadi.	1 ish kunida, qoʻshimcha oʻrganish talab etilganda 3 ish kunida
11-bosqich	Vazirlar Mahkamasi	Davlat organlari va tashkilotlari tomonidan qonunchilik hujjatlari va topshiriqlar oʻz vaqtida bajarilishi, natijasi boʻyicha belgilangan shakldagi maʼlumotlar “Ijro.gov.uz” tizimiga kiritilishini nazoratga oladi.	Doimiy
12-bosqich	Hisob palatasi	Davlat organlari va tashkilotlari tomonidan “Ijro.gov.uz” tizimiga kiritilgan, Adliya vazirligi va Vazirlar Mahkamasi tomonidan tasdiqlangan maʼlumotlarning toʻliqligi va haqqoniyligini oʻrganadi, natijasi boʻyicha: a) topshiriq bajarilgan boʻlsa — “Ijro.gov.uz” tizimida topshiriqni nazoratdan yechadi; b) topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga joʻnatadi.	1 ish kunida, qoʻshimcha oʻrganish talab etilganda 3 ish kunida

(3-ilova Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

Oʻzbekiston Respublikasi Prezidentining 2021-yil 31-maydagi PQ-5132-son qaroriga
4-ILOVA

“Ijro.gov.uz” tizimida qonunchilik hujjatlari va topshiriqlarning mahalliy ijro etuvchi hokimiyat organlari tomonidan ijrosini tashkil etish

TARTIBI

Oldingi tahrirga qarang.

Bosqichlar	Subyektlar	Tadbirlar	Muddatlar
1-bosqich	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari (keyingi oʻrinlarda — viloyat hokimliklari) Umumiy boʻlimi (kanselyariyasi)	Qonunlar, Oʻzbekiston Respublikasi Prezidenti farmon, qaror, farmoyish va topshiriqlarini (keyingi oʻrinlarda — qonunchilik hujjatlari va topshiriqlar) roʻyxatdan oʻtkazadi hamda rahbariyatga axborot beradi.	Kelib tushgandan 30 daqiqa mobaynida
2-bosqich	Viloyat hokimligi rahbariyati	Qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.	1 kun muddatda
3-bosqich	Viloyat hokimligi masʼul ijrochisi	1. Qonunchilik hujjatlari va topshiriqlar ijrosi boʻyicha nazorat rejasini tayyorlaydi, rahbariyatga tasdiqlatadi va ijroga qaratadi. 2. Zaruratga koʻra, rahbariyatga axborot bergan holda tuman (shahar) hokimliklariga amalga oshirish mexanizmi hamda bajarish muddatlarini aniq belgilangan holda topshiriqni yuboradi va nazoratga oladi.	3 kun muddatda
4-bosqich	Tuman (shahar) hokimligi Umumiy boʻlimi (kanselyariyasi)	Viloyat hokimligi tomonidan ijro uchun yuborilgan topshiriqlarni roʻyxatdan oʻtkazadi hamda rahbariyatga axborot beradi.	Kelib tushgandan 30 daqiqa mobaynida
5-bosqich	Tuman (shahar) hokimligi rahbariyati	Qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.	1 kun muddatda
6-bosqich	Tuman (shahar) hokimligi masʼul ijrochisi	Topshiriq ijrosini taʼminlash boʻyicha nazorat rejasini tayyorlaydi, tasdiqlatadi va ijroga qaratadi.	3 kun muddatda
6-bosqich	Tuman (shahar) hokimligi masʼul ijrochisi	Topshiriq ijrosi boʻyicha amalga oshirilgan ishlar toʻgʻrisidagi maʼlumotni zarur tasdiqlovchi hujjatlar bilan birga belgilangan tartibda viloyat hokimligiga tizim orqali kiritadi.	Topshiriqda belgilangan muddatda
7-bosqich	Viloyat hokimligi masʼul ijrochisi	1. Qonunchilik hujjatlari va topshiriqlar ijrosi boʻyicha amalga oshirilgan, rahbar (uning oʻrinbosari) tomonidan imzolangan maʼlumotni, zarur tasdiqlovchi hujjatlar bilan birga “Ijro.gov.uz” tizimiga kiritadi.	Qonunchilik hujjatlari va topshiriqlarda belgilangan muddatdan kechikmasdan
7-bosqich	Viloyat hokimligi masʼul ijrochisi	2. Topshiriq ijrosi boʻyicha “Ijro.gov.uz” tizimiga kiritilgan maʼlumotlar Adliya vazirligi tomonidan eʼtirozlar bilan ishlashga qaytarilganda, bu haqda rahbariyatga axborot beradi, kamchiliklarni bartaraf etadi va tegishli maʼlumotlarni tasdiqlash uchun “Ijro.gov.uz” tizimiga qaytadan kiritadi.	Zudlik bilan
8-bosqich	Viloyat va tuman (shahar) hokimligi rahbariyati	Qonunchilik hujjatlari va topshiriqlar ijro holati: hokimning birinchi oʻrinbosari huzurida muhokama qilinadi; hokim huzurida muhokama qilinadi.	Har hafta juma kuni Har hafta dushanba kuni
8-bosqich	Qoraqalpogʻiston Respublikasi Joʻqorgʻi Kengesi, xalq deputatlari viloyatlar, tuman (shahar) kengashlari	Qonunchilik hujjatlari va topshiriqlar ijro holati muhokama qilinadi, topshiriqlarni toʻliq bajarmagan, kechiktirib bajargan yoki umuman ijrosini taʼminlanmagan rahbar va xodimlarga nisbatan intizomiy javobgarlik choralarni qoʻllash masalalari koʻrib chiqiladi.	Har yarim yilda
9-bosqich	Nazorat va ijro intizomini taʼminlash vazifasi yuklangan tarkibiy boʻlinma	1. Qonunchilik hujjatlari va topshiriqlar masʼul ijrochi tomonidan oʻz vaqtida bajarilishi va natijasi boʻyicha maʼlumotlar “Ijro.gov.uz” tizimiga toʻliq va haqqoniy kiritilishini nazoratga oladi. 2. Topshiriq ijrosi boʻyicha “Ijro.gov.uz” tizimiga kiritilgan maʼlumotlar Adliya vazirligi tomonidan eʼtirozlar bilan ishlashga qaytarilganda, masʼul ijrochi tomonidan kamchiliklar zudlik bilan bartaraf etilishi va tegishli maʼlumotlar tasdiqlash uchun “Ijro.gov.uz” tizimiga qaytadan kiritilishini nazoratga oladi.	Doimiy
10-bosqich	Adliya vazirligi	Viloyat hokimliklari tomonidan “Ijro.gov.uz” tizimiga kiritilgan maʼlumotlar toʻliqligi va haqqoniyligini oʻrganadi va natijasi boʻyicha: a) topshiriq bajarilgan boʻlsa — masʼul ijrochi tomonidan “Ijro.gov.uz” tizimiga kiritilgan maʼlumotlarni kelishadi; b) topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga joʻnatadi.	1 ish kunida, qoʻshimcha oʻrganish talab etilganda 3 ish kunida
10-bosqich	Adliya vazirligi	“Ijro.gov.uz” tizimiga zarur maʼlumotlar oʻz vaqtida kiritilmasa yoki notoʻgʻri maʼlumotlar kiritilgan boʻlsa, mazkur kamchiliklarni bartaraf etish toʻgʻrisida viloyat hokimligiga koʻrsatma kiritadi.	Zaruratga koʻra
11-bosqich	Vazirlar Mahkamasi	Viloyat hokimligi tomonidan “Ijro.gov.uz” tizimiga kiritilgan va Adliya vazirligi tomonidan tasdiqlangan maʼlumotlarning toʻliqligi va haqqoniyligini oʻrganadi va natijasi boʻyicha: a) topshiriq bajarilgan boʻlsa — “Ijro.gov.uz” tizimiga kiritilgan maʼlumotlarni tasdiqlaydi; b) topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga joʻnatadi.	1 ish kunida, qoʻshimcha oʻrganish talab etilganda 3 ish kunida
11-bosqich	Vazirlar Mahkamasi	Viloyat hokimligi tomonidan qonunchilik hujjatlari va topshiriqlar oʻz vaqtida bajarilishi, natijasi boʻyicha belgilangan shakldagi maʼlumotlar “Ijro.gov.uz” tizimiga kiritilishini nazoratga oladi.	Doimiy
12-bosqich	Hisob palatasi	Viloyat hokimligi tomonidan “Ijro.gov.uz” tizimiga kiritilgan, Adliya vazirligi va Vazirlar Mahkamasi tomonidan tasdiqlangan maʼlumotlar toʻliqligi va haqqoniyligini oʻrganadi, natijasi boʻyicha: a) topshiriq bajarilgan boʻlsa — “Ijro.gov.uz” tizimida topshiriqni nazoratdan yechadi; b) topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga joʻnatadi.	1 ish kunida, qoʻshimcha oʻrganish talab etilganda 3 ish kunida

(4-ilova Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

Oʻzbekiston Respublikasi Prezidentining 2021-yil 31-maydagi PQ-5132-son qaroriga
5-ILOVA

“Ijro.gov.uz” tizimida qonunchilik hujjatlari va topshiriqlarning xoʻjalik birlashmalari tomonidan ijrosini tashkil etish

TARTIBI

Oldingi tahrirga qarang.

Bosqichlar	Subyektlar	Tadbirlar	Muddatlar
1-bosqich	Markaziy apparat Umumiy boʻlimi (kanselyariyasi)	Qonunlar, Oʻzbekiston Respublikasi Prezidenti farmon, qaror, farmoyish va topshiriqlarini (keyingi oʻrinlarda — qonunchilik hujjatlari va topshiriqlar) roʻyxatdan oʻtkazadi hamda rahbariyatga axborot beradi.	Kelib tushgandan 30 daqiqa mobaynida
2-bosqich	Markaziy apparat rahbariyati	Qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.	1 kun muddatda
3-bosqich	Markaziy apparat masʼul ijrochisi	1. Qonunchilik hujjatlari va topshiriqlar ijrosi boʻyicha nazorat rejasini tayyorlaydi, rahbariyatga tasdiqlatadi va ijroga qaratadi. 2. Zaruratga koʻra, rahbariyatga axborot bergan holda hududiy boʻlinmalarga amalga oshirish mexanizmi hamda bajarish muddatlarini aniq belgilangan holda topshiriqni yuboradi va nazoratga oladi.	3 kun muddatda
4-bosqich	Hududiy boʻlinma Umumiy boʻlimi (kanselyariyasi)	Markaziy apparat tomonidan ijro uchun yuborilgan topshiriqlarni roʻyxatdan oʻtkazadi hamda rahbariyatga axborot beradi.	Kelib tushgandan 30 daqiqa mobaynida
5-bosqich	Hududiy boʻlinma rahbariyati	Qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.	1 kun muddatda
6-bosqich	Hududiy boʻlinma masʼul ijrochisi	Topshiriq ijrosini taʼminlash boʻyicha nazorat rejasini tayyorlaydi, tasdiqlatadi va ijroga qaratadi.	3 kun muddatda
6-bosqich	Hududiy boʻlinma masʼul ijrochisi	Topshiriq ijrosi boʻyicha amalga oshirilgan ishlar toʻgʻrisidagi maʼlumotni zarur tasdiqlovchi hujjatlar bilan birga belgilangan tartibda markaziy apparatga tizim orqali kiritadi.	Topshiriqda belgilangan muddatda
7-bosqich	Markaziy apparat masʼul ijrochisi	1. Qonunchilik hujjatlari va topshiriqlar ijrosi boʻyicha amalga oshirilgan, rahbar (uning oʻrinbosari) tomonidan imzolangan maʼlumotni, zarur tasdiqlovchi hujjatlar bilan birga “Ijro.gov.uz” tizimiga kiritadi.	Qonunchilik hujjatlari va topshiriqlarda belgilangan muddatdan kechikmasdan
7-bosqich	Markaziy apparat masʼul ijrochisi	2. Topshiriq ijrosi boʻyicha “Ijro.gov.uz” tizimiga kiritilgan maʼlumotlar Adliya vazirligi tomonidan eʼtirozlar bilan ishlashga qaytarilganda, bu haqda rahbariyatga axborot beradi, kamchiliklarni bartaraf etadi va tegishli maʼlumotlarni tasdiqlash uchun “Ijro.gov.uz” tizimiga qaytadan kiritadi.	Zudlik bilan
8-bosqich	Markaziy apparat va hududiy boʻlinma rahbariyati	Qonunchilik hujjatlari va topshiriqlar ijro holati: rahbarning birinchi oʻrinbosari huzurida muhokama qilinadi; rahbar huzurida muhokama qilinadi.	Har hafta juma kuni Har hafta dushanba kuni
8-bosqich	Xoʻjalik birlashmasi boshqaruvi organi	Qonunchilik hujjatlari va topshiriqlar ijro holati muhokama qilinadi, topshiriqlarni toʻliq bajarmagan, kechiktirib bajargan yoki umuman ijrosini taʼminlanmagan rahbar va xodimlarga nisbatan intizomiy javobgarlik choralarini qoʻllash masalalari koʻrib chiqiladi.	Har oyda
9-bosqich	Nazorat va ijro intizomini taʼminlash vazifasi yuklangan tarkibiy boʻlinma	1. Qonunchilik hujjatlari va topshiriqlar masʼul ijrochi tomonidan oʻz vaqtida bajarilishi va natijasi boʻyicha maʼlumotlar “Ijro.gov.uz” tizimiga toʻliq kiritilishini nazoratga oladi. 2. Topshiriq ijrosi boʻyicha “Ijro.gov.uz” tizimiga kiritilgan maʼlumotlar Adliya vazirligi tomonidan eʼtirozlar bilan ishlashga qaytarilganda, masʼul ijrochi tomonidan kamchiliklar zudlik bilan bartaraf etilishi va tegishli maʼlumotlar tasdiqlash uchun “Ijro.gov.uz” tizimiga qaytadan kiritilishini nazoratga oladi.	Doimiy
10-bosqich	Adliya vazirligi	Xoʻjalik birlashmasi tomonidan “Ijro.gov.uz” tizimiga kiritilgan maʼlumotlar toʻliqligi va haqqoniyligini oʻrganadi va natijasi boʻyicha: a) topshiriq bajarilgan boʻlsa — masʼul ijrochi tomonidan “Ijro.gov.uz” tizimiga kiritilgan maʼlumotlarni kelishadi; b) topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga joʻnatadi.	1 ish kunida, qoʻshimcha oʻrganish talab etilganda 3 ish kunida
10-bosqich	Adliya vazirligi	“Ijro.gov.uz” tizimiga zarur maʼlumotlar oʻz vaqtida kiritilmasa yoki notoʻgʻri maʼlumotlar kiritilgan boʻlsa, mazkur kamchiliklarni bartaraf etish toʻgʻrisida xoʻjalik birlashmasiga koʻrsatma kiritadi.	Zaruratga koʻra
11-bosqich	Vazirlar Mahkamasi	Xoʻjalik birlashmalari tomonidan “Ijro.gov.uz” tizimiga kiritilgan va Adliya vazirligi tomonidan tasdiqlangan maʼlumotning toʻliqligi va haqqoniyligini oʻrganadi va natijasi boʻyicha: a) topshiriq bajarilgan boʻlsa — “Ijro.gov.uz” tizimiga kiritilgan maʼlumotlarni tasdiqlaydi; b) topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga joʻnatadi.	1 ish kunida, qoʻshimcha oʻrganish talab etilganda 3 ish kunida
11-bosqich	Vazirlar Mahkamasi	Xoʻjalik birlashmalari tomonidan qonunchilik hujjatlari va topshiriqlar oʻz vaqtida bajarilishi, natijasi boʻyicha belgilangan shakldagi maʼlumotlar “Ijro.gov.uz” tizimiga kiritilishini nazoratga oladi.	Doimiy
12-bosqich	Hisob palatasi	Xoʻjalik birlashmalari tomonidan “Ijro.gov.uz” tizimiga kiritilgan, Adliya vazirligi va Vazirlar Mahkamasi tomonidan tasdiqlangan maʼlumotlarning toʻliqligi va haqqoniyligini oʻrganadi, natijasi boʻyicha: a) topshiriq bajarilgan boʻlsa — “Ijro.gov.uz” tizimida topshiriqni nazoratdan yechadi; b) topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga joʻnatadi.	1 ish kunida, qoʻshimcha oʻrganish talab etilganda 3 ish kunida

(5-ilova Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

Oldingi tahrirga qarang.

Oʻzbekiston Respublikasi Prezidentining 2021-yil 31-maydagi PQ-5132-son qaroriga
6-ILOVA

“Ijro.gov.uz” ijro intizomi idoralararo yagona elektron tizimi orqali qonunlar, Oʻzbekiston Respublikasi Prezidentining farmon, qaror, farmoyish va topshiriqlari ijrosini tashkil etish tartibi toʻgʻrisidagi

NIZOM

1-bob. Umumiy qoidalar

1. Ushbu nizom “Ijro.gov.uz” ijro intizomi idoralararo yagona elektron tizimi (keyingi oʻrinlarda — “Ijro.gov.uz” tizimi) orqali qonunlar, Oʻzbekiston Respublikasi Prezidentining farmon, qaror, farmoyish va topshiriqlari (keyingi oʻrinlarda — qonunchilik hujjatlari va topshiriqlar) ijrosini tashkil etish tartibini belgilaydi.

2. “Ijro.gov.uz” tizimidagi qonunchilik hujjatlari va topshiriqlar oʻz vaqtida, sifatli va toʻlaqonli ijro etilishining nazorati Adliya vazirligi, Vazirlar Mahkamasi, Hisob palatasi va Oʻzbekiston Respublikasi Prezidenti Administratsiyasi tomonidan amalga oshiriladi.

3. Ushbu Nizomda quyidagi asosiy tushunchalardan foydalaniladi:

operator — “Ijro.gov.uz” tizimi uzluksiz ishlashi va axborot xavfsizligini taʼminlovchi Raqamli texnologiyalar vazirligi qoshidagi “Oʻzbektelekom” AK taʼsischiligidagi “UNICON-SOFT” masʼuliyati cheklangan jamiyati;

masʼul ijrochilar — davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari.

4. Qonunchilik hujjatlari va topshiriqlar ijrosi va nazorati quyidagi tartibda amalga oshiriladi:

birinchi bosqich — Oʻzbekiston Respublikasi Prezidenti Administratsiyasi qonunchilik hujjatlari va topshiriqlarning elektron nusxalarini Adliya vazirligiga yuboradi;

ikkinchi bosqich — Adliya vazirligi masʼul ijrochilar va ularni bajarish muddatlarini aniq koʻrsatgan holda “Ijro.gov.uz” tizimiga qonunchilik hujjatlari va topshiriqlarni kiritadi;

uchinchi bosqich — masʼul ijrochilar qonunchilik hujjatlari va topshiriqlar toʻliq va oʻz vaqtida bajarilishini taʼminlaydi va bu haqda “Ijro.gov.uz” tizimiga asoslovchi hujjatlar bilan birga maʼlumot kiritadi;

toʻrtinchi bosqich — Adliya vazirligi masʼul ijrochilar tomonidan “Ijro.gov.uz” tizimiga kiritilgan maʼlumotlarning toʻliqligi va haqqoniyligini tekshiradi, zaruratga koʻra joyiga chiqqan holda oʻrganadi, ularni kelishadi yoki qayta ishlashga yuboradi;

beshinchi bosqich — Vazirlar Mahkamasi “Ijro.gov.uz” tizimida respublika va mahalliy ijro etuvchi hokimiyat organlari, xoʻjalik birlashmalari va Hukumat tizimidagi boshqa tashkilotlar tomonidan qonunchilik hujjatlari va topshiriqlar oʻz vaqtida va sifatli bajarilishini muntazam nazorat qiladi, Adliya vazirligi tomonidan kelishilgan maʼlumotlar toʻliqligi va haqqoniyligini tekshiradi, ularni tasdiqlaydi yoki masʼul ijrochiga qayta ishlashga joʻnatadi, shuningdek, har oy yakuni boʻyicha Rayosat majlislarida ijro intizomi holatini muhokama qiladi, kamchiliklarga yoʻl qoʻygan rahbarlarga nisbatan taʼsir choralari belgilaydi;

oltinchi bosqich — Hisob palatasi masʼul ijrochilar tomonidan “Ijro.gov.uz” tizimiga kiritilib, Adliya vazirligi bilan kelishilgan va Hukumat tomonidan tasdiqlangan maʼlumotlar toʻliqligi va haqqoniyligini tekshiradi, natijasi boʻyicha ularni nazoratdan yechadi yoki masʼul ijrochiga qayta ishlashga yuboradi.

yettinchi bosqich — Oʻzbekiston Respublikasi Prezidenti Administratsiyasi qonunchilik hujjatlari va topshiriqlar ijrosini nazorat qiluvchi tashkilotlar faoliyatini muvofiqlashtiradi, shuningdek, zarurat boʻlganda, nazoratdan yechilgan qonunchilik hujjatlari va topshiriqlarni qayta nazoratga qoʻyadi, ularning ayrimlarini alohida nazoratga oladi (ushbu qonunchilik hujjatlari va topshiriqlar nazoratdan faqat Oʻzbekiston Respublikasi Prezidenti Administratsiyasi tomonidan yechiladi).

5. Raqamlashtirish va normativ-huquqiy hujjatlarni tayyorlash bilan bogʻliq topshiriqlar:

idoraviy normativ-huquqiy hujjatni ishlab chiqish va (yoki) tasdiqlash toʻgʻrisidagi topshiriqlar — ushbu hujjat belgilangan tartibda davlat roʻyxatidan oʻtkazilgandan soʻng;

Oʻzbekiston Respublikasi Prezidenti qarorlaridagi raqamlashtirishga oid topshiriqlar ijrosi “Ijro.gov.uz” elektron tizimida Raqamli texnologiyalar vazirligi bilan kelishilgandan soʻng;

qonunchilik hujjatlari va topshiriqlarga muvofiq ishlab chiqilishi belgilangan normativ-huquqiy hujjatlar oʻrnatilgan tartibda Vazirlar Mahkamasi va Oliy Majlis Qonunchilik palatasiga kiritilgandan soʻng ularni qabul qilgunga qadar boʻlgan bosqichlar qoʻshimcha ravishda “ijro.gov.uz” elektron tizimida nazoratga olinadi.

Bunda kiritilgan hujjat loyihasi tegishli tashkilotga qayta ishlash uchun yuborilgan taqdirda, Hisob palatasi bu haqida xabardor qilinadi va topshiriq Hisob palatasi tomonidan “Ijro.gov.uz” tizimida qayta nazoratga olinadi.

6. Maʼlum bir tartib yoki tizimni amaliyotga joriy qilish bilan bogʻliq topshiriqlar — normativ-huquqiy hujjat ishlab chiqish talab qilingan taqdirda, hujjat qabul qilingandan soʻng topshiriq toʻliq bajarilgan deb hisoblanadi. Bunda:

masʼul ijrochi normativ-huquqiy hujjat loyihasini ishlab chiqib, belgilangan tartibda Oliy Majlis Qonunchilik palatasiga, Oʻzbekiston Respublikasi Prezidenti Administratsiyasiga, Vazirlar Mahkamasiga kiritgandan keyin normativ-huquqiy hujjat qabul qilingunga qadar har oyda, biroq eng koʻpi bilan bir yil davomida topshiriq ijro holati boʻyicha “Ijro.gov.uz” tizimiga maʼlumot kiritib boradi;

topshiriqning ijro muddati bevosita Adliya vazirligi tomonidan muvofiqlashtirib boriladi.

7. Bir xil mazmundagi yoki faqat masʼul ijrochilari va bajarish muddatlari bir-biridan farq qiladigan oldin berilgan topshiriq keyinroq qabul qilingan teng yoki yuqori yuridik kuchga ega boʻlgan qonunchilik hujjati va topshiriq asosida nazoratdan yechiladi.

8. Qonunchilik hujjatlari va topshiriqlar Hisob palatasi tomonidan “Ijro.gov.uz” tizimidagi asosiy masʼul ijrochidan nazoratdan yechilgandan soʻng, mazkur topshiriq u boʻyicha hamijrochi hisoblangan boshqa ijrochilardan ham “Ijro.gov.uz” tizimida nazoratdan avtomatik ravishda yechiladi.

9. Qonunchilik hujjatlari va topshiriqlarda ijro muddati:

belgilanmagan boʻlsa — ularni bajarish muddati bir yil;

doimiy topshiriqlarning “Ijro.gov.uz” tizimida nazoratdan yechish muddati (hujjatlarda doimiy topshiriqlarning yakuniy muddati aniq belgilangan holatlar bundan mustasno):

har hafta (yoki bir oygacha muddat) boʻlsa — ularning yakuniy ijro muddatlari bir yil;

har oy va har chorak boʻlsa — ularning yakuniy ijro muddatlari ikki yil;

har yarim yil va har yili boʻlsa — ularning yakuniy ijro muddatlari uch yil etib belgilanadi.

Bunda qonunchilik hujjatlari va topshiriqlarning ijro muddati har oy, har chorak, har yarim yil yoki har yili etib belgilangan holatlarda “Ijro.gov.uz” tizimida ushbu topshiriqlarning ijro muddati keyingi oyning 10-sanasiga qadar belgilanishi mumkin.

Ijro muddati bir yil va undan ortiq etib belgilangan qonunchilik hujjatlari va topshiriqlarning bajarilishi boʻyicha amalga oshirilgan ishlar toʻgʻrisidagi maʼlumot har olti oyda masʼul ijrochilar tomonidan “Ijro.gov.uz” tizimiga kiritib borilishi lozim.

Doimiy topshiriqlarning “Ijro.gov.uz” tizimidan yechilishi ularning ijrosini davom ettirish majburiyatidan ozod qilmaydi.

10. “Ijro.gov.uz” tizimida ijro muddati uch oy va undan oshadigan topshiriqlarning ijro holati yuzasidan oraliq maʼlumot kiritilishi lozim.

11. “Ijro.gov.uz” tizimida oraliq maʼlumotlar quyidagi tartibda koʻrib chiqiladi:

masʼul ijrochi har bir topshiriqni amalga oshirishga doir harakatlar jadvalini xronologik tartibda ishlab chiqadi va tizimga kiritadi;

masʼul ijrochi “Ijro.gov.uz” tizimida belgilangan ijro muddatining teng yarmida amalga oshirilgan ishlar yuzasidan axborot xatini tasdiqlovchi hujjatlar bilan birga tizimga kiritadi;

Adliya vazirligi kiritilgan oraliq maʼlumotlarning toʻliqligi va haqqoniyligini tekshiradi, ularni kelishadi yoki masʼul ijrochiga qayta ishlashga yuboradi;

Vazirlar Mahkamasi Adliya vazirligi tomonidan kelishilgan Hukumat tarkibidagi masʼul ijrochilarning oraliq maʼlumotlarining toʻliqligi va haqqoniyligini tekshiradi, ularni nazoratdan yechadi yoki masʼul ijrochiga qayta ishlashga yuboradi;

Hisob palatasi Adliya vazirligi tomonidan kelishilgan Oʻzbekiston Respublikasi Prezidenti Administratsiyasi boʻysunuvidagi tashkilotlar oraliq maʼlumotlarining toʻliqligi va haqqoniyligini tekshiradi, ularni nazoratdan yechadi yoki masʼul ijrochiga qayta ishlashga yuboradi;

Vazirlar Mahkamasi masʼul boʻlgan topshiriqlar boʻyicha kiritilgan oraliq maʼlumotlarning toʻliqligi va haqqoniyligini Hisob palatasi, Oʻzbekiston Respublikasi Prezidenti Administratsiyasi tomonidan kiritilgan oraliq maʼlumotlarning toʻliqligi va haqqoniyligini esa Oʻzbekiston Respublikasi Prezidenti Administratsiyasining masʼul tarkibiy boʻlinmasi koʻrib chiqadi, ularni nazoratdan yechadi yoki qayta ishlashga yuboradi.

12. Masʼul ijrochi topshiriq ijro muddatining teng yarmida amalga oshirilgan ishlar yuzasidan axborot xatini tasdiqlovchi hujjatlar bilan birga “Ijro.gov.uz” tizimiga kiritadi.

Oraliq maʼlumotlar mazkur nizomning 11-bandida koʻrsatib oʻtilgan tartibda qabul qilingach, topshiriq ijrosi yuzasidan yakuniy maʼlumotlarni “Ijro.gov.uz” tizimiga kiritishga ruxsat beriladi.

2-bob. “Ijro.gov.uz” tizimida qonunchilik hujjatlari va topshiriqlar ijrosini tashkil etish tartibi

1-§. Adliya vazirligi tomonidan qonunchilik hujjatlari va topshiriqlar ijrosini tashkil etish

13. Oʻzbekiston Respublikasi Prezidenti Administratsiyasi tomonidan yuborilgan qonunchilik hujjatlari va topshiriqlar kelib tushgan vaqtdan boshlab Adliya vazirligining Oʻzbekiston Respublikasi Prezidenti va Hukumati hujjatlari ijrosini nazorat qilish boshqarmasi (keyingi oʻrinlarda — Ijro nazorati boshqarmasi) tomonidan bir kun muddatda masʼul ijrochilar va ularni bajarish muddatlari aniq koʻrsatilgan holda “Ijro.gov.uz” tizimiga kiritiladi.

Qonunchilik hujjatlari va topshiriqlar ijrosini taʼminlash jarayonida, zaruratga koʻra, Adliya vazirligi tomonidan Hisob palatasi bilan kelishgan holda “Ijro.gov.uz” tizimida qoʻshimcha ijrochi belgilanishi mumkin.

14. Ijro nazorati boshqarmasi:

har oyning 20-sanasida ijro muddati kelgan, biroq bajarilmagan qonunchilik hujjatlari va topshiriqlar, shuningdek, muddati oy yakuniga qadar keladigan topshiriqlar boʻyicha;

har oyning 25-sanasida ijro muddati keyingi oyda keladigan qonunchilik hujjatlari va topshiriqlar boʻyicha roʻyxat shakllantiradi va masʼul ijrochilarga eslatmalar yuboradi.

15. Ijro nazorati boshqarmasi qonunchilik hujjatlari va topshiriqlar ijrosini bajarishda yuzaga kelayotgan muammolarni hamkorlikda hal qilish va huquqiy-uslubiy koʻmaklashish maqsadida har hafta payshanba va juma kunlari Adliya vazirligida masʼul ijrochilar vakillari bilan birgalikda “jonli muloqot” tashkil etadi.

2-§. Davlat organlari va tashkilotlari tomonidan qonunchilik hujjatlari va topshiriqlar ijrosini tashkil etish

a) Davlat organlari va tashkilotlari markaziy apparati tomonidan qonunchilik hujjatlari va topshiriqlar ijrosini tashkil etish

16. Qonunchilik hujjatlari va topshiriqlar kelib tushgan vaqtdan boshlab 30 daqiqa mobaynida masʼul xodim tomonidan roʻyxatdan oʻtkaziladi hamda rahbariyatga axborot beriladi.

17. Davlat organlari va tashkilotlari rahbariyati bir kun muddatda qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.

18. Masʼul tarkibiy boʻlinma uch kun muddatda qonunchilik hujjatlari va topshiriqlar ijrosi boʻyicha nazorat rejasini tayyorlaydi, rahbariyatga tasdiqlatadi va ijroga qaratadi.

Masʼul tarkibiy boʻlinma, zaruratga koʻra, rahbariyatga axborot bergan holda hududiy boʻlinmalar yoki tizim tashkilotlariga amalga oshirish mexanizmi hamda bajarish muddatlarini aniq belgilangan holda topshiriqni yuboradi.

Bunda davlat organlari va tashkilotlari markaziy apparati masʼul tarkibiy boʻlinmasi hududiy boʻlinmalar yoki tizim tashkilotlari tomonidan qonunchilik hujjatlari va topshiriq bajarilishini qatʼiy nazoratga olishi va ijrosini taʼminlashda koʻmaklashishi zarur.

19. Masʼul tarkibiy boʻlinma qonunchilik hujjatlari va topshiriqlar ijrosi boʻyicha amalga oshirilgan va rahbar (istisno hollarda — uning oʻrinbosari) tomonidan imzolangan maʼlumotni zarur tasdiqlovchi hujjatlar bilan birga “Ijro.gov.uz” tizimiga kiritadi.

Agar “Ijro.gov.uz” tizimiga kiritilgan maʼlumotlar Adliya vazirligi, Vazirlar Mahkamasi yoki Hisob palatasi tomonidan eʼtirozlar bilan qayta ishlashga yuborilsa, masʼul tarkibiy boʻlinma bu haqda rahbariyatga axborot beradi, kamchiliklarni zudlik bilan bartaraf etadi va tegishli maʼlumotlarni “Ijro.gov.uz” tizimiga qaytadan kiritadi.

20. Davlat organlari va tashkilotlari markaziy apparatining nazorat va ijro intizomini taʼminlash vazifasi yuklangan tarkibiy boʻlinmasi:

qonunchilik hujjatlari va topshiriqlar oʻz vaqtida bajarilishi va natijasi boʻyicha maʼlumotlar “Ijro.gov.uz” tizimiga toʻliq va haqqoniy kiritilishini nazoratga oladi;

agar qonunchilik hujjatlari va topshiriq ijrosi boʻyicha “Ijro.gov.uz” tizimiga kiritilgan maʼlumotlar Adliya vazirligi, Vazirlar Mahkamasi yoki Hisob palatasi tomonidan eʼtirozlar bilan qayta ishlashga yuborilsa, masʼul tarkibiy boʻlinma tomonidan kamchiliklar zudlik bilan bartaraf etilishi va tegishli maʼlumotlar “Ijro.gov.uz” tizimiga qaytadan kiritilishini nazoratga oladi.

21. Davlat organlari va tashkilotlarida qonunchilik hujjatlari va topshiriqlarning ijro holati:

har hafta juma kuni — rahbarning birinchi oʻrinbosari huzurida;

har hafta dushanba kuni — rahbar huzurida;

har chorakda — hayʼat majlislarida muhokama qilinadi.

Bunda qonunchilik hujjatlari va topshiriqlarni toʻliq bajarmagan, kechiktirib bajargan yoki umuman ijrosini taʼminlamagan rahbar va xodimlarga nisbatan intizomiy jazo choralarini qoʻllash masalalari koʻrib chiqiladi.

b) Davlat organlari va tashkilotlarining hududiy boʻlinmalari va tizim tashkilotlari tomonidan qonunchilik hujjatlari va topshiriqlar ijrosini tashkil etish

22. Davlat organlari va tashkilotlari markaziy apparatidan amalga oshirish mexanizmi hamda bajarish muddatlari aniq belgilangan qonunchilik hujjatlari va topshiriqlar hamda ular boʻyicha nazorat rejalari kelib tushgan vaqtdan boshlab 30 daqiqa mobaynida hududiy boʻlinmalar va tizim tashkilotlari masʼul xodimi tomonidan roʻyxatdan oʻtkaziladi hamda rahbariyatga axborot beriladi.

23. Hududiy boʻlinmalar rahbariyati bir kun muddatda qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.

24. Masʼul tarkibiy boʻlinma uch kun muddatda qonunchilik hujjatlari va topshiriqlar ijrosi boʻyicha nazorat rejasini tayyorlaydi, rahbariyatga tasdiqlatadi va ijroga qaratadi.

25. Masʼul tarkibiy boʻlinma qonunchilik hujjatlari va topshiriqlar ijrosi boʻyicha rahbar (istisno hollarda — uning oʻrinbosari) tomonidan imzolangan maʼlumotni zarur tasdiqlovchi hujjatlar bilan birga respublika ijro etuvchi hokimiyat organlari markaziy apparatiga yuboradi.

26. Hududiy boʻlinmalar va tizim tashkilotlarining nazorat va ijro intizomini taʼminlash vazifasi yuklangan tarkibiy boʻlinmasi qonunchilik hujjatlari va topshiriqlar masʼul tarkibiy boʻlinma tomonidan oʻz vaqtida bajarilishi va natijasi boʻyicha maʼlumotlar zarur tasdiqlovchi hujjatlar bilan birga davlat organlari va tashkilotlarining markaziy apparatiga oʻz vaqtida taqdim etilishini nazoratga oladi.

27. Hududiy boʻlinmalar va tizim tashkilotlarida qonunchilik hujjatlari va topshiriqlarning ijro holati:

har hafta juma kuni — rahbarning birinchi oʻrinbosari huzurida (birinchi oʻrinbosar shtati mavjud boʻlmagan yoki vakant hollarda — oʻrinbosar);

har hafta dushanba kuni — rahbar huzurida muhokama qilinadi.

3-§. Mahalliy ijro etuvchi hokimiyat organlari tomonidan qonunchilik hujjatlari va topshiriqlarning ijrosini tashkil etish

a) Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan qonunchilik hujjatlari va topshiriqlarning ijrosini tashkil etish

28. Qonunchilik hujjatlari va topshiriqlar kelib tushgan vaqtdan boshlab 30 daqiqa mobaynida Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari (keyingi oʻrinlarda — Qoraqalpogʻiston Respublikasi Vazirlar Kengashi va hokimliklar) masʼul xodimi tomonidan roʻyxatdan oʻtkaziladi hamda rahbariyatga axborot beriladi.

29. Qoraqalpogʻiston Respublikasi Vazirlar Kengashi va hokimliklar rahbariyati bir kun muddatda qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.

30. Masʼul tarkibiy boʻlinma uch kun muddatda qonunchilik hujjatlari va topshiriqlar ijrosi boʻyicha nazorat rejasini tayyorlaydi, rahbariyatga tasdiqlatadi va ijroga qaratadi.

Masʼul tarkibiy boʻlinma, zaruratga koʻra, rahbariyatga axborot bergan holda tuman (shahar) hokimliklariga amalga oshirish mexanizmi hamda bajarish muddatlarini aniq belgilab, topshiriqni yuboradi. Bunda Qoraqalpogʻiston Respublikasi Vazirlar Kengashi va hokimliklarning masʼul tarkibiy boʻlinmasi tuman (shahar) hokimligi tomonidan topshiriq bajarilishini qatʼiy nazoratga olishi va ijrosini taʼminlashda koʻmaklashishi zarur.

31. Masʼul tarkibiy boʻlinma qonunchilik hujjatlari va topshiriqlar ijrosi boʻyicha amalga oshirilgan va rahbar (istisno hollarda — uning oʻrinbosari) tomonidan imzolangan maʼlumotni zarur tasdiqlovchi hujjatlar bilan birga “Ijro.gov.uz” tizimiga kiritadi.

32. Qoraqalpogʻiston Respublikasi Vazirlar Kengashi va hokimliklarning nazorat va ijro intizomini taʼminlash vazifasi yuklangan tarkibiy boʻlinmasi:

qonunchilik hujjatlari va topshiriqlar masʼul tarkibiy boʻlinma tomonidan oʻz vaqtida bajarilishi va natijasi boʻyicha maʼlumotlar “Ijro.gov.uz” tizimiga toʻliq va haqqoniy kiritilishini nazoratga oladi;

qonunchilik hujjatlari va topshiriq ijrosi boʻyicha “Ijro.gov.uz” tizimiga kiritilgan maʼlumotlar Adliya vazirligi, Vazirlar Mahkamasi yoki Hisob palatasi tomonidan eʼtirozlar bilan qayta ishlashga yuborilgan boʻlsa, masʼul tarkibiy boʻlinma tomonidan kamchiliklar zudlik bilan bartaraf etilishi va tegishli maʼlumotlar “Ijro.gov.uz” tizimiga qaytadan kiritilishini nazoratga oladi.

33. Qoraqalpogʻiston Respublikasi Vazirlar Kengashi va hokimliklarda qonunchilik hujjatlari va topshiriqlarning ijro holati:

har hafta juma kuni — Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlarining birinchi oʻrinbosarlari huzurida;

har hafta dushanba kuni — Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari huzurida;

har chorakda — Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashlari yigʻilishida muhokama qilinadi.

b) tuman (shahar) hokimliklari tomonidan qonunchilik hujjatlari va topshiriqlarning ijrosini tashkil etish

34. Qoraqalpogʻiston Respublikasi Vazirlar Kengashi va hokimliklardan qonunchilik hujjatlari va topshiriqlar hamda ular boʻyicha nazorat rejalari kelib tushgan vaqtdan boshlab 30 daqiqa mobaynida tuman (shahar) hokimligi masʼul xodimi tomonidan roʻyxatdan oʻtkaziladi va rahbariyatga axborot beriladi.

35. Tuman (shahar) hokimligi rahbariyati bir kun muddatda qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.

36. Masʼul tarkibiy boʻlinma uch kun muddatda qonunchilik hujjatlari va topshiriqlar ijrosi boʻyicha nazorat rejasini tayyorlaydi, rahbariyatga tasdiqlatadi va ijroga qaratadi.

37. Masʼul tarkibiy boʻlinma qonunchilik hujjatlari va topshiriqlar ijrosi boʻyicha rahbar (istisno hollarda — uning oʻrinbosari) tomonidan imzolangan maʼlumotni zarur tasdiqlovchi hujjatlar bilan birga tegishliligi boʻyicha Qoraqalpogʻiston Respublikasi Vazirlar Kengashi yoki hokimlikka yuboradi.

38. Tuman (shahar) hokimligining nazorat va ijro intizomini taʼminlash vazifasi yuklangan tarkibiy boʻlinmasi qonunchilik hujjatlari va topshiriqlar masʼul ijrochi tomonidan oʻz vaqtida bajarilishi va natijasi boʻyicha maʼlumotlar zarur tasdiqlovchi hujjatlar bilan birga tegishliligi boʻyicha Qoraqalpogʻiston Respublikasi Vazirlar Kengashi yoki hokimlikka oʻz vaqtida taqdim etilishini nazoratga oladi.

39. Tuman (shahar) hokimliklarida qonunchilik hujjatlari va topshiriqlarning ijro holati:

har hafta juma kuni — hokimning birinchi oʻrinbosari huzurida;

har hafta dushanba kuni — hokim huzurida;

har chorakda — xalq deputatlari tuman (shahar) kengashlari yigʻilishida muhokama qilinadi.

4-§. Xoʻjalik birlashmalari tomonidan qonunchilik hujjatlari va topshiriqlarning ijrosini tashkil etish

a) Xoʻjalik birlashmalari markaziy apparati tomonidan qonunchilik hujjatlari va topshiriqlarning ijrosini tashkil etish

40. Qonunchilik hujjatlari va topshiriqlar kelib tushgan vaqtdan boshlab 30 daqiqa mobaynida xoʻjalik birlashmasi markaziy apparati masʼul xodimi tomonidan roʻyxatdan oʻtkaziladi hamda rahbariyatga axborot beriladi.

41. Xoʻjalik birlashmalari rahbariyati bir kun muddatda qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.

42. Masʼul tarkibiy boʻlinma uch kun muddatda qonunchilik hujjatlari va topshiriqlar ijrosi boʻyicha nazorat rejasini tayyorlaydi, rahbariyatga tasdiqlatadi va ijroga qaratadi.

Masʼul tarkibiy boʻlinma, zaruratga koʻra, rahbariyatga axborot bergan holda hududiy boʻlinmalarga amalga oshirish mexanizmi hamda bajarish muddatlarini aniq belgilab, topshiriqni yuboradi. Bunda masʼul tarkibiy boʻlinma hududiy boʻlinmalar tomonidan topshiriq bajarilishini qatʼiy nazoratga olishi va ijrosini taʼminlashda koʻmaklashishi zarur.

43. Masʼul tarkibiy boʻlinma qonunchilik hujjatlari va topshiriqlar ijrosi boʻyicha amalga oshirilgan va rahbar (istisno hollarda — uning oʻrinbosari) tomonidan imzolangan maʼlumotni zarur tasdiqlovchi hujjatlar bilan birga “Ijro.gov.uz” tizimiga kiritadi.

44. Xoʻjalik birlashmasining nazorat va ijro intizomini taʼminlash vazifasi yuklangan tarkibiy boʻlinmasi:

qonunchilik hujjatlari va topshiriq ijrosi boʻyicha “Ijro.gov.uz” tizimiga kiritilgan maʼlumotlar Adliya vazirligi, Vazirlar Mahkamasi yoki Hisob palatasi tomonidan eʼtirozlar bilan qayta ishlashga yuborilsa, masʼul tarkibiy boʻlinma tomonidan kamchiliklar zudlik bilan bartaraf etilishi va tegishli maʼlumotlar “Ijro.gov.uz” tizimiga qaytadan kiritilishini nazoratga oladi.

45. Xoʻjalik birlashmalarida qonunchilik hujjatlari va topshiriqlarning ijro holati:

har hafta juma kuni — rahbarning birinchi oʻrinbosari huzurida;

har hafta dushanba kuni — rahbar huzurida;

har chorakda — xoʻjalik birlashmalari boshqaruv organi majlislarida muhokama qilinadi.

b) Xoʻjalik birlashmalarining hududiy boʻlinmalari tomonidan qonunchilik hujjatlari va topshiriqlarning ijrosini tashkil etish

46. Xoʻjalik birlashmalari markaziy apparatidan qonunchilik hujjatlari va topshiriqlar hamda ular boʻyicha nazorat rejalari kelib tushgan vaqtdan boshlab 30 daqiqa mobaynida xoʻjalik birlashmasining hududiy boʻlinmasi masʼul xodimi tomonidan roʻyxatdan oʻtkaziladi va rahbariyatga axborot beriladi.

47. Hududiy boʻlinmalar rahbariyati bir kun muddatda qonunchilik hujjatlari va topshiriqlar ijrosi boʻyicha masʼul tarkibiy boʻlinma — masʼul ijrochini belgilaydi va ijrosini taʼminlash boʻyicha topshiriq beradi.

48. Masʼul tarkibiy boʻlinma uch kun muddatda topshiriqlar ijrosi boʻyicha nazorat rejasini tayyorlaydi, rahbariyatga tasdiqlatadi va ijroga qaratadi.

49. Masʼul tarkibiy boʻlinma qonunchilik hujjatlari va topshiriqlar ijrosi boʻyicha amalga oshirilgan va rahbar (istisno hollarda — uning oʻrinbosari) tomonidan imzolangan maʼlumotni zarur tasdiqlovchi hujjatlar bilan birga xoʻjalik birlashmasining markaziy apparatiga kiritadi.

50. Nazorat va ijro intizomini taʼminlash vazifasi yuklangan tarkibiy boʻlinma qonunchilik hujjatlari va topshiriqlar masʼul ijrochi tomonidan oʻz vaqtida bajarilishi va natijasi boʻyicha maʼlumotlar zarur tasdiqlovchi hujjatlar bilan birga xoʻjalik birlashmasining markaziy apparatiga oʻz vaqtida taqdim etilishini nazoratga oladi.

51. Xoʻjalik birlashmalarining hududiy boʻlinmalarida qonunchilik hujjatlari va topshiriqlar ijro holati:

har hafta juma kuni — rahbarning birinchi oʻrinbosari huzurida;

har hafta dushanba kuni — rahbar huzurida muhokama qilinadi.

5-§. Vazirlar Mahkamasi bevosita masʼul boʻlgan qonunchilik hujjatlari va topshiriqlar ijrosini tashkil etish tartibi

52. Oʻzbekiston Respublikasi Bosh vaziri kotibiyati (keyingi oʻrinlarda — Bosh vazir kotibiyati) Hukumat bevosita masʼul etib belgilangan qonunchilik hujjatlari va topshiriqlar kelib tushgandan boshlab bir kun davomida Bosh vazir yoki uning oʻrinbosari topshirigʻini (zarurat boʻlganda nazorat rejasini) tayyorlaydi, belgilangan tartibda imzolash (tasdiqlash) uchun Bosh vazir yoki uning oʻrinbosariga kiritadi.

53. Hukumat bevosita masʼul etib belgilangan qonunchilik hujjatlari va topshiriqlar ijrosini tashkil etish boʻyicha belgilangan tartibda imzolangan (tasdiqlangan) Bosh vazir topshirigʻi (nazorat rejalari) ijrosini taʼminlash uchun — masʼul ijrochilarga hamda “Ijro.gov.uz” tizimiga kiritish uchun Adliya vazirligiga yuboriladi.

Bunda Adliya vazirligi Hukumat bevosita masʼul etib belgilangan topshiriqlar boʻyicha Bosh vazir topshirigʻi (nazorat rejasi)da masʼul etib belgilangan respublika va mahalliy ijro etuvchi hokimiyat organlari, xoʻjalik birlashmalarini ham “Ijro.gov.uz” tizimida ijrochi etib belgilaydi va ularning ijrosi nazoratini umumiy tartibda amalga oshiradi.

54. Bosh vazir kotibiyati tarkibiy boʻlinmasi, Bosh vazir oʻrinbosarlarining kotibiyatlari hamda Nazorat va ijro intizomi boʻlimi tasdiqlangan Bosh vazir topshirigʻi (nazorat rejalari) asosida masʼul ijrochilarga yuborilgan topshiriqlar ijrosini nazorat qiladi.

3-bob. Qonunchilik hujjatlari va topshiriqlar bajarilishini nazorat qilish tartibi

1-§. Adliya vazirligi tomonidan qonunchilik hujjatlari va topshiriqlar bajarilishini nazorat qilish tartibi

a) Adliya vazirligi markaziy apparati tomonidan qonunchilik hujjatlari va topshiriqlar bajarilishini nazorat qilish tartibi

55. Adliya vazirligi qonunchilik hujjatlari va topshiriqlar bajarilishini doimiy tahlil qilib boradi va nazorat qiladi.

56. Adliya vazirligi tasdiqlangan grafik asosida qonunchilik hujjatlari va topshiriqlarning oʻz vaqtida, toʻliq va sifatli bajarilishini taʼminlash yuzasidan sohalar va tarmoqlar, hududlar va idoralar kesimida manzilli va tematik tahliliy oʻrganishlarni olib boradi.

57. Ijro nazorati boshqarmasi quyidagi hollarda qonunchilik hujjatlari va topshiriqlarni nazoratga olish uchun Oʻzbekiston Respublikasi Prezidenti va Hukumati hujjatlari ijrosini nazorat qilish boshqarmasining hududiy boʻlinmalari (keyingi oʻrinlarda — Ijro nazorati boshqarmasining hududiy boʻlinmalari)ga “Ijro.gov.uz” tizimi orqali yuboradi:

a) respublika va mahalliy ijro etuvchi hokimiyat organlari hamda xoʻjalik birlashmalarining hududiy boʻlinmalari qonunchilik hujjatlari va topshiriqlarda toʻgʻridan-toʻgʻri masʼul ijrochi etib belgilanganda;

b) qonunchilik hujjatlari va topshiriqlar Vazirlar Mahkamasi tomonidan tegishliligi boʻyicha Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, tuman (shahar) hokimliklariga, respublika ijro etuvchi hokimiyat organlari hamda xoʻjalik birlashmalarining hududiy boʻlinmalariga ijro uchun yuborilganda yoki ularning ijrosi bevosita tegishli hududning oʻzida amalga oshirilishi nazarda tutilganda.

58. Masʼul ijrochilar tomonidan qonunchilik hujjatlari va topshiriqlar ijrosi boʻyicha “Ijro.gov.uz” tizimga kiritiladigan ijro natijalari quyidagi talablarga javob berishi lozim:

qonunchilik hujjatlari va topshiriqlar ijrosi boʻyicha kiritiladigan rasmiy maʼlumot birinchi rahbar (istisno hollarda — uning oʻrinbosari) tomonidan imzolangan boʻlishi;

qonunchilik hujjatlari va topshiriqlar ijrosini tasdiqlovchi hujjatlar “PDF” formatida, amaliy natijalarni aks ettirish imkoniyati mavjud boʻlgan hollarda — ularni ifoda etuvchi boshqa formatlardagi maʼlumotlar ilova qilingan boʻlishi.

59. Qonunchilik hujjatlari va topshiriqlar ijrosi boʻyicha masʼul ijrochilar tomonidan “Ijro.gov.uz” tizimga kiritilgan maʼlumotlar Ijro nazorati boshqarmasi tomonidan bir ish kunidan kechiktirmay (qoʻshimcha oʻrganish talab etilganda — besh ish kunida) tahlil qilinadi.

60. Tahlil qilish quyidagilar orqali amalga oshiriladi:

maʼlumotlar va ilova qilingan tasdiqlovchi hujjatlar toʻliqligini oʻrganish;

maʼlumotlar haqqoniyligini, zaruratga koʻra, joyiga chiqqan holda oʻrganish;

tor ixtisosliklar boʻyicha kiritilgan maʼlumotlarni (bajarilgan ishlarni) sohaga oid tashkilotlarga soʻrovlar yuborish yoki mutaxassislarni jalb qilgan holda oʻrganish;

maʼlumotlarda noaniqliklar mavjud boʻlgan taqdirda masʼul ijrochidan yozma yoki ogʻzaki tushuntirishlar olish.

61. Tahlil jarayonida qonunchilik hujjatlari va topshiriqlar ijrosi boʻyicha “Ijro.gov.uz” tizimiga kiritiladigan maʼlumotlarga quyidagi mezonlar asosida baho beriladi:

qonuniylik — qonunchilik hujjatlari va topshiriqlarda nazarda tutilgan maʼmuriy tartib-taomillar va qonunchilik hujjatlari talablariga rioya etilganligi;

dolzarblik — olib borilayotgan davlat siyosati, amalga oshirilayotgan islohotlarning mazmun-mohiyatiga mosligi;

toʻliqlik — qonunchilik hujjatlari va topshiriqda koʻzlangan maqsadga (koʻrsatkichga) erishganligi (soni, miqdori, hajmi va boshqa koʻrsatkichlar);

haqqoniylik — qonunchilik hujjatlari va topshiriqlar ijrosi boʻyicha “Ijro.gov.uz” tizimiga kiritilgan maʼlumotlarning amalda qilingan ishlar bilan oʻzaro muvofiqligi;

masʼuliyatlilik — qonunchilik hujjatlari va topshiriqlar ijrosini oʻz vaqtida va sifatli taʼminlash borasida masʼul ijrochilar tomonidan oʻz vakolati doirasida barcha zaruriy choralar koʻrilganligi.

62. Qonunchilik hujjatlari va topshiriqlar ijrosi boʻyicha kiritilgan maʼlumotlar tahlili natijasiga koʻra Ijro nazorati boshqarmasi:

topshiriq bajarilgan boʻlsa — masʼul ijrochi tomonidan “Ijro.gov.uz” tizimiga kiritilgan maʼlumotlarni kelishadi;

topshiriq bajarilmagan yoki zarur tasdiqlovchi hujjatlar taqdim qilinmagan boʻlsa — ularni qayta ishlashga masʼul ijrochiga yuboradi.

Raqamlashtirishga oid topshiriqlar quyidagi tartibda koʻrib chiqiladi:

topshiriqlarning toʻliqligi va haqqoniyligini tekshirish uchun Raqamli texnologiyalar vazirligiga “Ijro.gov.uz” tizimi orqali yuboradi;

Raqamli texnologiyalar vazirligi maʼlumotlarni toʻliqligi va haqqoniyligi yuzasidan tegishli xulosani bir kun muddatda “Ijro.gov.uz” tizimiga kiritadi;

Raqamli texnologiyalar vazirligining xulosasi ijobiy boʻlsa, masʼul ijrochi tomonidan “Ijro.gov.uz” tizimiga kiritilgan maʼlumotlarni kelishadi, aksincha boʻlsa, ularni qayta ishlash uchun masʼul ijrochiga yuboradi.

Masʼul ijrochi tomonidan kamchiliklar bartaraf qilinib, “Ijro.gov.uz” tizimiga maʼlumotlar qayta kiritilganda yuqoridagi jarayon takrorlanadi.

63. “Ijro.gov.uz” tizimiga zarur maʼlumotlarni oʻz vaqtida kiritmagan yoki notoʻgʻri maʼlumotlarni kiritgan masʼul ijrochilarga Adliya vazirligi tomonidan mazkur kamchiliklarni zudlik bilan bartaraf etish toʻgʻrisida koʻrsatmalar yuboriladi.

Adliya vazirligi koʻrsatmalarini oʻz vaqtida yoki lozim darajada bajarmagan masʼul ijrochilarga nisbatan qonunchilik hujjatlarida belgilangan tartibda javobgarlik choralari qoʻllanadi.

b) Ijro nazorati boshqarmasining hududiy boʻlimlari tomonidan qonunchilik hujjatlari va topshiriqlar bajarilishini nazorat qilish tartibi

64. Ushbu Nizomning 57-bandida belgilangan hollarda Ijro nazorati boshqarmasi tomonidan “Ijro.gov.uz” tizimiga kiritilgan nazorat topshiriqlari bir vaqtning oʻzida “Ijro.gov.uz” tizimi orqali avtomatik tarzda Ijro nazorati boshqarmasining hududiy boʻlimlariga nazorat uchun yuboriladi.

65. Ijro nazorati boshqarmasining hududiy boʻlimlari oʻz hududlariga doir qonunchilik hujjatlari va topshiriqlar ijrosini doimiy ravishda monitoring va tahlil qilib boradi.

66. Ijro nazorati boshqarmasining hududiy boʻlimlari qonunchilik hujjatlari va topshiriqlar ijrosini taʼminlashda hokimliklarga va hududiy masʼul ijrochilarga huquqiy-uslubiy jihatdan koʻmaklashadi.

67. Qonunchilik hujjatlari va topshiriqlar ijrosini qoʻshimcha oʻrganish talab qilinganda, Ijro nazorati boshqarmasi koʻrsatmasiga muvofiq bir ish kunida (qoʻshimcha oʻrganish talab qilinganda — uch ish kunida) Ijro nazorati boshqarmasining hududiy boʻlimlari qonunchilik hujjatlari va topshiriqlar ijrosi amalda bajarilganligi va unda koʻzlangan maqsadga erishilganligini joyiga chiqqan holda oʻrganadi.

Bunda oʻrganish yakunlari boʻyicha tahliliy maʼlumotnoma tayyorlanib, imzolangan holda “Ijro.gov.uz” tizimi orqali Ijro nazorati boshqarmasiga taqdim qilinadi.

68. Ijro nazorati boshqarmasining hududiy boʻlimlari Oʻzbekiston Respublikasi Prezidentining hududlarga tashrifi davomida bergan topshiriqlari ijrosini doimiy ravishda tahlil qilib boradi.

Har oy yakuni boʻyicha keyingi oyning beshinchi sanasiga qadar Oʻzbekiston Respublikasi Prezidentining hududlarga tashrif bayonlarida berilgan topshiriqlar ijrosi boʻyicha tasdiqlangan shakldagi tahliliy hujjatlar toʻplamini Ijro nazorati boshqarmasiga taqdim qilib boradi.

69. Ijro nazorati boshqarmasining hududiy boʻlimlari tegishli hudud boʻyicha bajarilmagan va muddati kechiktirib bajarilgan qonunchilik hujjatlari va topshiriqlar tahlili va hisobini yuritadi hamda natijasi boʻyicha umumlashtirilgan axborotni har oy yakuni boʻyicha keyingi oyning beshinchi sanasiga qadar Ijro nazorati boshqarmasiga taqdim qilib boradi.

2 §. Vazirlar Mahkamasi tomonidan qonunchilik hujjatlari va topshiriqlar bajarilishini nazorat qilish tartibi

70. Bosh vazir kotibiyati tarkibiy boʻlinmalari, Bosh vazir oʻrinbosarlari kotibiyatlari respublika va mahalliy ijro etuvchi hokimiyat organlari, xoʻjalik birlashmalari va Hukumat tizimidagi boshqa tashkilotlar tomonidan qonunchilik hujjatlari va topshiriqlar ijrosi oʻz vaqtida va sifatli bajarilishini muntazam tahlil qilib, nazoratini amalga oshiradi.

71. Ijro intizomini taʼminlashda kamchiliklarga yoʻl qoʻyilayotgan holatlar va muddati oʻtgan topshiriqlar boʻyicha har hafta respublika va mahalliy ijro etuvchi hokimiyat organlari, xoʻjalik birlashmalari va Hukumat tizimidagi boshqa tashkilotlar rahbar oʻrinbosarlari, masʼul departament, boshqarma, boʻlim rahbarlari hamda ijro intizomiga masʼul tarkibiy boʻlinma rahbarlari ishtirokida tanqidiy muhokama qilib boriladi.

72. Bosh vazir kotibiyatining Nazorat va ijro intizomi boʻlimi ish rejaga muvofiq qonunchilik hujjatlari va topshiriqlar ijrosining joylardagi amaliy natijasi, ijro intizomi holati, rahbarlarning shaxsiy masʼuliyati va javobgarligi masalasini joylarga chiqqan holda kompleks oʻrganadi.

Kompleks oʻrganishlar natijalari boʻyicha tayyorlangan materiallar toʻgʻrisida belgilangan tartibda axborot beriladi, zaruratga koʻra, Vazirlar Mahkamasi Rayosati majlisida muhokama qilinadi.

73. Bosh vazir kotibiyati tarkibiy boʻlinmalari, Bosh vazir oʻrinbosarlari kotibiyatlari bir kun muddatda (qoʻshimcha oʻrganish talab etilganda uch kun muddatda) respublika va mahalliy ijro etuvchi hokimiyat organlari, xoʻjalik birlashmalari va Hukumat tizimidagi boshqa tashkilotlar tomonidan qonunchilik hujjatlari va topshiriqlar ijrosi boʻyicha “Ijro.gov.uz” tizimiga kiritilgan va Adliya vazirligi tomonidan kelishilgan maʼlumotlar toʻliqligi va haqqoniyligini oʻrganib chiqadi:

topshiriq bajarilgan boʻlsa — “Ijro.gov.uz” tizimiga kiritilgan maʼlumotlarni tasdiqlaydi;

topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — ularni qayta ishlash uchun masʼul ijrochiga yuboradi.

74. Qonunchilik hujjatlari va topshiriqlar ijrosi boʻyicha Adliya vazirligi tomonidan har oy yakuni boʻyicha tayyorlanib, belgilangan tartibda kiritilgan tahliliy hujjatlar asosida ijro intizomi holati Vazirlar Mahkamasi Rayosatida respublika va mahalliy ijro etuvchi hokimiyat organlari, xoʻjalik birlashmalari va Hukumat tizimidagi boshqa tashkilotlar ishtirokida tanqidiy koʻrib chiqiladi.

75. Vazirlar Mahkamasi Rayosatida ijro intizomi masalalarini koʻrib chiqish tartibi ushbu Nizomning 4-bobida belgilangan tartibda amalga oshiriladi.

3-§. Hisob palatasi tomonidan qonunchilik hujjatlari va topshiriqlar bajarilishini nazorat qilish tartibi

76. Hisob palatasi quyidagi vazifalarni amalga oshiradi:

qonunchilik hujjatlari va topshiriqlar oʻz vaqtida, sifatli va toʻliq bajarilishini nazorat qilib boradi;

qonunchilik hujjatlari va topshiriqlari mansabdor shaxslar tomonidan ijro etilishini baholaydi;

ijro intizomini har tomonlama mustahkamlashga, davlat organlari va tashkilotlari mansabdor shaxslarining shaxsiy masʼuliyatini, Oʻzbekiston Respublikasi Prezidenti tomonidan olib borilayotgan islohotlar boʻyicha kutilayotgan natijalarga erishishga qaratilgan kompleks chora-tadbirlarni ishlab chiqadi va amalga oshiradi;

qonunchilik hujjatlari va topshiriqlarning samarali ijro etilishiga toʻsqinlik qiluvchi tizimli muammo va kamchiliklarni aniqlab, bartaraf etishga, shuningdek, davlat organlari hamda tashkilotlarida ijro intizomi buzilishining oldini olishga qaratilgan choralarni koʻradi;

qonunchilik hujjatlari va topshiriqlar doirasida ajratilgan mablagʻlar maqsadli sarflanishi va samaradorligini oʻrganish bilan birga ularning aholi uchun ijobiy natijasini tahlil qiladi;

qonunchilik hujjatlari va topshiriqlar ijrosi natijadorligini tahlil qilib, ijrosi taʼminlanmagan masalalar va ular boʻyicha masʼullarga tegishli choralar koʻrish yuzasidan takliflarni ishlab chiqadi;

tashabbuskorlarga qonunchilik hujjatlari va topshiriqlar loyihalarini ishlab chiqishda eʼtibor qaratilishi lozim boʻlgan masalalar yuzasidan takliflar kiritib boradi;

qonunchilik hujjatlari va topshiriqlar ijro etilishi yuzasidan davlat organlari va tashkilotlarining faoliyatini muvofiqlashtirib boradi.

77. Hisob palatasi qonunchilik hujjatlari va topshiriqlar ijrosi boʻyicha masʼul ijrochilar tomonidan “Ijro.gov.uz” tizimiga kiritilgan, Adliya vazirligi bilan kelishilgan va Vazirlar Mahkamasi tomonidan tasdiqlangan maʼlumotlarning toʻliqligi va haqqoniyligini bir ish kunida (qoʻshimcha oʻrganish talab etilganda — uch ish kunida) oʻrganadi.

Oʻrganish natijalariga koʻra:

topshiriq bajarilgan boʻlsa — topshiriqni nazoratdan yechadi;

topshiriq bajarilmagan boʻlsa yoki zarur tasdiqlovchi hujjatlar taqdim qilinmagan boʻlsa — masʼul ijrochilarga qayta ishlashga yuboradi.

78. Hisob palatasi grafik asosida qonunchilik hujjatlari va topshiriqlarning oʻz vaqtida, toʻliq va sifatli bajarilishini taʼminlash yuzasidan sohalar va tarmoqlar, hududlar va idoralar kesimida manzilli va tematik tahliliy oʻrganishlarni olib borishda ishtirok etadi.

79. Hisob palatasi har chorak yakunlari boʻyicha qonunchilik hujjatlari va topshiriqlar ijro holati yuzasidan Oʻzbekiston Respublikasi Prezidenti Administratsiyasiga axborot kiritib boradi.

4-§. Hududlarda qonunchilik hujjatlari va topshiriqlar ijro holatini doimiy oʻrganib borish boʻyicha ishchi guruhlar tomonidan qonunchilik hujjatlari va topshiriqlar bajarilishini nazorat qilish tartibi

80. Hisob palatasi, Adliya vazirligi hamda boshqa vazirlik va idoralar vakillaridan iborat Qoraqalpogʻiston Respublikasi, viloyatlar va Toshkent shahri kesimida hududlarda qonunchilik hujjatlari va topshiriqlar ijro holatini doimiy oʻrganib borish boʻyicha ishchi guruhlar (keyingi oʻrinlarda — ishchi guruhlar) faoliyat koʻrsatadi.

81. Ishchi guruhlarning asosiy vazifalari quyidagilardan iborat:

qonunchilik hujjatlari va topshiriqlar ijrosini samarali tashkil etishda tegishli davlat organlari va tashkilotlariga amaliy koʻmaklashish, shuningdek, ularning oʻz vaqtida, toʻliq va sifatli bajarilishi holatini joyiga chiqqan holda oʻrganish;

qonunchilik hujjatlari va topshiriqlarning amalda bajarilishiga toʻsqinlik qilayotgan omillarni aniqlash, tahlil qilish hamda yuzaga kelgan tizimli muammo va kamchiliklarni bartaraf etish choralarini koʻrish;

har chorak yakuni boʻyicha oʻrganishlar natijasida ijroda aniqlangan kamchiliklar boʻyicha tegishli davlat organlari va tashkilotlari rahbarlari ishtirokida muhokama qilish va ularni bartaraf etish boʻyicha takliflarni ishlab chiqish.

82. Ishchi guruh tomonidan har chorak yakuni boʻyicha keyingi oyning 15-sanasigacha hududlardagi ijro intizomi holati va kamchiliklarni bartaraf etish, masʼullarga choralar koʻrish boʻyicha takliflar Hisob palatasi tomonidan Oʻzbekiston Respublikasi Prezidenti Administratsiyasiga kiritib boriladi.

83. Adliya vazirligi ishchi guruhlarning ishchi organi hisoblanadi.

Vazirlar Mahkamasi ishchi guruhlar faoliyatiga hududlarda ijro intizomini tashkil etishda yaqindan koʻmaklashib boradi.

4-bob. Qonunchilik hujjatlari va topshiriqlar ijrosi boʻyicha tahliliy hujjatlarni tayyorlash, kiritish va Vazirlar Mahkamasida koʻrib chiqish tartibi

1 §. Davlat organlari va tashkilotlari, mahalliy ijro etuvchi hokimiyat organlari va xoʻjalik birlashmalari tomonidan qonunchilik hujjatlari va topshiriqlarning ijro holati boʻyicha maʼlumotni Adliya vazirligiga kiritish tartibi

84. Davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari qonunchilik hujjatlari va topshiriqlar ijrosini belgilangan muddatlarda taʼminlaydi hamda ijro natijalari boʻyicha “Ijro.gov.uz” tizimiga maʼlumotlarni ularning ijrosini tasdiqlovchi hujjatlar bilan birga kiritadi.

85. Davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari har oy yakuni boʻyicha keyingi oyning birinchi sanasiga qadar “Ijro.gov.uz” tizimidagi oʻzlari masʼul boʻlgan va bajarilmagan qonunchilik hujjatlari va topshiriqlarni tahlil qiladi va ularning ijro holati boʻyicha birinchi rahbar (istisno hollarda — uning birinchi oʻrinbosari) tomonidan imzolangan maʼlumotni Adliya vazirligiga taqdim etadi.

2 §. Adliya vazirligi tomonidan qonunchilik hujjatlari va topshiriqlar ijrosi boʻyicha tahliliy hujjatlarni tayyorlash va Vazirlar Mahkamasiga kiritish tartibi

86. Adliya vazirligi tomonidan qonunchilik hujjatlari va topshiriqlar ijrosi boʻyicha tahliliy hujjatlarni tayyorlash, kiritish va Vazirlar Mahkamasida koʻrib chiqish ushbu Nizomga 1-ilovadagi sxemaga muvofiq amalga oshiriladi.

87. Adliya vazirligi har oy yakuni boʻyicha keyingi oyning beshinchi sanasiga qadar muddati kelgan qonunchilik hujjatlari va topshiriqlar ijro holatini hamda davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari tomonidan bajarilmagan topshiriqlar boʻyicha taqdim etilgan maʼlumotlarni tanqidiy tahlil qiladi, shuningdek, ushbu Nizomga 2-ilovadagi namunaviy shaklga muvofiq umumlashtirilgan maʼlumotnomani tahliliy materiallar bilan birgalikda tayyorlaydi.

88. Respublika va mahalliy ijro etuvchi hokimiyat organlari, xoʻjalik birlashmalari va Hukumat tizimidagi boshqa tashkilotlar boʻyicha tayyorlangan hujjatlar toʻplami adliya vaziri (istisno hollarda tegishli vazir oʻrinbosari) tomonidan imzolangan holda Vazirlar Mahkamasiga kiritiladi.

3 §. Qonunchilik hujjatlari va topshiriqlar ijrosi boʻyicha kiritilgan tahliliy materiallarni Vazirlar Mahkamasida koʻrib chiqish tartibi

89. Adliya vazirligi tomonidan qonunchilik hujjatlari va topshiriqlar ijrosi boʻyicha kiritilgan tahliliy materiallar asosida Axborot-tahlil va yuridik taʼminlash departamenti hamda Nazorat va ijro intizomi boʻlimi tomonidan har oyning oʻn ikkinchi sanasiga qadar Vazirlar Mahkamasi Rayosati majlisi hujjatlari toʻplami tayyorlanadi hamda qonunchilik hujjatlari va topshiriqlar ijrosi boʻyicha hisobot tashkil etiladi.

90. Ijro intizomini taʼminlash hamda qonunchilik hujjatlari va topshiriqlar ijrosini tahlil qilish masalalari belgilangan tartibda Vazirlar Mahkamasi Rayosati majlisi kun tartibiga kiritiladi.

91. Vazirlar Mahkamasi Rayosati majlisida:

hisobot davrida qonunchilik hujjatlari va topshiriqlar ijro holati boʻyicha adliya vazirining hamda ijro intizomini taʼminlashda kamchiliklarga yoʻl qoʻygan respublika va mahalliy ijro etuvchi hokimiyat organlari, xoʻjalik birlashmalari va Hukumat tizimidagi boshqa tashkilotlar rahbarlarining (ularning oʻrinbosarlari) hisoboti eshitiladi;

Oʻzbekiston Respublikasi Prezidenti topshiriqlarini bajarishda jiddiy kamchiliklarga yoʻl qoʻygan, qonunchilik hujjatlari va topshiriqlar ijrosini toʻgʻri va oʻz vaqtida tashkil etishda zarur choralar koʻrmagan rahbar va ularning oʻrinbosarlariga nisbatan intizomiy jazo choralarini qoʻllash masalalari koʻrib chiqiladi;

qonunchilik hujjatlari va topshiriqlar ijro muddatlarini uzaytirish boʻyicha takliflar asosliligi muhokama qilinadi;

qonunchilik hujjatlari va topshiriqlar ijrosini oʻz vaqtida va sifatli taʼminlash, ijro intizomini mustahkamlash, rahbarlarning shaxsiy masʼuliyati va javobgarligini kuchaytirish masalalari koʻrib chiqiladi.

92. Vazirlar Mahkamasining Bosh vazirga axborot berilib, imzolangan Rayosati majlisi bayoni va tahliliy hujjatlar toʻplami belgilangan tartibda Oʻzbekiston Respublikasi Prezidenti Administratsiyasi va Hisob palatasiga yuboriladi.

93. Vazirlar Mahkamasi Rayosati majlisiga tayyorgarlik koʻrish va oʻtkazish Vazirlar Mahkamasi Reglamentida belgilangan tartibda amalga oshiriladi.

5-bob. Qonunchilik hujjatlari va topshiriqlarning ijro muddatlarini uzaytirish tartibi

94. Qonunchilik hujjatlari va topshiriqlarning ijro muddatini uzaytirish (asos mavjud boʻlganda) quyidagi tartibda amalga oshiriladi:

Oʻzbekiston Respublikasi Prezidenti Administratsiyasi asosiy ijrochi boʻlganda — Prezident Administratsiyasi masʼul tarkibiy boʻlinmasi tomonidan;

Hukumat asosiy ijrochi boʻlganda — Hisob palatasi tomonidan;

qolgan barcha holatlarda — bevosita Adliya vazirligi tomonidan amalga oshiriladi.

95. “Ijro.gov.uz” tizimida qonunchilik hujjatlari va topshiriqlarning ijro muddatlarini uzaytirish ushbu Nizomga 3-ilovadagi sxemaga muvofiq amalga oshiriladi.

96. Qonunchilik hujjatlari va topshiriqlarni belgilangan muddatlarda bajarish imkoniyati mavjud boʻlmagan hollarda masʼul ijrochilar tomonidan ularning ijro muddatini uzaytirish boʻyicha takliflar quyidagi namunaviy shakllardagi hujjatlar ilova qilgan holda Adliya vazirligiga kiritiladi:

rasmiy aloqa xati (4-ilova);

asoslantiruvchi jadval (4a-ilova);

tarmoq jadvali (4b-ilova);

rahbar (istisno hollarda — uning birinchi oʻrinbosari) tomonidan imzolangan tushuntirish xati.

97. Adliya vazirligi qonunchilik hujjatlari va topshiriqlarning ijro muddatlarini uzaytirish boʻyicha takliflarni tahlil qiladi hamda natijasi boʻyicha xulosa tayyorlaydi.

Adliya vazirligi tomonidan qonunchilik hujjatlari va topshiriqlarning ijro muddatlarini uzaytirish boʻyicha takliflar yuzasidan tayyorlangan xulosalar har oy yakuni boʻyicha keyingi oyning beshinchi sanasiga qadar koʻrib chiqish uchun:

Vazirlar Mahkamasiga (davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari takliflari boʻyicha);

Hisob palatasiga (Prezident huzuridagi tashkilotlar, sud organlari, Bosh prokuratura va Hukumat tizimiga kirmaydigan boshqa markaziy idoralar boʻyicha) kiritiladi.

98. Vazirlar Mahkamasida qonunchilik hujjatlari va topshiriqlarning ijro muddatlarini uzaytirish boʻyicha Adliya vazirligi tomonidan koʻrib chiqilib xulosa berilgan takliflar Vazirlar Mahkamasi Rayosati majlisida ushbu Nizomning 4-bobida belgilangan tartibda koʻrib chiqiladi va Hisob palatasiga takliflar kiritiladi.

99. Hisob palatasi qonunchilik hujjatlari va topshiriqlarning ijro muddatlarini uzaytirish boʻyicha Adliya vazirligi va Vazirlar Mahkamasi tomonidan maʼqullangan takliflarni tahlil qiladi hamda asos mavjud boʻlgan taqdirda oʻn kun muddatda Oʻzbekiston Respublikasi Prezidenti Administratsiyasiga xulosa kiritadi.

100. Oʻzbekiston Respublikasi Prezidenti Administratsiyasining masʼul tarkibiy boʻlinmasi qonunchilik hujjatlari va topshiriqlarning ijro muddatini uzaytirish boʻyicha takliflarni va Hisob palatasining xulosasini tahlil qiladi hamda asosli deb topgan taqdirda Oʻzbekiston Respublikasi Prezidenti Administratsiyasi rahbariga taklif kiritadi.

101. Oʻzbekiston Respublikasi Prezidenti Administratsiyasi rahbari “Ijro.gov.uz” tizimidagi qonunchilik hujjatlari va topshiriqlarning ijro muddatini uzaytirish haqidagi takliflar boʻyicha Oʻzbekiston Respublikasi Prezidentiga axborot berib, tegishli choralarni belgilaydi.

6-bob. Qonunchilik hujjatlari va topshiriqlar ijrosi boʻyicha sohalar, hududlar va idoralar kesimida manzilli va tematik tahliliy oʻrganishlar olib borish

102. Adliya vazirligi va Hisob palatasi qonunchilik hujjatlari va topshiriqlarning oʻz vaqtida, toʻliq va sifatli amalga oshirilishini taʼminlash yuzasidan sohalar, hududlar va idoralar kesimida manzilli va tematik tahliliy oʻrganishlarni (keyingi oʻrinlarda — manzilli va tematik oʻrganishlar) olib boradi hamda ularning joylardagi ijro holati monitoringini amalga oshiradi.

103. Qonunchilik hujjatlari va topshiriqlar ijrosi boʻyicha yillik manzilli va tematik oʻrganishlar dasturi Adliya vazirligi tomonidan har yili yanvar oyida Hisob palatasi hamda davlat organlari va tashkilotlari hamda mahalliy ijro etuvchi hokimiyat organlari takliflari asosida ishlab chiqiladi va Oʻzbekiston Respublikasi Prezidenti Administratsiyasi tomonidan tasdiqlanadi.

104. Tasdiqlangan manzilli va tematik oʻrganishlar dasturidagi reja-grafikka muvofiq Adliya vazirligi va Hisob palatasi qonunchilik hujjatlari va topshiriqlarning oʻz vaqtida, toʻliq va sifatli amalga oshirilishini taʼminlash yuzasidan sohalar, hududlar va idoralar kesimida oʻrganishlar oʻtkazadi.

Manzilli va tematik oʻrganishda boshqa manfaatdor tashkilotlar jalb qilinishi, masʼul xodimlari ishtirok etishi mumkin.

105. Qonunchilik hujjatlari va topshiriqlar ijro holati yuzasidan oʻtkazilgan manzilli va tematik oʻrganishlar natijasi boʻyicha tayyorlangan tahliliy maʼlumotlar Oʻzbekiston Respublikasi Prezidenti Administratsiyasiga kiritiladi.

106. Oʻzbekiston Respublikasi Prezidenti Administratsiyasi masʼul tarkibiy boʻlinmasi manzilli va tematik oʻrganishlar natijasi boʻyicha kiritilgan maʼlumotlarni oʻrganib chiqib, kamchiliklarga yoʻl qoʻygan rahbarlar yuzasidan belgilangan tartibda takliflar kiritadi.

7-bob. “Ijro.gov.uz” tizimidan foydalanishni texnik jihatdan tashkil qilish va foydalanuvchilar toʻgʻrisidagi maʼlumotlarni boshqarish tartibi

107. “Ijro.gov.uz” tizimidan foydalanishni texnik jihatdan tashkil qilishda Raqamli texnologiyalar vazirligi hamda operator tomonidan maʼlumotlarni boshqarishni tashkil etish tartibi ushbu nizomga 5-ilovadagi sxemaga muvofiq amalga oshiriladi.

108. “Ijro.gov.uz” tizimi orqali nazorat va hisobdorlikni tashkil etishda Raqamli texnologiyalar vazirligi:

“Ijro.gov.uz” tizimining sifatli va uzluksiz faoliyat koʻrsatishini taʼminlaydi va doimiy ravishda texnik qoʻllab-quvvatlash choralarni koʻradi;

davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalariga ushbu tizimdan foydalanish jarayonida texnik yordam koʻrsatilishini tashkil etadi;

“Ijro.gov.uz” tizimining axborot xavfsizligini taʼminlash choralarini koʻradi;

davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari tomonidan “Ijro.gov.uz” tizimidan foydalanish jarayonida kelib tushgan takliflarni hisobga olgan holda, shuningdek, Hisob palatasi, Vazirlar Mahkamasi va Adliya vazirligining takliflariga asosan tizimni takomillashtiradi va modernizatsiya qiladi.

109. “Ijro.gov.uz” tizimining ishlashini texnik qoʻllab-quvvatlashni taʼminlash maqsadida operator quyidagilarni amalga oshiradi:

“Ijro.gov.uz” tizimi foydalanuvchilarini roʻyxatga olish, ulash, elektron raqamli imzo kalitlari bilan taʼminlash va oʻqitish;

Hisob palatasi, Vazirlar Mahkamasi va Adliya vazirligining takliflariga asosan “Ijro.gov.uz” tizimini modernizatsiyalash va “Ijro.gov.uz” tizimining yangi versiyalarini ishga tushirish;

“Ijro.gov.uz” tizimining foydalanuvchilariga “Call-markaz” orqali “Ijro.gov.uz” tizimini ekspluatatsiya qilish boʻyicha, shu jumladan, “Ijro.gov.uz” tizimida foydalanuvchilar xato yoki notoʻgʻri ishlashining oldini olish boʻyicha maslahatlar berish;

“Ijro.gov.uz” tizimining funksional va foydalanish xarakteristikalarini yaxshilash maqsadida tizimning ishlashini tahlil qilish.

110. “Ijro.gov.uz” tizimiga yangi foydalanuvchilarni ulash uchun operatorning pochta manziliga belgilangan shakldagi toʻldirilgan arizalar yuboriladi. Arizaning namunaviy shakli “Ijro.gov.uz” tizimiga biriktiriladi.

111. Operator arizani olgan kundan boshlab uch ish kuni ichida “Ijro.gov.uz” tizimining foydalanuvchisi bilan shartnoma tuzadi.

112. “Ijro.gov.uz” tizimiga ulanish toʻgʻrisidagi shartnoma tuzilgandan va operatorning bankdagi hisobvaragʻiga toʻlov kelib tushgandan soʻng operator uch ish kuni davomida:

himoyalangan apparat qurilmalarida ulanayotgan foydalanuvchining elektron raqamli imzosining yopiq kalitini va ochiq kaliti sertifikatini generatsiyalashni;

“Ijro.gov.uz” tizimining yangi foydalanuvchisiga yoki uning ishonchli vakiliga elektron raqamli imzoning yopiq kaliti va ochiq kaliti sertifikati boʻlgan himoyalangan apparat qurilmasi berilishini taʼminlashi shart.

113. “Ijro.gov.uz” tizimining ishtirokchisi toʻgʻrisidagi maʼlumotlarni boshqarish operator tomonidan taʼminlanadi.

114. “Ijro.gov.uz” tizimi foydalanuvchilari toʻgʻrisidagi maʼlumotlarni boshqarish (maʼlumotlarni kiritish, oʻzgartirish, yangilash, oʻchirish) masʼul ijrochi kadrlar boʻlinmasi tomonidan ushbu tashkilotning ijro intizomi uchun masʼul boʻlgan tarkibiy tuzilmasini xabardor qilgan holda amalga oshiriladi.

115. “Ijro.gov.uz” tizimining foydalanuvchisi toʻgʻrisida maʼlumotlar kiritilgandan keyin unga elektron raqamli imzoning yozilgan yopiq kaliti va ochiq kalitining sertifikatiga ega himoyalangan apparat qurilmasi beriladi.

116. “Ijro.gov.uz” tizimiga kirish uchun tizim foydalanuvchisi tomonidan himoyalangan apparat qurilmasidan foydalaniladi.

117. Xodim (“Ijro.gov.uz” tizimining foydalanuvchisi) bilan mehnat shartnomasi bekor qilinganda himoyalangan apparat qurilmasi kadrlar boʻlinmasiga topshirilishi kerak.

118. Operatorning “Ijro.gov.uz” tizimining axborot xavfsizligini va uzluksiz ishlashini taʼminlash bilan bogʻliq faoliyati Raqamli texnologiyalar vazirligi tomonidan muvofiqlashtiriladi.

8-bob. Yakunlovchi qoidalar

119. Masʼul ijrochilarning rahbarlari qonunchilik hujjatlari va topshiriqlar ijrosini taʼminlashda yuzaga kelgan muammolarni hal qilishga, shuningdek, oldindan qoʻyilgan maqsadlarga erishishni soʻzsiz taʼminlashga qaratilgan vazifalarni bajarish natijalari oʻz vaqtida va sifatli taqdim etilishi uchun shaxsan javobgar hisoblanadilar.

120. “Ijro.gov.uz” tizimi foydalanuvchilari qonunchilik hujjatlari va topshiriqlardan kelib chiqadigan vazifalarning bajarilishi toʻgʻrisidagi axborot oʻz vaqtida, toʻliq va sifatli taqdim etilishi, shuningdek, “Ijro.gov.uz” tizimida ishlaganda axborot xavfsizligini taʼminlash uchun javobgar hisoblanadilar.

121. Operator “Ijro.gov.uz” tizimining uzluksiz ishlashi va axborot xavfsizligi uchun javobgar hisoblanadi.

122. Ushbu nizom talablarini buzganlikda aybdor boʻlgan shaxslar belgilangan tartibda javobgar boʻladilar.

Qonunchilik hujjatlari va topshiriqlar ijrosi boʻyicha tahliliy hujjatlarni tayyorlash, kiritish va Vazirlar Mahkamasida koʻrib chiqish

SXEMASI

Bosqichlar	Masʼullar	Tadbirlar	Muddatlar

1-bosqich	Davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari	“Ijro.gov.uz” tizimidagi oʻzlari masʼul boʻlgan va bajarilmagan qonunchilik hujjatlari va topshiriqlarni tahlil qiladi va ularning ijro holati boʻyicha belgilangan shakldagi maʼlumotni Adliya vazirligiga taqdim etadi.	Har oyning 1-sanasida

2-bosqich	Adliya vazirligi	1. Muddati kelgan qonunchilik hujjatlari va topshiriqlar ijro holatini hamda davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari tomonidan bajarilmagan topshiriqlar boʻyicha taqdim etilgan maʼlumotlarni tanqidiy tahlil qiladi hamda belgilangan shaklga muvofiq umumlashtirilgan maʼlumotnoma va boshqa tahliliy hujjatlarni tayyorlaydi. 2. Davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari boʻyicha tayyorlangan hujjatlar toʻplamini Vazirlar Mahkamasiga koʻrib chiqish uchun kiritadi.	Har oyning 5-sanasiga qadar

3-bosqich	Vazirlar Mahkamasi ( Nazorat va ijro intizomi boʻlimi)	Adliya vazirligi tomonidan kiritilgan tahliliy materiallar asosida ijro intizomini Vazirlar Mahkamasi Rayosati majlisi uchun hujjatlari toʻplamini tayyorlaydi va Rahbariyatda himoyasini tashkil etadi.	Har oyning 12-sanasiga qadar

4-bosqich	Vazirlar Mahkamasi Rayosati	Davlat organlari va tashkilotlari, mahalliy ijro hokimiyat organlari, xoʻjalik birlashmalari rahbarlari ishtirokida ijro intizomini taʼminlash hamda qonunchilik hujjatlari va topshiriqlar ijrosini tahlil qilish masalalari muhokama qilinadi. Bunda: hisobot davrida qonunchilik hujjatlari va topshiriqlar ijro holati boʻyicha adliya vaziri hamda ijro intizomini taʼminlashda kamchiliklarga yoʻl qoʻygan davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari rahbarlarining (ularning oʻrinbosarlarining) hisoboti eshitiladi; Oʻzbekiston Respublikasi Prezidenti topshiriqlarini bajarishda jiddiy kamchiliklarga yoʻl qoʻygan, topshiriqlar ijrosini toʻgʻri va oʻz vaqtida tashkil etishda zarur choralar koʻrmagan rahbar va ularning oʻrinbosarlariga nisbatan intizomiy jazo choralarini qoʻllash masalalari koʻrib chiqiladi; qonunchilik hujjatlari va topshiriqlarning ijro muddatlarini uzaytirish hamda nazoratdan olish boʻyicha takliflar asosliligi muhokama qilinadi; qonunchilik hujjatlari va topshiriqlar ijrosini oʻz vaqtida va sifatli taʼminlash, ijro intizomini mustahkamlash, rahbarlarning shaxsiy masʼuliyati va javobgarligini kuchaytirish masalalari koʻrib chiqiladi.	Belgilangan muddatda

5-bosqich	Vazirlar Mahkamasi (Nazorat va ijro intizomi boʻlimi)	Vazirlar Mahkamasining Bosh vazirga axborot berilib, imzolangan Rayosati majlisi bayoni va tahliliy hujjatlar toʻplami Oʻzbekiston Respublikasi Prezidenti Administratsiyasi va Hisob palatasiga yuboriladi.	Belgilangan muddatda

6-bosqich	Vazirlar Mahkamasi (Nazorat va ijro intizomi boʻlimi)	Vazirlar Mahkamasi Rayosati majlisi bayonida belgilangan vazifa va topshiriqlarning bajarilishini nazorat qiladi.	Belgilangan muddatda

“Ijro.gov.uz” ijro tizimida qonunlar, Oʻzbekiston Respublikasi Prezidentining farmon, qaror, farmoyish va topshiriqlari ijrosi toʻgʻrisida Adliya vazirligi tomonidan Vazirlar Mahkamasiga kiritiladigan umumlashtirilgan

MAʼLUMOTNOMANING NAMUNAVIY SHAKLI

I. KIRISH QISMI

a) qonunchilik hujjatlari va topshiriqlarni roʻyxatga olish, masʼul ijrochilarga yetkazishi va ularning bajarilishini tashkil qilish boʻyicha amalga oshirilgan ishlar tahlili;

b) qonunchilik hujjatlari va topshiriqlarni bajarishda, “Ijro.gov.uz” tizimida ishlashda masʼul ijrochilarga huquqiy-uslubiy koʻmaklashish boʻyicha amalga oshirilgan ishlar tahlili.

II. BAYON QISMI

v) qonunchilik hujjatlari va topshiriqlar bajarilishi holati monitoringi va tahlili natijalari;

g) bajarilmagan topshiriqlar tahlili va ularning ijro holati toʻgʻrisida maʼlumot (jadval ilova qilinadi);

d) kamchiliklarni bartaraf etish boʻyicha Adliya vazirligi koʻrsatmalari bajarilish holati tahlili;

j) qonunchilik hujjatlari va topshiriqlarning amalda bajarilishiga toʻsqinlik qilayotgan tizimli muammo va kamchiliklar tahlili (aniq misollarda ochib berilishi kerak);

z) qonunchilik hujjatlari va topshiriqlar ijrosini tashkil etish ishlarining real holatini tanqidiy oʻrganish tahlili (markaziy apparatda, davlat boshqaruvi organlarining oʻrta va quyi boʻgʻinlarida, viloyat, tuman (shahar) hokimliklarida).

III. TAKLIF ETILADIGAN CHORALAR

i) qonunchilik hujjatlari va topshiriqlar ijro etilishini tashkil etish borasidagi faoliyat samaradorligini oshirish, shuningdek, rahbarlarning ijro intizomini taʼminlashdagi masʼuliyatini kuchaytirish boʻyicha aniq takliflar;

k) jiddiy kamchiliklarga yoʻl qoʻygan, ijro intizomini susaytirib yuborgan rahbarlarga (ularning oʻrinbosarlariga) nisbatan jazo choralarini koʻrish boʻyicha asoslantirilgan takliflar.

“Ijro.gov.uz” tizimida qonunchilik hujjatlari va topshiriqlarning ijro muddatini uzaytirish

SXEMASI

Bosqichlar	Subyektlar	Tadbirlar	Muddatlar

1-bosqich	Davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari	Qonunchilik hujjatlari va topshiriqlarni belgilangan muddatlarda bajarish imkoniyati mavjud emasligi yoki oʻz dolzarbligini yoʻqotganligini asoslovchi hujjatlar bilan Adliya vazirligiga topshiriqlarning ijro muddatini uzaytirish yoki ularni nazoratdan olish boʻyicha takliflar kiritish.	Zaruratga koʻra

2-bosqich	Adliya vazirligi	Ijro muddatini uzaytirish, nazoratdan olish haqidagi belgilangan shaklda taqdim etilgan takliflarni tahlil qilish, asosli deb topilgan taqdirda, tegishlicha Vazirlar Mahkamasiga (Hukumat tizimidagi tashkilotlar boʻyicha) yoki Hisob palatasiga (Hukumat tizimiga kirmaydigan tashkilotlar boʻyicha) taklif kiritish.	Har oyning 5-sanasiga qadar

3-bosqich	Vazirlar Mahkamasi Rayosati	Qonunchilik hujjatlari va topshiriqning ijro muddatini uzaytirish, nazoratdan olish haqidagi Adliya vazirligi tomonidan kiritilgan takliflarni koʻrib chiqish va Hisob palatasiga kiritish.	Belgilangan muddatlarda

4-bosqich	Hisob palatasi	Ijro muddatini uzaytirish, nazoratdan olish haqidagi Adliya vazirligi va Vazirlar Mahkamasi tomonidan koʻrib chiqilib maʼqullangan takliflarni tahlil qilish, asosli deb topilgan taqdirda, ular boʻyicha Oʻzbekiston Respublikasi Prezidenti Administratsiyasiga xulosa kiritish.	10 kun muddatda

5-bosqich	Oʻzbekiston Respublikasi Prezidenti Administratsiyasi	1. Ijro muddatini uzaytirish, nazoratdan olish haqidagi Adliya vazirligi, Hukumat va Hisob palatasi tomonidan maʼqullangan takliflarni tahlil qilish hamda asosli deb topilgan taqdirda, belgilangan tartibda Oʻzbekiston Respublikasi Prezidentiga axborot berish uchun kiritish.	Belgilangan muddatlarda
5-bosqich	Oʻzbekiston Respublikasi Prezidenti Administratsiyasi	2. Oʻzbekiston Respublikasi Prezidentiga axborot berilgan va belgilangan tartibda rozilik olingan takliflarni Adliya vazirligiga yuborish.	Axborot berilgan kun

Davlat organlari va tashkilotlari, mahalliy ijro etuvchi hokimiyat organlari, xoʻjalik birlashmalari tomonidan “Ijro.gov.uz” tizimi orqali qonunchilik hujjatlari va topshiriqlar ijro muddatini uzaytirish boʻyicha kiritiladigan xatning

NAMUNAVIY SHAKLI


Oʻzbekiston Respublikasi
Adliya vazirligi

Oʻzbekiston Respublikasi Prezidentining 2021-yil 31-maydagi PQ-5132-son qarori bilan tasdiqlangan “Ijro.gov.uz” ijro intizomi idoralararo yagona elektron tizimi orqali qonunlar, Oʻzbekiston Respublikasi Prezidentining farmon, qaror, farmoyish va topshiriqlari ijrosini tashkil etish tartibi toʻgʻrisidagi nizom talablariga muvofiq ____________________________ (hujjat rekvizitlari hamda bandi koʻrsatiladi) ijro muddatini uzaytirishda amaliy yordam berishingizni soʻraymiz.
Ijro muddatini uzaytirish taklif etilayotgan topshiriq boʻyicha asoslantiruvchi jadval (tasdiqlovchi hujjatlar bilan birga), topshiriq ijrosini taʼminlash yuzasidan tarmoq jadvali hamda tushuntirish xati (agar topshiriq ijro muddati oʻtgan boʻlsa) ilova qilinadi.

Davlat organlari va tashkilotlari, mahalliy ijro etuvchi hokimiyat organlari hamda xoʻjalik birlashmalari rahbari
	/imzo/	F.I.O

Qonunchilik hujjatlari va topshiriqlarning ijro muddatini uzaytirish boʻyicha Adliya vazirligiga kiritiladigan asoslantiruvchi jadvalning

NAMUNAVIY SHAKLI

T/r	Hujjat turi va sanasi	Topshiriq mazmuni	Bajarish muddati		Taklif kiritgan masʼul ijrochi va topshiriqning ijro holati		Uzaytirish taklif etilgan ijro muddati
Davlat organlari va tashkilotlari, mahalliy ijro etuvchi hokimiyat organlari hamda xoʻjalik birlashmalari nomi
1.					1. Qaror ijrosi yuzasidan tasdiqlangan nazorat rejasi: ... 2. Masʼul ijrochi: ... 3. Topshiriq ijrosi yuzasidan amalga oshirilgan ishlar: ... 4. Topshiriqning ijro muddatini uzaytirishni asoslantirish: ...
...

Davlat organlari va tashkilotlari, mahalliy ijro etuvchi hokimiyat organlari hamda xoʻjalik birlashmalari rahbari
				/imzo/		F.I.O.

Qonunchilik hujjatlari va topshiriqlarning ijro muddatini uzaytirish boʻyicha Adliya vazirligiga kiritiladigan tarmoq jadvalining

NAMUNAVIY SHAKLI

T/r	Topshiriq mazmuni	Uzaytirish taklif etilgan ijro muddati	Topshiriq ijro muddati uzaytirilishi munosabati bilan topshiriq ijrosini taʼminlashga qaratilgan tadbirlar ketma-ketligi		Tadbirlar ijro muddati		Topshiriq ijrosi uchun masʼul mutasaddi rahbar va tegishli boshqarma (F.I.O.)
Davlat organlari va tashkilotlari, mahalliy ijro etuvchi hokimiyat organlari hamda xoʻjalik birlashmalari nomi
Hujjat rekvizitlari
1.
2.
...

Davlat organlari va tashkilotlari, mahalliy ijro etuvchi hokimiyat organlari hamda xoʻjalik birlashmalari rahbari
				/imzo/		F.I.O.

“Ijro.gov.uz” tizimidan foydalanishni texnik jihatdan tashkil qilishda Raqamli texnologiyalar vazirligi hamda operator tomonidan maʼlumotlarni boshqarishni tashkil etish tartibi

SXEMASI

Tizimdan foydalanuvchilar	Raqamli texnologiyalar vazirligi hamda operator tomonidan amalga oshiriladigan tadbirlar
Oʻzbekiston Respublikasi Prezidenti Administratsiyasi	1. Tizimdan foydalanuvchilarni roʻyxatdan oʻtkazish va elektron raqamli imzo kalitlari bilan taʼminlash. 2. Umumiy boʻlim tomonidan qonunchilik hujjatlari va topshiriqlarni elektron tarzda roʻyxatdan oʻtkazish, tizimdan foydalanuvchilarga yetkazish modulini joriy qilish va uzluksiz ishlashini taʼminlash. 3. Oʻzbekiston Respublikasi Prezidenti Administratsiyasi uchun nazoratchi profilini yaratish va topshiriqlarning tegishliligi boʻyicha Hisob palatasidan kelgan javoblarni nazoratdan yechish yoki qayta ishlashga yuborish funksionalini joriy etish. 4. Tizimdan foydalanuvchilarning yuzaga keladigan muammolari “Call-markazi” orqali bartaraf etilishini taʼminlash. 5. Tizimning doimiy ravishda ishlashini va axborot xavfsizligini taʼminlash, 24 soat davomida texnik qoʻllab-quvvatlash.
Hisob palatasi	1. Tizimdan foydalanuvchilarni roʻyxatdan oʻtkazish va elektron raqamli imzo kalitlari bilan taʼminlash. 2. Qonunchilik hujjatlari va topshiriqlarni tizimlashtirish, elektron tarzda roʻyxatdan oʻtkazish va Hisob palatasi tomonidan topshiriqlar ijrosini nazorat qilish modulini joriy etish va uning takliflari asosida modulni takomillashtirish, oʻzgartirish va unga qoʻshimchalar kiritish. 3. Hisob palatasining nazoratchi profili uchun qonunchilik hujjatlari va topshiriqlarning tegishliligi boʻyicha yuqori turuvchi tashkilotlarga ijro uchun yoʻnaltiruvchi, ijrochilarning iyerarxiyasi hamda hujjatning ijrosi bilan bogʻliq jarayonlarni kuzatish funksionallarini yaratish. 4. Hisob palatasi uchun nazoratchi profilini yaratish va topshiriqlarning tegishliligi boʻyicha Adliya vazirligidan kelgan javoblarni nazoratdan yechish yoki qayta ishlashga yuborish funksionalini joriy etish. 5. Tizimdan foydalanuvchilarning yuzaga keladigan muammolari “Call-markaz” orqali bartaraf etilishini taʼminlash. 6. Tizimning doimiy ravishda ishlashini va axborot xavfsizligini taʼminlash, 24 soat davomida texnik qoʻllab-quvvatlash.
Vazirlar Mahkamasi	1. Tizimdan foydalanuvchilarni roʻyxatdan oʻtkazish va elektron raqamli imzo kalitlari bilan taʼminlash. 2. Qonunchilik hujjatlari va topshiriqlarni tizimlashtirish, elektron tarzda roʻyxatdan oʻtkazish va Bosh vazir kotibiyati tarkibiy boʻlinmalarining respublika ijro etuvchi hokimiyat organlari, xoʻjalik birlashmalari va Hukumat tizimidagi boshqa tashkilotlar tomonidan topshiriqlar ijrosini nazorat qilish modullarini joriy etish va ularning takliflari asosida tegishli modullarni takomillashtirish, oʻzgartirish va ularga qoʻshimchalar kiritish. 3. Ijro intizomi va nazorat boʻlimining nazoratchi profili uchun qonunchilik hujjatlari va topshiriqlarning tegishliligi boʻyicha Bosh vazir kotibiyati tarkibiy boʻlinmalarini masʼul ijrochi etib belgilash, ijrochilarning iyerarxiyasi hamda hujjatning ijrosi bilan bogʻliq jarayonlarni kuzatish funksionallarini yaratish. 4. Nazoratda turgan topshiriqlar, ijro muddati kelayotgan qonunchilik hujjatlari va topshiriqlar boʻyicha masʼul mutaxassislarni ogohlantirib turish tizimini joriy etish. 5. Bosh vazir kotibiyati tarkibiy boʻlinmalari uchun nazoratchi profilini yaratish va topshiriqlarning tegishliligi boʻyicha respublika ijro etuvchi hokimiyat organlari, xoʻjalik birlashmalari va Hukumat tizimidagi boshqa tashkilotlar tomonidan kelgan javoblarni nazoratdan yechish yoki qayta ishlashga yuborish funksionalini joriy etish. 6. Bosh vazir kotibiyati tarkibiy boʻlinmalarining soʻrovi asosida Hukumat tizimidagi tegishli davlat boshqaruvi organlari, xoʻjalik birlashmalari va boshqa tashkilotlar bilan tizim doirasida elektron hujjat aylanishini tashkil etish. 7. Tizimdan foydalanuvchilarning yuzaga keladigan muammolari “Call-markaz” orqali bartaraf etilishini taʼminlash. 8. Tizimning doimiy ravishda ishlashini va axborot xavfsizligini taʼminlash, 24 soat davomida texnik qoʻllab-quvvatlash.
Adliya vazirligi	1. Tizimdan foydalanuvchilarni roʻyxatdan oʻtkazish va elektron raqamli imzo kalitlari bilan taʼminlash. 2. Qonunchilik hujjatlari va topshiriqlarni tizimlashtirish, Adliya vazirligidan elektron tarzda roʻyxatdan oʻtkazish hamda davlat boshqaruvi organlari va tashkilotlari markaziy apparatlariga yetkazish, ular tomonidan topshiriqlar ijrosini nazorat qilish modulini joriy etish; 3. Adliya vazirligining takliflari asosida tizimni takomillashtirish, oʻzgartirish va unga qoʻshimchalar kiritish. 4. Adliya vazirligiga nazoratchi profili uchun qonunchilik hujjatlari va topshiriqlarning ijrosiga masʼul boʻlgan davlat boshqaruvi organlari va tashkilotlarini belgilash, ijrochilarning iyerarxiyasi hamda hujjatning ijrosi bilan bogʻliq jarayonlarni kuzatish funksionallarini yaratish. 5. Nazoratda turgan topshiriqlar, ijro muddati kelayotgan qonunchilik hujjatlari va topshiriqlar boʻyicha masʼul mutaxassislarni ogohlantirib turish tizimini joriy etish. 6. Davlat organlari va tashkilotlarining markaziy apparatlari tomonidan kelgan javoblarni nazoratdan yechish yoki qayta ishlashga yuborish funksionalini joriy etish va uzluksiz ishlashini taʼminlash. 7. Qonunchilik hujjatlari va topshiriqlar, ijrochilar hamda muddatlar kesimida topshiriqlarni nazorat qilib borish funksionalini yaratish va uzluksiz ishlashini taʼminlash. 8. Tizimdan foydalanuvchilarning yuzaga keladigan muammolari “Call-markaz” orqali bartaraf etilishini taʼminlash. 9. Tizimning doimiy ravishda ishlashini va axborot xavfsizligini taʼminlash, 24 soat davomida texnik qoʻllab-quvvatlash.
Davlat organlari va tashkilotlari	1. Tizimdan foydalanuvchilarni roʻyxatdan oʻtkazish va elektron raqamli imzo kalitlari bilan taʼminlash. 2. Qonunchilik hujjatlari va topshiriqlarning ijrosiga masʼul boʻlgan markaziy apparatdagi xodimlar, tarkibiy va hududiy boʻlinmalarni belgilash, ijrochilarning iyerarxiyasi hamda topshiriqning ijrosi bilan bogʻliq jarayonlarni kuzatish funksionallarini yaratish. 3. Nazoratda turgan topshiriqlar, ijro muddati kelayotgan qonunchilik hujjatlari va topshiriqlar boʻyicha masʼul mutaxassislarni ogohlantirib turish tizimini joriy etish. 4. Qonunchilik hujjatlari va topshiriqlar ijrosiga oid maʼlumotlarni kiritish va asoslovchi hujjatlarni yuklash funksionalini yaratish va uzluksiz ishlashini taʼminlash. 5. Tizimdan foydalanuvchilarning yuzaga keladigan muammolari “Call-markaz” orqali bartaraf etilishini taʼminlash. 6. Tizimning doimiy ravishda ishlashini va axborot xavfsizligini taʼminlash, 24 soat davomida texnik qoʻllab-quvvatlash.
Davlat organlari va tashkilotlari tarkibiy va hududiy boʻlinmalari	1. Tizimdan foydalanuvchilarni roʻyxatdan oʻtkazish va elektron raqamli imzo kalitlari bilan taʼminlash. 2. Qonunchilik hujjatlari va topshiriqlarning ijrosiga masʼul boʻlgan xodimlarni belgilash, ijrochilarning iyerarxiyasi hamda topshiriqning ijrosi bilan bogʻliq jarayonlarni kuzatish funksionallarini yaratish. 3. Nazoratda turgan topshiriqlar, ijro muddati kelayotgan qonunchilik hujjatlari va topshiriqlar boʻyicha masʼul mutaxassislarni ogohlantirib turish tizimini joriy etish. 4. Qonunchilik hujjatlari va topshiriqlar ijrosiga oid maʼlumotlarni kiritish va asoslovchi hujjatlarni yuklash funksionalini yaratish va uzluksiz ishlashini taʼminlash. 5. Tizimdan foydalanuvchilarning yuzaga keladigan muammolari “Call-markaz” orqali bartaraf etilishini taʼminlash. 6. Tizimning doimiy ravishda ishlashini va axborot xavfsizligini taʼminlash, 24 soat davomida texnik qoʻllab-quvvatlash.
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari	1. Tizimdan foydalanuvchilarni roʻyxatdan oʻtkazish va elektron raqamli imzo kalitlari bilan taʼminlash. 2. Qonunchilik hujjatlari va topshiriqlarning ijrosiga masʼul boʻlgan markaziy apparatdagi xodimlar, tarkibiy va hududiy boʻlinmalarni belgilash, ijrochilarning iyerarxiyasi hamda topshiriqning ijrosi bilan bogʻliq jarayonlarni kuzatish funksionallarini yaratish. 3. Nazoratda turgan topshiriqlar, ijro muddati kelayotgan qonunchilik hujjatlari va topshiriqlar boʻyicha masʼul mutaxassislarni ogohlantirib turish tizimini joriy etish. 4. Qonunchilik hujjatlari va topshiriqlar ijrosiga oid maʼlumotlarni kiritish va asoslovchi hujjatlarni yuklash funksionalini yaratish va uzluksiz ishlashini taʼminlash. 5. Tizimdan foydalanuvchilarning yuzaga keladigan muammolari “Call-markaz” orqali bartaraf etilishini taʼminlash. 6. Tizimning doimiy ravishda ishlashini va axborot xavfsizligini taʼminlash, 24 soat davomida texnik qoʻllab-quvvatlash.
Tuman va shahar hokimliklari	1. Tizimdan foydalanuvchilarni roʻyxatdan oʻtkazish va elektron raqamli imzo kalitlari bilan taʼminlash. 2. Qonunchilik hujjatlari va topshiriqlarning ijrosiga masʼul boʻlgan xodimlarni belgilash, ijrochilarning iyerarxiyasi hamda topshiriqning ijrosi bilan bogʻliq jarayonlarni kuzatish funksionallarini yaratish. 3. Nazoratda turgan topshiriqlar ijro muddati kelayotgan qonunchilik hujjatlari va topshiriqlar boʻyicha masʼul mutaxassislarni ogohlantirib turish tizimini joriy etish. 4. Qonunchilik hujjatlari va topshiriqlar ijrosiga oid maʼlumotlarni kiritish va asoslovchi hujjatlarni yuklash funksionalini yaratish va uzluksiz ishlashini taʼminlash. 5. Tizimdan foydalanuvchilarning yuzaga keladigan muammolari “Call-markaz” orqali bartaraf etilishini taʼminlash. 6. Tizimning doimiy ravishda ishlashini va axborot xavfsizligini taʼminlash, 24 soat davomida texnik qoʻllab-quvvatlash.

(6-ilovaning matni Oʻzbekiston Respublikasi Prezidentining 2025-yil 25-iyuldagi PF-117-sonli Farmoni tahririda — Qonunchilik maʼlumotlari milliy bazasi, 28.07.2025-y., 06/25/117/0653-son)

(Qonunchilik maʼlumotlari milliy bazasi, 31.05.2021-y., 07/21/5132/0506-son; 06.02.2024-y., 06/24/28/0099-son; 28.07.2025-y., 06/25/117/0653-son)