1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xo‘jalik boshqaruvi organlari / 02.03.02.00 Vazirliklar;
2.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.04.00.00 Yuridik xizmat;
3.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.05.00.00 Adliya organlari / 18.05.01.00 Adliya organlarining tizimi va tashkiliy tuzilmasi]
[TSZ:
1.Davlat va jamiyat qurilishi / Davlat hokimiyati organlari. Davlat va xo‘jalik boshqaruvi organlari;
2.Odil sudlov. Huquq-tartibotni muhofaza qilish. Adliya / Adliya organlari. Notariat. Yuridik xizmat]
O‘zbekiston Respublikasi Prezidentining
Farmoni
Fuqarolarning huquq va erkinliklarini ta’minlash hamda huquqiy xizmat ko‘rsatishda adliya organlari va muassasalari faoliyati samaradorligini yanada oshirish chora-tadbirlari to‘g‘risida
So‘nggi yillarda amalga oshirilayotgan islohotlarni huquqiy jihatdan ta’minlash, fuqarolar va tadbirkorlik subyektlarining huquq va manfaatlariga daxldor bo‘lgan qonunchilik hujjatlarining mazmun va mohiyatini tushuntirish, joylarda aholini tashvishga soluvchi huquqiy muammolarni hal etish, davlat xizmatlarining sifatini oshirish, o‘z faoliyati yuzasidan jamoatchilikka tizimli ravishda ma’lumotlar taqdim etish masalalarida adliya organlari va muassasalarining roli va mas’uliyati sezilarli ravishda oshmoqda.
Shu bilan birga, “Yangi O‘zbekiston — xalqchil va insonparvar davlat” g‘oyasini ro‘yobga chiqarish adliya organlari tizimida ma’muriy islohotlarni yanada chuqurlashtirishni taqozo qilmoqda.
Davlat xizmatlarini ko‘rsatish va intellektual mulkning huquqiy himoyasi sohasida yagona davlat siyosatini amalga oshirishda tizim imkoniyatlaridan oqilona foydalanish, ushbu sohalarda muvofiqlashgan faoliyatni ta’minlash hamda mavjud ma’muriy tuzilmalarning yaxlit vertikal boshqaruvini shakllantirish zarurati yuzaga kelmoqda.
Mamlakatimizda adolat va huquq ustuvorligini mustahkamlash, aholiga professional xizmat qiladigan ixcham va samarali boshqaruvni yaratish, deklarativ xususiyatga ega vazifalarni bekor qilish, funksiyalarni amalga oshirishning tashkiliy-huquqiy mexanizmlarini aniq belgilash va takrorlanishlarning oldini olish orqali budjet mablag‘larini tejash va ulardan oqilona foydalanish, shu jumladan aholining huquqiy muammolarini hal etishda adliya organlarining roli va mas’uliyatini yanada kuchaytirish maqsadida:
1. 2022-2023-yillarga mo‘ljallangan Yangi O‘zbekiston ma’muriy islohotlari dasturini ishlab chiqishni muvofiqlashtiruvchi respublika komissiyasining Davlat xizmatlari agentligi va uning hududiy boshqarmalari hamda Intellektual mulk agentligi va uning hududiy markazlarini vazifa, funksiya va vakolatlarini Adliya vazirligiga (keyingi o‘rinlarda — Vazirlik) o‘tkazgan holda qo‘shib olish to‘g‘risidagi taklifiga rozilik berilsin.
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xo‘jalik boshqaruvi organlari / 02.03.02.00 Vazirliklar;
2.02.00.00.00 Davlat boshqaruvi asoslari / 02.06.00.00 Davlat xizmati (shuningdek, 05.10.05.00ga qarang);
3.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.05.00.00 Adliya organlari / 18.05.01.00 Adliya organlarining tizimi va tashkiliy tuzilmasi]
2. Vazirlik zimmasiga quyidagi qo‘shimcha vazifalar yuklatilsin:
a) aholiga davlat xizmatlari ko‘rsatish yo‘nalishida:
jismoniy va yuridik shaxslarga davlat xizmatlari ko‘rsatish sohasida yagona davlat siyosatini amalga oshirish;
ortiqcha ma’muriy tartib-taomillarni bartaraf etish hisobiga tezkor, qulay va sifatli davlat xizmatlari ko‘rsatilishini ta’minlash;
davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlar faoliyatini nazorat qilish va samaradorligini baholash;
[OKOZ:
1.03.00.00.00 Fuqarolik qonunchiligi / 03.14.00.00 Intellektual mulk / 03.14.01.00 Umumiy qoidalar]
b) intellektual mulkni huquqiy muhofaza va himoya qilish yo‘nalishida:
intellektual mulk sohasida yagona davlat siyosatini ishlab chiqish hamda ixtirolar, tovar belgilari, mualliflik huquqi va boshqa intellektual mulk obyektlariga bo‘lgan huquqlarni himoya qilish;
ixtirolar, foydali modellar, sanoat namunalari, tovar belgilari va boshqa intellektual mulk obyektlarini huquqiy muhofaza qilish.
3. Adliya vazirligi faoliyati samaradorligini yanada oshirish hamda raqamlashtirish bo‘yicha chora-tadbirlar dasturi 1-ilovaga muvofiq tasdiqlansin.
[OKOZ:
1.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.05.00.00 Adliya organlari / 18.05.02.00 Adliya organlari huzuridagi tashkilotlar]
4. Belgilansinki:
a) yuridik xizmat ko‘rsatish markazlari, tuman (shahar) davlat xizmatlari markazlari va ularning filiallari hamda FHDY organlari barcha huquq va vakolatlarini saqlagan holda tuman (shahar) adliya bo‘limlari tuzilmasiga va bo‘ysunuviga o‘tkaziladi;
b) Vazirlik:
Davlat xizmatlari agentligi hamda Intellektual mulk agentligining barcha huquqlari, majburiyatlari va shartnomalari bo‘yicha huquqiy vorisi hisoblanadi;
jismoniy va yuridik shaxslarga davlat xizmatlari ko‘rsatish hamda intellektual mulk (intellektual mulk obyektlariga bo‘lgan huquqlarni muhofaza va himoya qilish) sohalarida yagona davlat siyosatini amalga oshiruvchi hamda Butunjahon intellektual mulk tashkiloti va intellektual mulk sohasidagi boshqa xalqaro tashkilotlarda O‘zbekiston Respublikasini ifodalovchi vakolatli davlat boshqaruvi organi hisoblanadi;
v) Davlat xizmatlari agentligi hamda Intellektual mulk agentligining budjetdan tashqari jamg‘armalari ularni shakllantirish manbalari va foydalanish yo‘nalishlarini saqlagan holda barcha qoldiq mablag‘lari bilan birgalikda Vazirlik tasarrufiga o‘tkaziladi.
Agentliklarning budjetdan tashqari jamg‘armalari tegishli ravishda Vazirlikning Davlat xizmatlarini rivojlantirish jamg‘armasi hamda Intellektual mulkni rivojlantirish jamg‘armasi etib qayta nomlansin.
5. Vazirlik bir oy muddatda Davlat xizmatlari agentligi va Intellektual mulk agentligining bino-inshootlari, tovar-moddiy boyliklari, zarur axborot tizimlari va boshqa mol-mulklarini hamda tegishli hujjatlarini qabul qilib olishni ta’minlasin.
6. O‘zbekiston Respublikasi Prezidentining 2018-yil 8-avgustdagi PF-5505-son Farmoni bilan tasdiqlangan Norma ijodkorligi faoliyatini takomillashtirish konsepsiyasidagi vazifalarni amalga oshirish hamda qonunchilik hujjatlarini qabul qilish tartibini takomillashtirish maqsadida 2022-yil 1-maydan boshlab quyidagi tartib o‘rnatilsin, unga muvofiq:
qonunchilikka muvofiq mahalliy ijro hokimiyati organlari qarorlarini qabul qilishda hududiy adliya organlari ijobiy xulosasi olinishi belgilangan hollarda, bunday xulosa olinmasdan tegishli qarorlarni qabul qilish (chiqarish)ga yo‘l qo‘yilmaydi;
Vazirlik tomonidan vazirliklar, idoralar va mahalliy ijro hokimiyati organlarining norma ijodkorligi faoliyati monitoring qilinadi hamda uning natijasi bo‘yicha har yarim yilda O‘zbekiston Respublikasi Prezidenti Administratsiyasiga axborot kiritib boriladi.
(6-bandning uchinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
[OKOZ:
1.03.00.00.00 Fuqarolik qonunchiligi / 03.14.00.00 Intellektual mulk / 03.14.02.00 Mualliflik huquqi]
7. Shunday tartib o‘rnatilsinki, unga ko‘ra 2023-yil 1-apreldan boshlab:
mualliflik huquqi obyektlarining elektron nazorat nusxalari majburiy tartibda mualliflik huquqi obyektlarining yagona bazasida (keyingi o‘rinlarda — Yagona baza) saqlanadi;
“Intellektual mulk markazi” davlat muassasasi Yagona bazani yuritish, texnik ta’minlash hamda mualliflik huquqi obyektlarining elektron nazorat nusxalarini Yagona bazaga kiritish jarayonini muvofiqlashtirish bo‘yicha mas’ul — operator etib belgilanadi;
obyektning elektron nazorat nusxalari Yagona bazaga mualliflik huquqi obyektlarini saqlash faoliyatini amalga oshiruvchilar (depozitariylar) tomonidan joylashtiriladi;
mualliflik huquqi obyektlarini saqlash faoliyatini amalga oshiruvchilar (depozitariylar) tomonidan obyektning elektron nazorat nusxalari Yagona bazaga kiritilgandan so‘ng, uning saqlovga qabul qilinganligi to‘g‘risida hujjat taqdim qilinadi.
8. Vazirlik:
2022-yil 1-iyulga qadar mualliflik huquqi obyektlarining elektron nazorat nusxalarini Yagona bazada saqlash tartibi to‘g‘risidagi nizom loyihasini ishlab chiqib, Vazirlar Mahkamasiga kiritsin;
2023-yil 1-yanvarga qadar Yagona baza ishlab chiqilib, joriy etilishini ta’minlasin.
9. Vazirlik va uning hududiy bo‘linmalariga o‘zlariga yuklatilgan vazifalarni samarali amalga oshirish uchun quyidagi qo‘shimcha vakolatlar berilsin:
davlat xizmatlari ko‘rsatish sohasidagi qonunchilik hujjatlarini buzganlik uchun davlat organlari va boshqa tashkilotlar mansabdor shaxslariga nisbatan ma’muriy jazo qo‘llash;
intellektual mulk sohasidagi huquqbuzarliklar uchun yuridik shaxslarga jarima qo‘llash;
davlat organlari va davlat ishtirokidagi tashkilotlarda yuzaga kelgan mehnat nizosini ko‘rish haqidagi ariza bilan sudga murojaat qilish.
(10-band O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)
(11-band O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)
[OKOZ:
1.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.05.00.00 Adliya organlari / 18.05.02.00 Adliya organlari huzuridagi tashkilotlar]
12. Vazirlik tuzilmasida:
a) boshqaruv xodimlarining cheklangan soni va mehnatga haq to‘lash fondi doirasida:
Xalqaro-huquqiy hamkorlik boshqarmasi, Xalqaro va xorijiy tashkilotlarda O‘zbekiston Respublikasining manfaatlarini huquqiy himoya qilish boshqarmasi hamda Xalqaro reyting va indekslar bilan ishlash boshqarmasidan iborat Xalqaro-huquqiy hamkorlik departamenti;
Ijtimoiy-iqtisodiy sohada huquqni qo‘llash amaliyotini o‘rganish boshqarmasi hamda Fuqarolik-huquqiy munosabatlarni rivojlantirish boshqarmasi negizida Huquqni qo‘llash amaliyotini o‘rganish boshqarmasi;
Yuridik xizmatlarning faoliyatini muvofiqlashtirish boshqarmasi hamda huquqiy xizmat ko‘rsatishni davlat tomonidan tartibga solish boshqarmasi negizida Huquqiy xizmat ko‘rsatishni tartibga solish boshqarmasi;
Qonun hujjatlarini tahlil qilish va tizimlashtirish boshqarmasi hamda Tartibga solish ta’sirini baholash boshqarmasi negizida Qonunchilikni tizimlashtirish va tartibga solish ta’sirini baholash boshqarmasi tashkil etilsin;
b) Davlat xizmatlari agentligi hamda Intellektual mulk agentligi qo‘shib olinishi munosabati bilan bo‘shayotgan shtat birliklari doirasida:
Davlat xizmatlari departamenti;
Intellektual mulk departamenti tashkil etilsin.
13. Belgilab qo‘yilsinki, Vazirlikning yangi tashkil etilayotgan tarkibiy tuzilmalari shtatlari birinchi navbatda Vazirlikka qo‘shilayotgan Davlat xizmatlari agentligi hamda Intellektual mulk agentligi tizimi xodimlari hisobidan to‘ldiriladi.
Vazirlik ikki oy muddatda ishlab chiqarish va mehnatni tashkil etishdagi o‘zgarishlardan kelib chiqib, tuman (shahar) adliya bo‘limlari va davlat xizmatlari markazlari rahbarlarini lavozimidan ozod qilish hamda ushbu lavozimni ichki tanlov asosida yuksak malaka va yuqori professional tayyorgarlikka ega boshqaruv kadrlari bilan to‘ldirishni ta’minlasin.
[OKOZ:
1.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.05.00.00 Adliya organlari / 18.05.01.00 Adliya organlarining tizimi va tashkiliy tuzilmasi]
14. Adliya vaziriga:
Vazirlik markaziy apparati, adliya organlari va muassasalarining tuzilmasiga xodimlarning belgilangan umumiy soni doirasida o‘zgartirishlar kiritish;
zarur hollarda O‘zbekiston Respublikasi Prezidenti Administratsiyasi bilan kelishgan holda, Vazirlikning budjetdan tashqari mablag‘lari hisobidan davlat xizmatlari markazlari va ularning filiallariga qo‘shimcha shtat birliklarini joriy qilish;
davlat organlari va boshqa tashkilotlar, ilmiy va ta’lim muassasalari, xalqaro tashkilotlar, xorijiy kompaniyalarning yuqori malakali mutaxassislarini, shuningdek, ekspertlarni maslahatchi sifatida jalb qilish;
malakali xorijiy mutaxassislarni ishga qabul qilish va ularga ish haqini milliy valyutada yoki xorijdagi hisobvaraqlariga o‘tkazgan holda chet el valyutasida to‘lash huquqi berilsin.
15. Vazirlikning quyidagi takliflariga rozilik berilsin:
“O‘zbekiston Respublikasi Adliya vazirligi huzuridagi Intellektual mulk agentligi qoshidagi Intellektual mulk konsultativ markazi” davlat unitar korxonasini O‘zbekiston Respublikasi Adliya vazirligi huzuridagi “Intellektual mulk markazi” davlat muassasasi sifatida qayta tashkil etish;
Davlat xizmatlari agentligi huzuridagi “Davlat xizmatlarini rivojlantirish ilmiy-amaliy markazi” davlat muassasasini Adliya vazirligi huzuridagi “Davlat xizmatlarini rivojlantirish markazi” davlat muassasasi etib qayta nomlash.
Belgilansinki, “Intellektual mulk markazi” davlat muassasasi intellektual mulk obyektlarini ro‘yxatdan o‘tkazish bilan bog‘liq ishlarni, shu jumladan ularni ro‘yxatdan o‘tkazishga doir talabnomalarning davlat ekspertizasini va ular yuzasidan tegishli ma’lumotlar markaziy saqlovini amalga oshiruvchi maxsus vakolatli tashkilot hisoblanadi.
16. O‘zbekiston Respublikasi Prezidenti va Hukumatining ayrim hujjatlariga 2-ilovaga muvofiq o‘zgartirish va qo‘shimchalar kiritilsin.
17. O‘zbekiston Respublikasi Prezidentining ayrim hujjatlari 3-ilovaga muvofiq o‘z kuchini yo‘qotgan deb hisoblansin.
18. Vazirlik:
bir oy muddatda Moliya vazirligi bilan birgalikda mazkur Farmonga muvofiq Vazirlikning xarajatlar smetasi va shtatlar jadvaliga o‘zgartirish va qo‘shimchalar kiritsin;
uch oy muddatda qonunchilik hujjatlariga ushbu Farmondan kelib chiqadigan o‘zgartirish va qo‘shimchalar to‘g‘risida takliflar kiritsin.
19. Mazkur Farmonning ijrosini samarali tashkil qilishga mas’ul va shaxsiy javobgar etib adliya vaziri R.Q. Davletov belgilansin.
Farmon ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish O‘zbekiston Respublikasi Prezidenti maslahatchisi B.D. Islamov zimmasiga yuklansin.
Amalga oshirilgan chora-tadbirlarning natijadorligi to‘g‘risida 2022-yil 1-sentabrga qadar O‘zbekiston Respublikasi Prezidentiga axborot kiritilsin.
O‘zbekiston Respublikasi Prezidenti Sh. MIRZIYOYEV
Toshkent sh.,
2022-yil 17-mart,
PF-89-son
O‘zbekiston Respublikasi Prezidentining 2022-yil 17-martdagi PF-89-son Farmoniga 1-ILOVA
O‘zbekiston Respublikasi Adliya vazirligi faoliyati samaradorligini yanada oshirish hamda raqamlashtirish bo‘yicha chora-tadbirlar
1. Yagona davlat huquqiy siyosati sifatini takomillashtirish, huquq ijodkorligi faoliyatini muvofiqlashtirish
1.
Idoraviy normativ-huquqiy hujjatlarni tayyorlash va qabul qilish qoidalariga (ro‘yxat raqami 2565, 2014-yil 28-fevral) idoraviy normativ-huquqiy hujjatlarni qabul qilish, ularni huquqiy ekspertiza va davlat ro‘yxatidan o‘tkazish jarayonlarini yanada soddalashtirishga qaratilgan o‘zgartirish va qo‘shimchalar kiritish.
Idoraviy normativ-huquqiy hujjat
Idoraviy normativ-huquqiy hujjatlarni davlat ro‘yxatidan o‘tkazishni rad etishga sabab bo‘layotgan tizimli muammolarni bartaraf etish hamda amaldagi qonunchilik hujjatlarini o‘zaro muvofiqlashtirish.
2022-yil iyun
Adliya vazirligi
2.
1990 — 2016-yillar oralig‘ida qabul qilingan O‘zbekiston Respublikasi hukumatining qarorlarini xatlovdan o‘tkazish, xatlov natijasida eskirgan va o‘z ahamiyatini yo‘qotgan normalarni bekor qilish bo‘yicha takliflar ishlab chiqish.
Normativ-huquqiy hujjat loyihasi
Milliy qonunchilik bazasini ortiqcha normativ-huquqiy hujjatlardan holi etish, uning tizimliligini ta’minlash, huquqni qo‘llash amaliyotida yuridik ta’sir kuchiga ega bo‘lmagan hujjatlarni bekor qilish.
2022-yil iyun
Adliya vazirligi
3.
Normativ-huquqiy hujjatlar va ularning loyihalarini tartibga solish ta’sirini baholash tartibi doirasida xarajatlarni avtomatlashtirilgan tarzda tahlil qiluvchi elektron dasturni ishlab chiqish.
Tashkiliy-texnik tadbirlar
Normativ-huquqiy hujjatning tartibga solish ta’sirini baholashda shaffoflik va tizimlilikni ta’minlash hamda xodimlarning vaqti va resurslarini tejash.
2022 — 2026-yillar
Adliya vazirligi, manfaatdor vazirlik va idoralar
4.
Ijtimoiy ta’minot va ijtimoiy sug‘urta, moliya va kredit, tadbirkorlik va xo‘jalik faoliyati, tashqi iqtisodiy faoliyat va bojxona ishi sohalariga oid amaldagi normativ-huquqiy hujjatlarning korrupsiyaga qarshi ekspertizadan o‘tkazilishini tashkil etish. Ekspertiza natijasiga ko‘ra Vazirlar Mahkamasiga qonunchilik hujjatlarini takomillashtirish bo‘yicha takliflar kiritish.
Normativ-huquqiy hujjat loyihasi
Qonunchilik hujjatlarini takomillashtirish orqali ijtimoiy himoya tizimi mustahkamlanishi va tadbirkorlik faoliyati yanada rivojlanishiga, shuningdek, mamlakat investitsion jozibadorligini yanada oshirishga erishish.
2022-yil davomida
Adliya vazirligi, manfaatdor vazirlik va idoralar
5.
Xo‘jalik yurituvchi subyektlar faoliyatiga cheklovlar, qo‘shimcha talablar, majburiyatlar yoxud xarajatlar joriy qilish, shuningdek, har qanday turdagi imtiyoz, kafolat, preferensiyalarni belgilashni nazarda tutuvchi amaldagi normativ-huquqiy hujjatlarning mas’ul vazirlik va idoralar tomonidan tartibga solish ta’sirini baholashdan o‘tkazilishini ta’minlash.
Baholash natijasiga ko‘ra Vazirlar Mahkamasiga qonunchilik hujjatlarini takomillashtirish bo‘yicha takliflar kiritish.
Normativ-huquqiy hujjatlarni tartibga solish ta’sirini baholashdan o‘tkazish rejasi
Xo‘jalik yurituvchi subyektlarning huquqlari ta’minlanishi orqali ularning ishlab chiqarish va xizmat ko‘rsatish hajmini oshirish.
2022-yil davomida
Adliya vazirligi, manfaatdor vazirlik va idoralar
6.
Idoraviy normativ-huquqiy hujjatlarni huquqiy ekspertizadan o‘tkazish jarayonini avtomatlashtirish.
Tashkiliy-texnik tadbirlar
Normativ-huquqiy hujjatlar matnlarini avtomatlashtirilgan tahlil qilish, o‘zini o‘zi o‘rganish mexanizmidan foydalanish orqali normativ-huquqiy hujjatlarni tasniflash va tizimlashtirish muammolarini hal qilish, xarajatlarni kamaytirish va ish samaradorligini oshirish imkoniyatini yaratish.
2022-2023-yillar
Adliya vazirligi, Axborot texnologiyalari vazirligi
7.
“Legal-Tech” huquqiy tarmog‘ini joriy etish tizimini “sun’iy intellekt” mexanizmlaridan foydalangan holda takomillashtirish.
Tashkiliy-texnik tadbirlar
Hujjatlar loyihalarini tayyorlash uchun sarflanadigan resurslar va vaqtni tejash, tayyorlanadigan loyihalar sifatini oshirish hamda loyihalarni tayyorlash jarayonini avtomatlashtirish.
2022-yil dekabr
Adliya vazirligi, Innovatsion rivojlanish vazirligi
8.
Yuridik xizmat ko‘rsatish markazlari, tuman (shahar) davlat xizmatlari markazlari va ularning filiallari hamda FHDY organlari o‘z ishini tuman (shahar) adliya bo‘limlari tarkibida davom ettirishi munosabati bilan ularni yagona ma’muriy binoga joylashtirish.
Dastur
Tuman (shahar) miqyosidagi alohida faoliyat ko‘rsatuvchi 4 ta tuzilma 1 ta tuzilmaga aylantiriladi va yagona ma’muriy binoga joylashtiriladi, ortib qolinadigan ma’muriy binolar belgilangan tartibda xususiy sektorga realizatsiya qilinadi.
2022-yil 1-iyul
Adliya vazirligi, Davlat aktivlarini boshqarish agentligi
2. Huquqni qo‘llash amaliyoti va davlat boshqaruvi tizimi samaradorligini kompleks tahlil qilish
9.
“E-SNARTNOMA” yagona elektron portalini yaratish.
Normativ-huquqiy hujjat loyihasi
“E-SNARTNOMA” yagona elektron portalini joriy qilish orqali shartnomalarni yagona platforma orqali tayyorlash va ular bilan ishlash jarayonini soddalashtirish, uni boshqarish va nazorat qilish imkoniyatini yaratish.
2022 — 2026-yillar
Adliya vazirligi, Moliya vazirligi, Davlat soliq qo‘mitasi, vazirlik va idoralar
10.
Yuridik xizmat ko‘rsatish markazlari tomonidan kelgusida xizmat ko‘rsatiladigan tashkilotlar sonini oshirish.
Normativ-huquqiy hujjat loyihasi
Kelgusida bosqichma-bosqich tuman va shahar darajasidagi davlat organlariga malakali yuridik xizmat ko‘rsatilishini kengaytirish orqali qonun ustuvorligini ta’minlash.
2022-yil dekabr
Adliya vazirligi
11.
Mahalliy davlat hokimiyati organlarining qarorlarini ishlab chiqish, kelishish va ro‘yxatdan o‘tkazishning yagona elektron — “E-qaror” tizimi funksional imkoniyatlarini kengaytirish.
Tashkiliy chora-tadbirlar
Hokimliklarning faoliyatida qonun ustuvorligini yanada ta’minlash.
2022-yil oktabr
Adliya vazirligi
12.
Huquqni qo‘llash amaliyotida takliflarni aniqlash va ishlab chiqish uchun jamoatchilik fikrini o‘rganish uslubiyotini ishlab chiqish va tasdiqlash.
Adliya vaziri buyrug‘i
Qonunchilik hujjatlarini takomillashtirishda keng jamoatchilik fikrini inobatga olish va huquqiy muammolarni aniqlashning samarali mexanizmini yaratish.
2022-yil oktabr
Adliya vazirligi
13.
“Mahalliy davlat hokimiyati to‘g‘risida”gi Qonunga quyidagilarni nazarda tutuvchi qo‘shimchalar kiritish:
yangi deputatlik nazorat shakli — “kengash so‘rovi”ni joriy etish orqali mahalliy Kengashlarning hududlarni ijtimoiy-iqtisodiy rivojlantirishdagi rolini oshirish;
Kengashlarga yuklatilgan va turli hujjatlarda nazarda tutilgan 20 dan ortiq vazifalarni bir hujjatda jamlash.
Normativ-huquqiy hujjat loyihasi
Mahalliy davlat hokimiyati organlari faoliyati samaradorligini oshirish hamda joylarda amalga oshirilayotgan islohotlar ustidan xalq deputatlari mahalliy Kengashlari nazoratining huquqiy asoslarini takomillashtirish.
2022-yil dekabr
Adliya vazirligi
3. Ma’muriy tartib-taomillar hamda davlat xizmatlarini ko‘rsatish sohasida yagona davlat siyosatini amalga oshirish
14.
“SMART JUSTICE — AQLLI ADLIYA” veb-portali va mobil ilovasini yaratish.
Tashkiliy-texnik tadbirlar
O‘zbekiston Respublikasi Adliya vazirligi, adliya organlari va muassasalari tomonidan hozirgi kunda ko‘rsatilayotgan 50 dan ortiq elektron davlat xizmatlarini yagona portalga jamlash va uning mobil ilovasini ishlab chiqish, yagona nuqtadan yuridik va jismoniy shaxslarga xizmat ko‘rsatish hamda fuqarolarning davlat xizmatlarini elektron shaklda olish jarayonidan qoniqish darajasi oshirish.
2022-2023-yillar
Adliya vazirligi, Axborot texnologiyalari vazirligi
15.
“Litsenziya” axborot tizimini takomillashtirish. Mazkur axborot tizimi orqali ko‘rsatilayotgan davlat xizmatlari sonini 100 taga yetkazish.
Normativ-huquqiy hujjat loyihasi
Xizmatdan foydalanuvchilarga qulay sharoitlar yaratish, davlat xizmatlaridan foydalanishda ortiqcha tartib-taomillar va muddatlarni qisqartirish.
2022-yil iyun
Adliya vazirligi, Axborot texnologiyalari vazirligi
16.
Davlat xizmatlari markazlari orqali ko‘rsatiladigan davlat xizmatlari sonini oshirish.
Normativ-huquqiy hujjat loyihasi
Aholiga tezkor va sifatli xizmatlar ko‘rsatilishini ta’minlash.
2022-yil davomida
Adliya vazirligi
17.
Davlat xizmatlarini ko‘rsatish axborot tizimi (dxa.gov.uz) va Yagona interaktiv davlat xizmatlari portalida (YIDXP) muddat buzilishi bilan bog‘liq bo‘lmagan qonun buzilishi holatlarini har bir xizmatlar, sohalar va idoralar kesimida avtomatik ravishda aniqlash tizimini takomillashtirish.
Tashkiliy-texnik tadbirlar.
Davlat xizmatlarini ko‘rsatishdagi qonunbuzilishlarni tizimli tahlil qilish, ularni bartaraf qilish choralarini ko‘rish hamda aybdorlarni avtomatik ravishda aniqlash orqali qonunbuzilish holatlari bartaraf qilinishiga erishish.
2022-2023-yillar
Adliya vazirligi
18.
Mobil identifikatsiya tizimini (MOBIL ERI, FACE ID, DIGITAL ID, SMART ID) ishlab chiqish va ularni rivojlantirish, shuningdek, jismoniy shaxslar uchun jismoniy shaxsning shaxsiy identifikatsiya raqamidan va yuridik shaxslar uchun soliq to‘lovchi identifikatsiya raqamidan yagona login sifatida foydalanish tartibini joriy etish.
Normativ-huquqiy hujjat loyihasi
Davlat xizmatlaridan foydalanishda qulay va ortiqcha byurokratiyadan holi bo‘lgan tizim yaratish hamda foydalanuvchilarning vaqtini tejash.
2022-yil iyun
Adliya vazirligi, Axborot texnologiyalari vazirligi
19.
Adliya organlari va muassasalarining veb-saytlarida yoki xizmat ko‘rsatish uchun tashkil qilingan maxsus sayt (portal)da ko‘rsatilayotgan xizmatlarni iste’molchilar tomonidan istalgan vaqtda doimiy va tizimli baholash, izohlar va takliflar taqdim qilib borish imkoniyatini beruvchi platforma yaratish.
Tashkiliy-texnik tadbirlar
Adliya organlari va muassasalari tomonidan ko‘rsatilayotgan xizmatlar sifati oshadi hamda doimiy baholanish natijasida xizmat ko‘rsatishda qonunbuzilish holatlari kamayadi.
2022-2023-yillar
Adliya vazirligi
20.
Nikohni qayd etish va nikohdan ajralishni qayd etish bo‘yicha xizmatlarni Davlat xizmatlari markazlari, tug‘ilishni qayd etishni kompleks tarzda tibbiyot muassasalari orqali FXDYO organida qayd etish tizimini joriy etish.
Normativ-huquqiy hujjat loyihasi
Xizmatdan foydalanuvchilarga qulay sharoitlar yaratish, davlat xizmatlaridan foydalanishda ortiqcha tartib-taomillar va muddatlarning qisqartirish.
2022-yil iyun
Adliya vazirligi
21.
Jismoniy va yuridik shaxslarni muhandislik kommunikatsiya tarmoqlariga ulashda ularga bir vaqtning o‘zida abonentning shaxsiy raqamini taqdim etishni yo‘lga qo‘yish.
Normativ-huquqiy hujjat loyihasi
Yangi ulangan iste’molchilarga qulaylik yaratish va ortiqcha byurokratik to‘siqlarning oldini olish.
2022-yil iyun
Adliya vazirligi
22.
Jismoniy va yuridik shaxslarni muhandislik tarmoqlariga ulashda xizmat natijasi bo‘lgan hujjatlarni (texnik shartlar, ta’minot shartnomasi kabilar) hamda loyiha-smeta hujjatlarini kelishishda sanitariya-epidemiologiya va yong‘inga qarshi nazorat xizmatlari hamda ekologiya va atrof-muhitni muhofaza qilish organlari tomonidan beriladigan xulosalarni QR-kod qo‘ygan holda rasmiylashtirishni yo‘lga qo‘yish.
Normativ-huquqiy hujjat loyihasi
Davlat xizmatlarini ko‘rsatishda yagona yondashuv bo‘lishiga erishish hamda ariza beruvchilarning ortiqcha ovoragarchiliklarining oldini olish.
2022-yil iyun
Adliya vazirligi
23.
Nogironligi bo‘lgan 18 yoshgacha bolalarga va odamning immunitet tanqisligi virusini keltirib chiqaradigan kasallikka (OIV infeksiyasiga) chalingan 18 yoshgacha bo‘lgan shaxslarga hamda 18 yoshdan katta bolalikdan nogironligi bo‘lgan shaxslarga nafaqani tayinlash bo‘yicha davlat xizmatlarining kompozit tartibda ko‘rsatilishini joriy etish.
Normativ-huquqiy hujjat loyihasi
Davlat xizmatlaridan foydalanishda qulay va ortiqcha byurokratiyadan holi bo‘lgan tizim yaratish hamda foydalanuvchilar vaqtini tejash.
2022-yil sentabr
Adliya vazirligi
24.
Ko‘chmas mulk hamda manzilga ro‘yxatga qo‘yish davlat xizmatlarini kompozit tartibda ko‘rsatish tartibini joriy etish.
Bunda, ko‘chmas mulk obyektiga bo‘lgan huquqlarni davlat ro‘yxatidan o‘tkazish va ushbu manzilga mulkdorlarni ro‘yxatga qo‘yish davlat xizmatlarini bir vaqtda ko‘rsatishni yo‘lga qo‘yish.
Normativ-huquqiy hujjat loyihasi
Aholining bir-biriga bog‘liq bo‘lgan xizmatlardan foydalanishda davlat idoralariga alohida-alohida murojaat qilishi oldini olish hamda ortiqcha sarf-xarajatlarni tejash.
2022-yil sentabr
Adliya vazirligi
4. Intellektual mulk sohasida davlat siyosatini amalga oshirish
25.
“Advice for business” maxsus interfaol yuridik portalida intellektual mulk obyektlarini davlat ro‘yxatidan o‘tkazish, ulardan foydalanish hamda intellektual mulkka bo‘lgan huquqlarni himoya qilish to‘g‘risida ma’lumot beruvchi alohida bo‘lim yaratish.
Tashkiliy-texnik tadbirlar
Tadbirkorlar tomonidan ish faoliyatini qonuniy yo‘lga qo‘yishga ko‘maklashish hamda ular tomonidan intellektual mulk sohasida sodir etilayotgan qonunbuzilishlar sonini kamaytirish.
2022-yil noyabr
Adliya vazirligi
26.
Kontrafakt mahsulotlar bo‘yicha axborotlar bazasini yaratish va keng omma e’tiboriga taqdim etish hamda ma’lumotlar almashinuvini ta’minlab turish.
Tashkiliy-texnik tadbirlar
Aholining kontrafakt mahsulotlar bo‘yicha xabardorlik darajasi oshirish hamda huquq egalarining huquqlari buzilishi oldini olish.
2022 — 2026-yillar
Adliya vazirligi, manfaatdor vazirlik va idoralar
27.
“IP-Protection” axborot portalida belgilangan tartibda ro‘yxatdan o‘tkazilgan patent vakillarining yagona elektron reyestrini shakllantirish.
Tashkiliy-texnik chora-tadbirlar
Jismoniy va yuridik shaxslarga intellektual mulk obyektlarini ro‘yxatdan o‘tkazish va ularni huquqiy himoya qilish bo‘yicha patent vakillari xizmatlaridan kengroq foydalanish imkoniyatini yaratish.
2022-yil dekabr
Adliya vazirligi, Axborot texnologiyalari vazirligi
28.
Aholi va tadbirkorlik subyektlarining intellektual mulk sohasidagi xalqaro hujjatlarning normalari va qoidalaridan xabardorligini oshirish hamda mahalliy intellektual mulk obyektlarining xalqaro ro‘yxatdan o‘tkazilishini yanada jonlantirish maqsadida tanlov asosida soha bo‘yicha xalqaro hujjatlarning o‘zbek tilidagi tarjimasini tayyorlash.
Tashkiliy chora-tadbirlar
Intellektual mulk obyektlarini xorijda ro‘yxatdan o‘tkazish ko‘rsatkichlari ortishiga hamda aholi, shu jumladan tadbirkorlik subyektlarining soha bo‘yicha huquqiy savodxonligini oshirish.
2022-yil dekabr
Adliya vazirligi
5. Huquqiy ma’rifat va huquqiy axborotni tarqatish bo‘yicha izchil manzilli ishlarni tashkil etish
29.
Qonunchilik ma’lumotlari milliy bazasidan (Lex.uz) foydalanishda jismoniy imkoniyati cheklangan shaxslarga qulayliklar yaratish, jumladan ovozli qidiruv modulini joriy qilish.
Tashkiliy-texnik tadbirlar
Imkoniyati cheklangan shaxslarning tizimdan foydalanish imkoniyatini oshirish hamda milliy bazadagi katta hajmdagi ma’lumotlarni qulay hamda tez topish imkonini yaratish.
2022-yil dekabr
Adliya vazirligi
30.
Milliy huquqiy internet portali (huquqiyportal.uz)ni huquq bilan bog‘liq axborot va ta’lim resurslari bilan integratsiya qilish orqali uni huquqiy xamda sud-huquq masalalari bo‘yicha aholi uchun qiziqarli bo‘lgan ma’lumotlar bilan boyitish va portaldagi ma’lumotlar qamrovini kengaytirish.
Tashkiliy-texnik tadbirlar
Yagona platforma orqali huquqiy axborotlarni olish shakllari va sohalarini kengaytirish.
2022-yil dekabr
Adliya vazirligi
31.
O‘zbekiston Respublikasining fuqarolik, ma’muriy, jinoyat va iqtisodiy ishlar bo‘yicha sudlari qarorlarini umumlashtirib, toifa (klassifikator)lar bo‘yicha Qonunchilik ma’lumotlari milliy bazasiga bosqichma-bosqich kiritish.
Tashkiliy-texnik tadbirlar
Keng jamoatchilik uchun O‘zbekiston Respublikasining fuqarolik, ma’muriy, jinoyat va iqtisodiy ishlar bo‘yicha sudlari tomonidan qabul qilingan 1,7 mln. dan ortiq sud qarorlari bilan yagona platforma orqali tanishish imkoniyatini yaratish.
2023-yil dekabr
Adliya vazirligi, Oliy sud
6. Huquqiy xizmat ko‘rsatish tizimining samarali ishlashi hamda fuqarolar huquqlari himoya qilinishini ta’minlash
32.
“Notarius” avtomatlashtirilgan axborot tizimi va Agrosanoat majmui ustidan nazorat qilish inspeksiyasining elektron bazasini o‘zaro integratsiya qilish.
Tashkiliy-texnik tadbirlar
Notarial xizmatdan foydalanuvchilarga qulay sharoitlar yaratish hamda mazkur xizmatlardan foydalanishda ortiqcha tartib-taomillarni qisqartirish.
2022-yil iyun
Adliya vazirligi, Agrosanoat majmui ustidan nazorat qilish inspeksiyasi
33.
Advokatlik faoliyati bilan shug‘ullanish huquqini beruvchi litsenziya hamda advokatlik tuzilmasini ro‘yxatdan o‘tkazish xizmatlarining kompozit tartibda ko‘rsatilishini joriy etish.
Normativ-huquqiy hujjat loyihasi
Advokatlik faoliyati bilan shug‘ullanish bo‘yicha ruxsat berishga oid hujjatlarni olishda qulay va ortiqcha byurokratiyadan holi bo‘lgan tizim yaratish.
2022-yil noyabr
Adliya vazirligi
34.
Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari huzuridagi idoraviy notarial arxivlar faoliyatini takomillashtirish.
Bunda, idoraviy notarial arxivlar tomonidan xususiy amaliyot bilan shug‘ullanuvchi notariuslarning arxivga topshirgan notarial harakatlaridan dublikatlar berish, O‘zbekiston Respublikasining konsullik muassasalari konsullari tomonidan tasdiqlangan vasiyatnomalarni qabul qilish, “Notarius” avtomatlashtirilgan axborot tizimi orqali sobiq notariuslar tomonidan mol-mulkka qo‘yilgan taqiqlarni bekor qilish imkoniyatini nazarda tutish.
Normativ-huquqiy hujjat loyihasi
Idoraviy notarial arxivlar xizmat ko‘rsatish doirasini oshirish orqali ortiqcha ovoragarchiliklarning oldini olish.
2022-yil dekabr
Adliya vazirligi
35.
O‘zbekiston Respublikasida faoliyat ko‘rsatib kelayotgan advokatlar reytingini aks ettiruvchi “Adlex” platformasini yaratish.
Tashkiliy-texnik tadbirlar
Advokatlar reytingini joriy qilish orqali ular orasida sog‘lom raqobat muhiti yuzaga kelishiga hamda aholi tomonidan malakali va bilimli advokatni tanlab olishga imkon yaratish.
2022-yil dekabr
Advokatlar palatasi
7. Yuridik kadrlarni tayyorlash, qayta tayyorlash va ularning malakasini oshirishni tashkil etish tizimini takomillashtirish
36.
Toshkent davlat yuridik universiteti xodimlari va professor-o‘qituvchilarini malaka oshirish va stajirovka o‘tash uchun nufuzli xorijiy oliy ta’lim va ilmiy tadqiqot muassasalari, shuningdek xalqaro tashkilotlarga yuborish.
Kompleks chora-tadbirlar
Toshkent davlat yuridik universiteti tizimida yuridik ta’lim sifatini oshirish va ta’lim tizimiga innovatsion yangiliklarni kiritish.
2022-yil davomida
Adliya vazirligi
37.
Yuristlar malakasini oshirish markazi faoliyatini tartibga soluvchi qonunchilik hujjatlarini birlashtirish, jumladan, yuridik kadrlarni tayyorlash, qayta tayyorlash va ularning malakasini oshirishning zamonaviy tizimini yaratish.
Normativ-huquqiy hujjat loyihasi
Yurist-kadrlarni xalqaro standartlar bo‘yicha tayyorlash tizimini yanada takomillashtirish.
2022-yil dekabr
Adliya vazirligi
38.
Ta’lim tizimining sifatini oshirish maqsadida: yuridik adabiyotlar ro‘yxatini shakllantirish; shakllantirilgan ro‘yxat asosida yuridik adabiyotlarni tayyorlash va to‘plash;
“Yuridik kutubxona” elektron tizimini joriy qilish.
Kompleks chora-tadbirlar
Xorijiy olimlarni jalb yetgan holda yangi avlod darsliklarini yaratish. Bunda darslikni yozishda mavzularni o‘zlashtirish oson bo‘lishi uchun yangicha usul, jumladan zamonaviy axborot-texnologiyalari imkoniyatlari va QR-kodlardan foydalanish.
2022-yil dekabr
Adliya vazirligi
39.
Adliya vazirligi tizimidagi barcha axborot tizimlari va ma’lumotlar bazasini yagona platformada shakllantirish uchun “virtual adliya” avtomatlashtirilgan axborot tizimini adliya organlari va muassasalariga joriy qilish.
Tashkiliy-texnik tadbirlar
Ish faoliyatini yanada qulay shaklda tashkil qilish, ortiqcha tartiblar va jarayonlarni bekor qilish, xodimlar vaqtini tejash orqali samaradorlik ko‘rsatkichlarini oshirish.
2022-yil iyun
Adliya vazirligi
8. Sud ekspertizasi sifatini izchil yaxshilash
40.
Yakka tartibda nodavlat sud-ekspertlik faoliyati bilan shug‘ullanuvchi xususiy ekspertlar institutini joriy etish.
Normativ-huquqiy hujjat loyihasi
Sud-ekspertlik faoliyatining muqobil shakllarini joriy etish orqali sohada raqobat va xolislikni hamda ekspertlarning mustaqilligini ta’minlash.
2023-yil may
Adliya vazirligi
41.
Sud ekspertlarining faoliyatini ularning kasbiy layoqatliligi, o‘tkazilgan sud ekspertizalarining sifati va boshqa mezonlarga asosan reyting tizimida baholash tartibini joriy qilish.
Normativ-huquqiy hujjat loyihasi
Ekspertlar reytingi asosida rag‘batlantirish orqali sud ekspertiza jarayonida shaxslarning buzilgan huquqlarini malakali tarzda tiklashga ko‘maklashish.
2023-yil sentabr
Adliya vazirligi
42.
O‘zbekiston Respublikasi sud-ekspertiza muassasalari va tashkilotlari tomonidan xorijiy tashkilot va chet el fuqarolariga sud-ekspertiza imkoniyatlaridan keng foydalanish uchun sharoit yaratish maqsadida ularga xizmat ko‘rsatish tizimini joriy qilish.
Normativ-huquqiy hujjat loyihasi
Sud-ekspertlik faoliyatini rivojlantirish, qo‘shimcha xizmat turlarini joriy qilish.
2023-yil sentabr
Adliya vazirligi
43.
Kriminalistika amaliyotida shaxs identifikatsiyasi va diagnostikasi masalalarini hal etishga qaratilgan ko‘p tarmoqli elektron dasturiy ta’minot yaratish.
Tashkiliy-texnik tadbirlar
Laboratoriya genetik ma’lumotlar bazasi negizida qo‘shimcha identifikatsiya va diagnostika imkoniyatlarini yaratish.
2022-2023-yillar
Adliya vazirligi
(1-ilova O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
O‘zbekiston Respublikasi Prezidentining 2022-yil 17-martdagi PF-89-son Farmoniga 2-ILOVA
O‘zbekiston Respublikasi Prezidenti va Hukumatining ayrim hujjatlariga kiritiladigan o‘zgartirish va qo‘shimchalar
1. O‘zbekiston Respublikasi Prezidentining 2015-yil 15-maydagi “Xususiy mulk, kichik biznes va xususiy tadbirkorlikni ishonchli himoya qilishni ta’minlash; ularni jadal rivojlantirish yo‘lidagi to‘siqlarni bartaraf etish chora-tadbirlari to‘g‘risida”gi PF-4725-son Farmoni 8-bandining uchinchi xatboshisidagi “Adliya vazirligi huzuridagi Davlat xizmatlari agentligining budjetdan tashqari jamg‘armasi” so‘zlari “Adliya vazirligining Davlat xizmatlarini rivojlantirish jamg‘armasi” so‘zlari bilan almashtirilsin.
2. O‘zbekiston Respublikasi Prezidentining 2018-yil 13-apreldagi “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to‘g‘risida”gi PF-5415-son Farmonining 3-bandida:
b) quyidagi mazmundagi o‘ninchi xatboshi bilan to‘ldirilsin:
“davlat xizmatlari markazlari va ularning filiallari, FHDY organlari hamda yuridik xizmat ko‘rsatish markazlari faoliyati ustidan umumiy rahbarlik va nazoratni amalga oshirish belgilansin”.
3. O‘zbekiston Respublikasi Prezidentining 2019-yil 17-yanvardagi “2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi to‘g‘risida”gi PF-5635-son Farmoniga 3-ilovada:
a) 1.1 va 2.1-pozitsiyalarning “Mas’ul davlat organlari” ustunidan “Intellektual mulk agentligi (T. Abdusattorov)” so‘zlari chiqarib tashlansin;
b) 11.1.3-pozitsiyaning “Mas’ul davlat organlari” ustunidagi “Davlat xizmatlari agentligi (U. Muxammadiyev)” so‘zlari “Adliya vazirligi (R. Davletov)” so‘zlari bilan almashtirilsin.
4. O‘zbekiston Respublikasi Prezidentining 2019-yil 7-iyundagi “Tadbirkorlik subyektlarini tugatish tartib-taomillarini soddalashtirish chora-tadbirlari to‘g‘risida”gi PF-5739-son Farmonining 3-bandi ikkinchi xatboshisidan “huzuridagi Davlat xizmatlari agentligi” so‘zlari chiqarib tashlansin.
5. O‘zbekiston Respublikasi Prezidentining 2020-yil 12-maydagi PF-5992-son Farmoni bilan tasdiqlangan 2020 — 2025-yillarga mo‘ljallangan O‘zbekiston Respublikasining bank tizimini isloh qilish strategiyasining “IV. Xalqaro reytinglarda O‘zbekiston bank tizimining mavqeyini oshirish” bo‘limi 3-bandidagi “Yer resurslari, geodeziya, kartografiya va davlat kadastri davlat qo‘mitasi, Majburiy ijro byurosi, Davlat xizmatlari agentligi” so‘zlari “Kadastr agentligi, Majburiy ijro byurosi, Adliya vazirligi” so‘zlari bilan almashtirilsin.
6. O‘zbekiston Respublikasi Prezidentining 2020-yil 2-iyundagi “O‘zbekiston Respublikasining xalqaro reyting va indekslardagi o‘rnini yaxshilash hamda davlat organlari va tashkilotlarida ular bilan tizimli ishlashning yangi mexanizmini joriy qilish to‘g‘risida”gi PF-6003-son Farmonida:
a) 3-ilovaning 4.1.3-pozitsiyasi “Mas’ul davlat organlari” ustunidagi “Davlat xizmatlari agentligi (U. Muxammadiyev)” so‘zlari “Adliya vazirligi (R. Davletov)” so‘zlari bilan almashtirilsin;
b) 5-ilovaning 3-bandi “b” kichik bandi o‘z kuchini yo‘qotgan deb hisoblansin.
7. O‘zbekiston Respublikasi Prezidentining 2020-yil 6-iyuldagi PF-6019-son Farmoni bilan tasdiqlangan 2020 — 2024-yillarda tovar va moliya bozorlarida raqobatni rivojlantirish strategiyasining 3-bobi 3.7.-bandidagi “Intellektual mulk agentligi” so‘zlari “Adliya vazirligi” so‘zlari bilan almashtirilsin.
8. O‘zbekiston Respublikasi Prezidentining 2020-yil 24-avgustdagi “Litsenziyalash va ruxsat berish tartib-taomillarini tubdan takomillashtirish chora-tadbirlari to‘g‘risida”gi PF-6044-son Farmonida:
a) 12-banddagi “Davlat xizmatlari agentligi” so‘zlari “Adliya vazirligi” so‘zlari bilan almashtirilsin;
b) 13-bandning birinchi xatboshisidagi “Davlat xizmatlari agentligining budjetdan tashqari jamg‘armasi” so‘zlari “Adliya vazirligining Davlat xizmatlarini rivojlantirish jamg‘armasi” so‘zlari bilan almashtirilsin;
v) 17-bandning “v” kichik bandi uchinchi xatboshisi quyidagi tahrirda bayon etilsin:
“Litsenziya” axborot tizimining uzluksiz ishlashini ta’minlasin hamda Adliya vazirligi tomonidan “Litsenziya” axborot tizimi faoliyatida nuqson va nosozliklar aniqlanganida, Vazirlik talabnomasiga asosan ularning uch kun ichida bartaraf etib borilishini ta’minlasin”.
9. O‘zbekiston Respublikasi Prezidentining 2020-yil 5-oktabrdagi “Raqamli O‘zbekiston-2030” strategiyasini tasdiqlash va uni samarali amalga oshirish chora-tadbirlari to‘g‘risida”gi PF-6079-son Farmonida:
a) 22-ilovaning 26-bandi o‘z kuchini yo‘qotgan deb hisoblansin;
3.2.-pozitsiyaning “Tashkilotlar” ustunidagi “Davlat xizmatlari agentligi” so‘zlari “Adliya vazirligi” so‘zlari bilan almashtirilsin.
9.6.-pozitsiyaning “Tashkilotlar” ustunidagi “Intellektual mulk agentligi” so‘zlari “Adliya vazirligi” so‘zlari bilan almashtirilsin.
10. O‘zbekiston Respublikasi Prezidentining 2021-yil 5-iyuldagi “O‘zbekiston Respublikasida sud-ekspertlik tizimini takomillashtirish chora-tadbirlari to‘g‘risida”gi PF-6256-son Farmonida:
ikkinchi xatboshi quyidagi tahrirda bayon etilsin:
“lavozimiga ko‘ra — adliya vazirining birinchi o‘rinbosari, Kengash raisi o‘rinbosari”;
o‘n ikkinchi xatboshi quyidagi tahrirda bayon etilsin:
“lavozimiga ko‘ra — Adliya vazirligi Yuridik ta’lim va sud-ekspertiza boshqarmasi boshlig‘i, Kengash kotibi”;
b) 4-ilovaning 7-pozitsiyasi “Mas’ul tashkilot va muassasa nomi” ustunidagi “, Intellektual mulk agentligi” so‘zlari chiqarib tashlansin.
11. O‘zbekiston Respublikasi Prezidentining 2021-yil 24-iyuldagi “Davlat xizmatlari ko‘rsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari to‘g‘risida”gi PF-6269-son Farmonida:
a) 1-bandning “b” kichik bandi ikkinchi xatboshisi quyidagi tahrirda bayon etilsin:
“ariza beruvchiga to‘lovlar Adliya vazirligining Davlat xizmatlarini rivojlantirish jamg‘armasi mablag‘lari hisobidan qaytariladi va Adliya vazirligi tomonidan davlat xizmatini ko‘rsatish muddatini kechiktirgan davlat organi va tashkilotining budjetdan tashqari va boshqa mablag‘lari hisobidan so‘zsiz (akseptsiz) tartibda undirib olinadi”;
b) 12 va 13-bandlar o‘z kuchini yo‘qotgan deb hisoblansin;
v) 19-banddan “hamda Davlat xizmatlari agentligi direktori U.I. Muxammadiyev” so‘zlari chiqarib tashlansin;
d) 3-ilovaning 1 va 2-bandlari “Ma’lumotlar bazasini raqamlashtirish hamda ularni berishga mas’ul organlar” ustunidagi “Davlat xizmatlari agentligi” so‘zlari “Adliya vazirligi” so‘zlari bilan almashtirilsin;
e) 5-ilovaning 9-pozitsiyasi “vazirlik va idoralardan” ustunidagi “Davlat xizmatlari agentligi (U. Muxammadiyev)” so‘zlari “Adliya vazirligi (R. Davletov)” so‘zlari bilan almashtirilsin;
11-banddagi “Davlat xizmatlari agentligi direktorining birinchi o‘rinbosari” so‘zlari “Davlat xizmatlari departamenti boshlig‘i” so‘zlari bilan almashtirilsin;
z) 7-ilovaning 7-bandi o‘z kuchini yo‘qotgan deb hisoblansin.
12. O‘zbekiston Respublikasi Prezidentining 2022-yil 28-yanvardagi PF-60-son Farmoni bilan tasdiqlangan 2022 — 2026-yillarga mo‘ljallangan Yangi O‘zbekistonning taraqqiyot strategiyasini “Inson qadrini ulug‘lash va faol mahalla yili”da amalga oshirishga oid davlat dasturida 2, 27, 31 va 33-bandlarning “Mas’ul ijrochilar” ustunidagi “, Davlat xizmatlari agentligi (lavozim bo‘yicha)” so‘zlari chiqarib tashlansin.
13. O‘zbekiston Respublikasi Prezidentining 2011-yil 1-avgustdagi “Xalqaro shartnomani tasdiqlash to‘g‘risida”gi PQ-1591-son qarorining 2-bandidan “huzuridagi Intellektual mulk agentligi” so‘zlari chiqarib tashlansin.
14. O‘zbekiston Respublikasi Prezidentining 2011-yil 25-noyabrdagi “Xalqaro shartnomani tasdiqlash to‘g‘risida”gi PQ-1648-son qarorining 2-bandidan “huzuridagi Intellektual mulk agentligi” so‘zlari chiqarib tashlansin.
15. O‘zbekiston Respublikasi Prezidentining 2017-yil 19-yanvardagi PQ-2733-son qarori bilan tasdiqlangan Davlat organlari va tashkilotlari yuridik xizmat xodimlarining martaba darajalari to‘g‘risidagi nizomda:
“v) O‘zbekiston Respublikasi Vazirlar Mahkamasi apparati boshqaruvchisining tavsiyanomasiga ko‘ra O‘zbekiston Respublikasi Vazirlar Mahkamasi apparati boshqaruvchisining Huquqiy ekspertiza masalalari bo‘yicha o‘rinbosariga va uning apparati bosh mutaxassisiga hamda O‘zbekiston Respublikasi Vazirlar Mahkamasining O‘zbekiston Respublikasi Oliy Majlisidagi vakolatli vakili va uning apparati mutaxassislariga beriladi”.
16. O‘zbekiston Respublikasi Prezidentining 2017-yil 3-avgustdagi PQ-3170-son qarori bilan tasdiqlangan Mansabdor shaxslarning xorijiy mamlakatlarga xizmat safarlarini tashkil etish tartibi to‘g‘risidagi nizomda:
a) 13-bandning ikkinchi xatboshisidan “yoki uning o‘rinbosarlari” so‘zlari chiqarib tashlansin;
b) 2-ilovaning III bosqichi “Subyektlar” ustunidan “va uning o‘rinbosarlari” so‘zlari chiqarib tashlansin.
17. O‘zbekiston Respublikasi Prezidentining 2017-yil 23-avgustdagi “Sudlar va adliya organlari faoliyatini moddiy-texnik va moliyaviy ta’minlash tartibini takomillashtirish to‘g‘risida”gi PQ-3240-son qarorining 7-bandi o‘n to‘rtinchi xatboshisi quyidagi tahrirda bayon qilinsin:
“adliya organlari va muassasalarining boshqaruv va yordamchi xodimlari ta’minotiga”.
18. O‘zbekiston Respublikasi Prezidentining 2017-yil 1-noyabrdagi “Xalqaro shartnomani tasdiqlash to‘g‘risida”gi PQ-3366-son qarorining 4-bandidan “hamda Intellektual mulk agentligi bosh direktori A.N. Fayzullayev” so‘zlari chiqarib tashlansin.
19. O‘zbekiston Respublikasi Prezidentining “O‘zbekiston Respublikasi Adliya vazirligi huzuridagi Davlat xizmatlari agentligi faoliyatini tashkil etish to‘g‘risida” 2017-yil 12-dekabrdagi PQ-3430-son qarorining 4-bandida:
a) birinchi xatboshidagi “Agentlik faoliyatini” so‘zlari “Adliya vazirligining Davlat xizmatlarini rivojlantirish jamg‘armasini” so‘zlari bilan almashtirilsin;
20. O‘zbekiston Respublikasi Prezidentining 2018-yil 13-apreldagi “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida”gi PQ-3666-son qarorida:
“1. Quyidagilar O‘zbekiston Respublikasi Adliya vazirligining asosiy vazifalari etib belgilansin:
huquq ijodkorligi sohasida yagona davlat siyosatini yuritish;
normativ-huquqiy hujjatlar va ular loyihalarining tartibga solish ta’sirini baholash hamda korrupsiyaga qarshi ekspertizadan o‘tkazish faoliyatni muvofiqlashtirish;
huquqiy axborotni tarqatish va undan foydalanishni ta’minlash;
huquqiy targ‘ibotni amalga oshirish hamda davlat organlari va tashkilotlarining huquqiy targ‘ibot sohasidagi ishlarini muvofiqlashtirish;
davlat boshqaruvi organlari, xo‘jalik birlashmalari, mahalliy davlat hokimiyati organlari faoliyatida huquqni qo‘llash amaliyotini izchil va bir xilda ta’minlash bo‘yicha choralarni amalga oshirish;
fuqarolarning huquqlari, erkinliklari va qonuniy manfaatlarini huquqiy himoya qilish bo‘yicha choralarni amalga oshirish;
qonunchilik hujjatlari va topshiriqlarning o‘z vaqtida, to‘liq va sifatli amalga oshirilishini ta’minlash yuzasidan, shu jumladan Hisob palatasi bilan birgalikda sohalar, hududlar va idoralar kesimida manzilli va tematik tahliliy o‘rganishlarni olib borish va joylardagi holat monitoringini yuritish;
davlat boshqaruvi tizimining samaradorligini ilg‘or xorijiy tajriba va zamonaviy rivojlanish tendensiyalari asosida tahlil va monitoring qilish;
davlat organlari va tashkilotlarining yuridik xizmatlari faoliyatini muvofiqlashtirish, nazorat qilish va uslubiy ko‘maklashish, shuningdek, qonunchilik hujjatlarida belgilangan davlat organlari va tashkilotlariga yuridik xizmat ko‘rsatilishini ta’minlash;
notariat, advokatura hamda jismoniy va yuridik shaxslarga huquqiy xizmat ko‘rsatuvchi boshqa tuzilmalarning samarali faoliyat ko‘rsatishini ta’minlash;
jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish bo‘yicha choralarni ishlab chiqish va amalga oshirishda ishtirok etish;
nodavlat notijorat tashkilotlarning faoliyatini rivojlantirish sohasida davlat siyosatini amalga oshirish, ularning davlat organlari va tashkilotlari bilan o‘zaro hamkorligini tashkil qilishga ko‘maklashish;
ma’muriy tartib-taomillar sohasida yagona davlat siyosatini amalga oshirish;
jismoniy va yuridik shaxslarga davlat xizmatlari ko‘rsatish sohasida yagona davlat siyosatini amalga oshirish;
ortiqcha ma’muriy tartib-taomillarni bartaraf etish hisobiga davlat xizmatlari ko‘rsatish tartibini takomillashtirish, shuningdek, idoralararo elektron hamkorlikni rivojlantirish;
davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlar faoliyatini nazorat qilish va samaradorligini baholash;
intellektual mulk sohasida yagona davlat siyosatini ishlab chiqish hamda ixtirolar, tovar belgilari, mualliflik huquqi va boshqa intellektual mulk obyektlariga bo‘lgan huquqlarni himoya qilish;
ixtirolar, foydali modellar, sanoat namunalari, tovar belgilari va boshqa intellektual mulk obyektlarini huquqiy muhofaza qilish;
yuridik kadrlarni tayyorlash, qayta tayyorlash va malakasini oshirishni tashkil etish, yurisprudensiya sohasidagi fundamental va amaliy tadqiqotlarni amalga oshirishni ta’minlash;
sud-ekspertlik faoliyatini rivojlantirishning ustuvor yo‘nalishlarini ishlab chiqish, sud ekspertlarini tayyorlash va malakasini oshirish ishlarini muvofiqlashtirish;
siyosiy-huquqiy sohaga oid xalqaro reyting va indekslarda O‘zbekiston Respublikasining o‘rnini yaxshilash bo‘yicha tizimli va izchil choralar ko‘rish;
xalqaro-huquqiy hamkorlikni yo‘lga qo‘yish va mustahkamlash, xalqaro shartnomalarni huquqiy ekspertizadan o‘tkazish;
xalqaro va xorijiy tashkilotlarda O‘zbekiston Respublikasi manfaatlarining huquqiy himoyasini ta’minlash, xalqaro hamjamiyat, xorijiy investorlarni milliy huquq tizimi va amalga oshirilayotgan huquqiy islohotlar haqida o‘z vaqtida xabardor qilish”;
to‘rtinchi xatboshidan “O‘zbekiston Respublikasi Davlat budjetidan moliyalashtiriladigan boshqaruv xodimlarining cheklangan umumiy soni 210 nafardan iborat bo‘lgan” so‘zlari chiqarib tashlansin;
g) 4-bandning ikkinchi xatboshisidagi “barcha normativ-huquqiy hujjatlar loyihalari” so‘zlari “muhim iqtisodiy va ijtimoiy-siyosiy ahamiyatga ega normativ-huquqiy hujjatlar loyihalari, qoida tariqasida,” so‘zlari bilan almashtirilsin;
(20-band “d” kichik bandining birinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
“O‘zbekiston Respublikasi Prezidentining 2018-yil 13-apreldagi PQ-3666-son qaroriga 1-ILOVA
O‘zbekiston Respublikasi Adliya vazirligi to‘g‘risida NIZOM
1-bob. Umumiy qoidalar
1. Mazkur Nizom O‘zbekiston Respublikasi Adliya vazirligining (keyingi o‘rinlarda — Vazirlik) maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini belgilaydi.
2. Vazirlik adliya organlari va muassasalari faoliyatiga umumiy rahbarlik qiluvchi va uni muvofiqlashtiruvchi davlat boshqaruvi organi hisoblanadi.
Vazirlik O‘zbekiston Respublikasi Vazirlar Mahkamasiga (keyingi o‘rinlarda — Vazirlar Mahkamasi), faoliyatining ayrim masalalari bo‘yicha esa bevosita O‘zbekiston Respublikasi Prezidentiga bo‘ysunadi.
Vazirlik markaziy apparati, Qoraqalpog‘iston Respublikasi Adliya vazirligi, hududiy adliya boshqarmalari, tumanlar (shaharlar) adliya bo‘limlari huquqni muhofaza qiluvchi organlar hisoblanadi.
3. Vazirlik o‘z faoliyatida O‘zbekiston Respublikasining Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonunchilik hujjatlariga amal qiladi.
4. Vazirlikning o‘z vakolatlari doirasida qabul qilgan qarorlari davlat boshqaruvi organlari, xo‘jalik birlashmalari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek yuridik va jismoniy shaxslar tomonidan bajarilishi majburiy hisoblanadi.
5. Vazirlik, Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari yuridik shaxs hisoblanadi, O‘zbekiston Respublikasi Davlat gerbi tasviri tushirilgan muhrga va blankalarga, mustaqil balansga, shaxsiy g‘azna hisobvaraqlariga, bank hisobvaraqlariga, shu jumladan, chet el valyutasidagi bank hisobvaraqlariga egadirlar.
Tuman (shahar) adliya bo‘limlari, yuridik xizmat ko‘rsatish markazlari, davlat xizmatlari markazlari va fuqarolik holati dalolatnomalarini yozish organlari (keyingi o‘rinlarda — FHDY organlari) yuridik shaxs hisoblanmaydi, mol-mulkka, xo‘jalik yurituvida yoki operativ boshqaruvda alohida mol-mulkka ega bo‘lmaydi. FHDY organlari O‘zbekiston Respublikasi Davlat gerbi tasviri tushirilgan muhr va blankalarga ega bo‘ladilar.
6. Vazirlikning rasmiy nomi:
a) davlat tilida:
to‘liq nomi — O‘zbekiston Respublikasi Adliya vazirligi, qisqartirilgan nomi — Adliya vazirligi;
b) rus tilida:
to‘liq nomi — Ministerstvo yustitsii Respubliki Uzbekistan, qisqartirilgan nomi — Ministerstvo yustitsii yoki Minyust;
v) ingliz tilida:
to‘liq nomi — Ministry of Justice of the Republic of Uzbekistan, qisqartirilgan nomi — Ministry of Justice yoki Minjust.
7. Vazirlikning joylashgan joyi (pochta manzili): Toshkent shahri, Sayilgoh ko‘chasi, 5-uy.
2-bob. Vazirlik tuzilmasi
8. Vazirlik tizimiga quyidagilar kiradi:
Vazirlik markaziy apparati;
Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari, tumanlar (shaharlar) adliya bo‘limlari, yuridik xizmat ko‘rsatish markazlari, davlat xizmatlari markazlari va FXDYO organlari;
Huquqiy siyosat tadqiqot instituti;
X. Sulaymonova nomidagi Respublika sud ekspertiza markazi;
“Adolat” milliy huquqiy axborot markazi” davlat muassasasi;
“Adliya organlari va muassasalarida axborot-kommunikatsiya texnologiyalarini rivojlantirish markazi” davlat muassasasi;
“Davlat xizmatlarini rivojlantirish markazi” davlat muassasasi;
“Intellektual mulk markazi” davlat muassasasi;
davlat notarial idoralari va arxivlari;
Yuristlar malakasini oshirish markazi;
Toshkent davlat yuridik universiteti;
yuridik texnikumlar;
Akademik litsey.
Adliya organlari va muassasalari mahalliy davlat hokimiyati organlaridan mustaqildir va bevosita Vazirlikka bo‘ysunadilar.
3-bob. Vazirlikning vazifalari va funksiyalari
9. Quyidagilar Vazirlikning asosiy vazifalari hisoblanadi:
huquq ijodkorligi sohasida yagona davlat siyosatini yuritish;
normativ-huquqiy hujjatlar va ular loyihalarining tartibga solish ta’sirini baholash hamda korrupsiyaga qarshi ekspertizadan o‘tkazish faoliyatni muvofiqlashtirish;
huquqiy axborotni tarqatish va undan foydalanishni ta’minlash;
huquqiy targ‘ibotni amalga oshirish hamda davlat organlari va tashkilotlarining huquqiy targ‘ibot sohasidagi ishlarini muvofiqlashtirish;
davlat boshqaruvi organlari, xo‘jalik birlashmalari, mahalliy davlat hokimiyati organlari faoliyatida huquqni qo‘llash amaliyotini izchil va bir xilda ta’minlash bo‘yicha choralarni amalga oshirish;
fuqarolarning huquqlari, erkinliklari va qonuniy manfaatlarini huquqiy himoya qilish bo‘yicha choralarni amalga oshirish;
qonunchilik hujjatlari va topshiriqlarning o‘z vaqtida, to‘liq va sifatli amalga oshirilishini ta’minlash yuzasidan, shu jumladan Hisob palatasi bilan birgalikda sohalar, hududlar va idoralar kesimida manzilli va tematik tahliliy o‘rganishlarni olib borish va joylardagi holat monitoringini yuritish;
davlat boshqaruvi tizimining samaradorligini ilg‘or xorijiy tajriba va zamonaviy rivojlanish tendensiyalari asosida tahlil va monitoring qilish;
davlat organlari va tashkilotlarining yuridik xizmatlari faoliyatini muvofiqlashtirish, nazorat qilish va uslubiy ko‘maklashish, shuningdek, qonunchilik hujjatlarida belgilangan davlat organlari va tashkilotlariga yuridik xizmat ko‘rsatilishini ta’minlash;
notariat, advokatura hamda jismoniy va yuridik shaxslarga huquqiy xizmat ko‘rsatuvchi boshqa tuzilmalarning samarali faoliyat ko‘rsatishini ta’minlash;
jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish bo‘yicha choralarni ishlab chiqish va amalga oshirishda ishtirok etish;
nodavlat notijorat tashkilotlarning faoliyatini rivojlantirish sohasida davlat siyosatini amalga oshirish, ularning davlat organlari va tashkilotlari bilan o‘zaro hamkorligini tashkil qilishga ko‘maklashish;
ma’muriy tartib-taomillar sohasida yagona davlat siyosatini amalga oshirish;
jismoniy va yuridik shaxslarga davlat xizmatlari ko‘rsatish sohasida yagona davlat siyosatini amalga oshirish;
ortiqcha ma’muriy tartib-taomillarni bartaraf etish hisobiga davlat xizmatlari ko‘rsatish tartibini takomillashtirish, shuningdek, idoralararo elektron hamkorlikni rivojlantirish;
davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlar faoliyatini nazorat qilish va samaradorligini baholash;
intellektual mulk sohasida yagona davlat siyosatini ishlab chiqish hamda ixtirolar, tovar belgilari, mualliflik huquqi va boshqa intellektual mulk obyektlariga bo‘lgan huquqlarni himoya qilish;
ixtirolar, foydali modellar, sanoat namunalari, tovar belgilari va boshqa intellektual mulk obyektlarini huquqiy muhofaza qilish;
yuridik kadrlarni tayyorlash, qayta tayyorlash va malakasini oshirishni tashkil etish, yurisprudensiya sohasidagi fundamental va amaliy tadqiqotlarni amalga oshirishni ta’minlash;
sud-ekspertlik faoliyatini rivojlantirishning ustuvor yo‘nalishlarini ishlab chiqish, sud ekspertlarini tayyorlash va malakasini oshirish ishlarini muvofiqlashtirish;
siyosiy-huquqiy sohaga oid xalqaro reyting va indekslarda O‘zbekiston Respublikasining o‘rnini yaxshilash bo‘yicha tizimli va izchil choralar ko‘rish;
xalqaro-huquqiy hamkorlikni yo‘lga qo‘yish va mustahkamlash, xalqaro shartnomalarni huquqiy ekspertizadan o‘tkazish;
xalqaro va xorijiy tashkilotlarda O‘zbekiston Respublikasi manfaatlarining huquqiy himoyasini ta’minlash, xalqaro hamjamiyat, xorijiy investorlarni milliy huquq tizimi va amalga oshirilayotgan huquqiy islohotlar haqida o‘z vaqtida xabardor qilish.
10. Vazirlik o‘ziga yuklangan vazifalarga muvofiq quyidagi funksiyalarni amalga oshiradi:
1) huquq ijodkorligi sohasida yagona davlat siyosatini yuritish sohasida:
konstitutsiyaviy normalarni amalga oshirish, inson huquqlari va erkinliklarini ta’minlash, jamiyatda qonunga rioya etish va hurmat ruhini mustahkamlash maqsadida huquqiy siyosatning ustuvor yo‘nalishlarini ishlab chiqadi;
davlat organlari va tashkilotlarining huquq ijodkorligi masalalari bo‘yicha faoliyatini muvofiqlashtiradi va uslubiy rahbarlikni amalga oshiradi;
davlat organlari va tashkilotlari huquq ijodkorligi faoliyatining monitoringi va tahlilini amalga oshiradi;
normativ-huquqiy hujjatlar loyihalarini qonunchilikka, xalqaro shartnomalar normalariga, mamlakatda amalga oshirilayotgan islohotlarning maqsad va vazifalariga, qonunchilik texnikasi qoidalariga muvofiqligi, ularda korrupsiyaga, boshqa huquqbuzarliklarni sodir etishga shart-sharoit yaratuvchi, shuningdek jismoniy va yuridik shaxslar uchun ortiqcha ma’muriy va boshqa cheklovlarni joriy etuvchi qoidalar va normalar mavjudligini aniqlash hamda texnik jihatdan tartibga solish sohasidagi normativ hujjatlarning qonunchilikka muvofiqligini, ularda huquqiy normalar mavjudligini aniqlash nuqtai nazaridan huquqiy ekspertizadan o‘tkazadi;
normativ-huquqiy hujjatlarni amaliyotda qo‘llashdagi korrupsiyaviy xavflarni tahlil qiladi, shuningdek normativ-huquqiy hujjatlar va ularning loyihalaridagi korrupsiyaga sabab bo‘ladigan normalarni aniqlaydi, ularni bartaraf etishga qaratilgan choralar ko‘radi va tavsiyalar ishlab chiqadi;
qonunchilik hujjatlaridagi huquqiy nuqsonlarni, huquqbuzarliklarni sodir etishga shart-sharoit yaratuvchi, shuningdek jismoniy va yuridik shaxslar uchun ortiqcha ma’muriy va boshqa cheklovlarni joriy etuvchi qoidalar va normalarni aniqlaydi va ularni bartaraf etish bo‘yicha takliflar tayyorlaydi;
qonunosti hujjatlariga rasmiy sharhlarning loyihalarini tayyorlaydi va ularni O‘zbekiston Respublikasi Prezidenti va Vazirlar Mahkamasiga ko‘rib chiqish uchun kiritadi;
O‘zbekiston Respublikasi Prezidenti va Vazirlar Mahkamasining topshiriqlariga asosan normativ-huquqiy hujjatlar rasmiy sharhlarining loyihalari bo‘yicha xulosalar beradi;
idoraviy normativ-huquqiy hujjatlarni davlat ro‘yxatidan o‘tkazadi;
idoraviy normativ-huquqiy hujjatlarning davlat reyestrini yuritadi;
vazirliklar, davlat qo‘mitalari va idoralarning huquqiy hujjatlarini davlat ro‘yxatidan o‘tkazilishi lozim bo‘lmagan hujjatlar toifasiga kiritish haqida qarorlar qabul qiladi;
idoraviy normativ-huquqiy hujjatlarni qabul qilish, davlat ro‘yxatidan o‘tkazish va manfaatdor shaxslar e’tiboriga yetkazishning belgilangan tartibiga rioya qilinishi ustidan nazoratni amalga oshiradi;
Hukumat bayonnoma qarorlari hisobini yuritadi;
mahalliy davlat hokimiyati organlarining normativ-huquqiy hujjatlarini huquqiy ekspertizadan o‘tkazish, qabul qilish, e’lon qilish va manfaatdor shaxslar e’tiboriga yetkazishning belgilangan tartibiga rioya qilinishi ustidan nazoratni amalga oshiradi;
davlat organlari va tashkilotlari tomonidan normativ-huquqiy hujjatlarning turkumlashtirilgan hisobini yuritish tartibini tasdiqlaydi, unga rioya qilish ustidan nazoratni amalga oshiradi;
O‘zbekiston Respublikasi normativ-huquqiy hujjatlarining davlat hisobini va qonunchilik hujjatlarini tizimlashtirish bo‘yicha ishlarni amalga oshiradi;
O‘zbekiston Respublikasi normativ-huquqiy hujjatlarining nazorat nusxalarini yuritadi, ularning bankini (fondini) shakllantiradi;
davlat organlari va tashkilotlarining normativ-huquqiy hujjatlari loyihalarini tayyorlash, yuridik-texnik jihatdan rasmiylashtirish va huquqiy ekspertizadan o‘tkazish bo‘yicha uslubiy ko‘rsatmalarni tasdiqlaydi;
normativ-huquqiy hujjatlar va ular loyihalarining korrupsiyaga qarshi ekspertizasini o‘tkazish tartibini belgilaydi;
idoraviy normativ-huquqiy hujjatlarni tayyorlash va qabul qilish qoidalarini tasdiqlaydi;
Qonunchilik tarmoqlari umumhuquqiy klassifikatorini tasdiqlaydi, normativ-huquqiy hujjatlarga klassifikator asosida kodlar beradi;
mahalliy davlat hokimiyati organlarining normativ-huquqiy tusdagi qarorlarini qonunchilik hujjatlariga, mamlakatimizda amalga oshirilayotgan islohotlarning maqsad va vazifalariga muvofiqligi nuqtai nazaridan huquqiy ekspertizadan o‘tkazadi;
2) normativ-huquqiy hujjatlar va ular loyihalarining tartibga solish ta’sirini baholash hamda korrupsiyaga qarshi ekspertizadan o‘tkazish faoliyatni muvofiqlashtirish sohasida:
davlat boshqaruvi organlari, mahalliy ijro etuvchi hokimiyat organlari va boshqa tashkilotlarning normativ-huquqiy hujjatlar va ular loyihalarining tartibga solish ta’sirini baholash hamda korrupsiyaga qarshi ekspertizadan o‘tkazish bo‘yicha faoliyatini muvofiqlashtiradi, tahlil qiladi va monitoringini amalga oshiradi, shuningdek ularga uslubiy yordam ko‘rsatadi;
normativ-huquqiy hujjatlar va ular loyihalarining tartibga solish ta’sirini baholaydi hamda ularni korrupsiyaga qarshi ekspertizadan o‘tkazadi;
davlat boshqaruvi organlari, mahalliy ijro etuvchi hokimiyat organlari va boshqa tashkilotlardagi tartibga solish ta’sirini baholashga mas’ul bo‘lgan xodimlarning ro‘yxatini shakllantiradi;
qonunchilik hujjatlari va ularning loyihalarini korrupsiyaga qarshi ekspertizadan o‘tkazish bo‘yicha ekspertlar reyestrini yuritadi;
davlat boshqaruvi organlari, mahalliy ijro etuvchi hokimiyat organlari va boshqa tashkilotlarning tartibga solish ta’sirini baholash hamda korrupsiyaga qarshi ekspertizadan o‘tkazishga mas’ul bo‘lgan xodimlarining malakasini oshirish bo‘yicha takliflar tayyorlaydi;
davlat organlari va tashkilotlari yuridik xizmat xodimlarining normativ-huquqiy hujjatlar va ularning loyihalarini korrupsiyaga qarshi ekspertizadan o‘tkazish faoliyatini baholaydi;
normativ-huquqiy hujjatlar va ular loyihalarini tartibga solish ta’sirini baholash hamda korrupsiyaga qarshi ekspertizadan o‘tkazish sohasidagi qoidabuzarliklarni bartaraf etish bo‘yicha ta’sir choralarini ko‘radi;
tartibga solish ta’sirini baholash hamda korrupsiyaga qarshi ekspertizadan o‘tkazish tizimining holati bo‘yicha axborotni ommaviy axborot vositalarida e’lon qiladi hamda O‘zbekiston Respublikasi Prezidenti Administratsiyasi va Vazirlar Mahkamasiga kiritadi;
3) huquqiy axborotni tarqatish va undan foydalanishni ta’minlash sohasida:
davlat organlari va tashkilotlarining huquqiy axborotni tarqatish va undan foydalanishni ta’minlash sohasidagi faoliyatini muvofiqlashtiradi, uslubiy rahbarlikni va nazoratni amalga oshiradi;
normativ-huquqiy hujjatlar va tegishli axborot-tahliliy materiallarning barcha davlat organlari va tashkilotlariga o‘z vaqtida yetkazilishini ta’minlaydi;
huquqiy axborotni yig‘ish, qayta ishlash va tahlil qilishning dasturiy-texnik vositalari va texnologiyalari joriy etilishini tashkil qiladi;
O‘zbekiston Respublikasi qonunchilik hujjatlari ma’lumotlari milliy bazasini yaratish va saqlashni tashkil qiladi, yuridik va jismoniy shaxslarning undan foydalanishini belgilangan tartibda ta’minlaydi;
normativ-huquqiy hujjatlarni, shu jumladan normativ-huquqiy hujjatlarni e’lon qilishning rasmiy manbai hisoblangan “O‘zbekiston Respublikasi qonun hujjatlari to‘plami”, shuningdek O‘zbekiston Respublikasi Tashqi ishlar vazirligi bilan birgalikda “O‘zbekiston Respublikasi xalqaro shartnomalari to‘plami”ning rasmiy nashr etilishini tashkil etadi;
4) huquqiy targ‘ibotni amalga oshirish hamda davlat organlari va tashkilotlarining huquqiy targ‘ibot sohasidagi ishlarini muvofiqlashtirish sohasida:
huquqiy targ‘ibotni amalga oshirish hamda aholiga qonunchilik hujjatlarining mohiyati va ahamiyatini yetkazishni tashkil qiladi;
davlat organlari va tashkilotlarining huquqiy targ‘ibot sohasidagi ishlarini baholaydi;
davlat organlari va tashkilotlari tomonidan huquqiy targ‘ibot bo‘yicha olib borilgan ishlarni o‘rganadi;
davlat organlari va tashkilotlarining huquqiy axborotdan keng ko‘lamda foydalanishini ta’minlaydi, ularning fuqarolik jamiyati institutlari va ommaviy axborot vositalari bilan samarali hamkorlik qilish bo‘yicha faoliyatini muvofiqlashtiradi;
qonunchilikning mohiyati va ahamiyati to‘g‘risida xabardor qilishning sifatini tubdan oshirish, ushbu faoliyatni tashkil qilishda prinsipial yangi yondashuvlarni ishlab chiqish bo‘yicha kompleks chora-tadbirlarni amalga oshiradi;
qonunchilikning mohiyati va ahamiyati to‘g‘risida xabardor qilishning sifatini tubdan yaxshilash maqsadida keng jamoatchilik fikrini o‘rganadi va tahlil qiladi;
qonunchilik hujjatlari va topshiriqlar mazmun-mohiyatini oddiy va xalqchil tilda tushuntirish bo‘yicha “Prezident qarorlari — hayotda va nazoratda” rukni ostida videoroliklar, infografikalar va boshqa ko‘rgazmali materiallar tayyorlaydi hamda ularni televideniye va ijtimoiy tarmoqlarda yoritib boradi;
O‘zbekiston Respublikasi Oliy Majlisining Senatiga huquqiy targ‘ibot holati haqida har yili axborot taqdim etadi;
5) davlat boshqaruvi organlari, xo‘jalik birlashmalari, mahalliy davlat hokimiyati organlari faoliyatida huquqni qo‘llash amaliyotini izchil va bir xilda ta’minlash bo‘yicha choralarni amalga oshirish sohasida:
davlat organlari va tashkilotlari faoliyatida normativ-huquqiy hujjatlarni qo‘llash amaliyotini tahlil qiladi va o‘rganadi;
qonunchilik hujjatlari va huquqni qo‘llash faoliyati samaradorligi masalalari bo‘yicha jamoatchilik fikrini o‘rganishni tashkil qiladi;
qonunchilik hujjatlarini qo‘llash amaliyotini umumlashtiradi va tegishli soha faoliyatida davlat siyosatining amalga oshirilishi holatini tahlil qiladi, uning asosida huquqni qo‘llash faoliyatini takomillashtirish bo‘yicha choralarni ishlab chiqadi;
davlat boshqaruvi organlarining huquqiy monitoringni o‘tkazish sohasidagi faoliyatini muvofiqlashtiradi;
davlat boshqaruvi organlari tomonidan huquqiy monitoring o‘tkazilishini tahlil qiladi va ular tomonidan huquqiy monitoring o‘tkazish sifatini oshirish bo‘yicha choralar ko‘rish uchun tavsiyalar tayyorlaydi;
hududlarning huquq ustuvorligi indeksini aniqlashda ishtirok etuvchi mas’ul idora va tashkilotlar faoliyatini muvofiqlashtiradi hamda hududlarning huquq ustuvorligi indeksini aniqlash “Nuquq ustuvorligi” avtomatlashtirilgan axborot tizimi operatori vazifasini bajaradi, indikatorlar bo‘yicha ko‘rsatkichlarni tahlil qiladi va ularning sabablarini o‘rganadi;
ko‘chmas mulk obyektini buzib tashlash to‘g‘risidagi qaror loyihasini ko‘rib chiqadi va xulosa beradi;
davlat organlari va boshqa tashkilotlar tomonidan Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali berish tartibi to‘g‘risida nizom talablariga so‘zsiz rioya etilishi bo‘yicha tizimli nazorat va monitoringni amalga oshiradi;
6) fuqarolarning huquqlari, erkinliklari va qonuniy manfaatlarini huquqiy himoya qilish bo‘yicha choralarni amalga oshirish sohasida:
davlat organlari va davlat ishtirokidagi tashkilotlar tomonidan inson huquqlari sohasidagi qonunchilik hujjatlariga rioya etilishi ustidan nazoratni amalga oshiradi;
inson huquqlari va erkinliklari buzilishi mumkin bo‘lgan holatlar to‘g‘risida axborot yig‘ish va xalqaro shartnomalarda aks ettirilgan inson huquqlari va erkinliklari universal standart prinsiplarini hisobga olgan holda uni baholashni amalga oshiradi;
fuqarolarning davlat organlari va davlat ishtirokidagi tashkilotlarda buzilgan huquqlarini tiklash bo‘yicha choralar ko‘radi;
7) qonunchilik hujjatlari va topshiriqlarning o‘z vaqtida, to‘liq va sifatli amalga oshirilishini ta’minlash yuzasidan, shu jumladan Hisob palatasi bilan birgalikda sohalar, hududlar va idoralar kesimida manzilli va tematik tahliliy o‘rganishlarni olib borish va joylardagi holat monitoringini yuritish sohasida:
“ljro.gov.uz” tizimida qonunchilik hujjatlari va topshiriqlar o‘z vaqtida ijro etilishi ustidan nazorat olib boradi va “ljro.gov.uz” tizimini yuritadi;
“ljro.gov.uz” tizimiga nazoratga olinadigan topshiriqlarni kiritadi, mazkur topshiriqlardan kelib chiqqan holda mas’ul ijrochilar va topshiriqni bajarish muddatlarini belgilaydi, ijrochilar tomonidan kiritilgan ma’lumotlar to‘liqligi va haqqoniyligini tekshiradi, shuningdek, qonunchilik hujjatlari va topshiriqlarda belgilangan ijro muddatlarini uzaytirish haqidagi takliflar asosliligini o‘rganadi;
qonunchilik hujjatlari va topshiriqlar ijrosi holati to‘g‘risidagi ma’lumotni har oyda O‘zbekiston Respublikasi Prezidenti Administratsiyasi va Vazirlar Mahkamasiga kiritib boradi;
qonunchilik hujjatlari va topshiriqlar ijrosi bo‘yicha yillik manzilli va tematik tahliliy o‘rganishlar dasturi loyihasini ishlab chiqadi hamda tasdiqlash uchun O‘zbekiston Respublikasi Prezidenti Administratsiyasi rahbariga kiritadi;
axborot kommunikatsiya texnologiyalari, shu jumladan, ijtimoiy tarmoqlar, messenjerlar, “ljro.gov.uz” tizimining mobil ilovasi va boshqa qayta aloqa vositalari orqali joylardagi qonunchilik hujjatlari va topshiriqlar ijrosi holatini tizimli monitoring qiladi;
fuqarolik jamiyati institutlari, ommaviy axborot vositalari va fuqarolarni jalb qilgan holda jamoatchilik monitoringi va eshituvlarini tashkil qiladi;
qonunchilik hujjatlari va topshiriqlar ijrosi holati yuzasidan manzilli va tematik o‘rganishlar o‘tkazadi va ularning natijalari bo‘yicha har chorakda O‘zbekiston Respublikasi Prezidenti Administratsiyasi va Vazirlar Mahkamasiga takliflar kiritadi;
davlat organlari va tashkilotlarining ochiqlik holatini manzilli va tematik o‘rganishlar, jamoatchilik monitoringi hamda jamoatchilik eshituvlari, shuningdek, vakolati doirasida boshqa vositalardan foydalangan holda tahlil qiladi;
davlat organlari va tashkilotlariga qonunchilik hujjatlari va topshiriqlar ijrosi yuzasidan huquqiy-uslubiy ko‘maklashishga mo‘ljallangan metodik qo‘llanmalar ishlab chiqadi hamda ularga ushbu sohada huquqiy-uslubiy jihatdan ko‘maklashadi;
8) davlat boshqaruvi tizimining samaradorligini ilg‘or xorijiy tajriba va zamonaviy rivojlanish tendensiyalari asosida tahlil va monitoring qilish sohasida:
davlat boshqaruvi tizimining samaradorligi va natijadorligini aniqlash maqsadida davlat organlari va tashkilotlarining faoliyatini kompleks va tizimli monitoring va tahlil qiladi;
davlat organlari va tashkilotlari vakolati va funksiyalarining to‘liq va sifatli amalga oshirilayotganligi hamda belgilangan maqsadlarga erishilayotganligini funksional tahlil qiladi;
tahlil va monitoring natijalariga ko‘ra davlat boshqaruvi tizimini, davlat organlari va tashkilotlarining tashkiliy-shtat tuzilmalarini va ishlash mexanizmlarini takomillashtirish, ularning bir birini takrorlovchi funksiyalarini, ortiqcha va xos bo‘lmagan vazifalar, funksiyalar hamda vakolatlarni chiqarib tashlash hisobiga optimallashtirish va nomarkazlashtirish bo‘yicha takliflar tayyorlaydi;
davlat organlari va tashkilotlari xodimlari faoliyatini baholash mezonlarini ishlab chiqishda ishtirok etadi;
manfaatdor vazirlik va idoralar bilan birgalikda har yili idoralararo kollegial organlar faoliyati samaradorligini tahlil qiladi va baholaydi hamda natijasi bo‘yicha ularni kelgusida qisqartirish va optimallashtirish yuzasidan takliflar kiritadi;
idoralararo kollegial organlar reyestrini shakllantiradi va doimiy yangilab boradi;
9) Davlat organlari va tashkilotlarining yuridik xizmatlari faoliyatini muvofiqlashtirish, nazorat qilish va uslubiy ko‘maklashish, shuningdek, qonunchilik hujjatlarida belgilangan davlat organlari va tashkilotlariga yuridik xizmat ko‘rsatilishini ta’minlash sohasida:
davlat organlari va tashkilotlarining yuridik xizmatlari faoliyatini muvofiqlashtirishni va nazoratini amalga oshiradi;
davlat organlari va tashkilotlarining yuridik xizmatlari faoliyatini, ular tomonidan amalga oshirilayotgan huquqiy ishlar holatini o‘rganadi;
davlat organlari va tashkilotlarining yuridik xizmatlari xodimlarini lavozimiga tayinlash va ozod qilishda ishtirok etadi;
davlat organlari va tashkilotlari yuridik xizmatlari xodimlarining malakasini oshirishni tashkil qiladi;
davlat organlari va tashkilotlarining yuridik xizmatlari xodimlarini attestatsiyadan o‘tkazish tartibini belgilaydi, attestatsiyadan o‘tganlik to‘g‘risida guvohnoma beradi;
davlat organlari va tashkilotlari yuridik xizmatlari xodimlarining hisobini yuritadi;
davlat organlari va tashkilotlarining yuridik xizmati xodimi lavozimiga birinchi marta tayinlangan shaxslarning stajirovka o‘tashini tashkil etadi;
davlat organlari va tashkilotlarining yuridik xizmatlari faoliyatini uslubiy jihatdan ta’minlashni amalga oshiradi;
davlat organlari va tashkilotlari yuridik xizmatlarining ma’lumotlar bazasini shakllantirish va yuritish tartibini, ma’lumotlar bazasiga kiritish uchun ma’lumot taqdim etish shakllari va muddatlarini belgilaydi;
davlat organlari va tashkilotlarining yuridik xizmatlari xodimlarini lavozimiga tayinlash va ozod qilish masalasini adliya organlari bilan kelishish tartibini belgilaydi;
davlat organlari va tashkilotlari yuridik xizmatlari xodimlarining adliya organlarida stajirovka o‘tash tartibini belgilaydi;
davlat organlari va tashkilotlari yuridik xizmatlari xodimlarining ish joyini moddiy-texnik jihatdan ta’minlashga qo‘yilgan minimal talablarni ishlab chiqadi va tasdiqlaydi;
qonunchilik hujjatlarida ko‘rsatilgan hollarda Davlat budjetidan moliyalashtiriladigan tuman (shahar) darajasidagi davlat organlari va tashkilotlariga zamonaviy axborot texnologiyalari yordamida markazlashgan holda sifatli yuridik xizmat ko‘rsatilishini tashkil qiladi;
qonunchilik hujjatlarida belgilangan tartibda boshqa tashkilotlarga pullik asosda yuridik xizmat ko‘rsatilishini tashkil qiladi;
10) notariat, advokatura hamda jismoniy va yuridik shaxslarga huquqiy xizmat ko‘rsatuvchi boshqa tuzilmalarning samarali faoliyat ko‘rsatishini ta’minlash sohasida:
notariat sohasida davlat siyosatini amalga oshiradi va yagona notarial amaliyotni ta’minlash bo‘yicha choralar ko‘radi;
notariuslar tomonidan notariat to‘g‘risidagi qonunchilikka rioya etilishi ustidan nazoratni amalga oshiradi, ularning ishini tahlil qiladi va umumlashtiradi;
davlat notarial idorasi notariusini lavozimga tayinlash bo‘yicha tanlov va xususiy notarial faoliyat bilan shug‘ullanish huquqini berish bo‘yicha malaka imtihonini o‘tkazish tartibini belgilaydi;
“Notarius” yagona avtomatlashtirilgan axborot tizimining shakllantirilishini va yuritilishini hamda uni vazirlik va idoralarning ma’lumotlar bazalari va axborot tizimlari bilan integratsiyalashni ta’minlaydi;
chet elda foydalanish uchun mo‘ljallangan hujjatlardagi notariuslar imzosining va ularning muhri ko‘chirmasining haqiqiyligini tasdiqlaydi, notarial faoliyat bilan bog‘liq bo‘lgan boshqa funksiyalarni bajaradi;
notarial ish yuritish qoidalarini, notariuslar tomonidan notarial harakatlarni amalga oshirish tartibi to‘g‘risidagi yo‘riqnomalarni, notarial harakatlar, tasdiqlovchi yozuvlar va guvohnomalarni ro‘yxatga olish reyestrlari shaklini, notarius stajyori faoliyatini tashkil etish tartibini tasdiqlaydi;
O‘zbekiston Respublikasi Notarial palatasi (keyingi o‘rinlarda — Notarial palata) bilan kelishilgan holda notariuslar tomonidan statistik ma’lumotlarni taqdim etish shakllarini tasdiqlaydi va muddatlarini belgilaydi;
davlat notarial idoralarini tashkil etadi va tugatadi, notarius lavozimini ta’sis etadi va tugatadi, notariuslarning reyestrini yuritadi;
xususiy amaliyot bilan shug‘ullanuvchi notariuslar faoliyatini litsenziyalaydi;
Notarial palata bilan birgalikda xususiy amaliyot bilan shug‘ullanuvchi notariuslar tomonidan litsenziya talablari va shartlariga rioya etilishi ustidan nazoratni amalga oshiradi;
xususiy amaliyot bilan shug‘ullanuvchi notariuslarni hisobga qo‘yish va hisobdan chiqarish tartibiga rioya qilinishi ustidan nazoratni amalga oshiradi;
notariuslar lavozimlarining eng kam sonini tasdiqlaydi va muayyan hududdagi (notarial okrugdagi) notariuslar lavozimlarining eng kam sonini belgilaydi;
notariuslar malakasini oshirish, ularni attestatsiyadan o‘tkazish va boshqa joyga o‘tkazish (rotatsiya) tartibini belgilaydi;
Vazirlik huzuridagi Oliy malaka komissiyasi va Qoraqalpog‘iston Respublikasi, viloyatlar va Toshkent shahar adliya boshqarmalari huzuridagi malaka komissiyalari to‘g‘risidagi nizomlarni tasdiqlaydi;
Vazirlik huzuridagi Oliy malaka komissiyasining faoliyatini tashkil etadi;
notarial harakatlar bo‘yicha statistikani yuritadi;
Notarial palata faoliyatiga ko‘maklashadi;
O‘zbekiston Respublikasining xalqaro shartnomalariga muvofiq tegishli rasmiy hujjatlarga apostil qo‘yadi;
notarial idoralar, O‘zbekiston Respublikasining chet davlatlardagi konsullik muassasalarini qat’iy hisobdagi gerbli (maxsus) blanklar bilan ta’minlaydi;
notarial idoralarga beriladigan gerbli blanklarni hisobga olish, saqlash, sarflash va ular bo‘yicha hisobot berish tartibini belgilaydi;
pullik xizmatlar va notariuslar tomonidan amalga oshiriladigan huquqiy va texnik xususiyatga ega qo‘shimcha harakatlar ro‘yxatini, ushbu harakatlar amalga oshirilganligi va xizmatlar ko‘rsatilganligi uchun, shuningdek idoraviy notarial arxivlar tomonidan yuridik va jismoniy shaxslarga notarial tasdiqlangan hujjatlarning dublikatlari, reyestrlardan ko‘chirmalar, ma’lumotnomalarning va arxiv hujjatlarining ko‘chirma nusxalari berilganligi uchun to‘lovlarning miqdorlarini tasdiqlaydi;
advokatlik tuzilmalari va O‘zbekiston Respublikasi Advokatlar palatasi faoliyati kafolatlarini ta’minlashda ko‘maklashadi;
O‘zbekiston Respublikasi Advokatlar palatasi bilan birgalikda malaka komissiyalari vakolatlari va faoliyatini tashkil etish tartibini belgilaydi;
O‘zbekiston Respublikasi Advokatlar palatasi bilan birgalikda O‘zbekiston Respublikasi Advokatlar palatasi huzuridagi Oliy malaka komissiyasi tarkibini tasdiqlaydi;
advokatlarga litsenziyalar berishni amalga oshiradi;
advokatlik tuzilmalarida ishlayotgan advokatlarning Yig‘ma davlat reyestrini yuritadi;
advokatlar malakasini oshirishda ko‘maklashadi;
O‘zbekiston Respublikasi Advokatlar palatasi bilan kelishilgan holda advokatlik tuzilmalarining statistik ma’lumotlarini taqdim qilish shakllarini tasdiqlaydi va muddatlarini belgilaydi;
advokatlik guvohnomasi shaklini va uni berish tartibini tasdiqlaydi;
advokat tomonidan ishni olib borishda order shaklini tasdiqlaydi;
advokatlar tomonidan litsenziya talablari va shartlariga rioya qilinishi ustidan nazoratni amalga oshiradi;
advokatura faoliyati to‘g‘risidagi statistik ma’lumotlarni o‘rganadi;
Professional mediatorlar reyestrini yuritadi;
Yuridik maslahat xizmatlarini ko‘rsatuvchi tijorat tashkilotlarining reyestrini yuritadi;
11) jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish bo‘yicha choralarni ishlab chiqish va amalga oshirishda ishtirok etish sohasida:
advokatlik tuzilmalari va notarial idoralar uchun ichki nazorat qoidalarini belgilangan tartibda ishlab chiqadi va tasdiqlaydi, shuningdek ularga rioya etilishi ustidan monitoring va nazoratni amalga oshiradi;
advokatlik va notarial xizmatlar ko‘rsatish, shuningdek nodavlat notijorat tashkilotlar faoliyati sohasida jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirg‘in qurolini tarqatishni moliyalashtirish yuzasidan ehtimol tutilgan tavakkalchiliklarni baholaydi, tahlil qiladi va o‘rganadi hamda aniqlangan tavakkalchiliklarni kamaytirishga doir choralar ko‘radi;
tadbirkorlik subyektlari bo‘lgan yuridik shaxslarni davlat ro‘yxatidan o‘tkazish (qayta ro‘yxatdan o‘tkazish) jarayonida ular tomonidan taqdim etilgan o‘zlarining benefitsiarlari to‘g‘risidagi ma’lumotlar asosida yuridik shaxslarning benefitsiar mulkdorlari reyestrini shakllantiradi va yuritadi;
jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish to‘g‘risidagi qonunchilik hujjatlari buzilganligi aniqlangan taqdirda, qonunchilik hujjatlariga muvofiq choralar qo‘llaydi;
12) nodavlat notijorat tashkilotlarning faoliyatini rivojlantirish sohasida davlat siyosatini amalga oshirish, ularning davlat organlari va tashkilotlari bilan o‘zaro hamkorligini tashkil qilishga ko‘maklashish sohasida:
nodavlat notijorat tashkilotlarni va ularning ramziy belgilarini davlat ro‘yxatidan o‘tkazishni amalga oshiradi;
ro‘yxatdan o‘tkazilgan nodavlat notijorat tashkilotlarning davlat reyestrini yuritadi;
nodavlat notijorat, shu jumladan diniy tashkilotlar tomonidan qonunchilik hujjatlariga, ustav faoliyatiga, ta’sis hujjatlariga, qayta ro‘yxatdan o‘tkazish va tugatish tartibiga rioya etilishi ustidan nazoratni amalga oshiradi;
nodavlat notijorat, shu jumladan diniy tashkilotlar tomonidan qonunchilik hujjatlari, ustav faoliyati va ta’sis hujjatlari buzilishining oldini olish va bartaraf qilishga qaratilgan choralar ko‘radi;
nodavlat notijorat, shu jumladan diniy tashkilotlarning chet el fuqarolari bo‘lgan xodimlarini, shuningdek ularning qaramog‘ida bo‘lgan oila a’zolarini akkreditatsiyadan o‘tkazadi;
nodavlat notijorat, shu jumladan diniy tashkilotlar tomonidan tashkil etilayotgan tadbirlar to‘g‘risida kelib tushayotgan axborotlarni tahlil qiladi;
nodavlat notijorat, shu jumladan diniy tashkilotlarning chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olishini kelishadi;
nodavlat notijorat, shu jumladan diniy tashkilotlarning faoliyati haqidagi hisobotlarni qabul qiladi va tahlil qiladi;
nodavlat notijorat tashkilotlar tomonidan qonunchilik hujjatlari buzilganda, ularning faoliyatini to‘xtatib qo‘yish yoki ularni tugatish to‘g‘risida takliflar tayyorlaydi va sudga ko‘rib chiqish uchun kiritadi;
siyosiy partiyalarning ustav faoliyatini moliyalashtirish uchun ajratilgan davlat mablag‘larini ular o‘rtasida taqsimlaydi;
nodavlat notijorat, shu jumladan diniy tashkilotlarning faoliyati ustidan monitoring olib boradi;
chet davlatlardan, xalqaro va chet el tashkilotlaridan, chet el fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olish tartibini belgilaydi, shuningdek nodavlat notijorat, shu jumladan diniy tashkilotlarning faoliyati haqidagi hisobotlarning, akkreditatsiya kartochkasining shakllarini tasdiqlaydi;
doimiy faoliyat ko‘rsatuvchi hakamlik sudlari hisobini ro‘yxatdan o‘tkazish va muvaqqat hakamlik sudlarini hisobga olishni amalga oshiradi;
13) ma’muriy tartib-taomillar sohasida yagona davlat siyosatini amalga oshirish sohasida:
ma’muriy tartib-taomillarni amalga oshiruvchi barcha ma’muriy organlar tomonidan “Ma’muriy tartib-taomillar to‘g‘risida”gi Qonunga hamda ma’muriy munosabatlarni tartibga soluvchi boshqa qonunchilikka rioya qilinishini o‘rganadi, nazorat va tahlil qiladi;
ma’muriy tartib-taomillarni amalga oshiruvchi organlarning ma’muriy-huquqiy faoliyatni tartibga soluvchi funksiyalarini xatlovdan o‘tkazib, vazifalari qonunchilikka muvofiq amalga oshirilishini monitoring qilib boradi;
biznes jarayonlarini qayta boshqarish usullaridan foydalangan holda barcha ma’muriy tartib-taomillarni, shu jumladan davlat xizmatlarini optimallashtirish, unifikatsiyalashtirish, tartiblari, muddatlar va zarur hujjatlarini maksimal qisqartirish bo‘yicha tizimli ishlarni amalga oshiradi;
ma’muriy tartib-taomillarni amalga oshirishdagi huquqiy bo‘shliqlarni bartaraf etish, shuningdek, sohada innovatsion va axborot-kommunikatsiya texnologiyalarini joriy qilish hamda idoralararo elektron hamkorlikni rivojlantirish choralarni amalga oshiradi;
ma’muriy tartib-taomillar sohasida aniqlangan qonun buzilishlari, ularga imkon beruvchi sabablar va shart-sharoitlarni bartaraf etish bo‘yicha tizimli choralar ko‘rib boradi;
14) jismoniy va yuridik shaxslarga davlat xizmatlari ko‘rsatish sohasida yagona davlat siyosatini amalga oshirish sohasida:
davlat xizmatlari ko‘rsatish masalalari bo‘yicha davlat boshqaruvi organlari va boshqa tashkilotlar shu jumladan, FXDYO organlari faoliyatini muvofiqlashtiradi va ularga metodik rahbarlik qiladi;
davlat xizmatlari markazlari, ularning filiallari va FHDY organlari faoliyatiga umumiy rahbarlik qiladi;
yuridik shaxslarni, shuningdek, jismoniy shaxslarni tadbirkorlik subyekti sifatida davlat ro‘yxatiga olishni tashkil etadi;
moliya-xo‘jalik faoliyatini amalga oshirmayotgan tashkilotlarni tugatishda qonunchilikka rioya qilinishini ta’minlaydi, tashkilotlarni tugatishda vakolatli organlar va tashkilotlarning faoliyati ustidan nazorat olib boradi;
15) ortiqcha ma’muriy tartib-taomillarni bartaraf etish hisobiga davlat xizmatlari ko‘rsatish tartibini takomillashtirish, shuningdek, idoralararo elektron hamkorlikni rivojlantirish sohasida:
davlat organlari va boshqa tashkilotlar faoliyati samaradorligini, tezkorligini va shaffofligini, ularning mas’uliyati va ijro intizomi kuchaytirilishini, aholi va tadbirkorlik subyektlari bilan qayta aloqani ta’minlash bo‘yicha qo‘shimcha mexanizmlar yaratilishini ta’minlaydi;
idoralararo axborot almashuvi infratuzilmasidan foydalangan holda davlat organlari va boshqa tashkilotlar o‘rtasida elektron hujjat aylanishi tartibini joriy qiladi va takomillashtiradi;
davlat organlari, boshqa tashkilotlar va O‘zbekiston Respublikasi Yagona interaktiv davlat xizmatlari portali o‘rtasida axborot almashish faoliyatini tashkil etishga ko‘maklashadi va muvofiqlashtiradi;
ko‘rsatilayotgan davlat xizmatlari sifatini yaxshilash maqsadida aholi va tadbirkorlik subyektlari o‘rtasida tizimli ravishda so‘rovnomalar o‘tkazadi;
Davlat xizmatlarining yagona reyestrini shakllantiradi, shuningdek, uning lozim darajadagi (dolzarb) holatini ta’minlaydi;
16) davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlar faoliyatini nazorat qilish va samaradorligini baholash sohasida:
davlat xizmatlari ko‘rsatish sohasida, shu jumladan tegishli axborot tizimlari, resurslar va ma’lumotlar bazalarini joriy etish bo‘yicha davlat organlari va boshqa tashkilotlar faoliyatini monitoring, nazorat va tahlil qiladi;
davlat xizmatlari ko‘rsatuvchi davlat organlari va boshqa tashkilotlar faoliyatida qonunchilik hujjatlari va ma’muriy reglamentlar talablariga rioya etilishi nuqtai nazaridan tekshirishlarni amalga oshiradi;
davlat xizmatlari ko‘rsatish sohasidagi qonunchilik hujjatlarini buzganlik uchun davlat organlari va boshqa tashkilotlar, shu jumladan xo‘jalik birlashmalari, uy-joy kommunal va foydalanish xo‘jaligi tashkilotlari mansabdor shaxslariga nisbatan ma’muriy jazo qo‘llaydi;
davlat organlari va boshqa tashkilotlarning davlat xizmatlari ko‘rsatishga oid faoliyati, ushbu sohadagi qonun buzilishlari va ularga yo‘l qo‘ygan aybdor shaxslar, mavjud kamchiliklar va ularni bartaraf etish yuzasidan takliflarni o‘z ichiga olgan ma’lumotlarni O‘zbekiston Respublikasi Prezidenti Administratsiyasiga hamda Vazirlar Mahkamasiga taqdim etish uchun bir yilda ikki marta batafsil axborot tayyorlaydi;
davlat xizmatlari ko‘rsatishda jismoniy va yuridik shaxslarga malakali axborot va maslahat yordami beradi;
17) intellektual mulk sohasida yagona davlat siyosatini olib borish hamda ixtirolar, tovar belgilari, mualliflik huquqi va boshqa intellektual mulk obyektlariga bo‘lgan huquqlarni himoya qilish sohasida:
intellektual mulk sohasini rivojlantirish bo‘yicha asosiy yo‘nalishlarni ishlab chiqadi;
intellektual mulk obyektlarining huquqiy himoya qilinishini ta’minlash bo‘yicha, shu jumladan kontrafakt mahsulotlarni ishlab chiqarish, realizatsiya qilishga qarshi kurashishda vakolatli davlat organlariga ko‘maklashish orqali ta’sirchan choralar ko‘radi;
intellektual mulk sohasidagi huquqni qo‘llash amaliyotini izchil va bir xilda ta’minlash bo‘yicha chora-tadbirlarni amalga oshiradi;
davlat organlari va boshqa tashkilotlar faoliyatida intellektual mulk sohasidagi normativ-huquqiy hujjatlarga rioya qilinishi va qo‘llanilishi amaliyotini o‘rganadi va tahlil qiladi;
mualliflik huquqi va turdosh huquqlar to‘g‘risidagi qonun buzilishi holatlari to‘g‘risida belgilangan tartibda xulosa beradi;
intellektual mulk sohasidagi normativ-huquqiy hujjatlarni noto‘g‘ri va ziddiyatli qo‘llash amaliyotini o‘rganadi, ushbu sohada huquqbuzarliklarni bartaraf etishga doir amaliy choralar ko‘radi, shuningdek, mazkur masalalardagi jismoniy va yuridik shaxslarning murojaatlarini ko‘rib chiqadi;
xorijiy patent idoralari, xalqaro, mintaqaviy va xorijiy tashkilotlar bilan patent hujjatlari va patent-huquqiy adabiyotlarning xalqaro almashinuvini amalga oshiradi;
qonunchilikka muvofiq intellektual mulk obyektlarini huquqiy muhofaza qilish va ularga bo‘lgan huquqlarni himoya qilish masalalari bo‘yicha jismoniy va yuridik shaxslarning murojaatlarini ko‘rib chiqadi;
intellektual mulk obyektlarining huquqiy muhofazasi va himoyasi sohasida manfaatdor shaxslarga uslubiy yordam ko‘rsatadi;
intellektual mulk sohasining rivojlanish holatini, jumladan, ushbu sohadagi xalqaro reytinglar va indekslar metodologiyasi va mezonlarini hisobga olgan holda har tomonlama tahlil qiladi va baholaydi;
intellektual mulk obyektlarining ishonchli huquqiy muhofazasi va himoyasini ta’minlash sohasida O‘zbekiston Respublikasi qabul qilgan xalqaro majburiyatlar bajarilishining monitoringini o‘tkazadi;
18) ixtirolar, foydali modellar, sanoat namunalari, tovar belgilari va boshqa intellektual mulk obyektlarini huquqiy muhofaza qilish sohasida:
ixtirolar, foydali modellar, sanoat namunalari, tovar belgilari, xizmat ko‘rsatish belgilari, geografik ko‘rsatkichlar, tovar kelib chiqqan joy nomlari va integral mikrosxemalar topologiyalarini davlat ekspertizasidan o‘tkazish, talabnoma topshirilgan obyektlarning ustuvorligini belgilash, seleksiya yutuqlarining rasmiy ekspertizasini o‘tkazish hamda EHM uchun dasturlar, ma’lumotlar bazalarini tekshirish ishlarini tashkillashtiradi;
ixtirolar, foydali modellar, sanoat namunalarini davlat ro‘yxatidan o‘tkazishni, seleksiya yutuqlari, tovar belgilari, xizmat ko‘rsatish belgilari, geografik ko‘rsatkichlar, tovar kelib chiqqan joy nomlarini ro‘yxatdan o‘tkazishni, EHM uchun dasturlarni, ma’lumotlar bazalarini rasmiy ro‘yxatdan o‘tkazishni hamda integral mikrosxemalar topologiyalarini ro‘yxatdan o‘tkazishni amalga oshiradi, muhofaza hujjatlarini beradi, O‘zbekiston Respublikasida hammaga ma’lum tovar belgilari ro‘yxatini va tegishli reyestrlarni yuritadi;
muhofaza va boshqa zarur hujjatlarning yagona shakllarini belgilaydi;
depozitariyda saqlanayotgan intellektual mulk obyektlarining ochiqligi va ulardan erkin foydalanishni ta’minlovchi depozitariy funksiyasini bajarilishini, shu jumladan depozitariyga zarur bo‘lgan nusxani depozitariy bilan shartnoma asosida olish uchun murojaat qilgan har qanday shaxsga imkoniyat yaratilishini ta’minlaydi;
intellektual mulk obyektlaridan foydalanishga huquqlar berish to‘g‘risidagi litsenziya shartnomalarini, shuningdek, ularni to‘liq yoki qisman berish to‘g‘risidagi shartnomalarni ro‘yxatdan o‘tkazadi va tegishli reyestrlarni yuritadi;
intellektual mulkning rasmiy ro‘yxatdan o‘tkazilgan obyektlari to‘g‘risidagi ma’lumotlar bazasini shakllantiradi, ularning saqlanishi va foydalanilishi uchun shart-sharoitlarni ta’minlaydi;
Davlat patent fondini jamlash ishlarini tashkil etishni va amalga oshirishni, undan iqtisodiyotning real sektoridagi xo‘jalik yurituvchi subyektlar, ilmiy tashkilotlar, olimlar va mutaxassislar tomonidan samarali foydalanilishi uchun uning saqlanishi va qulayligini ta’minlaydi;
intellektual mulk sohasidagi axborotnomalarni va boshqa rasmiy nashrlarini, shuningdek, intellektual mulk obyektlarini huquqiy muhofaza va himoya qilish masalalari bo‘yicha boshqa ma’lumotlar va materiallarni chop etishni tashkil qiladi hamda amalga oshiradi;
patent vakillarini attestatsiyadan va ro‘yxatdan o‘tkazadi, patent vakillarining davlat reyestrini yuritadi;
O‘zbekiston Respublikasining xalqaro mavqeyini, jumladan, jahon hamjamiyatiga mamlakatda intellektual mulk sohasida amalga oshirilayotgan islohotlar to‘g‘risida xolisona axborot yetkazish orqali mustahkamlash, obzorli, ma’lumotnoma va boshqa materiallarni tayyorlash choralarini ko‘radi;
19) yuridik kadrlarni tayyorlash, qayta tayyorlash va malakasini oshirishni tashkil etish, yurisprudensiya sohasidagi fundamental va amaliy tadqiqotlarni amalga oshirishni ta’minlash sohasida:
huquqiy ta’limning holatini tahlil qiladi, uni yaxshilash bo‘yicha takliflar ishlab chiqadi;
professional va oliy ta’lim tashkilotlarining o‘quvchilari va talabalari uchun yuridik darsliklar, o‘quv qo‘llanmalari, shuningdek, boshqa yuridik adabiyotlar nashr etish rejalarini ishlab chiqadi va nashr etilishini tashkil etadi;
davlat organlari va boshqa tashkilotlarning yuridik kadrlarga bo‘lgan ehtiyojini aniqlaydi, ularni Vazirlik tizimidagi ta’lim muassasalarida tayyorlash ishlarini tashkil etadi va rahbarlik qiladi;
yuridik kadrlarni tayyorlash, qayta tayyorlash va malakasini oshirishni tashkil etadi;
kadrlar zaxirasini yaratadi, ularni tayyorlash, qayta tayyorlash va stajirovkadan o‘tishini tashkil etadi, adliya organlari va muassasalariga kadrlar tanlovini amalga oshiradi va ularni joy-joyiga qo‘yishda qatnashadi;
huquqiy fanlarni rivojlantirish choralarini ko‘radi, davlat va jamiyat qurilishi, sud-huquq tizimi, mamlakatda huquq ijodkorligi, huquqni qo‘llash, huquqni muhofaza qilish faoliyati sohalarida fundamental va amaliy tadqiqotlarning amalga oshirilishini muvofiqlashtiradi;
huquq sohasidagi ta’lim ishlarining uslubiy jihatdan ta’minlanishini tashkil etadi;
20) sud-ekspertlik faoliyatini rivojlantirishning ustuvor yo‘nalishlarini ishlab chiqish, sud ekspertlarini tayyorlash va malakasini oshirish ishlarini muvofiqlashtirish sohasida:
sud ekspertizasi sohasida ilmiy-tadqiqot va ekspertlik ishlarini tashkil etadi;
O‘zbekiston Respublikasi davlat sud-ekspertlik muassasalari faoliyatini muvofiqlashtiradi va ularga ilmiy-uslubiy rahbarlikni amalga oshiradi;
sud-ekspertlik faoliyatini yanada rivojlantirishning ustuvor yo‘nalishlarini ishlab chiqadi, sud ekspertlarini tayyorlash va malakasini oshirish sohasidagi ishlarni muvofiqlashtiradi;
sud-ekspertlik faoliyatiga fan va texnika yutuqlarini joriy etish bo‘yicha choralarni ko‘radi;
nodavlat sud-ekspertiza tashkilotlari sud ekspertlari tomonidan o‘tkaziladigan sud ekspertizalarining murakkablik darajasini aniqlash, sud ekspertizalarining murakkablik darajasiga qarab ularni amalga oshirish muddatlarini hisoblash tartibini, sud ekspertlari yuklamalarining normativlarini belgilaydi va nazoratini olib boradi;
nodavlat sud-ekspertiza tashkilotlari, ularning sud ekspertlari va sud-ekspertlik tadqiqotlari uslublarining davlat reyestrlarini yuritadi;
nodavlat sud-ekspertiza tashkilotlari tomonidan o‘tkaziladigan har bir sud ekspertizasi turlari bo‘yicha moddiy-texnika bazasining jihozlanishiga qo‘yiladigan minimal talablarni tasdiqlaydi;
nodavlat sud ekspertlarini attestatsiyadan o‘tkazadi hamda sud eksperti kasb etikasi qoidalarini belgilaydi va ularga rioya etilishi yuzasidan nazorat olib boradi;
21) siyosiy-huquqiy sohaga oid xalqaro reyting va indekslarda O‘zbekiston Respublikasining o‘rnini oshirish bo‘yicha tizimli va izchil choralar ko‘rish sohasida:
siyosiy-huquqiy sohaga oid xalqaro reyting va indekslarda O‘zbekiston Respublikasiga berilgan baholarni tahlil qiladi;
davlat organlari va tashkilotlari, tadqiqot institutlari tomonidan siyosiy-huquqiy sohaga oid xalqaro reyting va indekslarda O‘zbekiston Respublikasiga berilgan baholarga sabab bo‘lgan omillar va muammolarning kompleks o‘rganilishini va ularni bartaraf etish bo‘yicha takliflar ishlab chiqilishini muvofiqlashtiradi, uslubiy rahbarlik va monitoringni amalga oshiradi;
siyosiy-huquqiy sohaga oid xalqaro reyting va indekslar doirasida baholanadigan yo‘nalishlarda islohotlarni amalga oshirishni ko‘zda tutuvchi normativ-huquqiy hujjatlarni reyting va indekslar metodologiyasidan kelib chiqib, O‘zbekiston Respublikasining ulardagi o‘rniga ehtimoliy ta’siri nuqtai nazaridan baholaydi;
davlat organlari va tashkilotlarining siyosiy-huquqiy sohaga oid xalqaro reyting va indekslarni tuzuvchi xalqaro va xorijiy tashkilotlarni O‘zbekistonda tegishli sohalarda amalga oshirilgan islohotlar va ularning natijalari haqida axborotlardan xabardor qilish sohasidagi faoliyatini muvofiqlashtiradi, uslubiy rahbarlik va monitoringni amalga oshiradi;
22) xalqaro-huquqiy hamkorlikni yo‘lga qo‘yish va mustahkamlash, xalqaro shartnomalarni huquqiy ekspertizadan o‘tkazish sohasida:
O‘zbekiston Respublikasining xalqaro shartnomalarini tuzish bo‘yicha takliflarni kelishadi, O‘zbekiston Respublikasining xalqaro shartnomalarini tayyorlash va ijro etishda ishtirok etadi;
xalqaro shartnomalar loyihalarini huquqiy ekspertizadan o‘tkazadi;
O‘zbekiston Respublikasining huquqiy yordam ko‘rsatish to‘g‘risidagi xalqaro shartnomalarini tayyorlash, tuzish va bajarish haqida takliflar taqdim etadi;
xorijdan mablag‘ jalb qilish shartnomalari va O‘zbekiston Respublikasi davlat kafolatlari bo‘yicha belgilangan tartibda yuridik xulosalar beradi;
23) xalqaro va xorijiy tashkilotlarda O‘zbekiston Respublikasi manfaatlarining huquqiy himoyasini ta’minlash, xalqaro hamjamiyat, xorijiy investorlarni milliy huquq tizimi va o‘tkazilayotgan huquqiy islohotlar haqida o‘z vaqtida xabardor qilish sohasida:
xalqaro va xorijiy tashkilotlarda O‘zbekiston Respublikasi manfaatlarining huquqiy himoyasini ta’minlaydi;
xalqaro arbitraj va sud muhokamalari masalalari bo‘yicha xalqaro va xorijiy tashkilotlarda O‘zbekiston Respublikasi manfaatlarining huquqiy himoyasini ta’minlashda Tashqi ishlar vazirligi hamda boshqa davlat organlari va tashkilotlari bilan idoralararo hamkorlikni amalga oshiradi;
xorijiy davlatlar sudlarida va xalqaro arbitrajlarda tomonlardan biri O‘zbekiston Respublikasi bo‘lgan nizolar ko‘rib chiqilayotganda O‘zbekiston Respublikasi manfaatlarini himoya qiladi;
O‘zbekiston Respublikasi ishtirokidagi sud va arbitraj muhokamalari bilan bog‘liq tegishli materiallarni yig‘ishni hamda tizimli tahlilini tashkillashtirishni amalga oshiradi;
xorijiy davlatlar sudlari va xalqaro arbitrajlarda O‘zbekiston Respublikasi manfaatlarini ifodalash maqsadida xorijiy va milliy advokatlik (yuridik) firmalari, maslahatchi va ekspertlarni jalb qiladi hamda faoliyatini muvofiqlashtiradi;
aniq bir arbitraj muhokamasi doirasida tashkil etiladigan ishchi guruhlarning ishchi organi funksiyalarini amalga oshiradi;
xorijiy davlatlar sudlari va xalqaro arbitrajlar muhokamalari masalalari bo‘yicha ma’lumotlar bazasini shakllantiradi va yuritadi;
O‘zbekiston Respublikasi Prezidenti va eks-Prezidentining huquqlari va qonuniy manfaatlarini huquqiy, shu jumladan sudda himoya qilishni amalga oshiradi;
mamlakatda amalga oshirilayotgan huquqiy islohotlar, eng avvalo inson huquqlari va erkinliklarini himoya qilish masalalari bo‘yicha, shu jumladan ishonchsiz ma’lumotlarni inkor qilish maqsadida xolis axborotni xalqaro hamjamiyatga va jamoatchilikka yetkazishni ta’minlaydi;
vakolatli organlar ishtirokida O‘zbekiston Respublikasi fuqarolarining huquqlari va erkinliklari buzilishi, shu jumladan xalqaro tashkilotlardan kelib tushgan qiynoqqa solish va boshqa shafqatsiz inson qadr-qimmatini kamsituvchi muomala turlari qo‘llanilishiga doir murojaatlarni ko‘rib chiqadi.
O‘zbekiston Respublikasi adliya vaziri (keyingi o‘rinlarda — Vazir) har yili O‘zbekiston Respublikasi Oliy Majlisi Senatiga davlat organlari va tashkilotlarining huquq ijodkorligi faoliyati va huquqni qo‘llash amaliyoti holati to‘g‘risida axborot kiritadi.
Vazirlik qonunchilik hujjatlarida belgilangan boshqa funksiyalarni ham amalga oshirishi mumkin.
4-bob. Vazirlikning vakolatlari va javobgarligi
11. Vazirlik o‘ziga yuklatilgan vazifalar va funksiyalarni amalga oshirish uchun quyidagi vakolatlarga egadir:
1) o‘z vakolati doirasida davlat organlari va tashkilotlari, jismoniy va yuridik shaxslar uchun majburiy bo‘lgan, shu jumladan boshqa davlat organlari bilan birgalikda normativ-huquqiy hujjatlarni qabul qilish;
2) O‘zbekiston Respublikasi Prezidenti, Vazirlar Mahkamasi va boshqa davlat organlari ko‘rib chiqishi uchun qonunchilikni va huquqni qo‘llash amaliyotini takomillashtirish masalalari hamda o‘ziga yuklatilgan vazifa va funksiyalar bo‘yicha takliflar kiritish;
3) davlat organlari va boshqa tashkilotlar tomonidan norma ijodkorligi sohasida, Ma’muriy islohotlar konsepsiyasi doirasida, shuningdek, huquqni qo‘llash amaliyoti va ma’muriy tartib-taomillar bilan bog‘liq vazifalar ijro qilinmagan taqdirda ularning mansabdor shaxslarini javobgarlikka tortish bo‘yicha O‘zbekiston Respublikasi Prezidenti Administratsiyasi va Vazirlar Mahkamasiga takliflar kiritish;
4) davlat organlari va boshqa tashkilotlarda:
norma ijodkorligi faoliyati, huquqiy ishlar, yuridik xizmatlar faoliyati, normativ-huquqiy hujjatlarni e’lon qilish va manfaatdor shaxslar e’tiboriga yetkazish holatini;
huquqni qo‘llash amaliyoti, fuqarolar huquqlarini ta’minlash bo‘yicha qonunchilik ijrosi, davlat xizmatlarini ko‘rsatishning belgilangan tartibiga rioya etish holatini, shu jumladan joylarga chiqqan holda tekshirish;
5) nodavlat notijorat tashkilotlar tomonidan qonunchilik hujjatlari va ta’sis hujjatlariga rioya qilinishi, shuningdek, ularga ajratilgan mablag‘lardan maqsadli foydalanishini tekshirish;
6) vazirliklar, davlat qo‘mitalari, idoralar, huquqni muhofaza qiluvchi va nazorat organlari, mahalliy davlat hokimiyati organlari va boshqa tashkilotlarga bajarilishi majburiy bo‘lgan:
ushbu organlarning norma ijodkorligi faoliyati ustidan monitoring olib borish jarayonida aniqlangan qonunbuzarliklarni, tizimli muammo va kamchiliklarni bartaraf etish to‘g‘risida;
davlat ro‘yxatidan o‘tmagan normativ-huquqiy tusga ega bo‘lgan hujjatlarni bekor qilish va ijrodan chaqirib olish to‘g‘risida;
qonunchilikka muvofiq bo‘lmagan normativ-huquqiy hujjatlarni bekor qilish, to‘xtatib turish (to‘liq yoki qisman) yoxud ularni qonunchilik hujjatlariga muvofiqlashtirish to‘g‘risida;
ishlab chiqish muddatini ko‘rsatgan holda normativ-huquqiy hujjatlarni qabul qilish, ular tomonidan qabul qilingan normativ-huquqiy hujjatlarga rasmiy sharh berish zarurligi to‘g‘risida;
aniqlangan normativ-huquqiy hujjatlarni noto‘g‘ri yoki ziddiyatli tarzda qo‘llash amaliyoti, qonunchilik hujjatlari talablari buzilishi, ularga imkon beruvchi sabablar va shart-sharoitlarni bartaraf etish, shu jumladan aybdor shaxslarni intizomiy javobgarlikka tortish haqida;
normativ-huquqiy hujjatlar va ular loyihalarini tartibga solish ta’sirini baholash va korrupsiyaga qarshi ekspertizadan o‘tkazish sohasida aniqlangan qoidabuzarliklarni, ularga imkon beruvchi sabablar va shart-sharoitlarni, shuningdek, korrupsiyaviy omillar va normalarni bartaraf etish to‘g‘risida;
qonunlar, O‘zbekiston Respublikasi Prezidentining farmon, qaror, farmoyish va topshiriqlari ijrosini ta’minlash hamda “ljro.gov.uz” tizimiga zarur ma’lumotlarni o‘z vaqtida va to‘g‘ri kiritish to‘g‘risida taqdimnomalar kiritish;
7) nodavlat notijorat tashkilotlar faoliyatida aniqlangan qonunchilik va ta’sis hujjatlari buzilishlarini bartaraf etish to‘g‘risida nodavlat notijorat, shu jumladan diniy tashkilotlariga, advokatlik tuzilmalariga bajarilishi majburiy bo‘lgan taqdimnomalar kiritish;
8) qonunchilik hujjatlari buzilishiga yo‘l qo‘ymaslik haqida mansabdor shaxslarni yozma ravishda ogohlantirish;
9) fuqarolarning qonuniy huquq va erkinliklari, yuridik xizmatlar faoliyati sohasida qonunchilik buzilishi holatlari aniqlaganda hamda adliya organlarining qonuniy talablari bajarilmaganda, aybdor mansabdor shaxslarni javobgarlikka tortish to‘g‘risida tegishli davlat organlari va boshqa tashkilotlarga takliflar kiritish;
10) davlat, yuridik va jismoniy shaxslar, shuningdek, adliya organlari va muassasalari manfaatlarini ko‘zlab sudlarga davlat boji to‘lamasdan arizalar va da’volarni kiritish;
11) Vazirlikka yuklangan vazifalar va funksiyalarni bajarish uchun zarur bo‘lgan hujjatlar va axborotlarni, shu jumladan normativ-huquqiy hujjatlarni qo‘llash amaliyoti to‘g‘risida zarur statistik ma’lumotlarni, tahliliy materiallarni, hujjatlarni, boshqa axborotlarni, qarorlar va boshqa hujjatlarni, ma’lumotlarni davlat organlari va boshqa tashkilotlardan bepul tarzda so‘rash va olish;
12) nodavlat notijorat, shu jumladan diniy tashkilotlardan axborot, hujjatlar va ma’lumotlar, shuningdek, ularning rahbarlari va mas’ul shaxslaridan tushuntirishlarni talab qilish va olish;
13) tekshirish o‘tkazish, jismoniy va yuridik shaxslarning murojaatlarini o‘rganish, shuningdek Vazirlik vakolatiga kiruvchi masalalar bo‘yicha axborot-tahliliy materiallarni tayyorlash uchun vazirliklar, davlat qo‘mitalari, idoralar, ilmiy va ta’lim muassasalari va boshqa tashkilotlar vakillarini chaqirish va jalb etish;
14) tekshirish va tahlil davomida aniqlangan holatlarga aniqlik kiritish maqsadida davlat organlari va boshqa tashkilotlarning mansabdor shaxslari hamda xodimlarini, shuningdek intellektual mulk masalalari bo‘yicha jismoniy shaxslarni chaqirish, qonunchilik hujjatlarining buzilishi holatlari yuzasidan og‘zaki va yozma tushuntirishlar talab qilish;
15) davlatga tegishli Vazirlikning va unga idoraviy mansub tuzilmalarning mol-mulkini o‘zining tashkiliy tuzilmasi doirasida bepul foydalanish huquqi bilan bir tarkibiy tuzilmadan boshqa tuzilmaga belgilangan tartibda o‘tkazish;
16) Vazirlik va unga idoraviy mansub tashkilotlar xodimlari tomonidan o‘z sohasida ular faoliyatining asosiy ko‘rsatkichlari bo‘yicha parametrlar bajarilishini hisobga olgan holda ularni moddiy rag‘batlantirish tartibi, miqdorlari va shartlarini belgilash;
17) budjetdan tashqari mablag‘larni hamda adliya organlari va muassasalarining depozit hisobvaraqlarida joylashgan mablag‘larni O‘zbekiston Respublikasi tijorat banklarining depozit raqamlarida milliy va chet el valyutasida joylashtirish. Bunda, mablag‘larni joylashtirishdan olingan daromad adliya organlari va muassasalarining budjetdan tashqari hisobvaraqlariga ushbu daromadlar moddiy-texnik bazani rivojlantirishga va xodimlarni moddiy rag‘batlantirish hamda qonunchilik hujjatlarida nazarda tutilgan boshqa maqsadlarga yo‘naltirilgan holda o‘tkaziladi;
18) Vazirlik vakolatiga kiradigan masalalar bo‘yicha idoralararo tusdagi xalqaro shartnomalarni belgilangan tartibda tuzish;
19) Vazirlik vakolatiga tegishli bo‘lgan masalalar bo‘yicha xalqaro darajada O‘zbekiston Respublikasi manfaatlarini belgilangan tartibda ifodalash;
20) qonunlar, O‘zbekiston Respublikasi Prezidenti hujjatlari va Vazirlar Mahkamasi qarorlariga zid bo‘lgan idoraviy normativ-huquqiy hujjatlarni belgilangan tartibda davlat reyestridan chiqarish;
21) jismoniy va yuridik shaxslarning o‘z huquqlari, erkinliklari va qonuniy manfaatlari buzilganligi to‘g‘risida murojaatlarni ko‘rib chiqish;
22) Vazirlik vakolatiga kiruvchi masalalarni ko‘rib chiqishda davlat organlari va tashkilotlarining hay’at majlislarida ishtirok etish;
23) xorijiy davlatlarning sudlari va xalqaro arbitrajlarda O‘zbekiston Respublikasining huquqlari va qonuniy manfaatlariga daxldor huquqiy nizolar bo‘yicha da’vogar va javobgarning vakili sifatida ishtirok etish;
25) advokatlar va xususiy amaliyot bilan shug‘ullanuvchi notariuslarga berilgan litsenziyalarning amal qilishini to‘xtatib turish va tugatish;
26) yuridik xizmat xodimining attestatsiyadan o‘tganligi to‘g‘risidagi guvohnomaning amal qilishini tugatish;
27) nodavlat notijorat tashkilotlar tomonidan o‘tkaziladigan tadbirlarda (konferensiyalar, seminarlar, treninglar, yig‘ilishlar, aksiyalar va shu kabilarda) ishtirok etish;
28) nodavlat notijorat, shu jumladan diniy tashkilotlar tomonidan rejalashtirilgan tadbirlarni o‘tkazilishini taqiqlash yuzasidan qaror qabul qilish;
29) siyosiy partiyalarning ustavlarida nazarda tutilgan faoliyatini davlat tomonidan moliyalashtirishni to‘xtatib turish yoki tugatish to‘g‘risida qaror qabul qilish;
30) nodavlat notijorat tashkilotlarning chet el fuqarolari bo‘lgan xodimlarini, shuningdek, ularning qaramog‘idagi oila a’zolarini, ular tomonidan O‘zbekiston Respublikasining qonunchiligi buzilgan hollarda akkreditatsiyadan mahrum qilish;
31) o‘z vazifa va funksiyalari doirasida xalqaro hamkorlikni amalga oshirish, xorijiy davlatlar organlari, xalqaro va xorijiy tashkilotlar bilan to‘g‘ridan-to‘g‘ri aloqalar o‘rnatish va hamkorlik olib borish, xalqaro shartnomalarni tuzish yuzasidan takliflar kiritish;
32) adliya organlari va muassasalari faoliyatini ta’minlash uchun zarur bo‘lgan tegishli tuzilmalar tashkil etish, ularni qayta tashkil etish va tugatish, shuningdek, ularning ustavlari (nizomlari)ni tasdiqlash;
33) davlat siri va qonun bilan qo‘riqlanadigan boshqa sirga rioya qilish sharti bilan tekshirishni o‘tkazish uchun zarur bo‘lgan hujjatlar va materiallar bilan tanishish, davlat organlarining elektron bazalaridan (banklaridan) foydalanish uchun xizmat guvohnomasini ko‘rsatgan holda davlat organlari va boshqa tashkilotlarning hududlariga va binolariga kirish;
34) o‘z vakolati doirasida ma’muriy javobgarlikni keltirib chiqaradigan holatlar yuzasidan ma’muriy huquqbuzarliklar to‘g‘risida bayonnomalar tuzish;
35) davlat boshqaruvi organlari tomonidan o‘tkaziladigan qonunchilik hujjatlarining huquqiy monitoringida ishtirok etish.
36) O‘zbekiston Respublikasi Prezidenti, Vazirlar Mahkamasining topshiriqlari bo‘yicha hamda o‘z tashabbusiga ko‘ra normativ-huquqiy hujjatlar loyihalarini ishlab chiqish va ularni ko‘rib chiqish uchun belgilangan tartibda kiritish;
37) normativ-huquqiy hujjatlarni qo‘llash masalalari yuzasidan o‘z xulosasini berish;
38) davlat organlari va tashkilotlariga normativ-huquqiy hujjatlarni qo‘llash masalalari yuzasidan tavsiyalar va tushuntirishlar berish hamda ko‘rsatmalar kiritish;
39) aniqlangan normativ-huquqiy hujjatlar talablari buzilishlarini, ularning sodir etilishiga imkon beruvchi sabab va shart-sharoitlarni bartaraf etish bo‘yicha choralar ko‘rish uchun umumlashtirish materiallarini davlat organlari va tashkilotlariga yuborish;
40) o‘z vazifa va funksiyalari doirasida davlat organlari va boshqa tashkilotlar bilan hamkorlik qilish;
41) davlat xizmatlari markazlari orqali ularning binolari va tutash hududlarida reklama faoliyatini, shuningdek, yuridik shaxs maqomiga ega bo‘lmagan holda tadbirkorlik subyektlarining muhr va shtamplarini tayyorlash faoliyatini amalga oshirish;
42) tegishli ma’lumotlar bazalaridan, davlat axborot tizimlaridan va vakolatli organlar resurslaridan belgilangan tartibda foydalanish;
43) O‘zbekiston Respublikasi Moliya vazirligi bilan kelishgan pullik xizmatlar ro‘yxati va tariflariga muvofiq pulli xizmatlar ko‘rsatish;
44) yuqori malakali xorijiy va mamlakatimiz mutaxassislarini kontrakt asosida konsultant va ekspert sifatida ishga taklif qilish;
faoliyat yo‘nalishlarini rivojlantirishga oid dolzarb va istiqboldagi muammolar yechimini ishlab chiqish maqsadida, jumladan, xorijiy ekspertlarni jalb qilgan holda ishchi guruhlarini tuzish;
45) O‘zbekiston Respublikasi Vazirlar Mahkamasi bilan kelishilgan holda, malakali xorijiy mutaxassislarni ularga istisno tariqasida Vazirlikning budjetdan tashqari mablag‘lari hisobidan chet et valyutasida ish haqi va boshqa to‘lovlarni belgilagan holda xodimlar va maslahatchilar sifatida jalb qilish;
46) intellektual mulk sohasidagi qonunchilikni buzganlik uchun yuridik shaxslarga jarima qo‘llash;
47) ixtirolar, foydali modellar, sanoat namunalari, seleksiya yutuqlari, tovar belgilari, xizmat ko‘rsatish belgilari, tovarlarning kelib chiqish joylari nomi, EHM uchun dasturlar, ma’lumotlar bazalari, integral mikrosxemalar topologiyasi bo‘yicha talabnomalarni ko‘rib chiqish va davlat ekspertizasidan o‘tkazish uchun zarur bo‘lgan qo‘shimcha materiallarni talabnoma topshiruvchilardan belgilangan tartibda so‘rab olish;
48) davlat organlari va davlat ishtirokidagi tashkilotlardagi mehnat nizosini ko‘rish haqidagi ariza bilan sudga murojaat qilish;
49) xo‘jalik birlashmalariga, uy-joy kommunal va foydalanish xo‘jaligi tashkilotlariga davlat xizmatlari ko‘rsatish sohasida aniqlangan qonunbuzilishlari va kamchiliklarni, ularning yo‘l qo‘yilishiga olib kelgan sabablar va sharoitlarni bartaraf etish bo‘yicha taqdimnomalar kiritish.
Vazirlik qonunchilik hujjatlariga muvofiq boshqa vakolat va huquqlarga ham ega bo‘lishi mumkin.
12. Vazirlikning markaziy apparati, hududiy va tarkibiy tuzilmalari vazifalari, funksiyalari, vakolatlari, huquqlari va javobgarligi, agar O‘zbekiston Respublikasi Prezidentining yoki Vazirlar Mahkamasining qarorlarida boshqacha qoida belgilanmagan bo‘lsa, Vazir tomonidan tasdiqlanadigan nizomlar va ustavlar bilan belgilanadi.
13. Vazirlik o‘ziga yuklatilgan vazifalar va funksiyalarning sifatli bajarilishi, shuningdek, tegishli sohadagi davlat siyosatining samarali amalga oshirilishi uchun javobgardir.
5-bob. Vazirlik faoliyatini tashkil etish
1-§. Vazirlik rahbariyati
14. O‘zbekiston Respublikasi adliya vaziri:
1) Vazirlik faoliyatini umumiy boshqarishni amalga oshiradi va rahbarlik qiladi, O‘zbekiston Respublikasi Prezidenti, Vazirlar Mahkamasining tegishli qarori bilan Vazirlikka yuklatilgan vazifa va funksiyalarni bajarishni tashkillashtiradi;
2) Vazirlikka yuklatilgan vazifa va majburiyatlarning bajarilishi uchun shaxsan javob beradi;
3) adliya organlari va muassasalari hamda ularning xodimlari tomonidan bajarilishi majburiy bo‘lgan buyruqlar chiqaradi, topshiriq va ko‘rsatmalar beradi;
4) vazirlik tizimidagi tashkilotlarning lavozimlari ro‘yxatiga kiruvchi xodimlarni belgilangan tartibda lavozimga tayinlaydi va ozod qiladi;
5) o‘z o‘rinbosarlari va vazirlik tizimidagi boshqa mansabdor shaxslarining vakolatlari va majburiyatlarini belgilaydi, ular o‘rtasida vazifalarni taqsimlaydi;
6) Vazirlikning davriy ish rejalarini tasdiqlaydi va ularning bajarilishi ustidan nazoratni ta’minlaydi;
7) Vazirlik xodimlarini tizimli qayta tayyorlashni va ularning malakasini oshirishni tashkil etadi;
8) Vazirlik tizimida kadrlarni tanlash va joy-joyiga qo‘yish, ularning mutaxassisliklariga (yurisprudensiya, iqtisod, moliya, psixologiya, tashqi aloqalar, filologiya va h.k.) talablar belgilash, samarali faoliyati uchun zarur shart-sharoitlar yaratish, Vazirlikning kadrlar zaxirasini shakllantirish choralarini ko‘radi;
9) O‘zbekiston Respublikasi Prezidenti, O‘zbekiston Respublikasi Prezidenti Administratsiyasi nomenklaturasiga kiradigan bo‘sh lavozimlarga taklif etilgan kadrlarning, shuningdek, Vazirlikka ishga qabul qilinayotgan boshqa kadrlarning professionalligi va o‘z ishini bilishi, yuksak darajadagi ishchanlik va ma’naviy-axloqiy fazilatlarga ega bo‘lishini ta’minlashga qaratilgan choralarni amalga oshiradi;
10) o‘z vakolati doirasida normativ-huquqiy hujjatlar qabul qiladi, zarur hollarda davlat boshqaruvining boshqa organlari bilan birgalikda qarorlar va boshqa hujjatlarni birgalikda qabul qiladi;
11) Vazirlikning hududiy va tarkibiy tuzilmalarining rahbarlari faoliyatini muvofiqlashtiradi va nazorat qiladi;
12) Vazirlik xodimlarini rag‘batlantirish va intizomiy javobgarlikka tortish masalalarini hal etadi, o‘zining o‘rinbosarlarini rag‘batlantirish va intizomiy javobgarlikka tortish, shu jumladan, ularning egallab turgan lavozimda qolishi maqsadga muvofiqligi masalasini ko‘rib chiqish bo‘yicha takliflarni kiritadi, ularning shaxsiy mas’uliyatini oshirish bo‘yicha tizimli chora-tadbirlar ko‘radi;
13) belgilangan tartibda martaba darajalarini beradi hamda oliy martaba darajalari berish uchun adliya organlari va muassasalari xodimlarini, shuningdek, qonunchilikda belgilangan tartibda boshqa davlat organlari xodimlarini O‘zbekiston Respublikasi Prezidentiga taqdim etadi;
14) O‘zbekiston Respublikasi Adliya vazirligi tizimidagi moliyaviy mutanosiblikni ta’minlash uchun adliya organlari va muassasalarining budjetdan tashqari mablag‘larini qayta taqsimlaydi.
15. Vazirlikka O‘zbekiston Respublikasi Oliy Majlisi Qonunchilik palatasi ma’qullaganidan so‘ng O‘zbekiston Respublikasining Bosh vaziri taqdimnomasiga binoan O‘zbekiston Respublikasi Prezidenti tomonidan lavozimga tasdiqlanadigan va lavozimdan ozod etiladigan Vazir boshchilik qiladi.
Vazir o‘z maqomiga ko‘ra Vazirlar Mahkamasi a’zosi hisoblanadi.
16. Vazir besh nafar o‘rinbosarga, shu jumladan, bir nafar birinchi o‘rinbosarga ega bo‘ladi.
17. Vazirning birinchi o‘rinbosari va boshqa o‘rinbosarlari O‘zbekiston Respublikasi Prezidenti tomonidan lavozimga tayinlanadi va lavozimdan ozod etiladi.
18. Vazir bo‘lmagan vaqtda uning vakolatlari vazirning birinchi o‘rinbosari tomonidan, u bo‘lmagan vaqtda esa vazir buyrug‘iga asosan boshqa o‘rinbosar tomonidan amalga oshiriladi.
19. Vazirlikning hududiy tuzilmalar va idoraviy mansub tashkilotlar rahbarlari vazir tomonidan lavozimga tayinlanadi va lavozimdan ozod etiladi, qonunchilik hujjatlari bilan belgilangan hollar bundan mustasno.
20. Vazirlikning hududiy tuzilmalari va idoraviy mansub tashkilotlari to‘g‘risidagi nizomlar vazir tomonidan tasdiqlanadi, agar O‘zbekiston Respublikasi Prezidenti yoki Vazirlar Mahkamasi qarorlarida boshqacha qoida nazarda tutilmagan bo‘lsa.
2-§. Yuklatilgan vazifa va funksiyalarni bajarish, shuningdek Vazirlik markaziy apparati tarkibiy tuzilmalarining uning hududiy tuzilmalari bilan o‘zaro hamkorligi tartibi
21. Vazirlik o‘ziga yuklatilgan vazifa va funksiyalarni bevosita, shuningdek, adliya organlari va muassasalari orqali bajaradi.
22. Vazirlik markaziy apparati tarkibiy tuzilmalari va uning hududiy tuzilmalari hamda idoraviy mansub tashkilotlarning o‘zaro hamkorligi jarayonida yuzaga keladigan kelishmovchiliklar vazirning topshirig‘iga binoan uning tegishli o‘rinbosari tomonidan ko‘rib chiqiladi. Agar vazir o‘rinbosari tomonidan kelishmovchiliklarni tartibga solishning imkoniyati bo‘lmasa, so‘nggi qaror bevosita vazir tomonidan qabul qilinadi.
3-§. Vazirlikning boshqa davlat boshqaruvi organlari, xo‘jalik birlashmalari, mahalliy davlat hokimiyati organlari va boshqa tashkilotlar bilan o‘zaro hamkorligi
23. Vazirlik o‘z vazifalari va funksiyalarini amalga oshirishda boshqa davlat boshqaruvi organlari, xo‘jalik birlashmalari, mahalliy davlat hokimiyati organlari va boshqa tashkilotlar bilan o‘zaro hamkorlik qiladi.
24. Vazirlikning hududiy tuzilmalari o‘z vakolati doirasida boshqa davlat boshqaruvi organlarining hududiy organlari, xo‘jalik birlashmalari, mahalliy davlat hokimiyati organlari va boshqa tashkilotlar bilan o‘zaro hamkorlik qiladi.
Vazirlikning hududiy tuzilmalari tegishli hududlarni ijtimoiy-iqtisodiy rivojlantirish bo‘yicha “yo‘l xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish bo‘yicha sektorlar bilan o‘zaro yaqin hamkorlik qiladi.
Vazirlikning hududiy bo‘linmalari o‘z vakolatlari doirasida intellektual mulk sohasida huquqbuzarliklarni aniqlash va oldini olish bo‘yicha huquqni muhofaza qiluvchi, soliq va boshqa hududiy davlat organlari bilan hamkorlik qiladi.
25. Vazirlikning faoliyatiga O‘zbekiston Respublikasi Prezidenti Administratsiyasining tegishli tarkibiy bo‘linmalari tomonidan mutasaddilik qilinadi.
4-§. Vazirlikning hay’ati, boshqa kengash, maslahat, ekspert organlari
26. Vazirlikda rahbar, (hay’at raisi), uning o‘rinbosarlari (lavozimi bo‘yicha), shuningdek, uning faoliyatining asosiy yo‘nalishlarini muvofiqlashtiruvchi tarkibiy tuzilmalar rahbarlaridan iborat tarkibda hay’at tuziladi.
Hay’at tarkibining soni va shaxsiy tarkibi vazirning taqdimnomasiga binoan Vazirlar Mahkamasi tomonidan tasdiqlanadi.
27. Hay’atga quyidagi vazifalar yuklanadi:
Vazirlik tarkibiy tuzilmalar rahbarlarining tegishli tuzilmalar faoliyati hamda qonunchilik hujjatlari, O‘zbekiston Respublikasi Prezidenti hujjatlari va O‘zbekiston Respublikasi Hukumati qarorlari ijrosi bo‘yicha hisobotlarini eshitish;
Vazirlik faoliyatining asosiy masalalarini ko‘rib chiqish, qabul qilingan qarorlar ijrosini tekshirish masalalarini, Vazirlik faoliyatida muhim ahamiyatga ega buyruqlari va boshqa hujjatlari loyihalarini, shuningdek, tekshiruvlar natijalarini muhokama qilish.
Hay’at Vazirlik vakolatiga kiritilgan boshqa masalalarni ham ko‘rib chiqishga haqlidir.
28. Hay’at majlisiga davlat boshqaruvi organlari, xo‘jalik birlashmalari, boshqa tashkilotlar rahbarlari, ularning vakolatiga kiradigan masalalar yuzasidan taklif etilishi mumkin.
29. Hay’at, agar uning majlisida hay’at tarkibining yarmidan ko‘pi qatnashsa, vakolatli hisoblanadi. Ko‘rib chiqilayotgan masalalar yuzasidan qarorlar oddiy ko‘pchilik ovoz bilan qabul qilinadi.
30. Hay’at qarorlari vazirning buyruqlari bilan amalga oshiriladi.
31. Vazir va hay’at a’zolari o‘rtasida kelishmovchiliklar yuzaga kelgan taqdirda, vazir yuzaga kelgan kelishmovchiliklar haqida Vazirlar Mahkamasiga va O‘zbekiston Respublikasi Prezidenti Administratsiyasiga axborot bergan holda mustaqil ravishda qaror qabul qiladi. Hay’at a’zolari ham Vazirlar Mahkamasiga va O‘zbekiston Respublikasi Prezidenti Administratsiyasiga o‘z fikrini bildirishi mumkin.
32. Hay’at faoliyati tartibi hay’at tomonidan tasdiqlanadigan reglament bilan belgilanadi.
33. Vazirlik huzurida O‘zbekiston Respublikasi adliya vaziri rais hisoblangan intellektual mulk obyektlarining huquqiy muhofazasi bilan bog‘liq bo‘lgan apellyatsiyalarni sudgacha ko‘rib chiquvchi Apellyatsiya kengashi tashkil etiladi.
Apellyatsiya kengashining tarkibiga intellektual mulk sohasidagi mustaqil olimlar va mutaxassislar kiradi. Apellyatsiya kengashi tarkibida adliya organlari va muassasalarining xodimlari soni Apellyatsiya kengashi a’zolari umumiy sonining o‘ttiz foizidan oshmasligi lozim.
Vazirlikda boshqa kengash, maslahat va ekspertlik organlari tuzilishi mumkin.
34. Vazirlik huzurida tuziladigan kengash, maslahat va ekspertlik organlari tarkibi va ular to‘g‘risidagi nizomlar vazir tomonidan tasdiqlanadi, ularning tarkibi va nizomlari O‘zbekiston Respublikasi Prezidenti hujjatlari va Vazirlar Mahkamasi qarorlari bilan tasdiqlanadigan hollar bundan mustasno.
6-bob. Vazirlik faoliyati samaradorligi va natijadorligini baholash mezonlari va ish indikatorlari
35. Vazirlik faoliyatining samaradorligi muntazam baholanadi.
36. Vazirlik faoliyati samaradorligi va natijadorligiga berilgan baho O‘zbekiston Respublikasi Prezidenti Administratsiyasining tegishli tarkibiy bo‘linmalari tomonidan tasdiqlanadigan Vazirlik faoliyati samaradorligi va natijadorligini baholash mezonlari va ish indikatorlariga asoslanadi.
37. Vazirlik faoliyati samaradorligi va natijadorligini baholash yakunlari bo‘yicha:
Vazirlik rahbarlari va xodimlarini rag‘batlantirish (mukofotlash) yoki intizomiy javobgarlikka tortish;
Vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari ko‘riladi.
7-bob. Vazirlikni faoliyatini moliyalashtirish va moddiy-texnik ta’minlash, uning xodimlari mehnatiga haq to‘lash va moddiy rag‘batlantirish
38. Quyidagilar Vazirlik faoliyatini moliyalashtirish manbalari hisoblanadi:
O‘zbekiston Respublikasi Davlat budjeti mablag‘lari;
adliya organlari va muassasalarining budjetdan tashqari mablag‘lari;
qonunchilik hujjatlariga muvofiq pullik xizmat ko‘rsatishdan tushadigan mablag‘lar;
vaqtincha bo‘sh mablag‘larni tijorat banklarining depozitlariga joylashtirishdan olingan daromadlar;
qonunchilik hujjatlari bilan taqiqlanmagan boshqa manbalar.
39. Vazirlik va uning hududiy tuzilmalarini moddiy-texnik ta’minlash xarajatlarini moliyalashtirish, shuningdek, ularning xodimlari mehnatiga haq to‘lash va moddiy rag‘batlantirish O‘zbekiston Respublikasi Davlat budjeti, budjetdan tashqari jamg‘armalarning manbalari va qonunchilik hujjatlarida taqiqlanmagan boshqa manbalar hisobiga amalga oshiriladi.
40. Vazirlik xodimlarining ish haqi lavozim maoshi, mukofotlar, qo‘shimcha haqlar, ustamalardan va qonunchilik hujjatlarida nazarda tutilgan boshqa to‘lovlardan iborat.
Xizmat vazifasini sidqidildan va samarali bajarib kelayotgan Vazirlikning yuqori malakali, tashabbuskor xodimlariga yuqori malakasi uchun vazir tomonidan adliya organlari va muassasalarining budjetdan tashqari mablag‘lari hisobidan lavozim maoshining 200 foizi miqdoridan ko‘p bo‘lmagan shaxsiy ustamalar belgilanishi mumkin.
Vazirlik xodimlari lavozim maoshlariga har oyda qo‘shiladigan rag‘batlantirish xususiyatiga ega bo‘lgan qo‘shimcha haqlar va ustamalar vazir tomonidan tasdiqlanadigan qoidalarga muvofiq to‘lanadi.
41. O‘zbekiston Respublikasi Prezidenti va O‘zbekiston Respublikasi Vazirlar Mahkamasi qarorlari bilan boshqa lavozimlarga tayinlangan yoki O‘zbekiston Respublikasi Oliy Majlisi Senati, Qonunchilik palatasiga saylangan (tayinlangan) Vazirlikning xodimlarida Vazirlikda berilgan ko‘p yillik xizmatlari uchun qo‘shimcha haq va ustamalar hamda martaba darajalari saqlanadi.
8-bob. Vazirlikning hisobdorligi
42.Vazirlik rahbarlari o‘z faoliyati to‘g‘risida O‘zbekiston Respublikasi Prezidentiga, O‘zbekiston Respublikasi Prezidenti Administratsiyasining tegishli tarkibiy bo‘linmalariga va Vazirlar Mahkamasiga muntazam ravishda hisobot beradi.
43. O‘zbekiston Respublikasi Prezidenti Administratsiyasining tegishli tarkibiy bo‘linmalari rahbarlari Vazirlik rahbarlariga yuklangan vazifalar samarali bajarilishi bo‘yicha ular faoliyati ustidan muntazam monitoring olib boradi, Vazirlik faoliyati samaradorligiga xolisona baho beradi.
44. Monitoring va baholash yakunlari bo‘yicha Vazirlikning alohida o‘rnak ko‘rsatgan rahbarlari, mansabdor shaxslari va xodimlari rag‘batlantiriladi yoxud yo‘l qo‘yilgan jiddiy kamchiliklar uchun egallab turgan lavozimidan ozod etishgacha bo‘lgan javobgarlikka tortiladi.
9-bob. Yakunlovchi qoida
45. Vazirlikni qayta tashkil etish va tugatish qonunchilik hujjatlarida belgilangan tartibda amalga oshiriladi.
(2-ilova O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)
(3-ilova O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)
(4-ilova O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)
(5-ilova O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)
(6-ilova O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)
21. O‘zbekiston Respublikasi Prezidentining 2018-yil 14-iyuldagi “Ilmiy va ilmiy-texnikaviy faoliyat natijalarini tijoratlashtirish samaradorligini oshirish bo‘yicha qo‘shimcha chora-tadbirlar to‘g‘risida”gi PQ-3855-son qarorining 10-bandidan “huzuridagi Intellektual mulk agentligi” so‘zlari chiqarib tashlansin.
22. O‘zbekiston Respublikasi Prezidentining 2018-yil 14-noyabrdagi “Xalqaro shartnomani tasdiqlash to‘g‘risida”gi PQ-4016-son qarorining 2-bandidan “huzuridagi Intellektual mulk agentligi” so‘zlari chiqarib tashlansin.
(23-band O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)
24. O‘zbekiston Respublikasi Prezidentining 2019-yil 1-iyuldagi “O‘zbekiston Respublikasi Adliya vazirligi huzuridagi Intellektual mulk agentligi faoliyatini tashkil etish chora-tadbirlari to‘g‘risida”gi PQ-4380-son qarorida:
b) 3-bandning “v” kichik bandidagi “Agentlikning budjetdan tashqari jamg‘armasiga” so‘zlari “Adliya vazirligining Intellektual mulkni rivojlantirish jamg‘armasiga” so‘zlari bilan almashtirilsin;
v) 9-bandning “a” kichik bandi uchinchi xatboshisidan “va Agentlik” so‘zlari chiqarib tashlansin;
“Toshkent shahri, Mustaqillik shoh ko‘chasi, 59-uy manzilidagi bino Adliya vazirligiga operativ boshqaruv huquqi asosida bepul berilsin”.
25. O‘zbekiston Respublikasi Prezidentining 2019-yil 20-sentabrdagi “Qurilish sohasiga axborot-kommunikatsiya texnologiyalarini keng joriy etish chora-tadbirlari to‘g‘risida”gi PQ-4464-son qaroriga 1-ilovada:
a) o‘n to‘rtinchi xatboshi chiqarib tashlansin;
b) o‘n beshinchi va o‘n oltinchi xatboshilar tegishincha o‘n to‘rtinchi va o‘n beshinchi xatboshilar deb hisoblansin.
26. O‘zbekiston Respublikasi Prezidentining 2019-yil 3-oktabrdagi “Ijtimoiy-iqtisodiy rivojlanishda iqtisodiy tadqiqotlar sifati va rolini oshirish chora-tadbirlari to‘g‘risida”gi PQ-4471-son qarorining 16-bandi to‘rtinchi xatboshisidan “huzuridagi Intellektual mulk agentligi” so‘zlari chiqarib tashlansin.
(27-band O‘zbekiston Respublikasi Prezidentining 2024-yil 16-avgustdagi PF-111-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 16.08.2024-y., 06/24/111/0623-son)
28. O‘zbekiston Respublikasi Prezidentining 2020-yil 22-iyundagi “O‘zbekiston Respublikasining xalqaro shartnomalaridan va xalqaro tashkilotlarga a’zolikdan kelib chiqadigan majburiyatlarini bajarish tartibini takomillashtirish chora-tadbirlari to‘g‘risida”gi PQ-4756-son qaroriga 1-ilovaning 53-pozitsiyasi “To‘lovchilar nomi” ustunidagi “Intellektual mulk agentligi” so‘zlari “Adliya vazirligi” so‘zlari bilan almashtirilsin.
29. O‘zbekiston Respublikasi Prezidentining 2020-yil 3-avgustdagi PQ-4796-son qarori bilan tasdiqlangan 2020 — 2025-yillarda O‘zbekiston Respublikasi statistikasini rivojlantirishning milliy strategiyasining “V. Alohida statistik yo‘nalishlar va metodologiyalarni takomillashtirish” bo‘limidagi “Adliya vazirligi huzuridagi Davlat xizmatlari agentligining” so‘zlari “Adliya vazirligining” so‘zlari bilan almashtirilsin.
30. O‘zbekiston Respublikasi Prezidentining 2020-yil 4-avgustdagi “Aholiga davlat ijtimoiy xizmatlari va yordam taqdim etish tartib-taomillarini avtomatlashtirish bo‘yicha qo‘shimcha chora-tadbirlar to‘g‘risida”gi PQ-4797-son qarorining 7-bandi beshinchi xatboshisidan “huzuridagi Davlat xizmatlari agentligi” so‘zlari chiqarib tashlansin
31. O‘zbekiston Respublikasi Prezidentining 2020-yil 17-noyabrdagi “1993-yil 22-yanvardagi Fuqarolik, oilaviy va jinoyat ishlari bo‘yicha huquqiy yordam hamda huquqiy munosabatlar to‘g‘risidagi Konvensiya va 2002-yil 7-oktabrdagi Fuqarolik, oilaviy va jinoiy ishlar bo‘yicha huquqiy yordam va huquqiy munosabatlar to‘g‘risidagi Konvensiya qoidalarini amalga oshirish chora-tadbirlari to‘g‘risida”gi PQ-4895-son qarorida:
a) 1-ilovaning 5-pozitsiyasi “Vakolatli organning nomi” ustunidan “Adliya vazirligi huzuridagi Davlat xizmatlari agentligi” so‘zlari chiqarib tashlansin;
b) 2-ilovaning 5-pozitsiyasi “Vakolatli organning nomi” ustunidan “Adliya vazirligi huzuridagi Davlat xizmatlari agentligi” so‘zlari chiqarib tashlansin.
32. O‘zbekiston Respublikasi Prezidentining 2020-yil 25-noyabrdagi “Biotexnologiyalarni rivojlantirish va mamlakatning biologik xavfsizligini ta’minlash tizimini takomillashtirish bo‘yicha kompleks chora-tadbirlar to‘g‘risida”gi PQ-4899-son qaroriga 2-ilovaning 3 — 7, 9, 12-pozitsiyalari “Mas’ul ijrochilar” ustunidan “Intellektual mulk agentligi (Sagdullayev),” so‘zlari chiqarib tashlansin.
33. O‘zbekiston Respublikasi Prezidentining 2021-yil 15-martdagi “Tartibga solish ta’sirini baholash tizimini yanada takomillashtirish chora-tadbirlari to‘g‘risida”gi PQ-5025-son qarorida:
“Tartibga solish ta’sirini baholash tizimi joriy etilishi doirasida muhim iqtisodiy va ijtimoiy-siyosiy ahamiyatga ega normativ-huquqiy hujjatlar loyihalari, qoida tariqasida, jamoatchilik muhokamasidan o‘tkazilishi belgilanganligi ma’lumot uchun qabul qilinsin”;
b) Normativ-huquqiy hujjatlar loyihalarini va qabul qilingan normativ-huquqiy hujjatlarni tartibga solish ta’sirini baholashdan o‘tkazish tartibi to‘g‘risidagi nizomning 13-bandidagi “Loyiha” va “majburiy tartibda” so‘zlari tegishincha “Muhim iqtisodiy va ijtimoiy-siyosiy ahamiyatga ega loyiha” va “, qoida tariqasida,” so‘zlari bilan almashtirilsin.
34. O‘zbekiston Respublikasi Prezidentining 2021-yil 22-iyuldagi PQ-5189-son qarori bilan tasdiqlangan Vazirliklar, davlat qo‘mitalari, davlat boshqaruvining boshqa organlari va xo‘jalik birlashmalari rahbarlari o‘rinbosarlarining faoliyati ko‘rsatkichlarini ishlab chiqish, monitoring qilish va samaradorligini baholash tartibi to‘g‘risida nizomga 2-ilovaning “IV. Agentliklar” bo‘limining 10 va 11-pozitsiyalari chiqarib tashlansin.
35. O‘zbekiston Respublikasi Prezidentining 2021-yil 22-oktabrdagi “Normativ-huquqiy hujjatlar va ularning loyihalarini korrupsiyaga qarshi ekspertizadan o‘tkazishni yanada takomillashtirish chora-tadbirlari to‘g‘risida”gi PQ-5263-son qarorining 3-bandi to‘rtinchi xatboshisidagi va 7-bandning “v” kichik bandidagi “20-yanvarga” so‘zlari “20-martga” so‘zlari bilan almashtirilsin.
36. O‘zbekiston Respublikasi Prezidentining 2021-yil 23-noyabrdagi “Meva-sabzavotchilik va uzumchilikda oilaviy tadbirkorlikni rivojlantirish, qishloq xo‘jaligi ishlab chiqarishida dehqon xo‘jaliklarining ulushini oshirish chora-tadbirlari to‘g‘risida”gi PQ-20-son qaroriga 2-ilovaning 8-bandidan “va uning huzuridagi Davlat xizmatlari agentligi” so‘zlari chiqarib tashlansin.
37. O‘zbekiston Respublikasi Prezidentining 2021-yil 21-dekabrdagi “Nogironligi bo‘lgan shaxslarni har tomonlama qo‘llab-quvvatlash, ularning bandligiga ko‘maklashish hamda ijtimoiy faolligini yanada oshirishga oid qo‘shimcha chora-tadbirlar to‘g‘risida”gi PQ-57-son qarorida:
“a” kichik bandning birinchi xatboshisidagi “Davlat xizmatlari agentligi (U. Muhammadiyev)” so‘zlari “Adliya vazirligi (R. Davletov)” so‘zlari bilan almashtirilsin;
“b” kichik bandidagi “Davlat xizmatlari agentligi (U. Muhammadiyev)” so‘zlari “Adliya vazirligi (R. Davletov)” so‘zlari bilan almashtirilsin;
b) 9-bandning “g” kichik bandidagi “Davlat xizmatlari agentligi (U. Muhammadiyev)” so‘zlari “Adliya vazirligi (R. Davletov)” so‘zlari bilan almashtirilsin.
38. O‘zbekiston Respublikasi Prezidentining 2022-yil 28-yanvardagi “Ishni sudga qadar yuritishda yagona idoralararo elektron hamkorlik tizimini joriy etish chora-tadbirlari to‘g‘risida”gi PQ-105-son qarorida:
a) 1-ilovaning 20-bandi o‘z kuchini yo‘qotgan deb hisoblansin;
b) 2-ilovaning 4-pozitsiyasi “Mas’ul ijrochilar” ustunidan “Intellektual mulk agentligi (T. Abdusattorov)” so‘zlari chiqarib tashlansin.
39. O‘zbekiston Respublikasi Prezidentining 2022-yil 8-fevraldagi “Davlat muassasalarini isloh qilishni jadallashtirish chora-tadbirlari to‘g‘risida”gi PQ-123-son qarorining 2-bandi to‘rtinchi xatboshisidagi “huzuridagi Davlat xizmatlari agentligi” so‘zlari chiqarib tashlansin.
(40-band O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)
O‘zbekiston Respublikasi Prezidentining 2022-yil 17-martdagi PF-89-son Farmoniga 3-ILOVA
O‘zbekiston Respublikasi Prezidentining o‘z kuchini yo‘qotgan deb e’tirof etilayotgan ayrim hujjatlari
RO‘YXATI
1. O‘zbekiston Respublikasi Prezidentining 2017-yil 12-dekabrdagi “Aholiga davlat xizmatlari ko‘rsatishning milliy tizimini tubdan isloh qilish chora-tadbirlari to‘g‘risida”gi PF-5278-son Farmonining 2, 3, 5 — 7-bandlari hamda ushbu Farmonga 1-ilova.
2. O‘zbekiston Respublikasi Prezidentining 2018-yil 11-iyuldagi “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF-5475-son Farmoniga 1-ilovaning 14-bandi.
(3-band O‘zbekiston Respublikasi Prezidentining 2025-yil 25-noyabrdagi PF-231-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 26.11.2025-y., 06/25/231/1091-son)
4. O‘zbekiston Respublikasi Prezidentining 2019-yil 1-fevraldagi “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF-5650-son Farmoniga 1-ilovaning 14-bandi “a” va “v” kichik bandlari.
5. O‘zbekiston Respublikasi Prezidentining 2019-yil 8-oktabrdagi “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida”gi PF-5847-son Farmoniga 2-ilovaning 6-pozitsiyasi.
6. O‘zbekiston Respublikasi Prezidentining 2020-yil 31-yanvardagi “Davlat xizmatlari ko‘rsatish milliy tizimini jadal rivojlantirish bo‘yicha qo‘shimcha chora-tadbirlar to‘g‘risida”gi PF-5930-son Farmoniga 4-ilovaning 4-bandi.
7. O‘zbekiston Respublikasi Prezidentining 2020-yil 19-maydagi “Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari to‘g‘risida”gi PF-5997-son Farmonining 6-bandi uchinchi xatboshisi, shuningdek, Farmonga 2-ilovaning 5 va 64-pozitsiyalari, 5-ilova hamda 7-ilovaning 8-bandi.
8. O‘zbekiston Respublikasi Prezidentining 2020-yil 8-iyuldagi “O‘zbekiston Respublikasi Prezidentining ayrim hujjatlariga o‘zgartirishlar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF-6021-son Farmoniga 1-ilovaning 21 va 32-bandlari.
9. O‘zbekiston Respublikasi Prezidentining 2020-yil 18-avgustdagi “Respublikada eksport va investitsiya salohiyatini yanada rivojlantirishga oid qo‘shimcha chora-tadbirlar to‘g‘risida”gi PF-6042-son Farmoniga 2-ilovaning 4-bandi.
10. O‘zbekiston Respublikasi Prezidentining 2021-yil 4-martdagi “2021 — 2025-yillarda fuqarolik jamiyatini rivojlantirish konsepsiyasini tasdiqlash to‘g‘risida”gi PF-6181-son Farmoniga 2-ilovaning 24-pozitsiyasi.
11. O‘zbekiston Respublikasi Prezidentining 2021-yil 17-martdagi “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF-6188-son Farmoniga 1-ilovaning 37-bandi.
12. O‘zbekiston Respublikasi Prezidentining 2021-yil 30-apreldagi “Milliy qonunchilik bazasini kompleks tizimlashtirish chora-tadbirlari to‘g‘risida”gi PF-6218-son Farmoniga 2-ilovaning 17 va 97-bandlari, 3-ilovaning 11, 28, 29 va 35-pozitsiyalari hamda 5-ilovaning 6-pozitsiyasi.
13. O‘zbekiston Respublikasi Prezidentining 2021-yil 28-iyundagi “O‘zbekiston Respublikasining jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish milliy tizimini rivojlantirish strategiyasini tasdiqlash to‘g‘risida”gi PF-6252-son Farmoniga 3-ilovaning 21-bandi.
14. O‘zbekiston Respublikasi Prezidentining 2021-yil 17-iyuldagi “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish to‘g‘risida”gi PF-6263-son Farmoniga ilovaning 9-bandi.
15. O‘zbekiston Respublikasi Prezidentining 2007-yil 3-yanvardagi “O‘zbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” investitsiya loyihasini amalga oshirish chora-tadbirlari to‘g‘risida”gi PQ-553-son qarori 3-bandining beshinchi xatboshisi va qarorga 4-ilova.
16. O‘zbekiston Respublikasi Prezidentining 2013-yil 23-maydagi “Qishloq xo‘jaligi texnikasi va texnologiyalarini sinovdan o‘tkazish tizimini yanada takomillashtirish chora-tadbirlari to‘g‘risida”gi PQ-1972-son qaroriga 3-ilovaning 2-bandi.
17. O‘zbekiston Respublikasi Prezidentining 2017-yil 26-maydagi “O‘ztadbirkoreksport” aksiyadorlik jamiyati faoliyatining samaradorligini oshirishga oid qo‘shimcha chora-tadbirlar to‘g‘risida”gi PQ-3009-son qaroriga 3-ilovaning 6-bandi.
18. O‘zbekiston Respublikasi Prezidentining 2019-yil 8-fevraldagi “Intellektual mulk sohasida davlat boshqaruvini takomillashtirish chora-tadbirlari to‘g‘risida”gi PQ-4168-son qarorining 2 va 4-bandlari.
19. O‘zbekiston Respublikasi Prezidentining 2019-yil 15-fevraldagi “Davlat xizmatlari ko‘rsatish milliy tizimini yanada kompleks rivojlantirish choralari haqida”gi PQ-4193-son qarori 3-bandining uchinchi xatboshisi hamda ushbu qarorga 2-ilova.
20. O‘zbekiston Respublikasi Prezidentining 2019-yil 19-sentabrdagi “O‘zbekiston Respublikasi Prezidentining ayrim qarorlariga o‘zgartirish va qo‘shimchalar kiritish to‘g‘risida”gi PQ-4461-son qaroriga ilovaning 4-bandi.
(21-band O‘zbekiston Respublikasi Prezidentining 2025-yil 25-noyabrdagi PF-231-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 26.11.2025-y., 06/25/231/1091-son)
22. O‘zbekiston Respublikasi Prezidentining 2020-yil 30-iyuldagi “O‘zbekiston Respublikasi aholisi va hududining seysmik xavfsizligini ta’minlash tizimini tubdan takomillashtirish chora-tadbirlari to‘g‘risida”gi PQ-4794-son qaroriga 3-ilovaning 2-bandi.
23. O‘zbekiston Respublikasi Prezidentining 2021-yil 28-yanvardagi “Intellektual mulk obyektlarini muhofaza qilish tizimini takomillashtirish chora-tadbirlari to‘g‘risida”gi PQ-4965-son qaroriga 1-ilovaning 7-pozitsiyasi hamda 3-ilovaning 1-bandi.
24. O‘zbekiston Respublikasi Prezidentining 2022-yil 12-yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari to‘g‘risida”gi PQ-81-son qaroriga 1-ilovaning 16 va 17-pozitsiyalari.
