Oʻzbekiston Respublikasi Prezidentining “Tadbirkorlik faoliyatini qoʻllab-quvvatlash va himoya qilish tizimini tubdan takomillashtirish chora-tadbirlari toʻgʻrisida” 2019-yil 14-maydagi PF-5718-son Farmoni ijrosini taʼminlash hamda Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari faoliyatini tashkil etish va muvofiqlashtirish kotibiyati, Qoraqalpogʻiston Respublikasi, viloyatlar va Toshkent shahridagi hamda tumanlar va shaharlardagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari faoliyatini tashkil etish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari faoliyatini tashkil etish va muvofiqlashtirish kotibiyati toʻgʻrisidagi nizom 1-ilovaga muvofiq;

Qoraqalpogʻiston Respublikasi, viloyatlar va Toshkent shahridagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari toʻgʻrisidagi nizom 2-ilovaga muvofiq;

Tumanlar va shaharlardagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari toʻgʻrisidagi nizom 3-ilovaga muvofiq tasdiqlansin.

2. Oʻzbekiston Respublikasi Adliya vazirligiga (R. Davletov), Investitsiyalar va tashqi savdo vazirligiga (S. Umurzoqov), Qurilish vazirligiga (B. Zokirov), Yer resurslari, geodeziya, kartografiya va davlat kadastri davlat qoʻmitasiga (A. Abdullayev), Davlat soliq qoʻmitasiga (A. Musayev), Savdo-sanoat palatasiga (A. Ikramov), boshqa davlat va xoʻjalik boshqaruvi organlari rahbarlariga hamda Qoraqalpogʻiston Respublikasi Vazirlar Kengashi raisi, viloyatlar va Toshkent shahri hokimlariga — Tadbirkorlar murojaatlarini koʻrib chiqish qabulxonalari bilan samarali oʻzaro hamkorlik qilinishi, tadbirkorlar hamda chet ellik investorlarni tasdiqlangan jadval boʻyicha har kuni qabul qilish, tadbirkorlar muammolarining xolisona va adolatli hal etilishi, murojaatlarni koʻrib chiqish natijalari toʻgʻrisida tegishli Tadbirkorlar murojaatlarini koʻrib chiqish qabulxonalariga, shu jumladan “business.gov.uz” yagona interaktiv portalidan foydalangan holda, xabar berilishi uchun shaxsiy masʼuliyat yuklansin.

3. Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari faoliyatini tashkil etish va muvofiqlashtirish kotibiyati mudiri bir hafta muddatda kotibiyat rahbari va mutaxassislarining funksional vazifalari taqsimoti tasdiqlanishini taʼminlasin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari faoliyatini tashkil etish va muvofiqlashtirish kotibiyati mudiri Gʻ.M. Ziyayev zimmasiga yuklansin.

1. Ushbu Nizom Oʻzbekiston Respublikasi Prezidentining “Tadbirkorlik faoliyatini qoʻllab-quvvatlash va himoya qilish tizimini tubdan takomillashtirish chora-tadbirlari toʻgʻrisida” 2019-yil 14-maydagi PF-5718-son Farmoniga muvofiq Oʻzbekiston Respublikasi Bosh vaziri Tadbirkorlar murojaatlarini koʻrib chiqish qabulxonalari faoliyatini tashkil etish va muvofiqlashtirish kotibiyatining (keyingi oʻrinlarda Kotibiyat deb ataladi) asosiy vazifalari, funksiyalari, huquqlari va javobgarligini, shuningdek, faoliyatini tashkil etish tartibini belgilaydi.

2. Kotibiyat Oʻzbekiston Respublikasi Vazirlar Mahkamasi apparatining (keyingi oʻrinlarda Vazirlar Mahkamasi apparati deb ataladi) tarkibiy boʻlinmasi hisoblanadi.

3. Kotibiyat faoliyati Oʻzbekiston Respublikasining Bosh vazirining Tadbirkorlar murojaatlarini koʻrib chiqish qabulxonalarining (keyingi oʻrinlarda Bosh vazirning qabulxonalari deb ataladi) faoliyatini tashkil etish va muvofiqlashtirishga yoʻnaltirilgan.

4. Kotibiyat oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga amal qiladi.

5. Kotibiyat oʻz faoliyatini bevosita Oʻzbekiston Respublikasining Bosh vaziri rahbarligida amalga oshiradi.

Kotibiyat oʻz vakolatlariga kiradigan masalalar boʻyicha Oʻzbekiston Respublikasining Bosh vaziriga boʻysunadi va ayni bir vaqtda uning faoliyati Vazirlar Mahkamasi apparatining boshqaruvchisi tomonidan muvofiqlashtiriladi.

6. Kotibiyat oʻz faoliyatini Vazirlar Mahkamasi apparatining boshqa tarkibiy boʻlinmalari, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Oʻzbekiston Respublikasi Investitsiyalar va tashqi savdo vazirligi, Davlat soliq qoʻmitasi, Savdo-sanoat palatasi, boshqa davlat va xoʻjalik organlari, mahalliy ijro etuvchi hokimiyat organlari va tashkilotlar bilan oʻzaro hamkorlikda amalga oshiradi.

7. Quyidagilar Kotibiyat faoliyatining asosiy yoʻnalishlari hisoblanadi:

“Xalq davlat idoralariga emas, davlat idoralari xalqimizga xizmat qilishi kerak” degan asosiy prinsipni oʻz vaqtida, aniq va toʻliq hajmda amalga oshirish;

tadbirkorlik subyektlarini hamda chet ellik investorlarni qabul qilish, shu jumladan, videokonferensaloqa vositasida va sayyor qabullarni oʻtkazilishini taʼminlash;

tadbirkorlik subyektlari, shu jumladan, chet ellik investorlarning huquq va qonuniy manfaatlariga rioya qilinishini taʼminlash;

tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik, shu jumladan, yer uchastkalari, binolar va kreditlar ajratish, ruxsat beruvchi hujjatlarni olish masalalaridagi toʻsiqlarni bartaraf etilishini taʼminlash;

tadbirkorlikni rivojlantirishga va chet el investitsiyalarini jalb etishga toʻsqinlik qilayotgan tizimli muammolarni monitoring qilish, umumlashtirish va tahlil qilish, shuningdek, bu sohadagi qonun hujjatlarini takomillashtirish boʻyicha takliflar tayyorlash;

tadbirkorlarning muammolarini hal etish maqsadida ularni qabul qilish, umumlashtirish, monitoring olib borish va nazorat qilish uchun samarali platforma joriy etilishini nazarda tutuvchi “business.gov.uz” yagona interaktiv portali (keyingi oʻrinlarda yagona portal deb ataladi) faoliyat koʻrsatishini taʼminlash.

8. Quyidagilar Kotibiyatning asosiy vazifalari hisoblanadi:

a) tadbirkorlik subyektlarini hamda chet ellik investorlarni qabul qilish, shu jumladan, videokonferensaloqa vositasida va sayyor qabullarni oʻtkazilishini taʼminlash sohasida:

Bosh vazirning qabulxonalarida har kuni tasdiqlangan jadval asosida hokimliklar, vazirliklar, idoralar va boshqa tashkilotlarning vakillari ishtirokida tadbirkorlik subyektlari, shu jumladan, chet ellik investorlarning qabul qilinishini tashkillashtirish;

tadbirkorlik subyektlari va chet ellik investorlarning murojaatlari toʻgʻrisidagi, shuningdek, Qoraqalpogʻiston Respublikasi, viloyatlar, Toshkent shahridagi hamda tuman va shahar qabulxonalaridan tushgan maʼlumotlarni “business.gov.uz” tizimiga kiritilishini taʼminlash;

tadbirkorlarni, shu jumladan, chet ellik investorlarni respublika darajasida hal etiladigan murojaatlarini Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili, investitsiyalar va tashqi savdo, adliya, qurilish vazirliklari, Savdo-sanoat palatasi va boshqa vakolatli organlarning vakillari ishtirokida koʻrib chiqish;

joyida hal etish imkoniyati boʻlmagan murojaatlarni belgilangan tartibda koʻrib chiqish, hal etish va natijalari yuzasidan yozma axborot berish uchun vakolatli organlarga yuborish;

murojaatlari vakolatli organlar tomonidan hal etilmagan tadbirkorlik subyektlarini, shu jumladan chet ellik investorlarni Oʻzbekiston Respublikasining Bosh vaziri tomonidan shaxsan, shu jumladan, videokonferensaloqa vositasida va sayyor qabullar orqali qabul qilinishini tashkillashtirish;

Oʻzbekiston Respublikasining Bosh vaziri tomonidan tadbirkorlik subyektlarini hamda chet ellik investorlarni qabul qilish, shu jumladan, videokonferensaloqa vositasida va sayyor qabullarni oʻtkazish bilan bogʻliq tashkiliy masalalarni hal etish yuzasidan Vazirlar Mahkamasi tarkibiy boʻlinmalari, vazirlik va idoralar, mahalliy ijro etuvchi hokimiyat organlari faoliyatini muvofiqlashtirish;

vazirlik, idoralar va vakolatli organlar tomonidan hal etilmagan, shuningdek, Oʻzbekiston Respublikasining Bosh vazirining qarori talab etiladigan masalalar boʻyicha qaror qabul qilish uchun Oʻzbekiston Respublikasining Bosh vaziriga takliflar kiritish;

Bosh vazirning qabulxonalarida va tegishli vakolatli organlarda koʻrib chiqilgan tadbirkorlar, shu jumladan chet ellik investorlarning murojaatlari haqida har haftada Oʻzbekiston Respublikasining Bosh vaziriga axborot kiritish;

Bosh vazirning qabulxonalarida tadbirkorlarning davlat va xoʻjalik organlari, nazorat qiluvchi va huquqni muhofaza qiluvchi tuzilmalar, shuningdek, boshqa tashkilotlar mansabdor shaxslarining harakati (harakatsizligi) yuzasidan murojaatlarini koʻrib chiqilishini, bunda murojaatlarni koʻrib chiqish uchun qarori yoki harakati (harakatsizligi) ustidan shikoyat qilinayotgan tashkilotlarning mansabdor shaxslariga asossiz yuborilmasligini taʼminlash;

tadbirkorlik subyektlari, shu jumladan, chet ellik investorlarning murojaatlarini qabul qilish boʻyicha oʻrnatilgan tartib va muddatlarga Bosh vazirning qabulxonalari tomonidan rioya etilishini, ular zimmasiga yuklatilgan vazifalar va funksiyalarni soʻzsiz ijro etilishini nazorat qilish;

tadbirkorlik subyektlari, shu jumladan, chet ellik investorlarning huquq va qonuniy manfaatlari himoyasi toʻgʻrisidagi murojaatlarini shuningdek, ularning huquqlari va qonuniy manfaatlarini buzgan nazorat qiluvchi va boshqa organlar toʻgʻrisidagi maʼlumotlarni Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakiliga va boshqa vakolatli organlarga yuborish;

Bosh vazirning qabulxonalariga murojaat qilgan tadbirkorlarga yordam berish boʻyicha amaliy choralar koʻrish hamda ularning huquqlari va qonuniy manfaatlari buzilganligi uchun nazorat qiluvchi va boshqa organlarning aybdor mansabdor shaxslarining javobgarlikka tortish masalasida Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan hamkorlik qilish;

Bosh vazirning qabulxonalariga kelib tushgan tadbirkorlar murojaatlarining vakolatli organlar tomonidan oʻz vaqtida koʻrib chiqilishini nazorat qilish, Vazirlar Mahkamasiga aybdor mansabdor shaxslarni belgilangan tartibda javobgarlikka tortish boʻyicha takliflar olish boʻyicha Oʻzbekiston Respublikasi Hisob palatasi bilan hamkorlik qilish;

Bosh vazirning qabulxonalari mudirlari va mutaxassislarining professional malaka hamda koʻnikmalarini va huquqiy bilimlarini yanada oshirish maqsadida muntazam ravishda “davra suhbatlari” va oʻquv-amaliy seminarlarni tashkillashtirish;

Bosh vazir qabulxonalarining tadbirkorlik subyektlari, shu jumladan, chet el investorlarining murojaatlarini koʻrib chiqish va hal etish borasida hududiy davlat boshqaruvi organlari, mahalliy ijro etuvchi hokimiyat organlari, boshqa tashkilotlar bilan oʻzaro samarali hamkorligini tashkillashtirish;

Bosh vazirning qabulxonalarida aniqlangan tadbirkorlikni rivojlantirishga toʻsqinlik qilayotgan muammoli masalalarni jamlash, umumlashtirish, tahlil qilish, sabablarini aniqlash, vakolatli organlarning takliflarini olish va hal etish choralarini koʻrish;

aniqlangan byurokratik, shu jumladan, yer uchastkalari, binolar va kreditlar ajratish, ruxsat beruvchi hujjatlarni olish masalalaridagi toʻsiqlarni bartaraf etish va asoslangan takliflarni tayyorlash boʻyicha Vazirlar Mahkamasi tarkibiy boʻlinmalari, vazirliklar, idoralar va xoʻjalik birlashmalari, mahalliy ijro etuvchi hokimiyat organlari bilan ishlash;

Bosh vazirning qabulxonalariga murojaat qilgan tadbirkorlarga chet el investitsiyalarini jalb qilish va ular ishtirokidagi loyihalarni amalga oshirish bilan bogʻliq muammolarini hal etishda, shuningdek, tashqi savdo faoliyatini amalga oshirish va ishlab chiqarilayotgan mahsulotlarning tashqi bozorlarga kirishiga koʻmaklashishda Oʻzbekiston Respublikasi Investitsiyalar va tashqi savdo vazirligining faoliyatini muvofiqlashtirish;

tadbirkorlik subyektlari, shu jumladan, chet el investorlariga yer uchastkalari va binolar, kreditlar ajratish, ruxsat beruvchi hujjatlarni olish masalalaridagi toʻsiqlarni bartaraf etish boʻyicha murojaatlarda koʻrsatilgan masalalarni tartibga soluvchi normalarni takomillashtirish yuzasidan takliflar tayyorlash hamda koʻrib chiqish uchun Oʻzbekiston Respublikasining Bosh vaziriga kiritish;

har chorakda Oʻzbekiston Respublikasining Bosh vaziriga qabulxonalar faoliyatlari, tadbirkorlarning huquq va qonuniy manfaatlarini himoyasi hamda tadbirkorlik faoliyatini rivojlantirishga toʻsqinlik qilayotgan kamchiliklarni bartaraf etilishi, koʻrilgan chora-tadbirlar va tayyorlangan takliflar haqida tahliliy maʼlumotlar kiritish;

tadbirkorlikni rivojlantirishga toʻsqinlik qilayotgan tizimli muammolarni hal etish, qonun hujjatlaridagi boʻshliqlar va kamchiliklarni bartaraf qilish boʻyicha normativ-huquqiy hujjatlar loyihalarini ishlab chiqish yuzasidan tegishli vazirlik va idoralarning faoliyatini muvofiqlashtirish;

tadbirkorlar murojaatlarida koʻrsatilgan masalalarni tartibga soluvchi normalar mavjud boʻlmaganda, Vazirlar Mahkamasining masʼul tarkibiy boʻlinmalari, manfaatdor vazirlik va idoralar tomonidan qonun hujjatlarini takomillashtirish yuzasidan takliflar tayyorlanishini tashkillashtirish hamda koʻrib chiqish uchun Oʻzbekiston Respublikasining Bosh vaziriga kiritish;

hududlar va boshqaruv organlari kesimida aniqlangan tadbirkorlikni rivojlantirishga toʻsqinlik qilayotgan tizimli muammolarni aniqlash hamda ularni bartaraf etish boʻyicha qonun hujjatlarini takomillashtirish boʻyicha takliflar ishlab chiqish masalasida Savdo-sanoat palatasining faoliyatini muvofiqlashtirish;

tadbirkorlik faoliyatiga oid qonun hujjatlaridagi boʻshliqlar va kamchiliklarni hal etish boʻyicha normativ-huquqiy hujjatlar loyihalarini oʻz vaqtida va sifatli ishlab chiqish, tadbirkorlik faoliyati erkinligi kafolatlarini taʼminlash boʻyicha choralar koʻrish borasida Adliya vazirligining faoliyatini muvofiqlashtirish;

d) tadbirkorlarning muammolarini hal etish maqsadida ularni qabul qilish, umumlashtirish, monitoring olib borish va nazorat qilish uchun samarali platforma joriy etilishini nazarda tutuvchi “business.gov.uz” yagona portal faoliyat koʻrsatishini taʼminlash sohasida:

tadbirkorlik subyektlari, shu jumladan, chet ellik investorlarning murojaatlarini yagona portalda qayd etish, ularni umumlashtirish, monitoring va nazorat qilish sohasidagi faoliyatni muvofiqlashtirish;

yagona portalning uzluksiz ishlashini taʼminlash, murojaatlarning muddatida toʻliq qayd etilishi, umumlashtirilishi, monitoring va nazorat qilinishi, murojaatlarni elektron shaklda tegishli vazirlik, idoralar, hokimliklar hamda vakolatli organlarga yuborilishi va nazorat muddatida ijrosi holatlarini monitoring qilish;

tadbirkorlik subyektlari, shu jumladan, chet ellik investorlarning respublika darajasida hal etiladigan murojaatlarini koʻrib chiqish natijalari, amalga oshirilgan chora-tadbirlar va qabul qilingan qarorlar toʻgʻrisidagi maʼlumotlarni yagona portalga kiritish;

Bosh vazirning qabulxonalari mudirlari va mutaxassislarining yagona portalda ishlash tajribalarini oshirish maqsadida seminar va treninglar tashkil etish.

9. Kotibiyat oʻziga yuklangan vazifalarni bajarish uchun quyidagi funksiyalarni amalga oshiradi:

Oʻzbekiston Respublikasi Prezidenti va uning Administratsiyasi hamda Oʻzbekiston Respublikasining Bosh vazirining topshiriqlari ijrosi tizimli monitoringi olib borilishini tashkil etadi;

Kotibiyatning maʼlumotlar bankini shakllantiradi, shuningdek, topshiriqlar ijrosi nazoratining axborot tizimini yaratadi va joriy etadi;

Vazirlar Mahkamasi apparatining tarkibiy boʻlinmalari bilan birgalikda Vazirlar Mahkamasi va uning Rayosati majlislari, Oʻzbekiston Respublikasi Bosh vazirining yigʻilishlarini oʻtkazish uchun zarur boʻlgan tahliliy maʼlumotnoma, boshqa materiallarni tayyorlaydi hamda Oʻzbekiston Respublikasining Bosh vaziriga taqdim etadi;

Oʻzbekiston Respublikasining Bosh vaziri tomonidan Hukumatning muayyan sohalar va yoʻnalishlarda islohotlarning amalga oshirilishini oʻrganish maqsadida Bosh vazirning qabulxonalari mudirlari ishtirokida hududlarda mavzuli sayyor majlislarini doimiy asosda oʻtkazish uchun tegishli tahliliy materiallar tayyorlaydi;

Bosh vazirning qabulxonalari faoliyatini takomillashtirishning eng muhim va ustuvor yoʻnalishlari boʻyicha asoslantirilgan takliflar ishlab chiqadi;

har haftada Oʻzbekiston Respublikasining Bosh vaziriga tadbirkorlardan, shu jumladan chet ellik investorlardan Bosh vazirning qabulxonalariga kelib tushgan murojaatlarning koʻrilishi jarayoni haqida axborot kiritib boradi;

har chorakda Oʻzbekiston Respublikasining Prezidentiga taqdim etish uchun Bosh vazir qabulxonalarining ishi natijalari, tadbirkorlar hamda ularning huquqlari va qonuniy manfaatlarini himoya qilish, shuningdek mamlakatda ishbilarmonlik muhitini yaxshilash yuzasidan davlat organlari faoliyatidagi kamchiliklarni bartaraf etish boʻyicha koʻrilayotgan chora-tadbirlar, shuningdek, qabul qilingan qarorlar yoki mansabdor shaxslarni ragʻbatlantirish yoxud ularni tadbirkorlik subyektlarining, shu jumladan, chet ellik investorlarning murojaatlarini yuzaki koʻrib chiqqanligi yoki koʻrib chiqishdagi harakatsizligi uchun shaxsiy javobgarlikka tortish boʻyicha takliflarni nazarda tutuvchi tahliliy maʼlumot tayyorlaydi hamda Oʻzbekiston Respublikasining Bosh vaziriga kiritadi;

tadbirkorlik subyektlari, shu jumladan, investorlarning murojaatlarida koʻtarilayotgan tizimli muammolardan kelib chiqqan holda qabul qilingan normativ-huquqiy hujjatning tartibga solish taʼsirini baholash yuzasidan Vazirlar Mahkamasining Yuridik taʼminlash boshqarmasi Tartibga solish taʼsirini baholash boʻlimiga takliflar kiritadi;

“Har bir oila — tadbirkor” dasturi va tadbirkorlarning kichik va oʻrta biznesni rivojlantirishga yoʻnaltirilgan tashabbuslarini oʻz vaqtida amalga oshirish, ushbu jarayonga yoshlar va xotin-qizlarni jalb qilish, barqaror yangi ish oʻrinlari yaratish, aholi turli toifalarining moddiy farovonligini oshirish boʻyicha harakatlarni qoʻllab-quvvatlash yuzasidan vakolati doirasida zarur chora-tadbirlarni amalga oshiradi;

tadbirkorlik faoliyati faol rivojlanishi uchun toʻsqinlik qilayotgan omillar va sabablarni aniqlash hamda ularni bartaraf etish boʻyicha taʼsirchan choralar koʻrish maqsadida ommaviy axborot vositalarida va boshqa manbalarda, shu jumladan, joylarga chiqqan holda jamoatchilik fikrini oʻrganishni taʼminlaydi;

Kotibiyatning yuritishi sohasiga kiradigan masalalar boʻyicha axborotni umumlashtiradi va tahliliy qayta ishlaydi, Oʻzbekiston Respublikasi Prezidenti, Oʻzbekiston Respublikasining Bosh vaziri uchun, shuningdek, ularni Vazirlar Mahkamasida koʻrib chiqish uchun tegishli maʼlumotnoma, tahliliy materiallar va takliflar tayyorlaydi;

Oʻzbekiston Respublikasining Bosh vaziri qabulxonalarida ishlarning holatini, Kotibiyat yuritadigan sohaga kiradigan masalalar boʻyicha Oʻzbekiston Respublikasi qonunlari, Oʻzbekiston Respublikasi Prezidentining hamda Vazirlar Mahkamasining hujjatlari, “yoʻl xaritalari” va topshiriqlari ijrosini nazorat qiladi, ularning bajarilishini, shu jumladan, joylarga borib oʻrganadi, oʻrganish yakunlari boʻyicha Vazirlar Mahkamasi rahbariyatiga axborot berish uchun tegishli tahliliy materiallar va takliflar tayyorlaydi;

Oʻzbekiston Respublikasining Prezidenti va Oʻzbekiston Respublikasining Bosh vaziri tomonidan oʻtkaziladigan yigʻilishlarga materiallar tayyorlashda va ularda qabul qilinadigan qarorlarni rasmiylashtirishda qatnashadi;

Bosh vazir qabulxonalarining faoliyatini muvofiqlashtiradi, ularning zimmasiga yuklatilgan vazifa va funksiyalar samarali hamda natijali ijro etilishi uchun ularning mudirlarining shaxsiy roli va masʼuliyatini oshirish choralarini koʻradi;

Qoraqalpogʻiston Respublikasi, viloyatlar va Toshkent shahrida, tuman va shaharlardagi Bosh vazirning qabulxonalari xodimlarining kasbiy mahoratini, ularga yuklangan vazifalar ijrosi uchun shaxsiy masʼuliyatini oshiradi, ijro intizomini mustahkamlaydi;

Oʻzbekiston Respublikasi Prezidenti Administratsiyasining tegishli boʻlinmalari, Oʻzbekiston Respublikasi Oliy Majlisi Qonunchilik palatasi va Senatining qoʻmitalari, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Qoraqalpogʻiston Respublikasi Vazirlar Kengashi, viloyatlar va Toshkent shahar hokimiyatlari, Oʻzbekiston Respublikasi Investitsiyalar va tashqi savdo vazirligi, Adliya vazirligi, Qurilish vazirligi, Davlat soliq qoʻmitasi, Yer resurslari, geodeziya, kartografiya va davlat kadastri davlat qoʻmitasi, Savdo-sanoat palatasining tadbirkorlikka koʻmaklashish markazlari, banklar va boshqa tashkilotlar bilan oʻzaro yaqin hamkorlikni taʼminlaydi;

tadbirkorlik faoliyatini amalga oshirishga bevosita yoki bilvosita taʼsir koʻrsatuvchi masalalar boʻyicha normativ-huquqiy hujjatlarni takomillashtirish va koʻrib chiqish boʻyicha Vazirlar Mahkamasining tegishli tarkibiy boʻlinmalariga takliflar kiritadi;

Kotibiyatda, shuningdek, Oʻzbekiston Respublikasining Bosh vaziri qabulxonalarida kadrlarni tanlash tizimini takomillashtiradi, xodimlar malakasini oshirish va kadrlarning amaliy zaxirasini tayyorlashning samarali shakl va usullarini joriy etadi;

yagona portalning toʻlaqonli ishlashini taʼminlaydi.

10. Kotibiyat oʻziga yuklangan vazifalar va funksiyalarni bajarish uchun quyidagi huquqlarga ega:

Oʻzbekiston Respublikasi Vazirlar Mahkamasida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni Vazirlar Mahkamasi apparatining boshqa tarkibiy boʻlinmalaridan, davlat va xoʻjalik boshqaruvi organlaridan, mahalliy ijro etuvchi hokimiyat organlaridan, boshqa organlar va tashkilotlardan belgilangan tartibda soʻrash va olish;

tadbirkorlar, shu jumladan, chet ellik investorlarning respublika darajasida hal etilishi kerak boʻlgan murojaatlarini koʻrib chiqish uchun Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili, Investitsiyalar va tashqi savdo vazirligi, Savdo-sanoat palatasining rahbarlari va boshqa vakolatli organlar hamda Vazirlar Mahkamasining tegishli tarkibiy boʻlinmalari vakillarini jalb etish;

tadbirkorlar, shu jumladan, chet ellik investorlarning respublika darajasida hal etilmagan murojaatlari boʻyicha Oʻzbekiston Respublikasining Bosh vaziriga qaror qabul qilish uchun takliflar kiritish;

tadbirkorlar, shu jumladan, chet ellik investorlarning murojaatlarida koʻtarilayotgan tizimli muammolarni hal etish yuzasidan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

tadbirkorlar va chet ellik investorning murojaatlari bilan ishlash masalalarida Vazirlar Mahkamasi apparati tarkibiy boʻlinmalari ishini muvofiqlashtirish;

tadbirkorlar va chet ellik investorlar murojaatlari mazmunidan kelib chiqqan holda Vazirlar Mahkamasining tegishli kotibiyati bilan birgalikda masʼul vazirlik va idoralarga murojaatlarda koʻrsatilgan tizimli muammolarni hal etish maqsadida qonun hujjatlarini takomillashtirish, shu jumladan, normativ-huquqiy hujjat loyihasini tayyorlash, vazirlik va idoralar bilan kelishish hamda Hukumatga kiritish yuzasidan topshiriqlar berish;

Bosh vazirning qabulxonalari faoliyatini samarali tashkil etish, shu jumladan, yagona portalga kiritilayotgan tadbirkorlik subyektlari hamda chet ellik investorlarning murojaatlarini tizimli monitoring qilish, aniqlangan muammolarni tahlil qilish hamda ularni hal etish yuzasidan vakolatli davlat organlari faoliyatini muvofiqlashtirishni taʼminlash maqsadida Kotibiyatda vazirlik va idoralarning vakillaridan iborat doimiy asosda ishlaydigan ishchi guruh tuzish;

Vazirlar Mahkamasida koʻrib chiqiladigan masalalarni ishlab chiqish, Bosh vazirning qabulxonalariga tadbirkorlar murojaati jarayonida vujudga kelgan muammolarni hal etish uchun davlat va xoʻjalik boshqaruvi organlarining, ilmiy muassasalar va boshqa tashkilotlarning rahbarlari va vakillarini jalb etish;

tadbirkorlar va chet ellik investorning murojaatlari bilan ishlash masalalarida Vazirlar Mahkamasi rahbariyati bilan kelishgan holda Vazirlar Mahkamasi apparati tarkibiy boʻlinmalari mutaxassislarini jalb etish;

yuklangan vazifalar va funksiyalarni bajarish doirasida davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar bilan mustaqil yozishmalar olib borish;

Oʻzbekiston Respublikasi Prezidenti va Oʻzbekiston Respublikasining Bosh vaziri topshiriqlari oʻz vaqtida ijro etilmaganligi va sifatsiz ijro etilganligi munosabati bilan mansabdor shaxslardan ogʻzaki yoki yozma tushuntirishlarni talab qilish va zarurat boʻlganda masʼul ijrochilarga nisbatan intizomiy jazo choralari qoʻllash yuzasidan takliflar kiritish.

Oʻzbekiston Respublikasining Maʼmuriy javobgarlik toʻgʻrisidagi kodeksi 43-moddasida nazarda tutilgan maʼmuriy huquqbuzarliklar aniqlangan taqdirda, Kotibiyat mudiri va masʼul xodimlari maʼmuriy huquqbuzarlik toʻgʻrisida bayonnoma tuzish, maʼmuriy huquqbuzarlik toʻgʻrisidagi bayonnomani koʻrib chiqish uchun belgilangan tartibda sudga yuborish;

Kotibiyat qonun hujjatlariga muvofiq boshqa huquqlarga ham ega boʻlishi mumkin.

11. Kotibiyat:

Oʻzbekiston Respublikasining Bosh vaziriga kiritiladigan takliflar va hujjatlar loyihalarining asoslanganligi, ushbu topshiriqlar amalga oshirilishi samaradorligi va qabul qilingan qarorlar, shuningdek, tegishli sohada amalga oshirilayotgan ishlarning natijadorligi;

ushbu Nizomning 8 va 9-bandlarida koʻrsatilgan zimmasidagi vazifa hamda funksiyalarning samarali bajarilishi;

Kotibiyat vakolatiga kiruvchi masalalar boʻyicha Oʻzbekiston Respublikasi Konstitutsiyasi, “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasining Qonuni va boshqa qonun hujjatlari bilan Vazirlar Mahkamasiga yuklangan vazifalar va funksiyalarning samarali bajarilishi;

Kotibiyat vakolatiga kiruvchi masalalar boʻyicha qonunlar, Oʻzbekiston Respublikasi Prezidenti, Oʻzbekiston Respublikasi Bosh vazirining hujjatlari va topshiriqlarining sifatli hamda oʻz vaqtida bajarilishi;

oliy darajadagi xorijiy tashriflar, shuningdek, respublika hududlariga safarlar yakunlari boʻyicha Kotibiyatning vakolatiga kiradigan masalalar boʻyicha tasdiqlanadigan “yoʻl xaritalari”ning tegishli ravishda va samarali bajarilishi;

Oʻzbekiston Respublikasi Prezidentining “Amalga oshirilayotgan islohotlarni huquqiy taʼminlash faoliyatini tubdan takomillashtirish chora-tadbirlari toʻgʻrisida” 2018-yil 3-apreldagi PF-5395-son Farmoniga, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, “Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomiga soʻzsiz rioya etilishini taʼminlash uchun javob beradi.

12. Kotibiyatning tuzilmasi quyidagilardan iborat:

Kotibiyat mudiri;

Qoraqalpogʻiston Respublikasi, viloyatlar va Toshkent shahridagi Oʻzbekiston Respublikasining Bosh vaziri qabulxonalari faoliyatini muvofiqlashtirish boʻyicha bosh mutaxassis;

Tumanlar va shaharlardagi Oʻzbekiston Respublikasining Bosh vaziri qabulxonalari faoliyatini muvofiqlashtirish masalalari boʻyicha bosh mutaxassis;

Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Savdo-sanoat palatasi, Adliya vazirligi, Investitsiyalar va tashqi savdo vazirligi, Hisob palatasi va davlat boshqaruvi organlari bilan oʻzaro hamkorlik qilish boʻyicha bosh mutaxassis;

xoʻjalik boshqaruvi organlari bilan oʻzaro hamkorlik qilish boʻyicha bosh mutaxassis;

inspektor;

Kotibiyat tuzilmasi Oʻzbekiston Respublikasi Vazirlar Mahkamasi tomonidan tasdiqlanadi.

13. Kotibiyat ishiga Kotibiyat mudiri rahbarlik qiladi.

14. Kotibiyat mudiri, Kotibiyat bosh mutaxassislari va inspektori belgilangan tartibda lavozimga tayinlanadi va lavozimdan ozod qilinadi.

15. Kotibiyat ishlari “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Vazirlar Mahkamasining Reglamentiga, “Oʻzbekiston Respublikasi Vazirlar Mahkamasining apparati toʻgʻrisida”gi Nizomga, ushbu Nizomga, Oʻzbekiston Respublikasi Vazirlar Mahkamasi apparatida ish yuritish boʻyicha yoʻriqnomaga, Oʻzbekiston Respublikasi Prezidenti, Oʻzbekiston Respublikasining Oʻzbekiston Respublikasining Bosh vazirining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek, Vazirlar Mahkamasining ish rejalari, Kotibiyatning ish rejalari, Kotibiyat xodimlarining shaxsiy ish rejalariga muvofiq tashkil etiladi.

Kotibiyatning ish rejasi Vazirlar Mahkamasi Rayosati tomonidan tasdiqlanadigan Vazirlar Mahkamasining ish rejasi asosida shakllantiriladi.

Kotibiyat bosh mutaxassislarining shaxsiy ish rejalari Kotibiyat mudiri tomonidan tasdiqlanadi.

16. Kotibiyat mudiri:

Kotibiyatga bevosita rahbarlik qiladi, bosh mutaxassislar va inspektor ishlarini tashkil qiladi hamda Kotibiyatga yuklangan vazifalar va funksiyalarning bajarilishi uchun shaxsan javob beradi;

Oʻzbekiston Respublikasining Bosh vaziri qabulxonalari ishini muvofiqlashtirish boʻyicha zarur choralarni amalga oshiradi;

Oʻzbekiston Respublikasining Oʻzbekiston Respublikasining Bosh vazirini xabardor qilish uchun maʼlumotnoma, tahliliy, statistik va boshqa materiallar tayyorlanishini tashkil etadi;

Vazirlar Mahkamasi apparatining tarkibiy boʻlinmalari bilan birgalikda Oʻzbekiston Respublikasi Oʻzbekiston Respublikasining Bosh vazirining maʼruzalari va nutqlari tayyorlanishini tashkil etadi;

Oʻzbekiston Respublikasi Bosh vazirining topshirigʻiga koʻra Kotibiyat yuritishi sohasiga kiradigan masalalar boʻyicha oʻtkaziladigan Vazirlar Mahkamasi va uning Rayosati majlislarida, Oʻzbekiston Respublikasining Oʻzbekiston Respublikasining Bosh vaziri huzurida oʻtkaziladigan yigʻilishlarda, Hukumat va idoralararo komissiyalar, kengashlar va tashkiliy qoʻmitalar majlislarida, Vazirlar Mahkamasi apparatining boshqaruvchisi huzurida oʻtkaziladigan yigʻilishlarda ishtirok etadi;

kelishilishi talab etiladigan masalalar boʻyicha Oʻzbekiston Respublikasi Prezidenti Administratsiyasining Ijro etuvchi apparati, Oʻzbekiston Respublikasi Prezidenti maslahatchilarining tegishli boʻlinmalari, Oʻzbekiston Respublikasi Prezidenti huzuridagi Xavfsizlik kengashi apparati bilan oʻzaro hamkorlik qiladi;

ijro etuvchi hokimiyat organlaridan, boshqa organlar va tashkilotlardan Vazirlar Mahkamasiga kelib tushgan, ular boʻyicha Hukumat qarori qabul qilinishi talab etilmaydigan hujjatlarni koʻrib chiqish uchun tegishli organlarga yuboradi;

tadbirkorlik subyektlari, shu jumladan, chet ellik investorlarni Oʻzbekiston Respublikasining Bosh vaziri tomonidan qabul qilinishini belgilangan tartibda tashkil etadi hamda ularning murojaatlarini koʻrib chiqish yakunlari boʻyicha qabul qilingan topshiriqlar bajarilishi ustidan nazorat qilinishini taʼminlaydi;

Kotibiyat kadrlari zaxirasini shakllantirish va yangilab borishni, kadrlar zaxirasiga kiritilgan shaxslar bilan tizimli ishlarni tashkil etadi;

kadrlar tanlash tizimini takomillashtirish, Kotibiyat xodimlari malakasini oshirishning samarali shakllari va usullarini joriy etish, kadrlarning amaliy zaxirasini tayyorlash va moddiy ragʻbatlantirish chora-tadbirlarini koʻradi;

Kotibiyatning yarim yillik uchun ish rejasi loyihasini kelishish uchun kiritadi;

Kotibiyatda belgilangan tartibda ish yuritilishini taʼminlaydi, xodimlar oʻrtasida vazifalarni taqsimlaydi, Kotibiyat ishini takomillashtirish, uning xodimlarining ish malakasini oshirish boʻyicha tadbirlarni ishlab chiqadi va amalga oshiradi;

tadbirkorlikni rivojlantirishga toʻsqinlik qilayotgan muammoli masalalarni koʻrib chiqishda byurokratik toʻsiqlarni yaratayotgan Bosh vazir qabulxonalari mudir va mutaxassislariga nisbatan tegishli choralar koʻradi;

oʻz faoliyatida ijobiy natijalarni qayd etgan va samarali faoliyat koʻrsatayotgan Bosh vazir qabulxonalarining mudir va mutaxassislarini ragʻbatlantirish toʻgʻrisida takliflar kiritadi;

chiquvchi xat-xabarlarni imzolaydi;

Kotibiyatga yuklangan vazifalarni bajarish boʻyicha belgilangan tartibda boshqa funksiyalarni amalga oshiradi.

17. Kotibiyat mudiri vaqtincha boʻlmaganda uning vazifalarini Oʻzbekiston Respublikasi Bosh vazirining topshirigʻiga asosan Kotibiyatning bosh mutaxassislaridan biri bajaradi.

18. Qoraqalpogʻiston Respublikasi, viloyatlar va Toshkent shahridagi Oʻzbekiston Respublikasining Bosh vaziri qabulxonalari faoliyatini muvofiqlashtirish boʻyicha bosh mutaxassis:

Qoraqalpogʻiston Respublikasi, viloyatlar va Toshkent shahridagi Oʻzbekiston Respublikasining Bosh vaziri qabulxonalari faoliyatini ularga yuklatilgan vazifalarni samarali amalga oshirish uchun muvofiqlashtiradi;

respublika darajasida hal etiladigan murojaatlarni Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili, Oʻzbekiston Respublikasi Investitsiyalar va tashqi savdo vazirligi, Savdo-sanoat palatasi va boshqa vakolatli organlarning vakillari ishtirokida koʻrib chiqadi;

tadbirkor va chet ellik investorning, shu jumladan Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalaridan kelib tushgan murojaatlari toʻgʻrisidagi maʼlumotlarni yagona portalga kiritib boradi;

murojaatlarni koʻrib chiqish jarayonida hal qilish imkoniyati boʻlmaganda — ularni vakolatli organlarga yuboradi;

tadbirkorlardan kelib tushgan murojaatlar tahlili asosida tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik toʻsiqlarni bartaraf etish etishga qaratilgan takliflarni ishlab chiqadi;

Kotibiyatda hal etilmagan Qoraqalpogʻiston Respublikasi, viloyatlar va Toshkent shahridagi Bosh vazir qabulxonalaridan kelib tushgan murojaatlar boʻyicha Oʻzbekiston Respublikasining Bosh vaziriga qaror qabul qilish uchun takliflar kiritadi;

murojaatlarda koʻrsatilgan masalalarni tartibga soluvchi normalar mavjud boʻlmaganda, qonun hujjatlarini takomillashtirish yuzasidan takliflarni Oʻzbekiston Respublikasining Bosh vaziriga koʻrib chiqish uchun kiritish maqsadida ishlab chiqish;

Qoraqalpogʻiston Respublikasi, viloyatlar va Toshkent shahridagi Oʻzbekiston Respublikasining Bosh vaziri qabulxonalarini Tadbirkorlikka koʻmaklashish markazlari tegishli boʻlinmalari, shuningdek, Adliya vazirligi huzuridagi Davlat xizmatlari agentligi hududiy markazlari bilan hamkorligini taʼminlaydi;

Qoraqalpogʻiston Respublikasi, viloyatlar va Toshkent shahridagi Bosh vazir qabulxonalari tomonidan hududiy tashkilotlar rahbarlarining tadbirkorlar huquqlari va qonuniy manfaatlarini taʼminlash boʻyicha faoliyati toʻgʻrisidagi axborotni har chorakda tegishli xalq deputatlari Kengashi majlislarida muhokama qilish uchun kiritilishini, ushbu axborot boʻyicha masʼul tashkilotlar rahbarlarining hisobotlarini eshitilishini taʼminlaydi;

Qoraqalpogʻiston Respublikasi, viloyatlar va Toshkent shahridagi Bosh vazir qabulxonalari har oyning 7 sanasiga qadar Kotibiyatga amalga oshirilgan ishlar toʻgʻrisidagi yigʻma-tahliliy axborotni hamda tadbirkorlikni rivojlantirishga va investitsiyalarni jalb qilishga toʻsqinlik qilayotgan tizimli muammolarni bartaraf etish boʻyicha asoslangan takliflarni kiritilishini taʼminlaydi;

yagona portalning toʻlaqonli faoliyat yuritishi, tegishli maʼlumotlar toʻliq kiritilishini taʼminlaydi.

Oʻzbekiston Respublikasining Bosh vaziri va Kotibiyat mudiri topshirigʻiga koʻra boshqa vazifa va funksiyalarni bajaradi.

19. Tumanlar va shaharlardagi Oʻzbekiston Respublikasining Bosh vaziri qabulxonalari faoliyatini muvofiqlashtirish masalalari boʻyicha bosh mutaxassis:

tumanlar va shaharlardagi Bosh vazirning qabulxonalari faoliyatini ularga yuklatilgan vazifalarni samarali amalga oshirish uchun muvofiqlashtiradi;

respublika darajasida hal etiladigan murojaatlarni Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili, Oʻzbekiston Respublikasi Investitsiyalar va tashqi savdo vazirligi, Savdo-sanoat palatasi va boshqa vakolatli organlarning vakillari ishtirokida koʻrib chiqadi;

tadbirkor va chet ellik investorning, shu jumladan Qoraqalpogʻiston Respublikasi, viloyatlar va Toshkent shahridagi Oʻzbekiston Respublikasining Bosh vaziri qabulxonalaridan kelib tushgan murojaatlari toʻgʻrisidagi maʼlumotlarni yagona portalga kiritib boradi;

murojaatlarni koʻrib chiqish jarayonida hal qilish imkoniyati boʻlmaganda — ularni vakolatli organlarga yuboradi;

tadbirkorlardan kelib tushgan murojaatlar tahlili asosida tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik toʻsiqlarni bartaraf etish etishga qaratilgan takliflarni ishlab chiqadi;

tumanlar va shaharlardagi Bosh vazir qabulxonalariga kelib tushgan hamda tuman va shahar darajasida qanoatlantirish imkoniyati boʻlmagan murojaatda koʻrsatilgan qonuniy talab va takliflar Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga yuborilishini muvofiqlashtiradi;

tumanlar va shaharlardagi Bosh vazir qabulxonalarini tadbirkorlikka koʻmaklashish markazlari tuman va shahar boʻlinmalari, Adliya vazirligi huzuridagi Davlat xizmatlari agentligi hududiy markazlari, shuningdek, hududlarni kompleks ijtimoiy-iqtisodiy rivojlantirish sektorlari bilan yaqin hamkorligini taʼminlaydi;

tumanlar va shaharlardagi Bosh vazir qabulxonalari tomonidan sektorlar va hududiy tashkilotlar rahbarlarining tadbirkorlar huquqlari va qonuniy manfaatlarini taʼminlash boʻyicha faoliyati toʻgʻrisidagi axborotni har chorakda tegishli xalq deputatlari Kengashi majlislarida muhokama qilish uchun kiritilishini, ushbu axborot boʻyicha masʼul tashkilotlar rahbarlarining hisobotlarini eshitilishini taʼminlaydi;

tumanlar va shaharlardagi Bosh vazirning qabulxonalari tomonidan har oyning 5 sanasiga qadar Qoraqalpogʻiston Respublikasi, viloyatlar va Toshkent shahridagi Bosh vazir qabulxonalariga amalga oshirilgan ishlar toʻgʻrisidagi hisobotni hamda tadbirkorlikni rivojlantirishga va investitsiyalarni jalb qilishga toʻsqinlik qilayotgan tizimli kamchiliklar toʻgʻrisidagi axborot kiritilishini taʼminlaydi.

20. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Savdo-sanoat palatasi, Adliya vazirligi, Investitsiyalar va tashqi savdo vazirligi, Hisob palatasi va davlat boshqaruvi organlari bilan oʻzaro hamkorlik qilish boʻyicha bosh mutaxassis:

Bosh vazirning qabulxonalarini Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Savdo-sanoat palatasi, Adliya vazirligi, Investitsiyalar va tashqi savdo vazirligi, Hisob palatasi va davlat boshqaruvi organlari hamda ularning hududiy boʻlinmalari bilan samarali hamkorlik qilinishini taʼminlaydi;

respublika darajasida hal etiladigan murojaatlarni Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili, Oʻzbekiston Respublikasi Investitsiyalar va tashqi savdo vazirligi, Savdo-sanoat palatasi va boshqa vakolatli organlarning vakillari ishtirokida koʻrib chiqadi;

tadbirkor va chet ellik investorning, shu jumladan Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalaridan kelib tushgan murojaatlari toʻgʻrisidagi maʼlumotlarni yagona portalga kiritib boradi;

murojaatlarni koʻrib chiqish jarayonida hal qilish imkoniyati boʻlmaganda — ularni vakolatli organlarga yuboradi;

tadbirkorlardan kelib tushgan murojaatlar tahlili asosida tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik toʻsiqlarni bartaraf etish etishga qaratilgan takliflarni ishlab chiqadi;

tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik toʻsiqlarni bartaraf etishga hamda tadbirkorlik faoliyatini amalga oshirishga bevosita yoki bilvosita taʼsir koʻrsatuvchi masalalar boʻyicha normativ-huquqiy hujjatlar takomillashtirish va koʻrib chiqish boʻyicha Vazirlar Mahkamasining tegishli tarkibiy boʻlinmalariga takliflar kiritadi.

21. Xoʻjalik boshqaruvi organlari bilan oʻzaro hamkorlik boʻyicha bosh mutaxassis:

Bosh vazir qabulxonalarining xoʻjalik boshqaruvi organlari bilan oʻzaro hamkorlik qilish jarayonidagi faoliyatini muvofiqlashtiradi;

Bosh vazir qabulxonalarini xoʻjalik boshqaruvi organlari bilan samarali hamkorlik qilishi uchun zarur shart-sharoitlar yaratadi;

respublika darajasida hal etiladigan murojaatlarni Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili, Oʻzbekiston Respublikasi Investitsiyalar va tashqi savdo vazirligi, Savdo-sanoat palatasi va boshqa vakolatli organlarning vakillari ishtirokida koʻrib chiqadi;

tadbirkor va chet ellik investorning, shu jumladan Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalaridan kelib tushgan murojaatlari toʻgʻrisidagi maʼlumotlarni yagona portalga kiritib boradi;

murojaatlarni koʻrib chiqish jarayonida hal qilish imkoniyati boʻlmaganda — ularni vakolatli organlarga yuboradi;

tadbirkorlardan kelib tushgan murojaatlar tahlili asosida tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik toʻsiqlarni bartaraf etish etishga qaratilgan takliflarni ishlab chiqadi;

tadbirkorlik subyektlari, shu jumladan, chet ellik investorlarning murojaatlari bilan ishlashda xoʻjalik boshqaruvi organlarining faoliyatini muvofiqlashtiradi.

22. Inspektor Kotibiyatda ish yuritilishini taʼminlaydi, hujjatlarning oʻtishini nazorat qiladi, yigʻmajildlarning tayyorlanishini va saqlash uchun arxivga oʻz vaqtida berilishini taʼminlaydi, oʻziga yuklangan boshqa funksiyalarni bajaradi.

1. Ushbu Nizom Oʻzbekiston Respublikasi Prezidentining “Tadbirkorlik faoliyatini qoʻllab-quvvatlash va himoya qilish tizimini tubdan takomillashtirish chora-tadbirlari toʻgʻrisida” 2019-yil 14-maydagi PF-5718-son Farmoniga muvofiq Qoraqalpogʻiston Respublikasi, viloyatlar va Toshkent shahridagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalarining (bundan buyon — Bosh vazirning qabulxonalari) asosiy vazifalari, huquqlari, majburiyatlari va javobgarligi, shuningdek, faoliyatini tashkil etish tartibini belgilaydi.

2. Bosh vazir qabulxonasi Vazirlar Mahkamasi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari faoliyatini tashkil etish va muvofiqlashtirish kotibiyati (bundan buyon — Kotibiyat) tuzilmasi tarkibiga kiradi, yuridik shaxs hisoblanmaydi, oʻz mulkida, xoʻjalik yuritishida yoki operativ boshqaruvida alohida mol-mulkka ega boʻlmaydi, tadbirkorlik faoliyatini amalga oshirish hamda oʻz nomidan boshqa shaxslar bilan fuqarolik-huquqiy munosabatlarga kirishish huquqiga ega emas.

Bosh vazir qabulxonasi oʻz nomi yozilgan dumaloq muhr, shtamp va blankalarga ega boʻladi.

3. Bosh vazir qabulxonasi Kotibiyat oldida hisobdor boʻladi hamda oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va farmoyishlariga hamda mazkur Nizomga amal qiladi.

4. Bosh vazir qabulxonalari oʻz faoliyatini Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlari, Oʻzbekiston Respublikasi Investitsiyalar va tashqi savdo vazirligi, Adliya vazirligi, Davlat soliq qoʻmitasi, Savdo-sanoat palatasining hududiy boʻlinmalari, Tadbirkorlikka koʻmaklashish markazlari, Oʻzbekiston Respublikasi Adliya vazirligi huzuridagi Davlat xizmatlari agentligining hududiy markazlari, mahalliy ijro etuvchi hokimiyat organlari va boshqa tashkilotlar bilan oʻzaro hamkorlikda amalga oshiradi.

5. Bosh vazir qabulxonalari faoliyatining asosiy yoʻnalishlari quyidagilardan iborat:

“Xalq davlat idoralariga emas, davlat idoralari xalqimizga xizmat qilishi kerak” degan asosiy prinsipni oʻz vaqtida, aniq va toʻliq hajmda amalga oshirish;

tadbirkorlik subyektlarini hamda chet ellik investorlarni qabul qilish, shu jumladan, videokonferensaloqa vositasida va sayyor qabullarni oʻtkazilishini taʼminlash;

tadbirkorlik subyektlari, shu jumladan, chet ellik investorlarning huquq va qonuniy manfaatlariga rioya qilinishini taʼminlash;

tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik, shu jumladan, yer uchastkalari, binolar va kreditlar ajratish, ruxsat beruvchi hujjatlarni olish masalalaridagi toʻsiqlarni bartaraf etilishini taʼminlash;

tadbirkorlikni rivojlantirishga va chet el investitsiyalarini jalb etishga toʻsqinlik qilayotgan tizimli muammolarni monitoring qilish, umumlashtirish va tahlil qilish, shuningdek, bu sohadagi qonun hujjatlarini takomillashtirish boʻyicha takliflar tayyorlash;

tadbirkorlarning muammolarini hal etish maqsadida ularni qabul qilish, umumlashtirish, monitoring olib borish va nazorat qilish uchun samarali platforma joriy etilishini nazarda tutuvchi “business.gov.uz” yagona interaktiv portali (keyingi oʻrinlarda yagona portal deb ataladi) faoliyat koʻrsatishini taʼminlash.

6. Quyidagilar Bosh vazir qabulxonalarining asosiy vazifalari hisoblanadi:

a) tadbirkorlik subyektlarini hamda chet ellik investorlarni qabul qilish, shu jumladan, videokonferensaloqa vositasida va sayyor qabullarni oʻtkazish sohasida:

Bosh vazir qabulxonasi mudiri tomonidan tasdiqlanadigan jadval asosida Bosh vazir qabulxonalarida hokimlik, Savdo-sanoat palatasining tadbirkorlikka koʻmaklashish markazlari, investitsiyalar va savdo, adliya, soliq inspeksiyasi, qurilish, davlat kadastri organlari, bank va boshqa tashkilotlar vakillari ishtirokida tadbirkorlik subyektlari hamda chet ellik investorlarni har kuni qabul qilish, shu jumladan, videokonferensaloqa vositasida hamda sayyor qabullarni oʻtkazish;

tadbirkorlik subyektlari va chet ellik investorlarning murojaatlari toʻgʻrisidagi, shuningdek, tuman va shaharlardagi Bosh vazirning qabulxonalaridan tushgan maʼlumotlarni “business.gov.uz” tizimiga kiritilishini taʼminlash;

Bosh vazir qabulxonalarida tadbirkorlar, shu jumladan, chet ellik investorlarning viloyat darajasida hal etiladigan murojaatlarini Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlari, investitsiyalar va tashqi savdo, adliya, qurilish vazirliklari, Savdo-sanoat palatasi va boshqa vakolatli tashkilotlarning hududiy boʻlinmalari vakillari ishtirokida koʻrib chiqish;

koʻrib chiqish jarayonida hal etish imkoniyati boʻlmagan tadbirkorlar va chet ellik investorlarning murojaatlarini vakolatli organlarga belgilangan tartibda koʻrib chiqish, hal etish va natijalari yuzasidan yozma axborot berish uchun yuborish;

Oʻzbekiston Respublikasi Bosh vazirining (keyingi oʻrinlarda Bosh vazir deb ataladi) qarori talab etiladigan tadbirkorlarning, shu jumladan, chet ellik investorlarning murojaatlarini koʻrib chiqish va tegishli qaror qabul qilish uchun Kotibiyatga yuborish;

tadbirkorlarning davlat va xoʻjalik organlari, nazorat qiluvchi va huquqni muhofaza qiluvchi tuzilmalar, shuningdek boshqa tashkilotlar mansabdor shaxslarining harakati (harakatsizligi) yuzasidan murojaatlarini belgilangan tartibda koʻrib chiqish, bunda murojaatlarni koʻrib chiqish uchun qarori yoki harakati (harakatsizligi) ustidan shikoyat qilinayotgan tashkilotlarning mansabdor shaxslariga asossiz yuborilmaslik choralarini koʻrish;

tadbirkorlik subyektlari, shu jumladan, chet ellik investorlarning murojaatlarini qabul qilish boʻyicha oʻrnatilgan tartib va muddatlarga rioya etish, tuman va shaharlardagi Bosh vazirning qabulxonalari tomonidan rioya etilishini, ular zimmasiga yuklatilgan vazifalar va funksiyalarni soʻzsiz ijro etilishini nazorat qilish;

tadbirkorlik subyektlari, shu jumladan, chet ellik investorlarning huquq va qonuniy manfaatlari himoyasi toʻgʻrisidagi murojaatlarini Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlari, Investitsiyalar va tashqi savdo, adliya, qurilish vazirliklari, Savdo-sanoat palatasi va boshqa vakolatli tashkilotlarning hududiy boʻlinmalariga koʻrib chiqish uchun yuborish;

Bosh vazirning qabulxonalariga murojaat qilgan tadbirkorlarga yordam berish boʻyicha amaliy choralar koʻrish hamda ularning huquqlari va qonuniy manfaatlari buzilganligi uchun nazorat qiluvchi va boshqa organlarning aybdor mansabdor shaxslarining javobgarlikka tortish masalasida Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil devonining hududlarda faoliyat koʻrsatuvchi xodimlari bilan hamkorlik qilish;

viloyat adliya boshqarmalari bilan birgalikda investitsiyalar va tashqi savdo, qurilish vazirliklari, Savdo-sanoat palatasi va boshqa vakolatli tashkilotlarning hududiy boʻlinmalari xodimlarining tadbirkorlik subyektlari, shu jumladan, chet ellik investorlarning huquq va qonuniy manfaatlari himoya qilish boʻyicha huquqiy bilimlarini yanada oshirish maqsadida muntazam ravishda “davra suhbatlari” va oʻquv-amaliy seminarlarni oʻtkazish;

tuman va shaharlardagi Bosh vazir qabulxonalarining tadbirkorlik subyektlari, shu jumladan, chet el investorlarining murojaatlarini koʻrib chiqish va hal etish borasida hududiy davlat boshqaruvi organlari, mahalliy ijro etuvchi hokimiyat organlari, boshqa tashkilotlar bilan oʻzaro samarali hamkorligini taʼminlash;

Bosh vazirning qabulxonalarida aniqlangan tadbirkorlikni rivojlantirishga toʻsqinlik qilayotgan muammoli masalalarni jamlash, umumlashtirish, tahlil qilish, sabablarini aniqlash, vakolatli organlarning takliflarini olish va hal etish choralarini koʻrish;

Bosh vazirning viloyat hamda tuman va shaharlardagi qabulxonalariga kelib tushayotgan murojaatlarda aks ettirilgan tadbirkorlikni rivojlantirishga toʻsqinlik qilayotgan sabablar va shart-sharoitlarni hududlar va sohalar kesimida doimiy ravishda tahlil qilish va tizimlashtirish;

aniqlangan byurokratik, shu jumladan, yer uchastkalari, binolar va kreditlar ajratish, ruxsat beruvchi hujjatlarni olish masalalaridagi toʻsiqlarni bartaraf etish va asoslangan takliflarni tayyorlash boʻyicha vazirliklar, idoralar va xoʻjalik birlashmalarining hududiy organlari, mahalliy ijro etuvchi hokimiyat organlari bilan ishlash;

Bosh vazirning qabulxonalariga murojaat qilgan tadbirkorlarga chet el investitsiyalarini jalb qilish va ular ishtirokidagi loyihalarni amalga oshirish bilan bogʻliq muammolarini hal etishda, shuningdek, tashqi savdo faoliyatini amalga oshirish va ishlab chiqarilayotgan mahsulotlarning tashqi bozorlarga kirishiga koʻmaklashishda tegishlicha Qoraqalpogʻiston Respublikasi Investitsiyalar va tashqi savdo vazirligi, viloyatlar va Toshkent shahar investitsiyalar va tashqi savdo boshqarmalarining faoliyatini muvofiqlashtirish;

har haftada Kotibiyatga Bosh vazirning qabulxonalarida va tegishli vakolatli organlarda koʻrib chiqilgan tadbirkorlar, shu jumladan chet ellik investorlarning murojaatlari va ularning koʻrilishi jarayoni haqida viloyat, uning tuman va shaharlari kesimida hisobot kiritish;

har chorakda Kotibiyatga ishbilarmonlik muhitini yaxshilash, tadbirkorlik subyektlari, shu jumladan, chet el investorlariga yer uchastkalari, binolar va kreditlar ajratish, ruxsat beruvchi hujjatlarni olish masalalaridagi toʻsiqlarni bartaraf etish boʻyicha aniq takliflar kiritish;

Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlari, Adliya vazirligi, Investitsiyalar va tashqi savdo vazirligi, Savdo-sanoat palatasi va boshqa vakolatli tashkilotlarning hududiy boʻlinmalari bilan birgalikda tadbirkorlikni rivojlantirishga va chet el investitsiyalarini jalb etishga toʻsqinlik qilayotgan tizimli muammolarni monitoring qilish, umumlashtirish va tahlil qilib borish;

murojaatlarda koʻrsatilgan masalalarni tartibga soluvchi normalar mavjud boʻlmaganda, qonun hujjatlarini takomillashtirish yuzasidan takliflar tayyorlash hamda koʻrib chiqish uchun Kotibiyatga kiritish;

hudud kesimida aniqlangan tadbirkorlikni rivojlantirishga toʻsqinlik qilayotgan tizimli muammolarni aniqlash hamda ularni bartaraf etish boʻyicha qonun hujjatlarini takomillashtirish boʻyicha takliflar ishlab chiqish masalasida Savdo-sanoat palatasining tegishlicha Qoraqalpogʻiston Respublikasi, viloyatlar va Toshkent shahridagi hududiy boshqarmalari faoliyatini muvofiqlashtirish;

tadbirkorlik faoliyatiga oid qonun hujjatlaridagi boʻshliqlar va kamchiliklarni hal etish boʻyicha takliflarni oʻz vaqtida va sifatli ishlab chiqish, tadbirkorlik faoliyati erkinligi kafolatlarini taʼminlash boʻyicha choralar koʻrish borasida Adliya vazirligining hududiy boshqarmalari faoliyatini muvofiqlashtirish;

d) tadbirkorlarning muammolarini hal etish maqsadida ularni qabul qilish, umumlashtirish, monitoring olib borish va nazorat qilish uchun samarali platforma joriy etilishini nazarda tutuvchi yagona portal faoliyat koʻrsatishini taʼminlash sohasida:

tadbirkorlik subyektlari, shu jumladan, chet ellik investorlarning murojaatlarini yagona portalda qayd etish, ularni umumlashtirish, monitoring va nazorat qilish sohasidagi faoliyatni muvofiqlashtirish;

yagona portalning uzluksiz ishlashini taʼminlash, murojaatlarning muddatida toʻliq qayd etilishi, umumlashtirilishi, monitoring va nazorat qilinishi, murojaatlarni elektron shaklda tegishli vazirlik, idoralarning hududiy boʻlinmalariga, hokimliklar hamda vakolatli organlarga yuborilishi va nazorat muddatida ijrosi holatlarini monitoring qilish;

tadbirkorlik subyektlari, shu jumladan, chet ellik investorlarning Qoraqalpogʻiston Respublikasi, viloyatlar va Toshkent shahar darajasida hal etiladigan murojaatlarini koʻrib chiqish natijalari boʻyicha amalga oshirilgan chora-tadbirlar va qabul qilingan qaror toʻgʻrisidagi maʼlumotlarni yagona portalga kiritib borish;

Bosh vazirning viloyat hamda tuman va shaharlardagi qabulxonalari mudirlari va mutaxassislarining yagona portalda ishlash koʻnikmalarini shakllantirish maqsadida ular ishtirokida seminar va treninglar tashkil etish.

7. Bosh vazir qabulxonalari oʻziga yuklangan vazifalarni bajarish uchun quyidagi funksiyalarni amalga oshiradi:

Bosh vazir qabulxonasining maʼlumotlar bankini shakllantiradi, shuningdek, topshiriqlar ijrosi nazoratini taʼminlaydi;

Bosh vazir tomonidan tadbirkorlik va investitsiya muhitini yaxshilashga oid islohotlarning amalga oshirilishini oʻrganish maqsadida hududlarda mavzuli sayyor majlislarini oʻtkazish uchun tegishli tahliliy materiallarni tayyorlaydi va Kotibiyatga taqdim etadi;

tadbirkorlik faol rivojlanishi uchun toʻsqinlik qilayotgan omillar, sabab va shart-sharoitlarni aniqlash hamda ularni bartaraf etish boʻyicha taʼsirchan choralar koʻrish maqsadida ommaviy axborot vositalarida va boshqa manbalarda, shu jumladan, joylarga chiqqan holda jamoatchilik fikrini oʻrganadi;

Oʻzbekiston Respublikasi Prezidenti, Oʻzbekiston Respublikasining Bosh vaziri uchun, shuningdek, ularni Vazirlar Mahkamasida koʻrib chiqish uchun tegishli maʼlumotnoma, tahliliy materiallar va takliflar tayyorlashda ishtirok etadi;

davlat organlari va tashkilotlarining tadbirkorlar va xorijiy investorlar murojaatlarini koʻrib chiqish natijalarini umumlashtiradi;

Bosh vazir qabulxonalarining faoliyatini takomillashtirishning eng muhim va ustuvor yoʻnalishlari boʻyicha takliflar tayyorlaydi hamda Kotibiyatga kiritadi;

har haftada Kotibiyatga tadbirkorlardan, shu jumladan chet ellik investorlardan Bosh vazirning qabulxonalariga kelib tushgan murojaatlar va ularning koʻrilishi jarayoni haqida hisobot kiritib boradi;

har chorakda Bosh vazir qabulxonalarining ishi natijalari, tadbirkorlar hamda ularning huquqlari va qonuniy manfaatlarini himoya qilish, shuningdek mamlakatda ishbilarmonlik muhitini yaxshilash yuzasidan davlat organlari faoliyatidagi kamchiliklarni bartaraf etish boʻyicha koʻrilayotgan chora-tadbirlar, shuningdek, qabul qilingan qarorlar yoki mansabdor shaxslarni ragʻbatlantirish yoxud ularni tadbirkorlik subyektlarining, shu jumladan, chet ellik investorlarning murojaatlarini yuzaki koʻrib chiqqanligi yoki koʻrib chiqishdagi harakatsizligi uchun shaxsiy javobgarlikka tortish boʻyicha takliflarni nazarda tutuvchi tahliliy maʼlumot tayyorlaydi hamda Kotibiyatga kiritadi;

“Har bir oila — tadbirkor” dasturi va tadbirkorlarning kichik va oʻrta biznesni rivojlantirishga yoʻnaltirilgan tashabbuslarini oʻz vaqtida amalga oshirish, ushbu jarayonga yoshlar va xotin-qizlarni jalb qilish, barqaror yangi ish oʻrinlari yaratish, aholi turli toifalarining moddiy farovonligini oshirish boʻyicha harakatlarni qoʻllab-quvvatlash yuzasidan vakolati doirasida zarur chora-tadbirlarni amalga oshiradi;

Oʻzbekiston Respublikasi Prezidentining Oʻzbekiston Respublikasi Oliy Majlisiga Murojaatnomasidan kelib chiqadigan tegishli yilga moʻljallangan davlat dasturining amalga oshirilishi toʻgʻrisida hisobotlar tayyorlashda Kotibiyatga koʻmaklashadi;

Oʻzbekiston Respublikasi xalq deputatlari Kengashi, Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlari, Oʻzbekiston Respublikasi Investitsiyalar va tashqi savdo vazirligi, Adliya vazirligi, Qurilish vazirligi, Davlat soliq qoʻmitasi, Yer resurslari, geodeziya, kartografiya va davlat kadastri davlat qoʻmitasi, Savdo-sanoat palatasi va boshqa vakolatli organlar hududiy boʻlinmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimiyatlari, banklar va boshqa tashkilotlar bilan oʻzaro yaqin hamkorlikni taʼminlaydi;

tumanlar va shaharlardagi Bosh vazir qabulxonalarining faoliyatini muvofiqlashtiradi, ularning zimmasiga yuklatilgan vazifa va funksiyalar samarali hamda natijali ijro etilishi uchun ularning mudirlarining shaxsiy roli va masʼuliyatini oshirish choralarini koʻradi;

tumanlar va shaharlardagi Bosh vazir qabulxonalari xodimlarining kasbiy mahoratini, ularga yuklangan vazifalar ijrosi uchun shaxsiy masʼuliyatini oshiradi, ijro intizomini mustahkamlaydi;

tadbirkorlarning murojaatlarini koʻrib chiqish sohasidagi muammolarni har tomonlama tahlil qiladi va shu asosda strategik hamda ustuvor vazifalarni amalga oshirishga doir takliflar ishlab chiqadi;

Bosh vazir qabulxonalarida kadrlarni tanlash va ular malakasini oshirish boʻyicha takliflarni Kotibiyatga taqdim etadi;

tadbirkorlar tomonidan hududlar, davlat va xoʻjalik boshqaruvi organlari hamda boshqa parametrlar kesimida muammo kelib chiqqan aniq biznes-jarayonni aks ettiruvchi murojaat qilinishi, ariza beruvchi tomonidan oʻzining shaxsiy kabineti orqali murojaatning koʻrib chiqilishi jarayonini real vaqt rejimida kuzatib borilishi hamda qulay ishbilarmonlik muhitini shakllantirishga toʻsqinlik qilayotgan tizimli muammolarni avtomatik rejimda aniqlash imkonini beruvchi yagona portalning toʻlaqonli ishlashini taʼminlaydi;

tadbirkorlarning nazorat qiluvchi va huquqni muhofaza qiluvchi tuzilmalar mansabdor shaxslarining harakati (harakatsizligi) yuzasidan murojaatlar tegishlicha Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlariga yoxud yuqori turuvchi nazorat qiluvchi va huquqni muhofaza qiluvchi tuzilmalarga yuboriladi.

8. Zimmasiga yuklangan vazifalar va funksiyalarni bajarish uchun Bosh vazir qabulxonalari quyidagi huquqlarga ega:

Bosh vazir qabulxonalari zimmasiga yuklangan vazifa va funksiyalarni amalga oshirish uchun zarur boʻlgan materiallar va maʼlumotlarni davlat va xoʻjalik boshqaruvi organlari hududiy boʻlinmalaridan hamda mahalliy ijro etuvchi hokimiyat organlaridan belgilangan tartibda soʻrash va olish;

Oʻzbekiston Respublikasi xalq deputatlari Kengashi, Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlari, Oʻzbekiston Respublikasi Investitsiyalar va tashqi savdo vazirligi, Adliya vazirligi, Qurilish vazirligi, Davlat soliq qoʻmitasi, Yer resurslari, geodeziya, kartografiya va davlat kadastri davlat qoʻmitasi, Savdo-sanoat palatasi va boshqa vakolatli organlar hududiy boʻlinmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimiyatlari, banklar va boshqa tashkilotlar vakillarini jalb etish;

tadbirkorlar, shu jumladan, chet ellik investorlarning murojaatlarida koʻtarilayotgan tizimli muammolarni hal etish yuzasidan davlat va xoʻjalik boshqaruvi organlarining hududiy boʻlinmalari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

davlat va xoʻjalik boshqaruvi organlari, boshqa davlat organlari hamda hududlarni kompleks ijtimoiy-iqtisodiy rivojlantirish boʻyicha sektorlar faoliyatini baholashda ishtirok etish;

davlat organlari hududiy boʻlinmalarining tadbirkorlik subyektlarini hamda chet ellik investorlar murojaatlari bilan ishlash, aniqlangan muammolarni hal qilish borasidagi faoliyatini tizimli oʻrganish;

Bosh vazirning qabulxonalari faoliyatini samarali tashkil etish, shu jumladan, yagona portalga kiritilayotgan tadbirkorlik subyektlari hamda chet ellik investorlarning murojaatlarini tizimli monitoring qilish, aniqlangan muammolarni tahlil qilish hamda ularni hal etish yuzasidan vakolatli davlat organlari faoliyatini muvofiqlashtirishni taʼminlash maqsadida Bosh vazirning qabulxonasida vazirlik va idoralarning vakillaridan iborat doimiy asosda ishlaydigan ishchi guruh tuzish;

tadbirkorlik subyektlarini hamda chet ellik investorlar murojaatlarini koʻrib chiqish boʻyicha tegishli ishchi guruh (bundan buyon — Ishchi guruh) tarkibiga kiritilgan davlat organlari va boshqa tashkilotlar hududiy boʻlinmalarining mansabdor shaxslari va xodimlarini ragʻbatlantirish yoki yoʻl qoʻyilgan jiddiy kamchiliklar uchun ularni lavozimidan ozod etishgacha boʻlgan intizomiy javobgarlikka tortish boʻyicha yuqori turuvchi davlat organlari va boshqa tashkilotlarga takliflar kiritish;

davlat organlari tomonidan ular faoliyati, koʻrsatadigan xizmatlariga oid tartib-qoidalarning tadbirkorlik subyektlari, shu jumladan, chet ellik investorlarga toʻliq va tezkor yetkazilishini taʼminlashga qaratilgan choralar koʻrish;

Bosh vazir qabulxonalariga kelib tushgan murojaatlarni koʻrib chiqish tartibi va muddatlarini buzgan, shuningdek, murojaatlarni koʻrib chiqish natijalariga koʻra qabul qilingan qarorlar ijrosini taʼminlamagan shaxslarni javobgarlikka tortish boʻyicha takliflar kiritish;

zarurat tugʻilganda muammolarni hal qilish hamda murojaatlarni koʻrib chiqish natijalariga koʻra qabul qilingan qarorlarning ijrosini joylarga chiqib oʻrganish;

yuklangan vazifalar va funksiyalarni bajarish doirasida davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar bilan mustaqil yozishmalar olib borish;

tumanlar va shaharlardagi Bosh vazir qabulxonalari faoliyatini oʻrganish.

Oʻzbekiston Respublikasining Maʼmuriy javobgarlik toʻgʻrisidagi kodeksi 43-moddasida nazarda tutilgan maʼmuriy huquqbuzarliklar aniqlangan taqdirda, Bosh vazir qabulxonasi mudiri maʼmuriy huquqbuzarlik toʻgʻrisida bayonnoma tuzish, maʼmuriy huquqbuzarlik toʻgʻrisidagi bayonnomani koʻrib chiqish uchun belgilangan tartibda sudga yuborish;

Bosh vazir qabulxonalari qonun hujjatlariga muvofiq boshqa huquqlarga ham ega boʻlishi mumkin.

9. Bosh vazir qabulxonalari:

Kotibiyatga kiritiladigan takliflarning asoslanganligi, ushbu topshiriqlar amalga oshirilishi samaradorligi va qabul qilingan qarorlar, shuningdek, tegishli sohada amalga oshirilayotgan ishlarning natijadorligi;

ushbu Nizomning 8 va 9-bandlarida koʻrsatilgan zimmasiga yuklangan vazifa hamda funksiyalarning samarali bajarilishi;

har haftada tadbirkorlik subyektlari, shu jumladan, chet ellik investorlardan Bosh vazirning viloyat hamda tuman va shaharlardagi qabulxonalariga kelib tushgan murojaatlar va ularning koʻrilishi jarayoni haqida Kotibiyatga hisobot kiritilishi;

har oyning 7 sanasigacha amalga oshirilgan ishlar toʻgʻrisidagi yigʻma-tahliliy axborotni hamda tadbirkorlikni rivojlantirishga va investitsiyalarni jalb qilishga toʻsqinlik qilayotgan tizimli muammolarni bartaraf etish boʻyicha asoslangan takliflarni Kotibiyatga kiritilishi;

tegishli hududda tadbirkorlik subyektlari, shu jumladan, chet ellik investorlarning murojaatlarida koʻtarilgan masalalarni tahlil qilish asosida qonun hujjatlari va huquqni qoʻllash amaliyotini takomillashtirish boʻyicha takliflar tayyorlanishi hamda ularni muntazam ravishda Kotibiyatga kiritib borilishi;

oʻz vakolatiga kiruvchi masalalar boʻyicha qonunlar, Oʻzbekiston Respublikasi Prezidenti, Bosh vazirning hujjatlari va topshiriqlarining sifatli hamda oʻz vaqtida bajarilishi;

mavjud axborot tizimlaridan samarali foydalanilishi, dasturiy-apparat vositalarining uzluksiz ishlashi hamda axborot xavfsizligi talablariga rioya etilishi;

Oʻzbekiston Respublikasi Prezidentining “Amalga oshirilayotgan islohotlarni huquqiy taʼminlash faoliyatini tubdan takomillashtirish chora-tadbirlari toʻgʻrisida” 2018-yil 3-apreldagi PF-5395-son Farmoniga, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, “Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomiga soʻzsiz rioya etilishini taʼminlash uchun javob beradi.

10. Bosh vazir qabulxonasi tuzilmasi quyidagilardan iborat:

Mudir;

Tumanlar va shaharlardagi Qabulxonalar faoliyatini muvofiqlashtirish boʻyicha bosh mutaxassis;

Vakolatli organlar faoliyatini muvofiqlashtirish boʻyicha bosh mutaxassis.

Bosh vazir qabulxonasi tuzilmasi Oʻzbekiston Respublikasi Vazirlar Mahkamasi tomonidan tasdiqlanadi.

11. Bosh vazir qabulxonasiga Vazirlar Mahkamasining tegishli qarori bilan belgilangan tartibda lavozimga tayinlanadigan va lavozimdan ozod etiladigan mudir boshchilik qiladi.

12. Bosh vazir qabulxonalarining bosh mutaxassislari Vazirlar Mahkamasining tegishli qarori bilan belgilangan tartibda lavozimga tayinlanadi va lavozimdan ozod etiladi.

13. Bosh vazir qabulxonalarining xodimlariga ilgari ishlagan joyida koʻp yillik mehnati uchun berilgan ustamalar va qoʻshimcha haq, harbiy (maxsus) unvonlar va martaba darajalari saqlanib qoladi.

14. Bosh vazir qabulxonasi ishlari “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Vazirlar Mahkamasining Reglamentiga, ushbu Nizomga, Oʻzbekiston Respublikasi Prezidenti, Oʻzbekiston Respublikasining Bosh vazirining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek, Vazirlar Mahkamasining ish rejalari, Kotibiyat hamda Bosh vazir qabulxonasining ish rejalari, Bosh vazir qabulxonasi xodimlarining shaxsiy ish rejalariga muvofiq tashkil etiladi.

Bosh vazir qabulxonasining ish rejasi Kotibiyatning ish rejasi asosida shakllantiriladi.

Bosh vazir qabulxonasi bosh mutaxassislarining shaxsiy ish rejalari mudir tomonidan tasdiqlanadi.

15. Mudir:

Bosh vazir qabulxonasi faoliyatiga bevosita rahbarlik qiladi, bosh mutaxassislar ishlarini tashkil qiladi, Bosh vazir qabulxonasining zimmasiga yuklatilgan vazifalar hamda funksiyalarning samarali bajarilishi uchun shaxsan javobgar boʻladi;

tumanlar va shaharlar Bosh vazir qabulxonalari ishini muvofiqlashtirish boʻyicha zarur choralarni amalga oshiradi;

Bosh vazir tomonidan qabul qilingan tadbirkorlik subyektlari, shu jumladan, chet ellik investorlarning murojaatlarini koʻrib chiqish yakunlari boʻyicha qabul qilingan topshiriqlar bajarilishi ustidan nazorat qiladi;

Bosh vazir qabulxonasi kadrlari zaxirasini shakllantirish va yangilab borish, kadrlar zaxirasiga kiritilgan shaxslar bilan tizimli ishlarni amalga oshirishda ishtirok etadi;

Bosh vazir qabulxonasining yarim yillik uchun ish rejasi loyihasini kelishish uchun Kotibiyatga kiritadi;

Bosh vazir qabulxonasida belgilangan tartibda ish yuritilishini taʼminlaydi, xodimlar oʻrtasida vazifalarni taqsimlaydi, Bosh vazir qabulxonasining ishini takomillashtirish, uning xodimlarining ish malakasini oshirish boʻyicha tadbirlarni ishlab chiqadi va amalga oshiradi;

tadbirkorlikni rivojlantirishga toʻsqinlik qilayotgan muammoli masalalarni koʻrib chiqishda byurokratik toʻsiqlarni yaratayotgan tumanlar va shaharlar Bosh vazir qabulxonalari mudir va mutaxassislariga nisbatan tegishli choralar koʻrish toʻgʻrisida Kotibiyatga taklif kiritadi;

oʻz faoliyatida ijobiy natijalarni qayd etgan va samarali faoliyat koʻrsatayotgan tumanlar va shaharlar Bosh vazir qabulxonalarining mudir va mutaxassislarini ragʻbatlantirish toʻgʻrisida takliflar kiritadi;

chiquvchi xat-xabarlarni imzolaydi;

Bosh vazir qabulxonasi zimmasiga yuklangan vazifalarni bajarish boʻyicha belgilangan tartibda boshqa funksiyalarni amalga oshiradi.

16. Bosh vazir qabulxonasi mudiri vaqtincha boʻlmaganda uning vazifalarini Kotibiyat mudirining topshirigʻiga asosan Bosh vazir qabulxonasining bosh mutaxassislaridan biri bajaradi.

17. Tumanlar va shaharlardagi Qabulxonalar faoliyatini muvofiqlashtirish boʻyicha bosh mutaxassis:

tumanlar va shaharlardagi Bosh vazir qabulxonalari faoliyatini ularga yuklatilgan vazifalarni samarali amalga oshirish uchun muvofiqlashtiradi;

Qoraqalpogʻiston Respublikasi, viloyatlar va Toshkent shahri darajasida hal etiladigan murojaatlarni Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlari, Oʻzbekiston Respublikasi Investitsiyalar va tashqi savdo vazirligi, Adliya vazirligi, Savdo-sanoat palatasi va boshqa vakolatli organlarning tegishli hududiy boʻlinmalari vakillari ishtirokida koʻrib chiqadi;

tadbirkor va chet ellik investorning, shu jumladan tumanlar va shaharlar Bosh vazir qabulxonalaridan kelib tushgan murojaatlari toʻgʻrisidagi maʼlumotlarni yagona portalga kiritib boradi;

murojaatlarni koʻrib chiqish jarayonida hal qilish imkoniyati boʻlmaganda — ularni vakolatli organlarga yuboradi;

tadbirkorlardan kelib tushgan murojaatlar tahlili asosida tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik toʻsiqlarni bartaraf etish etishga qaratilgan takliflar tayyorlaydi;

tumanlar va shaharlardagi Bosh vazir qabulxonalariga kelib tushgan hamda tuman va shahar darajasida qanoatlantirish imkoniyati boʻlmagan murojaatda koʻrsatilgan qonuniy talab va takliflar Qoraqalpogʻiston Respublikasi, viloyatlar va Toshkent shahridagi Bosh vazir qabulxonalariga yuborilishini muvofiqlashtiradi;

tumanlar va shaharlardagi Bosh vazir qabulxonalarini tadbirkorlikka koʻmaklashish markazlari tuman va shahar boʻlinmalari, Adliya vazirligi huzuridagi Davlat xizmatlari agentligi hududiy markazlari, shuningdek, hududlarni kompleks ijtimoiy-iqtisodiy rivojlantirish sektorlari bilan yaqin hamkorligini taʼminlaydi;

tumanlar va shaharlardagi Bosh vazir qabulxonalari tomonidan sektorlar va hududiy tashkilotlar rahbarlarining tadbirkorlar huquqlari va qonuniy manfaatlarini taʼminlash boʻyicha faoliyati toʻgʻrisidagi axborotni har chorakda tegishli xalq deputatlari Kengashi majlislarida muhokama qilish uchun kiritilishini, ushbu axborot boʻyicha masʼul tashkilotlar rahbarlarining hisobotlarini eshitish choralarini koʻradi;

tumanlar va shaharlardagi Bosh vazir qabulxonalari tomonidan har oyning 7 sanasiga qadar Qoraqalpogʻiston Respublikasi, viloyatlar va Toshkent shahridagi Bosh vazir qabulxonalariga amalga oshirilgan ishlar toʻgʻrisidagi hisobotni hamda tadbirkorlikni rivojlantirishga va investitsiyalarni jalb qilishga toʻsqinlik qilayotgan tizimli kamchiliklar toʻgʻrisidagi axborot kiritilishini taʼminlaydi;

Kotibiyat mudiri va Bosh vazir qabulxonasi mudiri topshirigʻiga koʻra boshqa vazifa va funksiyalarni bajaradi.

18. Vakolatli organlar faoliyatini muvofiqlashtirish boʻyicha bosh mutaxassis:

Bosh vazir qabulxonalarini Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlari, Savdo-sanoat palatasi, Adliya vazirligi, Investitsiyalar va tashqi savdo vazirligi, boshqa davlat boshqaruvi organlari hamda xoʻjalik boshqaruvi organlarining hududiy boʻlinmalari bilan samarali hamkorlik qilinishini taʼminlaydi;

Qoraqalpogʻiston Respublikasi, viloyatlar va Toshkent shahri darajasida hal etiladigan murojaatlarni Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlari, Oʻzbekiston Respublikasi Investitsiyalar va tashqi savdo vazirligi, Adliya vazirligi, Savdo-sanoat palatasi va boshqa davlat boshqaruvi organlarining hududiy boʻlinmalari vakillari ishtirokida koʻrib chiqadi;

tadbirkorlik subyektlari, shu jumladan, chet ellik investorlarning, shu jumladan, tumanlar va shaharlar Bosh vazir qabulxonalaridan kelib tushgan murojaatlar toʻgʻrisidagi maʼlumotlarni yagona portalga kiritib boradi;

murojaatlarni koʻrib chiqish jarayonida hal qilish imkoniyati boʻlmaganda — ularni vakolatli organlarga yuboradi;

tadbirkorlardan kelib tushgan murojaatlar tahlili asosida tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik toʻsiqlarni bartaraf etish etishga qaratilgan takliflarni ishlab chiqadi;

Bosh vazir qabulxonasida ish yuritilishini taʼminlaydi, hujjatlarning oʻtishini nazorat qiladi, yigʻmajildlarning tayyorlanishini va arxivda saqlash uchun oʻz vaqtida berilishini taʼminlaydi;

yagona portalning toʻlaqonli faoliyat yuritishini taʼminlash boʻyicha choralarni amalga oshiradi;

Kotibiyat mudiri va Bosh vazir qabulxonasi mudiri topshirigʻiga koʻra boshqa vazifa va funksiyalarni bajaradi.

19. Bosh vazir qabulxonalarining faoliyatini baholash tartibi va mezonlari, Bosh vazir qabulxonalari xodimlarining lavozim yoʻriqnomasi, Bosh vazir qabulxonasi xodimlarining odob-axloq qoidalari va boshqa lokal hujjatlar Kotibiyat mudiri tomonidan tasdiqlanadi.

20. Bosh vazir qabulxonalarida mehnat toʻgʻrisidagi qonun hujjatlariga muvofiq besh kunlik ish haftasi belgilanadi.

21. Bosh vazir qabulxonalarida soat 9.00 dan 18.00 gacha ish hamda soat 13.00 dan 14.00 gacha tushlik vaqti belgilanadi.

22. Bosh vazir qabulxonasi tadbirkorlik subyektlarini hamda chet ellik investorlar uchun qulay shart-sharoitlarga, shu jumladan kirish yoʻllari, asosiy kirish joyi, kutish va tadbirkorlik subyektlari hamda chet ellik investorlar vakillarini qabul qilish xonalari, ish kabinetlariga ega boʻlishi lozim.

23. Bosh vazir qabulxonasi qoida tariqasida alohida kirish qismiga ega boʻlgan binoning (inshootning) birinchi qavatiga joylashtiriladi.

24. Bosh vazir qabulxonasi binosining (inshootining) kirish tomoniga quyidagi maʼlumotlar aks ettirilgan peshlavha joylashtiriladi:

Bosh vazir qabulxonasining ish tartibi va xizmat koʻrsatuvchi telefon raqami;

ishchi guruh tarkibiga kirgan davlat organlari va boshqa tashkilotlarning vakillari toʻgʻrisidagi maʼlumotlar;

ishchi guruh tarkibiga kirgan davlat organlari va boshqa tashkilotlarning rahbarlari tomonidan sayyor shaxsiy va ommaviy qabullar oʻtkazish jadvallari;

tadbirkorlik subyektlari, shu jumladan, chet ellik investorlar eʼtiboriga yetkazilishi zarur boʻlgan boshqa maʼlumotlar.

25. Bosh vazir qabulxonasi tadbirkorlik subyektlarini hamda chet ellik investorlar uchun axborot stendlari bilan jihozlanadi, ular maʼlumotlar bilan tanishish uchun qulay boʻlgan joyga oʻrnatiladi va erkin tanishish mumkin boʻlgan shakldagi maʼlumotlarga ega boʻladi.

Bosh vazir qabulxonasi videokonferensaloqa vositalari bilan jihozlanadi.

26. Bosh vazir qabulxonalarida tadbirkorlar hamda chet el investorlarini qabul qilish uchun jalb etiladigan tashkilotlar vakillari — ishchi guruh aʼzolarining qabul jadvali Bosh vazir qabulxonasi mudiri tomonidan tasdiqlanadi.

Ishchi guruh tarkibiga hokimliklar, Savdo-sanoat palatasining tadbirkorlikka koʻmaklashish markazlari, investitsiyalar va savdo, adliya, soliq inspeksiyasi, qurilish, davlat kadastri organlari, bank va boshqa tashkilotlarning hududiy organlari vakillari kiradi.

Qabul jadvali asosida Bosh vazir qabulxonalarida Ishchi guruh tomonidan tadbirkorlar hamda chet el investorlarini qabul qilish har kuni soat 9.00 dan 13.00 ga qadar amalga oshiriladi.

Bosh vazir qabulxonalarida soat 14.00 dan 18.00 ga qadar kunning birinchi qismida kelib tushgan tadbirkorlar hamda chet el investorlarining murojaatlarini umumlashtirish, roʻyxatga olish, yagona portalga kiritish, joyida hal etishning imkoni boʻlmagan murojaatlarni vakolatli organga koʻrib chiqish uchun joʻnatish, vakolatli organlarning yozma axboroti asosida tegishli qaror qabul qilish, Qoraqalpogʻiston Respublikasi, viloyatlar va Toshkent shahri darajasida hal etilmaydigan murojaatlarni Kotibiyatga yuborish va boshqa funksional vazifalarni amalga oshiradi.

27. Bosh vazir qabulxonasida murojaatlar ogʻzaki, yozma va elektron shaklda shaxsan yoki pochta aloqa vositasi orqali qabul qilinadi.

Tadbirkorlik subyektlari vakillari hamda chet ellik investorlar shaxsan murojaat qilgan taqdirda Bosh vazir qabulxonasida navbat boʻyicha tartib raqamini oladi va kutish uchun ajratilgan joyda Bosh vazir qabulxonasi xodimining chaqirishini kutadi.

28. Tadbirkorlik subyektlari hamda chet ellik investorlar chaqirilgandan keyin Bosh vazir qabulxonasi xodimi:

murojaatda koʻrsatilgan tegishli maʼlumotlar tadbirkorlik subyekti rahbari va chet ellik investorning shaxsini tasdiqlovchi hujjat, tadbirkorlik subyekti va chet ellik investor vakilining shaxsi va vakolatini tasdiqlovchi hujjatda koʻrsatilgan maʼlumotlar bilan mosligini oʻrganadi;

oʻrganish yakunlari boʻyicha murojaatni yagona portalga kiritadi hamda u orqali murojaatga oʻziga xos roʻyxat raqamini beradi;

murojaat roʻyxatdan oʻtkazilgandan keyin muallifga uning soʻroviga koʻra murojaat qabul qilingani toʻgʻrisida murojaat nusxasiga oʻziga xos roʻyxat raqamini yozib, tegishli qaydni qoʻyadi;

yozma va pochta aloqasi orqali olingan murojaatlarni elektron shaklga oʻtkazadi (skanerlaydi) va yagona portalga kiritilib, ularga oʻziga xos roʻyxat raqamini beradi.

29. Murojaat yagona portalga kiritilishi bilan bir vaqtning oʻzida unda koʻtarilgan masala boʻyicha Ishchi guruhning tegishli aʼzosi bevosita ishtirokida koʻrib chiqish uchun yuboriladi. Bunda ushbu murojaatlarning koʻrib chiqilishi ustidan nazorat Bosh vazir qabulxonasi tomonidan amalga oshiriladi.

30. Bosh vazir qabulxonasi faoliyatini nazorat qilish va muvofiqlashtirish Kotibiyat tomonidan amalga oshiriladi.

Kotibiyat:

Bosh vazir qabulxonalari faoliyatini har yili belgilangan tartibda baholaydi, yil yakunlariga koʻra faoliyatida yuqori koʻrsatkichlarga erishgan Bosh vazir qabulxonalari xodimlarini ragʻbatlantirish masalasini koʻrib chiqadi;

Bosh vazir qabulxonasini kerakli normativ-uslubiy va axborot-tahlil materiallari bilan taʼminlaydi;

Bosh vazir qabulxonasi mudiri va xodimlarini tanlash, joy-joyiga qoʻyish, lavozimga tayinlash va lavozimdan ozod etish ishlarini tashkil etadi;

Bosh vazir qabulxonasi faoliyati toʻgʻrisida axborot-tahlil materiallarini tayyorlaydi;

Bosh vazir qabulxonasi xodimlari uchun seminarlar, treninglar va qisqa muddatli malaka oshirish kurslarini tashkil etadi;

Bosh vazir qabulxonasi faoliyati samaradorligini oʻrganadi, tahlil qiladi hamda umumlashtiradi, ishning sifatli shakl va uslublarini joriy etish yuzasidan takliflar tayyorlaydi;

Bosh vazir qabulxonasining hokimliklar, Savdo-sanoat palatasining tadbirkorlikka koʻmaklashish markazlari, investitsiyalar va savdo, adliya, soliq inspeksiyasi, qurilish, davlat kadastri organlari, bank va boshqa tashkilotlarning hududiy organlari bilan oʻzaro hamkorligini taʼminlaydi;

Bosh vazir qabulxonasi ishlarini takomillashtirish, tadbirkorlik subyektlari hamda chet ellik investorlar bilan ochiq muloqotni kengaytirish, ularning davlat organlariga boʻlgan ishonchini mustahkamlash yuzasidan takliflar tayyorlaydi;

Bosh vazir qabulxonasi xodimlarining xatti-harakatlari (harakatsizligi) ustidan tushgan shikoyatlarni koʻrib chiqadi.

31. Bosh vazir qabulxonasi faoliyatining tashkiliy, moliyaviy va moddiy-texnika jihatidan taʼminlanishi tegishlicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan amalga oshiriladi.

32. Bosh vazir qabulxonasi xodimlari mansab vazifalarini amalga oshirish jarayonida oʻzlariga maʼlum boʻlib qolgan murojaatchilarga oid maʼlumotlardan faqat xizmat maqsadlarida foydalanishi shart.

33. Bosh vazir qabulxonasi xodimlari davlat sirini yoki qonun bilan muhofaza qilinadigan boshqa sirni, konfidensial maʼlumotlarni tashkil etadigan hujjatlarni va (yoki) axborotlarni oshkor qilish, ulardan shaxsiy maqsadlarda foydalanish yoxud uchinchi shaxslarga, shu jumladan vakolatli organlarga taqdim etishga haqli emas, qonun hujjatlarida nazarda tutilgan hollar bundan mustasno.

34. Bosh vazir qabulxonasiga kelib tushgan yozma murojaatlarni saqlash Bosh vazir qabulxonasi tomonidan belgilangan tartibda taʼminlanadi.

1. Ushbu Nizom Oʻzbekiston Respublikasi Prezidentining “Tadbirkorlik faoliyatini qoʻllab-quvvatlash va himoya qilish tizimini tubdan takomillashtirish chora-tadbirlari toʻgʻrisida” 2019-yil 14-maydagi PF-5718-son Farmoniga muvofiq tumanlar va shaharlardagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalarining (bundan buyon — Bosh vazir qabulxonalari) asosiy vazifalari, huquqlari, majburiyatlari va javobgarligi, shuningdek, faoliyatini tashkil etish tartibini belgilaydi.

2. Bosh vazir qabulxonasi Vazirlar Mahkamasi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari faoliyatini tashkil etish va muvofiqlashtirish kotibiyati (bundan buyon — Kotibiyat) tuzilmasi tarkibiga kiradi, yuridik shaxs hisoblanmaydi, oʻz mulkida, xoʻjalik yuritishida yoki operativ boshqaruvida alohida mol-mulkka ega boʻlmaydi, tadbirkorlik faoliyatini amalga oshirish hamda oʻz nomidan boshqa shaxslar bilan fuqarolik-huquqiy munosabatlarga kirishish huquqiga ega emas.

Bosh vazir qabulxonasi oʻz nomi yozilgan dumaloq muhr, shtamp va blankalarga ega boʻladi.

3. Bosh vazir qabulxonasi Kotibiyat oldida hisobdor boʻladi hamda oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va farmoyishlariga hamda mazkur Nizomga amal qiladi.

4. Bosh vazir qabulxonalari oʻz faoliyatini Oʻzbekiston Respublikasi Investitsiyalar va tashqi savdo vazirligi, Davlat soliq qoʻmitasi, Savdo-sanoat palatasining tegishli hududiy boʻlinmalari, tumanlar va shaharlardagi Tadbirkorlikka koʻmaklashish markazlari, Oʻzbekiston Respublikasi Adliya vazirligi huzuridagi Davlat xizmatlari agentligining hududiy markazlari, tuman (shahar) ijro etuvchi hokimiyat organlari va boshqa tashkilotlar bilan oʻzaro hamkorlikda amalga oshiradi.

5. Bosh vazir qabulxonalari faoliyatining asosiy yoʻnalishlari quyidagilardan iborat:

“Xalq davlat idoralariga emas, davlat idoralari xalqimizga xizmat qilishi kerak” degan asosiy prinsipni oʻz vaqtida, aniq va toʻliq hajmda amalga oshirish;

tadbirkorlik subyektlarini hamda chet ellik investorlarni qabul qilish, shu jumladan, videokonferensaloqa vositasida va sayyor qabullarni oʻtkazilishini taʼminlash;

tadbirkorlik subyektlari, shu jumladan, chet ellik investorlarning huquq va qonuniy manfaatlariga rioya qilinishini taʼminlash;

tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik, shu jumladan, yer uchastkalari, binolar va kreditlar ajratish, ruxsat beruvchi hujjatlarni olish masalalaridagi toʻsiqlarni bartaraf etilishini taʼminlash;

tadbirkorlikni rivojlantirishga va chet el investitsiyalarini jalb etishga toʻsqinlik qilayotgan tizimli muammolarni monitoring qilish, umumlashtirish va tahlil qilish, shuningdek, bu sohadagi qonun hujjatlarini takomillashtirish boʻyicha takliflar tayyorlash;

tadbirkorlarning muammolarini hal etish maqsadida ularni qabul qilish, umumlashtirish, monitoring olib borish va nazorat qilish uchun samarali platforma joriy etilishini nazarda tutuvchi “business.gov.uz” yagona interaktiv portali (keyingi oʻrinlarda yagona portal deb ataladi) faoliyat koʻrsatishini taʼminlash.

6. Quyidagilar Bosh vazir qabulxonalarining asosiy vazifalari hisoblanadi:

a) tadbirkorlik subyektlarini hamda chet ellik investorlarni qabul qilish, shu jumladan, videokonferensaloqa vositasida va sayyor qabullarni oʻtkazish sohasida:

Bosh vazir qabulxonasi mudiri tomonidan tasdiqlanadigan jadval asosida Bosh vazir qabulxonalarida hokimlik, Savdo-sanoat palatasining tadbirkorlikka koʻmaklashish markazlari, investitsiyalar va savdo, adliya, soliq inspeksiyasi, qurilish, davlat kadastri organlari, bank va boshqa tashkilotlar vakillari ishtirokida tadbirkorlik subyektlari hamda chet ellik investorlarni har kuni qabul qilish, shu jumladan, videokonferensaloqa vositasida hamda sayyor qabullarni oʻtkazish;

tadbirkorlik subyektlari va chet ellik investorlarning murojaatlari toʻgʻrisidagi, shuningdek, tuman va shaharlardagi Bosh vazirning qabulxonalaridan tushgan maʼlumotlarni “business.gov.uz” tizimiga kiritilishini taʼminlash;

Bosh vazir qabulxonalarida tadbirkorlarni, shu jumladan, chet ellik investorlarni viloyat darajasida hal etiladigan murojaatlarini investitsiyalar va tashqi savdo, adliya, qurilish vazirliklari, Savdo-sanoat palatasi va boshqa vakolatli tashkilotlarning hududiy boʻlinmalari vakillari ishtirokida koʻrib chiqish;

koʻrib chiqish jarayonida hal etish imkoniyati boʻlmagan tadbirkorlar va chet ellik investorlarning murojaatlarini vakolatli organlarga belgilangan tartibda koʻrib chiqish, hal etish va natijalari yuzasidan yozma axborot berish uchun yuborish;

murojaatda koʻrsatilgan qonuniy talablar va takliflarni tuman va shahar darajasida hal qilish imkoniyati boʻlmaganida, murojaatni Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga yuborish;

tadbirkorlarning davlat va xoʻjalik organlari, nazorat qiluvchi va huquqni muhofaza qiluvchi tuzilmalar, shuningdek boshqa tashkilotlar mansabdor shaxslarining harakati (harakatsizligi) yuzasidan murojaatlarini belgilangan tartibda koʻrib chiqish, bunda murojaatlarni koʻrib chiqish uchun qarori yoki harakati (harakatsizligi) ustidan shikoyat qilinayotgan tashkilotlarning mansabdor shaxslariga asossiz yuborilmaslik choralarini koʻrish;

tadbirkorlik subyektlari, shu jumladan, chet ellik investorlarning murojaatlarini qabul qilish boʻyicha oʻrnatilgan tartib va muddatlarga rioya etish, oʻz zimmasiga yuklatilgan vazifalar va funksiyalarni soʻzsiz ijro etish;

tadbirkorlik subyektlari, shu jumladan, chet ellik investorlarning huquq va qonuniy manfaatlari himoyasi toʻgʻrisidagi murojaatlarini, investitsiyalar va tashqi savdo, adliya, qurilish vazirliklari, Savdo-sanoat palatasi va boshqa vakolatli tashkilotlarning tuman (shahar) boʻlinmalariga koʻrib chiqish uchun yuborish;

tuman adliya boʻlimlari bilan birgalikda investitsiyalar va tashqi savdo, qurilish vazirliklari, Savdo-sanoat palatasi va boshqa vakolatli tashkilotlarning tuman (shahar) boʻlinmalari xodimlarining tadbirkorlik subyektlari, shu jumladan, chet ellik investorlarning huquq va qonuniy manfaatlari himoya qilish boʻyicha huquqiy bilimlarini yanada oshirish maqsadida muntazam ravishda “davra suhbatlari” va oʻquv-amaliy seminarlarini oʻtkazish;

tadbirkorlik subyektlari, shu jumladan, chet el investorlarining murojaatlarini koʻrib chiqish va hal etish borasida hududiy davlat boshqaruvi organlari, mahalliy ijro etuvchi hokimiyat organlari, boshqa tashkilotlar bilan oʻzaro samarali hamkorligini taʼminlash;

v) tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik, shu jumladan, yer uchastkalari, binolar va kreditlar ajratish, ruxsat beruvchi hujjatlarni olish masalalaridagi toʻsiqlarni bartaraf etilishini taʼminlash sohasida:

Bosh vazirning qabulxonalarida aniqlangan tadbirkorlikni rivojlantirishga toʻsqinlik qilayotgan muammoli masalalarni jamlash, umumlashtirish, tahlil qilish, sabablarini aniqlash, vakolatli organlarning takliflarini olish va hal etish choralarini koʻrish;

Bosh vazirning qabulxonalariga kelib tushayotgan murojaatlarda aks ettirilgan tadbirkorlikni rivojlantirishga toʻsqinlik qilayotgan sabablar va shart-sharoitlarni sohalar kesimida doimiy ravishda tahlil qilish va tizimlashtirish;

tadbirkorlik subyektlari, shu jumladan, chet el investorlariga yer uchastkalari, binolar va kredit ajratish, ruxsat beruvchi hujjatlarni olish masalalaridagi toʻsiqlarni bartaraf etish boʻyicha aniq takliflarni ishlab chiqish;

aniqlangan byurokratik, shu jumladan, yer uchastkalari, binolar va kreditlar ajratish, ruxsat beruvchi hujjatlarni olish masalalaridagi toʻsiqlarni bartaraf etish va asoslangan takliflarni tayyorlash boʻyicha vazirliklar, idoralar va xoʻjalik birlashmalarining hududiy organlari, mahalliy ijro etuvchi hokimiyat organlari bilan ishlash;

Bosh vazirning qabulxonalariga murojaat qilgan tadbirkorlarga chet el investitsiyalarini jalb qilish va ular ishtirokidagi loyihalarni amalga oshirish bilan bogʻliq muammolarini hal etishda, shuningdek, tashqi savdo faoliyatini amalga oshirish va ishlab chiqarilayotgan mahsulotlarning tashqi bozorlarga kirishiga koʻmaklashishda tegishlicha tuman (shahar) investitsiyalar va tashqi savdo boʻlimlarining faoliyatini muvofiqlashtirish;

har haftada Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga tegishli hududda Bosh vazirning qabulxonalarida va tegishli vakolatli organlarda koʻrib chiqilgan tadbirkorlar, shu jumladan chet ellik investorlarning murojaatlari hamda ularning koʻrilishi jarayoni haqida hisobot kiritish;

hududiy davlat boshqaruvi organlari, mahalliy ijro etuvchi hokimiyat organlari, boshqa idora hamda tashkilotlar bilan birgalikda tadbirkorlikni rivojlantirishga va chet el investitsiyalarini jalb etishga toʻsqinlik qilayotgan tizimli muammolarni monitoring qilish, umumlashtirish va tahlil qilib borish;

murojaatlarda koʻrsatilgan masalalarni tartibga soluvchi normalar mavjud boʻlmaganda, qonun hujjatlarini takomillashtirish yuzasidan takliflar tayyorlash hamda koʻrib chiqish uchun Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga kiritish;

hudud kesimida aniqlangan tadbirkorlikni rivojlantirishga toʻsqinlik qilayotgan tizimli muammolarni aniqlash hamda ularni bartaraf etish boʻyicha qonun hujjatlarini takomillashtirish boʻyicha takliflar ishlab chiqish masalasida Savdo-sanoat palatasining tadbirkorlikka koʻmaklashish markazlari faoliyatini muvofiqlashtirish;

tadbirkorlik faoliyatiga oid qonun hujjatlaridagi boʻshliqlar va kamchiliklarni hal etish boʻyicha takliflarni oʻz vaqtida va sifatli ishlab chiqish, tadbirkorlik faoliyati erkinligi kafolatlarini taʼminlash boʻyicha choralar koʻrish borasida Adliya vazirligining tuman (shahar) boʻlimlari faoliyatini muvofiqlashtirish;

d) tadbirkorlarning muammolarini hal etish maqsadida ularni qabul qilish, umumlashtirish, monitoring olib borish va nazorat qilish uchun samarali platforma joriy etilishini nazarda tutuvchi yagona portal faoliyat koʻrsatishini taʼminlash sohasida:

tadbirkorlik subyektlari, shu jumladan, chet ellik investorlarning murojaatlarini yagona portalda qayd etish, ularni umumlashtirish, monitoring va nazorat qilish sohasidagi faoliyatni muvofiqlashtirish;

yagona portalning uzluksiz ishlashini taʼminlash, murojaatlarning muddatida toʻliq qayd etilishi, umumlashtirilishi, monitoring va nazorat qilinishi, murojaatlarni elektron shaklda tegishli vazirlik, idoralarning hududiy boʻlinmalariga, hokimliklar hamda vakolatli organlarga yuborilishi va nazorat muddatida ijrosi holatlarini monitoring qilish;

tadbirkorlik subyektlari, shu jumladan, chet ellik investorlarning tuman va shahar darajasida hal etiladigan murojaatlarini koʻrib chiqish natijalari boʻyicha amalga oshirilgan chora-tadbirlar va qabul qilingan qaror toʻgʻrisidagi maʼlumotlarni yagona portalga kiritib borish;

Bosh vazirning qabulxonalari mudirlari va mutaxassislarining yagona portalda ishlash koʻnikmalarini shakllantirishga qaratilgan seminar va treninglarda ishtirok etish.

7. Bosh vazir qabulxonalari oʻziga yuklangan vazifalarni bajarish uchun quyidagi funksiyalarni amalga oshiradi:

Bosh vazir qabulxonasining maʼlumotlar bankini shakllantiradi, shuningdek, topshiriqlar ijrosi nazoratini taʼminlaydi;

Bosh vazir tomonidan tadbirkorlik va investitsiya muhitini yaxshilashga oid islohotlarning amalga oshirilishini oʻrganish maqsadida hududlarda mavzuli sayyor majlislarini oʻtkazish uchun tegishli tahliliy materiallarni tayyorlaydi va tegishlicha Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga taqdim etadi;

Bosh vazir qabulxonalarining faoliyatini takomillashtirishning eng muhim va ustuvor yoʻnalishlari boʻyicha takliflar tayyorlaydi hamda Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga kiritadi;

tadbirkorlik faol rivojlanishi uchun toʻsqinlik qilayotgan omillar, sabab va shart-sharoitlarni aniqlash hamda ularni bartaraf etish boʻyicha taʼsirchan choralar koʻrish maqsadida ommaviy axborot vositalarida va boshqa manbalarda, shu jumladan, joylarga chiqqan holda jamoatchilik fikrini oʻrganadi;

davlat organlari va tashkilotlarining hududiy boʻlinmalari tomonidan tadbirkorlar va xorijiy investorlar murojaatlarini koʻrib chiqish natijalarini umumlashtiradi;

har haftada Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga tadbirkorlardan, shu jumladan chet ellik investorlardan Bosh vazirning qabulxonalariga kelib tushgan murojaatlar va ularning koʻrilishi jarayoni haqida hisobot kiritib boradi;

har chorakda Bosh vazir qabulxonalarining ishi natijalari, tadbirkorlar hamda ularning huquqlari va qonuniy manfaatlarini himoya qilish, shuningdek mamlakatda ishbilarmonlik muhitini yaxshilash yuzasidan davlat organlari faoliyatidagi kamchiliklarni bartaraf etish boʻyicha koʻrilayotgan chora-tadbirlarni nazarda tutuvchi tahliliy maʼlumot tayyorlaydi hamda tegishlicha Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga kiritadi;

tuman (shahar) xalq deputatlari Kengashi, Oʻzbekiston Respublikasining Investitsiyalar va tashqi savdo vazirligi, Adliya vazirligi, Qurilish vazirligi, Davlat soliq qoʻmitasi, Yer resurslari, geodeziya, kartografiya va davlat kadastri davlat qoʻmitasi, Savdo-sanoat palatasi hamda boshqa vakolatli organlar hududiy boʻlinmalari, tuman (shahar) hokimiyatlari, banklar va boshqa tashkilotlar bilan oʻzaro yaqin hamkorlikni taʼminlaydi;

“Har bir oila — tadbirkor” dasturi va tadbirkorlarning kichik va oʻrta biznesni rivojlantirishga yoʻnaltirilgan tashabbuslarini oʻz vaqtida amalga oshirish, ushbu jarayonga yoshlar va xotin-qizlarni jalb qilish, barqaror yangi ish oʻrinlari yaratish, aholi turli toifalarining moddiy farovonligini oshirish boʻyicha harakatlarni qoʻllab-quvvatlash yuzasidan vakolati doirasida zarur chora-tadbirlarni amalga oshiradi;

tadbirkorlarning murojaatlarida koʻtarilgan masalalarni har tomonlama puxta tahlil qilgan holda, tizimli muammolarni hal etishga qaratilgan asoslantirilgan takliflar ishlab chiqadi;

Bosh vazir qabulxonalarida kadrlarni tanlash va ular malakasini oshirish boʻyicha takliflarni Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga taqdim etadi;

tadbirkorlar tomonidan hududlar, davlat va xoʻjalik boshqaruvi organlari hamda boshqa parametrlar kesimida muammo kelib chiqqan aniq biznes-jarayonni aks ettiruvchi murojaat qilinishi, ariza beruvchi tomonidan oʻzining shaxsiy kabineti orqali murojaatning koʻrib chiqilishi jarayonini real vaqt rejimida kuzatib borilishi hamda qulay ishbilarmonlik muhitini shakllantirishga toʻsqinlik qilayotgan tizimli muammolarni avtomatik rejimda aniqlash imkonini beruvchi yagona portalning toʻlaqonli ishlashini taʼminlaydi;

tadbirkorlarning nazorat qiluvchi va huquqni muhofaza qiluvchi tuzilmalar mansabdor shaxslarining harakati (harakatsizligi) yuzasidan murojaatlar tegishlicha Oʻzbekiston Respublikasi Prezidenti huzuridagi Tadbirkorlarning huquqlarini himoya qilish boʻyicha vakil devonining hududlarda faoliyat koʻrsatuvchi xodimlariga yoxud yuqori turuvchi nazorat qiluvchi va huquqni muhofaza qiluvchi tuzilmalarga yuboriladi.

8. Zimmasiga yuklangan vazifalar va funksiyalarni bajarish uchun Bosh vazir qabulxonalari quyidagi huquqlarga ega:

Bosh vazir qabulxonalari zimmasiga yuklangan vazifa va funksiyalarni amalga oshirish uchun zarur boʻlgan materiallar va maʼlumotlarni davlat va xoʻjalik boshqaruvi organlari hududiy boʻlinmalaridan hamda mahalliy ijro etuvchi hokimiyat organlaridan belgilangan tartibda soʻrash va olish;

tuman (shahar) xalq deputatlari Kengashi, Oʻzbekiston Respublikasi Investitsiyalar va tashqi savdo vazirligi, Adliya vazirligi, Qurilish vazirligi, Davlat soliq qoʻmitasi, Yer resurslari, geodeziya, kartografiya va davlat kadastri davlat qoʻmitasi, Savdo-sanoat palatasi va boshqa vakolatli organlar hududiy boʻlinmalari, tuman (shahar) hokimiyatlari, banklar va boshqa tashkilotlar vakillarini jalb etish;

davlat organlari hududiy boʻlinmalari hamda hududlarni kompleks ijtimoiy-iqtisodiy rivojlantirish boʻyicha sektorlar faoliyatini baholashda ishtirok etish;

davlat organlari hududiy boʻlinmalarining tadbirkorlik subyektlarini hamda chet ellik investorlar murojaatlari bilan ishlash, aniqlangan muammolarni hal qilish borasidagi faoliyatini tizimli oʻrganish;

Bosh vazirning qabulxonalari faoliyatini samarali tashkil etish, shu jumladan, yagona portalga kiritilayotgan tadbirkorlik subyektlari hamda chet ellik investorlarning murojaatlarini tizimli monitoring qilish, aniqlangan muammolarni tahlil qilish hamda ularni hal etish yuzasidan vakolatli davlat organlari faoliyatini muvofiqlashtirishni taʼminlash maqsadida Bosh vazirning qabulxonasida vazirlik va idoralarning vakillaridan iborat doimiy asosda ishlaydigan ishchi guruh tuzish;

tadbirkorlik subyektlarini hamda chet ellik investorlar murojaatlarini koʻrib chiqish boʻyicha tegishli ishchi guruh (bundan buyon — Ishchi guruh) tarkibiga kiritilgan davlat organlari va boshqa tashkilotlar hududiy boʻlinmalarining mansabdor shaxslari va xodimlarini ragʻbatlantirish yoki yoʻl qoʻyilgan jiddiy kamchiliklar uchun ularni lavozimidan ozod etishgacha boʻlgan intizomiy javobgarlikka tortish boʻyicha yuqori turuvchi davlat organlari va boshqa tashkilotlarga takliflar kiritish;

davlat organlari tomonidan ular faoliyati, koʻrsatadigan xizmatlariga oid tartib-qoidalarning tadbirkorlik subyektlari, shu jumladan, chet ellik investorlarga toʻliq va tezkor yetkazilishini taʼminlashga qaratilgan choralar koʻrish;

Bosh vazir qabulxonalariga kelib tushgan murojaatlarni koʻrib chiqish tartibi va muddatlarini buzgan, shuningdek, murojaatlarni koʻrib chiqish natijalariga koʻra qabul qilingan qarorlar ijrosini taʼminlamagan shaxslarni javobgarlikka tortish boʻyicha takliflar kiritish;

yuklangan vazifalar va funksiyalarni bajarish doirasida davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar bilan mustaqil yozishmalar olib borish;

zarurat tugʻilganda muammolarni hal qilish hamda murojaatlarni koʻrib chiqish natijalariga koʻra qabul qilingan qarorlarning ijrosini joylarga chiqib oʻrganish.

Bosh vazir qabulxonasi qonun hujjatlariga muvofiq boshqa huquqlarga ham ega boʻlishi mumkin.

9. Bosh vazir qabulxonalari:

Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga kiritiladigan takliflarning asoslanganligi, ushbu topshiriqlar amalga oshirilishi samaradorligi va qabul qilingan qarorlar, shuningdek, tegishli sohada amalga oshirilayotgan ishlarning natijadorligi;

ushbu Nizomning 6 va 7-bandlarida koʻrsatilgan zimmasiga yuklangan vazifa hamda funksiyalarning samarali bajarilishi;

har haftada tadbirkorlik subyektlari, shu jumladan, chet ellik investorlardan Bosh vazirning viloyat hamda tuman va shaharlardagi qabulxonalariga kelib tushgan murojaatlar va ularning koʻrilishi jarayoni haqida Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga hisobot kiritilishi;

har oyning 5 sanasigacha amalga oshirilgan ishlar toʻgʻrisidagi hisobot hamda tadbirkorlikni rivojlantirishga va investitsiyalarni jalb qilishga toʻsqinlik qilayotgan tizimli kamchiliklar toʻgʻrisidagi axborotning Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga kiritilishi;

tegishli hududda tadbirkorlik subyektlari, shu jumladan, chet ellik investorlarning murojaatlarida koʻtarilgan masalalarni tahlil qilish asosida qonun hujjatlari va huquqni qoʻllash amaliyotini takomillashtirish boʻyicha takliflar tayyorlanishi hamda ularni muntazam ravishda Qoraqalpogʻiston Respublikasi, viloyatlar va Toshkent shahridagi Bosh vazirning qabulxonalariga kiritib borilishi;

oʻz vakolatiga kiruvchi masalalar boʻyicha qonunlar, Oʻzbekiston Respublikasi Prezidenti, Bosh vazirning hujjatlari va topshiriqlarining sifatli hamda oʻz vaqtida bajarilishi;

mavjud axborot tizimlaridan samarali foydalanilishi, dasturiy-apparat vositalarining uzluksiz ishlashi hamda axborot xavfsizligi talablariga rioya etilishi;

Oʻzbekiston Respublikasi Prezidentining “Amalga oshirilayotgan islohotlarni huquqiy taʼminlash faoliyatini tubdan takomillashtirish chora-tadbirlari toʻgʻrisida” 2018-yil 3-apreldagi PF-5395-son Farmoniga, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, “Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomiga soʻzsiz rioya etilishini taʼminlash uchun javob beradi.

10. Bosh vazir qabulxonasi tuzilmasi mudir va yetakchi mutaxassisdan iborat.

Bosh vazir qabulxonasi tuzilmasi Oʻzbekiston Respublikasi Vazirlar Mahkamasi tomonidan tasdiqlanadi.

11. Bosh vazir qabulxonasiga Vazirlar Mahkamasining tegishli qarori bilan belgilangan tartibda lavozimga tayinlanadigan va lavozimdan ozod etiladigan mudir boshchilik qiladi.

12. Bosh vazir qabulxonalarining yetakchi mutaxassisi Vazirlar Mahkamasining tegishli qarori bilan belgilangan tartibda lavozimga tayinlanadi va lavozimdan ozod etiladi.

13. Bosh vazir qabulxonalarining xodimlariga ilgari ishlagan joyida koʻp yillik mehnati uchun berilgan ustamalar va qoʻshimcha haq, harbiy (maxsus) unvonlar va martaba darajalari saqlanib qoladi.

14. Bosh vazir qabulxonasi ishlari “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Vazirlar Mahkamasining Reglamentiga, ushbu Nizomga, Oʻzbekiston Respublikasi Prezidenti, Oʻzbekiston Respublikasining Bosh vazirining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek, Vazirlar Mahkamasining ish rejalari, Kotibiyat, Qoraqalpogʻiston Respublikasi, viloyatlar va Toshkent shahridagi Bosh vazirning qabulxonasi hamda Bosh vazir qabulxonasining ish rejalari, Bosh vazir qabulxonasi xodimlarining shaxsiy ish rejalariga muvofiq tashkil etiladi.

Bosh vazir qabulxonasining ish rejasi Kotibiyat hamda tegishlicha Qoraqalpogʻiston Respublikasi, viloyatlar va Toshkent shahridagi Bosh vazir qabulxonasining ish rejalari asosida shakllantiriladi.

Bosh vazir qabulxonasi yetakchi mutaxassisining shaxsiy ish rejasi mudir tomonidan tasdiqlanadi.

15. Mudir:

Bosh vazirning qabulxonasi faoliyatiga bevosita rahbarlik qiladi, yetakchi mutaxassis ishini tashkil qiladi, Bosh vazir qabulxonasining zimmasiga yuklatilgan vazifalar hamda funksiyalarning samarali bajarilishi uchun shaxsan javobgar boʻladi;

Bosh vazir tomonidan qabul qilingan tadbirkorlik subyektlari, shu jumladan, chet ellik investorlarning murojaatlarini koʻrib chiqish yakunlari boʻyicha qabul qilingan topshiriqlar bajarilishi ustidan nazorat qiladi;

Bosh vazir qabulxonasining yarim yillik uchun ish rejasi loyihasini kelishish uchun Qoraqalpogʻiston Respublikasi, viloyatlar va Toshkent shahridagi Bosh vazir qabulxonasiga kiritadi;

Bosh vazir qabulxonasida belgilangan tartibda ish yuritilishini taʼminlaydi, xodimlar oʻrtasida vazifalarni taqsimlaydi, Bosh vazir qabulxonasining ishini takomillashtirish, uning xodimining ish malakasini oshirish boʻyicha tadbirlarni ishlab chiqadi va amalga oshiradi;

Bosh vazir qabulxonasida belgilangan tartibda ish yuritilishini taʼminlaydi, xodimlar oʻrtasida vazifalarni taqsimlaydi, Bosh vazir qabulxonasining ishini takomillashtirish, uning xodimlarining ish malakasini oshirish boʻyicha tadbirlarni ishlab chiqadi va amalga oshiradi;

chiquvchi xat-xabarlarni imzolaydi;

Bosh vazir qabulxonasi zimmasiga yuklangan vazifalarni bajarish boʻyicha belgilangan tartibda boshqa funksiyalarni amalga oshiradi.

16. Bosh vazir qabulxonasi mudiri vaqtincha boʻlmaganda uning vazifalarini Bosh vazir qabulxonasning yetakchi mutaxassisi bajaradi.

17. Yetakchi mutaxassis:

tadbirkorlarni, shu jumladan chet ellik investorlarni hokimliklar, Savdo-sanoat palatasining tadbirkorlikka koʻmaklashish markazlari, investitsiyalar va savdo, adliya, soliq inspeksiyasi, qurilish, davlat kadastri organlari, bank va boshqa tashkilotlarning hududiy organlari vakillari ishtirokida tasdiqlangan jadval boʻyicha har kuni qabul qiladi;

tuman va shahar darajasida hal etiladigan murojaatlarni Oʻzbekiston Respublikasi Investitsiyalar va tashqi savdo vazirligi, Savdo-sanoat palatasi va boshqa vakolatli organlarning tegishli hududiy boʻlinmalari vakillari ishtirokida koʻrib chiqadi;

tadbirkorlar, shu jumladan, chet ellik investorlardan kelib tushgan murojaatlar toʻgʻrisidagi maʼlumotlarni yagona portalga kiritib boradi;

murojaatlarni koʻrib chiqish jarayonida hal qilish imkoniyati boʻlmaganda — ularni vakolatli organlarga yuboradi;

tadbirkorlardan kelib tushgan murojaatlar tahlili asosida tadbirkorlikni rivojlantirishga toʻsqinlik qilayotgan muammoli masalalarni koʻrib chiqish va mavjud byurokratik toʻsiqlarni bartaraf etish etishga qaratilgan takliflar tayyorlaydi;

tumanlar va shaharlardagi Bosh vazir qabulxonalariga kelib tushgan hamda tuman va shahar darajasida qanoatlantirish imkoniyati boʻlmagan murojaatda koʻrsatilgan qonuniy talab va takliflarni Qoraqalpogʻiston Respublikasi, viloyatlar va Toshkent shahridagi Bosh vazir qabulxonalariga yuboradi;

tadbirkorlar, shu jumladan, chet ellik investorlardan kelib tushgan murojaatlarni koʻrib chiqish va hal etishda tadbirkorlikka koʻmaklashish markazlari tuman va shahar boʻlinmalari, Adliya vazirligi huzuridagi Davlat xizmatlari agentligi hududiy markazlari, shuningdek, hududlarni kompleks ijtimoiy-iqtisodiy rivojlantirish sektorlari bilan hamkorlik qiladi;

sektorlar va hududiy tashkilotlar rahbarlarining tadbirkorlar huquqlari va qonuniy manfaatlarini taʼminlash boʻyicha faoliyati toʻgʻrisidagi axborotni har chorakda tuman (shahar) xalq deputatlari Kengashi majlislarida muhokama qilish uchun kiritadi, ushbu axborot boʻyicha masʼul tashkilotlar rahbarlarining hisobotlarini eshitish choralarini koʻradi;

har oyning 5 sanasiga qadar Qoraqalpogʻiston Respublikasi, viloyatlar va Toshkent shahridagi Bosh vazir qabulxonalariga amalga oshirilgan ishlar toʻgʻrisidagi hisobotni hamda tadbirkorlikni rivojlantirishga va investitsiyalarni jalb qilishga toʻsqinlik qilayotgan tizimli kamchiliklar toʻgʻrisidagi axborot kiritadi;

Bosh vazir qabulxonasida ish yuritilishini taʼminlaydi, hujjatlarning oʻtishini nazorat qiladi, yigʻmajildlarning tayyorlanishini va arxivda saqlash uchun oʻz vaqtida berilishini taʼminlaydi;

yagona portalning toʻlaqonli faoliyat yuritishini taʼminlash boʻyicha choralarni amalga oshiradi;

Qoraqalpogʻiston Respublikasi, viloyatlar, Toshkent shahridagi, tuman va shahardagi Bosh vazir qabulxonalari mudiri topshirigʻiga koʻra boshqa vazifa va funksiyalarni bajaradi.

18. Bosh vazir qabulxonalarining faoliyatini baholash tartibi va mezonlari, Bosh vazir qabulxonalari xodimlarining lavozim yoʻriqnomasi, Bosh vazir qabulxonasi xodimlarining odob-axloq qoidalari va boshqa lokal hujjatlar Kotibiyat mudiri tomonidan tasdiqlanadi.

19. Bosh vazir qabulxonalarida mehnat toʻgʻrisidagi qonun hujjatlariga muvofiq besh kunlik ish haftasi belgilanadi.

20. Bosh vazir qabulxonalarida soat 9.00 dan 18.00 gacha ish hamda soat 13.00 dan 14.00 gacha tushlik vaqti belgilanadi.

21. Bosh vazir qabulxonasi tadbirkorlik subyektlarini hamda chet ellik investorlar uchun qulay shart-sharoitlarga, shu jumladan kirish yoʻllari, asosiy kirish joyi, panduslar, kutish va tadbirkorlik subyektlari hamda chet ellik investorlar vakillarini qabul qilish xonalari, ish kabinetlariga ega boʻlishi lozim.

22. Bosh vazir qabulxonasi qoida tariqasida alohida kirish qismiga ega boʻlgan binoning (inshootning) birinchi qavatiga joylashtiriladi.

23. Bosh vazir qabulxonasi binosining (inshootining) kirish tomoniga quyidagi maʼlumotlar aks ettirilgan peshlavha joylashtiriladi:

Bosh vazir qabulxonasining ish tartibi va xizmat koʻrsatuvchi telefon raqami;

ishchi guruh tarkibiga kirgan davlat organlari va boshqa tashkilotlarning vakillari toʻgʻrisidagi maʼlumotlar;

Ishchi guruh tarkibiga kirgan davlat organlari va boshqa tashkilotlarning rahbarlari tomonidan sayyor shaxsiy va ommaviy qabullar oʻtkazish jadvallari;

tadbirkorlik subyektlari, shu jumladan, chet ellik investorlar eʼtiboriga yetkazilishi zarur boʻlgan boshqa maʼlumotlar.

24. Bosh vazir qabulxonasi tadbirkorlik subyektlarini hamda chet ellik investorlar uchun axborot stendlari bilan jihozlanadi, ular maʼlumotlar bilan tanishish uchun qulay boʻlgan joyga oʻrnatiladi va erkin tanishish mumkin boʻlgan shakldagi maʼlumotlarga ega boʻladi.

Bosh vazir qabulxonasi videokonferensaloqa vositalari bilan jihozlanadi.

25. Bosh vazir qabulxonalarida tadbirkorlar hamda chet el investorlarini qabul qilish uchun jalb etiladigan tashkilotlar vakillari — ishchi guruh aʼzolarining qabul jadvali Bosh vazir qabulxonasi mudiri tomonidan tasdiqlanadi.

Ishchi guruh tarkibiga hokimliklar, Savdo-sanoat palatasining tadbirkorlikka koʻmaklashish markazlari, investitsiyalar va savdo, adliya, soliq inspeksiyasi, qurilish, davlat kadastri organlari, bank va boshqa tashkilotlarning hududiy organlari vakillari kiradi.

Qabul jadvali asosida Bosh vazir qabulxonalarida Ishchi guruh tomonidan tadbirkorlar hamda chet el investorlarini qabul qilish har kuni soat 9.00 dan 13.00 ga qadar amalga oshiriladi.

Bosh vazir qabulxonalarida soat 14.00 dan 18.00 ga qadar kunning birinchi qismida kelib tushgan tadbirkorlar hamda chet el investorlarining murojaatlarini umumlashtirish, roʻyxatga olish, yagona portalga kiritish, joyida hal etishning imkoni boʻlmagan murojaatlarni vakolatli organga koʻrib chiqish uchun joʻnatish, vakolatli organlarning yozma axboroti asosida tegishli qaror qabul qilish, tuman va shahri darajasida hal etilmaydigan murojaatlarni yuqori turuvchi Qabulxonaga yuborish va boshqa funksional vazifalarni amalga oshiradi.

26. Bosh vazir qabulxonasida murojaatlar ogʻzaki, yozma va elektron shaklda shaxsan yoki pochta aloqa vositasi orqali qabul qilinadi.

Tadbirkorlik subyektlari vakillari hamda chet ellik investorlar shaxsan murojaat qilgan taqdirda Bosh vazir qabulxonasida navbat boʻyicha tartib raqamini oladi va kutish uchun ajratilgan joyda Bosh vazir qabulxonasi xodimining chaqirishini kutadi.

27. Tadbirkorlik subyektlari hamda chet ellik investorlar chaqirilgandan keyin Bosh vazir qabulxonasi xodimi:

murojaatda koʻrsatilgan tegishli maʼlumotlar tadbirkorlik subyekti rahbari va chet ellik investorning shaxsini tasdiqlovchi hujjat, tadbirkorlik subyekti va chet ellik investor vakilining shaxsi va vakolatini tasdiqlovchi hujjatda koʻrsatilgan maʼlumotlar bilan mosligini oʻrganadi;

oʻrganish yakunlari boʻyicha murojaatni yagona portalga kiritadi hamda u orqali murojaatga oʻziga xos roʻyxat raqamini beradi;

murojaat roʻyxatdan oʻtkazilgandan keyin muallifga uning soʻroviga koʻra murojaat qabul qilingani toʻgʻrisida murojaat nusxasiga oʻziga xos roʻyxat raqamini yozib, tegishli qaydni qoʻyadi;

yozma va pochta aloqasi orqali olingan murojaatlarni elektron shaklga oʻtkazadi (skanerlaydi) va yagona portalga kiritilib, ularga oʻziga xos roʻyxat raqamini beradi.

28. Murojaat yagona portalga kiritilishi bilan bir vaqtning oʻzida unda koʻtarilgan masala boʻyicha Ishchi guruhning tegishli aʼzosi bevosita ishtirokida koʻrib chiqish uchun yuboriladi. Bunda ushbu murojaatlarning koʻrib chiqilishi ustidan nazorat Bosh vazir qabulxonasi tomonidan amalga oshiriladi.

29. Bosh vazir qabulxonasi faoliyatini nazorat qilish va muvofiqlashtirish yuqori turuvchi Qabulxona hamda Kotibiyat tomonidan amalga oshiriladi.

Kotibiyat:

Bosh vazir qabulxonalari faoliyatini har yili belgilangan tartibda baholaydi, yil yakunlariga koʻra faoliyatida yuqori koʻrsatkichlarga erishgan Bosh vazir qabulxonalari xodimlarini bir martalik pul mukofoti va qimmatbaho sovgʻalar bilan mukofotlash masalasini koʻrib chiqadi;

Bosh vazir qabulxonasini kerakli normativ-uslubiy va axborot-tahlil materiallari bilan taʼminlaydi;

Bosh vazir qabulxonasi mudiri va xodimlarini tanlash, joy-joyiga qoʻyish, lavozimga tayinlash va lavozimdan ozod etish ishlarini tashkil etadi;

Bosh vazir qabulxonasi faoliyati toʻgʻrisida axborot-tahlil materiallarini tayyorlaydi;

Bosh vazir qabulxonasi xodimlari uchun seminarlar, treninglar va qisqa muddatli malaka oshirish kurslarini tashkil etadi;

Bosh vazir qabulxonasi faoliyati samaradorligini oʻrganadi, tahlil qiladi hamda umumlashtiradi, ishning sifatli shakl va uslublarini joriy etish yuzasidan takliflar tayyorlaydi;

Bosh vazir qabulxonasining hokimliklar, Savdo-sanoat palatasining tadbirkorlikka koʻmaklashish markazlari, investitsiyalar va savdo, adliya, soliq inspeksiyasi, qurilish, davlat kadastri organlari, bank va boshqa tashkilotlarning hududiy organlari bilan oʻzaro hamkorligini taʼminlaydi;

Bosh vazir qabulxonasi ishlarini takomillashtirish, tadbirkorlik subyektlari hamda chet ellik investorlar bilan ochiq muloqotni kengaytirish, ularning davlat organlariga boʻlgan ishonchini mustahkamlash yuzasidan takliflar tayyorlaydi;

Bosh vazir qabulxonasi xodimlarining xatti-harakatlari (harakatsizligi) ustidan tushgan shikoyatlarni koʻrib chiqadi.

Yuqori turuvchi qabulxonalar:

Bosh vazir qabulxonalari faoliyatini toʻgʻri tashkil etish boʻyicha koʻrsatmalar beradi;

Bosh vazir qabulxonalari faoliyatining samaradorligini taʼminlash maqsadida tegishli qarorlar qabul qiladi.

30. Bosh vazir qabulxonasi faoliyatining tashkiliy, moliyaviy va moddiy-texnika jihatidan taʼminlanishi tegishlicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan amalga oshiriladi.

31. Bosh vazir qabulxonasi xodimlari mansab vazifalarini amalga oshirish jarayonida oʻzlariga maʼlum boʻlib qolgan murojaatchilarga oid maʼlumotlardan faqat xizmat maqsadlarida foydalanishi shart.

32. Bosh vazir qabulxonasi xodimlari davlat sirini yoki qonun bilan muhofaza qilinadigan boshqa sirni, konfidensial maʼlumotlarni tashkil etadigan hujjatlarni va (yoki) axborotlarni oshkor qilish, ulardan shaxsiy maqsadlarda foydalanish yoxud uchinchi shaxslarga, shu jumladan vakolatli organlarga taqdim etishga haqli emas, qonun hujjatlarida nazarda tutilgan hollar bundan mustasno.

33. Bosh vazir qabulxonasiga kelib tushgan yozma murojaatlarni saqlash Bosh vazir qabulxonasi tomonidan belgilangan tartibda taʼminlanadi.