O‘zbekiston Respublikasi Oliy Majlisining “O‘zbekiston Respublikasining Uy-joy kodeksini amalga kiritish tartibi to‘g‘risida” 1998-yil 24-dekabrdagi 714-I-son qaroriga muvofiq, shuningdek Uy-joy kodeksining qoidalarini amalga oshirish maqsadida Vazirlar Mahkamasi qaror qiladi:

1. O‘zbekiston Respublikasining Uy-joy kodeksini amalga oshirish uchun zarur bo‘lgan me’yoriy hujjatlarni ishlab chiqish rejasi 1-ilovaga muvofiq tasdiqlansin.

Belgilansinki,O‘zbekiston Respublikasi Hukumati 1999-yil 1-aprelgacha qabul qilgan qarorlarning O‘zbekiston Respublikasi Uy-joy kodeksiga zid bo‘lmagan qismi yangi me’yoriy hujjatlar qabul qilingunga qadar amalda bo‘ladi.

Tegishli me’yoriy hujjatlarni ishlab chiqish uchun mas’ul bo‘lgan vazirliklar, davlat qo‘mitalari va idoralar Rejada nazarda tutilgan vazifalarning o‘z vaqtida bajarilishini ta’minlasinlar.

2. O‘zbekiston Respublikasi Hukumati qarorlariga 2-ilovaga muvofiq o‘zgartishlar va qo‘shimchalar kiritilsin.

3. Hukumatning 3-ilovaga muvofiq qarorlari o‘z kuchini yo‘qotgan deb hisoblansin.

4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B. Hamidov zimmasiga yuklansin.

II. O‘zbekiston Respublikasi Vazirlar Mahkamasining “Davlat uy-joy fondi xususiylashtirilishi munosabati bilan normativ hujjatlarni tasdiqlash to‘g‘risida” 1994-yil 28-iyundagi 325-son qarorining (O‘zbekiston Respublikasi QT, 1994-y., 6-son, 34-modda):

1. Qaror qismining uchinchi xatboshi quyidagi tahrirda bayon qilinsin:

“Turar joylarni va uy atrofidagi yerlarni saqlash va ulardan foydalanish qoidalari 3-ilovaga muvofiq tasdiqlansin”.

2. Qarorga 3-ilovada:

a) ilovaning nomlanishi quyidagi tahrirda bayon qilinsin:

“Turar joylarni va uy atrofidagi yerlarni saqlash va ulardan foydalanish qoidalari”;

b) matndagi uy-joylardan foydalanish va kommunal-foydalanish tashkilotlariga qaratilgan ko‘rsatmalar tuzatish-foydalanish tashkilotlariga ko‘rsatmalar bilan almashtirilsin.

v) 2-bandi quyidagi tahrirda bayon qilinsin:

“Mulkdorlar, ijaraga oluvchilar, munitsipal, idoraviy uy-joy fondi va maqsadli kommunal uy-joy fondi turar joylarning ijaradorlari tuzatish-foydalanish korxonalari bilan turar joylarga texnika xizmati ko‘rsatish to‘g‘risida O‘zbekiston Respublikasi Vazirlar Mahkamasi tomonidan tasdiqlanadigan Namunaviy shartnoma (kontrakt)ga muvofiq shartnomalar (kontraktlar) tuzadilar”.

g) 5-bandining ikkinchi gapi chiqarib tashlansin;

d) 6-bandining ikkinchi xat boshi quyidagi mazmundagi uchinchi gap bilan to‘ldirilsin:

“Turar joyga boshqa fuqarolar bir kishiga to‘g‘ri keladigan uy-joy maydonining ijtimoiy normasi haqidagi qonun hujjatlari talablariga rioya qilingan taqdirda qo‘yiladi, voyaga yetmagan bolalarni va mehnatga layoqatsiz yolg‘iz ota-onalarni qo‘yish bundan mustasno”;

e) 7-bandidagi “ijaraga oluvchi yoki uning oila a’zolari” so‘zlari “munitsipal, idoraviy uy-joy fondi va maqsadli kommunal uy-joy fondi uylarida yashovchi ijaraga oluvchi, uning oila a’zolari yoki ijaraga oluvchi bilan doimiy ravishda birga yashovchi fuqarolar” so‘zlari bilan almashtirilsin.

j) 10-bandi quyidagi mazmundagi ikkinchi xatboshi bilan to‘ldirilsin:

“Uy-joylar, kvartiralarning mulkdorlari uydan foydalanishni, uning saqlanishini, umumiy mulk bo‘lgan mulkning zarur sanitariya, yong‘in xavfsizligi va texnik holatini ta’minlash uchun, shuningdek boshqa maqsadlarga uy-joyga va umumiy foydalaniladigan joyga xizmat ko‘rsatish uchun tashkilotni mustaqil belgilaydilar”;

z) 16-bandi quyidagi mazmundagi xatboshi bilan to‘ldirilsin:

“Uy-joy mulkdori bo‘lmagan paytda uyga kirish ichki ishlar organlari va fuqarolarning o‘zini o‘zi boshqarish organlari vakillari ishtirokida tegishli tuzatish-foydalanish tashkilotlari tomonidan amalga oshiriladi”;

i) 26-bandining birinchi gapi chiqarib tashlansin;

k) 28-bandi quyidagi mazmundagi xatboshilar bilan to‘ldirilsin:

“ko‘p kvartirali uy-joylarning uylarida mol, shuningdek odamlar sog‘ligi uchun xavfli hayvonlarni saqlash;

uylar, binolar, inshootlarni o‘zboshimchalik bilan qayta qurish, qayta rejalashtirish, shuningdek ko‘p qavatli uylar, binolar va inshootlarga tutashib ketgan yer uchastkalarida o‘zboshimchalik bilan imorat qurish yoxud ularning tashqi ko‘rinishini foydalanish ko‘rsatkichlarini va binolarning zilzilaga chidamliligini pasaytiruvchi hamda boshqa shaxslarning yashashi yoki faoliyati uchun noqulaylik yaratuvchi tarzda boshqacha o‘zgartirish”;

l) 44-bandida “xususiylashtirilgan kvartiralar egalari shirkati, ijaraga oluvchilar, uy-joy egalari” so‘zlari “uy-joy egalari shirkati” so‘zlari bilan almashtirilsin.

1. O‘zbekiston SSR Ministrlar Sovetining “Uy-joy fondi va kommunal xo‘jaligi obyektlaridan foydalanishni yaxshilash choralari to‘g‘risida” 1967-yil 2-dekabrdagi 626-son qarori (O‘zSSR QT, 1967-y., 6-son, 61-modda).

2. O‘zbekiston SSR Ministrlar Soveti va O‘zbekiston Kasaba Soyuzlari Respublika Sovetining “Davlat uy-joy fondini boshqarishda jamoat komitetlari rolini kuchaytirish to‘g‘risida” 1969-yil 30-apreldagi 209-son qarori (O‘zSSR QT, 1969-y., 4-son, 32-modda).

3. O‘zbekiston SSR Ministrlar Sovetining “Uy boshqarmalari va uy-joylardan foydalanish kontoralari huzuridagi bolalar klublari va maydonchalari to‘g‘risidagi Nizomni tasdiqlash haqida” 1970-yil 2-sentabrdagi 447-son qarori (O‘zSSR QT, 1970-y., 9-son, 54-modda).

4. O‘zbekiston SSR Ministrlar Sovetining “O‘zbekiston SSR Oliy Soveti Prezidiumining “Grajdanlarning o‘zboshimchalik bilan uy-joy, dacha, xo‘jalik va maishiy imorat hamda binolar qurganlik uchun javobgarligi to‘g‘risida” 1978-yil 15-apreldagi Farmonini ijro etish tartibi haqida” 1978-yil 13-iyundagi 319-son qarori (O‘zSSR QT, 1978-y., 6-son, 23-modda).

5. O‘zbekiston SSR Ministrlar Sovetining “Respublika uy-joy fondidan foydalanishni va uning saqlanishini yaxshilashga doir qo‘shimcha choralar to‘g‘risida” 1981-yil 7-sentabrdagi 709-son qarori.

6. O‘zbekiston SSR Ministrlar Sovetining “Turarjoylardan foydalanish tashkilotlari to‘g‘risidagi tipovoy nizomni tasdiqlash haqida” 1984-yil 26-sentabrdagi 490-son qarori (O‘zSSR QT, 1984-y., 9-son, 46-modda).

7. O‘zbekiston SSR Ministrlar Sovetining “O‘zbekiston SSRda davlat va jamoat turar joy fondi uylarida turarjoyni ijaraga olish yuzasidan Tipovoy shartnomani va turarjoylardan foydalanish va uylarni hamda uy atrofidagi territoriyani yaxshi tutish Qoidalarini tasdiqlash haqida” 1984-yil 6-dekabrdagi 633- son qarori (O‘zSSR QT, 1984-y., 12-son, 61-modda).

8. O‘zbekiston Kompartiyasi Markaziy Komiteti va O‘zbekiston SSR Ministrlar Sovetining “SSSR Gosplanining 1986 — 1990-yillarda Toshkent shahar xo‘jaligini yanada rivojlantirish chora-tadbirlari to‘g‘risida” 1986-yil 17-yanvardagi 11-son qarori yuzasidan 1986-yil 8-iyuldagi 331-son qarori 18-bandining o‘ninchi xatboshi.

9. O‘zbekiston SSR Ministrlar Sovetining 1987-yil 3-martdagi 98-son qarori (O‘zSSR QT, 1987-y., 3-son, 11-modda) bilan tasdiqlangan O‘zbekiston SSR Hukumatining qarorlariga kiritiladigan o‘zgartirishlarning 5-bandi.

10. O‘zbekiston SSR Ministrlar Sovetining “O‘zbekiston SSRda davlat va jamoat turar joy fondi uylarida turar joyni ijaraga olish yuzasidan Tipovoy shartnomaga va turar joylardan foydalanish va uylarni hamda uy atrofidagi territoriyani yaxshi tutish Qoidalariga o‘zgartirishlar va qo‘shimchalar kiritish to‘g‘risida” 1987-yil 28-dekabrdagi 531-son qarori (O‘zSSR QT, 1987-y., 12-son, 81-modda).

11. O‘zbekiston SSR Ministrlar Sovetining Yakka tartibda imorat soluvchilarning shirkatlari to‘g‘risidagi namunali nizomni tasdiqlash haqida” 1988-yil 24-noyabrdagi 440-son qarori (O‘zSSR QT, 1988-y., 12-son, 36-modda).

12. O‘zbekiston SSR Ministrlar Sovetining 1989-yil 24-yanvardagi 37-son qarori (O‘zSSR QT, 1989-y., 1-son, 3-modda) bilan tasdiqlangan O‘zbekiston SSR Huqumatining turarjoy masalalari to‘g‘risidagi ayrim qarorlariga kiritiladigan o‘zgartirishlar va qo‘shimchalarning 3-bandi.

13. Vazirlar Mahkamasining 1994-yil 28-iyundagi 325-son qarori (O‘zbekiston Respublikasi QT, 1994-y., 6-son, 34-modda) bilan tasdiqlangan Turar joylarni ijaraga berish to‘g‘risida Nizom.