Шанхай ҳамкорлик ташкилотига аъзо-давлатлар, Шанхай ҳамкорлик ташкилоти (кейинги ўринларда — ШҲТ ёки Ташкилот), ва Беларусь Республикаси, кейинги ўринларда «Томонлар» деб аталувчи,

2002 йил 7 июнда имзоланган Шанхай ҳамкорлик ташкилоти Хартиясида (кейинги ўринларда «Хартия») мустаҳкамланган мақсад ва принципларга ҳамда 2007 йил 16 августда имзоланган Шанхай ҳамкорлик ташкилотига аъзо-давлатларнинг узоқ муддатли аҳил қўшничилиги, дўстлиги ва ҳамкорлиги тўғрисидаги Шартнома (кейинги ўринларда «Шартнома»), шунингдек ШҲТ доирасида қабул қилинган бошқа халқаро шартномалар ва ҳужжатлар қоидаларига содиқлигини тасдиқлаб,

2010 йил 11 июнда имзоланган Шанхай ҳамкорлик ташкилотига янги аъзоларни қабул қилиш тартиби тўғрисидаги Низом (кейинги ўринларда «Низом») ва 2022 йил 16 сентябрда имзоланган Беларусь Республикасини Шанхай ҳамкорлик ташкилоти аъзолигига қабул қилиш жараёнини бошлаш тўғрисидаги ШҲТга аъзо-давлатлар раҳбарлари Кенгашининг (кейинги ўринларда «ДРК») 7-сонли қарорига (кейинги ўринларда «ДРК») асосланиб,

қуйидагилар тўғрисида келишиб олдилар:

Мазкур Меморандум халқаро шартнома ҳисобланади ва Беларусь Республикаси томонидан ШҲТда аъзо-давлат мақомини олиш учун қабул қилинган мажбуриятларини ўз ичига олади.

Беларусь Республикаси Хартиянинг мақсад ва принципларига, Шартнома қоидаларига, шунингдек ШҲТ доирасида қабул қилинган халқаро шартномалар ва ҳужжатларга риоя қилиш мажбуриятини олади.

3.1. Беларусь Республикаси ШҲТ доирасида қабул қилинган барча халқаро шартномалар ва ҳужжатларга мазкур моддада назарда тутилган муддатларда қўшилиш мажбуриятини олади.

3.2. Беларусь Республикаси Хартияга, 2001 йил 15 июнда имзоланган Терроризм, сепаратизм ва экстремизмга қарши кураш тўғрисидаги Шанхай Конвенциясига ва уларнинг баённомаларига Беларусь Республикаси мазкур Меморандум кучга кириши учун зарур бўлган давлат ички тартиб-таомиллари бажарилганлиги ҳақида ШҲТ Котибияти томонидан хабарнома олинган санадан бошлаб 2023 йил 1 декабрдан кечиктирмасдан қўшилиш мажбуриятини олади.

3.3. Мазкур модданинг 3.2-бандида белгиланган тартиб-таомиллар бажарилгандан сўнг Беларусь Республикаси 2024 йил 15 январдан кечиктирмасдан мазкур Меморандумнинг 1-иловасида кўрсатилган ШҲТ доирасидаги халқаро шартномаларга қўшилиш мажбуриятини олади.

3.4. Беларусь Республикаси мазкур модданинг 3.2 ва 3.3-бандларида назарда тутилган мажбуриятларни бажарганидан сўнг ҳамда мазкур Меморандум кучга кирган тақдирда, Беларусь Республикаси мазкур Меморандумнинг 2-иловасида кўрсатилган халқаро шартномаларга қўшилиш ҳуқуқига эга бўлади. Беларусь Республикаси уларга 2024 йил 15 апрелдан кечиктирмасдан қўшилиш мажбуриятини олади.

3.5. ШҲТ доирасидаги халқаро шартномаларга қўшилиш мазкур модданинг 3.2-бандида ҳамда мазкур Меморандумнинг 1 ва 2-иловаларида кўрсатилган халқаро шартномалар Беларусь Республикаси учун кучга кирганидан сўнг тугалланган ҳисобланади. Шундан сўнг, ДРК Низомда белгиланган тартибда Беларусь Республикасига ШҲТга аъзо-давлат мақомини тақдим этиш тўғрисида қарор қабул қилади.

3.6. Беларусь Республикаси мазкур модданинг 3.2-бандида ҳамда мазкур Меморандумнинг 1 ва 2-иловаларида кўрсатилган халқаро шартномаларга қўшилиш муддатлари бўйича ўз мажбуриятларини бажармаган ҳолда, Беларусь Республикаси қўшилиш муддатларини қайта кўриб чиқиш имконияти тўғрисида илтимос билан ШҲТ Котибиятига фақат бир марта мурожаат қилиш ҳуқуқига эга. Бунда Беларусь Республикасининг ШҲТ доирасидаги халқаро шартномаларга қўшилиши янги муддатлари мазкур Меморандумнинг 3.2, 3.3 ва 3.5-бандларида кўрсатилган дастлабки муддатлардан ошмаслиги лозим. ШҲТга аъзо-давлатлар Миллий координаторлари кенгаши Беларусь Республикасининг мурожаати билан ШҲТга аъзо-давлатлар Ташқи ишлар вазирлари кенгашига (кейинги ўринларда «ТИВК») тавсиянома тайёрлайди. ДРК ТИВКнинг тавсияси билан мазкур масала бўйича тегишли қарор қабул қилади.

3.7. Беларусь Республикасининг Ташкилотга киргунига қадар қабул қилинган ШҲТ органлари қарорлари Беларусь Республикаси учун мазкур модданинг 3.5-бандида кўрсатилган ДРК қарори қабул қилинган санадан бошлаб амал қилади.

4.1. Беларусь Республикасининг Ташкилот бюджетидаги йиллик бадаллари миқдори ШҲТ Хартиясида назарда тутилган улушли иштирок этиш принципи асосида ҳамда 2017 йил 1 декабрда имзоланган Шанхай ҳамкорлик ташкилотининг бюджетини шакллантириш ва ижро этиш тартиби тўғрисидаги Битимга мувофиқ аниқланади.

4.2. Беларусь Республикасининг ШҲТ бюджетидаги улушли бадали 5,8 фоизни ташкил этади. Мазкур Меморандум кучга киргандан сўнг 2017 йил 1 декабрда имзоланган Шанхай ҳамкорлик ташкилотининг бюджетини шакллантириш ва ижро этиш тартиби тўғрисидаги Битим иловасига тегишли ўзгартириш ва қўшимчалар киритилади.

4.3. Беларусь Республикасининг Ташкилот бюджетига дастлабки улушли бадали мазкур модданинг 4.2-бандида кўрсатилган 2017 йил 1 декабрда имзоланган Шанхай ҳамкорлик ташкилотининг бюджетини шакллантириш ва ижро этиш тартиби тўғрисидаги Битимига ўзгартириш ва қўшимчалар кучга кирган йилдан кейинги молия йили давомида амалга оширилади.

5.1. ШҲТ бюджетидаги улушли бадал миқдорига мувофиқ Беларусь Республикасига ШҲТ доимий фаолият кўрсатувчи органларида 4 та штат лавозимлари ажратилади (ШҲТ Котибиятида 2 та штат лавозимлари ва ШҲТ Минтақавий аксилтеррор тузилмаси Ижроия қўмитасида 2 та штат лавозимлари). Янги тузилма ва штатлар жадвали ШҲТга аъзо-давлатлар Ҳукумат раҳбарлари (Бош вазирлари) кенгаши қарори билан тасдиқланади.

5.2. Беларусь Республикаси ўз фуқароларини Ташкилот бюджетига бадаллар тўланганидан сўнг тасдиқланган штатлар жадвалига мувофиқ ШҲТнинг доимий органларидаги квотали лавозимларга жойлаштиришга юборади.

6.1. Беларусь Республикаси Хартиянинг мақсад ва принципларига риоя қилиш мажбуриятларини бузса ёки мазкур Меморандумда белгиланган мажбуриятларни бажармаса, ШҲТга аъзо-давлатлар ва ШҲТ ТИВК тавсиясига билан қабул қилинган ДРК қарорига асосан мазкур Меморандум амал қилишини тўхтатиб туриши ёки тугатиши мумкин. Тегишли қарор қабул қилинган кундан бошлаб 15 кун ичида ШҲТ Котибияти Беларусь Республикасини мазкур қарор тўғрисида ёзма равишда хабардор қилади. Мазкур Меморандум Беларусь Республикасига ШҲТ Котибиятининг ёзма хабарномаси юборилган санадан бошлаб 30 кун ўтгач тўхтатилади ёки ўз кучини йўқотади.

6.2. Мазкур Меморандумнинг амал қилиши муддатини тиклаш тўғрисидаги қарор, агар у тўхтатиб қўйилган бўлса, ШҲТга аъзо-давлатлар ва ШҲТ томонидан Беларусь Республикаси мурожаатига мувофиқ ТИВК тавсияси билан қабул қилинган ДРК қарорига асосан қабул қилиниши мумкин. Тегишли қарор қабул қилинган санадан бошлаб 15 кун ичида ШҲТ Котибияти Беларусь Республикасини мазкур қарор тўғрисида ёзма равишда хабардор қилади. Мазкур Меморандумнинг амал қилиши Беларусь Республикасига ШҲТ Котибиятининг ёзма хабарномаси юборилган санадан бошлаб 30 кун ўтгач тикланади.

7.1. Мазкур Меморандум унинг кучга кириши учун зарур бўлган давлат ички тартиб-таомиллари бажарилганлиги тўғрисида ШҲТга аъзо-давлатлар ва Беларусь Республикасининг сўнгги ёзма хабарномаси дипломатик каналлар орқали ШҲТ Котибияти томонидан олинган санадан бошлаб 30 кун ўтгач кучга киради. ШҲТ Котибияти Томонларга давлат ички тартиб-таомиллари бажарилганлиги ҳақида келган ёзма хабарномалар тўғрисида хабардор қилади.

Мазкур Меморандумга, 3-модданинг 3.6-бандида, шунингдек, 4-модданинг 4.2-бандида, 5-модданинг 5.1-бандида, мазкур Меморандумнинг 1 ва 2-иловаларида назарда тутилган ҳоллардан ташқари, ўзгартириш ва қўшимчалар киритиш мумкин эмас.

7.2. Мазкур Меморандумни қўллаш ва (ёки) талқин қилиш билан боғлиқ низо ва келишмовчиликлар Томонлар ўртасида маслаҳатлашувлар орқали ҳал қилинади.

7.3. ТИВК тавсияси билан қабул қилинган ДРК қарори асосида ШҲТга аъзо-давлатлар ва ШҲТ ёки Беларусь Республикаси, 6-моддада назарда тутилган ҳоллардан ташқари, мазкур Меморандум амал қилишини тугатиш санасидан камида 90 кун олдин бошқа Томонларга ёзма хабарнома юбориш орқали тугатиши мумкин.

7.4. Мазкур Меморандум тугатилган тақдирда, Томонлар мазкур Меморандумда назарда тутилган мажбуриятларни тартибга солиш мажбуриятини оладилар.

Нью-Дели шаҳрида 2023 йил 4 июлда икки асл нусхада, ҳар бири рус ва хитой тилларида тузилди, бунда барча матнлар бир хил кучга эга.

1. 2002 йил 7 июнда имзоланган Шанхай ҳамкорлик ташкилотига аъзо-давлатлар ўртасида Минтақавий аксилтеррор тузилмаси тўғрисида Битим. 2003 йил 14 ноябрда кучга кирган.

2. 2003 йил 5 сентябрда имзоланган Шанхай ҳамкорлик ташкилотига аъзо-давлатлар ўртасида Минтақавий аксилтеррор тузилмаси тўғрисида Битимга ўзгартиришлар киритиш ҳақида Баённома. 2004 йил 1 октябрда кучга кирган.

3. 2004 йил 17 июнда имзоланган Шанхай ҳамкорлик ташкилоти Минтақавий аксилтеррор тузилмаси доирасида махфий ахборотни муҳофаза қилишни таъминлаш тўғрисида Битим. 2015 йил 19 ноябрда кучга кирган.

4. 2007 йил 16 августда имзоланган Шанхай ҳамкорлик ташкилотига аъзо-давлатлар ўртасида Минтақавий аксилтеррор тузилмаси тўғрисида Битимга ўзгартиришлар киритиш ҳақида Баённома. 2009 йил 25 июнда кучга кирган.

5. 2001 йил 14 сентябрда имзоланган Шанхай ҳамкорлик ташкилоти иштирокчи-давлатлар ҳукуматлари ўртасида минтақавий иқтисодий ҳамкорликнинг асосий мақсад ва йўналишлари ҳамда савдо ва инвестициялар соҳасида қулай шароитлар яратиш жараёнини бошлаш тўғрисида Меморандум. Имзоланган санадан бошлаб кучга кирган.

6. 2001 йил 14 сентябрда имзоланган Шанхай ҳамкорлик ташкилоти иштирокчи-давлатлар ҳукуматлари ўртасида минтақавий иқтисодий ҳамкорликнинг асосий мақсад ва йўналишлари ҳамда савдо ва инвестициялар соҳасида қулай шароитлар яратиш жараёнини бошлаш тўғрисида Меморандумга Баённома. Имзоланган санадан бошлаб кучга кирган.

7. 2004 йил 17 июнда имзоланган Шанхай ҳамкорлик ташкилотининг имтиёз ва иммунитетлари тўғрисидаги Конвенция. 2007 йил 4 октябрда кучга кирган.

8. 2004 йил 17 июнда имзоланган Шанхай ҳамкорлик ташкилотига аъзо-давлатлар ўртасида наркотик моддалар, психотроп моддалар ва уларнинг прекурсорларини ноқонуний йўл билан олиб ўтишга қарши курашиш тўғрисида ҳамкорлик қилиш тўғрисида Битим. 2007 йил 16 августда кучга кирган.

9. 2004 йил 17 июнда имзоланган Шанхай ҳамкорлик ташкилоти Минтақавий аксилтеррор тузилмасининг маълумотлар банки тўғрисида Битим. 2007 йил 11 апрелда кучга кирган.

10. 2004 йил 17 июнда имзоланган Шанхай ҳамкорлик ташкилотига аъзо-давлатлар ташқи ишлар вазирликлари ўртасида ҳамкорлик ва фаолиятни мувофиқлаштириш тўғрисида Баённома. Имзоланган санадан бошлаб кучга кирган.

11. 2006 йил 15 июнда имзоланган Терроризм, сепаратизм ва экстремизм каби фаолиятга дахлдор шахсларнинг Шанхай ҳамкорлик ташкилотига аъзо-давлатлар ҳудудига суқулиб кириш йўлларини аниқлаш ва тўсиш соҳасида ҳамкорлик қилиш тўғрисида Битим. 2008 йил 6 ноябрда кучга кирган.

12. 2006 йил 15 июнда имзоланган Шанхай ҳамкорлик ташкилотига аъзо-давлатлар ҳудудида террорчиликка қарши биргаликдаги тадбирларни ташкил этиш ва ўтказиш тартиби тўғрисида Битим. 2009 йил 17 мартда кучга кирган.

13. 2008 йил 28 августда имзоланган Шанхай ҳамкорлик ташкилотига аъзо-давлатлар томонидан қўшма аксилтеррор ўқув машғулотларини ташкил этиш ва ўтказиш тартиби тўғрисида Битим. 2013 йил 29 ноябрда кучга кирган.

14. 2009 йил 16 июнда имзоланган Шанхай ҳамкорлик ташкилотига аъзо-давлатлар ҳукуматлари ўртасида халқаро ахборот хавфсизлигини таъминлаш соҳасида ҳамкорлик тўғрисида Битим. 2011 йил 2 июнда кучга кирган.

15. 2009 йил 16 июнда имзоланган Шанхай ҳамкорлик ташкилотига аъзо-давлатлар ўртасида аксилтеррор тузилмалар учун кадрларни тайёрлаш тўғрисида Битим. 2011 йил 13 сентябрда кучга кирган.

16. 2009 йил 16 июнда имзоланган Шанхай ҳамкорлик ташкилотининг терроризмга қарши Конвенцияси. 2012 йил 14 январда кучга кирган.

17. 2017 йил 1 декабрда имзоланган Шанхай ҳамкорлик ташкилотининг бюджетини шакллантириш ва ижро этиш тартиби тўғрисида Битим. 2018 йил 26 февралда кучга кирган.

18. 2017 йил 9 июнда имзоланган Шанхай ҳамкорлик ташкилотининг экстремизмга қарши курашиш Конвенцияси. 2019 йил 10 майда кучга кирган.

1. 2005 йил 26 октябрда имзоланган Шанхай ҳамкорлик ташкилоти доирасида банклараро ҳамкорлик (бирлашма) тўғрисида Битим. Имзоланган санадан бошлаб кучга кирган.

2. 2006 йил 15 июнда имзоланган Шанхай ҳамкорлик ташкилотининг Минтақавий антитеррористик тузилмасида ахборотни техникавий муҳофаза қилиш тўғрисида Битим. 2015 йил 5 сентябрда кучга кирган.

3. 2005 йил 26 октябрда имзоланган Шанхай ҳамкорлик ташкилотига аъзо-давлатлар ҳукуматлари ўртасида фавқулодда вазиятларни бартараф этишга кўмаклашишда ўзаро ҳамкорлик тўғрисида Битим. 2007 йил 24 июлда кучга кирган.

4. 2006 йил 15 июнда имзоланган Шанхай ҳамкорлик ташкилотига аъзо-давлатлар ҳукуматлари ўртасида таълим соҳасида ҳамкорлик қилиш тўғрисида Битим. 2008 йил 30 январда кучга кирган.

5. 2007 йил 27 июнда имзоланган Шанхай ҳамкорлик ташкилотига аъзо-давлатлар ўртасида ҳамкорликдаги ҳарбий ўқувларни ўтказиш тўғрисида Битим. 2018 йил 8 августда кучга кирган.

6. 2007 йил 16 августда имзоланган Шанхай ҳамкорлик ташкилотига аъзо-давлатлар ҳукуматлари ўртасида маданият соҳасида ҳамкорлик қилиш тўғрисида Битим. 2014 йил 24 апрелда кучга кирган.

7. 2007 йил 2 ноябрда имзоланган Шанхай ҳамкорлик ташкилотига аъзо-давлатлар ҳукуматлари ўртасида божхона ишларида ҳамкорлик қилиш ва ўзаро ёрдам тўғрисида Битим. 2014 йил 24 апрелда кучга кирган.

8. 2007 йил 16 августда имзоланган Шанхай ҳамкорлик ташкилотига аъзо-давлатларнинг узоқ муддатли аҳил қўшничилиги, дўстлиги ва ҳамкорлиги тўғрисида Шартнома. 2012 йил 31 октябрда кучга кирган.

9. 2008 йил 28 августда имзоланган Шанхай ҳамкорлик ташкилотига аъзо-давлатлар ҳукуматлари ўртасида қуроллар, ўқ-дорилар ва портловчи моддаларнинг ноқонуний айланишига қарши курашда ҳамкорлик тўғрисида Битим. 2010 йил 3 майда кучга кирган.

10. 2008 йил 30 октябрда имзоланган Шанхай ҳамкорлик ташкилотига аъзо-давлатларининг божхона хизмати органлари ўртасида энергия ресурсларининг ҳаракати устидан назорат қилиш соҳасида ахборот алмашинуви тўғрисида Баённома. Имзоланган санадан бошлаб кучга кирган.

11. 2009 йил 14 октябрда имзоланган Шанхай ҳамкорлик ташкилотига аъзо-давлатларининг божхона хизмати органлари ўртасида божхона органлари мансабдор шахсларини тайёрлаш ва малакасини ошириш соҳасида ҳамкорлик қилиши тўғрисида Баённома. 2017 йил 3 ноябрда кучга кирган.

12. 2010 йил 11 июнда имзоланган Шанхай ҳамкорлик ташкилотига аъзо-давлатлар ҳукуматлари ўртасида жиноятчиликка қарши курашда ҳамкорлик қилиш тўғрисида Битим. 2012 йил 11 январда кучга кирган.

13. 2010 йил 11 июнда имзоланган Шанхай ҳамкорлик ташкилотига аъзо-давлатлар ҳукуматлари ўртасида қишлоқ хўжалиги соҳасида ҳамкорлик қилиш тўғрисида Битим. 2014 йил 15 августда кучга кирган.

14. 2011 йил 15 июнда имзоланган Шанхай ҳамкорлик ташкилотига аъзо-давлатлар ҳукуматлари ўртасида соғлиқни сақлаш соҳасида ҳамкорлик қилиш тўғрисида Битим. 2020 йил 14 майда кучга кирган.

15. 2014 йил 15 декабрда имзоланган Шанхай ҳамкорлик ташкилотига аъзо-давлатлар божхона хизматларининг ҳуқуқни муҳофаза қилиш соҳасида ҳамкорлик қилиши тўғрисида Баённома. 2017 йил 9 январда кучга кирган.

16. 2012 йил 5 декабрда имзоланган 2005 йил 26 октябрдаги Шанхай ҳамкорлик ташкилотига аъзо-давлатлар ҳукуматлари ўртасида фавқулодда вазиятларни бартараф этишга кўмаклашишда ўзаро ҳамкорлик тўғрисида Битимга Баённома. 2015 йил 14 мартда кучга кирган.

17. 2013 йил 13 сентябрда имзоланган Шанхай ҳамкорлик ташкилотига аъзо-давлатлар ҳукуматлари ўртасида илмий-техникавий ҳамкорлик тўғрисида Битим. 2015 йил 20 октябрда кучга кирган.

18. 2015 йил 18 августда имзоланган Шанхай ҳамкорлик ташкилотига аъзо-давлатлар адлия вазирликлари ўртасида ҳамкорлик қилиш тўғрисида Битим. Имзоланган санадан бошлаб кучга кирган.

19. 2015 йил 10 июлда имзоланган Шанхай ҳамкорлик ташкилотига аъзо-давлатларнинг чегара масалалари бўйича ҳамкорлиги ва баҳамжиҳат ҳаракат қилиши тўғрисида Битим. 2016 йил 29 октябрда кучга кирган.

20. 2018 йил 24 апрелда имзоланган Шанхай ҳамкорлик ташкилотига аъзо-давлатлар мудофаа вазирликлари ўртасида ҳамкорлик қилиш тўғрисида Битим. Имзоланган санадан бошлаб кучга кирган.

21. 2019 йил 29 апрелда имзоланган 2007 йил 27 июндаги Шанхай ҳамкорлик ташкилотига аъзо-давлатлар ўртасида ҳамкорликдаги ҳарбий ўқувларни ўтказиш тўғрисида Битимга қўшимчалар киритиш ҳақида Баённома. 2021 йил 7 июнда кучга кирган.

22. 2019 йил 14 июнда имзоланган Шанхай ҳамкорлик ташкилотига аъзо-давлатлар ваколатли идоралари ўртасида жисмоний тарбия ва спорт соҳасида ҳамкорлик қилиш тўғрисида Битим. Имзоланган санадан бошлаб кучга кирган.

23. 2019 йил 14 июнда имзоланган Шанхай ҳамкорлик ташкилотига аъзо-давлатлар ҳукуматлари ўртасида оммавий ахборот воситалари соҳасида ҳамкорлик тўғрисида Битим. 2021 йил 28 ноябрда кучга кирган.

24. 2021 йил 17 сентябрда имзоланган Шанхай ҳамкорлик ташкилотига аъзо-давлатлар ваколатли идоралари ўртасида ёшлар билан ишлаш соҳасида ҳамкорлик қилиш тўғрисида Битим. Имзоланган санадан бошлаб кучга кирган.

25. 2021 йил 17 сентябрда имзоланган Шанхай ҳамкорлик ташкилотига аъзо-давлатлар ҳукуматлари ўртасида маданий мерос объектларини муҳофаза қилиш соҳасида ҳамкорлик қилиш тўғрисида Битим. Имзоланган санадан бошлаб кучга кирган.

26. 2022 йил 16 сентябрда имзоланган Шанхай ҳамкорлик ташкилотига аъзо-давлатлар ваколатли идоралари ўртасида ўсимликлар карантини соҳасида ҳамкорлик қилиш тўғрисида Битим. Имзоланган санадан бошлаб кучга кирган.