Терроризм, сепаратизм ва экстремизмга қарши курашиш тўғрисидаги 2001 йил 15 июндаги Шанхай конвенциясининг аъзолари ҳисобланган Шанхай Ҳамкорлик Ташкилотига аъзо давлатлар — кейинги ўринларда Томонлар,

Шанхай Ҳамкорлик Ташкилотига аъзо давлатлар ўртасидаги 2002 йил 7 июндаги Минтақавий аксилтеррористик тузилма ҳақидаги Келишувга таянган ҳолда,

Шанхай Ҳамкорлик Ташкилотин Минтақавий антитеррор тузилмаси (кейинги ўринларда — Минтақавий аксилтеррористик тузилма)ни самарали фаолият олиб бориши учун тегишли шароитларни таъминлашга уринган ҳолда,

қуйидагилар тўғрисида келишиб олинди:

1. Томонлар махсус ваколатли органларининг ахборот алмашинувини таъминлаш ва унинг даражасини ошириш шунингдек, Томонларни Минтақавий аксилтеррористик тузилма ваколатига тегишли бўлган масалалар бўйича маълумотлар билан таъминлаш мақсадида Шанхай Ҳамкорлик Ташкилоти Минтақавий аксилтеррор тузилмасининг Ижроия қўмитаси (кейинги ўринларда — Ижроия қўмитаси)да Минтақавий аксилтеррор тузилманинг маълумотлар банки (кейинги ўринларда — маълумотлар банки)ни ташкил этадилар ва ундаги мавжуд маълумотлардан фойдаланадилар.

2. Маълумотлар банки ўз фаолиятини ҳисоблаш техникаси воситаларидан фойдаланган ҳолда, шунингдек, қаттиқ (қоғоз) ва бошқа ташувчиларда ҳужжатли материалларни тўплаш йўли билан автоматлаштирилган маълумотлар тизими асосида олиб боради.

1. Томонлар маълумотлар банки фаолиятига тегишли масалалар бўйича ўзаро ҳамкорликни амалга оширувчи махсус ваколатли органларини белгилайдилар ва мазкур Келишув кучга кириши учун зарур бўлган давлат ички тартиб-таомилларини бажарганидан кейин 60 кун ичида Ижроия қўмитани ёзма шаклда бундан хабардор этадилар.

2. Махсус ваколатли орган алмаштирилган ҳолатда, бу ҳақида Ижроия қўмитага 10 кунлик муддат ичида ёзма шаклда хабарнома жўнатилади.

3. Маълумотлар банкидаги мавжуд маълумотлар махфий ва номахфийга ажратилади.

4. Махфий маълумотлардан фойдаланиш ҳуқуқи Шанхай Ҳамкорлик Ташкилотининг Минтақавий аксилтеррор тузилмасида махфий ахборотларни ҳимоя қилиш тўғрисидаги Келишув иштирокчилари бўлган Томонларга берилади.

5. Маълумотлар банки тузилмаси, номахфий маълумотлар билан ишлаш ва улардан фойдаланиш тартиби Минтақавий аксилтеррор тузилма Кенгаши томонидан белгиланади.

6. Маълумотлар банкидаги мавжуд маълумотларни техник ҳимоялашга тегишли масалалар алоҳида Келишув билан тартибга солинади.

1. Маълумотлар банки Минтақавий антитеррористик тузилма ваколатига тегишли бўлган Томонларнинг ваколатли органларидан келиб тушадиган шунингдек, Шанхай Ҳамкорлик Ташкилоти органлари ва бошқа манбалардан, жумладан, оммавий ахборот воситалари, босма нашрлар, телекоммуникация тизимлари ҳамда Халқаро Интернет компьютер тармоқларидан олинадиган маълумотлардан шакллантирилади.

2. Маълумотлар банкида қуйидаги маълумотлар тўпланади:

халқаро террористик, сепаратистик ва экстремистик ташкилотлар, уларнинг тузилмаси, фаолияти шакллари ҳамда методлари, ушбу ташкилотларнинг етакчилари ва алоқадор шахслар, шунингдек, наркотик воситалари, психотроп моддалари ва уларнинг прекурсорлари ноқонуний айланмасини қўшиб ҳисоблаганда, ушбу ташкилотларни молиялаштирувчи манбалар ва каналлар тўғрисида;

терроризм, сепаратизм ва экстремизм ҳолати, ривожланиши ҳамда тенденциялари тўғрисида;

террористик, сепаратистик ва экстремистик ташкилотларни қўллаб-қувватловчи ташкилотлар ҳамда шахслар тўғрисида;

терроризм, сепаратизм ва экстремизмга қарши курашиш бўйича чора-тадбирлар тўғрисида;

Томонларнинг миллий қонунчилиги, жумладан, Минтақавий аксилтеррор тузилма билан ўзаро ҳамкорликни амалга оширувчи ваколатли органларни тартибга солувчи фаолият тўғрисида;

содир этилган террористик ҳаракатлар, уларни амалга ошириш шакллари ва методлари тўғрисида;

террористик ҳаракатларни содир этишда фойдаланилган портлатувчи ускуналар (портлатувчи материалларнинг таркиблари), қуроллар, ўқ-дорилар, заҳарловчи ва бошқа моддалар тўғрисида;

1. Ижроия қўмита маълумотлар базаси учун ахборотлар олиш мақсадида ваколатли органларнинг ҳар қайсиниси, шунингдек, ўз шахсий ташаббусига кўра ҳам бир ёки бир неча махсус ваколатли органларга талабнома юбориши мумкин.

2. Ижроия қўмита махсус ваколатли органларнинг тегишли талабномасига кўра, маълумотлар банкидаги мавжуд зарур ахборотни 30 кун ичида тақдим этади.

3. Ижроия қўмита ҳар чоракда маълумотлар банкидаги мавжуд маълумотлар тўғрисидаги ахборотлар ва материаллар реестрини махсус ваколатли органларга юборади.

4. Ижроия қўмитанинг маълумотларни тақдим этиш ҳақидаги талабномаларни бажариш тартиби, бажарувчи Томоннинг миллий қонунчилигига кўра амалга оширилади. Талабномаларни бажариш муддати 30 кундан ошмаслиги зарур.

5. Талабномалар мазкур Келишувнинг 7-моддасида белгиланган тилларда бажарилади.

6. Махсус ваколатли органлар маълумотлар келиб тушишига кўра банкка юборади ва уларнинг тўлиқлилиги ҳамда ишончлилигини максимал даражада таъминлайди. Тақдим этилаётган маълумотлардан махсус ваколатли органлар Томонларнинг ва Минтақавий аксилтеррор тузилманинг манфаатларига зиён етказмаган ҳолда фойдаланади.

Маълумотлар банки фаолиятини юритиши учун Ижроия қўмитаси ташкилий-техник таъминотни амалга оширади, жумладан:

маълумотлар банкини бошқариш ва ундан фойдаланишни;

Минтақавий аксилтеррор тузилма Кенгаши томонидан тасдиқланадиган маълумотлар банкидан фойдаланиш йўриқномасини ишлаб чиқиш ва унинг талабларини бажариш, фойдаланиш, маълумотлар банки учун ахборот ташувчилар билан ишлаш ҳамда маълумотларни ҳимоя қилишни;

маълумотлар банки доирасида ахборотларни ҳимоя қилиш ва ахборот алмашинувни.

Маълумотлар банкини ташкил этиш, фаолиятини таъминлаш, ривожлантириш, шунингдек, банкдаги мавжуд маълумотларни ҳимоя қилиш бўйича чора-тадбирларни амалга оширилиши билан боғлиқ сарф-харажатлар Шанхай Ҳамкорлик Ташкилоти Минтақавий аксилтеррор тузилмасининг фаолияти учун ажратилган маблағ ҳисобидан амалга оширилади.

Маълумотлар банки рус ва хитой тилларида шакллантирилиши мумкин.

Томонларнинг розилиги билан мазкур Келишувга баённомалар билан расмийлаштириладиган ва мазкур Келишувнинг ажралмас қисми ҳисобланадиган ўзгартишлар киритилиши мумкин, улар мазкур Келишувнинг 10-моддасида белгиланган тартибда кучга киради.

Мазкур Келишувни изоҳлаш ва амалга татбиқ этишда юзага келадиган баҳс-мунозарали масалалар манфаатдор Томонлар ўртасида консультация ҳамда музокаралар ўтказиш йўли билан ҳал этилади.

1. Мазкур Келишув ноаниқ муддатга тузилиб ва депозитарий Томонлардан мазкур Келишувни кучга кириши учун зарур бўлган ички давлат процедураларини бажарганликлари ҳақидаги тўртинчи хабарномани ёзма шаклда қабул қилган кундан бошлаб 30-кундан кейин кучга киради.

2. Мазкур Келишув депозитарийси Шанхай Ҳамкорлик Ташкилоти Котибияти ҳисобланади ва у Томонларга Келишувнинг тасдиқланган нусхасини жўнатади.

3. Мазкур Келишув 2001 йил 15 июндаги Терроризм, сепаратизм ва экстремизмга қарши курашиш ҳақидаги Шанхай конвенциясининг иштирокчи давлатлар қўшилишлари учун очиқ.

Бирлашувчи давлатлар учун мазкур Келишув депозитарий томонидан унинг бирлашиши ҳақидаги ҳужжат олингандан бошлаб 30-кун кучга киради.

4. Томонлар Шанхай Ҳамкорлик Ташкилотига аъзо давлатлар ҳисобланар экан, мазкур Келишув уларнинг ҳар қайсиси учун кучга эга бўлиб қолади.

Мазкур Келишув 2004 йил 17 июнда Тошкент шаҳрида, рус ва хитой тилларида ҳар бирининг матни бир хил кучга эга бўлган бир асл нусхада тузилди.