Ўзбекистон Республикасининг Солиқ кодекси, Ўзбекистон Республикаси Президентининг 2021 йил 23 мартдаги ПФ-6191-сон «Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида»ги Фармони ва 2021 йил 22 октябрдаги ПҚ-5263-сон «Норматив-ҳуқуқий ҳужжатлар ва уларнинг лойиҳаларини коррупцияга қарши экспертизадан ўтказишни янада такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Молия вазирлиги ва Давлат солиқ қўмитаси қарор қилади:

1. Ўзбекистон Республикаси Молия вазирлиги ва Давлат солиқ қўмитасининг 2010 йил 24 мартдаги 24 ва 2010-15-сон «Ўзбекистон Республикаси олий ўқув юртларида таълим олиш учун йўналтириладиган маблағларга жисмоний шахслардан олинадиган даромад солиғи бўйича имтиёзни қўллаш тартиби тўғрисидаги низомни тасдиқлаш ҳақида»ги қарорига (рўйхат рақами 2107, 2010 йил 27 май) (Ўзбекистон Республикаси қонун ҳужжатлари тўплами, 2010 й., 21-сон, 169-модда) иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

1. Номи ва 1-банддаги «Ўзбекистон Республикаси олий ўқув юртларида» деган сўзлар «Ўзбекистон Республикасининг профессионал ва олий таълим ташкилотларида» деган сўзлар билан алмаштирилсин.

2. Муқаддима қуйидаги таҳрирда баён этилсин:

«Ўзбекистон Республикасининг Солиқ кодекси ва Ўзбекистон Республикасининг «Давлат солиқ хизмати тўғрисида»ги Қонунининг 7-моддасига мувофиқ Ўзбекистон Республикаси Молия вазирлиги ва Давлат солиқ қўмитаси қарор қилади:».

3. Низомда:

а) номидаги «Ўзбекистон Республикаси олий ўқув юртларида» деган сўзлар «Ўзбекистон Республикасининг профессионал ва олий таълим ташкилотларида» деган сўзлар билан алмаштирилсин;

б) 1 — 3-бандлар қуйидаги таҳрирда баён этилсин:

«1. Ўзбекистон Республикасининг Солиқ кодексига мувофиқ 2010 йил 1 январдан бошлаб фуқароларнинг солиқ солинадиган иш ҳақи ва бошқа даромадларининг Ўзбекистон Республикасининг профессионал ва олий таълим ташкилотларида таълим олишга (ўзининг, шунингдек, йигирма олти ёшга тўлмаган фарзандларининг ёки эрининг (хотинининг) таълим олиши учун) йўналтириладиган тўловларига жисмоний шахслардан олинадиган даромад солиғи солинмайди.

2. Ушбу Низомнинг 1-бандида назарда тутилган жисмоний шахслардан олинадиган даромад солиғи бўйича имтиёз жисмоний шахсларнинг солиқ солинадиган даромадларини Ўзбекистон Республикасининг профессионал ва олий таълим ташкилотларида ўзининг, шунингдек, йигирма олти ёшга тўлмаган фарзандларининг ёки эрининг (хотинининг) ўқиши учун йўналтириладиган тўловларига (кейинги ўринларда ўқиш учун тўлов деб юритилади) камайтириш (кейинги ўринларда солиқ чегирмаси деб юритилади) кўринишида берилади.

3. Ушбу Низом мақсадларида олий таълим ташкилоти деганда олий таълимнинг таълим дастурларини (бакалавриат ва магистратура) амалга оширадиган, Ўзбекистон Республикаси Вазирлар Маҳкамаси томонидан белгиланган тартибда ташкил этилган, ўз Устави ва Олий таълим тўғрисидаги низом (рўйхат рақами 1222, 2002 йил 22 февраль) асосида фаолият юритувчи юридик шахс тушунилади.

Профессионал таълим ташкилоти деганда Ўзбекистон Республикасининг «Таълим тўғрисида»ги Қонуни ва Ўзбекистон Республикаси Вазирлар Маҳкамасининг 2020 йил 7 августдаги 466-сон қарори билан тасдиқланган Ўзбекистон Республикасида узлуксиз бошланғич, ўрта ва ўрта махсус профессионал таълим тўғрисидаги низом асосида фаолият юритувчи ташкилот тушунилади.»;

в) 4-банднинг учинчи хатбошиси «таълим кредитлари» деган сўзлардан кейин «(фоизлари билан)» деган сўзлар билан тўлдирилсин;

г) 5-банд қуйидаги таҳрирда баён этилсин:

«5. Ўзининг, фарзандларининг ёки эрининг (хотинининг) ўқиши учун тўланганда солиқ чегирмаси жисмоний шахс — таълим олувчига, шунингдек, агар ўқиш учун тўлов таълим олувчи йигирма олти ёшга тўлгунига қадар амалга оширилган бўлса унинг ота-оналарига ва (ёки) хотинига (эрига) берилади.»;

д) 7-банддаги «олий ўқув юрти» деган сўзлар «профессионал ва олий таълим ташкилотлари» деган сўзлар билан алмаштирилсин;

е) 10-банднинг учинчи хатбошиси қуйидаги таҳрирда баён этилсин:

«Ўзбекистон Республикасининг профессионал ва олий таълим ташкилотларига ёки тижорат банкига олинган таълим кредитини (фоизлари билан) қоплаш эвазига иш берувчи томонидан ўтказиб бериладиган жисмоний шахснинг солиқ солинадиган иш ҳақи ва бошқа даромадлари.»;

ж) 11-бандда:

биринчи хатбошидаги «кредитни қоплашга» деган сўзлардан кейин «(фоизлари билан)» деган сўзлар билан тўлдирилсин;

иккинчи хатбошидаги «Ўзбекистон Республикаси олий ўқув юрти» деган сўзлар «Ўзбекистон Республикасининг профессионал ёки олий таълим ташкилотлари» деган сўзлар билан алмаштирилсин;

тўртинчи хатбоши чиқариб ташлансин;

з) 13-банддаги «189-моддасида» деган сўзлар «393-моддасида» деган сўзлар билан алмаштирилсин;

и) 15-банднинг биринчи хатбошисидаги «Олий ўқув юртлари ва» деган сўзлар «Профессионал ва олий таълим ташкилотлари ҳамда» деган сўзлар билан алмаштирилсин;

к) 16 — 18-бандлар қуйидаги таҳрирда баён этилсин:

«16. Ўзбекистон Республикасининг профессионал ва олий таълим ташкилотларида ўқиш учун тўлов жисмоний шахс томонидан мустақил равишда (нақд пул ҳисобига, жисмоний шахсларнинг банклардаги омонат ва бошқа ҳисоб рақамларидан ёки пластик карталардан фойдаланган ҳолда) амалга оширилганда, солиқ чегирмаси Ўзбекистон Республикаси Солиқ кодексининг 396 — 398-моддаларида назарда тутилган тартибда давлат солиқ хизмати органларига жисмоний шахснинг жами йиллик даромади тўғрисидаги декларацияни топшириш йўли орқали берилиши мумкин. Бунда, солиқ чегирмаси Ўзбекистон Республикасининг профессионал ва олий таълим ташкилотларида таълим олиш учун ҳақиқатда амалга оширилган харажатлар суммасига, солиқ даври учун кўрсатилган жисмоний шахснинг жами йиллик даромади миқдорида берилади.

17. Солиқ чегирмасига бўлган ҳуқуқни тасдиқлаш учун жисмоний шахс қуйидагиларни тақдим этади:

талаба (талабалар) билан Ўзбекистон Республикасининг профессионал ёки олий таълим ташкилотлари ўртасида тўловли-контракт асосида ўқитиш тўғрисида тузилган шартнома (шартномалар) нусхаси;

тижорат банки билан таълим кредитини олиш учун тузилган шартнома (шартномалар) нусхаси;

Ўзбекистон Республикасининг профессионал ва олий таълим ташкилотлари ҳисоб рақамига (таълим кредитини (фоизлари билан) қоплаганда тижорат банки ҳисоб рақамига) пул маблағларини мустақил тўлаганлигини тасдиқловчи ҳужжатлар нусхаси.

18. Агар солиқ чегирмаси суммаси жами йиллик даромади тўғрисидаги декларацияни тақдим этган жисмоний шахснинг жами йиллик даромади суммасидан ортиқ бўлса, қолган суммага солиқ чегирмаси уни олиш ҳуқуқига эга бўлган бошқа жисмоний шахсларга берилади.

Давлат солиқ хизмати органлари ўзларида мавжуд маълумотлар ва тақдим этилган ҳужжатлар асосида мустақил равишда солиқ чегирмасини олиш ҳуқуқига эга бўлган бошқа жисмоний шахслар томонидан солиқ чегирмаси кўринишидаги имтиёз суммаси қўлланилганлигини аниқлайдилар.»;

л) 1 ва 2-иловалар мазкур ўзгартириш ва қўшимчаларнинг 1 ва 2-иловаларига мувофиқ таҳрирда баён этилсин.