Ўзбекистон Республикаси Олий Мажлиси қарор қилади:

Ўзбекистон Республикасининг қуйидаги қонун ҳужжатларига ўзгартишлар ва қўшимчалар киритилсин:

I. Ўзбекистон Республикасининг 1991 йил 15 февралда қабул қилинган «Ўзбекистон Республикасидаги корхоналар тўғрисида»ги Қонуни (Ўзбекистон Республикаси Олий Кенгашининг Ахборотномаси, 1991 йил, № 4, 78-модда; 1993 йил, № 6, 246-модда; 1994 йил, № 11-12, 285-модда; Ўзбекистон Республикаси Олий Мажлисининг Ахборотномаси, 1995 йил, № 9, 193-модда; 1997 йил, № 2, 56-модда; № 4-5, 126-модда) 24-моддасининг 3-бандида:

«бошқа жойдаги банкда эса шу банкнинг розилиги билан» деган сўзлар чиқариб ташлансин;

қуйидаги мазмундаги хатбоши билан тўлдирилсин:

«ҳар бир корхона (ташкилот) ўзи танлаган банкнинг фақат битта муассасасида сўмдаги ва валютадаги ҳисоб-китоб (жорий) ҳисобварақларига эга бўлиши мумкин. Бунда Ўзбекистон Республикаси ҳудудида тузилган чет эл инвестициялари иштирокидаги корхоналар ўз танлови бўйича битта ёки бир нечта банкда сўмлар ва чет эл валютасида талаб қилиб олгунча сақланадиган депозит ҳисобварақларига эга бўлишга ҳақли».

III. Ўзбекистон Республикаси Олий Кенгашининг 1992 йил 14 январдаги қарори билан тасдиқланган «Мулкчиликнинг барча шаклидаги корхоналар (ташкилотлар), шу жумладан, чет эл корхоналари ва қўшма корхоналар фақат махсус рухсатнома (лицензия) асосидагина шуғулланишга ҳақли бўлган фаолият турларининг рўйхати» (Ўзбекистон Республикаси Олий Кенгашининг Ахборотномаси, 1992 йил, № 4, 182-модда; 1994 йил № 4, 109-модда, № 5, 143-модда, № 8-9, 244-модда, № 10, 258-модда; Ўзбекистон Республикаси Олий Мажлисининг Ахборотномаси, 1996 йил, № 9, 144-модда; 1997 йил, № 2, 56-модда):

1) қуйидаги мазмундаги хатбоши билан тўлдирилсин:

«Ичимлик спирт, ароқ ҳамда бошқа алкоголли маҳсулотлар ишлаб чиқариш»;

2) «Фуқаролар ва юридик шахсларга ҳуқуқий ёрдам кўрсатиш билан боғлиқ ишларни амалга ошириш» деган сўзлар чиқариб ташлансин.

IV. Ўзбекистон Республикасининг 1992 йил 3 июлда қабул қилинган «Деҳқон хўжалиги тўғрисида»ги Қонунига (Ўзбекистон Республикаси Олий Кенгашининг Ахборотномаси, 1992 йил, № 10, 403-модда):

1) 1-модданинг 6-бандидаги «жамоа ва давлат хўжаликлари» деган сўзлар «жамоа хўжаликлар ва бошқа қишлоқ хўжалик корхоналари» деган сўзлар билан алмаштирилсин;

2) 3-модданинг:

1-бандида «Давлат хўжаликлари ва ўзга» деган сўзлар чиқариб ташлансин;

3-бандида «Давлат хўжалиги ноҳия ҳокими томонидан рўйхатдан ўтгач, юридик шахс мақомига эга бўлади» деган сўзлар «Деҳқон хўжалигининг устави туман ҳокими томонидан рўйхатдан ўтказилганидан кейин деҳқон хўжалиги юридик шахс мақомига эга бўлади» деган сўзлар билан алмаштирилсин;

4-бандида «халқ депутатлари қишлоқ (посёлка) Кенгаши» деган сўзлар «фуқароларнинг ўзини ўзи бошқариш органлари» деган сўзлар билан алмаштирилсин.

3) 5-модданинг:

6-бандида «халқ депутатлари қишлоқ (посёлка) Кенгаши» деган сўзлар «фуқароларнинг ўзини ўзи бошқариш органлари» деган сўзлар билан алмаштирилсин;

7-бандида «Халқ депутатлари қишлоқ (посёлка) Кенгаши ер ажратиш тўғрисидаги аризани 15 кунлик муддат ичида қараб чиқади» деган сўзлар «Фуқароларнинг ўзини ўзи бошқариш органлари ер ажратиш тўғрисидаги аризани 15 кунлик муддат ичида кўриб чиқади» деган сўзлар билан алмаштирилсин;

8-бандида «Деҳқонлар иттифоқи, касаба уюшмаси, сув хўжалиги идоралари ва ер тузувчи хизматлар вакилларидан» деган сўзлар «Шахсий ёрдамчи хўжаликлар ва деҳқон хўжаликлар уюшмаси, касаба уюшмаси қишлоқ ва сув хўжалиги органлари вакилларидан» деган сўзлар билан алмаштирилсин;

4) 8-модданинг 2-банди қуйидаги таҳрирда баён қилинсин:

«Қишлоқ ва сув хўжалиги органлари билан деҳқон хўжаликлари ўртасидаги муносабатларга доир низолар суд томонидан ҳал этилади»;

5) 13-моддада:

1-бандининг иккинчи хатбошисидаги «Президенти ҳузуридаги» деган сўзлар чиқариб ташлансин.

6-бандининг иккинчи хатбошисидаги «халқ депутатлари қишлоқ (посёлка) Кенгашларининг раислари» деган сўзлар «Фуқаролар ўзини ўзи бошқариш органининг раиси» деган сўзлар билан алмаштирилсин;

6) 24-модданинг 1-банди «ҳокими томонидан» деган сўзлардан кейин «ушбу Қонуннинг 23-моддасида назарда тутилган асосларда» деган сўзлар билан тўлдирилсин.

V. Ўзбекистон Республикасининг 1992 йил 9 декабрда қабул қилинган «Давлат божи тўғрисида»ги Қонуни (Ўзбекистон Республикаси Олий Кенгашининг Ахборотномаси, 1993 йил, № 1, 22-модда; 1994 йил, № 5, 161-модда; Ўзбекистон Республикаси Олий Мажлисининг Ахборотномаси, 1996 йил, № 9, 144-модда; 1997 йил, № 2, 56-модда, № 4-5, 126-модда) 4-моддасининг 2-банди қуйидаги мазмундаги «о» ва «п» кичик бандлари билан тўлдирилсин:

«о) Ўзбекистон Республикаси Давлат мулкини бошқариш ва тадбиркорликни қўллаб-қувватлаш давлат қўмитаси ҳузуридаги Корхоналарнинг иқтисодий ночорлиги тўғрисидаги ишлар қўмитаси иқтисодий ночор корхоналар тўғрисидаги ишлар юзасидан;

п) Ўзагросуғурта давлат-акциядорлик-суғурта компанияси, унинг дирекцияси ва жойлардаги бўлимлари қишлоқ хўжалик корхоналари томонидан банк кредитларини тўламаслик хавфини ҳамда қишлоқ хўжалик маҳсулоти етиштириш, шунингдек, фьючерс контрактлар бўйича ишларни амалга ошириш учун олдиндан бериладиган маблағларнинг қайтарилишини суғурта қилиш шартномалари бўйича тўланган суғурта томони учун қишлоқ хўжалик корхоналаридан қарзни ундириш тўғрисидаги даъволар юзасидан».

VI. Ўзбекистон Республикасининг 1992 йил 9 декабрда қабул қилинган «Прокуратура тўғрисида»ги Қонунига (Ўзбекистон Республикаси Олий Кенгашининг Ахборотномаси, 1993 йил, № 1, 29-модда, № 6, 266-модда; Ўзбекистон Республикаси Олий Мажлисининг Ахборотномаси, 1996 йил, № 9, 141-модда; 1997 йил, № 2, 56-модда):

1) 3-модданинг олтинчи хатбошиси қуйидаги таҳрирда баён этилсин:

«ушлаб турилганларни, қамоққа олинганларни сақлаш жойларида, жиноий жазолар ва бошқа жиноят-ҳуқуқий таъсир чораларини ижро этиш вақтида қонунларга риоя этилиши устидан назорат қилиш»;

2) 4-бобнинг номи ва мазмуни қуйидаги таҳрирда баён этилсин:

Назорат предметини:

ушлаб турилганларни қамоққа олинганларни сақлаш жойларида, жиноий жазолар ва бошқа жиноят-ҳуқуқий таъсир чораларини ижро этувчи органлар ва муассасаларда шахсларни сақлаш қай даражада қонуний эканлиги;

ушлаб турилганларни қамоққа олинганларни сақлаш жойларида, жиноий жазолар ва бошқа жиноят-ҳуқуқий таъсир чоралари қўлланилган шахсларни сақлаш тартиби ва шароитлари ҳақидаги қонун ҳужжатларига қай даражада риоя этилаётганлиги;

ушлаб турилганлар, қамоққа олинганлар, маҳкумлар, шунингдек, бошқа жиноят-ҳуқуқий таъсир чоралари қўлланилган шахсларнинг қонунда белгиланган ҳуқуқлари ва мажбуриятларига риоя этилиши қай даражада таъминланаётганлиги;

жиноят-ижроия қонун ҳужжатларини қўллайдиган органлар ва муассасалар, мансабдор шахслар фаолиятида қонун ҳужжатларига қай даражада риоя этилаётганлиги ташкил этади.

Прокурор ушлаб турилганларни, қамоққа олинганларни сақлаш жойларида, жиноий жазолар ва бошқа жиноят-ҳуқуқий таъсир чораларини ижро этиш вақтида қонунларга риоя этилиши устидан назоратни амалга ошира бориб, ўз ваколатлари доирасида:

ушлаб турилганларни, қамоққа олинганларни сақлаш, қамоқ, интизомий қисмга жўнатиш, озодликдан маҳрум этиш тариқасидаги жазоларни ўташ жойларига, тиббий йўсиндаги мажбурлов чораларини ижро этувчи муассасалар ва вояга етмаганларнинг махсус ўқув-тарбия муассасаларига монеликсиз ва исталган вақтда кириш ҳамда биноларнинг ҳамма жойи билан танишишга;

шахсларни ушлаб туришга, қамоққа олишга, шунингдек уларга нисбатан жиноий жазо ёки бошқа жиноят-ҳуқуқий таъсир чоралари қўллашга асос бўлган ҳужжатлар билан танишишга;

ушлаб туриш, қамоқда сақлаш жойларида, қамоқ, интизомий қисмга жўнатиш, озодликдан маҳрум этиш тариқасидаги жазоларни ижро этиш муассасаларида, тиббий йўсиндаги мажбурий чораларини ижро этувчи муассасаларда ва вояга етмаганларнинг махсус ўқув-тарбия муассасаларида ноқонуний равишда сақлаб турилган шахсларни дарҳол озод қилишга;

башарти қамоқда сақланаётган, қамоқ, интизомий қисмга жўнатиш, озодликдан маҳрум этишга ҳукм қилинган шахсларга нисбатан қўлланилган интизомий жазо чоралари қонунга мувофиқ келмаса, бу чораларни бекор қилишга, ўз қарори билан бундай шахсларнинг интизомий бўлинмалардан дарҳол озод қилишга;

ушлаб турилганлар, қамоққа олинганлар, маҳкумлар ва бошқа жиноят-ҳуқуқий таъсир чораси қўлланилган шахсларни ушлаб туриш, қамоқда сақлаш, жазо ва бошқа жиноят-ҳуқуқий таъсир чораларини ижро этувчи органлар ҳамда муассасаларнинг вакиллари иштирокида ҳам, улардан ҳоли ҳолда ҳам сўраб-суриштиришга;

ушлаб туриш, қамоққа олиш, жазо ва бошқа жиноят-ҳуқуқий таъсир чораларини ижро этувчи органлар ва муассасалар маъмуриятларининг буйруқлари, фармойишлари ва қарорлари, оператив-қидирув тадбирлари қонунига қай даражада мувофиқлигини текширишга;

ушлаб турилганлар, қамоққа олинганлар, маҳкумлар ва бошқа жиноят-ҳуқуқий таъсир чоралари қўлланилган шахсларнинг ҳуқуқларини таъминлайдиган шароитлар яратилишини маъмуриятдан талаб қилишга;

ушбу Қонуннинг 25-29-моддаларида назарда тутилган ҳолларда ва тартибда протестлар келтириш, қарорлар чиқариш, тақдимномалар, амрномалар киритиш, ёзма равишда огоҳлантиришга ҳақлидир.

Прокурорнинг ушлаб турилганларни, қамоққа олинганларни сақлаш, жиноий жазолар ва бошқа жиноят-ҳуқуқий таъсир чораларини ижро этишнинг қонунда белгиланган тартиби ва шароитларига риоя этишга доир қарорлари ва талабларини ижро этиш мажбурийдир.

Прокурор ушлаб турилганлар, қамоққа олинганлар, маҳкумлар ва бошқа жиноят-ҳуқуқий таъсир чоралари қўлланилган шахсларнинг жазони ижро этувчи орган ёки муассаса маъмуриятига, бошқа давлат органларига, жамоат бирлашмаларига, мансабдор шахсларга шикоятлар ва аризалар билан мурожаат қилиш ҳуқуқлари тўғрисидаги қонун талабларига риоя этилиши устидан назоратни амалга оширади. Тушган шикоят ёки аризани прокурор белгиланган муддатда кўриб чиқади, зарур чора-тадбирлар кўради ва ўз қарори ҳақида аризачига маълум қилади».

VIII. Ўзбекистон Республикасининг 1993 йил 2 сентябрда қабул қилинган «Маҳаллий давлат ҳокимияти тўғрисида»ги Қонуни (Ўзбекистон Республикаси Олий Кенгашининг Ахборотномаси, 1993 йил, № 9, 320-модда) 2-моддасининг тўртинчи қисми қуйидаги таҳрирда баён этилсин:

«Вилоят ҳокими Ўзбекистон Республикаси Вазирлар Маҳкамаси билан келишилган ҳолда шаҳар ҳокимини туман (шаҳарлар таркибига кирувчи туманлардан ташқари) ҳокимига бўйсундириш ва ягона бошқарув органлари тузиш ваколатига эга. Бу хусусдаги қарор кейинчалик халқ депутатлари вилояти Кенгаши томонидан тасдиқланади».

IX. Ўзбекистон Республикасининг 1994 йил 2 майда қабул қилинган «Чет эл инвестициялари ва чет эллик инвесторлар фаолиятининг кафолатлари тўғрисида»ги Қонуни (Ўзбекистон Республикаси Олий Кенгашининг Ахборотномаси, 1994 йил, № 5, 128-модда, № 11-12, 1-285-модда; Ўзбекистон Республикаси Олий Мажлисининг Ахборотномаси, 1995 йил, № 6, 118-модда):

1) 4-моддаси:

биринчи қисмдаги «10» рақами «30» рақами билан алмаштирилсин;

қуйидаги мазмундаги учинчи қисм билан тўлдирилсин:

«Чет эл инвестиция иштирокидаги корхоналарнинг иштирочилари билан албатта чет эл юридик шахси бўлади»;

учинчи қисми тўртинчи қисм деб ҳисоблансин.

2) 28-модда қуйидаги мазмундаги иккинчи қисм билан тўлдирилсин:

«Давлат рўйхатидан ўтган санадан бошлаб белгиланган тартибда бир йил давомида ўз устав фондини таъсис ҳужжатларида назарда тутилган миқдорларда бўлишини таъминламаган чет эл инвестициялари иштирокидаги корхона ташкил этилмаган деб ҳисоблансин»;

иккинчи ва учинчи қисмлари тегишли равишда учинчи ва тўртинчи қисмлар деб ҳисоблансин.

X. Ўзбекистон Республикасининг 1994 йил 5 майда қабул қилинган «Банкротлик тўғрисида»ги Қонуни (Ўзбекистон Республикаси Олий Кенгашининг Ахборотномаси, 1996 йил, № 9, 144-модда):

1) 1-модданинг учинчи қисми «эълон қилингандан кейин» деган сўзлардан сўнг «ҳамда ушбу қарор корхоналарнинг иқтисодий ночорлиги (банкротлиги) тўғрисидаги ишлар бўйича ваколатли орган (бундан буён ваколатли орган) томонидан тасдиқлангач» деган сўзлар билан тўлдирилсин.

2) 6-модда:

иккинчи қисми «мол-мулкнинг эгаси» деган сўзлардан кейин «ҳамда ваколатли орган» деган сўзлар билан тўлдирилсин;

учинчи қисми қуйидаги таҳрирда баён этилсин:

«Ваколатли орган (хўжалик юритиш субъектининг мол-мулкида давлат мулкининг улуши бўлган ҳолларда) ёки ушбу хўжалик юритиш субъекти кредиторларидан бирининг хўжалик юритиш субъектининг ўзини ихтиёрий равишда тугатиш тўғрисидаги қарорига рози бўлмаслиги хўжалик юритиш субъекти банкрот бўлганлиги хусусида хўжалик судида ушбу Қонуннинг III бўлимида белгилаб қўйилган тартибда иш юритишни қўзғатишга сабаб бўлади»;

тўртинчи қисмнинг биринчи жумласи қуйидаги таҳрирда баён этилсин:

«Қарздор хўжалик юритиш субъекти ўзини ихтиёрий равишда тугатиш тўғрисидаги қарорини мазкур хўжалик юритиш субъектининг мулкдори ва ваколатли орган тасдиқлаган пайтдан эътиборан тугатилиш жараёнидаги хўжалик юритиш субъекти деб ҳисобланади»;

3) 7-модданинг биринчи қисмидаги «ёки кредиторнинг (кредиторларнинг) шунингдек, прокурорнинг» деган сўзлар «кредиторнинг (кредиторларнинг), прокурорнинг ёки ваколатли органнинг» деган сўзлар билан алмаштирилсин;

4) 9-модда қуйидаги мазмундаги иккинчи қисм билан тўлдирилсин:

«Хўжалик судига ариза бериш учун ваколатли органга материалларни бермаганлик ёки вақтида бермаганлик учун ваколатли орган хўжалик юритиш субъектининг раҳбарига ёки бошқа мансабдор шахсига эга кам иш ҳақининг бир бараваридан беш бараваригача миқдорида жарима солишга ҳақли»;

5) қонун қуйидаги мазмундаги 111-модда билан тўлдирилсин:

Мол-мулкида давлат мулкининг улуши бўлган хўжалик юритувчи субъектнинг банкротлиги тўғрисида иш юритишни қўзғатиш хусусида хўжалик судига ваколатли орган берган ариза ёзма шаклда тақдим этилиб, унга ушбу субъектнинг иқтисодий ночорлигини тасдиқловчи зарур ҳужжатлар илова қилинади»;

6) 12-модданинг биринчи қисми қуйидаги таҳрирда баён этилсин:

«Қарздорнинг, кредиторнинг (кредиторларнинг), прокурорнинг ёки ваколатли органнинг аризаси асосида хўжалик суди хўжалик юритиш субъектининг банкротлиги тўғрисида иш юритишни қўзғатади, бу хусусда ажрим чиқарилиб, у қарздорга, кредиторга (кредиторларга), прокурорга ва ваколатли органга, шунингдек жамоа шартномасини имзолаган орган орқали қарздорнинг меҳнат жамоасига йўлланади»;

7) 13-модда:

биринчи қисмидаги «давлат мулкини бошқаришга ваколатли органнинг» деган сўзлар «ваколатли органнинг» деган сўзлар билан алмаштирилсин;

иккинчи қисмидаги «мулкдор, кредитор» деган сўзлар «мулкдор, ваколатли орган, кредитор» деган сўзлар билан алмаштирилсин;

олтинчи қисми «агар қонун ҳужжатларида бошқача тартиб назарда тутилмаган бўлса» деган сўзлар билан тўлдирилсин;

ўнинчи қисмидаги «қарздор хўжалик юритиш субъекти меҳнат жамоаси» деган сўзлар «ваколатли орган» деган сўзлар билан алмаштирилсин;

8) 14-модда:

биринчи ва иккинчи қисмлардаги «давлат мулкини бошқаришга ваколатли тегишли орган, Давлат мулкини бошқаришга ваколатли орган» деган сўзлар тегишли равишда «тегишли ваколатли орган, Ваколатли орган» деган сўзлар билан алмаштирилсин;

учинчи ва тўртинчи қисмлар чиқариб ташлансин;

9) 21-модданинг биринчи қисми қуйидаги таҳрирда баён этилсин:

«Хўжалик суди хўжалик юритиш субъектининг банкрот бўлганлиги тўғрисида ҳал қилув қарори қабул қилган тақдирда ваколатли орган ишончли шахс бошчилигида тугатиш комиссиясини тузади».

10) 22-модданинг иккинчи қисмидаги «хўжалик суди» деган сўзлар «ваколатли орган» деган сўзлар билан алмаштирилсин.

11) 23-модда биринчи қисмининг еттинчи ва тўққизинчи хатбошиси чиқариб ташлансин;

12) 24-модда иккинчи қисмининг иккинчи хатбошисидаги «мол-мулк эгаси ёки шу мол-мулкни бошқаришга вакил қилинган орган» деган сўзлар «ваколатли орган» деган сўзлар билан алмаштирилсин;

13) 27-модда:

биринчи қисмидаги «бозор баҳоларидан» деган сўзлар «дастлаб белгиланадиган нархлардан» деган сўзлар билан алмаштирилсин;

иккинчи қисми чиқариб ташлансин;

14) 30-моддадаги «мол-мулк эгаси ёки шу мол-мулкни бошқаришга вакил қилинган органга, Мулк эгаси ёки шу мол-мулкни бошқаришга ваколатли орган» деган сўзлар тегишли равишда «ваколатли органга, Ваколатли орган» деган сўзлар билан алмаштирилсин.

XI. Ўзбекистон Республикасининг 1994 йил 22 сентябрда қабул қилинган Қонуни билан тасдиқланган Ўзбекистон Республикасининг Жиноят кодексига (Ўзбекистон Республикаси Олий Кенгашининг Ахборотномаси, 1995 йил, № 1, 3-модда; Ўзбекистон Республикаси Олий Мажлисининг Ахборотномаси, 1996 йил, № 9, 144-модда; 1997 йил, № 2, 56-модда):

1) 164-модда биринчи қисмининг диспозицияси қуйидаги таҳрирда баён этилсин:

«Босқинчилик, яъни ўзганинг мол-мулкини талон-торож қилиш мақсадида ҳужум қилиб, ҳаёт ёки соғлиқ учун хавфли бўлган зўрлик ишлатиб ёхуд шундай зўрлик ишлатиш билан қўрқитиб содир этилган бўлса,»;

2) 166-модда иккинчи қисмининг диспозицияси қуйидаги таҳрирда баён этилсин:

«Талончилик:

а) ҳаёт ва соғлиқ учун хавфли бўлмаган зўрлик ишлатиб ёхуд шундай зўрлик ишлатиш билан қўрқитиб;

б) анча миқдорда;

в) бир гуруҳ шахслар томонидан олдиндан тил бириктириб содир этилган бўлса».

XII. Ўзбекистон Республикасининг 1994 йил 22 сентябрда қабул қилинган Қонуни билан тасдиқланган Ўзбекистон Республикасининг Жиноят-процессуал кодексига (Ўзбекистон Республикаси Олий Кенгашининг Ахборотномаси, 1995 йил, № 2, 5-модда; Ўзбекистон Республикаси Олий Мажлисининг Ахборотномаси, 1995 йил, № 12, 269-модда; 1997 йил № 2, 56-модда):

1) 49-модданинг иккинчи қисмидаги «адвокатлар ҳайъатининг аъзолари» деган сўзлар «адвокатлар» деган сўз билан алмаштирилсин;

2) 50-модданинг учинчи қисмидаги, 304-модда иккинчи қисмининг 6-бандидаги, 320-модданинг еттинчи қисмидаги «юридик маслаҳатхонага», «томонидан юридик маслаҳатхонага«, «тегишли юридик маслаҳатхонага» деган сўзлар тегишинча «адвокатлар бюросига, ҳайъатига ёки фирмасига», «томонидан адвокатлар бюросига, ҳайъатига ёки фирмасига», «тегишли адвокатлар бюросига, ҳайъатига ёки фирмасига» деган сўзлар билан алмаштирилсин;

3) 51-модданинг учинчи қисмидаги «юридик маслаҳатхона мудири» деган сўзлар «адвокатлар бюроси, ҳайъати ёки фирмаси раҳбари» деган сўзлар билан алмаштирилсин;

4) 272-модданинг иккинчи қисмидаги «ҳайъати раёсатига» деган сўзлар «малака комиссиясига» деган сўзлар билан алмаштирилсин;

5) 389-модда қуйидаги мазмундаги бешинчи қисм билан тўлдирилсин;

«Ўзбекистон Республикаси Олий судининг Раиси, Қорақалпоғистон Республикаси Олий судининг Раиси, вилоятлар, Тошкент шаҳар судининг раислари, Қуролли Кучлар ҳарбий судининг раиси ушбу модданинг иккинчи қисмида назарда тутилган жиноят тўғрисидаги ишни, агар у мазмунан мураккаб бўлмаса, туман (шаҳар) судига, шунингдек гарнизон ҳарбий судига кўриш учун топширишга ҳақли»;

6) 412-модданинг бешинчи қисмидаги «ҳайъати раёсатига» деган сўзлар «малака комиссиясига» деган сўзлар билан алмаштирилсин;

7) 476-модданинг иккинчи қисмидаги «юридик маслаҳатхона мудирининг, юридик маслаҳатхона фойдасига» деган сўзлар «адвокатлар бюроси, ҳайъати ёки фирмаси раҳбарининг, адвокатлар бюроси, ҳайъати ёки фирмаси фойдасига» деган сўзлар билан алмаштирилсин.

XIII. Ўзбекистон Республикасининг 1994 йил 22 сентябрда қабул қилинган Қонуни билан тасдиқланган Ўзбекистон Республикасининг Маъмурий жавобгарлик тўғрисидаги кодексига (Ўзбекистон Республикаси Олий Кенгашининг Ахборотномаси, 1995 йил, № 3, 6-модда; Ўзбекистон Республикаси Олий Мажлисининг Ахборотномаси, 1995 йил, № 9, 193-модда, № 12, 269-модда; 1996 йил, № 5-6, 69-модда, № 9, 144-модда; 1997 йил, №2, 56-модда, № 4-5, 126-модда):

1) 85-модда қуйидаги таҳрирда баён этилсин:

Ифлослантирувчи моддаларни ва биологик организмларни йўл қўйиладиган нормативдан ортиқ даражада атмосфера ҳавосига чиқариб ташлаш; атмосфера ҳавосига йўл қўйиладиган энг юқори нормативдан ортиқ даражада зарарли физикавий таъсир кўрсатиш; махсус ваколат берилган давлат органларининг рухсатисиз атмосферага ифлослантирувчи моддалар ва биологик организмларни чиқариб ташлаш; қонун ҳужжатларига мувофиқ махсус ваколат берилган давлат органларининг рухсатини олиш талаб этиладиган ҳолларда бундай рухсатни олмай туриб атмосфера ҳавосига зарарли физикавий таъсир кўрсатиш, худди шунингдек ноқулай метеорологик шароит даврида атмосферанинг ифлосланганлик даражаси ортиб кетишига сабаб бўлувчи ифлослантирувчи моддалар ва биологик организмларни чиқариб ташлашни камайтириш чора-тадбирларини тўлиқ ҳажмда бажармаганлик; бундай моддаларни ёппасига чиқариб ташлашларнинг олдини олиш чора-тадбирларини амалга оширмаслик —

мансабдор шахсларга энг кам иш ҳақининг уч бараваридан етти бараваригача миқдорда жарима солишга сабаб бўлади.

Ишлаб чиқариш эҳтиёжлари учун атмосфера ҳавосидан белгиланган нормативлардан ортиқча фойдаланиш, худди шунингдек атмосфера ҳавосидан тасдиқланган нормативларсиз ёки махсус ваколат берилган давлат органларининг рухсатисиз фойдаланиш —

мансабдор шахсларга энг кам иш ҳақининг икки бараваридан беш бараваригача миқдорда жарима солишга сабаб бўлади»;

2) 87-модданинг биринчи қисми «фойдаланишга чиқариш» деган сўзлардан кейин «ёхуд ҳаракатланувчи воситалар ва қурилмаларни таъмирлаш ҳамда уларга техник хизмат кўрсатиш чоғида ишлатиб чиқарилган газлардаги ифлослантирувчи моддаларнинг таркиби ҳамда улар физикавий омилларининг зарарли таъсири тегишли нормативларга мувофиқлигини текшириш ва тартибга солиб туришни таъминламаслик» деган сўзлар билан тўлдирилсин;

3) Кодекс қуйидаги мазмундаги 89¹-модда билан тўлдирилсин:

Ишлатиш тақиқланган ва ишга яроқсиз бўлиб қолган кимёвий моддаларни тегишли рухсатномасиз, худди шунингдек рухсатномада кўрсатилган шартларни бузган ҳолда зарарсизлантириш —

мансабдор шахсларга энг кам иш ҳақининг бир бараваридан уч бараваригача миқдорда жарима солишга сабаб бўлади.

Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, —

мансабдор шахсларга энг кам иш ҳақининг уч бараваридан етти бараваригача миқдорда жарима солишга сабаб бўлади»;

4) 257-модданинг биринчи қисми қуйидаги таҳрирда баён этилсин:

«Давлат санитария назорати органларига ушбу Кодекснинг 53, 54, 55-моддаларида, 85-моддасида (атмосфера ҳавосига йўл қўйиладиган энг юқори нормативдан ортиқ даражада зарарли физикавий таъсир кўрсатганлик ва атмосфера ҳавосига биологик организмлар чиқариб ташлаганлик, шунингдек махсус ваколат берилган давлат органларининг рухсатисиз атмосфера ҳавосига зарарли физикавий таъсир кўрсатганлик ва атмосфера ҳавосига биологик организмлар чиқариб ташлаганлик учун, агар бу ҳуқуқбузарликлар санитария-гигиена қоидаларини бузиш бўлса), 86, 88, 89, 95-моддаларида (агар атмосфера ҳавосига физикавий таъсир кўрсатилган бўлса ва бу ҳуқуқбузарликлар санитария-гигиена қоидаларини бузиш бўлса), 87-моддасида (автомобиллар, самолётлар, кемалар ва бошқа ҳаракатланувчи воситалар ҳамда қурилмаларни ишлатиш пайтида шовқин даражаси белгиланган нормативдан ортиб кетганлиги учун), 96-моддасида (санитария-экологик экспертизаси қисмида), 178-моддасида (истеъмолчиларнинг ҳуқуқларини ҳимоя қилиш ҳақидаги қонун ҳужжатларини бузганлик қисмида) назарда тутилган маъмурий ҳуқуқбузарликлар тўғрисидаги ишлар тааллуқлидир»;

5) 261-модданинг биринчи қисми қуйидаги таҳрирда баён этилсин:

«Ўзбекистон Республикаси Табиатни муҳофаза қилиш давлат қўмитаси органларига ушбу Кодекснинг 63-моддасида, 65-моддасининг биринчи қисмида (қишлоқ хўжалиги учун мўлжалланган ерлар бундан мустасно), 65-моддасининг иккинчи қисмида, 68-моддасида (ҳисоботни бузиб кўрсатиш, ердан фойдаланганлик тўғрисида ахборот тақдим этишдан бош тортиш ёки нотўғри ахборот тақдим этиш бундан мустасно), 69-моддасида (қишлоқ хўжалиги учун мўлжалланган ерлар бундан мустасно), 70-моддасида, 71-моддасида (табиатни муҳофаза қилишга оид қисмида), 72-моддасида (термал сувларга доир қисми бундан мустасно), 73-моддасида, 74-моддасининг биринчи ва учинчи қисмларида, 75-моддасида (ирригация тармоқларидан олинадиган сувларни ҳисобга олиш бундан мустасно, шунингдек давлат сув кадастрини юритишнинг белгиланган тартибини бузганлик учун), 77, 78, 79, 80, 81, 82, 83, 84-моддаларида, 85-моддасида (санитария-гигиена қоидаларини бузиш деб ҳисобланувчи атмосфера ҳавосига зарарли физикавий таъсир кўрсатиш, биологик организмларни атмосфера ҳавосига чиқариб ташлаш бундан мустасно), 86, 87, 88, 89-моддаларида (атмосфера ҳавосига зарарли физикавий таъсир кўрсатиш бундан мустасно), 891-моддасида, 90-моддасининг биринчи қисмида, 91, 92, 93, 95-моддаларида, 96-моддасида (давлат экология экспертизаси қисмида), 148-моддасида (ажратилган минтақаларда ва ёғоч кўприклардан 100 метргача бўлган масофада олов ёққанлик, ёғоч кўприклар ва тахта тўшамали кўприкларда чекканлик учун маъмурий ҳуқуқбузарликлар тўғрисидаги ишлар бундан мустасно), 162-моддасида, 178-моддасида (истеъмолчиларнинг ҳуқуқларини ҳимоя қилиш тўғрисидаги қонун ҳужжатларини бузганлик қисмида), 214-моддасида (табиатни муҳофаза қилишга оид қисмида), 228-моддасида (табиатни муҳофаза қилиш тўғрисидаги қонун ҳужжатлари бузилганда муҳрлар (пломбалар) қўйилган ҳоллар) назарда тутилган маъмурий ҳуқуқбузарликлар тўғрисидаги ишлар тааллуқлидир».

XIV. Ўзбекистон Республикасининг 1996 йил 25 апрелда қабул қилинган «Банклар ва банк фаолияти тўғрисида»ги Қонунига (Ўзбекистон Республикаси Олий Мажлисининг Ахборотномаси, 1996 йил, № 5-6, 54-модда; 1997 йил № 2, 56-модда):

1) 7-модданинг учинчи қисмида «ва чет эл банкларига» деган сўзлар «шунингдек чет эл банклари ва хусусий банкларга» деган сўзлар билан алмаштирилсин;

2) 31-модданинг иккинчи қисми қуйидаги таҳрирда баён этилсин:

«Мижозлар ўзлари танлаган фақат битта банкда миллий ва чет эл валютасида талаб қилиб олгунча сақланадиган депозит ҳисобварақлар очишга ҳақли. Бунда Ўзбекистон Республикаси ҳудудида тузилган чет эл инвестициялари иштирокидаги корхоналар ўз танлови бўйича битта ёки бир нечта банкда сўмлар ва чет эл валютасида талаб қилиб олгунча сақланадиган депозит ҳисобварақларига эга бўлишга ҳақли».

XV. Ўзбекистон Республикасининг 1996 йил 29 августда қабул қилинган Қонуни билан тасдиқланган Ўзбекистон Республикасининг Фуқаролик кодекси (Ўзбекистон Республикаси Олий Мажлисининг Ахборотномаси, 1996 йил, № 11-12) 775-моддасининг иккинчи қисмидаги «ҳамда битта банк билан ҳам, шунингдек бир неча банк билан ҳам банк ҳисобварағи шартномалари тузишлари мумкин» деган сўзлар чиқариб ташлансин.

XVI. Ўзбекистон Республикасининг 1997 йил 24 апрелда қабул қилинган Қонуни билан тасдиқланган Ўзбекистон Республикасининг Солиқ кодекси (Ўзбекистон Республикаси Олий Мажлисининг Ахборотномаси, 1997 йил, 4-5-сонга илова) 31-моддасининг:

биринчи қисми қуйидаги мазмундаги 20-банд билан тўлдирилсин:

«20) хусусий тижорат банклари ташкил этилган пайтдан эътиборан икки йил муддатга, бўшатиб олинган маблағларни моддий-техника базасини мустаҳкамлашга ва инфраструктурани ривожлантиришга йўналтирган ҳолда»;

учинчи қисмидаги 17, 18 ва 19 рақамлари 17—20 рақамлари билан алмаштирилсин.