Ўзбекистон Республикаси Олий Мажлиси Қонунчилик палатасининг 2013 йил 20 ноябрдаги 744-II-сон “2014 йилда иш ўринлари ташкил этиш ва аҳоли бандлигини таъминлаш дастури тўғрисида”ги, Ўзбекистон Республикаси Олий Мажлиси Сенатининг 2013 йил 12 декабрдаги CҚ-401-II-сон “2014 йилда иш ўринлари ташкил этиш ва аҳоли бандлигини таъминлаш дастури тўғрисида”ги ҳамда Халқ депутатлари Тошкент вилояти Кенгашининг 2013 йил 23 ноябрдаги XXX/III-сон “2014 йилда иш ўринлари ташкил этиш ва аҳоли бандлигини таъминлаш дастури тўғрисида”ги қарорлари ижросини ҳамда 2014 йилда янги иш ўринлари ташкил этиш ва аҳоли бандлигини таъминлаш дастури бажарилишини таъминлаш мақсадида қарор қиламан:

1. Ўзбекистон Республикаси Олий Мажлиси Қонунчилик палатасининг 2013 йил 20 ноябрдаги 744-II-сон “2014 йилда иш ўринлари ташкил этиш ва аҳоли бандлигини таъминлаш дастури тўғрисида”ги, Ўзбекистон Республикаси Олий Мажлиси Сенатининг 2013 йил 12 декабрдаги CҚ-401-II-сон “2014 йилда иш ўринлари ташкил этиш ва аҳоли бандлигини таъминлаш дастури тўғрисида”ги ҳамда Халқ депутатлари Тошкент вилояти кенгашининг 2013 йил 23 ноябрдаги XXX/III-сон “2014 йилда иш ўринлари ташкил этиш ва аҳоли бандлигини таъминлаш дастури тўғрисида”ги қарорлари раҳбарлик ва ижро учун қабул қилинсин.

2. “2014 йилда янги иш ўринлари ташкил этиш ва аҳоли бандлигини таъминлаш тўғрисида”ги ҳудудий Дастурининг ижросини таъминлаш мақсадида тузилган ишчи комиссия аъзоларининг рўйхати 1-иловага, “2014 йилда янги иш ўринлари ташкил этиш ва аҳоли бандлигини таъминлаш тўғрисида”ги ҳудудий Дастури ижросини таъминлаш мақсадида тузилган ишчи комиссияси аъзоларининг асосий вазифалари 2-иловага мувофиқ тасдиқлансин.

3. Туман ишчи комиссияси:

“2014 йилда янги иш ўринлари ташкил этиш ва аҳоли бандлигини таъминлаш” ҳудудий Дастурининг прогноз параметрлари туманда самарали бажарилишини таъминласин, бунда кичик бизнесни ривожлантириш, якка тартибдаги тадбиркорликни, касаначиликни, оилавий тадбиркорликнинг барча шаклларини, ҳунармандчиликни ривожлантириш, фермер хўжаликларини кенгайтириш, ишлаб чиқариш, ижтимоий ва бозор инфратузилмасини ривожлантириш дастурларини рўёбга чиқариш ҳисобига кичик корхоналар, микрофирмалар ташкил этиш ва уларни кенгайтириш ҳамда хусусий тадбиркорликни ривожлантириш йўли билан иш ўринлари сонини кўпайтириш бўйича манзилли дастурни ишлаб чиқсин ва шакллантирсин;

“2014 йилда янги иш ўринлари ташкил этиш ва аҳоли бандлигини таъминлаш” ҳудудий дастурида белгиланган жами 5165 та янги иш ўринларининг режа-кўрсаткичлари белгиланган муддатларда бажарилиши ишчи гуруҳ томонидан қаттиқ назоратга олинсин.

4. Туман Статистика бўлими: (О. Тоиров)

Янгидан ташкил этилган иш ўринлари бўйича тезкор маълумотлар ва давлат статистика ҳисоботларининг ўзаро мувофиқлигини таъминлаш ҳамда уларнинг ҳаққонийлигини танлов асосида ўрганиш тўғрисидаги низомга (рўйхат рақами 2474, 2013 йил 27 июнь) (Ўзбекистон Республикаси қонун хужжатлари тўплами, 2013 й., 26-сон 345-модда) мувофиқ, дастурда назарда тутилган ташкилотларда ташкил этилган иш ўринлари тўғрисидаги маълумотлар ишчи комиссия томонидан ҳисобот ойи якунлангандан сўнг, кейинги ойнинг ўнинчи санасига қадар туман статистика бўлимига тақдим этсин ва туман статистика бўлими ишчи комиссияси томонидан тақдим этилган маълумотларни тегишли давлат статистика ҳисоботларининг кўрсаткичлари билан ҳар бир ташкилот кесимида алоҳида таққосласин.

5. Бандликка кўмаклашиш ва аҳолини ижтимоий муҳофаза қилиш маркази (Ш. Нуруллаев):

Дастурда назарда тутилган корхона ва ташкилотлар томонидан тақдим этилган маълумотларнинг ҳаққонийлиги ва холислигини таъминлаш мақсадида, ҳар ойда бир марта, ҳисобот давридан кейинги ойнинг йигирманчи санасига қадар ишчи комиссия раиси томонидан тасдиқланган рўйхат асосида ишчи комиссиясининг 3 нафар аъзоси томонидан иш ўринлари ташкил этилган ташкилотда янгидан ташкил этилган иш ўринларининг ҳаққонийлиги юзасидан мониторинг олиб борсин ва ишчи комиссиянинг қарорига мувофиқ ҳар чоракда Дастурда назарда тутилган ташкилотларда ташкил этилган иш ўринларининг камида 25 фоизини танлов асосида ўргансин;

иш билан банд бўлмаганларни, айниқса қишлоқ жойлардаги иш билан банд бўлмаганларни, аҳолининг ижтимоий жиҳатдан кам таъминланган қатламларини, биринчи навбатда, кўп болали аёлларни, ногиронларни, таълим муассасаларининг битирувчиларини ишга жойлаштириш ва ижтимоий муҳофаза қилиш чора-тадбирларини амалга оширилишига кўмаклашсин.

6. Туман тижорат банклари бошқарувчилари:

“2014 йилда янги иш ўринлари ташкил этиш ва аҳоли бандлигини таъминлаш” ҳудудий Дастурига киритилган корхона ва ташкилотлар ва шунингдек кичик бизнес ва хусусий тадбиркорликни ривожлантириш ҳисобига ажратилаётган кредитларни ўз вақтида берилишини таъминласин ва ушбу кредит маблағларини мақсадли сарфланиши юзасидан ўрнатилган тартибда мониторинг олиб борсин.

7. Тумандаги барча юридик мақомга эга бўлган мулкчилик шаклидан қатъи назар, корхона ва ташкилотлар раҳбарлари:

“2014 йилда янги иш ўринлари ташкил этиш ва аҳоли бандлигини таъминлаш” ҳудудий Дастурига мувофиқ туман ҳудудида жойлашган корхона, ташкилот ва муассасалар ўзларида янгидан ташкил этилган иш ўринлари тўғрисидаги маълумотларни Ишчи комиссиясига ёзма равишда маълумот тақдим этиб борсин ва Бандликка кўмаклашиш марказининг қишлоқ ва шаҳарча фуқаролар йиғинларига бириктирилган турғун пункт инспекторлари томонидан корхона ва ташкилотларда белгиланган тартибда ўтказиладиган мониторингга ҳеч қандай қаршилик ва тўсқинликларга йўл қўймасин;

корхона ва ташкилотлар томонидан ишчи комиссиясига тақдим этадиган янги иш ўринлари сони тўғрисидаги маълумотларни белгиланган муддатида туман Статистика бўлимига топширадиган статистик ҳисоботларида кўрсатилишини таъминлансин.

8. Касб-ҳунар коллежлари координатори (Ў. Норалиев):

Тумандаги мавжуд касб-ҳунар коллежлари билан биргаликда коллеж битирувчиларининг эгаллаган касби бўйича корхона ва ташкилотлар билан тузилган уч томонлама шартномаларга мувофиқ ишга жойлаштириш чораларини кўрсин ва бу борада коллеж раҳбарларини масъулиятини оширсин.

9. “Қибрай Садоси” туман рўзномаси (А. Фозилов) га мазкур қарор матнини рўзнома сахифасида эълон қилинишини таъминласин.

10. Мазкур қарор расмий эълон қилинган кундан эътиборан кучга киради.

11. Мазкур қарорнинг ижросини назорат қилиш туман ҳокимининг ўринбосари Ж. Носиров зиммасига юклансин.