717-сон 21.12.2022. Yaratilgan yangi ish oʻrinlarini hisobga olish tartibi toʻgʻrisidagi nizomni tasdiqlash haqida

Oʻzbekiston Respublikasi Vazirlar Mahkamasining qarori, 21.12.2022 yildagi 717-son

Кучга кириш санаси

23.12.2022

Рус

Eng

Ўзб

O’zb

O‘zb|Рус

Hujjat 22.07.2023 sanasi holatiga

Joriy versiya

Oʻzbekiston Respublikasi Vazirlar Mahkamasining

qarori

Yaratilgan yangi ish oʻrinlarini hisobga olish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining “Xizmatlar sohasini rivojlantirishga oid qoʻshimcha chora-tadbirlar toʻgʻrisida” 2022-yil 27-yanvardagi PQ-104-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Prezidentining “Xizmatlar sohasini rivojlantirishga oid qoʻshimcha chora-tadbirlar toʻgʻrisida” 2022-yil 27-yanvardagi PQ-104-son qarorida:

xizmatlar sohasini rivojlantirishga yangicha yondashuvlarni joriy etish orqali bozor xizmatlari hajmini 2022-yilda 1,5 baravarga oshirish hamda qoʻshimcha 1,5 millionta yangi ish oʻrinlarini yaratish imkoniyatlari mavjudligi koʻrsatib oʻtilganligi;

yaratilgan ish oʻrinlarini hisobga olishning yangi metodologiyasini ishlab chiqish belgilanganligi maʼlumot uchun qabul qilinsin.

2. Quyidagilarni nazarda tutuvchi Yaratilgan yangi ish oʻrinlarini hisobga olish tartibi toʻgʻrisidagi nizom 1-ilovaga muvofiq tasdiqlansin:

tadbirkorlik subyekti hisoblangan yuridik shaxslarning jismoniy shaxslardan olinadigan daromad soligʻi va ijtimoiy soliq boʻyicha soliq hisobotiga muvofiq joriy hisobot yilida yaratilgan yangi va mavsumiy ish oʻrnini hisobga olish tartibi;

davlat xizmatlari markazlari tomonidan yangi tashkil etilgan yakka tartibdagi tadbirkorlar, usta hunarmandlarning shogirdlari, oʻzini oʻzi band qilgan fuqarolar va dehqon xoʻjaliklari boʻyicha davlat soliq organlariga elektron kanallar orqali taqdim etilgan maʼlumotlari asosida yaratilgan yangi ish oʻrinlarini hisobga olish tartibi;

tadbirkorlik subyekti hisoblangan yuridik shaxslar tomonidan yakka tartibdagi tadbirkorlar va ularning yollanma xodimlari, usta hunarmandlar shogirdlari, oʻzini oʻzi band qilgan fuqarolar, dehqon xoʻjaliklari hisobidan yaratilgan yangi ish oʻrinlarini avtomatlashtirilgan dasturda hisobga olish tartibi.

3. Oʻzbekiston Respublikasi Davlat soliq qoʻmitasi tadbirkorlik subyekti hisoblangan yuridik shaxslarning jismoniy shaxslardan olinadigan daromad soligʻi va ijtimoiy soliq boʻyicha soliq hisobotida yaratilgan yangi va mavsumiy ish oʻrinlari boʻyicha koʻrsatkichlar toʻgʻri aks ettirilishi ustidan qonunchilik hujjatlariga muvofiq soliq nazoratini amalga oshirsin.

4. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

5. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov, Oʻzbekiston Respublikasi bandlik va mehnat munosabatlari vaziri N.B. Xusanov hamda Oʻzbekiston Respublikasi Davlat soliq qoʻmitasi raisi Sh.D. Kudbiyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 21-dekabr,

717-son

Vazirlar Mahkamasining 2022-yil 21-dekabrdagi 717-son qaroriga
1-ILOVA

Yaratilgan yangi ish oʻrinlarini hisobga olish tartibi toʻgʻrisida

NIZOM

1-bob. Umumiy qoidalar

1. Ushbu Nizom tadbirkorlik subyekti hisoblangan yuridik shaxslarning soni koʻpaygan xodimlarining ish oʻrinlarini hamda yangi tashkil etilgan yakka tartibdagi tadbirkorlar, ularning yollanma xodimlari, usta-hunarmandlar, ularning shogirdlari, oʻzini oʻzi band qilgan fuqarolar, dehqon xoʻjaliklari hisobidan yaratilgan yangi ish oʻrinlarini hisobga olish tartibini belgilaydi.

Bunda yaratilgan yangi ish oʻrinlarining hisobi Davlat soliq qoʻmitasining avtomatlashtirilgan dasturi orqali yuritiladi.

2. Ish beruvchi jismoniy shaxslarda yaratilgan yangi ish oʻrinlariga yangi tashkil etilgan yakka tartibdagi tadbirkorlar (keyingi oʻrinlarda — YTT) va ularning yollanma xodimlari, usta-hunarmandlarning shogirdlari, oʻzini oʻzi band qilgan fuqarolar, dehqon xoʻjaliklari hisobiga yaratilgan ish oʻrinlari kiradi.

3. Ushbu Nizomda quyidagi asosiy tushunchalar qoʻllaniladi:

avtomatlashtirilgan dastur — tadbirkorlik subyekti hisoblangan yuridik shaxslar tomonidan yaratilgan yangi ish oʻrinlarini, yangi tashkil etilgan yakka tartibdagi tadbirkorlar va ularning yollanma xodimlari, usta-hunarmandlar shogirdlari, oʻzini oʻzi band qilgan fuqarolarni, dehqon xoʻjaliklari hisobi yuritiladigan, Oʻzbekiston Respublikasi Bandlik va mehnat munosabatlari vazirligining “Yagona milliy mehnat tizimi” idoralararo dasturiy-apparat kompleksiga (keyingi oʻrinlarda — “YAMMT” IDAK) integratsiya qilingan Davlat soliq qoʻmitasining avtomatlashtirilgan dasturi;

yaratilgan yangi ish oʻrni — yuridik shaxslarda yaratilgan yangi ish oʻrinlariga ishga qabul qilingan, qonunchilik hujjatlari asosida mehnat shartnomasi (asosiy va oʻrindosh) tuzilgan, qurilish korxonalarida qonunchilikda nazarda tutilgan tartibda shartnoma tuzmasdan yollangan xodimlar, kalendar yil davomida davlat roʻyxatidan yangidan oʻtgan yakka tartibdagi tadbirkorlar hamda ularning yollanma xodimlari, usta-hunarmandlarning shogirdlari, oʻzini oʻzi band qilgan fuqarolar hamda dehqon xoʻjaliklari.

4. Yuridik shaxslarda mehnat shartnomasi asosida (qurilish korxonalarida qonunchilikka asosan shartnoma tuzmasdan) yollangan xodimning ish joyi ish oʻrni hisoblanadi.

5. Yakka tartibdagi tadbirkorlar (yollanma xodimlar), usta-hunarmandlar shogirdlari, oʻzini oʻzi band qilgan fuqarolar hamda yuridik shaxs tashkil etmagan holda tashkil etilgan dehqon xoʻjaliklari ish oʻrni deb qaraladi.

6. Fermer xoʻjaliklari hamda klasterlar, turizm, ipak qurtini koʻpaytirish va qurilish faoliyatini amalga oshiruvchi yuridik shaxslardagi mavsumiy ish joyi ish oʻrni hisoblanadi

7. Fermer xoʻjaliklari va klasterlar foydalanishidagi past hosilli paxta va gʻalla ekinlaridan qisqartirilgan yerlar hisobidan 0,1 gektardan 1 gektargacha boʻlgan oʻlchamda ijara huquqi asosida fuqarolarga yer maydonlari ajratilganda, ular dehqon xoʻjaligi sifatida davlat roʻyxatidan oʻtganda ish oʻrni sifatida hisobga olinadi.

2-bob. Tadbirkorlik subyekti hisoblangan yuridik shaxslarda yaratilgan yangi ish oʻrinlarini hisobga olish tartibi

8. Tadbirkorlik subyekti hisoblangan yuridik shaxslarda yil boshiga nisbatan soni koʻpaygan xodimlarning ish oʻrinlari soliq hisobotida yaratilgan yangi (mavsumiy) ish oʻrinlari sifatida koʻrsatilgan hamda ularga qonunchilikka asosan ish haqi hisoblanganda yaratilgan yangi ish oʻrinlari sifatida avtomatlashtirilgan dasturda hisobga olinadi.

Bunda tadbirkorlik subyekti tomonidan avval taqdim etilgan soliq hisobotlarida koʻrsatilgan xodimlar soni keyinchalik qayta hisobotlar bilan koʻpaytirib yoki kamaytirib koʻrsatilganda ushbu davr uchun yangi yaratilgan ish oʻrni deb hisoblanmaydi.

9. Oʻzbekiston Respublikasi Bandlik va mehnat munosabatlari vazirligi “YAMMT” IDAKda hisobot yilining 1-sanasida mavjud boʻlgan vakant lavozimlar hisobiga qabul qilingan xodimlarning ish oʻrinlari yaratilgan yangi ish oʻrinlari deb hisobga olinmaydi.

10. Hisobot oyida ish haqi hisoblanmagan (mavsumiy ish oʻrinlaridan tashqari), mehnat qonunchiligida belgilangan ish haqidan kam ish haqi hisoblangan xodimning ish oʻrni yangi yaratilgan ish oʻrni deb hisoblanmaydi.

3-bob. Yakka tartibdagi tadbirkorlar, usta-hunarmandlar shogirdlari, oʻzini oʻzi band qilgan fuqarolar va dehqon xoʻjaliklarida yaratilgan yangi ish oʻrinlarini hisobga olish tartibi

11. Davlat xizmatlari markazlarining yangi tashkil etilgan yakka tartibdagi tadbirkorlar boʻyicha davlat soliq organlariga elektron kanallar orqali taqdim etilgan maʼlumotlaridagi yakka tartibdagi tadbirkorlar yaratilgan yangi ish oʻrinlari sifatida avtomatlashtirilgan dasturda hisobga olinadi.

Joriy kalendar yilda roʻyxatdan oʻtib, faoliyat yuritayotgan hamda kalendar yil davomida kamida olti oy faoliyat koʻrsatgan yakka tartibdagi tadbirkorlar yaratilgan yangi ish oʻrni hisobidan tashkil qilingan deb hisoblanadi.

12. Hisobot davrida yangi hisobga olingan mavsumiy (hammom va sauna xizmatlari, popkorn, frezerda muzqaymoq, salqin ichimliklar, ayron va goʻja tayyorlash va quyib sotish) faoliyatni amalga oshirgan yakka tartibdagi tadbirkorlar joriy kalendar yilda yaratilgan yangi ish oʻrni sifatida hisobga olinadi.

13. Yakka tartibdagi tadbirkorlar tomonidan hisobot davrida belgilangan tartibda davlat soliq organlarida roʻyxatga qoʻyilgan yangi yollanma xodim yaratilgan yangi ish oʻrinlari sifatida avtomatlashtirilgan dasturda hisobga olinadi.

Mazkur Nizomning 11-bandi ikkinchi xatboshisida yakka tartibdagi tadbirkorlar uchun belgilangan mezonlar yakka tartibdagi tadbirkorlarning yollanma xodimlariga, usta-hunarmandlar shogirdlariga ham tatbiq etiladi.

Bunda kalendar yilda yakka tartibdagi tadbirkorlarning yollanma xodimlari, usta-hunarmandlarning shogirdlari bilan tuzilgan mehnat shartnomasi bekor qilingan yoki hisobga olish kartochkalarining amal qilish muddati tugagan boʻlsa, ular yaratilgan yangi ish oʻrni sifatida qaralmaydi.

14. Hisobot davrida davlat soliq xizmati organlarida oʻzini oʻzi band qilgan fuqaro sifatida hisobga olingan jismoniy shaxslar yaratilgan yangi ish oʻrinlari sifatida avtomatlashtirilgan dasturda hisobga olinadi.

Bunda joriy kalendar yilda oʻzini oʻzi band qilganligini bekor qilganda, yaratilgan yangi ish oʻrni hisoblanmaydi.

15. Agar oʻzini oʻzi band qilgan fuqaro — yuridik shaxs xodimi yoki yakka tartibdagi tadbirkorning yollanma xodimi yoxud yakka tartibdagi tadbirkor sifatida roʻyxatga qoʻyilganda hisobot davrida faqat bitta holatda yaratilgan yangi ish oʻrni sifatida qayd etiladi.

Xuddi shunday yakka tartibdagi tadbirkorning yollanma xodimi yuridik shaxs xodimi, oʻzini oʻzi band qilgan fuqaro yoki dehqon xoʻjaligi sifatida faoliyat yuritishi kalendar yil davomida faqat bitta yaratilgan yangi ish oʻrni sifatida qayd etiladi.

16. Yuridik shaxs tashkil etmagan holda tashkil etilgan dehqon xoʻjaligi sifatida davlat roʻyxatidan yangidan oʻtgan jismoniy shaxslar yaratilgan yangi ish oʻrinlari sifatida avtomatlashtirilgan dasturda hisobga olinadi.

Mazkur Nizomning 11-bandi ikkinchi xatboshisida belgilangan mezonlar dehqon xoʻjaliklari uchun ham tatbiq qilinadi.

4-bob. Yaratilgan yangi ish oʻrinlari toʻgʻrisidagi maʼlumotlarni shakllantirish davri

17. Yaratilgan yangi ish oʻrinlari boʻyicha maʼlumotlar hisobot davri yakuni bilan jismoniy shaxslardan olinadigan daromad soligʻi, ijtimoiy soliq hamda qatʼiy belgilangan soliq summalari boʻyicha soliq hisobotini taqdim etish muddatidan soʻng 5 kun muddatda avtomatlashtirilgan dasturda shakllantiriladi.

5-bob. Yakunlovchi qoida

18. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

18. Ushbu Nizom talablari buzilishida, shuningdek, yaratilgan yangi ish oʻrinlari tegishli oʻrganishlar natijasida haqiqatda mavjud emasligi aniqlanganda mazkur tadbirkorlik subyektlari va aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2022-yil 21-dekabrdagi 717-son qaroriga
2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻzqishloqxoʻjalikmashlizing” aksiyadorlik lizing kompaniyasini tashkil etish toʻgʻrisida” 1999-yil 30-oktabrdagi 486-son qarorining 7-bandidagi “23210-son hisobvaraq boʻyicha” soʻzlari chiqarib tashlansin.

2. Vazirlar Mahkamasining 2009-yil 26-oktabrdagi 280-son qarori (Oʻzbekiston Respublikasi QT, 2009-y., 9-10-son, 68-modda) bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi toʻgʻrisidagi nizomda:

a) 29 va 30-bandlar quyidagi tahrirda bayon etilsin:

“29. Bank injiniring kompaniyasining aylanma mablagʻlarini toʻldirish maqsadida bank bilan injiniring kompaniyasi oʻrtasida tuzilgan shartnoma asosida injiniring kompaniyasining moliyalashtirish depozit hisobvaragʻiga bankning mablagʻlarini oʻtkazadi.

Qurilishi tugallanmagan obyekt boʻyicha tanlov savdolari gʻolibi bilan tuzilgan shartnomani moliyalashtirish uchun mablagʻlar yetarli boʻlmagan taqdirda, injiniring kompaniyasi oʻz mablagʻlari hisobiga, oʻz mablagʻlari yetarli boʻlmagan taqdirda esa, alohida shartnoma asosida bankning mablagʻlarini jalb etish hisobiga moliyalashtirishga haqlidir.

30. Uy-joy yoki arzon uy-joy qurishni moliyalashtirish injiniring kompaniyasining mablagʻlari depozit hisobraqamidan pudratchining depozit hisobraqamiga oʻtkaziladigan injiniring kompaniyasining avansi (obyekt qiymatining kamida 15 foizi) hisobiga amalga oshiriladi, bunda bajarilgan ishlar hajmining 95 foizgachasi berilgan avans mutanosib ravishda ushlab qolingan holda har oyda joriy moliyalashtiriladi hamda obyekt qiymatining 5 foiz miqdoridagi qolgan qismi injiniring kompaniyasining filiali tomonidan tasdiqlangan taqdirda, kafolat muddati tamom boʻlgandan keyin toʻlanadi.

Uy-joylar yoki arzon uy-joylarni qurishni har oyda joriy moliyalashtirish amalda bajarilgan qurilish-montaj ishlariga haq toʻlagan holda amalga oshiriladi”;

b) 31-bandning ikkinchi — toʻrtinchi xatboshilari quyidagi tahrirda bayon etilsin:

“Bunda dastlabki badal mablagʻlarini, ipoteka krediti mablagʻlarini, shuningdek qurilayotgan uy-joy yoki arzon uy-joy qiymatining qolgan qismiga teng miqdorda omonat qoʻyilma hisobraqamida toʻplangan mablagʻlarni injiniring kompaniyasining depozit hisobraqamiga oʻtkazish bank filiali tomonidan yakka tartibdagi quruvchi bilan injiniring kompaniyasi filiali oʻrtasida tuzilgan shartnomada nazarda tutilgan tartibda qarz oluvchining yozma topshirigʻi asosida amalga oshiriladi.

Yuridik shaxslar tomonidan oʻz xodimlari uchun uy-joy yoki arzon uy-joy qurilayotgan uy-joy yoki arzon uy-joy qiymatiga haq toʻlash uchun oʻtkazilgan mablagʻlar ham injiniring kompaniyasining depozit hisobraqamiga yoʻnaltiriladi.

Yakka tartibdagi quruvchi tomonidan qurilayotgan uy-joy yoki arzon uy-joy qiymatiga oʻz mablagʻlari yoki qonun hujjatlarida taqiqlanmagan boshqa manbalar hisobiga haq toʻlangan taqdirda, injiniring kompaniyasi tomonidan tuman hokimining turar joyni foydalanishga qabul qilish dalolatnomasini tasdiqlash toʻgʻrisidagi qarorining nusxasi taqdim etilgandan keyin yakka tartibdagi quruvchi omonat qoʻyilma hisobraqamida toʻplangan qurilayotgan uy-joyning yoki arzon uy-joyning qiymatiga teng miqdordagi mablagʻni yakka tartibdagi quruvchi bilan injiniring kompaniyasi filiali oʻrtasida tuzilgan shartnomada nazarda tutilgan tartibda injiniring kompaniyasining depozit hisobvaragʻiga oʻtkazadi”;

v) 32 va 32¹-bandlar oʻz kuchini yoʻqotgan deb hisoblansin;

g) 2-ilovaning 4.3-bandidagi “22626-son Korxonalar va tashkilotlarning maqsadli mablagʻlari” moliyalashtirish maxsus” soʻzlari chiqarib tashlansin;

d) 3-ilovaning 6.2-bandidagi “22626-son Korxonalar va tashkilotlarning maqsadli mablagʻlari” moliyalashtirish maxsus” soʻzlari chiqarib tashlansin;

e) 3a-ilovaning 6.2-bandidagi “22626-son Korxonalar va tashkilotlarning maqsadli mablagʻlari” moliyalashtirish maxsus” soʻzlari chiqarib tashlansin.

3. Vazirlar Mahkamasining “Sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, davlat soliq xizmati va davlat bojxona xizmati organlari xodimlariga imtiyozli shartlarda uy-joy sotib olishga uzoq muddatli ipoteka kreditlari berish tartibi toʻgʻrisidagi nizomni hamda Sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, davlat soliq xizmati va davlat bojxona xizmati organlari xodimlariga uy-joylarni ijaraga olganlik (ijaraga turganlik) uchun har oylik pul kompensatsiyasi toʻlash tartibi toʻgʻrisidagi nizomni tasdiqlash haqida” 2012-yil 31-oktabrdagi 312-son qarorining 2-ilovasi 11-bandning birinchi xatboshisi quyidagi tahrirda bayon etilsin:

“11. Ushbu Nizomga muvofiq sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari va bojxona xizmati organlari xodimlariga pul kompensatsiyasi toʻlash bilan bogʻliq xarajatlar Oʻzbekiston Respublikasi Davlat budjeti mablagʻlari hisobiga amalga oshiriladi”.

4. Vazirlar Mahkamasining 2014-yil 12-iyundagi 154-son qarori (Oʻzbekiston Respublikasi QT, 2014-y., 6-son, 60-modda) bilan tasdiqlangan Ichimlik suv taʼminoti va kanalizatsiya tizimini takomillashtirish loyihalarini amalga oshirish uchun xalqaro moliyaviy va iqtisodiy institutlar va xorijiy hukumat moliya tashkilotlari tomonidan berilayotgan qarz va kredit mablagʻlarini jamlash, qaytarish va ularga xizmat koʻrsatish tartibi toʻgʻrisidagi nizomda:

a) 3-band quyidagi tahrirda bayon etilsin:

“3. Qarz mablagʻlarini qaytarish boʻyicha majburiyatlarni bajarishga zarur pul mablagʻlarini jamlash maqsadida ijro etuvchi agentliklar, shuningdek ichimlik suv taʼminoti (kanalizatsiya) korxonalari yoki ularning yuqori tashkilotlari xizmat koʻrsatuvchi banklarda hisobvaragʻini ochadilar”;

b) 5-band quyidagi tahrirda bayon etilsin:

“5. Suv taʼminoti (kanalizatsiya) korxonalari har kuni oldingi ish kuni uchun suv taʼminoti (kanalizatsiya) boʻyicha koʻrsatilgan xizmatlar uchun ularning asosiy talab qilib olinadigan depozit hisobvaraqlariga tushgan umumiy summadan foizlarda mablagʻlarni (oʻzining yoki yuqori tashkiloti) hisobvaragʻiga oʻtkazadilar. Hisobvaragʻidagi maqsadli mablagʻlar qarz mablagʻlari toʻliq qaytarilishi paytigacha jamlanadi”.

v) 6-banddagi “jamgʻariladigan” soʻzi chiqarib tashlansin.

g) ilovadagi “22626-son jamgʻariladigan”, “maxsus” va “jamgʻariladigan” soʻzlari chiqarib tashlansin.

5. Vazirlar Mahkamasining 2015-yil 10-iyuldagi 189-son qarori (Oʻzbekiston Respublikasi QT, 2015-y., 7-son, 59-modda) bilan tasdiqlangan Qishloq joylarda namunaviy loyihalar boʻyicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablagʻlaridan foydalanish, ularga xizmat koʻrsatish va ularni qaytarish tartibi toʻgʻrisidagi nizomda:

a) 7 va 8-bandlardagi “22626-son Korxonalar va tashkilotlarning maqsadli mablagʻlari qurilishni moliyalashtirish maxsus” soʻzlari chiqarib tashlansin;

b) 15-banddagi “maxsus” soʻzi chiqarib tashlansin.

v) 25-banddagi “22626-son Korxonalar va tashkilotlarning maqsadli mablagʻlari qurilishni moliyalashtirish maxsus” soʻzlari chiqarib tashlansin.

6. Vazirlar Mahkamasining 2017-yil 7-iyundagi 364-son qarori bilan tasdiqlangan “Haj” va “Umra” tadbirlarini tashkil etish va oʻtkazish tartibi toʻgʻrisidagi nizomda:

a) 12-bandning uchinchi xatboshisidagi “maxsus hisobvaragʻiga (22626 — Korxona va tashkilotlarning maqsadli mablagʻlari)” soʻzlari “depozit hisobvaragʻiga” soʻzlari bilan almashtirilsin;

b) 17-bandning yettinchi va sakkizinchi xatboshilaridagi “maxsus hisobvaragʻiga (22626 — Korxona va tashkilotlarning maqsadli mablagʻlari)” soʻzlari “depozit hisobvargʻiga” soʻzlari bilan almashtirilsin;

v) 21-banddagi “maxsus hisobvaragʻiga va Oʻzbekiston musulmonlari idorasining Saudiya Arabistonidagi hamkor tashkilotining hisobvaraqlariga (22626 — Korxona va tashkilotlarning maqsadli mablagʻlari)” soʻzlari “depozit hisobvaragʻiga va Oʻzbekiston musulmonlari idorasining Saudiya Arabistonidagi hamkor tashkilotining hisobvaraqlariga” soʻzlari bilan almashtirilsin;

g) 51-bandda:

birinchi va uchinchi xatboshilardagi “maxsus hisobvaraqlar (22626 — Korxona va tashkilotlarning maqsadli mablagʻlari)” soʻzlari “depozit hisobvaraqlar” soʻzlari bilan almashtirilsin;

toʻrtinchi va beshinchi xatboshilardagi “maxsus hisobvaragʻiga (22626 — Korxona va tashkilotlarning maqsadli mablagʻlari)” soʻzlari “depozit hisobvaragʻiga” soʻzlari bilan almashtirilsin;

d) 52-banddagi “maxsus hisobvaragʻiga (22626 — Korxona va tashkilotlarning maqsadli mablagʻlari)” soʻzlari “depozit hisobvaragʻiga soʻzlari bilan almashtirilsin.

7. Vazirlar Mahkamasining 2018-yil 12-yanvardagi 22-son qarori (Oʻzbekiston Respublikasi QT, 2018-yil, 1-son, 10-modda) bilan tasdiqlangan Elektr energiyasidan foydalanish qoidalarining 18-bandi quyidagi mazmundagi xatboshi bilan toʻldirilsin:

“Bunda isteʼmolchilarda abonentning shaxsiy raqami shakllantirilishi talab etilsa, HETK tomonidan yangi abonent raqami elektr taʼminoti shartnomasida koʻrsatiladi. Shuningdek, isteʼmolchilar shakllantirilgan abonentning shaxsiy raqami toʻgʻrisidagi maʼlumotlarni YIDXP orqali yuridik shaxslar uchun — STIRni, jismoniy shaxslar uchun — pasport yoki ID-kartaga oid maʼlumotlarni (pasport seriyasi va raqami), JSHSHIRni yoki kadastr raqamlaridan birini kiritish yoʻli bilan aniqlanishi mumkin”.

8. Vazirlar Mahkamasining 2018-yil 3-maydagi 320-son qarori bilan tasdiqlangan Fermer xoʻjaliklarining nasos agregatlari va sugʻorish quduqlari isteʼmol qiladigan elektr energiyasi qiymatini qoplash uchun Oʻzbekiston Respublikasi Davlat budjetidan subsidiyalar ajratish tartibi toʻgʻrisidagi nizomda:

a) 21-bandning ikkinchi xatboshisi chiqarib tashlansin;

b) 22-bandning birinchi xatboshisi quyidagi tahrirda bayon etilsin:

“22. Tuman elektr tarmoqlari tashkiloti tomonidan oʻrnatilgan tartibda tasdiqlangan dalolatnomalarda va schyot-fakturalarda koʻrsatilgan mablagʻlar tuman (shahar) gʻaznachilik boʻlinmalari tomonidan fermer xoʻjaliklarining shaxsiy gʻazna hisobvaraqlari orqali xarajatlar smetasida nazarda tutilgan mablagʻlar doirasida isteʼmolchilarga xizmat koʻrsatuvchi tijorat banklarida ochilgan hisobraqamlarga oʻtkazib beriladi”.

9. Vazirlar Mahkamasining 2018-yil 9-oktabrdagi 811-son qarori bilan tasdiqlangan Oʻzbekiston Respublikasi Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi toʻgʻrisidagi nizomda:

a) 12-bandning “d” kichik bandidagi “majburiy toʻlovlar” soʻzlari “yigʻimlar” soʻzi bilan almashtirilsin;

b) 15-banddagi “boshqa majburiy toʻlovlarni va penyani hisoblash,” soʻzlari “yigʻimlarni hamda penyani hisoblash,” soʻzlari bilan almashtirilsin.

10. Vazirlar Mahkamasining 2019-yil 22-martdagi 242-son qarori bilan tasdiqlangan Oʻzbekiston Respublikasi Vazirlar Mahkamasi Reglamentining 33-bandida:

toʻrtinchi xatboshi quyidagi tahrirda bayon etilsin:

“Oʻzbekiston Respublikasi Moliya vazirligi bilan — Oʻzbekiston Respublikasi Davlat budjetidan va davlat maqsadli jamgʻarmalari budjetlaridan mablagʻlar ajratish, xoʻjalik yurituvchi subyektlarning tijorat banklaridagi maxsus maqsadli hisobvaraqlarini ochish va (yoki) yopish, shuningdek, davlat xaridlarini amalga oshirish masalalariga oid loyihalar”;

quyidagi mazmundagi oʻn oltinchi va oʻn yettinchi xatboshilar bilan toʻldirilsin:

“Oʻzbekiston Respublikasi Markaziy banki bilan — xoʻjalik yurituvchi subyektlarning tijorat banklaridagi maxsus maqsadli hisobvaraqlarini ochish va (yoki) yopish masalalariga oid loyihalar;

Oʻzbekiston Respublikasi Davlat soliq qoʻmitasi bilan — xoʻjalik yurituvchi subyektlarning tijorat banklaridagi maxsus maqsadli hisobvaraqlarini ochish va (yoki) yopish masalalariga oid loyihalar”;

oʻn oltinchi — oʻn sakkizinchi xatboshilar tegishlicha oʻn sakkizinchi — yigirmanchi xatboshilar deb hisoblansin.

11. Vazirlar Mahkamasining “Davlat soliq xizmati organlari faoliyatini yanada takomillashtirish chora-tadbirlari toʻgʻrisida” 2019-yil 17-apreldagi 320-son qarorida:

a) 3-ilovaning 6-bandida:

birinchi xatboshi quyidagi tahrirda bayon etilsin:

“6. Soliq organlarining ishlab chiqarish xodimlari tarkibi lavozimlari oʻrta maxsus, kasb-hunar taʼlimi darajasidan kam boʻlmagan iqtisodiyot, huquq, kompyuter texnologiyalari va informatika taʼlimi sohasidagi yoʻnalishlar va mutaxassisliklar boʻyicha maʼlumotga ega boʻlgan shaxslar tomonidan egallanadi”;

uchinchi xatboshi “rahbarlik” soʻzidan keyin “hamda inspektorlik” soʻzlari bilan toʻldirilsin;

b) 8-ilovaning 2 va 3-bandlari oʻz kuchini yoʻqotgan deb hisoblansin.

12. Vazirlar Mahkamasining 2019-yil 11-iyundagi 481-son qarori bilan tasdiqlangan Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi huzuridagi Bogʻdorchilik va issiqxona xoʻjaligini rivojlantirish jamgʻarmasi toʻgʻrisidagi nizomga 2-ilovaning “VI-bosqich” pozitsiyasi “Chora-tadbirlar” ustunidagi “maxsus 22626-maxsus” soʻzlari chiqarib tashlansin.

13. Vazirlar Mahkamasining 2019-yil 17-iyundagi 505-son qarori bilan tasdiqlangan Paxta xom ashyosi va boshoqli don ekinlarining boʻlgʻusi hosilini sugʻurtalash tartibi toʻgʻrisidagi nizomning 31-bandi quyidagi tahrirda bayon etilsin:

“31. Dalolatnoma asosida belgilangan sugʻurta tovoni 5 ish kuni ichida sugʻurta qildiruvchining hisobraqamiga oʻtkazib beriladi”.

14. Vazirlar Mahkamasining 2019-yil 25-iyundagi 522-son qarori bilan tasdiqlangan Oʻzaro hisob-kitoblar tizimida elektron shakldagi hisobvaraq-fakturalardan foydalanish tartibi toʻgʻrisidagi nizomda:

a) 6-band quyidagi mazmundagi xatboshi bilan toʻldirilsin:

“EHFga oid faqat ID raqami, sotuvchi, xaridor, sana va vaqti toʻgʻrisidagi maʼlumotlarni oʻzida saqlash hamda toʻliq maʼlumotlarni Rouming operatoriga uzatish”;

b) 9-banddagi “tasdiqlangan EHFlar kamida 5 yil davomida saqlanishini va” soʻzlari chiqarib tashlansin;

v) 10-band quyidagi mazmundagi xatboshi bilan toʻldirilsin:

“operatorlarda EHF ga oid faqat ID raqami, sotuvchi, xaridor, sana va vaqt toʻgʻrisidagi maʼlumotlar saqlanishini nazorat qilish hamda oʻz axborot tizimida EHF ga oid toʻliq maʼlumotlar saqlanishini taʼminlash”.

15. Vazirlar Mahkamasining “Ishlab chiqarish maydonlaridan foydalanish samaradorligini yanada oshirish chora-tadbirlari toʻgʻrisida” 2019-yil 13-avgustdagi 666-son qarorida:

a) Muqaddimadan “hamda foydalanilmayotgan obyektlarga nisbatan taʼsirchan soliq mexanizmi tartibotini soddalashtirish” soʻzlari chiqarib tashlansin;

b) 1-bandda:

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin;

v) 3-band “a” kichik bandining uchinchi xatboshisi quyidagi tahrirda bayon etilsin:

“foydalanilmayotgan obyektlar boʻyicha davlat soliq xizmati organlariga xulosa taqdim etish”;

g) 4 va 5-bandlar quyidagi tahrirda bayon etilsin:

“4. Oʻzbekiston Respublikasi Investitsiyalar va tashqi savdo vazirligiga foydalanilmayotgan obyektlar ishga tushirilganligining hisobini yuritish vazifalar yuklanadi.

5. Shunday tartib oʻrnatilsinki, unga muvofiq:

xatlovdan oʻtkazish vaqtida belgilangan muddatda tugallanmagan qurilish obyektlari, boʻsh turgan binolar, yashash uchun moʻljallanmagan inshootlar, shuningdek, foydalanilmayotgan ishlab chiqarish maydonlari umumiy maydonining 50 foizidan koʻprogʻidan (bir bino yoki noturar joy xonasi konturi doirasida) tovarlar ishlab chiqarishda (ishlar bajarish, xizmatlar koʻrsatish) foydalanilmay kelingan boʻlsa (mavsumiy tusdagi faoliyat amalga oshiriladigan obyektlar bundan mustasno), boʻsh turgan obyektlar va foydalanilmayotgan ishlab chiqarish maydonlari (keyingi oʻrinlarda foydalanilmayotgan obyektlar deb ataladi) sifatida eʼtirof etiladi;

davlat mulki boʻlgan foydalanilmayotgan obyektlarni belgilangan tartibda sotish, ijaraga, shu jumladan davlat-xususiy sheriklik asosida berish choralari koʻriladi;

foydalanilmayotgan obyekt xoʻjalik faoliyatiga jalb etilganda taʼsirchan soliq mexanizmini qoʻllash natijasida hisoblangan soliq summalari xoʻjalik faoliyatiga jalb etilgan obyekt mulkdoriga tegishli miqdorda qaytariladi. Bunda taʼsirchan soliq mexanizmini qoʻllash natijasida toʻlangan soliq summasini qaytarish 2-ishchi guruhning xulosasi asosida oxirgi 12 oy uchun tatbiq etiladi”;

d) 3-ilova quyidagi tahrirda bayon etilsin:

“Vazirlar Mahkamasining 2019-yil 13-avgustdagi 666-son qaroriga
3-ILOVA

Foydalanilmayotgan obyektlarni aniqlash hamda xoʻjalik faoliyatiga jalb etish mexanizmi

SXEMASI

Bosqichlar	Subyektlar	Tadbirlar	Ijro muddati

I. Foydalanilmayotgan obyektlarni aniqlash va taʼsirchan soliq mexanizmini qoʻllash

1-bosqich	1-ishchi guruh	Foydalanilmayotgan obyektlarni oʻrganish uchun ularning roʻyxatini shakllantirish.	Har chorakda

2-bosqich	1-ishchi guruh	Obyektdan haqiqatdan foydalanilmayotganligiga aniqlik kiritish maqsadida ularni joyiga borgan holda xatlovdan oʻtkazish va davlat soliq xizmati organlariga xulosa taqdim etish.	Taqdimnoma kelib tushgan kundan boshlab besh ish kunida

II. Foydalanilmayotgan obyektlarni ishga tushirishga koʻmaklashish va ularni monitoring qilish

3-bosqich	1-ishchi guruh	Xulosa qilingan obyektlar toʻgʻrisidagi maʼlumotlarni 2-ishchi guruhga taqdim etish.	Xulosa qabul qilingan kundan boshlab ikki ish kunida

4-bosqich	2-ishchi guruh	Foydalanilmayotgan obyektlarni ishga tushirishdagi mavjud muammolarni oʻrganish, bartaraf qilish hamda investitsiya loyihalarini ishlab chiqish va amalga oshirishda ularning mulkdorlariga koʻmaklashish.	Xulosa kelib tushgandan keyin, doimiy

5-bosqich	2-ishchi guruh	Foydalanilmayotgan obyektlarning ishga tushirilishi va u bilan bogʻliq loyihalar amalga oshirilishini monitoring qilib borish.	Loyiha ishga tushgunga qadar, doimiy

6-bosqich	Investitsiyalar va tashqi savdo vazirligi	Foydalanilmayotgan obyektlar ishga tushirilganligi hisobini yuritish.	Doimiy

III. Taʼsirchan soliq mexanizmi qoʻllanilgan obyektlar boʻyicha oshirilgan stavkalarda hisoblangan soliq summalarini qaytarish

7-bosqich	2-ishchi guruh	Xoʻjalik faoliyatiga jalb etilganligi sababli taʼsirchan soliq mexanizmini toʻxtatish yuzasidan obyekt mulkdorlarining yozma arizasi kelib tushganda, joyiga borgan holda oʻrganish.	Ariza kelib tushgan kundan boshlab uch ish kunida

8-bosqich	2-ishchi guruh	Foydalanilmayotgan obyekt haqiqatda ishga tushirilib, xoʻjalik faoliyatiga jalb etilganligi aniqlangan taqdirda, taʼsirchan soliq mexanizmini toʻxtatish yuzasidan obyekt mulkdori hamda davlat soliq xizmati organiga xulosa taqdim etish.	Ikki ish kunida

9-bosqich	Davlat soliq xizmati organlari	Foydalanilmayotgan obyekt xoʻjalik faoliyatiga jalb etilganligi toʻgʻrisidagi xulosa asosida qoʻllanilgan taʼsirchan soliq mexanizmini toʻxtatish va soliq toʻlovchining shaxsiy kartochkasiga tegishli yozuvlarni kiritish, majburiy undiruv choralarini toʻxtatish.	Xulosa kelib tushgan kundan boshlab bir ish kunida

10-bosqich	Davlat soliq xizmati organlari	Oshirilgan stavkalarni qoʻllash natijasida oxirgi 12 oylik davr uchun undirilgan yer va mol-mulk soligʻi summalarini xulosa asosida taʼsirchan soliq mexanizmi bekor qilingan obyekt mulkdoriga qaytarish.	Xulosa kelib tushgan kundan boshlab oʻn besh kunda

IV. Foydalanilmayotgan davlat mulki obyektlarini (mol-mulk va yer soliqlari toʻlovchisi boʻlmagan) aniqlash hamda xoʻjalik faoliyatiga jalb etish

Bosqichlar	Subyektlar	Tadbirlar	Ijro muddati

11-bosqich	Tuman (shahar) Yer tuzish va koʻchmas mulk kadastri filiallari, qurilish boʻlimlari, foydalanilmayotgan obyektni balansda saqlovchilar, Davlat aktivlarini boshqarish agentligining hududiy boʻlinmalari, hududiy tuman (shahar) hokimliklari	Foydalanilmayotgan davlat mulki obyektlarini xatlovdan oʻtkazish.	2019-yil 1-oktabrga qadar, keyinchalik doimiy

12-bosqich	Davlat aktivlarini boshqarish agentligining hududiy boʻlinmalari	Xatlov jarayonida aniqlangan foydalanilmayotgan davlat mulki obyektlari toʻgʻrisidagi maʼlumotlarni shakllantirish.	Xatlov yakuni boʻyicha uch kun ichida

13-bosqich	Davlat aktivlarini boshqarish agentligining hududiy boʻlinmalari	Foydalanilmayotgan obyektni xoʻjalik faoliyatiga jalb qilish yuzasidan balansda saqlovchi va uning yuqori tashkilotiga taqdimnoma yuborish.	Xatlov natijasi boʻyicha 3 kun ichida

14-bosqich	Obyektni balansda saqlovchilar	Foydalanilmayotgan obyektni davlat mulki sifatida saqlash zaruratini asoslantirish, mazkur obyektning xoʻjalik faoliyatiga jalb etilishini taʼminlash.	Taqdimnoma kelib tushgan kundan boshlab bir oy ichida

15-bosqich	Hududiy tuman (shahar) hokimliklari, Davlat aktivlarini boshqarish agentligining hududiy boʻlinmalari, obyektni balansda saqlovchi	Obyekt bir oy ichida xoʻjalik faoliyatiga jalb qilinmagan taqdirda, obyektni hududiy tuman (shahar) hokimliklari tasarrufiga oʻtkazish choralarini koʻrish.	Belgilangan tartibda

16-bosqich	Vakolatiga koʻra mahalliy davlat hokimiyati organlari, Davlat aktivlarini boshqarish agentligi	Foydalanilmayotgan obyektning belgilangan tartibda xoʻjalik faoliyatiga jalb qilinishini taʼminlash yoki obyektni xususiy mulk sifatida sotish, ijaraga, shu jumladan davlat-xususiy sheriklik asosida berish toʻgʻrisida qaror qabul qilish.	Zaruratga koʻra
			”.

Bosqichlar	Subyektlar	Tadbirlar	Ijro muddati

I. Foydalanilmayotgan obyektlarni aniqlash va taʼsirchan soliq mexanizmini qoʻllash

1-bosqich	1-ishchi guruh	Foydalanilmayotgan obyektlarni oʻrganish uchun ularning roʻyxatini shakllantirish.	Har chorakda

2-bosqich	1-ishchi guruh	Obyektdan haqiqatdan foydalanilmayotganligiga aniqlik kiritish maqsadida ularni joyiga borgan holda xatlovdan oʻtkazish va davlat soliq xizmati organlariga xulosa taqdim etish.	Taqdimnoma kelib tushgan kundan boshlab besh ish kunida

II. Foydalanilmayotgan obyektlarni ishga tushirishga koʻmaklashish va ularni monitoring qilish

3-bosqich	1-ishchi guruh	Xulosa qilingan obyektlar toʻgʻrisidagi maʼlumotlarni 2-ishchi guruhga taqdim etish.	Xulosa qabul qilingan kundan boshlab ikki ish kunida

4-bosqich	2-ishchi guruh	Foydalanilmayotgan obyektlarni ishga tushirishdagi mavjud muammolarni oʻrganish, bartaraf qilish hamda investitsiya loyihalarini ishlab chiqish va amalga oshirishda ularning mulkdorlariga koʻmaklashish.	Xulosa kelib tushgandan keyin, doimiy

5-bosqich	2-ishchi guruh	Foydalanilmayotgan obyektlarning ishga tushirilishi va u bilan bogʻliq loyihalar amalga oshirilishini monitoring qilib borish.	Loyiha ishga tushgunga qadar, doimiy

6-bosqich	Investitsiyalar va tashqi savdo vazirligi	Foydalanilmayotgan obyektlar ishga tushirilganligi hisobini yuritish.	Doimiy

III. Taʼsirchan soliq mexanizmi qoʻllanilgan obyektlar boʻyicha oshirilgan stavkalarda hisoblangan soliq summalarini qaytarish

7-bosqich	2-ishchi guruh	Xoʻjalik faoliyatiga jalb etilganligi sababli taʼsirchan soliq mexanizmini toʻxtatish yuzasidan obyekt mulkdorlarining yozma arizasi kelib tushganda, joyiga borgan holda oʻrganish.	Ariza kelib tushgan kundan boshlab uch ish kunida

8-bosqich	2-ishchi guruh	Foydalanilmayotgan obyekt haqiqatda ishga tushirilib, xoʻjalik faoliyatiga jalb etilganligi aniqlangan taqdirda, taʼsirchan soliq mexanizmini toʻxtatish yuzasidan obyekt mulkdori hamda davlat soliq xizmati organiga xulosa taqdim etish.	Ikki ish kunida

9-bosqich	Davlat soliq xizmati organlari	Foydalanilmayotgan obyekt xoʻjalik faoliyatiga jalb etilganligi toʻgʻrisidagi xulosa asosida qoʻllanilgan taʼsirchan soliq mexanizmini toʻxtatish va soliq toʻlovchining shaxsiy kartochkasiga tegishli yozuvlarni kiritish, majburiy undiruv choralarini toʻxtatish.	Xulosa kelib tushgan kundan boshlab bir ish kunida

10-bosqich	Davlat soliq xizmati organlari	Oshirilgan stavkalarni qoʻllash natijasida oxirgi 12 oylik davr uchun undirilgan yer va mol-mulk soligʻi summalarini xulosa asosida taʼsirchan soliq mexanizmi bekor qilingan obyekt mulkdoriga qaytarish.	Xulosa kelib tushgan kundan boshlab oʻn besh kunda

IV. Foydalanilmayotgan davlat mulki obyektlarini (mol-mulk va yer soliqlari toʻlovchisi boʻlmagan) aniqlash hamda xoʻjalik faoliyatiga jalb etish

Bosqichlar	Subyektlar	Tadbirlar	Ijro muddati

11-bosqich	Tuman (shahar) Yer tuzish va koʻchmas mulk kadastri filiallari, qurilish boʻlimlari, foydalanilmayotgan obyektni balansda saqlovchilar, Davlat aktivlarini boshqarish agentligining hududiy boʻlinmalari, hududiy tuman (shahar) hokimliklari	Foydalanilmayotgan davlat mulki obyektlarini xatlovdan oʻtkazish.	2019-yil 1-oktabrga qadar, keyinchalik doimiy

12-bosqich	Davlat aktivlarini boshqarish agentligining hududiy boʻlinmalari	Xatlov jarayonida aniqlangan foydalanilmayotgan davlat mulki obyektlari toʻgʻrisidagi maʼlumotlarni shakllantirish.	Xatlov yakuni boʻyicha uch kun ichida

13-bosqich	Davlat aktivlarini boshqarish agentligining hududiy boʻlinmalari	Foydalanilmayotgan obyektni xoʻjalik faoliyatiga jalb qilish yuzasidan balansda saqlovchi va uning yuqori tashkilotiga taqdimnoma yuborish.	Xatlov natijasi boʻyicha 3 kun ichida

14-bosqich	Obyektni balansda saqlovchilar	Foydalanilmayotgan obyektni davlat mulki sifatida saqlash zaruratini asoslantirish, mazkur obyektning xoʻjalik faoliyatiga jalb etilishini taʼminlash.	Taqdimnoma kelib tushgan kundan boshlab bir oy ichida

15-bosqich	Hududiy tuman (shahar) hokimliklari, Davlat aktivlarini boshqarish agentligining hududiy boʻlinmalari, obyektni balansda saqlovchi	Obyekt bir oy ichida xoʻjalik faoliyatiga jalb qilinmagan taqdirda, obyektni hududiy tuman (shahar) hokimliklari tasarrufiga oʻtkazish choralarini koʻrish.	Belgilangan tartibda

16-bosqich	Vakolatiga koʻra mahalliy davlat hokimiyati organlari, Davlat aktivlarini boshqarish agentligi	Foydalanilmayotgan obyektning belgilangan tartibda xoʻjalik faoliyatiga jalb qilinishini taʼminlash yoki obyektni xususiy mulk sifatida sotish, ijaraga, shu jumladan davlat-xususiy sheriklik asosida berish toʻgʻrisida qaror qabul qilish.	Zaruratga koʻra
			”.

16. Vazirlar Mahkamasining 2019-yil 21-avgustdagi 704-son qarori bilan tasdiqlangan Tadbirkorlik subyektlarini ixtiyoriy tugatish va ularning faoliyatini toʻxtatish tartibi toʻgʻrisidagi nizomda:

a) 21-band quyidagi mazmundagi ikkinchi xatboshi bilan toʻldirilsin:

“Yillik aylanmasi oxirgi uch yil ichida bir milliard soʻmgacha boʻlgan, soliq maslahatchilari tomonidan soliqlarga doir xulosa berish orqali ixtiyoriy tugatilish istagini bildirgan tijorat tashkilotida (tavakkalchilik darajasi yuqori boʻlgan soliq toʻlovchilar bundan mustasno) soliq tekshiruvi oʻtkazilmaydi”;

ikkinchi — beshinchi xatboshilar tegishlicha uchinchi-oltinchi xatboshilar deb hisoblansin;

b) ilovaning “6 bosqich” “Tadbirlar ustuni” quyidagi tahrirda bayon etilsin:

“Tizim orqali xabardor qilingan kundan boshlab tijorat tashkilotining moliya-xoʻjalik faoliyatini tekshirishga (taftish qilishga) kirishish, yillik aylanmasi oxirgi uch yil ichida bir milliard soʻmgacha boʻlgan, soliq maslahatchilari tomonidan soliqlarga doir xulosa berish orqali ixtiyoriy tugatilish istagini bildirgan tijorat tashkilotlardan (tavakkalchilik darajasi yuqori boʻlgan soliq toʻlovchi bundan mustasno) tashqari”.

17. Vazirlar Mahkamasining 2020-yil 30-noyabrdagi 753-son qarori bilan tasdiqlangan Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamgʻarmasi toʻgʻrisidagi nizomning 24-bandidan “maxsus 22626” soʻzlari chiqarib tashlansin.

18. Vazirlar Mahkamasining “Quvayt arab iqtisodiy taraqqiyot jamgʻarmasi ishtirokida “Namunaviy loyihalar boʻyicha yakka tartibdagi uy-joylar qurilishi yuzasidan qishloq massivlarida muhandislik infratuzilmasini rivojlantirish (2 bosqich)” loyihasini amalga oshirish chora-tadbirlari toʻgʻrisida” 2020-yil 7-iyuldagi 427-son qarorining 3-bandi oltinchi va yettinchi xatboshilaridagi “22626-son “Korxona va tashkilotlarning maqsadli mablagʻlari” moliyalashtirish maxsus” soʻzlari chiqarib tashlansin.

19. Vazirlar Mahkamasining “Soliq xavfini boshqarish, soliq xavfi mavjud soliq toʻlovchilarni (soliq agentlarini) aniqlash va soliq tekshiruvlarini tashkil etish va oʻtkazish toʻgʻrisida” 2021-yil 7-yanvardagi 1-son qarorida:

a) 1-ilova quyidagi mazmundagi 19¹-band bilan toʻldirilsin:

“19¹. Soliq maslahatchilari tomonidan soliq toʻlovchilarga soliq hisobini yuritish boʻyicha xizmatlar doirasida taqdim etilgan soliq maslahatiga oid xulosa soliq tavakkalchiligini baholash chogʻida soliq organlari tomonidan qabul qilinadi”;

b) 2-ilova 17-bandining oʻninchi xatboshisi quyidagi tahrirda bayon etilsin:

“soliq tekshiruvini oʻtkazish chogʻida yoki uning natijasi boʻyicha asosnoma sifatida soliq maslahatchilari tashkilotining soliq maslahatiga oid hisobotini va/yoki xulosasini taqdim etish”.

20. Vazirlar Mahkamasining 2021-yil 22-sentabrdagi 595-son qarori bilan tasdiqlangan Qoʻshilgan qiymat soligʻi toʻlovchilarini soliq organlarida qoʻshilgan qiymat soligʻi boʻyicha maxsus roʻyxatdan oʻtkazish tartibi toʻgʻrisidagi nizomda:

a) 4-band quyidagi tahrirda bayon etilsin:

“4. QQS guvohnomasi faol boʻlgan soliq toʻlovchilar tomonidan qoʻshilgan qiymat soligʻi faqatgina belgilangan tartibda soliq organlarida maxsus roʻyxatdan oʻtgan va faol guvohnomaga ega boʻlgan yetkazib beruvchilar tomonidan taqdim etilgan hisobvaraq-fakturalar asosida haqiqatda olingan tovar (xizmat)lar boʻyicha hisobga olinishi mumkin”;

b) 9-bandning birinchi xatboshisi quyidagi tahrirda bayon etilsin:

“9. Soliq kodeksi talablariga muvofiq quyidagi soliq toʻlovchilarga qoʻshilgan qiymat soligʻi boʻyicha maxsus roʻyxatdan oʻtkazilganligi toʻgʻrisida guvohnoma soliq xavfi darajasiga aniqlik kiritilmasdan turib avtomatik ravishda beriladi”;

v) 10-band quyidagi tahrirda bayon etilsin:

“10. Ushbu Nizomning 9-bandida koʻrsatilgan tadbirkorlik subyektlarining faoliyati soliq organlari tomonidan monitoring qilib boriladi va monitoring davomida soliq xavfi holatlarining aniqlanishi qoʻshilgan qiymat soligʻi boʻyicha maxsus roʻyxatdan oʻtkazilganligi toʻgʻrisidagi guvohnomaning amal qilishini toʻxtatib qoʻyishga asos boʻladi”;

g) 16-bandda:

quyidagi mazmundagi oʻn toʻrtinchi xatboshi bilan toʻldirilsin:

““Asl belgisi” mahsulotlarni markirovkalash va kuzatib borish milliy axborot tizimi hamda isteʼmol va texnik etil spirti, alkogol va tamaki mahsulotlari ishlab chiqarish hajmlarini hisobga olish axborot tizimini joriy etish yoki foydalanishga hamda real vaqt rejimida avtomatlashtirilgan kuzatish tizimi (GPS) bilan jihozlangan hamda isteʼmol va texnik etil spirti, alkogol mahsulotlarini ishlab chiqarish, ularning aylanmasi hajmini hisobga olish hamda uzumzorlarning yagona reyestri axborot tizimiga integratsiya qilingan elektron hisoblagich oʻrnatilgan avtotransport vositalarida isteʼmol va texnik etil spirtini realizatsiya qilishni taʼminlamashga oid litsenziya talablari buzilganda”;

oʻn toʻrtinchi — oʻn beshinchi xatboshilar tegishlicha oʻn beshinchi-oʻn oltinchi xatboshilar deb hisoblansin;

d) 17-band quyidagi mazmundagi oltinchi — oʻn birinchi xatboshilar bilan toʻldirilsin:

“barcha isteʼmol va texnik etil spirti ishlab chiqarish hamda alkogol mahsulotlarini quyish liniyalarida yigʻma hisobga olish maʼlumotlari koʻrsatkichlarini tegishli himoyalash vositasiga ega boʻlgan tayyor mahsulotlarni elektron hisoblagichlar mavjud boʻlmaganda;

tashkilotlar tomonidan doimiy ravishda ustav fondining quyidagi miqdori taʼminlanmaganda:

isteʼmol etil spirti va aroq ishlab chiqaruvchi tashkilotlar uchun bazaviy hisoblash miqdorining 10 000 baravari;

boshqa alkogol mahsulotlari ishlab chiqaruvchilar (uzum va mevalarni birlamchi qayta ishlash tashkilotlari bundan mustasno) uchun bazaviy hisoblash miqdorining 1 000 baravari;

aroq hamda isteʼmol etil spirtidan (uzum va rezavor meva etil spirtidan tashqari) aroq va likyor-aroq mahsulotlari ishlab chiqarish boʻyicha mavjud yillik ishlab chiqarish quvvatlaridan oʻrnatilgan quvvatlarning 60 foizidan va yillik ishlab chiqarish hajmi absolyut alkogolga qayta hisoblaganda kamida 100 ming dekalitrdan kam boʻlganda;

aroq ishlab chiqarmaydigan tashkilotlarda isteʼmol etil spirtidan (uzum va rezavor meva etil spirtidan tashqari) likyor-aroq mahsulotlari ishlab chiqarish boʻyicha mavjud yillik ishlab chiqarish quvvatlaridan oʻrnatilgan quvvatlarning 50 foizidan kam boʻlganda”;

e) 19-band quyidagi tahrirda bayon etilsin:

“19. Soliq toʻlovchining soliq xavfi guruhlaridan biriga kiritilganligi toʻgʻrisidagi xabarnoma guvohnomaning amal qilishi toʻxtatilishidan besh ish kuni oldin yuboriladi”;

j) 31-band quyidagi mazmundagi xatboshi bilan toʻldirilsin:

“soliq xavfining yuqori darajasiga ega soliq toʻlovchilarning qoʻshilgan qiymat soligʻi boʻyicha maxsus roʻyxatdan oʻtkazilganligi toʻgʻrisidagi guvohnomaning amal qilishi bu haqda soliq organlari tomonidan besh ish kuni oldin xabarnoma yuborilgandan soʻng hamda mazkur muddatda kamchiliklar bartaraf etilmagan taqdirda toʻxtatib turiladi (amalga oshirilayotgan bitimlar (operatsiyalar) xarid qilinayotgan va realizatsiya qilinayotgan tovarlar (xizmatlar) nomenklaturasiga muvofiq kelmasligi yoki soliq toʻlovchi davlat roʻyxatidan oʻtkazilgan manzilda mavjud boʻlmaganligi holatlari bundan mustasno)”;

z) 4-ilovaning toʻrtinchi grafasi uchinchi pozitsiyasi quyidagi tahrirda bayon etilsin:

“Besh ish kunidan oldin”.

22. Vazirlar Mahkamasining 2021-yil 24-iyuldagi 458-son qarori bilan tasdiqlangan Qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) hamda payvandtaglarni sotib olish xarajatlarining bir qismini qoplash uchun subsidiya ajratish toʻgʻrisidagi nizomda:

a) 17 va 26-bandlardagi “maxsus 22626” soʻzlari chiqarib tashlansin;

b) 2-ilovaning “5-bosqich” “Tadbirlar” ustunidagi “maxsus 22626-maxsus” soʻzlari chiqarib tashlansin.

23. Vazirlar Mahkamasining 2021-yil 17-sentabrdagi 573-son qarori bilan tasdiqlangan Oʻzbekiston Respublikasi Suv xoʻjaligi vazirligi huzuridagi Suv xoʻjaligida xorijiy investitsiya loyihalarini amalga oshirish markazi toʻgʻrisidagi nizomning 3-bandidagi “maxsus (22626)” soʻzlari chiqarib tashlansin.

24. Vazirlar Mahkamasining “Muqobil energiya orqali ishlaydigan isitish tizimini joriy etgan limon yetishtiruvchilarni, shuningdek, yangi limonzorlarni barpo etish va koʻchatlar xarid qilishni moliyaviy jihatdan qoʻllab-quvvatlash chora-tadbirlari toʻgʻrisida” 2022-yil 17-yanvardagi 24-son qarorida:

a) Limon yetishtiriladigan issiqxonalarni barpo etishda muqobil energiya (tabiiy gazga nisbatan) qurilmalari qiymatining bir qismini qoplash tartibi toʻgʻrisidagi nizomga 3-ilovaning 2-qismidan “22626-maxsus” soʻzlari chiqarib tashlansin;

b) Yangi limonzorlarni barpo etish va koʻchatlarni xarid qilish bilan bogʻliq xarajatlarning bir qismini qoplash tartibi toʻgʻrisidagi nizomda:

17-band quyidagi tahrirda bayon etilsin:

“17. Subsidiya loyiha tashabbuskorlarining xizmat koʻrsatuvchi tijorat banklarida ochilgan hisobvaraqlariga oʻtkaziladi”;

1-ilova bilan tasdiqlangan “Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasi subsidiyalari hisobidan yangi limonzorlar barpo etish va koʻchatlar xarid qilish bilan bogʻliq loyihalarni moliyalashtirish” sxemasining “Chora tadbirlar” ustuni “5-bosqich” qatoridagi “maxsus 22626” soʻzlari chiqarib tashlansin.

25. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomga 7-ilovaning 9-bandi quyidagi mazmundagi “t” kichik bandi bilan toʻldirilsin:

“t) alkogol mahsulotlariga nisbatan roʻyxatdan oʻtkazilgan tovar belgilarini qoʻllash va (yoki) patentlangan sanoat namunalaridan foydalanish, shu jumladan tegishli litsenziya shartnomalari asosida*”.

26. Vazirlar Mahkamasining “2022-yil hosilidan bugʻdoyni xarid qilish va sotishda bozor tamoyillarini keng joriy etish chora-tadbirlari toʻgʻrisida” 2022-yil 30-maydagi 284-son qarorida:

a) 5-bandning birinchi xatboshisi quyidagi tahrirda bayon etilsin:

“5. Belgilansinki, davlat resurslariga xarid qilinadigan bugʻdoy uchun toʻlovlar dastlabki bosqichda 2-ilovaga muvofiq narxlarda bugʻdoy topshirilgan kundan boshlab ikki hafta muddatda Oʻzbekiston Respublikasi Prezidentining “Hisob-kitob tizimini takomillashtirish va xoʻjalik yurituvchi subyektlarning toʻlov intizomini oshirish chora-tadbirlari toʻgʻrisida” 2022-yil 25-maydagi PF-141-son Farmoni talablari asosida roʻyxati Vazirlar Mahkamasining qarori bilan tasdiqlangan bugʻdoy yetishtiruvchilarning maxsus hisobvaraqlariga toʻliq oʻtkazib beriladi”;

b) 17-band quyidagi tahrirda bayon etilsin:

“17. Jamgʻarma tomonidan Oʻzbekiston Respublikasi Prezidentining “Hisob-kitob tizimini takomillashtirish va xoʻjalik yurituvchi subyektlarning toʻlov intizomini oshirish chora-tadbirlari toʻgʻrisida” 2022-yil 25-maydagi PF-141-son Farmoni talablari asosida roʻyxati Vazirlar Mahkamasining qarori bilan tasdiqlangan tijorat vakiliga oʻtkazib beriladigan mablagʻlar hamda vaqtincha saqlash uchun bugʻdoy topshirgan bugʻdoy yetishtiruvchilarning mahsulot sotishdan tushgan mablagʻlarining harakati qonunchilik hujjatlariga muvofiq undiruvga qaratilmaydigan maxsus maqsadli hisobvaraqlarda amalga oshirilishi belgilab qoʻyilsin”;

v) 3-ilovaning 6-7-bandlari quyidagi tahrirda bayon etilsin:

“6. Maxsus maqsadli hisobvaraqlar Vazirlar Mahkamasining qarori asosida tijorat vakilining arizasiga asosan xizmat koʻrsatuvchi tijorat banki tomonidan unga Jamgʻarma nomidan bugʻdoy sotib olish uchun 23210 maxsus hisobvaraq ochiladi.

7. Jamgʻarma tijorat vakili tomonidan taqdim etilgan buyurtmanoma asosida Jamgʻarma nomidan tovar bugʻdoy sotib olish uchun tijorat vakilining maxsus maqsadli hisobvaragʻiga belgilangan tartibda foizsiz mablagʻlarni oʻtkazadi”.

27. Vazirlar Mahkamasining “Uzumchilik, bogʻdorchilik, issiqxona xoʻjaliklarini yurituvchi va vinochilik mahsulotlarini ishlab chiqaruvchi subyektlarni davlat tomonidan moliyaviy qoʻllab-quvvatlash chora-tadbirlari toʻgʻrisida” 2022-yil 10-iyundagi 327-son qarorida:

a) Yangi intensiv bogʻ va tokzorlarda loyiha asosida tomchilatib sugʻorish texnologiyalarini joriy qilish, burgʻilangan quduq, shuningdek daryolar, kanallar hamda boshqa suv havzalaridan suv tortish uchun nasos stansiyasini qurish va qayta tiklanuvchi, muqobil elektr energiyasi qurilmasini sotib olish xarajatlarining bir qismini qoplash tartibi toʻgʻrisidagi nizomda:

13-banddagi “22626-maxsus” soʻzlari chiqarib tashlansin;

15-banddagi “maxsus 22626” soʻzlari chiqarib tashlansin;

2-ilovaning “5-bosqich” “Tadbirlar” ustunidagi “maxsus 22626” soʻzlari chiqarib tashlansin;

b) Uzum koʻchatlarini shpalerga (yogʻoch va boshqa sinuvchan ustunlardan tashqari) koʻtarish xarajatlarining bir qismini qoplash tartibi toʻgʻrisidagi nizomda:

12-banddagi “22626-maxsus” soʻzlari chiqarib tashlansin;

14-banddagi “maxsus 22626” soʻzlari chiqarib tashlansin;

2-ilovaning “5-bosqich” “Tadbirlar” ustunidagi “maxsus 22626” soʻzlari chiqarib tashlansin;

3-ilovadagi “Tijorat banki nomi: “___________” ATB ________ filiali va” soʻzlaridan keyingi “22626-maxsus” soʻzlari chiqarib tashlansin;

v) Uzum (mayiz) quritish va qadoqlash liniyalarini xarid qilish xarajatlarining bir qismini qoplash tartibi toʻgʻrisidagi nizomda:

10-banddagi “22626-maxsus” soʻzlari chiqarib tashlansin;

12-banddagi “maxsus 22626” soʻzlari chiqarib tashlansin;

2-ilovaning “5-bosqich” “Tadbirlar” ustunidagi “maxsus 22626” soʻzlari chiqarib tashlansin;

g) Vinochilik asbob-uskunalarini xarid qilish xarajatlarining bir qismini qoplash tartibi toʻgʻrisidagi nizomda:

10-banddagi “22626-maxsus” soʻzlari chiqarib tashlansin;

12-banddagi “maxsus 22626” soʻzlari chiqarib tashlansin;

2-ilovaning “5-bosqich” “Tadbirlar” ustunidagi “maxsus 22626” soʻzlari chiqarib tashlansin;

d) Mahalliy ishlab chiqaruvchi klasterlar tomonidan uzum va meva-rezavorlardan tayyorlangan hamda tabiiy ravishda achitilgan har bir litr tabiiy vino (etil spirti qoʻshilmagan holda) va brendi mahsulotlarini eksport qilish xarajatlarining bir qismini qoplash tartibi toʻgʻrisidagi nizomda:

12-banddagi “22626-maxsus” soʻzlari chiqarib tashlansin;

14-banddagi “maxsus 22626” soʻzlari chiqarib tashlansin;

2-ilovaning “5-bosqich” “Tadbirlar” ustunidagi “maxsus 22626” soʻzlari chiqarib tashlansin.

Vazirlar Mahkamasining 2022-yil 21-dekabrdagi 717-son qaroriga
3-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

ROʻYXATI

1. Vazirlar Mahkamasining “Oʻzbekiston Respublikasi Soliq organlarining moddiy-texnika bazasini mustahkamlash va uning xodimlarini ijtimoiy himoya qilishni kuchaytirish chora-tadbirlari toʻgʻrisida” 1995-yil 14-sentabrdagi 359-son qarori.

2. Vazirlar Mahkamasining “Oʻzbekiston Respublikasi Davlat soliq qoʻmitasi faoliyatini tashkil etish masalalari toʻgʻrisida” 1998-yil 12-yanvardagi 14-son qarori (Oʻzbekiston Respublikasi QT, 1997-y., 1-son, 2-modda).

3. Vazirlar Mahkamasining “Davlat soliq xizmati organlari faoliyatini tashkil etishni takomillashtirish toʻgʻrisida” 2000-yil 13-martdagi 87-son qarori.

4. Vazirlar Mahkamasining “Oʻzbekiston Respublikasi Hukumatining isteʼmol tovarlari olib kelish va sotish masalalari boʻyicha ayrim qarorlariga oʻzgartirish, qoʻshimchalar kiritish va ularning ayrimlarini oʻz kuchini yoʻqotgan deb hisoblash toʻgʻrisida” 2003-yil 16-oktabrdagi 446-son qaroriga (Oʻzbekiston Respublikasi QT, 2003-y., 20-son, 187-modda) 1-ilovaning 3-bandi.

5. Vazirlar Mahkamasining “Vazirliklar va idoralarning budjetdan tashqari jamgʻarmalariga mablagʻlar ajratish va ulardan foydalanishni tartibga solish chora-tadbirlari toʻgʻrisida” 2003-yil 19-noyabrdagi 520-son qaroriga (Oʻzbekiston Respublikasi QT, 2003-y., 22-son, 223-modda) 2-ilovaning 9-bandi.

6. Vazirlar Mahkamasining “Vazirliklar va idoralarning budjetdan tashqari jamgʻarmalariga ajratmalarni tartibga solish chora-tadbirlari toʻgʻrisida” 2004-yil 25-oktabrdagi 499-son qaroriga (Oʻzbekiston Respublikasi QT, 2004-y., 43-son, 456-modda) 3-ilovaning 10-bandi.

7. Vazirlar Mahkamasining “Oʻzbekiston Respublikasi Davlat soliq qoʻmitasi hayʼati aʼzolari toʻgʻrisida” 2005-yil 4-fevraldagi 58-son qarori.

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Moliya-iqtisodiy, soliq sohasidagi jinoyatlarga, jinoiy faoliyatdan olingan daromadlarni legallashtirishga qarshi kurashishni kuchaytirish chora-tadbirlari toʻgʻrisida” 2006-yil 21-apreldagi PQ-331-son qarori)” 2006-yil 6-iyuldagi 130-son qaroriga ilovaning 2-bandi.

9. Vazirlar Mahkamasining “Soliq maslahati sohasini rivojlantirish chora-tadbirlari toʻgʻrisida” 2007-yil 20-martdagi 55-son qarori.

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Davlat soliq qoʻmitasi raisining oʻrinbosari lavozimini kiritish toʻgʻrisida” 2007-yil 28-iyundagi PQ-661-son qarori)” 2007-yil 8-avgustdagi 168-son qaroriga 1-ilova.

11. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi toʻgʻrisidagi nizomni tasdiqlash haqida” 2017-yil 17-apreldagi 222-son qarori (Oʻzbekiston Respublikasi QT, 2017-y., 17-son, 294-modda).

12. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Yoʻl xoʻjaligini boshqarish tizimini yanada takomillashtirish chora-tadbirlari toʻgʻrisida” 2017-yil 14-fevraldagi PF-4954-son Farmoni)” 2017-yil 7-iyuldagi 472-son qaroriga 1-ilovaning 14-bandi.

13. Vazirlar Mahkamasining “Davlat soliq xizmati organlari mansabdor shaxslarining yangi formali kiyim-boshi va farqlovchi belgilarini joriy etish toʻgʻrisida” 2017-yil 27-iyuldagi 545-son qarori.

14. Vazirlar Mahkamasining “Koʻp kvartirali uylarni kapital va joriy taʼmirlash uchun mablagʻlarni toʻplash va ulardan foydalanish tartibi toʻgʻrisidagi nizomni tasdiqlash haqida” 2017-yil 1-avgustdagi 570-son qarori.

15. Vazirlar Mahkamasining “Davlat soliq xizmati organlari faoliyatini huquqiy tartibga solishni yanada takomillashtirish toʻgʻrisida” 2017-yil 28-avgustdagi 677-son qaroriga 4-ilovaning 1-bandi.

16. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Soliq maʼmuriyatchiligini tubdan takomillashtirish, soliqlar va boshqa majburiy toʻlovlarning yigʻiluvchanligini oshirish chora-tadbirlari toʻgʻrisida” 2017-yil 18-iyuldagi PF-5116-son Farmoni)” 2017-yil 18-oktabrdagi 847-son qaroriga (Oʻzbekiston Respublikasi QT, 2017-y., 10-son, 242-modda) ilovaning 1-bandi.

17. Vazirlar Mahkamasining “Qishloq xoʻjaligida bozor mexanizmlarini keng joriy etish chora-tadbirlari toʻgʻrisida” 2018-yil 28-fevraldagi 149-son qarori.

18. Vazirlar Mahkamasining “Oʻzbekiston Respublikasi Vazirlar Mahkamasining ijro etuvchi tuzilmasi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2018-yil 29-maydagi 400-son qaroriga ilovaning 28-bandi.

19. Vazirlar Mahkamasining “Oʻzbekenergo” AJ tashkilotlarining aktivlarini moliyaviy sogʻlomlashtirish va ulardan samarali sarflanishini taʼminlash chora-tadbirlari toʻgʻrisida” 2018-yil 6-iyuldagi 515-son qarori.

20. Vazirlar Mahkamasining “Oʻzbekiston Respublikasi Hukumatining ayrim qarorlariga qoʻshimchalar kiritish toʻgʻrisida (Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasi huzuridagi Oʻzbekiston Respublikasining Rivojlanish davlat dasturlarini moliyalashtirish jamgʻarmasi faoliyatini tashkil etish chora-tadbirlari toʻgʻrisida” 2018-yil 6-apreldagi 274-son qarori)” 2018-yil 27-iyuldagi 585-son qaroriga ilovaning 2-bandi.

21. Vazirlar Mahkamasining “Vazirlar Mahkamasining “Qishloq xoʻjaligida bozor mexanizmlarini keng joriy etish chora-tadbirlari toʻgʻrisida” 2018-yil 28-fevraldagi 149-son qaroriga oʻzgartirish kiritish toʻgʻrisida” 2018-yil 1-noyabrdagi 894-son qarori.

22. Vazirlar Mahkamasining “Yoqilgʻi-energetika resurslarining narx va tariflarini bosqichma-bosqich oʻzgartirish toʻgʻrisida” 2018-yil 1-noyabrdagi 897-son qaroriga 3-ilovaning 3-bandi.

23. Vazirlar Mahkamasining “2019-yilda gʻoʻzani navlari boʻyicha joylashtirish va paxta xom ashyosi yetishtirishning prognoz hajmlari toʻgʻrisida” 2018-yil 22-dekabrdagi 1037-son qarori.

24. Vazirlar Mahkamasining “Vazirlar Mahkamasining “Oʻzbekenergo” AJ tashkilotlarining aktivlarini moliyaviy sogʻlomlashtirish va ulardan samarali foydalanishni taʼminlash chora-tadbirlari toʻgʻrisida” 2018-yil 6-iyuldagi 515-son qaroriga qoʻshimcha va oʻzgartirishlar kiritish toʻgʻrisida” 2019-yil 19-fevraldagi 147-son qarori.

25. Vazirlar Mahkamasining “Davlat soliq xizmati organlari faoliyatini yanada takomillashtirish chora-tadbirlari toʻgʻrisida” 2019-yil 17-apreldagi 320-son qaroriga 8-ilovaning 2, 3, 8-bandlari.

26. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi faoliyatini tartibga soluvchi normativ-huquqiy hujjatlarni tasdiqlash toʻgʻrisida” 2019-yil 12-iyuldagi 575-son qaroriga 7-ilovaning 22-bandi.

27. Vazirlar Mahkamasining “Vazirlar Mahkamasining “2019-yilda gʻoʻzani navlari boʻyicha joylashtirish va paxta xom ashyosi yetishtirishning prognoz hajmlari toʻgʻrisida” 2018-yil 22-dekabrdagi 1037-son qaroriga oʻzgartirish kiritish haqida” 2019-yil 17-sentabrdagi 782-son qarori.

28. Vazirlar Mahkamasining “Donni qayta ishlash korxonalari va qolipli non ishlab chiqaruvchilarni yanada qoʻllab-quvvatlash chora-tadbirlari toʻgʻrisida” 2019-yil 30-sentabrdagi 829-son qaroriga 1-ilovaning 5-bandi.

29. Vazirlar Mahkamasining 2020-yil 5-martdagi 123-son qarori bilan tasdiqlangan Oʻzbekiston Respublikasi Moliya vazirligi hamda Qoraqalpogʻiston Respublikasi Moliya vazirligi, viloyatlar va Toshkent shahar hokimliklari moliya bosh boshqarmalari huzuridagi Avtomobil yoʻllarini rivojlantirish maqsadli jamgʻarmalari toʻgʻrisidagi nizomning 34-bandi.

30. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish toʻgʻrisida (Oʻzbekiston Respublikasi Prezidentining “Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasida belgilangan vazifalarni 2020-yilda amalga oshirish chora-tadbirlari toʻgʻrisida” 2020-yil 28-yanvardagi PQ-4575-son qarori)” 2020-yil 27-apreldagi 261-son qaroriga ilovaning 1-bandi.

31. Vazirlar Mahkamasining “2021-yilda mineral oʻgʻitlarni ishlab chiqarish va isteʼmol qilish balansini tasdiqlash toʻgʻrisida” 2021-yil 29-martdagi 162-son qarorining 8-bandi.

32. Vazirlar Mahkamasining “Koʻp kvartirali uylarni kapital va joriy taʼmirlash uchun mablagʻlar toʻplash va ulardan foydalanish tartibi toʻgʻrisidagi nizomga oʻzgartirish va qoʻshimcha kiritish toʻgʻrisida” 2021-yil 15-dekabrdagi 754-son qarori.

33. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 28, 426-bandlari.

Кўриниш

Кўриниш