Soliq intizomini mustahkamlash, soliq qonun hujjatlariga qat’iy amal qilish, soliq to‘lovlarining budjetga to‘liq va o‘z vaqtida tushishini ta’minlash, soliq haqidagi huquq buzilishlarining aniqlanishi, ularning oldini olish va ularni bartaraf etish ustidan davlat nazoratni kuchaytirish, shuningdek soliq organlari faoliyatini yanada takomillashtirish maqsadida Vazirlar Mahkamasi qaror qiladi:

2. O‘zbekiston Respublikasi Davlat soliq qo‘mitasi tizimi xodimlarining umumiy soni 2000-yil 1-apreldan boshlab o‘rtacha 10 foizga qisqartirilsin. Qisqartirilayotgan xodimlar va ish haqi fondi Soliq sohasida huquq buzilishlarga qarshi tezkor kurashish bosh boshqarmasini hamda uning hududiy boshqarmalarini xodimlar bilan to‘ldirishga va mustahkamlashga yo‘naltirilsin.

Davlat soliq qo‘mitasi raisining besh nafar o‘rinbosari, shu jumladan bir nafar birinchi o‘rinbosari, 9 kishidan iborat tarkibda hay’ati bo‘lishiga ruxsat etilsin.

4. Davlat soliq qo‘mitasi markaziy apparati tuzilmasida:

Soliq tekshiruvlari va mavzuli ekspress-o‘rganishlar boshqarmasi tashkil etilsin, unga belgilangan tartibda nazorat ishlarini amalga oshirish va hujjatlarni tekshirish hamda xo‘jalik yurituvchi subyektlarning moliya-xo‘jalik faoliyatini taftish qilish funksiyasi yuklansin;

7. Soliq tekshiruvlari va mavzuli ekspress-o‘rganishlar boshqarmasi, Soliq sohasida huquqbuzarliklar profilaktikasi boshqarmasi va ularning hududiy bo‘linmalari, shuningdek Yirik soliq to‘lovchilar bo‘yicha hududlararo davlat soliq inspeksiyasi xodimlari uchun O‘zbekiston Respublikasi respublika budjeti hisobidan ular lavozim maoshining 20 foizi miqdorida maxsus ustamalar joriy etilsin.

8. O‘zbekiston Respublikasi Davlat soliq qo‘mitasi:

ikki hafta muddatda O‘zbekiston Respublikasi Davlat soliq qo‘mitasi to‘g‘risidagi Nizomning yangi tahririni hamda Soliq sohasida huquq buzilishlarga qarshi tezkor kurashish bosh boshqarmasi, Nazorat-taftish bosh boshqarmasi, Rejim va kadrlar bosh boshqarmasi to‘g‘risidagi nizomlarni ishlab chiqsin va tasdiqlash uchun Vazirlar Mahkamasiga kiritsin;

shu yil 1-maygacha davlat soliq, xizmati organlari xodimlarining yangi kiyim-boshini yaratish yuzasidan tanlov o‘tkazsin, bunda unga 2001-yildan boshlab o‘tishni nazarda tutsin.

9. O‘zbekiston Respublikasi Moliya vazirligi Davlat soliq qo‘mitasi bilan birgalikda Soliq sohasida huquq buzilishlarga qarshi tezkor kurashish bosh boshqarmasiga va uning hududiy boshqarmalariga xizmat ko‘rsatish uchun avtotransport vositalariga qo‘shimcha limit ajratish to‘g‘risidagi masalani bir oy muddatda hal qilsin.

11. Vazirlar Mahkamasining Qurilish va qurilish materiallari sanoati kompleksi (Isayev) O‘zbekiston Respublikasi Davlat soliq qo‘mitasi, Makroiqtisodiyot va statistika vazirligi, Moliya vazirligi Buxoro va Farg‘ona viloyatlari hokimliklari bilan birgalikda Buxoro va Farg‘ona shaharlaridagi ikkita yangidan qurilgan kasb-hunar kollejlarini aniqlasin va ularni ikki oy muddatda ushbu kollejlar bazasida 2000-yil 1-sentabrgacha har biri 200 o‘rinli ixtisoslashtirilgan soliq kollejlari tashkil etish uchun Davlat soliq qo‘mitasi balansiga bersin.

12. O‘zbekiston Respublikasi Davlat soliq qo‘mitasi va Moliya vazirligining Buxoro shahar va Samarqand shahar Davlat soliq inspeksiyalarini, shuningdek Farg‘ona shahridagi Qirguli tumani Davlat soliq inspeksiyasini tugatish to‘g‘risidagi taklifi qabul qilinsin.

13. Quyidagilar:

O‘zbekiston Respublikasi Vazirlar Mahkamasining “O‘zbekiston Respublikasi soliq organlarini yanada mustahkamlash chora-tadbirlari to‘g‘risida” 1992-yil 20-oktabrdagi 483-son qarori;

O‘zbekiston Respublikasi Vazirlar Mahkamasining “O‘zbekiston Respublikasi Davlat soliq qo‘mitasi faoliyatini tashkil etish masalalari to‘g‘risida” 1998-yil 12-yanvardagi 14-son qarorining 1 va 3-bandlari, qarorga 1-6-ilovalar o‘z kuchini yo‘qotgan deb hisoblansin.

14. O‘zbekiston Respublikasi Davlat soliq qo‘mitasi Adliya vazirligi va Moliya vazirligi bilan birgalikda bir oy muddatda O‘zbekiston Respublikasining amaldagi qonun hujjatlariga tegishli o‘zgartirishlar va qo‘shimchalar kiritish yuzasidan takliflar tayyorlasin.

15. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari B.S.Hamidov zimmasiga yuklansin.