LexUZ sharhi
Mazkur qaror O‘zbekistan Respublikasi Vazirlar Mahkamasining 2023-yil 8-apreldagi 147-sonli “Yangi O‘zbekiston ma’muriy islohotlarini amalga oshirish doirasida O‘zbekiston Respublikasi Vazirlar Mahkamasining yangilangan ijro etuvchi tuzilmasi tasdiqlanganligi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Mamlakatni ijtimoiy-iqtisodiy rivojlantirishning strategik vazifalari amalga oshirilishi samaradorligi uchun O‘zbekiston Respublikasi Vazirlar Mahkamasining mas’uliyatini oshirishga doir birinchi navbatdagi chora-tadbirlar to‘g‘risida” 2019-yil 28-yanvardagi PF-5644-son, “Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari va ularning oila a’zolarini himoya qilish kafolatlarini yanada kuchaytirish choralari to‘g‘risida” 2019-yil 20-avgustdagi PF-5785-son va “O‘zbekiston Respublikasining xalqaro iqtisodiy hamkorligini yanada rivojlantirish bo‘yicha qo‘shimcha chora-tadbirlar to‘g‘risida” 2020-yil 10-yanvardagi PF-5903-son farmonlari, O‘zbekiston Respublikasi Prezidentining “O‘zbekiston Respublikasi Hukumati ishini tashkil etishning sifat jihatidan yangi tizimini joriy etish to‘g‘risida” 2019-yil 28-yanvardagi PQ-4136-son, “Vazirlar Mahkamasi faoliyatini takomillashtirishga oid qo‘shimcha chora-tadbirlar to‘g‘risida” 2021-yil 10-iyundagi PQ-5143-son, “Vazirlar Mahkamasining ijro etuvchi tuzilmasini takomillashtirishga doir qo‘shimcha chora-tadbirlar to‘g‘risida” 2022-yil 29-sentabrdagi PQ-384-son va Vazirlar Mahkamasining “O‘zbekiston Respublikasi Vazirlar Mahkamasi apparatining tarkibiy bo‘linmalari tuzilmasini tasdiqlash to‘g‘risida” 2022-yil 22-fevraldagi 85-son qaroriga o‘zgartirishlar va qo‘shimcha kiritish haqida” 2022-yil 26-oktabrdagi 618-son qarorlari ijrosini ta’minlash maqsadida Vazirlar Mahkamasi qaror qiladi:
O‘zbekiston Respublikasi Bosh vazirining maslahatchisi — Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti boshlig‘ining funksional vazifalari to‘g‘risida nizom 1-ilovaga muvofiq;
Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti to‘g‘risida nizom 2-ilovaga muvofiq tasdiqlansin.
2. O‘zbekiston Respublikasi Bosh vazirining maslahatchisi — Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti boshlig‘i o‘n kun muddatda Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti mutaxassislarining funksional vazifalari taqsimlanishini tasdiqlasin.
3. O‘zbekiston Respublikasi Hukumatining 3-ilovaga muvofiq ayrim qarorlari o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish O‘zbekiston Respublikasi Bosh vazirining maslahatchisi — Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti boshlig‘i M.A. Xayriddinov zimmasiga yuklansin.
1. Ushbu Nizom O‘zbekiston Respublikasi Prezidentining “Mamlakatni ijtimoiy-iqtisodiy rivojlantirishning strategik vazifalari amalga oshirilishi samaradorligi uchun O‘zbekiston Respublikasi Vazirlar Mahkamasining mas’uliyatini oshirishga doir birinchi navbatdagi chora-tadbirlar to‘g‘risida” 2019-yil 28-yanvardagi PF-5644-son, “Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari va ularning oila a’zolarini himoya qilish kafolatlarini yanada kuchaytirish choralari to‘g‘risida” 2019-yil 20-avgustdagi PF-5785-son va “O‘zbekiston Respublikasining xalqaro iqtisodiy hamkorligini yanada rivojlantirish bo‘yicha qo‘shimcha chora-tadbirlar to‘g‘risida” 2020-yil 10-yanvardagi PF-5903-son farmonlari hamda O‘zbekiston Respublikasi Prezidentining “O‘zbekiston Respublikasi Hukumati ishini tashkil etishning sifat jihatidan yangi tizimini joriy etish to‘g‘risida” 2019-yil 28-yanvardagi PQ-4136-son, “Vazirlar Mahkamasi faoliyatini takomillashtirishga oid qo‘shimcha chora-tadbirlar to‘g‘risida” 2021-yil 10-iyundagi PQ-5143-son, “Vazirlar Mahkamasining ijro etuvchi tuzilmasini takomillashtirishga doir qo‘shimcha chora-tadbirlar to‘g‘risida” 2022-yil 29-sentabrdagi PQ-384-son va Vazirlar Mahkamasining “O‘zbekiston Respublikasi Vazirlar Mahkamasi apparatining tarkibiy bo‘linmalari tuzilmasini tasdiqlash to‘g‘risida” 2022-yil 22-fevraldagi 85-son qaroriga o‘zgartirishlar va qo‘shimcha kiritish haqida” 2022-yil 26-oktabrdagi 618-son qarorlariga muvofiq O‘zbekiston Respublikasi Bosh vazirining maslahatchisi — Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti boshlig‘ining (keyingi o‘rinlarda Bosh vazir maslahatchisi deb ataladi) funksional vazifalarini belgilaydi.
2. Bosh vazir maslahatchisi O‘zbekiston Respublikasi Prezidentiga va O‘zbekiston Respublikasining Bosh vaziriga hisobot beradi.
3. Bosh vazir maslahatchisi o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining (keyingi o‘rinlarda Vazirlar Mahkamasi deb ataladi) qarorlari va farmoyishlariga, shuningdek, ushbu Nizomga amal qiladi.
4. Bosh vazir maslahatchisining faoliyati tashqi mehnat migratsiyasi, mehnat migrantlari va ular oila a’zolarining huquq va qonuniy manfaatlarini himoya qilinishini ta’minlash, xalqaro iqtisodiy hamkorlikni kengaytirish, O‘zbekiston Respublikasi iqtisodiyotining jahon iqtisodiy tizimiga integratsiyalashuvi bilan bog‘liq masalalar bo‘yicha takliflarning puxta ishlab chiqilishi, ekspertizadan o‘tkazilishi va tayyorlanishini tashkil etishga yo‘naltirilgan.
5. Bosh vazir maslahatchisi O‘zbekiston Respublikasi Vazirlar Mahkamasi Rayosatining a’zosi hisoblanadi.
6. Bosh vazir maslahatchisi O‘zbekiston Respublikasi Prezidenti bilan kelishilgan holda, O‘zbekiston Respublikasining Bosh vaziri tomonidan lavozimga tayinlanadi va lavozimdan ozod etiladi.
7. Bosh vazir maslahatchisi Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamentiga (keyingi o‘rinlarda Departament deb ataladi) bevosita rahbarlik qiladi va Departament boshlig‘i o‘rinbosari, shu’ba mudiri va mutaxassislarining ishini tashkil qiladi.
8. Bosh vazir maslahatchisi Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini ushbu Nizomga muvofiq o‘ziga yuklangan vazifalar va majburiyatlar doirasida umumiy muvofiqlashtiradi.
9. Bosh vazir maslahatchisining mehnatiga belgilangan tartibda tasdiqlanadigan shtat jadvaliga muvofiq haq to‘lanadi.
vazirliklar, davlat qo‘mitalari, mahalliy ijro etuvchi hokimiyat organlari va boshqa tashkilotlar tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining qarorlari, parlament va deputatlar so‘rovlari, O‘zbekiston Respublikasi Prezidentining hujjatlari va topshiriqlari so‘zsiz bajarilishini tashkil qilish, shuningdek, joylardagi ishlarning real holatini o‘rganish, tashqi mehnat migratsiyasi sohasidagi muammolarni har tomonlama tahlil qilish asosida strategik va ustuvor vazifalarni amalga oshirishga doir kompleks takliflar ishlab chiqish;
2022 — 2026-yillarga mo‘ljallangan Yangi O‘zbekistonning taraqqiyot strategiyasi vazifalari, o‘rta muddatli va uzoq istiqbolda rivojlantirishning tasdiqlangan tarmoq va hududiy dasturlari o‘z vaqtida hamda samarali amalga oshirilishini ta’minlash chora-tadbirlarini tashkil etish;
uyushgan mehnat migratsiyasi, mehnat migrantlari va ularning oila a’zolarining huquqlari va qonuniy manfaatlarini samarali himoya qilish, ularni moddiy va ijtimoiy qo‘llab-quvvatlash masalalari bo‘yicha davlat boshqaruvi organlari, mahalliy ijro etuvchi hokimiyat organlari va boshqa tashkilotlarning faoliyatini muvofiqlashtirish;
xorijiy mamlakatlarning tashqi mehnat migratsiyasi masalalari bo‘yicha vakolatli davlat organlari bilan hamkorlikni yo‘lga qo‘yish, mehnat migrantlarining huquqlari va qonuniy manfaatlarini himoya qilish to‘g‘risida xalqaro shartnomalarga O‘zbekiston Respublikasining qo‘shilishi (ratifikatsiya qilishi) bo‘yicha takliflarni ko‘rib chiqish;
O‘zbekiston Respublikasi fuqarolarini uyushgan holda xorijda ishga joylashtirishni ta’minlash bo‘yicha yillik rejalar va dasturlar, mehnat migrantlarining huquqlari va qonuniy manfaatlari himoya qilinishini ta’minlash, xorijda ularning mehnat, maishiy va yashash sharoitlarini yaxshilash bo‘yicha manzilli chora-tadbirlarni amalga oshirishni nazarda tutuvchi tashqi mehnat migratsiyasi sohasidagi ustuvor vazifalarni hal etishga doir aniq chora-tadbirlar (“yo‘l xaritalari”) ishlab chiqilishi va amalga oshirilishini ta’minlash;
xalqaro iqtisodiy hamkorlikni kengaytirish, O‘zbekiston Respublikasi iqtisodiyotining jahon iqtisodiy tizimiga integratsiyalashuviga mas’ul bo‘lgan davlat organlari va boshqa tashkilotlar faoliyatini muvofiqlashtirish;
xalqaro iqtisodiy hamkorlikni kengaytirish bo‘yicha boshqa davlatlar va xalqaro tashkilotlar bilan muzokaralar jarayonida ishtirok etish, tegishli vazirlik va idoralar bilan birgalikda xalqaro iqtisodiy hamkorlik to‘g‘risidagi hujjatlar loyihalarining ishlab chiqilishini tashkil etish;
O‘zbekiston Respublikasi iqtisodiyotining jahon iqtisodiy tizimiga integratsiyalashuviga asos bo‘luvchi amaldagi xalqaro hujjatlarga milliy qonunchilikni moslashtirish bo‘yicha takliflarni ko‘rib chiqish, tayyorlangan hujjatlar loyihalarini ekspertizadan o‘tkazilishini ta’minlash;
O‘zbekiston Respublikasi iqtisodiyotining jahon iqtisodiy tizimiga integratsiyalashuvi yuzasidan tizimli monitoring olib borish hamda tegishli ma’lumotlarni to‘planishi, umumlashtirilishi va tahlil qilinishini tashkil etish;
Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlar rahbarlariga yuklangan vazifa hamda funksiyalar samarali va natijali bajarilishi uchun ularning shaxsiy mas’uliyatini oshirish;
biriktirilgan sohada davlat siyosatini samarali va sifatli amalga oshirishda, shu jumladan, idoraviy mansub tashkilotlar faoliyatini muvofiqlashtirish va nazorat qilishning aniq tizimini joriy etish orqali moliyaviy resurslarni boshqarish masalalarida Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlar mustaqilligini kuchaytirish;
O‘zbekiston Respublikasi Prezidentining O‘zbekiston Respublikasi Oliy Majlisiga murojaatnomasidan kelib chiqadigan tegishli yilga mo‘ljallangan davlat dasturining mehnat migrantlari va ularning oila a’zolarining huquqlari va qonuniy manfaatlarini himoya qilish hamda xalqaro iqtisodiy hamkorlik masalalari bo‘yicha amalga oshirilishi to‘g‘risida O‘zbekiston Respublikasining Bosh vaziri O‘zbekiston Respublikasi Oliy Majlisi palatalariga hisobot berishi uchun har chorakda tahliliy materiallar tayyorlash;
Hukumatning, Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlarning asosiy xalqaro reytinglar hamda indekslarda O‘zbekiston Respublikasi pozitsiyalarini yaxshilash bo‘yicha ish samaradorligini oshirish sohasida kompleks chora-tadbirlarni amalga oshirishda ishtirok etish;
joylarda “xalq bilan muloqot” va shaxsiy uchrashuvlar amaliyotini takomillashtirish, aholining bandligi va real daromadlari oshirilishini ta’minlashni kafolatlovchi kompleks chora-tadbirlar ishlab chiqilishini tashkil etish hamda amalga oshirilishini monitoring qilish;
Bosh vazir maslahatchisi vakolatiga kiritilgan yo‘nalishlar va masalalar bo‘yicha O‘zbekiston Respublikasining Bosh vaziriga takliflarning puxta ishlab chiqilishi, ekspertizadan o‘tkazilishi va tayyorlanishini ta’minlash;
xorijiy davlatlar va xalqaro tashkilotlar bilan hamkorlikni kengaytirish bo‘yicha “yo‘l xaritalari”, yirik loyihalarni amalga oshirish, shuningdek, biriktirilgan sohalar hamda tarmoqlarda muhim ustuvor yo‘nalishlar bo‘yicha kompleks chora-tadbirlar ishlab chiqilishini tashkil qilish hamda Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlar rahbarlari bilan birgalikda ularni O‘zbekiston Respublikasining Bosh vaziri va O‘zbekiston Respublikasi Prezidenti huzurida himoya qilish;
Departamentga biriktirilgan sohalarda islohotlarning doimiy va tizimli asosda har tomonlama va tanqidiy tahlil qilinishini ta’minlash, aniqlangan kamchiliklarning o‘z vaqtida bartaraf etilishi bo‘yicha asoslantirilgan takliflar ishlab chiqish;
Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlar hamda ularning rahbarlari faoliyatini aniq ko‘rsatkichlar va maqsadli indikatorlarga erishish, tarmoqlarni yaqin va uzoq muddatli istiqbolda strategik rivojlantirish dasturlarini amalga oshirish sifati va samaradorligini ta’minlashga asoslangan mutlaqo yangi baholash tizimini joriy etish;
Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlarning faoliyatini yuzaga keladigan muammolar sabablari va sharoitlarini bartaraf etish, ishni tashkil qilishning zamonaviy uslublarini joriy qilish bo‘yicha kompleks chora-tadbirlarni ishlab chiqish hamda amalga oshirishga qayta yo‘naltirish maqsadida davlat organlarining ayrim funksiyalarini xususiy subyektlarga berish orqali ortiqcha ma’muriy tartibga solishni kamaytirish chora-tadbirlarini tashkil etish;
tashqi mehnat migratsiyasi, mehnat migrantlari va ularning oila a’zolarining huquqlari va qonuniy manfaatlarini himoya qilish, shuningdek, ularning yashashi va mehnat faoliyati uchun munosib sharoitlar yaratish sohalarini rivojlantirish hamda xalqaro iqtisodiy hamkorlikni kengaytirishning muhim va ustuvor yo‘nalishlari bo‘yicha masalalar tayyorlanishi va Vazirlar Mahkamasi Rayosati majlislarida ko‘rib chiqilishini ta’minlash;
Departamentga biriktirilgan tarmoqlarni yanada rivojlantirish vazifalarini, konsepsiyalar, kompleks chora-tadbirlar, yirik investitsiya loyihalari, shuningdek, xorijiy davlatlar, xalqaro iqtisodiy tashkilotlar va moliya institutlari, boshqa tuzilmalar bilan xalqaro iqtisodiy hamkorlikni kengaytirish bo‘yicha “yo‘l xaritalari”ni amalga oshirish masalalarini tayyorlashda qatnashish hamda ko‘rib chiqish;
O‘zbekiston Respublikasi Prezidenti Administratsiyasining tegishli bo‘linmalari, shuningdek, O‘zbekiston Respublikasi Oliy Majlisi Qonunchilik palatasi va Senatining qo‘mitalari bilan o‘zaro yaqin hamkorlikni ta’minlash;
Vazirlar Mahkamasi apparatida, Departamentga biriktirilgan vazirliklar, idoralar, mahalliy ijro etuvchi hokimiyat organlari va barcha darajadagi boshqa tashkilotlarda ijro intizomi darajasini oshirish, zamonaviy axborot-kommunikatsiya texnologiyalarini joriy etish asosida O‘zbekiston Respublikasi Prezidenti va Hukumatning hujjatlari, bayonnomalari va topshiriqlari, shuningdek, “yo‘l xaritalari”ning bajarilishi yuzasidan tizimli nazoratni ta’minlash;
Departament kadrlar zaxirasi shakllantirilishini va uni tizimli asosda yangilab borishni ta’minlash.
tashqi mehnat migratsiyasi, mehnat migrantlarining huquqlari va qonuniy manfaatlarini himoya qilish sohasidagi islohotlarning, jumladan, O‘zbekiston Respublikasi Prezidentining “Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari va ularning oila a’zolarini himoya qilish kafolatlarini yanada kuchaytirish choralari to‘g‘risida” 2019-yil 20-avgustdagi PF-5785-son Farmoni va O‘zbekiston Respublikasi Prezidentining “O‘zbekiston Respublikasining tashqi mehnat migratsiya tizimini yanada takomillashtirish bo‘yicha qo‘shimcha chora-tadbirlar to‘g‘risida” 2018-yil 5-iyuldagi PQ-3839-son, “Xavfsiz, tartibli va qonuniy mehnat migratsiyasi tizimini joriy qilish chora-tadbirlari to‘g‘risida” 2020-yil 15-sentabrdagi PQ-4829-son va “Xorijda vaqtincha mehnat faoliyatini amalga oshirayotgan O‘zbekiston Respublikasi fuqarolarini va ularning oila a’zolarini qo‘llab-quvvatlash bo‘yicha qo‘shimcha chora-tadbirlar to‘g‘risida” 2022-yil 1-martdagi PQ-149-son qarorlariga muvofiq amalga oshirilishini tizimli va kompleks o‘rganishni tashkil qilish;
O‘zbekiston Respublikasining Bosh vaziriga mehnat migrantlarining huquqlari va qonuniy manfaatlarini himoya qilish, xorijda ularning mehnat, maishiy va yashash sharoitlarini yaxshilashni nazarda tutuvchi tashqi mehnat migratsiyasi masalalari bo‘yicha takliflarning puxta ishlab chiqilishi, ekspertizadan o‘tkazilishi va tayyorlanishini ta’minlash;
O‘zbekiston Respublikasi fuqarolarini uyushgan holda xorijda ishga joylashtirishni ta’minlash bo‘yicha davlat dasturlarini, mehnat migrantlarining huquqlari va qonuniy manfaatlari himoya qilinishini ta’minlash bo‘yicha manzilli chora-tadbirlarni amalga oshirishni nazarda tutuvchi tashqi mehnat migratsiyasi sohasidagi ustuvor vazifalarni hal etishga doir aniq chora-tadbirlar (“yo‘l xaritalari”) ishlab chiqish va amalga oshirish;
tashqi mehnat migratsiyasi sohasida xalqaro hamkorlikni kengaytirish ishlarini tashkil etish, xorijiy davlatlarning vakolatli organlari bilan O‘zbekiston Respublikasi fuqarolarini xorijda vaqtincha ishga joylashtirish va ularning huquqlari va qonuniy manfaatlarini ta’minlash masalalari bo‘yicha hamkorlik qilish;
uyushgan mehnat migratsiyasi masalalari, mehnat migrantlarining moslashuv tadbirlarini amalga oshirish jarayonlari bo‘yicha ishlarni muvofiqlashtirish;
migratsiya jarayonlarini va O‘zbekiston Respublikasi fuqarolarining xorijda ishga joylashish, ularning mehnat faoliyati, adolatli va xavfsiz mehnat sharoitlariga bo‘lgan huquqlarini ro‘yobga chiqarish holatini tahlil qilish;
tashqi mehnat migratsiyasi sohasida boshqaruv tizimini takomillashtirish va uning samaradorligini oshirish masalalari bo‘yicha takliflar hamda hujjatlar loyihalarini puxta ishlab chiqish va ularning kompleks ekspertizadan o‘tkazilishini ta’minlash;
uyushgan mehnat migratsiyasi sohasiga zamonaviy axborot-kommunikatsiya texnologiyalarini joriy qilish ishlarini tashkil etish;
mehnat migrantlari va ularning oila a’zolarini moddiy va ijtimoiy qo‘llab-quvvatlash sohasida ustuvor vazifalarni amalga oshirish ishlarini muvofiqlashtirish;
ijtimoiy-maishiy masalalarni hal qilish, uy-joy sharoitini yaxshilash, mehnatga layoqatli oila a’zolarini, ayniqsa, ayollarni ish bilan ta’minlash va mehnat migrantlarining farzandlarini ijtimoiy qo‘llab-quvvatlash orqali ularning O‘zbekiston Respublikasidagi oila a’zolarining daromadlari va turmush darajasini oshirish bo‘yicha ishlarning amalga oshirilishini kompleks o‘rganishni tashkil etish;
mehnat migrantlari va ularning oila a’zolarini moddiy va ijtimoiy qo‘llab-quvvatlash bo‘yicha takliflar hamda hujjatlar loyihalarini puxta ishlab chiqish va ularning kompleks ekspertizadan o‘tkazilishini ta’minlash;
mehnat migrantlari va ularning oila a’zolarini moddiy va ijtimoiy qo‘llab-quvvatlash masalalari bo‘yicha ishlarning ahvolini tizimli tahlil va monitoring qilish hamda ularning yakunlari bo‘yicha mehnat migrantlariga huquqiy, moliyaviy va moddiy ko‘maklashish vositalarining samaradorligini oshirishga yo‘naltirilgan aniq chora-tadbirlarni ishlab chiqish;
Vataniga qaytgan mehnat migrantlarini jamiyatga moslashishi va ishga joylashishini tashkil etish bo‘yicha ishlarni muvofiqlashtirish;
O‘zbekiston Respublikasining Bosh vaziriga mehnat migrantlari va ularning oila a’zolarini moddiy va ijtimoiy qo‘llab-quvvatlash masalalari bo‘yicha takliflarning puxta ishlab chiqilishi, ekspertizadan o‘tkazilishi va tayyorlanishini ta’minlash;
mehnat migrantlarining dastlabki kasbiy tayyorgarligini tashkil etish, ularga, shu jumladan, o‘z Vataniga qaytib kelganidan so‘ng huquqiy va ijtimoiy yordam ko‘rsatish tizimini o‘rganish va tahlil qilish;
vakolatli organlarning, shu jumladan, O‘zbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligining xorijiy vakolatxonalari, O‘zbekiston Respublikasining xorijiy davlatlardagi diplomatik va konsullik muassasalari tomonidan mehnat migrantlari murojaatlarini ko‘rib chiqish, ular bilan to‘g‘ridan to‘g‘ri va ochiq muloqot o‘rnatishni samarali ta’minlash ishlarini muvofiqlashtirish;
milliy iqtisodiyotni barqaror rivojlantirish bo‘yicha muhim vazifalarini hal etishda O‘zbekiston Respublikasi iqtisodiyotining jahon iqtisodiy tizimiga integratsiyalashuviga mas’ul bo‘lgan davlat organlarining muvofiqlashtirilgan ishini ta’minlash;
xalqaro iqtisodiy hamkorlikni kengaytirish hamda O‘zbekiston Respublikasi iqtisodiyotining jahon iqtisodiy tizimiga integratsiyalashuvi bo‘yicha ishlarning samarali amalga oshirilishi tizimli va kompleks o‘rganilishini tashkil etish;
O‘zbekiston Respublikasi iqtisodiyotining jahon iqtisodiy tizimiga integratsiyalashuvi yuzasidan takliflar hamda xalqaro hamkorlik to‘g‘risidagi tegishli hujjatlar loyihalarining puxta ishlab chiqilishi va ekspertizadan o‘tkazilishini ta’minlash;
O‘zbekiston Respublikasi iqtisodiyotining jahon iqtisodiy tizimiga integratsiyalashuvi bo‘yicha tizimli monitoring olib borish, mutasaddi davlat organlaridan tegishli ma’lumotlarni olish, to‘plash, umumlashtirish va tahlil qilish ishlarini amalga oshirish;
xalqaro iqtisodiy hamkorlikni kengaytirish bo‘yicha boshqa davlatlar va xalqaro tashkilotlar bilan muzokaralarda ishtirok etish, O‘zbekiston Respublikasi iqtisodiyotining jahon iqtisodiy tizimiga integratsiyalashuviga mas’ul bo‘lgan davlat organlarining faoliyatini muvofiqlashtirib borish;
milliy qonunchilikni O‘zbekiston Respublikasi iqtisodiyotining jahon iqtisodiy tizimiga integratsiyalashuviga asos bo‘luvchi amaldagi xalqaro hujjatlarga moslashtirish bo‘yicha ishlab chiqilgan takliflarni ko‘rib chiqish hamda hujjatlar loyihalari kompleks ekspertizadan o‘tkazilishini ta’minlash;
Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlar rahbarlari bilan birgalikda “yo‘l xaritalari”ga kiritish uchun xorijiy mamlakatlar va xalqaro tashkilotlar bilan iqtisodiy hamkorlikni chuqurlashtirish yuzasidan, shuningdek, tegishli tarmoqlarda va respublika hududlaridagi muammoli masalalar bo‘yicha takliflar tayyorlanishini tashkil etish;
O‘zbekiston Respublikasi Prezidentining xorijiy mamlakatlarga tashriflari va respublika hududlariga safarlari natijalariga ko‘ra, Departament vakolatiga kiradigan masalalar bo‘yicha tasdiqlangan “yo‘l xaritalari” bajarilishining tizimli nazoratini muvofiqlashtirish;
Bosh vazir maslahatchisi vakolatiga kiradigan masalalar bo‘yicha “yo‘l xaritalari”ning amalga oshirilishi to‘g‘risida vazirliklar, idoralar, mahalliy ijro etuvchi hokimiyat organlari va boshqa tashkilotlar rahbarlarining batafsil axborotlari, materiallari va hisobotlari taqdim etilishini ta’minlash hamda muhokama qilish uchun Vazirlar Mahkamasi majlisiga kiritish;
muayyan holatlar bo‘yicha tegishli choralar ko‘rish uchun ommaviy axborot vositalarida va boshqa manbalarda, shu jumladan, joylarga borgan holda jamoatchilik fikrini o‘rganish.
12. Bosh vazir maslahatchisi o‘z zimmasiga yuklangan vazifalarga muvofiq quyidagi funksiyalarni amalga oshiradi:
Hukumatning muayyan sohalar va yo‘nalishlarda islohotlarning amalga oshirilishini o‘rganish maqsadida Departamentga biriktirilgan vazirliklar, idoralar va tashkilotlar rahbarlari ishtirokida hududlarda mavzuga oid sayyor (ochiq) majlislarga tayyorgarlik ko‘rish hamda ularni o‘tkazishda ishtirok etadi;
Vazirlar Mahkamasi Rayosati majlislarida, O‘zbekiston Respublikasining Bosh vaziri huzurida ko‘rib chiqish uchun tegishli rejalashtirilgan masalalar tayyorlanishi va kiritilishini ta’minlaydi;
tashqi mehnat migratsiyasining o‘ta muhim va ustuvor yo‘nalishlari hamda xalqaro iqtisodiy hamkorlikni kengaytirish masalalari bo‘yicha yaqin, o‘rta va uzoq muddatli istiqbolga mo‘ljallangan konsepsiyalar, davlat dasturlari hamda “yo‘l xaritalari” loyihalarining tayyorlanishida qatnashadi va Bosh vazir, O‘zbekiston Respublikasi Prezidenti huzurida himoya qilinishini ta’minlaydi;
Departamentga biriktirilgan vazirliklar, idoralar va tashkilotlar rahbarlarining aniq ko‘rsatkichlar hamda maqsadli indikatorlarga erishishga asoslangan faoliyatini tizimli baholaydi;
Departamentga biriktirilgan vazirliklar, idoralar va tashkilotlar rahbarlariga yuklangan vazifa hamda funksiyalar samarali va natijali bajarilishi uchun ularning shaxsiy roli va mas’uliyatini oshirish choralarini ko‘radi;
Bosh vazir maslahatchisi va Departament yuritadigan sohaga kiradigan masalalar bo‘yicha O‘zbekiston Respublikasi Vazirlar Mahkamasiga kiritilgan takliflarni va normativ-huquqiy hujjatlar loyihalarini ko‘rib chiqishda davlat manfaatlariga qat’iy rioya qilinishini ta’minlaydi, tayyorlangan hujjatlar loyihalariga viza qo‘yadi. Tegishli hujjatlar qabul qilingandan keyin ularning bajarilishi yuzasidan tizimli nazoratni ta’minlaydi;
Departamentga biriktirilgan sohalarda islohotlarning holati hamda natijadorligi to‘g‘risida tizimli monitoring tashkil etilishini va ma’lumotlar banki shakllantirilishini, shuningdek, muammoli masalalarni hal etish bo‘yicha amaliy chora-tadbirlar ishlab chiqilishi va bajarilishini, ularni rivojlantirishning istiqbolli vazifalari amalga oshirilishini ta’minlaydi;
O‘zbekiston Respublikasi Prezidenti Administratsiyasining tegishli tarkibiy bo‘linmalari bilan hamkorlik qiladi;
O‘zbekiston Respublikasi Bosh vazirining topshiriqlariga binoan Departamentga biriktirilgan vazifalar va dasturlar bajarilishini muvofiqlashtirib boradi;
uyushgan mehnat migratsiyasi, mehnat migrantlari va ularning oila a’zolarining huquqlari va qonuniy manfaatlarini samarali himoya qilish, ularni moddiy va ijtimoiy qo‘llab-quvvatlash hamda xalqaro iqtisodiy hamkorlik masalalari bo‘yicha vazirliklar, idoralar va boshqa tashkilotlar, shuningdek, mahalliy ijro etuvchi hokimiyat organlarining faoliyatini muvofiqlashtiradi;
vazirliklar va idoralar biriktirilgan sohada davlat siyosatini samarali va sifatli amalga oshirishi uchun Vazirlar Mahkamasining ayrim funksiya va vazifalarini ularga berish bo‘yicha O‘zbekiston Respublikasining Bosh vaziriga takliflar kiritadi;
Bosh vazir maslahatchisi yuritadigan sohaga kiradigan masalalar bo‘yicha o‘tkaziladigan Vazirlar Mahkamasi va uning Rayosati majlislarida, O‘zbekiston Respublikasining Bosh vaziri o‘tkazadigan yig‘ilishlarda, Hukumat komissiyalari va idoralararo komissiyalar hamda kengashlar majlislarida qatnashadi;
Vazirlar Mahkamasiga kelgan va Hukumatning qarori talab qilinmaydigan hujjatlarni davlat boshqaruvi organlari, mahalliy ijro etuvchi hokimiyat organlari va boshqa tashkilotlarga ko‘rib chiqish uchun yuboradi;
O‘zbekiston Respublikasi qonunlari, O‘zbekiston Respublikasi Prezidenti va Vazirlar Mahkamasining hujjatlari loyihalarini ekspertizadan o‘tkazish masalalarida Vazirlar Mahkamasi apparati boshqaruvchisi bilan hamkorlik qiladi;
Vazirlar Mahkamasi apparati boshqaruvchisi bilan birgalikda Departament boshlig‘ining o‘rinbosari, shu’ba mudiri va mutaxassislari lavozimlariga kadrlarni tanlaydi;
Departament boshlig‘i o‘rinbosari, shu’ba mudiri va mutaxassislarini qayta tayyorlash, ularning malakasini oshirish, rag‘batlantirish va ularga nisbatan intizomiy jazo choralarini qo‘llash to‘g‘risida takliflar kiritadi;
Departament boshlig‘ining o‘rinbosari, shu’ba mudiri va bosh mutaxassislarining vazifalari taqsimotini tasdiqlaydi;
Vazirlar Mahkamasi apparatida Ish yuritish to‘g‘risidagi yo‘riqnomaga muvofiq ishlar yuritilishini ta’minlaydi, chiquvchi xat-xabarlarni imzolaydi;
jismoniy shaxslarni va yuridik shaxslarning vakillarini qabul qiladi, shuningdek, Bosh vazir maslahatchisining vakolatiga kiradigan masalalar bo‘yicha ularning murojaatlarini ko‘rib chiqadi.
Bosh vazir maslahatchisi vaqtincha bo‘lmaganda, uning vazifalarini Departament boshlig‘ining o‘rinbosari bajaradi.
13. Bosh vazir maslahatchisi o‘ziga yuklangan vazifalar va funksiyalarni bajarish uchun quyidagi huquqlarga ega:
Vazirlar Mahkamasida ko‘rib chiqiladigan masalalarni tahlil qilish va tayyorlash uchun zarur bo‘lgan materiallar va ma’lumotlarni davlat boshqaruvi organlari, mahalliy ijro etuvchi hokimiyat organlari hamda boshqa organlar va tashkilotlardan belgilangan tartibda so‘rash va olish;
davlat boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari va vakillari ishtirokida yig‘ilishlar o‘tkazish;
biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlarning kollegial organlarida, shuningdek, O‘zbekiston Respublikasi Bosh vazirining topshiriqlariga ko‘ra — boshqa davlat organlari, nodavlat notijorat tashkilotlari va boshqa tashkilotlarning Departament yuritadigan sohaga oid masalalar bo‘yicha o‘tkaziladigan majlislari va yig‘ilishlarida ishtirok etish;
davlat boshqaruvi organlari, ilmiy muassasalar va boshqa tashkilotlar rahbarlari hamda vakillarini Vazirlar Mahkamasida ko‘rib chiqiladigan masalalarni ishlab chiqish uchun belgilangan tartibda jalb etish, tegishli masalalar bo‘yicha vaqtinchalik ishchi guruhlar tuzish;
“O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni va O‘zbekiston Respublikasi Prezidenti Administratsiyasi Reglamenti hamda Vazirlar Mahkamasining Reglamenti talablari buzilgan holda keladigan hujjatlarni qaytarish.
Bosh vazir maslahatchisining zarur materiallar, ma’lumotlarni taqdim etish, shuningdek, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va boshqa hujjatlar loyihalarini puxta ishlab chiqish bo‘yicha talablari va topshiriqlari Bosh vazir maslahatchisi tomonidan belgilangan muddatlarda bajarilishi shart.
Bosh vazir maslahatchisining o‘zi yuritadigan masalalar bo‘yicha vazirliklar, idoralar, mahalliy ijro etuvchi hokimiyat organlari va boshqa tashkilotlar rahbarlariga beriladigan topshiriqlari belgilangan tartibda bajarilishi majburiydir.
ushbu Nizomning 11 va 12-bandlarida ko‘rsatilgan vazifalar va funksiyalarning zarur darajada va sifatli bajarilishi;
uning vakolatiga kiritilgan tegishli yo‘nalishlar va masalalar bo‘yicha O‘zbekiston Respublikasining Bosh vaziriga takliflarning puxta ishlab chiqilishi, ekspertizadan o‘tkazilishi va tayyorlanishi;
O‘zbekiston Respublikasi Konstitutsiyasi, “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni va Departament vakolatiga taalluqli masalalar bo‘yicha boshqa qonun hujjatlari bilan Vazirlar Mahkamasiga yuklangan vazifalar va funksiyalarning samarali bajarilishi;
O‘zbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida” 2021-yil 10-fevraldagi PF-6166-son Farmoni va O‘zbekiston Respublikasi Prezidentining “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini ta’minlashga qaratilgan qo‘shimcha chora-tadbirlar to‘g‘risida” 2021-yil 31-maydagi PQ-5132-son qaroriga muvofiq qonunlar, O‘zbekiston Respublikasi Prezidentining hujjatlari va topshiriqlarining, Vazirlar Mahkamasi qarorlarining sifatli va o‘z vaqtida bajarilishi;
O‘zbekiston Respublikasi Prezidenti tomonidan Bosh vazir maslahatchisi oldiga bevosita qo‘yilgan vazifalarning zarur darajada va samarali bajarilishi;
rahbarlik qilinayotgan Departamentdagi ishlarning holati, tegishli davlat boshqaruvi organlari, mahalliy ijro etuvchi hokimiyat organlari va boshqa tashkilotlar faoliyatining zarur darajada muvofiqlashtirilishi va nazorat qilinishi, Departament faoliyatiga taalluqli masalalar bo‘yicha Vazirlar Mahkamasiga kiritilgan takliflar va hujjatlar loyihalarining har tomonlama ko‘rib chiqilishi;
yuqori darajadagi xorijiy tashriflar, shuningdek, respublika hududlariga safarlar yakunlari bo‘yicha Departament faoliyatiga taalluqli masalalar bo‘yicha tasdiqlanadigan “yo‘l xaritalari”ning zarur darajada va samarali bajarilishi;
Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlar tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining hujjatlari, parlament so‘rovlari, Oliy Majlis Qonunchilik palatasi deputatlari va Senati a’zolarini so‘rovlari O‘zbekiston Respublikasi Prezidentining qarorlari va topshiriqlari so‘zsiz bajarilishining monitoringi olib borilishi;
joylardagi real ahvolni doimiy o‘rganish, iqtisodiy va ijtimoiy sohadagi muammolarni har tomonlama tahlil qilish va shu asosda strategik hamda ustuvor vazifalarni amalga oshirishga doir kompleks takliflar ishlab chiqilishi;
O‘zbekiston Respublikasi Prezidenti Administratsiyasi Reglamenti va O‘zbekiston Respublikasi Vazirlar Mahkamasi Reglamentiga muvofiq taqdim etiladigan O‘zbekiston Respublikasining qonunlari, O‘zbekiston Respublikasi Prezidentining hujjatlari, Vazirlar Mahkamasining qarorlari loyihalarining davlat manfaatlarini ta’minlash, iqtisodiy samaradorlik nuqtai nazaridan va ulardagi masalalarning barcha manfaatdor tuzilmalar bilan bog‘liq holda puxta ekspertizadan o‘tkazilishi yuzasidan nazoratning ta’minlanishi;
O‘zbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida” 2021-yil 10-fevraldagi PF-6166-son Farmoni, “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son, “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini ta’minlashga qaratilgan qo‘shimcha chora-tadbirlar to‘g‘risida” 2021-yil 31-maydagi PQ-5132-son, “Vazirliklar, davlat qo‘mitalari, davlat boshqaruvining boshqa organlari va xo‘jalik birlashmalari rahbarlari o‘rinbosarlarining faoliyati samaradorligini baholash tizimini joriy etish to‘g‘risida” 2021-yil 22-iyuldagi PQ-5189-son qarorlariga, shuningdek, Vazirlar Mahkamasining “Vazirliklar, davlat qo‘mitalari, davlat boshqaruvining boshqa organlari va xo‘jalik birlashmalari rahbarlari o‘rinbosarlarining faoliyati samaradorligini hamda maqsadli vazifalarga erishishlarini baholashning asosiy mezonlarini tasdiqlash to‘g‘risida” 2021-yil 28-iyuldagi 467-son va “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qarorlariga muvofiq ijro intizomiga so‘zsiz rioya etilishini ta’minlash uchun javob beradi.
15. Bosh vazir maslahatchisining faoliyati “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, O‘zbekiston Respublikasi Vazirlar Mahkamasi Reglamentiga, ushbu Nizomga, O‘zbekiston Respublikasi Prezidentining, O‘zbekiston Respublikasi Bosh vazirining topshiriqlariga muvofiq, shuningdek, Vazirlar Mahkamasining ish rejalari hamda Departament ish rejasi asosida tashkil etiladi.
Departamentning ish rejasi Vazirlar Mahkamasining Vazirlar Mahkamasi Rayosati tomonidan tasdiqlanadigan ish rejasi asosida shakllantiriladi.
Departament ish rejasi Vazirlar Mahkamasi apparatining boshqaruvchisi bilan kelishiladi va Bosh vazir maslahatchisi tomonidan tasdiqlanadi.
16. Bosh vazir maslahatchisining O‘zbekiston Respublikasi qonunlari, O‘zbekiston Respublikasi Prezidentining va Vazirlar Mahkamasining hujjatlari biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlarda amalga oshirilishining tizimli monitoringini ta’minlash bo‘yicha faoliyati Vazirlar Mahkamasining ish rejasiga, shuningdek, O‘zbekiston Respublikasi Bosh vazirining topshiriqlariga muvofiq kompleks o‘rganishlarni amalga oshirish, Vazirlar Mahkamasi hamda uning Rayosati majlislarida hisobotlarni eshitish yo‘li bilan tashkil etiladi.
1. Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti (keyingi o‘rinlarda Departament deb ataladi) O‘zbekiston Respublikasi Vazirlar Mahkamasi apparatining tarkibiy bo‘linmasi hisoblanadi.
2. Departament faoliyati O‘zbekiston Respublikasining Bosh vaziri, O‘zbekiston Respublikasi Vazirlar Mahkamasi (keyingi o‘rinlarda Vazirlar Mahkamasi deb ataladi), uning Rayosati, Vazirlar Mahkamasi apparatini tashqi mehnat migratsiyasi tizimini takomillashtirish, respublikadan tashqariga ishlash uchun ketayotgan fuqarolarning mehnat, ijtimoiy va boshqa huquqlari himoya qilinishini hamda xorijdan qaytib kelgan mehnat migrantlarini mehnat faoliyatiga jalb etishni ta’minlash, shuningdek, xalqaro iqtisodiy hamkorlikni kengaytirish va O‘zbekiston Respublikasi iqtisodiyotining jahon iqtisodiy tizimiga integratsiyalashuvi masalalari bo‘yicha axborot-tahliliy ta’minlashga yo‘naltirilgan.
3. Departament o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga amal qiladi.
4. Departament o‘z faoliyatini O‘zbekiston Respublikasining Bosh vaziri rahbarligida amalga oshiradi.
Departament o‘z vakolatiga kiradigan masalalar bo‘yicha O‘zbekiston Respublikasi Bosh vazirining maslahatchisi — Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti boshlig‘iga (keyingi o‘rinlarda Bosh vazir maslahatchisi — Departament boshlig‘i deb ataladi) bo‘ysunadi, bir vaqtning o‘zida Departamentning faoliyati Vazirlar Mahkamasi apparatining boshqaruvchisi tomonidan muvofiqlashtirib boriladi.
5. Departament o‘z faoliyatini Vazirlar Mahkamasi apparatining boshqa tarkibiy bo‘linmalari, vazirliklar, idoralar, mahalliy ijro etuvchi hokimiyat organlari va boshqa tashkilotlar bilan o‘zaro hamkorlikda amalga oshiradi.
“Xalq davlat idoralariga emas, davlat idoralari xalqimizga xizmat qilishi kerak” degan asosiy prinsipni o‘z vaqtida, aniq va to‘liq hajmda amalga oshirish;
2022 — 2026-yillarga mo‘ljallangan Yangi O‘zbekistonning taraqqiyot strategiyasi vazifalari, O‘zbekiston Respublikasi Ma’muriy islohotlar konsepsiyasi, o‘rta muddatli va uzoq istiqbolda rivojlantirishning tasdiqlangan tarmoq va hududiy dasturlari o‘z vaqtida va samarali amalga oshirilishini ta’minlash;
vazirliklar, idoralar va davlat boshqaruvining boshqa organlari tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining hujjatlari, parlament so‘rovlari, O‘zbekiston Respublikasi Oliy Majlisi Qonunchilik palatasi deputatlari va Senati a’zolarining so‘rovlari, O‘zbekiston Respublikasi Prezidentining qarorlari va topshiriqlari bajarilishini monitoring qilib borish, shuningdek, joylardagi ishlarning real holatini doimiy o‘rganish;
“Harakatlar strategiyasidan — Taraqqiyot strategiyasi sari” tamoyili asosida tegishli yilga mo‘ljallangan davlat dasturining amalga oshirilishi to‘g‘risida hisobotlar tayyorlash;
Hukumat, davlat boshqaruvi organlarining asosiy xalqaro reytinglar hamda indekslarda O‘zbekiston Respublikasi pozitsiyalarini yaxshilash bo‘yicha ish samaradorligini oshirish sohasida kompleks chora-tadbirlarni amalga oshirish;
joylarda “xalq bilan muloqot” va shaxsiy uchrashuvlar amaliyotini takomillashtirish, ijtimoiy sohani yanada rivojlantirish, shu jumladan, aholining bandligi va real daromadlari oshirilishini ta’minlashni kafolatlovchi kompleks chora-tadbirlarni ishlab chiqish hamda amalga oshirish;
migratsiya jarayonlarini kompleks tahlil qilish, tashqi mehnat migratsiyasi sabablari va omillarini, mehnat migrantlarining huquqlari va qonuniy manfaatlarini ta’minlash, shuningdek, ularning xorijda bo‘lish shart-sharoitlarini yaxshilash bilan bog‘liq tizimli muammolarni aniqlash;
O‘zbekiston Respublikasi fuqarolarini uyushgan holda xorijda ishga joylashtirishni ta’minlash bo‘yicha yillik rejalar va dasturlarni, mehnat migrantlarining huquqlari va qonuniy manfaatlari himoya qilinishini ta’minlash, xorijda ularning mehnat, maishiy va yashash sharoitlarini yaxshilash bo‘yicha manzilli chora-tadbirlarni amalga oshirishni nazarda tutuvchi tashqi mehnat migratsiyasi sohasidagi ustuvor vazifalarni hal etishga oid aniq chora-tadbirlarni (“yo‘l xaritalari”ni) ishlab chiqish va amalga oshirish;
tashqi mehnat migratsiyasi sohasida xalqaro hamkorlikni kengaytirish, xorijiy davlatlarning vakolatli organlari bilan O‘zbekiston Respublikasi fuqarolarini xorijda vaqtincha ishga joylashtirish va ularning huquqlari va qonuniy manfaatlarini ta’minlash masalalari bo‘yicha hamkorlik qilish;
vakolatli organlarning, shu jumladan, O‘zbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligining xorijiy vakolatxonalari, O‘zbekiston Respublikasining xorijiy davlatlardagi diplomatik va konsullik muassasalari tomonidan mehnat migrantlari murojaatlarini ko‘rib chiqish, ular bilan to‘g‘ridan to‘g‘ri va ochiq muloqot o‘rnatish bo‘yicha samarali faoliyatini tashkil etish;
ijtimoiy-maishiy masalalarni hal qilish, uy-joy sharoitini yaxshilash, mehnatga layoqatli oila a’zolarini, ayniqsa, ayollarni ish bilan ta’minlash va mehnat migrantlarining farzandlarini ijtimoiy qo‘llab-quvvatlash orqali ularning O‘zbekiston Respublikasidagi oila a’zolari daromadlari va turmush darajasini oshirishga qaratilgan kompleks chora-tadbirlarni ishlab chiqish va amalga oshirish;
dastlabki kasbiy tayyorgarlik, moslashuv tadbirlarini amalga oshirish, mehnat migrantlarini xorijda ishga joylashtirish, ularga, shu jumladan, o‘z Vataniga qaytib kelganidan so‘ng huquqiy va ijtimoiy yordam ko‘rsatish jarayonlarini samarali monitoring va nazorat qilish;
milliy iqtisodiyotning muhim vazifalarini hal etish hamda uni barqaror rivojlantirishga qaratilgan integratsiyalashuv imkoniyatlarini kengaytirish ishlarini muvofiqlashtirish;
O‘zbekiston Respublikasida sanoat ishlab chiqarish imkoniyatlarini kengaytirish va diversifikatsiyasini ta’minlash hamda energetika, agrar sohalarni jadal rivojlantirish siyosatini amalga oshirishga qaratilgan integratsiyalashuv imkoniyatlarini kengaytirish bo‘yicha ishlarni muvofiqlashtirish;
ishlab chiqarishni texnik jihatdan tartibga solish, xalqaro standartlarni tatbiq etish, shu jumladan, akkreditatsiya, veterinariya, sanitariya va fitosanitariya sohalarida zamonaviy boshqaruv tizimini hamda integratsiyalashuv imkoniyatlarini joriy etish va amalga oshirish yuzasidan mas’ul vazirlik va idoralar bilan birgalikda takliflar ishlab chiqish;
respublikaning boshqa davlatlar va xalqaro tashkilotlar bilan integratsiyalashuvini faollashtirish sharoitida bojxona-tarif va notarif tartibga solishning samarali tizimini rivojlantirish va uni qo‘llash choralarini muvofiqlashtirish;
tovarlar (ishlar, xizmatlar) va kapitalning xalqaro ko‘lamda harakatlanish jarayonlarini hamda mahsulotlarning sifati va raqobatbardoshligini oshirish bo‘yicha olib borilayotgan ishlarni tahlil qilish va ularning tashqi bozorga erkin chiqish imkoniyatlarini monitoring qilish asosida O‘zbekiston Respublikasi iqtisodiyotining jahon iqtisodiy tizimiga integratsiyalashuvi imkoniyatlarini kengaytirish ishlarini muvofiqlashtirish;
respublikada transport kommunikatsiyalari va axborot-kommunikatsiya texnologiyalari infratuzilmalarida islohotlar amalga oshirilishining kompleks o‘rganilishi va tahlil qilinishini tashkil etish natijalari asosida integratsiyalashuvga doir takliflar ishlab chiqish;
O‘zbekiston Respublikasi iqtisodiyotining jahon iqtisodiy tizimiga integratsiyalashuvi bo‘yicha muzokaralar jarayonida ishtirok etish hamda integratsiyalashuvga mas’ul davlat organlarining faoliyatini muvofiqlashtirib borish, shuningdek, xalqaro hamkorlik to‘g‘risidagi shartnomalar loyihalarini tegishli vazirlik va idoralar bilan birgalikda ishlab chiqish;
milliy qonunchilikni O‘zbekiston Respublikasi iqtisodiyotining jahon iqtisodiy tizimiga integratsiyalashuviga asos bo‘luvchi amaldagi xalqaro shartnomalarga moslashtirish bo‘yicha tegishli vazirlik va idoralar bilan birgalikda takliflar tayyorlash;
O‘zbekiston Respublikasi iqtisodiyotining jahon iqtisodiy tizimiga integratsiyalashuvi yuzasidan tizimli monitoring olib borish hamda tegishli ma’lumotlarni to‘plash, umumlashtirish va tahlil qilish;
ijro etuvchi hokimiyat organlarining faoliyatini yuzaga keladigan muammolar sabablari va sharoitlarini bartaraf etish, ishni tashkil qilishning zamonaviy uslublarini keng joriy qilishni ta’minlovchi kompleks chora-tadbirlarni ishlab chiqish hamda amalga oshirishga qayta yo‘naltirish maqsadida ayrim davlat organlari funksiyalarini xususiy subyektlarga berish orqali ortiqcha ma’muriy tartibga solishni kamaytirish;
xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlikning eng muhim ustuvor yo‘nalishlari bo‘yicha masalalar tayyorlanishini va Vazirlar Mahkamasi Rayosati majlislarida ko‘rib chiqilishini ta’minlash;
zamonaviy axborot-kommunikatsiya texnologiyalarini joriy etish orqali, shu jumladan, ilg‘or xalqaro tajribani o‘rganish asosida, zarur bo‘lganda, ushbu maqsadlarga xorijiy konsultantlarni jalb etgan holda normativ-huquqiy hujjatlarning loyihalarini ishlab chiqish, kelishish, ekspertizadan o‘tkazish va ko‘rib chiqish tizimini takomillashtirish;
O‘zbekiston Respublikasi Prezidenti Administratsiyasining tegishli bo‘linmalari, shuningdek, O‘zbekiston Respublikasi Oliy Majlisi Qonunchilik palatasi va Senatining qo‘mitalari bilan o‘zaro yaqin hamkorlikni ta’minlash;
Vazirlar Mahkamasi apparatida, vazirliklar va idoralarda, shuningdek, barcha darajalardagi hokimliklarda ijro intizomi darajasini oshirish, zamonaviy axborot-kommunikatsiya texnologiyalarini joriy etish asosida O‘zbekiston Respublikasi Prezidenti va Hukumatning hujjatlari, bayonnomalari va topshiriqlari, shuningdek, “yo‘l xaritalari”ning bajarilishi yuzasidan tizimli nazoratni ta’minlash;
Departamentda, shuningdek, biriktirilgan vazirliklar, idoralar va tashkilotlarda kadrlarni tanlash tizimini takomillashtirish, xodimlar malakasini oshirish va kadrlarning amaliy zaxirasini tayyorlashning samarali shakl va usullarini joriy etish.
mehnat migrantlarining huquqlari va qonuniy manfaatlarini himoya qilish masalalari bo‘yicha O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, bayonnomalari, “yo‘l xaritalari” va topshiriqlari, Vazirlar Mahkamasining qarorlari bajarilishini ta’minlash;
uyushgan mehnat migratsiyasi, mehnat migrantlarining huquqlari va qonuniy manfaatlarini samarali himoya qilish, ularni moddiy va ijtimoiy qo‘llab-quvvatlash masalalari bo‘yicha davlat boshqaruvi organlari, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirish yuzasidan amaliy ishlarni tashkil etish;
tashqi mehnat migratsiyasi, ushbu sohadagi milliy qonunchilik va huquqni qo‘llash amaliyotini yanada takomillashtirish bo‘yicha davlat dasturlarini ishlab chiqish va amalga oshirishni ta’minlash;
O‘zbekiston Respublikasi fuqarolarini uyushgan holda xorijda ishga joylashtirishni ta’minlash bo‘yicha yillik rejalar va dasturlarni, mehnat migrantlarining huquqlari va qonuniy manfaatlari himoya qilinishini ta’minlash, xorijda ularning mehnat, maishiy va yashash sharoitlarini yaxshilash bo‘yicha manzilli chora-tadbirlarni amalga oshirishni nazarda tutuvchi tashqi mehnat migratsiyasi sohasidagi ustuvor vazifalarni hal etishga doir aniq chora-tadbirlarni (“yo‘l xaritalari”ni) ishlab chiqish va amalga oshirishni ta’minlash;
O‘zbekiston Respublikasi fuqarolarining xorijda mehnat faoliyati, adolatli va xavfsiz mehnat sharoitlariga bo‘lgan huquqlarini amalga oshirishda ularga ko‘maklashish ishlarini tashkil etish, ularning ijtimoiy va huquqiy himoya qilinishini, shuningdek, Vatanga qaytgandan so‘ng jamiyatga moslashishini ta’minlash;
migratsiya jarayonlarini monitoring va kompleks tahlil qilishni ta’minlash, tashqi mehnat migratsiyasi sabablari va omillarini, mehnat migrantlarining huquqlari va qonuniy manfaatlarini ta’minlash, shuningdek, ularning xorijda bo‘lish shart-sharoitlarini yaxshilash bilan bog‘liq tizimli muammolarni aniqlash;
tashqi mehnat migratsiyasini takomillashtirish, mehnat migrantlarining huquqlari va manfaatlarini himoya qilish bo‘yicha asoslantirilgan takliflarni ishlab chiqish;
xorijda mehnat faoliyatini amalga oshirish davrida zo‘ravonlikka, majburiy mehnatga va tahqirlanishga duchor bo‘lgan, mehnat va boshqa huquqlari buzilgan, murakkab moliyaviy ahvolga tushib qolgan va shaxsini tasdiqlovchi hujjatlarsiz, mablag‘larsiz qolgan O‘zbekiston Respublikasi fuqarolarini huquqiy va ijtimoiy himoya qilish hamda ularga moddiy yordam ko‘rsatish ishlarini tashkil etish;
mehnat migrantlari va ularning oila a’zolarini moddiy va ijtimoiy qo‘llab-quvvatlash sohasida ustuvor vazifalarni amalga oshirish bo‘yicha ishlar muvofiqlashtirilishini ta’minlash;
tashqi mehnat migratsiyasi sohasida xalqaro hamkorlikni kengaytirish ishlarini tashkil etish, xorijiy davlatlarning vakolatli organlari bilan O‘zbekiston Respublikasi fuqarolarini xorijda vaqtincha ishga joylashtirish hamda ularning huquqlari va qonuniy manfaatlarini ta’minlash masalalari bo‘yicha hamkorlik qilish;
xorijiy mamlakatlarning tashqi mehnat migratsiyasi masalalari bo‘yicha vakolatli davlat organlari bilan hamkorlikni yo‘lga qo‘yish yuzasidan amaliy ishlarni tashkil etish, mehnat migrantlarining huquqlari va qonuniy manfaatlarini himoya qilish to‘g‘risida xalqaro shartnomalarga O‘zbekiston Respublikasining qo‘shilishi (ratifikatsiya qilishi) bo‘yicha takliflarni ko‘rib chiqish;
xorijiy mamlakatlar va xalqaro tashkilotlar bilan tashqi mehnat migratsiyasi sohasida hamkorlik qilish masalalarida vazirliklar, idoralar, mahalliy ijro etuvchi hokimiyat organlari va boshqa tashkilotlarga ko‘maklashish va bu boradagi ishlarni muvofiqlashtirishda ishtirok etish;
O‘zbekiston Respublikasi fuqarolarini xorijda ishga joylashtirish masalalari bo‘yicha O‘zbekiston Respublikasining xorijiy mamlakatlar bilan hamkorligi to‘g‘risidagi shartnomalar, bitimlar, bayonnomalar va boshqa hujjatlardan kelib chiqadigan tegishli qarorlar va majburiyatlarning xorijiy hamkorlar va ish beruvchilar tomonidan bajarilishini muvofiqlashtirish ishlarini tashkil etish;
tashqi mehnat migratsiyasi sohasida xorijiy mamlakatlar va xalqaro tashkilotlar bilan xalqaro hamkorlikni rivojlantirish masalalari bo‘yicha O‘zbekiston Respublikasi Bosh vaziriga takliflar kiritish;
Vazirlar Mahkamasi Rayosati majlislarida va O‘zbekiston Respublikasining Bosh vaziri rahbarligida o‘tkaziladigan yig‘ilishlarda xorijiy davlatlar va xalqaro tashkilotlar bilan tashqi mehnat migratsiyasi jarayonlarini takomillashtirish bo‘yicha xalqaro hamkorlikning dolzarb masalalarini muhokama qilish, turli darajadagi tashriflar hamda respublikada va xorijda xalqaro tadbirlarga tayyorgarlik ko‘rish hamda ularni o‘tkazishga doir takliflar kiritish;
respublika delegatsiyalarining xorijiy davlatlarga tashriflarini tashkil qilish va xalqaro tadbirlarda ishtirok etishi, shuningdek, xorijiy delegatsiyalarning O‘zbekiston Respublikasiga tashriflari dasturlarini tasdiqlash bo‘yicha hukumat qarorlarini tayyorlash va qabul qilish ishlarini tashkil etish;
v) dastlabki kasbiy tayyorgarlik, moslashuv tadbirlarini amalga oshirish, mehnat migrantlarini xorijda ishga joylashtirish sohasida:
kasbiy tayyorgarlik, qayta tayyorlash va malaka oshirish, shuningdek, xorijda vaqtincha mehnat faoliyatini amalga oshirish uchun jo‘nab ketayotgan O‘zbekiston Respublikasi fuqarolarini jo‘nab ketishdan oldin moslashtirish jarayonlarini samarali boshqarish va nazorat qilish ishlarini tashkil etish;
uyushgan mehnat migratsiyasi, mehnat migrantlarining moslashuv tadbirlarini amalga oshirish jarayonlari, shuningdek, xorijda mehnat faoliyati yakunlanishi bilan Vatanga qaytib kelgan O‘zbekiston Respublikasi fuqarolarini keyinchalik O‘zbekiston Respublikasi hududida ishga joylashtirish uchun jamiyatga moslashtirish masalalari bo‘yicha ishlarni muvofiqlashtirish;
mehnat migrantlarining dastlabki kasbiy tayyorgarligini tashkil etish, ularga, shu jumladan Vataniga qaytganidan so‘ng huquqiy va ijtimoiy yordam ko‘rsatish tizimini kompleks o‘rganish va tahlil qilish;
vakolatli organlarning, shu jumladan, O‘zbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligining xorijiy vakolatxonalari, O‘zbekiston Respublikasining xorijiy davlatlardagi diplomatik va konsullik muassasalari tomonidan mehnat migrantlari murojaatlarini ko‘rib chiqish, ular bilan to‘g‘ridan to‘g‘ri va ochiq muloqot o‘rnatish bo‘yicha faoliyatini samarali tashkil etish ishlarini muvofiqlashtirish;
dastlabki kasbiy tayyorgarlik, moslashuv tadbirlarini amalga oshirish, mehnat migrantlarini xorijda ishga joylashtirish jarayonlarini takomillashtirish bo‘yicha asoslantirilgan takliflarni ishlab chiqish va kiritish ishlarini tashkil etish;
g) mehnat migrantlarining O‘zbekiston Respublikasidagi oila a’zolari daromadlari va turmush darajasini oshirish sohasida:
mehnat migrantlari va ularning oila a’zolarini moddiy va ijtimoiy qo‘llab-quvvatlash masalalari bo‘yicha vazirliklar, idoralar, mahalliy ijro etuvchi hokimiyat organlari va boshqa tashkilotlarning muvofiqlashtirilgan ishini ta’minlash;
mehnat migrantlari va ularning oila a’zolarini moddiy va ijtimoiy qo‘llab-quvvatlash masalalari bo‘yicha ishlarning ahvolini tizimli tahlil va monitoring qilish hamda ularning yakunlari bo‘yicha mehnat migrantlariga huquqiy, moliyaviy va moddiy ko‘maklashish vositalarining samaradorligini oshirishga yo‘naltirilgan aniq chora-tadbirlarni ishlab chiqish;
ijtimoiy-maishiy masalalarni hal qilish, uy-joy sharoitini yaxshilash, mehnatga layoqatli oila a’zolarini, ayniqsa, ayollarni ish bilan ta’minlash va mehnat migrantlarining farzandlarini ijtimoiy qo‘llab-quvvatlash orqali ularning O‘zbekiston Respublikasidagi oila a’zolari daromadlari va turmush darajasini oshirish bo‘yicha ishlarning amalga oshirilishini kompleks o‘rganishni tashkil etish;
mehnat migrantlari va ularning oila a’zolarini moddiy va ijtimoiy qo‘llab-quvvatlash masalalari bo‘yicha O‘zbekiston Respublikasi Bosh vaziriga takliflar kiritish;
Vazirlar Mahkamasi Rayosati majlislarida va O‘zbekiston Respublikasining Bosh vaziri rahbarligida o‘tkaziladigan yig‘ilishlarda mehnat migrantlarining O‘zbekiston Respublikasidagi oila a’zolarining daromadlari va turmush darajasini oshirishning dolzarb masalalarini muhokama qilishga doir takliflar kiritish;
makroiqtisodiy, soliq siyosati, moliya bozorini tartibga solish hamda investitsiya sohasida Departamentga biriktirilgan davlat boshqaruvi organlari, mahalliy ijro etuvchi hokimiyat organlari va boshqa tashkilotlarning O‘zbekiston Respublikasi iqtisodiyotining jahon iqtisodiy tizimiga integratsiyalashuvi bo‘yicha faoliyatini muvofiqlashtirish;
bojxona-tarif va notarif, valyutani tartibga solish hamda davlat xaridlari sohasida boshqa davlatlar va xalqaro tashkilotlar bilan integratsiyalashuv imkoniyatlaridan foydalanishni kengaytirish va uni yanada rivojlantirishga qaratilgan ishlarni tizimli yo‘lga qo‘yish;
integratsiyalashuv jarayonlari doirasida O‘zbekiston Respublikasida sanoat ishlab chiqarishi imkoniyatlarini kengaytirish va diversifikatsiyalashtirishni ta’minlash hamda energetika sohalarini jadal rivojlantirish siyosatini amalga oshirish bo‘yicha davlat organlari va boshqa tashkilotlar ishini muvofiqlashtirilgan holda tashkil etish;
texnik jihatdan va monopoliyani tartibga solish, iste’molchilar, intellektual mulk huquqlarini himoya qilish sohasida xalqaro iqtisodiy hamkorlikni kengaytirish, xalqaro standartlarni tatbiq etish, akkreditatsiya qilish hamda integratsiyalashuv tizimini joriy etish yuzasidan takliflar ishlab chiqilishini tashkil etish;
O‘zbekiston Respublikasi iqtisodiyotining jahon iqtisodiy tizimiga integratsiyalashuviga qaratilgan agrosanoat majmui, tibbiyot, qishloq xo‘jaligi, veterinariya, sanitariya va fitosanitariya sohalaridagi normativ bazaning xalqaro talab va standartlarga muvofiqligi kompleks o‘rganilishi va tahlil qilinishini amalga oshirish orqali xalqaro iqtisodiy hamkorlikni kengaytirish ishlarini muvofiqlashtirish;
respublikada transport kommunikatsiyalari va axborot-kommunikatsiya texnologiyalari infratuzilmalari sohalarida integratsiyalashuv imkoniyatlarini kengaytirish bo‘yicha tizimli tahlil va o‘rganishlar natijalari asosida takliflar ishlab chiqilishini muvofiqlashtirish, O‘zbekiston Respublikasi iqtisodiyotining jahon iqtisodiy tizimiga integratsiyalashuvi bo‘yicha tashqi va o‘zaro savdo statistikasi yuritilishini tashkil etish, monitoring olib borish hamda tegishli ma’lumotlarni tahlil qilish natijalari asosida xalqaro iqtisodiy hamkorlikni kengaytirishga qaratilgan chora-tadbirlarni ishlab chiqish;
O‘zbekiston Respublikasi iqtisodiyotining konyunktura xususiyatlaridan kelib chiqib jahon iqtisodiy tizimiga integratsiyalashuvi salohiyatini o‘rganish va tahlil qilish asosida tovarlar, ishlar, xizmatlar va kapitalning xalqaro ko‘lamda harakatlanishi jarayonlarini va ularning tashqi bozorga erkin chiqishini ta’minlash bo‘yicha ishlarning muvofiqlashtirilishini ta’minlash;
Departamentga biriktirilgan tashkilotlar rahbarlari bilan birgalikda “yo‘l xaritalari”ga kiritish uchun xorijiy mamlakatlar bilan hamkorlikni chuqurlashtirish yuzasidan, shuningdek, Departamentga biriktirilgan sohalardagi muammoli masalalar bo‘yicha takliflarni puxta ishlab chiqish, ekspertizadan o‘tkazish va tayyorlash;
O‘zbekiston Respublikasi Prezidentining xorijiy mamlakatlarga tashriflari va respublika hududlariga safarlari natijalari bo‘yicha Departament vakolatiga kiradigan masalalar yuzasidan tasdiqlangan “yo‘l xaritalari”ning bajarilishi yuzasidan tizimli nazoratni ta’minlash;
“yo‘l xaritalari” tadbirlarining amalga oshirilishi to‘g‘risida Departamentga biriktirilgan davlat boshqaruvi organlari va boshqa tashkilotlar rahbarlarining hisobotlari yakuni bo‘yicha tahliliy materiallar va takliflarni Vazirlar Mahkamasi va uning Rayosati majlislarida muhokama qilish uchun kiritish.
Bosh vazir tomonidan Hukumatning muayyan sohalar va yo‘nalishlarda islohotlarning amalga oshirilishini o‘rganish maqsadida Departamentga biriktirilgan vazirliklar, idoralar va tashkilotlar rahbarlari ishtirokida hududlarda mavzuga oid sayyor (ochiq) majlislarini doimiy asosda o‘tkazish uchun tegishli tahliliy materiallar tayyorlaydi;
Vazirlar Mahkamasi Rayosati majlislarida, O‘zbekiston Respublikasining Bosh vaziri va Bosh vazir maslahatchisi huzurida ko‘rib chiqish uchun tegishli rejalashtirilgan masalalarni tayyorlaydi va kiritadi;
xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlikning o‘ta muhim va ustuvor masalalari bo‘yicha yaqin, o‘rta va uzoq muddatli istiqbolga mo‘ljallangan davlat dasturlari hamda “yo‘l xaritalari”ning tayyorlanishi va O‘zbekiston Respublikasining Bosh vaziri, O‘zbekiston Respublikasi Prezidenti maslahatchilari huzurida himoya qilinishini ta’minlaydi;
Departamentga biriktirgan vazirliklar, idoralar va tashkilotlar rahbarlariga yuklangan vazifa hamda funksiyalar samarali va natijali bajarilishi uchun ularning shaxsiy roli va mas’uliyatini oshirish choralarini ko‘radi;
muayyan holatlar bo‘yicha tegishli choralar ko‘rish uchun ommaviy axborot vositalarida va boshqa manbalarda, shu jumladan joylarga borgan holda jamoatchilik fikrini o‘rganishni ta’minlaydi;
xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari bo‘yicha ma’lumotlar bazasi yaratilishini, yuritilishini va muntazam yangilab borilishini ta’minlaydi;
Departament yuritadigan sohaga kiradigan masalalar bo‘yicha axborotlarni umumlashtiradi va tahliliy qayta ishlaydi, O‘zbekiston Respublikasi Prezidenti, O‘zbekiston Respublikasining Bosh vaziri, Bosh vazir maslahatchisi — Departament boshlig‘i uchun, shuningdek, Vazirlar Mahkamasida ko‘rib chiqish uchun tegishli ma’lumotnoma, tahliliy materiallar va takliflar tayyorlaydi;
Departamentga biriktirilgan tashkilotlarda ishlarning holatini, Departament yuritadigan sohaga kiradigan masalalar bo‘yicha O‘zbekiston Respublikasi qonunlari, O‘zbekiston Respublikasi Prezidentining hujjatlari, Vazirlar Mahkamasining qarorlari va farmoyishlari bajarilishini, shu jumladan, joylarga borib o‘rganadi, o‘rganish yakunlari bo‘yicha Vazirlar Mahkamasi rahbariyatiga axborot berish uchun tegishli tahliliy materiallar va takliflar tayyorlaydi;
O‘zbekiston Respublikasi qonunlari, O‘zbekiston Respublikasi Prezidenti va Vazirlar Mahkamasining hujjatlari va topshiriqlari, O‘zbekiston Respublikasining Bosh vaziri, Bosh vazir o‘rinbosarlari va maslahatchilari, Vazirlar Mahkamasi apparati boshqaruvchisi topshiriqlari ijrosining samarali nazoratini ta’minlaydi;
Vazirlar Mahkamasida ko‘rib chiqish uchun tahliliy va boshqa materiallarni, O‘zbekiston Respublikasining Bosh vaziri, uning o‘rinbosarlari va maslahatchilari topshiriqlarining loyihalarini tayyorlaydi;
Vazirlar Mahkamasiga kiritilgan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalarini ekspertizadan o‘tkazadi, ular yuzasidan zarur tahliliy va ma’lumotnoma materiallarning sifatli tayyorlanishini ta’minlaydi;
respublikani ijtimoiy-iqtisodiy rivojlantirish yakunlari bo‘yicha Vazirlar Mahkamasi majlislariga tayyorgarlik ko‘rish bilan bog‘liq materiallarni ishlab chiqish va rasmiylashtirishda ishtirok etadi, ko‘rsatib o‘tilgan materiallar haqida Bosh vazir maslahatchisi — Departament boshlig‘iga, Vazirlar Mahkamasi apparatining boshqaruvchisiga axborot beradi, shuningdek, Vazirlar Mahkamasining tegishli protokol qarorlari ijrosi nazorat qilinishini ta’minlaydi;
Bosh vazir maslahatchisi — Departament boshlig‘iga vazirliklar, davlat qo‘mitalari va idoralari tomonidan biriktirilgan sohada davlat siyosatining samarali va sifatli amalga oshirilishi uchun ularga Vazirlar Mahkamasining ayrim funksiyalari hamda vazifalarini berish bo‘yicha takliflar kiritadi;
O‘zbekiston Respublikasi Prezidenti, O‘zbekiston Respublikasining Bosh vaziri, uning o‘rinbosarlari va maslahatchilari tomonidan o‘tkaziladigan yig‘ilishlarga materiallar tayyorlashda va ularda qabul qilinadigan qarorlarni rasmiylashtirishda qatnashadi;
materiallarning, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari loyihalarining kompleks ravishda hamda sifatli ishlab chiqilishi va tayyorlanishini, shuningdek, ularning davlat boshqaruvi organlari, mahalliy ijro etuvchi hokimiyat organlari, boshqa tashkilotlar, Vazirlar Mahkamasi apparatining tarkibiy bo‘linmalari bilan kelishilishini ta’minlaydi;
Departament vakolatiga kiradigan masalalar bo‘yicha qonun loyihalari ishlab chiqilishini va ularning belgilangan tartibda O‘zbekiston Respublikasi Oliy Majlisiga taqdim etilishini hamda himoya qilinishini tashkil etadi;
Departamentga biriktirilgan tashkilotlarning o‘zi yuritadigan masalalar bo‘yicha faoliyatini muvofiqlashtiradi;
Departamentga biriktirilgan davlat boshqaruvi organlari, boshqa organlar va tashkilotlarda O‘zbekiston Respublikasi Prezidentining maslahatchilari nomenklaturasiga kiradigan rahbarlar lavozimlariga nomzodlar bo‘yicha takliflarni keyinchalik O‘zbekiston Respublikasining Bosh vaziri ma’qullashi uchun belgilangan tartibda kiritishda ishtirok etadi;
Tashqi mehnat migratsiyasi masalalari bo‘yicha respublika komissiyasining samarali ishini ta’minlaydi, u tomonidan qabul qilingan qarorlarning bajarilishini muvofiqlashtiradi va nazorat qiladi;
biriktirilgan vazirliklar, idoralar va boshqa tashkilotlar faoliyatini O‘zbekiston Respublikasi iqtisodiyotining jahon iqtisodiy tizimiga integratsiyalashuvi masalalari bo‘yicha samarali muvofiqlashtirilishini ta’minlaydi va nazorat qiladi;
jismoniy va yuridik shaxslarning, shu jumladan, elektron shaklda tushadigan murojaatlarini ko‘rib chiqadi hamda ularda qo‘yilgan masalalarni hal etish bo‘yicha takliflar tayyorlaydi, ushbu murojaatlarni ko‘rib chiqish va choralar ko‘rish uchun tegishli davlat boshqaruvi organlari, mahalliy ijro etuvchi hokimiyat organlari, boshqa organ va tashkilotlarga yuboradi, ularning o‘z vaqtida ko‘rib chiqilishini nazorat qiladi, jismoniy shaxslarni va yuridik shaxslarning vakillarini qabul qiladi.
Vazirlar Mahkamasida ko‘rib chiqiladigan masalalarni tahlil qilish va tayyorlash uchun zarur bo‘lgan materiallar va ma’lumotlarni Vazirlar Mahkamasi apparatining boshqa tarkibiy bo‘linmalari, davlat boshqaruvi organlari, mahalliy ijro etuvchi hokimiyat organlari, boshqa organlar va tashkilotlardan belgilangan tartibda so‘rash va olish;
davlat boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yig‘ilishlar o‘tkazish;
davlat boshqaruvi organlari, ilmiy-tadqiqot markazlari va institutlarining xodimlarini, mahalliy va xorijiy ekspertlarni jalb etgan holda axborot-tahliliy tadqiqotlar o‘tkazish uchun ekspert guruhlar tashkil etish;
xalqaro konferensiyalar, kongresslar, simpoziumlar, seminarlar va yig‘ilishlarda, shuningdek, xorijda vaqtinchalik mehnat faoliyatini amalga oshirayotgan fuqarolar huquqlarini himoya qilish va xalqaro iqtisodiy hamkorlik sohasidagi xalqaro loyihalarda ishtirok etish;
davlat boshqaruvi organlari, mahalliy ijro etuvchi hokimiyat organlari va boshqa tashkilotlar, shuningdek, xalqaro, xorijiy tashkilotlar, xorijiy hukumatga qarashli muassasalar bilan belgilangan tartibda yozishmalar olib borish;
Departamentga biriktirilgan davlat boshqaruvi organlari, boshqa organ va tashkilotlarning kollegial organlari majlislarida, O‘zbekiston Respublikasining Bosh vaziri, Bosh vazir maslahatchisi — Departament boshlig‘ining topshirig‘iga binoan — boshqa davlat organlarining, nodavlat notijorat tashkilotlari va boshqa tashkilotlarning Departament yuritadigan sohaga kiruvchi masalalar bo‘yicha o‘tkaziladigan majlislari va yig‘ilishlarida qatnashish;
zarur hollarda, Vazirlar Mahkamasida ko‘rib chiqiladigan masalalarni ishlab chiqish uchun davlat va xo‘jalik boshqaruvi organlarining, ilmiy muassasalar va boshqa tashkilotlarning rahbarlari va mutaxassislarini belgilangan tartibda jalb etish, tegishli masalalar bo‘yicha vaqtinchalik ishchi guruhlar tashkil etish;
“O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni, O‘zbekiston Respublikasi Prezidenti Administratsiyasi Reglamenti, Vazirlar Mahkamasining Reglamenti va boshqa normativ-huquqiy hujjatlar talablari buzilgan holda keladigan hujjatlarni qaytarish.
Departamentning zarur materiallarni, ma’lumotlarni taqdim etish, shuningdek, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalarini puxta ishlab chiqish bo‘yicha talablari, agar O‘zbekiston Respublikasi Prezidentining, O‘zbekiston Respublikasi Bosh vazirining, uning o‘rinbosarlari va maslahatchilari, Vazirlar Mahkamasi apparati boshqaruvchisining topshiriqlarida bajarishning boshqa muddatlari belgilanmagan bo‘lsa, Departament belgilagan muddatlarda bajarilishi kerak.
tegishli vazirliklar, davlat qo‘mitalari va davlat boshqaruvining boshqa organlari tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining hujjatlari, parlament so‘rovlari, O‘zbekiston Respublikasi Oliy Majlisi Qonunchilik palatasi deputatlari va Senati a’zolarining so‘rovlari, O‘zbekiston Respublikasi Prezidentining hujjatlari va topshiriqlari bajarilishi monitoringini amalga oshirish;
ushbu Nizomning 7 va 8-bandlarida ko‘rsatilgan va o‘ziga yuklangan vazifalarning tegishli ravishda hamda samarali bajarilishi;
O‘zbekiston Respublikasi Konstitutsiyasi, “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni va Departament vakolatiga taalluqli masalalar bo‘yicha boshqa qonun hujjatlari bilan Vazirlar Mahkamasiga yuklangan vazifalar va funksiyalarning samarali bajarilishi;
O‘zbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida” 2021-yil 10-fevraldagi PF-6166-son Farmoni va O‘zbekiston Respublikasi Prezidentining “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini ta’minlashga qaratilgan qo‘shimcha chora-tadbirlar to‘g‘risida” 2021-yil 31-maydagi PQ-5132-son qaroriga muvofiq qonunlar, O‘zbekiston Respublikasi Prezidentining hujjatlari va topshiriqlarining, Vazirlar Mahkamasi qarorlarining sifatli va o‘z vaqtida bajarilishi;
Departamentdagi ishlarning holati, davlat boshqaruvi organlari, boshqa tashkilotlar faoliyatining zarur darajada muvofiqlashtirilishi va nazorat qilinishi, Departament vakolatiga kiradigan masalalar bo‘yicha Vazirlar Mahkamasiga kiritilgan takliflar va hujjatlar loyihalarining har tomonlama ko‘rib chiqilishi;
oliy darajadagi xorijiy tashriflar, shuningdek, respublika hududlariga safarlar yakunlari bo‘yicha Departament vakolatiga kiradigan masalalar bo‘yicha tasdiqlanadigan “yo‘l xaritalari”ning zarur darajada va samarali bajarilishi;
O‘zbekiston Respublikasi Prezidenti Administratsiyasi Reglamenti va O‘zbekiston Respublikasi Vazirlar Mahkamasi Reglamentiga muvofiq taqdim etiladigan O‘zbekiston Respublikasining qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari loyihalarining davlat manfaatlarini ta’minlash, iqtisodiy samaradorlik nuqtai nazaridan va ulardagi masalalarning barcha manfaatdor tuzilmalar bilan bog‘liq holda puxta ekspertizadan o‘tkazilishini ta’minlash;
O‘zbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida” 2021-yil 10-fevraldagi PF-6166-son Farmoni, “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son, “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini ta’minlashga qaratilgan qo‘shimcha chora-tadbirlar to‘g‘risida” 2021-yil 31-maydagi PQ-5132-son, “Vazirliklar, davlat qo‘mitalari, davlat boshqaruvining boshqa organlari va xo‘jalik birlashmalari rahbarlari o‘rinbosarlarining faoliyati samaradorligini baholash tizimini joriy etish to‘g‘risida” 2021-yil 22-iyuldagi PQ-5189-son qarorlariga, shuningdek, Vazirlar Mahkamasining “Vazirliklar, davlat qo‘mitalari, davlat boshqaruvining boshqa organlari va xo‘jalik birlashmalari rahbarlari o‘rinbosarlarining faoliyati samaradorligini hamda maqsadli vazifalarga erishishlarini baholashning asosiy mezonlarini tasdiqlash to‘g‘risida” 2021-yil 28-iyuldagi 467-son va “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qarorlariga muvofiq ijro intizomiga so‘zsiz rioya etilishi uchun javob beradi.
11. Departament tuzilmasiga Bosh vazir maslahatchisi — Departament boshlig‘i, shuningdek, quyidagilar kiradi:
mehnat migrantlarini jo‘nab ketishdan oldin kasbiy tayyorgarlikdan o‘tkazish va moslashtirish masalalari bo‘yicha bosh mutaxassis;
mehnat migrantlarining huquqlari va qonuniy manfaatlarini himoya qilish masalalari bo‘yicha bosh mutaxassis;
xorijdan qaytib kelgan mehnat migrantlarini reintegratsiya qilish va ishga joylashtirish masalalari bo‘yicha bosh mutaxassis;
shu’ba mudiri (makroiqtisodiy, soliq siyosati, moliya bozori, tashqi va o‘zaro savdo statistikasi sohasida hamkorlik masalalari);
bojxona-tarif va notarif hamda monopoliyani tartibga solish sohasida hamkorlik masalalari bo‘yicha bosh mutaxassis;
agrosanoat majmui, veterinariya, sanitariya va fitosanitariya normalari sohasida hamkorlik masalalari bo‘yicha bosh mutaxassis;
12. Departamentning ishlari Bosh vazir maslahatchisi — Departament boshlig‘i tomonidan muvofiqlashtiriladi.
13. Bosh vazir maslahatchisi — Departament boshlig‘i O‘zbekiston Respublikasi Prezidenti bilan kelishilgan holda, O‘zbekiston Respublikasining Bosh vaziri tomonidan lavozimga tayinlanadi va lavozimdan ozod etiladi.
Departament boshlig‘ining o‘rinbosari, shu’ba mudiri va bosh mutaxassislari belgilangan tartibda lavozimga tayinlanadi va lavozimdan ozod qilinadi.
14. Departament faoliyati “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, O‘zbekiston Respublikasi Vazirlar Mahkamasining Reglamentiga, O‘zbekiston Respublikasi Vazirlar Mahkamasi apparati to‘g‘risidagi nizomga, ushbu Nizomga, O‘zbekiston Respublikasi Vazirlar Mahkamasi apparatida ish yuritish to‘g‘risidagi yo‘riqnomaga, O‘zbekiston Respublikasi Prezidentining, O‘zbekiston Respublikasining Bosh vaziri va uning o‘rinbosarlari va maslahatchilarining topshiriqlariga, O‘zbekiston Respublikasi Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek, Vazirlar Mahkamasining ish rejalari, Departamentning ish rejalari, Departament boshlig‘ining o‘rinbosar, shu’ba mudiri va bosh mutaxassislarining shaxsiy ish rejalari asosida tashkil etiladi.
Departamentning ish rejasi Vazirlar Mahkamasining Vazirlar Mahkamasi Rayosati tomonidan tasdiqlanadigan ish reja asosida shakllantiriladi.
Departamentning ish rejasi Vazirlar Mahkamasi apparatining boshqaruvchisi bilan kelishiladi va Bosh vazir maslahatchisi — Departament boshlig‘i tomonidan tasdiqlanadi.
Departament boshlig‘ining o‘rinbosari, shu’ba mudiri va bosh mutaxassislarining shaxsiy ish rejalari Bosh vazir maslahatchisi — Departament boshlig‘i tomonidan tasdiqlanadi.
Departamentning O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari, farmoyishlari, Vazirlar Mahkamasining qarorlari va farmoyishlari Departamentga biriktirilgan davlat boshqaruvi organlari, mahalliy ijro etuvchi hokimiyat organlari, boshqa organlar va tashkilotlarda amalga oshirilishining tizimli monitoringini olib borish bo‘yicha faoliyati Vazirlar Mahkamasining ish rejasiga muvofiq kompleks o‘rganishlar o‘tkazish yo‘li bilan, shuningdek, O‘zbekiston Respublikasi Bosh vazirining topshiriqlariga binoan Vazirlar Mahkamasi va uning Rayosati majlislarida hisobotlarni eshitish orqali ta’minlanadi.
Departamentga bevosita rahbarlik qiladi, Departament boshlig‘ining o‘rinbosari, shu’ba mudiri va bosh mutaxassislar ishlarini tashkil qiladi, Departamentga yuklangan vazifalar va funksiyalarning bajarilishi uchun shaxsan javob beradi;
Vazirlar Mahkamasiga ko‘rib chiqish uchun kiritilgan Departament yuritadigan sohaga kiradigan masalalar bo‘yicha takliflarni va normativ-huquqiy hujjatlar loyihalarini ko‘rib chiqishda davlat manfaatlariga qat’iy rioya qilinishini ta’minlaydi, ularning ekspert jihatdan puxta ishlab chiqilishini tashkil qiladi va tayyorlangan hujjatlar loyihalariga viza qo‘yadi. Tegishli normativ-huquqiy hujjatlar qabul qilingandan keyin ularning bajarilishi yuzasidan tizimli nazoratni ta’minlaydi;
tashqi mehnat migratsiyasi sohasida islohotlarning holati va natijadorligi to‘g‘risida tizimli monitoring tashkil etilishini hamda ma’lumotlar banki shakllantirilishini, shuningdek, muammoli masalalarni hal etish, mehnat migrantlarining huquqlari va manfaatlari himoya qilinishini ta’minlashning istiqbolli vazifalarini amalga oshirish bo‘yicha amaliy chora-tadbirlar ishlab chiqilishi va bajarilishini ta’minlaydi;
xalqaro iqtisodiy hamkorlikni kengaytirish bo‘yicha milliy iqtisodiyotning muhim vazifalarini hal etish hamda uni barqaror rivojlantirishga qaratilgan integratsiyalashuv imkoniyatlarini kengaytirish ishlarini muvofiqlashtiradi, shuningdek, O‘zbekiston Respublikasi iqtisodiyotining jahon iqtisodiy tizimiga integratsiyalashuvi yuzasidan tizimli monitoring olib boradi hamda tegishli ma’lumotlarni to‘plash, umumlashtirish va tahlil qilish ishlarini tashkil etadi;
Departamentning tasdiqlangan tuzilmasi va shtatlar jadvaliga muvofiq lavozimga tavsiya etilayotgan nomzodlar, Departament boshlig‘ining o‘rinbosari, shu’ba mudiri va bosh mutaxassislarining kasbiy darajasi va ish malakasini oshirish, ularni rag‘batlantirish va ma’muriy jazolash choralari bo‘yicha takliflarni Vazirlar Mahkamasi apparati boshqaruvchisi bilan birgalikda puxta ishlab chiqadi;
Departament boshlig‘ining o‘rinbosari, shu’ba mudiri va bosh mutaxassislari o‘rtasida vazifalarning taqsimlanishini, Departamentning yarim yillik uchun ish rejasini belgilangan tartibda va Departament boshlig‘ining o‘rinbosari, shu’ba mudiri va bosh mutaxassislarining shaxsiy ish rejalarini tasdiqlaydi;
Vazirlar Mahkamasiga tushgan, Hukumat qarori qabul qilishni talab qilmaydigan hujjatlarni tegishli davlat boshqaruvi organlariga, mahalliy ijro etuvchi hokimiyat organlariga, boshqa organlar va tashkilotlarga ko‘rib chiqish uchun yuboradi;
Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari o‘tkazadigan yig‘ilishlarda, Departament yuritadigan sohaga kiruvchi masalalar bo‘yicha o‘tkaziladigan Hukumat komissiyalari va idoralararo komissiyalar hamda kengashlar majlislarida qatnashadi;
Departament kadrlari zaxirasini shakllantirish va yangilab borishni, kadrlar zaxirasiga kiritilgan shaxslar bilan tizimli ishlarni tashkil etadi;
jismoniy shaxslarni va yuridik shaxslarning vakillarini qabul qiladi, shuningdek, Departament yuritadigan sohaga kiruvchi masalalar bo‘yicha ularning murojaatlarini ko‘rib chiqadi;
kadrlarni tanlash tizimini takomillashtirish, Departament xodimlari malakasini oshirishning samarali shakl va uslublarini joriy qilish, kadrlar amaliy zaxirasini tayyorlash hamda ularni moddiy rag‘batlantirish mexanizmlarini qo‘llash choralarini ko‘radi;
Vazirlar Mahkamasi apparatida ish yuritish to‘g‘risidagi yo‘riqnomaga muvofiq ish yuritilishini ta’minlaydi hamda chiquvchi xat-xabarlarni imzolaydi.
16. Bosh vazir maslahatchisi — Departament boshlig‘i vaqtincha bo‘lmaganda, uning vazifasini Departament boshlig‘ining o‘rinbosari bajaradi.
17. Departament boshlig‘ining o‘rinbosari Bosh vazir maslahatchisi — Departament boshlig‘i tomonidan belgilangan tartibda tasdiqlangan funksional majburiyatlariga asosan o‘ziga yuklangan vazifalar doirasida:
tegishli mutaxassislarning faoliyatini muvofiqlashtiradi va ularga biriktirilgan masalalar bo‘yicha Departamentga yuklangan vazifalar va funksiyalarning bajarilishi hamda ijro intizomining holati uchun shaxsan javob beradi;
Departamentga biriktirilgan masalalar bo‘yicha materiallar va hujjatlar loyihalarining sifatli va o‘z vaqtida tayyorlanishini tashkil qiladi, topshiriqlarning bajarilishi yuzasidan nazoratni ta’minlaydi;
qabul qilingan O‘zbekiston Respublikasi qonunlarini, O‘zbekiston Respublikasi Prezidentining farmonlari, qarorlari va farmoyishlarini, Vazirlar Mahkamasining qarorlarini amalga oshirish bo‘yicha Departament mutaxassislari tomonidan tashkiliy chora-tadbirlar yoki nazorat rejalari tayyorlanishini muvofiqlashtiradi, ularning O‘zbekiston Respublikasining Bosh vaziri yoki uning o‘rinbosarlari, maslahatchilari tomonidan tasdiqlanishini, erishilgan natijalar monitoringini doimiy asosda ta’minlaydi;
Vazirlar Mahkamasi va Departamentning tegishli davrga mo‘ljallangan ish rejalarida, shuningdek, mutaxassislarning shaxsiy ish rejalarida nazarda tutilgan masalalarni o‘rganishni va chora-tadbirlar amalga oshirilishini muvofiqlashtirishni ta’minlaydi, tanqidiy tahlil asosida Bosh vazir maslahatchisi — Departament boshlig‘i ko‘rib chiqishi uchun takliflar kiritadi;
tegishli masalalar bo‘yicha tizimlashtirilgan ma’lumotlar bazasi yaratilishi va yuritilishi, uning muntazam ravishda to‘ldirilishi va yangilab borilishi yuzasidan nazoratni amalga oshiradi;
materiallar to‘g‘risida belgilangan tartibda Bosh vazir maslahatchisi — Departament boshlig‘iga, Vazirlar Mahkamasi apparati boshqaruvchisiga axborot beradi;
tegishli sohalardagi mavjud kamchiliklarni bartaraf etish, shuningdek, xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlikni kengaytirish bo‘yicha takliflarning ishlab chiqilishini tashkil qiladi va ularni Bosh vazir maslahatchisi — Departament boshlig‘iga taqdim etadi;
Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda, Hukumat komissiyalari va kengashlari, idoralararo komissiyalar va kengashlar majlislarida, o‘zi yuritadigan masalalar bo‘yicha Vazirlar Mahkamasi apparati boshqaruvchisi o‘tkazadigan yig‘ilishlarda belgilangan tartibda qatnashadi;
Vazirlar Mahkamasi va uning Rayosati majlislarida, O‘zbekiston Respublikasi Prezidenti, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda ko‘rib chiqishga materiallar tayyorlash, shuningdek, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari loyihalarini tayyorlash maqsadida ularni muhokama qilish uchun davlat boshqaruvi organlari, mahalliy ijro etuvchi hokimiyat organlari hamda boshqa tashkilotlar rahbarlari, olimlar va mutaxassislar ishtirokida o‘ziga biriktirilgan masalalar bo‘yicha yig‘ilishlar o‘tkazadi;
Bosh vazir maslahatchisi — Departament boshlig‘ining topshirig‘iga binoan chiquvchi xat-xabarlarni imzolaydi;
tegishli mutaxassislar o‘rtasida vazifalarni taqsimlash bo‘yicha Bosh vazir maslahatchisi — Departament boshlig‘iga takliflar kiritadi;
Bosh vazir maslahatchisi — Departament boshlig‘iga tegishli mutaxassislarini lavozimga tayinlash va lavozimdan ozod qilish, ularning malakasini oshirish, rag‘batlantirish hamda jazolash to‘g‘risida takliflar taqdim etadi;
shu’ba mutaxassislari ishlarini muvofiqlashtiradi va shu’baga yuklangan vazifalar va funksiyalarning bajarilishi uchun shaxsan javob beradi;
shu’baga biriktirilgan masalalar bo‘yicha ma’lumotnoma, tahliliy, statistik va boshqa materiallar, shuningdek, qonun hujjatlari va boshqa normativ-huquqiy hujjatlar loyihalarining mutaxassislar tomonidan sifatli va o‘z vaqtida tayyorlanishini tashkil etadi;
O‘zbekiston Respublikasining qabul qilingan qonunlarini, O‘zbekiston Respublikasi Prezidentining farmonlari, qarorlari va farmoyishlarini, Hukumat qarorlarini amalga oshirish bo‘yicha mutaxassislar tomonidan tashkiliy chora-tadbirlar yoki nazorat rejalari tayyorlanishini, ularning O‘zbekiston Respublikasining Bosh vaziri yoki uning maslahatchisi tomonidan tasdiqlanishini muvofiqlashtiradi, erishilgan natijalarning monitoringini doimiy ravishda ta’minlaydi;
masalalarni o‘rganib chiqishni muvofiqlashtirishni va tegishli davr uchun mutaxassislar, Departament va O‘zbekiston Respublikasi Vazirlar Mahkamasining tasdiqlangan ish rejalaridagi chora-tadbirlarning amalga oshirilishini ta’minlaydi, tanqidiy tahlil asosida tegishli takliflarni ko‘rib chiqish uchun Departament boshlig‘ining o‘rinbosari va Bosh vazir maslahatchisi — Departament boshlig‘iga kiritadi;
iqtisodiyotning tegishli tarmoqlari, sohalari va sektorlari, shuningdek, respublika hududlari bo‘yicha turkumlangan ma’lumotlar bazasi mutaxassislar tomonidan yaratilishi va yuritilishi yuzasidan nazoratni amalga oshiradi;
ma’lumotnoma materiallari va hujjatlar loyihalari to‘g‘risida Departament boshlig‘ining o‘rinbosari va Bosh vazir maslahatchisi — Departament boshlig‘iga, shuningdek, belgilangan tartibda O‘zbekiston Respublikasining Bosh vaziriga, uning o‘rinbosarlariga, Vazirlar Mahkamasi apparati boshqaruvchisiga va uning o‘rinbosarlariga axborot beradi;
islohotlarni chuqurlashtirish, shuningdek, Departament vakolatiga kiruvchi masalalar bo‘yicha mavjud kamchiliklarni bartaraf etish yuzasidan takliflar ishlab chiqilishini tashkil qiladi va ularni Departament boshlig‘ining o‘rinbosari va Bosh vazir maslahatchisi — Departament boshlig‘iga taqdim etadi;
O‘zbekiston Respublikasi Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda, Hukumat komissiyalari hamda idoralararo komissiyalar va kengashlar majlislarida, shu’ba yuritadigan sohaga kiradigan masalalar bo‘yicha Vazirlar Mahkamasi apparati boshqaruvchisi va uning o‘rinbosarlari o‘tkazadigan yig‘ilishlarda qatnashadi;
davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari va vakillari, olimlar va mutaxassislar bilan Vazirlar Mahkamasi va uning Rayosati majlislarida, O‘zbekiston Respublikasi Prezidenti, O‘zbekiston Respublikasining Bosh vaziri va uning o‘rinbosarlari o‘tkazadigan yig‘ilishlarda ko‘rib chiqishga materiallar tayyorlash uchun o‘ziga biriktirilgan masalalar bo‘yicha yig‘ilishlar o‘tkazadi, shuningdek, ijrodagi O‘zbekiston Respublikasi qonunlari, O‘zbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qarorlari loyihalarini ularni tayyorlash maqsadida muhokama qiladi;
Departament boshlig‘ining o‘rinbosari va Bosh vazir maslahatchisi — Departament boshlig‘ining topshirig‘iga binoan chiquvchi xat-xabarlarni imzolaydi;
Departament boshlig‘ining o‘rinbosari va Bosh vazir maslahatchisi — Departament boshlig‘iga tegishli mutaxassislar o‘rtasida vazifalarni taqsimlash bo‘yicha takliflar kiritadi;
Departament boshlig‘ining o‘rinbosari va Bosh vazir maslahatchisi — Departament boshlig‘iga o‘ziga biriktirilgan masalalar bo‘yicha mutaxassislarni lavozimga tayinlash va lavozimdan ozod qilish, ularning malakasini oshirish, rag‘batlantirish hamda jazolash to‘g‘risida takliflar taqdim etadi.
o‘z funksional vazifalariga muvofiq takliflarning va normativ-huquqiy hujjatlar loyihalarining sifati, ishonchliligi va o‘z vaqtida tayyorlanishi, topshiriqlar va qabul qilingan hujjatlarning bajarilishi yuzasidan nazoratning ta’minlanishi uchun shaxsan javob beradi;
tegishli davlat boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflarni va hujjatlar loyihalarini har tomonlama tahlil qiladi, ular yuzasidan zarur tahliliy materiallar va ekspert xulosalarini tayyorlaydi, shuningdek, ular bo‘yicha O‘zbekiston Respublikasi Vazirlar Mahkamasi Reglamentiga muvofiq zarur kelishuvlarni ta’minlaydi;
ma’lumotlar va hujjatlarning loyihalari to‘g‘risida Bosh vazir maslahatchisi — Departament boshlig‘iga, shuningdek, belgilangan tartibda — O‘zbekiston Respublikasi Bosh vaziriga va Vazirlar Mahkamasi apparati boshqaruvchisiga axborot beradi;
qabul qilingan hujjatlar bo‘yicha nazorat rejasini yoki tashkiliy chora-tadbirlarni ishlab chiqadi va belgilangan tartibda tasdiqlash uchun kiritadi, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlarining, O‘zbekiston Respublikasining Bosh vaziri hamda uning o‘rinbosarlari, tegishli masalalar bo‘yicha maslahatchilarining topshiriqlari davlat boshqaruvi organlari, mahalliy ijro etuvchi hokimiyat organlari, boshqa tashkilotlar tomonidan bajarilishi yuzasidan tizimli nazoratni amalga oshiradi;
tegishli funksional masalalar va hujjatlar bo‘yicha ma’lumotlarning tizimlashtirilgan bazasini shakllantirish va yuritishni, uning muntazam ravishda to‘ldirib va yangilab borilishini tashkil qiladi;
tegishli davlat boshqaruvi organlari, mahalliy ijro etuvchi hokimiyat organlari va boshqa tashkilotlar markaziy apparatlarining tarkibiy bo‘linmalari ishlarining holati va natijadorligini doimiy ravishda o‘rganib boradi, ularning kollegial organlari majlislarida qatnashadi, faoliyati samaradorligini oshirish bo‘yicha takliflar kiritadi;
o‘ziga biriktirilgan masalalar bo‘yicha o‘tkaziladigan Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi o‘tkazadigan yig‘ilishlarda belgilangan tartibda qatnashadi;
Vazirlar Mahkamasi va uning Rayosati majlislarida, O‘zbekiston Respublikasi Prezidenti, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda ko‘rib chiqishga materiallar tayyorlash, shuningdek, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari loyihalarini tayyorlash maqsadida ularni muhokama qilish uchun davlat boshqaruvi organlari, mahalliy ijro etuvchi hokimiyat organlari va boshqa tashkilotlar vakillari, olimlar va mutaxassislar ishtirokida o‘ziga biriktirilgan masalalar bo‘yicha yig‘ilishlar o‘tkazadi;
tashqi mehnat migratsiya tizimini takomillashtirish, xalqaro hamkorlikni kengaytirish, shuningdek, tegishli sohalar bo‘yicha kamchiliklarni bartaraf etish yuzasidan takliflarni ishlab chiqishni tashkil etadi va Bosh vazir maslahatchisi — Departament boshlig‘i, uning o‘rinbosariga taqdim qiladi;
xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik sohasidagi dolzarb vazifalarni samarali hal etish yuzasidan Departamentga biriktirilgan vazirliklar, idoralar, mahalliy ijro etuvchi hokimiyat organlari va boshqa tashkilotlarning muvofiqlashtirilgan ishlarini ta’minlaydi;
idoraviy mansub tashkilotlar faoliyatini muvofiqlashtirish va nazorat qilishning aniq tizimini joriy etish orqali Departamentga biriktirilgan sohada davlat siyosatini samarali va sifatli amalga oshirishda biriktirilgan vazirliklar, idoralar va boshqa tashkilotlar mustaqilligini kuchaytirishda ishtirok etadi;
idoraviy mansub tashkilotlar va ularning rahbarlari faoliyatini baholashning aniq ko‘rsatkichlar hamda maqsadli indikatorlarga erishishga asoslangan tizimini ishlab chiqish hamda joriy etishda, xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va qo‘llab-quvvatlash masalalari bo‘yicha dasturlarning sifatli hamda samarali amalga oshirilishini ta’minlashda ishtirok etadi;
jismoniy shaxslar va yuridik shaxslar vakillarini qabul qiladi, shuningdek, o‘z vakolatiga kiradigan masalalar yuzasidan ularning murojaatlarini ko‘rib chiqadi;
O‘zbekiston Respublikasi Prezidenti va Vazirlar Mahkamasi rahbariyatining hududlarga tashriflariga oid ma’lumotlarni tayyorlaydi;
20. Inspektor Departamentda ish yuritilishini ta’minlaydi, hujjatlarning o‘tishini nazorat qiladi, yig‘majildlarning tayyorlanishini va arxivda saqlash uchun o‘z vaqtida berilishini ta’minlaydi, o‘ziga yuklangan boshqa funksiyalarni bajaradi.
1. Vazirlar Mahkamasining “O‘zbekiston Respublikasi Bosh vazirining maslahatchisi — Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti boshlig‘ining funksional vazifalari hamda Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti to‘g‘risidagi nizomlarni tasdiqlash haqida” 2020-yil 4-apreldagi 198-son qarori.
2. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘zbekiston Respublikasi Vazirlar Mahkamasining ijro etuvchi tuzilmasini takomillashtirishga doir qo‘shimcha chora-tadbirlar to‘g‘risida” 2020-yil 22-yanvardagi PQ-4569-son, “O‘zbekiston Respublikasi Vazirlar Mahkamasi faoliyatini takomillashtirishga oid qo‘shimcha chora-tadbirlar to‘g‘risida” 2020-yil 24-fevraldagi PQ-4612-son, “O‘zbekiston Respublikasi Vazirlar Mahkamasining tuzilmasiga Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vaziri lavozimini kiritish to‘g‘risida” 2020-yil 10-martdagi PQ-4635-son va “O‘zbekiston Respublikasi Vazirlar Mahkamasining faoliyatini takomillashtirishga oid qo‘shimcha chora-tadbirlar to‘g‘risida” 2020-yil 12-maydagi PQ-4710-son qarorlari)” 2020-yil 26-iyundagi 411-son qaroriga 1-ilovaning 73-bandi.
3. Vazirlar Mahkamasining “O‘zbekiston Respublikasi Bosh vazirining maslahatchisi — Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti boshlig‘ining funksional vazifalari hamda Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari huquqlarini himoya qilish va xalqaro iqtisodiy hamkorlik masalalari departamenti to‘g‘risidagi nizomlarni tasdiqlash haqida” 2020-yil 4-apreldagi 198-son qaroriga o‘zgartirishlar kiritish to‘g‘risida” 2021-yil 8-iyuldagi 432-son qarori.
4. Vazirlar Mahkamasining “O‘zbekiston Respublikasi Vazirlar Mahkamasi apparatining ba’zi tarkibiy bo‘linmalari tuzilmalari o‘zgarganligi munosabati bilan Hukumatning ayrim qarorlariga o‘zgartirish va qo‘shimchalar kiritish to‘g‘risida” 2022-yil 17-maydagi 262-son qarori ilovasining 2-bandi.