Oʻzbekiston Respublikasi Prezidentining 2019-yil 10-apreldagi “Oʻzbekiston Respublikasida favqulodda vaziyatlarning oldini olish va bartaraf etish hamda yongʻin xavfsizligini taʼminlashning sifat jihatidan yangi tizimini joriy etish toʻgʻrisida”gi PF-5706-son Farmoni hamda 2019-yil 10-apreldagi “Favqulodda vaziyatlar tuzilmalarining faoliyatini yanada takomillashtirish boʻyicha tashkiliy chora-tadbirlar toʻgʻrisida”gi PQ-4276-son qaroriga muvofiq:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

4. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi favqulodda vaziyatlar vaziri vazifasini bajaruvchi T.A. Xudaybergenov zimmasiga yuklansin.

2. Oʻzbekiston Respublikasi Prezidentining 2017-yil 1-iyundagi “Favqulodda vaziyatlarning oldini olish va ularni bartaraf etish tizimi samaradorligini tubdan oshirish chora-tadbirlari toʻgʻrisida”gi PF-5066-son Farmonida:

a) 1-bandda:

yettinchi xatboshi quyidagi tahrirda bayon etilsin:

“yongʻin xavfsizligi qoidalariga rioya etilishini, shuningdek, kichik hajmli kemalarni ekspluatatsiya qilish bilan bogʻliq favqulodda vaziyatlar yuzaga kelishining oldini olish va suv havzalarida odamlar xavfsizligini taʼminlash maqsadida davlat nazorati va kuzatuvini kuchaytirish”;

oʻninchi xatboshidagi “, gidrometeorologik va seysmologik xizmatlarning” soʻzlari “va seysmoprognostik xizmatning” soʻzlari bilan almashtirilsin;

b) 2-band quyidagi tahrirda bayon etilsin:

“2. Oʻzbekiston Respublikasi Fanlar akademiyasi Gʻ.A. Mavlonov nomidagi Seysmologiya institutining tezkor xabarlar xizmati va seysmik xavfning seysmologik monitoringi va prognostik monitoring respublika tarmogʻi belgilangan tartibda Oʻzbekiston Respublikasi Favqulodda vaziyatlar vazirligi tizimiga berilsin.

Belgilansinki, Seysmologiya institutining tezkor xabarlar xizmati va seysmik xavfning seysmologik monitoringi va prognostik monitoring respublika tarmogʻi mavjud shtat birligi va moddiy-texnik bazasi bilan toʻliq, amaldagi moliyalashtirish tartibi, mehnatga haq toʻlash va moddiy ragʻbatlantirish tartibi bilan oʻtkaziladi”;

v) 5-band quyidagi tahrirda bayon etilsin:

“5. Quyidagilar Oʻzbekiston Respublikasi Favqulodda vaziyatlar vazirligining asosiy vazifalari etib belgilansin:

tabiiy va texnogen xususiyatli favqulodda vaziyatlarning oldini olish va ularni bartaraf etish, yongʻin xavfsizligi, seysmik kuzatuvlar, kichik hajmli kemalardan xavfsiz foydalanish, suv obyektlarida fuqarolarning hayoti va sogʻligʻini muhofaza qilish sohasida yagona davlat siyosatini ishlab chiqish va amalga oshirishda ishtirok etish;

favqulodda vaziyatlar va yongʻinlar yuzaga kelishining oldini olish va profilaktika tadbirlarini tashkil etish;

aholini va hududlarni favqulodda vaziyatlardan muhofaza qilish, fuqaro muhofazasi, yongʻin xavfsizligini taʼminlash, shuningdek, kichik hajmli kemalardan xavfsiz foydalanish, suv obyektlarida fuqarolarning hayoti va sogʻligʻini muhofaza qilish sohasidagi davlat nazoratini, ruxsat berish va boshqa maxsus funksiyalarni amalga oshirish;

aholi hayotiga, sogʻligʻiga yoki mol-mulkiga xavf-xatar tugʻilganda kompleks yordam koʻrsatish, favqulodda vaziyatlar xavfi yuzaga kelganda yoki sodir boʻlganda ular toʻgʻrisida aholini oʻz vaqtida ogohlantirish va xabardor qilishni tashkillashtirish;

Favqulodda vaziyatlarda ularning oldini olish va harakat qilish davlat tizimini (keyingi oʻrinlarda — FVDT) faoliyatini hamda fuqaro muhofazasi va yongʻin xavfsizligini tashkil etish va taʼminlashda ishtirok etish;

favqulodda vaziyatlar va yongʻinlarning yuzaga kelishi va rivojlanishi xavfini kompleks monitoring va prognoz qilishni taʼminlash, shuningdek, seysmik kuzatuvlar olib borish;

tabiiy hamda texnogen xususiyatli favqulodda vaziyatlarning oldini olish va bartaraf etish, fuqaro muhofazasi, yongʻin xavfsizligini taʼminlash sohasida davlat boshqaruvi organlari, xoʻjalik birlashmalari, mahalliy davlat hokimiyati organlari hamda fuqarolarning oʻzini oʻzi boshqarish organlari hamda boshqa tashkilotlarning faoliyatini, ushbu maqsadlar uchun moliyaviy, oziq-ovqat, tibbiyot va moddiy-texnik resurslarning davlat zaxira fondlarini shakllantirishga doir ishlarini muvofiqlashtirish va ularning samarali hamkorligini tashkil etish;

favqulodda vaziyatlarni bartaraf etish, yongʻinlarni oʻchirish, insonlar hamda yuridik va jismoniy shaxslarning mol-mulkini qutqarish tadbirlarini tashkil etish, vazirlik va uning tuzilmalari kuch va vositalarining doimiy shayligini taʼminlash;

tabiiy va texnogen xususiyatli favqulodda vaziyatlarning oldini olish va ularni bartaraf etish, fuqaro muhofazasi, yongʻin xavfsizligini taʼminlash, seysmik kuzatuvlar, kichik hajmli kemalardan xavfsiz foydalanish, suv obyektlarida fuqarolarning hayoti va sogʻligʻini muhofaza qilish, shuningdek, favqulodda vaziyatlarda iqtisodiyot obyektlari faoliyatining barqarorligini oshirish sohasidagi ilmiy-texnik va innovatsion siyosat olib borishning ustuvor yoʻnalishlarini belgilash va maqsadli ilmiy-texnik dasturlarni tasdiqlash;

aholini, mansabdor shaxslarni va FVDT tuzilmalarini favqulodda vaziyatlar xavfi yuzaga kelganda va sodir boʻlganda harakat qilishga tizimli tayyorlash, shuningdek, kema haydovchilarini oʻqitishni tashkil etish va amalga oshirish;

yuqori malakali kadrlar tayyorlashning samarali tizimini yaratish, shuningdek, Vazirlik xodimlarini qayta tayyorlash va malakasini oshirishni tashkil etish;

favqulodda vaziyatlarning oldini olish va ularning oqibatlarini bartaraf etish sohasida xalqaro hamkorlikni amalga oshirish, shuningdek, ilgʻor xorij tajribasini oʻrganish, umumlashtirish va targʻib qilish;

ishlab chiqarish va ijtimoiy ahamiyatdagi obyektlarda, shuningdek, yoʻl-transport va muhandislik-kommunikatsiya infratuzilmalarida favqulodda vaziyatlarning oldini olish, oqibatlarini kamaytirish va bartaraf etishga qaratilgan qurilish ishlarini, rekonstruksiya, kapital taʼmirlash, muhandislik-qurilish, oʻrmonchilik va meliorativ tadbirlarni bajarish”;

g) 6-bandda:

toʻrtinchi xatboshi “muhofaza qilishga” soʻzlaridan keyin “hamda yongʻin xavfsizligini taʼminlashga” soʻzlari bilan toʻldirilsin;

beshinchi xatboshi quyidagi tahrirda bayon etilsin:

“har yili favqulodda vaziyatlarning oldini olish samaradorligini oshirishga qaratilgan favqulodda vaziyatlardan muhofaza qilish va fuqaro muhofazasi (bahor mavsumida) hamda yongʻin xavfsizligi (kuz mavsumida) oyligini tashkil etish va oʻtkazish”;

oʻninchi xatboshidagi “oldini olish,” soʻzlaridan keyin “yongʻinlar profilaktikasi,” soʻzlari bilan toʻldirilsin;

quyidagi mazmundagi oʻn birinchi — oʻn ikkinchi xatboshilar bilan toʻldirilsin:

“yongʻinlar yuzaga kelishiga shart-sharoit yaratuvchi sabab va omillarni aniqlash va bartaraf etish boʻyicha kompleks chora-tadbirlarni belgilash hamda amalga oshirilishini tashkil etish;

qishloq joylarda va chekka aholi punktlarida koʻngilli yongʻin boʻlinmalari tashkil etilishiga, shuningdek, ularni moddiy va ijtimoiy ragʻbatlantirishga koʻmaklashish”;

oʻn birinchi — oʻn sakkizinchi xatboshilar tegishincha oʻn uchinchi — yigirmanchi xatboshilar deb hisoblansin;

oʻn oltinchi va oʻn sakkizinchi xatboshilarda “favqulodda vaziyatlarning” soʻzlari “favqulodda vaziyatlar va yongʻinlarning” soʻzlari bilan almashtirilsin.

4. Oʻzbekiston Respublikasi Prezidentining 2007-yil 19-fevraldagi PQ-585-son qarori bilan tasdiqlangan Xavfli gidrometeorologiya va geologiya hodisalari bilan bogʻliq favqulodda vaziyatlarning oldini olish va ularning oqibatlarini tugatish boʻyicha ishlarni tashkil qilish tartibi toʻgʻrisidagi nizomning rus tilidagi matnida 5-bandning toʻrtinchi xatboshisidagi “Uzgidrometa pri Ministerstve po chrezvichaynim situatsiyam” soʻzlari “Sentra gidrometeorologicheskoy slujbi” soʻzlari bilan almashtirilsin.

5. Oʻzbekiston Respublikasi Prezidentining 2010-yil 8-yanvardagi “Respublika soliq organlari tizimini yanada modernizatsiya qilish chora-tadbirlari toʻgʻrisida”gi PQ-1257-son qarorining 3-bandida:

a) ikkinchi xatboshidagi “Ichki ishlar vazirligi Davlat yongʻin xavfsizligi xizmatiga” soʻzlari “Favqulodda vaziyatlar vazirligi davlat yongʻin nazorati organlariga” soʻzlari bilan almashtirilsin;

b) uchinchi xatboshidagi “Ichki ishlar” soʻzlari “Favqulodda vaziyatlar” soʻzlari bilan almashtirilsin.

6. Oʻzbekiston Respublikasi Prezidentining 2013-yil 22-oktabrdagi “Radiochastota spektrini boshqarishni tashkil qilish va foydalanishni takomillashtirish toʻgʻrisida”gi PQ-2053-son qarorining rus tilidagi matnida:

a) 1-ilovaning oʻn uchinchi xatboshisidagi “pri Ministerstve po chrezvichaynim situatsiyam” soʻzlari chiqarib tashlansin;

b) 2-ilovaning 9-bandidagi “pri Ministerstve po chrezvichaynim situatsiyam” soʻzlari chiqarib tashlansin.

7. Oʻzbekiston Respublikasi Prezidentining 2014-yil 5-martdagi PQ-2142-son qarori bilan tasdiqlangan Xorijiy mamlakatlarga xizmat safariga chiqishi Oʻzbekiston Respublikasi Prezidenti Administratsiyasining tegishli tarkibiy boʻlinmalari bilan maxsus kelishuvni talab qiladigan mansabdor shaxslarning roʻyxati “Islohotlarni huquqiy taʼminlash va huquqni muhofaza qilish faoliyatini muvofiqlashtirish masalalari boʻyicha maslahatchi boʻlinmalari” boʻlimining 3-bandidagi “Yongʻin xavfsizligi instituti va” soʻzlari chiqarib tashlansin.

8. Oʻzbekiston Respublikasi Prezidentining 2017-yil 12-apreldagi PQ-2883-son qarori bilan tasdiqlangan Oʻzbekiston Respublikasi Ichki ishlar vazirligi toʻgʻrisidagi nizomda:

a) 6-bandning yettinchi xatboshisidagi “xavfsizligi va yongʻin” soʻzlari chiqarib tashlansin;

b) 7-bandning “e” kichik bandida:

birinchi va ikkinchi xatboshilardagi “xavfsizligi va yongʻin” va “xavfsizligi, yongʻin” soʻzlari chiqarib tashlansin;

toʻrtinchi — yettinchi xatboshilar chiqarib tashlansin;

sakkizinchi — oʻn birinchi xatboshilar tegishincha toʻrtinchi — yettinchi xatboshilar deb hisoblansin;

toʻrtinchi xatboshidagi “hamda yongʻinlarning oldini olish tadbirlarini oʻtkazish” soʻzlari chiqarib tashlansin.

9. Oʻzbekiston Respublikasi Prezidentining 2017-yil 23-maydagi “Ichki ishlar organlari yongʻin xavfsizligi boʻlinmalari faoliyatini tubdan takomillashtirish chora-tadbirlari toʻgʻrisida”gi PQ-2992-son qarorida:

a) qarorning nomidagi “Ichki ishlar organlari yongʻin xavfsizligi boʻlinmalarining” soʻzlari “Oʻzbekiston Respublikasi Favqulodda vaziyatlar vazirligi yongʻin-qutqaruv boʻlinmalari” soʻzlari bilan almashtirilsin;

b) 1 va 3-bandlar oʻz kuchini yoʻqotgan deb hisoblansin;

v) 4-bandda:

birinchi xatboshidagi “Ichki ishlar” soʻzlari “Favqulodda vaziyatlar” soʻzlari bilan almashtirilsin;

ikkinchi xatboshi chiqarib tashlansin;

uchinchi — beshinchi xatboshilar tegishincha ikkinchi — toʻrtinchi xatboshilar deb hisoblansin;

uchinchi xatboshidagi “DYOXX” abbreviaturasi “yongʻin-qutqaruv boʻlinmalarining” soʻzlari bilan almashtirilsin;

toʻrtinchi xatboshidagi “DYOXX” abbreviaturasi “Favqulodda vaziyatlar vazirligi” soʻzlari bilan almashtirilsin;

g) 5-band quyidagi tahrirda bayon etilsin:

“5. Oʻta muhim davlat ahamiyatiga molik yoki yongʻin va portlash xavfi yuqori boʻlgan obyektlardagi yongʻin xavfsizligi boshqarmalari (markazlari, boʻlimlari, boʻlinmalari) namunaviy tuzilmalari 8, 9, 10-ilovalarga* muvofiq tasdiqlansin”;

d) 6-band quyidagi tahrirda bayon etilsin:

“6. Haftaning har chorshanba kuni “Favqulodda vaziyatlar va yongʻinlar profilaktikasi kuni” deb belgilansin va Favqulodda vaziyatlar vazirligiga quyidagi vazifalar yuklansin:

aholi, tashkilotlar va taʼlim muassasalari oʻrtasida favqulodda vaziyatlarning oldini olish va yongʻin xavfsizligi chora-tadbirlariga rioya etish toʻgʻrisida keng tushuntirish ishlarini olib borish, favqulodda vaziyatlar va yongʻinlarning oldini olish va muvaffaqiyatli bartaraf etish tadbirlariga jamoatchilikni keng jalb qilish;

mahalla faollari bilan birgalikda uyma-uy yurib tushuntirish ishlarini amalga oshirish, ularning yakunida favqulodda vaziyatlar va yongʻinlar holati boʻyicha aniqlangan kamchiliklarni fuqarolarning oʻzini oʻzi boshqarish organlarida muhokama qilish;

barcha darajadagi hokimlar bilan birgalikda sodir boʻlgan yirik va oʻziga xos xususiyatli favqulodda vaziyatlar va yongʻinlarning sabablarini, ular vujudga kelishiga olib kelgan shart-sharoitlarni hamda tegishli hududlardagi obyektlarning holatini chuqur va tanqidiy tahlil qilishni tashkil etish, uning yakunida ularning oldini olish va bartaraf etish uchun shart-sharoitlar yaratishga qaratilgan “yoʻl xaritalari”ni ishlab chiqish va tasdiqlash;

oʻta muhim davlat ahamiyatiga ega hamda yongʻin va portlash xavfi yuqori boʻlgan obyektlarda yongʻin xavfsizligi va favqulodda vaziyatlardan muhofaza qilishni mustahkamlash, ularning rahbarlari bilan yongʻin-taktik oʻquv va mashgʻulotlar, tushuntirish ishlarini tashkil etish boʻyicha chora-tadbirlar kompleksini amalga oshirish;

ommaviy axborot vositalarida, shu jumladan Internet butunjahon axborot tarmogʻida favqulodda vaziyatlar va yongʻinlar, ularning oldini olish va sodir boʻlganda qanday harakat qilish toʻgʻrisidagi maʼlumotlarni yoritish;

Oʻzbekiston Milliy teleradiokompaniyasi bilan kelishgan holda markaziy va hududiy telekanallarda favqulodda vaziyatlar va yongʻinlar bilan bogʻliq voqealarni, ularning yuzaga kelishi sabablari va shart-sharoitlarini yoritishga bagʻishlangan maxsus axborot koʻrsatuvi, shuningdek, voqealarni yoritish guruhlari tomonidan tayyorlanadigan hodisa sodir boʻlgan joylardan ularni bartaraf etish boʻyicha tezkor reportajlarni efirga uzatish”;

e) 7 — 15-bandlar oʻz kuchini yoʻqotgan deb hisoblansin;

j) 17-band quyidagi tahrirda bayon etilsin:

“17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi favqulodda vaziyatlar vaziri vazifasini bajaruvchi T.A. Xudaybergenov zimmasiga yuklansin”;

z) 8-ilovaning rus tilidagi matnida:

“Glavnoye upravleniye pojarnoy bezopasnosti MVD” soʻzlari “Upravleniye organizatsii pojarnoy bezopasnosti na osobo vajnix i kategorirovannix obyektax MCHS” soʻzlari bilan almashtirilsin;

“upravleniya” soʻzidan keyin “(sentra)” soʻzi bilan toʻldirilsin;

i) 9-ilovaning rus tilidagi matnida:

“UPB” abbreviaturasi “UCHS” abbreviaturasi bilan almashtirilsin;

“Voyenizirovannie chasti pojarnoy bezopasnosti” soʻzlari “Pojarno-spasatelnie chasti, ukomplektovannie voyennoslujashimi” soʻzlari bilan almashtirilsin;

“Professionalnie chasti pojarnoy bezopasnosti” soʻzlari “Pojarno-spasatelnie chasti, ukomplektovannie slujashimi” soʻzlari bilan almashtirilsin;

k) 10-ilovaning rus tilidagi matnida:

“UPB” abbreviaturasi “UCHS” abbreviaturasi bilan almashtirilsin;

“Voyenizirovannie chasti pojarnoy bezopasnosti” soʻzlari “Pojarno-spasatelnie chasti, ukomplektovannie voyennoslujashimi” soʻzlari bilan almashtirilsin.

10. Oʻzbekiston Respublikasi Prezidentining 2017-yil 16-avgustdagi “Ichki ishlar organlari xodimlarini tayyorlash, qayta tayyorlash va malakasini oshirish tizimini tubdan takomillashtirish chora-tadbirlari toʻgʻrisida”gi PQ-3216-son qarorining 6-bandida:

oʻn birinchi xatboshidagi “Ichki ishlar vazirligi Yongʻin xavfsizligi institutiga va Harbiy-texnika institutiga” soʻzlari “Milliy gvardiya Harbiy-texnik institutiga va Favqulodda vaziyatlar vazirligi Akademiyasiga” soʻzlari bilan almashtirilsin;

oʻn ikkinchi xatboshi quyidagi tahrirda bayon etilsin:

“Ichki ishlar vazirligi Akademiyasi, Milliy gvardiya Harbiy-texnik instituti yoki Favqulodda vaziyatlar vazirligi Akademiyasiga oʻqishga kira olmagan idoraviy akademik litseylarning bitiruvchilari ushbu vazirliklar va idoralar rahbarlari tomonidan belgilanadigan tartibda ustunlik asosida tegishlicha ichki ishlar organlariga, Milliy gvardiyaning qoʻriqlash xizmatiga va Favqulodda vaziyatlar vazirligining yongʻin-qutqaruv boʻlinmalariga xizmatga qabul qilinadi”.

11. Oʻzbekiston Respublikasi Prezidentining 2017-yil 29-noyabrdagi PQ-3413-son qarori bilan tasdiqlangan Ichki ishlar organlarida xizmat oʻtash tartibi toʻgʻrisidagi nizomning 15-bandi quyidagi tahrirda bayon etilsin:

“15. Oʻzbekiston Respublikasi Ichki ishlar vazirligi akademik litseylarining Oʻzbekiston Respublikasi Ichki ishlar vazirligi Akademiyasiga, Oʻzbekiston Respublikasi Favqulodda vaziyatlar vazirligi Akademiyasiga yoki Oʻzbekiston Respublikasi Milliy gvardiyasi Harbiy-texnik institutiga kira olmagan bitiruvchilari xizmatga qabul qilinishi uchun Oʻzbekiston Respublikasi ichki ishlar vaziri tomonidan belgilangan tartibda ustunlikka ega boʻladi”.

12. Oʻzbekiston Respublikasi Prezidentining 2018-yil 19-iyundagi “Toshkent shahrida jamoat tartibini taʼminlash, huquqbuzarliklar profilaktikasi va jinoyatchilikka qarshi kurashish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-3786-son qarorining 5-bandi uchinchi xatboshisidagi “yongʻin xavfsizligi,” soʻzlari chiqarib tashlansin.

13. Oʻzbekiston Respublikasi Prezidentining 2019-yil 17-yanvardagi PQ-4125-son qarori bilan tasdiqlangan Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazining tegishli boʻlim va laboratoriyalariga biriktirilgan Oʻzbekiston Respublikasi Fanlar Akademiyasi ilmiy-tadqiqot muassasalari va oliy taʼlim muassasalarining roʻyxati 15-pozitsiyasida “Ichki ishlar vazirligi yongʻin xavfsizligi instituti” soʻzlari “Favqulodda vaziyatlar vazirligi Akademiyasi” soʻzlari bilan almashtirilsin.

14. Oʻzbekiston Respublikasi Prezidentining 2017-yil 26-sentabrdagi “Oʻzbekiston Respublikasi Ichki ishlar vazirligi Davlat yongʻin xavfsizligi xizmatining moddiy-texnik bazasini mustahkamlash chora-tadbirlari toʻgʻrisida”gi F-5061-son farmoyishining rus tilidagi matnida:

a) farmoyishning nomidagi “Gosudarstvennoy slujbi pojarnoy bezopasnosti Ministerstva vnutrennix del” soʻzlari “Ministerstva po chrezvichaynim situatsiyam” soʻzlari bilan almashtirilsin;

b) farmoyishning muqaddimasi quyidagi tahrirda bayon etilsin:

“Vo ispolneniye postanovleniya Prezidenta Respubliki Uzbekistan ot 23 maya 2017 goda № PP-2992 “O merax po korennomu sovershenstvovaniyu deyatelnosti pojarno-spasatelnix podrazdeleniy Ministerstva po chrezvichaynim situatsiyam Respubliki Uzbekistan”, a takje v selyax ukrepleniya materialno-texnicheskoy bazi podrazdeleniy po chrezvichaynim situatsiyam:”;

v) 3-bandi quyidagi tahrirda bayon etilsin:

“3. Kontrol za ispolneniyem nastoyashego rasporyajeniya vozlojit na Premyer-ministra Respubliki Uzbekistan A.N. Aripova, ispolnyayushego obyazannosti ministra po chrezvichaynim situatsiyam Respubliki Uzbekistan T.A. Xudaybergenova i predsedatelya Gosudarstvennogo tamojennogo komiteta Respubliki Uzbekistan M.B. Azimova ”.

2. Oʻzbekiston Respublikasi Prezidentining 2017-yil 23-maydagi “Yongʻin xavfsizligi sohasida kadrlarni tayyorlash, qayta tayyorlash va malakasini oshirish tizimini takomillashtirish chora-tadbirlari toʻgʻrisida”gi PQ-2991-son qarori.

3. Oʻzbekiston Respublikasi Prezidentining 2017-yil 2-iyundagi “Oʻzbekiston Respublikasi Favqulodda vaziyatlar vazirligi faoliyatini yanada takomillashtirish boʻyicha tashkiliy tadbirlar toʻgʻrisida”gi PQ-3029-son qarori.

4. Oʻzbekiston Respublikasi Prezidentining 2018-yil 29-noyabrdagi “Oʻzbekiston Respublikasi suv xoʻjaligi vazirligi faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-4039-son qaroriga ilovaning 1-bandi.