“Pochta aloqasi to‘g‘risida”gi O‘zbekiston Respublikasi Qonunining 7-moddasiga muvofiq hamda favqulodda vaziyatlarda pochta aloqasi xizmatlari ko‘rsatish tartibini belgilash maqsadida Vazirlar Mahkamasi qaror qiladi:
1. Favqulodda vaziyatlarda pochta aloqasi xizmatlari ko‘rsatish tartibi to‘g‘risidagi Nizom ilovaga muvofiq tasdiqlansin.
2. O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi O‘zbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — Axborot tizimlari va telekommunikatsiyalar masalalari kompleksi rahbari zimmasiga yuklansin.
1. Ushbu Nizom “Pochta aloqasi to‘g‘risida” hamda “Aholini va hududlarni tabiiy hamda texnogen xususiyatli favqulodda vaziyatlardan muhofaza qilish to‘g‘risida”gi O‘zbekiston Respublikasi qonunlariga, O‘zbekiston Respublikasi Vazirlar Mahkamasining “O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi hamda Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasi to‘g‘risidagi nizomlarni tasdiqlash haqida” 2012-yil 19-dekabrdagi 355-son hamda “O‘zbekiston Respublikasi favqulodda vaziyatlarda ularning oldini olish va harakat qilish davlat tizimini yanada takomillashtirish to‘g‘risida” 2011-yil 24-avgustdagi 242-son qarorlariga muvofiq favqulodda vaziyatlarda pochta aloqasi operatorlari va provayderlari tomonidan pochta aloqasi xizmatlari ko‘rsatish tartibini belgilaydi.
Oldingi tahrirga qarang.
2. Ushbu Nizom pochta va kuryerlik xizmatlari ko‘rsatuvchi yuridik shaxslar sifatida qonunchilikka muvofiq davlat ro‘yxatidan o‘tgan pochta aloqasi operatorlari va provayderlariga hamda ushbu xizmatlardan foydalanuvchilarga tatbiq etiladi.
(2-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
3. Favqulodda vaziyatlarda pochta aloqasi xizmatlari ko‘rsatilishini tashkil etish tartibi O‘zbekiston Respublikasining butun hududida yoki alohida joylarida belgilangan qonuniy rejimga muvofiq amalga oshiriladi.
favqulodda vaziyat zonasi — xavfli omillarning paydo bo‘lishi yoki ular oqibatlarining boshqa tumanlardan tarqalishi natijasida favqulodda vaziyat yuzaga kelgan hudud yoki akvatoriya;
observatsiya — tibbiy va veterinariya kuzatuvini kuchaytirish hamda epidemiyaga qarshi, davolash-profilaktika va veterinariya-sanitariya tadbirlarini o‘tkazish bilan bir qatorda observatsiya zonasini hosil qiladigan karantin zonasiga tutash bo‘lgan barcha ma’muriy-hududiy tuzilmalarda odamlar yoki qishloq xo‘jaligi hayvonlarining ko‘chib yurishi va harakatlanishining cheklanishini nazarda tutuvchi rejimli-cheklovchi tadbirlar;
evakuatsiya rayoni — favqulodda vaziyatlardan yoki harbiy harakatlardan zararlanish ehtimoli bo‘lgan zonalardan tashqarida joylashgan hudud;
O‘zbekiston Respublikasi favqulodda vaziyatlarda ularning oldini olish va harakat qilish davlat tizimining rahbar organlari (keyingi o‘rinlarda FVDT rahbar organlari deb ataladi) — vakolatiga aholi va hududlarni favqulodda vaziyatlardan muhofaza qilish masalalarini hal etish kiradigan davlat va xo‘jalik boshqaruvi organlari, mahalliy davlat hokimiyati organlari va boshqa tashkilotlar;
pochta aloqasi obyektlari ishlashining barqarorligi — pochta aloqasi obyektlarining favqulodda vaziyatlar sharoitlarida korxonalar, muassasalar, tashkilotlar va aholi ehtiyojini qondiruvchi hajmda va nomenklaturada pochta aloqasi xizmatlari ko‘rsatish bo‘yicha asosiy ishlarni bajarishga qodirligi, shuningdek buzilgan funksiyalarni eng qisqa muddatlarda tiklash imkoniyati;
favqulodda vaziyat — odamlar qurbon bo‘lishiga, ularning sog‘lig‘iga yoki atrof tabiiy muhitga zarar yetishiga, jiddiy moddiy talafotlar keltirib chiqarishga hamda odamlarning hayot faoliyati sharoitining izdan chiqishiga olib kelishi mumkin bo‘lgan yoki olib kelgan avariya, halokat, xavfli tabiiy hodisa, tabiiy yoki boshqa ofat natijasida muayyan hududda yuzaga kelgan holat;
favqulodda vaziyatni bartaraf etish shtabi — favqulodda vaziyatning xususiyatini baholash, uning tarqalishiga yo‘l qo‘ymaslik va uni bartaraf etish, bevosita ofat yuz bergan hududda aholini, hududlar va atrof muhitni muhofaza qilish bo‘yicha takliflar ishlab chiqish uchun favqulodda vaziyatni bartaraf etish ishlari rahbarining qarori bilan tashkil etiladigan organ.
Oldingi tahrirga qarang.
5. Favqulodda vaziyatlarda pochta aloqasi operatorlari va provayderlari faoliyatini muvofiqlashtirish O‘zbekiston Respublikasi Vazirlar Mahkamasi tomonidan pochta aloqasi sohasida maxsus vakolat berilgan organ — O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan, favqulodda vaziyatni bartaraf etish shtabi bilan o‘zaro hamkorlikda amalga oshiriladi.
(5-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
Oldingi tahrirga qarang.
6. Favqulodda vaziyatlarda Axborot texnologiyalari va kommunikatsiyalarini rivojlantirish vazirligi foydalanuvchilarga xizmatlar ko‘rsatilishini, FVDT rahbar organlariga pochta aloqasi xizmatlarining ustuvor darajada ko‘rsatilishini to‘xtatib qo‘yish yoki cheklash to‘g‘risida qaror qabul qiladi.
(6-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
7. Pochta aloqasi xizmatlari ko‘rsatilishini to‘xtatib qo‘yish va cheklash to‘g‘risidagi qaror quyidagi holatlarda qabul qilinadi:
foydalanuvchilar va FVDT rahbar organlari ehtiyojlarini qondirish uchun pochta aloqasi operatorlari, provayderlarining pochta aloqasi vositalari yetishmaganda (cheklanganda);
favqulodda vaziyatlar tufayli pochta aloqasi obyektlarining barqaror ishlashidagi buzilishlar bilan ifodalanadigan pochta aloqasi tarmog‘i va vositalarining holati o‘zgarganda;
zararlanish joyi paydo bo‘lganda va zararlangan hududda karantin va kuzatib turish rejimi o‘rnatilganda.
Foydalanuvchilarga pochta aloqasi xizmatlari ko‘rsatilishini to‘xtatib qo‘yish va cheklash to‘g‘risidagi qaror favqulodda vaziyatni bartaraf etish shtabining asoslangan takliflari hamda favqulodda vaziyatlar zonasidagi pochta aloqasi tarmoqlari va vositalari holatini tahlil qilish asosida qabul qilinadi.
Oldingi tahrirga qarang.
8. Qabul qilingan qaror Axborot texnologiyalari va kommunikatsiyalarini rivojlantirish vazirligining farmoyishi bilan rasmiylashtiriladi hamda telekommunikatsiya vositalari yordamida pochta aloqasi operatorlari va provayderlariga yetkaziladi hamda darhol bajariladi.
(8-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
9. Foydalanuvchilarga pochta aloqasi xizmatlari ko‘rsatish cheklangan holatda bo‘lganda nomenklaturani o‘zgartirish va foydalanuvchilarga ko‘rsatiladigan xizmatlar hajmlarini qisqartirish, xizmatlar ko‘rsatish to‘xtatib qo‘yilganda esa — belgilangan huquqiy rejim bekor qilingungacha foydalanuvchilarga pochta aloqasi xizmatlari ko‘rsatishni to‘liq to‘xtatish nazarda tutiladi.
10. Foydalanuvchilarga ko‘rsatilayotgan xizmatlar turlarini o‘zgartirish to‘g‘risidagi zarur axborot materiali pochta aloqasi obyektlari ichida, foydalanuvchilarga ko‘rinarli va qulay joyda bo‘lishi kerak.
Pochta aloqasi xizmatlari ko‘rsatishning to‘liq to‘xtatilishi to‘g‘risidagi axborot pochta aloqasi obyektiga kiriladigan joyga joylashtiriladi.
11. Pochta aloqasi operatorlari, provayderlari tomonidan favqulodda vaziyatlarda pochta aloqasi xizmatlarini tashkil etish sharoitlarini ta’minlash uchun tegishli xatti-harakatlar rejalari oldindan ishlab chiqiladi.
Oldingi tahrirga qarang.
12. Pochta aloqasining ko‘rsatilishi kerak bo‘lgan xizmatlar nomenklaturasi va turlarini favqulodda vaziyatlar hududlarida va evakuatsiya rayonlaridagi ehtiyojlar, yuzaga kelgan vaziyat, pochta aloqasi operatorlari, provayderlaridagi kuchlar va vositalar mavjudligidan kelib chiqqan holda, Axborot texnologiyalari va kommunikatsiyalarini rivojlantirish vazirligi bilan kelishuvga ko‘ra favqulodda vaziyatni bartaraf etish shtabi belgilaydi.
(12-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
13. Favqulodda vaziyatlar yuzaga kelganda pochta aloqasi operatorlari amaldagi pochta yo‘nalishlariga o‘zgartirishlar kiritadilar yoki joy, yo‘l tarmog‘i va atrofdagi tabiiy muhit sharoitlarini hisobga olgan holda favqulodda vaziyat zonasida qo‘shimcha ravishda pochta yo‘nalishlari tashkil etadilar.
14. Karantin va kuzatib turish zonasi e’lon qilingan joylarda respublikaning boshqa hududlariga yo‘llangan pochta, kuryerlik jo‘natmalari qabul qilinmaydi. Ayni vaqtda respublikaning boshqa hududlaridan karantin va kuzatib turish zonasiga yo‘llangan pochta, kuryerlik jo‘natmalari to‘sqinliksiz qabul qilinadi. Karantin va kuzatib turish zonalari chegaralarida pochta almashinuvi aholi xavfsizligi va atrofdagi tabiiy muhitni muhofaza qilishning zarur shartlari va choralariga rioya qilgan holda amalga oshiriladi.
Oldingi tahrirga qarang.
15. Evakuatsiya hududlarida pochta aloqasi xizmatlari ko‘rsatish uchun Axborot texnologiyalari va kommunikatsiyalarini rivojlantirish vazirligi va favqulodda vaziyatni bartaraf etish shtabi bilan kelishuvga ko‘ra pochta aloqasi operatorlari tomonidan pochta aloqasining amaldagi obyektlari yiriklashtiriladi, shuningdek foydalanuvchilarga tegishli axborotni yetkazgan holda, evakuatsiya hududlariga kelgan pochta aloqasi xodimlari hisobiga vaqtinchalik, ko‘chma pochta aloqasi bo‘limlari (qabul qiluvchi evakuatsiya punktlarida, davolash muassasalarida, evakuatsiya qilinganlarni joylashtirish chodirlaridan tashkil topgan lagerlarda) tashkil etiladi.
(15-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
16. Evakuatsiya hududlaridagi pochta aloqasi obyektlarida pochta, kuryerlik jo‘natmalari va pul mablag‘lari o‘tkazmalarining qayta jo‘natilishini ta’minlovchi qayta jo‘natish xizmati tashkil etilishi kerak.
17. Pochta aloqasi operatorlari va provayderlari favqulodda vaziyat zonasidagi foydalanuvchilarni pochta, kuryerlik jo‘natmalarini, pul mablag‘lari o‘tkazmalarini evakuatsiya hududlaridagi ularning yangi joylashgan joyiga qayta jo‘natish to‘g‘risidagi arizalarni rasmiylashtirish tartibi haqida xabardor qilishni ta’minlashi kerak.
18. Jo‘natish yo‘nalishi belgilanmagan yuridik va jismoniy shaxslarga yo‘llangan pochta, kuryerlik jo‘natmalari va pul mablag‘larining pochta o‘tkazmalari quyidagi muddat davomida yetkazib beruvchi obyektlarda saqlanadi:
Ko‘rsatilgan muddatlardan keyin pochta, kuryerlik jo‘natmalari va pul mablag‘larining pochta o‘tkazmalari jo‘natuvchilarga qaytariladi.
19. Favqulodda vaziyatlar sharoitlarida pochta, kuryerlik jo‘natmalari va pul mablag‘larining pochta o‘tkazmalarini jo‘natish va yetkazib berish (topshirish) pochta, kuryerlik jo‘natmalari va pul mablag‘lari pochta o‘tkazmalarining tegishli turlari uchun belgilangan tartibda amalga oshiriladi.
20. Favqulodda vaziyatlar sharoitlarida foydalanuvchilarga ko‘rsatiladigan pochta aloqasi xizmatlari uchun haq amaldagi tariflar bo‘yicha to‘lanadi.
Oldingi tahrirga qarang.
21. Pochta aloqasi operatorlari va provayderlari mazkur Nizom talablarini bajarmaganligi yoki zarur darajada bajarmaganligi uchun qonunchilikda belgilangan tartibda javob berishadi.
(21-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
22. Pochta aloqasi operatorlari va provayderlari pochta va kuryerlik jo‘natmalarining yo‘qolishi, buzilishi (shikastlanishi), topshirilmaganligi yoki ularni jo‘natish muddatlarining buzilganligi uchun, agar bunday holatlar yengib bo‘lmaydigan kuch holatlari sababli yuz berganligi isbotlansa, javobgar bo‘lmaydilar.