O‘zbekiston Respublikasi Vazirlar Mahkamasining
qarori
Ilmiy va innovatsion faoliyatni boshqarish tizimini tashkil etish chora-tadbirlari to‘g‘risida
O‘zbekiston Respublikasi Prezidentining “Ilmiy va innovatsion faoliyatni rivojlantirish bo‘yicha davlat boshqaruvi tizimini takomillashtirish to‘g‘risida” 2021-yil 1-apreldagi PF-6198-son Farmoni hamda “Ilm-fan sohasidagi davlat siyosati va innovatsion rivojlantirishdagi davlat boshqaruvini yanada takomillashtirish chora-tadbirlari to‘g‘risida” 2021-yil 1-apreldagi PQ-5047-son qarori ijrosini ta’minlash maqsadida Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Vazirlar Mahkamasining 2024-yil 8-avgustdagi 489-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 08.08.2024-y., 09/24/489/0599-son)
2. Davlat boshqaruvi organlari va xo‘jalik birlashmalari rahbar o‘rinbosarlarining biriga innovatsiyalarni joriy etish bo‘yicha quyidagi qo‘shimcha vazifalar (Chief Innovation Officer) (keyingi o‘rinlarda — rahbar o‘rinbosarlari) yuklatilsin:
iqtisodiyotning real sektori va ishlab chiqarish tarmoqlarining ilmiy ishlanma va innovatsiyalarga bo‘lgan ehtiyojlarini aniqlashda ishtirok etish hamda tarmoq bo‘yicha ilmiy-tadqiqotlarni rivojlantirish asosida ilm-fan va ishlab chiqarish integratsiyasini mustahkamlash;
yangi ishlanmalarni tijoratlashtirish va ishlab chiqarishga joriy etish hamda ratsionalizatorlik faoliyatini rivojlantirish choralarini ko‘rish;
ishlab chiqarish jarayonlarini samarali tashkil etishga qaratilgan yangi ishlanmalar sinovlarini tarmoq tashkilotlarida sanoat darajasida o‘tkazishni tashkil etish;
tarmoq tashkilotlarining ishlab chiqarish ko‘rsatkichlarini yaxshilash maqsadida ularni innovatsion rivojlantirishga qaratilgan rejalarini amalga oshirish va rivojlantirish istiqbollari bo‘yicha takliflar ishlab chiqish;
yuqori texnologiyali va tijoratlashtiriladigan mahsulotlarni ishlab chiqish maqsadida ilmiy tashkilotlar va ishlab chiqarish sektori o‘rtasida integratsiyani ta’minlash;
davlat boshqaruvi organlari, mahalliy ijro etuvchi hokimiyat organlari, xo‘jalik birlashmalari va boshqa tashkilotlarga joriy etiladigan yangi ishlanmalarni moliyalashtirish uchun tavsiya qilish;
ilmiy-tadqiqotlar, ishlanmalar va intellektual faoliyat natijalari tijoratlashtirilishini moliyalashtirishda ko‘maklashish;
ilmiy ishlanmalarni qo‘llagan holda yaratilgan tovarlarni (ishlarni bajarish, xizmatlarni ko‘rsatish) realizatsiya qilish orqali innovatsion loyihalarni tijoratlashtirish.
3. Davlat boshqaruvi organlari va xo‘jalik birlashmalari bir oy muddatda:
shtat birliklari doirasida rahbar o‘rinbosariga bo‘ysunuvchi innovatsion faoliyat bilan shug‘ullanishga mas’ul bo‘linmani tashkil etsin;
innovatsion faoliyat sohasida uch yilga mo‘ljallangan “yo‘l xaritasi”ni ishlab chiqib, Vazirlik bilan kelishgan holda tasdiqlasin.
4. Vazirlik va Davlat aktivlarini boshqarish agentligining “Yashnobod” innovatsiya texnoparkiga Ilm-fanni moliyalashtirish va innovatsiyalarni qo‘llab-quvvatlash jamg‘armasi tomonidan ajratilgan qarzning qaytarilmagan qismini to‘liq ushbu texnopark ustav kapitalini oshirishga yo‘naltirish to‘g‘risidagi takliflariga rozilik berilsin.
Belgilab qo‘yilsinki, “Yashnobod” innovatsiya texnoparki rezidenti maqomini berish texnopark direksiyasi taqdimnomasiga asosan Vazirlik hay’atining qarori bilan amalga oshiriladi.
5. Ilmiy tashkilotlarning ilmiy yordamchi va xizmat ko‘rsatuvchi xodimlar shtat normativlarini belgilash tartibi 2-ilovaga muvofiq tasdiqlansin.
6. O‘zbekiston Respublikasi Hukumatining 3-ilovaga muvofiq ayrim qarorlariga o‘zgartirish va qo‘shimchalar kiritilsin.
7. Vazirlik manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
8. Mazkur qarorning bajarilishini nazorat qilish O‘zbekiston Respublikasi Bosh vazirining maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshlig‘i O.M. Umarov hamda O‘zbekiston Respublikasi innovatsion rivojlanish vaziri I.Yu. Abdurahmonov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2021-yil 27-avgust,
545-son
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2024-yil 8-avgustdagi 489-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 08.08.2024-y., 09/24/489/0599-son)
Vazirlar Mahkamasining 2021-yil 27-avgustdagi 545-son qaroriga
2-ILOVA
2-ILOVA
Ilmiy tashkilotlarning ilmiy yordamchi va xizmat ko‘rsatuvchi xodimlar shtat normativlarini belgilash
TARTIBI
1. Ushbu Tartib O‘zbekiston Respublikasi Davlat budjeti mablag‘lari hisobidan moliyalashtiriladigan ilmiy tashkilotlarning (keyingi o‘rinlarda — tashkilotlar) ilmiy yordamchi va xizmat ko‘rsatuvchi xodimlari shtat normativlarini belgilaydi.
2. Ilmiy tashkilotlarning ilmiy yordamchi va xizmat ko‘rsatuvchi xodimlar sonining shtat normativlari ilovaga muvofiq belgilanadi.
3. Shtatlar jadvalini tasdiqlashda 0,5 shtat birligidan tashqari to‘liq bo‘lmagan stavkalarni o‘rnatishga yo‘l qo‘yilmaydi.
To‘liq bo‘lmagan stavka miqdorini yaxlitlash quyidagi tartibda amalga oshiriladi:
0,25 gacha bo‘lgan barcha shtat birliklari olib tashlanadi;
0,25 dan 0,75 gacha bo‘lgan shtat birliklari — 0,5 shtat birligi miqdorida yaxlitlanadi;
0,75 dan yuqori bo‘lgan shtat birliklari — 1,0 shtat birligi miqdorida yaxlitlanadi.
4. Xizmat ko‘rsatuvchi va texnik xodimlarning lavozimlarini joriy etish tegishli ish sharoitida, ish vaqtidagi to‘liq bandligini hisobga olgan holda amalga oshiriladi.
5. Ijara huquqi asosida bino va inshootlarda faoliyat yurituvchi tashkilotlarda xizmat ko‘rsatuvchi va texnik xodimlar lavozimlari joriy etilmaydi yoki moliya organlari bilan (ijara shartnomasi taqdim etilishi bilan) kelishilgan holda joriy etiladi.
6. Mazkur Tartib tadqiqot yadro reaktori ekspluatatsiya xizmati xodimlar sonini belgilashda qo‘llanilmaydi.
Ilmiy tashkilotlarning ilmiy yordamchi va xizmat ko‘rsatuvchi xodimlar shtat normativlarini belgilash tartibiga
ILOVA
ILOVA
Ilmiy tashkilotlarning ilmiy yordamchi va xizmat ko‘rsatuvchi xodimlar sonining
shtat normativlari
|
T/r |
Lavozimlar nomi |
Lavozim kiritish mezonlari |
|
I. Ilmiy yordamchi xodimlar | ||
|
1. |
Laborant |
Ilmiy faoliyat bilan shug‘ullanuvchi har bir laboratoriya (bo‘lim) uchun 1 shtat birligi joriy etiladi |
|
2. |
Patent va ixtirolar bo‘yicha yetakchi muhandis (patentshunos) |
Har bir tashkilotda 1 shtat birligi joriy qilinadi (tashkilot tuzilmasida tegishli lavozim ko‘zda tutilgan hollar bundan mustasno) |
|
II. Texnik va xizmat ko‘rsatuvchi xodimlar | ||
|
3. |
Xo‘jalik mudiri |
Tashkilot balansida umumiy maydoni kamida 10 000 kv.m bo‘lgan laboratoriya binolari mavjud bo‘lsa, 1 shtat birligi joriy etiladi |
|
4. |
Omborchi |
Tashkilotda omborxona mavjud bo‘lsa, 1 shtat birligi joriy etiladi |
|
5. |
Binoga kompleks xizmat ko‘rsatuvchi va ta’mirlovchi muhandis |
Har bir tashkilotda 1 shtat birligi joriy qilinadi |
|
6. |
Uskunalarga texnik xizmat ko‘rsatish va ta’mirlash bo‘yicha muhandis |
Ilmiy faoliyat bilan shug‘ullanuvchi laboratoriya uskunalar bilan jihozlangan hollarda tashkilotda 1 shtat birligi joriy etiladi |
|
7. |
Texnik |
Ilmiy faoliyat bilan shug‘ullanuvchi laboratoriyada texnik jihozlar mavjud bo‘lsa moliya organlari bilan kelishilgan holda tashkilotda 1 shtat birligi joriy etiladi |
|
8. |
AKT bo‘yicha texnik |
Har bir tashkilotda 1 shtat birligi joriy qilinadi (namunaviy tuzilmada AKT bo‘yicha tegishli lavozim ko‘zda tutilgan hollar bundan mustasno) |
|
9. |
Kutubxonachi |
Kutubxonada kamida 2 000 tadan iborat hisob birligi bo‘lsa (ixtisoslashtirilgan kutubxona tashkilotlaridan tashqari) joriy etiladi |
|
10. |
Arxivarius |
Har bir 250 varaqli 6000 ta ish hujjat uchun 1 shtat birligi (ixtisoslashgan arxiv tashkilotlaridan tashqari) joriy etiladi |
|
11. |
Chilangar-santexnik |
Har bir tashkilotda 1 shtat birligi joriy qilinadi |
|
12. |
Elektromontyor |
Tashkilot balansida mavjud har 700 yoritish nuqta (kalit, rozetka va quti)ga 1 shtat birligi joriy etiladi |
|
13. |
Rahbarning kotibi |
Tashkilot rahbari uchun 1 shtat birligi joriy etiladi |
|
14. |
Ish yurituvchi |
Tashkilotda devonxona mavjud bo‘lmagan hollarda 1 shtat birligi joriy qilinadi |
|
15. |
Haydovchi |
Tashkilot balansida mavjud har bir transport vositasi uchun 1 shtat birligi joriy etiladi |
|
16. |
Ishchi |
Ishchilarning boshqa kasblarida nazarda tutilmagan ishlarning hajmi mavjud bo‘lgan sharoitda moliya organlari va mehnat organlari bilan kelishilgan holda joriy etiladi |
|
17. |
Farrosh |
Har 800 kv.m yig‘ishtiriladigan maydon uchun 1 shtat birligi joriy etiladi |
|
18. |
Bog‘bon |
Bog‘, manzarali daraxtlar, yashil o‘tloq va gulzor bog‘i 0,5 gektardan 2 gektargacha bo‘lgan maydonda 1 shtat birligi, keyinchalik har 2 ga uchun 1 shtat birligi joriy etiladi. * O‘zbekiston Respublikasi Fanlar akademiyasi Akademik F.N. Rusanov nomidagi Botanika bog‘i bundan mustasno bo‘lib, moliya organlari va mehnat organlari bilan kelishilgan holda tashkilotning o‘ziga xos xususiyatlarini hisobga olgan holda joriy etiladi. |
|
19. |
Hovli supuruvchi |
Har 2,5 ming kv.m supurish maydoniga 1 shtat birligi joriy etiladi. |
|
20. |
Liftchi |
Lift mavjud bo‘lgan tashkilotlar uchun (lift sonidan qat’i nazar) 1 shtat birligi joriy etiladi. |
|
21. |
Qorovul |
Bir kecha-kunduzli ish sharoitida tashkilot uchun 4 shtat birligi, bir smenali (tungi navbatchilik) ish sharoitida tashkilotning har bir alohida binosi uchun 3 shtat birligi joriy etiladi (Qo‘riqlash xizmatidan foydalanuvchi tashkilotlar bundan mustasno) |
|
22. |
Qozonxona operatori (smenali) |
Bug‘ va issiq suv qozonlari uchun avtomatlashtirilmagan qozonxona bo‘lsa, qozonxonadagi ishchilar soni isitish mavsumi uchun tegishli turdagi 1 qozonga (qozonxonalarning umumiy sonidan kelib chiqqan holda) 1 shtat birligi belgilanadi. |
Vazirlar Mahkamasining 2021-yil 27-avgustdagi 545-son qaroriga
3-ILOVA
3-ILOVA
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Ilmiy xodimlar mehnatini yanada rag‘batlantirish chora-tadbirlari to‘g‘risida” 2009-yil 18-avgustdagi 233-son qarorida:
a) 1-band quyidagi tahrirda bayon etilsin:
“1. Davlat budjeti mablag‘lari hisobiga davlat ilmiy dasturlarini amalga oshirishda qatnashuvchi ilmiy va rahbar xodimlarning bazaviy lavozim maoshlari miqdorlari mehnatga haq to‘lashning eng kam miqdoriga nisbatan ilovaga muvofiq koeffitsiyentlarda tasdiqlansin”.
b) 2-bandning birinchi xatboshisi quyidagi tahrirda bayon etilsin:
“O‘zbekiston Respublikasi Innovatsion rivojlanish vazirligi, Fanlar akademiyasi hamda fundamental, amaliy va innovatsion loyihalarni bajaruvchi ilmiy, ta’lim tashkilotlari hamda boshqa tashkilotlar:”;
v) 3-bandning birinchi va uchinchi xatboshilaridagi “ilmiy-texnika dasturlarini” so‘zlari “davlat ilmiy dasturlarini” so‘zlari bilan almashtirilsin;
g) ilova matni quyidagi tahrirda bayon etilsin:
“Davlat budjeti mablag‘lari hisobiga davlat ilmiy dasturlarini amalga oshirishda qatnashuvchi ilmiy va rahbar xodimlarning bazaviy lavozim maoshlari miqdorlari
|
T/r |
Lavozimlarning nomi |
2021-yil 1-fevraldan boshlab mehnatga haq to‘lashning eng kam miqdoriga nisbatan koeffitsiyentlarda |
|
1. |
Institut direktori |
|
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega bo‘lgan |
11,089 | |
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va katta ilmiy xodim yoki dotsent ilmiy unvoniga ega bo‘lgan |
10,600 | |
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan |
10,189 | |
|
2. |
Direktorning ilmiy ishlar bo‘yicha o‘rinbosari, institut va boshqa ilmiy muassasalar filialining direktori |
|
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega bo‘lgan |
10,034 | |
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va katta ilmiy xodim yoki dotsent ilmiy unvoniga ega bo‘lgan |
9,520 | |
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki ilmiy unvoniga ega bo‘lgan |
8,748 | |
|
3. |
Institutning ilmiy kotibi, Ilmiy-tadqiqot laboratoriyasi (bo‘limi) mudiri |
|
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki professor ilmiy unvoniga ega bo‘lgan |
9,983 | |
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va katta ilmiy xodim yoki dotsent ilmiy unvoniga ega bo‘lgan |
9,365 | |
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki katta ilmiy xodim yoki dotsent ilmiy unvoniga ega bo‘lgan |
9,082 | |
|
4. |
Filial va boshqa ilmiy muassasalar direktorining ilmiy ishlar bo‘yicha o‘rinbosari |
|
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega bo‘lgan |
9,520 | |
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va katta ilmiy xodim yoki dotsent ilmiy unvoniga ega bo‘lgan |
9,082 | |
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki katta ilmiy xodim yoki dotsent ilmiy unvoniga ega bo‘lgan |
8,413 | |
|
5. |
Bosh ilmiy xodim |
|
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega bo‘lgan |
9,520 | |
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va yoki katta ilmiy xodim yoki dotsent ilmiy unvoniga ega bo‘lgan |
8,954 | |
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga ega bo‘lgan |
8,542 | |
|
6. |
Yetakchi ilmiy xodim |
|
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va ilmiy unvonga ega bo‘lgan |
8,053 | |
|
fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga ega bo‘lgan |
7,539 | |
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki ilmiy unvonga ega bo‘lgan |
6,870 | |
|
7. |
Katta ilmiy xodim |
|
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va ilmiy unvonga ega bo‘lgan |
7,024 | |
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki ilmiy unvonga ega bo‘lgan |
6,612 | |
|
ilmiy darajaga yoki ilmiy unvonga ega bo‘lmagan (2 yildan ortiq ilmiy faoliyat tajribasiga ega bo‘lgan) |
6,046 | |
8. |
Kichik ilmiy xodim |
|
|
fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoki ilmiy unvonga ega bo‘lgan |
6,201 | |
|
ilmiy darajaga yoki ilmiy unvonga ega bo‘lmagan (2 yildan ortiq ilmiy faoliyat tajribasiga ega bo‘lgan) |
5,789 | |
|
ilmiy darajaga yoki ilmiy unvonga ega bo‘lmagan (2 yilgacha ilmiy faoliyat tajribasiga ega bo‘lgan) |
5,377 | |
|
9. |
Stajer tadqiqotchi |
4,760 |
Izohlar:
Fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va professor ilmiy unvoniga ega bo‘lgan bosh ilmiy xodimlarning maoshi fan doktori yoki fan doktori (Doctor of Science) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga va katta ilmiy xodim yoki dotsent ilmiy unvoniga ega bo‘lgan bosh ilmiy xodimning bazaviy lavozim maoshi darajasida belgilanadi.
Ilmiy-tadqiqot laboratoriyalari (bo‘limi) mudirlarining o‘rinbosarlarining bazaviy lavozim maoshi ularga berilgan ilmiy darajalar va unvonlarga muvofiq ilmiy-tadqiqot laboratoriyalari (bo‘limi) mudirlarining lavozim maoshiga nisbatan 5 foizga kamaytirgan holda belgilanadi.
O‘zbekiston Respublikasi Prezidentining yoki Vazirlar Mahkamasining qarorlarida loyihalar rahbarlari lavozimlari yoki shunga o‘xshash lavozimlar nazarda tutilgan hollarda, ushbu lavozimlarga ilmiy-tadqiqot bo‘limlari mudirlarining bazaviy lavozim maoshlari belgilanadi”.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2023-yil 16-noyabrdagi 605-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 17.11.2023-y., 09/23/605/0864-son)
3. Vazirlar Mahkamasining “O‘zbekiston Respublikasi aholisining sog‘lom ovqatlanishi sohasida amalga oshirilayotgan chora-tadbirlarni yanada takomillashtirish to‘g‘risida” 2015-yil 25-apreldagi 102-son qarorida:
a) 8-bandning ikkinchi xatboshisidagi “davlat ilmiy-texnik dasturlarini” va “Sog‘liqni saqlash” so‘zlari tegishlicha “davlat ilmiy dasturlarini” va “Innovatsion rivojlanish” so‘zlari bilan almashtirilsin;
b) 2-ilovaning izoh qismi uchinchi xatboshisidagi “Davlat ilmiy-texnika dasturlari” so‘zlari “Davlat ilmiy dasturlari” so‘zlari bilan almashtirilsin.
4. Vazirlar Mahkamasining “Dehqon xo‘jaliklari va aholining tomorqa yerlaridan samarali foydalanish, suvga chidamli, eksportbop daraxt plantatsiyalarini rivojlantirishga doir qo‘shimcha chora-tadbirlar to‘g‘risida” 2017-yil 4-martdagi 119-son qarori 12-bandining birinchi xatboshisi quyidagi tahrirda bayon etilsin:
“12. O‘zbekiston Respublikasi Innovatsion rivojlanish vazirligi Davlat ilmiy dasturlarini shakllantirishda”.
5. Vazirlar Mahkamasining “Respublika xirurgik angionevrologiya ixtisoslashtirilgan markazi faoliyatini tashkil etish to‘g‘risida” 2017-yil 14-martdagi 136-son qarori 3-bandining ikkinchi xatboshisidagi “davlat ilmiy-texnik dasturlarini” so‘zlari “Davlat ilmiy dasturlarini” so‘zlari bilan almashtirilsin.
6. Vazirlar Mahkamasining 2017-yil 15-apreldagi 220-son qarori bilan tasdiqlangan O‘zbekiston Respublikasi Bank-moliya akademiyasining ustavida:
a) 25-bandning birinchi xatboshisidagi “fundamental, amaliy tadqiqotlar va innovatsion ishlarning davlat ilmiy-texnik dasturlari” so‘zlari “davlat ilmiy dasturlari” so‘zlari bilan almashtirilsin;
b) 42-bandning uchinchi xatboshisidagi “davlat ilmiy-texnika dasturlari” so‘zlari “davlat ilmiy dasturlari” so‘zlari bilan almashtirilsin.
7. Vazirlar Mahkamasining 2017-yil 22-maydagi 304-son qarori bilan tasdiqlangan Oliy ta’limdan keyingi ta’lim to‘g‘risidagi nizomda:
a) 4-banddagi “davlat ilmiy-texnika dasturlarini” so‘zlari “davlat ilmiy dasturlarini” so‘zlari bilan almashtirilsin;
b) 8-band quyidagi tahrirda bayon etilsin:
Fan doktori bir vaqtning o‘zida to‘rttadan ko‘p bo‘lmagan izlanuvchilarga ilmiy rahbar va konsultant bo‘lishi mumkin. So‘nggi uch yilda izlanuvchilari o‘z vaqtida himoya qilgan ilmiy rahbar va ilmiy konsultantlarga ilmiy yoki ta’lim tashkilotlarining kollegial organi xulosasi asosida oltitadan ko‘p bo‘lmagan izlanuvchilar biriktirilishi mumkin.
Ilmiy unvoni bo‘lgan fan nomzodi yoki falsafa doktori (PhD) bir vaqtning o‘zida ikkitadan ko‘p bo‘lmagan izlanuvchilarga ilmiy rahbarlik qilishi mumkin. So‘nggi uch yilda izlanuvchilari o‘z vaqtida himoya qilgan ilmiy rahbarlarga ta’lim yoki ilmiy tashkilotning kollegial organi xulosasi asosida uchtadan ko‘p bo‘lmagan izlanuvchilar biriktirilishi mumkin.
Xorijiy fuqarolarga yoki fuqaroligi bo‘lmagan izlanuvchilarga o‘rnatilgan me’yordan ortiq ilmiy rahbar yoki konsultantlar tayinlanishi mumkin.
v) 10-bandda:
birinchi xatboshidagi “ilmiy tashkilot va ta’lim muassasalari” va “ilmiy tashkilot va ta’lim muassasalari” tegishlicha “ilmiy va ta’lim tashkilotlari” va ilmiy va ta’lim tashkilotlari” so‘zlari bilan almashtirilsin;
quyidagi tahrirdagi to‘rtinchi xatboshi bilan to‘ldirilsin:
“Xorijiy yoki nodavlat ilmiy yoki ta’lim tashkilotlariga oliy ta’limdan keyingi ta’lim institutini ochish mazkur Nizomning 9 va 10-bandlarida belgilangan tartibda amalga oshiriladi. Bunda mazkur tashkilotlarga qabul kvotasi ushbu Nizomning 13 va 14-bandlariga muvofiq shakllantirilgan umumiy qabul kvotasi doirasida ajratiladi;”;
g) 14-bandda:
“ilmiy tashkilot va ta’lim muassasalari” so‘zlari “ilmiy va ta’lim tashkilotlari” so‘zlari bilan almashtirilsin;
quyidagi tahrirdagi oltinchi — sakkizinchi xatboshilar bilan to‘ldirilsin:
“Ilmiy va ta’lim tashkilotlari akkreditatsiyadan o‘tgan ixtisosliklar bo‘yicha oliy ta’limdan keyingi ta’lim institutlarining samaradorlik ko‘rsatkichlariga asosan taqsimlangan qabul kvotalaridan ortib qolgan o‘rinlar har yili 5-dekabrga qadar Innovatsion rivojlanish vazirligiga ma’lumot kiritadi.
Innovatsion rivojlanish vazirligi har yili 10-dekabrga qadar ortib qolgan qabul kvotalarini ilmiy va ta’lim tashkilotlarining ilmiy darajali kadrlarga bo‘lgan ehtiyojlarini hisobga olib qaytadan taqsimlaydi.
Ilmiy va ta’lim tashkilotlariga qayta taqsimlangan kvotalar kirish imtihonlarida qatnashib, kirish balidan past ball to‘plagan talabgorlarning ballari ketma-ketligida amalga oshiriladi va bu haqidagi ma’lumotlar har yili 15-dekabrga qadar Innovatsion rivojlanish vazirligiga taqdim etiladi”.
d) 25-band quyidagi mazmundagi xatboshilar bilan to‘ldirilsin:
“Qabul komissiyasi doktoranturaga kirish imtihonlari va suhbat jarayonlarini video kuzatuv ostida (onlayn translyatsiya) o‘tkazish choralarini ko‘radi.
Tayanch doktoranturaga kirish imtihonlari bo‘yicha topshiriladigan birinchi fan (mutaxassislik yoki chet tili) umumiy balining 50 foizidan kam ball to‘plagan talabgorlar keyingi bosqichga o‘tkazilmaydi”;
e) 32-band quyidagi mazmundagi xatboshilar bilan to‘ldirilsin:
“Stajyor-tadqiqotchi va izlanuvchilarni bir ilmiy yoki ta’lim tashkilotidan boshqasiga ko‘chirishga yo‘l qo‘yilmaydi.
Qonunchilikda belgilangan tartibda tugatilgan ilmiy va ta’lim tashkilotlarida ta’lim olgan stajyor-tadqiqotchi va izlanuvchilar tugatilgan ilmiy va ta’lim tashkilotlarning huquqiy vorisi etib belgilangan ilmiy va ta’lim tashkilotlarga o‘qishni davom ettirishlari uchun o‘tkaziladi”.
Oldingi tahrirga qarang.
(8-band O‘zbekiston Respublikasi Vazirlar Mahkamasining 2026-yil 3-iyundagi 282-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 04.06.2026-y., 09/26/282/0560-son)
9. Vazirlar Mahkamasining “O‘rmon xo‘jaligi ilmiy-tadqiqot institutining Andijon filialini tashkil etish to‘g‘risida” 2017-yil 26-iyuldagi 544-son qarorida:
a) 4-bandning uchinchi xatboshisidagi “davlat ilmiy-texnika dasturlari” so‘zlari “davlat ilmiy dasturlari” so‘zlari bilan almashtirilsin;
b) ilovaning izoh qismi birinchi xatboshisidagi “Ilmiy-texnik loyihalarni” so‘zlari “Ilmiy loyihalarni” so‘zlari bilan almashtirilsin.
10. Vazirlar Mahkamasining “Namangan viloyatining To‘raqo‘rg‘on tumanida “Axsikent” arxeologiya merosi obyektini muhofaza qilish va tadqiq etish yodgorlik majmuasini tashkil etish to‘g‘risida” 2017-yil 16-oktabrdagi 831-son qarorining 9-bandidagi “davlat ilmiy-texnik dasturlari doirasidagi ilmiy-texnik loyihalarga” so‘zlari “Davlat ilmiy dasturlari doirasidagi ilmiy loyihalarga” so‘zlari bilan almashtirilsin.
11. Vazirlar Mahkamasining “O‘zbekiston Respublikasi Vazirlar Mahkamasi huzuridagi Qatag‘on qurbonlari xotirasi davlat muzeyi va hududlardagi oliy ta’lim muassasalari tuzilmasida Qatag‘on qurbonlari xotirasi muzeylarini tashkil etish chora-tadbirlari to‘g‘risida” 2017-yil 22-noyabrdagi 936-son qarorida:
a) 4-bandning “a” kichik bandi uchinchi xatboshisidagi va “b” kichik bandi uchinchi xatboshisidagi “davlat ilmiy-texnik dasturlarini” so‘zlari “davlat ilmiy dasturlarini” so‘zlari bilan almashtirilsin;
b) 7-bandning oltinchi xatboshisidagi “fundamental, amaliy tadqiqotlar va innovatsion ishlarning ilmiy-texnika dasturlarini” so‘zlari “davlat ilmiy dasturlarini” so‘zlari bilan almashtirilsin;
v) 1-ilovaning izoh qismida ikkinchi xatboshisidagi “Ilmiy-texnik loyihalarni” so‘zlari “Ilmiy loyihalarni” so‘zlari bilan almashtirilsin;
g) 4-ilovaning 22-bandi uchinchi xatboshisidagi “davlat ilmiy-texnika dasturlarini” so‘zlari “davlat ilmiy dasturlarini” so‘zlari bilan almashtirilsin;
d) 5-ilovaning 12-bandi uchinchi xatboshisidagi “davlat ilmiy-texnik dasturlarini” so‘zlari “davlat ilmiy dasturlarini” so‘zlari bilan almashtirilsin.
12. Vazirlar Mahkamasining “O‘zbekiston Respublikasi Innovatsion rivojlanish vazirligi binosini qurilishini, shuningdek, innovatsion ishlanmalarni tatbiq etishning ilmiy-amaliy markazi va innovatsion bog‘ini tashkil etish chora-tadbirlari to‘g‘risida” 2018-yil 6-apreldagi 276-son qarorining 10 — 12-bandlari o‘z kuchini yo‘qotgan deb hisoblansin.
13. Vazirlar Mahkamasining “Mirzo Ulug‘bek nomidagi O‘zbekiston Milliy universiteti huzurida Yarimo‘tkazgichlar fizikasi va mikroelektronika ilmiy-tadqiqot institutini tashkil etish to‘g‘risida” 2018-yil 25-iyundagi 468-son qarorida:
a) 6-bandning to‘rtinchi xatboshisidagi “davlat ilmiy-texnika dasturlarini” so‘zlari “davlat ilmiy dasturlarini” so‘zlari bilan almashtirilsin;
b) ilovaning izoh qismi ikkinchi xatboshisidagi “ilmiy-texnika loyihalarni” so‘zlari “ilmiy loyihalarni” so‘zlari bilan almashtirilsin.
Oldingi tahrirga qarang.
(14-band O‘zbekiston Respublikasi Vazirlar Mahkamasining 2021-yil 27-dekabrdagi 774-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 27.12.2021-y., 09/21/774/1198-son)
Oldingi tahrirga qarang.
(15-band O‘zbekiston Respublikasi Vazirlar Mahkamasining 2024-yil 17-apreldagi 214-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 18.04.2024-y., 09/24/214/0285-son)
16. Vazirlar Mahkamasining “Baliqchilik sohasidagi ilmiy faoliyatni yanada takomillashtirish chora-tadbirlari to‘g‘risida” 2018-yil 31-iyuldagi 606-son qarorida:
a) 3-bandning uchinchi xatboshisidagi “davlat ilmiy-texnika dasturlari” so‘zlari “davlat ilmiy dasturlari” so‘zlari bilan almashtirilsin;
b) 4-bandning ikkinchi xatboshisidagi “davlat ilmiy-texnik dasturlarini” so‘zlari “Davlat ilmiy dasturlarini” so‘zlari bilan almashtirilsin;
v) ilovada:
“I. Baliqchilik sohasida ilmiy faoliyatni takomillashtirish bo‘yicha tashkiliy tadbirlar” bloki 7, 8, 13-pozitsiyalarining “Moliyalashtirish manbalari” ustunidagi “Davlat ilmiy-texnik dasturlarining” so‘zlari “Davlat ilmiy dasturlarining” so‘zlari bilan almashtirilsin;
“I. Baliqchilik sohasida ilmiy faoliyatni takomillashtirish bo‘yicha tashkiliy tadbirlar” bloki 8-pozitsiyasining “Amalga oshiriladigan tadbirlar” ustunidagi “Davlat ilmiy-texnik dasturlari” so‘zlari “Davlat ilmiy dasturlari” so‘zlari bilan almashtirilsin;
“II. Xorijiy mamlakatlarning yetakchi ilmiy-tadqiqot muassasalari bilan xalqaro hamkorlikni yo‘lga qo‘yish” blokining 23-pozitsiyasi “Moliyalashtirish manbalari” ustunidagi “Davlat ilmiy-texnika dasturlari” so‘zlari “Davlat ilmiy dasturlari” so‘zlari bilan almashtirilsin.
17. Vazirlar Mahkamasining “Innovatsion faoliyatni yanada qo‘llab-quvvatlash chora-tadbirlari to‘g‘risida” 2018-yil 11-sentabrdagi 721-son qarorining 3-bandi quyidagi tahrirdagi beshinchi xatboshi bilan to‘ldirilsin:
“Texnopark rahbari maqomi va tibbiy xizmat ko‘rsatish shartlari bo‘yicha O‘zbekiston Respublikasi innovatsion rivojlanish vaziri o‘rinbosariga tenglashtiriladi”.
18. Vazirlar Mahkamasining “Innovatsion rivojlantirish va vinochilik sohasidagi loyihalarni moliyalashtirish manbalarini kengaytirishning qo‘shimcha chora-tadbirlari to‘g‘risida” 2018-yil 4-oktabrdagi 792-son qarorida:
a) 4-band quyidagi tahrirda bayon etilsin:
“4. O‘zbekiston Respublikasi Prezidentining “Ilmiy va innovatsion faoliyatni rivojlantirish bo‘yicha davlat boshqaruvi tizimini takomillashtirish to‘g‘risida” 2021-yil 1-apreldagi PF-6198-son Farmoni bilan Ilm-fanni moliyalashtirish va innovatsiyalarni qo‘llab-quvvatlash jamg‘armasi tashkil etilganligi ma’lumot uchun qabul qilinsin.
Belgilansinki, Ilm-fanni moliyalashtirish va innovatsiyalarni qo‘llab-quvvatlash jamg‘armasi ijro etuvchi direksiyasining boshqaruv xodimlariga yagona tarif setkasi bo‘yicha mehnatga haq to‘lashning tarif koeffitsiyentlariga 1,7 hamda xizmat ko‘rsatuvchi (texnik) xodimlariga 1,3 miqdorida oshiruvchi koeffitsiyentlar qo‘llaniladi”.
b) 5-bandning ikkinchi va uchinchi xatboshilaridagi hamda 6-banddagi “Innovatsion rivojlanish va novatorlik g‘oyalarini” so‘zlari “Ilm-fanni moliyalashtirish va innovatsiyalarni” so‘zlari bilan almashtirilsin.
19. Vazirlar Mahkamasining “O‘zbekiston Respublikasida o‘rmon xo‘jaligi sohasini yanada rivojlantirish va innovatsion texnologiyalarni joriy etish chora-tadbirlari to‘g‘risida” 2018-yil 11-oktabrdagi 819-son qarorida:
a) 7-bandning to‘rtinchi xatboshisidagi “davlat ilmiy-texnika dasturlari” so‘zlari “davlat ilmiy dasturlari” so‘zlari bilan almashtirilsin;
b) ilovaning izoh qismi uchinchi xatboshisidagi “Ilmiy-texnik loyihalarni” so‘zlari “Ilmiy loyihalarni” so‘zlari bilan almashtirilsin.
20. Vazirlar Mahkamasining “Innovatsion g‘oyalar yetakchisi” ko‘krak nishonini ta’sis etish chora-tadbirlari to‘g‘risida” 2018-yil 2-oktabrdagi 786-son qarorida:
a) 6-band quyidagi tahrirda bayon etilsin:
“6. “Innovatsion g‘oyalar yetakchisi” ko‘krak nishoni bilan mukofotlanganlarni taqdirlash tadbirlarini tashkil etish, ko‘krak nishonlar va ularning guvohnomalarini tayyorlash xarajatlari Ilm-fanni moliyalashtirish va innovatsiyalarni qo‘llab-quvvatlash jamg‘armasi mablag‘lari hisobidan qoplanishi inobatga olinsin”;
b) 1-ilovaning 15-bandi quyidagi tahrirda bayon etilsin:
“15. O‘zbekiston Respublikasi barcha hududlaridan bir nafardan hamda O‘zbekiston Respublikasi Innovatsion rivojlanish vaziri tomonidan tavsiya etilgan shaxslar ko‘krak nishoni bilan bir marta mukofotlanadi. Ko‘krak nishoni takroran berilmaydi”.
21. Vazirlar Mahkamasining “O‘zbekiston Respublikasi Innovatsion rivojlanish vazirligi huzurida Yoshlar innovatsiya markazini tashkil etish to‘g‘risida” 2018-yil 17-oktabrdagi 832-son qarorida:
a) 3-bandning to‘rtinchi xatboshisidagi “fundamental, amaliy tadqiqotlar va innovatsion ishlarning davlat ilmiy-texnik dasturlarini” so‘zlari “Davlat ilmiy dasturlarini” so‘zlari bilan almashtirilsin;
b) 4-bandning to‘rtinchi xatboshisidagi “ilmiy-texnik loyihalarni” so‘zlari “ilmiy loyihalarni” so‘zlari bilan almashtirilsin.
22. Vazirlar Mahkamasining “Xalq ta’limi tizimida ta’lim sifatini baholash sohasidagi xalqaro tadqiqotlarni tashkil etish chora-tadbirlari to‘g‘risida” 2018-yil 8-dekabrdagi 997-son qarorida:
a) 9-bandning uchinchi xatboshisidagi “davlat ilmiy-texnika dasturlari” so‘zlari “davlat ilmiy dasturlari” so‘zlari bilan almashtirilsin;
b) 1-ilovaning “II. Tadqiqot jarayonlarining o‘quv-uslubiy ta’minoti” bloki 4-pozitsiyasi “Amalga oshirish shakli” ustunining 3-bandidagi “davlat ilmiy-texnik dasturlari” so‘zlari “ilmiy faoliyatga oid davlat dasturlari va ilmiy faoliyatga oid davlat maqsadli dasturlari” so‘zlari bilan almashtirilsin.
23. Vazirlar Mahkamasining “Qishloq xo‘jaligini mexanizatsiyalash sohasida ilmiy-tadqiqot ishlarini amalga oshirish tizimini yanada takomillashtirish chora-tadbirlari to‘g‘risida” 2019-yil 18-yanvardagi 45-son qarori 4-bandining uchinchi xatboshisidagi “davlat ilmiy-texnika dasturlarini” so‘zlari “davlat ilmiy dasturlarini” so‘zlari bilan almashtirilsin.
24. Vazirlar Mahkamasining 2019-yil 6-fevraldagi 94-son qarori bilan tasdiqlangan Noyob ilmiy obyektlarni aniqlash, ularni saqlash va monitoringini olib borish tartibi to‘g‘risidagi nizomda:
a) 2-band quyidagi tahrirda bayon etilsin:
“2. Ilmiy faoliyatni samarali yo‘lga qo‘yish uchun alohida ahamiyatga ega, mamlakatda yagona bo‘lgan, ilmiy izlanishlarda foydalanilayotgan, tegishli sohada mukammal izlanishlar olib borish imkonini beradigan hamda mazkur Nizomda belgilangan tartibda noyob ilmiy obyektlar ro‘yxatiga kiritilgan ilmiy asbob-uskunalar, nodir to‘plamlar va boshqa kamyob obyektlar noyob ilmiy obyekt sanaladilar”;
b) 18-band quyidagi tahrirda bayon etilsin:
“18. O‘z bo‘ysunuvida noyob ilmiy obyekt bo‘lgan tashkilot rahbari uni ishchi holatda saqlash, unga zarur xizmatlarni ko‘rsatish, undan unumli foydalanish, ajratilgan moliyaviy mablag‘ning samarali va maqsadli sarflanishi, shuningdek noyob ilmiy obyekt bo‘yicha ilmiy va moliyaviy hisobotlarning Innovatsion rivojlanish vazirligiga topshirilishi uchun javobgardir”;
v) 3-ilovaning 6.4-kichik bandidagi “davlat ilmiy-texnika dasturlari” so‘zlari “davlat ilmiy dasturlari” so‘zlari bilan almashtirilsin.
25. Vazirlar Mahkamasining “Qizilmiya va boshqa dorivor o‘simliklarni yetishtirish hamda sanoat usulida qayta ishlashni samarali tashkil etishga doir qo‘shimcha chora-tadbirlar to‘g‘risida” 2019-yil 15-fevraldagi 138-son qarorining 14-bandidagi “davlat ilmiy-texnik dasturlarini” so‘zlari “davlat ilmiy dasturlarini” so‘zlari bilan almashtirilsin.
26. Vazirlar Mahkamasining “Toshkent viloyati Chirchiq davlat pedagogika institutining faoliyatini takomillashtirish chora-tadbirlari to‘g‘risida” 2019-yil 28-martdagi 258-son qarorida:
1-bandning to‘rtinchi xatboshisidagi “davlat ilmiy-texnika dasturlari” so‘zlari “davlat ilmiy dasturlari” so‘zlari bilan almashtirilsin;
ilovaning “III. Ilmiy-innovatsion va xalqaro hamkorlik faoliyatini takomillashtirish” bloki 10-pozitsiyasining “Chora-tadbir nomi” va “Amalga oshirish mexanizmi” ustunlaridagi “Davlat ilmiy-texnika dasturlari” so‘zlari “Davlat ilmiy dasturlari” so‘zlari bilan almashtirilsin.
27. Vazirlar Mahkamasining “Sholichilik ilmiy-tadqiqot instituti Xorazm filialini tashkil etish to‘g‘risida” 2019-yil 17-apreldagi 327-son qarorida:
a) 6-bandning ikkinchi xatboshisidagi “davlat ilmiy-texnika dasturlarini” so‘zlari “davlat ilmiy dasturlarini” so‘zlari bilan almashtirilsin;
b) 1-ilovaning izoh qismidagi “Ilmiy-texnika loyihalarni” so‘zlari “Ilmiy loyihalarni” so‘zlari bilan almashtirilsin;
2-ilovada “Sholichilik sohasini rivojlantirish bo‘yicha amaliy tadqiqotlar, innovatsion ishlar olib borish” bloki 1-bandi “Moliyalashtirish manbalari” ustunining 1-bandidagi “Davlat ilmiy texnik dasturlariga” so‘zlari “Davlat ilmiy dasturlariga” so‘zlari bilan almashtirilsin.
Oldingi tahrirga qarang.
(O‘zbekiston Respublikasi Vazirlar Mahkamasining 2025-yil 6-avgustdagi 498-sonli qaroriga asosan 28-bandning o‘z kuchini yo‘qotish sanasi — 2025-yil 7-noyabr — Qonunchilik ma’lumotlari milliy bazasi, 06.08.2025-y., 09/25/498/0698-son)
Oldingi tahrirga qarang.
(29-band O‘zbekiston Respublikasi Vazirlar Mahkamasining 2025-yil 19-martdagi 171-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 19.03.2025-y., 09/25/171/0258-son)
30. Vazirlar Mahkamasining “Sirdaryo viloyatida Biznes-akselerator o‘quv-amaliy markazi faoliyatini tashkil etish to‘g‘risida” 2019-yil 30-iyundagi 545-son qarorida:
a) 1-bandi quyidagi tahrirda bayon etilsin:
“1. O‘zbekiston Respublikasi Innovatsion rivojlanish vazirligi, Savdo-sanoat palatasi va Sirdaryo viloyati hokimligining O‘zbekiston Respublikasi Innovatsion rivojlanish vazirligi huzuridagi Innovatsiyalarni joriy qilish va texnologiyalar transferi milliy ofisi muassisligida mas’uliyati cheklangan jamiyat shaklida “Biznes-akselerator o‘quv-amaliy markazi”ni (keyingi o‘rinlarda — Markaz) tashkil etish to‘g‘risidagi taklifiga rozilik berilsin”;
b) 4-band quyidagi tahrirdagi oltinchi xatboshi bilan to‘ldirilsin:
“Markazning xo‘jalik faoliyatidan tushadigan daromadlarini hisobga olgan holda Innovatsiyalarni joriy qilish va texnologiyalar transferi milliy ofisining budjetdan tashqari mablag‘lari”.
31. Vazirlar Mahkamasining 2019-yil 9-iyuldagi 571-son qarori bilan tasdiqlangan O‘zbekiston Respublikasi Qishloq xo‘jaligi vazirligi to‘g‘risidagi nizomning 11-bandi “d” kichik bandining beshinchi xatboshisidagi “davlat ilmiy-texnik dasturlarni” so‘zlari “davlat ilmiy dasturlarini” so‘zlari bilan almashtirilsin.
32. Vazirlar Mahkamasining “Respublikada quyonchilik sohasidagi ilmiy faoliyatni yanada takomillashtirish chora-tadbirlari to‘g‘risida” 2019-yil 2-avgustdagi 647-son qarorida:
a) 5-bandning ikkinchi xatboshisidagi “davlat ilmiy-texnik dasturlarini” so‘zlari “davlat ilmiy dasturlarini” so‘zlari bilan almashtirilsin;
b) 6-banddagi “davlat ilmiy-texnik dasturlarini” va “grantlar” so‘zlari tegishlicha “davlat ilmiy dasturlarini” va “mablag‘lar” so‘zlari bilan almashtirilsin.
33. Vazirlar Mahkamasining “O‘zbekiston Respublikasi Davlat statistika qo‘mitasi huzuridagi Kadrlar malakasini oshirish va statistik tadqiqotlar instituti faoliyatini tashkil etish chora-tadbirlari to‘g‘risida” 2019-yil 17-avgustdagi 686-son qarorida:
a) 4-bandning to‘rtinchi xatboshisidagi “davlat ilmiy-texnikaviy dasturlarini” so‘zlari “davlat ilmiy dasturlarini” so‘zlari bilan almashtirilsin;
b) 10-bandning ikkinchi xatboshisidagi “maqsadli ilmiy-texnikaviy dasturlarni” so‘zlari “ilmiy faoliyatga oid davlat maqsadli dasturlarni” so‘zlari bilan almashtirilsin;
v) 2-ilovaning “IV. Kadrlar malakasini oshirish va statistik tadqiqotlar institutining ilmiy-tadqiqot faoliyatini tashkil etish” bloki 20-pozitsiyasining “Amalga oshirish mexanizmi” ustunidagi “maqsadli ilmiy-texnikaviy dasturlarni” so‘zlari “ilmiy faoliyatga oid davlat maqsadli dasturlarni” so‘zlari bilan almashtirilsin.
34. Vazirlar Mahkamasining “O‘zbekiston Respublikasi Qishloq xo‘jaligi vazirligi huzuridagi Urug‘chilikni rivojlantirish markazi faoliyatini yanada takomillashtirish chora-tadbirlari to‘g‘risida” 2019-yil 5-sentabrdagi 733-son qarori 8-bandining birinchi xatboshisidagi “davlat ilmiy-texnik dasturlar loyihalari yuzasidan” so‘zlari “davlat ilmiy dasturlari doirasida” so‘zlari bilan almashtirilsin.
35. Vazirlar Mahkamasining “Oliy ta’lim muassasalari rahbar va pedagog kadrlarining malakasini oshirish tizimini yanada takomillashtirish bo‘yicha qo‘shimcha chora-tadbirlar to‘g‘risida” 2019-yil 23-sentabrdagi 797-son qarorida:
a) 2-ilovaning 6-pozitsiyasi “Faoliyatni baholash mezonlari” ustunidagi “Davlat ilmiy-texnik dasturlari” so‘zlari “Davlat ilmiy dasturlari” so‘zlari bilan almashtirilsin;
b) 4-ilovaga ilovaning “II. Ilmiy-tadqiqot faoliyati (35 ball)” bloki 13-pozitsiyasining “Ko‘rsatkichlar” ustunidagi “Davlat ilmiy-texnika dasturlari” so‘zlari “Davlat ilmiy dasturlari” so‘zlari bilan almashtirilsin.
36. Vazirlar Mahkamasining “Andijon viloyatida innovatsion texnologiyalar transferini faollashtirish chora-tadbirlari to‘g‘risida” 2019-yil 21-oktabrdagi 884-son qarorida:
a) 1-band quyidagi tahrirda bayon etilsin:
“1. O‘zbekiston Respublikasi Innovatsion rivojlanish vazirligi va Andijon viloyati hokimligining O‘zbekiston Respublikasi Innovatsion rivojlanish vazirligi huzuridagi Innovatsiyalarni joriy qilish va texnologiyalar trasferi milliy ofisi muassisligida mas’uliyati cheklangan jamiyat shaklida “Andijon tajriba-ko‘rgazma maydoni”ni (keyingi o‘rinlarda — Ko‘rgazma maydoni) tashkil etish to‘g‘risidagi taklifiga rozilik berilsin”;
b) 5-band quyidagi tahrirdagi “v” kichik band bilan to‘ldirilsin:
“v) faoliyati va saqlash xarajatlari quyidagi manbalar hisobidan qoplanadi:
Ko‘rgazma maydonining xo‘jalik faoliyatidan tushadigan daromadlarini hisobga olgan holda Innovatsiyalarni joriy qilish va texnologiyalar transferi milliy ofisining budjetdan tashqari mablag‘lari;
xalqaro moliya va boshqa institutlar kreditlari, xorijiy tashkilotlarning grantlari;
qonun hujjatlarida taqiqlanmagan boshqa manbalar”.
37. Vazirlar Mahkamasining 2019-yil 21-noyabrdagi 924-son qarori bilan tasdiqlangan O‘zbekiston Respublikasi Transport vazirligi huzuridagi Avtomobil yo‘llari qo‘mitasi faoliyatini rivojlantirish va qo‘llab-quvvatlash jamg‘armasi to‘g‘risidagi nizomning 8-bandi to‘qqizinchi xatboshisidagi “davlat ilmiy-texnik dasturlari” so‘zlari “Davlat ilmiy dasturlari” so‘zlari bilan almashtirilsin.
38. Vazirlar Mahkamasining “Sholichilikni barqaror rivojlantirishga doir qo‘shimcha chora-tadbirlar to‘g‘risida” 2019-yil 12-dekabrdagi 986-son qarorining 19-bandi ikkinchi xatboshisidagi “davlat ilmiy-texnika dasturlarini” so‘zlari “ilmiy faoliyatga oid davlat dasturlari va ilmiy faoliyatga oid davlat maqsadli dasturlarini” so‘zlari bilan almashtirilsin.
39. Vazirlar Mahkamasining “O‘zbekiston Respublikasi Favqulodda vaziyatlar vazirligi yong‘in xavfsizligi va favqulodda vaziyatlar muammolari ilmiy-tadqiqot institutining faoliyatini tashkil etish to‘g‘risida” 2019-yil 18-dekabrdagi 1011-son qarorida:
a) 5-bandning to‘rtinchi xatboshisidagi “Davlat ilmiy-texnika dasturlarini” so‘zlari “Ilmiy faoliyatga oid davlat dasturlari va ilmiy faoliyatga oid davlat maqsadli dasturlarini” so‘zlari bilan almashtirilsin;
b) ilovaning “II. Yong‘in xavfsizligi va favqulodda vaziyatlar muammolari sohasida ilmiy-tadqiqot ishlarini rivojlantirish” bloki 4-pozitsiyasida:
“Chora-tadbirlar” ustunidagi “Davlat ilmiy-texnika dasturlari” so‘zlari “Ilmiy faoliyatga oid davlat dasturlari va ilmiy faoliyatga oid davlat maqsadli dasturlarini” so‘zlari bilan almashtirilsin;
“Moliyalashtirish manbalari” ustunidagi “Davlat ilmiy-texnika dasturlarini” so‘zlari “Ilmiy faoliyatga oid davlat dasturlari va ilmiy faoliyatga oid davlat maqsadli dasturlarini” so‘zlari bilan almashtirilsin.
40. Vazirlar Mahkamasining “Ilm-fan va ta’lim sohasidagi davlat tashkilotlarida ilmiy, ilmiy-pedagogik va mehnat faoliyati bilan shug‘ullanuvchi ilmiy darajaga ega xodimlarga qo‘shimcha haq to‘lash tartibi to‘g‘risida” 2019-yil 24-dekabrdagi 1030-son qarorida:
a) 3-bandning “a” kichik bandi quyidagi tahrirda bayon etilsin:
“a) qo‘shimcha haq ushbu qarorga muvofiq tegishli mezonlarni bajarilishini baholash natijalari bo‘yicha hamda tarkibiy bo‘linma rahbarining ishchi komissiyaga taqdimnomasi va tashkilot kollegial organi qarori asosida har bir xodimning ilmiy-pedagogik va mehnat faoliyatiga qo‘shgan aniq hissasini hisobga olgan holda belgilanadi”;
b) 4-band quyidagi tahrirda bayon etilsin:
“4. Tashkilotning kollegial organi (keyingi o‘rinlarda — kollegial organ) ushbu Nizomga muvofiq muayyan mezonlar asosida ishchi komissiya majlisining xulosasiga ko‘ra xodimga qo‘shimcha haq miqdori va to‘lov davrini belgilash to‘g‘risida qaror qabul qiladi.
Bunda, kollegial organ xodimga belgilangan qo‘shimcha haq miqdorining to‘g‘ri belgilanishiga javobgar hisoblanadi”;
v) 5-bandning birinchi xatboshisi quyidagi tahrirda bayon etilsin:
“5. Tizimida tashkilotlar mavjud bo‘lgan vazirlik va idoralar Innovatsion rivojlanish vazirligi bilan birgalikda”;
g) 1-ilovada:
birinchi xatboshi quyidagi tahrirda bayon etilsin:
“5. Qo‘shimcha haq xodim tomonidan mazkur Nizomda ko‘rsatilgan mezonlar bo‘yicha bajargan ishlari uchun belgilanadi”;
quyidagi mazmundagi uchinchi xatboshi bilan to‘ldirilsin:
“Xodimning tegishli ilmiy darajaga ega bo‘lmagan davrining faoliyat natijalari hisobga olinmaydi”;
birinchi xatboshi quyidagi tahrirda bayon etilsin:
“6. Qo‘shimcha haqning bir martalik yoki oylik shakli joriy yilda oxirgi 12 oy davomidagi (kalendar yil yakunlari) faoliyati natijalari tahliliga ko‘ra belgilanadi”;
quyidagi mazmundagi ikkinchi va uchinchi xatboshilar bilan to‘ldirilsin:
“Qo‘shimcha oylik to‘lov belgilashning eng ko‘p muddati 12 oydan oshmasligi kerak.
Ilm-fan va ta’lim sohasidagi davlat tashkilotlarida ilmiy, ilmiy-pedagogik va mehnat faoliyati bilan shug‘ullanuvchi ilmiy darajaga ega xodim boshqa ilm-fan va ta’lim sohasidagi davlat tashkilotiga ishga o‘tgan taqdirda, unga qo‘shimcha haq belgilashda ushbu Nizomda belgilangan talablar asosida faoliyati natijalari hisobga olinadi”;
7-band quyidagi tahrirda bayon etilsin:
“7. Qo‘shimcha haq xodim asosiy lavozim bo‘yicha egallab turgan stavkasiga mutanosib ravishda har oyda hisoblanadigan bazaviy lavozim maoshiga nisbatan belgilanadi, bunda xodimning ta’til davri uchun qo‘shimcha haq to‘lov amalga oshirilmaydi”;
8-band o‘z kuchini yo‘qotgan deb hisoblansin;
“a” kichik bandning birinchi xatboshisi quyidagi tahrirda bayon etilsin:
“a) oliy ta’lim muassasasi elektron platformasiga o‘quv yuklamasida nazarda tutilganidan tashqari mustaqil ishlab chiqilgan va o‘quv jarayonida foydalanilayotgan o‘z o‘quv uslubiy majmualarini (modul dasturi, o‘quv kontenti, muammoli vaziyat, kazus test, video dars) joylashtirganligi uchun”;
“b” kichik banddagi “ilmiy va laboratoriya” so‘zlari “ilmiy yoki laboratoriya” so‘zlari bilan almashtirilsin;
“v” kichik band o‘z kuchini yo‘qotgan deb hisoblansin;
quyidagi tahrirdagi “v1” kichik band bilan to‘ldirilsin:
“v1) ixtisoslashgan ilmiy kengashlar huzuridagi ixtisosliklar bo‘yicha (chet tili va mutaxassislik fanlaridan) malakaviy imtihon komissiyasi hamda oliy ta’limdan keyingi ta’limning barcha shakllarida o‘qishga talabgorlarni tanlov olish uchun kirish imtihonlar va izlanuvchilarni monitoringdan o‘tkazish jarayonida komissiya (ishchi guruh) a’zosi bo‘lganligi uchun lavozim maoshiga nisbatan 5 foiz miqdorida belgilanadi.
Mazkur talab asosida umumiy qo‘shimcha haq lavozim maoshiga nisbatan bir oyda 15 foizdan oshmasligi lozim”;
“g” kichik bandning birinchi xatboshisi quyidagi tahrirda bayon etilsin:
“g) oliy ta’lim muassasalarning birinchi mingtalik (top-1000) yoki fan yo‘nalishlari bo‘yicha birinchi yuztalik (top-100) xalqaro (Quacquarelli Symonds World University Rankings, Times Nigher Education yoki Academic Ranking of World Universities) reytinglarga kirgan oliy ta’lim muassasalarining onlayn ta’lim platformalariga kiritilgan yoki sayyor shaklda o‘tkazilgan har bir ma’ruza uchun lavozim maoshiga nisbatan 15 foizgacha belgilanadi”;
“d” va “j” kichik bandlari o‘z kuchini yo‘qotgan deb hisoblansin;
“z” kichik band quyidagi tahrirda bayon etilsin:
“z) Scopus ma’lumotlar bazasida kamida oxirgi ikki yil ichida doimiy ravishda bo‘lgan (ushbu talab O‘zbekiston nomidan kiritiladigan jurnallarga nisbatan tatbiq etilmaydi) hamda Web of Science indeksatsiyalangan ma’lumotlar bazalari jurnallarida e’lon qilingan har bir maqola (monografiya) uchun muallifga (bir nechta muallif bo‘lgan taqdirda, teng miqdorda taqsimlangan holda) lavozim maoshiga nisbatan 15 foizgacha belgilanadi.
“i” kichik band quyidagi tahrirda bayon etilsin:
“i) o‘quv jarayonida amaliy qo‘llaniladigan yoki ishlab chiqarishga joriy qilingan intellektual faoliyat natijasi hamda o‘rnatilgan tartibda ro‘yxatdan o‘tkazilgan darslik, o‘quv qo‘llanma, tadqiqotni amaliyotga joriy qilinganligi haqida markaziy davlat organlari va davlat boshqaruv organlarining dalolatnomasi borligi uchun lavozim maoshiga nisbatan 15 foizgacha miqdorida belgilanadi.
Mazkur talab asosida umumiy qo‘shimcha haq lavozim maoshiga nisbatan bir oyda 15 foizdan oshmasligi lozim”;
“k” kichik bandning birinchi xatboshisi quyidagi tahrirda bayon etilsin:
“k) har bir ixtiro va/yoki foydali modelga xorijiy patent olganlik uchun muallifga (bir nechta muallif bo‘lgan taqdirda, teng miqdorda taqsimlangan holda) lavozim maoshiga nisbatan 30 foizgacha miqdorida belgilanadi”;
“a” kichik band o‘z kuchini yo‘qotgan deb hisoblansin;
“g” kichik banddagi “ilmiy-pedagogik faoliyatga oid” so‘zlari “xorijiy mamlakatlarda tashkil qilingan ilmiy-pedagogik faoliyatga oid” so‘zlari bilan almashtirilsin;
“e” kichik band quyidagi tahrirda bayon etilsin:
“e) ixtisoslashgan xalqaro ma’lumotlar bazasiga kiritilgan har bir ilmiy nashr (monografiya, ilmiy referat, informatsion referat, uslubiy ishlanmalar, tavsiyalar, tezislar, shuningdek ilmiy konferensiya materiallari, ilmiy maqolalar, ilmiy ishlar to‘plamlari) uchun lavozim maoshiga nisbatan 30 foizgacha”;
“j” kichik band quyidagi tahrirda bayon etilsin:
“j) davlat hokimiyati va boshqaruvi organlarining murojaatiga asosan ilmiy-amaliy takliflarni tayyorlash uchun qo‘shgan hissasini hisobga olgan holda, lavozim maoshiga nisbatan 30 foizgacha”;
11-band o‘z kuchini yo‘qotgan deb hisoblansin;
“a” va “v” kichik bandlar o‘z kuchini yo‘qotgan deb hisoblansin;
“g” kichik bandning birinchi xatboshisi quyidagi tahrirda bayon etilsin:
“g) Scopus, Web of Science va boshqa umume’tirof etilgan indeksatsiyalangan ma’lumotlar bazalarida kamida oxirgi ikki yil ichida doimiy ravishda bo‘lgan jurnallarda (ushbu talab O‘zbekiston nomidan kiritiladigan jurnallarga nisbatan tatbiq etilmaydi) e’lon qilingan har bir maqola (monografiya) uchun muallifga (bir nechta muallif bo‘lgan taqdirda, teng miqdorda taqsimlangan holda) lavozim maoshiga nisbatan 15 foizgacha belgilanadi”;
“d” kichik band o‘z kuchini yo‘qotgan deb hisoblansin;
“e” kichik band birinchi xatboshisi quyidagi tahrirda bayon etilsin:
“e) har bir ixtiro va/yoki foydali modelga xorijiy patent olganlik uchun muallifga (bir nechta muallif bo‘lgan taqdirda, teng miqdorda taqsimlangan holda) lavozim maoshiga nisbatan 30 foizgacha miqdorida belgilanadi”;
“i” kichik band o‘z kuchini yo‘qotgan deb hisoblansin;
birinchi xatboshi quyidagi tahrirda bayon etilsin:
“e) lavozim maoshiga bir martalik qo‘shimcha haq ma’lum bir davr uchun erishilgan natijalar yig‘indisidan kelib chiqqan holda yoki quyidagi zarur shartlar bajarilganda belgilanadi”;
“a” kichik band o‘z kuchini yo‘qotgan deb hisoblansin;
“b” kichik bandning uchinchi xatboshidagi “100” va “50” raqamlari tegishlicha “60” va “30” raqamlari bilan almashtirilsin;
“v” kichik band o‘z kuchini yo‘qotgan deb hisoblansin;
“d” kichik banddagi “xalqaro ilmiy” so‘zlari “xorijiy mamlakatlarda tashkil qilingan xalqaro ilmiy” so‘zlari bilan almashtirilsin;
“z” kichik band quyidagi tahrirda bayon etilsin:
“z) davlat boshqaruv organlarining murojaatiga asosan ilmiy-amaliy takliflarni tayyorlash uchun qo‘shgan hissasini hisobga olgan holda, lavozim maoshiga nisbatan 30 foizgacha”;
4-bobning nomidagi “kasb-hunar” so‘zlari “professional” so‘zi bilan almashtirilsin;
l) 14-bandda:
birinchi xatboshi quyidagi tahrirda bayon etilsin:
“14. Lavozim maoshiga har oylik qo‘shimcha haq xodimning faoliyati natijalari asosida quyidagicha o‘rnatilishi mumkin”;
quyidagi mazmundagi oltinchi xatboshi bilan to‘ldirilsin:
“Mazkur bandning barcha kichik bandlari asosida har oylik qo‘shimcha haq lavozim maoshiga nisbatan bir oyda falsafa doktori (PhD)ga 30 foiz va fan doktori (DSc)ga 60 foizdan oshmasligi lozim”;
5-bobning nomidagi “Maktabgacha ta’lim muassasalarida” so‘zlari “Maktabgacha ta’lim tashkilotlarida” so‘zlari bilan almashtirilsin;
birinchi xatboshi quyidagi tahrirda bayon etilsin:
“16. Lavozim maoshiga har oylik qo‘shimcha haq xodimning faoliyati natijalari asosida quyidagicha o‘rnatilishi mumkin”;
quyidagi mazmundagi oltinchi xatboshi bilan to‘ldirilsin:
“Mazkur bandning barcha kichik bandlari asosida har oylik qo‘shimcha haq lavozim maoshiga nisbatan bir oyda falsafa doktori (PhD)ga 30 foiz va fan doktori (DSc)ga 60 foizdan oshmasligi lozim”;
quyidagi mazmundagi 51-bob bilan to‘ldirilsin:
“51-bob. Tashkilotlarda ilmiy darajaga ega xodimlarga qo‘shimcha haq to‘lash bo‘yicha ishchi komissiyani tashkil etish tartibi
171. Qo‘shimcha haq olish huquqiga ega bo‘lgan xodimlarning arizalarini umumlashtirish va kollegial organ yig‘ilishida ko‘rib chiqish uchun hujjatlarni tayyorlash bo‘yicha ishchi komissiya tarkibi har yili dekabr oyida Kollegial organ qarori bilan kamida yetti kishidan iborat etib tasdiqlanadi.
172. Ishchi komissiya tarkibiga oliy ta’lim muassasalari uchun ilmiy va innovatsiyalar bo‘yicha prorektor (filial direktori o‘rinbosari), ilmiy tashkilotlar uchun direktorning ilm-fan bo‘yicha o‘rinbosari, bunday lavozim bo‘lmaganida ilmiy kotib, o‘rta maxsus, kasb-hunar va umumiy o‘rta ta’lim tashkilotlari uchun direktorning o‘quv ishlari bo‘yicha o‘rinbosari, maktabgacha ta’lim muassasalari uchun bosh uslubchi rahbarlik qiladi.
173. Tashkilotlar ishchi komissiya huquqlari va javobgarligi, faoliyatini tashkil etish tartibini tasdiqlaydi”.
birinchi xatboshi quyidagi tahrirda bayon etilsin:
“24. Tizimida tashkilotlar mavjud bo‘lgan vazirlik va idoralar Innovatsion rivojlanish vazirligi bilan birgalikda qonun doirasida tashkilot kollegial organlarning qo‘shimcha haq miqdorini o‘rnatishni tashkil qilishi ustidan nazorat qiladi”;
quyidagi mazmundagi 241-band bilan to‘ldirilsin:
“241. Ushbu Nizom doktoranturada tahsil olayotgan shaxslarga nisbatan tatbiq etilmaydi”.
26-band quyidagi tahrirda bayon etilsin:
“Davlat boshqaruvi organlari va boshqa tashkilotlarda faoliyat yurituvchi ilmiy darajaga ega xodimlarga mazkur Nizom talablari asosida budjetdan tashqari mablag‘lar hisobidan qo‘shimcha haq to‘lanishi mumkin. Bunda qo‘shimcha haq belgilash talablari (mezonlari) davlat boshqaruvi organlari va boshqa tashkilotlar faoliyatining asosiy xususiyatlaridan kelib chiqqan holda ularning kollegial organi qarori bilan tasdiqlanadi”.
41. Vazirlar Mahkamasining “O‘zbekiston Respublikasi Oliy va o‘rta maxsus ta’lim vazirligi huzuridagi Oliy ta’limni rivojlantirish tadqiqotlari va ilg‘or texnologiyalarni tatbiq etish markazi faoliyatini tashkil etish bo‘yicha qo‘shimcha chora-tadbirlar to‘g‘risida” 2020-yil 10-fevraldagi 75-son qarorining 3-bandi uchinchi xatboshisidagi “davlat ilmiy-texnika dasturlarini” so‘zlari “ilmiy faoliyatga oid davlat dasturlari va ilmiy faoliyatga oid davlat maqsadli dasturlarini” so‘zlari bilan almashtirilsin.
42. Vazirlar Mahkamasining “Alisher Navoiy nomidagi Toshkent davlat o‘zbek tili va adabiyoti universiteti faoliyatini yanada takomillashtirish chora-tadbirlari to‘g‘risida” 2020-yil 3-martdagi 117-son qarorining 7-bandi beshinchi xatboshisidagi “davlat ilmiy-texnika dasturlarini” so‘zlari “ilmiy faoliyatga oid davlat dasturlari va ilmiy faoliyatga oid davlat maqsadli dasturlarini” so‘zlari bilan almashtirilsin.
43. Vazirlar Mahkamasining “Ilmiy-tadqiqot va innovatsion faoliyatni rivojlantirishning normativ-huquqiy bazasini yanada takomillashtirish chora-tadbirlari to‘g‘risida” 2020-yil 9-martdagi 133-son qarorida:
a) 1-ilovada:
31-band quyidagi mazmundagi ikkinchi — to‘rtinchi xatboshilar bilan to‘ldirilsin:
“Qabul qilingan barcha turdagi loyiha hujjatlarining moliyaviy-iqtisodiy ekspertizasi Buyurtmachi tomonidan amalga oshiriladi.
Moliyaviy-iqtisodiy ekspertiza loyiha fan yo‘nalishi bo‘yicha tegishli ilmiy-texnik kengash tomonidan moliyalashtirishga tavsiya etish to‘g‘risidagi bayonnoma Buyurtmachiga taqdim etilgan kundan boshlab o‘n ish kunida amalga oshiriladi.
Moliyaviy-iqtisodiy ekspertizadan o‘tmagan loyihalar keyingi bosqichga o‘tkazilmaydi va moliyalashtirilmaydi”.
68-band quyidagi tahrirda bayon etilsin:
“68. Loyiha talabnomalarining ilmiy ekspertizasi ikki bosqichda o‘tkaziladi:
birinchi bosqichda har bir loyiha talabnomasi Buyurtmachi tomonidan mustaqil ekspertlarni, shu jumladan xorijiy ekspertlarni jalb etgan holda ekspertiza qilinadi;
ikkinchi bosqichda har bir loyiha talabnomasi fan yo‘nalishlari bo‘yicha tegishli ilmiy-texnik kengashlar (ITK) tomonidan ochiq muhokamadan o‘tkaziladi”;
75-band quyidagi tahrirda bayon etilsin:
“75. Ilmiy ekspertizaning birinchi bosqichida ekspertlar loyiha talabnomasini bir oy muddatda ko‘rib chiqadi. Ekspertiza natijalariga ko‘ra, har bir ekspert loyiha bo‘yicha o‘zining ekspert xulosasini beradi va uni 100 ballik shkala bo‘yicha baholaydi, bunda 0 ball — eng past ko‘rsatkich, 100 ball — eng yuqori ko‘rsatkich hisoblanadi.
Bunda agar bir loyiha bo‘yicha ikki ekspert baholaridagi farq 25 balldan yuqori bo‘lsa, ekspertiza natijalarini aniqlashtirish maqsadida uchinchi ekspert qo‘shimcha ekspertiza uchun tayinlanadi.
Loyiha talabnomasining yakuniy ekspert bahosi barcha ekspert baholarining o‘rtacha arifmetik qiymati sifatida hisoblanadi.
Ilmiy ekspertizaning birinchi bosqichi natijalari Buyurtmachi tomonidan belgilangan tartibda rasmiylashtirilgan ekspert xulosalari ilmiy ekspertizaning ikkinchi bosqichini o‘tkazish uchun ITKga yuboriladi.
Ilmiy ekspertizadan o‘tmagan loyihalar ITK tomonidan belgilangan tartibda rasmiylashtirilgan bayonnoma va ekspert xulosalari bilan birga Buyurtmachiga qaytariladi. Buyurtmachi asoslantirilgan rad etish xulosasini loyiha rahbarlariga interfaol xizmat orqali bildirish uchun elektron platformaga joylashtiradi”;
88-band quyidagi tahrirda bayon etilsin:
“Davlat buyurtmasi asosida ilmiy-tadqiqot loyihalarini moliyalashtirish O‘zbekiston Respublikasi Davlat budjetidan ushbu maqsadlar uchun ajratilgan hamda ushbu maqsadlar uchun jalb qilingan boshqa manbalar hisobidan amalga oshiriladi.
Bunda tarmoq va sanoat korxonalari muammolarini hal etishga qaratilgan davlat buyurtmasi asosida amalga oshiriladigan ilmiy-tadqiqot loyihalari tarmoq va sanoat korxonalari bilan kelishuvlar asosida sheriklikda moliyalashtirilishi mumkin.
Davlat buyurtmasi asosida ilmiy-tadqiqot loyihalarni moliyalashtirish tegishli moliya yilidan boshlab quyidagi tartibda amalga oshiriladi:
Ilmiy-tadqiqot loyihalari Innovatsion rivojlanish vazirligi Hay’atining tegishli qarorlari asosida Ilm-fanni moliyalashtirish va innovatsiyalarni qo‘llab-quvvatlash jamg‘armasi (keyingi o‘rinlarda — Jamg‘arma) orqali moliyalashtiriladi;
Har bir ilmiy-tadqiqot loyihasini moliyalashtirish uchun alohida shaxsiy hisobvaraq ochiladi;
Ijrochi tashkilot tomonidan har bir ilmiy-tadqiqot loyihalar bo‘yicha belgilangan tartibda xarajatlar smetasi ishlab chiqiladi va tasdiqlanadi”;
89-band quyidagi tahrirda bayon etilsin:
“89. Har bir ilmiy-tadqiqot loyihasi hamda hisobotlarni (oraliq va yakuniy) mustaqil ekspertlar tomonidan ilmiy ekspertizadan o‘tkazilganligi uchun O‘zbekiston Respublikasi Davlat budjeti mablag‘lari hisobidan mehnatga haq to‘lashning eng kam miqdorining yarmiga teng hajmda gonorar to‘lanadi”;
90-band quyidagi tahrirda bayon etilsin:
“Loyiha doirasida ajratilgan mablag‘lar ilmiy izlanishlar olib borishga, shuningdek, ish haqidan tashqari, umumiy mablag‘ning kamida 40 foizi ilmiy asbob-uskunalar, xom ashyolar hamda boshqa zarur materiallarni xarid qilish va moddiy-texnika bazasini rivojlantirish bilan bog‘liq boshqa xarajatlarga yo‘naltirilishi lozim, bunda fundamental, shuningdek, ijtimoiy-gumanitar fanlar sohasidagi loyihalarda mazkur miqdor 20 foizgacha kamaytirilishi mumkin”;
Quyidagi mazmundagi 81-bob bilan to‘ldirilsin:
“81-bob. Davlat ilmiy dasturlari doirasida amalga oshiriladigan ilmiy loyihalar xarajatlarini rejalashtirish tartibi
901. Loyiha ilmiy rahbari boshqa joyga ishga o‘tgan hollarda loyihaning amalga oshirilish joyi (ijrochi tashkilot) o‘zgartirilmaydi.
902. Xarajatlar kalkulyatsiyasini tuzishda xarajatlarning umumiy moliyaviy hajmi loyiha bajarilishining butun davri uchun shu jumladan, har bir moliyaviy yil kesimida alohida jadvallarda ko‘rsatiladi.
903. Loyihalarni amalga oshirish uchun xarajatlar kalkulyatsiyasi quyidagicha rejalashtiriladi:
ish haqi to‘lovlari;
ish haqiga tenglashtirilgan to‘lovlar;
yagona ijtimoiy to‘lov;
boshqa xarajatlar shu jumladan, ilmiy xizmat safarlari xarajatlari hamda asosiy vositalarni sotib olish xarajatlari.
904. Mehnatga haq to‘lash fondini shakllantirishda:
loyihani bajarishda ishtirok etuvchi xodimlar mehnatiga haq to‘lash xarajatlari rahbar, ilmiy va ishlab chiqarish xodimlariga belgilangan tegishli bazaviy lavozim maoshlari asosida, yordamchi xodimlar mehnatiga haq to‘lash tegishli normativlar hamda vaqtinchalik pudrat shartnomalari asosida hisoblangan ish haqi to‘lovlari;
ish haqini mintaqaviy tartibga solish hisobiga, shu jumladan, cho‘l, suvsiz va baland tog‘li hududlarda ishlash uchun mintaqaviy koeffitsiyentlar bo‘yicha qonunchilik hujjatlarida belgilangan to‘lovlar;
homiladorlik va tug‘ish davriga kasallik varaqasi bo‘yicha to‘lovlar (loyihani bajarishda qatnashuvchi tashqi o‘rindoshlarga tatbiq etilmaydi);
ilmiy xodimlar, ilmiy yordamchi va boshqa xodimlar uchun ish haqi fondiga kiritilgan va qonunchilik hujjatlariga zid bo‘lmagan boshqa to‘lov turlari loyihani bajarish uchun ajratilgan mablag‘lar doirasida hisobga olinadi.
905. Yagona ijtimoiy to‘lovlar ish haqi fondiga nisbatan O‘zbekiston Respublikasi Soliq kodeksida belgilangan miqdorda rejalashtiriladi.
906. Safar xarajatlarida, loyihalarni amalga oshirishda ishtirok etuvchi ilmiy va ilmiy yordamchi xodimlarning safar xarajatlari belgilangan normativ-huquqiy hujjatlarga muvofiq aks ettiriladi.
Loyihalarni amalga oshirish bilan bevosita bog‘liq bo‘lgan ijrochi tashkilotlar ilmiy xodimlarining respublika doirasida hamda xorijiy xizmat safarlari tadbirlarda ishtirok etish uchun taqdim etilgan asoslovchi hujjatlar va loyihaning kalendar rejasiga muvofiq amalga oshiriladi.
Xorijiy xizmat safarlari xarajatlarini to‘lash uchun milliy valyutani xorijiy valyutaga aylantirish qonunchilik hujjatlariga muvofiq belgilangan tartibda amalga oshiriladi.
907. Boshqa xarajatlarning har bir turi sarflanadigan mablag‘lar va ularning taqsimoti xarajatlar kalkulyatsiyasida alohida jadvallarda asoslab ko‘rsatiladi. Xarajat turlari har bir loyihaning mazmuni va xususiyatidan kelib chiqib shakllantiriladi.
908. Davlat budjeti hisobidan loyihalarni bajarish uchun ajratilgan mablag‘larning quyidagi xarajatlarga sarflanishi man etiladi:
bino va inshootlarni qurish, rekonstruksiya qilish va kapital ta’mirlash;
obyektlarni qo‘riqlash xizmati to‘lovlari;
transport vositalarini (maxsus transport vositalari bundan mustasno), hashamatli yumshoq mebellar va aksessuarlarni, uyali telefonlarni sotib olish xarajatlari, loyiha ijrochisi bo‘lmagan xodimlarning xizmat safarlari;
jamoat transporti, maxsus yo‘nalishli transport vositalari, idoraviy transport vositalarida ish joyiga qatnash uchun yo‘l haqini to‘lash;
davolanish va dam olish, ekskursiyalar va sayohatlar, sport seksiyalari, to‘garaklar, klublardagi tadbirlar, madaniy-ko‘ngilochar va jismoniy tarbiya (sport) tadbirlariga tashriflar hamda shaxsiy iste’mol mollarini sotib olish xarajatlari;
O‘zbekiston Respublikasi Davlat budjeti mablag‘lari hisobidan bazaviy moliyalashtiriladigan, shuningdek xodimlari mehnatiga haq to‘lash, bino va inshootlarini saqlash hamda joriy xarajatlarini qoplash O‘zbekiston Respublikasi Davlat budjeti mablag‘lari hisobidan amalga oshiriladigan ijrochi tashkilotlarda ustama xarajatlar.
909. Loyihalarni moliyalashtirish uchun ajratilgan moliyaviy mablag‘lar Kollegial organ qaroriga muvofiq Buyurtmachi buyrug‘i bilan tasdiqlanadi.
9010. Buyurtmachining Kollegial organ qaroriga muvofiq qabul qilingan buyrug‘i asosida davlat ilmiy dasturlarini bajarishga Davlat budjetidan ajratiladigan mablag‘lar bo‘yicha xarajatlar smetasi doirasida ijrochi tashkilotlarga ajratilgan mablag‘lar belgilangan tartibda O‘zbekiston Respublikasi Moliya vazirligining axborot tizimida har bir ijrochi tashkilot uchun (uning barcha loyihalari bo‘yicha) ochilgan shaxsiy g‘azna hisobvarag‘i orqali moliyalashtiriladi.
9011. Loyihalar Davlat budjeti mablag‘lari hisobidan faqat yuridik shaxs maqomiga ega bo‘lgan tashkilotlar orqali moliyalashtiriladi.
9012. Davlat ilmiy dasturlarini bajarish uchun Davlat budjetidan ajratiladigan mablag‘lar bo‘yicha xarajatlar smetasi ijrochi tashkilotlar bo‘yicha barcha ilmiy loyihalarning umumiy summasi Budjet tizimi budjetlari iqtisodiy xarajatlar tasnifining bir satrida — 42 99 990 (Tovar va xizmatlar sotib olish bo‘yicha boshqa xarajatlar) moddasi orqali aks ettirilgan holda tuziladi va moliyalashtiriladi.
9013. Loyihalarni Davlat budjetidan moliyalashtirishni muddatidan oldin to‘xtatish Ilmiy-texnik kengashning ushbu loyihalarni moliyalashtirishni davom ettirish maqsadga muvofiq emasligi to‘g‘risidagi xulosalariga asosan Buyurtmachining qaroriga muvofiq amalga oshiriladi.
Buyurtmachining qaroriga asosan loyihalarni bajarish muddati uzaytirilishi hamda moliyalashtirish hajmiga o‘zgartirishlar kiritilishi mumkin. Bunda uzaytirilgan muddatda amalga oshiriladigan ilmiy-tadqiqot ishlarining kalendar rejasi qo‘shimcha shartnoma bilan tasdiqlanadi.
9014. Loyihalarni moliyalashtirish muddatidan oldin to‘xtatilganda, loyiha uchun ajratilgan mablag‘larning foydalanilmagan qoldiq summasi ijrochi tashkilotlarning shaxsiy g‘azna hisobvarag‘idan belgilangan tartibda chegiriladi.
To‘xtatilgan loyihalar shuningdek, tegishli moliya yilida loyihalar bo‘yicha sarf etilmagan mablag‘lar Ilm-fanni moliyalashtirish va innovatsiyalarni qo‘llab-quvvatlash jamg‘armasiga yo‘naltiriladi.
9015. Loyihalarga ajratilgan mablag‘lar hisobidan xarid qilingan barcha asosiy vositalar ijrochi tashkilotlarning balansida qayd etiladi va ularning mulki hisoblanadi.
9016. Loyihalarni amalga oshirish uchun ajratilgan budjet mablag‘laridan o‘z vaqtida va maqsadli foydalanish bo‘yicha javobgarlik ijrochi tashkilotlar rahbarlari va bosh hisobchilari, shuningdek, loyiha rahbarlari zimmalariga yuklatiladi.
9017. Loyihalarni amalga oshirish uchun ajratilgan budjet mablag‘laridan maqsadli foydalanish bo‘yicha davlat moliyaviy nazorati qonunchilik hujjatlarida belgilangan tartibda O‘zbekiston Respublikasi Moliya vazirligining Davlat moliyaviy nazorati departamenti tomonidan amalga oshiriladi”.
107-band quyidagi tahrirda bayon etilsin:
“107. Loyiha rahbarlari ijrochi tashkilotlarning rahbarlari bilan bir qatorda loyiha doirasida bajariladigan tadqiqotlarning ilmiy-texnik saviyasi, hisobotlarni belgilangan muddatlarda topshirilishi, shuningdek, moliyaviy mablag‘larning samarali va maqsadli sarf qilinishi hamda tanlovga loyihalarni taqdim etishda unda keltirilgan ilmiy yangilik, nou-xau va g‘oyalarni ekspertiza jarayonlarida ochiq muhokamaga qo‘yishning maqsadga muvofiqligi to‘g‘risida ijrochi tashkilot vakolatli tuzilmasining (xizmatining) xulosasini ilova qilinishiga shaxsan javobgar bo‘ladi”;
b) 2-ilovada:
2-bandning uchinchi xatboshisi quyidagi tahrirda bayon etilsin:
“ishchi organ — “startap” loyihalarni baholashda texnik ta’minlash va ko‘maklashishni, shuningdek, loyihalar monitoringini amalga oshiruvchi O‘zbekiston Respublikasi Innovatsion rivojlanish vazirligining mas’ul tarkibiy bo‘linmasi”;
3-banddagi “Innovatsion rivojlanish va novatorlik g‘oyalarini” so‘zlari “Ilm-fanni moliyalashtirish va innovatsiyalarni” so‘zlari bilan almashtirilsin;
quyidagi mazmundagi 32-band bilan to‘ldirilsin:
“32. Startap loyihasiga ajratilgan mablag‘lardan maqsadli va samarali foydalanishga talabnoma beruvchi (talabgor) va ijrochi tashkilot rahbari javobgardirlar”;
v) 3-ilovaning 8-bandi quyidagi tahrirda bayon etilsin:
“8. Ilmiy loyihalarning ilmiy ekspertizasining ikkinchi bosqichi bir oy mobaynida amalga oshiriladi. Bunda loyiha bo‘yicha qo‘shimcha ekspertiza o‘tkazilishi talab etiladigan hollarda ushbu muddat Buyurtmachi bilan kelishilgan holda yana ikki oygacha uzaytirilishi mumkin. ITK tomonidan qabul qilingan qarorlar Buyurtmachiga besh kun ichida taqdim etiladi”.
44. Vazirlar Mahkamasining “Agrosanoat majmui uchun zaxira kadrlarni qayta tayyorlash va ularning malakasini oshirish tizimini yanada takomillashtirishga doir qo‘shimcha chora-tadbirlar to‘g‘risida” 2020-yil 19-martdagi 172-son qarorining 5-bandi beshinchi xatboshisidagi “davlat ilmiy-texnik dasturlari” so‘zlari “davlat ilmiy dasturlari” so‘zlari bilan almashtirilsin.
45. Vazirlar Mahkamasining “Qishloq xo‘jaligi ekinlari navlarini sinash markazi faoliyatini takomillashtirish, qishloq xo‘jaligi o‘simliklari turlarining Milliy genbankini yaratish to‘g‘risida” 2020-yil 13-maydagi 282-son qarorining 10-bandidagi “davlat ilmiy-texnik dasturlari” so‘zlari “davlat ilmiy dasturlari” so‘zlari bilan almashtirilsin”.
46. Vazirlar Mahkamasining “Respublika hududlarida yoshlar texnoparklarini tashkil etish chora-tadbirlari to‘g‘risida” 2020-yil 22-maydagi 313-son qarorida:
a) 4-bandning to‘rtinchi xatboshisi quyidagi tahrirda bayon etilsin:
“Qoraqalpog‘iston Respublikasi Vazirlar Kengashi, viloyatlar hokimliklarining “Yagona buyurtmachi xizmati” injiniring kompaniyalari tegishliligi bo‘yicha Texnoparklar bino va inshootlarini qurish, zarur moddiy-texnik baza, asbob-uskuna va mebellar bilan jihozlash hamda loyiha ishlarini amalga oshirsin”;
b) 5-bandda:
beshinchi xatboshi chiqarib tashlansin;
oltinchi xatboshi quyidagi tahrirda bayon etilsin:
“Ilm-fanni moliyalashtirish va innovatsiyalarni qo‘llab-quvvatlash jamg‘armasi”;
v) 6-bandda:
ikkinchi xatboshi quyidagi tahrirda bayon etilsin:
“Texnoparklar bino va inshootlarini qurish, qayta ta’mirlash va ularning moddiy-texnika bazasini mustahkamlash, shuningdek, zamonaviy asbob-uskunalar bilan jihozlash xarajatlari Ilm-fanni moliyalashtirish va innovatsiyalarni qo‘llab-quvvatlash jamg‘armasi hisobidan amalga oshiriladi”;
quyidagi mazmundagi uchinchi xatboshi bilan to‘ldirilsin:
“Texnopark direktori mehnatga haq to‘lash shartlari bo‘yicha Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq to‘lashning tarif setkasini joriy etish to‘g‘risida” 1996-yil 12-apreldagi 147-son qarori 5-ilovasi bilan tasdiqlangan bo‘lim boshlig‘i lavozimiga tenglashtiriladi”;
uchinchi xatboshi tegishlicha to‘rtinchi xatboshi deb hisoblansin.
47. Vazirlar Mahkamasining “O‘zbekiston Respublikasi Fanlar akademiyasi ilmiy tashkilotlarini moliyalashtirish tizimini takomillashtirish hamda samaradorligini oshirish chora-tadbirlari to‘g‘risida” 2020-yil 8-iyundagi 366-son qarori 30-ilovasi matni quyidagi tahrirda bayon etilsin:
“O‘zbekiston Respublikasi Fanlar akademiyasi ilmiy tashkilotlarining boshqaruv va ayrim yordamchi xodimlarining bazaviy lavozim maoshi
MIQDORLARI
|
T/r |
Lavozim nomi |
Mehnatga haq to‘lashning eng kam miqdoriga nisbatan koeffitsiyentlarda |
|
1. |
Direktorning umumiy ishlar bo‘yicha o‘rinbosari |
|
|
tabiiy-texnika fanlari yo‘nalishi bo‘yicha |
6,654 | |
|
gumanitar fanlar yo‘nalishi bo‘yicha |
5,988 | |
|
2. |
Bosh buxgalter, moliya-iqtisod bo‘limi boshlig‘i |
5,545 |
|
3. |
Bo‘lim boshliqlari (ilmiy-tadqiqot bo‘limdan tashqari) |
4,99 |
|
4. |
Bosh iqtisodchi, bosh patentshunos, axborot-kommunikatsiya texnologiyalari bo‘yicha bosh mutaxassis va xodimlar bilan ishlash bo‘yicha bosh mutaxassis |
4,436 |
|
5. |
Yetakchi buxgalter, yetakchi iqtisodchi, yetakchi patentshunos, axborot-kommunikatsiya texnologiyalari bo‘yicha yetakchi mutaxassis va xodimlar bilan ishlash bo‘yicha yetakchi mutaxassis |
3,881 |
|
6. |
Buxgalter, iqtisodchi, patentshunos, axborot-kommunikatsiya texnologiyalari bo‘yicha mutaxassis, maxsus bo‘lim mutaxassisi, xodimlar bilan ishlash bo‘yicha mutaxassis (oliy ma’lumotga yoki tegishli sohada 5 yildan ortiq ish stajiga ega bo‘lgan o‘rta maxsus ma’lumotga ega) |
|
|
2 yildan ortiq ish stajiga ega bo‘lgan |
3,56 | |
|
2 yilgacha ish stajiga ega bo‘lgan |
2,994 |
Izoh. Tarkibiy bo‘linmalarning bo‘lim boshliqlari o‘rinbosarlari va bosh buxgalter o‘rinbosarlari mehnatiga haq to‘lash miqdorlari tegishli tarkibiy bo‘linma rahbari va bosh buxgalteri bazaviy lavozim maoshi miqdoridan 10 foiz past qilib belgilanadi”.
48. Vazirlar Mahkamasining “Davlat ilmiy tashkilotlarini O‘zbekiston Respublikasi Davlat budjeti mablag‘lari hisobidan bazaviy moliyalashtirishga o‘tkazish to‘g‘risida” 2021-yil 26-maydagi 326-son qarori 2-ilovasida:
a) 15-pozitsiya quyidagi tahrirda bayon etilsin:
|
“ |
|||
|
15. |
Respublika shoshilinch tibbiy yordam ilmiy markazi va uning filiallari |
Direktor |
1 |
|
Ilmiy ishlar bo‘yicha direktor o‘rinbosari |
1 | ||
|
Ilmiy kotib |
1 | ||
|
Laboratoriya mudiri |
9 | ||
|
Laborant |
9 | ||
|
Jami |
21 | ||
|
”; |
b) Sog‘liqni saqlash vazirligi bo‘yicha “Jami” shtat birligi ustunidagi “242” raqami “258” raqami bilan almashtirilsin;
v) “Jami tashkilotlar bo‘yicha” blokidagi “305” raqami “321” raqami bilan almashtirilsin.
(Qonunchilik ma’lumotlari milliy bazasi, 28.08.2021-y., 09/21/545/0832-son, 27.12.2021-y., 09/21/774/1198-son; 17.11.2023-y., 09/23/605/0864-son; 18.04.2024-y., 09/24/214/0285-son; 08.08.2024-y., 09/24/489/0599-son; 19.03.2025-y., 09/25/171/0258-son; 06.08.2025-y., 09/25/498/0698-son; 04.06.2026-y., 09/26/282/0560-son)
