|
Hujjat kuchini yo‘qotgan " " 11.05.2024
|
O‘zbekiston Respublikasi Vazirlar Mahkamasining
qarori
O‘zbekiston Respublikasi Vazirlar Mahkamasining Yuridik ta’minlash boshqarmasi to‘g‘risidagi nizomni tasdiqlash haqida
LexUZ sharhiMazkur qaror O‘zbekistan Respublikasi Vazirlar Mahkamasining 2024-yil 11-maydagi 277-sonli “O‘zbekiston Respublikasi Vazirlar Mahkamasining ijro etuvchi tuzilmasini tasdiqlash to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Mamlakatni ijtimoiy-iqtisodiy rivojlantirishning strategik vazifalari amalga oshirilishi samaradorligi uchun O‘zbekiston Respublikasi Vazirlar Mahkamasining mas’uliyatini oshirishga doir birinchi navbatdagi chora-tadbirlar to‘g‘risida” 2019-yil 28-yanvardagi PF-5644-son Farmoni hamda “Davlat hokimiyati va boshqaruvi organlarining tuzilmasini maqbullashtirish va shtat birliklari sonini qisqartirish to‘g‘risida” 2021-yil 3-apreldagi PQ-5053-son va “Vazirlar Mahkamasi faoliyatini takomillashtirishga oid qo‘shimcha chora-tadbirlar to‘g‘risida” 2021-yil 10-iyundagi PQ-5143-son qarorlari ijrosi yuzasidan Vazirlar Mahkamasi qaror qiladi.
(muqaddima O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
1. O‘zbekiston Respublikasi Vazirlar Mahkamasining Yuridik ta’minlash boshqarmasi to‘g‘risidagi nizom ilovaga muvofiq tasdiqlansin.
2. Yuridik ta’minlash boshqarmasi boshlig‘i bir hafta muddatda Boshqarma boshlig‘i, bo‘limlari mudirlari va bosh mutaxassislarining funksional vazifalari taqsimotini tasdiqlash uchun kiritsin.
3. Vazirlar Mahkamasining “O‘zbekiston Respublikasi Vazirlar Mahkamasining Huquqiy ekspertiza, xalqaro shartnomalar va tashqi aloqalarni rivojlantirish boshqarmasi to‘g‘risidagi nizomni tasdiqlash haqida” 2018-yil 3-avgustdagi 616-son qarori o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Yuridik ta’minlash boshqarmasi boshlig‘i hamda O‘zbekiston Respublikasi Vazirlar Mahkamasi apparati boshqaruvchisi R.V. Abduqodirov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2019-yil 12-mart,
212-son
Vazirlar Mahkamasining 2019-yil 12-martdagi 212-son qaroriga
ILOVA
ILOVA
O‘zbekiston Respublikasi Vazirlar Mahkamasining Yuridik ta’minlash boshqarmasi to‘g‘risida
NIZOM
1-bob. Umumiy qoidalar
1. Yuridik ta’minlash boshqarmasi (keyingi o‘rinlarda Boshqarma deb ataladi) Vazirlar Mahkamasi apparatining Vazirlar Mahkamasi, uning Rayosati, Vazirlar Mahkamasi apparatining normativ-huquqiy hujjatlar va xalqaro shartnomalar loyihalarini huquqiy ekspertizadan o‘tkazish va huquqiy jihatdan ishlab chiqish, shuningdek, ishlab chiqilayotgan loyihalar va qabul qilingan normativ-huquqiy hujjatlarning tartibga solish ta’sirini baholash faoliyatini ta’minlaydigan tarkibiy bo‘linmasi hisoblanadi.
2. Boshqarma o‘z faoliyatida O‘zbekiston Respublikasi Konstitutsiyasiga, “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga va O‘zbekiston Respublikasining boshqa qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek, mazkur Nizomga amal qiladi.
3. Boshqarma o‘z faoliyatini O‘zbekiston Respublikasining Bosh vaziri rahbarligida amalga oshiradi. Boshqarma Vazirlar Mahkamasi apparati boshqaruvchisiga bo‘ysunadi. Boshqarma faoliyati Vazirlar Mahkamasi apparati boshqaruvchisining huquqiy ekspertiza masalalari bo‘yicha o‘rinbosari tomonidan muvofiqlashtiriladi.
4. Boshqarma o‘z faoliyatini O‘zbekiston Respublikasi Prezidenti Administratsiyasining tegishli bo‘linmalari, O‘zbekiston Respublikasi Oliy Majlisi palatalarining qo‘mitalari, Vazirlar Mahkamasi apparatining tarkibiy bo‘linmalari, O‘zbekiston Respublikasi Adliya vazirligi, shuningdek, boshqa davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan o‘zaro hamkorlikda amalga oshiradi.
2-bob. Boshqarma faoliyatining asosiy yo‘nalishlari, vazifalari va funksiyalari
5. Quyidagilar Boshqarma faoliyatining asosiy yo‘nalishlari hisoblanadi:
2022 — 2026-yillarga mo‘ljallangan Yangi O‘zbekistonning taraqqiyot strategiyasi, Yangi O‘zbekiston Ma’muriy islohotlarini amalga oshirish bo‘yicha “yo‘l xaritalari” va qonunchilik hujjatlari, Norma ijodkorligi faoliyatini takomillashtirish konsepsiyasi hamda qonun loyihalarini ishlab chiqish va O‘zbekiston Respublikasi Oliy Majlisining Qonunchilik palatasiga kiritish dasturining o‘z vaqtida va samarali ijrosini ta’minlash;
(5-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 17-maydagi 262-sonli qarori tahririda — Qonunchilik ma’lumotlari milliy bazasi, 18.05.2022-y., 09/22/262/0426-son)
sifat, shaffoflik, tizimlilik, kelishilganlik hamda jamoatchilik jalb etilishini ta’minlovchi konseptual jihatdan yangi mexanizmlarni joriy etishni nazarda tutuvchi normativ-huquqiy hujjatlarni ilgari surish, ishlab chiqish va qabul qilish, shuningdek, ularning ijrosini monitoring qilish tartibini takomillashtirish;
qonunchilik bazasini tizimlashtirish, ijtimoiy munosabatlarni huquqiy tartibga solishning barqarorligini ta’minlash;
ishlab chiqilayotgan loyihalar va qabul qilingan normativ-huquqiy hujjatlarning iqtisodiyot, moliya va ijtimoiy sohalarga tartibga solish ta’sirini baholash tizimini takomillashtirish;
O‘zbekiston Respublikasi Prezidenti Administratsiyasining tegishli bo‘linmalari bilan, shuningdek, O‘zbekiston Respublikasi Oliy Majlisi Qonunchilik palatasi va Senatining qo‘mitalari bilan o‘zaro hamkorlikni kuchaytirish;
O‘zbekiston Respublikasi Prezidenti va mamlakat Hukumatining hujjatlari, bayonlari va topshiriqlari, shuningdek, “yo‘l xaritalari”ning ijrosini tegishliligi bo‘yicha zamonaviy axborot-kommunikatsiya texnologiyalarini joriy etish asosida Vazirlar Mahkamasi apparatida, vazirliklar va idoralarda hamda barcha darajalardagi hokimliklarda nazorat qilinishini ta’minlashda ishtirok etish.
6. Quyidagilar Boshqarmaning asosiy vazifalari hisoblanadi:
davlat va xo‘jalik boshqaruvi organlari, mahalliy ijro etuvchi hokimiyat organlari tomonidan Vazirlar Mahkamasiga kiritiladigan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarining har tomonlama huquqiy ekspertizadan o‘tkazilishini tashkil etish;
qonunchilik hujjatlari va topshiriqlar ijrosini samarali va rejali tashkil qilish hamda “texnologik zanjir”ga asoslangan ijro intizomini mustahkamlash bo‘yicha ta’sirchan choralar ko‘rishda ishtirok etish;
(6-band O‘zbekiston Respublikasi Vazirlar Mahkamasining 2021-yil 23-iyuldagi 454-sonli qaroriga asosan uchinchi xatboshi bilan to‘ldirilgan — Qonunchilik ma’lumotlari milliy bazasi, 23.07.2021-y., 09/21/454/0694-son)
Vazirlar Mahkamasi va uning Rayosati, Vazirlar Mahkamasi apparati faoliyatini huquqiy ta’minlash;
O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini tayyorlash va ishlab chiqishda ishtirok etish;
qonunlar loyihalarini ishlab chiqish va O‘zbekiston Respublikasi Oliy Majlisining Qonunchilik palatasiga kiritish bo‘yicha dasturlarning ishlab chiqilishi va amalga oshirilishini tashkil etish;
O‘zbekiston Respublikasi Hukumati tomonidan kiritilgan qonun loyihalari va boshqa masalalar yuzasidan O‘zbekiston Respublikasi Oliy Majlisi palatalari va ularning qo‘mitalari bilan o‘zaro hamkorlikni ta’minlashda O‘zbekiston Respublikasi Vazirlar Mahkamasining O‘zbekiston Respublikasi Oliy Majlisidagi vakolatli vakiliga yaqindan ko‘maklashish;
(6-bandning yettinchi xatboshisi O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
davlat va xo‘jalik boshqaruvi organlari, mahalliy ijro etuvchi hokimiyat organlarining norma ijodkorligi faoliyatini, shuningdek, ularning yuridik xizmatlari faoliyatlarini muvofiqlashtirish;
xalqaro shartnomalar loyihalarini xalqaro-huquqiy normalarga va O‘zbekiston Respublikasining qonunchiligiga muvofiqligi yuzasidan huquqiy ekspertizadan o‘tkazish;
(6-bandning to‘qqizinchi xatboshisi O‘zbekiston Respublikasi Vazirlar Mahkamasining 2022-yil 17-maydagi 262-sonli qarori tahririda — Qonunchilik ma’lumotlari milliy bazasi, 18.05.2022-y., 09/22/262/0426-son)
ishlab chiqilayotgan loyihalar va qabul qilingan normativ-huquqiy hujjatlarning tartibga solish ta’sirini baholash;
2022 — 2026-yillarga mo‘ljallangan Yangi O‘zbekistonning taraqqiyot strategiyasi va davlat dasturlari bajarilishini monitoring va tahlil qilish.
(6-band O‘zbekiston Respublikasi Vazirlar Mahkamasining 2022-yil 17-maydagi 262-sonli qaroriga asosan xatboshi bilan to‘ldirilgan — Qonunchilik ma’lumotlari milliy bazasi, 18.05.2022-y., 09/22/262/0426-son)
7. Boshqarma o‘ziga yuklangan vazifalarni bajarish uchun quyidagi funksiyalarni amalga oshiradi:
a) normativ-huquqiy hujjatlar loyihalarini har tomonlama huquqiy ekspertizadan o‘tkazishni tashkil etish, Vazirlar Mahkamasining faoliyatini huquqiy ta’minlash sohasida:
O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini, ulardagi mavjud normalarni amalga oshirish aniq mexanizmlarining normativ-huquqiy hujjatlarda mavjudligi, ularning mamlakatda amalga oshirilayotgan islohotlarning maqsad va vazifalariga, qonunchilik texnikasi qoidalariga muvofiqligi, jismoniy va yuridik shaxslar uchun ortiqcha ma’muriy va boshqa cheklovlarni joriy etuvchi qoidalar va normalarni aniqlash nuqtai nazaridan huquqiy ekspertizadan o‘tkazadi, shuningdek, ularning O‘zbekiston Respublikasi Konstitutsiyasiga va qonun hujjatlariga muvofiqligi to‘g‘risida xulosalar tayyorlaydi;
aniq sohalar va yo‘nalishlarda amalga oshirilayotgan islohotlarni o‘rganish maqsadida mahalliy ijro etuvchi hokimiyat organlari, davlat boshqaruvi hududiy organlari rahbarlari, jamoat tashkilotlari vakillari ishtirokida hududlarda Hukumatning mavzuli sayyor (ochiq) majlislarini tizimli asosda o‘tkazish uchun tegishli tahliliy materiallar tayyorlaydi;
Vazirlar Mahkamasi Rayosati va O‘zbekiston Respublikasi Bosh vaziri huzuridagi majlislarda ko‘rib chiqish uchun tegishli rejali masalalarni ishlab chiqadi va kiritadi;
yaqin, o‘rta va uzoq muddatli istiqbolga mo‘ljallangan mamlakatni iqtisodiy va ijtimoiy rivojlantirishning eng muhim va ustuvor yo‘nalishlari bo‘yicha konsepsiyalar, dasturlar va “yo‘l xaritalari”ning loyihalari ishlab chiqilishini hamda O‘zbekiston Respublikasi Bosh vaziri, O‘zbekiston Respublikasi Prezidentining maslahatchilari va O‘zbekiston Respublikasi Prezidenti huzurida himoya qilinishini ta’minlaydi;
yuklangan vazifalar va funksiyalarning samarali va natijali ijro etilishida Hukumat a’zolari, ijro etuvchi hokimiyat boshqa organlari rahbarlari, barcha darajalardagi hokimlarning shaxsiy roli va mas’uliyatini oshirish bo‘yicha takliflar tayyorlaydi;
aniq ko‘rsatkichlarga va maqsadli indikatorlarga erishishga asoslangan Vazirlar Mahkamasi apparati tarkibiy bo‘linmalari rahbarlari va mutaxassislari faoliyatini baholash tizimini joriy etish va takomillashtirish bo‘yicha takliflar tayyorlaydi;
har chorakda O‘zbekiston Respublikasi Oliy Majlisining palatalariga O‘zbekiston Respublikasi Prezidentining O‘zbekiston Respublikasi Oliy Majlisiga Murojaatnomasidan kelib chiqadigan tegishli yilga mo‘ljallangan davlat dasturining amalga oshirilishi to‘g‘risida hisobot tayyorlanishi va taqdim etilishini ta’minlashda ishtirok etadi;
O‘zbekiston Respublikasining qonunlari, O‘zbekiston Respublikasi Oliy Majlisi palatalari qarorlari, parlament, deputat va Senat a’zosi so‘rovlari, O‘zbekiston Respublikasi Prezidentining va O‘zbekiston Respublikasi Bosh vazirining qarorlari va topshiriqlari samarali ijro etilishini tashkillashtiradi, shuningdek, ularning ijro etilishi jarayonini nazorat qiladi;
(7-band “a” kichik bandining to‘qqizinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
vazirliklar, davlat qo‘mitalari va idoralarga biriktirilgan sohada ular tomonidan davlat siyosati samarali va sifatli amalga oshirilishini ta’minlash uchun Vazirlar Mahkamasining ayrim vazifa va funksiyalarini berish bo‘yicha takliflar kiritadi;
qonunchilikni takomillashtirish, shu jumladan, qonunchilikni O‘zbekiston Respublikasi Konstitutsiyasiga va qonunlariga muvofiqlashtirish, huquqiy tartibga solishning tizimliligi va yaxlitligini ta’minlash to‘g‘risida takliflar ishlab chiqadi, tahlil qiladi va umumlashtiradi, shuningdek, ularni O‘zbekiston Respublikasining Bosh vaziri, uning o‘rinbosarlari va maslahatchilari, Vazirlar Mahkamasi apparati boshqaruvchisi ko‘rib chiqishi uchun kiritadi;
(7-band “a” kichik bandining o‘n birinchi xatboshisi O‘zbekiston Respublikasi Vazirlar Mahkamasining 2022-yil 17-maydagi 262-sonli qarori tahririda — Qonunchilik ma’lumotlari milliy bazasi, 18.05.2022-y., 09/22/262/0426-son)
normativ-huquqiy hujjatlar loyihalarini, shu jumladan ilg‘or xorijiy tajribani o‘rganish asosida ishlab chiqish, kelishish, huquqiy ekspertizadan o‘tkazish va ko‘rib chiqish tizimini takomillashtirish yuzasidan takliflar ishlab chiqadi, tahlil qiladi va umumlashtiradi;
qabul qilinayotgan normativ-huquqiy hujjatlarni amalga oshirish bo‘yicha Vazirlar Mahkamasi apparatining tegishli tarkibiy bo‘linmalari tomonidan kiritilgan reja-grafiklarni huquqiy ekspertizadan o‘tkazish va kelishishni amalga oshiradi;
O‘zbekiston Respublikasi Oliy Majlisi Senati yalpi majlislari hamda Qonunchilik palatasi majlislarining kun tartibi to‘g‘risida tizimli ravishda ma’lumot tayyorlaydi va uni Vazirlar Mahkamasining Rayosati ko‘rib chiqishi uchun kiritadi;
(7-band “a” kichik bandining o‘n to‘rtinchi xatboshisi O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
tegishli davlat va xo‘jalik boshqaruvi organlari, boshqa tashkilotlar tomonidan normativ-huquqiy hujjatlar loyihalari tayyorlanishi, kelishilishi va Vazirlar Mahkamasiga sifatli kiritilishi jarayonini tizimli ravishda tanqidiy tahlil qilib boradi, tahlil natijasini kelgusida Vazirlar Mahkamasi Rahbariyatiga belgilangan tartibda axborot berish uchun Vazirlar Mahkamasi apparati boshqaruvchisining huquqiy ekspertiza masalalari bo‘yicha o‘rinbosariga kiritadi;
qonunchilikning tizimli hisobini yuritadi, qonunchilik bo‘yicha ma’lumotnoma ishlarini tashkil etadi;
(7-band “a” kichik bandining o‘n oltinchi xatboshisi O‘zbekiston Respublikasi Vazirlar Mahkamasining 2022-yil 17-maydagi 262-sonli qarori tahririda — Qonunchilik ma’lumotlari milliy bazasi, 18.05.2022-y., 09/22/262/0426-son)
Vazirlar Mahkamasi apparatining boshqa tarkibiy bo‘linmalari, tegishli davlat va xo‘jalik boshqaruvi organlari hamda boshqa tashkilotlar bilan birgalikda, belgilangan tartibda Vazirlar Mahkamasi qarorlari va farmoyishlarini qo‘llash bo‘yicha sharh hamda tushuntirishlarni tayyorlaydi va ularni tayyorlashda ishtirok etadi hamda Vazirlar Mahkamasi Rayosati, O‘zbekiston Respublikasining Bosh vaziri, uning o‘rinbosarlari va maslahatchilari, Vazirlar Mahkamasi apparati boshqaruvchisi ko‘rib chiqishi uchun kiritadi;
qonun hujjatlari, O‘zbekiston Respublikasining Bosh vaziri va uning o‘rinbosarlari rahbarlik qiladigan Hukumat komissiyalari, kengashlari va boshqa idoralararo kollegial organlar qarorlari loyihalarini tayyorlashda O‘zbekiston Respublikasining Bosh vaziriga, uning o‘rinbosarlari va maslahatchilariga, Vazirlar Mahkamasi apparati boshqaruvchisiga hamda Vazirlar Mahkamasi apparatining tarkibiy bo‘linmalariga huquqiy masalalar bo‘yicha maslahatlar beradi;
Vazirlar Mahkamasi apparati tarkibiy bo‘linmalarini, uning mutaxassislarini normativ-huquqiy hujjatlar matnlari, shuningdek, qonunchilik bo‘yicha ma’lumotnoma materiallar bilan ta’minlashni yaxshilashga qaratilgan chora-tadbirlar ko‘radi;
(7-band “a” kichik bandining o‘n to‘qqizinchi xatboshisi O‘zbekiston Respublikasi Vazirlar Mahkamasining 2022-yil 17-maydagi 262-sonli qarori tahririda — Qonunchilik ma’lumotlari milliy bazasi, 18.05.2022-y., 09/22/262/0426-son)
O‘zbekiston Respublikasi Prezidenti, O‘zbekiston Respublikasining Bosh vaziri va uning o‘rinbosarlari tomonidan o‘tkaziladigan yig‘ilishlar materiallarini tayyorlashda va ularda qabul qilinadigan qarorlarni rasmiylashtirishda ishtirok etadi;
Vazirlar Mahkamasi apparati boshqaruvchisi buyruqlari loyihalarini huquqiy ekspertizadan o‘tkazadi, Vazirlar Mahkamasi apparatining faoliyati bilan bog‘liq huquqiy hujjatlarni tayyorlashda ishtirok etadi;
Boshqarmaning bevosita vazifa va funksiyalari bilan bog‘liq bo‘lgan jismoniy va yuridik shaxslarning murojaatlarini ko‘rib chiqadi va ularda qo‘yilgan masalalarni hal qilish bo‘yicha takliflarni tayyorlaydi, ushbu murojaatlarni ko‘rib chiqish va chora ko‘rish uchun tegishli davlat va xo‘jalik boshqaruvi organlariga, mahalliy davlat hokimiyati organlariga va boshqa tashkilotlarga yuboradi, ularning o‘z vaqtida ko‘rib chiqilishini nazorat qiladi, jismoniy shaxslarni va yuridik shaxslarning vakillarini qabul qiladi;
a1) qonunchilik hujjatlari va topshiriqlar ijrosini samarali va rejali tashkil qilish hamda “texnologik zanjir”ga asoslangan ijro intizomini mustahkamlash bo‘yicha ta’sirchan choralar ko‘rish sohasida:
O‘zbekiston Respublikasi Adliya vazirligi bilan birgalikda mas’ul ijrochilar tomonidan qonunchilik hujjatlari va topshiriqlar ijrosi bo‘yicha “Ijro.gov.uz” tizimiga kiritilgan hamda davlat organi va tashkilotlari tomonidan kiritilgan ma’lumotlarni umumlashtirilgan holda tahlil qiladi va belgilangan tartibda Hukumatga kiritilishini ta’minlashda ishtirok etadi;
O‘zbekiston Respublikasi Prezidentining farmon, qaror, farmoyish va topshiriqlari ijro holati bo‘yicha kiritilgan tahliliy ma’lumotnoma asosida Vazirlar Mahkamasi Rayosati materiallarini Nazorat va ijro intizomi bo‘limi bilan birga tayyorlaydi;
O‘zbekiston Respublikasi Prezidentining “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini ta’minlashga qaratilgan qo‘shimcha chora-tadbirlar to‘g‘risida” 2021-yil 31-maydagi PQ-5132-son qarori talablari so‘zsiz bajarilishini ta’minlash hamda ijrosini tashkil etish masalasini vazirliklar, davlat qo‘mitalari va boshqa tashkilotlar hamda mahalliy hokimliklarga chiqqan holda o‘rganishda ishtirok etadi.
(7-band O‘zbekiston Respublikasi Vazirlar Mahkamasining 2021-yil 23-iyuldagi 454-sonli qaroriga asosan “a1” kichik band bilan to‘ldirilgan — Qonunchilik ma’lumotlari milliy bazasi, 23.07.2021-y., 09/21/454/0694-son)
b) Hukumatning qonun loyihalarini tayyorlash ishlarini tashkil qilish sohasida:
O‘zbekiston Respublikasi Adliya vazirligi, boshqa davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar, Vazirlar Mahkamasi apparatining tarkibiy bo‘linmalari bilan birgalikda qonun loyihalarini ishlab chiqish hamda O‘zbekiston Respublikasi Oliy Majlisining Qonunchilik palatasiga kiritish bo‘yicha dasturlar loyihalarini O‘zbekiston Respublikasi Bosh vazirining ko‘rib chiqishi uchun kiritadi;
qonun loyihalarini ishlab chiqish va O‘zbekiston Respublikasi Oliy Majlisining Qonunchilik palatasiga kiritish dasturlarining bajarilishi monitoringi olib borilishini, ko‘rsatib o‘tilgan dasturlarning amalga oshirilishi holati to‘g‘risida Vazirlar Mahkamasi Rayosati muntazam xabardor qilinishini tashkil etadi;
Boshqarma vakolatiga kiradigan masalalar bo‘yicha qonun loyihalarining ishlab chiqilishini va O‘zbekiston Respublikasi Oliy Majlisiga belgilangan tartibda taqdim etilishini tashkil qiladi;
O‘zbekiston Respublikasi Oliy Majlisi palatalarining qo‘mitalari bilan o‘zaro hamkorlik qiladi, Vazirlar Mahkamasi tomonidan kiritilgan qonun loyihalari ular tomonidan muhokama etilishida qatnashadi;
(7-band “b” kichik bandning beshinchi xatboshisi O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
O‘zbekiston Respublikasi Oliy Majlisining palatalarida Vazirlar Mahkamasi tomonidan kiritilgan qonun loyihalarini muhokama qilish bo‘yicha Vazirlar Mahkamasi apparati tarkibiy bo‘linmalari ishini muvofiqlashtiradi;
O‘zbekiston Respublikasi Vazirlar Mahkamasining O‘zbekiston Respublikasi Oliy Majlisidagi vakolatli vakili bilan birgalikda qonunlar loyihalari va qonunlarning ko‘rib chiqilishini monitoring qilib boradi va ularning tizimlashtirilgan ma’lumotlar bazasini yuritadi, uning muntazam yangilab turilishini ta’minlaydi.
(7-bandning “b” kichik bandi O‘zbekiston Respublikasi Vazirlar Mahkamasining 2021-yil 23-iyuldagi 454-sonli qaroriga asosan xatboshi bilan to‘ldirilgan — Qonunchilik ma’lumotlari milliy bazasi, 23.07.2021-y., 09/21/454/0694-son)
v) davlat va xo‘jalik boshqaruvi organlari, mahalliy ijro etuvchi hokimiyat organlarining norma ijodkorligi faoliyati, shuningdek, ularning yuridik xizmatlari faoliyatini muvofiqlashtirish sohasida:
O‘zbekiston Respublikasi Adliya vazirligi, shuningdek, davlat va xo‘jalik boshqaruvi organlari, mahalliy ijro etuvchi hokimiyat organlarining norma ijodkorligi masalalari bo‘yicha faoliyatini muvofiqlashtiradi;
O‘zbekiston Respublikasi Adliya vazirligi, shuningdek, davlat va xo‘jalik boshqaruvi organlari, mahalliy ijro etuvchi hokimiyat organlarining norma ijodkorligi faoliyatini monitoring va tahlil qilishni tashkillashtiradi, o‘tkazilgan monitoring va tahlil natijalari bo‘yicha Vazirlar Mahkamasi apparati boshqaruvchisiga axborot berib boradi;
davlat va xo‘jalik boshqaruvi organlari, mahalliy ijro etuvchi hokimiyat organlarida normativ-huquqiy hujjatlar bajarilishining tashkil qilinishi bo‘yicha ijro intizomiga rioya etilishi yuzasidan o‘rganishni tashkillashtiradi, shu asosda axborot-tahlil hujjatlarini O‘zbekiston Respublikasining Bosh vaziri va Vazirlar Mahkamasi apparati boshqaruvchisi ko‘rib chiqishi uchun kiritadi;
davlat va xo‘jalik boshqaruvi organlari, mahalliy ijro etuvchi hokimiyat organlarining yuridik xizmatlari faoliyatini, ular tomonidan amalga oshirilayotgan ishlarni o‘rganishni tashkillashtiradi;
g) normativ-huquqiy hujjatlar loyihalari va qabul qilingan normativ-huquqiy hujjatlarning tartibga solish ta’sirini baholash sohasida:
normativ-huquqiy hujjatlar loyihalarining va qabul qilingan normativ-huquqiy hujjatlarning tartibga solish ta’sirini baholashni amalga oshiradi;
qabul qilingan normativ-huquqiy hujjatlarni tartibga solish ta’sirini baholashdan o‘tkazish rejasi ishlab chiqilishi, jamoatchilik muhokamasidan o‘tkazilishi hamda tasdiqlanishini tashkillashtiradi;
huquqni qo‘llash amaliyoti va ilg‘or xorijiy tajribadan kelib chiqqan holda normativ-huquqiy hujjatlarni tayyorlashning barcha bosqichlarida tartibga solish ta’sirini baholash tizimini yanada takomillashtirish bo‘yicha asoslantirilgan takliflar tayyorlaydi;
normativ-huquqiy hujjatlar loyihalarining va qabul qilingan normativ-huquqiy hujjatlarning tartibga solish ta’sirini baholash bo‘yicha vazirliklar, davlat qo‘mitalari va boshqa tashkilotlarning faoliyatini umumiy muvofiqlashtirishni ta’minlaydi;
manfaatdor vazirliklar va idoralar bilan birgalikda qabul qilingan normativ-huquqiy hujjatlar ijro etilishi holatining tanqidiy tahlilini amalga oshiradi, natijasi bo‘yicha qonun hujjatlarini takomillashtirish yuzasidan asoslantirilgan takliflar ishlab chiqadi;
O‘zbekiston Respublikasining tegishli xalqaro reytinglardagi ko‘rsatkichlari tizimli tahlil qilib borilishi va ularning yanada yaxshilanishi bo‘yicha tizimli choralar ko‘radi;
davlat organlari va tashkilotlarining tartibga solish ta’sirini baholash uchun mas’ul xodimlarining malaka va ko‘nikmalarini oshirib borish choralarini ko‘radi;
vazirliklar, davlat qo‘mitalari va boshqa tashkilotlar tomonidan normativ-huquqiy hujjatlar loyihalarining tartibga solish ta’sirini baholash va ularni tayyorlashning barcha bosqichlarida jamoatchilik muhokamasi o‘tkazilishi yuzasidan monitoringni amalga oshiradi.
(7-bandning “g” kichik bandi O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
d) 2022 — 2026-yillarga mo‘ljallangan Yangi O‘zbekistonning taraqqiyot strategiyasi va davlat dasturlari bajarilishini monitoring va tahlil qilish sohasida:
O‘zbekiston Respublikasi Prezidentining 2022-yil 28-yanvardagi PF-60-son Farmoni bilan tashkil qilingan 2022 — 2026-yillarga mo‘ljallangan Yangi O‘zbekistonning taraqqiyot strategiyasini amalga oshirish bo‘yicha respublika komissiyasining ishchi guruhi faoliyati ta’minlash;
2022 — 2026-yillarga mo‘ljallangan Yangi O‘zbekistonning taraqqiyot strategiyasida kiritilgan tadbirlar to‘liq, o‘z vaqtida va sifatli bajarilishini monitoring qilish va haftalik, oylik va choraklik tahliliy materiallarni tayyorlash;
har chorakda O‘zbekiston Respublikasi Oliy Majlisi Yangi O‘zbekistonning taraqqiyot strategiyasi 2023 — 2026-yillarda amalga oshirish bo‘yicha tegishli yillik davlat dasturlari bajarilishining borishi to‘g‘risida Hukumat hisobotlari tayyorlanishini muvofiqlashtirish;
Yangi O‘zbekistonning taraqqiyot strategiyasi 2023 — 2026-yillarda amalga oshirish bo‘yicha tegishli yillik davlat dasturlari loyihalarining tayyorlanishini muvofiqlashtirishda ishtirok etish.
(7-band O‘zbekiston Respublikasi Vazirlar Mahkamasining 2022-yil 17-maydagi 262-sonli qaroriga asosan “d” kichik band bilan to‘ldirilgan — Qonunchilik ma’lumotlari milliy bazasi, 18.05.2022-y., 09/22/262/0426-son)
3-bob. Boshqarmaning huquqlari va javobgarligi
8. Boshqarma o‘ziga yuklangan vazifalar va funksiyalarni bajarish uchun quyidagi huquqlarga ega:
zarur bo‘lgan materiallar va ma’lumotlarni, shu jumladan Vazirlar Mahkamasi tomonidan kiritilgan qonun hujjatlarining O‘zbekiston Respublikasi Oliy Majlisi palatalarida ko‘rib chiqilishi to‘g‘risidagi ma’lumotlarni Vazirlar Mahkamasi apparatining boshqa tarkibiy bo‘linmalaridan, davlat va xo‘jalik boshqaruvi organlaridan hamda mahalliy ijro etuvchi hokimiyat organlaridan, boshqa tashkilotlardan so‘rash va olish;
tegishli materiallarni va hujjatlar loyihalarini ishlab chiqish va tayyorlash maqsadida davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlarning rahbarlari hamda vakillari ishtirokida yig‘ilishlar o‘tkazish;
O‘zbekiston Respublikasining Bosh vaziri, Vazirlar Mahkamasi apparati boshqaruvchisining topshirig‘iga ko‘ra, davlat va xo‘jalik boshqaruvi organlari, mahalliy ijro etuvchi hokimiyat organlari, nodavlat notijorat tashkilotlari va boshqa tashkilotlarning majlislari va yig‘ilishlarida qatnashish;
boshqarma vakolatiga kiradigan masalalar va yo‘nalishlar bo‘yicha xalqaro konferensiyalar, kongresslar, simpoziumlar, seminarlar, yig‘ilishlarda va xalqaro loyihalarda qatnashish;
Boshqarma vakolatiga kiradigan masalalar bo‘yicha davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan belgilangan tartibda yozishmalarni yuritish;
zarurat bo‘lganda, Vazirlar Mahkamasida ko‘rib chiqiladigan masalalarni ishlab chiqish uchun davlat va xo‘jalik boshqaruvi organlari, mahalliy ijro etuvchi hokimiyat organlari, ilmiy muassasalar hamda boshqa tashkilotlarning rahbarlari va vakillarini belgilangan tartibda jalb etish, ushbu maqsadlarda ishchi guruhlar tashkil etish;
zarur hollarda “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuni, O‘zbekiston Respublikasi Vazirlar Mahkamasining Reglamenti va boshqa qonun hujjatlari talablari buzilgan holda tushgan hujjatlarni qaytarib yuborish;
Boshqarma vakolatiga kiradigan masalalar bo‘yicha davlat va xo‘jalik boshqaruvi organlari, mahalliy ijro etuvchi hokimiyat organlarining yuridik xizmatlariga ko‘rsatmalar berish;
davlat va xo‘jalik boshqaruvi organlari, mahalliy ijro etuvchi hokimiyat organlarining yuridik xizmatlari xodimlarini Boshqarmada stajirovka o‘tashga jalb qilish;
Boshqarmaning zarur materiallarni, ma’lumotlarni, axborotlarni taqdim etish, shuningdek, O‘zbekiston Respublikasi qonunlari, O‘zbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qarorlari va farmoyishlari hamda boshqa hujjatlar loyihalarini qayta ishlab chiqish bo‘yicha talablari, agar O‘zbekiston Respublikasi Prezidentining, O‘zbekiston Respublikasi Bosh vaziri va uning o‘rinbosarlarining, Vazirlar Mahkamasi apparati boshqaruvchisi va uning o‘rinbosarlarining topshiriqlarida bajarishning boshqa muddatlari belgilanmagan bo‘lsa, Boshqarma tomonidan belgilangan muddatlarda bajarilishi kerak.
9. Boshqarma:
o‘ziga yuklangan vazifa va funksiyalarning zarur darajada va samarali bajarilishi;
Vazirlar Mahkamasi tomonidan tayyorlanadigan va O‘zbekiston Respublikasi Prezidenti, O‘zbekiston Respublikasi Oliy Majlisi palatalari ko‘rib chiqishi uchun kiritiladigan va Vazirlar Mahkamasi tomonidan qabul qilinadigan normativ-huquqiy hujjatlar loyihalari huquqiy ekspertizasining kompleksligi va sifati, O‘zbekiston Respublikasi xalqaro shartnomalari loyihalarining huquqiy ekspertizasi sifati;
O‘zbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida” 2021-yil 10-fevraldagi PF-6166-son Farmoni hamda “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son va “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini ta’minlashga qaratilgan qo‘shimcha chora-tadbirlar to‘g‘risida” 2021-yil 31-maydagi PQ-5132-son qarorlari, shuningdek, Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq ijro intizomining ta’minlanishi uchun javob beradi.
(9-bandning to‘rtinchi xatboshisi O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
4-bob. Boshqarma tuzilmasi
10. Boshqarma tuzilmasiga quyidagilar kiradi:
Boshqarma boshlig‘i o‘rinbosari;
(10-band O‘zbekiston Respublikasi Vazirlar Mahkamasining 2020-yil 23-apreldagi 250-sonli qaroriga asosan ikkinchi xatboshi bilan to‘ldirilgan — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
Huquqiy ekspertiza bo‘limi;
Tartibga solish ta’sirini baholash bo‘limi.
Bo‘limlar tarkibiga bo‘limlar mudirlari, mutaxassislar va inspektorlar kiradi.
(10-bandning beshinchi xatboshisi O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
Boshqarma tuzilmasi Vazirlar Mahkamasi tomonidan tasdiqlanadi.
11. Boshqarma ishlariga Boshqarma boshlig‘i rahbarlik qiladi.
12. Boshqarma boshlig‘i, uning o‘rinbosari, bo‘limlar mudirlari va Boshqarma mutaxassislari belgilangan tartibda lavozimga tayinlanadi va lavozimdan ozod qilinadi.
(12-bandning birinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
Boshqarma xodimlariga oldingi ish joyida unga berilgan uzoq muddat ishlaganligi uchun ustamalar va lavozim maoshlariga qo‘shimcha haq, maxsus unvonlari (martaba darajalari) saqlanib qoladi. Boshqarmada ishlangan vaqt martaba darajalari va uzoq muddat ishlaganligi uchun ustamalar olish uchun zarur bo‘lgan ish stajiga qo‘shiladi.
Bunda uzoq muddat ishlaganligi uchun ustamalar va lavozim maoshlariga qo‘shimcha haqlar uchun xarajatlar O‘zbekiston Respublikasi Davlat budjeti mablag‘lari hisobiga amalga oshiriladi.
5-bob. Boshqarma faoliyatini tashkil etish
13. Boshqarma ishlari O‘zbekiston Respublikasi Konstitutsiyasiga va “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, O‘zbekiston Respublikasi Vazirlar Mahkamasining Reglamentiga, O‘zbekiston Respublikasi Vazirlar Mahkamasi apparati to‘g‘risidagi Nizomga, ushbu Nizomga, O‘zbekiston Respublikasi Vazirlar Mahkamasi apparatida ish yuritish bo‘yicha Yo‘riqnomaga, O‘zbekiston Respublikasi Prezidentining, O‘zbekiston Respublikasi Bosh vazirining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga, Vazirlar Mahkamasi apparati boshqaruvchisining huquqiy ekspertiza masalalari bo‘yicha o‘rinbosari topshiriqlariga muvofiq, shuningdek, Vazirlar Mahkamasining ish rejalari, Boshqarmaning ish rejalari, Boshqarma boshlig‘i, uning o‘rinbosari, bo‘limlar mudirlari va mutaxassislarning shaxsiy ish rejalari asosida tashkil etiladi.
(13-bandning birinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
Boshqarmaning ish rejalari va Boshqarma boshlig‘ining shaxsiy ish rejasi Vazirlar Mahkamasi apparati boshqaruvchisi tomonidan tasdiqlanadi.
Boshqarma boshlig‘i o‘rinbosari, bo‘limlar mudirlari va mutaxassislarning shaxsiy ish rejalari Vazirlar Mahkamasi apparati boshqaruvchisi bilan kelishiladi va Boshqarma boshlig‘i tomonidan tasdiqlanadi.
(13-bandning uchinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
Boshqarmaning O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari va farmoyishlari amalga oshirilishi tizimli monitoringini ta’minlash bo‘yicha faoliyati davlat va xo‘jalik boshqaruvi organlarida, mahalliy ijro etuvchi hokimiyat organlarida hamda boshqa tashkilotlarda Vazirlar Mahkamasining ish rejasi, shuningdek, O‘zbekiston Respublikasi Bosh vazirining, uning o‘rinbosarlari va maslahatchilarining topshiriqlariga muvofiq kompleks o‘rganishlarni o‘tkazish yo‘li bilan, Vazirlar Mahkamasi va uning Rayosati, Boshqarma majlislarida hisobotlarni eshitish va ma’lumotlarning tegishli bankini yuritish orqali tashkil etiladi.
14. Boshqarma boshlig‘i:
Boshqarmaga bevosita rahbarlikni amalga oshiradi, Boshqarma boshlig‘i o‘rinbosari, bo‘limlar mudirlari, mutaxassislar ishini tashkil qiladi hamda Boshqarmaga yuklangan vazifalar va funksiyalarning bajarilishi, ijro intizomining holati uchun shaxsan javob beradi;
(14-bandning ikkinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
davlat va xo‘jalik boshqaruvi organlari, mahalliy ijro etuvchi hokimiyat organlari tomonidan Hukumatga kiritiladigan O‘zbekiston Respublikasining qonunlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari va farmoyishlari loyihalarining har tomonlama huquqiy ekspertizadan o‘tkazish tashkil etilishini ta’minlaydi, ko‘rsatilgan loyihalarga viza qo‘yadi va ular bo‘yicha ekspert xulosalarni imzolaydi;
Vazirlar Mahkamasining faoliyatini huquqiy ta’minlashni amalga oshiradi;
Boshqarma yurituvi sohasiga kiradigan masalalar bo‘yicha O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini tayyorlashda qatnashadi va tayyorlaydi;
qonunlar loyihalarini ishlab chiqish va O‘zbekiston Respublikasi Oliy Majlisining Qonunchilik palatasiga kiritish bo‘yicha dasturlarni ishlab chiqish va amalga oshirishni tashkil qiladi;
Vazirlar Mahkamasi tomonidan kiritilgan qonun loyihalari va boshqa masalalar bo‘yicha O‘zbekiston Respublikasi Oliy Majlisi palatalari va ularning qo‘mitalari bilan o‘zaro hamkorlikni ta’minlaydi;
davlat va xo‘jalik boshqaruvi organlari, mahalliy ijro etuvchi hokimiyat organlarining norma ijodkorligi faoliyati, shuningdek, ularning yuridik xizmatlarining faoliyatini muvofiqlashtirishni tashkil etadi;
xalqaro shartnomalar loyihalarining huquqiy ekspertizadan o‘tkazilishini ta’minlaydi, zarur hollarda O‘zbekiston Respublikasining xalqaro shartnomalari loyihalarini tayyorlashda qatnashadi;
normativ-huquqiy hujjatlar loyihalarining tartibga solish ta’sirini baholashni va qabul qilingan normativ-huquqiy hujjatlarning amaldagi ta’sirini baholashni amalga oshirishni tashkillashtiradi;
huquqni qo‘llash amaliyoti va ilg‘or xorijiy tajribadan kelib chiqqan holda normativ-huquqiy hujjatlarni tayyorlashning barcha bosqichlarida tartibga solish ta’sirini baholash tizimini yanada takomillashtirish bo‘yicha asoslantirilgan takliflar tayyorlashi ta’minlaydi;
normativ-huquqiy hujjatlar loyihalarining tartibga solish ta’sirini baholash bo‘yicha vazirliklar, davlat qo‘mitalari va boshqa tashkilotlar faoliyatini muvofiqlashtirishni tashkillashtiradi;
manfaatdor vazirliklar va idoralar bilan birgalikda qabul qilingan normativ-huquqiy hujjatlarning bajarilishi jarayonlarini tanqidiy tahlil qilishni, natijasi bo‘yicha qonun hujjatlarini takomillashtirish yuzasidan asoslantirilgan takliflar tayyorlanishini tashkillashtiradi;
normativ-huquqiy hujjatlar loyihalarini ishlab chiqishning barcha bosqichlarida vazirliklar, davlat qo‘mitalari va boshqa tashkilotlar tomonidan tartibga solish ta’sirini baholash va jamoatchilik muhokamasi o‘tkazilishini tashkil qiladi;
Boshqarmaning yuritishi sohasiga kiradigan masalalar bo‘yicha Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilarining yig‘ilishlarida, Hukumat komissiyalari, kengashlari va boshqa idoralararo kollegial organlar majlislarida, Vazirlar Mahkamasi apparati boshqaruvchisi yig‘ilishlarida qatnashadi;
Vazirlar Mahkamasiga kelib tushgan va ular bo‘yicha O‘zbekiston Respublikasi Hukumati qarori talab etilmaydigan hujjatlarni davlat va xo‘jalik boshqaruvi organlari, mahalliy ijro etuvchi hokimiyatning tegishli organlariga va boshqa tashkilotlarga ko‘rib chiqish uchun yuboradi;
Boshqarma kadrlar zaxirasini shakllantiradi, tasdiqlangan tuzilma va shtatlar jadvaliga muvofiq lavozimga tavsiya etiladigan nomzodlar bo‘yicha takliflarni Vazirlar Mahkamasi apparati boshqaruvchisining huquqiy ekspertiza masalalari bo‘yicha o‘rinbosari, Vazirlar Mahkamasi apparati boshqaruvchisi va O‘zbekiston Respublikasining Bosh vaziriga ko‘rib chiqishi uchun kiritadi, tarkibiy bo‘linmalar rahbarlari va mutaxassislarning kasbiy darajasini va ish malakasini oshirish choralarini ko‘radi, shuningdek, ularni rag‘batlantirish yoki ularga tanbeh berish bo‘yicha takliflar kiritadi;
Boshqarmaning ish rejasi ishlab chiqilishini va uning bajarilishini nazorat qilishni tashkil etadi;
Boshqarma yurituvi sohasiga kiradigan masalalar bo‘yicha davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar rahbarlari va vakillari ishtirokida yig‘ilishlar o‘tkazadi;
normativ-huquqiy hujjatlar va xalqaro shartnomalar loyihalarini tayyorlashning sifati bo‘yicha Vazirlar Mahkamasi apparati tarkibiy bo‘linmalarining, shuningdek, davlat va xo‘jalik boshqaruvi organlari, mahalliy ijro etuvchi hokimiyat organlarining yuridik xizmatlari va boshqa bo‘linmalari ishlarining holati va natijadorligini o‘rganishni tashkil qiladi, zaruriyat bo‘lganda, ularning kollegial organlari majlislarida qatnashadi, ularning faoliyati samaradorligini oshirish bo‘yicha takliflar kiritadi;
Boshqarma boshlig‘i o‘rinbosari, bo‘limlar mudirlari va mutaxassislari o‘rtasida vazifalar taqsimotini Vazirlar Mahkamasi apparati boshqaruvchisiga tasdiqlash uchun kiritadi;
(14-bandning yigirma birinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
O‘zbekiston Respublikasi Vazirlar Mahkamasi apparatida amal qiladigan Yo‘riqnomaga muvofiq ish yuritilishini ta’minlaydi;
chiquvchi xat-xabarlarni imzolaydi;
vazifalar taqsimotiga muvofiq boshqa funksiyalarni amalga oshiradi.
15. Boshqarma boshlig‘i vaqtincha bo‘lmaganda, uning vazifasini Boshqarma boshlig‘i o‘rinbosari bajaradi.
(15-band O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
151. Boshqarma boshlig‘i o‘rinbosari:
Bo‘lim mudirlari va mutaxassislarining faoliyatini muvofiqlashtiradi, o‘ziga biriktirilgan masalalar bo‘yicha Boshqarmaga yuklangan vazifalar va funksiyalarning bajarilishi hamda ijro intizomining holati uchun shaxsan javob beradi;
o‘ziga biriktirilgan masalalar bo‘yicha materiallar va hujjatlar loyihalarining sifatli va o‘z vaqtida tayyorlanishini tashkil qiladi, topshiriqlarning bajarilishi yuzasidan nazoratni ta’minlaydi;
o‘ziga biriktirilgan masalalar bo‘yicha materiallar va hujjatlar loyihalari to‘g‘risida Boshqarma boshlig‘iga, shuningdek, belgilangan tartibda Bosh vazirning o‘rinbosarlari va maslahatchilariga, Vazirlar Mahkamasi apparati boshqaruvchisiga va uning o‘rinbosarlariga axborot beradi;
intellektual mulk va davlat xizmatlari sohasidagi mavjud kamchiliklarni bartaraf etish bo‘yicha takliflarning ishlab chiqilishini tashkil qiladi va ularni Vazirlar Mahkamasi apparati boshqaruvchisiga taqdim etadi;
Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda, Hukumat komissiyalari va kengashlari, idoralararo komissiyalar va kengashlar majlislarida, o‘zi yuritadigan masalalar bo‘yicha Vazirlar Mahkamasi apparati boshqaruvchisi va uning o‘rinbosarlari o‘tkazadigan yig‘ilishlarda belgilangan tartibda qatnashadi;
Vazirlar Mahkamasi va uning Rayosati majlislarida, O‘zbekiston Respublikasi Prezidenti, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda ko‘rib chiqishga materiallar tayyorlash, shuningdek, O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari hamda farmoyishlari loyihalarini tayyorlash maqsadida ularni muhokama qilish uchun davlat va xo‘jalik boshqaruvi organlari, mahalliy ijro etuvchi hokimiyat organlari hamda boshqa tashkilotlar rahbarlari, olimlar va mutaxassislar ishtirokida o‘ziga biriktirilgan masalalar bo‘yicha yig‘ilishlar o‘tkazadi;
Boshqarma boshlig‘ining topshirig‘iga binoan chiquvchi xat-xabarlarni imzolaydi;
tegishli mutaxassislar o‘rtasida vazifalarni taqsimlash bo‘yicha Boshqarma boshlig‘iga takliflar kiritadi;
Boshqarma boshlig‘iga mutaxassislarni lavozimga tayinlash va lavozimdan ozod qilish, ularning malakasini oshirish, ularni rag‘batlantirish hamda jazolash to‘g‘risida takliflar taqdim etadi;
vazifalar taqsimlanishiga muvofiq boshqa funksiyalarni amalga oshiradi.
(151-band O‘zbekiston Respublikasi Vazirlar Mahkamasining 2020-yil 23-apreldagi 250-sonli qaroriga asosan kiritilgan — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
16. Bo‘lim mudiri o‘ziga birkitilgan masalalar yuzasidan:
bo‘limga bevosita rahbarlik qiladi va bo‘limga yuklangan vazifalar va funksiyalarning bajarilishi hamda bo‘limdagi ijro intizomining ahvoli uchun shaxsan javob beradi;
materiallar va hujjatlar loyihalarining sifatli va o‘z vaqtida huquqiy ekspertizadan o‘tkazilishini va tayyorlanishini tashkil etadi, ushbu loyihalarga viza qo‘yadi va ular yuzasidan ekspert xulosalarni imzolaydi;
normativ-huquqiy hujjatlar, xalqaro shartnomalar loyihalarini tayyorlashda va ekspertizadan o‘tkazishda bevosita qatnashadi, ular bo‘yicha tegishli tahliliy va ma’lumotnoma materiallar, ekspert xulosalar tayyorlanishini ta’minlaydi;
normativ-huquqiy hujjatlar va xalqaro shartnomalar loyihalarini ekspertizadan o‘tkazish sifati va samaradorligini oshirish chora-tadbirlarini ko‘radi, Boshqarma boshlig‘iga normativ-huquqiy hujjatlar va xalqaro shartnomalar loyihalarini tayyorlash va ekspertizadan o‘tkazish tartibini takomillashtirish bo‘yicha takliflar kiritadi;
tegishli masalalar bo‘yicha tizimlashtirilgan ma’lumotlar bazasi yaratilishi va yuritilishini, ularning muntazam ravishda yangilab borilishini nazorat qiladi;
materiallar to‘g‘risida Boshqarma boshlig‘iga, uning o‘rinbosariga, shuningdek, belgilangan tartibda O‘zbekiston Respublikasining Bosh vaziriga, uning o‘rinbosarlari va maslahatchilariga, Vazirlar Mahkamasi apparati boshqaruvchisiga va uning o‘rinbosarlariga axborot beradi;
(16-bandning yettinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
respublika qonunchiligini yanada takomillashtirish, shuningdek, qonunchilikning tegishli sohalaridagi mavjud muammolarni, takrorlanishlarni, ziddiyatlarni va boshqa kamchiliklarni bartaraf etish bo‘yicha takliflar ishlab chiqilishini tashkil qiladi va Boshqarma boshlig‘iga taqdim etadi;
normativ-huquqiy hujjatlar loyihalarining tartibga solish ta’sirini baholashni va qabul qilingan normativ-huquqiy hujjatlarning amaldagi ta’sirini baholashni amalga oshiradi;
normativ-huquqiy hujjatlarni tayyorlashning barcha bosqichlarida tartibga solish ta’sirini baholash tizimini yanada takomillashtirish bo‘yicha takliflar tayyorlaydi;
vazirliklar, davlat qo‘mitalari va boshqa tashkilotlar tomonidan normativ-huquqiy hujjatlar loyihalarining tartibga solish ta’sirini baholash va ularni tayyorlashning barcha bosqichlarida jamoatchilik muhokamasidan o‘tkazilishi yuzasidan monitoringni amalga oshiradi;
o‘zi yuritadigan sohaga kiradigan masalalar bo‘yicha Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari tomonidan o‘tkaziladigan yig‘ilishlarda, Hukumat komissiyalari, kengashlari va boshqa idoralararo kollegial organlar majlislarida, Vazirlar Mahkamasi apparati boshqaruvchisi va uning o‘rinbosarlari yig‘ilishlarda belgilangan tartibda qatnashadi;
davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar rahbarlari va vakillari bilan yig‘ilishlar o‘tkazadi;
jismoniy va yuridik shaxslarning Boshqarmaga kelib tushgan murojaatlari belgilangan tartibda ko‘rib chiqilishini ta’minlaydi;
Vazirlar Mahkamasi apparati tarkibiy bo‘linmalarining, shuningdek davlat va xo‘jalik boshqaruvi organlari, mahalliy ijro etuvchi hokimiyat organlari yuridik xizmatlari va boshqa bo‘linmalarining normativ-huquqiy hujjatlar, xalqaro shartnomalar loyihalarini tayyorlashning sifati bo‘yicha ishlarining holati va natijadorligini o‘rganadi, zarurat bo‘lganda, ularning kollegial organlari majlislarida qatnashadi, ular faoliyatining samaradorligini oshirish bo‘yicha takliflar kiritadi;
Boshqarma boshlig‘ining topshirig‘iga binoan chiquvchi xat-xabarlarni imzolaydi;
Boshqarma boshlig‘iga tegishli mutaxassislar o‘rtasida vazifalarni taqsimlash bo‘yicha takliflar kiritadi;
mutaxassislarni lavozimga tayinlash va lavozimdan ozod qilish, ularning malakasini oshirish, rag‘batlantirish va ularga tanbeh berish to‘g‘risida Boshqarma boshlig‘iga takliflar taqdim etadi;
vazifalar taqsimotiga muvofiq boshqa funksiyalarni amalga oshiradi.
Bo‘lim mudiri vaqtincha bo‘lmaganda uning vazifasini Boshqarma boshlig‘i o‘rinbosari yoki Boshqarma boshlig‘i tomonidan belgilanadigan bo‘lim bosh mutaxassislaridan biri bajaradi.
(16-bandning yigirmanchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
17. Boshqarmaning bosh mutaxassisi o‘ziga birkitilgan masalalar bo‘yicha:
materiallarni va hujjatlar loyihalarini tayyorlaydi, Boshqarma boshlig‘i, uning o‘rinbosari, bo‘lim mudiri topshiriqlarini bajaradi, materiallarning o‘z vaqtida tayyorlanishi, ularning sifatli ishlab chiqilishi va topshiriqlarning bajarilishi yuzasidan nazorat ta’minlanishi uchun shaxsan javob beradi;
(17-bandning ikkinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
davlat va xo‘jalik boshqaruvi organlari, mahalliy ijro etuvchi hokimiyat organlari, boshqa tashkilotlar va Vazirlar Mahkamasi apparatining tarkibiy bo‘linmalari tomonidan taqdim etilgan normativ-huquqiy hujjatlar, xalqaro shartnomalar loyihalarini va boshqa materiallarni o‘rganadi, ularni ekspert jihatidan ishlab chiqadi, ular bo‘yicha tegishli tahliliy va ma’lumotnoma materiallar, ekspert xulosalar tayyorlaydi;
tegishli masalalar bo‘yicha tizimlashtirilgan ma’lumotlar bazasini yaratadi va yuritadi, ularni muntazam ravishda to‘ldirib va yangilab boradi;
Vazirlar Mahkamasi apparati tarkibiy bo‘linmalarining, shuningdek, davlat va xo‘jalik boshqaruvi organlari, mahalliy ijro etuvchi hokimiyat organlari yuridik xizmatlari va boshqa bo‘linmalarining normativ-huquqiy hujjatlar, xalqaro shartnomalar loyihalarining tayyorlanishi sifati bo‘yicha ishlarining holati va natijadorligini o‘rganadi, zarurat bo‘lganda, ularning kollegial organlari majlislarida qatnashadi, ular faoliyatining samaradorligini oshirish bo‘yicha takliflar kiritadi;
normativ-huquqiy hujjatlar loyihalarining tartibga solish ta’sirini baholashni va qabul qilingan normativ-huquqiy hujjatlarning amaldagi ta’sirini baholashni amalga oshiradi;
normativ-huquqiy hujjatlarni tayyorlashning barcha bosqichlarida tartibga solish ta’sirini baholash tizimini yanada takomillashtirish bo‘yicha takliflar tayyorlaydi;
vazirliklar, davlat qo‘mitalari va boshqa tashkilotlar tomonidan normativ-huquqiy hujjatlar loyihalarining tartibga solish ta’sirini baholash va ularni tayyorlashning barcha bosqichlarida jamoatchilik muhokamasidan o‘tkazilishi yuzasidan monitoringni amalga oshiradi;
materiallar to‘g‘risida Boshqarma boshlig‘iga, uning o‘rinbosariga, bo‘lim mudiriga, shuningdek, belgilangan tartibda O‘zbekiston Respublikasining Bosh vaziriga, uning o‘rinbosarlari va maslahatchilariga, Vazirlar Mahkamasi apparati boshqaruvchisiga va uning o‘rinbosarlariga axborot beradi;
(17-bandning to‘qqizinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
qonun hujjatlarini va huquqni qo‘llash amaliyotini takomillashtirish, Vazirlar Mahkamasi qarorlari va farmoyishlarini talqin qilish va tushuntirish bo‘yicha takliflarni ishlab chiqadi va Boshqarma boshlig‘iga, uning o‘rinbosariga, bo‘lim mudiriga taqdim etadi;
(17-bandning o‘ninchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
biriktirilgan masalalar bo‘yicha tegishli ma’lumotnomalar va tahliliy materiallarni tayyorlashda qatnashadi;
o‘ziga biriktirilgan masalalar bo‘yicha Vazirlar Mahkamasi va uning Rayosati majlislarida, O‘zbekiston Respublikasining Bosh vaziri va uning o‘rinbosarlari tomonidan o‘tkaziladigan yig‘ilishlarda, Hukumat komissiyalari, kengashlari va boshqa idoralararo kollegial organlar majlislarida, Vazirlar Mahkamasi apparati boshqaruvchisi va uning o‘rinbosarlari tomonidan o‘tkaziladigan yig‘ilishlarda belgilangan tartibda qatnashadi;
o‘ziga biriktirilgan masalalar bo‘yicha Boshqarma boshlig‘i, uning o‘rinbosari, bo‘lim mudiri bilan kelishilgan holda davlat va xo‘jalik boshqaruvi organlari, mahalliy ijro etuvchi organlar va boshqa tashkilotlarning vakillari, olimlar va mutaxassislar bilan materiallarni Vazirlar Mahkamasi va uning Rayosati majlislarida, O‘zbekiston Respublikasi Prezidenti, O‘zbekiston Respublikasining Bosh vaziri va uning o‘rinbosarlari tomonidan o‘tkaziladigan yig‘ilishlarda ko‘rib chiqishga tayyorlash, shuningdek, ijrodagi O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Hukumat qarorlari loyihalarini ularni tayyorlash maqsadida muhokama etish uchun yig‘ilishlar o‘tkazadi;
(17-bandning o‘n uchinchi xatboshisi O‘zbekiston Respublikasi Vazirlar Mahkamasining 2020-yil 23-apreldagi 250-sonli qarori tahririda — Qonun hujjatlari ma’lumotlari milliy bazasi, 23.04.2020-y., 09/20/250/0491-son)
vazifalar taqsimotiga muvofiq boshqa funksiyalarni amalga oshiradi.
18. Inspektorlar:
(18-bandning birinchi xatboshisi O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
Boshqarmada ish yuritilishini ta’minlaydi;
Boshqarmada hujjatlar o‘tishi yuzasidan nazoratni amalga oshiradi;
normativ-huquqiy hujjatlar arxivini shakllantiradi va yuritadi;
yig‘majildlarni tayyorlashni va o‘z vaqtida arxivda saqlashga topshirishni ta’minlaydi;
o‘ziga yuklangan boshqa funksiyalarni bajaradi.
6-bob. Huquqiy ekspertiza va tartibga solish ta’sirini baholashni o‘tkazish tartibi
§ 1. Huquqiy ekspertizadan o‘tkazish tartibi
19. Normativ-huquqiy hujjatlar loyihalarining ekspertizasi Huquqiy ekspertiza bo‘limi tomonidan o‘tkaziladi.
20. Moliyaviy va iqtisodiy ekspertizadan so‘ng yakuniy ishlangan loyiha mas’ul tarkibiy bo‘linma rahbarining vizasi bilan huquqiy ekspertizadan o‘tkazish uchun Boshqarmaga kiritiladi.
21. Boshqarma boshlig‘i loyihani Huquqiy ekspertiza bo‘limiga beradi yoki o‘zi mustaqil ravishda huquqiy ekspertizadan o‘tkazadi. Huquqiy ekspertiza bo‘limi boshlig‘i loyihani bo‘lim xodimlariga ularning funksional majburiyatlaridan kelib chiqqan holda beradi yoki mustaqil ravishda huquqiy ekspertizadan o‘tkazadi.
22. Huquqiy ekspertiza loyihaning quyidagilarga muvofiqligi yuzasidan o‘tkaziladi:
O‘zbekiston Respublikasi Konstitutsiyasi, qonunlari, O‘zbekiston Respublikasi Prezidenti va Vazirlar Mahkamasining hujjatlari;
O‘zbekiston Respublikasining xalqaro shartnomalari;
yuridik-texnik rasmiylashtirish talablari, loyiha qoidalarining mazmuni va bayon etilishi.
23. Huquqiy ekspertiza o‘tkazish jarayonida:
loyihani ishlab chiqish bo‘yicha topshiriqlarda aks ettirilgan g‘oyalarning qamrab olinganlik darajasi o‘rganiladi;
loyihaning shakli, uning maqsad va vazifalari, huquqiy tartibga solish predmetiga huquqiy baho beriladi;
loyihaning maqsadga muvofiqligi, asoslantirilganligi va amalga oshirish imkoniyati, shuningdek, loyihada nazarda tutilgan uning maqsadlariga erishish bo‘yicha mexanizmlarining samaradorligi o‘rganiladi;
qonunchilik bilan kolliziyalar, loyihadagi ichki nomuvofiqliklar, shuningdek, chiqarib tashlanishi lozim bo‘lgan korrupsiya kelib chiqishiga sabab bo‘luvchi normalar aniqlanadi.
(23-bandning beshinchi xatboshisi O‘zbekiston Respublikasi Vazirlar Mahkamasining 2022-yil 17-maydagi 262-sonli qarori tahririda — Qonunchilik ma’lumotlari milliy bazasi, 18.05.2022-y., 09/22/262/0426-son)
24. Boshqarma, agar boshqacha muddat belgilanmagan bo‘lsa, loyihani uch kun ichida huquqiy ekspertizada o‘tkazadi, natijasi bo‘yicha unga viza qo‘yadi yoki u bo‘yicha taklif va e’tirozlar taqdim qiladi.
Zarur hollarda, O‘zbekiston Respublikasi Prezidenti, Bosh vazir yoki Vazirlar Mahkamasi apparati boshqaruvchisining loyihani ishlab chiqish bo‘yicha topshiriqlari shoshilinchligidan kelib chiqib, loyihani ishlab chiqish, kelishish va huquqiy ekspertizadan o‘tkazish muddati qisqartirilishi mumkin.
25. Boshqarmaning taklif va e’tirozlari ish tartibida bartaraf etilishi mumkin. Agar bartaraf etib bo‘lmaydigan takliflar va e’tirozlar bo‘yicha kelishmovchiliklar mavjud bo‘lsa, ular Boshqarmaning loyiha bo‘yicha tegishli xulosasida aks ettiriladi.
26. Vazirlar Mahkamasi apparatida normativ-huquqiy hujjatlar loyihalarining konseptual qoidalari o‘zgartirilgan hollarda O‘zbekiston Respublikasi Adliya vazirligi belgilangan tartibda loyihani takroran huquqiy ekspertizadan o‘tkazadi.
Ushbu holatda hujjat loyihasi O‘zbekiston Respublikasi Adliya vazirligiga loyihani ishlab chiqish uchun mas’ul bo‘lgan tarkibiy bo‘linma tomonidan kiritiladi.
Adliya vazirligi bir kun muddatda huquqiy ekspertizadan o‘tkazadi va tegishli xulosa taqdim etadi.
§ 2. Tartibga solish ta’sirini baholashni o‘tkazish tartibi
27. Normativ-huquqiy hujjatlar loyihalari va qabul qilingan normativ-huquqiy hujjatlarning tartibga solish ta’sirini baholash (keyingi o‘rinlarda — tartibga solish ta’sirini baholash) Tartibga solish ta’sirini baholash bo‘limi tomonidan O‘zbekiston Respublikasi Prezidentining “Tartibga solish ta’sirini baholash tizimini yanada takomillashtirish chora-tadbirlari to‘g‘risida” 2021-yil 15-martdagi PQ-5025-son qaroriga muvofiq mazkur Nizomga ilovada keltirilgan sxema bo‘yicha amalga oshiriladi.
(27-band O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
28. Tartibga solish ta’sirini baholashni amalga oshirishda quyidagilar baholanadi:
yuzaga keladigan va yuzaga kelishi mumkin bo‘lgan ehtimoliy huquqiy va boshqa oqibatlar, shu jumladan undagi qoidalarning tegishli tartibga solish sohasiga ta’siri;
davlat tomonidan tartibga solishning yangi mexanizmlarini joriy etishni nazarda tutuvchi loyihani qabul qilishning maqsadga muvofiqligi;
davlat tomonidan tartibga solishning loyihada nazarda tutilgan mexanizmlari samaradorligi;
qabul qilingan normativ-huquqiy hujjatlarda nazarda tutilgan davlat tomonidan tartibga solish mexanizmlarining amaldagi ta’siri.
29. Tadbirkorlik faoliyatiga, fuqarolarning huquqlari, erkinliklari va qonuniy manfaatlariga, shuningdek, atrof-muhitga ta’sir ko‘rsatuvchi normativ-huquqiy hujjatlar loyihalari va qabul qilingan normativ-huquqiy hujjatlarning tartibga solish ta’siri baholanadi.
Ushbu bandning birinchi xatboshisida nazarda tutilgan normativ-huquqiy hujjatlar qabul qilinganidan so‘ng hujjatda nazarda tutilgan davlat tomonidan tartibga solish mexanizmlarining natijadorligi va samaradorligini aniqlash maqsadida amalga oshiriladi.
Tartibga solish ta’sirini baholash yakunlari bo‘yicha zarur hollarda tegishli hujjatni qayta ko‘rib chiqish, unga tuzatishlar kiritish yoki uni kuchini yo‘qotgan deb hisoblash bo‘yicha takliflar ishlab chiqiladi.
30. Normativ-huquqiy hujjatlar loyihalari va qabul qilingan normativ-huquqiy hujjatlar tartibga solish ta’sirini baholash O‘zbekiston Respublikasi Prezidentining 2021-yil 15-martdagi PQ-5025-son qarori bilan tasdiqlangan Normativ-huquqiy hujjatlar loyihalarini va qabul qilingan normativ-huquqiy hujjatlarni tartibga solish ta’sirini baholashdan o‘tkazish tartibi to‘g‘risida nizomda belgilangan tartibda amalga oshiriladi.
31. Hujjatni ishlab chiquvchilar — davlat boshqaruvi organlari, xo‘jalik birlashmalari, mahalliy davlat hokimiyati organlari ishlab chiqilgan loyihani jamoatchilik muhokamasidan o‘tkazish va tartibga solish ta’sirini baholash maqsadida uni va unga asoslantiruvchi materiallarni Normativ-huquqiy hujjatlar loyihalari muhokamasi portalida (regulation.gov.uz) joylashtiradi.
Normativ-huquqiy hujjatlar loyihalari muhokamasi portalida (regulation.gov.uz) loyihalarning tartibga solish ta’sirini baholash O‘zbekiston Respublikasi Prezidentining “Tartibga solish ta’sirini baholash tizimini yanada takomillashtirish chora-tadbirlari to‘g‘risida” 2021-yil 15-martdagi PQ-5025-son qarori va boshqa qonunchilik hujjatlariga muvofiq amalga oshiriladi.
(29 — 31-bandlar O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
32. Normativ-huquqiy hujjatlar loyihalari muhokamasi portalidagi (regulation.gov.uz) muhokama, shuningdek, manfaatdor vazirliklar va idoralar bilan kelishish natijalari bo‘yicha ishlab chiquvchi normativ-huquqiy hujjat loyihasi va unga ilova qilingan materiallarni qayta ishlaydi.
(32-band O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
33. Qayta ishlangan normativ-huquqiy hujjat loyihasi va unga ilova qilingan materiallar ishlab chiquvchi tomonidan O‘zbekiston Respublikasi Adliya vazirligiga yuboriladi.
O‘zbekiston Respublikasi Adliya vazirligi ishlab chiquvchi tomonidan normativ-huquqiy hujjat loyihasini ishlab chiqish bo‘yicha qonunchilikda nazarda tutilgan talablarga rioya qilinganligiga, hujjat loyihasida belgilanayotgan ma’muriy va boshqa cheklovlar, taqiqlar va majburiyatlar yoki ularning kiritilishiga imkon beruvchi qoidalarning, fuqarolar, tadbirkorlik subyektlari va O‘zbekiston Respublikasi Davlat budjeti uchun xarajatlar yuzaga kelishiga imkon beruvchi qoidalarning yetarli darajada asoslantirilganligiga, shuningdek, kutilayotgan ijobiy natijaga erishish imkoniyatiga baho beradi.
(33-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 17-maydagi 262-sonli qarori tahririda — Qonunchilik ma’lumotlari milliy bazasi, 18.05.2022-y., 09/22/262/0426-son)
34. O‘zbekiston Respublikasi Adliya vazirligining e’tiroz va takliflari mavjud bo‘lgan hollarda ishlab chiquvchi normativ-huquqiy hujjat loyihasini qayta ishlaydi, loyiha bo‘yicha hujjatlar to‘plamini shakllantiradi va belgilangan tartibda Vazirlar Mahkamasiga kiritadi.
35. Vazirlar Mahkamasida loyihalarning tartibga solish ta’sirini baholash Boshqarma tomonidan O‘zbekiston Respublikasi Prezidentining “Tartibga solish ta’sirini baholash tizimini yanada takomillashtirish chora-tadbirlari to‘g‘risida” 2021-yil 15-martdagi PQ-5025-son qarori va O‘zbekiston Respublikasi Vazirlar Mahkamasining Reglamentida belgilangan tartibda amalga oshiriladi.
(35-bandning birinchi xatboshisi O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
O‘tkazilgan tartibga solish ta’sirini baholash yakunlari bo‘yicha Boshqarma tomonidan xulosa tayyorlanadi.
36. Loyihaning tartibga solish ta’sirini baholashda loyihaning ishlab chiqishning asoslantirilganligi, loyiha bilan nazarda tutilayotgan davlat tomonidan tartibga solish tartib va mexanizmlarining maqbulligi, loyihadan kelib chiqadigan ma’muriy va boshqa xarajatlar, loyihaning tushunarliligi, izchilligi hamda fuqarolar va ijrochilar uchun qulayligi, vakolatli davlat organining loyihaga taklif va e’tirozlari, shuningdek, Interaktiv davlat xizmatlari yagona portali orqali kelib tushgan e’tirozlar, shu bilan birga, qabul qilinadigan loyihani amalga oshirish mexanizmlarining samaradorligi ko‘rib chiqiladi.
37. Amaldagi normativ-huquqiy hujjatlarda nazarda tutilgan davlat tomonidan tartibga solish mexanizmlarining amaldagi ta’sirini o‘rganish maqsadida normativ-huquqiy hujjat qabul qilinganidan olti oy o‘tganidan keyin tartibga solish ta’sirini baholash o‘tkaziladi.
38. Normativ-huquqiy hujjatlarning tartibga solish ta’sirini baholash Vazirlar Mahkamasi tomonidan har yili tasdiqlanadigan tartibga solish ta’sirini baholashdan o‘tkazish rejasiga muvofiq o‘tkaziladi.
Boshqarma Adliya vazirligi tomonidan tartibga solish ta’sirini baholashdan o‘tkazish rejasiga muvofiq, qoida tariqasida, har chorakda kiritiladigan normativ-huquqiy hujjatlarni tartibga solish ta’sirini baholashdan o‘tkazish rejasining bajarilishi holati, tartibga solish ta’sirini baholash bo‘yicha hisobotlarning umumlashmasi hamda qonunchilikni takomillashtirishga qaratilgan takliflarni (mavjud bo‘lsa) nazarda tutuvchi axborot-tahliliy ma’lumotni ko‘rib chiqadi.
Boshqarma Adliya vazirligi kiritgan axborot-tahliliy ma’lumotni ko‘rib chiqish yakunlari bo‘yicha normativ-huquqiy hujjatlarni tartibga solish ta’sirini baholashdan o‘tkazish natijalarini amalga oshirishga qaratilgan “yo‘l xaritasi”ni tasdiqlaydi yoki normativ-huquqiy hujjatlarning to‘liq yoki alohida normalarini o‘zgartirish to‘g‘risida takliflarni Qonun loyihalarini ishlab chiqish va O‘zbekiston Respublikasi Oliy Majlisining Qonunchilik palatasiga kiritish dasturiga yoki qonunosti normativ-huquqiy hujjatlar loyihalarini tayyorlash rejalariga kiritish choralarini ko‘radi. Zarur hollarda tartibga solish ta’sirini baholash natijalari O‘zbekiston Respublikasi Prezidenti Administratsiyasiga ham yuborilishi mumkin.
(38-band O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
39. Keyinchalik tartibga solish ta’sirini baholash yakunlari bo‘yicha hujjatning samaradorligi va natijadorligini baholashni, shuningdek, tegishli hujjatga tuzatishlar kiritish yoxud hujjatni yoki uning tarkibiy qismini o‘z kuchini yo‘qotgan deb hisoblash bo‘yicha asoslantirilgan takliflarni o‘z ichiga olgan xulosa shaklidagi tahliliy axborot ma’lumotnomasi tayyorlanadi.
40. Normativ-huquqiy hujjatning tartibga solish ta’sirini baholash yakunlari bo‘yicha xulosa keyinchalik O‘zbekiston Respublikasining Bosh vaziriga axborot berish uchun Vazirlar Mahkamasi apparati boshqaruvchisiga kiritiladi. Zarur hollarda tartibga solish ta’sirini baholash natijalari O‘zbekiston Respublikasi Prezidenti Administratsiyasiga ham yuborilishi mumkin.
41. Tartibga solish ta’sirini baholash bo‘limi tartibga solish ta’sirini baholash natijalari bo‘yicha ma’lumotlar bazasini yuritadi.
O‘zbekiston Respublikasi Vazirlar Mahkamasining Yuridik ta’minlash boshqarmasi to‘g‘risidagi nizomga
ILOVA
ILOVA
Normativ-huquqiy hujjatlar loyihalari va qabul qilingan normativ-huquqiy hujjatlarni tartibga solish ta’sirini baholashdan o‘tkazish
SXEMASI
|
Bosqichlar |
Mas’ullar |
Tadbirlar |
Muddatlar | |||
|
I. Normativ-huquqiy hujjatlar loyihalarini tartibga solish ta’sirini baholashdan o‘tkazish | ||||||
|
I bosqich |
Loyihani ishlab chiquvchi davlat organi va tashkiloti |
Normativ-huquqiy hujjat loyihasi (keyingi o‘rinlarda — loyiha) hamda tartibga solish ta’sirini baholash (keyingi o‘rinlarda — TTB) bo‘yicha hisobotni tayyorlash. |
Zaruratga ko‘ra | |||
|
II bosqich |
Loyihani ishlab chiquvchi davlat organi va tashkiloti |
Loyiha va hisobotni Portal va yagona elektron tizimga joylashtirish orqali jamoatchilik muhokamasidan o‘tkazish hamda idoralararo kelishish. |
Kamida 15 kun muddatda | |||
|
III bosqich |
Loyihani ishlab chiquvchi davlat organi va tashkiloti |
Jamoatchilik muhokamasidan o‘tkazish va idoralararo kelishish natijalariga ko‘ra loyiha va hisobotni qayta ishlash, Portalga joylashtirish hamda xulosa beruvchi organlar bilan kelishishga yuborish. |
5 kun | |||
|
IV bosqich |
Iqtisodiy taraqqiyot vazirligi, Monopoliyaga qarshi kurashish qo‘mitasi |
Loyiha va TTB bo‘yicha hisobotni ko‘rib chiqish va tegishliligi bo‘yicha xulosalarni taqdim etish. |
10 kun | |||
|
V bosqich |
Loyihani ishlab chiquvchi davlat organi va tashkiloti |
Loyihani, TTB bo‘yicha hisobot, zarur materiallarni ilova qilgan holda Adliya vazirligiga kiritish. |
Xulosalar olingandan so‘ng | |||
|
VI bosqich |
Adliya vazirligi |
1. TTB bo‘yicha hisobotni tayyorlashda qonunchilikka rioya etilganligini o‘rganish, kamchilik aniqlanganda ishlab chiquvchiga qaytarish. 2. TTB sifatini o‘rganish, natijalariga ko‘ra xulosa taqdim etish. |
Huquqiy ekspertiza muddatida | |||
|
VII bosqich |
Loyihani ishlab chiquvchi davlat organi va tashkiloti |
Loyihani, TTB bo‘yicha hisobot, zarur materiallarni Vazirlar Mahkamasi yoki qabul qiluvchi organga kiritish. |
Adliya vazirligining ijobiy xulosasi mavjud bo‘lganda | |||
|
II. Normativ-huquqiy hujjatlarni tartibga solish ta’sirini baholashdan o‘tkazish | ||||||
|
I bosqich |
Tartibga solish ta’sirini baholashni o‘tkazuvchi davlat organi va tashkiloti |
TTBdan o‘tkaziladigan normativ-huquqiy hujjatlar ro‘yxatini shakllantirish va Adliya vazirligiga taqdim etish |
Har yili 1-fevralga qadar | |||
|
II bosqich |
Adliya vazirligi |
1. Normativ-huquqiy hujjatlarni TTBdan o‘tkazish rejasi loyihasini ishlab chiqish va jamoatchilik muhokamasi uchun Portalga joylashtirish. |
Har yili 10-fevralga qadar | |||
|
2. Jamoatchilik muhokamasi ishtirokchilarining takliflari asosida qayta ishlangan reja loyihasini Portalga joylashtirish va Vazirlar Mahkamasiga kiritish. |
Har yili 1-martga qadar | |||||
|
III bosqich |
Vazirlar Mahkamasi |
Reja loyihasini Vazirlar Mahkamasi Rayosati majlisida muhokama qilgan holda tasdiqlash. |
Har yili 20-martga qadar | |||
|
IV bosqich |
Tartibga solish ta’sirini baholashni o‘tkazuvchi davlat organi va tashkiloti |
1. TTB bo‘yicha hisobotni tayyorlash. 2. TTB bo‘yicha hisobotni jamoatchilik muhokamasidan o‘tkazish uchun Portalga joylashtirish. |
Rejaga muvofiq 15 kun | |||
|
3. Jamoatchilik muhokamasi ishtirokchilarining takliflari asosida qayta ishlangan hisobotni Portalga joylashtirish va xulosa beruvchi organlarga taqdim etish. |
5 kun | |||||
|
V bosqich |
Iqtisodiy taraqqiyot vazirligi, Monopoliyaga qarshi kurashish qo‘mitasi |
TTB bo‘yicha hisobotni TTBdan o‘tkazish va natijalariga ko‘ra xulosalarni taqdim etish |
10 kun | |||
|
VI bosqich |
Tartibga solish ta’sirini baholashni o‘tkazuvchi davlat organi va tashkiloti |
1. Xulosalarda bildirilgan takliflar va e’tirozlar asosida TTB bo‘yicha hisobotni qayta ishlash. 2. TTB bo‘yicha hisobotni Adliya vazirligiga kiritish. |
Xulosalar olingandan so‘ng | |||
|
VII bosqich |
Adliya vazirligi |
1. TTB bo‘yicha hisobotni tayyorlashda qonunchilikka rioya etilganligini o‘rganish, kamchilik aniqlanganda ishlab chiquvchiga qaytarish. 2. TTB sifatini o‘rganish, natijalariga ko‘ra xulosa taqdim etish. |
10 kun | |||
|
3. Normativ-huquqiy hujjatlarning TTBdan o‘tkazilishi holatini tahlil qilish, natijalari bo‘yicha axborot-tahliliy ma’lumotni Vazirlar Mahkamasiga kiritish |
Har chorakda (qoida tariqasida) | |||||
|
VIII bosqich |
Vazirlar Mahkamasi |
1. Axborot-tahliliy ma’lumotni ko‘rib chiqish. 2. TTBdan o‘tkazish natijalarini amalga oshirishga qaratilgan “yo‘l xaritasi”ni tasdiqlash yoki qonun loyihalarini ishlab chiqish va O‘zbekiston Respublikasi Oliy Majlisining Qonunchilik palatasiga kiritish dasturi yoki qonunosti normativ-huquqiy hujjatlar loyihalarini tayyorlash rejalariga kiritish choralarini ko‘rish. |
Axborot-tahliliy ma’lumot taqdim etilgandan so‘ng | |||
|
| ||||||
(ilova matni O‘zbekiston Respublikasi Vazirlar Mahkamasining 2021-yil 23-iyuldagi 454-sonli qarori tahririda — Qonunchilik ma’lumotlari milliy bazasi, 23.07.2021-y., 09/21/454/0694-son)
(Qonun hujjatlari ma’lumotlari milliy bazasi, 12.03.2019-y., 09/19/212/2759-son; 23.04.2020-y., 09/20/250/0491-son; Qonunchilik ma’lumotlari milliy bazasi, 23.07.2021-y., 09/21/454/0694-son; 18.05.2022-y., 09/22/262/0426-son)
