I. Қонун ижодкорлиги фаолияти ва ташкилий тадбирлар

Т/р

Амалга ошириладиган тадбир

Асослантириш

Бажариш муддати

Масъул ижрочилар

1-бўлим. Давлат ва жамият қурилиши тизимини такомиллаштириш

1.

«Ўзбекистон Республикаси Вазирлар Маҳкамасининг Олий Мажлисдаги вакили институти жорий этилганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасини маромига етказиш.

Қонун лойиҳаси Вазирлар Маҳкамасининг Ўзбекистон Республикаси Олий Мажлисидаги ваколатли вакили институти жорий этилиши муносабати билан бир қатор қонун ҳужжатларига ўзгартиш ва қўшимчалар киритишга қаратилган.

Бунда:

Вазирлар Маҳкамасининг Олий Мажлисдаги вакилининг парламент мажлисларида иштирок этиш ҳуқуқини тегишли қонунларда акс эттириш;

Вазирлар Маҳкамасининг Олий Мажлисдаги вакилининг парламент ва депутат сўровига жавоб хатларини ҳукумат аъзолари томонидан ўз вақтида юборилишини таъминлашга оид нормани қонунда мустаҳкамлаш назарда тутилади.

2019 йил

январь

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

2.

Давлат ва жамият бошқарувида фуқароларнинг кенг иштирокини таъминлаш механизмларини такомиллаштиришга қаратилган Олий Мажлис палаталарининг қўшма қарори лойиҳасини ишлаб чиқиш.

Қўшма қарор лойиҳасида «Mening fikrim» махсус веб-портали орқали электрон жамоавий мурожаатларни Олий Мажлис палаталари, халқ депутатлари вилоят, туман ва шаҳар Кенгашлари билан бир қаторда Вазирлар Маҳкамаси томонидан ҳам кўриб чиқиш назарда тутилади.

2019 йил

январь

Қонунчилик муаммолари

ва парламент тадқиқотлари

институти

3.

Ҳокимият вакиллик органлари фаолиятининг очиқлигини таъминлашга қаратилган «Электрон парламент» тизими лойиҳаларини амалга ошириш.

Норматив-ҳуқуқий ҳужжат лойиҳасида:

вакиллик органларининг расмий веб-сайтининг намунавий шаклини, фаолият тўғрисидаги маълумотларни автоматлаштирилган ҳолда тўплаш ва қайта ишлаш имконини таъминлаб берувчи ахборот ресурсини шакллантириш;

Олий Мажлис палаталарида электрон ҳужжатлар айланиши тизимини, қонун ижодкорлиги фаолиятини автоматлаштириш жараёнларини ишлаб чиқиш ва жорий этиш;

Олий Мажлис Қонунчилик палатасида парламентга ахборот-таҳлилий хизмат кўрсатадиган Ахборот-мультимедиа марказини ташкил этиш назарда тутилади.

2019 йил

февраль

Инновацион ривожланиш, ахборот сиёсати ва ахборот технологиялари масалалари қўмитаси

4.

Фуқароларнинг сайловга оид ҳуқуқларини таъминлашни такомиллаштиришга қаратилган чора-тадбирлар режасини ишлаб чиқиш.

Чора-тадбирлар режасида:

озодликдан маҳрум этиш жойларида сақланаётган шахсларга сайлаш ҳуқуқини бериш бўйича халқаро ва хорижий тажрибани ўрганиш;

истиқболда озодликдан маҳрум этиш жойларида сақланаётган шахсларга содир этган жиноятига қараб сайлаш ҳуқуқини бериш, қонун ҳужжатларига ўзгартиш ва қўшимчалар киритиш бўйича аниқ таклифларни ишлаб чиқиш;

ушбу масала бўйича кенг тарғибот ва тушунтириш ишларини олиб бориш назарда тутилади.

2019 йил

февраль

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси (Марказий сайлов комиссияси билан биргаликда)

5.

Ўзбекистон Республикасининг Сайлов кодекси лойиҳасини маромига етказиш.

Лойиҳада қуйидагилар назарда тутилади:

сайлов жараёнларини тартибга солишга қаратилган қонунларни ягона кодексга жамлаш йўли билан унификация қилиш;

Қонунчилик палатасидан Ўзбекистон Экологик ҳаракати вакиллари учун белгиланган квотани бекор қилиш;

сайловда фақатгина сайлов бюллетенидан фойдаланиш мақсадида сайлов варақасини қонунчиликдан чиқариб ташлаш;

сайловларда имзо йиғиш жараёнида сайловчиларнинг бир вақтнинг ўзида бир нечта номзодни ёки партияларни қўллаб-қувватлаб имзо чекиш ҳуқуқини белгилаш;

ягона электрон сайловчилар рўйхати тизимининг фаолият кўрсатиши ва бошқалар.

2019 йил

февраль

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

6.

Олий Мажлис палаталарининг норма ижодкорлиги ва парламент назорати йўналишидаги фаолиятини кучайтириш ва самарадорлигини ошириш.

Норматив-ҳуқуқий ҳужжатлар лойиҳаларида:

қонунларнинг мукаммаллигини таъминлаш мақсадида Олий Мажлис палаталари юридик хизматлари негизида Юридик бошқармалар ташкил этиш, уларнинг штат бирлигини кўпайтириш;

давлат ва хўжалик бошқаруви органлари раҳбарлари ахборотини эшитиш бўйича йиллик режа-график тасдиқлаш;

Бош вазир ва ҳукумат аъзоларининг давлат дастури ижроси бўйича Олий Мажлис палаталари олдида ҳар чоракда ҳисобот бериш амалиётини жорий этиш;

парламент аъзоларининг ҳар ой охирги ҳафтасида ўз сайлов округига чиқиб, аҳоли ва сайловчиларни ташвишга солаётган муаммоларни тизимли равишда ўрганиб бориш амалиётини жорий этиш;

ҳар бир парламент назорати тадбири якунига кўра аниқ таклиф ишлаб чиқиш, мансабдор шахслар ишига танқидий баҳо бериш амалиётини йўлга қўйиш;

жамият ва давлатнинг энг муҳим манфаатларига дахл қилувчи, мамлакат хавфсизлиги асосларига, унинг барқарор ривожланишига салбий таъсир кўрсатиши мумкин бўлган муайян фактлар ёки воқеалар содир бўлганда парламент текшируви институтидан фойдаланиш назарда тутилади.

2019 йил февраль

Қонунчилик

ва суд-ҳуқуқ

масалалари

қўмитаси,

Қонунчилик муаммолари

ва парламент тадқиқотлари

институти

7.

Вазирлар Маҳкамаси аъзоларини Олий Мажлис, вилоят, туман ва шаҳар давлат органлари раҳбарларини тегишли халқ депутатлари Кенгашлари томонидан тасдиқлаш амалиётини жорий этишга қаратилган қонун лойиҳасини ишлаб чиқиш.

Қонун лойиҳасида:

Ўзбекистон Республикаси Конституцияси ва бошқа қонунларига Бош вазир ўринбосарлари, вазирлар ва давлат қўмиталари раислари номзодини Бош вазир тақдимига биноан Олий Мажлис Қонунчилик палатаси томонидан маъқуллаш ва Ўзбекистон Республикаси Президенти томонидан тасдиқлаш тартибини белгилаш билан боғлиқ ўзгартиш ва қўшимчаларни киритиш;

ҳукумат аъзолигига номзоднинг соҳани ривожлантириш бўйича яқин муддатга ва истиқболга мўлжалланган ҳаракат дастури билан депутатлар олдида чиқиш қилиш тартибини жорий этиш;

ҳукумат аъзосининг ўз ҳаракат дастури ижросини амалга оширишига доир масалалар юзасидан ахборотини Олий Мажлис палаталари, уларнинг қўмиталарида мунтазам эшитиб бориш;

вилоят, туман ва шаҳар давлат органлари раҳбарлари номзодини тегишли халқ депутатлари Кенгашлари томонидан маъқуллаш механизмини ишлаб чиқиш назарда тутилади.

2019 йил февраль

Қонунчилик

ва суд-ҳуқуқ

масалалари

қўмитаси,

Қонунчилик муаммолари

ва парламент тадқиқотлари

институти

8.

Қонунчилик базасини тизимлаштириш, тўғридан-тўғри ишлайдиган қонунларни қабул қилиш амалиётини жорий этишга қаратилган Олий Мажлис палаталарининг қўшма қарори лойиҳасини ишлаб чиқиш.

Қўшма қарор лойиҳасида:

амалиётдаги муаммоларни танқидий ўрганиш ва энг илғор хорижий тажрибалар асосида тўғридан-тўғри ишлайдиган қонунлар тайёрлашни таъминловчи қонун ҳужжатларини юридик-техник жиҳатдан расмийлаштиришнинг ягона услубиётини;

қонуности ҳужжатларни қисқартириб, уларнинг ўрнига тўғридан-тўғри ишлайдиган қонунларни қабул қилиш бўйича «йўл харитаси»ни тасдиқлаш назарда тутилади.

2019 йил

февраль

Қонунчилик муаммолари

ва парламент тадқиқотлари

институти

9.

Олий Мажлис фаолиятини молиявий, моддий-техник, ташкилий таъминлашни такомиллаштириш.

Норматив-ҳуқуқий ҳужжатлар лойиҳаларида:

Олий Мажлис палаталари қўмиталари ҳузурида улар фаолиятига бевосита ёрдам берадиган тегишли тузилмалар ташкил этиш;

парламент аъзолари ва парламент палаталари девони ходимлари меҳнатига ҳақ тўлаш тизимини қайта кўриб чиқиш;

Олий Мажлис бюджетини шакллантириш ва ижро этишнинг янги механизмларини жорий қилиш;

парламент делегацияларининг хорижий мамлакатларга ташрифларини ва чет эл делегацияларини қабул қилишни ташкил этиш ҳамда шу мақсадлар учун давлат бюджетидан ажратиладиган маблағларни сарфлаш масаласини Олий Мажлис палаталарининг тегишли қарори билан белгилаш тартибини жорий қилиш назарда тутилади.

2019 йил

февраль

Бюджет ва иқтисодий ислоҳотлар қўмитаси,

Қонунчилик

ва суд-ҳуқуқ

масалалари

қўмитаси,

Қонунчилик

палатаси Девони,

Қонунчилик муаммолари

ва парламент тадқиқотлари

институти

10.

Ҳокимнинг халқ депутатлари Кенгаши раиси сифатидаги мақомини бекор қилиш.

Чора-тадбирлар дастурида:

ҳокимнинг халқ депутатлари Кенгаши раиси сифатидаги мақомини бекор қилиш билан боғлиқ масалалар;

ушбу масала юзасидан амалдаги қонунларга тегишли ўзгартишлар киритиш назарда тутилади.

2019 йил

февраль

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси,

Қонунчилик муаммолари

ва парламент тадқиқотлари институти

11.

Олий Мажлиснинг Давлат бюджети ва давлат мақсадли жамғармалари бюджетлари устидан парламент назоратини амалга оширишдаги ахборот-таҳлилий фаолиятини такомиллаштириш.

Норматив-ҳуқуқий ҳужжатлар лойиҳаларида:

Олий Мажлис Қонунчилик палатасида давлат бюджети, иқтисодиёт, пул-кредит сиёсати масалаларида, шунингдек давлат бюджети ижроси устидан самарали парламент назоратини таъминлашда депутат ва сенаторларга профессионал, мустақил ва холис ахборот-таҳлилий, экспертлик хизмати кўрсатувчи Давлат бюджети бошқармасини ташкил этиш;

Олий Мажлис Қонунчилик палатасининг Давлат бюджети бошқармасига юқори малакали кадрларни жалб қилиш, 2019 йилда бошқарманинг жорий таъминоти, ходимлар меҳнатига ҳақ тўлашга маблағлар ажратиш назарда тутилади.

2019 йил

март

Бюджет ва иқтисодий ислоҳотлар қўмитаси,

Қонунчилик муаммолари

ва парламент тадқиқотлари

институти

12.

Коррупциянинг олдини олиш ва унга қарши курашишнинг самарали механизмларини яратиш.

Норматив-ҳуқуқий ҳужжатлар лойиҳаларида:

Олий Мажлис Қонунчилик палатасида коррупцияга қарши курашиш қўмитасини ташкил қилиш юзасидан таклиф тайёрлаш ва Қонунчилик палатаси Кенгашига кўриб чиқиш учун киритиш;

ҳар бир давлат ташкилотида жамоатчилик томонидан назорат қилинадиган коррупцияга қарши курашиш бўйича ички дастурларни ишлаб чиқиш;

коррупцияга олиб келиши мумкин бўлган ҳар қандай хизматларни рақамлаштириш, уларни «ягона дарча» тамойили асосида бериш ва давлат хизматлари марказларига ўтказиш;

фуқароларнинг мурожаатларидан келиб чиқиб ва коррупцияга шароит яратувчи ҳолатларни ўрганган ҳолда, уларни бартараф этишга қаратилган таклифлар ишлаб чиқиш механизмлари;

коррупция ҳолатларини аниқлашга ёрдам кўрсатувчи «холис фуқаро» тизимини жорий этиш, бунда жамоатчилик назорати ва нодавлат нотижорат ташкилотларнинг ролини ошириш;

ҳуқуқбузарликлар ва уларга шароит яратувчи омиллар ҳақида хабар беришга имконият яратувчи ягона портални ташкил этиш ва ишга тушириш;

давлат ва хусусий сектор ўртасидаги муносабатларнинг шаффофлигини таъминлаш;

пора берилиши ҳақида хабар қилган давлат хизматчилари, шунингдек коррупция ва бошқа ҳуқуқбузарликлар ҳақида тасдиқланган хабар берган шахсларни рағбатлантириш механизмлари;

коррупцияга қарши курашиш комиссияларининг фаолиятини тубдан қайта кўриб чиқиш;

коррупцияга қарши курашиш бўйича халқаро рейтингларда Ўзбекистоннинг ўрнини яхшилаш, халқаро ташкилотлар, шу жумладан Иқтисодий ҳамкорлик ва тараққиёт ташкилотининг коррупцияни олдини олишга оид тавсияларини ҳар томонлама кўриб чиқиш ва амалга ошириш чоралари назарда тутилади.

2019 йил

март

Қонунчилик ва суд-ҳуқуқ масалалари қўмитаси

Мудофаа ва хавфсизлик масалалари қўмитаси,

Қонунчилик палатаси Девони,

Қонунчилик муаммолари

ва парламент тадқиқотлари

институти

Вазирлар Маҳкамаси,

Бош прокуратура, ИИВ,
ДХХ, Адлия вазирлиги, вазирлик
ва идоралар, Қорақалпоғистон Республикаси
Вазирлар Кенгаши, вилоятлар ва Тошкент шаҳар
ҳокимликлари

13.

«Ўзбекистон Республикасининг Сайлов кодекси қабул қилиниши ҳамда мамлакат сиёсий саҳнасида соғлом рақобатнинг кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасини ишлаб чиқиш.

Қонун лойиҳасининг мақсади — Ўзбекистон Экологик ҳаракати учун белгиланган квотани бекор қилиш орқали Ўзбекистон Республикаси Олий Мажлиси Қонунчилик палатасига депутатлар номзодини илгари сурувчи субъектлар доирасини мақбуллаштириш, мамлакат сиёсий ҳаётида муҳим аҳамиятга эга сайлов тизимининг ҳуқуқий асосларини ва сайлов қонунчилигини такомиллаштириш ҳамда халқаро стандарт ва меъёрларга мослаштиришдан иборат.

2019 йил

март

Экология ва атроф-муҳитни муҳофаза қилиш масалалари қўмитаси

14.

Тошкент шаҳрида эксперимент тариқасида амалга оширилаётган давлат бошқарувининг янги тартибини республиканинг бошқа ҳудудларига жорий этиш.

Норматив-ҳуқуқий ҳужжат лойиҳасида:

халқ депутатлари Кенгашларининг котибиятини тузиш;

ҳокимлар бошқарув аппаратлари негизида ҳоким томонидан тузиладиган ҳокимликлар девонларини ташкил этиш;

ҳудудий молия, иқтисодиёт, қурилиш, уй-жой коммунал ва инвестиция бошқармалари раҳбарларини тайинлаш ваколатини ҳокимларга бериш;

самарасиз давлат унитар корхоналари, ҳудудий идоралараро комиссиялар ва кенгашларни тугатиш;

маҳаллий бюджетга тушумлар ажратмаларини қайта тақсимлаш;

давлат улуши мавжуд бозор ва савдо комплексларини ишончли бошқарувга бериш назарда тутилади.

2019 йил июнь

Демократик институтлар,
нодавлат ташкилотлар ва фуқароларнинг ўзини ўзи бошқариш органлари қўмитаси,

Бюджет ва иқтисодий
ислоҳотлар қўмитаси

(Адлия вазирлиги
билан биргаликда)

15.

«Парламент ва вакиллик назоратининг таъсирчанлигини ошириш мақсадида Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасини ишлаб чиқиш юзасидан таклиф тайёрлаш.

Лойиҳада қуйидагилар назарда тутилади:

депутат сўровига жавоб хатини сўров кимнинг номига юборилган бўлса, ўша мансабдор шахснинг ўзи томонидан имзоланишини белгилаш;

парламент назорати якуни бўйича қабул қилинадиган қарорларнинг мажбурийлигини белгилаш;

депутатлик фаолиятининг кафолатлари бузилган ҳолларда маъмурий ҳуқуқбузарлик тўғрисида баённома тузмаган ҳолда депутатнинг судга мурожаат қилиш ҳуқуқини киритиш;

депутатни, сенаторни чақириб олиш масаласини кўриш учун ҳуқуқни муҳофаза қилувчи органларнинг киритган сўрови эмас, балки фақатгина прокурорнинг тегишли мурожаати асос бўлишини белгилаш;

халқ депутатлари вилоят, туман ва шаҳар Кенгаши депутатини жавобгарликка тортишга, ушлаб туришга, қамоққа олишга розилик олиш тўғрисидаги масалани фақатгина тегишли халқ депутатлари Кенгашининг сессиясида ҳал этиш, ушбу масалани сессиялар оралиғида Кенгаш раҳбари ёки унинг вазифасини бажарувчи мансабдор шахс томонидан кўриб чиқилиши амалиётидан воз кечиш.

2019 йил

сентябрь

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

2-бўлим. Қонун устуворлигини таъминлаш ва суд-ҳуқуқ тизимини янада ислоҳ қилиш

16.

«Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида»ги қонун лойиҳасини ишлаб чиқиш.

Қонун лойиҳаси Ўзбекистон Республикасининг Маъмурий жавобгарлик тўғрисидаги кодексининг 100, 101 ва 102-моддаларини «Энергиядан оқилона фойдаланиш тўғрисида»ги Ўзбекистон Республикаси Қонунининг 13, 14 ва 21-моддалари билан ўзаро мувофиқлаштиришга қаратилган.

Лойиҳада энергия исрофгарчилигини ва энергетика жиҳатидан самарасиз маҳсулот ишлаб чиқарилишини истисно этадиган маҳсулот ишлаб чиқариш, ишлар бажариш ва хизматлар кўрсатишнинг белгиланган энергия жиҳатидан самарадорлигини таъминламаган мансабдор шахсларга нисбатан маъмурий жавобгарлик белгилаш назарда тутилади.

Қонун лойиҳаси бир гуруҳ депутатлар ташаббуси билан тайёрланмоқда.

2019 йил

апрель

Саноат, қурилиш

ва савдо масалалари қўмитаси

17.

«Бепул юридик ёрдам тўғрисида»ги қонун лойиҳаси юзасидан таклифлар ишлаб чиқиш.

Таклифларда қуйидагилар назарда тутилади:

юридик ёрдам кўрсатиш механизмларини комплекс тартибга солиш, фуқароларнинг бепул юридик ёрдам олишга бўлган ҳуқуқларининг асосий кафолатларини ва бепул юридик ёрдам кўрсатиш бўйича давлат тизимини шакллантиришнинг ташкилий-ҳуқуқий асосларини белгилаш;

ушбу соҳада кам даромадли (кам таъминланган) фуқароларнинг ижтимоий жиҳатдан эҳтиёжманд бошқа тоифаларининг фуқаролик, маъмурий ишлар бўйича, оилавий, меҳнат ва бошқа ижтимоий масалалар бўйича бепул юридик ёрдам олишга бўлган ҳуқуқини кафолатловчи самарали тизимни жорий этиш;

давлат ҳокимияти ва бошқаруви органлари, маҳаллий давлат ҳокимияти органлари томонидан фуқароларга бепул юридик ёрдам кўрсатишнинг процессуал механизмларини белгилаш.

2019 йил

апрель

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

18.

«Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида»ги қонун лойиҳасини ишлаб чиқиш.

Қонун лойиҳаси Ўзбекистон Республикасининг Маъмурий жавобгарлик тўғрисидаги кодексининг тегишли нормаларини «Автомобиль йўллари тўғрисида»ги Ўзбекистон Республикаси Қонунига киритилган ўзгартиш ва қўшимчалар билан мувофиқлаштиришни назарда тутади.

Бунда Маъмурий жавобгарлик тўғрисидаги кодексга йўл-қурилиш ишлари сифатини назорат қилиш органлари ваколатларини белгиловчи алоҳида янги 268-3-модда киритиш, 147, 245 ва 248-моддаларига ҳам тегишли қўшимчалар киритиш орқали автомобиль йўллари ва кўчаларда рухсатсиз қазиш, таъмирлаш, қурилиш-монтаж ишларини сифатсиз олиб бориш бўйича тегишли маъмурий жавобгарликларни киритиш назарда тутилади.

Қонун лойиҳаси бир гуруҳ депутатлар ташаббуси билан тайёрланмоқда.

2019 йил

июль

Саноат, қурилиш

ва савдо масалалари қўмитаси

19.

«Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасини ишлаб чиқиш.

Қонун лойиҳасида туман, шаҳар ва вилоят суди судьяларини тайинлаш вазифасини Судьялар олий кенгаши ваколатига ўтказиш, судьяларнинг жамоатчилик фикри ва улар олдидаги ҳисобдорлигини белгилаш назарда тутилади.

2019 йил

ноябрь

Қонунчилик ва суд-ҳуқуқ масалалари қўмитаси

3-бўлим. Иқтисодиётни ривожлантириш ва либераллаштириш

20.

«Қайта тикланувчи энергия манбалари тўғрисида»ги қонун лойиҳасини маромига етказиш ва қабул қилиш.

Қонун лойиҳасида қуйидагилар назарда тутилган:

соҳада давлат бошқарувининг асосий принципларини белгилаш;

фуқароларнинг ўзини ўзи бошқариш органлари, нодавлат нотижорат ташкилотлари ва фуқароларнинг мазкур қонун билан боғлиқ масалаларига доир қарорлар қабул қилишдаги иштирокини белгилаш;

қонун ҳужжатларининг амалга оширилишини таъминловчи процессуал механизмларни такомиллаштириш, ҳуқуқни қўллаш амалиёти самарадорлигини ошириш;

қайта тикланадиган энергия манбаларини кенг жорий этишга қаратилган институционал ва ҳуқуқий базани такомиллаштириш.

Қонуннинг қабул қилиниши энергия сарфини қисқартириш ва ишлаб чиқаришга энергия тежовчи технологияларни жорий этиш, шу жумладан қайта тикланадиган энергия манбаларидан кенг фойдаланилишини таъминлаш ҳисобига иқтисодиётнинг рақобатбардошлигини оширишга қаратилган.

2019 йил

март

Экология ва атроф-муҳитни муҳофаза қилиш масалалари қўмитаси

21.

«Ўзбекистон Республикасининг Бюджет кодексига қўшимчалар киритиш тўғрисида»ги қонун лойиҳаси юзасидан таклифлар тайёрлаш.

Қонун лойиҳасида Бюджет кодексининг 71-моддасида маҳаллий бюджетларнинг харажатлар қисмига нодавлат нотижорат ташкилотлар ва фуқаролик жамиятининг бошқа институтларини қўллаб-қувватлаш харажатларини ҳам киритиш назарда тутилади.

2019 йил

март

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

22.

«Энергиядан оқилона фойдаланиш тўғрисида»ги Ўзбекистон Республикаси қонунига ўзгартиш ва қўшимчалар киритиш ҳақида»ги қонун лойиҳасини ишлаб чиқиш.

Қонун лойиҳасининг мақсади — мамлакатимизда энергия ресурсларидан оқилона фойдаланиш самарадорлигини янада ошириш, қишлоқ хўжалиги ҳамда ижтимоий тармоқларда энергия тежовчи инновацион технологияларни жорий қилиш, аҳоли ва хўжалик юритувчи субъектларни энергия ресурсларини тежаб ишлатганлиги учун рағбатлантиришнинг қонуний асосларини яратишдан иборат.

Бунда Ўзбекистон Республикаси Вазирлар Маҳкамасининг ваколатларига қўшимча энергия самарадорлиги кўрсаткичлари ўлиши шарт бўлган товарлар, ишлар, хизматлар таркибини белгилаш, энергия самарадорлиги паст бўлган маҳсулотларни мамлакатда ишлаб чиқарилишини ёки импортини чеклаш, давлат органлари ва ташкилотларига энергетик ресурсларни иқтисод қилиш даражасини белгилаш, энергиядан оқилона фойдаланиш ва энергия самарадорлигини ошириш юзасидан қонунчилик талабларига риоя этилиши бўйича давлат назорати тартибини белгилаш каби нормаларни киритиш назарда тутилади.

Қонун лойиҳаси бир гуруҳ депутатлар ташаббуси билан тайёрланмоқда.

2019 йил

апрель

Саноат, қурилиш

ва савдо масалалари қўмитаси

23.

«Тинчлик мақсадларида атом энергиясидан фойдаланиш тўғрисида»ги қонун лойиҳасини ишлаб чиқиш.

Қонун лойиҳаси атом энергиясидан тинчлик мақсадларида фойдаланишни ҳуқуқий тартибга солишга ҳамда бу соҳасидаги давлат сиёсатининг устувор йўналишлари ҳамда асосий вазифаларни белгилашга қаратилган.

Мазкур қонуннинг қабул қилиниши мамлакатимизда аҳоли ва давлатнинг электр энергиясига бўлган эҳтиёжларини таъминлаш ҳамда атом энергиясидан фойдаланишда аҳоли саломатлиги ва атроф-муҳитни муҳофаза қилиш учун ҳуқуқий шарт-шароитлар яратади.

2019 йил

апрель

Экология ва атроф-муҳитни муҳофаза қилиш масалалари қўмитаси

24.

«Тинчлик мақсадларида атом энергиясидан фойдаланиш тўғрисида»ги Ўзбекистон Республикаси Қонунининг қабул қилиниши муносабати айрим қонун ҳужжатларига ўзгартиш ва қўшимчалар киритиш ҳақида»ги қонун лойиҳасини ишлаб чиқиш.

Қонун лойиҳаси атом энергиясидан тинчлик мақсадларида фойдаланиш борасида соҳага оид амалдаги қонунларга тегишли қўшимча ва ўзгартишлар киритиш назарда тутилади.

2019 йил

май

Экология ва атроф-муҳитни муҳофаза қилиш масалалари қўмитаси

25.

«Овчилик ва ов хўжалиги тўғрисида»ги қонун лойиҳасини ишлаб чиқиш.

Қонун лойиҳасида:

овчилик ва ов хўжалигини юритиш соҳасидаги давлат сиёсатининг асосий йўналишларини белгилаш;

овчилик ва ов хўжалигини юритиш соҳасида давлат бошқаруви ҳамда маҳаллий давлат ҳокимияти органлари, овчилар, ов хўжаликларининг ҳуқуқ ва мажбуриятларини аниқлаш;

ов ҳайвонларининг ресурслари ҳолати, улар популяциясининг давлат мониторинги тизимини жорий этиш;

хорижий фуқаролар учун ов туризмининг ўзига хос хусусиятларини белгилаш назарда тутилади.

2019 йил

июль

Экология ва атроф-муҳитни муҳофаза қилиш масалалари қўмитаси

26.

«Қишлоқ хўжалик ўсимликларини зараркунандалар, касалликлар ва бегона ўтлардан ҳимоя қилиш тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги қонун лойиҳасини ишлаб чиқиш.

Қонун лойиҳасида:

амалдаги қонунда қўлланилган асосий тушунчаларни тўлиқ очиб бериш ва уларга ўзгартиришлар киритиш;

Вазирлар Маҳкамаси, давлат бошқаруви органлари, маҳаллий давлат ҳокимияти органлари ва фуқароларнинг ўзини ўзи бошқариш органларининг қишлоқ хўжалик ўсимликларини зараркунандалар, касалликлар ва бегона ўтлардан ҳимоя қилиш соҳасидаги ваколатларини белгиловчи янги ҳуқуқий нормалар билан мустаҳкамлаб қўйиш;

халқаро шартномалар ва конвенцияларнинг нормаларини миллий қонун ҳужжатларига жорий этиш ҳамда тўғридан тўғри ишлайдиган нормаларни киритиш назарда тутилган.

2019 йил

август

Аграр ва сув хўжалиги масалалари қўмитаси

27.

«Яйлов тўғрисида»ги қонун лойиҳасини ишлаб чиқиш.

Лойиҳанинг асосий мақсади яйловлардан фойдаланиш бўйича самарали ҳуқуқий механизм яратишни ва мазкур соҳадаги муносабатларни тартибга солишдан иборат. Бунда:

яйловга оид муносабатларни тартибга солиш, хусусан, яйловлардан фойдаланиш ва уларни муҳофаза қилиш;

яйловлар ерларининг тури, сифати, таърифи ва умумий ҳуқуқий таснифини белгилаш,

лалми ва суғорилмайдиган ерлардаги яйловларни ажратиш тартиби, шунингдек юридик ва жисмоний шахсларнинг яйловлардан фойдаланиш борасидаги ҳуқуқ ва мажбуриятлари, давлат органлари, маҳаллий давлат ҳокимияти органларининг мазкур соҳадаги ҳуқуқ ва ваколатлари назарда тутилади.

2019 йил

сентябрь

Аграр ва сув хўжалиги масалалари қўмитаси

4-бўлим. Ижтимоий соҳани ривожлантириш

28.

«Мактабгача таълим тўғрисида»ги қонун лойиҳасига юзасидан таклифлар тайёрлаш.

Қонун лойиҳасининг мақсади амалдаги қонун ҳужжатларида мавжуд мактабгача таълим соҳасига оид тартиб-таомилларни ягона ҳужжатда мужассамлаштиришдан иборат.

Лойиҳада:

мактабгача таълим тизимида вариатив дастурлар жорий этиш;

мактабгача таълим муассасаларига болалар қамровини янада кенгайтириш;

болаларни мактабга тайёрлаш бўйича муқобил, мослашувчан моделларни етарли даражада ривожлантириш;

таълим-тарбия жараёнларига замонавий таълим дастурлари ва технологияларини татбиқ этиш каби масалалар назарда тутилади.

2019 йил

март

Фан, таълим, маданият ва спорт масалалари қўмитаси

29.

«Кўп квартирали уй-жой фондини бошқариш тўғрисида»ги қонун лойиҳасини ишлаб чиқиш.

Қонун лойиҳасида кўп квартирали уй-жой фондини бошқаришда ваколатли органнинг асосий вазифалари, хусусий уй-жой мулкдорлари ширкатлари фаолиятини такомиллаштириш, кўп квартирали уйларда умумий мулкни сақлаш, ундан фойдаланишда бошқарув компаниялари, ширкатлар ҳамда фуқароларнинг ҳуқуқ ва мажбуриятларини аниқ белгилаб қўйиш назарда тутилади.

2019 йил

апрель

Саноат, қурилиш ва савдо масалалари қўмитаси

30.

«Фуқароларнинг репродуктив саломатлигини муҳофаза қилиш тўғрисида»ги қонун лойиҳасини ишлаб чиқиш.

Лойиҳада:

фуқароларнинг репродуктив саломатлигини муҳофаза қилиш соҳасида давлат кафолати, уларнинг асосий тушунча ва тамойиллари;

фуқароларнинг репродуктив саломатлигини муҳофаза қилиш соҳасидаги тиббиёт ташкилотларининг вазифаларини белгилаш;

ёрдамчи репродуктив технологияларни қўллаш тартиби;

фуқароларнинг репродуктив саломатлигини муҳофаза қилиш бўйича профилактик чора-тадбирларни амалга ошириш назарда тутилади.

2019 йил

апрель

Фуқароларнинг соғлиғини сақлаш масалалари қўмитаси

31.

«Наркологик ёрдам тўғрисида»ги қонун лойиҳасини ишлаб чиқиш.

Қонуннинг қабул қилиниши гиёҳвандлик касалликларини профилактика қилиш, тегишли фуқароларга наркологик ёрдам кўрсатиш тартиби ва шартларини аниқ белгилаш ҳамда бу борадаги ишларнинг самарадорлигини оширишни таъминлаш имконини беради.

Ушбу қонун лойиҳасида «Гиёҳвандлик воситалари ва психотроп моддалар»ги, «Сурункали алкоголизм, гиёҳвандлик ёки заҳарвандликка мубтало бўлган беморларни мажбурий даволаш тўғрисида»ги қонунларда ва соҳага оид бошқа қонун ҳужжатларида мавжуд бўлмаган ҳолатларни инобатга олиш назарда тутилади.

2019 йил

май

Меҳнат ва ижтимоий масалалар қўмитаси

32.

«Аҳолини иш билан таъминлаш тўғрисида»ги Ўзбекистон Республикаси Қонунининг янги таҳрирдаги лойиҳаси юзасидан таклифлар тайёрлаш.

Таклифларда:

иш берувчининг иқтисодий мустақиллиги тамойилларини кучайтириш;

қонуности ҳужжатлардаги нормаларни бевосита қонунда белгилаш;

ўзини ўзи банд қилишнинг замонавий ва самарали шакллари, жумладан, масофавий меҳнат, фрилансинг каби фаолият турларини кенгайтириш ҳамда унинг ҳуқуқий мақомини белгилаш назарда тутилади.

2019 йил

май

Меҳнат ва ижтимоий масалалар қўмитаси

33.

«Эрта ёшдаги болалар ва гўдакларни овқатлантириш тўғрисида»ги қонун лойиҳаси юзасидан таклифлар тайёрлаш.

Қонун лойиҳасида:

она сути билан озиқлантиришни тарғиб қилиш йўли билан эрта ёшдаги болаларни ва гўдакларни ҳимоя қилиш, хавфсиз ва сифатли овқатлантиришни таъминлашнинг ҳуқуқий асослари;

Кўкрак сути ўрнини босувчилар маркетинги Кодекси талабларига мувофиқ кўкрак сути ўрнини босувчилар маркетингини бошқариш;

кўкрак сути билан озиқлантиришнинг афзаллиги тўғрисидаги маълумотлар ва маҳсулотни қадоқлаш этикеткасида бўлиши шартлиги;

эрта ёшидаги болалар учун озиқ-овқат маҳсулотларини ёшига мувофиқлиги ва бехатарлиги асослари назарда тутилади.

2019 йил июль

Фуқароларнинг соғлиғини сақлаш масалалари қўмитаси

34.

«Ўқитувчи мақоми тўғрисида»ги қонуни лойиҳаси юзасидан таклифлар тайёрлаш.

Таклифларда ўқитувчилик фаолияти билан боғлиқ ҳуқуқий, ижтимоий ва иқтисодий муносабатларни тартибга солиш ва ўқитувчиларнинг ҳуқуқий мақомини тўлиқ ифодалашни, унинг касбий фаолияти, ижтимоий-иқтисодий мавқеи, ижтимоий ҳимоя кафолатларини жорий этишни таъминлайдиган шарт-шароитларни яратиш назарда тутилади.

2019 йил

август

Фан, таълим, маданият ва спорт масалалари қўмитаси

5-бўлим. Хавфсизлик, миллатлараро тотувлик ва диний бағрикенгликни ҳамда чуқур ўйланган, ўзаро манфаатли ва амалий ташқи сиёсатни таъминлаш

35.

«Жазони ижро этиш муассасаларидан озод қилинган айрим тоифадаги шахслар устидан маъмурий назорат тўғрисида»ги қонун лойиҳасини қабул қилиш.

Қўмита томонидан ушбу Қонуннинг ижро этилиши ҳолати Навоий вилояти мисолида назорат-таҳлил тартибида ўрганилди. Мазкур тадбир якунларига кўра, Қонунда икки ёқлама талқин этилувчи нормалар, қонунчилик йўли билан ҳал этилиши талаб қилинадиган бир қатор камчиликлар ва бўшлиқлар мавжудлиги, қонун нормалари тўғридан-тўғри ишламаслиги аниқланди.

Қонун лойиҳасининг мақсади ушбу аниқланган камчиликларни бартараф этишдан иборат.

Лойиҳа жазони ижро этиш муассасаларидан озод қилинган айрим тоифадаги шахсларга нисбатан улар томонидан ҳуқуқбузарликлар содир этилишининг олдини олиш учун якка тартибда профилактик таъсир кўрсатиш, улар томонидан жиноятлар содир этилишини олдини олишга қаратилган.

2019 йил

январь

Мудофаа ва хавфсизлик масалалари қўмитаси

36.

«Учувчисиз учадиган аппаратлардан фойдаланиш тартибга солиниши муносабати билан Ўзбекистон Республикасининг Жиноят кодекси, Жиноят-процессуал кодекси ва Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида»ги қонун лойиҳасини кўриб чиқиш.

Қонун лойиҳасида учувчисиз учадиган аппаратлардан қонунга хилоф равишда (рухсатсиз) фойдаланганлик учун жавобгарликни кучайтириш назарда тутилади.

2019 йил

февраль

Мудофаа ва хавфсизлик масалалари қўмитаси

37.

«Дипломатик хизмат тўғрисида»ги қонун лойиҳасини ишлаб чиқиш.

Қонун лойиҳасида:

дипломатик хизмат тушунчаси ва турлари, дипломатик хизмат органлари, унинг вазифаси ва функциялари, ходимларнинг ҳуқуқ ва мажбуриятлари;

дипломатик хизмат турлари ва уларни амалга ошириш тартиби;

дипломатик хизматга қабул қилиш, ротация тартиби ва дипломатик хизмат ходимларининг узоқ муддатли сафарда бўлиш муддатлари;

дипломатик хизмат ходимларини касбий тайёрлаш ва уларнинг малакасини ошириш тартиби, ходимлар фаолиятининг самарадорлигини баҳолаш механизмлари;

дипломатик хизмат кўрсатувчи шахслар мақоми, хорижий ҳамкорлар билан ишлаш механизми;

дипломатик хизмат органларини молиявий ва моддий-техник таъминлаш механизмлари, ходимларни моддий рағбатлантириш ва уларнинг ижтимоий таъминоти назарда тутилади.

2019 йил

март

Халқаро ишлар

ва парламентлараро алоқалар қўмитаси

(Ташқи ишлар вазирлиги билан биргаликда)

38.

БМТнинг «Инсон ҳуқуқлари соҳасида таълим ва тарбия декларацияси» тўғрисидаги низомини амалга ошириш бўйича миллий ҳаракатлар дастурини қабул қилиш юзасидан таклиф тайёрлаш.

Норматив-ҳуқуқий ҳужжат лойиҳаси билан миллий ҳаракатлар дастури тасдиқланади.

Дастурда барча даражада инсон ҳуқуқлари ва эркинликлари ҳақидаги билим ва кўникмалар даражасини янада ошириб бориш назарда тутилади.

2019 йил май

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

(Инсон ҳуқуқлари бўйича миллий марказ, ТИВ билан биргаликда)

39.

«Умумий ҳарбий мажбурият ва ҳарбий хизмат тўғрисида»ги Ўзбекистон Республикаси Қонунига қўшимча ва ўзгартишлар киритиш ҳақида»ги қонун лойиҳасини ишлаб чиқиш.

Қонун лойиҳаси Ўзбекистон Республикаси Президенти ҳузурида 2018 йил 28 ноябрь куни ўтказилган Хавфсизлик Кенгашининг кенгайтирилган таркибдаги мажлисида белгиланган вазифаларнинг ижросини таъминлашга қаратилган.

Лойиҳада муддатли ҳарбий хизматга чақирувни март-апрель ойларига ўтказиш юзасидан амалдаги қонун ҳужжатларига тегишли ўзгартиш ва қўшимчалар киритиш назарда тутилади.

2019 йил

май

Мудофаа ва хавфсизлик масалалари қўмитаси

40.

«Ўзбекистон Республикаси Ташқи сиёсий фаолияти концепциясини тасдиқлаш тўғрисида»ги Ўзбекистон Республикаси Қонунининг янги таҳрирдаги лойиҳаси юзасидан таклифлар тайёрлаш.

Таклифларда қуйидагилар назарда тутилади:

Ўзбекистон Республикаси ташқи сиёсатининг устувор йўналишларини аниқ белгилаш;

мамлакатнинг миллий хавфсизлиги, суверенитети ва ҳудудий яхлитлигини мустаҳкамлаш;

замонавий шароитлардаги ташқи сиёсий, ташқи иқтисодий соҳаларда Ўзбекистоннинг миллий манфаатларини илгари суриш;

барча давлатлар ва нуфузли халқаро ташкилотлар билан стратегик ҳамкорлик ҳамда дўстлик муносабатларининг барқарор тизимини барпо этиш, Ўзбекистон Республикасининг халқаро майдондаги имижи, ўрни ва таъсирини мустаҳкамлаш;

халқаро ҳуқуқ нормаларини имплементация қилиш, БМТ тузилмалари ва махсус муассасаларининг норма ижодкорлиги жараёнида фаол иштирок этиш.

2019 йил

май

Халқаро ишлар

ва парламентлараро алоқалар қўмитаси

41.

Ўзбекистоннинг Париж битимига қўшилиши муносабати билан «яшил иқтисодиёт»га ўтиш бўйича давлат стратегиясини ишлаб чиқиш юзасидан таклифлар тайёрлаш.

Норматив-ҳуқуқий ҳужжат лойиҳасида:

иқлим ўзгаришига қарши тизимли курашишнинг илғор механизмларини жорий қилиш;

яшил иқлим жамғармасининг ресурсларига йўл очиш;

иқтисодиётнинг барча соҳаларига, жумладан ишлаб чиқаришга «яшил технологияларини» жорий қилиш назарда тутилади.

2019 йил июнь

Экология ва атроф-муҳитни муҳофаза қилиш масалалари қўмитаси

(Вазирлар Маҳкамаси, «Ўзгидромет» маркази,
Иқтисодиёт ва саноат вазирлиги,
Давлат экология қўмитаси,
Инновация вазирлиги, ТИВ билан биргаликда)

42.

Ўзбекистоннинг халқаро майдондаги ижобий имижини мустаҳкамлаш қонцепциясини ишлаб чиқиш юзасидан таклифлар тайёрлаш.

Норматив-ҳуқуқий ҳужжат лойиҳаси билан Ўзбекистоннинг халқаро майдондаги ижобий имижини мустаҳкамлаш концепцияси тасдиқланади.

Концепцияда:

Ўзбекистоннинг нуфузини халқаро майдонда ошириш мақсадида самарали ва кенг кўламли тарғибот ва ташвиқот ишларини йўлга қўйиш, миллий туристик брендни яратиш, хорижий оммавий ахборот воситалари билан ўзаро манфаатли келишувларга эришиш;

халқаро ташкилотлар вакилларини Ўзбекистонга таклиф қилиш ва уларни республикада юз бераётган ўзгаришлар билан бевосита таништириш;

халқаро ташкилотлар ва рейтинг агентликлари («Fitch», «Standart&Prours», «Mody`s») билан Ўзбекистон Республикаси вазирлик ва идоралари ўртасида ҳамкорлик ўрнатиш назарда тутилади.

2019 йил

август

Халқаро ишлар

ва парламентлараро алоқалар қўмитаси

(Ташқи ишлар вазирлиги ҳамда Ташқи савдо вазирлиги билан биргаликда)

43.

Ўзбекистоннинг ташқи сиёсий ва иқтисодий фаолияти соҳасидаги ҳамда халқаро шартномалар, битимлар ва конвенцияларни ратификация қилишга доир қонун лойиҳалари устида ишлаш.

Бунда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни амалга ошириш ҳамда Ўзбекистон Республикасининг хорижий давлатлар билан тузиладиган шартномалари ва битимларини ратификация қилиш назарда тутиладиган қонун лойиҳаларини тайёрлаш назарда тутилган.

2019 йил давомида

Халқаро ишлар

ва парламентлараро алоқалар қўмитаси

44.

Мамлакат ташқи сиёсатига оид муҳим вазифаларни ҳал қилишда парламент дипломатияси ролини кучайтиришга қаратилган амалий чора-тадбирларни амалга ошириш.

Амалий чора-тадбирларда Ўзбекистоннинг миллий манфаатларини халқаро доирада, жумладан парламентлараро майдонда ва икки томонлама муносабатларда илгари суришга қаратилган Ўзбекистон Республикаси Олий Мажлисининг халқаро фаолиятини кучайтириш;

хорижий мамлакатлар парламент вакиллари билан тўғридан-тўғри мулоқотни йўлга қўйиш бўйича аниқ чора-тадбирларни, яқин ва узоқ хорижга ишчи ташрифларни амалга ошириш, ҳамкорликни кенгайтириш ва долзарб масалалар ечимини излаш мақсадида ҳамкор мамлакатларнинг ҳукумат ва фуқаролик жамияти институтлари вакиллари билан учрашувлар ўтказиш назарда тутилади.

2019 йил давомида

Халқаро ишлар

ва парламентлараро алоқалар қўмитаси

II. Назорат-таҳлил фаолияти

Т/р

Назорат-таҳлил тадбири

Асослантириш

Бажариш муддати

Масъул ижрочилар

1-бўлим. Давлат ва жамият қурилиши тизимини такомиллаштириш

1.

Ўзбекистон Республикаси Олий Мажлиси Қонунчилик палатаси Кенгаши ва Сенати Кенгашининг «Дин ёки эътиқод эркинлигини таъминлаш юзасидан «Йўл харитаси» тўғрисида»ги 2018 йил 4 майдаги 1646-III/КҚ-348-III-сонли Қўшма қарорининг ижросини ўрганиш.

Ўрганишда ушбу Қўшма қарор билан тасдиқланган Дин ёки эътиқод эркинлигини таъминлаш юзасидан «Йўл харитаси»да белгиланган тадбирларнинг ижросини таҳлил қилиш назарда тутилади.

Ўрганиш якунлари бўйича тегишли давлат органлари раҳбарларининг ахборотини эшитиш белгиланган.

2019 йил

февраль

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

2.

Республика онкология илмий маркази фаолиятида «Ахборотлаштириш тўғрисида»ги Ўзбекистон Республикаси Қонунининг ижро этилиши ҳолатини ўрганиш.

Тадбир Республика онкология илмий маркази тизимида аҳолига сифатли ва тезкор тиббий хизматлар кўрсатиш жараёнларига замонавий ахборот-коммуникация технологияларини, ахборот ресурслари ва ахборот тизимларини кенг жорий қилиш ишларини таҳлил қилиш ҳамда жадаллаштириш юзасидан таклифлар ишлаб чиқишга қаратилган.

2019 йил

март

Инновацион ривожланиш, ахборот сиёсати ва ахборот технологиялари масалалари қўмитаси

3.

«Фуқаролар йиғини раиси (оқсоқоли) сайлови тўғрисида»ги Ўзбекистон Республикаси Қонунининг жойлардаги ижро этилиши ҳолатини ўрганиш.

Тадбирда фуқаролар йиғини раиси (оқсоқоли) сайловининг соҳада қабул қилинган янги қонун доирасида амалга оширилиши, ушбу сайловларга тайёргарлик кўриш жараёни, сайловда кўпроқ аҳолини жалб этиш, сайлов жараёнининг демократик тарзда, очиқ ва шаффоф ўтишини таъминлаш борасида Фуқаролар йиғини раиси (оқсоқоли) сайловини мувофиқлаштириш бўйича Республика кенгаши ва бошқа ташкилотлар томонидан олиб борилаётган ишларнинг ҳолатини ўрганиш назарда тутилади.

2019 йил

апрель

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

4.

Санитария, гигиена ва профессионал касалликлар илмий тадқиқот институти фаолиятида «Ахборотлаштириш тўғрисида»ги Ўзбекистон Республикаси Қонунининг ижро этилиши ҳолатини ўрганиш.

Тадбир санитария, гигиена ва профессионал касалликлар борасида фуқароларга сифатли ва тезкор тиббий хизматлар кўрсатиш жараёнларига замонавий ахборот-коммуникация технологиялари, ахборот ресурслари ва ахборот тизимларини кенг жорий қилиш ишларини жадаллаштириш юзасидан таҳлиллар ўтказиш ва таклифлар ишлаб чиқишга қаратилган.

2019 йил

май

Инновацион ривожланиш, ахборот сиёсати ва ахборот технологиялари масалалари қўмитаси

5.

Ўзбекистон Республикаси Бош вазирига «Маъмурий қамоқни ўташ тартиби тўғрисида»ги Ўзбекистон Республикаси Қонунининг ижросини таъминлаш борасида амалга оширилаётган ишларнинг ҳолати ҳақида» парламент сўровини юбориш.

Парламент сўрови ушбу қонуннинг 2019 йил 1 январдан кучга кириши муносабати билан қонундаги вазифаларнинг ижросини ўз вақтида таъминлаш юзасидан кўрилаётган чора-тадбирлар, хусусан, маъмурий қамоққа олинган шахсларни сақлаш учун мўлжалланган махсус қабулхоналар биноларини қуриш ва реконструкция қилиш каби масалалар юзасидан жавоблар олишга қаратилган.

2019 йил

июнь

Қонунчилик ва суд-ҳуқуқ масалалари қўмитаси

6.

Ўзбекистон Республикаси маданият вазирининг «Ўзбекистон Республикасида Миллий маданиятни янада ривожлантириш концепцияси доирасида амалга оширилаётган ишлар тўғрисида»ги ахборотини эшитиш.

Тадбирда ушбу Концепциядаги вазифаларнинг амалга оширилиш ҳолати ҳамда соҳада ҳуқуқни қўллаш амалиётининг самарадорлигини ўрганиш назарда тутилади.

Эшитувда қуйидаги масалаларга эътибор қаратилади:

маданият соҳасига оид норматив-ҳуқуқий базани, ушбу соҳадаги институционал тизимни ва маданият муассасалари фаолиятини янада такомиллаштириш;

тарихий ва маданий меросни сақлаш ҳамда уни ёш авлод тарбиясида кенг қўллаш;

қабул қилинаётган иқтисодий, ижтимоий ва маданият соҳасига оид қарорларнинг ушбу соҳадаги ягона давлат сиёсатига мослигини таъминлаш;

маданият соҳасига замонавий ахборот-коммуникация технологияларини кенг жорий этиш, маданиятни янада кенг тадқиқ ва тарғиб этишда инновацион ғоялар ва технологиялардан самарали фойдаланиш ва бошқалар.

Тадбир якунида аниқланган муаммоларни ҳал этиш юзасидан таклифлар ишлаб чиқиш назарда тутилади.

2019 йил июнь

Фан, таълим, маданият ва спорт масалалари қўмитаси

7.

Ўзбекистон Республикаси Президентининг 2018 йил 30 ноябрдаги «Ўзбекистон Республикасида ичимлик суви таъминоти ва канализация тизимларини ривожлантириш бўйича қўшимча чора-тадбирлар тўғрисида»ги ПҚ-4040-сонли Қарорининг ижро этилиш ҳолатини Жиззах ва Самарқанд вилоятлари мисолида назорат-таҳлил тартибида ўрганиш.

Тадбирни ўтказишдан мақсад — Ўзбекистон Республикаси Президентининг ушбу қарори билан оқова сув объектларини қуриш ва реконструкция қилиш бўйича белгиланган вазифалар доирасида амалга оширилаётган ишларни мазкур ҳудудлар кесимида ўрганишдан иборатдир.

Назорат-таҳлил тадбири якуни бўйича оқова сув объектларини қуриш ҳамда реконструкция қилиш бўйича чора-тадбирлар ва тавсиялар ишлаб чиқилади.

2019 йил

октябрь

Экология ва атроф-муҳитни муҳофаза қилиш масалалари қўмитаси

8.

Ўзбекистон Республикаси Экология ва атроф-муҳитни муҳофаза қилиш давлат қўмитаси раисининг «2016 — 2020 йилларда Ўзбекистон Республикасида атроф табиий муҳит мониторинги Дастурининг бажарилишининг бориши тўғрисида»ги ахборотини Қонунчилик палатаси мажлисида эшитиш.

Эшитув 2016 — 2020 йилларда Ўзбекистон Республикасида атроф табиий муҳит мониторинги Дастурининг бажарилиши бўйича ишларнинг ҳолатини ўрганишга қаратилган.

Тадбирда сув ресурслари, атмосфера ҳавоси, тупроқ, ер ости ва ер усти сувларининг ифлосланиши, ўсимлик ва ҳайвонот дунёси объектлари мониторинги, даврий ва тезкор маълумотларни тайёрлаш, атроф табиий муҳит мониторингининг метрологик асосини ва услубий базасини такомиллаштириш, атроф табиий муҳитнинг ягона мониторинг тизимини олиб бориш учун экоаналитик лабораторияларнинг моддий-техника базасини мустаҳкамлаш бўйича амалга оширилган ишларни таҳлил қилиш назарда тутилади.

Назорат-таҳлил тадбири якуни бўйича атроф табиий муҳитни мониторинги соҳасидаги қонунчиликни ва норматив-ҳуқуқий базани такомиллаштириш, мазкур Дастурдаги тадбирларни ўз вақтида бажариш бўйича чора-тадбирлар ва тавсиялар ишлаб чиқилади.

2019 йил

декабрь

Экология ва атроф-муҳитни муҳофаза қилиш масалалари қўмитаси

2-бўлим. Қонун устуворлигини таъминлаш ва суд-ҳуқуқ тизимини янада ислоҳ қилиш

9.

«Маъмурий қамоқни ўташ тартиби тўғрисида»ги Ўзбекистон Республикаси Қонунининг ижро этилиши ҳолатини ўрганиш.

Тадбир ушбу қонуннинг 2019 йил 1 январдан кучга кириши муносабати билан қонун нормаларининг самарали ишлаши учун қонунчиликка киритилган ўзгартишлар мониторингини олиб боришга қаратилган.

2019 йил

июнь

Қонунчилик ва суд-ҳуқуқ масалалари қўмитаси

10.

Ўзбекистон Республикаси адлия вазирининг «Ҳуқуқий тарғиботни амалга ошириш, аҳолига қабул қилинаётган қонун ҳужжатларининг мазмун-моҳияти ва аҳамиятини етказиш, шунингдек, аҳолининг ҳуқуқий саводхонлигини ошириш бўйича олиб борилаётган ишлар тўғрисида»ги ахборотини Қонунчилик палатаси мажлисида эшитиш.

Эшитувда:

аҳолига мамлакатимизда амалга оширилаётган ижтимоий-иқтисодий ислоҳотлар, қабул қилинаётган қонун ҳужжатлари ҳамда давлат дастурларининг мазмуни ва моҳиятини етказиш тизимини шакллантириш;

аҳоли ўртасида ҳуқуқий маданиятни шакллантириш бўйича ҳуқуқий-маърифий тадбирларни ташкил қилиш;

юридик таълимни такомиллаштириш, шунингдек, юридик кадрларни тайёрлаш, қайта тайёрлаш ва уларнинг малакасини ошириш тизимини ривожлантириш масалаларига эътибор қаратилади.

2019 йил

август

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

11.

Ўзбекистон Республикаси халқ таълими вазирининг «Умумтаълим мактабларида ўқувчиларнинг ҳуқуқий билимларини ошириш ҳамда ҳуқуқий билимларга доир ўқув машғулотларининг кўламини янада кенгайтириш борасида амалга оширилаётган ишлар тўғрисида»ги ахборотини қўмитада эшитиш.

Тадбирда ўқувчиларнинг ҳуқуқий саводхонлигини ошириш, ҳуқуқий тарғиботни амалга оширишнинг замонавий механизмларини жорий этиш, таълим муассасаларининг ҳуқуқий тарғибот ва маърифат йўналишдаги фаолиятини такомиллаштириш каби масалаларни муҳокама қилиш назарда тутилади.

Эшитув якунида мавжуд муаммоларни ҳал этиш юзасидан тегишли таклиф ва тавсиялар ишлаб чиқилади.

2019 йил

сентябрь

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

12.

Ўзбекистон Республикаси олий ва ўрта махсус таълим вазирига «Ёшларнинг ҳуқуқий онг ва ҳуқуқий маданиятни юксалтириш, айниқса, уларнинг онгида коррупциянинг жамият ва мамлакат равнақи учун ўта салбий иллат эканлигини тарғиб қилиш ҳамда олий таълим муассасаларида талабаларнинг ҳуқуқий билимларини ошириб борилишини таъминлаш бўйича амалга оширилаётган ишлар тўғрисида» парламент сўровини юбориш.

Парламент сўрови олий таълим муассасаларида таҳсил олаётган талабаларнинг ҳуқуқий саводхонлигини ошириш, ёш авлоднинг ҳуқуқий онги ва ҳуқуқий маданиятини юксалтириш ҳамда талабаларнинг ҳуқуқий билимлари узлуксиз ва тизимли ошириб борилишини таъминлаш механизмини жорий этиш масалаларига жавоб олишга қаратилган.

2019 йил октябрь

Фан, таълим, маданият ва спорт масалалари қўмитаси

3-бўлим. Иқтисодиётни ривожлантириш ва либераллаштириш

13.

Бюджет маблағларидан самарали фойдаланишнинг ҳолати ва бюджет муносабатларининг натижадорлиги даражасини Қорақалпоғистон Республикаси ва Қашқадарё вилояти маҳаллий бюджетлари мисолида даврий ўрганиб бориш.

Мазкур назорат-таҳлил тадбири давомида мунтазам:

бюджет маблағларидан самарали фойдаланилишининг таҳлили;

илғор хорижий тажриба асосида мақсадга йўналтирилган бюджетлаштириш тизимига ўтилишининг ҳолати;

бюджет ҳисобидан молиялаштириладиган дастур ва лойиҳаларнинг ижросида сифат ва миқдор кўрсаткичларига амал қилинишининг ҳолати;

бюджет самарадорлигини аудитдан ўтказишнинг бориши;

давлат молиясини бошқаришнинг бюджет харажатлари натижадорлигига асосланган тизимига ўтишнинг ҳолати ўрганилиб, муҳокамалар натижаларига кўра қўмитанинг қарори қабул қилинади.

2019 йил февраль

ва март

Бюджет ва иқтисодий ислоҳотлар қўмитаси

14.

Бюджетлараро муносабатларни такомиллаштириш ва маҳаллий бюджетларнинг юқори турувчи бюджетларга боғлиқлик даражасини қисқартириш бўйича амалга оширилаётган ишларнинг ҳолатини Хоразм вилояти мисолида ўрганиш.

Ҳудудларда маҳаллий молия бошқармаларида маҳаллий давлат органларига туман (шаҳар) бюджетларини мустақил тасдиқлаш ва ижро этишнинг бориши ўрганилади ҳамда натижалари юзасидан:

маҳаллий харажатларни молиялаштириш ваколатини босқичма-босқич юқори бюджетдан қуйи бюджетга ўтказиш;

мақсадли юқори бюджетдан қуйи бюджетга ажратмалар (трансфертлар) бериш қоидалари ва тартибини такомиллаштириш;

маҳаллий бюджетларга қолдириладиган солиқлар бўйича ажратмалар меъёрини унификациялаштириш (бир хиллаштириш) ва даврий қайта кўриб чиқиш амалиётини жорий этиш юзасидан таклифлар тайёрлаш.

Ўрганиш якунларига кўра қўмитанинг тегишли қарори қабул қилинади.

2019 йил

март

Бюджет ва иқтисодий ислоҳотлар қўмитаси

15.

Ўзбекистон Республикаси Президентининг 2018 йил 18 майдаги «Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида»ги ПҚ-3730-сонли Қарорининг ижро этилиши ҳолатини ўрганиш.

Тадбирда мазкур қарорда белгиланган чиқиндилар билан боғлиқ ишларни амалга ошириш тизимини тубдан такомиллаштириш ва ривожлантириш, республикада санитария ҳамда экологик вазиятни, аҳолига хизмат кўрсатиш сифатини яхшилаш билан боғлиқ тадбирларнинг ижро ҳолатини ўрганиш назарда тутилади.

Ўрганиш якунларига кўра аниқланган камчиликларни бартараф этиш юзасидан тегишли таклиф ва тавсиялар ишлаб чиқилади.

2019 йил

март

Экология ва атроф-муҳитни муҳофаза қилиш масалалари қўмитаси

16.

Ўзбекистон Республикаси Президентининг 2017 йил 18 январдаги «2017 — 2021 йилларда Оролбўйи минтақасини ривожлантириш Давлат дастури тўғрисида»ги ПҚ-2731-сонли Қарорининг ижро этилиши ҳолатини ўрганиш.

Тадбирда ушбу Дастурда белгиланган Оролбўйи минтақасида экологик ва ижтимоий-иқтисодий вазиятни, аҳолининг яшаш шароитларини яхшилаш, Орол денгизининг экологик фалокати оқибатларини юмшатиш бўйича инвестиция лойиҳаларни самарали рўёбга чиқариш бўйича белгиланган вазифаларнинг ижро ҳолатини ўрганиш назарда тутилади.

Тадбир якунига кўра ушбу дастурнинг ўз вақтида бажарилишига доир тегишли чора-тадбирлар ва тавсиялар ишлаб чиқилади.

2019 йил

март

Экология ва атроф-муҳитни муҳофаза қилиш масалалари қўмитаси

17.

Ўзбекистон Республикаси инвестициялар бўйича давлат қўмитаси раисининг «Фаол инвестициялар ва ижтимоий ривожланиш йили» Давлат дастури қабул қилинганлиги муносабати билан мамлакатимизга хорижий инвестицияларни жалб қилиш борасида амалга оширилаётган ишларнинг ҳолати тўғрисида»ги ахборотини Қўмитада эшитиш.

Тадбир мамлакатимизда инвестиция муҳитини тубдан яхшилаш учун зарур шароитларни яратиш, хорижий инвестицияларни, тўғридан-тўғри хорижий инвестицияларни фаол жалб этиш ҳамда самарали ўзлаштириш, мамлакатимизнинг инвестиция салоҳиятини тўла намоён этиш ҳамда инвестицияларни жалб этишга тўсиқ бўлаётган чекловларни бартараф этиш борасида амалга оширилаётган чора-тадбирларни ўрганишга қаратилган.

Тадбир якунларига кўра мамлакатимизнинг инвестициявий жозибадорлигини ошириш, халқаро инвестициявий банклар ва ташкилотлар билан ҳамкорлик алоқаларини янада ривожлантириш, инвестициявий лойиҳалар тақдимотини республикада ва хорижий давлатларда ўтказишга доир чора-тадбирларни рўёбга чиқариш самарадорлигини ошириш юзасидан таклифлар ҳамда тавсиялар ишлаб чиқиш назарда тутилади.

2019 йил

март

Халқаро ишлар ва парламентлараро алоқалар қўмитаси

18.

Ўзбекистон Республикаси Фанлар академияси Қишлоқ хўжалиги илмий ишлаб чиқариш маркази директорининг «Республика тупроқ-иқлим шароитига мос, қурғоқчиликка, шўрликка, иссиқликка, касаллик ва зараркунандаларга чидамли, эртапишар ва юқори ҳосилли қишлоқ хўжалиги экинлари навларини яратиш бўйича илмий-тадқиқот ишларининг амалга оширилиши ҳолати тўғрисида»ги ахборотини қўмитада эшитиш.

Тадбир Ҳаракатлар стратегиясида белгиланган қишлоқ хўжалигини модернизация қилиш борасида энг муҳим вазифалардан, шунингдек қишлоқ хўжалиги соҳасини ривожлантиришда илм-фанни ҳаёт талабларига мослаштириш, қишлоқ хўжалиги илмий-тадқиқот институтларининг аграр фан ва селекцияни ривожлантириш, илғор агротехнологияларни ишлаб чиқиш ва амалиётга жорий этиш, ҳар бир ҳудудда тупроқ ва иқлим шароитига мос экин навларини яратиш ҳамда жойлаштириш борасидаги илмий-тадқиқот ишларини янада кенгайтириш бўйича ишларнинг ҳолатини ўрганишга қаратилган.

Тадбир якунларига кўра қишлоқ хўжалиги соҳасида қонунчилик ва норматив-ҳуқуқий базани янада такомиллаштириш, қишлоқ хўжалиги экинлари ҳосилдорлигини ошириш ҳисобига маҳсулот ишлаб чиқаришдаги мавжуд кенг имкониятдан самарали фойдаланишни таъминлашга доир таклиф ва тавсиялар ишлаб чиқиш назарда тутилади.

2019 йил

май

Аграр ва сув хўжалиги масалалари қўмитаси

19.

Республика касб-ҳунар коллежларида ҳунармандчиликнинг талаб юқори бўлган турлари бўйича мутахассислар тайёрлаш ҳолатини Фарғона, Самарқанд ва Хоразм вилоятлари мисолида назорат-таҳлил тартибида ўрганиш.

Тадбирда ушбу ҳудудларда эҳтиёж юқори бўлган турдош мутахассисликлар, шунингдек ишлаш бўйича амалий кўникмаларга эга бўлган малакали кадрларни тайёрлаш, уларга бўлган реал эҳтиёжни, иш берувчи корхоналарнинг таклифларини ҳисобга олган ҳолда иқтисодиёт соҳалари ва тармоқлари учун зарур мутахассислар тайёрлаш сифатини тубдан яхшилаш бўйича касб-ҳунар коллежларининг фаолияти ўрганиш назарда тутилади.

Ўрганиш якунларига кўра тегишли таклиф ва тавсиялар ишлаб чиқиш белгиланган.

2019 йил

май

Фан, таълим, маданият ва спорт масалалари қўмитаси

20.

Ҳудудларда саноатни ривожлантиришнинг узоқ муддатли дастурларини ишлаб чиқиш бўйича амалга оширилаётган ишларнинг ҳолатини Андижон вилояти мисолида ўрганиш.

Тадбирда иқтисодиётдаги тизимли ўзгаришлар натижасида ялпи ички маҳсулот таркибида саноатнинг улушини ошириш борасида айрим шаҳар ва туманларда етарлича эътибор берилмаётганлиги, шу сабабли ҳар бир туман ва шаҳар саноатини ривожлантириш бўйича узоқ муддатли дастурлар ишлаб чиқилиши бўйича олиб борилаётган ишларнинг аҳволини ўрганиш назарда тутилади.

2019 йил

май

Саноат, қурилиш

ва савдо масалалари қўмитаси

21.

Ўзбекистон Республикаси Президентининг 2018 йил 9 июлдаги «Ички бозорни қум-шағал материаллари билан барқарор таъминлаш бўйича қўшимча чора-тадбирлари тўғрисида»ги ПҚ-3841-сонли Қарорининг ижро этилиш ҳолатини Қашқадарё ва Тошкент вилоятлари мисолида назорат-таҳлил тартибида ўрганиш.

Мазкур назорат-таҳлил тадбири Қарорда назарда тутилган фаол тадбиркорликни ривожлантириш учун қулай шарт-шароитлар яратиш, дарё ўзанларини тозалаш жараёнида қонунчилик талаблари бузилишининг олдини олиш, бу соҳада давлат-хусусий шерикликни ривожлантириш, шунингдек, ички бозорни қум-шағал материаллари билан барқарор таъминлаш бўйича олиб борилаётган ишларни таҳлил қилишга қаратилган.

Ўрганиш якунларига кўра тегишли чора-тадбирлар ва тавсиялар ишлаб чиқиш назарда тутилади.

2019 йил

май

Экология ва атроф-муҳитни муҳофаза қилиш масалалари қўмитаси

22.

Эркин иқтисодий зоналар ва кичик саноат зоналарида бизнес субъектларини жойлаштириш, уларга имтиёз ва преференциялар беришни ташкилий ҳамда ҳуқуқий жиҳатдан тартибга солиш масалаларини Навоий ва Тошкент вилоятлари мисолида ўрганиш.

Ўрганишда эркин иқтисодий зоналар ва кичик саноат зоналарида бизнес субъектларини жойлаштириш, уларга имтиёз ҳамда преференциялар беришни ташкилий ва ҳуқуқий жиҳатларини таҳлил қилиш, амалиётда учраётган муаммоларни бартараф этиш масалаларига эътибор қаратилади.

Тадбир якунда аниқланган муаммоларни бартараф этиш бўйича таклифлар ишлаб чиқиш назарда тутилади.

2019 йил

июнь

Саноат, қурилиш ва савдо масалалари қўмитаси

23.

Ўзбекистон Республикаси сув хўжалиги вазирининг «Республикада сувдан оқилона фойдаланиш ва сув ресурсларини тежовчи технологияларни қўллаш ишларининг амалга оширилиши ҳолати тўғрисида»ги ахборотини қўмитада эшитиш.

Тадбир сув ресурсларидан оқилона фойдаланиш, уларни самарали бошқариш, қишлоқ хўжалиги ерларида сувдан оқилона фойдаланиш мақсадида сув тежовчи илғор технологиялардан, жумладан, томчилатиб суғориш усулларидан фойдаланиш, шунингдек сув хўжалиги соҳасини ривожлантиришда илм-фан ютуқларини қўллаш ва ривожлантириш борасидаги ишларнинг ҳолатини ўрганишга қаратилган.

Тадбир якунларига кўра бу борадаги ишларни янада кучайтиришга қаратилган таклиф ва тавсиялар ишлаб чиқиш назарда тутилади.

2019 йил

июнь

Аграр ва сув хўжалиги масалалари қўмитаси

24.

Ўзбекистон Республикаси молия вазирининг «Бюджет маълумотларининг очиқлигини ва бюджет жараёнида жамоатчиликнинг иштирокини таъминлаш борасида амалга оширилаётган ишлар тўғрисида»ги ахборотини қўмитада эшитиш.

Эшитувни ўтказишдан мақсад — бюджет маълумотларининг очиқлиги ва шаффофлигини янада ошириш, бюджет маблағларининг шаклланиши ва сарфланиши устидан парламент ва жамоатчилик назоратини кучайтиришдан иборат.

Бунда:

2019 йилдан бошлаб бюджет маблағларини тақсимлашда фуқаролар иштирокининг туман (шаҳар)лар бюджетлари қўшимча манбаларининг камида 10 фоизини жамоатчилик фикри асосида шакллантирилиши;

2020 йилдан бошлаб Давлат бюджети ва давлат мақсадли жамғармалари бюджетлари ахборотлари батафсил баён этилган, илғор халқаро стандартларга мувофиқ тайёрланган қонун билан тасдиқланиши юзасидан олиб борилаётган ишлар;

Давлат бюджети ва давлат мақсадли жамғармалари бюджетлари, солиқ ва бюджет сиёсатининг асосий йўналишлари лойиҳалари, Давлат бюджети ва давлат мақсадли жамғармалари бюджетлари ижроси тўғрисидаги ҳисоботлар, шунингдек Ҳисоб палатасининг хулосаларини жойлаштириш орқали бюджет харажатларининг манзиллилиги устидан жамоатчилик назоратининг амалга оширилиши масалалари муҳокама қилинади.

2019 йил

июль

Бюджет ва иқтисодий ислоҳотлар қўмитаси

25.

«Ўсимлик дунёсини муҳофаза қилиш ва ундан фойдаланиш тўғрисида»ги Ўзбекистон Республикаси Қонуни 34-моддаси талабларининг бажарилиш ҳолатини Навоий вилояти мисолида ўрганиш.

Назорат-таҳлил тадбирида мутасадди ташкилотлар томонидан ёввойи ҳолда ўсувчи ўсимликларни чорвачилик эҳтиёжлари учун тайёрлаш борасида амалга оширилаётган ишларни ўрганиш ва таҳлил қилиш назарда тутилади.

Тадбир якунлари бўйича қўмитанинг тегишли қарорини қабул қилиш белгиланган.

2019 йил

июль

Экология ва атроф-муҳитни муҳофаза қи�иш масалалари қўмитаси

26.

Ўзбекистон Республикаси Бош вазирининг ўринбосарига «Мамлакат экспорт салоҳиятини оширишда транспорт-логистика тизимини такомиллаштириш борасида амалга оширилган ишлар тўғрисида» парламент сўровини юбориш.

Парламент сўровида Вазирлар Маҳкамаси томонидан экспорт юкларини қўшни давлатлардан темир йўл орқали имтиёзли нархларда ўтказиш бўйича музокаралар натижалари, шу жумладан, Жаҳон банкининг «Логистика самарадорлиги индекси»даги Ўзбекистоннинг ўрнини 20 поғона юқорига кўтариш юзасидан кўрилаётган чоралар, ҳамда «Узбекистан Эйрвейс» ва «Ўзбекистон темир йўллари» компаниялари томонидан мамлакатимизда ишлаб чиқарилган товарларни экспорт қилиш бўйича замонавий логистика йўналишларини яратиш бўйича олиб борилаётган ишлар юзасидан саволларга жавоб олинади.

2019 йил

сентябрь

Саноат, қурилиш ва савдо масалалари қўмитаси

27.

Ўзбекистон Республикаси Вазирлар Маҳкамасининг:

«Ўзбекистон Республикаси давлат бюджетининг ва давлат мақсадли жамғармалари бюджетларининг 2018 йилдаги ижроси якунлари тўғрисида»ги;

«Ўзбекистон Республикаси давлат бюджетининг ва давлат мақсадли жамғармалари бюджетларининг 2019 йил I чоракдаги ижроси якунлари тўғрисида»ги;

«Ўзбекистон Республикаси давлат бюджетининг ва давлат мақсадли жамғармалари бюджетларининг 2019 йил II чоракдаги ижроси якунлари тўғрисида»ги;

«Ўзбекистон Республикаси давлат бюджетининг ва давлат мақсадли жамғармалари бюджетларининг 2019 йил III чоракдаги ижроси якунлари тўғрисида»ги ҳисоботларини эшитиш.

Мамлакатимиз бош молиявий ҳужжатининг ижроси устидан парламент назоратини амалга ошириш Қонунчилик палатасининг энг муҳим устувор вазифаларидан бири ҳисобланганлиги сабабли ушбу масалага депутатлар томонидан алоҳида эътибор қаратилади. Қонунчилик палатасида бу соҳада ўзига хос тажриба шаклланган бўлиб, аввало, ушбу масала қўмиталар, сиёсий партиялар фракциялари ва Экоҳаракат депутатлар гуруҳида муҳокама қилиниб, уларнинг тегишли қарорлари қабул қилинади ва муносабатлари шакллантирилади.

Бюджет ва иқтисодий ислоҳотлар қўмитаси, сиёсий партиялар фракциялари ҳамда Экоҳаракат депутатлар гуруҳининг қарорларига асосан Давлат бюджетининг ва давлат мақсадли жамғармалари бюджетларининг тегишли ҳисобот давридаги ижроси якунлари тўғрисидаги масала Қонунчилик палатаси мажлисида кўриб чиқилади.

2019 йил

давомида

Бюджет ва иқтисодий

ислоҳотлар қўмитаси

4-бўлим. Ижтимоий соҳани ривожлантириш

28.

Ўзбекистон фармацевтика тармоғини ривожлантириш агентлиги директорининг «Аҳолини сифатли ва арзон дори воситалари ва тиббий буюмлар билан таъминлаш борасида амалга оширилаётган ишлар тўғрисида»ги ахборотини қўмитада эшитиш.

Эшитувда аҳолини сифатли ва арзон дори воситалари ҳамда тиббий буюмлар билан таъминланиш ҳолати, фармацевтика тармоғини янада ривожлантириш, нарх шаклланиши механизмларини такомиллаштириш, дори воситалари, тиббий техника ва буюмлар ишлаб чиқариш ҳажми ва турларини кенгайтириш масалаларини муҳокама қилиш назарда тутилади.

Тадбир якунида соҳадаги мавжуд муаммоларни ҳал этиш ҳамда бу борадаги ишларни янада яхшилаш юзасидан таклифлар ишлаб чиқилади.

2019 йил

апрель

Фуқароларнинг соғлиғини сақлаш масалалари қўмитаси

29.

«Аҳолининг санитария-эпидемиологик осойишталиги тўғрисида»ги Ўзбекистон Республикаси Қонуни 19-моддасининг бажарилиш ҳолатини Қорақалпоғистон Республикаси ва Хоразм вилояти мисолида назорат-таҳлил тартибида ўрганиш.

Назорат-таҳлил тадбирини ўтказишдан мақсад — ушбу Қонуннинг 19-моддаси талабларини мазкур ҳудудларда ижро этилиши ҳолати юзасидан таъсирчан парламент назоратини амалга оширишдан иборатдир.

Тадбир якуни бўйича соҳадаги қонунчиликни ва норматив-ҳуқуқий базани такомиллаштириш, мазкур Қонун талабларини ўз вақтида тўлиқ амалга ошириш бўйича чора-тадбирлар ва тавсиялар ишлаб чиқиш назарда тутилади.

2019 йил

апрель

Экология ва атроф-муҳитни муҳофаза қилиш масалалари қўмитаси

30.

Ўзбекистон Республикаси иқтисодиёт ва саноат вазири ўринбосарининг «Аҳолини суюлтирилган газ ва кўмир билан таъминлаш борасида ҳар бир оила учун ажратиладиган лимит миқдорини белгилашнинг асосий омиллари тўғрисида»ги ахборотини қўмитада эшитиш.

Эшитувда аҳолини суюлтирилган газ ва кўмир билан таъминлаш борасида ҳар бир оила учун белгиланган лимит миқдорининг асослилиги, кўмир сифати, уни ўз муддатида аҳолига етказиб бериш ҳамда бу борадаги мавжуд муаммоларни бартараф этиш юзасидан олиб борилаётган ишларни муҳокама қилиш назарда тутилади.

2019 йил

май

Саноат, қурилиш ва савдо масалалари қўмитаси

31.

«Меҳнатни муҳофаза қилиш тўғрисида»ги Ўзбекистон Республикаси Қонуннинг ижро этилиш ҳолатини Тошкент ва Андижон вилоятлари мисолида ўрганиш.

Тадбирни ўтказишдан мақсад — меҳнатни муҳофаза қилиш тизимида ягона давлат сиёсатини юритиш, ходимларнинг меҳнат қилиш жараёнида соғлиғини сақлаш борасидаги қулай ва хавфсиз меҳнат шароитларини яратиш, бу борада профилактика тадбирларини олиб боришда меҳнатни муҳофаза қилишга оид қонунчиликнинг ижросини тўлиқ амалиётга жорий этилиши ҳолатини ўрганишдан иборатдир.

Ўрганиш якунларини қўмитанинг мажлисида атрофлича муҳокама қилиш назарда тутилади.

2019 йил

июнь

Меҳнат ва ижтимоий масалалар қўмитаси

32.

Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлиги директорининг «Ўзбекистон Республикаси фуқароларини хорижда уюшган ҳолда ишга жойлаштириш тизимини янада такомиллаштириш ва тубдан қайта кўриб чиқиш чора-тадбирлари тўғрисида»ги 725-сонли Вазирлар Маҳкамаси қарорининг ижроси доирасида амалга ошираётган ишларнинг ҳолати тўғрисида»ги ахборотини қўмитада эшитиш.

Тадбирни ўтказишдан мақсад — фуқароларнинг чет элда меҳнат қилиш ҳуқуқларини таъминлаш, фуқароларни хорижда уюшган ҳолда олиш, тайёрлаш, мослаштириш тадбирларини ўтказиш ва ишга жойлаштириш жараёнларини самарали назорат қилиш орқали уларнинг хорижда меҳнат фаолиятини олиб боришга доир ҳуқуқларини амалга оширишда кўмаклашиш бўйича олиб борилаётган ишларни муҳокама қилишдан иборат.

Бунда қуйидаги масалаларга эътибор қаратиш назарда тутилади:

меҳнат миграциясидан қайтган фуқароларни ишга жойлашишда кўмаклашиш;

фуқароларни хорижда ишга жойлаштириш жараёнларини тартибга солиш ва уларнинг меҳнат ҳуқуқларини таъминлаш масалалари юзасидан хорижий давлатларнинг ваколатли органлари билан ҳамкорлик қилиш;

фуқароларни хорижда ишга жойлаштириш ва уларнинг фаолиятини назорат қилиш.

Тадбир якунида бу борада йўл қўйилган камчиликларни бартараф этишга қаратилган тегишли чора-тадбирлар ишлаб чиқилади.

2019 йил

август

Меҳнат ва ижтимоий масалалар қўмитаси

33.

Ўзбекистон Республикаси автомобиль йўллари давлат қўмитаси раисининг «Мамлакатда автомобиль йўлларини қуриш, таъмирлаш ва сифатини оширишда замонавий инновацион технологиялар ва материалларни жорий этиш борасида амалга оширилган ишлар ва истиқболдаги режалар тўғрисида»ги ахборотини қўмитада эшитиш.

Эшитув автомобиль йўлларини лойиҳалаш ва қуриш соҳасида умумэътироф этилган халқаро стандартлар ҳамда энг яхши тажрибаларни, автомобиль йўлларининг сифатини ва хизмат кўрсатиш муддатларини оширишни таъминлайдиган йўл қурилишида қўлланиладиган замонавий инновацион технологиялар ва материалларни жорий этиш, биринчи навбатда, ҳудудларга етакчи хорижий компаниялар ва юқори малакали мутахассислар иштирокида йирик пудрат ташкилотларини жалб этиш ҳисобига, йўл хўжалиги соҳасидаги илғор хорижий тажриба ва амалиётни фаол ўзлаштириш ҳамда самарали қўллаш масалаларини муҳокама қилишга қаратилган.

2019 йил

июль

Саноат, қурилиш ва савдо масалалари қўмитаси

34.

Ўзбекистон Республикаси соғлиқни сақлаш вазирининг ўринбосари — Бош давлат санитария врачининг «Аҳолининг санитария-эпидемиологик осойишталиги тўғрисида»ги Ўзбекистон Республикаси Қонунининг санитария-гигиена тадбирларини ва эпидемияга қарши тадбирларни ташкил этиш ҳамда ўтказиш бўйича талаблари бажарилишининг ҳолати тўғрисида»ги ахборотини Қонунчилик палатаси мажлисида эшитиш.

Эшитувда санитария-эпидемиологик вазиятни яхшилаш, инсонларга яшаш муҳити омилларининг зарарли таъсирини камайтириш, унинг ҳаёт фаолияти учун қулай шарт-шароитларни таъминлаш, юқумли ва паразитар касалликлар пайдо бўлишининг ҳамда тарқалишининг олдини олишга ва уларни бартараф этишга қаратилган чора-тадбирлар ижроси, аҳолининг санитария-эпидемиологик осойишталиги тўғрисидаги қонун ҳужжатлари бузилишларининг олдини олиш, уларни аниқлаш ва бартараф этиш борасидаги ишларни муҳокама қилиш назарда тутилади.

2019 йил

июль

Экология ва атроф-муҳитни муҳофаза қилиш масалалари қўмитаси,

Фуқароларнинг соғлиғини сақлаш масалалари қўмитаси

35.

Бандлик ва меҳнат муносабатлари вазирининг «2019 йилда аҳоли бандлигига кўмаклашиш дастури ҳамда «Хусусий бандлик агентликлари тўғрисида»ги Ўзбекистон Республикаси Қонуни ижроси бўйича амалга оширилаётган ишлар ҳақида»ги ахборотини эшитиш.

Тадбир ушбу дастурда белгиланган вазифаларнинг бажарилиши қандай бораётганлигини, энг аввало, тақдим этилаётган маълумотларнинг ишончлилигини баҳолаш, камчиликлар ва муаммоларни аниқлаш, уларни бартараф этиш бўйича аниқ таклифлар ишлаб чиқиш, шунингдек мансабдор шахсларнинг жавобгарлигини янада оширишга қаратилган чора-тадбирларни амалга ошириш имконини беради.

2019 йил

июль

Меҳнат ва ижтимоий масалалар қўмитаси

36.

«Меҳнатни муҳофаза қилиш тўғрисида»ги Ўзбекистон Республикаси Қонунининг ижро этилиши ҳолатини Қашқадарё ва Бухоро вилоятлари мисолида ўрганиш якунлари тўғрисида»ги 2018 йил 26 декабрдаги 04/3-05-33-сонли қўмита қарорининг бажарлишини мониторинг қилиш.

Тадбир ушбу қарорнинг ижро этилишини мониторинг қилиш орқали унда белгиланган вазифаларнинг ўз вақтида бажарилишини таъминлашга қаратилган.

2019 йил

август

Меҳнат ва ижтимоий масалалар қўмитаси

37.

Ўзбекистон Республикаси соғлиқни сақлаш вазирининг «Соғлиқни сақлаш соҳасига оид ислоҳотларнинг амалга оширилиши ҳолати тўғрисида»ги ахборотини Қўмитада дастлабки тарзда кўриб чиққан ҳолда, Қонунчилик палатаси мажлисида эшитиш.

Тадбир аҳолига кўрсатилаётган тиббий хизматларни, шу жумладан бирламчи тиббий-санитария ёрдами, ихтисослаштирилган тиббий ёрдам хизматларини янада такомиллаштириш, тиббиёт муассасаларини кадрлар билан таъминлаш, уларнинг моддий-техника базасини мустаҳкамлаш, аҳолини дори воситалари ва тиббий буюмлар билан таъминлаш, хусусий тиббиёт ташкилотларини янада ривожлантириш борасида амалга оширилаётган ишларнинг ҳолатини таҳлил қилишга қаратилган.

Тадбир якунига кўра соҳадаги мавжуд муаммо ҳамда камчиликларни бартараф этиш юзасидан тегишли таклиф ва тавсиялар ишлаб чиқиш назарда тутилади.

2019 йил

август

Фуқароларнинг соғлиғини сақлаш масалалари қўмитаси

38.

Республика травматология ва ортопедия илмий-амалий тиббиёт маркази раҳбарининг «Аҳолига травматология ва ортопедия хизматини кўрсатишнинг ҳолати тўғрисида»ги ахборотини қўмитада эшитиш.

Эшитувда аҳолининг сифатли ҳамда самарали ихтисослаштирилган тиббий хизматлардан, хусусан, травматология ва ортопедия хизматидан фойдаланишини кенгайтириш борасида олиб борилаётган ишларнинг ҳолатини таҳлил қилиш назарда тутилади.

Тадбир якунида аниқланган муаммоларни бартараф этиш юзасидан тегишли таклиф ишлаб чиқилади.

2019 йил

август

Фуқароларнинг соғлиғини сақлаш масалалари қўмитаси

39.

Республика фтизиатрия ва пульмонология илмий-амалий тиббиёт маркази раҳбарининг «Аҳолига фтизиатрия ва пульмонология хизматини кўрсатишнинг ҳолати тўғрисида»ги ахборотини қўмитада эшитиш.

Эшитувда республикада сил ва неспецифик ўпка касалликларини барвақт аниқлаш, уларни даволаш ҳамда олдини олиш борасида амалга оширилган ишларни таҳлил қилиш назарда тутилади.

Тадбир якунида ушбу касалликларнинг олдини олиш, барвақт аниқлаш, уларга қарши кураш соҳасидаги фаолиятни кучайтириш юзасидан таклифлар ишлаб чиқилади.

2019 йил

сентябрь

Фуқароларнинг соғлиғини сақлаш масалалари қўмитаси

5-бўлим. Хавфсизлик, миллатлараро тотувлик ва диний бағрикенгликни ҳамда чуқур ўйланган, ўзаро манфаатли ва амалий ташқи сиёсатни таъминлаш

40.

Ўзбекистон Республикаси ички ишлар вазирининг «2018 — 2022 йилларда Ўзбекистон Республикасида Йўл ҳаракати хавфсизлигини таъминлаш концепцияси» ижросини таъминлаш бўйича амалга оширилган ишлар тўғрисида»ги ахборотини қўмитада эшитиш.

Эшитувда 2017 йил 11 июлдаги Ўзбекистон Республикаси Президентининг «Йўл ҳаракати хавфсизлигини таъминлаш тизимини янада такомиллаштириш чора-тадбирлари тўғрисида»ги ПҚ-3127-сон Қарори асосида йўл ҳаракати хавфсизлигини ишончли таъминлаш соҳасида амалга оширилаётган комплекс ташкилий-амалий чора-тадбирлар, жумладан, йўл ҳаракати хавфсизлигини таъминлаш, йўл-транспорт ҳодисалари профилактикаси тизимини такомиллаштириш, назоратнинг юқори самарадорлигини, ҳуқуқбузарликларни ўз вақтида аниқлаш ва уларга барҳам беришни таъминлайдиган йўл ҳаракатини автоматлаштирилган тартибга солиш тизимини кенгайтириш масалаларини муҳокама қилиш назарда тутилади.

2019 йил февраль

Мудофаа ва хавфсизлик масалалари қўмитаси

41.

Шимолий-ғарбий ҳарбий округда қўшинларни тиббий таъминоти, шунингдек ҳарбий медицина соҳасининг ривожланиши ҳолатини ўрганиш.

Назорат-таҳлил тадбирида Ўзбекистон Республикаси Президенти раислигида 2018 йил 9 ноябрда соғлиқни сақлаш тизимини ривожлантириш билан боғлиқ қўйилган вазифалар ижросини таъминлаш доирасида қўшинларни тиббий таъминоти, шунингдек ҳарбий медицина соҳасининг ривожланиши ҳолатини ўрганиш ва қўмитанинг тегишли қарорини қабул қилиш назарда тутилади.

2019 йил март

Мудофаа ва хавфсизлик масалалари қўмитаси

42.

Ўзбекистон Республикаси Вазирлар Маҳкамаси ҳузуридаги Наркотик моддаларни назорат қилиш миллий ахборот-таҳлил марказининг гиёҳвандликнинг олдини олиш ва наркотик моддаларнинг ноқонуний айланишига қарши кураш борасидаги фаолияти бўйича ахборотини қўмитада эшитиш.

Эшитувда Қонунчилик палатаси депутатларининг наркотик моддаларнинг ноқонуний айланишига қарши кураш соҳасида амалга оширилаётган ишлар юзасидан хабардорлик даражасини ошириш, бу борада амалга оширилаётган ишлар самарадорлигини ўрганиш назарда тутилади.

2019 йил май

Мудофаа ва хавфсизлик масалалари қўмитаси

43.

Жиноятчиликка қарши курашиш ва ҳуқуқбузарликлар профилактикаси соҳасида Хоразм ва Наманган вилоятларида амалга оширилаётган ишлар бўйича мазкур вилоятлар Ички ишлар бошқармалари бошлиқларининг ахборотини қўмитада эшитиш.

Эшитув Ўзбекистон Республикаси Президенти ҳузуридаги Хавфсизлик кенгашининг 2019 йил 10 январда бўлиб ўтган кенгайтирилган таркибдаги йиғилишида белгилаб берилган вазифаларнинг ижросини таъминлаш қаратилган.

Тадбирда жиноятчиликка қарши курашиш, унинг олдини олиш, профилактик чора-тадбирлар самарадорлиги масалаларига алоҳида эътибор қаратилиб, бу борада аниқланган муаммоларни бартараф этиш юзасидан тегишли таклифлар ишлаб чиқиш ва қўмитанинг тегишли қарорини қабул қилиш назарда тутилади.

2019 йил

август

Мудофаа ва хавфсизлик масалалари қўмитаси

44.

«Ўзбекистон Республикасининг Халқаро шартномалар тўғрисида»ги Қонуннинг ижро этилиши ҳолатини ўрганиш.

Тадбирда ушбу Қонунда белгиланган нормаларнинг амалиётда ишлаш ҳолати назорат-таҳлил тартибида ўрганилади. Бунда:

Ташқи ишлар вазирлигининг моддий-техника базасини замонавий компьютер техникаси ва дастурий таъминот воситалари билан мустаҳкамлаш, ахборот тармоқларини модернизациялаш, ахборот хавфсизлигини мустаҳкамлаш;

Ўзбекистон Республикаси хориждаги муассасаларининг ишлаб турилган мамлакат билан фаол ва тизимли иш олиб бориш бўйича «йўл хариталари»ни мониторинг қилишнинг ахборот тизимини жорий этиш;

ҳимояланган видеоконференцалоқа тизимини, шунингдек, халқаро шартномаларни, уларнинг амалга оширилишини инвентаризация ва мониторинг қилишни ягона ҳисобга олиш электрон маълумотлар базасини яратиш;

веб-сайтларни, консуллик хизматларини кўрсатиш тартибини такомиллаштириш ва уларни электрон шаклга ўтказиш;

Ташқи ишлар вазирлигининг мурожаатларни қабул қилиш сектори (call-center)ни замонавий асбоб-ускуналар ва алоқа техника воситалари билан жиҳозлаш, келиб тушаётган мурожаатлар билан ишлаш ягона электрон тизимини ва зарур дастурий таъминотларни яратиш;

интернет тармоғи, шу жумладан, ижтимоий платформаларнинг имкониятларидан кенг фойдаланишни назарда тутадиган «рақамли дипломатия»нинг қўлланилишини кенгайтириш масалаларига эътибор қаратилади.

2019 йил

сентябрь

Халқаро ишлар ва парламентлараро алоқалар қўмитаси

45.

«Биологик хилма хиллик тўғрисида»ги (1989 йилда қабул қилинган ва 1992 йилда кучга кирган, 1995 йилда Ўзбекистон қўшилган) Конвенцияни бажарилиш ҳолатини ўрганиш.

Мазкур ўрганишни ўтказишдан мақсад — Конвенция талаблари бажарилиши самарадорлигини ошириш, ўсимлик ва ҳайвонот дунёсини ва уларнинг яшаш ҳамда ўсиш жойларини муҳофаза қилишни таъминлаш, заиф жойларни аниқлаш ва хавф-хатарларни камайтириш бўйича тавсиялар ишлаб чиқишдан иборат.

Ўрганиш якуни бўйича аниқланган камчиликларни бартараф этишга доир тегишли тавсиялар ишлаб чиқилади.

2019 йил

октябрь

Экология ва атроф-муҳитни муҳофаза қилиш масалалари қўмитаси

46.

Ўзбекистон Республикаси Давлат божхона қўмитаси раисининг «Давлат божхона хизмати тўғрисида»ги Ўзбекистон Республикаси Қонунининг амалга оширилиши ҳолати ҳақида»ги ахборотини эшитиш.

Тадбир «Давлат божхона хизмати тўғрисида»ги Ўзбекистон Республикаси Қонунининг амалга оширилиши борасида олиб борилаётган ишлар, хусусан, божхона органларига юклатилган вазифаларнинг бажарилиш самарадорлигини ошириш, ушбу соҳада кадрларни тайёрлаш ҳамда қайта тайёрлаш тизимини самарали ташкил этиш юзасидан амалга оширилаётган ишларнинг ҳолатини ўрганиш ва таҳлил қилишга қаратилган.

Тадбир якунларига кўра соҳани ривожлантиришга салбий таъсир кўрсатаётган муаммо ва камчиликларни аниқлаб, уларни парламент назорати шаклларидан фойдаланган ҳолда бартараф этиш чораларини кўриш назарда тутилади.

2019 йил

ноябрь

Мудофаа ва хавфсизлик масалалари қўмитаси

47.

Ўзбекистон Республикаси мудофаа вазирининг «Мудофаа доктринасида белгиланган тадбирларнинг бажарилиши юзасидан амалга оширилаётган ишларнинг ҳолати тўғрисида»ги ахборотини қўмитада эшитиш.

Тадбирда Ўзбекистон Республикаси Президенти ҳузуридаги Хавфсизлик кенгашининг 2018 йил 28 ноябрда бўлиб ўтган кенгайтирилган таркибдаги йиғилишида белгилаб берилган вазифалардан келиб чиқиб, Мудофаа доктринасини амалга оширилиши устидан таъсирчан парламент назоратини ташкил этиш, бунда эътиборни мудофаа қурилиши масалаларига қаратган ҳолда бу йўналишдаги фаолиятни янада кучайтириш масалаларини муҳокама қилиш назарда тутилади.

ҳар чоракда бир марта

Мудофаа ва хавфсизлик масалалари қўмитаси

III. Конференциялар, давра суҳбатлари ва семинарлар

Т/р

Тадбир

Асослантириш

Бажариш муддати

Масъул ижрочилар

Конференциялар

1.

«Очиқлик индекси — давлат органлари фаолиятининг очиқлигини таъминлашга доир миллий амалиётнинг самарали воситаси» мавзусида конференция ўтказиш.

Тадбирда давлат органларининг жамоатчилик институтларига ҳақиқий ҳисобдорлиги тизимини амалга ошириш учун фуқаролик жамияти институтларининг ресурсларини жалб эт ишга доир норматив-ҳуқуқий асослар ва халқаро амалиётни ўрганиш, шунингдек давлат органларининг «очиқлик индексини» мониторинг қилиш ва баҳолаш жараёнларининг ҳолати ва истиқболларини муҳокама қилиш назарда тутилади.

2019 йил

март,

октябрь

Инновацион ривожланиш, ахборот сиёсати ва ахборот технологиялари масалалари қўмитаси

2.

«Аҳоли саломатлигини мустаҳкамлашда соғлом турмуш тарзининг аҳамияти» мавзусида конференция ўтказиш.

Тадбир жамиятда соғлом турмуш тарзини мустаҳкамлаш борасида олиб борилаётган ишларни таҳлил қилиш ҳамда жисмоний тарбия ва спортни янада оммалаштириш юзасидан таклифлар ишлаб чиқишга қаратилган.

2019 йил

март

Фуқароларнинг соғлиғини сақлаш масалалари қўмитаси,

Фан, таълим, маданият ва спорт масалалари қўмитаси

3.

«Инсон капиталига эътиборни кучайтириш — мактабгача таълим борасидаги хорижий тажрибани оммалаштиришнинг долзарб масалалари» мавзусида конференция ўтказиш.

Тадбирда мактабгача таълим ёшидаги болаларни мактабгача таълим муассасаларига қамраб олишни кенгайтириш, давлат ва нодавлат мактабгача таълим муассасаларини барпо этиш, Давлатимиз раҳбари 2018 йил 28 декабрь куни Олий Мажлисга Мурожаатномасида қайд этилган инсон капиталига эътиборни кучайтириш, шу йўлдаги муҳим амалий қадам сифатида болаларни мактабгача таълим билан қамраб олиш даражасини ошириш масалаларини муҳокама қилига қаратилган.

Тадбир якунда таклиф ва тавсиялар ишлаб чиқилиши назарда тутилган.

2019 йил

апрель

Фан, таълим, маданият ва спорт масалалари қўмитаси

4.

БМТ Оролбўйи минтақаси учун Инсон хавфсизлиги бўйича кўп томонлама шериклик асосида «Траст фонди» фаолиятини қўллаб-қувватлаш бўйича жамоатчилик акциялари ва экологик тадбирларни ўтказиш.

Тадбирларда БМТ Агентликларини жалб қилган ҳолда мамлакатимиз томонидан Оролбўйи ҳудудини «Экологик инновациялар ва технологиялар ҳудуди» деб эълон қилиш бўйича илгари сурилган БМТ Бош Ассамблеясининг махсус Резалюциясига «Траст фонди» Стратегиясининг асосий параметрларини киритиш бўйича таклифларни ишлаб чиқиш ҳамда «Траст фонди» ташкил этилиши мақсади ва асосий фаолияти натижалари тўғрисида кенг жамоатчиликни хабардорлигини таъминлаш, Оролбўйи учун Орол фожиаси оқибатларини юмшатиш борасидаги ташаббуслари қўллаб-қувватлаш назарда тутилган.

2019 йил

апрель — июнь

Экология ва атроф-муҳитни муҳофаза қилиш масалалари қўмитаси

5.

«Фуқароларнинг давлат пенсия таъминоти: миллий ва халқаро тажриба, мавжуд муаммолар ва истиқболдаги режалар» мавзусида конференция ўтказиш.

Тадбирда соҳага оид қонунчиликка киритилган туб ўзгаришлар, ногирон боласини парвариш қилаётган оналарга ижтимоий нафақа турини жорий этиш масаласи, шунингдек «Фуқароларнинг давлат пенсия таъминоти тўғрисида»ги Қонуннинг ижросига оид муаммолар ва уларнинг ечимлари муҳокама қилинади.

Тадбир якунлари бўйича таклиф ва тавсиялар ишлаб чиқилиши назарда тутилмоқда.

2019 йил

май

Меҳнат ва ижтимоий масалалар қўмитаси

6.

«Ўзбекистонда шаҳар ва қишлоқларимизнинг меъморий қиёфасини яхшилаш, қуриладиган ижтимоий объектларни лойиҳалаштиришда инновацион ёндашувларни жорий этиш масалалари» мавзусида конференция ўтказиш.

Тадбирда қурилиш-пудрат ташкилотлари ва қурувчиларнинг замонавий авлодини яратиш, қурилиш соҳасини 2030 йилгача инновацион ривожлантириш дастурини ишлаб чиқиш, соҳага хориждан малакали мутахассисларни жалб этиш ва маҳаллий мутахассисларнинг чет мамлакатларда малака ошириши учун барча зарур шароитни яратиш, шаҳар ва қишлоқларимизнинг меъморий қиёфасини янада яхшилаш, ҳудудларда қурилиши режалаштирилаётган ижтимоий соҳа объектларини лойиҳалаштиришда эски қолиплардан воз кечиб, инновацион ёндашувларни жорий этиш масалалари муҳокама қилинади.

Тадбир якуни бўйича тегишли таклиф ва тавсиялар ишлаб чиқилади.

2019 йил

июнь

Саноат, қурилиш

ва савдо масалалари қўмитаси

7.

«Экотуризмнинг ҳудудларни ривожлантиришдаги аҳамияти: халқаро ва миллий тажриба» мавзусида республика илмий-амалий конференция ўтказиш.

Тадбир ҳудудларда экологик туризмни ривожлантириш, соҳага инвестициялар жалб этиш, кадрлар салоҳиятини ошириш бўйича комплекс чора-тадбирларни ишлаб чиқишга қаратилган.

2019 йил

июнь

Экология ва атроф-муҳитни муҳофаза қилиш масалалари қўмитаси

8.

5 июнь — Бутун жаҳон атроф-муҳит кунига бағишланган конференция ўтказиш.

Тадбирнинг мақсади — нафақат табиатни муҳофаза қилишга доир қонун ҳужжатларини такомиллаштириш, экологик тоза, ресурсларни тежайдиган технологияларни жорий қилиш ва табиатни муҳофаза қилишга доир тадбирларни ўтказиш, балки аҳолининг экологик маданияти даражасини ошириш, шаҳарлар ва бошқа аҳоли пунктлари ҳудудларини ободонлаштириш ва кўкаламзорлаштиришга оид амалий ишларга аҳолини жалб қилиш масалалари юзасидан глобал хусусиятга эга бўлаётган экологик муаммоларни ҳал этишдан иборат.

Конференция якунига кўра аҳолининг экологик маданиятини ошириш доирасида умумтаълим мактаблари ва бошқа ўқув юртлари, оила, фуқаролар ўзини ўзи бошқариш органларининг ёшларга экологик таълим ва тарбия бериш борасидаги саъй-ҳаракатларини бирлаштиришга қаратилган таклифлар ишлаб чиқиш назарда тутилади.

2019 йил

июнь

Экология ва атроф-муҳитни муҳофаза қилиш масалалари қўмитаси

9.

«Иш берувчининг фуқаролик жавобгарлигини мажбурий суғурта қилиш: мавжуд ҳолат ва истиқболдаги режалар» мавзусида амалий конференция ўтказиш.

Тадбирда иш берувчининг фуқаролик жавобгарлигини мажбурий суғурта қилиш борасида амалга оширилаётган ишлар, ҳудудларда иш берувчиларнинг фуқаролик жавобгарлигини мажбурий суғурта қилиш ҳолатлари, муаммолар, ечимлар ва янги механизмларни жорий этиш масалалари муҳокама қилинади.

Тадбир якунлари бўйича таклиф ва тавсиялар ишлаб чиқилиши назарда тутилмоқда.

2019 йил

июль

Меҳнат ва ижтимоий масалалар қўмитаси

10.

«Ўзбекистонда яйлов ерларидан фойдаланиш ва унинг истиқболли йўналишлари» мавзусида халқаро конференция ўтказиш.

Тадбирда яйловларни, сақлаш уларни кўпайтириш ва фойдаланишнинг ҳуқуқий асосларини такомиллаштириш, яйловлар деградацияси ҳамда уларни муҳофаза қилиш шунингдек, яйловлардан оқилона фойдаланишнинг самарали усулларини қўллашда чет эл тажрибаси, соҳага илм-фан ютуқлари, инновацион ишланмаларни кенг жорий этиш масалалари муҳокама қилинади.

Тадбир якунлари бўйича таклиф ва тавсиялар ишлаб чиқилиши назарда тутилади.

2019 йил

август

Аграр ва сув хўжалиги масалалари қўмитаси

11.

«ICTWEEK Uzbekistan» Ахборот-коммуникация технологиялари ҳафталиги доирасида «Инновациялар, инвестициялар, ахборотлаштириш» мавзусида конференция ўтказиш.

Тадбирда ахборот ва инновацион ривожланишдаги муаммолар, ушбу соҳага сармояларни самарали жалб қилиш сиёсатини амалга ошириш масалалари муҳокама қилинади.

Тадбир якуни бўйича тегишли таклиф ва тавсиялар ишлаб чиқилади.

2019 йил

сентябрь

Инновацион ривожланиш, ахборот сиёсати ва ахборот технологиялари масалалари қўмитаси

Давра суҳбатлари

12.

«Ўзбекистонда юқори иқтисодий ўсиш суръатларини таъминлашда жаҳон тажрибасининг роли: юқори қийматга эга маҳсулот яратишнинг долзарб масалалари» мавзусида давра суҳбати ўтказиш.

Тадбирда мамлакатимизда нарх-наво барқарорлигини таъминлаш, макроиқтисодий барқарорликни ва юқори иқтисодий ўсиш суръатларини таъминлаш, иқтисодиёт соҳасида статистик ҳисоботларни тўғри юритиш ва давлатнинг иқтисодий салоҳиятини аниқ баҳолаш каби масалаларга эътибор қаратилади.

2019 йил

январь

Саноат, қурилиш ва савдо масалалари қўмитаси

13.

«Фуқаронинг шахсга доир маълумотларини қайта ишлаш жараёнида уларнинг ҳуқуқ ва эркинликлари ҳимоясининг ҳуқуқий асослари» мавзусида давра суҳбати ўтказиш.

Тадбир шахсий маълумотларни узатиш ва қайта ишлаш жараёнларида ахборот хавфсизлигини таъминлаш масалалари муҳокамасига бағишланган халқаро вебинар ташкиллаштириш ва ўтказишга қаратилган.

Тадбир якунида «Шахсга доир маълумотлар тўғрисида»ги қонун лойиҳасини ҳуқуқий экспертизадан ўтказиш назарда тутилган.

2019 йил

февраль

Инновацион ривожланиш, ахборот сиёсати ва ахборот технологиялари масалалари қўмитаси

14.

«Оролбўйи ҳудуди: экологик муаммоларни ҳал этишга қаратилган янги ёндашувлар ва амалий саъй-ҳаракатлар» мавзусида давра суҳбати ўтказиш.

Тадбир Оролбўйи ҳудудида аҳолининг турмуш даражаси, фаровонлигини ошириш ва экологик вазиятни барқарорлаштиришга қаратилган кенг қамровли амалий ишлар, ижтимоий-иқтисодий ҳамда экологик лойиҳалар ва дастурларнинг мазмун-моҳиятини кенг жамоатчиликка етказишга қаратилган.

2019 йил

февраль

Экология ва атроф-муҳитни муҳофаза қилиш масалалари қўмитаси

15.

«Қишлоқ хўжалик ўсимликларини зараркунандалар, касалликлар ва бегона ўтлардан ҳимоя қилишни такомиллаштириш асослари» мавзусида давра суҳбати ўтказиш.

Тадбирда лалми ерларни ўзлаштириш, уларни мунтазам равишда деҳқончилик экинлари экиладиган ерларга айлантириш орқали ер ресурсларидан самарали фойдаланиш масалалари, бу борада жаҳондаги илғор тажрибаларни муҳокама қилиш режалаштирилган.

Тадбир якуни бўйича тегишли таклиф ва тавсиялар ишлаб чиқилиши назарда тутилади.

2019 йил

март

Аграр ва сув хўжалиги масалалари қўмитаси

16.

«Бепул тиббий хизмат, амалиёт ва муаммо» мавзусида давра суҳбати ўтказиш.

Тадбир соҳадаги мавжуд қонун ҳужжатларини инвентаризациядан ўтказиш ва таҳлил қилиш, аҳолига кўрсатилаётган тиббий ёрдамнинг давлат томонидан қопланадиган кафолатланган ҳажми ва турларини аниқ белгилаш юзасидан мутахассис ва экспертлар фикр мулоҳазаларини ўрганишга қаратилган.

Тадбир якуни бўйича тегишли таклифлар ишлаб чиқиш назарда тутилади.

2019 йил

март

Фуқароларнинг соғлиғини сақлаш масалалари қўмитаси

17.

«Ўзбекистонда транспорт-логистика инфратузилмалари имкониятларини оширишнинг долзарб масалалари» мавзусида давра суҳбати ўтказиш.

Тадбирнинг мақсади мамлакатимизнинг транспорт-логистика инфратузилмалари имкониятларини оширишнинг ҳолати ва истиқболдаги режаларни тегишли соҳа мутахассислари ҳамда экспертлар иштирокида муҳокама этиш, соҳани тартибга солувчи қонунчиликни янада такомиллаштириш ва тегишли таклиф ҳамда тавсиялар ишлаб чиқишдан иборат.

2019 йил

март

Саноат, қурилиш ва савдо масалалари қўмитаси

18.

22 апрель — Халқаро ер кунига бағишланган давра суҳбати ўтказиш.

Тадбир ер ресурсларини муҳофаза қилиш ва улардан оқилона фойдаланиш, ер ресурсларини сақлаш масалаларини ҳуқуқий жиҳатдан тартибга солиш соҳасидаги қонун ҳужжатларини янада ривожлантиришга доир масалаларни муҳокама қилишга ҳамда тегишли тавсиялар ишлаб чиқишга қаратилган.

2019 йил

апрель

Экология ва атроф-муҳитни муҳофаза қилиш масалалари қўмитаси

19.

«Қонунчиликка соғлиқни сақлаш тизимига инновацион технологиялар жорий қилинишини рағбатлантиришга қаратилган қоидаларни киритиш» мавзусида давра суҳбати ўтказиш.

Тадбирнинг мақсади тиббий хизматларни кўрсатиш соҳасида замонавий инновацион технологияларни жорий қилиш жараёнларини рағбатлантириш ва фаоллаштириш мақсадида миллий қонунчилик тизимини янада такомиллаштиришга доир масалаларни муҳокама қилиш ҳамда тегишли таклифлар ишлаб чиқишга қаратилган.

2019 йил

апрель

Инновацион ривожланиш, ахборот сиёсати ва ахборот технологиялари масалалари қўмитаси

20.

«Парламент дўстлик гуруҳларининг парламентлараро муносабатларни ривожлантиришдаги ўрни» мавзусида давра суҳбати ўтказиш.

Тадбирда парламентлараро ҳамкорликни ривожлантиришда, Ўзбекистоннинг миллий манфаатларини илгари суришда парламент дўстлик гуруҳларининг ролини ошириш масалаларига эътибор қаратилади.

2019 йил

апрель

Халқаро ишлар ва парламентлараро алоқалар қўмитаси

21.

Таълим муассасаларида «Ўзбекистон тарихи фанини ўқитишнинг долзарб масалалари» мавзусида давра суҳбати ўтказиш.

Тадбирда миллий ўзликни англаш учун Ватанимизнинг қадимий ва бой тарихини ўрганиш, бу борада илмий-тадқиқот ишларини жонлантириш, буюк аллома ва адибларимиз, азиз-авлиёларимиз, енгилмас саркарда ва арбобларимизнинг бебаҳо мероси, миллий қаҳрамонларимиз жасоратини ёшлар онгига болаликдан бошлаб сингдириш, уларда миллий ғурур ва ифтихор туйғуларини шакллантириш назарда тутилган.

2019 йил

май

Фан, таълим, маданият ва спорт масалалари қўмитаси

22.

«Малакали тиббиёт ходими — сифатли тиббий хизмат» мавзусида давра суҳбати ўтказиш.

Тадбирда малакали тиббиёт ходимларини тайёрлашда нуфузли хорижий олий таълим муассасалари билан ҳамкорликни кучайтириш масаласи мутасадди вазирликлар, олий тиббий таълим муассасалари иштирокида муҳокама қилинади.

Тадбир якунида тегишли таклиф ва тавсиялар ишлаб чиқиш назарда тутилади.

2019 йил

май

Фуқароларнинг соғлиғини сақлаш масалалари қўмитаси

23.

«Мамлакатимизда урбанизация даражасини босқичма-босқич оширишнинг долзарб масалалари» мавзусида давра суҳбати ўтказиш.

Тадбирда қишлоқ жойларда намунавий уй-жойлар қуриш дастурларидан босқичма-босқич шаҳар ва посёлкаларда кўп қаватли уйлар қуришга ўтиш, бунда коммунал-муҳандислик инфратузилмаси уй-жойларни қуриш билан узвий боғлиқ ҳолда ривожлантириш, бу соҳада ягона давлат сиёсатини амалга ошириш мақсадида Урбанизация ва уй-жой қурилиши бўйича махсус жамғарманинг тузилиши ва бу янги тизим орқали ҳудудларимиз қиёфасини янада обод қилишга ҳамда аҳоли фаровонлигини оширишга эришиш масалалари муҳокама қилинади.

2019 йил

июнь

Саноат, қурилиш ва савдо масалалари қўмитаси

24.

Халқаро биохилма-хилликни сақлаш кунига бағишлаб «Барқарор ривожланиш мақсадида биологик хилма-хиллик ресурсларини сақлашнинг зарурати ва аҳамияти» мавзусида давра суҳбати ўтказиш.

Тадбирнинг мақсади барқарор ривожланиш учун биологик хилма-хиллик ресурсларини сақлашнинг аҳамияти ва муҳимлигини, шунингдек ўсимлик ва ҳайвонот дунёси объектларини муҳофаза қилиш, улардан оқилона фойдаланиш ва уларни қайта тиклашнинг ҳуқуқий режимини, биологик ресурслардан оқилона фойдаланишни рўёбга чиқаришнинг ижтимоий-иқтисодий механизмини, улардан оқилона фойдаланишни рағбатлантириш чора-тадбирларини белгиловчи нормаларнинг амалга оширилишини таъминлаш масалаларини муҳокама қилишдан иборат.

Тадбир якунида соҳадаги қонун ҳужжатларини такомиллаштириш юзасидан тавсиялар ишлаб чиқиш, биологик хилма-хилликнинг сақланишини таъминлашга қаратилган иқтисодий ва маъмурий чора-тадбирлар комплексини қабул қилиш назарда тутилади.

2019 йил

июнь

Экология ва атроф-муҳитни муҳофаза қилиш масалалари қўмитаси

25.

«Давлат кафолатланган бюджети, бош давлат молиявий ҳужжатининг тармоқлар ва ҳудудларда ижро этилиши: бюджет тақчиллигини оператив қоплашнинг қўшимча имкониятлари ва манбалари» мавзусида туркум мулоқотлар ўтказиш.

Туркум мулоқотларда ҳудудларда, иқтисодиётнинг тармоқ йўналишлари корхоналарида даврий кутилаётган тақчилликни камайтириш масалаларига эътибор қаратилади.

Тадбирлар якунига кўра манфаатдор вазирликларга мавжуд муаммолар юзасидан аниқ чоралар кўриш бўйича тавсиялар ишлаб чиқилади.

2019 йил

июль

Бюджет ва иқтисодий ислоҳотлар қўмитаси

26.

«Жамият ва давлат олдида турган вазифаларни ҳал этишда ижтимоий шериклик институтини кенгайтириш» мавзусида давра суҳбати ўтказиш.

Тадбирда ижтимоий шерикликнинг амалдаги «давлат + фуқаролик жамияти институтлари» механизмини «давлат + фуқаролик жамияти институтлари + тадбиркорлик субъектлари» механизмига ўзгартириш, давлат бошқаруви органлари бюджетдан ташқари маблағлари харажатлари сметасида давлат ижтимоий буюртмасини бериш учун мажбурий тартибда маблағлар ажратиш, жойларда ижтимоий шериклик бўйича жамоат комиссиялари аъзоларини моддий ва маънавий рағбатлантириш масалалари муҳокама қилинади.

Тадбир якунида тегишли таклиф ва тавсиялар ишлаб чиқиш назарда тутилади.

2019 йил

июль

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

27.

«Аҳолини иш билан таъминлаш — давлат сиёсатининг асосий устувор йўналиши» мавзусида давра суҳбати ўтказиш.

Тадбирдан кўзланган мақсад — «Аҳолини иш билан таъминлаш тўғрисида»ги Қонун ва тегишли қонуности ҳужжатларини инвентаризациядан ўтказиш натижаларини муҳокама қилиш, мазкур масалада бугунги амалиётни таҳлил қилиш ҳамда халқаро тажрибани ўрганган ҳолда қонунни янги таҳрирдаги лойиҳаси юзасидан тегишли таклифларни ишлаб чиқишдан иборат.

2019 йил

август

Меҳнат ва ижтимоий масалалар қўмитаси

28.

«Рақамли иқтисодиётнинг қонунчилик асосларини шакллантириш» мавзусида давра суҳбати ўтказиш.

Тадбирда Ўзбекистон Республикаси Президентининг Олий Мажлисга Мурожаатномасидан келиб чиқиб, қонунчиликка тегишли ўзгартиш ва қўшимчалар киритиш учун долзарб йўналишларни аниқлаб олиш, глобал рақамли иқтисодиёт амалиётига миллий қонунчиликни уйғунлаштириш, илмий ва экспертлар ҳамжамиятини жалб қилиш масалалари муҳокама қилинади.

Тадбир якуни бўйича тегишли таклифлар ишлаб чиқиш назарда тутилади.

2019 йил

октябрь

Инновацион ривожланиш, ахборот сиёсати ва ахборот технологиялари масалалари қўмитаси

29.

«Замонавий кадрлар тайёрлаш ва олий маълумотли кадрларга бўлган эҳтиёж: давлат буюртмаси, муаммо ва истиқболдаги режалар» мавзусида давра суҳбати ўтказиш.

Тадбир олий таълим муассасалари битирувчиларини давлат буюртмаси асосида тайёрлаш, уларни иқтисодиётнинг реал секторидаги иш берувчилар билан алоқасини мустаҳкамлаш ҳамда бандлигини таъминлаш борасидаги масалаларни ўрганишга қаратилган.

Тадбир якуни бўйича тегишли таклиф ва тавсиялар ишлаб чиқиш назарда тутилади.

2019 йил

октябрь

Меҳнат ва ижтимоий масалалар қўмитаси

30.

«Миллатлараро тотувлик ва диний бағрикенгликни таъминлашда миллий маданий марказларнинг ўрни» мавзусида амалий мулоқот ўтказиш.

Амалий мулоқотда миллатлараро ва конфессиялараро тинчлик ҳамда тотувликни мустаҳкамлашда миллий маданий марказларнинг аҳамияти, миллий маданий марказлар фаолиятини ҳар томонлама қўллаб-қувватлаш ва янада ривожлантириш, хорижий мамлакатлар билан маданий-маърифий алоқаларни кенгайтириш борасида олиб борилаётган ишларга эътибор қаратилади.

2019 йил

ноябрь

Халқаро ишлар ва парламентлараро алоқалар қўмитаси

31.

Қуролли Кучларимизда жанговар руҳни юксалтириш, аскар ва офицерларимизни жисмоний ва маънавий жиҳатдан баркамол этиб тарбиялаш масалаларига бағишланган ҳарбий қисм ва ҳарбий таълим муассасаларида туркум учрашувлар ва давра суҳбатлари ташкил этиш.

Ўзбекистон Республикаси Президенти ҳузуридаги Хавфсизлик кенгашининг 2018 йил 28 ноябрда бўлиб ўтган кенгайтирилган таркибдаги йиғилишида белгилаб берилган вазифалардан келиб чиқиб, ўтказиладиган тадбирларда янги қонунлар, мамлакатимиз Президентининг Фармон ва қарорлари ҳамда ёшларни ҳарбий-ватанпарварлик руҳида тарбиялаш масалаларига эътибор қаратилади.

2019 йил давомида

Мудофаа ва хавфсизлик масалалари қўмитаси

Семинарлар

32.

«Ватан ҳимояси — муқаддас бурч» мавзусида 14 январь — Ўзбекистон Республикаси Қуролли Кучлари ташкил этилган куни»га бағишланган туркум семинарлар

Туркум семинарларда ёш авлодни ҳарбий-ватанпарварлик руҳида тарбиялаш, ҳарбий хизматга ҳурматни ошириш, ёшларда Ватанга садоқат туйғусини шакллантириш, уларни ўз фуқаролик бурчи ва конституцион мажбуриятларини бажаришга, жамият ва давлат манфаатларини ҳимоя қилишга қодир шахслар этиб тарбиялаш масалаларига эътибор қаратилади.

Туркум семинарларни ҳарбий қисмлар ва олий ўқув юртларида ўтказиш назарда тутилган.

2019 йил январь

Мудофаа ва хавфсизлик масалалари қўмитаси

33.

«Марказий Осиёда хавфсизлик ва барқарор тараққиётни таъминлашга қаратилган стратегиямизнинг устувор йўналишлари» мавзусида семинар ўтказиш.

Тадбирда Ўзбекистон Республикаси Президентининг Олий Мажлисга Мурожаатномасидан келиб чиқиб, мамлакатимиз ташқи сиёсатининг устувор йўналиши бўлган Марказий Осиё минтақасидаги қўшни давлатлар билан амалий ва ўзаро манфаатли муносабатларни ривожлантиришнинг муҳим вазифалари муҳокама этилади.

2019 йил январь

Халқаро ишлар

ва парламентлараро алоқалар қўмитаси

34.

«Қишлоқ хўжалиги маҳсулотларини етиштиришда сувни тежовчи илғор технологиялардан фойдаланиш ва унинг истиқболлари»га бағишланган халқаро семинар ўтказиш.

Тадбирда мутахассислар, экспертлар, фермер, деҳқон хўжаликлар ва томорқа ер эгалари иштирокида Қишлоқ хўжалиги маҳсулотларини етиштиришда сувни тежовчи илғор технологиялар, жумладан томчилатиб суғориш тизими ва уни жорий этиш истиқболлари муҳокама қилинади.

Тадбир якунида тегишли таклиф ва тавсиялар ишлаб чиқиш назарда тутилади.

2019 йил

январь

Аграр ва сув хўжалиги масалалари қўмитаси

35.

«Қишлоқ хўжалиги соҳасидаги кластерлар ва уларни ривожлантириш асослари» мавзусида семинар ўтказиш.

Тадбирда Ўзбекистон Республикаси Президентининг Олий Мажлисга Мурожаатномасидан келиб чиқиб, соҳа мутахассислари ва экспертлар иштирокида Қишлоқ хўжалигида, хусусан, пахта-тўқимачилик ва уруғчилик соҳасида кластерларни ташкил этиш, уларни ривожлантиришнинг ҳуқуқий ва ташкилий асослари, унинг моҳияти ва аҳамияти муҳокама қилинади.

Тадбир якуни бўйича тегишли таклиф ва тавсиялар ишлаб чиқиш назарда тутилади.

2019 йил

январь

Аграр ва сув хўжалиги масалалари қўмитаси

36.

«Ўзбекистон тўқимачилик саноатининг ривожланишида кластер тизимининг афзалликлари» мавзусида семинар ўтказиш.

Семинар мамлакатимизда енгил саноат соҳасида олиб борилаётган ислоҳотларнинг самарадорлиги, кластер тизимининг афзалликлари, тармоқда ўз ечимини кутаётган масалаларни муҳокама қилишга қаратилган.

2019 йил

март

Саноат, қурилиш ва савдо масалалари қўмитаси

37.

«Маъмурий ва бошқа оммавий ҳуқуқий муносабатлар соҳасида қонунийликни мустаҳкамлаш» мавзусида семинар ўтказиш.

Тадбир Ўзбекистон Республикасининг Маъмурий суд ишларини юритиш тўғрисидаги кодекс нормаларининг самарали ижросини таъминлаш ва унинг мазмун-моҳиятини ижрочиларга етказиш масалаларини муҳокама қилишга қаратилган.

2019 йил

март

Қонунчилик ва суд-ҳуқуқ масалалари қўмитаси

38.

«Фуқаролар йиғини раиси (оқсоқоли) сайловининг янгича тизими» мавзусида семинар ўтказиш.

Тадбирда «Фуқаролар йиғини раиси (оқсоқоли) сайлови тўғрисида»ги Қонуннинг ва соҳага оид қатор қонун ҳужжатларнинг мазмун-моҳиятини тарғиб қилиш, сайловларни қабул қилинган қонунлар доирасида амалга ошириш, унда кўпроқ аҳолини жалб этиш усуллари ҳамда сайловлар жараёнининг демократик тарзда, очиқ ва шаффоф ўтишини таъминлаш масалаларини муҳокама қилиш назарда тутилади.

2019 йил

март-апрель

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

39.

«Ўзбекистон Республикасининг интеллектуал мулк ҳуқуқларини муҳофаза қилиш соҳасида бир қатор халқаро шартномаларга қўшилиши тўғрисидаги қонунларнинг мазмун-моҳияти» мавзусида туркум семинарлар ўтказиш.

Тадбирда Ўзбекистон Республикасининг «Фонограмма тайёрловчиларнинг манфаатларини уларнинг фонограммаларини ноқонуний такрорланишидан муҳофаза қилиш тўғрисидаги Женева конвенциясига Ўзбекистон Республикасининг қўшилиши тўғрисида»ги Қонуни, «Бутунжаҳон интеллектуал мулк ташкилотининг муаллифлик ҳуқуқи бўйича шартномасига Ўзбекистон Республикасининг қўшилиши тўғрисида»ги Қонуни, «Бутунжаҳон интеллектуал мулк ташкилотининг ижролар ва фонограммалар бўйича шартномасига Ўзбекистон Республикасининг қўшилиши тўғрисида»ги Қонуни, шунингдек интеллектуал мулк объектларидан қонунга хилоф фойдаланганлик учун жавобгарликни кучайтиришга қаратилган қонунларнинг мазмун-моҳиятини ижрочиларга ва аҳолига етказиш бўйича чора-тадбирларни амалга ошириш масалаларини муҳокама қилиш назарда тутилади.

2019 йил

апрель

Инновацион ривожланиш, ахборот сиёсати ва ахборот технологиялари масалалари қўмитаси

40.

«Ҳомиладор аёллар ва болаларнинг соғлом овқатланишидаги муаммолар ва уларнинг ечими мавзусида» семинар ўтказиш.

Тадбирда халқимиз генофондини сақлаш учун ҳомиладор аёллар ва болаларнинг овқатланиш рациони бўйича амалдаги меъёрларни халқаро стандартлар асосида қайта кўриб чиқиш, уларнинг овқатланиш рационини тартибга солиш масалалари муҳокама қилиниб, тегишли тавсиялар ишлаб чиқилади.

2019 йил

апрель

Фуқароларнинг соғлиғини сақлаш масалалари қўмитаси

41.

«Монетар сиёсатни такомиллаштиришнинг долзарб масалалари: бугунги ҳолат ва истиқболдаги вазифалар» мавзусида семинар ўтказиш.

Тадбир экспертлар иштирокида монетар сиёсатни такомиллаштириш ва нарх барқарорлигини таъминлаш, бу борада хорижий давлатларнинг ижобий тажрибасини қўллаш масалаларини муҳокама қилишга қаратилган.

Тадбир якунида тегишли таклиф ва тавсиялар ишлаб чиқиш назарда тутилади.

2019 йил

май

Бюджет ва иқтисодий ислоҳотлар қўмитаси

42.

«Инсон ҳуқуқ ва эркинликларини таъминлашнинг «миллий превентив механизми» мавзусида семинар ўтказиш.

Тадбирда Ўзбекистонда инсон ҳуқуқ ва эркинликларини таъминлашда «миллий превентив механизми» институтининг жорий этилганлиги, бу борада парламентнинг Инсон ҳуқуқлари бўйича вакили (омбудсман)нинг роли, қамоқда сақлаш жойларида шахсни қийноқларга солиш ва унга нисбатан шафқатсиз муомалада бўлишнинг олдини олишда Омбудсманга кўмаклашувчи институтлар, хусусан, бу борада нодавлат нотижорат ташкилотлар вакилларидан иборат экспертлар гуруҳини шакллантириш тартиби ва бошқа масалаларни муҳокама қилиш ҳамда тавсиялар ишлаб чиқиш назарда тутилади.

2019 йил

май

Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси

(Олий Мажлиснинг Инсон ҳуқуқлари бўйича вакили (омбудсман) билан ҳамкорликда)

43.

Ҳудудларда «Меҳнат муҳофазаси ва хавфсизлигини таъминлаш — меҳнат унумдорлигининг гаровидир» мавзусида туркум семинарлар ўтказиш.

Семинарлар «Меҳнатни муҳофаза қилиш тўғрисида»ги Қонуннинг ва соҳага оид қатор қонуности ҳужжатларнинг мазмун-моҳиятини масъул ижрочиларга етказиш, раҳбарларнинг меҳнатни муҳофаза қилиш масалаларига эътиборини кучайтириш, қонун нормалари ижросини таъминлаш орқали турли бахтсиз ҳодисаларнинг олдини олиш масалалари муҳокама этилади.

2019 йил

май

Меҳнат ва ижтимоий масалалар қўмитаси

44.

«Хотира муқаддас — ҳаёт қадрли» мавзусида 9 май — «Хотира ва қадрлаш» кунига бағишланган маънавий-маърифий ва ватанпарварлик туркум тадбирлари

Тадбирларда уруш фахрийлари, иштирокчилари ва урушда қурбон бўлганларнинг оилаларидан хабар олиш, мамлакатимиз озодлиги ва мустақиллиги учун жон берган мард ўғлонлар хотирасини абадийлаштириш муҳимлиги назарда тутилади.

Туркум тадбирлар «Ватанпарвар» ташкилоти, олий ўқув юртлари, корхона ва ташкилотлар ҳамда ҳарбий қисмларда ўтказиш назарда тутилган.

2019 йил

май

Мудофаа ва хавфсизлик масалалари қўмитаси

45.

«Илмий ишланмалар «Ноу-хау»лар соҳасига инвестицияларни жалб этишда имтиёзли хорижий кредитлар ва грантларни жалб этиш бўйича халқаро молиявий институтлар ва хорижий донорлар билан ўзаро ҳамкорликни ривожлантиришнинг долзарб масалалари» мавзусида семинар ўтказиш.

Тадбирда Ўзбекистон Республикаси Президентининг Олий Мажлисга Мурожаатномасидан келиб чиқиб, мамлакатимизда инвестицияларни илмий ишланмалар «ноу-хау»лар соҳасига кенг жалб этиш, илмий-тадқиқот ташкилотлари фаолиятини тубдан ислоҳ қилиш ҳамда бу борада халқаро молиявий институтлар ва хорижий донорлар билан ўзаро ҳамкорликни ривожлантириш масалалари муҳокама қилинади.

Тадбир якуни бўйича тегишли таклиф ва тавсиялар ишлаб чиқиш назарда тутилади.

2019 йил

июнь

Фан, таълим, маданият ва спорт масалалари қўмитаси

46.

17 июнь — Жаҳон чўлланиш ва қурғоқчиликка қарши курашиш кунига бағишланган семинар ўтказиш.

Тадбирда тупроқ деградациясининг олдини олиш бўйича кўрилаётган чоралар самарадорлигини ошириш, саноатни ривожлантиришда экологик мувозанатни ҳисобга олиш, ер ресурсларини бошқариш бўйича халқаро лойиҳалар кўламини кенгайтириш, ерларнинг унумдорлигини, экологик тарғибот ишлари таъсирчанлигини ошириш масалалари муҳокама этилиб, тегишли таклиф ва тавсиялар ишлаб чиқилади.

2019 йил

июнь

Экология ва атроф-муҳитни муҳофаза қилиш масалалари қўмитаси

47.

«Мамлакатимизда рақамли иқтисодиётни жорий қилишнинг қонунчилик асослари» мавзусида туркум семинарлар ўтказиш.

Тадбирда иқтисодиётнинг барча соҳаларини рақамли технологиялар асосида янгилашни назарда тутадиган Рақамли иқтисодиёт миллий концепцияси мазмун-моҳиятини кенг жамоатчиликка етказиш назарда тутилган.

2019 йил

июнь

Инновацион ривожланиш, ахборот сиёсати ва ахборот технологиялари масалалари қўмитаси

48.

«Реновация дастури — аҳоли турмуш шароитини яхшилаш ҳамда замонавий шароитга эга бўлган янги уйлар қуриш дастурининг муҳим шарти» мавзусида семинар ўтказиш.

Семинар аҳоли турмуш шароитини яхшилаш, уни муносиб турар-жой билан таъминлаш, халқимиз фаровонлигини ошириш ҳамда Реновация дастурини ишлаб чиқиш бўйича амалга оширилаётган ишларнинг ҳолатини муҳокама қилишга қаратилган.

2019 йил август

Саноат, қурилиш ва савдо масалалари қўмитаси

49.

16 сентябрь — Халқаро озон қатламини ҳимоя қилиш кунига бағишланган семинар ўтказиш.

Тадбирда Вена конвенцияси талабларини келгусида амалга ошириш механизмини такомиллаштириш, атмосфера ҳавосини муҳофаза қилиш масалалари муҳокама қилинади ҳамда тегишли тавсиялар ишлаб чиқилади.

2019 йил

сентябрь

Экология ва атроф-муҳитни муҳофаза қилиш масалалари қўмитаси

50.

«Ўзбекистоннинг иқтисодий имкониятларини рўёбга чиқаришда, ишлаб чиқариш ҳамда ресурслар салоҳиятидан кенг кўламда ва самарали фойдаланилишини таъминлашда эркин иқтисодий зоналарининг роли» мавзусида семинар ўтказиш.

Тадбир соҳадаги долзарб масалаларни муҳокама қилиш, қабул қилинган Ўзбекистон Республикаси Президенти Фармони ва Қарорлари ижросини таъминлаш, мамлакатимиз иқтисодиётига инвестицияларни кенг жалб этиш борасида олиб борилаётган кенг кўламли ишларнинг ҳолати юзасидан маълумот бериш, соҳани янада ривожлантириш юзасидан тегишли тавсиялар ишлаб чиқишга қаратилган.

2019 йил

октябрь

Саноат, қурилиш ва савдо масалалари қўмитаси

51.

Жамоатчиликни сайлов қонунчилиги янгиликлари билан кенг таништириш, Ўзбекистон Республикаси Сайлов кодексининг моҳияти ва аҳамияти ҳамда аҳолининг электорал маданиятини юксалтиришга қаратилган давра суҳбатлари, конференциялар ва семинарлар ўтказиш.

Тадбирларда сайлов жараёни иштирокчиларига сайлов институтининг муҳимлиги, жамиятда фикрлар плюрализми, кўп партиявийликни ривожлантириш, давлат ҳокимияти вакиллик органларини шакллантириш, давлат ва жамият бошқарувида ҳар бир сайловчининг шахсан иштироки муҳимлигини тушунтириш масалаларини муҳокама қилиш назарда тутилади.

2019 йил

апрель — декабрь

Барча қўмиталар