Oʻzbekiston Respublikasi Prezidentining “Oʻzbekiston Respublikasi Suv xoʻjaligi vazirligi faoliyatini yanada takomillashtirish chora-tadbirlari toʻgʻrisida” 2021-yil 6-apreldagi PQ-5055-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilarni nazarda tutuvchi:

a) Oʻzbekiston Respublikasi Suv xoʻjaligi vazirligi toʻgʻrisidagi nizom 1-ilovaga muvofiq:

Oʻzbekiston Respublikasi Suv xoʻjaligi vazirligining (keyingi oʻrinlarda — Suv xoʻjaligi vazirligi) maqomi, asosiy vazifalari va funksiyalari;

Suv xoʻjaligi vazirligining huquqlari, majburiyatlari, rahbariyatining asosiy funksional majburiyatlari va javobgarligi;

Suv xoʻjaligi vazirligi faoliyatini tashkil etish, moliyalashtirish, uning xodimlari mehnatiga haq toʻlash va moddiy ragʻbatlantirish tartibi;

v) Oʻzbekiston Respublikasi Suv xoʻjaligi vazirligi huzuridagi Suv xoʻjaligida xorijiy investitsiya loyihalarini amalga oshirish markazi toʻgʻrisidagi nizom 3-ilovaga muvofiq:

Suv xoʻjaligi vazirligi huzuridagi Suv xoʻjaligida xorijiy investitsiya loyihalarini amalga oshirish markazining (keyingi oʻrinlarda — Markaz) maqomi, asosiy vazifalari va funksiyalari;

Markazning huquqlari va javobgarligi;

Markaz rahbarlarining asosiy funksional vazifalari va javobgarligi;

Markaz faoliyatini tashkil etish, xodimlar mehnatiga haq toʻlash va ularni moddiy ragʻbatlantirish tartibi;

g) Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasi mablagʻlarini shakllantirish va ishlatish tartibi toʻgʻrisidagi nizom 4-ilovaga muvofiq:

Suv xoʻjaligi vazirligi huzuridagi Suv xoʻjaligini rivojlantirish jamgʻarmasining (keyingi oʻrinlarda — Jamgʻarma) maqsadlari;

Jamgʻarma mablagʻlarini shakllantirish va ulardan foydalanish tartibi;

Jamgʻarma mablagʻlaridan foydalanish, uning hisobotini va nazoratini yuritish;

d) Oʻzbekiston Respublikasi Suv xoʻjaligi vazirligi va uning tarkibiga kiruvchi tashkilotlar xodimlarini moddiy ragʻbatlantirish tartibi toʻgʻrisidagi nizom 5-ilovaga muvofiq:

xodimlarni mukofotlash va ularga moddiy yordam koʻrsatishni moliyalashtirish manbalari hamda tartibi;

Jamgʻarma mablagʻlari hisobiga xodimlarni ragʻbatlantirish miqdori va shartlari;

xodimlarni ragʻbatlantirish tadbirlarini moliyalashtirish;

e) Oʻzbekiston Respublikasi Suv xoʻjaligi vazirligi tizimiga kiradigan budjet tashkilotlari roʻyxati 6 va 6a-ilovalarga muvofiq;

j) Suv xoʻjaligi obyektlarini qurish, rekonstruksiya qilish va taʼmirlash-tiklash ishlarini amalga oshirishda buyurtmachi vazifasini bajaruvchi “Suvqurilishinvest” davlat muassasalari roʻyxati 7-ilovaga muvofiq;

z) “Oʻzbekiston Respublikasi suv xoʻjaligi aʼlochisi” koʻkrak nishoni toʻgʻrisidagi nizom, koʻkrak nishoni va uning guvohnomasi tavsiflari 8, 8a va 8b-ilovalarga muvofiq tasdiqlansin.

2. Oʻzbekiston Respublikasi Hukumatining 9-ilovaga muvofiq ayrim qarorlariga oʻzgartirish va qoʻshimchalar kiritilsin.

3. Oʻzbekiston Respublikasi Hukumatining 10-ilovaga muvofiq ayrim qarorlari oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.

1. Mazkur Nizom Oʻzbekiston Respublikasi Suv xoʻjaligi vazirligining (keyingi oʻrinlarda — Vazirlik) maqomi, asosiy vazifalari va funksiyalarini, huquqlari va javobgarligini, faoliyatini tashkil etish hamda hisobot berish tartibini, shuningdek, uning rahbarlarining funksional vazifalari va masʼuliyatini belgilaydi.

2. Vazirlik va uning tizimidagi barcha budjet tashkilotlari (professional taʼlim muassasalaridan tashqari) suv resurslarini boshqarish, suvlarning hisobi, hisoboti va balansini shakllantirish sohasida yagona siyosatni amalga oshirish, shuningdek, suv resurslaridan oqilona foydalanish va ularni muhofaza qilish, suvlarning zararli taʼsirining oldini olish va bartaraf etish sohasida davlat organlari va boshqa tashkilotlar faoliyatini muvofiqlashtiruvchi davlat boshqaruvi organi hisoblanadi.

3. Vazirlik Oʻzbekiston Respublikasi Vazirlar Mahkamasiga (keyingi oʻrinlarda — Vazirlar Mahkamasi) boʻysunadi.

4. Vazirlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonunchilik hujjatlariga amal qiladi.

5. Vazirlik oʻz faoliyatini davlat boshqaruvi organlari va boshqa tashkilotlar hamda mahalliy ijro etuvchi hokimiyat organlari bilan hamkorlikda amalga oshiradi.

6. Vazirlikning oʻz vakolatlari doirasida qabul qilingan qarorlari davlat boshqaruvi organlari va boshqa tashkilotlar hamda mahalliy ijro etuvchi hokimiyat organlari va ularning mansabdor shaxslari, shuningdek, fuqarolar tomonidan bajarilishi majburiydir.

7. Vazirlik va uning tarkibiga kiradigan tashkilotlar yuridik shaxs hisoblanadi, ular Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Moliya vazirligining Gʻaznachiligida shaxsiy gʻazna hisobvaraqlariga, banklarda hisobvaraqlariga, shu jumladan, xorijiy valyutadagi hisobvaraqlariga egadir.

8. Vazirlikning rasmiy nomi:

a) davlat tilida:

toʻliq nomi — Oʻzbekiston Respublikasi Suv xoʻjaligi vazirligi;

qisqartirilgan nomi — Suv xoʻjaligi vazirligi;

b) rus tilida:

toʻliq nomi — Ministerstvo vodnogo xozyaystva Respubliki Uzbekistan,

qisqartirilgan nomi — Ministerstvo vodnogo xozyaystva;

v) ingliz tilida:

toʻliq nomi — Ministry of water resources of the Republic of Uzbekistan;

qisqartirilgan nomi — Ministry of water resources.

9. Vazirlik joylashgan joy (pochta manzili): 100187, Toshkent shahri, Mirzo Ulugʻbek tumani, Qorasuv 4-dahasi, 11-uy.

10. Vazirlik tuzilmasiga quyidagilar kiradi:

Vazirlikning markaziy apparati;

Suv xoʻjaligi obyektlari xavfsizligini va suvdan foydalanishni nazorat qilish inspeksiyasi;

Suv xoʻjaligida xorijiy investitsiya loyihalarini amalga oshirish markazi;

Qoraqalpogʻiston Respublikasi Suv xoʻjaligi vazirligi;

irrigatsiya tizimlari havza boshqarmalari;

magistral kanallar (tizimlar) boshqarmalari;

irrigatsiya tizimi boshqarmalari;

Qoraqalpogʻiston Respublikasi Suv xoʻjaligi vazirligi hamda irrigatsiya tizimlari havza boshqarmalari huzuridagi nasos stansiyalari va energetika boshqarmalari;

Qoraqalpogʻiston Respublikasi Suv xoʻjaligi vazirligi hamda irrigatsiya tizimlari havza boshqarmalari huzuridagi meliorativ ekspeditsiyalar;

Qarshi magistral kanalidan foydalanish boshqarmasi;

Amu-Buxoro mashina kanalidan foydalanish boshqarmasi;

Fargʻona vodiysi magistral kanallaridan foydalanish boshqarmasi;

Janubiy Mirzachoʻl kanalidan foydalanish boshqarmasi;

Zarafshon magistral tizimidan foydalanish boshqarmasi;

Qirgʻoq himoyalovchi dambalar va oʻzanni rostlovchi inshootlar boshqarmasi;

Jizzax bosh nasos stansiyasi boshqarmasi;

Suv omborlaridan foydalanish boshqarmalari;

Markaziy dispetcherlik, kommunikatsiya va kadastr xizmati;

Axborot-tahlil va resurs markazi;

“Suvqurilishinvest” davlat muassasalari;

“Oʻzsuvekspertiza” davlat unitar korxonasi;

Irrigatsiya va suv muammolari ilmiy-tadqiqot instituti;

professional taʼlim muassasalari.

11. Vazirlikning asosiy vazifalari quyidagilardan iborat:

suv resurslarini boshqarish, suvlarning hisobi, hisoboti va balansini shakllantirish sohasida yagona siyosatni amalga oshirish, shuningdek, suv resurslaridan oqilona foydalanish va ularni muhofaza qilish, suvlarning zararli taʼsirining oldini olish va bartaraf etish sohasida davlat organlari va boshqa tashkilotlar faoliyatini muvofiqlashtirish;

respublika aholisi, iqtisodiyot tarmoqlari va atrof muhitning suvga boʻlgan muttasil oshib borayotgan ehtiyojlarini qondirish uchun shart-sharoitlar yaratish, suv resurslaridan samarali foydalanishni taʼminlash;

suv xoʻjaligi obyektlarini modernizatsiyalash, rivojlantirish va qurilish ishlarini sifatli tashkil etish, qonunchilik hujjatlarini ishlab chiqish, shuningdek, xavfsizlik darajasi yuqori boʻlgan suv xoʻjaligi obyektlarini loyihalash va ekspertiza qilish ishlariga malakali xorijiy ekspertlar va konsalting tashkilotlarini jalb qilish;

har bir loyihaning iqtisodiy samaradorligini hamda suv xoʻjaligi obyektining xavfsizligini aniq koʻrsatkichlar va mezonlar asosida chuqur tahlil qilish orqali uning ustuvorligini belgilash va amalga oshirish;

suv xoʻjaligi obyektlarini qurish va rekonstruksiya qilish loyihalarini ekspertiza qilish hamda amalga oshirish ishlarini ilmiy-texnik taʼminlash;

suv omborlari, sel-suv omborlari va boshqa suv xoʻjaligi obyektlari xavfsizligini hamda ishonchli ishlashini taʼminlash;

sugʻoriladigan yerlarning meliorativ holatini yaxshilash va barqarorligini taʼminlash choralarini koʻrish;

suv xoʻjaligi sohasida resurs tejaydigan texnologiyalar, zamonaviy qurilish materiallari, ilgʻor xorijiy tajribani keng qoʻllash;

suv xoʻjaligi obyektlarini boshqarish, suvning hisobi va hisobotini yuritish hamda tegishli maʼlumotlar bazasini shakllantirishda raqamli texnologiyalarni joriy qilish;

suv resurslarining hisobi va elektr energiyasi isteʼmoli boʻyicha shaffoflikni taʼminlash hamda ularning samaradorligini oshirish;

suv xoʻjaligida bozor iqtisodiyoti tamoyillari, davlat-xususiy sheriklik mexanizmlari va autsorsingni joriy qilish;

suv xoʻjaligi sohasidagi mutaxassislar malakasini oshirishni tizimli tashkil etish, suv xoʻjaligi tashkilotlari bilan taʼlim va ilmiy-tadqiqot muassasalari oʻrtasidagi integratsiyani kuchaytirish, fan va texnika yutuqlarini amaliyotga joriy etishni tizimli tashkil qilish;

transchegaraviy suv resurslarini boshqarish va ulardan foydalanish boʻyicha davlatlararo munosabatlarni rivojlantirish, xorijiy investitsiyalar va texnik koʻmak mablagʻlarini jalb qilish, shuningdek, suv xoʻjaligi sohasidagi xalqaro tashkilotlar faoliyatida faol ishtirok etish.

12. Quyidagilar Vazirlikning asosiy funksiyalari hisoblanadi:

a) suv resurslarini boshqarish, suvlarning hisobi, hisoboti va balansini shakllantirish sohasida yagona siyosatni amalga oshirish, shuningdek, suv resurslaridan oqilona foydalanish va ularni muhofaza qilish, suvlarning zararli taʼsirining oldini olish va bartaraf etish sohasida davlat organlari va boshqa tashkilotlar faoliyatini muvofiqlashtirish sohasida:

suv xoʻjaligini rivojlantirish konsepsiyasi va uni amalga oshirish strategiyasini, shuningdek, irrigatsiyani rivojlantirish va sugʻoriladigan yerlarning meliorativ holatini yaxshilash boʻyicha dasturlarni oshkoralik asosida ishlab chiqadi;

global iqlim oʻzgarishi va Orol dengizi qurishining aholi hayoti va faoliyatiga salbiy taʼsirini kamaytirish hamda Orolboʻyi hududida suv xoʻjaligi vaziyatini barqarorlashtirish boʻyicha kompleks chora-tadbirlarni ishlab chiqishda ishtirok etadi;

suvdan foydalanish va suv isteʼmolida suv resurslarining hisobi va hisobotini hamda monitoringini yuritadi, suv balansini shakllantiradi, shuningdek, davlat suv kadastrining “Suvdan foydalanish” boʻlimi yuritilishini tashkil qiladi;

suvdan foydalanuvchilar va suv isteʼmolchilari, shuningdek, iqtisodiyotning barcha tarmoqlarida (kommunal sohadan tashqari) suv resurslaridan foydalanish boʻyicha maʼlumotlar bazasini yaratadi;

suv isteʼmolchilari uyushmalari va boshqa birlashmalarni tuzish va ularni rivojlantirishda, shuningdek, ular xizmat koʻrsatadigan zonada suv resurslarini boshqarish va hisobga olishda metodik va amaliy yordam koʻrsatadi;

suvdan foydalanuvchilar va suv isteʼmolchilari oʻrtasida oʻzaro iqtisodiy munosabatlarni takomillashtirish boʻyicha chora-tadbirlar kompleksini ishlab chiqish va amalga oshirishda ishtirok etadi;

tegishli davlat boshqaruvi organlari va boshqa tashkilotlar hamda mahalliy ijro etuvchi hokimiyat organlari bilan birgalikda suv resurslarini boshqarish, suvlarning zararli taʼsirining oldini olish va tugatish boʻyicha chora-tadbirlar kompleksini ishlab chiqish va amalga oshirishda ishtirok etadi;

davlat siyosatining suv xoʻjaligi sohasidagi asosiy yoʻnalishlari, suv xoʻjaligini rivojlantirishning konsepsiyasi, ularni amalga oshirishning strategiya va mexanizmlari boʻyicha Vazirlar Mahkamasiga takliflar kiritadi;

b) respublika aholisi, iqtisodiyot tarmoqlari va atrof muhitning suvga boʻlgan muttasil oshib borayotgan ehtiyojlarini qondirish uchun shart-sharoitlarni yaratish, suv resurslaridan samarali foydalanishni taʼminlash sohasida:

suv resurslarini integratsiyalashgan boshqarish tamoyillarini joriy qilish va suvdan kompleks foydalanish orqali iqtisodiyot tarmoqlarini suv bilan barqaror taʼminlaydi, suv xoʻjaligini rivojlantirishning istiqbolli sxemalarini ishlab chiqadi va amalga oshiradi;

mamlakat suv xavfsizligini taʼminlash hamda suv resurslarini samarali boshqarish va foydalanishni taʼminlash boʻyicha qisqa, oʻrta va uzoq muddatlarga moʻljallangan kompleks tadbirlarni ishlab chiqadi va amalga oshiradi;

suv resurslarining havza tamoyili va butun vertikal boʻylab samarali boshqarish asosida hududlar va iqtisodiyot tarmoqlarini suv bilan barqaror taʼminlaydi;

suv resurslari prognozlarini kompleks tahlil qiladi va suv resurslari balanslarini ishlab chiqadi, suv manbalari, havza irrigatsiya tizimlari, iqtisodiyot tarmoqlari, hududlar, suvdan foydalanuvchilar va suv isteʼmolchilari boʻyicha, yer osti suvlari boʻyicha esa geologiya va mineral resurslar organlari bilan kelishgan holda suv olish limitlarini belgilaydi;

suv olish limitlari asosida suvdan foydalanish va suv isteʼmoli tartibining amalda qoʻllanilishini taʼminlaydi;

sunʼiy suv obyektlari suvidan maxsus foydalanish va suvni maxsus isteʼmol qilish uchun belgilangan tartibda ruxsatnomalar beradi, tabiiy yer usti suv obyektlari suvidan maxsus foydalanish va suvni maxsus isteʼmol qilishga ruxsatnomalar berishni kelishadi;

suvdan foydalanish va suv isteʼmoli boʻyicha qonunchilik hujjatlar loyihalarini belgilangan tartibda ishlab chiqadi hamda ularni takomillashtiradi;

suv xoʻjaligining foydalanuvchi tashkilotlar rahbarlari va xodimlarining suvdan foydalanish va suv isteʼmoli tartibiga qatʼiy rioya qilishi boʻyicha javobgarligini oshirish choralarini koʻradi;

ommaviy axborot vositalari, shuningdek, anjumanlar, seminarlar, treninglar va boshqa tadbirlarni oʻtkazish orqali suv resurslarini asrash va ulardan tejamli foydalanish boʻyicha targʻibot ishlarini olib boradi;

taʼlim muassasalarining yosh avlodni suvdan avaylab-asrab foydalanish ruhida tarbiyalash va suvdan foydalanish madaniyatini oshirish boʻyicha tadbirlarida ishtirok etadi;

zamonaviy axborot-kommunikatsiya texnologiyalaridan foydalangan holda suv boʻyicha ommabop resurslar bilimlar bazasini yaratish va rivojlantirish boʻyicha ishlarni tashkil qiladi;

v) suv xoʻjaligi obyektlarini modernizatsiyalash, rivojlantirish va qurilish ishlarini sifatli tashkil etish, hujjatlarni ishlab chiqish, shuningdek, xavf darajasi yuqori boʻlgan suv xoʻjaligi obyektlarini loyihalash va ekspertiza qilish ishlariga malakali xorijiy ekspertlar va konsalting tashkilotlarini jalb qilish sohasida:

suv xoʻjaligi loyihalarini amalga oshirish yuzasidan tizimli monitoring yuritadi, shuningdek, buyurtmachi, loyihachi va pudratchi tashkilotlar tomonidan shaharsozlik normalari va qoidalari talablariga rioya etilishini taʼminlaydi, loyihalarni amalga oshirish jarayonida yuzaga kelgan muammolarni bartaraf etish choralarini koʻradi;

koʻp yillik tajribaga va yetarli malakaga ega boʻlgan xalqaro konsultantlar, xorijiy mutaxassislar bilan belgilangan tartibda muzokaralar olib boradi;

suv omborlari, sel-suv omborlari va xavf darajasi yuqori boʻlgan boshqa suv xoʻjaligi obyektlarini qurish va rekonstruksiya qilish loyihalarini ishlab chiqish hamda ekspertiza qilish, shuningdek, ularning xavfsizlik mezonlarini ishlab chiqishga xalqaro konsultantlar, xorijiy mutaxassislar bilan belgilangan tartibda tegishli shartnomalarni rasmiylashtiradi hamda xalqaro normalarga asosan jalb qiladi;

suvlarning va suv obyektlarining holatiga taʼsir qiladigan tashkilotlar, inshootlar hamda boshqa obyektlarini qurish, rekonstruksiya qilish, taʼmirlash va tiklash boʻyicha loyihalarni koʻrib chiqadi va belgilangan tartibda kelishadi;

g) har bir loyihaning iqtisodiy samaradorligini hamda suv xoʻjaligi obyektining xavfsizligini aniq koʻrsatkich va mezonlar asosida chuqur tahlil qilish orqali uning ustuvorligini belgilash va amalga oshirish sohasida:

davlat boshqaruv organlari va boshqa tashkilotlar hamda mahalliy ijro etuvchi hokimiyat organlari bilan birgalikda oshkoralik asosida suv xoʻjaligi obyektlarini (ichimlik va oqova suv tizimidan tashqari) qurish, rekonstruksiya qilish va taʼmirlash-tiklash boʻyicha ustuvor loyihalarni, jumladan, xorijiy investitsiyalar, xalqaro moliya institutlari va xorijiy hukumat moliya tashkilotlarining kreditlari, grantlari ishtirokidagi ustuvor investitsiya loyihalarini ularning iqtisodiy samaradorligi hamda suv xoʻjaligi obyektining xavfsizligi boʻyicha aniq koʻrsatkichlar va mezonlar asosida chuqur tahlil qilish orqali aniqlaydi;

irrigatsiyani rivojlantirish va sugʻoriladigan yerlarning meliorativ holatini yaxshilash boʻyicha qisqa, oʻrta va uzoq muddatli davlat dasturlarini oshkoralik asosida ishlab chiqadi va belgilangan tartibda amalga oshiradi;

Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasining (keyingi oʻrinlarda — “Suvxoʻjaliknazorat” inspeksiyasi) suv xoʻjaligi obyektlari xavfsizligini va suvdan samarali foydalanishni taʼminlash toʻgʻrisidagi koʻrsatmalarini koʻrib chiqadi hamda suv xoʻjaligi obyektlarining ustuvorligini belgilaydi;

ustuvor loyihalarni amalga oshirish uchun Oʻzbekiston Respublikasining investitsiya hamda ijtimoiy va ishlab chiqarish infratuzilmasini rivojlantirish dasturlariga kiritish va tegishli mablagʻlarni ajratish boʻyicha vakolatli organlarga takliflar kiritadi;

suv omborlari, sel-suv omborlari va xavf darajasi yuqori boʻlgan boshqa suv xoʻjaligi obyektlarini qurish va rekonstruksiya qilish boʻyicha ustuvor loyihalarning texnik topshiriqlarini, shuningdek, loyiha hujjatlarini “Suvxoʻjaliknazorat” inspeksiyasi bilan kelishadi;

suv xoʻjaligi obyektlarini qurish, rekonstruksiya qilish va taʼmirlash-tiklash boʻyicha ustuvor loyihalarning loyiha-smeta hujjatlari belgilangan tartibda ishlab chiqilishini, ekspertizadan oʻtkazilishini hamda bosh pudrat tashkilotlari tanlov (tender) savdolari asosida shaffof aniqlanishini hamda tegishli shartnomalar rasmiylashtirilishini tashkil qiladi;

suv xoʻjaligi obyektlarini qurish, rekonstruksiya qilish boʻyicha loyihalarning tasdiqlangan loyiha-smeta hujjatlariga muvofiq oʻz vaqtida va sifatli bajarilishini hamda qurilishi yakunlangan ishlar belgilangan tartibda qabul qilinilishini tashkil etadi;

d) suv xoʻjaligi obyektlarini qurish va rekonstruksiya qilish loyihalarini ekspertiza qilish hamda amalga oshirish ishlarini ilmiy-texnik taʼminlash sohasida:

suv xoʻjaligi obyektlarini qurish va rekonstruksiya qilish boʻyicha loyiha-qidiruv ishlari qiymatining hisob-kitobiga loyiha-qidiruv ishlari umumiy qiymatining 10 foizigacha miqdorda qoʻshimcha mablagʻlar kiritilishini taʼminlaydi;

suv xoʻjaligi obyektlarini qurish va rekonstruksiya qilish boʻyicha loyiha-qidiruv ishlarini ilmiy-texnik jihatdan kuzatishni belgilangan tartibda tashkil qiladi;

suv xoʻjaligi obyektlarini qurish va rekonstruksiya qilish boʻyicha qurilish ishlarining tasdiqlangan loyiha hujjatlariga muvofiq va sifatli bajarilishini ilmiy-texnik jihatdan taʼminlashni tashkil qiladi;

suv xoʻjaligi obyektlarini qurish, rekonstruksiya qilish, taʼmirlash va tiklash boʻyicha loyiha-smeta hujjatlarining sohaviy ekspertizasi oʻtkazilishini nazorat qiladi;

e) suv omborlari, sel-suv omborlari va boshqa suv xoʻjaligi obyektlari xavfsizligini hamda ishonchli ishlashini taʼminlash sohasida:

suv xoʻjaligining foydalanuvchi tashkilotlar rahbarlari va xodimlarining suv omborlari, sel-suv omborlari va boshqa suv xoʻjaligi obyektlari xavfsizligini hamda ishonchli ishlashini taʼminlash boʻyicha belgilangan talablar va qoidalarga qatʼiy rioya etilishi yuzasidan javobgarligini oshiradi;

suv omborlari, sel-suv omborlari va xavf darajasi yuqori boʻlgan boshqa suv xoʻjaligi obyektlarining texnik holati yuzasidan loyiha tashkilotlari va manfaatdor tashkilotlar ishtirokida tizimli monitoring yuritadi hamda natijasini tahlil qilib boradi;

“Suvxoʻjaliknazorat” inspeksiyasi tomonidan berilgan koʻrsatmalar asosida suv omborlari, sel-suv omborlari va xavf darajasi yuqori boʻlgan boshqa suv xoʻjaligi obyektlarining xavfsizligini taʼminlash yuzasidan aniq chora-tadbirlarni ishlab chiqadi va belgilangan tartibda ijrosini tashkil qiladi;

suv xoʻjaligi obyektlarida avariya-zaxira materiallari oʻz vaqtida yaratilishini va ulardan maqsadli foydalanishni tashkil qiladi;

j) sugʻoriladigan yerlarning meliorativ holatini yaxshilash va barqarorligini taʼminlash choralarini koʻrish sohasida:

kollektor-drenaj tarmoqlarining texnik holati va ulardan maqsadli foydalanish boʻyicha tizimli monitoring yuritishni tashkil qiladi;

sugʻoriladigan yerlarning meliorativ holatini tizimli nazorat qiladi, sohaga raqamli texnologiyani joriy qiladi va meliorativ kadastr yuritadi hamda qishloq xoʻjaligi mahsulotlari yetishtiruvchilarga yerlarning meliorativ holatini yaxshilash boʻyicha oʻz vaqtida ilmiy asoslangan tavsiyalar berilishini tashkil qiladi;

kollektor-drenaj tarmoqlari va ulardagi inshootlarni rekonstruksiya qilish va taʼmirlash-tiklash ishlarini hamda yerlarning meliorativ barqarorligini belgilangan tartibda tashkil qiladi;

yerlarning meliorativ holatini yaxshilash sohasiga ilm-fan yutuqlarini, geoaxborot texnologiyalari boʻyicha ilgʻor tajribalarni, shuningdek, innovatsion usullarni joriy qiladi;

z) suv xoʻjaligi sohasida resurs tejaydigan texnologiyalar, zamonaviy qurilish materiallari, ilgʻor xorijiy tajribani keng qoʻllash sohasida:

qishloq xoʻjaligi ekinlarini yetishtirishda suvni tejaydigan sugʻorish texnologiyalarini joriy qilish boʻyicha hududiy manzilli roʻyxatlarni shakllantirishda ishtirok etadi hamda tasdiqlangan manzilli roʻyxatlarni umumlashtiradi;

suvni tejaydigan sugʻorish texnologiyalarini joriy qilish ishlari boʻyicha monitoring olib boradi va tahlil qiladi, ularni joriy qilishni kengaytirish va davlat tomonidan ragʻbatlantirib borish boʻyicha takliflar tayyorlaydi;

suvni tejaydigan sugʻorish texnologiyalarini takomillashtirish, samaradorligini oshirish va yangilarini yaratish boʻyicha ilmiy-tadqiqot hamda loyiha-konstruktorlik ishlarini kengaytirish, yangi ishlanmalarni amaliyotga joriy qilish ishlarini tashkil qiladi;

suvni tejaydigan sugʻorish texnologiyalari butlovchi qismlarini ishlab chiqaruvchi tashkilotlar faoliyatini oʻrganib boradi hamda ularni qoʻllab-quvvatlash boʻyicha takliflar tayyorlaydi;

suv xoʻjaligi qurilishida resurslarni tejaydigan texnologiyalar va ilgʻor xorijiy tajribalarni keng qoʻllash, ilmiy-tadqiqot ishlarini rivojlantirish chorasini koʻradi.

i) suv xoʻjaligi obyektlarini boshqarish, suvning hisobi va hisobotini yuritish hamda tegishli maʼlumotlar bazasini shakllantirishda raqamli texnologiyalarni joriy qilish sohasida:

yirik suv xoʻjaligi obyektlarini boshqarishni zamonaviy axborot-kommunikatsiya texnologiyalari asosida avtomatlashtiradi;

suv xoʻjaligi obyektlarida suvning hisobi va hisobotini yuritishda raqamli texnologiyalarni joriy qiladi hamda ulardan samarali foydalanishni taʼminlaydi;

suvning hisobi va hisobotini yuritishda shaffoflik va oshkoralikni taʼminlash, maʼlumotlar bazasini shakllantirish ishlarini olib boradi hamda Vazirlik rasmiy veb-saytida yoritib boradi;

yer usti suvlaridan foydalanish boʻyicha davlat suv kadastrini yuritishni zamonaviy axborot-kommunikatsiya texnologiyalari yordamida takomillashtiradi;

yer osti suvlarining holati va koʻrsatkichlarining raqamli texnologiya asosida monitoringini yuritadi;

suv xoʻjaligini raqamlashtirishga xalqaro moliya institutlari, xorijiy davlatlar, xalqaro va chet el tashkilotlari hamda jamgʻarmalarni jalb etadi;

y) suv resurslarining hisobi va elektr energiyasi isteʼmoli boʻyicha shaffoflikni taʼminlash hamda ularning samaradorligini oshirish sohasida:

nasos stansiyalarida suvning hisobi va elektr energiyasi isteʼmolining raqamli texnologiyalar asosida monitoringni yuritadi;

suvdan foydalanish va elektr energiyasi isteʼmoli boʻyicha shaffof tizimni joriy qiladi;

suvdan foydalanish va elektr energiyasi isteʼmoli boʻyicha maʼlumotlarni tizimli tahlil qilib boradi hamda ushbu resurslardan ajratilgan limitlar doirasida foydalanishni nazorat qiladi va ulardan samarali foydalanish choralarini koʻradi;

nasos stansiyalarini elektr energiyasini tejaydigan va samarali ishlaydigan zamonaviy nasoslar, elektr dvigatellari va boshqa uskunalar bilan belgilangan tartibda jihozlashni taʼminlaydi, nasos stansiyalari ish rejimini tartibga solish hamda elektr energiyasi isteʼmolini kamaytirish choralarini koʻradi;

moddiy-texnika va energetika resurslari sarfini kamaytirishni tashkil qiladi, yangi texnika va ilgʻor texnologiya hamda soha boʻyicha rivojlangan mamlakatlar tajribasini qoʻllash boʻyicha qonunchilik hujjatlari loyihalarini ishlab chiqadi;

Vazirlik tizimidagi tashkilotlar uchun ajratilgan elektr energiyasi limitlariga oʻzgartirish kiritish yuzasidan tegishli vazirliklar va idoralarga takliflar kiritadi;

k) suv xoʻjaligida bozor iqtisodiyoti tamoyillari, davlat-xususiy sheriklik mexanizmlari va autsorsingni joriy qilish sohasida:

alohida suv xoʻjaligi obyektlarini fermer xoʻjaliklari, klasterlar va boshqa tashkilotlarga davlat-xususiy sheriklik asosida foydalanishga berish hamda autsorsingni joriy qilish dasturlarini shakllantiradi;

davlat-xususiy sheriklik loyihalarini amalga oshirish boʻyicha xususiy sheriklar bilan muzokaralar olib boradi, ularga loyihaoldi hujjatlarini tayyorlashda koʻmaklashadi va moliyaviy xulosa olish, koʻrib chiqish hamda kelishish uchun vakolatli davlat organiga taqdim qiladi;

ijobiy xulosalar olingan davlat-xususiy sheriklik loyihalari boʻyicha loyiha bitimini ishlab chiqadi, tasdiqlash va belgilangan tartibda reyestrga kiritish uchun vakolatli davlat organiga taqdim qiladi;

davlat-xususiy sheriklik loyihalarini qonunchilik hujjatlarida belgilangan tartibda amalga oshiradi;

davlat-xususiy sheriklik loyihalari amalga oshirilishi hamda davlat-xususiy sheriklik toʻgʻrisidagi bitim shartlariga rioya etilishi yuzasidan monitoring yuritadi va samaradorligini tahlil qiladi;

l) suv xoʻjaligi sohasidagi mutaxassislar malakasini oshirishni tizimli tashkil etish, suv xoʻjaligi tashkilotlari bilan taʼlim va ilmiy-tadqiqot tashkilotlari oʻrtasidagi integratsiyani kuchaytirish, fan va texnika yutuqlarini amaliyotga joriy etishni tizimli tashkil qilish sohasida:

suv xoʻjaligi sohasidagi kadrlar, mutaxassislar, shu jumladan, suv xoʻjaligi tashkilotlari rahbar xodimlari va mutaxassislarining malakasini oshirish boʻyicha oʻquv kurslarini muntazam ravishda tashkil etadi;

suv xoʻjaligi tashkilotlarining taʼlim muassasalari va ilmiy tashkilotlar bilan oʻzaro integratsiyasini kuchaytirish boʻyicha chora-tadbirlarni ishlab chiqadi va amalga oshiradi;

suv xoʻjaligi sohasidagi oliy taʼlim muassasalari talabalari va professional taʼlim muassasalari oʻquvchilarining oʻquv-ishlab chiqarish amaliyotini sifatli oʻtkazish boʻyicha zarur shart-sharoitlarni yaratadi;

suv xoʻjaligi sohasiga zamonaviy va ilgʻor texnologiyalarni joriy etish va keng qoʻllash boʻyicha malakali kadrlarni tayyorlashga koʻmaklashadi;

Vazirlik, Qoraqalpogʻiston Respublikasi Suv xoʻjaligi vazirligi, irrigatsiya tizimlari havza boshqarmalari (keyingi oʻrinlarda — hududiy boʻlinmalar) va idoraviy mansub tashkilotlarning taʼlim muassasalari va ilmiy-tadqiqot tashkilotlari bilan oʻzaro hamkorligini tashkil qiladi, suv xoʻjaligidagi muammolarni joylarda aniqlaydi, ilmiy-tadqiqot va loyiha-konstruktorlik ishlarini shartnomalar asosida tashkil qiladi;

yakunlangan ilmiy ishlanmalar va tavsiyalarni amaliyotga joriy qilishni tashkil qiladi;

suv xoʻjaligi sohasidagi kadrlar va mutaxassislarning, shu jumladan, suv xoʻjaligi tashkilotlari rahbar xodimlari va mutaxassislarining malakasini oshirish boʻyicha idoraviy ilmiy va oʻquv kurslarini respublikaning ixtisoslashtirilgan suv xoʻjaligi tashkilotlari, taʼlim va ilmiy muassasalari, professional taʼlim muassasalarida, shuningdek, xorijda belgilangan tartibda tashkil etadi;

m) transchegaraviy suv resurslarini boshqarish va ulardan foydalanish boʻyicha davlatlararo munosabatlarni rivojlantirish, xorijiy investitsiyalar va texnik koʻmak mablagʻlarini jalb qilish, shuningdek, suv xoʻjaligi sohasidagi xalqaro tashkilotlar faoliyatida faol ishtirok etish sohasida:

Orolni qutqarish xalqaro jamgʻarmasi va uning Davlatlararo suv xoʻjaligini muvofiqlashtiruvchi komissiyasi faoliyatida faol ishtirok etadi;

transchegaraviy suv resurslaridan foydalanish masalalari boʻyicha davlatlararo munosabatlarni rivojlantirish, Markaziy Osiyo mamlakatlari manfaatlari oʻrtasidagi muvozanatni taʼminlaydigan suv resurslarini birgalikda boshqarishning oʻzaro maqbul mexanizmlarini va suvdan samarali foydalanish dasturlarini ishlab chiqish hamda ilgari surishda ishtirok etadi;

xorijiy davlatlardagi suv xoʻjaligi obyektlari loyihalarini ishlab chiqish va ularning qurilishida belgilangan tartibda ishtirok etadi;

transchegaraviy suv resurslarini tartibga solish va ulardan foydalanish, suv xoʻjaligini rivojlantirish va yerlarning meliorativ holatini yaxshilash boʻyicha davlatlararo masalalarni muhokama qilish va hal etishda respublika nomidan ishtirok etadi;

xalqaro shartnomalar, xorijiy mamlakatlar bilan suv xoʻjaligi va melioratsiya sohasidagi hamkorlik dasturlari doirasida Oʻzbekiston tomonining majburiyatlarini bajarish bilan bogʻliq boʻlgan xalqaro tadbirlarning respublikada oʻtkazilishini tashkil etadi, suv xoʻjaligi masalalari boʻyicha xorijiy hamkorlar bilan muzokaralarda qatnashadi;

Orolni qutqarish xalqaro jamgʻarmasi va uning tizim tashkilotlari, Butunjahon suv Kengashi, Irrigatsiya va drenaj Xalqaro komissiyasi, Yirik toʻgʻonlar boʻyicha Xalqaro komissiya, Suv resurslarini rivojlantirish va boshqarish boʻyicha Islom davlatlararo tarmogʻi va boshqa xalqaro tashkilotlar faoliyatida faol ishtirok etadi.

13. Quyidagilar Vazirlik markaziy apparatining asosiy vazifalari hisoblanadi:

hududiy boʻlinmalar va idoraviy mansub tashkilotlar bilan birgalikda Vazirlikka yuklangan vazifalar va funksiyalarning samarali bajarilishini taʼminlash;

suv xoʻjaligi sohasida yagona davlat siyosati amalga oshirilishini taʼminlash;

suv xoʻjaligini rivojlantirish konsepsiyasi hamda suv resurslarini boshqarish va irrigatsiya sektorini rivojlantirish strategiyalari ijrosini taʼminlash;

Vazirlik, hududiy boʻlinmalar va idoraviy mansub tashkilotlar faoliyati bilan bogʻliq prognoz koʻrsatkichlarga erishilishini taʼminlash;

davlat boshqaruvi organlari va boshqa tashkilotlar hamda mahalliy ijro etuvchi hokimiyat organlari bilan Vazirlik faoliyati sohasiga kiradigan masalalar boʻyicha oʻzaro hamkorlik qilish, Vazirlar Mahkamasi va uning Rayosati majlislarida tegishli masalalarni koʻrib chiqishda ishtirok etish;

Oʻzbekiston Respublikasi Prezidentining, Oʻzbekiston Respublikasi Prezidenti yordamchisining, Oʻzbekiston Respublikasi Bosh vaziri, uning oʻrinbosarlari va maslahatchilari topshiriqlarini oʻz vaqtida va sifatli bajarish;

Vazirlik xodimlarini tizimli ravishda qayta tayyorlash va ularning malakasini oshirishni tashkil qilish;

Vazirlik, hududiy boʻlinmalar va idoraviy mansub tashkilotlar faoliyati samaradorligini tanqidiy tahlil qilish, tahlil natijalariga koʻra zarur choralar koʻrish;

Vazirlik, hududiy boʻlinmalar va idoraviy mansub tashkilotlar faoliyatini tashkil etishning zamonaviy shakllarini joriy qilish;

jismoniy va yuridik shaxslarning murojaatlarini koʻrib chiqish boʻyicha samarali faoliyatni taʼminlash, aholi bilan bevosita va ochiq muloqot oʻrnatish;

Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Vazirlik xodimlari va rahbarlarining faol ishtirok etishini, Oʻzbekiston Respublikasi Prezidentining Xalq qabulxonalari va Virtual qabulxonasidan tushgan jismoniy va yuridik shaxslarning murojaatlari oʻz vaqtida va toʻliq koʻrib chiqilishini taʼminlash;

xalqaro va davlatlararo aloqalarni kengaytirish va mustahkamlash boʻyicha tadbirlarda xalqaro maydonda Oʻzbekiston Respublikasi nomidan vakillar ishtirokini, suv xoʻjaligi sohasiga xorijiy investitsiya va grantlarning jalb qilinishini taʼminlash;

Vazirlik Hayʼati qarorlari, Oʻzbekiston Respublikasi suv xoʻjaligi vazirining (keyingi oʻrinlarda — Vazir) buyruqlari va topshiriqlari oʻz vaqtida va sifatli bajarilishini taʼminlash;

Vazirlik, hududiy boʻlinmalar va idoraviy mansub tashkilotlar kadrlarini tanlash va joy-joyiga qoʻyish, ularning kasbiy mahorati, amaliy tajribasi, yuqori darajadagi ishchanlik va axloqiy-maʼnaviy sifatlari kafolatini taʼminlash, ularning kasbiy malakasini oshirish choralarini koʻrish, kadrlar zaxirasini shakllantirish;

suv xoʻjaligi masalalariga doir Oʻzbekiston Respublikasi Prezidentining farmonlari, qarorlari va farmoyishlari, Hukumatning qarorlari va farmoyishlari loyihalarini oʻz vaqtida sifatli tayyorlash.

14. Quyidagilar Vazirlik markaziy apparatining asosiy funksiyalari hisoblanadi:

Vazirlik va uning rahbariyati faoliyatini tashkiliy va axborot-tahlil jihatidan taʼminlaydi;

Vazirlikning tarkibiy va hududiy boʻlinmalari hamda idoraviy mansub tashkilotlar tomonidan Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni talablariga qatʼiy rioya etish;

Vazirlik faoliyati doirasida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomini mustahkamlash uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi muntazam nazorat qilinishini taʼminlaydi;

Vazirlik tomonidan Oʻzbekiston Respublikasi Prezidenti Administratsiyasi va Vazirlar Mahkamasiga kiritiladigan qonunchilik hujjatlarining sifatli va oʻz vaqtida ishlab chiqilishini hamda ularning iqtisodiy, moliyaviy va huquqiy ekspertizasi oʻtkazilishini taʼminlaydi;

Vazirlikning hududiy boʻlinmalari va idoraviy mansub tashkilotlari faoliyatini muvofiqlashtiradi va nazorat qiladi hamda tahlil qiladi;

Vazirlikning faoliyati, shu jumladan, qonun ijodkorligi sohasidagi faoliyati huquqiy taʼminlanishini tashkil qiladi;

Vazirlikning vakolatiga kiruvchi tezkor, tashkiliy, kadrlar, moliyaviy, ishlab chiqarish-xoʻjalik hamda boshqa masalalar boʻyicha buyruqlar qabul qiladi;

Vazirlik, hududiy boʻlinmalar va idoraviy mansub tashkilotlar faoliyati bilan bogʻliq prognoz koʻrsatkichlarga erishilishini soʻzsiz taʼminlash boʻyicha amaliy choralar koʻradi;

Oʻzbekiston Respublikasi Prezidenti Administratsiyasi va Vazirlar Mahkamasi, shuningdek, davlat boshqaruvi organlari va boshqa tashkilotlar hamda mahalliy ijro etuvchi hokimiyat organlari bilan Vazirlik faoliyati sohasiga kiradigan masalalar yuzasidan oʻzaro hamkorlik qiladi;

Vazirlik markaziy apparati, hududiy boʻlinmalar, ularning tarkibiga kiruvchi tashkilotlar va idoraviy mansub tashkilotlar faoliyatini tashkil etishning zamonaviy shakllarini joriy qiladi;

Vazirlikning samarali faoliyatini tashkil qilish va takomillashtirish boʻyicha takliflar ishlab chiqadi;

suv xoʻjaligi sohasini rivojlantirish boʻyicha ilmiy-tadqiqot ishlari olib borilishiga tashkiliy va moliyaviy koʻmaklashadi;

idoraviy mansub professional taʼlim muassasalari faoliyatini tashkil qilishga koʻmaklashadi, ular bilan kadrlarni tayyorlash va suv xoʻjaligi tashkilotlari kadrlarining malakasini oshirishda hamkorlik qiladi;

davlat suv kadastrining “Suvdan foydalanish” boʻlimini va sugʻoriladigan yerlarning meliorativ kadastri yuritilishini tashkil qiladi;

suv resurslarini va suv xoʻjaligi obyektlarini boshqarishga raqamli texnologiyalarni joriy qilishni tashkil qiladi:

suv xoʻjaligi obyektlaridan foydalanishda davlat-xususiy sheriklik mexanizmlari va autsorsingni joriy qiladi;

respublika budjetidan moliyalashtiriladigan idoraviy mansub tashkilotlarda moliya, buxgalteriya hisobi va hisobotini tashkil etadi;

Vazirlik, hududiy boʻlinmalar va idoraviy mansub tashkilotlarda ichki audit va moliyaviy nazoratni tashkil etadi hamda amalga oshiradi;

hududiy boʻlinmalar va idoraviy mansub tashkilotlarni moddiy-texnik taʼminlashni tashkil etadi;

jismoniy va yuridik shaxslarning murojaatlari bilan ishlashni tashkil etadi;

xorijiy investitsiyalar jalb etilishini va xalqaro hamkorlikni tashkil etadi;

suv xoʻjaligi sohasida anjumanlar, seminarlar va xalqaro tadbirlarni tashkil etish va oʻtkazish ishlarini bajaradi;

suv xoʻjaligi sohasida ilm-fan va ishlab chiqarishning ilgʻor yutuqlarini ommaviy axborot vositalarida muntazam va keng yoritishga doir ishlarni amalga oshiradi.

15. Quyidagilar Vazirlik hududiy boʻlinmalarining asosiy vazifalari hisoblanadi:

Vazirlikka yuklangan vazifalar va funksiyalar samarali bajarilishini taʼminlashda ishtirok etish;

hududlarni kompleks ijtimoiy-iqtisodiy rivojlantirish masalasida xoʻjalik birlashmalari va mahalliy ijro etuvchi hokimiyat organlari bilan hamkorlik qilish;

suv xoʻjaligi sohasini kompleks modernizatsiyalash, mintaqaning suv xoʻjaligi obyektlariga fan-texnika yutuqlari, suvni tejaydigan zamonaviy texnologiyalarni, ilgʻor mahalliy va xorijiy tajribalarni joriy qilishga yoʻnaltirilgan yagona suv xoʻjaligi siyosati amalga oshirilishini taʼminlash;

suv xoʻjaligiga xorijiy investitsiyalar, grantlar va texnik yordamlarni jalb etish choralarini koʻrish, loyihalarni boshqarishga muvofiq ulardan samarali foydalanishni taʼminlash;

suv resurslarini boshqarishning tamoyillari va tizimini takomillashtirish, suvdan tejamli va oqilona foydalanishni taʼminlash, irrigatsiyani rivojlantirish va sugʻoriladigan yerlarning meliorativ holatini yaxshilash, suv xoʻjaligi obyektlarini modernizatsiya qilish choralarini koʻrish;

kadrlar bilan ishlashni takomillashtirish, ularning malakasini oshirish muntazam ravishda samarali tashkil etilishini taʼminlash;

suv xoʻjaligi obyektlaridan foydalanishda davlat-xususiy sheriklik mexanizmlari va autsorsingni joriy qilishda ishtirok etish;

suv resurslari va suv xoʻjaligi obyektlarini boshqarishni raqamli texnologiyalar asosida amalga oshirishni tashkil etish;

hududiy boʻlinmalar tarkibidagi tashkilotlar faoliyatini nazorat qilish.

16. Quyidagilar hududiy boʻlinmalarning asosiy funksiyalari hisoblanadi:

suv xoʻjaligi sohasida davlat siyosatining asosiy yoʻnalishlarini rivojlantirish mexanizmlari va strategiyasi amalga oshirilishini taʼminlaydi;

suv xoʻjaligi sohasini rivojlantirish boʻyicha tarmoq va mintaqaviy dasturlar samarali amalga oshirilishini taʼminlaydi;

Vazirlik buyruqlari va Hayʼati qarorlarini bajarish boʻyicha ishlarni tashkil etadi;

xalqaro moliya institutlari va xorijiy davlatlarning investitsiyalari, imtiyozli kreditlari, grantlari va texnik yordamlarini jalb etishga koʻmaklashadi, investitsiya loyihalarining oʻz vaqtida va samarali amalga oshirilishini taʼminlaydi;

mahalliy investitsiyalarni jalb qilishga koʻmaklashadi hamda ulardan oqilona va maqsadli foydalanishni taʼminlaydi;

Vazirlikka suv xoʻjaligi sohasida xalqaro hamkorlikning ustuvor yoʻnalishlari boʻyicha takliflar kiritadi hamda ularni amalga oshirish boʻyicha ishlarni tashkil qiladi;

suv resurslarini integratsiyalashgan boshqarish va ulardan oqilona foydalanishni, suvni boshqarish samaradorligini oshirishni, suvdan foydalanish va suv isteʼmolining innovatsion texnologiyalari va mexanizmlarini faol joriy etishni taʼminlaydi;

suv isteʼmolchilari uyushmalari va boshqa birlashmalarni tuzish, ularni rivojlantirishda metodik va amaliy yordam koʻrsatadi, suv isteʼmolchilari uyushmalarining suv xoʻjaligi obyektlari texnik holati, ularni taʼmirlash va tiklash ishlari boʻyicha monitoring olib boradi;

yer usti suv resurslarini havza tamoyili asosida boshqarishni amalga oshiradi;

irrigatsiyani rivojlantirish va sugʻoriladigan yerlarning meliorativ holatini yaxshilash boʻyicha tarmoq va hududiy dasturlarni ishlab chiqish hamda amalga oshirishda qatnashadi;

irrigatsiya va melioratsiya tizimlari, nasos stansiyalari, suv omborlari va boshqa davlat suv xoʻjaligi obyektlaridan samarali hamda ishonchli foydalanishni tashkil qiladi;

suv resurslarini hisobga olish va hisoboti yuritilishini tashkil etadi, davlat suv kadastrining “Suvdan foydalanish” boʻlimini yuritishda ishtirok etadi;

sugʻoriladigan yerlarning meliorativ holati, sugʻorish va kollektor-drenaj suvlarining sifati monitoringini yuritadi;

suv resurslari prognozini tahlil qiladi va irrigatsiya tizimlari, tumanlar va iqtisodiyot tarmoqlari boʻyicha suv olish limitlarini belgilangan tartibda tasdiqlaydi, suvdan foydalanuvchilar va suv isteʼmolchilarining suvdan tejab foydalanganliklari uchun ragʻbatlantirish toʻgʻrisida takliflar kiritadi;

suv isteʼmolchilari uyushmalariga suvdan foydalanish va suv isteʼmoli boʻyicha shartnomalarni tuzish, ularning sugʻorish tarmoqlarini suvni boshqarish va hisobga olish vositalari bilan jihozlash ishlariga koʻmaklashadi va monitoring yuritadi;

suv xoʻjaligi infratuzilmasini rivojlantirish, ularning moddiy-texnika bazasini mustahkamlash boʻyicha konsepsiyalar, strategiyalar va kompleks chora-tadbirlarni, shuningdek, qonunchilik hujjatlarini ishlab chiqishda ishtirok etadi;

hududiy boʻlinma, idoraviy mansub tashkilotlar rahbar va mutaxassislari, shu jumladan, suv isteʼmolchilari uyushmalari rahbarlari va mutaxassislarining malakasini oshirishni belgilangan tartibda tashkil qiladi;

hududiy boʻlinma va idoraviy mansub tashkilotlarda suv xoʻjaligi sohasidagi oliy taʼlim va professional taʼlim muassasalari bilan talabalar va oʻquvchilarning oʻquv-tanishish hamda oʻquv-ishlab chiqarish amaliyotini tashkil etishda hamkorlik qiladi;

idoraviy mansub tashkilotlarga kadrlar bilan ishlashni takomillashtirish va ularning malakasini oshirishni tashkil etishda amaliy yordam beradi;

suv xoʻjaligi obyektlaridan foydalanishda davlat-xususiy sheriklik mexanizmi va autsorsingni joriy qilish boʻyicha takliflar tayyorlaydi va Vazirlikka kiritadi;

suv xoʻjaligi obyektlaridan davlat-xususiy sheriklik mexanizmi asosida foydalanish boʻyicha loyiha hujjatlarini tayyorlashda va monitoring olib borishda ishtirok etadi;

suv xoʻjaligi obyektlarida suvning hisobi va hisobotini yuritishga raqamli texnologiyalarni joriy qilishni belgilangan tartibda tashkil qiladi;

nasos stansiyalari va energetika boshqarmalari, meliorativ ekspeditsiyalar, magistral kanallar boshqarmalari, irrigatsiya tizimi boshqarmalari va “Suv yetkazib berish xizmati” davlat muassasalari faoliyatini nazorat qiladi.

17. Quyidagilar Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari huzuridagi nasos stansiyalari va energetika boshqarmalarining (keyingi oʻrinlarda — nasos stansiyalari va energetika boshqarmalari) asosiy vazifalari hisoblanadi:

Vazirlikka va uning hududiy boʻlinmalariga yuklagan vazifalar hamda funksiyalar samarali bajarilishini taʼminlashda ishtirok etish;

hududlarni kompleks ijtimoiy-iqtisodiy rivojlantirish masalasida xoʻjalik birlashmalari va mahalliy ijro etuvchi hokimiyat organlari bilan hamkorlik qilish;

nasos stansiyalari va energetika boshqarmalariga tegishli davlat nasos stansiyalari, sugʻorish va meliorativ quduqlar, podstansiyalar, transformatorlar, elektr uzatish va aloqa tarmoqlari, avtotransport vositalarini texnik soz holatda saqlash, ularning ishonchli ishlashini hamda takomillashtirilishini taʼminlash;

nasos stansiyalari va sugʻorish quduqlari hamda meliorativ nasos stansiyalari va quduqlarning samarali ishlashini taʼminlash;

elektr energiyasi va boshqa resurslarni iqtisod qiluvchi zamonaviy texnologiyalarni joriy qilish, sarflangan elektr energiyasi va yetkazib berilgan suvlarning hisobi va hisobotini yuritish;

ajratilgan mablagʻlardan, moddiy-texnika resurslaridan, texnika jihozlaridan maqsadli va samarali foydalanishni taʼminlash;

oʻz vakolati doirasida moliyaviy hujjatlar, oylik, choraklik va yillik elektr energiyasi hisobotlari, texnik hisobotlar va boshqa zarur boʻlgan hujjatlar oʻz vaqtida tayyorlanishiga hamda haqqoniyligiga javob berish.

18. Quyidagilar nasos stansiyalari va energetika boshqarmalarining asosiy funksiyalari hisoblanadi:

nasos stansiyalari va energetika boshqarmalariga tegishli nasos stansiyalari, sugʻorish va meliorativ quduqlarni, suv uzatish tarmoqlarini, podstansiyalarni, transformatorlarni, elektr uzatish tarmoqlarini, aloqa va avtotransport vositalarini oʻz vaqtida texnik koʻrikdan oʻtkazadi;

tub va joriy taʼmirlash ishlarini belgilangan tartibda amalga oshiradi;

nasos stansiyalari, sugʻorish va meliorativ quduqlarning ajratilgan suv olish va elektr energiyasi limitlari hamda yoqilgʻi-moylash materiallari doirasida tegishli shartnomalar asosida samarali ishlashini taʼminlaydi;

suv va ishlatilgan elektr energiyasi hisobi va hisobotini yuritadi, raqamli texnologiyani belgilangan tartibda joriy qiladi;

ajratilgan elektr energiyasi, yoqilgʻi-moylash materiallaridan maqsadli va samarali foydalanish boʻyicha aniq chora-tadbirlarni amalga oshiradi;

budjet mablagʻlari hamda xoʻjalik faoliyatidan tushgan mablagʻlardan belgilangan maqsadlarda samarali foydalanishni taʼminlaydi va tegishli statistika va buxgalteriya hisobotini yuritadi;

nasos stansiyalari, sugʻorish va meliorativ quduqlarni tub va joriy taʼmirlash hamda rekonstruksiya qilish boʻyicha chora-tadbirlarni ishlab chiqishda ishtirok etadi;

nasos stansiyalari, sugʻorish va meliorativ quduqlarning hududiy boʻlinmalar tomonidan belgilangan tartibda tasdiqlangan jadvallar asosida samarali ishlashini taʼminlaydi;

suv xoʻjaligi tashkilotlari, suv isteʼmolchilari va boshqa shaxslarga shartnoma asosida suv xoʻjaligi hamda qonunchilik hujjatlarida man etilmagan boshqa yoʻnalishlar boʻyicha xizmatlar koʻrsatadi;

nasos stansiyalari va energetika boshqarmalari xodimlarini belgilangan tartibda maxsus kiyimlar va asbob-uskunalar bilan taʼminlaydi;

kadrlar malakasini oshirish boʻyicha oʻquv dasturlarini ishlab chiqishda ishtirok etadi, kadrlar malakasini oshirishni belgilangan tartibda tashkil qiladi, kadrlar zaxirasini yaratish boʻyicha oliy taʼlim muassasalari va professional taʼlim muassasalari bilan hamkorlik qiladi;

nasos stansiyalari, sugʻorish va meliorativ quduqlaridan davlat-xususiy sheriklik mexanizmi asosida foydalanish boʻyicha takliflarni tayyorlaydi va hududiy boʻlinmalarga kiritadi;

nasos stansiyalari, sugʻorish va meliorativ quduqlardan davlat-xususiy sheriklik mexanizmi asosida foydalanish boʻyicha loyiha hujjatlarini tayyorlashda va monitoring olib borishda ishtirok etadi.

19. Quyidagilar Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari huzuridagi meliorativ ekspeditsiyalarning (keyingi oʻrinlarda — meliorativ ekspeditsiyalar) asosiy vazifalari hisoblanadi:

Vazirlik va uning hududiy boʻlinmalariga yuklagan vazifalar va funksiyalar samarali bajarilishini taʼminlashda ishtirok etish;

hududlarni kompleks ijtimoiy-iqtisodiy rivojlantirish masalasida xoʻjalik birlashmalari va mahalliy ijro etuvchi hokimiyat organlari bilan hamkorlik qilish;

sugʻoriladigan yerlar meliorativ holatining tizimli monitoringini yuritish va meliorativ kadastrni ishlab chiqish;

tizimidagi kollektor-drenaj tarmoqlarini texnik soz holatda saqlash va ularning ishonchli ishlashini taʼminlash;

yerlarning meliorativ holatini monitoring qilishda zamonaviy axborot-kommunikatsiya texnologiyalarini joriy qilish;

qishloq xoʻjaligi mahsulotlari yetishtiruvchilar va boshqa suv isteʼmolchilarga yerlarning meliorativ holatini yaxshilash boʻyicha ilmiy asoslangan tavsiyalar berish.

20. Quyidagilar meliorativ ekspeditsiyalarning asosiy funksiyalari hisoblanadi:

sugʻoriladigan yerlarning shoʻrlanish darajasi va yer osti suvlarining holati va sifati boʻyicha tizimli monitoring olib boradi, maʼlumotlarni davriy ravishda tahlil qiladi;

irrigatsiya tizimi kanallari va kollektorlarda suvning sifati boʻyicha monitoring olib boradi;

sugʻoriladigan yerlarning meliorativ kadastrini hamda suv va tuz balanslarini ishlab chiqadi;

qishloq xoʻjaligi mahsulotlari yetishtiruvchilarga yerlarning meliorativ holatini yaxshilash boʻyicha ilmiy asoslangan tavsiyalar beradi hamda ijrosi boʻyicha nazorat olib boradi;

magistral, tumanlararo va xoʻjaliklararo kollektorlar hamda kollektor-drenaj tarmoqlari, ulardagi gidrotexnik inshootlarning texnik holati boʻyicha monitoring yuritadi, ularni taʼmirlash-tiklash hamda rekonstruksiya qilish boʻyicha tavsiyalar ishlab chiqadi;

meliorativ nasos stansiyalari hamda vertikal drenaj quduqlarining ish rejimini belgilaydi va ijrosi boʻyicha monitoring olib boradi;

kollektor-drenaj tarmoqlari sohil boʻyi mintaqasini muhofaza qilish choralarini koʻradi;

yerlarning meliorativ holati, irrigatsiya tizimi kanallari va kollektorlar suvining holati va sifatini nazorat qilishga raqamli va geoaxborot texnologiyalarini joriy qiladi;

suv isteʼmolchilari uyushmalari, fermer xoʻjaliklari, klasterlar va boshqa suv isteʼmolchilariga ularning kollektor-drenaj tarmoqlaridan maqsadli va samarali foydalanish boʻyicha tavsiyalar beradi;

yerlarning meliorativ holatini yaxshilash boʻyicha ustuvor loyihalarni aniqlash hamda hududiy dasturlarni shakllantirishda ishtirok etadi va hududiy boʻlinmalarga takliflar beradi;

kollektor-drenaj tarmoqlarini qurish va rekonstruksiya qilish ishlarining sifati boʻyicha monitoring olib boradi;

sugʻoriladigan yerlarning meliorativ holatini yaxshilash sohasiga ilm-fan yutuqlarini, geoaxborot texnologiyalari boʻyicha ilgʻor tajribalarni, shuningdek, innovatsion usullarni joriy qiladi;

kollektor-drenaj tarmoqlaridan davlat-xususiy sheriklik mexanizmi asosida foydalanish boʻyicha takliflarni tayyorlaydi va hududiy boʻlinmalarga kiritadi;

kollektor-drenaj tarmoqlaridan davlat-xususiy sheriklik mexanizmi asosida foydalanish boʻyicha loyiha hujjatlarini tayyorlashda va monitoring olib borishda ishtirok etadi.

21. Quyidagilar magistral kanallar (tizimlar) boshqarmalarining asosiy vazifalari hisoblanadi:

Vazirlikka va hududiy boʻlinmalarga yuklagan vazifalar va funksiyalar samarali bajarilishini taʼminlashda ishtirok etish;

hududlarni kompleks ijtimoiy-iqtisodiy rivojlantirish masalasida kompleks ijtimoiy-iqtisodiy rivojlantirish sektorlari bilan hamkorlik qilish;

magistral kanallar (tizimlar) va ulardagi gidrotexnika inshootlarini texnik soz holatda saqlash, ulardan foydalanish qoidalariga qatʼiy amal qilish hamda xavfsiz va ishonchli ishlashini taʼminlash;

magistral kanallar (tizimlar) va ulardagi gidrotexnika inshootlarini boshqarishni zamonaviy axborot-kommunikatsiya texnologiyalari asosida avtomatlashtirish;

suvning hisobi va hisobotini yuritish, raqamli texnologiyalarni joriy qilish, suvning hisobi boʻyicha shaffof tizimni yaratish;

magistral kanallar (tizimlar) va ulardagi gidrotexnika inshootlarini kompleks modernizatsiyalash, fan-texnika yutuqlari, suvni tejaydigan zamonaviy texnologiyalar, ilgʻor mahalliy va xorijiy tajribani joriy qilish;

suv resurslarini boshqarish tamoyillari va tizimini takomillashtirish, suvdan tejamli va oqilona foydalanishni taʼminlash, magistral kanal va ulardagi gidrotexnika inshootlarini modernizatsiyalash choralarini koʻrish.

22. Quyidagilar magistral kanallar (tizimlar) boshqarmalarining asosiy funksiyalari hisoblanadi:

magistral kanallar (tizimlar) va ulardagi gidrotexnika inshootlarining texnik holatini tizimli ravishda oʻrganib boradi va ularni soz holatda saqlaydi;

magistral kanallar (tizimlar) va ulardagi gidrotexnika inshootlarining ulardan foydalanish qoidalariga qatʼiy amal qilgan holda xavfsiz va ishonchli ishlashini taʼminlaydi;

magistral kanallar (tizimlar) va ulardagi gidrotexnika inshootlarini boshqarishni zamonaviy axborot-kommunikatsiya texnologiyalari asosida avtomatlashtirish boʻyicha Vazirlik va hududiy boʻlinmalarga takliflar beradi hamda belgilangan tartibda ijrosini tashkil qiladi;

gidropostlarni texnik soz holatda saqlaydi, ularni takomillashtirib boradi, suvning hisobi va hisobotini yuritadi;

suvning hisobi va hisobotini yuritishga raqamli texnologiyalarni joriy qiladi, suvning hisobi boʻyicha shaffof tizimni amalga oshiradi;

suvdan foydalanish boʻyicha tegishli shartnomalarni rasmiylashtiradi, suv resurslarini Vazirlik va hududiy boʻlinmalar tomonidan tasdiqlangan suvdan foydalanish rejalari boʻyicha suv xoʻjaligining foydalanuvchi tashkilotlariga yetkazib beradi;

magistral kanallar (tizimlar)ga oʻrnatilgan nasos stansiyalarini ishlatish rejimlarini belgilangan tartibda kelishadi hamda ijrosini taʼminlaydi:

umumiy suv xoʻjaligi ahvolini hisobga olgan holda suvdan foydalanish rejalariga tuzatishlar kiritish boʻyicha Vazirlikka, hududiy boʻlinmalarga takliflar kiritadi;

magistral kanallar (tizimlar), ulardagi gidrotexnika inshootlarini va suv resurslarini oqilona boshqarish uchun yuridik shaxs maqomiga ega boʻlmagan boʻlinmalarni (alohida gidrouchastkalar, ishlab chiqarish bazalari va boshqalar) tashkil etadi;

ajratilgan budjet mablagʻlari va moddiy-texnika resurslaridan oqilona foydalanishni taʼminlaydi.

23. Quyidagilar irrigatsiya tizimi boshqarmalarining asosiy vazifalari hisoblanadi:

Vazirlikka va hududiy boʻlinmalarga yuklagan vazifalar va funksiyalar samarali bajarilishini taʼminlashda ishtirok etish;

hududlarni kompleks ijtimoiy-iqtisodiy rivojlantirish masalasida kompleks ijtimoiy-iqtisodiy rivojlantirish sektorlari bilan hamkorlik qilish;

irrigatsiya tizimi kanallari va ulardagi gidrotexnika inshootlarini texnik soz holatda saqlash, ulardan foydalanish qoidalariga qatʼiy amal qilish hamda xavfsiz va ishonchli ishlashini taʼminlash;

yirik irrigatsiya tizimi kanallari va ulardagi gidrotexnika inshootlarini boshqarishni zamonaviy axborot-kommunikatsiya texnologiyalari asosida avtomatlashtirish;

suvning hisobi va hisobotini yuritish, raqamli texnologiyalarni joriy qilish, suvning hisobi boʻyicha shaffof tizimni yaratish;

irrigatsiya tizimi kanallari va ulardagi gidrotexnika inshootlarini kompleks modernizatsiyalash, fan-texnika yutuqlari, suvni tejaydigan zamonaviy texnologiyalar, ilgʻor mahalliy va xorijiy tajribalarni joriy qilish;

suv resurslarini boshqarish tamoyillari va tizimini takomillashtirish, suvdan tejamli va oqilona foydalanishni taʼminlash, irrigatsiya tizimi kanallari va ulardagi gidrotexnika inshootlarini modernizatsiyalash choralarini koʻrish.

24. Quyidagilar irrigatsiya tizimi boshqarmalarining asosiy funksiyalari hisoblanadi:

irrigatsiya tizimi kanallari va ulardagi gidrotexnika inshootlarining texnik holatini tizimli ravishda oʻrganib boradi va ularni soz holatda saqlaydi;

irrigatsiya tizimi kanallari va ulardagi gidrotexnika inshootlarining ulardan foydalanish qoidalariga qatʼiy amal qilgan holda xavfsiz va ishonchli ishlashini taʼminlaydi;

irrigatsiya tizimi kanallari va ulardagi gidrotexnika inshootlarini boshqarishni zamonaviy axborot-kommunikatsiya texnologiyalari asosida avtomatlashtirish boʻyicha hududiy boʻlinmalarga takliflar beradi hamda belgilangan tartibda ijrosini tashkil qiladi;

gidropostlarni texnik soz holatda saqlaydi, ularni takomillashtirib boradi, suvning hisobi va hisobotini yuritadi;

suvning hisobi va hisobotini yuritishga raqamli texnologiyalarni joriy qiladi, suvning hisobi boʻyicha shaffof tizimni amalga oshiradi;

suvdan foydalanish boʻyicha tegishli shartnomalarni belgilangan tartibda rasmiylashtiradi, suv resurslarini hududiy boʻlinmalar tomonidan tasdiqlangan suvdan foydalanish rejalari boʻyicha “Suv yetkazib berish xizmati” davlat muassasalari va boshqa suvdan foydalanuvchilarga yetkazib beradi;

irrigatsiya tizimi kanallariga oʻrnatilgan nasos stansiyalarini ishlatish rejimlarini belgilangan tartibda kelishadi hamda ijrosini taʼminlaydi:

umumiy suv xoʻjaligi ahvolini hisobga olgan holda suvdan foydalanish rejalariga tuzatishlar kiritish boʻyicha hududiy boʻlinmalarga takliflar kiritadi;

irrigatsiya tizimi kanallari va ulardagi gidrotexnika inshootlarini va suv resurslarini oqilona boshqarish uchun yuridik shaxs maqomiga ega boʻlmagan boʻlinmalarni (alohida gidrouchastkalar, ishlab chiqarish bazalari va boshqalar) tashkil etadi;

ajratilgan budjet mablagʻlari va moddiy-texnika resurslaridan oqilona foydalanishni taʼminlaydi.

27. Vazirlik oʻziga yuklangan vazifalar va funksiyalarni bajarish uchun quyidagi huquqlarga ega:

Oʻzbekiston Respublikasi Prezidenti Administratsiyasiga va Vazirlar Mahkamasiga qonunchilik hujjatlari loyihalarini, shuningdek, Vazirlikka yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;

davlat boshqaruvi organlari va boshqa tashkilotlar hamda mahalliy ijro etuvchi hokimiyat organlaridan Vazirlik vakolatiga kiradigan masalalarni hal etish uchun zarur boʻladigan maʼlumotlarni belgilangan tartibda soʻrash va olish;

Vazirlik, hududiy boʻlinmalar va idoraviy mansub tashkilotlarga tegishli davlat mulkini oʻzining tashkiliy tuzilmasidagi bir boʻlinmadan boshqa bir boʻlinmaga tekin foydalanish huquqi bilan belgilangan tartibda oʻtkazish;

Vazirlik, hududiy boʻlinmalar va idoraviy mansub tashkilotlar xodimlari tomonidan suv xoʻjaligi sohasidagi faoliyati asosiy koʻrsatkichlarining bajarilishini hisobga olgan holda xodimlarni belgilangan tartibda moddiy ragʻbatlantirish;

Vazirlar Mahkamasiga, davlat boshqaruvi organlari va boshqa tashkilotlar hamda mahalliy ijro etuvchi hokimiyat organlariga Vazirlik vakolati doirasiga kiradigan masalalar boʻyicha takliflar kiritish;

Vazirlik vakolati doirasiga kiradigan masalalar boʻyicha belgilangan tartibda shartnomalar tuzish;

Vazirlik vakolatiga kiradigan masalalar boʻyicha xalqaro munosabatlarda belgilangan tartibda Oʻzbekiston Respublikasining manfaatlarini ifodalash;

Vazirlikka kelishish uchun kiritilgan qonunchilik hujjatlari loyihalari va takliflar boʻyicha oʻz xulosalarini berish;

suv manbalarining suvlilik darajasi oʻzgargan holatlarda suv olish limitlariga tuzatishlar kiritish;

limitdan ortiqcha suv olinganda, suv resurslaridan nooqilona va xoʻjasizlarcha foydalanilgan hollarda suv berishning vaqtincha toʻxtatilishi toʻgʻrisida qarorlar qabul qilish;

suv qonunchiligi, suvdan foydalanish va suv isteʼmoli tartiblari buzilgan hollarda mansabdor shaxslar va fuqarolarga nisbatan qonunchilik hujjatlari doirasida chora koʻrish yuzasidan taklif kiritish;

suv resurslaridan oqilona va samarali foydalanganlik uchun suvdan foydalanuvchilar va suv isteʼmolchilarini iqtisodiy ragʻbatlantirishni tashkil etish;

yuklangan vazifalar doirasida bevosita yoki hududiy boʻlinmalar va idoraviy mansub tashkilotlar orqali xorijiy soha tashkilotlari hamda ilmiy va taʼlim muassasalari bilan hamkorlik qilish;

suv xoʻjaligi sohasidagi joriy va strategik vazifalarni yoritish uchun belgilangan tartibda noshirlik faoliyatini amalga oshirish;

binolarga xizmat koʻrsatish, xoʻjalik inventarlari va ashyolarini, avtotransport, aloqa vositalari, hisoblash, kompyuter va ofis jihozlarini saqlash va ishlatish, dasturiy taʼminotni sotib olish uchun belgilangan tartibda shartnomalar tuzish;

Vazirlik vakolatiga kiradigan masalalarni hal etishga ilmiy muassasalar, olimlar va mutaxassislarni, shu jumladan, xorijiy mutaxassislarni shartnoma asosida jalb qilish;

Vazirlik va uning tizimiga kiradigan tashkilotlarning moddiy-texnika bazasini mustahkamlash boʻyicha choralar koʻrish;

Vazirlik mukofotlari, koʻkrak nishonlari va faxriy yorliqlarini belgilangan tartibda taʼsis etish va suv xoʻjaligi sohasidagi ilgʻor xodimlarni ular bilan taqdirlash;

suv xoʻjaligi sohasida munosib fidokorlik va mehnatsevarlik koʻrsatgan, oʻzining kasbiy faoliyatida yuksak natijalarga erishgan xodimlar nomzodlarini belgilangan tartibda davlat mukofotlariga taqdim etish.

Vazirlik qonunchilik hujjatlariga asosan boshqa huquqlarga ham ega boʻlishi mumkin.

28. Vazirlik:

Vazirlikka yuklangan vazifalar va funksiyalarning samarali bajarilishi hamda suv xoʻjaligi sohasida samarali davlat siyosati amalga oshirilishi;

Vazirlik faoliyati bilan bogʻliq prognoz koʻrsatkichlarga erishishning soʻzsiz taʼminlanishi;

Vazirlik tomonidan Oʻzbekiston Respublikasi Prezidenti Administratsiyasiga va Vazirlar Mahkamasiga kiritiladigan qonunchilik hujjatlari va boshqa hujjatlar loyihalarini sifatli koʻrib chiqish;

Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari va farmoyishlari oʻz vaqtida bajarilish sifati, yakuniy natijalari va oqibatlari;

suv xoʻjaligini rivojlantirish boʻyicha dasturlar, chora-tadbirlar rejalari, “yoʻl xaritalari” va boshqa dasturiy hujjatlarni amalga oshirish, shuningdek, suv xoʻjaligi sohasida hududlarni kompleks ijtimoiy-iqtisodiy rivojlantirish va muammolarning hal etilishi uchun javobgardir.

29. Vazirlikning markaziy apparati oʻziga yuklangan vazifalar va funksiyalarni bajarish uchun quyidagi huquqlarga ega:

hududiy boʻlinmalar va idoraviy mansub tashkilotlardan Vazirlikning markaziy apparatida koʻrib chiqiladigan masalalar hamda qonunchilik hujjatlari va boshqa hujjatlar loyihalarini ishlab chiqish hamda tahlil qilish uchun zarur boʻladigan materiallar va maʼlumotlarni talab qilish va olish;

Vazirlikda koʻrib chiqiladigan masalalarni aniqlashtirish, axborot va tahliliy materiallarni, shuningdek, qonunchilik hujjatlari va boshqa hujjatlar loyihalarini tayyorlash uchun Vazirlikning hududiy boʻlinmalari va idoraviy mansub tashkilotlari rahbarlari va vakillarini zarur hollarda belgilangan tartibda jalb qilish, ushbu maqsadlar uchun ekspert va ishchi guruhlar tuzish;

hududiy boʻlinmalar va idoraviy mansub tashkilotlardan ular tomonidan kiritilgan qonunchilik hujjatlari va boshqa hujjatlar loyihalarining qayta tayyorlanishini talab qilish, zarur hollarda hujjatlarni qaytadan ishlab chiqishga qaytarish;

hududiy boʻlinmalar va idoraviy mansub tashkilotlar rahbarlari va vakillari ishtirokida yigʻilishlar oʻtkazish;

Vazirlikka yuklangan vazifalar va funksiyalarni bajarish bilan bogʻliq va tezkor hal etish talab etiladigan masalalar boʻyicha hududiy boʻlinmalar va idoraviy mansub tashkilotlar rahbarlariga belgilangan tartibda topshiriqlar berish;

hududiy boʻlinmalar va idoraviy mansub tashkilotlar faoliyatini va ular tomonidan qonunchilik hujjatlari talablari, Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Vazirlar Mahkamasining topshiriqlari hamda Vazirlik buyruqlari va uning rahbariyati topshiriqlarining bajarilishini belgilangan tartibda oʻrganish va tekshirish.

Vazirlikning markaziy apparati qonunchilik hujjatlariga asosan boshqa huquqlarga ham ega boʻlishi mumkin.

30. Vazirlikning markaziy apparati:

Vazirlikning tarkibiy va hududiy boʻlinmalari hamda idoraviy mansub tashkilotlari bilan birgalikda Vazirlikka yuklangan vazifalar va funksiyalarning sifatli va oʻz vaqtida bajarilishini taʼminlash;

Vazirlik faoliyati bilan bogʻliq prognoz koʻrsatkichlarga erishishni taʼminlash uchun Vazirlik markaziy apparati boʻlinmalarining faoliyatini tashkil etish;

Vazirlik tomonidan Vazirlar Mahkamasi va Oʻzbekiston Respublikasi Prezidenti Administratsiyasiga koʻrib chiqish uchun kiritiladigan qonunchilik hujjatlari va boshqa hujjatlar loyihalarining sifati va ekspertizadan oʻtkazilganligi hamda Vazirlik tomonidan qabul qilinayotgan qarorlar ijro etilishi;

hududiy boʻlinmalar va idoraviy mansub tashkilotlar tomonidan oʻzining faoliyati sohasini rivojlantirish boʻyicha davlat dasturlari, ish va chora-tadbirlar rejalari, “yoʻl xaritalari” va boshqa dasturiy hujjatlarning amalga oshirilishini tashkil etish uchun javobgardir.

31. Vazirlikning hududiy boʻlinmalari oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga kiruvchi masalalarni hal etish uchun zarur boʻladigan maʼlumotlarni idoraviy mansub tashkilotlardan, xoʻjalik birlashmalari va mahalliy ijro etuvchi hokimiyat organlaridan belgilangan tartibda soʻrash va olish;

oʻz vakolatlari doirasiga kiradigan sohadagi muhim muammolarning yechimlari boʻyicha takliflar tayyorlash va ularni koʻrib chiqish uchun belgilangan tartibda idoralararo ishchi guruhlar tashkil qilish;

oʻz vakolatlari doirasidagi masalalar boʻyicha Vazirlikka, xoʻjalik birlashmalari va mahalliy ijro etuvchi hokimiyat organlariga koʻrib chiqish uchun takliflar kiritish;

suv xoʻjaligi masalalari boʻyicha kelishish uchun kiritilgan qonunchilik hujjatlari loyihalari va takliflar boʻyicha xulosalar berish;

suv qonunchiligini buzganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga ariza kiritish.

Hududiy boʻlinmalar qonunchilik hujjatlarida koʻzda tutilgan boshqa huquqlarga ham ega boʻlishi mumkin.

32. Hududiy boʻlinmalar:

hududiy boʻlinmalarga yuklangan vazifalar va funksiyalarning oʻz vaqtida va sifatli bajarilishini taʼminlash;

hududiy boʻlinmalarning faoliyati bilan bogʻliq boʻlgan prognoz koʻrsatkichlarga erishilishini taʼminlash;

Vazirlik va mahalliy ijro etuvchi hokimiyat organlariga kiritiladigan qonunchilik hujjatlar loyihalari va takliflarning sifati;

Vazirlik va mahalliy ijro etuvchi davlat hokimiyati organlari tomonidan qabul qilinayotgan qarorlarning tegishlicha bajarilishi sifati, yakuniy natijalari va oqibatlari;

tumanlarda (shaharlarda) aniqlangan muammolarni har tomonlama va chuqur tahlil qilish va umumlashtirish asosida hududiy boʻlinmalarga takliflar tayyorlash;

irrigatsiyani rivojlantirish va sugʻoriladigan yerlarning meliorativ holatini yaxshilash hamda muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun masʼuldir.

33. Nasos stansiyalari va energetika boshqarmalari oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga kiruvchi masalalarni hal etish uchun zarur boʻlgan materiallarni hududiy boʻlinmalarning idoraviy mansub tashkilotlari, xoʻjalik birlashmalari va mahalliy ijro etuvchi hokimiyat organlaridan belgilangan tartibda soʻrab olish;

oʻz vakolati doirasiga kiradigan sohadagi muhim muammolarning yechimlari boʻyicha takliflar tayyorlash va ularni koʻrib chiqish uchun belgilangan tartibda idoralararo ishchi guruhlar tashkil qilish;

oʻz vakolatlari doirasidagi masalalar boʻyicha hududiy boʻlinmalarga koʻrib chiqish uchun takliflar kiritish;

suv xoʻjaligi masalalari boʻyicha kelishish uchun kiritilgan qonunchilik hujjatlari loyihalari va takliflar boʻyicha xulosalar berish;

oʻz faoliyati uchun kundalik zarur boʻlgan materiallar, asbob-uskunalar va jihozlarni belgilangan tartibda qonunchilik hujjatlari talablariga asosan xarid qilish;

suv qonunchiligini buzganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga ariza kiritish.

Nasos stansiyalari va energetika boshqarmalari qonunchilik hujjatlarida koʻzda tutilgan boshqa huquqlarga ham ega boʻlishi mumkin.

34. Nasos stansiyalari va energetika boshqarmalari:

hududiy boʻlinmalar bilan birgalikda ularga yuklangan vazifalar va funksiyalarning oʻz vaqtida va sifatli bajarilishini taʼminlash;

Vazirlik hududiy boʻlinmalarining faoliyati bilan bogʻliq boʻlgan prognoz koʻrsatkichlarga erishilishini taʼminlash;

hududiy boʻlinmalar va mahalliy ijro etuvchi hokimiyat organlariga kiritiladigan taklif va hujjatlar loyihalarining sifati;

hududiy boʻlinmalar tomonidan qabul qilingan buyruqlarning tegishlicha bajarilishi sifati, yakuniy natijalari va oqibatlari;

aniqlangan muammolarni har tomonlama va chuqur tahlil qilish va umumlashtirish asosida suv xoʻjaligini rivojlantirish toʻgʻrisida takliflar tayyorlash;

suv xoʻjaligini rivojlantirish va muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun masʼuldir.

35. Meliorativ ekspeditsiyalar oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga kiruvchi masalalarni hal etish uchun zarur boʻladigan maʼlumotlarni hududiy boʻlinmalar, xoʻjalik birlashmalari va mahalliy ijro etuvchi hokimiyat organlaridan belgilangan tartibda soʻrash va olish;

oʻz vakolatlari doirasiga kiradigan sohadagi muhim muammolarning yechimlari boʻyicha takliflar tayyorlash va ularni koʻrib chiqish uchun belgilangan tartibda idoralararo ishchi guruhlar tashkil qilish;

oʻz vakolatlari doirasidagi masalalar boʻyicha hududiy boʻlinmalarga koʻrib chiqish uchun takliflar kiritish;

sugʻoriladigan yerlarning meliorativ holatini yaxshilash masalalari boʻyicha kiritilgan qonunchilik hujjatlari loyihalari va takliflar boʻyicha xulosalar berish;

sugʻoriladigan yerlarning meliorativ holatini yaxshilash boʻyicha ustuvor loyihalarni aniqlash va amalga oshirish yuzasidan takliflar kiritish;

yerlarning meliorativ holatini yaxshilash, kollektor-drenaj tarmoqlaridan foydalanish qoidalarini buzganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga ariza kiritish.

Meliorativ ekspeditsiyalar qonunchilik hujjatlariga muvofiq boshqa huquqlarga ham ega boʻlishi mumkin.

36. Meliorativ ekspeditsiyalar:

hududiy boʻlinmalar bilan birgalikda yuklatilgan vazifalar va funksiyalarning oʻz vaqtida va sifatli bajarilishini taʼminlash;

meliorativ ekspeditsiyalar faoliyati bilan bogʻliq boʻlgan prognoz koʻrsatkichlarga erishilishini taʼminlash;

hududiy boʻlinmalarga kiritiladigan taklif va hujjatlar loyihalarining sifati;

hududiy boʻlinmalar tomonidan qabul qilingan buyruqlarning tegishlicha bajarilishi sifati, yakuniy natijalari va oqibatlari;

aniqlangan muammolarni har tomonlama va chuqur tahlil qilish va umumlashtirish asosida sugʻoriladigan yerlarning meliorativ holatini yaxshilash toʻgʻrisida takliflar tayyorlash;

sugʻoriladigan yerlarning meliorativ holatini yaxshilash va muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun javobgardir.

37. Magistral kanallar (tizimlar) boshqarmalari oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga kiruvchi masalalarni hal etish uchun zarur boʻlgan materiallarni hududiy boʻlinmalar, xoʻjalik birlashmalari hamda mahalliy ijro etuvchi hokimiyat organlaridan belgilangan tartibda soʻrab olish;

suv xoʻjaligi masalalari boʻyicha kelishish uchun kiritiladigan qonunchilik hujjatlari loyihalari va boshqa takliflar yuzasidan xulosalar berish;

boshqa irrigatsiya tizimlari, sugʻorish va kollektor-drenaj tarmoqlarini tozalash va taʼmirlash ishlarini shartnomalar boʻyicha bajarish;

magistral kanallar va ulardagi gidrotexnika inshootlarini ishlatish qoidalari hamda suvdan foydalanish va suv isteʼmoli tartibi buzilganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga ariza kiritish;

umumiy suv xoʻjaligi ahvolini hisobga olgan holda suvdan foydalanish rejalariga tuzatishlar kiritish boʻyicha hududiy boʻlinmalarga takliflar kiritish;

favqulodda holatlarda magistral kanal boshqarmasining xizmat koʻrsatish hududida joylashgan barcha irrigatsiya tizimlari boshqarmalari, suvdan foydalanuvchilar hamda boshqa tashkilotlarni kutilayotgan salbiy holatlarning oldini olish va roʻy bergan hodisalarni bartaraf etish uchun belgilangan tartibda jalb qilish.

Magistral kanallar (tizimlar) boshqarmalari qonunchilik hujjatlarida nazarda tutilgan boshqa huquqlarga ham ega boʻlishi mumkin.

38. Magistral kanallar (tizimlar) boshqarmalari:

hududiy boʻlinmalar bilan birgalikda ularga yuklangan vazifa va funksiyalarning oʻz vaqtida va sifatli bajarilishini taʼminlash;

hududiy boʻlinmalarning faoliyati bilan bogʻliq boʻlgan prognoz koʻrsatkichlarga erishilishini taʼminlash;

Vazirlik va uning hududiy boʻlinmalariga kiritiladigan taklif va hujjatlar loyihalarining sifati;

Vazirlik va uning hududiy boʻlinmalari tomonidan qabul qilinayotgan qarorlarning bajarilishi sifati, yakuniy natijalari va oqibatlari;

aniqlangan muammolarni har tomonlama va chuqur tahlil qilish va umumlashtirish asosida takliflar tayyorlash;

irrigatsiyani rivojlantirish va muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun javobgardir.

39. Irrigatsiya tizimi boshqarmalari oʻzlariga yuklangan vazifalar va funksiyalarni bajarish uchun quyidagi huquqlarga ega:

oʻz vakolatiga kiradigan masalalarni hal etish uchun zarur boʻladigan maʼlumotlarni hududiy boʻlinmalar, xoʻjalik birlashmalari va mahalliy ijro etuvchi hokimiyat organlaridan belgilangan tartibda soʻrash va olish;

oʻz vakolatlariga kiradigan masalalar boʻyicha hududiy boʻlinmalarga koʻrib chiqish uchun takliflar kiritish;

suv xoʻjaligi masalalari boʻyicha kiritilgan qonunchilik hujjatlari loyihalari va takliflarni koʻrib chiqish va xulosalar berish;

irrigatsiya tizimi kanallari va ulardagi gidrotexnika inshootlari hamda suvdan foydalanish qoidalarini buzganligi uchun aybdor shaxslarni javobgarlikka tortish boʻyicha belgilangan tartibda huquqni muhofaza qiluvchi organlarga ariza kiritish.

favqulodda holatlarda irrigatsiya tizimi boshqarmasining xizmat koʻrsatish hududida joylashgan barcha irrigatsiya tizimlari boshqarmalari, suvdan foydalanuvchilar hamda boshqa tashkilotlarni kutilayotgan salbiy holatlarning oldini olish va roʻy bergan hodisalarni bartaraf etish uchun belgilangan tartibda jalb qilish;

Irrigatsiya tizimi boshqarmalari qonunchilik hujjatlariga muvofiq boshqa huquqlarga ham ega boʻlishi mumkin.

40. Irrigatsiya tizimi boshqarmalari:

hududiy boʻlinmalar bilan birgalikda ularga yuklangan vazifalar va funksiyalarning oʻz vaqtida va sifatli bajarilishini taʼminlash;

hududiy boʻlinmalarning faoliyati bilan bogʻliq boʻlgan prognoz koʻrsatkichlarga erishilishini taʼminlash;

hududiy boʻlinmalarga kiritiladigan taklif va hujjatlar loyihalarining sifati;

hududiy boʻlinmalar va mahalliy ijro etuvchi hokimiyati organlari tomonidan qabul qilinayotgan qarorlarning bajarilishi sifati, yakuniy natijalari va oqibatlari;

aniqlangan muammolarni har tomonlama va chuqur tahlil qilish va umumlashtirish asosida suv xoʻjaligini rivojlantirish toʻgʻrisida takliflar tayyorlash;

suv xoʻjaligini rivojlantirish va muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun javobgardir.

43. Quyidagilar Oʻzbekiston Respublikasi suv xoʻjaligi vazirining asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlar talablariga rioya etish;

Vazirlik faoliyatining umumiy boshqaruvini amalga oshirish, Oʻzbekiston Respublikasi Prezidentining tegishli farmonlari, qarorlari va farmoyishlari, Vazirlar Mahkamasining qarorlari va farmoyishlariga muvofiq Vazirlikka yuklangan vazifalar va funksiyalarning bajarilishini taʼminlash;

Vazirlik faoliyatini yanada takomillashtirish boʻyicha Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari va farmoyishlari bilan tasdiqlangan konsepsiyalar, kompleks dasturlar va kompleks chora-tadbirlarning bajarilishini tanqidiy va chuqur tahlil qilib borish;

Vazirlik, uning tarkibiy va hududiy boʻlinmalari faoliyatiga oid prognoz koʻrsatkichlarning soʻzsiz bajarilishini taʼminlash uchun amaliy chora-tadbirlarni ishlab chiqish hamda amalga oshirish;

Oʻzbekiston Respublikasi Prezidenti Administratsiyasining tegishli tarkibiy boʻlinmalari va Vazirlar Mahkamasi, shuningdek, tegishli davlat boshqaruv organlari va boshqa tashkilotlar bilan Vazirlik faoliyati sohasiga kiradigan masalalar boʻyicha oʻzaro hamkorlik qilish, Vazirlar Mahkamasi va uning Rayosati majlislarida masalalarning koʻrib chiqilishida ishtirok etish;

Oʻzbekiston Respublikasi Prezidenti, Oʻzbekiston Respublikasi Prezidenti yordamchisi, Oʻzbekiston Respublikasining Bosh vaziri, uning oʻrinbosarlari va maslahatchilari topshiriqlarini oʻz vaqtida va sifatli bajarish;

Vazir oʻrinbosarlarining faoliyati samaradorligini hamda maqsadli vazifalarga erishilishini baholashning asosiy mezonlari Oʻzbekiston Respublikasi Vazirlar Mahkamasi bilan kelishgan holda belgilangan tartibda tasdiqlanishini taʼminlash;

oʻz oʻrinbosarlari va Vazirlikning boshqa mansabdor shaxslari vakolatlarini belgilash, Vazirlik faoliyatining alohida qismlariga rahbarlik qilishi uchun ularning shaxsiy masʼuliyatini belgilash;

Vazirlik faoliyatini rejalashtirishni tashkil etish, Vazirlik va oʻz oʻrinbosarlarining davriy ish rejalarini tasdiqlash, ularning bajarilishi nazorat qilinishini taʼminlash;

qonunchilik hujjatlari va Oʻzbekiston Respublikasi Prezidentining hujjatlari hamda topshiriqlari ijrosini taʼminlashda Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni talablariga qatʼiy rioya etish;

Vazirlik faoliyati doirasida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomini mustahkamlash uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar, shuningdek, hududiy boʻlinmalar va idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Vazirlik xodimlarini muntazam qayta tayyorlash va ularning malakasini oshirishni tashkil etish;

Vazirlik tizimida kadrlarni tanlash va joy-joyiga qoʻyish, ularning mutaxassisligiga talablarni belgilash va samarali faoliyat yuritishlari uchun zarur sharoitlar yaratish, Vazirlikning kadrlar zaxirasini shakllantirish;

Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiruvchi lavozimlarning boʻsh oʻrinlariga tavsiya qilingan xodimlarning, shuningdek, Vazirlikka ishga qabul qilinayotgan boshqa xodimlarning kasbiy mahorati va bilim darajasi, yuqori darajadagi ishchanlik va axloqiy-maʼnaviy fazilatlarini taʼminlashga qaratilgan choralar koʻrish;

suv xoʻjaligi masalalari boʻyicha qonunchilik hujjatlari loyihalarini sifatli ishlab chiqilishini, “Normativ-huquqiy hujjatlar toʻgʻrisida”gi va “Qonun loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi Oʻzbekiston Respublikasining qonunlari, Oʻzbekiston Respublikasi Prezidenti Administratsiyasining Reglamenti, Oʻzbekiston Respublikasi Vazirlar Mahkamasining Reglamenti talablariga qatʼiy rioya qilgan holda oʻz vaqtida Vazirlar Mahkamasiga kiritilishini taʼminlash, ularni Vazirlar Mahkamasining rahbariyati huzurida himoya qilish hamda Vazirlar Mahkamasining apparatida ishlab chiqilishida va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

Vazirlikning qonun loyihalariga doir faoliyatini “Normativ-huquqiy hujjatlar toʻgʻrisida”gi va “Qonun loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi Oʻzbekiston Respublikasining qonunlari va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq tashkil etish;

Vazirlik faoliyatiga kiradigan masalalar boʻyicha idoraviy normativ-huquqiy hujjatlarni qabul qilish, zarur boʻlgan hollarda boshqa vazirliklar va idoralar bilan birgalikda tegishli qarorlar qabul qilish;

Vazirlikka kiritilgan takliflar va qonunchilik hujjatlar loyihalarining toʻliq va batafsil koʻrib chiqilishini, Oʻzbekiston Respublikasi Prezidenti Administratsiyasining Reglamentida va Oʻzbekiston Respublikasi Vazirlar Mahkamasining Reglamentida belgilangan muddatlarda kelishilishini (viza qoʻyilishini) taʼminlash;

Vazirlik rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda tashkil etish, xizmat safarlarining asoslangan, samarali va natijali boʻlishini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

Vazir oʻrinbosarlari, tarkibiy va hududiy boʻlinmalar hamda idoraviy mansub tashkilotlarning rahbarlari faoliyatining samarali va natijaliligini muntazam ravishda tanqidiy tahlil qilish, ularning shaxsiy hisobotlarini Vazirlikning Hayʼat majlislarida eshitish, yakuniy natijalar boʻyicha zarur choralar koʻrish;

Vazirlik xodimlarini ragʻbatlantirish va intizomiy javobgarlikka tortish masalalarini hal etish, oʻzining oʻrinbosarlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida takliflar kiritish, ularning shaxsiy javobgarligini oshirish boʻyicha tizimli choralar koʻrish;

Vazirlik xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari talablariga rioya etilishini taʼminlashni nazorat qilish;

“Korrupsiyaga qarshi kurashish toʻgʻrisida”gi Oʻzbekiston Respublikasining OʻRQ-419-son Qonuni talablariga muvofiq Vazirlik tizimida korrupsiya va boshqa qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shartlarni bartaraf etish;

Vazirlik, uning tarkibiy va hududiy boʻlinmalari hamda idoraviy mansub tashkilotlar faoliyatining zamonaviy shakllarda tashkil etilishini taʼminlash;

jismoniy va yuridik shaxslarning murojaatlarini koʻrib chiqish boʻyicha ishlarni “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsan qabul qilishning muntazam ravishda oʻtkazilishini, shu jumladan, jismoniy va yuridik shaxslarning vakillarini joylarga borib qabul qilishning belgilangan muddatda va tartibda amalga oshirilishini taʼminlash;

Oʻzbekiston Respublikasi Prezidentining Xalq qabulxonalari bilan samarali hamkorlikni yoʻlga qoʻyish, Oʻzbekiston Respublikasi Prezidentining Xalq qabulxonalari va Virtual qabulxonasiga jismoniy va yuridik shaxslardan tushgan arizalarning oʻz vaqtida va toʻliq koʻrib chiqilishida Vazirlik rahbarlari va xodimlarining faol ishtirokini taʼminlash;

davlat sirlari va maxfiy axborotlar toifalariga kiritilgan axborotlar bilan ishlashda qonunchilik hujjatlarida belgilangan talablarga rioya qilish;

shtat birliklarining belgilangan soni hamda Oʻzbekiston Respublikasi budjet mablagʻlari hisobidan moliyalashtiriladigan markaziy apparat va idoraviy mansub tashkilotlarning xarajatlar smetasi asosida Vazirlik markaziy apparatining shtat jadvalini tasdiqlash;

Vazirlikning hududiy boʻlinmalari nizomlarini va idoraviy mansub tashkilotlarning ustavlarini belgilangan tartibda tasdiqlash;

Vazirlik markaziy apparati xodimlari, uning hududiy boʻlinmalari va idoraviy mansub tashkilotlar rahbarlari bilan qonunchilik hujjatlarida belgilangan tartibda mehnat shartnomalarini tuzish va bekor qilish;

Vazirlik, uning hududiy boʻlinmalari va idoraviy mansub tashkilotlarning mansabdor shaxslari uchun majburiy boʻlgan buyruq va koʻrsatmalar berish hamda ularning bajarilishini belgilangan tartibda nazorat qilish;

zaruriyat boʻlganda, Vazirlik markaziy apparati, hududiy boʻlinmalari va idoraviy mansub tashkilotlarning tashkiliy-shtat tuzilmalariga belgilangan shtat birliklari doirasida oʻzgartirishlar kiritish;

suv xoʻjaligi sohasida yagona davlat siyosati amalga oshirilishini taʼminlash, tegishli vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirish;

suv xoʻjaligi sohasida kadrlarni tayyorlash, suv xoʻjaligi xodimlarini qayta tayyorlash va ularning malakasini oshirishni tashkil etish boʻyicha choralar koʻrish;

suv xoʻjaligi xodimlari va mutaxassislarini ularning uzoq va samarali faoliyat koʻrsatganligi, alohida xizmatlari uchun Oʻzbekiston Respublikasi davlat mukofotlari bilan taqdirlash uchun belgilangan tartibda takliflar kiritilishini taʼminlash va tavsiyalar berish;

xorijiy investitsiyalar va texnik koʻmak mablagʻlarini jalb qilish hamda suv xoʻjaligi tizimini takomillashtirishga qaratilgan xalqaro moliya institutlari va xorijiy hukumat moliya tashkilotlari mablagʻlari hisobidan xorijiy investitsiya loyihalar amalga oshirilishini tashkil etish;

suv xoʻjaligi sohasida davlat-xususiy sheriklik loyihalarini amalga oshirish va autsorsingni joriy qilishni taʼminlash;

suv xoʻjaligi obyektlari boshqaruvini raqamli texnologiyalar asosida avtomatlashtirilishni tashkil etish;

suv xoʻjaligida kapital qurilish tizimini takomillashtirishga qaratilgan ustuvor investitsiya loyihalarini oshkoralik asosida tanlash, ularning qisqa va uzoq muddatli dasturlarini ishlab chiqishni hamda amalga oshirilishini nazorat qilish;

transchegaraviy suv resurslarini boshqarish va ulardan foydalanish boʻyicha davlatlararo munosabatlarni rivojlantirish, shuningdek, suv xoʻjaligi sohasidagi xalqaro tashkilotlar faoliyatida faol ishtirok etish;

suv xoʻjaligi tizim tashkilotlari uchun yillik elektr energiyasi limitlarini taqsimlash.

Qonunchilik hujjatlariga muvofiq Vazirga boshqa funksional majburiyatlar ham yuklanishi mumkin.

44. Vazir birinchi oʻrinbosarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

Vazir vaqtinchalik boʻlmagan hollarda tegishli buyruq asosida Vazir vazifasini bajarish;

oʻzi boshqaradigan tarkibiy boʻlinmalar faoliyatini muvofiqlashtirish, nazorat qilish, bevosita boshqarish, xodimlar oʻrtasida vazifalarni taqsimlash;

Vazirlik faoliyatini yanada takomillashtirish boʻyicha Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari va farmoyishlari bilan tasdiqlangan konsepsiyalar, kompleks dasturlar va kompleks chora-tadbirlarning bajarilishini oʻzi boshqaradigan yoʻnalish boʻyicha tanqidiy va chuqur tahlil qilib borish;

oʻz faoliyati samaradorligini hamda maqsadli vazifalarga erishishni baholashning asosiy mezonlarini ishlab chiqish va ijrosini taʼminlash;

oʻzi boshqaradigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish, boʻlinmalar rahbarlarining hisobotlarini muntazam ravishda eshitib borish va ushbu koʻrsatkichlarga erishish uchun ularning shaxsiy masʼuliyatini oshirish;

oʻzi boshqaradigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

qonunchilik hujjatlari va Oʻzbekiston Respublikasi Prezidentining hujjatlari hamda topshiriqlari ijrosini taʼminlashda Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni talablariga qatʼiy rioya etish;

Vazirlik faoliyati doirasida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomini mustahkamlash uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Vazirlik Hayʼati qarorlari, Vazirning buyruq va topshiriqlarining oʻz vaqtida va sifatli bajarilishini taʼminlash;

oʻzi boshqaradigan tarkibiy boʻlinmalarda xodimlarni tanlash va joy-joyiga qoʻyish boʻyicha Vazirga takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash, xodimlarning kasbiy malakasini oshirish, xodimlar zaxirasini shakllantirish choralarini koʻrish;

Vazirlikning Suv xoʻjaligi masalalari boʻyicha Tarmoq ilmiy-texnik kengashiga rahbarlik qilish va uning faoliyatini muvofiqlashtirish;

oʻzi boshqaradigan tarkibiy boʻlinmalar tomonidan qonunchilik hujjatlari loyihalarining toʻliq va sifatli ishlab chiqilishini tashkil etish, ularni Oʻzbekiston Respublikasi Prezidenti Administratsiyasining Reglamenti va Oʻzbekiston Respublikasi Vazirlar Mahkamasining Reglamenti talablariga muvofiq qatʼiy ravishda oʻz vaqtida Vazirlar Mahkamasiga kiritilishini taʼminlash, shuningdek, qonunchilik hujjatlar loyihalarining Vazirlar Mahkamasi apparatida koʻrib chiqilishida Vazirning topshirigʻiga asosan ishtirok etish;

xizmat safarlariga borishni Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda tashkil etish, xizmat safarlarining asoslangan, samarali va natijali boʻlishini, xizmat safari uchun ajratilgan mablagʻlardan maqsadli va oqilona foydalanilishini taʼminlash;

oʻzi boshqaradigan tarkibiy boʻlinmalar rahbarlari va xodimlari faoliyatining samarali va natijaliligini muntazam ravishda tanqidiy tahlil qilib borish, Vazirlik Hayʼati majlislarida ularning shaxsiy hisobotlarini eshitish, natijalari asosida zarur choralar koʻrish;

oʻzi boshqaradigan tarkibiy boʻlinmalar faoliyatiga taalluqli masalalar boʻyicha Vazirlik faoliyatini takomillashtirish boʻyicha amaliy choralar koʻrish, qonunchilik hujjatlarini takomillashtirish boʻyicha takliflar ishlab chiqish va ularni Vazirga taqdim etish;

oʻzi boshqaradigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarda qolishining maqsadga muvofiqligi toʻgʻrisida Vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

Vazirlik xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari talablariga rioya qilish, oʻzi boshqaradigan tarkibiy boʻlinmalar rahbarlari va xodimlari tomonidan ushbu qoidalarga rioya etilishini taʼminlash;

Vazirlik tizimida “Korrupsiyaga qarshi kurashish toʻgʻrisida”gi Oʻzbekiston Respublikasining OʻRQ-419-son Qonuni talablariga muvofiq korrupsiya va boshqa jinoyatlarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shart-sharoitlarni aniqlash hamda tahlil qilish, huquqni muhofaza qilish amaliyoti va qonunchilik hujjatlarini takomillashtirish yoʻli bilan ularga qarshi kurashish chora-tadbirlarini ishlab chiqish va amalga oshirish;

davlat xizmatlari koʻrsatishning samarasi va sifatini, ulardan foydalanish imkoniyatini oshirish boʻyicha Vazirga takliflar kiritish;

davlat sirlari va maxfiy maʼlumotlar toifalariga kiritilgan axborotlar bilan ishlashda qonunchilik hujjatlarida belgilangan talablarga rioya qilish;

suv xoʻjaligi sohasida vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirishda ishtirok etish;

suv xoʻjaligida sanoatni rivojlantirish boʻyicha takliflar kiritish;

suv xoʻjaligi sohasida iqtisodiy islohotlarni chuqurlashtirish dasturlarini ishlab chiqishda ishtirok etish, xalqaro va xorijiy moliya institutlari bilan hamkorlikda loyihalarni tayyorlash va amalga oshirishda ishtirok etish, ularni modernizatsiyalash, rekonstruksiya qilish va texnik qayta jihozlash maqsadida investitsiya dasturlariga kiritish uchun suv xoʻjaligini istiqbolli rivojlantirish dasturlarini koʻrib chiqish, ular shakllantirilishini taʼminlash;

investitsiyalarni jalb qilish maqsadida suv xoʻjaligi va melioratsiya sohasida davlatlararo masalalarni muhokama qilish va hal etishda qatnashish;

suv resurslarini havza tamoyili asosida boshqarishni taʼminlash va suvni cheklangan tarzda ishlatish hamda undan foydalanish tartibini amalda roʻyobga chiqarishni, suv resurslari balansini ishlab chiqish, davlat suv kadastrining “Suvdan foydalanish” boʻlimini hamda suvning hisobi va hisobotini yuritish, barcha manbalarning suv resurslari boʻyicha yagona maʼlumotlar bazasini yaratish va rivojlantirishni taʼminlash;

Vazirlik tizimidagi suv omborlari, sel-suv omborlari, magistral kanallar va boshqa suv xoʻjaligi obyektlarini texnik soz holatda saqlash, ularning xavfsiz va ishonchli ishlashini taʼminlash hamda ularning muhofazasini tashkil etish;

Vazirlik tizimidagi suv omborlari, sel-suv omborlari, magistral kanallar va boshqa suv xoʻjaligi obyektlari faoliyatini “Gidrotexnik inshootlarning xavfsizligi toʻgʻrisida”gi Oʻzbekiston Respublikasi Qonuni talablariga muvofiq tashkil etish;

suv xoʻjaligida iqtisodiy islohotlarni chuqurlashtirish, mulkchilikning turli shakllarini rivojlantirish ishlarini muvofiqlashtirish va ularning amalga oshirilishi ustidan nazorat olib borish;

davlat nasos stansiyalari, ularda oʻrnatilgan nasos agregatlari, sugʻorish va meliorativ quduqlar, podstansiyalar, transformatorlar va elektr uzatish tarmoqlarini takomillashtirish ishlarini tashkil etish;

suv xoʻjaligi tizimida elektr energiyasidan samarali foydalanish, ularni iqtisod qilishni tahlil qilib borish va energiyani tejaydigan texnologiyalarni joriy qilishni tashkil etish;

vakolati doirasida sudlarga daʼvo arizasi bilan murojaat qilish va sudlarda ishtirok etish uchun (vakillarga) ishonchnomalarni imzolash;

oʻz vakolati doirasida belgilangan tartibda ishlab chiqilgan boshqa hujjatlarni imzolash va tasdiqlash.

Qonunchilik hujjatlariga muvofiq Vazirning birinchi oʻrinbosariga boshqa funksional majburiyatlar ham yuklanishi mumkin.

45. Vazirning suv xoʻjaligida kapital qurilish loyihalarini amalga oshirish boʻyicha masʼul boʻlgan oʻrinbosarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlar talablariga rioya etish;

vazir va vazirning birinchi oʻrinbosari vaqtinchalik boʻlmagan hollarda tegishli buyruq asosida vazir vazifasini bajarish;

Vazirlikning oʻzi boshqaradigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ularning xodimlari oʻrtasida vazifalarni taqsimlash;

Vazirlik faoliyatini yanada takomillashtirish boʻyicha Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari va farmoyishlari bilan tasdiqlangan konsepsiyalar, kompleks dasturlar va kompleks chora-tadbirlarning bajarilishini oʻzi boshqaradigan yoʻnalish boʻyicha tanqidiy va chuqur tahlil qilib borish;

oʻzi boshqaradigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish va ushbu koʻrsatkichlarga erishish uchun ularning shaxsiy masʼuliyatini oshirish, tarkibiy boʻlinmalar rahbarlarining hisobotlarini muntazam eshitib borish;

oʻzi boshqaradigan tarkibiy boʻlinmalarning ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidentining farmonlari, qarorlari, farmoyishlari va topshiriqlari hamda Vazirlar Mahkamasining qarorlari, farmoyishlari va topshiriqlari bajarilishini taʼminlash, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomini mustahkamlash uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga, shuningdek, Vazirlar Mahkamasining “Ijro intizomini mustahkamlash chora tadbirlari toʻgʻrisida” 1999-yil 12-yanvardagi 12-son qaroriga asosan Vazirlikning oʻzi boshqaradigan tarkibiy boʻlinmalari faoliyatida ijro intizomini mustahkamlash uchun kompleks amaliy choralarni amalga oshirish, tarkibiy boʻlinmalar rahbarlarining topshiriqlar oʻz vaqtida va sifatli bajarilishini taʼminlashi uchun shaxsiy masʼuliyatini oshirish boʻyicha choralar koʻrish;

oʻz faoliyati samaradorligini hamda maqsadli vazifalarga erishishni baholashning asosiy mezonlarini ishlab chiqish va ijrosini taʼminlash;

Vazirlik Hayʼati qarorlari, vazirning buyruqlari va topshiriqlari oʻz vaqtida va sifatli bajarilishini taʼminlash;

oʻzi boshqaradigan tarkibiy boʻlinmalar rahbar va xodimlarini tanlash va joy-joyiga qoʻyish boʻyicha vazirga takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash, xodimlarning kasbiy malakasini oshirish, oʻzi boshqaradigan tarkibiy boʻlinmalarda xodimlar zaxirasini shakllantirish choralarini koʻrish;

oʻzi boshqaradigan tarkibiy boʻlinmalar tomonidan qonunchilik hujjatlari loyihalarining toʻliq va sifatli ishlab chiqilishini tashkil etish, ularni vazirning koʻrib chiqishi va viza qoʻyishi uchun batafsil koʻrib chiqish va viza qoʻyish, ularning Oʻzbekiston Respublikasi Prezidenti Administratsiyasining Reglamenti va Oʻzbekiston Respublikasi Vazirlar Mahkamasining Reglamenti talablariga qatʼiy muvofiq ravishda oʻz vaqtida Vazirlar Mahkamasiga kiritilishini taʼminlash, shuningdek, vazirning topshirigʻiga asosan qonunchilik hujjatlari loyihalarining Vazirlar Mahkamasining Rayosati yigʻilishida koʻrib chiqilishida ishtirok etish;

xizmat safarlariga borishni Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda tashkil etish, xizmat safarlarining asoslangan, samarali va natijali boʻlishini, xizmat safari uchun ajratilgan mablagʻlardan maqsadli va oqilona foydalanilishini taʼminlash;

oʻzi boshqaradigan tarkibiy boʻlinmalar rahbarlari va xodimlari faoliyatining samarali va natijadorligini muntazam ravishda tanqidiy tahlil qilib borish, Vazirlik Hayʼati majlislarida ularning shaxsiy hisobotlarini eshitish, natijalari asosida zarur choralar koʻrish;

oʻzi boshqaradigan tarkibiy boʻlinmalar faoliyatiga taalluqli masalalar boʻyicha Vazirlik faoliyatini, shuningdek, qonunchilik hujjatlarini takomillashtirish boʻyicha takliflarni ishlab chiqish va ularni vazirga taqdim etish;

oʻzi boshqaradigan tarkibiy boʻlinmalar rahbar va xodimlarini ragʻbatlantirish va intizomiy javobgarlikka tortish boʻyicha, shu jumladan, ular egallab turgan lavozimlarida qolishining maqsadga muvofiqligi toʻgʻrisida vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

oʻzi boshqaradigan tarkibiy boʻlinmalar rahbarlari va xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari talablariga rioya etilishini taʼminlash;

Vazirlik tizimida Oʻzbekiston Respublikasining “Korrupsiyaga qarshi kurashish toʻgʻrisida”gi OʻRQ-419-son Qonuni talablariga muvofiq korrupsiya va boshqa jinoyatlarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shart-sharoitlarni aniqlash hamda tahlil qilish, huquqni muhofaza qilish amaliyoti va qonunchilik hujjatlarini takomillashtirish yoʻli bilan ularga qarshi kurashish chora-tadbirlarini ishlab chiqish va amalga oshirish;

davlat sirlari va maxfiy maʼlumotlar toifalariga kiritilgan axborotlar bilan ishlashda qonunchilik hujjatlarida belgilangan talablarga rioya qilish;

suv xoʻjaligi sohasida vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirishda ishtirok etish;

suv xoʻjaligi obyektlarini qurish, rekonstruksiya va modernizatsiya qilishga zamonaviy texnologiyalarni joriy etish boʻyicha kompleks chora-tadbirlarning amalga oshirilishini tashkil etish;

suv xoʻjaligida kapital qurilish tizimini takomillashtirishga qaratilgan ustuvor investitsiya loyihalarini oshkoralik asosida tanlash, ularning qisqa va uzoq muddatli dasturlarini ishlab chiqish;

suv xoʻjaligida kapital qurilish loyihalarining manzilli roʻyxatlarini belgilangan tartibda tegishli vazirliklar va idoralar bilan kelishilgan holda tasdiqlash;

suv xoʻjaligi obyektlarini qurish, rekonstruksiya qilish va taʼmirlash-tiklash ishlari boʻyicha loyiha-smeta hujjatlari belgilangan tartibda ishlab chiqilishini, ekspertizadan oʻtkazilishini va bosh pudrat tashkilotlarini tanlov (tender) asosida aniqlashni hamda tegishli shartnomalar rasmiylashtirilishini tashkil qilish;

suv omborlari, sel-suv omborlari va xavf darajasi yuqori boʻlgan boshqa suv xoʻjaligi obyektlarini qurish va rekonstruksiya qilish loyihalarini ishlab chiqish hamda ekspertiza qilish, shuningdek, ularning xavfsizlik mezonlarini ishlab chiqishga xorijiy mutaxassislarni jalb qilish;

kapital qurilish loyihalarini amalga oshirish yuzasidan tizimli monitoring yuritish, shuningdek, buyurtmachi va pudrat tashkilotlari tomonidan shaharsozlik normalari va qoidalari talablariga rioya etilishini taʼminlash, loyihalarni amalga oshirish jarayonida yuzaga kelgan muammolarni bartaraf etish choralarini koʻrish;

sugʻoriladigan yerlarning meliorativ holatini yaxshilash va barqarorligini taʼminlash choralarini koʻrish;

suv xoʻjaligini mexanizatsiyalashtirish ishlarini shakllantirishda Vazirlikning yagona siyosatini olib borish va sohani rivojlantirishni tashkil etish;

qonunchilik hujjatlariga muvofiq vazir oʻrinbosariga boshqa funksional majburiyatlar ham yuklanishi mumkin.

46. Vazirning suvni tejaydigan texnologiyalarni joriy qilish va rivojlantirishga masʼul boʻlgan oʻrinbosarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlar talablariga rioya etish;

Vazir va Vazirning birinchi oʻrinbosari vaqtinchalik boʻlmagan hollarda tegishli buyruq asosida Vazir vazifasini bajarish;

oʻzi boshqaradigan tarkibiy boʻlinmalar faoliyatini muvofiqlashtirish, nazorat qilish va bevosita boshqarish, xodimlar oʻrtasida vazifalarni taqsimlash;

Vazirlik faoliyatini yanada takomillashtirish boʻyicha Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari va farmoyishlari bilan tasdiqlangan konsepsiyalar, kompleks dasturlar va kompleks chora-tadbirlarning bajarilishini oʻzi boshqaradigan yoʻnalish boʻyicha tanqidiy va chuqur tahlil qilib borish;

oʻzi boshqaradigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash va ushbu koʻrsatkichlarga erishish uchun ularning shaxsiy masʼuliyatini oshirish, tarkibiy boʻlinmalar rahbarlari hisobotlarini muntazam ravishda eshitib borish;

oʻz faoliyati samaradorligini hamda maqsadli vazifalarga erishishni baholashning asosiy mezonlarini ishlab chiqish va ijrosini taʼminlash;

oʻzi boshqaradigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidentining farmonlari, qarorlari, farmoyishlari va topshiriqlari hamda Vazirlar Mahkamasining qarorlari, farmoyishlari va topshiriqlarining bajarilishini tashkil qilish va monitoringini yuritishning amaliy tizimini yaratish, Vazirlik faoliyatida ijro intizomini mustahkamlash uchun kompleks amaliy choralarni amalga oshirish, tarkibiy va hududiy boʻlinmalar hamda idoraviy mansub tashkilotlar rahbarlarining topshiriqlari oʻz vaqtida va sifatli bajarilishini taʼminlash uchun shaxsiy masʼuliyatni oshirish boʻyicha choralar koʻrish;

Vazirlik Hayʼati qarorlari, Vazirning buyruq va topshiriqlari oʻz vaqtida va sifatli bajarilishini taʼminlash;

oʻzi boshqaradigan tarkibiy boʻlinmalarda xodimlarni tanlash va joy-joyiga qoʻyish boʻyicha Vazirga takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash, xodimlarning kasbiy malakasini oshirish, xodimlar zaxirasini shakllantirish choralarini koʻrish;

oʻzi boshqaradigan tarkibiy boʻlinmalar tomonidan qonunchilik hujjatlar loyihalarining toʻliq va sifatli ishlab chiqilishini tashkil etish, ularni Oʻzbekiston Respublikasi Prezidenti Administratsiyasining Reglamenti va Oʻzbekiston Respublikasi Vazirlar Mahkamasining Reglamenti talablariga muvofiq qatʼiy ravishda oʻz vaqtida Vazirlar Mahkamasiga kiritilishini taʼminlash, shuningdek, qonunchilik hujjatlari loyihalarining Vazirlar Mahkamasi apparatida koʻrib chiqilishida Vazirning topshirigʻiga asosan ishtirok etish;

xizmat safarlariga borishni qonunchilik hujjatlari talablariga toʻliq mos ravishda tashkil etish, xizmat safarlari asoslangan, samarali va natijali boʻlishini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

oʻzi boshqaradigan tarkibiy boʻlinmalar rahbarlari va xodimlari faoliyatining samarali va natijaliligini muntazam ravishda tanqidiy tahlil qilib borish, Vazirlik Hayʼati majlislarida ularning shaxsiy hisobotlarini eshitish, natijalari asosida zarur choralar koʻrish;

oʻzi boshqaradigan tarkibiy boʻlinmalar faoliyatiga taalluqli masalalar yuzasidan Vazirlik faoliyatini takomillashtirish boʻyicha amaliy choralar koʻrish, qonunchilik hujjatlarini takomillashtirish boʻyicha takliflar ishlab chiqish va ularni Vazirga taqdim etish;

oʻzi boshqaradigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida Vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

Vazirlik xodimlari tomonidan odob-axloq qoidalari talablariga rioya etilishini taʼminlashni nazorat qilish, oʻzi boshqaradigan tarkibiy boʻlinmalar rahbarlari va xodimlari tomonidan ushbu qoidalarga rioya etilishini taʼminlash;

Vazirlik tizimida “Korrupsiyaga qarshi kurashish toʻgʻrisida”gi Oʻzbekiston Respublikasining OʻRQ-419-son Qonuni talablariga muvofiq korrupsiya va boshqa jinoyatlarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shart-sharoitlarni aniqlash hamda tahlil qilish, huquqni muhofaza qilish amaliyoti va qonunchilik hujjatlarini takomillashtirish yoʻli bilan ularga qarshi kurashish chora-tadbirlarini ishlab chiqish va amalga oshirish;

davlat sirlari va maxfiy maʼlumotlar toifalariga kiritilgan axborotlar bilan ishlashda qonunchilikda belgilangan talablarga rioya qilish;

suv xoʻjaligi sohasida vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirishda ishtirok etish;

suvni tejaydigan sugʻorish texnologiyalarini joriy qilish hududiy dasturlarini hududlarning tuproq-iqlim sharoitlari, ixtisoslashuvi hamda suv va boshqa zarur resurslar bilan taʼminlanganligini hisobga olgan holda ilmiy asosda ishlab chiqilishini tashkil qilish;

suvni tejaydigan sugʻorish texnologiyalarini joriy qilish hududiy dasturlari ijrosini tashkil qilish va monitoring yuritish;

suvni tejaydigan texnologiyalar joriy qilishni yanada kengaytirish boʻyicha takliflar ishlab chiqish hamda belgilangan tartibda Vazirga taqdim qilish;

suvni tejaydigan texnologiyalar joriy qilingan maydonlarning hisobini yuritish hamda davlat subsidiyalarini ajratish mexanizmini avtomatlashtirish;

suvni tejaydigan texnologiyalarni qoʻllash borasida ilmiy va ilmiy-texnik faoliyatni rivojlantirish, suv xoʻjaligi tashkilotlari bilan taʼlim va ilmiy-tadqiqot muassasalari oʻrtasidagi integratsiyani taʼminlash.

Qonunchilik hujjatlariga muvofiq Vazir oʻrinbosariga boshqa funksional majburiyatlar ham yuklanishi mumkin.

47. Vazirning moliya-iqtisod yoʻnalishiga masʼul boʻlgan oʻrinbosarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

Vazir, Vazirning birinchi oʻrinbosari vaqtinchalik boʻlmagan hollarda tegishli buyruq asosida Vazir vazifasini bajarish;

oʻz faoliyati samaradorligini hamda maqsadli vazifalarga erishishni baholashning asosiy mezonlarini ishlab chiqish va ijrosini taʼminlash;

oʻzi boshqaradigan tarkibiy boʻlinmalar faoliyatini muvofiqlashtirish, nazorat qilish va bevosita boshqarish, xodimlar oʻrtasida vazifalarni taqsimlash;

Vazirlik faoliyatini yanada takomillashtirish boʻyicha Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari va farmoyishlari bilan tasdiqlangan konsepsiyalar, kompleks dasturlar va kompleks chora-tadbirlarning bajarilishini oʻzi boshqaradigan yoʻnalish boʻyicha tanqidiy va chuqur tahlil qilib borish;

oʻzi boshqaradigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish va ushbu koʻrsatkichlarga erishish uchun ularning shaxsiy masʼuliyatini oshirish, tarkibiy boʻlinmalar rahbarlarining hisobotlarini muntazam ravishda eshitib borish;

oʻzi boshqaradigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

qonunchilik hujjatlari va Oʻzbekiston Respublikasi Prezidentining hujjatlari hamda topshiriqlari ijrosini taʼminlashda Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni talablariga qatʼiy rioya etish;

Vazirlik faoliyati doirasida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomini mustahkamlash uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar, shuningdek, hududiy boshqarmalar va idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Vazirlik Hayʼati qarorlari, Vazirning buyruqlari va topshiriqlari oʻz vaqtida va sifatli bajarilishini taʼminlash;

oʻzi boshqaradigan tarkibiy boʻlinmalarda xodimlarni tanlash va joy-joyiga qoʻyish boʻyicha Vazirga takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash, xodimlarning kasbiy malakasini oshirish, xodimlar zaxirasini shakllantirish choralarini koʻrish;

oʻzi boshqaradigan tarkibiy boʻlinmalar tomonidan qonunchilik hujjatlar loyihalarining toʻliq va sifatli ishlab chiqilishini tashkil etish, ularni Oʻzbekiston Respublikasi Prezidenti Administratsiyasining Reglamenti va Oʻzbekiston Respublikasi Vazirlar Mahkamasining Reglamenti talablariga muvofiq qatʼiy ravishda oʻz vaqtida Vazirlar Mahkamasiga kiritilishini taʼminlash, shuningdek, qonunchilik hujjatlar loyihalarining Vazirlar Mahkamasi apparatida koʻrib chiqilishida Vazirning topshirigʻiga asosan ishtirok etish;

xizmat safarlariga borishni qonunchilik hujjatlari talablariga toʻliq mos ravishda tashkil etish, xizmat safarlari asoslangan, samarali va natijali boʻlishini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

oʻzi boshqaradigan tarkibiy boʻlinmalar rahbarlari va xodimlari faoliyatining samarali va natijaliligini muntazam ravishda tanqidiy tahlil qilib borish, Vazirlik Hayʼati majlislarida ularning shaxsiy hisobotlarini eshitish, natijalari asosida zarur choralar koʻrish;

oʻzi boshqaradigan tarkibiy boʻlinmalar faoliyatiga taalluqli masalalar boʻyicha Vazirlik faoliyatini takomillashtirish boʻyicha amaliy choralar koʻrish, qonunchilik hujjatlarini takomillashtirish boʻyicha takliflar ishlab chiqish va ularni Vazirga taqdim etish;

oʻzi boshqaradigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida Vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

Vazirlik xodimlari tomonidan odob-axloq qoidalari talablariga rioya etilishini taʼminlashni nazorat qilish, oʻzi boshqaradigan tarkibiy boʻlinmalar rahbarlari va xodimlari tomonidan ushbu qoidalarga rioya etilishini taʼminlash;

Vazirlik tizimida “Korrupsiyaga qarshi kurashish toʻgʻrisida”gi Oʻzbekiston Respublikasining OʻRQ-419-son Qonuni talablariga muvofiq korrupsiya va boshqa jinoyatlarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shart-sharoitlarni aniqlash hamda tahlil qilish, huquqni muhofaza qilish amaliyoti va qonunchilik hujjatlarini takomillashtirish yoʻli bilan ularga qarshi kurashish chora-tadbirlarini ishlab chiqish va amalga oshirish;

davlat sirlari va maxfiy maʼlumotlar toifalariga kiritilgan axborotlar bilan ishlashda qonunchilik hujjatlarida belgilangan talablarga rioya qilish;

suv xoʻjaligi sohasida vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirishda ishtirok etish;

Vazirlik boʻyicha qabul qilingan buyruqlar va boshqa amaliy hujjatlarning moliyaviy qismini tatbiq etishga rahbarlik qilish, Vazirlik va tizim tashkilotlari (respublika budjetidan moliyalashtiriladigan) faoliyati uchun moliyaviy shart-sharoitlar yaratish;

vakolati doirasida belgilangan moliyaviy va statistik hisobotlar qabul qilinishi, umumlashtirishini va oʻz vaqtida tegishli moliya organlariga taqdim etilishini nazorat qilish;

Vazirlik va respublika budjetidan moliyalashtiriladigan budjet tashkilotlarining xarajatlar smetasi va shtatlar jadvalini, shuningdek, suv xoʻjaligi bilan bogʻliq xarajatlar smetalarini (markaziy apparatning tegishli boshqarmalari tomonidan taqdim etilgan maʼlumotlar asosida) tayyorlanishi, rahbariyat tasdigʻiga kiritilishi hamda roʻyxatdan oʻtkazish uchun Oʻzbekiston Respublikasi Moliya vazirligiga taqdim qilinishini nazorat qilish;

suv xoʻjaligi sohasiga doir Davlat dasturlari va budjet xarajatlarining maqsadli indikatorlarining ijrosini baholash ishlarini nazorat qilish;

Vazirlik va uning tarkibiga kiruvchi barcha tashkilotlarning budjet va budjetdan tashqari mablagʻlaridan maqsadli va oqilona foydalanishining nazoratini taʼminlash;

suv xoʻjaligi sohasiga oid Oʻzbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qarorlari, farmoyishlari, boshqa vazirliklar va idoralar bilan qoʻshma qarorlar, shuningdek, tegishli masalalar boʻyicha yoʻriqnomalar va normativ hujjatlar loyihalari tayyorlanishini taʼminlash;

Vazirlik va uning hududiy boʻlinmalari hamda idoraviy mansub tashkilotlarning iqtisodiy rivojlanish yoʻnalishlari, kelgusidagi ishlab chiqarish koʻrsatkichlari hamda ish maromining yuksalish rejalarini amalga oshirish borasida tashkiliy choralarni koʻrish;

xodimlarning oylik maosh tarif miqdorlari va lavozim-mansab maoshlarini ishlab chiqilishi va belgilangan tartibda tasdiqlanishini taʼminlash;

Vazirlik va uning hududiy boʻlinmalari hamda idoraviy mansub tashkilotlarning moddiy-texnika bazasini mustahkamlash va xodimlarning oylik ish haqini bosqichma-bosqich oshirish choralarini koʻrish.

Qonunchilik hujjatlariga muvofiq Vazir oʻrinbosariga boshqa funksional majburiyatlar ham yuklanishi mumkin.

48. Vazirning davlat-xususiy sheriklik va raqamli texnologiyalarni rivojlantirish boʻyicha maslahatchisining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

oʻzi boshqaradigan tarkibiy boʻlinmalar faoliyatini muvofiqlashtirish, nazorat qilish va bevosita boshqarish, xodimlar oʻrtasida vazifalarni taqsimlash;

Vazirlik faoliyatini yanada takomillashtirish boʻyicha Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari va farmoyishlari bilan tasdiqlangan konsepsiyalar, kompleks dasturlar va kompleks chora-tadbirlarning bajarilishini oʻzi boshqaradigan yoʻnalish boʻyicha tanqidiy va chuqur tahlil qilib borish;

oʻzi boshqaradigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish va ushbu koʻrsatkichlarga erishish uchun ularning shaxsiy masʼuliyatini oshirish, tarkibiy boʻlinmalar rahbarlarining hisobotlarini muntazam ravishda eshitib borish;

oʻzi boshqaradigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidentining farmonlari, qarorlari, farmoyishlari va topshiriqlari hamda Vazirlar Mahkamasining qarorlari, farmoyishlari va topshiriqlarining bajarilishini tashkil qilish va monitoringini yuritishning amaliy tizimini yaratish, Vazirlik faoliyatida ijro intizomini mustahkamlash uchun kompleks amaliy choralarni amalga oshirish, tarkibiy va hududiy boʻlinmalar hamda idoraviy mansub tashkilotlar rahbarlarining topshiriqlari oʻz vaqtida va sifatli bajarilishini taʼminlash uchun shaxsiy masʼuliyatni oshirish boʻyicha choralar koʻrish;

Vazirlik Hayʼati qarorlari, Vazirning buyruqlari va topshiriqlari oʻz vaqtida va sifatli bajarilishini taʼminlash;

oʻzi boshqaradigan tarkibiy boʻlinmalarda xodimlarni tanlash va joy-joyiga qoʻyish boʻyicha Vazirga takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash, xodimlarning kasbiy malakasini oshirish, xodimlar zaxirasini shakllantirish choralarini koʻrish;

oʻzi boshqaradigan tarkibiy boʻlinmalar tomonidan qonunchilik hujjatlar loyihalarining toʻliq va sifatli ishlab chiqilishini tashkil etish, ularni Oʻzbekiston Respublikasi Prezidenti Administratsiyasining Reglamenti va Oʻzbekiston Respublikasi Vazirlar Mahkamasining Reglamenti talablariga muvofiq qatʼiy ravishda oʻz vaqtida Vazirlar Mahkamasiga kiritilishini taʼminlash, shuningdek, qonunchilik hujjatlari loyihalarining Vazirlar Mahkamasi apparatida koʻrib chiqilishida Vazirning topshirigʻiga asosan ishtirok etish;

xizmat safarlariga borishni qonunchilik hujjatlari talablariga toʻliq mos ravishda tashkil etish, xizmat safarlari asoslangan, samarali va natijali boʻlishini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

oʻzi boshqaradigan tarkibiy boʻlinmalar rahbarlari va xodimlari faoliyatining samarali va natijadorligini muntazam ravishda tanqidiy tahlil qilib borish, Vazirlik Hayʼati majlislarida ularning shaxsiy hisobotlarini eshitish, natijalari asosida zarur choralar koʻrish;

oʻzi boshqaradigan tarkibiy boʻlinmalar faoliyatiga taalluqli masalalar boʻyicha Vazirlik faoliyatini takomillashtirish boʻyicha amaliy choralar koʻrish, qonunchilik hujjatlarini takomillashtirish boʻyicha takliflar ishlab chiqish va ularni Vazirga taqdim etish;

oʻzi boshqaradigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida Vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

oʻzi boshqaradigan tarkibiy boʻlinmalar rahbarlari va xodimlari tomonidan odob-axloq qoidalari talablariga rioya etilishini taʼminlashni nazorat qilish va ushbu qoidalarga rioya etilishini taʼminlash;

Vazirlik tizimida “Korrupsiyaga qarshi kurashish toʻgʻrisida”gi Oʻzbekiston Respublikasining OʻRQ-419-son Qonuni talablariga muvofiq korrupsiya va boshqa jinoyatlarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shart-sharoitlarni aniqlash hamda tahlil qilish, huquqni muhofaza qilish amaliyoti va qonunchilik hujjatlarini takomillashtirish yoʻli bilan ularga qarshi kurashish chora-tadbirlarini ishlab chiqish va amalga oshirish;

davlat sirlari va maxfiy maʼlumotlar toifalariga kiritilgan axborotlar bilan ishlashda qonunchilikda belgilangan talablarga rioya qilish;

suv xoʻjaligi sohasida davlat boshqaruv organlari va boshqa tashkilotlar hamda mahalliy ijro etuvchi hokimiyat organlari faoliyatini muvofiqlashtirishda ishtirok etish;

suv xoʻjaligi sohasida davlat-xususiy sheriklik loyihalarini amalga oshirish va autsorsingni joriy qilishni rivojlantirish;

davlat-xususiy sheriklik loyihalarini amalga oshirish va raqamli texnologiyalarni joriy etishda xorijiy investitsiyalar va texnik koʻmak mablagʻlarini jalb qilish;

suv xoʻjaligi obyektlari boshqaruvini raqamli texnologiyalar asosida avtomatlashtirish;

suv xoʻjaligi obyektlarida suvning hisobi va elektr energiyasi isteʼmolini raqamli texnologiyalar asosida “onlayn” nazorat qilish orqali suvdan foydalanish shaffofligini taʼminlash hamda samaradorligini oshirish;

yer usti suvlaridan foydalanish boʻyicha davlat suv kadastrining “Suvdan foydalanish” boʻlimini yuritishni zamonaviy texnologiyalar yordamida takomillashtirish;

suv xoʻjaligiga doir axborot resurslarini, jumladan, dasturiy taʼminotlar, mobil ilovalar, maʼlumotlar bazasi va veb sahifalarni yaratish hamda ular takomillashtirilishini tashkil etish.

Qonunchilik hujjatlariga muvofiq Vazir maslahatchisiga boshqa funksional majburiyatlar ham yuklanishi mumkin.

49. Vazirlik markaziy apparati tarkibiy boʻlinmalari rahbarlarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

tegishli boʻlinma faoliyatiga umumiy rahbarlik qilish, mazkur boʻlinmaga Oʻzbekiston Respublikasi Prezidentining tegishli Farmoni va qarori, Vazirlar Mahkamasining qarori va boshqa qonunchilik hujjatlari hamda Vazirlik hujjatlari bilan yuklangan vazifalar va funksiyalarning bajarilishini tashkil qilish;

hududiy boʻlinmalar faoliyati bilan bogʻliq prognoz koʻrsatkichlarga erishilishini soʻzsiz taʼminlash boʻyicha amaliy chora-tadbirlar ishlab chiqish va amalga oshirish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlarining bajarilishini taʼminlash, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomini mustahkamlash uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga va boshqa qonunchilik hujjatlariga muvofiq tarkibiy boʻlinma xodimlarining ijro intizomini mustahkamlash boʻyicha kompleks amaliy choralar koʻrish hamda topshiriqlarni oʻz vaqtida va sifatli bajarishi uchun ularning shaxsiy masʼuliyatini oshirish boʻyicha choralar koʻrish;

Vazirlik Hayʼati qarorlari, Vazir va uning oʻrinbosarlari buyruq va topshiriqlarining oʻz vaqtida va sifatli ijro etilishini taʼminlash;

tegishli tarkibiy boʻlinmalar mansabdor shaxslarining vakolatlarini belgilash, hududiy boʻlinmalar faoliyatining muayyan yoʻnalishlarini boshqarish uchun ularning shaxsiy javobgarlik darajasini belgilash;

hududiy boʻlinma faoliyatini rejalashtirishni tashkil etish, hududiy boʻlinma choraklik ish rejalarini tasdiqlash, ularning bajarilishini nazorat qilish;

hududiy boʻlinmada kadrlarni tanlash va joy-joyiga qoʻyish, ularning samarali faoliyat yuritishi uchun zarur shart-sharoitlar yaratish, hududiy boʻlinmaning kadrlar zaxirasini shakllantirish;

Vazirlik rahbariyati nomenklaturasiga kiruvchi lavozimlarning boʻsh oʻrinlariga tavsiya qilingan xodimlarning, shuningdek, hududiy boʻlinmaga ishga qabul qilinadigan boshqa xodimlarning kasbiy mahorati va bilim darajasi, yuqori darajadagi ishchanlik va axloqiy-maʼnaviy fazilatlarining kafolatlanganligini taʼminlash;

hududiy boʻlinma xodimlarini ragʻbatlantirish va intizomiy javobgarlikka tortish masalalarini hal etish, oʻzining oʻrinbosarlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida takliflar kiritish, ularning shaxsiy javobgarligini oshirish boʻyicha tizimli choralar koʻrish;

hududiy boʻlinma xodimlari tomonidan Vazirlik xodimlarining odob-axloq qoidalari talablariga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasining OʻRQ-419-son Qonuni talablariga muvofiq hududiy boʻlinmalarda korrupsiya va boshqa qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shart-sharoitlarni bartaraf etish;

hududiy boʻlinmalar xodimlari faoliyatining samaradorligi va natijadorligini muntazam ravishda tanqidiy tahlil qilish, majlislarda ularning shaxsiy hisobotlarini eshitish, yakuniy natijalar asosida zarur choralar koʻrish;

hududiy boʻlinmalar faoliyatini takomillashtirish masalalariga doir qonunchilik hujjatlarini takomillashtirish, davlat xizmatlari koʻrsatish samarasi va sifatini, ulardan foydalanish imkoniyatini oshirish boʻyicha takliflar tayyorlash, ularni Vazirlik rahbariyatiga koʻrib chiqish uchun taqdim etish;

jismoniy va yuridik shaxslarning murojaatlarini koʻrib chiqish, jamoatchilik bilan bevosita va ochiq muloqot oʻrnatish, ularni shaxsan qabul qilishni, shu jumladan, joylarga borib qabul qilishni muntazam ravishda oʻtkazish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq ularning faoliyatida faol ishtirok etish, Oʻzbekiston Respublikasi Prezidentining Xalq qabulxonalari va Virtual qabulxonasidan tushgan jismoniy va yuridik shaxslarning murojaatlarini oʻz vaqtida va toʻliq koʻrib chiqish;

hududiy boʻlinmalar xodimlariga mukofotlar, lavozim maoshiga qoʻshimchalar, moddiy yordam, ragʻbatlantirish toʻlovlarini toʻlash va intizomiy choralar qoʻllash toʻgʻrisida qaror qabul qilish, xodimlarni davlat mukofotlari va idoraviy mukofotlar bilan taqdirlash toʻgʻrisida Vazirlikka takliflar kiritish;

davlat sirlari va qonun bilan muhofaza qilinadigan maxfiy axborotlar toifalariga kiritilgan maʼlumotlarning himoyasini taʼminlash.

50. Hududiy boʻlinmalar rahbarlarining asosiy funksional majburiyatlari quyidagilardan iborat:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

Vazirlikning hududiy boʻlinmalari faoliyatining umumiy boshqaruvini amalga oshirish, Oʻzbekiston Respublikasi Prezidentining tegishli farmonlari, qarorlari va farmoyishlari, Vazirlar Mahkamasining qarorlari va farmoyishlari hamda Vazirlikning tegishli hujjatlari bilan mazkur boʻlinmalarga yuklangan vazifalar va funksiyalarning bajarilishini tashkil etish;

hududiy boʻlinmalarning faoliyati bilan bogʻliq prognoz koʻrsatkichlarga erishilishini soʻzsiz taʼminlash boʻyicha amaliy chora-tadbirlarni ishlab chiqish va amalga oshirish;

idoraviy mansub tashkilotlar faoliyatini muvofiqlashtirish va nazorat qilish;

Oʻzbekiston Respublikasi Prezidentining farmonlari, qarorlari, farmoyishlari va topshiriqlar, Vazirlar Mahkamasining qarorlari. farmoyishlari va topshiriqlarining bajarilishini taʼminlash, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomini mustahkamlash uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq Vazirlikning hududiy boʻlinmalari xodimlarining ijro intizomini mustahkamlash boʻyicha kompleks amaliy choralarni amalga oshirish hamda topshiriqlarning oʻz vaqtida va sifatli bajarilishini taʼminlashi uchun ularning shaxsiy masʼuliyatini oshirish boʻyicha choralar koʻrish;

Vazirlik Hayʼatining qarorlari, Vazir, Vazirning birinchi oʻrinbosari va oʻrinbosarlarining buyruq va topshiriqlari, mahalliy ijro etuvchi hokimiyat organlarining qaror va farmoyishlari oʻz vaqtida va sifatli ijro etilishini taʼminlash;

hududlarni kompleks ijtimoiy-iqtisodiy rivojlantirish masalasida kompleks ijtimoiy-iqtisodiy rivojlantirish sektorlari bilan hamkorlik qilish;

oʻz oʻrinbosarlari vakolatlarini belgilash, ular oʻrtasida xizmat vazifalarini taqsimlash, idoraviy mansub tashkilotlar mansabdor shaxslarining vakolatlarini belgilash, oʻz oʻrinbosarlari va boshqa mansabdor shaxslarning idoraviy mansub tashkilotlar faoliyatining ayrim yoʻnalishlari uchun shaxsiy masʼullik darajasini belgilash;

hududiy boʻlinmalar faoliyatini rejalashtirish, oʻz oʻrinbosarlarining davrlar boʻyicha ish rejalarini tasdiqlash, ularning amalga oshirilishi yuzasidan nazoratni taʼminlash;

hududiy boʻlinmalarga kadrlarni tanlash va joy-joyiga qoʻyish, ularning samarali faoliyati uchun zarur sharoitlar yaratish, kadrlar zaxirasini shakllantirish;

hududiy boʻlinmalarni Vazirlik nomenklaturasiga kiruvchi lavozimlari boʻsh oʻrinlariga mahalliy ijro etuvchi hokimiyat organlari tomonidan tavsiya qilingan, shuningdek, ishga qabul qilinayotgan boshqa xodimlarning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash;

hududiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida takliflar kiritish, ularning xizmat vazifalari va berilgan topshiriqlar bajarilishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

hududiy boʻlinmalar xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Vazirlik xodimlarining Odob-axloq namunaviy qoidalari talablariga rioya etilishini taʼminlash;

hududiy boʻlinmalar miqyosida “Korrupsiyaga qarshi kurashish toʻgʻrisida”gi Oʻzbekiston Respublikasining OʻRQ-419-son Qonuni talablariga muvofiq korrupsiya va boshqa huquqbuzarliklarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shart-sharoitlarni aniqlash, tahlil qilish, amaldagi qonunchilikni takomillashtirish uchun takliflar kiritish yoʻli bilan ularni bartaraf qilish va ularga qarshi kurashish chora-tadbirlarini ishlab chiqish va amalga oshirish;

hududiy boʻlinmalar tomonidan prognoz koʻrsatkichlar soʻzsiz bajarilishini muntazam tahlil qilish va Vazirning tegishli oʻrinbosarlariga (shu jumladan, birinchi oʻrinbosarga) hududiy boʻlinmaning belgilangan koʻrsatkichlarga soʻzsiz erishishini taʼminlashga yoʻnaltirilgan qoʻshimcha choralarni qabul qilish boʻyicha takliflar kiritish;

hududiy boʻlinmalar xodimlari faoliyatining samaradorligi va natijadorligini muntazam ravishda tanqidiy tahlil qilish, yigʻilishlarda ularning hisobotlarini eshitish, yakunlari boʻyicha zarur choralar koʻrish;

hududiy boʻlinmalar faoliyatiga oid masalalar boʻyicha qonunchilik hujjatlarini takomillashtirish, shuningdek, davlat xizmatlari koʻrsatishning samaradorligi, sifati va ulardan foydalanish imkoniyatlarining mavjudligini yaxshilash boʻyicha takliflar ishlab chiqish va ularni Vazirlik rahbariyatiga koʻrib chiqish uchun kiritish;

jismoniy va yuridik shaxslarning murojaatlarini koʻrib chiqishni “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Vazirlar Mahkamasining 2015-yil 31-martdagi 73-son qarori bilan tasdiqlangan Davlat organlari va davlat muassasalarida jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq olib borish, jamoatchilik bilan bevosita va ochiq muloqot oʻrnatish, ularni shaxsan qabul qilishni muntazam ravishda oʻtkazish, shu jumladan, belgilangan muddatda va tartibda fuqarolar va yuridik shaxslarning vakillarining joylarda qabul qilinishini yoʻlga qoʻyish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish va Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga asosan ularning faoliyatida faol ishtirok etish, Oʻzbekiston Respublikasi Prezidentining Xalq qabulxonalari va Virtual qabulxonasiga jismoniy va yuridik shaxslardan tushgan arizalarni oʻz vaqtida va toʻliq koʻrib chiqish;

hududiy boʻlinmalar xodimlariga mukofotlar, lavozim maoshiga qoʻshimchalar, moddiy yordam, ragʻbatlantirish toʻlovlarini toʻlash va intizomiy choralar qoʻllash toʻgʻrisida qaror qabul qilish, xodimlarni davlat mukofotlari va idoraviy mukofotlar bilan taqdirlash toʻgʻrisida Vazirlikka takliflar kiritish;

davlat sirlari va qonun bilan muhofaza qilinadigan maxfiy maʼlumotlar toifalariga kiritilgan maʼlumotlar himoyasini taʼminlash.

52. Vazir quyidagilar uchun shaxsan masʼuldir:

Vazirlikka yuklangan vazifalar va funksiyalarning bajarilishi;

mazkur Nizomning 11-bandida nazarda tutilgan Vazirlik masʼul boʻlgan sohalar;

mazkur Nizomning 43-bandida koʻrsatilgan funksional majburiyatlarning sifatli bajarilishi.

53. Vazirning birinchi oʻrinbosari va Vazir oʻrinbosarlari quyidagilar uchun shaxsan masʼuldirlar:

Vazirlikning oʻzi boshqaradigan tarkibiy boʻlinmalari tomonidan ularga yuklangan vazifalar va funksiyalarning bajarilishi;

Vazirlik masʼul boʻlgan va mazkur Nizomning 11-bandida koʻrsatilgan oʻzlari boshqaradigan sohalar;

mazkur Nizomning 44, 45, 46 va 47-bandlarida koʻrsatilgan oʻz funksional majburiyatlarining sifatli bajarilishi.

54. Vazirlik markaziy apparati tarkibiy boʻlinmalari rahbarlari quyidagilar uchun masʼuldirlar:

tegishli tarkibiy boʻlinmaga yuklangan vazifalar va funksiyalarning bajarilishi;

Vazirlik markaziy apparati masʼul boʻlgan mazkur Nizomning 30-bandida koʻrsatilgan sohalar;

mazkur Nizomning 49-bandida koʻrsatilgan oʻzlarining funksional majburiyatlarining sifatli bajarilishi.

55. Hududiy boʻlinmalar rahbarlari quyidagilar uchun shaxsan masʼuldirlar:

hududiy boʻlinmalarga yuklangan vazifalar va funksiyalarning bajarilishi;

hududiy boʻlinmalar masʼul boʻlgan mazkur Nizomning 32-bandida koʻrsatilgan sohalar;

mazkur Nizomning 50-bandida koʻrsatilgan oʻzlarining funksional majburiyatlarining sifatli bajarilishi.

56. Tumanlar irrigatsiya boʻlimlari rahbarlari quyidagilar uchun shaxsan masʼuldirlar:

tumanlar irrigatsiya boʻlimlariga yuklangan vazifalar va funksiyalarning bajarilishi;

tumanlar irrigatsiya boʻlimlari masʼul boʻlgan mazkur Nizomning 42-bandida koʻrsatilgan sohalar uchun;

mazkur Nizomning 51-bandida koʻrsatilgan oʻzlarining funksional vazifalari sifatli bajarilishi.

57. Vazirlikni Oʻzbekiston Respublikasi Oliy Majlisi Qonunchilik palatasi maʼqullaganidan keyin kiritilgan Oʻzbekiston Respublikasining Bosh vaziri taqdimnomasiga binoan Oʻzbekiston Respublikasi Prezidenti tomonidan tasdiqlanadigan va lavozimidan ozod qilinadigan Vazir boshqaradi.

58. Vazir oʻz maqomiga koʻra Vazirlar Mahkamasining aʼzosi hisoblanadi.

59. Vazirning toʻrt nafar oʻrinbosari boʻlib, ularning bittasi Vazirning birinchi oʻrinbosari hisoblanadi.

60. Vazirning birinchi oʻrinbosari va oʻrinbosarlari Oʻzbekiston Respublikasi Bosh vazirining taqdimnomasiga asosan Oʻzbekiston Respublikasi Prezidenti tomonidan lavozimga tayinlanadilar va lavozimdan ozod qilinadilar.

61. Vazir vaqtinchalik boʻlmagan hollarda uning vakolatlarini bajarish Vazir oʻrinbosarlariga majburiyatlarni taqsimlash asosida amalga oshiriladi.

62. Vazirlik markaziy apparati tarkibiy boʻlinmalarining rahbarlari tegishli Vazir oʻrinbosarining (Vazir birinchi oʻrinbosarining) taklifiga koʻra Vazir tomonidan lavozimga tayinlanadilar va lavozimidan ozod qilinadilar.

63. Vazir tomonidan quyidagilar lavozimlarga tayinlanadi va lavozimdan ozod qilinadi:

Qoraqalpogʻiston Respublikasi Vazirlar Kengashi Raisi va tegishli viloyatlar hokimlari bilan kelishilgan holda — Qoraqalpogʻiston Respublikasi suv xoʻjaligi vaziri, irrigatsiya tizimlari havza boshqarmalari boshliqlari;

Qoraqalpogʻiston Respublikasi Vazirlar Kengashi Raisi va tegishli viloyatlar hokimlari takliflariga koʻra — Qoraqalpogʻiston Respublikasi Suv xoʻjaligi vaziri oʻrinbosarlari, irrigatsiya tizimlari havza boshqarmalari boshliqlari oʻrinbosarlari, magistral kanallar (tizimlar) boshqarmalari boshliqlari, irrigatsiya tizimi boshqarmalari boshliqlari, nasos stansiyalari va energetika boshqarmalari boshliqlari, meliorativ ekspeditsiyalar boshliqlari, suv omborlaridan foydalanish boshqarmalari boshliqlari, Qoraqalpogʻiston Respublikasi va viloyatlar “Suvqurilishinvest” davlat muassasalari direktorlari;

tegishli mahalliy ijro etuvchi hokimiyat organlari bilan kelishilgan holda — viloyatlararo hamda yirik va oʻta muhim suv xoʻjaligi tashkilotlari boshliqlari va ularning oʻrinbosarlari;

Vazirning tegishli oʻrinbosari taklifiga koʻra — Markaziy dispetcherlik, kommunikatsiya va kadastr xizmati boshligʻi, Axborot-tahlil va resurs markazi boshligʻi, “Suvloyiha” davlat unitar korxonasi direktori, “Oʻzsuvekspertiza” davlat unitar korxonasi boshligʻi, Irrigatsiya va suv muammolari ilmiy-tadqiqot instituti direktorni va uning oʻrinbosari.

64. Tumanlar irrigatsiya boʻlimlari boshliqlari tegishli tumanlar (Quvasoy shahri) hokimlari va Vazirlik bilan kelishilgan holda Qoraqalpogʻiston Respublikasi suv xoʻjaligi vaziri, tegishli irrigatsiya tizimlari havza boshqarmalari boshliqlari tomonidan lavozimga tayinlanadilar va lavozimdan ozod qilinadilar.

65. Vazirlikning tegishli idoraviy mansub tashkilotlari nizomlari belgilangan tartibda Vazirlik tomonidan tasdiqlanadi.

66. Vazirlik markaziy apparati tarkibiy boʻlinmalarining hududiy boʻlinmalar va idoraviy mansub tashkilotlar bilan hamkorlik qilishini markaziy apparat tarkibiy boʻlinmalari rahbarlari amalga oshiradilar.

67. Vazirlik markaziy apparati tarkibiy boʻlinmalari hududiy boʻlinmalar bilan Vazirlik faoliyatining yoʻnalishlari boʻyicha hamkorlik qiladi:

hududiy boʻlinmalarga va idoraviy mansub tashkilotlarga topshiriqlarni yetkazadi va ularning bajarilishini nazorat qiladi;