Oʻzbekiston Respublikasi Prezidentining “Boʻsh turgan obyektlardan samarali foydalanishni tashkil etish va axborot-kommunikatsiya texnologiyalarini keng joriy etish chora-tadbirlari toʻgʻrisida” 2020-yil 1-iyuldagi PQ-4771-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Boʻsh turgan obyektlardan samarali foydalanishni tashkil etish va axborot-kommunikatsiya texnologiyalarini keng joriy etish chora-tadbirlari toʻgʻrisida” 2020-yil 1-iyuldagi PQ-4771-son qaroriga muvofiq Oʻzbekiston Respublikasi Davlat aktivlarini boshqarish agentligining Qoraqalpogʻiston Respublikasi, viloyatlar va Toshkent shahar hududiy boshqarmalari huzuridagi “Davlat mulkini ijaraga berish markazi” davlat unitar korxonalari negizida Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markazi (keyingi oʻrinlarda — Markaz) hamda uning Qoraqalpogʻiston Respublikasi, viloyatlar va Toshkent shahar hududiy boshqarmalari tashkil etilganligi maʼlumot uchun qabul qilinsin.

2. Quyidagilarni nazarda tutuvchi Oʻzbekiston Respublikasi Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markazi toʻgʻrisidagi nizom ilovaga muvofiq tasdiqlansin:

Markazning huquqiy maqomi va tuzilmasi;

Markaz va uning hududiy boshqarmalarining asosiy vazifalari va funksiyalari, shuningdek, huquqlari hamda majburiyatlari;

Markaz rahbarlarining asosiy funksional vazifalari, shu jumladan direktor oʻrinbosarining soha yoʻnalishlari boʻyicha asosiy vazifalari hamda javobgarligi;

Markaz faoliyatining tashkiliy asoslari, hisobdorligi, faoliyat samaradorligini baholash mezonlari, hayʼat va boshqa maslahat, konsultativ va ekspert organlarining huquqiy maqomi;

Markaz faoliyatini moliyalashtirish, xodimlarini ijtimoiy koʻllab-quvvatlash va moddiy ragʻbatlantirish tartibi.

3. Oʻzbekiston Respublikasi Davlat aktivlarini boshqarish agentligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat aktivlarini boshqarish agentligi direktori S.X. Bekenov zimmasiga yuklansin.

1. Ushbu Nizom Oʻzbekiston Respublikasi Davlat aktivlarini boshqarish agentligi (keyingi oʻrinlarda — Agentlik) huzuridagi Boʻsh turgan obyektlardan samarali foydalanishni tashkil etish markazining (keyingi oʻrinlarda — Markaz) maqomi, asosiy vazifalari, funksiyalari, huquqlari va javobgarligi, faoliyatini tashkil etish tartibi, shuningdek, uning rahbarlarining funksional vazifalari, huquqlari va javobgarligini belgilaydi.

2. Markaz boʻsh turgan obyektlarni aniqlash va ulardan samarali foydalanishni, shu jumladan davlat mulkini ijaraga berishni tashkil etish boʻyicha vakolatli davlat boshqaruvi organi hisoblanadi va bevosita Agentlikka boʻysunadi.

3. Agentlik Markaz faoliyatini muvofiqlashtiradi, nazorat qiladi va unga umumiy rahbarlikni amalga oshiradi, uning moddiy-texnik bazasini mustahkamlash choralarini koʻradi, xodimlarining malakasini oshirishni tashkil etadi.

4. Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, Agentlikning hayʼati qarorlariga, buyruqlariga, ushbu Nizomga va boshqa qonunchilik hujjatlariga amal qiladi.

5. Markazning oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari tomonidan bajarilishi majburiy hisoblanadi.

6. Markaz yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqlariga, bank hisobvaraqlariga, shu jumladan xorijiy valyutadagi bank hisobvaraqlariga ega boʻladilar.

7. Markazning rasmiy nomlanishi:

a) davlat tilida:

toʻliq nomi — Oʻzbekiston Respublikasi Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markazi;

qisqartirilgan nomi — Boʻsh turgan obyektlar markazi;

b) rus tilida:

toʻliq nomi — Sentr po organizatsii effektivnogo ispolzovaniya pustuyuщix obyektov pri Agentstve po upravleniyu gosudarstvenimi aktivami Respubliki Uzbekistan;

qisqartirilgan nomi — Sentr po pustuyuщim obyektam.

v) ingliz tilida:

toʻliq nomi — Center for organizing effective use of empty facilities under the State Assets Management Agency of the Republic of Uzbekistan;

qisqartirilgan nomi — Center on empty facilities.

8. Markaz joylashgan joy (pochta manzili): 100060, Toshkent shahri, A.Temur koʻchasi, 6-uy.

9. Markaz tuzilmasiga quyidagilar kiradi:

Markaz markaziy apparati (keyingi oʻrinlarda — markaziy apparat);

Markazning Qoraqalpogʻiston Respublikasi, viloyatlar va Toshkent shahar hududiy boshqarmalari (keyingi oʻrinlarda — hududiy boshqarmalar).

10. Hududiy boshqarmalar davlat muassasasi shaklidagi yuridik shaxs tashkil etgan holda faoliyat yuritadi.

11. Quyidagilar Markaz va uning hududiy boshqarmalarining asosiy vazifalari hisoblanadi:

mulkchilik shaklidan qatʼiy nazar, barcha toifadagi boʻsh turgan noturar bino va inshootlarni, foydalanilmayotgan ishlab chiqarish maydonlarini (keyingi oʻrinlarda — boʻsh turgan obyektlar) aniqlash va hisobini yuritish;

boʻsh turgan davlat mulki obyektlarini saqlash va ulardan samarali foydalanish, shu jumladan davlat mulki obyektlarini ijaraga berishni tashkil etish;

ijaraga berilgan davlat mulki obyektlarini va ularni ijaraga berishdan tushadigan mablagʻlarni hisobga olish va ularning monitoringini olib borish;

ijaraga berilgan davlat mulki obyektlaridan maqsadli foydalanilishini va ularning saqlanishini, shuningdek, ijara toʻlovi oʻz vaqtida va toʻliq toʻlanishini nazorat qilish;

davlat tashkilotlariga biriktirilgan davlat mulki obyektlaridan samarali foydalanilishi va ularning saqlanishini belgilangan tartibda tekshirish;

davlat tashkilotlariga operativ boshqaruv huquqi bilan berilgan davlat mulki obyektlarining ortiqcha qismini, shuningdek, foydalanilmayotgan yoki maqsadsiz foydalanilayotgan davlat mulki obyektlarini olib qoʻyish;

Qurilish sohasida nazorat inspeksiyasi xulosasiga asosan yaroqsiz deb topilgan davlat mulki obyektlarini buzish toʻgʻrisida qaror qabul qilish;

boʻsh turgan xususiy mulk obyektlarini ularning mulkdorlari ixtiyoriga koʻra ijaraga berilishida har tomonlama amaliy yordam koʻrsatish.

12. Markaz va uning hududiy boshqarmalarining oʻzlariga yuklangan vazifalarga muvofiq quyidagi funksiyalarni amalga oshiradi:

a) boʻsh turgan obyektlarni aniqlash va hisobini yuritish sohasida:

hududlarda boʻsh turgan obyektlarni aniqlash boʻyicha ishlarni muvofiqlashtiradi;

boʻsh turgan obyektlar boʻyicha hududlar, faoliyat sohalari va mulkchilik shakli kesimida elektron maʼlumotlar bazasi yaratilishi hamda uning doimiy yangilab borilishini taʼminlaydi;

boʻsh turgan obyektlar elektron maʼlumotlar bazasi orqali yagona hisobi yuritiladi;

boʻsh turgan obyektlar toʻgʻrisidagi maʼlumotlarni toʻliq va sifatli yuritish boʻyicha Oʻzbekiston Respublikasi Davlat soliq qoʻmitasi va uning huzuridagi Kadastr agentligi hamda Investitsiyalar va tashqi savdo vazirligi oʻrtasida elektron maʼlumotlar bilan almashish tizimi yoʻlga qoʻyilishini taʼminlaydi;

elektron maʼlumotlar bazasiga kiritilgan boʻsh turgan obyektlar tahlilini olib boradi;

boʻsh turgan obyektlarni xoʻjalik faoliyatiga jalb etish ishlarini takomillashtirish boʻyicha takliflar ishlab chiqadi va Agentlikka kiritadi;

boʻsh turgan obyektlardan samarali foydalanish boʻyicha amalga oshirilgan ishlar yuzasidan tahliliy maʼlumotlarni tayyorlaydi va Agentlikka kiritadi;

boʻsh turgan obyektlarning yagona hisobini yuritish boʻyicha maʼlumotlar bazasining samarali ishlashini qoʻllab-quvvatlashni taʼminlab borish choralarini koʻradi;

boʻsh turgan obyektlar toʻgʻrisidagi maʼlumotlar (obyekt toʻgʻrisidagi qisqa maʼlumot, geolokatsiya joylashuvi va boshqalar) oʻzining rasmiy veb-saytida joylashtiradi va har oyda yangilab boradi;

hududiy boshqarmalarga tegishli boʻsh turgan davlat mulki obyektlaridan samarali foydalanishni tashkil etadi;

davlat mulkini ijaraga berish ishlarini belgilangan tartibda tashkil etadi;

davlat mulkini ijaraga berish jarayoni ochiqligi va shaffofligini taʼminlaydi;

yuridik shaxs va tadbirkorlik subyektlariga davlat mulki obyektlarini ijaraga olishlarida zarur maʼlumotlarni berish barobarida targʻibot-tushuntirish ishlarini olib borish orqali amaliy-huquqiy yordam koʻrsatadi;

ijaraga berilgan davlat mulklarini hisobga oladi va ulardan samarali foydalanish tashkil etilganligini monitoring qiladi;

davlat mulkini ijaraga berishdan tushadigan tushumlarni hisobga oladi va monitoringini yuritadi;

ijara shartnoma shartlarining bajarilishi monitoringini amalga oshiradi;

davlat mulkini ijaraga berishdan tushgan tushumlarni taqsimlash va yoʻnaltirilishini nazorat qiladi va hisobotini yuritadi;

ijaradan tushgan tushumlarni nazorat qilish jarayonlariga axborot kommunikatsiya texnologiyalarni keng joriy etish boʻyicha taklif ishlab chiqadi va amaliyotga joriy qiladi;

boʻsh turgan davlat mulki obyektlarni tekshirish boʻyicha oʻrnatilgan tartibda joylarga chiqilishini tashkil etadi;

boʻsh turgan davlat mulki obyektlarini xatlovdan oʻtkazish ularning joriy holati hamda samarali foydalanilishini oʻrganish yuzasidan hududiy boshqarmalar faoliyatini tashkil etishni belgilovchi meʼyoriy hujjatlarni qabul qiladi va ijrosini taʼminlaydi;

boʻsh turgan obyektlardan samarali foydalanishni tashkil etish masalasida Markazning hududiy boshqarmalari faoliyatini muvofiqlashtiradi;

boʻsh turgan, maqsadsiz, samarasiz foydalanilayotgan va xoʻjalik faoliyatiga jalb etilmagan bino-inshootlari (ularning bir qismi) boʻyicha maʼlumotlarni umumlashtirib, manfaatdor tomonlar bilan oʻrganib chiqadi;

oʻrganish natijalariga koʻra boʻsh turgan, maqsadsiz, samarasiz foydalanilayotgan va xoʻjalik faoliyatiga jalb etilmagan bino-inshootlari (ularning bir qismi)ni Markaz yoki hududiy boshqarmalar balansiga olish boʻyicha qaror qabul qiladi;

Markaz va hududiy boshqarmalar tomonidan boʻsh turgan davlat mulki obyektlarini balansga olish boʻyicha qarorlar qabul qilinishi va ularning ijrosi taʼminlanishini nazorat qiladi;

boʻsh turgan davlat mulki obyektlarini, Oʻzbekiston Respublikasi Investitsiya dasturiga kiritilgan obyektlar bundan mustasno, saqlash va ulardan kelgusida samarali foydalanish (xususiylashtirish, ijaraga berish va boshqa) maqsadida Markaz va hududiy boshqarmalar balansiga oladi;

hududiy boshqarmalari tomonidan boʻsh turgan davlat obyektlarini buzish boʻyicha qarorlarini Qurilish sohasida nazorat inspeksiyasining xulosasi asosida qabul qilinishini qatʼiy nazoratga oladi;

hududiy boshqarmalari tomonidan davlat mulki obyektlarini buzish boʻyicha qabul qilingan qarorlari ijrosini taʼminlanilishini va buzishdan boʻshagan yer maydonlarini mahalliy ijro hokimiyati zaxirasiga olish ishlari boʻyicha maʼlumotlarni umumlashtiradi va monitoringini amalga oshiradi;

boʻsh turgan xususiy mulk obyektlarini ijaraga berish yuzasidan mulkdorlarga har tomonlama amaliy-huquqiy yordam koʻrsatadi;

xususiy mulkdorlarni murojaatlari asosida obyektlarini ijaraga taklif etish maqsadida ommaviy axborot vositalarida va markazning rasmiy veb-saytida eʼlonlar berib boradi;

xususiy mulkdorlarning ixtiyoriga koʻra ularning obyektlari boʻyicha ijara munosabatlarini tartibga soluvchi shartnomalar rasmiylashtirishni tashkil etadi va ularning monitoringini yuritadi.

13. Hududiy boshqarmalarning hududlarda boʻsh turgan obyektlardan samarali foydalanishni tashkil etishga yoʻnaltirilgan asosiy vazifalari va funksiyalari Agentlik direktori tomonidan belgilanadi.

14. Markaz oʻziga yuklangan vazifa va funksiyalarni amalga oshirish uchun quyidagi huquqlarga ega:

yigʻilish, seminar (vebinar), maxsus komissiya yigʻilishi va Agentlik hayʼati majlislarida ishtirok etish, vazirlik va idoralarga maʼlumotlar taqdim etish;

davlat organlaridan, shu jumladan huquqni muhofaza qilish organlaridan, boshqa davlat tashkilotlari va xoʻjalik jamiyatlaridan Markazga yuklangan vazifa va funksiyalarni bajarish uchun zarur boʻlgan axborot va materiallarni soʻrab olish;

boʻsh turgan obyektlardan samarali foydalanish sohasida ilgʻor xorijiy tajribani oʻrganish, malaka oshirish, xorijiy hamkor tashkilotlar bilan oʻzaro bilim va tajriba almashish maqsadida xalqaro moliya institutlari, donor tashkilotlar loyihalari va dasturlarida ishtirok etish;

boʻsh turgan obyektlardan samarali foydalanishni tashkil etish masalalarini koʻrib chiqish bilan bogʻliq majlislar, yigʻilishlar, hayʼat majlislari va boshqa muhokamalarda ishtirok etish;

Markaz faoliyatiga aloqador masalalar boʻyicha normativ-huquqiy hujjatlar loyihalarini ishlab chiqish va kelishishda ishtirok etish;

markaziy apparat va hududiy boshqarmalarda idoraviy nazoratni, korrupsion va boshqa huquqbuzarliklarning, shuningdek, xodimlar tomonidan korporativ axloq qoidalari buzilishining oldini olish choralarini koʻrish;

belgilangan tartibda joylarga chiqqan holda, boʻsh turgan yoki samarali foydalanilmayotgan davlat obyektlarini koʻrib chiqish (oʻrganish, tahlil qilish).

Markaz qonunchilik hujjatlariga muvofiq boshqa huquqlarga ham ega boʻlishi mumkin.

15. Markaz quyidagi majburiyatlarga ega:

qonun hujjatlari bilan yuklangan vazifalar va funksiyalarni oʻz muddatida va samarali bajarish;

Agentlikning topshiriqlar va Markaz vakolatiga kiradigan masalalar yuzasidan belgilangan vazifalar ijrosini taʼminlash;

boʻsh turgan obyektlardan samarali foydalanish sohasida xalqaro tashkilotlar, davlat organlari va xorijiy davlat tashkilotlari bilan imzolangan shartnomalar ijrosini taʼminlash;

oshkor etilmaydigan maʼlumotlarni oshkor etilishi hamda maʼlumotlardan shaxsiy yoki boshqa maqsadlarda foydalanilishiga yoʻl qoʻymaslik;

davlat xizmatchilari tomonidan ijro va mehnat intizomiga, ichki va umumiy tartib-qoidalarga qatʼiy rioya qilinishini taʼminlash;

tasarrufidagi davlat mulki, tovar-moddiy boyliklarning saqlanishi,maqsadli va samarali foydalanilishini taʼminlash;

ushbu Nizom bilan yuklangan vazifalar va funksiyalar amalga oshirilishini taʼminlovchi (xatlar, tahliliy maʼlumotlar, tekshirish dalolatnomasi, oʻrganish va monitoring oʻtkazish yakuni boʻyicha tuzilgan xulosa, qonun loyihalari, qaror, buyruq, koʻrsatma, davlat reyestrlar, maʼlumotlar bazasi hamda boshqa) hujjatlarni tayyorlash.

Markaz qonunchilik hujjatlariga muvofiq boshqa majburiyatlarga ham ega boʻlishi mumkin.

16. Hududiy boshqarmalar oʻzlariga yuklangan vazifalar va funksiyalarni amalga oshirish uchun quyidagi huquqlarga ega:

oʻz vakolatlariga kiruvchi masalalar yuzasidan davlat organlari va tashkilotlarining hududiy boʻlinmalaridan statistik, tahliliy materiallar, xulosalar va boshqa maʼlumotlarni soʻrash va olish;

oʻz vakolatlariga kiradigan masalalar boʻyicha Markazga koʻrib chiqish uchun takliflar kiritish;

oʻz vakolatlariga kiradigan masalalar boʻyicha qonunchilik hujjatlarini buzish hollari maʼlum boʻlib qolganda, ularga darhol chek qoʻyish choralarini koʻrishni soʻrab tegishli organlar hamda mansabdor shaxslarga murojaat qilish;

boʻsh turgan obyektlardan samarali foydalanishni tashkil etish masalalarini koʻrib chiqish bilan bogʻliq majlislar, yigʻilishlar va boshqa muhokamalarda ishtirok etish;

vazirlik va idoralar, mahalliy ijro hokimiyati organlariga qarashli boʻlgan, uch oydan ortiq foydalanilmasdan boʻsh turgan obyektni, ijtimoiy obyektlar bundan mustasno, Davlat aktivlarini boshqarish agentligi tomonidan tasdiqlangan tartibga muvofiq ularning roziligisiz ijaraga berish uchun “E-auksion” elektron savdo platformasidagi onlayn-auksion savdolariga chiqarish;

Qurilish sohasida nazorat inspeksiyasi xulosasiga asosan yaroqsiz deb topilgan davlat mulki obyektlarini buzish toʻgʻrisida qabul qilingan qarorni balansda saqlovchiga tilxat orqali eʼlon qilish va yuqori turuvchi tashkilot yoki sudga 10 kun ichida shikoyat qilish huquqini tushuntirish, qaror qonuniy kuchga kirgandan keyin uni ijro etish uchun Oʻzbekiston Respublikasi Bosh prokuraturasi huzuridagi Majburiy ijro byurosiga (keyingi oʻrinlarda — Majburiy ijro byurosi) yuborish;

davlat tashkilotlariga operativ boshqaruv huquqi bilan berilgan davlat mulki obyektlari (boʻsh turgan qismi)ni, shuningdek, foydalanilmayotgan yoki maqsadsiz foydalanilayotgan davlat mulki obyektlarini olib qoʻyish toʻgʻrisida qabul qilingan qarori balansda saqlovchiga tilxat orqali eʼlon qilish va yuqori turuvchi tashkilot yoki sudga 10 kun ichida shikoyat qilish huquqini tushuntirish, qaror qonuniy kuchga kirgandan keyin uni ijro etish uchun Majburiy ijro byurosiga yuborish.

Markaz va uning hududiy boshqarmalari qabul qilingan obyektlardan samarali foydalanish, xususiylashtirish va ijaraga berishda ularning jozibadorligini oshirish maqsadida budjetdan tashqari mablagʻlari hisobidan taʼmirlash, jihozlash va kommunikatsiya tizimlariga ulash kabi ishlarni amalga oshirish mumkin.

17. Hududiy boshqarmalar quyidagi majburiyatlarga ega:

oʻzlariga yuklangan vazifalar va funksiyalar oʻz vaqtida sifatli bajarilishini taʼminlash;

hududiy boshqarmalar faoliyati bilan bogʻliq prognoz koʻrsatkichlariga erishishni taʼminlash;

Qoraqalpogʻiston Respublikasi, viloyatlar va Toshkent shahrida boʻsh turgan obyektlardan samarali foydalanish sohasida tuman (shahar)larda aniqlangan muammolar tahlil qilinishi hamda umumlashtirish asosida takliflar tayyorlanishi;

Qoraqalpogʻiston Respublikasi, viloyatlar va Toshkent shahrida boʻsh turgan obyektlardan samarali foydalanish sohasidagi dasturlar, chora-tadbirlar, “yoʻl xaritalari” va boshqa dasturiy hujjatlardagi tegishli tadbirlar samarali bajarilishi uchun javob beradi.

18. Quyidagilar Markaz direktorining asosiy funksional vazifalari hisoblanadi:

Oʻzbekiston Respublikasi Konstitutsiyasi, qonunlari va boshqa normativ-huquqiy hujjatlar talablariga rioya qilish;

Markaz faoliyatiga umumiy rahbarlik qilish, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari, farmoyishlari va boshqa qonunchilik hujjatlari hamda Agentlik hayʼat qarorlari, Agentlik direktori buyruqlari bilan Markazga yuklangan vazifalar va funksiyalar bajarilishini tashkillashtirish;

Oʻzbekiston Respublikasi Prezidenti, Oʻzbekiston Respublikasi Oliy Majlisi, Oʻzbekiston Respublikasining Bosh vaziri, uning oʻrinbosarlari va maslahatchilari, Oʻzbekiston Respublikasi Davlat aktivlarini boshqarish agentligi direktorining topshiriqlarini bajarish;

Markaz va hududiy boshqarmalar faoliyati bilan bogʻliq prognoz koʻrsatkichlarga erishishni taʼminlash chora-tadbirlarini amalga oshirish;

Markaz faoliyatini rejalashtirishni tashkil etish, markaziy apparat xodimlari va hududiy boshqarmalar rahbarlarining ish rejalarini tasdiqlash, ularning bajarilishini nazorat qilish;

Markaz tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, kadrlar zaxirasini shakllantirish, xodimlarni qayta tayyorlash va malakasini oshirishni tashkil qilish;

Agentlik direktori topshirigʻi asosida “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq belgilangan muddatlarda kelishish uchun (viza qoʻyish) Agentlik direktoriga kiritish;

Markaz rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlariga muvofiq tashkil etish, xizmat safarlari asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

oʻrinbosari va hududiy boshqarmalar rahbarlari faoliyati samaradorligini muntazam ravishda tanqidiy tahlil qilib, Markazning ishchi majlislarida ularning hisobotlarini eshitib borish, yakunlari boʻyicha zarur choralar koʻrish;

hududiy boshqarma rahbarlari faoliyatini muvofiqlashtirish va nazorat qilish;

Markaz xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Markaz xodimlarining odob-axloq qoidalari talablariga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga imkon beruvchi sabablar va shart-sharoitlarni aniqlash, oldini olish, bartaraf etish;

Markaz xodimlarini ragʻbatlantirish va intizomiy javobgarlikka tortish masalalarini qarorlar qabul qilish, oʻrinbosarini ragʻbatlantirish va intizomiy javobgarlikka tortishga doir masalalarni koʻrib chiqish toʻgʻrisida Agentlik direktoriga taklif kiritish, xodimlarning shaxsiy masʼuliyatini oshirish boʻyicha tizimli chora-tadbirlar koʻrish;

Markaz va hududiy boshqarmalar ishini tashkil etishning zamonaviy shakllari joriy etilishini taʼminlash;

jismoniy va yuridik shaxslarning murojaatlarini koʻrib chiqish ishlarini “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsan qabul qilishni muntazam ravishda oʻtkazish, shu jumladan, jismoniy va yuridik shaxslarning vakillarini joylarga borib qabul qilishni belgilangan tartib va muddatlarda amalga oshirish;

Oʻzbekiston Respublikasi Prezidentining Xalq qabulxonalari bilan samarali hamkorlik qilishni tashkil etish, Markaz rahbarlari va xodimlari Xalq qabulxonalari faoliyatida faol ishtirok etishini, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan kelib tushgan murojaatlari oʻz vaqtida va toʻlaqonli koʻrib chiqilishini taʼminlash;

davlat siri hisoblanadigan maʼlumotlar va boshqa maxfiy axborotlar bilan ishlashda qonunchilik hujjatlari talablariga rioya qilish;

davlat organlari va boshqa tashkilotlarda, xalqaro tashkilotlar va xorijiy mamlakat vakillari ishtirokida oʻtkaziladigan rasmiy tadbirlarda Markaz nomidan ishtirok etish;

zarurat boʻlganda, Markaz va hududiy boshqarmalar tashkiliy tuzilmalariga oʻzgartirishlar kiritish;

hududiy boshqarmalar tuzilmalarini va boshqaruv xodimlarining cheklangan sonini tasdiqlash;

Agentlik direktori bilan kelishilgan holda budjetdan tashqari mablagʻlar hisobidan Markazning boshqaruv xodimlari tuzilmasiga qoʻshimcha shtat birliklarini kiritish;

budjetdan tashqari mablagʻlari hisobidan Markaz va hududiy boshqarmalar xodimlariga asosiy egallab turgan lavozimlari boʻyicha lavozim maoshlariga (tarif stavkalariga), qonunchilik hujjatlarida nazarda tutilgan boshqa toʻlovlardan qatʼiy nazar, ustama va boshqa ragʻbatlantiruvchi toʻlovlarni belgilash;

markaziy apparatining tarkibiy boʻlinmalari toʻgʻrisidagi, shuningdek, hududiy boshqarmalar toʻgʻrisidagi nizomlarni belgilangan tartibda tasdiqlash;

markaziy apparat va hududiy boshqarmalar xodimlari bajarishi shart boʻlgan buyruqlar qabul qilish hamda koʻrsatmalar berish;

Markaz xodimlarini koʻp yillik, samarali faoliyati va alohida xizmatlari uchun Oʻzbekiston Respublikasining davlat mukofotlari bilan taqdirlashga belgilangan tartibda takliflar kiritish;

markaziy apparat va hududiy boshqarmalar tuzilmalari, shtatlar jadvali va xarajatlar smetasini tasdiqlash;

markaziy apparat xodimlari, hududiy boshqarmalar boshliqlari va ularning oʻrinbosarlari bilan qonunchilik hujjatlarida belgilangan tartibda mehnat shartnomalarini tuzish va bekor qilish;

boʻsh turgan obyektlardan samarali foydalanish sohasida kadrlar tayyorlash, sohada faoliyat yuritayotgan xodimlarni qayta tayyorlash va malakasini oshirishni tashkil etish;

budjet mablagʻlari, budjetdan tashqari va qonunchilik hujjatlarida taqiqlanmagan boshqa mablagʻlar hisobidan xodimlarni moddiy ragʻbatlantirish va Markaz tizimining moddiy-texnik bazasini mustahkamlash hamda rivojlantirish.

19. Quyidagilar Markaz direktori oʻrinbosarining asosiy funksional vazifalari hisoblanadi:

Oʻzbekiston Respublikasi Konstitutsiyasi, qonunlari, normativ-huquqiy hujjatlar talablariga rioya qilish;

Markaz direktori vaqtincha boʻlmaganda, uning vazifalarini bajarish;

Markazning oʻzi mutasaddilik qiladigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ular xodimlari oʻrtasida vazifalarni taqsimlash;

Markaz faoliyatining oʻzi mutasaddilik qiladigan yoʻnalishlari boʻyicha Oʻzbekiston Respublikasi Prezidentining hujjatlari, Vazirlar Mahkamasining qarorlari va farmoyishlari bilan tasdiqlangan Markazning faoliyatini yanada takomillashtirish boʻyicha konsepsiyalar, dasturlar va tadbirlarning bajarilishini nazorat qilish;

oʻzi mutasaddilik qiladigan boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish, boʻlinmalar rahbarlarining hisobotlarini eshitish va belgilangan koʻrsatkichlarga erishish uchun ularning shaxsiy masʼuliyatini oshirish;

oʻzi mutasaddilik qiladigan boʻlinmalar rahbarlarining choraklik rejalarini tasdiqlash, ularning bajarilishi ustidan nazoratni taʼminlash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoringini olib borishning amaliy tizimini yaratish, Markazning faoliyatida ijro intizomini mustahkamlash boʻyicha kompleks chora-tadbirlarni bajarish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun markaziy apparat xodimlari va hududiy boshqarmalar rahbarlarining shaxsiy masʼuliyatini oshirish choralarini koʻrish;

Agentlik hayʼati qarorlari, Markaz direktorining buyruqlari va topshiriqlari oʻz vaqtida va sifatli bajarilishini nazorat qilish;

Markazga taqdim etilgan takliflar va normativ-huquqiy hujjatlar loyihalarini markaziy apparat masʼul xodimlari tomonidan koʻrib chiqilishi, ularni iqtisodiy, moliyaviy, huquqiy va boshqa ekspertizalardan oʻtkazilishini nazorat qilish;

oʻzi mutasaddilik qiladigan boʻlinmalar rahbarlari faoliyatining samaradorligini tahlil qilish;

oʻzi mutasaddilik qiladigan boʻlinmalar rahbarlari va xodimlarini ragʻbatlantirish va intizomiy javobgarlikka tortish haqida Markaz direktoriga takliflar kiritish;

oʻz soha yoʻnalishlarida samaradorlik, sifat va qulayliklarni oshirish boʻyicha Markaz direktoriga takliflar kiritish;

Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Markaz va hududiy boshqarmalar xodimlarining odob-axloq qoidalariga rioya etishi, oʻzi nazorat qiladigan tarkibiy tuzilmalar rahbarlari va xodimlari tomonidan ushbu qoidalarga rioya etilishini taʼminlash;

jismoniy va yuridik shaxslarning murojaatlarini koʻrib chiqish ishlarini “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shu jumladan, jismoniy va yuridik shaxslarning vakillarini joylarga borib qabul qilishni belgilangan tartib va muddatlarda amalga oshirish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq ishtirok etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan barcha murojaatlari oʻz vaqtida va toʻlaqonli koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

oʻz faoliyati sohasida xorijiy davlatlar amaliyotini oʻrganib borish.

20. Quyidagilar Markaz markaziy apparati tarkibiy tuzilmalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

tegishli boʻlinma faoliyatiga bevosita rahbarlik qilish, ushbu boʻlinmaga yuklangan vazifalar va funksiyalarning bajarilishini tashkil etish;

Markazning hududiy va tarkibiy boʻlinmalari faoliyatini oʻz vakolatlari doirasida muvofiqlashtirish;

prognoz koʻrsatkichlarning bajarilishini muntazam tahlil qilish hamda Markazning hududiy va tarkibiy boʻlinmalari ushbu koʻrsatkichlarga soʻzsiz erishishini taʼminlashga qaratilgan qoʻshimcha chora-tadbirlarni amalga oshirish boʻyicha takliflarni direktorning oʻrinbosariga kiritish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoringini olib borishning amaliy tizimini yaratish, Markazning faoliyatida ijro intizomini mustahkamlash boʻyicha kompleks chora-tadbirlarni bajarish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun markaziy apparat xodimlari va hududiy boshqarmalar rahbarlarining shaxsiy masʼuliyatini oshirish choralarini koʻrish;

Markaz hayʼati qarorlari, direktorning buyruqlari va farmoyishlari, uning oʻrinbosari koʻrsatmalari hamda topshiriqlarining oʻz vaqtida va sifatli bajarilishini taʼminlash;

tarkibiy boʻlinmalarning har choraklik ish rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlar oʻz vaqtida va sifatli bajarilishini taʼminlash;

tarkibiy boʻlinmalarga yuklangan vazifalar bajarilishini nazorat qilish va muvofiqlashtirish, Markaz hududiy boshqarmalari va idoraviy mansub tashkilotlar faoliyatiga amaliy va metodik yordam berish;

tarkibiy boʻlinmalar faoliyati sohalariga oid qonunchilik hujjatlari va huquqni qoʻllash amaliyotini takomillashtirish boʻyicha takliflarni ishlab chiqish va ularni koʻrib chiqish uchun Markaz rahbariyatiga kiritish;

tarkibiy boʻlinmalarda kadrlarni tanlash va joy-joyiga qoʻyishda direktor oʻrinbosariga takliflar taqdim etish, ularning professionalligi, oʻz ishini bilishi, amaliy tajribaga, yuksak ishchanlik va maʼnaviy-axloqiy fazilatlarga ega ekanligi kafolatini taʼminlash, kasbiy malakasini oshirish choralarini koʻrish, tarkibiy tuzilmalarda kadrlar zaxirasini shakllantirish;

tarkibiy boʻlinmalar tomonidan normativ-huquqiy hujjatlar loyihalarining sifatli ishlab chiqilishini tashkil etish, tarkibiy boʻlinmalarda tayyorlangan hujjatlar loyihalarini direktor tomonidan koʻrib chiqilishi, ularni Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga qatʼiy rioya qilgan holda Agentlik direktoriga (viza qoʻyilishi) koʻrib chiqish va viza qoʻyish uchun kiritish;

tarkibiy boʻlinmaga taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta huquqiy, moliyaviy, iqtisodiy va boshqa ekspertizadan oʻtkazish;

xizmat safarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlariga muvofiq tashkil etish, xizmat safarlari asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

tarkibiy boʻlinmalar xodimlari faoliyatining samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlarni amalga oshirish;

Markaz xodimlarining Markaz va uning hududiy boshqarmalari xodimlari odob-axloq qoidalariga rioya etishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga imkon beruvchi sabablar va shart-sharoitlarni aniqlash, oldini olish, bartaraf etish;

jismoniy va yuridik shaxslarning murojaatlarini koʻrib chiqish ishlarini “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shu jumladan, jismoniy va yuridik shaxslarning vakillarini joylarga borib qabul qilishni belgilangan tartib va muddatlarda amalga oshirish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq ishtirok etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan barcha murojaatlari oʻz vaqtida va toʻlaqonli koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

ish yuritish sohasidagi namunali xodimlarni aniqlash va mukofotlash yuzasidan Markaz rahbariyatiga takliflar kiritish.

21. Quyidagilar Markazning hududiy boshqarmalari rahbarlarining asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

hududiy boʻlinmalar faoliyatiga umumiy rahbarlik qilish, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Markazning, mahalliy ijro etuvchi hokimiyat organlarining normativ-huquqiy hujjatlari bilan ushbu boshqarmalarga yuklangan vazifalar va funksiyalar bajarilishini tashkil etish;

hududiy boshqarmalar faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

hududiy boshqarmalar faoliyatini nazorat qilish va muvofiqlashtirish;

hududiy boshqarmalar xodimlari tomonidan Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari, farmoyishlari va topshiriqlari ijrosi taʼminlanishi, ijro intizomi mustahkamlanishi boʻyicha kompleks chora-tadbirlar amalga oshirilishi, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun xodimlarning shaxsiy masʼuliyatini oshirish choralarini koʻrish;

Markazning hayʼati qarorlari, direktorning buyruqlari, farmoyishlari va uning oʻrinbosari koʻrsatmalari hamda topshiriqlari oʻz vaqtida va sifatli bajarilishini taʼminlash;

Markaz faoliyati sohasiga kiradigan masalalar yuzasidan mahalliy ijro etuvchi hokimiyat organlari va kompleks ijtimoiy-iqtisodiy rivojlantirish boʻyicha sektorlar bilan hamkorlik qilish;

xodimlarning vakolatlarini belgilash, ular oʻrtasida majburiyatlarni taqsimlash, hududiy boshqarmalarni boshqarishda mansabdor shaxslarning javobgarligini belgilash;

hududiy boshqarmalar faoliyatini rejalashtirishni tashkil etish, har choraklik ish rejalarini tasdiqlash, ularning bajarilishi nazoratini taʼminlash;

hududiy boshqarmalarda kadrlarni tanlash va joy-joyiga qoʻyish, ularning samarali faoliyat koʻrsatishi uchun zarur shart-sharoitlar yaratish, hududiy boshqarmalar kadrlar zaxirasini shakllantirish;

Markaz rahbari nomenklaturasiga kiradigan boʻsh lavozimlarga taklif etilgan kadrlarning, shuningdek, hududiy boshqarmalarga ishga qabul qilinadigan boshqa kadrlarning professionalligi, oʻz ishini bilishi, amaliy tajribaga, yuksak darajada ishchanlik va maʼnaviy-axloqiy fazilatlarga ega ekanligi kafolatini taʼminlash;

hududiy boshqarmalar xodimlarini ragʻbatlantirish va intizomiy javobgarlikka tortish masalalarini hal qilish, shu jumladan, ular egallab turgan lavozimda qolishi maqsadga muvofiqligiga doir masalalarni koʻrib chiqish, ularning shaxsiy masʼuliyatini oshirish boʻyicha muntazam choralar koʻrish;

hududiy boshqarmalar xodimlarining odob-axloq qoidalari talablariga rioya qilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq hududiy boshqarmalarda, davlat arxivlari va ularning filiallarida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish hamda bartaraf etish;

prognoz koʻrsatkichlarning bajarilishini muntazam tahlil qilish hamda Markazning hududiy boshqarmalari ushbu koʻrsatkichlarga soʻzsiz erishishini taʼminlashga qaratilgan qoʻshimcha choralar koʻrish boʻyicha takliflarni Markazga kiritish;

hududiy boshqarmalar xodimlari faoliyatining samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlarni amalga oshirish;

hududiy boshqarmalar va ularning boʻlinmalari faoliyatiga oid masalalar boʻyicha qonun hujjatlarini takomillashtirish, shuningdek, davlat xizmatlari samaradorligi, sifatini oshirish va ulardan erkin foydalanish boʻyicha takliflarni ishlab chiqish hamda koʻrib chiqish uchun Markaz rahbariyatiga kiritish;

jismoniy va yuridik shaxslarning murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, muntazam ravishda shaxsan, shu jumladan, sayyor qabullar oʻtkazish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

hududiy boshqarmalar xodimlarining lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash toʻgʻrisida qaror qabul qilish, ularni davlat mukofotlari va idoraviy mukofotlar bilan taqdirlash toʻgʻrisida Markazga takliflar kiritish;

davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash;

mahalliy ijro etuvchi hokimiyat organlarida, sudlarda va tashkilotlarda Markazning hududiy boshqarmalari manfaatlarini ifoda etish.

22. Markaz direktori:

mazkur Nizom va boshqa qonunchilik hujjatlari bilan Markazga yuklangan vazifalarning sifatli va oʻz vaqtida bajarilishi;

Markaz tizimida ijro intizomiga qatʼiy rioya etilishi;

oʻzining funksional majburiyatlarini sifatli bajarilishi uchun shaxsan javob beradi.

23. Markaz direktori oʻrinbosari:

mutasaddilik qilinayotgan yoʻnalishlar boʻyicha sohalarning barqaror rivojlanishini taʼminlashga oid chora-tadbirlarning samaradorligi va natijadorligi;

oʻzining funksional majburiyatlarini sifatli bajarilishi uchun shaxsan javob beradi.

24. Hududiy boshqarmalarining boshliqlari:

Hududiy boshqarmaga yuklangan vazifalarning sifatli va oʻz vaqtida bajarilishi;

tegishli hududda boʻsh turgan obyektlar holati toʻgʻrisida Agentlikka haqqoniy tahliliy va boshqa axborotlarni oʻz vaqtida taqdim etish;

oʻzining funksional majburiyatlarini sifatli bajarilishi uchun shaxsan javob beradi.

25. Markazga Oʻzbekiston Respublikasi Bosh vazirining taqdimnomasiga asosan Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan Agentlik direktorining oʻrinbosari — Boʻsh turgan obyektlardan samarali foydalanishni tashkil etish markazi direktori rahbarlik qiladi.

26. Markaz direktorining oʻrinbosari direktor taqdimnomasiga asosan Agentlik direktori tomonidan lavozimga tayinlanadi va lavozimdan ozod etiladi.

27. Markaz direktori boʻlmagan vaqtda uning vazifalari Markaz direktorining oʻrinbosari tomonidan, u boʻlmagan vaqtda esa Agentlik direktorining buyrugʻiga asosan markaziy apparati rahbar xodimlaridan biri tomonidan amalga oshiriladi.

28. Hududiy boshqarmalar boshliqlari va ularning oʻrinbosarlari Markaz direktori tomonidan lavozimga tayinlanadi va lavozimdan ozod etiladi.

29. Markazda direktor (hayʼat raisi), uning oʻrinbosari (lavozimiga koʻra), Markaz faoliyatining asosiy yoʻnalishlarini muvofiqlashtiruvchi tarkibiy boʻlinmalar rahbarlaridan iborat tarkibda hayʼat tuziladi.

Hayʼat aʼzolarning soni va shaxsiy tarkibi markaz direktorning taqdimnomasiga binoan Agentlik direktori tomonidan tasdiqlanadi.

30. Hayʼatga quyidagi vazifalar yuklanadi:

Markaz faoliyatining ushbu Nizomda belgilangan asosiy yoʻnalishlarini ishlab chiqish va amalga oshirish;

qonunchilik hujjatlarida, Oʻzbekiston Respublikasi Prezidenti hujjatlari, Oʻzbekiston Respublikasi Oliy Majlisi palatalarining qarorlari va Oʻzbekiston Respublikasi Hukumati qarorlarida belgilangan vazifalar oʻz vaqtida va sifatli amalga oshirilishini taʼminlash uchun Markaz tizimi xodimlari va rahbarlarining shaxsiy javobgarligini oshirish choralarini koʻrgan holda, hududiy boshqarmalar rahbarlari hisobotlari muntazam ravishda eshitilishini tashkil etish;

Markaz faoliyati sohasidagi hududiy va tarmoq dasturlari amalga oshirilishi natijadorligini har chorakda va zaruratga koʻra navbatdan tashqari muhokama qilib borish;

Markaz faoliyati doirasidagi dolzarb masalalarni muhokama qilishni taʼminlagan holda, hayʼatning kengaytirilgan, jumladan joylarda sayyor majlislar oʻtkazilishini tashkil etish, shuningdek, yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

markaziy apparat lavozimlari nomenklaturasini koʻrib chiqish va tasdiqlash;

Markaz direktori buyrugʻi bilan lavozimga tayinlanadigan lavozimlar nomenklaturasidagi xodimlarni tanlash, joy-joyiga qoʻyish masalalarini koʻrib chiqish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari, farmoyishlari va topshiriqlari bilan belgilangan vazifalar oʻz vaqtida sifatli bajarilishini taʼminlash uchun Markaz rahbarlari va xodimlarining ijro intizomini mustahkamlash hamda shaxsiy javobgarligini oshirish.

Hayʼat Markaz vakolatiga kiritilgan boshqa masalalarni ham koʻrib chiqishi mumkin.

31. Hayʼat majlisiga davlat organlari va boshqa tashkilotlar rahbarlari ularning vakolatiga kiradigan masalalar yuzasidan taklif etilishi mumkin.

32. Hayʼat, agar uning majlisida hayʼat tarkibining yarmidan koʻpi qatnashsa, vakolatli hisoblanadi. Koʻrib chiqilayotgan masalalar yuzasidan qaror oddiy koʻpchilik ovoz bilan qabul qilinadi.

33. Hayʼat qarorlari ijrosi Markaz direktorining buyruqlari bilan amalga oshiriladi.

34. Markaz direktori va hayʼat aʼzolari oʻrtasida kelishmovchilik yuzaga kelgan taqdirda, direktor yuzaga kelgan kelishmovchilik haqida Agentlik direktoriga axborot bergan holda mustaqil ravishda qaror qabul qiladi. Hayʼat aʼzolari kelishmovchilik yuzasidan oʻz fikrini Agentlik direktoriga yozma xabar qilishi mumkin.

35. Hayʼat faoliyati tartibi hayʼat tomonidan tasdiqlanadigan reglament bilan belgilanadi.

36. Markazda kengash, maslahat va ekspert organlari tuzilishi mumkin.

37. Markaz huzurida tuziladigan kengash, maslahat va ekspert organlari tarkibi va ular toʻgʻrisidagi nizomlar Markaz direktori tomonidan tasdiqlanadi, ularning tarkibi va nizomlar Oʻzbekiston Respublikasi Prezidenti hujjatlari va Oʻzbekiston Respublikasi Vazirlar Mahkamasi qarorlari bilan tasdiqlanadigan holatlari bundan mustasno.

38. Markaz faoliyatining samaradorligi muntazam baholanadi.

39. Markaz faoliyatining samaradorligi va natijadorligiga berilgan baho Markaz direktori tomonidan tasdiqlanadigan Markaz faoliyati samaradorligi va natijadorligini baholash mezonlari va ish indikatorlariga asoslanadi.

40. Markaz faoliyatining samaradorligi va natijadorligini baholash yakunlari boʻyicha:

Markaz rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Markaz faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

41. Markaz faoliyatining samaradorligi va natijadorligini baholash tartibi va uslubi qonunchilik hujjatlari bilan belgilanishi mumkin.

42. Markaz oʻz vazifalari va funksiyalarini amalga oshirishda davlat boshqaruvi organlari, mahalliy ijro hokimiyati organlari hamda boshqa tashkilotlar bilan hamkorlik qiladi.

Markaz har chorakda Oʻzbekiston Respublikasi Savdo-sanoat palatasi va Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Tadbirkorlikni rivojlantirish agentligiga boʻsh turgan obyektlar roʻyxatini kiritib boradi.

43. Markaz boʻsh turgan obyektlar toʻgʻrisidagi maʼlumotlarni avtomatlashtirilgan tizim orqali olishda tegishli davlat organlari bilan hamkorlik qiladi.

44. Hududiy boshqarmalar oʻz vakolatlari doirasida davlat boshqaruvi organlarining hududiy organlari, mahalliy ijro hokimiyati organlari va boshqa tashkilotlar bilan hamkorlik qiladi.

45. Balansda saqlovchilar oʻziga tegishli boʻsh turgan davlat mulki obyektlarini, Oʻzbekiston Respublikasi Investitsiya dasturiga kiritilgan obyektlar bundan mustasno, saqlash va ulardan kelgusida samarali foydalanish (xususiylashtirish, ijaraga berish va boshqa) maqsadida tegishligicha hududiy boshqarmalarga topshiradi.

46. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Agentlik, Oʻzbekiston Respublikasi Davlat soliq qoʻmitasi huzuridagi Kadastr agentligi doimiy ravishda boʻsh turgan davlat obyektlarni aniqlab, ularni Markaz va uning hududiy boshqarmalariga operativ boshqaruv huquqi asosida oʻtkazib borish choralarini koʻradi.

47. Quyidagilar Markaz va hududiy boshqarmalari faoliyatini moliyalashtirish manbalari etib belgilanadi:

Oʻzbekiston Respublikasi Davlat budjeti mablagʻlari;

davlat mulki obyektlari ijarasidan qonunchilikda belgilangan tartibda tushadigan mablagʻlar;

Agentlik huzuridagi Davlat aktivlarini boshqarish, transformatsiya va xususiylashtirish jamgʻarmasi mablagʻlari;

Markazning vaqtincha boʻsh mablagʻlarini Oʻzbekiston Respublikasi tijorat banklari depozitlariga belgilangan tartibda joylashtirishdan olinadigan daromadlar;

xalqaro moliya institutlari va xorijiy hukumat moliya tashkilotlarining mablagʻlari hamda jismoniy va yuridik shaxslarning homiylik xayriyalari;

qonunchilik hujjatlarida taqiqlanmagan boshqa manbalar.

48. Markaz va hududiy boshqarmalar xodimlari mehnatiga haq toʻlash va ularni moddiy ragʻbatlantirish Oʻzbekiston Respublikasi Davlat budjeti, Agentlik huzuridagi Davlat aktivlarini boshqarish, transformatsiya va xususiylashtirish jamgʻarmasi, Markazning budjetdan tashqari jamgʻarmasi mablagʻlari va qonunchilik hujjatlarida taqiqlanmagan boshqa manbalar hisobidan amalga oshiriladi.

49. Markaz direktori markaziy apparat va hududiy boshqarmalar daromadlari va xarajatlari smetasini, shuningdek, shtatlar jadvalini (ularga oʻzgartirishlarni) tasdiqlaydi.

Markazning markaziy apparati daromadlari va xarajatlari smetasi, shuningdek, shtatlar jadvali Agentlik tomonidan roʻyxatdan oʻtkaziladi va markaziy apparati moliyaviy hisoboti Agentlikka topshiriladi.

Hududiy boshqarmalar daromadlar va xarajatlar smetasi, shuningdek, shtatlar jadvali hududiy moliya organlari tomonidan roʻyxatdan oʻtkaziladi hamda moliyaviy hisobotini hududiy moliya organlariga topshiriladi.

Markaz tomonidan hududiy boshqarmalar daromadlar va xarajatlar smetasi, shuningdek, shtatlar jadvalining yigʻma maʼlumoti (jamlanmasi) Agentlikka taqdim qilinadi.

50. Hududiy boshqarmalar shaxsiy gʻazna hisobvaraqlarida jamlanadigan mablagʻlardan qonunchilik hujjatlarida belgilangan majburiy toʻlovlar amalga oshirilgandan keyin qolgan mablagʻlar toʻliqligicha Markazning gʻazna tranzit hisobvaragʻiga oʻtkaziladi va tegishli moliya yili uchun tasdiqlangan markaziy apparat va hududiy boshqarmalar daromadlari va xarajatlari smetasiga asosan qayta taqsimlanadi.

51. Markaz va hududiy boshqarmalar xodimlarining ish haqi, lavozim maoshi, mukofotlar, qoʻshimcha haqlar, ustamalar Agentlik va uning hududiy boshqarmalari xodimlari uchun qonunchilik hujjatlarida nazarda tutilgan mehnatga haq toʻlash, moddiy ragʻbatlantirish va ijtimoiy himoya shartlari va tartiblari asosida amalga oshiriladi.

52. Markazning budjetdan tashqari jamgʻarmasi mablagʻlari hisobidan Markazning xodimlarini ijtimoiy taʼminlashga, shuningdek, Markaz rahbarlari va mutaxassislarini oʻqitish, tayyorlash, qayta tayyorlash va malakasini oshirishga, shuningdek Markaz faoliyatini takomillashtirishga qaratilgan tadbirlari amalga oshiriladi.

53. Markaz Oʻzbekiston Respublikasi Vazirlar Mahkamasiga har yili 1-aprelga qadar boʻsh turgan obyektlardan samarali foydalanish boʻyicha koʻrilayotgan choralar toʻgʻrisida hisobot taqdim etadi.

54. Markaz qonunchilik hujjatlarida nazarda tutilgan tartibda tugatilishi yoxud qayta tashkil etilishi mumkin.

55. Markazning tugatilishi, huquqlar va majburiyatlar huquqiy vorislik tartibida boshqa shaxslarga oʻtmasdan, uning faoliyati toʻxtatilishiga olib keladi.

Markazni qayta tashkil etishda uning huquq va majburiyatlari huquqiy vorisga oʻtadi.

56. Ushbu Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.