Oʻzbekiston Respublikasi Prezidentining “Sanoat, radiatsiya va yadro xavfsizligi sohasida davlat boshqaruvi va nazorati tizimini tubdan takomillashtirish chora-tadbirlari toʻgʻrisida” 2018-yil 12-dekabrdagi PF-5594-son Farmonini va Oʻzbekiston Respublikasi Prezidentining “Oʻzbekiston Respublikasi Sanoat xavfsizligi davlat qoʻmitasi faoliyatini tashkil etish toʻgʻrisida” 2018-yil 12-dekabrdagi PQ-4058-son qarorini ijro etish yuzasidan Vazirlar Mahkamasi qaror qiladi:

1. Oʻzbekiston Respublikasi Sanoat xavfsizligi davlat qoʻmitasi toʻgʻrisidagi nizom 1-ilovaga muvofiq tasdiqlansin.

2. Oʻzbekiston Respublikasi Sanoat xavfsizligi davlat qoʻmitasi bir oy muddatda Oʻzbekiston Respublikasi Sanoat xavfsizligi davlat qoʻmitasining tarkibiy boʻlinmalari toʻgʻrisidagi nizomni va xodimlarining lavozim yoʻriqnomalarini tasdiqlasin.

3. Oʻzbekiston Respublikasi Sanoat xavfsizligi davlat qoʻmitasining Olmaliq kon-texnika inspeksiyasi va Qizilqum kon-texnika inspeksiyasini moliyalashtirish va moddiy-texnik taʼminlash tegishli ravishda “Olmaliq KMK” AJ va “Navoiy KMK” DK mablagʻlari hisobiga amalga oshiriladi.

4. Belgilansinki:

Oʻzbekiston Respublikasi Sanoat xavfsizligi davlat qoʻmitasining Olmaliq kon-texnika inspeksiyasi va Qizilqum kon-texnika inspeksiyasi xodimlari tarkibi tegishli ravishda “Olmaliq KMK” AJ va “Navoiy KMK” DKning shtatdagi xodimlari soniga kiritiladi;

Oʻzbekiston Respublikasi Sanoat xavfsizligi davlat qoʻmitasining sanoat, radiatsiya va yadro xavfsizligi taʼminlanishi ustidan nazoratni amalga oshiruvchi mansabdor shaxslari nazorat tarmogʻiga qarab nazorat ostidagi obyektlarga biriktiriladi;

Oʻzbekiston Respublikasi Sanoat xavfsizligi davlat qoʻmitasining sanoat, radiatsiya va yadro xavfsizligi taʼminlanishi ustidan nazoratni amalga oshiruvchi mansabdor shaxslarining mehnat sharoitlari boʻyicha kafolatlar va preferensiyalar nazorat ostidagi obyektlarda mehnat sharoitlari va uskunalarning jarohat yetkazishi xavfi boʻyicha ish oʻrinlarini attestatsiyadan oʻtkazish natijalariga muvofiq belgilanadi.

5. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

6. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

7. Mazkur qarorning bajarilishini nazorat qilish Oʻzbekiston Respublikasi Sanoat xavfsizligi davlat qoʻmitasining raisi va Oʻzbekiston Respublikasi Bosh vazirining Yoqilgʻi-energetika sohasi va sanoatning bazaviy tarmoqlarini rivojlantirish masalalari boʻyicha maslahatchisi zimmasiga yuklansin.

1. Ushbu Nizom Oʻzbekiston Respublikasi Sanoat xavfsizligi davlat qoʻmitasining (keyingi oʻrinlarda Sanoat xavfsizligi davlat qoʻmitasi deb ataladi) maqomi, asosiy vazifalari, funksiyalari, huquqlari, javobgarligi, faoliyatini tashkil etish va hisobot berish tartibini, shuningdek, uning rahbarlarining funksional vazifalarini belgilaydi.

2. Sanoat xavfsizligi davlat qoʻmitasi atom energetikasi va yadro texnologiyalari obyektlarida, shuningdek, xavfli ishlab chiqarish obyektlarida sanoat xavfsizligi sohasida radiatsiya va yadro xavfsizligini taʼminlash sohasida yagona davlat siyosati amalga oshirilishi va nazorat qilinishi uchun masʼul boʻlgan vakolatli davlat boshqaruvi organi hisoblanadi.

3. Sanoat xavfsizligi davlat qoʻmitasi oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlis palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga va boshqa qonun hujjatlariga amal qiladi.

4. Sanoat xavfsizligi davlat qoʻmitasining oʻz vakolatlari doirasida qabul qilingan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlar va jismoniy shaxslar tomonidan bajarilishi majburiy hisoblanadi.

5. Sanoat xavfsizligi davlat qoʻmitasi va uning tuzilmasiga kiradigan tashkilotlar yuridik shaxslar hisoblanadilar, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhr va blankalarga, mustaqil balansga, Oʻzbekiston Respublikasi Moliya vazirligining Gʻaznachiligida shaxsiy hisobvaraqlariga, bank hisob raqamlariga, shu jumladan, xorijiy valyutadagi hisob raqamlariga ega boʻladi.

6. Sanoat xavfsizligi davlat qoʻmitasining rasmiy nomi:

a) davlat tilida:

toʻliq nomi — Oʻzbekiston Respublikasi Sanoat xavfsizligi davlat qoʻmitasi, qisqartirilgan nomi — Sanoat xavfsizligi davlat qoʻmitasi;

b) rus tilida:

toʻliq nomi — Gosudarstvenniy komitet promishlennoy bezopasnosti Respubliki Uzbekistan; qisqartirilgan nomi — Goskomprombez;

v) ingliz tilida:

toʻliq nomi — “The State committee on industrial safety of the Republic of Uzbekistan”; qisqartirilgan nomi — The State committee on industrial safety (SCIS).

7. Oʻzbekiston Respublikasi Sanoat xavfsizligi davlat qoʻmitasi joylashgan joy (pochta manzili): 100011, Toshkent shahri, Shayxontohur tumani, M-14, 27-uy.

8. Sanoat xavfsizligi davlat qoʻmitasi tizimiga quyidagilar kiradi:

markaziy apparat;

viloyatlar va Toshkent shahar hududiy boshqarmalar (keyingi oʻrinlarda hududiy boshqarmalar deb ataladi);

Olmaliq kon-texnika inspeksiyasi;

Angren kon-texnika inspeksiyasi;

Qizilqum kon-texnika inspeksiyasi;

Harbiylashtirilgan kon-qutqaruv qismi;

“Sanoat xavfsizligi” DUK;

“Kontexnazoratoʻquv” DUK;

“Sanoat nazorati laboratoriyasi” DUK.

9. Sanoat xavfsizligi davlat qoʻmitasining markaziy apparati, hududiy boshqarmalari, kon-texnika inspeksiyalari va idoraviy mansub xoʻjalik hisobidagi tashkilotlari sanoat, radiatsiya va yadro xavfsizligi sohasida Oʻzbekiston Respublikasining davlat boshqaruvi va tartibga solishning yagona tizimni tashkil etadi.

Hududiy boshqarmalar mahalliy davlat hokimiyati organlaridan mustaqildir va bevosita Sanoat xavfsizligi davlat qoʻmitasiga boʻysunadi.

Davlat organlari va boshqa tashkilotlarga Sanoat xavfsizligi davlat qoʻmitasi xodimlariga ularning vakolatiga kirmaydigan ishlarni bajarishni yuklash taqiqlanadi.

10. Quyidagilar Sanoat xavfsizligi davlat qoʻmitasining asosiy vazifalari hisoblanadi:

atom energetikasi va yadro texnologiyalari obyektlarida radiatsiya va yadro xavfsizligini taʼminlash, shuningdek, xavfli ishlab chiqarish obyektlarida sanoat xavfsizligi sohalarida yagona davlat siyosatini yuritish boʻyicha ishni muvofiqlashtirish va nazoratni amalga oshirish;

sanoat, radiatsiya va yadro xavfsizligi, yer qaʼridan foydalanishda ishlarni olib borish xavfsizligi hamda istirohat bogʻlari attraksionlaridan foydalanish borasidagi qonun hujjatlari va texnik jihatdan tartibga solish sohasidagi normativ hujjatlar talablariga yuridik va jismoniy shaxslar tomonidan rioya etilishi ustidan davlat nazorati va tekshiruvini amalga oshirish;

sanoat, radiatsiya va yadro xavfsizligini taʼminlash borasida respublikada yoqilgʻi-energetika kompleksi va iqtisodiyotning asosiy tarmoqlarini yanada rivojlantirish boʻyicha strategik rejalar va dasturlarni ishlab chiqishda ishtirok etish;

atom energiyasidan foydalanish sohasida litsenziyalash, sanoat, radiatsiya va yadro xavfsizligini taʼminlash sohasida davlat nazorati organlari faoliyatini muvofiqlashtirish;

sanoat xavfsizligini ekspertizadan va akkreditatsiyadan oʻtkazish tizimini takomillashtirish, shuningdek, atom energiyasidan foydalanish obyektlarining va (yoki) atom energiyasidan foydalanish sohasidagi faoliyatning xavfsizligini asoslash yuzasidan ekspertiza qilishni tashkil etish;

sanoat, radiatsiya va yadro xavfsizligi, yer qaʼridan foydalanishda ishlarni xavfsiz yuritish hamda istirohat bogʻlari attraksionlaridan foydalanish borasidagi normativ-huquqiy hujjatlar va texnik jihatdan tartibga solish sohasidagi normativ hujjatlarni belgilangan tartibda ishlab chiqish va qabul qilish;

xalqaro va xorijiy tashkilotlar bilan mustahkam hamkorlikni amalga oshirish, shuningdek, soha faoliyatiga taalluqli boʻlgan xalqaro shartnomalar boʻyicha Oʻzbekiston Respublikasining majburiyatlari bajarilishini taʼminlash;

texnika va texnologiyalarning jadal rivojlanishini hisobga olgan holda sanoat, radiatsiya va yadro xavfsizligi, yer qaʼridan foydalanishda ishlarni olib borish xavfsizligi sohalarida faoliyatni amalga oshiruvchi mutaxassislarning malakasini oshirish.

11. Sanoat xavfsizligi davlat qoʻmitasi unga yuklangan vazifalarga muvofiq quyidagi funksiyalarni amalga oshiradi:

a) atom energetikasi va yadro texnologiyalari obyektlarida radiatsiya va yadro xavfsizligini taʼminlash, shuningdek, xavfli ishlab chiqarish obyektlarida sanoat xavfsizligi sohalarida yagona davlat siyosatini yuritish boʻyicha ishni muvofiqlashtirish va nazoratni amalga oshirish sohasida:

xavfli ishlab chiqarish obyektlarida, shuningdek, xavfli ishlab chiqarish obyektlariga ega boʻlgan xoʻjalik yurituvchi subyektlarda qoʻllaniladigan ishlab chiqarishlar (texnologiyalar), obyektlar va texnik qurilmalar roʻyxatini belgilaydi va tasdiqlaydi;

iqtisodiyotning tegishli tarmoqlarida sanoat, radiatsiya va yadro xavfsizligini taʼminlash tizimini takomillashtirish boʻyicha takliflar tayyorlaydi;

xavfli ishlab chiqarish obyektlarida sanoat xavfsizligi ekspertizasi tizimini rivojlantirishni, atom energiyasidan foydalanish obyektlarining va (yoki) atom energiyasidan foydalanish sohasidagi faoliyatning xavfsizligini asoslash yuzasidan ekspertizani oʻtkazishni, shuningdek, atom energiyasidan foydalanish sohasida faoliyatni litsenziyalash tizimini tashkil etadi;

xavfli ishlab chiqarish obyektlarida va istirohat bogʻlari attraksionlarida qoʻllaniladigan texnik qurilmalarni sertifikatlashni tashkil etadi;

oʻz vakolatlari doirasida ionlashtiruvchi nurlanish manbalarining davlat hisobi va nazoratini, ularning milliy reyestri yuritilishini taʼminlaydi;

Radiatsiya avariyalarida prognozlashtirish, barvaqt aniqlash va munosabat bildirish yagona davlat tizimi mavjud boʻlishini taʼminlashda ishtirok etadi;

xavfli ishlab chiqarish obyektlari davlat reyestrida xavfli ishlab chiqarish obyektlari hisobini, shuningdek, ruxsat beruvchi tusdagi hujjatlar reyestrini yuritadi;

yuqori texnik xavfli zonalarning davlat kadastri yuritilishini muvofiqlashtiradi;

avariya holatining va ishlab chiqarish jarohatining oldini olish maqsadida sanoat, radiatsiya va yadro xavfsizligi talablariga, yer qaʼridan xavfsiz foydalanish talablariga rioya qilish zarurligi toʻgʻrisida keng tushuntirish ishlari olib boradi;

sanoat xavfsizligi talablariga rioya etilishi ustidan ishlab chiqarish nazoratini tashkil etish toʻgʻrisidagi maʼlumotlarni toʻplaydi va tahlil qiladi;

Sanoat xavfsizligi davlat qoʻmitasining nazorat ostidagi obyektlarida avariyalar, ishlab chiqarishda mayib boʻlish, portlovchi moddalar yoʻqolishi hollarining sabablarini belgilangan tartibda surishtiradi;

davlat boshqaruvi organlariga, mahalliy davlat hokimiyati organlariga, xoʻjalik boshqaruvi organlariga, fuqarolarning oʻzini oʻzi boshqarish organlariga atom energiyasidan foydalanish chogʻidagi xavfsizlik masalalari yuzasidan axborot beradi;

b) sanoat, radiatsiya va yadro xavfsizligi, yer qaʼridan foydalanishda ishlarni olib borish xavfsizligi hamda istirohat bogʻlari attraksionlaridan foydalanish borasidagi qonun hujjatlari va texnik jihatdan tartibga solish sohasidagi normativ hujjatlar talablariga yuridik va jismoniy shaxslar tomonidan rioya etilishi ustidan davlat nazorati va tekshiruvini amalga oshirish sohasida:

yuridik va jismoniy shaxslar tomonidan sanoat, radiatsiya va yadro xavfsizligi, geologiya-qidiruv va kon ishlarini olib borishning xavfsizligi va uglevodorod xom ashyoli yer qaʼrini muhofaza qilish sohasida, shuningdek, istirohat bogʻlari attraksionlaridan foydalanish sohasida texnik jihatdan tartibga solish sohasida qonun hujjatlari va normativ hujjatlar talablariga rioya etilishi ustidan davlat nazorati va tekshiruvini amalga oshiradi;

yer qaʼridan foydalanuvchilar tomonidan Oʻzbekiston Respublikasi Davlat geologiya va mineral resurslar qoʻmitasi huzuridagi Foydali qazilmalar zaxiralari davlat komissiyasining zaxiralarni tasdiqlashda qabul qilingan sanoat xavfsizligi boʻyicha qarorlari va xulosalari bajarilishini nazorat qiladi;

xavfli ishlab chiqarish obyektlarida foydalaniladigan bugʻ va suv isitish qozonlarini, bosim ostida ishlaydigan idishlarni, bugʻ va issiq suv uchun suv quvurlarini hamda koʻtarish inshootlarini, shuningdek, istirohat bogʻlaridagi attraksionlarni roʻyxatga oladi;

Harbiylashtirilgan kon-qutqaruv qismini operativ boshqaradi va metodik rahbarlik qiladi, shuningdek, kon favvoralariga qarshi kurashish, gazdan qutqarish va avariya-dispetcherlik xizmatlari korxonalari, boʻlinmalarining boʻlishi mumkin boʻlgan avariyalarni lokalizatsiya qilish va oqibatlarini tugatishga tayyorligini nazorat qiladi;

nazorat ostidagi korxonalar va obyektlarni foydalanishga qabul qilish boʻyicha davlat komissiyalari tarkibida ishtirok etish uchun oʻz vakillarini tayinlaydi, ushbu obyektlarda foydalanishga qabul qilish qoidalariga rioya etilishi ustidan nazorat qiladi;

xavfli ishlab chiqarish obyektidan foydalanishga tashkilotlarning tayyorligini, shuningdek, nazorat ostidagi obyektlarda avariyalar va ishlab chiqarish jarohatining oldini olish tadbirlari ishlab chiqilishi va oʻtkazilishini nazorat qiladi;

istirohat bogʻlari attraksionlarini foydalanishga tayyorlash va ularni qabul qilish ustidan belgilangan tartibda nazorat qiladi;

sanoat xavfsizligi deklaratsiyalari ishlab chiqilishi va taqdim etilishining toʻgʻriligi monitoringini olib boradi;

ishlab turgan va qurilayotgan xavfli ishlab chiqarish obyektlarida sanoat xavfsizligini deklaratsiyalashni nazorat qiladi;

atom energiyasidan foydalanish obyektlarining xavfsizligini taʼminlash ustidan davlat nazorati va tekshiruvini hamda atom energiyasidan foydalanish obyektlarining jisman himoya qilinishi ustidan davlat nazoratini amalga oshiradi;

avariyaga oid tashqi rejani ishlab chiqishda ishtirok etadi hamda davlat boshqaruvi organlarining va atom energiyasidan foydalanish sohasida faoliyatni amalga oshiruvchi boshqa yuridik shaxslarning avariyaga oid shayligi ustidan davlat nazoratini taʼminlaydi;

v) sanoat, radiatsiya va yadro xavfsizligini taʼminlash borasida respublikada yoqilgʻi-energetika kompleksi va iqtisodiyotning asosiy tarmoqlarini yanada rivojlantirish boʻyicha strategik reja va dasturlarni ishlab chiqishda ishtirok etish sohasida:

vazirliklar, idoralar va xoʻjalik birlashmalari bilan birgalikda sanoat, radiatsiya va yadro xavfsizligini taʼminlash yuzasidan yoqilgʻi-energetika kompleksini va sanoatning bazaviy tarmoqlarini yanada rivojlantirish boʻyicha strategik rejalar va dasturlarga takliflarni ishlab chiqadi;

sanoat, radiatsiya va yadro xavfsizligini taʼminlash yuzasidan yoqilgʻi-energetika kompleksini va sanoatning bazaviy tarmoqlarini yanada rivojlantirish boʻyicha tasdiqlangan davlat dasturlariga muvofiq sanoat, radiatsiya va yadro xavfsizligini taʼminlash ishlari olib borilishini nazorat qiladi;

radiatsiya va yadro xavfsizligini taʼminlash yuzasidan atom energiyasidan tinch maqsadlarda foydalanish sohasida davlat maqsadli dasturlari ishlab chiqilishi, koʻrib chiqilishi va amalga oshirilishida ishtirok etadi;

g) atom energiyasidan foydalanish sohasida litsenziyalash, sanoat, radiatsiya va yadro xavfsizligini taʼminlash sohasida davlat nazorati organlari faoliyatini muvofiqlashtirish sohasida:

oʻz vakolatlari doirasida faoliyatning ayrim turlarini litsenziyalashni amalga oshiradi;

litsenziatlar tomonidan litsenziya talablari va shartlariga rioya qilinishini nazorat qiladi;

Sanoat xavfsizligi davlat qoʻmitasining vakolatiga kiradigan ishlarning ayrim turlariga belgilangan tartibda ruxsatnomalar beradi va ularni bekor qiladi;

foydali qazilmalarni qidirish va qazib olishda ishlarni bexatar olib borish boʻyicha texnik yechimlar yuzasidan geologiya-qidiruv ishlari, kon qazuvchi va qayta ishlovchi korxonalarning texnik loyihalari, kon ishlari rejalarini kelishadi;

shaxtalarni (konlarni) bir toifadan boshqasiga oʻtkazishni tasdiqlaydi va kelishadi;

neft-gaz quduqlarini foydalanishga berish dalolatnomalarini, ularni tugatish va konservatsiya qilish dalolatnomalarini kelishadi;

ishlarning alohida masʼul texnologik bosqichlarini, texnologik reglamentlarni yuritish boʻyicha ish rejalarini kelishadi;

nazorat ostidagi obyektlarda sanoat xavfsizligi yuzasidan xorijiy texnologiyalar va uskunalarni qoʻllash mumkinligi toʻgʻrisida ekspert xulosani koʻrib chiqadi va tasdiqlaydi;

qonun hujjatlariga muvofiq xavfli yuklar va portlovchi moddalar tranzitida xulosalar beradi va nazoratni amalga oshiradi;

ekspluatatsiya qiluvchi tashkilot, shuningdek boshqa yuridik shaxs tomonidan atom energiyasidan foydalanish sohasidagi faoliyatni amalga oshirish jarayonida xavfsizlikni taʼminlash uchun zarur boʻlgan majburiy talablarga, litsenziya shartlariga rioya etilishini nazorat qiladi;

d) sanoat xavfsizligini ekspertizadan va akkreditatsiyadan oʻtkazish tizimini takomillashtirish, shuningdek, atom energiyasidan foydalanish obyektlarinnng va (yoki) atom energiyasidan foydalanish sohasidagi faoliyatning xavfsizligini asoslash yuzasidan ekspertiza qilishni tashkil etish sohasida:

sanoat xavfsizligi sohasida ekspert tashkilotlarini belgilangan tartibda akkreditatsiyadan oʻtkazadi va ular faoliyatini muvofiqlashtiradi;

sanoat xavfsizligi sohasida berilgan ekspert xulosalarining yagona hisobini yuritadi;

atom energiyasidan foydalanish obyektlari va (yoki) atom energiyasidan foydalanish sohasida faoliyat turlari xavfsizligi ekspertizasini (xavfsizlikni asoslash ekspertizasini) tashkil etadi;

e) sanoat, radiatsiya va yadro xavfsizligi, yer qaʼridan foydalanishda ishlarni olib borish xavfsizligi hamda istirohat bogʻlari attraksionlarini ekspluatatsiya qilish borasidagi normativ-huquqiy hujjatlar va texnik jihatdan tartibga solish sohasidagi normativ hujjatlarni belgilangan tartibda ishlab chiqish va qabul qilish sohasida:

sanoat, radiatsiya va yadro xavfsizligi sohalarida texnik jihatdan tartibga solish, yer qaʼridan foydalanishda ishlarni xavfsiz yuritish sohasida, putur yetkazmaydigan nazorat boʻyicha, shuningdek, istirohat bogʻlari attraksionlaridan foydalanishda va Sanoat xavfsizligi davlat qoʻmitasi vakolatiga kiradigan boshqa masalalar boʻyicha normativ-huquqiy hujjatlarni va normativ hujjatlarni belgilangan tartibda ishlab chiqadi va qabul qiladi;

radiatsiya va yadro xavfsizligini taʼminlash sohasida, yadro qurilmalarini, ionlashtiruvchi nurlanish manbalarini, yadro materiallarini, radioaktiv moddalar punktlarini va radioaktiv chiqindilar omborlarini fizik himoya qilish sohasida talablarni belgilaydigan normalar va qoidalar ishlab chiqilishini va belgilangan tartibda qabul qilinishini taʼminlaydi;

sanoat, radiatsiya va yadro xavfsizligi sohasida, putur yetkazmaydigan nazorat boʻyicha, istirohat bogʻlari attraksionlaridan foydalanishda ishlarni xavfsiz yuritish talablari mavjud boʻlgan normativ hujjatlar loyihalarini koʻrib chiqadi va belgilangan tartibda kelishadi;

foydali qazilmalarni qazib olish boʻyicha korxonalar, obyektlarni tugatish va konservatsiya qilishda yer qaʼridan foydalanuvchilar bajarishi shart boʻlgan texnik talablarni (foydali qazilmalar konlaridan foydalanishda ishlarning xavfsizligi va iqtisodiyot tarmoqlarida foydalanish uchun yaroqli boʻlgan kon ishlanmalarini saqlab qolish yuzasidan) belgilaydi;

j) xalqaro va xorijiy tashkilotlar bilan mustahkam hamkorlikni amalga oshirish, shuningdek, soha faoliyatiga taalluqli boʻlgan xalqaro shartnomalar boʻyicha Oʻzbekiston Respublikasining majburiyatlari bajarilishini taʼminlash sohasida:

sanoatda, kon nazoratida, atom energetikasi va ilmiy tadqiqotlarda ishlarni xavfsiz olib borish ustidan nazorat qilish sohasida xalqaro hamkorlik qiladi, Sanoat xavfsizligi davlat qoʻmitasining vakolatiga kiradigan masalalar boʻyicha xalqaro tashkilotlar, boshqa mamlakatlarning tegishli nazorat organlari bilan belgilangan tartibda aloqa qiladi;

atom energiyasidan tinch maqsadlarda foydalanish, kimyoviy, bakteriologik (biologik) va zaharli qurol-yarogʻni taqiqlash, shuningdek, kimyoviy, biologik, radiologik va yadro materiallarining taʼsiri xavfini pasaytirish boʻyicha xalqaro shartnomalar boʻyicha Oʻzbekiston Respublikasining majburiyatlari bajarilishini taʼminlaydi;

z) texnika va texnologiyalarning jadal rivojlanishini hisobga olgan holda sanoat, radiatsiya va yadro xavfsizligi, yer qaʼridan foydalanishda ishlarni olib borish xavfsizligi sohalarida faoliyatni amalga oshiruvchi mutaxassislarning malakasini oshirish sohasida:

sanoat xavfsizligi sohasida xodimlarning malakasini tizimli asosda oshiradi, shuningdek, texnika va texnologiyalarni dinamik rivojlantirishni hisobga olgan holda radiatsiya va yadro xavfsizligi sohasida mutaxassislar tayyorlashni tashkil etadi;

xavfli ishlab chiqarish obyektlari, sanoat, radiatsiya va yadro xavfsizligi sohasida atom energetikasi obyektlari, yer qaʼridan foydalanishda ishlarni xavfsiz yuritish sohasida, putur yetkazmaydigan nazorat boʻyicha, shuningdek, istirohat bogʻlari attraksionlaridan foydalanish boʻyicha xodimlarni tayyorlash va attestatsiyadan oʻtkazish (bilimlarni tekshirish) tartibini tasdiqlaydi;

kon, portlatish ishlarini bajarish va rahbarlik qilish huquqiga tayyorlashni va oʻqitishni tashkil etadi va amalga oshiradi hamda belgilangan tartibda portlatuvchining yagona daftarchalari berilishini tashkil etadi;

istirohat bogʻlari attraksionlaridan foydalanishda xodimlarning malakasi oshirilishini tashkil etadi va ularning bilimlarini tekshirishda ishtirok etadi.

Sanoat xavfsizligi davlat qoʻmitasi unga yuklangan vazifalar va funksiyalarni bevosita hamda oʻzining tarkibiy boʻlinmalari orqali amalga oshiriladi.

12. Quyidagilar markaziy apparatining asosiy vazifalari hisoblanadi:

1) hududiy boshqarmalar va idoraviy mansub tashkilotlar bilan birgalikda Sanoat xavfsizligi davlat qoʻmitasiga yuklangan vazifalar va funksiyalar samarali bajarilishini taʼminlash;

2) sanoat, radiatsiya va yadro xavfsizligini taʼminlash masalalari boʻyicha normativ-huquqiy hujjatlarni va normativ hujjatlarni ishlab chiqish va belgilangan tartibda qabul qilishni tashkil etish;

3) Sanoat xavfsizligi davlat qoʻmitasining vakolatiga tegishli boʻlgan masalalar boʻyicha kompleks davlat dasturlari va tarmoq dasturlari, chora-tadbirlar rejalarini ishlab chiqish, qabul qilish uchun belgilangan tartibda kelishish va ularning bajarilishini tashkil etish;

4) radiatsiya va yadro xavfsizligini taʼminlash sohasida davlat siyosatining ustuvor yoʻnalishlari boʻyicha takliflar tayyorlash;

5) yuridik va jismoniy shaxslar tomonidan sanoat, radiatsiya va yadro xavfsizligi, yer qaʼridan foydalanishda ishlarni olib borish xavfsizligi, uglevodorod xom ashyo qaʼridan foydalanish va ularni qoʻriqlash masalalari boʻyicha, istirohat bogʻlari attraksionlaridan foydalanishda qonun hujjatlari va normativ hujjatlar talablariga rioya etilishi ustidan davlat nazoratini tashkil etish;

6) sanoat, radiatsiya xavfsizligi, atom energetikasi va yadro texnologiyalari sohasida faoliyatni litsenziyalash, shuningdek, yer qaʼridan foydalanish, ruxsat beruvchi tusdagi hujjatlarni berish, xavfli ishlar, xavfli tovarlar va moddalar, portlovchi materiallarni ishlab chiqarish, ularning aylanishi sohasida va Sanoat xavfsizligi davlat qoʻmitasining vakolatiga kiradigan boshqa sohalarda ishlarini tashkil etish;

7) hududiy boshqarmalar, kon-texnika inspeksiyalar va idoraviy mansub tashkilotlar faoliyatini muvofiqlashtirish va nazorat qilish;

8) Sanoat xavfsizligi davlat qoʻmitasi tarkibiy boʻlinmalarining yuklangan vazifalarni ijro etish yuzasidan boshqa vazirliklar va idoralar bilan oʻzaro hamkorligini tashkil etish;

9) Sanoat xavfsizligi davlat qoʻmitasi tizimi uchun oliy, kasb-hunar maʼlumotli malakali kadrlar tayyorlash, Sanoat xavfsizligi davlat qoʻmitasi xodimlarini qayta tayyorlash va malakasini oshirish, shuningdek, ular mehnatini ragʻbatlantirish mexanizmlarini takomillashtirish boʻyicha chora-tadbirlarni amalga oshirish;

10) nazorat ostidagi obyektlarda sanoat, radiatsiya va yadro xavfsizligini taʼminlash boʻyicha profilaktik chora-tadbirlarni ishlab chiqish va amalga oshirish.

13. Markaziy apparat inspeksiyasi hamda Radiatsiya va yadro xavfsizligi departamenti:

koʻmir, kon-ruda va noruda, kimyo, metallurgiya, neft-gaz qazib olish, neft-gazni qayta ishlash sanoatida, geologiya-qidiruv ishlarida, magistral neft va gaz quvurlarida, ishlab chiqarish siklida gazdan foydalanishda, portlash-yongʻin xavfi boʻlgan obyektlarda, shu jumladan, donni saqlash va qayta ishlash obyektlarida, yer osti transporti va gidrotexnika qurilishini olib borishda, xavfi yuqori boʻlgan qurilish obyektlarida va portlash-yongʻin xavfi boʻlgan obyektlarda;

sanoat portlovchi moddalari va portlatish vositalarini ishlab chiqarish, saqlash, ulardan foydalanish va ularni hisobga olishda;

magistral neft va gaz quvurlarini, shaharlar va aholi punktlari gaz bilan taʼminlash tizimlarini, shuningdek, neft mahsulotlari, tabiiy va suyultirilgan (propan-butan) gazlarini tashish, saqlash va ulardan foydalanish bilan bogʻliq obyektlarda loyihalashtirish, qurish, foydalanish va taʼmirlashda;

uglevodorod xom ashyo qaʼridan foydalanishda va uni muhofaza qilishda, ularni izlashda, neft va gaz quduqlarini burgʻulashda, ularni sinab koʻrishda va foydalanishga tayyorlashda;

portlash va yongʻin chiqishi xavfi boʻlgan nazorat ostidagi ishlab chiqarishlar va obyektlarni qurish, rekonstruksiya qilish, ulardan foydalanish va ularni taʼmirlashda;

radioaktiv materiallar va rudalarni (vakolati boʻyicha), ionlashtiruvchi nurlanish manbalari mavjud boʻlgan buyumlarni tashish, saqlash, foydalanish, koʻmish, qazib olish, qayta ishlash va hisobga olishda, yadro obyektlarini loyihalashtirish, qurish, foydalanish va foydalanishdan chiqarishda, ionlashtiruvchi nurlanish manbalaridan foydalanuvchi yoki ularni oluvchi obyektlardan foydalanishda;

koʻtarish inshootlarini, bugʻ va suv isitish qozonlarini, bosim ostida ishlaydigan idishlarni, bugʻ va issiq suv uchun suv quvurlarini, shuningdek, boshqa nazorat ostidagi obyektlarni tayyorlash, montaj qilish, taʼmirlash va ulardan foydalanishda;

oʻz vakolatiga muvofiq xavfli yuklar va portlovchi moddalarni tranzit tashishda;

istirohat bogʻlari attraksionlarini montaj qilish, taʼmirlash va foydalanishda;

ionlashtiruvchi nurlanish manbalari aylanishi va atom energiyasidan foydalanish sohasida faoliyatni amalga oshirishda davlat nazoratini tashkil etadi va amalga oshiradi.

14. Markaziy apparat unga yuklangan asosiy vazifalarga muvofiq quyidagi funksiyalarni amalga oshiradi:

1) Sanoat xavfsizligi davlat qoʻmitasi va uning rahbariyati faoliyatini tashkiliy va axborot-tahliliy jihatdan taʼminlash;

2) Oʻzbekiston Respublikasi qonunlari, Oʻzbekiston Respublikasi Prezidentining hujjatlari, Hukumat qarorlari hududiy boshqarmalar, kon-texnika inspeksiyalari va idoraviy mansub tashkilotlar tomonidan bajarilishi ustidan tizimli nazorat qilish;

3) Sanoat xavfsizligi davlat qoʻmitasi tomonidan Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan hujjatlar sifatli va oʻz vaqtida puxta ishlab chiqilishini tashkil qilish;

4) hududiy boshqarmalar, kon-texnika inspeksiyalari va idoraviy mansub tashkilotlar faoliyatiga rahbarlik qilish, muvofiqlashtirish va faoliyati ustidan nazorat qilish;

5) Sanoat xavfsizligi davlat qoʻmitasi faoliyatini, shu jumladan, normativ-huquqiy hujjatlarni ishlab chiqish sohasida huquqiy taʼminlash;

6) operativ, tashkiliy, kadrlar, moliya, ishlab chiqarish-xoʻjalik masalalarini va Sanoat xavfsizligi davlat qoʻmitasining vakolatlariga tegishli boʻlgan boshqa masalalarni hal etish;

7) jismoniy va yuridik shaxslarning murojaatlarini koʻrib chiqish ishlarini tashkil etish;

8) Sanoat xavfsizligi davlat qoʻmitasi hayʼati (keyingi oʻrinlarda hayʼat deb ataladi) majlislarini tashkil etish, majlislarga, shu jumladan, hududiy boshqarmalari, kon-texnika inspeksiyalari va idoraviy mansub tashkilotlar tomonidan taqdim etilgan axborot-tahliliy va hisobot materiallarini tayyorlash;

9) foydali qazilmalarni qazib olish korxonalari, obyektlarini tugatish va konservatsiya qilishda yer qaʼridan foydalanuvchilar bajarishi majburiy boʻlgan texnik talablarni (ishlarning xavfsizligi, foydali qazilma konlaridan foydalanishda yer qaʼrini muhofaza qilish va iqtisodiyot tarmoqlarida foydalanish uchun yaroqli boʻlgan kon qazilmalarini saqlash yuzasidan) belgilash;

10) nazorat ostidagi obyektlar tomonidan sanoat, radiatsiya va yadro xavfsizligi, yer qaʼridan foydalanish ishlarini xavfsiz yuritish sohasida, putur yetkazmaydigan nazorat boʻyicha, shuningdek, istirohat bogʻlari attraksionlaridan foydalanishda normativ-huquqiy hujjatlar va normativ hujjatlar bajarilishini taʼminlash boʻyicha profilaktik ishlar olib borish;

11) radiatsiya va yadro materiallari saqlanishini taʼminlash ustidan nazorat qilish;

12) radioaktiv chiqindilarni saqlash, tashish, utilizatsiya qilish va koʻmishda radiatsiya va yadro xavfsizligini ustidan davlat nazoratini amalga oshirish;

13) daryolarning oʻzanini tozalash va ularning qirgʻoqlarini mustahkamlash, noruda foydali qazilmalarni qazib olish ishlari xavfsiz olib borilishi ustidan belgilangan tartibda tizimli nazoratni amalga oshirish;

14) korxonalar, Harbiylashtirilgan kon-qutqaruv qismi, favvoraga qarshi gaz-qutqaruv va avariya-dispetcherlik xizmatlarining boʻlishi mumkin boʻlgan avariyalarni tugatishga va ularning oqibatlarini bartaraf etishga tayyorligini nazorat qilish, shuningdek, koʻrsatib oʻtilgan boʻlinmalarning joylashishi sxemalarini kelishish;

15) xavfli ishlab chiqarish obyektlarining sanoat xavfsizligini, shuningdek, atom energiyasidan foydalanish bilan bogʻliq obyektlarning xavfsizligini ekspertizadan oʻtkazishni tashkil etish;

16) nazorat ostidagi korxonalarni foydalanishga qabul qilish boʻyicha ishchi va davlat komissiyalarining tarkibida ishtirok etish, ushbu obyektlarni foydalanishga qabul qilish qoidalariga rioya qilinishi ustidan nazorat qilish;

17) respublika darajasida ionlashtiruvchi nurlanish manbalarining davlat hisobi va nazoratini tashkil etish, ularning milliy reyestrini yuritish;

18) bugʻ va suv isitish qozonlarini, bosim ostida ishlaydigan idishlarni, bugʻ va issiq suv uchun suv quvurlarini, koʻtarish inshootlarini roʻyxatdan oʻtkazish, roʻyxatdan oʻtkazilgan uskuna reyestrini yuritish;

19) yer qaʼridan foydalanishda sanoat, radiatsiya va yadro xavfsizligi, ishlarni olib borish xavfsizligi masalalari boʻyicha normativ-huquqiy hujjatlarni va normativ texnik hujjatlarni ishlab chiqish, sanoat xavfsizligi sohasida va Sanoat xavfsizligi davlat qoʻmitasining vakolatiga kiradigan boshqa masalalar boʻyicha ekspert tashkilotlarni akkreditatsiyadan oʻtkazish;

20) oʻz vakolatlari doirasida faoliyatning ayrim turlariga litsenziya berish uchun takliflarni koʻrib chiqish va tayyorlash;

21) Sanoat xavfsizligi davlat qoʻmitasining vakolatiga kiradigan ishlarining ayrim turlariga belgilangan tartibda ruxsat beruvchi tusdagi hujjatlarni berish va bekor qilish uchun xulosalar tayyorlash;

22) yer qaʼridan foydalanishda, uglevodorod xom ashyo foydali qazilmalaridan foydalanish va ularni muhofaza qilishda sanoat, radiatsiya va yadro xavfsizligi, ishlarni xavfsiz yuritish masalalari boʻyicha ilmiy tadqiqotlar dasturlarini va mutaxassislar tayyorlash boʻyicha dasturlarni shakllantirish va kelishishda ishtirok etish;

23) markaziy apparat va tarkibiy boʻlinmalar xodimlarining mehnat intizomiga, ichki mehnat tartibi qoidalariga rioya qilishi ustidan nazorat qilish;

24) hayʼat qarorlari, Sanoat xavfsizligi davlat qoʻmitasining buyruqlari, farmoyishlari va koʻrsatmalari uning tarkibiy boʻlinmalari va idoraviy mansub tashkilotlar tomonidan ijro etilishini nazorat qilish;

25) tarkibiy boʻlinmalar va idoraviy mansub tashkilotlar faoliyati boʻyicha zarur axborotni tayyorlash va Sanoat xavfsizligi davlat qoʻmitasi rahbariyatiga taqdim etish;

26) sanoat, radiatsiya va yadro xavfsizligi, yer qaʼridan foydalanishda ishlarni xavfsiz yuritish sohasida, putur yetkazmaydigan nazorat boʻyicha, shuningdek, istirohat bogʻlari attraksionlaridan foydalanishda Sanoat xavfsizligi davlat qoʻmitasining vakolatiga kiradigan masalalar boʻyicha Sanoat xavfsizligi davlat qoʻmitasining tarkibiy boʻlinmalari va boshqa shaxslar bilan oʻzaro hamkorlik qilish;

27) Sanoat xavfsizligi davlat qoʻmitasining faoliyatini amalga oshirishda olingan axborotning va natijalarning maxfiyligini taʼminlash;

28) Sanoat xavfsizligi davlat qoʻmitasi faoliyatining shaffofligini taʼminlash;

29) davlat xizmatlari koʻrsatishning elektron shakllarini joriy etish;

30) oʻzining rasmiy veb-saytida Sanoat xavfsizligi davlat qoʻmitasi faoliyati toʻgʻrisidagi axborotni belgilangan tartibda joylashtirish.

15. Quyidagilar hududiy boshqarmalar va kon-texnika inspeksiyalarining asosiy vazifalari hisoblanadi:

1) hududiy boshqarmalar va kon-texnika inspeksiyalariga yuklangan vazifalar va funksiyalarni samarali bajarish;

2) oʻz vakolatlari doirasida tegishlicha Qoraqalpogʻiston Respublikasi Juqorgʻi Kengesi Raisi, viloyatlar va Toshkent shahar, tumanlar (shaharlar) hokimlari, prokuratura, ichki ishlar va davlat soliq xizmatining hududiy organlari rahbarlari boshchilik qiladigan kompleks ijtimoiy-iqtisodiy rivojlantirish boʻyicha sektorlar (keyingi oʻrinlarda kompleks ijtimoiy-iqtisodiy rivojlantirish boʻyicha sektorlar deb ataladi) bilan oʻzaro hamkorlik qilish;

3) sanoat, radiatsiya va yadro xavfsizligi, yer qaʼridan foydalanishda ishlarni xavfsiz yuritish sohasida, shuningdek, istirohat bogʻlari attraksionlaridan foydalanishda davlat nazoratini amalga oshirish.

16. Hududiy boshqarmalar va kon-texnika inspeksiyalari ularga yuklangan asosiy vazifalarga muvofiq quyidagi funksiyalarni amalga oshiradilar:

1) foydali qazilmalarni qazib olish korxonalari, obyektlarini tugatish va konservatsiya qilishda yer qaʼridan foydalanuvchilar bajarishi majburiy boʻlgan texnik talablarni (ishlarning xavfsizligi, foydali qazilma konlaridan foydalanishda yer qaʼrini muhofaza qilish va iqtisodiyot tarmoqlarida foydalanish uchun yaroqli boʻlgan kon qazilmalarini saqlash yuzasidan) belgilashda ishtirok etish;

2) yuridik va jismoniy shaxslar tomonidan sanoat, radiatsiya va yadro xavfsizligi sohasida, istirohat bogʻlari attraksionlaridan foydalanishda, shuningdek, geologiya-qidiruv ishlari, yer qaʼridan xavfsiz foydalanish, foydali qazilmalarni qazib olish, mineral xom ashyoni qayta ishlash, burgʻulash-portlatish ishlari, sanoatda ishlatiladigan portlovchi materiallarni ishlab chiqarish, saqlash, tashish va qoʻllash bilan bogʻliq ishlarni xavfsiz olib borish sohasida qonun hujjatlari va normativ hujjatlar talablariga rioya etilishi ustidan davlat nazorati va tekshiruvini amalga oshiradi;

3) oʻz vakolatlari doirasida faoliyatning litsenziyalanadigan turini amalga oshirish uchun litsenziya talabgoridagi mavjud shart-sharoitlar va talablarni joyning oʻziga chiqib tekshiradi;

4) hududiy boshqarmalar va kon-texnika inspeksiyalari vakolatiga kiradigan ishlarning ayrim turlariga ruxsatnomalar beradi, berish uchun takliflar tayyorlaydi va ruxsatnomalarni belgilangan tartibda bekor qiladi;

5) neft-gaz quduqlarini qabul qilish va foydalanish uchun berish, tugatish va konservatsiya qilish boʻyicha komissiyalar ishida ishtirok etadi;

6) ishlarning alohida masʼul texnologik bosqichlarini va texnologik reglamentlarni yuritish boʻyicha ishlar rejalarini koʻrib chiqish va kelishishda ishtirok etadi;

7) texnogen zonalarning davlat kadastri yuritilishi, shuningdek, texnogen xavfliligi yuqori boʻlgan zonalar toʻgʻrisidagi axborotning toʻplanishi, tahlil qilinishi, hisobga olinishi va yangilanishi ustidan nazorat qiladi;

8) qonun hujjatlariga muvofiq boshqa funksiyalarni bajaradi.

17. Sanoat xavfsizligi davlat qoʻmitasi unga yuklangan vazifalar va funksiyalarni amalga oshirish uchun belgilangan tartibda quyidagi huquqlarga egadir:

1) normativ-huquqiy hujjatlar loyihalarini, shuningdek, Sanoat xavfsizligi davlat qoʻmitasiga yuklangan vazifalar va funksiyalarni bajarish bilan bogʻliq boshqa hujjatlarni Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Administratsiyasiga kiritish;

2) Sanoat xavfsizligi davlat qoʻmitasi vakolatiga kiradigan masalalarda davlat va xoʻjalik boshqaruvi, mahalliy ijro etuvchi hokimiyat organlari faoliyatini muvofiqlashtirish;

3) Sanoat xavfsizligi davlat qoʻmitasi vakolatiga kiradigan masalalarni hal etish uchun zarur boʻlgan axborotni davlat va xoʻjalik boshqaruvi organlaridan, mahalliy ijro etuvchi hokimiyat organlaridan soʻrash va olish;

4) Sanoat xavfsizligi davlat qoʻmitasi vakolatiga kiradigan masalalar boʻyicha zarur statistik axborotni davlat statistika organlaridan bepul olish;

5) Sanoat xavfsizligi davlat qoʻmitasi va unga idoraviy mansub tuzilmalarning davlat mulkini bir boʻlinmadan boshqasiga oʻzining tashkiliy tuzilmasi doirasida bepul foydalanish huquqi bilan berish;

6) Sanoat xavfsizligi davlat qoʻmitasining, uning idoraviy mansub tashkilotlari xodimlarini tegishli sohada ular faoliyatining asosiy koʻrsatkichlari boʻyicha parametrlar ular tomonidan bajarilishini hisobga olgan holda moddiy ragʻbatlantirish tartibi, miqdori va shartlarini belgilash;

7) Sanoat xavfsizligi davlat qoʻmitasi vakolatiga kiradigan masalalar boʻyicha takliflarni Oʻzbekiston Respublikasi Vazirlar Mahkamasi, davlat va xoʻjalik boshqaruvi organlari, mahalliy ijro etuvchi hokimiyat organlarining koʻrib chiqish uchun kiritish;

8) Sanoat xavfsizligi davlat qoʻmitasi tarkibiga kiradigan masalalar boʻyicha idoralararo tusdagi xalqaro shartnomalarni tuzish;

9) Sanoat xavfsizligi davlat qoʻmitasi tarkibiga kiradigan masalalar boʻyicha xalqaro darajada Oʻzbekiston Respublikasi manfaatlarini ifodalash;

10) Sanoat xavfsizligi davlat qoʻmitasi nazorati ostidagi obyektlarga toʻsiqsiz kirish;

11) xavfli ishlab chiqarish obyektlarining sanoat xavfsizligi, radiatsiya va yadro xavfsizligi, shuningdek, yer qaʼridan foydalanishda, shuningdek, istirohat bogʻlari attraksionlaridan foydalanishda ishlarni xavfsiz yuritish talablariga rioya qilish holati ustidan belgilangan tartibda nazorat qilish (tekshirish);

12) sanoat, radiatsiya va yadro xavfsizligi talablari buzilgan holda olib borilayotgan yoki avariyalarni yuzaga keltirishi mumkin boʻlgan ishlarni toʻxtatib qoʻyish, shuningdek, odamlarning hayotiga xavf tugʻilganda yoki avariya vaziyatlarida odamlarni ish oʻrinlaridan chiqarish;

13) oʻz vakolatlari doirasida texnik jihatdan tartibga solish sohasida qonun hujjatlari va normativ hujjatlar talablari buzilganligi uchun tashkilotlarning mansabdor shaxslarini va jismoniy shaxslarni maʼmuriy javobgarlikka tortish;

14) nazorat ostidagi korxonalarning, shuningdek, Sanoat xavfsizligi davlat qoʻmitasining nazorati ostidagi obyektlarga ega boʻlgan vazirliklar, davlat qoʻmitalari, idoralar, xoʻjalik boshqaruvi organlari rahbarlariga sanoat, radiatsiya va yadro xavfsizligi, uglevodorod xom ashyo qaʼridan foydalanish va muhofaza qilish talablarining aniqlangan buzilishlarini bartaraf etish toʻgʻrisida ijro etish majburiy boʻlgan koʻrsatmalar berish;

15) nazorat ostidagi ishlab chiqarishlar uchun xodimlar tayyorlash boʻyicha kurslar, shuningdek, kon ishlari va portlatish ishlarini bajarish va rahbarlik qilish huquqiga mutaxassislar tayyorlash boʻyicha kurslarni tashkil etish, alohida xavfli ishlarni bajarish uchun tayyorgarlikdan oʻtgan shaxslarga tegishli guvohnomalar, portlatuvchining yagona daftarchalarini berish;

16) nazorat ostidagi obyektlarda xodimlarning xavfsizlik qoidalari va normalarini, texnologik reglamentlarni, xodimlarning mehnatini muhofaza qilish boʻyicha yoʻriqnomalarni bilishini tekshirish, nazorat ostidagi korxonalarning rahbarlari va xodimlarining, shu jumladan, sanoat, radiatsiya va yadro xavfsizligi sohasida kadrlarni tayyorlovchi va qayta tayyorlovchi xodimlarning sanoat, radiatsiya va yadro xavfsizligi va yer qaʼridan foydalanishda ishlarni xavfsiz yuritish qoidalari va normalarini bilishini tekshirishda;

17) Sanoat xavfsizligi davlat qoʻmitasining vakolatiga kiradigan masalalar boʻyicha xavfli ishlab chiqarish obyektlarini ishlatuvchi tashkilotlarning rahbarlari hisobotlarini eshitish;

18) sanoat xavfsizligi ekspertizasini oʻtkazish huquqiga akkreditatsiya attestatini belgilangan tartibda toʻxtatib qoʻyish, amal qilishini toʻxtatish yoki bekor qilish;

19) faoliyatning ayrim turlarini amalga oshirish huquqiga litsenziyalarning amal qilishini belgilangan tartibda toʻxtatib qoʻyish, amal qilishini toʻxtatish yoki bekor qilish toʻgʻrisida takliflar tayyorlash;

20) ruxsat beruvchi tusdagi hujjatning amal qilishini belgilangan tartibda toʻxtatib qoʻyish va toʻxtatish, bekor qilish;

21) sanoat xavfsizligi ekspertizasining qonun hujjatlari buzilgan holda tayyorlangan xulosalarini haqiqiy emas deb eʼtirof etish;

22) sanoat xavfsizligi sohasida ekspert guvohnomalarini belgilangan tartibda toʻxtatib qoʻyish, amal qilishini toʻxtatish yoki bekor qilish;

23) sanoat xavfsizligi sohasida akkreditatsiya qilingan ekspert tashkilotlari faoliyatini inspeksion nazorat qilish;

24) nazorat ostidagi obyektlar, vazirliklar, davlat qoʻmitalari, idoralar, xoʻjalik boshqaruvi organlari, mahalliy davlat hokimiyati organlari rahbarlariga sanoat, radiatsiya va yadro xavfsizligi, yer qaʼridan foydalanishda ishlarni xavfsiz yuritish sohasida, shuningdek, istirohat bogʻlari attraksionlaridan foydalanishda qoidalar, yoʻriqnomalar va boshqa normativ hujjatlar talablarini buzayotgan shaxslarning mehnat shartnomasini toʻxtatish, intizomiy jazo berish yoki ishlarga texnik rahbarlik qilish huquqidan bir yilgacha boʻlgan muddatda mahrum qilish toʻgʻrisida taqdimnomalar kiritish;

25) ionlashtiruvchi nurlanish manbalarini hisobga olish va nazorat qilish tizimini yaratish, ishlashi, metodik taʼminlanishi va takomillashtirilishi bilan bogʻliq tadbirlar oʻtkazish;

26) aybdor shaxslarni jinoiy javobgarlikka tortish toʻgʻrisidagi masalani koʻrib chiqish uchun materiallarni huquqni muhofaza qilish organlariga berish;

27) Sanoat xavfsizligi davlat qoʻmitasining vakolatiga kiradigan masalalar boʻyicha avariyalarning, ishlab chiqarish jarohati holatlarining, portlovchi moddalar yoʻqolishining holatlari va sabablarini belgilangan tartibda surishtirish va surishtirish natijalari boʻyicha bajarilishi majburiy boʻlgan qarorlar qabul qilish;

28) zarurat boʻlganda tashkilotlar tomonidan uskunalar va materiallarni nazorat tartibida sinashni, ishchi va atrof tabiiy muhit tahlilini, loyiha va loyiha-konstruktorlik yechimlarining mustaqil ekspertizasini tayinlash;

29) tayyorlovchi zavodlarda va taʼmirlash korxonalarida sanoatning nazorat ostidagi tarmoqlari uchun uskunalarning sanoat xavfsizligi talablariga muvofiqligini tekshirish, ularning sanoat, radiatsiya xavfsizligi standartlari, qoidalari va normalari talablariga va tasdiqlangan loyiha yechimlariga muvofiq boʻlmagan hollarda ishlab chiqarilishini toʻxtatib qoʻyish va qoʻllanilishini taqiqlash;

30) Sanoat xavfsizligi davlat qoʻmitasi vakolatiga kiradigan masalalar boʻyicha vazirliklar, davlat qoʻmitalari, idoralar, xoʻjalik boshqaruvi organlari, mahalliy davlat hokimiyati organlari, tashkilotlardan zarur axborotni olish;

31) mansabdor va jismoniy shaxslarda ishlarga texnik rahbarlik qilish va ularni bajarish huquqini beradigan tegishli hujjatlar mavjudligini, xavfliligi yuqoriligi bilan bogʻliq ishlar uchun maxsus belgilangan talablarga rioya qilinishini tekshirish;

32) vazirliklar, davlat qoʻmitalari, idoralar, xoʻjalik boshqaruvi organlari, mahalliy davlat hokimiyati organlari, tashkilotlar bilan kelishuv boʻyicha ularning mutaxassislarini ishlab chiqarishlarning, obyektlar va ishlarning xavfsizligi bilan bogʻliq mustaqil ekspertizalar va ishlanmalar oʻtkazish uchun shartnoma asosida jalb etish.

Sanoat xavfsizligi davlat qoʻmitasining davlat inspektorlari tomonidan oʻz majburiyatlari bajarilishida nazorat ostidagi obyektlar ularni xizmat xonalari, aloqa vositalari, navbatchi maxsus kiyim-bosh va himoya vositalari, transport bilan taʼminlaydilar, hududiy boshqarmalar va kon-texnika inspeksiyalarining ularga doimiy biriktirilgan inspektorlariga esa kommunal xizmatlar koʻrsatiladigan va telefon aloqasi bor boʻlgan idoraviy turar joy berilishida koʻmaklashadilar, shuningdek, idoraviy bolalar maktabgacha va sanatoriya-kurort muassasalaridan joy beradilar, tibbiy xizmat koʻrsatish va ijtimoiy-maishiy taʼminlash masalalarini hal etadilar;

Sanoat xavfsizligi davlat qoʻmitasi qonun hujjatlariga muvofiq boshqa huquqlarga ham ega boʻladi.

18. Sanoat xavfsizligi davlat qoʻmitasi:

1) yuklangan vazifalar va funksiyalarning samarali bajarilishi, shuningdek, sanoat, radiatsiya va yadro xavfsizligi, yer qaʼridan foydalanish ishlarini olib borishning xavfsizligi, shuningdek, istirohat bogʻlari attraksionlaridan foydalanish sohasida davlat siyosatini amalga oshirish;

2) Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar loyihalari va boshqa hujjatlar, shuningdek, Sanoat xavfsizligi davlat qoʻmitasi tomonidan qabul qilinadigan qarorlarning sifati, pirovard natijalari va oqibatlari;

3) yer qaʼridan foydalanishda ishlarning xavfsizligini, sanoat va radiatsiya xavfsizligini taʼminlash, shuningdek, ijtimoiy-iqtisodiy rivojlantirish va koʻrsatib oʻtilgan sohada hududlarning muammoli masalalarini hal etish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarni samarali amalga oshirilishi;

4) Sanoat xavfsizligi davlat qoʻmitasi vakolatiga kiradigan masalalar boʻyicha fuqarolar va tadbirkorlik subyektlarining huquqlari va qonuniy manfaatlariga rioya etilishini taʼminlash.

19. Markaziy apparat unga yuklangan vazifalar va funksiyalarni amalga oshirish uchun:

1) masalalarni tahlil qilish va qayta ishlash uchun zarur boʻlgan materiallar va maʼlumotlarni, shuningdek, markaziy apparatda koʻrib chiqiladigan normativ-huquqiy hujjatlar loyihalarini va boshqa hujjatlarni hududiy boshqarmalar, kon-texnika inspeksiyalari va idoraviy mansub tashkilotlardan soʻrash va olish;

2) Sanoat xavfsizligi davlat qoʻmitasida koʻrib chiqiladigan masalalarni puxta ishlash, axborot va tahliliy materiallarni, shuningdek, normativ-huquqiy hujjatlar va boshqa hujjatlar loyihalarini tayyorlash uchun zarur boʻlganda hududiy boshqarmalar, kon-texnika inspeksiyalari va idoraviy mansub tashkilotlar rahbarlari hamda xodimlarini belgilangan tartibda jalb qilish, shu maqsadda ekspert va ishchi guruhlar tashkil etish;

3) hududiy boshqarmalar, kon-texnika inspeksiyalari va idoraviy mansub tashkilotlardan ular tomonidan kiritilgan normativ-huquqiy hujjatlar va boshqa hujjatlar loyihalarini puxta ishlashni talab qilish, zarurat boʻlganda ularni qayta ishlash uchun qaytarish;

4) hududiy boshqarmalar, kon-texnika inspeksiyalari va idoraviy mansub tashkilotlar rahbarlari hamda xodimlari ishtirokida yigʻilishlar oʻtkazish;

5) Sanoat xavfsizligi davlat qoʻmitasining nazorat ostidagi obyektlari va tarkibiy boʻlinmalari rahbarlariga tezlikda hal qilinishi talab etiladigan va Sanoat xavfsizligi davlat qoʻmitasiga yuklangan masalalar yuzasidan belgilangan tartibda topshiriqlar berish;

6) normativ-huquqiy hujjatlar talablari, shuningdek, Sanoat xavfsizligi davlat qoʻmitasi va uning rahbariyatining topshiriqlari hududiy boshqarmalar, kon-texnika inspeksiyalari va idoraviy mansub tashkilotlar tomonidan bajarilishi yuzasidan ularning faoliyatini belgilangan tartibda oʻrganish va tekshirish huquqiga ega.

Markaziy apparat qonun hujjatlariga muvofiq boshqa huquqlarga ham ega boʻlishi mumkin.

20. Markaziy apparat:

1) Sanoat xavfsizligi davlat qoʻmitasining tarkibiy boʻlinmalari bilan birgalikda Sanoat xavfsizligi davlat qoʻmitasiga yuklangan vazifalar va funksiyalar bajarilishini taʼminlash;

2) Sanoat xavfsizligi davlat qoʻmitasi tomonidan koʻrib chiqish uchun Vazirlar Mahkamasi va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Sanoat xavfsizligi davlat qoʻmitasi tomonidan qabul qilinadigan qarorlarning tayyorlanishi sifati va ekspertizadan oʻtkazilishi;

3) sanoat, radiatsiya va yadro xavfsizligini taʼminlash, uglevodorod xom ashyo qaʼridan foydalanish va muhofaza qilish, shuningdek, koʻrsatib oʻtilgan sohada ijtimoiy-iqtisodiy rivojlantirish va hududlarning muammoli masalalarini hal etish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlar Sanoat xavfsizligi davlat qoʻmitasining tarkibiy boʻlinmalari tomonidan amalga oshirilishini tashkil etish;

4) Sanoat xavfsizligi davlat qoʻmitasi vakolatiga kiradigan masalalar boʻyicha fuqarolar va tadbirkorlik subyektlarining huquqlari va qonuniy manfaatlariga rioya etilishi va himoya qilinishini taʼminlash;

5) hayʼat faoliyati samarali tashkil etilishi uchun javob beradi.

21. Hududiy boshqarmalar va kon-texnika inspeksiyalarining ularga yuklangan vazifalar va funksiyalarni amalga oshirish uchun quyidagi huquqlarga ega boʻladi:

1) Sanoat xavfsizligi davlat qoʻmitasi vakolatiga kiradigan masalalarni hal etish uchun zarur axborotni davlat va xoʻjalik boshqaruvi organlaridan, mahalliy ijro etuvchi hokimiyat organlaridan belgilangan tartibda soʻrash va olish;

2) Sanoat xavfsizligi davlat qoʻmitasi vakolatiga kiradigan masalalar boʻyicha zarur statistik axborotni davlat statistika organlaridan bepul olish;

3) xavfli ishlab chiqarish obyektlarining sanoat xavfsizligi, radiatsiya va yadro xavfsizligi, shuningdek, yer qaʼridan foydalanishda ishlarni xavfsiz yuritish talablariga rioya etilishi holati ustidan nazorat qilish;

4) sanoat, radiatsiya va yadro xavfsizligi talablari buzilgan holda yoki avariyalarni yuzaga keltirishi mumkin boʻlgan holda olib borilayotgan ishlarni toʻxtatib qoʻyish, shuningdek, odamlarning hayotiga xavf tugʻilganda yoki avariya vaziyatlarida ularni ish oʻrinlaridan olib chiqish;

5) oʻz vakolatlari doirasida texnik jihatdan tartibga solish sohasida qonun hujjatlari va normativ hujjatlar talablari buzilganligi uchun tashkilotlarning mansabdor shaxslari va jismoniy shaxslarni maʼmuriy javobgarlikka tortish;

6) nazorat ostidagi korxonalarning, shuningdek, Sanoat xavfsizligi davlat qoʻmitasining nazorati ostidagi obyektlarga ega boʻlgan vazirliklar, davlat qoʻmitalari, idoralar, xoʻjalik boshqaruvi organlari rahbarlariga sanoat va radiatsiya, uglevodorod xom ashyo qaʼridan foydalanish va muhofaza qilish talablarining aniqlangan buzilishlarini bartaraf etish toʻgʻrisida ijro etish majburiy boʻlgan koʻrsatmalar berish;

7) sanoat, radiatsiya va yadro xavfsizligi talablari buzilishi holatlari aniqlanganda, odamlarning hayotiga xavf tugʻilganda va texnogen avariyalarda ishlab chiqarishlar, uskunalar, texnik qurilmalar ishini toʻxtatib qoʻyish, shuningdek, odamlarning hayotiga xavf tugʻilganda yoki avariya vaziyatlarida ularni ish oʻrinlaridan olib chiqish;

8) nazorat ostidagi obyektlar uchun xodimlar tayyorlash boʻyicha kurslarni, shuningdek, kon va portlatish ishlarini masʼuliyatli yuritish huquqi uchun mutaxassislar tayyorlash boʻyicha kurslarni tashkil etish, alohida xavfli ishlarni bajarish uchun tayyorgarlikdan oʻtgan shaxslardan imtihonlar qabul qilish va tegishli guvohnomalar berish;

9) nazorat ostidagi obyektlarda xodimlar mehnatini muhofaza qilish boʻyicha xavfsizlik qoidalari va normalarini, texnologik reglamentlarni, yoʻriqnomalarni bilishni tekshirish, sanoat, radiatsiya va yadro xavfsizligi va yer qaʼridan foydalanishda ishlarni xavfsiz yuritish qoidalari va normalarini nazorat ostidagi tashkilotlarning rahbarlari va xodimlari, shu jumladan, sanoat xavfsizligi sohasida kadrlarni tayyorlash va qayta tayyorlash bilan shugʻullanuvchi rahbarlar va xodimlarning bilimlarini tekshirishda ishtirok etish;

10) Sanoat xavfsizligi davlat qoʻmitasi vakolatiga kiradigan masalalar boʻyicha xavfli ishlab chiqarish obyektlarini ishlatayotgan tashkilotlar rahbarlarining hisobotlarini eshitish;

11) faoliyatning ayrim turlarini amalga oshirish huquqiga litsenziyalarning (ruxsat beruvchi tusdagi hujjatning) amal qilishini toʻxtatib turish va toʻxtatish yoki litsenziyalarni (ruxsat beruvchi tusdagi hujjatni) belgilangan tartibda bekor qilish uchun takliflar tayyorlash va markaziy apparatga taqdim etish;

12) aybdor shaxslarni jinoiy javobgarlikka tortish toʻgʻrisidagi masalani koʻrib chiqish uchun materiallarni huquqni muhofaza qilish organlariga berish;

13) Sanoat xavfsizligi davlat qoʻmitasining vakolatiga tegishli boʻlgan masalalar boʻyicha avariyalarning, ishlab chiqarish jarohati holatlarining, portlovchi moddalar yoʻqolishining holatlari va sabablarini belgilangan tartibda surishtirish va surishtirish natijalari boʻyicha bajarilishi majburiy boʻlgan qarorlar qabul qilish;

14) zarurat boʻlganda tashkilotlar tomonidan uskunalar va materiallarning nazorat sinovlarini oʻtkazishni, ishchi va atrof tabiiy muhit tahlillarini, loyiha va loyiha-konstruktorlik yechimlarining mustaqil ekspertizasini tayinlash;

15) mansabdor va jismoniy shaxslarda ishlarga texnik rahbarlik qilish va ularni bajarish xavflilik yuqoriligi bilan bogʻliq ishlar uchun maxsus belgilangan talablarga rioya qilish huquqini beruvchi tegishli hujjatlar mavjudligini tekshirish;

16) bugʻ va suv isitish qozonlarini, bosim ostida ishlaydigan idishlarni, bugʻ va issiq suv quvurlarini va koʻtarish inshootlarini, kon qazuvchi va qayta ishlovchi uskunalarni, maydalash qurilmalarni, kon-transport texnikasini, shuningdek, istirohat bogʻlari attraksionlarini roʻyxatdan oʻtkazish.

Hududiy boshqarmalar va kon-texnika inspeksiyalari qonun hujjatlariga muvofiq boshqa huquqlarga ham ega boʻlishi mumkin.

22. Hududiy boshqarmalar va kon-texnika inspeksiyalari:

1) ularga yuklangan vazifalar va funksiyalar sifatli va oʻz vaqtida bajarilishini taʼminlash;

2) oʻtkaziladigan nazorat-profilaktika tadbirlarining, shuningdek, hududiy boshqarmalar va kon-texnika inspeksiyalar tomonidan qabul qilinadigan qarorlarning sifati, pirovard natijalari va oqibatlari;

3) boʻlishi mumkin boʻlgan avariyalar, noxush va baxtsiz hodisalarning oldini olish, shuningdek, sanoat, radiatsiya va yadro xavfsizligini taʼminlashni, aniqlangan muammolar va kamchiliklarni har tomonlama va chuqur tahlil qilish va umumlashtirish asosida uglevodorod xom ashyo yer qaʼridan foydalanish va muhofaza qilish boʻyicha takliflar tayyorlash;

4) sanoat, radiatsiya xavfsizligini taʼminlash, uglevodorod xom ashyo yer osti boyliklaridan foydalanish va muhofaza qilish sohasida muammoli masalalarini hal etish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlar samarali amalga oshirilishi;

5) Sanoat xavfsizligi davlat qoʻmitasining vakolatiga kiradigan masalalar boʻyicha fuqarolar va tadbirkorlik subyektlarining huquqlari va qonuniy manfaatlariga rioya etilishini va ularning himoya qilinishini taʼminlash uchun javob beradi.

23. Quyidagilar Sanoat xavfsizligi davlat qoʻmitasi raisining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) Sanoat xavfsizligi davlat qoʻmitasining faoliyatiga umumiy rahbarlik qilish va nazorat qilish, Oʻzbekiston Respublikasi Prezidentining hujjatlari, Oʻzbekiston Respublikasi Vazirlar Mahkamasining qarorlari va boshqa qonun hujjatlari bilan Sanoat xavfsizligi davlat qoʻmitasiga yuklangan vazifalar va funksiyalar bajarilishini tashkil etish;

3) Oʻzbekiston Respublikasi Prezidentining hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan Sanoat xavfsizligi davlat qoʻmitasi faoliyatini yanada takomillashtirish boʻyicha konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

4) xavfli ishlab chiqarish obyektlarida, radiatsiyaviy xavfli obyektlarda va atom energiyasidan foydalanish obyektlarida boʻlishi mumkin boʻlgan avariyalar, noxush va baxtsiz hodisalardan ogohlantirish va ularning oldini olish boʻyicha amaliy chora-tadbirlarni ishlab chiqish va qabul qilish;

5) Sanoat xavfsizligi davlat qoʻmitasi faoliyati sohasiga kiradigan masalalar boʻyicha Oʻzbekiston Respublikasi Prezidenti Administratsiyasi boʻlinmalari, Oʻzbekiston Respublikasi Oliy Majlisi palatalari va Oʻzbekiston Respublikasi Vazirlar Mahkamasining tarkibiy boʻlinmalari, shuningdek, tegishli vazirliklar va idoralar bilan hamkorlik qilish, Oʻzbekiston Respublikasi Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

6) Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi, Oʻzbekiston Respublikasining Bosh vaziri va uning oʻrinbosarlari topshiriqlarini bajarish;

7) oʻz oʻrinbosarlari vakolatlarini belgilash, ular oʻrtasida vazifalarni taqsimlash, Sanoat xavfsizligi davlat qoʻmitasining boshqa mansabdor shaxslari vakolatlarini belgilash, Sanoat xavfsizligi davlat qoʻmitasi faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy masʼuliyati darajasini belgilash;

8) Sanoat xavfsizligi davlat qoʻmitasi faoliyati rejalashtirilishini tashkil etish, Sanoat xavfsizligi davlat qoʻmitasining yarim yillik ish rejalarini tasdiqlash, ularning bajarilishi ustidan nazoratni taʼminlash;

9) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari va topshiriqlari ijrosini tashkil etish va monitoring olib borishning amaliy tizimini yaratish, Sanoat xavfsizligi davlat qoʻmitasi faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, qonun hujjatlariga muvofiq topshiriqlar oʻz vaqtida sifatli ijro etilishi uchun tarkibiy boʻlinmalar rahbarlarining shaxsiy masʼuliyatini oshirish chora-tadbirlarini koʻrish;

10) Sanoat xavfsizligi davlat qoʻmitasi tizimida xodimlarini tizimli qayta tayyorlash va malakasini oshirishni tashkil etish, shuningdek, kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Sanoat xavfsizligi davlat qoʻmitasining kadrlar zaxirasini shakllantirish;

11) Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Sanoat xavfsizligi davlat qoʻmitasiga ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

12) sanoat, radiatsiya va yadro xavfsizligi, uglevodorod xom ashyo yer qaʼridan foydalanish va muhofaza qilish masalalari boʻyicha normativ-huquqiy hujjatlar loyihalari sifatli ishlab chiqilishini, ular “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlari, Oʻzbekiston Respublikasi Prezidenti Administratsiyasining Reglamenti, Oʻzbekiston Respublikasi Vazirlar Mahkamasining Reglamenti talablariga qatʼiy muvofiq ravishda Oʻzbekiston Respublikasi Vazirlar Mahkamasiga oʻz vaqtida kiritilishini tashkil etish, Oʻzbekiston Respublikasi Vazirlar Mahkamasi rahbariyati huzurida puxta ishlanishi va himoya qilinishida va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

13) “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlariga va boshqa qonun hujjatlariga muvofiq Sanoat xavfsizligi davlat qoʻmitasining qonun loyihalarini tayyorlash faoliyatini tashkil etish;

14) Sanoat xavfsizligi davlat qoʻmitasi vakolatiga kiradigan masalalar boʻyicha texnik jihatdan tartibga solish sohasida normativ-huquqiy va normativ hujjatlarni qabul qilish, zarurat boʻlganda boshqa vazirliklar va idoralar bilan birgalikda qoʻshma qarorlar qabul qilish;

15) Sanoat xavfsizligi davlat qoʻmitasiga taqdim etilgan takliflar va normativ-huquqiy hujjatlar loyihalari toʻliq va har tomonlama koʻrib chiqilishini taʼminlash, ularni puxta huquqiy, moliyaviy, iqtisodiy ekspertizadan va boshqa ekspertizadan oʻtkazish, shuningdek, Oʻzbekiston Respublikasi Prezidenti Administratsiyasi Reglamentida va Oʻzbekiston Respublikasi Vazirlar Mahkamasining Reglamentida belgilangan muddatlarda ularni kelishish (viza qoʻyish);

16) Sanoat xavfsizligi davlat qoʻmitasi rahbarlari va xodimlari xizmat safarlarini qonun hujjatlari talablariga toʻliq muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

17) oʻz oʻrinbosarlari hamda tarkibiy boʻlinmalar rahbarlari faoliyati samaradorligini va natijadorligini muntazam tanqidiy tahlil qilish, hayʼat majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

18) Sanoat xavfsizligi davlat qoʻmitasi xodimlarini ragʻbatlantirish va intizomiy javobgarlikka tortish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

19) Sanoat xavfsizligi davlat qoʻmitasi xodimlari tomonidan Sanoat xavfsizligi davlat qoʻmitasi xodimlarining Odob-axloq qoidalari talablariga rioya etilishini taʼminlash;

20) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Sanoat xavfsizligi davlat qoʻmitasi tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

21) Sanoat xavfsizligi davlat qoʻmitasi hamda uning tarkibiy boʻlinmalari ishini tashkil etishning zamonaviy shakllari joriy etilishini taʼminlash;

22) aholi va tadbirkorlik subyektlari bilan hamkorlik qilishda, shu jumladan, “yagona darcha” prinsipini joriy etish orqali davlat xizmatlari sifati va samaradorligini hamda ulardan erkin foydalanishni oshirish hamda “Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

23) jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, qonun hujjatlarida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

24) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Sanoat xavfsizligi davlat qoʻmitasi xodimlari va rahbarlarining faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

25) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

26) markaziy apparat va hududiy boshqarmalar tuzilmasiga zarurat boʻlganda boshqaruv xodimlarining belgilangan shtatdagi soni va mehnatga haq toʻlash fondi doirasida oʻzgartirishlar kiritish;

27) Sanoat xavfsizligi davlat qoʻmitasining tarkibiy boʻlinmalari toʻgʻrisidagi nizomlarni (ustavlarni) belgilangan tartibda tasdiqlash, Harbiylashtirilgan kon-qutqaruv qismi toʻgʻrisidagi nizom bundan mustasno;

28) Sanoat xavfsizligi davlat qoʻmitasi tarkibiy boʻlinmalarning xodimlarini belgilangan tartibda lavozimga tayinlash va lavozimdan ozod qilish;

29) Harbiylashtirilgan kon-qutqaruv qismining avariyalar ichidagi odamlarni qutqarishga, yuzaga kelayotgan avariyalarni lokalizatsiya qilish va oqibatlarini bartaraf etishga va korxonalarda avariya-texnik ishlarni bajarishga tayyorligini taʼminlash boʻyicha Harbiylashtirilgan kon-qutqaruv qismi shtabi ustidan nazorat qilishni tashkil etish;

30) ushbu Nizomda belgilangan, sanoat, radiatsiya va yadro xavfsizligi boʻyicha texnik jihatdan tartibga solish, shuningdek, sanoat, radiatsiya va yadro xavfsizligini taʼminlash, shuningdek, yer qaʼridan foydalanishda ishlarni xavfsiz yuritish sohasida profilaktik chora-tadbirlarni ishlab chiqish va amalga oshirish sohasida barcha yuridik va jismoniy shaxslarning qonun hujjatlari va normativ hujjatlarga rioya qilishi ustidan davlat nazoratini yanada taʼminlash boʻyicha Sanoat xavfsizligi davlat qoʻmitasi faoliyatining asosiy yoʻnalishlarini tashkil etish va muvofiqlashtirish;

31) Sanoat xavfsizligi davlat qoʻmitasini moddiy-texnik jihozlashni yaxshilash ishlarini amalga oshirish;

32) mehnat va ijro intizomini oshirish, kadrlar joy-joyiga qoʻyilishini taʼminlash, shuningdek, xodimlarga yuklangan vazifalarni bajarish boʻyicha ularning shaxsiy masʼuliyati boʻyicha kechiktirib boʻlmaydigan chora-tadbirlar koʻrish;

33) Oʻzbekiston Respublikasi hududida atom energiyasidan foydalanish sohasida faoliyatni litsenziyalash maqsadida ekspertiza boʻyicha ishlarni bajarish uchun xorijiy ixtisoslashtirilgan institutlar va kompaniyalarni, shuningdek, xorijiy mutaxassislar va ekspertlarni jalb etish.

Rais qonun hujjatlariga muvofiq boshqa vakolatlarni ham amalga oshirilishi mumkin.

24. Quyidagilar Sanoat xavfsizligi davlat qoʻmitasi raisi oʻrinbosarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) rais vaqtincha boʻlmaganda tegishli buyruq asosida uning vazifalarini bajarish;

3) Sanoat xavfsizligi davlat qoʻmitasining mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

4) Sanoat xavfsizligi davlat qoʻmitasi faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidentining hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan davlat boshqaruvi organlari faoliyatini yanada takomillashtirish boʻyicha konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

5) mutasaddilik qilinadigan tarkibiy boʻlinmalar tomonidan prognoz koʻrsatkichlariga erishishni soʻzsiz taʼminlash chora-tadbirlarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

6) mutasaddilik qilinadigan tarkibiy boʻlinmalar rahbarlarining yarim yillik rejalarini tasdiqlash, ular bajarilishi ustidan nazoratni taʼminlash;

7) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari va topshiriqlari ijrosini taʼminlash, Sanoat xavfsizligi davlat qoʻmitasining mutasaddilik qilinadigan tarkibiy boʻlinmalarida ijro intizomi boʻyicha kompleks amaliy chora-tadbirlarni amalga oshirish, shuningdek, qonun hujjatlari muvofiq topshiriqlar oʻz vaqtida va sifatli ijro etilishi uchun tarkibiy boʻlinmalar rahbarlarining shaxsiy masʼuliyatini oshirish chora-tadbirlarini koʻrish;

8) hayʼat qarorlari, raisning buyruqlari va topshiriqlari oʻz vaqtida va sifatli bajarilishini taʼminlash;

9) mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha raisga takliflar taqdim etish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish chora-tadbirlarini koʻrish, mutasaddilik qilinadigan boʻlinmalarda kadrlar zaxirasini shakllantirish;

10) normativ-huquqiy hujjatlar loyihalari mutasaddilik qilinadigan tarkibiy boʻlinmalar tomonidan sifatli va oʻz vaqtida ishlab chiqilishini tashkil etish, Sanoat xavfsizligi davlat qoʻmitasining tarkibiy boʻlinmalarida tayyorlangan hujjatlar loyihalarini koʻrib chiqish va ular keyinchalik Sanoat xavfsizligi davlat qoʻmitasi raisi tomonidan koʻrib chiqilishi, imzolanishi (viza qoʻyilishi) uchun viza qoʻyish, ularning Oʻzbekiston Respublikasi Vazirlar Mahkamasi Reglamenti va Oʻzbekiston Respublikasi Prezidenti Administratsiyasi Reglamenti talablariga qatʼiy muvofiq ravishda Oʻzbekiston Respublikasi Vazirlar Mahkamasiga oʻz vaqtida kiritilishini taʼminlash, shuningdek, Vazirlar Mahkamasi apparatida normativ-huquqiy hujjatlar loyihalarini ishlab chiqishda raisning topshirigʻiga binoan ishtirok etish;

11) Sanoat xavfsizligi davlat qoʻmitasiga taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta moliyaviy, iqtisodiy va huquqiy ekspertizadan va boshqa ekspertizadan oʻtkazish;

12) xizmat safarlarini qonun hujjatlari talablariga muvofiq amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

13) mutasaddilik qilinadigan tarkibiy boʻlinmalar rahbarlari va xodimlari faoliyati samaradorligi va natijadorligini muntazam tanqidiy tahlil qilish, hayʼat majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

14) faoliyat sohasiga tegishli masalalar boʻyicha Sanoat xavfsizligi davlat qoʻmitasi faoliyatini takomillashtirishga doir amaliy chora-tadbirlar koʻrish, qonun hujjatlarini takomillashtirish boʻyicha takliflar ishlab chiqish va ularni raisga kiritish;

15) mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligiga masalasini koʻrib chiqish boʻyicha takliflarni raisga kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli chora-tadbirlar koʻrish;

16) Sanoat xavfsizligi davlat qoʻmitasi xodimlarining Odob-axloq qoidalari talablariga rioya qilishini, mutasaddilik qilinadigan tarkibiy boʻlinmalar rahbarlari va xodimlarining ushbu qoidalarga rioya etishini taʼminlash;

17) huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Sanoat xavfsizligi davlat qoʻmitasi tizimida korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

18) davlat xizmatlari samaradorligi, sifati va ulardan erkin foydalanishni oshirishga doir takliflarni raisga kiritish;

19) qonun hujjatlarida belgilangan muddatlarda va tartibda jismoniy va yuridik shaxslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

20) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslar vakillarining Oʻzbekiston Respublikasi Prezidentining Virtual qabulxonasidan tushgan murojaatlari oʻz vaqtida va toʻlaqonli koʻrib chiqilishini taʼminlash;

21) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

22) ushbu Nizomda belgilangan, sanoat, radiatsiya va yadro xavfsizligi boʻyicha texnik jihatdan tartibga solish, shuningdek, sanoat, radiatsiya va yadro xavfsizligini taʼminlash, shuningdek, yer qaʼridan foydalanishda ishlarni xavfsiz yuritish sohasida profilaktik chora-tadbirlarni ishlab chiqish va amalga oshirish sohasida yuridik va jismoniy shaxslarning qonun hujjatlari va normativ hujjatlarga rioya qilishi ustidan davlat nazoratini yanada taʼminlash boʻyicha Sanoat xavfsizligi davlat qoʻmitasi faoliyatining asosiy yoʻnalishlarini tashkil etish va muvofiqlashtirish;

23) ijro intizomining holatini, Sanoat xavfsizligi davlat qoʻmitasi faoliyatini tahlil qilish boʻyicha har haftada apparat yigʻilishlarini oʻtkazish;

24) raisning operativ topshiriqlarini bajarish.

Raisning oʻrinbosari qonun hujjatlariga muvofiq boshqa vakolatlarni ham amalga oshirilishi mumkin.

25. Quyidagilar markaziy apparat tarkibiy boʻlinmalari rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalar bajarilishini tashkil etish;

3) Sanoat xavfsizligi davlat qoʻmitasining tarkibiy boʻlinmalari faoliyatini oʻz vakolatlari doirasida muvofiqlashtirish;

4) sanoat, radiatsiya va yadro xavfsizligi sohasida nazorat-profilaktik ishlar va boshqa tadbirlar bajarilishini tizimli tahlil qilish va tarkibiy boʻlinmalar tomonidan koʻrsatib oʻtilgan sohalarda baxtsiz hodisalar va avariyalarning oldini olishga va ularni qisqartirishga yoʻnaltirilgan qoʻshimcha chora-tadbirlar koʻrilishi boʻyicha takliflarni Sanoat xavfsizligi davlat qoʻmitasi rahbariyatiga kiritish;

5) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari va topshiriqlari ijrosini taʼminlash, Sanoat xavfsizligi davlat qoʻmitasi tarkibiy boʻlinmalari xodimlarining ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, qonun hujjatlariga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish chora-tadbirlarini koʻrish;

6) hayʼat qarorlari, rais va uning oʻrinbosarlari buyruqlari hamda topshiriqlari oʻz vaqtida va sifatli bajarilishini taʼminlash;

7) tarkibiy boʻlinmalarning yarim yillik ish rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlar oʻz vaqtida va sifatli bajarilishini taʼminlash;

8) tarkibiy boʻlinmalarga yuklangan vazifalar bajarilishini nazorat qilish va muvofiqlashtirish, hududiy boshqarmalar va idoraviy mansub tashkilotlar faoliyatiga amaliy va metodik yordam koʻrsatish;

9) tarkibiy boʻlinmalar faoliyatiga oid masalalar yuzasidan qonun hujjatlarini takomillashtirish boʻyicha takliflarni ishlab chiqish va ularni koʻrib chiqish uchun raisga kiritish;

10) tarkibiy boʻlinmalarda kadrlarni tanlash va joy-joyiga qoʻyishda rais oʻrinbosarlariga takliflar taqdim etish, professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasb malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

11) normativ-huquqiy hujjatlar loyihalari tarkibiy boʻlinmalar tomonidan sifatli ishlab chiqilishini tashkil etish, ularning Oʻzbekiston Respublikasi Vazirlar Mahkamasining Reglamenti va Oʻzbekiston Respublikasi Prezidenti Administratsiyasining Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash;

12) Sanoat xavfsizligi davlat qoʻmitasiga taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish;

13) xizmat safarlarini qonun hujjatlari talablariga toʻliq muvofiq amalga oshirish, xizmat safarlari asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

14) tarkibiy boʻlinmalar xodimlari faoliyati samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

15) Sanoat xavfsizligi davlat qoʻmitasi xodimlarining Odob-axloq qoidalari talablariga rioya qilishini, tarkibiy boʻlinmalar xodimlari ushbu qoidalarga rioya etishini taʼminlash;

16) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

17) davlat xizmatlarining samaradorligi, sifati va ulardan erkin foydalanishni oshirishga doir takliflarni Sanoat xavfsizligi davlat qoʻmitasi rahbariyatiga kiritish;

18) jismoniy va yuridik shaxslarning murojaatlarini koʻrib chiqish, qonun hujjatlarida belgilangan muddatlarda va tartibda aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

20) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

26. Quyidagilar hududiy boshqarmalar, kon-texnika inspeksiyalari va idoraviy mansub tashkilotlar rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) hududiy boshqarmalar, kon-texnika inspeksiyalari va idoraviy mansub tashkilotlar faoliyatiga rahbarlik qilish va nazorat qilish, ushbu tarkibiy boʻlinmalarga qonun hujjatlari, Sanoat xavfsizligi davlat qoʻmitasining qarorlari bilan yuklangan vazifalar va funksiyalar bajarilishini tashkil etish;

3) xavfli ishlab chiqarish obyektlarida va radiatsiyaviy xavfli obyektlarda boʻlishi mumkin boʻlgan avariyalar, noxush va baxtsiz hodisalardan ogohlantirish va ularning oldini olish boʻyicha amaliy chora-tadbirlarni ishlab chiqish va qabul qilish;

4) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari va topshiriqlari ijrosini taʼminlash, ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, qonun hujjatlariga muvofiq topshiriqlarning oʻz vaqtida va sifatli bajarilishi uchun oʻz xodimlarining shaxsiy masʼuliyatini oshirish chora-tadbirlarini koʻrish;

5) hayʼat qarorlari, Sanoat xavfsizligi davlat qoʻmitasi rahbarlarining buyruqlari va topshiriqlari oʻz vaqtida va sifatli bajarilishini taʼminlash;

6) Sanoat xavfsizligi davlat qoʻmitasi faoliyati sohasiga kiradigan masalalar boʻyicha mahalliy davlat hokimiyati organlari va kompleks ijtimoiy-iqtisodiy rivojlantirish boʻyicha sektorlar bilan hamkorlik qilish;

7) oʻz oʻrinbosarlarining vakolatlari va vazifalarini belgilash, hududiy boshqarmalar, kon-texnika inspeksiyalari va idoraviy mansub tashkilotlarning boshqa mansabdor shaxslarining vakolatlarini belgilash, hududiy boshqarmalar, kon-texnika inspeksiyalari va idoraviy mansub tashkilotlar faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy masʼuliyati darajasini belgilash;

8) hududiy boshqarmalar, kon-texnika inspeksiyalari va idoraviy mansub tashkilotlar, shuningdek, oʻz oʻrinbosarlarining faoliyati rejalashtirilishini hamda yarim yillik ish rejalari tasdiqlanishini tashkil etish, ular bajarilishi ustidan nazorat qilinishini taʼminlash;

9) hududiy boshqarmalar, kon-texnika inspeksiyalari va idoraviy mansub tashkilotlarda kadrlarni tanlash va joy-joyiga qoʻyish boʻyicha takliflar kiritish, ularning samarali faoliyati uchun zarur shart-sharoitlar yaratish, kadrlar zaxirasini shakllantirish;

10) Sanoat xavfsizligi davlat qoʻmitasi rahbariyati nomenklaturasiga kiradigan boʻsh lavozimlarga taklif etilgan kadrlarning, shuningdek, hududiy boshqarmalar, kon-texnika inspeksiyalari va idoraviy mansub tashkilotlarga ishga qabul qilinayotgan boshqa kadrlarning professionalizmi, oʻz ishini bilishi, amaliy tajribasi, ishbilarmonlik va maʼnaviy-axloqiy sifatlarining yuqori darajasi kafolatlanganligini taʼminlash;

11) hududiy boshqarmalar, kon-texnika inspeksiyalari va idoraviy mansub tashkilotlar xodimlarini ragʻbatlantirish va intizomiy javobgarlikka tortish masalalarini hal etish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimlarda bundan keyin boʻlishi maqsadga muvofiqligi toʻgʻrisidagi masalalarni koʻrib chiqish boʻyicha takliflar kiritish, ularning shaxsiy masʼuliyatini oshirish boʻyicha tizimli chora-tadbirlarni amalga oshirish;

12) hududiy boshqarmalar, kon-texnika inspeksiyalari va idoraviy mansub tashkilotlari xodimlarining Sanoat xavfsizligi davlat qoʻmitasi Odob axloq qoidalariga rioya etishini taʼminlash;

13) huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali Sanoat xavfsizligi davlat qoʻmitasi tizimida “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

14) sanoat, radiatsiya va yadro xavfsizligi sohasida nazorat-profilaktika ishlari va boshqa tadbirlar bajarilishini tizimli tahlil qilish va Sanoat xavfsizligi davlat qoʻmitasi rahbariyatiga kon-texnika inspeksiyalari va idoraviy mansub tashkilotlar tomonidan yuqorida koʻrsatib oʻtilgan sohalarda noxush hodisalar va avariyalarning oldini olish va ularni qisqartirishga yoʻnaltirilgan qoʻshimcha chora-tadbirlar koʻrilishi boʻyicha takliflar kiritish;

15) hududiy boshqarmalar, kon-texnika inspeksiyalari va idoraviy mansub tashkilotlar xodimlari faoliyatining samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

16) hududiy boshqarmalar, kon-texnika inspeksiyalari va idoraviy mansub tashkilotlar faoliyatiga oid masalalar boʻyicha qonun hujjatlarini takomillashtirish, shuningdek, davlat xizmatlari samaradorligi, sifati va ulardan erkin foydalanishni oshirish boʻyicha takliflarni ishlab chiqish hamda ularni koʻrib chiqish uchun Sanoat xavfsizligi davlat qoʻmitasi rahbariyatiga kiritish;

17) jismoniy va yuridik shaxslarning murojaatlarini koʻrib chiqish, qonun hujjatlarida belgilangan muddatlarda va tartibda aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslarning vakillarini muntazam ravishda shaxsan qabul qilish, shu jumladan, joylarga borib qabul qilish;

18) Oʻzbekiston Respublikasi Prezidentining Xalq qabulxonalari bilan samarali hamkorlik qilish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan barcha murojaatlarini oʻz vaqtida va toʻlaqonli koʻrib chiqish;

19) hududiy boshqarmalar xodimlari lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash toʻgʻrisida qaror qabul qilish, alohida oʻrnak koʻrsatgan xodimlarni davlat mukofotlari va idoraviy mukofotlar bilan taqdirlash toʻgʻrisidagi takliflarni Sanoat xavfsizligi davlat qoʻmitasi rahbariyatiga kiritish;

20) davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

27. Rais:

1) Sanoat xavfsizligi davlat qoʻmitasiga yuklangan vazifalar va funksiyalarning bajarilishi;

2) ushbu Nizomda nazarda tutilgan Sanoat xavfsizligi davlat qoʻmitasining javobgarlik sohalari boʻyicha;

3) ushbu Nizomda belgilangan oʻz funksional vazifalarining sifatli bajarilishi uchun shaxsan javob beradi.

28. Raisning oʻrinbosarlari:

1) Sanoat xavfsizligi davlat qoʻmitasining mutasaddilik qilinadigan tarkibiy boʻlinmalarida Sanoat xavfsizligi davlat qoʻmitasiga yuklangan vazifalar va funksiyalarning bajarilishi;

2) ushbu Nizomda nazarda tutilgan Sanoat xavfsizligi davlat qoʻmitasining mutasaddilik qilinadigan masalalarga doir javobgarlik sohalari boʻyicha;

3) ushbu Nizomda belgilangan oʻz funksional vazifalarining sifatli bajarilishi uchun shaxsan javob beradi.

29. Markaziy apparatning tarkibiy boʻlinmalari rahbarlari:

1) tegishli tarkibiy boʻlinmalarga yuklangan vazifalar va funksiyalarning bajarilishi;

2) ushbu Nizomda nazarda tutilgan Sanoat xavfsizligi davlat qoʻmitasi markaziy apparati javobgarlik sohalari boʻyicha;

3) ushbu Nizomda belgilangan oʻz funksional vazifalarining sifatli bajarilishi uchun shaxsan javob beradi.

30. Sanoat xavfsizligi davlat qoʻmitasining hududiy boshqarmalari, kon-texnika inspeksiyalari va idoraviy mansub tashkilotlarining rahbarlari:

1) hududiy boshqarmalar, kon-texnika inspeksiyalari va idoraviy mansub tashkilotlarga yuklangan vazifalar va funksiyalarning bajarilishi;

2) ushbu Nizomda nazarda tutilgan hududiy boshqarmalar, kon-texnika inspeksiyalari va idoraviy mansub tashkilotlarning javobgarligi sohalari boʻyicha;

3) ushbu Nizomda belgilangan oʻz funksional vazifalari sifatli bajarilishi uchun shaxsan javob beradilar.

31. Sanoat xavfsizligi davlat qoʻmitasiga Oʻzbekiston Respublikasi Oliy Majlisi Qonunchilik palatasi maʼqullaganidan keyin kiritilgan Oʻzbekiston Respublikasining Bosh vazirining taqdimnomasiga binoan Oʻzbekiston Respublikasi Prezidenti tomonidan tasdiqlanadigan va lavozimidan ozod etiladigan rais boshchilik qiladi.

32. Raisning ikki nafar oʻrinbosari, shu jumladan, Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan bir nafar oʻrinbosari boʻladi.

Rais maqomi boʻyicha Oʻzbekiston Respublikasi vaziriga, uning birinchi oʻrinbosari va oʻrinbosari — vazirning birinchi oʻrinbosariga va vazirning oʻrinbosariga tenglashtiriladi.

33. Rais boʻlmagan vaqtda uning vakolatlari vazifalar taqsimotiga binoan uning oʻrinbosarlari tomonidan bajariladi.

34. Rais:

Sanoat xavfsizligi davlat qoʻmitasining tarkibiy boʻlinmalari rahbarlarini lavozimga tayinlaydi va lavozimdan ozod qiladi;

Sanoat xavfsizligi davlat qoʻmitasining tarkibiy boʻlinmalari toʻgʻrisidagi nizomlarni (ustavlarni) belgilangan tartibda tasdiqlaydi, Harbiylashtirilgan kon-qutqaruv qismi toʻgʻrisidagi nizom bundan mustasno;

35. Sanoat xavfsizligi davlat qoʻmitasi markaziy apparati tarkibiy boʻlinmalarining hududiy boshqarmalar, kon-texnika inspeksiyalari va idoraviy mansub tashkilotlar bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

36. Markaziy apparatning tarkibiy boʻlinmalari hududiy boshqarmalar, kon-texnika inspeksiyalari va idoraviy mansub tashkilotlar bilan oʻz faoliyati yoʻnalishlari boʻyicha hamkorlik qilib:

1) topshiriqlarni hududiy boshqarmalar, kon-texnika inspeksiyalari va idoraviy mansub tashkilotlarga yetkazadi hamda ularning bajarilishini nazorat qiladi;

2) hududiy boshqarmalar, kon-texnika inspeksiyalari va idoraviy mansub tashkilotlarga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

3) hududiy boshqarmalar, kon-texnika inspeksiyalari va idoraviy mansub tashkilotlar faoliyati amaliyotini tekshiradi va oʻrganadi, natijalarni umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

4) hududiy boshqarmalar, kon-texnika inspeksiyalari va idoraviy mansub tashkilotlar faoliyatini tashkil etish va faoliyati natijalari toʻgʻrisida hisobot va axborot materiallari, statistika maʼlumotlari va boshqa maʼlumotlar oʻrganilishini tashkil etadi;

5) hududiy boshqarmalar, kon-texnika inspeksiyalari va idoraviy mansub tashkilotlar ish rejalarini tahlil qiladi, ularning faoliyatini rejalashtirishni takomillashtirishga doir chora-tadbirlar koʻradi;

6) hududiy boshqarmalar, kon-texnika inspeksiyalari va idoraviy mansub tashkilotlardan tushgan takliflarni koʻrib chiqadi;

7) normativ-huquqiy hujjatlar loyihalarini tayyorlashda hududiy boshqarmalar, kon-texnika inspeksiyalari va idoraviy mansub tashkilotlar ishtirokini tashkil etadi, qonun hujjatlarini takomillashtirish boʻyicha ulardan tushgan takliflarni koʻrib chiqadi.

8) avariyalar, ishlab chiqarish jarohatlari hollari, portlovchi materiallar yoʻqolishi holatlari va sabablari surishtirilishini tashkil etadi va nazorat qiladi, ularning natijalari boʻyicha tahliliy materiallar tayyorlaydi.

37. Hududiy boshqarmalar, kon-texnika inspeksiyalari va idoraviy mansub tashkilotlar markaziy apparatning tarkibiy boʻlinmalari bilan hamkorlik qiladi, shu jumladan:

1) Sanoat xavfsizligi davlat qoʻmitasi rahbariyati topshiriqlari ijrosi haqida axborot beradi;

2) faoliyatning belgilangan sohasida qonun hujjatlarini amalga oshirish boʻyicha faoliyat natijalari toʻgʻrisida markaziy apparatga axborot taqdim etadi;

3) ularning faoliyatini tekshirish va oʻrganish natijasida aniqlangan ishdagi kamchiliklarni va qoidabuzarliklarni bartaraf etish natijalari toʻgʻrisida axborot beradi;

4) oʻz ishi natijalari toʻgʻrisidagi hisobotlarni belgilangan tartibda va muddatlarda markaziy apparatga taqdim etadi;

5) sanoat, radiatsiya va yadro xavfsizligini taʼminlash yuzasidan yoqilgʻi-energetika kompleksini va sanoatning bazaviy tarmoqlarini yanada rivojlantirish boʻyicha muammolarni hal etishga yoʻnaltirilgan takliflarni markaziy apparatga yuboradi;

6) vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida axborot beradi;

38. Markaziy apparat tarkibiy boʻlinmalari hamda hududiy boshqarmalar, kon-texnika inspeksiyalari va idoraviy mansub tashkilotlarning oʻzaro hamkorligi jarayonida yuzaga keladigan kelishmovchiliklar raisning topshirigʻiga binoan uning tegishli oʻrinbosari tomonidan koʻrib chiqiladi. Agar koʻrsatib oʻtilgan koʻrib chiqishdan keyin kelishmovchiliklar tartibga solinmasa, u boʻyicha qaror bevosita rais tomonidan qabul qilinadi.

39. Sanoat xavfsizligi davlat qoʻmitasi oʻz vazifalari va funksiyalarini amalga oshirishda boshqa davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan hamkorlik qiladi.

40. Hududiy boshqarmalar, kon-texnika inspeksiyalari va idoraviy mansub tashkilotlar oʻz vakolatlari doirasida boshqa davlat va xoʻjalik boshqaruvi organlarining hududiy organlari, mahalliy davlat hokimiyati organlari va boshqa tashkilotlar bilan hamkorlik qiladi.

41. Sanoat xavfsizligi davlat qoʻmitasining faoliyatiga Oʻzbekiston Respublikasi Vazirlar Mahkamasi tomonidan mutasaddilik qilinadi.

42. Sanoat xavfsizligi davlat qoʻmitasida rais (hayʼat raisi), uning oʻrinbosarlari, shuningdek, faoliyatning asosiy yoʻnalishlariga mutasaddilik qiluvchi tarkibiy boʻlinmalar rahbarlaridan iborat tarkibda hayʼat tuziladi.

Hayʼat tarkibining soni va shaxsiy tarkibi raisning taqdimnomasiga binoan Vazirlar Mahkamasi tomonidan tasdiqlanadi.

43. Hayʼatga quyidagi vazifalar yuklanadi:

texnik jihatdan tartibga solish, sanoat, radiatsiya va yadro xavfsizligini taʼminlash, shuningdek, kon nazorati sohasida profilaktik chora-tadbirlarni ishlab chiqish va amalga oshirish, shuningdek, kon nazorati sohasida qonun hujjatlari va normativ hujjatlar talablariga yuridik va jismoniy shaxslarning rioya qilishi ustidan davlat nazoratini taʼminlash boʻyicha ushbu Nizomda belgilab berilgan Sanoat xavfsizligi davlat qoʻmitasi faoliyatining asosiy yoʻnalishlarini tayyorlash va amalga oshirish;

Sanoat xavfsizligi davlat qoʻmitasi nomenklaturasiga kiruvchi lavozimlarga kadrlarni tanlash, joy-joyiga qoʻyish, tayyorlash va qayta tayyorlash;

Oʻzbekiston Respublikasi Prezidenti hujjatlarida, Vazirlar Mahkamasining qarorlarida belgilangan vazifalarni amalga oshirish boʻyicha ijro intizomini mustahkamlash, ular oʻz vaqtida va sifatli bajarilishini taʼminlash uchun Sanoat xavfsizligi davlat qoʻmitasi rahbarlari va xodimlarining shaxsiy masʼuliyatini oshirish;

Hayʼat Sanoat xavfsizligi davlat qoʻmitasi vakolatiga tegishli boʻlgan boshqa masalalarni ham koʻrib chiqish huquqiga ega.

44. Hayʼat yigʻilishlariga Sanoat xavfsizligi davlat qoʻmitasi vakolatiga kiradigan masalalar boʻyicha davlat va xoʻjalik boshqaruvi organlari, boshqa tashkilotlar rahbarlari taklif etilishlari mumkin.

45. Hayʼat, agar uning yigʻilishida hayʼat aʼzolari tarkibining yarmidan ortigʻi ishtirok etgan taqdirda vakolatli hisoblanadi. Koʻrib chiqilayotgan masalalar boʻyicha qaror oddiy koʻpchilik ovoz bilan qabul qilinadi.

46. Hayʼat qarorlari raisning buyruqlari bilan amalga oshiriladi. Rais va hayʼat aʼzolari oʻrtasida kelishmovchiliklar yuz bergan taqdirda rais yuzaga kelgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda qarorni mustaqil qabul qiladi. Hayʼat aʼzolari ham oʻz fikrini Oʻzbekiston Respublikasi Vazirlar Mahkamasiga maʼlum qilishlari mumkin.

47. Hayʼatning faoliyat yuritish tartibi hayʼat tomonidan tasdiqlanadigan uning reglamenti bilan belgilanadi.

48. Markaziy apparat, hududiy boshqarmalar, Angren kon-texnika inspeksiyasi faoliyatini moliyalashtirish Oʻzbekiston Respublikasi Davlat budjeti mablagʻlari, Sanoat xavfsizligi davlat qoʻmitasining budjetdan tashqari mablagʻlari, faoliyat ixtisosligi boʻyicha, shu jumladan, Sanoat xavfsizligi davlat qoʻmitasining idoraviy mansub tashkilotlari tomonidan amalga oshiriladigan ishlarni bajarish va xizmatlar koʻrsatishdan tushadigan tushumlar, jismoniy va yuridik shaxslarning xayriya ehsonlari, xalqaro moliya institutlari va xorijiy tashkilotlarning grantlari, qonun hujjatlariga taqiqlanmagan boshqa manbalar hisobiga amalga oshiriladi.

49. Sanoat xavfsizligi davlat qoʻmitasi xodimlarining ish haqi lavozim maoshidan, mukofotlar, qoʻshimcha haqlar, ustamalar va qonun hujjatlarida nazarda tutilgan boshqa toʻlovlardan iborat.

Sanoat xavfsizligi davlat qoʻmitasi xodimlarining lavozim maoshlariga har oylik ustamalar va ragʻbatlantiruvchi tusdagi qoʻshimcha haqlar rais tomonidan tasdiqlanadigan nizomlarga muvofiq toʻlanadi.

50. Oʻzbekiston Respublikasi Davlat budjeti mablagʻlari, Sanoat xavfsizligi davlat qoʻmitasining budjetdan tashqari mablagʻlari va qonun hujjatlarida taqiqlanmagan boshqa mablagʻlar Sanoat xavfsizligi davlat qoʻmitasi xodimlari mehnatiga haq toʻlash va ularni moddiy ragʻbatlantirish manbalari hisoblanadi.

51. Sanoat xavfsizligi davlat qoʻmitasi xodimlariga Sanoat xavfsizligi davlat qoʻmitasining budjetdan tashqari mablagʻlari hisobiga uzluksiz ish staji (uzoq muddat uzluksiz xizmati) uchun quyidagicha ustamalar toʻlanadi: 3 yildan 5 yilgacha lavozim maoshining 20 foizi miqdorida; 5 yildan 10 yilgacha — 35 foizi; 10 yildan 15 yilgacha — 50 foizi; 15 yil va undan yuqori — 60 foizi miqdorida.

52. Sanoat xavfsizligi davlat qoʻmitasining faoliyat samaradorligining eng yuqori koʻrsatkichlarini taʼminlagan xodimlariga budjetdan tashqari mablagʻlar hisobiga ular lavozim maoshlarining ikki baravari miqdorida shaxsiy ustamalar belgilanadi.

53. Sanoat xavfsizligi davlat qoʻmitasi xodimlariga Oʻzbekiston Respublikasining tegishli mintaqalarida joylashgan nazorat ostidagi tashkilotlar xodimlari uchun qonun hujjatlarida belgilangan miqdorlarda ish haqiga tuman (hududiy) koeffitsiyentlariga muvofiq ustamalar toʻlanadi.

54. Sanoat xavfsizligi davlat qoʻmitasining inspektorlar tarkibiga va xodimlariga farqlash belgilari boʻlgan formali kiyim-bosh va yagona namunadagi guvohnoma belgilangan tartibda beriladi.

55. Rais Sanoat xavfsizligi davlat qoʻmitasining faoliyati toʻgʻrisida Oʻzbekiston Respublikasi Vazirlar Mahkamasi, Oʻzbekiston Respublikasi Prezidenti Administratsiyasining tegishli boʻlinmalari va Oʻzbekiston Respublikasi Prezidenti oldida muntazam ravishda hisobot beradi.

56. Oʻzbekiston Respublikasi Vazirlar Mahkamasining tegishli boʻlinmasi rahbari Sanoat xavfsizligi davlat qoʻmitasi rahbarlari tomonidan ularga yuklangan vazifalar samarali bajarilishi boʻyicha ular faoliyatining doimiy monitoringini olib boradi, Sanoat xavfsizligi davlat qoʻmitasi faoliyatiga xolisona baho beradi.

57. Monitoring va baholash yakunlari boʻyicha Sanoat xavfsizligi davlat qoʻmitasining alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod qilishgacha javobgarlikka tortiladi.

58. Sanoat xavfsizligi davlat qoʻmitasini qayta tashkil qilish va tugatish qonun hujjatlarida belgilangan tartibda amalga oshiriladi.

1. Oʻzbekiston Respublikasi Vazirlar Mahkamasining “Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi faoliyatini yanada takomillashtirish toʻgʻrisida” 2008-yil 29-maydagi 114-son qarori (Oʻzbekiston Respublikasi QT, 2008-y., 5-son, 25-modda).

2. Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi tuzilmasini yanada takomillashtirishga doir chora-tadbirlar toʻgʻrisida” 2011-yil 11-maydagi 131-son qarori (Oʻzbekiston Respublikasi QT, 2011-y., 5-son, 33-modda).