Oʻzbekiston Respublikasi Prezidentining 2018-yil 11-apreldagi PF-5409-son “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida”, 2018-yil 11-iyundagi PQ-3782-son “Aholining ijtimoiy zaif qatlami bandligini taʼminlashni ragʻbatlantirishning tashkiliy chora-tadbirlari toʻgʻrisida”, 2018-yil 20-iyundagi PQ-3789-son “Irrigatsiya va suv muammolari ilmiy-tadqiqot instituti faoliyatini takomillashtirish hamda Toshkent arxitektura-qurilish institutining moddiy-texnika bazasini mustahkamlash chora-tadbirlari toʻgʻrisida”, 2018-yil 26-iyundagi PQ-3802-son “Davlat soliq xizmati organlari faoliyatini tubdan takomillashtirish chora-tadbirlari toʻgʻrisida”, 2018-yil 19-sentabrdagi PQ-3946-son “Oʻzbekiston Respublikasida auditorlik faoliyatini yanada rivojlantirish chora-tadbirlari toʻgʻrisida” hujjatlariga muvofiq, shuningdek, Xorijiy rasmiy hujjatlarni legallashtirish talabini bekor qiluvchi konvensiya (Gaaga, 1961-yil 5-oktabr) qoidalarini amalga oshirishda Oʻzbekiston Respublikasidan chiqadigan rasmiy hujjatlarga apostil qoʻyish tartibini soddalashtirish maqsadida:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining baʼzi hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Administratsiyasi rahbari Z.Sh. Nizomiddinov zimmasiga yuklansin.

4. Oʻzbekiston Respublikasi Prezidentining “Taʼlim muassasalarining bitiruvchilarini tadbirkorlik faoliyatiga jalb etish borasidagi qoʻshimcha chora tadbirlar toʻgʻrisida”gi 2010-yil 28-iyuldagi PF-4232-son Farmonining 1-bandi quyidagi tahrirda bayon etilsin:

“1. Belgilab qoʻyilsinki:

a) mikrofirmalar va kichik korxonalar tomonidan respublikaning kasb-hunar kollejlari, akademik litseylari va oliy taʼlim muassasalari bitiruvchilari bilan mehnat shartnomalari tuzilganda, band xodimlarning oʻrtacha yillik soni qonun hujjatlarida belgilangan cheklangan normativdan koʻpi bilan 50 foiz oshirilgan hollarda mikrofirmalar va kichik korxonalar uchun nazarda tutilgan imtiyozlar, kafolatlar va huquqlar ularda saqlanib qoladi;

b) mehnat shartnomasi asosida ishlayotgan xodimlarining kamida 30 foizini umumiy oʻrta, oʻrta maxsus va kasb-hunar taʼlimi muassasalari bitiruvchilari tashkil etgan tadbirkorlik subyektlariga quyidagi imtiyozlar va preferensiyalar beriladi:

xaridor tomonidan investitsion va ijtimoiy majburiyatlarni qabul qilish sharti bilan davlat mulki obyektlarini “nol” xarid qiymatida sotish boʻyicha oʻtkaziladigan tanlov savdolari natijalariga koʻra, tanlov savdolarining boshqa ishtirokchilari bilan uning takliflari oʻrtasida teng sharoitlar yuzaga kelgan taqdirda kontraktni tuzish boʻyicha ustuvorlik huquqi;

davlat mulki obyekti uchun ijara toʻlovini ushbu obyektga nisbatan eng kam ijara toʻlovi stavkasining 50 foizi miqdorida belgilash.

Bunda xodimlar sonining oshirilishiga yoʻl qoʻyiladi, imtiyozlar va preferensiyalar esa Oʻzbekiston Respublikasining mazkur taʼlim muassasalari bitiruvchilarining oʻqishni yakunlagan kunidan boshlab uch yildan ortiq vaqt oʻtmagan taqdirdagina taqdim qilinadi”.

5. Oʻzbekiston Respublikasi Prezidentining “Soliq maʼmuriyatchiligini tubdan takomillashtirish, soliqlar va boshqa majburiy toʻlovlarning yigʻiluvchanligini oshirish chora-tadbirlari toʻgʻrisida”gi 2017-yil 18-iyuldagi PF-5116-son Farmonida:

a) 2-bandda:

uchinchi xatboshi chiqarib tashlansin;

toʻrtinchi — oʻninchi xatboshilar tegishli ravishda uchinchi — toʻqqizinchi xatboshilar deb hisoblansin;

b) 5 — 8-bandlar oʻz kuchini yoʻqotgan deb hisoblansin.

6. Oʻzbekiston Respublikasi Prezidentining “Umumiy oʻrta, oʻrta maxsus va kasb-hunar taʼlimi tizimini tubdan takomillashtirish chora-tadbirlari toʻgʻrisida”gi 2018-yil 25-yanvardagi PF-5313-son Farmonining 6-bandida:

ikkinchi — beshinchi xatboshilar tegishli ravishda “a”, “b”, “v” va “g” kichik bandlar deb hisoblansin;

quyidagi mazmundagi “d” kichik band bilan toʻldirilsin:

“d) mehnat shartnomasi asosida ishlayotgan xodimlarining kamida 30 foizini oʻqishni tugatgan kunidan boshlab uch yil oʻtmagan umumiy oʻrta, oʻrta maxsus va kasb-hunar taʼlimi muassasalari bitiruvchilari tashkil etgan tadbirkorlik subyektlariga quyidagi imtiyozlar va preferensiyalar beriladi:

xaridor tomonidan investitsion va ijtimoiy majburiyatlarni qabul qilish sharti bilan davlat mulki obyektlarini “nol” xarid qiymatida sotish boʻyicha oʻtkaziladigan tanlov savdolari natijalariga koʻra, tanlov savdolarining boshqa ishtirokchilari bilan uning takliflari oʻrtasida teng sharoitlar yuzaga kelgan taqdirda kontraktni tuzish boʻyicha ustuvorlik huquqi;

davlat mulki obyekti uchun ijara toʻlovini ushbu obyektga nisbatan eng kam ijara toʻlovi stavkasining 50 foizi miqdorida belgilash”.

9. Oʻzbekiston Respublikasi Prezidentining “Respublika soliq organlari tizimini yanada modernizatsiya qilish chora-tadbirlari toʻgʻrisida”gi 2010-yil 8-yanvardagi PQ-1257-son qarorida:

a) 1-band oʻz kuchini yoʻqotgan deb hisoblansin;

b) 3-band quyidagi tahrirda bayon etilsin:

“3. Shunday tartib oʻrnatilsinki, unga muvofiq bozorlar, savdo komplekslari, ularga tutash avtomobil toʻxtash joylari, shuningdek, ular hududida faoliyat koʻrsatayotgan tadbirkorlik subyektlari faoliyatini tekshirish huquqi faqat davlat soliq xizmati organlariga beriladi.

Belgilab qoʻyilsinki, bozorlar va savdo komplekslarida sanitariya norma va qoidalariga, shuningdek, standartlarga, yongʻin xavfsizligi normalari va qoidalariga rioya etilishini nazorat qilish tegishli ravishda Oʻzbekiston Respublikasi Sogʻliqni saqlash vazirligining sanitariya-epidemiologiya xizmati organlariga va Oʻzbekiston Respublikasi Ichki ishlar vazirligining Davlat yongʻin xavfsizligi xizmatiga yuklatiladi.

Oʻzbekiston Respublikasi Ichki ishlar vazirligi, tegishli vazirliklar va idoralar oʻz xodimlari va mutaxassislarining bozorlar va savdo komplekslari faoliyatini tartibga solish boʻyicha qonun hujjatlari talablari bajarilishini taʼminlash uchun davlat soliq xizmati organlari tomonidan tashkil etiladigan guruhlar tarkibida qatnashishini taʼminlasinlar”.

10. Oʻzbekiston Respublikasi Prezidentining “Xorijiy rasmiy hujjatlarni legallashtirish talabini bekor qiluvchi konvensiya (Gaaga, 1961-yil 5-oktabr) qoidalarini amalga oshirish choralari toʻgʻrisida”gi 2011-yil 5-iyuldagi PQ-1566-son qarorining 1-bandi quyidagi tahrirda bayon etilsin:

“1. Quyidagilar Oʻzbekiston Respublikasida apostil qoʻyish vakolatiga ega boʻlgan organlar etib belgilansin:

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari — tegishli hududdagi adliya organlari va muassasalaridan hamda fuqarolik holati dalolatnomalarini qayd etish organlaridan chiqadigan rasmiy hujjatlarga;

Oʻzbekiston Respublikasi Oliy sudi — sudlardan chiqadigan rasmiy hujjatlarga;

Oʻzbekiston Respublikasi Bosh prokuraturasi — prokuratura, tergov va surishtiruv hamda tergovga qadar tekshiruvni amalga oshiruvchi organlaridan chiqadigan rasmiy hujjatlarga;

Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi — taʼlim va fan sohasi tashkilotlaridan chiqadigan rasmiy hujjatlarga;

Oʻzbekiston Respublikasi Tashqi ishlar vazirligi — boshqa barcha rasmiy hujjatlarga”.

11. Oʻzbekiston Respublikasi Prezidentining “Ommaviy axborot vositalarini yanada rivojlantirish uchun qoʻshimcha soliq imtiyozlari va afzalliklar berish toʻgʻrisida”gi 2011-yil 30-dekabrdagi PQ-1672-son qarorining 2-bandi quyidagi tahrirda bayon etilsin:

“2. Belgilab qoʻyilsinki,

a) 2012-yilning 1-yanvaridan boshlab ommaviy axborot vositalari va kitob mahsulotlarini yetkazib berish xizmatlari qoʻshilgan qiymat soligʻiga tortilmaydi;

b) hisobot davrining yakuni boʻyicha ishlab chiqaradigan mahsulotlarini sotishdan tushgan tushumining umumiy hajmida kamida 20 foizini Brayl alifboli kitob va boshqa bosma materiallar, imkoniyati cheklangan bolalarga oʻquv va badiiy adabiyotlarni chop etish, ishora tilini qoʻllagan holda audio kitob hamda videomateriallar yaratishdan tushgan tushum tashkil etgan tadbirkorlik subyektlariga quyidagi imtiyozlar va preferensiyalar beriladi:

xaridor tomonidan investitsion va ijtimoiy majburiyatlarni qabul qilish sharti bilan davlat mulki obyektlarini “nol” xarid qiymatida sotish boʻyicha oʻtkaziladigan tanlov savdolari natijalariga koʻra, tanlov savdolarining boshqa ishtirokchilari bilan uning takliflari oʻrtasida teng sharoitlar yuzaga kelgan taqdirda kontraktni tuzish boʻyicha ustuvorlik huquqi;

davlat mulki obyekti uchun ijara toʻlovini ushbu obyektga nisbatan eng kam ijara toʻlovi stavkasining 50 foizi miqdorida belgilash”.

12. Oʻzbekiston Respublikasi Prezidentining “Oʻzbekiston Respublikasi davlat soliq xizmati idoralari axborot-kommunikatsiya tizimi faoliyati samaradorligini yanada oshirish chora-tadbirlari toʻgʻrisida”gi 2012-yil 30-oktabrdagi PQ-1843-son qarori 1-bandining birinchi xatboshisidagi “Axborot-kommunikatsiya texnologiyalari bosh boshqarmasining” soʻzlari “Axborot-kommunikatsiya texnologiyalari va innovatsiyalarni joriy qilish boshqarmasining” soʻzlari bilan almashtirilsin.

13. Oʻzbekiston Respublikasi Prezidentining 2015-yil 28-sentabrdagi PQ-2412-son qarori bilan tasdiqlangan faqat Davlat xizmatlari markazlari orqali amalga oshiriladigan davlat xizmatlari Roʻyxatining rus tilidagi matnida:

a) 2-pozitsiyada:

“Naimenovaniye vidavayemogo dokumenta, okazivayemoy uslugi” va “Deystviye i (ili) opredelennaya deyatelnost” ustunlaridan “(remont fasada)” soʻzlari chiqarib tashlansin;

“Organ, upolnomochenniy vidavat dokument subyektu predprinimatelstva” ustunidagi “Gosarxitektstroy” soʻzi “Ministerstvo stroitelstva” soʻzlari bilan almashtirilsin;

b) “Organ, upolnomochenniy vidavat dokument subyektu predprinimatelstva” ustunining 8 va 9-pozitsiyalaridagi “Sovete Ministrov Respubliki Karakalpakstan, xokimiyatax oblastey i g. Tashkenta” soʻzlari “xokimiyatax rayonov (gorodov)” soʻzlari bilan almashtirilsin;

v) 11-pozitsiya chiqarib tashlansin.

14. Oʻzbekiston Respublikasi Prezidentining “Tadbirkorlik subyektlariga davlat xizmatlarini koʻrsatish mexanizmlarini takomillashtirishga doir qoʻshimcha chora-tadbirlar toʻgʻrisida”gi 2017-yil 1-fevraldagi PQ-2750-son qarorida:

a) 2-ilovadan 8, 11 — 13, 15 va 16-pozitsiyalar chiqarib tashlansin;

b) 3-ilovada:

2, 7, 9, 11, 14, 19, 20, 23 — 29, 33, 39, 43, 46, 55 — 57 va 67-pozitsiyalar chiqarib tashlansin;

“Beriladigan hujjat, koʻrsatiladigan xizmat nomi” ustunining 8-pozitsiyasidagi “Yangi ozuqaviy qoʻshimchalarni chetdan keltirish va ishlab chiqarishga ruxsatnoma” soʻzlari “Maxsus qoʻllaniladigan biologik aktiv moddalar, yangi kimyoviy moddalar, ozuqaviy qoʻshimchalar, biologik vositalar va materiallar, polimer va plastik massalar, parfyumeriya-kosmetika mahsulotlarini chetdan keltirish va ishlab chiqarishga ruxsatnoma” soʻzlari bilan almashtirilsin;

“Beriladigan hujjat, koʻrsatiladigan xizmat nomi” ustunining 18-pozitsiyasi quyidagi tahrirda bayon etilsin:

“Yovvoyi oʻsimliklar, ularning qismlarini, shu jumladan ularning Oʻzbekiston Respublikasi Qizil kitobiga kiritilgan turlarini olib kirish va olib chiqishga ruxsatnoma”;

54-pozitsiya quyidagi tahrirda bayon etilsin:

61-pozitsiya quyidagi tahrirda bayon etilsin:

“Beriladigan hujjat, koʻrsatiladigan xizmat nomi” ustunining 63-pozitsiyasidan “, sotish, ijaraga berish” soʻzlari chiqarib tashlansin.

15. Oʻzbekiston Respublikasi Prezidentining “Aholining ijtimoiy zaif qatlami bandligini taʼminlashni ragʻbatlantirishning tashkiliy chora-tadbirlari toʻgʻrisida”gi 2018-yil 11-iyundagi PQ-3782-son qarorining 3-bandidagi “shtatdagi xodimlarining” soʻzlaridan keyin “kamida” soʻzi qoʻshilsin.

16. Oʻzbekiston Respublikasi Prezidentining “Oʻzbekiston Respublikasi Prezidenti Administratsiyasining rahbar xodimlari, mutaxassislari va xizmatchilarini moddiy ragʻbatlantirish va mehnatiga haq toʻlash tizimini takomillashtirish chora-tadbirlari toʻgʻrisida”gi 2018-yil 16-oktabrdagi PQ-3976-son qarorida:

a) 4-bandning birinchi xatboshisi quyidagi tahrirda bayon etilsin:

“Oʻzbekiston Respublikasi Prezidenti Administratsiyasi rahbari (Z. Nizomiddinov) bir hafta muddatda Administratsiya xizmatchilariga, Oʻzbekiston Respublikasi Prezidenti Matbuot xizmatining Media-markazi xodimlariga, Administratsiyaning Moliya-xoʻjalik departamenti tomonidan mutasaddilik qilinadigan idoraviy mansub tashkilotlarning xodimlariga, shuningdek, Oʻzbekiston Respublikasi Prezidenti Administratsiyasi huzuridagi Tibbiyot Bosh boshqarmasi xodimlariga mazkur qarorning mehnatga haq toʻlash va moddiy ragʻbatlantirish qismidagi qoidalarni hisobga olgan holda Yagona tarif setkasi boʻyicha shtat jadvallari, mehnatga haq toʻlash razryadlari va tarif koeffitsiyentlarini tasdiqlasin”;

b) 2-ilovaning 1-bandida “xizmatchilariga” soʻzidan keyin “Oʻzbekiston Respublikasi Prezidenti Matbuot xizmatining Media-markazi xodimlariga” soʻzlari qoʻshilsin.

1. Oʻzbekiston Respublikasi Prezidentining “Oʻzbekiston Respublikasi Prezidentining “Xoʻjalik yurituvchi subyektlarni tekshirishni tashkil qilishni tartibga solish toʻgʻrisida” 1998-yil 19-noyabrdagi PF-2114-son Farmoniga oʻzgartishlar kiritish toʻgʻrisida”gi 2010-yil 20-maydagi PF-4219-son Farmoni.

2. Oʻzbekiston Respublikasi Prezidentining “Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida”gi 2012-yil 3-oktabrdagi PF-4473-son Farmoniga 1-ilovaning 7-bandi.

4. Oʻzbekiston Respublikasi Prezidentining “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi 2017-yil 24-maydagi PF-5055-son Farmoniga 1-ilovaning 8-bandi.

5. Oʻzbekiston Respublikasi Prezidentining “Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida”gi 2017-yil 30-noyabrdagi PF-5269-son Farmoniga ilovaning 4-bandi.

6. Oʻzbekiston Respublikasi Prezidentining “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish toʻgʻrisida”gi 2018-yil 15-yanvardagi PF-5302-son Farmoniga ilovaning 6-bandi.

7. Oʻzbekiston Respublikasi Prezidentining “Oʻzbekiston Respublikasi Prezidentining hamda Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi 2018-yil 3-maydagi PF-5428-son Farmoniga 1-ilovaning 23-bandi.

8. Oʻzbekiston Respublikasi Prezidentining “Oʻzbekiston Respublikasi Davlat soliq qoʻmitasining Soliq akademiyasi faoliyatini tashkil etishni takomillashtirish chora-tadbirlari toʻgʻrisida”gi 2006-yil 3-iyuldagi PQ-397-son qarori.

10. Oʻzbekiston Respublikasi Prezidentining “Auditorlik tashkilotlari faoliyatini yanada takomillashtirish hamda ular koʻrsatayotgan xizmatlar sifati uchun javobgarlikni oshirish toʻgʻrisida”gi 2007-yil 4-apreldagi PQ-615-son qarori.

11. Oʻzbekiston Respublikasi Prezidentining “Auditorlik tashkilotlarining moliyaviy barqarorligini oshirish yuzasidan qoʻshimcha chora-tadbirlar toʻgʻrisida”gi 2008-yil 2-iyuldagi PQ-907-son qarori.

12. Oʻzbekiston Respublikasi Prezidentining “Oʻzbekiston Respublikasining 2010-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida”gi 2009-yil 22-dekabrdagi PQ-1245-son qaroriga 31-ilovaning 7-bandi.

13. Oʻzbekiston Respublikasi Prezidentining “Auditorlik tashkilotlari toʻgʻrisidagi nizomga oʻzgartish va qoʻshimchalar kiritish toʻgʻrisida”gi 2014-yil 22-avgustdagi PQ-2225-son qarori.

14. Oʻzbekiston Respublikasi Prezidentining “Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida”gi 2017-yil 3-noyabrdagi PQ-3376-son qaroriga ilovaning 2-bandi.